📅 2026-yil 9-aprel · Vazirlik va idoralar hujjatlari · Kambagʻallikni qisqartirish va bandlik vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 9 апрель · Вазирлик ва идоралар ҳужжатлари · Камбағалликни қисқартириш ва бандлик вазирлиги
Расмий матн. Расмий ҳужжат. Таҳририй изоҳлар киритилмаган.
📅 9 апреля 2026 г. · Документы министерств и ведомств · Министерства занятости и сокращения бедности
Официальный текст. Официальный документ. Редакционные примечания не включены.
📅 9 April 2026 · Ministry and agency documents · Kambagʻallikni qisqartirish va bandlik vazirligi
Official text. Official document. Editorial notes are not included.
ЎЗБЕКИСТОН РЕСПУБЛИКАСИ КАМБАҒАЛЛИКНИ ҚИСҚАРТИРИШ ВА БАНДЛИК ВАЗИРЛИГИ
БУЙРУҒИ
Автотранспорт воситалари ҳайдовчиларининг иш вақти ва дам олиш вақти тўғрисидаги низомга ўзгартириш ва қўшимчалар киритиш ҳақида
Ўзбекистон Республикасининг Меҳнат кодекси ва «Транспорт тўғрисида»ги Қонунига мувофиқ буюраман:
1. Ўзбекистон Республикаси меҳнат ва аҳолини ижтимоий муҳофаза қилиш вазирининг 2013 йил 23 августдаги 64-Б-сон буйруғи (рўйхат рақами 2506, 2013 йил 9 сентябрь) (Ўзбекистон Республикаси қонун ҳужжатлари тўплами, 2013 й., 37-сон, 487-модда) билан тасдиқланган Автотранспорт воситалари ҳайдовчиларининг иш вақти ва дам олиш вақти тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси камбағалликни қисқартириш ва бандлик вазирининг 2026 йил 9 апрелдаги 12-2026/Б-сон буйруғига ИЛОВА
Автотранспорт воситалари ҳайдовчиларининг иш вақти ва дам олиш вақти тўғрисидаги низомга киритилаётган ўзгартиришлар ва қўшимчалар
1. 1-банднинг учинчи хатбошиси қуйидаги таҳрирда баён этилсин:
« ташувчи — мулк ҳуқуқи асосида ёки бошқа қонуний асосларда транспорт воситасига эга бўлган, йўловчиларни, багажни, юк багажини, юкларни, почта ва курьерлик жўнатмаларини ташиш бўйича тижорат асосида хизматлар кўрсатадиган, шунингдек ташиш учун тегишли лицензияга, сертификатга ёхуд рухсат этиш хусусиятига эга ҳужжати бўлган юридик ёки жисмоний шахс;».
2. 9-бандда:
еттинчи хатбошидаги «бўш туриб қолинган вақти» деган сўзлар «бекор туриб қолинган вақти» деган сўзлар билан алмаштирилсин.
қуйидаги мазмундаги хатбоши билан тўлдирилсин:
«меҳнат тўғрисидаги қонунчиликда ҳамда меҳнат ҳақидаги бошқа ҳуқуқий ҳужжатларда назарда тутилган бошқа вақтлар.»;
3. 13-банд қуйидаги мазмундаги хатбоши билан тўлдирилсин:
«Ҳайдовчининг иш сменаси давомийлиги ўн икки соат бўлганида, шунингдек меҳнат шароитлари ўта зарарли ва ўта хавфли ишларда иш вақтидан ташқари ишларга йўл қўйилмайди.».
14-банд қуйидаги таҳрирда баён этилсин:
«14. Ҳайдовчилар қуйидаги ҳуқуқларга эга:
иш куни (смена) давомидаги танаффуслар ва овқатланиш учун танаффусга чиқиш (тушлик танаффуси);
ҳар кунги (сменалар оралиғидаги) дам олиш;
дам олиш кунлари (ҳар ҳафталик узлуксиз дам олиш);
ишланмайдиган байрам кунларида дам олиш;
ўрнатилган тартибда таътилга чиқиш;
ўз хоҳишига кўра дам олиш кунида ёки ишланмайдиган байрам кунида ишлаганлик учун компенсация сифатида тақдим этиладиган ишдан бўш бўлган қўшимча кунлардан, шунингдек қон ва унинг таркибий қисмлари топширилган ҳар бир кундан кейин донорларга бериладиган дам олиш кунларидан фойдаланиш.».
Вазир Б. ЗАХИДОВ
Тошкент ш.,
2026 йил 9 апрель,
12-2026/Б -сон
OʻZBEKISTON RESPUBLIKASI KAMBAGʻALLIKNI QISQARTIRISH VA BANDLIK VAZIRLIGI
BUYRUGʻI
Avtotransport vositalari haydovchilarining ish vaqti va dam olish vaqti to'g'risidagi nizomga o'zgartirish va qo'shimchalar kiritish haqida
Oʻzbekiston Respublikasining Mehnat kodeksi va “Transport to'g'risida”gi Qonuniga muvofiq buyuraman:
1. O'zbekiston Respublikasi mehnat va aholini ijtimoiy muhofaza qilish vazirining 2013-yil 23-avgustdagi 64-B-son buyrug'i (ro'yxat raqami 2506, 2013-yil 9-sentabr) (O'zbekiston Respublikasi qonun hujjatlari to'plami, 2013-y., 37-son, 487-modda) bilan tasdiqlangan Avtotransport vositalari haydovchilarining ish vaqti va dam olish vaqti to'g'risidagi nizomga ilovaga muvofiq o'zgartirish va qo'shimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
O'zbekiston Respublikasi kambag'allikni qisqartirish va bandlik vazirining 2026-yil 9-apreldagi 12-2026/B-son buyrug'iga ILOVA
Avtotransport vositalari haydovchilarining ish vaqti va dam olish vaqti to'g'risidagi nizomga kiritilayotgan o'zgartirishlar va qoʻshimchalar
1. 1-bandning uchinchi xatboshisi quyidagi tahrirda bayon etilsin:
“ tashuvchi — mulk huquqi asosida yoki boshqa qonuniy asoslarda transport vositasiga ega bo'lgan, yo'lovchilarni, bagajni, yuk bagajini, yuklarni, pochta va kuryerlik jo'natmalarini tashish bo'yicha tijorat asosida xizmatlar ko'rsatadigan, shuningdek tashish uchun tegishli litsenziyaga, sertifikatga yoxud ruxsat etish xususiyatiga ega hujjati bo'lgan yuridik yoki jismoniy shaxs;”.
2. 9-bandda:
yettinchi xatboshidagi “bo'sh turib qolingan vaqti” degan soʻzlar “bekor turib qolingan vaqti” degan soʻzlar bilan almashtirilsin.
quyidagi mazmundagi xatboshi bilan to'ldirilsin:
“mehnat to'g'risidagi qonunchilikda hamda mehnat haqidagi boshqa huquqiy hujjatlarda nazarda tutilgan boshqa vaqtlar.”;
3. 13-band quyidagi mazmundagi xatboshi bilan to'ldirilsin:
“Haydovchining ish smenasi davomiyligi oʻn ikki soat boʻlganida, shuningdek mehnat sharoitlari oʻta zararli va oʻta xavfli ishlarda ish vaqtidan tashqari ishlarga yoʻl qoʻyilmaydi.”.
14-band quyidagi tahrirda bayon etilsin:
“14. Haydovchilar quyidagi huquqlarga ega:
ish kuni (smena) davomidagi tanaffuslar va ovqatlanish uchun tanaffusga chiqish (tushlik tanaffusi);
har kungi (smenalar oralig'idagi) dam olish;
dam olish kunlari (har haftalik uzluksiz dam olish);
ishlanmaydigan bayram kunlarida dam olish;
o'rnatilgan tartibda ta'tilga chiqish;
oʻz xohishiga ko'ra dam olish kunida yoki ishlanmaydigan bayram kunida ishlaganlik uchun kompensatsiya sifatida taqdim etiladigan ishdan bo'sh bo'lgan qo'shimcha kunlardan, shuningdek qon va uning tarkibiy qismlari topshirilgan har bir kundan keyin donorlarga beriladigan dam olish kunlaridan foydalanish.”.
Vazir B. ZAXIDOV
Toshkent sh.,
2026-yil 9-aprel,
12-2026/B -son