UzbekAI

Ўзбекистон Республикаси Олий таълим, фан ва инновациялар вазирлиги Ўзбекистон Республикаси Мактабгача ва мактаб таълими вазирлиги Ўзбекистон Республикаси Камбағалликни қисқартириш ва бандлик вазирлигининг

қарори

«Етим ва ота-она қарамоғидан маҳрум бўлган, тўлиқ давлат таъминотида бўлмаган ўрта махсус ва профессионал таълим муассасалари битирувчиларини «Маҳалла» хайрия жамоат фонди томонидан танлаб олиш ҳамда уларга нафақа тўлаш тартиби тўғрисидаги низомни тасдиқлаш ҳақида»ги қарорга ўзгартиришлар киритиш тўғрисида

Ўзбекистон Республикасининг 2024 йил 7 сентябрдаги ЎРҚ-957-сон «Маъмурий ислоҳотлар доирасида таълим соҳасида давлат бошқаруви такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонуни ҳамда Ўзбекистон Республикаси Президентининг 2024 йил 16 октябрдаги ПФ-158-сон « Касбий таълимда малакали кадрлар тайёрлаш тизимини янада такомиллаштириш ва халқаро таълим дастурларини жорий қилиш чора-тадбирлари тўғрисида »ги, 2025 йил 23 октябрдаги ПФ-190-сон « Касбий таълим тизимида бошқарув самарадорлигини ошириш чора-тадбирлари тўғрисида »ги, 2025 йил 25 ноябрдаги ПФ-231-сон « Қонунчиликдаги ҳуқуқий бўшлиқларни бартараф этиш ва тартибга солиш юкини камайтириш тўғрисида »ги фармонларига мувофиқ Ўзбекистон Республикаси Олий таълим, фан ва инновациялар вазирлиги, Камбағалликни қисқартириш ва бандлик вазирлиги ҳамда Мактабгача ва мактаб таълими вазирлиги қарор қилади:

1. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Меҳнат вазирлиги ва Халқ таълими вазирлигининг 2016 йил 15 апрелдаги 38/ққ, 6/ққ, 4-мҳ-сон «Етим ва ота-она қарамоғидан маҳрум бўлган, тўлиқ давлат таъминотида бўлмаган ўрта махсус ва профессионал таълим муассасалари битирувчиларини «Маҳалла» хайрия жамоат фонди томонидан танлаб олиш ҳамда уларга нафақа тўлаш тартиби тўғрисидаги низомни тасдиқлаш ҳақида»ги қарорига (рўйхат рақами 2779, 2016 йил 18 апрель) (Ўзбекистон Республикаси қонун ҳужжатлари тўплами, 2016 й., 16-сон, 170-модда) иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Олий таълим, фан ва инновациялар вазирлигининг 2026 йил 2 апрелдаги 18-қ/қ-сон, Камбағалликни қисқартириш ва бандлик вазирлигининг 2026 йил 18 мартдаги 29-мҳ-сон ҳамда Мактабгача ва мактаб таълими вазирлигининг 2026 йил 16 мартдаги 29-мҳ-сон қарорига ИЛОВА

«Етим ва ота-она қарамоғидан маҳрум бўлган, тўлиқ давлат таъминотида бўлмаган ўрта махсус ва профессионал таълим муассасалари битирувчиларини «Маҳалла» хайрия жамоат фонди томонидан танлаб олиш ҳамда уларга нафақа тўлаш тартиби тўғрисидаги низомни тасдиқлаш ҳақида»ги қарорга киритилаётган ўзгартиришлар

1. Қарорнинг номи ва 1-бандидаги «профессионал таълим муассасалари» деган сўзлар «касбий таълим ташкилотлари» деган сўзлар билан алмаштирилсин.

2. Низомда :

1) номидаги «профессионал таълим муассасалари» деган сўзлар «касбий таълим ташкилотлари» деган сўзлар билан алмаштирилсин;

2) муқаддимадаги «профессионал таълим муассасалари» ва «таълим муассасаси» деган сўзлар тегишли равишда «касбий таълим ташкилотлари» ҳамда «таълим ташкилоти» деган сўзлар билан алмаштирилсин;

3) 1-банднинг тўртинчи хатбошиси ва 2-банддаги «таълим муассасасида» деган сўзлар «таълим ташкилотида» деган сўзлар билан алмаштирилсин;

4) 3-банддаги «таълим муассасасини» деган сўзлар «таълим ташкилотини» деган сўзлар билан алмаштирилсин;

5) 5-бандда :

биринчи хатбошидаги «таълим муассасасини» ва «таълим муассасаси» деган сўзлар тегишли равишда «таълим ташкилотини» ҳамда «таълим ташкилоти» деган сўзлар билан алмаштирилсин;

тўртинчи хатбошидаги «таълим муассасаси» деган сўзлар «таълим ташкилоти» деган сўзлар билан алмаштирилсин;

6) 6-банддаги «Таълим муассасаси» ва «таълим муассасаси» деган сўзлар тегишли равишда «Таълим ташкилоти» ҳамда «таълим ташкилоти» деган сўзлар билан алмаштирилсин;

7) 7-бандда :

учинчи хатбоши қуйидаги таҳрирда баён этилсин:

«Қорақалпоғистон Республикаси Касбий таълим агентлиги, вилоятлар ва Тошкент шаҳар касбий таълим бошқармалари бошлиқлари — комиссия аъзоси;»;

олтинчи хатбошидаги «таълим муассасаси» деган сўзлар «таълим ташкилоти» деган сўзлар билан алмаштирилсин;

8) 9-банднинг биринчи хатбошисидаги «таълим муассасаси» деган сўзлар «таълим ташкилоти» деган сўзлар билан алмаштирилсин;

9) 10-банд қуйидаги таҳрирда баён этилсин:

«10. Комиссия томонидан мазкур Низомнинг 9-бандида кўрсатилган ҳолатларни ўрганиш натижасида қуйидаги омиллар ёки улардан бири аниқланган тақдирда, битирувчи нафақа олишга муҳтож деб топилади:

а) битирувчининг ота-она қаровисиз қолишига асос бўлган ҳолатларда (отаси ҳам, онаси ҳам вафот этган ёки улар суд қарорига биноан вафот этган деб эълон қилинган, ота-онаси ота-оналик ҳуқуқидан маҳрум этилган, уларнинг ота-оналик ҳуқуқи чекланган, улар муомалага лаёқатсиз деб топилган, касал бўлган, узоқ муддат бўлмаган, ота-она болаларни тарбиялаш ёки уларнинг ҳуқуқ ва манфаатларини ҳимоя қилишдан бўйин товлаган, шу жумладан ота-она тарбия, даволаш, аҳолини ижтимоий ҳимоялаш муассасалари ва шунга ўхшаш бошқа муассасалардаги боласини олишдан бош тортган, шунингдек бошқа сабабларга кўра ота-она қарамоғидан маҳрум бўлганда);

б) битирувчи турар жой билан таъминланмаганда;

д) битирувчининг тиббий-ижтимоий аҳволи оғир бўлганда (ногиронлиги, узоқ муддат даволанишга муҳтожлиги ёки вақтинча меҳнатга лаёқатсизлиги мавжуд бўлганда).»;

10) 18-банддаги «Таълим муассасаси» деган сўзлар «Таълим ташкилоти» деган сўзлар билан алмаштирилсин;

11) 20-банддаги «таълим муассасасида» деган сўзлар «таълим ташкилотида» деган сўзлар билан алмаштирилсин;

12) 22-банддаги «Таълим муассасаси» деган сўзлар «Таълим ташкилоти» деган сўзлар билан алмаштирилсин.

Олий таълим, фан ва инновациялар вазири К. ШАРИПОВ

Камбағалликни қисқартириш ва бандлик вазири Б. ЗАХИДОВ

Мактабгача ва мактаб таълими вазири Э. КАРИМОВА

Тошкент ш.,

2026 йил 2 апрель,

Тошкент ш.,

2026 йил 18 март,

Тошкент ш.,

2026 йил 16 март,

18-қ/қ-сон

29-мҳ-сон

29-мҳ-сон

(Қонунчилик маълумотлари миллий базаси, 16.04.2026 й., 10/26/2779-2/0355-сон)

lex.uz

Oʻzbekiston Respublikasi Oliy taʼlim, fan va innovatsiyalar vazirligi Oʻzbekiston Respublikasi Maktabgacha va maktab taʻlimi vazirligi Oʻzbekiston Respublikasi Kambagʻallikni qisqartirish va bandlik vazirligining

qarori

“Yetim va ota-ona qaramogʻidan mahrum boʻlgan, toʻliq davlat taʼminotida boʻlmagan oʻrta maxsus va professional taʼlim muassasalari bitiruvchilarini “Mahalla” xayriya jamoat fondi tomonidan tanlab olish hamda ularga nafaqa toʻlash tartibi toʻgʻrisidagi nizomni tasdiqlash haqida”gi qarorga oʻzgartirishlar kiritish toʻgʻrisida

Oʻzbekiston Respublikasining 2024-yil 7-sentabrdagi OʻRQ-957-son “Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni hamda Oʻzbekiston Respublikasi Prezidentining 2024-yil 16-oktabrdagi PF-158-son “ Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida ”gi, 2025-yil 23-oktabrdagi PF-190-son “ Kasbiy taʼlim tizimida boshqaruv samaradorligini oshirish chora-tadbirlari toʻgʻrisida ”gi, 2025-yil 25-noyabrdagi PF-231-son “ Qonunchilikdagi huquqiy boʻshliqlarni bartaraf etish va tartibga solish yukini kamaytirish toʻgʻrisida ”gi farmonlariga muvofiq Oʻzbekiston Respublikasi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi hamda Maktabgacha va maktab taʼlimi vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Mehnat vazirligi va Xalq taʼlimi vazirligining 2016-yil 15-apreldagi 38/qq, 6/qq, 4-mh-son “Yetim va ota-ona qaramogʻidan mahrum boʻlgan, toʻliq davlat taʼminotida boʻlmagan oʻrta maxsus va professional taʼlim muassasalari bitiruvchilarini “Mahalla” xayriya jamoat fondi tomonidan tanlab olish hamda ularga nafaqa toʻlash tartibi toʻgʻrisidagi nizomni tasdiqlash haqida”gi qaroriga (roʻyxat raqami 2779, 2016-yil 18-aprel) (Oʻzbekiston Respublikasi qonun hujjatlari toʻplami, 2016-y., 16-son, 170-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Oliy taʼlim, fan va innovatsiyalar vazirligining 2026-yil 2-apreldagi 18-q/q-son, Kambagʻallikni qisqartirish va bandlik vazirligining 2026-yil 18-martdagi 29-mh-son hamda Maktabgacha va maktab taʼlimi vazirligining 2026-yil 16-martdagi 29-mh-son qaroriga ILOVA

“Yetim va ota-ona qaramogʻidan mahrum boʻlgan, toʻliq davlat taʼminotida boʻlmagan oʻrta maxsus va professional taʼlim muassasalari bitiruvchilarini “Mahalla” xayriya jamoat fondi tomonidan tanlab olish hamda ularga nafaqa toʻlash tartibi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar

1. Qarorning nomi va 1-bandidagi “professional taʼlim muassasalari” degan soʻzlar “kasbiy taʼlim tashkilotlari” degan soʻzlar bilan almashtirilsin.

2. Nizomda :

1) nomidagi “professional taʼlim muassasalari” degan soʻzlar “kasbiy taʼlim tashkilotlari” degan soʻzlar bilan almashtirilsin;

2) muqaddimadagi “professional taʼlim muassasalari” va “taʼlim muassasasi” degan soʻzlar tegishli ravishda “kasbiy taʼlim tashkilotlari” hamda “taʼlim tashkiloti” degan soʻzlar bilan almashtirilsin;

3) 1-bandning toʻrtinchi xatboshisi va 2-banddagi “taʼlim muassasasida” degan soʻzlar “taʼlim tashkilotida” degan soʻzlar bilan almashtirilsin;

4) 3-banddagi “taʼlim muassasasini” degan soʻzlar “taʼlim tashkilotini” degan soʻzlar bilan almashtirilsin;

5) 5-bandda :

birinchi xatboshidagi “taʼlim muassasasini” va “taʼlim muassasasi” degan soʻzlar tegishli ravishda “taʼlim tashkilotini” hamda “taʼlim tashkiloti” degan soʻzlar bilan almashtirilsin;

toʻrtinchi xatboshidagi “taʼlim muassasasi” degan soʻzlar “taʼlim tashkiloti” degan soʻzlar bilan almashtirilsin;

6) 6-banddagi “Taʼlim muassasasi” va “taʼlim muassasasi” degan soʻzlar tegishli ravishda “Taʼlim tashkiloti” hamda “taʼlim tashkiloti” degan soʻzlar bilan almashtirilsin;

7) 7-bandda :

uchinchi xatboshi quyidagi tahrirda bayon etilsin:

“Qoraqalpogʻiston Respublikasi Kasbiy taʼlim agentligi, viloyatlar va Toshkent shahar kasbiy taʼlim boshqarmalari boshliqlari — komissiya aʼzosi;”;

oltinchi xatboshidagi “taʼlim muassasasi” degan soʻzlar “taʼlim tashkiloti” degan soʻzlar bilan almashtirilsin;

8) 9-bandning birinchi xatboshisidagi “taʼlim muassasasi” degan soʻzlar “taʼlim tashkiloti” degan soʻzlar bilan almashtirilsin;

9) 10-band quyidagi tahrirda bayon etilsin:

“10. Komissiya tomonidan mazkur Nizomning 9-bandida koʻrsatilgan holatlarni oʻrganish natijasida quyidagi omillar yoki ulardan biri aniqlangan taqdirda, bitiruvchi nafaqa olishga muhtoj deb topiladi:

а) bitiruvchining ota-ona qarovisiz qolishiga asos boʻlgan holatlarda (otasi ham, onasi ham vafot etgan yoki ular sud qaroriga binoan vafot etgan deb eʼlon qilingan, ota-onasi ota-onalik huquqidan mahrum etilgan, ularning ota-onalik huquqi cheklangan, ular muomalaga layoqatsiz deb topilgan, kasal boʻlgan, uzoq muddat boʻlmagan, ota-ona bolalarni tarbiyalash yoki ularning huquq va manfaatlarini himoya qilishdan boʻyin tovlagan, shu jumladan ota-ona tarbiya, davolash, aholini ijtimoiy himoyalash muassasalari va shunga oʻxshash boshqa muassasalardagi bolasini olishdan bosh tortgan, shuningdek boshqa sabablarga koʻra ota-ona qaramogʻidan mahrum boʻlganda);

b) bitiruvchi turar joy bilan taʼminlanmaganda;

d) bitiruvchining tibbiy-ijtimoiy ahvoli ogʻir boʻlganda (nogironligi, uzoq muddat davolanishga muhtojligi yoki vaqtincha mehnatga layoqatsizligi mavjud boʻlganda).”;

10) 18-banddagi “Taʼlim muassasasi” degan soʻzlar “Taʼlim tashkiloti” degan soʻzlar bilan almashtirilsin;

11) 20-banddagi “taʼlim muassasasida” degan soʻzlar “taʼlim tashkilotida” degan soʻzlar bilan almashtirilsin;

12) 22-banddagi “Taʼlim muassasasi” degan soʻzlar “Taʼlim tashkiloti” degan soʻzlar bilan almashtirilsin.

Oliy taʼlim, fan va innovatsiyalar vaziri K. SHARIPOV

Kambagʻallikni qisqartirish va bandlik vaziri B. ZAXIDOV

Maktabgacha va maktab taʻlimi vaziri E. KARIMOVA

Toshkent sh.,

2026-yil 2-aprel,

Toshkent sh.,

2026-yil 18-mart,

Toshkent sh.,

2026-yil 16-mart,

18-q/q-son

29-mh-son

29-mh-son

(Qonunchilik maʼlumotlari milliy bazasi, 16.04.2026 y., 10/26/2779-2/0355-son)

lex.uz