📅 2026-yil 27-aprel · Vazirlik va idoralar hujjatlari · Transport vazirligi huzuridagi Fuqaro aviatsiyasi agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 27 апрель · Вазирлик ва идоралар ҳужжатлари · Транспорт вазирлиги ҳузуридаги Фуқаро авиацияси агентлиги директори
Расмий матн. Расмий ҳужжат. Таҳририй изоҳлар киритилмаган.
📅 27 апреля 2026 г. · Документы министерств и ведомств · Директор Агентства гражданской авиации при министерстве транспорта
Официальный текст. Официальный документ. Редакционные примечания не включены.
📅 27 April 2026 · Ministry and agency documents · Transport vazirligi huzuridagi Fuqaro aviatsiyasi agentligi direktori
Official text. Official document. Editorial notes are not included.
Ўзбекистон Республикаси Транспорт вазирлиги ҳузуридаги Фуқаро авиацияси агентлиги директорининг
буйруғи
«Ўзбекистон Республикаси фуқаро ва экспериментал авиацияси аэродромларини сертификатлаш қоидалари»га (ЎзР АҚ-160) ўзгартириш ва қўшимчалар киритиш тўғрисида
Ўзбекистон Республикасининг Ҳаво кодексига мувофиқ буюраман:
1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2007 йил 10 сентябрдаги 138-сон буйруғи (рўйхат рақами 1734, 2007 йил 29 октябрь) (Ўзбекистон Республикаси қонун ҳужжатлари тўплами, 2007 й., 44-сон, 448-модда) билан тасдиқланган «Ўзбекистон Республикаси фуқаро ва экспериментал авиацияси аэродромларини сертификатлаш қоидалари »га (ЎзР АҚ-160) иловага мувофиқ ўзгартириш ва қўшимчалар киритилсин.
2. Мазкур буйруқ Ўзбекистон Республикаси Транспорт вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ва Савдо-саноат палатаси билан келишилган.
3. Мазкур буйруқ расмий эълон қилинган кундан эътиборан уч ойдан кейин кучга киради.
Келишилди:
Ўзбекистон Республикаси Транспорт вазирлиги ҳузуридаги Фуқаро авиацияси агентлиги директорининг 2026 йил 27 апрелдаги 2-н-сон буйруғига ИЛОВА
«Ўзбекистон Республикаси фуқаро ва экспериментал авиацияси аэродромларини сертификатлаш қоидалари»га (ЎзР АҚ-160) киритилаётган ўзгартириш ва қўшимчалар
1. 5-банд қуйидаги таҳрирда баён этилсин:
«5. Фуқаро ва экспериментал авиация ҳаво кемалари парвозлари хавфсизлигини таъминлаш бўйича Ўзбекистон Республикасининг авиация қоидаларида назарда тутилган талаблар мазкур Қоидалар мақсадлари учун сертификатлаш талаблари ҳисобланади ҳамда мазкур талаблар «Ўзавиация» агентлигининг расмий сайтига жойлаштириб борилади.».
2. 22-банднинг иккинчи хатбошиси қуйидаги таҳрирда баён этилсин:
«Бунда, ариза берувчи мазкур Қоидаларнинг 4-иловасида келтирилган шакл бўйича парвоз хавфсизлигининг мос равишдаги даражасини таъминлаши ҳақидаги хулосасини тайёрлайди, шунингдек парвозлар хавфсизлигини таъминлаш мақсадида хавфлар таҳлилини ишлаб чиқади ва «Ўзавиация» агентлиги билан келишилган холда тасдиқлайди.».
3. Қуйидаги мазмундаги 32 1 -банд билан тўлдирилсин:
«32 1 . Асословчи ҳужжатларнинг экспертизаси ва сертификатлаш текшируви натижалари бўйича камчиликлар аниқланганда, камчиликлар тоифаланган холда қуйидагича белгиланади:
биринчи тоифа — сертификатнинг муддатини узайтиришга (беришга) тўсқинлик қиладиган ҳамда аэродром эксплуатанти томонидан комплекс хулосани расмийлаштиришдан олдин бартараф қилиниши мажбурий бўлган парвозлар хавфсизлигига бевосита салбий таъсир кўрсатувчи камчилик;
иккинчи тоифа — сертификат муддатини узайтиришга (беришга) тўсқинлик қилмайдиган, шунингдек аэродром эксплуатанти томонидан ишлаб чиқилган ҳамда «Ўзавиация» агентлиги билан келишилган тегишли чора-тадбирларга мувофиқ бажарилиши мажбурий бўлган камчилик.
Бунда, сертификатлаш текшируви натижасида биринчи тоифа камчиликлар аниқланган тақдирда, «Ўзавиация» агентлиги аэродромга сертификат бериш ёки унинг амал қилиш муддатини узайтиришни рад этиш тўғрисида қарор қабул қилади, иккинчи тоифа камчиликлар аниқланган тақдирда эса, сертификат бериш ёки унинг амал қилиш муддатини узайтириш тўғрисида қарор қабул қилиниб, камчиликлар «Ўзавиация» агентлиги билан келишилган тегишли чора-тадбирларда белгиланган муддатларда бартараф этилиши лозим бўлади.».
4. 58-банднинг «е» кичик бандидаги «ўзгаришлар» деган сўз «ўзгартириш ва қўшимчалар» деган сўзлар билан алмаштирилсин.
5. 1-илованинг матнидаги «Аэродром класси» деган сўзлар «Аэродром код белгиси» деган сўзлар билан алмаштирилсин.
6. 2-иловада :
1) 4-банддаги «ўзгартириш» деган сўз «ўзгартириш ва қўшимчалар» деган сўзлар билан алмаштирилсин;
2) қуйидаги мазмундаги 6-банд билан тўлдирилсин:
«6. Аэродром эксплуатанти томонидан ишлаб чиқилган ва «Ўзавиация» агентлиги билан келишилган ўқув дастурлари асосида аэродром эксплуатацияси ва парвозлар хавфсизлигига жалб этилган мутахассисларнинг малакаси ошириб борилишини таъминлаш.».
7. 3-иловада :
1) 1-қисмда :
«а» кичик банднинг учинчи ва тўртинчи хатбошиларидаги «ўқув юрти» деган сўзлар «таълим ташкилоти» деган сўзлар билан алмаштирилсин;
«е» кичик банд қуйидаги таҳрирда баён этилсин:
«е) учиш-қўниш йўлаги, ҳаракатланиш йўлаги ва тўхтаб туриш жойларидаги сунъий қопламаларнинг мустаҳкамлиги ва текислиги тўғрисидаги илмий ташкилотларининг хулосаси (беш йилда камида бир маротаба олинади).»;
«ж» кичик банддаги «аэродром класси» деган сўзлар «аэродром код белгиси» деган сўзлар билан алмаштирилсин;
қуйидаги мазмундаги «л» кичик банд билан тўлдирилсин:
«л) аэродром назорат нуқтасидан 46 км радиусда жойлашган баланд тўсиқларни ҳисоблаш (суратга олиш) бўйича геодезия ташкилотининг ҳисоботи. Бунда, ушбу ҳисоботлар беш йилда камида бир маротаба амалга оширилади.»;
2) 2-қисмнинг «а» кичик бандида :
иккинчи хатбошидаги «шарифи» деган сўз «отасининг исми» деган сўзлар билан алмаштирилсин;
учинчи хатбошидаги «ўқув юрти, диплом №, тугалланган вақти, малакаси» деган сўзлар «таълим ташкилоти, диплом маълумотлари, малакаси» деган сўзлар билан алмаштирилсин;
3) 3-қисмнинг «а» кичик бандида :
иккинчи хатбошидаги «шарифи» деган сўз «отасининг исми» деган сўзлар билан алмаштирилсин;
учинчи хатбошидаги «ўқув юрти, диплом №, тугалланган вақти, малакаси» деган сўзлар «таълим ташкилоти, диплом маълумотлари, малакаси» деган сўзлар билан алмаштирилсин;
4) 4-қисмда :
«б» кичик банд қуйидаги таҳрирда баён этилсин:
«б) Штатлар жадвали ва ходимлар бўйича маълумотлар:
фамилияси, исми, отасининг исми, эгаллаган лавозими;
маълумоти (таълим ташкилоти, диплом маълумотлари, малакаси);
тайёргарлиги (малака ошириш ўқув курслари);»;
қуйидаги мазмундаги «з» кичик банд билан тўлдирилсин:
«з) Сертификатлашлар оралиғидаги давр мобайнида метеорологик асбоб-ускуналарнинг ишдан чиққанлиги тўғрисидаги маълумотнома.»;
5) қуйидаги мазмундаги 6-қисм билан тўлдирилсин:
«6-қисм. Парвозларга хизмат кўрсатувчи махсус транспорт воситалари билан таъминлаш
а) Махсус транспорт хизмати ходимлари тўғрисида қуйидаги маълумотлар (лавозимидан келиб чиқиб):
фамилияси, исми, отасининг исми, эгаллаган лавозими;
маълумоти (таълим ташкилоти, диплом маълумотлари, малакаси);
малака оширганлиги (сана, таълим ташкилоти);
б) Махсус транспорт хизмати тўғрисидаги низом;
в) Махсус транспорт хизмати ташкилий тузилмаси;
г) Махсус транспорт хизматидаги мавжуд техникалар рўйхати;
д) Махсус транспорт хизматида аэродром элементларида (учиш-қўниш йўлаги, ҳаракатланиш йўлаги ва перрон) ҳаракат қиладиган ва ҳаво кемасига хизмат кўрсатадиган махсус транспорт воситалари милтилловчи чироқлар ва радиоалоқа воситаси билан таъминланганлиги тўғрисида далолатнома;
е) Аэродром эксплуатантлари томонидан аэродромнинг қабул қилиш ва ўтказувчанлик қобилиятидан келиб чиқиб махсус техникаларнинг зарурий миқдори тўғрисидаги маълумотнома.
Бунда, маҳаллий парвозларга мўлжалланган аэродромларга зарурий махсус техника воситаларини жалб қилиш бошқа маҳаллий ташкилотлардан шартнома асосида амалга оширилиши мумкин.».
Директор ўринбосари О. ЛИМ
Тадбиркорларнинг ҳуқуқларини ҳимоя қилиш бўйича вакил А. БУРИЕВ
Транспорт вазири И. МАХКАМОВ
Савдо-саноат палатаси раиси Д. ВАХАБОВ
Тошкент ш.,
2026 йил 27 апрель,
2026 йил 22 апрель
2026 йил 15 апрель
2026 йил 13 апрель
2-н-сон
Oʻzbekiston Respublikasi Transport vazirligi huzuridagi Fuqaro aviatsiyasi agentligi direktorining
buyrugʻi
“Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari”ga (OʻzR AQ-160) oʻzgartirish va qoʻshimchalar kiritish toʻgʻrisida
Oʻzbekiston Respublikasining Havo kodeksiga muvofiq buyuraman:
1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 10-sentabrdagi 138-son buyrugʻi (roʻyxat raqami 1734, 2007-yil 29-oktabr) (Oʻzbekiston Respublikasi qonun hujjatlari toʻplami, 2007-y., 44-son, 448-modda) bilan tasdiqlangan “Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari ”ga (OʻzR AQ-160) ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Transport vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil va Savdo-sanoat palatasi bilan kelishilgan.
3. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.
Kelishildi:
Oʻzbekiston Respublikasi Transport vazirligi huzuridagi Fuqaro aviatsiyasi agentligi direktorining 2026-yil 27-apreldagi 2-n-son buyrugʻiga ILOVA
“Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari”ga (OʻzR AQ-160) kiritilayotgan oʻzgartirish va qoʻshimchalar
1. 5-band quyidagi tahrirda bayon etilsin:
“5. Fuqaro va eksperimental aviatsiya havo kemalari parvozlari xavfsizligini taʼminlash boʻyicha Oʻzbekiston Respublikasining aviatsiya qoidalarida nazarda tutilgan talablar mazkur Qoidalar maqsadlari uchun sertifikatlash talablari hisoblanadi hamda mazkur talablar “Oʻzaviatsiya” agentligining rasmiy saytiga joylashtirib boriladi.”.
2. 22-bandning ikkinchi xatboshisi quyidagi tahrirda bayon etilsin:
“Bunda, ariza beruvchi mazkur Qoidalarning 4-ilovasida keltirilgan shakl boʻyicha parvoz xavfsizligining mos ravishdagi darajasini taʼminlashi haqidagi xulosasini tayyorlaydi, shuningdek parvozlar xavfsizligini taʼminlash maqsadida xavflar tahlilini ishlab chiqadi va “Oʻzaviatsiya” agentligi bilan kelishilgan xolda tasdiqlaydi.”.
3. Quyidagi mazmundagi 32 1 -band bilan toʻldirilsin:
“32 1 . Asoslovchi hujjatlarning ekspertizasi va sertifikatlash tekshiruvi natijalari boʻyicha kamchiliklar aniqlanganda, kamchiliklar toifalangan xolda quyidagicha belgilanadi:
birinchi toifa — sertifikatning muddatini uzaytirishga (berishga) toʻsqinlik qiladigan hamda aerodrom ekspluatanti tomonidan kompleks xulosani rasmiylashtirishdan oldin bartaraf qilinishi majburiy boʻlgan parvozlar xavfsizligiga bevosita salbiy taʼsir koʻrsatuvchi kamchilik;
ikkinchi toifa — sertifikat muddatini uzaytirishga (berishga) toʻsqinlik qilmaydigan, shuningdek aerodrom ekspluatanti tomonidan ishlab chiqilgan hamda “Oʻzaviatsiya” agentligi bilan kelishilgan tegishli chora-tadbirlarga muvofiq bajarilishi majburiy boʻlgan kamchilik.
Bunda, sertifikatlash tekshiruvi natijasida birinchi toifa kamchiliklar aniqlangan taqdirda, “Oʻzaviatsiya” agentligi aerodromga sertifikat berish yoki uning amal qilish muddatini uzaytirishni rad etish toʻgʻrisida qaror qabul qiladi, ikkinchi toifa kamchiliklar aniqlangan taqdirda esa, sertifikat berish yoki uning amal qilish muddatini uzaytirish toʻgʻrisida qaror qabul qilinib, kamchiliklar “Oʻzaviatsiya” agentligi bilan kelishilgan tegishli chora-tadbirlarda belgilangan muddatlarda bartaraf etilishi lozim boʻladi.”.
4. 58-bandning “e” kichik bandidagi “oʻzgarishlar” degan soʻz “oʻzgartirish va qoʻshimchalar” degan soʻzlar bilan almashtirilsin.
5. 1-ilovaning matnidagi “Aerodrom klassi” degan soʻzlar “Aerodrom kod belgisi” degan soʻzlar bilan almashtirilsin.
6. 2-ilovada :
1) 4-banddagi “oʻzgartirish” degan soʻz “oʻzgartirish va qoʻshimchalar” degan soʻzlar bilan almashtirilsin;
2) quyidagi mazmundagi 6-band bilan toʻldirilsin:
“6. Aerodrom ekspluatanti tomonidan ishlab chiqilgan va “Oʻzaviatsiya” agentligi bilan kelishilgan oʻquv dasturlari asosida aerodrom ekspluatatsiyasi va parvozlar xavfsizligiga jalb etilgan mutaxassislarning malakasi oshirib borilishini taʼminlash.”.
7. 3-ilovada :
1) 1-qismda :
“a” kichik bandning uchinchi va toʻrtinchi xatboshilaridagi “oʻquv yurti” degan soʻzlar “taʼlim tashkiloti” degan soʻzlar bilan almashtirilsin;
“e” kichik band quyidagi tahrirda bayon etilsin:
“e) uchish-qoʻnish yoʻlagi, harakatlanish yoʻlagi va toʻxtab turish joylaridagi sunʼiy qoplamalarning mustahkamligi va tekisligi toʻgʻrisidagi ilmiy tashkilotlarining xulosasi (besh yilda kamida bir marotaba olinadi).”;
“j” kichik banddagi “aerodrom klassi” degan soʻzlar “aerodrom kod belgisi” degan soʻzlar bilan almashtirilsin;
quyidagi mazmundagi “l” kichik band bilan toʻldirilsin:
“l) aerodrom nazorat nuqtasidan 46 km radiusda joylashgan baland toʻsiqlarni hisoblash (suratga olish) boʻyicha geodeziya tashkilotining hisoboti. Bunda, ushbu hisobotlar besh yilda kamida bir marotaba amalga oshiriladi.”;
2) 2-qismning “a” kichik bandida :
ikkinchi xatboshidagi “sharifi” degan soʻz “otasining ismi” degan soʻzlar bilan almashtirilsin;
uchinchi xatboshidagi “oʻquv yurti, diplom №, tugallangan vaqti, malakasi” degan soʻzlar “taʼlim tashkiloti, diplom maʼlumotlari, malakasi” degan soʻzlar bilan almashtirilsin;
3) 3-qismning “a” kichik bandida :
ikkinchi xatboshidagi “sharifi” degan soʻz “otasining ismi” degan soʻzlar bilan almashtirilsin;
uchinchi xatboshidagi “oʻquv yurti, diplom №, tugallangan vaqti, malakasi” degan soʻzlar “taʼlim tashkiloti, diplom maʼlumotlari, malakasi” degan soʻzlar bilan almashtirilsin;
4) 4-qismda :
“b” kichik band quyidagi tahrirda bayon etilsin:
“b) Shtatlar jadvali va xodimlar boʻyicha maʼlumotlar:
familiyasi, ismi, otasining ismi, egallagan lavozimi;
maʼlumoti (taʼlim tashkiloti, diplom maʼlumotlari, malakasi);
tayyorgarligi (malaka oshirish oʻquv kurslari);”;
quyidagi mazmundagi “z” kichik band bilan toʻldirilsin:
“z) Sertifikatlashlar oraligʻidagi davr mobaynida meteorologik asbob-uskunalarning ishdan chiqqanligi toʻgʻrisidagi maʼlumotnoma.”;
5) quyidagi mazmundagi 6-qism bilan toʻldirilsin:
“6-qism. Parvozlarga xizmat koʻrsatuvchi maxsus transport vositalari bilan taʼminlash
a) Maxsus transport xizmati xodimlari toʻgʻrisida quyidagi maʼlumotlar (lavozimidan kelib chiqib):
familiyasi, ismi, otasining ismi, egallagan lavozimi;
maʼlumoti (taʼlim tashkiloti, diplom maʼlumotlari, malakasi);
malaka oshirganligi (sana, taʼlim tashkiloti);
b) Maxsus transport xizmati toʻgʻrisidagi nizom;
v) Maxsus transport xizmati tashkiliy tuzilmasi;
g) Maxsus transport xizmatidagi mavjud texnikalar roʻyxati;
d) Maxsus transport xizmatida aerodrom elementlarida (uchish-qoʻnish yoʻlagi, harakatlanish yoʻlagi va perron) harakat qiladigan va havo kemasiga xizmat koʻrsatadigan maxsus transport vositalari miltillovchi chiroqlar va radioaloqa vositasi bilan taʼminlanganligi toʻgʻrisida dalolatnoma;
e) Aerodrom ekspluatantlari tomonidan aerodromning qabul qilish va oʻtkazuvchanlik qobiliyatidan kelib chiqib maxsus texnikalarning zaruriy miqdori toʻgʻrisidagi maʼlumotnoma.
Bunda, mahalliy parvozlarga moʻljallangan aerodromlarga zaruriy maxsus texnika vositalarini jalb qilish boshqa mahalliy tashkilotlardan shartnoma asosida amalga oshirilishi mumkin.”.
Direktor oʻrinbosari O. LIM
Tadbirkorlarning huquqlarini himoya qilish boʻyicha vakil A. BURIYEV
Transport vaziri I. MAXKAMOV
Savdo-sanoat palatasi raisi D. VAXABOV
Toshkent sh.,
2026-yil 27-aprel,
2026-yil 22-aprel
2026-yil 15-aprel
2026-yil 13-aprel
2-n-son