📅 2026-yil 4-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 4 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 мая 2026 г. · Постановления Президента
Официальный текст. Официальный документ. Редакционные примечания не включены.
📅 4 May 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Угом дарёсининг табиий гидрологик режими ва биологик хилма-хиллигини янада яхшилаш чора-тадбирлари тўғрисида
Угом дарёсининг табиий гидрологик ва экологик мувозанатини тиклаш, дарёда олиб борилаётган гидроэнергетик фаолиятнинг экологик хавфини камайтириш, ҳудуддаги биохилма-хилликни янада яхшилаш, шунингдек, дарё экотизимининг барқарорлигини сақлаб қолиш, сув ресурсларидан оқилона фойдаланиш ҳамда ўсимлик ва ҳайвонот дунёси турларининг табиий яшаш шароитларини таъминлаш мақсадида қарор қиламан:
I. Мақсадлар
1. Қуйидагилар ушбу қарорни қабул қилишдан кўзланган асосий мақсадлар этиб белгилансин:
(а) Угом дарёсига (кейинги ўринларда — дарё) давлат гидрологик табиат ёдгорлиги мақомини бериш ва унга салбий таъсир кўрсатувчи хўжалик фаолиятини белгиланган тартибда чеклаш;
(б) дарёнинг сувни муҳофаза қилиш зонасида жойлашган хўжалик юритувчи субъектларни хатловдан ўтказиш ва уларнинг фаолиятини экологик талабларга мувофиқлаштириш;
(в) дарёнинг сувни муҳофаза қилиш зонаси ва соҳил бўйи минтақасидаги экотизимнинг табиий ҳолатини қайта тиклаш, жумладан, ўсимлик ва ҳайвонот дунёси объектларини кўпайтириш бўйича чора-тадбирларни амалга ошириш.
II. Дарё экотизимларининг табиий ҳолатини яхшилаш
2. Ўзбекистон Республикаси Экология ва иқлим ўзгариши миллий қўмитаси (кейинги ўринларда — Экология қўмитаси) ва Тошкент вилояти ҳокимлигининг Угом дарёсини давлат гидрологик табиат ёдгорлиги деб эълон қилиш тўғрисидаги таклифига розилик берилсин.
3. Тошкент вилояти ҳокимлиги Экология қўмитаси билан биргаликда бир ой муддатда Угом дарёсининг Тошкент вилояти ҳудудидан оқиб ўтувчи 13,3 км қисми ушбу қарорга 1-иловага мувофиқ чегараларда белгиланган тартибда давлат гидрологик табиат ёдгорлиги деб эълон қилинишини таъминласин.
4. 2026 йил 1 июндан бошлаб дарёнинг соҳил бўйи минтақалари ҳамда сувни муҳофаза қилиш зоналарида табиий гидрологик тизим ва экологик мувозанатга салбий таъсир кўрсатиши мумкин бўлган ҳар қандай қурилиш, ер ишлари ва сунъий иншоотларни барпо этиш қатъиян ман этилади. Бунда:
(а) дарё ҳавзаси ва унинг ирмоқлари доирасида гидротехник, гидромелиоратив ишлар, бино ва иншоотлар, гидроэнергетика, сувни тартибга солиш ва деривация иншоотларини қуриш тўлиқ тақиқланади (фаолият юритаётган гидроэнергетика объектларини реконструкция қилиш бундан мустасно);
(б) дарёнинг давлат гидрологик табиат ёдгорлиги ҳудудида қурилиш ишлари учун ер участкалари ажратилишига йўл қўйилмайди.
5. Угом дарёсининг соҳил бўйи минтақалари ва сувни муҳофаза қилиш зоналарида жойлашган объектларнинг атроф-муҳитга салбий таъсири ва экологик талабларга мувофиқлигини ўрганиш юзасидан Ҳукумат комиссияси (кейинги ўринларда — Ҳукумат комиссияси) таркиби 2-иловага мувофиқ тасдиқлансин.
6. Қуйидагилар Ҳукумат комиссиясининг асосий вазифалари этиб белгилансин:
(а) дарё соҳил бўйи минтақалари ва сувни муҳофаза қилиш зоналарида жойлашган барча объектлар, иншоотлар ва фаолият турларини аниқлаш, уларнинг ҳуқуқий мақомини ва фойдаланиш турини белгилаш;
(б) объектларнинг атроф-муҳитга, айниқса сувнинг сифати, гидрологик режимнинг ўсимлик ва ҳайвонот дунёсига кўрсатаётган салбий таъсирини баҳолаш, экологик мониторинг маълумотлари билан солиштириш;
(в) ҳар бир объектнинг Сув кодекси ва «Табиатни муҳофаза қилиш тўғрисида»ги Қонун ҳамда сувни муҳофаза қилиш зоналаридаги фаолиятга оид қонунчилик ҳужжатлари талабларига мувофиқлигини таҳлил қилиш;
(г) қонунчилик талаблари бузилган ҳолларда тегишли давлат органларига объектларнинг фаолиятини тўхтатиш, реконструкция қилиш ёки кўчириш бўйича таклифлар киритиш;
(д) дарё соҳил бўйи минтақалари ва сувни муҳофаза қилиш зоналарида жойлашган объектлар координаталари, фотосуратлари ва техник маълумотлар билан биргаликда «ГИС» платформаси асосида рақамлаштириш ва умумлаштирилган маълумотлар базасини яратиш;
(ж) ҳар ой якунида амалга оширилган ишлар тўғрисида ҳисобот тайёрлаш, аниқланган муаммоларни бартараф этиш бўйича таклифларни Ўзбекистон Республикаси Президенти Администрациясига тақдим этиш.
7. Белгилансинки:
(а) Ҳукумат комиссияси 2026 йил 1 августга қадар дарё соҳил бўйи минтақалари ҳамда сувни муҳофаза қилиш зоналарида жойлашган барча турдаги объектлар, иншоотлар ва фаолият юритувчи субъектларнинг атроф-муҳитга кўрсатаётган салбий таъсирини, табиий гидрологик тизимга таъсир даражасини ҳамда амалдаги экологик ва санитария талабларига мувофиқлигини аниқлаш мақсадида тўлиқ хатловдан ўтказиш ишларини амалга оширади;
(б) Ҳукумат комиссияси:
(i) хатлов натижалари бўйича аниқланган камчиликларни уч ой муддатда бартараф этиш тўғрисида юридик ва жисмоний шахсларга мажбурий кўрсатмалар беради;
(ii) мажбурий кўрсатмаларни бажармаган юридик ва жисмоний шахсларнинг фаолиятини вақтинча ёки тўлиқ тўхтатиш бўйича белгиланган тартибда чоралар кўриб боради.
III. Қарор ижросини ташкил этиш, таъминлаш ва назорат қилиш
8. Тошкент вилояти ҳокимлиги Экология қўмитаси билан биргаликда:
(а) бир ой муддатда «Муҳофаза этиладиган табиий ҳудудлар тўғрисида»ги Қонун талабларига мувофиқ дарёга «Давлат гидрологик табиат ёдгорлиги» мақомини бериш бўйича тегишли амалий чораларни кўрсин ҳамда унга белгиланган муҳофаза режимига риоя этилиши юзасидан қатъи назорат ўрнатсин;
(б) 2026 йил 1 октябрга қадар дарёнинг табиий гидрологик ва экологик ҳолатини комплекс ўрганиш, сув ресурслари ва биохилма-хилликни муҳофаза қилиш, гидротехник иншоотлар фаолиятининг экологик хавфини камайтириш ҳамда соҳил бўйи ҳудудларида экологик муҳитни барқарор ривожлантиришни назарда тутувчи Угом дарёси экотизимини яхшилаш бўйича мастер режани тасдиқласин.
9. Белгилансинки, Угом дарёси экотизимини яхшилаш бўйича мастер режани ишлаб чиқиш ва тасдиқлаш Умуммиллий экологик муаммоларни бартараф этиш давлат мақсадли жамғармаси маблағлари ҳисобидан молиялаштирилади.
10. Фанлар академияси манфаатдор вазирлик ва идоралар билан биргаликда уч ой муддатда гидроэнергетиканинг экотизимларга таъсирини камайтиришга қаратилган илмий тадқиқотларни, жумладан, дарё ҳавзасининг сув режими ва гидрологик ўзгаришларини, ҳайвонот ва ўсимлик дунёсининг ҳолатини, ихтиофаунанинг миграция жараёнларини ҳамда гидротехник иншоотларнинг экологик таъсирини комплекс ўрганиш ишларини амалга оширсин.
11. Энергетика вазирлиги Сув хўжалиги вазирлиги ва Экология қўмитаси билан биргаликда икки ой муддатда:
(а) дарёни бошқариш бўйича каскадли экологик бошқарув дастурини ишлаб чиқсин. Бунда сув оқимининг табиий функциясини сақлаш ҳамда ундан энергетик мақсадларда фойдаланиш ўртасидаги мувозанатни таъминлаш назарда тутилсин;
(б) илмий-тадқиқот натижалари асосида сув ости ҳавзаларида ва гидротехника иншоотлари бўғинини каскад шаклида жойлаштирсин ҳамда ихтиофаунанинг миграцияси учун балиқлар сузиб ўтувчи иншоотларни (зинапоя тарзидаги балиқлар сузиб ўтиш иншоотлари) ташкил этсин;
(в) ҳар бир станцияда доимий гидроэкологик мониторинг тизимини ташкил этсин, гидроиншоотларнинг иқтисодий самарадорлиги ва экологик таъсирини таҳлил қилсин ҳамда мониторинг натижалари ошкоралигини таъминласин.
12. Ўрмон ва яшил ҳудудларни кўпайтириш, чўлланишга қарши курашиш агентлиги Тошкент вилояти ҳокимлиги билан биргаликда 2026 йил 1 июндан бошлаб «Яшил макон» умуммиллий лойиҳаси доирасида дарёнинг соҳил бўйи ва муҳофаза зоналаридаги ерлар деградациясининг олдини олиш мақсадида дарахт ва буталар экиш тадбирларини олиб борсин.
13. Экология қўмитаси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини самарали ташкил қилиш учун масъул ва шахсан жавобгар этиб Ўзбекистон Республикаси Президентининг экология масалалари бўйича маслаҳатчиси — Экология ва иқлим ўзгариши миллий қўмитаси раиси А.А. Абдухакимов, Бош вазир ўринбосари А.Ж. Раматов ҳамда энергетика вазири Ж.Т. Мирзамаҳмудов белгилансин.
15. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 4 майдаги ПҚ-164-сон қарорига 1-ИЛОВА
Угом дарёси давлат гидрологик табиат ёдгорлиги чегаралари
Т/р Дарё номи Юқори ва қуйи координаталари бошланиши тугаши 1. Угом дарёси 41.724357° 69.921841° 41.630631° 69.947026°
Ўзбекистон Республикаси Президентининг 2026 йил 4 майдаги ПҚ-164-сон қарорига 2-ИЛОВА
Угом дарёсининг соҳил бўйи минтақалари ва сувни муҳофаза қилиш зоналарида жойлашган объектларнинг атроф-муҳитга салбий таъсири ва экологик талабларга мувофиқлигини ўрганиш юзасидан Ҳукумат комиссияси
1. А.Н. Арипов — Ўзбекистон Республикаси Бош вазири, Ҳукумат комиссияси раиси 2. А.Ж. Раматов — Ўзбекистон Республикаси Бош вазирининг ўринбосари, Ҳукумат комиссияси раиси ўринбосари 3. Ф.И. Саломов — Экология ва иқлим ўзгариши миллий қўмитаси раисининг ўринбосари — Давлат экологик назорат инспекцияси (Экополиция) бошлиғининг ўринбосари, Ҳукумат комиссияси раиси ўринбосари 4. З.Т. Мирзаев — Тошкент вилояти ҳокими 5. Ж.Т. Мирзамаҳмудов — энергетика вазири 6. Ш.С. Хидоятов — қурилиш ва уй-жой коммунал хўжалиги вазири 7. А.А. Худаяров — соғлиқни сақлаш вазири 8. Ш.Р. Хамраев — сув хўжалиги вазири 9. И.Ю. Абдураҳмонов — қишлоқ хўжалиги вазири 10. А.И. Икрамов — фавқулодда вазиятлар вазири 11. И.М. Адхамов — Бош прокурор ўринбосари 12. Ш.А. Аюпов — Ўзбекистон Республикаси Фанлар академияси президенти 13. Ф.Ж. Пулатов — Солиқ қўмитаси раиси 14. Т.М. Абдуллаев — Кадастр агентлиги директори ўринбосари 15. А.Х. Суванкулов — «Ўзсувтаъминот» АЖ бошқарув раиси 16. А.Э. Мирзаев — Тошкент вилояти прокурори 17. Ғ.А. Мухамедов — «Давлат экологик экспертизаси маркази» ДМ Бош директори, Ҳукумат комиссияси котиби
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 4 май,
ПҚ-164-сон
Oʻzbekiston Respublikasi Prezidentining
qarori
TARKIBI
Ugom daryosining tabiiy gidrologik rejimi va biologik xilma-xilligini yanada yaxshilash chora-tadbirlari toʻgʻrisida
Ugom daryosining tabiiy gidrologik va ekologik muvozanatini tiklash, daryoda olib borilayotgan gidroenergetik faoliyatning ekologik xavfini kamaytirish, hududdagi bioxilma-xillikni yanada yaxshilash, shuningdek, daryo ekotizimining barqarorligini saqlab qolish, suv resurslaridan oqilona foydalanish hamda oʻsimlik va hayvonot dunyosi turlarining tabiiy yashash sharoitlarini taʼminlash maqsadida qaror qilaman:
I. Maqsadlar
1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:
(a) Ugom daryosiga (keyingi oʻrinlarda — daryo) davlat gidrologik tabiat yodgorligi maqomini berish va unga salbiy taʼsir koʻrsatuvchi xoʻjalik faoliyatini belgilangan tartibda cheklash;
(b) daryoning suvni muhofaza qilish zonasida joylashgan xoʻjalik yurituvchi subyektlarni xatlovdan oʻtkazish va ularning faoliyatini ekologik talablarga muvofiqlashtirish;
(v) daryoning suvni muhofaza qilish zonasi va sohil boʻyi mintaqasidagi ekotizimning tabiiy holatini qayta tiklash, jumladan, oʻsimlik va hayvonot dunyosi obyektlarini koʻpaytirish boʻyicha chora-tadbirlarni amalga oshirish.
II. Daryo ekotizimlarining tabiiy holatini yaxshilash
2. Oʻzbekiston Respublikasi Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) va Toshkent viloyati hokimligining Ugom daryosini davlat gidrologik tabiat yodgorligi deb eʼlon qilish toʻgʻrisidagi taklifiga rozilik berilsin.
3. Toshkent viloyati hokimligi Ekologiya qoʻmitasi bilan birgalikda bir oy muddatda Ugom daryosining Toshkent viloyati hududidan oqib oʻtuvchi 13,3 km qismi ushbu qarorga 1-ilovaga muvofiq chegaralarda belgilangan tartibda davlat gidrologik tabiat yodgorligi deb eʼlon qilinishini taʼminlasin.
4. 2026-yil 1-iyundan boshlab daryoning sohil boʻyi mintaqalari hamda suvni muhofaza qilish zonalarida tabiiy gidrologik tizim va ekologik muvozanatga salbiy taʼsir koʻrsatishi mumkin boʻlgan har qanday qurilish, yer ishlari va sunʼiy inshootlarni barpo etish qatʼiyan man etiladi. Bunda:
(a) daryo havzasi va uning irmoqlari doirasida gidrotexnik, gidromeliorativ ishlar, bino va inshootlar, gidroenergetika, suvni tartibga solish va derivatsiya inshootlarini qurish toʻliq taqiqlanadi (faoliyat yuritayotgan gidroenergetika obyektlarini rekonstruksiya qilish bundan mustasno);
(b) daryoning davlat gidrologik tabiat yodgorligi hududida qurilish ishlari uchun yer uchastkalari ajratilishiga yoʻl qoʻyilmaydi.
5. Ugom daryosining sohil boʻyi mintaqalari va suvni muhofaza qilish zonalarida joylashgan obyektlarning atrof-muhitga salbiy taʼsiri va ekologik talablarga muvofiqligini oʻrganish yuzasidan Hukumat komissiyasi (keyingi oʻrinlarda — Hukumat komissiyasi) tarkibi 2-ilovaga muvofiq tasdiqlansin.
6. Quyidagilar Hukumat komissiyasining asosiy vazifalari etib belgilansin:
(a) daryo sohil boʻyi mintaqalari va suvni muhofaza qilish zonalarida joylashgan barcha obyektlar, inshootlar va faoliyat turlarini aniqlash, ularning huquqiy maqomini va foydalanish turini belgilash;
(b) obyektlarning atrof-muhitga, ayniqsa suvning sifati, gidrologik rejimning oʻsimlik va hayvonot dunyosiga koʻrsatayotgan salbiy taʼsirini baholash, ekologik monitoring maʼlumotlari bilan solishtirish;
(v) har bir obyektning Suv kodeksi va “Tabiatni muhofaza qilish toʻgʻrisida”gi Qonun hamda suvni muhofaza qilish zonalaridagi faoliyatga oid qonunchilik hujjatlari talablariga muvofiqligini tahlil qilish;
(g) qonunchilik talablari buzilgan hollarda tegishli davlat organlariga obyektlarning faoliyatini toʻxtatish, rekonstruksiya qilish yoki koʻchirish boʻyicha takliflar kiritish;
(d) daryo sohil boʻyi mintaqalari va suvni muhofaza qilish zonalarida joylashgan obyektlar koordinatalari, fotosuratlari va texnik maʼlumotlar bilan birgalikda “GIS” platformasi asosida raqamlashtirish va umumlashtirilgan maʼlumotlar bazasini yaratish;
(j) har oy yakunida amalga oshirilgan ishlar toʻgʻrisida hisobot tayyorlash, aniqlangan muammolarni bartaraf etish boʻyicha takliflarni Oʻzbekiston Respublikasi Prezidenti Administratsiyasiga taqdim etish.
7. Belgilansinki:
(a) Hukumat komissiyasi 2026-yil 1-avgustga qadar daryo sohil boʻyi mintaqalari hamda suvni muhofaza qilish zonalarida joylashgan barcha turdagi obyektlar, inshootlar va faoliyat yurituvchi subyektlarning atrof-muhitga koʻrsatayotgan salbiy taʼsirini, tabiiy gidrologik tizimga taʼsir darajasini hamda amaldagi ekologik va sanitariya talablariga muvofiqligini aniqlash maqsadida toʻliq xatlovdan oʻtkazish ishlarini amalga oshiradi;
(b) Hukumat komissiyasi:
(i) xatlov natijalari boʻyicha aniqlangan kamchiliklarni uch oy muddatda bartaraf etish toʻgʻrisida yuridik va jismoniy shaxslarga majburiy koʻrsatmalar beradi;
(ii) majburiy koʻrsatmalarni bajarmagan yuridik va jismoniy shaxslarning faoliyatini vaqtincha yoki toʻliq toʻxtatish boʻyicha belgilangan tartibda choralar koʻrib boradi.
III. Qaror ijrosini tashkil etish, taʼminlash va nazorat qilish
8. Toshkent viloyati hokimligi Ekologiya qoʻmitasi bilan birgalikda:
(a) bir oy muddatda “Muhofaza etiladigan tabiiy hududlar toʻgʻrisida”gi Qonun talablariga muvofiq daryoga “Davlat gidrologik tabiat yodgorligi” maqomini berish boʻyicha tegishli amaliy choralarni koʻrsin hamda unga belgilangan muhofaza rejimiga rioya etilishi yuzasidan qatʼi nazorat oʻrnatsin;
(b) 2026-yil 1-oktabrga qadar daryoning tabiiy gidrologik va ekologik holatini kompleks oʻrganish, suv resurslari va bioxilma-xillikni muhofaza qilish, gidrotexnik inshootlar faoliyatining ekologik xavfini kamaytirish hamda sohil boʻyi hududlarida ekologik muhitni barqaror rivojlantirishni nazarda tutuvchi Ugom daryosi ekotizimini yaxshilash boʻyicha master rejani tasdiqlasin.
9. Belgilansinki, Ugom daryosi ekotizimini yaxshilash boʻyicha master rejani ishlab chiqish va tasdiqlash Umummilliy ekologik muammolarni bartaraf etish davlat maqsadli jamgʻarmasi mablagʻlari hisobidan moliyalashtiriladi.
10. Fanlar akademiyasi manfaatdor vazirlik va idoralar bilan birgalikda uch oy muddatda gidroenergetikaning ekotizimlarga taʼsirini kamaytirishga qaratilgan ilmiy tadqiqotlarni, jumladan, daryo havzasining suv rejimi va gidrologik oʻzgarishlarini, hayvonot va oʻsimlik dunyosining holatini, ixtiofaunaning migratsiya jarayonlarini hamda gidrotexnik inshootlarning ekologik taʼsirini kompleks oʻrganish ishlarini amalga oshirsin.
11. Energetika vazirligi Suv xoʻjaligi vazirligi va Ekologiya qoʻmitasi bilan birgalikda ikki oy muddatda:
(a) daryoni boshqarish boʻyicha kaskadli ekologik boshqaruv dasturini ishlab chiqsin. Bunda suv oqimining tabiiy funksiyasini saqlash hamda undan energetik maqsadlarda foydalanish oʻrtasidagi muvozanatni taʼminlash nazarda tutilsin;
(b) ilmiy-tadqiqot natijalari asosida suv osti havzalarida va gidrotexnika inshootlari boʻgʻinini kaskad shaklida joylashtirsin hamda ixtiofaunaning migratsiyasi uchun baliqlar suzib oʻtuvchi inshootlarni (zinapoya tarzidagi baliqlar suzib oʻtish inshootlari) tashkil etsin;
(v) har bir stansiyada doimiy gidroekologik monitoring tizimini tashkil etsin, gidroinshootlarning iqtisodiy samaradorligi va ekologik taʼsirini tahlil qilsin hamda monitoring natijalari oshkoraligini taʼminlasin.
12. Oʻrmon va yashil hududlarni koʻpaytirish, choʻllanishga qarshi kurashish agentligi Toshkent viloyati hokimligi bilan birgalikda 2026-yil 1-iyundan boshlab “Yashil makon” umummilliy loyihasi doirasida daryoning sohil boʻyi va muhofaza zonalaridagi yerlar degradatsiyasining oldini olish maqsadida daraxt va butalar ekish tadbirlarini olib borsin.
13. Ekologiya qoʻmitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini samarali tashkil qilish uchun masʼul va shaxsan javobgar etib Oʻzbekiston Respublikasi Prezidentining ekologiya masalalari boʻyicha maslahatchisi — Ekologiya va iqlim oʻzgarishi milliy qoʻmitasi raisi A.A. Abduxakimov, Bosh vazir oʻrinbosari A.J. Ramatov hamda energetika vaziri J.T. Mirzamahmudov belgilansin.
15. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 4-maydagi PQ-164-son qaroriga 1-ILOVA
Ugom daryosi davlat gidrologik tabiat yodgorligi chegaralari
T/r Daryo nomi Yuqori va quyi koordinatalari boshlanishi tugashi 1. Ugom daryosi 41.724357° 69.921841° 41.630631° 69.947026°
Oʻzbekiston Respublikasi Prezidentining 2026-yil 4-maydagi PQ-164-son qaroriga 2-ILOVA
Ugom daryosining sohil boʻyi mintaqalari va suvni muhofaza qilish zonalarida joylashgan obyektlarning atrof-muhitga salbiy taʼsiri va ekologik talablarga muvofiqligini oʻrganish yuzasidan Hukumat komissiyasi
1. A.N. Aripov — Oʻzbekiston Respublikasi Bosh vaziri, Hukumat komissiyasi raisi 2. A.J. Ramatov — Oʻzbekiston Respublikasi Bosh vazirining oʻrinbosari, Hukumat komissiyasi raisi oʻrinbosari 3. F.I. Salomov — Ekologiya va iqlim oʻzgarishi milliy qoʻmitasi raisining oʻrinbosari — Davlat ekologik nazorat inspeksiyasi (Ekopolitsiya) boshligʻining oʻrinbosari, Hukumat komissiyasi raisi oʻrinbosari 4. Z.T. Mirzayev — Toshkent viloyati hokimi 5. J.T. Mirzamahmudov — energetika vaziri 6. Sh.S. Xidoyatov — qurilish va uy-joy kommunal xoʻjaligi vaziri 7. A.A. Xudayarov — sogʻliqni saqlash vaziri 8. Sh.R. Xamrayev — suv xoʻjaligi vaziri 9. I.Yu. Abdurahmonov — qishloq xoʻjaligi vaziri 10. A.I. Ikramov — favqulodda vaziyatlar vaziri 11. I.M. Adxamov — Bosh prokuror oʻrinbosari 12. Sh.A. Ayupov — Oʻzbekiston Respublikasi Fanlar akademiyasi prezidenti 13. F.J. Pulatov — Soliq qoʻmitasi raisi 14. T.M. Abdullayev — Kadastr agentligi direktori oʻrinbosari 15. A.X. Suvankulov — “Oʻzsuvtaʼminot” AJ boshqaruv raisi 16. A.E. Mirzayev — Toshkent viloyati prokurori 17. Gʻ.A. Muxamedov — “Davlat ekologik ekspertizasi markazi” DM Bosh direktori, Hukumat komissiyasi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 4-may,
PQ-164-son
Президента Республики Узбекистан
Постановление
О мерах по дальнейшему улучшению естественного гидрологического режима и биологического разнообразия реки Угам
В целях восстановления естественного гидрологического и экологического баланса реки Угам, снижения экологического риска проводимой на реке гидроэнергетической деятельности, дальнейшего улучшения биоразнообразия на территории, а также сохранения устойчивости речной экосистемы, рационального использования водных ресурсов и обеспечения природных условий обитания видов растительного и животного мира постановляю:
I. Цели
1. Определить основными целями принятия настоящего постановления:
(а) присвоение реке Угам (далее — река) статуса государственного гидрологического памятника природы и ограничение в установленном порядке хозяйственной деятельности, оказывающей на нее негативное воздействие;
(б) инвентаризацию хозяйствующих субъектов, расположенных в водоохранной зоне реки, и приведение их деятельности в соответствие с экологическими требованиями;
(в) принятие мер по восстановлению естественного состояния экосистемы в водоохранной зоне и на прибрежной территории реки, в том числе увеличению объектов растительного и животного мира.
II. Улучшение естественного состояния экосистем реки
2. Согласиться с предложением Национального комитета по экологии и изменению климата Республики Узбекистан (далее — Комитет по экологии) и хокимията Ташкентской области по объявлению реки Угам государственным гидрологическим памятником природы.
3. Хокимияту Ташкентской области совместно с Комитетом по экологии в месячный срок обеспечить объявление части реки Угам протяженностью 13,3 км, протекающей через территорию Ташкентской области в границах согласно приложению № 1 * к настоящему постановлению, государственным гидрологическим памятником природы в установленном порядке.
4. С 1 июня 2026 года проведение каких-либо строительных, земельных работ и возведение искусственных сооружений на прибрежных территориях и в водоохранных зонах реки, которые могут оказать негативное воздействие на естественную гидрологическую систему и экологический баланс, строго запрещается. При этом:
(а) полностью запрещается проводить в пределах бассейна реки и ее притоков гидротехнические, гидромелиоративные работы, строительство зданий и сооружений, гидроэнергетических, водорегулирующих и деривационных сооружений (за исключением реконструкции функционирующих гидроэнергетических объектов);
(б) не допускается выделение земельных участков реки для проведения строительных работ на территории государственного гидрологического памятника природы.
5. Утвердить состав Правительственной комиссии по изучению негативного воздействия на окружающую среду и соответствия экологическим требованиям объектов, расположенных на прибрежных территориях и в водоохранных зонах реки Угам, (далее — Правительственная комиссия) согласно приложению № 2 * .
6. Определить основными задачами Правительственной комиссии:
(а) выявление всех объектов, сооружений, расположенных на прибрежных территориях и в водоохранных зонах реки, видов их деятельности, определение их правового статуса и вида эксплуатации;
(б) проведение оценки негативного воздействия объектов на окружающую среду, особенно качества воды, гидрологического режима на растительный и животный мир, сопоставление ее с данными экологического мониторинга;
(в) проведение анализа соответствия каждого объекта требованиям Водного кодекса и Закона «Об охране природы», а также актов законодательства касательно деятельности водоохранных зон;
(г) внесение в соответствующие государственные органы предложений о приостановлении деятельности, реконструкции или переносе объектов в случаях нарушения требований законодательства;
(д) цифровизацию и создание на основе платформы «ГИС» базы обобщенных данных вместе с координатами, фотоснимками и техническими данными объектов, расположенных на прибрежных территориях и в водоохранных зонах реки;
(ж) подготовку по итогам каждого месяца отчета о проделанной работе, представление в Администрацию Президента Республики Узбекистан предложений по устранению выявленных проблем.
7. Установить, что:
(а) Правительственная комиссия до 1 августа 2026 года в целях определения негативного воздействия на окружающую среду всех видов объектов, сооружений и осуществляющих деятельность субъектов, расположенных на прибрежных территориях и в водоохранных зонах реки, уровня их воздействия на естественную гидрологическую систему и соответствия действующим экологическим и санитарным требованиям осуществляет работы по проведению их полной инвентаризации;
(б) Правительственная комиссия:
(i) предоставляет юридическим и физическим лицам обязательные указания об устранении в трехмесячный срок выявленных по результатам инвентаризации недостатков;
(ii) принимает в установленном порядке меры по временному приостановлению или полному прекращению деятельности юридических и физических лиц, не выполнивших обязательные указания.
III. Организация, обеспечение и контроль исполнения постановления
8. Хокимияту Ташкентской области совместно с Комитетом по экологии:
(а) в месячный срок принять соответствующие практические меры по присвоению реке статуса «Государственный гидрологический памятник природы» в соответствии с требованиями Закона «Об охраняемых природных территориях», а также установить строгий контроль за соблюдением установленного для нее режима охраны;
(б) до 1 октября 2026 года утвердить мастер-план по улучшению экосистемы реки Угам, предусматривающий комплексное изучение естественного гидрологического и экологического состояния реки, охрану водных ресурсов и биоразнообразия, снижение экологического риска деятельности гидротехнических сооружений и устойчивое развитие экологической среды на прибрежных территориях.
9. Установить, что разработка и утверждение мастер-плана по улучшению экосистемы реки Угам финансируются за счет средств Государственного целевого фонда по устранению общенациональных экологических проблем.
10. Академии наук совместно с заинтересованными министерствами и ведомствами в трехмесячный срок провести научные исследования, направленные на снижение воздействия гидроэнергетики на экосистемы, в том числе работы по комплексному изучению водного режима и гидрологических изменений бассейна реки, состояния животного и растительного мира, процессов миграции ихтиофауны и экологического воздействия гидротехнических сооружений.
11. Министерству энергетики совместно с Министерством водного хозяйства и Комитетом по экологии в двухмесячный срок:
(а) разработать программу каскадного экологического управления по управлению рекой. При этом предусмотреть обеспечение баланса между сохранением природной функции водного потока и использованием его в энергетических целях;
(б) на основе результатов научных исследований разместить звено гидротехнических сооружений в подводных бассейнах в каскадной форме, а также создать рыбопропускные сооружения для миграции ихтиофауны (лестничные рыбопропускные сооружения);
(в) создать на каждой станции систему постоянного гидроэкологического мониторинга, провести анализ экономической эффективности и экологического воздействия гидросооружений, а также обеспечить открытость результатов мониторинга.
12. Агентству по лесоразведению и увеличению зеленых зон, борьбе с опустыниванием совместно с хокимиятом Ташкентской области начиная с 1 июня 2026 года проводить в рамках Общенационального проекта «Яшил макон» мероприятия по посадке деревьев и кустарников в целях предотвращения деградации земель на прибрежных территориях и в водоохранных зонах реки.
13. Комитету по экологии совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
14. Возложить на советника Президента Республики Узбекистан по вопросам экологии — председателя Национального комитета по экологии и изменению климата А.А. Абдухакимова, заместителя Премьер-министра А.Ж. Раматова и министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
15. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
4 мая 2026 г.,
№ ПП-164