📅 2026-yil 16-aprel · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 16 апрель · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 16 апреля 2026 г. · Документы Центрального банка
Официальный текст. Официальный документ. Редакционные примечания не включены.
📅 16 April 2026 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқаруви Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг
Қарори
Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига қўшимча ва ўзгартиришлар киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида »ги қонунларига мувофиқ Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қарор қилади:
1. Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2017 йил 17 апрелдаги 343-В ва 14-сон қарори (рўйхат рақами 2886, 2017 йил 23 май) (Ўзбекистон Республикаси қонун ҳужжатлари тўплами, 2017 й., 21-сон, 401-модда) билан тасдиқланган Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ қўшимча ва ўзгартиришлар киритилсин.
2. Мазкур қарор расмий эълон қилинган кундан эътиборан уч ойдан кейин кучга киради.
Ўзбекистон Республикаси Марказий банки бошқарувининг 2026 йил 16 апрелдаги 343-Б-14-сон ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2026 йил 15 апрелдаги 16-сон қарорига ИЛОВА
Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган қўшимча ва ўзгартиришлар
1. 1-бандда :
иккинчи хатбоши «банк» деган сўздан кейин «, шу жумладан микромолия банки» деган сўзлар билан тўлдирилсин;
ўн иккинчи хатбоши қуйидаги таҳрирда баён этилсин:
« бенефициар мулкдор — мижозга нисбатан пировард назоратни амалга оширувчи ёки унга бевосита ёхуд билвосита эгалик қилувчи жисмоний шахс(лар), шунингдек номидан операция амалга оширилаётган жисмоний шахс;»;
ўн тўққизинчи хатбошидаги «ўрганиш» деган сўз «тушуниш» деган сўз билан алмаштирилсин;
йигирманчи хатбоши қуйидаги таҳрирда баён этилсин:
«жиноий фаолиятдан олинган даромадларни легаллаштиришга ва терроризмни молиялаштиришга қарши курашиш соҳасида халқаро ҳамкорликда иштирок этмаётган давлатлар — халқаро молиявий тизимга хавф туғдирувчи ҳамда жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тизимларида стратегик камчиликлари мавжудлиги сабабли Жиноий даромадларни легаллаштиришга қарши курашиш бўйича молиявий чораларни ишлаб чиқиш гуруҳининг (бундан буён матнда ФАТФ деб юритилади) расмий баёнотларида чоралар кўришга чақириқ эълон қилинган юқори хавфли давлатлар ва ҳудудлар;»;
қуйидаги мазмундаги йигирма биринчи хатбоши билан тўлдирилсин:
« кучайтирилган мониторинг остидаги давлатлар — ФАТФнинг расмий баёнотларида кучайтирилган мониторинг остида деб кўрсатилган ҳамда жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш режимларида аниқланган стратегик камчиликларни белгиланган муддатда бартараф этиш бўйича мажбурият олган ва ФАТФ билан фаол ҳамкорлик қилиб келаётган давлатлар ва ҳудудлар;»;
йигирма биринчи — ўттиз олтинчи хатбошилар тегишли равишда йигирма иккинчи — ўттиз еттинчи хатбошилар деб ҳисоблансин;
қуйидаги мазмундаги хатбоши билан тўлдирилсин:
« пакетли ўтказма — бир нечта алоҳида тўловлар ёки ўтказмалардан иборат бўлиб, айни бир молиявий муассасага (тижорат банклари, тўлов тизимлари операторлари, тўлов ташкилотлари ва бошқалар) юбориладиган, якунда бир шахсга ёки турли шахсларга мўлжалланган ўтказма.».
2. 6-бандда :
қуйидаги мазмундаги ўн олтинчи хатбоши билан тўлдирилсин:
«ходимларни ишга қабул қилишда номзодларнинг лавозимга муносиблигини баҳолашга қаратилган жиноий фаолиятдан олинган даромадларни легаллаштириш ва терроризмни молиялаштириш бўйича рискка асосланган текширув тартиб-таомиллари;»;
ўн олтинчи — ўн тўққизинчи хатбошилар тегишли равишда ўн еттинчи — йигирманчи хатбошилар деб ҳисоблансин.
3. 22-банднинг «б» кичик бандида :
учинчи хатбошидаги «100» рақами «500» рақами билан алмаштирилсин;
тўртинчи хатбошидаги «базавий ҳисоблаш миқдорининг 500 бараварига» деган сўзлар «175 миллион сўмга» деган сўзлар билан алмаштирилсин.
4. 26-банд қуйидаги таҳрирда баён этилсин:
«26. Тижорат банки томонидан жисмоний шахс — мижозни идентификациялаш шахсни тасдиқловчи ҳужжат ёки рақамли идентификация асосида амалга оширилади. Бунда тижорат банки жисмоний шахс — мижоз идентификацияси:
шахсни тасдиқловчи ҳужжат (биометрик паспорт ёки идентификацияловчи ИД-карта ёхуд уларнинг ўрнини босадиган бошқа ҳужжат) асосида амалга оширилганда ушбу ҳужжатнинг асли ёки Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли билан танишиб чиқиши;
рақамли идентификация асосида амалга оширилганда Мижозларни рақамли идентификация қилиш тартиби тўғрисидаги низомда (рўйхат рақами 3322, 2021 йил 30 сентябрь) белгиланган чораларни кўриши лозим.».
5. 27-бандда :
қуйидаги мазмундаги бешинчи хатбоши билан тўлдирилсин:
«Юридик шахс бўлган мижозларга нисбатан тижорат банклари уларнинг хўжалик фаолияти хусусиятини, шунингдек мулкчилик шакли ва бошқарув тузилмасини тушунишлари керак.»;
бешинчи — ўнинчи хатбошилар тегишли равишда олтинчи — ўн биринчи хатбошилар деб ҳисоблансин.
6. 38-банднинг тўртинчи хатбошиси қуйидаги таҳрирда баён этилсин:
«жўнатиладиган пул ўтказмаларини мижоз-жўнатувчи ҳақидаги (жўнатувчининг номи, манзили, солиқ тўловчининг идентификацион рақами ёки мижознинг идентификация рақами; агар операция жараёнида ҳисобварақ ишлатилган бўлса, унинг рақами ёки операцияни жўнатувчидан олувчигача кузатиб бориш имконини берадиган операциянинг хос рақами; жисмоний шахслар учун — исми, фамилияси, отасининг исми, биометрик паспорти ёки идентификацияловчи ИД-картаси ёхуд уларнинг ўрнини босадиган бошқа ҳужжатнинг серияси ва рақами, туғилган санаси ва яшаш жойи) ва олувчи ҳақидаги (олувчининг номи, мамлакати ва шаҳри, солиқ тўловчининг идентификацион рақами ёки мижознинг идентификация рақами; агар операция жараёнида ҳисобварақ ишлатилган бўлса, унинг рақами ёки операцияни жўнатувчидан олувчигача кузатиб бориш имконини берадиган операциянинг хос рақами; жисмоний шахслар учун — унинг исми, фамилияси, отасининг исми ва яшаш жойи) аниқ маълумотлар билан бирга юборилишини таъминлашлари;».
7. 38 1 -банднинг биринчи ва иккинчи хатбошилари қуйидаги таҳрирда баён этилсин:
«38 1 . Базавий ҳисоблаш миқдорининг 28 бараварига тенг ёки ундан ошган суммадаги юборилаётган ички тўловлар ва пул ўтказмалари бўйича маълумотлар халқаро пул ўтказмалари учун қайд этилгани каби жўнатувчи тўғрисидаги идентификация жараёнида олинган маълумотларни ҳамда олувчи тўғрисидаги маълумотларни ўз ичига олиши керак, жўнатувчи тўғрисидаги тўлиқ маълумот олувчи тижорат банки томонидан бошқа манбалар орқали олиниши мумкин бўлган ҳолатлар бундан мустасно. Бу ҳолатда жўнатувчи тижорат банкига жисмоний шахснинг шахсий идентификация рақамини, шунингдек ҳисобварақнинг рақами ёки операцияни жўнатувчидан олувчигача кузатиб бориш имконини берадиган операциянинг хос рақамини қўшиб қўйиш етарли ҳисобланади.
Тижорат банклари базавий ҳисоблаш миқдорининг 28 бараваридан ошмаган суммадаги ички тўловлар ва пул ўтказмаларини жўнатувчи ҳақидаги (жўнатувчининг номи; агар операция жараёнида ҳисобварақ ишлатилган бўлса, у ҳолда ушбу ҳисобварақнинг рақами ёки операциянинг хос рақами) ва олувчи ҳақидаги (олувчининг номи; агар операция жараёнида ҳисобварақ ишлатилган бўлса, у ҳолда ушбу ҳисобварақнинг рақами ёки операцияни жўнатувчидан олувчигача кузатиб бориш имконини берадиган операциянинг хос рақами) маълумотлар билан бирга юборилишини таъминлашлари керак.».
8. Қуйидаги мазмундаги 38 2 — 38 4 -бандлар билан тўлдирилсин:
«38 2 . Тижорат банклари мижоз томонидан банк картаси орқали товар ёки хизмат учун тўлов амалга оширилганда банк картасининг рақамини жўнатувчи молиявий муассасадан олувчи молиявий муассасагача кузатиб борилишини таъминлаши шарт.
38 3 . Тижорат банклари мамлакат ичидаги нақд пул ечиб олиш билан боғлиқ операциялар бўйича мижознинг банк ҳисобварағи ёки банк картаси рақамини молиявий муассасага тақдим этишлари керак.
Тижорат банклари Ўзбекистон Республикаси ҳудудидан ташқаридаги бошқа молиявий муассаса орқали нақд пул ечиб олиш билан боғлиқ операциялар бўйича тўловларнинг мижознинг банк картаси рақами тўғрисидаги маълумотлар билан бирга юборилишини таъминлашлари ҳамда мижознинг номи тўғрисидаги маълумотларни хорижий молиявий муассасанинг сўрови олинган санадан эътиборан уч иш кунидан кечиктирмаган ҳолда тақдим этишлари керак.
38 4 . Тижорат банклари айни бир жўнатувчидан халқаро пул ўтказмалари бўйича пакетли ўтказма амалга оширилганда, бундай ўтказмалар жўнатувчининг ҳисобварағи ёки операцияни жўнатувчидан олувчигача кузатиб бориш имконини берадиган операциянинг хос рақамини ўз ичига олса ҳамда пакетли ўтказмада жўнатувчи тўғрисидаги зарур ва аниқ маълумотлар, шунингдек олувчи тўғрисида қабул қилувчи мамлакатда уни тўлиқ кузатиб бориш имконини берувчи маълумотлар мавжуд бўлса, мазкур Қоидаларнинг 38-бандида белгиланган жўнатувчи тўғрисидаги маълумотларга доир талабларни қўлламасликлари мумкин.».
9. Қуйидаги мазмундаги 46 2 -банд билан тўлдирилсин:
«46 2 . Мижозни лозим даражада текшириш жараёнида жиноий фаолиятдан олинган даромадларни легаллаштириш ва терроризмни молиялаштириш бўйича шубҳалар мавжуд бўлган ҳолларда лозим даражада текширишни амалга ошириш мижозга бу ҳақидаги маълумотнинг ошкор бўлиб қолишига олиб келадиган бўлса, тижорат банклари лозим даражада текширишни амалга оширмаслиги мумкин, бунда тижорат банклари шубҳали операция тўғрисида махсус ваколатли давлат органига хабар юборишлари шарт.».
10. 48-банд қуйидаги мазмундаги хатбоши билан тўлдирилсин:
«16 ёшга тўлмаган жисмоний шахснинг ҳисобварағидан икки иш куни мобайнида базавий ҳисоблаш миқдорининг 40 бараваридан ортиқ суммадаги пул маблағларини кирим ёки чиқим қилиш ёхуд ечиб олиш билан боғлиқ операцияларнинг амалга оширилиши.».
11. 49-бандда :
қуйидаги мазмундаги учинчи хатбоши билан тўлдирилсин:
«30 кундан ошмаган муддат давомида бир вақтда ёки кўп маротаба базавий ҳисоблаш миқдорининг 1000 бараварига тенг ёки ундан ошадиган умумий суммадаги пул маблағларининг кучайтирилган мониторинг остидаги давлатлардан мижознинг ҳисобварақларига келиб тушиши ёки мижознинг ҳисобварақларидан бундай давлатларга пул маблағларининг ўтказилиши;»;
учинчи — йигирма бешинчи хатбошилар тегишли равишда тўртинчи — йигирма олтинчи хатбошилар деб ҳисоблансин;
ўнинчи хатбоши қуйидаги таҳрирда баён этилсин:
«махсус ваколатли давлат органи томонидан пул маблағлари ёки бошқа мол-мулкдан фойдаланишга рухсат берилган операция, шу жумладан уни ўтказишга уриниш;»;
ўн еттинчи ва ўн саккизинчи хатбошилар қуйидаги таҳрирда баён этилсин:
«мижознинг банк картасидан банк мобил иловаси орқали бир вақтда ёки кўп маротаба 30 кундан ошмаган муддат давомида базавий ҳисоблаш миқдорининг 500 бараварига тенг ёки ундан ошадиган умумий суммада пул маблағларининг бир ёки бир нечта банк карталарига ёхуд электрон ҳамёнларга ўтказилиши, бундан кўчмас мулк ва транспорт воситаларининг олди-сотдиси бўйича эскроу ҳисобварақлар орқали амалга оширилган операциялар мустасно;
мижознинг банк картасига бир вақтда ёки кўп маротаба 30 кундан ошмаган муддат давомида базавий ҳисоблаш миқдорининг 1000 бараварига тенг ёки ундан ошадиган умумий суммада пул маблағларининг бир ёки бир нечта банк карталаридан ёхуд электрон ҳамёнлардан келиб тушиши, бундан кўчмас мулк ва транспорт воситаларининг олди-сотдиси бўйича эскроу ҳисобварақлар орқали амалга оширилган операциялар мустасно;»;
йигирма олтинчи хатбоши қуйидаги таҳрирда баён этилсин:
«юридик шахслар ёки якка тартибдаги тадбиркорларнинг ҳисобварақларидан фақат товарлар импорти учун чиқарилган хорижий валюталар бўйича битта шартнома доирасида унинг предмети қисман ёки тўлиқ хизмат кўрсатишга ўзгартирилиши ёки дебитор қарздорликнинг хизмат кўрсатиш орқали сўндирилиши, башарти унинг қиймати базавий ҳисоблаш миқдорининг 5000 бараварига тенг ёки ундан ошса.».
12. Қуйидаги мазмундаги 49 1 -банд билан тўлдирилсин:
«49 1 . Мазкур Қоидаларнинг 49-бандида кўрсатилган ва миқдорий чегараларга эга бўлмаган шубҳали операциялар бўйича тижорат банклари махсус ваколатли давлат органига хабар юборгандан сўнг, ўн иш кунидан ошмаган муддатда қуйидаги комплекс таҳлил чораларини кўришлари шарт:
операция иштирокчилари тўғрисида маълумотларни олиш ва таҳлил қилиш;
очиқ манбалардан фойдаланган ҳолда операция иштирокчиларининг ишчанлик обрўсини ўрганиш;
пул маблағларининг келиб чиқиш манбалари, операция тузилиши, операция иштирокчиларининг географик жойлашуви, операция вақти ва ҳажмини таҳлил қилиш;
операциянинг мижоз одатий хўжалик фаолияти ва молиявий профилига мувофиқлигини, олдин амалга оширилган операцияларни ҳисобга олган ҳолда баҳолаш;
операция иштирокчилари ўртасидаги ўзаро боғлиқликларни таҳлил қилиш, аффилланганлик, назорат остида бўлиш ёки бошқа ўзаро назорат шаклларини аниқлаш, шунингдек бенефициар мулкдорни, маблағларнинг келиб чиқиш манбасини ёки операциянинг ҳақиқий мақсадини яширишга қаратилган мураккаб ёки кўп босқичли транзакция занжирларини ўрганиш.
Тижорат банклари комплекс таҳлил якунлангандан сўнг:
мижознинг таваккалчилик даражасини кўриб чиқишлари ва зарур бўлганда унга ўзгартириш киритишлари;
комплекс таҳлил натижалари тўғрисида махсус ваколатли давлат органига мазкур Қоидаларнинг 70-бандига мувофиқ хабар юборишлари;
таваккалчилик даражасини камайтириш юзасидан чоралар кўришлари зарур.».
13. 55-банднинг «в» кичик банди қуйидаги таҳрирда баён этилсин:
«в) чет эл корхоналарининг ваколатхоналари ва Ўзбекистон Республикасининг норезидент — жисмоний шахслари (Ўзбекистон Республикасининг ваколатли давлат органи томонидан тақдим этилган жисмоний шахснинг шахсий идентификация рақамига эга мижозлар бундан мустасно);».
14. 71-банднинг иккинчи хатбошиси қуйидаги таҳрирда баён этилсин:
«Махсус журнал банкнинг автоматлаштирилган ахборот тизимларида электрон шаклда юритилади.».
Марказий банк раиси Т. ИШМЕТОВ
Иқтисодий жиноятларга қарши курашиш департаментининг бошлиғи Ж. ХАТАМОВ
Тошкент ш.,
2026 йил 16 апрель,
Тошкент ш.,
2026 йил 15 апрель,
343-В-14-сон
16-сон
Oʻzbekiston Respublikasi Markaziy banki boshqaruvi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining
Qarori
Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga qoʻshimcha va oʻzgartirishlar kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:
1. Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 17-apreldagi 343-V va 14-son qarori (roʻyxat raqami 2886, 2017-yil 23-may) (Oʻzbekiston Respublikasi qonun hujjatlari toʻplami, 2017-y., 21-son, 401-modda) bilan tasdiqlangan Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq qoʻshimcha va oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi Markaziy banki boshqaruvining 2026-yil 16-apreldagi 343-B-14-son va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2026-yil 15-apreldagi 16-son qaroriga ILOVA
Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan qoʻshimcha va oʻzgartirishlar
1. 1-bandda :
ikkinchi xatboshi “bank” degan soʻzdan keyin “, shu jumladan mikromoliya banki” degan soʻzlar bilan toʻldirilsin;
oʻn ikkinchi xatboshi quyidagi tahrirda bayon etilsin:
“ benefitsiar mulkdor — mijozga nisbatan pirovard nazoratni amalga oshiruvchi yoki unga bevosita yoxud bilvosita egalik qiluvchi jismoniy shaxs(lar), shuningdek nomidan operatsiya amalga oshirilayotgan jismoniy shaxs;”;
oʻn toʻqqizinchi xatboshidagi “oʻrganish” degan soʻz “tushunish” degan soʻz bilan almashtirilsin;
yigirmanchi xatboshi quyidagi tahrirda bayon etilsin:
“jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasida xalqaro hamkorlikda ishtirok etmayotgan davlatlar — xalqaro moliyaviy tizimga xavf tugʻdiruvchi hamda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish tizimlarida strategik kamchiliklari mavjudligi sababli Jinoiy daromadlarni legallashtirishga qarshi kurashish boʻyicha moliyaviy choralarni ishlab chiqish guruhining (bundan buyon matnda FATF deb yuritiladi) rasmiy bayonotlarida choralar koʻrishga chaqiriq eʼlon qilingan yuqori xavfli davlatlar va hududlar;”;
quyidagi mazmundagi yigirma birinchi xatboshi bilan toʻldirilsin:
“ kuchaytirilgan monitoring ostidagi davlatlar — FATFning rasmiy bayonotlarida kuchaytirilgan monitoring ostida deb koʻrsatilgan hamda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish rejimlarida aniqlangan strategik kamchiliklarni belgilangan muddatda bartaraf etish boʻyicha majburiyat olgan va FATF bilan faol hamkorlik qilib kelayotgan davlatlar va hududlar;”;
yigirma birinchi — oʻttiz oltinchi xatboshilar tegishli ravishda yigirma ikkinchi — oʻttiz yettinchi xatboshilar deb hisoblansin;
quyidagi mazmundagi xatboshi bilan toʻldirilsin:
“ paketli oʻtkazma — bir nechta alohida toʻlovlar yoki oʻtkazmalardan iborat boʻlib, ayni bir moliyaviy muassasaga (tijorat banklari, toʻlov tizimlari operatorlari, toʻlov tashkilotlari va boshqalar) yuboriladigan, yakunda bir shaxsga yoki turli shaxslarga moʻljallangan oʻtkazma.”.
2. 6-bandda :
quyidagi mazmundagi oʻn oltinchi xatboshi bilan toʻldirilsin:
“xodimlarni ishga qabul qilishda nomzodlarning lavozimga munosibligini baholashga qaratilgan jinoiy faoliyatdan olingan daromadlarni legallashtirish va terrorizmni moliyalashtirish boʻyicha riskka asoslangan tekshiruv tartib-taomillari;”;
oʻn oltinchi — oʻn toʻqqizinchi xatboshilar tegishli ravishda oʻn yettinchi — yigirmanchi xatboshilar deb hisoblansin.
3. 22-bandning “b” kichik bandida :
uchinchi xatboshidagi “100” raqami “500” raqami bilan almashtirilsin;
toʻrtinchi xatboshidagi “bazaviy hisoblash miqdorining 500 baravariga” degan soʻzlar “175 million soʻmga” degan soʻzlar bilan almashtirilsin.
4. 26-band quyidagi tahrirda bayon etilsin:
“26. Tijorat banki tomonidan jismoniy shaxs — mijozni identifikatsiyalash shaxsni tasdiqlovchi hujjat yoki raqamli identifikatsiya asosida amalga oshiriladi. Bunda tijorat banki jismoniy shaxs — mijoz identifikatsiyasi:
shaxsni tasdiqlovchi hujjat (biometrik pasport yoki identifikatsiyalovchi ID-karta yoxud ularning oʻrnini bosadigan boshqa hujjat) asosida amalga oshirilganda ushbu hujjatning asli yoki Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli bilan tanishib chiqishi;
raqamli identifikatsiya asosida amalga oshirilganda Mijozlarni raqamli identifikatsiya qilish tartibi toʻgʻrisidagi nizomda (roʻyxat raqami 3322, 2021-yil 30-sentabr) belgilangan choralarni koʻrishi lozim.”.
5. 27-bandda :
quyidagi mazmundagi beshinchi xatboshi bilan toʻldirilsin:
“Yuridik shaxs boʻlgan mijozlarga nisbatan tijorat banklari ularning xoʻjalik faoliyati xususiyatini, shuningdek mulkchilik shakli va boshqaruv tuzilmasini tushunishlari kerak.”;
beshinchi — oʻninchi xatboshilar tegishli ravishda oltinchi — oʻn birinchi xatboshilar deb hisoblansin.
6. 38-bandning toʻrtinchi xatboshisi quyidagi tahrirda bayon etilsin:
“joʻnatiladigan pul oʻtkazmalarini mijoz-joʻnatuvchi haqidagi (joʻnatuvchining nomi, manzili, soliq toʻlovchining identifikatsion raqami yoki mijozning identifikatsiya raqami; agar operatsiya jarayonida hisobvaraq ishlatilgan boʻlsa, uning raqami yoki operatsiyani joʻnatuvchidan oluvchigacha kuzatib borish imkonini beradigan operatsiyaning xos raqami; jismoniy shaxslar uchun — ismi, familiyasi, otasining ismi, biometrik pasporti yoki identifikatsiyalovchi ID-kartasi yoxud ularning oʻrnini bosadigan boshqa hujjatning seriyasi va raqami, tugʻilgan sanasi va yashash joyi) va oluvchi haqidagi (oluvchining nomi, mamlakati va shahri, soliq toʻlovchining identifikatsion raqami yoki mijozning identifikatsiya raqami; agar operatsiya jarayonida hisobvaraq ishlatilgan boʻlsa, uning raqami yoki operatsiyani joʻnatuvchidan oluvchigacha kuzatib borish imkonini beradigan operatsiyaning xos raqami; jismoniy shaxslar uchun — uning ismi, familiyasi, otasining ismi va yashash joyi) aniq maʼlumotlar bilan birga yuborilishini taʼminlashlari;”.
7. 38 1 -bandning birinchi va ikkinchi xatboshilari quyidagi tahrirda bayon etilsin:
“38 1 . Bazaviy hisoblash miqdorining 28 baravariga teng yoki undan oshgan summadagi yuborilayotgan ichki toʻlovlar va pul oʻtkazmalari boʻyicha maʼlumotlar xalqaro pul oʻtkazmalari uchun qayd etilgani kabi joʻnatuvchi toʻgʻrisidagi identifikatsiya jarayonida olingan maʼlumotlarni hamda oluvchi toʻgʻrisidagi maʼlumotlarni oʻz ichiga olishi kerak, joʻnatuvchi toʻgʻrisidagi toʻliq maʼlumot oluvchi tijorat banki tomonidan boshqa manbalar orqali olinishi mumkin boʻlgan holatlar bundan mustasno. Bu holatda joʻnatuvchi tijorat bankiga jismoniy shaxsning shaxsiy identifikatsiya raqamini, shuningdek hisobvaraqning raqami yoki operatsiyani joʻnatuvchidan oluvchigacha kuzatib borish imkonini beradigan operatsiyaning xos raqamini qoʻshib qoʻyish yetarli hisoblanadi.
Tijorat banklari bazaviy hisoblash miqdorining 28 baravaridan oshmagan summadagi ichki toʻlovlar va pul oʻtkazmalarini joʻnatuvchi haqidagi (joʻnatuvchining nomi; agar operatsiya jarayonida hisobvaraq ishlatilgan boʻlsa, u holda ushbu hisobvaraqning raqami yoki operatsiyaning xos raqami) va oluvchi haqidagi (oluvchining nomi; agar operatsiya jarayonida hisobvaraq ishlatilgan boʻlsa, u holda ushbu hisobvaraqning raqami yoki operatsiyani joʻnatuvchidan oluvchigacha kuzatib borish imkonini beradigan operatsiyaning xos raqami) maʼlumotlar bilan birga yuborilishini taʼminlashlari kerak.”.
8. Quyidagi mazmundagi 38 2 — 38 4 -bandlar bilan toʻldirilsin:
“38 2 . Tijorat banklari mijoz tomonidan bank kartasi orqali tovar yoki xizmat uchun toʻlov amalga oshirilganda bank kartasining raqamini joʻnatuvchi moliyaviy muassasadan oluvchi moliyaviy muassasagacha kuzatib borilishini taʼminlashi shart.
38 3 . Tijorat banklari mamlakat ichidagi naqd pul yechib olish bilan bogʻliq operatsiyalar boʻyicha mijozning bank hisobvaragʻi yoki bank kartasi raqamini moliyaviy muassasaga taqdim etishlari kerak.
Tijorat banklari Oʻzbekiston Respublikasi hududidan tashqaridagi boshqa moliyaviy muassasa orqali naqd pul yechib olish bilan bogʻliq operatsiyalar boʻyicha toʻlovlarning mijozning bank kartasi raqami toʻgʻrisidagi maʼlumotlar bilan birga yuborilishini taʼminlashlari hamda mijozning nomi toʻgʻrisidagi maʼlumotlarni xorijiy moliyaviy muassasaning soʻrovi olingan sanadan eʼtiboran uch ish kunidan kechiktirmagan holda taqdim etishlari kerak.
38 4 . Tijorat banklari ayni bir joʻnatuvchidan xalqaro pul oʻtkazmalari boʻyicha paketli oʻtkazma amalga oshirilganda, bunday oʻtkazmalar joʻnatuvchining hisobvaragʻi yoki operatsiyani joʻnatuvchidan oluvchigacha kuzatib borish imkonini beradigan operatsiyaning xos raqamini oʻz ichiga olsa hamda paketli oʻtkazmada joʻnatuvchi toʻgʻrisidagi zarur va aniq maʼlumotlar, shuningdek oluvchi toʻgʻrisida qabul qiluvchi mamlakatda uni toʻliq kuzatib borish imkonini beruvchi maʼlumotlar mavjud boʻlsa, mazkur Qoidalarning 38-bandida belgilangan joʻnatuvchi toʻgʻrisidagi maʼlumotlarga doir talablarni qoʻllamasliklari mumkin.”.
9. Quyidagi mazmundagi 46 2 -band bilan toʻldirilsin:
“46 2 . Mijozni lozim darajada tekshirish jarayonida jinoiy faoliyatdan olingan daromadlarni legallashtirish va terrorizmni moliyalashtirish boʻyicha shubhalar mavjud boʻlgan hollarda lozim darajada tekshirishni amalga oshirish mijozga bu haqidagi maʼlumotning oshkor boʻlib qolishiga olib keladigan boʻlsa, tijorat banklari lozim darajada tekshirishni amalga oshirmasligi mumkin, bunda tijorat banklari shubhali operatsiya toʻgʻrisida maxsus vakolatli davlat organiga xabar yuborishlari shart.”.
10. 48-band quyidagi mazmundagi xatboshi bilan toʻldirilsin:
“16 yoshga toʻlmagan jismoniy shaxsning hisobvaragʻidan ikki ish kuni mobaynida bazaviy hisoblash miqdorining 40 baravaridan ortiq summadagi pul mablagʻlarini kirim yoki chiqim qilish yoxud yechib olish bilan bogʻliq operatsiyalarning amalga oshirilishi.”.
11. 49-bandda :
quyidagi mazmundagi uchinchi xatboshi bilan toʻldirilsin:
“30 kundan oshmagan muddat davomida bir vaqtda yoki koʻp marotaba bazaviy hisoblash miqdorining 1000 baravariga teng yoki undan oshadigan umumiy summadagi pul mablagʻlarining kuchaytirilgan monitoring ostidagi davlatlardan mijozning hisobvaraqlariga kelib tushishi yoki mijozning hisobvaraqlaridan bunday davlatlarga pul mablagʻlarining oʻtkazilishi;”;
uchinchi — yigirma beshinchi xatboshilar tegishli ravishda toʻrtinchi — yigirma oltinchi xatboshilar deb hisoblansin;
oʻninchi xatboshi quyidagi tahrirda bayon etilsin:
“maxsus vakolatli davlat organi tomonidan pul mablagʻlari yoki boshqa mol-mulkdan foydalanishga ruxsat berilgan operatsiya, shu jumladan uni oʻtkazishga urinish;”;
oʻn yettinchi va oʻn sakkizinchi xatboshilar quyidagi tahrirda bayon etilsin:
“mijozning bank kartasidan bank mobil ilovasi orqali bir vaqtda yoki koʻp marotaba 30 kundan oshmagan muddat davomida bazaviy hisoblash miqdorining 500 baravariga teng yoki undan oshadigan umumiy summada pul mablagʻlarining bir yoki bir nechta bank kartalariga yoxud elektron hamyonlarga oʻtkazilishi, bundan koʻchmas mulk va transport vositalarining oldi-sotdisi boʻyicha eskrou hisobvaraqlar orqali amalga oshirilgan operatsiyalar mustasno;
mijozning bank kartasiga bir vaqtda yoki koʻp marotaba 30 kundan oshmagan muddat davomida bazaviy hisoblash miqdorining 1000 baravariga teng yoki undan oshadigan umumiy summada pul mablagʻlarining bir yoki bir nechta bank kartalaridan yoxud elektron hamyonlardan kelib tushishi, bundan koʻchmas mulk va transport vositalarining oldi-sotdisi boʻyicha eskrou hisobvaraqlar orqali amalga oshirilgan operatsiyalar mustasno;”;
yigirma oltinchi xatboshi quyidagi tahrirda bayon etilsin:
“yuridik shaxslar yoki yakka tartibdagi tadbirkorlarning hisobvaraqlaridan faqat tovarlar importi uchun chiqarilgan xorijiy valyutalar boʻyicha bitta shartnoma doirasida uning predmeti qisman yoki toʻliq xizmat koʻrsatishga oʻzgartirilishi yoki debitor qarzdorlikning xizmat koʻrsatish orqali soʻndirilishi, basharti uning qiymati bazaviy hisoblash miqdorining 5000 baravariga teng yoki undan oshsa.”.
12. Quyidagi mazmundagi 49 1 -band bilan toʻldirilsin:
“49 1 . Mazkur Qoidalarning 49-bandida koʻrsatilgan va miqdoriy chegaralarga ega boʻlmagan shubhali operatsiyalar boʻyicha tijorat banklari maxsus vakolatli davlat organiga xabar yuborgandan soʻng, oʻn ish kunidan oshmagan muddatda quyidagi kompleks tahlil choralarini koʻrishlari shart:
operatsiya ishtirokchilari toʻgʻrisida maʼlumotlarni olish va tahlil qilish;
ochiq manbalardan foydalangan holda operatsiya ishtirokchilarining ishchanlik obroʻsini oʻrganish;
pul mablagʻlarining kelib chiqish manbalari, operatsiya tuzilishi, operatsiya ishtirokchilarining geografik joylashuvi, operatsiya vaqti va hajmini tahlil qilish;
operatsiyaning mijoz odatiy xoʻjalik faoliyati va moliyaviy profiliga muvofiqligini, oldin amalga oshirilgan operatsiyalarni hisobga olgan holda baholash;
operatsiya ishtirokchilari oʻrtasidagi oʻzaro bogʻliqliklarni tahlil qilish, affillanganlik, nazorat ostida boʻlish yoki boshqa oʻzaro nazorat shakllarini aniqlash, shuningdek benefitsiar mulkdorni, mablagʻlarning kelib chiqish manbasini yoki operatsiyaning haqiqiy maqsadini yashirishga qaratilgan murakkab yoki koʻp bosqichli tranzaksiya zanjirlarini oʻrganish.
Tijorat banklari kompleks tahlil yakunlangandan soʻng:
mijozning tavakkalchilik darajasini koʻrib chiqishlari va zarur boʻlganda unga oʻzgartirish kiritishlari;
kompleks tahlil natijalari toʻgʻrisida maxsus vakolatli davlat organiga mazkur Qoidalarning 70-bandiga muvofiq xabar yuborishlari;
tavakkalchilik darajasini kamaytirish yuzasidan choralar koʻrishlari zarur.”.
13. 55-bandning “v” kichik bandi quyidagi tahrirda bayon etilsin:
“v) chet el korxonalarining vakolatxonalari va Oʻzbekiston Respublikasining norezident — jismoniy shaxslari (Oʻzbekiston Respublikasining vakolatli davlat organi tomonidan taqdim etilgan jismoniy shaxsning shaxsiy identifikatsiya raqamiga ega mijozlar bundan mustasno);”.
14. 71-bandning ikkinchi xatboshisi quyidagi tahrirda bayon etilsin:
“Maxsus jurnal bankning avtomatlashtirilgan axborot tizimlarida elektron shaklda yuritiladi.”.
Markaziy bank raisi T. ISHMETOV
Iqtisodiy jinoyatlarga qarshi kurashish departamentining boshligʻi J. XATAMOV
Toshkent sh.,
2026-yil 16 aprel,
Toshkent sh.,
2026-yil 15 aprel,
343-В-14-son
16-son
Правления Центрального банка Республики Узбекистан Департамента по борьбе с экономическими преступлениями при Генеральной прокуратуре Республики Узбекистан
Постановление
О внесении дополнений и изменений в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках
В соответствии с законами Республики Узбекистан « О Центральном банке Республики Узбекистан » и « О противодействии легализации доходов, полученных от преступной деятельности, финансированию терроризма и финансированию распространения оружия массового уничтожения » правление Центрального банка Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан постановляют:
1. Внести дополнения и изменения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках, утвержденные постановлением правления Центрального банка Республики Узбекистан и Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан от 17 апреля 2017 года №№ 343-В и 14 (рег. № 2886 от 23 мая 2017 года) (Собрание законодательства Республики Узбекистан, 2017 г., № 21, ст. 401) согласно приложению .
2. Настоящее постановление вступает в силу через три месяца со дня официального опубликования.
ПРИЛОЖЕНИЕ к постановлению Правления Центрального банка Республики Узбекистан от 16 апреля 2026 года № 343-B-14 и Департамента по борьбе с экономическими преступлениями при Генеральной прокуратуре Республики Узбекистан от 15 апреля 2026 года № 16
Дополнения и изменения, вносимые в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках
1. В пункте 1 :
абзац второй после слова «банк,» дополнить словами «в том числе микрофинансовый банк,»;
абзац двенадцатый изложить в следующей редакции:
« бенефициарный собственник — физическое лицо (лица), которое в конечном итоге осуществляет контроль над клиентом либо прямо или косвенно владеет им, а также физическое лицо, от имени которого осуществляется операция;»;
в абзаце девятнадцатом слово «изучения» заменить словом «понимания»;
абзац двадцатый изложить в следующей редакции:
«государства, не участвующие в международном сотрудничестве в сфере противодействия легализации доходов, полученных от преступной деятельности, и финансированию терроризма — государства и территории высокого риска, представляющие угрозу международной финансовой системе, в отношении которых в официальных заявлениях Группы разработки финансовых мер по противодействию легализации доходов, полученных от преступной деятельности (далее — ФАТФ) содержится призыв к применению мер в связи с наличием стратегических недостатков в их системах противодействия легализации доходов, финансированию терроризма и финансированию распространения оружия массового уничтожения;»;
дополнить абзацам двадцать первым следующего содержания:
« государства, находящиеся под усиленным мониторингом — государства и территории, указанные в официальных заявлениях ФАТФ как находящиеся под усиленным мониторингом, которые приняли на себя обязательства по устранению в установленные сроки выявленных стратегических недостатков в своих режимах противодействия легализации доходов, полученных преступным путём, финансированию терроризма и финансированию распространения оружия массового уничтожения, и активно сотрудничают с ФАТФ;»;
абзацы двадцать первый — тридцать шестой считать соответственно абзацами двадцать вторым — тридцать седьмым;
дополнить абзацем следующего содержания:
« пакетный перевод — перевод, состоящий из нескольких отдельных платежей или переводов, направляемых в адрес одного и того же финансового учреждения (коммерческие банки, операторы платежных систем, платежные организации и другие) и в конечном итоге предназначенных для одного или нескольких лиц.».
2. В пункте 6 :
дополнить абзацем шестнадцатым следующего содержания:
«процедуры проверки, основанные на оценке рисков в сфере противодействия легализации доходов, полученных от преступной деятельности, и финансированию терроризма, направленные на оценку соответствия кандидатов занимаемой должности при приёме на работу;»;
абзацы шестнадцатый — девятнадцатый считать соответственно абзацами семнадцатым — двадцатым.
3. В подпункте «б» пункта 22:
в абзаце третьем число «100» заменить числом «500»;
в абзаце четвёртом слова «500-кратный размер базовой расчетной величины» заменить словами «175 миллионов сумов».
4. Пункт 26 изложить в следующей редакции:
«26. Идентификация клиента — физического лица коммерческим банком проводится на основании документа, удостоверяющего личность, либо с использованием цифровой идентификации. При этом коммерческий банк при идентификации клиента — физического лица:
на основании документа (биометрического паспорта или идентификационной ID-карты или заменяющего их документа), удостоверяющего личность должен ознакомиться с оригиналом такого документа или электронной формой, предоставляемой через Единый портал интерактивных государственных услуг Республики Узбекистан и (или) мобильное приложение «Социальная карта»;
с использованием цифровой идентификации должен принять меры, предусмотренные Положением о порядке цифровой идентификации клиентов (рег. № 3322 от 30 сентября 2021 года).».
5. В пункте 27 :
дополнить абзацем пятым следующего содержания:
«В отношении клиентов, являющихся юридическими лицами, коммерческие банки должны понимать характер их хозяйственной деятельности, а также структуру собственности и управления.»;
абзацы пятый — десятый считать соответственно абзацами шестым — одиннадцатым.
6. Абзац четвёртый пункта 38 изложить в следующей редакции:
«обеспечить сопровождение отправляемых денежных переводов точными сведениями о клиенте-отправителе (наименование, адрес отправителя, идентификационный номер налогоплательщика или идентификационный номер клиента; если в процессе операции использовался счет, его номер или уникальный код операции, позволяющий проследить перевод от отправителя к получателю; для физических лиц — имя, фамилия, отчество, серия и номер биометрического паспорта или идентификационной ID-карты либо иного заменяющего их документа, дата рождения и место жительства), и о получателе (наименование, страна и город получателя, идентификационный номер налогоплательщика или идентификационный номер клиента; если в процессе операции использовался счет клиента или уникальный код операции, позволяющий проследить перевод от отправителя к получателю; для физических лиц — его имя, фамилия, отчество и место жительства);».
7. Абзацы первый и второй пункта 38 1 изложить в следующей редакции:
«38 1 . Данные об отправляемых внутренних электронных платежах и денежных переводах, сумма которых равна или превышает 28-кратный размер базовой расчетной величины, должны включать в себя сведения об отправителе, полученные в ходе идентификации клиента и сведения о получателе, как предписано для международных денежных переводов, кроме случаев, когда полная информация об отправителе может быть доступна получающему коммерческому банку с помощью других источников. В этом случае отправляющему коммерческому банку достаточно включать персональный идентификационный номер физического лица, а также номер счета или уникальный код операции, позволяющий проследить перевод от отправителя к получателю.
Коммерческие банки должны обеспечить сопровождение внутренних электронных платежей и денежных переводов, сумма которых не превышает 28-кратного размера базовой расчетной величины, информацией об отправителе (наименование отправителя; номер счета отправителя, когда в процессе операции использовался такой счет или уникальный код операции) и о получателе (наименование получателя; номер счета получателя, когда в процессе операции использовался такой счет или уникальный код операции, позволяющий отследить перевод от отправителя к получателю).».
8. Дополнить пунктами 38 2 — 38 4 следующего содержания:
«38 2 . Коммерческие банки обязаны обеспечивать возможность прослеживания номера банковской карты от отправителя финансового учреждения до получателя финансового учреждения при оплате клиентом товара или услуги посредством банковской карты.
38 3 . Коммерческие банки по операциям, связанным со снятием наличных денежных средств на территории страны, обязаны представлять финансовому учреждению номер банковского счёта либо банковской карты клиента.
Коммерческие банки по операциям, связанным с снятием наличных денег через другое финансовое учреждение за пределами Республики Узбекистан, должны обеспечить направление платежей вместе с данными о номере банковской карты клиента и предоставить сведения о наименовании клиента не позднее трех рабочих дней с даты получения запроса иностранного финансового учреждения.
38 4 . Коммерческие банки вправе не применять требования к информации о плательщике, установленные пунктом 38 настоящих Правил, при осуществлении пакетного перевода по международным денежным переводам от одного и того же отправителя, если такие переводы содержат номер счёта отправителя либо уникальный код операции, а также при условии наличия в пакетном переводе необходимой и достоверной информации об отправителе и полной информации о получателе, позволяющей обеспечить его полную прослеживаемость в стране получателя.».
9. Дополнить пунктом 46 2 следующего содержания:
«46 2 . В случаях, когда в процессе надлежащей проверки клиента имеются подозрения в легализации доходов, полученных от преступной деятельности, и финансированию терроризма, коммерческие банки вправе не проводить такую проверку, если её проведение может привести к разглашению информации о ней клиенту. При этом коммерческие банки обязаны направить сообщение о подозрительной операции в специально уполномоченный государственный орган.».
10. Пункт 48 дополнить абзацем следующего содержания:
«осуществление по счету физического лица, не достигшего 16 лет, операций, связанных с зачислением, списанием или снятием денежных средств на сумму, превышающую 40-кратный размер базовой расчётной величины, в течение двух рабочих дней.».
11. В пункте 49 :
дополнить абзацем третьим следующего содержания:
«поступление денежных средств на банковские счета клиента из государств, находящихся под усиленным мониторингом, либо перевод денежных средств с банковских счетов клиента в такие государства в общей сумме, равной или превышающей 1000-кратный размер базовой расчётной величины, единовременно или многократно в течение срока, не превышающего 30 дней;»;
абзацы третий — двадцать пятый считать соответственно абзацами четвертым — двадцать шестым;
абзац десятый изложить в следующей редакции:
«операция, в том числе попытка её проведения, с использованием денежных средств или иного имущества, разрешённая специально уполномоченным государственным органом;»;
абзацы семнадцатый и восемнадцатый изложить в следующей редакции:
«перевод клиентом денежных средств с банковской карты через мобильное приложение на одну (один) или несколько банковских карт или электронных кошельков, единовременно или многократно в течение срока, не превышающего 30 дней, на общую сумму, равную или превышающую 500-кратный размер базовой расчетной величины, за исключением операций по купле-продаже недвижимого имущества и транспортных средств, осуществляемых через счета эскроу ;
получение клиентом на банковскую карту денежных средств с одной (одного) или нескольких банковских карт или электронных кошельков, на общую сумму, равную или превышающую 1000-кратный размер базовой расчетной величины, единовременно или многократно в течение срока, не превышающего 30 дней, за исключением операций по купле-продаже недвижимого имущества и транспортных средств, осуществляемых через счета эскроу ;»
абзац двадцать шестой изложить в следующей редакции:
«полное или частичное изменение предмета в рамках одного договора, предусматривающего перечисление иностранной валюты со счетов юридических лиц или индивидуальных предпринимателей исключительно для импорта товаров, на оказание услуг либо погашение дебиторской задолженности путём оказания услуг, при условии, что его стоимость равна или превышает 5000-кратный размер базовой расчетной величины.».
12. Дополнить пунктом 49 1 следующего содержания:
«49 1 . Коммерческие банки по подозрительным операциям, указанным в пункте 49 настоящих Правил, по которым не установлены количественные пороговые значения, обязаны после направления сообщения в специально уполномоченный государственный орган в срок, не превышающий десяти рабочих дней, осуществить следующие меры комплексного анализа:
сбор и анализ информации об участниках операции;
изучение деловой репутации участников операции с использованием открытых источников;
анализ источников происхождения денежных средств, структуры операции, географического расположения участников, времени и объёма операции;
оценку соответствия операции обычной хозяйственной деятельности и финансовому профилю клиента с учётом ранее совершённых операций;
анализ взаимосвязей между участниками операции, включая выявление аффилированности, нахождения под контролем или иных форм взаимного контроля, а также изучение сложных или многоэтапных цепочек транзакций, направленных на сокрытие бенефициарного собственника, источника происхождения средств или фактической цели операции.
После завершения комплексного анализа коммерческие банки обязаны:
пересмотреть уровень риска клиента и при необходимости внести изменения в уровень риска;
направить сообщение о результатах комплексного анализа в специально уполномоченный государственный орган в соответствии с пункт 70 настоящих Правил;
принять меры по снижению уровня риска.».
13. Подпункт «в» пункта 55 изложить в следующей редакции:
«в) представительства иностранных компаний и нерезиденты — физические лица Республики Узбекистан (за исключением клиентов, имеющих персональный идентификационный номер физического лица, предоставленный уполномоченным государственным органом Республики Узбекистан);».
14. Абзац второй пункта 71 изложить в следующей редакции:
«Специальный журнал ведется в электронном виде в автоматизированных информационных системах банка.».
Председатель Центрального банка Т. ИШМЕТОВ
Начальник Департамента по борьбе с экономическими преступлениями Ж. ХАТАМОВ
г. Ташкент,
16 апреля 2026 г.,
г. Ташкент,
15 апреля 2026 г.,
№ 343-B-14
№ 16