📅 2026-yil 20-aprel · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 20 апрель · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 20 апреля 2026 г. · Законы и кодексы
Официальный текст. Официальный документ. Редакционные примечания не включены.
📅 20 April 2026 · Laws and codes
Official text. Official document. Editorial notes are not included.
Ўзбекистон Республикасининг Қонуни
Кам таъминланган шахсларга давлат ҳисобидан юридик ёрдам кўрсатиш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида
Қонунчилик палатаси томонидан 2025 йил 5 августда қабул қилинган Сенат томонидан 2025 йил 31 октябрда маъқулланган
Кейинги йилларда мамлакатимизда инсоннинг ҳуқуқлари ва қонуний манфаатларини сўзсиз таъминлашга, фуқароларнинг одил судловга бўлган ишончини оширишга ҳамда уларнинг малакали юридик ёрдам олишга бўлган ҳуқуқлари кафолатларини кучайтиришга қаратилган тизимли ишлар амалга оширилмоқда.
Хусусан, «Давлат ҳисобидан юридик ёрдам кўрсатиш тўғрисида»ги Ўзбекистон Республикаси Қонуни қабул қилиниб, фуқароларга Ўзбекистон Республикаси Конституциясида кафолатланган малакали юридик ёрдам олиш ҳуқуқидан тўлиқ фойдаланиш имконияти яратилди.
Шу билан бирга кам таъминланган шахслар Ўзбекистон Республикасининг Конституциявий судига мурожаат этганда уларга давлат ҳисобидан юридик ёрдам кўрсатиш тизимини янада такомиллаштириш зарурияти юзага келмоқда.
Мазкур Қонун билан « Ўзбекистон Республикасининг Конституциявий суди тўғрисида »ги ва « Давлат ҳисобидан юридик ёрдам кўрсатиш тўғрисида »ги Ўзбекистон Республикаси қонунларига кам таъминланган шахсларга муайян ишда суд томонидан ўзига нисбатан қўлланилган қонуннинг Ўзбекистон Республикаси Конституциясига мувофиқлиги тўғрисида Ўзбекистон Республикасининг Конституциявий судига мурожаат этганда давлат ҳисобидан юридик ёрдам олиш ҳуқуқини белгилашга қаратилган қўшимча ва ўзгартиришлар киритилмоқда.
Ушбу Қонун фуқароларнинг конституциявий одил судловга эришиш имкониятларини янада кенгайтиришга ҳамда давлат ҳисобидан малакали юридик ёрдам олиш ҳуқуқини таъминлашга хизмат қилади.
2-модда. Ўзбекистон Республикасининг 2023 йил 16 июнда қабул қилинган «Давлат ҳисобидан юридик ёрдам кўрсатиш тўғрисида»ги ЎРҚ-848-сонли Қонунига (Ўзбекистон Республикаси Олий Мажлиси палаталарининг Ахборотномаси, 2023 йил, № 6, 447-модда) қуйидаги қўшимча ва ўзгартиришлар киритилсин:
1) 9-модданинг 1-банди :
қуйидаги мазмундаги иккинчи хатбоши билан тўлдирилсин:
«муайян ишда суд томонидан ўзига нисбатан қўлланилган қонуннинг Ўзбекистон Республикаси Конституциясига мувофиқлиги тўғрисида Ўзбекистон Республикасининг Конституциявий судига мурожаат этганлар»;
иккинчи — бешинчи хатбошилари тегишинча учинчи — олтинчи хатбошилар деб ҳисоблансин;
2) 11-модданинг биринчи қисми :
биринчи хатбошиси «жисмоний шахсларга» деган сўзлардан кейин «Ўзбекистон Республикасининг Конституциявий судига» деган сўзлар билан тўлдирилсин;
қуйидаги мазмундаги иккинчи хатбоши билан тўлдирилсин:
«муайян ишда суд томонидан ўзига нисбатан қўлланилган қонуннинг Ўзбекистон Республикаси Конституциясига мувофиқлиги ҳақидаги»;
иккинчи — саккизинчи хатбошилари тегишинча учинчи — тўққизинчи хатбошилар деб ҳисоблансин;
3) 17-модданинг биринчи қисми :
қуйидаги мазмундаги иккинчи хатбоши билан тўлдирилсин:
«давлат ҳисобидан юридик ёрдам олиш ҳуқуқига эга бўлган, Ўзбекистон Республикасининг Конституциявий судига шикоят билан мурожаат этган фуқаронинг илтимосига кўра Ўзбекистон Республикасининг Конституциявий суди томонидан»;
иккинчи — саккизинчи хатбошилари тегишинча учинчи — тўққизинчи хатбошилар деб ҳисоблансин.
3-модда. Ўзбекистон Республикасининг Конституциявий суди, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2026 йил 20 апрель,
ЎРҚ- 1135 -сон
Oʻzbekiston Respublikasining Qonuni
Kam taʼminlangan shaxslarga davlat hisobidan yuridik yordam koʻrsatish tizimi yanada takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida
Qonunchilik palatasi tomonidan 2025-yil 5-avgustda qabul qilingan Senat tomonidan 2025-yil 31-oktabrda maʼqullangan
Keyingi yillarda mamlakatimizda insonning huquqlari va qonuniy manfaatlarini soʻzsiz taʼminlashga, fuqarolarning odil sudlovga boʻlgan ishonchini oshirishga hamda ularning malakali yuridik yordam olishga boʻlgan huquqlari kafolatlarini kuchaytirishga qaratilgan tizimli ishlar amalga oshirilmoqda.
Xususan, “Davlat hisobidan yuridik yordam koʻrsatish toʻgʻrisida”gi Oʻzbekiston Respublikasi Qonuni qabul qilinib, fuqarolarga Oʻzbekiston Respublikasi Konstitutsiyasida kafolatlangan malakali yuridik yordam olish huquqidan toʻliq foydalanish imkoniyati yaratildi.
Shu bilan birga kam taʼminlangan shaxslar Oʻzbekiston Respublikasining Konstitutsiyaviy sudiga murojaat etganda ularga davlat hisobidan yuridik yordam koʻrsatish tizimini yanada takomillashtirish zaruriyati yuzaga kelmoqda.
Mazkur Qonun bilan “ Oʻzbekiston Respublikasining Konstitutsiyaviy sudi toʻgʻrisida ”gi va “ Davlat hisobidan yuridik yordam koʻrsatish toʻgʻrisida ”gi Oʻzbekiston Respublikasi qonunlariga kam taʼminlangan shaxslarga muayyan ishda sud tomonidan oʻziga nisbatan qoʻllanilgan qonunning Oʻzbekiston Respublikasi Konstitutsiyasiga muvofiqligi toʻgʻrisida Oʻzbekiston Respublikasining Konstitutsiyaviy sudiga murojaat etganda davlat hisobidan yuridik yordam olish huquqini belgilashga qaratilgan qoʻshimcha va oʻzgartirishlar kiritilmoqda.
Ushbu Qonun fuqarolarning konstitutsiyaviy odil sudlovga erishish imkoniyatlarini yanada kengaytirishga hamda davlat hisobidan malakali yuridik yordam olish huquqini taʼminlashga xizmat qiladi.
2-modda. Oʻzbekiston Respublikasining 2023-yil 16-iyunda qabul qilingan “Davlat hisobidan yuridik yordam koʻrsatish toʻgʻrisida”gi OʻRQ-848-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2023-yil, № 6, 447-modda) quyidagi qoʻshimcha va oʻzgartirishlar kiritilsin:
1) 9-moddaning 1-bandi :
quyidagi mazmundagi ikkinchi xatboshi bilan toʻldirilsin:
“muayyan ishda sud tomonidan oʻziga nisbatan qoʻllanilgan qonunning Oʻzbekiston Respublikasi Konstitutsiyasiga muvofiqligi toʻgʻrisida Oʻzbekiston Respublikasining Konstitutsiyaviy sudiga murojaat etganlar”;
ikkinchi — beshinchi xatboshilari tegishincha uchinchi — oltinchi xatboshilar deb hisoblansin;
2) 11-moddaning birinchi qismi :
birinchi xatboshisi “jismoniy shaxslarga” degan soʻzlardan keyin “Oʻzbekiston Respublikasining Konstitutsiyaviy sudiga” degan soʻzlar bilan toʻldirilsin;
quyidagi mazmundagi ikkinchi xatboshi bilan toʻldirilsin:
“muayyan ishda sud tomonidan oʻziga nisbatan qoʻllanilgan qonunning Oʻzbekiston Respublikasi Konstitutsiyasiga muvofiqligi haqidagi”;
ikkinchi — sakkizinchi xatboshilari tegishincha uchinchi — toʻqqizinchi xatboshilar deb hisoblansin;
3) 17-moddaning birinchi qismi :
quyidagi mazmundagi ikkinchi xatboshi bilan toʻldirilsin:
“davlat hisobidan yuridik yordam olish huquqiga ega boʻlgan, Oʻzbekiston Respublikasining Konstitutsiyaviy sudiga shikoyat bilan murojaat etgan fuqaroning iltimosiga koʻra Oʻzbekiston Respublikasining Konstitutsiyaviy sudi tomonidan”;
ikkinchi — sakkizinchi xatboshilari tegishincha uchinchi — toʻqqizinchi xatboshilar deb hisoblansin.
3-modda. Oʻzbekiston Respublikasining Konstitutsiyaviy sudi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2026-yil 20-aprel,
OʻRQ- 1135 -son