📅 2026-yil 9-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 9 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 апреля 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 9 April 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«СТРУКТУРА
«Koʻksaroy qarorgohi» давлат муассасаси ҳудудида барпо этилган «Buxoro majmuasi»ни сақлаш, бошқариш ва ҳудудини ободонлаштириш ишларини самарали ташкил этиш чора-тадбирлари тўғрисида
Хорижий делегациялар ва олий мартабали меҳмонларни кутиб олиш ҳамда улар иштирокидаги тадбирларни юқори даражада ўтказиш, шунингдек, «Koʻksaroy qarorgohi» давлат муассасаси ҳудудида замонавий ва анъанавий архитектура ечимлари асосида барпо этилган «Buxoro majmuasi»ни сақлаш, бошқариш ҳамда унинг ҳудудини ободонлаштириш ва кўкаламзорлаштириш ишларини самарали йўлга қўйиш мақсадида Вазирлар Маҳкамаси қарор қилади:
1. Қуйидагилар:
2025 йилнинг 15-16 ноябрь кунлари Тошкент шаҳрида бўлиб ўтган Марказий Осиё давлатлари раҳбарларининг VII Маслаҳат учрашувида иштирок этган олий даражадаги меҳмонлар пойтахтимизда барпо этилган янги меъморий комплекслар, хусусан, «Buxoro majmuasi»да (кейинги ўринларда — мажмуа) ўтказилган миллий кўргазмалар билан таништирилгани ва тегишли тадбирлар ўтказилгани;
ўтказилган миллий кўргазмалар доирасида намойиш этиш учун жойлаштирилган маданий бойликлар, шу жумладан, қимматбаҳо ашё ва экспонатлар, ўтган асрларда ясалган тилла, кумуш тақинчоқлар, чинниворлар ва қуроллар намуналари, турли кашта, дўппи, қоракўл, сўзана, шойи мато ва гиламлар, ёғоч ўймакорлиги, керамика, заргарлик намуналари ва бошқа композициялар (кейинги ўринларда — маданий ашёлар) келгусида бўлиб ўтадиган олий даражадаги расмий қабул ва тадбирлар учун мажмуада қолдирилгани;
Вазирлар Маҳкамасининг «Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси фаолиятини ташкил этиш чора-тадбирлари тўғрисида» 2019 йил 18 мартдаги 231-сон қарорига мувофиқ Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси (кейинги ўринларда — Бошқарма) фаолияти йўлга қўйилгани ҳамда унинг ташкилий тузилмаси тасдиқлангани;
мажмуа ва унда ташкил этилган кўргазма жиҳозларига хизмат кўрсатиш, маданий ашёларни сақлаш мақсадида «Koʻksaroy qarorgohi» давлат муассасаси тузилмасида 10 та штат бирлигидан иборат «Buxoro majmuasi» бўлими ташкил этилгани маълумот учун қабул қилинсин.
2. «Koʻksaroy qarorgohi» давлат муассасасига мажмуани сақлаш бўйича қуйидаги вазифалар юклансин:
мажмуани шаҳарсозлик ҳамда санитария нормалари, қоидалари ва гигиена нормативларига мувофиқ сақлаш, ундан фойдаланиш ишларини ўз вақтида ташкил этиш ҳамда сифатли бажариш;
мажмуани маданий, сиёсий ва бошқа тадбирларга, хорижий меҳмонлар ҳамда делегациялар ташрифига тайёрлаш учун безатиш;
мажмуада мавжуд маданий ашёларни уларнинг тарихий, маданий, бадиий аҳамиятидан келиб чиқиб асраш ҳамда соз ҳолатда сақлаш, муддатидан олдин эскириши ва емирилишининг олдини олиш тадбирларини ташкил этиш.
3. Маданий мерос агентлиги Фанлар академияси билан биргаликда бир йилда камида бир марта юқори малакали соҳа мутахассисларини жалб этган ҳолда, «Buxoro majmuasi»да сақланаётган маданий ашёларнинг музейшунослик талабларига мувофиқ бут сақланиши ва асраш ишларининг тўғри ташкил этилиши бўйича беғараз услубий тавсиялар ва амалий ёрдам кўрсатиб борсин.
4. Белгилансинки, «Buxoro majmuasi» бўлими фаолияти ва уни сақлаш харажатлари:
Давлат бюджети маблағлари;
«Koʻksaroy qarorgohi» давлат муассасасининг хўжалик фаолиятидан тушган маблағлар;
қонунчилик ҳужжатлари билан тақиқланмаган бошқа маблағлар ҳисобидан молиялаштирилади.
5. Иқтисодиёт ва молия вазирлиги ҳамда Бошқарма:
2026 йилда мажмуани сақлаш харажатлари «Koʻksaroy qarorgohi» давлат муассасасига ажратилган маблағлар ҳисобидан молиялаштирилишини таъминласин;
2027 йилдан бошлаб республика бюджети параметрларини шакллантиришда «Koʻksaroy qarorgohi» давлат муассасасига мажмуани сақлаш харажатлари учун зарур маблағлар ажратилишини назарда тутсин;
«Koʻksaroy qarorgohi» давлат муассасасининг тасдиқланган штатлар жадвалларига белгиланган тартибда тегишли ўзгартириш ва қўшимчалар киритилишини таъминласин.
6. Вазирлар Маҳкамасининг «Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси фаолиятини ташкил этиш чора-тадбирлари тўғрисида» 2019 йил 18 мартдаги 231-сон қарорига иловага мувофиқ ўзгартириш киритилсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2026 йил 9 апрелдаги 155-сон қарорига ИЛОВА
Вазирлар Маҳкамасининг «Ўзбекистон Республикаси Президенти Администрациясининг Давлат резиденцияларига хизмат кўрсатиш ва тадбирларни ташкил этиш бошқармаси фаолиятини ташкил этиш чора-тадбирлари тўғрисида» 2019 йил 18 мартдаги 231-сон қарорига киритилаётган ўзгартириш
Илованинг рус тилидаги матни қўйидаги таҳрирда баён этилсин:
Управления по обслуживанию государственных резиденций и организации мероприятий Администрации Президента Республики Узбекистан
Начальник управления Первый заместитель начальника управления Финансово-экономический отдел 2 Главный энергетик Режимно-секретный отдел 2 Отдел снабжения 2 Отдел бухгалтерского учета 3 Отдел кадровой политики 2 Служба по организации официальных мероприятий 13 Главный специалист по охране труда и технике безопасности Главный юрисконсульт Секретариат 1 Группа технической и строительной политики 2 Заведующий складом Группа по обслуживанию комплекса административных зданий 40 Транспортная служба 37 ГУ «Koʻksaroy qarorgohi» ГУ «Qaynarsoy qarorgohi» ГУ «Doʻrmon kompleksi» ГУ «Turkiston mehmonxonalar kompleksi»*
Ўзбекистон Республикасининг Бош вазири А. АРИПОВ
Тошкент ш.,
2026 йил 9 апрель,
155 -сон
Oʻzbekiston Respublikasi Vazirlar Mahkamasining
qarori
“STRUKTURA
“Koʻksaroy qarorgohi” davlat muassasasi hududida barpo etilgan “Buxoro majmuasi”ni saqlash, boshqarish va hududini obodonlashtirish ishlarini samarali tashkil etish chora-tadbirlari toʻgʻrisida
Xorijiy delegatsiyalar va oliy martabali mehmonlarni kutib olish hamda ular ishtirokidagi tadbirlarni yuqori darajada oʻtkazish, shuningdek, “Koʻksaroy qarorgohi” davlat muassasasi hududida zamonaviy va anʼanaviy arxitektura yechimlari asosida barpo etilgan “Buxoro majmuasi”ni saqlash, boshqarish hamda uning hududini obodonlashtirish va koʻkalamzorlashtirish ishlarini samarali yoʻlga qoʻyish maqsadida Vazirlar Mahkamasi qaror qiladi:
1. Quyidagilar:
2025-yilning 15-16-noyabr kunlari Toshkent shahrida boʻlib oʻtgan Markaziy Osiyo davlatlari rahbarlarining VII Maslahat uchrashuvida ishtirok etgan oliy darajadagi mehmonlar poytaxtimizda barpo etilgan yangi meʼmoriy komplekslar, xususan, “Buxoro majmuasi”da (keyingi oʻrinlarda — majmua) oʻtkazilgan milliy koʻrgazmalar bilan tanishtirilgani va tegishli tadbirlar oʻtkazilgani;
oʻtkazilgan milliy koʻrgazmalar doirasida namoyish etish uchun joylashtirilgan madaniy boyliklar, shu jumladan, qimmatbaho ashyo va eksponatlar, oʻtgan asrlarda yasalgan tilla, kumush taqinchoqlar, chinnivorlar va qurollar namunalari, turli kashta, doʻppi, qorakoʻl, soʻzana, shoyi mato va gilamlar, yogʻoch oʻymakorligi, keramika, zargarlik namunalari va boshqa kompozitsiyalar (keyingi oʻrinlarda — madaniy ashyolar) kelgusida boʻlib oʻtadigan oliy darajadagi rasmiy qabul va tadbirlar uchun majmuada qoldirilgani;
Vazirlar Mahkamasining “Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi faoliyatini tashkil etish chora-tadbirlari toʻgʻrisida” 2019-yil 18-martdagi 231-son qaroriga muvofiq Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi (keyingi oʻrinlarda — Boshqarma) faoliyati yoʻlga qoʻyilgani hamda uning tashkiliy tuzilmasi tasdiqlangani;
majmua va unda tashkil etilgan koʻrgazma jihozlariga xizmat koʻrsatish, madaniy ashyolarni saqlash maqsadida “Koʻksaroy qarorgohi” davlat muassasasi tuzilmasida 10 ta shtat birligidan iborat “Buxoro majmuasi” boʻlimi tashkil etilgani maʼlumot uchun qabul qilinsin.
2. “Koʻksaroy qarorgohi” davlat muassasasiga majmuani saqlash boʻyicha quyidagi vazifalar yuklansin:
majmuani shaharsozlik hamda sanitariya normalari, qoidalari va gigiyena normativlariga muvofiq saqlash, undan foydalanish ishlarini oʻz vaqtida tashkil etish hamda sifatli bajarish;
majmuani madaniy, siyosiy va boshqa tadbirlarga, xorijiy mehmonlar hamda delegatsiyalar tashrifiga tayyorlash uchun bezatish;
majmuada mavjud madaniy ashyolarni ularning tarixiy, madaniy, badiiy ahamiyatidan kelib chiqib asrash hamda soz holatda saqlash, muddatidan oldin eskirishi va yemirilishining oldini olish tadbirlarini tashkil etish.
3. Madaniy meros agentligi Fanlar akademiyasi bilan birgalikda bir yilda kamida bir marta yuqori malakali soha mutaxassislarini jalb etgan holda, “Buxoro majmuasi”da saqlanayotgan madaniy ashyolarning muzeyshunoslik talablariga muvofiq but saqlanishi va asrash ishlarining toʻgʻri tashkil etilishi boʻyicha begʻaraz uslubiy tavsiyalar va amaliy yordam koʻrsatib borsin.
4. Belgilansinki, “Buxoro majmuasi” boʻlimi faoliyati va uni saqlash xarajatlari:
Davlat budjeti mablagʻlari;
“Koʻksaroy qarorgohi” davlat muassasasining xoʻjalik faoliyatidan tushgan mablagʻlar;
qonunchilik hujjatlari bilan taqiqlanmagan boshqa mablagʻlar hisobidan moliyalashtiriladi.
5. Iqtisodiyot va moliya vazirligi hamda Boshqarma:
2026-yilda majmuani saqlash xarajatlari “Koʻksaroy qarorgohi” davlat muassasasiga ajratilgan mablagʻlar hisobidan moliyalashtirilishini taʼminlasin;
2027-yildan boshlab respublika budjeti parametrlarini shakllantirishda “Koʻksaroy qarorgohi” davlat muassasasiga majmuani saqlash xarajatlari uchun zarur mablagʻlar ajratilishini nazarda tutsin;
“Koʻksaroy qarorgohi” davlat muassasasining tasdiqlangan shtatlar jadvallariga belgilangan tartibda tegishli oʻzgartirish va qoʻshimchalar kiritilishini taʼminlasin.
6. Vazirlar Mahkamasining “Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi faoliyatini tashkil etish chora-tadbirlari toʻgʻrisida” 2019-yil 18-martdagi 231-son qaroriga ilovaga muvofiq oʻzgartirish kiritilsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2026-yil 9-apreldagi 155-son qaroriga ILOVA
Vazirlar Mahkamasining “Oʻzbekiston Respublikasi Prezidenti Administratsiyasining Davlat rezidensiyalariga xizmat koʻrsatish va tadbirlarni tashkil etish boshqarmasi faoliyatini tashkil etish chora-tadbirlari toʻgʻrisida” 2019-yil 18-martdagi 231-son qaroriga kiritilayotgan oʻzgartirish
Ilovaning rus tilidagi matni qoʻyidagi tahrirda bayon etilsin:
Upravleniya po obslujivaniyu gosudarstvennix rezidensiy i organizatsii meropriyatiy Administratsii Prezidenta Respubliki Uzbekistan
Nachalnik upravleniya Perviy zamestitel nachalnika upravleniya Finansovo-ekonomicheskiy otdel 2 Glavniy energetik Rejimno-sekretniy otdel 2 Otdel snabjeniya 2 Otdel buxgalterskogo ucheta 3 Otdel kadrovoy politiki 2 Slujba po organizatsii ofitsialnix meropriyatiy 13 Glavniy spetsialist po oxrane truda i texnike bezopasnosti Glavniy yuriskonsult Sekretariat 1 Gruppa texnicheskoy i stroitelnoy politiki 2 Zaveduyushiy skladom Gruppa po obslujivaniyu kompleksa administrativnix zdaniy 40 Transportnaya slujba 37 GU “Koʻksaroy qarorgohi” GU “Qaynarsoy qarorgohi” GU “Doʻrmon kompleksi” GU “Turkiston mehmonxonalar kompleksi”*
Oʻzbekiston Respublikasining Bosh vaziri A. ARIPOV
Toshkent sh.,
2026-yil 9-aprel,
155 -son