📅 2026-yil 17-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 17 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 апреля 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 17 April 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
Турар жой хонадонларини маиший газ баллонлари билан таъминлашда давлат хизматини кўрсатишнинг маъмурий регламентини тасдиқлаш тўғрисида
Суюлтирилган газни истеъмолчиларга маиший газ баллонларида етказиб бериш хизматларини такомиллаштириш, аҳолига қўшимча қулайлик яратиш, масофадан туриб электрон хизматлардан мустақил фойдаланиш имкониятларини кенгайтириш мақсадида Вазирлар Маҳкамаси қарор қилади:
1. Қуйидагиларни назарда тутувчи Турар жой хонадонларини маиший газ баллонлари билан таъминлашда давлат хизматини кўрсатишнинг Маъмурий регламенти 1-иловага мувофиқ тасдиқлансин:
турар жой хонадонларини маиший газ баллонлари билан таъминлашда давлат хизматини кўрсатиш тартиби, маиший газ баллонларини етказиб бериш фаолияти билан шуғулланувчи тадбиркорлик субъекти томонидан амалга ошириладиган тадбирлар;
мурожаатларни кўриб чиқиш тартиби ва рад этиш асослари;
«E-gaz» дастури орқали маълумотларни қабул қилиш, маълумотлар базасини юритиш талаблари.
2. Белгилансинки, 2026 йил 1 июндан бошлаб жисмоний шахсларни маиший газ баллонлари билан таъминлаш хизмати ушбу қарор билан тасдиқланган Маъмурий регламентга мувофиқ фақат Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали кўрсатилади.
3. «Ҳудудгазтаъминот» АЖ Рақамли технологиялар вазирлиги ва Адлия вазирлиги билан биргаликда бир ой муддатда «E-gaz» дастури Давлат хизматлари марказлари ва ЯИДХП билан интеграция қилинишини таъминласин.
4. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар ва қўшимча киритилсин.
5. Адлия вазирлиги:
«Ҳудудгазтаъминот» АЖ (кейинги ўринларда — ваколатли оператор) томонидан давлат хизмати кўрсатилишининг белгиланган тартибига риоя этилиши юзасидан ЯИДХП орқали доимий назорат ўрнатсин;
Маъмурий регламент талабларини бузганлик учун ваколатли оператор мансабдор шахсларига нисбатан қонунчилик ҳужжатларида белгиланган тартибда маъмурий жазо чораларини қўлласин.
6. «Ҳудудгазтаъминот» АЖ Рақамли технологиялар вазирлиги, Адлия вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда оммавий ахборот воситаларида ушбу қарор мазмуни ва моҳиятининг кенг ёритилишини ташкил қилсин.
7. Ушбу қарорнинг бажарилишини назорат қилиш Ўзбекистон Республикаси энергетика вазири Ж.Т. Мирзамаҳмудов ҳамда адлия вазири А.Ж. Ташкулов зиммасига юклансин.
Вазирлар Маҳкамасининг 2026 йил 17 апрелдаги 180-сон қарорига 1-ИЛОВА
Турар жой хонадонларини маиший газ баллонлари билан таъминлашда давлат хизматини кўрсатишнинг
1-боб. Умумий қоидалар
1. Мазкур Регламент жисмоний шахсларга табиий газ билан газлаштирилмаган турар жой хонадонларини маиший газ баллонлари билан таъминлашда давлат хизматини (кейинги ўринларда — давлат хизмати) кўрсатиш тартибини белгилайди.
2. Ушбу Регламентда қуйидаги асосий тушунчалардан фойдаланилади:
ариза берувчи — табиий газ билан газлаштирилмаган ҳудудларда яшовчи ва маиший газ баллони билан таъминлашда давлат хизматидан фойдаланиш учун ариза берувчи жисмоний шахс;
ваколатли оператор — маиший газ баллонларини етказиб берувчи «Ҳудудгазтаъминот» АЖ ва ҳудудий газ таъминоти ташкилотлари ёки тегишли битимлар орқали ҳудудларда мазкур фаолиятни амалга оширувчи тадбиркорлик субъекти;
маиший газ баллони — суюлтирилган углеводород газини сақлаш, ташиш ва ундан фойдаланиш учун мўлжалланган ёпқич мосламали пайвандланган пўлат баллон;
маиший газ баллонларидан фойдаланувчилар — ваколатли оператордан маиший газ баллони олган жисмоний шахс;
«E-gaz» дастури — суюлтирилган углеводород газини ва маиший газ баллонлари ҳисобини юритишга мўлжалланган автоматлаштирилган дастурий таъминот тизими.
3. Давлат хизмати Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали ваколатли оператор томонидан мазкур Регламентга 1-иловадаги схемага мувофиқ кўрсатилади.
Давлат хизматлари маркази ва ЯИДХП ҳамда ваколатли оператор ўртасида ахборот алмашинуви идоралараро электрон тизимлари орқали реал вақт режимида амалга оширилади.
4. Маиший газ баллони табиий газ билан газлаштирилмаган ҳудудларда яшовчи жисмоний шахсларга берилади.
2-боб. Давлат хизматини кўрсатиш тартиби
5. Ариза берувчи давлат хизматидан фойдаланиш учун Давлат хизматлари марказига ўзи келиб мурожаат қилади ёки давлат хизматидан электрон шаклда ЯИДХП орқали фойдаланади.
6. Давлат хизматини кўрсатганлик учун йиғим ундирилмайди.
7. Ариза берувчи ўзи келиб мурожаат қилган тақдирда, Давлат хизматлари маркази ходими ариза берувчи номидан, ЯИДХП орқали мурожаат қилган тақдирда эса — мустақил равишда ушбу Регламентга 2-иловага мувофиқ шаклдаги сўровномани тўлдиради.
Ҳужжатлардаги маълумотларнинг тўғрилиги ва ҳаққонийлиги учун ариза берувчи шахсан жавобгар ҳисобланади.
Сўровнома тўлдирилгандан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (электрон имзо, ягона идентификация тизимидаги логин ва пароль, мобил-ID ва бошқалар) билан тасдиқлайди.
Ариза берувчи ЯИДХП орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.
8. Ариза берувчи давлат хизматидан фойдаланишнинг ҳар қандай босқичида ундан фойдаланишдан бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг сўровномаси кўрилмасдан қолдирилади.
9. Ариза берувчининг сўровномаси автоматик тарзда бир иш соати давомида ваколатли операторга юборилади.
10. Ваколатли оператор қуйидаги ҳаракатларни кетма-кетликда амалга оширади:
ариза келиб тушган куни маълумотларни реал вақт режимида «E-gaz» дастурида шакллантиради;
бир иш кунида сўровномада кўрсатилган маълумотларни текширади;
уч иш кунида ариза берувчини маиший газ баллони билан таъминлаш масаласи юзасидан жойига чиқиб ўрганади. Бунда ўрганиш якунлари бўйича далолатнома расмийлаштирилади ва газлаштириш эскизи ишлаб чиқилади. Далолатномада ариза берувчига маиший газ баллони берилиши ёки бериш рад этилиши сабаблари кўрсатилади;
далолатномада келтирилган хулоса ижобий бўлган тақдирда, ариза берувчи билан «Маиший газ баллонини вақтинча фойдаланишга бериш тўғрисида» ва «Суюлтирилган углеводород газини етказиб бериш тўғрисида»ги шартномаларни икки нусхада расмийлаштиради;
расмийлаштирилган шартномалар асосида ариза берувчини «Face ID» тизими орқали суюлтирилган углеводород газини етказиб бериш учун тегишли ҳисобварақ билан таъминлайди ҳамда унга бир дона маиший газ баллонини ўн иш кунида бепул етказиб беради;
ўрганиш натижаларига кўра расмийлаштирилган шартномаларни ариза берувчининг шахсий кабинетига ўн иш кунида электрон шаклда юборади;
далолатномада келтирилган хулосага кўра хизмат кўрсатиш рад этилган тақдирда, ариза берувчига уч иш кунида электрон шаклда жавоб юборади.
11. Давлат хизматини кўрсатишни рад этиш учун қуйидагилар асос бўлади:
маиший газ баллонини олиш учун ариза берувчи томонидан сўровнома маълумотлари тўлиқ тўлдирилмасдан тақдим этилганда;
ариза берувчи томонидан берилган сўровномадаги маълумотлар тасдиғини топмаганда;
ариза берувчининг хонадонига маиший газ баллони берилиб, у томонидан қўшимча маиший газ баллони сўралганда;
маиший газ баллонидан фойдаланиш учун газ плитаси мавжуд бўлмаганда ёки ошхона техник талабларга мос бўлмаганда.
12. Битта турар жой хонадонида икки ва ундан ортиқ оила яшайдиган ҳолларда, агар хонадонда техник талабларга мос бўлган алоҳида-алоҳида (ёки умумий) газ плитаси ҳамда ошхона мавжуд бўлганда, битта кадастр рақамига эга бўлган ҳолатда ҳам, истисно тариқасида, ҳар бир оилага алоҳида биттадан маиший газ баллон ажратилишига жойида ўтказиладиган ўрганиш далолатномасини расмийлаштириш орқали рухсат берилади.
13. Маиший газ баллонидан фойдаланувчи тўғрисидаги маълумотлар ўзгарганда, ариза берувчи ушбу маълумотларни ваколатли операторга ариза бериш орқали (аризада маиший газ баллонига эгалик кимга ўтаётганлигини кўрсатган ҳолда) бир ой муддатда маълум қилади (кадастр ҳужжатлари ўзгарганда, зарур ўзгартиришлар автоматик тарзда амалга оширилади). Ваколатли оператор томонидан маълумотлар доимий янгиланиб, «E-gaz» дастурига киритиб борилади.
Бунда «E-gaz» дастурига киритилган янгиланган маълумотларнинг ҳаққонийлиги ва тўғрилигига мазкур маълумотларни киритган ваколатли оператор жавобгар ҳисобланади.
14. Маиший газ баллони қуйидаги ҳолларда алмаштирилади (янгилаб берилади):
маиший газ баллони эскирганда ёки яроқсиз ҳолга келганда (ундан фойдаланиш имкони бўлмай қолганда);
маиший газ баллони йўқотилганда.
Бунда йўқотилган маиший газ баллони учун етказиб берувчи ташкилот томонидан охирги кирим қилинган ҳисоб варақасидаги нархи бўйича ариза берувчидан тўлов ундирилади.
3-боб. «E-gaz» дастурининг бошқарув тизими ва ундан фойдаланиш тартиби
15. «E-gaz» дастурининг бошқарув тизими марказлаштирилган ҳолда ваколатли оператор томонидан юритилади.
16. Ваколатли оператор «E-gaz» дастури бошқарув тизимининг доимий ишлашини таъминлаш мақсадида:
«E-gaz» дастурида маиший газ баллонларидан фойдаланувчиларга тегишли маълумотларни киритиб, доимий янгилаб боришни ҳамда маълумотларнинг ҳимояланишини;
«E-gaz» дастури маълумотлар базасининг шаклланишини ҳамда маълумотларнинг ўзаро алмашинувини;
автоматлаштирилган ҳолда маълумотларни тўплаш, сақлаш, қайта ишлаш, умумлаштириш ва маиший газ баллонларидан фойдаланувчиларга «E-gaz» дастуридан маълумотлар тақдим қилинишини;
замонавий ахборот-коммуникация технологияларидан фойдаланган ҳолда, «E-gaz» дастурининг техник ва дастурий воситалари узлуксиз ишлашини;
«E-gaz» дастури фойдаланувчиларини рўйхатга олишни таъминлайди.
17. «E-gaz» дастури фойдаланувчиларига тегишли маълумотларни киритиш ва улардан фойдаланиш учун ваколатли оператор томонидан имконият яратилади.
4-боб. Якунловчи қоидалар
18. Давлат хизматлари марказлари, ЯИДХП ва ваколатли оператор ўз фаолиятини амалга ошириши натижасида олинган маълумотларнинг ошкор этилмаслигини таъминлайди.
19. Ариза берувчи маиший газ баллони берилиши асоссиз рад этилганда, шунингдек, маиший газ баллонини берувчи ваколатли оператор ходимларининг хатти-ҳаракати (ҳаракатсизлиги) устидан қонунчилик ҳужжатларида белгиланган тартибда шикоят қилиш ҳуқуқига эга.
20. Мазкур Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Турар жой хонадонларини маиший газ баллонлари билан таъминлашда давлат хизматини кўрсатишнинг маъмурий регламентига 1-ИЛОВА
Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали турар жой хонадонларини маиший газ баллонлари билан таъминлашда давлат хизматини кўрсатиш
Босқичлар Субъектлар Тадбирлар Бажариш муддатлари 1-босқич Ариза берувчи Давлат хизматлари марказига ўзи келган ҳолда ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали электрон сўровномани тўлдиради. Ўз хоҳишига кўра 2-босқич 1. Давлат хизматлари маркази 2. ЯИДХП Сўровномани ваколатли операторга юборади. Реал вақт режимида 3-босқич Ваколатли оператор 1. Сўровномада кўрсатилган маълумотларни текширади. Бир иш кунида 2. Ариза берувчининг турар жой хонадонини жойига чиқиб ўрганади ва тегишли далолатнома тузади. Уч иш кунида 3. Далолатномада келтирилган хулосага кўра хизмат кўрсатиш рад этилганда, Давлат хизматлари марказига ёки ЯИДХП орқали ариза берувчига электрон равишда жавоб юборади. ўрганиш якунида 4-босқич Ваколатли оператор, ариза берувчи Далолатномада келтирилган хулоса ижобий бўлганда, ваколатли оператор ва ариза берувчи ўртасида «Маиший газ баллонини вақтинча фойдаланишга бериш тўғрисида» ва «Суюлтирилган углеводород газини етказиб бериш тўғрисида»ги шартномаларни икки нусхада расмийлаштиради ҳамда ариза берувчини «Face ID» тизими орқали суюлтирилган углеводород газини етказиб бериш учун тегишли ҳисобварақ билан таъминлайди. Ўрганиш якунида 5-босқич Ваколатли оператор 1. Бир дона маиший газ баллонини ариза берувчига етказиб беради. 2 . Томонлар ўртасида расмийлаштирилган шартномаларнинг бир нусхасини Давлат хизматлари марказларига ёки ариза берувчининг ЯИДХПдаги шахсий кабинетига электрон кўринишда юборади. Ўн иш кунида
Турар жой хонадонларини маиший газ баллонлари билан таъминлашда давлат хизматини кўрсатишнинг маъмурий регламентига 2-ИЛОВА
_____________ _________________ (сана) (рақам) Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали турар жой хонадонларини маиший газ баллонлари билан таъминлашда давлат хизматини кўрсатиш бўйича СЎРОВНОМА Ариза берувчи тўғрисида маълумотлар: 1. Фамилияси 2. Исми 3. Отасининг исми 4. Жисмоний шахснинг шахсий идентификация рақами (ЖШШИР) 5. Яшаш манзили (вилоят, туман/шаҳар, МФЙ, кўча номи, уй рақами) 6. Паспорт/ID-карта серияси ва рақами 7. Телефон рақами 8. Оила сони 9. Яшовчилар сони 10. Турар жой хонадони давлат кадастр рақами (агар мавжуд бўлса) Бошқа қўшимча маълумотлар:
Вазирлар Маҳкамасининг 2026 йил 17 апрелдаги 180-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимча
1. Вазирлар Маҳкамасининг «Аҳоли ва ижтимоий соҳа объектларига кундалик ҳаётда фойдаланиш учун суюлтирилган углеводород газини етказиб бериш тизимини такомиллаштириш тўғрисида» 2018 йил 10 августдаги 646-сон қарорида :
а) 1-иловада :
6 ва 10-бандлардаги тегишли келишикдаги «Иқтисодий тараққиёт ва камбағалликни қисқартириш вазирлиги» сўзлари тегишли келишикдаги «Иқтисодиёт ва молия вазирлиги» сўзлари билан алмаштирилсин;
3-боб ўз кучини йўқотган деб ҳисоблансин;
17-бандда :
«а» кичик банд қуйидаги таҳрирда баён қилинсин:
«а) аҳоли учун Турар жой хонадонларини маиший газ баллонлари билан таъминлашда давлат хизматини кўрсатишнинг маъмурий регламентига мувофиқ»;
саккизинчи хатбоши чиқариб ташлансин;
21-банд ўз кучини йўқотган деб ҳисоблансин;
24-банднинг «а» кичик банди қуйидаги таҳрирда баён қилинсин:
«а) аҳоли учун Турар жой хонадонларини маиший газ баллонлари билан таъминлашда давлат хизматини кўрсатишнинг маъмурий регламентига мувофиқ.
Бунда кўп қаватли уйлардаги квартираларни газлаштириш учун ички газ қувурларига, резервуар сиғимлари жойлаштирилган жойга ва суюлтирилган углеводород гази истеъмолини ўлчаш приборига қўйиладиган талабларни ўз ичига оладиган лойиҳа ишлаб чиқилади»;
30-банднинг иккинчи хатбошиси чиқариб ташлансин;
55-банддаги «Ўзстандарт» сўзи «Вазирлар Маҳкамаси ҳузуридаги Ўзбекистон техник жиҳатдан тартибга солиш» сўзлари билан алмаштирилсин;
5-илова ўз кучини йўқотган деб ҳисоблансин;
б) 2-иловада :
13-позиция чиқариб ташлансин;
қуйидаги мазмундаги 15 — 17-позициялар билан тўлдирилсин:
«15. Фавқулодда вазиятлар вазирлигининг «Қамчиқ» махсус қутқарув бошқармаси
16. Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг божхона пост ва пунктлари
17. Болалар оромгоҳлари».
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2020 йил 3 июндаги 348-сон қарорига 1-илованинг 13-банди «ж» кичик бандидаги саккизинчи — ўн учинчи хатбошилар чиқариб ташлансин.
3. Вазирлар Маҳкамасининг «Аҳоли ва тадбиркорлик субъектларининг давлат хизматларидан фойдаланиш имкониятлари кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 27 декабрдаги 774-сон қарорига 1-илова 37-бандининг «в» кичик банди ўз кучини йўқотган деб ҳисоблансин.
4. Вазирлар Маҳкамасининг «Қонунчилик ҳужжатларида коррупциявий омилларни бартараф этиш ҳамда норматив-ҳуқуқий ҳужжатларни коррупцияга қарши экспертизадан ўтказиш чора-тадбирлари тўғрисида» 2024 йил 11 сентябрдаги 562-сон қарорига 5-илова 22-бандининг «б» кичик банди ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2026 йил 17 апрель,
180-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning maʼmuriy reglamentini tasdiqlash toʻgʻrisida
Suyultirilgan gazni isteʼmolchilarga maishiy gaz ballonlarida yetkazib berish xizmatlarini takomillashtirish, aholiga qoʻshimcha qulaylik yaratish, masofadan turib elektron xizmatlardan mustaqil foydalanish imkoniyatlarini kengaytirish maqsadida Vazirlar Mahkamasi qaror qiladi:
1. Quyidagilarni nazarda tutuvchi Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning Maʼmuriy reglamenti 1-ilovaga muvofiq tasdiqlansin:
turar joy xonadonlarini maishiy gaz ballonlari bilan taʼminlashda davlat xizmatini koʻrsatish tartibi, maishiy gaz ballonlarini yetkazib berish faoliyati bilan shugʻullanuvchi tadbirkorlik subyekti tomonidan amalga oshiriladigan tadbirlar;
murojaatlarni koʻrib chiqish tartibi va rad etish asoslari;
“E-gaz” dasturi orqali maʼlumotlarni qabul qilish, maʼlumotlar bazasini yuritish talablari.
2. Belgilansinki, 2026-yil 1-iyundan boshlab jismoniy shaxslarni maishiy gaz ballonlari bilan taʼminlash xizmati ushbu qaror bilan tasdiqlangan Maʼmuriy reglamentga muvofiq faqat Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.
3. “Hududgaztaʼminot” AJ Raqamli texnologiyalar vazirligi va Adliya vazirligi bilan birgalikda bir oy muddatda “E-gaz” dasturi Davlat xizmatlari markazlari va YIDXP bilan integratsiya qilinishini taʼminlasin.
4. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar va qoʻshimcha kiritilsin.
5. Adliya vazirligi:
“Hududgaztaʼminot” AJ (keyingi oʻrinlarda — vakolatli operator) tomonidan davlat xizmati koʻrsatilishining belgilangan tartibiga rioya etilishi yuzasidan YIDXP orqali doimiy nazorat oʻrnatsin;
Maʼmuriy reglament talablarini buzganlik uchun vakolatli operator mansabdor shaxslariga nisbatan qonunchilik hujjatlarida belgilangan tartibda maʼmuriy jazo choralarini qoʻllasin.
6. “Hududgaztaʼminot” AJ Raqamli texnologiyalar vazirligi, Adliya vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ommaviy axborot vositalarida ushbu qaror mazmuni va mohiyatining keng yoritilishini tashkil qilsin.
7. Ushbu qarorning bajarilishini nazorat qilish Oʻzbekiston Respublikasi energetika vaziri J.T. Mirzamahmudov hamda adliya vaziri A.J. Tashkulov zimmasiga yuklansin.
Vazirlar Mahkamasining 2026-yil 17-apreldagi 180-son qaroriga 1-ILOVA
Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning
1-bob. Umumiy qoidalar
1. Mazkur Reglament jismoniy shaxslarga tabiiy gaz bilan gazlashtirilmagan turar joy xonadonlarini maishiy gaz ballonlari bilan taʼminlashda davlat xizmatini (keyingi oʻrinlarda — davlat xizmati) koʻrsatish tartibini belgilaydi.
2. Ushbu Reglamentda quyidagi asosiy tushunchalardan foydalaniladi:
ariza beruvchi — tabiiy gaz bilan gazlashtirilmagan hududlarda yashovchi va maishiy gaz balloni bilan taʼminlashda davlat xizmatidan foydalanish uchun ariza beruvchi jismoniy shaxs;
vakolatli operator — maishiy gaz ballonlarini yetkazib beruvchi “Hududgaztaʼminot” AJ va hududiy gaz taʼminoti tashkilotlari yoki tegishli bitimlar orqali hududlarda mazkur faoliyatni amalga oshiruvchi tadbirkorlik subyekti;
maishiy gaz balloni — suyultirilgan uglevodorod gazini saqlash, tashish va undan foydalanish uchun moʻljallangan yopqich moslamali payvandlangan poʻlat ballon;
maishiy gaz ballonlaridan foydalanuvchilar — vakolatli operatordan maishiy gaz balloni olgan jismoniy shaxs;
“E-gaz” dasturi — suyultirilgan uglevodorod gazini va maishiy gaz ballonlari hisobini yuritishga moʻljallangan avtomatlashtirilgan dasturiy taʼminot tizimi.
3. Davlat xizmati Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali vakolatli operator tomonidan mazkur Reglamentga 1-ilovadagi sxemaga muvofiq koʻrsatiladi.
Davlat xizmatlari markazi va YIDXP hamda vakolatli operator oʻrtasida axborot almashinuvi idoralararo elektron tizimlari orqali real vaqt rejimida amalga oshiriladi.
4. Maishiy gaz balloni tabiiy gaz bilan gazlashtirilmagan hududlarda yashovchi jismoniy shaxslarga beriladi.
2-bob. Davlat xizmatini koʻrsatish tartibi
5. Ariza beruvchi davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki davlat xizmatidan elektron shaklda YIDXP orqali foydalanadi.
6. Davlat xizmatini koʻrsatganlik uchun yigʻim undirilmaydi.
7. Ariza beruvchi oʻzi kelib murojaat qilgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat qilgan taqdirda esa — mustaqil ravishda ushbu Reglamentga 2-ilovaga muvofiq shakldagi soʻrovnomani toʻldiradi.
Hujjatlardagi maʼlumotlarning toʻgʻriligi va haqqoniyligi uchun ariza beruvchi shaxsan javobgar hisoblanadi.
Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (elektron imzo, yagona identifikatsiya tizimidagi login va parol, mobil-ID va boshqalar) bilan tasdiqlaydi.
Ariza beruvchi YIDXP orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.
8. Ariza beruvchi davlat xizmatidan foydalanishning har qanday bosqichida undan foydalanishdan bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi.
9. Ariza beruvchining soʻrovnomasi avtomatik tarzda bir ish soati davomida vakolatli operatorga yuboriladi.
10. Vakolatli operator quyidagi harakatlarni ketma-ketlikda amalga oshiradi:
ariza kelib tushgan kuni maʼlumotlarni real vaqt rejimida “E-gaz” dasturida shakllantiradi;
bir ish kunida soʻrovnomada koʻrsatilgan maʼlumotlarni tekshiradi;
uch ish kunida ariza beruvchini maishiy gaz balloni bilan taʼminlash masalasi yuzasidan joyiga chiqib oʻrganadi. Bunda oʻrganish yakunlari boʻyicha dalolatnoma rasmiylashtiriladi va gazlashtirish eskizi ishlab chiqiladi. Dalolatnomada ariza beruvchiga maishiy gaz balloni berilishi yoki berish rad etilishi sabablari koʻrsatiladi;
dalolatnomada keltirilgan xulosa ijobiy boʻlgan taqdirda, ariza beruvchi bilan “Maishiy gaz ballonini vaqtincha foydalanishga berish toʻgʻrisida” va “Suyultirilgan uglevodorod gazini yetkazib berish toʻgʻrisida”gi shartnomalarni ikki nusxada rasmiylashtiradi;
rasmiylashtirilgan shartnomalar asosida ariza beruvchini “Face ID” tizimi orqali suyultirilgan uglevodorod gazini yetkazib berish uchun tegishli hisobvaraq bilan taʼminlaydi hamda unga bir dona maishiy gaz ballonini oʻn ish kunida bepul yetkazib beradi;
oʻrganish natijalariga koʻra rasmiylashtirilgan shartnomalarni ariza beruvchining shaxsiy kabinetiga oʻn ish kunida elektron shaklda yuboradi;
dalolatnomada keltirilgan xulosaga koʻra xizmat koʻrsatish rad etilgan taqdirda, ariza beruvchiga uch ish kunida elektron shaklda javob yuboradi.
11. Davlat xizmatini koʻrsatishni rad etish uchun quyidagilar asos boʻladi:
maishiy gaz ballonini olish uchun ariza beruvchi tomonidan soʻrovnoma maʼlumotlari toʻliq toʻldirilmasdan taqdim etilganda;
ariza beruvchi tomonidan berilgan soʻrovnomadagi maʼlumotlar tasdigʻini topmaganda;
ariza beruvchining xonadoniga maishiy gaz balloni berilib, u tomonidan qoʻshimcha maishiy gaz balloni soʻralganda;
maishiy gaz ballonidan foydalanish uchun gaz plitasi mavjud boʻlmaganda yoki oshxona texnik talablarga mos boʻlmaganda.
12. Bitta turar joy xonadonida ikki va undan ortiq oila yashaydigan hollarda, agar xonadonda texnik talablarga mos boʻlgan alohida-alohida (yoki umumiy) gaz plitasi hamda oshxona mavjud boʻlganda, bitta kadastr raqamiga ega boʻlgan holatda ham, istisno tariqasida, har bir oilaga alohida bittadan maishiy gaz ballon ajratilishiga joyida oʻtkaziladigan oʻrganish dalolatnomasini rasmiylashtirish orqali ruxsat beriladi.
13. Maishiy gaz ballonidan foydalanuvchi toʻgʻrisidagi maʼlumotlar oʻzgarganda, ariza beruvchi ushbu maʼlumotlarni vakolatli operatorga ariza berish orqali (arizada maishiy gaz balloniga egalik kimga oʻtayotganligini koʻrsatgan holda) bir oy muddatda maʼlum qiladi (kadastr hujjatlari oʻzgarganda, zarur oʻzgartirishlar avtomatik tarzda amalga oshiriladi). Vakolatli operator tomonidan maʼlumotlar doimiy yangilanib, “E-gaz” dasturiga kiritib boriladi.
Bunda “E-gaz” dasturiga kiritilgan yangilangan maʼlumotlarning haqqoniyligi va toʻgʻriligiga mazkur maʼlumotlarni kiritgan vakolatli operator javobgar hisoblanadi.
14. Maishiy gaz balloni quyidagi hollarda almashtiriladi (yangilab beriladi):
maishiy gaz balloni eskirganda yoki yaroqsiz holga kelganda (undan foydalanish imkoni boʻlmay qolganda);
maishiy gaz balloni yoʻqotilganda.
Bunda yoʻqotilgan maishiy gaz balloni uchun yetkazib beruvchi tashkilot tomonidan oxirgi kirim qilingan hisob varaqasidagi narxi boʻyicha ariza beruvchidan toʻlov undiriladi.
3-bob. “E-gaz” dasturining boshqaruv tizimi va undan foydalanish tartibi
15. “E-gaz” dasturining boshqaruv tizimi markazlashtirilgan holda vakolatli operator tomonidan yuritiladi.
16. Vakolatli operator “E-gaz” dasturi boshqaruv tizimining doimiy ishlashini taʼminlash maqsadida:
“E-gaz” dasturida maishiy gaz ballonlaridan foydalanuvchilarga tegishli maʼlumotlarni kiritib, doimiy yangilab borishni hamda maʼlumotlarning himoyalanishini;
“E-gaz” dasturi maʼlumotlar bazasining shakllanishini hamda maʼlumotlarning oʻzaro almashinuvini;
avtomatlashtirilgan holda maʼlumotlarni toʻplash, saqlash, qayta ishlash, umumlashtirish va maishiy gaz ballonlaridan foydalanuvchilarga “E-gaz” dasturidan maʼlumotlar taqdim qilinishini;
zamonaviy axborot-kommunikatsiya texnologiyalaridan foydalangan holda, “E-gaz” dasturining texnik va dasturiy vositalari uzluksiz ishlashini;
“E-gaz” dasturi foydalanuvchilarini roʻyxatga olishni taʼminlaydi.
17. “E-gaz” dasturi foydalanuvchilariga tegishli maʼlumotlarni kiritish va ulardan foydalanish uchun vakolatli operator tomonidan imkoniyat yaratiladi.
4-bob. Yakunlovchi qoidalar
18. Davlat xizmatlari markazlari, YIDXP va vakolatli operator oʻz faoliyatini amalga oshirishi natijasida olingan maʼlumotlarning oshkor etilmasligini taʼminlaydi.
19. Ariza beruvchi maishiy gaz balloni berilishi asossiz rad etilganda, shuningdek, maishiy gaz ballonini beruvchi vakolatli operator xodimlarining xatti-harakati (harakatsizligi) ustidan qonunchilik hujjatlarida belgilangan tartibda shikoyat qilish huquqiga ega.
20. Mazkur Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning maʼmuriy reglamentiga 1-ILOVA
Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali orqali turar joy xonadonlarini maishiy gaz ballonlari bilan taʼminlashda davlat xizmatini koʻrsatish
Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat xizmatlari markaziga oʻzi kelgan holda yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali elektron soʻrovnomani toʻldiradi. Oʻz xohishiga koʻra 2-bosqich 1. Davlat xizmatlari markazi 2. YIDXP Soʻrovnomani vakolatli operatorga yuboradi. Real vaqt rejimida 3-bosqich Vakolatli operator 1. Soʻrovnomada koʻrsatilgan maʼlumotlarni tekshiradi. Bir ish kunida 2. Ariza beruvchining turar joy xonadonini joyiga chiqib oʻrganadi va tegishli dalolatnoma tuzadi. Uch ish kunida 3. Dalolatnomada keltirilgan xulosaga koʻra xizmat koʻrsatish rad etilganda, Davlat xizmatlari markaziga yoki YIDXP orqali ariza beruvchiga elektron ravishda javob yuboradi. oʻrganish yakunida 4-bosqich Vakolatli operator, ariza beruvchi Dalolatnomada keltirilgan xulosa ijobiy boʻlganda, vakolatli operator va ariza beruvchi oʻrtasida “Maishiy gaz ballonini vaqtincha foydalanishga berish toʻgʻrisida” va “Suyultirilgan uglevodorod gazini yetkazib berish toʻgʻrisida”gi shartnomalarni ikki nusxada rasmiylashtiradi hamda ariza beruvchini “Face ID” tizimi orqali suyultirilgan uglevodorod gazini yetkazib berish uchun tegishli hisobvaraq bilan taʼminlaydi. Oʻrganish yakunida 5-bosqich Vakolatli operator 1. Bir dona maishiy gaz ballonini ariza beruvchiga yetkazib beradi. 2 . Tomonlar oʻrtasida rasmiylashtirilgan shartnomalarning bir nusxasini Davlat xizmatlari markazlariga yoki ariza beruvchining YIDXPdagi shaxsiy kabinetiga elektron koʻrinishda yuboradi. Oʻn ish kunida
Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning maʼmuriy reglamentiga 2-ILOVA
_____________ _________________ (sana) (raqam) Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali orqali turar joy xonadonlarini maishiy gaz ballonlari bilan taʼminlashda davlat xizmatini koʻrsatish boʻyicha SOʻROVNOMA Ariza beruvchi toʻgʻrisida maʼlumotlar: 1. Familiyasi 2. Ismi 3. Otasining ismi 4. Jismoniy shaxsning shaxsiy identifikatsiya raqami (JSHSHIR) 5. Yashash manzili (viloyat, tuman/shahar, MFY, koʻcha nomi, uy raqami) 6. Pasport/ID-karta seriyasi va raqami 7. Telefon raqami 8. Oila soni 9. Yashovchilar soni 10. Turar joy xonadoni davlat kadastr raqami (agar mavjud boʻlsa) Boshqa qoʻshimcha maʼlumotlar:
Vazirlar Mahkamasining 2026-yil 17-apreldagi 180-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimcha
1. Vazirlar Mahkamasining “Aholi va ijtimoiy soha obyektlariga kundalik hayotda foydalanish uchun suyultirilgan uglevodorod gazini yetkazib berish tizimini takomillashtirish toʻgʻrisida” 2018-yil 10-avgustdagi 646-son qarorida :
a) 1-ilovada :
6 va 10-bandlardagi tegishli kelishikdagi “Iqtisodiy taraqqiyot va kambagʻallikni qisqartirish vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;
3-bob oʻz kuchini yoʻqotgan deb hisoblansin;
17-bandda :
“a” kichik band quyidagi tahrirda bayon qilinsin:
“a) aholi uchun Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning maʼmuriy reglamentiga muvofiq”;
sakkizinchi xatboshi chiqarib tashlansin;
21-band oʻz kuchini yoʻqotgan deb hisoblansin;
24-bandning “a” kichik bandi quyidagi tahrirda bayon qilinsin:
“a) aholi uchun Turar joy xonadonlarini maishiy gaz ballonlari bilan taʼminlashda davlat xizmatini koʻrsatishning maʼmuriy reglamentiga muvofiq.
Bunda koʻp qavatli uylardagi kvartiralarni gazlashtirish uchun ichki gaz quvurlariga, rezervuar sigʻimlari joylashtirilgan joyga va suyultirilgan uglevodorod gazi isteʼmolini oʻlchash priboriga qoʻyiladigan talablarni oʻz ichiga oladigan loyiha ishlab chiqiladi”;
30-bandning ikkinchi xatboshisi chiqarib tashlansin;
55-banddagi “Oʻzstandart” soʻzi “Vazirlar Mahkamasi huzuridagi Oʻzbekiston texnik jihatdan tartibga solish” soʻzlari bilan almashtirilsin;
5-ilova oʻz kuchini yoʻqotgan deb hisoblansin;
b) 2-ilovada :
13-pozitsiya chiqarib tashlansin;
quyidagi mazmundagi 15 — 17-pozitsiyalar bilan toʻldirilsin:
“15. Favqulodda vaziyatlar vazirligining “Qamchiq” maxsus qutqaruv boshqarmasi
16. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining bojxona post va punktlari
17. Bolalar oromgohlari”.
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 3-iyundagi 348-son qaroriga 1-ilovaning 13-bandi “j” kichik bandidagi sakkizinchi — oʻn uchinchi xatboshilar chiqarib tashlansin.
3. Vazirlar Mahkamasining “Aholi va tadbirkorlik subyektlarining davlat xizmatlaridan foydalanish imkoniyatlari kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 27-dekabrdagi 774-son qaroriga 1-ilova 37-bandining “v” kichik bandi oʻz kuchini yoʻqotgan deb hisoblansin.
4. Vazirlar Mahkamasining “Qonunchilik hujjatlarida korrupsiyaviy omillarni bartaraf etish hamda normativ-huquqiy hujjatlarni korrupsiyaga qarshi ekspertizadan oʻtkazish chora-tadbirlari toʻgʻrisida” 2024-yil 11-sentabrdagi 562-son qaroriga 5-ilova 22-bandining “b” kichik bandi oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 17-aprel,
180-son