📅 2026-yil 20-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 20 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2026 г. · Постановления Президента
Официальный текст. Официальный документ. Редакционные примечания не включены.
📅 20 May 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Муборак Қурбон ҳайитини нишонлаш тўғрисида
Бугунги кунда жамиятимиз ҳаётида «Инсон қадри учун, инсон бахти учун», деган эзгу ғояни чуқур қарор топтиришда барча миллий ва диний қадриятларимиз қатори инсонпарварлик, саховат, шукроналик ва бағрикенглик каби олижаноб фазилатларни ўзида мужассам этган муборак Қурбон ҳайити ҳам ғоят муҳим аҳамият касб этиб бормоқда. Айниқса, мамлакатимизда ижтимоий давлат барпо этиш, юртдошларимиз ўртасида меҳр-оқибатни кучайтириш, ёрдамга муҳтож инсонларни қўллаб-қувватлаш, ҳеч кимни меҳр ва эътибордан четда қолдирмаслик борасида бу байрамнинг безавол анъаналари биз учун куч-ғайрат ва илҳом манбаи бўлиб хизмат қилмоқда.
Қурбон ҳайитини ана шу жараёнларга мос ҳолда муносиб нишонлаш, юртимизда тинчлик-осойишталик, дўстлик ва ҳамжиҳатлик муҳитини янада мустаҳкамлаш мақсадида қарор қиламан:
1. Ўзбекистон мусулмонлари идорасининг 2026 йилда муборак Қурбон ҳайитининг биринчи куни 27 май — чоршанба кунига тўғри келиши ҳақидаги ахбороти маълумот учун қабул қилиниб, мамлакатимизда 27 май Қурбон ҳайити байрами сифатида кенг нишонлансин.
2. Қуйидагилар маълумот учун қабул қилинсин:
(а) Меҳнат кодексининг 208-моддасига мувофиқ, Қурбон ҳайитнинг биринчи куни ишланмайдиган байрам куни сифатида белгилангани;
(б) Ўзбекистон Республикаси Президентининг 2025 йил 24 декабрдаги «2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги ПФ-257-сон Фармони билан қуйидагилар қўшимча дам олиш куни сифатида белгилангани:
(i) иш ҳафтасининг туридан қатъий назар барча ходимлар учун 2026 йилнинг 28 май — пайшанба, 29 май — жума кунлари;
(ii) олти кунлик иш ҳафтасида ишлайдиган ходимлар учун 30 май — шанба куни.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита, Ўзбекистон маҳаллалари уюшмаси, Ижтимоий ҳимоя миллий агентлиги ва бошқа ҳамкор ташкилотлар билан биргаликда ҳудудларда Қурбон ҳайитини халқимизнинг миллий анъана ва урф-одатларига уйғун ҳолда, кўтаринки кайфиятда ўтказиш бўйича тегишли чора-тадбирларни амалга оширсин.
4. Туризм қўмитаси Транспорт вазирлиги билан биргаликда юртдошларимиз учун Қурбон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратсин.
5. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилсин.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 20 май,
ПҚ-194-сон
Oʻzbekiston Respublikasi Prezidentining
qarori
Muborak Qurbon hayitini nishonlash toʻgʻrisida
Bugungi kunda jamiyatimiz hayotida “Inson qadri uchun, inson baxti uchun”, degan ezgu gʻoyani chuqur qaror toptirishda barcha milliy va diniy qadriyatlarimiz qatori insonparvarlik, saxovat, shukronalik va bagʻrikenglik kabi olijanob fazilatlarni oʻzida mujassam etgan muborak Qurbon hayiti ham gʻoyat muhim ahamiyat kasb etib bormoqda. Ayniqsa, mamlakatimizda ijtimoiy davlat barpo etish, yurtdoshlarimiz oʻrtasida mehr-oqibatni kuchaytirish, yordamga muhtoj insonlarni qoʻllab-quvvatlash, hech kimni mehr va eʼtibordan chetda qoldirmaslik borasida bu bayramning bezavol anʼanalari biz uchun kuch-gʻayrat va ilhom manbai boʻlib xizmat qilmoqda.
Qurbon hayitini ana shu jarayonlarga mos holda munosib nishonlash, yurtimizda tinchlik-osoyishtalik, doʻstlik va hamjihatlik muhitini yanada mustahkamlash maqsadida qaror qilaman:
1. Oʻzbekiston musulmonlari idorasining 2026-yilda muborak Qurbon hayitining birinchi kuni 27-may — chorshanba kuniga toʻgʻri kelishi haqidagi axboroti maʼlumot uchun qabul qilinib, mamlakatimizda 27-may Qurbon hayiti bayrami sifatida keng nishonlansin.
2. Quyidagilar maʼlumot uchun qabul qilinsin:
(a) Mehnat kodeksining 208-moddasiga muvofiq, Qurbon hayitning birinchi kuni ishlanmaydigan bayram kuni sifatida belgilangani;
(b) Oʻzbekiston Respublikasi Prezidentining 2025-yil 24-dekabrdagi “2026-yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida”gi PF-257-son Farmoni bilan quyidagilar qoʻshimcha dam olish kuni sifatida belgilangani:
(i) ish haftasining turidan qatʼiy nazar barcha xodimlar uchun 2026-yilning 28-may — payshanba, 29-may — juma kunlari;
(ii) olti kunlik ish haftasida ishlaydigan xodimlar uchun 30-may — shanba kuni.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Din ishlari boʻyicha qoʻmita, Oʻzbekiston mahallalari uyushmasi, Ijtimoiy himoya milliy agentligi va boshqa hamkor tashkilotlar bilan birgalikda hududlarda Qurbon hayitini xalqimizning milliy anʼana va urf-odatlariga uygʻun holda, koʻtarinki kayfiyatda oʻtkazish boʻyicha tegishli chora-tadbirlarni amalga oshirsin.
4. Turizm qoʻmitasi Transport vazirligi bilan birgalikda yurtdoshlarimiz uchun Qurbon hayiti kunlarida moʻtabar ziyoratgohlar va tarixiy qadamjolarga ziyoratlarni tashkil etish maqsadida qulay sharoit va imkoniyatlar yaratsin.
5. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bogʻliq tadbirlarni keng yoritish tavsiya etilsin.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 20-may,
PQ-194-son
Президента Республики Узбекистан
Постановление
О праздновании священного Курбан хайита
Сегодня в глубоком утверждении в жизни нашего общества благородного принципа «Во имя чести и достоинства человека, во имя его счастья» наряду с другими национальными и религиозными ценностями возрастает значение священного Курбан хайита, воплощающего в себе такие благородные качества, как гуманизм, милосердие, умение быть благодарным и великодушие. В ходе построения в нашей стране социального государства немеркнущие традиции этого праздника, особенно доброта и взаимопонимание в отношениях между соотечественниками, поддержка нуждающихся в помощи, проявление внимания и заботы о каждом человеке, служат для нас источником силы, энергии и вдохновения.
В целях достойного празднования Курбан хайита в соответствии с этими процессами, дальнейшего укрепления в стране атмосферы мира и спокойствия, дружбы и согласия постановляю:
1. Принимая во внимание информацию Управления мусульман Узбекистана о совпадении в 2026 году первого дня священного Курбан хайита с 27 мая — средой, широко отметить в стране 27 мая как праздник Курбан хайит.
2. Принять к сведению, что:
(а) согласно статье 208 Трудового кодекса первый день Курбан хайита установлен нерабочим праздничным днем;
(б) в соответствии с Указом Президента Республики Узбекистан от 24 декабря 2025 года № УП-257 «Об установлении дополнительных нерабочих дней в период празднования официальных дат и переносе выходных дней в 2026 году» дополнительными нерабочими днями определены:
(i) для всех работников независимо от видов рабочей недели: четверг 28 мая, пятница 29 мая 2026 года;
(ii) для работников при шестидневной рабочей неделе: суббота 30 мая.
3. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Ассоциацией махаллей Узбекистана, Национальным агентством социальной защиты и другими организациями-партнерами принять соответствующие меры по проведению Курбан хайита в регионах в созвучии с национальными традициями и обычаями нашего народа.
4. Комитету по туризму совместно с Министерством транспорта создать благоприятные условия и возможности для посещения нашими соотечественниками в дни Курбан хайита священных мест паломничества и исторических святынь.
5. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Курбан хайита.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
20 мая 2026 г.,
№ ПП-194