UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

НИЗОМ

СХЕМАСИ

НИЗОМ

СХЕМАСИ

НИЗОМ

СХЕМАСИ

НИЗОМ

СХЕМАСИ

НИЗОМ

СХЕМАСИ

НИЗОМ

СХЕМАСИ

Атроф-муҳитга таъсирни баҳолашнинг янги механизмларини жорий қилиш чора-тадбирлари тўғрисида

Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонуни ижросини таъминлаш, шунингдек, иқлим ўзгариши салбий оқибатларини келтириб чиқарувчи саноат корхоналарининг атроф-муҳитга ва инсон саломатлигига салбий таъсирининг олдини олиш ва камайтиришнинг халқаро талабларга жавоб берадиган замонавий механизмларини жорий қилиш мақсадида Вазирлар Маҳкамаси қарор қилади:

1. Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ қуйидагилар белгилангани маълумот учун қабул қилинсин:

давлат экологик экспертизаси ўтказилишининг мажбурийлиги;

давлат экологик экспертизасининг ижобий хулосаси бўлмай туриб, лойиҳаларнинг банк ва бошқа кредит ташкилотлари томонидан молиялаштирилиши тақиқлангани;

эколог-эксперт фаолиятига аралашишга йўл қўйилмаслиги;

аттестациядан ўтказилган ходим эколог-эксперт бўлиши мумкинлиги;

атроф-муҳитга таъсирни баҳолаш лойиҳани ишлаб чиқувчилар томонидан ўтказилиши;

лойиҳани ишлаб чиқувчи штатида тегишли малака сертификати мавжуд бўлган камида икки нафар ходимга эга бўлиши кераклиги;

давлат экологик экспертизасининг хулосасида кўрсатилган талаблар бажарилиши шартлиги.

2. Қуйидагилар:

Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари ва объектлар рўйхати 1-иловага мувофиқ;

Давлат экологик экспертизасини ўтказиш тартиби тўғрисидаги низом 2-иловага мувофиқ;

Атроф-муҳитга таъсирни баҳолаш тартиби тўғрисидаги низом 3-иловага мувофиқ;

Мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга таъсири бўйича жамоатчилик эшитувларини ўтказиш тартиби тўғрисидаги низом 4-иловага мувофиқ;

Жамоат экологик экспертизасини ўтказиш тартиби тўғрисидаги низом 5-иловага мувофиқ;

Атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчиларнинг фаолиятини ташкил этиш ва рейтингини юритиш тартиби тўғрисидаги низом 6-иловага мувофиқ;

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби тўғрисидаги низом 7-иловага мувофиқ;

Стратегик экологик баҳолаш бўйича экологик маърузани тайёрлаш ва унинг сифатини баҳолаш тартиби тўғрисидаги низом 8-иловага мувофиқ тасдиқлансин.

3. Белгилансинки:

экологик экспертиза объектлари атроф-муҳитга таъсири бўйича уч тоифага ажратилади ҳамда мажбурий давлат экологик экспертизасидан ўтказилади;

экологик экспертиза объектлари учун лойиҳа ҳужжатларини ишлаб чиқишга доир малака сертификати берилади;

эколог-экспертлар белгиланган тартибда аттестациядан ўтказилади;

стратегик режалаштириш ҳужжатлари стратегик экологик баҳоланади;

жамоат экологик экспертизаси нодавлат нотижорат ташкилотларининг ва фуқароларнинг ташаббуси билан ўтказилади;

давлат экологик экспертизасидан ўтказиш ҳамда экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш жараёнлари Давлат хизматлари маркази ҳамда Ягона интерактив давлат хизматлари портали орқали амалга оширилади.

4. Ўзбекистон Республикаси Экология ва иқлим ўзгариши миллий қўмитаси (кейинги ўринларда — Экология қўмитаси) уч ой муддатда:

ушбу қарор талабларидан келиб чиққан ҳолда, веб-сайти орқали давлат экологик экспертизасидан ўтказишнинг электрон ҳужжат алмашинуви тизими янада такомиллаштирилишини;

Ўзбекистон Республикаси Рақамли технологиялар вазирлиги билан биргаликда давлат экологик экспертизасини ўтказиш ҳамда экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш бўйича давлат хизматлари Ягона интерактив давлат хизматлари портали орқали кўрсатилишини;

давлат экологик экспертизаси бўйича экспертлар кенгаши таркиби ва унинг низоми тасдиқланишини;

лойиҳани ишлаб чиқувчилар рейтинги мезонларини тасдиқлаш ва уларнинг рейтингини юритишни;

ушбу қарорнинг мақсадлари, мазмуни ва амалий аҳамиятини тадбиркорлик субъектлари ўртасида кенг ёритиш тадбирларининг режасини тасдиқласин ва унинг белгиланган муддатларда амалга оширилишини таъминласин.

5. Ўзбекистон Республикаси Ҳукуматининг 9-иловага мувофиқ айрим қарорларига ўзгартириш ва қўшимчалар киритилсин.

6. Вазирлар Маҳкамасининг «Атроф-муҳитга таъсирни баҳолаш механизмини янада такомиллаштириш тўғрисида» 2020 йил 7 сентябрдаги 541-сон қарори ўз кучини йўқотган деб ҳисоблансин.

7. Мазкур қарор расмий эълон қилинган кундан эътиборан уч ой ўтгач кучга киради.

8. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2026 йил 11 майдаги 234-сон қарорига 1-ИЛОВА

Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари ва объектлар

Т/р Фаолият турлари ва объектлари Экспертизани ўтказиш муддати (иш куни) Тўлов миқдори (БХМ) I. Атроф-муҳитга таъсир кўрсатишнинг I тоифасига мансуб (юқори даражада хавфли) фаолият турлари ва объектлари 1. Транспорт, электротехника ва йўл хўжалиги 1. «А» ва «М» тоифадаги автомобиль йўллари ва кўприклар, тоннеллар, метро, темир йўллар (умумий фойдаланишда бўлмаган темир йўллар бундан мустасно) ва юк терминаллари, логистика марказлари, шу жумладан, дарё портлари ва пристанлар. 25 25 2. Аэропортлар. 25 25 3. Машинасозлик саноати (авиасозлик, вагонсозлик, автомобилсозлик, тракторсозлик, мотор ҳамда мототранспорт ишлаб чиқариш ва бошқалар). 25 25 4. Электротехника ва радиотехника саноати корхоналари. 25 25 2. Энергетика саноати 5. Атом станциялари, ядровий реакторли қурилмалар, шу жумладан, модулли атом реакторлари, атом саноати чиқиндилари ва бошқа радиоактив чиқиндиларга ишлов бериш ёки утилизация қилиш қурилмалари. 25 25 6. 300 МВт ёки ундан ортиқ қувватга эга бўлган иссиқлик электр станциялари ва бошқа энергетик ёндириш қурилмалари. 25 25 7. 100 МВт ва ундан ортиқ қувватга эга бўлган фотоэлектр ва шамол электр станциялари. 25 25 8. 30 МВт дан ортиқ қувватга эга бўлган гидроэлектростанциялар. 25 25 9. 110 кВ ва ундан юқори кучланишга эга бўлган (ҳаво ва кабель) электр узатиш линиялари, шу жумладан, трансформатор станциялари (подстанциялар). 25 25 10. Биореактор умумий сиғими 500 м 3 дан юқори бўлган биогаз қурилмалари. 25 25 11. Трансформатор ишлаб чиқаришга мўлжалланган корхоналар. 25 25 12. Водород ишлаб чиқариш. 25 25 13. 100 МВт ва ундан юқори қувватга эга бўлган электр энергиясини сақлаш тизимлари. 25 25 14. Кабель маҳсулотларини ишлаб чиқариш (эритиш ва қуйиш). 25 25 3. Нефть ва газ саноати 15. Нефть ва нефть маҳсулотларини сақлаш ҳажми бўйича I тоифадаги базалар. 25 25 16. Ёқилғи ресурсларини (нефть, газ, кўмир, конденсат ва бошқалар) геологик жиҳатдан ўрганиш ва қазиб олиш, қудуқларни жиҳозлаш ишлари. 25 25 17. 0,6 МПа дан юқори босимли газ қувурлари. 25 25 18. Магистрал нефть қувурлари. 25 25 19. Нефть ва газни қайта ишлаш корхоналари (тайёр мойлардан мойлаш маҳсулотлари ишлаб чиқарувчи корхоналар бундан мустасно). 25 25 20. Ерости газ омборлари. 25 25 21. Кўмирни бойитиш ҳамда қайта ишлаш корхоналари. 25 25 4. Металлургия, тоғ-кон ва геология саноати 22. Кон бойитиш фабрикалари. 25 25 23. Руда, кимёвий хомашёни ва қимматбаҳо металлар ҳамда қимматбаҳо тошлар бўлган ер қаъри участкаларини геологик жиҳатдан ўрганиш ва қазиб олиш, қазиб олишда ҳосил бўладиган карьерларни ва уларга туташ ҳудудларни рекультивация қилиш ишлари. 25 25 24. Қора ва рангли металлургия заводлари. 25 25 25. Ер остида ишқор билан ювиш полигонлари, шунингдек, зич ҳолатда ишқор билан ювиш технологиясидан фойдаланадиган корхоналар. 25 25 26. Аккумуляторлар ва уларнинг элементлари, шунингдек, гальваник батареялар ишлаб чиқариш корхоналари. 25 25 27. Ишлаб чиқариш қуввати соатига 20 тоннадан ортиқ қора металлар прокати (қуймасиз). 25 25 28. Заргарлик буюмларини ишлаб чиқарувчилар томонидан амалга ошириладиган қимматбаҳо металлар аффинаж фаолияти. 25 25 5. Қишлоқ ва сув хўжалиги тармоқлари 29. Республика ва вилоятлараро аҳамиятга эга бўлган сув ўтказгичлар. 25 25 30. Сув омборлари ва тўғонлар. 25 25 31. Дарё ва сой ўзанларини тўпланиб қолган норуда материаллардан тозалаш ишлари. 25 25 32. 500 гектардан ортиқ майдондаги ерларни ўзлаштириш, реконструкция қилиш ва мелиоратив ҳолатини яхшилаш, ерлардан фойдаланиш ва уларни муҳофаза қилиш тадбирлари. 25 25 6. Коммунал хизмат кўрсатиш соҳаси 33. Суткалик иш ҳажми 280 минг м 3 ортиқ бўлган оқова сув тозалаш иншоотлари. 25 25 34. Газсимон ёки суюқ хлордан фойдаланувчи хлораторлар. 25 25 7. Чиқиндилар билан боғлиқ ишларни ташкил этиш 35. Маиший чиқинди полигонлари (200 минг кишидан ортиқ аҳолиси мавжуд шаҳарлар ва аҳоли пунктлари учун). 25 25 36. Чиқиндиларни ёқиш заводлари ва крематориялар, шу жумладан, Б, В, Г синфга мансуб тиббиёт чиқиндилари, нобуд бўлган ҳайвонлар ва қушларни ёқиш мосламалари. 25 25 37. Заҳарли чиқиндиларни шунингдек, шлам ва шлакларни тўплаш, кўмиш ёки утилизация қилиш полигонлари, уларда рекультивация қилиш ишлари. 25 25 38. Хавфлилик даражасининг I ва II синфига мансуб чиқиндиларни қайта ишлаш корхоналари. 25 25 8. Қурилиш саноати 39. Асбест ва таркибида асбест бўлган буюмларни ишлаб чиқариш корхоналари. 25 25 40. Таркибида заҳарли аралашмалар бўлган ойна, заҳарли кимёвий моддалар ҳамда I ва II хавфлилик синфига мансуб бирикмалар ишлаб чиқариш корхоналари, шу жумладан, листланган ойна, шишали момиқ ва шиша мато ишлаб чиқариш корхоналари. 25 25 41. Цемент ишлаб чиқариш корхоналари. 25 25 9. Кимё саноати 42. Портловчи моддаларни ишлаб чиқариш ва сақлаш корхоналари. 25 25 43. Халқаро битимлар билан тартибга солинадиган, таркибида заҳарли моддалар бўлган асбоб-ускуналар ёки қурилмаларни ишлаб чиқариш корхоналари. 25 25 44. Радиоактив моддалар (изотоплар) ишлаб чиқариш, уларни ишлатиш ва сақлаш (тиббиёт тизими бундан мустасно) корхоналари. 25 25 45. Республика аҳамиятига эга бўлган заҳарли кимёвий моддалар омборхоналари. 25 25 46. Кимёвий мажмуалар, заводлар ва цехлар. 25 25 47. Ўсимликларни ҳимоя қилиш учун фойдаланиладиган кимёвий воситаларни ишлаб чиқариш. 25 25 48. Целлюлоза ишлаб чиқариш. 25 25 49. Биотехнологиялардан фойдаланувчи биокимёвий завод ва корхоналар. 25 25 50. Электрокимёвий ва кимёвий қоплама усулларидан фойдаланадиган корхоналар. 25 25 10. Фармацевтика саноати 51. Дори моддалари (субстанция) ва реагентларни ишлаб чиқарувчи фармацевтика заводлари ва фабрикалари (тайёр доривор воситаларни қадоқлаш корхоналари бундан мустасно). 25 25 11. Озиқ-овқат саноати 52. Элеватор, тегирмон (қуввати суткасига 150 тонна) ва аралаш озуқа цехидан (қуввати суткасига 5 тонна) иборат ун комбинатлари. 25 25 53. Экстракция, бирламчи хомашёдан совун тайёрлаш (хом ёғ кислоталари, кислоталарини дистиллаш, совун тайёрлаш), ёғларни гидрогенлаш ёки трансестерификация қилиш, глицерин ишлаб чиқариш цехларидан иборат ёғ-мой комбинатлари ва корхоналари (ёғ-мой комбинатлари). 25 25 54. Тамаки маҳсулотларини ишлаб чиқариш ва тамакини қайта ишлаш корхоналари. 25 25 55. Шакар ишлаб чиқариш корхоналари. 25 25 12. Чорвачилик тармоқлари 56. 2000 бошдан ортиқ қорамолчилик, йилқичилик ва 6000 бошдан ортиқ қўйчилик ва эчкичилик фермалари. 25 25 57. 1200 бошдан ортиқ чўчқачилик комплекслари. 25 25 58. Йилига 400 мингдан ортиқ товуқ ва 3 миллиондан ортиқ бройлер етиштириладиган паррандачилик фабрикалари. 25 25 13. Енгил саноат 59. Бирламчи хомашёдан қоғоз ва картон ишлаб чиқариш корхоналари. 25 25 60. Тери-кўнчилик корхоналари. 25 25 II. Атроф-муҳитга таъсир кўрсатишнинг II тоифасига мансуб (ўртача даражада хавфли) фаолият турлари ва объектлари 1. Транспорт, электротехника ва йўл хўжалиги 61. «Д» тоифали автомобиль йўллари, тоннеллар ва кўприклар. 25 15 62. Темир йўл корхоналари, вагон ва локомотив деполари, темир йўл станциялари ва вокзаллари. 25 15 63. Оптик тола ишлаб чиқариш корхоналари. 25 15 64. Моторсиз транспорт воситаларини ишлаб чиқариш, шу жумладан, велосипед, самокат ва бошқалар (қуймасиз). 25 15 65. Кабель маҳсулотларини ишлаб чиқариш (эритишсиз ва қуймасиз). 25 15 66. Аэродромлар. 25 15 2. Энергетика саноати 67. 35 кВ дан 110 кВ кучланишга эга бўлган (ҳаво ва кабел) электр узатиш линиялари, 35 кВ дан 110 кВ кучланишга эга бўлган ва трансформатор станциялари (подстанциялар). 25 15 68. 100 МВт дан 300 МВт гача эга бўлган иссиқлик электр станциялари ва бошқа энергетик ёндириш қурилмалари. 25 15 69. 10 МВт дан 100 МВт қувватгача эга бўлган фотоэлектр ва шамол электр станциялари. 25 15 70. Биореактор умумий сиғими 100 м 3 дан 500 м 3 гача бўлган биогаз қурилмалари. 25 15 71. Кўмир кули омборлари. 25 15 72. 10 МВт дан 100 МВт гача эга бўлган электр энергиясини сақлаш тизимлари. 25 15 73. Биологик ёқилғи ишлаб чиқариш корхоналари. 25 15 3. Нефть ва газ саноати 74. Нефть ва нефть маҳсулотларини сақлаш ҳажми бўйича II тоифадаги базалар. 25 15 75. Ёқилғи ресурсларини, геофизик ва геологик тадқиқотларни сейсмик ва электр қидирув. 25 15 76. 0,3 МПа дан 0,63 МПа гача ўрта босимли газ қувурлари. 25 15 77. Тайёр мойлардан мойлаш материаллари ишлаб чиқарувчи корхоналар. 25 15 4. Металлургия, тоғ-кон ва геология саноати 78. Норуда фойдали қазилмаларни геологик жиҳатдан ўрганиш ва уларни қазиб олиш ишлари. 25 15 79. Қуввати суткасига 1 тоннагача қора ва рангли металл, уларнинг қотишмаларини индукцион ва газ печларида эритиш (қўрғошин, кадмий ва бошқа токсик металлари бундан мустасно). 25 15 80. Ишлаб чиқариш қуввати соатига 20 тоннадан кам қора металлар прокати (қуймасиз). 25 15 81. Геофизик ва геологик тадқиқотларни сейсмик ва электр разведка қилиш ишлари. 25 15 5. Қишлоқ ва сув ҳўжалиги тармоқлари 82. Сув ўтказиш қуввати дақиқада 50 куб метрдан ортиқ бўлган магистрал каналлар, лойиҳа бўйича ҳисобланган қуввати дақиқада 20 куб метрдан ортиқ бўлган коллекторлар. 25 15 83. Вилоятлараро аҳамиятга эга бўлган ерости сувларни олиш иншоотлари. 25 15 84. Дамбалар. 25 15 85. Дарё қирғоқларини мустаҳкамлаш ишлари (кенг тарқалган фойдали қазилмалар олинмаган ҳолда). 25 15 86. 200 гектардан 500 гектаргача бўлган майдондаги суғориладиган ерларни реконструкция қилиш ва мелиоратив ҳолатини яхшилаш, 200 гектардан 500 гектаргача янги ерларни ўзлаштириш. 25 15 87. Республика ва вилоятлараро аҳамиятга эга бўлган ичимлик ва оқова сувларни узатиш тармоқлари. 25 15 6. Коммунал хизмат кўрсатиш соҳаси 88. Қуввати суткасига 50 минг м 3 дан 280 минг м 3 гача бўлган оқова сув тозалаш иншоотлари. 25 15 7. Чиқиндилар билан боғлиқ ишларни ташкил этиш 89. Қаттиқ маиший чиқиндиларни тўплаш майдончалари (аҳолиси 100 мингдан 200 мингча бўлган аҳоли пунктлари). 25 15 90. Нобуд бўлган ҳайвонлар, чорва моллари, паррандалар ва балиқларни кўмиш жойлари. 25 15 91. Хавфлилик даражаси III синфга мансуб чиқиндиларни қайта ишлаш корхоналари. 25 15 92. Қурилиш чиқиндилари полигонлари. 25 15 8. Қурилиш саноати 93. Асфальт-бетон заводлари, рубероид ишлаб чиқариш. 25 15 94. Қурилиш саноати корхоналари, асбест ва цемент ишлаб чиқариш бундан мустасно. 25 15 95. Цемент ва бошқа майда заррали қурилиш материалларини механизациялашган тарзда қадоқлаш корхоналари. 25 15 96. Ёғоч-қипиқ ва ёғоч-толали плита ишлаб чиқариш корхоналари, шу жумладан, уларни лок билан кимёвий тўйинтириш. 25 15 97. Бўёқлар, лок ва лок-бўёқ ишлаб чиқариш корхоналари, сув эмульсияси асосидаги буёқ бундан мустасно. 25 15 98. Мебель ишлаб чиқариш заводи ва фабрикалари. 25 15 99. Керамик плиталар, шу жумладан, санитария-техник маҳсулотлар ишлаб чиқариш корхоналари. 25 15 100. Ёқиш усули билан қурилиш материалларини ишлаб чиқариш, цемент ишлаб чиқариш бундан мустасно. 25 15 9. Кимё саноати 101. Қорақалпоғистон Республикаси ва вилоятлар аҳамиятига эга бўлган заҳарли кимёвий моддалар қабристонлари, шу жумладан, минерал ўғитлар омборхоналари ҳамда уларни рекультивация қилиш ишлари. 25 15 102. Йилига 300 тоннадан ортиқ газмол ва қоғозни лок билан кимёвий тўйинтириш корхоналари шунингдек, хавфлилик даражаси III — V синфга мансуб заҳарли кимёвий моддалар ва бирикмалар ишлаб чиқариш корхоналари. 25 15 103. Аралаштириш ва эритиш жараёнларидан фойдаланадиган комплекс минерал ўғитлар ва бошқа қоришмаларни ишлаб чиқарувчи корхоналари. 25 15 104. Пардоз ва атир-упа маҳсулотларини ишлаб чиқариш корхоналари. 25 15 105. Бирламчи хомашёдан қаттиқ ва суюқ совун ишлаб чиқариш корхоналари. 25 15 106. Ишлаб чиқариш ҳажми йилига 300 тоннадан ортиқ синтетик ва композит материаллардан полимер маҳсулотлар, шу жумладан, қурилиш маҳсулотлари (гулқоғоз, линолеум ва ламинат қоплама ва шу кабилар) ишлаб чиқариш корхоналари. 25 15 107. Резина хомашёси, маҳсулотлари ва буюмларини ишлаб чиқариш, шу жумладан, резинотехника ва латекс буюмларини ишлаб чиқариш корхоналари. 25 15 108. Тайёр компонентлардан ювиш ва тозалаш маҳсулотларини ишлаб чиқариш корхоналари. 25 15 109. Биологик, радиоактив ва ёнувчи-портловчи моддалар билан ишловчи марказий лабораториялар (лаборатория фаолиятида фойдаланиладиган жиҳоз ва ускуналар бундан мустасно). 25 15 10. Фармацевтика саноати 110. Дори воситалари, тиббий жиҳозлар (реагентларни ишлаб чиқариш бундан мустасно) ва косметика препаратларини ишлаб чиқариш корхоналари. 25 15 111. Фармокологик, косметик воситалар ишлаб чиқариш. 25 15 11. Енгил саноат 112. Суткасига 20 тоннагача қоғоз ва картон ишлаб чиқариш корхоналари. 25 15 113. Бўяш ва оқартириш цехлари бўлган ип йигирув ва тўқимачилик фабрикалари. 25 15 114. Целлюлоза-қоғоз ишлаб чиқариш корхоналари. 25 15 115. Пахтани хомашёсини қайта ишлаш корхоналари. 25 15 116. Пиллани қайта ишлаш корхоналари. 25 15 117. Чармни бўяш ва локлаш, шу жумладан, ошланган терига пардоз бериш корхоналари. 25 15 118. Жунни бирламчи қайта ишлаш корхоналари ва цехлари. 25 15 119. Луб саноати корхоналари. 25 15 12. Озиқ-овқат саноати 120. Озиқ-овқат маҳсулотлари ва биологик қўшимчалар ишлаб чиқариш корхоналари. 25 15 121. Ишлаб чиқариш қуввати суткасига 20 тоннадан кўп нон заводлари, шу жумладан, кондитер ва макарон маҳсулотларини ишлаб чиқариш корхоналари. 25 15 122. Спирт ва алкоголли маҳсулотларни ишлаб чиқариш ва қадоқлаш корхоналари. 25 15 123. Ёғ экстракция заводлари. 25 15 124. Тегирмонлар (қуввати суткасига 150 тоннадан кам дон янчадиган), гуруч майдалагичлар, дон маҳсулотларини ишлаб чиқариш корхоналари. 25 15 125. Озиқ-овқат саноатида фойдаланиладиган модда ва қоришмалар учун экстракция ишлатадиган корхоналар. 25 15 13. Чорвачилик тармоқлари 126. Сўйиш ва маҳсулотларни қайта ишлашни ўз ичига олган 100 минг бошдан ортиқ товуқчилик, ўрдакчилик, 50 минг бошдан ортиқ куркачилик, ғозчилик фабрикалари. 25 15 127. 100 бошдан 2000 бошгача қорамолчилик ва йилқичилик фермалари, 200 бошдан 2000 бошгача қўйчилик ва эчкичилик фермалари, 50 бошдан 1200 бошгача чўчқачилик фермалари. 25 15 128. Суткасига 50 бошдан ортиқ қорамол, 200 бошдан ортиқ қўй, эчки ҳамда суткасида 5 минг бошдан ортиқ паррандаларни сўйиш ва маҳсулотни қайта ишлаш корхоналари. 25 15 III. Атроф муҳитга таъсир кўрсатишнинг III тоифасига мансуб (паст даражада хавфли) фаолият турлари ва объектлари 1. Транспорт, электротехника ва йўл хўжалиги 129. «В» тоифадаги автомобиль йўллари, тоннеллар ва кўприклар. 15 7,5 130. Автотранспорт корхоналари, трамвай, троллейбус парклари ва деполари. 15 7,5 131. Умумий фойдаланишда бўлмаган темир йўллар. 15 7,5 132. Электр асбоб-ускуналарини йиғиш ва таъмирлаш, металлга ишлов бериш корхоналари, шу жумладан, цехлари. 15 7,5 133. Оптик толали ва бошқа кабелларни ётқизиш, автоном қувват манбалари (дизель генераторлари) билан мобил алоқа антенналарини ўрнатиш. 15 6,5 134. Двигатель ва машиналарни таъмирлаш (автосервис пунктлари), шунингдек, уларни бўяш, ва автомобилларни ювиш шохобчалари. 15 7,5 135. Автомобиль спорти мажмуалари, автопойга трассалари ва йўлаклари. 15 7,5 2. Энергетика саноати 136. Биореактор сиғими 100 м 3 гача бўлган биогаз қурилмалари (шахсий эҳтиёжлар учун биогаз ишлаб чиқариш бундан мустасно). 15 7,5 137. 35 кВт гача кучланишга эга бўлган (ҳаво ва кабель) электр узатиш линиялари, шу жумладан, трансформатор станциялари (подстанциялар). 15 7,5 138. Қуввати 100 МВтгача бўлган иссиқлик электр станциялари ва бошқа энергетик ёндириш қурилмалари. 15 7,5 139. 10 МВт қувватгача бўлган фотоэлектр ва шамол электр станциялари (биноларнинг том ва фасад қисмида ўрнатишга мўлжалланган фотоэлектр станциялари бундан мустасно). 15 6,5 140. Қуввати 30 МВт ва ундан кам бўлган гидроэлектрстанциялар. 15 6,5 141. Иситиш тизимига (табиий газ, кўмир ва бошқа ёнилғи турларида ишловчи) эга иссиқхоналар, шахсий ёрдамчи хўжаликлар ва деҳқон хўжаликлари бундан мустасно. 15 6,5 142. Тайёр компонентлардан трансформатор йиғиш. 15 7,5 143. 10 МВт гача қувватга эга бўлган электр энергиясини сақлаш тизимлари 15 7,5 144. Ёғоч кўмир, фаоллаштирилган кўмир ва кўмир брикетларини ишлаб чиқариш корхоналари ва уларни сақлаш омборлари 15 7,5 145. Геотермал электр станциялар. 15 3,9 3. Нефть ва газ саноати 146. Автомобилларга ёнилғи ва газ қуйиш станциялари. 15 7,5 147. 0,3 МПа гача бўлган паст босимли газ қувурлари 15 7,5 148. Шаҳарлар ва бошқа аҳоли пунктлари ҳудудига ётқизилган нефть қувурлари 15 7,5 149. Нефть ва нефть маҳсулотларини сақлаш ҳажми бўйича III тоифадаги базалар. 15 7,5 150. Инерт газлар, карбонат ангидрид гази ва бошқа газлар ишлаб чиқариш корхоналари ( шу жумладан, цехлари). 15 7,5 151. Резинотехника буюмларини ишлаб чиқариш корхоналари (вулканизациясиз). 15 6,5 152. Корхона ва ташкилотларнинг нефть маҳсулотлари омборлари. 15 7,5 4. Полиграфия 153. Босмахоналар, полиграфия корхоналари ва босма-матбаа маҳсулотларини ишлаб чиқариш. 15 6,5 5. Металлургия, тоғ-кон ва геология саноати 154. Норуда фойдали қазилмаларни қайта ишлаш корхоналари (фойдали қазилма конлари бундан мустасно) 15 7,5 6. Қишлоқ ва сув ҳўжалиги тармоқлари 155. Сув ўтказиш қуввати 50 м 3 /дақиқадан кам бўлган магистрал каналлар, суғориш каналлари, ҳар дақиқада лойиҳа бўйича ҳисобланган қуввати 20 куб метрдан кам бўлган коллектор-дренаж тармоқлари. 15 7,5 156. 200 гектаргача бўлган майдондаги суғориладиган ерларни реконструкция қилиш ва мелиоратив ҳолатини яхшилаш, 200 гектаргача янги ерларни ўзлаштириш. 15 7,5 157. 50 тоннадан ортиқ сиғимли совитгич қурилмалари ва 50 тоннадан кам сиғимли совитгич қурилмаларга эга омборхоналар, озон қатламини бузувчи ҳамда иссиқхона газларини ҳосил қилувчи моддаларни тўлдириш устахоналари. 15 7,5 158. Сел сувини тўплаш омборлари. 15 7,5 159. Қорақалпоғистон Республикаси, вилоятлар ва Тошкент шаҳри ҳамда туман аҳамиятига эга бўлган сув ўтказгичлар. 15 7,5 7. Коммунал хизмат кўрсатиш соҳаси 160. Қуввати суткасига 50 минг м 3 дан кам бўлган оқова сув тозалаш иншоотлари. 15 7,5 161. Туман ва шаҳар аҳамиятга эга бўлган ичимлик ва оқова сувларни узатиш тармоқлари. 15 7,5 162. Қорақалпоғистон Республикаси, вилоятлар ва Тошкент шаҳри аҳамиятига эга бўлган ер ости сувларини олиш иншоотлари. 15 7,5 8. Чиқиндилар билан боғлиқ ишларни ташкил этиш 163. Маиший чиқиндиларни қайта юклаш станциялари. 15 7,5 164. Аҳолиси 100 мингдан кам бўлган аҳоли пунктлари учун маиший чиқиндилар полигонлари. 15 7,5 165. Хавфлилик даражаси IV ва V синфга мансуб чиқиндиларни саралаш ва қайта ишлаш корхоналари (қоғоз ва картон ишлаб чиқариш бундан мустасно). 15 7,5 9. Қурилиш саноати 166. Хом ғишт, шлакоблок, йўлак плиткалари, пеноблок ва газоблоклар ишлаб чиқариш корхоналари. 15 7,5 167. Қурилишда фойдаланиладиган пардозлаш материалларини ишлаб чиқариш, шунингдек, оҳак, гипс, шпаклевка ва бўр ишлаб чиқариш корхоналари (керамик плита ва санитария техник воситалар ишлаб чиқариш бундан мустасно).. 15 7,5 168. Шиша, керамика ва кулолчилик маҳсулотларини ишлаб чиқарувчи ҳунармандчилик корхоналар. 15 7,5 169. Тошни қайта ишлаш корхоналари ва цехлари. 15 7,5 170. Цемент ва бошқа майда заррали материалларини қўлда қадоқлаш цехлари. 15 6,5 171. Ёғочсозлик, мебель ишлаб чиқариш, йиғиш ва таъмирлаш корхоналари, шу жумладан, цехлари. 15 7,5 172. Сув эмульсияси асосидаги бўёқ маҳсулотларини ишлаб чиқариш. 15 7,5 173. Шишадан таркибида заҳарли моддалар бўлмаган буюмларни ишлаб чиқариш корхоналари шу жумладан, цехлари. 15 7,5 174. Чинни буюмларни ишлаб чиқариш корхоналари, шу жумладан, цехлари. 15 7,5 10. Кимё саноати 175. Йилига 300 тоннагача газмол ва қоғозни лок билан кимёвий тўйинтириш корхоналари. 15 7,5 176. Туман аҳамиятига эга бўлган заҳарли кимёвий моддалар, шу жумладан, минерал ўғитлар омборлари ва заҳарли чиқиндихоналарни рекультивация қилиш ишлари. 15 7,5 177. Хлораторлар (газсимон ёки суюқ хлордан фойдаланмаган ҳолда). 15 7,5 178. Қаттиқ, кукун ва суюқ ҳолдаги кир ювиш воситаларини қадоқлаш. 15 6,5 179. Физик, кимёвий ва микробиологик таҳлил марказий лабораториялари. 15 7,5 180. Салфетка, ҳожатхона қоғози, тагликлар ва гигиеник воситаларни ишлаб чиқариш корхоналари. 15 7,5 181. Ишлаб чиқариш ҳажми йилига 300 тоннадан кам бўлган синтетик ва композит материаллардан полимер маҳсулотлар, шу жумладан, қурилиш маҳсулотлари (гулқоғоз, линолеум ва ламинат қоплама ва шу кабилар) ишлаб чиқариш корхоналари. 15 7,5 182. Заргарлик буюмларини ишлаб чиқариш. 15 7,5 183. Ўсимликларни ҳимоя қилиш кимёвий воситаларини сақлаш ва реализация қилиш. 15 7,5 184. Кальций карбиди ишлаб чиқариш цехлари. 15 6,5 11. Фармацевтика саноати 185. Тайёр доривор воситаларни қадоқлаш корхоналари, шу жумладан цехлари. 15 7,5 186. Доривор ўсимликларни йиғиш, етиштириш ва бирламчи қайта ишлаш (қуритиш, қадоқлаш). 15 7,5 12. Енгил саноат 187. Гилам ишлаб чиқариш корхонлари. 15 7,5 188. Оқартиришсиз пахта титиш цехлари. 15 6,5 189. Пойабзал ишлаб чиқариш корхоналари. чарм-атторлик буюмларини ишлаб чиқариш корхоналари. 15 7,5 190. Бўяш ва оқартириш цехлари бўлмаган йигирув, тўқув ҳамда тикувчилик фабрикалари. чарм-атторлик буюмларини ишлаб чиқариш корхоналари. 15 7,5 191. Пиллани қабул қилиш ва сақлаш пунктлари. 15 6,5 192. Терига ишлов бериш корхоналари (ошлаш ва бўяш бундан мустасно). 15 7,5 13. Озиқ-овқат саноати 193. Алкоголсиз ичимликлар ишлаб чиқариш ва қадоқлаш корхоналари. 15 7,5 194. Қуввати 1 тоннадан 5 тоннагача бўлган ун ишлаб чиқариш ва кепакни қайта ишлаш корхоналари ва цехлари. 15 7,5 195. Сут ва сут маҳсулотларини қайта ишлаш корхоналари, шу жумладан цехлари. 15 7,5 196. Омухта ем ишлаб чиқариш корхоналари. 15 7,5 197. Ишлаб чиқариш қуввати суткасига 20 тонна гача бўлган нон, қандолат ва макарон ишлаб чиқариш цехлари. 15 7,5 198. Ўсимлик ёғларини прессллаш усули билан боғлиқ ишлаб чиқариш корхоналари. 15 7,5 199. Қишлоқ хўжалиги маҳсулотларини қайта ишлаш ва консервалаш корхоналари, шу жумладан, цехлари. 15 7,5 200. Озиқ-овқат маҳсулотларини (чой, туз, шакар ва бошқаларни) қадоқлаш корхоналари. 15 7,5 14. Чорвачилик тармоқлари 201. 100 бошгача бўлган қорамолчилик, йилқичилик хўжаликлари, 200 бошгача қўйчилик ва эчкичилик фермалари, 50 бошгача чўчқачилик, 1000 бошгача қуёнчилик фермалари. 15 7,5 202. Мўйначилик хўжаликлари ва питомниклари (норка, ондатра, шиншилла ва бошқалар). 15 7,5 203. 50 мингдан 100 минг бошгача товуқ ва ўрдак, 25 мингдан 50 минг бошгача курка ва ғоз етиштириш паррандачилик фермалари (сўйиш ва қайта ишлашни ўз ичига олмаган фермалар). 15 7,5 204. Балиқчилик хўжаликлари, шунингдек, балиқни қайта ишлаш корхоналари. 15 6,5 205. Овчилик, ўрмон ва ўрмон-овчилик хўжаликлари, ов қилинадиган ва (ёки) балиқ овланадиган жойлар. 15 7,5 206. Ёввойи ҳайвонларни бошқа жойга кўчириш, иқлимга мослаштириш ва чатиштириш ҳамда ёввойи ҳолда ўсувчи ўсимликларни бошқа жойга кўчириш, иқлимга мослаштириш ва дурагайлаш фаолияти. 15 6,5 207. Қаровсиз ҳайвонларни сақлаш ва парваришлашга мўлжалланган питомниклар (приют). 15 7,5 208. Ҳайвонлар жойлашган ветеринария клиникалари, виварийлар, питомниклар, кинология марказлари. 15 7,5 209. Яйловлардан фойдаланиш ва уларни муҳофаза қилиш. 15 7,5 15. Инфратузилма объектлари 210. Маданият иншоотлари, концерт, кино ва томоша заллари, кутубхоналар, театрлар, цирклар, ўйин аттракцион ва ўйин автоматлари заллари. 15 7,5 211. Кўкаламзорлар ҳудудлари ва объектлари (шаҳар ўрмонлари, ўрмон-боғлар, истироҳат боғлари, хиёбонлар, боғлар, сайилгоҳлар), ҳайвонот боғлари, сунъий кўллар, пляжлар, аквапарклар. 15 6,5 212. Жисмоний тарбия, спорт мажмуалари, шу жумладан, иншоотлари, болалар-ўсмирлар спорт мактаблари, қайиқ, вело ва чанғи станциялари. 15 6,5 213. Тиббиёт ва соғлиқни сақлаш муассасалари, санаторийлар, дам олиш ва соғломлаштириш масканлари, оромгоҳлар, дорихоналар, туристик комплекслар, дор йўли. 15 6,5 214. Таълим муассасалари (умумтаълим, ўрта махсус, касб-ҳунар ва олий таълим ташкилотлари, илмий-тадқиқот муассасалари). 15 6,5 215. Умумий овқатланиш, маиший хизмат кўрсатиш муассасалари ва ташкилотлари, банк-молия муассасалари, қурилиш-коммунал ташкилотлари, алоқа ҳамда транспорт корхоналари, нотурар жой бино ва иншоотлар. 15 3,9 216. Муқобил гўшт (ўсимлик, маданий) ишлаб чиқариш. 15 7,5 217. Савдо марказлари, бозорлар (озиқ-овқат, ноозиқ-овқат, саноат), савдо майдони 200 м 2 дан зиёд бўлган дўконлар ва қандолатчилик (пишириш) дўконлари. 15 6,5 218. Ҳуқуқни муҳофаза қилиш органларининг махсус объектлари. 15 3,9 219. Кимёвий тозалаш ва кир ювиш корхоналари, шу жумладан, цехлари. 15 6,5 16. Бошқа объектлар 220. Табиий ресурслардан фойдаланиш билан боғлиқ бўлган хўжалик фаолиятини ҳамда бошқа фаолиятни тартибга солувчи норматив-техник ва йўриқнома-услубий ҳужжатлар, шу жумладан, техник регламентлар ва шартларнинг, стандартларнинг, қоидалар ҳамда йўриқномаларнинг лойиҳалари. 25 Тегишли тоифадаги объектни давлат экологик экспертизасидан ўтказиш учун тўланадиган тўловнинг 30 фоизи 221. Чиқиндиларни зарарсизлантириш, қайта ишлаш ва утилизация қилиш учун янги турдаги технологияларни ҳамда техника, технологиялар, материаллар, моддалар, маҳсулотларнинг янги турларини яратишга доир ҳужжатлар, шунингдек, техника воситаларини, материаллар, буюмларни, биологик, кимёвий моддаларни ва воситаларни яратиш бўйича ҳужжатлар лойиҳалари. 25 20

Вазирлар Маҳкамасининг 2026 йил 11 майдаги 234-сон қарорига 2-ИЛОВА

Давлат экологик экспертизасини ўтказиш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ давлат экологик экспертизасини ўтказиш тартибини белгилайди.

2. Ушбу Низомда қуйидаги асосий тушунчалардан фойдаланилади:

атроф-муҳитга таъсир — мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳит ва экологик хавфсизлик учун, шу жумладан, инсон соғлиғи, атроф-муҳит компонентлари учун ҳар қандай оқибатлари ҳамда ушбу омилларнинг ўзаро боғлиқлиги, шунингдек, ушбу омиллардаги ўзгаришларнинг ижтимоий-иқтисодий шарт-шароитларга ва маданий мерос объектларига таъсири;

атроф-муҳитга таъсирни баҳолаш материаллари — мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга таъсирини баҳолаш натижалари бўйича тайёрланадиган ва экологик экспертиза ўтказиш учун тақдим этиладиган ҳужжатлар тўплами;

атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчи (кейинги ўринларда — лойиҳани ишлаб чиқувчи) — мўлжалланаётган ва (ёки) режалаштирилаётган ёки амалга оширилаётган хўжалик фаолиятини ва бошқа фаолиятни ташкил этиш учун атроф-муҳитга таъсирни баҳолаш материалларини, шунингдек, амалга оширилаётган хўжалик фаолиятига ва бошқа фаолиятга оид экологик нормативлар лойиҳаларини ишлаб чиқишни амалга оширувчи юридик шахс;

буюртмачи (ташаббускор) — мўлжалланаётган ва (ёки) режалаштирилаётган ёки амалга оширилаётган хўжалик фаолиятини ҳамда бошқа фаолиятни ташкил этиш учун атроф-муҳитга таъсирни баҳолаш материалларини, шунингдек, амалга оширилаётган хўжалик фаолиятига ва бошқа фаолиятга оид экологик нормативлар лойиҳаларини экологик экспертизадан ўтказиш учун тақдим этадиган юридик ёки жисмоний шахс;

вазиятлар харитаси — давлат экологик экспертизаси объектининг географик координаталари, унга туташ бўлган рекреация зоналари, аҳоли пунктлари, ирригация ва мелиорация объектлари, қишлоқ хўжалиги экинлари майдонлари, электр узатиш линиялари, сув ва газ қувурлари, транспорт ва бошқа коммуникациялар ҳолати тўғрисидаги маълумотларни ўзида акс эттирган схема-харита;

давлат экологик экспертизаси — мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг экологик талабларга мувофиқлигини белгилашга ҳамда экологик экспертиза объектини рўёбга чиқариш мумкинлигини ёки мумкин эмаслигини аниқлаш мақсадида Ўзбекистон Республикаси Экология ва иқлим ўзгариши миллий қўмитасининг ихтисослаштирилган эксперт бўлинмалари томонидан амалга ошириладиган экспертиза тури;

мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолият — атроф-муҳитга салбий таъсир кўрсатиши мумкин бўлган ҳамда экологик экспертиза объекти ҳисобланадиган ҳар қандай фаолият;

экологик нормативлар — атроф-муҳитни ифлослантирувчи манбаларни хатловдан ўтказиш натижалари асосида ишлаб чиқилган ҳамда ифлослантирувчи моддаларни чиқариш, оқизиш ва чиқиндиларни жойлаштириш нормативларини белгилаш учун экологик экспертизадан ўтказилиши лозим бўлган ҳужжатлар;

эколог-эксперт — олий маълумотга, экология ва атроф-муҳитни муҳофаза қилиш соҳасида ёки турдош соҳаларда камида узлуксиз уч йил иш стажига эга бўлган ҳамда белгиланган тартибда Экология ва иқлим ўзгариши миллий қўмитаси томонидан аттестациядан ўтказилган «Давлат экологик экспертизаси маркази» давлат муассасаси ходими.

3. Давлат экологик экспертизаси қуйидаги мақсадларда ўтказилади:

мўлжалланаётган ва (ёки) режалаштирилаётган ёки амалга оширилаётган хўжалик фаолиятини ҳамда бошқа фаолиятни амалга ошириш тўғрисида қарор қабул қилинишидан олдинги босқичларда бундай фаолиятнинг экологик талабларга мувофиқлигини белгилаш;

мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳит ҳолатига ҳамда инсон соғлиғига салбий таъсир кўрсатиши мумкин бўлган ёки салбий таъсир кўрсатаётган экологик хавфлилик даражасини аниқлаш;

мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга ва инсон соғлиғига салбий таъсирининг олдини олиш ҳамда уни камайтириш;

атроф-муҳитни муҳофаза қилиш ва табиий ресурслардан оқилона фойдаланиш бўйича назарда тутилаётган чора-тадбирларнинг етарлигини ҳамда асослигини аниқлаш.

4. Давлат экологик экспертизаси объектлари қуйидагилар ҳисобланади:

барча турдаги қурилишлар учун ер участкаларини танлаш ва (ёки) ажратиш материаллари;

лойиҳаолди ва лойиҳа ҳужжатлари;

табиий ресурслардан фойдаланиш билан боғлиқ бўлган хўжалик фаолиятини ҳамда бошқа фаолиятни тартибга солувчи норматив-техник ва йўриқнома-услубий ҳужжатлар, шу жумладан, техник регламентлар ва шартлар, стандартлар, қоидалар ҳамда йўриқномаларнинг лойиҳалари;

чиқиндиларни зарарсизлантириш, қайта ишлаш ва утилизация қилиш учун янги турдаги технологияларни ҳамда техника воситаларини, материаллар, буюмларни, биологик, кимёвий моддаларни ва воситаларни яратиш бўйича ҳужжатлар;

атроф-муҳитнинг ҳолатига ва инсон соғлиғига салбий таъсир кўрсатувчи ишлаб турган корхоналар ҳамда бошқа объектлар;

махсус ҳуқуқий режимга эга бўлган объектлар.

5. Ушбу Низомнинг 4-бандида назарда тутилган экологик экспертиза объектлари давлат экологик экспертизасидан мажбурий тартибда ўтказилади.

6. Давлат экологик экспертизаси буюртмачининг (ташаббускорнинг) маблағлари ҳисобидан ўтказилади.

7. Экология ва иқлим ўзгариши миллий қўмитаси (кейинги ўринларда — Экология қўмитаси) ҳузуридаги «Давлат экологик экспертизаси маркази» давлат муассасаси (кейинги ўринларда — Марказ) ва унинг Қорақалпоғистон Республикаси, вилоятлар ва Тошкент шаҳар филиаллари (кейинги ўринларда — Марказнинг ҳудудий филиаллари) Экология қўмитасининг ихтисослаштирилган эксперт бўлинмалари ҳисобланади ҳамда улар томонидан давлат экологик экспертизаси ўтказилади.

8. Давлат экологик экспертизаси ушбу Низомга 1-иловадаги схемага мувофиқ ўтказилади.

9. Марказ қуйидагиларни давлат экологик экспертизасидан ўтказади:

I ва II тоифага мансуб фаолият турларининг барча турдаги қурилишлар учун ер участкаларини танлаш ва (ёки) ажратиш материаллари, лойиҳаолди ва лойиҳа ҳужжатлари, атроф-муҳитнинг ҳолатига ва инсон соғлиғига салбий таъсир кўрсатувчи ишлаб турган корхоналар ҳамда бошқа объектлар, махсус ҳуқуқий режимга эга бўлган объектлар;

I тоифага мансуб фаолият турлари бўйича экологик нормативлари лойиҳалари.

10. Марказнинг ҳудудий филиаллари қуйидагиларни давлат экологик экспертизасидан ўтказади:

III тоифага мансуб фаолият турларининг барча турдаги қурилишлар учун ер участкаларини танлаш ва (ёки) ажратиш материаллари, лойиҳаолди ва лойиҳа ҳужжатлари, атроф-муҳитнинг ҳолатига ва инсон соғлиғига салбий таъсир кўрсатувчи ишлаб турган корхоналар ҳамда бошқа объектлар, махсус ҳуқуқий режимга эга бўлган объектлар;

II ва III тоифага мансуб фаолият турлари бўйича экологик нормативлари лойиҳалари.

2-боб. Атроф-муҳитга таъсирни баҳолаш материаллари ва экологик нормативлар лойиҳаларини давлат экологик экспертизасига тақдим этиш

11. Буюртмачи (ташаббускор) атроф-муҳитга таъсирни баҳолаш материаллари ва экологик нормативлар лойиҳаларини давлат экологик экспертизасидан ўтказиш учун Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мазкур Низомга 2-иловадаги шаклга мувофиқ ариза билан мурожаат қилади.

12. Буюртмачи (ташаббускор) аризани ЯИДХП орқали электрон шаклда мустақил тўлдиради.

13. Ариза буюртмачининг (ташаббускорнинг) электрон рақамли имзоси билан тасдиқланади.

14. Махсус ҳуқуқий режимга эга объектларнинг ҳужжатлари давлат экологик экспертизасини ўтказиш учун атроф-муҳитга таъсирни баҳолаш материаллари ҳамда экологик нормативлар лойиҳалари қоғоз шаклида тўғридан-тўғри Марказга ва унинг ҳудудий филиалларга тақдим этилади.

15. Давлат экологик экспертизасини ўтказиш учун қоғоз шаклида тақдим этиладиган махсус ҳуқуқий режимга эга объектларнинг атроф-муҳитга таъсирни баҳолаш материаллари ҳамда экологик нормативлари лойиҳаларига давлат экологик экспертизаси хулосаси «Хизмат доирасида фойдаланиш учун» ёки «Махфий» грифи билан расмийлаштирилади.

16. Буюртмачи (ташаббускор) томонидан аризага қуйидагилар илова қилинади:

а) I, II, III тоифаларга мансуб фаолият турлари объектлари лойиҳалаштирилаётганда (лойиҳаолди ва лойиҳа ҳужжатларининг атроф-муҳитга таъсирини баҳолаш, махсус режимли объектлар) — атроф-муҳитга таъсирни баҳолаш бўйича:

объектни молиялаштиришга қадар мўлжалланаётган ёки режалаштирилаётган фаолият ва бошқа фаолиятни амалга ошириш босқичида бажариладиган атроф-муҳитга таъсирни баҳолаш тўғрисидаги ариза лойиҳаси;

атроф-муҳитга таъсир тўғрисидаги баёнот лойиҳасини давлат экологик экспертизасидан ўтказиш натижалари бўйича қўшимча қидирув ишлари, тадқиқотлар, махсус лаборатория таҳлиллари, моделли тажрибаларни амалга ошириш ва далиллар билан асосланган табиатни муҳофаза қилиш тадбирларини ишлаб чиқиш зарурлиги аниқланган тақдирда, амалга ошириладиган атроф-муҳитга таъсир тўғрисидаги баёнот;

объект фойдаланишга қабул қилингунига қадар бажариладиган ва лойиҳалаштирилаётган объектларнинг атроф-муҳитга таъсирини баҳолашнинг якунловчи босқичи ҳисобланган экологик оқибатлар тўғрисидаги баёнот тақдим этилади.

Атроф-муҳитга таъсир тўғрисидаги баёнот давлат экологик экспертизаси объектининг техник-иқтисодий асосланиши тасдиқлангунига қадар тақдим этилади, бунда атроф-муҳитга таъсир тўғрисидаги баёнотни ишлаб чиқиш зарурати атроф-муҳитга таъсир тўғрисидаги баёнот лойиҳасини кўриб чиқиш натижалари асосида Марказ томонидан аниқланади;

б) амалда фаолият кўрсатаётган объектлар учун (атроф табиий муҳитнинг ҳолатига ва фуқароларнинг соғлигига салбий таъсир кўрсатаётган ишлаб турган корхоналар ва бошқа объектлар) экологик нормативлар лойиҳалари тақдим этилади.

Агар амалда фаолият кўрсатаётган объект реконструкция, модернизация қилинган, қайта ташкил этилган, кенгайтирилган ёки жойлашуви ўзгартирилган тақдирда, атроф-муҳитга таъсир баҳоланади ва атроф-муҳитга таъсирни баҳолаш тўғрисидаги ариза лойиҳаси ишлаб чиқилади;

в) бошқа объектлар бўйича:

табиий ресурслардан фойдаланиш билан боғлиқ бўлган хўжалик фаолиятини ҳамда бошқа фаолиятни тартибга солувчи норматив-техник ва йўриқнома-услубий ҳужжатлар, шу жумладан, техник регламентлар ва шартларнинг, стандартларнинг, қоидалар ҳамда йўриқномаларнинг лойиҳалари.

17. Атроф-муҳитга таъсирни баҳолаш материаллари келиб тушганда вазиятлар харитаси автоматик тарзда шакллантирилиб, кўриб чиқиш учун Экология қўмитасининг туман (шаҳар) бўлимлари инспекторларининг (кейинги ўринларда — инспектор) шахсий кабинетига юборилади.

18. Инспектор жойига чиққан ҳолда объектнинг географик координаталари, унга туташ бўлган рекреация зоналари, аҳоли пунктлари, ирригация ва мелиорация объектлари, қишлоқ хўжалиги экинлари майдонлари, электр узатиш линиялари, сув ва газ қувурлари, транспорт ва бошқа коммуникациялар, ҳудуддаги кўп йиллик дарахтлар сони ва уларнинг ҳолати ҳамда объектнинг бошқа ўзига хос тарафлари вазиятлар харитасига мос келишини ўрганиб чиқади ва тасдиқлайди.

19. Экологик нормативлар лойиҳалари ҳамда давлат экологик экспертизасининг бошқа объектлари учун вазиятлар харита талаб этилмайди, аризалар тўғридан-тўғри кўриб чиқиш учун йўналтирилади.

20. Вазиятлар харитаси қуйидаги муддатларда инспектор томонидан ўрганиб чиқилади:

I тоифага мансуб объектлар бўйича — 7 иш куни;

II тоифага мансуб объектлар бўйича — 5 иш куни;

III тоифага мансуб объектлар бўйича — 3 иш куни.

Инспектор томонидан белгиланган муддатларда вазиятлар харитаси ўрганиб чиқилмаган ҳолларда вазиятлар харитаси ижобий тасдиқланган ҳисобланади.

Бунда инспектор давлат хизматини кўрсатиш тартибини бузганлик учун жавобгар бўлади.

21. Буюртмачи (ташаббускор) томонидан тақдим этилган ҳужжатлардаги маълумотлар объектнинг реал вақтдаги ҳолатига тўлиқ мос келган тақдирда, вазиятлар харитаси инспектор томонидан электрон рақамли имзо билан тасдиқланади.

22. Марказ етти иш куни ичида давлат экологик экспертизасидан ўтказиш учун тақдим этилган ариза ва унга илова қилинган ҳужжатлар тўлиқлиги ва тўғрилигини ўрганиб чиқади ҳамда экологик экспертиза объектини жамоатчилик эшитувидан ўтказиш заруратини аниқлайди.

23. Қуйидагилар аризани рад этиш учун асос ҳисобланади:

ариза ва унга илова қилинган ҳужжатларда нотўғри маълумотлар кўрсатилганда;

ушбу Низомнинг 16-бандида келтирилган ҳужжатлар тўлиқ тақдим этилмаганда;

объектнинг вазиятлар харитаси реал вақтдаги ҳолатига мос келмаганда;

атроф-муҳитга таъсирни баҳолаш материаллари жамоатчилик эшитувидан ўтказилиши зарурати аниқланганда.

Ушбу банднинг биринчи , иккинчи ва учинчи хатбошиларида кўрсатилган камчиликлар аниқланганда, уларни бартараф этиш учун ариза берувчига ўн кун ичида камчиликларни бартараф этиш зарурлиги тўғрисида хабарнома юборилади.

Ушбу банднинг тўртинчи хатбошисида кўрсатилган камчиликлар аниқланганда ариза рад этилади. Бунда қайд этилган камчиликлар бартараф этилган ҳолда ариза қайта тақдим этилади.

Ҳужжатлар хабарномада кўрсатилган камчиликларни бартараф этмасдан ёки хабарномада кўрсатилган муддат ўтгандан кейин тақдим этилган тақдирда, Марказ аризани рад этишга ҳақли. Бунда хабарномада кўрсатилмаган янги асослар бўйича рад этишга йўл қўйилмайди.

3-боб. Давлат экологик экспертизасини ўтказиш тартиби

24. Ҳужжатлар белгиланган тартибда тақдим этилгандан кейин буюртмачига (ташаббускорга) оферта юборилади.

25. Буюртмачи (ташаббускор) офертани қабул қилгандан кейин автоматик равишда давлат экологик экспертизасини ўтказиш учун тўлов бўйича инвойс шакллантирилади.

Давлат экологик экспертизасини ўтказиш учун тўлов буюртмачи (ташаббускор) томонидан электрон тўлов тизимлари орқали олдиндан тўланади.

Давлат экологик экспертизасини ўтказиш учун буюртмачи (ташаббускор) офертани қабул қилган санадан бошлаб ўттиз кун мобайнида тўлов тўланмаган тақдирда, ариза автоматик равишда рад этилади.

26. Давлат экологик экспертизасини ўтказиш муддати йигирма беш иш кунидан ошмаслиги керак.

Давлат экологик экспертизасини ўтказиш муддати тўлов тўлиқ тўлангандан кейинги иш кунидан эътиборан ҳисобланади.

Давлат экологик экспертизаси объектининг мураккаблигига қараб, уни ўтказиш муддати Экология қўмитаси раиси қарорига мувофиқ кўпи билан уч ой муддатга узайтирилиши мумкин.

27. Давлат экологик экспертизаси эколог-эксперт томонидан ўтказилади.

28. Эколог-эксперт томонидан давлат экологик экспертизасини ўтказишда қуйидагилар амалга оширилади:

тақдим этилган атроф-муҳитга таъсирни баҳолаш материаллари ва экологик нормативлар лойиҳаларининг атроф-муҳитни муҳофаза қилиш ва табиий ресурслардан оқилона фойдаланиш соҳасидаги қонунчилик талабларига мувофиқлигини текшириш;

мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг экологик оқибатлари тўғрисидаги маълумотларнинг ишончлиги ва тўлиқлигини таҳлил қилиш;

биологик, кимёвий моддалар ва технологияларнинг атроф табиий муҳитга таъсирини баҳолашнинг асослилигини текшириш;

мўлжалланаётган ва (ёки) режалаштирилаётган ёки амалга оширилаётган хўжалик фаолиятини ҳамда бошқа фаолиятни амалга ошириш оқибатлари билан боғлиқ экологик хавфлилик даражасини баҳолашнинг тўғрилигини текшириш;

экологик хавфсизлик талабларини таъминлашга доир чора-тадбирларнинг етарлигини ва асослигини аниқлаш;

атроф-муҳитга таъсирни баҳолаш материалларида давлат экологик экспертизаси объекти фаолияти натижасида ҳосил бўладиган иссиқхона газларининг миқдорини ҳамда углерод нейтраллигини таъминлаш бўйича мақсадли кўрсаткичлар инобатга олинганлигини текшириш;

экологик нормативлар лойиҳаларининг асослигини текшириш.

Эколог-эксперт атроф-муҳитга таъсирни баҳолаш материалларини ва экологик норматив лойиҳаларини давлат экологик экспертизасидан ўтказишда экологик аудит ва жамоат экологик экспертизаси хулосаларидан фойдаланиши мумкин.

29. Эколог-эксперт томонидан давлат экологик экспертизасини ўтказиш натижалари бўйича давлат экологик экспертизаси объектини рўёбга чиқариш мумкинлиги ёки мумкин эмаслиги тўғрисидаги якунларни ўз ичига олган хулоса тайёрланади.

30. Давлат экологик экспертизаси объектини рўёбга чиқариш мумкин эмаслиги тўғрисидаги хулоса қуйидаги ҳолларда берилади:

агар буюртмачи (ташаббускор) томонидан тақдим этилган ҳужжатлар атроф-муҳитни муҳофаза қилиш ва табиий ресурслардан оқилона фойдаланиш соҳасидаги қонунчилик талабларига зид бўлса;

агар давлат экологик экспертизасини ўтказиш вақтида буюртмачи (ташаббускор) томонидан тақдим этилган ҳужжатларда нотўғри ва (ёки) бузиб кўрсатилган маълумотлар мавжуд эканлиги аниқланган бўлса;

агар ўтказилган жамоатчилик эшитувлари натижаларига кўра тайёрланган якуний ҳужжатларда давлат экологик экспертизаси объектини рўёбга чиқаришга нисбатан жамоатчилик эшитувлари иштирокчилари томонидан асослантирилган эътирозлар билдирилган бўлса.

Давлат экологик экспертизаси объектини рўёбга чиқариш мумкин эмаслиги тўғрисидаги хулосани ушбу бандда назарда тутилмаган асосларга кўра беришга йўл қўйилмайди.

31. Давлат экологик экспертизасининг хулосасини эколог-эксперт имзолайди, Экология қўмитаси раиси ёки у томонидан белгиланган ваколатли шахс ЭРИ билан тасдиқлайди.

32. Давлат экологик экспертизаси хулосаси буюртмачига (ташаббускорга) ҳамда инспекторга ЯИДХП орқали автоматик тарзда электрон шаклда юборилади.

4-боб. Давлат экологик экспертизаси хулосасининг амал қилиш муддати ва бажарилишини мониторинг қилиш

33. Давлат экологик экспертизаси объектининг экологик талабларга мувофиқлиги тўғрисидаги давлат экологик экспертизасининг хулосаси қуйидаги муддатларда юридик кучга эга бўлади:

атроф-муҳитга таъсирни баҳолаш материаллари бўйича — хулоса берилган кундан эътиборан уч йил мобайнида;

экологик нормативлар лойиҳалари бўйича — хулоса берилган кундан эътиборан беш йил мобайнида.

34. Давлат экологик экспертизаси хулосаси давлат экологик экспертизаси объектини молиялаштириш ҳамда рўёбга чиқариш вақтида юридик ва жисмоний шахслар томонидан бажарилиши шарт.

35. Давлат экологик экспертизаси хулосасида кўрсатилган талабларни таъминлашга қаратилган чора-тадбирларни амалга ошириш ва уларнинг бажарилишини мониторинг қилиш белгиланган тартибда буюртмачи (ташаббускор) томонидан таъминланади.

Буюртмачи (ташаббускор) давлат экологик экспертизаси хулосасида кўрсатилган талабларнинг бажарилиши тўғрисида ҳар чорак якунларига кўра чоракдан кейинги ойнинг 25-санасидан кечиктирмай Экология қўмитасига ахборот тақдим этиши шарт.

Буюртмачи (ташаббускор) давлат экологик экспертизасининг хулосасида кўрсатилган талабларнинг бажарилиши тўғрисидаги ахборотни ушбу банднинг иккинчи хатбошисида назарда тутилган муддатларда тақдим этмаган тақдирда, Экология қўмитаси буюртмачига (ташаббускорга) ёзма кўрсатма беради.

5-боб. Давлат экологик экспертизасининг субъектлари ҳамда уларнинг ҳуқуқ ва мажбуриятлари

36. Қуйидагилар давлат экологик экспертизасининг субъектлари ҳисобланади:

буюртмачи (ташаббускор);

лойиҳани ишлаб чиқувчи;

эколог-эксперт.

37. Буюртмачи (ташаббускор) қуйидаги ҳуқуқларга эга:

давлат экологик экспертизасини ўтказиш масалалари бўйича махсус ваколатли давлат органидан маслаҳатлар ва зарур услубий ёрдам олиш;

давлат экологик экспертизасининг объектини рўёбга чиқариш мумкин эмаслиги тўғрисидаги хулосасига асосан материалларни маромига етказиш ва такрорий давлат экологик экспертизасини ўтказиш учун тақдим этиш;

ўзининг аккредитациядан ўтган лабораториясида ёки бошқа аккредитациядан ўтган лабораторияда ифлослантирувчи моддаларни чиқариш, оқизиш ва чиқиндиларни жойлаштириш манбаларидан намуналар олиш ҳамда лаборатория таҳлилларини ўтказиш;

атроф-муҳитга таъсирни баҳолаш материаллари ва экологик нормативлар лойиҳалари тўғрисидаги ахборотни эълон қилиш, шунингдек, давлат экологик экспертизасининг ўтказиш жараёни ҳақидаги маълумотларни олиш;

эколог-экспертга экологик экспертиза объектлари хусусида таклифлар, мулоҳазалар, тушунтиришлар ва экологик аудит натижаларини тақдим этиш;

эколог-эксперт хатти-ҳаракатлари юзасидан қонунчилик ҳужжатларида белгиланган тартибда шикоят қилиш;

давлат экологик экспертизасини ўтказиш жараёни ҳақида маълумот олиш.

Буюртмачи (ташаббускор) қонунчиликка мувофиқ бошқа ҳуқуқларга ҳам эга бўлиши мумкин.

Буюртмачи (ташаббускор) қуйидаги мажбуриятларга эга:

атроф-муҳитни муҳофаза қилиш ҳамда табиий ресурслардан оқилона фойдаланиш тўғрисидаги қонунчилик талабларига мувофиқ атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқиши ҳамда уларни давлат экологик экспертизасидан ўтказиш учун тақдим этиши;

давлат экологик экспертизасини ўтказиш учун қонунчиликда белгиланган тартибда тўловни тўлаш;

атроф-муҳитга таъсирни баҳолаш учун зарур бўлганда биохилма-хилликни сақлаш, иқлим ўзгаришининг олдини олиш, лаборатория таҳлилларини ўтказиш ҳамда гидрогеологик, гидрологик, геотехник каби тадқиқотларнинг молиялаштирилишини таъминлаш;

заруратга кўра давлат экологик экспертизаси ўтказилгунига қадар мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолият бўйича жамоатчилик эшитувларини ўтказиш;

атроф-муҳитга таъсирни баҳолаш материалларида давлат экологик экспертизаси объекти фаолияти натижасида ҳосил бўладиган иссиқхона газларининг чиқарилишини қисқартириш бўйича мақсадли кўрсаткичларни инобатга олиш;

давлат экологик экспертизасининг хулосасида кўрсатилган талабларни бажариш.

Буюртмачи (ташаббускор) зиммасида қонунчиликка мувофиқ бошқа мажбуриятлар ҳам бўлиши мумкин.

38. Лойиҳани ишлаб чиқувчи қуйидаги ҳуқуқларга эга:

давлат экологик экспертизасини ўтказиш жараёнида буюртмачининг (ташаббускорнинг) манфаатларини ифодалаш;

атроф-муҳитга таъсирни баҳолаш материаллари ва экологик нормативлар лойиҳаларини ишлаб чиқишда Марказдан маслаҳатлар ҳамда зарур услубий ёрдам олиш;

давлат экологик экспертизаси натижалари бўйича таклиф ва мулоҳазалар киритиш.

эколог-экспертга экологик экспертиза объектлари хусусида таклифлар ва мулоҳазалар тақдим этиш ҳуқуқига эга.

Лойиҳани ишлаб чиқувчи қонунчиликка мувофиқ бошқа ҳуқуқларга ҳам эга бўлиши мумкин.

Лойиҳани ишлаб чиқувчи қуйидаги мажбуриятларга эга:

атроф-муҳитга таъсирни баҳолаш материалларини ва экологик нормативлар лойиҳаларини атроф-муҳитни муҳофаза қилиш ҳамда табиий ресурслардан оқилона фойдаланиш тўғрисидаги қонунчилик талабларига мувофиқ ишлаб чиқиш;

атроф-муҳитга таъсирни баҳолаш материаллари ва экологик нормативлар лойиҳаларини ишлаб чиқувчи мутахассислар малакасини оширишни таъминлаш;

эколог-эксперт томонидан давлат экологик экспертизасини ўтказиш жараёнида берилган изоҳ ва эътирозларга жавоб бериш, зарурат бўлганда атроф-муҳитга таъсирни баҳолаш материаллари ҳамда экологик нормативлар лойиҳаларини қайта кўриб чиқиш;

атроф-муҳитга таъсир кўрсатишни баҳолаш.

39. Эколог-эксперт қуйидаги ҳуқуқларга эга:

давлат экологик экспертизасини ўтказиш учун зарур бўлган ҳужжатлар ва материалларни буюртмачидан (ташаббускордан) ҳамда лойиҳани ишлаб чиқувчидан олиш;

давлат экологик экспертизасини ўтказиш учун тақдим этилган, қонунчилик талабларига жавоб бермайдиган атроф-муҳитга таъсирни баҳолаш материалларини ва экологик нормативлар лойиҳаларини рад этиш;

заруратга кўра давлат экологик экспертизасини ўтказиш учун тақдим этилган атроф-муҳитга таъсирни баҳолаш материаллари ва экологик нормативлар лойиҳаларининг ишончлилигини жойига чиққан ҳолда текшириш;

ўз фаолиятини мустақил ва амалдаги қонунчилик ҳужжатларига мувофиқ амалга ошириш.

Эколог-эксперт қуйидаги мажбуриятларга эга:

давлат экологик экспертизасини ўтказишда қонунчилик талабларига риоя этиш;

давлат экологик экспертизасининг ўз муддатида, холисона ва сифатли ўтказилишини, шунингдек, унинг натижалари бўйича белгиланган тартибда хулоса берилишини таъминлаш;

давлат экологик экспертизасининг муайян объектига нисбатан шахсий манфаатдорлиги бўлган тақдирда ўзини ўзи рад этиш;

ҳужжатларни текширишда аввалги давлат экологик экспертизаси хулосасида кўрсатилмаган рад этишнинг қўшимча сабаблари келтирилишига йўл қўймаслик;

давлат экологик экспертизаси учун тақдим этилган атроф-муҳитга таъсирни баҳолаш материаллари ва экологик нормативлар лойиҳаларининг бут сақланишини, шунингдек, давлат сирлари ёки қонун билан қўриқланадиган бошқа сирни ташкил этувчи маълумотларнинг ошкор қилинмаслигини таъминлаш.

Эколог-эксперт зиммасида қонунчиликка мувофиқ бошқа мажбуриятлар ҳам бўлиши мумкин.

6-боб. Давлат экологик экспертизаси хулосасининг амал қилишини тўхтатиб туриш ёки тугатиш

40. Буюртмачи (ташаббускор) қайта ташкил этилган, унинг номи ўзгартирилган ёки ваколатлари ёхуд ҳуқуқ ва мажбуриятлари ҳуқуқий ворисга ўтган ҳолларда, буюртмачи (ташаббускор) ёки унинг ҳуқуқий вориси қайта рўйхатдан ўтказилганидан кейин етти иш куни ичида Марказга тасдиқловчи ҳужжатларни илова қилган ҳолда, давлат экологик экспертизасининг хулосасини қайта расмийлаштириш юзасидан ариза бериши мумкин.

Давлат экологик экспертизаси хулосасини қайта расмийлаштирганлик учун тўлов ундирилмайди.

41. Давлат экологик экспертизаси хулосасининг амал қилиши суд органлари томонидан қуйидаги ҳолларда тўхтатиб турилиши мумкин:

буюртмачи (ташаббускор) давлат экологик экспертизаси хулосасининг амал қилишини тўхтатиб туриш тўғрисидаги ариза билан мурожаат қилганда;

буюртмачининг (ташаббускорнинг) фаолияти тўхтатиб турилганда;

суд қарори асосида буюртмачи (ташаббускор) томонидан давлат экологик экспертизасининг хулосасида кўрсатилган талабларга риоя этилмаганда;

қонунчиликда белгиланган бошқа ҳолларда.

Давлат экологик экспертизаси хулосаси амал қилишининг тўхтатиб турилиши тўғрисидаги суд қарори буюртмачига (ташаббускорга) ва Экология қўмитасига қонунчиликда белгиланган муддатларда юборилади.

42. Давлат экологик экспертизаси хулосасининг амал қилиши қуйидаги ҳолларда тугатилади:

давлат экологик экспертизаси хулосасининг амал қилиш муддати тугаганда;

буюртмачи (ташаббускор) тугатилганда, шунингдек, буюртмачи (ташаббускор) қайта ташкил этилганда, бундан ҳуқуқий ворисликка йўл қўйиладиган ҳоллар мустасно.

7-боб. Давлат экологик экспертизаси бўйича экспертлар кенгаши ва эксперт комиссияси

43. Давлат экологик экспертизаси субъектлари ўртасида юзага келувчи баҳсли масалаларни кўриб чиқиш ва улар бўйича қарор қабул қилиш мақсадида Экология қўмитаси ҳузурида тегишли вазирлик ва идоралар мутахассислари ҳамда нодавлат нотижорат ташкилотлари вакилларидан иборат доимий фаолият юритувчи экспертлар кенгаши ташкил қилинади.

Давлат экологик экспертизаси субъектлари давлат экологик экспертизаси бўйича экспертлар кенгаши қарори устидан қонунчилик ҳужжатларида белгиланган тартибда судга шикоят қилиши мумкин.

Давлат экологик экспертизаси бўйича экспертлар кенгаши таркиби ҳамда унинг низоми Экология қўмитаси томонидан тасдиқланади.

44. Хавфи юқори объектлар бўйича атроф-муҳитга таъсирни баҳолаш материаллари давлат экологик экспертизасидан ўтказиш мақсадида Марказ томонидан эколог-экспертлар, шу жумладан, тегишли вазирликлар ва идораларнинг мутахассислар ва олимларидан иборат эксперт комиссияси тузилади.

Эксперт комиссиясининг иш натижалари Марказ томонидан тасдиқланадиган эксперт комиссиясининг жамловчи хулосаси шаклида баён этилади.

8-боб. Якунловчи қоидалар

45. Марказ ва унинг ҳудудий филиаллари ҳамда лойиҳани ишлаб чиқувчи ўз фаолиятини амалга ошириши натижасида олинган маълумотларнинг сир сақланишини таъминлайди.

46. Эколог-эксперт ўз мажбуриятларини буюртмачининг (ташаббускорнинг) ҳуқуқларига ёки қонун билан муҳофаза қилинадиган манфаатларига моддий зарар ёки маънавий зиён етказган тарзда бажармаганлик ёки лозим даражада бажармаганлик, шунингдек, экологик экспертиза тўғрисидаги қонунчиликни бошқача тарзда бузганлик учун қонунчиликка мувофиқ жавобгар бўлади.

47. Марказ ва унинг ҳудудий филиаллари давлат экологик экспертизаси учун тақдим этилган атроф-муҳитга таъсирни баҳолаш материаллари ва экологик нормативлар лойиҳаларининг бут сақланишини, шунингдек, давлат сирларини, ҳарбий, хизмат ва тижорат сирини ташкил этувчи маълумотларнинг ошкор этилмаслигини таъминлайди.

48. Давлат экологик экспертизаси объектлари ҳужжатларининг буюртмачиси (ташаббускори) томонидан уларни ўтказиш учун тақдим этилган электрон кўчирма нусхаси давлат экологик экспертизасининг электрон тизимида сақланади.

49. Ушбу Низом талабларини бузишда айбдор бўлган шахслар қонунчилик ҳужжатларида белгиланган тартибда жавоб берадилар.

Давлат экологик экспертизасини ўтказиш тартиби тўғрисидаги низомга 1-ИЛОВА

Давлат экологик экспертизасини ўтказиш тартиби

Босқичлар Субъектлар Чора-тадбирлар Бажариш муддатлари 1-босқич Буюртмачи (ташаббускор) Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали аризани электрон шаклда мустақил тўлдиради ва Экология қўмитасининг туман (шаҳар) бўлимлари инспекторларига ҳамда Давлат экологик экспертизаси марказига юборади. Ўз хоҳишига кўра 2-босқич Экология қўмитасининг туман (шаҳар) бўлимлари инспекторлари 1. Объектнинг реал вақтдаги ҳолатини вазиятлар харитаси билан солиштиради. 2. Объектнинг вазиятлар харитаси реал вақтдаги ҳолатига мос келиши ёки мос келмаслигини аниқлайди ва тасдиқлайди. I тоифадаги объектлар 7 иш кунида; II тоифадаги объектлар 5 иш кунида; III тоифадаги объектлар 3 иш кунида Давлат экологик экспертизаси маркази 1. Ариза ва унга илова қилинган ҳужжатлар тўлиқлиги ва тўғрилигини ўрганиб чиқади ҳамда экологик экспертиза объектини жамоатчилик эшитувидан ўтказиш заруратини аниқлайди. 2. Ҳужжатлар тўғри ва тўлиқ бўлмаганда ҳамда объектнинг вазиятлар харитаси реал вақтдаги ҳолатига мос келмаганда, ариза берувчига камчиликларни бартараф этиш зарурлиги тўғрисида хабарнома юборади. 3. Экологик экспертиза объекти бўйича жамоатчилик эшитувини ўтказиш зарурати аниқланганда аризани рад этади. 4. Ҳужжатлар белгиланган тартибда тақдим этилганда буюртмачига (ташаббускорга) оферта юборади. Ариза келиб тушгандан 7 иш кунида 3-босқич Буюртмачи (ташаббускор) Офертани қабул қилади ва давлат экологик экспертизасини ўтказиш учун тўловни электрон тўлов тизимлари орқали олдиндан тўлайди. Офертани қабул қилган санадан бошлаб 30 кун ичида 4-босқич Давлат экологик экспертизаси маркази Белгиланган тартибда давлат экологик экспертизасини ўтказади ва натижалари бўйича экологик экспертиза объектини рўёбга чиқариш мумкин ёки мумкин эмаслиги тўғрисидаги якунларни ўз ичига олган хулоса беради. Тўлов тўлиқ тўлангандан кейин 25 иш куни ичида 5-босқич ЯИДХП Давлат экологик экспертизаси хулосасини буюртмачига (ташаббускорга) ҳамда инспекторга юборади. Аниқ вақт режимида

Давлат экологик экспертизасини ўтказиш тартиби тўғрисидаги низомга 2-ИЛОВА

Ўзбекистон Республикаси Экология ва иқлим ўзгариши миллий қўмитаси ҳузуридаги «Давлат экологик экспертизаси маркази» давлат муассасасига Давлат экологик экспертизасини ўтказиш тўғрисида АРИЗА ______-сон 202___ йил «____» _________ Фаолиятнинг экологик талабларга мувофиқлигини белгилашга ҳамда экологик экспертиза объектини рўёбга чиқариш мумкинлигини ёки мумкин эмаслигини аниқлаш мақсадида давлат экологик экспертизасини ўтказишингизни сўрайман. I. Буюртмачи тўғрисида маълумот: Субъект (юридик ёки жисмоний шахс): Буюртмачининг СТИР: Буюртмачининг жойлашган ҳудуди: Буюртмачи жойлашган туман (шаҳар): Буюртмачи жойлашган маҳалла фуқаролар йиғини: Буюртмачининг номи (Ф.И.О.): Буюртмачининг ташкилий-ҳуқуқий шакли: Буюртмачининг иқтисодий фаолият турларининг умумдавлат таснифлагичи бўйича коди (ИФУТ): Буюртмачининг электрон почтаси: Буюртмачи раҳбари (Ф.И.О.): Буюртмачи раҳбарининг телефон рақами: Хизмат кўрсатувчи тижорат банки МФО рақами: Хизмат кўрсатувчи тижорат банки номи: Буюртмачининг тижорат банкдаги ҳисобварағи (асосий): II. Давлат экологик экспертизаси объекти тўғрисида маълумот: Давлат экологик экспертизаси объектининг атроф-муҳитга таъсир кўрсатишнинг тоифаси: Давлат экологик экспертизаси объектининг фаолият тури: Давлат экологик экспертизаси объектининг фаолият ости турлари: Давлат экологик экспертизаси объекти: Давлат экологик экспертизаси объекти номи: Давлат экологик экспертизаси объекти жойлашган ҳудуд: Давлат экологик экспертизаси объекти жойлашган туман (шаҳар): Давлат экологик экспертизаси объекти жойлашган маҳалла фуқаролар йиғини: III. Техник-иқтисодий кўрсаткичлар: Давлат экологик экспертизаси объектининг асосий, ёрдамчи бино ва иншоатлари: Давлат экологик экспертизаси объектининг умумий ер майдони (м 2 ): Давлат экологик экспертизаси объектининг кўкаламзорлаштирилган майдони (м 2 ): Давлат экологик экспертизаси объектининг қурилиш ости майдони (м 2 ): Давлат экологик экспертизаси объектининг қоплама тўшалган майдони (м 2 ): Давлат экологик экспертизаси объекти биноларининг умумий ички майдони (м 2 ): IV. Лойиҳани ишлаб чиқувчи тўғрисида маълумот: Лойиҳани ишлаб чиқувчининг СТИР: Лойиҳани ишлаб чиқувчининг номи: Лойиҳани ишлаб чиқувчининг ташкилий-ҳуқуқий шакли: Лойиҳани ишлаб чиқувчининг раҳбари: Лойиҳани ишлаб чиқувчининг телефон рақами: V. Объектнинг жойлашув режаси: Шимолий кенглик Шарқий узунлик VI. Атроф-муҳитга таъсир кўрсаткичлари: а) атмосферага чиқариладиган ифлослантирувчи моддалар миқдори: Ифлослантирувчи модда Хавфлилик синфи г/сек т/йил Ташламанинг фоиздаги улуши (фоизда) б) сувдан фойдаланиш: Сув олиш объекти Канал ёки дарё номи м³/кун м³/йил в) оқова сувларнинг сарфи: Оқова қабул қилиш манбаси Ифлослантирувчи модда номи мг/литр гр/соат г) хавфли чиқиндилар миқдори: Чиқинди номи Хавфлилик синфи Ҳосил бўлиш миқдори (т/йил) Чиқиндиларни жойлаштириш бўйича ҳисобланган лимитлар миқдори (т) лимит майдони (м²) д) қаттиқ маиший чиқинди миқдори: Чиқинди номи Хавфлилик синфи Ҳосил бўлиш миқдори (т/йил) Илова: Атроф-муҳитга таъсирни баҳолаш материаллари ёки экологик норматив лойиҳалари электрон шакли. Электрон рақамли имзо: QR-код

Вазирлар Маҳкамасининг 2026 йил 11 майдаги 234-сон қарорига 3-ИЛОВА

Атроф-муҳитга таъсирни баҳолаш тартиби тўғрисида

1-боб. Умумий қоидалар

1. Мазкур Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ атроф-муҳитга таъсирни баҳолаш тартибини белгилайди.

2. Ушбу Низомда қуйидаги асосий тушунчалардан фойдаланилади:

атроф-муҳитга таъсирни баҳолаш — мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга таъсири хусусиятларини ва даражасини, унинг эҳтимолий экологик оқибатларини аниқлашга ҳамда атроф-муҳитни муҳофаза қилиш ва табиий ресурслардан оқилона фойдаланиш чора-тадбирларини ишлаб чиқишга қаратилган тартиб-таомил;

атроф-муҳитга таъсир кўрсатилиши тўғрисидаги баёнот лойиҳаси — атроф-муҳитга таъсирни баҳолаш жараёнининг биринчи босқичи ҳисобланади ва мўлжалланаётган ёки режалаштирилаётган хўжалик фаолияти ва бошқа хил фаолиятни амалга оширишдан олдин ишлаб чиқиладиган материаллар;

атроф-муҳитга таъсир кўрсатилиши тўғрисидаги баёнот — атроф-муҳитга таъсирни баҳолаш жараёнининг иккинчи босқичи ҳисобланади, бунда атроф-муҳитга таъсирни баҳолаш жараёнининг биринчи босқичи давлат экологик экспертизасидан ўтказилиши натижаларига кўра қўшимча тадқиқотлар, махсус таҳлиллар ўтказиш, атроф-муҳитга ва фуқаролар соғлиғига қўшимча равишда салбий таъсирнинг олдини олишга қаратилган чора-тадбирларни белгилаш зарурлиги аниқланганда ишлаб чиқиладиган материаллар;

буюртмачи — мўлжалланаётган ва (ёки) режалаштирилаётган ёки амалга оширилаётган хўжалик фаолиятини ҳамда бошқа фаолиятни атроф-муҳитга таъсирни баҳолаш истагини билдирган юридик ёки жисмоний шахс;

жамоатчилик эшитуви — мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг мақсадга мувофиқлиги тўғрисида қарор қабул қилишга тааллуқли масалаларни муҳокама қилиш учун ташкил этиладиган жамоатчилик йиғилиши;

экологик оқибатлар тўғрисидаги баёнот — атроф-муҳитга таъсирни баҳолаш жараёнининг якуний босқичи бўлиб, тугалланган объект (реконструкция қилиш, модернизация, кенгайтириш) фойдаланишга топширилгунга қадар атроф-муҳитга таъсир этувчи экологик нормативларни белгилаш бўйича материаллар;

эколог-эксперт — олий маълумотга, экология ва атроф-муҳитни муҳофаза қилиш соҳасида ёки турдош соҳаларда камида узлуксиз уч йил иш стажига эга бўлган, белгиланган тартибда аттестациядан ўтказилган «Давлат экологик экспертизаси маркази» давлат муассасаси ходими;

энг яхши қулай технология — маҳсулот (товарлар) ишлаб чиқариш, ишларни бажариш, хизматлар кўрсатиш бўйича замонавий илм-фан ва техник ютуқлар ҳамда уларни қўллашнинг техник имкониятлари мавжуд бўлиши шарти билан атроф табиий муҳитни муҳофаза қилиш мақсадларига эришиш мезонларини самарали уйғунлаштириш асосида белгиланадиган технология.

3. Атроф-муҳитга таъсир лойиҳани ишлаб чиқувчи ёки буюртмачининг белгиланган тартибда аттестациядан ўтказилган ходимлари томонидан баҳоланади.

4. Атроф-муҳитга таъсир буюртмачининг маблағлари ҳисобидан баҳоланади.

5. Атроф-муҳитга таъсир лойиҳани ишлаб чиқувчи ва буюртмачи ўртасида тузиладиган, атроф-муҳитга таъсирни баҳолаш ўтказиш муддатлари ва бошқа шартлари назарда тутувчи шартнома асосида баҳоланади.

6. Атроф-муҳитга таъсир қуйидаги мақсадларда баҳоланади:

7. Экологик экспертиза объекти тўлиқ ва яхлит тарзда атроф-муҳитга таъсирни баҳолашдан ўтказилади. Бунда объектни қисмларга бўлган ҳолда атроф-муҳитга таъсирни баҳолашга йўл қўйилмайди.

8. Атроф-муҳитга таъсирни баҳолашда мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолиятнинг атроф-муҳитга таъсир кўрсатиш тоифаси Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари ва объектлари рўйхатига мувофиқ аниқланади.

Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари рўйхатига киритилмаган объектлар бўйича атроф-муҳитга таъсирни баҳолаш зарурати буюртмачи томонидан тақдим этилган маълумотлар асосида дастлабки баҳолаш натижаларига (кейинги ўринларда — дастлабки баҳолаш) кўра аниқланади.

9. Дастлабки баҳолаш натижасида лойиҳани ишлаб чиқувчи томонидан атроф-муҳитга таъсирни баҳолашнинг қамров доираси белгиланади.

10. Буюртмачи атроф-муҳитга таъсирни баҳолашда жамоатчилик иштирокини таъминлашни, зарур тадқиқотлар ва мониторинг ишларини молиялаштиришни, шунингдек, лойиҳани амалга ошириш жараёнида табиатни муҳофаза қилиш чора-тадбирлари ҳамда ишлаб чиқариш экологик назоратини амалга оширишни таъминлайди.

11. Фаолият кўрсатаётган объектларда янги қурилиш, реконструкция қилиш, кенгайтириш ёки техник қайта жиҳозлаш лойиҳалари бўйича атроф-муҳитга таъсир баҳолашдан ўтказилганда, мавжуд ишлаб чиқариш қувватлари ва ҳудуддаги умумий экологик юкламадан келиб чиққан ҳолда жамланган (кумулятив) таъсир ҳисобга олиниши лозим.

2-боб. Дастлабки баҳолаш тартиби

12. Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари ва объектлари рўйхатига киритилмаган объектлар бўйича атроф-муҳитга таъсирни баҳолаш зарурати Экология ва иқлим ўзгариши миллий қўмитаси (кейинги ўринларда — Экология қўмитаси) ҳузуридаги «Давлат экологик экспертизаси маркази» давлат муассасаси (кейинги ўринларда — Марказ) томонидан буюртмачи ташаббуси билан тақдим этилган электрон маълумотларни дастлабки баҳолаш натижасида аниқланади.

13. Дастлабки баҳолашда қуйидаги мезонлар инобатга олинади:

мўлжалланаётган ва (ёки) режалаштирилаётган фаолиятнинг бошқа объектлар билан биргаликдаги жамланган (кумулятив) таъсири ҳамда атроф-муҳит компонентларига тушадиган умумий экологик юклама;

эҳтимолий таъсир доирасида алоҳида муҳофаза этиладиган табиий ҳудудларнинг жойлашгани, уларгача бўлган масофа ва белгиланган муҳофаза режимининг хусусиятлари;

эҳтимолий таъсир доирасида экологик жиҳатдан заиф табиий экотизимларнинг, шу жумладан, сув объектлари, сув-ботқоқ ҳудудлари, камёб ва йўқолиб кетиш хавфи остида турган ўсимлик ҳамда ҳайвонот дунёси объектлари яшаш ва ўсиш жойларининг жойлашуви ҳамда уларгача бўлган масофа;

эҳтимолий ифлослантирувчи моддалар ташламалари, оқовалари ҳамда чиқиндиларнинг ҳосил бўлиши доирасида аҳоли пунктларининг жойлашуви ва энг яқин турар жой биноларигача бўлган масофалар;

мўлжалланаётган ва (ёки) режалаштирилаётган фаолиятнинг фуқаролар соғлиғи ва ҳаётига ҳамда атроф-муҳитга таъсири.

14. Дастлабки баҳолаш натижаларига кўра Марказ мўлжалланаётган ва (ёки) режалаштирилаётган фаолиятнинг атроф-муҳитга таъсирини баҳолаш зарурати тўғрисида асослантирилган қарор қабул қилади.

Атроф-муҳитга таъсирни баҳолаш зарурати аниқланган тақдирда, хулосада тегишли лойиҳа объектининг атроф-муҳитга таъсир тоифаси белгилаб қўйилади.

Лойиҳани ишлаб чиқувчи Давлат экологик экспертизасидан ўтказилиши мажбурий бўлган атроф-муҳитга таъсир кўрсатадиган фаолият турлари ва объектлари рўйхатига киритилмаган объектлар бўйича атроф-муҳитга таъсир хулосада белгиланган объектнинг атроф-муҳитга таъсир тоифаси бўйича баҳолаши шарт.

3-боб. Атроф-муҳитга таъсирни баҳолашнинг қамров доирасини белгилаш

15. Атроф-муҳитга таъсирни баҳолашнинг қамров доирасини белгилашда мўлжалланаётган ёки режалаштирилаётган объектнинг тавсифи ва мазмунидан келиб чиқиб, атроф-муҳитга таъсирни баҳолаш материалларига киритиладиган маълумотларнинг ҳажми, тўлиқлилиги ва батафсиллиги даражаси Марказ томонидан аниқланади.

16. Атроф-муҳитга таъсирни баҳолашнинг қамров доираси қуйидаги мақсадларда белгиланади:

атроф-муҳитга таъсирни баҳолаш материалларига киритилиши мумкин бўлган, асослантирилган ва амалда қўлланадиган муқобил ечимларни белгилаш, шу жумладан, атроф-муҳитга ва (ёки) инсон соғлиғига таъсир кўрсатувчи эҳтимолий ифлослантирувчи манбаларни белгилаб бериш;

инсон соғлиғини ва қулай атроф-муҳитни таъминлаш учун стратегик режалаштириш ҳужжати лойиҳасини амалга ошириш билан боғлиқ бўлган атроф-муҳитни муҳофаза қилиш соҳасидаги мақсадларни, шу жумладан, халқаро ва миллий даражада белгилаш;

мўлжалланаётган ёки режалаштирилаётган объектнинг атроф-муҳитга эҳтимолий таъсирини ҳамда экологик ва ижтимоий оқибатларини аниқлаш;

атроф-муҳитга таъсирни баҳолаш материалларининг экологик талабларга мувофиқлигини белгилаш.

17. Қамров доирасини белгилашда мўлжалланаётган ёки режалаштирилаётган объектнинг муқобил вариантлари ҳисобга олиниши керак.

Муқобил вариантлар тегишли ташкилий, илмий, техник ривожланиш билан, шунингдек, ҳудудий мансублик нуқтаи назаридан амалга ошириш имкониятларига мос келиши керак.

4-боб. Атроф-муҳитга таъсирни баҳолаш тартиби

18. Атроф-муҳитга таъсирни баҳолаш натижалари бўйича қуйидаги атроф-муҳитга таъсирни баҳолаш материаллари ишлаб чиқилади:

биринчи босқичда атроф-муҳитга таъсир кўрсатилиши тўғрисидаги баёнот лойиҳаси;

иккинчи босқичда атроф-муҳитга таъсир кўрсатилиши тўғрисидаги баёнот;

якунловчи босқичда экологик оқибатлар тўғрисидаги баёнот.

19. Атроф-муҳитга таъсир кўрсатилиши тўғрисидаги баёнот лойиҳасида қуйидагилар назарда тутилиши лозим:

мўлжалланаётган ва (ёки) режалаштирилаётган фаолиятни амалга оширишга қадар атроф-муҳитнинг ҳолати, шу жумладан, фаолият режалаштирилаётган ҳудудда аҳолининг жойлашгани, атмосфера ҳавоси, ерусти, ерости ва оқова сувларнинг ҳолати ва ифлосланганлик даражаси, доимий ёки вақтинча фойдаланишга ажратилган ерларнинг хусусиятлари ҳамда уларнинг ифлосланиши, ландшафтларнинг бузилиши, иқлим, геологик, гидрологик, гидрогеологик ва бошқа табиий шароитларнинг, ўсимлик, ҳайвонот дунёси, рекреация зоналари ва муҳофаза этиладиган табиий ҳудудлар ва бошқа атроф-муҳит хусусиятларининг тавсифи;

объектнинг жойлашиши ҳамда танланган ва муқобил жойларнинг иқтисодий ва ижтимоий ривожланиши схемаларига мувофиқлигини асослантирувчи маълумотлар;

объектнинг географик координаталари ва унга туташ рекреация зоналари, аҳоли пунктлари, ирригация ва мелиорация объектлари, қишлоқ хўжалиги ерлари, электр узатиш линиялари, транспорт инфратузилмаси, сув, газ ва бошқа коммуникациялар акс эттирилган вазиятлар харитаси;

ишлаб чиқариладиган маҳсулот тури, лойиҳавий (йиллик) қуввати ва лойиҳани амалга ошириш муддатлари тўғрисидаги маълумотлар;

ишлаб чиқариш технологиясининг атроф-муҳитга таъсир нуқтаи назаридан тавсифи, муқобил технологиялар таҳлили, энг яхши қулай технологияларни кўриб чиқиш ҳамда салбий таъсирнинг олдини олиш, қисқартириш ёки бартараф этиш чора-тадбирлари;

фаолиятни амалга ошириш учун зарур бўлган ресурслар турларининг тавсифи, жумладан, сув ва ер ресурслари, тупроқ, фойдали қазилмалар, хомашё ва энергия, уларнинг тахминий миқдорий ва сифат кўрсаткичлари ҳамда атроф-муҳитга таъсири;

атмосфера ҳавосига ифлослантирувчи моддалар чиқарилиши, сув объектларига ташламалар, сув истеъмоли ва сув чиқариш ҳажмлари, оқова сувларнинг сифат кўрсаткичлари, чиқиндилар ҳосил бўлиши ҳамда бошқа аҳамиятли таъсирларнинг турлари, ҳажмлари ва сифат кўрсаткичлари;

жамоатчилик эшитувлари натижалари, жумладан, жамоатчилик томонидан билдирилган таклиф ва эътирозлар;

ўтказилган тадқиқотлар ҳажми ва фойдаланилган ахборот манбалари тўғрисидаги маълумотлар (ер ресурслари, иқлим, атмосфера ҳавоси ҳолати, геоморфологик, геологик, гидрологик, гидрогеологик шароитлар, ўсимлик ва ҳайвонот дунёси, аҳоли саломатлиги, тупроқ, археологик, тарихий ва маданий хусусиятлар);

объектни рўёбга чиқариш натижасида атроф-муҳит ҳолатидаги ўзгаришлар ва экологик оқибатлари;

белгиланган давр учун иссиқхона газларининг чиқарилишини қисқартириш ва углерод изини камайтириш бўйича ҳисоб-китоблар ва чора-тадбирлар режаси;

маҳсулот хавфсизлигини таъминлаш дастурлари, унинг қўлланиш соҳаси, белгиланган чекловлар, истеъмол хусусиятларини йўқотган маҳсулотни зарарсизлантириш ёки утилизация қилиш усуллари;

атроф-муҳитни бошқариш режаси, унда атроф-муҳитга асосий таъсирлар ва уларни камайтириш чоралари, замонавий ва самарали тозалаш ва муҳофаза технологиялари қўлланиши ҳисоб-китоб ва моделлаштириш натижаларига оид маълумотлар;

масъул шахслар ва ташкилотларни кўрсатган ҳолда экологик мониторинг режаси, назорат кўрсаткичлари, кузатиш даврийлиги бўйича маълумотлар;

атроф-муҳитга салбий таъсир кўрсатиши мумкин бўлган эҳтимолий авария ҳолатлари таҳлили ва уларнинг олдини олиш ҳамда оқибатларини камайтириш сценарийлари;

мўлжалланаётган ва (ёки) режалаштирилаётган фаолиятни амалга ошириш учун ваколатли органлардан олиниши лозим бўлган рухсат берувчи ҳужжатлар рўйхати.

20. Атроф-муҳитга таъсир тўғрисидаги баёнотда қуйидагилар назарда тутилиши лозим:

танланган ҳудуд бўйича муҳандислик-геологик изланишлар, моделлаштириш ва бошқа зарур тадқиқотлар натижаларига асосан экологик муаммоларни баҳолашга оид маълумотлар;

лойиҳани амалга ошириш натижасида атроф-муҳит ҳолатидаги ўзгаришлар ва экологик оқибатлар ҳақида маълумотлар;

атроф-муҳитга таъсирни баҳолашнинг олдинги босқичида тасдиқланган ишлаб чиқариш технологиясининг тўлиқ тавсифи ва унинг атроф-муҳитга эҳтимолий таъсирининг таҳлил натижалари;

майдоннинг экологик ҳолатини сақлаш мақсадида қўлланилаётган технологиянинг атроф-муҳит бошқа компонентларига таъсирини экологик таҳлил қилиш, шунингдек, қамров доирасида аниқланган бошқа аҳамиятли таъсирларни баҳолаш бўйича маълумотлар;

жамоатчилик эшитувларининг ижобий хулосаси, шу жумладан, эшитув давомида билдирилган таклиф ва эътирозларни кўриб чиқиш натижалари тўғрисидаги маълумотлар;

давлат экологик экспертизаси объектини рўёбга чиқариш салбий оқибатларининг олдини олувчи табиатни муҳофаза қилиш чора-тадбирларининг асосланган тадқиқотлари;

атроф-муҳитга салбий таъсир кўрсатиши мумкин бўлган эҳтимолий авария ҳолатлари таҳлили ва уларнинг олдини олиш ҳамда оқибатларини камайтириш сценарийлари.

Атроф-муҳитга таъсир тўғрисидаги баёнотни ишлаб чиқиш зарурати атроф-муҳитга таъсир кўрсатилиши тўғрисидаги баёнот лойиҳаси кўриб чиқиш натижаларига кўра эколог-эксперт томонидан белгиланади.

21. Экологик оқибатлар тўғрисидаги баёнотда қуйидагилар назарда тутилиши лозим:

давлат экологик экспертизаси хулосасида белгиланган талабларга риоя этилиши юзасидан Экология қўмитасининг ҳудудий бўлинмалари томонидан объектни кўздан кечириш натижалари бўйича тузилган далолатнома;

атроф-муҳитга таъсир тўғрисидаги баёнот лойиҳасини эколог-эксперт томонидан кўриб чиқиш натижалари, шунингдек, жамоатчилик эшитувларида билдирилган таклифлар асосида киритилган лойиҳа ечимларига тузатишлар ва қабул қилинган бошқа чора-тадбирлар;

объектнинг ифлослантириш манбалари жойлашуви схемаси;

экспертиза объекти фаолиятини тартибга солувчи экологик нормативлар;

объектни эксплуатация қилиш жараёнида экологик кузатув ва тадбирларни ташкил этиш ҳамда амалга оширишга доир талаблар;

хўжалик фаолиятини амалга ошириш имконияти тўғрисидаги асосий хулосалар;

объектни эксплуатация қилиш даври мобайнида экологик мониторингни ташкил этиш ва ўтказиш жадвали;

хўжалик фаолиятини атроф-муҳитни ифлослантирувчи объект сифатида назорат қилиш бўйича талаблар.

5-боб. Атроф-муҳитга таъсирни баҳолашда жамоатчиликнинг иштироки

22. Атроф-муҳитга таъсирни баҳолаш босқичларида буюртмачи ўз маблағлари ҳисобидан қонунчиликда белгиланган тартибда жамоатчилик эшитувларини ташкил этади.

Буюртмачи жамоатчилик эшитувларини ўтказишда маълумотларнинг тўғрилиги, очиқлигини ва материаллардан эркин фойдаланиш имкониятини таъминлаши шарт.

23. Жамоатчилик эшитуви натижалари бўйича келиб тушган таклиф ва эътирозларни ўз ичига олган баённома расмийлаштирилади ҳамда атроф-муҳитга таъсирни баҳолашнинг тегишли босқич ҳужжатлари таркибига киритилади.

6-боб. Якунловчи қоидалар

24. Лойиҳани ишлаб чиқувчи атроф-муҳитга таъсирни баҳолаш натижалари асосида тақдим этилган атроф-муҳитга таъсирни баҳолаш бўйича материалларнинг ва экологик нормативлар лойиҳаларининг тўғрилиги, ишончлиги ҳамда асослиги учун буюртмачи билан солидар жавобгар бўлади.

25. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Вазирлар Маҳкамасининг 2026 йил 11 майдаги 234-сон қарорига 4-ИЛОВА

1-боб. Умумий қоидалар

1. Ушбу Низом мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга таъсири бўйича жамоатчилик эшитувларини (кейинги ўринларда — жамоатчилик эшитувлари) ўтказиш тартибини белгилайди.

2. Ушбу Низомда қуйидаги асосий тушунчалардан фойдаланилади:

манфаатдор томонлар — мўлжалланаётган, режалаштирилаётган ёки амалга оширилаётган хўжалик фаолияти натижасида қулай атроф-муҳитга бўлган ҳуқуқ ва қонуний манфаатларига таъсир кўрсатилиши мумкин бўлган ёки кўрсатилаётган жисмоний ва (ёки) юридик шахслар;

3. Жамоатчилик эшитувлари буюртмачи (ташаббускор) томонидан маҳаллий ижро этувчи ҳокимият органлари кўмагида ўтказилади.

4. Жамоатчилик эшитувларини ўтказиш билан боғлиқ харажатлар буюртмачи (ташаббускор) маблағлари ёки қонунчиликда тақиқланмаган бошқа манбалар ҳисобидан молиялаштирилади.

5. Жамоатчилик эшитувлари атроф-муҳитга таъсирни баҳолаш материаллари давлат экологик экспертизасига тақдим этилгунига қадар ўтказилади.

6. Жамоатчилик эшитуви ушбу Низомга иловадаги схемага мувофиқ ўтказилади.

7. Жамоатчилик эшитувларида манфаатдор томонлар, нодавлат нотижорат ташкилотлари, фуқароларнинг ўзини ўзи бошқариш органлари, оммавий ахборот воситалари вакиллари иштирок этиши мумкин.

8. Экология ва иқлим ўзгариши миллий қўмитаси (кейинги ўринларда — Экология қўмитаси) ва унинг ҳудудий органлари вакиллари жамоатчилик эшитувларида кузатувчи сифатида қатнашади.

9. Буюртмачи (ташаббускор) жамоатчилик эшитувларини ўтказиш учун ташкилотларни қонунчиликда белгиланган тартибда жалб этиши мумкин.

2-боб. Жамоатчилик эшитувини ўтказишни ташкил этиш

10. Жамоатчилик эшитувини ўтказиш зарурлиги қуйидаги мезонларга асосан аниқланади:

хўжалик фаолиятининг атроф-муҳитга эҳтимолий таъсирлари хавфи юқори бўлса;

хўжалик фаолияти аҳоли саломатлиги ҳамда яшаш шароитига таъсир кўрсатса;

хўжалик фаолияти аҳоли яшаш ҳудудлари, муҳофаза этиладиган табиий ҳудудлар, сув муҳофаза минтақаси, санитар ҳимоя зоналари, табиат, тарихий ва маданий ёдгорликлар ҳудудига яқин жойлашса.

11. Жамоатчилик эшитуви амалда фаолият кўрсатаётган объектлар бўйича атроф-муҳитга ва аҳоли соғлиғига узлуксиз салбий таъсир кўрсатаётгани юзасидан жисмоний ёки юридик шахсларнинг ҳақли шикоятларига сабаб бўлган ҳолатларда ўтказилиши мумкин.

Агар амалда фаолият кўрсатаётган объектларда технологик жараён кенгайтирилмаган ёки тўлиқ реконструкция қилинмаган ва техник жиҳатдан қайта жиҳозланмаган ҳамда экологик нормативларга эга бўлса, ушбу Низом талаблари татбиқ этилмайди, ушбу банднинг биринчи хатбошисида келтирилган ҳолат бундан мустасно.

12. Экология қўмитаси ҳузуридаги «Давлат экологик экспертизаси маркази» давлат муассасаси (кейинги ўринларда — Марказ) атроф-муҳитга таъсирни баҳолаш материаллари келиб тушган кундан эътиборан уч иш куни ичида объектнинг жойлашувини, эҳтимол тутилган сезиларли салбий таъсир зоналарини ва атроф-муҳитнинг ифлосланиш даражасини инобатга олган ҳолда жамоатчилик эшитувларини ўтказиш ёки ўтказмаслик тўғрисида қарор қабул қилади.

13. Марказ жамоатчилик эшитувларини ўтказиш тўғрисида қарор қабул қилингандан кейин қуйидагиларни амалга оширади:

мўлжалланаётган, режалаштирилаётган ёки амалга оширилаётган хўжалик фаолияти ва бошқа фаолият ҳудудини, шунингдек, эҳтимолий таъсир кўрсатилиши мумкин бўлган ҳудудни белгилайди;

муҳокама қилинадиган масала ўз ҳуқуқларига ва қонуний манфаатларига дахл қиладиган ёки дахл қилиши мумкин бўлган шахслар доирасини аниқлайди;

маҳаллий ижро этувчи ҳокимият органларига ва буюртмачига (ташаббускорга) атроф-муҳитга таъсирни баҳолашга доир тегишли ахборотни жамоат эшитувлари ташкил этилиши ҳақидаги хабарнома билан бирга юборади.

14. Буюртмачи (ташаббускор) жамоатчилик эшитувини ўтказиш бўйича Марказдан хабарнома олган кундан бошлаб беш иш куни ичида:

жамоатчилик эшитувлари ўтказиладиган жой ва вақтни маҳаллий ижро этувчи ҳокимият органлари билан келишади;

Экология қўмитасининг ҳудудий органига ҳамда Марказга жамоатчилик эшитувлари ўтказиладиган сана ва вақт тўғрисида хабарнома юборади.

15. Жамоатчилик эшитувлари ўтказиладиган жой ва вақт ҳақида буюртмачи (ташаббускор) маҳаллий ижро этувчи ҳокимият органлари ҳамда Экология қўмитасининг ҳудудий органлари билан биргаликда оммавий ахборот воситаларида эълон қилиш чораларини кўради.

Эълон жамоатчилик эшитуви ўтказилишидан ўн кун олдин давлат тилида ёки кўпчилик аҳоли гаплашадиган бошқа тилда берилади.

Буюртмачи (ташаббускор) жамоатчиликни хабардор қилишнинг бошқа қўшимча усулларидан фойдаланиши мумкин.

16. Эълонда қуйидаги маълумотлар кўрсатилади:

жамоатчилик эшитувини ўтказиш жойи ва вақти;

ишлаб чиқаришнинг асосий кўрсаткичларини, шунингдек, атроф-муҳитга таъсирни баҳолаш материалларининг экологик жиҳатларини кўрсатган ҳолда мўлжалланаётган, режалаштирилаётган ва амалда фаолият юритаётган хўжалик фаолиятининг номи;

манфаатдор томонлар лойиҳа материалларининг қоғоз шакли билан танишишлари мумкин бўлган жой манзили;

материалларнинг электрон шакли жойлаштирилган Интернет жаҳон ахборот тармоғи манзили, агар у мавжуд бўлмаса, материалларнинг электрон шаклини расмий сўраб олиш мумкин бўлган электрон почта манзили;

мулоҳазалар ва таклифлар қабул қилинадиган электрон почта манзили.

17. Жамоатчилик эшитувини ўтказиш тўғрисида эълон қилинган санадан бошлаб буюртмачи (ташаббускор) манфаатдор томонларнинг атроф-муҳитга таъсирни баҳолаш материаллари билан танишиб чиқишини таъминлайди, мулоҳазалар ва таклифларни қоғоз ва электрон шаклда қабул қилади ва рўйхатга олади.

18. Буюртмачи (ташаббускор) томонидан жамоатчилик эшитуви тўғрисидаги таклиф ва эътирозлар эълон берилган кундан бошлаб эшитув ўтказиладиган кунга қадар қабул қилинади.

19. Маҳаллий ижро этувчи ҳокимият органлари жамоатчилик эшитувлари доирасида қуйидагиларни таъминлайди:

тегишли ҳудуд аҳолисини жамоатчилик эшитувлари ўтказилиши тўғрисида хабардор қилади;

эшитувларни ўтказиш учун зарур ҳолларда бинолар (хоналар) ажратади;

манфаатдор томонларнинг атроф-муҳитга таъсирни баҳолаш материаллари билан танишиши учун шароит яратади;

жамоатчилик эшитувлари ўтказилаётган вақтда жамоат тартибини сақлашни таъминлайди.

3-боб. Жамоатчилик эшитувларини ўтказиш тартиби

20. Жамоатчилик эшитувларида буюртмачи (ташаббускор) жамоатчилик эшитуви иштирокчиларини рўйхатга олади.

21. Жамоатчилик эшитувларини буюртмачининг (ташаббускорнинг) масъул вакили очиб беради.

Жамоатчилик эшитуви иштирокчилари кўпчилик овоз билан кун тартибини тасдиқлайдилар ва уни олиб бориш учун раисни ва котибини сайлайдилар.

22. Жамоатчилик эшитувида буюртмачи (ташаббускор) вакили томонидан техник хусусиятга эга бўлмаган маълумотлар тақдимот қилинади.

23. Тақдимотда қуйидаги маълумотлар бўлиши керак:

хўжалик фаолиятнинг қисқача тавсифи;

технологик ечимлар ва объектни жойлаштиришнинг муқобил вариантлари;

атроф-муҳитнинг жорий ҳолати, ижтимоий-иқтисодий шароитларнинг қисқача тавсифи;

лойиҳани амалга ошириш натижасида атроф-муҳитга салбий таъсир этадиган манбалар ва турларининг қисқача таърифи;

атроф-муҳит ҳолатининг, ижтимоий-иқтисодий шароитларнинг мумкин бўлган ўзгаришлари прогнози ва баҳолашга оид маълумотлар;

лойиҳа ва лойиҳадан ташқари авария ҳолатларини прогнозлаш ҳамда баҳолаш натижалари;

салбий таъсирнинг олдини олиш, уни камайтириш ва (ёки) ўрнини тўлдириш бўйича чора-тадбирлар;

мумкин бўлган сезиларли салбий трансчегаравий таъсирларни баҳолаш (трансчегаравий таъсир этиш ҳолатларида) натижалари.

24. Жамоатчилик эшитувида барча иштирокчилар ўз фикрини билдириш ва буюртмачи (ташаббускор) вакилига саволлар бериш ҳуқуқи эга.

Буюртмачининг (ташаббускорнинг) вакили жамоатчилик эшитуви иштирокчиларининг саволларига жавоб бериши лозим.

25. Жамоатчилик эшитувида оммавий ахборот воситалари вакиллари иштирок этиши мумкин ҳамда улар томонидан аудио ёзувлар ва видео суратга олиш амалга оширилган тақдирда, бу ҳақида эшитув иштирокчилари хабардор қилинади.

26. Жамоатчилик эшитуви баённомаси буюртмачи (ташаббускор) вакили томонидан юритилади.

Жамоатчилик эшитуви натижалари бўйича унинг раиси ва котиби имзоси билан тасдиқланадиган жамоатчилик эшитуви баённомаси расмийлаштирилади.

Баённомада жамоатчилик эшитувлари натижалари, билдирилган фикр ва эътирозлар, манфаатдор томонларнинг таклифлари, шунингдек, эшитувлар ўтказилгунга қадар келиб тушган таклиф ва жавоблар кўрсатилади.

27. Тасдиқланган жамоатчилик эшитуви баённомаси нусхаси буюртмачи (ташаббускор) томонидан икки иш куни ичида маҳаллий ижро этувчи ҳокимият органларига ҳамда Марказга тақдим этилади.

28. Жамоатчилик эшитуви баённомаси Экология қўмитаси ва жамоатчилик эшитувлари ўтказилган ҳудуддаги ижро этувчи ҳокимият органининг расмий веб-сайтларида эълон қилинади.

29. Жамоатчилик эшитуви иштирокчилари баённома билан танишиб чиқиш ҳамда ўз таклиф ва эътирозларини Марказга юбориш ҳуқуқига эга.

30. Жамоатчилик эшитувини ўтказиш тартиби бузилганда, жамоатчилик эшитуви ўтказилмаган деб ҳисобланади.

Буюртмачи (ташаббускор) қайта ўтказиладиган жамоат эшитувларини ушбу Низомда белгиланган тартибда ўтказади.

4-боб. Якунловчи қоидалар

31. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

32. Ушбу Низом талабларини бузишда айбдор бўлган шахслар қонунчилик ҳужжатларида белгиланган тартибда жавоб берадилар.

Жамоатчилик эшитувини ўтказиш тартиби

Босқичлар Субъектлар Тадбирлар Бажариш муддатлари 1-босқич Давлат экологик экспертизаси маркази Объектнинг жойлашувини, эҳтимол тутилган сезиларли салбий таъсир зоналарини ва атроф-муҳитнинг ифлосланиш даражасини инобатга олган ҳолда, жамоатчилик эшитувларини ўтказиш ёки ўтказмаслик тўғрисида қарор қабул қилади ва маҳаллий ижро этувчи ҳокимият органларига ва буюртмачига (ташаббускорга) хабарнома юборади. Ариза келиб тушган кундан уч иш куни ичида 2-босқич Буюртмачи (ташаббускор) 1. Жамоатчилик эшитувлари ўтказиладиган жой ва вақтни маҳаллий ижро этувчи ҳокимият органлари билан келишади. 2. Экология қўмитасининг ҳудудий органига ҳамда Давлат экологик экспертизаси марказига жамоатчилик эшитувлари ўтказиладиган сана ва вақт тўғрисида хабарнома юборади. Хабарнома олган кундан бошлаб беш иш куни ичида 3. Жамоатчилик эшитувлари ўтказиладиган жой ва вақти ҳақида маҳаллий ижро этувчи ҳокимият органлари ҳамда Экология қўмитасининг ҳудудий органлари билан биргаликда оммавий ахборот воситаларида эълон қилиш чораларини кўради. Жамоатчилик эшитуви ўтказилишидан ўн кун олдин 4. Жамоатчилик эшитуви натижалари бўйича унинг раиси ва котиби имзоси билан тасдиқланадиган жамоатчилик эшитуви баённомасини расмийлаштиради. Тасдиқланган жамоатчилик эшитуви баённомаси нусхасини маҳаллий ижро этувчи ҳокимият органларига ҳамда Давлат экологик экспертизаси марказига тақдим этади. Жамоатчилик эшитуви ўтказилганидан сўнг икки иш куни ичида

Вазирлар Маҳкамасининг 2026 йил 11 майдаги 234-сон қарорига 5-ИЛОВА

Жамоат экологик экспертизасини ўтказиш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ жамоат экологик экспертизасини ўтказиш тартибини белгилайди.

2. Ушбу Низомда қуйидаги асосий тушунчалардан фойдаланилади:

объект — мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолияти экологик жиҳатдан асослантириш талаб этиладиган юридик ёки жисмоний шахс;

ташаббускор — жамоат экологик экспертизасини ташкил этувчи ва (ёки) ўтказувчи нодавлат нотижорат ташкилотлари ва фуқаролар;

эксперт комиссияси — жамоат экологик экспертизасини ўтказиш учун ташаббускор томонидан ташкил этилган соҳага оид мустақил мутахассислардан ва жамоатчилик вакилларидан иборат гуруҳ.

3. Жамоат экологик экспертизаси экологик жиҳатдан асослантириш талаб этиладиган ҳар қандай фаолият соҳасида нодавлат нотижорат ташкилотларининг ва фуқароларнинг ташаббуси билан ўтказилиши мумкин.

4. Жамоат экологик экспертизаси давлат экологик экспертизаси ўтказилишидан қатъи назар ўтказилиши мумкин.

5. Жамоат экологик экспертизасини ўтказиш ташаббускорнинг ўз маблағлари ҳисобидан молиялаштирилади.

Жамоат экологик экспертизасини ўтказиш қонунчилик ҳужжатлари билан тақиқланмаган бошқа манбалар ҳисобидан ҳам молиялаштирилиши мумкин.

6. Жамоат экологик экспертизаси ушбу Низомга иловадаги схемага мувофиқ ўтказилади.

2-боб. Жамоат экологик экспертизасини ўтказиш тартиби

7. Ташаббускор жамоат экологик экспертизасини ташкил этиш юзасидан объект жойлашган ҳудуддаги туман (шаҳар) ҳокимликларига ариза билан мурожаат қилади.

8. Аризада қуйидагилар кўрсатилиши керак:

жамоат экологик экспертизаси ташаббускорининг номи ёки Ф.И.О., юридик манзили ёки яшаш жойи;

ташаббускорнинг уставида жамоат экологик экспертизасини ўтказиш назарда тутилгани (юридик шахслар учун);

эксперт комиссияси таркиби тўғрисидаги маълумотлар;

объект тўғрисидаги маълумотлар ҳамда жамоат экологик экспертизасини ўтказиш муддати.

9. Туман (шаҳар) ҳокимликлари жамоат экологик экспертизасини ташкил этиш тўғрисидаги аризани берилган кундан бошлаб ўн иш куни ичида ўрганиб чиқади.

10. Аризани рўйхатдан ўтказиш қуйидаги ҳолларда рад этилиши мумкин:

объектга нисбатан сўнгги уч йилда жамоат экологик экспертизаси ўтказилган бўлса;

жамоат экологик экспертизаси объектида давлат ёки қонун билан қўриқланадиган бошқа сирни ташкил этувчи маълумотлар мавжуд бўлган махсус ҳуқуқий режимга эга бўлган объектлар;

ташаббускор уставида жамоат экологик экспертизасини ўтказиш бўйича фаолият назарда тутилмаган бўлса.

11. Жамоатчилик экологик экспертизасини ташкил этиш тўғрисидаги аризани рўйхатдан ўтказиш рад этилган тақдирда, туман (шаҳар) ҳокимликлари бу ҳақида ташаббускорга рад этиш сабабларини асослантирилган ҳолда ёзма шаклда маълум қилади.

12. Туман (шаҳар) ҳокимликлари ушбу Низомнинг 10-бандида назарда тутилган ҳолатлар мавжуд бўлмаганда аризани рўйхатдан ўтказади.

13. Туман (шаҳар) ҳокимликлари томонидан аризанинг рўйхатга олиниши жамоат экологик экспертизасини ўтказилишига асос бўлади.

14. Ташаббускор ариза рўйхатдан ўтгандан сўнг икки иш куни ичида жамоат экологик экспертизасини ўтказиш асосларини кўрсатган ҳолда объектни хабардор қилади.

15. Ташаббускор жамоат экологик экспертизасини ўтказиш бўйича ариза рўйхатдан ўтгандан сўнг ўн иш куни ичида қуйидагиларни амалга оширади:

камида етти нафар мутахассислардан иборат эксперт комиссиясини таркибини тузиш;

объектни жамоат экологик экспертизасидан ўтказиш бўйича дастур ишлаб чиқиш.

16. Эксперт комиссияси таркибига олий маълумотга, экология ва атроф-муҳитни муҳофаза қилиш соҳасида ёки турдош соҳаларда камида узлуксиз уч йил иш стажига ҳамда белгиланган тартибда малака сертификатига эга бўлган мутахассислар киритилади.

17. Қуйидаги шахслар эксперт комиссияси таркибига киритилиши мумкин эмас:

Экология ва иқлим ўзгариши миллий қўмитасининг (кейинги ўринларда — Экология қўмитаси) ходими;

жамоат экологик экспертизаси ўтказилаётган объект ходими;

лойиҳани ишлаб чиқувчининг ходими;

жамоат экологик экспертизаси ўтказилаётган объект билан меҳнат ёки бошқа шартнома муносабатларида бўлган шахс.

18. Жамоат экологик экспертизаси эксперти жамоат экологик экспертизасини ўтказишда давлат экологик экспертизасининг хулосалари бўйича алоҳида фикр билдиришга ҳақли.

19. Жамоат экологик экспертизаси эксперти:

атроф-муҳитни муҳофаза қилиш қонунчилиги талабларига риоя қилиши;

жамоат экологик экспертизаси объекти тўғрисидаги хулосаларнинг холислиги ва асослилигини, шунингдек, ушбу объект бўйича манфаатдор жамоатчилик мулоҳазалари ва таклифларининг асослилигини кўриб чиқиши;

жамоат экологик экспертизасига тақдим этилган материаллар ва маълумотлар сақланишини ва интеллектуал мулк ҳуқуқлари бузилишининг олдини олиши шарт.

20. Жамоат экологик экспертизаси эксперт комиссияси томонидан тасдиқланган дастурга мувофиқ ўтказилади.

21. Жамоат экологик экспертизасини ўтказиш муддати йигирма беш иш кунидан ошмаслиги керак.

22. Жамоат экологик экспертизасини ўтказиш муддати объектни жамоат экологик экспертизасидан ўтказиш бўйича дастур тасдиқлангандан кейинги иш кунидан эътиборан ҳисобланади.

23. Ташаббускор объектни жамоат экологик экспертизасидан ўтказадиган эксперт комиссияси таркиби, дастури ва муддатлари билан таништиради.

24. Эксперт комиссияси томонидан объектнинг экологик талабларга мувофиқлиги ўрганиб чиқилади.

25. Ташаббускор заруратга кўра аккредитациядан ўтган лабораторияда ифлослантирувчи моддаларни чиқариш, оқизиш ва чиқиндиларни жойлаштириш манбаларидан намуналар олиш ҳамда лаборатория таҳлилларини ўтказиши мумкин.

3-боб. Ташаббускор ва объектнинг ҳуқуқ ва мажбуриятлари

26. Ташаббускор қуйидаги ҳуқуқларга эга:

объектдан жамоатчилик эшитуви баённомаси ва давлат экологик экспертизаси хулосасини олиш (мавжуд бўлганда);

жамоат экологик экспертизасини ўтказишда Экология қўмитасидан зарур бўлган маълумот, ҳужжатлар ҳамда услубий кўмак олиш;

зарур ҳолларда лаборатория таҳлилларини ўтказиш.

Ташаббускор қуйидаги мажбуриятларга эга:

жамоат экологик экспертизасини ўтказиш учун эксперт комиссиясини тузиш;

жамоат экологик экспертизасини ушбу Низом талабларига мувофиқ ўтказиш;

жамоат экологик экспертизаси жараёни ва натижалари ҳақида аҳолини хабардор қилиш ҳамда жамоат экологик экспертизасининг хулосасини тайёрлашда жамоат фикрини ҳисобга олиш;

жамоат экологик экспертизасининг хулосалари билан жамоатчилик танишиши учун имконият яратиш.

27. Объект қуйидаги ҳуқуқларга эга:

жамоат экологик экспертизаси жараёнида иштирок этиш;

жамоат экологик экспертизасининг хулосаси юзасидан ўз тушунтиришлари ва мулоҳазаларини тақдим этиш;

жамоат экологик экспертизасини ўтказиш жараёни ҳақида маълумотларни олиш.

28. Объект қуйидаги мажбуриятларга эга:

атроф-муҳитни муҳофаза қилиш ҳамда табиий ресурслардан оқилона фойдаланиш тўғрисидаги қонунчилик талабларига мувофиқ атроф-муҳитга таъсирни баҳолаш материаллари, жамоатчилик эшитувлари баёни ва экологик нормативлар лойиҳаларини жамоат экологик экспертизасидан ўтказиш учун тақдим этиш;

объектнинг ўзида жамоат экологик экспертизасини ўтказиш учун шарт-шароитлар, шу жумладан, эксперт комиссиясига атроф-муҳит муҳофазасига тааллуқли бўлган маълумот, ёзувлар ва ҳужжатлардан фойдаланиш ва объект ҳудудига кириш имкониятини яратиш.

4-боб. Жамоат экологик экспертизаси хулосаси

29. Жамоат экологик экспертизаси якунлари бўйича эксперт комиссияси томонидан жамоат экологик экспертизаси хулосаси тайёрланади.

30. Жамоат экологик экспертизаси хулосасида қуйидагилар бўлиши лозим:

ташаббускорнинг номи ва юридик манзили;

объектнинг номи ва жойлашган жойи;

жамоат экологик экспертизасига тақдим этилган ҳужжатлар рўйхати, шунингдек, уни ўтказиш жараёнида фойдаланилган ҳужжатлар рўйхати;

эксперт комиссияси таркиби;

жамоат экологик экспертизасини ўтказиш асоси;

жамоат экологик экспертизаси ўтказилишида аниқланган камчиликларни бартараф этишга доир тавсиялар, шунингдек, объект томонидан амалга оширилаётган табиатни муҳофаза қилишга оид тадбирлар самарадорлигини ошириш бўйича тавсиялар ва таклифлар.

Бунда эксперт комиссиясининг жамоат экологик экспертизаси хулосаси бир ёки бир нечта экспертлар томонидан келишилмаган тақдирда, уларнинг фикрлари алоҳида ҳужжатда акс эттирилиб имзоси билан тасдиқланади.

31. Жамоат экологик экспертизаси хулосаси тасдиқлангандан кейин бир иш куни ичида ташаббускор томонидан туман (шаҳар) ҳокимликлари ва Экология қўмитаси ҳузуридаги «Давлат экологик экспертизаси маркази» давлат муассасасига тақдим этилади.

32. Жамоат экологик экспертизаси хулосаси тавсиявий тусга эга бўлади.

33. Жамоат экологик экспертизаси хулосаси нусхалари ташаббускор ва объектда камида беш йил сақланади.

34. Жамоат экологик экспертизаси хулосаси ташаббускорнинг веб-сайтида ёки оммавий ахборот воситалари орқали ёритилиши мумкин.

5-боб. Якунловчи қоидалар

35. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

36. Ушбу Низом талабларининг бузилишида айбдор бўлган шахслар қонунчилик ҳужжатларига мувофиқ жавоб берадилар.

Жамоат экологик экспертизасини ўтказиш тартиби тўғрисидаги низомга ИЛОВА

Жамоат экологик экспертизасини ўтказиш тартиби

Босқичлар Субъектлар Тадбирлар Бажариш муддатлари 1-босқич Ташаббускор Жамоат экологик экспертизасини ташкил этиш юзасидан объект жойлашган ҳудуддаги туман (шаҳар) ҳокимликларига ариза билан мурожаат қилади. Ташаббускорнинг хоҳишига кўра 2-босқич Туман (шаҳар) ҳокимлиги 1. Жамоат экологик экспертизасини ташкил этиш тўғрисидаги аризани ўрганиб чиқади. 2. Аризани рад этиш учун асослар мавжуд бўлганда аризани рад этади. 3. Аризани рад этиш учун асослар мавжуд бўлмаганда аризани рўйхатдан ўтказади. Ариза берилган кундан бошлаб ўн иш куни ичида 3-босқич Ташаббускор 1. Объектни жамоат экологик экспертизасини ўтказиш асосларини кўрсатган ҳолда хабардор қилади. Ариза рўйхатдан ўтгандан сўнг икки иш куни ичида 2. Эксперт комиссияси таркибини тузади ҳамда объектни жамоат экологик экспертизасидан ўтказиш бўйича дастур ишлаб чиқади ҳамда эксперт комиссияси томонидан тасдиқланишини таъминлайди. Ариза рўйхатдан ўтгандан сўнг ўн иш куни ичида 4-босқич Эксперт комиссияси 1. Объектнинг экологик талабларга мувофиқлигини ўрганиб чиқади. 2. Жамоат экологик экспертизаси якунлари бўйича жамоат экологик экспертизаси хулосасини тайёрлайди. Ариза рўйхатдан ўтгандан сўнг йигирма беш иш куни ичида 5-босқич Ташаббускор Жамоат экологик экспертизаси хулосасини туман (шаҳар) ҳокимлиги ва Экология қўмитаси ҳузуридаги «Давлат экологик экспертизаси маркази» давлат муассасасига тақдим этади. Хулоса тасдиқлангандан кейин бир иш куни ичида

Вазирлар Маҳкамасининг 2026 йил 11 майдаги 234-сон қарорига 6-ИЛОВА

Атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчиларнинг фаолиятини ташкил этиш ва рейтингини юритиш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчиларнинг фаолиятини ташкил этиш ва рейтингини юритиш тартибини белгилайди.

2. Ушбу Низомда қуйидаги асосий тушунчалардан фойдаланилади:

лойиҳани ишлаб чиқувчилар реестри (кейинги ўринларда — реестр) — Ўзбекистон Республикаси Экология ва иқлим ўзгариши миллий қўмитаси (кейинги ўринларда — Экология қўмитаси) томонидан юритиладиган лойиҳани ишлаб чиқувчилар рўйхати;

3. Лойиҳани ишлаб чиқувчилар ўз фаолиятини ташкил этиши учун штатида экология ва атроф-муҳитни муҳофаза қилиш соҳасида камида уч йил ишлаган, тегишли малака сертификати мавжуд бўлган камида икки нафар ходимга эга бўлиши керак.

4. Лойиҳани ишлаб чиқувчилар ҳисобини юритиш мақсадида Экология қўмитаси томонидан уларнинг реестри юритилади.

5. Атроф-муҳитга таъсирни баҳолаш материалларининг ва экологик нормативлар лойиҳаларининг сифатли ишлаб чиқилишини таъминлаш мақсадида Экология қўмитаси лойиҳаларни ишлаб чиқувчиларнинг рейтингини юритади.

6. Атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчиларнинг фаолиятини ташкил этиш ва рейтингини юритиш ишлари ушбу Низомга 1-иловадаги схемага мувофиқ амалга оширилади.

2-боб. Лойиҳани ишлаб чиқувчиларнинг фаолиятини ташкил этиш тартиби

7. Лойиҳани ишлаб чиқувчи фаолиятини бошлашидан олдин реестрга киритиш учун Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали Экология қўмитасига мазкур Низомга 2-иловадаги шаклга мувофиқ ариза билан мурожаат қилади.

8. Лойиҳани ишлаб чиқувчининг аризаси Экология қўмитасига келиб тушган кундан бошлаб беш иш куни ичида кўриб чиқилади.

9. Реестрга киритиш тўғрисидаги ариза бепул кўриб чиқилади.

10. Реестрга киритиш тўғрисидаги ариза қуйидаги ҳолларда рад этилади:

ходим экология ва атроф-муҳитни муҳофаза қилиш соҳасида камида уч йил иш стажига эга бўлмаганда;

лойиҳани ишлаб чиқувчи штатида тегишли малака сертификатига эга бўлган камида икки нафар ходим бўлмаганда;

аризада нотўғри маълумотлар кўрсатилганда.

Лойиҳани ишлаб чиқувчининг реестрга киритиш тўғрисидаги аризасини рад этишга ушбу бандда назарда тутилмаган асосларга кўра йўл қўйилмайди.

Реестрга киритиш тўғрисидаги ариза рад этилганда, бу ҳақида асослари кўрсатилган ҳолда лойиҳани ишлаб чиқувчи хабардор қилинади.

11. Лойиҳани ишлаб чиқувчи реестрга киритиш тўғрисидаги аризани рад этиш учун сабаб бўлган камчиликларни бартараф этганидан сўнг ушбу Низомда белгиланган тартибда Экология қўмитасига қайта мурожаат қилишга ҳақли.

12. Экология қўмитаси лойиҳани ишлаб чиқувчини реестрга киритади ва бу ҳақида лойиҳани ишлаб чиқувчини (реестр рақамини кўрсатган ҳолда) хабардор қилади.

3-боб. Реестрни юритиш тартиби

13. Реестр электрон маълумотлар базаси шаклида Экология қўмитаси томонидан юритилади.

14. Реестрда лойиҳани ишлаб чиқувчи тўғрисида қуйидаги маълумотлар кўрсатилади:

ташкилот номи ва СТИРи;

лойиҳани ишлаб чиқувчи раҳбарининг фамилияси, исми, отасининг исми;

жойлашган манзили, телефон рақами, электрон почта манзили ва расмий веб-сайти (агар мавжуд бўлса);

атроф-муҳитга таъсирни баҳолаш соҳасидаги фаолият доираси тўғрисида маълумот;

лойиҳани ишлаб чиқувчи ходимининг фамилияси, исми, отасининг исми ва унга берилган малака сертификатининг санаси, рақами ва амал қилиш муддати;

лойиҳани ишлаб чиқувчининг реестрга киритилган санаси;

лойиҳани ишлаб чиқувчининг реестрдан чиқарилиш асослари ва санаси (агар мавжуд бўлса).

15. Реестрга киритилган маълумотлар ўзгарган тақдирда, лойиҳани ишлаб чиқувчи ушбу ўзгаришлар ҳақида Экология қўмитасига ўзгаришларни тасдиқловчи маълумотларни тақдим этиши лозим.

Бунда Экология қўмитаси беш иш куни ичида реестрга тегишли ўзгартиришлар киритади.

16. Лойиҳани ишлаб чиқувчи қуйидаги ҳолларда реестрдан чиқарилиши мумкин:

штатида тегишли малака сертификатига эга бўлган камида икки нафар ходим бўлмаганда;

малака сертификатининг амал қилиш муддати тугаганда;

реестрдан ихтиёрий чиқариш тўғрисида ёзма мурожаат қилганда;

фаолияти тугатилганда.

17. Реестрни юритиш давомида тўпланган маълумотлар Экология қўмитасида беш йил мобайнида сақланади.

18. Лойиҳани ишлаб чиқувчининг реестрга киритилмаслиги у томонидан тақдим этилган атроф-муҳитга таъсирни баҳолаш материаллари ва экологик нормативлар лойиҳаларини давлат экологик экспертизасига қабул қилмаслик учун асос бўлади.

4-боб. Лойиҳани ишлаб чиқувчиларнинг рейтингини юритиш тартиби

19. Лойиҳани ишлаб чиқувчининг атроф-муҳитга таъсирни баҳолаш материаллари ва экологик нормативлар лойиҳаларини ишлаб чиқиш фаолияти самарадорлигини ҳар ойда баҳолаш орқали уларнинг рейтинги Экология қўмитасининг Экспертлар кенгаши томонидан аниқланади.

20. Лойиҳани ишлаб чиқувчилар рейтинги Экология қўмитасининг Экспертлар кенгаши томонидан тасдиқланадиган мезонларга мувофиқ 0 баллдан 100 баллгача бўлган балли тизим асосида аниқланади.

21. Лойиҳани ишлаб чиқувчилар рейтингини аниқлаш натижаларига кўра қуйидаги тоифаларга ажратилади:

81 баллдан 100 балл олган лойиҳани ишлаб чиқувчи — «яшил» тоифа;

51 баллдан 80 балл олган лойиҳани ишлаб чиқувчи — «кўк» тоифа;

50 баллдан паст олган лойиҳани ишлаб чиқувчи — «сариқ» тоифа.

Бунда лойиҳани ишлаб чиқувчи аниқланган тоифасига кўра:

«яшил» тоифага эга бўлган лойиҳани ишлаб чиқувчи атроф-муҳитга таъсир кўрсатишнинг барча тоифаларига мансуб фаолият турлари;

«кўк» тоифага эга бўлган лойиҳани ишлаб чиқувчи атроф-муҳитга таъсир кўрсатишнинг II ва III тоифаларга мансуб фаолият турлари;

«сариқ» тоифага эга бўлган лойиҳани ишлаб чиқувчи атроф-муҳитга таъсир кўрсатишнинг III тоифага мансуб фаолият турлари бўйича лойиҳа ҳужжатларини ишлаб чиқади.

5-боб. Якунловчи қоидалар

22. Экология қўмитаси лойиҳани ишлаб чиқувчини реестрга киритиш ҳамда унинг рейтинг натижаларини ўзининг расмий веб-сайтга эълон қилиб боради.

23. Ушбу Низомни қўллашда келиб чиқадиган низолар қонунчилик ҳужжатларига мувофиқ ҳал этилади.

24. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Атроф-муҳитга таъсирни баҳолаш материалларини ва экологик нормативлар лойиҳаларини ишлаб чиқувчиларнинг фаолиятини ташкил этиш тартиби

Босқичлар Субъектлар Тадбирлар Бажариш муддатлари 1-босқич Лойиҳани ишлаб чиқувчи Фаолиятини бошлашидан олдин реестрга киритиш учун Ўзбекистон Республикаси Ягона интерактив давлат хизматлари портали орқали Экология қўмитасига ариза билан мурожаат қилади. Лойиҳани ишлаб чиқувчининг хоҳишига кўра 2-босқич Экология қўмитаси 1. Лойиҳани ишлаб чиқувчининг реестрга киритиш бўйича аризасини кўриб чиқади. 2. Аризани рад этиш учун асослар мавжуд бўлганда аризани рад этади. 3. Реестрга киритиш тўғрисидаги ариза рад этилганда, бу ҳақида асослари кўрсатилган ҳолда лойиҳани ишлаб чиқувчини хабардор қилади. 4. Аризани рад этиш учун асослар мавжуд бўлмаганда, лойиҳани ишлаб чиқувчини реестрга киритади ва бу ҳақида лойиҳани ишлаб чиқувчини (реестр рақамини кўрсатган ҳолда) хабардор қилади. Ариза келиб тушган кундан бошлаб беш иш куни ичида 3-босқич Лойиҳани ишлаб чиқувчи Реестрга киритилган маълумотлар ўзгарган тақдирда, ўзгаришлар ҳақида Экология қўмитасига ўзгаришларни тасдиқловчи маълумотларни тақдим этади. Реестрга киритилган маълумотлар ўзгарган тақдирда 4-босқич Экология қўмитаси Реестрга тегишли ўзгартиришлар киритади. Беш иш куни ичида

Ўзбекистон Республикаси Экология ва иқлим ўзгариши миллий қўмитаси раиси ___________________________га (Ф.И.О) __________________________дан (ариза берувчи Ф.И.О) Атроф-муҳитга таъсирни баҳолаш материаллари ва экологик нормативлар лойиҳаларини ишлаб чиқувчилар реестрга киритиш тўғрисида АРИЗА Сиздан __________________________________________________________________________ ни (лойиҳа ишлаб чиқувчининг тўлиқ номи) Лойиҳани ишлаб чиқувчилар реестрига киритишингизни сўрайман. Лойиҳани ишлаб чиқувчи тўғрисида қуйидаги маълумотларни тасдиқлайман: жойлашган жойи (почта манзили) _____________________________________________________ телефон рақами (коди билан) _________________________________________________________ СТИР рақами _______________________________________________________________________ электрон почта манзили (мавжуд бўлса) ________________________________________________ расмий веб-сайти (мавжуд бўлса) ______________________________________________________ лойиҳа ишлаб чиқувчи ходимларнинг Ф.И.О. ва атроф-муҳитни муҳофаза қилиш соҳасидаги иш стажи ___________________________________________________________________________________ Экологик экспертиза объектлари учун лойиҳа ҳужжатларини ишлаб чиқишга доир малака сертификатининг рақами ва берилган санаси: 1) _________________________________________________________________________________ 2) _________________________________________________________________________________ 3) _________________________________________________________________________________ Ташкилот раҳбари имзо ёки электрон рақамли имзо ўрин ______________________ (Ф.И.О)

Вазирлар Маҳкамасининг 2026 йил 11 майдаги 234-сон қарорига 7-ИЛОВА

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартибини белгилайди.

2. Ушбу Низомда қуйидаги асосий тушунчалардан фойдаланилади:

Малака сертификати реестри (кейинги ўринларда — Реестр) — махсус ваколатли давлат органининг расмий веб-сайтига жойлаштириладиган малака сертификатларининг рўйхати;

махсус ваколатли давлат органи — Ўзбекистон Республикаси Экология ва иқлим ўзгариши миллий қўмитаси;

талабгор — малака сертификатини олиш учун белгиланган тартибда мурожаат қилган жисмоний шахс;

экологик экспертиза объектлари учун лойиҳа ҳужжатларини ишлаб чиқишга доир малака сертификати (кейинги ўринларда — малака сертификати) — лойиҳани ишлаб чиқувчининг ходими малакасини тасдиқловчи ҳамда атроф-муҳитга таъсирни баҳолаш материаллари ва экологик нормативларни ишлаб чиқиш фаолиятини амалга ошириш ҳуқуқини берувчи ҳужжат.

3. Малака сертификати экология ва атроф-муҳитни муҳофаза қилиш соҳасида олий маълумотга ҳамда камида уч йил иш стажига эга бўлган жисмоний шахсларга берилади.

4. Малака сертификатини бериш бўйича давлат хизматлари Давлат хизматлари маркази ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали кўрсатилади.

5. Малака сертификати ушбу Низомга 1-иловадаги схемага мувофиқ берилади.

2-боб. Малака ошириш курсларини ташкил этиш тартиби

6. Талабгор малакаси атроф-муҳитни муҳофаза қилиш ва табиий ресурслардан оқилона фойдаланиш соҳасидаги давлат муассасалари ёки нодавлат таълим ташкилотлари (кейинги ўринларда — таълим ташкилотлари) ва юридик ёки жисмоний шахс ўртасида тузиладиган шартнома асосида оширилади.

7. Таълим ташкилотларида ўқув курслари махсус ваколатли давлат органи томонидан тасдиқланадиган тўрт ҳафталик намунавий ўқув дастури асосида ташкил этилади.

8. Малака ошириш курслари якунлари бўйича талабгорга таълим ташкилотлари томонидан гувоҳнома берилади.

9. Лойиҳани ишлаб чиқувчининг ходими ҳар икки йилда бир марта малака ошириш курсларида ўқиши шарт.

3-боб. Малака сертификатини бериш бўйича давлат хизматларини кўрсатиш тартиби

10. Талабгор малака сертификатини бериш бўйича давлат хизматларидан фойдаланиш учун Давлат хизматлари марказига бевосита ўзи ёки ишончли вакили орқали мурожаат этади ёхуд ЯИДХПда давлат хизматларидан электрон шаклда фойдаланиш учун рўйхатдан ўтади.

11. Талабгор давлат хизматлари марказига бевосита ўзи ёки ишончли вакили орқали мурожаат этган тақдирда, Давлат хизматлари маркази ходими талабгор номидан, ЯИДХП орқали мурожаат қилган ҳолларда эса, мустақил равишда ушбу Низомга 2-иловадаги шаклга мувофиқ сўровномани тўлдиради.

12. Сўровнома Давлат хизматлари маркази ходими томонидан тўлдирилганда, талабгор ундаги маълумотларнинг тўғрилигини текширгандан сўнг уни ўз электрон рақамли имзоси (кейинги ўринларда — ЭРИ) билан тасдиқлайди.

Давлат хизматлари маркази талабгорга ўз ЭРИсини шу жойнинг ўзида олиши учун барча зарур шароитларни таъминлаши шарт.

13. Талабгорга оид қуйидаги ҳужжатлар махсус ваколатли давлат органи томонидан тегишли давлат органлари ва ташкилотларидан мустақил равишда, шу жумладан, «Электрон ҳукумат» тизими идоралараро интеграциялашув платформаси орқали сўраб олинади:

экология ва атроф-муҳитни муҳофаза қилиш соҳасига оид (биолог, геолог, гидролог муҳандис, ер геодезия ва картографияси муҳандиси, шунингдек, сув, атмосфера, ерусти ва ерости бойликлари муҳофазаси мутахассисликлари) олий маълумот тўғрисидаги диплом ёки хорижий давлатларда таълим олганлик тўғрисидаги ҳужжатларнинг тан олинганлигини тасдиқловчи расмий ҳужжат нусхаси;

экология ва атроф-муҳитни муҳофаза қилиш соҳасида камида уч йил иш стажига эгалиги тўғрисидаги маълумотлар;

малака ошириш курсларида ўқиганлик тўғрисидаги гувоҳнома нусхаси.

Давлат хизматлари маркази ва махсус ваколатли давлат органи ўртасида ахборот алмашинуви ЭРИни қўллаган ҳолда, фақат «Электрон ҳукумат» тизими идоралараро интеграциялашув платформаси орқали амалга оширилади.

14. Талабгор Давлат хизматлари марказига бевосита ўзи ёки ишончли вакили орқали мурожаат этганда, Давлат хизматлари маркази ходими томонидан сўровнома тўлдирилиб, талабгорнинг ЭРИси билан тасдиқлангандан сўнг реал вақт режимида, бироқ бир соатдан ошмаган вақт ичида, ЯИДХП орқали мурожаат қилганда эса автоматик тарзда махсус ваколатли давлат органига электрон шаклда юборилади.

15. Талабгорнинг малака сертификатини бериш тўғрисидаги мурожаатини кўриб чиқиш бўйича давлат хизмати кўрсатилгани учун базавий ҳисоблаш миқдорининг бир баравари миқдорида тўлов (кейинги ўринларда — тўлов) ундирилади.

Давлат хизмати кўрсатилиши учун ЯИДХП орқали мурожаат этилганда, белгиланган тўлов миқдорининг 90 фоизи ундирилади.

Тўлов суммаси қуйидаги тартибда тақсимланади:

а) Давлат хизматлари маркази орқали мурожаат этилганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ғазна ҳисобварағига;

0,5 фоизи — Ўзбекистон Республикаси Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;

қолган маблағлар махсус ваколатли давлат органининг бюджетдан ташқари жамғармасига;

б) ЯИДХП орқали мурожаат этилганда:

10 фоизи Ўзбекистон Республикаси Адлия вазирлигининг Давлат хизматларини ривожлантириш жамғармасига;

11,75 фоизи (шундан 0,5 фоизи Ягона биллинг тизими орқали давлат хизмати кўрсатилганда) Рақамли технологиялар вазирлиги ҳузуридаги Рақамли технологияларни ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;

қолган маблағлар махсус ваколатли давлат органининг бюджетдан ташқари жамғармасига ўтказилади.

Тўлов тўлангани ахборот-коммуникация тизимлари орқали тасдиқланади.

16. Талабгор давлат хизматларидан фойдаланишда уларни кўрсатишнинг ҳар қандай босқичида бош тортиш ҳуқуқига эга.

Талабгор давлат хизматларидан фойдаланишдан бош тортганда, унинг мурожаати кўриб чиқилмасдан қолдирилади ва тўланган тўлов қайтарилмайди.

4-боб. Малака имтиҳонини топширишга рухсат бериш ёки рухсат беришни рад этиш тўғрисида қарорлар қабул қилиш тартиби

17. Махсус ваколатли давлат органи мурожаат келиб тушган кундан бошлаб ўн иш куни мобайнида талабгорга малака имтиҳонини топширишга рухсат бериш ёки рухсат беришни рад этиш тўғрисида қарор қабул қилади.

18. Малака имтиҳонини топширишга рухсат бериш ёки рухсат беришни рад этиш тўғрисида қабул қилинган қарор ҳақида махсус ваколатли давлат органи талабгорни уч иш куни ичида электрон шаклда хабардор қилади.

Рухсат беришни рад этиш тўғрисида қарор қабул қилинган тақдирда, унинг асослари кўрсатилади.

19. Малака имтиҳонини топширишга рухсат беришни рад этишга қуйидагилар асос ҳисобланади:

экология ва атроф-муҳитни муҳофаза қилиш соҳасига оид олий маълумотга ҳамда мазкур соҳада камида уч йил иш стажига эга бўлмаганда;

малака ошириш курсларида ўқиганлик тўғрисидаги гувоҳномаси мавжуд бўлмаганда;

мазкур Низомнинг 15-бандида назарда тутилган тўлов тўланмаганда.

Давлат хизмати кўрсатишни бошқа асослар бўйича рад этиш тақиқланади.

Ушбу банднинг иккинчи ва учинчи хатбошиларида кўрсатилган камчиликлар аниқланганда, давлат хизматини кўрсатиш рад этилади. Бунда амалга оширилган тўлов талабгорга қайтарилмайди ҳамда қайд этилган камчиликлар бартараф этилган ҳолда қайта мурожаат этилади.

Ушбу банднинг тўртинчи хатбошисида кўрсатилган камчилик аниқланганда, ушбу камчиликни ўн иш куни ичида бартараф этиш зарурлиги тўғрисида талабгорга хабарнома юборилади.

20. Хабарномада кўрсатилган камчилик белгиланган муддатда бартараф этилмаган тақдирда, махсус ваколатли давлат органи давлат хизмати кўрсатишни рад этади.

21. Махсус ваколатли давлат органи томонидан малака имтиҳонини топширишга рухсат берилганда, малака имтиҳонини ўтказиш санаси, вақти ва жойи тўғрисида имтиҳон ўтказилишидан камида ўн кун олдин бу ҳақида талабгорга хабарнома юборилади ҳамда махсус ваколатли давлат органининг расмий веб-сайтида эълон қилинади.

22. Агар талабгор тегишли тарзда хабардор қилинганидан кейин узрсиз сабабларга кўра иккинчи маротаба малака имтиҳонида иштирок этмаса, талабгорга давлат хизматини кўрсатиш рад этилади.

Бунда талабгорга малака сертификатини бериш тўғрисидаги мурожаатини кўриб чиқиш бўйича давлат хизмати кўрсатилганлиги учун тўланган тўлов қайтариб берилмайди.

5-боб. Имтиҳон комиссияси

23. Малака имтиҳонини ташкил этиш ва ўтказиш учун махсус ваколатли давлат органи томонидан доимий фаолият юритувчи, жами тўққиз нафар аъзодан иборат таркибда Имтиҳон комиссияси ташкил қилинади.

Имтиҳон комиссияси раис, раис ўринбосари, комиссия аъзолари ва котибдан иборат бўлади.

Имтиҳон комиссияси таркибига махсус ваколатли давлат органининг ходимлари ва бошқа давлат бошқаруви органлари ҳамда нодавлат нотижорат ташкилотларининг вакиллари жалб этилиши мумкин.

Имтиҳон комиссияси тўғрисидаги низом ва унинг таркиби махсус ваколатли давлат органи томонидан тасдиқланади.

24. Имтиҳон комиссияси қуйидаги асосий функцияларни амалга оширади:

малака имтиҳонини ўтказиш тартибини тасдиқлаш;

малака имтиҳони тест саволларини тузиш;

малака имтиҳони ўтказиладиган сана, жой ва вақт бўйича таклиф тайёрлаш;

малака имтиҳонини ўтказиш;

малака имтиҳони натижаларини расмийлаштириш.

25. Имтиҳон комиссиясининг мажлислари зарурат бўлганда, лекин ҳар чоракда камида бир марта ўтказилади, талабгорлардан ариза келиб тушмаган ҳоллар бундан мустасно.

Имтиҳон комиссиясининг котиби комиссия мажлисларини ташкил этиш ва ўтказиш учун масъул ҳисобланади.

Имтиҳон комиссиясининг мажлиси унинг аъзоларининг камида учдан икки қисми иштирок этган таркибда ва раис ёки раис ўринбосарининг иштирокида ўтказилади.

26. Имтиҳон комиссиясининг қарори баённома билан расмийлаштирилади.

Баённома мажлисда раислик қилувчи томонидан тасдиқланади ва иштирок этган барча аъзолар томонидан имзоланади.

6-боб. Малака имтиҳонини ўтказиш ва малака сертификатини бериш тартиби

27. Малака имтиҳони тест синови орқали компьютер техникасидан фойдаланган ҳолда ўтказилади.

Малака имтиҳонининг тест саволлари соҳа йўналишлари бўйича жами 50 та назарий саволлардан иборат ҳолда шакллантирилади.

Тест саволларини ечиш учун талабгорга икки соат вақт ажратилади ҳамда натижаси шу вақтнинг ўзида маълум қилинади.

Саволларнинг 70 фоизига тўғри жавоб берган талабгор имтиҳондан муваффақиятли ўтган ҳисобланади.

Малака имтиҳонининг ошкоралиги ва холислигини таъминлаш мақсадида имтиҳон онлайн режимда намойиш этилади, узлуксиз видеотасвирга (овозли) туширилади.

28. Малака имтиҳонининг натижалари уч иш кунида Имтиҳон комиссияси баённомаси билан тасдиқланади ҳамда махсус ваколатли давлат органининг расмий веб-сайтида жойлаштирилади.

29. Махсус ваколатли давлат органи Имтиҳон комиссиясининг баённомаси тасдиқлангандан кейин бир иш кунида мазкур Низомга 3-иловадаги шаклга мувофиқ малака сертификатини расмийлаштиради ҳамда тегишли Давлат хизматлари марказига (ўзи мурожаат этганда) ёки талабгорга ЯИДХП орқали (электрон тарзда мурожаат этганда) реал вақт режимида электрон шаклда юборади.

30. Малака сертификати уч йил муддатга берилади.

31. Малака имтиҳонини ўтказиш бўйича ҳужжатлар (тест саволлари ва уларга жавоблар), шунингдек, Имтиҳон комиссиясининг баённомалари махсус ваколатли давлат органида уч йил мобайнида сақланади.

7-боб. Апелляцияларни кўриб чиқиш

32. Малака имтиҳони натижаларидан норози бўлган талабгорлар малака имтиҳони натижалари эълон қилинган санадан бошлаб ўттиз календарь кун мобайнида махсус ваколатли давлат органига ёзма шаклда апелляция бериш ҳуқуқига эга.

Апелляцияни кўриб чиқиш муддати апелляция берилган кундан бошлаб ўн беш иш кунидан ошмаслиги лозим.

33. Апелляцияни кўриб чиқиш учун махсус ваколатли давлат органи томонидан беш кишидан кам бўлмаган таркибда Апелляция комиссияси ташкил қилинади.

Апелляция комиссияси таркибига Имтиҳон комиссияси таркибига киритилган шахслар киритилмайди.

34. Апелляция талабгор иштирокида кўриб чиқилади ва натижалари бўйича Апелляция комиссиясининг қуйидаги қарорларидан бири қабул қилинади:

малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисида;

апелляцияни қаноатлантириш ва талабгор малака имтиҳонини топширган деб ҳисоблаш тўғрисида;

талабгорга малака имтиҳонини такроран топширишга рухсат бериш тўғрисида.

35. Малака имтиҳони натижаларини ўзгаришсиз қолдириш ва апелляцияни қаноатлантиришни рад этиш тўғрисидаги қарор қуйидаги ҳолларда қабул қилинади:

апелляция мазкур Низом талабларини бузган ҳолда тақдим этилган бўлса;

апелляцияда келтирилган сабаблар ўз тасдиғини топмаса.

36. Талабгорга малака имтиҳонини такроран топширишга рухсат бериш тўғрисидаги қарор малака имтиҳонини ўтказиш тартиби бузилган ҳолатларда қабул қилинади ҳамда мазкур Низом талабларига асосан малака имтиҳони такроран ўтказилади.

37. Апелляция натижалари бўйича Апелляция комиссияси баённомаси расмийлаштирилади. Баённома Апелляция комиссиясининг барча аъзолари ва талабгор томонидан имзоланади.

38. Апелляция комиссияси қарори устидан қонунчилик ҳужжатларида белгиланган тартибга судга шикоят қилиниши мумкин.

8-боб. Малака сертификатини қайта расмийлаштириш тартиби

39. Малака сертификати эгасининг фамилияси ёки исми ёхуд отасининг исми ўзгарган тақдирда, у тегишли ўзгартиришларни тасдиқловчи ҳужжатлар берилган санадан бошлаб бир ой ичида махсус ваколатли давлат органига ариза билан мурожаат қилади.

Бунда аризага тегишли ўзгаришларни тасдиқловчи ҳужжатларнинг нусхалари илова қилинади.

40. Малака сертификати малака сертификати эгаси аризани берган пайтдан бошлаб махсус ваколатли давлат органи томонидан беш иш куни ичида қайта расмийлаштирилади ва унга электрон шаклда тақдим этилади.

41. Махсус ваколатли давлат органи малака сертификатини қайта расмийлаштиришда Реестрга тегишли ўзгартиришлар киритади.

42. Малака сертификатининг эгаси ушбу сертификат қайта расмийлаштирилгунга қадар унда кўрсатилган фаолиятни илгари берилган малака сертификати асосида амалга оширади.

9-боб. Малака сертификатини бекор қилиш тартиби

43. Малака сертификати қуйидаги ҳолларда бекор қилинади:

малака сертификати эгаси томонидан сертификатни бекор қилиш тўғрисида мурожаат этилганда;

малака сертификати эгаси вафот этганда;

малака сертификати эгасини белгиланган тартибда муомалага лаёқатсиз ёки муомала лаёқати чекланган деб топиш тўғрисидаги суд қарори қонуний кучга кирганда;

малака сертификати эгаси белгиланган муддатларда малака ошириш курсидан ўтмаганда;

Имтиҳон комиссиясининг малака сертификатини бериш тўғрисидаги қарори қонунга хилоф эканлиги аниқланганда;

малака сертификати эгаси томонидан атроф-муҳитга таъсирни баҳолаш бўйича материаллар ва экологик нормативлар лойиҳаларини ишлаб чиқиш фаолиятида ўзига маълум бўлиб қолган тижорат сири ёки қонунчилик билан қўриқланадиган бошқа конфиденциал маълумотларни, ушбу маълумотлар эгасининг розилигисиз учинчи шахсларга тақдим этилганда, қонунчилик ҳужжатларида назарда тутилган ҳолатлар бундан мустасно;

малака сертификати қалбаки ҳужжатлардан фойдаланган ҳолда олингани аниқланганда;

малака сертификати эгаси томонидан сохта маълумотлар асосида атроф-муҳитга таъсирни баҳолаш бўйича материаллар ва экологик нормативлар лойиҳалари ишлаб чиқилгани аниқланганда.

44. Мазкур Низомнинг 43-банди иккинчи — бешинчи хатбошиларида назарда тутилган ҳолларда малака сертификати Имтиҳон комиссиясининг қарорига мувофиқ бекор қилинади.

Мазкур Низомнинг 43-банди олтинчи — тўққизинчи хатбошиларида назарда тутилган ҳолларда малака сертификати суд томонидан бекор қилинади.

Махсус ваколатли давлат органи малака сертификатини бекор қилиш тўғрисида судга ариза билан мурожаат қилган кундан эътиборан бир иш кунидан кечиктирмай, малака сертификатини бекор қилиш ҳақида ариза билан судга мурожаат қилиш асосларини, қонунчиликнинг аниқ нормаларини кўрсатган ҳолда, бу ҳақида малака сертификати эгасини ёзма шаклда хабардор қилади.

45. Малака сертификатининг бекор қилингани тўғрисидаги маълумотлар махсус ваколатли давлат органининг расмий веб-сайтида эълон қилинади.

10-боб. Реестрни юритиш тартиби

46. Реестр шакли махсус ваколатли давлат органи томонидан тасдиқланади ва электрон шаклда юритилади ҳамда унинг расмий веб-сайтида жойлаштирилади.

47. Реестрда қуйидаги маълумотлар қайд этилади:

малака сертификати эгасининг фамилияси, исми, отасининг исми, иш жойи;

малака сертификати серияси, рақами ва амал қилиш муддати;

малака сертификатининг бекор қилингани ва қайта расмийлаштирилгани тўғрисидаги маълумотлар.

11-боб. Якунловчи қоидалар

48. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари ушбу Низомнинг талаблари бажарилиши бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.

49. Талабгор давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилиши мумкин.

50. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби тўғрисидаги низомга 1-ИЛОВА

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби

Босқичлар Субъектлар Тадбирлар Бажариш муддатлари 1-босқич Талабгор Малака сертификатини олиш учун Давлат хизматлари марказига ўзи келган ҳолда ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади. Ўз хоҳишига кўра 2-босқич Давлат хизматлари маркази ёки ЯИДХП Талабгор Давлат хизматлари марказига мурожаат этганда, Давлат хизматлари маркази ходими томонидан сўровнома тўлдирилиб, талабгорнинг ЭРИси билан тасдиқлангандан сўнг ёки ЯИДХП орқали мурожаат қилганда, сўровнома талабгор томонидан мустақил равишда тўлдирилиб, ваколатли органга электрон шаклда юборади. Давлат хизматлари маркази орқали мурожаат қилинганда реал вақт режимида, бироқ бир соатдан ошмаган вақтда, ЯИДХП орқали эса автоматик тарзда 3-босқич Экология қўмитаси 1. Талабгорга малака имтиҳонини топширишга рухсат бериш ёки рухсат беришни рад этиш тўғрисида қарор қабул қилади. Мурожаат келиб тушган кундан бошлаб ўн иш куни мобайнида 2. Малака имтиҳонини топширишга рухсат бериш ёки рухсат беришни рад этиш тўғрисида қабул қилинган қарор ҳақида талабгорни электрон шаклда хабардор қилади. Рухсат беришни рад этиш тўғрисида қарор қабул қилинган тақдирда, унинг асосларини кўрсатади. Уч иш кунида 3. Малака имтиҳонини топширишга рухсат берилганда, малака имтиҳонини ўтказиш санаси, вақти ва жойи тўғрисида талабгорга хабарнома юборади ҳамда расмий веб-сайтда эълон қилади. Имтиҳон ўтказилишидан камида ўн кун олдин 4. Малака имтиҳонининг натижалари Имтиҳон комиссияси баённомаси билан тасдиқланади ҳамда расмий веб-сайтга жойлаштиради. Уч иш кунида 5. Малака сертификатини расмийлаштиради ҳамда тегишли Давлат хизматлари марказига (ўзи мурожаат этганда) ёки талабгорга ЯИДХП орқали (электрон тарзда мурожаат этганда) реал вақт режимида электрон шаклда юборади. Имтиҳон комиссиясининг баённомаси тасдиқлангандан кейин бир иш кунида

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби тўғрисидаги низомга 2-ИЛОВА

Ўзбекистон Республикаси Экология ва иқлим ўзгариши миллий қўмитасига Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш бўйича СЎРОВНОМА Менга экологик экспертиза объектлари учун лойиҳа ҳужжатларини ишлаб чиқишга доир малака сертификатини беришингизни сўрайман. Талабгор тўғрисида маълумот Фамилияси, исми, отасининг исми Олий маълумот тўғрисидаги диплом маълумотлари Меҳнат фаолияти тўғрисидаги маълумотлар Малака ошириш курсларида ўқиганлик тўғрисидаги гувоҳнома серия ва рақами Иш жойи ва лавозими (иш жойи мавжуд бўлса) Электрон почта манзили (мавжуд бўлса) Телефон рақами Электрон рақамли имзо: QR-код

Экологик экспертиза объектлари учун лойиҳа ҳужжатларини ишлаб чиқишга доир малака сертификатини бериш тартиби тўғрисидаги низомга 3-ИЛОВА

Oʻzbekiston Respublikasi Ekologiya va iqlim oʻzgarishi milliy qoʻmitasi MALAKA SERTIFIKATI _________-son 20___ yil “____” ____________ Ekologik ekspertiza obyektlari uchun loyiha hujjatlarini ishlab chiqishga doir malaka sertifikati Oʻzbekiston Respublikasi Ekologiya va iqlim oʻzgarishi milliy qoʻmitasi tomonidan ______________________________________________________________________________________ ga (malaka sertifikatini olgan shaxsning F.I.O.) ________________________________________________________________________________________ (jismoniy shaxsning shaxsiy identifikatsiya raqami) 20___ yil ____ _____________dagi Imtihon komissiyasining qaroriga asosan ekologik ekspertiza obyektlari uchun loyiha hujjatlarini ishlab chiqishga doir malaka sertifikati berildi. _________________________ _ ___ _________________ (vakolatli shaxsning F.I.O.) (muhr oʻrni yoki QR-kod) (imzo)

Вазирлар Маҳкамасининг 2026 йил 11 майдаги 234-сон қарорига 8-ИЛОВА

Стратегик экологик баҳолаш бўйича экологик маърузани тайёрлаш ва унинг сифатини баҳолаш тартиби тўғрисида

1-боб. Умумий қоидалар

1. Ушбу Низом Ўзбекистон Республикасининг «Экологик экспертиза, атроф-муҳитга таъсирни баҳолаш ва стратегик экологик баҳолаш тўғрисида»ги Қонунига мувофиқ стратегик экологик баҳолаш бўйича экологик маърузани (кейинги ўринларда — экологик маъруза) тайёрлаш ва унинг сифатини баҳолаш тартибини белгилайди.

2. Ушбу Низомда қуйидаги асосий тушунчалардан фойдаланилади:

махсус ваколатли давлат органи — Ўзбекистон Республикаси Экология ва иқлим ўзгариши миллий қўмитаси;

манфаатдор томонлар — стратегик режалаштириш ҳужжатлари лойиҳалари билан боғлиқ фаолиятларни қулай атроф-муҳитга бўлган ҳуқуқ ва қонуний манфаатларига таъсир кўрсатиши мумкин бўлган жисмоний ва (ёки) юридик шахслар;

стратегик режалаштириш ҳужжатлари — давлат дастурларининг, концепцияларининг, ишлаб чиқариш кучларини, иқтисодий ва ижтимоий соҳалар тармоқларини жойлаштириш ҳамда ривожлантириш схемаларининг лойиҳалари ва шаҳарсозлик ҳужжатлари, шунингдек, бошқа стратегик аҳамиятга эга бўлган объектларга оид ҳужжатлар;

стратегик экологик баҳолаш — стратегик режалаштириш ҳужжатлари асосида мўлжалланаётган ва (ёки) режалаштирилаётган ёки амалга оширилаётган хўжалик фаолиятининг ҳамда бошқа фаолиятнинг атроф-муҳитга таъсири хусусиятлари ва даражасини, эҳтимолий экологик оқибатларини аниқлашга, шунингдек, баҳолаш натижалари бўйича атроф-муҳитни муҳофаза қилиш ҳамда табиий ресурслардан оқилона фойдаланиш чора-тадбирларини ишлаб чиқишга қаратилган тартиб-таомил;

ташаббускор — стратегик режалаштириш ҳужжати лойиҳасини амалга ошириш учун масъул бўлган республика ва маҳаллий ижро этувчи ҳокимият органлари.

3. Стратегик экологик баҳолаш объектлари қуйидагилардан иборат:

давлат дастурларининг, концепцияларининг, ишлаб чиқариш кучларини, иқтисодий ва ижтимоий соҳа тармоқларини жойлаштириш ҳамда ривожлантириш схемаларининг лойиҳалари;

шаҳарсозлик ҳужжатларининг барча турлари;

кейинчалик уларга муҳофаза этиладиган табиий ҳудудлар, фавқулодда экологик вазият ва экологик офат зоналари мақомини бериш мақсадида ўтказилган ҳудудларни комплекс текшириш материаллари, шунингдек, муҳофаза этиладиган табиий ҳудудларни бошқариш режалари лойиҳалари юзасидан ишлаб чиқилган ҳужжатлар;

амалга оширилиши атроф-муҳитга салбий таъсир қилиши мумкин бўлган стратегик режалаштириш ҳужжатига киритилаётган ўзгартириш ёки қўшимчалар.

4. Ўзбекистон Республикасининг мудофааси, фуқаро муҳофазаси, фавқулодда вазиятлар билан боғлиқ стратегик режалаштириш ҳужжати лойиҳалари стратегик экологик баҳоланмайди.

5. Стратегик режалаштириш ҳужжатини стратегик экологик баҳоламасдан тасдиқлаш, амалга ошириш ва унда назарда тутилган тадбирларни молиялаштириш тақиқланади.

Бунда республика (юқори) даражасидаги ҳужжатларни стратегик экологик баҳолаш натижалари ҳудудий (қуйи) даражадаги ҳужжатлар стратегик экологик баҳолашда ҳисобга олиниши ва шунингдек, ҳудудий (қуйи) даражаларда ишлаб чиқилган ҳужжатларни стратегик экологик баҳолаш натижалари республика (юқори) даражасида ишлаб чиқилган ҳужжатлар стратегик экологик баҳолашда ҳисобга олиниши керак.

6. Стратегик экологик баҳолаш қуйидаги босқичлардан иборат:

стратегик режалаштириш ҳужжати лойиҳасини дастлабки баҳолаш;

экологик маърузанинг қамров доирасини белгилаш;

экологик маърузани тайёрлаш;

стратегик режалаштириш ҳужжати лойиҳасини стратегик экологик баҳолаш доирасида манфаатдор томонлар билан маслаҳатлашувлар ўтказиш;

стратегик режалаштириш ҳужжати лойиҳасини стратегик экологик баҳолашда жамоатчиликнинг иштирокини таъминлаш;

экологик маърузанинг сифатини баҳолаш;

стратегик экологик баҳолаш жараёнида стратегик режалаштириш ҳужжати лойиҳасининг трансчегаравий таъсирини баҳолаш;

стратегик режалаштириш ҳужжатининг атроф-муҳитга таъсирини мониторинг қилиш.

7. Стратегик экологик баҳолаш ушбу жараённинг барча босқичларида амалга оширилиши лозим.

2-боб. Стратегик режалаштириш ҳужжати лойиҳасини дастлабки баҳолаш

8. Стратегик режалаштириш ҳужжати лойиҳасини стратегик экологик баҳолаш зарурлиги ёки зарур эмаслигини аниқлаш мақсадида стратегик режалаштириш ҳужжати лойиҳаси дастлабки баҳолашдан (кейинги ўринларда — дастлабки баҳолаш) ўтказилиши лозим.

9. Дастлабки баҳолашни ўтказиш учун ташаббускор махсус ваколатли давлат органига қуйидагиларни тақдим этади:

а) ташаббускор ҳақидаги маълумотлар:

ташаббускорнинг номи, юридик манзили, телефон рақамлари;

б) қуйидаги маълумотларни ўз ичига олган стратегик режалаштириш ҳужжати лойиҳасининг тушунтириш хати:

стратегик режалаштириш ҳужжати лойиҳасининг номи;

стратегик режалаштириш ҳужжати лойиҳасини ишлаб чиқиш зарурлигини асослаш;

стратегик режалаштириш ҳужжати лойиҳасига киритилган атроф-муҳитни муҳофаза қилишнинг асосий жиҳатлари ёки дастурлар;

стратегик режалаштириш ҳужжати лойиҳасини амалга оширишнинг асосий йўналишлари ва муддатлари;

стратегик режалаштириш ҳужжати лойиҳасининг амалга оширилиши натижасида атроф-муҳитга эҳтимолий таъсири;

стратегик режалаштириш ҳужжати лойиҳасини ишлаб чиқиш муддатлари ва уларни тасдиқлаш усули;

ҳудуднинг умумий ҳолати, табиий ресурслар ҳолати ва экологик хусусиятлари;

в) тегишли ҳудуд тўғрисидаги маълумотлар:

атроф-муҳитга таъсирни стратегик экологик баҳолашга мос келадиган тегишли ҳудудни аниқлаш;

ҳудуднинг атроф-муҳит ҳолати ҳамда асосий хусусиятлари ва муаммолари;

ҳудуднинг табиий ресурслардан фойдаланиш ҳолати ва режалари;

муқобил режалар;

баҳоланадиган объектлар, улар кўлами, баҳолаш усуллари.

г) манфаатдор томонларнинг стратегик режалаштириш ҳужжати лойиҳаси бўйича хулосалари.

Стратегик режалаштириш ҳужжати лойиҳаси махсус ваколатли давлат органига ижро интизоми назоратини таъминловчи электрон ҳужжат айланиш тизими орқали электрон шаклда тақдим этилади.

10. Махсус ваколатли давлат органи ўн иш куни ичида ташаббускор томонидан тақдим этилган тегишли маълумотларни дастлабки баҳолашдан ўтказади ва натижалари бўйича стратегик экологик баҳолаш зарурлиги ёки зарур эмаслиги тўғрисида тегишли хулоса беради.

11. Махсус ваколатли давлат органи стратегик экологик баҳолаш зарурлиги аниқланган стратегик режалаштириш ҳужжати лойиҳалари учун манфаатдор томонлар билан маслаҳатлашувлар ўтказиш мақсадида уларнинг рўйхатини белгилайди.

Бунда ушбу рўйхатга соғлиқни сақлаш соҳасидаги ваколатли орган, шунингдек, стратегик режалаштириш ҳужжати лойиҳасини амалга ошириш назарда тутилаётган маъмурий-ҳудудий бирликнинг маҳаллий ижро этувчи ҳокимият органи киритилиши шарт.

3-боб. Стратегик экологик баҳолашда жамоатчиликнинг иштирок этиши

12. Ташаббускор томонидан стратегик экологик баҳолаш жараёнлари бўйича жамоатчиликни хабардор қилиш ҳамда уларнинг фаол иштирокини таъминлаш мақсадида жамоатчилик эшитувлари ташкил этилади.

Ташаббускор жамоатчилик эшитувини ўтказиш жойи ва вақти ҳақидаги маълумотларни ўзининг ва махсус ваколатли давлат органининг расмий веб-сайтида, шунингдек, оммавий ахборот воситаларида ва ижтимоий тармоқларда жамоатчилик эшитувидан 15 кун олдин эълон беради.

13. Жамоатчилик эшитувида ташаббускор вакили томонидан стратегик режалаштириш ҳужжати лойиҳасининг техник хусусиятга эга бўлмаган маълумотлари тақдимот қилинади.

14. Жамоатчилик эшитуви оммавий ва очиқ ўтказилади. Жамоатчилик эшитувининг иштирокчилари жамоатчилик эшитувига киритилган масалалар юзасидан ўз фикрини эркин билдиришга ва таклифлар киритишга ҳақли. Жамоатчилик эшитуви оммавий ахборот воситалари орқали ва ахборот-коммуникация технологияларидан фойдаланган ҳолда ҳам ўтказилиши мумкин.

15. Жамоатчилик эшитуви натижалари баённома шаклида расмийлаштирилади.

16. Баённомада жамоатчилик эшитувлари натижалари, билдирилган фикр ва эътирозлар, манфаатдор томонларнинг таклифлари, шунингдек, эшитувлар ўтказилгунга қадар келиб тушган таклиф ва жавоблар кўрсатилади.

17. Жамоатчилик эшитуви баённомасининг ҳар бир саҳифаси йиғилиш раиси томонидан имзоланади ҳамда ташаббускор томонидан тасдиқланади.

18. Жамоатчилик эшитуви баённомаларининг нусхалари ташаббускорда камида бир йил сақланади.

Жамоатчилик эшитуви баённомаси ташаббускор веб-сайтида эълон қилиниши ва ОАВ орқали ёритиб борилиши мумкин.

4-боб. Стратегик экологик баҳолаш бўйича экологик маърузанинг қамров доирасини белгилаш

19. Стратегик экологик баҳолаш бўйича экологик маърузанинг қамров доираси махсус ваколатли давлат органи томонидан беш иш куни ичида белгиланади.

Экологик маърузанинг қамров доирасини белгилашда стратегик режалаштириш ҳужжати лойиҳасининг тавсифи ва мазмунидан келиб чиқиб, экологик маърузага киритиладиган ахборотнинг ҳажми, тўлиқлиги ва батафсиллиги даражаси аниқланади.

Экологик маърузанинг қамров доираси қуйидаги мақсадларда белгиланади:

стратегик режалаштириш ҳужжати лойиҳасига киритилиши мумкин бўлган, асослантирилган ва амалда қўлланадиган муқобил ечимларни белгилаш, шу жумладан, атроф-муҳитга ва (ёки) инсон соғлиғига таъсирни камайтириш;

стратегик режалаштириш ҳужжати лойиҳаси, шунингдек, унга киритилиши мумкин бўлган ўзгартиришлар, уни амалга оширишдан кутилаётган натижалар ҳақида жамоатчиликни хабардор қилиш;

стратегик режалаштириш ҳужжати лойиҳасининг муҳофаза этиладиган табиий ҳудудларга ҳамда қонунчиликка ва Ўзбекистон Республикасининг халқаро шартномалар бўйича мажбуриятларига мувофиқ муҳофаза этилиши лозим бўлган маҳаллий, давлат аҳамиятига ҳамда халқаро аҳамиятга эга бўлган бошқа ҳудудларга ва объектларга жиддий салбий таъсирини аниқлаш;

стратегик режалаштириш ҳужжати лойиҳасини амалга оширишда атроф-муҳитга трансчегаравий таъсир эҳтимолини аниқлаш;

20. Экологик маърузанинг қамров доирасини белгилашда қуйидаги атроф-муҳит объектларини ўз ичига олиши керак:

а) атроф-муҳитни муҳофаза қилиш ва табиий ресурслардан оқилона фойдаланиш, шу жумладан:

чиқиндилар билан боғлиқ ишларни амалга ошириш;

ер қаърини муҳофаза қилиш ва ундан фойдаланиш;

муҳофаза этиладиган табиий ҳудудлар кенгайтириш ва уларнинг муҳофазаси;

ҳудудларда барқарор радиациявий вазиятни сақлаш;

гидрометеорологик шароитлар тавсифи;

ерни (шу жумладан, тупроқни) муҳофаза қилиш ва ундан фойдаланиш;

ўрмонлардан фойдаланиш, муҳофаза қилиш, сақлаш ва кўпайтириш;

сувни муҳофаза қилиш ва ундан фойдаланиш;

ҳайвонот дунёсини муҳофаза қилиш ва ундан фойдаланиш;

ўсимлик дунёсини муҳофаза қилиш ва ундан фойдаланиш;

атмосфера ҳавосини ҳимоя қилиш;

озон қатламини ҳимоя қилиш;

б) қишлоқ ва ўрмон хўжаликлари тармоқлари;

в) саноат, шу жумладан, унинг алоҳида тармоқлари;

г) транспорт, шу жумладан, хавфли юкларни ташиш, темир йўл транспорти, ички сув транспорти, ҳаво транспорти, автомобиль транспорти, автомобиль йўллари, ҳаракат хавфсизлиги;

д) энергия, шу жумладан, атом энергиясидан фойдаланиш бўйича фаолият, энергия таъминоти, электр энергияси, иссиқлик энергияси, қайта тикланувчи энергия манбалари.

21. Қамров доирасини аниқлашда стратегик режалаштириш ҳужжати лойиҳасини амалга оширишнинг муқобил вариантлари ҳисобга олиниши керак.

Салбий оқибатларга олиб келадиган стратегик режалаштириш ҳужжатини амалга оширишнинг муқобил вариантларидан фойдаланишга йўл қўйилмайди.

22. Республика ва маҳаллий ижро этувчи ҳокимият органлари ташаббускордан стратегик режалаштириш ҳужжати лойиҳасини барча босқичларида фуқароларнинг объектив экологик маълумотни ўз вақтида олиш ва атроф-муҳит билан боғлиқ масалалар бўйича қарорлар қабул қилишда жамоатчилик иштироки ҳуқуқини амалга оширишни таъминлайди.

5-боб. Экологик маърузани тайёрлаш тартиби

23. Стратегик режалаштириш ҳужжати лойиҳасини амалга ошириш учун ташаббускор экологик маърузани тайёрлайди ва унинг сифатини баҳолаш учун махсус ваколатли давлат органига тақдим этади.

Экологик маърузада келтирилган маълумотларнинг ишончлиги ва тўлиқлигига ташаббускор жавобгар ҳисобланади.

24. Ташаббускор экологик маърузани тайёрлаш учун қонунчиликда белгиланган тартибда лойиҳани ишлаб чиқувчи ташкилотларни, маҳаллий ва хорижий малакали мутахассислар ва ташқи экспертларни жалб қилиши мумкин.

25. Экологик маъруза қуйидагиларни ўз ичига олиши лозим:

стратегик режалаштириш ҳужжати лойиҳасининг номи ва лойиҳа ҳақида маълумотлар;

стратегик экологик баҳолашнинг мақсад ва вазифалари, уни ўтказишга қўйиладиган талаблар, агар у ўтказилган бўлса, дастлабки баҳолаш натижалари;

ишлаб чиқилаётган ҳужжат янгими ёки мавжуд ечимга ўзгартириш ва (ёки) қўшимчалар киритилаётгани тўғрисидаги маълумотларни кўрсатган ҳолда, таклиф этилаётган стратегик қарорлар тавсифи билан стратегик режалаштириш ҳужжати лойиҳасининг тавсифи;

стратегик экологик баҳолашда иштирок этганларнинг шахсий маълумотлари;

стратегик режалаштириш ҳужжати лойиҳасининг бошқа амалдаги стратегик режалаштириш ҳужжати лойиҳасига мувофиқлиги тўғрисидаги маълумотлар;

бошқа стратегик режалаштириш ҳужжати лойиҳасининг мумкин бўлган таъсири;

стратегик режалаштириш ҳужжати лойиҳасини ишлаб чиқиш ва тасдиқлаш муддатлари;

атроф-муҳит компонентлари ҳолатини тавсифлаш;

стратегик режалаштириш ҳужжати лойиҳасини амалга оширишнинг мумкин бўлган муқобил вариантлари, уларни кўриб чиқиш ва дастурлар лойиҳасини ишлаб чиқишда ҳисобга олиш зарурати;

стратегик режалаштириш ҳужжати лойиҳасини амалга ошириш жараёнида атроф-муҳитга таъсир қилиш жиҳатларини баҳолаш;

стратегик режалаштириш ҳужжати лойиҳасини амалга ошириш жараёнида экологик жиҳатларга таъсир этувчи таъсирнинг ижтимоий-иқтисодий жиҳатларини баҳолаш;

стратегик режалаштириш ҳужжати лойиҳасини амалга оширишнинг аҳоли саломатлигига таъсирини баҳолаш;

тавсия этилган стратегик қарорни танлашни асослаш;

стратегик режалаштириш ҳужжати лойиҳасини амалга ошириш жараёнида юзага келиши мумкин бўлган атроф-муҳитга (шу жумладан, трансчегаравий) таъсир ва экологик ўзгаришларни аниқлаш;

стратегик режалаштириш ҳужжати лойиҳасини амалга ошириш самарадорлигини мониторинг қилиш режаси;

манфаатдор томонлар ҳамда жамоатчилик билан келишув тўғрисидаги маълумотлар;

стратегик экологик баҳолаш тавсияларини стратегик режалаштириш ҳужжати лойиҳасини ишлаб чиқишга интеграция қилиш бўйича таклифлар;

фойдаланилган адабий манбалар.

Ташаббускор экологик маърузани тайёрлаш доирасида манфаатдор республика ва маҳаллий ижро этувчи ҳокимият органлари билан маслаҳатлашишга ҳақлидир.

26. Ташаббускор томонидан стратегик режалаштириш ҳужжати лойиҳасини тайёрлашда жамоатчилик муҳокамаси ҳамда республика ва маҳаллий ижро этувчи ҳокимият органлари билан маслаҳатлашувлар якунлари бўйича билдирилган асосли таклифлар ҳисобга олинади.

6-боб. Экологик маърузанинг сифатини баҳолаш тартиби

27. Стратегик экологик баҳолаш махсус ваколатли давлат органи томонидан қуйидаги мезонларга асосан ўтказилади:

стратегик режалаштириш ҳужжати лойиҳасининг атроф-муҳитга таъсири билан боғлиқ экологик хавфларнинг ҳисобга олинишини таъминлаш ва мазкур ҳужжатнинг барқарор ривожланишга кўмаклашиш мақсадларига мувофиқлигини таъминлаш зарурлиги нуқтаи назаридан долзарблиги;

барқарор ривожланишга кўмаклашишни таъминлаш мақсадида стратегик режалаштириш ҳужжати лойиҳасида аҳоли соғлиғи билан боғлиқ экологик омилларни ҳисобга олиш зарурлиги;

стратегик режалаштириш ҳужжати лойиҳасини фаолият турларини, уларнинг жойлашувини, кўламларини, шароитларини ҳамда табиий ресурсларнинг мавжудлигини ва улардан фойдаланиш шартларини ҳисобга олган ҳолда амалга ошириш имконияти;

стратегик режалаштириш ҳужжати лойиҳасини амалга ошириш жараёнида экологик хавфларнинг, шу жумладан, инсон соғлигига таъсирнинг ҳисобга олиниши;

стратегик режалаштириш ҳужжати лойиҳасининг атроф-муҳитни муҳофаза қилиш ва табиий ресурслардан оқилона фойдаланиш соҳасидаги қонунчилик талабларини ҳамда Ўзбекистон Республикасининг атроф-муҳитни муҳофаза қилиш соҳасидаги халқаро мажбуриятларини бажариш нуқтаи назаридан долзарблиги;

стратегик режалаштириш ҳужжати лойиҳасига киритилаётган ўзгартиришлар ва (ёки) қўшимчалар билан боғлиқ экологик муаммоларнинг, шу жумладан, аҳоли соғлиғи билан боғлиқ муаммоларнинг мавжудлиги;

стратегик режалаштириш ҳужжати лойиҳасини амалга ошириш жараёнида юзага келадиган эҳтимол тутилган оқибатларнинг трансчегаравий хусусияти.

Махсус ваколатли давлат органи стратегик режалаштириш ҳужжати лойиҳасини ушбу банднинг биринчи қисмида назарда тутилган мезонларга асосан стратегик экологик баҳолайди ҳамда тегишли тавсияларни беради.

28. Махсус ваколатли давлат органи маъруза сифатини баҳолашда зарур ҳолларда хулосалари тавсия хусусиятига эга бўлган маҳаллий ҳамда хорижий малакали мутахассислар ва экспертларни шартнома асосида ўз маблағлари ҳисобидан қонунчиликда белгиланган тартибда жалб этиши мумкин.

29. Ташаббускор махсус ваколатли давлат органига маъруза сифатини баҳолаш доирасида зарур бўлган ахборотларни тақдим этиши шарт.

30. Махсус ваколатли давлат органи манфаатдор томонлар ҳамда жамоатчиликдан олинган фикр ва таклифларни ҳисобга олган ҳолда, маъруза сифатини баҳолайди.

Маъруза сифати атроф-муҳитни муҳофаза қилиш ва табиий ресурслардан оқилона фойдаланиш соҳасидаги норматив-ҳуқуқий ҳужжатлар ҳамда экологик нормативлар асосида баҳоланади.

31. Маъруза сифатини баҳолаш натижаларига кўра махсус ваколатли давлат органи ўн беш иш куни ичида экологик маърузанинг сифати тўғрисида тегишли хулоса чиқаради.

32. Махсус ваколатли давлат органи экологик маърузани баҳолаш натижалари бўйича тайёрлаган экологик хулосани ташаббускорга икки иш куни ичида расман юборади.

33. Экологик маърузани баҳолаш якунлари бўйича берилган ҳар бир экологик хулоса махсус ваколатли давлат органининг расмий веб-сайтида жойлаштирилади.

34. Стратегик экологик баҳолаш ҳар бир стратегик экологик баҳолаш объекти бўйича бир марта ўтказилади.

7-боб. Манфаатдор томонлар билан маслаҳатлашувлар ўтказиш

35. Ташаббускор стратегик режалаштириш ҳужжати лойиҳасини стратегик экологик баҳолаш доирасида манфаатдор томонлар билан маслаҳатлашувлар ўтказади.

36. Ташаббускор манфаатдор томонлар сўровига асосан стратегик экологик баҳолаш доирасида тегишли маълумотларни тақдим этиши шарт.

37. Манфаатдор томонлар стратегик режалаштириш ҳужжати лойиҳаси бўйича ўз мулоҳазалари ва таклифларини ёхуд уларнинг мавжуд эмаслиги тўғрисидаги маълумотни ташаббускорга қонунчиликда белгиланган муддатларда тақдим этиши шарт.

8-боб. Стратегик экологик баҳолаш жараёнида стратегик режалаштириш ҳужжати лойиҳасининг трансчегаравий таъсирини баҳолаш

38. Стратегик режалаштириш ҳужжати лойиҳаси трансчегаравий жиҳатдан қуйидаги ҳолларда баҳоланади:

агар Ўзбекистон Республикаси ҳудудида мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолият қўшни давлат ҳудудида атроф-муҳитга сезиларли салбий таъсир қилиши мумкин бўлса;

агар қўшни давлатда мўлжалланаётган ва (ёки) режалаштирилаётган ёки амалга оширилаётган хўжалик фаолияти ҳамда бошқа фаолият Ўзбекистон Республикаси ҳудудида атроф-муҳитга сезиларли салбий таъсир кўрсатаётган бўлса.

39. Атроф-муҳитга таъсир Ўзбекистон Республикасининг қонунчилигига мувофиқ трансчегаравий жиҳатдан баҳоланади.

9-боб. Стратегик режалаштириш ҳужжатининг атроф-муҳитга таъсирини мониторинг қилиш

40. Экологик маърузанинг сифати тўғрисидаги хулосада кўрсатилган талабларни таъминлашга қаратилган чора-тадбирларни амалга ошириш ва мониторинг қилиш белгиланган тартибда ташаббускор томонидан таъминланади.

Ташаббускор экологик маърузанинг сифати тўғрисидаги хулосада кўрсатилган талабларнинг бажарилиши тўғрисида ҳар чорак якунларига кўра чоракдан кейинги ойнинг 25-санасидан кечиктирмай махсус ваколатли давлат органига ахборот тақдим этиши шарт.

Бунда ташаббускор хулосада кўрсатилган талабларнинг бажарилиши тўғрисидаги ахборотни ушбу банднинг иккинчи хатбошисида назарда тутилган муддатларда тақдим этмаган тақдирда, махсус ваколатли давлат органига ташаббускорга ёзма кўрсатма беради.

41. Ташаббускор тегишли стратегик режалаштириш ҳужжатини амалга ошириш жараёнида атроф-муҳит ёки аҳоли саломатлиги учун салбий оқибатларга олиб келишини аниқласа, бундай оқибатларнинг олдини олиш ёки юмшатиш бўйича чоралар кўрилишини таъминлаши, бу ҳақида махсус ваколатли давлат органи ва тегишли ташкилотларни хабардор қилиши шарт.

10-боб. Якунловчи қоидалар

42. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

43. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Стратегик экологик баҳолаш бўйича экологик маърузани тайёрлаш ва унинг сифатини баҳолаш тартиби тўғрисидаги низомга ИЛОВА

Стратегик экологик баҳолаш бўйича экологик маърузани тайёрлаш ва унинг сифатини баҳолаш тартиби

Босқичлар Субъектлар Тадбирлар Бажариш муддатлари 1-босқич Республика ва маҳаллий ижро этувчи ҳокимият органлари (кейинги ўринларда — ташаббускор) Стратегик режалаштириш ҳужжати лойиҳасини Экология қўмитасига ижро интизоми назоратини таъминловчи электрон ҳужжат айланиш тизими орқали электрон шаклда тақдим этади. Заруратга кўра 2-босқич Экология қўмитаси Ташаббускор томонидан тақдим этилган тегишли маълумотларни дастлабки баҳолаш натижаларига кўра стратегик экологик баҳолаш зарурлиги ёки зарур эмаслиги тўғрисида хулоса беради. Ўн иш куни 3-босқич Ташаббускор Жамоатчилик эшитувини ўтказиш жойи ва вақти ҳақидаги маълумотларни ўзининг ва Экология қўмитасининг расмий веб-сайтида, шунингдек, оммавий ахборот воситаларида ва ижтимоий тармоқларда эълон беради. Жамоатчилик эшитувидан 15 кун олдин 4-босқич Экология қўмитаси Стратегик экологик баҳолаш бўйича экологик маърузанинг қамров доирасини белгилайди. Беш иш куни 5-босқич Ташаббускор Стратегик режалаштириш ҳужжати лойиҳасини амалга ошириш учун экологик маърузани тайёрлайди ва унинг сифатини баҳолаш учун Экология қўмитасига тақдим этади. 6-босқич Экология қўмитаси 1. Маъруза сифатини баҳолаш натижаларига кўра экологик маърузанинг сифати тўғрисида тегишли хулоса чиқаради. Ўн беш иш куни 2. Экологик маърузани баҳолаш натижалари бўйича тайёрланган экологик хулосани ташаббускорга икки иш куни ичида расман юборади. Икки иш куни 7-босқич Ташаббускор 1. Стратегик режалаштириш ҳужжати лойиҳасини стратегик экологик баҳолаш доирасида манфаатдор томонлар билан маслаҳатлашувлар ўтказади. 2. Экологик маърузанинг сифати тўғрисидаги хулосада кўрсатилган талабларнинг бажарилиши ҳақида Экология қўмитасига ахборот тақдим этади. Ҳар чорак якунларига кўра чоракдан кейинги ойнинг 25-санасидан кечиктирмай

Вазирлар Маҳкамасининг 2026 йил 11 майдаги 234-сон қарорига 9-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2014 йил 21 январдаги 14-сон қарори билан тасдиқланган Экологик нормативлар лойиҳаларини ишлаб чиқиш ва келишиш тартиби тўғрисидаги низомда :

а) 1-банд қуйидаги мазмундаги учинчи хатбоши билан тўлдирилсин:

«Экологик нормативлар лойиҳаларини ишлаб чиқишда илм-фан ва техниканинг атроф-муҳитни муҳофаза қилиш ва табиий ресурслардан оқилона фойдаланиш соҳасидаги илғор ютуқлари инобатга олинади, чиқиндиларни жойлаштиришни, ифлослантирувчи моддаларнинг чиқарилишини, оқизилишини камайтириш бўйича энг яхши қулай технологияларни жорий этиш назарда тутилади»;

б) 3 ва 4-бандлар қуйидаги таҳрирда баён этилсин:

«3. Ушбу Низомда қуйидаги асосий тушунчалар қўлланилади:

атроф-муҳитни ифлослантириш манбаи — ишлаб чиқариш жараёнида атроф-муҳитга тушадиган моддалар ёки моддалар йиғиндиси туфайли пайдо бўладиган ифлослантирувчи антропоген объект;

атроф-муҳитга ифлослантирувчи моддалар ташламалари ва оқоваларини, чиқиндиларнинг пайдо бўлиши ва жойлаштирилишини нормалаш — табиий ўзгаришлар жараёнида энг сезгир организмлар (индикатор) ёрдамида аниқланган йўл қўйиладиган чегаралар;

атроф-муҳитни тахминий-хавфсиз ифлослантириш даражаси (ТХТД) — саноат объектларини лойиҳалаштириш учун ҳисоблаш методи билан белгиланган атмосферани ифлослантирувчи модданинг вақтинча нормативи;

ифлослантирувчи ташламалар, оқовалар манбаларини, чиқиндилар пайдо бўлиши ва жойлаштирилишини хатловдан ўтказиш (кейинги ўринларда — хатловдан ўтказиш) — атроф-муҳитга ташланадиган, ифлослантирувчи моддалар ташламалари, оқовалари, чиқиндилар пайдо бўлиши ва жойлаштирилишини, уларнинг сифат таркибини аниқлаш, рўйхатдан ўтказиш, жойлаштириш, миқдорини, манбалари параметрларини аниқлаш жараёни;

концентрациянинг йўл қўйиладиган чекланган миқдори (КЧМ) — одам организмида рефлектор реакцияларини пайдо қилмаслиги керак бўлган ҳаво, сув ва тупроқнинг концентрацияси;

экологик нормативларни белгилашнинг гибрид модели — энг яхши қулай технологияларни жорий этиш орқали санитария қоидалари, нормалари ва гигиена нормативлари уйғунлигида ифлослантирувчи моддаларнинг ташламалари нормативларини белгилаш тизими;

оқованинг йўл қўйиладиган чекланган миқдори (ОЧМ) — назорат пунктида сув сифати нормаларини таъминлаш мақсадида вақт бирлиги ҳисобига ушбу пунктда белгиланган режимда ажралишига максимал йўл қўйиладиган оқова сувлардаги моддалар миқдори;

оқова сувларни чиқариб юбориш — сувни истеъмол қилиш ва (ёки) ундан фойдаланиш натижасида ҳосил бўладиган ҳамда оқова сувларни чиқариб юбориш тармоқлари орқали оқизиб юбориладиган сув;

санитария-ҳимоя зонаси — аҳоли яшайдиган ва ташкилот орасидаги махсус ажратилган ўсимлик ва яланглик зонаси, ифлослантирувчи моддалар концентрациясини зарарсиз нормагача тарқалиб кетишини таъминлайдиган ҳудуд;

ташламаларнинг йўл қўйиладиган чекланган миқдори (ТЧМ) — атмосфера ҳавоси учун белгиланган, йўл қўйиладиган чекланган нормадан ошмайдиган ер устидаги концентрацияларни шакллантирувчи, вақт бирлиги ҳисобига тўғри келадиган ташламалардаги ифлослантирувчи моддалар миқдори;

техник жиҳатдан эришиладиган кўрсаткичлар — оқова сувларни ифлослантирувчи моддалардан тозалаш қурилмаларининг техник имкониятларини ҳисобга олган ҳолда оқова сувларнинг кўрсаткичлари;

чиқиндиларни вақтинча жойлаштириш — чиқиндиларни ташкилот ҳудудида сақлаш учун мўлжалланган махсус қурилма ёки бошқа ҳудудларда ишлатишдан олдинги технологик кетма-кетлик ёки қайта ишлашга, зарарсизлантиришга ёки чиқиндиларни доимий жойлаштириш объектига жўнатиш;

чиқиндининг хавфлилик класси — атроф-муҳит объектига ва одамга етказилиши мумкин бўлган салбий таъсир даражаси бўйича чиқинди ёки унинг компоненти градацияси;

чиқиндиларни жойлаштириш лимити — муайян муддатда жойлаштириш учун рухсат этилган чиқиндиларнинг чекланган миқдори;

чиқиндиларнинг пайдо бўлиш нормаси — асосий хомашёнинг муайян массасини қайта ишлашда ёки чиқиндиларнинг пайдо бўлиш нормативини таъминлаш шароитларида тайёр маҳсулотни муайян миқдорда тайёрлашда чиқадиган чиқинди миқдори;

чиқиндиларнинг пайдо бўлиш нормативи — маҳсулот бирлигини ишлаб чиқаришда чиқиндилар аниқ турининг ёки уларнинг бошланғич хомашё бирлигига тўғри келадиган белгиланган миқдори;

экологик оқибатлар тўғрисидаги баёнот — қурилиши (реконструкция, модернизация, кенгайтириш) тугалланган объект (ёки унинг участкасини) фойдаланишга қабул қилиб олингунига қадар бажариладиган ва экологик нормативларни белгилайдиган атроф-муҳитга таъсирни баҳолаш тартиб-таомилининг якуний босқичи;

4. Экологик нормативлар лойиҳалари лойиҳани ишлаб чиқувчи томонидан ишлаб чиқилади ҳамда давлат экологик экспертизадан ўтказиш учун Ўзбекистон Республикаси Экология ва иқлим ўзгариши миллий қўмитаси ҳузуридаги (кейинги ўринларда — Экология қўмитаси) «Давлат экологик экспертизаси маркази» давлат муассасаси (кейинги ўринларда — Марказ) ва унинг Қорақалпоғистон Республикаси, вилоятлар ва Тошкент шаҳар филиалларига (кейинги ўринларда — Марказнинг ҳудудий филиаллари) тақдим этилади»;

в) 8-банднинг биринчи хатбошиси қуйидаги таҳрирда баён этилсин:

«8. Хатлов бевосита ташкилотнинг ўзи томонидан ёхуд лойиҳани ишлаб чиқувчини жалб этган ҳолда ўтказилади»;

г) 13-банд қуйидаги таҳрирда баён этилсин:

«13. Атмосферани ифлослантирувчи ажралмалар ва ташламаларнинг миқдори ва таркиби асбоб-ускуналар билан ўлчаш ва ҳисоблаш усуллари мажмуаси асосида аниқланади»;

д) 16-банд қуйидаги таҳрирда баён этилсин:

«16. Атмосфера ҳавосига ифлослантирувчи моддалар ташламаларининг экологик нормативларини белгилашнинг мақсади атроф-муҳитни ва инсон саломатлигини муҳофаза қилиш, шунингдек, атмосфера ҳавосининг сифатини белгиланган санитар-гигиеник нормалардан ошмаслигини таъминлашдан иборат»;

е) 17-банд ўз кучини йўқотган деб ҳисоблансин;

ж) 18 ва 19-бандлар қуйидаги таҳрирда баён этилсин:

«18. Атмосфера ҳавосига ифлослантирувчи моддалар ташламалари қуйидагиларга асосан меъёрланади:

а) ташламалар манбаида ифлослантирувчи моддалар концентрацияларини асбоб-ускуналар билан ўлчаш (экологик баҳолаш) орқали КЧМни аниқлаш;

б) ташламалар манбаида ифлослантирувчи моддаларнинг технологик жиҳатдан асосланган даражаларга келтиришга эришишни (технологик баҳолаш) энг яхши қулай технологиялар асосида таъминлаш;

в) экологик ва технологик баҳолаш натижалари ўртасида тафовут юзага келганда, экологик нормативнинг юқори миқдорини қўллаш.

19. ТЧМдан ошиб кетиши, агар йил давомида бутун ташкилот учун ТЧМ миқдорининг (тонна/йил)дан кўп бўлса ёхуд ташламанинг ҳар қандай манбаидан ёки ташкилотдан бир галги ташламанинг амалдаги максимал миқдори (грамм/секунд) белгиланган миқдоридан юқори бўлган тақдирда белгиланади»;

з) 21-банд ўз кучини йўқотган деб ҳисоблансин;

и) 26 , 27 ва 28-бандлар қуйидаги таҳрирда баён этилсин:

«26. ОЧМ ифлослантирувчи моддаларни оқизиш энг яхши қулай технологияларнинг технологик кўрсаткичларини ҳисобга олган ҳолда нормаланади.

27. Техник жиҳатдан эришиладиган кўрсаткичларни ҳисобга олган ҳолда аниқланган ОЧМ келгусида сувни муҳофаза қилиш тадбирларини режалаштириш учун асос ҳисобланади ва Экология қўмитаси томонидан белгиланган муддатларда, экологик вазиятга, чиқариб юбориладиган оқова сувлар ва шу кабилар сифатини яхшилашга йўналтирилган ҳамда тасдиқланган тадбирларни бажариш муддатларига қараб нормалар босқичма-босқич қайта кўриб чиқилиши мумкин.

28. ОЧМ нормативлари ҳисоблаш йўли билан таркибий концентрацияларни ҳисобга олиб, қўлланаётган технологияда фойдаланиладиган бошланғич сув таркибини ва компонентларни ҳисобга олган ҳолда ҳисоблаш йўли билан ёки ташкилотнинг сув-моддий баланси таҳлили асосида, лойиҳадаги маълумотлар бўйича белгиланади.»;

к) 38-банд қуйидаги таҳрирда баён этилсин:

«38. Атроф-муҳитни ифлослантирувчи моддалар ташламалари, оқовалари манбаларини, чиқиндиларнинг пайдо бўлиши ва жойлаштирилишини хатловдан ўтказиш материаллари электрон расмийлаштирилади, ташкилот раҳбари томонидан тасдиқланади ва Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармаларига кўриб чиқиш учун тақдим этилади.»;

л) 39-бандда «Давлат экология қўмитаси органлари» сўзлари «Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари» сўзлари билан алмаштирилсин;

м) 40-банднинг биринчи хатбошиси қуйидаги таҳрирда баён этилсин:

«40. Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари томонидан тасдиқланган хатловдан ўтказиш материаллари асосида атроф-муҳитга таъсир кўрсатишнинг экологик нормативлари лойиҳалари ишлаб чиқилади.»;

н) 46 ва 47-бандлар қуйидаги таҳрирда баён этилсин:

«46. Буюртмачи Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари томонидан тасдиқланган экологик нормативлар лойиҳаларини хатловдан ўтказиш материаллари билан бирга давлат экологик экспертизасидан ўтказиш учун Марказга тақдим этади.

47. Экологик нормативлар лойиҳалари давлат экологик экспертизасидан ўтказилади.»;

о) 48 , 49 ва 50-бандлар ўз кучини йўқотган деб ҳисоблансин;

п) 51-банд қуйидаги таҳрирда баён этилсин:

«51. Экологик нормативларининг тасдиқланган электрон нусхалари Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармаларига тақдим этилади.»;

р) 52-банддаги «Давлат экология қўмитаси» сўзлари «Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари» сўзлари билан алмаштирилсин;

с) 54 ва 55-бандлар ўз кучини йўқотган деб ҳисоблансин;

т) Низомга 1-илованинг матни қуйидаги таҳрирда баён этилсин:

« Экологик нормативлар лойиҳаларини ишлаб чиқиш ва келишиш

Босқичлар Тадбирлар Масъуллар Муддатлар 1-босқич Атроф-муҳитни ифлослантирувчи манбаларни хатловдан ўтказиш (кейинги ўринларда — хатловдан ўтказиш) Ташкилот ёки жалб қилинган лойиҳани ишлаб чиқувчи Заруратга кўра 2-босқич Хатловдан ўтказиш материалларини тасдиқлаш ва ташкилот жойлашган жой бўйича Қорақалпоғистон Республикаси Экология ва иқлим ўзгариши қўмитасига, вилоятлар ва Тошкент шаҳар экология ва иқлим ўзгариши бош бошқармаларига юбориш Ташкилот раҳбари Тайёрлигига кўра 3-босқич Атроф-муҳитни ифлослантирувчи манбаларни ўрганган ҳолда, хатловдан ўтказиш материалларини кўриб чиқиш ва уларни тасдиқлаш ёки қайта ишлаш учун қайтариш (ишончсиз маълумотлар аниқланганда) Объект жойлашган жой бўйича Қорақалпоғистон Республикаси экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари Тақдим қилинган кунидан бошлаб 15 кун мобайнида 4-босқич Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари томонидан тасдиқланган хатловдан ўтказиш материаллари асосида атроф-муҳитга таъсир кўрсатишнинг экологик нормативлари лойиҳаси ишлаб чиқилади Ташкилот ёки жалб қилинган лойиҳани ишлаб чиқувчи Хатловдан ўтказиш материаллари тасдиқлангандан кейин 5-босқич Экологик нормативлар лойиҳалари хатловдан ўтказиш материаллари билан бирга давлат экологик экспертизасидан ўтказиш учун Экология қўмитаси ҳузуридаги «Давлат экологик экспертизаси маркази» ДМга тақдим этади Ташкилот раҳбари Хатловдан ўтказиш материаллари тайёрлигига кўра » ;

у) Низомга 3 , 4 , 5 , 6 ва 12-иловалар ўз кучини йўқотган деб ҳисоблансин;

ф) Низомга 19-иловадаги «Қорақалпоғистон Республикаси экология ва атроф-муҳитни муҳофаза қилиш қўмитасининг раиси, вилоят ва Тошкент шаҳар экология ва атроф-муҳитни муҳофаза қилиш бошқармасининг бошлиғи» сўзлари «Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар экология ва иқлим ўзгариши бош бошқармалари» сўзлари билан алмаштирилсин;

х) Низомга 21-илованинг матнида :

«(А шакл)» бўлимидаги «Экология ва атроф-муҳитни муҳофаза қилиш давлат қўмитасининг раиси» сўзлари «Экология ва иқлим ўзгариши миллий қўмитаси раиси ёки бошқа ваколатли шахс» сўзлари билан алмаштирилсин;

«(Б шакл)» бўлимида:

«II, III ва IV тоифаларига» сўзлари «II ва III тоифаларига» сўзлари билан алмаштирилсин;

«Қорақалпоғистон Республикаси экология ва атроф-муҳитни муҳофаза қилиш қўмитасининг раиси, вилоят ва Тошкент шаҳар экология ва атроф-муҳитни муҳофаза қилиш бошқармасининг бошлиғи» сўзлари «Экология ва иқлим ўзгариши миллий қўмитаси раиси ёки бошқа ваколатли шахс» сўзлари билан алмаштирилсин.

2. Вазирлар Маҳкамасининг «Ўзбекистон Республикаси ҳудудида атроф табиий муҳитни муҳофаза қилишнинг иқтисодий механизмларини янада такомиллаштириш тўғрисида» 2021 йил 12 апрелдаги 202-сон қарорида :

а) 3-банднинг учинчи хатбошисидаги «ва маҳаллий (IV тоифа)» сўзлари чиқариб ташлансин;

б) 1-иловада :

5-банднинг олтинчи хатбошиси қуйидаги таҳрирда баён этилсин:

«Атроф-муҳитга таъсир кўрсатишнинг биринчи, иккинчи ва учинчи тоифаларига мансуб субъектлар (кейинги ўринларда — I — III тоифаларга мансуб компенсация тўловчи субъектлар), ушбу Низомнинг 4 — 7-бобларида келтирилган компенсация тўловларини ҳисоблаш тартибига амал қилган ҳолда иш юритади.»;

6-банднинг биринчи хатбошисидаги , 8-банднинг биринчи хатбошисидаги , 10-банддаги «I — IV» рақамлари «I — III» рақамлари билан алмаштирилсин;

11-банднинг иккинчи хатбошисидаги «III ва IV тоифаларга» сўзлари «III тоифага» сўзлари билан алмаштирилсин;

22-бандда :

биринчи хатбошидаги «I — IV» рақамлари «I — III» рақамлари билан алмаштирилсин;

тўртинчи хатбошидаги «III ва IV тоифаларга» сўзлари «III тоифага» сўзлари билан алмаштирилсин;

27-банддаги «III ва IV тоифаларга» сўзлари «III тоифага» сўзлари билан алмаштирилсин;

4-илованинг изоҳ қисми чиқариб ташлансин.

3. Вазирлар Маҳкамасининг «Ўзбекистон Республикасида маҳсулот ва хизматларни ихтиёрий экологик маркировкалаш тизимини такомиллаштириш чора-тадбирлари тўғрисида» 2025 йил 20 январдаги 20-сон қарорига 1-илованинг матни қуйидаги таҳрирда баён этилсин:

« Экологик маркировка белгиси

Экологик маркировка белгисининг умумий тавсифи

1. Экологик маркировка белгиси — оқ фонда тўқ яшил рангдаги «YASHIL BELGI» сўзларидан ҳамда тўқ яшил ва оч яшил ранглардаги иккита барг тасвиридан иборат бўлиб, улар тўқ яшил рангдаги тўртбурчак шакл ичида жойлаштирилган. Бунда:

барглар тасвири «YASHIL BELGI» сўзларининг юқори қисмига жойлаштирилган;

«YASHIL BELGI» сўзлари экологик маркировкалаш тизимини англатади;

тўртбурчак шакли экологик маркировкалаш тизими аниқ талаб ва чегараларни белгилайдиган стандартларга асосланганлигини ифодалайди.

2. Маҳсулот ёки хизматлар хусусиятларидан келиб чиқиб экологик маркировка белгиси оқ-қора ёхуд монохром рангларда тасвирланиши мумкин.

Монохром кўринишидаги экологик маркировкалаш белгиси фақат тўқ яшил ёки оч яшил рангда бўлишига рухсат этилади».

Ўзбекистон Республикасининг Бош вазири А. АРИПОВ

Тошкент ш.,

2026 йил 11 май,

234-сон

(Қонунчилик маълумотлари миллий базаси, 13.05.2026 й., 09/26/234/0482-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

NIZOM

SXEMASI

NIZOM

SXEMASI

NIZOM

SXEMASI

NIZOM

SXEMASI

NIZOM

SXEMASI

NIZOM

SXEMASI

Atrof-muhitga taʼsirni baholashning yangi mexanizmlarini joriy qilish chora-tadbirlari toʻgʻrisida

Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuni ijrosini taʼminlash, shuningdek, iqlim oʻzgarishi salbiy oqibatlarini keltirib chiqaruvchi sanoat korxonalarining atrof-muhitga va inson salomatligiga salbiy taʼsirining oldini olish va kamaytirishning xalqaro talablarga javob beradigan zamonaviy mexanizmlarini joriy qilish maqsadida Vazirlar Mahkamasi qaror qiladi:

1. Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq quyidagilar belgilangani maʼlumot uchun qabul qilinsin:

davlat ekologik ekspertizasi oʻtkazilishining majburiyligi;

davlat ekologik ekspertizasining ijobiy xulosasi boʻlmay turib, loyihalarning bank va boshqa kredit tashkilotlari tomonidan moliyalashtirilishi taqiqlangani;

ekolog-ekspert faoliyatiga aralashishga yoʻl qoʻyilmasligi;

attestatsiyadan oʻtkazilgan xodim ekolog-ekspert boʻlishi mumkinligi;

atrof-muhitga taʼsirni baholash loyihani ishlab chiquvchilar tomonidan oʻtkazilishi;

loyihani ishlab chiquvchi shtatida tegishli malaka sertifikati mavjud boʻlgan kamida ikki nafar xodimga ega boʻlishi kerakligi;

davlat ekologik ekspertizasining xulosasida koʻrsatilgan talablar bajarilishi shartligi.

2. Quyidagilar:

Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari va obyektlar roʻyxati 1-ilovaga muvofiq;

Davlat ekologik ekspertizasini oʻtkazish tartibi toʻgʻrisidagi nizom 2-ilovaga muvofiq;

Atrof-muhitga taʼsirni baholash tartibi toʻgʻrisidagi nizom 3-ilovaga muvofiq;

Moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga taʼsiri boʻyicha jamoatchilik eshituvlarini oʻtkazish tartibi toʻgʻrisidagi nizom 4-ilovaga muvofiq;

Jamoat ekologik ekspertizasini oʻtkazish tartibi toʻgʻrisidagi nizom 5-ilovaga muvofiq;

Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish tartibi toʻgʻrisidagi nizom 6-ilovaga muvofiq;

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi toʻgʻrisidagi nizom 7-ilovaga muvofiq;

Strategik ekologik baholash boʻyicha ekologik maʼruzani tayyorlash va uning sifatini baholash tartibi toʻgʻrisidagi nizom 8-ilovaga muvofiq tasdiqlansin.

3. Belgilansinki:

ekologik ekspertiza obyektlari atrof-muhitga taʼsiri boʻyicha uch toifaga ajratiladi hamda majburiy davlat ekologik ekspertizasidan oʻtkaziladi;

ekologik ekspertiza obyektlari uchun loyiha hujjatlarini ishlab chiqishga doir malaka sertifikati beriladi;

ekolog-ekspertlar belgilangan tartibda attestatsiyadan oʻtkaziladi;

strategik rejalashtirish hujjatlari strategik ekologik baholanadi;

jamoat ekologik ekspertizasi nodavlat notijorat tashkilotlarining va fuqarolarning tashabbusi bilan oʻtkaziladi;

davlat ekologik ekspertizasidan oʻtkazish hamda ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish jarayonlari Davlat xizmatlari markazi hamda Yagona interaktiv davlat xizmatlari portali orqali amalga oshiriladi.

4. Oʻzbekiston Respublikasi Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) uch oy muddatda:

ushbu qaror talablaridan kelib chiqqan holda, veb-sayti orqali davlat ekologik ekspertizasidan oʻtkazishning elektron hujjat almashinuvi tizimi yanada takomillashtirilishini;

Oʻzbekiston Respublikasi Raqamli texnologiyalar vazirligi bilan birgalikda davlat ekologik ekspertizasini oʻtkazish hamda ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish boʻyicha davlat xizmatlari Yagona interaktiv davlat xizmatlari portali orqali koʻrsatilishini;

davlat ekologik ekspertizasi boʻyicha ekspertlar kengashi tarkibi va uning nizomi tasdiqlanishini;

loyihani ishlab chiquvchilar reytingi mezonlarini tasdiqlash va ularning reytingini yuritishni;

ushbu qarorning maqsadlari, mazmuni va amaliy ahamiyatini tadbirkorlik subyektlari oʻrtasida keng yoritish tadbirlarining rejasini tasdiqlasin va uning belgilangan muddatlarda amalga oshirilishini taʼminlasin.

5. Oʻzbekiston Respublikasi Hukumatining 9-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Vazirlar Mahkamasining “Atrof-muhitga taʼsirni baholash mexanizmini yanada takomillashtirish toʻgʻrisida” 2020-yil 7-sentabrdagi 541-son qarori oʻz kuchini yoʻqotgan deb hisoblansin.

7. Mazkur qaror rasmiy eʼlon qilingan kundan eʼtiboran uch oy oʻtgach kuchga kiradi.

8. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2026-yil 11-maydagi 234-son qaroriga 1-ILOVA

Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari va obyektlar

T/r Faoliyat turlari va obyektlari Ekspertizani oʻtkazish muddati (ish kuni) Toʻlov miqdori (BXM) I. Atrof-muhitga taʼsir koʻrsatishning I toifasiga mansub (yuqori darajada xavfli) faoliyat turlari va obyektlari 1. Transport, elektrotexnika va yoʻl xoʻjaligi 1. “A” va “M” toifadagi avtomobil yoʻllari va koʻpriklar, tonnellar, metro, temir yoʻllar (umumiy foydalanishda boʻlmagan temir yoʻllar bundan mustasno) va yuk terminallari, logistika markazlari, shu jumladan, daryo portlari va pristanlar. 25 25 2. Aeroportlar. 25 25 3. Mashinasozlik sanoati (aviasozlik, vagonsozlik, avtomobilsozlik, traktorsozlik, motor hamda mototransport ishlab chiqarish va boshqalar). 25 25 4. Elektrotexnika va radiotexnika sanoati korxonalari. 25 25 2. Energetika sanoati 5. Atom stansiyalari, yadroviy reaktorli qurilmalar, shu jumladan, modulli atom reaktorlari, atom sanoati chiqindilari va boshqa radioaktiv chiqindilarga ishlov berish yoki utilizatsiya qilish qurilmalari. 25 25 6. 300 MVt yoki undan ortiq quvvatga ega boʻlgan issiqlik elektr stansiyalari va boshqa energetik yondirish qurilmalari. 25 25 7. 100 MVt va undan ortiq quvvatga ega boʻlgan fotoelektr va shamol elektr stansiyalari. 25 25 8. 30 MVt dan ortiq quvvatga ega boʻlgan gidroelektrostansiyalar. 25 25 9. 110 kV va undan yuqori kuchlanishga ega boʻlgan (havo va kabel) elektr uzatish liniyalari, shu jumladan, transformator stansiyalari (podstansiyalar). 25 25 10. Bioreaktor umumiy sigʻimi 500 m 3 dan yuqori boʻlgan biogaz qurilmalari. 25 25 11. Transformator ishlab chiqarishga moʻljallangan korxonalar. 25 25 12. Vodorod ishlab chiqarish. 25 25 13. 100 MVt va undan yuqori quvvatga ega boʻlgan elektr energiyasini saqlash tizimlari. 25 25 14. Kabel mahsulotlarini ishlab chiqarish (eritish va quyish). 25 25 3. Neft va gaz sanoati 15. Neft va neft mahsulotlarini saqlash hajmi boʻyicha I toifadagi bazalar. 25 25 16. Yoqilgʻi resurslarini (neft, gaz, koʻmir, kondensat va boshqalar) geologik jihatdan oʻrganish va qazib olish, quduqlarni jihozlash ishlari. 25 25 17. 0,6 MPa dan yuqori bosimli gaz quvurlari. 25 25 18. Magistral neft quvurlari. 25 25 19. Neft va gazni qayta ishlash korxonalari (tayyor moylardan moylash mahsulotlari ishlab chiqaruvchi korxonalar bundan mustasno). 25 25 20. Yerosti gaz omborlari. 25 25 21. Koʻmirni boyitish hamda qayta ishlash korxonalari. 25 25 4. Metallurgiya, togʻ-kon va geologiya sanoati 22. Kon boyitish fabrikalari. 25 25 23. Ruda, kimyoviy xomashyoni va qimmatbaho metallar hamda qimmatbaho toshlar boʻlgan yer qaʼri uchastkalarini geologik jihatdan oʻrganish va qazib olish, qazib olishda hosil boʻladigan karyerlarni va ularga tutash hududlarni rekultivatsiya qilish ishlari. 25 25 24. Qora va rangli metallurgiya zavodlari. 25 25 25. Yer ostida ishqor bilan yuvish poligonlari, shuningdek, zich holatda ishqor bilan yuvish texnologiyasidan foydalanadigan korxonalar. 25 25 26. Akkumulyatorlar va ularning elementlari, shuningdek, galvanik batareyalar ishlab chiqarish korxonalari. 25 25 27. Ishlab chiqarish quvvati soatiga 20 tonnadan ortiq qora metallar prokati (quymasiz). 25 25 28. Zargarlik buyumlarini ishlab chiqaruvchilar tomonidan amalga oshiriladigan qimmatbaho metallar affinaj faoliyati. 25 25 5. Qishloq va suv xoʻjaligi tarmoqlari 29. Respublika va viloyatlararo ahamiyatga ega boʻlgan suv oʻtkazgichlar. 25 25 30. Suv omborlari va toʻgʻonlar. 25 25 31. Daryo va soy oʻzanlarini toʻplanib qolgan noruda materiallardan tozalash ishlari. 25 25 32. 500 gektardan ortiq maydondagi yerlarni oʻzlashtirish, rekonstruksiya qilish va meliorativ holatini yaxshilash, yerlardan foydalanish va ularni muhofaza qilish tadbirlari. 25 25 6. Kommunal xizmat koʻrsatish sohasi 33. Sutkalik ish hajmi 280 ming m 3 ortiq boʻlgan oqova suv tozalash inshootlari. 25 25 34. Gazsimon yoki suyuq xlordan foydalanuvchi xloratorlar. 25 25 7. Chiqindilar bilan bogʻliq ishlarni tashkil etish 35. Maishiy chiqindi poligonlari (200 ming kishidan ortiq aholisi mavjud shaharlar va aholi punktlari uchun). 25 25 36. Chiqindilarni yoqish zavodlari va krematoriyalar, shu jumladan, B, V, G sinfga mansub tibbiyot chiqindilari, nobud boʻlgan hayvonlar va qushlarni yoqish moslamalari. 25 25 37. Zaharli chiqindilarni shuningdek, shlam va shlaklarni toʻplash, koʻmish yoki utilizatsiya qilish poligonlari, ularda rekultivatsiya qilish ishlari. 25 25 38. Xavflilik darajasining I va II sinfiga mansub chiqindilarni qayta ishlash korxonalari. 25 25 8. Qurilish sanoati 39. Asbest va tarkibida asbest boʻlgan buyumlarni ishlab chiqarish korxonalari. 25 25 40. Tarkibida zaharli aralashmalar boʻlgan oyna, zaharli kimyoviy moddalar hamda I va II xavflilik sinfiga mansub birikmalar ishlab chiqarish korxonalari, shu jumladan, listlangan oyna, shishali momiq va shisha mato ishlab chiqarish korxonalari. 25 25 41. Sement ishlab chiqarish korxonalari. 25 25 9. Kimyo sanoati 42. Portlovchi moddalarni ishlab chiqarish va saqlash korxonalari. 25 25 43. Xalqaro bitimlar bilan tartibga solinadigan, tarkibida zaharli moddalar boʻlgan asbob-uskunalar yoki qurilmalarni ishlab chiqarish korxonalari. 25 25 44. Radioaktiv moddalar (izotoplar) ishlab chiqarish, ularni ishlatish va saqlash (tibbiyot tizimi bundan mustasno) korxonalari. 25 25 45. Respublika ahamiyatiga ega boʻlgan zaharli kimyoviy moddalar omborxonalari. 25 25 46. Kimyoviy majmualar, zavodlar va sexlar. 25 25 47. Oʻsimliklarni himoya qilish uchun foydalaniladigan kimyoviy vositalarni ishlab chiqarish. 25 25 48. Sellyuloza ishlab chiqarish. 25 25 49. Biotexnologiyalardan foydalanuvchi biokimyoviy zavod va korxonalar. 25 25 50. Elektrokimyoviy va kimyoviy qoplama usullaridan foydalanadigan korxonalar. 25 25 10. Farmatsevtika sanoati 51. Dori moddalari (substansiya) va reagentlarni ishlab chiqaruvchi farmatsevtika zavodlari va fabrikalari (tayyor dorivor vositalarni qadoqlash korxonalari bundan mustasno). 25 25 11. Oziq-ovqat sanoati 52. Elevator, tegirmon (quvvati sutkasiga 150 tonna) va aralash ozuqa sexidan (quvvati sutkasiga 5 tonna) iborat un kombinatlari. 25 25 53. Ekstraksiya, birlamchi xomashyodan sovun tayyorlash (xom yogʻ kislotalari, kislotalarini distillash, sovun tayyorlash), yogʻlarni gidrogenlash yoki transesterifikatsiya qilish, glitserin ishlab chiqarish sexlaridan iborat yogʻ-moy kombinatlari va korxonalari (yogʻ-moy kombinatlari). 25 25 54. Tamaki mahsulotlarini ishlab chiqarish va tamakini qayta ishlash korxonalari. 25 25 55. Shakar ishlab chiqarish korxonalari. 25 25 12. Chorvachilik tarmoqlari 56. 2000 boshdan ortiq qoramolchilik, yilqichilik va 6000 boshdan ortiq qoʻychilik va echkichilik fermalari. 25 25 57. 1200 boshdan ortiq choʻchqachilik komplekslari. 25 25 58. Yiliga 400 mingdan ortiq tovuq va 3 milliondan ortiq broyler yetishtiriladigan parrandachilik fabrikalari. 25 25 13. Yengil sanoat 59. Birlamchi xomashyodan qogʻoz va karton ishlab chiqarish korxonalari. 25 25 60. Teri-koʻnchilik korxonalari. 25 25 II. Atrof-muhitga taʼsir koʻrsatishning II toifasiga mansub (oʻrtacha darajada xavfli) faoliyat turlari va obyektlari 1. Transport, elektrotexnika va yoʻl xoʻjaligi 61. “D” toifali avtomobil yoʻllari, tonnellar va koʻpriklar. 25 15 62. Temir yoʻl korxonalari, vagon va lokomotiv depolari, temir yoʻl stansiyalari va vokzallari. 25 15 63. Optik tola ishlab chiqarish korxonalari. 25 15 64. Motorsiz transport vositalarini ishlab chiqarish, shu jumladan, velosiped, samokat va boshqalar (quymasiz). 25 15 65. Kabel mahsulotlarini ishlab chiqarish (eritishsiz va quymasiz). 25 15 66. Aerodromlar. 25 15 2. Energetika sanoati 67. 35 kV dan 110 kV kuchlanishga ega boʻlgan (havo va kabel) elektr uzatish liniyalari, 35 kV dan 110 kV kuchlanishga ega boʻlgan va transformator stansiyalari (podstansiyalar). 25 15 68. 100 MVt dan 300 MVt gacha ega boʻlgan issiqlik elektr stansiyalari va boshqa energetik yondirish qurilmalari. 25 15 69. 10 MVt dan 100 MVt quvvatgacha ega boʻlgan fotoelektr va shamol elektr stansiyalari. 25 15 70. Bioreaktor umumiy sigʻimi 100 m 3 dan 500 m 3 gacha boʻlgan biogaz qurilmalari. 25 15 71. Koʻmir kuli omborlari. 25 15 72. 10 MVt dan 100 MVt gacha ega boʻlgan elektr energiyasini saqlash tizimlari. 25 15 73. Biologik yoqilgʻi ishlab chiqarish korxonalari. 25 15 3. Neft va gaz sanoati 74. Neft va neft mahsulotlarini saqlash hajmi boʻyicha II toifadagi bazalar. 25 15 75. Yoqilgʻi resurslarini, geofizik va geologik tadqiqotlarni seysmik va elektr qidiruv. 25 15 76. 0,3 MPa dan 0,63 MPa gacha oʻrta bosimli gaz quvurlari. 25 15 77. Tayyor moylardan moylash materiallari ishlab chiqaruvchi korxonalar. 25 15 4. Metallurgiya, togʻ-kon va geologiya sanoati 78. Noruda foydali qazilmalarni geologik jihatdan oʻrganish va ularni qazib olish ishlari. 25 15 79. Quvvati sutkasiga 1 tonnagacha qora va rangli metall, ularning qotishmalarini induksion va gaz pechlarida eritish (qoʻrgʻoshin, kadmiy va boshqa toksik metallari bundan mustasno). 25 15 80. Ishlab chiqarish quvvati soatiga 20 tonnadan kam qora metallar prokati (quymasiz). 25 15 81. Geofizik va geologik tadqiqotlarni seysmik va elektr razvedka qilish ishlari. 25 15 5. Qishloq va suv hoʻjaligi tarmoqlari 82. Suv oʻtkazish quvvati daqiqada 50 kub metrdan ortiq boʻlgan magistral kanallar, loyiha boʻyicha hisoblangan quvvati daqiqada 20 kub metrdan ortiq boʻlgan kollektorlar. 25 15 83. Viloyatlararo ahamiyatga ega boʻlgan yerosti suvlarni olish inshootlari. 25 15 84. Dambalar. 25 15 85. Daryo qirgʻoqlarini mustahkamlash ishlari (keng tarqalgan foydali qazilmalar olinmagan holda). 25 15 86. 200 gektardan 500 gektargacha boʻlgan maydondagi sugʻoriladigan yerlarni rekonstruksiya qilish va meliorativ holatini yaxshilash, 200 gektardan 500 gektargacha yangi yerlarni oʻzlashtirish. 25 15 87. Respublika va viloyatlararo ahamiyatga ega boʻlgan ichimlik va oqova suvlarni uzatish tarmoqlari. 25 15 6. Kommunal xizmat koʻrsatish sohasi 88. Quvvati sutkasiga 50 ming m 3 dan 280 ming m 3 gacha boʻlgan oqova suv tozalash inshootlari. 25 15 7. Chiqindilar bilan bogʻliq ishlarni tashkil etish 89. Qattiq maishiy chiqindilarni toʻplash maydonchalari (aholisi 100 mingdan 200 mingcha boʻlgan aholi punktlari). 25 15 90. Nobud boʻlgan hayvonlar, chorva mollari, parrandalar va baliqlarni koʻmish joylari. 25 15 91. Xavflilik darajasi III sinfga mansub chiqindilarni qayta ishlash korxonalari. 25 15 92. Qurilish chiqindilari poligonlari. 25 15 8. Qurilish sanoati 93. Asfalt-beton zavodlari, ruberoid ishlab chiqarish. 25 15 94. Qurilish sanoati korxonalari, asbest va sement ishlab chiqarish bundan mustasno. 25 15 95. Sement va boshqa mayda zarrali qurilish materiallarini mexanizatsiyalashgan tarzda qadoqlash korxonalari. 25 15 96. Yogʻoch-qipiq va yogʻoch-tolali plita ishlab chiqarish korxonalari, shu jumladan, ularni lok bilan kimyoviy toʻyintirish. 25 15 97. Boʻyoqlar, lok va lok-boʻyoq ishlab chiqarish korxonalari, suv emulsiyasi asosidagi buyoq bundan mustasno. 25 15 98. Mebel ishlab chiqarish zavodi va fabrikalari. 25 15 99. Keramik plitalar, shu jumladan, sanitariya-texnik mahsulotlar ishlab chiqarish korxonalari. 25 15 100. Yoqish usuli bilan qurilish materiallarini ishlab chiqarish, sement ishlab chiqarish bundan mustasno. 25 15 9. Kimyo sanoati 101. Qoraqalpogʻiston Respublikasi va viloyatlar ahamiyatiga ega boʻlgan zaharli kimyoviy moddalar qabristonlari, shu jumladan, mineral oʻgʻitlar omborxonalari hamda ularni rekultivatsiya qilish ishlari. 25 15 102. Yiliga 300 tonnadan ortiq gazmol va qogʻozni lok bilan kimyoviy toʻyintirish korxonalari shuningdek, xavflilik darajasi III — V sinfga mansub zaharli kimyoviy moddalar va birikmalar ishlab chiqarish korxonalari. 25 15 103. Aralashtirish va eritish jarayonlaridan foydalanadigan kompleks mineral oʻgʻitlar va boshqa qorishmalarni ishlab chiqaruvchi korxonalari. 25 15 104. Pardoz va atir-upa mahsulotlarini ishlab chiqarish korxonalari. 25 15 105. Birlamchi xomashyodan qattiq va suyuq sovun ishlab chiqarish korxonalari. 25 15 106. Ishlab chiqarish hajmi yiliga 300 tonnadan ortiq sintetik va kompozit materiallardan polimer mahsulotlar, shu jumladan, qurilish mahsulotlari (gulqogʻoz, linoleum va laminat qoplama va shu kabilar) ishlab chiqarish korxonalari. 25 15 107. Rezina xomashyosi, mahsulotlari va buyumlarini ishlab chiqarish, shu jumladan, rezinotexnika va lateks buyumlarini ishlab chiqarish korxonalari. 25 15 108. Tayyor komponentlardan yuvish va tozalash mahsulotlarini ishlab chiqarish korxonalari. 25 15 109. Biologik, radioaktiv va yonuvchi-portlovchi moddalar bilan ishlovchi markaziy laboratoriyalar (laboratoriya faoliyatida foydalaniladigan jihoz va uskunalar bundan mustasno). 25 15 10. Farmatsevtika sanoati 110. Dori vositalari, tibbiy jihozlar (reagentlarni ishlab chiqarish bundan mustasno) va kosmetika preparatlarini ishlab chiqarish korxonalari. 25 15 111. Farmokologik, kosmetik vositalar ishlab chiqarish. 25 15 11. Yengil sanoat 112. Sutkasiga 20 tonnagacha qogʻoz va karton ishlab chiqarish korxonalari. 25 15 113. Boʻyash va oqartirish sexlari boʻlgan ip yigiruv va toʻqimachilik fabrikalari. 25 15 114. Sellyuloza-qogʻoz ishlab chiqarish korxonalari. 25 15 115. Paxtani xomashyosini qayta ishlash korxonalari. 25 15 116. Pillani qayta ishlash korxonalari. 25 15 117. Charmni boʻyash va loklash, shu jumladan, oshlangan teriga pardoz berish korxonalari. 25 15 118. Junni birlamchi qayta ishlash korxonalari va sexlari. 25 15 119. Lub sanoati korxonalari. 25 15 12. Oziq-ovqat sanoati 120. Oziq-ovqat mahsulotlari va biologik qoʻshimchalar ishlab chiqarish korxonalari. 25 15 121. Ishlab chiqarish quvvati sutkasiga 20 tonnadan koʻp non zavodlari, shu jumladan, konditer va makaron mahsulotlarini ishlab chiqarish korxonalari. 25 15 122. Spirt va alkogolli mahsulotlarni ishlab chiqarish va qadoqlash korxonalari. 25 15 123. Yogʻ ekstraksiya zavodlari. 25 15 124. Tegirmonlar (quvvati sutkasiga 150 tonnadan kam don yanchadigan), guruch maydalagichlar, don mahsulotlarini ishlab chiqarish korxonalari. 25 15 125. Oziq-ovqat sanoatida foydalaniladigan modda va qorishmalar uchun ekstraksiya ishlatadigan korxonalar. 25 15 13. Chorvachilik tarmoqlari 126. Soʻyish va mahsulotlarni qayta ishlashni oʻz ichiga olgan 100 ming boshdan ortiq tovuqchilik, oʻrdakchilik, 50 ming boshdan ortiq kurkachilik, gʻozchilik fabrikalari. 25 15 127. 100 boshdan 2000 boshgacha qoramolchilik va yilqichilik fermalari, 200 boshdan 2000 boshgacha qoʻychilik va echkichilik fermalari, 50 boshdan 1200 boshgacha choʻchqachilik fermalari. 25 15 128. Sutkasiga 50 boshdan ortiq qoramol, 200 boshdan ortiq qoʻy, echki hamda sutkasida 5 ming boshdan ortiq parrandalarni soʻyish va mahsulotni qayta ishlash korxonalari. 25 15 III. Atrof muhitga taʼsir koʻrsatishning III toifasiga mansub (past darajada xavfli) faoliyat turlari va obyektlari 1. Transport, elektrotexnika va yoʻl xoʻjaligi 129. “V” toifadagi avtomobil yoʻllari, tonnellar va koʻpriklar. 15 7,5 130. Avtotransport korxonalari, tramvay, trolleybus parklari va depolari. 15 7,5 131. Umumiy foydalanishda boʻlmagan temir yoʻllar. 15 7,5 132. Elektr asbob-uskunalarini yigʻish va taʼmirlash, metallga ishlov berish korxonalari, shu jumladan, sexlari. 15 7,5 133. Optik tolali va boshqa kabellarni yotqizish, avtonom quvvat manbalari (dizel generatorlari) bilan mobil aloqa antennalarini oʻrnatish. 15 6,5 134. Dvigatel va mashinalarni taʼmirlash (avtoservis punktlari), shuningdek, ularni boʻyash, va avtomobillarni yuvish shoxobchalari. 15 7,5 135. Avtomobil sporti majmualari, avtopoyga trassalari va yoʻlaklari. 15 7,5 2. Energetika sanoati 136. Bioreaktor sigʻimi 100 m 3 gacha boʻlgan biogaz qurilmalari (shaxsiy ehtiyojlar uchun biogaz ishlab chiqarish bundan mustasno). 15 7,5 137. 35 kVt gacha kuchlanishga ega boʻlgan (havo va kabel) elektr uzatish liniyalari, shu jumladan, transformator stansiyalari (podstansiyalar). 15 7,5 138. Quvvati 100 MVtgacha boʻlgan issiqlik elektr stansiyalari va boshqa energetik yondirish qurilmalari. 15 7,5 139. 10 MVt quvvatgacha boʻlgan fotoelektr va shamol elektr stansiyalari (binolarning tom va fasad qismida oʻrnatishga moʻljallangan fotoelektr stansiyalari bundan mustasno). 15 6,5 140. Quvvati 30 MVt va undan kam boʻlgan gidroelektrstansiyalar. 15 6,5 141. Isitish tizimiga (tabiiy gaz, koʻmir va boshqa yonilgʻi turlarida ishlovchi) ega issiqxonalar, shaxsiy yordamchi xoʻjaliklar va dehqon xoʻjaliklari bundan mustasno. 15 6,5 142. Tayyor komponentlardan transformator yigʻish. 15 7,5 143. 10 MVt gacha quvvatga ega boʻlgan elektr energiyasini saqlash tizimlari 15 7,5 144. Yogʻoch koʻmir, faollashtirilgan koʻmir va koʻmir briketlarini ishlab chiqarish korxonalari va ularni saqlash omborlari 15 7,5 145. Geotermal elektr stansiyalar. 15 3,9 3. Neft va gaz sanoati 146. Avtomobillarga yonilgʻi va gaz quyish stansiyalari. 15 7,5 147. 0,3 MPa gacha boʻlgan past bosimli gaz quvurlari 15 7,5 148. Shaharlar va boshqa aholi punktlari hududiga yotqizilgan neft quvurlari 15 7,5 149. Neft va neft mahsulotlarini saqlash hajmi boʻyicha III toifadagi bazalar. 15 7,5 150. Inert gazlar, karbonat angidrid gazi va boshqa gazlar ishlab chiqarish korxonalari ( shu jumladan, sexlari). 15 7,5 151. Rezinotexnika buyumlarini ishlab chiqarish korxonalari (vulkanizatsiyasiz). 15 6,5 152. Korxona va tashkilotlarning neft mahsulotlari omborlari. 15 7,5 4. Poligrafiya 153. Bosmaxonalar, poligrafiya korxonalari va bosma-matbaa mahsulotlarini ishlab chiqarish. 15 6,5 5. Metallurgiya, togʻ-kon va geologiya sanoati 154. Noruda foydali qazilmalarni qayta ishlash korxonalari (foydali qazilma konlari bundan mustasno) 15 7,5 6. Qishloq va suv hoʻjaligi tarmoqlari 155. Suv oʻtkazish quvvati 50 m 3 /daqiqadan kam boʻlgan magistral kanallar, sugʻorish kanallari, har daqiqada loyiha boʻyicha hisoblangan quvvati 20 kub metrdan kam boʻlgan kollektor-drenaj tarmoqlari. 15 7,5 156. 200 gektargacha boʻlgan maydondagi sugʻoriladigan yerlarni rekonstruksiya qilish va meliorativ holatini yaxshilash, 200 gektargacha yangi yerlarni oʻzlashtirish. 15 7,5 157. 50 tonnadan ortiq sigʻimli sovitgich qurilmalari va 50 tonnadan kam sigʻimli sovitgich qurilmalarga ega omborxonalar, ozon qatlamini buzuvchi hamda issiqxona gazlarini hosil qiluvchi moddalarni toʻldirish ustaxonalari. 15 7,5 158. Sel suvini toʻplash omborlari. 15 7,5 159. Qoraqalpogʻiston Respublikasi, viloyatlar va Toshkent shahri hamda tuman ahamiyatiga ega boʻlgan suv oʻtkazgichlar. 15 7,5 7. Kommunal xizmat koʻrsatish sohasi 160. Quvvati sutkasiga 50 ming m 3 dan kam boʻlgan oqova suv tozalash inshootlari. 15 7,5 161. Tuman va shahar ahamiyatga ega boʻlgan ichimlik va oqova suvlarni uzatish tarmoqlari. 15 7,5 162. Qoraqalpogʻiston Respublikasi, viloyatlar va Toshkent shahri ahamiyatiga ega boʻlgan yer osti suvlarini olish inshootlari. 15 7,5 8. Chiqindilar bilan bogʻliq ishlarni tashkil etish 163. Maishiy chiqindilarni qayta yuklash stansiyalari. 15 7,5 164. Aholisi 100 mingdan kam boʻlgan aholi punktlari uchun maishiy chiqindilar poligonlari. 15 7,5 165. Xavflilik darajasi IV va V sinfga mansub chiqindilarni saralash va qayta ishlash korxonalari (qogʻoz va karton ishlab chiqarish bundan mustasno). 15 7,5 9. Qurilish sanoati 166. Xom gʻisht, shlakoblok, yoʻlak plitkalari, penoblok va gazobloklar ishlab chiqarish korxonalari. 15 7,5 167. Qurilishda foydalaniladigan pardozlash materiallarini ishlab chiqarish, shuningdek, ohak, gips, shpaklevka va boʻr ishlab chiqarish korxonalari (keramik plita va sanitariya texnik vositalar ishlab chiqarish bundan mustasno).. 15 7,5 168. Shisha, keramika va kulolchilik mahsulotlarini ishlab chiqaruvchi hunarmandchilik korxonalar. 15 7,5 169. Toshni qayta ishlash korxonalari va sexlari. 15 7,5 170. Sement va boshqa mayda zarrali materiallarini qoʻlda qadoqlash sexlari. 15 6,5 171. Yogʻochsozlik, mebel ishlab chiqarish, yigʻish va taʼmirlash korxonalari, shu jumladan, sexlari. 15 7,5 172. Suv emulsiyasi asosidagi boʻyoq mahsulotlarini ishlab chiqarish. 15 7,5 173. Shishadan tarkibida zaharli moddalar boʻlmagan buyumlarni ishlab chiqarish korxonalari shu jumladan, sexlari. 15 7,5 174. Chinni buyumlarni ishlab chiqarish korxonalari, shu jumladan, sexlari. 15 7,5 10. Kimyo sanoati 175. Yiliga 300 tonnagacha gazmol va qogʻozni lok bilan kimyoviy toʻyintirish korxonalari. 15 7,5 176. Tuman ahamiyatiga ega boʻlgan zaharli kimyoviy moddalar, shu jumladan, mineral oʻgʻitlar omborlari va zaharli chiqindixonalarni rekultivatsiya qilish ishlari. 15 7,5 177. Xloratorlar (gazsimon yoki suyuq xlordan foydalanmagan holda). 15 7,5 178. Qattiq, kukun va suyuq holdagi kir yuvish vositalarini qadoqlash. 15 6,5 179. Fizik, kimyoviy va mikrobiologik tahlil markaziy laboratoriyalari. 15 7,5 180. Salfetka, hojatxona qogʻozi, tagliklar va gigiyenik vositalarni ishlab chiqarish korxonalari. 15 7,5 181. Ishlab chiqarish hajmi yiliga 300 tonnadan kam boʻlgan sintetik va kompozit materiallardan polimer mahsulotlar, shu jumladan, qurilish mahsulotlari (gulqogʻoz, linoleum va laminat qoplama va shu kabilar) ishlab chiqarish korxonalari. 15 7,5 182. Zargarlik buyumlarini ishlab chiqarish. 15 7,5 183. Oʻsimliklarni himoya qilish kimyoviy vositalarini saqlash va realizatsiya qilish. 15 7,5 184. Kalsiy karbidi ishlab chiqarish sexlari. 15 6,5 11. Farmatsevtika sanoati 185. Tayyor dorivor vositalarni qadoqlash korxonalari, shu jumladan sexlari. 15 7,5 186. Dorivor oʻsimliklarni yigʻish, yetishtirish va birlamchi qayta ishlash (quritish, qadoqlash). 15 7,5 12. Yengil sanoat 187. Gilam ishlab chiqarish korxonlari. 15 7,5 188. Oqartirishsiz paxta titish sexlari. 15 6,5 189. Poyabzal ishlab chiqarish korxonalari. charm-attorlik buyumlarini ishlab chiqarish korxonalari. 15 7,5 190. Boʻyash va oqartirish sexlari boʻlmagan yigiruv, toʻquv hamda tikuvchilik fabrikalari. charm-attorlik buyumlarini ishlab chiqarish korxonalari. 15 7,5 191. Pillani qabul qilish va saqlash punktlari. 15 6,5 192. Teriga ishlov berish korxonalari (oshlash va boʻyash bundan mustasno). 15 7,5 13. Oziq-ovqat sanoati 193. Alkogolsiz ichimliklar ishlab chiqarish va qadoqlash korxonalari. 15 7,5 194. Quvvati 1 tonnadan 5 tonnagacha boʻlgan un ishlab chiqarish va kepakni qayta ishlash korxonalari va sexlari. 15 7,5 195. Sut va sut mahsulotlarini qayta ishlash korxonalari, shu jumladan sexlari. 15 7,5 196. Omuxta yem ishlab chiqarish korxonalari. 15 7,5 197. Ishlab chiqarish quvvati sutkasiga 20 tonna gacha boʻlgan non, qandolat va makaron ishlab chiqarish sexlari. 15 7,5 198. Oʻsimlik yogʻlarini pressllash usuli bilan bogʻliq ishlab chiqarish korxonalari. 15 7,5 199. Qishloq xoʻjaligi mahsulotlarini qayta ishlash va konservalash korxonalari, shu jumladan, sexlari. 15 7,5 200. Oziq-ovqat mahsulotlarini (choy, tuz, shakar va boshqalarni) qadoqlash korxonalari. 15 7,5 14. Chorvachilik tarmoqlari 201. 100 boshgacha boʻlgan qoramolchilik, yilqichilik xoʻjaliklari, 200 boshgacha qoʻychilik va echkichilik fermalari, 50 boshgacha choʻchqachilik, 1000 boshgacha quyonchilik fermalari. 15 7,5 202. Moʻynachilik xoʻjaliklari va pitomniklari (norka, ondatra, shinshilla va boshqalar). 15 7,5 203. 50 mingdan 100 ming boshgacha tovuq va oʻrdak, 25 mingdan 50 ming boshgacha kurka va gʻoz yetishtirish parrandachilik fermalari (soʻyish va qayta ishlashni oʻz ichiga olmagan fermalar). 15 7,5 204. Baliqchilik xoʻjaliklari, shuningdek, baliqni qayta ishlash korxonalari. 15 6,5 205. Ovchilik, oʻrmon va oʻrmon-ovchilik xoʻjaliklari, ov qilinadigan va (yoki) baliq ovlanadigan joylar. 15 7,5 206. Yovvoyi hayvonlarni boshqa joyga koʻchirish, iqlimga moslashtirish va chatishtirish hamda yovvoyi holda oʻsuvchi oʻsimliklarni boshqa joyga koʻchirish, iqlimga moslashtirish va duragaylash faoliyati. 15 6,5 207. Qarovsiz hayvonlarni saqlash va parvarishlashga moʻljallangan pitomniklar (priyut). 15 7,5 208. Hayvonlar joylashgan veterinariya klinikalari, vivariylar, pitomniklar, kinologiya markazlari. 15 7,5 209. Yaylovlardan foydalanish va ularni muhofaza qilish. 15 7,5 15. Infratuzilma obyektlari 210. Madaniyat inshootlari, konsert, kino va tomosha zallari, kutubxonalar, teatrlar, sirklar, oʻyin attraksion va oʻyin avtomatlari zallari. 15 7,5 211. Koʻkalamzorlar hududlari va obyektlari (shahar oʻrmonlari, oʻrmon-bogʻlar, istirohat bogʻlari, xiyobonlar, bogʻlar, sayilgohlar), hayvonot bogʻlari, sunʼiy koʻllar, plyajlar, akvaparklar. 15 6,5 212. Jismoniy tarbiya, sport majmualari, shu jumladan, inshootlari, bolalar-oʻsmirlar sport maktablari, qayiq, velo va changʻi stansiyalari. 15 6,5 213. Tibbiyot va sogʻliqni saqlash muassasalari, sanatoriylar, dam olish va sogʻlomlashtirish maskanlari, oromgohlar, dorixonalar, turistik komplekslar, dor yoʻli. 15 6,5 214. Taʼlim muassasalari (umumtaʼlim, oʻrta maxsus, kasb-hunar va oliy taʼlim tashkilotlari, ilmiy-tadqiqot muassasalari). 15 6,5 215. Umumiy ovqatlanish, maishiy xizmat koʻrsatish muassasalari va tashkilotlari, bank-moliya muassasalari, qurilish-kommunal tashkilotlari, aloqa hamda transport korxonalari, noturar joy bino va inshootlar. 15 3,9 216. Muqobil goʻsht (oʻsimlik, madaniy) ishlab chiqarish. 15 7,5 217. Savdo markazlari, bozorlar (oziq-ovqat, nooziq-ovqat, sanoat), savdo maydoni 200 m 2 dan ziyod boʻlgan doʻkonlar va qandolatchilik (pishirish) doʻkonlari. 15 6,5 218. Huquqni muhofaza qilish organlarining maxsus obyektlari. 15 3,9 219. Kimyoviy tozalash va kir yuvish korxonalari, shu jumladan, sexlari. 15 6,5 16. Boshqa obyektlar 220. Tabiiy resurslardan foydalanish bilan bogʻliq boʻlgan xoʻjalik faoliyatini hamda boshqa faoliyatni tartibga soluvchi normativ-texnik va yoʻriqnoma-uslubiy hujjatlar, shu jumladan, texnik reglamentlar va shartlarning, standartlarning, qoidalar hamda yoʻriqnomalarning loyihalari. 25 Tegishli toifadagi obyektni davlat ekologik ekspertizasidan oʻtkazish uchun toʻlanadigan toʻlovning 30 foizi 221. Chiqindilarni zararsizlantirish, qayta ishlash va utilizatsiya qilish uchun yangi turdagi texnologiyalarni hamda texnika, texnologiyalar, materiallar, moddalar, mahsulotlarning yangi turlarini yaratishga doir hujjatlar, shuningdek, texnika vositalarini, materiallar, buyumlarni, biologik, kimyoviy moddalarni va vositalarni yaratish boʻyicha hujjatlar loyihalari. 25 20

Vazirlar Mahkamasining 2026-yil 11-maydagi 234-son qaroriga 2-ILOVA

Davlat ekologik ekspertizasini oʻtkazish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq davlat ekologik ekspertizasini oʻtkazish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

atrof-muhitga taʼsir — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhit va ekologik xavfsizlik uchun, shu jumladan, inson sogʻligʻi, atrof-muhit komponentlari uchun har qanday oqibatlari hamda ushbu omillarning oʻzaro bogʻliqligi, shuningdek, ushbu omillardagi oʻzgarishlarning ijtimoiy-iqtisodiy shart-sharoitlarga va madaniy meros obyektlariga taʼsiri;

atrof-muhitga taʼsirni baholash materiallari — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga taʼsirini baholash natijalari boʻyicha tayyorlanadigan va ekologik ekspertiza oʻtkazish uchun taqdim etiladigan hujjatlar toʻplami;

atrof-muhitga taʼsirni baholash materiallarini va ekologik normativlar loyihalarini ishlab chiquvchi (keyingi oʻrinlarda — loyihani ishlab chiquvchi) — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatini va boshqa faoliyatni tashkil etish uchun atrof-muhitga taʼsirni baholash materiallarini, shuningdek, amalga oshirilayotgan xoʻjalik faoliyatiga va boshqa faoliyatga oid ekologik normativlar loyihalarini ishlab chiqishni amalga oshiruvchi yuridik shaxs;

buyurtmachi (tashabbuskor) — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatini hamda boshqa faoliyatni tashkil etish uchun atrof-muhitga taʼsirni baholash materiallarini, shuningdek, amalga oshirilayotgan xoʻjalik faoliyatiga va boshqa faoliyatga oid ekologik normativlar loyihalarini ekologik ekspertizadan oʻtkazish uchun taqdim etadigan yuridik yoki jismoniy shaxs;

vaziyatlar xaritasi — davlat ekologik ekspertizasi obyektining geografik koordinatalari, unga tutash boʻlgan rekreatsiya zonalari, aholi punktlari, irrigatsiya va melioratsiya obyektlari, qishloq xoʻjaligi ekinlari maydonlari, elektr uzatish liniyalari, suv va gaz quvurlari, transport va boshqa kommunikatsiyalar holati toʻgʻrisidagi maʼlumotlarni oʻzida aks ettirgan sxema-xarita;

davlat ekologik ekspertizasi — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning ekologik talablarga muvofiqligini belgilashga hamda ekologik ekspertiza obyektini roʻyobga chiqarish mumkinligini yoki mumkin emasligini aniqlash maqsadida Oʻzbekiston Respublikasi Ekologiya va iqlim oʻzgarishi milliy qoʻmitasining ixtisoslashtirilgan ekspert boʻlinmalari tomonidan amalga oshiriladigan ekspertiza turi;

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyat — atrof-muhitga salbiy taʼsir koʻrsatishi mumkin boʻlgan hamda ekologik ekspertiza obyekti hisoblanadigan har qanday faoliyat;

ekologik normativlar — atrof-muhitni ifloslantiruvchi manbalarni xatlovdan oʻtkazish natijalari asosida ishlab chiqilgan hamda ifloslantiruvchi moddalarni chiqarish, oqizish va chiqindilarni joylashtirish normativlarini belgilash uchun ekologik ekspertizadan oʻtkazilishi lozim boʻlgan hujjatlar;

ekolog-ekspert — oliy maʼlumotga, ekologiya va atrof-muhitni muhofaza qilish sohasida yoki turdosh sohalarda kamida uzluksiz uch yil ish stajiga ega boʻlgan hamda belgilangan tartibda Ekologiya va iqlim oʻzgarishi milliy qoʻmitasi tomonidan attestatsiyadan oʻtkazilgan “Davlat ekologik ekspertizasi markazi” davlat muassasasi xodimi.

3. Davlat ekologik ekspertizasi quyidagi maqsadlarda oʻtkaziladi:

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatini hamda boshqa faoliyatni amalga oshirish toʻgʻrisida qaror qabul qilinishidan oldingi bosqichlarda bunday faoliyatning ekologik talablarga muvofiqligini belgilash;

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhit holatiga hamda inson sogʻligʻiga salbiy taʼsir koʻrsatishi mumkin boʻlgan yoki salbiy taʼsir koʻrsatayotgan ekologik xavflilik darajasini aniqlash;

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga va inson sogʻligʻiga salbiy taʼsirining oldini olish hamda uni kamaytirish;

atrof-muhitni muhofaza qilish va tabiiy resurslardan oqilona foydalanish boʻyicha nazarda tutilayotgan chora-tadbirlarning yetarligini hamda asosligini aniqlash.

4. Davlat ekologik ekspertizasi obyektlari quyidagilar hisoblanadi:

barcha turdagi qurilishlar uchun yer uchastkalarini tanlash va (yoki) ajratish materiallari;

loyihaoldi va loyiha hujjatlari;

tabiiy resurslardan foydalanish bilan bogʻliq boʻlgan xoʻjalik faoliyatini hamda boshqa faoliyatni tartibga soluvchi normativ-texnik va yoʻriqnoma-uslubiy hujjatlar, shu jumladan, texnik reglamentlar va shartlar, standartlar, qoidalar hamda yoʻriqnomalarning loyihalari;

chiqindilarni zararsizlantirish, qayta ishlash va utilizatsiya qilish uchun yangi turdagi texnologiyalarni hamda texnika vositalarini, materiallar, buyumlarni, biologik, kimyoviy moddalarni va vositalarni yaratish boʻyicha hujjatlar;

atrof-muhitning holatiga va inson sogʻligʻiga salbiy taʼsir koʻrsatuvchi ishlab turgan korxonalar hamda boshqa obyektlar;

maxsus huquqiy rejimga ega boʻlgan obyektlar.

5. Ushbu Nizomning 4-bandida nazarda tutilgan ekologik ekspertiza obyektlari davlat ekologik ekspertizasidan majburiy tartibda oʻtkaziladi.

6. Davlat ekologik ekspertizasi buyurtmachining (tashabbuskorning) mablagʻlari hisobidan oʻtkaziladi.

7. Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) huzuridagi “Davlat ekologik ekspertizasi markazi” davlat muassasasi (keyingi oʻrinlarda — Markaz) va uning Qoraqalpogʻiston Respublikasi, viloyatlar va Toshkent shahar filiallari (keyingi oʻrinlarda — Markazning hududiy filiallari) Ekologiya qoʻmitasining ixtisoslashtirilgan ekspert boʻlinmalari hisoblanadi hamda ular tomonidan davlat ekologik ekspertizasi oʻtkaziladi.

8. Davlat ekologik ekspertizasi ushbu Nizomga 1-ilovadagi sxemaga muvofiq oʻtkaziladi.

9. Markaz quyidagilarni davlat ekologik ekspertizasidan oʻtkazadi:

I va II toifaga mansub faoliyat turlarining barcha turdagi qurilishlar uchun yer uchastkalarini tanlash va (yoki) ajratish materiallari, loyihaoldi va loyiha hujjatlari, atrof-muhitning holatiga va inson sogʻligʻiga salbiy taʼsir koʻrsatuvchi ishlab turgan korxonalar hamda boshqa obyektlar, maxsus huquqiy rejimga ega boʻlgan obyektlar;

I toifaga mansub faoliyat turlari boʻyicha ekologik normativlari loyihalari.

10. Markazning hududiy filiallari quyidagilarni davlat ekologik ekspertizasidan oʻtkazadi:

III toifaga mansub faoliyat turlarining barcha turdagi qurilishlar uchun yer uchastkalarini tanlash va (yoki) ajratish materiallari, loyihaoldi va loyiha hujjatlari, atrof-muhitning holatiga va inson sogʻligʻiga salbiy taʼsir koʻrsatuvchi ishlab turgan korxonalar hamda boshqa obyektlar, maxsus huquqiy rejimga ega boʻlgan obyektlar;

II va III toifaga mansub faoliyat turlari boʻyicha ekologik normativlari loyihalari.

2-bob. Atrof-muhitga taʼsirni baholash materiallari va ekologik normativlar loyihalarini davlat ekologik ekspertizasiga taqdim etish

11. Buyurtmachi (tashabbuskor) atrof-muhitga taʼsirni baholash materiallari va ekologik normativlar loyihalarini davlat ekologik ekspertizasidan oʻtkazish uchun Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali mazkur Nizomga 2-ilovadagi shaklga muvofiq ariza bilan murojaat qiladi.

12. Buyurtmachi (tashabbuskor) arizani YIDXP orqali elektron shaklda mustaqil toʻldiradi.

13. Ariza buyurtmachining (tashabbuskorning) elektron raqamli imzosi bilan tasdiqlanadi.

14. Maxsus huquqiy rejimga ega obyektlarning hujjatlari davlat ekologik ekspertizasini oʻtkazish uchun atrof-muhitga taʼsirni baholash materiallari hamda ekologik normativlar loyihalari qogʻoz shaklida toʻgʻridan-toʻgʻri Markazga va uning hududiy filiallarga taqdim etiladi.

15. Davlat ekologik ekspertizasini oʻtkazish uchun qogʻoz shaklida taqdim etiladigan maxsus huquqiy rejimga ega obyektlarning atrof-muhitga taʼsirni baholash materiallari hamda ekologik normativlari loyihalariga davlat ekologik ekspertizasi xulosasi “Xizmat doirasida foydalanish uchun” yoki “Maxfiy” grifi bilan rasmiylashtiriladi.

16. Buyurtmachi (tashabbuskor) tomonidan arizaga quyidagilar ilova qilinadi:

a) I, II, III toifalarga mansub faoliyat turlari obyektlari loyihalashtirilayotganda (loyihaoldi va loyiha hujjatlarining atrof-muhitga taʼsirini baholash, maxsus rejimli obyektlar) — atrof-muhitga taʼsirni baholash boʻyicha:

obyektni moliyalashtirishga qadar moʻljallanayotgan yoki rejalashtirilayotgan faoliyat va boshqa faoliyatni amalga oshirish bosqichida bajariladigan atrof-muhitga taʼsirni baholash toʻgʻrisidagi ariza loyihasi;

atrof-muhitga taʼsir toʻgʻrisidagi bayonot loyihasini davlat ekologik ekspertizasidan oʻtkazish natijalari boʻyicha qoʻshimcha qidiruv ishlari, tadqiqotlar, maxsus laboratoriya tahlillari, modelli tajribalarni amalga oshirish va dalillar bilan asoslangan tabiatni muhofaza qilish tadbirlarini ishlab chiqish zarurligi aniqlangan taqdirda, amalga oshiriladigan atrof-muhitga taʼsir toʻgʻrisidagi bayonot;

obyekt foydalanishga qabul qilinguniga qadar bajariladigan va loyihalashtirilayotgan obyektlarning atrof-muhitga taʼsirini baholashning yakunlovchi bosqichi hisoblangan ekologik oqibatlar toʻgʻrisidagi bayonot taqdim etiladi.

Atrof-muhitga taʼsir toʻgʻrisidagi bayonot davlat ekologik ekspertizasi obyektining texnik-iqtisodiy asoslanishi tasdiqlanguniga qadar taqdim etiladi, bunda atrof-muhitga taʼsir toʻgʻrisidagi bayonotni ishlab chiqish zarurati atrof-muhitga taʼsir toʻgʻrisidagi bayonot loyihasini koʻrib chiqish natijalari asosida Markaz tomonidan aniqlanadi;

b) amalda faoliyat koʻrsatayotgan obyektlar uchun (atrof tabiiy muhitning holatiga va fuqarolarning sogʻligiga salbiy taʼsir koʻrsatayotgan ishlab turgan korxonalar va boshqa obyektlar) ekologik normativlar loyihalari taqdim etiladi.

Agar amalda faoliyat koʻrsatayotgan obyekt rekonstruksiya, modernizatsiya qilingan, qayta tashkil etilgan, kengaytirilgan yoki joylashuvi oʻzgartirilgan taqdirda, atrof-muhitga taʼsir baholanadi va atrof-muhitga taʼsirni baholash toʻgʻrisidagi ariza loyihasi ishlab chiqiladi;

v) boshqa obyektlar boʻyicha:

tabiiy resurslardan foydalanish bilan bogʻliq boʻlgan xoʻjalik faoliyatini hamda boshqa faoliyatni tartibga soluvchi normativ-texnik va yoʻriqnoma-uslubiy hujjatlar, shu jumladan, texnik reglamentlar va shartlarning, standartlarning, qoidalar hamda yoʻriqnomalarning loyihalari.

17. Atrof-muhitga taʼsirni baholash materiallari kelib tushganda vaziyatlar xaritasi avtomatik tarzda shakllantirilib, koʻrib chiqish uchun Ekologiya qoʻmitasining tuman (shahar) boʻlimlari inspektorlarining (keyingi oʻrinlarda — inspektor) shaxsiy kabinetiga yuboriladi.

18. Inspektor joyiga chiqqan holda obyektning geografik koordinatalari, unga tutash boʻlgan rekreatsiya zonalari, aholi punktlari, irrigatsiya va melioratsiya obyektlari, qishloq xoʻjaligi ekinlari maydonlari, elektr uzatish liniyalari, suv va gaz quvurlari, transport va boshqa kommunikatsiyalar, hududdagi koʻp yillik daraxtlar soni va ularning holati hamda obyektning boshqa oʻziga xos taraflari vaziyatlar xaritasiga mos kelishini oʻrganib chiqadi va tasdiqlaydi.

19. Ekologik normativlar loyihalari hamda davlat ekologik ekspertizasining boshqa obyektlari uchun vaziyatlar xarita talab etilmaydi, arizalar toʻgʻridan-toʻgʻri koʻrib chiqish uchun yoʻnaltiriladi.

20. Vaziyatlar xaritasi quyidagi muddatlarda inspektor tomonidan oʻrganib chiqiladi:

I toifaga mansub obyektlar boʻyicha — 7 ish kuni;

II toifaga mansub obyektlar boʻyicha — 5 ish kuni;

III toifaga mansub obyektlar boʻyicha — 3 ish kuni.

Inspektor tomonidan belgilangan muddatlarda vaziyatlar xaritasi oʻrganib chiqilmagan hollarda vaziyatlar xaritasi ijobiy tasdiqlangan hisoblanadi.

Bunda inspektor davlat xizmatini koʻrsatish tartibini buzganlik uchun javobgar boʻladi.

21. Buyurtmachi (tashabbuskor) tomonidan taqdim etilgan hujjatlardagi maʼlumotlar obyektning real vaqtdagi holatiga toʻliq mos kelgan taqdirda, vaziyatlar xaritasi inspektor tomonidan elektron raqamli imzo bilan tasdiqlanadi.

22. Markaz yetti ish kuni ichida davlat ekologik ekspertizasidan oʻtkazish uchun taqdim etilgan ariza va unga ilova qilingan hujjatlar toʻliqligi va toʻgʻriligini oʻrganib chiqadi hamda ekologik ekspertiza obyektini jamoatchilik eshituvidan oʻtkazish zaruratini aniqlaydi.

23. Quyidagilar arizani rad etish uchun asos hisoblanadi:

ariza va unga ilova qilingan hujjatlarda notoʻgʻri maʼlumotlar koʻrsatilganda;

ushbu Nizomning 16-bandida keltirilgan hujjatlar toʻliq taqdim etilmaganda;

obyektning vaziyatlar xaritasi real vaqtdagi holatiga mos kelmaganda;

atrof-muhitga taʼsirni baholash materiallari jamoatchilik eshituvidan oʻtkazilishi zarurati aniqlanganda.

Ushbu bandning birinchi , ikkinchi va uchinchi xatboshilarida koʻrsatilgan kamchiliklar aniqlanganda, ularni bartaraf etish uchun ariza beruvchiga oʻn kun ichida kamchiliklarni bartaraf etish zarurligi toʻgʻrisida xabarnoma yuboriladi.

Ushbu bandning toʻrtinchi xatboshisida koʻrsatilgan kamchiliklar aniqlanganda ariza rad etiladi. Bunda qayd etilgan kamchiliklar bartaraf etilgan holda ariza qayta taqdim etiladi.

Hujjatlar xabarnomada koʻrsatilgan kamchiliklarni bartaraf etmasdan yoki xabarnomada koʻrsatilgan muddat oʻtgandan keyin taqdim etilgan taqdirda, Markaz arizani rad etishga haqli. Bunda xabarnomada koʻrsatilmagan yangi asoslar boʻyicha rad etishga yoʻl qoʻyilmaydi.

3-bob. Davlat ekologik ekspertizasini oʻtkazish tartibi

24. Hujjatlar belgilangan tartibda taqdim etilgandan keyin buyurtmachiga (tashabbuskorga) oferta yuboriladi.

25. Buyurtmachi (tashabbuskor) ofertani qabul qilgandan keyin avtomatik ravishda davlat ekologik ekspertizasini oʻtkazish uchun toʻlov boʻyicha invoys shakllantiriladi.

Davlat ekologik ekspertizasini oʻtkazish uchun toʻlov buyurtmachi (tashabbuskor) tomonidan elektron toʻlov tizimlari orqali oldindan toʻlanadi.

Davlat ekologik ekspertizasini oʻtkazish uchun buyurtmachi (tashabbuskor) ofertani qabul qilgan sanadan boshlab oʻttiz kun mobaynida toʻlov toʻlanmagan taqdirda, ariza avtomatik ravishda rad etiladi.

26. Davlat ekologik ekspertizasini oʻtkazish muddati yigirma besh ish kunidan oshmasligi kerak.

Davlat ekologik ekspertizasini oʻtkazish muddati toʻlov toʻliq toʻlangandan keyingi ish kunidan eʼtiboran hisoblanadi.

Davlat ekologik ekspertizasi obyektining murakkabligiga qarab, uni oʻtkazish muddati Ekologiya qoʻmitasi raisi qaroriga muvofiq koʻpi bilan uch oy muddatga uzaytirilishi mumkin.

27. Davlat ekologik ekspertizasi ekolog-ekspert tomonidan oʻtkaziladi.

28. Ekolog-ekspert tomonidan davlat ekologik ekspertizasini oʻtkazishda quyidagilar amalga oshiriladi:

taqdim etilgan atrof-muhitga taʼsirni baholash materiallari va ekologik normativlar loyihalarining atrof-muhitni muhofaza qilish va tabiiy resurslardan oqilona foydalanish sohasidagi qonunchilik talablariga muvofiqligini tekshirish;

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning ekologik oqibatlari toʻgʻrisidagi maʼlumotlarning ishonchligi va toʻliqligini tahlil qilish;

biologik, kimyoviy moddalar va texnologiyalarning atrof tabiiy muhitga taʼsirini baholashning asosliligini tekshirish;

moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatini hamda boshqa faoliyatni amalga oshirish oqibatlari bilan bogʻliq ekologik xavflilik darajasini baholashning toʻgʻriligini tekshirish;

ekologik xavfsizlik talablarini taʼminlashga doir chora-tadbirlarning yetarligini va asosligini aniqlash;

atrof-muhitga taʼsirni baholash materiallarida davlat ekologik ekspertizasi obyekti faoliyati natijasida hosil boʻladigan issiqxona gazlarining miqdorini hamda uglerod neytralligini taʼminlash boʻyicha maqsadli koʻrsatkichlar inobatga olinganligini tekshirish;

ekologik normativlar loyihalarining asosligini tekshirish.

Ekolog-ekspert atrof-muhitga taʼsirni baholash materiallarini va ekologik normativ loyihalarini davlat ekologik ekspertizasidan oʻtkazishda ekologik audit va jamoat ekologik ekspertizasi xulosalaridan foydalanishi mumkin.

29. Ekolog-ekspert tomonidan davlat ekologik ekspertizasini oʻtkazish natijalari boʻyicha davlat ekologik ekspertizasi obyektini roʻyobga chiqarish mumkinligi yoki mumkin emasligi toʻgʻrisidagi yakunlarni oʻz ichiga olgan xulosa tayyorlanadi.

30. Davlat ekologik ekspertizasi obyektini roʻyobga chiqarish mumkin emasligi toʻgʻrisidagi xulosa quyidagi hollarda beriladi:

agar buyurtmachi (tashabbuskor) tomonidan taqdim etilgan hujjatlar atrof-muhitni muhofaza qilish va tabiiy resurslardan oqilona foydalanish sohasidagi qonunchilik talablariga zid boʻlsa;

agar davlat ekologik ekspertizasini oʻtkazish vaqtida buyurtmachi (tashabbuskor) tomonidan taqdim etilgan hujjatlarda notoʻgʻri va (yoki) buzib koʻrsatilgan maʼlumotlar mavjud ekanligi aniqlangan boʻlsa;

agar oʻtkazilgan jamoatchilik eshituvlari natijalariga koʻra tayyorlangan yakuniy hujjatlarda davlat ekologik ekspertizasi obyektini roʻyobga chiqarishga nisbatan jamoatchilik eshituvlari ishtirokchilari tomonidan asoslantirilgan eʼtirozlar bildirilgan boʻlsa.

Davlat ekologik ekspertizasi obyektini roʻyobga chiqarish mumkin emasligi toʻgʻrisidagi xulosani ushbu bandda nazarda tutilmagan asoslarga koʻra berishga yoʻl qoʻyilmaydi.

31. Davlat ekologik ekspertizasining xulosasini ekolog-ekspert imzolaydi, Ekologiya qoʻmitasi raisi yoki u tomonidan belgilangan vakolatli shaxs ERI bilan tasdiqlaydi.

32. Davlat ekologik ekspertizasi xulosasi buyurtmachiga (tashabbuskorga) hamda inspektorga YIDXP orqali avtomatik tarzda elektron shaklda yuboriladi.

4-bob. Davlat ekologik ekspertizasi xulosasining amal qilish muddati va bajarilishini monitoring qilish

33. Davlat ekologik ekspertizasi obyektining ekologik talablarga muvofiqligi toʻgʻrisidagi davlat ekologik ekspertizasining xulosasi quyidagi muddatlarda yuridik kuchga ega boʻladi:

atrof-muhitga taʼsirni baholash materiallari boʻyicha — xulosa berilgan kundan eʼtiboran uch yil mobaynida;

ekologik normativlar loyihalari boʻyicha — xulosa berilgan kundan eʼtiboran besh yil mobaynida.

34. Davlat ekologik ekspertizasi xulosasi davlat ekologik ekspertizasi obyektini moliyalashtirish hamda roʻyobga chiqarish vaqtida yuridik va jismoniy shaxslar tomonidan bajarilishi shart.

35. Davlat ekologik ekspertizasi xulosasida koʻrsatilgan talablarni taʼminlashga qaratilgan chora-tadbirlarni amalga oshirish va ularning bajarilishini monitoring qilish belgilangan tartibda buyurtmachi (tashabbuskor) tomonidan taʼminlanadi.

Buyurtmachi (tashabbuskor) davlat ekologik ekspertizasi xulosasida koʻrsatilgan talablarning bajarilishi toʻgʻrisida har chorak yakunlariga koʻra chorakdan keyingi oyning 25-sanasidan kechiktirmay Ekologiya qoʻmitasiga axborot taqdim etishi shart.

Buyurtmachi (tashabbuskor) davlat ekologik ekspertizasining xulosasida koʻrsatilgan talablarning bajarilishi toʻgʻrisidagi axborotni ushbu bandning ikkinchi xatboshisida nazarda tutilgan muddatlarda taqdim etmagan taqdirda, Ekologiya qoʻmitasi buyurtmachiga (tashabbuskorga) yozma koʻrsatma beradi.

5-bob. Davlat ekologik ekspertizasining subyektlari hamda ularning huquq va majburiyatlari

36. Quyidagilar davlat ekologik ekspertizasining subyektlari hisoblanadi:

buyurtmachi (tashabbuskor);

loyihani ishlab chiquvchi;

ekolog-ekspert.

37. Buyurtmachi (tashabbuskor) quyidagi huquqlarga ega:

davlat ekologik ekspertizasini oʻtkazish masalalari boʻyicha maxsus vakolatli davlat organidan maslahatlar va zarur uslubiy yordam olish;

davlat ekologik ekspertizasining obyektini roʻyobga chiqarish mumkin emasligi toʻgʻrisidagi xulosasiga asosan materiallarni maromiga yetkazish va takroriy davlat ekologik ekspertizasini oʻtkazish uchun taqdim etish;

oʻzining akkreditatsiyadan oʻtgan laboratoriyasida yoki boshqa akkreditatsiyadan oʻtgan laboratoriyada ifloslantiruvchi moddalarni chiqarish, oqizish va chiqindilarni joylashtirish manbalaridan namunalar olish hamda laboratoriya tahlillarini oʻtkazish;

atrof-muhitga taʼsirni baholash materiallari va ekologik normativlar loyihalari toʻgʻrisidagi axborotni eʼlon qilish, shuningdek, davlat ekologik ekspertizasining oʻtkazish jarayoni haqidagi maʼlumotlarni olish;

ekolog-ekspertga ekologik ekspertiza obyektlari xususida takliflar, mulohazalar, tushuntirishlar va ekologik audit natijalarini taqdim etish;

ekolog-ekspert xatti-harakatlari yuzasidan qonunchilik hujjatlarida belgilangan tartibda shikoyat qilish;

davlat ekologik ekspertizasini oʻtkazish jarayoni haqida maʼlumot olish.

Buyurtmachi (tashabbuskor) qonunchilikka muvofiq boshqa huquqlarga ham ega boʻlishi mumkin.

Buyurtmachi (tashabbuskor) quyidagi majburiyatlarga ega:

atrof-muhitni muhofaza qilish hamda tabiiy resurslardan oqilona foydalanish toʻgʻrisidagi qonunchilik talablariga muvofiq atrof-muhitga taʼsirni baholash materiallarini va ekologik normativlar loyihalarini ishlab chiqishi hamda ularni davlat ekologik ekspertizasidan oʻtkazish uchun taqdim etishi;

davlat ekologik ekspertizasini oʻtkazish uchun qonunchilikda belgilangan tartibda toʻlovni toʻlash;

atrof-muhitga taʼsirni baholash uchun zarur boʻlganda bioxilma-xillikni saqlash, iqlim oʻzgarishining oldini olish, laboratoriya tahlillarini oʻtkazish hamda gidrogeologik, gidrologik, geotexnik kabi tadqiqotlarning moliyalashtirilishini taʼminlash;

zaruratga koʻra davlat ekologik ekspertizasi oʻtkazilguniga qadar moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyat boʻyicha jamoatchilik eshituvlarini oʻtkazish;

atrof-muhitga taʼsirni baholash materiallarida davlat ekologik ekspertizasi obyekti faoliyati natijasida hosil boʻladigan issiqxona gazlarining chiqarilishini qisqartirish boʻyicha maqsadli koʻrsatkichlarni inobatga olish;

davlat ekologik ekspertizasining xulosasida koʻrsatilgan talablarni bajarish.

Buyurtmachi (tashabbuskor) zimmasida qonunchilikka muvofiq boshqa majburiyatlar ham boʻlishi mumkin.

38. Loyihani ishlab chiquvchi quyidagi huquqlarga ega:

davlat ekologik ekspertizasini oʻtkazish jarayonida buyurtmachining (tashabbuskorning) manfaatlarini ifodalash;

atrof-muhitga taʼsirni baholash materiallari va ekologik normativlar loyihalarini ishlab chiqishda Markazdan maslahatlar hamda zarur uslubiy yordam olish;

davlat ekologik ekspertizasi natijalari boʻyicha taklif va mulohazalar kiritish.

ekolog-ekspertga ekologik ekspertiza obyektlari xususida takliflar va mulohazalar taqdim etish huquqiga ega.

Loyihani ishlab chiquvchi qonunchilikka muvofiq boshqa huquqlarga ham ega boʻlishi mumkin.

Loyihani ishlab chiquvchi quyidagi majburiyatlarga ega:

atrof-muhitga taʼsirni baholash materiallarini va ekologik normativlar loyihalarini atrof-muhitni muhofaza qilish hamda tabiiy resurslardan oqilona foydalanish toʻgʻrisidagi qonunchilik talablariga muvofiq ishlab chiqish;

atrof-muhitga taʼsirni baholash materiallari va ekologik normativlar loyihalarini ishlab chiquvchi mutaxassislar malakasini oshirishni taʼminlash;

ekolog-ekspert tomonidan davlat ekologik ekspertizasini oʻtkazish jarayonida berilgan izoh va eʼtirozlarga javob berish, zarurat boʻlganda atrof-muhitga taʼsirni baholash materiallari hamda ekologik normativlar loyihalarini qayta koʻrib chiqish;

atrof-muhitga taʼsir koʻrsatishni baholash.

39. Ekolog-ekspert quyidagi huquqlarga ega:

davlat ekologik ekspertizasini oʻtkazish uchun zarur boʻlgan hujjatlar va materiallarni buyurtmachidan (tashabbuskordan) hamda loyihani ishlab chiquvchidan olish;

davlat ekologik ekspertizasini oʻtkazish uchun taqdim etilgan, qonunchilik talablariga javob bermaydigan atrof-muhitga taʼsirni baholash materiallarini va ekologik normativlar loyihalarini rad etish;

zaruratga koʻra davlat ekologik ekspertizasini oʻtkazish uchun taqdim etilgan atrof-muhitga taʼsirni baholash materiallari va ekologik normativlar loyihalarining ishonchliligini joyiga chiqqan holda tekshirish;

oʻz faoliyatini mustaqil va amaldagi qonunchilik hujjatlariga muvofiq amalga oshirish.

Ekolog-ekspert quyidagi majburiyatlarga ega:

davlat ekologik ekspertizasini oʻtkazishda qonunchilik talablariga rioya etish;

davlat ekologik ekspertizasining oʻz muddatida, xolisona va sifatli oʻtkazilishini, shuningdek, uning natijalari boʻyicha belgilangan tartibda xulosa berilishini taʼminlash;

davlat ekologik ekspertizasining muayyan obyektiga nisbatan shaxsiy manfaatdorligi boʻlgan taqdirda oʻzini oʻzi rad etish;

hujjatlarni tekshirishda avvalgi davlat ekologik ekspertizasi xulosasida koʻrsatilmagan rad etishning qoʻshimcha sabablari keltirilishiga yoʻl qoʻymaslik;

davlat ekologik ekspertizasi uchun taqdim etilgan atrof-muhitga taʼsirni baholash materiallari va ekologik normativlar loyihalarining but saqlanishini, shuningdek, davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlarning oshkor qilinmasligini taʼminlash.

Ekolog-ekspert zimmasida qonunchilikka muvofiq boshqa majburiyatlar ham boʻlishi mumkin.

6-bob. Davlat ekologik ekspertizasi xulosasining amal qilishini toʻxtatib turish yoki tugatish

40. Buyurtmachi (tashabbuskor) qayta tashkil etilgan, uning nomi oʻzgartirilgan yoki vakolatlari yoxud huquq va majburiyatlari huquqiy vorisga oʻtgan hollarda, buyurtmachi (tashabbuskor) yoki uning huquqiy vorisi qayta roʻyxatdan oʻtkazilganidan keyin yetti ish kuni ichida Markazga tasdiqlovchi hujjatlarni ilova qilgan holda, davlat ekologik ekspertizasining xulosasini qayta rasmiylashtirish yuzasidan ariza berishi mumkin.

Davlat ekologik ekspertizasi xulosasini qayta rasmiylashtirganlik uchun toʻlov undirilmaydi.

41. Davlat ekologik ekspertizasi xulosasining amal qilishi sud organlari tomonidan quyidagi hollarda toʻxtatib turilishi mumkin:

buyurtmachi (tashabbuskor) davlat ekologik ekspertizasi xulosasining amal qilishini toʻxtatib turish toʻgʻrisidagi ariza bilan murojaat qilganda;

buyurtmachining (tashabbuskorning) faoliyati toʻxtatib turilganda;

sud qarori asosida buyurtmachi (tashabbuskor) tomonidan davlat ekologik ekspertizasining xulosasida koʻrsatilgan talablarga rioya etilmaganda;

qonunchilikda belgilangan boshqa hollarda.

Davlat ekologik ekspertizasi xulosasi amal qilishining toʻxtatib turilishi toʻgʻrisidagi sud qarori buyurtmachiga (tashabbuskorga) va Ekologiya qoʻmitasiga qonunchilikda belgilangan muddatlarda yuboriladi.

42. Davlat ekologik ekspertizasi xulosasining amal qilishi quyidagi hollarda tugatiladi:

davlat ekologik ekspertizasi xulosasining amal qilish muddati tugaganda;

buyurtmachi (tashabbuskor) tugatilganda, shuningdek, buyurtmachi (tashabbuskor) qayta tashkil etilganda, bundan huquqiy vorislikka yoʻl qoʻyiladigan hollar mustasno.

7-bob. Davlat ekologik ekspertizasi boʻyicha ekspertlar kengashi va ekspert komissiyasi

43. Davlat ekologik ekspertizasi subyektlari oʻrtasida yuzaga keluvchi bahsli masalalarni koʻrib chiqish va ular boʻyicha qaror qabul qilish maqsadida Ekologiya qoʻmitasi huzurida tegishli vazirlik va idoralar mutaxassislari hamda nodavlat notijorat tashkilotlari vakillaridan iborat doimiy faoliyat yurituvchi ekspertlar kengashi tashkil qilinadi.

Davlat ekologik ekspertizasi subyektlari davlat ekologik ekspertizasi boʻyicha ekspertlar kengashi qarori ustidan qonunchilik hujjatlarida belgilangan tartibda sudga shikoyat qilishi mumkin.

Davlat ekologik ekspertizasi boʻyicha ekspertlar kengashi tarkibi hamda uning nizomi Ekologiya qoʻmitasi tomonidan tasdiqlanadi.

44. Xavfi yuqori obyektlar boʻyicha atrof-muhitga taʼsirni baholash materiallari davlat ekologik ekspertizasidan oʻtkazish maqsadida Markaz tomonidan ekolog-ekspertlar, shu jumladan, tegishli vazirliklar va idoralarning mutaxassislar va olimlaridan iborat ekspert komissiyasi tuziladi.

Ekspert komissiyasining ish natijalari Markaz tomonidan tasdiqlanadigan ekspert komissiyasining jamlovchi xulosasi shaklida bayon etiladi.

8-bob. Yakunlovchi qoidalar

45. Markaz va uning hududiy filiallari hamda loyihani ishlab chiquvchi oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

46. Ekolog-ekspert oʻz majburiyatlarini buyurtmachining (tashabbuskorning) huquqlariga yoki qonun bilan muhofaza qilinadigan manfaatlariga moddiy zarar yoki maʼnaviy ziyon yetkazgan tarzda bajarmaganlik yoki lozim darajada bajarmaganlik, shuningdek, ekologik ekspertiza toʻgʻrisidagi qonunchilikni boshqacha tarzda buzganlik uchun qonunchilikka muvofiq javobgar boʻladi.

47. Markaz va uning hududiy filiallari davlat ekologik ekspertizasi uchun taqdim etilgan atrof-muhitga taʼsirni baholash materiallari va ekologik normativlar loyihalarining but saqlanishini, shuningdek, davlat sirlarini, harbiy, xizmat va tijorat sirini tashkil etuvchi maʼlumotlarning oshkor etilmasligini taʼminlaydi.

48. Davlat ekologik ekspertizasi obyektlari hujjatlarining buyurtmachisi (tashabbuskori) tomonidan ularni oʻtkazish uchun taqdim etilgan elektron koʻchirma nusxasi davlat ekologik ekspertizasining elektron tizimida saqlanadi.

49. Ushbu Nizom talablarini buzishda aybdor boʻlgan shaxslar qonunchilik hujjatlarida belgilangan tartibda javob beradilar.

Davlat ekologik ekspertizasini oʻtkazish tartibi toʻgʻrisidagi nizomga 1-ILOVA

Davlat ekologik ekspertizasini oʻtkazish tartibi

Bosqichlar Subyektlar Chora-tadbirlar Bajarish muddatlari 1-bosqich Buyurtmachi (tashabbuskor) Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali arizani elektron shaklda mustaqil toʻldiradi va Ekologiya qoʻmitasining tuman (shahar) boʻlimlari inspektorlariga hamda Davlat ekologik ekspertizasi markaziga yuboradi. Oʻz xohishiga koʻra 2-bosqich Ekologiya qoʻmitasining tuman (shahar) boʻlimlari inspektorlari 1. Obyektning real vaqtdagi holatini vaziyatlar xaritasi bilan solishtiradi. 2. Obyektning vaziyatlar xaritasi real vaqtdagi holatiga mos kelishi yoki mos kelmasligini aniqlaydi va tasdiqlaydi. I toifadagi obyektlar 7 ish kunida; II toifadagi obyektlar 5 ish kunida; III toifadagi obyektlar 3 ish kunida Davlat ekologik ekspertizasi markazi 1. Ariza va unga ilova qilingan hujjatlar toʻliqligi va toʻgʻriligini oʻrganib chiqadi hamda ekologik ekspertiza obyektini jamoatchilik eshituvidan oʻtkazish zaruratini aniqlaydi. 2. Hujjatlar toʻgʻri va toʻliq boʻlmaganda hamda obyektning vaziyatlar xaritasi real vaqtdagi holatiga mos kelmaganda, ariza beruvchiga kamchiliklarni bartaraf etish zarurligi toʻgʻrisida xabarnoma yuboradi. 3. Ekologik ekspertiza obyekti boʻyicha jamoatchilik eshituvini oʻtkazish zarurati aniqlanganda arizani rad etadi. 4. Hujjatlar belgilangan tartibda taqdim etilganda buyurtmachiga (tashabbuskorga) oferta yuboradi. Ariza kelib tushgandan 7 ish kunida 3-bosqich Buyurtmachi (tashabbuskor) Ofertani qabul qiladi va davlat ekologik ekspertizasini oʻtkazish uchun toʻlovni elektron toʻlov tizimlari orqali oldindan toʻlaydi. Ofertani qabul qilgan sanadan boshlab 30 kun ichida 4-bosqich Davlat ekologik ekspertizasi markazi Belgilangan tartibda davlat ekologik ekspertizasini oʻtkazadi va natijalari boʻyicha ekologik ekspertiza obyektini roʻyobga chiqarish mumkin yoki mumkin emasligi toʻgʻrisidagi yakunlarni oʻz ichiga olgan xulosa beradi. Toʻlov toʻliq toʻlangandan keyin 25 ish kuni ichida 5-bosqich YIDXP Davlat ekologik ekspertizasi xulosasini buyurtmachiga (tashabbuskorga) hamda inspektorga yuboradi. Aniq vaqt rejimida

Davlat ekologik ekspertizasini oʻtkazish tartibi toʻgʻrisidagi nizomga 2-ILOVA

Oʻzbekiston Respublikasi Ekologiya va iqlim oʻzgarishi milliy qoʻmitasi huzuridagi “Davlat ekologik ekspertizasi markazi” davlat muassasasiga Davlat ekologik ekspertizasini oʻtkazish toʻgʻrisida ARIZA ______-son 202___ yil “____” _________ Faoliyatning ekologik talablarga muvofiqligini belgilashga hamda ekologik ekspertiza obyektini roʻyobga chiqarish mumkinligini yoki mumkin emasligini aniqlash maqsadida davlat ekologik ekspertizasini oʻtkazishingizni soʻrayman. I. Buyurtmachi toʻgʻrisida maʼlumot: Subyekt (yuridik yoki jismoniy shaxs): Buyurtmachining STIR: Buyurtmachining joylashgan hududi: Buyurtmachi joylashgan tuman (shahar): Buyurtmachi joylashgan mahalla fuqarolar yigʻini: Buyurtmachining nomi (F.I.O.): Buyurtmachining tashkiliy-huquqiy shakli: Buyurtmachining iqtisodiy faoliyat turlarining umumdavlat tasniflagichi boʻyicha kodi (IFUT): Buyurtmachining elektron pochtasi: Buyurtmachi rahbari (F.I.O.): Buyurtmachi rahbarining telefon raqami: Xizmat koʻrsatuvchi tijorat banki MFO raqami: Xizmat koʻrsatuvchi tijorat banki nomi: Buyurtmachining tijorat bankdagi hisobvaragʻi (asosiy): II. Davlat ekologik ekspertizasi obyekti toʻgʻrisida maʼlumot: Davlat ekologik ekspertizasi obyektining atrof-muhitga taʼsir koʻrsatishning toifasi: Davlat ekologik ekspertizasi obyektining faoliyat turi: Davlat ekologik ekspertizasi obyektining faoliyat osti turlari: Davlat ekologik ekspertizasi obyekti: Davlat ekologik ekspertizasi obyekti nomi: Davlat ekologik ekspertizasi obyekti joylashgan hudud: Davlat ekologik ekspertizasi obyekti joylashgan tuman (shahar): Davlat ekologik ekspertizasi obyekti joylashgan mahalla fuqarolar yigʻini: III. Texnik-iqtisodiy koʻrsatkichlar: Davlat ekologik ekspertizasi obyektining asosiy, yordamchi bino va inshoatlari: Davlat ekologik ekspertizasi obyektining umumiy yer maydoni (m 2 ): Davlat ekologik ekspertizasi obyektining koʻkalamzorlashtirilgan maydoni (m 2 ): Davlat ekologik ekspertizasi obyektining qurilish osti maydoni (m 2 ): Davlat ekologik ekspertizasi obyektining qoplama toʻshalgan maydoni (m 2 ): Davlat ekologik ekspertizasi obyekti binolarining umumiy ichki maydoni (m 2 ): IV. Loyihani ishlab chiquvchi toʻgʻrisida maʼlumot: Loyihani ishlab chiquvchining STIR: Loyihani ishlab chiquvchining nomi: Loyihani ishlab chiquvchining tashkiliy-huquqiy shakli: Loyihani ishlab chiquvchining rahbari: Loyihani ishlab chiquvchining telefon raqami: V. Obyektning joylashuv rejasi: Shimoliy kenglik Sharqiy uzunlik VI. Atrof-muhitga taʼsir koʻrsatkichlari: a) atmosferaga chiqariladigan ifloslantiruvchi moddalar miqdori: Ifloslantiruvchi modda Xavflilik sinfi g/sek t/yil Tashlamaning foizdagi ulushi (foizda) b) suvdan foydalanish: Suv olish obyekti Kanal yoki daryo nomi m³/kun m³/yil v) oqova suvlarning sarfi: Oqova qabul qilish manbasi Ifloslantiruvchi modda nomi mg/litr gr/soat g) xavfli chiqindilar miqdori: Chiqindi nomi Xavflilik sinfi Hosil boʻlish miqdori (t/yil) Chiqindilarni joylashtirish boʻyicha hisoblangan limitlar miqdori (t) limit maydoni (m²) d) qattiq maishiy chiqindi miqdori: Chiqindi nomi Xavflilik sinfi Hosil boʻlish miqdori (t/yil) Ilova: Atrof-muhitga taʼsirni baholash materiallari yoki ekologik normativ loyihalari elektron shakli. Elektron raqamli imzo: QR-kod

Vazirlar Mahkamasining 2026-yil 11-maydagi 234-son qaroriga 3-ILOVA

Atrof-muhitga taʼsirni baholash tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq atrof-muhitga taʼsirni baholash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

atrof-muhitga taʼsirni baholash — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga taʼsiri xususiyatlarini va darajasini, uning ehtimoliy ekologik oqibatlarini aniqlashga hamda atrof-muhitni muhofaza qilish va tabiiy resurslardan oqilona foydalanish chora-tadbirlarini ishlab chiqishga qaratilgan tartib-taomil;

atrof-muhitga taʼsir koʻrsatilishi toʻgʻrisidagi bayonot loyihasi — atrof-muhitga taʼsirni baholash jarayonining birinchi bosqichi hisoblanadi va moʻljallanayotgan yoki rejalashtirilayotgan xoʻjalik faoliyati va boshqa xil faoliyatni amalga oshirishdan oldin ishlab chiqiladigan materiallar;

atrof-muhitga taʼsir koʻrsatilishi toʻgʻrisidagi bayonot — atrof-muhitga taʼsirni baholash jarayonining ikkinchi bosqichi hisoblanadi, bunda atrof-muhitga taʼsirni baholash jarayonining birinchi bosqichi davlat ekologik ekspertizasidan oʻtkazilishi natijalariga koʻra qoʻshimcha tadqiqotlar, maxsus tahlillar oʻtkazish, atrof-muhitga va fuqarolar sogʻligʻiga qoʻshimcha ravishda salbiy taʼsirning oldini olishga qaratilgan chora-tadbirlarni belgilash zarurligi aniqlanganda ishlab chiqiladigan materiallar;

buyurtmachi — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatini hamda boshqa faoliyatni atrof-muhitga taʼsirni baholash istagini bildirgan yuridik yoki jismoniy shaxs;

jamoatchilik eshituvi — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning maqsadga muvofiqligi toʻgʻrisida qaror qabul qilishga taalluqli masalalarni muhokama qilish uchun tashkil etiladigan jamoatchilik yigʻilishi;

ekologik oqibatlar toʻgʻrisidagi bayonot — atrof-muhitga taʼsirni baholash jarayonining yakuniy bosqichi boʻlib, tugallangan obyekt (rekonstruksiya qilish, modernizatsiya, kengaytirish) foydalanishga topshirilgunga qadar atrof-muhitga taʼsir etuvchi ekologik normativlarni belgilash boʻyicha materiallar;

ekolog-ekspert — oliy maʼlumotga, ekologiya va atrof-muhitni muhofaza qilish sohasida yoki turdosh sohalarda kamida uzluksiz uch yil ish stajiga ega boʻlgan, belgilangan tartibda attestatsiyadan oʻtkazilgan “Davlat ekologik ekspertizasi markazi” davlat muassasasi xodimi;

eng yaxshi qulay texnologiya — mahsulot (tovarlar) ishlab chiqarish, ishlarni bajarish, xizmatlar koʻrsatish boʻyicha zamonaviy ilm-fan va texnik yutuqlar hamda ularni qoʻllashning texnik imkoniyatlari mavjud boʻlishi sharti bilan atrof tabiiy muhitni muhofaza qilish maqsadlariga erishish mezonlarini samarali uygʻunlashtirish asosida belgilanadigan texnologiya.

3. Atrof-muhitga taʼsir loyihani ishlab chiquvchi yoki buyurtmachining belgilangan tartibda attestatsiyadan oʻtkazilgan xodimlari tomonidan baholanadi.

4. Atrof-muhitga taʼsir buyurtmachining mablagʻlari hisobidan baholanadi.

5. Atrof-muhitga taʼsir loyihani ishlab chiquvchi va buyurtmachi oʻrtasida tuziladigan, atrof-muhitga taʼsirni baholash oʻtkazish muddatlari va boshqa shartlari nazarda tutuvchi shartnoma asosida baholanadi.

6. Atrof-muhitga taʼsir quyidagi maqsadlarda baholanadi:

atrof-muhitni muhofaza qilish va tabiiy resurslardan oqilona foydalanish boʻyicha nazarda tutilayotgan chora-tadbirlarning yetarligini hamda asosligini aniqlash.

7. Ekologik ekspertiza obyekti toʻliq va yaxlit tarzda atrof-muhitga taʼsirni baholashdan oʻtkaziladi. Bunda obyektni qismlarga boʻlgan holda atrof-muhitga taʼsirni baholashga yoʻl qoʻyilmaydi.

8. Atrof-muhitga taʼsirni baholashda moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyatning atrof-muhitga taʼsir koʻrsatish toifasi Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari va obyektlari roʻyxatiga muvofiq aniqlanadi.

Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari roʻyxatiga kiritilmagan obyektlar boʻyicha atrof-muhitga taʼsirni baholash zarurati buyurtmachi tomonidan taqdim etilgan maʼlumotlar asosida dastlabki baholash natijalariga (keyingi oʻrinlarda — dastlabki baholash) koʻra aniqlanadi.

9. Dastlabki baholash natijasida loyihani ishlab chiquvchi tomonidan atrof-muhitga taʼsirni baholashning qamrov doirasi belgilanadi.

10. Buyurtmachi atrof-muhitga taʼsirni baholashda jamoatchilik ishtirokini taʼminlashni, zarur tadqiqotlar va monitoring ishlarini moliyalashtirishni, shuningdek, loyihani amalga oshirish jarayonida tabiatni muhofaza qilish chora-tadbirlari hamda ishlab chiqarish ekologik nazoratini amalga oshirishni taʼminlaydi.

11. Faoliyat koʻrsatayotgan obyektlarda yangi qurilish, rekonstruksiya qilish, kengaytirish yoki texnik qayta jihozlash loyihalari boʻyicha atrof-muhitga taʼsir baholashdan oʻtkazilganda, mavjud ishlab chiqarish quvvatlari va hududdagi umumiy ekologik yuklamadan kelib chiqqan holda jamlangan (kumulyativ) taʼsir hisobga olinishi lozim.

2-bob. Dastlabki baholash tartibi

12. Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari va obyektlari roʻyxatiga kiritilmagan obyektlar boʻyicha atrof-muhitga taʼsirni baholash zarurati Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) huzuridagi “Davlat ekologik ekspertizasi markazi” davlat muassasasi (keyingi oʻrinlarda — Markaz) tomonidan buyurtmachi tashabbusi bilan taqdim etilgan elektron maʼlumotlarni dastlabki baholash natijasida aniqlanadi.

13. Dastlabki baholashda quyidagi mezonlar inobatga olinadi:

moʻljallanayotgan va (yoki) rejalashtirilayotgan faoliyatning boshqa obyektlar bilan birgalikdagi jamlangan (kumulyativ) taʼsiri hamda atrof-muhit komponentlariga tushadigan umumiy ekologik yuklama;

ehtimoliy taʼsir doirasida alohida muhofaza etiladigan tabiiy hududlarning joylashgani, ulargacha boʻlgan masofa va belgilangan muhofaza rejimining xususiyatlari;

ehtimoliy taʼsir doirasida ekologik jihatdan zaif tabiiy ekotizimlarning, shu jumladan, suv obyektlari, suv-botqoq hududlari, kamyob va yoʻqolib ketish xavfi ostida turgan oʻsimlik hamda hayvonot dunyosi obyektlari yashash va oʻsish joylarining joylashuvi hamda ulargacha boʻlgan masofa;

ehtimoliy ifloslantiruvchi moddalar tashlamalari, oqovalari hamda chiqindilarning hosil boʻlishi doirasida aholi punktlarining joylashuvi va eng yaqin turar joy binolarigacha boʻlgan masofalar;

moʻljallanayotgan va (yoki) rejalashtirilayotgan faoliyatning fuqarolar sogʻligʻi va hayotiga hamda atrof-muhitga taʼsiri.

14. Dastlabki baholash natijalariga koʻra Markaz moʻljallanayotgan va (yoki) rejalashtirilayotgan faoliyatning atrof-muhitga taʼsirini baholash zarurati toʻgʻrisida asoslantirilgan qaror qabul qiladi.

Atrof-muhitga taʼsirni baholash zarurati aniqlangan taqdirda, xulosada tegishli loyiha obyektining atrof-muhitga taʼsir toifasi belgilab qoʻyiladi.

Loyihani ishlab chiquvchi Davlat ekologik ekspertizasidan oʻtkazilishi majburiy boʻlgan atrof-muhitga taʼsir koʻrsatadigan faoliyat turlari va obyektlari roʻyxatiga kiritilmagan obyektlar boʻyicha atrof-muhitga taʼsir xulosada belgilangan obyektning atrof-muhitga taʼsir toifasi boʻyicha baholashi shart.

3-bob. Atrof-muhitga taʼsirni baholashning qamrov doirasini belgilash

15. Atrof-muhitga taʼsirni baholashning qamrov doirasini belgilashda moʻljallanayotgan yoki rejalashtirilayotgan obyektning tavsifi va mazmunidan kelib chiqib, atrof-muhitga taʼsirni baholash materiallariga kiritiladigan maʼlumotlarning hajmi, toʻliqliligi va batafsilligi darajasi Markaz tomonidan aniqlanadi.

16. Atrof-muhitga taʼsirni baholashning qamrov doirasi quyidagi maqsadlarda belgilanadi:

atrof-muhitga taʼsirni baholash materiallariga kiritilishi mumkin boʻlgan, asoslantirilgan va amalda qoʻllanadigan muqobil yechimlarni belgilash, shu jumladan, atrof-muhitga va (yoki) inson sogʻligʻiga taʼsir koʻrsatuvchi ehtimoliy ifloslantiruvchi manbalarni belgilab berish;

inson sogʻligʻini va qulay atrof-muhitni taʼminlash uchun strategik rejalashtirish hujjati loyihasini amalga oshirish bilan bogʻliq boʻlgan atrof-muhitni muhofaza qilish sohasidagi maqsadlarni, shu jumladan, xalqaro va milliy darajada belgilash;

moʻljallanayotgan yoki rejalashtirilayotgan obyektning atrof-muhitga ehtimoliy taʼsirini hamda ekologik va ijtimoiy oqibatlarini aniqlash;

atrof-muhitga taʼsirni baholash materiallarining ekologik talablarga muvofiqligini belgilash.

17. Qamrov doirasini belgilashda moʻljallanayotgan yoki rejalashtirilayotgan obyektning muqobil variantlari hisobga olinishi kerak.

Muqobil variantlar tegishli tashkiliy, ilmiy, texnik rivojlanish bilan, shuningdek, hududiy mansublik nuqtai nazaridan amalga oshirish imkoniyatlariga mos kelishi kerak.

4-bob. Atrof-muhitga taʼsirni baholash tartibi

18. Atrof-muhitga taʼsirni baholash natijalari boʻyicha quyidagi atrof-muhitga taʼsirni baholash materiallari ishlab chiqiladi:

birinchi bosqichda atrof-muhitga taʼsir koʻrsatilishi toʻgʻrisidagi bayonot loyihasi;

ikkinchi bosqichda atrof-muhitga taʼsir koʻrsatilishi toʻgʻrisidagi bayonot;

yakunlovchi bosqichda ekologik oqibatlar toʻgʻrisidagi bayonot.

19. Atrof-muhitga taʼsir koʻrsatilishi toʻgʻrisidagi bayonot loyihasida quyidagilar nazarda tutilishi lozim:

moʻljallanayotgan va (yoki) rejalashtirilayotgan faoliyatni amalga oshirishga qadar atrof-muhitning holati, shu jumladan, faoliyat rejalashtirilayotgan hududda aholining joylashgani, atmosfera havosi, yerusti, yerosti va oqova suvlarning holati va ifloslanganlik darajasi, doimiy yoki vaqtincha foydalanishga ajratilgan yerlarning xususiyatlari hamda ularning ifloslanishi, landshaftlarning buzilishi, iqlim, geologik, gidrologik, gidrogeologik va boshqa tabiiy sharoitlarning, oʻsimlik, hayvonot dunyosi, rekreatsiya zonalari va muhofaza etiladigan tabiiy hududlar va boshqa atrof-muhit xususiyatlarining tavsifi;

obyektning joylashishi hamda tanlangan va muqobil joylarning iqtisodiy va ijtimoiy rivojlanishi sxemalariga muvofiqligini asoslantiruvchi maʼlumotlar;

obyektning geografik koordinatalari va unga tutash rekreatsiya zonalari, aholi punktlari, irrigatsiya va melioratsiya obyektlari, qishloq xoʻjaligi yerlari, elektr uzatish liniyalari, transport infratuzilmasi, suv, gaz va boshqa kommunikatsiyalar aks ettirilgan vaziyatlar xaritasi;

ishlab chiqariladigan mahsulot turi, loyihaviy (yillik) quvvati va loyihani amalga oshirish muddatlari toʻgʻrisidagi maʼlumotlar;

ishlab chiqarish texnologiyasining atrof-muhitga taʼsir nuqtai nazaridan tavsifi, muqobil texnologiyalar tahlili, eng yaxshi qulay texnologiyalarni koʻrib chiqish hamda salbiy taʼsirning oldini olish, qisqartirish yoki bartaraf etish chora-tadbirlari;

faoliyatni amalga oshirish uchun zarur boʻlgan resurslar turlarining tavsifi, jumladan, suv va yer resurslari, tuproq, foydali qazilmalar, xomashyo va energiya, ularning taxminiy miqdoriy va sifat koʻrsatkichlari hamda atrof-muhitga taʼsiri;

atmosfera havosiga ifloslantiruvchi moddalar chiqarilishi, suv obyektlariga tashlamalar, suv isteʼmoli va suv chiqarish hajmlari, oqova suvlarning sifat koʻrsatkichlari, chiqindilar hosil boʻlishi hamda boshqa ahamiyatli taʼsirlarning turlari, hajmlari va sifat koʻrsatkichlari;

jamoatchilik eshituvlari natijalari, jumladan, jamoatchilik tomonidan bildirilgan taklif va eʼtirozlar;

oʻtkazilgan tadqiqotlar hajmi va foydalanilgan axborot manbalari toʻgʻrisidagi maʼlumotlar (yer resurslari, iqlim, atmosfera havosi holati, geomorfologik, geologik, gidrologik, gidrogeologik sharoitlar, oʻsimlik va hayvonot dunyosi, aholi salomatligi, tuproq, arxeologik, tarixiy va madaniy xususiyatlar);

obyektni roʻyobga chiqarish natijasida atrof-muhit holatidagi oʻzgarishlar va ekologik oqibatlari;

belgilangan davr uchun issiqxona gazlarining chiqarilishini qisqartirish va uglerod izini kamaytirish boʻyicha hisob-kitoblar va chora-tadbirlar rejasi;

mahsulot xavfsizligini taʼminlash dasturlari, uning qoʻllanish sohasi, belgilangan cheklovlar, isteʼmol xususiyatlarini yoʻqotgan mahsulotni zararsizlantirish yoki utilizatsiya qilish usullari;

atrof-muhitni boshqarish rejasi, unda atrof-muhitga asosiy taʼsirlar va ularni kamaytirish choralari, zamonaviy va samarali tozalash va muhofaza texnologiyalari qoʻllanishi hisob-kitob va modellashtirish natijalariga oid maʼlumotlar;

masʼul shaxslar va tashkilotlarni koʻrsatgan holda ekologik monitoring rejasi, nazorat koʻrsatkichlari, kuzatish davriyligi boʻyicha maʼlumotlar;

atrof-muhitga salbiy taʼsir koʻrsatishi mumkin boʻlgan ehtimoliy avariya holatlari tahlili va ularning oldini olish hamda oqibatlarini kamaytirish ssenariylari;

moʻljallanayotgan va (yoki) rejalashtirilayotgan faoliyatni amalga oshirish uchun vakolatli organlardan olinishi lozim boʻlgan ruxsat beruvchi hujjatlar roʻyxati.

20. Atrof-muhitga taʼsir toʻgʻrisidagi bayonotda quyidagilar nazarda tutilishi lozim:

tanlangan hudud boʻyicha muhandislik-geologik izlanishlar, modellashtirish va boshqa zarur tadqiqotlar natijalariga asosan ekologik muammolarni baholashga oid maʼlumotlar;

loyihani amalga oshirish natijasida atrof-muhit holatidagi oʻzgarishlar va ekologik oqibatlar haqida maʼlumotlar;

atrof-muhitga taʼsirni baholashning oldingi bosqichida tasdiqlangan ishlab chiqarish texnologiyasining toʻliq tavsifi va uning atrof-muhitga ehtimoliy taʼsirining tahlil natijalari;

maydonning ekologik holatini saqlash maqsadida qoʻllanilayotgan texnologiyaning atrof-muhit boshqa komponentlariga taʼsirini ekologik tahlil qilish, shuningdek, qamrov doirasida aniqlangan boshqa ahamiyatli taʼsirlarni baholash boʻyicha maʼlumotlar;

jamoatchilik eshituvlarining ijobiy xulosasi, shu jumladan, eshituv davomida bildirilgan taklif va eʼtirozlarni koʻrib chiqish natijalari toʻgʻrisidagi maʼlumotlar;

davlat ekologik ekspertizasi obyektini roʻyobga chiqarish salbiy oqibatlarining oldini oluvchi tabiatni muhofaza qilish chora-tadbirlarining asoslangan tadqiqotlari;

atrof-muhitga salbiy taʼsir koʻrsatishi mumkin boʻlgan ehtimoliy avariya holatlari tahlili va ularning oldini olish hamda oqibatlarini kamaytirish ssenariylari.

Atrof-muhitga taʼsir toʻgʻrisidagi bayonotni ishlab chiqish zarurati atrof-muhitga taʼsir koʻrsatilishi toʻgʻrisidagi bayonot loyihasi koʻrib chiqish natijalariga koʻra ekolog-ekspert tomonidan belgilanadi.

21. Ekologik oqibatlar toʻgʻrisidagi bayonotda quyidagilar nazarda tutilishi lozim:

davlat ekologik ekspertizasi xulosasida belgilangan talablarga rioya etilishi yuzasidan Ekologiya qoʻmitasining hududiy boʻlinmalari tomonidan obyektni koʻzdan kechirish natijalari boʻyicha tuzilgan dalolatnoma;

atrof-muhitga taʼsir toʻgʻrisidagi bayonot loyihasini ekolog-ekspert tomonidan koʻrib chiqish natijalari, shuningdek, jamoatchilik eshituvlarida bildirilgan takliflar asosida kiritilgan loyiha yechimlariga tuzatishlar va qabul qilingan boshqa chora-tadbirlar;

obyektning ifloslantirish manbalari joylashuvi sxemasi;

ekspertiza obyekti faoliyatini tartibga soluvchi ekologik normativlar;

obyektni ekspluatatsiya qilish jarayonida ekologik kuzatuv va tadbirlarni tashkil etish hamda amalga oshirishga doir talablar;

xoʻjalik faoliyatini amalga oshirish imkoniyati toʻgʻrisidagi asosiy xulosalar;

obyektni ekspluatatsiya qilish davri mobaynida ekologik monitoringni tashkil etish va oʻtkazish jadvali;

xoʻjalik faoliyatini atrof-muhitni ifloslantiruvchi obyekt sifatida nazorat qilish boʻyicha talablar.

5-bob. Atrof-muhitga taʼsirni baholashda jamoatchilikning ishtiroki

22. Atrof-muhitga taʼsirni baholash bosqichlarida buyurtmachi oʻz mablagʻlari hisobidan qonunchilikda belgilangan tartibda jamoatchilik eshituvlarini tashkil etadi.

Buyurtmachi jamoatchilik eshituvlarini oʻtkazishda maʼlumotlarning toʻgʻriligi, ochiqligini va materiallardan erkin foydalanish imkoniyatini taʼminlashi shart.

23. Jamoatchilik eshituvi natijalari boʻyicha kelib tushgan taklif va eʼtirozlarni oʻz ichiga olgan bayonnoma rasmiylashtiriladi hamda atrof-muhitga taʼsirni baholashning tegishli bosqich hujjatlari tarkibiga kiritiladi.

6-bob. Yakunlovchi qoidalar

24. Loyihani ishlab chiquvchi atrof-muhitga taʼsirni baholash natijalari asosida taqdim etilgan atrof-muhitga taʼsirni baholash boʻyicha materiallarning va ekologik normativlar loyihalarining toʻgʻriligi, ishonchligi hamda asosligi uchun buyurtmachi bilan solidar javobgar boʻladi.

25. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Vazirlar Mahkamasining 2026-yil 11-maydagi 234-son qaroriga 4-ILOVA

1-bob. Umumiy qoidalar

1. Ushbu Nizom moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga taʼsiri boʻyicha jamoatchilik eshituvlarini (keyingi oʻrinlarda — jamoatchilik eshituvlari) oʻtkazish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

manfaatdor tomonlar — moʻljallanayotgan, rejalashtirilayotgan yoki amalga oshirilayotgan xoʻjalik faoliyati natijasida qulay atrof-muhitga boʻlgan huquq va qonuniy manfaatlariga taʼsir koʻrsatilishi mumkin boʻlgan yoki koʻrsatilayotgan jismoniy va (yoki) yuridik shaxslar;

3. Jamoatchilik eshituvlari buyurtmachi (tashabbuskor) tomonidan mahalliy ijro etuvchi hokimiyat organlari koʻmagida oʻtkaziladi.

4. Jamoatchilik eshituvlarini oʻtkazish bilan bogʻliq xarajatlar buyurtmachi (tashabbuskor) mablagʻlari yoki qonunchilikda taqiqlanmagan boshqa manbalar hisobidan moliyalashtiriladi.

5. Jamoatchilik eshituvlari atrof-muhitga taʼsirni baholash materiallari davlat ekologik ekspertizasiga taqdim etilguniga qadar oʻtkaziladi.

6. Jamoatchilik eshituvi ushbu Nizomga ilovadagi sxemaga muvofiq oʻtkaziladi.

7. Jamoatchilik eshituvlarida manfaatdor tomonlar, nodavlat notijorat tashkilotlari, fuqarolarning oʻzini oʻzi boshqarish organlari, ommaviy axborot vositalari vakillari ishtirok etishi mumkin.

8. Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) va uning hududiy organlari vakillari jamoatchilik eshituvlarida kuzatuvchi sifatida qatnashadi.

9. Buyurtmachi (tashabbuskor) jamoatchilik eshituvlarini oʻtkazish uchun tashkilotlarni qonunchilikda belgilangan tartibda jalb etishi mumkin.

2-bob. Jamoatchilik eshituvini oʻtkazishni tashkil etish

10. Jamoatchilik eshituvini oʻtkazish zarurligi quyidagi mezonlarga asosan aniqlanadi:

xoʻjalik faoliyatining atrof-muhitga ehtimoliy taʼsirlari xavfi yuqori boʻlsa;

xoʻjalik faoliyati aholi salomatligi hamda yashash sharoitiga taʼsir koʻrsatsa;

xoʻjalik faoliyati aholi yashash hududlari, muhofaza etiladigan tabiiy hududlar, suv muhofaza mintaqasi, sanitar himoya zonalari, tabiat, tarixiy va madaniy yodgorliklar hududiga yaqin joylashsa.

11. Jamoatchilik eshituvi amalda faoliyat koʻrsatayotgan obyektlar boʻyicha atrof-muhitga va aholi sogʻligʻiga uzluksiz salbiy taʼsir koʻrsatayotgani yuzasidan jismoniy yoki yuridik shaxslarning haqli shikoyatlariga sabab boʻlgan holatlarda oʻtkazilishi mumkin.

Agar amalda faoliyat koʻrsatayotgan obyektlarda texnologik jarayon kengaytirilmagan yoki toʻliq rekonstruksiya qilinmagan va texnik jihatdan qayta jihozlanmagan hamda ekologik normativlarga ega boʻlsa, ushbu Nizom talablari tatbiq etilmaydi, ushbu bandning birinchi xatboshisida keltirilgan holat bundan mustasno.

12. Ekologiya qoʻmitasi huzuridagi “Davlat ekologik ekspertizasi markazi” davlat muassasasi (keyingi oʻrinlarda — Markaz) atrof-muhitga taʼsirni baholash materiallari kelib tushgan kundan eʼtiboran uch ish kuni ichida obyektning joylashuvini, ehtimol tutilgan sezilarli salbiy taʼsir zonalarini va atrof-muhitning ifloslanish darajasini inobatga olgan holda jamoatchilik eshituvlarini oʻtkazish yoki oʻtkazmaslik toʻgʻrisida qaror qabul qiladi.

13. Markaz jamoatchilik eshituvlarini oʻtkazish toʻgʻrisida qaror qabul qilingandan keyin quyidagilarni amalga oshiradi:

moʻljallanayotgan, rejalashtirilayotgan yoki amalga oshirilayotgan xoʻjalik faoliyati va boshqa faoliyat hududini, shuningdek, ehtimoliy taʼsir koʻrsatilishi mumkin boʻlgan hududni belgilaydi;

muhokama qilinadigan masala oʻz huquqlariga va qonuniy manfaatlariga daxl qiladigan yoki daxl qilishi mumkin boʻlgan shaxslar doirasini aniqlaydi;

mahalliy ijro etuvchi hokimiyat organlariga va buyurtmachiga (tashabbuskorga) atrof-muhitga taʼsirni baholashga doir tegishli axborotni jamoat eshituvlari tashkil etilishi haqidagi xabarnoma bilan birga yuboradi.

14. Buyurtmachi (tashabbuskor) jamoatchilik eshituvini oʻtkazish boʻyicha Markazdan xabarnoma olgan kundan boshlab besh ish kuni ichida:

jamoatchilik eshituvlari oʻtkaziladigan joy va vaqtni mahalliy ijro etuvchi hokimiyat organlari bilan kelishadi;

Ekologiya qoʻmitasining hududiy organiga hamda Markazga jamoatchilik eshituvlari oʻtkaziladigan sana va vaqt toʻgʻrisida xabarnoma yuboradi.

15. Jamoatchilik eshituvlari oʻtkaziladigan joy va vaqt haqida buyurtmachi (tashabbuskor) mahalliy ijro etuvchi hokimiyat organlari hamda Ekologiya qoʻmitasining hududiy organlari bilan birgalikda ommaviy axborot vositalarida eʼlon qilish choralarini koʻradi.

Eʼlon jamoatchilik eshituvi oʻtkazilishidan oʻn kun oldin davlat tilida yoki koʻpchilik aholi gaplashadigan boshqa tilda beriladi.

Buyurtmachi (tashabbuskor) jamoatchilikni xabardor qilishning boshqa qoʻshimcha usullaridan foydalanishi mumkin.

16. Eʼlonda quyidagi maʼlumotlar koʻrsatiladi:

jamoatchilik eshituvini oʻtkazish joyi va vaqti;

ishlab chiqarishning asosiy koʻrsatkichlarini, shuningdek, atrof-muhitga taʼsirni baholash materiallarining ekologik jihatlarini koʻrsatgan holda moʻljallanayotgan, rejalashtirilayotgan va amalda faoliyat yuritayotgan xoʻjalik faoliyatining nomi;

manfaatdor tomonlar loyiha materiallarining qogʻoz shakli bilan tanishishlari mumkin boʻlgan joy manzili;

materiallarning elektron shakli joylashtirilgan Internet jahon axborot tarmogʻi manzili, agar u mavjud boʻlmasa, materiallarning elektron shaklini rasmiy soʻrab olish mumkin boʻlgan elektron pochta manzili;

mulohazalar va takliflar qabul qilinadigan elektron pochta manzili.

17. Jamoatchilik eshituvini oʻtkazish toʻgʻrisida eʼlon qilingan sanadan boshlab buyurtmachi (tashabbuskor) manfaatdor tomonlarning atrof-muhitga taʼsirni baholash materiallari bilan tanishib chiqishini taʼminlaydi, mulohazalar va takliflarni qogʻoz va elektron shaklda qabul qiladi va roʻyxatga oladi.

18. Buyurtmachi (tashabbuskor) tomonidan jamoatchilik eshituvi toʻgʻrisidagi taklif va eʼtirozlar eʼlon berilgan kundan boshlab eshituv oʻtkaziladigan kunga qadar qabul qilinadi.

19. Mahalliy ijro etuvchi hokimiyat organlari jamoatchilik eshituvlari doirasida quyidagilarni taʼminlaydi:

tegishli hudud aholisini jamoatchilik eshituvlari oʻtkazilishi toʻgʻrisida xabardor qiladi;

eshituvlarni oʻtkazish uchun zarur hollarda binolar (xonalar) ajratadi;

manfaatdor tomonlarning atrof-muhitga taʼsirni baholash materiallari bilan tanishishi uchun sharoit yaratadi;

jamoatchilik eshituvlari oʻtkazilayotgan vaqtda jamoat tartibini saqlashni taʼminlaydi.

3-bob. Jamoatchilik eshituvlarini oʻtkazish tartibi

20. Jamoatchilik eshituvlarida buyurtmachi (tashabbuskor) jamoatchilik eshituvi ishtirokchilarini roʻyxatga oladi.

21. Jamoatchilik eshituvlarini buyurtmachining (tashabbuskorning) masʼul vakili ochib beradi.

Jamoatchilik eshituvi ishtirokchilari koʻpchilik ovoz bilan kun tartibini tasdiqlaydilar va uni olib borish uchun raisni va kotibini saylaydilar.

22. Jamoatchilik eshituvida buyurtmachi (tashabbuskor) vakili tomonidan texnik xususiyatga ega boʻlmagan maʼlumotlar taqdimot qilinadi.

23. Taqdimotda quyidagi maʼlumotlar boʻlishi kerak:

xoʻjalik faoliyatning qisqacha tavsifi;

texnologik yechimlar va obyektni joylashtirishning muqobil variantlari;

atrof-muhitning joriy holati, ijtimoiy-iqtisodiy sharoitlarning qisqacha tavsifi;

loyihani amalga oshirish natijasida atrof-muhitga salbiy taʼsir etadigan manbalar va turlarining qisqacha taʼrifi;

atrof-muhit holatining, ijtimoiy-iqtisodiy sharoitlarning mumkin boʻlgan oʻzgarishlari prognozi va baholashga oid maʼlumotlar;

loyiha va loyihadan tashqari avariya holatlarini prognozlash hamda baholash natijalari;

salbiy taʼsirning oldini olish, uni kamaytirish va (yoki) oʻrnini toʻldirish boʻyicha chora-tadbirlar;

mumkin boʻlgan sezilarli salbiy transchegaraviy taʼsirlarni baholash (transchegaraviy taʼsir etish holatlarida) natijalari.

24. Jamoatchilik eshituvida barcha ishtirokchilar oʻz fikrini bildirish va buyurtmachi (tashabbuskor) vakiliga savollar berish huquqi ega.

Buyurtmachining (tashabbuskorning) vakili jamoatchilik eshituvi ishtirokchilarining savollariga javob berishi lozim.

25. Jamoatchilik eshituvida ommaviy axborot vositalari vakillari ishtirok etishi mumkin hamda ular tomonidan audio yozuvlar va video suratga olish amalga oshirilgan taqdirda, bu haqida eshituv ishtirokchilari xabardor qilinadi.

26. Jamoatchilik eshituvi bayonnomasi buyurtmachi (tashabbuskor) vakili tomonidan yuritiladi.

Jamoatchilik eshituvi natijalari boʻyicha uning raisi va kotibi imzosi bilan tasdiqlanadigan jamoatchilik eshituvi bayonnomasi rasmiylashtiriladi.

Bayonnomada jamoatchilik eshituvlari natijalari, bildirilgan fikr va eʼtirozlar, manfaatdor tomonlarning takliflari, shuningdek, eshituvlar oʻtkazilgunga qadar kelib tushgan taklif va javoblar koʻrsatiladi.

27. Tasdiqlangan jamoatchilik eshituvi bayonnomasi nusxasi buyurtmachi (tashabbuskor) tomonidan ikki ish kuni ichida mahalliy ijro etuvchi hokimiyat organlariga hamda Markazga taqdim etiladi.

28. Jamoatchilik eshituvi bayonnomasi Ekologiya qoʻmitasi va jamoatchilik eshituvlari oʻtkazilgan hududdagi ijro etuvchi hokimiyat organining rasmiy veb-saytlarida eʼlon qilinadi.

29. Jamoatchilik eshituvi ishtirokchilari bayonnoma bilan tanishib chiqish hamda oʻz taklif va eʼtirozlarini Markazga yuborish huquqiga ega.

30. Jamoatchilik eshituvini oʻtkazish tartibi buzilganda, jamoatchilik eshituvi oʻtkazilmagan deb hisoblanadi.

Buyurtmachi (tashabbuskor) qayta oʻtkaziladigan jamoat eshituvlarini ushbu Nizomda belgilangan tartibda oʻtkazadi.

4-bob. Yakunlovchi qoidalar

31. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

32. Ushbu Nizom talablarini buzishda aybdor boʻlgan shaxslar qonunchilik hujjatlarida belgilangan tartibda javob beradilar.

Jamoatchilik eshituvini oʻtkazish tartibi

Bosqichlar Subyektlar Tadbirlar Bajarish muddatlari 1-bosqich Davlat ekologik ekspertizasi markazi Obyektning joylashuvini, ehtimol tutilgan sezilarli salbiy taʼsir zonalarini va atrof-muhitning ifloslanish darajasini inobatga olgan holda, jamoatchilik eshituvlarini oʻtkazish yoki oʻtkazmaslik toʻgʻrisida qaror qabul qiladi va mahalliy ijro etuvchi hokimiyat organlariga va buyurtmachiga (tashabbuskorga) xabarnoma yuboradi. Ariza kelib tushgan kundan uch ish kuni ichida 2-bosqich Buyurtmachi (tashabbuskor) 1. Jamoatchilik eshituvlari oʻtkaziladigan joy va vaqtni mahalliy ijro etuvchi hokimiyat organlari bilan kelishadi. 2. Ekologiya qoʻmitasining hududiy organiga hamda Davlat ekologik ekspertizasi markaziga jamoatchilik eshituvlari oʻtkaziladigan sana va vaqt toʻgʻrisida xabarnoma yuboradi. Xabarnoma olgan kundan boshlab besh ish kuni ichida 3. Jamoatchilik eshituvlari oʻtkaziladigan joy va vaqti haqida mahalliy ijro etuvchi hokimiyat organlari hamda Ekologiya qoʻmitasining hududiy organlari bilan birgalikda ommaviy axborot vositalarida eʼlon qilish choralarini koʻradi. Jamoatchilik eshituvi oʻtkazilishidan oʻn kun oldin 4. Jamoatchilik eshituvi natijalari boʻyicha uning raisi va kotibi imzosi bilan tasdiqlanadigan jamoatchilik eshituvi bayonnomasini rasmiylashtiradi. Tasdiqlangan jamoatchilik eshituvi bayonnomasi nusxasini mahalliy ijro etuvchi hokimiyat organlariga hamda Davlat ekologik ekspertizasi markaziga taqdim etadi. Jamoatchilik eshituvi oʻtkazilganidan soʻng ikki ish kuni ichida

Vazirlar Mahkamasining 2026-yil 11-maydagi 234-son qaroriga 5-ILOVA

Jamoat ekologik ekspertizasini oʻtkazish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq jamoat ekologik ekspertizasini oʻtkazish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

obyekt — moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyati ekologik jihatdan asoslantirish talab etiladigan yuridik yoki jismoniy shaxs;

tashabbuskor — jamoat ekologik ekspertizasini tashkil etuvchi va (yoki) oʻtkazuvchi nodavlat notijorat tashkilotlari va fuqarolar;

ekspert komissiyasi — jamoat ekologik ekspertizasini oʻtkazish uchun tashabbuskor tomonidan tashkil etilgan sohaga oid mustaqil mutaxassislardan va jamoatchilik vakillaridan iborat guruh.

3. Jamoat ekologik ekspertizasi ekologik jihatdan asoslantirish talab etiladigan har qanday faoliyat sohasida nodavlat notijorat tashkilotlarining va fuqarolarning tashabbusi bilan oʻtkazilishi mumkin.

4. Jamoat ekologik ekspertizasi davlat ekologik ekspertizasi oʻtkazilishidan qatʼi nazar oʻtkazilishi mumkin.

5. Jamoat ekologik ekspertizasini oʻtkazish tashabbuskorning oʻz mablagʻlari hisobidan moliyalashtiriladi.

Jamoat ekologik ekspertizasini oʻtkazish qonunchilik hujjatlari bilan taqiqlanmagan boshqa manbalar hisobidan ham moliyalashtirilishi mumkin.

6. Jamoat ekologik ekspertizasi ushbu Nizomga ilovadagi sxemaga muvofiq oʻtkaziladi.

2-bob. Jamoat ekologik ekspertizasini oʻtkazish tartibi

7. Tashabbuskor jamoat ekologik ekspertizasini tashkil etish yuzasidan obyekt joylashgan hududdagi tuman (shahar) hokimliklariga ariza bilan murojaat qiladi.

8. Arizada quyidagilar koʻrsatilishi kerak:

jamoat ekologik ekspertizasi tashabbuskorining nomi yoki F.I.O., yuridik manzili yoki yashash joyi;

tashabbuskorning ustavida jamoat ekologik ekspertizasini oʻtkazish nazarda tutilgani (yuridik shaxslar uchun);

ekspert komissiyasi tarkibi toʻgʻrisidagi maʼlumotlar;

obyekt toʻgʻrisidagi maʼlumotlar hamda jamoat ekologik ekspertizasini oʻtkazish muddati.

9. Tuman (shahar) hokimliklari jamoat ekologik ekspertizasini tashkil etish toʻgʻrisidagi arizani berilgan kundan boshlab oʻn ish kuni ichida oʻrganib chiqadi.

10. Arizani roʻyxatdan oʻtkazish quyidagi hollarda rad etilishi mumkin:

obyektga nisbatan soʻnggi uch yilda jamoat ekologik ekspertizasi oʻtkazilgan boʻlsa;

jamoat ekologik ekspertizasi obyektida davlat yoki qonun bilan qoʻriqlanadigan boshqa sirni tashkil etuvchi maʼlumotlar mavjud boʻlgan maxsus huquqiy rejimga ega boʻlgan obyektlar;

tashabbuskor ustavida jamoat ekologik ekspertizasini oʻtkazish boʻyicha faoliyat nazarda tutilmagan boʻlsa.

11. Jamoatchilik ekologik ekspertizasini tashkil etish toʻgʻrisidagi arizani roʻyxatdan oʻtkazish rad etilgan taqdirda, tuman (shahar) hokimliklari bu haqida tashabbuskorga rad etish sabablarini asoslantirilgan holda yozma shaklda maʼlum qiladi.

12. Tuman (shahar) hokimliklari ushbu Nizomning 10-bandida nazarda tutilgan holatlar mavjud boʻlmaganda arizani roʻyxatdan oʻtkazadi.

13. Tuman (shahar) hokimliklari tomonidan arizaning roʻyxatga olinishi jamoat ekologik ekspertizasini oʻtkazilishiga asos boʻladi.

14. Tashabbuskor ariza roʻyxatdan oʻtgandan soʻng ikki ish kuni ichida jamoat ekologik ekspertizasini oʻtkazish asoslarini koʻrsatgan holda obyektni xabardor qiladi.

15. Tashabbuskor jamoat ekologik ekspertizasini oʻtkazish boʻyicha ariza roʻyxatdan oʻtgandan soʻng oʻn ish kuni ichida quyidagilarni amalga oshiradi:

kamida yetti nafar mutaxassislardan iborat ekspert komissiyasini tarkibini tuzish;

obyektni jamoat ekologik ekspertizasidan oʻtkazish boʻyicha dastur ishlab chiqish.

16. Ekspert komissiyasi tarkibiga oliy maʼlumotga, ekologiya va atrof-muhitni muhofaza qilish sohasida yoki turdosh sohalarda kamida uzluksiz uch yil ish stajiga hamda belgilangan tartibda malaka sertifikatiga ega boʻlgan mutaxassislar kiritiladi.

17. Quyidagi shaxslar ekspert komissiyasi tarkibiga kiritilishi mumkin emas:

Ekologiya va iqlim oʻzgarishi milliy qoʻmitasining (keyingi oʻrinlarda — Ekologiya qoʻmitasi) xodimi;

jamoat ekologik ekspertizasi oʻtkazilayotgan obyekt xodimi;

loyihani ishlab chiquvchining xodimi;

jamoat ekologik ekspertizasi oʻtkazilayotgan obyekt bilan mehnat yoki boshqa shartnoma munosabatlarida boʻlgan shaxs.

18. Jamoat ekologik ekspertizasi eksperti jamoat ekologik ekspertizasini oʻtkazishda davlat ekologik ekspertizasining xulosalari boʻyicha alohida fikr bildirishga haqli.

19. Jamoat ekologik ekspertizasi eksperti:

atrof-muhitni muhofaza qilish qonunchiligi talablariga rioya qilishi;

jamoat ekologik ekspertizasi obyekti toʻgʻrisidagi xulosalarning xolisligi va asosliligini, shuningdek, ushbu obyekt boʻyicha manfaatdor jamoatchilik mulohazalari va takliflarining asosliligini koʻrib chiqishi;

jamoat ekologik ekspertizasiga taqdim etilgan materiallar va maʼlumotlar saqlanishini va intellektual mulk huquqlari buzilishining oldini olishi shart.

20. Jamoat ekologik ekspertizasi ekspert komissiyasi tomonidan tasdiqlangan dasturga muvofiq oʻtkaziladi.

21. Jamoat ekologik ekspertizasini oʻtkazish muddati yigirma besh ish kunidan oshmasligi kerak.

22. Jamoat ekologik ekspertizasini oʻtkazish muddati obyektni jamoat ekologik ekspertizasidan oʻtkazish boʻyicha dastur tasdiqlangandan keyingi ish kunidan eʼtiboran hisoblanadi.

23. Tashabbuskor obyektni jamoat ekologik ekspertizasidan oʻtkazadigan ekspert komissiyasi tarkibi, dasturi va muddatlari bilan tanishtiradi.

24. Ekspert komissiyasi tomonidan obyektning ekologik talablarga muvofiqligi oʻrganib chiqiladi.

25. Tashabbuskor zaruratga koʻra akkreditatsiyadan oʻtgan laboratoriyada ifloslantiruvchi moddalarni chiqarish, oqizish va chiqindilarni joylashtirish manbalaridan namunalar olish hamda laboratoriya tahlillarini oʻtkazishi mumkin.

3-bob. Tashabbuskor va obyektning huquq va majburiyatlari

26. Tashabbuskor quyidagi huquqlarga ega:

obyektdan jamoatchilik eshituvi bayonnomasi va davlat ekologik ekspertizasi xulosasini olish (mavjud boʻlganda);

jamoat ekologik ekspertizasini oʻtkazishda Ekologiya qoʻmitasidan zarur boʻlgan maʼlumot, hujjatlar hamda uslubiy koʻmak olish;

zarur hollarda laboratoriya tahlillarini oʻtkazish.

Tashabbuskor quyidagi majburiyatlarga ega:

jamoat ekologik ekspertizasini oʻtkazish uchun ekspert komissiyasini tuzish;

jamoat ekologik ekspertizasini ushbu Nizom talablariga muvofiq oʻtkazish;

jamoat ekologik ekspertizasi jarayoni va natijalari haqida aholini xabardor qilish hamda jamoat ekologik ekspertizasining xulosasini tayyorlashda jamoat fikrini hisobga olish;

jamoat ekologik ekspertizasining xulosalari bilan jamoatchilik tanishishi uchun imkoniyat yaratish.

27. Obyekt quyidagi huquqlarga ega:

jamoat ekologik ekspertizasi jarayonida ishtirok etish;

jamoat ekologik ekspertizasining xulosasi yuzasidan oʻz tushuntirishlari va mulohazalarini taqdim etish;

jamoat ekologik ekspertizasini oʻtkazish jarayoni haqida maʼlumotlarni olish.

28. Obyekt quyidagi majburiyatlarga ega:

atrof-muhitni muhofaza qilish hamda tabiiy resurslardan oqilona foydalanish toʻgʻrisidagi qonunchilik talablariga muvofiq atrof-muhitga taʼsirni baholash materiallari, jamoatchilik eshituvlari bayoni va ekologik normativlar loyihalarini jamoat ekologik ekspertizasidan oʻtkazish uchun taqdim etish;

obyektning oʻzida jamoat ekologik ekspertizasini oʻtkazish uchun shart-sharoitlar, shu jumladan, ekspert komissiyasiga atrof-muhit muhofazasiga taalluqli boʻlgan maʼlumot, yozuvlar va hujjatlardan foydalanish va obyekt hududiga kirish imkoniyatini yaratish.

4-bob. Jamoat ekologik ekspertizasi xulosasi

29. Jamoat ekologik ekspertizasi yakunlari boʻyicha ekspert komissiyasi tomonidan jamoat ekologik ekspertizasi xulosasi tayyorlanadi.

30. Jamoat ekologik ekspertizasi xulosasida quyidagilar boʻlishi lozim:

tashabbuskorning nomi va yuridik manzili;

obyektning nomi va joylashgan joyi;

jamoat ekologik ekspertizasiga taqdim etilgan hujjatlar roʻyxati, shuningdek, uni oʻtkazish jarayonida foydalanilgan hujjatlar roʻyxati;

ekspert komissiyasi tarkibi;

jamoat ekologik ekspertizasini oʻtkazish asosi;

jamoat ekologik ekspertizasi oʻtkazilishida aniqlangan kamchiliklarni bartaraf etishga doir tavsiyalar, shuningdek, obyekt tomonidan amalga oshirilayotgan tabiatni muhofaza qilishga oid tadbirlar samaradorligini oshirish boʻyicha tavsiyalar va takliflar.

Bunda ekspert komissiyasining jamoat ekologik ekspertizasi xulosasi bir yoki bir nechta ekspertlar tomonidan kelishilmagan taqdirda, ularning fikrlari alohida hujjatda aks ettirilib imzosi bilan tasdiqlanadi.

31. Jamoat ekologik ekspertizasi xulosasi tasdiqlangandan keyin bir ish kuni ichida tashabbuskor tomonidan tuman (shahar) hokimliklari va Ekologiya qoʻmitasi huzuridagi “Davlat ekologik ekspertizasi markazi” davlat muassasasiga taqdim etiladi.

32. Jamoat ekologik ekspertizasi xulosasi tavsiyaviy tusga ega boʻladi.

33. Jamoat ekologik ekspertizasi xulosasi nusxalari tashabbuskor va obyektda kamida besh yil saqlanadi.

34. Jamoat ekologik ekspertizasi xulosasi tashabbuskorning veb-saytida yoki ommaviy axborot vositalari orqali yoritilishi mumkin.

5-bob. Yakunlovchi qoidalar

35. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

36. Ushbu Nizom talablarining buzilishida aybdor boʻlgan shaxslar qonunchilik hujjatlariga muvofiq javob beradilar.

Jamoat ekologik ekspertizasini oʻtkazish tartibi toʻgʻrisidagi nizomga ILOVA

Jamoat ekologik ekspertizasini oʻtkazish tartibi

Bosqichlar Subyektlar Tadbirlar Bajarish muddatlari 1-bosqich Tashabbuskor Jamoat ekologik ekspertizasini tashkil etish yuzasidan obyekt joylashgan hududdagi tuman (shahar) hokimliklariga ariza bilan murojaat qiladi. Tashabbuskorning xohishiga koʻra 2-bosqich Tuman (shahar) hokimligi 1. Jamoat ekologik ekspertizasini tashkil etish toʻgʻrisidagi arizani oʻrganib chiqadi. 2. Arizani rad etish uchun asoslar mavjud boʻlganda arizani rad etadi. 3. Arizani rad etish uchun asoslar mavjud boʻlmaganda arizani roʻyxatdan oʻtkazadi. Ariza berilgan kundan boshlab oʻn ish kuni ichida 3-bosqich Tashabbuskor 1. Obyektni jamoat ekologik ekspertizasini oʻtkazish asoslarini koʻrsatgan holda xabardor qiladi. Ariza roʻyxatdan oʻtgandan soʻng ikki ish kuni ichida 2. Ekspert komissiyasi tarkibini tuzadi hamda obyektni jamoat ekologik ekspertizasidan oʻtkazish boʻyicha dastur ishlab chiqadi hamda ekspert komissiyasi tomonidan tasdiqlanishini taʼminlaydi. Ariza roʻyxatdan oʻtgandan soʻng oʻn ish kuni ichida 4-bosqich Ekspert komissiyasi 1. Obyektning ekologik talablarga muvofiqligini oʻrganib chiqadi. 2. Jamoat ekologik ekspertizasi yakunlari boʻyicha jamoat ekologik ekspertizasi xulosasini tayyorlaydi. Ariza roʻyxatdan oʻtgandan soʻng yigirma besh ish kuni ichida 5-bosqich Tashabbuskor Jamoat ekologik ekspertizasi xulosasini tuman (shahar) hokimligi va Ekologiya qoʻmitasi huzuridagi “Davlat ekologik ekspertizasi markazi” davlat muassasasiga taqdim etadi. Xulosa tasdiqlangandan keyin bir ish kuni ichida

Vazirlar Mahkamasining 2026-yil 11-maydagi 234-son qaroriga 6-ILOVA

Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

loyihani ishlab chiquvchilar reyestri (keyingi oʻrinlarda — reyestr) — Oʻzbekiston Respublikasi Ekologiya va iqlim oʻzgarishi milliy qoʻmitasi (keyingi oʻrinlarda — Ekologiya qoʻmitasi) tomonidan yuritiladigan loyihani ishlab chiquvchilar roʻyxati;

3. Loyihani ishlab chiquvchilar oʻz faoliyatini tashkil etishi uchun shtatida ekologiya va atrof-muhitni muhofaza qilish sohasida kamida uch yil ishlagan, tegishli malaka sertifikati mavjud boʻlgan kamida ikki nafar xodimga ega boʻlishi kerak.

4. Loyihani ishlab chiquvchilar hisobini yuritish maqsadida Ekologiya qoʻmitasi tomonidan ularning reyestri yuritiladi.

5. Atrof-muhitga taʼsirni baholash materiallarining va ekologik normativlar loyihalarining sifatli ishlab chiqilishini taʼminlash maqsadida Ekologiya qoʻmitasi loyihalarni ishlab chiquvchilarning reytingini yuritadi.

6. Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish ishlari ushbu Nizomga 1-ilovadagi sxemaga muvofiq amalga oshiriladi.

2-bob. Loyihani ishlab chiquvchilarning faoliyatini tashkil etish tartibi

7. Loyihani ishlab chiquvchi faoliyatini boshlashidan oldin reyestrga kiritish uchun Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali Ekologiya qoʻmitasiga mazkur Nizomga 2-ilovadagi shaklga muvofiq ariza bilan murojaat qiladi.

8. Loyihani ishlab chiquvchining arizasi Ekologiya qoʻmitasiga kelib tushgan kundan boshlab besh ish kuni ichida koʻrib chiqiladi.

9. Reyestrga kiritish toʻgʻrisidagi ariza bepul koʻrib chiqiladi.

10. Reyestrga kiritish toʻgʻrisidagi ariza quyidagi hollarda rad etiladi:

xodim ekologiya va atrof-muhitni muhofaza qilish sohasida kamida uch yil ish stajiga ega boʻlmaganda;

loyihani ishlab chiquvchi shtatida tegishli malaka sertifikatiga ega boʻlgan kamida ikki nafar xodim boʻlmaganda;

arizada notoʻgʻri maʼlumotlar koʻrsatilganda.

Loyihani ishlab chiquvchining reyestrga kiritish toʻgʻrisidagi arizasini rad etishga ushbu bandda nazarda tutilmagan asoslarga koʻra yoʻl qoʻyilmaydi.

Reyestrga kiritish toʻgʻrisidagi ariza rad etilganda, bu haqida asoslari koʻrsatilgan holda loyihani ishlab chiquvchi xabardor qilinadi.

11. Loyihani ishlab chiquvchi reyestrga kiritish toʻgʻrisidagi arizani rad etish uchun sabab boʻlgan kamchiliklarni bartaraf etganidan soʻng ushbu Nizomda belgilangan tartibda Ekologiya qoʻmitasiga qayta murojaat qilishga haqli.

12. Ekologiya qoʻmitasi loyihani ishlab chiquvchini reyestrga kiritadi va bu haqida loyihani ishlab chiquvchini (reyestr raqamini koʻrsatgan holda) xabardor qiladi.

3-bob. Reyestrni yuritish tartibi

13. Reyestr elektron maʼlumotlar bazasi shaklida Ekologiya qoʻmitasi tomonidan yuritiladi.

14. Reyestrda loyihani ishlab chiquvchi toʻgʻrisida quyidagi maʼlumotlar koʻrsatiladi:

tashkilot nomi va STIRi;

loyihani ishlab chiquvchi rahbarining familiyasi, ismi, otasining ismi;

joylashgan manzili, telefon raqami, elektron pochta manzili va rasmiy veb-sayti (agar mavjud boʻlsa);

atrof-muhitga taʼsirni baholash sohasidagi faoliyat doirasi toʻgʻrisida maʼlumot;

loyihani ishlab chiquvchi xodimining familiyasi, ismi, otasining ismi va unga berilgan malaka sertifikatining sanasi, raqami va amal qilish muddati;

loyihani ishlab chiquvchining reyestrga kiritilgan sanasi;

loyihani ishlab chiquvchining reyestrdan chiqarilish asoslari va sanasi (agar mavjud boʻlsa).

15. Reyestrga kiritilgan maʼlumotlar oʻzgargan taqdirda, loyihani ishlab chiquvchi ushbu oʻzgarishlar haqida Ekologiya qoʻmitasiga oʻzgarishlarni tasdiqlovchi maʼlumotlarni taqdim etishi lozim.

Bunda Ekologiya qoʻmitasi besh ish kuni ichida reyestrga tegishli oʻzgartirishlar kiritadi.

16. Loyihani ishlab chiquvchi quyidagi hollarda reyestrdan chiqarilishi mumkin:

shtatida tegishli malaka sertifikatiga ega boʻlgan kamida ikki nafar xodim boʻlmaganda;

malaka sertifikatining amal qilish muddati tugaganda;

reyestrdan ixtiyoriy chiqarish toʻgʻrisida yozma murojaat qilganda;

faoliyati tugatilganda.

17. Reyestrni yuritish davomida toʻplangan maʼlumotlar Ekologiya qoʻmitasida besh yil mobaynida saqlanadi.

18. Loyihani ishlab chiquvchining reyestrga kiritilmasligi u tomonidan taqdim etilgan atrof-muhitga taʼsirni baholash materiallari va ekologik normativlar loyihalarini davlat ekologik ekspertizasiga qabul qilmaslik uchun asos boʻladi.

4-bob. Loyihani ishlab chiquvchilarning reytingini yuritish tartibi

19. Loyihani ishlab chiquvchining atrof-muhitga taʼsirni baholash materiallari va ekologik normativlar loyihalarini ishlab chiqish faoliyati samaradorligini har oyda baholash orqali ularning reytingi Ekologiya qoʻmitasining Ekspertlar kengashi tomonidan aniqlanadi.

20. Loyihani ishlab chiquvchilar reytingi Ekologiya qoʻmitasining Ekspertlar kengashi tomonidan tasdiqlanadigan mezonlarga muvofiq 0 balldan 100 ballgacha boʻlgan balli tizim asosida aniqlanadi.

21. Loyihani ishlab chiquvchilar reytingini aniqlash natijalariga koʻra quyidagi toifalarga ajratiladi:

81 balldan 100 ball olgan loyihani ishlab chiquvchi — “yashil” toifa;

51 balldan 80 ball olgan loyihani ishlab chiquvchi — “koʻk” toifa;

50 balldan past olgan loyihani ishlab chiquvchi — “sariq” toifa.

Bunda loyihani ishlab chiquvchi aniqlangan toifasiga koʻra:

“yashil” toifaga ega boʻlgan loyihani ishlab chiquvchi atrof-muhitga taʼsir koʻrsatishning barcha toifalariga mansub faoliyat turlari;

“koʻk” toifaga ega boʻlgan loyihani ishlab chiquvchi atrof-muhitga taʼsir koʻrsatishning II va III toifalarga mansub faoliyat turlari;

“sariq” toifaga ega boʻlgan loyihani ishlab chiquvchi atrof-muhitga taʼsir koʻrsatishning III toifaga mansub faoliyat turlari boʻyicha loyiha hujjatlarini ishlab chiqadi.

5-bob. Yakunlovchi qoidalar

22. Ekologiya qoʻmitasi loyihani ishlab chiquvchini reyestrga kiritish hamda uning reyting natijalarini oʻzining rasmiy veb-saytga eʼlon qilib boradi.

23. Ushbu Nizomni qoʻllashda kelib chiqadigan nizolar qonunchilik hujjatlariga muvofiq hal etiladi.

24. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish tartibi toʻgʻrisidagi nizomga 1-ILOVA

Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish tartibi

Bosqichlar Subyektlar Tadbirlar Bajarish muddatlari 1-bosqich Loyihani ishlab chiquvchi Faoliyatini boshlashidan oldin reyestrga kiritish uchun Oʻzbekiston Respublikasi Yagona interaktiv davlat xizmatlari portali orqali Ekologiya qoʻmitasiga ariza bilan murojaat qiladi. Loyihani ishlab chiquvchining xohishiga koʻra 2-bosqich Ekologiya qoʻmitasi 1. Loyihani ishlab chiquvchining reyestrga kiritish boʻyicha arizasini koʻrib chiqadi. 2. Arizani rad etish uchun asoslar mavjud boʻlganda arizani rad etadi. 3. Reyestrga kiritish toʻgʻrisidagi ariza rad etilganda, bu haqida asoslari koʻrsatilgan holda loyihani ishlab chiquvchini xabardor qiladi. 4. Arizani rad etish uchun asoslar mavjud boʻlmaganda, loyihani ishlab chiquvchini reyestrga kiritadi va bu haqida loyihani ishlab chiquvchini (reyestr raqamini koʻrsatgan holda) xabardor qiladi. Ariza kelib tushgan kundan boshlab besh ish kuni ichida 3-bosqich Loyihani ishlab chiquvchi Reyestrga kiritilgan maʼlumotlar oʻzgargan taqdirda, oʻzgarishlar haqida Ekologiya qoʻmitasiga oʻzgarishlarni tasdiqlovchi maʼlumotlarni taqdim etadi. Reyestrga kiritilgan maʼlumotlar oʻzgargan taqdirda 4-bosqich Ekologiya qoʻmitasi Reyestrga tegishli oʻzgartirishlar kiritadi. Besh ish kuni ichida

Atrof-muhitga taʼsirni baholash materiallarini va ekologik normativlar loyihalarini ishlab chiquvchilarning faoliyatini tashkil etish va reytingini yuritish tartibi toʻgʻrisidagi nizomga 2-ILOVA

Oʻzbekiston Respublikasi Ekologiya va iqlim oʻzgarishi milliy qoʻmitasi raisi ___________________________ga (F.I.O) __________________________dan (ariza beruvchi F.I.O) Atrof-muhitga taʼsirni baholash materiallari va ekologik normativlar loyihalarini ishlab chiquvchilar reyestrga kiritish toʻgʻrisida ARIZA Sizdan __________________________________________________________________________ ni (loyiha ishlab chiquvchining toʻliq nomi) Loyihani ishlab chiquvchilar reyestriga kiritishingizni soʻrayman. Loyihani ishlab chiquvchi toʻgʻrisida quyidagi maʼlumotlarni tasdiqlayman: joylashgan joyi (pochta manzili) _____________________________________________________ telefon raqami (kodi bilan) _________________________________________________________ STIR raqami _______________________________________________________________________ elektron pochta manzili (mavjud boʻlsa) ________________________________________________ rasmiy veb-sayti (mavjud boʻlsa) ______________________________________________________ loyiha ishlab chiquvchi xodimlarning F.I.O. va atrof-muhitni muhofaza qilish sohasidagi ish staji ___________________________________________________________________________________ Ekologik ekspertiza obyektlari uchun loyiha hujjatlarini ishlab chiqishga doir malaka sertifikatining raqami va berilgan sanasi: 1) _________________________________________________________________________________ 2) _________________________________________________________________________________ 3) _________________________________________________________________________________ Tashkilot rahbari imzo yoki elektron raqamli imzo oʻrin ______________________ (F.I.O)

Vazirlar Mahkamasining 2026-yil 11-maydagi 234-son qaroriga 7-ILOVA

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

Malaka sertifikati reyestri (keyingi oʻrinlarda — Reyestr) — maxsus vakolatli davlat organining rasmiy veb-saytiga joylashtiriladigan malaka sertifikatlarining roʻyxati;

maxsus vakolatli davlat organi — Oʻzbekiston Respublikasi Ekologiya va iqlim oʻzgarishi milliy qoʻmitasi;

talabgor — malaka sertifikatini olish uchun belgilangan tartibda murojaat qilgan jismoniy shaxs;

ekologik ekspertiza obyektlari uchun loyiha hujjatlarini ishlab chiqishga doir malaka sertifikati (keyingi oʻrinlarda — malaka sertifikati) — loyihani ishlab chiquvchining xodimi malakasini tasdiqlovchi hamda atrof-muhitga taʼsirni baholash materiallari va ekologik normativlarni ishlab chiqish faoliyatini amalga oshirish huquqini beruvchi hujjat.

3. Malaka sertifikati ekologiya va atrof-muhitni muhofaza qilish sohasida oliy maʼlumotga hamda kamida uch yil ish stajiga ega boʻlgan jismoniy shaxslarga beriladi.

4. Malaka sertifikatini berish boʻyicha davlat xizmatlari Davlat xizmatlari markazi yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.

5. Malaka sertifikati ushbu Nizomga 1-ilovadagi sxemaga muvofiq beriladi.

2-bob. Malaka oshirish kurslarini tashkil etish tartibi

6. Talabgor malakasi atrof-muhitni muhofaza qilish va tabiiy resurslardan oqilona foydalanish sohasidagi davlat muassasalari yoki nodavlat taʼlim tashkilotlari (keyingi oʻrinlarda — taʼlim tashkilotlari) va yuridik yoki jismoniy shaxs oʻrtasida tuziladigan shartnoma asosida oshiriladi.

7. Taʼlim tashkilotlarida oʻquv kurslari maxsus vakolatli davlat organi tomonidan tasdiqlanadigan toʻrt haftalik namunaviy oʻquv dasturi asosida tashkil etiladi.

8. Malaka oshirish kurslari yakunlari boʻyicha talabgorga taʼlim tashkilotlari tomonidan guvohnoma beriladi.

9. Loyihani ishlab chiquvchining xodimi har ikki yilda bir marta malaka oshirish kurslarida oʻqishi shart.

3-bob. Malaka sertifikatini berish boʻyicha davlat xizmatlarini koʻrsatish tartibi

10. Talabgor malaka sertifikatini berish boʻyicha davlat xizmatlaridan foydalanish uchun Davlat xizmatlari markaziga bevosita oʻzi yoki ishonchli vakili orqali murojaat etadi yoxud YIDXPda davlat xizmatlaridan elektron shaklda foydalanish uchun roʻyxatdan oʻtadi.

11. Talabgor davlat xizmatlari markaziga bevosita oʻzi yoki ishonchli vakili orqali murojaat etgan taqdirda, Davlat xizmatlari markazi xodimi talabgor nomidan, YIDXP orqali murojaat qilgan hollarda esa, mustaqil ravishda ushbu Nizomga 2-ilovadagi shaklga muvofiq soʻrovnomani toʻldiradi.

12. Soʻrovnoma Davlat xizmatlari markazi xodimi tomonidan toʻldirilganda, talabgor undagi maʼlumotlarning toʻgʻriligini tekshirgandan soʻng uni oʻz elektron raqamli imzosi (keyingi oʻrinlarda — ERI) bilan tasdiqlaydi.

Davlat xizmatlari markazi talabgorga oʻz ERIsini shu joyning oʻzida olishi uchun barcha zarur sharoitlarni taʼminlashi shart.

13. Talabgorga oid quyidagi hujjatlar maxsus vakolatli davlat organi tomonidan tegishli davlat organlari va tashkilotlaridan mustaqil ravishda, shu jumladan, “Elektron hukumat” tizimi idoralararo integratsiyalashuv platformasi orqali soʻrab olinadi:

ekologiya va atrof-muhitni muhofaza qilish sohasiga oid (biolog, geolog, gidrolog muhandis, yer geodeziya va kartografiyasi muhandisi, shuningdek, suv, atmosfera, yerusti va yerosti boyliklari muhofazasi mutaxassisliklari) oliy maʼlumot toʻgʻrisidagi diplom yoki xorijiy davlatlarda taʼlim olganlik toʻgʻrisidagi hujjatlarning tan olinganligini tasdiqlovchi rasmiy hujjat nusxasi;

ekologiya va atrof-muhitni muhofaza qilish sohasida kamida uch yil ish stajiga egaligi toʻgʻrisidagi maʼlumotlar;

malaka oshirish kurslarida oʻqiganlik toʻgʻrisidagi guvohnoma nusxasi.

Davlat xizmatlari markazi va maxsus vakolatli davlat organi oʻrtasida axborot almashinuvi ERIni qoʻllagan holda, faqat “Elektron hukumat” tizimi idoralararo integratsiyalashuv platformasi orqali amalga oshiriladi.

14. Talabgor Davlat xizmatlari markaziga bevosita oʻzi yoki ishonchli vakili orqali murojaat etganda, Davlat xizmatlari markazi xodimi tomonidan soʻrovnoma toʻldirilib, talabgorning ERIsi bilan tasdiqlangandan soʻng real vaqt rejimida, biroq bir soatdan oshmagan vaqt ichida, YIDXP orqali murojaat qilganda esa avtomatik tarzda maxsus vakolatli davlat organiga elektron shaklda yuboriladi.

15. Talabgorning malaka sertifikatini berish toʻgʻrisidagi murojaatini koʻrib chiqish boʻyicha davlat xizmati koʻrsatilgani uchun bazaviy hisoblash miqdorining bir baravari miqdorida toʻlov (keyingi oʻrinlarda — toʻlov) undiriladi.

Davlat xizmati koʻrsatilishi uchun YIDXP orqali murojaat etilganda, belgilangan toʻlov miqdorining 90 foizi undiriladi.

Toʻlov summasi quyidagi tartibda taqsimlanadi:

a) Davlat xizmatlari markazi orqali murojaat etilganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy gʻazna hisobvaragʻiga;

0,5 foizi — Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga;

qolgan mablagʻlar maxsus vakolatli davlat organining budjetdan tashqari jamgʻarmasiga;

b) YIDXP orqali murojaat etilganda:

10 foizi Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,75 foizi (shundan 0,5 foizi Yagona billing tizimi orqali davlat xizmati koʻrsatilganda) Raqamli texnologiyalar vazirligi huzuridagi Raqamli texnologiyalarni rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar maxsus vakolatli davlat organining budjetdan tashqari jamgʻarmasiga oʻtkaziladi.

Toʻlov toʻlangani axborot-kommunikatsiya tizimlari orqali tasdiqlanadi.

16. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega.

Talabgor davlat xizmatlaridan foydalanishdan bosh tortganda, uning murojaati koʻrib chiqilmasdan qoldiriladi va toʻlangan toʻlov qaytarilmaydi.

4-bob. Malaka imtihonini topshirishga ruxsat berish yoki ruxsat berishni rad etish toʻgʻrisida qarorlar qabul qilish tartibi

17. Maxsus vakolatli davlat organi murojaat kelib tushgan kundan boshlab oʻn ish kuni mobaynida talabgorga malaka imtihonini topshirishga ruxsat berish yoki ruxsat berishni rad etish toʻgʻrisida qaror qabul qiladi.

18. Malaka imtihonini topshirishga ruxsat berish yoki ruxsat berishni rad etish toʻgʻrisida qabul qilingan qaror haqida maxsus vakolatli davlat organi talabgorni uch ish kuni ichida elektron shaklda xabardor qiladi.

Ruxsat berishni rad etish toʻgʻrisida qaror qabul qilingan taqdirda, uning asoslari koʻrsatiladi.

19. Malaka imtihonini topshirishga ruxsat berishni rad etishga quyidagilar asos hisoblanadi:

ekologiya va atrof-muhitni muhofaza qilish sohasiga oid oliy maʼlumotga hamda mazkur sohada kamida uch yil ish stajiga ega boʻlmaganda;

malaka oshirish kurslarida oʻqiganlik toʻgʻrisidagi guvohnomasi mavjud boʻlmaganda;

mazkur Nizomning 15-bandida nazarda tutilgan toʻlov toʻlanmaganda.

Davlat xizmati koʻrsatishni boshqa asoslar boʻyicha rad etish taqiqlanadi.

Ushbu bandning ikkinchi va uchinchi xatboshilarida koʻrsatilgan kamchiliklar aniqlanganda, davlat xizmatini koʻrsatish rad etiladi. Bunda amalga oshirilgan toʻlov talabgorga qaytarilmaydi hamda qayd etilgan kamchiliklar bartaraf etilgan holda qayta murojaat etiladi.

Ushbu bandning toʻrtinchi xatboshisida koʻrsatilgan kamchilik aniqlanganda, ushbu kamchilikni oʻn ish kuni ichida bartaraf etish zarurligi toʻgʻrisida talabgorga xabarnoma yuboriladi.

20. Xabarnomada koʻrsatilgan kamchilik belgilangan muddatda bartaraf etilmagan taqdirda, maxsus vakolatli davlat organi davlat xizmati koʻrsatishni rad etadi.

21. Maxsus vakolatli davlat organi tomonidan malaka imtihonini topshirishga ruxsat berilganda, malaka imtihonini oʻtkazish sanasi, vaqti va joyi toʻgʻrisida imtihon oʻtkazilishidan kamida oʻn kun oldin bu haqida talabgorga xabarnoma yuboriladi hamda maxsus vakolatli davlat organining rasmiy veb-saytida eʼlon qilinadi.

22. Agar talabgor tegishli tarzda xabardor qilinganidan keyin uzrsiz sabablarga koʻra ikkinchi marotaba malaka imtihonida ishtirok etmasa, talabgorga davlat xizmatini koʻrsatish rad etiladi.

Bunda talabgorga malaka sertifikatini berish toʻgʻrisidagi murojaatini koʻrib chiqish boʻyicha davlat xizmati koʻrsatilganligi uchun toʻlangan toʻlov qaytarib berilmaydi.

5-bob. Imtihon komissiyasi

23. Malaka imtihonini tashkil etish va oʻtkazish uchun maxsus vakolatli davlat organi tomonidan doimiy faoliyat yurituvchi, jami toʻqqiz nafar aʼzodan iborat tarkibda Imtihon komissiyasi tashkil qilinadi.

Imtihon komissiyasi rais, rais oʻrinbosari, komissiya aʼzolari va kotibdan iborat boʻladi.

Imtihon komissiyasi tarkibiga maxsus vakolatli davlat organining xodimlari va boshqa davlat boshqaruvi organlari hamda nodavlat notijorat tashkilotlarining vakillari jalb etilishi mumkin.

Imtihon komissiyasi toʻgʻrisidagi nizom va uning tarkibi maxsus vakolatli davlat organi tomonidan tasdiqlanadi.

24. Imtihon komissiyasi quyidagi asosiy funksiyalarni amalga oshiradi:

malaka imtihonini oʻtkazish tartibini tasdiqlash;

malaka imtihoni test savollarini tuzish;

malaka imtihoni oʻtkaziladigan sana, joy va vaqt boʻyicha taklif tayyorlash;

malaka imtihonini oʻtkazish;

malaka imtihoni natijalarini rasmiylashtirish.

25. Imtihon komissiyasining majlislari zarurat boʻlganda, lekin har chorakda kamida bir marta oʻtkaziladi, talabgorlardan ariza kelib tushmagan hollar bundan mustasno.

Imtihon komissiyasining kotibi komissiya majlislarini tashkil etish va oʻtkazish uchun masʼul hisoblanadi.

Imtihon komissiyasining majlisi uning aʼzolarining kamida uchdan ikki qismi ishtirok etgan tarkibda va rais yoki rais oʻrinbosarining ishtirokida oʻtkaziladi.

26. Imtihon komissiyasining qarori bayonnoma bilan rasmiylashtiriladi.

Bayonnoma majlisda raislik qiluvchi tomonidan tasdiqlanadi va ishtirok etgan barcha aʼzolar tomonidan imzolanadi.

6-bob. Malaka imtihonini oʻtkazish va malaka sertifikatini berish tartibi

27. Malaka imtihoni test sinovi orqali kompyuter texnikasidan foydalangan holda oʻtkaziladi.

Malaka imtihonining test savollari soha yoʻnalishlari boʻyicha jami 50 ta nazariy savollardan iborat holda shakllantiriladi.

Test savollarini yechish uchun talabgorga ikki soat vaqt ajratiladi hamda natijasi shu vaqtning oʻzida maʼlum qilinadi.

Savollarning 70 foiziga toʻgʻri javob bergan talabgor imtihondan muvaffaqiyatli oʻtgan hisoblanadi.

Malaka imtihonining oshkoraligi va xolisligini taʼminlash maqsadida imtihon onlayn rejimda namoyish etiladi, uzluksiz videotasvirga (ovozli) tushiriladi.

28. Malaka imtihonining natijalari uch ish kunida Imtihon komissiyasi bayonnomasi bilan tasdiqlanadi hamda maxsus vakolatli davlat organining rasmiy veb-saytida joylashtiriladi.

29. Maxsus vakolatli davlat organi Imtihon komissiyasining bayonnomasi tasdiqlangandan keyin bir ish kunida mazkur Nizomga 3-ilovadagi shaklga muvofiq malaka sertifikatini rasmiylashtiradi hamda tegishli Davlat xizmatlari markaziga (oʻzi murojaat etganda) yoki talabgorga YIDXP orqali (elektron tarzda murojaat etganda) real vaqt rejimida elektron shaklda yuboradi.

30. Malaka sertifikati uch yil muddatga beriladi.

31. Malaka imtihonini oʻtkazish boʻyicha hujjatlar (test savollari va ularga javoblar), shuningdek, Imtihon komissiyasining bayonnomalari maxsus vakolatli davlat organida uch yil mobaynida saqlanadi.

7-bob. Apellyatsiyalarni koʻrib chiqish

32. Malaka imtihoni natijalaridan norozi boʻlgan talabgorlar malaka imtihoni natijalari eʼlon qilingan sanadan boshlab oʻttiz kalendar kun mobaynida maxsus vakolatli davlat organiga yozma shaklda apellyatsiya berish huquqiga ega.

Apellyatsiyani koʻrib chiqish muddati apellyatsiya berilgan kundan boshlab oʻn besh ish kunidan oshmasligi lozim.

33. Apellyatsiyani koʻrib chiqish uchun maxsus vakolatli davlat organi tomonidan besh kishidan kam boʻlmagan tarkibda Apellyatsiya komissiyasi tashkil qilinadi.

Apellyatsiya komissiyasi tarkibiga Imtihon komissiyasi tarkibiga kiritilgan shaxslar kiritilmaydi.

34. Apellyatsiya talabgor ishtirokida koʻrib chiqiladi va natijalari boʻyicha Apellyatsiya komissiyasining quyidagi qarorlaridan biri qabul qilinadi:

malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisida;

apellyatsiyani qanoatlantirish va talabgor malaka imtihonini topshirgan deb hisoblash toʻgʻrisida;

talabgorga malaka imtihonini takroran topshirishga ruxsat berish toʻgʻrisida.

35. Malaka imtihoni natijalarini oʻzgarishsiz qoldirish va apellyatsiyani qanoatlantirishni rad etish toʻgʻrisidagi qaror quyidagi hollarda qabul qilinadi:

apellyatsiya mazkur Nizom talablarini buzgan holda taqdim etilgan boʻlsa;

apellyatsiyada keltirilgan sabablar oʻz tasdigʻini topmasa.

36. Talabgorga malaka imtihonini takroran topshirishga ruxsat berish toʻgʻrisidagi qaror malaka imtihonini oʻtkazish tartibi buzilgan holatlarda qabul qilinadi hamda mazkur Nizom talablariga asosan malaka imtihoni takroran oʻtkaziladi.

37. Apellyatsiya natijalari boʻyicha Apellyatsiya komissiyasi bayonnomasi rasmiylashtiriladi. Bayonnoma Apellyatsiya komissiyasining barcha aʼzolari va talabgor tomonidan imzolanadi.

38. Apellyatsiya komissiyasi qarori ustidan qonunchilik hujjatlarida belgilangan tartibga sudga shikoyat qilinishi mumkin.

8-bob. Malaka sertifikatini qayta rasmiylashtirish tartibi

39. Malaka sertifikati egasining familiyasi yoki ismi yoxud otasining ismi oʻzgargan taqdirda, u tegishli oʻzgartirishlarni tasdiqlovchi hujjatlar berilgan sanadan boshlab bir oy ichida maxsus vakolatli davlat organiga ariza bilan murojaat qiladi.

Bunda arizaga tegishli oʻzgarishlarni tasdiqlovchi hujjatlarning nusxalari ilova qilinadi.

40. Malaka sertifikati malaka sertifikati egasi arizani bergan paytdan boshlab maxsus vakolatli davlat organi tomonidan besh ish kuni ichida qayta rasmiylashtiriladi va unga elektron shaklda taqdim etiladi.

41. Maxsus vakolatli davlat organi malaka sertifikatini qayta rasmiylashtirishda Reyestrga tegishli oʻzgartirishlar kiritadi.

42. Malaka sertifikatining egasi ushbu sertifikat qayta rasmiylashtirilgunga qadar unda koʻrsatilgan faoliyatni ilgari berilgan malaka sertifikati asosida amalga oshiradi.

9-bob. Malaka sertifikatini bekor qilish tartibi

43. Malaka sertifikati quyidagi hollarda bekor qilinadi:

malaka sertifikati egasi tomonidan sertifikatni bekor qilish toʻgʻrisida murojaat etilganda;

malaka sertifikati egasi vafot etganda;

malaka sertifikati egasini belgilangan tartibda muomalaga layoqatsiz yoki muomala layoqati cheklangan deb topish toʻgʻrisidagi sud qarori qonuniy kuchga kirganda;

malaka sertifikati egasi belgilangan muddatlarda malaka oshirish kursidan oʻtmaganda;

Imtihon komissiyasining malaka sertifikatini berish toʻgʻrisidagi qarori qonunga xilof ekanligi aniqlanganda;

malaka sertifikati egasi tomonidan atrof-muhitga taʼsirni baholash boʻyicha materiallar va ekologik normativlar loyihalarini ishlab chiqish faoliyatida oʻziga maʼlum boʻlib qolgan tijorat siri yoki qonunchilik bilan qoʻriqlanadigan boshqa konfidensial maʼlumotlarni, ushbu maʼlumotlar egasining roziligisiz uchinchi shaxslarga taqdim etilganda, qonunchilik hujjatlarida nazarda tutilgan holatlar bundan mustasno;

malaka sertifikati qalbaki hujjatlardan foydalangan holda olingani aniqlanganda;

malaka sertifikati egasi tomonidan soxta maʼlumotlar asosida atrof-muhitga taʼsirni baholash boʻyicha materiallar va ekologik normativlar loyihalari ishlab chiqilgani aniqlanganda.

44. Mazkur Nizomning 43-bandi ikkinchi — beshinchi xatboshilarida nazarda tutilgan hollarda malaka sertifikati Imtihon komissiyasining qaroriga muvofiq bekor qilinadi.

Mazkur Nizomning 43-bandi oltinchi — toʻqqizinchi xatboshilarida nazarda tutilgan hollarda malaka sertifikati sud tomonidan bekor qilinadi.

Maxsus vakolatli davlat organi malaka sertifikatini bekor qilish toʻgʻrisida sudga ariza bilan murojaat qilgan kundan eʼtiboran bir ish kunidan kechiktirmay, malaka sertifikatini bekor qilish haqida ariza bilan sudga murojaat qilish asoslarini, qonunchilikning aniq normalarini koʻrsatgan holda, bu haqida malaka sertifikati egasini yozma shaklda xabardor qiladi.

45. Malaka sertifikatining bekor qilingani toʻgʻrisidagi maʼlumotlar maxsus vakolatli davlat organining rasmiy veb-saytida eʼlon qilinadi.

10-bob. Reyestrni yuritish tartibi

46. Reyestr shakli maxsus vakolatli davlat organi tomonidan tasdiqlanadi va elektron shaklda yuritiladi hamda uning rasmiy veb-saytida joylashtiriladi.

47. Reyestrda quyidagi maʼlumotlar qayd etiladi:

malaka sertifikati egasining familiyasi, ismi, otasining ismi, ish joyi;

malaka sertifikati seriyasi, raqami va amal qilish muddati;

malaka sertifikatining bekor qilingani va qayta rasmiylashtirilgani toʻgʻrisidagi maʼlumotlar.

11-bob. Yakunlovchi qoidalar

48. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari ushbu Nizomning talablari bajarilishi boʻyicha davlat organlari va boshqa tashkilotlarning faoliyatini doimiy nazorat qiladi va monitoring olib boradi.

49. Talabgor davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

50. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi toʻgʻrisidagi nizomga 1-ILOVA

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi

Bosqichlar Subyektlar Tadbirlar Bajarish muddatlari 1-bosqich Talabgor Malaka sertifikatini olish uchun Davlat xizmatlari markaziga oʻzi kelgan holda yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi. Oʻz xohishiga koʻra 2-bosqich Davlat xizmatlari markazi yoki YIDXP Talabgor Davlat xizmatlari markaziga murojaat etganda, Davlat xizmatlari markazi xodimi tomonidan soʻrovnoma toʻldirilib, talabgorning ERIsi bilan tasdiqlangandan soʻng yoki YIDXP orqali murojaat qilganda, soʻrovnoma talabgor tomonidan mustaqil ravishda toʻldirilib, vakolatli organga elektron shaklda yuboradi. Davlat xizmatlari markazi orqali murojaat qilinganda real vaqt rejimida, biroq bir soatdan oshmagan vaqtda, YIDXP orqali esa avtomatik tarzda 3-bosqich Ekologiya qoʻmitasi 1. Talabgorga malaka imtihonini topshirishga ruxsat berish yoki ruxsat berishni rad etish toʻgʻrisida qaror qabul qiladi. Murojaat kelib tushgan kundan boshlab oʻn ish kuni mobaynida 2. Malaka imtihonini topshirishga ruxsat berish yoki ruxsat berishni rad etish toʻgʻrisida qabul qilingan qaror haqida talabgorni elektron shaklda xabardor qiladi. Ruxsat berishni rad etish toʻgʻrisida qaror qabul qilingan taqdirda, uning asoslarini koʻrsatadi. Uch ish kunida 3. Malaka imtihonini topshirishga ruxsat berilganda, malaka imtihonini oʻtkazish sanasi, vaqti va joyi toʻgʻrisida talabgorga xabarnoma yuboradi hamda rasmiy veb-saytda eʼlon qiladi. Imtihon oʻtkazilishidan kamida oʻn kun oldin 4. Malaka imtihonining natijalari Imtihon komissiyasi bayonnomasi bilan tasdiqlanadi hamda rasmiy veb-saytga joylashtiradi. Uch ish kunida 5. Malaka sertifikatini rasmiylashtiradi hamda tegishli Davlat xizmatlari markaziga (oʻzi murojaat etganda) yoki talabgorga YIDXP orqali (elektron tarzda murojaat etganda) real vaqt rejimida elektron shaklda yuboradi. Imtihon komissiyasining bayonnomasi tasdiqlangandan keyin bir ish kunida

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi toʻgʻrisidagi nizomga 2-ILOVA

Oʻzbekiston Respublikasi Ekologiya va iqlim oʻzgarishi milliy qoʻmitasiga Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish boʻyicha SOʻROVNOMA Menga ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berishingizni soʻrayman. Talabgor toʻgʻrisida maʼlumot Familiyasi, ismi, otasining ismi Oliy maʼlumot toʻgʻrisidagi diplom maʼlumotlari Mehnat faoliyati toʻgʻrisidagi maʼlumotlar Malaka oshirish kurslarida oʻqiganlik toʻgʻrisidagi guvohnoma seriya va raqami Ish joyi va lavozimi (ish joyi mavjud boʻlsa) Elektron pochta manzili (mavjud boʻlsa) Telefon raqami Elektron raqamli imzo: QR-kod

Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini berish tartibi toʻgʻrisidagi nizomga 3-ILOVA

Vazirlar Mahkamasining 2026-yil 11-maydagi 234-son qaroriga 8-ILOVA

Strategik ekologik baholash boʻyicha ekologik maʼruzani tayyorlash va uning sifatini baholash tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasining “Ekologik ekspertiza, atrof-muhitga taʼsirni baholash va strategik ekologik baholash toʻgʻrisida”gi Qonuniga muvofiq strategik ekologik baholash boʻyicha ekologik maʼruzani (keyingi oʻrinlarda — ekologik maʼruza) tayyorlash va uning sifatini baholash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

maxsus vakolatli davlat organi — Oʻzbekiston Respublikasi Ekologiya va iqlim oʻzgarishi milliy qoʻmitasi;

manfaatdor tomonlar — strategik rejalashtirish hujjatlari loyihalari bilan bogʻliq faoliyatlarni qulay atrof-muhitga boʻlgan huquq va qonuniy manfaatlariga taʼsir koʻrsatishi mumkin boʻlgan jismoniy va (yoki) yuridik shaxslar;

strategik rejalashtirish hujjatlari — davlat dasturlarining, konsepsiyalarining, ishlab chiqarish kuchlarini, iqtisodiy va ijtimoiy sohalar tarmoqlarini joylashtirish hamda rivojlantirish sxemalarining loyihalari va shaharsozlik hujjatlari, shuningdek, boshqa strategik ahamiyatga ega boʻlgan obyektlarga oid hujjatlar;

strategik ekologik baholash — strategik rejalashtirish hujjatlari asosida moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyatining hamda boshqa faoliyatning atrof-muhitga taʼsiri xususiyatlari va darajasini, ehtimoliy ekologik oqibatlarini aniqlashga, shuningdek, baholash natijalari boʻyicha atrof-muhitni muhofaza qilish hamda tabiiy resurslardan oqilona foydalanish chora-tadbirlarini ishlab chiqishga qaratilgan tartib-taomil;

tashabbuskor — strategik rejalashtirish hujjati loyihasini amalga oshirish uchun masʼul boʻlgan respublika va mahalliy ijro etuvchi hokimiyat organlari.

3. Strategik ekologik baholash obyektlari quyidagilardan iborat:

davlat dasturlarining, konsepsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sxemalarining loyihalari;

shaharsozlik hujjatlarining barcha turlari;

keyinchalik ularga muhofaza etiladigan tabiiy hududlar, favqulodda ekologik vaziyat va ekologik ofat zonalari maqomini berish maqsadida oʻtkazilgan hududlarni kompleks tekshirish materiallari, shuningdek, muhofaza etiladigan tabiiy hududlarni boshqarish rejalari loyihalari yuzasidan ishlab chiqilgan hujjatlar;

amalga oshirilishi atrof-muhitga salbiy taʼsir qilishi mumkin boʻlgan strategik rejalashtirish hujjatiga kiritilayotgan oʻzgartirish yoki qoʻshimchalar.

4. Oʻzbekiston Respublikasining mudofaasi, fuqaro muhofazasi, favqulodda vaziyatlar bilan bogʻliq strategik rejalashtirish hujjati loyihalari strategik ekologik baholanmaydi.

5. Strategik rejalashtirish hujjatini strategik ekologik baholamasdan tasdiqlash, amalga oshirish va unda nazarda tutilgan tadbirlarni moliyalashtirish taqiqlanadi.

Bunda respublika (yuqori) darajasidagi hujjatlarni strategik ekologik baholash natijalari hududiy (quyi) darajadagi hujjatlar strategik ekologik baholashda hisobga olinishi va shuningdek, hududiy (quyi) darajalarda ishlab chiqilgan hujjatlarni strategik ekologik baholash natijalari respublika (yuqori) darajasida ishlab chiqilgan hujjatlar strategik ekologik baholashda hisobga olinishi kerak.

6. Strategik ekologik baholash quyidagi bosqichlardan iborat:

strategik rejalashtirish hujjati loyihasini dastlabki baholash;

ekologik maʼruzaning qamrov doirasini belgilash;

ekologik maʼruzani tayyorlash;

strategik rejalashtirish hujjati loyihasini strategik ekologik baholash doirasida manfaatdor tomonlar bilan maslahatlashuvlar oʻtkazish;

strategik rejalashtirish hujjati loyihasini strategik ekologik baholashda jamoatchilikning ishtirokini taʼminlash;

ekologik maʼruzaning sifatini baholash;

strategik ekologik baholash jarayonida strategik rejalashtirish hujjati loyihasining transchegaraviy taʼsirini baholash;

strategik rejalashtirish hujjatining atrof-muhitga taʼsirini monitoring qilish.

7. Strategik ekologik baholash ushbu jarayonning barcha bosqichlarida amalga oshirilishi lozim.

2-bob. Strategik rejalashtirish hujjati loyihasini dastlabki baholash

8. Strategik rejalashtirish hujjati loyihasini strategik ekologik baholash zarurligi yoki zarur emasligini aniqlash maqsadida strategik rejalashtirish hujjati loyihasi dastlabki baholashdan (keyingi oʻrinlarda — dastlabki baholash) oʻtkazilishi lozim.

9. Dastlabki baholashni oʻtkazish uchun tashabbuskor maxsus vakolatli davlat organiga quyidagilarni taqdim etadi:

a) tashabbuskor haqidagi maʼlumotlar:

tashabbuskorning nomi, yuridik manzili, telefon raqamlari;

b) quyidagi maʼlumotlarni oʻz ichiga olgan strategik rejalashtirish hujjati loyihasining tushuntirish xati:

strategik rejalashtirish hujjati loyihasining nomi;

strategik rejalashtirish hujjati loyihasini ishlab chiqish zarurligini asoslash;

strategik rejalashtirish hujjati loyihasiga kiritilgan atrof-muhitni muhofaza qilishning asosiy jihatlari yoki dasturlar;

strategik rejalashtirish hujjati loyihasini amalga oshirishning asosiy yoʻnalishlari va muddatlari;

strategik rejalashtirish hujjati loyihasining amalga oshirilishi natijasida atrof-muhitga ehtimoliy taʼsiri;

strategik rejalashtirish hujjati loyihasini ishlab chiqish muddatlari va ularni tasdiqlash usuli;

hududning umumiy holati, tabiiy resurslar holati va ekologik xususiyatlari;

v) tegishli hudud toʻgʻrisidagi maʼlumotlar:

atrof-muhitga taʼsirni strategik ekologik baholashga mos keladigan tegishli hududni aniqlash;

hududning atrof-muhit holati hamda asosiy xususiyatlari va muammolari;

hududning tabiiy resurslardan foydalanish holati va rejalari;

muqobil rejalar;

baholanadigan obyektlar, ular koʻlami, baholash usullari.

g) manfaatdor tomonlarning strategik rejalashtirish hujjati loyihasi boʻyicha xulosalari.

Strategik rejalashtirish hujjati loyihasi maxsus vakolatli davlat organiga ijro intizomi nazoratini taʼminlovchi elektron hujjat aylanish tizimi orqali elektron shaklda taqdim etiladi.

10. Maxsus vakolatli davlat organi oʻn ish kuni ichida tashabbuskor tomonidan taqdim etilgan tegishli maʼlumotlarni dastlabki baholashdan oʻtkazadi va natijalari boʻyicha strategik ekologik baholash zarurligi yoki zarur emasligi toʻgʻrisida tegishli xulosa beradi.

11. Maxsus vakolatli davlat organi strategik ekologik baholash zarurligi aniqlangan strategik rejalashtirish hujjati loyihalari uchun manfaatdor tomonlar bilan maslahatlashuvlar oʻtkazish maqsadida ularning roʻyxatini belgilaydi.

Bunda ushbu roʻyxatga sogʻliqni saqlash sohasidagi vakolatli organ, shuningdek, strategik rejalashtirish hujjati loyihasini amalga oshirish nazarda tutilayotgan maʼmuriy-hududiy birlikning mahalliy ijro etuvchi hokimiyat organi kiritilishi shart.

3-bob. Strategik ekologik baholashda jamoatchilikning ishtirok etishi

12. Tashabbuskor tomonidan strategik ekologik baholash jarayonlari boʻyicha jamoatchilikni xabardor qilish hamda ularning faol ishtirokini taʼminlash maqsadida jamoatchilik eshituvlari tashkil etiladi.

Tashabbuskor jamoatchilik eshituvini oʻtkazish joyi va vaqti haqidagi maʼlumotlarni oʻzining va maxsus vakolatli davlat organining rasmiy veb-saytida, shuningdek, ommaviy axborot vositalarida va ijtimoiy tarmoqlarda jamoatchilik eshituvidan 15 kun oldin eʼlon beradi.

13. Jamoatchilik eshituvida tashabbuskor vakili tomonidan strategik rejalashtirish hujjati loyihasining texnik xususiyatga ega boʻlmagan maʼlumotlari taqdimot qilinadi.

14. Jamoatchilik eshituvi ommaviy va ochiq oʻtkaziladi. Jamoatchilik eshituvining ishtirokchilari jamoatchilik eshituviga kiritilgan masalalar yuzasidan oʻz fikrini erkin bildirishga va takliflar kiritishga haqli. Jamoatchilik eshituvi ommaviy axborot vositalari orqali va axborot-kommunikatsiya texnologiyalaridan foydalangan holda ham oʻtkazilishi mumkin.

15. Jamoatchilik eshituvi natijalari bayonnoma shaklida rasmiylashtiriladi.

16. Bayonnomada jamoatchilik eshituvlari natijalari, bildirilgan fikr va eʼtirozlar, manfaatdor tomonlarning takliflari, shuningdek, eshituvlar oʻtkazilgunga qadar kelib tushgan taklif va javoblar koʻrsatiladi.

17. Jamoatchilik eshituvi bayonnomasining har bir sahifasi yigʻilish raisi tomonidan imzolanadi hamda tashabbuskor tomonidan tasdiqlanadi.

18. Jamoatchilik eshituvi bayonnomalarining nusxalari tashabbuskorda kamida bir yil saqlanadi.

Jamoatchilik eshituvi bayonnomasi tashabbuskor veb-saytida eʼlon qilinishi va OAV orqali yoritib borilishi mumkin.

4-bob. Strategik ekologik baholash boʻyicha ekologik maʼruzaning qamrov doirasini belgilash

19. Strategik ekologik baholash boʻyicha ekologik maʼruzaning qamrov doirasi maxsus vakolatli davlat organi tomonidan besh ish kuni ichida belgilanadi.

Ekologik maʼruzaning qamrov doirasini belgilashda strategik rejalashtirish hujjati loyihasining tavsifi va mazmunidan kelib chiqib, ekologik maʼruzaga kiritiladigan axborotning hajmi, toʻliqligi va batafsilligi darajasi aniqlanadi.

Ekologik maʼruzaning qamrov doirasi quyidagi maqsadlarda belgilanadi:

strategik rejalashtirish hujjati loyihasiga kiritilishi mumkin boʻlgan, asoslantirilgan va amalda qoʻllanadigan muqobil yechimlarni belgilash, shu jumladan, atrof-muhitga va (yoki) inson sogʻligʻiga taʼsirni kamaytirish;

strategik rejalashtirish hujjati loyihasi, shuningdek, unga kiritilishi mumkin boʻlgan oʻzgartirishlar, uni amalga oshirishdan kutilayotgan natijalar haqida jamoatchilikni xabardor qilish;

strategik rejalashtirish hujjati loyihasining muhofaza etiladigan tabiiy hududlarga hamda qonunchilikka va Oʻzbekiston Respublikasining xalqaro shartnomalar boʻyicha majburiyatlariga muvofiq muhofaza etilishi lozim boʻlgan mahalliy, davlat ahamiyatiga hamda xalqaro ahamiyatga ega boʻlgan boshqa hududlarga va obyektlarga jiddiy salbiy taʼsirini aniqlash;

strategik rejalashtirish hujjati loyihasini amalga oshirishda atrof-muhitga transchegaraviy taʼsir ehtimolini aniqlash;

20. Ekologik maʼruzaning qamrov doirasini belgilashda quyidagi atrof-muhit obyektlarini oʻz ichiga olishi kerak:

a) atrof-muhitni muhofaza qilish va tabiiy resurslardan oqilona foydalanish, shu jumladan:

chiqindilar bilan bogʻliq ishlarni amalga oshirish;

yer qaʼrini muhofaza qilish va undan foydalanish;

muhofaza etiladigan tabiiy hududlar kengaytirish va ularning muhofazasi;

hududlarda barqaror radiatsiyaviy vaziyatni saqlash;

gidrometeorologik sharoitlar tavsifi;

yerni (shu jumladan, tuproqni) muhofaza qilish va undan foydalanish;

oʻrmonlardan foydalanish, muhofaza qilish, saqlash va koʻpaytirish;

suvni muhofaza qilish va undan foydalanish;

hayvonot dunyosini muhofaza qilish va undan foydalanish;

oʻsimlik dunyosini muhofaza qilish va undan foydalanish;

atmosfera havosini himoya qilish;

ozon qatlamini himoya qilish;

b) qishloq va oʻrmon xoʻjaliklari tarmoqlari;

v) sanoat, shu jumladan, uning alohida tarmoqlari;

g) transport, shu jumladan, xavfli yuklarni tashish, temir yoʻl transporti, ichki suv transporti, havo transporti, avtomobil transporti, avtomobil yoʻllari, harakat xavfsizligi;

d) energiya, shu jumladan, atom energiyasidan foydalanish boʻyicha faoliyat, energiya taʼminoti, elektr energiyasi, issiqlik energiyasi, qayta tiklanuvchi energiya manbalari.

21. Qamrov doirasini aniqlashda strategik rejalashtirish hujjati loyihasini amalga oshirishning muqobil variantlari hisobga olinishi kerak.

Muqobil variantlar tegishli tashkiliy, ilmiy, texnik rivojlanish bilan, shuningdek, hududiy mansublik nuqtai nazaridan amalga oshirish imkoniyatlariga mos kelishi kerak.

Salbiy oqibatlarga olib keladigan strategik rejalashtirish hujjatini amalga oshirishning muqobil variantlaridan foydalanishga yoʻl qoʻyilmaydi.

22. Respublika va mahalliy ijro etuvchi hokimiyat organlari tashabbuskordan strategik rejalashtirish hujjati loyihasini barcha bosqichlarida fuqarolarning obyektiv ekologik maʼlumotni oʻz vaqtida olish va atrof-muhit bilan bogʻliq masalalar boʻyicha qarorlar qabul qilishda jamoatchilik ishtiroki huquqini amalga oshirishni taʼminlaydi.

5-bob. Ekologik maʼruzani tayyorlash tartibi

23. Strategik rejalashtirish hujjati loyihasini amalga oshirish uchun tashabbuskor ekologik maʼruzani tayyorlaydi va uning sifatini baholash uchun maxsus vakolatli davlat organiga taqdim etadi.

Ekologik maʼruzada keltirilgan maʼlumotlarning ishonchligi va toʻliqligiga tashabbuskor javobgar hisoblanadi.

24. Tashabbuskor ekologik maʼruzani tayyorlash uchun qonunchilikda belgilangan tartibda loyihani ishlab chiquvchi tashkilotlarni, mahalliy va xorijiy malakali mutaxassislar va tashqi ekspertlarni jalb qilishi mumkin.

25. Ekologik maʼruza quyidagilarni oʻz ichiga olishi lozim:

strategik rejalashtirish hujjati loyihasining nomi va loyiha haqida maʼlumotlar;

strategik ekologik baholashning maqsad va vazifalari, uni oʻtkazishga qoʻyiladigan talablar, agar u oʻtkazilgan boʻlsa, dastlabki baholash natijalari;

ishlab chiqilayotgan hujjat yangimi yoki mavjud yechimga oʻzgartirish va (yoki) qoʻshimchalar kiritilayotgani toʻgʻrisidagi maʼlumotlarni koʻrsatgan holda, taklif etilayotgan strategik qarorlar tavsifi bilan strategik rejalashtirish hujjati loyihasining tavsifi;

strategik ekologik baholashda ishtirok etganlarning shaxsiy maʼlumotlari;

strategik rejalashtirish hujjati loyihasining boshqa amaldagi strategik rejalashtirish hujjati loyihasiga muvofiqligi toʻgʻrisidagi maʼlumotlar;

boshqa strategik rejalashtirish hujjati loyihasining mumkin boʻlgan taʼsiri;

strategik rejalashtirish hujjati loyihasini ishlab chiqish va tasdiqlash muddatlari;

atrof-muhit komponentlari holatini tavsiflash;

strategik rejalashtirish hujjati loyihasini amalga oshirishning mumkin boʻlgan muqobil variantlari, ularni koʻrib chiqish va dasturlar loyihasini ishlab chiqishda hisobga olish zarurati;

strategik rejalashtirish hujjati loyihasini amalga oshirish jarayonida atrof-muhitga taʼsir qilish jihatlarini baholash;

strategik rejalashtirish hujjati loyihasini amalga oshirish jarayonida ekologik jihatlarga taʼsir etuvchi taʼsirning ijtimoiy-iqtisodiy jihatlarini baholash;

strategik rejalashtirish hujjati loyihasini amalga oshirishning aholi salomatligiga taʼsirini baholash;

tavsiya etilgan strategik qarorni tanlashni asoslash;

strategik rejalashtirish hujjati loyihasini amalga oshirish jarayonida yuzaga kelishi mumkin boʻlgan atrof-muhitga (shu jumladan, transchegaraviy) taʼsir va ekologik oʻzgarishlarni aniqlash;

strategik rejalashtirish hujjati loyihasini amalga oshirish samaradorligini monitoring qilish rejasi;

manfaatdor tomonlar hamda jamoatchilik bilan kelishuv toʻgʻrisidagi maʼlumotlar;

strategik ekologik baholash tavsiyalarini strategik rejalashtirish hujjati loyihasini ishlab chiqishga integratsiya qilish boʻyicha takliflar;

foydalanilgan adabiy manbalar.

Tashabbuskor ekologik maʼruzani tayyorlash doirasida manfaatdor respublika va mahalliy ijro etuvchi hokimiyat organlari bilan maslahatlashishga haqlidir.

26. Tashabbuskor tomonidan strategik rejalashtirish hujjati loyihasini tayyorlashda jamoatchilik muhokamasi hamda respublika va mahalliy ijro etuvchi hokimiyat organlari bilan maslahatlashuvlar yakunlari boʻyicha bildirilgan asosli takliflar hisobga olinadi.

6-bob. Ekologik maʼruzaning sifatini baholash tartibi

27. Strategik ekologik baholash maxsus vakolatli davlat organi tomonidan quyidagi mezonlarga asosan oʻtkaziladi:

strategik rejalashtirish hujjati loyihasining atrof-muhitga taʼsiri bilan bogʻliq ekologik xavflarning hisobga olinishini taʼminlash va mazkur hujjatning barqaror rivojlanishga koʻmaklashish maqsadlariga muvofiqligini taʼminlash zarurligi nuqtai nazaridan dolzarbligi;

barqaror rivojlanishga koʻmaklashishni taʼminlash maqsadida strategik rejalashtirish hujjati loyihasida aholi sogʻligʻi bilan bogʻliq ekologik omillarni hisobga olish zarurligi;

strategik rejalashtirish hujjati loyihasini faoliyat turlarini, ularning joylashuvini, koʻlamlarini, sharoitlarini hamda tabiiy resurslarning mavjudligini va ulardan foydalanish shartlarini hisobga olgan holda amalga oshirish imkoniyati;

strategik rejalashtirish hujjati loyihasini amalga oshirish jarayonida ekologik xavflarning, shu jumladan, inson sogʻligiga taʼsirning hisobga olinishi;

strategik rejalashtirish hujjati loyihasining atrof-muhitni muhofaza qilish va tabiiy resurslardan oqilona foydalanish sohasidagi qonunchilik talablarini hamda Oʻzbekiston Respublikasining atrof-muhitni muhofaza qilish sohasidagi xalqaro majburiyatlarini bajarish nuqtai nazaridan dolzarbligi;

strategik rejalashtirish hujjati loyihasiga kiritilayotgan oʻzgartirishlar va (yoki) qoʻshimchalar bilan bogʻliq ekologik muammolarning, shu jumladan, aholi sogʻligʻi bilan bogʻliq muammolarning mavjudligi;

strategik rejalashtirish hujjati loyihasini amalga oshirish jarayonida yuzaga keladigan ehtimol tutilgan oqibatlarning transchegaraviy xususiyati.

Maxsus vakolatli davlat organi strategik rejalashtirish hujjati loyihasini ushbu bandning birinchi qismida nazarda tutilgan mezonlarga asosan strategik ekologik baholaydi hamda tegishli tavsiyalarni beradi.

28. Maxsus vakolatli davlat organi maʼruza sifatini baholashda zarur hollarda xulosalari tavsiya xususiyatiga ega boʻlgan mahalliy hamda xorijiy malakali mutaxassislar va ekspertlarni shartnoma asosida oʻz mablagʻlari hisobidan qonunchilikda belgilangan tartibda jalb etishi mumkin.

29. Tashabbuskor maxsus vakolatli davlat organiga maʼruza sifatini baholash doirasida zarur boʻlgan axborotlarni taqdim etishi shart.

30. Maxsus vakolatli davlat organi manfaatdor tomonlar hamda jamoatchilikdan olingan fikr va takliflarni hisobga olgan holda, maʼruza sifatini baholaydi.

Maʼruza sifati atrof-muhitni muhofaza qilish va tabiiy resurslardan oqilona foydalanish sohasidagi normativ-huquqiy hujjatlar hamda ekologik normativlar asosida baholanadi.

31. Maʼruza sifatini baholash natijalariga koʻra maxsus vakolatli davlat organi oʻn besh ish kuni ichida ekologik maʼruzaning sifati toʻgʻrisida tegishli xulosa chiqaradi.

32. Maxsus vakolatli davlat organi ekologik maʼruzani baholash natijalari boʻyicha tayyorlagan ekologik xulosani tashabbuskorga ikki ish kuni ichida rasman yuboradi.

33. Ekologik maʼruzani baholash yakunlari boʻyicha berilgan har bir ekologik xulosa maxsus vakolatli davlat organining rasmiy veb-saytida joylashtiriladi.

34. Strategik ekologik baholash har bir strategik ekologik baholash obyekti boʻyicha bir marta oʻtkaziladi.

7-bob. Manfaatdor tomonlar bilan maslahatlashuvlar oʻtkazish

35. Tashabbuskor strategik rejalashtirish hujjati loyihasini strategik ekologik baholash doirasida manfaatdor tomonlar bilan maslahatlashuvlar oʻtkazadi.

36. Tashabbuskor manfaatdor tomonlar soʻroviga asosan strategik ekologik baholash doirasida tegishli maʼlumotlarni taqdim etishi shart.

37. Manfaatdor tomonlar strategik rejalashtirish hujjati loyihasi boʻyicha oʻz mulohazalari va takliflarini yoxud ularning mavjud emasligi toʻgʻrisidagi maʼlumotni tashabbuskorga qonunchilikda belgilangan muddatlarda taqdim etishi shart.

8-bob. Strategik ekologik baholash jarayonida strategik rejalashtirish hujjati loyihasining transchegaraviy taʼsirini baholash

38. Strategik rejalashtirish hujjati loyihasi transchegaraviy jihatdan quyidagi hollarda baholanadi:

agar Oʻzbekiston Respublikasi hududida moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyat qoʻshni davlat hududida atrof-muhitga sezilarli salbiy taʼsir qilishi mumkin boʻlsa;

agar qoʻshni davlatda moʻljallanayotgan va (yoki) rejalashtirilayotgan yoki amalga oshirilayotgan xoʻjalik faoliyati hamda boshqa faoliyat Oʻzbekiston Respublikasi hududida atrof-muhitga sezilarli salbiy taʼsir koʻrsatayotgan boʻlsa.

39. Atrof-muhitga taʼsir Oʻzbekiston Respublikasining qonunchiligiga muvofiq transchegaraviy jihatdan baholanadi.

9-bob. Strategik rejalashtirish hujjatining atrof-muhitga taʼsirini monitoring qilish

40. Ekologik maʼruzaning sifati toʻgʻrisidagi xulosada koʻrsatilgan talablarni taʼminlashga qaratilgan chora-tadbirlarni amalga oshirish va monitoring qilish belgilangan tartibda tashabbuskor tomonidan taʼminlanadi.

Tashabbuskor ekologik maʼruzaning sifati toʻgʻrisidagi xulosada koʻrsatilgan talablarning bajarilishi toʻgʻrisida har chorak yakunlariga koʻra chorakdan keyingi oyning 25-sanasidan kechiktirmay maxsus vakolatli davlat organiga axborot taqdim etishi shart.

Bunda tashabbuskor xulosada koʻrsatilgan talablarning bajarilishi toʻgʻrisidagi axborotni ushbu bandning ikkinchi xatboshisida nazarda tutilgan muddatlarda taqdim etmagan taqdirda, maxsus vakolatli davlat organiga tashabbuskorga yozma koʻrsatma beradi.

41. Tashabbuskor tegishli strategik rejalashtirish hujjatini amalga oshirish jarayonida atrof-muhit yoki aholi salomatligi uchun salbiy oqibatlarga olib kelishini aniqlasa, bunday oqibatlarning oldini olish yoki yumshatish boʻyicha choralar koʻrilishini taʼminlashi, bu haqida maxsus vakolatli davlat organi va tegishli tashkilotlarni xabardor qilishi shart.

10-bob. Yakunlovchi qoidalar

42. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

43. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Strategik ekologik baholash boʻyicha ekologik maʼruzani tayyorlash va uning sifatini baholash tartibi toʻgʻrisidagi nizomga ILOVA

Strategik ekologik baholash boʻyicha ekologik maʼruzani tayyorlash va uning sifatini baholash tartibi

Bosqichlar Subyektlar Tadbirlar Bajarish muddatlari 1-bosqich Respublika va mahalliy ijro etuvchi hokimiyat organlari (keyingi oʻrinlarda — tashabbuskor) Strategik rejalashtirish hujjati loyihasini Ekologiya qoʻmitasiga ijro intizomi nazoratini taʼminlovchi elektron hujjat aylanish tizimi orqali elektron shaklda taqdim etadi. Zaruratga koʻra 2-bosqich Ekologiya qoʻmitasi Tashabbuskor tomonidan taqdim etilgan tegishli maʼlumotlarni dastlabki baholash natijalariga koʻra strategik ekologik baholash zarurligi yoki zarur emasligi toʻgʻrisida xulosa beradi. Oʻn ish kuni 3-bosqich Tashabbuskor Jamoatchilik eshituvini oʻtkazish joyi va vaqti haqidagi maʼlumotlarni oʻzining va Ekologiya qoʻmitasining rasmiy veb-saytida, shuningdek, ommaviy axborot vositalarida va ijtimoiy tarmoqlarda eʼlon beradi. Jamoatchilik eshituvidan 15 kun oldin 4-bosqich Ekologiya qoʻmitasi Strategik ekologik baholash boʻyicha ekologik maʼruzaning qamrov doirasini belgilaydi. Besh ish kuni 5-bosqich Tashabbuskor Strategik rejalashtirish hujjati loyihasini amalga oshirish uchun ekologik maʼruzani tayyorlaydi va uning sifatini baholash uchun Ekologiya qoʻmitasiga taqdim etadi. 6-bosqich Ekologiya qoʻmitasi 1. Maʼruza sifatini baholash natijalariga koʻra ekologik maʼruzaning sifati toʻgʻrisida tegishli xulosa chiqaradi. Oʻn besh ish kuni 2. Ekologik maʼruzani baholash natijalari boʻyicha tayyorlangan ekologik xulosani tashabbuskorga ikki ish kuni ichida rasman yuboradi. Ikki ish kuni 7-bosqich Tashabbuskor 1. Strategik rejalashtirish hujjati loyihasini strategik ekologik baholash doirasida manfaatdor tomonlar bilan maslahatlashuvlar oʻtkazadi. 2. Ekologik maʼruzaning sifati toʻgʻrisidagi xulosada koʻrsatilgan talablarning bajarilishi haqida Ekologiya qoʻmitasiga axborot taqdim etadi. Har chorak yakunlariga koʻra chorakdan keyingi oyning 25-sanasidan kechiktirmay

Vazirlar Mahkamasining 2026-yil 11-maydagi 234-son qaroriga 9-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2014-yil 21-yanvardagi 14-son qarori bilan tasdiqlangan Ekologik normativlar loyihalarini ishlab chiqish va kelishish tartibi toʻgʻrisidagi nizomda :

a) 1-band quyidagi mazmundagi uchinchi xatboshi bilan toʻldirilsin:

“Ekologik normativlar loyihalarini ishlab chiqishda ilm-fan va texnikaning atrof-muhitni muhofaza qilish va tabiiy resurslardan oqilona foydalanish sohasidagi ilgʻor yutuqlari inobatga olinadi, chiqindilarni joylashtirishni, ifloslantiruvchi moddalarning chiqarilishini, oqizilishini kamaytirish boʻyicha eng yaxshi qulay texnologiyalarni joriy etish nazarda tutiladi”;

b) 3 va 4-bandlar quyidagi tahrirda bayon etilsin:

“3. Ushbu Nizomda quyidagi asosiy tushunchalar qoʻllaniladi:

atrof-muhitni ifloslantirish manbai — ishlab chiqarish jarayonida atrof-muhitga tushadigan moddalar yoki moddalar yigʻindisi tufayli paydo boʻladigan ifloslantiruvchi antropogen obyekt;

atrof-muhitga ifloslantiruvchi moddalar tashlamalari va oqovalarini, chiqindilarning paydo boʻlishi va joylashtirilishini normalash — tabiiy oʻzgarishlar jarayonida eng sezgir organizmlar (indikator) yordamida aniqlangan yoʻl qoʻyiladigan chegaralar;

atrof-muhitni taxminiy-xavfsiz ifloslantirish darajasi (TXTD) — sanoat obyektlarini loyihalashtirish uchun hisoblash metodi bilan belgilangan atmosferani ifloslantiruvchi moddaning vaqtincha normativi;

ifloslantiruvchi tashlamalar, oqovalar manbalarini, chiqindilar paydo boʻlishi va joylashtirilishini xatlovdan oʻtkazish (keyingi oʻrinlarda — xatlovdan oʻtkazish) — atrof-muhitga tashlanadigan, ifloslantiruvchi moddalar tashlamalari, oqovalari, chiqindilar paydo boʻlishi va joylashtirilishini, ularning sifat tarkibini aniqlash, roʻyxatdan oʻtkazish, joylashtirish, miqdorini, manbalari parametrlarini aniqlash jarayoni;

konsentratsiyaning yoʻl qoʻyiladigan cheklangan miqdori (KCHM) — odam organizmida reflektor reaksiyalarini paydo qilmasligi kerak boʻlgan havo, suv va tuproqning konsentratsiyasi;

ekologik normativlarni belgilashning gibrid modeli — eng yaxshi qulay texnologiyalarni joriy etish orqali sanitariya qoidalari, normalari va gigiyena normativlari uygʻunligida ifloslantiruvchi moddalarning tashlamalari normativlarini belgilash tizimi;

oqovaning yoʻl qoʻyiladigan cheklangan miqdori (OCHM) — nazorat punktida suv sifati normalarini taʼminlash maqsadida vaqt birligi hisobiga ushbu punktda belgilangan rejimda ajralishiga maksimal yoʻl qoʻyiladigan oqova suvlardagi moddalar miqdori;

oqova suvlarni chiqarib yuborish — suvni isteʼmol qilish va (yoki) undan foydalanish natijasida hosil boʻladigan hamda oqova suvlarni chiqarib yuborish tarmoqlari orqali oqizib yuboriladigan suv;

sanitariya-himoya zonasi — aholi yashaydigan va tashkilot orasidagi maxsus ajratilgan oʻsimlik va yalanglik zonasi, ifloslantiruvchi moddalar konsentratsiyasini zararsiz normagacha tarqalib ketishini taʼminlaydigan hudud;

tashlamalarning yoʻl qoʻyiladigan cheklangan miqdori (TCHM) — atmosfera havosi uchun belgilangan, yoʻl qoʻyiladigan cheklangan normadan oshmaydigan yer ustidagi konsentratsiyalarni shakllantiruvchi, vaqt birligi hisobiga toʻgʻri keladigan tashlamalardagi ifloslantiruvchi moddalar miqdori;

texnik jihatdan erishiladigan koʻrsatkichlar — oqova suvlarni ifloslantiruvchi moddalardan tozalash qurilmalarining texnik imkoniyatlarini hisobga olgan holda oqova suvlarning koʻrsatkichlari;

chiqindilarni vaqtincha joylashtirish — chiqindilarni tashkilot hududida saqlash uchun moʻljallangan maxsus qurilma yoki boshqa hududlarda ishlatishdan oldingi texnologik ketma-ketlik yoki qayta ishlashga, zararsizlantirishga yoki chiqindilarni doimiy joylashtirish obyektiga joʻnatish;

chiqindining xavflilik klassi — atrof-muhit obyektiga va odamga yetkazilishi mumkin boʻlgan salbiy taʼsir darajasi boʻyicha chiqindi yoki uning komponenti gradatsiyasi;

chiqindilarni joylashtirish limiti — muayyan muddatda joylashtirish uchun ruxsat etilgan chiqindilarning cheklangan miqdori;

chiqindilarning paydo boʻlish normasi — asosiy xomashyoning muayyan massasini qayta ishlashda yoki chiqindilarning paydo boʻlish normativini taʼminlash sharoitlarida tayyor mahsulotni muayyan miqdorda tayyorlashda chiqadigan chiqindi miqdori;

chiqindilarning paydo boʻlish normativi — mahsulot birligini ishlab chiqarishda chiqindilar aniq turining yoki ularning boshlangʻich xomashyo birligiga toʻgʻri keladigan belgilangan miqdori;

ekologik oqibatlar toʻgʻrisidagi bayonot — qurilishi (rekonstruksiya, modernizatsiya, kengaytirish) tugallangan obyekt (yoki uning uchastkasini) foydalanishga qabul qilib olinguniga qadar bajariladigan va ekologik normativlarni belgilaydigan atrof-muhitga taʼsirni baholash tartib-taomilining yakuniy bosqichi;

4. Ekologik normativlar loyihalari loyihani ishlab chiquvchi tomonidan ishlab chiqiladi hamda davlat ekologik ekspertizadan oʻtkazish uchun Oʻzbekiston Respublikasi Ekologiya va iqlim oʻzgarishi milliy qoʻmitasi huzuridagi (keyingi oʻrinlarda — Ekologiya qoʻmitasi) “Davlat ekologik ekspertizasi markazi” davlat muassasasi (keyingi oʻrinlarda — Markaz) va uning Qoraqalpogʻiston Respublikasi, viloyatlar va Toshkent shahar filiallariga (keyingi oʻrinlarda — Markazning hududiy filiallari) taqdim etiladi”;

v) 8-bandning birinchi xatboshisi quyidagi tahrirda bayon etilsin:

“8. Xatlov bevosita tashkilotning oʻzi tomonidan yoxud loyihani ishlab chiquvchini jalb etgan holda oʻtkaziladi”;

g) 13-band quyidagi tahrirda bayon etilsin:

“13. Atmosferani ifloslantiruvchi ajralmalar va tashlamalarning miqdori va tarkibi asbob-uskunalar bilan oʻlchash va hisoblash usullari majmuasi asosida aniqlanadi”;

d) 16-band quyidagi tahrirda bayon etilsin:

“16. Atmosfera havosiga ifloslantiruvchi moddalar tashlamalarining ekologik normativlarini belgilashning maqsadi atrof-muhitni va inson salomatligini muhofaza qilish, shuningdek, atmosfera havosining sifatini belgilangan sanitar-gigiyenik normalardan oshmasligini taʼminlashdan iborat”;

e) 17-band oʻz kuchini yoʻqotgan deb hisoblansin;

j) 18 va 19-bandlar quyidagi tahrirda bayon etilsin:

“18. Atmosfera havosiga ifloslantiruvchi moddalar tashlamalari quyidagilarga asosan meʼyorlanadi:

a) tashlamalar manbaida ifloslantiruvchi moddalar konsentratsiyalarini asbob-uskunalar bilan oʻlchash (ekologik baholash) orqali KCHMni aniqlash;

b) tashlamalar manbaida ifloslantiruvchi moddalarning texnologik jihatdan asoslangan darajalarga keltirishga erishishni (texnologik baholash) eng yaxshi qulay texnologiyalar asosida taʼminlash;

v) ekologik va texnologik baholash natijalari oʻrtasida tafovut yuzaga kelganda, ekologik normativning yuqori miqdorini qoʻllash.

19. TCHMdan oshib ketishi, agar yil davomida butun tashkilot uchun TCHM miqdorining (tonna/yil)dan koʻp boʻlsa yoxud tashlamaning har qanday manbaidan yoki tashkilotdan bir galgi tashlamaning amaldagi maksimal miqdori (gramm/sekund) belgilangan miqdoridan yuqori boʻlgan taqdirda belgilanadi”;

z) 21-band oʻz kuchini yoʻqotgan deb hisoblansin;

i) 26 , 27 va 28-bandlar quyidagi tahrirda bayon etilsin:

“26. OCHM ifloslantiruvchi moddalarni oqizish eng yaxshi qulay texnologiyalarning texnologik koʻrsatkichlarini hisobga olgan holda normalanadi.

27. Texnik jihatdan erishiladigan koʻrsatkichlarni hisobga olgan holda aniqlangan OCHM kelgusida suvni muhofaza qilish tadbirlarini rejalashtirish uchun asos hisoblanadi va Ekologiya qoʻmitasi tomonidan belgilangan muddatlarda, ekologik vaziyatga, chiqarib yuboriladigan oqova suvlar va shu kabilar sifatini yaxshilashga yoʻnaltirilgan hamda tasdiqlangan tadbirlarni bajarish muddatlariga qarab normalar bosqichma-bosqich qayta koʻrib chiqilishi mumkin.

28. OCHM normativlari hisoblash yoʻli bilan tarkibiy konsentratsiyalarni hisobga olib, qoʻllanayotgan texnologiyada foydalaniladigan boshlangʻich suv tarkibini va komponentlarni hisobga olgan holda hisoblash yoʻli bilan yoki tashkilotning suv-moddiy balansi tahlili asosida, loyihadagi maʼlumotlar boʻyicha belgilanadi.”;

k) 38-band quyidagi tahrirda bayon etilsin:

“38. Atrof-muhitni ifloslantiruvchi moddalar tashlamalari, oqovalari manbalarini, chiqindilarning paydo boʻlishi va joylashtirilishini xatlovdan oʻtkazish materiallari elektron rasmiylashtiriladi, tashkilot rahbari tomonidan tasdiqlanadi va Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalariga koʻrib chiqish uchun taqdim etiladi.”;

l) 39-bandda “Davlat ekologiya qoʻmitasi organlari” soʻzlari “Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari” soʻzlari bilan almashtirilsin;

m) 40-bandning birinchi xatboshisi quyidagi tahrirda bayon etilsin:

“40. Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari tomonidan tasdiqlangan xatlovdan oʻtkazish materiallari asosida atrof-muhitga taʼsir koʻrsatishning ekologik normativlari loyihalari ishlab chiqiladi.”;

n) 46 va 47-bandlar quyidagi tahrirda bayon etilsin:

“46. Buyurtmachi Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari tomonidan tasdiqlangan ekologik normativlar loyihalarini xatlovdan oʻtkazish materiallari bilan birga davlat ekologik ekspertizasidan oʻtkazish uchun Markazga taqdim etadi.

47. Ekologik normativlar loyihalari davlat ekologik ekspertizasidan oʻtkaziladi.”;

o) 48 , 49 va 50-bandlar oʻz kuchini yoʻqotgan deb hisoblansin;

p) 51-band quyidagi tahrirda bayon etilsin:

“51. Ekologik normativlarining tasdiqlangan elektron nusxalari Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalariga taqdim etiladi.”;

r) 52-banddagi “Davlat ekologiya qoʻmitasi” soʻzlari “Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari” soʻzlari bilan almashtirilsin;

s) 54 va 55-bandlar oʻz kuchini yoʻqotgan deb hisoblansin;

t) Nizomga 1-ilovaning matni quyidagi tahrirda bayon etilsin:

“ Ekologik normativlar loyihalarini ishlab chiqish va kelishish

Bosqichlar Tadbirlar Masʼullar Muddatlar 1-bosqich Atrof-muhitni ifloslantiruvchi manbalarni xatlovdan oʻtkazish (keyingi oʻrinlarda — xatlovdan oʻtkazish) Tashkilot yoki jalb qilingan loyihani ishlab chiquvchi Zaruratga koʻra 2-bosqich Xatlovdan oʻtkazish materiallarini tasdiqlash va tashkilot joylashgan joy boʻyicha Qoraqalpogʻiston Respublikasi Ekologiya va iqlim oʻzgarishi qoʻmitasiga, viloyatlar va Toshkent shahar ekologiya va iqlim oʻzgarishi bosh boshqarmalariga yuborish Tashkilot rahbari Tayyorligiga koʻra 3-bosqich Atrof-muhitni ifloslantiruvchi manbalarni oʻrgangan holda, xatlovdan oʻtkazish materiallarini koʻrib chiqish va ularni tasdiqlash yoki qayta ishlash uchun qaytarish (ishonchsiz maʼlumotlar aniqlanganda) Obyekt joylashgan joy boʻyicha Qoraqalpogʻiston Respublikasi ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari Taqdim qilingan kunidan boshlab 15 kun mobaynida 4-bosqich Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari tomonidan tasdiqlangan xatlovdan oʻtkazish materiallari asosida atrof-muhitga taʼsir koʻrsatishning ekologik normativlari loyihasi ishlab chiqiladi Tashkilot yoki jalb qilingan loyihani ishlab chiquvchi Xatlovdan oʻtkazish materiallari tasdiqlangandan keyin 5-bosqich Ekologik normativlar loyihalari xatlovdan oʻtkazish materiallari bilan birga davlat ekologik ekspertizasidan oʻtkazish uchun Ekologiya qoʻmitasi huzuridagi “Davlat ekologik ekspertizasi markazi” DMga taqdim etadi Tashkilot rahbari Xatlovdan oʻtkazish materiallari tayyorligiga koʻra ” ;

u) Nizomga 3 , 4 , 5 , 6 va 12-ilovalar oʻz kuchini yoʻqotgan deb hisoblansin;

f) Nizomga 19-ilovadagi “Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyat va Toshkent shahar ekologiya va atrof-muhitni muhofaza qilish boshqarmasining boshligʻi” soʻzlari “Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar ekologiya va iqlim oʻzgarishi bosh boshqarmalari” soʻzlari bilan almashtirilsin;

x) Nizomga 21-ilovaning matnida :

“(A shakl)” boʻlimidagi “Ekologiya va atrof-muhitni muhofaza qilish davlat qoʻmitasining raisi” soʻzlari “Ekologiya va iqlim oʻzgarishi milliy qoʻmitasi raisi yoki boshqa vakolatli shaxs” soʻzlari bilan almashtirilsin;

“(B shakl)” boʻlimida:

“II, III va IV toifalariga” soʻzlari “II va III toifalariga” soʻzlari bilan almashtirilsin;

“Qoraqalpogʻiston Respublikasi ekologiya va atrof-muhitni muhofaza qilish qoʻmitasining raisi, viloyat va Toshkent shahar ekologiya va atrof-muhitni muhofaza qilish boshqarmasining boshligʻi” soʻzlari “Ekologiya va iqlim oʻzgarishi milliy qoʻmitasi raisi yoki boshqa vakolatli shaxs” soʻzlari bilan almashtirilsin.

2. Vazirlar Mahkamasining “Oʻzbekiston Respublikasi hududida atrof tabiiy muhitni muhofaza qilishning iqtisodiy mexanizmlarini yanada takomillashtirish toʻgʻrisida” 2021-yil 12-apreldagi 202-son qarorida :

a) 3-bandning uchinchi xatboshisidagi “va mahalliy (IV toifa)” soʻzlari chiqarib tashlansin;

b) 1-ilovada :

5-bandning oltinchi xatboshisi quyidagi tahrirda bayon etilsin:

“Atrof-muhitga taʼsir koʻrsatishning birinchi, ikkinchi va uchinchi toifalariga mansub subyektlar (keyingi oʻrinlarda — I — III toifalarga mansub kompensatsiya toʻlovchi subyektlar), ushbu Nizomning 4 — 7-boblarida keltirilgan kompensatsiya toʻlovlarini hisoblash tartibiga amal qilgan holda ish yuritadi.”;

6-bandning birinchi xatboshisidagi , 8-bandning birinchi xatboshisidagi , 10-banddagi “I — IV” raqamlari “I — III” raqamlari bilan almashtirilsin;

11-bandning ikkinchi xatboshisidagi “III va IV toifalarga” soʻzlari “III toifaga” soʻzlari bilan almashtirilsin;

22-bandda :

birinchi xatboshidagi “I — IV” raqamlari “I — III” raqamlari bilan almashtirilsin;

toʻrtinchi xatboshidagi “III va IV toifalarga” soʻzlari “III toifaga” soʻzlari bilan almashtirilsin;

27-banddagi “III va IV toifalarga” soʻzlari “III toifaga” soʻzlari bilan almashtirilsin;

4-ilovaning izoh qismi chiqarib tashlansin.

3. Vazirlar Mahkamasining “Oʻzbekiston Respublikasida mahsulot va xizmatlarni ixtiyoriy ekologik markirovkalash tizimini takomillashtirish chora-tadbirlari toʻgʻrisida” 2025-yil 20-yanvardagi 20-son qaroriga 1-ilovaning matni quyidagi tahrirda bayon etilsin:

“ Ekologik markirovka belgisi

Ekologik markirovka belgisining umumiy tavsifi

1. Ekologik markirovka belgisi — oq fonda toʻq yashil rangdagi “YASHIL BELGI” soʻzlaridan hamda toʻq yashil va och yashil ranglardagi ikkita barg tasviridan iborat boʻlib, ular toʻq yashil rangdagi toʻrtburchak shakl ichida joylashtirilgan. Bunda:

barglar tasviri “YASHIL BELGI” soʻzlarining yuqori qismiga joylashtirilgan;

“YASHIL BELGI” soʻzlari ekologik markirovkalash tizimini anglatadi;

toʻrtburchak shakli ekologik markirovkalash tizimi aniq talab va chegaralarni belgilaydigan standartlarga asoslanganligini ifodalaydi.

2. Mahsulot yoki xizmatlar xususiyatlaridan kelib chiqib ekologik markirovka belgisi oq-qora yoxud monoxrom ranglarda tasvirlanishi mumkin.

Monoxrom koʻrinishidagi ekologik markirovkalash belgisi faqat toʻq yashil yoki och yashil rangda boʻlishiga ruxsat etiladi”.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 11-may,

234-son

(Qonunchilik maʼlumotlari milliy bazasi, 13.05.2026-y., 09/26/234/0482-son)

lex.uz