📅 2026-yil 18-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 18 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 18 May 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ДАСТУР
ДАСТУР
ЧОРА-ТАДБИРЛАР РЕЖАСИ
Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида
Ўзбекистон Республикаси Президентининг «Ўзбекистон — 2030» стратегиясини «Атроф-муҳитни асраш ва «яшил иқтисодиёт» йилида амалга оширишга оид давлат дастури тўғрисида» 2025 йил 30 январдаги ПФ-16-сон Фармони ижросини таъминлаш, шунингдек, гидрометеорологик ҳодисалар тўғрисидаги маълумотларни тайёрлаш ва тарқатишда замонавий технологиялардан кенг фойдаланиш ҳамда фуқаро авиацияси ҳаво кемалари парвозларининг хавфсизлигини метеорологик таъминлаш мақсадида Вазирлар Маҳкамаси қарор қилади:
1. Қуйидагилар:
2027-2028 йилларда Ўзбекистон Республикасининг баланд тоғли ҳудудларида қор қопламларини мониторинг қилиш учун масофавий қор ўлчаш нуқталарини замонавий қор ўлчов ускуналари билан жиҳозлаш бўйича дастур 1-иловага мувофиқ;
2026 — 2028 йилларда Ўзбекистон Республикаси ҳудудидаги аэропортларнинг автоматик авиация метеорология станцияларини модернизация қилиш бўйича дастур 2-иловага мувофиқ;
Ўзбекистон Республикасида парвозлар хавфсизлигини гидрометеорологик таъминлаш бўйича чора-тадбирлар режаси 3-иловага мувофиқ тасдиқлансин.
2. Экология ва иқлим ўзгариши миллий қўмитаси ҳузуридаги Гидрометеорология хизмати агентлиги (кейинги ўринларда — Ўзгидромет):
ушбу қарорга 1 ва 2-иловаларга мувофиқ қор ўлчов ускуналари ҳамда аэропортларнинг автоматик авиация метеорология станцияларини модернизация қилиш учун зарур жиҳозлар қонунчилик ҳужжатларида белгиланган тартибда харид қилинишини ҳамда ўрнатилишини таъминласин;
Рақамли технологиялар вазирлиги билан биргаликда қор ўлчов ускуналаридан олинган маълумотларни телекоммуникация тармоқлари ҳамда йўлдош алоқа каналлари орқали ягона гидрометеорологик маълумотлар геоахборот мониторинг тизимига (кейинги ўринларда — мониторинг тизими) узатиш чораларини кўрсин;
қор ўлчов ускуналаридан олинган маълумотларни мониторинг тизимига интеграция қилиш орқали визуаллаштирган ҳолда, доимий равишда ўзининг расмий веб-сайтида реал вақт режимида эълон қилиб борсин;
«Uzbekistan Airports» АЖ билан биргаликда ушбу қарорга 2-иловага мувофиқ аэропортларни автоматик авиация метеорология станциялари билан жиҳозлаш, уларга сифатли хизмат кўрсатиш учун малакали мутахассисларни жалб қилиш ҳамда уларнинг малакасини ошириш ва стажировкадан ўтказиш чораларини кўрсин;
Транспорт вазирлиги ҳузуридаги «Ўзаэронавигация маркази» давлат унитар корхонаси билан биргаликда аэропортлар ҳудудидаги диспетчерлик марказлари билан ўзаро авиация маълумотлари алмашинувини тўлиқ рақамлаштириш орқали метеорологик маълумотларни узатишнинг ягона электрон тармоғини ишлаб чиқсин ва тасдиқласин;
Жаҳон метеорология ташкилоти (WMO) ва Халқаро фуқаро авиацияси ташкилотининг (ICAO) стандартлари ҳамда тавсиялари асосида аэропортлардаги ҳаво кемалари парвозларини сифатли метеорологик маълумотлар билан таъминласин.
3. Ўзгидромет ушбу қарорга 1 ва 2-иловаларга мувофиқ қор ўлчов ускуналари ҳамда аэропортларнинг автоматик авиация метеорология станцияларини модернизация қилиш учун зарур жиҳозларни харид қилиш ҳамда улар орқали олинган маълумотларни мониторинг тизимига узатиш билан боғлиқ харажатларни келгуси йилларга мўлжаланган Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурида назарда тутиш тўғрисидаги таклифларни белгиланган тартибда Иқтисодиёт ва молия вазирлигига киритсин.
4. «Uzbekistan Airports» АЖга:
Ўзгидрометнинг авиаметеорологик станцияларини хизмат хоналари, алоқа, мебель ва узлуксиз электр энергияси билан таъминлаш;
аэропортларнинг метеорологик ускуналари ва алоқа воситалари белгиланган тартибда захира электр тармоғига уланишини ва синовдан ўтказилишини таъминлаш;
авиаметеорологик станцияларнинг ходимлари ҳамда Ўзгидрометнинг махсус автотранспорт воситалари аэропортлар ҳудудларига кириб-чиқиши учун белгиланган тартибда рухсатномаларни расмийлаштириш тавсия этилсин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига ҳамда Экология ва иқлим ўзгариши миллий қўмитасига юклансин.
Вазирлар Маҳкамасининг 2026 йил 18 майдаги 252-сон қарорига 1-ИЛОВА
2027-2028 йилларда Ўзбекистон Республикасининг баланд тоғли ҳудудларида қор қопламларини мониторинг қилиш учун масофавий қор ўлчаш нуқталарини замонавий қор ўлчов ускуналари билан жиҳозлаш бўйича
(млн сўмда) Т/р Ҳудуд номи Дарё ҳавзаси Масофавий қор ўлчаш нуқтасининг денгиз сатҳидан баландлиги Жами харид қилинадиган қор ўлчов ускуналари Шундан 0 — 2000 метргача 2001 — 3000 метргача 3001 — 4000 метргача 2027 йил 2028 йил Универсал қор ўлчов ускуналари жамланмаси Қор баландлигини ўлчов ускунаси Универсал қор ўлчов ускуналари жамланмаси Қор баландлигини ўлчов ускунаси сони қиймати сони қиймати сони қиймати сони қиймати сони қиймати 1. Наманган вилояти Чодак дарёси ҳавзаси 9 18 27 3 618,6 2 1 952,1 25 1 666,5 2. Сурхондарё вилояти Тўпаланг дарёси ҳавзаси 7 2 9 3 328,0 3 2 928,1 6 399,9 Сангардак дарёси ҳавзаси 16 1 17 3 861,3 3 2 928,1 14 933,2 3. Тошкент вилояти Ойгаинг дарёси ҳавзаси 10 6 16 4 704,0 4 3 904,1 12 799,9 Пском дарёси ҳавзаси 2 15 14 31 8 432,0 7 6 832,2 24 1 599,8 Оқбулоқ дарёси ҳавзаси 1 5 6 2 218,7 2 1 952,1 4 266,6 Оҳангарон дарёси ҳавзаси 9 9 18 4 837,3 4 3 904,1 14 933,2 Жами 3 71 50 124 30 999,9 16 15 616,5 67 4 466,1 9 8 784,3 32 2 133,0
Вазирлар Маҳкамасининг 2026 йил 18 майдаги 252-сон қарорига 2-ИЛОВА
2026 — 2028 йилларда Ўзбекистон Республикаси ҳудудидаги аэропортларнинг автоматик авиация метеорология станцияларини модернизация қилиш бўйича
(млн сўмда) Т/р Чора-тадбирлар Ўлчов бирлиги 2026 — 2028 йилларда шундан ускуна сони умумий қиймати 2026 йилда 2027 йилда 2028 йилда ускуна сони қиймати ускуна сони қиймати ускуна сони қиймати I. Республика аэропортлари ҳудудида авиация метеостанцияларни модернизация қилиш, у жумладан: дона 14 204 318 5 87 318 4 52 000 5 65 000 II. Автоматлаштирилган авиация метеостанцияси билан жиҳозлаш. дона 14 157 318 5 69 818 4 39 000 5 48 500 III. Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 42 000 16 000 11 500 14 500 IV. Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 5 000 1 500 1 500 2 000 1. Қорақалпоғистон Республикаси 1.1 «Нукус халқаро аэропорти» ҳудудида авиация метеостанциясини модернизация қилиш, у жумладан: дона 1 13 000 1 13 000 Автоматлаштирилган авиация метеостанцияси билан жиҳозлаш. дона 1 9 500 1 9 500 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 2. Андижон вилояти 2.1 «Андижон халқаро аэропорти» ҳудудида авиация метеостанциясини модернизация қилиш, у жумладан: дона 1 17 318 1 17 318 Автоматлаштирилган авиация метеостанцияси билан жиҳозлаш. дона 1 13 818 1 13 818 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 3. Бухоро вилояти 3.1 «Янги Бухоро халқаро аэропорти» ҳудудида авиация метеостанциясини модернизация қилиш, шу жумладан: дона 2 35 000 2 35 000 Автоматлаштирилган авиация метеостанцияси билан жиҳозлаш. дона 2 28 000 2 28 000 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 6 500 6 500 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 4. Қашқадарё вилояти 4.1 «Қарши халқаро аэропорти» ҳудудида авиация метеостанциясини модернизация қилиш, у жумладан: дона 1 13 000 1 13 000 Автоматлаштирилган авиация метеостанцияси билан жиҳозлаш. дона 1 9 500 1 9 500 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 5. Навоий вилояти 5.1 «Навоий халқаро аэропорти» ҳудудида авиация метеостанциясини модернизация қилиш, у жумладан: дона 2 26 000 2 26 000 Автоматлаштирилган авиация метеорология станцияси билан жиҳозлаш. дона 2 20 000 2 20 000 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 5 500 5 500 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 6. Наманган вилояти 6.1 «Наманган халқаро аэропорти» ҳудудида авиация метеостанциясини модернизация қилиш, у жумладан: дона 1 13 000 1 13 000 Автоматлаштирилган авиация метеостанцияси билан жиҳозлаш. дона 1 9 500 1 9 500 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 7. Сурхондарё вилояти 7.1 «Термиз халқаро аэропорти» ҳудудида авиация метеостанциясини модернизация қилиш, у жумладан: дона 1 13 000 1 13 000 Автоматлаштирилган авиация метеостанцияси билан жиҳозлаш. дона 1 9 500 1 9 500 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 8. Фарғона вилояти 8.1 «Фарғона халқаро аэропорти» ҳудудида авиация метеостанциясини модернизация қилиш, у жумладан: дона 1 13 000 1 13 000 Автоматлаштирилган авиация метеостанцияси билан жиҳозлаш. дона 1 9 500 1 9 500 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 3 000 3 000 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 9. Хоразм вилояти 9.1 «Урганч халқаро аэропорти» ҳудудида авиация метеостанциясини модернизация қилиш, у жумладан: дона 2 35 000 2 35 000 Автоматлаштирилган авиация метеостанцияси билан жиҳозлаш. дона 2 28 000 2 28 000 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 6 500 6 500 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500 10. Тошкент шаҳри 10.1 Ислом Каримов номидаги «Тошкент халқаро аэропорти» ҳудудида авиация метеостанциясини модернизация қилиш, шу жумладан: дона 2 26 000 2 26 000 Асосий ва захира автоматлаштирилган авиация метеостанцияси билан жиҳозлаш. дона 2 20 000 2 20 000 Учиш-қўниш йўлаги бўйлаб автоматлаштирилган авиация метеостанциясини ўрнатиш, ташқи муҳандислик-коммуникация тармоқлари (электр энергияси, алоқа, интернет, захира генератори) билан таъминлаш. 5 500 5 500 Техник топшириқ ҳужжатларини, шунингдек, лойиҳаолди ва лойиҳа-смета ҳужжатларини ишлаб чиқиш ва экспертизадан ўтказиш харажатлари. 500 500
Вазирлар Маҳкамасининг 2026 йил 18 майдаги 252-сон қарорига 3-ИЛОВА
Ўзбекистон Республикасида парвозлар хавфсизлигини гидрометеорологик таъминлаш бўйича
Т/р Чора-тадбирлар Амалга ошириш механизми Ижро муддати Молиялаштириш манбалари Масъул ижрочилар I. Аэропортлардаги метеорологик ускуналарни модернизация қилиш 1. Андижон, Бухоро, Қарши, Навоий, Наманган, Нукус, Термиз, Урганч, Фарғона ва Тошкент шаҳарларида жойлашган аэропортларда парвозлар хавфсизлигини таъминлаш учун автоматик метеорологик ускуналарни харид қилиш. 1. Техник-топшириқ, лойиҳаолди ва лойиҳа-смета ҳужжатларини ишлаб чиқиш ҳамда уларни экспертизадан ўтказиш. 2. Автоматик метеорологик ускуналар харид қилиш бўйича тендер танловини ўтказиш. 3. Тендер танлови ғолиби билан белгиланган тартибда шартнома тузиш. 2026 — 2028 йиллар давомида Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар Экология ва иқлим ўзгариши миллий қўмитаси ҳузуридаги Гидрометеорология хизмати агентлиги (кейинги ўринларда — Ўзгидромет) (Ш. Ҳабибуллаев) 2. Андижон, Бухоро, Қарши, Навоий, Наманган, Нукус, Термиз, Урганч, Фарғона ва Тошкент шаҳарларида жойлашган аэропортларда ускуналарни ўрнатиш ва ишга тушириш. 1. Аэропортлар ҳудудида қурилиш-монтаж ишларини амалга ошириш учун белгиланган тартибда рухсатномаларни расмийлаштириш. 2. Аэропортларнинг учиш-қўниш йўлаги бўйлаб автоматик метеорологик ускуналар жойлаштириш учун ташқи муҳандислик-коммуникация тармоқлари, қурилиш-монтаж ишларини амалга ошириш (пойдевор ишлари, алоқа, интернет ва электр таъминоти линиялари, захира генератори билан таъминлаш). 3. Автоматик метеорологик ускуналарни аэропортларнинг учиш-қўниш йўлаги бўйлаб ўрнатиш. 4. Ўрнатилган автоматик метеорологик ускуналарни дастлабки қиёслашдан ўтказиш. 5. Аэропортларда автоматик метеорологик ускуналарга хизмат кўрсатувчи мутахассисларнинг малакасини ошириш ва стажировкадан ўтказиш. 2026 — 2028 йиллар давомида Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар ҳамда Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев), «Uzbekistan Airports» АЖ (Ж. Умарходжаев) II. Авиацияни метеорологик маълумотлар билан таъминлаш йўналишида халқаро ҳамкорлик қилиш 3. Авиацияни метеорологик маълумотлар билан таъминлаш йўналишида халқаро-ҳуқуқий ҳужжатлар қоидалари ва талабларини миллий миқёсда амалга ошириш бўйича Жаҳон метеорология ташкилоти (WMO) ва Халқаро фуқаро авиацияси ташкилоти (ICAO) билан ҳамкорликни янада кенгайтириш. 1. Жаҳон метеорология ташкилоти (WMO) ва Халқаро фуқаро авиацияси ташкилоти (ICAO) томонидан ташкил этилган халқаро семинарлар, конференциялар, тренинглар, ўқув курсларида мутахассислар иштирокини таъминлаш. 2. Парвозлар хавфсизлигини таъминлаш мақсадида давлатлараро об-ҳаво ўзгаришлари ривожланиши бўйича Тожикистон, Туркманистон ва Қирғиз республикаларининг авиация соҳасидаги ваколатли органлари билан ўзаро маълумот алмашиш ҳуқуқини берувчи «Парвоз даражасидаги хавфли об-ҳаво шароитлари ҳақида» (SIGMET) битим имзолаш. 3. Жаҳон метеорология ташкилоти (WMO) ва Халқаро фуқаро авиацияси ташкилоти (ICAO) томонидан қабул қилинаётган халқаро-ҳуқуқий ҳужжатлардаги ўзгаришларни имплементация қилган ҳолда амалиётда жорий этиш. 2026 — 2028 йиллар давомида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) 4. Паст баландликда парвозларни амалга оширувчи ҳаво кемаларини халқаро стандартлар талабларига мувофиқ метеорологик қўллаб-қувватлаш. 1. Паст баландликда парвозларни амалга оширувчи ҳаво кемаларини метеорологик қўллаб-қувватлаш мақсадида авиаметеорологик станцияларнинг муҳандис-синоптиклари учун ўқув-қўлланма материалларини ишлаб чиқиш. 2. Муҳандис-синоптиклар учун «GAMET» минтақавий прогнозлари ва «AIRMET» маълумотлари тузиш ҳамда ҳаво кемалари экипажига етказиш бўйича ўқув машғулотларини ташкил этиш. 2026 — 2028 йиллар давомида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) III. Авиаметеорологик станциялар ходимларининг малакасини ошириш ва станциялар фаолиятини баҳолаш 5. Авиаметеорологик станцияларда фаолият кўрсатаётган муҳандис-синоптик ва техник-метеорологларнинг малакасини ошириш. 1. Авиаметеорологик станциялар кесимида малакаси ошириладиган ходимлар рўйхатини шакллантириш. 2. Ўзгидромет ҳузуридаги Гидрометеорология техникумида малака ошириш курсларини ташкил этиш. 2026 — 2028 йиллар давомида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) 6. Сифат менежменти тизими жорий этилган Андижон, Бухоро, Қарши, Навоий, Наманган, Нукус, Самарқанд, Термиз, Урганч, Фарғона ва Тошкент авиаметеорологик станциялар раҳбарларининг ISO: 9001 халқаро стандарти бўйича малакасини ошириш. 1. ISO: 9001 талабларига мувофиқ сифат менежменти тизими соҳасида фаолият кўрсатаётган ташкилотлар ўртасида маркетинг тадқиқотларини ўтказиш. 2. Тадқиқот натижалари асосида давлат харидларининг электрон платформасига эълон жойлаштириш, ғолиб ташкилотни аниқлаш ва шартнома тузиш. 3. Авиаметеорологик станциялар раҳбарларининг ISO: 9001 халқаро стандарти бўйича малакасини ошириш. 4. Малака ошириш курслари якуни бўйича сертификатлар бериш. 2026 — 2028 йиллар давомида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) 7. Авиаметеорологик станциялар фаолияти ҳамда кўрсатилаётган хизматлар сифатини услубий текширувдан ўтказиш. 1. Ўзгидрометнинг Авиацияни метеорологик таъминлаш бошқармаси ходимлари томонидан услубий текширувлар ўтказилишини таъминлаш. 2. Услубий текширувлар якуни бўйича ҳисобот ва кўрсатмалар ишлаб чиқиш. Режа-график асосида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) 8. Авиаметеорологик станцияларнинг фаолиятини ички аудитдан ўтказиш. 1. Аудиторлик сертификатига эга ходимлар томонидан авиаметеорологик станцияларни ички аудитдан ўтказиш. 2. Ички аудит якуни бўйича ҳисобот ва кўрсатмалар ишлаб чиқиш. Режа-график асосида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев) 9. Авиацияни метеорологик таъминлаш тизимини ташқи аудитдан ўтказиш. 1. ISO: 9001 талабларига мувофиқ сифат менежменти тизими соҳасида фаолият кўрсатаётган ташкилотлар ўртасида маркетинг тадқиқотларини ўтказиш. 2. Тадқиқот натижалари бўйича давлат харидларининг электрон платформасига эълон жойлаштириш, ғолиб ташкилотни аниқлаш ва шартнома тузиш. 3. Ўзгидрометнинг Авиацияни метеорологик таъминлаш бошқармаси ҳамда авиаметеорологик станцияларни ташқи аудитдан ўтказиш. 4. Ташқи аудит якуни бўйича сертификатлар бериш. Режа-график асосида Ўзгидрометнинг бюджет ва бюджетдан ташқари маблағлари Ўзгидромет (Ш. Ҳабибуллаев)
Ўзбекистон Республикасининг Бош вазири А. АРИПОВ
Тошкент ш.,
2026 йил 18 май,
252 -сон
Oʻzbekiston Respublikasi Vazirlar Mahkamasining
qarori
DASTUR
DASTUR
CHORA-TADBIRLAR REJASI
Oʻzbekiston Respublikasida gidrometeorologiya xizmati infratuzilmasini rivojlantirish va monitoring qilish tizimini takomillashtirish, shuningdek, fuqaro aviatsiyasi havo kemalari parvozlarining xavfsizligini meteorologik taʼminlashga doir qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Oʻzbekiston — 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida” 2025-yil 30-yanvardagi PF-16-son Farmoni ijrosini taʼminlash, shuningdek, gidrometeorologik hodisalar toʻgʻrisidagi maʼlumotlarni tayyorlash va tarqatishda zamonaviy texnologiyalardan keng foydalanish hamda fuqaro aviatsiyasi havo kemalari parvozlarining xavfsizligini meteorologik taʼminlash maqsadida Vazirlar Mahkamasi qaror qiladi:
1. Quyidagilar:
2027-2028-yillarda Oʻzbekiston Respublikasining baland togʻli hududlarida qor qoplamlarini monitoring qilish uchun masofaviy qor oʻlchash nuqtalarini zamonaviy qor oʻlchov uskunalari bilan jihozlash boʻyicha dastur 1-ilovaga muvofiq;
2026 — 2028-yillarda Oʻzbekiston Respublikasi hududidagi aeroportlarning avtomatik aviatsiya meteorologiya stansiyalarini modernizatsiya qilish boʻyicha dastur 2-ilovaga muvofiq;
Oʻzbekiston Respublikasida parvozlar xavfsizligini gidrometeorologik taʼminlash boʻyicha chora-tadbirlar rejasi 3-ilovaga muvofiq tasdiqlansin.
2. Ekologiya va iqlim oʻzgarishi milliy qoʻmitasi huzuridagi Gidrometeorologiya xizmati agentligi (keyingi oʻrinlarda — Oʻzgidromet):
ushbu qarorga 1 va 2-ilovalarga muvofiq qor oʻlchov uskunalari hamda aeroportlarning avtomatik aviatsiya meteorologiya stansiyalarini modernizatsiya qilish uchun zarur jihozlar qonunchilik hujjatlarida belgilangan tartibda xarid qilinishini hamda oʻrnatilishini taʼminlasin;
Raqamli texnologiyalar vazirligi bilan birgalikda qor oʻlchov uskunalaridan olingan maʼlumotlarni telekommunikatsiya tarmoqlari hamda yoʻldosh aloqa kanallari orqali yagona gidrometeorologik maʼlumotlar geoaxborot monitoring tizimiga (keyingi oʻrinlarda — monitoring tizimi) uzatish choralarini koʻrsin;
qor oʻlchov uskunalaridan olingan maʼlumotlarni monitoring tizimiga integratsiya qilish orqali vizuallashtirgan holda, doimiy ravishda oʻzining rasmiy veb-saytida real vaqt rejimida eʼlon qilib borsin;
“Uzbekistan Airports” AJ bilan birgalikda ushbu qarorga 2-ilovaga muvofiq aeroportlarni avtomatik aviatsiya meteorologiya stansiyalari bilan jihozlash, ularga sifatli xizmat koʻrsatish uchun malakali mutaxassislarni jalb qilish hamda ularning malakasini oshirish va stajirovkadan oʻtkazish choralarini koʻrsin;
Transport vazirligi huzuridagi “Oʻzaeronavigatsiya markazi” davlat unitar korxonasi bilan birgalikda aeroportlar hududidagi dispetcherlik markazlari bilan oʻzaro aviatsiya maʼlumotlari almashinuvini toʻliq raqamlashtirish orqali meteorologik maʼlumotlarni uzatishning yagona elektron tarmogʻini ishlab chiqsin va tasdiqlasin;
Jahon meteorologiya tashkiloti (WMO) va Xalqaro fuqaro aviatsiyasi tashkilotining (ICAO) standartlari hamda tavsiyalari asosida aeroportlardagi havo kemalari parvozlarini sifatli meteorologik maʼlumotlar bilan taʼminlasin.
3. Oʻzgidromet ushbu qarorga 1 va 2-ilovalarga muvofiq qor oʻlchov uskunalari hamda aeroportlarning avtomatik aviatsiya meteorologiya stansiyalarini modernizatsiya qilish uchun zarur jihozlarni xarid qilish hamda ular orqali olingan maʼlumotlarni monitoring tizimiga uzatish bilan bogʻliq xarajatlarni kelgusi yillarga moʻljalangan Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida nazarda tutish toʻgʻrisidagi takliflarni belgilangan tartibda Iqtisodiyot va moliya vazirligiga kiritsin.
4. “Uzbekistan Airports” AJga:
Oʻzgidrometning aviameteorologik stansiyalarini xizmat xonalari, aloqa, mebel va uzluksiz elektr energiyasi bilan taʼminlash;
aeroportlarning meteorologik uskunalari va aloqa vositalari belgilangan tartibda zaxira elektr tarmogʻiga ulanishini va sinovdan oʻtkazilishini taʼminlash;
aviameteorologik stansiyalarning xodimlari hamda Oʻzgidrometning maxsus avtotransport vositalari aeroportlar hududlariga kirib-chiqishi uchun belgilangan tartibda ruxsatnomalarni rasmiylashtirish tavsiya etilsin.
5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga hamda Ekologiya va iqlim oʻzgarishi milliy qoʻmitasiga yuklansin.
Vazirlar Mahkamasining 2026-yil 18-maydagi 252-son qaroriga 1-ILOVA
2027-2028-yillarda Oʻzbekiston Respublikasining baland togʻli hududlarida qor qoplamlarini monitoring qilish uchun masofaviy qor oʻlchash nuqtalarini zamonaviy qor oʻlchov uskunalari bilan jihozlash boʻyicha
(mln soʻmda) T/r Hudud nomi Daryo havzasi Masofaviy qor oʻlchash nuqtasining dengiz sathidan balandligi Jami xarid qilinadigan qor oʻlchov uskunalari Shundan 0 — 2000 metrgacha 2001 — 3000 metrgacha 3001 — 4000 metrgacha 2027-yil 2028-yil Universal qor oʻlchov uskunalari jamlanmasi Qor balandligini oʻlchov uskunasi Universal qor oʻlchov uskunalari jamlanmasi Qor balandligini oʻlchov uskunasi soni qiymati soni qiymati soni qiymati soni qiymati soni qiymati 1. Namangan viloyati Chodak daryosi havzasi 9 18 27 3 618,6 2 1 952,1 25 1 666,5 2. Surxondaryo viloyati Toʻpalang daryosi havzasi 7 2 9 3 328,0 3 2 928,1 6 399,9 Sangardak daryosi havzasi 16 1 17 3 861,3 3 2 928,1 14 933,2 3. Toshkent viloyati Oygaing daryosi havzasi 10 6 16 4 704,0 4 3 904,1 12 799,9 Pskom daryosi havzasi 2 15 14 31 8 432,0 7 6 832,2 24 1 599,8 Oqbuloq daryosi havzasi 1 5 6 2 218,7 2 1 952,1 4 266,6 Ohangaron daryosi havzasi 9 9 18 4 837,3 4 3 904,1 14 933,2 Jami 3 71 50 124 30 999,9 16 15 616,5 67 4 466,1 9 8 784,3 32 2 133,0
Vazirlar Mahkamasining 2026-yil 18-maydagi 252-son qaroriga 2-ILOVA
2026 — 2028-yillarda Oʻzbekiston Respublikasi hududidagi aeroportlarning avtomatik aviatsiya meteorologiya stansiyalarini modernizatsiya qilish boʻyicha
(mln soʻmda) T/r Chora-tadbirlar Oʻlchov birligi 2026 — 2028-yillarda shundan uskuna soni umumiy qiymati 2026-yilda 2027-yilda 2028-yilda uskuna soni qiymati uskuna soni qiymati uskuna soni qiymati I. Respublika aeroportlari hududida aviatsiya meteostansiyalarni modernizatsiya qilish, u jumladan: dona 14 204 318 5 87 318 4 52 000 5 65 000 II. Avtomatlashtirilgan aviatsiya meteostansiyasi bilan jihozlash. dona 14 157 318 5 69 818 4 39 000 5 48 500 III. Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 42 000 16 000 11 500 14 500 IV. Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 5 000 1 500 1 500 2 000 1. Qoraqalpogʻiston Respublikasi 1.1 “Nukus xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 13 000 1 13 000 Avtomatlashtirilgan aviatsiya meteostansiyasi bilan jihozlash. dona 1 9 500 1 9 500 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 2. Andijon viloyati 2.1 “Andijon xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 17 318 1 17 318 Avtomatlashtirilgan aviatsiya meteostansiyasi bilan jihozlash. dona 1 13 818 1 13 818 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 3. Buxoro viloyati 3.1 “Yangi Buxoro xalqaro aeroporti” hududida aviatsiya meteostansiyasini modernizatsiya qilish, shu jumladan: dona 2 35 000 2 35 000 Avtomatlashtirilgan aviatsiya meteostansiyasi bilan jihozlash. dona 2 28 000 2 28 000 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 6 500 6 500 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 4. Qashqadaryo viloyati 4.1 “Qarshi xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 13 000 1 13 000 Avtomatlashtirilgan aviatsiya meteostansiyasi bilan jihozlash. dona 1 9 500 1 9 500 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 5. Navoiy viloyati 5.1 “Navoiy xalqaro aeroporti” hududida aviatsiya meteostansiyasini modernizatsiya qilish, u jumladan: dona 2 26 000 2 26 000 Avtomatlashtirilgan aviatsiya meteorologiya stansiyasi bilan jihozlash. dona 2 20 000 2 20 000 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 5 500 5 500 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 6. Namangan viloyati 6.1 “Namangan xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 13 000 1 13 000 Avtomatlashtirilgan aviatsiya meteostansiyasi bilan jihozlash. dona 1 9 500 1 9 500 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 7. Surxondaryo viloyati 7.1 “Termiz xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 13 000 1 13 000 Avtomatlashtirilgan aviatsiya meteostansiyasi bilan jihozlash. dona 1 9 500 1 9 500 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 8. Fargʻona viloyati 8.1 “Fargʻona xalqaro aeroporti” hududida aviatsiya meteostansiyasini modernizatsiya qilish, u jumladan: dona 1 13 000 1 13 000 Avtomatlashtirilgan aviatsiya meteostansiyasi bilan jihozlash. dona 1 9 500 1 9 500 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 3 000 3 000 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 9. Xorazm viloyati 9.1 “Urganch xalqaro aeroporti” hududida aviatsiya meteostansiyasini modernizatsiya qilish, u jumladan: dona 2 35 000 2 35 000 Avtomatlashtirilgan aviatsiya meteostansiyasi bilan jihozlash. dona 2 28 000 2 28 000 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 6 500 6 500 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500 10. Toshkent shahri 10.1 Islom Karimov nomidagi “Toshkent xalqaro aeroporti” hududida aviatsiya meteostansiyasini modernizatsiya qilish, shu jumladan: dona 2 26 000 2 26 000 Asosiy va zaxira avtomatlashtirilgan aviatsiya meteostansiyasi bilan jihozlash. dona 2 20 000 2 20 000 Uchish-qoʻnish yoʻlagi boʻylab avtomatlashtirilgan aviatsiya meteostansiyasini oʻrnatish, tashqi muhandislik-kommunikatsiya tarmoqlari (elektr energiyasi, aloqa, internet, zaxira generatori) bilan taʼminlash. 5 500 5 500 Texnik topshiriq hujjatlarini, shuningdek, loyihaoldi va loyiha-smeta hujjatlarini ishlab chiqish va ekspertizadan oʻtkazish xarajatlari. 500 500
Vazirlar Mahkamasining 2026-yil 18-maydagi 252-son qaroriga 3-ILOVA
Oʻzbekiston Respublikasida parvozlar xavfsizligini gidrometeorologik taʼminlash boʻyicha
T/r Chora-tadbirlar Amalga oshirish mexanizmi Ijro muddati Moliyalashtirish manbalari Masʼul ijrochilar I. Aeroportlardagi meteorologik uskunalarni modernizatsiya qilish 1. Andijon, Buxoro, Qarshi, Navoiy, Namangan, Nukus, Termiz, Urganch, Fargʻona va Toshkent shaharlarida joylashgan aeroportlarda parvozlar xavfsizligini taʼminlash uchun avtomatik meteorologik uskunalarni xarid qilish. 1. Texnik-topshiriq, loyihaoldi va loyiha-smeta hujjatlarini ishlab chiqish hamda ularni ekspertizadan oʻtkazish. 2. Avtomatik meteorologik uskunalar xarid qilish boʻyicha tender tanlovini oʻtkazish. 3. Tender tanlovi gʻolibi bilan belgilangan tartibda shartnoma tuzish. 2026 — 2028-yillar davomida Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ajratilgan mablagʻlar Ekologiya va iqlim oʻzgarishi milliy qoʻmitasi huzuridagi Gidrometeorologiya xizmati agentligi (keyingi oʻrinlarda — Oʻzgidromet) (Sh. Habibullayev) 2. Andijon, Buxoro, Qarshi, Navoiy, Namangan, Nukus, Termiz, Urganch, Fargʻona va Toshkent shaharlarida joylashgan aeroportlarda uskunalarni oʻrnatish va ishga tushirish. 1. Aeroportlar hududida qurilish-montaj ishlarini amalga oshirish uchun belgilangan tartibda ruxsatnomalarni rasmiylashtirish. 2. Aeroportlarning uchish-qoʻnish yoʻlagi boʻylab avtomatik meteorologik uskunalar joylashtirish uchun tashqi muhandislik-kommunikatsiya tarmoqlari, qurilish-montaj ishlarini amalga oshirish (poydevor ishlari, aloqa, internet va elektr taʼminoti liniyalari, zaxira generatori bilan taʼminlash). 3. Avtomatik meteorologik uskunalarni aeroportlarning uchish-qoʻnish yoʻlagi boʻylab oʻrnatish. 4. Oʻrnatilgan avtomatik meteorologik uskunalarni dastlabki qiyoslashdan oʻtkazish. 5. Aeroportlarda avtomatik meteorologik uskunalarga xizmat koʻrsatuvchi mutaxassislarning malakasini oshirish va stajirovkadan oʻtkazish. 2026 — 2028-yillar davomida Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ajratilgan mablagʻlar hamda Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev), “Uzbekistan Airports” AJ (J. Umarxodjayev) II. Aviatsiyani meteorologik maʼlumotlar bilan taʼminlash yoʻnalishida xalqaro hamkorlik qilish 3. Aviatsiyani meteorologik maʼlumotlar bilan taʼminlash yoʻnalishida xalqaro-huquqiy hujjatlar qoidalari va talablarini milliy miqyosda amalga oshirish boʻyicha Jahon meteorologiya tashkiloti (WMO) va Xalqaro fuqaro aviatsiyasi tashkiloti (ICAO) bilan hamkorlikni yanada kengaytirish. 1. Jahon meteorologiya tashkiloti (WMO) va Xalqaro fuqaro aviatsiyasi tashkiloti (ICAO) tomonidan tashkil etilgan xalqaro seminarlar, konferensiyalar, treninglar, oʻquv kurslarida mutaxassislar ishtirokini taʼminlash. 2. Parvozlar xavfsizligini taʼminlash maqsadida davlatlararo ob-havo oʻzgarishlari rivojlanishi boʻyicha Tojikiston, Turkmaniston va Qirgʻiz respublikalarining aviatsiya sohasidagi vakolatli organlari bilan oʻzaro maʼlumot almashish huquqini beruvchi “Parvoz darajasidagi xavfli ob-havo sharoitlari haqida” (SIGMET) bitim imzolash. 3. Jahon meteorologiya tashkiloti (WMO) va Xalqaro fuqaro aviatsiyasi tashkiloti (ICAO) tomonidan qabul qilinayotgan xalqaro-huquqiy hujjatlardagi oʻzgarishlarni implementatsiya qilgan holda amaliyotda joriy etish. 2026 — 2028-yillar davomida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) 4. Past balandlikda parvozlarni amalga oshiruvchi havo kemalarini xalqaro standartlar talablariga muvofiq meteorologik qoʻllab-quvvatlash. 1. Past balandlikda parvozlarni amalga oshiruvchi havo kemalarini meteorologik qoʻllab-quvvatlash maqsadida aviameteorologik stansiyalarning muhandis-sinoptiklari uchun oʻquv-qoʻllanma materiallarini ishlab chiqish. 2. Muhandis-sinoptiklar uchun “GAMET” mintaqaviy prognozlari va “AIRMET” maʼlumotlari tuzish hamda havo kemalari ekipajiga yetkazish boʻyicha oʻquv mashgʻulotlarini tashkil etish. 2026 — 2028-yillar davomida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) III. Aviameteorologik stansiyalar xodimlarining malakasini oshirish va stansiyalar faoliyatini baholash 5. Aviameteorologik stansiyalarda faoliyat koʻrsatayotgan muhandis-sinoptik va texnik-meteorologlarning malakasini oshirish. 1. Aviameteorologik stansiyalar kesimida malakasi oshiriladigan xodimlar roʻyxatini shakllantirish. 2. Oʻzgidromet huzuridagi Gidrometeorologiya texnikumida malaka oshirish kurslarini tashkil etish. 2026 — 2028-yillar davomida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) 6. Sifat menejmenti tizimi joriy etilgan Andijon, Buxoro, Qarshi, Navoiy, Namangan, Nukus, Samarqand, Termiz, Urganch, Fargʻona va Toshkent aviameteorologik stansiyalar rahbarlarining ISO: 9001 xalqaro standarti boʻyicha malakasini oshirish. 1. ISO: 9001 talablariga muvofiq sifat menejmenti tizimi sohasida faoliyat koʻrsatayotgan tashkilotlar oʻrtasida marketing tadqiqotlarini oʻtkazish. 2. Tadqiqot natijalari asosida davlat xaridlarining elektron platformasiga eʼlon joylashtirish, gʻolib tashkilotni aniqlash va shartnoma tuzish. 3. Aviameteorologik stansiyalar rahbarlarining ISO: 9001 xalqaro standarti boʻyicha malakasini oshirish. 4. Malaka oshirish kurslari yakuni boʻyicha sertifikatlar berish. 2026 — 2028-yillar davomida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) 7. Aviameteorologik stansiyalar faoliyati hamda koʻrsatilayotgan xizmatlar sifatini uslubiy tekshiruvdan oʻtkazish. 1. Oʻzgidrometning Aviatsiyani meteorologik taʼminlash boshqarmasi xodimlari tomonidan uslubiy tekshiruvlar oʻtkazilishini taʼminlash. 2. Uslubiy tekshiruvlar yakuni boʻyicha hisobot va koʻrsatmalar ishlab chiqish. Reja-grafik asosida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) 8. Aviameteorologik stansiyalarning faoliyatini ichki auditdan oʻtkazish. 1. Auditorlik sertifikatiga ega xodimlar tomonidan aviameteorologik stansiyalarni ichki auditdan oʻtkazish. 2. Ichki audit yakuni boʻyicha hisobot va koʻrsatmalar ishlab chiqish. Reja-grafik asosida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev) 9. Aviatsiyani meteorologik taʼminlash tizimini tashqi auditdan oʻtkazish. 1. ISO: 9001 talablariga muvofiq sifat menejmenti tizimi sohasida faoliyat koʻrsatayotgan tashkilotlar oʻrtasida marketing tadqiqotlarini oʻtkazish. 2. Tadqiqot natijalari boʻyicha davlat xaridlarining elektron platformasiga eʼlon joylashtirish, gʻolib tashkilotni aniqlash va shartnoma tuzish. 3. Oʻzgidrometning Aviatsiyani meteorologik taʼminlash boshqarmasi hamda aviameteorologik stansiyalarni tashqi auditdan oʻtkazish. 4. Tashqi audit yakuni boʻyicha sertifikatlar berish. Reja-grafik asosida Oʻzgidrometning budjet va budjetdan tashqari mablagʻlari Oʻzgidromet (Sh. Habibullayev)
Oʻzbekiston Respublikasining Bosh vaziri A. ARIPOV
Toshkent sh.,
2026-yil 18-may,
252 -son