UzbekAI

Ўзбекистон Республикаси Президентининг

Қарори

Молиявий жарималарни қўллаш тартибини янада либераллаштириш ва суд назорати самарадорлигини ошириш бўйича қўшимча чоралар тўғрисида

Тадбиркорлик субъектларининг ҳуқуқлари ва қонуний манфаатларини ишончли ҳимоя қилиш, уларнинг қонунга риоя этган ҳолда фаолият юритишларини рағбатлантириш, тадбиркорлик соҳасини тартибга солишда ортиқча бюрократик тўсиқ ва эскирган тартиб-таомилларни бартараф этиш, шунингдек, давлат органлари ва мансабдор шахслар фаолияти устидан суд назорати самарадорлигини ошириш мақсадида қарор қиламан:

I. Мақсадлар

1. Қуйидагилар мазкур қарорнинг асосий мақсадлари этиб белгилансин:

(а) тадбиркорлик субъектларига нисбатан молиявий жарималарни қўллашга оид тартиб-таомилларни унификация қилиш орқали тартибга солиш юкини камайтириш ҳамда назорат қилувчи органлар ва судларнинг бу борадаги ваколатларини аниқлаштириш;

(б) ҳуқуқбузарликлар натижасида юзага келган мажбуриятлар тадбиркорлик субъектлари томонидан ихтиёрий равишда бажарилишини рағбатлантириш орқали уларнинг харажатлар юкини 2 бараваргача қисқартириш учун шароит яратиш;

(в) тадбиркорлик субъектларига нисбатан молиявий жарималарни қўллаш билан боғлиқ жараёнларни рақамлаштириш орқали қонунийликни таъминлаш ҳамда уларнинг ҳуқуқ ва қонуний манфаатлари ҳимоясини мустаҳкамлаш.

II. Молиявий жарималарни ихтиёрий тўлашни рағбатлантириш ва суд назорати самарадорлигини ошириш

2. 2026 йил 1 октябрдан бошлаб шундай тартиб ўрнатилсинки, унга мувофиқ:

(а) ваколатли органларнинг молиявий жаримани қўллаш тўғрисидаги қарори тадбиркорлик субъектининг танловига кўра қуйидаги шакллардан бирида ихтиёрий ижро этилиши мумкин:

(i) ваколатли органнинг молиявий жаримани қўллаш тўғрисидаги қарори топширилган кундан бошлаб бир ой муддатда жарима миқдорининг 50 фоизини ихтиёрий равишда тўлаш шарти билан жариманинг қолган қисмини тўлашдан озод этиш;

(ii) қўлланган молиявий жарима суммасини олти ой давомида тенг миқдорларда бўлиб-бўлиб тўлаш. Бунда тадбиркорлик субъекти молиявий жаримани қўллаш тўғрисидаги қарор топширилган кундан бошлаб бир ой давомида жарима суммасининг олтидан бир қисми миқдоридаги дастлабки тўловни тўлаганда, молиявий жаримани бўлиб-бўлиб тўлаш тартиби автоматик равишда амал қилади;

(б) ваколатли органнинг молиявий жаримани қўллаш тўғрисидаги қарори суд томонидан бекор қилинган ёки ҳақиқий эмас деб топилган тақдирда, ундирилган маблағлар, шу жумладан, молиявий жарима ҳамда пеня йўналтирилган манбалар (тегишли бюджет ва бюджет ташкилотларининг бюджетдан ташқари жамғармалари ва бошқалар) ҳисобидан 15 кун муддатда мутаносиб равишда қайтарилади ва белгиланган муддатда қайтарилмаган суммага нисбатан қайтариш муддати бузилган ҳар бир календарь кун учун Марказий банкнинг асосий ставкасининг уч юздан бирига тенг миқдорида фоиз тўланади.

III. Молиявий жарималарни қўллаш жараёнларига рақамли технологияларни жорий этиш

3. Белгилаб қўйилсинки, 2027 йил 1 январдан бошлаб Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил томонидан юритиладиган «Ягона давлат назорати» ахборот тизимида тадбиркорлик субъектларига нисбатан қўлланган молиявий жарималарнинг электрон реестри жорий этилади. Бунда:

(а) ваколатли органларнинг молиявий жарималарни қўллаш тўғрисидаги қарорлари улар қабул қилинганидан сўнг уч иш кунида мажбурий тартибда ушбу электрон реестрга электрон рақамли имзо билан тасдиқланган ҳолда, мазкур жараён тўлиқ рақамлаштирилган ҳолларда эса бундай қарорлар ўзаро интеграциялашган ахборот тизимлари орқали автоматик равишда киритилади;

(б) электрон реестрга киритилмаган ва электрон рақамли имзо билан тасдиқланмаган қарорлар ҳақиқий эмас деб ҳисобланади ва улар асосида молиявий жарима ундирилмайди;

(в) электрон реестрда тадбиркорлик субъекти томонидан содир этилган қилмишнинг такрорийлигига оид маълумотлар базаси юритилади ва хавфни бошқариш тизими ёрдамида таҳлил қилиб борилади.

4. Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил:

(а) 2026 йил якунига қадар:

(i) Солиқ қўмитаси ва бошқа манфаатдор вазирлик ва идоралар билан биргаликда «Ягона давлат назорати» ахборот тизимида тадбиркорлик субъектларига нисбатан қўлланган молиявий жарималарнинг электрон реестрини ишга туширсин;

(ii) Солиқ қўмитаси ва Марказий банк билан биргаликда тадбиркорлик субъектларига нисбатан қўлланган молиявий жарималар ҳисобини юритиш, мониторинг қилиш ҳамда уларни солиқ органларининг махсус мобил иловаси орқали онлайн тўлаш имкониятини яратсин;

(iii) Рақамли технологиялар вазирлиги ва бошқа манфаатдор идоралар билан биргаликда ўзларининг ахборот тизимларини «Ягона давлат назорати» ахборот тизими доирасида интеграция қилсин;

(б) 2027 йил 1 апрелга қадар Солиқ қўмитаси, Олий суд ва Бош прокуратура билан биргаликда солиқ тўловчи — тадбиркорлик субъектининг шахсий кабинети орқали ваколатли органларнинг молиявий жаримани қўллаш тўғрисидаги қарорлари устидан судга онлайн шикоят бериш имкониятини яратсин. Бунда иш юритувга қабул қилинган шикоятлар бўйича қарорларнинг ижросини тўхтатиб туриш ҳақида суд томонидан манфаатдор вазирлик ва идоралар автоматик равишда хабардор қилинади.

5. Қуйидагилар:

(а) Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Адлия вазирлиги, Олий суд билан биргаликда уч ой муддатда тадбиркорлик соҳасидаги қонунчилик ҳужжатларини бузганлик учун бир вақтнинг ўзида тадбиркорлик субъекти ва унинг раҳбари ёки ходимига нисбатан тегишинча молиявий жарима ва маъмурий жавобгарлик чорасини қўллаш амалиётини бартараф этиш юзасидан асослантирилган таклифларни Ўзбекистон Республикаси Президенти Администрациясига;

(б) Солиқ қўмитаси манфаатдор вазирлик ва идоралар билан биргаликда бир ой муддатда мазкур қарорнинг 2-бандида назарда тутилган молиявий жарималарни ихтиёрий тўлашни рағбатлантириш бўйича механизмларни солиқ қонунчилигига жорий этишни назарда тутувчи норматив-ҳуқуқий ҳужжат лойиҳасини Вазирлар Маҳкамасига;

(в) Адлия вазирлиги:

(i) Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Олий суд ҳамда Савдо-саноат палатаси билан биргаликда уч ой муддатда тадбиркорлик субъектларига нисбатан ҳуқуқий таъсир чораларини қўллаш тартибини унификация қилиш ва такомиллаштиришга қаратилган «Ҳуқуқий таъсир чоралари тўғрисида»ги қонун лойиҳасини ишлаб чиқиб, Вазирлар Маҳкамасига;

(ii) бир ой муддатда манфаатдор идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.

IV. Қарор ижросини ташкил этиш, таъминлаш ва назорат

6. Мазкур қарорнинг ижросини самарали ташкил қилишга масъул ҳамда шахсан жавобгар этиб Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил А.А. Буриев, Олий суд раиси Б.Д. Исламов, Адлия вазири А.Д. Ташкулов ҳамда Савдо-саноат палатаси раиси Д.А. Вахабов белгилансин.

7. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президенти Администрацияси раҳбарининг суд тизимини ислоҳ қилиш бўйича ўринбосари Н.Ж. Хакимова зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 15 апрель,

ПҚ-138-сон

(Қонунчилик маълумотлари миллий базаси, 16.04.2026 й., 07/26/138/0353-сон)

lex.uz

Oʻzbekiston Respublikasi Prezidentining

Qarori

Moliyaviy jarimalarni qoʻllash tartibini yanada liberallashtirish va sud nazorati samaradorligini oshirish boʻyicha qoʻshimcha choralar toʻgʻrisida

Tadbirkorlik subyektlarining huquqlari va qonuniy manfaatlarini ishonchli himoya qilish, ularning qonunga rioya etgan holda faoliyat yuritishlarini ragʻbatlantirish, tadbirkorlik sohasini tartibga solishda ortiqcha byurokratik toʻsiq va eskirgan tartib-taomillarni bartaraf etish, shuningdek, davlat organlari va mansabdor shaxslar faoliyati ustidan sud nazorati samaradorligini oshirish maqsadida qaror qilaman:

I. Maqsadlar

1. Quyidagilar mazkur qarorning asosiy maqsadlari etib belgilansin:

(a) tadbirkorlik subyektlariga nisbatan moliyaviy jarimalarni qoʻllashga oid tartib-taomillarni unifikatsiya qilish orqali tartibga solish yukini kamaytirish hamda nazorat qiluvchi organlar va sudlarning bu boradagi vakolatlarini aniqlashtirish;

(b) huquqbuzarliklar natijasida yuzaga kelgan majburiyatlar tadbirkorlik subyektlari tomonidan ixtiyoriy ravishda bajarilishini ragʻbatlantirish orqali ularning xarajatlar yukini 2 baravargacha qisqartirish uchun sharoit yaratish;

(v) tadbirkorlik subyektlariga nisbatan moliyaviy jarimalarni qoʻllash bilan bogʻliq jarayonlarni raqamlashtirish orqali qonuniylikni taʼminlash hamda ularning huquq va qonuniy manfaatlari himoyasini mustahkamlash.

II. Moliyaviy jarimalarni ixtiyoriy toʻlashni ragʻbatlantirish va sud nazorati samaradorligini oshirish

2. 2026-yil 1-oktabrdan boshlab shunday tartib oʻrnatilsinki, unga muvofiq:

(a) vakolatli organlarning moliyaviy jarimani qoʻllash toʻgʻrisidagi qarori tadbirkorlik subyektining tanloviga koʻra quyidagi shakllardan birida ixtiyoriy ijro etilishi mumkin:

(i) vakolatli organning moliyaviy jarimani qoʻllash toʻgʻrisidagi qarori topshirilgan kundan boshlab bir oy muddatda jarima miqdorining 50 foizini ixtiyoriy ravishda toʻlash sharti bilan jarimaning qolgan qismini toʻlashdan ozod etish;

(ii) qoʻllangan moliyaviy jarima summasini olti oy davomida teng miqdorlarda boʻlib-boʻlib toʻlash. Bunda tadbirkorlik subyekti moliyaviy jarimani qoʻllash toʻgʻrisidagi qaror topshirilgan kundan boshlab bir oy davomida jarima summasining oltidan bir qismi miqdoridagi dastlabki toʻlovni toʻlaganda, moliyaviy jarimani boʻlib-boʻlib toʻlash tartibi avtomatik ravishda amal qiladi;

(b) vakolatli organning moliyaviy jarimani qoʻllash toʻgʻrisidagi qarori sud tomonidan bekor qilingan yoki haqiqiy emas deb topilgan taqdirda, undirilgan mablagʻlar, shu jumladan, moliyaviy jarima hamda penya yoʻnaltirilgan manbalar (tegishli budjet va budjet tashkilotlarining budjetdan tashqari jamgʻarmalari va boshqalar) hisobidan 15 kun muddatda mutanosib ravishda qaytariladi va belgilangan muddatda qaytarilmagan summaga nisbatan qaytarish muddati buzilgan har bir kalendar kun uchun Markaziy bankning asosiy stavkasining uch yuzdan biriga teng miqdorida foiz toʻlanadi.

III. Moliyaviy jarimalarni qoʻllash jarayonlariga raqamli texnologiyalarni joriy etish

3. Belgilab qoʻyilsinki, 2027-yil 1-yanvardan boshlab Tadbirkorlik subyektlarining huquqlari va qonuniy manfaatlarini himoya qilish boʻyicha vakil tomonidan yuritiladigan “Yagona davlat nazorati” axborot tizimida tadbirkorlik subyektlariga nisbatan qoʻllangan moliyaviy jarimalarning elektron reyestri joriy etiladi. Bunda:

(a) vakolatli organlarning moliyaviy jarimalarni qoʻllash toʻgʻrisidagi qarorlari ular qabul qilinganidan soʻng uch ish kunida majburiy tartibda ushbu elektron reyestrga elektron raqamli imzo bilan tasdiqlangan holda, mazkur jarayon toʻliq raqamlashtirilgan hollarda esa bunday qarorlar oʻzaro integratsiyalashgan axborot tizimlari orqali avtomatik ravishda kiritiladi;

(b) elektron reyestrga kiritilmagan va elektron raqamli imzo bilan tasdiqlanmagan qarorlar haqiqiy emas deb hisoblanadi va ular asosida moliyaviy jarima undirilmaydi;

(v) elektron reyestrda tadbirkorlik subyekti tomonidan sodir etilgan qilmishning takroriyligiga oid maʼlumotlar bazasi yuritiladi va xavfni boshqarish tizimi yordamida tahlil qilib boriladi.

4. Tadbirkorlik subyektlarining huquqlari va qonuniy manfaatlarini himoya qilish boʻyicha vakil:

(a) 2026-yil yakuniga qadar:

(i) Soliq qoʻmitasi va boshqa manfaatdor vazirlik va idoralar bilan birgalikda “Yagona davlat nazorati” axborot tizimida tadbirkorlik subyektlariga nisbatan qoʻllangan moliyaviy jarimalarning elektron reyestrini ishga tushirsin;

(ii) Soliq qoʻmitasi va Markaziy bank bilan birgalikda tadbirkorlik subyektlariga nisbatan qoʻllangan moliyaviy jarimalar hisobini yuritish, monitoring qilish hamda ularni soliq organlarining maxsus mobil ilovasi orqali onlayn toʻlash imkoniyatini yaratsin;

(iii) Raqamli texnologiyalar vazirligi va boshqa manfaatdor idoralar bilan birgalikda oʻzlarining axborot tizimlarini “Yagona davlat nazorati” axborot tizimi doirasida integratsiya qilsin;

(b) 2027-yil 1-aprelga qadar Soliq qoʻmitasi, Oliy sud va Bosh prokuratura bilan birgalikda soliq toʻlovchi — tadbirkorlik subyektining shaxsiy kabineti orqali vakolatli organlarning moliyaviy jarimani qoʻllash toʻgʻrisidagi qarorlari ustidan sudga onlayn shikoyat berish imkoniyatini yaratsin. Bunda ish yurituvga qabul qilingan shikoyatlar boʻyicha qarorlarning ijrosini toʻxtatib turish haqida sud tomonidan manfaatdor vazirlik va idoralar avtomatik ravishda xabardor qilinadi.

5. Quyidagilar:

(a) Tadbirkorlik subyektlarining huquqlari va qonuniy manfaatlarini himoya qilish boʻyicha vakil Adliya vazirligi, Oliy sud bilan birgalikda uch oy muddatda tadbirkorlik sohasidagi qonunchilik hujjatlarini buzganlik uchun bir vaqtning oʻzida tadbirkorlik subyekti va uning rahbari yoki xodimiga nisbatan tegishincha moliyaviy jarima va maʼmuriy javobgarlik chorasini qoʻllash amaliyotini bartaraf etish yuzasidan asoslantirilgan takliflarni Oʻzbekiston Respublikasi Prezidenti Administratsiyasiga;

(b) Soliq qoʻmitasi manfaatdor vazirlik va idoralar bilan birgalikda bir oy muddatda mazkur qarorning 2-bandida nazarda tutilgan moliyaviy jarimalarni ixtiyoriy toʻlashni ragʻbatlantirish boʻyicha mexanizmlarni soliq qonunchiligiga joriy etishni nazarda tutuvchi normativ-huquqiy hujjat loyihasini Vazirlar Mahkamasiga;

(v) Adliya vazirligi:

(i) Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Oliy sud hamda Savdo-sanoat palatasi bilan birgalikda uch oy muddatda tadbirkorlik subyektlariga nisbatan huquqiy taʼsir choralarini qoʻllash tartibini unifikatsiya qilish va takomillashtirishga qaratilgan “Huquqiy taʼsir choralari toʻgʻrisida”gi qonun loyihasini ishlab chiqib, Vazirlar Mahkamasiga;

(ii) bir oy muddatda manfaatdor idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

IV. Qaror ijrosini tashkil etish, taʼminlash va nazorat

6. Mazkur qarorning ijrosini samarali tashkil qilishga masʼul hamda shaxsan javobgar etib Tadbirkorlik subyektlarining huquqlari va qonuniy manfaatlarini himoya qilish boʻyicha vakil A.A. Buriyev, Oliy sud raisi B.D. Islamov, Adliya vaziri A.D. Tashkulov hamda Savdo-sanoat palatasi raisi D.A. Vaxabov belgilansin.

7. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbarining sud tizimini isloh qilish boʻyicha oʻrinbosari N.J. Xakimova zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 15-aprel,

PQ-138-son

(Qonunchilik maʼlumotlari milliy bazasi, 16.04.2026-y., 07/26/138/0353-son)

lex.uz

Президента Республики Узбекистан

Постановление

О дополнительных мерах по дальнейшей либерализации порядка применения финансовых штрафов и повышению эффективности судебного контроля

В целях надежной защиты прав и законных интересов субъектов предпринимательства, стимулирования ведения ими деятельности с соблюдением закона, устранения излишних бюрократических препятствий и устаревших процедур при регулировании сферы предпринимательства, а также повышения эффективности судебного контроля за деятельностью государственных органов и должностных лиц постановляю:

I. Цели

1. Определить основными целями настоящего постановления:

(а) снижение регуляторной нагрузки путем унификации процедур применения финансовых штрафов в отношении субъектов предпринимательства, а также конкретизацию полномочий контролирующих органов и судов в данном направлении;

(б) создание условия для сокращения до 2 раз расходной нагрузки субъектов предпринимательства путем стимулирования добровольного выполнения ими обязательств, возникших в результате правонарушений;

(в) обеспечение законности путем цифровизации процессов, связанных с применением финансовых штрафов в отношении субъектов предпринимательства, а также укрепление защиты их прав и законных интересов.

II. Стимулирование добровольной уплаты финансовых штрафов и повышение эффективности судебного контроля

2. Установить с 1 октября 2026 года порядок, в соответствии с которым:

(а) постановление уполномоченного органа о применении финансового штрафа может исполняться добровольно по выбору субъекта предпринимательства в одной из следующих форм:

(i) добровольная уплата 50 процентов финансового штрафа в месячный срок со дня вручения постановления уполномоченного органа о применении финансового штрафа с освобождением от уплаты оставшейся части штрафа;

(ii) уплата в рассрочку равными долями в течение шести месяцев суммы примененного финансового штрафа. При этом если субъект предпринимательства произведет оплату первоначального платежа в размере одной шестой части суммы штрафа в течение месяца со дня вручения постановления о применении финансового штрафа, порядок уплаты в рассрочку финансового штрафа действует в автоматическом порядке;

(б) в случае отмены судом постановления уполномоченного органа о применении финансового штрафа или признания его недействительным взысканные средства возвращаются из источников, в которые были направлены финансовый штраф и пеня (соответствующий бюджет, внебюджетные фонды бюджетных организаций и другие) в 15-дневный срок в пропорциональном порядке и на сумму, невозвращенную в установленный срок, выплачивается процент в размере, равном одной трехсотой основной ставки Центрального банка, за каждый календарный день нарушения срока возврата.

III. Внедрение цифровых технологий в процессы применения финансовых штрафов

3. Определить, что с 1 января 2027 года в информационной системе «Ягона давлат назорати», ведение которой осуществляется Уполномоченным по защите прав и законных интересов субъектов предпринимательства, внедряется электронный реестр финансовых штрафов, применяемых в отношении субъектов предпринимательства. При этом:

(а) постановления уполномоченных органов о применении финансовых штрафов после их принятия в течение трех рабочих дней в обязательном порядке вносятся в данный электронный реестр с утверждением электронной цифровой подписью, а в случаях полной цифровизации данного процесса такие постановления автоматически вносятся в электронный реестр посредством взаимно интегрированных информационных систем;

(б) постановления, не внесенные в электронный реестр и не утвержденные электронной цифровой подписью, признаются недействительными и на их основе финансовый штраф не взимается;

(в) в электронном реестре ведется база данных о повторности совершения деяния субъектом предпринимательства и осуществляется анализ с помощью системы управления рисками.

4. Уполномоченному по защите прав и законных интересов субъектов предпринимательства:

(а) до конца 2026 года:

(i) совместно с Налоговым комитетом и другими заинтересованными министерствами и ведомствами запустить в информационной системе «Ягона давлат назорати» электронный реестр финансовых штрафов, примененных в отношении субъектов предпринимательства;

(ii) совместно с Налоговым комитетом и Центральным банком создать возможность ведения учета и мониторинга финансовых штрафов, примененных в отношении субъектов предпринимательства, их онлайн-уплаты посредством специального мобильного приложения налоговых органов;

(iii) совместно с Министерством цифровых технологий и другими заинтересованными ведомствами осуществить интеграцию своих информационных систем в рамках информационной системы «Ягона давлат назорати»;

(б) в срок до 1 апреля 2027 года совместно с Налоговым комитетом, Верховным судом и Генеральной прокуратурой создать возможность онлайн обжалования в суд постановлений уполномоченных органов о применении финансовых штрафов посредством личного кабинета налогоплательщика — субъекта предпринимательства. При этом суд в автоматическом порядке оповещает заинтересованные министерства и ведомства о приостановлении исполнения постановлений по жалобам, принятым к делопроизводству.

5. Нижеследующим:

(а) Уполномоченному по защите прав и законных интересов субъектов предпринимательства совместно с Министерством юстиции, Верховным судом в трехмесячный срок внести в Администрацию Президента Республики Узбекистан обоснованные предложения по устранению практики одновременного применения финансового штрафа и мер административной ответственности соответственно в отношении субъекта предпринимательства и его руководителя или работника за нарушение актов законодательства в сфере предпринимательства;

(б) Налоговому комитету совместно с заинтересованными министерствами и ведомствами в месячный срок внести в Кабинет Министров проект нормативно-правового акта, предусматривающего внедрение в налоговое законодательство механизмов по стимулированию добровольной уплаты финансовых штрафов, предусмотренных в пункте 2 настоящего постановления;

(в) Министерству юстиции:

(i) совместно с Уполномоченным по защите прав и законных интересов субъектов предпринимательства, Верховным судом и Торгово-промышленной палатой в трехмесячный срок разработать и внести в Кабинет Министров проект закона «О мерах правового воздействия», направленного на унификацию и совершенствование порядка применения мер правового воздействия в отношении субъектов предпринимательства;

(ii) в месячный срок совместно с заинтересованными ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.

IV. Организация, обеспечение и контроль исполнения постановления

6. Возложить на Уполномоченного по защите прав и законных интересов субъектов предпринимательства А.А. Буриева, председателя Верховного суда Б.Д. Исламова, министра юстиции А.Д. Ташкулова и председателя Торгово-промышленной платы Д.А. Вахабова персональную ответственность за эффективную организацию исполнения настоящего постановления.

7. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и заместителя руководителя Администрации Президента Республики Узбекистан по реформированию судебной системы Н.Ж. Хакимову.

Президент Республики Узбекистан Ш. МИРЗИЁЕВ

г. Ташкент,

15 апреля 2026 г.,

№ ПП-138

(Национальная база данных законодательства, 16.04.2026 г., № 07/26/138/0353)

lex.uz