📅 2026-yil 15-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 15 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 апреля 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 15 April 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
Қарори
ПАСПОРТИ
Коммунал хизматлардан қарздорлик мавжуд эмаслиги тўғрисида маълумотнома бериш бўйича давлат хизматини кўрсатиш тартибини жорий этиш ҳақида
Ўзбекистон Республикаси Президентининг «Республиканинг ҳудуд, соҳа ва тармоқларида рақамли технологиялар жорий этилишини янада жадаллаштириш чора-тадбирлари тўғрисида» 2025 йил 16 сентябрдаги ПҚ-286-сон қарори ижросини таъминлаш, шунингдек, коммунал хизматлардан қарздорлик мавжуд эмаслиги тўғрисида маълумотнома бериш бўйича давлат хизматини кўрсатиш тартибини жорий этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Республиканинг ҳудуд, соҳа ва тармоқларида рақамли технологиялар жорий этилишини янада жадаллаштириш чора-тадбирлари тўғрисида» 2025 йил 16 сентябрдаги ПҚ-286-сон қарорида коммунал хизматлардан қарздорлик мавжуд эмаслиги тўғрисида маълумотнома бериш бўйича давлат хизматини Ягона интерактив давлат хизматлари порталида (кейинги ўринларда — ЯИДХП) жорий этиш белгилангани маълумот учун қабул қилинсин.
2. Вазирлар Маҳкамасининг 2023 йил 20 ноябрдаги 612-сон қарори билан тасдиқланган Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентига иловага мувофиқ коммунал хизматлардан қарздорлик мавжуд эмаслиги тўғрисида маълумотнома бериш паспортини тасдиқлашни назарда тутувчи ўзгартириш ва қўшимча киритилсин.
3. Адлия вазирлиги, Экология ва иқлим ўзгариши миллий қўмитаси, Энергетика вазирлиги, Қурилиш ва уй-жой коммунал хўжалиги вазирлиги ҳамда Рақамли технологиялар вазирлиги билан биргаликда бир ой муддатда:
кўчмас мулк билан боғлиқ нотариал ҳаракатларни амалга ошириш жараёнида кўчмас мулкнинг коммунал тармоқларга уланмаганлик маълумотлари мавжуд ахборот тизими «E-notarius.uz» ахборот порталига интеграция қилинишини таъминласин;
Бош прокуратура ҳузуридаги Мажбурий ижро бюроси билан биргаликда ижро ишлари доирасида фуқаролар тўлаган коммунал тўловлар бўйича электрон маълумот алмашинувини йўлга қўйсин;
ЯИДХПда ушбу хизматларни кўрсатишнинг ҳар бир босқичида ариза берувчиларнинг мурожаатлари кўриб чиқилишини кузатиб бориш имкониятини яратсин.
Ушбу бандда кўрсатилган ахборот тизимлари ўртасида ўзаро электрон ҳамкорлик ва ахборот алмашинув жараёни «Рақамли ҳукумат» тизимининг идоралараро интеграциялашув платформаси орқали амалга оширилади.
4. Адлия вазирлиги давлат органлари ва бошқа ташкилотлар томонидан давлат хизматлари белгиланган тартиби кўрсатилиши юзасидан ЯИДХП орқали доимий назорат ўрнатсин.
5. Ўзбекистон Миллий ахборот агентлиги, Миллий телерадиокомпанияси мутасадди вазирлик ва идоралар билан биргаликда ушбу қарорнинг мазмун ва моҳияти оммавий ахборот воситаларида кенг ёритилишини таъминласин.
6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов, қурилиш ва уй-жой коммунал хўжалиги вазири Ш.С. Хидоятов ҳамда энергетика вазири Ж.Т. Мирзамаҳмудов зиммасига юклансин.
Вазирлар Маҳкамасининг 2026 йил 15 апрелдаги 171-сон қарорига ИЛОВА
Вазирлар Маҳкамасининг 2023 йил 20 ноябрдаги 612-сон қарори билан тасдиқланган Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентига киритилаётган ўзгартириш ва қўшимча
1. 1-банднинг учинчи хатбошисидаги «51» рақами «52» рақами билан алмаштирилсин.
2. Қуйидаги мазмундаги 52-илова билан тўлдирилсин:
«Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентига 52-ИЛОВА
Коммунал хизматлардан қарздорлик мавжуд эмаслиги тўғрисида маълумотнома бериш
1. Давлат хизмати номи Коммунал хизматлардан қарздорлик мавжуд эмаслиги тўғрисида маълумотнома 2. Давлат хизматидан фойдаланувчилар тоифаси Жисмоний ва юридик шахслар 3. Давлат хизматини кўрсатувчи ваколатли орган(лар) Қурилиш ва уй-жой коммунал хўжалиги вазирлиги, Экология ва иқлим ўзгариши миллий қўмитаси ҳузуридаги Чиқиндиларни бошқариш ва циркуляр иқтисодиётни ривожлантириш агентлиги, «Ҳудудгазтаъминот» АЖ, «Ҳудудий электр тармоқлари» АЖ, «Ўзсувтаъминот» АЖ, «Иссиқликтаъминоти» АЖ ва «VEOLIA ENERGY TASНKENT» МЧЖ ХК 4. Давлат хизматидан фойдаланиш учун талаб этиладиган маълумотлар 1. Сўровномада шахсга оид қуйидаги маълумотлар кўрсатилади: ариза берувчи жисмоний шахс учун: фамилияси, исми ва отасининг исми (ўзгарган бўлса, бу ҳақида маълумотлар кўрсатилади); паспорт ёки идентификацияловчи ID-картаси маълумотлари (ЖШШИР маълумотлари); маълумотнома тили (ўзбек/рус); электрон манзили (мавжуд бўлса) ва телефон рақами; кадастр рақами; Ариза берувчи юридик шахс учун: тўлиқ номи; телефон рақами; СТИР; кадастр рақами; абонент ҳисобрақами (мавжуд бўлса). 2. Нотариал тасдиқланган ишончнома (агар учинчи шахслар манфаати учун ҳаракат қилинаётган бўлса). 5. Давлат хизматини кўрсатганлик учун ундириладиган йиғим миқдори Бепул 6. Давлат хизматини кўрсатиш муддати Реал вақт режимида 7. Изоҳ Ариза берувчининг хоҳишига кўра бир вақтнинг ўзида бир ёки бир нечта коммунал хизмат кўрсатувчи ташкилотларга сўров юбориш имконияти яратилади. ».
Ўзбекистон Республикасининг Бош вазири А. АРИПОВ
Тошкент ш.,
2026 йил 15 апрель,
171-сон
Oʻzbekiston Respublikasi Vazirlar Mahkamasining
Qarori
PASPORTI
Kommunal xizmatlardan qarzdorlik mavjud emasligi toʻgʻrisida maʼlumotnoma berish boʻyicha davlat xizmatini koʻrsatish tartibini joriy etish haqida
Oʻzbekiston Respublikasi Prezidentining “Respublikaning hudud, soha va tarmoqlarida raqamli texnologiyalar joriy etilishini yanada jadallashtirish chora-tadbirlari toʻgʻrisida” 2025-yil 16-sentabrdagi PQ-286-son qarori ijrosini taʼminlash, shuningdek, kommunal xizmatlardan qarzdorlik mavjud emasligi toʻgʻrisida maʼlumotnoma berish boʻyicha davlat xizmatini koʻrsatish tartibini joriy etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Respublikaning hudud, soha va tarmoqlarida raqamli texnologiyalar joriy etilishini yanada jadallashtirish chora-tadbirlari toʻgʻrisida” 2025-yil 16-sentabrdagi PQ-286-son qarorida kommunal xizmatlardan qarzdorlik mavjud emasligi toʻgʻrisida maʼlumotnoma berish boʻyicha davlat xizmatini Yagona interaktiv davlat xizmatlari portalida (keyingi oʻrinlarda — YIDXP) joriy etish belgilangani maʼlumot uchun qabul qilinsin.
2. Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentiga ilovaga muvofiq kommunal xizmatlardan qarzdorlik mavjud emasligi toʻgʻrisida maʼlumotnoma berish pasportini tasdiqlashni nazarda tutuvchi oʻzgartirish va qoʻshimcha kiritilsin.
3. Adliya vazirligi, Ekologiya va iqlim oʻzgarishi milliy qoʻmitasi, Energetika vazirligi, Qurilish va uy-joy kommunal xoʻjaligi vazirligi hamda Raqamli texnologiyalar vazirligi bilan birgalikda bir oy muddatda:
koʻchmas mulk bilan bogʻliq notarial harakatlarni amalga oshirish jarayonida koʻchmas mulkning kommunal tarmoqlarga ulanmaganlik maʼlumotlari mavjud axborot tizimi “E-notarius.uz” axborot portaliga integratsiya qilinishini taʼminlasin;
Bosh prokuratura huzuridagi Majburiy ijro byurosi bilan birgalikda ijro ishlari doirasida fuqarolar toʻlagan kommunal toʻlovlar boʻyicha elektron maʼlumot almashinuvini yoʻlga qoʻysin;
YIDXPda ushbu xizmatlarni koʻrsatishning har bir bosqichida ariza beruvchilarning murojaatlari koʻrib chiqilishini kuzatib borish imkoniyatini yaratsin.
Ushbu bandda koʻrsatilgan axborot tizimlari oʻrtasida oʻzaro elektron hamkorlik va axborot almashinuv jarayoni “Raqamli hukumat” tizimining idoralararo integratsiyalashuv platformasi orqali amalga oshiriladi.
4. Adliya vazirligi davlat organlari va boshqa tashkilotlar tomonidan davlat xizmatlari belgilangan tartibi koʻrsatilishi yuzasidan YIDXP orqali doimiy nazorat oʻrnatsin.
5. Oʻzbekiston Milliy axborot agentligi, Milliy teleradiokompaniyasi mutasaddi vazirlik va idoralar bilan birgalikda ushbu qarorning mazmun va mohiyati ommaviy axborot vositalarida keng yoritilishini taʼminlasin.
6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov, qurilish va uy-joy kommunal xoʻjaligi vaziri Sh.S. Xidoyatov hamda energetika vaziri J.T. Mirzamahmudov zimmasiga yuklansin.
Vazirlar Mahkamasining 2026-yil 15-apreldagi 171-son qaroriga ILOVA
Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentiga kiritilayotgan oʻzgartirish va qoʻshimcha
1. 1-bandning uchinchi xatboshisidagi “51” raqami “52” raqami bilan almashtirilsin.
2. Quyidagi mazmundagi 52-ilova bilan toʻldirilsin:
“Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentiga 52-ILOVA
Kommunal xizmatlardan qarzdorlik mavjud emasligi toʻgʻrisida maʼlumotnoma berish
1. Davlat xizmati nomi Kommunal xizmatlardan qarzdorlik mavjud emasligi toʻgʻrisida maʼlumotnoma 2. Davlat xizmatidan foydalanuvchilar toifasi Jismoniy va yuridik shaxslar 3. Davlat xizmatini koʻrsatuvchi vakolatli organ(lar) Qurilish va uy-joy kommunal xoʻjaligi vazirligi, Ekologiya va iqlim oʻzgarishi milliy qoʻmitasi huzuridagi Chiqindilarni boshqarish va sirkulyar iqtisodiyotni rivojlantirish agentligi, “Hududgaztaʼminot” AJ, “Hududiy elektr tarmoqlari” AJ, “Oʻzsuvtaʼminot” AJ, “Issiqliktaʼminoti” AJ va “VEOLIA ENERGY TASNKENT” MCHJ XK 4. Davlat xizmatidan foydalanish uchun talab etiladigan maʼlumotlar 1. Soʻrovnomada shaxsga oid quyidagi maʼlumotlar koʻrsatiladi: ariza beruvchi jismoniy shaxs uchun: familiyasi, ismi va otasining ismi (oʻzgargan boʻlsa, bu haqida maʼlumotlar koʻrsatiladi); pasport yoki identifikatsiyalovchi ID-kartasi maʼlumotlari (JSHSHIR maʼlumotlari); maʼlumotnoma tili (oʻzbek/rus); elektron manzili (mavjud boʻlsa) va telefon raqami; kadastr raqami; Ariza beruvchi yuridik shaxs uchun: toʻliq nomi; telefon raqami; STIR; kadastr raqami; abonent hisobraqami (mavjud boʻlsa). 2. Notarial tasdiqlangan ishonchnoma (agar uchinchi shaxslar manfaati uchun harakat qilinayotgan boʻlsa). 5. Davlat xizmatini koʻrsatganlik uchun undiriladigan yigʻim miqdori Bepul 6. Davlat xizmatini koʻrsatish muddati Real vaqt rejimida 7. Izoh Ariza beruvchining xohishiga koʻra bir vaqtning oʻzida bir yoki bir nechta kommunal xizmat koʻrsatuvchi tashkilotlarga soʻrov yuborish imkoniyati yaratiladi. ”.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 15-aprel,
171-son