UzbekAI

Ўзбекистон Республикаси Президентининг

қарори

ЧОРА-ТАДБИРЛАР РЕЖАСИ

Тиббиёт соҳасида кўрсатилаётган хизматлар сифатини ошириш бўйича қўшимча чора-тадбирлар тўғрисида

Аҳолига кўрсатилаётган тиббий хизматлар сифатини яхшилаш, мулкчилик шаклидан қатъи назар барча тиббиёт ташкилотлари фаолияти устидан ягона талаблар ва стандартлар асосида самарали назоратни таъминлаш, тиббий фаолиятни лицензиялаш ва аккредитациялаш тизимининг шаффофлигини ошириш ҳамда уни босқичма-босқич халқаро стандартларга мувофиқлаштириш мақсадида, қарор қиламан:

I. Мақсадлар

1. Қуйидагилар аҳолига кўрсатилаётган тиббий хизматлар сифатини оширишнинг асосий мақсадлари этиб белгилансин:

(а) 2030 йилга қадар 3 000 дан ортиқ давлат тиббиёт муассасаларини лицензиялаш талабларига мослаштириш;

(б) барча давлат ва нодавлат тиббиёт ташкилотлари (кейинги ўринларда — тиббиёт ташкилотлари) учун ягона талаблар ўрнатиш;

(в) тиббиёт ташкилотларининг ахборот тизимларини ягона талаблар асосида Рақамли соғлиқни сақлаш платформасига интеграция қилиш;

(г) тиббий хизматларни кўрсатиш жараёнларига камида 75 та миллий аккредитациялаш стандартларини жорий қилиш;

(д) кўрсатилаётган тиббий хизматлар ва уларнинг сифатини электрон тизим орқали назорат қилиш механизмларини жорий этиш;

(ж) тиббиёт ташкилотлари фаолиятини лицензиялаш ва аккредитациялаш тартибларини такомиллаштириш орқали кўрсатилаётган тиббий хизматлар сифатини ошириш.

II. Тиббий хизматлар сифатини ошириш бўйича чоралар

2. Белгилансинки, 2026 йил 1 июлдан бошлаб:

(а) Соғлиқни сақлаш вазирлиги ҳузуридаги «Тиббиёт ташкилотларини лицензиялаш ва аккредитациялаш маркази» давлат муассасаси (кейинги ўринларда — Марказ) тиббий фаолиятни лицензиялаш бўйича ишчи орган сифатида Соғлиқни сақлаш вазирлиги номидан лицензия бериш ҳамда лицензиялаш билан боғлиқ бошқа барча функцияларни амалга оширади;

(б) тиббиёт ташкилотларида тиббий хизмат сифатини назорат қилиш бўйича алоҳида тузилма фаолиятини йўлга қўйиш лицензия талаб ва шартлари этиб белгиланади;

(в) тиббий фаолиятни лицензиялаш талаб ва шартларига риоя қилиниши ҳамда тиббий хизмат сифатини назорат қилиш бўйича:

(i) текширув бошлангандан сўнг 24 соат ичида «Ягона давлат назорати» ахборот тизимида рўйхатга олиш орқали Бизнес-омбудсманни хабардор этиш тартиби жорий қилинади;

(ii) текширув ўтказаётган назорат қилувчи органга нисбатан илгари текширилган фаолият даври, предмети ва объекти бўйича қайта текширув ўтказилмаслигига оид талаблар татбиқ қилинмайди;

(iii) ўтказиладиган профилактика тадбирлари тадбиркорлик субъектларига тегишли объектларни кўздан кечириш орқали амалга оширилиши мумкин;

(г) тиббиёт ташкилотларини миллий аккредитациядан ўтказиш ваколати белгиланган тартибда аккредитациядан ўтказилган тиббиёт соҳасидаги нодавлат нотижорат ташкилотларига ҳам берилади.

3. Шундай тартиб ўрнатилсинки, унга мувофиқ:

(а) давлат тиббиёт муассасаларига лицензия бериш орқали уларда лицензия талаблари ва шартларига риоя этилишини назорат қилиш тизими жорий этилади. Бунда қуйидаги муддатларда лицензия олиниши мажбурий этиб белгиланади:

(i) республика даражасидаги давлат тиббиёт муассасалари — 2027 йил 1 апрелга қадар;

(ii) ҳудудий даражадаги давлат тиббиёт муассасалари — 2028 йил якунига қадар;

(iii) туман (шаҳар) даражасидаги давлат тиббиёт муассасалари — 2030 йил якунига қадар;

(б) 2028 йил 1 апрелдан бошлаб Давлат тиббий суғуртаси жамғармасига миллий ёки Соғлиқни сақлашда сифат бўйича халқаро жамияти (ISQua) томонидан аккредитациядан ўтказилган ташкилотларнинг аккредитацияси (кейинги ўринларда — халқаро аккредитация)дан ўтмаган республика даражасидаги давлат тиббиёт муассасалари ва нодавлат тиббиёт ташкилотлари билан тиббий хизматлар хариди бўйича шартнома тузиш тақиқланади;

(в) халқаро аккредитациядан ўтган тиббиёт ташкилотлари аккредитация жараёнлари (ташқи баҳолаш ва ўтказилган инспекция натижалари) тўғрисидаги маълумотларни Марказга киритиб боради;

(г) миллий ёки халқаро аккредитациядан ўтган тиббиёт ташкилоти лицензиясининг амал қилиш муддати миллий ёки халқаро аккредитациянинг амал қилиш муддатига мос равишда лицензияловчи орган томонидан автоматик тарзда узайтирилади.

III. Ягона талаблар асосида тиббий ахборот тизимини жорий қилиш

4. Белгилаб қўйилсинки, 2027 йил 1 апрелдан бошлаб:

(а) тиббий фаолиятни лицензиялашда тиббиёт ташкилотларининг ахборот тизимларини Соғлиқни сақлаш вазирлиги томонидан белгиланадиган ягона талабларга (стандартларга) мослаштирган ҳолда Рақамли соғлиқни сақлаш платформасига мажбурий тартибда бепул интеграция қилиш орқали маълумот алмашинувини таъминлаш шартлари киритилади;

(б) тиббиёт ташкилотлари томонидан аҳолига кўрсатилаётган тиббий хизматлар сифатини, шунингдек, лицензия талаб ва шартларига амал қилинишини Марказ томонидан ахборот тизимида масофавий баҳолаб бориш орқали назорат қилиш йўлга қўйилади.

5. Соғлиқни сақлаш вазирлиги Рақамли технологиялар вазирлиги билан биргаликда уч ой муддатда:

(а) барча тиббиёт ташкилотлари ахборот тизимларига қўйиладиган ягона талабларни (стандартларни) тасдиқласин;

(б) ташхислаш ва даволаш стандартлари ҳамда клиник протоколларнинг электрон шаклидан фойдаланиш имконини берувчи маълумотлар базасини яратсин ва унинг доимий янгиланиб борилишини таъминласин.

IV. Марказ фаолиятини самарали ташкил этиш

6. Соғлиқни сақлаш вазирлиги 2028 йил якунига қадар Марказ Соғлиқни сақлашда сифат бўйича халқаро жамияти (ISQua) халқаро ташкилоти томонидан аккредитациядан ўтказилишини таъминласин.

7. Соғлиқни сақлаш вазирлиги Марказнинг асослантирилган ҳисоб-китобларига асосан Марказ фаолиятини самарали ташкил этиш, тиббиёт ташкилотлари фаолиятини назорат қилиш бўйича ахборот тизимини ишлаб чиқиш, кадрлар тайёрлаш, хорижий мутахассисларни жалб этиш учун 2026 йилда вазирликка ажратилган Давлат бюджети маблағлар ҳисобидан Марказга 20 миллиард сўм ажратсин.

8. Соғлиқни сақлаш вазирлиги аккредитация ва лицензиялаш бўйича халқаро стандартлар асосида кадрларни тайёрлаш мақсадида 2026-2027 йилларда Тиббиётни ривожлантириш давлат мақсадли жамғармаси маблағлари ҳисобидан ҳамда «Эл-юрт умиди» жамғармасининг мақсадли стажировка дастурлари орқали Марказнинг 20 нафар, тиббиёт ташкилотларини аккредитациядан ўтказиш билан шуғулланиш истагини билдирган ва ўз дастурини тақдим қилган тиббиёт соҳасида фаолият юритаётган нодавлат нотижорат ташкилотларнинг 5 нафар ходимининг халқаро аккредитация ташкилотларида малака оширишини ташкил этсин.

9. Тиббиёт ходимларининг касбий малакасини ривожлантириш марказининг Тошкент шаҳри Мирзо Улуғбек тумани Паркент кўчаси 51-уй манзилида жойлашган биносининг умумий фойдаланиш майдони 2 000 кв.м дан иборат биринчи, иккинчи ва учинчи қаватлари Марказга оператив бошқариш ҳуқуқи асосида бепул берилсин.

10. Марказга ўз фаолиятини жаҳон стандартларига мувофиқлаштириш, белгиланган вазифаларни самарали бажариш учун малакали экспертлар, шу жумладан, хорижий мутахассисларни жалб этиш, шунингдек, экспертлик ва таҳлилий хизматларни «таклиф сўрови» харид қилиш тартиб-таомили орқали харид қилиш ҳуқуқи берилсин.

V. Қарор ижросини ташкил этиш, таъминлаш ва назорат

11. Тиббиёт соҳасида кўрсатилаётган хизматлар сифатини ошириш бўйича чора-тадбирлар режаси иловага мувофиқ тасдиқлансин.

12. Соғлиқни сақлаш вазирлиги уч ой муддатда тиббий фаолиятни лицензиялашнинг янгиланган талаб ва шартларини назарда тутувчи қарор лойиҳасини Вазирлар Маҳкамасига киритсин. Бунда бемор хавфсизлиги ҳамда клиник протоколларга риоя этилиши устидан назоратни кучайтириш ҳамда лицензия талабгорлари учун тизимлаштирилган тартибни жорий этиш назарда тутилсин.

13. Қурилиш ва уй-жой коммунал хўжалиги вазирлиги:

(а) Тиббиёт ва фармацевтика тармоғини ривожлантириш агентлиги, Санитария-эпидемиологик осойишталик ва жамоат саломатлиги қўмитаси, Соғлиқни сақлаш вазирлиги билан биргаликда уч ой муддатда хорижий консультантларни жалб қилган ҳолда ишчи гуруҳ ташкил этсин ҳамда тиббиёт ташкилотларини лойиҳалаштириш, қуриш ва фойдаланишга топширишга оид шаҳарсозлик ҳамда санитария қоидалари ва меъёрларини қайта кўриб чиқиб, уларни ўзаро уйғунлаштириш ва халқаро талабларга мослаштириш чораларини кўрсин;

(б) Адлия вазирлиги, Санитария-эпидемиологик осойишталик ва жамоат саломатлиги қўмитаси ҳамда бошқа манфаатдор вазирлик ва идоралар билан биргаликда уч ой муддатда тиббиёт ташкилотларини лойиҳалаштириш, қуриш ва фойдаланишга топшириш бўйича шаҳарсозлик ҳамда санитария қоидалари ва меъёрларига қатъий риоя этилишини таъминлашга қаратилган механизмларни жорий этишни ҳамда лойиҳа ҳужжатларини экспертиза қилишда давлат ташкилотлари масъулиятини оширишни назарда тутувчи таклифларни Вазирлар Маҳкамасига киритсин.

14. Соғлиқни сақлаш вазирлиги уч ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ҳамда қўшимчалар тўғрисида Вазирлар Маҳкамасига таклифлар киритсин.

15. Мазкур қарорнинг ижросини самарали ташкил қилишга масъул ва шахсан жавобгар этиб соғлиқни сақлаш вазири Э.Э. Адилов белгилансин.

16. Мазкур қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2026 йил 5 майдаги ПҚ-170-сон қарорига ИЛОВА

Тиббиёт соҳасида кўрсатилаётган хизматлар сифатини ошириш бўйича

Т/р Чора-тадбирлар номи Амалга ошириш механизми Ижро муддати Амалга ошириш шакли Масъул ижрочилар 1. Аҳолига тиббий хизматлар кўрсатишда тиббиёт ташкилотлари учун лицензиялаш ва сифат назоратини амалга оширишнинг ягона талабларини ўрнатиш. 1. Қуйидагиларни назарда тутувчи норматив-ҳуқуқий ҳужжат лойиҳасини ишлаб чиқиш: тиббиёт ташкилотларининг тиббий фаолиятини назорат қилиш, ҳуқуқбузарлик хавфи даражасини баҳолаш, «сирли мижоз» ва профилактика тадбирларини ўтказиш; лицензия талабларини қайта кўриб чиқиш, давлат ва нодавлат тиббиёт ташкилотлари учун ягона талаб ва шартларни жорий этиш. 2026 йил июнь Норматив-ҳуқуқий ҳужжат лойиҳаси Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази, Адлия вазирлиги 2. Норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритиш. 2026 йил июль 3. Тиббиёт соҳасининг ривожланиш тенденцияларини инобатга олган ҳолда лицензияланадиган тиббий фаолиятнинг кичик турларини қайта кўриб чиқиб, янгиланган рўйхатни ҳамда ҳар бир фаолиятнинг кичик турини амалга ошириш учун зарур бўлган моддий-техника база, асбоб-ускуналар ва бошқа техник воситалар, тиббий техникага бўлган энг кам талаблар рўйхатини тасдиқлаш. Бунда тиббий ихтисосликлар турлари 255 тага етказилишини назарда тутиш. 2026 йил октябрь Соғлиқни сақлаш вазирлиги 2. Тиббий фаолият учун лицензия бериш билан боғлиқ тартиб-таомилларни такомиллаштириш. Соғлиқни сақлаш вазирлиги ҳузуридаги «Тиббиёт ташкилотларини лицензиялаш ва аккредитациялаш маркази» давлат муассасаси (кейинги ўринларда — Марказ) томонидан лицензиялаш билан боғлиқ функциялар амалга оширилишини инобатга олиб, Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги Қонунига тегишли ўзгартириш ва қўшимчаларни киритишни назарда тутувчи қонун лойиҳасини ишлаб чиқиш ва белгиланган тартибда Вазирлар Маҳкамасига киритиш. 2026 йил октябрь Норматив-ҳуқуқий ҳужжат лойиҳаси Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази 3. Ҳудудлардаги давлат тиббиёт муассасаларини тиббий фаолият учун лицензия талаб ва шартларига мослаштириш чораларини кўриш. 1. Ҳудудлар ва туман (шаҳар)лар даражасидаги давлат тиббиёт муассасаларини уларнинг тиббий фаолият учун лицензия талаб ва шартларига мувофиқлиги бўйича хатловдан ўтказиш графигини тасдиқлаш ва унинг асосида ҳар бир муассаса кесимида ўрганишлар ўтказиш. 2027 йил апрель Амалий чора-тадбирлар Соғлиқни сақлаш вазирлиги 2. Хатлов натижасига асосан тиббиёт муассасаларини 2030 йил якунига қадар туман (шаҳар) кесимида лицензия талаб ва шартларига мослаштириш бўйича амалга ошириладиган чора-тадбирлар режасини ишлаб чиқиш ҳамда Вазирлар Маҳкамасига киритиш. Бунда тиббиёт муассасалари фаолиятини лицензиялаш учун талаб этиладиган маблағларни ҳисоблаш, аниқ молиявий манбаларни ва масъулларни белгилаш. 2027 йил июнь Соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 4. Тиббиёт ташкилотларини босқичма-босқич миллий аккредитациядан ўтказиш . 1. Стационар давлат тиббиёт муассасаларини миллий аккредитациядан ўтказиш бўйича ишчи гуруҳлар ташкил этиш ҳамда аккредитация талабларига мувофиқлиги бўйича хатловдан ўтказиш. 2027 йил апрель Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази 2. Хатлов натижаларига кўра аниқланган камчиликларни бартараф этиш орқали давлат тиббиёт муассасаларини, молиявий манбаларини инобатга олган ҳолда, 2035 йилга қадар босқичма-босқич миллий аккредитациядан ўтказиш бўйича чора-тадбирлар режасини Вазирлар Маҳкамасига киритиш. 2027 йил октябрь Норматив-ҳуқуқий ҳужжат лойиҳаси 5. Тиббиёт ташкилотлари томонидан аҳолига кўрсатилаётган тиббий хизматлар сифатини, шунингдек, лицензия талаб ва шартларига амал қилинишини ягона электрон ахборот тизими орқали назорат қилиш . 1. Тиббиёт ташкилотлари томонидан аҳолига кўрсатилаётган тиббий хизматлар сифатини ҳамда лицензия талаб ва шартларига риоя этилишини электрон ахборот тизими орқали назорат қилиш бўйича «Тиббий хизматлар сифатини бошқариш» ахборот тизимини ишлаб чиқиш. 2026 йил ноябрь Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази, Рақамли технологиялар вазирлиги Соғлиқни сақлаш вазирлиги, Рақамли технологиялар вазирлиги, Иқтисодиёт ва молия вазирлиги, Адлия вазирлиги, Олий таълим, фан ва инновациялар вазирлиги, Камбағалликни қисқартириш ва бандлик вазирлиги, Кадастр агентлиги, Божхона қўмитаси 2. «Тиббий хизматлар сифатини бошқариш» ахборот тизимини: (а) барча тиббиёт ташкилотлари ахборот тизимлари ҳамда бошқа электрон платформалар билан интеграция қилиш чораларини кўриш; (б) Ягона интерактив давлат хизматлари портали (my.gov.uz), «Лицензия» ахборот тизими (license.gov.uz), Ягона таълим хизматлари портали (my.edu.uz), Ягона миллий меҳнат тизими (my.mehnat.uz), Рақамли соғлиқни сақлаш платформаси (e-health.uz, dmed.e-health.uz), Давлат кадастрлари ягона тизими (sap.kadastr.uz, davreyestr.kadastr.uz), «Ягона дарча» божхона ахборот тизими (singlewindow.uz), Мувофиқликни баҳолаш ва сертификатлаштириш бўйича ягона электрон реестр ( conformity.uz ), Давлат харидлари махсус ахборот портали (xarid.uzex.uz), Электрон тендер платформаси (etender.uzex.uz) ҳамда Ўзбекистон миллий метрология институтининг ахборот тизимига (e-metrologiya.uz) интеграция қилиш. 2026 йил декабрь 6. Марказ томонидан лицензия талаб ва шартларига риоя этилишини назорат қилиш механизмларини такомиллаштириш . 1. Марказ фаолиятини жаҳон стандартларига мувофиқлаштириш, белгиланган вазифаларни самарали амалга ошириш учун хорижий мутахассис ва экспертларни жалб этиш. 2026 йил июнь Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази, Иқтисодиёт ва молия вазирлиги 2. Марказ томонидан лицензия талаб ва шартларига риоя этилишини назорат қилиш механизмларини такомиллаштириш бўйича таклифларни ишлаб чиқиш ва Вазирлар Маҳкамасига киритиш. 2026 йил август 7. Марказнинг фаолиятини самарали ташкил этиш . 1. Марказ ҳамда унинг ҳудудий филиаллари фаолиятини зарур моддий-техника базаси, шу жумладан, навбатчи автотранспорт воситалари билан таъминлаш чораларини кўриш. 2026 йил июль Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази 2. Марказнинг тузилмасини, функция ва вазифаларини, ҳуқуқ ва мажбуриятларини белгилаш бўйича низомни тасдиқлаш. Бунда: (а) Марказда коррупцияга қарши курашиш бўйича назорат тизимини ташкил этишни назарда тутиш; (б) Марказ ходимларини KPI асосида рағбатлантирувчи тўловларни, уларни қайта тайёрлаш ва малакасини ошириш тартибини белгилаш; (в) тиббиёт ташкилотлари фаолиятини мониторинг қилувчи ходимлар учун муносиб иш ҳақи тўловларини белгилаш кўзда тутилади. 3. Марказ ва унинг ҳудудий филиалларини малакали кадрлар билан тўлдириш. 2026 йил июнь 8. Марказнинг ҳудудий филиалларини зарур жой билан таъминлаш. Марказнинг ҳудудий филиалларини жой билан таъминлаш ва уларни текин фойдаланиш ҳуқуқи асосида жойлаштириш чораларини кўриш. 2026 йил июнь Амалий чора-тадбирлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги 9. Марказнинг Соғлиқни сақлашда сифат бўйича халқаро жамияти (ISQua) томонидан аккредитациядан ўтказилишини таъминлаш . 1. Марказни 2028 йил якунига қадар ISQua халқаро ташкилоти томонидан аккредитациядан ўтказиш бўйича «йўл харитаси»ни ишлаб чиқиш ва тасдиқлаш. Бунда Марказни аккредитациядан ўтказиш билан боғлиқ харажатлар Тиббиётни ривожлантириш давлат мақсадли жамғармаси маблағлари ҳисобидан қопланади. 2026 йил июль Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази 2. Марказини халқаро ISQua ташкилоти томонидан аккредитациядан ўтказиш. 2026 — 2028 йиллар 10. Тиббий фаолиятни лицензиялаш, аккредитациялаш ва тиббиёт стандартлари бўйича мустақил экспертлар мактабини яратиш . Тиббий фаолиятни лицензиялаш, аккредитациялаш ва тиббиёт стандартлари бўйича экспертлар ҳамда мустақил экспертларни тайёрлаш тизимини яратиш. Бунда Марказ ходимлари ва тиббиёт ташкилотлари ходимларини ўқитиш бўйича ўқув дастурларини тайёрлаш, тегишли ўқув қуроллари билан таъминлаш орқали симуляцион марказни ташкил этиш назарда тутилади. 2027 йил апрель Амалий чора-тадбирлар Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази 11. Тиббий фаолиятни лицензиялашда қўлланадиган санитария қоидалари, нормалари ва гигиена нормативларини қайта кўриб чиқиш. Тиббий фаолиятни лицензиялашда қўлланадиган санитария қоидалари, нормалари ва гигиена нормативларини қайта кўриб чиқиш доирасида: (а) даволаш-профилактика ташкилотларининг ертўлаларидан илғор хавфсизлик усуллари ва замонавий технологияларни қўллаган ҳолда кенг фойдаланиш имконини берувчи талабларни ишлаб чиқиш; (б) соматик ва терапевтик йўналишларда битта кўрик хонасидан икки ёки ундан ортиқ тиббий ихтисосликлар доирасида олдиндан тасдиқланган график бўйича фойдаланишга рухсат бериш. 2026 йил декабрь Идоравий норматив-ҳуқуқий ҳужжат лойиҳаси Санитария-эпидемиологик осойишталик ва жамоат саломатлиги қўмитаси, Тиббиёт ташкилотларини лицензиялаш ва аккредитациялаш маркази 12. Фармакологик ва дори воситалари ҳамда тиббий жиҳозларнинг клиник тадқиқотларини ўтказиш учун нодавлат тиббиёт ташкилотларига қўйиладиган талаб ва шартларни ишлаб чиқиш. 1. Фармакологик ва дори воситалари ҳамда тиббий жиҳозларнинг клиник тадқиқотларини ўтказиш тартибини қайта қўриб чиқиш. Бунда қуйидагиларни назарда тутиш: (а) нодавлат тиббиёт ташкилотларига фармакологик ва дори воситалари ҳамда тиббий жиҳозларнинг клиник тадқиқотларини ўтказишга рухсат бериш; (б) клиник тадқиқотларни ўтказиш учун нодавлат тиббиёт ташкилотларининг клиник базаларга қўйиладиган талаб ва шартларни белгилаш. 2026 йил август Идоравий норматив-ҳуқуқий ҳужжат лойиҳаси Соғлиқни сақлаш вазирлиги, Адлия вазирлиги 2. Клиник базалар рўйхатини шакллантириш. Белгиланган муддатларда 13. Тиббий фаолиятни лицензиялашда қўлланадиган қоидалар, нормалар ва нормативларни такомиллаштириш . 1. Нодавлат тиббиёт ташкилотлари томонидан юритиладиган бирламчи тиббий ҳужжатларни тасдиқлаш ва Соғлиқни сақлаш вазирлигига статистика маълумотларини тақдим этиш тартибини ишлаб чиқиш. 2026 йил октябрь Идоравий норматив-ҳуқуқий ҳужжат лойиҳаси Соғлиқни сақлаш вазирлиги, Тиббиёт ташкилотларини лицензиялаш ва аккредитациялаш маркази, Адлия вазирлиги 2. Тиббий ихтисосликлар турлари номенклатурасини такомиллаштириш. Бунда косметология йўналишидаги тиббий хизматларни халқаро тажриба асосида тартибга солиш бўйича таклифни ишлаб чиқиш. 2026 йил октябрь 3. Тиббий ихтисослашувнинг лицензияланадиган турлари бўйича шифокорлар лавозимини эгаллаши мумкин бўлган тиббий мутахассисликлар рўйхатини қайта кўриб чиқиш ва янги таҳрирда тасдиқлаш. 2026 йил декабрь 4. Тиббий хизматлар реестрини ишлаб чиқиб, унда олий тиббий маълумотга ҳамда ўрта тиббий маълумотга эга ходимлар ва тиббий маълумотга эга бўлмаган ходимлар томонидан уларни қайта тайёрлаш орқали амалга оширилиши мумкин бўлган тиббий хизматлар рўйхатини тасдиқлаш. 2026 йил декабрь 14. Соғлиқни сақлаш тизимини ташкил этишнинг янги моделини жорий қилиш доирасида оилавий поликлиникалар бино-иншоотларига қўйиладиган талабларни қайта кўриб чиқиш. 1. Оилавий поликлиника бино-иншоотларининг намунавий лойиҳаларини ишлаб чиқиш ва белгиланган тартибда Қурилиш ва уй-жой коммунал хўжалиги вазирлигида рўйхатдан ўтказиш. 2026 йил июль Амалий чора-тадбирлар Қурилиш ва уй-жой коммунал хўжалиги вазирлиги, Соғлиқни сақлаш вазирлиги 2. Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида оилавий поликлиника бино-иншоотларининг намунавий лойиҳалари асосида қуриш, реконструкция қилиш, мукаммал таъмирлаш ишларини ташкил қилиб бориш. 2027 йилдан бошлаб 15. Соғлиқни сақлаш тизимидаги давлат ва нодавлат тиббиёт ташкилотларини босқичма-босқич хатловдан ўтказиш . 1. Соғлиқни сақлаш тизимидаги давлат ва нодавлат тиббиёт ташкилотларини босқичма-босқич хатловдан ўтказиш режа-жадвалини ҳамда вазирликдаги ва идоралараро ишчи гуруҳлар таркибини тасдиқлаш. 2026 йил май Амалий чора-тадбирлар Соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Иқтисодиёт ва молия вазирлиги, Рақамли технологиялар вазирлиги, Қурилиш ва уй-жой коммунал хўжалиги вазирлиги, Қурилиш ва уй-жой коммунал хўжалиги соҳасида назорат қилиш инспекцияси 2. Соғлиқни сақлаш тизимидаги давлат ва нодавлат тиббиёт ташкилотларини босқичма-босқич режа-жадвалга мувофиқ хатловдан ўтказиб бориш. 2026 йил якунига қадар 3. Хатлов натижаларини босқичма-босқич таҳлил қилиб бориш ва тиббиёт муассасаларини ташкил этишни режалаштириш тизимини ислоҳ қилиш бўйича таклифларни Ўзбекистон Республикаси Президенти Администрациясига киритиб бориш. Режа-жадвалга мувофиқ

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 5 май,

ПҚ-170-сон

(Қонунчилик маълумотлари миллий базаси, 07.05.2026 й., 07/26/170/0459-сон)

lex.uz

Oʻzbekiston Respublikasi Prezidentining

qarori

CHORA-TADBIRLAR REJASI

Tibbiyot sohasida koʻrsatilayotgan xizmatlar sifatini oshirish boʻyicha qoʻshimcha chora-tadbirlar toʻgʻrisida

Aholiga koʻrsatilayotgan tibbiy xizmatlar sifatini yaxshilash, mulkchilik shaklidan qatʼi nazar barcha tibbiyot tashkilotlari faoliyati ustidan yagona talablar va standartlar asosida samarali nazoratni taʼminlash, tibbiy faoliyatni litsenziyalash va akkreditatsiyalash tizimining shaffofligini oshirish hamda uni bosqichma-bosqich xalqaro standartlarga muvofiqlashtirish maqsadida, qaror qilaman:

I. Maqsadlar

1. Quyidagilar aholiga koʻrsatilayotgan tibbiy xizmatlar sifatini oshirishning asosiy maqsadlari etib belgilansin:

(a) 2030-yilga qadar 3 000 dan ortiq davlat tibbiyot muassasalarini litsenziyalash talablariga moslashtirish;

(b) barcha davlat va nodavlat tibbiyot tashkilotlari (keyingi oʻrinlarda — tibbiyot tashkilotlari) uchun yagona talablar oʻrnatish;

(v) tibbiyot tashkilotlarining axborot tizimlarini yagona talablar asosida Raqamli sogʻliqni saqlash platformasiga integratsiya qilish;

(g) tibbiy xizmatlarni koʻrsatish jarayonlariga kamida 75 ta milliy akkreditatsiyalash standartlarini joriy qilish;

(d) koʻrsatilayotgan tibbiy xizmatlar va ularning sifatini elektron tizim orqali nazorat qilish mexanizmlarini joriy etish;

(j) tibbiyot tashkilotlari faoliyatini litsenziyalash va akkreditatsiyalash tartiblarini takomillashtirish orqali koʻrsatilayotgan tibbiy xizmatlar sifatini oshirish.

II. Tibbiy xizmatlar sifatini oshirish boʻyicha choralar

2. Belgilansinki, 2026-yil 1-iyuldan boshlab:

(a) Sogʻliqni saqlash vazirligi huzuridagi “Tibbiyot tashkilotlarini litsenziyalash va akkreditatsiyalash markazi” davlat muassasasi (keyingi oʻrinlarda — Markaz) tibbiy faoliyatni litsenziyalash boʻyicha ishchi organ sifatida Sogʻliqni saqlash vazirligi nomidan litsenziya berish hamda litsenziyalash bilan bogʻliq boshqa barcha funksiyalarni amalga oshiradi;

(b) tibbiyot tashkilotlarida tibbiy xizmat sifatini nazorat qilish boʻyicha alohida tuzilma faoliyatini yoʻlga qoʻyish litsenziya talab va shartlari etib belgilanadi;

(v) tibbiy faoliyatni litsenziyalash talab va shartlariga rioya qilinishi hamda tibbiy xizmat sifatini nazorat qilish boʻyicha:

(i) tekshiruv boshlangandan soʻng 24 soat ichida “Yagona davlat nazorati” axborot tizimida roʻyxatga olish orqali Biznes-ombudsmanni xabardor etish tartibi joriy qilinadi;

(ii) tekshiruv oʻtkazayotgan nazorat qiluvchi organga nisbatan ilgari tekshirilgan faoliyat davri, predmeti va obyekti boʻyicha qayta tekshiruv oʻtkazilmasligiga oid talablar tatbiq qilinmaydi;

(iii) oʻtkaziladigan profilaktika tadbirlari tadbirkorlik subyektlariga tegishli obyektlarni koʻzdan kechirish orqali amalga oshirilishi mumkin;

(g) tibbiyot tashkilotlarini milliy akkreditatsiyadan oʻtkazish vakolati belgilangan tartibda akkreditatsiyadan oʻtkazilgan tibbiyot sohasidagi nodavlat notijorat tashkilotlariga ham beriladi.

3. Shunday tartib oʻrnatilsinki, unga muvofiq:

(a) davlat tibbiyot muassasalariga litsenziya berish orqali ularda litsenziya talablari va shartlariga rioya etilishini nazorat qilish tizimi joriy etiladi. Bunda quyidagi muddatlarda litsenziya olinishi majburiy etib belgilanadi:

(i) respublika darajasidagi davlat tibbiyot muassasalari — 2027-yil 1-aprelga qadar;

(ii) hududiy darajadagi davlat tibbiyot muassasalari — 2028-yil yakuniga qadar;

(iii) tuman (shahar) darajasidagi davlat tibbiyot muassasalari — 2030-yil yakuniga qadar;

(b) 2028-yil 1-apreldan boshlab Davlat tibbiy sugʻurtasi jamgʻarmasiga milliy yoki Sogʻliqni saqlashda sifat boʻyicha xalqaro jamiyati (ISQua) tomonidan akkreditatsiyadan oʻtkazilgan tashkilotlarning akkreditatsiyasi (keyingi oʻrinlarda — xalqaro akkreditatsiya)dan oʻtmagan respublika darajasidagi davlat tibbiyot muassasalari va nodavlat tibbiyot tashkilotlari bilan tibbiy xizmatlar xaridi boʻyicha shartnoma tuzish taqiqlanadi;

(v) xalqaro akkreditatsiyadan oʻtgan tibbiyot tashkilotlari akkreditatsiya jarayonlari (tashqi baholash va oʻtkazilgan inspeksiya natijalari) toʻgʻrisidagi maʼlumotlarni Markazga kiritib boradi;

(g) milliy yoki xalqaro akkreditatsiyadan oʻtgan tibbiyot tashkiloti litsenziyasining amal qilish muddati milliy yoki xalqaro akkreditatsiyaning amal qilish muddatiga mos ravishda litsenziyalovchi organ tomonidan avtomatik tarzda uzaytiriladi.

III. Yagona talablar asosida tibbiy axborot tizimini joriy qilish

4. Belgilab qoʻyilsinki, 2027-yil 1-apreldan boshlab:

(a) tibbiy faoliyatni litsenziyalashda tibbiyot tashkilotlarining axborot tizimlarini Sogʻliqni saqlash vazirligi tomonidan belgilanadigan yagona talablarga (standartlarga) moslashtirgan holda Raqamli sogʻliqni saqlash platformasiga majburiy tartibda bepul integratsiya qilish orqali maʼlumot almashinuvini taʼminlash shartlari kiritiladi;

(b) tibbiyot tashkilotlari tomonidan aholiga koʻrsatilayotgan tibbiy xizmatlar sifatini, shuningdek, litsenziya talab va shartlariga amal qilinishini Markaz tomonidan axborot tizimida masofaviy baholab borish orqali nazorat qilish yoʻlga qoʻyiladi.

5. Sogʻliqni saqlash vazirligi Raqamli texnologiyalar vazirligi bilan birgalikda uch oy muddatda:

(a) barcha tibbiyot tashkilotlari axborot tizimlariga qoʻyiladigan yagona talablarni (standartlarni) tasdiqlasin;

(b) tashxislash va davolash standartlari hamda klinik protokollarning elektron shaklidan foydalanish imkonini beruvchi maʼlumotlar bazasini yaratsin va uning doimiy yangilanib borilishini taʼminlasin.

IV. Markaz faoliyatini samarali tashkil etish

6. Sogʻliqni saqlash vazirligi 2028-yil yakuniga qadar Markaz Sogʻliqni saqlashda sifat boʻyicha xalqaro jamiyati (ISQua) xalqaro tashkiloti tomonidan akkreditatsiyadan oʻtkazilishini taʼminlasin.

7. Sogʻliqni saqlash vazirligi Markazning asoslantirilgan hisob-kitoblariga asosan Markaz faoliyatini samarali tashkil etish, tibbiyot tashkilotlari faoliyatini nazorat qilish boʻyicha axborot tizimini ishlab chiqish, kadrlar tayyorlash, xorijiy mutaxassislarni jalb etish uchun 2026-yilda vazirlikka ajratilgan Davlat budjeti mablagʻlar hisobidan Markazga 20 milliard soʻm ajratsin.

8. Sogʻliqni saqlash vazirligi akkreditatsiya va litsenziyalash boʻyicha xalqaro standartlar asosida kadrlarni tayyorlash maqsadida 2026-2027-yillarda Tibbiyotni rivojlantirish davlat maqsadli jamgʻarmasi mablagʻlari hisobidan hamda “El-yurt umidi” jamgʻarmasining maqsadli stajirovka dasturlari orqali Markazning 20 nafar, tibbiyot tashkilotlarini akkreditatsiyadan oʻtkazish bilan shugʻullanish istagini bildirgan va oʻz dasturini taqdim qilgan tibbiyot sohasida faoliyat yuritayotgan nodavlat notijorat tashkilotlarning 5 nafar xodimining xalqaro akkreditatsiya tashkilotlarida malaka oshirishini tashkil etsin.

9. Tibbiyot xodimlarining kasbiy malakasini rivojlantirish markazining Toshkent shahri Mirzo Ulugʻbek tumani Parkent koʻchasi 51-uy manzilida joylashgan binosining umumiy foydalanish maydoni 2 000 kv.m dan iborat birinchi, ikkinchi va uchinchi qavatlari Markazga operativ boshqarish huquqi asosida bepul berilsin.

10. Markazga oʻz faoliyatini jahon standartlariga muvofiqlashtirish, belgilangan vazifalarni samarali bajarish uchun malakali ekspertlar, shu jumladan, xorijiy mutaxassislarni jalb etish, shuningdek, ekspertlik va tahliliy xizmatlarni “taklif soʻrovi” xarid qilish tartib-taomili orqali xarid qilish huquqi berilsin.

V. Qaror ijrosini tashkil etish, taʼminlash va nazorat

11. Tibbiyot sohasida koʻrsatilayotgan xizmatlar sifatini oshirish boʻyicha chora-tadbirlar rejasi ilovaga muvofiq tasdiqlansin.

12. Sogʻliqni saqlash vazirligi uch oy muddatda tibbiy faoliyatni litsenziyalashning yangilangan talab va shartlarini nazarda tutuvchi qaror loyihasini Vazirlar Mahkamasiga kiritsin. Bunda bemor xavfsizligi hamda klinik protokollarga rioya etilishi ustidan nazoratni kuchaytirish hamda litsenziya talabgorlari uchun tizimlashtirilgan tartibni joriy etish nazarda tutilsin.

13. Qurilish va uy-joy kommunal xoʻjaligi vazirligi:

(a) Tibbiyot va farmatsevtika tarmogʻini rivojlantirish agentligi, Sanitariya-epidemiologik osoyishtalik va jamoat salomatligi qoʻmitasi, Sogʻliqni saqlash vazirligi bilan birgalikda uch oy muddatda xorijiy konsultantlarni jalb qilgan holda ishchi guruh tashkil etsin hamda tibbiyot tashkilotlarini loyihalashtirish, qurish va foydalanishga topshirishga oid shaharsozlik hamda sanitariya qoidalari va meʼyorlarini qayta koʻrib chiqib, ularni oʻzaro uygʻunlashtirish va xalqaro talablarga moslashtirish choralarini koʻrsin;

(b) Adliya vazirligi, Sanitariya-epidemiologik osoyishtalik va jamoat salomatligi qoʻmitasi hamda boshqa manfaatdor vazirlik va idoralar bilan birgalikda uch oy muddatda tibbiyot tashkilotlarini loyihalashtirish, qurish va foydalanishga topshirish boʻyicha shaharsozlik hamda sanitariya qoidalari va meʼyorlariga qatʼiy rioya etilishini taʼminlashga qaratilgan mexanizmlarni joriy etishni hamda loyiha hujjatlarini ekspertiza qilishda davlat tashkilotlari masʼuliyatini oshirishni nazarda tutuvchi takliflarni Vazirlar Mahkamasiga kiritsin.

14. Sogʻliqni saqlash vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish hamda qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil qilishga masʼul va shaxsan javobgar etib sogʻliqni saqlash vaziri E.E. Adilov belgilansin.

16. Mazkur qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2026-yil 5-maydagi PQ-170-son qaroriga ILOVA

Tibbiyot sohasida koʻrsatilayotgan xizmatlar sifatini oshirish boʻyicha

T/r Chora-tadbirlar nomi Amalga oshirish mexanizmi Ijro muddati Amalga oshirish shakli Masʼul ijrochilar 1. Aholiga tibbiy xizmatlar koʻrsatishda tibbiyot tashkilotlari uchun litsenziyalash va sifat nazoratini amalga oshirishning yagona talablarini oʻrnatish. 1. Quyidagilarni nazarda tutuvchi normativ-huquqiy hujjat loyihasini ishlab chiqish: tibbiyot tashkilotlarining tibbiy faoliyatini nazorat qilish, huquqbuzarlik xavfi darajasini baholash, “sirli mijoz” va profilaktika tadbirlarini oʻtkazish; litsenziya talablarini qayta koʻrib chiqish, davlat va nodavlat tibbiyot tashkilotlari uchun yagona talab va shartlarni joriy etish. 2026-yil iyun Normativ-huquqiy hujjat loyihasi Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi, Adliya vazirligi 2. Normativ-huquqiy hujjat loyihasini belgilangan tartibda Vazirlar Mahkamasiga kiritish. 2026-yil iyul 3. Tibbiyot sohasining rivojlanish tendensiyalarini inobatga olgan holda litsenziyalanadigan tibbiy faoliyatning kichik turlarini qayta koʻrib chiqib, yangilangan roʻyxatni hamda har bir faoliyatning kichik turini amalga oshirish uchun zarur boʻlgan moddiy-texnika baza, asbob-uskunalar va boshqa texnik vositalar, tibbiy texnikaga boʻlgan eng kam talablar roʻyxatini tasdiqlash. Bunda tibbiy ixtisosliklar turlari 255 taga yetkazilishini nazarda tutish. 2026-yil oktabr Sogʻliqni saqlash vazirligi 2. Tibbiy faoliyat uchun litsenziya berish bilan bogʻliq tartib-taomillarni takomillashtirish. Sogʻliqni saqlash vazirligi huzuridagi “Tibbiyot tashkilotlarini litsenziyalash va akkreditatsiyalash markazi” davlat muassasasi (keyingi oʻrinlarda — Markaz) tomonidan litsenziyalash bilan bogʻliq funksiyalar amalga oshirilishini inobatga olib, Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonuniga tegishli oʻzgartirish va qoʻshimchalarni kiritishni nazarda tutuvchi qonun loyihasini ishlab chiqish va belgilangan tartibda Vazirlar Mahkamasiga kiritish. 2026-yil oktabr Normativ-huquqiy hujjat loyihasi Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi 3. Hududlardagi davlat tibbiyot muassasalarini tibbiy faoliyat uchun litsenziya talab va shartlariga moslashtirish choralarini koʻrish. 1. Hududlar va tuman (shahar)lar darajasidagi davlat tibbiyot muassasalarini ularning tibbiy faoliyat uchun litsenziya talab va shartlariga muvofiqligi boʻyicha xatlovdan oʻtkazish grafigini tasdiqlash va uning asosida har bir muassasa kesimida oʻrganishlar oʻtkazish. 2027-yil aprel Amaliy chora-tadbirlar Sogʻliqni saqlash vazirligi 2. Xatlov natijasiga asosan tibbiyot muassasalarini 2030-yil yakuniga qadar tuman (shahar) kesimida litsenziya talab va shartlariga moslashtirish boʻyicha amalga oshiriladigan chora-tadbirlar rejasini ishlab chiqish hamda Vazirlar Mahkamasiga kiritish. Bunda tibbiyot muassasalari faoliyatini litsenziyalash uchun talab etiladigan mablagʻlarni hisoblash, aniq moliyaviy manbalarni va masʼullarni belgilash. 2027-yil iyun Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 4. Tibbiyot tashkilotlarini bosqichma-bosqich milliy akkreditatsiyadan oʻtkazish . 1. Statsionar davlat tibbiyot muassasalarini milliy akkreditatsiyadan oʻtkazish boʻyicha ishchi guruhlar tashkil etish hamda akkreditatsiya talablariga muvofiqligi boʻyicha xatlovdan oʻtkazish. 2027-yil aprel Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi 2. Xatlov natijalariga koʻra aniqlangan kamchiliklarni bartaraf etish orqali davlat tibbiyot muassasalarini, moliyaviy manbalarini inobatga olgan holda, 2035-yilga qadar bosqichma-bosqich milliy akkreditatsiyadan oʻtkazish boʻyicha chora-tadbirlar rejasini Vazirlar Mahkamasiga kiritish. 2027-yil oktabr Normativ-huquqiy hujjat loyihasi 5. Tibbiyot tashkilotlari tomonidan aholiga koʻrsatilayotgan tibbiy xizmatlar sifatini, shuningdek, litsenziya talab va shartlariga amal qilinishini yagona elektron axborot tizimi orqali nazorat qilish . 1. Tibbiyot tashkilotlari tomonidan aholiga koʻrsatilayotgan tibbiy xizmatlar sifatini hamda litsenziya talab va shartlariga rioya etilishini elektron axborot tizimi orqali nazorat qilish boʻyicha “Tibbiy xizmatlar sifatini boshqarish” axborot tizimini ishlab chiqish. 2026-yil noyabr Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi, Raqamli texnologiyalar vazirligi Sogʻliqni saqlash vazirligi, Raqamli texnologiyalar vazirligi, Iqtisodiyot va moliya vazirligi, Adliya vazirligi, Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi, Kadastr agentligi, Bojxona qoʻmitasi 2. “Tibbiy xizmatlar sifatini boshqarish” axborot tizimini: (a) barcha tibbiyot tashkilotlari axborot tizimlari hamda boshqa elektron platformalar bilan integratsiya qilish choralarini koʻrish; (b) Yagona interaktiv davlat xizmatlari portali (my.gov.uz), “Litsenziya” axborot tizimi (license.gov.uz), Yagona taʼlim xizmatlari portali (my.edu.uz), Yagona milliy mehnat tizimi (my.mehnat.uz), Raqamli sogʻliqni saqlash platformasi (e-health.uz, dmed.e-health.uz), Davlat kadastrlari yagona tizimi (sap.kadastr.uz, davreyestr.kadastr.uz), “Yagona darcha” bojxona axborot tizimi (singlewindow.uz), Muvofiqlikni baholash va sertifikatlashtirish boʻyicha yagona elektron reyestr ( conformity.uz ), Davlat xaridlari maxsus axborot portali (xarid.uzex.uz), Elektron tender platformasi (etender.uzex.uz) hamda Oʻzbekiston milliy metrologiya institutining axborot tizimiga (e-metrologiya.uz) integratsiya qilish. 2026-yil dekabr 6. Markaz tomonidan litsenziya talab va shartlariga rioya etilishini nazorat qilish mexanizmlarini takomillashtirish . 1. Markaz faoliyatini jahon standartlariga muvofiqlashtirish, belgilangan vazifalarni samarali amalga oshirish uchun xorijiy mutaxassis va ekspertlarni jalb etish. 2026-yil iyun Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi, Iqtisodiyot va moliya vazirligi 2. Markaz tomonidan litsenziya talab va shartlariga rioya etilishini nazorat qilish mexanizmlarini takomillashtirish boʻyicha takliflarni ishlab chiqish va Vazirlar Mahkamasiga kiritish. 2026-yil avgust 7. Markazning faoliyatini samarali tashkil etish . 1. Markaz hamda uning hududiy filiallari faoliyatini zarur moddiy-texnika bazasi, shu jumladan, navbatchi avtotransport vositalari bilan taʼminlash choralarini koʻrish. 2026-yil iyul Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi 2. Markazning tuzilmasini, funksiya va vazifalarini, huquq va majburiyatlarini belgilash boʻyicha nizomni tasdiqlash. Bunda: (a) Markazda korrupsiyaga qarshi kurashish boʻyicha nazorat tizimini tashkil etishni nazarda tutish; (b) Markaz xodimlarini KPI asosida ragʻbatlantiruvchi toʻlovlarni, ularni qayta tayyorlash va malakasini oshirish tartibini belgilash; (v) tibbiyot tashkilotlari faoliyatini monitoring qiluvchi xodimlar uchun munosib ish haqi toʻlovlarini belgilash koʻzda tutiladi. 3. Markaz va uning hududiy filiallarini malakali kadrlar bilan toʻldirish. 2026-yil iyun 8. Markazning hududiy filiallarini zarur joy bilan taʼminlash. Markazning hududiy filiallarini joy bilan taʼminlash va ularni tekin foydalanish huquqi asosida joylashtirish choralarini koʻrish. 2026-yil iyun Amaliy chora-tadbirlar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi 9. Markazning Sogʻliqni saqlashda sifat boʻyicha xalqaro jamiyati (ISQua) tomonidan akkreditatsiyadan oʻtkazilishini taʼminlash . 1. Markazni 2028-yil yakuniga qadar ISQua xalqaro tashkiloti tomonidan akkreditatsiyadan oʻtkazish boʻyicha “yoʻl xaritasi”ni ishlab chiqish va tasdiqlash. Bunda Markazni akkreditatsiyadan oʻtkazish bilan bogʻliq xarajatlar Tibbiyotni rivojlantirish davlat maqsadli jamgʻarmasi mablagʻlari hisobidan qoplanadi. 2026-yil iyul Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi 2. Markazini xalqaro ISQua tashkiloti tomonidan akkreditatsiyadan oʻtkazish. 2026 — 2028-yillar 10. Tibbiy faoliyatni litsenziyalash, akkreditatsiyalash va tibbiyot standartlari boʻyicha mustaqil ekspertlar maktabini yaratish . Tibbiy faoliyatni litsenziyalash, akkreditatsiyalash va tibbiyot standartlari boʻyicha ekspertlar hamda mustaqil ekspertlarni tayyorlash tizimini yaratish. Bunda Markaz xodimlari va tibbiyot tashkilotlari xodimlarini oʻqitish boʻyicha oʻquv dasturlarini tayyorlash, tegishli oʻquv qurollari bilan taʼminlash orqali simulyatsion markazni tashkil etish nazarda tutiladi. 2027-yil aprel Amaliy chora-tadbirlar Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi 11. Tibbiy faoliyatni litsenziyalashda qoʻllanadigan sanitariya qoidalari, normalari va gigiyena normativlarini qayta koʻrib chiqish. Tibbiy faoliyatni litsenziyalashda qoʻllanadigan sanitariya qoidalari, normalari va gigiyena normativlarini qayta koʻrib chiqish doirasida: (a) davolash-profilaktika tashkilotlarining yertoʻlalaridan ilgʻor xavfsizlik usullari va zamonaviy texnologiyalarni qoʻllagan holda keng foydalanish imkonini beruvchi talablarni ishlab chiqish; (b) somatik va terapevtik yoʻnalishlarda bitta koʻrik xonasidan ikki yoki undan ortiq tibbiy ixtisosliklar doirasida oldindan tasdiqlangan grafik boʻyicha foydalanishga ruxsat berish. 2026-yil dekabr Idoraviy normativ-huquqiy hujjat loyihasi Sanitariya-epidemiologik osoyishtalik va jamoat salomatligi qoʻmitasi, Tibbiyot tashkilotlarini litsenziyalash va akkreditatsiyalash markazi 12. Farmakologik va dori vositalari hamda tibbiy jihozlarning klinik tadqiqotlarini oʻtkazish uchun nodavlat tibbiyot tashkilotlariga qoʻyiladigan talab va shartlarni ishlab chiqish. 1. Farmakologik va dori vositalari hamda tibbiy jihozlarning klinik tadqiqotlarini oʻtkazish tartibini qayta qoʻrib chiqish. Bunda quyidagilarni nazarda tutish: (a) nodavlat tibbiyot tashkilotlariga farmakologik va dori vositalari hamda tibbiy jihozlarning klinik tadqiqotlarini oʻtkazishga ruxsat berish; (b) klinik tadqiqotlarni oʻtkazish uchun nodavlat tibbiyot tashkilotlarining klinik bazalarga qoʻyiladigan talab va shartlarni belgilash. 2026-yil avgust Idoraviy normativ-huquqiy hujjat loyihasi Sogʻliqni saqlash vazirligi, Adliya vazirligi 2. Klinik bazalar roʻyxatini shakllantirish. Belgilangan muddatlarda 13. Tibbiy faoliyatni litsenziyalashda qoʻllanadigan qoidalar, normalar va normativlarni takomillashtirish . 1. Nodavlat tibbiyot tashkilotlari tomonidan yuritiladigan birlamchi tibbiy hujjatlarni tasdiqlash va Sogʻliqni saqlash vazirligiga statistika maʼlumotlarini taqdim etish tartibini ishlab chiqish. 2026-yil oktabr Idoraviy normativ-huquqiy hujjat loyihasi Sogʻliqni saqlash vazirligi, Tibbiyot tashkilotlarini litsenziyalash va akkreditatsiyalash markazi, Adliya vazirligi 2. Tibbiy ixtisosliklar turlari nomenklaturasini takomillashtirish. Bunda kosmetologiya yoʻnalishidagi tibbiy xizmatlarni xalqaro tajriba asosida tartibga solish boʻyicha taklifni ishlab chiqish. 2026-yil oktabr 3. Tibbiy ixtisoslashuvning litsenziyalanadigan turlari boʻyicha shifokorlar lavozimini egallashi mumkin boʻlgan tibbiy mutaxassisliklar roʻyxatini qayta koʻrib chiqish va yangi tahrirda tasdiqlash. 2026-yil dekabr 4. Tibbiy xizmatlar reyestrini ishlab chiqib, unda oliy tibbiy maʼlumotga hamda oʻrta tibbiy maʼlumotga ega xodimlar va tibbiy maʼlumotga ega boʻlmagan xodimlar tomonidan ularni qayta tayyorlash orqali amalga oshirilishi mumkin boʻlgan tibbiy xizmatlar roʻyxatini tasdiqlash. 2026-yil dekabr 14. Sogʻliqni saqlash tizimini tashkil etishning yangi modelini joriy qilish doirasida oilaviy poliklinikalar bino-inshootlariga qoʻyiladigan talablarni qayta koʻrib chiqish. 1. Oilaviy poliklinika bino-inshootlarining namunaviy loyihalarini ishlab chiqish va belgilangan tartibda Qurilish va uy-joy kommunal xoʻjaligi vazirligida roʻyxatdan oʻtkazish. 2026-yil iyul Amaliy chora-tadbirlar Qurilish va uy-joy kommunal xoʻjaligi vazirligi, Sogʻliqni saqlash vazirligi 2. Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida oilaviy poliklinika bino-inshootlarining namunaviy loyihalari asosida qurish, rekonstruksiya qilish, mukammal taʼmirlash ishlarini tashkil qilib borish. 2027-yildan boshlab 15. Sogʻliqni saqlash tizimidagi davlat va nodavlat tibbiyot tashkilotlarini bosqichma-bosqich xatlovdan oʻtkazish . 1. Sogʻliqni saqlash tizimidagi davlat va nodavlat tibbiyot tashkilotlarini bosqichma-bosqich xatlovdan oʻtkazish reja-jadvalini hamda vazirlikdagi va idoralararo ishchi guruhlar tarkibini tasdiqlash. 2026-yil may Amaliy chora-tadbirlar Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiyot va moliya vazirligi, Raqamli texnologiyalar vazirligi, Qurilish va uy-joy kommunal xoʻjaligi vazirligi, Qurilish va uy-joy kommunal xoʻjaligi sohasida nazorat qilish inspeksiyasi 2. Sogʻliqni saqlash tizimidagi davlat va nodavlat tibbiyot tashkilotlarini bosqichma-bosqich reja-jadvalga muvofiq xatlovdan oʻtkazib borish. 2026-yil yakuniga qadar 3. Xatlov natijalarini bosqichma-bosqich tahlil qilib borish va tibbiyot muassasalarini tashkil etishni rejalashtirish tizimini isloh qilish boʻyicha takliflarni Oʻzbekiston Respublikasi Prezidenti Administratsiyasiga kiritib borish. Reja-jadvalga muvofiq

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 5-may,

PQ-170-son

(Qonunchilik maʼlumotlari milliy bazasi, 07.05.2026-y., 07/26/170/0459-son)

lex.uz

Президента Республики Узбекистан

Постановление

О дополнительных мерах по повышению качества услуг, оказываемых в сфере медицины

В целях улучшения качества оказываемых населению медицинских услуг, обеспечения эффективного контроля за деятельностью всех медицинских организаций, независимо от формы собственности, на основе единых требований и стандартов, повышения прозрачности системы лицензирования и аккредитации медицинской деятельности, а также поэтапного ее приведения в соответствие международным стандартам постановляю:

I. Цели

1. Определить основными целями повышения качества оказываемых населению медицинских услуг:

(а) приведение более 3 000 государственных медицинских учреждений в соответствие требованиям лицензирования до 2030 года;

(б) установление единых требований ко всем государственным и негосударственным медицинским организациям (далее — медицинские организации);

(в) интеграцию информационных систем медицинских организаций с Платформой цифрового здравоохранения на основе единых требований;

(г) внедрение в процессы оказания медицинских услуг не менее 75 национальных стандартов аккредитации;

(д) внедрение механизмов контроля за оказываемыми медицинскими услугами и их качеством посредством электронной системы;

(ж) повышение качества оказываемых медицинских услуг посредством совершенствования порядков лицензирования и аккредитации деятельности медицинских организаций.

II. Меры по повышению качества медицинских услуг

2. Определить, что с 1 июля 2026 года:

(а) Государственное учреждение «Центр лицензирования и аккредитации медицинских организаций» при Министерстве здравоохранения (далее — Центр) в качестве рабочего органа по лицензированию медицинской деятельности осуществляет от имени Министерства здравоохранения выдачу лицензии и все другие функции, связанные с лицензированием;

(б) налаживание деятельности отдельной структуры по контролю качества медицинских услуг в медицинских организациях определяется в качестве лицензионных требований и условий;

(в) по соблюдению требований и условий лицензирования медицинской деятельности, а также контролю качества медицинских услуг:

(i) вводится порядок уведомления Бизнес-омбудсмана в течение 24 часов после начала проверки посредством регистрации в информационной системе «Единый государственный контроль»;

(ii) на контролирующий орган, проводящий проверку, не распространяются требования касательно непроведения повторной проверки по периоду, предмету и объекту ранее проверенной деятельности;

(iii) проводимые профилактические мероприятия могут осуществляться путем осмотра объектов, принадлежащих субъектам предпринимательства;

(г) полномочие проведения национальной аккредитации медицинских организаций предоставляется также негосударственным некоммерческим организациям в сфере медицины, аккредитация которых проведена в установленном порядке.

3. Установить порядок, в соответствии с которым:

(а) внедряется система контроля за соблюдением государственными медицинскими учреждениями лицензионных требований и условий путем выдачи им лицензии. При этом определяется обязательным получение лицензии в следующие сроки:

(i) государственными медицинскими учреждениями республиканского уровня — до 1 апреля 2027 года;

(ii) государственными медицинскими учреждениями территориального уровня — до конца 2028 года;

(iii) государственными медицинскими учреждениями районного (городского) уровня — до конца 2030 года;

(б) с 1 апреля 2028 года Фонду государственного медицинского страхования запрещается заключать договор на закупку медицинских услуг с государственными медицинскими учреждениями республиканского уровня и негосударственными медицинскими организациями, не прошедшими национальную аккредитацию или аккредитацию организаций, которые прошли аккредитацию Международного общества по качеству в здравоохранении (ISQua) (далее — международная аккредитация);

(в) медицинские организации, прошедшие международную аккредитацию, представляют в Центр сведения о процессах аккредитации (внешней оценке и результатах проведенной инспекции) на регулярной основе;

(г) срок действия лицензии медицинской организации, прошедшей национальную или международную аккредитацию, продлевается лицензирующим органом в автоматическом порядке согласно сроку действия национальной или международной аккредитации.

III. Внедрение медицинской информационной системы на основе единых требований

4. Определить, что начиная с 1 апреля 2027 года:

(а) при лицензировании медицинской деятельности вводятся условия обеспечения обмена данными путем бесплатной интеграции в обязательном порядке информационных систем медицинских организаций с Платформой цифрового здравоохранения с приведением их в соответствие единым требованиям (стандартам), устанавливаемым Министерством здравоохранения;

(б) внедряется контроль за качеством медицинских услуг, оказываемых населению медицинскими организациями, а также соблюдением лицензионных требований и условий путем дистанционной оценки Центром в информационной системе.

5. Министерству здравоохранения совместно с Министерством цифровых технологий в трехмесячный срок:

(а) утвердить единые требования (стандарты), предъявляемые к информационным системам всех медицинских организаций;

(б) создать и обеспечить постоянное обновление базы данных с возможностью доступа к электронной форме стандартов диагностики и лечения, а также клинических протоколов.

IV. Эффективная организация деятельности Центра

6. Министерству здравоохранения до конца 2028 года обеспечить проведение аккредитации Центра международной организацией «Международное общество по качеству в здравоохранении» (ISQua).

7. Министерству здравоохранения согласно обоснованным расчетам Центра для эффективной организации деятельности Центра, разработки информационной системы по контролю за деятельностью медицинских организаций, подготовки кадров, привлечения зарубежных специалистов выделить Центру 20 миллиардов сумов за счет средств, выделенных министерству из Государственного бюджета в 2026 году.

8. Министерству здравоохранения в целях подготовки кадров на основе международных стандартов по аккредитации и лицензированию организовать в 2026-2027 годах за счет средств Государственного целевого фонда развития медицины и посредством программ целевых стажировок Фонда «Эл-юрт умиди» повышение квалификации в международных организациях аккредитации 20 работников Центра, а также 5 работников негосударственных некоммерческих организаций, осуществляющих деятельность в сфере медицины, желающих заниматься проведением аккредитации медицинских организаций и представивших свою программу.

9. Предоставить Центру на безвозмездной основе первый, второй и третий этажи с общей площадью использования 2 000 квадратных метров здания Центра развития профессиональной квалификации медицинских работников, расположенного по адресу: город Ташкент, Мирзо-Улугбекский район, улица Паркентская, дом 51, на праве оперативного управления.

10. Предоставить Центру право на привлечение квалифицированных экспертов, включая зарубежных специалистов, а также закуп экспертных и аналитических услуг посредством закупочной процедуры «запрос предложений» для приведения своей деятельности в соответствие с международными стандартами, эффективного выполнения намеченных задач.

V. Организация, обеспечение и контроль исполнения постановления

11. Утвердить План мер по повышению качества услуг, оказываемых в сфере медицины, согласно приложению * .

12. Министерству здравоохранения в трехмесячный срок внести в Кабинет Министров проект постановления, предусматривающий обновленные требования и условия лицензирования медицинской деятельности. При этом предусмотреть усиление контроля за безопасностью пациента и соблюдением клинических протоколов, а также внедрение систематизированного порядка для соискателей лицензии.

13. Министерству строительства и жилищно-коммунального хозяйства:

(а) совместно с Агентством по развитию медицины и фармацевтической отрасли, Комитетом санитарно-эпидемиологического благополучия и общественного здоровья, Министерством здравоохранения в трехмесячный срок создать рабочую группу с привлечением зарубежных консультантов, а также пересмотреть градостроительные и санитарные нормы и правила по проектированию, строительству и сдаче в эксплуатацию медицинских организаций, принять меры по их взаимной гармонизации и приведению в соответствие международным требованиям;

(б) совместно с Министерством юстиции, Комитетом санитарно-эпидемиологического благополучия и общественного здоровья, а также другими заинтересованными министерствами и ведомствами в трехмесячный срок внести в Кабинет Министров предложения, предусматривающие внедрение механизмов, направленных на обеспечение строгого соблюдения градостроительных и санитарных норм и правил по проектированию, строительству и сдаче в эксплуатацию медицинских организаций, а также повышение ответственности государственных организаций при проведении экспертизы проектной документации.

14. Министерству здравоохранения совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

15. Возложить на министра здравоохранения Э.Э. Адилова персональную ответственность за эффективную организацию исполнения настоящего постановления.

16. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

5 мая 2026 г.,

№ ПП-170

(Национальная база данных законодательства, 07.05.2026 г., № 07/26/170/0459)

lex.uz