📅 2026-yil 21-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 21 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 мая 2026 г. · Постановления Президента
Официальный текст. Официальный документ. Редакционные примечания не включены.
📅 21 May 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
НАМУНАВИЙ ТАРКИБИ
Муборак Қурбон ҳайити муносабати билан аҳолини давлат томонидан қўллаб-қувватлаш ва меҳр-саховат тадбирларини самарали ташкил этиш тўғрисида
Халқимизга хос меҳр-оқибат, инсонпарварлик, шукроналик, саховат ва бағрикенглик каби эзгу фазилатларни мужассам этган муборак Қурбон ҳайитини муносиб нишонлаш, ушбу қутлуғ айёмда аҳолини давлат томонидан қўшимча қўллаб-қувватлаш мақсадида қарор қиламан:
I. Давлат томонидан қўллаб-қувватлаш чоралари
1. Ўзбекистон мусулмонлари идораси, Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик), Соғлиқни сақлаш вазирлиги, Иқтисодиёт ва молия вазирлиги, Ўзбекистон маҳаллалари уюшмаси ҳамда «Вақф» хайрия жамоат фондининг муборак Қурбон ҳайити муносабати билан аҳолини ижтимоий-иқтисодий жиҳатдан қўллаб-қувватлашга қаратилган қуйидаги таклифларига розилик берилсин:
(а) қуйидаги тоифадаги беморларнинг тиббий текширувдан ўтиш, жарроҳлик амалиёти ва даволаш харажатларини қоплаш:
(i) оғир ва ногиронликни келтириб чиқарувчи касалликларга чалинган 10 минг нафар болаларда жарроҳлик амалиётини ўтказиш;
(ii) 2,3 минг нафар онкологик, гемотологик ва онкогематологик ташхис қўйилган беморларни тиббий текширувдан ўтказиш, уларни даволаш ва жарроҳлик амалиётини ўтказиш;
(iii) камида 350 нафар беморларда жигар ва буйрак трансплантацияси амалиётини ўтказиш;
(б) ижтимоий ҳимояга муҳтож қуйидаги болаларнинг омонат ҳисобварақларига 200 АҚШ доллари миқдоридаги пул мукофотини ўтказиш:
(i) етим болалар ва ота-она қарамоғидан маҳрум бўлган болалар (васийлик, ҳомийлик ва патронатдаги болалар);
(ii) Меҳрибонлик уйлари, оилавий болалар уйлари, кичик ҳажмли болалар уйлари ҳамда «SOS» болалар маҳалласи тарбияланувчилари;
(iii) Ватан сарҳадларини ҳимоя қилиш йўлида қурбон бўлган ота-оналарнинг фарзандлари;
(iv) «Taskin Childrenʼs Hospice» болалар онкологик шифохонасида даволанаётган болалар;
(в) 500 та масжидда аҳоли учун қулай шароитлар яратиш мақсадида уларда замонавий таҳоратхоналар қуриш, реконструкция қилиш ёки таъмирлаш ҳамда жойлардаги қабристонларни обод қилиш.
2. Белгилансинки, мазкур қарорнинг 1-банди «а» кичик бандида назарда тутилган беморларни тиббий текширувдан ўтказиш, жарроҳлик ва даволаш амалиёти Соғлиқни сақлаш вазирлиги белгилайдиган тиббиёт ташкилотлари томонидан амалга оширилади. Бунда:
(а) беморларни тиббий текширувдан ўтказиш, жарроҳлик ва даволаш амалиётини ўтказиш билан боғлиқ тадбирлар доирасида донорларнинг харажатларини қоплаш кўзда тутилади;
(б) тиббиёт ташкилотлари томонидан даволаш тадбирлари тасдиқланган стандартлар ҳамда клиник протоколлар асосида ўтказилиши устидан назорат Давлат тиббий суғуртаси жамғармаси томонидан амалга оширилади.
3. Белгилансинки, мазкур қарорда назарда тутилган тадбирлар давлат мақсадли жамғармалари ҳамда қонунчиликда тақиқланмаган бошқа манбалардан ажратиладиган 690 млрд сўм миқдоридаги маблағлар ҳисобидан «Вақф» хайрия жамоат фонди орқали молиялаштирилади.
4. Ўзбекистон мусулмонлари идораси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда кенг жамоатчилик вакилларининг қуйидаги таклифлари маъқуллансин:
(а) муқаддас қадамжолар, зиёратгоҳлар, масжидлар ва қабристонларни ободонлаштириш ҳамда ушбу мақсадларда кўнгилли хайрия ҳашарларини ўтказиш;
(б) ижтимоий ҳимояга муҳтож аҳоли тоифалари учун эҳсон дастурхонларини ёзиш ҳамда зиёратгоҳлар ва диний таълим ташкилотларида қурбонлик тадбирларини ташкил этиш.
II. Қарор ижросини ташкил этиш, таъминлаш ва назорат
5. Муқаддас қадамжоларни ободонлаштириш ва меҳр-саховат тадбирларини ташкил этиш ҳамда мувофиқлаштириш бўйича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари раислигида ҳудудий кенгашлар (кейинги ўринларда — ҳудудий кенгашлар) ташкил этилсин ва уларнинг намунавий таркиби иловага мувофиқ тасдиқлансин.
6. Қуйидагилар ҳудудий кенгашларнинг асосий вазифалари этиб белгилансин:
(а) аҳолини қўллаб-қувватлашга қаратилган меҳр-саховат ва хайр-эҳсон тадбирларининг манзилли амалга оширилишини таъминлаш ҳамда ушбу йўналишда вазирлик ва идораларнинг ҳудудий бўлинмалари ва туман (шаҳар) ҳокимларининг фаолиятини мувофиқлаштириш;
(б) юртимиздаги муқаддас қадамжолар, масжидлар ва қабристонларни обод қилиш ва аҳолида аждодлар хотирасига ҳурмат-эҳтиром кўрсатиш туйғуларини шакллантиришга қаратилган чора-тадбирлар амалга оширилишини ташкил этиш;
(в) мазкур қарорда назарда тутилган чора-тадбирлар доирасида юзага келаётган муаммоларни тезкор бартараф этиш.
7. Шундай тартиб ўрнатилсинки, унга мувофиқ «Вақф» хайрия жамоат фонди орқали тиббий текширув, жарроҳлик ва даволаш амалиёти харажатларини қоплаш қуйидаги тартибда молиялаштирилади:
(а) тиббий текширув, жарроҳлик ва даволаш амалиёти ўтказиладиган касалликлар рўйхати Соғлиқни сақлаш вазирлиги томонидан белгиланади;
(б) беморларни тегишли тиббиёт ташкилотига йўллаш ва даволаш Соғлиқни сақлаш вазирлиги томонидан «Давлат ахборот тизимларини яратиш ва қўллаб-қувватлаш бўйича ягона интегратор — «UZINFOCOM» МЧЖ билан биргаликда улар тўғрисидаги маълумотларни ахборот модулига киритиш орқали амалга оширилади;
(в) тиббий текширув, жарроҳлик ва даволаш амалиёти ўтказилган беморларга кўрсатилган хизматлар харажатларини қоплаш Давлат тиббий суғуртаси жамғармаси томонидан тақдим этилган маълумотномага асосан ушбу маълумотнома тақдим этилган вақтдан эътиборан беш иш куни ичида «Вақф» хайрия жамоат фонди томонидан амалга оширилади.
8. Ўзбекистон Республикаси Президентининг 2026 йил 17 февралдаги «Муборак Рамазон ойида эҳтиёжманд аҳолини давлат томонидан ижтимоий қўллаб-қувватлаш чоралари тўғрисида»ги ПҚ-67-сон қарори доирасида «Вақф» хайрия жамоат фондига Ўзбекистон Республикаси соғлиқни сақлаш вазири томонидан тасдиқланган касалликлар ва тиббиёт ташкилотлари рўйхатига мувофиқ даволаниш ёки жарроҳлик амалиётини ўтказиш билан боғлиқ харажатларни қоплаш ҳуқуқи берилсин.
9. Дин ишлари бўйича қўмита Ўзбекистон мусулмонлари идораси ва Агентлик билан биргаликда мазкур қарорда назарда тутилган Қурбон ҳайитини муносиб нишонлаш билан боғлиқ хайру саховат ва мурувват тадбирларининг моҳиятини кенг жамоатчиликка етказиш бўйича чора-тадбирларни амалга оширсин.
10. Ўзбекистон Миллий ахборот агентлиги Ўзбекистон Миллий телерадиокомпанияси билан биргаликда ушбу қарорнинг мазмун-моҳияти оммавий ахборот воситалари, интернет ва ижтимоий тармоқларда кенг ёритилишини ташкил қилсин.
11. Мазкур қарорнинг ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров, Ўзбекистон Республикаси Президентининг маслаҳатчиси — Ижтимоий ҳимоя миллий агентлиги директори М.П. Оллоёров, Ўзбекистон Республикаси Президенти Администрацияси Диний-маърифий масалалар бўйича департаментининг бошлиғи М.М. Камилов ҳамда соғлиқни сақлаш вазири Э.Э. Адилов белгилансин.
12. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 21 майдаги ПҚ-196-сон қарорига ИЛОВА
Муқаддас қадамжоларни ободонлаштириш ва меҳр-саховат тадбирларини ташкил этиш ҳамда мувофиқлаштириш бўйича ҳудудий кенгашларнинг
1. Лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари, ҳудудий кенгаш раиси 2. Лавозими бўйича — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари 3. Лавозими бўйича — Қорақалпоғистон Республикаси Оила ва хотин-қизлар қўмитаси раиси, вилоятлар ва Тошкент шаҳар ҳокими ўринбосари — оила ва хотин-қизлар бошқармаси бошлиғи 4. Лавозими бўйича — Ўзбекистон маҳаллари уюшмасининг Қорақалпоғистон Республикаси, вилоятлар ва Тошкент шаҳар бошқармаси бошлиғи 5. Лавозими бўйича — Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармаси бошлиғи 6. Лавозими бўйича — Қорақалпоғистон мусулмонлари қозиёти қозиси, вилоятлар ва Тошкент шаҳар бош имом-хатиблари 7. Лавозими бўйича — Қорақалпоғистон Республикаси иқтисодиёт ва молия вазирининг ўринбосари, вилоятлар ва Тошкент шаҳар иқтисодиёт ва молия бошқармаси бошлиғининг ўринбосари 8. Лавозими бўйича — Қорақалпоғистон Республикаси соғлиқни сақлаш вазири, вилоятлар соғлиқни сақлаш бошқармалари ҳамда Тошкент шаҳар соғлиқни сақлаш бош бошқармаси бошлиғи 9. Лавозими бўйича — Қорақалпоғистон Республикаси, вилоятлар ва Тошкент шаҳар прокурорининг ўринбосари 10. Лавозими бўйича — Ёшлар ишлари агентлигининг Қорақалпоғистон Республикаси, вилоятлар ва Тошкент шаҳар бошқармаси бошлиғи 11. Лавозими бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимлигининг ёшлар сиёсати, ижтимоий ривожлантириш ва маънавий-маърифий ишлар бўйича котибияти мудирлари, ҳудудий кенгаш котиби
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 21 май,
ПҚ- 196 -сон
Oʻzbekiston Respublikasi Prezidentining
qarori
NAMUNAVIY TARKIBI
Muborak Qurbon hayiti munosabati bilan aholini davlat tomonidan qoʻllab-quvvatlash va mehr-saxovat tadbirlarini samarali tashkil etish toʻgʻrisida
Xalqimizga xos mehr-oqibat, insonparvarlik, shukronalik, saxovat va bagʻrikenglik kabi ezgu fazilatlarni mujassam etgan muborak Qurbon hayitini munosib nishonlash, ushbu qutlugʻ ayyomda aholini davlat tomonidan qoʻshimcha qoʻllab-quvvatlash maqsadida qaror qilaman:
I. Davlat tomonidan qoʻllab-quvvatlash choralari
1. Oʻzbekiston musulmonlari idorasi, Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik), Sogʻliqni saqlash vazirligi, Iqtisodiyot va moliya vazirligi, Oʻzbekiston mahallalari uyushmasi hamda “Vaqf” xayriya jamoat fondining muborak Qurbon hayiti munosabati bilan aholini ijtimoiy-iqtisodiy jihatdan qoʻllab-quvvatlashga qaratilgan quyidagi takliflariga rozilik berilsin:
(a) quyidagi toifadagi bemorlarning tibbiy tekshiruvdan oʻtish, jarrohlik amaliyoti va davolash xarajatlarini qoplash:
(i) ogʻir va nogironlikni keltirib chiqaruvchi kasalliklarga chalingan 10 ming nafar bolalarda jarrohlik amaliyotini oʻtkazish;
(ii) 2,3 ming nafar onkologik, gemotologik va onkogematologik tashxis qoʻyilgan bemorlarni tibbiy tekshiruvdan oʻtkazish, ularni davolash va jarrohlik amaliyotini oʻtkazish;
(iii) kamida 350 nafar bemorlarda jigar va buyrak transplantatsiyasi amaliyotini oʻtkazish;
(b) ijtimoiy himoyaga muhtoj quyidagi bolalarning omonat hisobvaraqlariga 200 AQSH dollari miqdoridagi pul mukofotini oʻtkazish:
(i) yetim bolalar va ota-ona qaramogʻidan mahrum boʻlgan bolalar (vasiylik, homiylik va patronatdagi bolalar);
(ii) Mehribonlik uylari, oilaviy bolalar uylari, kichik hajmli bolalar uylari hamda “SOS” bolalar mahallasi tarbiyalanuvchilari;
(iii) Vatan sarhadlarini himoya qilish yoʻlida qurbon boʻlgan ota-onalarning farzandlari;
(iv) “Taskin Childrenʼs Hospice” bolalar onkologik shifoxonasida davolanayotgan bolalar;
(v) 500 ta masjidda aholi uchun qulay sharoitlar yaratish maqsadida ularda zamonaviy tahoratxonalar qurish, rekonstruksiya qilish yoki taʼmirlash hamda joylardagi qabristonlarni obod qilish.
2. Belgilansinki, mazkur qarorning 1-bandi “a” kichik bandida nazarda tutilgan bemorlarni tibbiy tekshiruvdan oʻtkazish, jarrohlik va davolash amaliyoti Sogʻliqni saqlash vazirligi belgilaydigan tibbiyot tashkilotlari tomonidan amalga oshiriladi. Bunda:
(a) bemorlarni tibbiy tekshiruvdan oʻtkazish, jarrohlik va davolash amaliyotini oʻtkazish bilan bogʻliq tadbirlar doirasida donorlarning xarajatlarini qoplash koʻzda tutiladi;
(b) tibbiyot tashkilotlari tomonidan davolash tadbirlari tasdiqlangan standartlar hamda klinik protokollar asosida oʻtkazilishi ustidan nazorat Davlat tibbiy sugʻurtasi jamgʻarmasi tomonidan amalga oshiriladi.
3. Belgilansinki, mazkur qarorda nazarda tutilgan tadbirlar davlat maqsadli jamgʻarmalari hamda qonunchilikda taqiqlanmagan boshqa manbalardan ajratiladigan 690 mlrd soʻm miqdoridagi mablagʻlar hisobidan “Vaqf” xayriya jamoat fondi orqali moliyalashtiriladi.
4. Oʻzbekiston musulmonlari idorasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda keng jamoatchilik vakillarining quyidagi takliflari maʼqullansin:
(a) muqaddas qadamjolar, ziyoratgohlar, masjidlar va qabristonlarni obodonlashtirish hamda ushbu maqsadlarda koʻngilli xayriya hasharlarini oʻtkazish;
(b) ijtimoiy himoyaga muhtoj aholi toifalari uchun ehson dasturxonlarini yozish hamda ziyoratgohlar va diniy taʼlim tashkilotlarida qurbonlik tadbirlarini tashkil etish.
II. Qaror ijrosini tashkil etish, taʼminlash va nazorat
5. Muqaddas qadamjolarni obodonlashtirish va mehr-saxovat tadbirlarini tashkil etish hamda muvofiqlashtirish boʻyicha Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari raisligida hududiy kengashlar (keyingi oʻrinlarda — hududiy kengashlar) tashkil etilsin va ularning namunaviy tarkibi ilovaga muvofiq tasdiqlansin.
6. Quyidagilar hududiy kengashlarning asosiy vazifalari etib belgilansin:
(a) aholini qoʻllab-quvvatlashga qaratilgan mehr-saxovat va xayr-ehson tadbirlarining manzilli amalga oshirilishini taʼminlash hamda ushbu yoʻnalishda vazirlik va idoralarning hududiy boʻlinmalari va tuman (shahar) hokimlarining faoliyatini muvofiqlashtirish;
(b) yurtimizdagi muqaddas qadamjolar, masjidlar va qabristonlarni obod qilish va aholida ajdodlar xotirasiga hurmat-ehtirom koʻrsatish tuygʻularini shakllantirishga qaratilgan chora-tadbirlar amalga oshirilishini tashkil etish;
(v) mazkur qarorda nazarda tutilgan chora-tadbirlar doirasida yuzaga kelayotgan muammolarni tezkor bartaraf etish.
7. Shunday tartib oʻrnatilsinki, unga muvofiq “Vaqf” xayriya jamoat fondi orqali tibbiy tekshiruv, jarrohlik va davolash amaliyoti xarajatlarini qoplash quyidagi tartibda moliyalashtiriladi:
(a) tibbiy tekshiruv, jarrohlik va davolash amaliyoti oʻtkaziladigan kasalliklar roʻyxati Sogʻliqni saqlash vazirligi tomonidan belgilanadi;
(b) bemorlarni tegishli tibbiyot tashkilotiga yoʻllash va davolash Sogʻliqni saqlash vazirligi tomonidan “Davlat axborot tizimlarini yaratish va qoʻllab-quvvatlash boʻyicha yagona integrator — “UZINFOCOM” MCHJ bilan birgalikda ular toʻgʻrisidagi maʼlumotlarni axborot moduliga kiritish orqali amalga oshiriladi;
(v) tibbiy tekshiruv, jarrohlik va davolash amaliyoti oʻtkazilgan bemorlarga koʻrsatilgan xizmatlar xarajatlarini qoplash Davlat tibbiy sugʻurtasi jamgʻarmasi tomonidan taqdim etilgan maʼlumotnomaga asosan ushbu maʼlumotnoma taqdim etilgan vaqtdan eʼtiboran besh ish kuni ichida “Vaqf” xayriya jamoat fondi tomonidan amalga oshiriladi.
8. Oʻzbekiston Respublikasi Prezidentining 2026-yil 17-fevraldagi “Muborak Ramazon oyida ehtiyojmand aholini davlat tomonidan ijtimoiy qoʻllab-quvvatlash choralari toʻgʻrisida”gi PQ-67-son qarori doirasida “Vaqf” xayriya jamoat fondiga Oʻzbekiston Respublikasi sogʻliqni saqlash vaziri tomonidan tasdiqlangan kasalliklar va tibbiyot tashkilotlari roʻyxatiga muvofiq davolanish yoki jarrohlik amaliyotini oʻtkazish bilan bogʻliq xarajatlarni qoplash huquqi berilsin.
9. Din ishlari boʻyicha qoʻmita Oʻzbekiston musulmonlari idorasi va Agentlik bilan birgalikda mazkur qarorda nazarda tutilgan Qurbon hayitini munosib nishonlash bilan bogʻliq xayru saxovat va muruvvat tadbirlarining mohiyatini keng jamoatchilikka yetkazish boʻyicha chora-tadbirlarni amalga oshirsin.
10. Oʻzbekiston Milliy axborot agentligi Oʻzbekiston Milliy teleradiokompaniyasi bilan birgalikda ushbu qarorning mazmun-mohiyati ommaviy axborot vositalari, internet va ijtimoiy tarmoqlarda keng yoritilishini tashkil qilsin.
11. Mazkur qarorning ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov, Oʻzbekiston Respublikasi Prezidentining maslahatchisi — Ijtimoiy himoya milliy agentligi direktori M.P. Olloyorov, Oʻzbekiston Respublikasi Prezidenti Administratsiyasi Diniy-maʼrifiy masalalar boʻyicha departamentining boshligʻi M.M. Kamilov hamda sogʻliqni saqlash vaziri E.E. Adilov belgilansin.
12. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 21-maydagi PQ-196-son qaroriga ILOVA
Muqaddas qadamjolarni obodonlashtirish va mehr-saxovat tadbirlarini tashkil etish hamda muvofiqlashtirish boʻyicha hududiy kengashlarning
1. Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari, hududiy kengash raisi 2. Lavozimi boʻyicha — Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari 3. Lavozimi boʻyicha — Qoraqalpogʻiston Respublikasi Oila va xotin-qizlar qoʻmitasi raisi, viloyatlar va Toshkent shahar hokimi oʻrinbosari — oila va xotin-qizlar boshqarmasi boshligʻi 4. Lavozimi boʻyicha — Oʻzbekiston mahallari uyushmasining Qoraqalpogʻiston Respublikasi, viloyatlar va Toshkent shahar boshqarmasi boshligʻi 5. Lavozimi boʻyicha — Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmasi boshligʻi 6. Lavozimi boʻyicha — Qoraqalpogʻiston musulmonlari qoziyoti qozisi, viloyatlar va Toshkent shahar bosh imom-xatiblari 7. Lavozimi boʻyicha — Qoraqalpogʻiston Respublikasi iqtisodiyot va moliya vazirining oʻrinbosari, viloyatlar va Toshkent shahar iqtisodiyot va moliya boshqarmasi boshligʻining oʻrinbosari 8. Lavozimi boʻyicha — Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari hamda Toshkent shahar sogʻliqni saqlash bosh boshqarmasi boshligʻi 9. Lavozimi boʻyicha — Qoraqalpogʻiston Respublikasi, viloyatlar va Toshkent shahar prokurorining oʻrinbosari 10. Lavozimi boʻyicha — Yoshlar ishlari agentligining Qoraqalpogʻiston Respublikasi, viloyatlar va Toshkent shahar boshqarmasi boshligʻi 11. Lavozimi boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahri hokimligining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha kotibiyati mudirlari, hududiy kengash kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 21-may,
PQ- 196 -son
Президента Республики Узбекистан
Постановление
О государственной поддержке населения и эффективной организации мероприятий доброты и заботы в связи со священным Курбан хайитом
В целях достойного празднования священного Курбан хайита, воплощающего в себе такие присущие нашему народу благородные качества, как доброта и милосердие, гуманизм, умение быть благодарным, щедрость и великодушие, а также дополнительной государственной поддержки населения в этот священный праздник постановляю:
I. Меры государственной поддержки
1. Согласиться со следующими предложениями Управления мусульман Узбекистана, Национального агентства социальной защиты при Президенте Республики Узбекистан (далее — Агентство), Министерства здравоохранения, Министерства экономики и финансов, Ассоциации махаллей Узбекистана и Общественного благотворительного фонда «Вакф», направленными на социально-экономическую поддержку населения в связи со священным Курбан хайитом, предусматривающими:
(а) покрытие расходов следующих категорий больных по проведению медицинского обследования, хирургических операций и лечению:
(i) 10 тысяч детей, страдающих тяжелыми и приводящими к инвалидности заболеваниями — на выполнение хирургических операций;
(ii) 2,3 тысячи больных, у которых диагностированы онкологические, гематологические и онкогематологические заболевания, — на проведение медицинского обследования, лечения и хирургических операций;
(iii) не менее 350 больных — на выполнение операций трансплантации печени и почек;
(б) перечисление денежного вознаграждения в размере 200 долларов США на депозитный счет следующим категориям детей, нуждающимся в социальной защите:
(i) дети-сироты и дети, оставшиеся без попечения родителей (дети, находящиеся под опекой, попечительством и патронатом);
(ii) воспитанники домов «Мехрибонлик», детских домов семейного типа, малокомплектных детских домов, SOS — детских деревень;
(iii) дети родителей, погибших при защите рубежей Родины;
(iv) дети, находящиеся на лечении в Детском онкологическом хосписе «Taskin Childrenʼs Hospice»;
(в) строительство, реконструкцию или ремонт современных тахаратных в целях создания надлежащих условий для населения в 500 мечетях, а также благоустройство кладбищ на местах.
2. Установить, что проведение медицинского обследования, хирургических операций и лечение больных, предусмотренных подпунктом «а» пункта 1 настоящего постановления, осуществляются медицинскими организациями, определяемыми Министерством здравоохранения. При этом:
(а) в рамках мероприятий, связанных с проведением медицинского обследования, хирургических операций и лечением больных, предусматривается покрытие расходов организаций-доноров;
(б) контроль за проведением медицинскими организациями лечебных мероприятий на основании утвержденных стандартов и клинических протоколов осуществляется Фондом государственного медицинского страхования.
3. Определить, что мероприятия, предусмотренные настоящим постановлением, финансируются за счет средств государственных целевых фондов, а также выделяемых из иных источников, не запрещенных законодательством, в размере 690 млрд сумов посредством Общественного благотворительного фонда «Вакф».
4. Одобрить следующие предложения Управления мусульман Узбекистана, Совета Министров Республики Каракалпакстан, хокимиятов областей и города Ташкента, а также представителей широкой общественности по:
(а) благоустройству святых мест, мест паломничества, мечетей и кладбищ, а также проведению в данных целях добровольных благотворительных хашаров;
(б) организации благотворительных дастарханов для нуждающихся в социальной защите категорий населения, а также проведению мероприятий жертвоприношения «курбонлик» в местах паломничества и религиозных образовательных организациях.
II. Организация, обеспечение и контроль исполнения постановления
5. Образовать региональные советы по благоустройству святых мест, организации и координации мероприятий доброты и заботы (далее — региональные советы) под председательством Председателя Совета Министров Республики Каракалпакстан, хокимов областей и города Ташкента и утвердить их типовой состав согласно приложению * .
6. Определить основными задачами региональных советов:
(а) обеспечение адресной реализации мероприятий доброты и заботы, благотворительности, направленных на поддержку населения, а также координацию деятельности территориальных подразделений министерств и ведомств, хокимов районов (городов) в данном направлении;
(б) организацию осуществления мер, направленных на благоустройство святых мест, мечетей и кладбищ в стране, а также формирование у населения чувств уважения и почитания памяти предков;
(в) оперативное решение проблем, возникающих в рамках мер, предусмотренных настоящим постановлением.
7. Установить порядок финансирования покрытия расходов на проведение медицинских обследований, хирургических операций и лечение посредством Общественного благотворительного фонда «Вакф», в соответствии с которым:
(а) перечень заболеваний, по которым проводятся медицинские обследования, хирургические операции и лечение, определяется Министерством здравоохранения;
(б) направление и лечение больных в соответствующих медицинских организациях осуществляются путем внесения сведений о них в информационный модуль Министерством здравоохранения совместно с ООО «Единый интегратор по созданию и поддержке государственных информационных систем — «UZINFOCOM»;
(в) покрытие расходов по услугам, оказанным больным, которым проведены медицинское обследование, хирургическая операция и лечение, осуществляется Общественным благотворительным фондом «Вакф» на основании справки, представленной Фондом государственного медицинского страхования, в течение пяти рабочих дней со дня представления данной справки.
8. Предоставить Общественному благотворительному фонду «Вакф» право на покрытие расходов, связанных с лечением или проведением хирургических операций в соответствии с перечнем заболеваний и медицинских организаций, утвержденным министром здравоохранения Республики Узбекистан, в рамках постановления Президента Республики Узбекистан от 17 февраля 2026 года № ПП-67 «О мерах государственной социальной поддержки нуждающихся слоев населения в священный месяц Рамазан».
9. Комитету по делам религий совместно с Управлением мусульман Узбекистана и Агентством реализовать меры доведения до широкой общественности сути предусмотренных настоящим постановлением мероприятий доброты и заботы, благотворительности, связанных с достойным празднованием Курбан хайита.
10. Национальному информационному агентству Узбекистана совместно с Национальной телерадиокомпанией Узбекистана организовать широкое освещение сути и содержания настоящего постановления в средствах массовой информации, сети Интернет и социальных сетях.
11. Возложить на заместителя Премьер-министра Д.А. Кучкарова, советника Президента Республики Узбекистан — директора Национального агентства социальной защиты М.П. Оллоёрова, начальника Департамента по религиозно-просветительским вопросам Администрации Президента Республики Узбекистан М.М. Камилова, а также министра здравоохранения Э.Э. Адилова персональную ответственность за эффективную организацию исполнения настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
21 мая 2026 г.,
№ ПП-196