UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ *

Ўзбекистон Республикаси ҳудудига импорт қилишда божхона божидан озод этиладиган ўхшаши республикада ишлаб чиқарилмайдиган ҳамда заргарлик саноатида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари рўйхатини тасдиқлаш тўғрисида

Заргарлик саноатини янада ривожлантириш, заргарлик буюмлари ишлаб чиқариш ва сотиш фаолиятини давлат томонидан қўллаб-қувватлаш, шунингдек, Ўзбекистон Республикаси Президентининг «Заргарлик буюмларини ишлаб чиқариш соҳасини қўллаб-қувватлаш бўйича қўшимча чора-тадбирлар тўғрисида» 2025 йил 26 июндаги ПҚ-207-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Заргарлик буюмларини ишлаб чиқариш соҳасини қўллаб-қувватлаш бўйича қўшимча чора-тадбирлар тўғрисида» 2025 йил 26 июндаги ПҚ-207-сон қарорига мувофиқ белгиланган тартибда шакллантириладиган рўйхатлар бўйича олиб кириладиган ва Ўзбекистон Республикасида ишлаб чиқарилмайдиган ҳамда заргарлик саноатида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари 2028 йил 1 июлга қадар божхона божидан озод этилгани маълумот учун қабул қилинсин.

2. Ўзбекистон Республикаси ҳудудига импорт қилишда божхона божидан озод этиладиган ўхшаши республикада ишлаб чиқарилмайдиган ҳамда заргарлик саноатида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари рўйхати иловага мувофиқ тасдиқлансин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2026 йил 18 майдаги 251-сон қарорига ИЛОВА

Ўзбекистон Республикаси ҳудудига импорт қилишда божхона божидан озод этиладиган ўхшаши республикада ишлаб чиқарилмайдиган ҳамда заргарлик саноатида фойдаланиладиган асбоб-ускуналар, эҳтиёт қисмлар, бутловчи буюмлар ва сарфлов воситалари

Т/р ТИФ ТН коди ТИФ ТН бўйича номи 1. 1515191000 Заргарлик буюмларини ишлаб чиқариш ускуналарида ишлатиладиган зиғир мойи 2. 2520200000 Қайнатиладиган моделларга қуйиш учун кукун (қуйиш гипси боғловчилари) 3. 2710199800 Заргарлик буюмларини ишлаб чиқариш ускуналарида ишлатиладиган вакуум мойи (таркиби битумли жинслардан олинган 70 фоиз ҳажм ёки ундан юқори бўлган нефть ва нефть маҳсулотлари) 4. 3403990000 Заргарлик буюмларини ишлаб чиқариш ускуналарида ишлатиладиган вакуум мойи (таркибида асосий компонентлар сифатида 70 мас. фоиздан кўп бўлмаган воситалар ёки битумсимон жинслардан олинган нефть ва нефть маҳсулотлари) 5. 3404900001, 3404900009 Заргарлик буюмлари моделини қуйиш учун мўлжалланган мум 6. 3405901090 Олтин заргарлик буюмларини силлиқлаш воситалари (силлиқлаш пастаси) 7. 3506100000 Рангли заргарлик елими (A Glue) 8. 3506910009 АБ елим (AB Glue) / Шаффоф заргарлик елими (A Glue) 9. 3926909709 Ишлаб чиқариш жараёнида олтин йўқотилишининг олдини олиш учун мўлжалланган пластик пол панжаралари 10. 4008219000 Қолип учун мўлжалланган резина таглик д100, д120, д130 ўлчамли 11. 5806390000 Заргарлик буюмларини ишлаб чиқаришда фойдаланиладиган бошқа материаллардан тайёрланган ҳимоя тасма ва мато (иш вақтида қўлларни ҳимоя қилиш учун мўлжалланган) 12. 5903109009 Тўқима асосидаги ПВХ қопламали сунъий тери 13. 5911901000 Кигизли (вайлок) силлиқлаш ғилдираги 14. 5911909009 Техник мақсадли тўқимачилик маҳсулотлари, силлиқлаш ускунаси учун фильтрлар 15. 6116102000 Резина шимдирилган ёки қопланган қўлқоплар 16. 6804221200 Юқори частотали чиннидан силлиқлаш тоши, боғловчи моддаси синтетик смоладан бўлган 17. 6804223000 Юқори частотали чиннидан силлиқлаш тоши, боғловчи моддаси керамика материалларидан бўлган 18. 6804225000 Металлни силлиқлаш учун силлиқлаш ғилдираклари 19. 6805200000 Шлифовка қоғози (заргарлик буюмларини ишлаб чиқаришда фойдаланиладиган) 20. 6815120000, 6815130000 Углерод толаларидан полотнолар, углерод толаларидан ясалган буюмлар 21. 6815190000 Графит таёқча 22. 6903100000 Қуйиш аппаратининг пастки қисмини изоляция қилиш учун таркибида 50 мас. фоиздан ортиқ эркин углерод мавжуд бўлган тигеллар 23. 6903901000, 6903909000 Заргарлик буюмларини ишлаб чиқаришда фойдаланиладиган тигель остига қўйиладиган термоқистирма, графит тигель, графит шток 24. 6914100000 Заргарлик буюмларини ишлаб чиқаришда фойдаланиладиган керамикадан ясалган чинни буюмлар (чинни стакан, чинни тигель, томчилаткич) 25. 7017900000 Заргарлик буюмларини ишлаб чиқаришда фойдаланиладиган тешикли колба 26. 7326909807 Виброгалтовка барабан ва ускуналари учун шариклар (диаметри 0,2-3 мм) 27. 7419800000 Резина шаклларини ишлаб чиқаришда фойдаланиладиган мисдан ясалган асосий қолип 28. 8207506000 Металлни қайта ишлаш учун металлга мўлжалланган бурғи 29. 8454200000 Заргарлик буюмлари учун ишлатиладиган қолиплар ва қуюв чўмичлари 30. 8480600000 Мум моделлари олиш учун мўлжалланган резина қолиплар 31. 8515110000 Заргарлик буюмларини пайвандлаш учун пайвандлагич

Ўзбекистон Республикасининг Бош вазири А. АРИПОВ

Тошкент ш.,

2026 йил 18 май,

251-сон

(Қонунчилик маълумотлари миллий базаси, 18.05.2026 й., 09/26/251/0495-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI *

Oʻzbekiston Respublikasi hududiga import qilishda bojxona bojidan ozod etiladigan oʻxshashi respublikada ishlab chiqarilmaydigan hamda zargarlik sanoatida foydalaniladigan asbob-uskunalar, ehtiyot qismlar, butlovchi buyumlar va sarflov vositalari roʻyxatini tasdiqlash toʻgʻrisida

Zargarlik sanoatini yanada rivojlantirish, zargarlik buyumlari ishlab chiqarish va sotish faoliyatini davlat tomonidan qoʻllab-quvvatlash, shuningdek, Oʻzbekiston Respublikasi Prezidentining “Zargarlik buyumlarini ishlab chiqarish sohasini qoʻllab-quvvatlash boʻyicha qoʻshimcha chora-tadbirlar toʻgʻrisida” 2025-yil 26-iyundagi PQ-207-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Zargarlik buyumlarini ishlab chiqarish sohasini qoʻllab-quvvatlash boʻyicha qoʻshimcha chora-tadbirlar toʻgʻrisida” 2025-yil 26-iyundagi PQ-207-son qaroriga muvofiq belgilangan tartibda shakllantiriladigan roʻyxatlar boʻyicha olib kiriladigan va Oʻzbekiston Respublikasida ishlab chiqarilmaydigan hamda zargarlik sanoatida foydalaniladigan asbob-uskunalar, ehtiyot qismlar, butlovchi buyumlar va sarflov vositalari 2028-yil 1-iyulga qadar bojxona bojidan ozod etilgani maʼlumot uchun qabul qilinsin.

2. Oʻzbekiston Respublikasi hududiga import qilishda bojxona bojidan ozod etiladigan oʻxshashi respublikada ishlab chiqarilmaydigan hamda zargarlik sanoatida foydalaniladigan asbob-uskunalar, ehtiyot qismlar, butlovchi buyumlar va sarflov vositalari roʻyxati ilovaga muvofiq tasdiqlansin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2026-yil 18-maydagi 251-son qaroriga ILOVA

Oʻzbekiston Respublikasi hududiga import qilishda bojxona bojidan ozod etiladigan oʻxshashi respublikada ishlab chiqarilmaydigan hamda zargarlik sanoatida foydalaniladigan asbob-uskunalar, ehtiyot qismlar, butlovchi buyumlar va sarflov vositalari

T/r TIF TN kodi TIF TN boʻyicha nomi 1. 1515191000 Zargarlik buyumlarini ishlab chiqarish uskunalarida ishlatiladigan zigʻir moyi 2. 2520200000 Qaynatiladigan modellarga quyish uchun kukun (quyish gipsi bogʻlovchilari) 3. 2710199800 Zargarlik buyumlarini ishlab chiqarish uskunalarida ishlatiladigan vakuum moyi (tarkibi bitumli jinslardan olingan 70 foiz hajm yoki undan yuqori boʻlgan neft va neft mahsulotlari) 4. 3403990000 Zargarlik buyumlarini ishlab chiqarish uskunalarida ishlatiladigan vakuum moyi (tarkibida asosiy komponentlar sifatida 70 mas. foizdan koʻp boʻlmagan vositalar yoki bitumsimon jinslardan olingan neft va neft mahsulotlari) 5. 3404900001, 3404900009 Zargarlik buyumlari modelini quyish uchun moʻljallangan mum 6. 3405901090 Oltin zargarlik buyumlarini silliqlash vositalari (silliqlash pastasi) 7. 3506100000 Rangli zargarlik yelimi (A Glue) 8. 3506910009 AB yelim (AB Glue) / Shaffof zargarlik yelimi (A Glue) 9. 3926909709 Ishlab chiqarish jarayonida oltin yoʻqotilishining oldini olish uchun moʻljallangan plastik pol panjaralari 10. 4008219000 Qolip uchun moʻljallangan rezina taglik d100, d120, d130 oʻlchamli 11. 5806390000 Zargarlik buyumlarini ishlab chiqarishda foydalaniladigan boshqa materiallardan tayyorlangan himoya tasma va mato (ish vaqtida qoʻllarni himoya qilish uchun moʻljallangan) 12. 5903109009 Toʻqima asosidagi PVX qoplamali sunʼiy teri 13. 5911901000 Kigizli (vaylok) silliqlash gʻildiragi 14. 5911909009 Texnik maqsadli toʻqimachilik mahsulotlari, silliqlash uskunasi uchun filtrlar 15. 6116102000 Rezina shimdirilgan yoki qoplangan qoʻlqoplar 16. 6804221200 Yuqori chastotali chinnidan silliqlash toshi, bogʻlovchi moddasi sintetik smoladan boʻlgan 17. 6804223000 Yuqori chastotali chinnidan silliqlash toshi, bogʻlovchi moddasi keramika materiallaridan boʻlgan 18. 6804225000 Metallni silliqlash uchun silliqlash gʻildiraklari 19. 6805200000 Shlifovka qogʻozi (zargarlik buyumlarini ishlab chiqarishda foydalaniladigan) 20. 6815120000, 6815130000 Uglerod tolalaridan polotnolar, uglerod tolalaridan yasalgan buyumlar 21. 6815190000 Grafit tayoqcha 22. 6903100000 Quyish apparatining pastki qismini izolyatsiya qilish uchun tarkibida 50 mas. foizdan ortiq erkin uglerod mavjud boʻlgan tigellar 23. 6903901000, 6903909000 Zargarlik buyumlarini ishlab chiqarishda foydalaniladigan tigel ostiga qoʻyiladigan termoqistirma, grafit tigel, grafit shtok 24. 6914100000 Zargarlik buyumlarini ishlab chiqarishda foydalaniladigan keramikadan yasalgan chinni buyumlar (chinni stakan, chinni tigel, tomchilatkich) 25. 7017900000 Zargarlik buyumlarini ishlab chiqarishda foydalaniladigan teshikli kolba 26. 7326909807 Vibrogaltovka baraban va uskunalari uchun shariklar (diametri 0,2-3 mm) 27. 7419800000 Rezina shakllarini ishlab chiqarishda foydalaniladigan misdan yasalgan asosiy qolip 28. 8207506000 Metallni qayta ishlash uchun metallga moʻljallangan burgʻi 29. 8454200000 Zargarlik buyumlari uchun ishlatiladigan qoliplar va quyuv choʻmichlari 30. 8480600000 Mum modellari olish uchun moʻljallangan rezina qoliplar 31. 8515110000 Zargarlik buyumlarini payvandlash uchun payvandlagich

Oʻzbekiston Respublikasining Bosh vaziri A. ARIPOV

Toshkent sh.,

2026-yil 18-may,

251-son

(Qonunchilik maʼlumotlari milliy bazasi, 18.05.2026-y., 09/26/251/0495-son)

lex.uz