UzbekAI

Ўзбекистон Республикаси Президентининг

қарори

ТАРКИБИ

Ўзбекистон Республикаси халқ артисти Фаррух Зокиров ижодини кенг тарғиб қилиш ҳамда ёш авлодга муносиб етказиш тўғрисида

Бутун умрини санъатга бахшида этиб келаётган, ўзбек миллий эстрадасини дунёга тараннум қилиб, юртимизнинг маданияти ва санъати нуфузини юксалтиришга беқиёс ҳисса қўшаётган, серқирра фаолияти халқлар ўртасида маънавий кўприк бўлиб хизмат қилаётган устоз санъаткор — Ўзбекистон Республикаси халқ артисти Фаррух Зокиров ижодини кенг тарғиб қилиш ва ёш авлодга муносиб етказиш мақсадида қарор қиламан:

1. Тошкент шаҳри Яшнобод туманидаги 7-сонли болалар мусиқа ва санъат мактабига (кейинги ўринларда — Мактаб) Фаррух Зокиров номи берилсин.

2. Фаррух Зокиров номидаги 7-сонли болалар мусиқа ва санъат мактаби ўқув-тарбия жараёнини мувофиқлаштириб бориш ва ёш истеъдодларни қўллаб-қувватлаш бўйича бадиий-педагогик кенгаш ташкил этилсин ҳамда унинг таркиби иловага мувофиқ тасдиқлансин.

3. Қуйидагилар:

(а) Мактабда:

(i) «Ялла» номидаги болалар ансамбли фаолияти ташкил этилсин;

(ii) Ёшлар ижодий лабораторияси ҳамда «устоз-шогирд» анъаналари асосида эстрада йўналиши бўйича ижрочилик маҳорат мактаблари ташкил этилсин;

(iii) Мактаб бадиий-педагогик кенгаши қарори билан ташкил этилган маҳорат мактабининг устоз-ижодкорлари Давлат бюджети маблағлари ҳисобидан ҳар ойда меҳнатга ҳақ тўлаш энг кам миқдорининг 5 баравари миқдорида рағбатлантириб борилсин;

(б) Ёшлар ижодий лабораторияси доирасида:

(i) 2026/2027 ўқув йилидан бошлаб Қорақалпоғистон Республикаси, вилоятлар ва Тошкент шаҳридан 3 нафардан болалар мусиқа ва санъат мактабининг иқтидорли ўқувчиларидан иборат гуруҳ шакллантирилиб борилсин ҳамда таътил даврида ёзги тўгаракка жалб этилиб, эстрада хонандалиги бўйича махсус бепул курсларда ўқитилсин;

(ii) 2026/2027 ўқув йилига қадар замонавий овоз ёзиш ва тасвирга олиш студияси ташкил этилсин ҳамда у саҳна жиҳоз ва либослари билан таъминлансин;

(iii) Мактаб ва ёзги тўгаракка жалб қилинган ўқувчиларнинг ижод намуналари телевидение ва халқаро онлайн платформаларда намойиш этиб борилсин;

(в) Ёшлар ижодий лабораториясини ташкил этиш, уни жиҳозлаш ва ҳудудлардан ўқувчиларни ёзги тўгаракка жалб этиш, шу жумладан, уларнинг яшаш, овқатланиш ва транспорт харажатлари тўлиқ Давлат бюджетидан қоплансин;

(г) ҳар йили Мактаб ва ёзги тўгаракнинг иқтидорли 5 нафар ўқувчилари ҳамда уларнинг ўқитувчи ва концертмейстерларининг нуфузли халқаро танловларда иштирок этиши билан боғлиқ харажатлар Давлат бюджетидан қоплансин. Бунда ушбу танловлар рўйхати Маданият вазирлиги томонидан тасдиқланади;

(д) 2026-2027 йилларда тажриба-синов тариқасида халқаро нуфузли танловларда ғолиб ва совриндор бўлган Мактаб ва ёзги тўгарак ўқувчилари (жамоалари) ҳамда уларни тайёрлаган ўқитувчи (концертмейстер) қуйидаги миқдорда бир марталик пул мукофоти билан рағбатлантирилсин:

(i) «Гран-при» ва 1-ўрин соҳиби 30 миллион сўм, ўқитувчи (концертмейстер) 20 миллион сўм миқдорида;

(ii) 2-ўрин соҳиби 20 миллион сўм, ўқитувчи (концертмейстер) 10 миллион сўм миқдорида;

(iii) 3-ўрин соҳиби 10 миллион сўм, ўқитувчи (концертмейстер) 5 миллион сўм миқдорида;

(ж) ушбу бандда назарда тутилган халқаро нуфузли танловларнинг ғолиб ва совриндорлари ҳамда уларнинг ўқитувчи (концертмейстер)ларини рағбатлантириш тартиби Маданият вазирлиги томонидан тасдиқлансин, шунингдек, 2027 йил якунида мазкур амалиётни республика бўйича кенг жорий этиш юзасидан таклиф киритилсин;

(з) умумхалқ байрам дастурлари ва юқори даражадаги анжуманларнинг бадиий қисмида Мактаб ва ёзги тўгаракнинг иқтидорли ўқувчилари ҳамда ижодий жамоаларининг иштирок этишига шарт-шароитлар яратилиб, қўллаб-қувватлансин;

(и) Мактабда аъло баҳоларга ўқиётган ўқувчиларнинг 10 нафарини Мактаб бадиий-педагогик кенгаши қарори билан Маданият вазирлиги тизимидаги ихтисослаштирилган санъат ва маданият мактаби ҳамда мактаб-интернатларига имтиҳонларсиз қўшимча квота асосида қабул қилиш тартиби жорий этилсин.

4. Маданият вазирлиги:

(а) Мактабда «устоз-шогирд» ижрочилик маҳорат мактабларини ташкил этишда миллий эстрадамизнинг ёрқин намояндаларини жалб этсин ҳамда уларнинг самарали фаолият олиб бориши учун зарур шарт-шароитларни яратсин;

(б) Мактабни зарур мусиқа чолғу асбоблари, замонавий жиҳоз ва техникалар, шунингдек, мусиқа дарсликлари ва ноталар тўпламлари билан таъминласин;

(в) Фаррух Зокиров ижро дастури тўлиқ ноталаштирилиши ва уларнинг тўпламлари чоп этилиши ҳамда республика миқёсида таълим жараёнларига кенг татбиқ этилишини таъминласин;

(г) Тошкент шаҳар ҳокимлиги билан биргаликда Мактаб биносини капитал таъмирлаш ва ҳудудини ободонлаштириш учун лойиҳа-смета ҳужжатларини ишлаб чиқсин ҳамда 2026 йил якунига қадар қурилиш-таъмирлаш ишларини якунига етказсин.

5. Иқтисодиёт ва молия вазирлиги қарорда белгиланган чора-тадбирларни молиялаштириш учун Маданият вазирлигига 2026 йилда Вазирлар Маҳкамасининг захира жамғармасидан 10 миллиард сўм ажратсин, 2027 йилдан бошлаб зарур маблағларни Давлат бюджети параметрларида назарда тутсин.

6. Мазкур қарорнинг ижросини самарали ташкил қилишга масъул ва шахсан жавобгар этиб маданият вазири О.А. Назарбеков белгилансин.

7. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 15 апрелдаги ПҚ-137-сон қарорига ИЛОВА

Фаррух Зокиров номидаги 7-сонли болалар мусиқа ва санъат мактаби ўқув-тарбия жараёнини мувофиқлаштириб бориш ва ёш истеъдодларни қўллаб-қувватлаш бўйича бадиий-педагогик кенгаш

Ф. Зокиров — Ўзбекистон Республикаси халқ артисти, Кенгаш раиси А. Таджиханов — маданият вазирининг биринчи ўринбосари, Кенгаш раиси ўринбосари М. Ташматов — Ўзбекистон Республикаси халқ артисти А. Мансуров — Ботир Зокиров номидаги Миллий эстрада санъати институти ректори Р. Абдуллаев — Ўзбекистон композиторлари ва бастакорлари уюшмаси раиси А. Тожибоев — Ўзбекистон давлат филармонияси бош директори Н. Қурбонова — «Томоша» болалар мусиқий театр-студияси директори Д. Сапарова — Фаррух Зокиров номидаги 7-сон болалар мусиқа ва санъат мактаби директори, Кенгаш котиби

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 15 апрель,

ПҚ- 137 -сон

(Қонунчилик маълумотлари миллий базаси, 15.04.2026 й., 07/26/137/0352-сон)

lex.uz

Oʻzbekiston Respublikasi Prezidentining

qarori

TARKIBI

Oʻzbekiston Respublikasi xalq artisti Farrux Zokirov ijodini keng targʻib qilish hamda yosh avlodga munosib yetkazish toʻgʻrisida

Butun umrini sanʼatga baxshida etib kelayotgan, oʻzbek milliy estradasini dunyoga tarannum qilib, yurtimizning madaniyati va sanʼati nufuzini yuksaltirishga beqiyos hissa qoʻshayotgan, serqirra faoliyati xalqlar oʻrtasida maʼnaviy koʻprik boʻlib xizmat qilayotgan ustoz sanʼatkor — Oʻzbekiston Respublikasi xalq artisti Farrux Zokirov ijodini keng targʻib qilish va yosh avlodga munosib yetkazish maqsadida qaror qilaman:

1. Toshkent shahri Yashnobod tumanidagi 7-sonli bolalar musiqa va sanʼat maktabiga (keyingi oʻrinlarda — Maktab) Farrux Zokirov nomi berilsin.

2. Farrux Zokirov nomidagi 7-sonli bolalar musiqa va sanʼat maktabi oʻquv-tarbiya jarayonini muvofiqlashtirib borish va yosh isteʼdodlarni qoʻllab-quvvatlash boʻyicha badiiy-pedagogik kengash tashkil etilsin hamda uning tarkibi ilovaga muvofiq tasdiqlansin.

3. Quyidagilar:

(a) Maktabda:

(i) “Yalla” nomidagi bolalar ansambli faoliyati tashkil etilsin;

(ii) Yoshlar ijodiy laboratoriyasi hamda “ustoz-shogird” anʼanalari asosida estrada yoʻnalishi boʻyicha ijrochilik mahorat maktablari tashkil etilsin;

(iii) Maktab badiiy-pedagogik kengashi qarori bilan tashkil etilgan mahorat maktabining ustoz-ijodkorlari Davlat budjeti mablagʻlari hisobidan har oyda mehnatga haq toʻlash eng kam miqdorining 5 baravari miqdorida ragʻbatlantirib borilsin;

(b) Yoshlar ijodiy laboratoriyasi doirasida:

(i) 2026/2027 oʻquv yilidan boshlab Qoraqalpogʻiston Respublikasi, viloyatlar va Toshkent shahridan 3 nafardan bolalar musiqa va sanʼat maktabining iqtidorli oʻquvchilaridan iborat guruh shakllantirilib borilsin hamda taʼtil davrida yozgi toʻgarakka jalb etilib, estrada xonandaligi boʻyicha maxsus bepul kurslarda oʻqitilsin;

(ii) 2026/2027 oʻquv yiliga qadar zamonaviy ovoz yozish va tasvirga olish studiyasi tashkil etilsin hamda u sahna jihoz va liboslari bilan taʼminlansin;

(iii) Maktab va yozgi toʻgarakka jalb qilingan oʻquvchilarning ijod namunalari televideniye va xalqaro onlayn platformalarda namoyish etib borilsin;

(v) Yoshlar ijodiy laboratoriyasini tashkil etish, uni jihozlash va hududlardan oʻquvchilarni yozgi toʻgarakka jalb etish, shu jumladan, ularning yashash, ovqatlanish va transport xarajatlari toʻliq Davlat budjetidan qoplansin;

(g) har yili Maktab va yozgi toʻgarakning iqtidorli 5 nafar oʻquvchilari hamda ularning oʻqituvchi va konsertmeysterlarining nufuzli xalqaro tanlovlarda ishtirok etishi bilan bogʻliq xarajatlar Davlat budjetidan qoplansin. Bunda ushbu tanlovlar roʻyxati Madaniyat vazirligi tomonidan tasdiqlanadi;

(d) 2026-2027-yillarda tajriba-sinov tariqasida xalqaro nufuzli tanlovlarda gʻolib va sovrindor boʻlgan Maktab va yozgi toʻgarak oʻquvchilari (jamoalari) hamda ularni tayyorlagan oʻqituvchi (konsertmeyster) quyidagi miqdorda bir martalik pul mukofoti bilan ragʻbatlantirilsin:

(i) “Gran-pri” va 1-oʻrin sohibi 30 million soʻm, oʻqituvchi (konsertmeyster) 20 million soʻm miqdorida;

(ii) 2-oʻrin sohibi 20 million soʻm, oʻqituvchi (konsertmeyster) 10 million soʻm miqdorida;

(iii) 3-oʻrin sohibi 10 million soʻm, oʻqituvchi (konsertmeyster) 5 million soʻm miqdorida;

(j) ushbu bandda nazarda tutilgan xalqaro nufuzli tanlovlarning gʻolib va sovrindorlari hamda ularning oʻqituvchi (konsertmeyster)larini ragʻbatlantirish tartibi Madaniyat vazirligi tomonidan tasdiqlansin, shuningdek, 2027-yil yakunida mazkur amaliyotni respublika boʻyicha keng joriy etish yuzasidan taklif kiritilsin;

(z) umumxalq bayram dasturlari va yuqori darajadagi anjumanlarning badiiy qismida Maktab va yozgi toʻgarakning iqtidorli oʻquvchilari hamda ijodiy jamoalarining ishtirok etishiga shart-sharoitlar yaratilib, qoʻllab-quvvatlansin;

(i) Maktabda aʼlo baholarga oʻqiyotgan oʻquvchilarning 10 nafarini Maktab badiiy-pedagogik kengashi qarori bilan Madaniyat vazirligi tizimidagi ixtisoslashtirilgan sanʼat va madaniyat maktabi hamda maktab-internatlariga imtihonlarsiz qoʻshimcha kvota asosida qabul qilish tartibi joriy etilsin.

4. Madaniyat vazirligi:

(a) Maktabda “ustoz-shogird” ijrochilik mahorat maktablarini tashkil etishda milliy estradamizning yorqin namoyandalarini jalb etsin hamda ularning samarali faoliyat olib borishi uchun zarur shart-sharoitlarni yaratsin;

(b) Maktabni zarur musiqa cholgʻu asboblari, zamonaviy jihoz va texnikalar, shuningdek, musiqa darsliklari va notalar toʻplamlari bilan taʼminlasin;

(v) Farrux Zokirov ijro dasturi toʻliq notalashtirilishi va ularning toʻplamlari chop etilishi hamda respublika miqyosida taʼlim jarayonlariga keng tatbiq etilishini taʼminlasin;

(g) Toshkent shahar hokimligi bilan birgalikda Maktab binosini kapital taʼmirlash va hududini obodonlashtirish uchun loyiha-smeta hujjatlarini ishlab chiqsin hamda 2026-yil yakuniga qadar qurilish-taʼmirlash ishlarini yakuniga yetkazsin.

5. Iqtisodiyot va moliya vazirligi qarorda belgilangan chora-tadbirlarni moliyalashtirish uchun Madaniyat vazirligiga 2026-yilda Vazirlar Mahkamasining zaxira jamgʻarmasidan 10 milliard soʻm ajratsin, 2027-yildan boshlab zarur mablagʻlarni Davlat budjeti parametrlarida nazarda tutsin.

6. Mazkur qarorning ijrosini samarali tashkil qilishga masʼul va shaxsan javobgar etib madaniyat vaziri O.A. Nazarbekov belgilansin.

7. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 15-apreldagi PQ-137-son qaroriga ILOVA

Farrux Zokirov nomidagi 7-sonli bolalar musiqa va sanʼat maktabi oʻquv-tarbiya jarayonini muvofiqlashtirib borish va yosh isteʼdodlarni qoʻllab-quvvatlash boʻyicha badiiy-pedagogik kengash

F. Zokirov — Oʻzbekiston Respublikasi xalq artisti, Kengash raisi A. Tadjixanov — madaniyat vazirining birinchi oʻrinbosari, Kengash raisi oʻrinbosari M. Tashmatov — Oʻzbekiston Respublikasi xalq artisti A. Mansurov — Botir Zokirov nomidagi Milliy estrada sanʼati instituti rektori R. Abdullayev — Oʻzbekiston kompozitorlari va bastakorlari uyushmasi raisi A. Tojiboyev — Oʻzbekiston davlat filarmoniyasi bosh direktori N. Qurbonova — “Tomosha” bolalar musiqiy teatr-studiyasi direktori D. Saparova — Farrux Zokirov nomidagi 7-son bolalar musiqa va sanʼat maktabi direktori, Kengash kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 15-aprel,

PQ- 137 -son

(Qonunchilik maʼlumotlari milliy bazasi, 15.04.2026-y., 07/26/137/0352-son)

lex.uz

Президента Республики Узбекистан

Постановление

О широкой пропаганде и достойном доведении до молодого поколения творчества народного артиста Республики Узбекистан Фарруха Зокирова

В целях широкой пропаганды и достойного доведения до молодого поколения творчества деятеля искусства и наставника — народного артиста Республики Узбекистан Фарруха Зокирова, посвятившего всю свою жизнь искусству, воспевающего узбекскую национальную эстраду, вносящего огромный вклад в повышение авторитета культуры и искусства нашей страны в мире, многогранная деятельность которого служит «духовным мостом» между народами, постановляю:

1. Присвоить имя Фарруха Зокирова детской школе музыки и искусства № 7 Яшнабадского района города Ташкента (далее — Школа).

2. Создать Художественно-педагогический совет по поддержке молодых дарований и координации учебно-воспитательного процесса детской школы музыки и искусства № 7 имени Фарруха Зокирова, а также утвердить его состав согласно приложению * .

3. Нижеследующие:

(а) в Школе:

(i) организовать деятельность детского ансамбля «Ялла»;

(ii) создать Молодежную творческую лабораторию и школы исполнительского мастерства по направлению «эстрада» на основе традиций «наставник — ученик»;

(iii) ежемесячно поощрять наставников — творческих деятелей школы исполнительского мастерства, созданной решением Художественно-педагогического совета Школы, в 5-кратном размере минимального размера оплаты труда за счет средств Государственного бюджета;

(б) в рамках Молодежной творческой лаборатории:

(i) начиная с 2026/2027 учебного года сформировать группу, включающую по 3 одаренных учащихся детских школ музыки и искусства Республики Каракалпакстан, областей и города Ташкента, которые в каникулярный период вовлекаются в летние кружки и обучаются на специальных курсах эстрадного исполнительства на бесплатной основе;

(ii) до 2026/2027 учебного года создать современную Студию звукозаписи и съемки, которая обеспечивается сценическими оборудованием и костюмами;

(iii) демонстрировать образцы творческих работ учащихся, вовлеченных в Школу и летние кружки, на телевидении и международных онлайн-платформах;

(в) покрывать расходы по созданию, оснащению Молодежной творческой лаборатории, вовлечению учащихся из регионов в летние кружки, включая их проживание, питание и транспортные расходы, из Государственного бюджета в полном объеме;

(г) ежегодно расходы, связанные с участием в престижных международных конкурсах 5 одаренных учащихся Школы и летних кружков, а также их преподавателей и концертмейстеров, компенсировать из Государственного бюджета. При этом перечень таких конкурсов утверждается Министерством культуры;

(д) поощрять в 2026-2027 годах в порядке эксперимента учащихся (коллективы) Школы и летних кружков, ставших победителями и призерами престижных международных конкурсов, а также подготовивших их преподавателей (концертмейстеров) единовременным денежным вознаграждением в следующих размерах:

(i) обладателей гран-при и занявших 1-е место — в размере 30 миллионов сумов, их преподавателей (концертмейстеров) — в размере 20 миллионов сумов;

(ii) занявших 2-е место — в размере 20 миллионов сумов, их преподавателей (концертмейстеров) — в размере 10 миллионов сумов;

(iii) занявших 3-е место — в размере 10 миллионов сумов, их преподавателей (концертмейстеров) — в размере 5 миллионов сумов;

(ж) Министерству культуры утвердить порядок поощрения предусмотренных в настоящем пункте победителей и призеров престижных международных конкурсов, а также их преподавателей (концертмейстеров), в срок до конца 2027 года — внести предложение о широком внедрении данной практики по всей республике;

(з) в художественной части программ всенародных праздников и мероприятий высокого уровня создать условия, поддержать участие одаренных учащихся и творческих коллективов Школы и летних кружков;

(и) внедрить порядок приема по решению Художественно-педагогического совета Школы 10 учащихся, окончивших Школу на оценки «отлично», в специализированные школы искусства и культуры, а также школы-интернаты в системе Министерства культуры без экзаменов на основе дополнительной квоты.

4. Министерству культуры:

(а) при создании школ исполнительского мастерства на основе традиций «наставник — ученик» в Школе привлекать ярких представителей национальной эстрады, а также создать необходимые условия для ведения ими эффективной деятельности;

(б) обеспечить Школу необходимыми музыкальными инструментами, современными оборудованием и техникой, а также учебниками по музыке и сборниками нот;

(в) обеспечить запись в нотах всей исполнительской программы Фарруха Зокирова, ее издание, а также широкое использование в образовательных процессах в масштабе республики;

(г) совместно с хокимиятом города Ташкента разработать проектно-сметную документацию капитального ремонта здания Школы и благоустройства ее территории, в срок до конца 2026 года — завершить работы по строительству и ремонту.

5. Министерству экономики и финансов в целях финансирования мер, определенных настоящим постановлением, в 2026 году выделить Министерству культуры 10 миллиардов сумов из Резервного фонда Кабинета Министров, начиная с 2027 года — предусматривать необходимые средства в параметрах Государственного бюджета.

6. Возложить на министра культуры О.А. Назарбекова персональную ответственность за эффективную организацию исполнения настоящего постановления.

7. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

15 апреля 2026 г.,

№ ПП- 137

(Национальная база данных законодательства, 15.04.2026 г., № 07/26/137/0352)

lex.uz