UzbekAI

Ўзбекистон Республикаси Президентининг

Фармони

ТУЗИЛМАСИ

Пахта ва буғдой етиштирувчиларни молиявий қўллаб-қувватлашнинг қўшимча чора-тадбирлари тўғрисида

Пахта ва буғдойдан юқори ҳосилдорликка эришиш, мулкчилик шаклидан қатъи назар барча пахта хомашёси ва (ёки) буғдой етиштирувчи хўжаликлар (кейинги ўринларда — хўжаликлар) учун молиялаштириш ва қўшимча рағбатлантириш механизмларини янада кенгайтириш мақсадида қарор қиламан:

I. Янги молиявий қўллаб-қувватлаш чораларини жорий этиш

1. Белгилансинки, 2026 йил ҳосилидан бошлаб Қишлоқ хўжалиги вазирлиги ҳузуридаги Аграр соҳада тўловлар агентлиги (кейинги ўринларда — Агентлик) томонидан қуйидагилар компенсация қилинади:

(а) пахта хомашёсини етиштиришга ажратилган имтиёзли кредитларни:

(i) шартномада белгиланган муддатда қайтарган хўжаликларга ушбу кредитлар бўйича тўланган фоиз тўловининг 2,5 фоизлик пункти;

(ii) ҳосил йилининг якунига (тегишли йилнинг 31 декабрига) қадар қайтарган хўжаликларга ушбу кредитлар бўйича тўланган фоиз тўловларининг 5 фоизлик пункти;

(б) буғдой етиштириш харажатлари учун ажратилган имтиёзли кредитларни ҳосил йилининг 1 августига қадар тўлиқ қайтарган хўжаликларга ушбу кредитлар бўйича тўланган фоиз тўловининг 4 фоизлик пункти;

(в) пахта хомашёсини харид қилиш учун пахта-тўқимачилик кластерлари ҳамда пахта хомашёсини қайта ишлаш ва ип-калава ишлаб чиқариш занжирига эга тўқимачилик корхоналарига ажратилган тижорат кредитлари бўйича тўланган фоиз тўловининг 8 фоиз пунктидан юқори, лекин 16 фоиз пунктдан ошмаган қисми.

2. Қишлоқ хўжалиги вазирлиги ҳамда Иқтисодиёт ва молия вазирлигининг:

(а) дизель ёқилғисини харид қилиш билан боғлиқ харажатларни қисман қоплаш мақсадида 2026 йил 1 апрелдан 2026 йил 1 июлга қадар қишлоқ хўжалиги корхоналари томонидан биржа савдолари орқали харид қилинган ҳар бир тонна дизель ёқилғиси қийматининг 13 миллион сўмдан ошган қисми учун, бироқ 2 миллион сўмдан кўп бўлмаган миқдорда Ўзбекистон Республикаси республика бюджети ҳисобидан Агентлик орқали субсидия ажратиш;

(б) 2026 йил 1 сентябрдан бошлаб Қишлоқ хўжалигини давлат томонидан қўллаб-қувватлаш жамғармасининг хўжаликларга қуйидаги субсидияларни ажратиш ваколатини Агентликка ўтказиш:

(i) қишлоқ хўжалиги субъектларига ўз маблағлари ҳамда тижорат банклари кредитлари ҳисобидан етиштирилган пахта хомашёсини биржада сотганда расмийлаштирилган электрон ҳисобварақ-фактура қийматининг бир қисмини қоплаб бериш;

(ii) пахта-тўқимачилик кластерлари ҳамда ип-калава ишлаб чиқариш занжирига эга тўқимачилик корхоналарига ўз маблағлари ҳисобидан харид қилинган пахта хомашёси қийматининг бир қисмини қоплаб бериш;

(в) 2026 йил 1 сентябрдан бошлаб Қишлоқ хўжалигини давлат томонидан қўллаб-қувватлаш жамғармасидаги 2 та штат бирлигини Агентликка ўтказиш ва уларни сақлаш билан боғлиқ харажатларни Давлат бюджети ҳисобидан молиялаштириш тўғрисидаги таклифларига розилик берилсин.

II. Фармон ижросини ташкил этиш, таъминлаш ва назорат

3. Қишлоқ хўжалиги вазирлиги қишлоқ хўжалиги корхоналарининг ер майдонлари ҳамда экин турларини ҳисобга олган ҳолда дизель ёқилғисига бўлган ҳақиқий талабини «Агроплатформа» ахборот тизимида акс эттириш ҳамда ҳақиқий талабдан ортиқча харид қилинган дизель ёқилғиси учун субсидия ажратилишининг олдини олиш чораларини кўрсин.

4. Иқтисодиёт ва молия вазирлиги бир ой муддатда мазкур Фармонда назарда тутилган субсидиялар учун зарур маблағларни Агентликка Ўзбекистон Республикаси республика бюджетининг 2026 йил I чораги якуни бўйича даромадлар прогнозининг ошириб бажарилган қисми ҳисобидан ажратсин.

5. Қишлоқ хўжалиги вазирлиги:

(а) Иқтисодиёт ва молия вазирлиги билан келишилган ҳолда бир ҳафта муддатда мазкур Фармоннинг 2-банди «а» кичик бандидаги субсидияни ажратишнинг вақтинчалик тартибини тасдиқласин;

(б) Иқтисодиёт ва молия вазирлиги ҳамда Марказий банк билан биргаликда бир ой муддатда мазкур Фармоннинг 1-бандидаги қўллаб-қувватлаш чораларини тақдим этиш тартибларини ҳамда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.

6. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.

7. Мазкур Фармон ижросини самарали ташкил қилишга масъул ва шахсан жавобгар этиб Бош вазир ўринбосарлари Ж.А. Қўчқоров ва Ж.А. Ходжаев ҳамда қишлоқ хўжалиги вазири И.Ю. Абдураҳмонов белгилансин.

8. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Президентининг аграр ривожланиш масалалари бўйича маслаҳатчиси Ш.М. Ғаниев зиммасига юклансин.

Ўзбекистон Республикаси Президентининг 2026 йил 8 майдаги ПФ-82-сон Фармонига ИЛОВА

Ўзбекистон Республикаси Президентининг айрим ҳужжатларига киритилаётган ўзгартиришлар

1. Ўзбекистон Республикаси Президентининг 2021 йил 26 февралдаги «Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида»ги ПФ-6179-сон Фармонига 2-илованинг матни қуйидаги таҳрирда баён этилсин:

«Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасини бошқариш департаментининг

Ўзбекистон Республикаси Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси Кенгаши Департамент директори Директор ўринбосари Жамғарма маблағларидан самарали фойдаланилишини мониторинг қилиш бўлими 5 Бош юрисконсульт 1 Аграр соҳани молиялаштириш бошқармаси 10 Инсон ресурсларини ривожлантириш бўйича бош мутахассис 1 Дон қабул қилувчилар ва товар-хом ашё биржаси билан ишлаш бошқармаси 7 Қишлоқ хўжалигини техника билан жиҳозлашни молиялаштириш шўъбаси 1 Ахборот-коммуникация технологиялари бўйича бош мутахассис 1 Молия-иқтисод бўлими 3 Ижро назорати бўйича бош мутахассис 1

2. Ўзбекистон Республикаси Президентининг 2023 йил 12 декабрдаги «Қишлоқ хўжалигида эркин бозор муносабатларини янада ривожлантиришнинг қўшимча чора-тадбирлари тўғрисида»ги ПФ-205-сон Фармонининг 5-бандида :

(а) «б» кичик банднинг иккинчи хатбошисидаги «80» рақами «100» рақами билан алмаштирилсин;

(б) «в» кичик банд қуйидаги таҳрирда баён этилсин:

«в) фьючерс шартномасига асосан етиштирувчилардан қабул қилинган пахта хом ашёси учун тўловларнинг 80 фоизи пахта хом ашёси қабул қилиб олинган кундан бошлаб уч иш кунидан кечиктирмасдан, қолган қисми молия йилининг 31 декабрь кунига қадар биржанинг «клиринг» (марказлаштирилган ҳисоб-китоб) тизими орқали амалга оширилади. Бунда:

хўжаликлар ва қайта ишловчилар ўртасида фьючерс шартномалари бўйича натура (товар-моддий бойликлар) шаклида ҳисоб-китоб қилиш қатъий тақиқланади;

форвард шартномасига асосан етиштирувчилардан қабул қилинган пахта хом ашёси учун тўловлар (пахта хом ашёси қийматининг закалат маблағидан қолган қисми) қабул қилиб олинган кундан бошлаб уч иш кунидан кечиктирмасдан сотувчининг банк ҳисобварағига ўтказиб берилади».

3. Ўзбекистон Республикаси Президентининг 2025 йил 17 январдаги «Пахта хом ашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида»ги ПФ-7-сон Фармонининг 3-банди қуйидаги таҳрирда баён этилсин:

«3. Белгилансинки:

а) 2025 йил ҳосили учун пахта хом ашёсини етиштириш учун олинган имтиёзли кредитларни ҳосил йилининг якунига (тегишли йилнинг 31 декабрига) қадар қайтарган хўжаликларга ушбу кредитлар бўйича тўланган фоиз тўловларининг 4 фоизлик пунктини субсидия сифатида қайтариб бериш тартиби жорий этилади;

б) 2025 йил ҳосилидан бошлаб:

пахта хом ашёсини ўз маблағлари ва тижорат кредитлари ҳисобидан етиштириб, Биржада сотган хўжаликларга шаклланган ҳисобварақ-фактура қийматининг 10 фоизи миқдорида субсидия ажратилади. Бунда 2026 йил ҳосилидан бошлаб ушбу субсидия Қишлоқ хўжалиги вазирлиги ҳузуридаги Аграр соҳада тўловлар агентлиги томонидан ажратилади;

мулкчилик шаклидан қатъи назар барча тадбиркорлик субъектларига, шу жумладан, фермерлар ҳамда кооперативларга пахта хом ашёсини сақлаш ва бирламчи (тегирмон усулида) қайта ишлаш хизматларини ташкил этиш учун зарур бўлган асбоб-ускуналарни сотиб олишга Жамғарма ресурслари ҳисобидан тижорат банклари томонидан Марказий банкнинг асосий ставкасида (шундан 2 фоиз банк маржаси) уч йил муддатга 6 ойлик имтиёзли давр билан кредитлар ажратилади. Бунда тадбиркорлик субъектлари фақат пахта хом ашёсини қайта ишлаб бериш билан шуғулланади ва пахта хом ашёсини сотиб олиш ҳуқуқига эга бўлмайди.

Қишлоқ хўжалиги вазирлиги Иқтисодиёт ва молия вазирлиги билан биргаликда икки ой муддатда мазкур банднинг иккинчи ва учинчи хатбошиларида назарда тутилган субсидияларни ажратиш тартибларини Вазирлар Маҳкамасига киритсин».

4. Ўзбекистон Республикаси Президентининг 2023 йил 26 январдаги «Пахта хом ашёси етиштирувчилар фаолиятини янада қўллаб-қувватлашнинг қўшимча чора-тадбирлари тўғрисида»ги ПҚ-23-сон қарори 2-бандининг «а» , «д» ва «е» кичик бандлари ўз кучини йўқотган деб ҳисоблансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 8 май,

ПФ-82-сон

(Қонунчилик маълумотлари миллий базаси, 12.05.2026 й., 06/26/82/0479-сон)

lex.uz

Oʻzbekiston Respublikasi Prezidentining

Farmoni

TUZILMASI

Paxta va bugʻdoy yetishtiruvchilarni moliyaviy qoʻllab-quvvatlashning qoʻshimcha chora-tadbirlari toʻgʻrisida

Paxta va bugʻdoydan yuqori hosildorlikka erishish, mulkchilik shaklidan qatʼi nazar barcha paxta xomashyosi va (yoki) bugʻdoy yetishtiruvchi xoʻjaliklar (keyingi oʻrinlarda — xoʻjaliklar) uchun moliyalashtirish va qoʻshimcha ragʻbatlantirish mexanizmlarini yanada kengaytirish maqsadida qaror qilaman:

I. Yangi moliyaviy qoʻllab-quvvatlash choralarini joriy etish

1. Belgilansinki, 2026-yil hosilidan boshlab Qishloq xoʻjaligi vazirligi huzuridagi Agrar sohada toʻlovlar agentligi (keyingi oʻrinlarda — Agentlik) tomonidan quyidagilar kompensatsiya qilinadi:

(a) paxta xomashyosini yetishtirishga ajratilgan imtiyozli kreditlarni:

(i) shartnomada belgilangan muddatda qaytargan xoʻjaliklarga ushbu kreditlar boʻyicha toʻlangan foiz toʻlovining 2,5 foizlik punkti;

(ii) hosil yilining yakuniga (tegishli yilning 31-dekabriga) qadar qaytargan xoʻjaliklarga ushbu kreditlar boʻyicha toʻlangan foiz toʻlovlarining 5 foizlik punkti;

(b) bugʻdoy yetishtirish xarajatlari uchun ajratilgan imtiyozli kreditlarni hosil yilining 1-avgustiga qadar toʻliq qaytargan xoʻjaliklarga ushbu kreditlar boʻyicha toʻlangan foiz toʻlovining 4 foizlik punkti;

(v) paxta xomashyosini xarid qilish uchun paxta-toʻqimachilik klasterlari hamda paxta xomashyosini qayta ishlash va ip-kalava ishlab chiqarish zanjiriga ega toʻqimachilik korxonalariga ajratilgan tijorat kreditlari boʻyicha toʻlangan foiz toʻlovining 8 foiz punktidan yuqori, lekin 16 foiz punktdan oshmagan qismi.

2. Qishloq xoʻjaligi vazirligi hamda Iqtisodiyot va moliya vazirligining:

(a) dizel yoqilgʻisini xarid qilish bilan bogʻliq xarajatlarni qisman qoplash maqsadida 2026-yil 1-apreldan 2026-yil 1-iyulga qadar qishloq xoʻjaligi korxonalari tomonidan birja savdolari orqali xarid qilingan har bir tonna dizel yoqilgʻisi qiymatining 13 million soʻmdan oshgan qismi uchun, biroq 2 million soʻmdan koʻp boʻlmagan miqdorda Oʻzbekiston Respublikasi respublika budjeti hisobidan Agentlik orqali subsidiya ajratish;

(b) 2026-yil 1-sentabrdan boshlab Qishloq xoʻjaligini davlat tomonidan qoʻllab-quvvatlash jamgʻarmasining xoʻjaliklarga quyidagi subsidiyalarni ajratish vakolatini Agentlikka oʻtkazish:

(i) qishloq xoʻjaligi subyektlariga oʻz mablagʻlari hamda tijorat banklari kreditlari hisobidan yetishtirilgan paxta xomashyosini birjada sotganda rasmiylashtirilgan elektron hisobvaraq-faktura qiymatining bir qismini qoplab berish;

(ii) paxta-toʻqimachilik klasterlari hamda ip-kalava ishlab chiqarish zanjiriga ega toʻqimachilik korxonalariga oʻz mablagʻlari hisobidan xarid qilingan paxta xomashyosi qiymatining bir qismini qoplab berish;

(v) 2026-yil 1-sentabrdan boshlab Qishloq xoʻjaligini davlat tomonidan qoʻllab-quvvatlash jamgʻarmasidagi 2 ta shtat birligini Agentlikka oʻtkazish va ularni saqlash bilan bogʻliq xarajatlarni Davlat budjeti hisobidan moliyalashtirish toʻgʻrisidagi takliflariga rozilik berilsin.

II. Farmon ijrosini tashkil etish, taʼminlash va nazorat

3. Qishloq xoʻjaligi vazirligi qishloq xoʻjaligi korxonalarining yer maydonlari hamda ekin turlarini hisobga olgan holda dizel yoqilgʻisiga boʻlgan haqiqiy talabini “Agroplatforma” axborot tizimida aks ettirish hamda haqiqiy talabdan ortiqcha xarid qilingan dizel yoqilgʻisi uchun subsidiya ajratilishining oldini olish choralarini koʻrsin.

4. Iqtisodiyot va moliya vazirligi bir oy muddatda mazkur Farmonda nazarda tutilgan subsidiyalar uchun zarur mablagʻlarni Agentlikka Oʻzbekiston Respublikasi respublika budjetining 2026-yil I choragi yakuni boʻyicha daromadlar prognozining oshirib bajarilgan qismi hisobidan ajratsin.

5. Qishloq xoʻjaligi vazirligi:

(a) Iqtisodiyot va moliya vazirligi bilan kelishilgan holda bir hafta muddatda mazkur Farmonning 2-bandi “a” kichik bandidagi subsidiyani ajratishning vaqtinchalik tartibini tasdiqlasin;

(b) Iqtisodiyot va moliya vazirligi hamda Markaziy bank bilan birgalikda bir oy muddatda mazkur Farmonning 1-bandidagi qoʻllab-quvvatlash choralarini taqdim etish tartiblarini hamda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

6. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.

7. Mazkur Farmon ijrosini samarali tashkil qilishga masʼul va shaxsan javobgar etib Bosh vazir oʻrinbosarlari J.A. Qoʻchqorov va J.A. Xodjayev hamda qishloq xoʻjaligi vaziri I.Yu. Abdurahmonov belgilansin.

8. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidentining agrar rivojlanish masalalari boʻyicha maslahatchisi Sh.M. Gʻaniyev zimmasiga yuklansin.

Oʻzbekiston Respublikasi Prezidentining 2026-yil 8-maydagi PF-82-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar

1. Oʻzbekiston Respublikasi Prezidentining 2021-yil 26-fevraldagi “Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi faoliyatini tubdan takomillashtirish toʻgʻrisida”gi PF-6179-son Farmoniga 2-ilovaning matni quyidagi tahrirda bayon etilsin:

“Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasini boshqarish departamentining

Oʻzbekiston Respublikasi Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi Kengashi Departament direktori Direktor oʻrinbosari Jamgʻarma mablagʻlaridan samarali foydalanilishini monitoring qilish boʻlimi 5 Bosh yuriskonsult 1 Agrar sohani moliyalashtirish boshqarmasi 10 Inson resurslarini rivojlantirish boʻyicha bosh mutaxassis 1 Don qabul qiluvchilar va tovar-xom ashyo birjasi bilan ishlash boshqarmasi 7 Qishloq xoʻjaligini texnika bilan jihozlashni moliyalashtirish shoʻbasi 1 Axborot-kommunikatsiya texnologiyalari boʻyicha bosh mutaxassis 1 Moliya-iqtisod boʻlimi 3 Ijro nazorati boʻyicha bosh mutaxassis 1

2. Oʻzbekiston Respublikasi Prezidentining 2023-yil 12-dekabrdagi “Qishloq xoʻjaligida erkin bozor munosabatlarini yanada rivojlantirishning qoʻshimcha chora-tadbirlari toʻgʻrisida”gi PF-205-son Farmonining 5-bandida :

(a) “b” kichik bandning ikkinchi xatboshisidagi “80” raqami “100” raqami bilan almashtirilsin;

(b) “v” kichik band quyidagi tahrirda bayon etilsin:

“v) fyuchers shartnomasiga asosan yetishtiruvchilardan qabul qilingan paxta xom ashyosi uchun toʻlovlarning 80 foizi paxta xom ashyosi qabul qilib olingan kundan boshlab uch ish kunidan kechiktirmasdan, qolgan qismi moliya yilining 31-dekabr kuniga qadar birjaning “kliring” (markazlashtirilgan hisob-kitob) tizimi orqali amalga oshiriladi. Bunda:

xoʻjaliklar va qayta ishlovchilar oʻrtasida fyuchers shartnomalari boʻyicha natura (tovar-moddiy boyliklar) shaklida hisob-kitob qilish qatʼiy taqiqlanadi;

forvard shartnomasiga asosan yetishtiruvchilardan qabul qilingan paxta xom ashyosi uchun toʻlovlar (paxta xom ashyosi qiymatining zakalat mablagʻidan qolgan qismi) qabul qilib olingan kundan boshlab uch ish kunidan kechiktirmasdan sotuvchining bank hisobvaragʻiga oʻtkazib beriladi”.

3. Oʻzbekiston Respublikasi Prezidentining 2025-yil 17-yanvardagi “Paxta xom ashyosini yetishtirish va sotishda bozor mexanizmlarini qoʻllashni izchil davom ettirish chora-tadbirlari toʻgʻrisida”gi PF-7-son Farmonining 3-bandi quyidagi tahrirda bayon etilsin:

“3. Belgilansinki:

a) 2025-yil hosili uchun paxta xom ashyosini yetishtirish uchun olingan imtiyozli kreditlarni hosil yilining yakuniga (tegishli yilning 31-dekabriga) qadar qaytargan xoʻjaliklarga ushbu kreditlar boʻyicha toʻlangan foiz toʻlovlarining 4 foizlik punktini subsidiya sifatida qaytarib berish tartibi joriy etiladi;

b) 2025-yil hosilidan boshlab:

paxta xom ashyosini oʻz mablagʻlari va tijorat kreditlari hisobidan yetishtirib, Birjada sotgan xoʻjaliklarga shakllangan hisobvaraq-faktura qiymatining 10 foizi miqdorida subsidiya ajratiladi. Bunda 2026-yil hosilidan boshlab ushbu subsidiya Qishloq xoʻjaligi vazirligi huzuridagi Agrar sohada toʻlovlar agentligi tomonidan ajratiladi;

mulkchilik shaklidan qatʼi nazar barcha tadbirkorlik subyektlariga, shu jumladan, fermerlar hamda kooperativlarga paxta xom ashyosini saqlash va birlamchi (tegirmon usulida) qayta ishlash xizmatlarini tashkil etish uchun zarur boʻlgan asbob-uskunalarni sotib olishga Jamgʻarma resurslari hisobidan tijorat banklari tomonidan Markaziy bankning asosiy stavkasida (shundan 2 foiz bank marjasi) uch yil muddatga 6 oylik imtiyozli davr bilan kreditlar ajratiladi. Bunda tadbirkorlik subyektlari faqat paxta xom ashyosini qayta ishlab berish bilan shugʻullanadi va paxta xom ashyosini sotib olish huquqiga ega boʻlmaydi.

Qishloq xoʻjaligi vazirligi Iqtisodiyot va moliya vazirligi bilan birgalikda ikki oy muddatda mazkur bandning ikkinchi va uchinchi xatboshilarida nazarda tutilgan subsidiyalarni ajratish tartiblarini Vazirlar Mahkamasiga kiritsin”.

4. Oʻzbekiston Respublikasi Prezidentining 2023-yil 26-yanvardagi “Paxta xom ashyosi yetishtiruvchilar faoliyatini yanada qoʻllab-quvvatlashning qoʻshimcha chora-tadbirlari toʻgʻrisida”gi PQ-23-son qarori 2-bandining “a” , “d” va “e” kichik bandlari oʻz kuchini yoʻqotgan deb hisoblansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 8-may,

PF-82-son

(Qonunchilik maʼlumotlari milliy bazasi, 12.05.2026-y., 06/26/82/0479-son)

lex.uz

Президента Республики Узбекистан

Указ

«СТРУКТУРА

О дополнительных мерах финансовой поддержки производителей хлопка и пшеницы

В целях достижения высокой урожайности хлопка и пшеницы, дальнейшего расширения механизмов финансирования и дополнительного стимулирования всех хозяйств, занимающихся выращиванием хлопка-сырца и (или) пшеницы, независимо от формы собственности (далее — хозяйства) постановляю:

I. Внедрение новых мер финансовой поддержки

1. Установить, что начиная с урожая 2026 года Агентством по платежам в аграрной сфере при Министерстве сельского хозяйства (далее — Агентство) компенсируются:

(а) по льготным кредитам, выделенным на выращивание хлопка-сырца:

(i) 2,5 процентных пункта уплаченных процентных платежей по данным кредитам — хозяйствам, погасившим кредит в срок, установленный договором;

(ii) 5 процентных пунктов уплаченных процентных платежей по вышеуказанным кредитам — хозяйствам, погасившим кредит до конца урожайного года (31 декабря соответствующего года);

(б) 4 процентных пункта уплаченных процентных платежей по льготным кредитам, выделенным для расходов на выращивание пшеницы, — хозяйствам, погасившим данный кредит в полном объеме до 1 августа урожайного года;

(в) часть, превышающая 8 процентных пунктов, но не превышающая 16 процентных пунктов уплаченных процентных платежей по коммерческим кредитам, выделенным хлопково-текстильным кластерам, а также текстильным предприятиям, имеющим цепочку переработки хлопка-сырца и производства пряжи, для закупки хлопка-сырца.

2. Согласиться с предложениями Министерства сельского хозяйства, а также Министерства экономики и финансов о:

(а) выделении субсидии из республиканского бюджета Республики Узбекистан посредством Агентства для части, превышающей 13 миллионов сумов стоимости каждой тонны дизельного топлива, закупленной сельскохозяйственными предприятиями на биржевых торгах в период с 1 апреля 2026 года по 1 июля 2026 года, но в размере не более 2 миллионов сумов в целях частичного покрытия расходов, связанных с закупкой дизельного топлива;

(б) передаче с 1 сентября 2026 года Агентству полномочия Фонда государственной поддержки сельского хозяйства по выделению следующих субсидий для:

(i) компенсации сельскохозяйственным субъектам части стоимости электронного счета-фактуры, оформленного в процессе реализации на бирже хлопка-сырца, выращенного за счет их средств, а также кредитов коммерческих банков;

(ii) компенсации хлопково-текстильным кластерам, а также текстильным предприятиям, имеющим цепочку производства пряжи, части стоимости хлопка-сырца, приобретенного за счет их средств;

(в) передаче с 1 сентября 2026 года Агентству 2 штатных единиц Фонда государственной поддержки сельского хозяйства, а также финансировании расходов, связанных с их содержанием, за счет средств Государственного бюджета.

II. Организация, обеспечение и контроль исполнения Указа

3. Министерству сельского хозяйства принять меры по отражению в информационной системе «Агроплатформа» фактической потребности сельскохозяйственных предприятий в дизельном топливе, принимая во внимание их земельную площадь и виды культур, а также предупреждению выделения субсидий для дизельного топлива, приобретенного сверх фактической потребности.

4. Министерству экономики и финансов в месячный срок выделить Агентству средства, необходимые для субсидий, предусмотренных настоящим Указом, за счет перевыполненной части прогноза доходов республиканского бюджета Республики Узбекистан по итогам I квартала 2026 года.

5. Министерству сельского хозяйства:

(а) по согласованию с Министерством экономики и финансов в недельный срок утвердить временный порядок выделения субсидии, предусмотренной подпунктом «а» пункта 2 настоящего Указа;

(б) совместно с Министерством экономики и финансов, а также Центральным банком в месячный срок внести в Кабинет Министров порядки предоставления мер поддержки, предусмотренных пунктом 1 настоящего Указа, а также предложения об изменениях и дополнениях в акты законодательства, вытекающих из настоящего Указа.

6. Внести изменения в некоторые акты Президента Республики Узбекистан согласно приложению .

7. Возложить на заместителей Премьер-министра Д.А. Кучкарова и Ж.А. Ходжаева, а также министра сельского хозяйства И.Ю. Абдурахмонова персональную ответственность за эффективную организацию исполнения настоящего Указа.

8. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на советника Президента Республики Узбекистан по вопросам аграрного развития Ш.М. Ганиева.

ПРИЛОЖЕНИЕ к Указу Президента Республики Узбекистан от 8 мая 2026 года № УП-82

Изменения, вносимые в некоторые акты Президента Республики Узбекистан

1. Текст приложения № 2 к Указу Президента Республики Узбекистан от 26 февраля 2021 года № УП-6179 «О кардинальном совершенствовании деятельности Фонда государственной поддержки сельского хозяйства при Министерстве экономики и финансов Республики Узбекистан» изложить в следующей редакции:

Департамента по управлению Фондом государственной поддержки сельского хозяйства при Министерстве экономики и финансов Республики Узбекистан

Совет Фонда государственной поддержки сельского хозяйства при Министерстве экономики и финансов Республики Узбекистан Директор департамента Заместитель директора Отдел мониторинга за эффективным использованием средств фонда 5 Главный юрисконсульт 1 Управление финансирования аграрной сферы 10 Главный специалист по развитию человеческих ресурсов 1 Управление по работе с зернополучателями и товарно-сырьевой биржей 7 Сектор финансирования оснащения техникой сельского хозяйства 1 Главный специалист по информационно-коммуникационным технологиям 1 Финансово-экономический отдел 3 Главный специалист по контролю исполнения 1

2. В пункте 5 Указа Президента Республики Узбекистан от 12 декабря 2023 года № УП-205 «О дополнительных мерах по дальнейшему развитию свободных рыночных отношений в сельском хозяйстве»:

(а) в абзаце втором подпункта «б» цифру «80» заменить цифрой «100»;

(б) подпункт «в» изложить в следующей редакции:

«в) 80 процентов платежей за хлопок-сырец, принятый от производителей на основании фьючерсного контракта, производится не позднее трех рабочих дней со дня приемки хлопка-сырца, оставшаяся часть — до 31 декабря финансового года посредством системы «клиринг» (централизованного расчета) биржи;

При этом:

проведение расчета в форме натуры (товарно-материальных ценностей) по фьючерсным контрактам между хозяйствами и переработчиками строго запрещается;

платежи за хлопок-сырец, принятый от производителей на основании форвард-контракта (оставшаяся часть от средств заклада стоимости хлопка-сырца) перечисляются на банковский счет продавца не позднее трех рабочих дней со дня приемки».

3. Пункт 3 Указа Президента Республики Узбекистан от 17 января 2025 года № УП-7 «О мерах по последовательному продолжению применения рыночных механизмов при выращивании и реализации хлопка-сырца» изложить в следующей редакции:

«3. Установить, что:

а) внедряется порядок возврата хозяйствам, погасившим до конца урожайного года (до 31 декабря соответствующего года) льготные кредиты, полученные для выращивания хлопка-сырца под урожай 2025 года, 4-процентного пункта процентных платежей по данным кредитам в качестве субсидии;

б) начиная с урожая 2025 года:

хозяйствам, вырастившим хлопок-сырец за счет собственных средств и коммерческих кредитов и реализовавшим его на Бирже, выделяется субсидия в размере 10 процентов сформированной стоимости по счету-фактуре. При этом начиная с урожая 2026 года данная субсидия выделяется Агентством по платежам в аграрной сфере при Министерстве сельского хозяйства;

всем субъектам предпринимательства независимо от формы собственности, в том числе фермерам и кооперативам, на приобретение оборудования, необходимого для организации услуг хранения и первичной переработки (методом мельницы) хлопка-сырца, коммерческими банками за счет ресурсов Фонда выделяются кредиты на срок три года, включая льготный период 6 месяцев, по основной ставке Центрального банка (в том числе маржа банка — 2 процента). При этом субъекты предпринимательства будут заниматься только переработкой хлопка-сырца без обладания правом на закупку хлопка-сырца.

Министерству сельского хозяйства совместно с Министерством экономики и финансов в двухмесячный срок внести в Кабинет Министров порядки выделения субсидий, предусмотренных в абзацах втором и третьем настоящего пункта».

4. Подпункты «а» , «д» и «е» пункта 2 постановления Президента Республики Узбекистан от 26 января 2023 года № ПП-23 «О дополнительных мерах по дальнейшей поддержке деятельности производителей хлопка-сырца» признать утратившими силу.

Президент Республики Узбекистан Ш. МИРЗИЁЕВ

г. Ташкент,

8 мая 2026 г.,

№ УП-82

(Национальная база данных законодательства, 12.05.2026 г., № 06/26/82/0479)

lex.uz