UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

Қишлоқ хўжалиги соҳасидаги илмий-тадқиқот институтларининг ўқув-тажриба хўжаликлари фаолиятини самарали ташкил этиш чора-тадбирлари тўғрисида

Қишлоқ хўжалигида мақсадли илмий-тадқиқот лойиҳалари орқали долзарб муаммоларнинг илмий ечимларини ишлаб чиқиш, илм-фан ва амалиёт интеграциясини таъминлаш, замонавий интенсив деҳқончиликни кенг жорий қилиш мақсадида Вазирлар Маҳкамаси қарор қилади:

1. Ўзбекистон Республикасининг Ер кодексига мувофиқ қишлоқ хўжалигига мўлжалланган ер участкалари Вазирлар Маҳкамаси томонидан қишлоқ хўжалиги соҳасида илмий-тадқиқот ва тажриба-синов ишларини амалга ошириш учун Ўзбекистон Республикаси Қишлоқ хўжалиги вазирлигининг таклифига кўра — давлат илмий-тадқиқот ва таълим ташкилотларига ижара ҳуқуқи асосида берилиши белгилангани маълумот учун қабул қилинсин.

2. Ўзбекистон Республикаси Қишлоқ хўжалиги вазирлиги, Фанлар академияси, Қорақалпоғистон Республикаси Вазирлар Кенгаши, Навоий ва Қашқадарё вилояти ҳокимликларининг Қишлоқ хўжалигида билим ва инновациялар миллий маркази тизимидаги Сабзавот, полиз экинлари ва картошкачилик илмий-тадқиқот институтининг Қорақалпоғистон Республикаси ва Навоий вилояти илмий-тажриба станциялари ҳамда Жанубий деҳқончилик илмий-тадқиқот институтига (кейинги ўринларда — Институтлар) илмий-тадқиқот лойиҳаларининг дала-тажрибаларини амалга ошириш учун ўқув-тажриба хўжаликларини ташкил этиш мақсадида туманлар ҳокимликлари тасарруфида бўлган иловага мувофиқ бўш турган қишлоқ хўжалигига мўлжалланган ер участкаларини ижара ҳуқуқи асосида ажратиш тўғрисидаги таклифига розилик берилсин.

3. Белгилансинки:

ушбу қарорга иловага мувофиқ қишлоқ хўжалигига мўлжалланган ер участкалари Институтларга 30 йил муддатга, Ўзбекистон Республикасининг Ер кодексига асосан ижара шартномаси муддати тугагандан кейин узайтириш ҳуқуқи билан ижарага берилади;

Институтларга ажратиладиган ер участкаларида қишлоқ хўжалиги экинлари етиштирилади ва қишлоқ хўжалиги тармоқларида эришилган илмий натижалар, илғор тажрибалар, замонавий технологиялар ва усуллар синовдан ўтказилади;

Институтлар қишлоқ хўжалигига мўлжалланган ер участкаларини ижарага ёки иккиламчи ижарага бериш ҳуқуқига эга эмас;

ўқув-тажриба хўжаликларини ташкил этиш ва сақлаш билан боғлиқ харажатлар Институтларнинг бюджетдан ташқари маблағлари ҳисобидан молиялаштирилади.

4. Ўзбекистон Республикаси Қишлоқ хўжалиги вазирлиги ҳамда Вазирлар Маҳкамаси ҳузуридаги Агросаноат мажмуи устидан назорат қилиш инспекцияси Институтларга ажратилган қишлоқ хўжалигига мўлжалланган ер участкаларидан самарали ва мақсадли фойдаланилиши устидан назорат ўрнатсин.

5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2026 йил 16 апрелдаги 173-сон қарорига ИЛОВА

Қишлоқ хўжалигида билим ва инновациялар миллий маркази тизимидаги Сабзавот, полиз экинлари ва картошкачилик илмий-тадқиқот институтининг Қорақалпоғистон Республикаси ва Навоий вилояти илмий-тажриба станцияларига ҳамда Жанубий деҳқончилик илмий-тадқиқот институтига илмий тадқиқот лойиҳаларининг дала-тажрибаларини амалга ошириш учун ўқув-тажриба хўжаликларини ташкил этиш учун ажратиладиган ер участкалари

Т/р Ҳудудлар номи Ер участкалари манзили Контур рақами Жами ер майдони, гектар Шундан: туманлар номи жой номи суғориладиган экин ерлар боғ бошқа ерлар I. Сабзавот, полиз экинлари ва картошкачилик илмий-тадқиқот институтининг Қорақалпоғистон Республикаси илмий-тажриба станцияси 1. Қорақалпоғистон Республикаси Кегейли тумани «Ақтуба» ОФЙ 4049, 4050, 4051 19,44 15,18 4,26 Жами: 3 19,44 15,18 4,26 II. Сабзавот, полиз экинлари ва картошкачилик илмий-тадқиқот институтининг Навоий вилояти илмий-тажриба станцияси 2. Навоий вилояти Қизилтепа тумани «Тавоис» МФЙ 261қ, 263, 269, 322қ, 326, 327, 328, 368, 370, 371, 372қ, 373қ, 374, 375, 376қ, 407, 420 53,16 35,99 14,87 2,30 Жами: 17 53,16 35,99 14,87 2,30 III. Жанубий деҳқончилик илмий-тадқиқот институти 3. Қашқадарё вилояти Ғузор тумани «Бўстон» МФЙ 324қ, 352қ, 353қ, 354, 358қ, 360қ, 361қ, 362қ, 363қ, 364, 365, 372қ, 373, 374қ, 375, 376қ, 385, 386, 387 197,48 139,52 57,96 Жами: 19 197,48 139,52 57,96 Ҳаммаси: 39 270,08 190,69 14,87 64,52

Ўзбекистон Республикасининг Бош вазири А. АРИПОВ

Тошкент ш.,

2026 йил 16 апрель,

173-сон

(Қонунчилик маълумотлари миллий базаси, 17.04.2026 й., 09/26/173/0365-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

Qishloq xoʻjaligi sohasidagi ilmiy-tadqiqot institutlarining oʻquv-tajriba xoʻjaliklari faoliyatini samarali tashkil etish chora-tadbirlari toʻgʻrisida

Qishloq xoʻjaligida maqsadli ilmiy-tadqiqot loyihalari orqali dolzarb muammolarning ilmiy yechimlarini ishlab chiqish, ilm-fan va amaliyot integratsiyasini taʼminlash, zamonaviy intensiv dehqonchilikni keng joriy qilish maqsadida Vazirlar Mahkamasi qaror qiladi:

1. Oʻzbekiston Respublikasining Yer kodeksiga muvofiq qishloq xoʻjaligiga moʻljallangan yer uchastkalari Vazirlar Mahkamasi tomonidan qishloq xoʻjaligi sohasida ilmiy-tadqiqot va tajriba-sinov ishlarini amalga oshirish uchun Oʻzbekiston Respublikasi Qishloq xoʻjaligi vazirligining taklifiga koʻra — davlat ilmiy-tadqiqot va taʼlim tashkilotlariga ijara huquqi asosida berilishi belgilangani maʼlumot uchun qabul qilinsin.

2. Oʻzbekiston Respublikasi Qishloq xoʻjaligi vazirligi, Fanlar akademiyasi, Qoraqalpogʻiston Respublikasi Vazirlar Kengashi, Navoiy va Qashqadaryo viloyati hokimliklarining Qishloq xoʻjaligida bilim va innovatsiyalar milliy markazi tizimidagi Sabzavot, poliz ekinlari va kartoshkachilik ilmiy-tadqiqot institutining Qoraqalpogʻiston Respublikasi va Navoiy viloyati ilmiy-tajriba stansiyalari hamda Janubiy dehqonchilik ilmiy-tadqiqot institutiga (keyingi oʻrinlarda — Institutlar) ilmiy-tadqiqot loyihalarining dala-tajribalarini amalga oshirish uchun oʻquv-tajriba xoʻjaliklarini tashkil etish maqsadida tumanlar hokimliklari tasarrufida boʻlgan ilovaga muvofiq boʻsh turgan qishloq xoʻjaligiga moʻljallangan yer uchastkalarini ijara huquqi asosida ajratish toʻgʻrisidagi taklifiga rozilik berilsin.

3. Belgilansinki:

ushbu qarorga ilovaga muvofiq qishloq xoʻjaligiga moʻljallangan yer uchastkalari Institutlarga 30 yil muddatga, Oʻzbekiston Respublikasining Yer kodeksiga asosan ijara shartnomasi muddati tugagandan keyin uzaytirish huquqi bilan ijaraga beriladi;

Institutlarga ajratiladigan yer uchastkalarida qishloq xoʻjaligi ekinlari yetishtiriladi va qishloq xoʻjaligi tarmoqlarida erishilgan ilmiy natijalar, ilgʻor tajribalar, zamonaviy texnologiyalar va usullar sinovdan oʻtkaziladi;

Institutlar qishloq xoʻjaligiga moʻljallangan yer uchastkalarini ijaraga yoki ikkilamchi ijaraga berish huquqiga ega emas;

oʻquv-tajriba xoʻjaliklarini tashkil etish va saqlash bilan bogʻliq xarajatlar Institutlarning budjetdan tashqari mablagʻlari hisobidan moliyalashtiriladi.

4. Oʻzbekiston Respublikasi Qishloq xoʻjaligi vazirligi hamda Vazirlar Mahkamasi huzuridagi Agrosanoat majmui ustidan nazorat qilish inspeksiyasi Institutlarga ajratilgan qishloq xoʻjaligiga moʻljallangan yer uchastkalaridan samarali va maqsadli foydalanilishi ustidan nazorat oʻrnatsin.

5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2026-yil 16-apreldagi 173-son qaroriga ILOVA

Qishloq xoʻjaligida bilim va innovatsiyalar milliy markazi tizimidagi Sabzavot, poliz ekinlari va kartoshkachilik ilmiy-tadqiqot institutining Qoraqalpogʻiston Respublikasi va Navoiy viloyati ilmiy-tajriba stansiyalariga hamda Janubiy dehqonchilik ilmiy-tadqiqot institutiga ilmiy tadqiqot loyihalarining dala-tajribalarini amalga oshirish uchun oʻquv-tajriba xoʻjaliklarini tashkil etish uchun ajratiladigan yer uchastkalari

T/r Hududlar nomi Yer uchastkalari manzili Kontur raqami Jami yer maydoni, gektar Shundan: tumanlar nomi joy nomi sugʻoriladigan ekin yerlar bogʻ boshqa yerlar I. Sabzavot, poliz ekinlari va kartoshkachilik ilmiy-tadqiqot institutining Qoraqalpogʻiston Respublikasi ilmiy-tajriba stansiyasi 1. Qoraqalpogʻiston Respublikasi Kegeyli tumani “Aqtuba” OFY 4049, 4050, 4051 19,44 15,18 4,26 Jami: 3 19,44 15,18 4,26 II. Sabzavot, poliz ekinlari va kartoshkachilik ilmiy-tadqiqot institutining Navoiy viloyati ilmiy-tajriba stansiyasi 2. Navoiy viloyati Qiziltepa tumani “Tavois” MFY 261q, 263, 269, 322q, 326, 327, 328, 368, 370, 371, 372q, 373q, 374, 375, 376q, 407, 420 53,16 35,99 14,87 2,30 Jami: 17 53,16 35,99 14,87 2,30 III. Janubiy dehqonchilik ilmiy-tadqiqot instituti 3. Qashqadaryo viloyati Gʻuzor tumani “Boʻston” MFY 324q, 352q, 353q, 354, 358q, 360q, 361q, 362q, 363q, 364, 365, 372q, 373, 374q, 375, 376q, 385, 386, 387 197,48 139,52 57,96 Jami: 19 197,48 139,52 57,96 Hammasi: 39 270,08 190,69 14,87 64,52

Oʻzbekiston Respublikasining Bosh vaziri A. ARIPOV

Toshkent sh.,

2026-yil 16-aprel,

173-son

(Qonunchilik maʼlumotlari milliy bazasi, 17.04.2026-y., 09/26/173/0365-son)

lex.uz