📅 2026-yil 15-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 15 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 мая 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 15 May 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ёқилғи-энергетика ресурслари нархларини белгилаш тўғрисида
Сўнгги йилларда жаҳонда юз бераётган геосиёсий зиддиятлар ва кескинликлар, глобал иқтисодиётдаги, шу жумладан, халқаро нефть бозоридаги узоқ муддатли ноаниқликлар ва халқаро юк ташишлар бозори конъюнктурасининг ўзгариши шароитида аҳоли, иқтисодиёт тармоқлари ва тадбиркорлик субъектларини ёқилғи-энергетика ресурслари билан ишончли таъминлаш, шунингдек, ёқилғи-энергетика корхоналари молиявий ҳолатини барқарорлаштириш мақсадида Вазирлар Маҳкамаси қарор қилади:
1. Ёқилғи-энергетика ресурсларининг 2026 йил 1 июндан кучга кирадиган нархлари 1-иловага мувофиқ тасдиқлансин.
2. Энергетика вазирлиги ушбу қарорга мувофиқ ёқилғи-энергетика ресурсларининг жорий этилаётган янги нархларини барча манфаатдор вазирликлар, идоралар, юридик ва жисмоний шахсларга етказсин.
3. Энергетика вазирлиги, Иқтисодиёт ва молия вазирлиги:
Ўзбекистон Миллий ахборот агентлиги билан биргаликда нефть-газ ва энергетика соҳасини ривожлантириш, ёқилғи-энергетика ресурсларини етказиб бериш сифатини яхшилаш ва уларнинг нархлари ўзгаришига оид мавзулар оммавий ахборот воситаларида кенг ёритилишини таъминласин;
бир ой муддатда «Ҳудудгазтаъминот» АЖ ва «Ҳудудий электр тармоқлари» АЖ билан биргаликда табиий газ ва электр энергиясини етказиб беришдаги йўқотишларни қисқартиришга қаратилган мақсадли кўрсаткичларни белгилаган ҳолда, ҳудудгаз таъминоти филиаллари ҳамда ҳудудий электр тармоқлари корхоналари раҳбарлари фаолиятини энг муҳим самарадорлик кўрсаткичларини (KPI) тасдиқласин.
Бунда энг муҳим самарадорлик кўрсаткичларини бажаришда қолоқликка йўл қўйган раҳбарларга нисбатан қатъий молиявий ва интизомий жазо чораларини қўллаш инобатга олинсин.
4. Иқтисодиёт ва молия вазирлиги, Энергетика вазирлиги Энергия самарадорлиги миллий агентлиги билан биргаликда тизимли равишда йирик тармоқ ва давлат корхоналарида бир бирлик маҳсулот ишлаб чиқариш (хизмат кўрсатиш) учун сарфланадиган ёқилғи-энергетика ресурсларини тежаш чораларини белгилаб борсин ва уларнинг амалга оширилишини таъминласин.
5. Вазирлар Маҳкамаси ҳузуридаги Идоралараро тариф комиссияси 2026 йил 1 июлга қадар:
табиий газ ва электр энергиясини ишлаб чиқариш, узатиш, тақсимлаш ва сотиш тарифларини;
электр ва иссиқлик энергияси, шунингдек, табиий газ истеъмолчилари ва улгуржи қайта сотувчилардан тушадиган маблағларни тақсимлаш тартибини қайта кўриб чиқсин ва тасдиқласин.
6. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин ва 2026 йил 1 июндан бошлаб кучга киритилсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда энергетика вазири Ж.Т. Мирзамаҳмудов зиммасига юклансин.
Вазирлар Маҳкамасининг 2026 йил 15 майдаги 243-сон қарорига 1-ИЛОВА
Ёқилғи-энергетика ресурсларининг 2026 йил 1 июндан кучга кирадиган янги нархлари
Т/р Истеъмолчилар номи Ўлчов бирлиги Ўлчов бирлиги учун нархлар (ҚҚС ҳисобга олинган ҳолда, сўм) I . Электр энергияси 1.1. Истеъмолчиларнинг I ва II гуруҳлари кВт соат 1 100 1.2. Истеъмолчиларнинг III гуруҳи, шу жумладан аҳоли: 1.2.1. Овқат тайёрлаш учун марказлашган ҳолда электр плиталар билан жиҳозланган кўп квартирали уйлар ва ётоқхоналарда яшайдиган маиший истеъмолчилар учун бир ойдаги истеъмолдан келиб чиқиб: ойига 200 кВт соатгача; ойига 201 кВт соатдан 500 кВт соатгача; ойига 501 кВт соатдан 1 000 кВт соатгача; ойига 1 001 кВт соатдан 5 000 кВт соатгача; ойига 5 001 кВт соатдан 10 000 кВт соатгача; ойига 10 001 кВт соат ва ундан юқори. 325 450 550 8 00 9 50 1 100 1.2.2. Қолган маиший истеъмолчилар учун бир ойдаги истеъмолдан келиб чиқиб: ойига 200 кВт соатгача; ойига 201 кВт соатдан 500 кВт соатгача; ойига 501 кВт соатдан 1 000 кВт соатгача; ойига 1 001 кВт соатдан 5 000 кВт соатгача; ойига 5 001 кВт соатдан 10 000 кВт соатгача; ойига 10 001 кВт соат ва ундан юқори. 650 900 1 100 1 6 0 0 1 9 0 0 2 200 1.3. Истеъмолчиларнинг IV гуруҳи 1 100 II . Табиий газ 2.1. Барча истеъмолчилар учун (2.2. — 2.4. бандлардан ташқари) куб метр 2 000 2.2. Автомобилларга газ тўлдириш компрессор шохобчалари (шу жумладан, балансида автомобилларга газ тўлдириш компрессор шохобчалари мавжуд бўлган юридик шахслар) учун 2 750 2.3. Коммунал-маиший эҳтиёжлар учун аҳолига (газни ҳисобга олиш приборлари мавжуд бўлганда): куб метр а) иситиш мавсуми * давомида бир ойдаги истеъмолдан келиб чиқиб: ойига 500 куб метргача; ойига 501 куб метрдан 2 500 куб метргача; ойига 2 501 куб метрдан 5 000 куб метргача; ойига 5 001 куб метрдан 10 000 куб метргача; ойига 10 001 куб метр ва ундан юқори. 1 100 2 000 2 300 2 700 3 300 б) бошқа мавсум * давомида бир ойдаги истеъмолдан келиб чиқиб: ойига 100 куб метргача; ойига 101 куб метрдан 2 500 куб метргача; ойига 2 501 куб метрдан 5 000 куб метргача; ойига 5 001 куб метрдан 10 000 куб метргача; ойига 10 001 куб метр ва ундан юқори. 1 100 2 000 2 300 2 700 3 300 2. 4 . Коммунал-маиший эҳтиёжлар учун аҳолига (газни ҳисобга олиш приборлари мавжуд бўлмаганда): а) овқат тайёрлаш ва иссиқ сув таъминоти учун 2 000 б) иситиш учун 1 5 5 0
Вазирлар Маҳкамасининг 2026 йил 15 майдаги 243-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида» 2024 йил 16 апрелдаги 204-сон қарорига 1-илованинг «I. Электр энергияси» қисмининг 1.1., 1.2., 1.2.1., 1.2.2. ва 1.3. позициялари, «II. Табиий газ» қисмининг 2.1., 2.2., 2.3., 2.4., 2.5. ва 2.6. позициялари ҳамда изоҳининг биринчи хатбошиси чиқариб ташлансин.
2. Вазирлар Маҳкамасининг «Ёқилғи-энергетика ресурслари истеъмолчиларини қўллаб-қувватлаш мақсадида 2024-2025 йилларда ёқилғи-энергетика ресурслари нархларининг босқичма-босқич ўзгариш графигига ўзгартиришлар ва қўшимча киритиш ҳақида» 2025 йил 31 мартдаги 194-сон қарорига илованинг 1 ва 2-бандлари чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2026 йил 15 май,
243-сон
Oʻzbekiston Respublikasi Vazirlar Mahkamasining
qarori
Yoqilgʻi-energetika resurslari narxlarini belgilash toʻgʻrisida
Soʻnggi yillarda jahonda yuz berayotgan geosiyosiy ziddiyatlar va keskinliklar, global iqtisodiyotdagi, shu jumladan, xalqaro neft bozoridagi uzoq muddatli noaniqliklar va xalqaro yuk tashishlar bozori konyunkturasining oʻzgarishi sharoitida aholi, iqtisodiyot tarmoqlari va tadbirkorlik subyektlarini yoqilgʻi-energetika resurslari bilan ishonchli taʼminlash, shuningdek, yoqilgʻi-energetika korxonalari moliyaviy holatini barqarorlashtirish maqsadida Vazirlar Mahkamasi qaror qiladi:
1. Yoqilgʻi-energetika resurslarining 2026-yil 1-iyundan kuchga kiradigan narxlari 1-ilovaga muvofiq tasdiqlansin.
2. Energetika vazirligi ushbu qarorga muvofiq yoqilgʻi-energetika resurslarining joriy etilayotgan yangi narxlarini barcha manfaatdor vazirliklar, idoralar, yuridik va jismoniy shaxslarga yetkazsin.
3. Energetika vazirligi, Iqtisodiyot va moliya vazirligi:
Oʻzbekiston Milliy axborot agentligi bilan birgalikda neft-gaz va energetika sohasini rivojlantirish, yoqilgʻi-energetika resurslarini yetkazib berish sifatini yaxshilash va ularning narxlari oʻzgarishiga oid mavzular ommaviy axborot vositalarida keng yoritilishini taʼminlasin;
bir oy muddatda “Hududgaztaʼminot” AJ va “Hududiy elektr tarmoqlari” AJ bilan birgalikda tabiiy gaz va elektr energiyasini yetkazib berishdagi yoʻqotishlarni qisqartirishga qaratilgan maqsadli koʻrsatkichlarni belgilagan holda, hududgaz taʼminoti filiallari hamda hududiy elektr tarmoqlari korxonalari rahbarlari faoliyatini eng muhim samaradorlik koʻrsatkichlarini (KPI) tasdiqlasin.
Bunda eng muhim samaradorlik koʻrsatkichlarini bajarishda qoloqlikka yoʻl qoʻygan rahbarlarga nisbatan qatʼiy moliyaviy va intizomiy jazo choralarini qoʻllash inobatga olinsin.
4. Iqtisodiyot va moliya vazirligi, Energetika vazirligi Energiya samaradorligi milliy agentligi bilan birgalikda tizimli ravishda yirik tarmoq va davlat korxonalarida bir birlik mahsulot ishlab chiqarish (xizmat koʻrsatish) uchun sarflanadigan yoqilgʻi-energetika resurslarini tejash choralarini belgilab borsin va ularning amalga oshirilishini taʼminlasin.
5. Vazirlar Mahkamasi huzuridagi Idoralararo tarif komissiyasi 2026-yil 1-iyulga qadar:
tabiiy gaz va elektr energiyasini ishlab chiqarish, uzatish, taqsimlash va sotish tariflarini;
elektr va issiqlik energiyasi, shuningdek, tabiiy gaz isteʼmolchilari va ulgurji qayta sotuvchilardan tushadigan mablagʻlarni taqsimlash tartibini qayta koʻrib chiqsin va tasdiqlasin.
6. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin va 2026-yil 1-iyundan boshlab kuchga kiritilsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda energetika vaziri J.T. Mirzamahmudov zimmasiga yuklansin.
Vazirlar Mahkamasining 2026-yil 15-maydagi 243-son qaroriga 1-ILOVA
Yoqilgʻi-energetika resurslarining 2026-yil 1-iyundan kuchga kiradigan yangi narxlari
T/r Isteʼmolchilar nomi Oʻlchov birligi Oʻlchov birligi uchun narxlar (QQS hisobga olingan holda, soʻm) I . Elektr energiyasi 1.1. Isteʼmolchilarning I va II guruhlari kVt soat 1 100 1.2. Isteʼmolchilarning III guruhi, shu jumladan aholi: 1.2.1. Ovqat tayyorlash uchun markazlashgan holda elektr plitalar bilan jihozlangan koʻp kvartirali uylar va yotoqxonalarda yashaydigan maishiy isteʼmolchilar uchun bir oydagi isteʼmoldan kelib chiqib: oyiga 200 kVt soatgacha; oyiga 201 kVt soatdan 500 kVt soatgacha; oyiga 501 kVt soatdan 1 000 kVt soatgacha; oyiga 1 001 kVt soatdan 5 000 kVt soatgacha; oyiga 5 001 kVt soatdan 10 000 kVt soatgacha; oyiga 10 001 kVt soat va undan yuqori. 325 450 550 8 00 9 50 1 100 1.2.2. Qolgan maishiy isteʼmolchilar uchun bir oydagi isteʼmoldan kelib chiqib: oyiga 200 kVt soatgacha; oyiga 201 kVt soatdan 500 kVt soatgacha; oyiga 501 kVt soatdan 1 000 kVt soatgacha; oyiga 1 001 kVt soatdan 5 000 kVt soatgacha; oyiga 5 001 kVt soatdan 10 000 kVt soatgacha; oyiga 10 001 kVt soat va undan yuqori. 650 900 1 100 1 6 0 0 1 9 0 0 2 200 1.3. Isteʼmolchilarning IV guruhi 1 100 II . Tabiiy gaz 2.1. Barcha isteʼmolchilar uchun (2.2. — 2.4. bandlardan tashqari) kub metr 2 000 2.2. Avtomobillarga gaz toʻldirish kompressor shoxobchalari (shu jumladan, balansida avtomobillarga gaz toʻldirish kompressor shoxobchalari mavjud boʻlgan yuridik shaxslar) uchun 2 750 2.3. Kommunal-maishiy ehtiyojlar uchun aholiga (gazni hisobga olish priborlari mavjud boʻlganda): kub metr a) isitish mavsumi * davomida bir oydagi isteʼmoldan kelib chiqib: oyiga 500 kub metrgacha; oyiga 501 kub metrdan 2 500 kub metrgacha; oyiga 2 501 kub metrdan 5 000 kub metrgacha; oyiga 5 001 kub metrdan 10 000 kub metrgacha; oyiga 10 001 kub metr va undan yuqori. 1 100 2 000 2 300 2 700 3 300 b) boshqa mavsum * davomida bir oydagi isteʼmoldan kelib chiqib: oyiga 100 kub metrgacha; oyiga 101 kub metrdan 2 500 kub metrgacha; oyiga 2 501 kub metrdan 5 000 kub metrgacha; oyiga 5 001 kub metrdan 10 000 kub metrgacha; oyiga 10 001 kub metr va undan yuqori. 1 100 2 000 2 300 2 700 3 300 2. 4 . Kommunal-maishiy ehtiyojlar uchun aholiga (gazni hisobga olish priborlari mavjud boʻlmaganda): a) ovqat tayyorlash va issiq suv taʼminoti uchun 2 000 b) isitish uchun 1 5 5 0
Vazirlar Mahkamasining 2026-yil 15-maydagi 243-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida” 2024-yil 16-apreldagi 204-son qaroriga 1-ilovaning “I. Elektr energiyasi” qismining 1.1., 1.2., 1.2.1., 1.2.2. va 1.3. pozitsiyalari, “II. Tabiiy gaz” qismining 2.1., 2.2., 2.3., 2.4., 2.5. va 2.6. pozitsiyalari hamda izohining birinchi xatboshisi chiqarib tashlansin.
2. Vazirlar Mahkamasining “Yoqilgʻi-energetika resurslari isteʼmolchilarini qoʻllab-quvvatlash maqsadida 2024-2025-yillarda yoqilgʻi-energetika resurslari narxlarining bosqichma-bosqich oʻzgarish grafigiga oʻzgartirishlar va qoʻshimcha kiritish haqida” 2025-yil 31-martdagi 194-son qaroriga ilovaning 1 va 2-bandlari chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 15-may,
243-son