UzbekAI

Ўзбекистон Республикаси Вазирлар Маҳкамасининг

қарори

Вазирлар Маҳкамасининг «Сув ва салқин ичимликларни мажбурий рақамли маркировкалаш тизимини жорий этиш тўғрисида» 2022 йил 1 ноябрдаги 631-сон қарорига ўзгартириш киритиш ҳақида

Газланган ва газланмаган сувлар ҳамда ичимликларни мажбурий рақамли маркировкалаш механизмларини босқичма-босқич жорий этиш учун зарур техник имкониятлар тўлиқ яратилишини таъминлаш мақсадида Вазирлар Маҳкамаси қарор қилади:

1. Вазирлар Маҳкамасининг 2022 йил 1 ноябрдаги 631-сон қарори билан тасдиқланган Сув ва салқин ичимликларни ишлаб чиқарувчи ташкилотлар томонидан мажбурий рақамли маркировкалаш тизимини босқичма-босқич жорий қилиш графиги 4.4 ва 5.2-позицияларидаги «2026 йил» сўзлари «2027 йил» сўзлари билан алмаштирилсин.

2. Солиқ қўмитаси:

Рақамли маркировкалаш ва кузатиш миллий ахборот тизими оператори билан биргаликда сув ва салқин ичимликларни ишлаб чиқарувчи, улгуржи ва чакана реализация қилувчи тадбиркорлик субъектлари ўртасида, шунингдек, оммавий ахборот воситалари орқали мажбурий рақамли маркировкалаш механизмларининг амалда қўлланиши юзасидан кенг қамровли тушунтириш ишларини амалга оширсин;

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Ўзбекистон Республикаси Бош вазири А. АРИПОВ

Тошкент ш.,

2026 йил 19 май,

258 -сон

(Қонунчилик маълумотлари миллий базаси, 20.05.2026 й., 09/26/258/0511-сон)

lex.uz

Oʻzbekiston Respublikasi Vazirlar Mahkamasining

qarori

Vazirlar Mahkamasining “Suv va salqin ichimliklarni majburiy raqamli markirovkalash tizimini joriy etish toʻgʻrisida” 2022-yil 1-noyabrdagi 631-son qaroriga oʻzgartirish kiritish haqida

Gazlangan va gazlanmagan suvlar hamda ichimliklarni majburiy raqamli markirovkalash mexanizmlarini bosqichma-bosqich joriy etish uchun zarur texnik imkoniyatlar toʻliq yaratilishini taʼminlash maqsadida Vazirlar Mahkamasi qaror qiladi:

1. Vazirlar Mahkamasining 2022-yil 1-noyabrdagi 631-son qarori bilan tasdiqlangan Suv va salqin ichimliklarni ishlab chiqaruvchi tashkilotlar tomonidan majburiy raqamli markirovkalash tizimini bosqichma-bosqich joriy qilish grafigi 4.4 va 5.2-pozitsiyalaridagi “2026-yil” soʻzlari “2027-yil” soʻzlari bilan almashtirilsin.

2. Soliq qoʻmitasi:

Raqamli markirovkalash va kuzatish milliy axborot tizimi operatori bilan birgalikda suv va salqin ichimliklarni ishlab chiqaruvchi, ulgurji va chakana realizatsiya qiluvchi tadbirkorlik subyektlari oʻrtasida, shuningdek, ommaviy axborot vositalari orqali majburiy raqamli markirovkalash mexanizmlarining amalda qoʻllanishi yuzasidan keng qamrovli tushuntirish ishlarini amalga oshirsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasi Bosh vaziri A. ARIPOV

Toshkent sh.,

2026-yil 19-may,

258 -son

(Qonunchilik maʼlumotlari milliy bazasi, 20.05.2026-y., 09/26/258/0511-son)

lex.uz