📅 2026-yil 20-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 20 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 апреля 2026 г. · Постановления Президента
Официальный текст. Официальный документ. Редакционные примечания не включены.
📅 20 April 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
МАЖБУРИЯТЛАРИ
РЎЙХАТИ
«Асакабанк» акциядорлик жамиятини хусусийлаштиришни жадаллаштиришга оид қўшимча чора-тадбирлар тўғрисида
«Асакабанк» акциядорлик жамиятининг операцион самарадорлигини ошириш, хусусийлаштиришга тайёрлаш ва банк тизимига стратегик инвесторларни жалб қилиш орқали банк хизматлари соҳасида рақобат муҳитини янада ривожлантириш мақсадида қарор қиламан:
I. Асакабанк фаолиятини трансформация қилиш
1. Иқтисодиёт ва молия вазирлиги, Европа тикланиш ва тараққиёт банки (кейинги ўринларда — ЕТТБ) ҳамда «Асакабанк» акциядорлик жамияти (кейинги ўринларда — Асакабанк) ўртасида Асакабанкнинг операцион самарадорлигини ва мустақиллигини таъминлаш, унинг активлари сифати ҳамда капиталлашувини ошириш, ЕТТБ томонидан Асакабанкнинг 15 фоиз акцияларини сотиб олиш бўйича Ҳамкорликнинг асосий шартлари тўғрисида келишув имзолангани маълумот учун қабул қилинсин.
2. Иқтисодиёт ва молия вазирлиги ҳамда Марказий банкнинг Асакабанк фаолиятини трансформация қилишга доир қуйидаги таклифларига розилик берилсин:
(а) барча банк амалиётларини бозор (тижорат) тамойиллари, замонавий банк амалиёти ва хатарларни бошқариш тизими талабларидан келиб чиққан ҳолда банкнинг ички сиёсати асосида амалга ошириш;
(б) банкнинг асосий фаолиятига тааллуқли бўлмаган ва қўшимча юкланган ҳар қандай фаолият тури ва вазифалар бажарилишини тўхтатиш;
(в) активлар сифатини таҳлил қилиш натижаларини инобатга олган ҳолда банк акцияларининг номинал қийматини бозор қийматига мослаштиришда юзага келган тафовутни унинг қўшилган капиталига киритиш.
3. Иқтисодиёт ва молия вазирлиги бир ой муддатда активлар сифатини таҳлил қилиш натижаларига кўра муаммоли деб топилган кредитлар бўйича келгусида юзага келадиган йўқотишларни Иқтисодиёт ва молия вазирлигининг Асакабанкдаги узоқ муддатли кредит линиялари ва депозитлари ҳамда Давлат бюджетининг бошқа манбалари ҳисобидан қоплаш механизмини ишлаб чиқсин ва амалиётга жорий қилсин.
4. Асакабанк:
(а) собиқ «Тошкент қишлоқ хўжалиги техникаси заводи» АЖнинг банк олдидаги мажбуриятларини сўндириш ҳисобига банк балансига қабул қилинган Тошкент шаҳри Мирзо Улуғбек тумани Буюк ипак йўли кўчаси 434-уй манзилидаги мулкий мажмуа банкнинг бошқарув органлари қарори асосида баҳоланган қийматда Давлат активларини бошқариш агентлигига ўтказилишини таъминласин. Бунда мулкий мажмуанинг қиймати 2026 йилги хусусийлаштириш дастури доирасида давлат активларини сотишдан тушадиган маблағлар ҳисобига банкка қоплаб берилади;
(б) икки ой муддатда Давлат активларини бошқариш агентлигига қиймати 382,6 миллиард сўмлик 4 та лойиҳа ва банк улушлари 1-иловага мувофиқ кейинчалик хусусийлаштириш ва соҳавий идораларга ишончли бошқарувга бериш шарти билан ўтказилишини таъминласин;
(в) активлар сифатини таҳлил қилиш натижаларига кўра:
(i) муаммоли деб топилган активларни ундириш механизмини белгиласин ва бунда ушбу активлар ундирилиши ҳар чоракда Асакабанкнинг кузатув кенгаши томонидан кўриб чиқилишини таъминласин;
(ii) Марказий банк билан биргаликда Асакабанк акцияларининг номинал қийматини бозор қийматига мослаштириш механизмини белгиласин.
5. Иқтисодиёт ва молия вазирлигига Асакабанк активлари Давлат активларини бошқариш агентлигига ўтказилиши натижасида юзага келадиган Асакабанкнинг капитали камайишини 2-иловага мувофиқ Иқтисодиёт ва молия вазирлигининг Асакабанкдаги кредитларини устав капиталига айлантириш ҳисобидан қайта тиклаш ҳуқуқи берилсин.
6. Иқтисодиёт ва молия вазирлиги Асакабанк томонидан молиялаштирилиши режалаштирилган 3-иловадаги лойиҳаларни «UzVC» миллий венчур фондига ўтказсин ҳамда уларни амалга оширишни Давлат бюджети маблағлари ҳисобидан молиялаштириш чораларини кўрсин.
7. Марказий банкка Асакабанк билан биргаликда активлар сифатини таҳлил қилиш натижаларига кўра муаммоли деб топилган кредитларни ундириш учун судга мурожаат қилингандан бошлаб ушбу кредитларни қоплаш учун Иқтисодиёт ва молия вазирлиги томонидан мутаносиб миқдорда маблағлар ажратилгунга қадар алоҳида таваккалчиликка тортиш механизми ва захира сиёсатини қўллаш тавсия этилсин.
II. Асакабанкни хусусийлаштиришга тайёрлаш
8. Иқтисодиёт ва молия вазирлиги ҳамда Асакабанк:
(а) активлар сифатини таҳлил қилиш натижаларига кўра муаммоли деб топилган кредитлар бўйича келгусида юзага келадиган йўқотишлар Иқтисодиёт ва молия вазирлигининг Асакабанкдаги узоқ муддатли кредит линиялари ва депозитлари ҳамда Давлат бюджетининг бошқа манбалари ҳисобидан қоплаб борилиши тўғрисидаги розилик ЕТТБ билан тузиладиган шартномаларда акс эттирилишини;
(б) Давлат бюджети маблағлари ҳисобидан 2026 йилда Асакабанкнинг устав капиталига 95 миллион АҚШ доллари эквивалентида маблағ киритилишини;
(в) оддий акциялар бўйича дивиденд тўланмаган ҳолда банкнинг 2024-2025 йиллардаги соф фойдаси тақсимланмаслигини таъминласин.
9. Асакабанкка банк акцияларининг 15 фоизини ЕТТБга сотиш ва банкни трансформация қилиш тўғрисидаги шартнома лойиҳасини ишлаб чиқиш ҳамда ЕТТБ билан акциялар нархи юзасидан музокараларни олиб бориш учун халқаро юридик компания ва «катта тўртлик» туркумига кирувчи ёки нуфузли инвестиция банкларининг бири билан «таклиф сўрови» асосида молиявий консультантни жалб қилишга рухсат берилсин.
10. Давлат активларини бошқариш агентлиги Тошкент шаҳар ҳокимлиги билан биргаликда икки ой муддатда собиқ «Тошкент қишлоқ хўжалиги техникаси заводи» АЖ ҳудудида амалга ошириш учун ижтимоий ва иқтисодий мақсадга йўналтирилган лойиҳа ишлаб чиқсин ва Ўзбекистон Республикаси Президенти Администрациясига таклифлар киритсин.
11. Иқтисодиёт ва молия вазирлиги Асакабанк билан биргаликда 2026 йил 1 сентябрга қадар жалб қилинган молиявий консультантнинг ЕТТБ таклифини ўрганиш якунлари бўйича тавсияси асосида Асакабанк устав капиталидаги давлатга тегишли 15 фоиз улушни сотиш нархи, шунингдек, ЕТТБ ва Ўзбекистон Республикаси Ҳукумати ўртасида имзоланадиган инвестиция шартномасининг асосий шартлари юзасидан Ўзбекистон Республикаси Президенти Администрациясига таклифлар киритсин.
III. Қарор ижросини ташкил этиш, таъминлаш ва назорат
12. Ўзбекистон Республикаси Президентининг айрим қарорларига 4-иловага мувофиқ ўзгартиришлар киритилсин.
13. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ва Марказий банк раиси Т.А. Ишметов белгилансин.
14. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 20 апрелдаги ПҚ-149-сон қарорига 1-ИЛОВА
«Асакабанк» АЖ томонидан Давлат активларини бошқариш агентлигига ўтказиладиган лойиҳалар ҳамда улушлар
Т/р Жамият номи Инвестиция киритилган корхона фаолияти Қолдиқ қиймати (млн сўм) Давлат активларини бошқариш агентлиги томонидан амалга ошириладиган ишлар 1. «Яшил энергия» МЧЖ Ўзбекистон Республикаси Президентининг 2023 йил 16 февралдаги ПҚ-57-сон қарори асосида ташкил этилган, қайта тикланувчи энергия манбаларидан электр энергиясини ишлаб чиқариш асбоб-ускуналарини ўрнатишга ихтисослашган корхона 67 066,8 Яхлит пакет сифатида хусусийлаштирилади 2. «Uz CLAAS Agro» МЧЖ ҚК Қишлоқ хўжалиги техникаларини ишлаб чиқариш корхонаси 222 346,6 Яхлит пакет сифатида хусусийлаштирилади 3. «Khorezm Invest Project» МЧЖ Хоразм вилоятидаги истиқболли лойиҳаларни молиялаштириш учун ташкил этилган инвестиция компанияси 90 215,0 Тикланиш ва тараққиёт жамғармаси ҳузуридаги Саноатни ривожлантириш жамғармасига ўтказилади 4. «Sayxun Tomorqa Export» МЧЖ Қишлоқ хўжалиги маҳсулотларини сақлаш ва уларни экспорт қилишга кўмаклашиш корхонаси 2 950,4 Яхлит пакет сифатида хусусийлаштирилади Жами 382 578,8
Ўзбекистон Республикаси Президентининг 2026 йил 20 апрелдаги ПҚ-149-сон қарорига 2-ИЛОВА
«Асакабанк» АЖнинг Ўзбекистон Республикаси Иқтисодиёт ва молия вазирлиги олдидаги қарз
Т/р Шартнома Ресурс қарз қолдиғи (млн сўм) Санаси Рақами 1. 05.04.2017 3471-UZB (SF) 366 262,76 2. 30.06.2018 8824-UZ 1 124 625,22 3. 19.11.2018 L3673 (COL)-UZB 339 537,24 4. 15.10.2019 08-02-19/5 68 039,71 5. 26.06.2024 D2406010055 87 816,25 Жами: 1 986 281,18
Ўзбекистон Республикаси Президентининг 2026 йил 20 апрелдаги ПҚ-149-сон қарорига 3-ИЛОВА
«Асакабанк» АЖдан «UzVC» миллий венчур фондига ўтказиладиган ва Давлат бюджети ҳисобидан молиялаштириладиган лойиҳалар
T/р Ташкилот номи Инвестиция киритилган корхона фаолияти Киритилиши лозим бўлган инвестициялар (млн сўм ) Ўтказиладиган ташкилот 1. «Асака Фарм Венчурс» МЧЖ Ўзбекистон Республикаси Президентининг 2025 йил 28 январдаги ПФ-13-сон Фармонига мувофиқ фармацевтика тармоғидаги стартап лойиҳаларга инвестиция киритиш мақсадида ташкил этилган венчур компания. 130 000 «UzVC» миллий венчур фонди 2. «Асака Фарм Инвест» МЧЖ Ўзбекистон Республикаси Президентининг 2025 йил 28 январдаги ПФ-13-сон Фармонига мувофиқ фармацевтика тармоғидаги истиқболли лойиҳаларни қўллаб-қувватлаш мақсадида ташкил этилган инвестиция компанияси. 650 000 Жами 780 000
Ўзбекистон Республикаси Президентининг 2026 йил 20 апрелдаги ПҚ-149-сон қарорига 4-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2022 йил 18 мартдаги «Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида»ги ПҚ-168-сон қарори 7-бандида :
(а) учинчи хатбоши чиқариб ташлансин;
(б) тўртинчи ва бешинчи хатбошилар тегишинча учинчи ва тўртинчи хатбошилар деб ҳисоблансин.
2. Ўзбекистон Республикаси Президентининг 2025 йил 19 сентябрдаги «Ўзбекистон Республикаси миллий инвестиция жамғармаси фаолиятини янада такомиллаштириш чора-тадбирлари тўғрисида»ги ПҚ-289-сон қарорига 2-илованинг 1-банди ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 20 апрель,
ПҚ-149-сон
Oʻzbekiston Respublikasi Prezidentining
qarori
ROʻYXATI
MAJBURIYATLARI
ROʻYXATI
“Asakabank” aksiyadorlik jamiyatini xususiylashtirishni jadallashtirishga oid qoʻshimcha chora-tadbirlar toʻgʻrisida
“Asakabank” aksiyadorlik jamiyatining operatsion samaradorligini oshirish, xususiylashtirishga tayyorlash va bank tizimiga strategik investorlarni jalb qilish orqali bank xizmatlari sohasida raqobat muhitini yanada rivojlantirish maqsadida qaror qilaman:
I. Asakabank faoliyatini transformatsiya qilish
1. Iqtisodiyot va moliya vazirligi, Yevropa tiklanish va taraqqiyot banki (keyingi oʻrinlarda — YETTB) hamda “Asakabank” aksiyadorlik jamiyati (keyingi oʻrinlarda — Asakabank) oʻrtasida Asakabankning operatsion samaradorligini va mustaqilligini taʼminlash, uning aktivlari sifati hamda kapitallashuvini oshirish, YETTB tomonidan Asakabankning 15 foiz aksiyalarini sotib olish boʻyicha Hamkorlikning asosiy shartlari toʻgʻrisida kelishuv imzolangani maʼlumot uchun qabul qilinsin.
2. Iqtisodiyot va moliya vazirligi hamda Markaziy bankning Asakabank faoliyatini transformatsiya qilishga doir quyidagi takliflariga rozilik berilsin:
(a) barcha bank amaliyotlarini bozor (tijorat) tamoyillari, zamonaviy bank amaliyoti va xatarlarni boshqarish tizimi talablaridan kelib chiqqan holda bankning ichki siyosati asosida amalga oshirish;
(b) bankning asosiy faoliyatiga taalluqli boʻlmagan va qoʻshimcha yuklangan har qanday faoliyat turi va vazifalar bajarilishini toʻxtatish;
(v) aktivlar sifatini tahlil qilish natijalarini inobatga olgan holda bank aksiyalarining nominal qiymatini bozor qiymatiga moslashtirishda yuzaga kelgan tafovutni uning qoʻshilgan kapitaliga kiritish.
3. Iqtisodiyot va moliya vazirligi bir oy muddatda aktivlar sifatini tahlil qilish natijalariga koʻra muammoli deb topilgan kreditlar boʻyicha kelgusida yuzaga keladigan yoʻqotishlarni Iqtisodiyot va moliya vazirligining Asakabankdagi uzoq muddatli kredit liniyalari va depozitlari hamda Davlat budjetining boshqa manbalari hisobidan qoplash mexanizmini ishlab chiqsin va amaliyotga joriy qilsin.
4. Asakabank:
(a) sobiq “Toshkent qishloq xoʻjaligi texnikasi zavodi” AJning bank oldidagi majburiyatlarini soʻndirish hisobiga bank balansiga qabul qilingan Toshkent shahri Mirzo Ulugʻbek tumani Buyuk ipak yoʻli koʻchasi 434-uy manzilidagi mulkiy majmua bankning boshqaruv organlari qarori asosida baholangan qiymatda Davlat aktivlarini boshqarish agentligiga oʻtkazilishini taʼminlasin. Bunda mulkiy majmuaning qiymati 2026-yilgi xususiylashtirish dasturi doirasida davlat aktivlarini sotishdan tushadigan mablagʻlar hisobiga bankka qoplab beriladi;
(b) ikki oy muddatda Davlat aktivlarini boshqarish agentligiga qiymati 382,6 milliard soʻmlik 4 ta loyiha va bank ulushlari 1-ilovaga muvofiq keyinchalik xususiylashtirish va sohaviy idoralarga ishonchli boshqaruvga berish sharti bilan oʻtkazilishini taʼminlasin;
(v) aktivlar sifatini tahlil qilish natijalariga koʻra:
(i) muammoli deb topilgan aktivlarni undirish mexanizmini belgilasin va bunda ushbu aktivlar undirilishi har chorakda Asakabankning kuzatuv kengashi tomonidan koʻrib chiqilishini taʼminlasin;
(ii) Markaziy bank bilan birgalikda Asakabank aksiyalarining nominal qiymatini bozor qiymatiga moslashtirish mexanizmini belgilasin.
5. Iqtisodiyot va moliya vazirligiga Asakabank aktivlari Davlat aktivlarini boshqarish agentligiga oʻtkazilishi natijasida yuzaga keladigan Asakabankning kapitali kamayishini 2-ilovaga muvofiq Iqtisodiyot va moliya vazirligining Asakabankdagi kreditlarini ustav kapitaliga aylantirish hisobidan qayta tiklash huquqi berilsin.
6. Iqtisodiyot va moliya vazirligi Asakabank tomonidan moliyalashtirilishi rejalashtirilgan 3-ilovadagi loyihalarni “UzVC” milliy venchur fondiga oʻtkazsin hamda ularni amalga oshirishni Davlat budjeti mablagʻlari hisobidan moliyalashtirish choralarini koʻrsin.
7. Markaziy bankka Asakabank bilan birgalikda aktivlar sifatini tahlil qilish natijalariga koʻra muammoli deb topilgan kreditlarni undirish uchun sudga murojaat qilingandan boshlab ushbu kreditlarni qoplash uchun Iqtisodiyot va moliya vazirligi tomonidan mutanosib miqdorda mablagʻlar ajratilgunga qadar alohida tavakkalchilikka tortish mexanizmi va zaxira siyosatini qoʻllash tavsiya etilsin.
II. Asakabankni xususiylashtirishga tayyorlash
8. Iqtisodiyot va moliya vazirligi hamda Asakabank:
(a) aktivlar sifatini tahlil qilish natijalariga koʻra muammoli deb topilgan kreditlar boʻyicha kelgusida yuzaga keladigan yoʻqotishlar Iqtisodiyot va moliya vazirligining Asakabankdagi uzoq muddatli kredit liniyalari va depozitlari hamda Davlat budjetining boshqa manbalari hisobidan qoplab borilishi toʻgʻrisidagi rozilik YETTB bilan tuziladigan shartnomalarda aks ettirilishini;
(b) Davlat budjeti mablagʻlari hisobidan 2026-yilda Asakabankning ustav kapitaliga 95 million AQSH dollari ekvivalentida mablagʻ kiritilishini;
(v) oddiy aksiyalar boʻyicha dividend toʻlanmagan holda bankning 2024-2025-yillardagi sof foydasi taqsimlanmasligini taʼminlasin.
9. Asakabankka bank aksiyalarining 15 foizini YETTBga sotish va bankni transformatsiya qilish toʻgʻrisidagi shartnoma loyihasini ishlab chiqish hamda YETTB bilan aksiyalar narxi yuzasidan muzokaralarni olib borish uchun xalqaro yuridik kompaniya va “katta toʻrtlik” turkumiga kiruvchi yoki nufuzli investitsiya banklarining biri bilan “taklif soʻrovi” asosida moliyaviy konsultantni jalb qilishga ruxsat berilsin.
10. Davlat aktivlarini boshqarish agentligi Toshkent shahar hokimligi bilan birgalikda ikki oy muddatda sobiq “Toshkent qishloq xoʻjaligi texnikasi zavodi” AJ hududida amalga oshirish uchun ijtimoiy va iqtisodiy maqsadga yoʻnaltirilgan loyiha ishlab chiqsin va Oʻzbekiston Respublikasi Prezidenti Administratsiyasiga takliflar kiritsin.
11. Iqtisodiyot va moliya vazirligi Asakabank bilan birgalikda 2026-yil 1-sentabrga qadar jalb qilingan moliyaviy konsultantning YETTB taklifini oʻrganish yakunlari boʻyicha tavsiyasi asosida Asakabank ustav kapitalidagi davlatga tegishli 15 foiz ulushni sotish narxi, shuningdek, YETTB va Oʻzbekiston Respublikasi Hukumati oʻrtasida imzolanadigan investitsiya shartnomasining asosiy shartlari yuzasidan Oʻzbekiston Respublikasi Prezidenti Administratsiyasiga takliflar kiritsin.
III. Qaror ijrosini tashkil etish, taʼminlash va nazorat
12. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirishlar kiritilsin.
13. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov va Markaziy bank raisi T.A. Ishmetov belgilansin.
14. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 20-apreldagi PQ-149-son qaroriga 1-ILOVA
“Asakabank” AJ tomonidan Davlat aktivlarini boshqarish agentligiga oʻtkaziladigan loyihalar hamda ulushlar
T/r Jamiyat nomi Investitsiya kiritilgan korxona faoliyati Qoldiq qiymati (mln soʻm) Davlat aktivlarini boshqarish agentligi tomonidan amalga oshiriladigan ishlar 1. “Yashil energiya” MCHJ Oʻzbekiston Respublikasi Prezidentining 2023-yil 16-fevraldagi PQ-57-son qarori asosida tashkil etilgan, qayta tiklanuvchi energiya manbalaridan elektr energiyasini ishlab chiqarish asbob-uskunalarini oʻrnatishga ixtisoslashgan korxona 67 066,8 Yaxlit paket sifatida xususiylashtiriladi 2. “Uz CLAAS Agro” MCHJ QK Qishloq xoʻjaligi texnikalarini ishlab chiqarish korxonasi 222 346,6 Yaxlit paket sifatida xususiylashtiriladi 3. “Khorezm Invest Project” MCHJ Xorazm viloyatidagi istiqbolli loyihalarni moliyalashtirish uchun tashkil etilgan investitsiya kompaniyasi 90 215,0 Tiklanish va taraqqiyot jamgʻarmasi huzuridagi Sanoatni rivojlantirish jamgʻarmasiga oʻtkaziladi 4. “Sayxun Tomorqa Export” MCHJ Qishloq xoʻjaligi mahsulotlarini saqlash va ularni eksport qilishga koʻmaklashish korxonasi 2 950,4 Yaxlit paket sifatida xususiylashtiriladi Jami 382 578,8
Oʻzbekiston Respublikasi Prezidentining 2026-yil 20-apreldagi PQ-149-son qaroriga 2-ILOVA
“Asakabank” AJning Oʻzbekiston Respublikasi Iqtisodiyot va moliya vazirligi oldidagi qarz
T/r Shartnoma Resurs qarz qoldigʻi (mln soʻm) Sanasi Raqami 1. 05.04.2017 3471-UZB (SF) 366 262,76 2. 30.06.2018 8824-UZ 1 124 625,22 3. 19.11.2018 L3673 (COL)-UZB 339 537,24 4. 15.10.2019 08-02-19/5 68 039,71 5. 26.06.2024 D2406010055 87 816,25 Jami: 1 986 281,18
Oʻzbekiston Respublikasi Prezidentining 2026-yil 20-apreldagi PQ-149-son qaroriga 3-ILOVA
“Asakabank” AJdan “UzVC” milliy venchur fondiga oʻtkaziladigan va Davlat budjeti hisobidan moliyalashtiriladigan loyihalar
T/r Tashkilot nomi Investitsiya kiritilgan korxona faoliyati Kiritilishi lozim boʻlgan investitsiyalar (mln soʻm ) Oʻtkaziladigan tashkilot 1. “Asaka Farm Venchurs” MCHJ Oʻzbekiston Respublikasi Prezidentining 2025-yil 28-yanvardagi PF-13-son Farmoniga muvofiq farmatsevtika tarmogʻidagi startap loyihalarga investitsiya kiritish maqsadida tashkil etilgan venchur kompaniya. 130 000 “UzVC” milliy venchur fondi 2. “Asaka Farm Invest” MCHJ Oʻzbekiston Respublikasi Prezidentining 2025-yil 28-yanvardagi PF-13-son Farmoniga muvofiq farmatsevtika tarmogʻidagi istiqbolli loyihalarni qoʻllab-quvvatlash maqsadida tashkil etilgan investitsiya kompaniyasi. 650 000 Jami 780 000
Oʻzbekiston Respublikasi Prezidentining 2026-yil 20-apreldagi PQ-149-son qaroriga 4-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2022-yil 18-martdagi “Iqtisodiyotda davlat ishtirokini yanada qisqartirish va xususiylashtirishni jadallashtirishga oid qoʻshimcha chora-tadbirlar toʻgʻrisida”gi PQ-168-son qarori 7-bandida :
(a) uchinchi xatboshi chiqarib tashlansin;
(b) toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblansin.
2. Oʻzbekiston Respublikasi Prezidentining 2025-yil 19-sentabrdagi “Oʻzbekiston Respublikasi milliy investitsiya jamgʻarmasi faoliyatini yanada takomillashtirish chora-tadbirlari toʻgʻrisida”gi PQ-289-son qaroriga 2-ilovaning 1-bandi oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 20-aprel,
PQ-149-son
Президента Республики Узбекистан
Постановление
О дополнительных мерах по ускорению приватизации Акционерного общества «Асакабанк»
В целях повышения операционной эффективности Акционерного общества «Асакабанк», дальнейшего развития конкурентной среды в сфере банковских услуг путем его подготовки к приватизации и привлечения стратегических инвесторов в банковскую систему постановляю:
I. Трансформация деятельности Асакабанка
1. Принять к сведению, что между Министерством экономики и финансов, Европейским банком реконструкции и развития (далее — ЕБРР) и Акционерным обществом «Асакабанк» (далее — Асакабанк) подписано Соглашение об основных условиях сотрудничества по обеспечению операционной эффективности и самостоятельности Асакабанка, повышению качества и капитализации его активов, приобретению со стороны ЕБРР 15 процентов акций Асакабанка.
2. Согласиться с предложениями Министерства экономики и финансов, Центрального банка по трансформации деятельности Асакабанка, предусматривающими:
(а) осуществление всех банковских операций исходя из рыночных (коммерческих) принципов, современной банковской практики и требований системы управления рисками на основе внутренней политики банка;
(б) прекращение выполнения любых видов деятельности и задач, не относящихся к основной деятельности банка и возложенных дополнительно;
(в) включение разницы, возникшей при приведении номинальной стоимости акций банка в соответствие рыночной стоимости, с учетом результатов анализа качества активов, в его добавленный капитал.
3. Министерству экономики и финансов в месячный срок разработать и внедрить в практику механизм покрытия потерь, которые могут возникнуть в будущем по кредитам, признанным проблемными согласно результатам анализа качества активов, за счет долгосрочных кредитных линий и депозитов Министерства экономики и финансов в Асакабанке, а также иных источников Государственного бюджета.
4. Асакабанку:
(а) обеспечить передачу Агентству по управлению государственными активами имущественного комплекса, принятого на баланс банка в счет погашения обязательств бывшего АО «Ташкентский завод сельскохозяйственной техники» перед банком, расположенного по адресу: город Ташкент, Мирзо-Улугбекский район, улица Буюк ипак йули, дом 434, по стоимости, оцененной на основании решения органов управления банка. При этом стоимость имущественного комплекса возмещается банку за счет средств, поступающих от реализации государственных активов в рамках Программы приватизации на 2026 год;
(б) в двухмесячный срок обеспечить передачу Агентству по управлению государственными активами 4 проектов стоимостью 382,6 миллиарда сумов и долей банка согласно приложению № 1 * с условием последующей приватизации и предоставления отраслевым ведомствам в доверительное управление;
(в) согласно результатам анализа качества активов:
(i) определить механизм взимания признанных проблемными активов и при этом обеспечить ежеквартальное рассмотрение Наблюдательным советом Асакабанка взимание данных активов;
(ii) совместно с Центральным банком определить механизм приведения номинальной стоимости акций Асакабанка в соответствие рыночной стоимости.
5. Предоставить Министерству экономики и финансов право восстановления уменьшения капитала Асакабанка, возникающего в результате передачи активов Асакабанка Агентству по управлению государственными активами, за счет превращения кредитов Министерства экономики и финансов в Асакабанке в уставный капитал согласно приложению № 2 * .
6. Министерству экономики и финансов перевести проекты, приведенные в приложении № 3 * , планируемые к финансированию Асакабанком, в Национальный венчурный фонд «UzVC», а также принять меры по финансированию их реализации за счет средств Государственного бюджета.
7. Рекомендовать Центральному банку совместно с Асакабанком для взимания кредитов, признанных проблемными согласно результатам анализа качества активов, применять отдельный механизм привлечения к рискам и резервную политику в период начиная с обращения в суд до выделения Министерством экономики и финансов средств в соразмерном количестве для покрытия данных кредитов.
II. Подготовка Асакабанка к приватизации
8. Министерству экономики и финансов, Асакабанку обеспечить:
(а) отражение в договорах, заключаемых с ЕБРР, согласия о возмещении потерь, которые могут возникнуть в будущем по кредитам, признанным проблемными согласно результатам анализа качества активов, за счет долгосрочных кредитных линий и депозитов Министерства экономики и финансов в Асакабанке, а также иных источников Государственного бюджета;
(б) вложение в уставный капитал Асакабанка в 2026 году средств в эквиваленте 95 миллионов долларов США за счет средств Государственного бюджета;
(в) нераспределение чистой прибыли банка за 2024-2025 годы без выплаты дивидендов по простым акциям.
9. Разрешить Асакабанку привлекать международную юридическую компанию и финансового консультанта, входящего в «большую четверку», либо на основе «запроса предложения» с одним из авторитетных инвестиционных банков для разработки проекта договора о реализации ЕБРР 15 процентов акций банка и трансформации банка, а также для проведения переговоров с ЕБРР по стоимости акций.
10. Агентству по управлению государственными активами совместно с хокимиятом города Ташкента в двухмесячный срок разработать проект, ориентированный на социальные и экономические цели, для реализации на территории бывшего АО «Ташкентский завод сельскохозяйственной техники» и внести предложения в Администрацию Президента Республики Узбекистан.
11. Министерству экономики и финансов совместно с Асакабанком в срок до 1 сентября 2026 года на основе рекомендации привлеченного финансового консультанта по итогам изучения предложения ЕБРР внести предложения в Администрацию Президента Республики Узбекистан по стоимости реализации принадлежащей государству 15-процентной доли в уставном капитале Асакабанка, а также основным условиям инвестиционного договора, подписываемого между ЕБРР и Правительством Республики Узбекистан.
III. Организация, обеспечение и контроль исполнения постановления
12. Внести изменения в некоторые постановления Президента Республики Узбекистан согласно приложению № 4 .
13. Возложить на заместителя Премьер-министра Д.А. Кучкарова и председателя Центрального банка Т.А. Ишметова персональную ответственность за эффективную организацию исполнения настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 4 к постановлению Президента Республики Узбекистан от 20 апреля 2026 года № ПП-149
Изменения, вносимые в некоторые постановления Президента Республики Узбекистан
1. В пункте 7 постановления Президента Республики Узбекистан от 18 марта 2022 года № ПП-168 «О дополнительных мерах по дальнейшему сокращению государственного участия в экономике и ускорению приватизации»:
(а) абзац третий исключить;
(б) абзацы четвертый и пятый считать соответственно абзацами третьим и четвертым.
2. Пункт 1 приложения № 2 к постановлению Президента Республики Узбекистан от 19 сентября 2025 года № ПП-289 «О мерах по дальнейшему совершенствованию деятельности Национального инвестиционного фонда Республики Узбекистан» признать утратившим силу.
Президент Республики Узбекистан Ш. МИРЗИЁЕВ
г. Ташкент,
20 апреля 2026 г.,
№ ПП-149