UzbekAI

Ўзбекистон Республикаси Президентининг

қарори

Халқаро шартномага қўшилиш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 23-моддасига мувофиқ қарор қиламан:

1. 2013 йил 31 май куни Минск шаҳрида имзоланган Мустақил Давлатлар Ҳамдўстлигига аъзо-давлатларнинг атроф-муҳитни муҳофаза қилиш соҳасида ҳамкорлиги тўғрисидаги битимга қўшилинсин.

2. Экология ва иқлим ўзгариши миллий қўмитаси ушбу халқаро шартномани амалга ошириш учун масъул бўлган ваколатли орган, Ўзбекистон Республикаси Президентининг экология масалалари бўйича маслаҳатчиси — Экология ва иқлим ўзгариши миллий қўмитаси раиси лавозими бўйича Мустақил Давлатлар Ҳамдўстлигига аъзо-давлатларнинг Давлатлараро экологик кенгаши аъзоси этиб белгилансин.

3. Ташқи ишлар вазирлиги Ўзбекистон Республикасининг ушбу халқаро шартномага қўшилгани ҳамда уни амалга ошириш учун масъул бўлган ваколатли орган тўғрисида тегишли билдиришномани депозитарийга юборсин.

4. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин унинг қоидалари бажарилиши устидан белгиланган тартибда назоратни таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 27 апрель,

ПҚ-156-сон

(Қонунчилик маълумотлари миллий базаси, 27.04.2026 й., 07/26/156/0418-сон)

lex.uz

Oʻzbekiston Respublikasi Prezidentining

qarori

Xalqaro shartnomaga qoʻshilish toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 23-moddasiga muvofiq qaror qilaman:

1. 2013-yil 31-may kuni Minsk shahrida imzolangan Mustaqil Davlatlar Hamdoʻstligiga aʼzo-davlatlarning atrof-muhitni muhofaza qilish sohasida hamkorligi toʻgʻrisidagi bitimga qoʻshilinsin.

2. Ekologiya va iqlim oʻzgarishi milliy qoʻmitasi ushbu xalqaro shartnomani amalga oshirish uchun masʼul boʻlgan vakolatli organ, Oʻzbekiston Respublikasi Prezidentining ekologiya masalalari boʻyicha maslahatchisi — Ekologiya va iqlim oʻzgarishi milliy qoʻmitasi raisi lavozimi boʻyicha Mustaqil Davlatlar Hamdoʻstligiga aʼzo-davlatlarning Davlatlararo ekologik kengashi aʼzosi etib belgilansin.

3. Tashqi ishlar vazirligi Oʻzbekiston Respublikasining ushbu xalqaro shartnomaga qoʻshilgani hamda uni amalga oshirish uchun masʼul boʻlgan vakolatli organ toʻgʻrisida tegishli bildirishnomani depozitariyga yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 27-aprel,

PQ-156-son

(Qonunchilik maʼlumotlari milliy bazasi, 27.04.2026-y., 07/26/156/0418-son)

lex.uz

Президента Республики Узбекистан

Постановление

О присоединении к международному договору

В соответствии со статьей 23 Закона Республики Узбекистан «О международных договорах Республики Узбекистан» постановляю:

1. Присоединиться к Соглашению о сотрудничестве в области охраны окружающей среды государств-участников Содружества Независимых Государств, подписанному 31 мая 2013 года в городе Минске.

2. Определить Национальный комитет по экологии и изменению климата компетентным органом, ответственным за реализацию указанного международного договора, советника Президента Республики Узбекистан по вопросам экологии — председателя Национального комитета по экологии и изменению климата по должности — членом Межгосударственного экологического совета государств-участников Содружества Независимых Государств.

3. Министерству иностранных дел направить депозитарию соответствующее уведомление о присоединении Республики Узбекистан к указанному международному договору, а также о компетентном органе, ответственном за его реализацию.

4. Кабинету Министров и руководителям соответствующих министерств и ведомств после вступления в силу указанного международного договора в установленном порядке обеспечить контроль за выполнением его положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

27 апреля 2026 г.,

№ ПП-156

(Национальная база данных законодательства, 27.04.2026 г., № 07/26/156/0418)

lex.uz