UzbekAI

Ўзбекистон Республикаси Президентининг

Фармони

РЎЙХАТИ

Озиқ-овқат маҳсулотлари хавфсизлиги, фитосанитария ва ветеринария соҳаларида ягона давлат бошқаруви ва назорат тизимини жорий этиш чора-тадбирлари тўғрисида

Озиқ-овқат маҳсулотлари хавфсизлиги, фитосанитария ва ветеринария соҳаларида ягона давлат бошқарувини ташкил этиш, аҳолига хавфсиз озиқ-овқат маҳсулотлари етказиб берилиши устидан самарали назорат тизимини жорий этиш, масъулият ва жавобгарликка асосланган тадбиркорлик муҳитини шакллантириш ҳамда соҳага илғор халқаро амалиётларни жорий этиш мақсадида қарор қиламан:

I. Мақсадлар

1. Қуйидагилар мазкур Фармоннинг асосий мақсадлари этиб белгилансин:

(а) озиқ-овқат маҳсулотлари хавфсизлигини таъминлашга масъул бўлган идораларнинг бир-бирини такрорловчи функцияларини бартараф этиш ва мақбуллаштириш орқали ягона давлат бошқарувини ташкил этиш;

(б) «даладан дастурхонгача» тамойили асосида озиқ-овқат маҳсулотларини етказиб бериш занжиридаги барча иштирокчилар томонидан озиқ-овқат маҳсулотлари хавфсизлигини таъминлашнинг хавф таҳлилига асосланган назорат тизимини жорий этиш;

(в) амалдаги санитария қоидалари, нормалари ва гигиена нормативлари, ветеринария, ветеринария-санитария қоидаларини, фитосанитария талаблари ва чораларини Алиментариус кодекси стандартлари, Бутунжаҳон ҳайвонлар соғлиғини ҳимоя қилиш ташкилоти (WOAН), Ўсимликлар карантини ва ҳимояси бўйича халқаро конвенция (IPPC) талабларига мувофиқлаштириш;

(г) озиқ-овқат бизнеси операторлари фаолиятига хавф-хатарлар таҳлили ва критик назорат нуқталари (HACCP) тамойиллари кенг жорий этилишини таъминлаш ҳамда уларнинг истеъмолчиларга хавфсиз озиқ-овқат маҳсулотларини етказиб беришдаги масъулиятини ошириш;

(д) соҳада хусусий сектор билан маслаҳатлашувларнинг тизимли ва шаффоф механизмларини яратиш, озиқ-овқат маҳсулотлари хавфсизлиги, фитосанитария ва ветеринария соҳаларидаги давлат функцияларини халқаро тажриба асосида босқичма-босқич хусусий секторга ўтказиш;

(ж) маҳаллий озиқ-овқат маҳсулотларининг халқаро бозордаги рақобатбардошлигини ҳамда нуфузини мустаҳкамлашга қаратилган халқаро ҳамкорликни янада ривожлантириш.

II. Ягона давлат бошқарувини ташкил этиш

2. Ўсимликлар карантини ва ҳимояси агентлиги ҳамда Ветеринария ва чорвачиликни ривожлантириш қўмитаси негизида:

(а) Ўзбекистон Республикаси Озиқ-овқат маҳсулотлари хавфсизлиги қўмитаси (кейинги ўринларда — Қўмита);

(б) Қишлоқ хўжалиги вазирлиги ҳузурида Чорвачилик ва яйлов хўжалигини ривожлантириш агентлиги (кейинги ўринларда — Чорвачилик агентлиги) ташкил этилсин.

3. Қишлоқ хўжалиги вазирлиги тузилмасига қишлоқ хўжалиги вазири ўринбосари — Чорвачилик ва яйлов хўжалигини ривожлантириш агентлиги директори лавозими киритилсин.

4. Қишлоқ хўжалиги вазирлиги зиммасига озиқ-овқат саноати корхоналари (алкоголь ва тамаки маҳсулотлари ишлаб чиқарувчилардан ташқари) ва озиқ-овқат маҳсулотларини сақлаш қувватларини ривожлантириш вазифалари юклансин.

5. Ўсимликлар карантини ва ҳимояси агентлиги, Ветеринария ва чорвачиликни ривожлантириш қўмитаси ҳамда Санитария-эпидемиологик осойишталик ва жамоат саломатлиги қўмитасининг 1 — 3-иловаларга мувофиқ вазифалари, тизим ташкилотлари ва штат бирликлари тегишлилиги бўйича Қўмита, Қишлоқ хўжалиги вазирлиги ва унинг ҳузуридаги ташкилотлар ўртасида қайта тақсимлансин.

6. Белгилансинки:

(а) Қўмита озиқ-овқат маҳсулотлари хавфсизлиги, фитосанитария ва ветеринария (кейинги ўринларда — озиқ-овқат маҳсулотлари хавфсизлиги) соҳасидаги давлат бошқаруви ҳамда назоратини амалга оширувчи ваколатли орган сифатида фаолият олиб боради;

(б) қуйидагилар:

(i) Қўмита Ўсимликлар карантини ва ҳимояси агентлигининг, шунингдек, озиқ-овқат маҳсулотлари хавфсизлигини таъминлаш қисмида Ветеринария ва чорвачиликни ривожлантириш қўмитаси ҳамда Санитария-эпидемиологик осойишталик ва жамоат саломатлиги қўмитасининг;

(ii) Чорвачилик агентлиги чорвачилик, шу жумладан, наслчиликни ривожлантириш, яйловлардан фойдаланиш ва уларни муҳофаза қилиш қисмида Ветеринария ва чорвачиликни ривожлантириш қўмитасининг функциялари, ҳуқуқлари, мажбуриятлари, шартномалари ва халқаро битимлари бўйича ҳуқуқий вориси ҳисобланади.

7. Қуйидагилар:

(а) Ўзбекистон Республикаси Озиқ-овқат маҳсулотлари хавфсизлиги қўмитаси фаолиятининг устувор йўналишлари 4-иловага мувофиқ;

(б) 2027 йил 1 январдан бошлаб хусусий секторга халқаро тажриба асосида босқичма-босқич ўтказиладиган (турлари кенгайтириладиган) озиқ-овқат маҳсулотлари хавфсизлигини таъминлаш соҳасидаги функциялар рўйхати 5-иловага мувофиқ тасдиқлансин.

III. Озиқ-овқат маҳсулотлари хавфсизлигини таъминлашда илмий-амалий ёндашувни кенг қўллаш

8. Қўмита ҳузурида давлат муассасаси шаклидаги Озиқ-овқат маҳсулотлари хавфсизлиги институти (кейинги ўринларда — Институт) ташкил этилсин.

9. Белгилансинки:

(а) Институт мазкур Фармонга 6-иловада назарда тутилган вазифаларни бажаради;

(б) Институт ходимларининг умумий чекланган сони Қўмита раиси томонидан Иқтисодиёт ва молия вазирлиги билан келишилган ҳолда белгиланади ва мазкур Фармонга 3-иловага мувофиқ Қўмитага қайта тақсимланаётган штат бирликлари доирасида шакллантирилади;

(в) Санитария-эпидемиологик осойишталик ва жамоат саломатлиги қўмитасининг озиқ-овқат маҳсулотларини хавфсизлик талабларига мувофиқлиги бўйича синовдан ўтказувчи тиббий жиҳозлари ҳамда Ўзбекистон техник жиҳатдан тартибга солиш агентлигининг озиқ-овқат маҳсулотларини хавфсизлик талабларига мувофиқлиги бўйича синовдан ўтказувчи лабораториялари, ускуналари ва жиҳозлари Институтга ўтказилади.

IV. Соҳада манфаатдор тарафлар иштирокини таъминлаш

10. Қўмита ҳузурида Озиқ-овқат маҳсулотлари хавфсизлиги масалалари бўйича маслаҳат кенгаши (кейинги ўринларда — Маслаҳат кенгаши) ташкил этилсин ҳамда унинг асосий фаолият йўналишлари 7-иловага мувофиқ тасдиқлансин.

11. Белгилансинки:

(а) Маслаҳат кенгаши таркибига давлат идоралари ва бошқа барча манфаатдор тарафлар вакиллари ўз ихтиёрига кўра қуйидаги гуруҳларга тақсимланган ҳолда киритилади ва ҳар бир гуруҳ битта овозга эга бўлади:

(i) масъул давлат бошқаруви ва назорати органлари;

(ii) озиқ-овқат бизнеси операторлари ҳамда озиқ-овқат маҳсулотлари хавфсизлиги соҳасида фаолият юритувчи бошқа тадбиркорлик субъектлари ва уларнинг бирлашмалари;

(iii) истеъмолчилар ҳуқуқларини ҳимоя қилиш ташкилотлари ва нодавлат нотижорат ташкилотлари;

(iv) илмий ва академик муассасалар ҳамда мувофиқликни баҳолаш органлари;

(v) оммавий ахборот воситалари ва блогерлар;

(б) Маслаҳат кенгаши фаолиятини ташкил этиш ва юритиш тартиби Вазирлар Маҳкамаси томонидан белгиланади;

(в) Маслаҳат кенгаши таклифлари Қўмита томонидан норматив-ҳуқуқий ҳужжатлар лойиҳалари ва озиқ-овқат маҳсулотлари хавфсизлиги соҳасига оид давлат сиёсатини ишлаб чиқишда инобатга олинади.

V. Озиқ-овқат маҳсулотлари хавфсизлиги тизимини ислоҳ қилиш бўйича кейинги чора-тадбирлар

12. Озиқ-овқат маҳсулотлари хавфсизлиги тизимини ислоҳ қилиш даврида институционал барқарорликни таъминлаш учун қуйидагилар амалга оширилсин:

(а) ваколатларни уйғунлаштириш ва уларнинг такрорланишини бартараф этиш, институционал мажбуриятларни белгилаш;

(б) мавжуд малакали ходимларни сақлаб қолиш ва уларнинг сафини кенгайтириш;

(в) давлат назорати ва лаборатория хизматларини кўрсатишнинг операцион узлуксизлигини таъминлаш.

13. Қўмита 2026 йил 1 декабрга қадар қуйидагиларни назарда тутган ҳолда Озиқ-овқат маҳсулотлари хавфсизлиги миллий стратегиясини ишлаб чиқсин ва белгиланган тартибда тасдиқлаш учун киритсин:

(а) Алиментариус кодекси стандартларига асосланган озиқ-овқат маҳсулотлари хавфсизлиги қоидалари ва нормаларини қабул қилиш ҳамда амалиётга жорий этиш;

(б) озиқ-овқат бизнеси операторлари билан маслаҳатлашувларни олиб бориш ва улар учун узлуксиз тренинглар ташкил этиш;

(в) хавфларни баҳолаш, бошқариш, хавф тўғрисида хабардор қилиш, шунингдек, хавфга асосланган текширув тартибини жорий этиш;

(г) халқаро стандартларга мувофиқ бўлган инспекция, рўйхатга олиш, мониторинг қилиш, кузатиш ва хавф таҳлилини ўтказиш тартиб-таомилларини жорий этиш ҳамда уларнинг интеграциялашган рақамли платформасини яратиш;

(д) инспекторлар, лаборатория ва соҳа мутахассислари учун узлуксиз профессионал тайёрлаш ҳамда қайта тайёрлаш тизимларини босқичма-босқич жорий этиш;

(ж) Қўмита фаолияти самарадорлигининг энг муҳим кўрсаткичлари (KPI) сифатида ички бозорнинг хавфсиз озиқ-овқат маҳсулотлари билан таъминланганлиги даражаси ҳамда муаммолари ҳал этилган озиқ-овқат бизнеси операторлари сонининг ошиб боришини белгилаш.

VI. Фармон ижросини ташкил этиш, таъминлаш ва назорат

14. Вазирлар Маҳкамаси бир ҳафта муддатда Қўмита ва Чорвачилик агентлиги фаолиятини ташкил қилиш бўйича қарорлар лойиҳаларини Ўзбекистон Республикаси Президенти Администрациясига киритсин.

15. Ўзбекистон Республикаси Президентининг айрим ҳужжатларига 8-иловага мувофиқ ўзгартириш ва қўшимчалар киритилсин.

16. Адлия вазирлиги Қўмита, Қишлоқ хўжалиги вазирлиги ва Соғлиқни сақлаш вазирлиги билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Мазкур Фармон ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Ходжаев ва Озиқ-овқат маҳсулотлари хавфсизлиги қўмитаси раиси белгилансин.

18. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси Ш.М. Ғаниев зиммасига юклансин.

Ўзбекистон Республикаси Президентининг 2026 йил 12 майдаги ПФ-84-сон Фармонига 1-ИЛОВА

Санитария-эпидемиологик осойишталик ва жамоат саломатлиги қўмитаси, Ветеринария ва чорвачиликни ривожлантириш қўмитаси ҳамда Ўсимликлар карантини ва ҳимояси агентлигининг қайта тақсимланаётган вазифалари

Т/р Вазифалар қайта тақсимланадиган давлат органи номи Вазифалар I. Санитария-эпидемиологик осойишталик ва жамоат саломатлиги қўмитаси вазифаларини тақсимлаш 1. Озиқ-овқат маҳсулотлари хавфсизлиги қўмитасига * 1.1. Озиқ-овқат маҳсулотларининг хавфсизлиги соҳасида республика ижро этувчи ҳокимият органлари ва хўжалик бирлашмаларининг фаолиятини мувофиқлаштириш ва улар билан ҳамкорлик қилиш, озиқ-овқат хомашёси ва истеъмол маҳсулотларини ишлаб чиқариш, ташиш, сақлаш ва сотиш билан шуғулланувчи субъектлар фаолияти, шунингдек, зарур халқаро амалиётларни қўллаш тажрибасига асосланган стандартлар талабларига риоя этилишини назорат қилиш услубиятини ишлаб чиқиш ва жорий қилишда иштирок этиш. 1.2. Озиқ-овқат маҳсулотларининг хавфсизлиги ва гигиенасига оид санитария қоидалари, нормалари ва гигиена нормативларини ишлаб чиқиш ҳамда тасдиқлаш. 1.3. Озиқ-овқат маҳсулотлари хавфсизлиги, шу жумладан, умумий овқатланиш соҳасида санитария қоидалари, нормалари ва гигиена нормативларига риоя қилиниши бўйича белгиланган тартибда текширишлар ўтказиш ва қонун бузилишлари бўйича белгиланган тартибда жавобгарлик чораларини қўллаш. 1.4. Озиқ-овқат маҳсулотларининг хавфсизлиги ва гигиенаси соҳасидаги мажбурий талабларга тааллуқлилиги бўйича махсус экспертизалар тайинлаш ва ўтказиш, озиқ-овқат маҳсулотларига тегишли рухсатнома ва санитария-эпидемиологик хулосани расмийлаштириш. 1.5. Озиқ-овқат маҳсулотларининг истеъмоли билан боғлиқ бўлган касалликлар юзага келиши сабабларини таҳлил қилиш, олдини олишга қаратилган чора-тадбирларни ишлаб чиқиш ва амалга ошириш, тегишли ахборот тизимларини юритиш. 1.6. Озиқ-овқат маҳсулотларининг хавфсизлиги ва гигиенаси бўйича лабораториялар фаолиятини йўлга қўйиш. 1.7. Озиқ-овқат маҳсулотларининг хавфсизлиги соҳасида юзага келиши мумкин бўлган хавф-хатарларни аниқлаш, баҳолаш ва бошқариш жараёнида илмий асосланган ёндашувлар асосида озиқ-овқат хавфсизлиги соҳасидаги сиёсатни амалга ошириш. 1.8. Озиқ-овқат маҳсулотларининг хавфсизлиги ва гигиенаси масалалари бўйича истиқболли йўналишларни белгилаш ҳамда фундаментал, амалий ва илмий тадқиқотлар олиб бориш. 1.9. Озиқ-овқат гигиенаси ва озиқ-овқат маҳсулотларининг хавфсизлиги соҳасида санитария қоидалари, нормалари ва гигиена нормативлари бўйича тўлов-контракт асосида кадрларнинг малакасини ошириш. 1.10. Озиқ-овқат маҳсулотларининг хавфсизлиги ва гигиенаси соҳасининг жорий ва истиқболдаги эҳтиёжларини ҳисобга олган ҳолда кадрларни ўқитиш, тайёрлаш, қайта тайёрлаш ва малакасини оширишнинг илғор усулларини тизимли асосда жорий этиш. 1.11. Ўзбекистон Республикасида санитария ва фитосанитария чоралари бўйича Жаҳон савдо ташкилотига аъзо давлатларни хабардор қилиш ва уларнинг асосланган сўровларига жавоб бериш тартиб-таомилларини жорий этиш. 1.12. Ўзбекистон Республикасига олиб кириладиган ва республика ҳудудида ишлаб чиқариладиган биологик фаол қўшимчалар муомаласини тартибга солиш. II. Ветеринария ва чорвачиликни ривожлантириш қўмитаси вазифаларини тақсимлаш 2. Озиқ-овқат маҳсулотлари хавфсизлиги қўмитасига 2.1. Ветеринария соҳасидаги норматив-ҳуқуқий ҳужжатларни халқаро стандартларга мувофиқлаштириш, ушбу соҳада давлат, хўжалик бошқаруви органлари ҳамда маҳаллий давлат ҳокимияти органларининг ўзаро ҳамкорлигини мувофиқлаштириш, ветеринария фаолиятини лицензиялашни амалга ошириш. 2.2. Мамлакат ҳудудларини ҳайвонларнинг юқумли касалликлари кириб келишидан ҳимоя қилишни таъминлаш, ҳайвонлар касалликлари профилактикасининг ва уларни даволашнинг замонавий усулларини амалиётга жорий этиш, маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаришни ташкил этишда иштирок этиш. 2.3. Эпизоотик осойишталикни таъминлашда ҳайвонларнинг юқумли касалликларини ўз вақтида аниқлаш, ташхис қўйиш ва уларнинг тарқалишининг олдини олишга доир профилактика ишларининг самарадорлигини мониторинг қилиш. 2.4. Чорвачилик тармоқларида ҳайвонларни идентификация қилиш, уларни ҳисобга олиш, ҳисобдан чиқариш ва сақлаш ишларини ташкил этиш. 2.5. Ветеринария ва наслчилик тўғрисидаги қонун ҳужжатларига риоя этилиши ҳамда ветеринария дори воситалари ва озуқабоп қўшимчаларнинг сифати ва муомаласи юзасидан давлат назоратини амалга ошириш. 2.6. Чорвачилик маҳсулотларини халқаро талабларга мувофиқ сертификатлаштиришни таъминлаш, шунингдек, стандартлаштиришни таъминлаш ва сифат менежментининг замонавий усулларини кенг жорий этишда иштирок этиш. 2.7. Маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаришни ташкил этиш. 2.8. Ветеринария ва қишлоқ хўжалиги соҳаларида юқори малакали кадрлар тайёрлаш, илмий тадқиқот фаолиятини ривожлантириш, замонавий ҳамда инновацион технологияларни ишлаб чиқиш ва амалиётга жорий этиш. 2.9. Ветеринария ва чорвачилик соҳаларидаги раҳбар, мутахассислар, олий таълим ҳамда илмий тадқиқот муассасалари раҳбар ва илмий кадрларини узлуксиз касбий ривожлантириш тизими самарадорлигини таъминлаш. 3. Чорвачилик ва яйлов хўжалигини ривожлантириш агентлигига 3.1. Чорвачилик соҳасидаги норматив-ҳуқуқий ҳужжатларни халқаро стандартларга мувофиқлаштириш, стандартлаштиришни таъминлаш ва сифат менежментининг замонавий усулларини кенг жорий этиш, ушбу соҳада давлат органлари, маҳаллий давлат ҳокимияти органлари ҳамда хўжалик бирлашмаларининг ўзаро ҳамкорлигини мувофиқлаштириш. 3.2. Чорвачиликнинг барча тармоқларини, шу жумладан, қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш, наслчилик-селекция ишларини мувофиқлаштириш ҳамда ушбу йўналишлар бўйича мақсадли давлат дастурларини ишлаб чиқиш ва амалга ошириш. 3.3. Чорвачилик ва наслчилик соҳасини давлат томонидан қўллаб-қувватлашнинг ягона механизмларини амалга ошириш, чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштиришни ташкил этиш ҳамда юқори ҳосилдорликка эришишни мониторинг қилиш. 3.4. Чорвачилик ва наслчилик-селекция соҳаларида илмий, услубий ва таълим салоҳиятини ҳар томонлама ривожлантириш, илмий тадқиқотлар йўналишларини белгилаш, фундаментал ва амалий тадқиқотлар, инновация ишланмалари натижалари ветеринария ва наслчилик-селекция амалиётига жорий этилишини мувофиқлаштириш. 3.5. Чорвачилик тармоғига хорижий инвестициялар ва грант маблағларини жалб қилиш. 3.6. Яйлов ерларидан самарали ва мақсадли фойдаланиш, уларни муҳофаза қилиш, деградациясининг олдини олиш, ўсимликлар табиий плантацияларини яратишга қаратилган чора-тадбирлар ишлаб чиқиш. 3.7. Яйловларда ўсимликлар уруғчилигини ривожлантириш, яйлов ерларини ижарага беришни ташкил этиш, шартномавий муносабатларни мониторинг қилиш. 3.8. Қоракўл зотининг генофондини сақлаш, такрор кўпайтириш, селекция-наслчилик режаларини амалиётга татбиқ этиш ҳамда инфратузилмаларни яхшилаш бўйича таклифлар ишлаб чиқиш. 4. Қишлоқ хўжалиги вазирлигига Барча турдаги чорва ҳайвонлари, парранда, балиқ ва асаларилар бўйича тизимли илмий асосланган ечимлар ишлаб чиқиш ва ушбу йўналишларда илмий-тадқиқот ишларини олиб бориш. III. Ўсимликлар карантини ва ҳимояси агентлиги вазифаларини тақсимлаш 5. Озиқ-овқат маҳсулотлари хавфсизлиги қўмитасига 5.1. Ўсимликлар карантини, ҳимояси ва агрокимё соҳаларида ягона давлат сиёсати ва назоратини амалга ошириш. 5.2. Тупроқ агрокимёвий таҳлилларини ўтказиш ва қишлоқ хўжалигига етказиб бериладиган барча турдаги минерал ва микробиологик ўғитлар сифатини назорат қилиш, тупроқ ва қишлоқ хўжалиги маҳсулотлари таркибидаги пестицид, нитрат ва оғир металл тузлари қолдиқларини дала шароитида радиологик-токсикологик таҳлиллардан ўтказиш. 5.3. Ўсимликлар карантини ва ҳимоясида прогноз тизимини такомиллаштириш, зарарли организмларга қарши курашишнинг уйғунлашган самарали усулларини белгилаш ҳамда ижросини назорат қилиш, мониторинг олиб бориш, иқтисодий зарар етказиши мумкин бўлган зарарли организмларнинг республика ҳудудига кириб келиши ва тарқалишининг олдини олиш ҳамда йўқ қилиш. 5.4. Ўсимликларни ҳимоя қилишнинг кимёвий ва биологик воситалари ҳамда минерал ва микробиологик ўғитларнинг биологик самарадорлиги бўйича синовларни ташкил қилиш ва рўйхатдан ўтказиш, қишлоқ хўжалигида кимёлаштириш ва биологик воситалардан фойдаланиш соҳасида норматив, регламент ва стандартлар ишлаб чиқиш ҳамда кимёлаштириш ва биологик воситалар реализацияси билан шуғулланувчи субъектлар фаолиятини мувофиқлаштириш. 5.5. Фитосанитар хавфсизликни таъминлашда илмий, услубий ва таълим салоҳиятини ривожлантириш, замонавий инновацион ечимлар, режалаштириш ва бошқариш усулларини жорий этиш, илғор технологиялар ҳамда иш усулларини жорий этишда халқаро ҳамкорликни кенгайтириш, соҳада кадрларни тизимли қайта тайёрлаш ва уларнинг малакасини оширишни ташкил этиш. 5.6. Дала четларида ҳамда аҳоли томорқаси, хонадонлар ва кўп қаватли уйлар олди, маҳалланинг ички кўчаларида маҳсулотлар етиштириш, қишлоқ хўжалиги субъектларига уруғ ва кўчатлар етказиб бериш ҳамда етиштирилган маҳсулотларни экспортга йўналтиришни ташкил қилиш. 5.7. Кимёлаштириш воситаларини ва ўсимликларни ҳимоя қилиш воситаларини, янги техникани ва технологик жараёнларни ҳамда қишлоқ хўжалигида уларнинг қўлланиш усулларини яратишга, синашга ва жорий этишга доир илмий-тадқиқот, тажриба-конструкторлик ҳамда лойиҳалаштириш ишларини амалга ошириш, ўсимликларни ҳимоя қилиш соҳасида мутахассислар тайёрланишини, қайта тайёрланишини ва уларнинг малакаси оширилишини таъминлаш. 6. Қишлоқ хўжалиги вазирлигига Ўсимликлар клиникалари ва биолабораториялар тизимини ривожлантириш ҳамда уларнинг фаолиятини мувофиқлаштириш.

Ўзбекистон Республикаси Президентининг 2026 йил 12 майдаги ПФ-84-сон Фармонига 2-ИЛОВА

Ветеринария ва чорвачиликни ривожлантириш қўмитаси ҳамда Ўсимликлар карантини ва ҳимояси агентлигининг қайта тақсимланаётган тизим ташкилотлари рўйхати

I. Ветеринария ва чорвачиликни ривожлантириш қўмитаси

1.1. Озиқ-овқат маҳсулотлари хавфсизлиги қўмитасига:

(а) Қорақалпоғистон Республикаси Ветеринария ва чорвачиликни ривожлантириш қўмитаси, вилоятлар ҳамда Тошкент шаҳар ветеринария ва чорвачиликни ривожлантириш бошқармалари, туманлар (шаҳарлар) ветеринария ва чорвачиликни ривожлантириш бўлимлари;

(б) Республика ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази, Қорақалпоғистон Республикаси, вилоятлар ва туман (шаҳарлар) ҳайвонлар касалликлари ташхиси ва озиқ-овқат маҳсулотлари хавфсизлиги давлат марказлари;

(в) Ветеринария дори воситалари ва маҳсулотларни синовдан ўтказиш давлат илмий назорат маркази;

(г) Давлат чегараси ва транспортда давлат ветеринария назорати бошқармаси;

(д) Ҳайвонларни идентификация қилиш, рўйхатга олиш ва кузатиш маркази;

(ж) Самарқанд давлат ветеринария медицинаси, чорвачилик ва биотехнологиялар университети, филиаллари ҳамда академик лицейи;

(з) Ветеринария илмий-тадқиқот институти;

(и) Ветеринария ва чорвачилик соҳасида педагог ҳамда мутахассис кадрларни қайта тайёрлаш ва уларнинг малакасини ошириш институти.

1.2. Чорвачилик ва яйлов хўжалигини ривожлантириш агентлигига:

(а) Наслчилик илмий-ишлаб чиқариш маркази;

(б) Қорақалпоғистон, Бухоро, Жиззах, Қашқадарё, Навоий, Самарқанд ва Сурхондарё яйлов хўжаликлари;

(в) «Паррандасаноат» уюшмаси * ;

(г) «Ўзбекбалиқсаноат» уюшмаси * ;

(д) Ўзбекистон асаларичилари уюшмаси * ;

(ж) Яйлов хўжалигини ривожлантириш уюшмаси * .

II. Ўсимликлар карантини ва ҳимояси агентлиги

2.1. Озиқ-овқат маҳсулотлари хавфсизлиги қўмитасига:

(а) Республика агрокимёвий таҳлил маркази ва унинг ҳудудий бўлинмалари;

(б) Қорақалпоғистон Республикаси ва вилоятлар чигиртка ва тут парвонасига қарши курашиш хизматлари;

(в) Ўсимликлар карантини ва ҳимояси илмий-тадқиқот институти ва унинг минтақавий филиаллари.

2.2. Қишлоқ хўжалиги вазирлигига — «Биосифат» республика маркази.

Ўзбекистон Республикаси Президентининг 2026 йил 12 майдаги ПФ-84-сон Фармонига 3-ИЛОВА

Ўзбекистон Республикаси Озиқ-овқат маҳсулотлари хавфсизлиги қўмитаси, Қишлоқ хўжалиги вазирлиги ва унинг ҳузуридаги ташкилотлар ўртасида қайта тақсимланаётган штат бирликлари

Т/р Штат бирликлари қисқартириладиган ташкилотлар Озиқ-овқат маҳсулотлари хавфсизлиги қўмитаси Қишлоқ хўжалиги вазирлиги ** Чорвачилик ва яйлов хўжалигини ривожлантириш агентлиги *** Жами Бошқарув ходимлари шу жумладан Ишлаб чиқариш ходимлари * шу жу младан Бошқарув ходимлари шу жумладан Жами Бошқарув ходимлари шу жумладан Ишлаб чиқариш ходимлари * шу жумладан Давлат бюджети ҳисобидан Бюджетдан ташқари маблағлар ҳисобидан Давлат бюджети ҳисобидан Бюджетдан ташқари маблағлар ҳисобидан Давлат бюдже ти ҳисобидан Бюджетдан ташқари маблағлар ҳисобидан Давлат бюджети ҳисобидан Бюджетдан ташқари маблағлар ҳисобидан Давлат бюджети ҳисобидан Бюджетдан ташқари маблағлар ҳисобидан Жами 11 407 1 842 1 824 18 9 565 9 043 522 247 247 - 737 157 157 - 580 580 - 1. Санитария-эпидемиологик осойишталик ва жамоат саломатлиги қўмитаси 1 372 9 9 - 1 363 849 514 - - - - - - - - - - 2. Ветеринария ва чорвачиликни ривожлантириш қўмитаси 6 880 1 281 1 281 - 5 599 5 599 - 234 234 - 737 157 157 - 580 580 - 2.1 шу жумлад ан, бошқарув органи бўлмаган тизим ташкилотлари 2 463 503 503 - 1 960 1 960 - - - - - - - - - - - 3. Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги 3 155 552 534 18 2 603 2 595 8 13 13 - - - - - - - - 3.1 шу жумладан, тизи м ташкилотлари 443 202 202 - 241 241 - 13 13 - - - - - - - -

Ўзбекистон Республикаси Президентининг 2026 йил 12 майдаги ПФ-84-сон Фармонига 4-ИЛОВА

Ўзбекистон Республикаси Озиқ-овқат маҳсулотлари хавфсизлиги қўмитаси фаолиятининг устувор йўналишлари

1. Озиқ-овқат маҳсулотлари хавфсизлиги, ветеринария ва фитосанитария соҳаларида ягона давлат сиёсати ва назоратини амалга ошириш, хусусан:

(а) қонунчилик ҳужжатлари, миллий стандартлар, қоидалар ва нормалар, мақбул ишлаб чиқариш амалиётлари, шунингдек, улардан фойдаланиш қўлланмаларини халқаро талабларга мувофиқ ҳолда ишлаб чиқиш ва уларнинг амалиётга жорий этилишини таъминлаш;

(б) озиқ-овқат бизнеси операторлари, янги турдаги озиқ-овқат маҳсулотлари, озиқ-овқат қўшимчалари, кимёлаштириш ва ўсимликларни ҳимоя қилиш воситалари, ветеринария дори воситалари ва озуқабоп қўшимчаларни рўйхатга олиш;

(в) озиқ-овқат маҳсулотлари хавфсизлиги соҳасидаги лицензиялаш, рухсат бериш ва хабардор қилиш тартиб-таомилларини амалга ошириш;

(г) хатар омиллари аниқланганда, хавфларни баҳолаш асосида озиқ-овқат маҳсулотлари савдоси ва (ёки) импортини чекловчи вақтинчалик чораларни қўллаш, хавфли деб топилган маҳсулотларни муомаладан қайтариб олиш чораларини кўриш.

2. Республика ҳудудидаги ўсимликлар ва ҳайвонлар касалликларининг ҳамда зараркунандаларининг кириб келиши ва тарқалишининг олдини олиш, уларга қарши курашишнинг самарали усулларини белгилаш ҳамда ижросини назорат қилиш.

3. «Даладан дастурхонгача» тамойили асосида озиқ-овқат маҳсулотлари хавфсизлиги соҳасида хавф таҳлилига асосланган давлат назоратини амалга ошириш, хусусан:

(а) озиқ-овқат бизнеси операторлари томонидан хавф-хатарлар таҳлили ва критик назорат нуқталари (НACCP) тамойилларига риоя этилишини инспекция қилиш;

(б) озиқ-овқат маҳсулотлари устидан бозор назоратини амалга ошириш, истеъмолчиларни хавфсизлиги кафолатланмаган ва қалбаки маҳсулотлардан ҳимоялаш.

4. Озиқ-овқат маҳсулотлари истеъмоли билан боғлиқ касалликларнинг сабабларини таҳлил қилиш, жамоат саломатлиги ва истеъмолчилар манфаатларини ҳимоя қилишга қаратилган чора-тадбирларни мувофиқлаштириш.

5. Озиқ-овқат маҳсулотлари хавфсизлиги соҳасида халқаро ҳамкорликни амалга ошириш, соҳага рақамли технологияларнинг жорий этилишини таъминлаш.

Ўзбекистон Республикаси Президентининг 2026 йил 12 майдаги ПФ-84-сон Фармонига 5-ИЛОВА

2027 йил 1 январдан бошлаб хусусий секторга халқаро тажриба асосида босқичма-босқич ўтказиладиган (турлари кенгайтириладиган) озиқ-овқат маҳсулотлари хавфсизлигини таъминлаш соҳасидаги функциялар

Т/р Функциянинг номи * 1. Озиқ-овқат маҳсулотлари хавфсизлиги ва гигиенаси соҳасидаги мажбурий талабларга тааллуқлилиги бўйича махсус экспертизаларни ўтказиш 2. Озиқ-овқат маҳсулотлари хавфсизлиги ва гигиенаси бўйича лаборатория текширувларини ўтказиш 3. Ветеринария-лаборатория хизматларини кўрсатиш 4. Ҳайвонларни эмлаш ва даволаш 5. Дезинфекция ва дезинсекция тадбирларини ташкил этиш ва амалга ошириш 6. Чорвачилик тармоқларида ҳайвонларни идентификация қилиш

Ўзбекистон Республикаси Президентининг 2026 йил 12 майдаги ПФ-84-сон Фармонига 6-ИЛОВА

Озиқ-овқат маҳсулотлари хавфсизлиги қўмитаси ҳузуридаги Озиқ-овқат маҳсулотлари хавфсизлиги институтининг вазифалари

1. Озиқ-овқат маҳсулотлари хавфсизлигини таъминлашга қаратилган илмий ва амалий тадқиқотларни ўтказиш ҳамда хавф таҳлилига асосланган инновацион ёндашувларни ишлаб чиқиш.

2. Тизимли равишда озиқ-овқат маҳсулотлари хавфсизлиги ҳолатини мониторинг қилиш, ишлаб чиқариш ва етказиб бериш занжиридаги микробиологик патогенлар ва кимёвий ифлослантирувчилар тўғрисидаги маълумотларни тўплаш, таҳлил қилиш ва баҳолаш.

3. Янги турдаги озиқ-овқат маҳсулотлари, озиқ-овқат қўшимчалари, кимёлаштириш ва ўсимликларни ҳимоя қилиш воситалари, ветеринария дори воситалари ва озуқабоп қўшимчалар бўйича миллий ва халқаро тажрибани ўрганиб бориш, уларни рўйхатга олиш мақсадидаги тадқиқотларни олиб бориш ва ҳисоботлар расмийлаштириш.

4. Озиқ-овқат маҳсулотларининг мувофиқлигини баҳолаш ҳамда илмий синов жараёнларига инновацион ва замонавий синов услубиётларини жорий этиш.

Ўзбекистон Республикаси Президентининг 2026 йил 12 майдаги ПФ-84-сон Фармонига 7-ИЛОВА

Озиқ-овқат маҳсулотлари хавфсизлиги қўмитаси ҳузуридаги Озиқ-овқат маҳсулотлари хавфсизлиги масалалари бўйича маслаҳат кенгашининг асосий фаолият йўналишлари

I. Озиқ-овқат маҳсулотлари хавфсизлиги соҳасини такомиллаштириш борасида

1. Соҳани тартибга солувчи норматив-ҳуқуқий ҳужжатлар лойиҳаларини халқаро талаблар ҳамда савдо мажбуриятларига мувофиқлаштиришга кўмаклашиш.

2. Хавфларни бошқариш, инспекция амалиёти ва тартибга солиш самарадорлигини оширишга қаратилган таклифларни ишлаб чиқиш.

3. Янги турдаги озиқ-овқат маҳсулотлари, озиқ-овқат қўшимчалари, кимёлаштириш ва ўсимликларни ҳимоя қилиш воситалари, ветеринария дори воситалари ва озуқабоп қўшимчаларни рўйхатга олиш масалаларини ўрганиб бориш ва Қўмитага таклиф киритиш.

II. Манфаатдор тарафлар билан маслаҳатлашув борасида

4. Озиқ-овқат маҳсулотлари хавфсизлигини таъминлаш соҳасида мавжуд муаммоларнинг идоралараро муҳокамасини ташкил этиш.

5. Давлат органлари ва озиқ-овқат соҳасидаги тадбиркорлик субъектлари ўртасидаги конструктив ва натижавий мулоқотни йўлга қўйиш.

Ўзбекистон Республикаси Президентининг 2026 йил 12 майдаги ПФ-84-сон Фармонига 8-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :

(а) 1-иловада :

(i) «4. Қишлоқ хўжалиги вазирлиги» бўлими қуйидаги таҳрирда баён этилсин:

« 4. Қишлоқ хўжалиги вазирлиги Қишлоқ хўжалиги вазирлиги 2 323 2 022 301 шу жумладан, вазир ўринбосарлари сони 6 6 1. Чорвачилик ва яйлов хўжалигини ривожлантириш агентлиги 157 157 шу жумладан, директор ўринбосарлари сони 2 2 2. Агросаноатни ривожлантириш агентлиги 287 272 15 шу жумладан, директор ўринбосарлари сони 3 2 1 » ;

(ii) «12. Соғлиқни сақлаш вазирлиги» бўлимида 1-позициянинг «Жами бошқарув штат бирликлари сони» ва «Давлат бюджети ҳисобидан» устунларидаги «68» рақами «59» рақами билан алмаштирилсин;

(iii) қуйидаги мазмундаги «40. Озиқ-овқат маҳсулотлари хавфсизлиги қўмитаси» бўлими билан тўлдирилсин:

« 40. Озиқ-овқат маҳсулотлари хавфсизлиги қўмитаси Озиқ-овқат маҳсулотлари хавфсизлиги қўмитаси 1 339 1 321 18 шу жумладан, раис ўринбосарлари сони 5 5 » ;

(iv) изоҳлар қисмида :

5.2-кичик банд «Қишлоқ хўжалиги вазирлиги тизимида» сўзларидан кейин «Биосифат» республика маркази» сўзлари билан тўлдирилсин;

5.3-кичик банд ўз кучини йўқотган деб ҳисоблансин;

(б) 2-иловада :

(i) 4.1 — 4.4-кичик бандлар қуйидаги мазмундаги 4.1-4.2-кичик бандлар билан алмаштирилсин:

«4.1. Чорвачилик ва яйлов хўжалигини ривожлантириш агентлиги

4.2. Агросаноатни ривожлантириш агентлиги»;

(ii) қуйидаги мазмундаги 43-банд билан тўлдирилсин:

«43. Озиқ-овқат маҳсулотлари хавфсизлиги қўмитаси»;

(iii) изоҳ қисмининг учинчи хатбошисидаги «7» рақами «8» рақами билан алмаштирилсин;

(в) 2а-иловада :

(i) 4.1 — 4.4-позициялар қуйидаги мазмундаги 4.1-4.2-позициялар билан алмаштирилсин:

« 4.1 Ўзбекистон Республикаси Қишлоқ хўжалиги вазирлиги ҳузуридаги Чорвачилик ва яйлов хўжалигини ривожлантириш агентлиги Чорвачилик агентлиги Агентство по животноводству 4.2 Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги Агросаноатни ривожлантириш агентлиги Агентство развития агропромышленности » ;

(ii) қуйидаги мазмундаги 43-позиция билан тўлдирилсин:

« 43. Ўзбекистон Республикаси Озиқ-овқат маҳсулотлари хавфсизлиги қўмитаси Озиқ-овқат маҳсулотлари хавфсизлиги қўмитаси Комитет пищевой безопасности » .

2. Ўзбекистон Республикаси Президентининг 2023 йил 10 июндаги «Маъмурий ислоҳотлар доирасида қишлоқ хўжалиги ва озиқ-овқат соҳасида давлат бошқарувини самарали ташкил қилиш чора-тадбирлари тўғрисида»ги ПФ-90-сон Фармонида :

(а) 1-бандда :

(i) тўртинчи ва бешинчи хатбошилар чиқариб ташлансин;

(ii) олтинчи — саккизинчи хатбошилар тегишинча бешинчи — еттинчи хатбошилар деб ҳисоблансин;

(б) 2-илова «Уруғчиликни ривожлантириш маркази» блокидан кейин «Биосифат» республика маркази» блоки билан тўлдирилсин;

(в) 3 ва 5-иловалар ўз кучини йўқотган деб ҳисоблансин.

3. Ўзбекистон Республикаси Президентининг 2026 йил 5 майдаги «Соғлиқни сақлаш тизимида бошқарув самарадорлигини ошириш чора-тадбирлари тўғрисида»ги ПФ-77-сон Фармонида :

(а) 3-банд қуйидаги мазмундаги «ж» кичик банд билан тўлдирилсин:

«(ж) ушбу Фармонда белгиланган вазифаларни бажариш учун штат бирликларини малакали мутахассислар билан тўлдириш мақсадида, истисно тариқасида, Соғлиқни сақлаш вазирлигининг марказий аппаратига 2026 йил якунига қадар ходимларни танловсиз ишга қабул қилиш»;

(б) 6-банднинг «б» кичик бандидаги «68» рақами «59» рақами билан алмаштирилсин.

4. Ўзбекистон Республикаси Президентининг 2024 йил 12 декабрдаги «Қишлоқ хўжалигини механизациялаш даражасини янада ошириш чора-тадбирлари тўғрисида»ги ПҚ-431-сон қарори 4-банди «б» кичик бандининг иккинчи хатбошисидан «ва фойдаланиш даражаси ишлаб чиқарувчи томонидан белгиланган моторесурснинг 50 фоизидан» сўзлари чиқариб ташлансин.

5. Ўзбекистон Республикаси Президентининг 2024 йил 30 декабрдаги «Қишлоқ хўжалиги майдонларидаги қўшимча имкониятлардан фойдаланган ҳолда маҳсулот етиштиришни кўпайтиришга доир чора-тадбирлар тўғрисида»ги ПҚ-465-сон қарорида :

(а) 1-банднинг «а» кичик бандида :

(i) иккинчи хатбошидаги «Ўсимликлар карантини ва ҳимояси агентлигига (кейинги ўринларда — Агентлик)» сўзлари «Озиқ-овқат маҳсулотлари хавфсизлиги қўмитасига (кейинги ўринларда — Қўмита)» сўзлари билан алмаштирилсин;

(ii) учинчи , бешинчи , еттинчи ва тўққизинчи хатбошилардаги тегишли келишикдаги «Агентлик» сўзи тегишли келишикдаги «Қўмита» сўзи билан алмаштирилсин;

(iii) тўртинчи хатбошидаги «Агентликка» сўзи «Қўмитага» сўзи билан алмаштирилсин;

(б) 4-банднинг иккинчи хатбошисидаги «Агентлик директори» сўзлари «Қўмита раиси» сўзлари билан алмаштирилсин;

(в) 5-банднинг «б» кичик бандидаги «Агентлик» сўзи «Қўмита» сўзи билан алмаштирилсин;

(г) 8-банднинг «в» кичик бандидаги «Агентлик (И. Эргашев)» сўзлари «Қўмита» сўзи билан алмаштирилсин;

(д) 9-банд қуйидаги таҳрирда баён этилсин:

«9. Республика ишчи гуруҳи ва ҳудудий ишчи гуруҳлар фаолияти юзасидан маълумотларни умумлаштириш, таҳлил қилиш, чора-тадбирлар ва тегишли таклифлар ишлаб чиқиш учун масъул бўлган Қўмита марказий аппаратида 8 та штат бирлигидан иборат бошқарма, Қорақалпоғистон Республикаси Озиқ-овқат маҳсулотлари хавфсизлиги қўмитаси, вилоятлар ва Тошкент шаҳар озиқ-овқат маҳсулотлари хавфсизлиги бош бошқармаларида 2 та штатдан иборат бўлимлар ташкил қилинсин.

Белгилансинки, мазкур штат бирликлари, истисно тариқасида, 2025-2026 йиллар учун жорий этилади ҳамда Озиқ-овқат маҳсулотлари хавфсизлиги соҳасини ривожлантириш жамғармаси ҳисобидан сақланади»;

(ж) 11-бандда :

(i) биринчи хатбошидаги «Агентлик» сўзи «Қўмита» сўзи билан алмаштирилсин;

(ii) олтинчи хатбошидаги «Агентлик директори И. Эргашев» сўзлари «Қўмита раиси» сўзлари билан алмаштирилсин;

(з) 16-банддаги «Агентлик директори И.К. Эргашев» сўзлари «Қўмита раиси» сўзлари билан алмаштирилсин;

(и) 1-иловада :

(i) «И. Эргашев — Ўсимликлар карантини ва ҳимояси агентлиги директори, ишчи гуруҳ раҳбари» сўзлари «Лавозими бўйича — Озиқ-овқат маҳсулотлари хавфсизлиги қўмитаси раиси, ишчи гуруҳ раҳбари» сўзлари билан алмаштирилсин;

(ii) «Б. Хамраев — Ўсимликлар карантини ва ҳимояси агентлиги директорининг биринчи ўринбосари» сўзлари «Лавозими бўйича — Озиқ-овқат маҳсулотлари хавфсизлиги қўмитаси раисининг ўринбосари» сўзлари билан алмаштирилсин;

(iii) «Д. Анарбаев — Ўсимликлар карантини ва ҳимояси агентлиги бошқарма бошлиғи, ишчи гуруҳ котиби» сўзлари «Лавозими бўйича — Озиқ-овқат маҳсулотлари хавфсизлиги қўмитаси бошқарма бошлиғи, ишчи гуруҳ котиби» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 12 май,

ПФ- 84 -сон

(Қонунчилик маълумотлари миллий базаси, 21.05.2026 й., 06/26/84/0518-сон)

lex.uz

Oʻzbekiston Respublikasi Prezidentining

Farmoni

ROʻYXATI

Oziq-ovqat mahsulotlari xavfsizligi, fitosanitariya va veterinariya sohalarida yagona davlat boshqaruvi va nazorat tizimini joriy etish chora-tadbirlari toʻgʻrisida

Oziq-ovqat mahsulotlari xavfsizligi, fitosanitariya va veterinariya sohalarida yagona davlat boshqaruvini tashkil etish, aholiga xavfsiz oziq-ovqat mahsulotlari yetkazib berilishi ustidan samarali nazorat tizimini joriy etish, masʼuliyat va javobgarlikka asoslangan tadbirkorlik muhitini shakllantirish hamda sohaga ilgʻor xalqaro amaliyotlarni joriy etish maqsadida qaror qilaman:

I. Maqsadlar

1. Quyidagilar mazkur Farmonning asosiy maqsadlari etib belgilansin:

(a) oziq-ovqat mahsulotlari xavfsizligini taʼminlashga masʼul boʻlgan idoralarning bir-birini takrorlovchi funksiyalarini bartaraf etish va maqbullashtirish orqali yagona davlat boshqaruvini tashkil etish;

(b) “daladan dasturxongacha” tamoyili asosida oziq-ovqat mahsulotlarini yetkazib berish zanjiridagi barcha ishtirokchilar tomonidan oziq-ovqat mahsulotlari xavfsizligini taʼminlashning xavf tahliliga asoslangan nazorat tizimini joriy etish;

(v) amaldagi sanitariya qoidalari, normalari va gigiyena normativlari, veterinariya, veterinariya-sanitariya qoidalarini, fitosanitariya talablari va choralarini Alimentarius kodeksi standartlari, Butunjahon hayvonlar sogʻligʻini himoya qilish tashkiloti (WOAN), Oʻsimliklar karantini va himoyasi boʻyicha xalqaro konvensiya (IPPC) talablariga muvofiqlashtirish;

(g) oziq-ovqat biznesi operatorlari faoliyatiga xavf-xatarlar tahlili va kritik nazorat nuqtalari (HACCP) tamoyillari keng joriy etilishini taʼminlash hamda ularning isteʼmolchilarga xavfsiz oziq-ovqat mahsulotlarini yetkazib berishdagi masʼuliyatini oshirish;

(d) sohada xususiy sektor bilan maslahatlashuvlarning tizimli va shaffof mexanizmlarini yaratish, oziq-ovqat mahsulotlari xavfsizligi, fitosanitariya va veterinariya sohalaridagi davlat funksiyalarini xalqaro tajriba asosida bosqichma-bosqich xususiy sektorga oʻtkazish;

(j) mahalliy oziq-ovqat mahsulotlarining xalqaro bozordagi raqobatbardoshligini hamda nufuzini mustahkamlashga qaratilgan xalqaro hamkorlikni yanada rivojlantirish.

II. Yagona davlat boshqaruvini tashkil etish

2. Oʻsimliklar karantini va himoyasi agentligi hamda Veterinariya va chorvachilikni rivojlantirish qoʻmitasi negizida:

(a) Oʻzbekiston Respublikasi Oziq-ovqat mahsulotlari xavfsizligi qoʻmitasi (keyingi oʻrinlarda — Qoʻmita);

(b) Qishloq xoʻjaligi vazirligi huzurida Chorvachilik va yaylov xoʻjaligini rivojlantirish agentligi (keyingi oʻrinlarda — Chorvachilik agentligi) tashkil etilsin.

3. Qishloq xoʻjaligi vazirligi tuzilmasiga qishloq xoʻjaligi vaziri oʻrinbosari — Chorvachilik va yaylov xoʻjaligini rivojlantirish agentligi direktori lavozimi kiritilsin.

4. Qishloq xoʻjaligi vazirligi zimmasiga oziq-ovqat sanoati korxonalari (alkogol va tamaki mahsulotlari ishlab chiqaruvchilardan tashqari) va oziq-ovqat mahsulotlarini saqlash quvvatlarini rivojlantirish vazifalari yuklansin.

5. Oʻsimliklar karantini va himoyasi agentligi, Veterinariya va chorvachilikni rivojlantirish qoʻmitasi hamda Sanitariya-epidemiologik osoyishtalik va jamoat salomatligi qoʻmitasining 1 — 3-ilovalarga muvofiq vazifalari, tizim tashkilotlari va shtat birliklari tegishliligi boʻyicha Qoʻmita, Qishloq xoʻjaligi vazirligi va uning huzuridagi tashkilotlar oʻrtasida qayta taqsimlansin.

6. Belgilansinki:

(a) Qoʻmita oziq-ovqat mahsulotlari xavfsizligi, fitosanitariya va veterinariya (keyingi oʻrinlarda — oziq-ovqat mahsulotlari xavfsizligi) sohasidagi davlat boshqaruvi hamda nazoratini amalga oshiruvchi vakolatli organ sifatida faoliyat olib boradi;

(b) quyidagilar:

(i) Qoʻmita Oʻsimliklar karantini va himoyasi agentligining, shuningdek, oziq-ovqat mahsulotlari xavfsizligini taʼminlash qismida Veterinariya va chorvachilikni rivojlantirish qoʻmitasi hamda Sanitariya-epidemiologik osoyishtalik va jamoat salomatligi qoʻmitasining;

(ii) Chorvachilik agentligi chorvachilik, shu jumladan, naslchilikni rivojlantirish, yaylovlardan foydalanish va ularni muhofaza qilish qismida Veterinariya va chorvachilikni rivojlantirish qoʻmitasining funksiyalari, huquqlari, majburiyatlari, shartnomalari va xalqaro bitimlari boʻyicha huquqiy vorisi hisoblanadi.

7. Quyidagilar:

(a) Oʻzbekiston Respublikasi Oziq-ovqat mahsulotlari xavfsizligi qoʻmitasi faoliyatining ustuvor yoʻnalishlari 4-ilovaga muvofiq;

(b) 2027-yil 1-yanvardan boshlab xususiy sektorga xalqaro tajriba asosida bosqichma-bosqich oʻtkaziladigan (turlari kengaytiriladigan) oziq-ovqat mahsulotlari xavfsizligini taʼminlash sohasidagi funksiyalar roʻyxati 5-ilovaga muvofiq tasdiqlansin.

III. Oziq-ovqat mahsulotlari xavfsizligini taʼminlashda ilmiy-amaliy yondashuvni keng qoʻllash

8. Qoʻmita huzurida davlat muassasasi shaklidagi Oziq-ovqat mahsulotlari xavfsizligi instituti (keyingi oʻrinlarda — Institut) tashkil etilsin.

9. Belgilansinki:

(a) Institut mazkur Farmonga 6-ilovada nazarda tutilgan vazifalarni bajaradi;

(b) Institut xodimlarining umumiy cheklangan soni Qoʻmita raisi tomonidan Iqtisodiyot va moliya vazirligi bilan kelishilgan holda belgilanadi va mazkur Farmonga 3-ilovaga muvofiq Qoʻmitaga qayta taqsimlanayotgan shtat birliklari doirasida shakllantiriladi;

(v) Sanitariya-epidemiologik osoyishtalik va jamoat salomatligi qoʻmitasining oziq-ovqat mahsulotlarini xavfsizlik talablariga muvofiqligi boʻyicha sinovdan oʻtkazuvchi tibbiy jihozlari hamda Oʻzbekiston texnik jihatdan tartibga solish agentligining oziq-ovqat mahsulotlarini xavfsizlik talablariga muvofiqligi boʻyicha sinovdan oʻtkazuvchi laboratoriyalari, uskunalari va jihozlari Institutga oʻtkaziladi.

IV. Sohada manfaatdor taraflar ishtirokini taʼminlash

10. Qoʻmita huzurida Oziq-ovqat mahsulotlari xavfsizligi masalalari boʻyicha maslahat kengashi (keyingi oʻrinlarda — Maslahat kengashi) tashkil etilsin hamda uning asosiy faoliyat yoʻnalishlari 7-ilovaga muvofiq tasdiqlansin.

11. Belgilansinki:

(a) Maslahat kengashi tarkibiga davlat idoralari va boshqa barcha manfaatdor taraflar vakillari oʻz ixtiyoriga koʻra quyidagi guruhlarga taqsimlangan holda kiritiladi va har bir guruh bitta ovozga ega boʻladi:

(i) masʼul davlat boshqaruvi va nazorati organlari;

(ii) oziq-ovqat biznesi operatorlari hamda oziq-ovqat mahsulotlari xavfsizligi sohasida faoliyat yurituvchi boshqa tadbirkorlik subyektlari va ularning birlashmalari;

(iii) isteʼmolchilar huquqlarini himoya qilish tashkilotlari va nodavlat notijorat tashkilotlari;

(iv) ilmiy va akademik muassasalar hamda muvofiqlikni baholash organlari;

(v) ommaviy axborot vositalari va blogerlar;

(b) Maslahat kengashi faoliyatini tashkil etish va yuritish tartibi Vazirlar Mahkamasi tomonidan belgilanadi;

(v) Maslahat kengashi takliflari Qoʻmita tomonidan normativ-huquqiy hujjatlar loyihalari va oziq-ovqat mahsulotlari xavfsizligi sohasiga oid davlat siyosatini ishlab chiqishda inobatga olinadi.

V. Oziq-ovqat mahsulotlari xavfsizligi tizimini isloh qilish boʻyicha keyingi chora-tadbirlar

12. Oziq-ovqat mahsulotlari xavfsizligi tizimini isloh qilish davrida institutsional barqarorlikni taʼminlash uchun quyidagilar amalga oshirilsin:

(a) vakolatlarni uygʻunlashtirish va ularning takrorlanishini bartaraf etish, institutsional majburiyatlarni belgilash;

(b) mavjud malakali xodimlarni saqlab qolish va ularning safini kengaytirish;

(v) davlat nazorati va laboratoriya xizmatlarini koʻrsatishning operatsion uzluksizligini taʼminlash.

13. Qoʻmita 2026-yil 1-dekabrga qadar quyidagilarni nazarda tutgan holda Oziq-ovqat mahsulotlari xavfsizligi milliy strategiyasini ishlab chiqsin va belgilangan tartibda tasdiqlash uchun kiritsin:

(a) Alimentarius kodeksi standartlariga asoslangan oziq-ovqat mahsulotlari xavfsizligi qoidalari va normalarini qabul qilish hamda amaliyotga joriy etish;

(b) oziq-ovqat biznesi operatorlari bilan maslahatlashuvlarni olib borish va ular uchun uzluksiz treninglar tashkil etish;

(v) xavflarni baholash, boshqarish, xavf toʻgʻrisida xabardor qilish, shuningdek, xavfga asoslangan tekshiruv tartibini joriy etish;

(g) xalqaro standartlarga muvofiq boʻlgan inspeksiya, roʻyxatga olish, monitoring qilish, kuzatish va xavf tahlilini oʻtkazish tartib-taomillarini joriy etish hamda ularning integratsiyalashgan raqamli platformasini yaratish;

(d) inspektorlar, laboratoriya va soha mutaxassislari uchun uzluksiz professional tayyorlash hamda qayta tayyorlash tizimlarini bosqichma-bosqich joriy etish;

(j) Qoʻmita faoliyati samaradorligining eng muhim koʻrsatkichlari (KPI) sifatida ichki bozorning xavfsiz oziq-ovqat mahsulotlari bilan taʼminlanganligi darajasi hamda muammolari hal etilgan oziq-ovqat biznesi operatorlari sonining oshib borishini belgilash.

VI. Farmon ijrosini tashkil etish, taʼminlash va nazorat

14. Vazirlar Mahkamasi bir hafta muddatda Qoʻmita va Chorvachilik agentligi faoliyatini tashkil qilish boʻyicha qarorlar loyihalarini Oʻzbekiston Respublikasi Prezidenti Administratsiyasiga kiritsin.

15. Oʻzbekiston Respublikasi Prezidentining ayrim hujjatlariga 8-ilovaga muvofiq oʻzgartirish va qoʻshimchalar kiritilsin.

16. Adliya vazirligi Qoʻmita, Qishloq xoʻjaligi vazirligi va Sogʻliqni saqlash vazirligi bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur Farmon ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Xodjayev va Oziq-ovqat mahsulotlari xavfsizligi qoʻmitasi raisi belgilansin.

18. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi Sh.M. Gʻaniyev zimmasiga yuklansin.

Oʻzbekiston Respublikasi Prezidentining 2026-yil 12-maydagi PF-84-son Farmoniga 1-ILOVA

Sanitariya-epidemiologik osoyishtalik va jamoat salomatligi qoʻmitasi, Veterinariya va chorvachilikni rivojlantirish qoʻmitasi hamda Oʻsimliklar karantini va himoyasi agentligining qayta taqsimlanayotgan vazifalari

T/r Vazifalar qayta taqsimlanadigan davlat organi nomi Vazifalar I. Sanitariya-epidemiologik osoyishtalik va jamoat salomatligi qoʻmitasi vazifalarini taqsimlash 1. Oziq-ovqat mahsulotlari xavfsizligi qoʻmitasiga * 1.1. Oziq-ovqat mahsulotlarining xavfsizligi sohasida respublika ijro etuvchi hokimiyat organlari va xoʻjalik birlashmalarining faoliyatini muvofiqlashtirish va ular bilan hamkorlik qilish, oziq-ovqat xomashyosi va isteʼmol mahsulotlarini ishlab chiqarish, tashish, saqlash va sotish bilan shugʻullanuvchi subyektlar faoliyati, shuningdek, zarur xalqaro amaliyotlarni qoʻllash tajribasiga asoslangan standartlar talablariga rioya etilishini nazorat qilish uslubiyatini ishlab chiqish va joriy qilishda ishtirok etish. 1.2. Oziq-ovqat mahsulotlarining xavfsizligi va gigiyenasiga oid sanitariya qoidalari, normalari va gigiyena normativlarini ishlab chiqish hamda tasdiqlash. 1.3. Oziq-ovqat mahsulotlari xavfsizligi, shu jumladan, umumiy ovqatlanish sohasida sanitariya qoidalari, normalari va gigiyena normativlariga rioya qilinishi boʻyicha belgilangan tartibda tekshirishlar oʻtkazish va qonun buzilishlari boʻyicha belgilangan tartibda javobgarlik choralarini qoʻllash. 1.4. Oziq-ovqat mahsulotlarining xavfsizligi va gigiyenasi sohasidagi majburiy talablarga taalluqliligi boʻyicha maxsus ekspertizalar tayinlash va oʻtkazish, oziq-ovqat mahsulotlariga tegishli ruxsatnoma va sanitariya-epidemiologik xulosani rasmiylashtirish. 1.5. Oziq-ovqat mahsulotlarining isteʼmoli bilan bogʻliq boʻlgan kasalliklar yuzaga kelishi sabablarini tahlil qilish, oldini olishga qaratilgan chora-tadbirlarni ishlab chiqish va amalga oshirish, tegishli axborot tizimlarini yuritish. 1.6. Oziq-ovqat mahsulotlarining xavfsizligi va gigiyenasi boʻyicha laboratoriyalar faoliyatini yoʻlga qoʻyish. 1.7. Oziq-ovqat mahsulotlarining xavfsizligi sohasida yuzaga kelishi mumkin boʻlgan xavf-xatarlarni aniqlash, baholash va boshqarish jarayonida ilmiy asoslangan yondashuvlar asosida oziq-ovqat xavfsizligi sohasidagi siyosatni amalga oshirish. 1.8. Oziq-ovqat mahsulotlarining xavfsizligi va gigiyenasi masalalari boʻyicha istiqbolli yoʻnalishlarni belgilash hamda fundamental, amaliy va ilmiy tadqiqotlar olib borish. 1.9. Oziq-ovqat gigiyenasi va oziq-ovqat mahsulotlarining xavfsizligi sohasida sanitariya qoidalari, normalari va gigiyena normativlari boʻyicha toʻlov-kontrakt asosida kadrlarning malakasini oshirish. 1.10. Oziq-ovqat mahsulotlarining xavfsizligi va gigiyenasi sohasining joriy va istiqboldagi ehtiyojlarini hisobga olgan holda kadrlarni oʻqitish, tayyorlash, qayta tayyorlash va malakasini oshirishning ilgʻor usullarini tizimli asosda joriy etish. 1.11. Oʻzbekiston Respublikasida sanitariya va fitosanitariya choralari boʻyicha Jahon savdo tashkilotiga aʼzo davlatlarni xabardor qilish va ularning asoslangan soʻrovlariga javob berish tartib-taomillarini joriy etish. 1.12. Oʻzbekiston Respublikasiga olib kiriladigan va respublika hududida ishlab chiqariladigan biologik faol qoʻshimchalar muomalasini tartibga solish. II. Veterinariya va chorvachilikni rivojlantirish qoʻmitasi vazifalarini taqsimlash 2. Oziq-ovqat mahsulotlari xavfsizligi qoʻmitasiga 2.1. Veterinariya sohasidagi normativ-huquqiy hujjatlarni xalqaro standartlarga muvofiqlashtirish, ushbu sohada davlat, xoʻjalik boshqaruvi organlari hamda mahalliy davlat hokimiyati organlarining oʻzaro hamkorligini muvofiqlashtirish, veterinariya faoliyatini litsenziyalashni amalga oshirish. 2.2. Mamlakat hududlarini hayvonlarning yuqumli kasalliklari kirib kelishidan himoya qilishni taʼminlash, hayvonlar kasalliklari profilaktikasining va ularni davolashning zamonaviy usullarini amaliyotga joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarishni tashkil etishda ishtirok etish. 2.3. Epizootik osoyishtalikni taʼminlashda hayvonlarning yuqumli kasalliklarini oʻz vaqtida aniqlash, tashxis qoʻyish va ularning tarqalishining oldini olishga doir profilaktika ishlarining samaradorligini monitoring qilish. 2.4. Chorvachilik tarmoqlarida hayvonlarni identifikatsiya qilish, ularni hisobga olish, hisobdan chiqarish va saqlash ishlarini tashkil etish. 2.5. Veterinariya va naslchilik toʻgʻrisidagi qonun hujjatlariga rioya etilishi hamda veterinariya dori vositalari va ozuqabop qoʻshimchalarning sifati va muomalasi yuzasidan davlat nazoratini amalga oshirish. 2.6. Chorvachilik mahsulotlarini xalqaro talablarga muvofiq sertifikatlashtirishni taʼminlash, shuningdek, standartlashtirishni taʼminlash va sifat menejmentining zamonaviy usullarini keng joriy etishda ishtirok etish. 2.7. Mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarishni tashkil etish. 2.8. Veterinariya va qishloq xoʻjaligi sohalarida yuqori malakali kadrlar tayyorlash, ilmiy tadqiqot faoliyatini rivojlantirish, zamonaviy hamda innovatsion texnologiyalarni ishlab chiqish va amaliyotga joriy etish. 2.9. Veterinariya va chorvachilik sohalaridagi rahbar, mutaxassislar, oliy taʼlim hamda ilmiy tadqiqot muassasalari rahbar va ilmiy kadrlarini uzluksiz kasbiy rivojlantirish tizimi samaradorligini taʼminlash. 3. Chorvachilik va yaylov xoʻjaligini rivojlantirish agentligiga 3.1. Chorvachilik sohasidagi normativ-huquqiy hujjatlarni xalqaro standartlarga muvofiqlashtirish, standartlashtirishni taʼminlash va sifat menejmentining zamonaviy usullarini keng joriy etish, ushbu sohada davlat organlari, mahalliy davlat hokimiyati organlari hamda xoʻjalik birlashmalarining oʻzaro hamkorligini muvofiqlashtirish. 3.2. Chorvachilikning barcha tarmoqlarini, shu jumladan, qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish, naslchilik-seleksiya ishlarini muvofiqlashtirish hamda ushbu yoʻnalishlar boʻyicha maqsadli davlat dasturlarini ishlab chiqish va amalga oshirish. 3.3. Chorvachilik va naslchilik sohasini davlat tomonidan qoʻllab-quvvatlashning yagona mexanizmlarini amalga oshirish, chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirishni tashkil etish hamda yuqori hosildorlikka erishishni monitoring qilish. 3.4. Chorvachilik va naslchilik-seleksiya sohalarida ilmiy, uslubiy va taʼlim salohiyatini har tomonlama rivojlantirish, ilmiy tadqiqotlar yoʻnalishlarini belgilash, fundamental va amaliy tadqiqotlar, innovatsiya ishlanmalari natijalari veterinariya va naslchilik-seleksiya amaliyotiga joriy etilishini muvofiqlashtirish. 3.5. Chorvachilik tarmogʻiga xorijiy investitsiyalar va grant mablagʻlarini jalb qilish. 3.6. Yaylov yerlaridan samarali va maqsadli foydalanish, ularni muhofaza qilish, degradatsiyasining oldini olish, oʻsimliklar tabiiy plantatsiyalarini yaratishga qaratilgan chora-tadbirlar ishlab chiqish. 3.7. Yaylovlarda oʻsimliklar urugʻchiligini rivojlantirish, yaylov yerlarini ijaraga berishni tashkil etish, shartnomaviy munosabatlarni monitoring qilish. 3.8. Qorakoʻl zotining genofondini saqlash, takror koʻpaytirish, seleksiya-naslchilik rejalarini amaliyotga tatbiq etish hamda infratuzilmalarni yaxshilash boʻyicha takliflar ishlab chiqish. 4. Qishloq xoʻjaligi vazirligiga Barcha turdagi chorva hayvonlari, parranda, baliq va asalarilar boʻyicha tizimli ilmiy asoslangan yechimlar ishlab chiqish va ushbu yoʻnalishlarda ilmiy-tadqiqot ishlarini olib borish. III. Oʻsimliklar karantini va himoyasi agentligi vazifalarini taqsimlash 5. Oziq-ovqat mahsulotlari xavfsizligi qoʻmitasiga 5.1. Oʻsimliklar karantini, himoyasi va agrokimyo sohalarida yagona davlat siyosati va nazoratini amalga oshirish. 5.2. Tuproq agrokimyoviy tahlillarini oʻtkazish va qishloq xoʻjaligiga yetkazib beriladigan barcha turdagi mineral va mikrobiologik oʻgʻitlar sifatini nazorat qilish, tuproq va qishloq xoʻjaligi mahsulotlari tarkibidagi pestitsid, nitrat va ogʻir metall tuzlari qoldiqlarini dala sharoitida radiologik-toksikologik tahlillardan oʻtkazish. 5.3. Oʻsimliklar karantini va himoyasida prognoz tizimini takomillashtirish, zararli organizmlarga qarshi kurashishning uygʻunlashgan samarali usullarini belgilash hamda ijrosini nazorat qilish, monitoring olib borish, iqtisodiy zarar yetkazishi mumkin boʻlgan zararli organizmlarning respublika hududiga kirib kelishi va tarqalishining oldini olish hamda yoʻq qilish. 5.4. Oʻsimliklarni himoya qilishning kimyoviy va biologik vositalari hamda mineral va mikrobiologik oʻgʻitlarning biologik samaradorligi boʻyicha sinovlarni tashkil qilish va roʻyxatdan oʻtkazish, qishloq xoʻjaligida kimyolashtirish va biologik vositalardan foydalanish sohasida normativ, reglament va standartlar ishlab chiqish hamda kimyolashtirish va biologik vositalar realizatsiyasi bilan shugʻullanuvchi subyektlar faoliyatini muvofiqlashtirish. 5.5. Fitosanitar xavfsizlikni taʼminlashda ilmiy, uslubiy va taʼlim salohiyatini rivojlantirish, zamonaviy innovatsion yechimlar, rejalashtirish va boshqarish usullarini joriy etish, ilgʻor texnologiyalar hamda ish usullarini joriy etishda xalqaro hamkorlikni kengaytirish, sohada kadrlarni tizimli qayta tayyorlash va ularning malakasini oshirishni tashkil etish. 5.6. Dala chetlarida hamda aholi tomorqasi, xonadonlar va koʻp qavatli uylar oldi, mahallaning ichki koʻchalarida mahsulotlar yetishtirish, qishloq xoʻjaligi subyektlariga urugʻ va koʻchatlar yetkazib berish hamda yetishtirilgan mahsulotlarni eksportga yoʻnaltirishni tashkil qilish. 5.7. Kimyolashtirish vositalarini va oʻsimliklarni himoya qilish vositalarini, yangi texnikani va texnologik jarayonlarni hamda qishloq xoʻjaligida ularning qoʻllanish usullarini yaratishga, sinashga va joriy etishga doir ilmiy-tadqiqot, tajriba-konstruktorlik hamda loyihalashtirish ishlarini amalga oshirish, oʻsimliklarni himoya qilish sohasida mutaxassislar tayyorlanishini, qayta tayyorlanishini va ularning malakasi oshirilishini taʼminlash. 6. Qishloq xoʻjaligi vazirligiga Oʻsimliklar klinikalari va biolaboratoriyalar tizimini rivojlantirish hamda ularning faoliyatini muvofiqlashtirish.

Oʻzbekiston Respublikasi Prezidentining 2026-yil 12-maydagi PF-84-son Farmoniga 2-ILOVA

Veterinariya va chorvachilikni rivojlantirish qoʻmitasi hamda Oʻsimliklar karantini va himoyasi agentligining qayta taqsimlanayotgan tizim tashkilotlari roʻyxati

I. Veterinariya va chorvachilikni rivojlantirish qoʻmitasi

1.1. Oziq-ovqat mahsulotlari xavfsizligi qoʻmitasiga:

(a) Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar hamda Toshkent shahar veterinariya va chorvachilikni rivojlantirish boshqarmalari, tumanlar (shaharlar) veterinariya va chorvachilikni rivojlantirish boʻlimlari;

(b) Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, Qoraqalpogʻiston Respublikasi, viloyatlar va tuman (shaharlar) hayvonlar kasalliklari tashxisi va oziq-ovqat mahsulotlari xavfsizligi davlat markazlari;

(v) Veterinariya dori vositalari va mahsulotlarni sinovdan oʻtkazish davlat ilmiy nazorat markazi;

(g) Davlat chegarasi va transportda davlat veterinariya nazorati boshqarmasi;

(d) Hayvonlarni identifikatsiya qilish, roʻyxatga olish va kuzatish markazi;

(j) Samarqand davlat veterinariya meditsinasi, chorvachilik va biotexnologiyalar universiteti, filiallari hamda akademik litseyi;

(z) Veterinariya ilmiy-tadqiqot instituti;

(i) Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti.

1.2. Chorvachilik va yaylov xoʻjaligini rivojlantirish agentligiga:

(a) Naslchilik ilmiy-ishlab chiqarish markazi;

(b) Qoraqalpogʻiston, Buxoro, Jizzax, Qashqadaryo, Navoiy, Samarqand va Surxondaryo yaylov xoʻjaliklari;

(v) “Parrandasanoat” uyushmasi * ;

(g) “Oʻzbekbaliqsanoat” uyushmasi * ;

(d) Oʻzbekiston asalarichilari uyushmasi * ;

(j) Yaylov xoʻjaligini rivojlantirish uyushmasi * .

II. Oʻsimliklar karantini va himoyasi agentligi

2.1. Oziq-ovqat mahsulotlari xavfsizligi qoʻmitasiga:

(a) Respublika agrokimyoviy tahlil markazi va uning hududiy boʻlinmalari;

(b) Qoraqalpogʻiston Respublikasi va viloyatlar chigirtka va tut parvonasiga qarshi kurashish xizmatlari;

(v) Oʻsimliklar karantini va himoyasi ilmiy-tadqiqot instituti va uning mintaqaviy filiallari.

2.2. Qishloq xoʻjaligi vazirligiga — “Biosifat” respublika markazi.

Oʻzbekiston Respublikasi Prezidentining 2026-yil 12-maydagi PF-84-son Farmoniga 3-ILOVA

Oʻzbekiston Respublikasi Oziq-ovqat mahsulotlari xavfsizligi qoʻmitasi, Qishloq xoʻjaligi vazirligi va uning huzuridagi tashkilotlar oʻrtasida qayta taqsimlanayotgan shtat birliklari

T/r Shtat birliklari qisqartiriladigan tashkilotlar Oziq-ovqat mahsulotlari xavfsizligi qoʻmitasi Qishloq xoʻjaligi vazirligi ** Chorvachilik va yaylov xoʻjaligini rivojlantirish agentligi *** Jami Boshqaruv xodimlari shu jumladan Ishlab chiqarish xodimlari * shu ju mladan Boshqaruv xodimlari shu jumladan Jami Boshqaruv xodimlari shu jumladan Ishlab chiqarish xodimlari * shu jumladan Davlat budjeti hisobidan Budjetdan tashqari mablagʻlar hisobidan Davlat budjeti hisobidan Budjetdan tashqari mablagʻlar hisobidan Davlat byudje ti hisobidan Budjetdan tashqari mablagʻlar hisobidan Davlat budjeti hisobidan Budjetdan tashqari mablagʻlar hisobidan Davlat budjeti hisobidan Budjetdan tashqari mablagʻlar hisobidan Jami 11 407 1 842 1 824 18 9 565 9 043 522 247 247 - 737 157 157 - 580 580 - 1. Sanitariya-epidemiologik osoyishtalik va jamoat salomatligi qoʻmitasi 1 372 9 9 - 1 363 849 514 - - - - - - - - - - 2. Veterinariya va chorvachilikni rivojlantirish qoʻmitasi 6 880 1 281 1 281 - 5 599 5 599 - 234 234 - 737 157 157 - 580 580 - 2.1 shu jumlad an, boshqaruv organi boʻlmagan tizim tashkilotlari 2 463 503 503 - 1 960 1 960 - - - - - - - - - - - 3. Qishloq xoʻjaligi vazirligi huzuridagi Oʻsimliklar karantini va himoyasi agentligi 3 155 552 534 18 2 603 2 595 8 13 13 - - - - - - - - 3.1 shu jumladan, tizi m tashkilotlari 443 202 202 - 241 241 - 13 13 - - - - - - - -

Oʻzbekiston Respublikasi Prezidentining 2026-yil 12-maydagi PF-84-son Farmoniga 4-ILOVA

Oʻzbekiston Respublikasi Oziq-ovqat mahsulotlari xavfsizligi qoʻmitasi faoliyatining ustuvor yoʻnalishlari

1. Oziq-ovqat mahsulotlari xavfsizligi, veterinariya va fitosanitariya sohalarida yagona davlat siyosati va nazoratini amalga oshirish, xususan:

(a) qonunchilik hujjatlari, milliy standartlar, qoidalar va normalar, maqbul ishlab chiqarish amaliyotlari, shuningdek, ulardan foydalanish qoʻllanmalarini xalqaro talablarga muvofiq holda ishlab chiqish va ularning amaliyotga joriy etilishini taʼminlash;

(b) oziq-ovqat biznesi operatorlari, yangi turdagi oziq-ovqat mahsulotlari, oziq-ovqat qoʻshimchalari, kimyolashtirish va oʻsimliklarni himoya qilish vositalari, veterinariya dori vositalari va ozuqabop qoʻshimchalarni roʻyxatga olish;

(v) oziq-ovqat mahsulotlari xavfsizligi sohasidagi litsenziyalash, ruxsat berish va xabardor qilish tartib-taomillarini amalga oshirish;

(g) xatar omillari aniqlanganda, xavflarni baholash asosida oziq-ovqat mahsulotlari savdosi va (yoki) importini cheklovchi vaqtinchalik choralarni qoʻllash, xavfli deb topilgan mahsulotlarni muomaladan qaytarib olish choralarini koʻrish.

2. Respublika hududidagi oʻsimliklar va hayvonlar kasalliklarining hamda zararkunandalarining kirib kelishi va tarqalishining oldini olish, ularga qarshi kurashishning samarali usullarini belgilash hamda ijrosini nazorat qilish.

3. “Daladan dasturxongacha” tamoyili asosida oziq-ovqat mahsulotlari xavfsizligi sohasida xavf tahliliga asoslangan davlat nazoratini amalga oshirish, xususan:

(a) oziq-ovqat biznesi operatorlari tomonidan xavf-xatarlar tahlili va kritik nazorat nuqtalari (NACCP) tamoyillariga rioya etilishini inspeksiya qilish;

(b) oziq-ovqat mahsulotlari ustidan bozor nazoratini amalga oshirish, isteʼmolchilarni xavfsizligi kafolatlanmagan va qalbaki mahsulotlardan himoyalash.

4. Oziq-ovqat mahsulotlari isteʼmoli bilan bogʻliq kasalliklarning sabablarini tahlil qilish, jamoat salomatligi va isteʼmolchilar manfaatlarini himoya qilishga qaratilgan chora-tadbirlarni muvofiqlashtirish.

5. Oziq-ovqat mahsulotlari xavfsizligi sohasida xalqaro hamkorlikni amalga oshirish, sohaga raqamli texnologiyalarning joriy etilishini taʼminlash.

Oʻzbekiston Respublikasi Prezidentining 2026-yil 12-maydagi PF-84-son Farmoniga 5-ILOVA

2027-yil 1-yanvardan boshlab xususiy sektorga xalqaro tajriba asosida bosqichma-bosqich oʻtkaziladigan (turlari kengaytiriladigan) oziq-ovqat mahsulotlari xavfsizligini taʼminlash sohasidagi funksiyalar

T/r Funksiyaning nomi * 1. Oziq-ovqat mahsulotlari xavfsizligi va gigiyenasi sohasidagi majburiy talablarga taalluqliligi boʻyicha maxsus ekspertizalarni oʻtkazish 2. Oziq-ovqat mahsulotlari xavfsizligi va gigiyenasi boʻyicha laboratoriya tekshiruvlarini oʻtkazish 3. Veterinariya-laboratoriya xizmatlarini koʻrsatish 4. Hayvonlarni emlash va davolash 5. Dezinfeksiya va dezinseksiya tadbirlarini tashkil etish va amalga oshirish 6. Chorvachilik tarmoqlarida hayvonlarni identifikatsiya qilish

Oʻzbekiston Respublikasi Prezidentining 2026-yil 12-maydagi PF-84-son Farmoniga 6-ILOVA

Oziq-ovqat mahsulotlari xavfsizligi qoʻmitasi huzuridagi Oziq-ovqat mahsulotlari xavfsizligi institutining vazifalari

1. Oziq-ovqat mahsulotlari xavfsizligini taʼminlashga qaratilgan ilmiy va amaliy tadqiqotlarni oʻtkazish hamda xavf tahliliga asoslangan innovatsion yondashuvlarni ishlab chiqish.

2. Tizimli ravishda oziq-ovqat mahsulotlari xavfsizligi holatini monitoring qilish, ishlab chiqarish va yetkazib berish zanjiridagi mikrobiologik patogenlar va kimyoviy ifloslantiruvchilar toʻgʻrisidagi maʼlumotlarni toʻplash, tahlil qilish va baholash.

3. Yangi turdagi oziq-ovqat mahsulotlari, oziq-ovqat qoʻshimchalari, kimyolashtirish va oʻsimliklarni himoya qilish vositalari, veterinariya dori vositalari va ozuqabop qoʻshimchalar boʻyicha milliy va xalqaro tajribani oʻrganib borish, ularni roʻyxatga olish maqsadidagi tadqiqotlarni olib borish va hisobotlar rasmiylashtirish.

4. Oziq-ovqat mahsulotlarining muvofiqligini baholash hamda ilmiy sinov jarayonlariga innovatsion va zamonaviy sinov uslubiyotlarini joriy etish.

Oʻzbekiston Respublikasi Prezidentining 2026-yil 12-maydagi PF-84-son Farmoniga 7-ILOVA

Oziq-ovqat mahsulotlari xavfsizligi qoʻmitasi huzuridagi Oziq-ovqat mahsulotlari xavfsizligi masalalari boʻyicha maslahat kengashining asosiy faoliyat yoʻnalishlari

I. Oziq-ovqat mahsulotlari xavfsizligi sohasini takomillashtirish borasida

1. Sohani tartibga soluvchi normativ-huquqiy hujjatlar loyihalarini xalqaro talablar hamda savdo majburiyatlariga muvofiqlashtirishga koʻmaklashish.

2. Xavflarni boshqarish, inspeksiya amaliyoti va tartibga solish samaradorligini oshirishga qaratilgan takliflarni ishlab chiqish.

3. Yangi turdagi oziq-ovqat mahsulotlari, oziq-ovqat qoʻshimchalari, kimyolashtirish va oʻsimliklarni himoya qilish vositalari, veterinariya dori vositalari va ozuqabop qoʻshimchalarni roʻyxatga olish masalalarini oʻrganib borish va Qoʻmitaga taklif kiritish.

II. Manfaatdor taraflar bilan maslahatlashuv borasida

4. Oziq-ovqat mahsulotlari xavfsizligini taʼminlash sohasida mavjud muammolarning idoralararo muhokamasini tashkil etish.

5. Davlat organlari va oziq-ovqat sohasidagi tadbirkorlik subyektlari oʻrtasidagi konstruktiv va natijaviy muloqotni yoʻlga qoʻyish.

Oʻzbekiston Respublikasi Prezidentining 2026-yil 12-maydagi PF-84-son Farmoniga 8-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :

(a) 1-ilovada :

(i) “4. Qishloq xoʻjaligi vazirligi” boʻlimi quyidagi tahrirda bayon etilsin:

“ 4. Qishloq xoʻjaligi vazirligi Qishloq xoʻjaligi vazirligi 2 323 2 022 301 shu jumladan, vazir oʻrinbosarlari soni 6 6 1. Chorvachilik va yaylov xoʻjaligini rivojlantirish agentligi 157 157 shu jumladan, direktor oʻrinbosarlari soni 2 2 2. Agrosanoatni rivojlantirish agentligi 287 272 15 shu jumladan, direktor oʻrinbosarlari soni 3 2 1 ” ;

(ii) “12. Sogʻliqni saqlash vazirligi” boʻlimida 1-pozitsiyaning “Jami boshqaruv shtat birliklari soni” va “Davlat budjeti hisobidan” ustunlaridagi “68” raqami “59” raqami bilan almashtirilsin;

(iii) quyidagi mazmundagi “40. Oziq-ovqat mahsulotlari xavfsizligi qoʻmitasi” boʻlimi bilan toʻldirilsin:

“ 40. Oziq-ovqat mahsulotlari xavfsizligi qoʻmitasi Oziq-ovqat mahsulotlari xavfsizligi qoʻmitasi 1 339 1 321 18 shu jumladan, rais oʻrinbosarlari soni 5 5 ” ;

(iv) izohlar qismida :

5.2-kichik band “Qishloq xoʻjaligi vazirligi tizimida” soʻzlaridan keyin “Biosifat” respublika markazi” soʻzlari bilan toʻldirilsin;

5.3-kichik band oʻz kuchini yoʻqotgan deb hisoblansin;

(b) 2-ilovada :

(i) 4.1 — 4.4-kichik bandlar quyidagi mazmundagi 4.1-4.2-kichik bandlar bilan almashtirilsin:

“4.1. Chorvachilik va yaylov xoʻjaligini rivojlantirish agentligi

4.2. Agrosanoatni rivojlantirish agentligi”;

(ii) quyidagi mazmundagi 43-band bilan toʻldirilsin:

“43. Oziq-ovqat mahsulotlari xavfsizligi qoʻmitasi”;

(iii) izoh qismining uchinchi xatboshisidagi “7” raqami “8” raqami bilan almashtirilsin;

(v) 2a-ilovada :

(i) 4.1 — 4.4-pozitsiyalar quyidagi mazmundagi 4.1-4.2-pozitsiyalar bilan almashtirilsin:

“ 4.1 Oʻzbekiston Respublikasi Qishloq xoʻjaligi vazirligi huzuridagi Chorvachilik va yaylov xoʻjaligini rivojlantirish agentligi Chorvachilik agentligi Agentstvo po jivotnovodstvu 4.2 Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi Agrosanoatni rivojlantirish agentligi Agentstvo razvitiya agropromishlennosti ” ;

(ii) quyidagi mazmundagi 43-pozitsiya bilan toʻldirilsin:

“ 43. Oʻzbekiston Respublikasi Oziq-ovqat mahsulotlari xavfsizligi qoʻmitasi Oziq-ovqat mahsulotlari xavfsizligi qoʻmitasi Komitet pishevoy bezopasnosti ” .

2. Oʻzbekiston Respublikasi Prezidentining 2023-yil 10-iyundagi “Maʼmuriy islohotlar doirasida qishloq xoʻjaligi va oziq-ovqat sohasida davlat boshqaruvini samarali tashkil qilish chora-tadbirlari toʻgʻrisida”gi PF-90-son Farmonida :

(a) 1-bandda :

(i) toʻrtinchi va beshinchi xatboshilar chiqarib tashlansin;

(ii) oltinchi — sakkizinchi xatboshilar tegishincha beshinchi — yettinchi xatboshilar deb hisoblansin;

(b) 2-ilova “Urugʻchilikni rivojlantirish markazi” blokidan keyin “Biosifat” respublika markazi” bloki bilan toʻldirilsin;

(v) 3 va 5-ilovalar oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2026-yil 5-maydagi “Sogʻliqni saqlash tizimida boshqaruv samaradorligini oshirish chora-tadbirlari toʻgʻrisida”gi PF-77-son Farmonida :

(a) 3-band quyidagi mazmundagi “j” kichik band bilan toʻldirilsin:

“(j) ushbu Farmonda belgilangan vazifalarni bajarish uchun shtat birliklarini malakali mutaxassislar bilan toʻldirish maqsadida, istisno tariqasida, Sogʻliqni saqlash vazirligining markaziy apparatiga 2026-yil yakuniga qadar xodimlarni tanlovsiz ishga qabul qilish”;

(b) 6-bandning “b” kichik bandidagi “68” raqami “59” raqami bilan almashtirilsin.

4. Oʻzbekiston Respublikasi Prezidentining 2024-yil 12-dekabrdagi “Qishloq xoʻjaligini mexanizatsiyalash darajasini yanada oshirish chora-tadbirlari toʻgʻrisida”gi PQ-431-son qarori 4-bandi “b” kichik bandining ikkinchi xatboshisidan “va foydalanish darajasi ishlab chiqaruvchi tomonidan belgilangan motoresursning 50 foizidan” soʻzlari chiqarib tashlansin.

5. Oʻzbekiston Respublikasi Prezidentining 2024-yil 30-dekabrdagi “Qishloq xoʻjaligi maydonlaridagi qoʻshimcha imkoniyatlardan foydalangan holda mahsulot yetishtirishni koʻpaytirishga doir chora-tadbirlar toʻgʻrisida”gi PQ-465-son qarorida :

(a) 1-bandning “a” kichik bandida :

(i) ikkinchi xatboshidagi “Oʻsimliklar karantini va himoyasi agentligiga (keyingi oʻrinlarda — Agentlik)” soʻzlari “Oziq-ovqat mahsulotlari xavfsizligi qoʻmitasiga (keyingi oʻrinlarda — Qoʻmita)” soʻzlari bilan almashtirilsin;

(ii) uchinchi , beshinchi , yettinchi va toʻqqizinchi xatboshilardagi tegishli kelishikdagi “Agentlik” soʻzi tegishli kelishikdagi “Qoʻmita” soʻzi bilan almashtirilsin;

(iii) toʻrtinchi xatboshidagi “Agentlikka” soʻzi “Qoʻmitaga” soʻzi bilan almashtirilsin;

(b) 4-bandning ikkinchi xatboshisidagi “Agentlik direktori” soʻzlari “Qoʻmita raisi” soʻzlari bilan almashtirilsin;

(v) 5-bandning “b” kichik bandidagi “Agentlik” soʻzi “Qoʻmita” soʻzi bilan almashtirilsin;

(g) 8-bandning “v” kichik bandidagi “Agentlik (I. Ergashev)” soʻzlari “Qoʻmita” soʻzi bilan almashtirilsin;

(d) 9-band quyidagi tahrirda bayon etilsin:

“9. Respublika ishchi guruhi va hududiy ishchi guruhlar faoliyati yuzasidan maʼlumotlarni umumlashtirish, tahlil qilish, chora-tadbirlar va tegishli takliflar ishlab chiqish uchun masʼul boʻlgan Qoʻmita markaziy apparatida 8 ta shtat birligidan iborat boshqarma, Qoraqalpogʻiston Respublikasi Oziq-ovqat mahsulotlari xavfsizligi qoʻmitasi, viloyatlar va Toshkent shahar oziq-ovqat mahsulotlari xavfsizligi bosh boshqarmalarida 2 ta shtatdan iborat boʻlimlar tashkil qilinsin.

Belgilansinki, mazkur shtat birliklari, istisno tariqasida, 2025-2026-yillar uchun joriy etiladi hamda Oziq-ovqat mahsulotlari xavfsizligi sohasini rivojlantirish jamgʻarmasi hisobidan saqlanadi”;

(j) 11-bandda :

(i) birinchi xatboshidagi “Agentlik” soʻzi “Qoʻmita” soʻzi bilan almashtirilsin;

(ii) oltinchi xatboshidagi “Agentlik direktori I. Ergashev” soʻzlari “Qoʻmita raisi” soʻzlari bilan almashtirilsin;

(z) 16-banddagi “Agentlik direktori I.K. Ergashev” soʻzlari “Qoʻmita raisi” soʻzlari bilan almashtirilsin;

(i) 1-ilovada :

(i) “I. Ergashev — Oʻsimliklar karantini va himoyasi agentligi direktori, ishchi guruh rahbari” soʻzlari “Lavozimi boʻyicha — Oziq-ovqat mahsulotlari xavfsizligi qoʻmitasi raisi, ishchi guruh rahbari” soʻzlari bilan almashtirilsin;

(ii) “B. Xamrayev — Oʻsimliklar karantini va himoyasi agentligi direktorining birinchi oʻrinbosari” soʻzlari “Lavozimi boʻyicha — Oziq-ovqat mahsulotlari xavfsizligi qoʻmitasi raisining oʻrinbosari” soʻzlari bilan almashtirilsin;

(iii) “D. Anarbayev — Oʻsimliklar karantini va himoyasi agentligi boshqarma boshligʻi, ishchi guruh kotibi” soʻzlari “Lavozimi boʻyicha — Oziq-ovqat mahsulotlari xavfsizligi qoʻmitasi boshqarma boshligʻi, ishchi guruh kotibi” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 12-may,

PF- 84 -son

(Qonunchilik maʼlumotlari milliy bazasi, 21.05.2026-y., 06/26/84/0518-son)

lex.uz

Президента Республики Узбекистан

Указ

О мерах по внедрению единого государственного управления и системы контроля в сферах безопасности пищевой продукции, фитосанитарии и ветеринарии

В целях организации единого государственного управления в сферах безопасности пищевой продукции, фитосанитарии и ветеринарии, внедрения эффективной системы контроля за поставками безопасной пищевой продукции населению, формирования основанной на ответственности предпринимательской среды, а также внедрения передовой международной практики в сферу постановляю:

I. Цели

1. Определить основными целями настоящего Указа:

(а) организацию единого государственного управления путем устранения и оптимизации дублирующих друг друга функций ведомств, ответственных за обеспечение безопасности пищевой продукции;

(б) внедрение системы контроля за обеспечением безопасности пищевой продукции, основанной на риск-анализе, всеми участниками цепочки поставок пищевой продукции на основе принципа «от поля до стола»;

(в) приведение действующих санитарных правил, норм и гигиенических нормативов, ветеринарных, ветеринарно-санитарных правил, фитосанитарных требований и мер в соответствие со стандартами Кодекса Алиментариус, требованиями Всемирной организации по охране здоровья животных (WOAН), Международной конвенции по карантину и защите растений (IPPC);

(г) обеспечение широкого внедрения принципов анализа рисков и критических контрольных точек (HACCP) в деятельность операторов пищевого бизнеса и повышение их ответственности при поставке безопасной пищевой продукции потребителям;

(д) создание системных и прозрачных механизмов консультаций с частным сектором в сфере, поэтапную передачу государственных функций в сферах безопасности пищевой продукции, фитосанитарии и ветеринарии частному сектору на основе международного опыта;

(ж) дальнейшее развитие международного сотрудничества, направленного на укрепление конкурентоспособности и престижа отечественной пищевой продукции на международном рынке.

II. Организация единого государственного управления

2. Образовать на базе Агентства по карантину и защите растений и Комитета ветеринарии и развития животноводства:

(а) Комитет по безопасности пищевой продукции Республики Узбекистан (далее — Комитет);

(б) Агентство по развитию животноводства и пастбищного хозяйства при Министерстве сельского хозяйства (далее — Агентство по животноводству).

3. Ввести в структуру Министерства сельского хозяйства должность заместителя министра сельского хозяйства — директора Агентства по развитию животноводства и пастбищного хозяйства.

4. Возложить на Министерство сельского хозяйства задачи по развитию предприятий пищевой промышленности (за исключением производителей алкогольной и табачной продукции) и мощностей по хранению пищевой продукции.

5. Перераспределить задачи, организации в системе и штатные единицы Агентства по карантину и защите растений, Комитета ветеринарии и развития животноводства, а также Комитета санитарно-эпидемиологического благополучия и общественного здоровья между Комитетом, Министерством сельского хозяйства и организациями при нем по подведомственности согласно приложениям №№ 1 — 3 * .

6. Установить, что:

(а) Комитет ведет деятельность в качестве уполномоченного органа, осуществляющего государственные управление и контроль в сферах безопасности пищевой продукции, фитосанитарии и ветеринарии (далее — безопасность пищевой продукции);

(б) по функциям, правам, обязательствам, договорам и международным соглашениям:

(i) Комитет является правопреемником Агентства по карантину и защите растений, а также в части обеспечения безопасности пищевой продукции — Комитета ветеринарии и развития животноводства и Комитета санитарно-эпидемиологического благополучия и общественного здоровья;

(ii) Агентство по животноводству является правопреемником в части животноводства, включая развитие племенного дела, использование и охрану пастбищ, — Комитета ветеринарии и развития животноводства.

7. Утвердить:

(а) Приоритетные направления деятельности Комитета по безопасности пищевой продукции Республики Узбекистан согласно приложению № 4 * ;

(б) Перечень функций в сфере обеспечения безопасности пищевой продукции (виды которой подлежат расширению), передаваемых с 1 января 2027 года поэтапно частному сектору на основе международного опыта, согласно приложению № 5 * .

III. Широкое применение научно-практического подхода в обеспечении безопасности пищевой продукции

8. Образовать Институт безопасности пищевой продукции при Комитете в форме государственного учреждения (далее — Институт).

9. Определить, что:

(а) Институт выполняет задачи, предусмотренные приложением № 6 * к настоящему Указу;

(б) общая предельная численность работников Института устанавливается председателем Комитета по согласованию с Министерством экономики и финансов и формируется в рамках штатных единиц, перераспределяемых для Комитета согласно приложению № 3 * к настоящему Указу;

(в) медицинские изделия Комитета санитарно-эпидемиологического благополучия и общественного здоровья, применяемые при испытании пищевой продукции на соответствие требованиям безопасности, а также лаборатории, оборудование и изделия Узбекского агентства по техническому регулированию, используемые при испытании пищевой продукции на соответствие требованиям безопасности, передаются Институту.

IV. Обеспечение участия заинтересованных сторон в сфере

10. Образовать Консультативный совет по вопросам безопасности пищевой продукции при Комитете (далее — Консультативный совет) и утвердить основные направления его деятельности согласно приложению № 7 * .

11. Установить, что:

(а) в состав Консультативного совета включаются представители государственных ведомств и всех других заинтересованных сторон, которые распределяются по их желанию в нижеследующие группы, каждая из которых имеет один голос:

(i) ответственные органы государственного управления и контроля;

(ii) операторы пищевого бизнеса, а также другие субъекты предпринимательства, осуществляющие деятельность в сфере безопасности пищевой продукции, и их объединения;

(iii) организации защиты прав потребителей и негосударственные некоммерческие организации;

(iv) научные и академические учреждения, а также органы по оценке соответствия;

(v) средства массовой информации и блогеры;

(б) порядок организации и ведения деятельности Консультативного совета определяется Кабинетом Министров;

(в) предложения Консультативного совета учитываются Комитетом при разработке проектов нормативно-правовых актов и государственной политики в сфере безопасности пищевой продукции.

V. Последующие меры по реформированию системы безопасности пищевой продукции

12. В целях обеспечения институциональной устойчивости в период реформирования системы безопасности пищевой продукции осуществить:

(а) упорядочение и исключение дублирования полномочий, определение институциональных обязательств;

(б) удержание действующих квалифицированных работников и расширение их рядов;

(в) обеспечение операционной бесперебойности государственного контроля и оказания лабораторных услуг.

13. Комитету в срок до 1 декабря 2026 года разработать и внести на утверждение в установленном порядке Национальную стратегию безопасности пищевой продукции, предусмотрев:

(а) принятие и внедрение на практике правил и норм безопасности пищевой продукции, основанных на стандартах Кодекса Алиментариус;

(б) проведение консультаций с операторами пищевого бизнеса и организацию регулярных тренингов для них;

(в) внедрение порядка оценки и управления рисками, оповещения об опасности, а также основанной на рисках проверки;

(г) внедрение процедур инспектирования, регистрации, ведения мониторинга, наблюдения и проведения риск-анализа в соответствии с международными стандартами и создание их интегрированной цифровой платформы;

(д) поэтапное внедрение систем непрерывной профессиональной подготовки и переподготовки для инспекторов, специалистов лабораторий и сферы;

(ж) определение уровня обеспечения внутреннего рынка безопасной пищевой продукцией и увеличение числа операторов пищевого бизнеса, проблемы которых решены, в качестве ключевых показателей эффективности деятельности (KPI) Комитета.

VI. Организация, обеспечение и контроль исполнения Указа

14. Кабинету Министров в недельный срок внести в Администрацию Президента Республики Узбекистан проекты постановлений об организации деятельности Комитета и Агентства по животноводству.

15. Внести изменения и дополнения в некоторые акты Президента Республики Узбекистан согласно приложению № 8 .

16. Министерству юстиции совместно с Комитетом, Министерством сельского хозяйства и Министерством здравоохранения в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

17. Возложить на заместителя Премьер-министра Ж.А. Ходжаева и председателя Комитета по безопасности пищевой продукции персональную ответственность за эффективную организацию исполнения настоящего Указа.

18. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан Ш.М. Ганиева.

ПРИЛОЖЕНИЕ № 8 к Указу Президента Республики Узбекистан от 12 мая 2026 года № УП-84

Изменения и дополнения, вносимые в некоторые акты Президента Республики Узбекистан

1. В Указе Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:

(а) в приложении № 1 :

(i) раздел «4. Министерство сельского хозяйства» изложить в следующей редакции:

« 4. Министерство сельского хозяйства Министерство сельского хозяйства 2 323 2 022 301 в т.ч. количество заместителей министра 6 6 1. Агентство по развитию животноводства и пастбищного хозяйства 157 157 в т.ч. количество заместителей директора 2 2 2. Агентство по развитию агропромышленности 287 272 15 в т.ч. количество заместителей директора 3 2 1 » ;

(ii) в позиции 1 раздела «12. Министерство здравоохранения» цифру «68» в графах «Общее количество управленческих штатных единиц» и «за счет Государственного бюджета» заменить цифрой «59»;

(iii) дополнить разделом «40. Комитет по безопасности пищевой продукции» следующего содержания:

« 40. Комитет по безопасности пищевой продукции Комитет по безопасности пищевой продукции 1 339 1 321 18 в т.ч. количество заместителей председателя 5 5 » ;

(iv) в примечании :

в подпункте 5.2 слова «Государственный центр сертификации и апробации сельскохозяйственной техники и технологий» заменить словами «Республиканский центр «Биосифат», Государственный центр сертификации и апробации сельскохозяйственной техники и технологий»;

подпункт 5.3 признать утратившим силу;

(б) в приложении № 2 :

(i) подпункты 4.1 — 4.4 заменить подпунктами 4.1-4.2 следующего содержания:

«4.1. Агентство по развитию животноводства и пастбищного хозяйства

4.2. Агентство по развитию агропромышленности»;

(ii) дополнить пунктом 43 следующего содержания:

«43. Комитет по безопасности пищевой продукции»;

(iii) в абзаце третьем примечания цифру «7» заменить цифрой «8»;

(в) в приложении № 2а :

(i) позиции 4.1 — 4.4 заменить позициями 4.1-4.2 следующего содержания:

« 4.1. Агентство по развитию животноводства и пастбищного хозяйства при Министерстве сельского хозяйства Республики Узбекистан Чорвачилик агентлиги Агентство по животноводству 4.2. Агентство по развитию агропромышленности при Министерстве сельского хозяйства Республики Узбекистан Агросаноатни ривожлантириш агентлиги Агентство развития агропромышленности »;

(ii) дополнить позицией 43 следующего содержания:

« 43. Комитет по безопасности пищевой продукции Республики Узбекистан Озиқ-овқат маҳсулотлари хавфсизлиги қўмитаси Комитет пищевой безопасности » .

2. В Указе Президента Республики Узбекистан от 10 июня 2023 года № УП-90 «О мерах по эффективной организации государственного управления в сельскохозяйственной и продовольственной сфере в рамках административных реформ»:

(а) в пункте 1 :

(i) абзацы четвертый и пятый исключить;

(ii) абзацы шестой — восьмой считать соответственно абзацами пятым — седьмым;

(б) приложение № 2 после блока «Центр развития семеноводства» дополнить блоком «Республиканский центр «Биосифат»;

(в) приложения №№ 3 и 5 признать утратившими силу.

3. В Указе Президента Республики Узбекистан от 5 мая 2026 года № УП-77 «О мерах по повышению эффективности управления в системе здравоохранения»:

(а) пункт 3 дополнить подпунктом «ж» следующего содержания:

«(ж) в целях укомплектования штатных единиц квалифицированными специалистами для выполнения задач, определенных настоящим Указом, в порядке исключения, принятие работников в центральный аппарат Министерства здравоохранения без проведения конкурса до конца 2026 года»;

(б) в подпункте «б» пункта 6 цифру «68» заменить цифрой «59».

4. Из абзаца второго подпункта «б» пункта 4 постановления Президента Республики Узбекистан от 12 декабря 2024 года № ПП-431 «О мерах по дальнейшему повышению уровня механизации сельского хозяйства» слова «и уровень их эксплуатации не превышает 50 процентов моторесурса, установленного производителем» исключить.

5. В постановлении Президента Республики Узбекистан от 30 декабря 2024 года № ПП-465 «О мерах по увеличению объема выращивания продукции с использованием дополнительных возможностей на сельскохозяйственных площадях»:

(а) в подпункте «а» пункта 1:

(i) в абзаце втором слова «Агентство по карантину и защите растений (далее — Агентство)» заменить словами «Комитет по безопасности пищевой продукции (далее — Комитет)»;

(ii) в абзацах третьем , пятом , седьмом и девятом слово «Агентство» в соответствующем падеже» заменить словом «Комитет» в соответствующем падеже;

(iii) в абзаце четвертом слова «в Агентство» заменить словами «в Комитет»;

(б) в абзаце втором пункта 4 слова «директором Агентства» заменить словами «председателем Комитета»;

(в) в подпункте «б» пункта 5 слово «Агентству» заменить словом «Комитету»;

(г) в подпункте «в» пункта 8 слова «Агентству (И. Эргашев)» заменить словом «Комитету»;

(д) пункт 9 изложить в следующей редакции:

«9. Образовать Управление из 8 штатных единиц в центральном аппарате Комитета, а также отделы из 2 штатных единиц в Комитете по безопасности пищевой продукции Республики Каракалпакстан и главных управлениях по безопасности пищевой продукции областей и города Ташкента, ответственные за обобщение и анализ данных по деятельности Республиканской и региональных рабочих групп, разработку мер и соответствующих предложений.

Определить, что данные штатные единицы вводятся в порядке исключения на 2025-2026 годы и содержатся за счет Фонд развития сферы безопасности пищевой продукции»;

(ж) в пункте 11 :

(i) в абзаце первом слово «Агентства» заменить словом «Комитета»;

(ii) в абзаце шестом слова «директора Агентства И. Эргашева» заменить словами «председателя Комитета»;

(з) в пункте 16 слова «директора Агентства И.К. Эргашева» заменить словами «председателя Комитета»;

(и) в тексте на государственном языке приложения № 1 :

(i) слова «И. Эргашев — Ўсимликлар карантини ва ҳимояси агентлиги директори, ишчи гуруҳ раҳбари» заменить словами «Лавозими бўйича — Озиқ-овқат маҳсулотлари хавфсизлиги қўмитаси раиси, ишчи гуруҳ раҳбари»;

(ii) слова «Б. Хамраев — Ўсимликлар карантини ва ҳимояси агентлиги директорининг биринчи ўринбосари» заменить словами «Лавозими бўйича — Озиқ-овқат маҳсулотлари хавфсизлиги қўмитаси раисининг ўринбосари»;

(iii) слова «Д. Анарбаев — Ўсимликлар карантини ва ҳимояси агентлиги бошқарма бошлиғи, ишчи гуруҳ котиби» заменить словами «Лавозими бўйича — Озиқ-овқат маҳсулотлари хавфсизлиги қўмитаси бошқарма бошлиғи, ишчи гуруҳ котиби».

Президент Республики Узбекистан Ш. МИРЗИЁЕВ

г. Ташкент,

12 мая 2026 г.,

№ УП- 84

(Национальная база данных законодательства, 21.05.2026 г., № 06/26/84/0518)

lex.uz