📅 2026-yil 28-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 28 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 апреля 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 28 April 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламентини тасдиқлаш тўғрисида
Ўзбекистон Республикаси Президентининг «Ички ишлар органлари тизимини рақамли трансформация қилиш бўйича комплекс чора-тадбирлар тўғрисида» 2025 йил 30 апрелдаги 155-сон қарори ижросини таъминлаш мақсадида Вазирлар Маҳкамаси қарор қилади:
1. Қуйидагиларни назарда тутувчи Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламенти иловага мувофиқ тасдиқлансин:
автомототранспорт воситаларини жарима майдончасидан олиб чиқиш юзасидан электрон мурожаат қилиш тартиби;
автомототранспорт воситаларини жарима майдончасидан олиб чиқиттт юзасидан мурожаатларни кўриб чиқиш тартиби.
2. Белгилаб қўйилсинки:
2026 йил 1 июндан бошлаб автомототранспорт воситаларини жарима майдончасидан олиб чиқиш юзасидан Ўзбекистон Республикаси Ички ишлар вазирлиги Жамоат хавфсизлиги департаменти Иўл ҳаракати хавфсизлиги хизматига (кейинги ўринларда — ЙҲХХ) Ягона интерактив давлат хизматлари портали (кейинги ўринларда — ЯИДХП) ёки ЙҲХХнинг мобил иловаси (кейинги ўринларда — мобил илова) ёхуд давлат хизматлари марказлари орқали электрон мурожаат қилиш имконияти яратилади;
жисмоний ва юридик шахслар автомототранспорт воситаларини жарима майдончасидан олиб чиқиш юзасидан ЙҲХХга анъанавий (оғзаки ёки ёзма) тарзда мурожаат қилишлари ҳам мумкин.
3. Ўзбекистон Республикаси Ички ишлар вазирлиги Рақамли технологиялар вазирлиги билан биргаликда 2026 йил 31 майга қадар автомототранспорт воситаларини жарима майдончасидан олиб чиқиш юзасидан электрон мурожаат қилиш учун зарур бўлган ахборот тизимларини ўзаро интеграция қилиш чораларини кўрсин.
4. Узбекистон Республикаси Ички ишлар вазирлиги манфаатдор вазирлик ва идоралар билан биргаликда ушбу қарорнинг мазмун-моҳияти ва аҳамияти оммавий ахборот воситаларида кенг ёритилишини таъминласин.
5. Ушбу қарорнинг бажарилишини назорат қилиш Ўзбекистон Республикаси ички ишлар вазири А.А. Ташпулатов зиммасига юклансин.
Вазирлар Маҳкамасининг 2026 йил 28 апрелдаги 208-сон қарорига ИЛОВА
Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилишнинг
1-боб. Умумий қоидалар
1. Ушбу Регламент йўл ҳаракати қоидалари бузилганлиги учун автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилиш бўйича давлат хизматини кўрсатиш тартибини белгилайди.
2. Давлат хизмати Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки Давлат йўл ҳаракати хавфсизлиги хизматининг мобил иловаси (кейинги ўринларда — мобил илова) ёхуд давлат хизматлари марказлари орқали кўрсатилади.
3. Ушбу Регламент Ўзбекистон Республикасининг Маъмурий жавобгарлик тўғрисидаги кодекси (кейинги ўринларда — Кодекс) 291-моддасининг биринчи қисми «а» кичик банди ҳамда учинчи қисмида кўрсатилган ҳолатларга нисбатан татбиқ этилади.
Кодекснинг 291-моддаси биринчи қисми «а» кичик банди ҳамда учинчи қисмида кўрсатилган асосларга кўра жарима майдончасига жойлаштирилган автомототранспорт воситаларини уларни ушлаб туриш сабаби бартараф этилгунга ёки маъмурий ҳуқуқбузарлик тўғрисидаги иш кўриб чиқилгунга қадар сақлаб туриши мумкин.
4. Ушбу Регламентда қуйидаги асосий тушунчалардан фойдаланилади:
ваколатли орган — Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ва унинг ҳудудий бўлинмалари;
мурожаат қилувчи — автомототранспорт воситаларини жарима майдончасидан олиб чиқиш юзасидан ЯИДХП ёки давлат хизматлари маркази ёхуд мобил илова орқали электрон мурожаат қилаётган жисмоний ёки юридик шахс;
мурожаат қилувчининг маълумотлари — жисмоний шахснинг фамилияси, исми, отасининг исми, туғилган жойи ва санаси, паспорти (ID-картаси) серияси ва рақами, ЖШШИР, яшаш манзили, юридик шахснинг номи, СТИР, жойлашган ери (почта манзили).
5. Автомототранспорт воситаларини жарима майдончасидан олиб чиқиш юзасидан ЯИДХП ёки давлат хизматлари марказлари ёхуд мобил илова орқали ваколатли органга ушбу Регламентга 1-иловадаги схемага мувофиқ электрон шаклда мурожаат қилинади.
2-боб. Автомототранспорт воситаларини жарима майдончасидан олиб чиқиш юзасидан электрон мурожаат қилиш тартиби
6. Мурожаат қилувчи давлат хизматидан фойдаланиш учун ЯИДХП ёки мобил иловадан рўйхатдан ўтади.
Мурожаатлар ЯИДХП ёки мобил илова орқали дам олиш ва байрам кунларидан қатъи назар, ҳар куни 24 соат давомида юборилиши мумкин.
Бунда мурожаатлар иш вақтидан кейин ёки дам олиш ва байрам кунлари юборилганда, навбатдаги иш куни мурожаатларнинг ваколатли органга юборилган ва ваколатли орган томонидан қабул қилинган кун ҳисобланади.
7. Мурожаат қилувчи ЯИДХП ёки мобил илова орқали мурожаат қилганда, мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
Зарур маълумотлар сўровномага киритилгандан сўнг мурожаат қилувчи маълумотларнинг тўғрилигини текширади ва имзоларни идентификация қилишнинг замонавий воситалари («One-ID» ва бошқалар) билан тасдиқлайди.
8. Давлат хизматини кўрсатганлик учун тўлов ундирилмайди.
3-боб. Автомототранспорт воситаларини жарима майдончасидан олиб чиқиш юзасидан мурожаатларни кўриб чиқиш тартиби
9. Сўровномага киритилган мурожаат қилувчи маълумотларининг ҳаққонийлиги ваколатли орган томонидан автоматлаштирилган тизим орқали текширилади.
Мурожаат қилувчининг маълумотлари ҳаққонийлиги тасдиқланган такдирда, ваколатли орган томонидан бир иш куни ичида мурожаат қилувчига мурожаати кўриб чиқиш учун қабул қилингани тўғрисидаги хабарнома ЯИДХП ёки мобил илова орқали автоматик равишда юборилади.
Сўровномада автомототранспорт воситаларининг давлат рақами белгиси, автомототранспорт воситаларини бошқариш ваколатини берувчи тегишли ҳужжатлари ҳамда қўшимча ҳужжатлардаги (автомототранспорт воситасини қабул қилиш-топшириш далолатномаси ва бошқалар) маълумотлар нотўғри кўрсатилган тақдирда, ваколатли орган томонидан бир иш куни ичида мурожаат қилувчига сўровномадаги хатоликларни бартараф этиш учун беш иш кунидан иборат муддат берилгани тўғрисидаги хабарнома ЯИДХП ёки мобил илова орқали автоматик равишда юборилади.
Белгиланган муддатда сўровномадаги хатоликлар бартараф этилмаган такдирда, сўровномани кўриб чиқиш рад этилади ва бу ҳақда мурожаат қилувчига ЯИДХП ёки мобил илова орқали автоматик тарзда жавоб қайтарилади.
10. Ваколатли орган мурожаатни кўриб чиқиш жараёнида мурожаат қилувчининг автомототранспорт воситасини жарима майдончасига жойлаштириш сабаблари ва ушлаб туриш асослари бартараф этилганини ёки маъмурий ҳуқуқбузарлик тўғрисидаги иш кўриб чиқилиб, қонуний қарор қабул қилинганини текширади.
Мурожаатни кўриб чиқиш натижасига кўра, мурожаат қилувчининг автомототранспорт воситасини жарима майдонига жойлаштириш асослари ва ушлаб туриш асослари бартараф этилгани ёки маъмурий ҳуқуқбузарлик тўғрисидаги иш кўриб чиқилиб, қонуний қарор қабул қилингани тасдиқланганда, мурожаат қилувчига ЯИДХП ёки мобил илова орқали бир ипт куни ичида автомототранспорт воситасини жарима майдончасидан олиб чиқиш мумкинлиги ҳақида хабарнома юборилади.
Мурожаатни кўриб чиқиш давомида мурожаатда кўрсатилган автомототранспорт воситасини жарима майдончасига жойлаштириш сабаблари ва ушлаб туриш асослари бартараф этилмаган ёки маъмурий ҳуқуқбузарлик тўғрисидаги иш кўриб чиқилмаган бўлса, бу ҳакда мурожаат қилувчига хабарнома ЯИДХП ёки мобил илова орқали бир иш куни ичида юборилади.
4-боб. Якунловчи қоидалар
11. Мурожаат қилувчи иш юзасидан чиқарилган қарор устидан амалдаги қонунчилик ҳужжатларига асосан шикоят бериш ҳуқуқига эга.
Амалдаги қонунчилик ҳужжатларига мувофиқ маъмурий хуқуқбузарликка оид иш ҳужжатлари (қарорлар) бекор қилинган тақдирда, мазкур иш бўйича етказилган зарарни қоплаш масаласи юзасидан тегишли судга мурожаат қилишлари мумкин.
12. Мурожаат қилувчи ваколатли орган ходимларининг хатти-ҳаракатлари (ҳаракатсизлиги) юзасидан қонунчилик ҳужжатларида белгиланган тартибда юқори турувчи органга ёки судга шикоят қилиши мумкин.
13. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламентига 1-ИЛОВА
Авгомоготранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилиш
Босқичлар Субъектлар Тадбирлар Муддатлар 1-босқич Мурожаат қилувчи жисмоний ёки юридик шахс 1. Ягона интерактив давлат хизматлари порталида (кейинги ўринларда — ЯИДХП) ёки Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг мобил иловаси орқали рўйхатдан ўтади ёхуд давлат хизматлари марказларига мурожаат қилади. 2. Электрон шаклдаги сўровномани тўлдиради (унга илова қилинадиган ҳужжатларнинг электрон шаклини илова қилган ҳолда) ва тасдиқлайди. Хоҳишига кўра 2-босқич ЯИДХП, мобил илова Сўровномани тегишли Давлат йўл ҳаракати хавфсизлиги хизматига юборилади. Автоматик равишда 3-босқич Давлат йўл ҳаракати хавфсизлиги хизмати 1. Сўровномага киритилган мурожаат қилувчининг маълумотлари ҳаққонийлиги ва тўлиқлигини текширади. 2. Сўровномада мурожаат қилувчи ҳақидаги маълумотлар нотўғри кўрсатилган тақдирда, мурожаат қилувчига сўровномадаги хатоликларни бартараф этиш учун хабарнома юборади. 1 иш кунида 4-босқич Мурожаат қилувчи жисмоний ёки юридик шахс Сўровномада аниқланган камчиликларни бартараф этиш чораларини кўради. 5 иш кунида 5-босқич Давлат йўл ҳаракати хавфсизлиги хизмати Мурожаатни кўриб чиқиш натижалари бўйича шакллантирилган электрон хабарнома ариза берувчининг шахсий кабинетига юборади. 1 иш кунида
Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламентига 2-ИЛОВА
Автомототранспорт воситаларини жарима майдончасидан олиб чиқиш юзасидан Давлат йўл ҳаракати хавфсизлиги хизматига электрон мурожаат қилиш бўйича СЎРОВНОМА I. Жисмоний шахс тўғрисида маълумот 1. Ф.И.О. 2. Туғилган жойи ва санаси: 3. Паспорт (ID-карта) серияси ва рақами: 4. Яшаш манзили: 5. ЖШШИР: 6. Телефон рақами: 7. Электрон почта манзили (агар мавжуд бўлса): II. Юридик шахс тўғрисида маълумот 1. Юридик шахснинг номи: 2. СТИР: 3. Жойлашган ери (почта манзили): 4. Телефон рақами: 5. Электрон почта манзили (агар мавжуд бўлса): III. Мурожаат ҳақида маълумот 1. Транспорт воситасининг давлат рақами белгиси: 2. Транспорт воситасини бошқариш ваколатини берувчи тегишли ҳужжатлар (ҳайдовчилик гувоҳномаси, транспорт воситасини қайд этиш гувоҳномаси, суғурта полиси, ишончнома, йўл варақаси ва бошқалар): 3. Қўшимча ҳужжатлар (транспорт воситасини қабул қилиш-топшириш далолатномаси ва бошқалар):
Ўзбекистон Республикасининг Бош вазири А. АРИПОВ
Тошкент ш.,
2026 йил 28 апрель,
208 -сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “Ichki ishlar organlari tizimini raqamli transformatsiya qilish boʻyicha kompleks chora-tadbirlar toʻgʻrisida” 2025-yil 30-apreldagi 155-son qarori ijrosini taʼminlash maqsadida Vazirlar Mahkamasi qaror qiladi:
1. Quyidagilarni nazarda tutuvchi Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilishning maʼmuriy reglamenti ilovaga muvofiq tasdiqlansin:
avtomototransport vositalarini jarima maydonchasidan olib chiqish yuzasidan elektron murojaat qilish tartibi;
avtomototransport vositalarini jarima maydonchasidan olib chiqittt yuzasidan murojaatlarni koʻrib chiqish tartibi.
2. Belgilab qoʻyilsinki:
2026-yil 1-iyundan boshlab avtomototransport vositalarini jarima maydonchasidan olib chiqish yuzasidan Oʻzbekiston Respublikasi Ichki ishlar vazirligi Jamoat xavfsizligi departamenti Ioʻl harakati xavfsizligi xizmatiga (keyingi oʻrinlarda — YHXX) Yagona interaktiv davlat xizmatlari portali (keyingi oʻrinlarda — YIDXP) yoki YHXXning mobil ilovasi (keyingi oʻrinlarda — mobil ilova) yoxud davlat xizmatlari markazlari orqali elektron murojaat qilish imkoniyati yaratiladi;
jismoniy va yuridik shaxslar avtomototransport vositalarini jarima maydonchasidan olib chiqish yuzasidan YHXXga anʼanaviy (ogʻzaki yoki yozma) tarzda murojaat qilishlari ham mumkin.
3. Oʻzbekiston Respublikasi Ichki ishlar vazirligi Raqamli texnologiyalar vazirligi bilan birgalikda 2026-yil 31-mayga qadar avtomototransport vositalarini jarima maydonchasidan olib chiqish yuzasidan elektron murojaat qilish uchun zarur boʻlgan axborot tizimlarini oʻzaro integratsiya qilish choralarini koʻrsin.
4. Uzbekiston Respublikasi Ichki ishlar vazirligi manfaatdor vazirlik va idoralar bilan birgalikda ushbu qarorning mazmun-mohiyati va ahamiyati ommaviy axborot vositalarida keng yoritilishini taʼminlasin.
5. Ushbu qarorning bajarilishini nazorat qilish Oʻzbekiston Respublikasi ichki ishlar vaziri A.A. Tashpulatov zimmasiga yuklansin.
Vazirlar Mahkamasining 2026-yil 28-apreldagi 208-son qaroriga ILOVA
Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilishning
1-bob. Umumiy qoidalar
1. Ushbu Reglament yoʻl harakati qoidalari buzilganligi uchun avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilish boʻyicha davlat xizmatini koʻrsatish tartibini belgilaydi.
2. Davlat xizmati Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki Davlat yoʻl harakati xavfsizligi xizmatining mobil ilovasi (keyingi oʻrinlarda — mobil ilova) yoxud davlat xizmatlari markazlari orqali koʻrsatiladi.
3. Ushbu Reglament Oʻzbekiston Respublikasining Maʼmuriy javobgarlik toʻgʻrisidagi kodeksi (keyingi oʻrinlarda — Kodeks) 291-moddasining birinchi qismi “a” kichik bandi hamda uchinchi qismida koʻrsatilgan holatlarga nisbatan tatbiq etiladi.
Kodeksning 291-moddasi birinchi qismi “a” kichik bandi hamda uchinchi qismida koʻrsatilgan asoslarga koʻra jarima maydonchasiga joylashtirilgan avtomototransport vositalarini ularni ushlab turish sababi bartaraf etilgunga yoki maʼmuriy huquqbuzarlik toʻgʻrisidagi ish koʻrib chiqilgunga qadar saqlab turishi mumkin.
4. Ushbu Reglamentda quyidagi asosiy tushunchalardan foydalaniladi:
vakolatli organ — Oʻzbekiston Respublikasi Ichki ishlar vazirligi Jamoat xavfsizligi departamenti Yoʻl harakati xavfsizligi xizmati va uning hududiy boʻlinmalari;
murojaat qiluvchi — avtomototransport vositalarini jarima maydonchasidan olib chiqish yuzasidan YIDXP yoki davlat xizmatlari markazi yoxud mobil ilova orqali elektron murojaat qilayotgan jismoniy yoki yuridik shaxs;
murojaat qiluvchining maʼlumotlari — jismoniy shaxsning familiyasi, ismi, otasining ismi, tugʻilgan joyi va sanasi, pasporti (ID-kartasi) seriyasi va raqami, JSHSHIR, yashash manzili, yuridik shaxsning nomi, STIR, joylashgan yeri (pochta manzili).
5. Avtomototransport vositalarini jarima maydonchasidan olib chiqish yuzasidan YIDXP yoki davlat xizmatlari markazlari yoxud mobil ilova orqali vakolatli organga ushbu Reglamentga 1-ilovadagi sxemaga muvofiq elektron shaklda murojaat qilinadi.
2-bob. Avtomototransport vositalarini jarima maydonchasidan olib chiqish yuzasidan elektron murojaat qilish tartibi
6. Murojaat qiluvchi davlat xizmatidan foydalanish uchun YIDXP yoki mobil ilovadan roʻyxatdan oʻtadi.
Murojaatlar YIDXP yoki mobil ilova orqali dam olish va bayram kunlaridan qatʼi nazar, har kuni 24 soat davomida yuborilishi mumkin.
Bunda murojaatlar ish vaqtidan keyin yoki dam olish va bayram kunlari yuborilganda, navbatdagi ish kuni murojaatlarning vakolatli organga yuborilgan va vakolatli organ tomonidan qabul qilingan kun hisoblanadi.
7. Murojaat qiluvchi YIDXP yoki mobil ilova orqali murojaat qilganda, mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.
Zarur maʼlumotlar soʻrovnomaga kiritilgandan soʻng murojaat qiluvchi maʼlumotlarning toʻgʻriligini tekshiradi va imzolarni identifikatsiya qilishning zamonaviy vositalari (“One-ID” va boshqalar) bilan tasdiqlaydi.
8. Davlat xizmatini koʻrsatganlik uchun toʻlov undirilmaydi.
3-bob. Avtomototransport vositalarini jarima maydonchasidan olib chiqish yuzasidan murojaatlarni koʻrib chiqish tartibi
9. Soʻrovnomaga kiritilgan murojaat qiluvchi maʼlumotlarining haqqoniyligi vakolatli organ tomonidan avtomatlashtirilgan tizim orqali tekshiriladi.
Murojaat qiluvchining maʼlumotlari haqqoniyligi tasdiqlangan takdirda, vakolatli organ tomonidan bir ish kuni ichida murojaat qiluvchiga murojaati koʻrib chiqish uchun qabul qilingani toʻgʻrisidagi xabarnoma YIDXP yoki mobil ilova orqali avtomatik ravishda yuboriladi.
Soʻrovnomada avtomototransport vositalarining davlat raqami belgisi, avtomototransport vositalarini boshqarish vakolatini beruvchi tegishli hujjatlari hamda qoʻshimcha hujjatlardagi (avtomototransport vositasini qabul qilish-topshirish dalolatnomasi va boshqalar) maʼlumotlar notoʻgʻri koʻrsatilgan taqdirda, vakolatli organ tomonidan bir ish kuni ichida murojaat qiluvchiga soʻrovnomadagi xatoliklarni bartaraf etish uchun besh ish kunidan iborat muddat berilgani toʻgʻrisidagi xabarnoma YIDXP yoki mobil ilova orqali avtomatik ravishda yuboriladi.
Belgilangan muddatda soʻrovnomadagi xatoliklar bartaraf etilmagan takdirda, soʻrovnomani koʻrib chiqish rad etiladi va bu haqda murojaat qiluvchiga YIDXP yoki mobil ilova orqali avtomatik tarzda javob qaytariladi.
10. Vakolatli organ murojaatni koʻrib chiqish jarayonida murojaat qiluvchining avtomototransport vositasini jarima maydonchasiga joylashtirish sabablari va ushlab turish asoslari bartaraf etilganini yoki maʼmuriy huquqbuzarlik toʻgʻrisidagi ish koʻrib chiqilib, qonuniy qaror qabul qilinganini tekshiradi.
Murojaatni koʻrib chiqish natijasiga koʻra, murojaat qiluvchining avtomototransport vositasini jarima maydoniga joylashtirish asoslari va ushlab turish asoslari bartaraf etilgani yoki maʼmuriy huquqbuzarlik toʻgʻrisidagi ish koʻrib chiqilib, qonuniy qaror qabul qilingani tasdiqlanganda, murojaat qiluvchiga YIDXP yoki mobil ilova orqali bir ipt kuni ichida avtomototransport vositasini jarima maydonchasidan olib chiqish mumkinligi haqida xabarnoma yuboriladi.
Murojaatni koʻrib chiqish davomida murojaatda koʻrsatilgan avtomototransport vositasini jarima maydonchasiga joylashtirish sabablari va ushlab turish asoslari bartaraf etilmagan yoki maʼmuriy huquqbuzarlik toʻgʻrisidagi ish koʻrib chiqilmagan boʻlsa, bu hakda murojaat qiluvchiga xabarnoma YIDXP yoki mobil ilova orqali bir ish kuni ichida yuboriladi.
4-bob. Yakunlovchi qoidalar
11. Murojaat qiluvchi ish yuzasidan chiqarilgan qaror ustidan amaldagi qonunchilik hujjatlariga asosan shikoyat berish huquqiga ega.
Amaldagi qonunchilik hujjatlariga muvofiq maʼmuriy xuquqbuzarlikka oid ish hujjatlari (qarorlar) bekor qilingan taqdirda, mazkur ish boʻyicha yetkazilgan zararni qoplash masalasi yuzasidan tegishli sudga murojaat qilishlari mumkin.
12. Murojaat qiluvchi vakolatli organ xodimlarining xatti-harakatlari (harakatsizligi) yuzasidan qonunchilik hujjatlarida belgilangan tartibda yuqori turuvchi organga yoki sudga shikoyat qilishi mumkin.
13. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilishning maʼmuriy reglamentiga 1-ILOVA
Avgomogotransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilish
Bosqichlar Subyektlar Tadbirlar Muddatlar 1-bosqich Murojaat qiluvchi jismoniy yoki yuridik shaxs 1. Yagona interaktiv davlat xizmatlari portalida (keyingi oʻrinlarda — YIDXP) yoki Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining mobil ilovasi orqali roʻyxatdan oʻtadi yoxud davlat xizmatlari markazlariga murojaat qiladi. 2. Elektron shakldagi soʻrovnomani toʻldiradi (unga ilova qilinadigan hujjatlarning elektron shaklini ilova qilgan holda) va tasdiqlaydi. Xohishiga koʻra 2-bosqich YIDXP, mobil ilova Soʻrovnomani tegishli Davlat yoʻl harakati xavfsizligi xizmatiga yuboriladi. Avtomatik ravishda 3-bosqich Davlat yoʻl harakati xavfsizligi xizmati 1. Soʻrovnomaga kiritilgan murojaat qiluvchining maʼlumotlari haqqoniyligi va toʻliqligini tekshiradi. 2. Soʻrovnomada murojaat qiluvchi haqidagi maʼlumotlar notoʻgʻri koʻrsatilgan taqdirda, murojaat qiluvchiga soʻrovnomadagi xatoliklarni bartaraf etish uchun xabarnoma yuboradi. 1 ish kunida 4-bosqich Murojaat qiluvchi jismoniy yoki yuridik shaxs Soʻrovnomada aniqlangan kamchiliklarni bartaraf etish choralarini koʻradi. 5 ish kunida 5-bosqich Davlat yoʻl harakati xavfsizligi xizmati Murojaatni koʻrib chiqish natijalari boʻyicha shakllantirilgan elektron xabarnoma ariza beruvchining shaxsiy kabinetiga yuboradi. 1 ish kunida
Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilishning maʼmuriy reglamentiga 2-ILOVA
Avtomototransport vositalarini jarima maydonchasidan olib chiqish yuzasidan Davlat yoʻl harakati xavfsizligi xizmatiga elektron murojaat qilish boʻyicha SOʻROVNOMA I. Jismoniy shaxs toʻgʻrisida maʼlumot 1. F.I.O. 2. Tugʻilgan joyi va sanasi: 3. Pasport (ID-karta) seriyasi va raqami: 4. Yashash manzili: 5. JSHSHIR: 6. Telefon raqami: 7. Elektron pochta manzili (agar mavjud boʻlsa): II. Yuridik shaxs toʻgʻrisida maʼlumot 1. Yuridik shaxsning nomi: 2. STIR: 3. Joylashgan yeri (pochta manzili): 4. Telefon raqami: 5. Elektron pochta manzili (agar mavjud boʻlsa): III. Murojaat haqida maʼlumot 1. Transport vositasining davlat raqami belgisi: 2. Transport vositasini boshqarish vakolatini beruvchi tegishli hujjatlar (haydovchilik guvohnomasi, transport vositasini qayd etish guvohnomasi, sugʻurta polisi, ishonchnoma, yoʻl varaqasi va boshqalar): 3. Qoʻshimcha hujjatlar (transport vositasini qabul qilish-topshirish dalolatnomasi va boshqalar):
Oʻzbekiston Respublikasining Bosh vaziri A. ARIPOV
Toshkent sh.,
2026-yil 28-aprel,
208 -son