UzbekAI

Ўзбекистон Республикаси Президентининг

Фармони

АСОСИЙ ВАЗИФАЛАРИ

РЎЙХАТИ

ДАСТУРИ

ТАШКИЛИЙ ТУЗИЛМАСИ

ТАШКИЛИЙ ТУЗИЛМАСИ

ТАШКИЛИЙ ТУЗИЛМАСИ

ТАРКИБИ

Тўловга қобилиятсизлик институтини янада такомиллаштириш чора-тадбирлари тўғрисида

Тадбиркорлик фаолиятини барқарор ривожлантириш, судгача санация амалиётини кенгайтириш, иқтисодий жиҳатдан ҳаётий муҳим корхоналарни қўллаб-қувватлаш, шунингдек, тўловга қобилиятсизлик соҳасида замонавий, шаффоф ва рақамлаштирилган бошқарув тизимини жорий этиш ҳамда давлат бошқаруви самарадорлигини ошириш мақсадида қарор қиламан:

I. Мақсадлар

1. Қуйидагилар тўловга қобилиятсизлик соҳасини ривожлантиришнинг асосий мақсадлари этиб белгилансин:

(а) тўловга қобилиятсизлик соҳасида давлат бошқаруви ва ҳуқуқий тартибга солиш самарадорлигини ошириш;

(б) судгача санация механизмларини кенгайтириш орқали санация чора-тадбирларининг камида 20 фоизининг босқичма-босқич суд органларига мурожаат қилмасдан амалга оширилишини таъминлаш;

(в) тўловга қобилиятсизлик тартиб-таомилларини соддалаштириш ва рақамлаштириш орқали уларнинг ўртача давомийлигини 2028 йил 1 январга қадар камида 30 фоизга қисқартириш;

(г) суд бошқарувчилари фаолиятини тартибга солиш тизимини ислоҳ қилиш ва самарадорлигини ошириш орқали уларнинг сонини босқичма-босқич 2 баробарга кўпайтириш.

II. Тўловга қобилиятсизлик соҳасида давлат бошқарувини такомиллаштириш

2. Ўзбекистон Республикаси Адлия вазирлиги ҳузурида Тўловга қобилиятсизлик ишлари агентлиги (кейинги ўринларда — Агентлик) ҳамда унинг ҳудудий бўлимлари ташкил этилсин.

3. Агентлик:

(а) Адлия вазирлиги ҳузуридаги республика ижро этувчи ҳокимият органи;

(б) тўловга қобилиятсизлик соҳасида ягона давлат сиёсатини юритишга масъул бўлган махсус ваколатли давлат органи этиб белгилансин.

4. Қуйидагилар Агентликнинг тўловга қобилиятсизлик соҳасидаги асосий вазифалари этиб белгилансин:

(а) тўловга қобилиятсизлик соҳасида давлат сиёсатини амалга ошириш, шу жумладан, ушбу соҳани назорат қилиш ва тартибга солиш;

(б) тўловга қобилиятсизлик соҳасида давлат органлари ва ташкилотлари фаолиятини мувофиқлаштириш;

(в) тўловга қобилиятсизлик жараёнларини тўлиқ рақамлаштириш, ортиқча бюрократик тартиб-таомилларни соддалаштириш;

(г) тўловга қобилиятсизлик тартиб-таомилларини, шунингдек, иқтисодий ночор жисмоний ва юридик шахсларни молиявий соғломлаштириш чора-тадбирларини амалга ошириш учун зарур шарт-шароитларни яратишга кўмаклашиш;

(д) жисмоний шахсларнинг тўловга қобилиятсизлиги ҳисоби ва таҳлилини юритиш;

(ж) суд бошқарувчиларига малака аттестатини бериш, фаолияти ташкил этилишини таъминлаш ва улар фаолиятини назорат қилиш.

III. Суд бошқарувчилари фаолияти самарадорлигини ошириш

5. Адлия вазирлиги ҳамда Ўзбекистон суд бошқарувчилари ассоциациясининг Ўзбекистон суд бошқарувчилари ассоциацияси негизида барча суд бошқарувчилари аъзолигига асосланган, 1-иловада белгиланган асосий вазифаларни амалга оширувчи Ўзбекистон Суд бошқарувчилари палатасини (кейинги ўринларда — Суд бошқарувчилари палатаси) ташкил этиш тўғрисидаги таклифи маъқуллансин.

6. Белгилансинки, Суд бошқарувчилари палатаси:

(а) юридик шахс мақомига эга нотижорат ташкилот ҳисобланиб, ўзининг Қорақалпоғистон Республикаси, вилоятлар ва Тошкент шаҳрида тузиладиган ҳудудий тузилмалари билан биргаликда суд бошқарувчиларини бирлаштирувчи ягона ўзини ўзи бошқариш тизимини ташкил этади;

(б) суд бошқарувчиларининг қонун ҳужжатларига мувофиқ амалга ошириладиган фаолиятига аралашмаслик принципи асосида иш юритади;

(в) суд бошқарувчиларининг кириш ва аъзолик бадаллари ҳамда қонун ҳужжатларида тақиқланмаган бошқа маблағлар ҳисобидан молиялаштирилади;

(г) Ўзбекистон Суд бошқарувчилари ассоциациясининг ҳуқуқ ва мажбуриятлари бўйича ҳуқуқий вориси ҳисобланади.

7. 2026 йил 1 июлдан бошлаб:

(а) Суд бошқарувчилари палатаси, Юридик кадрларни қайта тайёрлаш ва малакасини ошириш институти ҳамда қонунчиликда белгиланган талабларга жавоб берадиган бошқа таълим муассасаларига суд бошқарувчиларини тайёрлаш ҳуқуқи берилади;

(б) суд бошқарувчиларини тайёрлаш бўйича ўқув курслари Суд бошқарувчилари палатаси томонидан Агентлик билан келишилган ҳолда тасдиқланадиган намунавий ўқув дастурлари асосида амалга оширилади;

(в) Суд бошқарувчилари палатасига суд бошқарувчисининг палатага аъзолигини тўхтатиш ёки аъзоликдан чиқариш тўғрисида қарор қабул қилиш ва шу муносабат билан уни ўз вазифасини бажаришдан озод қилиш ҳақида судга мурожаат этиш ҳуқуқи берилади;

(г) суд бошқарувчиси ўз зиммасига юклатилган вазифаларни бажармаган ёки лозим даражада бажармаган тақдирда, суд кредиторлар йиғилишининг қарорига асосан суд бошқарувчисига тўланадиган ҳақ миқдорини камайтиришга ҳақли;

(д) санация қилувчи бошқарувчиликка номзод кредиторлар йиғилиши (қўмитаси) ёки Агентлик томонидан тақдим этилмаганда, санация қилувчи бошқарувчи Суд бошқарувчилари палатаси томонидан махсус электрон тизим орқали танланган номзодлар орасидан суд томонидан тайинланиши мумкин.

8. Суд бошқарувчилари палатасига қуйидагилар тавсия этилсин:

(а) суд бошқарувчиларининг касбий одоб-ахлоқ қоидаларини ишлаб чиқиш ва тасдиқлаш;

(б) суд бошқарувчилари фаолиятини ҳар йили тузиладиган рейтинг асосида баҳолаш, улар томонидан касбий одоб-ахлоқ қоидаларига риоя этилишини мониторинг қилиш;

(в) ҳар икки йилда камида бир марта суд бошқарувчилари малакасини оширишни ташкил этиш.

9. Шундай тартиб ўрнатилсинки, унга мувофиқ:

(а) суд бошқарувчиларига тўланадиган ҳақ миқдори базавий ва натижага (KPI) боғлиқ қисмларга ажратилади, бунда натижага боғлиқ ҳақ, шу жумладан, санация режасида белгиланган кўрсаткичларга эришиш даражасидан келиб чиқиб тўланади;

(б) суд бошқарувчиларини тайёрлаш, қайта тайёрлаш, улар фаолиятини ташкил этиш ва назорат қилиш тизими мутлақо янги ёндашувлар асосида йўлга қўйилади, бунда:

(i) 2027 йил 1 июлга қадар барча суд бошқарувчилари махсус ўқув дастурлари асосида малака ошириш курсларида қайта тайёрланади;

(ii) Агентлик томонидан Суд бошқарувчилари палатаси билан биргаликда суд бошқарувчилари фаолияти, малакаси ва рейтинг кўрсаткичлари таҳлил қилинади, натижаларига кўра юқори малакали суд бошқарувчилари корпусини шакллантириш мақсадида уларнинг тоифаларига қўйиладиган талаблар қайта кўриб чиқилади;

(iii) суд бошқарувчиси сифатида фаолият юритиш учун иқтисодиёт, менежмент, бухгалтерия соҳасида ва юридик соҳадаги юқори малакали мутахассислар, шу жумладан, тегишли лицензияга эга бўлган адвокатларни жалб этиш механизмлари яратилади;

(iv) Агентлик суд бошқарувчилари иш фаолиятини ташкил этишнинг ягона тартибини белгилайди, унда, шу жумладан, тўловга қобилиятсизликка оид ишлар бўйича суд бошқарувчисини автоматлаштирилган ҳолда махсус электрон тизим орқали инсон омилисиз ва тасодифий тарзда танлаш тартиби, улар фаолияти устидан мониторинг ва назорат механизмлари, шунингдек, қонунбузилишларга йўл қўйган суд бошқарувчиларига нисбатан интизомий ва малака аттестатининг амал қилишини бекор қилишгача бўлган таъсир чораларини қўллаш мезонлари назарда тутилади;

(в) суд бошқарувчисини тайинлашда Агентлик томонидан белгиланадиган суд бошқарувчилари иш юкламасининг йўл қўйиладиган нормалари инобатга олинади.

IV. Судгача санация тизимини такомиллаштириш ҳамда молиявий қўллаб-қувватлаш воситаларини кенгайтириш

10. Белгилансинки, 2026 йил 1 сентябрдан бошлаб:

(а) судгача санация даврида банклар (кредиторлар) қарздор билан тузилган келишувга асосан келишувда белгиланган муддатга ва фаолиятини тиклашга қаратилган санация режасини бажариш шарти билан кредитлар бўйича фоизларни ҳисоблаш ва (ёки) тўлашни тўхтатиб туриши, кейинчалик санация режасига мувофиқ реструктуризация қилиши ёхуд кредитни реструктуризация қилишнинг бошқа чораларини кўриши мумкин;

(б) суд санацияси даврида санация режасига мувофиқ ва кредиторлар йиғилиши (қўмитаси) розилиги билан суд ажрими асосида қарздорнинг кредитлар бўйича фоизларини ҳисоблаш ва (ёки) тўлаш тўхтатиб турилиши, кейинчалик эса санация режасида белгиланган тартибда реструктуризация қилиниши ёхуд кредитни реструктуризация қилишнинг бошқа чоралари кўрилиши мумкин;

(в) халқ депутатлари туман (шаҳар) кенгашлари томонидан сув ресурсларидан фойдаланганлик учун солиқ, мол-мулк солиғи, ер солиғи ҳамда айланмадан олинадиган солиқларни, шу жумладан, ушбу солиқлар бўйича солиқ текширувлари асосида қўшимча ҳисобланган солиқ ва молиявий санкцияларни тўлашни белгиланган тартибда кечиктириш ёки бўлиб-бўлиб тўлаш имконияти берилади, бундан қонунчилик ҳужжатларида назарда тутилган ҳолатлар мустасно;

(г) солиқларни тўлашни кечиктириш ёки бўлиб-бўлиб тўлашда гаров мулки, банк кафолати ёхуд суғурта полиси тақдим этилганда, молиявий ҳолати ва истисно этувчи ҳолатлар мавжудлигидан қатъи назар, солиқ органлари томонидан солиқларни тўлашни кечиктириш ёки бўлиб-бўлиб тўлаш имконияти берилади;

(д) солиқ органларига солиқ тўлашни кечиктириш ёки бўлиб-бўлиб тўлаш тўғрисидаги аризалар Солиқ органларининг электрон давлат хизматлари портали орқали тақдим этилади ҳамда уларни кўриб чиқиш муддати 30 кундан 20 кунга қисқартирилади.

11. Иқтисодиёт ва молия вазирлиги Адлия вазирлиги, Марказий банк ҳамда Давлат активларини бошқариш агентлиги билан биргаликда 2026 йил 1 июлга қадар судгача санация ва суд санацияси тартиб-таомилларини қўллаш доирасида кичик ва ўрта тадбиркорлик субъектларини молиявий қўллаб-қувватлаш воситаларини жорий этсин. Бунда қуйидагилар назарда тутилсин:

(а) тадбиркорликни ривожлантириш ва қўллаб-қувватлаш бўйича мавжуд институтлар ва механизмлардан фойдаланган ҳолда:

(i) тижорат банклари, микромолия ташкилотлари томонидан миллий ва хорижий валютада ажратиладиган кредит, банк кафолати ва аккредитивларга кафолат (кафиллик) бериш;

(ii) тижорат банкларига Марказий банк асосий ставкасидан паст ставкада кредит муддатига мос равишда имтиёзли ресурслар жойлаштириш ҳамда ушбу кредит ресурслари ҳисобидан тадбиркорлик субъектларига кредит ажратиш;

(б) ушбу банднинг «а» кичик бандида назарда тутилган молиявий қўллаб-қувватлаш воситаларини давлат томонидан ёрдам кўрсатган ҳолда судгача санация қилиш чора-тадбирлари қаторига қўшиш;

(в) молиявий қўллаб-қувватлаш воситаларини тақдим этишнинг шаффофлигини таъминлаш ва аниқ механизмларини белгилаш, шунингдек, биринчи навбатда, иш ўринларини сақлаб қолиш ҳамда 4 ва 5-тоифадаги туман (шаҳар)ларда фаолият юритадиган тадбиркорлик субъектларини қўллаб-қувватлашни инобатга олиш.

12. Шундай тартиб ўрнатилсинки, унга мувофиқ кредиторларнинг чет эл валютасида ифодаланган талабларини кредиторларнинг талаблари реестрига киритишда, агар шартномада бошқача тартиб белгиланган бўлмаса, тўловга қобилиятсизлик тўғрисидаги иш бўйича қўлланадиган ҳар бир тартиб-таомил киритилаётган санадаги Марказий банк томонидан белгиланган курс бўйича миллий валютада ҳисобга олинади.

V. Тўловга қобилиятсизлик жараёнларини рақамлаштириш

13. Адлия вазирлиги, Иқтисодиёт ва молия вазирлиги ҳамда Давлат активларини бошқариш агентлигининг 2026 йил 1 декабрдан бошлаб тўловга қобилиятсизлик жараёнларини онлайн мониторинг қилиш имконини берадиган Тўловга қобилиятсизлик ишларини юритишнинг ягона электрон платформасини (кейинги ўринларда — Ягона электрон платформа) ишга тушириш тўғрисидаги таклифи маъқуллансин.

14. Белгилансинки:

(а) Ягона электрон платформа «Тўловга қобилиятсизлик тўғрисида»ги Қонунда эълон қилиниши белгиланган маълумотлар мажбурий эълон қилинадиган расмий манба ҳисобланади;

(б) тўловга қобилиятсизликка оид қуйидаги жараёнлар босқичма-босқич рақамлаштирилиб, Ягона электрон платформа орқали амалга оширилади:

(i) тўловга қобилиятсизлик тўғрисида иш қўзғатилган, тўловга қобилиятсизлик тартиб-таомиллари амалга оширилаётган (кузатув, санация, ташқи бошқарув, тугатиш ва бошқалар) юридик ва жисмоний шахсларнинг очиқ электрон реестрини юритиш;

(ii) судгача санация жорий қилинган юридик шахслар реестрини юритиш ва улар тўғрисидаги маълумотларни эълон қилиш;

(iii) суддан ташқари тўловга қобилиятсизлик тартиб-таомилларини тўлиқ рақамлаштириш, шу жумладан, ундирув қаратилиши мумкин бўлган мол-мулки ёки даромадлари мавжуд эмаслиги боис ижро ҳужжатлари ундирувчига қайтарилган қарздорлар тўғрисидаги маълумотларни шакллантириш ва улар бўйича суддан ташқари тўловга қобилиятсизлик тартиб-таомилларини қўллаш масаласини ҳал этиш;

(iv) тўловга қобилиятсизлик соҳасида судлар, тегишли давлат органлари ва ташкилотлари билан ўзаро маълумот алмашиш, уларнинг маълумотлар базаларидан фойдаланишни таъминлаш мақсадида Ягона электрон платформани ушбу идораларнинг ахборот тизимлари билан интеграция қилиш;

(v) суд бошқарувчиларининг ҳамда суд бошқарувчиларини тайёрлаш курсларини тугатган номзодларнинг реестрини юритиш;

(vi) суд бошқарувчиларининг рейтинг кўрсаткичларини шакллантириш ва эълон қилиш;

(vii) кредиторларнинг йиғилиши ёки кредиторлар қўмитасининг йиғилишида масофадан туриб иштирок этиш ва овоз бериш ҳамда йиғилиш баёнларини электрон равишда расмийлаштириш имкониятини берадиган электрон тизимни жорий этиш;

(viii) тўловга қобилиятсизлик тартиб-таомилларига оид бошқа муҳим маълумотлар (кредиторлар талаблари реестрлари, суд бошқарувчиси ҳисоботлари, санация ва ташқи бошқарув режалари ҳамда бошқалар) Ягона электрон платформада жойлаштириб борилишини босқичма-босқич жорий этиш;

(ix) тўловга қобилиятсизлик тартиб-таомиллари доирасидаги бошқа жараёнлар.

VI. Ташкилий чора-тадбирлар

15. Адлия вазирлиги Рақамли технологиялар вазирлиги, Иқтисодиёт ва молия вазирлиги ҳамда манфаатдор вазирлик ва идоралар билан биргаликда 2026 йил 1 декабрга қадар Ягона электрон платформанинг ишга туширилишини ҳамда дастлабки босқичда 2-иловада келтирилган ахборот тизимлари ва маълумотлар базалари билан интеграция қилинишини таъминласин.

16. Тўловга қобилиятсизлик соҳасини ривожлантириш бўйича чора-тадбирлар дастури 3-иловага мувофиқ тасдиқлансин.

17. Адлия вазирлиги ҳар чоракда юзага келаётган тўловга қобилиятсизлик ҳолатларини соҳалар кесимида таҳлил қилсин, банкротликка олиб келаётган асосий омил ва муаммоларнинг келиб чиқиш сабабларини аниқласин ҳамда уларни бартараф этишга қаратилган таклифларни Ўзбекистон Республикаси Президенти Администрацияси ва Вазирлар Маҳкамасига киритиб борсин.

VII. Фармон ижросини ташкил қилиш, таъминлаш ва назорат

18. Ўзбекистон Республикаси Президентининг айрим ҳужжатларига 4-иловага мувофиқ ўзгартириш ва қўшимчалар киритилсин.

19. Адлия вазирлиги вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

20. Мазкур Фармоннинг ижросини самарали ташкил этишга масъул ва шахсан жавобгар этиб адлия вазири А.Д. Ташкулов белгилансин.

21. Фармон ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаменти бошлиғи А.Б. Самадов зиммасига юклансин.

Ўзбекистон Республикаси Президентининг 2026 йил 6 майдаги ПФ-78-сон Фармонига 1-ИЛОВА

Ўзбекистон Суд бошқарувчилари палатасининг

1. Суд бошқарувчилари фаолиятини мувофиқлаштириб бориш, қонун ҳужжатлари ва ҳуқуқни қўллаш амалиётини такомиллаштириш ҳамда қонун ҳужжатларининг бир хилда қўлланилишини таъминлашга доир таклифлар ишлаб чиқиш.

2. Суд бошқарувчиларининг касбий тайёргарлиги ва малакаси оширилишини ташкил этиш.

3. Ягона бошқарув амалиётини таъминлаш чораларини кўриш, суд бошқарувчилари фаолияти тўғрисидаги статистик маълумотларни тўплаш ва ўрганиш, ижобий иш тажрибасини оммалаштириш ҳамда суд бошқарувчиларига услубий ёрдам кўрсатиш.

4. Суд бошқарувчилари фаолиятини тартибга солувчи норматив-ҳуқуқий ҳужжатлар лойиҳаларини ишлаб чиқишда иштирок этиш, улар бўйича таклифлар тайёрлаш.

5. Давлат органлари, бошқа ташкилотлар билан муносабатларда, судда ва бошқа ҳолларда суд бошқарувчиларининг ҳуқуқлари ва қонуний манфаатларини ифодалаш ҳамда ҳимоя қилиш.

6. Суд бошқарувчилари томонидан касб этикаси қоидалари ва касб мажбуриятларига риоя этилиши устидан мониторингни амалга ошириш ҳамда уларнинг касбига лойиқлиги масаласини кўриб чиқиш ҳақида Адлия вазирлиги ҳузуридаги Тўловга қобилиятсизлик ишлари агентлигига таклиф киритиш.

Ўзбекистон Республикаси Президентининг 2026 йил 6 майдаги ПФ-78-сон Фармонига 2-ИЛОВА

Тўловга қобилиятсизлик ишларини юритишнинг ягона электрон платформасига интеграция қилинадиган ахборот тизимлари

Т/р Ахборот тизимларидан олинадиган маълумот Вазирлик ва идора 1. 1) Тўловга қобилиятсизлик тартиб-таомиллари доирасида суд томонидан қабул қилинган қарорлар ва ажримлар, шу жумладан, тўловга қобилиятсизлик тўғрисида иш қўзғатиш, кузатув, суд санацияси, ташқи бошқарув тартиб-таомилларини жорий этиш, тўловга қобилиятсизлик тўғрисидаги иш юритишни тугатиш, суд бошқарувчисини тайинлаш, алмаштириш ёки вазифасидан озод қилиш тўғрисида чиқарилган ажримлар ҳақида, қарздор юридик шахсни банкрот деб топиш ва тугатишга доир иш юритишни бошлаш тўғрисида қарорлар ва бошқа суд ҳужжатлари; 2) тўловга қобилиятсизлик тўғрисидаги иш доирасида ва бундай ишлар доирасидан ташқарида кўрилган субсидиар жавобгарликка тортиш тўғрисидаги аризаларни кўриб чиқиш натижалари ва қабул қилинган суд ҳужжатлари тўғрисидаги маълумотлар; 3) тўловга қобилиятсизлик тўғрисидаги иш доирасида битимларни ҳақиқий эмас деб топиш тўғрисидаги аризаларни кўриб чиқиш натижалари ва қабул қилинган қарорлар тўғрисидаги маълумотлар. Олий суд 2. Юридик ва жисмоний шахсларга тегишли автомототранспорт воситалари тўғрисидаги маълумотлар. Ички ишлар вазирлиги 3. Давлат рўйхатидан ўтказиш рақами, сана, ой, йил, ташкилий-ҳуқуқий шакли ва мулкчилик шакли, муассислар таркиби ва улар тўғрисидаги маълумотлар (жисмоний шахслар бўйича — исми, фамилияси, паспорт маълумотлари, яшаш жойи ва бошқалар, юридик шахслар бўйича — номи, давлат рўйхатидан ўтказилганлиги тўғрисидаги маълумотлар, жойлашган жой манзили ва бошқалар), шунингдек, уларнинг давлат реестридан чиқарилган санаси ва реестр рақами, устав фондининг миқдори, муассисларнинг устав фондидаги улушлари (ҳиссалари), кўчар мулкларда лизинг мажбуриятлари, тақиқ ёки бошқа чекловлар, мажбуриятлар рўйхатдан ўтказилганлиги тўғрисидаги маълумотлар. Адлия вазирлиги 4. Хизматчиларнинг асосий лавозимлари ва ишчи касблари классификатори. Камбағалликни қисқартириш ва бандлик вазирлиги 5. Тўловга қобилиятсизлик тўғрисида иш қўзғатилган юридик ва жисмоний шахсларнинг кўчмас мулк объектлари, шу жумладан, уларга нисбатан мулкий ва бошқа ашёвий ҳуқуқлар тўғрисидаги маълумотлар. Кадастр агентлиги 6. 1) Тўловга қобилиятсизлик тўғрисида иш қўзғатиш ҳақида судларга киритилган аризалар тўғрисидаги маълумотлар; 2) божхона расмийлаштирувидаги мол-мулклар, экспорт ва импорт операциялари бўйича қарздорликлар тўғрисида маълумотлар. Божхона қўмитаси 7. 1) Мажбурий ижро органлари иш юритувига келиб тушган ижро ҳужжатлари ҳамда уларни ижро этиш юзасидан амалга оширилган мажбурий ижро ҳаракатлари ва қабул қилинган қарорлар тўғрисидаги батафсил маълумотлар; 2) қарздорнинг тўловга қобилиятсизлиги тўғрисидаги иш қўзғатилиши, кузатув, суд санациясини ёки ташқи бошқарувни жорий этиш ва (ёки) уларнинг муддати узайтирилиши муносабати билан юритуви тўхтатилган ижро ишлари тўғрисидаги маълумотлар; 3) юридик шахсни банкрот деб топиш ва тугатиш тўғрисидаги қарор қабул қилиниши муносабати билан ижро иши юритиш тугатилган ва тугатувчига (молиявий бошқарувчига) юборилган ижро ҳужжатлари бўйича маълумотлар; 4) Мажбуриятлар реестри; 5) «Суд ҳужжатлари ва бошқа органлар ҳужжатларини ижро этиш тўғрисида»ги Қонуннинг 40-моддаси биринчи қисми 2 ва 3-бандларига асосан тамомланган ижро ҳужжатлари бўйича маълумотлар. Мажбурий ижро бюроси 8. 1) Кредит ахборотининг маълумотлар базасидан маълумотлар; 2) Гаров реестридаги маълумотлар; 3) санация ҳисобварақлари ва тугатиш тартиб-таомиллари доирасида очилган ягона ҳисобварақлар тўғрисидаги маълумотлар; 4) молия-хўжалик фаолиятини амалга оширмаётган тадбиркорлик субъектларини давлат реестридан чиқариш тартиб-таомиллари доирасида очилган ҳаракатсиз депозит ҳисобварақлари, шунингдек, ёпилган ҳисобварақлар тўғрисидаги маълумотлар; 5) банкларни санация қилиш, уларни суддан ташқари тугатишга доир маълумотлар. Марказий банк 9. Судгача санация ва суд санацияси тартиб-таомилларини қўллаш доирасида молиявий қўллаб-қувватлаш воситаларини тақдим этиш тўғрисидаги мурожаатлар, уларни кўриб чиқиш натижалари ва тақдим этилган молиявий қўллаб-қувватлаш воситалари тўғрисидаги маълумотлар. «Тадбиркорликни ривожлантириш компанияси» АЖ 10. 1) Жисмоний ва юридик шахсларнинг солиқ мажбуриятларига оид маълумотлар; 2) солиқ қарзини қарздорнинг мол-мулки ҳисобидан ундириш тўғрисида қабул қилинган қарорлар ва судга киритилган аризалар ҳамда уларнинг натижалари тўғрисидаги маълумотлар; 3) солиқ қарзини ундириш тўғрисидаги ижро ҳужжатлари бўйича «Суд ҳужжатлари ва бошқа органлар ҳужжатларини ижро этиш тўғрисида»ги Қонуннинг 40-моддаси биринчи қисми 2 ва 3-бандларига асосан тамомланган ва бу ҳақида солиқ органларини мажбурий ижро органлари томонидан хабардор қилинган ижро ҳужжатлари бўйича маълумотлар; 4) тўловга қобилиятсизлик тўғрисида иш қўзғатиш ҳақида судларга киритилган аризалар тўғрисидаги маълумотлар; 5) солиқ қарзини тўлаш муддатини ўзгартириш тўғрисида берилган аризалар ва уларни кўриб чиқиш натижаларига оид маълумотлар; 6) солиқ қарзини тўлаш муддати ўзгартирилган солиқ тўловчилар ва солиқ тўлаш муддати ўзгартирилган солиқ суммалари тўғрисидаги маълумотлар; 7) солиқ қарзи умидсиз қарз деб эътироф этилган ва ҳисобдан чиқарилган солиқ тўловчилари ҳамда солиқ суммалари тўғрисидаги маълумотлар; 8) тадбиркорлик субъектларини ихтиёрий тугатиш тартиб-таомиллари доирасида уларнинг молия-хўжалик фаолиятини текшириш (тафтиш қилиш)га оид маълумотлар; 9) молия-хўжалик фаолиятини амалга оширмаганлиги муносабати билан солиқ органлари томонидан фаоллик ҳолати фаолият кўрсатмаётган ҳолатга ўзгартирилган, ҳаракатсиз ҳолатга ўтказиш тўғрисида тақдимнома киритилган тижорат ташкилотлари тўғрисидаги маълумотлар, шунингдек молия-хўжалик фаолиятини амалга оширмаётган тадбиркорлик субъектларини давлат реестридан чиқариш тартиб-таомиллари — доирасида солиқ органлари томонидан амалга оширилган ишлар тўғрисидаги маълумотлар. Солиқ қўмитаси 11. Юк кўтариш кранлари. Саноат, радиация ва ядро хавфсизлиги қўмитаси 12. 1) Суд бошқарувчиларини тайёрлаш бўйича махсус курсларда ўқиш ҳамда малакасини ошириш учун талабгорлар томонидан берилган аризалар ва уларни кўриб чиқиш натижалари тўғрисидаги маълумотлар; 2) суд бошқарувчилиги учун ўқиётган талабгорлар ҳамда малака ошираётган суд бошқарувчилари тўғрисидаги маълумотлар; 3) Суд бошқарувчиларини тайёрлаш бўйича ўқув курсини ўтаганлиги тўғрисида гувоҳнома ҳамда суд бошқарувчиси малака оширганлиги ҳақида сертификатлар тўғрисидаги маълумотлар. Бизнес ва тадбиркорлик олий мактаби 13. 1) Давлат иштирокидаги корхоналар молиявий-иқтисодий ҳолати таҳлилини ўтказиш натижалари тўғрисидаги маълумотлар, шу жумладан, тўлов қобилиятини тиклаш имкониятига эга бўлган ва тўлов қобилиятини тиклаш имкониятига эга бўлмаган деб топилган корхоналар тўғрисидаги маълумотлар ҳамда улар бўйича қабул қилинган қарорлар тўғрисидаги маълумотлар; 2) давлат иштирокидаги корхоналарга нисбатан ўтказилган судгача санация қилиш тартиб-таомиллари тўғрисидаги маълумотлар, шунингдек, уларни молиявий соғломлаштириш бўйича «йўл хариталари» — дастурлари ҳамда уларнинг амалга оширилишини мониторинг қилиш натижалари тўғрисидаги маълумотлар; 3) фаолият юритмаётган, паст рентабелли ва зарар кўриб ишлаётган давлат иштирокидаги корхоналарнинг электрон маълумотлар базаси маълумотлари; 4) тўловга қобилиятсизлик тўғрисида иш қўзғатиш ҳақида судга киритилган аризалар, шунингдек, давлат иштирокидаги корхоналарга нисбатан тўловга қобилиятсизлик тартиб-таомиллари доирасида санация ва ташқи бошқарув режаларининг амалга оширилиши юзасидан маълумотлар; 5) тўловга қобилиятсизлик тартиб-таомиллари доирасида суд бошқарувчилари томонидан «E-auksion» савдо платформасида савдога чиқарилган мол-мулклар ва савдо натижалари тўғрисидаги «Электрон онлайн-аукционларни ташкил этиш» АЖ томонидан тақдим этиладиган маълумотлар; 6) давлат мулкини сотиш тўғрисидаги қарор қабул қилинган иқтисодий ночор корхоналар бўйича маълумотлар. Давлат активларини бошқариш агентлиги 14. Қимматли қоғозлар, уларнинг эгалари, уларга бўлган ҳуқуқлар тўғрисидаги маълумотлар. «Қимматли қоғозлар марказий депозитарийси» акциядорлик жамияти

Ўзбекистон Республикаси Президентининг 2026 йил 6 майдаги ПФ-78-сон Фармонига 3-ИЛОВА

Тўловга қобилиятсизлик соҳасини ривожлантириш бўйича чора-тадбирлар

Т/р Чора-тадбирлар номи Амалга ошириш механизмлари Амалга ошириш шакли Ижро муддати Масъул ижрочилар I. Институционал ислоҳотлар орқали ваколат ва бошқарув архитектурасини янада такомиллаштириш 1. Тўловга қобилиятсизлик тизимини ривожлантириш истиқболларини белгилаш . 1. Маҳаллий ва хорижий экспертлар, халқаро ташкилотлар, жумладан, Жаҳон банки тавсия ва таҳлиллари асосида ҳуқуқни қўллаш амалиётида вужудга келган муаммоларни аниқлаш. Амалий чора-тадбирлар 2026 йил сентябрь Адлия вазирлиги (А. Ташкулов), Тўловга қобилиятсизлик ишлари агентлиги, Иқтисодиёт ва молия вазирлиги (И. Норқулов), Солиқ қўмитаси (Ф. Пулатов) 2. Таҳлил натижаларига асосан, Тўловга қобилиятсизлик институтини ривожлантириш концепцияси ҳамда уни амалга ошириш бўйича чора-тадбирлар дастури лойиҳасини ишлаб чиқиб, белгиланган тартибда Ўзбекистон Республикаси Президенти Администрациясига киритиш. Норматив-ҳуқуқий ҳужжат лойиҳаси 2. Тўловга қобилиятсизлик ишларини юритишнинг муқобил ва самарали механизмларини ишлаб чиқиш . 1. Маҳаллий ва хорижий экспертларни жалб қилган ҳолда тўловга қобилиятсизлик ишларини юритиш бўйича жорий қонунчиликни тартибга солиш таъсирини баҳолаш. 2. Натижалари бўйича суддан ташқари муқобил механизмларни, шунингдек, кичик ва ўрта бизнес субъектлари учун тўловга қобилиятсизликнинг соддалаштирилган тартибини жорий этиш юзасидан асослантирилган таклифларни Ўзбекистон Республикаси Президенти Администрациясига киритиш. Норматив-ҳуқуқий ҳужжат лойиҳаси 2026 йил декабрь Адлия вазирлиги (А. Ташкулов), Тўловга қобилиятсизлик ишлари агентлиги, Солиқ қўмитаси (Ф. Пулатов), Иқтисодиёт ва молия вазирлиги (И. Норқулов) 3. Халқаро молия институтлари ва заруратга кўра консалтинг компаниялари кўмагида тўловга қобилиятсизликни ҳал этиш учун замонавий воситаларни амалиётга татбиқ этиш бўйича таклифларни ишлаб чиқиб Вазирлар Маҳкамасига киритиш. Мезонин облигациялар (Mezzanine Financing, Mezzanine Bonds), қарзни капиталга айлантириш, айирбошланадиган облигациялар, кредиторларнинг ундирувни вақтинча тўхтатиб туриш тўғрисидаги келишуви, қайта ташкил этиш режаси судга ариза беришдан олдин келишиш (pre-packaged restructuring), қайта ташкил этиш жараёнида янги молиялаштириш (Debtor-in-Possession Financing)ни жорий этиш юзасидан таклифларни ишлаб чиқиб, Вазирлар Маҳкамасига киритиш. Амалий чора-тадбирлар 2027 йил май Тўловга қобилиятсизлик ишлари агентлиги Адлия вазирлиги (А. Ташкулов), Иқтисодиёт ва молия вазирлиги (И. Норқулов), манфаатдор вазирлик ва идоралар 4. Тўловга қобилиятсизлик соҳасида судьяларнинг билим ва кўникмаларини мустаҳкамлаш . Тўловга қобилиятсизликка оид ишлар бўйича судьяларнинг малакасини оширишга қаратилган ўқитишлар ташкил этиш. Шу жумладан, судьялар учун тўловга қобилиятсизлик соҳасида халқаро тажриба, умумбелгиланган қоидалар мавзусида онлайн ўқув дастури асосида қисқа муддатли малака ошириш курсларини ташкил этиш. Амалий чора-тадбирлар Доимий Судьялар олий кенгаши (Х. Ёдгоров) Тўловга қобилиятсизлик ишлари агентлиги 5. Тўловга қобилиятсизликка оид ишларни кўриб чиқиш бўйича суд амалиётини умумлаштириш. Тўловга қобилиятсизликка оид ишларни судларда кўриб чиқиш бўйича суд амалиётини умумлаштириб бориш ва умумлаштириш натижаларини махсус ваколатли орган иштирокида муҳокама қилиш. Амалий чора-тадбирлар Ҳар йили Олий суд (Б. Исламов) 6. Тўловга қобилиятсизликка оид ишларни судларда кўриш сифати ва самарадорлигини ошириш мақсадида, илғор хорижий тажрибадан келиб чиқиб, судьяларни ихтисослаштириш. Тўловга қобилиятсизликка оид ишларни иқтисодий судларда кўриш тенденцияси ва судьяларнинг иш юкламасини таҳлил қилиш, таҳлил натижаларига кўра, туманлараро, туман (шаҳар) иқтисодий судларида ҳамда Қорақалпоғистон Республикаси, вилоятлар ва Тошкент шаҳар умумюрисдикция судларида тўловга қобилиятсизликка оид ишларни кўрадиган судьяларни жорий этиш (судьяларни ихтисослаштириш), шунингдек, зарурат бўлганда, тўловга қобилиятсизликка оид ишлар бўйича алоҳида судлов ҳайъатларини ташкил этиш масаласини ўрганиб чиқиш ва тегишли таклифлар киритиш. Таҳлилий маълумотлар ҳамда норматив-ҳуқуқий ҳужжат лойиҳаси 2027 йил февраль Олий суд (Б. Исламов), Судьялар олий кенгаши, (Х. Ёдгоров), Тўловга қобилиятсизлик ишлари агентлиги 7. Жиноят ишини юритиш доирасида мол-мулкни ташқи бошқарувга бериш тартибини жорий этиш . Лойиҳада қуйидагилар назарда тутилади: (а) жиноят ишларини юритиш доирасида мол-мулкни суд бошқарувчисига ёки ихтисослаштирилган ташкилотга сақлаш ва вақтинчалик бошқариш учун бериш мумкин бўлган ҳолатлар, шу жумладан, бундай мол-мулк (мулкий комплекслар ва бошқа активлар)нинг минимал қийматига доир чекловлар; (б) жиноят ишини юритишга масъул давлат органлари ва мансабдор шахсларнинг жиноят иши доирасида мол-мулкни ташқи бошқарувга бериш борасидаги масъулияти; (в) суд бошқарувчисини тайинлаш (ихтисослаштирилган ташкилотни танлаш) ҳамда мол-мулкни сақлаш ва вақтинчалик бошқариш учун топшириш-қабул қилиш тартиби; (г) жиноят иши доирасида мол-мулкни вақтинчалик бошқаришнинг ўзига хос хусусиятлари, шу жумладан, белгиланадиган чекловлар; (д) мол-мулкларни вақтинчалик бошқариш мобайнида олинган даромадларни махсус ҳисобварақда жамлаш, уларни тасарруф этиш, шу жумладан, ҳукмнинг мулкий ундирувга оид қисмини ижро этишга қаратиш тартиби; (ж) суд бошқарувчиси ёки ихтисослаштирилган ташкилот фаолиятини назорат қилиш механизмлари. Норматив-ҳуқуқий ҳужжат лойиҳаси 2027 йил сентябрь Адлия вазирлиги (А. Ташкулов), Бош прокуратура (Н. Йўлдошев) , Олий суд (Б. Исламов) , Тўловга қобилиятсизлик ишлари агентлиги, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил (А. Буриев) , Савдо-саноат палатаси (Д. Вахабов) , манфаатдор вазирлик ва идоралар 8. Тўловга қобилиятсизлик масалалари бўйича идоралараро электрон ахборот алмашинувини йўлга қўйиш . Тўловга қобилиятсизлик масалалари бўйича ягона ахборот тизимини вазирлик ва идораларининг ахборот тизимлари билан интеграция қилиш бўйича ташкилий-ҳуқуқий тадбирлар ҳамда алмашинадиган ахборотлар таркиби ва тартиби белгилаш. Норматив-ҳуқуқий ҳужжат лойиҳаси 2026 йил ноябрь Адлия вазирлиги (А. Ташкулов), Рақамли технологиялар вазирлиги (Ш. Шерматов), Олий суд (Б. Исламов), Бош прокуратура (Н. Йўлдошев), Солиқ қўмитаси (Ф. Пулатов), Давлат активларини бошқариш агентлиги (С. Муродов), Марказий банк (Т. Ишметов), Иқтисодиёт ва молия вазирлиги (И. Норқулов), Ички ишлар вазирлиги (А. Ташпулатов), Миллий статистика қўмитаси (Б. Ҳамраев), Ижтимоий ҳимоя миллий агентлиги (М. Оллоёров), Мажбурий ижро бюроси (М. Эгамбердиев), Тўловга қобилиятсизлик ишлари агентлиги, манфаатдор вазирлик ва идоралар 9. Тўловга қобилиятсизликка оид ишлар шаффофлигини ошириш . Тўловга қобилиятсизлик тўғрисидаги иш қўзғатилган санадан эътиборан Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими ҳамда Миллий статистика қўмитасининг Корхона ва ташкилотлар тўғрисида маълумот саҳифасида юридик шахснинг «тўловга қобилиятсизлик ҳолатида» эканлигини автоматик тарзда ўзгартириш амалиётини йўлга қўйиш. Амалий чора-тадбирлар 2026 йил декабрь Миллий статистика қўмитаси (Б. Ҳамраев), Олий суд (Б.Исламов), Адлия вазирлиги (А. Ташкулов), Солиқ қўмитаси (Ф. Пулатов) II. Суд бошқарувчиларининг профессионал корпусини яратиш, соҳани бошқариш ва такомиллаштиришда суд бошқарувчиларининг ўзини-ўзи бошқариш ташкилоти роли ва аҳамиятини ошириш 10. Ўзбекистон суд бошқарувчилари палатаси фаолиятини ташкил этиш . Лойиҳада қуйидаги масалалар назарда тутилади: (а) Палатанинг мақсад ва вазифалари, ҳуқуқ ва мажбуриятлари; (б) суд бошқарувчиларининг Палатага мажбурий аъзолиги; (в) Палата фаолиятини ўзини-ўзи бошқариш тамойили асосида ташкил этишнинг ҳуқуқий асослари; (г) суд бошқарувчилар фаолиятини бошқаришнинг ҳуқуқий асослари ва тартиби, жумладан, уни бошқариш ва бошқарув органларини шакллантиришда махсус ваколатли орган (регулятор) билан ўзаро ҳамкорлиги; (д) Палатанинг ўз мақсад ва вазифаларига эришиш учун зарур бўлган ташкилий, ҳуқуқий, молиявий ресурслар ва механизмлар. Норматив-ҳуқуқий ҳужжат лойиҳаси 2026 йил сентябрь Адлия вазирлиги (А. Ташкулов) Тўловга қобилиятсизлик ишлари агентлиги 11. Тўловга қобилиятсизлик ишлари билан шуғулланадиган юқори малакали бошқарувчиларнинг профессионал корпусини яратиш бўйича тизимли тадбирларни амалга ошириш. Тўловга қобилиятсизлик ишлари билан шуғулланадиган юқори малакали бошқарувчиларнинг профессионал корпусини яратиш бўйича тизимли чора-тадбирларни амалга ошириш. Бунда қуйидагиларни назарда тутиш: (а) иқтисодиётда корхоналарни молиявий соғломлаштириш, фаолият самарадорлигини ошириш, тўловга қобилиятсизлик хавфларини бошқариш ва тартиб-таомилларини юритиш билан шуғулланадиган бошқарувчиларга бўлган эҳтиёждан келиб чиқиб, бу соҳада юқори малакали бошқарувчилар корпуси шаклланишини рағбатлантириш, шу жумладан, улар сонини босқичма-босқич кўпайтириш; (б) тўловга қобилиятсизлик соҳасида фаолият юритувчи мутахассисларни мунтазам малакасини ошириб бориш ва ўзаро тажриба алмашиш тизимини, шу жумладан, тўловга қобилиятсизликнинг айрим соҳалари бўйича махсус дастурлар асосида ўқитиш ва кўникмаларни ошириш механизмларини йўлга қўйиш ва рағбатлантириш; (в) заруратга кўра, бошқарувчиларнинг компетенцияларини мустақил малака имтиҳонлари орқали сертификатлаш тизимини жорий қилиш ва уларнинг реестрини шакллантириш; (г) сертификатланган тўловга қобилиятсизлик амалиётчиларининг касбий фаолияти самарадорлигини баҳолаш тизимини жорий этиш ҳамда улар фаолияти натижалари асосида энг юқори кўрсаткичларга эришган «топ-50» бошқарувчилар рейтингини шакллантириш ва мунтазам эълон қилиб бориш. Амалий чора-тадбирлар 2027 йил март Тўловга қобилиятсизлик ишлари агентлиги, Ўзбекистон суд бошқарувчилари палатаси 12. Ўзбекистон Суд бошқарувчилари палатасининг моддий-техника базасини мустаҳкамлаш . Ўзбекистон Суд бошқарувчилари палатаси ва унинг ҳудудий тузилмаларининг мурожаатларига асосан уларни давлат мулки объектларида текин фойдаланиш ҳуқуқи асосида жойлаштирилишини таъминлаш. Амалий чора-тадбирлар 2026 йил давомида Давлат активларини бошқариш агентлиги (С. Муродов), Адлия вазирлиги (А. Ташкулов), Ўзбекистон суд бошқарувчилари палатаси 13. Суд бошқарувчиларига ҳақ тўлаш механизмларини такомиллаштириш . Суд бошқарувчиларига ҳақ тўлаш механизмларини (ҳақ миқдори, тўлаш манбалари ва тартиби) қайта кўриб чиқиш ва такомиллаштириш. Норматив-ҳуқуқий ҳужжат лойиҳаси 2026 йил декабрь Адлия вазирлиги (А. Ташкулов), Иқтисодиёт ва молия вазирлиги (И. Норқулов), Тўловга қобилиятсизлик ишлари агентлиги, манфаатдор вазирлик ва идоралар 14. Суд бошқарувчиларининг иш фаолиятини ташкил этишнинг ягона тартибини белгилаш . Лойиҳада: (а) суд бошқарувчилари ишини ташкил этиш тартиби, шу жумладан, ички ҳужжатларини юритиш масалалари; (б) суд бошқарувчиларини номзодлар орасидан энг мақбулини танлаб олиш ва вазифага тайинлаш учун тавсия этиш тартиби; (в) суд бошқарувчиларининг ҳисоботлари ҳамда уларни шакллантириш ва тақдим этиш тартиби; (г) суд бошқарувчилари фаолиятини мониторинг ва назорат қилиш, шу жумладан, текширишлар ўтказиш тартиби; (д) суд бошқарувчилари фаолиятини ташкил этиш билан боғлиқ бошқа масалалар назарда тутилади. Норматив-ҳуқуқий ҳужжат лойиҳаси 2026 йил декабрь Тўловга қобилиятсизлик ишлари агентлиги, Ўзбекистон суд бошқарувчилари палатаси 15. Адлия вазирлиги ҳузуридаги Тўловга қобилиятсизлик ишлари агентлигининг фаолиятини ташкил этиш . 1. Адлия вазирлиги ҳузуридаги Тўловга қобилиятсизлик ишлари агентлиги тўғрисидаги низомни ишлаб чиқиш ва Вазирлар Маҳкамасига киритиш. Норматив-ҳуқуқий ҳужжатлар лойиҳалари 2026 йил июнь Адлия вазирлиги (А. Ташкулов) , Давлат активларини бошқариш агентлиги (С. Муродов) Иқтисодиёт ва молия вазирлиги (И. Норқулов), Тўловга қобилиятсизлик ишлари агентлиги 2. Адлия вазирлиги ҳузуридаги Тўловга қобилиятсизлик ишлари агентлиги ва унинг ҳудудий бўлимларини шакллантириш, уларни малакали кадрлар билан қисқа муддатларда тўлдириш ҳамда зарур моддий-техника ресурслари билан таъминлаш. Амалий чора-тадбирлар 2026 йил июль 3. Адлия вазирлиги ва Давлат активларини бошқариш агентлиги ҳамда уларнинг ҳудудий бошқармалари ташкилий тузилмалари ва штат бирликларига Ўзбекистон Республикаси Президентининг мазкур Фармонидан келиб чиқадиган ўзгартиришларни киритиш. Амалий чора-тадбирлар 2026 йил май 4. Агентлик моддий-техника базасини шакллантириш (компьютер, мебель, транспорт ва бошқа товар моддий бойликларини сотиб олиш) учун Давлат хизматларини ривожлантириш жамғармаси маблағлари ҳисобидан зарур маблағлар ажратиш . Амалий чора-тадбирлар 2026 йил май Адлия вазирлиги (А. Ташкулов), Иқтисодиёт ва молия вазирлиги (И. Норқулов) 5. Агентлик фаолияти учун алоҳида бино ажратиш . Амалий чора-тадбирлар 2026 йил май Давлат активларини бошқариш агентлиги (С. Муродов), Адлия вазирлиги (А. Ташкулов) 6. Бинони таъмирлаш ва жиҳозлаш ишларини ташкил этиш. Амалий чора-тадбирлар 2026 йил май 16. Суд бошқарувчиларининг касбга оид қоидаларини ҳамда Суд бошқарувчиларини рейтинг асосида баҳолаш тартибини тасдиқлаш . Бунда: 1) касбга оид қоидалар ҳамда рейтинг асосида баҳолаш мезонлари суд бошқарувчисига қўйилган юқори касбий талаблардан келиб чиқиб қайтадан кўриб чиқилади; 2) ушбу ҳужжатлар Палата томонидан Адлия вазирлиги ҳузуридаги Тўловга қобилиятсизлик ишлари агентлиги билан келишилган ҳолда тасдиқланади. Идоравий ҳужжат лойиҳаси 2027 йил январь Ўзбекистон Суд бошқарувчилари палатаси, Тўловга қобилиятсизлик ишлари агентлиги 17. Суд бошқарувчиларининг иш нормаларини ишлаб чиқиш . Суд бошқарувчилари бир пайтнинг ўзида ўз иш юритувига қабул қилиши мумкин бўлган ишларнинг йўл қўйиладиган нормаларини белгилаш. Идоравий ҳужжат лойиҳаси 2027 йил январь Тўловга қобилиятсизлик ишлари агентлиги, Камбағалликни қисқартириш ва бандлик вазирлиги (Б. Захидов) Ўзбекистон суд бошқарувчилари палатаси 18. Тўловга қобилиятсизлик соҳасининг турли масалаларига оид норматив-ҳуқуқий қоидалар ва услубий тавсияларни ўз ичига оладиган стандартларни жорий қилиш. Бунда қуйидаги масалалар бўйича стандартлар қабул қилинади: (а) кузатув тартиб-таомиллари; (б) санация тартиб-таомиллари; (в) ташқи бошқарув тартиб-таомиллари; (г) юридик шахсни тугатиш тартиб-таомиллари; (д) жисмоний шахснинг тўловга қобилиятсизлиги тартиб-таомиллари; (ж) кредиторларнинг талаблари реестрини шакллантириш ва юритиш; (з) кредиторларнинг ва кредиторлар қўмитасининг йиғилишларини ташкил этиш ва ўтказиш; (и) қарздорнинг молиявий аҳволини таҳлил қилиш; (к) суд бошқарувчиси ҳисоботларини тайёрлаш; (л) суд санацияси режаси ва ташқи бошқарув режаси; (м) тугатиш режаси; (н) кредиторларнинг талабларини қаноатлантириш шартлари, тартиби, навбати ва нисбати; (о) тўловга қобилиятсизлик тартиб-таомиллари доирасида мол-мулкни баҳолаш ва сотиш; (п) тўловга қобилиятсизлик тартиб-таомиллари доирасида аудитор, мутахассис ва бошқа шахсларни жалб қилиш; (р) ҳақиқий эмас деб топилиши мумкин бўлган битимларни таҳлил қилиш ва аниқлаш; (с) қарздорнинг ишларини бошқарувчи шахснинг ва бошқа шахсларнинг субсидиар жавобгарлиги; (т) сохта тўловга қобилиятсизлик, тўловга қобилиятсизликни яшириш ва қасддан тўловга қобилиятсизликка олиб келиш аломатларини аниқлаш; (у) суд бошқарувчилари фаолиятини рейтинг асосида баҳолаш; (ф) суд бошқарувчилари фаолиятини мониторинг қилиш ва текшириш; (х) суд бошқарувчиси фаолиятига доир ҳужжатлар ва ҳисоботлар; (ч) трансчегаравий тўловга қобилиятсизлик тартиб-таомилларини амалга ошириш бўйича тавсиялар; (ш) жиноят иши доирасида хатланган активларни сақлаш ва вақтинчалик бошқариш; (э) тўловга қобилиятсизлик соҳасига оид, шу жумладан, суд бошқарувчилари фаолиятига оид бошқа масалалар. Тўловга қобилиятсизлик масалаларига оид стандартлар 2026 — 2030 йиллар Тўловга қобилиятсизлик ишлари агентлиги, Ўзбекистон Суд бошқарувчилари палатаси III. Тўловга қобилиятсизлик соҳасида кадрларни тайёрлаш ва уларнинг сифатини ошириш 19. Суд бошқарувчиларини тайёрлаш тизимини институционал такомиллаштириш. Лойиҳада: (а) суд бошқарувчилари тайёрлаш, қайта тайёрлаш ва малакасини ошириш механизмларини такомиллаштириш, шу жумладан, етук ва салоҳиятли таълим ташкилотларини жалб қилиш; (б) Адлия вазирлиги ҳузуридаги Юридик кадрларни қайта тайёрлаш ва малакасини ошириш институтига, шунингдек, қонунчилик талабларига жавоб берадиган бошқа таълим муассасаларига тегишли махсус ўқув курсларини ташкил қилиш ҳамда талабгорларга махсус ўқув курсларини муваффақиятли тугатганлиги ҳақида гувоҳнома (сертификат) бериш ҳуқуқини бериш. Норматив-ҳуқуқий ҳужжат лойиҳаси 2026 йил август Адлия вазирлиги (А. Ташкулов), Олий таълим, фан ва инновациялар вазирлиги (К. Шарипов), Иқтисодиёт ва молия вазирлиги (И. Норқулов) , Тўловга қобилиятсизлик ишлари агентлиги, манфаатдор вазирлик ва идоралар 20. Суд бошқарувчиларини тайёрлаш, қайта тайёрлаш ва малакасини ошириш бўйича ўталадиган махсус ўқув курслари учун намунавий ўқув дастурларини тасдиқлаш . Намунавий ўқув дастурларини ишлаб чиқиш ва тасдиқлаш . Бунда ўқув дастурлари қонунчилик ва ҳуқуқни қўллаш амалиётидаги янгиликлар, илғор хорижий тажрибани инобатга олган ҳолда, шунингдек, махсус стажировкадан ўтиш амалиётини назарда тутган ҳолда тасдиқланади ҳамда доимий равишда такомиллаштириб борилади. Норматив-ҳуқуқий ҳужжат лойиҳаси 2026 йил июль Тўловга қобилиятсизлик ишлари агентлиги, Ўзбекистон суд бошқарувчилари палатаси 21. Суд бошқарувчиларига малака аттестатини бериш, уларни аттестациядан ва қайта аттестациядан ўтказиш тартиб-таомилларини такомиллаштириш . Лойиҳада қуйидагилар назарда тутилади: а) тегишли тартиб-таомилларни касб вакилларига қўйиладиган юқори талабларни ҳамда адолатлилик ва очиқликни таъминлаган ҳолда қайта кўриб чиқиш; б) суд бошқарувчиси сифатида фаолият юритиш учун иқтисодиёт, менежмент, бухгалтерия ва юридик соҳадаги юқори малакали мутахассисларни, шу жумладан, тегишли лицензияга эга бўлган адвокатларни жалб этиш. Норматив-ҳуқуқий ҳужжат лойиҳаси 2026 йил август Адлия вазирлиги (А. Ташкулов), Тўловга қобилиятсизлик ишлари агентлиги, Ўзбекистон суд бошқарувчилари палатаси IV. Молиявий механизмлар ва иқтисодий барқарорлаштириш воситаларини кучайтириш 22. Солиқ тўлаш муддатларини ўзгартириш (кечиктириш ёки бўлиб-бўлиб тўлаш) тартиб-таомилларини такомиллаштириш. Лойиҳада: (а) солиқ тўлаш муддатларини ўзгартиришга имконият бериш тўғрисида қарор қабул қиладиган ваколатли ташкилотларни қайта кўриб чиқиш ва номарказлаштириш. Шу жумладан, ушбу ваколатни ҳудудий солиқ органларига бериш ва улар ўртасида солиқ тури, суммаси ва кечиктириш (бўлиб-бўлиб тўлаш) муддатларидан келиб чиқиб дифференциациялаш; (б) солиқ тўловчиларнинг солиқ тўлашни кечиктириш ёки бўлиб-бўлиб тўлашга имкон бериш тўғрисидаги аризаларини Солиқ қўмитасининг расмий веб-сайтидаги алоҳида интерактив хизмат модули орқали бериш ҳамда уларни кўриб чиқиш муддатини 30 кундан 20 кунга қисқартириш; (в) солиқларни тўлашни кечиктириш ёки бўлиб-бўлиб тўлашда гаров мулки ёки банк кафолати ёхуд суғурта полиси тақдим этилганда, молиявий ҳолати ва истисно этувчи ҳолатлар мавжудлигидан қатъи назар солиқ органлари томонидан солиқларни тўлашни кечиктириш ёки бўлиб-бўлиб тўлаш имкониятини бериш; (г) солиқларни тўлашни кечиктириш ёки бўлиб-бўлиб тўлаш имкониятини бериш асослари ва шартларини тубдан енгиллаштириш, шу жумладан, айрим ҳолларда (барқарорлик рейтинги юқори бўлган тадбиркорлик субъектларининг аризалари, қисқа муддатларга ёки муайян миқдордан юқори бўлмаган суммаларга солиқларни тўлаш муддатини ўзгартириш тўғрисидаги аризалар, солиқ тўловчи томонидан банк кафолати ёки мол-мулк гарови тақдим этилган ҳолатлар ва бошқалар) соддалаштирилган тартибда солиқ тўловчи ва солиқ органи ўртасида онлайн келишув тузиш механизмини жорий этиш назарда тутилади. Норматив-ҳуқуқий ҳужжат лойиҳаси 2026 йил август Адлия вазирлиги (А. Тошкулов), Солиқ қўмитаси (Ф. Пулатов), Иқтисодиёт ва молия вазирлиги (И. Норқулов) 23. Банклар ва микромолия ташкилотлари томонидан ажратилган кредитлар ва улар бўйича қарздорликни реструктуризация қилишнинг ҳуқуқий ва методологик асосларини яратиш. Лойиҳада кредитлар бўйича қарздорликни таркибий жиҳатдан ўзгартириш асослари, турлари ва тартиби назарда тутилади. Идоравий норматив-ҳуқуқий ҳужжат лойиҳаси 2026 йил июль Марказий банк (Т. Ишметов), Адлия вазирлиги (А. Ташкулов), Тўловга қобилиятсизлик ишлари агентлиги 24. Фуқаролардан пул мажбуриятлари бўйича қарздорликни ундиришда қарздор ва кредитор (уларнинг вакиллари) ўртасидаги ўзаро муносабатларнинг ҳуқуқий асосларини белгилаш. Лойиҳада қуйидагилар назарда тутилади: (а) қарздор ва кредитор (уларнинг вакиллари) ўртасидаги қарздорликни ундириш бўйича ўзаро муносабатларнинг ҳуқуқий қоидалари ва чегараларини белгилаш; (б) талабдан бошқа шахс фойдасига воз кечиш (цессия), вакиллик, воситачилик (агентлик) ёки қонунчиликда белгиланган бошқа шаклдаги битимлар асосида қарздорликни суддан ташқари ва суд тартибида ундириш хизматларини кўрсатадиган нодавлат тузилмалар фаолиятини тартибга солиш; (в) кредиторлар, уларнинг вакиллари томонидан қарздорликни суддан ташқари ундириш учун кўрилиши мумкин бўлган чоралар (музокара ўтказиш, медиация ва бошқалар), уларни амалга ошириш тартиби, чеклов ва тақиқлар, шунингдек, қарздорнинг ҳуқуқларини аниқ белгилаш. Норматив-ҳуқуқий ҳужжат лойиҳаси 2027 йил май Адлия вазирлиги (А. Ташкулов) , Бош прокуратура (Н. Йўлдошев) , Марказий банк (Т. Ишметов) , Тўловга қобилиятсизлик ишлари агентлиги, манфаатдор вазирлик ва идоралар 25. Жисмоний шахсларнинг тўловга қобилиятсизлиги институтини такомиллаштириш . Лойиҳада қуйидагилар назарда тутилади: (а) молиявий қийин аҳволга тушган аҳоли қатлами учун суддан ташқари юритиладиган тўловга қобилиятсизлик институтини, шу жумладан, кредит таътиллари бериш амалиётини жорий этиш; (б) жисмоний шахсларнинг суд тартибида кўриб чиқиладиган ишлардан фойдаланишини кенгайтириш, жараённи соддалаштириш. Норматив-ҳуқуқий ҳужжат лойиҳаси 2026 йил октябрь Адлия вазирлиги (А. Ташкулов), Марказий банк (Т. Ишметов) , Олий суд (Б. Исламов), Тўловга қобилиятсизлик ишлари агентлиги, манфаатдор вазирлик ва идоралар V. Тўловга қобилиятсизлик соҳасидаги қонунбузилишларни аниқлаш, олдини олиш ва уларга қарши курашиш 26. Маъмурий жавобгарлик тизимини тўловга қобилиятсизлик соҳасида содир этиладиган қонунбузилишларни олдини олиш нуқтаи назаридан қайта кўриб чиқиш. Лойиҳада қуйидагилар назарда тутилади: (а) тўловга қобилиятсизлик тўғрисида иш қўзғатиш ҳақида судга мурожаат этиш мажбуриятини бажармаганлик учун маъмурий жавобгарлик белгилаш; (б) тўловга қобилиятсизлик соҳасига янги тартиб-таомиллар жорий этилиши муносабати билан ушбу соҳадаги қонунчилик ҳужжатларини бузганлик учун маъмурий жавобгарликни назарда тутиш; (в) қасддан тўловга қобилиятсизликка олиб келиш тариқасидаги ҳамда тўловга қобилиятсизлик соҳасида бошқа айрим ҳуқуқбузарликлар учун муайян ҳуқуқдан маҳрум қилиш (дисквалификация) тариқасидаги маъмурий жазо чорасини жорий этиш. Бунда ушбу жазо чораси, қоида тариқасида, ҳуқуқбузарга янги ташкил этилаётган ёки фаолият юритаётган юридик шахснинг таъсисчиси (иштирокчиси) бўлишини ёхуд унинг якка тартибдаги раҳбарлигига ёки бошқарув органларидаги бошқа лавозимларга тайинланишини (сайланишини) муайян муддатга тақиқлашда ифодаланади. Норматив ҳуқуқий-ҳужжат лойиҳаси 2027 йил январь Адлия вазирлиги (А. Ташкулов) , Бош прокуратура (Н. Йўлдошев) , Тўловга қобилиятсизлик ишлари агентлиги, манфаатдор вазирлик ва идоралар 27. Тўловга қобилиятсизлик соҳасидаги ҳуқуқбузарликлар учун жавобгарликка тортиш тизимини тўлиқ қайта кўриб чиқиш. Лойиҳада тўловга қобилиятсизликни яшириш, қасддан тўловга қобилиятсизликка олиб келиш, сохта тўловга қобилиятсисизлик ҳолатини юзага келтириш, шунингдек, тўловга қобилиятсизлик соҳасидаги қонунчиликни бошқа тарзда бузиш билан боғлиқ ҳуқуқбузарликлар учун жавобгарлик ва жазо чораларини дифференсация қилиш ва кучайтириш назарда тутилади. Норматив ҳуқуқий-ҳужжат лойиҳаси 2026 йил сентябрь Адлия вазирлиги (А. Ташкулов) , Олий суд (Б. Исламов), Бош прокуратура (Н. Йўлдошев), манфаатдор вазирлик ва идоралар VI. Тўловга қобилиятсизлик соҳасида халқаро ҳамкорликни йўлга қўйиш ва ривожлантириш 28. Тўловга қобилиятсизлик соҳасида халқаро алоқаларнинг ҳуқуқий асосларини яратиш ва унда иштирок этиш. Қуйидаги чора-тадбирларни амалга ошириш: (а) тўловга қобилиятсизлик соҳасида кўп томонлама ва икки томонлама халқаро шартномалар лойиҳаларини ишлаб чиқишда иштирок этиш; (б) Адлия вазирлиги ҳузуридаги Тўловга қобилиятсизлик ишлари агентлиги томонидан тўловга қобилиятсизлик соҳасида Ўзбекистон Республикасининг халқаро шартномалари бўйича Ўзбекистон Республикасининг халқаро мажбуриятларини амалга оширишда ваколатли орган вазифасини бажариш; (в) тўловга қобилиятсизлик соҳасидаги халқаро стандартлар, шу жумладан, U N CITRAL тавсиялари миллий қонунчиликка тизимли равишда имплементация қилиш. Амалий чора-тадбирлар Доимий Адлия вазирлиги (А. Ташкулов) , Ташқи ишлар вазирлиги (Б. Саидов), Тўловга қобилиятсизлик ишлари агентлиги 29. Тўловга қобилиятсизлик масалалари бўйича хорижий давлатларнинг ваколатли органлари, халқаро ташкилотлар билан ҳамкорлик қилиш. Қуйидаги чора-тадбирларни амалга ошириш: (а) IAIR (International Assosiation of Insolvency Regulators)га аъзо бўлиш чораларини кўриш; (б) I N SOL International халқаро ташкилоти билан ҳамкорликни йўлга қўйиш; (в) хорижий давлатларнинг тўловга қобилиятсизлик масалалари бўйича ваколатли органлари билан икки томонлама манфаатли алоқаларни йўлга қўйиш. Амалий чора-тадбирлар 2026-2027 йиллар давомида Тўловга қобилиятсизлик ишлари агентлиги, Ташқи ишлар вазирлиги (Б. Саидов)

Ўзбекистон Республикаси Президентининг 2026 йил 6 майдаги ПФ-78-сон Фармонига 4-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2019 йил 9 январдаги «Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида»ги ПФ-5618-сон Фармонида :

(а) 6-бандда :

(i) бешинчи хатбоши чиқариб ташлансин;

(ii) олтинчи хатбоши бешинчи хатбоши деб ҳисоблансин;

(б) 1-илованинг «III. Концепциянинг асосий йўналишлари» бўлими 1-бобида :

(i) «1. Оилада ҳуқуқий тарбияни шакллантириш ва ҳуқуқий маданиятни юксалтириш» кичик бўлимининг 7 ва 8-бандлари қуйидаги таҳрирда баён этилсин:

«7. Кундалик турмушда кўп учрайдиган масалаларнинг ҳуқуқий ечимлари ва янги қабул қилинган қонун ҳужжатларининг моҳиятини ёритишга қаратилган медиаматериалларни тайёрлаш, шунингдек, ҳуқуқий медиаматериалларни оммавий ахборот воситалари ва интернет тармоғи орқали ёритиш.

8. Ёшлар ва ота-оналар ўртасида никоҳ ёши, алимент тўлаш шартлари, қариндошлар ўртасидаги никоҳ ва унинг ҳуқуқий оқибатлари тўғрисида ҳуқуқий тарғибот материаллари ва ижтимоий видеороликлар тайёрлаш ва мунтазам равишда оммавий ахборот воситалари ва интернет тармоғи орқали тарқатиб бориш»;

(ii) «2. Аҳолининг ҳуқуқий маданиятини юксалтиришда маҳалла институтининг ролини кучайтириш» кичик бўлимининг 2-бандидаги «буклет, флаер, лифлет ва плакатлар» сўзлари «медиаматериаллар» сўзлари билан алмаштирилсин.

2. Ўзбекистон Республикаси Президентининг 2019 йил 14 январдаги «Давлат активларини бошқариш, монополияга қарши курашишни тартибга солиш тизимини ва капитал бозорини тубдан такомиллаштириш чора-тадбирлари тўғрисида»ги ПФ-5630-сон Фармонининг 3-бандида :

(а) учинчи хатбошидаги «ҳамда тўловга қобилиятсизлик» сўзлари чиқариб ташлансин;

(б) ўн учинчи хатбоши чиқариб ташлансин;

(в) ўн тўртинчи ва ўн бешинчи хатбошилар тегишинча ўн учинчи ва ўн тўртинчи хатбошилар деб ҳисоблансин.

3. Ўзбекистон Республикаси Президентининг 2020 йил 19 майдаги «Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида»ги ПФ-5997-сон Фармонининг 5-банди тўртинчи хатбошиси қуйидаги таҳрирда баён этилсин:

«идоравий норматив-ҳуқуқий ҳужжатларга жисмоний ва юридик шахсларга янги имтиёз ҳамда жавобгарлик чораларини белгилайдиган, амалдаги тартиб-таомилларни асоссиз мураккаблаштирадиган, фуқароларнинг ҳуқуқ ва эркинликларини чеклайдиган, асосланмаган қўшимча харажат ва тўловларни, янги турдаги солиқ ва йиғимларни, лицензиялаш, рухсат бериш ҳамда хабардор қилиш тартиб-таомилларини жорий этадиган ҳуқуқий нормаларни киритишга йўл қўймаслик».

4. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :

(а) 1-иловада :

(i) «17. Адлия вазирлиги» бўлими қуйидаги таҳрирда баён этилсин:

« 17. Адлия вазирлиги Адлия вазирлиги 3 381 1 809 1 572 шу жумладан, вазир ўринбосарлари сони 4 4 1. «Ўзархив» агентлиги 89 89 шу жумладан, директор ўринбосарлари сони 1 1 2. Тўловга қобилиятсизлик ишлари агентлиги 81 81 шу жумладан, директор ўринбосарлари сони 1 1 »;

(ii) «21. Давлат активларини бошқариш агентлиги» бўлимининг «Давлат активларини бошқариш агентлиги» позициясида:

«Жами бошқарув штат бирликлари сони» устунидаги «532» рақами «517» рақами билан алмаштирилсин;

«Давлат бюджети ҳисобидан» устунидаги «308» рақами «293» рақами билан алмаштирилсин;

(iii) «33. Солиқ қўмитаси» бўлимининг «Солиқ қўмитаси» позициясида:

«Жами бошқарув штат бирликлари сони» устунидаги «9 241» рақами «9 231» рақами билан алмаштирилсин;

«Давлат бюджети ҳисобидан» устунидаги «9 241» рақами «9 231» рақами билан алмаштирилсин;

(б) 2-иловада :

(i) қуйидаги мазмундаги 17.2-кичик банд билан тўлдирилсин:

«17.2. Тўловга қобилиятсизлик ишлари агентлиги»;

(ii) изоҳлар қисмида:

биринчи хатбошидаги «67» рақами «68» рақами билан алмаштирилсин;

тўртинчи хатбошидаги «26» рақами «27» рақами билан алмаштирилсин.

(в) 2а-илова қуйидаги мазмундаги 17.2-позиция билан тўлдирилсин:

« 17.2. Ўзбекистон Республикаси Адлия вазирлиги ҳузуридаги Тўловга қобилиятсизлик ишлари агентлиги Тўловга қобилиятсизлик ишлари агентлиги Агентство по делам неплатежеспособности ».

5. Ўзбекистон Республикаси Президентининг 2024 йил 24 майдаги «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида»ги ПФ-80-сон Фармонида :

(а) 16-бандда :

(i) бешинчи хатбоши чиқариб ташлансин;

(ii) олтинчи хатбоши бешинчи хатбоши деб ҳисоблансин;

(б) 6-илованинг 23-позицияси чиқариб ташлансин.

6. Ўзбекистон Республикаси Президентининг 2025 йил 25 ноябрдаги «Қонунчиликдаги ҳуқуқий бўшлиқларни бартараф этиш ва тартибга солиш юкини камайтириш тўғрисида»ги ПФ-231-сон Фармонига 3-илованинг 4-позицияси чиқариб ташлансин.

7. Ўзбекистон Республикаси Президентининг 2017 йил 8 февралдаги «Қонун ҳужжатларини тарқатиш тизимини тубдан такомиллаштириш чора-тадбирлари тўғрисида»ги ПҚ-2761-сон қарорида :

(а) 2-банднинг бешинчи хатбошиси қуйидаги таҳрирда баён этилсин:

«норматив-ҳуқуқий ҳужжатлар ва зарур бўлган тақдирда, уларга доир ахборот-таҳлилий материаллар бошқа давлат органларига ва ташкилотларга Ўзбекистон Республикаси Адлия вазирлиги томонидан уларнинг матнлари Ўзбекистон Республикаси қонунчилик маълумотлари миллий базасида расман эълон қилингандан кейин икки иш куни мобайнида, ҳуқуқий тарғибот тадбирларини ташкил қилиш учун Ҳуқуқий ахборотни тарқатиш картотекаси асосида масъул ижрочилар ва топшириқларни бажариш муддатларини кўрсатган ҳолда ёки маълумот учун «Ijro.gov.uz» тизими орқали электрон шаклда етказилади»;

(б) 2-илова ўз кучини йўқотган деб ҳисоблансин.

8. Ўзбекистон Республикаси Президентининг 2018 йил 13 апрелдаги «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги ПҚ-3666-сон қарорида :

(а) 1-бандда :

(i) қуйидаги мазмундаги йигирма иккинчи — йигирма бешинчи хатбошилар билан тўлдирилсин:

«тўловга қобилиятсизлик соҳасида давлат сиёсатини амалга ошириш, шунингдек, бу соҳада давлат органлари ва ташкилотларининг фаолиятини мувофиқлаштириш;

тўловга қобилиятсизлик тартиб-таомилларини ва иқтисодий ночор жисмоний ва юридик шахсларни молиявий соғломлаштириш чора-тадбирларини амалга ошириш учун зарур шарт-шароитларни яратишга кўмаклашиш, шунингдек, тўловга қобилиятсизлик жараёнларини тўлиқ рақамлаштириш, ортиқча бюрократик тартиб-таомилларни соддалаштириш;

жисмоний шахсларнинг тўловга қобилиятсизлиги ҳисоби ва таҳлилини юритиш;

суд бошқарувчилари фаолияти ташкил этилишини таъминлаш ва уларнинг фаолиятини назорат қилиш»;

(ii) йигирма иккинчи — йигирма олтинчи хатбошилар тегишинча йигирма олтинчи — ўттизинчи хатбошилар деб ҳисоблансин;

(б) 3-бандда :

(i) қуйидаги мазмундаги учинчи хатбоши билан тўлдирилсин:

«Адлия вазирлиги, «Ўзархив» агентлиги ҳамда Тўловга қобилиятсизлик ишлари агентлигининг ташкилий тузилмалари 1а, 1б ва 1в-иловаларга мувофиқ»;

(ii) учинчи хатбоши тўртинчи хатбоши деб ҳисоблансин;

(в) 1-иловада :

(i) 8-бандда :

қуйидаги мазмундаги бешинчи хатбоши билан тўлдирилсин:

«Тўловга қобилиятсизлик ишлари агентлиги ва унинг ҳудудий бўлимлари»;

бешинчи — ўн тўртинчи хатбошилар тегишинча олтинчи — ўн бешинчи хатбошилар деб ҳисоблансин;

(ii) 9-бандда :

қуйидаги мазмундаги йигирма иккинчи — йигирма бешинчи хатбошилар билан тўлдирилсин:

«тўловга қобилиятсизлик соҳасида давлат сиёсатини амалга ошириш, шунингдек, бу соҳада давлат органлари ва ташкилотларининг фаолиятини мувофиқлаштириш;

тўловга қобилиятсизлик тартиб-таомилларини ва иқтисодий ночор жисмоний ва юридик шахсларни молиявий соғломлаштириш чора-тадбирларини амалга ошириш учун зарур шарт-шароитларни яратишга кўмаклашиш, шунингдек, тўловга қобилиятсизлик жараёнларини тўлиқ рақамлаштириш, ортиқча бюрократик тартиб-таомилларни соддалаштириш;

жисмоний шахсларнинг тўловга қобилиятсизлиги ҳисоби ва таҳлилини юритиш;

суд бошқарувчилари фаолияти ташкил этилишини таъминлаш ва уларнинг фаолиятини назорат қилиш»;

йигирма иккинчи — йигирма олтинчи хатбошилар тегишинча йигирма олтинчи — ўттизинчи хатбошилар деб ҳисоблансин;

(iii) 10-бандда :

1-кичик бандда :

ўн иккинчи хатбоши қуйидаги таҳрирда баён этилсин:

«идоравий норматив-ҳуқуқий ҳужжатларни ишлаб чиқиш, келишиш, қабул қилиш, давлат рўйхатидан ўтказиш ва манфаатдор шахслар эътиборига етказишнинг белгиланган тартибига риоя қилиниши устидан мониторинг ва назоратни амалга оширади»;

йигирманчи хатбоши қуйидаги таҳрирда баён этилсин:

«идоравий норматив-ҳуқуқий ҳужжатларни тайёрлаш ва қабул қилиш, ҳуқуқий экспертиза ва давлат рўйхатидан ўтказиш қоидаларини тасдиқлайди»;

4-кичик банднинг учинчи хатбошиси қуйидаги таҳрирда баён этилсин:

«норматив-ҳуқуқий ҳужжатлар матнларини ижрочиларга етказиш, уларнинг моҳияти ва аҳамиятини ижрочилар ва кенг аҳоли қатламига тушунтириш ишларини «Ijro.gov.uz» идоралараро ягона электрон ижро интизоми тизими орқали назорат қилади»;

17-кичик бандда :

ўн учинчи хатбошидаги «ва аниқланган контрафакт маҳсулотларни олиб қўйиш ва йўқ қилиш бўйича чораларни кўради» сўзлари чиқариб ташлансин;

қуйидаги мазмундаги хатбоши билан тўлдирилсин:

«интеллектуал мулк объектларига бўлган ҳуқуқларни ҳимоя қилишда ашёларни кўздан кечиради ва ҳуқуқбузарликни содир этиш қуроли, ҳуқуқбузарлик ашёси бўлган ашё ва ҳужжатларни хатлайди»;

қуйидаги мазмундаги 20 1 — 20 4 -кичик бандлар билан тўлдирилсин:

«20 1 ) тўловга қобилиятсизлик соҳасида давлат сиёсатини амалга ошириш, шунингдек, бу соҳада давлат органлари ва ташкилотларининг фаолиятини мувофиқлаштириш соҳасида:

тўловга қобилиятсизлик соҳасида давлат сиёсатининг устувор йўналишларини ишлаб чиқади;

тўловга қобилиятсизлик тўғрисидаги қонунчиликка риоя этилиши устидан давлат назоратини амалга оширади;

тўловга қобилиятсизлик соҳасининг давлат томонидан тартибга солинишини амалга оширади;

тўловга қобилиятсизлик соҳасида қонунчилик ва ҳуқуқни қўллаш амалиётини мониторинг ва таҳлил қилади ҳамда уларни такомиллаштириш бўйича таклифлар ишлаб чиқади;

тўловга қобилиятсизлик соҳасида Ўзбекистон Республикаси шартномаларини ишлаб чиқишда иштирок этади ҳамда улар бўйича Ўзбекистон Республикаси мажбуриятларининг бажарилишини ташкиллаштиради;

тўловга қобилиятсизлик соҳасида хорижий давлатларнинг ваколатли органлари ва халқаро ташкилотлар билан ҳамкорлик қилади;

давлат органлари ва ташкилотларининг тўловга қобилиятсизлик масалалари бўйича фаолиятини мувофиқлаштиради ва услубий раҳбарликни амалга оширади;

20 2 ) тўловга қобилиятсизлик тартиб-таомилларини ва иқтисодий ночор жисмоний ва юридик шахсларни молиявий соғломлаштириш чора-тадбирларини амалга ошириш учун зарур шарт-шароитларни яратишга кўмаклашиш, шунингдек, тўловга қобилиятсизлик жараёнларини тўлиқ рақамлаштириш, ортиқча бюрократик тартиб-таомилларни соддалаштириш соҳасида:

тўловга қобилиятсизлик тартиб-таомилларини, шу жумладан, суддан ташқари тўловга қобилиятсизлик тартиб-таомилларини амалга ошириш, бу соҳада юридик ва жисмоний шахсларнинг ҳуқуқлари ва қонуний манфаатларини таъминлаш учун зарур бўлган ташкилий, ҳуқуқий ва ахборот таъминоти бўйича чораларни ўз ваколатлари доирасида кўради;

тўловга қобилиятсизлик бўйича ишларни судларда кўриб чиқишда махсус ваколатли орган сифатида иштирок этади;

судлар томонидан тўловга қобилиятсизлик тўғрисидаги ишларни кўриб чиқишда ҳамда тўловга қобилиятсизлик тўғрисидаги қонунчилик нормаларини қўллашда мавжуд муаммоларни таҳлил қилади ва улар бўйича таклифлар ишлаб чиқади;

тўловга қобилиятсизлик аломатига эга бўлган юридик шахсларга давлат томонидан ёрдам кўрсатган ҳолда судгача санация қилиш ва санация ўтказишни тугатиш юзасидан қарор қабул қилади ва уларнинг мониторингини юритади;

ўз аризасига кўра қўзғатилган тўловга қобилиятсизлик тўғрисидаги ишлар бўйича тўловга қобилиятсизлик тартиб-таомиллари жараёни мониторингини амалга оширади;

тўловга қобилиятсизлик тартиб-таомиллари жараёнидаги ва тўловга қобилиятсиз деб топилган юридик ва жисмоний шахслар реестрларини юритади;

Ўзбекистон Республикаси Вазирлар Маҳкамаси томонидан белгиланган тартибда шаҳарни ташкил этувчи корхоналар ва уларга тенглаштирилган корхоналар реестрини юритади;

жиноят ишлари бўйича хатланган юридик шахслар ва (ёки) уларнинг мулкий комплекслари ва бошқа активларини қонунчиликда белгиланган тартибда вақтинчалик бошқариш ишларини ташкиллаштиради ва ҳисобини юритади;

жиноят ишлари бўйича хатланган юридик шахслар ва (ёки) уларнинг мулкий комплекслари ва бошқа активларини вақтинчалик бошқариш бўйича суд бошқарувчисининг ёки ихтисослаштирилган ташкилотнинг фаолиятини қонунчилик ҳужжатларида белгиланган тартибда ва ҳолларда назорат қилади ҳамда қонунчилик ҳужжатларида назарда тутилган ҳолларда уларнинг қарорларини келишади;

тўловга қобилиятсизлик соҳасида қонунбузилишларни олдини олиш чораларини кўради, ушбу соҳада жиноятларни аниқлаш, бартараф этиш ва уларни олдини олишда ҳуқуқни муҳофаза қилувчи идоралар билан ҳамкорлик қилади;

тўловга қобилиятсизлик тартиб-таомилларини рақамлаштириш ҳамда тўловга қобилиятсизлик жараёни тўғрисидаги маълумотлар билан барча манфаатдор шахсларга танишиш имкониятини яратиш орқали соҳанинг самарадорлиги ва шаффофлигини ошириш чораларини кўради;

Тўловга қобилиятсизлик ишларини юритишнинг ягона электрон платформаси шакллантирилиши ва юритилишини ҳамда вазирлик ва идораларнинг маълумотлар базалари ва ахборот тизимлари билан интеграция қилинишини таъминлайди;

қонунга мувофиқ мажбурий равишда эълон қилиниши лозим бўлган маълумотларни, жумладан, тўловга қобилиятсизликка доир ишлар бўйича судлар ва ваколатли органлар томонидан қабул қилинган қарорлар ва тўловга қобилиятсизлик тартиб-таомиллари жараёнлари ҳақидаги маълумотлар Тўловга қобилиятсизлик ишларини юритишнинг ягона электрон платформасида эълон қилинишини ташкиллаштиради;

20 3 ) жисмоний шахсларнинг тўловга қобилиятсизлиги ҳисоби ва таҳлилини юритиш соҳасида:

тўловга қобилиятсизлик тартиб-таомиллари жараёнидаги ва тўловга қобилиятсиз деб топилган жисмоний шахслар реестрини юритади;

жисмоний шахсларнинг тўловга қобилиятсизлиги бўйича ишларнинг доимий мониторингини олиб боради ҳамда мониторинг натижалари асосида таҳлилий маълумот ва таклифлар киритади;

20 4 ) суд бошқарувчилари фаолияти ташкил этилишини таъминлаш ва уларнинг фаолиятини назорат қилиш соҳасида:

суд бошқарувчиларини тайёрлаш ва қайта тайёрлаш бўйича махсус ўқув курсларини ташкил этиш ва ўқитиш ҳуқуқига эга бўлган таълим муассасалари учун талабларни белгилайди, ҳуқуққа эга бўлган таълим муассасаларининг рўйхатини юритади ҳамда уларнинг бу соҳадаги фаолиятини мувофиқлаштиради ва назорат қилади;

суд бошқарувчиларини қонунчилик ҳужжатларида белгиланган тартибда аттестациясидан, қайта аттестациядан ўтказади ва уларга малака аттестатини беради;

суд бошқарувчиларининг давлат реестрини ҳамда суд бошқарувчиларини тайёрлаш курсларини тугатган номзодларнинг реестрини юритади;

Ўзбекистон Суд бошқарувчилари палатаси билан ўзаро ҳамкорлик қилади ҳамда унинг фаолиятига кўмаклашади;

Ўзбекистон Суд бошқарувчилари палатасига аъзолик бадали миқдорини, шунингдек, унинг асосий фаолият доирасида кўрсатиладиган пуллик хизматлар рўйхати ва нархларини келишади;

суд бошқарувчиларининг фаолиятини юритиш, уларга ҳақ тўлаш тартибини, шунингдек, суд бошқарувчилари фаолияти тўғрисидаги ҳисоботларни шакллантириш ва уларни ваколатли органга тақдим этиш тартибини белгилайди;

суд бошқарувчиларининг фаолиятини қонунчиликда белгиланган тартибда назорат қилади»;

26-кичик банд ўз кучини йўқотган деб ҳисоблансин;

(iv) 11-бандда :

4-кичик банднинг учинчи хатбошисидаги «тартибига риоя этиш ҳолатини» сўзлари «тартибига риоя этиш, юридик шахсларни суддан ташқари тўловга қобилиятсиз деб топиш тартиб-таомилларини амалга ошириш ҳолатлари» сўзлари билан алмаштирилсин;

6-кичик бандда :

қуйидаги мазмундаги олтинчи хатбоши билан тўлдирилсин:

«идоравий норматив-ҳуқуқий ҳужжатларни ўз вақтида амалиётга жорий этмаслик сабабларини бартараф қилиш ва масъул ходимларнинг жавобгарлик масаласини кўриб чиқиш тўғрисида»;

олтинчи — тўққизинчи хатбошилар тегишинча еттинчи — ўнинчи хатбошилар деб ҳисоблансин;

ўнинчи хатбошидан «тақдимномалар киритиш» сўзлари чиқариб ташлансин;

қуйидаги мазмундаги хатбоши билан тўлдирилсин:

«тўловга қобилиятсизлик соҳасида қонунбузилишларга чек қўйиш, уларга имкон берувчи сабаблар ва шарт-шароитларни бартараф этиш, шу жумладан, айбдор шахсларни интизомий жавобгарликка тортиш тўғрисида тақдимномалар киритиш»;

қуйидаги мазмундаги 43 1 -кичик банд билан тўлдирилсин:

«43 1 ) Тўловга қобилиятсизлик ишларини юритишнинг ягона электрон платформасида маълумотларни жойлаштириш бўйича пуллик хизмат кўрсатиш»;

49-кичик банднинг иккинчи хатбошиси чиқариб ташлансин;

қуйидаги мазмундаги 51 — 58-кичик бандлар билан тўлдирилсин:

«51) давлат органлари ва ташкилотларига тўловга қобилиятсизлик тўғрисидаги қонунчилик ҳужжатларининг бажарилиши, шунингдек, тўловга қобилиятсизлик тартиб-таомилларини амалга ошириш бўйича фаолиятни рақамлаштириш ҳамда муайян маълумотларни ушбу органларнинг ахборот тизимларига ва веб-сайтларига жойлаштириш юзасидан ижро этилиши мажбурий бўлган кўрсатмалар киритиш;

52) тўловга қобилиятсизлик бўйича ҳар қандай ишни иқтисодий судда кўриб чиқишда, шу жумладан, қуйидаги ваколатларни амалга оширган ҳолда иштирок этиш:

тўловга қобилиятсизлик тўғрисидаги иш бўйича қабул қилинган суд ҳужжатлари ҳақида маълумотларни Тўловга қобилиятсизлик ишларини юритишнинг ягона электрон платформаси орқали бепул тарзда сўраш ва олиш;

судга муваққат бошқарувчи, санация қилувчи бошқарувчи, ташқи бошқарувчи, тугатиш бошқарувчиси ва молиявий бошқарувчи номзодини тақдим этиш, шунингдек, уларнинг вазифасини бажаришдан озод қилиш тўғрисида судга мурожаат қилиш;

мажбурий кўрсатмалар бериш ҳуқуқига эга бўлган муассис (иштирокчи) сифатидаги шахсни ёки юридик шахс мол-мулки эгасини ёхуд қарздорнинг ишларини бошқарувчи шахсни субсидиар жавобгарликка тортиш тўғрисида ариза киритиш ҳақида суд бошқарувчисига кўрсатма бериш;

тўловга қобилиятсизлик тўғрисидаги ишда қўлланиладиган ҳар қандай тартиб-таомил жараёнида судга сохта тўловга қобилиятсизликка, тўловга қобилиятсизликни яширишга ёки қасддан тўловга қобилиятсизликка олиб келган аломатларни аниқлаш мақсадида экспертиза тайинлаш ҳақида илтимоснома киритиш;

53) Ўзбекистон Республикаси олдида пул мажбуриятлари бўйича қарзи бўлган юридик шахсларга нисбатан, шунингдек, қонунда назарда тутилган ҳолларда — бошқа юридик шахсларга нисбатан тўловга қобилиятсизлик тўғрисида иш қўзғатиш ҳақида ариза билан иқтисодий судга мурожаат этиш;

54) жиноят ишлари бўйича хатланган юридик шахслар ва (ёки) уларнинг мулкий комплекслари ва бошқа активларини вақтинчалик бошқариш учун қонунчилик ҳужжатларида белгиланган тартибда суд бошқарувчисини тайинлаш ёки ихтисослаштирилган ташкилотни танлаш, шунингдек, ўз ташаббусига кўра ёхуд суд ёки тергов органининг мурожаатига асосан суд бошқарувчисини вазифасидан озод қилиш ёки ихтисослаштирилган ташкилотни бошқарувдан четлаштириш;

55) Тўловга қобилиятсизлик ишларини юритишнинг ягона электрон платформасини бошқариш, унда жойлаштириладиган (эълон қилинадиган) маълумотлар ва бошқа ҳужжатлар таркибини белгилаш;

56) суд бошқарувчиларининг фаолиятини мониторинг қилиш ва текшириш;

57) суд бошқарувчилари фаолиятида аниқланган қоидабузарликлар ва уларнинг фаолиятига қўйилган талабларга риоя этмаганлик ҳолатлари бўйича суд бошқарувчиларига расмий огоҳлантиришлар бериш, суд бошқарувчиларини малака аттестатини бекор қилиш ва унинг амал қилишини тўхтатиш, қонунчилик ҳужжатларида белгиланган бошқа чораларни қўллаш;

58) Ўзбекистон Суд бошқарувчилари палатаси раиси лавозимига номзод кўрсатиш ҳамда уни лавозимидан муддатидан олдин чақириб олиш тўғрисида тақдимнома киритиш, палатанинг навбатдан ташқари йиғилишларини чақириш, шунингдек, ушбу палатага жисмоний ва юридик шахслар томонидан ҳомийлик ҳамда халқаро ташкилотларнинг грант маблағлари ҳисобидан молиявий кўмак бериш.

Вазирлик қонунчилик ҳужжатларига мувофиқ бошқа ваколат ва ҳуқуқларга ҳам эга бўлиши мумкин»;

(v) 24-банднинг учинчи хатбошисидаги «интеллектуал мулк соҳасида» сўзлари «интеллектуал мулк ҳамда тўловга қобилиятсизлик соҳаларида» сўзлари билан алмаштирилсин;

(vi) 33-банднинг биринчи хатбошиси «вазири» сўзидан кейин «ўринбосари» сўзи билан тўлдирилсин;

(vii) 39 1 -банд «давлат хизматлари марказлари» сўзларидан кейин «ҳамда Адлия вазирлиги ҳузуридаги Тўловга қобилиятсизлик ишлари агентлиги (Агентликнинг бюджетдан молиялаштириладиган харажатларидан ташқари)» сўзлари билан тўлдирилсин;

(г) қуйидаги мазмундаги 1а — 1в-иловалар билан тўлдирилсин:

«Ўзбекистон Республикаси Президентининг 2018 йил 13 апрелдаги ПҚ-3666-сон қарорига 1а-ИЛОВА

Ўзбекистон Республикаси Адлия вазирлигининг

Ўзбекистон Республикаси Адлия вазирлиги Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари «Ўзархив» агентлиги Х. Сулаймонова номидаги Республика суд экспертиза маркази Тўловга қобилиятсизлик ишлари агентлиги Тошкент давлат юридик университети Қонунчиликни таҳлил қилиш ва тартибга солиш таъсирини баҳолаш институти Академик лицейлар «Адлия органлари ва муассасаларида ахборот-коммуникация технологияларини ривожлантириш маркази» давлат муассасаси Юридик кадрларни қайта тайёрлаш ва малакасини ошириш институти «Интеллектуал мулк маркази» давлат муассасаси «Адолат» миллий ҳуқуқий ахборот маркази» давлат муассасаси

Ўзбекистон Республикаси Президентининг 2018 йил 13 апрелдаги ПҚ-3666-сон қарорига 1б-ИЛОВА

Ўзбекистон Республикаси Адлия вазирлиги ҳузуридаги «Ўзархив» агентлигининг

«Ўзархив» агентлиги Қорақалпоғистон Республикаси, вилоятлар ва Тошкент шаҳар архив иши ҳудудий бошқармалари Қорақалпоғистон Республикаси марказий давлат архиви, Тошкент шаҳар марказий давлат архиви, вилоят, шаҳар, туман давлат архивлари ва уларнинг филиаллари Ўзбекистон илмий-техника ва тиббиёт ҳужжатлари миллий архиви Ўзбекистон миллий архиви Ўзбекистон кинофотофоно ҳужжатлари миллий архиви

Ўзбекистон Республикаси Президентининг 2018 йил 13 апрелдаги ПҚ-3666-сон қарорига 1в-ИЛОВА

Ўзбекистон Республикаси Адлия вазирлиги ҳузуридаги Тўловга қобилиятсизлик ишлари агентлигининг

Тўловга қобилиятсизлик ишлари агентлиги Қорақалпоғистон Республикаси, вилоятлар ва Тошкент шаҳар тўловга қобилиятсизлик ишлари бўлимлари ».

9. Ўзбекистон Республикаси Президентининг 2019 йил 14 январдаги «Ўзбекистон Республикаси Давлат активларини бошқариш агентлиги фаолиятини ташкил этиш тўғрисида»ги ПҚ-4112-сон қарори 4-бандининг «а» кичик банди иккинчи хатбошисидан «тўловга қобилиятсизлик,» сўзлари чиқариб ташлансин.

10. Ўзбекистон Республикаси Президентининг 2019 йил 1 июлдаги «Ўзбекистон Республикаси Адлия вазирлиги ҳузуридаги Интеллектуал мулк агентлиги фаолиятини ташкил этиш чора-тадбирлари тўғрисида»ги ПҚ-4380-сон қарори 9-бандининг «а» кичик банди биринчи хатбошиси «вазири» сўзидан кейин «ўринбосари» сўзи билан тўлдирилсин.

11. Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотлари доирасида республика ижро этувчи ҳокимият органлари фаолиятини самарали ташкил этиш чора-тадбирлари тўғрисида»ги ПҚ-447-сон қарорининг 2-бандининг «а» кичик банди бешинчи хатбошисидаги «бўйсунувига кирадиган» сўзлари «бўйсунувидаги тегишли соҳада давлат сиёсатини юритиш ваколати берилмаган» сўзлари билан алмаштирилсин.

12. Ўзбекистон Республикаси Президентининг 2023 йил 24 мартдаги «Давлат активларини бошқариш агентлиги фаолиятини самарали ташкил этиш чора-тадбирлари тўғрисида»ги ПҚ-101-сон қарорига 1-иловада :

(а) 3-банддаги «ҳамда тўловга қобилиятсизлик» сўзлари чиқариб ташлансин;

(б) 7-банд ўз кучини йўқотган деб ҳисоблансин.

13. Ўзбекистон Республикаси Президентининг 2025 йил 15 майдаги «Болалар учун мўлжалланган миллий контентлар яратиш ва уларни оммалаштиришни қўллаб-қувватлаш чора-тадбирлари тўғрисида»ги ПҚ-183-сон қарорида :

(а) 4-бандда :

«б» кичик банддаги «экспертлар гуруҳини» сўзлари «экспертлар кенгашини» сўзлари билан алмаштирилсин;

«в» кичик банддаги «экспертлар гуруҳи» сўзлари «экспертлар кенгаши» сўзлари билан алмаштирилсин;

(б) 7-банднинг «б» кичик бандидаги «экспертлар гуруҳи» сўзлари «экспертлар кенгаши» сўзлари билан алмаштирилсин;

(б) 8-банднинг «а» кичик банди қуйидаги таҳрирда баён этилсин:

«(а) Иқтисодиёт ва молия вазирлиги Ўзбекистон Республикаси Президентининг 2022 йил 27 июндаги «Оммавий ахборот воситаларини қўллаб-қувватлаш ва журналистика соҳасини ривожлантириш чора-тадбирлари тўғрисида»ги ПҚ-294-сон қарорига асосан болаларга мўлжалланган теле- ва радио маҳсулотларни ишлаб чиқариш ва эфирга узатиш бўйича энг яхши 30 та лойиҳа учун ҳар йили Давлат бюджетидан ажратиладиган маблағларни Марказга йўналтиради. Бунда Марказ ушбу маблағлар ҳисобидан болалар учун мўлжалланган 2 та маърифий шоу-дастур тайёрлайди»;

(г) 9-банд ўз кучини йўқотган деб ҳисоблансин;

(д) 1-илованинг матни қуйидаги таҳрирда баён этилсин:

«Болалар учун мўлжалланган миллий контентлар яратишни мувофиқлаштирувчи кенгаш

1. С.Ш. Мирзиёева — Ўзбекистон Республикаси Президенти Администрацияси раҳбари , Мувофиқлаштирувчи кенгаш раиси 2. Д.М. Зиямухамедова — Ўзбекистон Республикаси Президенти Администрацияси раҳбари котибияти мудири, Мувофиқлаштирувчи кенгаш раиси ўринбосари 3. Э.Г. Каримова — мактабгача ва мактаб таълими вазири 4. О.А. Назарбеков — маданият вазири 5. К.А. Шарипов — олий таълим, фан ва инновациялар вазири 6. Ш.Х. Шерматов — рақамли технологиялар вазири 7. С.С. Саидов — Ўзбекистон Ёзувчилар уюшмаси раиси 8. М.С. Матчонов — Ўзбекистон киноарбоблари ижодий уюшмаси раиси 9. Х.И. Ибрагимов — Қори Ниёзий номидаги Тарбия педагогикаси миллий институти директори 10. Лавозимига кўра — Ўзбекистон болалар ижодкорлари уюшмаси раиси 11. Ж.А. Ахмедов — Болалар контентини ривожлантириш маркази раҳбари, Мувофиқлаштирувчи кенгаш котиби ».

(ж) 5-иловада :

(i) 2-позициянинг «Амалга ошириш ва натижаларга эришиш механизмлари» устунидаги тегишли келишикдаги «экспертлар гуруҳи» сўзлари тегишли келишикдаги «экспертлар кенгаши» сўзлари билан алмаштирилсин;

(ii) 6-позицияда:

«Амалга ошириш ва натижаларга эришиш механизмлари» устунида:

1-банд ўз кучини йўқотган деб ҳисоблансин;

3-банд қуйидаги таҳрирда баён этилсин:

«3. Болалар контентини ривожлантириш маркази фаолиятини самарали йўлга қўйиш учун А. Авлоний номидаги Педагогик маҳорат миллий институти ҳудудида марказ учун офис биноси, студиялар ҳамда павильонларни ташкил этиш масаласини ижтимоий ва ишлаб чиқариш инфратузилмасини ривожлантириш дастурига киритиш»;

«Ижро муддати» ҳамда «Масъул ижрочилар» устунларидаги «2025 йил июнь» ва «Ўзбекистон Миллий телерадиокомпанияси, Мактабгача ва мактаб таълими вазирлиги» сўзлари чиқариб ташлансин;

«Ижро муддати» устунидаги «2025 йил сентябрь» сўзлари «2026 йил июнь» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 6 май,

ПФ-78-сон

(Қонунчилик маълумотлари миллий базаси, 07.05.2026 й., 06/26/78/0454-сон)

lex.uz

Oʻzbekiston Respublikasi Prezidentining

Farmoni

ASOSIY VAZIFALARI

ROʻYXATI

DASTURI

TASHKILIY TUZILMASI

TASHKILIY TUZILMASI

TASHKILIY TUZILMASI

TARKIBI

Toʻlovga qobiliyatsizlik institutini yanada takomillashtirish chora-tadbirlari toʻgʻrisida

Tadbirkorlik faoliyatini barqaror rivojlantirish, sudgacha sanatsiya amaliyotini kengaytirish, iqtisodiy jihatdan hayotiy muhim korxonalarni qoʻllab-quvvatlash, shuningdek, toʻlovga qobiliyatsizlik sohasida zamonaviy, shaffof va raqamlashtirilgan boshqaruv tizimini joriy etish hamda davlat boshqaruvi samaradorligini oshirish maqsadida qaror qilaman:

I. Maqsadlar

1. Quyidagilar toʻlovga qobiliyatsizlik sohasini rivojlantirishning asosiy maqsadlari etib belgilansin:

(a) toʻlovga qobiliyatsizlik sohasida davlat boshqaruvi va huquqiy tartibga solish samaradorligini oshirish;

(b) sudgacha sanatsiya mexanizmlarini kengaytirish orqali sanatsiya chora-tadbirlarining kamida 20 foizining bosqichma-bosqich sud organlariga murojaat qilmasdan amalga oshirilishini taʼminlash;

(v) toʻlovga qobiliyatsizlik tartib-taomillarini soddalashtirish va raqamlashtirish orqali ularning oʻrtacha davomiyligini 2028-yil 1-yanvarga qadar kamida 30 foizga qisqartirish;

(g) sud boshqaruvchilari faoliyatini tartibga solish tizimini isloh qilish va samaradorligini oshirish orqali ularning sonini bosqichma-bosqich 2 barobarga koʻpaytirish.

II. Toʻlovga qobiliyatsizlik sohasida davlat boshqaruvini takomillashtirish

2. Oʻzbekiston Respublikasi Adliya vazirligi huzurida Toʻlovga qobiliyatsizlik ishlari agentligi (keyingi oʻrinlarda — Agentlik) hamda uning hududiy boʻlimlari tashkil etilsin.

3. Agentlik:

(a) Adliya vazirligi huzuridagi respublika ijro etuvchi hokimiyat organi;

(b) toʻlovga qobiliyatsizlik sohasida yagona davlat siyosatini yuritishga masʼul boʻlgan maxsus vakolatli davlat organi etib belgilansin.

4. Quyidagilar Agentlikning toʻlovga qobiliyatsizlik sohasidagi asosiy vazifalari etib belgilansin:

(a) toʻlovga qobiliyatsizlik sohasida davlat siyosatini amalga oshirish, shu jumladan, ushbu sohani nazorat qilish va tartibga solish;

(b) toʻlovga qobiliyatsizlik sohasida davlat organlari va tashkilotlari faoliyatini muvofiqlashtirish;

(v) toʻlovga qobiliyatsizlik jarayonlarini toʻliq raqamlashtirish, ortiqcha byurokratik tartib-taomillarni soddalashtirish;

(g) toʻlovga qobiliyatsizlik tartib-taomillarini, shuningdek, iqtisodiy nochor jismoniy va yuridik shaxslarni moliyaviy sogʻlomlashtirish chora-tadbirlarini amalga oshirish uchun zarur shart-sharoitlarni yaratishga koʻmaklashish;

(d) jismoniy shaxslarning toʻlovga qobiliyatsizligi hisobi va tahlilini yuritish;

(j) sud boshqaruvchilariga malaka attestatini berish, faoliyati tashkil etilishini taʼminlash va ular faoliyatini nazorat qilish.

III. Sud boshqaruvchilari faoliyati samaradorligini oshirish

5. Adliya vazirligi hamda Oʻzbekiston sud boshqaruvchilari assotsiatsiyasining Oʻzbekiston sud boshqaruvchilari assotsiatsiyasi negizida barcha sud boshqaruvchilari aʼzoligiga asoslangan, 1-ilovada belgilangan asosiy vazifalarni amalga oshiruvchi Oʻzbekiston Sud boshqaruvchilari palatasini (keyingi oʻrinlarda — Sud boshqaruvchilari palatasi) tashkil etish toʻgʻrisidagi taklifi maʼqullansin.

6. Belgilansinki, Sud boshqaruvchilari palatasi:

(a) yuridik shaxs maqomiga ega notijorat tashkilot hisoblanib, oʻzining Qoraqalpogʻiston Respublikasi, viloyatlar va Toshkent shahrida tuziladigan hududiy tuzilmalari bilan birgalikda sud boshqaruvchilarini birlashtiruvchi yagona oʻzini oʻzi boshqarish tizimini tashkil etadi;

(b) sud boshqaruvchilarining qonun hujjatlariga muvofiq amalga oshiriladigan faoliyatiga aralashmaslik prinsipi asosida ish yuritadi;

(v) sud boshqaruvchilarining kirish va aʼzolik badallari hamda qonun hujjatlarida taqiqlanmagan boshqa mablagʻlar hisobidan moliyalashtiriladi;

(g) Oʻzbekiston Sud boshqaruvchilari assotsiatsiyasining huquq va majburiyatlari boʻyicha huquqiy vorisi hisoblanadi.

7. 2026-yil 1-iyuldan boshlab:

(a) Sud boshqaruvchilari palatasi, Yuridik kadrlarni qayta tayyorlash va malakasini oshirish instituti hamda qonunchilikda belgilangan talablarga javob beradigan boshqa taʼlim muassasalariga sud boshqaruvchilarini tayyorlash huquqi beriladi;

(b) sud boshqaruvchilarini tayyorlash boʻyicha oʻquv kurslari Sud boshqaruvchilari palatasi tomonidan Agentlik bilan kelishilgan holda tasdiqlanadigan namunaviy oʻquv dasturlari asosida amalga oshiriladi;

(v) Sud boshqaruvchilari palatasiga sud boshqaruvchisining palataga aʼzoligini toʻxtatish yoki aʼzolikdan chiqarish toʻgʻrisida qaror qabul qilish va shu munosabat bilan uni oʻz vazifasini bajarishdan ozod qilish haqida sudga murojaat etish huquqi beriladi;

(g) sud boshqaruvchisi oʻz zimmasiga yuklatilgan vazifalarni bajarmagan yoki lozim darajada bajarmagan taqdirda, sud kreditorlar yigʻilishining qaroriga asosan sud boshqaruvchisiga toʻlanadigan haq miqdorini kamaytirishga haqli;

(d) sanatsiya qiluvchi boshqaruvchilikka nomzod kreditorlar yigʻilishi (qoʻmitasi) yoki Agentlik tomonidan taqdim etilmaganda, sanatsiya qiluvchi boshqaruvchi Sud boshqaruvchilari palatasi tomonidan maxsus elektron tizim orqali tanlangan nomzodlar orasidan sud tomonidan tayinlanishi mumkin.

8. Sud boshqaruvchilari palatasiga quyidagilar tavsiya etilsin:

(a) sud boshqaruvchilarining kasbiy odob-axloq qoidalarini ishlab chiqish va tasdiqlash;

(b) sud boshqaruvchilari faoliyatini har yili tuziladigan reyting asosida baholash, ular tomonidan kasbiy odob-axloq qoidalariga rioya etilishini monitoring qilish;

(v) har ikki yilda kamida bir marta sud boshqaruvchilari malakasini oshirishni tashkil etish.

9. Shunday tartib oʻrnatilsinki, unga muvofiq:

(a) sud boshqaruvchilariga toʻlanadigan haq miqdori bazaviy va natijaga (KPI) bogʻliq qismlarga ajratiladi, bunda natijaga bogʻliq haq, shu jumladan, sanatsiya rejasida belgilangan koʻrsatkichlarga erishish darajasidan kelib chiqib toʻlanadi;

(b) sud boshqaruvchilarini tayyorlash, qayta tayyorlash, ular faoliyatini tashkil etish va nazorat qilish tizimi mutlaqo yangi yondashuvlar asosida yoʻlga qoʻyiladi, bunda:

(i) 2027-yil 1-iyulga qadar barcha sud boshqaruvchilari maxsus oʻquv dasturlari asosida malaka oshirish kurslarida qayta tayyorlanadi;

(ii) Agentlik tomonidan Sud boshqaruvchilari palatasi bilan birgalikda sud boshqaruvchilari faoliyati, malakasi va reyting koʻrsatkichlari tahlil qilinadi, natijalariga koʻra yuqori malakali sud boshqaruvchilari korpusini shakllantirish maqsadida ularning toifalariga qoʻyiladigan talablar qayta koʻrib chiqiladi;

(iii) sud boshqaruvchisi sifatida faoliyat yuritish uchun iqtisodiyot, menejment, buxgalteriya sohasida va yuridik sohadagi yuqori malakali mutaxassislar, shu jumladan, tegishli litsenziyaga ega boʻlgan advokatlarni jalb etish mexanizmlari yaratiladi;

(iv) Agentlik sud boshqaruvchilari ish faoliyatini tashkil etishning yagona tartibini belgilaydi, unda, shu jumladan, toʻlovga qobiliyatsizlikka oid ishlar boʻyicha sud boshqaruvchisini avtomatlashtirilgan holda maxsus elektron tizim orqali inson omilisiz va tasodifiy tarzda tanlash tartibi, ular faoliyati ustidan monitoring va nazorat mexanizmlari, shuningdek, qonunbuzilishlarga yoʻl qoʻygan sud boshqaruvchilariga nisbatan intizomiy va malaka attestatining amal qilishini bekor qilishgacha boʻlgan taʼsir choralarini qoʻllash mezonlari nazarda tutiladi;

(v) sud boshqaruvchisini tayinlashda Agentlik tomonidan belgilanadigan sud boshqaruvchilari ish yuklamasining yoʻl qoʻyiladigan normalari inobatga olinadi.

IV. Sudgacha sanatsiya tizimini takomillashtirish hamda moliyaviy qoʻllab-quvvatlash vositalarini kengaytirish

10. Belgilansinki, 2026-yil 1-sentabrdan boshlab:

(a) sudgacha sanatsiya davrida banklar (kreditorlar) qarzdor bilan tuzilgan kelishuvga asosan kelishuvda belgilangan muddatga va faoliyatini tiklashga qaratilgan sanatsiya rejasini bajarish sharti bilan kreditlar boʻyicha foizlarni hisoblash va (yoki) toʻlashni toʻxtatib turishi, keyinchalik sanatsiya rejasiga muvofiq restrukturizatsiya qilishi yoxud kreditni restrukturizatsiya qilishning boshqa choralarini koʻrishi mumkin;

(b) sud sanatsiyasi davrida sanatsiya rejasiga muvofiq va kreditorlar yigʻilishi (qoʻmitasi) roziligi bilan sud ajrimi asosida qarzdorning kreditlar boʻyicha foizlarini hisoblash va (yoki) toʻlash toʻxtatib turilishi, keyinchalik esa sanatsiya rejasida belgilangan tartibda restrukturizatsiya qilinishi yoxud kreditni restrukturizatsiya qilishning boshqa choralari koʻrilishi mumkin;

(v) xalq deputatlari tuman (shahar) kengashlari tomonidan suv resurslaridan foydalanganlik uchun soliq, mol-mulk soligʻi, yer soligʻi hamda aylanmadan olinadigan soliqlarni, shu jumladan, ushbu soliqlar boʻyicha soliq tekshiruvlari asosida qoʻshimcha hisoblangan soliq va moliyaviy sanksiyalarni toʻlashni belgilangan tartibda kechiktirish yoki boʻlib-boʻlib toʻlash imkoniyati beriladi, bundan qonunchilik hujjatlarida nazarda tutilgan holatlar mustasno;

(g) soliqlarni toʻlashni kechiktirish yoki boʻlib-boʻlib toʻlashda garov mulki, bank kafolati yoxud sugʻurta polisi taqdim etilganda, moliyaviy holati va istisno etuvchi holatlar mavjudligidan qatʼi nazar, soliq organlari tomonidan soliqlarni toʻlashni kechiktirish yoki boʻlib-boʻlib toʻlash imkoniyati beriladi;

(d) soliq organlariga soliq toʻlashni kechiktirish yoki boʻlib-boʻlib toʻlash toʻgʻrisidagi arizalar Soliq organlarining elektron davlat xizmatlari portali orqali taqdim etiladi hamda ularni koʻrib chiqish muddati 30 kundan 20 kunga qisqartiriladi.

11. Iqtisodiyot va moliya vazirligi Adliya vazirligi, Markaziy bank hamda Davlat aktivlarini boshqarish agentligi bilan birgalikda 2026-yil 1-iyulga qadar sudgacha sanatsiya va sud sanatsiyasi tartib-taomillarini qoʻllash doirasida kichik va oʻrta tadbirkorlik subyektlarini moliyaviy qoʻllab-quvvatlash vositalarini joriy etsin. Bunda quyidagilar nazarda tutilsin:

(a) tadbirkorlikni rivojlantirish va qoʻllab-quvvatlash boʻyicha mavjud institutlar va mexanizmlardan foydalangan holda:

(i) tijorat banklari, mikromoliya tashkilotlari tomonidan milliy va xorijiy valyutada ajratiladigan kredit, bank kafolati va akkreditivlarga kafolat (kafillik) berish;

(ii) tijorat banklariga Markaziy bank asosiy stavkasidan past stavkada kredit muddatiga mos ravishda imtiyozli resurslar joylashtirish hamda ushbu kredit resurslari hisobidan tadbirkorlik subyektlariga kredit ajratish;

(b) ushbu bandning “a” kichik bandida nazarda tutilgan moliyaviy qoʻllab-quvvatlash vositalarini davlat tomonidan yordam koʻrsatgan holda sudgacha sanatsiya qilish chora-tadbirlari qatoriga qoʻshish;

(v) moliyaviy qoʻllab-quvvatlash vositalarini taqdim etishning shaffofligini taʼminlash va aniq mexanizmlarini belgilash, shuningdek, birinchi navbatda, ish oʻrinlarini saqlab qolish hamda 4 va 5-toifadagi tuman (shahar)larda faoliyat yuritadigan tadbirkorlik subyektlarini qoʻllab-quvvatlashni inobatga olish.

12. Shunday tartib oʻrnatilsinki, unga muvofiq kreditorlarning chet el valyutasida ifodalangan talablarini kreditorlarning talablari reyestriga kiritishda, agar shartnomada boshqacha tartib belgilangan boʻlmasa, toʻlovga qobiliyatsizlik toʻgʻrisidagi ish boʻyicha qoʻllanadigan har bir tartib-taomil kiritilayotgan sanadagi Markaziy bank tomonidan belgilangan kurs boʻyicha milliy valyutada hisobga olinadi.

V. Toʻlovga qobiliyatsizlik jarayonlarini raqamlashtirish

13. Adliya vazirligi, Iqtisodiyot va moliya vazirligi hamda Davlat aktivlarini boshqarish agentligining 2026-yil 1-dekabrdan boshlab toʻlovga qobiliyatsizlik jarayonlarini onlayn monitoring qilish imkonini beradigan Toʻlovga qobiliyatsizlik ishlarini yuritishning yagona elektron platformasini (keyingi oʻrinlarda — Yagona elektron platforma) ishga tushirish toʻgʻrisidagi taklifi maʼqullansin.

14. Belgilansinki:

(a) Yagona elektron platforma “Toʻlovga qobiliyatsizlik toʻgʻrisida”gi Qonunda eʼlon qilinishi belgilangan maʼlumotlar majburiy eʼlon qilinadigan rasmiy manba hisoblanadi;

(b) toʻlovga qobiliyatsizlikka oid quyidagi jarayonlar bosqichma-bosqich raqamlashtirilib, Yagona elektron platforma orqali amalga oshiriladi:

(i) toʻlovga qobiliyatsizlik toʻgʻrisida ish qoʻzgʻatilgan, toʻlovga qobiliyatsizlik tartib-taomillari amalga oshirilayotgan (kuzatuv, sanatsiya, tashqi boshqaruv, tugatish va boshqalar) yuridik va jismoniy shaxslarning ochiq elektron reyestrini yuritish;

(ii) sudgacha sanatsiya joriy qilingan yuridik shaxslar reyestrini yuritish va ular toʻgʻrisidagi maʼlumotlarni eʼlon qilish;

(iii) suddan tashqari toʻlovga qobiliyatsizlik tartib-taomillarini toʻliq raqamlashtirish, shu jumladan, undiruv qaratilishi mumkin boʻlgan mol-mulki yoki daromadlari mavjud emasligi bois ijro hujjatlari undiruvchiga qaytarilgan qarzdorlar toʻgʻrisidagi maʼlumotlarni shakllantirish va ular boʻyicha suddan tashqari toʻlovga qobiliyatsizlik tartib-taomillarini qoʻllash masalasini hal etish;

(iv) toʻlovga qobiliyatsizlik sohasida sudlar, tegishli davlat organlari va tashkilotlari bilan oʻzaro maʼlumot almashish, ularning maʼlumotlar bazalaridan foydalanishni taʼminlash maqsadida Yagona elektron platformani ushbu idoralarning axborot tizimlari bilan integratsiya qilish;

(v) sud boshqaruvchilarining hamda sud boshqaruvchilarini tayyorlash kurslarini tugatgan nomzodlarning reyestrini yuritish;

(vi) sud boshqaruvchilarining reyting koʻrsatkichlarini shakllantirish va eʼlon qilish;

(vii) kreditorlarning yigʻilishi yoki kreditorlar qoʻmitasining yigʻilishida masofadan turib ishtirok etish va ovoz berish hamda yigʻilish bayonlarini elektron ravishda rasmiylashtirish imkoniyatini beradigan elektron tizimni joriy etish;

(viii) toʻlovga qobiliyatsizlik tartib-taomillariga oid boshqa muhim maʼlumotlar (kreditorlar talablari reyestrlari, sud boshqaruvchisi hisobotlari, sanatsiya va tashqi boshqaruv rejalari hamda boshqalar) Yagona elektron platformada joylashtirib borilishini bosqichma-bosqich joriy etish;

(ix) toʻlovga qobiliyatsizlik tartib-taomillari doirasidagi boshqa jarayonlar.

VI. Tashkiliy chora-tadbirlar

15. Adliya vazirligi Raqamli texnologiyalar vazirligi, Iqtisodiyot va moliya vazirligi hamda manfaatdor vazirlik va idoralar bilan birgalikda 2026-yil 1-dekabrga qadar Yagona elektron platformaning ishga tushirilishini hamda dastlabki bosqichda 2-ilovada keltirilgan axborot tizimlari va maʼlumotlar bazalari bilan integratsiya qilinishini taʼminlasin.

16. Toʻlovga qobiliyatsizlik sohasini rivojlantirish boʻyicha chora-tadbirlar dasturi 3-ilovaga muvofiq tasdiqlansin.

17. Adliya vazirligi har chorakda yuzaga kelayotgan toʻlovga qobiliyatsizlik holatlarini sohalar kesimida tahlil qilsin, bankrotlikka olib kelayotgan asosiy omil va muammolarning kelib chiqish sabablarini aniqlasin hamda ularni bartaraf etishga qaratilgan takliflarni Oʻzbekiston Respublikasi Prezidenti Administratsiyasi va Vazirlar Mahkamasiga kiritib borsin.

VII. Farmon ijrosini tashkil qilish, taʼminlash va nazorat

18. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.

19. Adliya vazirligi vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

20. Mazkur Farmonning ijrosini samarali tashkil etishga masʼul va shaxsan javobgar etib adliya vaziri A.D. Tashkulov belgilansin.

21. Farmon ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti boshligʻi A.B. Samadov zimmasiga yuklansin.

Oʻzbekiston Respublikasi Prezidentining 2026-yil 6-maydagi PF-78-son Farmoniga 1-ILOVA

Oʻzbekiston Sud boshqaruvchilari palatasining

1. Sud boshqaruvchilari faoliyatini muvofiqlashtirib borish, qonun hujjatlari va huquqni qoʻllash amaliyotini takomillashtirish hamda qonun hujjatlarining bir xilda qoʻllanilishini taʼminlashga doir takliflar ishlab chiqish.

2. Sud boshqaruvchilarining kasbiy tayyorgarligi va malakasi oshirilishini tashkil etish.

3. Yagona boshqaruv amaliyotini taʼminlash choralarini koʻrish, sud boshqaruvchilari faoliyati toʻgʻrisidagi statistik maʼlumotlarni toʻplash va oʻrganish, ijobiy ish tajribasini ommalashtirish hamda sud boshqaruvchilariga uslubiy yordam koʻrsatish.

4. Sud boshqaruvchilari faoliyatini tartibga soluvchi normativ-huquqiy hujjatlar loyihalarini ishlab chiqishda ishtirok etish, ular boʻyicha takliflar tayyorlash.

5. Davlat organlari, boshqa tashkilotlar bilan munosabatlarda, sudda va boshqa hollarda sud boshqaruvchilarining huquqlari va qonuniy manfaatlarini ifodalash hamda himoya qilish.

6. Sud boshqaruvchilari tomonidan kasb etikasi qoidalari va kasb majburiyatlariga rioya etilishi ustidan monitoringni amalga oshirish hamda ularning kasbiga loyiqligi masalasini koʻrib chiqish haqida Adliya vazirligi huzuridagi Toʻlovga qobiliyatsizlik ishlari agentligiga taklif kiritish.

Oʻzbekiston Respublikasi Prezidentining 2026-yil 6-maydagi PF-78-son Farmoniga 2-ILOVA

Toʻlovga qobiliyatsizlik ishlarini yuritishning yagona elektron platformasiga integratsiya qilinadigan axborot tizimlari

T/r Axborot tizimlaridan olinadigan maʼlumot Vazirlik va idora 1. 1) Toʻlovga qobiliyatsizlik tartib-taomillari doirasida sud tomonidan qabul qilingan qarorlar va ajrimlar, shu jumladan, toʻlovga qobiliyatsizlik toʻgʻrisida ish qoʻzgʻatish, kuzatuv, sud sanatsiyasi, tashqi boshqaruv tartib-taomillarini joriy etish, toʻlovga qobiliyatsizlik toʻgʻrisidagi ish yuritishni tugatish, sud boshqaruvchisini tayinlash, almashtirish yoki vazifasidan ozod qilish toʻgʻrisida chiqarilgan ajrimlar haqida, qarzdor yuridik shaxsni bankrot deb topish va tugatishga doir ish yuritishni boshlash toʻgʻrisida qarorlar va boshqa sud hujjatlari; 2) toʻlovga qobiliyatsizlik toʻgʻrisidagi ish doirasida va bunday ishlar doirasidan tashqarida koʻrilgan subsidiar javobgarlikka tortish toʻgʻrisidagi arizalarni koʻrib chiqish natijalari va qabul qilingan sud hujjatlari toʻgʻrisidagi maʼlumotlar; 3) toʻlovga qobiliyatsizlik toʻgʻrisidagi ish doirasida bitimlarni haqiqiy emas deb topish toʻgʻrisidagi arizalarni koʻrib chiqish natijalari va qabul qilingan qarorlar toʻgʻrisidagi maʼlumotlar. Oliy sud 2. Yuridik va jismoniy shaxslarga tegishli avtomototransport vositalari toʻgʻrisidagi maʼlumotlar. Ichki ishlar vazirligi 3. Davlat roʻyxatidan oʻtkazish raqami, sana, oy, yil, tashkiliy-huquqiy shakli va mulkchilik shakli, muassislar tarkibi va ular toʻgʻrisidagi maʼlumotlar (jismoniy shaxslar boʻyicha — ismi, familiyasi, pasport maʼlumotlari, yashash joyi va boshqalar, yuridik shaxslar boʻyicha — nomi, davlat roʻyxatidan oʻtkazilganligi toʻgʻrisidagi maʼlumotlar, joylashgan joy manzili va boshqalar), shuningdek, ularning davlat reyestridan chiqarilgan sanasi va reyestr raqami, ustav fondining miqdori, muassislarning ustav fondidagi ulushlari (hissalari), koʻchar mulklarda lizing majburiyatlari, taqiq yoki boshqa cheklovlar, majburiyatlar roʻyxatdan oʻtkazilganligi toʻgʻrisidagi maʼlumotlar. Adliya vazirligi 4. Xizmatchilarning asosiy lavozimlari va ishchi kasblari klassifikatori. Kambagʻallikni qisqartirish va bandlik vazirligi 5. Toʻlovga qobiliyatsizlik toʻgʻrisida ish qoʻzgʻatilgan yuridik va jismoniy shaxslarning koʻchmas mulk obyektlari, shu jumladan, ularga nisbatan mulkiy va boshqa ashyoviy huquqlar toʻgʻrisidagi maʼlumotlar. Kadastr agentligi 6. 1) Toʻlovga qobiliyatsizlik toʻgʻrisida ish qoʻzgʻatish haqida sudlarga kiritilgan arizalar toʻgʻrisidagi maʼlumotlar; 2) bojxona rasmiylashtiruvidagi mol-mulklar, eksport va import operatsiyalari boʻyicha qarzdorliklar toʻgʻrisida maʼlumotlar. Bojxona qoʻmitasi 7. 1) Majburiy ijro organlari ish yurituviga kelib tushgan ijro hujjatlari hamda ularni ijro etish yuzasidan amalga oshirilgan majburiy ijro harakatlari va qabul qilingan qarorlar toʻgʻrisidagi batafsil maʼlumotlar; 2) qarzdorning toʻlovga qobiliyatsizligi toʻgʻrisidagi ish qoʻzgʻatilishi, kuzatuv, sud sanatsiyasini yoki tashqi boshqaruvni joriy etish va (yoki) ularning muddati uzaytirilishi munosabati bilan yurituvi toʻxtatilgan ijro ishlari toʻgʻrisidagi maʼlumotlar; 3) yuridik shaxsni bankrot deb topish va tugatish toʻgʻrisidagi qaror qabul qilinishi munosabati bilan ijro ishi yuritish tugatilgan va tugatuvchiga (moliyaviy boshqaruvchiga) yuborilgan ijro hujjatlari boʻyicha maʼlumotlar; 4) Majburiyatlar reyestri; 5) “Sud hujjatlari va boshqa organlar hujjatlarini ijro etish toʻgʻrisida”gi Qonunning 40-moddasi birinchi qismi 2 va 3-bandlariga asosan tamomlangan ijro hujjatlari boʻyicha maʼlumotlar. Majburiy ijro byurosi 8. 1) Kredit axborotining maʼlumotlar bazasidan maʼlumotlar; 2) Garov reyestridagi maʼlumotlar; 3) sanatsiya hisobvaraqlari va tugatish tartib-taomillari doirasida ochilgan yagona hisobvaraqlar toʻgʻrisidagi maʼlumotlar; 4) moliya-xoʻjalik faoliyatini amalga oshirmayotgan tadbirkorlik subyektlarini davlat reyestridan chiqarish tartib-taomillari doirasida ochilgan harakatsiz depozit hisobvaraqlari, shuningdek, yopilgan hisobvaraqlar toʻgʻrisidagi maʼlumotlar; 5) banklarni sanatsiya qilish, ularni suddan tashqari tugatishga doir maʼlumotlar. Markaziy bank 9. Sudgacha sanatsiya va sud sanatsiyasi tartib-taomillarini qoʻllash doirasida moliyaviy qoʻllab-quvvatlash vositalarini taqdim etish toʻgʻrisidagi murojaatlar, ularni koʻrib chiqish natijalari va taqdim etilgan moliyaviy qoʻllab-quvvatlash vositalari toʻgʻrisidagi maʼlumotlar. “Tadbirkorlikni rivojlantirish kompaniyasi” AJ 10. 1) Jismoniy va yuridik shaxslarning soliq majburiyatlariga oid maʼlumotlar; 2) soliq qarzini qarzdorning mol-mulki hisobidan undirish toʻgʻrisida qabul qilingan qarorlar va sudga kiritilgan arizalar hamda ularning natijalari toʻgʻrisidagi maʼlumotlar; 3) soliq qarzini undirish toʻgʻrisidagi ijro hujjatlari boʻyicha “Sud hujjatlari va boshqa organlar hujjatlarini ijro etish toʻgʻrisida”gi Qonunning 40-moddasi birinchi qismi 2 va 3-bandlariga asosan tamomlangan va bu haqida soliq organlarini majburiy ijro organlari tomonidan xabardor qilingan ijro hujjatlari boʻyicha maʼlumotlar; 4) toʻlovga qobiliyatsizlik toʻgʻrisida ish qoʻzgʻatish haqida sudlarga kiritilgan arizalar toʻgʻrisidagi maʼlumotlar; 5) soliq qarzini toʻlash muddatini oʻzgartirish toʻgʻrisida berilgan arizalar va ularni koʻrib chiqish natijalariga oid maʼlumotlar; 6) soliq qarzini toʻlash muddati oʻzgartirilgan soliq toʻlovchilar va soliq toʻlash muddati oʻzgartirilgan soliq summalari toʻgʻrisidagi maʼlumotlar; 7) soliq qarzi umidsiz qarz deb eʼtirof etilgan va hisobdan chiqarilgan soliq toʻlovchilari hamda soliq summalari toʻgʻrisidagi maʼlumotlar; 8) tadbirkorlik subyektlarini ixtiyoriy tugatish tartib-taomillari doirasida ularning moliya-xoʻjalik faoliyatini tekshirish (taftish qilish)ga oid maʼlumotlar; 9) moliya-xoʻjalik faoliyatini amalga oshirmaganligi munosabati bilan soliq organlari tomonidan faollik holati faoliyat koʻrsatmayotgan holatga oʻzgartirilgan, harakatsiz holatga oʻtkazish toʻgʻrisida taqdimnoma kiritilgan tijorat tashkilotlari toʻgʻrisidagi maʼlumotlar, shuningdek moliya-xoʻjalik faoliyatini amalga oshirmayotgan tadbirkorlik subyektlarini davlat reyestridan chiqarish tartib-taomillari — doirasida soliq organlari tomonidan amalga oshirilgan ishlar toʻgʻrisidagi maʼlumotlar. Soliq qoʻmitasi 11. Yuk koʻtarish kranlari. Sanoat, radiatsiya va yadro xavfsizligi qoʻmitasi 12. 1) Sud boshqaruvchilarini tayyorlash boʻyicha maxsus kurslarda oʻqish hamda malakasini oshirish uchun talabgorlar tomonidan berilgan arizalar va ularni koʻrib chiqish natijalari toʻgʻrisidagi maʼlumotlar; 2) sud boshqaruvchiligi uchun oʻqiyotgan talabgorlar hamda malaka oshirayotgan sud boshqaruvchilari toʻgʻrisidagi maʼlumotlar; 3) Sud boshqaruvchilarini tayyorlash boʻyicha oʻquv kursini oʻtaganligi toʻgʻrisida guvohnoma hamda sud boshqaruvchisi malaka oshirganligi haqida sertifikatlar toʻgʻrisidagi maʼlumotlar. Biznes va tadbirkorlik oliy maktabi 13. 1) Davlat ishtirokidagi korxonalar moliyaviy-iqtisodiy holati tahlilini oʻtkazish natijalari toʻgʻrisidagi maʼlumotlar, shu jumladan, toʻlov qobiliyatini tiklash imkoniyatiga ega boʻlgan va toʻlov qobiliyatini tiklash imkoniyatiga ega boʻlmagan deb topilgan korxonalar toʻgʻrisidagi maʼlumotlar hamda ular boʻyicha qabul qilingan qarorlar toʻgʻrisidagi maʼlumotlar; 2) davlat ishtirokidagi korxonalarga nisbatan oʻtkazilgan sudgacha sanatsiya qilish tartib-taomillari toʻgʻrisidagi maʼlumotlar, shuningdek, ularni moliyaviy sogʻlomlashtirish boʻyicha “yoʻl xaritalari” — dasturlari hamda ularning amalga oshirilishini monitoring qilish natijalari toʻgʻrisidagi maʼlumotlar; 3) faoliyat yuritmayotgan, past rentabelli va zarar koʻrib ishlayotgan davlat ishtirokidagi korxonalarning elektron maʼlumotlar bazasi maʼlumotlari; 4) toʻlovga qobiliyatsizlik toʻgʻrisida ish qoʻzgʻatish haqida sudga kiritilgan arizalar, shuningdek, davlat ishtirokidagi korxonalarga nisbatan toʻlovga qobiliyatsizlik tartib-taomillari doirasida sanatsiya va tashqi boshqaruv rejalarining amalga oshirilishi yuzasidan maʼlumotlar; 5) toʻlovga qobiliyatsizlik tartib-taomillari doirasida sud boshqaruvchilari tomonidan “E-auksion” savdo platformasida savdoga chiqarilgan mol-mulklar va savdo natijalari toʻgʻrisidagi “Elektron onlayn-auksionlarni tashkil etish” AJ tomonidan taqdim etiladigan maʼlumotlar; 6) davlat mulkini sotish toʻgʻrisidagi qaror qabul qilingan iqtisodiy nochor korxonalar boʻyicha maʼlumotlar. Davlat aktivlarini boshqarish agentligi 14. Qimmatli qogʻozlar, ularning egalari, ularga boʻlgan huquqlar toʻgʻrisidagi maʼlumotlar. “Qimmatli qogʻozlar markaziy depozitariysi” aksiyadorlik jamiyati

Oʻzbekiston Respublikasi Prezidentining 2026-yil 6-maydagi PF-78-son Farmoniga 3-ILOVA

Toʻlovga qobiliyatsizlik sohasini rivojlantirish boʻyicha chora-tadbirlar

T/r Chora-tadbirlar nomi Amalga oshirish mexanizmlari Amalga oshirish shakli Ijro muddati Masʼul ijrochilar I. Institutsional islohotlar orqali vakolat va boshqaruv arxitekturasini yanada takomillashtirish 1. Toʻlovga qobiliyatsizlik tizimini rivojlantirish istiqbollarini belgilash . 1. Mahalliy va xorijiy ekspertlar, xalqaro tashkilotlar, jumladan, Jahon banki tavsiya va tahlillari asosida huquqni qoʻllash amaliyotida vujudga kelgan muammolarni aniqlash. Amaliy chora-tadbirlar 2026-yil sentabr Adliya vazirligi (A. Tashkulov), Toʻlovga qobiliyatsizlik ishlari agentligi, Iqtisodiyot va moliya vazirligi (I. Norqulov), Soliq qoʻmitasi (F. Pulatov) 2. Tahlil natijalariga asosan, Toʻlovga qobiliyatsizlik institutini rivojlantirish konsepsiyasi hamda uni amalga oshirish boʻyicha chora-tadbirlar dasturi loyihasini ishlab chiqib, belgilangan tartibda Oʻzbekiston Respublikasi Prezidenti Administratsiyasiga kiritish. Normativ-huquqiy hujjat loyihasi 2. Toʻlovga qobiliyatsizlik ishlarini yuritishning muqobil va samarali mexanizmlarini ishlab chiqish . 1. Mahalliy va xorijiy ekspertlarni jalb qilgan holda toʻlovga qobiliyatsizlik ishlarini yuritish boʻyicha joriy qonunchilikni tartibga solish taʼsirini baholash. 2. Natijalari boʻyicha suddan tashqari muqobil mexanizmlarni, shuningdek, kichik va oʻrta biznes subyektlari uchun toʻlovga qobiliyatsizlikning soddalashtirilgan tartibini joriy etish yuzasidan asoslantirilgan takliflarni Oʻzbekiston Respublikasi Prezidenti Administratsiyasiga kiritish. Normativ-huquqiy hujjat loyihasi 2026-yil dekabr Adliya vazirligi (A. Tashkulov), Toʻlovga qobiliyatsizlik ishlari agentligi, Soliq qoʻmitasi (F. Pulatov), Iqtisodiyot va moliya vazirligi (I. Norqulov) 3. Xalqaro moliya institutlari va zaruratga koʻra konsalting kompaniyalari koʻmagida toʻlovga qobiliyatsizlikni hal etish uchun zamonaviy vositalarni amaliyotga tatbiq etish boʻyicha takliflarni ishlab chiqib Vazirlar Mahkamasiga kiritish. Mezonin obligatsiyalar (Mezzanine Financing, Mezzanine Bonds), qarzni kapitalga aylantirish, ayirboshlanadigan obligatsiyalar, kreditorlarning undiruvni vaqtincha toʻxtatib turish toʻgʻrisidagi kelishuvi, qayta tashkil etish rejasi sudga ariza berishdan oldin kelishish (pre-packaged restructuring), qayta tashkil etish jarayonida yangi moliyalashtirish (Debtor-in-Possession Financing)ni joriy etish yuzasidan takliflarni ishlab chiqib, Vazirlar Mahkamasiga kiritish. Amaliy chora-tadbirlar 2027-yil may Toʻlovga qobiliyatsizlik ishlari agentligi Adliya vazirligi (A. Tashkulov), Iqtisodiyot va moliya vazirligi (I. Norqulov), manfaatdor vazirlik va idoralar 4. Toʻlovga qobiliyatsizlik sohasida sudyalarning bilim va koʻnikmalarini mustahkamlash . Toʻlovga qobiliyatsizlikka oid ishlar boʻyicha sudyalarning malakasini oshirishga qaratilgan oʻqitishlar tashkil etish. Shu jumladan, sudyalar uchun toʻlovga qobiliyatsizlik sohasida xalqaro tajriba, umumbelgilangan qoidalar mavzusida onlayn oʻquv dasturi asosida qisqa muddatli malaka oshirish kurslarini tashkil etish. Amaliy chora-tadbirlar Doimiy Sudyalar oliy kengashi (X. Yodgorov) Toʻlovga qobiliyatsizlik ishlari agentligi 5. Toʻlovga qobiliyatsizlikka oid ishlarni koʻrib chiqish boʻyicha sud amaliyotini umumlashtirish. Toʻlovga qobiliyatsizlikka oid ishlarni sudlarda koʻrib chiqish boʻyicha sud amaliyotini umumlashtirib borish va umumlashtirish natijalarini maxsus vakolatli organ ishtirokida muhokama qilish. Amaliy chora-tadbirlar Har yili Oliy sud (B. Islamov) 6. Toʻlovga qobiliyatsizlikka oid ishlarni sudlarda koʻrish sifati va samaradorligini oshirish maqsadida, ilgʻor xorijiy tajribadan kelib chiqib, sudyalarni ixtisoslashtirish. Toʻlovga qobiliyatsizlikka oid ishlarni iqtisodiy sudlarda koʻrish tendensiyasi va sudyalarning ish yuklamasini tahlil qilish, tahlil natijalariga koʻra, tumanlararo, tuman (shahar) iqtisodiy sudlarida hamda Qoraqalpogʻiston Respublikasi, viloyatlar va Toshkent shahar umumyurisdiksiya sudlarida toʻlovga qobiliyatsizlikka oid ishlarni koʻradigan sudyalarni joriy etish (sudyalarni ixtisoslashtirish), shuningdek, zarurat boʻlganda, toʻlovga qobiliyatsizlikka oid ishlar boʻyicha alohida sudlov hayʼatlarini tashkil etish masalasini oʻrganib chiqish va tegishli takliflar kiritish. Tahliliy maʼlumotlar hamda normativ-huquqiy hujjat loyihasi 2027-yil fevral Oliy sud (B. Islamov), Sudyalar oliy kengashi, (X. Yodgorov), Toʻlovga qobiliyatsizlik ishlari agentligi 7. Jinoyat ishini yuritish doirasida mol-mulkni tashqi boshqaruvga berish tartibini joriy etish . Loyihada quyidagilar nazarda tutiladi: (a) jinoyat ishlarini yuritish doirasida mol-mulkni sud boshqaruvchisiga yoki ixtisoslashtirilgan tashkilotga saqlash va vaqtinchalik boshqarish uchun berish mumkin boʻlgan holatlar, shu jumladan, bunday mol-mulk (mulkiy komplekslar va boshqa aktivlar)ning minimal qiymatiga doir cheklovlar; (b) jinoyat ishini yuritishga masʼul davlat organlari va mansabdor shaxslarning jinoyat ishi doirasida mol-mulkni tashqi boshqaruvga berish borasidagi masʼuliyati; (v) sud boshqaruvchisini tayinlash (ixtisoslashtirilgan tashkilotni tanlash) hamda mol-mulkni saqlash va vaqtinchalik boshqarish uchun topshirish-qabul qilish tartibi; (g) jinoyat ishi doirasida mol-mulkni vaqtinchalik boshqarishning oʻziga xos xususiyatlari, shu jumladan, belgilanadigan cheklovlar; (d) mol-mulklarni vaqtinchalik boshqarish mobaynida olingan daromadlarni maxsus hisobvaraqda jamlash, ularni tasarruf etish, shu jumladan, hukmning mulkiy undiruvga oid qismini ijro etishga qaratish tartibi; (j) sud boshqaruvchisi yoki ixtisoslashtirilgan tashkilot faoliyatini nazorat qilish mexanizmlari. Normativ-huquqiy hujjat loyihasi 2027-yil sentabr Adliya vazirligi (A. Tashkulov), Bosh prokuratura (N. Yoʻldoshev) , Oliy sud (B. Islamov) , Toʻlovga qobiliyatsizlik ishlari agentligi, Tadbirkorlik subyektlarining huquqlari va qonuniy manfaatlarini himoya qilish boʻyicha vakil (A. Buriyev) , Savdo-sanoat palatasi (D. Vaxabov) , manfaatdor vazirlik va idoralar 8. Toʻlovga qobiliyatsizlik masalalari boʻyicha idoralararo elektron axborot almashinuvini yoʻlga qoʻyish . Toʻlovga qobiliyatsizlik masalalari boʻyicha yagona axborot tizimini vazirlik va idoralarining axborot tizimlari bilan integratsiya qilish boʻyicha tashkiliy-huquqiy tadbirlar hamda almashinadigan axborotlar tarkibi va tartibi belgilash. Normativ-huquqiy hujjat loyihasi 2026-yil noyabr Adliya vazirligi (A. Tashkulov), Raqamli texnologiyalar vazirligi (Sh. Shermatov), Oliy sud (B. Islamov), Bosh prokuratura (N. Yoʻldoshev), Soliq qoʻmitasi (F. Pulatov), Davlat aktivlarini boshqarish agentligi (S. Murodov), Markaziy bank (T. Ishmetov), Iqtisodiyot va moliya vazirligi (I. Norqulov), Ichki ishlar vazirligi (A. Tashpulatov), Milliy statistika qoʻmitasi (B. Hamrayev), Ijtimoiy himoya milliy agentligi (M. Olloyorov), Majburiy ijro byurosi (M. Egamberdiyev), Toʻlovga qobiliyatsizlik ishlari agentligi, manfaatdor vazirlik va idoralar 9. Toʻlovga qobiliyatsizlikka oid ishlar shaffofligini oshirish . Toʻlovga qobiliyatsizlik toʻgʻrisidagi ish qoʻzgʻatilgan sanadan eʼtiboran Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi hamda Milliy statistika qoʻmitasining Korxona va tashkilotlar toʻgʻrisida maʼlumot sahifasida yuridik shaxsning “toʻlovga qobiliyatsizlik holatida” ekanligini avtomatik tarzda oʻzgartirish amaliyotini yoʻlga qoʻyish. Amaliy chora-tadbirlar 2026-yil dekabr Milliy statistika qoʻmitasi (B. Hamrayev), Oliy sud (B.Islamov), Adliya vazirligi (A. Tashkulov), Soliq qoʻmitasi (F. Pulatov) II. Sud boshqaruvchilarining professional korpusini yaratish, sohani boshqarish va takomillashtirishda sud boshqaruvchilarining oʻzini-oʻzi boshqarish tashkiloti roli va ahamiyatini oshirish 10. Oʻzbekiston sud boshqaruvchilari palatasi faoliyatini tashkil etish . Loyihada quyidagi masalalar nazarda tutiladi: (a) Palataning maqsad va vazifalari, huquq va majburiyatlari; (b) sud boshqaruvchilarining Palataga majburiy aʼzoligi; (v) Palata faoliyatini oʻzini-oʻzi boshqarish tamoyili asosida tashkil etishning huquqiy asoslari; (g) sud boshqaruvchilar faoliyatini boshqarishning huquqiy asoslari va tartibi, jumladan, uni boshqarish va boshqaruv organlarini shakllantirishda maxsus vakolatli organ (regulator) bilan oʻzaro hamkorligi; (d) Palataning oʻz maqsad va vazifalariga erishish uchun zarur boʻlgan tashkiliy, huquqiy, moliyaviy resurslar va mexanizmlar. Normativ-huquqiy hujjat loyihasi 2026-yil sentabr Adliya vazirligi (A. Tashkulov) Toʻlovga qobiliyatsizlik ishlari agentligi 11. Toʻlovga qobiliyatsizlik ishlari bilan shugʻullanadigan yuqori malakali boshqaruvchilarning professional korpusini yaratish boʻyicha tizimli tadbirlarni amalga oshirish. Toʻlovga qobiliyatsizlik ishlari bilan shugʻullanadigan yuqori malakali boshqaruvchilarning professional korpusini yaratish boʻyicha tizimli chora-tadbirlarni amalga oshirish. Bunda quyidagilarni nazarda tutish: (a) iqtisodiyotda korxonalarni moliyaviy sogʻlomlashtirish, faoliyat samaradorligini oshirish, toʻlovga qobiliyatsizlik xavflarini boshqarish va tartib-taomillarini yuritish bilan shugʻullanadigan boshqaruvchilarga boʻlgan ehtiyojdan kelib chiqib, bu sohada yuqori malakali boshqaruvchilar korpusi shakllanishini ragʻbatlantirish, shu jumladan, ular sonini bosqichma-bosqich koʻpaytirish; (b) toʻlovga qobiliyatsizlik sohasida faoliyat yurituvchi mutaxassislarni muntazam malakasini oshirib borish va oʻzaro tajriba almashish tizimini, shu jumladan, toʻlovga qobiliyatsizlikning ayrim sohalari boʻyicha maxsus dasturlar asosida oʻqitish va koʻnikmalarni oshirish mexanizmlarini yoʻlga qoʻyish va ragʻbatlantirish; (v) zaruratga koʻra, boshqaruvchilarning kompetensiyalarini mustaqil malaka imtihonlari orqali sertifikatlash tizimini joriy qilish va ularning reyestrini shakllantirish; (g) sertifikatlangan toʻlovga qobiliyatsizlik amaliyotchilarining kasbiy faoliyati samaradorligini baholash tizimini joriy etish hamda ular faoliyati natijalari asosida eng yuqori koʻrsatkichlarga erishgan “top-50” boshqaruvchilar reytingini shakllantirish va muntazam eʼlon qilib borish. Amaliy chora-tadbirlar 2027-yil mart Toʻlovga qobiliyatsizlik ishlari agentligi, Oʻzbekiston sud boshqaruvchilari palatasi 12. Oʻzbekiston Sud boshqaruvchilari palatasining moddiy-texnika bazasini mustahkamlash . Oʻzbekiston Sud boshqaruvchilari palatasi va uning hududiy tuzilmalarining murojaatlariga asosan ularni davlat mulki obyektlarida tekin foydalanish huquqi asosida joylashtirilishini taʼminlash. Amaliy chora-tadbirlar 2026-yil davomida Davlat aktivlarini boshqarish agentligi (S. Murodov), Adliya vazirligi (A. Tashkulov), Oʻzbekiston sud boshqaruvchilari palatasi 13. Sud boshqaruvchilariga haq toʻlash mexanizmlarini takomillashtirish . Sud boshqaruvchilariga haq toʻlash mexanizmlarini (haq miqdori, toʻlash manbalari va tartibi) qayta koʻrib chiqish va takomillashtirish. Normativ-huquqiy hujjat loyihasi 2026-yil dekabr Adliya vazirligi (A. Tashkulov), Iqtisodiyot va moliya vazirligi (I. Norqulov), Toʻlovga qobiliyatsizlik ishlari agentligi, manfaatdor vazirlik va idoralar 14. Sud boshqaruvchilarining ish faoliyatini tashkil etishning yagona tartibini belgilash . Loyihada: (a) sud boshqaruvchilari ishini tashkil etish tartibi, shu jumladan, ichki hujjatlarini yuritish masalalari; (b) sud boshqaruvchilarini nomzodlar orasidan eng maqbulini tanlab olish va vazifaga tayinlash uchun tavsiya etish tartibi; (v) sud boshqaruvchilarining hisobotlari hamda ularni shakllantirish va taqdim etish tartibi; (g) sud boshqaruvchilari faoliyatini monitoring va nazorat qilish, shu jumladan, tekshirishlar oʻtkazish tartibi; (d) sud boshqaruvchilari faoliyatini tashkil etish bilan bogʻliq boshqa masalalar nazarda tutiladi. Normativ-huquqiy hujjat loyihasi 2026-yil dekabr Toʻlovga qobiliyatsizlik ishlari agentligi, Oʻzbekiston sud boshqaruvchilari palatasi 15. Adliya vazirligi huzuridagi Toʻlovga qobiliyatsizlik ishlari agentligining faoliyatini tashkil etish . 1. Adliya vazirligi huzuridagi Toʻlovga qobiliyatsizlik ishlari agentligi toʻgʻrisidagi nizomni ishlab chiqish va Vazirlar Mahkamasiga kiritish. Normativ-huquqiy hujjatlar loyihalari 2026-yil iyun Adliya vazirligi (A. Tashkulov) , Davlat aktivlarini boshqarish agentligi (S. Murodov) Iqtisodiyot va moliya vazirligi (I. Norqulov), Toʻlovga qobiliyatsizlik ishlari agentligi 2. Adliya vazirligi huzuridagi Toʻlovga qobiliyatsizlik ishlari agentligi va uning hududiy boʻlimlarini shakllantirish, ularni malakali kadrlar bilan qisqa muddatlarda toʻldirish hamda zarur moddiy-texnika resurslari bilan taʼminlash. Amaliy chora-tadbirlar 2026-yil iyul 3. Adliya vazirligi va Davlat aktivlarini boshqarish agentligi hamda ularning hududiy boshqarmalari tashkiliy tuzilmalari va shtat birliklariga Oʻzbekiston Respublikasi Prezidentining mazkur Farmonidan kelib chiqadigan oʻzgartirishlarni kiritish. Amaliy chora-tadbirlar 2026-yil may 4. Agentlik moddiy-texnika bazasini shakllantirish (kompyuter, mebel, transport va boshqa tovar moddiy boyliklarini sotib olish) uchun Davlat xizmatlarini rivojlantirish jamgʻarmasi mablagʻlari hisobidan zarur mablagʻlar ajratish . Amaliy chora-tadbirlar 2026-yil may Adliya vazirligi (A. Tashkulov), Iqtisodiyot va moliya vazirligi (I. Norqulov) 5. Agentlik faoliyati uchun alohida bino ajratish . Amaliy chora-tadbirlar 2026-yil may Davlat aktivlarini boshqarish agentligi (S. Murodov), Adliya vazirligi (A. Tashkulov) 6. Binoni taʼmirlash va jihozlash ishlarini tashkil etish. Amaliy chora-tadbirlar 2026-yil may 16. Sud boshqaruvchilarining kasbga oid qoidalarini hamda Sud boshqaruvchilarini reyting asosida baholash tartibini tasdiqlash . Bunda: 1) kasbga oid qoidalar hamda reyting asosida baholash mezonlari sud boshqaruvchisiga qoʻyilgan yuqori kasbiy talablardan kelib chiqib qaytadan koʻrib chiqiladi; 2) ushbu hujjatlar Palata tomonidan Adliya vazirligi huzuridagi Toʻlovga qobiliyatsizlik ishlari agentligi bilan kelishilgan holda tasdiqlanadi. Idoraviy hujjat loyihasi 2027-yil yanvar Oʻzbekiston Sud boshqaruvchilari palatasi, Toʻlovga qobiliyatsizlik ishlari agentligi 17. Sud boshqaruvchilarining ish normalarini ishlab chiqish . Sud boshqaruvchilari bir paytning oʻzida oʻz ish yurituviga qabul qilishi mumkin boʻlgan ishlarning yoʻl qoʻyiladigan normalarini belgilash. Idoraviy hujjat loyihasi 2027-yil yanvar Toʻlovga qobiliyatsizlik ishlari agentligi, Kambagʻallikni qisqartirish va bandlik vazirligi (B. Zaxidov) Oʻzbekiston sud boshqaruvchilari palatasi 18. Toʻlovga qobiliyatsizlik sohasining turli masalalariga oid normativ-huquqiy qoidalar va uslubiy tavsiyalarni oʻz ichiga oladigan standartlarni joriy qilish. Bunda quyidagi masalalar boʻyicha standartlar qabul qilinadi: (a) kuzatuv tartib-taomillari; (b) sanatsiya tartib-taomillari; (v) tashqi boshqaruv tartib-taomillari; (g) yuridik shaxsni tugatish tartib-taomillari; (d) jismoniy shaxsning toʻlovga qobiliyatsizligi tartib-taomillari; (j) kreditorlarning talablari reyestrini shakllantirish va yuritish; (z) kreditorlarning va kreditorlar qoʻmitasining yigʻilishlarini tashkil etish va oʻtkazish; (i) qarzdorning moliyaviy ahvolini tahlil qilish; (k) sud boshqaruvchisi hisobotlarini tayyorlash; (l) sud sanatsiyasi rejasi va tashqi boshqaruv rejasi; (m) tugatish rejasi; (n) kreditorlarning talablarini qanoatlantirish shartlari, tartibi, navbati va nisbati; (o) toʻlovga qobiliyatsizlik tartib-taomillari doirasida mol-mulkni baholash va sotish; (p) toʻlovga qobiliyatsizlik tartib-taomillari doirasida auditor, mutaxassis va boshqa shaxslarni jalb qilish; (r) haqiqiy emas deb topilishi mumkin boʻlgan bitimlarni tahlil qilish va aniqlash; (s) qarzdorning ishlarini boshqaruvchi shaxsning va boshqa shaxslarning subsidiar javobgarligi; (t) soxta toʻlovga qobiliyatsizlik, toʻlovga qobiliyatsizlikni yashirish va qasddan toʻlovga qobiliyatsizlikka olib kelish alomatlarini aniqlash; (u) sud boshqaruvchilari faoliyatini reyting asosida baholash; (f) sud boshqaruvchilari faoliyatini monitoring qilish va tekshirish; (x) sud boshqaruvchisi faoliyatiga doir hujjatlar va hisobotlar; (ch) transchegaraviy toʻlovga qobiliyatsizlik tartib-taomillarini amalga oshirish boʻyicha tavsiyalar; (sh) jinoyat ishi doirasida xatlangan aktivlarni saqlash va vaqtinchalik boshqarish; (e) toʻlovga qobiliyatsizlik sohasiga oid, shu jumladan, sud boshqaruvchilari faoliyatiga oid boshqa masalalar. Toʻlovga qobiliyatsizlik masalalariga oid standartlar 2026 — 2030-yillar Toʻlovga qobiliyatsizlik ishlari agentligi, Oʻzbekiston Sud boshqaruvchilari palatasi III. Toʻlovga qobiliyatsizlik sohasida kadrlarni tayyorlash va ularning sifatini oshirish 19. Sud boshqaruvchilarini tayyorlash tizimini institutsional takomillashtirish. Loyihada: (a) sud boshqaruvchilari tayyorlash, qayta tayyorlash va malakasini oshirish mexanizmlarini takomillashtirish, shu jumladan, yetuk va salohiyatli taʼlim tashkilotlarini jalb qilish; (b) Adliya vazirligi huzuridagi Yuridik kadrlarni qayta tayyorlash va malakasini oshirish institutiga, shuningdek, qonunchilik talablariga javob beradigan boshqa taʼlim muassasalariga tegishli maxsus oʻquv kurslarini tashkil qilish hamda talabgorlarga maxsus oʻquv kurslarini muvaffaqiyatli tugatganligi haqida guvohnoma (sertifikat) berish huquqini berish. Normativ-huquqiy hujjat loyihasi 2026-yil avgust Adliya vazirligi (A. Tashkulov), Oliy taʼlim, fan va innovatsiyalar vazirligi (K. Sharipov), Iqtisodiyot va moliya vazirligi (I. Norqulov) , Toʻlovga qobiliyatsizlik ishlari agentligi, manfaatdor vazirlik va idoralar 20. Sud boshqaruvchilarini tayyorlash, qayta tayyorlash va malakasini oshirish boʻyicha oʻtaladigan maxsus oʻquv kurslari uchun namunaviy oʻquv dasturlarini tasdiqlash . Namunaviy oʻquv dasturlarini ishlab chiqish va tasdiqlash . Bunda oʻquv dasturlari qonunchilik va huquqni qoʻllash amaliyotidagi yangiliklar, ilgʻor xorijiy tajribani inobatga olgan holda, shuningdek, maxsus stajirovkadan oʻtish amaliyotini nazarda tutgan holda tasdiqlanadi hamda doimiy ravishda takomillashtirib boriladi. Normativ-huquqiy hujjat loyihasi 2026-yil iyul Toʻlovga qobiliyatsizlik ishlari agentligi, Oʻzbekiston sud boshqaruvchilari palatasi 21. Sud boshqaruvchilariga malaka attestatini berish, ularni attestatsiyadan va qayta attestatsiyadan oʻtkazish tartib-taomillarini takomillashtirish . Loyihada quyidagilar nazarda tutiladi: a) tegishli tartib-taomillarni kasb vakillariga qoʻyiladigan yuqori talablarni hamda adolatlilik va ochiqlikni taʼminlagan holda qayta koʻrib chiqish; b) sud boshqaruvchisi sifatida faoliyat yuritish uchun iqtisodiyot, menejment, buxgalteriya va yuridik sohadagi yuqori malakali mutaxassislarni, shu jumladan, tegishli litsenziyaga ega boʻlgan advokatlarni jalb etish. Normativ-huquqiy hujjat loyihasi 2026-yil avgust Adliya vazirligi (A. Tashkulov), Toʻlovga qobiliyatsizlik ishlari agentligi, Oʻzbekiston sud boshqaruvchilari palatasi IV. Moliyaviy mexanizmlar va iqtisodiy barqarorlashtirish vositalarini kuchaytirish 22. Soliq toʻlash muddatlarini oʻzgartirish (kechiktirish yoki boʻlib-boʻlib toʻlash) tartib-taomillarini takomillashtirish. Loyihada: (a) soliq toʻlash muddatlarini oʻzgartirishga imkoniyat berish toʻgʻrisida qaror qabul qiladigan vakolatli tashkilotlarni qayta koʻrib chiqish va nomarkazlashtirish. Shu jumladan, ushbu vakolatni hududiy soliq organlariga berish va ular oʻrtasida soliq turi, summasi va kechiktirish (boʻlib-boʻlib toʻlash) muddatlaridan kelib chiqib differensiatsiyalash; (b) soliq toʻlovchilarning soliq toʻlashni kechiktirish yoki boʻlib-boʻlib toʻlashga imkon berish toʻgʻrisidagi arizalarini Soliq qoʻmitasining rasmiy veb-saytidagi alohida interaktiv xizmat moduli orqali berish hamda ularni koʻrib chiqish muddatini 30 kundan 20 kunga qisqartirish; (v) soliqlarni toʻlashni kechiktirish yoki boʻlib-boʻlib toʻlashda garov mulki yoki bank kafolati yoxud sugʻurta polisi taqdim etilganda, moliyaviy holati va istisno etuvchi holatlar mavjudligidan qatʼi nazar soliq organlari tomonidan soliqlarni toʻlashni kechiktirish yoki boʻlib-boʻlib toʻlash imkoniyatini berish; (g) soliqlarni toʻlashni kechiktirish yoki boʻlib-boʻlib toʻlash imkoniyatini berish asoslari va shartlarini tubdan yengillashtirish, shu jumladan, ayrim hollarda (barqarorlik reytingi yuqori boʻlgan tadbirkorlik subyektlarining arizalari, qisqa muddatlarga yoki muayyan miqdordan yuqori boʻlmagan summalarga soliqlarni toʻlash muddatini oʻzgartirish toʻgʻrisidagi arizalar, soliq toʻlovchi tomonidan bank kafolati yoki mol-mulk garovi taqdim etilgan holatlar va boshqalar) soddalashtirilgan tartibda soliq toʻlovchi va soliq organi oʻrtasida onlayn kelishuv tuzish mexanizmini joriy etish nazarda tutiladi. Normativ-huquqiy hujjat loyihasi 2026-yil avgust Adliya vazirligi (A. Toshkulov), Soliq qoʻmitasi (F. Pulatov), Iqtisodiyot va moliya vazirligi (I. Norqulov) 23. Banklar va mikromoliya tashkilotlari tomonidan ajratilgan kreditlar va ular boʻyicha qarzdorlikni restrukturizatsiya qilishning huquqiy va metodologik asoslarini yaratish. Loyihada kreditlar boʻyicha qarzdorlikni tarkibiy jihatdan oʻzgartirish asoslari, turlari va tartibi nazarda tutiladi. Idoraviy normativ-huquqiy hujjat loyihasi 2026-yil iyul Markaziy bank (T. Ishmetov), Adliya vazirligi (A. Tashkulov), Toʻlovga qobiliyatsizlik ishlari agentligi 24. Fuqarolardan pul majburiyatlari boʻyicha qarzdorlikni undirishda qarzdor va kreditor (ularning vakillari) oʻrtasidagi oʻzaro munosabatlarning huquqiy asoslarini belgilash. Loyihada quyidagilar nazarda tutiladi: (a) qarzdor va kreditor (ularning vakillari) oʻrtasidagi qarzdorlikni undirish boʻyicha oʻzaro munosabatlarning huquqiy qoidalari va chegaralarini belgilash; (b) talabdan boshqa shaxs foydasiga voz kechish (sessiya), vakillik, vositachilik (agentlik) yoki qonunchilikda belgilangan boshqa shakldagi bitimlar asosida qarzdorlikni suddan tashqari va sud tartibida undirish xizmatlarini koʻrsatadigan nodavlat tuzilmalar faoliyatini tartibga solish; (v) kreditorlar, ularning vakillari tomonidan qarzdorlikni suddan tashqari undirish uchun koʻrilishi mumkin boʻlgan choralar (muzokara oʻtkazish, mediatsiya va boshqalar), ularni amalga oshirish tartibi, cheklov va taqiqlar, shuningdek, qarzdorning huquqlarini aniq belgilash. Normativ-huquqiy hujjat loyihasi 2027-yil may Adliya vazirligi (A. Tashkulov) , Bosh prokuratura (N. Yoʻldoshev) , Markaziy bank (T. Ishmetov) , Toʻlovga qobiliyatsizlik ishlari agentligi, manfaatdor vazirlik va idoralar 25. Jismoniy shaxslarning toʻlovga qobiliyatsizligi institutini takomillashtirish . Loyihada quyidagilar nazarda tutiladi: (a) moliyaviy qiyin ahvolga tushgan aholi qatlami uchun suddan tashqari yuritiladigan toʻlovga qobiliyatsizlik institutini, shu jumladan, kredit taʼtillari berish amaliyotini joriy etish; (b) jismoniy shaxslarning sud tartibida koʻrib chiqiladigan ishlardan foydalanishini kengaytirish, jarayonni soddalashtirish. Normativ-huquqiy hujjat loyihasi 2026-yil oktabr Adliya vazirligi (A. Tashkulov), Markaziy bank (T. Ishmetov) , Oliy sud (B. Islamov), Toʻlovga qobiliyatsizlik ishlari agentligi, manfaatdor vazirlik va idoralar V. Toʻlovga qobiliyatsizlik sohasidagi qonunbuzilishlarni aniqlash, oldini olish va ularga qarshi kurashish 26. Maʼmuriy javobgarlik tizimini toʻlovga qobiliyatsizlik sohasida sodir etiladigan qonunbuzilishlarni oldini olish nuqtai nazaridan qayta koʻrib chiqish. Loyihada quyidagilar nazarda tutiladi: (a) toʻlovga qobiliyatsizlik toʻgʻrisida ish qoʻzgʻatish haqida sudga murojaat etish majburiyatini bajarmaganlik uchun maʼmuriy javobgarlik belgilash; (b) toʻlovga qobiliyatsizlik sohasiga yangi tartib-taomillar joriy etilishi munosabati bilan ushbu sohadagi qonunchilik hujjatlarini buzganlik uchun maʼmuriy javobgarlikni nazarda tutish; (v) qasddan toʻlovga qobiliyatsizlikka olib kelish tariqasidagi hamda toʻlovga qobiliyatsizlik sohasida boshqa ayrim huquqbuzarliklar uchun muayyan huquqdan mahrum qilish (diskvalifikatsiya) tariqasidagi maʼmuriy jazo chorasini joriy etish. Bunda ushbu jazo chorasi, qoida tariqasida, huquqbuzarga yangi tashkil etilayotgan yoki faoliyat yuritayotgan yuridik shaxsning taʼsischisi (ishtirokchisi) boʻlishini yoxud uning yakka tartibdagi rahbarligiga yoki boshqaruv organlaridagi boshqa lavozimlarga tayinlanishini (saylanishini) muayyan muddatga taqiqlashda ifodalanadi. Normativ huquqiy-hujjat loyihasi 2027-yil yanvar Adliya vazirligi (A. Tashkulov) , Bosh prokuratura (N. Yoʻldoshev) , Toʻlovga qobiliyatsizlik ishlari agentligi, manfaatdor vazirlik va idoralar 27. Toʻlovga qobiliyatsizlik sohasidagi huquqbuzarliklar uchun javobgarlikka tortish tizimini toʻliq qayta koʻrib chiqish. Loyihada toʻlovga qobiliyatsizlikni yashirish, qasddan toʻlovga qobiliyatsizlikka olib kelish, soxta toʻlovga qobiliyatsisizlik holatini yuzaga keltirish, shuningdek, toʻlovga qobiliyatsizlik sohasidagi qonunchilikni boshqa tarzda buzish bilan bogʻliq huquqbuzarliklar uchun javobgarlik va jazo choralarini differensatsiya qilish va kuchaytirish nazarda tutiladi. Normativ huquqiy-hujjat loyihasi 2026-yil sentabr Adliya vazirligi (A. Tashkulov) , Oliy sud (B. Islamov), Bosh prokuratura (N. Yoʻldoshev), manfaatdor vazirlik va idoralar VI. Toʻlovga qobiliyatsizlik sohasida xalqaro hamkorlikni yoʻlga qoʻyish va rivojlantirish 28. Toʻlovga qobiliyatsizlik sohasida xalqaro aloqalarning huquqiy asoslarini yaratish va unda ishtirok etish. Quyidagi chora-tadbirlarni amalga oshirish: (a) toʻlovga qobiliyatsizlik sohasida koʻp tomonlama va ikki tomonlama xalqaro shartnomalar loyihalarini ishlab chiqishda ishtirok etish; (b) Adliya vazirligi huzuridagi Toʻlovga qobiliyatsizlik ishlari agentligi tomonidan toʻlovga qobiliyatsizlik sohasida Oʻzbekiston Respublikasining xalqaro shartnomalari boʻyicha Oʻzbekiston Respublikasining xalqaro majburiyatlarini amalga oshirishda vakolatli organ vazifasini bajarish; (v) toʻlovga qobiliyatsizlik sohasidagi xalqaro standartlar, shu jumladan, U N CITRAL tavsiyalari milliy qonunchilikka tizimli ravishda implementatsiya qilish. Amaliy chora-tadbirlar Doimiy Adliya vazirligi (A. Tashkulov) , Tashqi ishlar vazirligi (B. Saidov), Toʻlovga qobiliyatsizlik ishlari agentligi 29. Toʻlovga qobiliyatsizlik masalalari boʻyicha xorijiy davlatlarning vakolatli organlari, xalqaro tashkilotlar bilan hamkorlik qilish. Quyidagi chora-tadbirlarni amalga oshirish: (a) IAIR (International Assosiation of Insolvency Regulators)ga aʼzo boʻlish choralarini koʻrish; (b) I N SOL International xalqaro tashkiloti bilan hamkorlikni yoʻlga qoʻyish; (v) xorijiy davlatlarning toʻlovga qobiliyatsizlik masalalari boʻyicha vakolatli organlari bilan ikki tomonlama manfaatli aloqalarni yoʻlga qoʻyish. Amaliy chora-tadbirlar 2026-2027-yillar davomida Toʻlovga qobiliyatsizlik ishlari agentligi, Tashqi ishlar vazirligi (B. Saidov)

Oʻzbekiston Respublikasi Prezidentining 2026-yil 6-maydagi PF-78-son Farmoniga 4-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2019-yil 9-yanvardagi “Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida”gi PF-5618-son Farmonida :

(a) 6-bandda :

(i) beshinchi xatboshi chiqarib tashlansin;

(ii) oltinchi xatboshi beshinchi xatboshi deb hisoblansin;

(b) 1-ilovaning “III. Konsepsiyaning asosiy yoʻnalishlari” boʻlimi 1-bobida :

(i) “1. Oilada huquqiy tarbiyani shakllantirish va huquqiy madaniyatni yuksaltirish” kichik boʻlimining 7 va 8-bandlari quyidagi tahrirda bayon etilsin:

“7. Kundalik turmushda koʻp uchraydigan masalalarning huquqiy yechimlari va yangi qabul qilingan qonun hujjatlarining mohiyatini yoritishga qaratilgan mediamateriallarni tayyorlash, shuningdek, huquqiy mediamateriallarni ommaviy axborot vositalari va internet tarmogʻi orqali yoritish.

8. Yoshlar va ota-onalar oʻrtasida nikoh yoshi, aliment toʻlash shartlari, qarindoshlar oʻrtasidagi nikoh va uning huquqiy oqibatlari toʻgʻrisida huquqiy targʻibot materiallari va ijtimoiy videoroliklar tayyorlash va muntazam ravishda ommaviy axborot vositalari va internet tarmogʻi orqali tarqatib borish”;

(ii) “2. Aholining huquqiy madaniyatini yuksaltirishda mahalla institutining rolini kuchaytirish” kichik boʻlimining 2-bandidagi “buklet, flayer, liflet va plakatlar” soʻzlari “mediamateriallar” soʻzlari bilan almashtirilsin.

2. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi PF-5630-son Farmonining 3-bandida :

(a) uchinchi xatboshidagi “hamda toʻlovga qobiliyatsizlik” soʻzlari chiqarib tashlansin;

(b) oʻn uchinchi xatboshi chiqarib tashlansin;

(v) oʻn toʻrtinchi va oʻn beshinchi xatboshilar tegishincha oʻn uchinchi va oʻn toʻrtinchi xatboshilar deb hisoblansin.

3. Oʻzbekiston Respublikasi Prezidentining 2020-yil 19-maydagi “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida”gi PF-5997-son Farmonining 5-bandi toʻrtinchi xatboshisi quyidagi tahrirda bayon etilsin:

“idoraviy normativ-huquqiy hujjatlarga jismoniy va yuridik shaxslarga yangi imtiyoz hamda javobgarlik choralarini belgilaydigan, amaldagi tartib-taomillarni asossiz murakkablashtiradigan, fuqarolarning huquq va erkinliklarini cheklaydigan, asoslanmagan qoʻshimcha xarajat va toʻlovlarni, yangi turdagi soliq va yigʻimlarni, litsenziyalash, ruxsat berish hamda xabardor qilish tartib-taomillarini joriy etadigan huquqiy normalarni kiritishga yoʻl qoʻymaslik”.

4. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :

(a) 1-ilovada :

(i) “17. Adliya vazirligi” boʻlimi quyidagi tahrirda bayon etilsin:

“ 17. Adliya vazirligi Adliya vazirligi 3 381 1 809 1 572 shu jumladan, vazir oʻrinbosarlari soni 4 4 1. “Oʻzarxiv” agentligi 89 89 shu jumladan, direktor oʻrinbosarlari soni 1 1 2. Toʻlovga qobiliyatsizlik ishlari agentligi 81 81 shu jumladan, direktor oʻrinbosarlari soni 1 1 ”;

(ii) “21. Davlat aktivlarini boshqarish agentligi” boʻlimining “Davlat aktivlarini boshqarish agentligi” pozitsiyasida:

“Jami boshqaruv shtat birliklari soni” ustunidagi “532” raqami “517” raqami bilan almashtirilsin;

“Davlat budjeti hisobidan” ustunidagi “308” raqami “293” raqami bilan almashtirilsin;

(iii) “33. Soliq qoʻmitasi” boʻlimining “Soliq qoʻmitasi” pozitsiyasida:

“Jami boshqaruv shtat birliklari soni” ustunidagi “9 241” raqami “9 231” raqami bilan almashtirilsin;

“Davlat budjeti hisobidan” ustunidagi “9 241” raqami “9 231” raqami bilan almashtirilsin;

(b) 2-ilovada :

(i) quyidagi mazmundagi 17.2-kichik band bilan toʻldirilsin:

“17.2. Toʻlovga qobiliyatsizlik ishlari agentligi”;

(ii) izohlar qismida:

birinchi xatboshidagi “67” raqami “68” raqami bilan almashtirilsin;

toʻrtinchi xatboshidagi “26” raqami “27” raqami bilan almashtirilsin.

(v) 2a-ilova quyidagi mazmundagi 17.2-pozitsiya bilan toʻldirilsin:

“ 17.2. Oʻzbekiston Respublikasi Adliya vazirligi huzuridagi Toʻlovga qobiliyatsizlik ishlari agentligi Toʻlovga qobiliyatsizlik ishlari agentligi Agentstvo po delam neplatejesposobnosti ”.

5. Oʻzbekiston Respublikasi Prezidentining 2024-yil 24-maydagi “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida”gi PF-80-son Farmonida :

(a) 16-bandda :

(i) beshinchi xatboshi chiqarib tashlansin;

(ii) oltinchi xatboshi beshinchi xatboshi deb hisoblansin;

(b) 6-ilovaning 23-pozitsiyasi chiqarib tashlansin.

6. Oʻzbekiston Respublikasi Prezidentining 2025-yil 25-noyabrdagi “Qonunchilikdagi huquqiy boʻshliqlarni bartaraf etish va tartibga solish yukini kamaytirish toʻgʻrisida”gi PF-231-son Farmoniga 3-ilovaning 4-pozitsiyasi chiqarib tashlansin.

7. Oʻzbekiston Respublikasi Prezidentining 2017-yil 8-fevraldagi “Qonun hujjatlarini tarqatish tizimini tubdan takomillashtirish chora-tadbirlari toʻgʻrisida”gi PQ-2761-son qarorida :

(a) 2-bandning beshinchi xatboshisi quyidagi tahrirda bayon etilsin:

“normativ-huquqiy hujjatlar va zarur boʻlgan taqdirda, ularga doir axborot-tahliliy materiallar boshqa davlat organlariga va tashkilotlarga Oʻzbekiston Respublikasi Adliya vazirligi tomonidan ularning matnlari Oʻzbekiston Respublikasi qonunchilik maʼlumotlari milliy bazasida rasman eʼlon qilingandan keyin ikki ish kuni mobaynida, huquqiy targʻibot tadbirlarini tashkil qilish uchun Huquqiy axborotni tarqatish kartotekasi asosida masʼul ijrochilar va topshiriqlarni bajarish muddatlarini koʻrsatgan holda yoki maʼlumot uchun “Ijro.gov.uz” tizimi orqali elektron shaklda yetkaziladi”;

(b) 2-ilova oʻz kuchini yoʻqotgan deb hisoblansin.

8. Oʻzbekiston Respublikasi Prezidentining 2018-yil 13-apreldagi “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-3666-son qarorida :

(a) 1-bandda :

(i) quyidagi mazmundagi yigirma ikkinchi — yigirma beshinchi xatboshilar bilan toʻldirilsin:

“toʻlovga qobiliyatsizlik sohasida davlat siyosatini amalga oshirish, shuningdek, bu sohada davlat organlari va tashkilotlarining faoliyatini muvofiqlashtirish;

toʻlovga qobiliyatsizlik tartib-taomillarini va iqtisodiy nochor jismoniy va yuridik shaxslarni moliyaviy sogʻlomlashtirish chora-tadbirlarini amalga oshirish uchun zarur shart-sharoitlarni yaratishga koʻmaklashish, shuningdek, toʻlovga qobiliyatsizlik jarayonlarini toʻliq raqamlashtirish, ortiqcha byurokratik tartib-taomillarni soddalashtirish;

jismoniy shaxslarning toʻlovga qobiliyatsizligi hisobi va tahlilini yuritish;

sud boshqaruvchilari faoliyati tashkil etilishini taʼminlash va ularning faoliyatini nazorat qilish”;

(ii) yigirma ikkinchi — yigirma oltinchi xatboshilar tegishincha yigirma oltinchi — oʻttizinchi xatboshilar deb hisoblansin;

(b) 3-bandda :

(i) quyidagi mazmundagi uchinchi xatboshi bilan toʻldirilsin:

“Adliya vazirligi, “Oʻzarxiv” agentligi hamda Toʻlovga qobiliyatsizlik ishlari agentligining tashkiliy tuzilmalari 1a, 1b va 1v-ilovalarga muvofiq”;

(ii) uchinchi xatboshi toʻrtinchi xatboshi deb hisoblansin;

(v) 1-ilovada :

(i) 8-bandda :

quyidagi mazmundagi beshinchi xatboshi bilan toʻldirilsin:

“Toʻlovga qobiliyatsizlik ishlari agentligi va uning hududiy boʻlimlari”;

beshinchi — oʻn toʻrtinchi xatboshilar tegishincha oltinchi — oʻn beshinchi xatboshilar deb hisoblansin;

(ii) 9-bandda :

quyidagi mazmundagi yigirma ikkinchi — yigirma beshinchi xatboshilar bilan toʻldirilsin:

“toʻlovga qobiliyatsizlik sohasida davlat siyosatini amalga oshirish, shuningdek, bu sohada davlat organlari va tashkilotlarining faoliyatini muvofiqlashtirish;

toʻlovga qobiliyatsizlik tartib-taomillarini va iqtisodiy nochor jismoniy va yuridik shaxslarni moliyaviy sogʻlomlashtirish chora-tadbirlarini amalga oshirish uchun zarur shart-sharoitlarni yaratishga koʻmaklashish, shuningdek, toʻlovga qobiliyatsizlik jarayonlarini toʻliq raqamlashtirish, ortiqcha byurokratik tartib-taomillarni soddalashtirish;

jismoniy shaxslarning toʻlovga qobiliyatsizligi hisobi va tahlilini yuritish;

sud boshqaruvchilari faoliyati tashkil etilishini taʼminlash va ularning faoliyatini nazorat qilish”;

yigirma ikkinchi — yigirma oltinchi xatboshilar tegishincha yigirma oltinchi — oʻttizinchi xatboshilar deb hisoblansin;

(iii) 10-bandda :

1-kichik bandda :

oʻn ikkinchi xatboshi quyidagi tahrirda bayon etilsin:

“idoraviy normativ-huquqiy hujjatlarni ishlab chiqish, kelishish, qabul qilish, davlat roʻyxatidan oʻtkazish va manfaatdor shaxslar eʼtiboriga yetkazishning belgilangan tartibiga rioya qilinishi ustidan monitoring va nazoratni amalga oshiradi”;

yigirmanchi xatboshi quyidagi tahrirda bayon etilsin:

“idoraviy normativ-huquqiy hujjatlarni tayyorlash va qabul qilish, huquqiy ekspertiza va davlat roʻyxatidan oʻtkazish qoidalarini tasdiqlaydi”;

4-kichik bandning uchinchi xatboshisi quyidagi tahrirda bayon etilsin:

“normativ-huquqiy hujjatlar matnlarini ijrochilarga yetkazish, ularning mohiyati va ahamiyatini ijrochilar va keng aholi qatlamiga tushuntirish ishlarini “Ijro.gov.uz” idoralararo yagona elektron ijro intizomi tizimi orqali nazorat qiladi”;

17-kichik bandda :

oʻn uchinchi xatboshidagi “va aniqlangan kontrafakt mahsulotlarni olib qoʻyish va yoʻq qilish boʻyicha choralarni koʻradi” soʻzlari chiqarib tashlansin;

quyidagi mazmundagi xatboshi bilan toʻldirilsin:

“intellektual mulk obyektlariga boʻlgan huquqlarni himoya qilishda ashyolarni koʻzdan kechiradi va huquqbuzarlikni sodir etish quroli, huquqbuzarlik ashyosi boʻlgan ashyo va hujjatlarni xatlaydi”;

quyidagi mazmundagi 20 1 — 20 4 -kichik bandlar bilan toʻldirilsin:

“20 1 ) toʻlovga qobiliyatsizlik sohasida davlat siyosatini amalga oshirish, shuningdek, bu sohada davlat organlari va tashkilotlarining faoliyatini muvofiqlashtirish sohasida:

toʻlovga qobiliyatsizlik sohasida davlat siyosatining ustuvor yoʻnalishlarini ishlab chiqadi;

toʻlovga qobiliyatsizlik toʻgʻrisidagi qonunchilikka rioya etilishi ustidan davlat nazoratini amalga oshiradi;

toʻlovga qobiliyatsizlik sohasining davlat tomonidan tartibga solinishini amalga oshiradi;

toʻlovga qobiliyatsizlik sohasida qonunchilik va huquqni qoʻllash amaliyotini monitoring va tahlil qiladi hamda ularni takomillashtirish boʻyicha takliflar ishlab chiqadi;

toʻlovga qobiliyatsizlik sohasida Oʻzbekiston Respublikasi shartnomalarini ishlab chiqishda ishtirok etadi hamda ular boʻyicha Oʻzbekiston Respublikasi majburiyatlarining bajarilishini tashkillashtiradi;

toʻlovga qobiliyatsizlik sohasida xorijiy davlatlarning vakolatli organlari va xalqaro tashkilotlar bilan hamkorlik qiladi;

davlat organlari va tashkilotlarining toʻlovga qobiliyatsizlik masalalari boʻyicha faoliyatini muvofiqlashtiradi va uslubiy rahbarlikni amalga oshiradi;

20 2 ) toʻlovga qobiliyatsizlik tartib-taomillarini va iqtisodiy nochor jismoniy va yuridik shaxslarni moliyaviy sogʻlomlashtirish chora-tadbirlarini amalga oshirish uchun zarur shart-sharoitlarni yaratishga koʻmaklashish, shuningdek, toʻlovga qobiliyatsizlik jarayonlarini toʻliq raqamlashtirish, ortiqcha byurokratik tartib-taomillarni soddalashtirish sohasida:

toʻlovga qobiliyatsizlik tartib-taomillarini, shu jumladan, suddan tashqari toʻlovga qobiliyatsizlik tartib-taomillarini amalga oshirish, bu sohada yuridik va jismoniy shaxslarning huquqlari va qonuniy manfaatlarini taʼminlash uchun zarur boʻlgan tashkiliy, huquqiy va axborot taʼminoti boʻyicha choralarni oʻz vakolatlari doirasida koʻradi;

toʻlovga qobiliyatsizlik boʻyicha ishlarni sudlarda koʻrib chiqishda maxsus vakolatli organ sifatida ishtirok etadi;

sudlar tomonidan toʻlovga qobiliyatsizlik toʻgʻrisidagi ishlarni koʻrib chiqishda hamda toʻlovga qobiliyatsizlik toʻgʻrisidagi qonunchilik normalarini qoʻllashda mavjud muammolarni tahlil qiladi va ular boʻyicha takliflar ishlab chiqadi;

toʻlovga qobiliyatsizlik alomatiga ega boʻlgan yuridik shaxslarga davlat tomonidan yordam koʻrsatgan holda sudgacha sanatsiya qilish va sanatsiya oʻtkazishni tugatish yuzasidan qaror qabul qiladi va ularning monitoringini yuritadi;

oʻz arizasiga koʻra qoʻzgʻatilgan toʻlovga qobiliyatsizlik toʻgʻrisidagi ishlar boʻyicha toʻlovga qobiliyatsizlik tartib-taomillari jarayoni monitoringini amalga oshiradi;

toʻlovga qobiliyatsizlik tartib-taomillari jarayonidagi va toʻlovga qobiliyatsiz deb topilgan yuridik va jismoniy shaxslar reyestrlarini yuritadi;

Oʻzbekiston Respublikasi Vazirlar Mahkamasi tomonidan belgilangan tartibda shaharni tashkil etuvchi korxonalar va ularga tenglashtirilgan korxonalar reyestrini yuritadi;

jinoyat ishlari boʻyicha xatlangan yuridik shaxslar va (yoki) ularning mulkiy komplekslari va boshqa aktivlarini qonunchilikda belgilangan tartibda vaqtinchalik boshqarish ishlarini tashkillashtiradi va hisobini yuritadi;

jinoyat ishlari boʻyicha xatlangan yuridik shaxslar va (yoki) ularning mulkiy komplekslari va boshqa aktivlarini vaqtinchalik boshqarish boʻyicha sud boshqaruvchisining yoki ixtisoslashtirilgan tashkilotning faoliyatini qonunchilik hujjatlarida belgilangan tartibda va hollarda nazorat qiladi hamda qonunchilik hujjatlarida nazarda tutilgan hollarda ularning qarorlarini kelishadi;

toʻlovga qobiliyatsizlik sohasida qonunbuzilishlarni oldini olish choralarini koʻradi, ushbu sohada jinoyatlarni aniqlash, bartaraf etish va ularni oldini olishda huquqni muhofaza qiluvchi idoralar bilan hamkorlik qiladi;

toʻlovga qobiliyatsizlik tartib-taomillarini raqamlashtirish hamda toʻlovga qobiliyatsizlik jarayoni toʻgʻrisidagi maʼlumotlar bilan barcha manfaatdor shaxslarga tanishish imkoniyatini yaratish orqali sohaning samaradorligi va shaffofligini oshirish choralarini koʻradi;

Toʻlovga qobiliyatsizlik ishlarini yuritishning yagona elektron platformasi shakllantirilishi va yuritilishini hamda vazirlik va idoralarning maʼlumotlar bazalari va axborot tizimlari bilan integratsiya qilinishini taʼminlaydi;

qonunga muvofiq majburiy ravishda eʼlon qilinishi lozim boʻlgan maʼlumotlarni, jumladan, toʻlovga qobiliyatsizlikka doir ishlar boʻyicha sudlar va vakolatli organlar tomonidan qabul qilingan qarorlar va toʻlovga qobiliyatsizlik tartib-taomillari jarayonlari haqidagi maʼlumotlar Toʻlovga qobiliyatsizlik ishlarini yuritishning yagona elektron platformasida eʼlon qilinishini tashkillashtiradi;

20 3 ) jismoniy shaxslarning toʻlovga qobiliyatsizligi hisobi va tahlilini yuritish sohasida:

toʻlovga qobiliyatsizlik tartib-taomillari jarayonidagi va toʻlovga qobiliyatsiz deb topilgan jismoniy shaxslar reyestrini yuritadi;

jismoniy shaxslarning toʻlovga qobiliyatsizligi boʻyicha ishlarning doimiy monitoringini olib boradi hamda monitoring natijalari asosida tahliliy maʼlumot va takliflar kiritadi;

20 4 ) sud boshqaruvchilari faoliyati tashkil etilishini taʼminlash va ularning faoliyatini nazorat qilish sohasida:

sud boshqaruvchilarini tayyorlash va qayta tayyorlash boʻyicha maxsus oʻquv kurslarini tashkil etish va oʻqitish huquqiga ega boʻlgan taʼlim muassasalari uchun talablarni belgilaydi, huquqqa ega boʻlgan taʼlim muassasalarining roʻyxatini yuritadi hamda ularning bu sohadagi faoliyatini muvofiqlashtiradi va nazorat qiladi;

sud boshqaruvchilarini qonunchilik hujjatlarida belgilangan tartibda attestatsiyasidan, qayta attestatsiyadan oʻtkazadi va ularga malaka attestatini beradi;

sud boshqaruvchilarining davlat reyestrini hamda sud boshqaruvchilarini tayyorlash kurslarini tugatgan nomzodlarning reyestrini yuritadi;

Oʻzbekiston Sud boshqaruvchilari palatasi bilan oʻzaro hamkorlik qiladi hamda uning faoliyatiga koʻmaklashadi;

Oʻzbekiston Sud boshqaruvchilari palatasiga aʼzolik badali miqdorini, shuningdek, uning asosiy faoliyat doirasida koʻrsatiladigan pullik xizmatlar roʻyxati va narxlarini kelishadi;

sud boshqaruvchilarining faoliyatini yuritish, ularga haq toʻlash tartibini, shuningdek, sud boshqaruvchilari faoliyati toʻgʻrisidagi hisobotlarni shakllantirish va ularni vakolatli organga taqdim etish tartibini belgilaydi;

sud boshqaruvchilarining faoliyatini qonunchilikda belgilangan tartibda nazorat qiladi”;

26-kichik band oʻz kuchini yoʻqotgan deb hisoblansin;

(iv) 11-bandda :

4-kichik bandning uchinchi xatboshisidagi “tartibiga rioya etish holatini” soʻzlari “tartibiga rioya etish, yuridik shaxslarni suddan tashqari toʻlovga qobiliyatsiz deb topish tartib-taomillarini amalga oshirish holatlari” soʻzlari bilan almashtirilsin;

6-kichik bandda :

quyidagi mazmundagi oltinchi xatboshi bilan toʻldirilsin:

“idoraviy normativ-huquqiy hujjatlarni oʻz vaqtida amaliyotga joriy etmaslik sabablarini bartaraf qilish va masʼul xodimlarning javobgarlik masalasini koʻrib chiqish toʻgʻrisida”;

oltinchi — toʻqqizinchi xatboshilar tegishincha yettinchi — oʻninchi xatboshilar deb hisoblansin;

oʻninchi xatboshidan “taqdimnomalar kiritish” soʻzlari chiqarib tashlansin;

quyidagi mazmundagi xatboshi bilan toʻldirilsin:

“toʻlovga qobiliyatsizlik sohasida qonunbuzilishlarga chek qoʻyish, ularga imkon beruvchi sabablar va shart-sharoitlarni bartaraf etish, shu jumladan, aybdor shaxslarni intizomiy javobgarlikka tortish toʻgʻrisida taqdimnomalar kiritish”;

quyidagi mazmundagi 43 1 -kichik band bilan toʻldirilsin:

“43 1 ) Toʻlovga qobiliyatsizlik ishlarini yuritishning yagona elektron platformasida maʼlumotlarni joylashtirish boʻyicha pullik xizmat koʻrsatish”;

49-kichik bandning ikkinchi xatboshisi chiqarib tashlansin;

quyidagi mazmundagi 51 — 58-kichik bandlar bilan toʻldirilsin:

“51) davlat organlari va tashkilotlariga toʻlovga qobiliyatsizlik toʻgʻrisidagi qonunchilik hujjatlarining bajarilishi, shuningdek, toʻlovga qobiliyatsizlik tartib-taomillarini amalga oshirish boʻyicha faoliyatni raqamlashtirish hamda muayyan maʼlumotlarni ushbu organlarning axborot tizimlariga va veb-saytlariga joylashtirish yuzasidan ijro etilishi majburiy boʻlgan koʻrsatmalar kiritish;

52) toʻlovga qobiliyatsizlik boʻyicha har qanday ishni iqtisodiy sudda koʻrib chiqishda, shu jumladan, quyidagi vakolatlarni amalga oshirgan holda ishtirok etish:

toʻlovga qobiliyatsizlik toʻgʻrisidagi ish boʻyicha qabul qilingan sud hujjatlari haqida maʼlumotlarni Toʻlovga qobiliyatsizlik ishlarini yuritishning yagona elektron platformasi orqali bepul tarzda soʻrash va olish;

sudga muvaqqat boshqaruvchi, sanatsiya qiluvchi boshqaruvchi, tashqi boshqaruvchi, tugatish boshqaruvchisi va moliyaviy boshqaruvchi nomzodini taqdim etish, shuningdek, ularning vazifasini bajarishdan ozod qilish toʻgʻrisida sudga murojaat qilish;

majburiy koʻrsatmalar berish huquqiga ega boʻlgan muassis (ishtirokchi) sifatidagi shaxsni yoki yuridik shaxs mol-mulki egasini yoxud qarzdorning ishlarini boshqaruvchi shaxsni subsidiar javobgarlikka tortish toʻgʻrisida ariza kiritish haqida sud boshqaruvchisiga koʻrsatma berish;

toʻlovga qobiliyatsizlik toʻgʻrisidagi ishda qoʻllaniladigan har qanday tartib-taomil jarayonida sudga soxta toʻlovga qobiliyatsizlikka, toʻlovga qobiliyatsizlikni yashirishga yoki qasddan toʻlovga qobiliyatsizlikka olib kelgan alomatlarni aniqlash maqsadida ekspertiza tayinlash haqida iltimosnoma kiritish;

53) Oʻzbekiston Respublikasi oldida pul majburiyatlari boʻyicha qarzi boʻlgan yuridik shaxslarga nisbatan, shuningdek, qonunda nazarda tutilgan hollarda — boshqa yuridik shaxslarga nisbatan toʻlovga qobiliyatsizlik toʻgʻrisida ish qoʻzgʻatish haqida ariza bilan iqtisodiy sudga murojaat etish;

54) jinoyat ishlari boʻyicha xatlangan yuridik shaxslar va (yoki) ularning mulkiy komplekslari va boshqa aktivlarini vaqtinchalik boshqarish uchun qonunchilik hujjatlarida belgilangan tartibda sud boshqaruvchisini tayinlash yoki ixtisoslashtirilgan tashkilotni tanlash, shuningdek, oʻz tashabbusiga koʻra yoxud sud yoki tergov organining murojaatiga asosan sud boshqaruvchisini vazifasidan ozod qilish yoki ixtisoslashtirilgan tashkilotni boshqaruvdan chetlashtirish;

55) Toʻlovga qobiliyatsizlik ishlarini yuritishning yagona elektron platformasini boshqarish, unda joylashtiriladigan (eʼlon qilinadigan) maʼlumotlar va boshqa hujjatlar tarkibini belgilash;

56) sud boshqaruvchilarining faoliyatini monitoring qilish va tekshirish;

57) sud boshqaruvchilari faoliyatida aniqlangan qoidabuzarliklar va ularning faoliyatiga qoʻyilgan talablarga rioya etmaganlik holatlari boʻyicha sud boshqaruvchilariga rasmiy ogohlantirishlar berish, sud boshqaruvchilarini malaka attestatini bekor qilish va uning amal qilishini toʻxtatish, qonunchilik hujjatlarida belgilangan boshqa choralarni qoʻllash;

58) Oʻzbekiston Sud boshqaruvchilari palatasi raisi lavozimiga nomzod koʻrsatish hamda uni lavozimidan muddatidan oldin chaqirib olish toʻgʻrisida taqdimnoma kiritish, palataning navbatdan tashqari yigʻilishlarini chaqirish, shuningdek, ushbu palataga jismoniy va yuridik shaxslar tomonidan homiylik hamda xalqaro tashkilotlarning grant mablagʻlari hisobidan moliyaviy koʻmak berish.

Vazirlik qonunchilik hujjatlariga muvofiq boshqa vakolat va huquqlarga ham ega boʻlishi mumkin”;

(v) 24-bandning uchinchi xatboshisidagi “intellektual mulk sohasida” soʻzlari “intellektual mulk hamda toʻlovga qobiliyatsizlik sohalarida” soʻzlari bilan almashtirilsin;

(vi) 33-bandning birinchi xatboshisi “vaziri” soʻzidan keyin “oʻrinbosari” soʻzi bilan toʻldirilsin;

(vii) 39 1 -band “davlat xizmatlari markazlari” soʻzlaridan keyin “hamda Adliya vazirligi huzuridagi Toʻlovga qobiliyatsizlik ishlari agentligi (Agentlikning budjetdan moliyalashtiriladigan xarajatlaridan tashqari)” soʻzlari bilan toʻldirilsin;

(g) quyidagi mazmundagi 1a — 1v-ilovalar bilan toʻldirilsin:

“Oʻzbekiston Respublikasi Prezidentining 2018-yil 13-apreldagi PQ-3666-son qaroriga 1a-ILOVA

Oʻzbekiston Respublikasi Adliya vazirligining

Oʻzbekiston Respublikasi Adliya vazirligi Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari “Oʻzarxiv” agentligi X. Sulaymonova nomidagi Respublika sud ekspertiza markazi Toʻlovga qobiliyatsizlik ishlari agentligi Toshkent davlat yuridik universiteti Qonunchilikni tahlil qilish va tartibga solish taʼsirini baholash instituti Akademik litseylar “Adliya organlari va muassasalarida axborot-kommunikatsiya texnologiyalarini rivojlantirish markazi” davlat muassasasi Yuridik kadrlarni qayta tayyorlash va malakasini oshirish instituti “Intellektual mulk markazi” davlat muassasasi “Adolat” milliy huquqiy axborot markazi” davlat muassasasi

Oʻzbekiston Respublikasi Prezidentining 2018-yil 13-apreldagi PQ-3666-son qaroriga 1b-ILOVA

Oʻzbekiston Respublikasi Adliya vazirligi huzuridagi “Oʻzarxiv” agentligining

“Oʻzarxiv” agentligi Qoraqalpogʻiston Respublikasi, viloyatlar va Toshkent shahar arxiv ishi hududiy boshqarmalari Qoraqalpogʻiston Respublikasi markaziy davlat arxivi, Toshkent shahar markaziy davlat arxivi, viloyat, shahar, tuman davlat arxivlari va ularning filiallari Oʻzbekiston ilmiy-texnika va tibbiyot hujjatlari milliy arxivi Oʻzbekiston milliy arxivi Oʻzbekiston kinofotofono hujjatlari milliy arxivi

Oʻzbekiston Respublikasi Prezidentining 2018-yil 13-apreldagi PQ-3666-son qaroriga 1v-ILOVA

Oʻzbekiston Respublikasi Adliya vazirligi huzuridagi Toʻlovga qobiliyatsizlik ishlari agentligining

Toʻlovga qobiliyatsizlik ishlari agentligi Qoraqalpogʻiston Respublikasi, viloyatlar va Toshkent shahar toʻlovga qobiliyatsizlik ishlari boʻlimlari ”.

9. Oʻzbekiston Respublikasi Prezidentining 2019-yil 14-yanvardagi “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi PQ-4112-son qarori 4-bandining “a” kichik bandi ikkinchi xatboshisidan “toʻlovga qobiliyatsizlik,” soʻzlari chiqarib tashlansin.

10. Oʻzbekiston Respublikasi Prezidentining 2019-yil 1-iyuldagi “Oʻzbekiston Respublikasi Adliya vazirligi huzuridagi Intellektual mulk agentligi faoliyatini tashkil etish chora-tadbirlari toʻgʻrisida”gi PQ-4380-son qarori 9-bandining “a” kichik bandi birinchi xatboshisi “vaziri” soʻzidan keyin “oʻrinbosari” soʻzi bilan toʻldirilsin.

11. Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlari doirasida respublika ijro etuvchi hokimiyat organlari faoliyatini samarali tashkil etish chora-tadbirlari toʻgʻrisida”gi PQ-447-son qarorining 2-bandining “a” kichik bandi beshinchi xatboshisidagi “boʻysunuviga kiradigan” soʻzlari “boʻysunuvidagi tegishli sohada davlat siyosatini yuritish vakolati berilmagan” soʻzlari bilan almashtirilsin.

12. Oʻzbekiston Respublikasi Prezidentining 2023-yil 24-martdagi “Davlat aktivlarini boshqarish agentligi faoliyatini samarali tashkil etish chora-tadbirlari toʻgʻrisida”gi PQ-101-son qaroriga 1-ilovada :

(a) 3-banddagi “hamda toʻlovga qobiliyatsizlik” soʻzlari chiqarib tashlansin;

(b) 7-band oʻz kuchini yoʻqotgan deb hisoblansin.

13. Oʻzbekiston Respublikasi Prezidentining 2025-yil 15-maydagi “Bolalar uchun moʻljallangan milliy kontentlar yaratish va ularni ommalashtirishni qoʻllab-quvvatlash chora-tadbirlari toʻgʻrisida”gi PQ-183-son qarorida :

(a) 4-bandda :

“b” kichik banddagi “ekspertlar guruhini” soʻzlari “ekspertlar kengashini” soʻzlari bilan almashtirilsin;

“v” kichik banddagi “ekspertlar guruhi” soʻzlari “ekspertlar kengashi” soʻzlari bilan almashtirilsin;

(b) 7-bandning “b” kichik bandidagi “ekspertlar guruhi” soʻzlari “ekspertlar kengashi” soʻzlari bilan almashtirilsin;

(b) 8-bandning “a” kichik bandi quyidagi tahrirda bayon etilsin:

“(a) Iqtisodiyot va moliya vazirligi Oʻzbekiston Respublikasi Prezidentining 2022-yil 27-iyundagi “Ommaviy axborot vositalarini qoʻllab-quvvatlash va jurnalistika sohasini rivojlantirish chora-tadbirlari toʻgʻrisida”gi PQ-294-son qaroriga asosan bolalarga moʻljallangan tele- va radio mahsulotlarni ishlab chiqarish va efirga uzatish boʻyicha eng yaxshi 30 ta loyiha uchun har yili Davlat budjetidan ajratiladigan mablagʻlarni Markazga yoʻnaltiradi. Bunda Markaz ushbu mablagʻlar hisobidan bolalar uchun moʻljallangan 2 ta maʼrifiy shou-dastur tayyorlaydi”;

(g) 9-band oʻz kuchini yoʻqotgan deb hisoblansin;

(d) 1-ilovaning matni quyidagi tahrirda bayon etilsin:

“Bolalar uchun moʻljallangan milliy kontentlar yaratishni muvofiqlashtiruvchi kengash

1. S.Sh. Mirziyoyeva — Oʻzbekiston Respublikasi Prezidenti Administratsiyasi rahbari , Muvofiqlashtiruvchi kengash raisi 2. D.M. Ziyamuxamedova — Oʻzbekiston Respublikasi Prezidenti Administratsiyasi rahbari kotibiyati mudiri, Muvofiqlashtiruvchi kengash raisi oʻrinbosari 3. E.G. Karimova — maktabgacha va maktab taʼlimi vaziri 4. O.A. Nazarbekov — madaniyat vaziri 5. K.A. Sharipov — oliy taʼlim, fan va innovatsiyalar vaziri 6. Sh.X. Shermatov — raqamli texnologiyalar vaziri 7. S.S. Saidov — Oʻzbekiston Yozuvchilar uyushmasi raisi 8. M.S. Matchonov — Oʻzbekiston kinoarboblari ijodiy uyushmasi raisi 9. X.I. Ibragimov — Qori Niyoziy nomidagi Tarbiya pedagogikasi milliy instituti direktori 10. Lavozimiga koʻra — Oʻzbekiston bolalar ijodkorlari uyushmasi raisi 11. J.A. Axmedov — Bolalar kontentini rivojlantirish markazi rahbari, Muvofiqlashtiruvchi kengash kotibi ”.

(j) 5-ilovada :

(i) 2-pozitsiyaning “Amalga oshirish va natijalarga erishish mexanizmlari” ustunidagi tegishli kelishikdagi “ekspertlar guruhi” soʻzlari tegishli kelishikdagi “ekspertlar kengashi” soʻzlari bilan almashtirilsin;

(ii) 6-pozitsiyada:

“Amalga oshirish va natijalarga erishish mexanizmlari” ustunida:

1-band oʻz kuchini yoʻqotgan deb hisoblansin;

3-band quyidagi tahrirda bayon etilsin:

“3. Bolalar kontentini rivojlantirish markazi faoliyatini samarali yoʻlga qoʻyish uchun A. Avloniy nomidagi Pedagogik mahorat milliy instituti hududida markaz uchun ofis binosi, studiyalar hamda pavilyonlarni tashkil etish masalasini ijtimoiy va ishlab chiqarish infratuzilmasini rivojlantirish dasturiga kiritish”;

“Ijro muddati” hamda “Masʼul ijrochilar” ustunlaridagi “2025-yil iyun” va “Oʻzbekiston Milliy teleradiokompaniyasi, Maktabgacha va maktab taʼlimi vazirligi” soʻzlari chiqarib tashlansin;

“Ijro muddati” ustunidagi “2025-yil sentabr” soʻzlari “2026-yil iyun” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 6-may,

PF-78-son

(Qonunchilik maʼlumotlari milliy bazasi, 07.05.2026-y., 06/26/78/0454-son)

lex.uz

Президента Республики Узбекистан

Указ

О мерах по дальнейшему совершенствованию института неплатежеспособности

В целях стабильного развития предпринимательской деятельности, расширения практики досудебной санации, поддержки экономически жизненно важных предприятий, а также внедрения современной, прозрачной и цифровизированной системы управления и повышения эффективности государственного управления в сфере неплатежеспособности постановляю:

I. Цели

1.Определить основными целями развития сферы неплатежеспособности:

(а) повышение эффективности государственного управления и правового регулирования в сфере неплатежеспособности;

(б) поэтапное обеспечение реализации не менее 20 процентов мер санации без обращения в судебные органы путем расширения механизмов досудебной санации;

(в) сокращение до 1 января 2028 года средней продолжительности процедур неплатежеспособности минимум на 30 процентов путем их упрощения и цифровизации;

(г) поэтапное увеличение количества судебных управляющих в 2 раза путем реформирования системы регулирования и повышения эффективности их деятельности.

II. Совершенствование государственного управления в сфере неплатежеспособности

2. Создать Агентство по делам неплатежеспособности при Министерстве юстиции Республики Узбекистан (далее — Агентство) и его территориальные отделы.

3. Определить Агентство:

(а) республиканским органом исполнительной власти при Министерстве юстиции;

(б) специальным уполномоченным государственным органом, ответственным за ведение единой государственной политики в сфере неплатежеспособности.

4. Определить основными задачами Агентства в сфере неплатежеспособности:

(а) осуществление государственной политики в сфере неплатежеспособности, в том числе контроля и регулирования данной сферы;

(б) координацию деятельности государственных органов и организаций в сфере неплатежеспособности;

(в) полную цифровизацию процессов неплатежеспособности, упрощение излишних бюрократических процедур;

(г) содействие созданию необходимых условий для реализации процедур неплатежеспособности, а также мер финансового оздоровления экономически несостоятельных физических и юридических лиц;

(д) ведение учета и анализа неплатежеспособности физических лиц;

(ж) выдачу квалификационного аттестата судебным управляющим, обеспечение организации и контроля их деятельности.

III. Повышение эффективности деятельности судебных управляющих

5. Одобрить предложение Министерства юстиции и Ассоциации судебных управляющих Узбекистана о создании на базе Ассоциации судебных управляющих Узбекистана Палаты судебных управляющих Узбекистана (далее — Палата судебных управляющих), основанной на членстве всех судебных управляющих, выполняющей основные задачи, определенные в приложении № 1 * .

6. Определить, что Палата судебных управляющих:

(а) является некоммерческой организацией со статусом юридического лица, организует единую систему самоуправления, объединяющую судебных управляющих совместно с ее территориальными подразделениями, создаваемыми в Республике Каракалпакстан, областях и городе Ташкенте;

(б) ведет делопроизводство на основе принципа невмешательства в деятельность судебных управляющих, осуществляемую в соответствии с актами законодательства;

(в) финансируется за счет вступительных и членских взносов судебных управляющих, а также иных источников, не запрещенных актами законодательства;

(г) является правопреемником по всем правам и обязательствам Ассоциации судебных управляющих Узбекистана.

7. С 1 июля 2026 года:

(а) Палате судебных управляющих, Институту переподготовки и повышения квалификации юридических кадров, а также другим образовательным учреждениям, отвечающим требованиям, установленным законодательством, предоставляется право подготовки судебных управляющих;

(б) учебные курсы по подготовке судебных управляющих проводятся на основе типовых учебных программ, утверждаемых Палатой судебных управляющих по согласованию с Агентством;

(в) Палате судебных управляющих предоставляется право принимать решение о приостановлении или исключении из членства судебного управляющего в палате и в связи с этим обращаться в суд об освобождении его от исполнения своих обязанностей;

(г) в случае неисполнения или ненадлежащего исполнения судебным управляющим возложенных на него обязанностей суд на основании решения собрания кредиторов вправе уменьшить размер вознаграждения, выплачиваемого судебному управляющему;

(д) при непредставлении собранием (комитетом) кредиторов или Агентством кандидатуры санирующего управляющего он может быть назначен судом из числа кандидатов, отобранных Палатой судебных управляющих посредством специальной электронной системы.

8. Рекомендовать Палате судебных управляющих:

(а) разработку и утверждение правил профессиональной этики судебных управляющих;

(б) проведение оценки деятельности судебных управляющих на основе ежегодно составляемого рейтинга, мониторинга соблюдения ими правил профессиональной этики;

(в) организацию повышения квалификации судебных управляющих не реже одного раза в два года.

9. Установить порядок, в соответствии с которым:

(а) размер выплачиваемого судебным управляющим вознаграждения разделяется на базовую часть и часть, зависящую от результата (KPI), при этом зависящее от результата вознаграждение выплачивается в том числе исходя из степени достижения показателей, определенных в плане санации;

(б) система подготовки, переподготовки судебных управляющих, организации и контроля их деятельности налаживается на основе совершенно новых подходов, при этом:

(i) до 1 июля 2027 года все судебные управляющие проходят переподготовку на курсах повышения квалификации на основе специальных учебных программ;

(ii) Агентством совместно с Палатой судебных управляющих проводится анализ деятельности, квалификации и рейтинговых показателей судебных управляющих, по результатам, в целях формирования корпуса высококвалифицированных судебных управляющих, пересматриваются требования, предъявляемые к их категориям;

(iii) создаются механизмы привлечения к ведению деятельности в качестве судебного управляющего высококвалифицированных специалистов в сфере экономики, менеджмента, бухгалтерии и юридической сфере, включая адвокатов, имеющих соответствующую лицензию;

(iv) Агентство определяет единый порядок организации деятельности судебных управляющих, при этом предусматриваются в том числе порядок отбора судебного управляющего по делам неплатежеспособности автоматически, без человеческого фактора и в случайном порядке посредством специальной электронной системы, механизмы мониторинга и контроля за деятельностью судебных управляющих, а также критерии применения в отношении нарушивших законодательство судебных управляющих дисциплинарных мер и мер воздействия вплоть до прекращения действия квалификационного аттестата;

(в) при назначении судебного управляющего учитываются допустимые нормы рабочей нагрузки судебных управляющих, определяемые Агентством.

IV. Совершенствование системы досудебной санации и расширение инструментов финансовой поддержки

10. Установить, что с 1 сентября 2026 года:

(а) в период досудебной санации банки (кредиторы) на основании заключенного с должником соглашения могут приостанавливать начисление и (или) выплату процентов по кредитам на период, предусмотренный соглашением, с условием выполнения плана санации, направленного на восстановление деятельности должника, с последующей реструктуризацией кредита согласно плану санации либо принимать другие меры реструктуризации;

(б) в соответствии с планом санации в период судебной санации и с согласия собрания кредиторов (комитета) на основании определения суда может быть приостановлено начисление и (или) выплата процентов по кредитам должника с последующей их реструктуризацией согласно плану санации либо могут быть приняты другие меры реструктуризации кредита;

(в) возможность отсрочки или рассрочки уплаты налога за пользование водными ресурсами, налога на имущество, земельного налога и налога с оборота, включая дополнительно начисленные налоги и финансовые санкции по этим налогам на основе налоговой проверки, предоставляется районными (городскими) Кенгашами народных депутатов, за исключением случаев, предусмотренных актами законодательства;

(г) при предоставлении залогового имущества, банковской гарантии или страхового полиса при уплате налогов с отсрочкой либо в рассрочку возможность отсрочки или рассрочки уплаты налогов предоставляется налоговыми органами независимо от финансового состояния и наличия исключительных обстоятельств;

(д) заявления на отсрочку или рассрочку уплаты налогов подаются в налоговые органы через Портал электронных государственных услуг налоговых органов и срок их рассмотрения сокращается с 30 дней до 20 дней.

11. Министерству экономики и финансов совместно с Министерством юстиции, Центральным банком и Агентством по управлению государственными активами до 1 июля 2026 года внедрить инструменты финансовой поддержки субъектов малого и среднего предпринимательства в рамках применения процедур досудебной и судебной санации. При этом предусмотреть:

(а) с использованием существующих институтов и механизмов развития и поддержки предпринимательства:

(i) предоставление гарантии (поручительства) по кредитам, банковским гарантиям и аккредитивам в национальной и иностранной валюте, предоставляемым коммерческими банками, микрофинансовыми организациями;

(ii) размещение в коммерческих банках по ставке ниже основной ставки Центрального банка льготных ресурсов на срок кредита и выделение субъектам предпринимательства кредита за счет этих кредитных ресурсов;

(б) отнесение инструментов финансовой поддержки, предусмотренных в подпункте «а» настоящего пункта, к мерам осуществления досудебной санации при содействии государства;

(в) обеспечение прозрачности и определение конкретных механизмов предоставления инструментов финансовой поддержки, а также принятие во внимание в первую очередь сохранения рабочих мест и поддержки субъектов предпринимательства, осуществляющих деятельность в районах (городах) 4-й и 5-й категории.

12. Установить порядок, при котором требования кредиторов, выраженные в иностранной валюте, включаются в реестр требований кредиторов в национальной валюте по курсу Центрального банка на дату введения каждой процедуры, применяемой по делу о неплатежеспособности, если иной порядок не предусмотрен договором.

V. Цифровизация процессов неплатежеспособности

13. Одобрить предложение Министерства юстиции, Министерства экономики и финансов и Агентства по управлению государственными активами о запуске начиная с 1 декабря 2026 года Единой электронной платформы ведения дел по неплатежеспособности (далее — Единая электронная платформа), позволяющей осуществлять онлайн-мониторинг процессов неплатежеспособности.

14. Установить, что:

(а) Единая электронная платформа является официальным источником опубликования сведений, подлежащих обязательной публикации согласно Закону «О неплатежеспособности»;

(б) следующие процессы, связанные с неплатежеспособностью, поэтапно будут цифровизированы и реализованы через Единую электронную платформу:

(i) ведение открытого электронного реестра юридических и физических лиц, в отношении которых возбуждено дело о неплатежеспособности и проводятся процедуры неплатежеспособности (наблюдение, санация, внешнее управление, ликвидация и другие);

(ii) ведение реестра юридических лиц, в отношении которых введена досудебная санация, а также опубликование сведений о них;

(iii) полная цифровизация внесудебных процедур неплатежеспособности, в том числе формирование данных о должниках, в отношении которых исполнительные документы возвращены взыскателю в связи с отсутствием имущества или доходов, на которые может быть обращено взыскание, и решение вопроса о применении в отношении их внесудебных процедур неплатежеспособности;

(iv) интеграция Единой электронной платформы с информационными системами судов, соответствующих государственных органов и организаций в целях обмена информацией в сфере неплатежеспособности, обеспечения использования информации из баз данных этих организаций;

(v) ведение реестра судебных управляющих, а также кандидатов, прошедших обучение на курсах подготовки судебных управляющих;

(vi) формирование и объявление рейтинговых показателей судебных управляющих;

(vii) внедрение электронной системы, позволяющей дистанционное участие и голосование в собраниях кредиторов или собраниях комитета кредиторов, а также электронное оформление протоколов собрания;

(viii) поэтапное внедрение последовательного размещения на Единой электронной платформе других значимых сведений, касающихся процедур неплатежеспособности (реестры требований кредиторов, отчеты судебного управляющего, планы санации и внешнего управления, а также другие);

(ix) другие процессы в рамках процедур неплатежеспособности.

VI. Организационные меры

15. Министерству юстиции совместно с Министерством цифровых технологий, Министерством экономики и финансов и заинтересованными министерствами и ведомствами до 1 декабря 2026 года обеспечить запуск Единой электронной платформы и ее интеграцию на начальном этапе с информационными системами и базами данных, приведенными в приложении № 2 * .

16. Утвердить Программу мер по развитию сферы неплатежеспособности согласно приложению № 3 * .

17. Министерству юстиции ежеквартально проводить анализ состояния неплатежеспособности в разрезе отраслей, выявлять основные факторы и причины возникновения проблем, приводящих к банкротству, и вносить в Администрацию Президента Республики Узбекистан и Кабинет Министров предложения, направленные на их устранение.

VII. Организация, обеспечение и контроль исполнения Указа

18. Внести изменения и дополнения в некоторые акты Президента Республики Узбекистан согласно приложению № 4 * .

19. Министерству юстиции совместно с министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

20. Возложить на министра юстиции А.Д. Ташкулова персональную ответственность за эффективную организацию исполнения настоящего Указа.

21. Контроль за исполнением настоящего Указа возложить на Премьер-министра Республики Узбекистан А.Н. Арипова и начальника Департамента правовой экспертизы и комплексного анализа Администрации Президента Республики Узбекистан А.Б. Самадова.

Президент Республики Узбекистан Ш. МИРЗИЁЕВ

г. Ташкент,

6 мая 2026 г.,

№ УП-78

(Национальная база данных законодательства, 07.05.2026 г., № 06/26/78/0454)

lex.uz