📅 2026-yil 13-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 13 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 апреля 2026 г. · Постановления Президента
Официальный текст. Официальный документ. Редакционные примечания не включены.
📅 13 April 2026 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
РЎЙХАТИ
РЎЙХАТИ
Ўзбекистон Республикасида электрон тижорат соҳасини янада ривожлантириш учун қулай шарт-шароитлар яратишга доир чора-тадбирлар тўғрисида
Электрон тижорат соҳасини янада ривожлантириш, замонавий логистика инфраструктурасига эга миллий электрон тижорат маконини шакллантириш, иқтисодиётда хуфиёна айланма улушини камайтириш ҳамда бозор иштирокчиларининг ҳуқуқ ва манфаатларини ҳимоя қилиш мақсадида қарор қиламан:
I. Асосий мақсадлар
1. Қуйидагилар ушбу қарорни қабул қилишдан кўзланган асосий мақсадлар этиб белгилансин:
(а) 2026 — 2030 йилларда:
(i) электрон тижорат айланмасини 30 трлн сўмга етказиш;
(ii) 7,5 мингдан ортиқ янги иш ўринларини яратиш;
(iii) умумий қиймати 300 миллион АҚШ доллари миқдоридаги инвестиция лойиҳаларини амалга ошириш;
(б) айрим турдаги товарларни импорт қилишда ягона божхона тўловини жорий этиш орқали ташқи савдо операцияларини тартибга солиш.
II. Бонд омбори фаолиятини ташкил этиш
2. Истиқболли лойиҳалар миллий агентлиги, Иқтисодиёт ва молия вазирлиги ҳамда Божхона қўмитасининг 2026 йил 1 июлдан 2028 йил 1 июлга қадар ҳуқуқий эксперимент (кейинги ўринларда — эксперимент) тариқасида резидентлар ва норезидентлар томонидан жисмоний шахсларнинг шахсий эҳтиёжлари учун мўлжалланган товарларни махсус электрон савдо платформалари орқали чакана сотиш учун уларни вақтинча сақлашга мўлжалланган янги турдаги эркин омбор — бонд омбори фаолиятини ташкил этиш тўғрисидаги таклифи маъқуллансин.
3. Шундай тартиб ўрнатилсинки, унга мувофиқ эксперимент доирасида:
(а) бонд омбори эркин омбор фаолиятини лицензиялаш тартиби асосида ташкил этилади;
(б) бонд омборидан товарларни сотиш Истиқболли лойиҳалар миллий агентлиги томонидан юритиладиган Махсус электрон савдо платформалари реестрига киритилган махсус электрон савдо платформаси орқали амалга оширилади;
(в) бонд омборига товарлар эркин омбор божхона режимига мувофиқ жойлаштирилади ҳамда ушбу товарларни жисмоний шахсларнинг шахсий эҳтиёжи учун чакана сотишга рухсат берилади;
(г) бонд омборидан жисмоний шахсларнинг шахсий эҳтиёжи учун сотиладиган товарлар жўнатмалар декларацияси асосида божхона расмийлаштирувидан ўтказилади;
(д) бонд омборига жойлаштирилган товарларни жўнатмалар декларацияси асосида жисмоний шахсларга чиқаришда мувофиқликни баҳолаш, санитария ва ветеринария назорати чоралари қўлланмайди. Бунда товарларнинг техник жиҳатдан тартибга солиш, санитария ва ветеринария соҳасидаги қонунчилик ҳужжатлари талабларига мувофиқлигини таъминлаш бўйича жавобгарлик бонд омборлари операторлари зиммасига юкланади;
(ж) Ўзбекистон Республикаси резидентлари томонидан товарлар бонд омборига жойлаштирилганда активларни репатриация қилиш талаби бажарилган деб ҳисобланади;
(з) республика ҳудудидан бонд омборига махсус электрон савдо платформалари орқали чакана сотиш учун мўлжалланган товарларни жойлаштиришга рухсат этилмайди (бундан республика ҳудудидан ташқарига олиб чиқиш учун мўлжалланган товарлар мустасно).
4. Белгилансинки, бонд омборларидан товарларни махсус электрон савдо платформалари орқали жисмоний шахсларга сотишда:
(а) 1-иловада келтирилган товарлар жўнатмалар декларацияси асосида жисмоний шахсларга чиқарилганда божсиз олиб кириш нормалари татбиқ этилмаган ҳолда амалдаги божхона тўловлари ўрнига уларнинг сотиш қийматидан 5 фоиз миқдорида ягона божхона тўлови ундирилади;
(б) 2-иловада келтирилган товарлар жўнатмалар декларацияси асосида жисмоний шахсларга чиқарилганда божсиз олиб кириш нормалари татбиқ этилмаган ҳолда уларнинг сотиш қийматидан қўшилган қиймат солиғи ва 3 фоиз миқдорида божхона божи ундирилади;
(в) 1- ва 2-иловада келтирилган товарларни сотиш вақтида уларнинг сотиш қиймати декларациялаш вақтидаги божхона қийматидан паст бўлганда, ягона божхона тўлови ёки божхона божи ва қўшилган қиймат солиғи божхона қиймати миқдоридан келиб чиққан ҳолда ҳисобланади;
(г) 1- ва 2-иловага мувофиқ рўйхатларга киритилмаган бошқа турдаги товарлар жисмоний шахсларнинг шахсий эҳтиёжи учун сотилганда, товарларнинг божсиз олиб кириш нормаси қўлланмаган ҳолда амалдаги умумбелгиланган божхона тўловлари ундирилади;
(д) бонд омборларига олиб кирилган товарларни реализация қилишдан тушган тушумларнинг ҳисоби бошқа фаолият турларидан алоҳида юритилади;
(ж) 1- ва 2-иловаларда келтирилган товарларни республика ҳудудида жисмоний шахсларга реализация қилиш бўйича айланма қўшилган қиймат солиғидан озод қилинади;
(з) бонд омборига олиб кирилиб, республика ҳудудида жисмоний шахсларга чакана сотилган товарлар бўйича харидор томонидан тўланган қўшилган қиймат солиғи суммаси уларни бюджетга ўтказиб берувчи шахсда ҳисобга олинмайди.
5. Божхона қўмитаси Солиқ қўмитаси, бонд омбори ва махсус электрон савдо платформаси операторлари билан биргаликда ўзаро ахборот ҳамкорлиги орқали:
(а) жисмоний шахсларга сотилган товарларнинг кейинчалик қайта сотилиши ҳолатларини аниқлаш мақсадида уларнинг айланмаси устидан доимий мониторингни амалга ошириб борсин;
(б) товарларни тижорат мақсадларида қайта сотиш ҳолатлари аниқланган тақдирда, божхона тўловларини умумбелгиланган тартибда қайта ҳисоб-китоб қилиб, ундирилишини таъминласин.
6. Бонд омбори ҳудудида божхона назоратини амалга ошириш мақсадида Божхона қўмитаси раисига божхона органлари ходимларининг умумий чекланган штат бирликларидан ташқари юридик шахслар билан шартнома тузган ҳолда қўшимча офицер ва сержантлар таркиби штат бирликларини киритиш ҳуқуқи берилсин. Бунда қўшимча киритилган штат бирликларидаги ходимларга:
(а) божхона органлари ходимлари учун қонунчиликда назарда тутилган пул ва озиқ-овқат таъминоти, компенсациялар, ижтимоий ҳимоя қилиш, моддий рағбатлантириш тўловлари ҳамда ушбу тўловлар билан боғлиқ солиқлар, шунингдек, формали кийим-бош билан боғлиқ харажатлар шартнома тузилган юридик шахслар томонидан қопланади;
(б) ижтимоий ҳимоя чоралари амалдаги қонунчиликка мувофиқ божхона органлари ходимлари учун назарда тутилган тартибда қўлланади;
(в) пенсия таъминоти Давлат бюджети маблағлари ҳисобидан амалга оширилади.
7. Истиқболли лойиҳалар миллий агентлиги Соғлиқни сақлаш вазирлиги билан биргаликда уч ой муддатда дорихона ва дорихоналар тармоқларида электрон савдо платформалари орқали онлайн савдони йўлга қўйиш бўйича таклифларни ишлаб чиқиб, Вазирлар Маҳкамасига киритсин. Бунда:
(а) ҳар бир дорихонада онлайн буюртмаларни тарқатиш пункти бўлиши;
(б) курьерлик хизмати (махсус ҳароратни талаб қилувчи дориларни термоконтейнерда ташиш, дори ўрамини очишни тақиқлаш) учун аниқ талабларни ишлаб чиқиш назарда тутилсин.
III. Қарор ижросини ташкил этиш, таъминлаш ва назорат
8. Истиқболли лойиҳалар миллий агентлиги Божхона қўмитаси ва Солиқ қўмитаси билан биргаликда икки ой муддатда мазкур қарор талабларидан келиб чиққан ҳолда бонд омборлари фаолиятини ташкил этиш ва амалга ошириш тартиби тўғрисидаги вақтинчалик низом лойиҳасини Вазирлар Маҳкамасига киритсин.
9. Иқтисодиёт ва молия вазирлиги Истиқболли лойиҳалар миллий агентлиги билан биргаликда 2028 йил 1 июнга қадар эксперимент натижалари асосида мазкур қарорда назарда тутилган тартибни давом эттиришнинг мақсадга мувофиқлиги ёки мувофиқ эмаслиги юзасидан асослантирилган таклифларни Вазирлар Маҳкамасига киритсин.
10. Ўзбекистон Миллий ахборот агентлиги ва Ўзбекистон Миллий телерадиокомпанияси оммавий ахборот воситалари билан биргаликда мазкур қарорнинг мазмун-моҳияти оммавий ахборот воситаларида кенг ёритилишини таъминласин.
11. Мазкур қарорнинг ижросини самарали ташкил қилишга масъул ва шахсан жавобгар этиб Божхона қўмитаси раиси А.Ю. Мавлонов, Солиқ қўмитаси раиси Ф.Ж. Пулатов ҳамда Истиқболли лойиҳалар миллий агентлиги директори Д.Р. Ли белгилансин.
12. Қарор ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2026 йил 13 апрелдаги ПҚ-136-сон қарорига 1-ИЛОВА
Махсус электрон савдо платформалари орқали реализация қилишда 5 фоиз миқдорида ягона божхона тўлови тўланиши белгиланган товарлар
Т/р Товар номи ТИФ ТН коди 1. 8508 товар позициясидаги чангютгичлардан ташқари электр двигатель ўрнатилган маиший электромеханик машиналар (миксер, шарбат чиқаргич ва бошқалар) 8509400000, 8509800000 2. Электр иситкичли ва электротермик мосламалар (сочларни қуритиш ускунаси, электр чойнаклар, мультипиширгичлар, электрдазмол ва бошқалар) 8516310001, 8516310009, 8516320000, 8516797000, 8516400000 3. Смартфонлар 8517130000 4. Ноутбук ва планшетлар 8471300000 5. Корпусга ўрнатилган ёки ўрнатилмаган радиокарнайлар; овозни такрорловчи бошқа ускуналар 8518210000, 8518220000, 8519814500
Ўзбекистон Республикаси Президентининг 2026 йил 13 апрелдаги ПҚ-136-сон қарорига 2-ИЛОВА
Махсус электрон савдо платформалари орқали реализация қилишда қўшилган қиймат солиғи ва 3 фоиз миқдорида божхона божи тўланиши белгиланган товарлар
Т/р Товар номи ТИФ ТН коди 1. Эркаклар ёки ўғил болалар учун машинада ёки қўлда тўқилган трикотаж матолардан костюмлар, комплектлар, пиджаклар, блайзерлар, шимлар, лямкали ва кўкракка тақиладиган қисмли комбинезонлар, бриджи ва шортилар (чўмилиш кийимидан ташқари) 6103 2. Аёллар ёки қизлар учун машинада ёки қўлда тўқилган трикотаж матолардан костюмлар, комплектлар, жакетлар, блайзерлар, кўйлаклар, юбкалар, юбка-шимлар, шимлар, кўкракка тақиладиган қисмли ва лямкали комбинезонлар, бриджи ва шортилар (чўмилиш кийимидан ташқари) 6104 3. Эркаклар ёки ўғил болалар учун машинада ёки қўлда тўқилган трикотаж матолардан кўйлаклар 6105 4. Аёллар ёки қизлар учун машинада ёки қўлда тўқилган трикотаж матолардан блузкалар, блузалар ва блузонлар 6106 5. Эркаклар ёки ўғил болалар учун машинада ёки қўлда тўқилган трикотаж матолардан кальсонлар, трусилар, тунги кўйлаклар, пижамалар, чўмилиш халатлари, уй халатлари ва шу каби буюмлар 6107 6. Аёллар ёки қизлар учун машинада ёки қўлда тўқилган трикотаж матолардан ички кийимлар, ички юбкалар, трусилар, панталонлар, тунги кўйлаклар, пижамалар, пеньюарлар, чўмилиш халатлари, уй халатлари ва шу каби буюмлар 6108 7. Машинада ёки қўлда тўқилган трикотаж матолардан енгли фуфайкалар ва бошқа ичдан кийиладиган фуфайкалар 6109 8. Машинада ёки қўлда тўқилган трикотаж матолардан свитерлар, пуловерлар, кардиганлар, жилетлар ва шу каби буюмлар 6110 9. Машинада ёки қўлда тўқилган трикотаж матолардан спорт, чанғи ва чўмилиш костюмлари 6112 10. Машинада ёки қўлда тўқилган трикотаж матолардан бошқа кийим-кечак предметлари 6114 11. Эркаклар ёки ўғил болалар учун пальтолар, калта пальтолар, накидкалар, плашлар, курткалар (шу жумладан, чанғи курткалари), ветровкалар, штормовкалар ва шу каби буюмлар (6203 товар позициядаги буюмлардан ташқари) 6201 12. Аёллар ёки қизлар учун пальтолар, калта пальтолар, накидкалар, плашлар, курткалар (шу жумладан, чанғи курткалари), ветровкалар, штормовкалар ва шу каби буюмлар (6204 товар позициядаги буюмлардан ташқари) 6202 13. Эркаклар ёки ўғил болалар учун костюмлар, комплектлар, пиджаклар, блайзерлар, шимлар, лямкали ва кўкракка тақиладиган қисмли комбинезонлар, бриджи ва шортилар (чўмилиш кийимидан ташқари) 6203 14. Аёллар ёки қизлар учун костюмлар, комплектлар, жакетлар, блайзерлар, кўйлаклар, юбкалар, юбка-шимлар, шимлар, кўкракка тақиладиган қисмли ва лямкали комбинезонлар, бриджи ва шортилар (чўмилиш кийимидан ташқари) 6204 15. Эркаклар ёки ўғил болалар учун кўйлаклар 6205 16. Аёллар ёки қизлар учун блузкалар, блузалар ва блузонлар 6206 17. Болалар кийими ва болалар кийимлари учун жиҳозлар 6209 18. Спорт, чанғи ва чўмилиш костюмлари; бошқа кийим-кечак предметлари 6211 19. Таг ва устки қисми резина ёки пластмасса бўлган бошқа пойабзал 6402 20. Таглиги резина, пластмасса, чарм ёки композицион чармдан ва устки қисми табиий чармдан бўлган пойабзал 6403 21. Таглиги каучук, пластмасса, чарм ёки композицион чармдан ва устки қисми тўқимачилик материалидан бўлган пойабзал 6404 22. Бошқа пойабзал 6405 23. Бир корпусда хотира қурилмаларини ўз ичига олган ёки олмаган киритиш ёки чиқариш қурилмалари 8471606000, 8471607000 24. Статик конверторлар, электр литий-ионли аккумуляторлар (қувватлагич) ҳамда кучланиши 1000 В дан ошмайдиган бошқа электр ўтказгичлар 850440, 850760, 854442, 854449 25. Фонарлар 8513100000 26. Овоз, тасвир ёки бошқа маълумотларни ўзгартириш, узатиш, қабул қилиш ёки тиклаш учун асбоблар, шу жумладан, коммутация қурилмалари ва маршрутизаторлари 851762000 27. Микрофон билан қўшилган ёки қўшилмаган, шунингдек, микрофон ва бир ёки бир нечта динамиклар тўпламларидан иборат қулоқчинлар ва телефонлар 8518302000, 8518309500 28. Монитор ва проекторлар (телевизорлардан ташқари) 8528 29. Барча турдаги соатлар 9101 — 9108 30. Видеоўйинлар учун консол ва ускуналар; овоз ёки тасвирни ёзиб олувчи ёки такрорловчи телевизион қабул қилувчи аппаратлар 9504500001, 9504500002, 9504500009
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 13 апрель,
ПҚ- 136 -сон
OʻZBEKISTON RESPUBLIKASI PREZIDENTINING
QARORI
ROʻYXATI
ROʻYXATI
Oʻzbekiston Respublikasida elektron tijorat sohasini yanada rivojlantirish uchun qulay shart-sharoitlar yaratishga doir chora-tadbirlar toʻgʻrisida
Elektron tijorat sohasini yanada rivojlantirish, zamonaviy logistika infrastrukturasiga ega milliy elektron tijorat makonini shakllantirish, iqtisodiyotda xufiyona aylanma ulushini kamaytirish hamda bozor ishtirokchilarining huquq va manfaatlarini himoya qilish maqsadida qaror qilaman:
I. Asosiy maqsadlar
1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:
(a) 2026 — 2030-yillarda:
(i) elektron tijorat aylanmasini 30 trln soʻmga yetkazish;
(ii) 7,5 mingdan ortiq yangi ish oʻrinlarini yaratish;
(iii) umumiy qiymati 300 million AQSH dollari miqdoridagi investitsiya loyihalarini amalga oshirish;
(b) ayrim turdagi tovarlarni import qilishda yagona bojxona toʻlovini joriy etish orqali tashqi savdo operatsiyalarini tartibga solish.
II. Bond ombori faoliyatini tashkil etish
2. Istiqbolli loyihalar milliy agentligi, Iqtisodiyot va moliya vazirligi hamda Bojxona qoʻmitasining 2026-yil 1-iyuldan 2028-yil 1-iyulga qadar huquqiy eksperiment (keyingi oʻrinlarda — eksperiment) tariqasida rezidentlar va norezidentlar tomonidan jismoniy shaxslarning shaxsiy ehtiyojlari uchun moʻljallangan tovarlarni maxsus elektron savdo platformalari orqali chakana sotish uchun ularni vaqtincha saqlashga moʻljallangan yangi turdagi erkin ombor — bond ombori faoliyatini tashkil etish toʻgʻrisidagi taklifi maʼqullansin.
3. Shunday tartib oʻrnatilsinki, unga muvofiq eksperiment doirasida:
(a) bond ombori erkin ombor faoliyatini litsenziyalash tartibi asosida tashkil etiladi;
(b) bond omboridan tovarlarni sotish Istiqbolli loyihalar milliy agentligi tomonidan yuritiladigan Maxsus elektron savdo platformalari reyestriga kiritilgan maxsus elektron savdo platformasi orqali amalga oshiriladi;
(v) bond omboriga tovarlar erkin ombor bojxona rejimiga muvofiq joylashtiriladi hamda ushbu tovarlarni jismoniy shaxslarning shaxsiy ehtiyoji uchun chakana sotishga ruxsat beriladi;
(g) bond omboridan jismoniy shaxslarning shaxsiy ehtiyoji uchun sotiladigan tovarlar joʻnatmalar deklaratsiyasi asosida bojxona rasmiylashtiruvidan oʻtkaziladi;
(d) bond omboriga joylashtirilgan tovarlarni joʻnatmalar deklaratsiyasi asosida jismoniy shaxslarga chiqarishda muvofiqlikni baholash, sanitariya va veterinariya nazorati choralari qoʻllanmaydi. Bunda tovarlarning texnik jihatdan tartibga solish, sanitariya va veterinariya sohasidagi qonunchilik hujjatlari talablariga muvofiqligini taʼminlash boʻyicha javobgarlik bond omborlari operatorlari zimmasiga yuklanadi;
(j) Oʻzbekiston Respublikasi rezidentlari tomonidan tovarlar bond omboriga joylashtirilganda aktivlarni repatriatsiya qilish talabi bajarilgan deb hisoblanadi;
(z) respublika hududidan bond omboriga maxsus elektron savdo platformalari orqali chakana sotish uchun moʻljallangan tovarlarni joylashtirishga ruxsat etilmaydi (bundan respublika hududidan tashqariga olib chiqish uchun moʻljallangan tovarlar mustasno).
4. Belgilansinki, bond omborlaridan tovarlarni maxsus elektron savdo platformalari orqali jismoniy shaxslarga sotishda:
(a) 1-ilovada keltirilgan tovarlar joʻnatmalar deklaratsiyasi asosida jismoniy shaxslarga chiqarilganda bojsiz olib kirish normalari tatbiq etilmagan holda amaldagi bojxona toʻlovlari oʻrniga ularning sotish qiymatidan 5 foiz miqdorida yagona bojxona toʻlovi undiriladi;
(b) 2-ilovada keltirilgan tovarlar joʻnatmalar deklaratsiyasi asosida jismoniy shaxslarga chiqarilganda bojsiz olib kirish normalari tatbiq etilmagan holda ularning sotish qiymatidan qoʻshilgan qiymat soligʻi va 3 foiz miqdorida bojxona boji undiriladi;
(v) 1- va 2-ilovada keltirilgan tovarlarni sotish vaqtida ularning sotish qiymati deklaratsiyalash vaqtidagi bojxona qiymatidan past boʻlganda, yagona bojxona toʻlovi yoki bojxona boji va qoʻshilgan qiymat soligʻi bojxona qiymati miqdoridan kelib chiqqan holda hisoblanadi;
(g) 1- va 2-ilovaga muvofiq roʻyxatlarga kiritilmagan boshqa turdagi tovarlar jismoniy shaxslarning shaxsiy ehtiyoji uchun sotilganda, tovarlarning bojsiz olib kirish normasi qoʻllanmagan holda amaldagi umumbelgilangan bojxona toʻlovlari undiriladi;
(d) bond omborlariga olib kirilgan tovarlarni realizatsiya qilishdan tushgan tushumlarning hisobi boshqa faoliyat turlaridan alohida yuritiladi;
(j) 1- va 2-ilovalarda keltirilgan tovarlarni respublika hududida jismoniy shaxslarga realizatsiya qilish boʻyicha aylanma qoʻshilgan qiymat soligʻidan ozod qilinadi;
(z) bond omboriga olib kirilib, respublika hududida jismoniy shaxslarga chakana sotilgan tovarlar boʻyicha xaridor tomonidan toʻlangan qoʻshilgan qiymat soligʻi summasi ularni budjetga oʻtkazib beruvchi shaxsda hisobga olinmaydi.
5. Bojxona qoʻmitasi Soliq qoʻmitasi, bond ombori va maxsus elektron savdo platformasi operatorlari bilan birgalikda oʻzaro axborot hamkorligi orqali:
(a) jismoniy shaxslarga sotilgan tovarlarning keyinchalik qayta sotilishi holatlarini aniqlash maqsadida ularning aylanmasi ustidan doimiy monitoringni amalga oshirib borsin;
(b) tovarlarni tijorat maqsadlarida qayta sotish holatlari aniqlangan taqdirda, bojxona toʻlovlarini umumbelgilangan tartibda qayta hisob-kitob qilib, undirilishini taʼminlasin.
6. Bond ombori hududida bojxona nazoratini amalga oshirish maqsadida Bojxona qoʻmitasi raisiga bojxona organlari xodimlarining umumiy cheklangan shtat birliklaridan tashqari yuridik shaxslar bilan shartnoma tuzgan holda qoʻshimcha ofitser va serjantlar tarkibi shtat birliklarini kiritish huquqi berilsin. Bunda qoʻshimcha kiritilgan shtat birliklaridagi xodimlarga:
(a) bojxona organlari xodimlari uchun qonunchilikda nazarda tutilgan pul va oziq-ovqat taʼminoti, kompensatsiyalar, ijtimoiy himoya qilish, moddiy ragʻbatlantirish toʻlovlari hamda ushbu toʻlovlar bilan bogʻliq soliqlar, shuningdek, formali kiyim-bosh bilan bogʻliq xarajatlar shartnoma tuzilgan yuridik shaxslar tomonidan qoplanadi;
(b) ijtimoiy himoya choralari amaldagi qonunchilikka muvofiq bojxona organlari xodimlari uchun nazarda tutilgan tartibda qoʻllanadi;
(v) pensiya taʼminoti Davlat budjeti mablagʻlari hisobidan amalga oshiriladi.
7. Istiqbolli loyihalar milliy agentligi Sogʻliqni saqlash vazirligi bilan birgalikda uch oy muddatda dorixona va dorixonalar tarmoqlarida elektron savdo platformalari orqali onlayn savdoni yoʻlga qoʻyish boʻyicha takliflarni ishlab chiqib, Vazirlar Mahkamasiga kiritsin. Bunda:
(a) har bir dorixonada onlayn buyurtmalarni tarqatish punkti boʻlishi;
(b) kuryerlik xizmati (maxsus haroratni talab qiluvchi dorilarni termokonteynerda tashish, dori oʻramini ochishni taqiqlash) uchun aniq talablarni ishlab chiqish nazarda tutilsin.
III. Qaror ijrosini tashkil etish, taʼminlash va nazorat
8. Istiqbolli loyihalar milliy agentligi Bojxona qoʻmitasi va Soliq qoʻmitasi bilan birgalikda ikki oy muddatda mazkur qaror talablaridan kelib chiqqan holda bond omborlari faoliyatini tashkil etish va amalga oshirish tartibi toʻgʻrisidagi vaqtinchalik nizom loyihasini Vazirlar Mahkamasiga kiritsin.
9. Iqtisodiyot va moliya vazirligi Istiqbolli loyihalar milliy agentligi bilan birgalikda 2028-yil 1-iyunga qadar eksperiment natijalari asosida mazkur qarorda nazarda tutilgan tartibni davom ettirishning maqsadga muvofiqligi yoki muvofiq emasligi yuzasidan asoslantirilgan takliflarni Vazirlar Mahkamasiga kiritsin.
10. Oʻzbekiston Milliy axborot agentligi va Oʻzbekiston Milliy teleradiokompaniyasi ommaviy axborot vositalari bilan birgalikda mazkur qarorning mazmun-mohiyati ommaviy axborot vositalarida keng yoritilishini taʼminlasin.
11. Mazkur qarorning ijrosini samarali tashkil qilishga masʼul va shaxsan javobgar etib Bojxona qoʻmitasi raisi A.Yu. Mavlonov, Soliq qoʻmitasi raisi F.J. Pulatov hamda Istiqbolli loyihalar milliy agentligi direktori D.R. Li belgilansin.
12. Qaror ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2026-yil 13-apreldagi PQ-136-son qaroriga 1-ILOVA
Maxsus elektron savdo platformalari orqali realizatsiya qilishda 5 foiz miqdorida yagona bojxona toʻlovi toʻlanishi belgilangan tovarlar
T/r Tovar nomi TIF TN kodi 1. 8508 tovar pozitsiyasidagi changyutgichlardan tashqari elektr dvigatel oʻrnatilgan maishiy elektromexanik mashinalar (mikser, sharbat chiqargich va boshqalar) 8509400000, 8509800000 2. Elektr isitkichli va elektrotermik moslamalar (sochlarni quritish uskunasi, elektr choynaklar, multipishirgichlar, elektrdazmol va boshqalar) 8516310001, 8516310009, 8516320000, 8516797000, 8516400000 3. Smartfonlar 8517130000 4. Noutbuk va planshetlar 8471300000 5. Korpusga oʻrnatilgan yoki oʻrnatilmagan radiokarnaylar; ovozni takrorlovchi boshqa uskunalar 8518210000, 8518220000, 8519814500
Oʻzbekiston Respublikasi Prezidentining 2026-yil 13-apreldagi PQ-136-son qaroriga 2-ILOVA
Maxsus elektron savdo platformalari orqali realizatsiya qilishda qoʻshilgan qiymat soligʻi va 3 foiz miqdorida bojxona boji toʻlanishi belgilangan tovarlar
T/r Tovar nomi TIF TN kodi 1. Erkaklar yoki oʻgʻil bolalar uchun mashinada yoki qoʻlda toʻqilgan trikotaj matolardan kostumlar, komplektlar, pidjaklar, blayzerlar, shimlar, lyamkali va koʻkrakka taqiladigan qismli kombinezonlar, bridji va shortilar (choʻmilish kiyimidan tashqari) 6103 2. Ayollar yoki qizlar uchun mashinada yoki qoʻlda toʻqilgan trikotaj matolardan kostumlar, komplektlar, jaketlar, blayzerlar, koʻylaklar, yubkalar, yubka-shimlar, shimlar, koʻkrakka taqiladigan qismli va lyamkali kombinezonlar, bridji va shortilar (choʻmilish kiyimidan tashqari) 6104 3. Erkaklar yoki oʻgʻil bolalar uchun mashinada yoki qoʻlda toʻqilgan trikotaj matolardan koʻylaklar 6105 4. Ayollar yoki qizlar uchun mashinada yoki qoʻlda toʻqilgan trikotaj matolardan bluzkalar, bluzalar va bluzonlar 6106 5. Erkaklar yoki oʻgʻil bolalar uchun mashinada yoki qoʻlda toʻqilgan trikotaj matolardan kalsonlar, trusilar, tungi koʻylaklar, pijamalar, choʻmilish xalatlari, uy xalatlari va shu kabi buyumlar 6107 6. Ayollar yoki qizlar uchun mashinada yoki qoʻlda toʻqilgan trikotaj matolardan ichki kiyimlar, ichki yubkalar, trusilar, pantalonlar, tungi koʻylaklar, pijamalar, penyuarlar, choʻmilish xalatlari, uy xalatlari va shu kabi buyumlar 6108 7. Mashinada yoki qoʻlda toʻqilgan trikotaj matolardan yengli fufaykalar va boshqa ichdan kiyiladigan fufaykalar 6109 8. Mashinada yoki qoʻlda toʻqilgan trikotaj matolardan sviterlar, puloverlar, kardiganlar, jiletlar va shu kabi buyumlar 6110 9. Mashinada yoki qoʻlda toʻqilgan trikotaj matolardan sport, changʻi va choʻmilish kostumlari 6112 10. Mashinada yoki qoʻlda toʻqilgan trikotaj matolardan boshqa kiyim-kechak predmetlari 6114 11. Erkaklar yoki oʻgʻil bolalar uchun paltolar, kalta paltolar, nakidkalar, plashlar, kurtkalar (shu jumladan, changʻi kurtkalari), vetrovkalar, shtormovkalar va shu kabi buyumlar (6203 tovar pozitsiyadagi buyumlardan tashqari) 6201 12. Ayollar yoki qizlar uchun paltolar, kalta paltolar, nakidkalar, plashlar, kurtkalar (shu jumladan, changʻi kurtkalari), vetrovkalar, shtormovkalar va shu kabi buyumlar (6204 tovar pozitsiyadagi buyumlardan tashqari) 6202 13. Erkaklar yoki oʻgʻil bolalar uchun kostumlar, komplektlar, pidjaklar, blayzerlar, shimlar, lyamkali va koʻkrakka taqiladigan qismli kombinezonlar, bridji va shortilar (choʻmilish kiyimidan tashqari) 6203 14. Ayollar yoki qizlar uchun kostumlar, komplektlar, jaketlar, blayzerlar, koʻylaklar, yubkalar, yubka-shimlar, shimlar, koʻkrakka taqiladigan qismli va lyamkali kombinezonlar, bridji va shortilar (choʻmilish kiyimidan tashqari) 6204 15. Erkaklar yoki oʻgʻil bolalar uchun koʻylaklar 6205 16. Ayollar yoki qizlar uchun bluzkalar, bluzalar va bluzonlar 6206 17. Bolalar kiyimi va bolalar kiyimlari uchun jihozlar 6209 18. Sport, changʻi va choʻmilish kostumlari; boshqa kiyim-kechak predmetlari 6211 19. Tag va ustki qismi rezina yoki plastmassa boʻlgan boshqa poyabzal 6402 20. Tagligi rezina, plastmassa, charm yoki kompozitsion charmdan va ustki qismi tabiiy charmdan boʻlgan poyabzal 6403 21. Tagligi kauchuk, plastmassa, charm yoki kompozitsion charmdan va ustki qismi toʻqimachilik materialidan boʻlgan poyabzal 6404 22. Boshqa poyabzal 6405 23. Bir korpusda xotira qurilmalarini oʻz ichiga olgan yoki olmagan kiritish yoki chiqarish qurilmalari 8471606000, 8471607000 24. Statik konvertorlar, elektr litiy-ionli akkumulyatorlar (quvvatlagich) hamda kuchlanishi 1000 V dan oshmaydigan boshqa elektr oʻtkazgichlar 850440, 850760, 854442, 854449 25. Fonarlar 8513100000 26. Ovoz, tasvir yoki boshqa maʼlumotlarni oʻzgartirish, uzatish, qabul qilish yoki tiklash uchun asboblar, shu jumladan, kommutatsiya qurilmalari va marshrutizatorlari 851762000 27. Mikrofon bilan qoʻshilgan yoki qoʻshilmagan, shuningdek, mikrofon va bir yoki bir nechta dinamiklar toʻplamlaridan iborat quloqchinlar va telefonlar 8518302000, 8518309500 28. Monitor va proyektorlar (televizorlardan tashqari) 8528 29. Barcha turdagi soatlar 9101 — 9108 30. Videooʻyinlar uchun konsol va uskunalar; ovoz yoki tasvirni yozib oluvchi yoki takrorlovchi televizion qabul qiluvchi apparatlar 9504500001, 9504500002, 9504500009
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 13-aprel,
PQ- 136 -son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О мерах по созданию благоприятных условий для дальнейшего развития сферы электронной коммерции в Республике Узбекистан
В целях дальнейшего развития сферы электронной коммерции, формирования национального пространства электронной коммерции с современной логистической инфраструктурой, сокращения доли теневого оборота в экономике, а также защиты прав и интересов участников рынка постановляю:
I. Основные цели
1. Определить основными целями принятия настоящего постановления:
(а) на 2026 — 2030 годы:
(i) доведение оборота электронной коммерции до 30 трлн сумов;
(ii) создание более 7,5 тысячи новых рабочих мест;
(iii) реализацию инвестиционных проектов общей стоимостью 300 миллионов долларов США;
(б) регулирование внешнеторговых операций путем внедрения единого таможенного платежа при импорте отдельных видов товаров.
II. Организация деятельности бондовых складов
2. Одобрить предложение Национального агентства перспективных проектов, Министерства экономики и финансов, а также Таможенного комитета об организации в период с 1 июля 2026 года по 1 июля 2028 года в качестве правового эксперимента (далее — эксперимент) деятельности новой формы свободного склада — бондового склада, предназначенного для временного хранения товаров для личных нужд физических лиц, в целях их розничной реализации посредством специальных электронных торговых платформ резидентами и нерезидентами.
3. Установить порядок, в соответствии с которым в рамках эксперимента:
(а) бондовый склад создается на основе порядка лицензирования деятельности свободного склада;
(б) реализация товаров с бондового склада осуществляется посредством специальной электронной торговой платформы, включенной в Реестр специальных электронных торговых платформ, ведение которого осуществляется Национальным агентством перспективных проектов;
(в) товары размещаются на бондовом складе под таможенным режимом «свободный склад» и разрешается реализация данных товаров в розницу для личных нужд физических лиц;
(г) товары, реализуемые с бондового склада для личных нужд физических лиц, подлежат таможенному оформлению на основе декларации отправления;
(д) при выпуске товаров, помещенных на бондовый склад, физическим лицам на основании декларации отправления меры оценки соответствия, санитарного и ветеринарного контроля не применяются. При этом ответственность за обеспечение соответствия товаров требованиям актов законодательства в области технического регулирования, а также в сферах санитарии и ветеринарии возлагается на операторов бондовых складов;
(ж) при размещении товаров на бондовый склад резидентами Республики Узбекистан требование репатриации активов считается выполненным;
(з) размещение товаров, предназначенных для розничной реализации посредством специальной электронной торговой платформы, на бондовые склады с территории республики не разрешается (за исключением товаров, предназначенных для вывоза за пределы республики).
4. Установить, что при реализации товаров с бондовых складов физическим лицам посредством специальных электронных торговых платформ:
(а) при выпуске товаров, приведенных в приложении № 1 , для физических лиц на основе декларации отправления вместо действующих таможенных платежей взимается единый таможенный платеж в размере 5 процентов от стоимости их реализации без применения норм беспошлинного ввоза;
(б) при выпуске товаров, приведенных в приложении № 2 , для физических лиц на основе декларации отправления со стоимости их реализации взимаются налог на добавленную стоимость и таможенная пошлина в размере 3 процентов без применения норм беспошлинного ввоза;
(в) если стоимость при реализации товаров, приведенных в приложениях №№ 1 и 2 , ниже таможенной стоимости на момент их декларирования, единый таможенный платеж либо таможенная пошлина и налог на добавленную стоимость исчисляются исходя из размера таможенной стоимости;
(г) при реализации товаров других видов, не включенных в перечни согласно приложениям №№ 1 и 2 , для личных нужд физических лиц взимаются действующие общеустановленные таможенные платежи без применения норм беспошлинного ввоза;
(д) учет поступлений от реализации товаров, ввезенных на бондовые склады, ведется отдельно от других видов деятельности;
(ж) оборот по реализации товаров, приведенных в приложениях №№ 1 и 2 , физическим лицам на территории республики освобождается от налога на добавленную стоимость;
(з) сумма налога на добавленную стоимость, уплаченная покупателем по товарам, ввезенным на бондовый склад и реализованным в розницу физическим лицам на территории республики, у лиц, перечисляющих их в бюджет, зачету не подлежит.
5. Таможенному комитету совместно с Налоговым комитетом, операторами бондовых складов и специальной электронной торговой платформы обеспечить посредством информационного взаимодействия:
(а) ведение постоянного мониторинга оборота по товарам, реализованным физическим лицам, в целях выявления фактов их последующей перепродажи;
(б) осуществление перерасчета, взимание таможенных платежей в общеустановленном порядке — в случае выявления фактов перепродажи товаров в коммерческих целях.
6. В целях осуществления таможенного контроля на территории таможенных складов предоставить председателю Таможенного комитета право на введение дополнительных штатных единиц офицерского и сержантского составов вне общей предельной численности штатных единиц сотрудников таможенных органов посредством заключения договоров с юридическими лицами. При этом по дополнительно введенным штатным единицам:
(а) расходы на предусмотренные законодательством для сотрудников таможенных органов денежное и продовольственное довольствие, компенсации, социальную защиту, платежи материального стимулирования, связанные с ними налоги, а также форменную одежду покрываются юридическими лицами, с которыми заключен договор;
(б) меры социальной защиты применяются в порядке, предусмотренном для сотрудников таможенных органов действующим законодательством;
(в) пенсионное обеспечение осуществляется за счет средств Государственного бюджета.
7. Национальному агентству перспективных проектов совместно с Министерством здравоохранения в трехмесячный срок разработать и внести в Кабинет Министров предложения по внедрению онлайн-торговли в аптеках и аптечных сетях посредством электронных торговых платформ. При этом предусмотреть:
(а) наличие в каждой аптеке пункта выдачи онлайн-заказов;
(б) разработку конкретных требований к курьерским услугам (перевозку лекарств, требующих специальной температуры, в термоконтейнерах, запрет на вскрытие упаковки лекарств).
III. Организация, обеспечение и контроль исполнения постановления
8. Национальному агентству перспективных проектов совместно с Таможенным комитетом и Налоговым комитетом в двухмесячный срок исходя из требований настоящего постановления внести в Кабинет Министров проект Временного положения о порядке организации и осуществления деятельности бондовых складов.
9. Министерству экономики и финансов совместно с Национальным агентством перспективных проектов в срок до 1 июня 2028 года на основе результатов эксперимента внести в Кабинет Министров обоснованные предложения о целесообразности либо нецелесообразности продолжения применения порядка, предусмотренного настоящим постановлением.
10. Национальному информационному агентству Узбекистана и Национальной телерадиокомпании Узбекистана совместно со средствами массовой информации обеспечить широкое освещение в средствах массовой информации сути и содержания настоящего постановления.
11. Возложить на председателя Таможенного комитета А.Ю. Мавлонова, председателя Налогового комитета Ф.Ж. Пулатова, а также директора Национального агентства перспективных проектов Д.Р. Ли персональную ответственность за эффективную организацию исполнения настоящего постановления.
12. Ежемесячное обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 13 апреля 2026 года № ПП-136
товаров, при реализации которых посредством специальной электронной торговой платформы установлено взимание единого таможенного платежа в размере 5 процентов
№ Наименование товара Код ТН ВЭД 1. Машины электромеханические бытовые со встроенным электродвигателем, кроме пылесосов товарной позиции 8508 (миксеры, соковыжималки и прочие) 8509400000, 8509800000 2. Приборы электронагревательные и аппараты электротермические (сушилки для волос, электрочайники, мультиварки, электроутюги и прочие) 8516310001, 8516310009, 8516320000, 8516797000, 8516400000 3. Смартфоны 8517130000 4. Ноутбуки и планшеты 8471300000 5. Громкоговорители, смонтированные или не смонтированные в корпусах; прочая аппаратура для воспроизведения звука 8518210000, 8518220000, 8519814500
ПРИЛОЖЕНИЕ № 2 к постановлению Президента Республики Узбекистан от 13 апреля 2026 года № ПП-136
товаров, при реализации которых посредством специальных электронных торговых платформ установлено взимание налога на добавленную стоимость и таможенной пошлины в размере 3 процентов
№ Наименование товара Код ТН ВЭД 1. Костюмы, комплекты, пиджаки, блайзеры, брюки, комбинезоны с лямками и нагрудниками, бриджи и шорты (кроме купальных) трикотажные машинного или ручного вязания, мужские или для мальчиков 6103 2. Костюмы, комплекты, жакеты, блайзеры, платья, юбки, юбки-брюки, брюки, комбинезоны с лямками и нагрудниками, бриджи и шорты (кроме купальных) трикотажные машинного или ручного вязания, женские или для девочек 6104 3. Рубашки трикотажные машинного или ручного вязания, мужские или для мальчиков 6105 4. Блузки, блузы и блузоны трикотажные машинного или ручного вязания, женские или для девочек 6106 5. Кальсоны, трусы, ночные рубашки, пижамы, халаты купальные, халаты домашние и аналогичные изделия трикотажные машинного или ручного вязания, мужские или для мальчиков 6107 6. Трусы, панталоны, ночные рубашки, пижамы, пеньюары, халаты купальные, халаты домашние и аналогичные изделия трикотажные машинного или ручного вязания, женские или для девочек 6108 7. Фуфайки с рукавами и прочие нательные фуфайки трикотажные машинного или ручного вязания 6109 8. Свитеры, пуловеры, кардиганы, жилеты и аналогичные изделия трикотажные машинного или ручного вязания 6110 9. Костюмы спортивные, лыжные и купальные трикотажные машинного или ручного вязания 6112 10. Прочие предметы одежды трикотажные машинного или ручного вязания 6114 11. Пальто, полупальто, накидки, плащи, куртки (включая лыжные), ветровки, штормовки и аналогичные изделия, мужские или для мальчиков (кроме изделий товарной позиции 6203) 6201 12. Пальто, полупальто, накидки, плащи, куртки (включая лыжные), ветровки, штормовки и аналогичные изделия, женские или для девочек (кроме изделий товарной позиции 6204) 6202 13. Костюмы, комплекты, пиджаки, блайзеры, брюки, комбинезоны с лямками и нагрудниками, бриджи и шорты (кроме купальных), мужские или для мальчиков 6203 14. Костюмы, комплекты, жакеты, блайзеры, платья, юбки, юбки-брюки, брюки, комбинезоны с лямками и нагрудниками, бриджи и шорты (кроме купальных), женские или для девочек 6204 15. Рубашки мужские или для мальчиков 6205 16. Блузки, блузы и блузоны женские или для девочек 6206 17. Детская одежда и принадлежности к детской одежде 6209 18. Костюмы спортивные, лыжные и купальные; прочие предметы одежды 6211 19. Прочая обувь на подошве и с верхом из резины или пластмассы 6402 20. Обувь на подошве из резины, пластмассы, натуральной или композиционной кожи и с верхом из натуральной кожи 6403 21. Обувь на подошве из резины, пластмассы, натуральной или композиционной кожи и с верхом из текстильных материалов 6404 22. Прочая обувь 6405 23. Устройства ввода или вывода, содержащие или не содержащие в одном корпусе запоминающие устройства 8471606000, 8471607000 24. Статические конверторы, аккумуляторы электрические литий-ионные (зарядные устройства), а также прочие проводники электрические на напряжение не более 1000 В 850440, 850760, 854442, 854449 25. Фонари 8513100000 26. Машины для приема, преобразования и передачи или восстановления голоса, изображений или других данных, включая коммутационные устройства и маршрутизаторы 851762000 27. Наушники и телефоны головные, объединенные или не объединенные с микрофоном, а также комплекты, состоящие из микрофона и одного или более громкоговорителей 8518302000, 8518309500 28. Мониторы и проекторы, не включающие в свой состав приемную телевизионную аппаратуру 8528 29. Часы всех видов и их части 9101 — 9108 30. Консоли и оборудование для видеоигр; телевизионная приемная аппаратура видеозаписывающая или видеовоспроизводящая 9504500001, 9504500002, 9504500009
Президент Республики Узбекистан Ш. МИРЗИЁЕВ
г. Ташкент,
13 апреля 2026 г.,
№ ПП- 136