UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

НИЗОМ

НАМУНАВИЙ ТАРКИБИ

РЎЙХАТИ

РЎЙХАТИ

НИЗОМ

НИЗОМ

НИЗОМ

НИЗОМ

РЎЙХАТИ

НИЗОМ

ШТАТЛАР ЖАДВАЛИ

РЎЙХАТИ

СХЕМАСИ

СЎРОВНОМА

РЎЙХАТИ*

РЎЙХАТИ

РЎЙХАТИ

РЎЙХАТИ

РЎЙХАТИ

РЎЙХАТИ

СХЕМАСИ

ПАСПОРТИ

РЎЙХАТИ

СХЕМАСИ

СЎРОВНОМА

СЎРОВНОМА

НИЗОМ

НАМУНАВИЙ ШТАТ БИРЛИКЛАРИ

РЎЙХАТИ

Руҳий ҳолати бузилган ногиронлиги бўлган шахслар учун интернат муассасаларини такомиллаштириш ва янги ижтимоий хизматларни ташкил этишга доир норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Руҳий ҳолати бузилган ногиронлиги бўлган шахсларга ижтимоий хизмат кўрсатиш тизимини тубдан такомиллаштириш бўйича қўшимча чора-тадбирлар тўғрисида» 2026 йил 27 апрелдаги ПФ-69-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Руҳий ҳолати бузилган ногиронлиги бўлган шахсларга ижтимоий хизмат кўрсатиш тизимини тубдан такомиллаштириш бўйича қўшимча чора-тадбирлар тўғрисида» 2026 йил 27 апрелдаги ПФ-69-сон Фармонига мувофиқ:

а) болаларнинг ривожланишида кузатиладиган нуқсонларни эрта аниқлаш ва ўз вақтида комплекс ижтимоий хизматлар билан қамраб олиш, уларда ногиронликнинг олдини олиш ҳамда ногиронлиги бўлган болаларнинг муваффақиятли ижтимоийлашувини таъминлашга қаратилган «Эрта аралашув» хизмати йўлга қўйилиши, бунда «Эрта аралашув» хизмати эрта аралашув режасига мувофиқ Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) томонидан юритиладиган махсус электрон реестрга киритилган нодавлат ташкилотлар томонидан кўрсатилиши;

б) мўътадил, оғир ва чуқур даражадаги ақлий заифлик ёки деменция ташхиси қўйилган I ва II гуруҳ ногиронлиги бўлган шахслар учун оилавий муҳитга яқин шаклдаги қуйидаги янги хизматлар кўрсатилиши жорий қилиниши:

«Янги кун» кундузги қатнов асосида қараб туриш хизмати;

уй шароитида қараб туриш хизмати;

кичик ҳажмли «Мадад» уйлари хизмати;

«Ижтимоий таътил» қисқа муддатли жойлаштириш хизмати;

в) «Янги кун» кундузги қатнов асосида қараб туриш хизмати, уй шароитида қараб туриш хизмати, кичик ҳажмли «Мадад» уйлари ва «Ижтимоий таътил» қисқа муддатли жойлаштириш хизматлари давлат-хусусий шериклик битими асосида нодавлат ташкилотлар томонидан кўрсатилиши;

г) ногиронлиги бўлган шахслар учун «Мурувват» интернат уйлари ногиронлиги бўлган шахслар учун «Ғамхўрлик» марказлари сифатида қайта номлангани;

д) Агентлик ҳузурида юридик шахс мақомига эга бўлмаган Ногиронлиги бўлган шахсларга ижтимоий хизматлар кўрсатилишини мувофиқлаштириш маркази ташкил этилиши белгилангани маълумот учун қабул қилинсин.

2. Белгилансинки:

а) руҳий ҳолати бузилган ногиронлиги бўлган шахсларни мазкур қарор 1-бандининг «б» кичик бандида назарда тутилган хизматларга ҳамда ногиронлиги бўлган шахслар учун «Ғамхўрлик» марказларига йўналтириш Агентликнинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқармалар) ҳузурида ташкил этиладиган Ижтимоий-психиатрик-тиббий комиссиялар (кейинги ўринларда — ИПТК) томонидан амалга оширилади. Бунда:

ИПТК таркиби Агентликнинг ҳудудий бошқармалари ва Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳри бош бошқармасининг қўшма қарорига мувофиқ тасдиқланади;

ИПТКга Соғлиқни сақлаш вазирлиги тизимидаги ташкилотлардан жалб этилган мутахассисларга Агентликнинг Ижтимоий ҳимоя давлат жамғармаси ҳисобидан ИПТК йиғилиши ўтказилган ой учун меҳнатга ҳақ тўлашнинг энг кам миқдорининг бир баравари миқдорида ҳақ тўланади;

б) мазкур қарорда назарда тутилган ижтимоий хизматларни кўрсатувчи нодавлат ташкилотларнинг хизмат кўрсатишга жалб этиладиган ходимларининг Агентликнинг Ижтимоий ҳимоя тизими ходимларининг малакасини ошириш марказида (кейинги ўринларда — Малака ошириш маркази) 36 соатдан кам бўлмаган ўқув дастури асосида малака ошириши талаб этилади. Бунда:

малака ошириш курси Малака ошириш маркази томонидан тасдиқланган ўқув режа ва дастурга мувофиқ амалга оширилади;

нодавлат ташкилотларнинг биринчи марта ижтимоий хизматларни кўрсатиш жараёнига жалб этиладиган (ишга қабул қилинаётган) ходимлари икки ой ичида Малака ошириш марказида малака ошириши талаб этилади, бундан мазкур банднинг «в» кичик бандида назарда тутилган ҳолат мустасно;

нодавлат ташкилотлар ходимларининг малакасини ошириш онлайн ёки оффлайн шаклда базавий ҳисоблаш миқдорининг икки баравари миқдоридаги тўлов-шартнома асосида амалга оширилади;

малака ошириш курсини муваффақиятли якунлаган шахсларга амал қилиш муддати уч йил бўлган сертификат берилади;

в) 2027 йил 1 апрелдан бошлаб мазкур қарорда назарда тутилган ижтимоий хизматларни кўрсатиш жараёнига ходимлари белгиланган тартибда Малака ошириш марказида малака оширган ҳамда тегишли сертификат олган нодавлат ташкилотлар жалб этилади;

г) мазкур қарорга мувофиқ фуқароларга ижтимоий хизматларни кўрсатишда юбориладиган СМС-хабарнома харажатлари Агентликнинг Ижтимоий ҳимоя давлат жамғармаси ҳисобидан қопланади;

д) ногиронлиги бўлган шахслар учун «Мурувват» интернат уйлари «Ғамхўрлик» марказлари сифатида ташкил этилгунга қадар:

уларга қабул қилинган ногиронлиги бўлган шахслар тоифаси ва ташхисига кўра ушбу марказлардан чиқарилишига йўл қўйилмайди;

ногиронлиги бўлган болалар учун «Мурувват» интернат уйларига жойлаштирилган болалар 18 ёшга кирганда, истисно тариқасида, Агентликнинг ҳудудий бошқармалари томонидан тақдим этиладиган маълумотларга асосан Агентлик ҳузуридаги Апелляция кенгашининг қарорига мувофиқ бўш ўринлар мавжуд бўлган ногиронлиги бўлган шахслар учун «Ғамхўрлик» марказларига кўчирилади;

е) ногиронлиги бўлган болалар учун «Мурувват» интернат уйларида йўлга қўйилган кундузги парваришлаш гуруҳлари тарбияланувчилари 2027 йил 1 апрелга қадар ногиронлиги бўлган болалар учун «Ғамхўрлик» марказлари хизматларидан фойдаланади.

Бунда кундузги парваришлаш гуруҳи хизматидан фойдаланувчи болаларни овқатлантириш билан боғлиқ харажатлари уларнинг ота-оналари (уларнинг ўрнини босувчи шахслар) томонидан қопланади;

ж) 2026 йил 1 июндан бошлаб «Фаол ҳаётга қадам» дастури доирасида деменция, Паркинсон ва Альцгеймер касаллиги ташхиси қўйилган махсус парваришга муҳтож шахсларга кундузги қатнов асосида қараб туриш хизматини кўрсатиш тўхтатилади. Бунда:

деменция, Паркинсон ва Альцгеймер касаллиги ташхиси қўйилган махсус парваришга муҳтож шахслар «Янги кун» кундузги қатнов асосида қараб туриш хизмати билан қамраб олинади;

деменция, Паркинсон ва Альцгеймер касаллиги ташхиси қўйилган махсус парваришга муҳтож шахслар мазкур қарор кучга киргунга қадар уларга шакллантирилган ваучерда назарда тутилган хизматни кўрсатиш ҳажми доирасида кундузги қатнов асосида қараб туриш хизматидан фойдаланиши мумкин;

з) Ногиронлиги бўлган шахсларга ижтимоий хизматлар кўрсатилишини мувофиқлаштириш маркази директори хизмат автотранспорт воситаси билан таъминланади.

3. Шундай тартиб ўрнатилсинки, унга мувофиқ «Эрта аралашув» хизмати уч ёшгача бўлган қуйидаги болаларга кўрсатилади:

а) қуйидаги ташхислар бўйича ногиронлик белгиланган туғилгандан бошлаб уч ёшгача бўлган болаларга:

болдир ва товоннинг туғма йўқлиги (Q72.2);

товон ва товон панжаларининг туғма йўқлиги (Q72.3);

қўл панжа ва бармоқ(ларнинг) туғма йўқлиги (Q71.3);

билак ва қўл панжаларнинг туғма йўқлиги (Q71.2);

товоннинг борлиги ҳолда сон ва болдир туғма йўқлиги (Q72.1);

қўл панжаларнинг борлиги ҳолда елка ва билак суяклари(нинг) туғма йўқлиги (Q71.1);

қўл (қўллар)нинг туғма тўлиқ йўқлиги (Q71.0);

оёқ (оёқларнинг) туғма тўлиқ йўқлиги (Q72.0);

анофтальм (икки томонлама) (Q11);

сийдик пуфаги экстрофияси (Q64.1);

б) оилавий шифокор томонидан ривожланишида орқада қолиш хавфи мавжудлиги ҳақида хулоса берилган бир ёшгача бўлган болаларга;

в) Психологик-тиббий-педагогик комиссия томонидан ривожланишида орқада қолиш хавфи мавжудлиги ҳақида хулоса берилган бир ёшдан уч ёшгача бўлган болаларга.

4. Белгилаб қўйилсинки, мазкур қарор 3-бандининг «а» кичик бандида назарда тутилган ташхислар бўйича ногиронлик белгилари билан туғилган чақалоқларга ногиронлик белгилаш учун уларнинг ҳужжатлари туғруқ комплекслари томонидан беш иш куни ичида «Ягона миллий ижтимоий ҳимоя» ахборот тизимининг «Тиббий-ижтимоий экспертиза» модули орқали Тиббий-ижтимоий эксперт комиссиясига тақдим этилади ҳамда ногиронликни белгилаш туманлараро ва туман (шаҳар) тиббий-ижтимоий эксперт комиссиялари томонидан амалга оширилади.

5. Қуйидагилар:

«Эрта аралашув» хизмати кўрсатилишини ташкил этиш тартиби тўғрисидаги низом 1-иловага мувофиқ;

Ижтимоий-психиатрик-тиббий комиссиялар тўғрисидаги низом 2-иловага мувофиқ;

Ногиронлиги бўлган шахслар учун «Ғамхўрлик» марказлари тўғрисидаги низом 3-иловага мувофиқ;

Ногиронлиги бўлган болалар учун «Ғамхўрлик» марказлари тўғрисидаги низом 4-иловага мувофиқ;

«Янги кун» кундузги қатнов асосида қараб туриш хизматини ташкил этиш тартиби тўғрисидаги низом 5-иловага мувофиқ;

Уй шароитида қараб туриш хизматини ташкил этиш тартиби тўғрисидаги низом 6-иловага мувофиқ;

Кичик ҳажмли «Мадад» уйлари хизматини ташкил этиш тартиби тўғрисидаги низом 7-иловага мувофиқ;

Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази ходимларининг штатлар жадвали 8-иловага мувофиқ тасдиқлансин.

6. Ижтимоий ташаббусларини қўллаб-қувватлаш, инклюзив жамиятни барпо этиш ҳамда ёшларнинг ижтимоий фаоллигини ошириш мақсадида Агентлик, Ёшлар ишлари агентлиги ҳамда Самарқанд вилояти ҳокимлигининг 2026 йил 7 — 12 июнь кунлари Самарқанд шаҳрида жойлашган Самарқанд туризм мажмуасида «Fikringni ber (Voice Up)» халқаро инклюзив ёшлар оромгоҳи (кейинги ўринларда — ёшлар оромгоҳи) ташкил этиш тўғрисидаги таклифи маъқуллансин.

7. Белгилансинки, ёшлар оромгоҳини ташкил этиш билан боғлиқ харажатлар қуйидаги манбалар ҳисобидан молиялаштирилади:

а) ёшлар оромгоҳида хорижий иштирокчиларнинг Ўзбекистон Республикасига келиб-кетиши, яшаш ва ички транспорт харажатлари, шунингдек, ёшлар оромгоҳи доирасида ўтказиладиган тадбирлар ва концерт дастурларини ташкил этиш (жой, зарур жиҳозлар ижараси, безатиш, санъаткорлар ва бошловчиларни жалб қилиш ва бошқалар) билан боғлиқ харажатлар — Ёшларга оид давлат сиёсатини қўллаб-қувватлаш жамғармаси маблағлари;

б) ёшлар оромгоҳида маҳаллий иштирокчиларнинг иштироки билан боғлиқ транспорт, меҳмонхона ва бошқа харажатлари, шунингдек, маҳаллий ва хорижий иштирокчиларнинг овқатланишини ташкил этиш ҳамда уларни экипировка билан таъминлаш билан боғлиқ харажатлар — Ижтимоий ҳимоя давлат жамғармаси маблағлари;

в) ёшлар оромгоҳи иштирокчиларининг Самарқанд вилоятининг диққатга сазовор жойлари бўйлаб саёҳатини ташкил этиш билан боғлиқ харажатлар, шунингдек, иштирокчилар учун маданий дастурлар, расмий қабуллар, биноларни тайёрлаш ва безатиш, уларни эсдалик совғалари билан тақдирлаш харажатлари Самарқанд вилояти маҳаллий бюджетининг қўшимча манбалари ва қонунчилик ҳужжатлари билан тақиқланмаган бошқа манбалар.

8. Агентлик:

а) икки ой муддатда Рақамли технологиялар вазирлиги ва Адлия вазирлиги билан биргаликда мазкур қарор билан жорий этилаётган ижтимоий хизматлардан фойдаланиш учун Ўзбекистон Республикаси Ягона интерактив давлат хизматлари портали орқали мурожаат қилиш ҳамда мурожаатларни кўриб чиқиш жараёнларини кузатиб бориш имкониятини яратсин;

б) 2026 йил 1 ноябрга қадар «Ягона миллий ижтимоий ҳимоя» ахборот тизимида мазкур қарор билан жорий этилаётган ижтимоий хизматларни кўрсатувчи нодавлат ташкилотларнинг хизматлари юзасидан фуқаролар томонидан фикр билдириш (feedback), хизматлар сифатини баҳолаш ҳамда ушбу нодавлат ташкилотларнинг рейтингини юритиш имкониятини яратсин;

в) Касбий таълимни ривожлантириш агентлиги, Соғлиқни сақлаш вазирлиги, Олий таълим, фан ва инновациялар вазирлиги ҳамда Мактабгача ва мактаб таълими вазирлиги билан биргаликда 2026 йил 1 ноябрга қадар қуйидагилар тўғрисидаги таклифларни Вазирлар Маҳкамасига киритсин:

Олий таълим, фан ва инновациялар вазирлиги ҳамда Мактабгача ва мактаб таълими вазирлиги тизимидаги таълим ташкилотлари, шу жумладан, малака ошириш марказларида нодавлат ташкилотларнинг ижтимоий хизматларни кўрсатиш жараёнига жалб этиладиган педагог ходимларининг малакасини ошириш тизимини йўлга қўйиш;

Соғлиқни сақлаш вазирлиги ҳамда Олий таълим, фан ва инновациялар вазирлиги тизимидаги таълим ташкилотлари, шу жумладан, малака ошириш марказларида нодавлат ташкилотларнинг ижтимоий хизматларни кўрсатиш жараёнига жалб этиладиган тиббиёт ходимларининг малакасини ошириш тизимини йўлга қўйиш.

9. Мазкур қарорда белгиланган тадбирларни молиялаштириш 2026 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Агентликка ажратилган маблағлар ва Ижтимоий ҳимоя давлат жамғармаси маблағлари доирасида амалга оширилади, 2027 йилдан бошлаб эса бюджет қонунчилиги талабларига мувофиқ тақдим этилган бюджет сўровномаларига асосан Давлат бюджети ва Ижтимоий ҳимоя давлат жамғармаси параметрларида назарда тутилади.

10. Ўзбекистон Республикаси Ҳукуматининг айрим қарорларига 9-иловага мувофиқ ўзгартириш ва қўшимчалар киритилсин.

11. Ўзбекистон Республикаси Ҳукуматининг баъзи қарорлари 10-иловага мувофиқ ўз кучини йўқотган деб ҳисоблансин.

12. Ушбу қарорнинг бажарилишини назорат қилиш Ўзбекистон Республикаси Бош вазири ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2026 йил 21 майдаги 271-сон қарорига 1-ИЛОВА

«Эрта аралашув» хизмати кўрсатилишини ташкил этиш тартиби тўғрисида

1-боб. Умумий қоидалар

1. Ушбу Низом ногиронлик белгиланган ёки ривожланишида нуқсонлари мавжуд уч ёшгача бўлган болалар учун «Эрта аралашув» хизмати кўрсатилишини ташкил этиш, мониторинг ва назорат қилиш, молиялаштириш, шунингдек, мазкур хизматни кўрсатувчи нодавлат ташкилотлар реестрини шакллантириш ва юритиш тартибини белгилайди.

2. Ушбу Низомда қуйидаги асосий тушунчалар қўлланилади:

ваучер — болаларнинг «Эрта аралашув» хизмати харажатларини қоплаш имконини берувчи ҳужжат;

нодавлат ташкилотлар — юридик шахслар, якка тартибдаги тадбиркорлар ва нодавлат нотижорат ташкилотлар;

«Эрта аралашув» ахборот модули — болалар тўғрисидаги маълумотларни шакллантириш, уларни «Эрта аралашув» хизматига йўналтириш, ваучер бериш, ундан фойдаланиш ва молиялаштириш жараёнларини мувофиқлаштириш, шунингдек, «Эрта аралашув» хизматини кўрсатувчи нодавлат ташкилотлар реестрини шакллантириш ва юритиш имкониятига эга бўлган «Ягона миллий ижтимоий ҳимоя» ахборот тизимининг алоҳида таркибий қисми;

«Эрта аралашув» хизмати — ногиронлик белгиланган ёки ривожланишида нуқсонлари мавжуд уч ёшгача бўлган болалар (кейинги ўринларда — болалар)ни эрта аниқлаш, уларга ташхис қўйиш, коррекцион (тузатувчи) педагогик ёрдам ва реабилитация хизматларини ташкил этиш, соғлом ривожланишига кўмаклашиш ҳамда оиланинг эҳтиёжларини инобатга олган ҳолда бола парвариши ва тарбиясида иштирок этувчи оила аъзоларини қўллаб-қувватлашга йўналтирилган комплекс ижтимоий хизматлар тизими;

эрта аралашув режаси — «Эрта аралашув» хизматига қабул қилинган болаларнинг ривожланишида орқада қолиш хавфини баҳолаш, уларнинг эҳтиёжларини инобатга олиш ва кўрсатиладиган хизматларнинг тавсифини ишлаб чиқиш, хизмат кўрсатишнинг давомийлиги ва даврийлигини белгилаш билан боғлиқ чора-тадбирларни ўз ичига олувчи кўрсатмалар мажмуи;

ҳудудий бошқармалар — Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳри бошқармалари.

3. «Эрта аралашув» хизматининг вазифалари қуйидагилардан иборат:

болаларнинг ривожланишида орқада қолиш даражасини баҳолаш ва комплекс жиҳатдан диагностика қилиш ҳамда эрта аралашув режасини ишлаб чиқиш;

болаларга эрта аралашув режасига мувофиқ уларнинг ота-оналари (уларнинг ўрнини босувчи шахслар) билан биргаликда ривожлантирувчи машғулотлар ҳамда абилитация ва реабилитация тадбирларини ўтказиш;

болаларнинг ота-оналари (уларнинг ўрнини босувчи шахслар) билан ҳамкорлик қилиш, уларда болаларнинг ривожланиши юзасидан амалий кўникмаларни шакллантириш, шунингдек, боланинг оиласини психологик қўллаб-қувватлаш.

4. «Эрта аралашув» хизмати қуйидаги болаларга кўрсатилади:

а) қуйидаги ташхислар бўйича ногиронлик белгиланган туғилгандан бошлаб уч ёшгача бўлган болалар:

болдир ва товоннинг туғма йўқлиги (Q72.2);

товон ва товон панжаларининг туғма йўқлиги (Q72.3);

қўл панжа ва бармоқ(ларнинг) туғма йўқлиги (Q71.3);

билак ва қўл панжаларнинг туғма йўқлиги (Q71.2);

товоннинг борлиги ҳолда сон ва болдир туғма йўқлиги (Q72.1);

қўл панжаларнинг борлиги ҳолда елка ва билак суяклари(нинг) туғма йўқлиги (Q71.1);

қўл (қўллар)нинг туғма тўлиқ йўқлиги (Q71.0);

оёқ (оёқларнинг) туғма тўлиқ йўқлиги (Q72.0);

анофтальм (икки томонлама) (Q11);

сийдик пуфаги экстрофияси (Q64.1).

Бунда мазкур бандда назарда тутилган ташхислар бўйича ногиронлик белгилари билан туғилган чақалоқларга ногиронлик белгилаш учун уларнинг ҳужжатлари туғруқ комплекслари томонидан беш иш куни ичида «Ягона миллий ижтимоий ҳимоя» ахборот тизимининг «Тиббий-ижтимоий экспертиза» модули орқали Тиббий-ижтимоий эксперт комиссиясига тақдим этилади ҳамда ногиронлик туманлараро туман (шаҳар) тиббий-ижтимоий эксперт комиссиялари томонидан белгиланади;

б) оилавий шифокор томонидан ривожланишида орқада қолиш хавфи мавжудлиги ҳақида хулоса берилган бир ёшгача бўлган болалар. Бунда тиббий ҳужжатлар шакллари Ўзбекистон Республикаси Соғлиқни сақлаш вазирининг буйруғи билан тасдиқланади;

в) Психологик-тиббий-педагогик комиссия томонидан ривожланишида орқада қолиш хавфи мавжудлиги ҳақида хулоса берилган бир ёшдан уч ёшгача бўлган болалар.

5. Агентлик томонидан тасдиқланадиган «Эрта аралашув» хизматини кўрсатишга оид минимал талабларга мувофиқ «Эрта аралашув» хизмати доирасида нодавлат ташкилотлар томонидан қуйидаги ижтимоий хизматлар кўрсатилади:

боланинг ривожланишига кўмаклашиш;

абилитация ва реабилитация тадбирларини ўтказиш;

боланинг ривожланишини кузатиш ва мониторинг қилиш.

6. «Эрта аралашув» хизматига жалб этилган болаларнинг оилаларига «Инсон» ижтимоий хизматлар маркази (кейинги ўринларда — «Инсон» маркази) томонидан психологик маслаҳат (консультация) бериш ва эмоционал қўллаб-қувватлаш билан боғлиқ хизматлар бепул кўрсатилади.

7. Нодавлат ташкилотлар томонидан болаларга кўрсатиладиган «Эрта аралашув» хизматини кўрсатиш билан боғлиқ харажатлар Ижтимоий ҳимоя давлат жамғармаси (кейинги ўринларда — Жамғарма)дан ажратиладиган маблағлар ҳисобидан ваучер асосида субсидия шаклида қоплаб берилади.

8. «Эрта аралашув» хизмати кўрсатилишини ташкил этиш мазкур Низомга 1-иловага мувофиқ схема бўйича амалга оширилади.

2-боб. « Эрта аралашув » хизматини кўрсатувчи нодавлат ташкилотлар реестрини шакллантириш ва юритиш

9. «Эрта аралашув» хизматини кўрсатиш истагини билдирган нодавлат ташкилотлар «Эрта аралашув» ахборот модулининг «Эрта аралашув» хизматини кўрсатувчи нодавлат ташкилотлар электрон реестрига (кейинги ўринларда — электрон реестр) киритилади.

10. «Эрта аралашув» хизматини кўрсатиш истагини билдирган нодавлат ташкилотлар «Эрта аралашув» ахборот модулида қуйидаги маълумотларни кўрсатган ҳолда рўйхатдан ўтади:

якка тартибдаги тадбиркорлар учун биометрик паспорт (идентификацияловчи ID-карта) маълумотлари;

юридик шахслар учун солиқ тўловчининг идентификация рақами (СТИР);

жойлашган ери, банк ҳисобварағи ва банк реквизитлари, телефон рақами ҳамда электрон почта манзили;

«Эрта аралашув» хизматини кўрсатишга мўлжалланган бино-иншоотнинг мулк ҳуқуқи ёки бошқа ҳуқуқ асосида унга тегишлилигини тасдиқловчи ҳужжатнинг реквизитлари (бино ва иншоот якка тартибдаги тадбиркорнинг турмуш ўртоғига мулк ҳуқуқи асосида тегишли бўлган ҳолат бундан мустасно);

нодавлат ташкилотнинг «Эрта аралашув» хизматини кўрсатиш ҳудуди;

«Эрта аралашув» хизматини кўрсатиш учун даволовчи жисмоний тарбия йўриқчиси ва махсус педагогик маълумотга эга мутахассис (махсус педагог, дефектолог, логопед, тифлопедагог, сурдопедагог, олигофренопедагог) фаолияти йўлга қўйилганлиги тўғрисида маълумот;

«Эрта аралашув» хизматини кўрсатишга мўлжалланган бино ва иншоотда кун давомида болаларга хизмат кўрсатиш қуввати тўғрисида маълумот;

индивидуал ва гуруҳли машғулотлар ўтказишни ташкил этиш учун хоналарнинг мавжудлиги ҳамда тегишли жиҳоз ва буюмлар билан таъминланганлиги (ҳар бир хонанинг камида 4 та фотосурати илова қилинади) тўғрисида маълумот.

Бунда мазкур банднинг тўққизинчи хатбошисида кўрсатилган хона, жиҳоз ва буюмларга қўйиладиган минимал талаблар (кейинги ўринларда — минимал талаблар) ушбу Низомнинг 11-бандида назарда тутилган оммавий офертага илова қилинади.

11. Нодавлат ташкилотлар «Эрта аралашув» ахборот модулига кирган ҳолда унда кўрсатилган оммавий оферта талаблари ва шартлари билан танишиб, ушбу ахборот модулидан фойдаланиш бўйича ўз розилигини билдириши ва электрон рақамли имзоси билан тасдиқлаши талаб этилади.

Бунда нодавлат ташкилотлар рўйхатдан ўтганидан ҳамда оммавий офертани тасдиқлаганидан сўнг нодавлат ташкилотлар фаолият юритадиган жойдаги тегишли ҳудудий бошқармага «Эрта аралашув» ахборот модули орқали автоматик равишда хабарнома юборилади.

12. «Эрта аралашув» ахборот модули орқали хабарнома келиб тушганидан сўнг ҳудудий бошқарма бошлиғи томонидан таркиби тасдиқланадиган ишчи гуруҳ томонидан ўн кун ичида жойига чиққан ҳолда нодавлат ташкилотларнинг қуйидаги талабларга мувофиқлиги ўрганилади:

«Эрта аралашув» хизматини кўрсатиш учун даволовчи жисмоний тарбия йўриқчиси ва махсус педагогик маълумотга эга мутахассис (махсус педагог, дефектолог, логопед, тифлопедагог, сурдопедагог, олигофренопедагог) фаолияти йўлга қўйилганлиги;

индивидуал ва гуруҳли машғулотлар ўтказишни ташкил этиш учун хоналар, жиҳоз ва буюмларнинг мавжудлиги ҳамда минимал талабларга мувофиқлиги.

13. Ўрганиш натижаси бўйича ишчи гуруҳ томонидан нодавлат ташкилотларнинг «Эрта аралашув» хизматини кўрсатишга тайёр ёки тайёр эмаслиги бўйича хулоса тайёрланади ва шу кунинг ўзида «Эрта аралашув» ахборот модулига киритилиб, ҳудудий бошқарма бошлиғи томонидан тасдиқланади.

14. Нодавлат ташкилотларнинг «Эрта аралашув» хизматини кўрсатишга тайёрлиги тўғрисидаги хулоса тасдиқланганидан сўнг, нодавлат ташкилот автоматик равишда электрон реестрга киритилади ва бу тўғрисида унинг электрон почта манзилига ёки мобиль телефон рақамига СМС-хабарнома юборилади.

15. Ишчи гуруҳ томонидан талабгор ушбу Низомнинг 12-бандида назарда тутилган талабларга мувофиқ келмаган тақдирда, нодавлат ташкилотни электрон реестрга киритиш рад этилади. Бунда нодавлат ташкилотларнинг электрон почта манзилига ёки мобиль телефон рақамига уни электрон реестрга киритиш рад этилганлигининг сабаблари кўрсатилган СМС-хабарнома юборилади.

16. Электрон реестрга киритилган нодавлат ташкилотлар учун «Эрта аралашув» ахборот модулида улар томонидан кўрсатиладиган ижтимоий хизматлар тўғрисидаги маълумотларни жойлаштириш ва тегишли буюртмаларни қабул қилиш имконини берувчи шахсий кабинет очилади.

17. Нодавлат ташкилотларнинг «Эрта аралашув» хизматини кўрсатишда иштирок этувчи ходимлари Агентлик ҳузуридаги Ижтимоий ҳимоя тизими ходимларининг малакасини ошириш марказида мажбурий равишда уч йилда камида бир марта 36 соатдан кам бўлмаган ўқув дастури асосида онлайн ва (ёки) оффлайн шаклда малака оширади.

Бунда нодавлат ташкилотлар томонидан «Эрта аралашув» хизматини кўрсатиш учун биринчи марта жалб этиладиган (ишга қабул қилинаётган) ходимлари, истисно тариқасида, икки ой ичида малака ошириш курсидан ўтиши лозим.

18. Нодавлат ташкилотлар қуйидаги ҳолларда электрон реестрдан чиқарилади:

«Эрта аралашув» хизматини кўрсатишга оид минимал талабларга икки ёки ундан ортиқ маротаба номувофиқ бўлган хизматлар кўрсатилганда ёки бир йил давомида умуман хизмат кўрсатилмаганда. Бунда «Эрта аралашув» хизматини кўрсатишга оид минимал талабларга номувофиқ бўлган хизматлар кўрсатилганлиги биринчи марта аниқланган вақтда, ушбу ҳолат такроран содир этилган тақдирда, нодавлат ташкилотларга «Эрта аралашув» ахборот модули орқали электрон реестрдан чиқарилиши тўғрисида огоҳлантириш юборилади;

хизматдан фойдаланувчи боланинг маълумотини «Эрта аралашув» ахборот модулига киритган ҳолда унинг ота-онаси (уларнинг ўрнини босувчи шахслар) фотосурати ўрнига бошқа шахснинг фотосуратини ахборот модулига жойлаштириб, давомат белгилаб келинаётганлиги такроран аниқланганда;

нодавлат ташкилотнинг фаолияти тугатилганда.

3-боб. «Эрта аралашув» хизмати кўрсатилишини ташкил этиш

19. Нодавлат ташкилотлар электрон реестрга киритилгандан сўнг бир иш куни ичида «Эрта аралашув» хизмати тўғрисидаги қуйидаги маълумотларни «Эрта аралашув» ахборот модулига жойлаштиради:

бино ва иншоотнинг манзили, хоналарнинг фотосуратлари;

хизмат кўрсатувчи ходимлар тўғрисидаги маълумот;

асосий фаолият йўналишлари ҳақидаги маълумот;

хизмат кўрсатиш қуввати ҳамда бўш ўринлар тўғрисидаги маълумот.

«Эрта аралашув» ахборот модулига киритилган маълумотлар нодавлат ташкилотлар томонидан, заруратга кўра янгилаб борилади.

20. Боланинг отаси ёки онаси (уларнинг ўрнини босувчи шахс) (кейинги ўринларда — аризачи) «Эрта аралашув» хизматидан фойдаланиш учун «Инсон» марказига, Давлат хизматлари марказига ёки ижтимоий ходимга ўзи келиб мурожаат этган тақдирда, «Инсон» маркази, Давлат хизматлари марказининг масъул ходими ёки ижтимоий ходим аризачи номидан ёхуд Ягона интерактив давлат хизматлари портали (кейинги ўринларда — ЯИДХП) ёки «Ижтимоий карта» мобиль иловаси орқали мурожаат қилинганда — аризачи мустақил равишда мазкур Низомга 2-иловага мувофиқ шаклдаги сўровномани электрон тарзда тўлдиради.

21. Сўровнома тўлдирилишида мазкур Низомнинг 4-бандида кўрсатилган ногиронлик тўғрисидаги маълумотнома, оилавий шифокор ва Психологик-тиббий-педагогик комиссиянинг хулосалари «Эрта аралашув» ахборот модулида «Рақамли ҳукумат» тизимининг идоралараро интеграциялашув платформаси орқали мустақил равишда олинади ҳамда сўровномада автоматик тарзда шакллантирилади. Бунда:

ушбу маълумотлардан бири мавжуд бўлмаган ҳолларда сўровнома тасдиқланишига йўл қўйилмайди;

оилавий шифокорнинг хулосасини электрон равишда олиш имкони бўлмаганда, аризачидан сўраб олинади ҳамда сўровномага илова қилинади.

22. Сўровнома тўлдирилгандан сўнг аризачи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон рақамли имзо, Face-ID, Моbil-ID ва бошқалар) билан тасдиқлайди. Бунда аризачи томонидан сўровноманинг тасдиқланиши у ва болага тегишли шахсга доир маълумотларни олиш ҳамда ишлов беришга розиликни билдиради.

Аризачи ЯИДХП ёки «Ижтимоий карта» мобиль иловаси орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.

23. Сўровномани кўриб чиққанлик учун тўлов ундирилмайди.

24. Сўровнома тасдиқлангандан сўнг бир иш куни ичида бола «Эрта аралашув» хизматидан фойдаланиши учун мазкур Низомга 3-иловага мувофиқ шаклдаги электрон ваучер «Эрта аралашув» ахборот модули орқали шаклланади. Бунда:

ваучер шаклланганлиги тўғрисида аризачининг сўровномада кўрсатилган мобил телефонига СМС-хабарнома юбориш орқали;

сўровнома ЯИДХП ёки «Ижтимоий карта» мобил иловаси орқали қабул қилинган ҳолларда эса аризачининг ЯИДХП ёки «Ижтимоий карта» мобиль иловасидаги шахсий кабинети орқали хабардор қилинади.

25. Ушбу Низомнинг 4-банди «б» кичик бандида кўрсатилган оилавий шифокор хулосаси сўровномага илова қилинган ҳолда тақдим этилган ҳолларда мазкур сўровнома ҳамда унга илова қилинган ҳужжат «Инсон» маркази томонидан бир иш куни ичида кўриб чиқилади. Бунда:

сўровномага илова қилинган ҳужжатда камчиликлар аниқланмаганда, ушбу Низомнинг 24-бандига мувофиқ ваучер шаклланади;

сўровномага илова қилинган ҳужжатда камчиликлар мавжудлиги аниқланганда, сўровнома рад этилади ҳамда бу тўғрисида аризачининг сўровномада кўрсатилган мобиль телефонига СМС-хабарнома ёки ЯИДХП ёки «Ижтимоий карта» мобиль иловасидаги шахсий кабинетига хабарнома юбориш орқали хабардор қилинади.

26. Сўровнома унга илова қилинган ҳужжатдаги камчиликлар мавжудлиги сабабли рад этилганда, аризачи «Эрта аралашув» хизматидан фойдаланиш бўйича қайта мурожаат қилиши мумкин. Бунда мазкур мурожаатлар ушбу Низомда белгиланган тартибда умумий асосларда қабул қилинади ва кўриб чиқилади.

27. Ваучер шакллангандан сўнг ундан фойдаланиш муддати 6 ойни ташкил қилади. Бунда ваучернинг умумий фойдаланиш муддати давомида:

бола ёки унинг ота-онаси (уларнинг ўрнини босувчи шахслар)да узрли сабаблар (даволанишда, хизмат сафарида ва бошқалар) юзага келган ҳолларда, боланинг ота-онаси (уларнинг ўрнини босувчи шахслар)нинг «Инсон» марказига қилган мурожаатига асосан ваучердан фойдаланиш муддати тегишли мурожаатда кўрсатилган муддатга, бироқ ваучернинг умумий фойдаланиш муддатидан кўп бўлмаган муддатга вақтинчалик тўхтатилади;

узрли сабаблар бўйича ваучердан фойдаланиш муддатини вақтинчалик тўхтатиб туриш ёки унинг муддатини қайта тиклаш «Инсон» маркази томонидан «Эрта аралашув» ахборот модули орқали амалга оширилади.

28. Ваучер шаклланган санадан бошлаб боланинг ота-онаси (уларнинг ўрнини босувчи шахслар) 30 кун ичида ваучердан фойдаланишни бошлаши лозим. Ушбу муддат ичида фойдаланилмаган ваучер ўз кучини йўқотади ва бекор қилинган ваучерлар рўйхатига киритилади.

Ваучер бекор қилинган ҳолларда, боланинг ота-онаси (уларнинг ўрнини босувчи шахслар) «Эрта аралашув» хизматидан фойдаланиш бўйича қайта мурожаат қилиши мумкин. Бунда мазкур мурожаатлар ушбу Низомда белгиланган тартибда умумий асосларда қабул қилинади ва кўриб чиқилади.

29. Боланинг ота-онаси (уларнинг ўрнини босувчи шахслар) бевосита ўзи ёки ижтимоий ходим кўмагида ваучер асосида «Эрта аралашув» ахборот модули орқали электрон реестрга киритилган «Эрта аралашув» хизматини кўрсатувчи нодавлат ташкилотни танлайди ва буюртма беради.

Бунда битта ваучер асосида унинг фойдаланиш муддати давомида «Эрта аралашув» хизматини кўрсатувчи фақат битта нодавлат ташкилотга буюртма беришга йўл қўйилади.

30. Буюртма нодавлат ташкилотга «Эрта аралашув» ахборот модули орқали келиб тушгандан сўнг бир иш кунида қабул қилинади. Бунда:

нодавлат ташкилотнинг «Эрта аралашув» хизматини кўрсатиш учун бўш ўринлари мавжуд бўлмаган ҳолларда буюртма рад этилади;

боланинг ота-онаси (уларнинг ўрнини босувчи шахслар)нинг буюртмаси рад этилиши уларнинг такроран буюртма бериш ҳуқуқини чекламайди.

31. Буюртма нодавлат ташкилот томонидан қабул қилингандан сўнг ўн иш куни ичида боланинг ота-онаси (уларнинг ўрнини босувчи шахслар) билан биргаликда «Эрта аралашув» хизматини кўрсатишга оид минимал талабларга мувофиқ боланинг эрта аралашув режаси ишлаб чиқилади.

32. Эрта аралашув режасига мувофиқ нодавлат ташкилот томонидан «Эрта аралашув» хизмати ваучернинг амал қилиш муддати давомида олти кунлик иш ҳафтасида 08:00 дан 18:00 гача бўлган вақт оралиғида кўрсатилади. Бунда тушлик вақти нодавлат ташкилот томонидан белгиланади.

33. Боланинг ота-онаси (уларнинг ўрнини босувчи шахслар) ваучернинг фойдаланиш муддати давомида хизмат кўрсатувчи нодавлат ташкилотни ўзгартириш бўйича «Инсон» марказига мурожаат қилиши мумкин.

34. «Инсон» марказига тегишли мурожаат келиб тушгандан сўнг беш иш куни ичида боланинг ота-онаси (уларнинг ўрнини босувчи шахслар)га ваучернинг фойдаланиш муддати давомида «Эрта аралашув» ахборот модули орқали бошқа нодавлат ташкилотни танлаш имконияти тақдим этилади ҳамда бу тўғрисида боланинг ота-онаси (уларнинг ўрнини босувчи шахслар) уларнинг мобил телефонига СМС-хабарнома юбориш орқали хабардор қилинади.

35. «Эрта аралашув» хизматини кўрсатиш қуйидаги асосларга кўра тугатилади:

ота-оналар (уларнинг ўрнини босувчи шахслар)нинг «Инсон» марказига қилган мурожаати;

ваучер муддатининг тугаши;

боланинг уч ёшга тўлиши;

боланинг вафот этиши;

боланинг ихтисослаштирилган мактабгача таълим ташкилоти ёки қўшма турдаги мактабгача таълим ташкилотларидаги ихтисослаштирилган ва инклюзив гуруҳга қабул қилиниши.

Ушбу банднинг учинчи — олтинчи хатбошиларида назарда тутилган ҳолатлар юзага келганлиги «Эрта аралашув» ахборот модули томонидан ўрганиб борилади.

36. Мазкур Низомнинг 35-бандига мувофиқ «Эрта аралашув» хизматини кўрсатиш тугатилганлиги тўғрисидаги маълумотлар «Эрта аралашув» ахборот модулида шакллантириб борилади.

Бунда «Эрта аралашув» хизмати тугатилган ҳар бир ҳолат бўйича тегишли нодавлат ташкилотлар бир иш куни ичида уларнинг Эрта аралашув» ахборот модулидаги шахсий кабинетига электрон хабарнома юбориш орқали хабардор қилиб борилади.

4-боб. «Эрта аралашув» хизматидан фойдаланиш харажатларини ваучер асосида қоплаб бериш

37. Нодавлат ташкилотга у томонидан кўрсатилган «Эрта аралашув» хизмати харажатлари Жамғарма маблағлари ҳисобидан ваучернинг ҳақиқатда фойдаланилган қисми бўйича субсидия шаклида тўланади.

Бунда Иқтисодиёт ва молия вазирлигининг ахборот тизимлари орқали «Эрта аралашув» хизматидан фойдаланиш бўйича субсидия тўловлари ва унинг ҳисоби Жамғармада алоҳида очиладиган шахсий ғазна ҳисобварақларида юритилади.

38. Нодавлат ташкилотнинг тижорат банкидаги ҳисобварағига ўтказилган тўловлар ҳақидаги маълумотлар «Эрта аралашув» ахборот модулида шакллантириб борилади.

39. Ваучер бўйича кўрсатилган «Эрта аралашув» хизматининг ҳар бир соати учун базавий ҳисоблаш миқдорининг 13 фоизи миқдорида субсидия суммаси ажратилади.

Боланинг эрта аралашув хизматидан бир ҳафта давомида олти соатгача (бир кунда 2 соатгача, бир ойда 24 соатгача) фойдаланилган қисми ваучер асосида қоплаб берилади. Бунда:

бир кун учун ваучер асосида субсидия бола давоматининг ҳисоби қайд қилинганда тўлиқ бир соат учун, бола давоматининг ҳисоби бир соатдан камида 10 дақиқа ўтиб қайд қилинганда икки соат учун тўлиқ ажратилади;

вилоятлар марказлари ва Нукус шаҳрида ташкил этилган эрта аралашув хизмати учун ажратиладиган субсидия миқдорини белгилашда 1,1 нисбатда, Тошкент шаҳрида эса 1,3 нисбатда кўпайтирувчи коэффициент қўлланади.

40. Боланинг эрта аралашув режасида кўрсатилган хизматларнинг ҳар бир ҳафта давомида 6 соатдан (бир кунда 2 соатдан) ошган қисми хизмат кўрсатувчи нодавлат ташкилот билан келишган ҳолда боланинг ота-онаси (уларнинг ўрнини босувчи шахслар) томонидан қопланади.

41. Нодавлат ташкилот боланинг эрта аралашув режасига мувофиқ кўрсатилган хизматлар ҳақидаги маълумотларни ва ушбу хизматлардан ҳақиқатда фойдаланган боланинг давомати унинг ота-онаси (уларнинг ўрнини босувчи шахслар)нинг биометрик маълумотларини хизмат кўрсатилган кунинг ўзида «Эрта аралашув» ахборот модулига киритган ҳолда аниқланади ҳамда ушбу маълумотлар асосида автоматик равишда ушбу Низомга 4-иловага мувофиқ намунадаги буюртманома шаклланади.

Бунда нодавлат ташкилотнинг «Эрта аралашув» ахборот модулида рўйхатдан ўтиш вақтида кўрсатилган манзилидан (жойлашуви бўйича геолокацияси) бошқа жойда қайд этилган боланинг ота-онаси (уларнинг ўрнини босувчи шахслар)нинг биометрик маълумотлари ахборот модулида ҳисобга олинмайди.

42. «Эрта аралашув» хизмати кўрсатилган болаларнинг ҳақиқий давоматининг ҳисоби махсус қурилмалар ёрдамида жисмоний шахсни биометрик идентификация қилиш технологияси орқали юритилади.

43. Биометрик идентификация қилиш жараёни нодавлат ташкилотнинг раҳбари ёки ходимлари томонидан махсус қурилмалар ёрдамида ушбу ташкилотнинг жойлашуви (геолокацияси) ҳисобга олинган ҳолда хизмат кўрсатилган кунда 08:00 дан 18:00 га қадар амалга оширилади.

44. Махсус қурилмалардан Интернет жаҳон ахборот тармоғисиз (оффлайн режимда) фойдаланилган ҳолларда болаларнинг давомати бўйича қайд этилган маълумотлар нодавлат ташкилот томонидан ҳисобот ойидан кейинги ойнинг 5-санасидан кечиктирмасдан Интернет жаҳон ахборот тармоғига уланган ҳолда (онлайн режимда) оффлайн режимда киритилган маълумотларни ахборот модулига узатилиши (янгиланиши) таъминланади.

«Эрта аралашув» ахборот модулига маълумотлар ўз вақтида тақдим этилмаганда, шу жумладан, ушбу банднинг биринчи хатбошисида назарда тутилган тартибда узатилиши (янгиланиши) таъминламаганда, нодавлат ташкилотга субсидия ҳисобланмайди ва тўланмайди.

45. «Эрта аралашув» ахборот модулида ҳисобланган субсидиянинг тўлов қайдномаси ва тўлов топшириқномаси ҳисобот ойидан кейинги ойнинг 10-санасига қадар шакллантирилади ва Жамғарманинг махсус ғазна ҳисобварағидан икки иш куни ичида Иқтисодиёт ва молия вазирлигининг ахборот тизимлари орқали нодавлат ташкилотнинг тижорат банкдаги ҳисобварағига автоматик равишда ўтказилади.

46. Нодавлат ташкилот болалар тўғрисидаги «Эрта аралашув» ахборот модулига киритилган маълумотларнинг тўғрилиги ва ҳаққонийлиги бўйича жавобгар ҳисобланади.

47. Нодавлат ташкилот томонидан бир боланинг маълумотлари «Эрта аралашув» ахборот модулига киритилиб, бола ота-онаси (уларнинг ўрнини босувчи шахслар)нинг фотосурати ўрнига бошқа шахснинг фотосурати ушбу ахборот модулига жойлаштирилганлиги ва унинг асосида давомат белгилаб келинаётганлиги аниқланганда, мазкур ҳолат аниқлангандан бошлаб ушбу бола учун субсидия ҳисобланмайди ва тўланмайди.

Бундай ҳолат такроран аниқланганда, ушбу нодавлат ташкилот ва унинг таъсисчиси электрон реестрдан чиқарилади ва қайта киритилмайди ҳамда ушбу таъсисчи таъсислигидаги бошқа нодавлат ташкилотлар электрон реестрга киритилмайди.

48. Техник ёки бошқа сабабларга кўра ҳисобот ойида «Эрта аралашув» ахборот модулида субсидиянинг ортиқча ёки кам ҳисобланганлиги аниқланганда, ҳисобот ойидан кейинги ойда ушбу субсидия тегишли суммалар қўшилган ёки камайтирилган ҳолда ҳисоб-китоб қилинади.

49. Енгиб бўлмайдиган куч (форс-мажор) ҳолатлари натижасида нодавлат ташкилот томонидан болаларнинг давоматини «Эрта аралашув» ахборот модулига киритишнинг имконияти бўлмаган ҳолларда, ойлик давоматни белгилаш учун ахборот модулида қайд этилган болаларнинг сўнгги икки ҳафтадаги ўртача давомат кўрсаткичи асосида ҳисоб-китоб қилинади ва тўлаб берилади.

Бунда нодавлат ташкилот қонунчилик ҳужжатларига мувофиқ енгиб бўлмайдиган куч (форс-мажор) ҳолатлари юз берганлигини тасдиқловчи ваколатли орган томонидан бериладиган сертификатни тегишлилиги бўйича «Инсон» марказига тақдим этиши лозим.

50. Техник носозлик сабабли «Эрта аралашув» ахборот модулининг мобиль иловаси ёки махсус қурилмалар ёрдамида бола ота-онаси (уларнинг ўрнини босувчи шахслар)ни биометрик идентификация қилиш имкони бўлмаган ҳолларда, нодавлат ташкилот мазкур ҳолат юзасидан дарҳол ўша ҳудуддаги «Инсон» марказини хабардор қилади.

Бунда болаларнинг бир ҳафтадан ортиқ бўлмаган муддатдаги давомати «Инсон» маркази томонидан тўлдириладиган болаларнинг қатнови далолатномаси асосида амалга оширилади.

51. «Инсон» маркази техник носозлик сабабли тўлдирилган болаларнинг қатнови далолатномасини ҳисобот ойидан кейинги ойнинг 5-санасидан кечикмасдан «Эрта аралашув» ахборот модулига киритиш учун тегишли ҳудудий бошқармага тақдим этади.

5-боб. Якунловчи қоидалар

52. Нодавлат ташкилотлар ва уларнинг ходимлари ўз хизмат вазифаларини бажариши муносабати билан (меҳнат шартномаси бекор қилинганидан кейин ҳам) «Эрта аралашув» хизматидан фойдаланувчиларнинг шахсига доир маълумотларининг сир сақланишини таъминлаши шарт.

53. Нодавлат ташкилотларнинг электрон реестрга киритилиши, ваучер шаклланиши, ваучерга мувофиқ хизматларнинг белгиланган талабларга мувофиқ кўрсатилиши Агентлик ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази ҳамда ҳудудий бошқармалар томонидан доимий мониторинг қилиб борилади.

54. Нодавлат ташкилотлар томонидан ушбу Низом талабларига риоя этилиши ҳар чоракда камида бир маротаба Агентлик ҳузуридаги Ижтимоий инспекция ҳамда унинг Қорақалпоғистон Республикаси, вилоятлар ва Тошкент шаҳри бошқармалари томонидан назорат қилиб борилади.

55. Ушбу Низомни қўллаш жараёнида юзага келган низоларни ҳал қилиш қонунчилик ҳужжатларида белгиланган тартибда амалга оширилади.

56. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

«Эрта аралашув» хизмати кўрсатилишини ташкил этиш тартиби тўғрисидаги низомга 1-ИЛОВА

«Эрта аралашув» хизмати кўрсатилишини ташкил этиш

Босқичлар Субъектлар Тадбирлар Муддатлар 1-босқич Боланинг ота-онаси (уларнинг ўрнини босувчи шахслар) 1. «Эрта аралашув» хизматидан фойдаланиш бўйича «Инсон» ижтимоий хизматлар марказига, Давлат хизматлари марказига, ижтимоий ходимга мурожаат қилади. 2. Мустақил равишда Ягона интерактив давлат хизматлари портали ёки «Ижтимоий карта» мобиль иловаси орқали сўровномани электрон тарзда тўлдиради. Хоҳишига кўра 2-босқич «Инсон» ижтимоий хизматлар маркази, Давлат хизматлари маркази, ижтимоий ходим Боланинг ота-онаси (уларнинг ўрнини босувчи шахслар) номидан сўровномани «Эрта аралашув» ахборот модулида электрон шаклда тўлдиради. Мурожаат қилинган вақтда 3-босқич Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳри бошқармаси 1. Бола тўғрисидаги маълумотлар ва тақдим этилган ҳужжатларда камчиликлар аниқланмаган тақдирда, боланинг ота-онаси (уларнинг ўрнини босувчи шахслар)га ваучер «Эрта аралашув» ахборот модули орқали автоматик тарзда шаклланади. Бир иш куни ичида 2. Ваучер шакллантирилгандан сўнг бу тўғрисида боланинг ота-онаси (уларнинг ўрнини босувчи шахслар) хабардор қилинади. Ваучер шаклланган куннинг ўзида 4-босқич Боланинг ота-онаси (уларнинг ўрнини босувчи шахслар) Бевосита ўзи ёки ижтимоий ходим кўмагида ваучер орқали электрон реестрга киритилган хизмат кўрсатувчи нодавлат ташкилотни танлайди ҳамда «Эрта аралашув» ахборот модули орқали буюртма беради. Ваучер шакллангандан бошлаб 30 кун ичида 5-босқич Нодавлат ташкилот 1. «Эрта аралашув» ахборот модули орқали буюртмани қабул қилади. Бир иш кунида 2. Боланинг ота-онаси (уларнинг ўрнини босувчи шахслар) билан биргаликда боланинг эрта аралашув режасини ишлаб чиқади. Ўн иш кунида 3. Эрта аралашув режасига мувофиқ тегишли хизматларни кўрсатади. Ваучернинг амал қилиш муддати давомида

«Эрта аралашув» хизмати кўрсатилишини ташкил этиш тартиби тўғрисидаги низомга 2-ИЛОВА

НАМУНА «Эрта аралашув» хизматидан фойдаланиш бўйича СЎРОВНОМА I. «Эрта аралашув» хизматидан фойдаланадиган бола тўғрисидаги маълумотлар 1. Фамилияси, исми ва отасининг исми 2. Туғилган санаси (кун, ой, йил) 3. Туғилганлик ҳақидаги гувоҳнома серияси ва рақами 4. Жисмоний шахснинг шахсий идентификация рақами (ЖШШИР) 5. Яшаш манзили 6. «Эрта аралашув» хизматидан фойдаланиш учун асос бўлувчи қуйидаги ҳужжатлардан бирининг мавжудлиги: а) ногиронлик тўғрисидаги маълумотнома б) оилавий шифокорнинг хулосаси * в) психологик-тиббий-педагогик комиссия хулосаси Автоматик тарзда шаклланади II. «Эрта аралашув» хизматидан фойдаланиш истагини билдирган ота-оналар (уларнинг ўрнини босувчи шахслар) тўғрисидаги маълумотлар 1. Фамилияси, исми ва отасининг исми 2. Туғилган санаси 3. Паспорт ёки идентификацияловчи ID-картаси маълумотлари (серияси ва рақами) 4. Жисмоний шахснинг шахсий идентификация рақами (ЖШШИР) 5. Яшаш манзили 6. Телефон рақами 7. Электрон почта манзили (мавжуд бўлса)

«Эрта аралашув» хизмати кўрсатилишини ташкил этиш тартиби тўғрисидаги низомга 3-ИЛОВА

НАМУНА «Эрта аралашув» хизмати харажатларини қоплаш имконини берувчи ВАУЧЕР № _______________ 1. Боланинг Ф.И.О. ________________________________________________________________________ 2. Боланинг туғилганлик ҳақидаги гувоҳнома серияси ва рақами (ЖШШИР):_______________________ _________________________________________________________________________________________ 3. Яшаш манзили _________________________________________________________________________ 4. Бола ота-онаси (уларнинг ўрнини босувчи шахслар)нинг телефон рақами _______________________ _________________________________________________________________________________________ 5. «Эрта аралашув» хизматидан фойдаланиш учун асос бўлувчи ҳужжатлардан бири* _______________ _________________________________________________________________________________________ 6. Ваучер шакллантирилган сана ____________________________________________________________ 7. Ваучер фойдаланиш муддати _____________________________________________________________ * «Эрта аралашув» хизматидан фойдаланиш учун асос бўлувчи қуйидаги ҳужжатлардан бирининг мавжудлиги танланади: а) ногиронлик тўғрисидаги маълумотнома б) оилавий шифокорнинг хулосаси в) Психологик-тиббий-педагогик комиссия хулосаси QR-код (матрик штрихли код)

«Эрта аралашув» хизмати кўрсатилишини ташкил этиш тартиби тўғрисидаги низомга 4-ИЛОВА

НАМУНА 20___ йил __________ ойи учун «__________» «Эрта аралашув» хизмати кўрсатилган ҳар бир бола учун субсидия олишга БУЮРТМАНОМА Юридик шахс СТИРи, якка тартибдаги тадбиркор биометрик паспорт маълумотлари ____________________________________________ Ҳудуд номи ____________________________________________ Туман (шаҳар) номи ____________________________________________ МФЙ номи ____________________________________________ Уй рақами ____________________________________________ Т/р Бола тўғрисидаги маълумотлар Ҳисобот ойида Ф.И.О. Туғилган санаси Туғилганлик ҳақидаги гувоҳнома серияси ва рақами Боланинг «Эрта аралашув» хизматига қатнаган кунлари сони Субсидиянинг қатъий кунлик миқдори Бола учун ажратиладиган ва тўланадиган субсидия суммаси (4 уст*5 уст) а 1 2 3 4 5 6 1. 2. ... ЖАМИ: Х Х

Вазирлар Маҳкамасининг 2026 йил 21 майдаги 271-сон қарорига 2-ИЛОВА

Ижтимоий-психиатрик-тиббий комиссиялар тўғрисида

1-боб. Умумий қоидалар

1. Ушбу Низом руҳий ҳолати бузилган I ва II гуруҳ ногиронлиги бўлган шахслар (кейинги ўринларда — ногиронлиги бўлган шахслар)ни ижтимоий хизматларга йўналтириш бўйича ижтимоий-психиатрик-тиббий комиссияларнинг мақсади, вазифалари ва фаолиятини ташкил этишни ҳамда ижтимоий-психиатрик-тиббий текширувларни ўтказиш тартибини белгилайди.

2. Ушбу Низомда қуйидаги асосий тушунчалар қўлланилади:

ахборот модули — ногиронлиги бўлган шахсларни Ногиронлиги бўлган шахслар учун «Ғамхўрлик» марказлари (кейинги ўринларда — «Ғамхўрлик» маркази)га жойлаштириш, биридан иккинчисига ўтказиш, шунингдек, нодавлат ташкилотлар иштирокида ташкил этилган «Янги кун» кундузги қатнов асосида қараб туриш хизмати, уй шароитида қараб туриш хизмати, кичик ҳажмли «Мадад» уйлари ҳамда «Ижтимоий таътил» қисқа муддатли жойлаштириш хизматлари (кейинги ўринларда — муқобил ижтимоий хизматлар)га йўналтиришга доир маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

апелляция кенгаши — ижтимоий-психиатрик-тиббий комиссиянинг ногиронлиги бўлган шахсларни «Ғамхўрлик» марказларига жойлаштириш ёки муқобил ижтимоий хизматларга йўналтиришга доир хулосаларини ўрганиш, ижтимоий-психиатрик-тиббий текширув натижалари бўйича шикоятларни кўриб чиқиш ҳамда «Ғамхўрлик» марказларининг биридан иккинчисига ўтказиш тўғрисида қарор қабул қилиш мақсадида Агентлик ҳузурида ташкил этиладиган коллегиал-маслаҳат органи;

Ижтимоий-психиатрик-тиббий комиссия (кейинги ўринларда — ИПТК) — ногиронлиги бўлган шахсларни «Ғамхўрлик» марказига жойлаштириш, шунингдек, муқобил ижтимоий хизматларга йўналтириш учун тақдим этилган ҳужжатларни ўрганиб чиқиш ҳамда уларни ижтимоий-психиатрик-тиббий текширувдан ўтказиш мақсадида Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқармалар) ҳузурида ташкил этиладиган доимий асосда фаолият юритувчи коллегиал орган;

ижтимоий-психиатрик-тиббий текширув — ногиронлиги бўлган шахслар соғлиғининг умумий ҳолати ва ижтимоий, руҳий (психиатрия) аҳволини комплекс равишда ўрганиш, баҳолаш, кўрикдан ўтказиш ва текшириш жараёни;

нодавлат ташкилотлар — юридик шахслар, якка тартибдаги тадбиркорлар ва нодавлат нотижорат ташкилотлар.

3. ИПТК ўз фаолиятини холислик, шаффофлик, ошкоралик ва бамаслаҳат ишлаш тамойиллари асосида, юридик шахс мақомисиз, доимий фаолият кўрсатувчи коллегиал орган шаклида олиб боради.

2-боб. ИПТКнинг мақсад ва вазифалари

4. ИПТКнинг асосий мақсади ногиронлиги бўлган шахсларни ижтимоий-психиатрик-тиббий жиҳатдан текширувдан ўтказиш ҳамда текширув натижалари бўйича уларни «Ғамхўрлик» марказлари ёки муқобил ижтимоий хизматларга йўналтириш учун хулоса бериш ҳисобланади.

5. ИПТК қуйидаги вазифаларни амалга оширади:

ногиронлиги бўлган шахсларни «Ғамхўрлик» марказлари ёки муқобил ижтимоий хизматларга йўналтириш учун тақдим этилган ҳужжатларни ўрганиб чиқади;

ногиронлиги бўлган шахсларни уларнинг қонуний вакили иштирокида ижтимоий-психиатрик-тиббий жиҳатдан текширувдан ўтказади;

ногиронлиги бўлган шахсларнинг соғлиғи ва руҳий ҳолатидаги бузилишларни тасдиқловчи ҳужжатларни ўрганади;

диспансер кузатувида турган руҳий ҳолати бузилган шахсларнинг ягона электрон реестри орқали ногиронлиги бўлган шахсларга қўйилган ташхиснинг ишончлилигини ўрганади;

«Ғамхўрлик» марказлари ёки кичик ҳажмли «Мадад» уйлари хизматига йўналтириладиган ногиронлиги бўлган шахс ва унинг оиласини ижтимоий ҳолати баҳолашдан ўтказилганлигини ўрганади;

ногиронлиги бўлган шахсларнинг парвариш ва қараб туришга бўлган эҳтиёжлари асосида уларни «Ғамхўрлик» марказларига жойлаштириш, биридан иккинчисига ўтказиш, шунингдек, муқобил ижтимоий хизматларга йўналтириш учун хулоса беради.

ИПТК қонунчилик ҳужжатларига мувофиқ бошқа вазифаларни ҳам амалга оширади.

3-боб. ИПТК фаолиятини ташкил этиш

6. ИПТК таркиби ҳудудий бошқармалар ва Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳри соғлиқни сақлаш бош бошқармасининг (кейинги ўринларда — ССВ ҳудудий бўлинмалари) биргаликдаги қўшма қарори асосида ҳар йили 1 февралга қадар ушбу Низомга 1-иловага мувофиқ намунавий таркибда тузилади ва тасдиқланади.

7. ИПТКга ССВ ҳудудий бўлинмаларидан жалб қилинган мутахассисларга ИПТК йиғилиши ўтказилган ой учун меҳнатга ҳақ тўлаш энг кам миқдорининг бир баравари миқдорида Агентликнинг Ижтимоий ҳимоя давлат жамғармаси маблағлари ҳисобидан ҳудудий бошқармалар томонидан ҳақ тўланади.

8. ИПТКга раис — Агентлик ҳудудий бошқармасининг бошлиғи ўринбосари раҳбарлик қилади.

Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Қорақалпоғистон Республикаси, вилоятлар ва Тошкент шаҳар филиаллари бош шифокор-психиатри ИПТК комиссия раисининг ўринбосари ҳисобланади.

9. ИПТК раиси:

ушбу Низомга мувофиқ ИПТК ишини ташкил этади ва унинг фаолиятига раҳбарлик қилади;

ИПТК аъзоларига бажарилиши мажбурий бўлган топшириқлар беради ва уларни назорат қилади;

ИПТКнинг иш жадвалини тасдиқлайди;

ИПТК йиғилишини ўтказиш даврийлигини, вақти ва жойини белгилайди;

ИПТК фаолиятини такомиллаштириш бўйича Агентликка таклифларни киритади.

10. ИПТК раиси қуйидагилар учун жавобгар ҳисобланади:

ИПТК фаолиятини ушбу Низомга мувофиқ ташкил этиш;

ногиронлиги бўлган шахслар ҳамда уларнинг қонуний вакилларининг ҳуқуқлари ва манфаатларига зарар етказиши мумкин бўлган маълумотлар ошкор этмаслигини таъминлаш;

ИПТК йиғилишларини ўтказишда ногиронлиги бўлган шахслар ҳаёти ва соғлиғи хавфсизлигини таъминлаш.

11. ИПТК йиғилишларида унинг барча аъзолари иштирок этиши шарт.

Бунда ушбу Низомга 1-иловага мувофиқ намунавий таркибда тасдиқланган рўйхатдаги мутахассис иштирок эта олмаган тақдирда, ССВ ҳудудий бўлинмаси томонидан ушбу соҳадаги бошқа мутахассис ишончнома асосида юборилади. Бу ҳақда ИПТК камида беш кун олдин хабардор қилинади.

12. ИПТК йиғилиши натижалари, шунингдек, ногиронлиги бўлган шахслар билан боғлиқ маълумотлар махфий ҳисобланади. Бунда ногиронлиги бўлган шахслар қонуний вакилларининг розилигисиз ушбу маълумотларнинг бошқа шахсларга берилишига йўл қўйилмайди, қонунчилик ҳужжатларида назарда тутилган ҳоллар бундан мустасно.

13. ИПТК томонидан ижтимоий-психиатрик-тиббий текширувларни ўтказиш ҳамда ногиронлиги бўлган шахсларнинг қонуний вакилларига ИПТК мутахассислари томонидан маслаҳатлар бериш бепул амалга оширилади.

14. ИПТК котиби ногиронлиги бўлган шахсларни текширувдан ўтказиш баённомаларининг асл нусхалари сақланишини таъминлайди.

4-боб. Ижтимоий-психиатрик-тиббий текширувдан ўтиш учун мурожаат қилиш ва ИПТКнинг хулосасини бериш тартиби

1-§. Мурожаатларни қабул қилиш ва ИПТКга юбориш

15. Ногиронлиги бўлган шахсларнинг қонуний вакиллари (кейинги ўринларда — аризачи) ногиронлиги бўлган шахсларни ижтимоий-психиатрик-тиббий текширувдан ўтказиш учун «Инсон» ижтимоий хизматлар марказига (кейинги ўринларда — «Инсон» маркази), Давлат хизматлари марказига ёки ижтимоий ходимга ўзи келиб мурожаат этган тақдирда, «Инсон» маркази ёки Давлат хизматлари марказининг масъул ходими ёхуд ижтимоий ходим аризачи номидан ёки Ягона интерактив давлат хизматлари портали (кейинги ўринларда — ЯИДХП) ёхуд «Ижтимоий карта» мобиль иловаси орқали мурожаат қилинганда — аризачи мустақил равишда мазкур Низомга 2-иловага мувофиқ шаклдаги сўровномани электрон тарзда тўлдиради. Бунда сўровнома тўлдирилишида аризачи томонидан қуйидаги ижтимоий хизматлардан бири танланиши лозим:

ногиронлиги бўлган шахсни «Янги кун» кундузги қатнов асосида қараб туриш хизматига йўналтириш;

ногиронлиги бўлган шахсни уй шароитида қараб туриш хизматига йўналтириш;

ногиронлиги бўлган шахсни «Ижтимоий таътил» қисқа муддатли жойлаштириш хизматига йўналтириш;

ногиронлиги бўлган шахсни кичик ҳажмли «Мадад» уйи хизматига жойлаштириш;

ногиронлиги бўлган шахсни «Ғамхўрлик» марказига жойлаштириш.

Сўровномага танланган ижтимоий хизмат туридан келиб чиқиб, мазкур Низомга 3-иловага мувофиқ ҳужжатлар илова қилиниши лозим.

16. Мазкур Низомнинг 15-бандига мувофиқ танланган ижтимоий хизматга қуйидаги тоифадаги шахслар қабул қилинади:

а) «Янги кун» кундузги қатнов асосида қараб туриш хизмати бўйича қуйидаги ташхисларнинг бири қўйилган ногиронлиги бўлган шахслар:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03);

б) уй шароитида қараб туриш хизмати бўйича қуйидаги ташхисларнинг бири қўйилган ногиронлиги бўлган шахслар:

деменция (F00.0-G30, F02.0, F02.1, F02.2, F02.3, F03);

чуқур ақлий заифлик (F73);

болалар церебрал фалажи (БЦФ) (GMFCS классификациясига кўра 4 ёки 5 даража) + оғир даражадаги ақлий заифлик G80+F72;

цереброваскуляр касалликларининг оқибатлар+ спастик тетраплегия ёки бўшашган тетраплегия (GMFCS классификациясига кўра 4 ёки 5 -даража) + оғир даражадаги ақлий заифлик I69.2+G82.3 /G 82.4+F72;

тетраплегия (GMFCS классификациясига кўра 4 ёки 5 даража) + оғир даражадаги ақлий заифлик G 82+ F72;

эпилепсия эпилептик статус оғир даражадаги ақлий заифлик G40/ G41+F72 (Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик);

в) «Ижтимоий таътил» қисқа муддатли жойлаштириш хизмати бўйича қуйидаги ташхисларнинг бири қўйилган ногиронлиги бўлган шахслар:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03);

г) кичик ҳажмли «Мадад» уйи хизмати бўйича қуйидаги ташхисларнинг бири қўйилган, шунингдек, ўзгалар парваришига муҳтожлик даражаси (Бартел ва Лаутон шкалалари бўйича) 62 баллгача баҳоланган ногиронлиги бўлган шахслар:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03);

д) «Ғамхўрлик» марказига жойлаштириш бўйича қуйидаги ташхисларнинг бири қўйилган ногиронлиги бўлган шахслар:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03).

17. Сўровнома тўлдирилгандан сўнг аризачи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон рақамли имзо, Face-ID, Моbilе-ID ва бошқалар) билан тасдиқлайди. Бунда аризачи томонидан сўровноманинг тасдиқланиши у ва ногиронлиги бўлган шахсга тегишли шахсга доир маълумотларни олиш ва ишлов беришга розиликни билдиради.

Аризачи ЯИДХП ёки «Ижтимоий карта» мобил иловаси орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.

18. Сўровномани кўриб чиққанлик учун тўлов ундирилмайди.

19. Сўровнома тасдиқлангандан сўнг унга илова қилинадиган ҳужжатлар билан бирга шу куннинг ўзида ахборот модули орқали «Инсон» марказига келиб тушади.

20. «Инсон» маркази сўровнома қабул қилиб олинганидан сўнг танланган ижтимоий хизматнинг туридан келиб чиқиб, қуйидагиларни амалга оширади:

1) ногиронлиги бўлган шахсни «Янги кун» кундузги қатнов асосида қараб туриш хизмати, уй шароитида қараб туриш хизмати ёки «Ижтимоий таътил» қисқа муддатли жойлаштириш хизматидан бирига йўналтириш бўйича:

а) бир иш кунида ногиронлиги бўлган шахс бўйича шакллантирилган ҳужжатларни ўрганади ҳамда рад этиш асослари мавжуд ёки мавжуд эмаслигини ҳамда ногиронлиги бўлган шахсга ногиронлик белгиланишидан аввал шахсларни кундалик ҳаётдаги фаоллиги ва иштироки (кейинги ўринларда — функционаллик) баҳолашдан ўтказилганлигини аниқлайди;

б) функционаллиги баҳолашдан ўтказилмаган ёки функционаллиги баҳолашдан ўтказилганига олти ойдан кўп муддат ўтган ногиронлиги бўлган шахсни Жаҳон Соғлиқни Сақлаш Ташкилотининг ногиронликни баҳолаш шкаласининг (WHODAS 2.0) маҳаллий шарт-шароитларига мослаштирилган мезонлари асосида беш иш куни ичида баҳолашдан ўтказади. Бунда функционалликни баҳолаш натижаларини ахборот модулида шакллантиради;

в) ногиронлиги бўлган шахс бўйича шакллантирилган ҳужжатларда рад этиш асослари аниқланмаган тақдирда, ногиронлиги бўлган шахс тўғрисидаги маълумот ва ҳужжатлари ҳамда функционалликни баҳолаш натижаларини бир иш куни ичида ИПТКга ахборот модули орқали юборади, бундан уй шароитида қараб туриш хизмати мустасно.

Бунда ногиронлиги бўлган шахснинг функционаллигини баҳолаш натижалари Жаҳон Соғлиқни Сақлаш Ташкилотининг ногиронликни баҳолаш шкаласи (WHODAS 2.0) бўйича 60 баллдан юқори бўлган тақдирда ушбу шахс уй шароитида қараб туриш хизматига йўналтирилиши мумкин бўлган шахс сифатида унинг маълумот ва ҳужжатлари бир иш куни ичида ИПТКга ахборот модули орқали юборилади;

г) ногиронлиги бўлган шахсларнинг маълумотлари ва ҳужжатлари ИПТКга юборилганлиги ёки сўровнома рад этилганлиги тўғрисида аризачини сўровномада кўрсатилган мобил алоқа воситасига СМС-хабарнома, ЯИДХП ёки «Ижтимоий карта» мобил иловаси орқали мурожаат қилинган тақдирда эса ЯИДХП ёки «Ижтимоий карта» мобил иловасидаги шахсий кабинетига электрон хабарнома юбориш орқали хабардор қилади;

2) ногиронлиги бўлган шахсларни кичик ҳажмли «Мадад» уйи хизматига жойлаштириш бўйича:

а) бир иш кунида ногиронлиги бўлган шахс бўйича шакллантирилган ҳужжатларни ўрганади ҳамда рад этиш асослари мавжуд ёки мавжуд эмаслигини ҳамда ногиронлиги бўлган шахсга ногиронлик белгиланишидан аввал шахсларни кундалик ҳаётдаги фаоллиги ва иштироки (кейинги ўринларда — функционаллик) баҳолашдан ўтказилганлигини аниқлайди;

б) функционаллиги баҳолашдан ўтказилмаган ёки функционаллиги баҳолашдан ўтказилганига олти ойдан кўп муддат ўтган ногиронлиги бўлган шахсни Жаҳон Соғлиқни Сақлаш Ташкилотининг ногиронликни баҳолаш шкаласининг (WHODAS 2.0) маҳаллий шарт-шароитларига мослаштирилган мезонлари асосида беш иш куни ичида баҳолашдан ўтказади. Бунда функционалликни баҳолаш натижаларини ахборот модулида шакллантиради;

в) ногиронлиги бўлган шахс бўйича шакллантирилган ҳужжатларда рад этиш асослари аниқланмаганда ҳамда функционалликни баҳолаш натижаларини ахборот модулида шакллантирганидан сўнг беш иш куни мобайнида «Инсон» марказининг ходими, оилавий шифокор ва фуқароларнинг ўзини ўзи бошқариш органи раисидан иборат мультидисциплинар гуруҳ Вазирлар Маҳкамасининг 2024 йил 11 мартдаги 123-сон қарори билан тасдиқланган Ўзгалар парваришига муҳтож шахсларни эътироф этиш, индивидуал тартибда ижтимоий хизматлар ва ёрдамлар кўрсатиш режасини тасдиқлаш ва мониторинг қилишнинг маъмурий регламентига мувофиқ ногиронлиги бўлган шахсларнинг ўзгалар парваришига муҳтожлик даражаси ва яшаш шароитларини баҳолайди, шунингдек, унинг натижалари тўғрисидаги хулосани ахборот модулига киритади;

г) ногиронлиги бўлган шахснинг ўзгалар парваришига муҳтожлик даражаси (Бартел ва Лаутон шкалалари бўйича)нинг баҳолаш натижалари 62 баллгача бўлганда ногиронлиги бўлган шахс тўғрисидаги маълумот ва ҳужжатлар ҳамда функционалликни баҳолаш натижаларини бир иш куни ичида ИПТКга ахборот модули орқали юборади. Бунда ногиронлиги бўлган шахснинг ўзгалар парваришига муҳтожлик даражасининг баҳолаш натижаси 62 баллдан юқори бўлганда аризачининг сўровномасини рад этади;

д) ногиронлиги бўлган шахсларнинг маълумотлари ва ҳужжатлари ИПТКга юборилганлиги ёки сўровнома рад этилганлиги тўғрисида аризачини сўровномада кўрсатилган мобил алоқа воситасига СМС-хабарнома, ЯИДХП ёки «Ижтимоий карта» мобил иловаси орқали мурожаат қилинган тақдирда эса ЯИДХП ёки «Ижтимоий карта» мобил иловасидаги шахсий кабинетига электрон хабарнома юбориш орқали хабардор қилади;

3) ногиронлиги бўлган шахсни «Ғамхўрлик» марказига жойлаштириш бўйича:

а) бир иш кунида ногиронлиги бўлган шахс бўйича шакллантирилган ҳужжатларни ўрганади ҳамда рад этиш асослари мавжуд ёки мавжуд эмаслигини ҳамда ногиронлиги бўлган шахсга ногиронлик белгиланишидан аввал шахсларни кундалик ҳаётдаги фаоллиги ва иштироки (кейинги ўринларда — функционаллик) баҳолашдан ўтказилганлигини аниқлайди;

б) функционаллиги баҳолашдан ўтказилмаган ёки функционаллиги баҳолашдан ўтказилганига олти ойдан кўп муддат ўтган ногиронлиги бўлган шахсни Жаҳон Соғлиқни Сақлаш Ташкилотининг ногиронликни баҳолаш шкаласининг (WHODAS 2.0) маҳаллий шарт-шароитларига мослаштирилган мезонлари асосида беш иш куни ичида баҳолашдан ўтказади. Бунда функционалликни баҳолаш натижаларини ахборот модулида шакллантиради;

в) ногиронлиги бўлган шахс бўйича шакллантирилган ҳужжатларда рад этиш асослари аниқланмаганда ҳамда функционалликни баҳолаш натижаларини ахборот модулида шакллантирганидан сўнг ногиронлиги бўлган шахсларни «Ғамхўрлик» марказига навбатсиз ёки навбат асосида жойлаштириладиган шахслар тоифасига ажратади. Бунда:

қуйидаги асосларнинг барчаси бир пайтнинг ўзида мавжуд бўлганда ногиронлиги бўлган шахсларни «Ғамхўрлик» марказига навбатсиз жойлаштириладиган шахслар тоифасига киритади:

ногиронлиги бўлган шахс ўзгалар парваришига муҳтож бўлганда;

ногиронлиги бўлган шахснинг оила аъзолари, шунингдек, яқин қариндошлари мавжуд бўлмаганда;

ногиронлиги бўлган шахснинг эгалигида турар жойи мавжуд бўлмаганда ёки яшаш учун яроқсиз ҳолатидаги тураржойда яшаётган бўлса.

Мазкур кичик банднинг учинчи — бешинчи хатбошиларида назарда тутилган асослар мавжуд бўлмаган тақдирда ногиронлиги бўлган шахсларни «Ғамхўрлик» марказига навбат асосида жойлаштириладиган шахслар тоифасига киритади.

«Ғамхўрлик» марказига навбатсиз жойлаштириладиган шахслар тоифасига киритилган ногиронлиги бўлган шахслар учун мазкур Низомга 3-иловага мувофиқ қўшимча ҳужжатларни беш иш куни ичида аризачидан талаб қилиб олади;

г) «Ғамхўрлик» марказига навбатсиз ёки навбат асосида жойлаштириладиган шахслар тоифасига ажратилган ногиронлиги бўлган шахсларнинг маълумотлари ва ҳужжатлари ҳамда функционалликни баҳолаш натижаларини мазкур Низомга 3-иловага мувофиқ шакллантирилганидан сўнг бир иш куни ичида ахборот модули орқали ИПТКга юборади;

д) ногиронлиги бўлган шахсларнинг маълумотлари ва ҳужжатлари ИПТКга юборилганлиги ёки сўровнома рад этилганлиги тўғрисида аризачини сўровномада кўрсатилган мобил алоқа воситасига СМС-хабарнома, ЯИДХП ёки «Ижтимоий карта» мобил иловаси орқали мурожаат қилинган тақдирда эса ЯИДХП ёки «Ижтимоий карта» мобил иловасидаги шахсий кабинетига электрон хабарнома юбориш орқали хабардор қилади.

21. Қуйидагилар ИПТК томонидан аризачининг сўровномасини рад этиш учун асос бўлади:

ногиронлиги бўлган шахс сўровномада танланган хизмат тури учун белгиланган ташхис ва тоифага мувофиқ бўлмаганда;

ушбу Низомга 3-иловага кўрсатилган маълумот ва ҳужжатлар илова қилинмаганда ёки уларда камчиликлар ва номувофиқликлар аниқланганда;

аризачи томонидан хизматдан фойдаланишни рад этиш тўғрисида ариза берилганда.

ИПТК томонидан аризачининг сўровномасини бошқа асосларга кўра рад этишга йўл қўйилмайди.

22. Мазкур Низомнинг 21-бандида назарда тутилган асосларга кўра сўровнома рад этилган ҳолларда аризачи бу тўғрисида сўровномада кўрсатилган мобиль алоқа воситасига СМС-хабарнома, ЯИДХП ёки «Ижтимоий карта» мобиль иловаси орқали мурожаат қилинган тақдирда эса ЯИДХП ёки «Ижтимоий карта» мобиль иловасидаги шахсий кабинетига электрон хабарнома юбориш орқали хабардор қилинади.

2-§. Ижтимоий-психиатрик-тиббий текширувини ўтказиш ва ИПТК хулосасини бериш

23. Ногиронлиги бўлган шахслар бўйича шакллантирилган маълумот ва ҳужжатлар ахборот модули орқали ИПТКга келиб тушгандан сўнг ИПТК котиби беш иш куни ичида ҳужжатларнинг тўлиқлигини ва тўғри расмийлаштирилганлигини ўрганади.

Ўрганиш натижаларига кўра ногиронлиги бўлган шахс бўйича шакллантирилган маълумот ва ҳужжатларда камчиликлар аниқланмаган тақдирда, улар ахборот модули орқали қабул қилиб олинади ва ИПТКнинг навбатдаги йиғилишига киритилади.

Ногиронлиги бўлган шахс бўйича шакллантирилган маълумот ва ҳужжатларда камчиликлар мавжудлиги аниқланган тақдирда, улар камчиликлари кўрсатилган ҳолда «Инсон» марказига ахборот модули орқали қайтарилади.

Бунда ногиронлиги бўлган шахсларнинг маълумот ва ҳужжатларидаги камчиликлар «Инсон» маркази томонидан аризачи билан биргаликда бартараф этилган ҳолда ИПТКга мазкур бобнинг 1-параграфида белгиланган тартибда юборилади.

24. ИПТК йиғилишлари ижтимоий-психиатрик-тиббий текширувдан ўтказиладиган ногиронлиги бўлган шахслар сонидан қатъи назар, икки ойда камида бир марта ўтказилиши лозим.

25. ИПТК йиғилишини ўтказиш санаси, вақти ва жойи белгилангандан сўнг ИПТК йиғилиши ўтказилишидан камида уч кун олдин ИПТК котиби ИПТК аъзоларини ахборот модули орқали, ногиронлиги бўлган шахсларнинг қонуний вакилларини эса СМС-хабарнома, ЯИДХП ёки «Ижтимоий карта» мобиль иловаси орқали мурожаат қилинган тақдирда эса ЯИДХП ёки «Ижтимоий карта» мобиль иловасидаги шахсий кабинетига электрон хабарнома юбориш орқали хабардор қилинади.

Ногиронлиги бўлган шахсларнинг қонуний вакиллари ИПТК йиғилиши белгиланган сана ва вақтда ногиронлиги бўлган шахсни ИПТК йиғилиши бўлиб ўтадиган жойга олиб келмаган тақдирда, уларнинг ҳужжатлари ИПТК йиғилиши ўтказилган кунинг эртасига ахборот модули орқали «Инсон» марказига қайтарилади ҳамда бу тўғрисида ногиронлиги бўлган шахсларнинг қонуний вакили СМС-хабарнома, ЯИДХП ёки «Ижтимоий карта» мобиль иловаси орқали мурожаат қилинган тақдирда эса ЯИДХП ёки «Ижтимоий карта» мобил иловасидаги шахсий кабинетига электрон хабарнома юбориш орқали хабардор қилинади.

26. ИПТК йиғилишлари улар жойлашган биноларда, ҳудудларга чиқиб сайёр тартибда, шахс соғлигининг ҳолатига кўра ИПТКга келиш имкони бўлмаган ҳолатда шахснинг уйида ёки даволанишда бўлган тақдирда, стационарда ўтказилади.

Бунда ИПТК котиби «Инсон» маркази билан биргаликда мазкур Низомнинг 25-бандида белгиланган муддатда ногиронлиги бўлган шахсларнинг ҳужжатлари, ҳолати ҳамда жойлашган ҳудудини ўрганиш орқали мазкур банднинг биринчи хатбошисига мувофиқ ижтимоий-психиатрик-тиббий текширувдан ўтказиладиган ногиронлиги бўлган шахсларнинг рўйхатини шакллантиради.

27. Ижтимоий-психиатрик-тиббий текширув ногиронлиги бўлган шахс жойлашган ҳудуддаги ИПТК томонидан ИПТК аъзоларининг тўлиқ таркибида ўтказилади.

28. ИПТКнинг хулосалари коллегиал тартибда, аъзоларининг оддий кўпчилик овози асосида қабул қилинади ва баённома билан расмийлаштирилади.

Бунда овозлар тенг бўлганда, раислик қилувчининг овози ҳал қилувчи овоз ҳисобланади.

29. ИПТК томонидан ногиронлиги бўлган шахсларни ижтимоий-психиатрик-тиббий текширувдан ўтказиш ногиронлиги бўлган шахслар бўйича шакллантирилган маълумот ва ҳужжатларни ўрганиш ҳамда шахсни кўрикдан ўтказиш йўли билан амалга оширилади.

30. ИПТКнинг йиғилишида ногиронлиги бўлган шахслар уларнинг тиббий картасида кўрсатилган маълумотлар асосида ИПТКнинг ҳар бир мутахассиси томонидан якка тартибда ёки бир нечта мутахассислар томонидан бир вақтда ижтимоий-психиатрик-тиббий текширувдан ўтказилади.

Бунда ижтимоий-психиатрик-тиббий текширув ўтказилишида Жаҳон Соғлиқни Сақлаш Ташкилотининг WHODAS саволномаси қўлланилади ҳамда «Инсон» маркази томонидан ўтказиладиган функционалликни баҳолаш натижалари ўрганилади.

31. ИПТК томонидан ногиронлиги бўлган шахсларни ижтимоий-психиатрик-тиббий текширувдан ўтказишда уларнинг индивидуал хусусиятлари, тоифаси, ёши, жинси ва ижтимоий-психиатрик-тиббий ҳолати ҳамда ушбу Низомга 4-иловага мувофиқ тиббий кўрсатмалар ҳисобга олиниши лозим.

32. Ижтимоий-психиатрик-тиббий текширув натижалари ИПТК баённомасида йиғилиш ўтказилган кунда расмийлаштирилади ҳамда унинг барча аъзолари томонидан имзоланади.

ИПТК баённомаси имзолангандан сўнг ИПТК хулосаси уч иш кунида ахборот модулида расмийлаштирилади.

33. Ижтимоий-психиатрик-тиббий текширув натижалари бўйича ИПТК қуйидаги хулосалардан бирини қабул қилади:

ногиронлиги бўлган шахсни сўровномада танланган ижтимоий хизматга йўналтириш;

ногиронлиги бўлган шахсни сўровномада танланган хизматдан бошқа хизматга йўналтириш (бундан «Ғамхўрлик» маркази ёки кичик ҳажмли «Мадад» уйига жойлаштириш мустасно);

ногиронлиги бўлган шахсни ижтимоий хизматга йўналтиришни рад этиш.

34. ИПТК томонидан берилган хулосаларнинг тўғрилиги ҳамда асосланганлиги бўйича ИПТК аъзолари биргаликда жавобгар ҳисобланади.

35. ИПТК хулосасида қуйидагилар кўрсатилади:

ногиронлиги бўлган шахс ҳамда унинг қонуний вакилининг паспорт (идентификацияловчи ID-карта) маълумотлари;

ногиронлиги бўлган шахс ва (ёки) қонуний вакилларнинг яшаш манзили ҳақида маълумотлар;

ногиронлиги бўлган шахсга қўйилган ташхис (Халқаро касалликлар таснифи ХКТ-10 шифрини кўрсатган ҳолда);

ногиронлиги бўлган шахсга тавсия этилган ижтимоий хизмат тури ва ижтимоий хизматдан фойдаланиш муддати.

ИПТК хулосасининг шакли Агентлик томонидан тасдиқланади.

36. Ногиронлиги бўлган шахсларни «Ғамхўрлик» марказларига жойлаштириш, кичик ҳажмли «Мадад» уйи хизмати, «Янги кун» кундузги қатнов асосида қараб туриш хизмати, уй шароитида қараб туриш хизмати ёки «Ижтимоий таътил» қисқа муддатли жойлаштириш хизматларидан бирига йўналтиришга қаратилган ИПТК хулосаси расмийлаштирилганда мазкур хулоса бир иш куни ичида ахборот модули орқали ногиронлиги бўлган шахснинг яшаш манзилидаги «Инсон» марказига юборилади ҳамда бу тўғрисида ногиронлиги бўлган шахсларнинг қонуний вакили СМС-хабарнома, ЯИДХП ёки «Ижтимоий карта» мобиль иловаси орқали мурожаат қилинган тақдирда эса ЯИДХП ёки «Ижтимоий карта» мобиль иловасидаги шахсий кабинетига электрон хабарнома юбориш орқали хабардор қилинади.

5-боб. Якунловчи қоидалар

37. ИПТК йиғилишларида Агентлик ва Соғлиқни сақлаш вазирлиги тизимининг вакиллари овоз бериш ҳуқуқисиз иштирок этиши мумкин.

38. Ногиронлиги бўлган шахсга тавсия этилган ижтимоий хизмат тури бўйича ижтимоий хизматдан фойдаланиш муддати тугаган ҳолларда уни ижтимоий-психиатрик-тиббий текширувдан ўтказиш ушбу Низомда белгиланган тартибда умумий асосларда амалга оширилади.

39. ИПТК хулосаларнинг тўғрилиги ва асослилиги Агентлик томонидан тузиладиган Апелляция кенгаши томонидан ўрганиб борилади.

40. Ногиронлиги бўлган шахсларнинг қонуний вакили ИПТК хулосасидан норози бўлган тақдирда, у бир ой муддат ичида Апелляция кенгашига мурожаат қилиши мумкин.

41. Апелляция кенгашига шикоят тушган ҳолларда кейинги ўн иш кун мобайнида ногиронлиги бўлган шахсни қайта ижтимоий-психиатрик-тиббий текширувдан ўтказиш тўғрисида қарор қабул қилинади. Бунда:

қайта ижтимоий-психиатрик-тиббий текширув бошқа ҳудуддаги ИПТК аъзоларини жалб қилиш орқали амалга оширилади;

қайта ижтимоий-психиатрик-тиббий текширув натижалари бўйича хулоса ахборот модулига киритилади ҳамда ногиронлиги бўлган шахсларнинг қонуний вакили СМС-хабарнома юбориш орқали хабардор қилинади.

42. ИПТК фаолияти устидан назорат Агентлик ва Ижтимоий инспекция томонидан амалга оширилади.

43. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ижтимоий-психиатрик-тиббий комиссиялар тўғрисидаги низомга 1-ИЛОВА

Ижтимоий-психиатрик-тиббий комиссияларнинг

Лавозими бўйича — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳри бошқармалари бошлиғининг ўринбосари — Ногиронлиги бўлган шахсларни функционаллигини баҳолаш шуъбаси мудири, комиссия раиси Лавозими бўйича — Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Қорақалпоғистон Республикаси, вилоятлар ва Тошкент шаҳри филиаллари шифокор-психиатри (келишув асосида) Лавозими бўйича — Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Қорақалпоғистон Республикаси, вилоятлар ва Тошкент шаҳри филиаллари шифокор-психиатри (келишув асосида) Лавозими бўйича — невролог (келишув асосида) Лавозими бўйича — терапевт (келишув асосида) Лавозими бўйича — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳри бошқармаларининг тегишли соҳавий таркибий бўлинмаси масъул ходими Лавозими бўйича — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳри бошқармаларининг тегишли соҳавий таркибий бўлинмаси масъул ходими (ҳуқуқшунос) Лавозими бўйича — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳри бошқармаларининг тегишли соҳавий таркибий бўлинмаси масъул ходими, комиссия котиби

Ижтимоий-психиатрик-тиббий комиссиялар тўғрисидаги низомга 2-ИЛОВА

НАМУНА Ижтимоий-психиатрик-тиббий текширувдан ўтиш учун СЎРОВНОМА ____________________ ____________________ (сана) (рақам) I. Ногиронлиги бўлган шахснинг қонуний вакили тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Паспорт ёки идентификацияловчи ID-картаси маълумотлари (серияси ва рақами) 5. Жисмоний шахснинг шахсий идентификация рақами 6. Электрон почта манзили (мавжуд бўлганда) 7. Телефон рақами II. Ногиронлиги бўлган шахс тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Вақтинчалик яшаш жойи * 5. Паспорт ёки идентификацияловчи ID-картаси маълумотлари (серияси ва рақами) 6. Жисмоний шахснинг шахсий идентификация рақами 7. Ижтимоий хизмат тури Қуйидаги ижтимоий хизматлардан бири танланади: Ногиронлиги бўлган шахслар учун «Ғамхўрлик» марказларига жойлаштириш; Кичик ҳажмли «Мадад» уйлари хизмати; «Ижтимоий таътил» қисқа муддатли жойлаштириш хизмати; Уй шароитида қараб туриш хизмати; «Янги кун» кундузги қатнов асосида қараб туриш хизмати.

Ижтимоий-психиатрик-тиббий комиссиялар тўғрисидаги низомга 3-ИЛОВА

Ижтимоий-психиатрик-тиббий текширувдан ўтиш учун сўровномага илова қилинадиган ҳужжатлар

I. Ногиронлиги бўлган шахслар учун «Ғамхўрлик» марказларига жойлаштириш бўйича: *

1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма (027-шакл), қуйидаги мутахассисларнинг хулосалари билан бирга:

беморнинг умумий ҳолати тўғрисида оилавий шифокорнинг хулосаси;

амбулатор-поликлиника муассасасининг психиатр хулосаси.

2. Касаллик тарихидан кўчирма (руҳий-асаб касалликлари шифохонанинг охирги 5 (беш) йил давомида даволанганлиги тўғрисида).

3. Ногиронлиги бўлган шахсга васий тайинлаш тўғрисидаги қарор.

4. Шахсни муомалага лаёқатсиз деб топиш тўғрисидаги суд қарори.

II. «Янги кун» кундузги қатнов асосида қараб туриш хизмати ва уй шароитида қараб туриш хизмати бўйича:

1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма.

2. Туман (шаҳар) тиббиёт бирлашмаси психиатр хонаси (руҳий-асаб касалликлари диспансери)дан олинган беморнинг амбулатор картасидан кўчирма.

III. Кичик ҳажмли «Мадад» уйлари хизмати бўйича:

1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма (027-шакл), қуйидаги мутахассисларнинг хулосалари билан бирга:

беморнинг умумий ҳолати тўғрисида оилавий шифокорнинг хулосаси;

амбулатор-поликлиника муассасасининг психиатр хулосаси.

2. Касаллик тарихидан кўчирма (руҳий-асаб касалликлари шифохонанинг охирги 5 (беш) йил давомида даволанганлиги тўғрисида).

3. Қоннинг умумий таҳлили.

4. Сийдик умумий таҳлили.

5. Қоннинг РW (Вассерман реакцияси) таҳлили.

6. «В» ва «С» гепатитларнинг (HВсАг, HCВ) маркерларини аниқловчи қон таҳлили.

7. Қоннинг ОИВ билан зарарланиши тўғрисида таҳлили (ОИТСга қарши кураш марказидан).

8. Кўкрак қафаси аъзоларининг флюорографияси (текширилувчининг фамилияси, исми шарифи ҳамда текширувнинг тартиб рақами ва ўтказилган сана кўрсатилади).

9. Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Қорақалпоғистон Республикаси, вилоятлар ва Тошкент шаҳар филиаллари Тиббий-маслаҳат комиссияси хулосаси.

10. Силга қарши курашиш диспансери хулосаси.

11. Онкологик диспансер хулосаси.

12. Тери-таносил касалликлари диспансери хулосаси.

13. ОИТСга қарши кураш марказининг хулосаси.

14. Ногиронлиги бўлган шахсга васий тайинлаш тўғрисидаги қарор.

15. Шахсни муомалага лаёқатсиз деб топиш тўғрисидаги суд қарори.

IV. «Ижтимоий таътил» қисқа муддатли жойлаштириш хизмати бўйича:

1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма.

2. Туман (шаҳар) тиббиёт бирлашмаси психиатр хонаси (руҳий-асаб касалликлари диспансери)дан олинган беморнинг амбулатор картасидан кўчирма.

3. Ногиронлиги бўлган шахсга васий тайинлаш тўғрисидаги қарор.

4. Шахсни муомалага лаёқатсиз деб топиш тўғрисидаги суд қарори.

Ижтимоий-психиатрик-тиббий комиссиялар тўғрисидаги низомга 4-ИЛОВА

Ижтимоий-психиатрик-тиббий комиссия хулосасини бериш учун асос бўладиган тиббий кўрсатмалар

Т/р Ижтимоий хизматларнинг тури Ногиронлиги бўлган шахсга қўйилган ташхис (Халқаро касалликлар таснифи ХКТ-10) Қарши тиббий кўрсатмалар 1. «Ғамхўрлик» марказларига жойлаштириш 1. Мўътадил даражадаги ақлий заифлик (F71). 2. Оғир даражадаги ақлий заифлик (F72). 3. Чуқур даражадаги ақлий заифлик (F73). 4. Деменция (F00.0-G30, F02.0, F02.1, F02.2, F02.3, F03). 1. Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик. 2. Беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар. 3. Жараённинг фаол босқичидаги сил касаллиги. 4. Юқумли тери ва соч касалликлари. 5. Ўткир юқумли касалликлар. 6. Салбий жараёндаги, ёмон ҳолатда ўтадиган шиш касалликлари ва рецидивлари. 7. Таносил касалликлари. 8. Соматик касалликлари декомпенсация даври ва оғир даража кечиши. 2. Кичик ҳажмли «Мадад» уйлари хизмати 1. Мўътадил даражадаги ақлий заифлик (F71). 2. Оғир даражадаги ақлий заифлик (F72). 3. Чуқур даражадаги ақлий заифлик (F73). 4. Деменция (F00.0-G30, F02.0, F02.1, F02.2, F02.3, F03). 1. Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик. 2. Беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар. 3. Жараённинг фаол босқичидаги сил касаллиги. 4. Юқумли тери ва соч касалликлари. 5. Ўткир юқумли касалликлар. 6. Салбий жараёндаги, ёмон ҳолатда ўтадиган шиш касалликлари ва рецидивлари. 7. Таносил касалликлари. 8. Соматик касалликлари декомпенсация даври ва оғир даража кечиши. 3. «Ижтимоий таътил» қисқа муддатли жойлаштириш хизмати 1. Мўътадил даражадаги ақлий заифлик (F71). 2. Оғир даражадаги ақлий заифлик (F72). 3. Чуқур даражадаги ақлий заифлик (F73). 4. Деменция (F00.0-G30, F02.0, F02.1, F02.2, F02.3, F03). 1. Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик. 2. Беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар. 3. Жараённинг фаол босқичидаги сил касаллиги. 4. Юқумли тери ва соч касалликлари. 5. Ўткир юқумли касалликлар. 6. Салбий жараёндаги, ёмон ҳолатда ўтадиган шиш касалликлари ва рецидивлари. 7. Таносил касалликлари. 4. Уй шароитида қараб туриш хизмати 1. Деменция (F00.0-G30, F02.0, F02.1, F02.2, F02.3, F03). 2. Чуқур ақлий заифлик (F73). 3. Болалар церебрал фалажи (БЦФ) (GMFCS классификациясига кўра 4 ёки 5 даража) + оғир даражадаги ақлий заифлик G80+F72. 4. Цереброваскуляр касалликларининг оқибатлар+ спастик тетраплегия ёки бўшашган тетраплегия (GMFCS классификациясига кўра 4 ёки 5 -даража) + оғир даражадаги ақлий заифлик I69.2+G82.3 /G 82.4+F72. 5. Тетраплегия (GMFCS классификациясига кўра 4 ёки 5 даража) + оғир даражадаги ақлий заифлик G 82+ F72. 6. Эпилепсия эпилептик статус оғир даражадаги ақлий заифлик G40/ G41+F72 (Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик). 1. Шизофрения, шизотипик ва алаҳлашли бузилишлар. 2. Беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар. 3. Ўткир юқумли касалликлар. 5. «Янги кун» кундузги қатнов асосида қараб туриш хизмати 1. Мўътадил даражадаги ақлий заифлик (F71). 2. Оғир даражадаги ақлий заифлик (F72). 3. Чуқур даражадаги ақлий заифлик (F73). 4. Деменция (F00.0-G30, F02.0, F02.1, F02.2, F02.3, F03). 1. Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик. 2. Беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар. 3. Жараённинг фаол босқичидаги сил касаллиги. 4. Юқумли тери ва соч касалликлари. 5. Ўткир юқумли касалликлар. 6. Салбий жараёндаги, ёмон ҳолатда ўтадиган шиш касалликлари ва рецидивлари. 7. Таносил касалликлари. 8. Соматик касалликлари декомпенсация даври ва оғир даража кечиши.

Вазирлар Маҳкамасининг 2026 йил 21 майдаги 271-сон қарорига 3-ИЛОВА

Ногиронлиги бўлган шахслар учун «Ғамхўрлик» марказлари тўғрисида

1-боб. Умумий қоидалар

1. Ушбу Низом Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг руҳий ҳолати бузилган I ва II гуруҳ ногиронлиги бўлган шахслар (кейинги ўринларда — ногиронлиги бўлган шахслар) учун «Ғамхўрлик» марказлари (кейинги ўринларда — Марказ)нинг мақоми, асосий вазифалари ва функциялари, уларнинг фаолиятини ташкил этиш тартибини белгилайди.

2. Марказлар ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Агентликнинг буйруқларига, бошқа қонунчилик ҳужжатларига, ушбу Низомга, шунингдек ўз уставларига амал қилади.

3. Ушбу Низомда қуйидаги асосий тушунчалар қўлланилади:

апелляция кенгаши — Ижтимоий-психиатрик-тиббий комиссиянинг ногиронлиги бўлган шахсларни «Ғамхўрлик» марказларига жойлаштириш ёки муқобил ижтимоий хизматларга йўналтиришга доир хулосаларини ўрганиш, ижтимоий-психиатрик-тиббий текширув натижалари бўйича шикоятларни кўриб чиқиш ҳамда «Ғамхўрлик» марказларининг биридан иккинчисига ўтказиш тўғрисида қарор қабул қилиш мақсадида Агентлик ҳузурида ташкил этиладиган коллегиал-маслаҳат органи;

ахборот модули — ногиронлиги бўлган шахсларни Марказларга жойлаштириш, шунингдек биридан иккинчисига ўтказиш, давлат хусусий шериклик асосида ташкил этилган кичик ҳажмли уйларда қараб туриш ва парваришлаш хизматига йўналтиришга доир маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

ихтисослаштирилган ижтимоий хизматлар — ногиронлиги бўлган шахсларга қараб туриш ва парваришлаш хизматларини кўрсатиш, уларнинг маиший, касбий ва коммуникатив кўникмаларини шакллантириш орқали нормал ҳаёт кечириш имкониятини яратиш ҳамда жамиятга ижтимоийлашувини йўлга қўйишга қаратилган ижтимоий реабилитация хизматлари;

Ижтимоий-психиатрик-тиббий комиссия — туман (шаҳар)лардаги «Инсон» ижтимоий хизматлар марказлари (кейинги ўринларда — «Инсон» маркази) томонидан ногиронлиги бўлган шахсларни Марказларга жойлаштириш учун тақдим этилган ҳужжатларни ўрганиб чиқиш ҳамда уларни ижтимоий-психиатрик-тиббий текширувдан ўтказиш мақсадида Агентликнинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқармалар) ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

оила аъзолари — ота-она, турмуш ўртоқ, фарзандлар ҳамда умумий рўзғор асосида бир уйда яшовчи бошқа шахслар.

4. Марказлар Агентлик томонидан Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан келишган ҳолда белгиланган тартибда ташкил этилиши, қайта ташкил этилиши ёки тугатилиши мумкин.

5. Марказлар тугатилганда улардаги ногиронлиги бўлган шахслар Агентлик томонидан апелляция кенгашининг қарори асосида бошқа Марказларга ўтказилади.

6. Марказлардаги ўринлар сони Агентлик томонидан санитария қоидалари, нормалари ва гигиена нормативларига мажбурий риоя этган ҳолда белгиланади.

7. Марказлар фаолияти Агентликнинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқармалар) томонидан мувофиқлаштирилади.

8. Марказларнинг уставлари Агентлик томонидан тасдиқланади.

9. Марказлар ногиронлиги бўлган шахслар учун ихтисослаштирилган ижтимоий хизматлар кўрсатадиган давлат муассасалари ҳисобланади ҳамда давлат хизматлари марказларида рўйхатдан ўтказилади.

10. Марказлар эркаклар ва аёллар учун алоҳида-алоҳида ташкил этилади. Эркаклар ва аёллар учун алоҳида-алоҳида Марказлар ташкил этишнинг иложи бўлмаган ҳолларда, эркаклар ва аёлларни битта Марказда, лекин алоҳида корпусларда жойлаштиришга йўл қўйилади.

11. Марказларга Ўзбекистон Республикасида доимий яшайдиган, қуйидаги ташхислардан бири қўйилган ногиронлиги бўлган шахслар жойлаштирилади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03).

12. Ушбу Низомнинг 11-бандига мувофиқ ногиронлиги бўлган шахсларни Марказларга жойлаштириш уларда қуйидаги қарши кўрсатмалар мавжуд бўлмаган тақдирда амалга оширилади:

тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик;

беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар;

жараённинг фаол босқичидаги сил касаллиги;

юқумли тери ва соч касалликлари;

ўткир юқумли касалликлар;

салбий жараёндаги, ёмон ҳолатда ўтадиган шиш касалликлари ва рецидивлари;

таносил касалликлари.

13. Ногиронлиги бўлган шахслар Марказларга Ижтимоий-психиатрик-тиббий комиссиянинг хулосаси асосида бўш ўринлар мавжуд бўлган тақдирда жойлаштирилади.

2-боб. «Ғамхўрлик» марказларининг асосий вазифа ва функциялари

14. Қуйидагилар Марказларнинг асосий вазифалари ҳисобланади:

ногиронлиги бўлган шахсларнинг ҳаёт учун зарур бўлган эҳтиёжларини таъминлаш;

ногиронлиги бўлган шахсларни ижтимоий реабилитация (маиший, психологик, касбий, коммуникатив) қилиш;

ногиронлиги бўлган шахсларнинг ҳуқуқлари ҳимоя қилинишини таъминлаш;

ногиронлиги бўлган шахсларнинг мустақил яшаши учун шарт-шароитларни яратиш ва жамиятга қўшилишига кўмаклашиш;

ногиронлиги бўлган шахсларга ижтимоий хизматларни кўрсатиш орқали уларнинг ҳаёт сифатини ошириш.

15. Марказлар уларга юкланган асосий вазифаларга мувофиқ қуйидаги функцияларни бажарадилар:

а) ногиронлиги бўлган шахсларнинг ҳаёт учун зарур бўлган эҳтиёжларини таъминлаш соҳасида:

санитария нормалари, қоидалари ва гигиена нормативларига жавоб берадиган хавфсиз ва қулай шароит яратиш;

ҳаёт фаолияти ва асосий эҳтиёжлари учун зарур бўлган озиқ-овқат, кийим-кечак ва шахсий гигиена воситалари, дори воситалари ва тиббий буюмлар билан таъминлаш;

соғлиғини сақлаш ва соғломлаштиришни ташкил этиш;

б) ногиронлиги бўлган шахсларни ижтимоий реабилитация (маиший, психологик, касбий, коммуникатив) қилиш соҳасида:

жисмоний ва руҳий ҳолатни яхшилашга, шунингдек, ижтимоий реабилитация тадбирларини ўтказиш;

ўз-ўзига хизмат кўрсатиш, уй хўжалигини юритиш, атрофдагилар билан мулоқот ва ўзаро муносабатда бўлиш, турмуш ва жамоат жойларида ўзини тутиш ва бошқариш кўникмаларига ўргатиш;

ижтимоий мослашувга қаратилган индивидуал имкониятлар ва эҳтиёжларга мувофиқ меҳнат фаолиятига жалб этиш;

маънавий-маърифий ва маданий тадбирларни, шу жумладан, концерт дастурларини ташкил этиш, ижодкорлик ва спорт билан шуғулланиш имкониятини яратиш орқали ногиронлиги бўлган шахсларнинг маданий ҳаётда фаол иштирок этишларини таъминлаш;

в) ногиронлиги бўлган шахсларнинг ҳуқуқларини ҳимоя қилинишини таъминлаш соҳасида:

ногиронлиги бўлган шахсларнинг ҳуқуқ ва қонуний манфаатлари ҳимоя қилинишини таъминлаш;

ногиронлиги бўлган шахсларнинг ҳуқуқлари тўғрисидаги қонунчилик ҳужжатларининг ижросини таъминлаш соҳасидаги муаммоларни ўз вақтида бартараф қилиш ва Агентликка тегишли таклифлар киритиб бориш;

г) ногиронлиги бўлган шахсларнинг мустақил яшаши учун шарт-шароитларни яратиш ва жамиятга қўшилишига кўмаклашиш соҳасида:

ҳаётий кўникмаларини ривожлантириш ва мустақил ҳаётга тайёрлашни ташкил этиш;

қобилиятлари ва қизиқишлари бўйича мос келадиган машғулотларга жалб этиш;

қариндошлар ва яқинлар билан алоқаларини мустаҳкамлаш, шунингдек, кўнгиллилар ва жамоат ташкилотлари билан ҳамкорлик қилиш;

д) ногиронлиги бўлган шахсларга ижтимоий хизматларни кўрсатиш орқали уларнинг ҳаёт сифатини ошириш соҳасида:

ҳар бир ногиронлиги бўлган шахслар учун уларнинг хусусиятлари, эҳтиёжлари ва манфаатларини ҳисобга олган ҳолда ижтимоий реабилитация қилишнинг якка тартибдаги дастурини ишлаб чиқиш ва амалга ошириш;

ногиронлиги бўлган шахслар учун қулай ва тўсиқсиз муҳит яратиш;

ногиронлиги бўлган шахслар билан ишлаш бўйича замонавий технологиялар ва иш усулларини жорий этиш, моддий-техник базани яхшилаш;

ходимларнинг малакасини доимий равишда ошириб бориш.

3-боб. Ногиронлиги бўлган шахсларни «Ғамхўрлик» марказларига жойлаштириш тартиби

16. Ижтимоий-психиатрик-тиббий комиссия томонидан қонунчиликда белгиланган тартибда ўтказилган ижтимоий-психиатрик-тиббий текширув натижаларига асосан ногиронлиги бўлган шахсларни Марказга жойлаштириш бўйича хулоса қилинган ҳолларда, Марказга жойлаштириладиган ногиронлиги бўлган шахснинг васийсига ўн беш иш куни ичида ногиронлиги бўлган шахсни Марказга жойлаштириши лозимлиги тўғрисида сўровномада кўрсатилган мобил алоқа воситасига СМС-хабарнома юборилади.

17. Васий томонидан СМС-хабарнома қабул қилинганидан сўнг ўн беш иш куни ичида ногиронлиги бўлган шахс Марказга жойлаштирилмаган тақдирда, у учун банд қилинган бўш ўрин автоматик равишда бекор қилинади, мазкур Низомнинг 21-бандида назарда тутилган ҳоллар бундан мустасно.

18. Ногиронлиги бўлган шахсларга Марказда ихтисослаштирилган ижтимоий хизматларни кўрсатиш мақсадида Марказ директори буйруғи билан ташкил этиладиган камида 5 нафар аъзодан, Марказнинг мутахассис ходимларидан иборат таркибда Ижтимоий-психологик комиссия (кейинги ўринларда — Ижтимоий-психологик комиссия) ташкил этилади.

19. Васий ногиронлиги бўлган шахсни мазкур Низомнинг 17-бандида белгиланган муддат ичида Марказга жойлаштириш учун ташриф буюрганда Марказ томонидан ногиронлиги бўлган шахснинг соғлиғи ҳолати Ижтимоий-психологик комиссия томонидан бир иш кунида кўрикдан ўтказилади.

20. Ижтимоий-психологик комиссиянинг кўриги натижаларига асосан ногиронлиги бўлган шахс Марказга қабул қилинганидан сўнг кўпи билан 20 кун давомида кузатувга олинади ҳамда ушбу муддатдан кейин мазкур Низомнинг 12-бандида белгиланган қарши кўрсатмалар аниқланса, Ижтимоий-психологик комиссия томонидан бу тўғрисида хулоса расмийлаштирилади ҳамда унга мувофиқ Марказ директори томонидан ногиронлиги бўлган шахсни Марказдан чиқариш тўғрисида хулоса қилинади, бу тўғрисидаги маълумот ахборот модулига киритилади ҳамда васий сўровномада кўрсатилган мобил алоқа воситасига СМС-хабарнома юбориш орқали хабардор қилинади.

21. Марказга қабул қилиш вақтида ногиронлиги бўлган шахсда юқори ҳарорат ёки ноаниқ этиологияли тошма аниқланган тақдирда, Марказ томонидан ушбу шахсни даволаш чоралари кўрилади. Бунда Марказга қабул қилиш рад этилишига йўл қўйилмайди ҳамда бўш ўриннинг банд қилинган муддати ушбу шахснинг даволаниш муддатига қадар узайтирилади ва у белгиланган тартибда даволаниб бўлгач Марказга жойлаштирилади.

4-боб. «Ғамхўрлик» марказларига қабул қилинган ногиронлиги бўлган шахсларни биридан иккинчисига ўтказиш тартиби

22. Марказларга қабул қилинган ногиронлиги бўлган шахсларни биридан иккинчисига ўтказиш тегишли Марказда бўш ўрин мавжуд бўлган тақдирда қуйидагилар асосида ушбу Низомда белгиланган тартибда апелляция кенгашининг қарорига мувофиқ ўтказилади:

васийнинг доимий яшаш жойи бўйича рўйхатдан ўтган манзилида камида олти ой мобайнида узлуксиз яшаётганлиги;

васий бошқа ҳудудга кўчиб ўтганда вақтинча яшаш жойи бўйича рўйхатдан ўтган манзилида камида олти ой мобайнида узлуксиз яшаётганлиги.

Бунда мазкур банднинг иккинчи ва учинчи хатбошиларида назарда тутилган асослар бўйича васийнинг яшаш жойи ўзгарганлиги «Инсон» маркази ижтимоий ходими томонидан далолатнома расмийлаштириш орқали тасдиқланиши лозим.

Марказларга қабул қилинган ногиронлиги бўлган шахсларни биридан иккинчисига ўтказиш мазкур бандда назарда тутилган асослар тақдим этилмаган тақдирда рад этилади.

22 1 . Қуйидаги мақсадларда ногиронлиги бўлган шахслар ҳудудий бошқармаларнинг ташаббуси асосида бир Марказдан бошқасига кўчирилиши мумкин:

ногиронлиги бўлган шахсларнинг оила аъзолари ёки бошқа қариндошлари билан алоқаларини мустаҳкамлаш учун улар яшайдиган яқин ҳудудга кўчириш;

Марказлар фаолиятини такомиллаштириш жараёнида улардаги ўринларнинг мақбуллаштирилиши.

Ногиронлиги бўлган шахсни мазкур бандга мувофиқ бир Марказдан бошқасига кўчиришда ҳудудий бошқармалар томонидан уни бир Марказдан бошқасига кўчиришга асос бўладиган ҳужжат ва маълумотлар ахборот модули орқали Апелляция кенгашига киритилади.

Апелляция кенгаши томонидан ногиронлиги бўлган шахсни бир Марказдан бошқасига кўчириш бўйича қарор қабул қилинган тақдирда, ҳудудий бошқармалар томонидан уч иш куни ичида ушбу шахсларнинг оила аъзолари (мавжуд бўлганда) бу тўғрисида хабардор қилинади.

23. Марказга қабул қилинган ногиронлиги бўлган шахсни биридан иккинчисига ўтказиш бўйича васий доимий ёки вақтинча яшаш жойи бўйича «Инсон» марказига ташриф буюрган ҳолда мурожаат қилади.

«Инсон» марказининг масъул ходими ахборот модулида васийнинг мурожаати асосида мазкур Низомга иловага мувофиқ шаклдаги сўровномани тўлдиради. Сўровномага мазкур Низомнинг 22-бандида назарда тутилган ногиронлиги бўлган шахсни биридан иккинчисига ўтказишга асос бўлган ҳужжатлар илова қилинади.

Сўровнома васий томонидан имзони идентификация қилишнинг замонавий воситалари билан (электрон рақамли имзо, дактилоскопия, Face-ID, Mobile-ID ва бошқалар) тасдиқланади. Бунда васий томонидан сўровноманинг тасдиқланиши унга тегишли шахсга доир маълумотларни олиш ва ишлов беришга розиликни билдиради.

24. «Инсон» маркази томонидан икки иш куни ичида мазкур Низомнинг 23-бандига мувофиқ тўпланган электрон ҳужжатлар кўриб чиқиш учун ахборот модули орқали ҳудудий бошқармага юборилади. Бунда ҳудудий бошқарма бир иш куни ичида тўпланган электрон ҳужжатларни Апелляция кенгашига юборади.

25. Апелляция кенгаши келиб тушган электрон ҳужжатларни беш иш куни ичида кўриб чиқади ва қуйидаги қарорлардан бирини қабул қилади:

ногиронлиги бўлган шахсни Марказга ўтказиш тўғрисида;

ногиронлиги бўлган шахсни Марказга ўтказишни ушбу Низомнинг 22-бандида назарда тутилган асослар мавжуд бўлмаганлиги сабабли рад этиш тўғрисида.

26. Апелляция кенгаши томонидан ногиронлиги бўлган шахсни Марказга ўтказиш тўғрисида қарор қабул қилинганда, котиб томонидан бир иш куни ичида ахборот модули орқали ногиронлиги бўлган шахснинг электрон ҳужжатлари рўйхатдан ўтказилади. Бунда ногиронлиги бўлган шахс Марказга ўтказилган ҳисобланади. Бу тўғрисида васий сўровномада кўрсатилган мобил алоқа воситасига СМС-хабарнома юбориш орқали хабардор қилинади.

Марказ ногиронлиги бўлган шахсни бошқа Марказга ўтказиш ҳақидаги Апелляция кенгашининг қарори рўйхатдан ўтказилган кундан эътиборан уч иш куни ичида ногиронлиги бўлган шахсни зарур транспорт воситасида тиббиёт ходими кузатувида Апелляция кенгашининг қарорида кўрсатилган Марказга ўтказилишини ташкил этади.

27. Апелляция кенгаши томонидан ногиронлиги бўлган шахсни Марказга ўтказиш рад этилганда, унинг электрон ҳужжатлари камчиликлари кўрсатилган ҳолда ахборот модули орқали ҳудудий бошқармага қайтарилади ҳамда васий сўровномада кўрсатилган мобил алоқа воситасига СМС-хабарнома юбориш орқали хабардор қилинади.

Бунда Марказга қабул қилинган ногиронлиги бўлган шахсни биридан иккинчисига ўтказиш бўйича васий мазкур Низомнинг 4-бобида белгиланган тартибда умумий асосларда қайта мурожаат қилиш мумкин.

5-боб. «Ғамхўрлик» марказларида ногиронлиги бўлган шахслар учун ихтисослаштирилган ижтимоий хизматларни кўрсатиш тартиби

28. Марказларда ногиронлиги бўлган шахсларга ихтисослаштирилган ижтимоий хизматларни кўрсатишни белгиловчи стандартга мувофиқ уларнинг ҳар бири бўйича ишлаб чиқилган реабилитация қилишнинг якка тартибдаги дастурига асосан хизматлар кўрсатилади.

29. Ногиронлиги бўлган шахсни реабилитация қилишнинг якка тартибдаги дастури у Марказга қабул қилинганидан сўнг бир ой муддат ичида Ижтимоий-психологик комиссия томонидан ахборот модули орқали шакллантирилади.

30. Марказларда ихтисослаштирилган ижтимоий хизматлар ҳар бир ногиронлиги бўлган шахснинг соғлиги ҳолати ва индивидуал эҳтиёжларини инобатга олиб, қуйидаги бўлинмаларга ажратилган ҳолда ташкил этилади:

уй шароитига яқин муҳитда 6 нафаргача ногиронлиги бўлган шахслар учун мураббий кузатуви остида мустақил яшашга мўлжалланган жойлар (коттеж)дан иборат бўлинмалар;

узоқ муддатли парваришга муҳтож ётоқ ва эмакловчи ногиронлиги бўлган шахслар учун бўлинмалар;

доимий назорат талаб этиладиган ногиронлиги бўлган шахслар учун бўлинмалар.

31. Марказларда ногиронлиги бўлган шахсларнинг қизиқиш ва қобилиятлари, ҳудуднинг ўзига хос хусусияти ҳамда бозордаги талаб ва таклифларни инобатга олган ҳолда эрготерапия (меҳнат) ва фаоллаштирувчи терапияни амалга оширишга қаратилган меҳнат терапиясини амалга оширишга қаратилган ижтимоий-меҳнат реабилитация хоналари, шунингдек, зарур анжомларга, асбоб-ускуналарга ва транспортга эга бўлган ёрдамчи хўжалик бўлинмалари ташкил этилади.

Бунда Марказларда меҳнат терапиясини амалга ошириш учун бевосита ёки тадбиркорлик субъектларини жалб қилиш орқали ижтимоий-меҳнат реабилитация лойиҳалари амалга оширилади.

32. Марказларда ижтимоий-меҳнат реабилитация лойиҳалари амалга оширилишида:

Марказларга тегишли кўчмас мулк объектлари қонунчилик ҳужжатларида белгиланган тартибда тадбиркорлик субъектларига ижарага берилади;

ногиронлиги бўлган шахслар томонидан ишлаб чиқарилган (тайёрланган) товарлар шартнома асосида тўғридан тўғри реализация қилинади;

ижтимоий-меҳнат реабилитация лойиҳаларида иштирок этган ногиронлиги бўлган шахслар учун рағбатлантирувчи пул маблағлари тадбиркорлик субъектлари томонидан Марказларга шартномага мувофиқ тўлаб борилади;

ногиронлиги бўлган шахслар томонидан ишлаб чиқарилган (тайёрланган) товарларни реализация қилишдан тушган маблағлар Марказларнинг ихтиёрида қолдирилади. Бунда ушбу маблағларнинг камида 70 фоизи ижтимоий-меҳнат реабилитация лойиҳаларини амалга ошириш учун зарур харажатларни молиялаштиришга, қолган қисми эса Марказларнинг моддий-техник базасини мустаҳкамлашга йўналтирилади.

33. Ногиронлиги бўлган шахснинг Марказ ҳудудидан ташқарига чиқиши фақат Марказ директорининг рухсати билан амалга оширилади.

Ногиронлиги бўлган шахс ўзбошимчалик билан Марказ ташқарисига чиққан тақдирда, маъмурият ушбу ҳолат қайд этилган вақтда зудлик билан бу ҳақда ички ишлар органлари ва Агентликнинг ҳудудий бошқармаларига хабар қилади.

34. Ногиронлиги бўлган шахсга Марказ директорнинг розилиги асосида кўпи билан бир ой муддатга шифокорнинг хулосасини ҳисобга олган ҳолда Марказдан вақтинчалик кетишига рухсат берилади.

Бунда Марказ директори томонидан ногиронлиги бўлган шахснинг оила аъзоларидан ногиронлиги бўлган шахсни соғлиги ва ҳаёти хавфсизлиги учун жавобгарликни ўз зиммасига олиши ҳақида ёзма шаклда тилхат олинади.

35. Ногиронлиги бўлган шахсни оилага доимий қайтариш мақсадида Марказдан чиқариш васий ёки оила аъзолари ёхуд яқин қариндошларининг аризасига биноан, унга яшаш учун турар жой ва маиший шароитлар мавжуд бўлганда ҳудудий бошқарма бошлиғининг рухсати билан амалга оширилади.

36. Ногиронлиги бўлган шахс вафот этган тақдирда, бу ҳақидаги маълумотлар Марказ директори томонидан 24 соат ичида ахборот модулига киритилади ва ҳудудий бошқарма томонидан Агентликка хабар берилади.

Бунда вафот этган ногиронлиги бўлган шахсни дафн этиш билан боғлиқ харажатлар Марказларнинг харажатлар сметаларида назарда тутилган маблағлар, шунингдек, оила аъзолари ва қариндошларининг, юридик ва жисмоний шахсларнинг ҳомийлик хайриялари ҳисобига амалга оширилади.

37. Ногиронлиги бўлган шахсларга тиббий ёрдам Марказнинг штатдаги тиббий ходимлари томонидан, шунингдек тиббий кўрсатмага мувофиқ тегишли соғлиқни сақлаш муассасалари томонидан имтиёзли равишда кўрсатилади.

6-боб. «Ғамхўрлик» марказларининг филиали сифатида кичик ҳажмли уйларни ташкил этиш ва уларга ногиронлиги бўлган шахсларни ўтказиш тартиби

38. Кичик ҳажмли уйлар Марказ муассислигида филиал шаклида Агентлик тизимидаги ташкилотлар балансида бўлган бино ва иншоотларида, янгидан харид қилинган уй-жойларда ёки ижара асосида олинган уй-жойларда Агентлик директорининг буйруғи асосида ташкил этилади.

39. Кичик ҳажмли уйларда 10-12 нафаргача ногиронлиги бўлган шахслар жойлаштирилишига йўл қўйилади.

40. Кичик ҳажмли уйларга бўш ўринлар мавжуд бўлган тақдирда, ижтимоий-психологик комиссия томонидан ногиронлиги бўлган шахсларнинг соғлиғи, руҳий ҳолатидаги бузилишларини ўрганиш натижасига кўра Марказ директорининг буйруғи асосида Марказга жойлаштирилган ногиронлиги бўлган шахслар ўтказилади.

41. Кичик ҳажмли уйлар сақлаш харажатлари, шу жумладан, моддий-техник базасини мустаҳкамлаш харажатлари Ўзбекистон Республикасининг республика бюджети ва Агентликнинг Ижтимоий ҳимоя давлат жамғармаси ҳамда жисмоний ва юридик шахсларнинг ҳомийлик хайриялари ва қонунчилик ҳужжатларида тақиқланмаган бошқа манбалар ҳисобига амалга оширилади.

42. Кичик ҳажмли уйларни ташкил этиш учун уй-жойларни харид қилиш ва уларни ижарага олиш билан боғлиқ харажатлар Агентликнинг Ижтимоий ҳимоя давлат жамғармаси маблағлари ҳисобидан қопланади. Бунда уй-жой учун ижара тўловлари Марказ ҳамда ижарага берувчи ўртасида тузилган ижара шартномасига асосан амалга оширилади.

43. Кичик ҳажмли уйларнинг штат бирликларини сақлаш, коммунал тўловлар, озиқ-овқат, товар-моддий бойликлар, жиҳозлар ва бошқа зарур харажатлар Марказ учун тузиладиган ва тасдиқланадиган харажатлар сметаси доирасида амалга оширилади.

44. Кичик ҳажмли уйларга жойлаштирилган ногиронлиги бўлган шахсларнинг овқатланиши ва уй-жойларнинг коммунал тўловлари харажатларини қоплаш тегишли маблағларни Марказ директори томонидан тайинланган масъул ходим (кейинги ўринларда — масъул ходим) номига очилган банк картасига ўтказиш орқали амалга оширилади.

45. Кичик ҳажмли уйларга жойлаштирилган ҳар бир ногиронлиги бўлган шахсларнинг озиқ-овқат харажатлари учун бир кунга базавий ҳисоблаш миқдорининг 8 фоизи миқдорида маблағ ажратилади. Кичик ҳажмли уй ходимлари ўзлари тайёрлаган овқатдан бепул овқатланади.

46. Ногиронлиги бўлган шахслар учун озиқ-овқат маҳсулотларини сотиб олиш ҳафтасига камида бир марта (тез айнийдиган озиқ-овқат маҳсулотларини ҳафтасига камида икки марта) кичик ҳажмли уйларининг масъул ходими томонидан амалга оширилади.

47. Ушбу Низомнинг 45-бандида назарда тутилган маблағларни ҳисоблашда Марказ томонидан ногиронлиги бўлган шахсларга олдинги ой мобайнида амалга оширилган ҳақиқий харажатни инобатга олган ҳолда кичик ҳажмли уйларнинг талабидан келиб чиқиб тўлаб берилади.

48. Маблағ ажратишда ногиронлиги бўлган шахсларнинг овқатланишини ташкил этиш учун масъул ходимнинг банк картасидаги аввалги ойдан қолган қолдиқ маблағ миқдори инобатга олинади.

49. Маҳсулотлар чакана савдо ташкилотларидан харид қилганда тўлов чеклари сақлаб қўйилади, озиқ-овқат бозоридан нақд пулга харид қилинган маҳсулотлар учун эса масъул ходим томонидан далолатнома тузилади.

50. Озиқ-овқат маҳсулотларини ва бошқа товарларни ҳисобдан чиқариш кичик ҳажмли уйлар ходимлари томонидан тақдим этилган чеклар ва далолатномалар асосида, кичик ҳажмли уйлар муассисининг доимий ишлайдиган комиссияси томонидан амалга оширилади. Бунда доимий ишлайдиган комиссия таркиби кичик ҳажмли уйлар муассиси томонидан бир йилга белгиланади ва унинг буйруғи билан тасдиқланади.

51. Кичик ҳажмли уйларнинг бухгалтерия ҳисобини юритиш ва ҳисоботини тузиш, шу жумладан уларга ажратилган маблағлардан фойдаланиш, ушбу жараёнда бюджет ва смета интизомига риоя қилиниши муассиснинг бухгалтерия ҳисоби хизмати томонидан амалга оширилади.

52. Кичик ҳажмли уйлар томонидан озиқ-овқат, кийим-кечак ва шахсий гигиена воситалари ва бошқа товарларни харид қилиш, бухгалтерия ҳисобида кирим ва чиқим қилиш тартиби қонунчиликка асосан амалга оширилади.

53. Кичик ҳажмли уйларнинг молия-хўжалик фаолияти ҳамда уларга ажратилган маблағлардан тўғри ва мақсадли фойдаланилишини назорат қилиш муассис томонидан амалга оширилади.

7-боб. «Ғамхўрлик» марказларининг молия-хўжалик фаолияти

54. Марказларнинг хоналари техника хавфсизлиги қоидалари ҳамда санитария қоидалари, нормалари ва гигиена нормативларига мувофиқ жиҳозланади ва улардан фойдаланилади.

55. Марказлар фаолиятини молиялаштириш Ўзбекистон Республикасининг республика бюджетидан ажратиладиган маблағлар, жисмоний ва юридик шахсларнинг ҳомийлик хайриялари ва қонунчилик ҳужжатларида тақиқланмаган бошқа манбалар ҳисобига амалга оширилади.

56. Марказлар томонидан уларга ажратилган бюджет ва бюджетдан ташқари маблағларни сарфлаш қонунчилик ҳужжатларига мувофиқ амалга оширилади.

57. Марказлар белгиланган тартибда тасдиқланган ҳамда тегишли иқтисодиёт ва молия органларида рўйхатдан ўтказилган харажатлар сметаси асосида молиялаштирилади.

58. Марказлар ва уларнинг филиали сифатида ташкил этилган кичик ҳажмли уйларнинг штатлар жадвали Агентлик томонидан Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан келишган ҳолда тасдиқланган намунавий штатларга мувофиқ тузилади.

59. Марказлар қонунчилик ҳужжатларида белгиланган молия ва статистика ҳисоботларини юритади.

8-боб. Якунловчи қоидалар

60. Марказ фаолияти устидан назорат Агентлик ва Ижтимоий инспекция томонидан амалга оширилади.

61. Марказ ходимлари ва унга жойлаштирилган ёки унинг хизматларидан фойдаланаётган шахслар ўртасидаги муносабатлар Марказлар томонидан тасдиқланадиган ички тартиб-қоидалар билан тартибга солинади.

62. Ногиронлиги бўлган шахслар озиқ-овқат, кийим-бош, пойабзал, ашёвий таъминотнинг бошқа буюмлари ва юмшоқ анжомлар билан Агентлик томонидан Иқтисодиёт ва молия вазирлиги келишилган нормаларга мувофиқ таъминланади.

63. Агентлик, унинг ҳудудий бошқармалари ногиронлиги бўлган шахсларни Марказларга жойлаштириш ҳамда уларни биридан иккинчисига ўтказиш жараёнида олинган шахсга доир маълумотларнинг сир сақланишини таъминлайди.

64. Ногиронлиги бўлган шахснинг номидан васий Марказларга жойлаштириш, ихтисослаштирилган ижтимоий хизматлардан фойдаланиш жараёнида Агентлик, унинг ҳудудий бошқармалари ва Марказлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

65. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ногиронлиги бўлган шахслар учун «Ғамхўрлик» марказлари тўғрисидаги низомга ИЛОВА

НАМУНА Ногиронлиги бўлган шахсларни бир «Ғамхўрлик» марказидан бошқасига ўтказиш бўйича СЎРОВНОМА ___________________ ____________________ (сана) (рақам) I. Мурожаат қилувчи шахс тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Жисмоний шахснинг шахсий идентификация рақами 5. Электрон почта манзили (мавжуд бўлганда) 6. Телефон рақами 7. Бир «Ғамхўрлик» марказидан бошқасига ўтказиш сўралаётган шахснинг жойлаштирилган «Ғамхўрлик» маркази (номи ва манзили) 8. Ўтказиш учун асос □ қонуний вакилнинг доимий яшаш жойи бўйича рўйхатдан ўтган манзилига; □ бошқа ҳудудга кўчиб ўтганда вақтинча яшаш жойи бўйича рўйхатдан ўтган манзилига. 9. Ўтказиш сўралаётган «Ғамхўрлик» маркази (номи ва манзили) II. «Ғамхўрлик» марказидан бошқасига ўтказиш сўралаётган шахс тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Жисмоний шахснинг шахсий идентификация рақами 5. Электрон почта манзили (мавжуд бўлганда) 6. Телефон рақами

Вазирлар Маҳкамасининг 2026 йил 21 майдаги 271-сон қарорига 4-ИЛОВА

Ногиронлиги бўлган болалар учун «Ғамхўрлик» марказлари тўғрисида

1-боб. Умумий қоидалар

1. Ушбу Низом Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг руҳий ҳолати бузилган 3 ёшдан 18 ёшгача ногиронлиги бўлган болалар (кейинги ўринларда — ногиронлиги бўлган болалар) учун «Ғамхўрлик» марказлари (кейинги ўринларда — Марказ)нинг мақоми, асосий вазифалари ва функциялари, уларнинг фаолиятини ташкил этиш тартибини белгилайди.

2. Марказлар ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Агентликнинг буйруқларига, бошқа қонунчилик ҳужжатларига, ушбу Низомга, шунингдек ўз уставларига амал қилади.

3. Ушбу Низомда қуйидаги асосий тушунчалар қўлланилади:

ахборот модули — ногиронлиги бўлган болаларни Марказларга жойлаштириш, шунингдек биридан иккинчисига ўтказишга доир маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

апелляция кенгаши — Ижтимоий-психиатрик-тиббий комиссиянинг ногиронлиги бўлган шахсларни «Ғамхўрлик» марказларига жойлаштириш ёки муқобил ижтимоий хизматларга йўналтиришга доир хулосаларини ўрганиш, ижтимоий-психиатрик-тиббий текширув натижалари бўйича шикоятларни кўриб чиқиш ҳамда «Ғамхўрлик» марказларининг биридан иккинчисига ўтказиш тўғрисида қарор қабул қилиш мақсадида Агентлик ҳузурида ташкил этиладиган коллегиал-маслаҳат органи;

ихтисослаштирилган ижтимоий хизматлар — руҳий ҳолати бузилган ногиронлиги бўлган болаларга қараб туриш ва парваришлаш хизматларини кўрсатиш, уларнинг маиший, касбий ва коммуникатив кўникмаларини шакллантириш орқали нормал ҳаёт кечириш имкониятини яратиш ҳамда жамиятга ижтимоийлашувини йўлга қўйишга қаратилган ижтимоий реабилитация хизматлари;

оила аъзолари — ота-она (фарзандликка олувчи), ака-ука ва опа-сингиллар;

Психологик-тиббий-педагогик комиссия — туғилганидан бошлаб 18 ёшгача бўлган узоқ муддат парваришга муҳтож болаларни уй шароитида қараб туриш хизматига йўналтириш учун тақдим этилган ҳужжатларни ўрганиб чиқиш ҳамда уларни психологик-тиббий-педагогик текширувдан ўтказиш мақсадида ҳудудий бошқарма ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

қонуний вакил — ота-оналар, фарзандликка олувчилар, васийлар, ҳомийлар.

4. Марказлар Агентлик томонидан Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан келишган ҳолда белгиланган тартибда ташкил этилиши, қайта ташкил этилиши ёки тугатилиши мумкин.

5. Марказлар тугатилганда улардаги ногиронлиги бўлган болалар Агентлик томонидан апелляция кенгашининг қарори асосида бошқа Марказларга ўтказилади.

6. Марказлардаги ўринлар сони Агентлик томонидан санитария қоидалари, нормалари ва гигиена нормативларига мувофиқ белгиланади.

7. Марказлар фаолияти ҳудудий бошқармалар томонидан мувофиқлаштирилади.

8. Марказларнинг уставлари Агентлик томонидан тасдиқланади.

9. Марказлар ногиронлиги бўлган болалар учун ихтисослаштирилган ижтимоий хизматлар кўрсатадиган давлат ижтимоий муассасалари ҳисобланади ҳамда давлат хизматлари марказларида рўйхатдан ўтказилади.

10. Марказларга Ўзбекистон Республикасида доимий яшайдиган фуқароларнинг ногиронлиги бўлган болаларида қуйидаги ташхислардан бири бўлганида қабул қилинади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73).

11. Қуйидагилар Марказларга қабул қилишга қарши кўрсатмалар ҳисобланади:

тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик;

беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар;

улар билан касалланганда болани умумтаълим ёки ихтисослаштирилган таълим муассасаларида ўқитиш мумкин бўлган ҳар қандай руҳий касалликлар;

жараённинг фаол босқичидаги сил касаллиги;

юқумли тери ва соч касалликлари;

ўткир юқумли касалликлар;

салбий жараёндаги, ёмон ҳолатда ўтадиган шиш касалликлари ва рецидивлари;

таносил касалликлари.

12. Ногиронлиги бўлган болалар Марказларга психологик-тиббий-педагогик комиссиянинг хулосаси асосида бўш ўринлар мавжуд бўлган тақдирда жойлаштирилади.

2-боб. «Ғамхўрлик» марказларининг асосий вазифа ва функциялари

13. Қуйидагилар Марказларнинг асосий вазифалари ҳисобланади:

ногиронлиги бўлган болаларнинг ҳаёт учун зарур бўлган эҳтиёжларини таъминлаш, ижтимоий хизматларни кўрсатиш орқали жамиятга ижтимоийлашувини таъминлаш;

ногиронлиги бўлган болаларнинг ҳуқуқлари ҳимоя қилинишини таъминлаш;

ногиронлиги бўлган болаларни ижтимоий мослаштириш, уларга ўз қизиқишларидан келиб чиқиб касб-ҳунар ўргатиш;

ногиронлиги бўлган болаларни протез-ортопедия мосламалари, реабилитация қилишнинг техник воситалари, шахсий гигиена воситалари билан таъминлаш;

маънавий-маърифий ва маданий тадбирларни, шу жумладан, концерт дастурларини ташкил этиш орқали ногиронлиги бўлган шахсларнинг маданий ҳаётда фаол иштирок этишларини таъминлаш.

14. Марказлар уларга юклатилган асосий вазифаларга мувофиқ қуйидаги функцияларни бажарадилар:

а) ногиронлиги бўлган болаларнинг ҳаёт учун зарур бўлган эҳтиёжларини таъминлаш, ижтимоий хизматларни кўрсатиш орқали жамиятга ижтимоийлашувини таъминлаш соҳасида:

санитария нормалари, қоидалари ва гигиена нормативларига жавоб берадиган хавфсиз ва қулай шароит яратиш;

қараб туриш ва парваришлаш, соғлиғини сақлаш ва соғломлаштиришни ташкил этиш;

ҳаёт фаолияти ва асосий эҳтиёжлари учун зарур бўлган озиқ-овқат, дори воситалари ва тиббий буюмлар ва кийим-кечаклар билан таъминлаш;

қариндошлар ва яқинлар билан алоқаларини мустаҳкамлаш, шунингдек, кўнгиллилар, давлат ва жамоат ташкилотлари билан ҳамкорлик қилиш;

ногиронлиги бўлган болаларнинг ривожланишида ижтимоий динамикасида ўзгаришлар бўлган тарбияланувчиларни ўқитишда интеграцион ёндашувларни қўллаш мисолида жамиятга интеграция қилиш ҳамда уларни нодавлат ташкилотларнинг иштирокида бўш вақтларини мазмунли ўтказишини ташкил этиш;

б) ногиронлиги бўлган болаларнинг ҳуқуқлари ҳимоя қилинишини таъминлаш соҳасида:

ногиронлиги бўлган болаларнинг ҳуқуқ ва қонуний манфаатларини ҳимоя қилинишини таъминлаш;

ногиронлиги бўлган болаларнинг ҳуқуқлари тўғрисидаги қонунчилик ҳужжатларининг ижро этилишини таъминлаш соҳасидаги муаммоларни ўз вақтида бартараф қилади ва тегишли таклифларни Агентликка киритиб бориш;

в) ногиронлиги бўлган болаларни ижтимоий мослаштириш, уларга ўз қизиқишларидан келиб чиқиб касб-ҳунар ўргатиш соҳасида:

жисмоний ва руҳий ҳолатни яхшилашга, шунингдек, ижтимоий реабилитация тадбирларини ўтказиш;

ўз-ўзига хизмат кўрсатиш, уй хўжалигини юритиш, атрофдагилар билан мулоқот қилиш ва ўзаро муносабатда бўлиш, турмуш ва жамоат жойларида ўзини тутиш ва бошқариш кўникмаларига ўргатиш;

ижтимоий мослашувга қаратилган индивидуал имкониятлар ва эҳтиёжларга мувофиқ касб-ҳунарга ўргатиш;

г) ногиронлиги бўлган болаларни протез-ортопедия мосламалари, реабилитация қилишнинг техник воситалари, шахсий гигиена воситалари билан таъминлаш соҳасида:

тиббий кўрсатмага мувофиқ ногиронлиги бўлган болаларни протез-ортопедия мосламалари, реабилитация қилишнинг техник воситалари билан таъминлаш;

ногиронлиги бўлган болаларни эҳтиёжга мувофиқ шахсий гигиена воситалари билан таъминлаш;

д) маънавий-маърифий ва маданий тадбирларни, шу жумладан, концерт дастурлари, ташкил этиш орқали ногиронлиги бўлган шахсларнинг маданий ҳаётда фаол иштирок этишларини таъминлаш соҳасида:

маданий-маърифий тадбирларни, шу жумладан, спорт тадбирларини ташкил қилиш;

турли кўрик-танловлар ва кўргазмалар ташкил этиш ҳамда ногиронлиги бўлган болалар иштироки натижасида келажакка умид, интилишларини орттириш ҳамда вақтларини сермазмун ўтишига шарт-шароит яратиш.

3-боб. Ногиронлиги бўлган болаларни «Ғамхўрлик» марказларига жойлаштириш тартиби

15. Психологик-тиббий-педагогик комиссия томонидан Вазирлар Маҳкамасининг 2024 йил 25 январдаги 46-сон қарори билан тасдиқланган Психологик-тиббий-педагогик комиссиялар тўғрисидаги низомда белгиланган тартибда ўтказилган текширув натижаларига асосан ногиронлиги бўлган болаларни Марказга жойлаштириш бўйича хулоса қилинган ҳолларда қонуний вакилга Марказга жойлаштириладиган ногиронлиги бўлган болани Марказга жойлаштириши лозимлиги тўғрисида сўровномада кўрсатилган мобил алоқа воситасига СМС-хабарнома юборилади.

16. Қонуний вакил томонидан СМС-хабарнома қабул қилинганидан сўнг ўн беш иш куни ичида ногиронлиги бўлган бола Марказга жойлаштирилмаган тақдирда, у учун банд қилинган бўш ўрин автоматик равишда бекор қилинади, мазкур Низомнинг 20-бандида назарда тутилган ҳоллар бундан мустасно.

17. Ногиронлиги бўлган болаларга ихтисослаштирилган ижтимоий хизматларни кўрсатиш мақсадида Марказ директори буйруғи билан ташкил этиладиган камида 5 нафар аъзодан, Марказнинг мутахассис ходимларидан иборат таркибда Ижтимоий-психологик комиссия (кейинги ўринларда — ижтимоий-психологик комиссия) ташкил этилади.

18. Қонуний вакил ногиронлиги бўлган болани мазкур Низомнинг 16-бандида белгиланган муддат ичида Марказга жойлаштириш учун ташриф буюрганда Марказ томонидан ногиронлиги бўлган боланинг соғлиғи ҳолати Ижтимоий-психологик комиссия томонидан бир иш кунида кўрикдан ўтказилади.

19. Ижтимоий-психологик комиссиянинг кўриги натижаларига асосан ногиронлиги бўлган бола Марказга қабул қилинганидан сўнг кўпи билан 20 кун давомида кузатувга олинади ҳамда ушбу муддатдан кейин мазкур Низомнинг 11-бандида белгиланган қарши кўрсатмалар аниқланса, Ижтимоий-психологик комиссия томонидан бу тўғрисида хулоса расмийлаштирилади ҳамда унга мувофиқ Марказ директори томонидан ногиронлиги бўлган шахсни Марказдан чиқариш тўғрисида қарор қабул қилинади, бу тўғрисидаги маълумот ахборот модулига киритилади ҳамда қонуний вакил сўровномада кўрсатилган мобил алоқа воситасига СМС-хабарнома юбориш орқали хабардор қилинади.

20. Марказга қабул қилиш вақтида ногиронлиги бўлган болада юқори ҳарорат ёки ноаниқ этиологияли тошма аниқланган тақдирда, Марказ томонидан ушбу болани даволаш чоралари кўрилади. Бунда Марказга қабул қилиш рад этилишига йўл қўйилмайди ҳамда бўш ўриннинг банд қилинган муддати ушбу боланинг даволаниш муддатига қадар узайтирилади ва у белгиланган тартибда даволаниб бўлгач Марказга жойлаштирилади.

21. Ногиронлиги бўлган болалар Марказларга жойлаштирилгандан сўнг, уларнинг жинси, жисмоний ҳолати, ақлий заифлик даражаси ҳамда ёши ҳисобга олинган ҳолда, қуйидаги гуруҳларга ажратилади:

ётоқ ҳолатидаги гуруҳлар (ёши ва жинсидан қатъи назар, ҳаракатланиш функцияси кучли бузилган, ўзгалар парваришига муҳтож болалар);

эмакловчилар гуруҳлари (ёши ва жинсидан қатъи назар, ҳаракатланиш функцияси чекланган, ўзгалар парваришига муҳтож болалар);

аралаш гуруҳлар — 10 ёшгача бўлган болалар;

10 ёшдан 14 ёшгача бўлган ва 14 ёшдан 18 ёшгача бўлган ўғил ва қиз болалар учун алоҳида-алоҳида гуруҳлар.

Гуруҳлардаги болалар сони 5-6 нафардан иборат бўлади.

22. Марказларда барча ногиронлиги бўлган болалар, меҳнат кўникмаларини эгаллаш имкониятларини ҳисобга олган ҳолда, уларнинг интеллектуал ривожланишига мувофиқ улар меҳнатга тайёрлов гуруҳи ёки меҳнатга ўргатиш гуруҳига ажратилади. Бунда гуруҳлардаги болалар сони 5-6 нафардан иборат бўлади.

4-боб. «Ғамхўрлик» марказларига қабул қилинган ногиронлиги бўлган болаларни биридан иккинчисига ўтказиш тартиби

23. Марказларга қабул қилинган ногиронлиги бўлган болаларни биридан иккинчисига ўтказиш тегишли Марказда бўш ўрин мавжуд бўлган тақдирда қуйидагилар асосида ушбу Низомда белгиланган тартибда психологик-тиббий-педагогик комиссиянинг хулосасига мувофиқ ўтказилади:

қонуний вакилнинг доимий яшаш жойи бўйича рўйхатдан ўтган манзилида камида олти ой мобайнида узлуксиз яшаётганлиги;

қонуний вакил бошқа ҳудудга кўчиб ўтганда вақтинча яшаш жойи бўйича рўйхатдан ўтган манзилида камида олти ой мобайнида узлуксиз яшаётганлиги.

Бунда мазкур банднинг иккинчи-учинчи хатбошиларида назарда тутилган асослар бўйича қонуний вакилнинг яшаш жойи ўзгарганлиги факти «Инсон» маркази ижтимоий ходими томонидан далолатнома расмийлаштириш орқали асослантирилиши лозим.

Марказларга қабул қилинган ногиронлиги бўлган болаларни биридан иккинчисига ўтказиш мазкур бандда назарда тутилган асослар тақдим этилмаган тақдирда рад этилади.

23 1 . Қуйидаги мақсадларда ногиронлиги бўлган болалар ҳудудий бошқармаларнинг ташаббуси асосида бир Марказдан бошқасига кўчирилиши мумкин:

ногиронлиги бўлган болаларнинг оила аъзолари ёки бошқа қариндошлари билан алоқаларини мустаҳкамлаш учун улар яшайдиган яқин ҳудудга кўчириш;

Марказлар фаолиятини такомиллаштириш жараёнида улардаги ўринларнинг мақбуллаштирилиши.

Ногиронлиги бўлган болани мазкур бандга мувофиқ бир Марказдан бошқасига кўчиришда ҳудудий бошқармалар томонидан уни бир Марказдан бошқасига кўчиришга асос бўладиган ҳужжат ва маълумотлар ахборот модули орқали Апелляция кенгашига киритилади.

Апелляция кенгаши томонидан ногиронлиги бўлган шахсни бир Марказдан бошқасига кўчириш бўйича қарор қабул қилинган тақдирда, ҳудудий бошқармалар томонидан уч иш куни ичида ушбу шахсларнинг оила аъзолари (мавжуд бўлганда) бу тўғрисида хабардор қилинади.

24. Марказга қабул қилинган ногиронлиги бўлган болани биридан иккинчисига ўтказиш бўйича қонуний вакил «Инсон» марказига ташриф буюрган ҳолда мурожаат қилади.

«Инсон» марказининг масъул ходими ахборот модулида қонуний вакилнинг мурожаати асосида мазкур Низомга иловага мувофиқ шаклдаги сўровномани тўлдиради. Сўровномага мазкур Низомнинг 23-бандида назарда тутилган ногиронлиги бўлган болани биридан иккинчисига ўтказишга асос бўлган ҳужжатлар илова қилинади.

Сўровнома қонуний вакил томонидан имзони идентификация қилишнинг замонавий воситалари билан (электрон рақамли имзо, дактилоскопия, Face-ID, Mobile-ID ва бошқалар) тасдиқланади. Бунда қонуний вакил томонидан сўровноманинг тасдиқланиши унга тегишли шахсга доир маълумотларни олиш ва ишлов беришга розиликни билдиради.

25. «Инсон» маркази томонидан уч иш куни ичида мазкур Низомнинг 24-бандига мувофиқ тўпланган электрон ҳужжатлар кўриб чиқиш учун ахборот модули орқали психологик-тиббий-педагогик комиссияга юборилади.

26. Психологик-тиббий-педагогик комиссия юборилган ногиронлиги бўлган болаларнинг электрон ҳужжатларини кўриб чиқади ва қуйидаги хулосалардан бирини қабул қилади:

ногиронлиги бўлган болани Марказга ўтказиш тўғрисида;

ногиронлиги бўлган болани Марказга ўтказишни ушбу Низомнинг 23-бандида назарда тутилган асослар мавжуд бўлмаганлиги сабабли рад этиш тўғрисида.

27. Психологик-тиббий-педагогик комиссия томонидан ногиронлиги бўлган болани Марказга ўтказиш тўғрисида хулоса қилинганда, котиб томонидан бир иш куни ичида ахборот модули орқали ногиронлиги бўлган боланинг электрон ҳужжатлари рўйхатдан ўтказилади. Бунда ногиронлиги бўлган бола Марказга ўтказилган ҳисобланади. Бу тўғрисида қонуний вакил сўровномада кўрсатилган мобиль алоқа воситасига СМС-хабарнома юбориш орқали хабардор қилинади.

28. Марказ ногиронлиги бўлган болани бошқа Марказга ўтказиш ҳақидаги Психологик-тиббий-педагогик комиссиянинг хулосаси рўйхатдан ўтказилган кундан эътиборан уч иш куни ичида ногиронлиги бўлган болани зарур транспорт воситасида тиббиёт ходими кузатувида Психологик-тиббий-педагогик комиссиянинг хулосасида кўрсатилган Марказга ўтказилишини ташкил этади.

29. Психологик-тиббий-педагогик комиссия томонидан ногиронлиги бўлган болани Марказга ўтказиш рад этилганда, унинг электрон ҳужжатлари камчиликлари кўрсатилган ҳолда ахборот модули орқали «Инсон» марказига қайтарилади ҳамда қонуний вакил сўровномада кўрсатилган мобил алоқа воситасига СМС-хабарнома юбориш орқали хабардор қилинади.

Бунда Марказга қабул қилинган ногиронлиги бўлган болани биридан иккинчисига ўтказиш бўйича қонуний вакил мазкур Низомнинг 4-бобида белгиланган тартибда умумий асосларда қайта мурожаат қилиш мумкин.

5-боб. Марказларда ногиронлиги бўлган болалар учун тарбия-таълим жараёнини ташкил этиш тартиби

30. Марказга жойлаштирилган ногиронлиги бўлган болалар учун тарбия-таълим жараёни уларнинг индивидуал хусусиятлари, ёши, жинси, ривожланишидаги орқада қолиши, руҳий ва жисмоний ҳолатини ҳисобга олган ҳолда якка тартибдаги махсус дастурлар асосида ташкил этилади.

31. Ногиронлиги бўлган болаларни якка тартибдаги махсус дастурлар бўйича ҳаётий кўникмаларга ўргатиш Марказ тарбиячилари томонидан, зарурат бўлганда эса, руҳий ва ақлий ривожланишида нуқсони бўлган болалар учун мактаб ва мактаб-интернатлари, шунингдек соғлиқни сақлаш, маданият, спорт муассасалари ва бошқа ташкилотлар педагогларини жалб этган ҳолда амалга оширилади.

Бунда таълимнинг ҳар бир босқичида ўқитиш ёши ва давомийлиги ижтимоий-психологик комиссия томонидан белгиланади.

32. Тарбия-таълим жараёнининг кун тартиби таълим, меҳнат, ҳордиқ ва турли тадбирларни уйғунлаштирган ҳолда ногиронлиги бўлган болаларнинг ҳаёт фаолияти чекланганлик даражаси ҳисобга олиниб тузилади.

33. Ногиронлиги бўлган болаларнинг меҳнат тарбияси (меҳнат терапияси) ўқитишни меҳнат кўникмаларига эга бўлиш билан уйғунлаштириш асосида ушбу Марказнинг Ижтимоий-психологик комиссияси томонидан тузилган ногиронлиги бўлган болани ривожлантириш ва реабилитация қилишнинг якка тартибдаги дастурига мувофиқ, тиббий кўрсаткичлар ва педагогик тавсияларни ҳисобга олган ҳолда, уларнинг интеллектуал, жисмоний ва ижодий қобилиятларини ривожлантириш мақсадида амалга оширилади.

6-боб. Марказларда ногиронлиги бўлган болаларнинг бўлиш қоидалари

34. Марказлардаги ногиронлиги бўлган болаларни ижтимоий-моддий таъминлаш, тарбиялаш, ўқитиш, меҳнат кўникмаларига ўргатиш тўлиқ давлат таъминоти асосида амалга оширилади.

35. Ногиронлиги бўлган боланинг Марказ ҳудудидан ташқарига чиқиши фақат Марказ директорининг рухсати билан ходимларнинг ёки оила аъзоларининг ёхуд қонуний вакилнинг ҳамроҳлигида амалга оширилади.

Ногиронлиги бўлган бола ўзбошимчалик билан Марказ ташқарисига чиққан тақдирда, Марказ томонидан зудлик билан бу ҳақда унинг қонуний вакили, ички ишлар органлари, ҳудудий бошқарма ва фуқароларнинг ўзини ўзи бошқариш органлари хабардор қилинади ҳамда биргаликда уни топиш ва қайтариб олиб келиш чоралари кўрилади.

36. Ногиронлиги бўлган болага Марказ директорнинг розилиги асосида кўпи билан бир ой муддатга шифокорнинг хулосасини ҳисобга олган ҳолда Марказдан вақтинчалик кетишига рухсат берилади.

Бунда Марказ директори томонидан ногиронлиги бўлган боланинг оила аъзоларидан ёки қонуний вакилдан ногиронлиги бўлган боланинг соғлиги ва ҳаёти хавфсизлиги учун жавобгарликни ўз зиммасига олиши ҳақида ёзма шаклда тилхат олинади.

37. Ногиронлиги бўлган болани оилага доимий қайтариш мақсадида Марказдан чиқариш унинг оила аъзолари ёки қонуний вакилининг аризасига биноан, яшаш учун турар жой ва маиший шароитлар мавжуд бўлганда, ҳудудий бошқарма бошлиғининг рухсати билан, оилага қайтариш режаси асосида амалга оширилади.

38. Ногиронлиги бўлган боланинг соғлиғи ёмонлашганда ёки у вафот этганда, маъмурият бу ҳақида унинг оила аъзолари ва қонуний вакилини, улар бўлмаганда эса, боланинг доимий яшаш ёки вақтинча турган жойидаги фуқароларнинг ўзини ўзи бошқариш органларини зудлик билан хабардор қилади.

Бунда вафот этган ногиронлиги бўлган болани дафн этиш билан боғлиқ харажатлар Марказларнинг харажатлар сметаларида назарда тутилган маблағлар, шунингдек, унинг оила аъзолари, қонуний вакил ва бошқа қариндошларининг, юридик ва жисмоний шахсларнинг ҳомийлик хайриялари ҳисобига амалга оширилади.

39. Ногиронлиги бўлган боланинг оила аъзолари ёки қонуний вакил вафот этган тақдирда, ногиронлиги бўлган болага унинг физиологик имкониятлари ва соғлиғининг ҳолатига мувофиқ дафн этишда қатнашиш, оила аъзолари ёки қонуний вакиллар оғир касалликка чалинганда, уларни бориб кўришга рухсат этилади.

Бунда йўлкира харажатлари Марказларнинг қонунчилик ҳужжатлари билан тақиқланмаган маблағлари ҳисобидан қопланади.

40. Ногиронлиги бўлган болаларга тиббий ёрдам Марказнинг штатдаги тиббий ходимлари томонидан, шунингдек тиббий кўрсатмага мувофиқ тегишли соғлиқни сақлаш муассасалари томонидан кўрсатилади.

41. Ногиронлиги бўлган бола 18 ёшга тўлганидан сўнг улар белгиланган тартибда бўш жой мавжуд бўлган ногиронлиги бўлган шахслар учун «Ғамхўрлик» маркази (кейинги ўринларда — катталар «Ғамхўрлик» маркази)га Ижтимоий-психиатрик-тиббий комиссиянинг хулосасига асосан ўтказилади.

Бунда катталар «Ғамхўрлик» марказида бўш жой мавжуд бўлмаганда улар катталар «Ғамхўрлик» марказига ўтказилгунга қадар Марказларда ташкил этиладиган алоҳида бўлимларда қолдирилади.

42. Ногиронлиги бўлган болалар Марказлардан чиқарилишида уларга қуйидагилар тақдим қилинади:

ногиронлиги бўлган бола Марказда бўлганлик тўғрисидаги маълумотнома;

ногиронлиги бўлган боланинг соғлиғи ҳолати тўғрисидаги маълумотнома;

психологик-тиббий-педагогик комиссиянинг хулосаси;

ногиронлиги бўлган шахсни реабилитация қилишнинг якка тартибдаги дастури;

2 тўплам ички кийимлар, кийим-бош ва пойабзал.

Марказлар томонидан ногиронлиги бўлган болаларни рўйхатдан чиқаришда (мавжуд бўлса) унинг мол-мулкка, пул маблағларига (илгари у ёки унинг ота-онаси эгаллаган) уй-жой майдонига ҳуқуқини тасдиқловчи ҳужжатлар, пенсия ва омонат дафтарчаси ҳамда бошқа ҳужжатлар ҳам берилади.

7-боб. «Ғамхўрлик» марказларининг филиали сифатида кичик ҳажмли уйларни ташкил этиш ва уларга ногиронлиги бўлган болаларни ўтказиш тартиби

43. Кичик ҳажмли уйлар Марказ муассислигида филиал шаклида Агентлик тизимидаги ташкилотлар балансида бўлган бино-иншоотларда, янгидан харид қилинган уй-жойларда ёки ижара асосида олинган уй-жойларда Агентлик директорининг буйруғи асосида ташкил этилади.

44. Кичик ҳажмли уйларда 10 — 12 нафаргача ногиронлиги бўлган болалар жойлаштирилишига йўл қўйилади.

45. Кичик ҳажмли уйларга бўш ўринлар мавжуд бўлган тақдирда, Ижтимоий-психологик комиссия томонидан ногиронлиги бўлган болаларнинг соғлиғи, руҳий ҳолатидаги бузилишларини ўрганиш натижасига кўра, Марказ директорининг буйруғи асосида Марказга жойлаштирилган ногиронлиги бўлган болалар ўтказилади.

46. Кичик ҳажмли уйлар таъминоти, шу жумладан, моддий-техник базасини мустаҳкамлаш харажатлари Ўзбекистон Республикасининг республика бюджети ва Агентликнинг Ижтимоий ҳимоя давлат жамғармаси ҳамда жисмоний ва юридик шахсларнинг ҳомийлик хайриялари ва қонунчилик ҳужжатларида тақиқланмаган бошқа манбалар ҳисобига амалга оширилади.

47. Кичик ҳажмли уйларни ташкил этиш учун уй-жойларни харид қилиш ва уларни ижарага олиш билан боғлиқ харажатлар Ижтимоий ҳимоя давлат жамғармаси маблағлари ҳисобидан қопланади. Бунда уй-жой учун ижара тўловлари Марказ ҳамда ижарага берувчи ўртасида тузилган ижара шартномасига асосан амалга оширилади.

48. Кичик ҳажмли уйларнинг штат бирликларини сақлаш, коммунал тўловлар, озиқ-овқат, товар-моддий бойликлар, жиҳозлар ва бошқа зарур харажатлар Марказ учун тузиладиган ва тасдиқланадиган харажатлар сметаси доирасида амалга оширилади.

49. Кичик ҳажмли уйларга жойлаштирилган ногиронлиги бўлган шахсларнинг овқатланиши ва уй-жойларнинг коммунал тўловлари харажатларини қоплаш тегишли маблағларни Марказ директори томонидан тайинланган масъул ходим (кейинги ўринларда — масъул ходим) номига очилган банк картасига ўтказиш орқали амалга оширилади.

50. Кичик ҳажмли уйларга жойлаштирилган ҳар бир ногиронлиги бўлган болаларнинг озиқ-овқат харажатлари учун бир кунга базавий ҳисоблаш миқдорининг 8 фоизи миқдорида маблағ ажратилади. Кичик ҳажмли уй ходимлари ўзлари тайёрлаган овқатдан бепул овқатланади.

51. Ногиронлиги бўлган болалар учун озиқ-овқат маҳсулотларини сотиб олиш ҳафтасига камида бир марта (тез айнийдиган озиқ-овқат маҳсулотларини ҳафтасига камида икки марта) кичик ҳажмли уйларининг масъул ходими томонидан амалга оширилади.

52. Ушбу Низомнинг 50-бандида назарда тутилган маблағларни ҳисоблашда муассис томонидан ногиронлиги бўлган болаларга олдинги ой мобайнида амалга оширилган ҳақиқий харажатни инобатга олган ҳолда кичик ҳажмли уйларнинг талабидан келиб чиқиб тўлаб берилади.

53. Маблағ ажратишда ногиронлиги бўлган шахсларнинг овқатланишини ташкил этиш учун масъул ходимнинг банк картасидаги аввалги ойдан қолган қолдиқ маблағ миқдори инобатга олинади.

54. Маҳсулотлар чакана савдо ташкилотларидан харид қилганда тўлов чеклари сақлаб қўйилади, озиқ-овқат бозоридан нақд пулга харид қилинган маҳсулотлар учун эса масъул ходим томонидан далолатнома тузилади.

55. Озиқ-овқат маҳсулотларини ва бошқа товарларни ҳисобдан чиқариш кичик ҳажмли уйлар ходимлари томонидан тақдим этилган чеклар ва далолатномалар асосида, кичик ҳажмли уйлар муассисининг доимий ишлайдиган комиссияси томонидан амалга оширилади. Бунда доимий ишлайдиган комиссия таркиби кичик ҳажмли уйлар муассиси томонидан бир йилга белгиланади ва унинг буйруғи билан тасдиқланади.

56. Кичик ҳажмли уйларнинг бухгалтерия ҳисобини юритиш ва ҳисоботини тузиш, шу жумладан уларга ажратилган маблағлардан фойдаланиш, ушбу жараёнда бюджет ва смета интизомига риоя қилиниши муассиснинг бухгалтерия ҳисоби хизмати томонидан амалга оширилади.

57. Кичик ҳажмли уйлар томонидан озиқ-овқат, кийим-кечак ва шахсий гигиена воситалари ва бошқаларни харид қилиш, бухгалтерия ҳисобида кирим ва чиқим қилиш тартиби қонунчиликка асосан амалга оширилади.

58. Кичик ҳажмли уйларнинг молия-хўжалик фаолияти ҳамда уларга ажратилган маблағлардан тўғри ва мақсадли фойдаланилишини назорат қилиш муассис томонидан амалга оширилади.

8-боб. «Ғамхўрлик» марказларининг молия-хўжалик фаолияти

59. Марказларнинг хоналари техника хавфсизлиги қоидаларига ва санитария қоидалари, нормалари ва гигиена нормативларига мувофиқ жиҳозланади ва улардан фойдаланилади.

60. Марказлар фаолиятини молиялаштириш Ўзбекистон Республикасининг республика бюджетидан ажратиладиган маблағлар, жисмоний ва юридик шахсларнинг ҳомийлик хайриялари ва қонунчилик ҳужжатларида тақиқланмаган бошқа манбалар ҳисобига амалга оширилади.

61. Марказлар белгиланган тартибда тасдиқланган ва тегишли молия ва иқтисодиёт органларида рўйхатдан ўтказилган харажатлар сметаси асосида молиялаштирилади.

62. Марказлар томонидан уларга ажратилган бюджет ва бюджетдан ташқари маблағларни сарфлаш қонунчилик ҳужжатларига мувофиқ амалга оширилади.

63. Штатлар жадвали Агентлик томонидан Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан келишган ҳолда тасдиқланган намунавий штатларга мувофиқ тузилади.

64. Марказлар қонунчилик ҳужжатларида белгиланган молия ва статистика ҳисоботларини юритади.

9-боб. Якунловчи қоидалар

65. Марказлар фаолияти устидан назорат Агентлик ва Ижтимоий инспекция томонидан амалга оширилади.

66. Марказ ходимлари ва унга жойлаштирилган ёки унинг хизматларидан фойдаланаётган болалар ўртасидаги муносабатлар Марказлар томонидан тасдиқланадиган ички тартиб-қоидалар билан тартибга солинади.

67. Ногиронлиги бўлган болаларни озиқ-овқат, кийим-бош, пойабзал ва ашёвий таъминотнинг бошқа буюмлари ҳамда юмшоқ анжомлар билан таъминлаш нормалари Агентлик томонидан Иқтисодиёт ва молия вазирлиги билан келишилган ҳолда белгиланади.

68. Агентлик ҳамда ҳудудий бошқармалар ногиронлиги бўлган болаларни Марказларга жойлаштириш ҳамда уларни биридан иккинчисига ўтказиш жараёнида олинган болага доир маълумотларнинг сир сақланишини таъминлайди.

69. Ногиронлиги бўлган боланинг номидан қонуний вакиллар Марказларга жойлаштириш, тарбия-таълим ва реабилитация тадбирларини ташкил этиш жараёнида Агентлик, ҳудудий бошқармалар ва Марказлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

70. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ногиронлиги бўлган болалар учун «Ғамхўрлик» марказлари тўғрисидаги низомга ИЛОВА

НАМУНА Ногиронлиги бўлган болаларни бир «Ғамхўрлик» марказидан бошқасига ўтказиш бўйича СЎРОВНОМА ___________________ ____________________ (сана) (рақам) I. Мурожаат қилувчи шахс тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Жисмоний шахснинг шахсий идентификация рақами 5. Электрон почта манзили (мавжуд бўлганда) 6. Телефон рақами 7. Бир «Ғамхўрлик» марказидан бошқасига ўтказиш сўралаётган шахснинг жойлаштирилган «Ғамхўрлик» маркази (номи ва манзили) 8. Ўтказиш учун асос □ қонуний вакилнинг доимий яшаш жойи бўйича рўйхатдан ўтган манзилига; □ бошқа ҳудудга кўчиб ўтганда вақтинча яшаш жойи бўйича рўйхатдан ўтган манзилига; 9. Ўтказиш сўралаётган «Ғамхўрлик» маркази (номи ва манзили) II. «Ғамхўрлик» марказидан бошқасига ўтказиш сўралаётган бола тўғрисида маълумотлар: 1. Ф.И.О. 2. Туғилган йили ва санаси 3. Доимий рўйхатдан ўтган жойи 4. Жисмоний шахснинг шахсий идентификация рақами 5. Электрон почта манзили (мавжуд бўлганда) 6. Телефон рақами

Вазирлар Маҳкамасининг 2026 йил 21 майдаги 271-сон қарорига 5-ИЛОВА

«Янги кун» кундузги қатнов асосида қараб туриш хизматини ташкил этиш тартиби тўғрисида

1-боб. Умумий қоидалар

1. Ушбу Низом руҳий ҳолати бузилган I ва II гуруҳ ногиронлиги бўлган шахслар (кейинги ўринларда — ногиронлиги бўлган шахслар) учун «Янги кун» кундузги қатнов асосида қараб туриш хизмати (кейинги ўринларда — кундузги қараб туриш хизмати)ни давлат-хусусий шериклик шартлари асосида ташкил этиш, бошқариш, назорат қилиш ҳамда молиялаштириш тартибини белгилайди.

2. Ушбу Низомда қуйидаги асосий тушунчалар қўлланилади:

ахборот модули — давлат-хусусий шериклик лойиҳаси асосида фаолият юритаётган кундузги қараб туриш хизмати ҳақидаги маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

давлат-хусусий шериклик — давлат шериги ва хусусий шерикнинг муайян муддатга юридик жиҳатдан расмийлаштирилган, ногиронлиги бўлган шахслар учун кундузги қараб туриш хизматини кўрсатиш учун ўз ресурсларини бирлаштиришига асосланган ҳамкорлиги;

давлат-хусусий шериклик тўғрисидаги битим — уч йил муддатга томонларнинг ҳуқуқлари, мажбуриятлари ва жавобгарлигини, шунингдек, давлат-хусусий шериклик лойиҳасини ижро этишнинг бошқа шартларини белгилаб берадиган давлат шериги ва хусусий шерик ўртасида тузилган шартнома (кейинги ўринларда — битим);

давлат шериги — Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқарма);

ижтимоий-психиатрик-тиббий комиссия — туман (шаҳар)лардаги «Инсон» ижтимоий хизматлар марказлари (кейинги ўринларда — «Инсон» маркази) томонидан ногиронлиги бўлган шахсларни кундузги қараб туриш хизматига йўналтириш учун тақдим этилган ҳужжатларни ўрганиб чиқиш ҳамда уларни ижтимоий-психиатрик-тиббий текширувдан ўтказиш мақсадида ҳудудий бошқарма ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

оила аъзолари — ота-она, турмуш ўртоқ, фарзандлар ҳамда умумий рўзғор асосида бир уйда яшовчи бошқа шахслар;

кундузги қараб туриш хизмати — ногиронлиги бўлган шахсга кун давомида қараб туриш ва парваришлаш, ижтимоийлашувига кўмаклашиш ҳамда бошқа реабилитация тадбирларини амалга оширишга қаратилган ижтимоий хизмат;

талабгор — давлат-хусусий шериклик лойиҳасини амалга оширишдан манфаатдор бўлган якка тартибдаги тадбиркор (кейинги ўринларда — ЯТТ) ёки юридик шахс;

хусусий шерик — давлат шериги билан битим тузган ЯТТ ёхуд юридик шахс.

3. Қуйидагилар кундузги қараб туриш хизматининг асосий вазифалари ҳисобланади:

ногиронлиги бўлган шахсларга қараб туриш ва уларни парваришлаш;

ногиронлиги бўлган шахсларнинг мустақил ҳаётга мослаштириш ва жамиятга интеграциялашувига кўмаклашиш;

ўз-ўзига хизмат кўрсатиш, уй хўжалигини юритиш, атрофдагилар билан мулоқот қилишга ўргатиш;

меҳнат кўникмаларини ривожлантириш, индивидуал имконият ва эҳтиёжларига мос меҳнат фаолиятига жалб этиш.

Хусусий шерик томонидан кундузги қараб туриш хизматида ногиронлиги бўлган шахсларни реабилитация қилиш ва уларнинг ижтимоийлашувига қаратилган бошқа вазифаларни амалга ошириш бўйича тадбирлар йўлга қўйилиши мумкин.

4. Кундузги қараб туриш хизмати хусусий шерик томонидан битимнинг амал қилиш даврида ногиронлиги бўлган шахсларга қараб туриш ва парвариш қилиш учун зарур шарт-шароитларга эга бўлган, ёнғин хавфсизлиги, санитария қоидалари, нормалари ва гигиена нормативларига жавоб берадиган ЯТТ (ўзига ёхуд турмуш ўртоғига) ёки юридик шахсга мулк ҳуқуқи ёхуд бошқа ҳуқуқ билан тегишли бўлган бино-иншоотларда ташкил этилади.

Бунда бино ёки иншоот ЯТТ (турмуш ўртоғига тегишли бўлган ҳолат бундан мустасно) ёки юридик шахсга мулк ҳуқуқи билан тегишли бўлмаган тақдирда, бино ёки иншоотдан ижара ёки бошқа ҳуқуқ асосида фойдаланиш шартномасининг амал қилиш муддати битимнинг амал қилиш муддати давомида ўз кучида бўлиши таъминланиши зарур.

5. Кундузги қараб туриш хизмати беш кунлик иш ҳафтасида, қоида тариқасида, 9 соатли иш режимида ташкил этилади.

Ногиронлиги бўлган шахснинг эҳтиёжларини инобатга олган ҳолда ҳамда оила аъзосининг талаб ва истакларидан келиб чиқиб, оила аъзоси ва хизмат кўрсатувчи ўртасида мустақил равишда тузиладиган шартнома асосида ногиронлиги бўлган шахсга қўшимча хизматлар кўрсатиш, шу жумладан, олти кунлик иш ҳафтаси ва кўпи билан 12 соатгача бўлган иш режими белгиланиши мумкин.

6. Кундузги қараб туриш хизмати эркаклар ва аёллар учун алоҳида-алоҳида ташкил этилади. Эркаклар ва аёллар учун алоҳида-алоҳида ташкил этишнинг иложи бўлмаган ҳолларда, кундузги қараб туриш хизматини битта бино ёки иншоотда лекин уларни алоҳида кириш имкониятига эга бўлган хоналарга ажратган ҳолда ташкил этилади.

7. Кундузги қараб туриш хизмати қуйидаги ташхислардан бири қўйилган ногиронлиги бўлган шахсларга кўрсатилади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03).

8. Кундузги қараб туриш хизматини кўрсатиш билан боғлиқ харажатлар Агентликнинг Ижтимоий ҳимоя давлат жамғармаси (кейинги ўринларда — Жамғарма)дан ажратиладиган маблағлар ҳисобидан хусусий шерикка субсидия шаклида қоплаб берилади.

2-боб. Кундузги қараб туриш хизматини ташкил этиш тартиби

1-§. Давлат-хусусий шериклик тўғрисида битим тузиш

9. Ҳудудий бошқарма ҳар чоракда камида бир марта ўзларининг ижтимоий тармоқлардаги расмий саҳифаларида, шунингдек, Агентликнинг расмий веб-сайтида ҳамда ижтимоий тармоқлардаги расмий саҳифаларида ижтимоий-психиатрик-тиббий комиссияларнинг кўриги натижаси бўйича кундузги қараб туриш хизматига йўналтириш учун хулоса берилган ногиронлиги бўлган шахслар учун эҳтиёждан келиб чиққан ҳолда кундузги қараб туриш хизматини ташкил этиш бўйича эълон бериб боради.

Бунда кундузги қараб туриш хизматини ташкил этиш истагида бўлган талабгор ўша ҳудуддаги «Инсон» марказидан кундузги қараб туриш хизматига йўналтирилиши мумкин бўлган ногиронлиги бўлган шахсларнинг ёши, сони ва жинси, шунингдек, кундузги қараб туриш хизматини ташкил этишда давлат-хусусий шериклик шартлари ҳақида маълумот олади.

10. Талабгор кундузги қараб туриш хизматини ташкил этиш истагини билдирган тақдирда, давлат-хусусий шериклик тўғрисидаги битим тузиш учун тегишли ҳудудий бошқармага ахборот модули орқали қуйидаги маълумотларни ўз ичига олган электрон шаклдаги ариза билан мурожаат қилади:

ЯТТ учун биометрик паспорт (идентификация ID-карта) маълумотлари;

юридик шахс учун солиқ тўловчининг идентификация рақами;

давлат-хусусий шериклик тўғрисидаги битимнинг амал қилиш даврида кундузги қараб туриш хизмати ташкил этиладиган бино ёки иншоотга бўлган мулк, ижара ёки бошқа ҳуқуқнинг давлат рўйхатидан ўтказилганлиги (кадастр рақами), унинг манзили, жойлашуви (геолокацияси) ва кундузги қараб туриш хизмати учун ажратиладиган майдон (квадрат метрда акс эттирилади) ҳақидаги маълумотлар;

кундузги қараб туриш хизматида ташкил этилиши режалаштирилган гуруҳлар (аёллар ва эркаклар гуруҳи) сони;

алоқа учун электрон почта манзили ва (ёки) мобиль телефон рақами.

Талабгор ахборот модулига киритиладиган маълумотларнинг ишончлилиги учун шахсан жавобгар бўлади.

11. Ариза ахборот модули орқали шакллантирилганидан сўнг:

талабгорга аризада кўрсатилган электрон почта ва (ёки) мобил телефон рақамига аризанинг ID-рақами, ариза қабул қилинган сана ва вақти кўрсатилган ҳолда хабар жўнатилади;

кундузги қараб туриш хизматининг жойлашуви бўйича Санитария-эпидемиологик осойишталик ва жамоат саломатлиги қўмитасининг туман (шаҳар) бўлимлари (кейинги ўринларда — Санэпидқўмнинг туман (шаҳар) бўлимлари) ҳамда туман (шаҳар) фавқулодда вазиятлар бўлимларига электрон сўров жўнатилади.

12. Электрон сўров келиб тушгандан сўнг уч иш куни мобайнида:

а) Санэпидқўмнинг туман (шаҳар) бўлимлари:

кундузги қараб туриш хизмати учун ажратилган хоналар белгиланган санитария қоидалари, нормалари ва гигиена нормативларига мослигини;

бино ёки иншоотнинг манзили ва кундузги қараб туриш хизмати учун ажратиладиган майдоннинг (квадрат метрда акс эттирилади) аризада тўғри кўрсатилганлигини;

белгиланган меъёрларга мувофиқ кундузги қараб туриш хизматини ташкил этиш учун ажратилган майдонда қабул қилиниши мумкин бўлган ногиронлиги бўлган шахсларнинг максимал сонини;

кундузги қараб туриш хизматини ташкил этиш учун ажратилган бино ёки иншоотлар санитария-ҳимоя зонасига эга бўлган объектлардан зарур даражадаги узоқликда жойлашганлигини ўрганади;

ўрганиш натижаси бўйича хулоса шакллантиради ва унга кундузги қараб туриш хизматининг кириш қисми, ошхонаси, ҳожатхонаси, ногиронлиги бўлган шахсларга қараб туриш учун мўлжалланган хоналарнинг фотосуратларини (камида 4 та фотосурат) илова қилади;

б) туман (шаҳар) фавқулодда вазиятлар бўлимлари кундузги қараб туриш хизмати ташкил этилиши режалаштирилган бино ёки иншоотлар ҳудуди ҳамда бино (иншоот) ва хоналарнинг ёнғин хавфсизлиги талабларига мувофиқ ёхуд мувофиқ эмаслигини белгиланган тартибда ўрганиб чиқади ҳамда фотосуратларни (камида 4 та фотосурат) илова қилган ҳолда ўрганиш натижалари бўйича хулоса беради.

Кундузги қараб туриш хизматини ташкил этиш учун танланган манзилда фаолиятни амалга оширишнинг мақсадга мувофиқлиги ҳақидаги хулосанинг ишончлилиги учун шахсий жавобгарлик уни тасдиқлаган ташкилот раҳбарига юкланади.

13. Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимларининг хулосалари белгиланган тартибда тасдиқланганидан сўнг барча маълумотлар кундузги қараб туриш хизмати ташкил этиш тўғрисидаги ариза билан бирга бир иш кунида ахборот модули орқали тегишли «Инсон» марказига тақдим этилади.

14. Мазкур Низомнинг 13-бандида кўрсатилган ҳужжатлар ахборот модули орқали келиб тушганидан сўнг беш иш куни мобайнида «Инсон» маркази томонидан:

талабгор жисмоний шахснинг руҳий ёки наркология касалликлари диспансерларида ҳисобда туриш-турмаслигини аниқланади;

Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимларининг хулосалари ҳамда кундузги қараб туриш хизматини ташкил этиш режалаштирилаётган ҳудудда ушбу хизматга йўналтирилиши мумкин бўлган ногиронлиги бўлган шахсларнинг мавжудлиги бўйича маълумотларни ўрганади.

Мазкур бандда назарда тутилган чора-тадбирларни амалга ошириш якуни бўйича кундузги қараб туриш хизматини ташкил этишнинг мақсадга мувофиқлиги юзасидан таклиф тайёрланиб, «Инсон» маркази директорининг электрон рақамли имзоси билан тасдиқланади ҳамда тегишли ҳудудий бошқармага ахборот тизими орқали юборилади.

15. Ҳудудий бошқарма беш иш куни ичида «Инсон» маркази томонидан тақдим этилган ҳужжатларни, шу жумладан, кундузги қараб туриш хизматига субсидия ажратиш учун тегишли молия йилида Агентликнинг Ижтимоий ҳимоя давлат жамғармасидан (кейинги ўринларда — Жамғарма) ажратиладиган маблағлар ҳажмини ҳисобга олган ҳолда кундузги қараб туриш хизмати ташкил этилиши мақсадга мувофиқлиги ёки мувофиқ эмаслиги бўйича хулоса тайёрлайди ва ахборот модулига киритади.

Ҳудудий бошқармалар томонидан кундузги қараб туриш хизматини ташкил этилиши мақсадга мувофиқлиги бўйича ижобий хулоса ахборот модулига киритилганидан сўнг битим ахборот модулида автоматик равишда шаклланади ҳамда имзолаш учун талабгорга электрон шаклда жўнатилади.

16. Қуйидаги ҳолатларда ариза рад этилади:

Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимлари томонидан кундузги қараб туриш хизматини ташкил этиш учун танланган манзилнинг санитария нормалари, қоидалари ва гигиена нормативларига ҳамда ёнғин хавфсизлиги талабларига мувофиқ эмаслиги тўғрисида хулоса берилганида;

идоралараро электрон алмашинув орқали олинган маълумотларга асосан талабгор бино ёки иншоотдан фойдаланиш ҳуқуқига эга бўлмаганида ёхуд ижара (шу жумладан бошқа ҳуқуқ) асосида фойдаланиш шартномаси мавжуд бўлмаганда;

кундузги қараб туриш хизматини ташкил этиш учун ажратилиши режалаштирилган (аризада кўрсатилган) бино ёки иншоот манзили кадастр органларидан олинган маълумотларга мос эмаслиги аниқланганда;

талабгор жисмоний шахснинг руҳий ёки наркология касалликлари диспансерларида ҳисобда туриши аниқланганда;

белгиланган харажатлар кундузги қараб туриш хизматига субсидия ажратиш учун тегишли молия йилида назарда тутилган маблағлар ҳажмидан ошиб кетганда.

Ушбу бандда назарда тутилмаган бошқа асосларга кўра аризани рад этиш тақиқланади.

17. Кундузги қараб туриш хизматини ташкил этиш тўғрисидаги ариза рад этилганда, унинг аниқ сабаблари кўрсатилган ҳолда, аризадаги электрон почта манзилига ёки мобил телефон рақамига хабар юбориш орқали талабгор хабардор қилинади.

18. Талабгор ахборот модули орқали тақдим этилган битимни ўн беш иш куни ичида кўриб чиқади ва унда белгиланган шартларга рози бўлганида, унга электрон имзо қўяди.

Талабгор ўн беш иш куни ичида битимни имзоламаса, унинг аризаси бекор қилинади, бунда битимни имзолаш зарурати мавжуд бўлганида, ариза талабгор томонидан янгидан ахборот модулига киритилиши талаб этилади.

Талабгор томонидан имзоланган битим автоматик равишда тегишли ҳудудий бошқармага имзолаш учун юборилади. Бунда ҳудудий бошқарма томонидан ушбу битимга беш иш куни мобайнида имзо қўйилиши лозим.

19. Хусусий шерик ҳудудий бошқарма билан битимни тузган кундан кейинги иш кунидан бошлаб фаолиятини бошлаш ҳуқуқига эга бўлади. Бунда:

хусусий шерик ахборот модулига кирган ҳолда унда кўрсатилган оммавий оферта талаблари ва шартлари билан танишиб, ушбу ахборот модулидан фойдаланиш бўйича ўз розилигини билдириши ва электрон рақамли имзоси билан тасдиқлаши талаб этилади;

ахборот модули орқали оферта тасдиқланганда, хусусий шерик учун ушбу ахборот модулида шахсий кабинет очилади.

20. Хусусий шерик билан битим тузилган кундан бошлаб бир ой муддат ичида ҳудудий бошқарма жойига чиққан ҳолда ташкил этилган кундузги қараб туриш хизмати учун мўлжалланган мебель ва бошқа анжомлар билан жиҳозланганлик ҳолати бўйича ўрганиш ўтказади ҳамда ўрганиш якуни бўйича кундузги қараб туриш хизматини кўрсатиш мақсадга мувофиқлиги ёки мувофиқ эмаслиги ҳақидаги хулосани электрон шаклда ахборот модулига киритади.

Ҳудудий бошқарма томонидан салбий хулоса берилганида, аниқланган камчиликлар бартараф этилгунга қадар кундузги қараб туриш хизматини кўрсатиш вақтинча тўхтатилади.

2-§. Кундузги қараб туриш хизматини ташкил этиш

21. Кундузги қараб туриш хизмати ЯТТ томонидан ташкил этилганда кўпи билан 2 та гуруҳ, юридик шахс томонидан ташкил этилганда ҳар бир манзилда кўпи билан 4 та гуруҳ ташкил этишга йўл қўйилади.

Кундузги қараб туриш хизматида ҳар бир гуруҳ 8 нафаргача ногиронлиги бўлган шахсдан иборат бўлади.

22. Кундузги қараб туриш хизматида ногиронлиги бўлган шахснинг овқатланиши санитария қоидалари, нормалари ва гигиена нормативлари асосида ташкил этилади.

23. Кундузги қараб туриш хизматининг битта гуруҳига 1 та штат бирлигида меҳнат йўриқчиси, 1 та штат бирлигида санитарка жалб қилинади.

Кундузги қараб туриш хизматида кадрлар таркиби ҳамда уларнинг ўзгариши билан боғлиқ бўлган маълумотлар ходимлар ишга қабул қилинган ва ишдан бўшатилган кундан бошлаб бир иш куни ичида хусусий шерик томонидан ахборот модулига киритилиши шарт.

24. Кундузги қараб туриш хизматида меҳнат йўриқчиси лавозимига тегишлича олий ёки ўрта махсус педагогик ёки психологик маълумотга, санитарка вазифасига умумий ўрта маълумотга эга бўлган шахслар қабул қилинади, кундузги қараб туриш хизматига қабул қилинган ногиронлиги бўлган шахснинг оила аъзолари санитарка лавозимига қабул қилинган ҳолат бундан мустасно.

25. Кундузги қараб туриш хизматида меҳнат фаолиятини амалга ошираётган шахслар Агентлик ҳузуридаги Ижтимоий ҳимоя тизими ходимларининг малакасини ошириш марказида мажбурий равишда уч йилда камида бир марта 36 соатдан кам бўлмаган ўқув дастури асосида онлайн ва (ёки) офлайн шаклда малака оширади.

Бунда кундузги қараб туриш хизматига биринчи марта ишга қабул қилинаётган шахслар икки ой ичида малака ошириш курсидан ўтиши лозим.

26. Кундузги қараб туриш хизматини ташкил этган хусусий шерик билан ногиронлиги бўлган шахснинг оила аъзолари ўртасидаги ўзаро муносабатлар хусусий шерик ҳамда ногиронлиги бўлган шахснинг оила аъзолари ўртасида тузилган шартнома билан тартибга солинади.

Шартнома ногиронлиги бўлган шахсларнинг кундузги қараб туриш хизматида бўлиш вақтини, парваришлаш жараёнини ташкил этишда томонларнинг ҳуқуқлари, мажбуриятлари ҳамда жавобгарлигини ўз ичига олади.

27. Кундузги қараб туриш хизмати кўрсатиладиган бинонинг кириш жойида фуқароларни кундузги қараб туриш хизмати ҳақидаги маълумотлардан хабардор қилиш мақсадида хусусий шерик томонидан ахборот пешлавҳаси ўрнатилади.

Ахборот пешлавҳасида битим нусхаси, кундузги қараб туриш хизматининг иш тартиби ва бошқа ҳужжатларнинг нусхалари жойлаштирилади.

3-§. Кундузги қараб туриш хизматига ногиронлиги бўлган шахсларни қабул қилиш ҳамда чиқариш

28. «Инсон» маркази:

Ижтимоий-психиатрик-тиббий комиссиянинг текшируви натижасида кундузги қараб туриш хизматига йўналтиришга хулоса берилган ногиронлиги бўлган шахснинг оила аъзоларига кундузги қараб туриш хизматидан фойдаланишни таклиф қилади;

кундузги қараб туриш хизматидан фойдаланиш бўйича қизиқиш билдирган ногиронлиги бўлган шахснинг оила аъзосига кундузги қараб туриш хизмати ва ундан фойдаланиш шартлари тўғрисида маълумот беради.

29. Ижтимоий-психиатрик-тиббий комиссия томонидан кундузги қараб туриш хизматига йўналтиришга берилган хулоса асосида ногиронлиги бўлган шахснинг оила аъзоси «Инсон» марказига мурожаат қилади.

Бунда «Инсон» маркази ногиронлиги бўлган шахсни унинг оила аъзолари танлови асосида хусусий шерикни хабардор қилган ҳолда ахборот модули орқали уч иш куни ичида кундузги қараб туриш хизматига бириктиради.

30. Ногиронлиги бўлган шахслар кундузги қараб туриш хизматидан қуйидагилар асосида чиқарилади:

оила аъзоларининг аризаси;

соғлиқни сақлаш тизими муассасаларининг тиббий кўрсатмалари;

ижтимоий-психиатрик-тиббий комиссиянинг хулосасида кўрсатилган ногиронлиги бўлган шахснинг кундузги қараб туриш хизматида бўлиш муддатининг тугаши;

битимнинг бекор қилиниши;

ногиронлиги бўлган шахснинг вафот этиши.

Ушбу бандда назарда тутилган ҳолатлар юзага келганлиги ахборот модули томонидан ўрганиб борилади.

31. Мазкур Низомнинг 30-бандига мувофиқ ногиронлиги бўлган шахслар кундузги қараб туриш хизматидан чиқарилганлиги тўғрисидаги маълумотлар ахборот модулида шакллантириб борилади.

Бунда ногиронлиги бўлган шахслар кундузги қараб туриш хизматидан чиқарилган ҳар бир ҳолат бўйича тегишли нодавлат ташкилотлар бир иш куни ичида уларнинг ахборот модулидаги шахсий кабинетига электрон хабарнома юбориш орқали хабардор қилиб борилади.

3-боб. Кундузги қараб туриш хизматини молиялаштириш

32. Хусусий шерик ўз маблағлари ҳисобидан сотиб олган мол-мулкни қонунчилик ҳужжатларига мувофиқ тасарруф этади.

33. Кундузги қараб туриш хизмати қонунчилик ҳужжатларига мувофиқ уни ташкил этган хусусий шерикнинг маблағлари ҳамда Жамғармадан ажратиладиган субсидия, оила аъзосининг тўловлари ва қонунчиликда тақиқланмаган бошқа манбалар ҳисобидан молиялаштирилади.

34. Кундузги қараб туриш хизматига қабул қилинган ҳар бир ногиронлиги бўлган шахс тўғрисидаги маълумотлар ахборот модулига киритилганида ҳисобот ойида ҳар бир ногиронлиги бўлган шахснинг ҳақиқатда қатнаган кунлари бўйича хусусий шерикка субсидия ажратилади.

35. Хусусий шерикка ногиронлиги бўлган шахсга қараб туриш хизмати кўрсатилган ҳар бир кун учун базавий ҳисоблаш миқдорининг 31 фоизи миқдорида субсидия ажратилади.

Бунда хусусий шерикка бириктирилган ногиронлиги бўлган шахслар бир ой ичида камида ўн иш куни давомида кундузги қараб туриш хизматидан фойдаланган бўлса, уларнинг қолган етти иш кунигача хизматдан фойдаланмаган кунлари учун ҳам хусусий шерикка мазкур банднинг биринчи хатбошисида назарда тутилган субсидиянинг 50 фоизи миқдорида субсидия ажратилади.

36. Ушбу Низомнинг 35-бандига мувофиқ субсидия ажратишда вилоятлар марказлари ва Нукус шаҳрида ташкил этилган кундузги қараб туриш хизмати учун ажратиладиган субсидия миқдорини белгилашда 1,1 нисбатда, Тошкент шаҳрида эса 1,3 нисбатда кўпайтирувчи коэффициент қўлланади.

37. Хусусий шерикка бир нафар ногиронлиги бўлган шахсга қараб туриш хизматини кўрсатганлик учун ажратиладиган субсидиянинг ойлик миқдори ахборот модулида қуйидаги формула асосида автоматик ҳисоб-китоб қилинади:

КҚТХС = КҚТХ * ҚКС;

КҚТХС — кундузги қараб туриш хизматидаги бир нафар ногиронлиги бўлган шахс харажатларини қоплаш учун субсидиянинг ойлик суммаси;

КҚТХ — кундузги қараб туриш хизматидаги бир нафар ногиронлиги бўлган шахснинг бир кунлик харажатини қоплашга ажратиладиган субсидиянинг миқдори;

ҚКС — ҳисобот ойида ҳар бир ногиронлиги бўлган шахснинг ҳақиқатда кундузги қараб туриш хизматига қатнаган кунлари сони.

Бунда вилоятлар марказлари, Тошкент ва Нукус шаҳарларида кундузги қараб туриш хизматини ташкил этган хусусий шерикка ажратиладиган субсидиянинг ойлик миқдори КҚТХС = КҚТХ *1,1 ёки 1,3 * ҚКС формуласи орқали, мазкур Низомнинг 35-банди иккинчи хатбошисида назарда тутилган тартибда субсидия ажратишда эса субсидия миқдорини 50 фоизга камайтириш орқали ҳисоб-китоб қилинади.

38. Хусусий шерикка тўланадиган субсидияни ҳисоблаш ҳар бир ногиронлиги бўлган шахс тўғрисидаги маълумотлар ахборот модулига киритилган куннинг кейинги иш кунидан бошланади.

Бунда субсидиянинг миқдори кундузги қараб туриш хизматига қабул қилинган ногиронлиги бўлган шахсларнинг беш кунлик иш ҳафтасидаги ҳақиқий давоматидан келиб чиққан ҳолда ахборот модули орқали автоматик равишда ҳисобланади.

39. Субсидия кундузги қараб туриш хизматида ташкил этилган гуруҳга камида 2 нафар ногиронлиги бўлган шахс қабул қилинганидан сўнг ҳисобот ойида ҳар бир ногиронлиги бўлган шахснинг ҳақиқатда хизматдан фойдаланган кунлари бўйича ажратилади.

Бироқ, кундузги қараб туриш хизматидан фойдаланувчи ногиронлиги бўлган шахсларнинг ўртача сони кетма-кет уч ой давомида 3 ва ундан кам бўлган тақдирда, субсидия тўлаш тўхтатилади. Бунда кундузги қараб туриш хизматидан фойдаланувчи ногиронлиги бўлган шахсларнинг ўртача сонини аниқлашда камида бир ойнинг учдан бир қисмида давомати белгиланган шахслар инобатга олинади.

40. Кундузги қараб туриш хизматига қабул қилинган ногиронлиги бўлган шахсларнинг ҳақиқий давоматининг ҳисоби махсус қурилмалар ёрдамида жисмоний шахсни биометрик идентификация қилиш технологияси орқали юритилади.

41. Биометрик идентификация қилиш жараёни кундузги қараб туриш хизматининг раҳбари ёки ходимлари томонидан махсус қурилмалар ёрдамида ушбу ташкилотнинг жойлашуви (геолокацияси) ҳисобга олинган ҳолда ҳар иш кунида бир маротаба амалга оширилади.

42. Субсидиянинг ойлик суммалари автоматик равишда ахборот модулида қайд этилган ногиронлиги бўлган шахсларнинг давомати асосида ҳисобланади ҳамда ушбу Низомга иловага мувофиқ намунадаги буюртманома шаклланади.

Бунда кундузги қараб туриш хизматининг битимда кўрсатилган манзилидан (жойлашуви бўйича геолокацияси) бошқа жойда қайд этилган ногиронлиги бўлган шахсларнинг давомати ахборот модулида ҳисобга олинмайди.

43. Махсус қурилмалардан Интернет жаҳон ахборот тармоғисиз (оффлайн режимда) фойдаланилган ҳолларда ногиронлиги бўлган шахслар давомати бўйича қайд этилган маълумотлар хусусий шерик томонидан ҳисобот ойидан кейинги ойнинг 5-санасидан кечикмасдан Интернет жаҳон ахборот тармоғига уланган ҳолда (онлайн режимда) оффлайн режимда киритилган маълумотларни ахборот модулига узатилишини (янгиланишини) таъминлайди.

Ахборот модулига маълумотлар ўз вақтида тақдим этилмаганда, шу жумладан, ушбу банднинг биринчи хатбошисида назарда тутилган тартибда узатилишини (янгиланишини) таъминламаганда хусусий шерикка субсидия ҳисобланмайди ва тўланмайди.

44. Ахборот модулида ҳисобланган субсидиянинг тўлов қайдномаси ва тўлов топшириқномаси ҳисобот ойидан кейинги ойнинг 10-санасига қадар шакллантирилади ва Жамғарманинг махсус ғазна ҳисобварағидан икки иш куни ичида Иқтисодиёт ва молия вазирлигининг ахборот тизимлари орқали хусусий шерикнинг тижорат банкдаги ҳисобварағига автоматик равишда ўтказилади.

45. Хусусий шерик ногиронлиги бўлган шахслар тўғрисидаги ахборот модулига киритилган маълумотларнинг тўғрилиги ва ҳаққонийлиги бўйича жавобгар ҳисобланади.

46. Хусусий шерик томонидан бир ногиронлиги бўлган шахснинг маълумотлари ахборот модулига киритилиб, унинг фотосурати ўрнига бошқа шахснинг фотосурати ушбу ахборот модулига жойлаштирилганлиги ва унинг асосида давомат белгилаб келинаётганлиги аниқланганда мазкур ҳолат аниқланган ойдан бошлаб уч ой давомида мазкур ногиронлиги бўлган шахс учун субсидия ҳисобланмайди ва тўланмайди.

Бундай ҳолат такроран аниқланганда, ушбу хусусий шерик билан тузилган битим давлат шериги томонидан бир томонлама бекор қилинади ва қайта тузилмайди.

47. Техник ёки бошқа сабабларга кўра ҳисобот ойида ахборот модулида субсидиянинг ортиқча ёки кам ҳисобланганлиги аниқланганда, ҳисобот ойидан кейинги ойда ушбу субсидия тегишли суммалар қўшилган ёки камайтирилган ҳолда ҳисоб-китоб қилинади.

48. Енгиб бўлмайдиган куч (форс-мажор) ҳолатлари натижасида хусусий шерик томонидан ногиронлиги бўлган шахсларнинг давоматини ахборот модулига киритишнинг имконияти бўлмаган ҳолларда, ойлик давоматни белгилаш учун ахборот модулида қайд этилган ногиронлиги бўлган шахсларнинг сўнгги 5 кунликдаги ўртача давомат кўрсаткичи асосида ҳисоб-китоб қилинади ва тўлаб берилади.

Бунда хусусий шерик қонунчилик ҳужжатларига мувофиқ енгиб бўлмайдиган куч (форс-мажор) ҳолатлари юз берганлигини тасдиқловчи ваколатли орган томонидан бериладиган сертификатни тегишлилиги бўйича «Инсон» марказига тақдим этиши лозим.

49. Техник носозлик сабабли ахборот модулининг мобил иловаси ёки махсус қурилмалар ёрдамида ногиронлиги бўлган шахсларни биометрик идентификация қилиш имкони бўлмаган ҳолларда, хусусий шерик мазкур ҳолат юзасидан дарҳол ўша ҳудуддаги «Инсон» марказини хабардор қилади. Бунда ногиронлиги бўлган шахсларнинг уч кундан ортиқ бўлмаган муддатдаги давомати «Инсон» маркази томонидан тўлдириладиган ногиронлиги бўлган шахсларнинг қатнови далолатномаси асосида амалга оширилади.

50. «Инсон» маркази техник носозлик сабабли тўлдирилган ногиронлиги бўлган шахсларнинг қатнови далолатномасини ҳисобот ойидан кейинги ойнинг 5-санасидан кечикмасдан ахборот модулига киритиш учун тегишли ҳудудий бошқармага тақдим этади.

4-боб. Якунловчи қоидалар

51. Кундузги қараб туриш хизматини бошқариш уни ташкил этган хусусий шерик томонидан амалга оширилади.

52. Кундузги қараб туриш хизматини ташкил этиш, хусусий шерик билан битим тузиш, кундузги қараб туриш хизматига ногиронлиги бўлган шахсларни қабул қилиш ҳамда чиқариш жараёнлари «Инсон» маркази, ҳудудий бошқарма ва Агентлик ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази томонидан доимий равишда мониторинг қилиб борилади. Бунда мониторинг жараёнида:

аниқланган техник хато ва камчиликларни уч иш куни ичида бартараф этиш тўғрисида хусусий шерикка ахборот модули орқали хабарнома юборилади;

мазкур Низом талабларига лозим даражада риоя этилмаётганлиги ёки Низом талаблари бузилганлиги аниқланган ҳолларда Ижтимоий инспекция ахборот модули орқали дарҳол хабардор қилинади.

53. Ушбу Низом талабларига риоя этилиши Ижтимоий инспекция ҳамда унинг Қорақалпоғистон Республикаси, вилоятлар ва Тошкент шаҳри бошқармалари томонидан назорат қилиб борилади.

54. Хусусий шерик билан тузилган битим ҳудудий бошқарма томонидан қуйидаги ҳолларда бир томонлама бекор қилинади:

кундузги қараб туриш хизмати томонидан бир ногиронлиги бўлган шахснинг маълумотлари ахборот модулига киритилиб, унинг фотосурати ўрнига бошқа шахснинг фотосурати ушбу ахборот модулига жойлаштирилганлиги ва унинг асосида давомати белгиланиб келинаётганлиги такроран аниқланганда;

ЯТТ бўлган хусусий шерик озодликдан маҳрум этилганда, бедарак йўқолган деб топилганда ёки вафот этганида (вафот этган деб эълон қилинганда);

хусусий шерик — юридик шахс фаолияти тугатилганда;

хусусий шерик қонунчилик ҳужжатларида белгиланган тартибда тўловга қобилиятсиз деб топилганда;

хусусий шерик ушбу Низом ҳамда битимда кўрсатилган ўз мажбуриятларини бажармаган тақдирда.

55. Кундузги қараб туриш хизматини ташкил этган хусусий шерик томонидан ҳудудий бошқарма билан тузилган давлат-хусусий шериклик тўғрисидаги битимга ўзгартириш ва қўшимчалар киритиш ёки уни бекор қилиш юзасидан ариза ахборот модулига электрон шаклда юборилади.

56. Битим муддатини узайтириш бўйича ариза хусусий шерик томонидан амалдаги битим муддати тугашидан камида бир ой олдин ахборот модули орқали электрон шаклда юборилади.

57. Битимнинг муддатини узайтириш, фаолият манзилини ўзгартириш, кундузги қараб туриш хизмати қувватини камайтириш ёки ошириш ушбу Низомда белгиланган тартибда амалга оширилади.

58. Битимни бекор қилиш бўйича ариза тарафлар томонидан электрон шаклда ахборот модулига киритилади. Бунда аризага электрон рақамли имзо қўйилган битимни бекор қилиш бўйича қўшимча келишув илова қилинади.

Битимни бекор қилиш бўйича ариза ахборот модулига киритилган кундан бошлаб уч иш кунида тарафлар томонидан кўриб чиқилиши лозим.

59. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

«Янги кун» кундузги қатнов асосида қараб туриш хизматини ташкил этиш тартиби тўғрисидаги низомга ИЛОВА

НАМУНА 20___ йил __________ ойи учун «__________» ижтимоий хизматга қабул қилинган ҳар бир шахс учун субсидия олишга БУЮРТМАНОМА Юридик шахс СТИРи, якка тартибдаги тадбиркор биометрик паспорт маълумоти ______________________________________________ Ҳудуд номи ______________________________________________ Туман (шаҳар) номи ______________________________________________ МФЙ номи ______________________________________________ Уй рақами ______________________________________________ Т/р Хизматдан фойдаланувчи тўғрисида маълумотлар Ҳисобот ойида Ф.И.О. Туғилган санаси Биометрик паспорт (идентификацияловчи ID-карта) серияси ва рақами Хизматдан фойдаланувчининг ижтимоий хизматга қатнаган кунлари сони Субсидиянинг қатъий кунлик миқдори Хизматдан фойдаланувчи учун ажратиладиган ва тўланадиган субсидия суммаси (4 уст*5 уст) а 1 2 3 4 5 6 1. 2. ... ЖАМИ: Х Х

Вазирлар Маҳкамасининг 2026 йил 21 майдаги 271-сон қарорига 6-ИЛОВА

Уй шароитида қараб туриш хизматини ташкил этиш тартиби тўғрисида

1-боб. Умумий қоидалар

1. Ушбу Низом туғилганидан бошлаб 18 ёшгача бўлган узоқ муддат парваришга муҳтож болалар ва руҳий ҳолати бузилган I ва II гуруҳ ногиронлиги бўлган шахслар (кейинги ўринларда — хизматдан фойдаланувчилар) учун уй шароитида қараб туриш хизматини давлат-хусусий шериклик шартлари асосида ташкил этиш, бошқариш, назорат қилиш ҳамда молиялаштириш тартибини белгилайди.

2. Ушбу Низомда қуйидаги асосий тушунчалар қўлланилади:

ахборот модули — давлат-хусусий шериклик лойиҳаси асосида фаолият юритаётган уй шароитида қараб туриш хизмати ҳақидаги маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

давлат-хусусий шериклик — давлат шериги ва хусусий шерикнинг муайян муддатга юридик жиҳатдан расмийлаштирилган, хизматдан фойдаланувчилар учун уй шароитида қараб туриш хизматини кўрсатиш учун ўз ресурсларини бирлаштиришига асосланган ҳамкорлиги;

давлат-хусусий шериклик тўғрисидаги битим — уч йил муддатга томонларнинг ҳуқуқлари, мажбуриятлари ва жавобгарлигини, шунингдек, давлат-хусусий шериклик лойиҳасини ижро этишнинг бошқа шартларини белгилаб берадиган давлат шериги ва хусусий шерик ўртасида тузилган шартнома (кейинги ўринларда — битим);

давлат шериги — Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқарма);

Ижтимоий-психиатрик-тиббий комиссия — туман (шаҳар)лардаги «Инсон» ижтимоий хизматлар марказлари (кейинги ўринларда — «Инсон» маркази) томонидан руҳий ҳолати бузилган I ва II гуруҳ ногиронлиги бўлган шахсларни уй шароитида қараб туриш хизматига йўналтириш учун тақдим этилган ҳужжатларни ўрганиб чиқиш ҳамда уларни ижтимоий-психиатрик-тиббий текширувдан ўтказиш мақсадида ҳудудий бошқарма ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

Психологик-тиббий-педагогик комиссия — туғилганидан бошлаб 18 ёшгача бўлган узоқ муддат парваришга муҳтож болаларни уй шароитида қараб туриш хизматига йўналтириш учун тақдим этилган ҳужжатларни ўрганиб чиқиш ҳамда уларни психологик-тиббий-педагогик текширувдан ўтказиш мақсадида ҳудудий бошқарма ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

оила аъзоси — ота-она, турмуш ўртоқ, фарзандлар ҳамда умумий рўзғор асосида бир уйда яшовчи бошқа шахслар;

талабгор — давлат-хусусий шериклик лойиҳасини амалга оширишдан манфаатдор бўлган якка тартибдаги тадбиркор (кейинги ўринларда — ЯТТ) ёки юридик шахс;

уй шароитида қараб туриш хизмати — хизматдан фойдаланувчиларга хусусий шерик томонидан уларнинг яшаш жойига борган ҳолда уй шароитида қараб туриш ва парваришга қаратилган ижтимоий хизмат;

хусусий шерик — давлат шериги билан битим тузган ЯТТ ёхуд юридик шахс.

3. Қуйидагилар уй шароитида қараб туриш хизматининг асосий вазифалари ҳисобланади:

а) туғилганидан бошлаб 18 ёшгача бўлган узоқ муддат парваришга муҳтож болалар (кейинги ўринларда — парваришга муҳтож бола)га уй шароитида қараб туришда:

парваришга муҳтож болага қараб туриш ва парвариш қилиш;

парваришга муҳтож боланинг умумий ҳолати ва соғлиғини ҳамда дори воситалари ва овқатини ўз вақтида истеъмол қилишини назорат қилиш;

гигиена тадбирларини амалга ошириш;

парваришга муҳтож бола билан мулоқот қилиш ва қўллаб-қувватлаш;

парваришга муҳтож боланинг оила аъзоларига зарур маслаҳатларни бериб бориш;

б) руҳий ҳолати бузилган I ва II гуруҳ ногиронлиги бўлган шахслар (кейинги ўринларда — ногиронлиги бўлган шахс)га уй шароитида қараб туришда:

ногиронлиги бўлган шахсга қараб туриш (йиқилиш ва жароҳатланишларнинг олдини олиш);

ногиронлиги бўлган шахсни парваришлаш (овқатлантириш, гигиеник тадбирларни амалга ошириш);

ногиронлиги бўлган шахс билан мулоқот қилиш;

тюторлик (шахсни ўз-ўзига хизмат қилишга ўргатиш ва мустақил яшаш кўникмаларини шакллантириш).

Хусусий шерик томонидан уй шароитида қараб туриш хизматида хизматдан фойдаланувчиларни реабилитация қилиш ва уларнинг ижтимоийлашувига қаратилган бошқа вазифаларни амалга ошириш бўйича тадбирлар йўлга қўйилиши мумкин.

4. Хизматдан фойдаланувчиларга уй шароитида қараб туриш хизмати хусусий шерик томонидан битимнинг амал қилиш даврида 5 кунлик иш ҳафтасида 08:00 дан 18:00 гача бўлган вақт оралиғида кунига 3 соатгача хизматдан фойдаланувчиларнинг яшаш жойига борган ҳолда кўрсатилади.

Бунда хусусий шерикнинг бир нафар ходими томонидан бир иш куни мобайнида кўпи билан уч нафаргача хизматдан фойдаланувчиларга хизмат кўрсатишига йўл қўйилади.

5. Хусусий шерик жойлашган ёки унинг ходими яшайдиган манзил хизматдан фойдаланувчиларнинг яшаш манзили билан бир хил бўлишига йўл қўйилмайди.

6. Хизматдан фойдаланувчиларнинг оила аъзоси ва хусусий шерик ўртасида мустақил равишда тузиладиган шартнома асосида хизматдан фойдаланувчиларга қўшимча хизматлар, шу жумладан, дам олиш кунларида хизматлар кўрсатилиши мумкин.

7. Уй шароитида қараб туриш хизмати ушбу Низомга 1-иловага мувофиқ тиббий кўрсатмаларнинг бири бўйича касаллик ташхиси қўйилган хизматдан фойдаланувчиларга кўрсатилади.

8. Уй шароитида қараб туриш хизматининг харажатлари Агентликнинг Ижтимоий ҳимоя давлат жамғармаси (кейинги ўринларда — Жамғарма)дан ажратиладиган маблағлар ҳисобидан хусусий шерикка субсидия шаклида қоплаб берилади.

2-боб. Уй шароитида қараб туриш хизматини ташкил этиш тартиби

1-§. Давлат-хусусий шериклик тўғрисида битим тузиш

9. Ҳудудий бошқарма ҳар чоракда камида бир марта ўзларининг ижтимоий тармоқлардаги расмий саҳифаларида, шунингдек, Агентликнинг расмий веб-сайтида ҳамда ижтимоий тармоқлардаги расмий саҳифаларида парваришга муҳтож болалар ва ногиронлиги бўлган шахслар тўғрисидаги маълумотлар асосида эҳтиёждан келиб чиққан ҳолда уй шароитида қараб туриш хизматини ташкил этиш бўйича эълон бериб боради.

Бунда уй шароитида қараб туриш хизматини ташкил этиш истагида бўлган талабгор ўша ҳудуддаги «Инсон» ижтимоий хизматлар маркази (кейинги ўринларда — «Инсон» маркази)дан уй шароитида қараб туриш хизматига йўналтирилиши мумкин бўлган парваришга муҳтож болалар ва ногиронлиги бўлган шахсларнинг ёши, сони ва жинси, шунингдек, уй шароитида қараб туриш хизматини ташкил этишда давлат-хусусий шериклик шартлари ҳақида маълумот олади.

10. Талабгор уй шароитида қараб туриш хизматини ташкил этиш истагини билдирган тақдирда, битимни тузиш учун тегишли ҳудудий бошқармага ахборот модули орқали қуйидаги маълумотларни ўз ичига олган электрон шаклдаги ариза билан мурожаат қилади:

ЯТТ учун биометрик паспорт (идентификацияловчи ID-карта) маълумотлари;

юридик шахс учун солиқ тўловчининг идентификация рақами;

алоқа учун электрон почта манзили ва (ёки) мобил телефон рақами.

Талабгор ахборот модулига киритиладиган маълумотларнинг ишончлилиги учун шахсан жавобгар бўлади.

11. Ариза ахборот модули орқали шакллантирилганидан сўнг талабгорга аризада кўрсатилган электрон почта ва (ёки) мобиль телефон рақамига аризанинг ID-рақами, ариза қабул қилинган сана ва вақти кўрсатилган ҳолда хабар жўнатилади.

12. Мазкур Низомнинг 10-бандида кўрсатилган ҳужжатлар ахборот модули орқали келиб тушганидан сўнг беш иш куни мобайнида «Инсон» маркази томонидан:

талабгор жисмоний шахснинг руҳий ёки наркология касалликлари диспансерларида ҳисобда туриш-турмаслигини аниқланади;

уй шароитида қараб туриш хизматини ташкил этиш режалаштирилаётган ҳудудда ушбу хизматга йўналтирилиши мумкин бўлган ногиронлиги бўлган шахсларнинг мавжудлиги бўйича маълумотларни ўрганилади.

Мазкур бандда назарда тутилган чора-тадбирларни амалга ошириш якуни бўйича уй шароитида қараб туриш хизматини ташкил этишнинг мақсадга мувофиқлиги юзасидан таклиф тайёрланиб, «Инсон» маркази директорининг электрон рақамли имзоси билан тасдиқланади ҳамда тегишли ҳудудий бошқармага ахборот тизими орқали юборилади.

13. Ҳудудий бошқарма мазкур Низомнинг 10 ва 12-бандларида назарда тутилган ҳужжатлар ахборот модули орқали келиб тушганидан сўнг ўн иш куни мобайнида уй шароитида қараб туриш хизматига субсидия ажратиш учун тегишли молия йилида Жамғармадан ажратиладиган маблағлар ҳажмини ҳисобга олган ҳолда уй шароитида қараб туриш хизматини ташкил этишга эҳтиёж мавжудлиги ёки мавжуд эмаслиги бўйича хулоса тайёрлайди ва ахборот модулига киритади.

Ҳудудий бошқармалар томонидан уй шароитида қараб туриш хизматини ташкил этилишига эҳтиёж мавжудлиги бўйича ижобий хулоса ахборот модулига киритилганидан сўнг битим ахборот модулида автоматик равишда шаклланади ҳамда ушбу битим имзолаш учун талабгорга электрон шаклда жўнатилади.

14. Қуйидаги ҳолатларда ариза рад этилади:

талабгор жисмоний шахснинг руҳий ёки наркология касалликлари диспансерларида ҳисобда туриши аниқланганда;

белгиланган харажатлар уй шароитида қараб туриш хизматига субсидия ажратиш учун тегишли молия йилида назарда тутилган маблағлар ҳажмидан ошиб кетганда;

ташкил этилиши кўзда тутилган ҳудудда уй шароитида қараб туриш хизматини кўрсатишга эҳтиёж мавжуд эмаслиги аниқланганда.

Ушбу бандда назарда тутилмаган бошқа асосларга кўра аризани рад этиш тақиқланади.

15. Уй шароитида қараб туриш хизматини ташкил этиш тўғрисидаги ариза рад этилганда, талабгорга унинг аниқ сабаблари кўрсатилган ҳолда, аризадаги электрон почта манзилига ёки мобиль телефон рақамига хабар юбориш орқали талабгор хабардор қилинади.

16. Талабгор ахборот модули орқали тақдим этилган битимни ўн беш иш куни ичида кўриб чиқади ва унда белгиланган шартларга рози бўлганида, унга электрон имзо қўяди.

Талабгор ўн беш иш куни ичида битимни имзоламаса, унинг аризаси бекор қилинади, бунда битимни имзолаш зарурати мавжуд бўлганида, ариза талабгор томонидан янгидан ахборот модулига киритилиши талаб этилади.

Талабгор томонидан имзоланган битим автоматик равишда тегишли ҳудудий бошқармага имзолаш учун юборилади. Бунда ҳудудий бошқарма томонидан ушбу битимга беш иш куни мобайнида имзо қўйилиши лозим.

17. Хусусий шерик ҳудудий бошқарма билан битимни тузган кундан кейинги иш кунидан бошлаб фаолиятини бошлаш ҳуқуқига эга бўлади. Бунда:

хусусий шерик ахборот модулига кирган ҳолда унда кўрсатилган оммавий оферта талаблари ва шартлари билан танишиб, ушбу ахборот модулидан фойдаланиш бўйича ўз розилигини билдириши ва электрон рақамли имзоси билан тасдиқлаши талаб этилади;

ахборот модули орқали оферта тасдиқланганда, хусусий шерик учун ушбу ахборот модулида шахсий кабинет очилади.

18. Уй шароитида қараб туриш хизматида меҳнат фаолиятини амалга ошираётган шахслар Агентлик ҳузуридаги Ижтимоий ҳимоя тизими ходимларининг малакасини ошириш марказида мажбурий равишда уч йилда камида бир марта 36 соатдан кам бўлмаган ўқув дастури асосида онлайн ва (ёки) офлайн шаклда малака оширади.

Бунда уй шароитида қараб туриш хизматига биринчи марта ишга қабул қилинаётган шахслар икки ой ичида малака ошириш курсидан ўтиши лозим.

2-§. Уй шароитида қараб туриш хизматига парваришга муҳтож болалар ва ногиронлиги бўлган шахсларни қабул қилиш ҳамда чиқариш

19. «Инсон» маркази психологик-тиббий-педагогик комиссия ёки ижтимоий-психиатрик-тиббий комиссиянинг текшируви натижасида уй шароитида қараб туриш хизматига йўналтиришга берилган хулосага мувофиқ хизматдан фойдаланувчиларнинг оила аъзоларига уй шароитида қараб туриш хизматидан фойдаланишни таклиф қилади.

Уй шароитида қараб туриш хизматидан фойдаланиш истагини билдирган хизматдан фойдаланувчиларнинг оила аъзоларига уй шароитида қараб туриш хизмати ва ундан фойдаланиш шартлари тўғрисида маълумот беради.

20. Хизматдан фойдаланувчининг оила аъзоси уй шароитида қараб туриш хизматидан фойдаланиш истагини билдирган тақдирда «Инсон» марказига мурожаат қилади.

Бунда «Инсон» маркази хизматдан фойдаланувчини унинг оила аъзоси танлови асосида хусусий шерикни хабардор қилган ҳолда ахборот модули орқали уч иш куни ичида уй шароитида қараб туриш хизматига бириктиради.

21. Уй шароитида қараб туриш хизматини кўрсатиш қуйидаги асослардан бири бўлганда тугатилади:

оила аъзоларининг аризаси;

соғлиқни сақлаш тизими муассасаларининг тиббий кўрсатмалари;

психологик-тиббий-педагогик комиссия ёки ижтимоий-психиатрик-тиббий комиссиянинг хулосасида кўрсатилган уй шароитида қараб туриш муддатининг тугаши;

битимнинг бекор қилиниши;

хизматдан фойдаланувчининг вафот этиши.

Ушбу бандда назарда тутилган ҳолатлар юзага келганлиги ахборот модули томонидан ўрганиб борилади.

22. Мазкур Низомнинг 21-бандига мувофиқ уй шароитида қараб туриш хизматини кўрсатиш тугатилганлиги тўғрисидаги маълумотлар ахборот модулида шакллантириб борилади.

Бунда хизматдан фойдаланувчилар уй шароитида қараб туриш хизматини кўрсатиш тугатилган ҳар бир ҳолат бўйича тегишли нодавлат ташкилотлар бир иш куни ичида уларнинг ахборот модулидаги шахсий кабинетига электрон хабарнома юбориш орқали хабардор қилиб борилади.

3-боб. Уй шароитида қараб туриш хизматини молиялаштириш

23. Хусусий шерик ўз маблағлари ҳисобидан сотиб олган мол-мулкни қонунчилик ҳужжатларига мувофиқ тасарруф этади.

24. Уй шароитида қараб туриш хизмати қонунчилик ҳужжатларига мувофиқ уни ташкил этган хусусий шерикнинг маблағлари, Жамғармадан ажратиладиган субсидия, оила аъзоларининг тўловлари ва қонунчилик ҳужжатларида тақиқланмаган бошқа манбалар ҳисобидан молиялаштирилади.

25. Уй шароитида қараб туриш хизматига қабул қилинган ҳар бир хизматдан фойдаланувчи тўғрисидаги маълумотлар ахборот модулига киритилганида ҳисобот ойида ҳар бир хизматдан фойдаланувчига ҳақиқатда хизмат кўрсатилган кунлари сони ва ундаги соатлар бўйича хусусий шерикка субсидия ажратилади.

26. Хусусий шерикка хизматдан фойдаланувчига уй шароитида қараб туриш хизмати кўрсатилган ҳар бир соати учун базавий ҳисоблаш миқдорининг 10 фоизи миқдорида субсидия ажратилади.

27. Ушбу Низомнинг 26-бандига мувофиқ субсидия ажратишда вилоятлар марказлари ва Нукус шаҳрида ташкил этилган уй шароитида қараб туриш хизмати учун ажратиладиган субсидия миқдорини белгилашда 1,1 нисбатда, Тошкент шаҳрида эса 1,3 нисбатда кўпайтирувчи коэффициент қўлланади.

28. Хусусий шерикка бир нафар хизматдан фойдаланувчига уй шароитида қараб туриш хизматини кўрсатганлик учун ажратиладиган субсидиянинг ойлик миқдори ахборот модулида қуйидаги формула асосида автоматик ҳисоб-китоб қилинади:

УШҚТХС = УШҚТХ * ҚКССД;

УШҚТХС — уй шароитида қараб туриш хизматидаги бир нафар хизматдан фойдаланувчи харажатларини қоплаш учун субсидиянинг ойлик суммаси;

УШҚТХ — уй шароитида қараб туриш хизматидаги бир нафар хизматдан фойдаланувчига кўрсатилган хизматнинг ҳар бир соати учун белгиланган харажатни қоплашга ажратиладиган субсидиянинг миқдори;

ҚКССД — ҳисобот ойида бир нафар хизматдан фойдаланувчининг ҳақиқатда уй шароитида қараб туриш хизмати кўрсатилган кунлари сони ва ундаги соатлар давомийлиги.

Бунда вилоятлар марказлари, Тошкент ва Нукус шаҳарларида уй шароитида қараб туриш хизматини ташкил этган хусусий шерикка ажратиладиган субсидиянинг ойлик миқдори УШҚТХС = УШҚТХ *1,1 ёки 1,3 * ҚКССД формуласи орқали ҳисоб-китоб қилинади.

29. Хусусий шерикка тўланадиган субсидияни ҳисоблаш ҳар бир хизматдан фойдаланувчи тўғрисидаги маълумотлар ахборот модулига киритилган куннинг кейинги иш кунидан бошланади.

Бунда субсидиянинг миқдори уй шароитида қараб туриш хизматига қабул қилинган хизматдан фойдаланувчининг беш кунлик иш ҳафтасидаги ҳақиқий давоматидан келиб чиққан ҳолда ахборот модули орқали автоматик равишда ҳисобланади.

30. Уй шароитида қараб туриш хизматига қабул қилинган хизматдан фойдаланувчиларни ҳақиқий давоматининг ҳисоби махсус қурилмалар ёрдамида жисмоний шахсни биометрик идентификация қилиш технологияси орқали юритилади.

31. Биометрик идентификация қилиш жараёни уй шароитида қараб туриш хизматининг раҳбари ёки ходимлари томонидан махсус қурилмалар ёрдамида хизматдан фойдаланувчиларнинг яшаш манзилини (геолокацияси) ҳисобга олинган ҳолда хизмат кўрсатган кунида бир маротаба амалга оширилади.

32. Субсидиянинг ойлик суммалари автоматик равишда ахборот модулида қайд этилган хизматдан фойдаланувчиларнинг давомати асосида ҳисобланади ҳамда ушбу Низомга 2-иловага мувофиқ намунадаги буюртманома шаклланади.

Бунда уйда қараб туриш хизматини кўрсатиш сўровномада кўрсатилган хизматдан фойдаланувчи яшайдиган манзилидан (жойлашуви бўйича геолокацияси) бошқа жойда қайд этилган хизматдан фойдаланувчиларнинг давомати ахборот модулида ҳисобга олинмайди.

33. Махсус қурилмалардан Интернет жаҳон ахборот тармоғисиз (оффлайн режимда) фойдаланилган ҳолларда хизматдан фойдаланувчиларнинг давомати бўйича қайд этилган маълумотлар хусусий шерик томонидан ҳисобот ойидан кейинги ойнинг 5-санасидан кечикмасдан Интернет жаҳон ахборот тармоғига уланган ҳолда (онлайн режимда) оффлайн режимда киритилган маълумотларни ахборот модулига узатилишини (янгиланишини) таъминлайди.

Ахборот модулига маълумотлар ўз вақтида тақдим этмаганда, шу жумладан, ушбу банднинг биринчи хатбошисида назарда тутилган тартибда узатилишини (янгиланишини) таъминламаганда хусусий шерикка субсидия ҳисобланмайди ва тўланмайди.

34. Ахборот модулида ҳисобланган субсидиянинг тўлов қайдномаси ва тўлов топшириқномаси ҳисобот ойидан кейинги ойнинг 10-санасига қадар шакллантирилади ва Жамғарманинг махсус ғазна ҳисобварағидан икки иш куни ичида Иқтисодиёт ва молия вазирлигининг ахборот тизимлари орқали хусусий шерикнинг тижорат банкдаги ҳисобварағига автоматик равишда ўтказилади.

35. Хусусий шерик томонидан бир хизматдан фойдаланувчининг маълумотлари ахборот модулига киритилиб, унинг фотосурати ўрнига бошқа шахснинг фотосурати ушбу ахборот модулига жойлаштирилганлиги ва унинг асосида давомат белгилаб келинаётганлиги аниқланганда мазкур ҳолат аниқланган ойдан бошлаб уч ой давомида мазкур хизматдан фойдаланувчи учун субсидия ҳисобланмайди ва тўланмайди.

Бундай ҳолат такроран аниқланганда, ушбу хусусий шерик билан тузилган битим давлат шериги томонидан бир томонлама бекор қилинади ва қайта тузилмайди.

36. Техник ёки бошқа сабабларга кўра ҳисобот ойида ахборот модулида субсидиянинг ортиқча ёки кам ҳисобланганлиги аниқланганда, ҳисобот ойидан кейинги ойда ушбу субсидия тегишли суммалар қўшилган ёки камайтирилган ҳолда ҳисоб-китоб қилинади.

37. Енгиб бўлмайдиган куч (форс-мажор) ҳолатлари натижасида хусусий шерик томонидан хизматдан фойдаланувчиларнинг давоматини ахборот модулига киритишнинг имконияти бўлмаган ҳолларда, ойлик давоматни белгилаш учун ахборот модулида қайд этилган хизматдан фойдаланувчиларнинг сўнгги 5 кунликдаги ўртача давомат кўрсаткичи асосида ҳисоб-китоб қилинади ва тўлаб берилади.

Бунда хусусий шерик қонунчилик ҳужжатларига мувофиқ енгиб бўлмайдиган куч (форс-мажор) ҳолатлари юз берганлигини тасдиқловчи ваколатли орган томонидан бериладиган сертификатни тегишлилиги бўйича «Инсон» марказига тақдим этиши лозим.

38. Техник носозлик сабабли ахборот модулининг мобил иловаси ёки махсус қурилмалар ёрдамида тарбияланувчиларни биометрик идентификация қилиш имкони бўлмаган ҳолларда, хусусий шерик мазкур ҳолат юзасидан дарҳол ўша ҳудуддаги «Инсон» марказини хабардор қилади. Бунда хизматдан фойдаланувчиларнинг уч кундан ортиқ бўлмаган муддатдаги давомати «Инсон» маркази томонидан тўлдириладиган хизматдан фойдаланувчиларнинг қатнови далолатномаси асосида амалга оширилади.

39. «Инсон» маркази техник носозлик сабабли тўлдирилган хизматдан фойдаланувчиларнинг қатнови далолатномасини ҳисобот ойидан кейинги ойнинг 5-санасидан кечикмасдан ахборот модулига киритиш учун тегишли ҳудудий бошқармага тақдим этади.

4-боб. Якунловчи қоидалар

40. Уй шароитида қараб туриш хизматини бошқариш уни ташкил этган хусусий шерик томонидан амалга оширилади.

41. Уй шароитида қараб туриш хизматини ташкил этиш, хусусий шерик билан битим тузиш, уй шароитида қараб туриш хизматига хизматдан фойдаланувчиларни қабул қилиш ҳамда чиқариш жараёнлари «Инсон» маркази, ҳудудий бошқарма ва Агентлик ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази томонидан доимий равишда мониторинг қилиб борилади. Бунда мониторинг жараёнида:

аниқланган техник хато ва камчиликларни уч иш куни ичида бартараф этиш тўғрисида хусусий шерикка ахборот модули орқали хабарнома юборилади;

мазкур Низом талабларига лозим даражада риоя этилмаётганлиги ёки Низом талаблари бузилганлиги аниқланган ҳолларда Ижтимоий инспекция ахборот модули орқали дарҳол хабардор қилинади.

42. Ушбу Низом талабларига риоя этилиши Ижтимоий инспекция ҳамда унинг Қорақалпоғистон Республикаси, вилоятлар ва Тошкент шаҳри бошқармалари томонидан назорат қилиб борилади.

43. Хусусий шерик билан тузилган давлат-хусусий битим ҳудудий бошқарма томонидан қуйидаги ҳолларда бир томонлама бекор қилинади:

уй шароитида қараб туриш хизмати томонидан бир ногиронлиги бўлган шахснинг маълумотлари ахборот модулига киритилиб, унинг фотосурати ўрнига бошқа ногиронлиги бўлган шахснинг фотосурати ушбу ахборот модулига жойлаштирилганлиги ва унинг асосида давомати белгиланиб келинаётганлиги такроран аниқланганда;

ЯТТ бўлган хусусий шерик озодликдан маҳрум этилганда, бедарак йўқолган деб топилганда ёки вафот этганида (вафот этган деб эълон қилинганда);

хусусий шерик — юридик шахс фаолияти тугатилганда;

хусусий шерик қонунчилик ҳужжатларида белгиланган тартибда тўловга қобилиятсиз деб топилганда;

хусусий шерик ушбу Низом ҳамда битимда кўрсатилган ўз мажбуриятларини бажармаган тақдирда.

44. Уй шароитида қараб туриш хизматини ташкил этган хусусий шерик томонидан ҳудудий бошқарма билан тузилган битимга ўзгартириш ва қўшимчалар киритиш ёки уни бекор қилиш юзасидан ариза ахборот модулига электрон шаклда юборилади.

45. Битим муддатини узайтириш бўйича ариза хусусий шерик томонидан амалдаги битим муддати тугашидан камида бир ой олдин ахборот модули орқали электрон шаклда юборилади.

46. Битим муддатини узайтириш ушбу Низомда белгиланган тартибда амалга оширилади.

47. Битимни бекор қилиш бўйича ариза тарафлар томонидан электрон шаклда ахборот модулига киритилади. Бунда аризага электрон рақамли имзо қўйилган битимни бекор қилиш бўйича қўшимча келишув илова қилинади.

Битимни бекор қилиш бўйича ариза ахборот модулига киритилган кундан бошлаб уч иш кунида тарафлар томонидан кўриб чиқилиши лозим.

48. Хусусий шерик ахборот модулига ногиронлиги бўлган шахслар тўғрисида киритилган маълумотларнинг тўғрилиги ва ҳаққонийлиги бўйича жавобгар ҳисобланади.

49. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Уй шароитида қараб туриш хизматини ташкил этиш тартиби тўғрисидаги низомга 1-ИЛОВА

Уй шароитида қараб туриш хизматига йўналтириш учун асос бўладиган тиббий кўрсатмалар

Т/р Касаллик номи Халқаро касалликлар таснифи (ХКТ-10) Парваришга муҳтожлик мезони I. Узоқ муддат парваришга муҳтож болалар учун 1. Онкологик касалликлар (хавфли ўсмалар) 1. Хавфли ўсмалар C00 — C97 Терминал босқичлар (IV босқич), кўплаб метастазлар, барча ўсмага қарши имкониятларнинг тугаши 2. Қайталанувчи ва рефрактер ўсмалар C00 — C97 Терапияга жавоб бермайди, кучли оғриқ синдроми, интоксикация, ҳолдан тойиш 3. Онкогематологик касалликлар C81 — C96 Ўткир лейкозлар, қайталанувчи лимфомалар, суяк кўмигини кўчириб ўтказа олмаслик 2. Неврологик касалликлар 4. Прогрессив нейродегенератив касалликлар G30 — G32, G35, G37, G60 — G64 Катта мотор функцияларни, сўз ва юғириш қобилиятини йўқотиш; доимий парвариш талаб этилади 5. Болалар церебрал фалажи (БЦФ) (жиддий шакл) G80.0 — G80.9 GMFCS V, контрактуралар, сколиоз, эпилепсия, сурункали нафас етишмовчилиги, гастростомия 6. Постгипоксик бош мия шикастланиши P91.*, G93.4 Вегетатив ҳолат, минимал онг, зондли озиқланиш, такрорий пневмониялар 7. Синдром Ретта F84.2 Кеч босқичлар, юриш ва сўз қобилиятини йўқотиш, эпилепсия, нафас етишмовчилиги 8. Лей касаллиги, митохондриал энцефалопатиялар G31.8, G31.9 Прогрессирловчи мушак кучсизлиги, нафас етишмовчилиги, ҳаётий марказларнинг зарарланиши 9. Лейкодистрофиялар E75.2 Кўриш, эшитиш, мотор ва когнитив функцияларни йўқотиш 3. Генетик ва асаб-мушак касалликлари 10. Орқа мия мушак атрофияси G12.0-G12.1 I-II тури, бошни тута олмаслик, ўтира олмаслик ва юра олмаслик; нафас етишмовчилиги, ўпка сунъий нафаси; гастростомия 11. Зўрайиб борувчи мушак дистрофиялари G71.0-G71.9 Юриш қобилиятини йўқотиш, нафас етишмовчилиги, кардиомиопатия, ўпка сунъий нафаси 12. Қон ивишнинг бузилишлари D 65 — 68 Оғир кечиши 13. Муковисцидоз E84.0 — E84.9 Оғир босқичлари: нафас етишмовчилиги, тез-тез учрайдиган инфекциялар, кахексия, «ўпка» юраги 14. Буллёз эпидермолиз Q81.0 — Q81.9 Сурункали битмайдиган яралар, кучли оғриқ синдроми, сепсис, овқатланишнинг бузилиши 15. Марказий асаб тизимининг секин кечувчи вирусли инфекциялари (Склерозланувчи ним ўткир панэнцефалит) A81.1 Хулқ-атворнинг ўзгариши, интеллектуал қобилиятларнинг пасайиши, миоклоник тутқаноқлар (мушакларнинг кескин тортишиши), прогрессив деменция, атаксия (координациянинг бузилиши) ва кўрлик ривожланиши 4. Туғма ривожланиш нуқсонлари 16. Аъзоларининг кўп сонли туғма нуқсонлари Q20 — Q28 Q00 — Q 07 Q35 — Q37-38 Q 60 — Q 64 Q 65 — Q 79 Жарроҳлик йўли билан тузатилмайди, оғир юрак-нафас ва овқат ҳазм қилиш етишмовчилиги. Мустақил ҳаракат бузилиши 17. Қисқа ичак синдроми К91.2 Узоқ муддатли/умрбод парентерал озиқланишга боғлиқлик 18. Хромосома аномалиялари, ўлимга олиб келадиган Q90 — Q99 Эдвардс синдроми (Q91), Патау синдроми (Q93), кутилаётган умр кўриш давомийлигининг жуда пастлиги. Уз ўзини хизматни бажара олмаслик 5. Терминал орган етишмовчилиги 19. Сурункали юрак етишмовчилиги I50.0 — I50.9 Тинч ҳолатда нафас қисилиши, асцит, фаолликнинг чекланиши (Н 2А-Н3 даражаси) 20. Сурункали буйрак етишмовчилиги N 18.5-N18.6 Терминал босқич, диализ мумкин эмас ёки доимий, интоксикация 21. Жигар етишмовчилиги K72.*, K70.3, Декомпенсацияланган цирроз, асцит, қон кетишлар, жигар энцефалопатияси 22. Сурункали нафас етишмовчилиги J 45; J96.0 — J96.9 Оғир даража бронхиал астма, Тинч ҳолатдаги гипоксия, узоқ муддатли кислород терапияси ёки ўпка сунъий нафас аппаратида (II-III даражаси) 23. Одам иммунитет танқислиги вируси келтириб чиқариладиган касаллик B20 — В24 Оғир кечиши, юқори вирусли юклама CD 4+ лимфоцитларнинг кескин пасайиши (200 хужайра/мкл дан кам). 6. Жароҳатлар ва реанимациядан кейинги ҳолатлар 24. Оғир бош мия жароҳатидан сўнг асоратлари S06.0 — S06.9 Қўпол ҳаракат бузилишлари, когнитив бузилишлар, вегетатив ҳолат 25. Узоқ муддатли ўпка сунъий нафас аппаратидан кейинги ҳолатлар Z 93 Z99.1 Нафас олиш заифлиги, аппаратга қарамлик 26. Вегетатив ҳолат (кома ҳолати), минимал онг G93.4 R40.2 Парваришга тўлиқ боғлиқлик, зондли озиқлантириш, ўпка сунъий нафас аппаратида II. Руҳий ҳолати бузилган I ва II гуруҳ ногиронлиги бўлган шахслар учун 27. Деменция F00.0 — G30, F02.0, F02.1, F02.2, F02.3, F03 28. Чуқур ақлий заифлик F73 Даволаш ва парвариш талаб этилади

Уй шароитида қараб туриш хизматини ташкил этиш тартиби тўғрисидаги низомга 2-ИЛОВА

НАМУНА 20___ йил __________ ойи учун «__________» ижтимоий хизматга қабул қилинган ҳар бир шахс учун субсидия олишга БУЮРТМАНОМА Юридик шахс СТИРи, якка тартибдаги тадбиркор биометрик паспорт маълумоти _____________________________________________________ Ҳудуд номи _____________________________________________________ Туман (шаҳар) номи _____________________________________________________ МФЙ номи _____________________________________________________ Уй рақами _____________________________________________________ Т/р Хизматдан фойдаланувчи тўғрисида маълумотлар Ҳисобот ойида Ф.И.О. Туғилган санаси Биометрик паспорт (идентификацияловчи ID-карта) серияси ва рақами Хизматдан фойдаланувчининг ижтимоий хизматдан фойдаланиш давомийлиги (соати) Субсидиянинг қатъий бир соат учун миқдори Хизматдан фойдаланувчи учун ажратиладиган ва тўланадиган субсидия суммаси (4 уст*5 уст) а 1 2 3 4 5 6 1. 2. ... ЖАМИ: Х Х

Вазирлар Маҳкамасининг 2026 йил 21 майдаги 271-сон қарорига 7-ИЛОВА

Кичик ҳажмли «Мадад» уйлари хизматини ташкил этиш тартиби тўғрисида

1-боб. Умумий қоидалар

1. Ушбу Низом руҳий ҳолати бузилган I ва II гуруҳ ногиронлиги бўлган шахслар (кейинги ўринларда — ногиронлиги бўлган шахслар) учун кичик ҳажмли «Мадад» уйлари хизмати (кейинги ўринларда — «Мадад» уйлари хизмати)ни давлат-хусусий шериклик шартлари асосида ташкил этиш, бошқариш, назорат қилиш ҳамда молиялаштириш тартибини белгилайди.

2. Ушбу Низомда қуйидаги асосий тушунчалар қўлланилади:

ахборот модули — давлат-хусусий шериклик лойиҳаси асосида фаолият юритаётган «Мадад» уйлари хизмати ҳақидаги маълумотларни ўзида акс эттириш, бошқариш, мувофиқлаштириш ва назорат қилиш имкониятига эга бўлган «Ягона миллий ижтимоий ҳимоя» ахборот тизимидаги маълумотлар базаси;

давлат-хусусий шериклик — давлат шериги ва хусусий шерикнинг муайян муддатга юридик жиҳатдан расмийлаштирилган, ногиронлиги бўлган шахсларга «Мадад» уйлари хизматини кўрсатиш учун ўз ресурсларини бирлаштиришига асосланган ҳамкорлиги;

давлат-хусусий шериклик тўғрисидаги битим — беш йил муддатга томонларнинг ҳуқуқлари, мажбуриятлари ва жавобгарлигини, шунингдек, давлат-хусусий шериклик лойиҳасини ижро этишнинг бошқа шартларини белгилаб берадиган давлат шериги ва хусусий шерик ўртасида тузилган шартнома (кейинги ўринларда — битим);

давлат шериги — Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг Қорақалпоғистон Республикаси, вилоятлар ва Тошкент шаҳри бошқармалари (кейинги ўринларда — ҳудудий бошқарма);

Ижтимоий-психиатрик-тиббий комиссия — туман (шаҳар)лардаги «Инсон» ижтимоий хизматлар марказлари (кейинги ўринларда — «Инсон» маркази) томонидан ногиронлиги бўлган шахсларни «Мадад» уйлари хизматига йўналтириш учун тақдим этилган ҳужжатларни ўрганиб чиқиш ҳамда уларни ижтимоий-психиатрик-тиббий текширувдан ўтказиш мақсадида ҳудудий бошқарма ҳузурида юридик шахс мақомисиз ташкил этиладиган доимий асосда фаолият юритувчи коллегиал орган;

«Мадад» уйлари хизмати — йирик интернат уйларига муқобил равишда, шахсни жамиятдан узиб қўймасдан парвариш қилишга қаратилган ногиронлиги бўлган шахс яшайдиган, оилавий муҳитга яқин шароитда ташкил этилган ижтимоий хизмат;

оила аъзолари — ота-она, турмуш ўртоқ, фарзандлар ҳамда умумий рўзғор асосида бир уйда яшовчи бошқа шахслар;

талабгор — давлат-хусусий шериклик лойиҳасини амалга оширишдан манфаатдор бўлган якка тартибдаги тадбиркор (кейинги ўринларда — ЯТТ) ёки юридик шахс;

қонуний вакил — васийлик ва ҳомийлик органи томонидан ўрнатилган тартибда тайинланган шахс;

хусусий шерик — давлат шериги билан битим тузган ЯТТ ёхуд юридик шахс.

3. Қуйидагилар «Мадад» уйлари хизматининг асосий вазифалари ҳисобланади:

ногиронлиги бўлган шахсларни бошпана билан таъминлаш (яшаши учун шароит яратиш);

ногиронлиги бўлган шахсларга қараб туриш ва уларни парваришлаш;

ногиронлиги бўлган шахсларнинг мустақил ҳаётга мослаштириш ва жамиятга интеграциялашувига кўмаклашиш;

ўз-ўзига хизмат кўрсатиш, уй хўжалигини юритиш, атрофдагилар билан мулоқот қилишга ўргатиш;

меҳнат кўникмаларини ривожлантириш, индивидуал имконият ва эҳтиёжларига мос меҳнат фаолиятига жалб этиш;

«Ижтимоий таътил» қисқа муддатли жойлаштириш хизматини ташкил этиш.

Хусусий шерик томонидан «Мадад» уйлари хизматида ногиронлиги бўлган шахсларни реабилитация қилиш ва уларнинг ижтимоийлашувига қаратилган бошқа вазифаларни амалга ошириш бўйича тадбирлар йўлга қўйилиши мумкин.

4. «Мадад» уйлари хизмати хусусий шерик томонидан битимнинг амал қилиш даврида ногиронлиги бўлган шахсларга қараб туриш ва парвариш қилиш учун зарур шарт-шароитларга эга бўлган, ёнғин хавфсизлиги, санитария қоидалари, нормалари ва гигиена нормативларига жавоб берадиган ЯТТ (ўзига ёхуд турмуш ўртоғига) ёки юридик шахсга мулк ҳуқуқи ёхуд бошқа ҳуқуқ билан тегишли бўлган бино ва иншоотларда ташкил этилади.

Бунда бино ёки иншоот ЯТТ (турмуш ўртоғига тегишли бўлган ҳолат бундан мустасно) ёки юридик шахсга мулк ҳуқуқи билан тегишли бўлмаган тақдирда, бино ёки иншоотдан ижара ёки бошқа ҳуқуқ асосида фойдаланиш шартномасининг амал қилиш муддати битимнинг амал қилиш муддати давомида ўз кучида бўлиши таъминланиши зарур.

5. «Мадад» уйлари хизмати доимий яшаш учун мўлжалланган шаклда ногиронлиги бўлган шахсларга ижтимоий-психитрик-тиббий комиссия хулосасида белгиланган муддат давомида кўрсатилади.

6. «Мадад» уйлари хизмати эркаклар ва аёллар учун алоҳида-алоҳида ташкил этилади. Эркаклар ва аёллар учун алоҳида-алоҳида ташкил этишнинг иложи бўлмаган ҳолларда, битта бино ёки иншоотда лекин уларни алоҳида кириш имкониятига эга бўлган хоналарга ажратган ҳолда ташкил этилади.

7. «Мадад» уйлари хизмати қуйидаги ташхисларнинг бири қўйилган, шунингдек ўзгалар парваришига муҳтожлик даражаси (Бартел ва Лаутон шкалалари бўйича) 62 баллгача баҳоланган ногиронлиги бўлган шахсларга кўрсатилади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03).

8. Мазкур Низомнинг 7-бандида кўрсатилган ташхислардан бири қўйилган, бироқ ўзгалар парваришига муҳтожлик даражаси 62 баллдан юқори бўлган ногиронлиги бўлган шахсларга «Мадад» уйлари хизмати қонуний вакиллар ва хусусий шерик ўртасида тузилган шартнома асосида доимий ёки қисқа муддатга пуллик хизмат шаклида кўрсатилиши мумкин.

9. Ногиронлиги бўлган шахсларга кўрсатиладиган «Мадад» уйлари хизматининг харажатлари Агентликнинг Ижтимоий ҳимоя давлат жамғармаси (кейинги ўринларда — Жамғарма)дан ажратиладиган маблағлар ҳисобидан хусусий шерикка субсидия шаклида қоплаб берилади.

2-боб. «Мадад» уйлари хизматини ташкил этиш тартиби

1-§. Давлат-хусусий шериклик тўғрисида битим тузиш

10. Ҳудудий бошқарма ҳар чоракда камида бир марта ўзларининг ижтимоий тармоқлардаги расмий саҳифаларида, шунингдек, Агентликнинг расмий веб-сайтида ҳамда ижтимоий тармоқлардаги расмий саҳифаларида ижтимоий-психиатрик-тиббий комиссияларнинг кўриги натижаси бўйича «Мадад» уйлари хизматига йўналтириш учун хулоса берилган ногиронлиги бўлган шахслар учун эҳтиёждан келиб чиққан ҳолда «Мадад» уйлари хизматини ташкил этиш бўйича эълон бериб боради.

Бунда «Мадад» уйлари хизматини ташкил этиш истагида бўлган талабгор ўша ҳудуддаги «Инсон» марказидан «Мадад» уйлари хизматига йўналтирилиши мумкин бўлган ногиронлиги бўлган шахсларнинг ёши, сони ва жинси, шунингдек, «Мадад» уйлари хизматини ташкил этишда давлат-хусусий шериклик шартлари ҳақида маълумот олади.

11. Талабгор «Мадад» уйлари хизматини ташкил этиш истагини билдирган тақдирда, битимни тузиш учун тегишли ҳудудий бошқармага ахборот модули орқали қуйидаги маълумотларни ўз ичига олган электрон шаклдаги ариза билан мурожаат қилади:

ЯТТ учун биометрик паспорт (идентификацияловчи ID-карта) маълумотлари;

юридик шахс учун солиқ тўловчининг идентификация рақами;

битимнинг амал қилиши даврида «Мадад» уйлари хизмати ташкил этиладиган бино ёки иншоотга бўлган мулк, ижара ёки бошқа ҳуқуқнинг давлат рўйхатидан ўтказилганлиги (кадастр рақами), унинг манзили, жойлашуви (геолокацияси) ва «Мадад» уйлари хизмати учун ажратиладиган майдон (квадрат метрда акс эттирилади) ҳақидаги маълумотлар;

«Мадад» уйлари хизматида ташкил этилиши режалаштирилган гуруҳлар (аёллар ва эркаклар гуруҳи) сони;

алоқа учун электрон почта манзили ва (ёки) мобиль телефон рақами.

Талабгор ахборот модулига киритиладиган маълумотларнинг ишончлилиги учун шахсан жавобгар бўлади.

12. Ариза ахборот модули орқали шакллантирилганидан сўнг:

талабгорга аризада кўрсатилган электрон почта ва (ёки) мобиль телефон рақамига аризанинг ID-рақами, ариза қабул қилинган сана ва вақти кўрсатилган ҳолда хабар жўнатилади;

«Мадад» уйлари хизматининг жойлашуви бўйича Санитария-эпидемиологик осойишталик ва жамоат саломатлиги қўмитасининг туман (шаҳар) бўлимлари (кейинги ўринларда — Санэпидқўмнинг туман (шаҳар) бўлимлари) ҳамда туман (шаҳар) фавқулодда вазиятлар бўлимларига электрон сўров жўнатилади.

13. Электрон сўров келиб тушгандан сўнг уч иш куни мобайнида:

а) Санэпидқўмнинг туман (шаҳар) бўлимлари:

«Мадад» уйлари хизмати учун ажратилган хоналар белгиланган санитария қоидалари, нормалари ва гигиена нормативларига мослигини;

бино ёки иншоотнинг манзили ва «Мадад» уйлари хизмати учун ажратиладиган майдоннинг (квадрат метрда акс эттирилади) аризада тўғри кўрсатилганлигини;

белгиланган меъёрларга мувофиқ «Мадад» уйлари хизматини ташкил этиш учун ажратилган майдонда қабул қилиниши мумкин бўлган ногиронлиги бўлган шахсларнинг максимал сонини;

«Мадад» уйлари хизматини ташкил этиш учун ажратилган бино ёки иншоотлар санитария-ҳимоя зонасига эга бўлган объектлардан зарур даражадаги узоқликда жойлашганлигини ўрганади;

ўрганиш натижаси бўйича хулоса шакллантиради ва унга «Мадад» уйлари хизматининг кириш қисми, ошхонаси, ҳожатхонаси, ногиронлиги бўлган шахсларга қараб туриш учун мўлжалланган хоналарнинг фотосуратларини (камида 4 та фотосурат) илова қилади;

б) туман (шаҳар) фавқулодда вазиятлар бўлимлари «Мадад» уйлари хизмати ташкил этилиши режалаштирилган бино ёки иншоотлар ҳудуди ҳамда бино (иншоот) ва хоналарнинг ёнғин хавфсизлиги талабларига мувофиқ ёхуд мувофиқ эмаслигини белгиланган тартибда ўрганиб чиқади ҳамда фотосуратларни (камида 4 та фотосурат) илова қилган ҳолда ўрганиш натижалари бўйича хулоса беради.

«Мадад» уйлари хизматини ташкил этиш учун танланган манзилда фаолиятни амалга оширишнинг мақсадга мувофиқлиги ҳақидаги хулосанинг ишончлилиги учун шахсий жавобгарлик уни тасдиқлаган ташкилот раҳбарига юкланади.

14. Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимларининг хулосалари белгиланган тартибда тасдиқланганидан сўнг барча маълумотлар «Мадад» уйлари хизмати ташкил этиш тўғрисидаги ариза билан бирга бир иш кунида ахборот модули орқали тегишли «Инсон» марказига тақдим этилади.

15. Мазкур Низомнинг 14-бандида кўрсатилган ҳужжатлар ахборот модули орқали келиб тушганидан сўнг беш иш куни мобайнида «Инсон» маркази томонидан:

талабгор жисмоний шахснинг руҳий ёки наркология касалликлари диспансерларида ҳисобда туриш-турмаслиги аниқланади;

Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимларининг хулосалари ҳамда «Мадад» уйлари хизматини ташкил этиш режалаштирилаётган ҳудудда ушбу хизматга йўналтирилиши мумкин бўлган ногиронлиги бўлган шахсларнинг мавжудлиги бўйича маълумотларни ўрганади.

Мазкур бандда назарда тутилган чора-тадбирларни амалга ошириш якуни бўйича «Мадад» уйлари хизматини ташкил этишнинг мақсадга мувофиқлиги юзасидан таклиф тайёрланиб, «Инсон» маркази директорининг электрон рақамли имзоси билан тасдиқланади ҳамда тегишли ҳудудий бошқармага ахборот тизими орқали юборилади.

16. Ҳудудий бошқарма беш иш куни ичида «Инсон» маркази томонидан тақдим этилган ҳужжатларни, шу жумладан, «Мадад» уйлари хизматига субсидия ажратиш учун тегишли молия йилида Жамғармадан ажратиладиган маблағлар ҳажмини ҳисобга олган ҳолда хизмат ташкил этилиши мақсадга мувофиқлиги ёки мувофиқ эмаслиги бўйича хулоса тайёрлайди ва ахборот модулига киритади.

Ҳудудий бошқармалар томонидан «Мадад» уйлари хизматини ташкил этилиши мақсадга мувофиқлиги бўйича ижобий хулоса ахборот модулига киритилгандан сўнг битим ахборот модулида автоматик равишда шаклланади ҳамда имзолаш учун талабгорга электрон шаклда жўнатилади.

Ҳудудий бошқармалар томонидан «Мадад» уйлари хизматини ташкил этилиши мақсадга мувофиқлиги бўйича ижобий хулоса ахборот модулига киритилганидан сўнг битим ахборот модулида автоматик равишда шаклланади ҳамда ушбу битим беш иш куни мобайнида Агентлик ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази (кейинги ўринларда — Мувофиқлаштириш маркази) билан келишган ҳолда имзолаш учун талабгорга электрон шаклда жўнатилади.

17. Қуйидаги ҳолатларда ариза рад этилади:

Санэпидқўмнинг туман (шаҳар) бўлимлари ҳамда туман (шаҳар) фавқулодда вазиятлар бўлимлари томонидан «Мадад» уйлари хизматини ташкил этиш учун танланган манзилнинг санитария нормалари, қоидалари ва гигиена нормативларига ҳамда ёнғин хавфсизлиги талабларига мувофиқ эмаслиги тўғрисида хулоса берилганида;

идоралараро электрон алмашинув орқали олинган маълумотларга асосан талабгор бино ёки иншоотдан фойдаланиш ҳуқуқига эга бўлмаганида ёхуд ижара (шу жумладан, бошқа ҳуқуқ) асосида фойдаланиш шартномаси мавжуд бўлмаганда;

«Мадад» уйлари хизматини ташкил этиш учун ажратилиши режалаштирилган (аризада кўрсатилган) бино ёки иншоот манзили кадастр органларидан олинган маълумотларга мос эмаслиги аниқланганда;

талабгор жисмоний шахснинг руҳий ёки наркология касалликлари диспансерларида ҳисобда туриши аниқланганда;

белгиланган харажатлар «Мадад» уйлари хизматига субсидия ажратиш учун тегишли молия йилида назарда тутилган маблағлар ҳажмидан ошиб кетганда.

Ушбу бандда назарда тутилмаган бошқа асосларга кўра аризани рад этиш тақиқланади.

18. «Мадад» уйлари хизматини ташкил этиш тўғрисидаги ариза рад этилганда, унинг аниқ сабаблари кўрсатилган ҳолда, аризадаги электрон почта манзилига ёки мобиль телефон рақамига хабар юбориш орқали талабгор хабардор қилинади.

19. Талабгор ахборот модули орқали тақдим этилган битимни ўн беш иш куни ичида кўриб чиқади ва унда белгиланган шартларга рози бўлганида, унга электрон имзо қўяди.

Талабгор ўн беш иш куни ичида битимни имзоламаса, унинг аризаси бекор қилинади, бунда битимни имзолаш зарурати мавжуд бўлганида, ариза талабгор томонидан янгидан ахборот модулига киритилиши талаб этилади.

Талабгор томонидан имзоланган битим автоматик равишда тегишли ҳудудий бошқармага имзолаш учун юборилади. Бунда ҳудудий бошқарма томонидан ушбу битимга беш иш куни мобайнида имзо қўйилиши лозим.

20. Хусусий шерик ҳудудий бошқарма билан битимни тузган кундан кейинги иш кунидан бошлаб фаолиятини бошлаш ҳуқуқига эга бўлади. Бунда:

хусусий шерик ахборот модулига кирган ҳолда унда кўрсатилган оммавий оферта талаблари ва шартлари билан танишиб, ушбу ахборот модулидан фойдаланиш бўйича ўз розилигини билдириши ва электрон рақамли имзоси билан тасдиқлаши талаб этилади;

ахборот модули орқали оферта тасдиқланганда, хусусий шерик учун ушбу ахборот модулида шахсий кабинет очилади.

21. Хусусий шерик билан битим тузилган кундан бошлаб бир ой муддат ичида ҳудудий бошқарма жойига чиққан ҳолда ташкил этилган «Мадад» уйлари хизмати учун мўлжалланган мебель ва бошқа анжомлар билан жиҳозланганлик ҳолати бўйича ўрганиш ўтказади ҳамда ўрганиш якуни бўйича «Мадад» уйлари хизматини кўрсатиш мақсадга мувофиқлиги ёки мувофиқ эмаслиги ҳақидаги хулосани электрон шаклда ахборот модулига киритади.

Ҳудудий бошқарма томонидан салбий хулоса берилганида, аниқланган камчиликлар бартараф этилгунга қадар «Мадад» уйлари хизматини вақтинча кўрсатиш вақтинча тўхтатилади.

2-§. «Мадад» уйлари хизматини ташкил этиш

22. «Мадад» уйлари хизматида 2026 йилда 8 — 10 нафаргача, 2027 йил 1 январдан бошлаб 10 — 12 нафаргача ногиронлиги бўлган шахс жойлаштирилади.

23. «Мадад» уйлари хизматида ногиронлиги бўлган шахснинг овқатланиши санитария қоидалари, нормалари ва гигиена нормативлари асосида ташкил этилади.

24. «Мадад» уйлари хизматига 1 та штат бирлигида меҳнат йўриқчиси, 3 та штат бирлигигача санитарка жалб қилинади.

«Мадад» уйлари хизматида кадрлар таркиби ҳамда уларнинг ўзгариши билан боғлиқ бўлган маълумотлар ходимлар ишга қабул қилинган ва ишдан бўшатилган кундан бошлаб бир иш куни ичида хусусий шерик томонидан ахборот модулига киритилиши шарт.

25. «Мадад» уйлари хизматида меҳнат йўриқчиси лавозимига тегишлича олий ёки ўрта махсус педагогик ёки психологик маълумотга, санитарка вазифасига умумий ўрта маълумотга эга бўлган шахслар қабул қилинади, «Мадад» уйлари хизматига қабул қилинган ногиронлиги бўлган шахснинг оила аъзолари санитарка лавозимига қабул қилинган ҳолат бундан мустасно.

26. «Мадад» уйлари хизматида меҳнат фаолиятини амалга ошираётган шахслар Агентлик ҳузуридаги Ижтимоий ҳимоя тизими ходимларининг малакасини ошириш марказида мажбурий равишда уч йилда камида бир марта 36 соатдан кам бўлмаган ўқув дастури асосида онлайн ва (ёки) оффлайн шаклда малака оширади.

Бунда «Мадад» уйлари хизматига биринчи марта ишга қабул қилинаётган шахслар икки ой ичида малака ошириш курсидан ўтиши лозим.

27. «Мадад» уйлари хизматини ташкил этган хусусий шерик билан ногиронлиги бўлган шахснинг қонуний вакили ўртасидаги муносабатлар хусусий шерик ҳамда ногиронлиги бўлган шахснинг қонуний вакили ўртасида тузилган шартнома билан тартибга солинади.

Шартнома ногиронлиги бўлган шахсларнинг «Мадад» уйлари хизматида бўлиш вақтини, парваришлаш жараёнини ташкил этишда томонларнинг ҳуқуқлари, мажбуриятлари ҳамда жавобгарлигини ўз ичига олади.

3-§. «Мадад» уйлари хизматига ногиронлиги бўлган шахсларни қабул қилиш ҳамда чиқариш

28. «Мадад» уйлари хизматига йўналтиришга берилган қарор асосида ногиронлиги бўлган шахснинг қонуний вакили «Инсон» марказига мурожаат қилади. Бунда «Инсон» маркази:

Ижтимоий-психиатрик-тиббий комиссиянинг «Мадад» уйлари хизматига йўналтиришга берилган хулосасига мувофиқ ногиронлиги бўлган шахснинг қонуний вакилига «Мадад» уйлари хизматидан фойдаланишни таклиф қилади ҳамда ундан фойдаланиш шартлари тўғрисида маълумот беради;

ногиронлиги бўлган шахсни унинг оила аъзолари танлови асосида хусусий шерикни хабардор қилган ҳолда ахборот модули орқали уч иш куни ичида «Мадад» уйлари хизматига бириктиради.

29. Ногиронлиги бўлган шахслар «Мадад» уйлари хизматидан қуйидагилар асосида чиқарилади:

қонуний вакилнинг аризаси;

соғлиқни сақлаш тизими муассасаларининг тиббий кўрсатмалари;

Ижтимоий-психиатрик-тиббий комиссиянинг хулосасида кўрсатилган ногиронлиги бўлган шахснинг «Мадад» уйлари хизматида бўлиш муддатининг тугаши;

битимнинг бекор қилиниши;

ногиронлиги бўлган шахснинг вафот этиши.

Ушбу бандда назарда тутилган ҳолатлар юзага келганлиги ахборот модули томонидан ўрганиб борилади.

30. Мазкур Низомнинг 29-бандига мувофиқ ногиронлиги бўлган шахслар «Мадад» уйлари хизматидан чиқарилганлиги тўғрисидаги маълумотлар ахборот модулида шакллантириб борилади.

Бунда ногиронлиги бўлган шахслар «Мадад» уйлари хизматидан чиқариш бўйича юзага келган ҳар бир ҳолат бўйича тегишли нодавлат ташкилотлар бир иш куни ичида уларнинг ахборот модулидаги шахсий кабинетига электрон хабарнома юбориш орқали хабардор қилиб борилади.

31. «Мадад» уйлари хизматидан ногиронлиги бўлган шахсларни чиқариш хусусий шерикнинг буйруғи билан амалга оширилади.

3-боб. «Мадад» уйлари хизматини молиялаштириш

32. Хусусий шерик ўз маблағлари ҳисобидан сотиб олган мол-мулкни қонунчилик ҳужжатларига мувофиқ тасарруф этади.

33. «Мадад» уйлари хизмати қонунчилик ҳужжатларига мувофиқ уни ташкил этган хусусий шерикнинг маблағлари ҳамда Ижтимоий ҳимоя давлат жамғармасидан ажратиладиган субсидия, қонуний вакилнинг тўловлари ва қонунчиликда тақиқланмаган бошқа манбалар ҳисобидан молиялаштирилади.

34. «Мадад» уйлари хизматига қабул қилинган ҳар бир ногиронлиги бўлган шахс тўғрисидаги маълумотлар ахборот модулига киритилганида ҳисобот ойида ҳар бир ногиронлиги бўлган шахснинг ҳақиқатда яшаган кунлари бўйича хусусий шерикка субсидия ажратилади.

Бунда ҳар бир ногиронлиги бўлган шахснинг ҳақиқатда яшаган кунлари тўғрисидаги далолатнома тадбиркор ҳамда тегишли туман (шаҳар)даги «Инсон» маркази томонидан расмийлаштирилиб, тасдиқланади.

35. Хусусий шерикка ногиронлиги бўлган шахсга «Мадад» уйлари хизмати кўрсатилган ҳар бир кун учун 2026 йилда базавий ҳисоблаш миқдорининг 53 фоизи миқдорида, 2027 йил 1 январдан бошлаб базавий ҳисоблаш миқдорининг 46 фоиз миқдорида субсидия ажратилади.

36. Ушбу Низомнинг 35-бандига мувофиқ субсидия ажратишда вилоятлар марказлари ва Нукус шаҳрида ташкил этилган «Мадад» уйлари хизмати учун ажратиладиган субсидия миқдорини белгилашда 1,1 нисбатда, Тошкент шаҳрида эса 1,3 нисбатда кўпайтирувчи коэффициент қўлланади.

37. Хусусий шерикка бир нафар ногиронлиги бўлган шахсга «Мадад» уйлари хизматини кўрсатганлик учун ажратиладиган субсидиянинг ойлик миқдори ахборот модулида қуйидаги формула асосида автоматик ҳисоб-китоб қилинади:

КҲУҚТХС = КҲУҚТХ * ЯКС;

КҲУҚТХС — «Мадад» уйлари хизматидаги бир нафар ногиронлиги бўлган шахс харажатларини қоплаш учун субсидиянинг ойлик суммаси;

КҲУҚТХ — «Мадад» уйлари хизматидаги бир нафар ногиронлиги бўлган шахснинг бир кунлик харажатини қоплашга ажратиладиган субсидиянинг миқдори;

ЯКС — ҳисобот ойида ҳар бир ногиронлиги бўлган шахснинг ҳақиқатда «Мадад» уйлари хизматида яшаган кунлари сони.

Бунда вилоятлар марказлари, Тошкент ва Нукус шаҳарларида «Мадад» уйлари хизматини ташкил этган хусусий шерикка ажратиладиган субсидиянинг ойлик миқдори КҲУҚТХС = КҲУҚТХ *1,1 * ЯКС формуласи орқали ҳисоб-китоб қилинади.

38. Хусусий шерикка тўланадиган субсидияни ҳисоблаш ҳар бир ногиронлиги бўлган шахс тўғрисидаги маълумотлар ахборот модулига киритилган куннинг кейинги иш кунидан бошланади.

Бунда субсидиянинг миқдори «Мадад» уйлари хизматига қабул қилинган ногиронлиги бўлган шахсларнинг ҳақиқатда яшаган кунлари сонидан келиб чиққан ҳолда ахборот модули орқали автоматик равишда ҳисобланади.

39. Субсидия ҳисобот ойи давомида «Мадад» уйлари хизматидан камида 3 нафар ногиронлиги бўлган шахс фойдаланган тақдирда, ушбу шахсларнинг ҳақиқатда яшаган кунлари бўйича ажратилади.

Бунда бир ой давомида «Мадад» уйлари хизмати кўрсатилган ногиронлиги бўлган шахсларнинг энг кам сонини аниқлашда, ушбу ойнинг камида учдан бир қисми давомида давомати белгиланган шахслар инобатга олинади.

40. «Мадад» уйлари хизматига қабул қилинган ногиронлиги бўлган шахсларнинг ҳақиқий давоматининг ҳисоби махсус қурилмалар ёрдамида жисмоний шахсни биометрик идентификация қилиш технологияси орқали юритилади.

40 1 . Ушбу бобда назарда тутилган ногиронлиги бўлган шахсларнинг давоматини биометрик идентификация қилиш, давоматни ҳисобга олиш ва шу билан боғлиқ тартиблар фақат мазкур Низомнинг 4-бобида назарда тутилган «Мадад» уйларида ташкил этиладиган «Ижтимоий таътил» қисқа муддатли жойлаштириш хизматига нисбатан татбиқ этилади.

41. Биометрик идентификация қилиш жараёни «Мадад» уйлари хизматининг раҳбари ёки ходимлари томонидан махсус қурилмалар ёрдамида ушбу ташкилотнинг жойлашуви (геолокацияси) ҳисобга олинган ҳолда ҳар куни бир маротаба амалга оширилади.

42. Субсидиянинг ойлик суммалари автоматик равишда ахборот модулида қайд этилган ногиронлиги бўлган шахсларнинг давомати асосида ҳисобланади ҳамда ушбу Низомга иловага мувофиқ намунадаги буюртманома шаклланади.

Бунда «Мадад» уйлари хизматининг битимда кўрсатилган манзилидан (жойлашуви бўйича геолокацияси) бошқа жойда қайд этилган ногиронлиги бўлган шахсларнинг давомати ахборот модулида ҳисобга олинмайди.

43. Махсус қурилмалардан Интернет жаҳон ахборот тармоғисиз (оффлайн режимда) фойдаланилган ҳолларда ногиронлиги бўлган шахслар давомати бўйича қайд этилган маълумотлар хусусий шерик томонидан ҳисобот ойидан кейинги ойнинг 5-санасидан кечикмасдан Интернет жаҳон ахборот тармоғига уланган ҳолда (онлайн режимда) оффлайн режимда киритилган маълумотларни ахборот модулига узатилишини (янгиланишини) таъминлайди.

Ахборот модулига маълумотлар ўз вақтида тақдим этилмаганда, шу жумладан, ушбу банднинг биринчи хатбошисида назарда тутилган тартибда узатилишини (янгиланишини) таъминламаганда хусусий шерикка субсидия ҳисобланмайди ва тўланмайди.

44. Ахборот модулида ҳисобланган субсидиянинг тўлов қайдномаси ва тўлов топшириқномаси ҳисобот ойидан кейинги ойнинг 10-санасига қадар шакллантирилади ва Жамғарманинг махсус ғазна ҳисобварағидан икки иш куни ичида Иқтисодиёт ва молия вазирлигининг ахборот тизимлари орқали хусусий шерикнинг тижорат банкдаги ҳисобварағига автоматик равишда ўтказилади.

45. Хусусий шерик ахборот модулига ногиронлиги бўлган шахслар тўғрисида киритилган маълумотларнинг тўғрилиги ва ҳаққонийлиги бўйича жавобгар ҳисобланади.

46. Хусусий шерик томонидан бир ногиронлиги бўлган шахснинг маълумотлари ахборот модулига киритилиб, унинг фотосурати ўрнига бошқа шахснинг фотосурати ушбу ахборот модулига жойлаштирилганлиги ва унинг асосида давомат белгилаб келинаётганлиги аниқланганда мазкур ҳолат аниқланган ойдан бошлаб уч ой давомида мазкур ногиронлиги бўлган шахс учун субсидия ҳисобланмайди ва тўланмайди.

Бундай ҳолат такроран аниқланганда, ушбу хусусий шерик билан тузилган битим давлат шериги томонидан бир томонлама бекор қилинади ва қайта тузилмайди.

47. Техник ёки бошқа сабабларга кўра ҳисобот ойида ахборот модулида субсидиянинг ортиқча ёки кам ҳисобланганлиги аниқланганда, ҳисобот ойидан кейинги ойда ушбу субсидия тегишли суммалар қўшилган ёки камайтирилган ҳолда ҳисоб-китоб қилинади.

48. Енгиб бўлмайдиган куч (форс-мажор) ҳолатлари натижасида хусусий шерик томонидан ногиронлиги бўлган шахсларнинг давоматини ахборот модулига киритишнинг имконияти бўлмаган ҳолларда, ойлик давоматни белгилаш учун ахборот модулида қайд этилган ногиронлиги бўлган шахсларнинг сўнгги 5 кунликдаги ўртача давомат кўрсаткичи асосида ҳисоб-китоб қилинади ва тўлаб берилади.

Бунда хусусий шерик қонунчилик ҳужжатларига мувофиқ енгиб бўлмайдиган куч (форс-мажор) ҳолатлари юз берганлигини тасдиқловчи ваколатли орган томонидан бериладиган сертификатни тегишлилиги бўйича «Инсон» марказига тақдим этиши лозим.

49. Техник носозлик сабабли махсус қурилмалар ёрдамида ногиронлиги бўлган шахсларни биометрик идентификация қилиш имкони бўлмаган ҳолларда, хусусий шерик мазкур ҳолат юзасидан дарҳол ўша ҳудуддаги «Инсон» марказини хабардор қилади.

Бунда ногиронлиги бўлган шахсларнинг уч кундан ортиқ бўлмаган муддатдаги давомати «Инсон» маркази томонидан тўлдириладиган ногиронлиги бўлган шахсларнинг яшаш далолатномаси асосида амалга оширилади.

50. «Инсон» маркази техник носозлик сабабли тўлдирилган ногиронлиги бўлган шахсларнинг яшаш далолатномасини ҳисобот ойидан кейинги ойнинг 5-санасидан кечикмасдан ахборот модулига киритиш учун тегишли ҳудудий бошқармага тақдим этади.

4-боб. «Мадад» уйларида «Ижтимоий таътил» қисқа муддатли жойлаштириш хизматини ташкил этиш ва уларга ногиронлиги бўлган шахсларни жойлаштириш тартиби

51. «Ижтимоий таътил» қисқа муддатли жойлаштириш хизмати (кейинги ўринларда — қисқа муддатли жойлаштириш хизмати) «Мадад» уйларида хусусий шерикка тегишли бўлган бино-иншоотларда ташкил этилади.

52. Қисқа муддатли жойлаштириш хизматига қуйидаги ташхисларнинг бири қўйилган ногиронлиги бўлган шахслар «Мадад» уйларида бўш ўринлар бўлганда жойлаштирилади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73);

деменция (F00.0-G30, F02.0, F02.1, F02.2, F02.3, F03).

53. Қисқа муддатли жойлаштириш хизматига Ижтимоий-психиатрик-тиббий комиссия томонидан қонунчиликда белгиланган тартибда ўтказилган ижтимоий-психиатрик-тиббий текширув натижаларига асосан қисқа муддатли жойлаштириш хизматига йўналтирилган ногиронлиги бўлган шахслар бир календарь йили давомида ўн тўрт кундан кўп бўлмаган муддатга қабул қилинади.

Бунда ногиронлиги бўлган шахснинг қисқа муддатли жойлаштириш хизматидан бир календарь йили давомида ўн тўрт кундан кўп бўлмаган муддатда фойдаланилган қисми Ижтимоий ҳимоя давлат жамғармасидан субсидия шаклида қоплаб берилади.

54. Ногиронлиги бўлган шахслар қисқа муддатли жойлаштириш хизматига мазкур Низомнинг 53-бандида кўрсатилган муддатга қабул қилинганда, уларга кўрсатилган қисқа муддатли жойлаштириш хизматининг ҳар бир куни учун хусусий шерикка мазкур Низомнинг 5-бобида белгиланган тартибда базавий ҳисоблаш миқдорининг 53 фоизи миқдорида, 2027 йил 1 январдан бошлаб эса базавий ҳисоблаш миқдорининг 46 фоизи миқдорида Ижтимоий ҳимоя давлат жамғармасидан субсидия ажратилади.

Бунда ногиронлиги бўлган шахсларнинг қонуний вакилларига қисқа муддатли жойлаштириш хизматидан мазкур Низомнинг 53-бандида кўрсатилган муддатни тенг иккига бўлган ҳолда фойдаланиш имконияти тақдим қилинади.

55. Қисқа муддатли жойлаштириш хизматига йўналтиришга берилган хулоса асосида ногиронлиги бўлган шахснинг қонуний вакили «Инсон» марказига мурожаат қилади.

Бунда «Инсон» маркази ногиронлиги бўлган шахсни унинг қонуний вакили танлови асосида хусусий шерикни хабардор қилган ҳолда ахборот модули орқали уч иш куни ичида қисқа муддатли жойлаштириш хизматига бириктиради.

56. Қисқа муддатли жойлаштириш хизмати хусусий шерик, ҳудудий бошқарма ва ногиронлиги бўлган шахснинг қонуний вакили ўртасида имзоланадиган шартномага мувофиқ шартномада белгиланган муддатда, бироқ кўпи билан икки ҳафта муддатга кўрсатилади.

Бунда шартноманинг намунавий шакли Агентлик томонидан тасдиқланади.

Хусусий шерик ва ногиронлиги бўлган шахснинг қонуний вакили ўртасида имзоланадиган шартномага мувофиқ бир календарь йили давомида бир ойдан кўп бўлмаган муддатга қисқа муддатли жойлаштириш хизмати ҳақ эвазига кўрсатилиши мумкин.

57. Мазкур Низомнинг 56-бандида назарда тутилган шартномада белгиланган муддат тугайдиган кунда ногиронлиги бўлган шахслар қонуний вакиллари томонидан олиб кетилиши лозим.

Бунда ногиронлиги бўлган шахслар қонуний вакиллари томонидан олиб кетилмаган ҳолларда хусусий шерик, «Инсон» маркази билан биргаликда уларни қисқа муддатли жойлаштириш хизматидан чиқариш ҳамда қонуний вакилига қайтариш чораларини кўради.

5-боб. Якунловчи қоидалар

58. «Мадад» уйлари хизматини бошқариш уни ташкил этган хусусий шерик томонидан амалга оширилади.

59. «Мадад» уйлари хизматини ташкил этиш, хусусий шерик билан битим тузиш, «Мадад» уйлари хизматига ногиронлиги бўлган шахсларни қабул қилиш ҳамда чиқариш жараёнлари «Инсон» маркази, ҳудудий бошқарма ва Агентлик ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази томонидан доимий равишда мониторинг қилиб борилади. Бунда мониторинг жараёнида:

аниқланган техник хато ва камчиликларни уч иш куни ичида бартараф этиш тўғрисида хусусий шерикка ахборот модули орқали хабарнома юборилади;

мазкур Низом талабларига лозим даражада риоя этилмаётганлиги ёки Низом талаблари бузилганлиги аниқланган ҳолларда Ижтимоий инспекция ахборот модули орқали дарҳол хабардор қилинади.

60. Ушбу Низом талабларига риоя этилиши Ижтимоий инспекция ҳамда унинг Қорақалпоғистон Республикаси, вилоятлар ва Тошкент шаҳри бошқармалари томонидан назорат қилиб борилади.

61. Хусусий шерик билан тузилган битим ҳудудий бошқарма томонидан қуйидаги ҳолларда бир томонлама бекор қилинади:

«Мадад» уйлари хизмати томонидан бир ногиронлиги бўлган шахснинг маълумотлари ахборот модулига киритилиб, унинг фотосурати ўрнига бошқа ногиронлиги бўлган шахснинг фотосурати ушбу ахборот модулига жойлаштирилганлиги ва унинг асосида давомати белгиланиб келинаётганлиги такроран аниқланганда;

ЯТТ бўлган хусусий шерик озодликдан маҳрум этилганда, бедарак йўқолган деб топилганда ёки вафот этганида (вафот этган деб эълон қилинганда);

хусусий шерик — юридик шахс фаолияти тугатилганда;

хусусий шерик қонунчилик ҳужжатларида белгиланган тартибда тўловга қобилиятсиз деб топилганда;

хусусий шерик ушбу Низом ҳамда битимда кўрсатилган ўз мажбуриятларини бажармаган тақдирда.

62. «Мадад» уйлари хизматини ташкил этган хусусий шерик томонидан ҳудудий бошқарма билан тузилган битимга ўзгартириш ва қўшимчалар киритиш ёки уни бекор қилиш юзасидан ариза ахборот модулига электрон шаклда юборилади.

63. Битим муддатини узайтириш бўйича ариза хусусий шерик томонидан амалдаги битим муддати тугашидан камида бир ой олдин ахборот модули орқали электрон шаклда юборилади.

64. Битим муддатини узайтириш, фаолият манзилини ўзгартириш, «Мадад» уйлари хизмати қувватини камайтириш ёки ошириш ушбу Низомда белгиланган тартибда амалга оширилади.

65. Битимни бекор қилиш бўйича ариза тарафлар томонидан электрон шаклда ахборот модулига киритилади. Бунда аризага электрон рақамли имзо қўйилган битимни бекор қилиш бўйича қўшимча келишув илова қилинади.

Битимни бекор қилиш бўйича ариза ахборот модулига киритилган кундан бошлаб уч иш кунида тарафлар томонидан кўриб чиқилиши лозим.

66. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Кичик ҳажмли «Мадад» уйлари хизматини ташкил этиш тартиби тўғрисидаги низомга ИЛОВА

НАМУНА 20___ йил __________ ойи учун «__________» ижтимоий хизматга қабул қилинган ҳар бир шахс учун субсидия олишга БУЮРТМАНОМА Юридик шахс СТИРи, якка тартибдаги тадбиркор биометрик паспорт маълумоти __________________________________________________ Ҳудуд номи __________________________________________________ Туман (шаҳар) номи __________________________________________________ МФЙ номи __________________________________________________ Уй рақами __________________________________________________ Т/р Хизматдан фойдаланувчи тўғрисида маълумотлар Ҳисобот ойида Ф.И.О. Туғилган санаси Биометрик паспорт (идентификацияловчи ID-карта) серияси ва рақами Хизматдан фойдаланувчининг ижтимоий хизматга қатнаган кунлари сони Субсидиянинг қатъий кунлик миқдори Хизматдан фойдаланувчи учун ажратиладиган ва тўланадиган субсидия суммаси (4 уст*5 уст) а 1 2 3 4 5 6 1. 2. ... ЖАМИ: Х Х

Вазирлар Маҳкамасининг 2026 йил 21 майдаги 271-сон қарорига 8-ИЛОВА

Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги Ногиронлиги бўлган шахсларга ижтимоий хизматлар кўрсатилишини мувофиқлаштириш маркази ходимларининг

Лавозим номи Бирликлар сони Марказ директори 1 Ҳудудларда ижтимоий хизматларни ташкил этиш ва мувофиқлаштириш бўлими Бўлим бошлиғи 1 Бўлим бош мутахассиси 2 Ижтимоий хизматларни мониторинг қилиш ва ривожлантириш бўлими Бўлим бошлиғи 1 Бўлим бош мутахассиси 2 Ижтимоий хизматларни методик таъминлаш бўлими Бўлим бошлиғи 1 Бўлим бош мутахассиси 1 Жами: 9

Вазирлар Маҳкамасининг 2026 йил 21 майдаги 271-сон қарорига 9-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2005 йил 21 декабрдаги 276-сон қарори билан тасдиқланган Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлаш тартиби ва шартлари тўғрисидаги низомнинг 8-бандида :

а) ўзбек тилидаги матнда иккинчи хатбошиси «кичик ҳамшираларга» сўзларидан кейин «, ногиронлиги бўлган болалар учун «Ғамхўрлик» марказлари санитарка энагаларига» сўзлари билан тўлдирилсин;

б) рус тилидаги матнда иккинчи хатбошиси қуйидаги таҳрирда баён этилсин:

«Младшим сестрам по уходу за больными, работающим в реанимационных отделениях (отделениях интенсивной терапии) районных больниц и специализированных клиник, санитаркам-няням центров «Ғамхўрлик» для детей с инвалидностью, присваивается 2-й разряд по тарифной сетке».

2. Вазирлар Маҳкамасининг 2011 йил 25 майдаги 146-сон қарори билан тасдиқланган Ер участкалари эгалари, фойдаланувчилари, ижарачилари ва мулкдорларига етказилган зарарлар, қишлоқ хўжалиги ва ўрмон хўжалиги ишлаб чиқариши нобудгарчиликларига, шунингдек, ерларнинг қишлоқ хўжалиги муомаласидан чиқишига сабаб бўлган ҳолларда етказилган зарар ўрнини қоплаш тартиби тўғрисидаги низом 18-бандининг еттинчи хатбошисидаги ««Мурувват» уйлари» сўзлари ««Ғамхўрлик» марказлари» сўзлари билан алмаштирилсин.

3. Вазирлар Маҳкамасининг ««Соғлом авлод учун» ҳукуматга қарашли бўлмаган халқаро хайрия фондини қўллаб-қувватлашга доир қўшимча чора-тадбирлар тўғрисида» 2014 йил 30 январдаги 20-сон қарорида :

1-банднинг тўртинчи хатбошисидаги ««Мурувват» интернат уйларида» сўзлари ««Ғамхўрлик» марказларида» сўзлари билан алмаштирилсин;

5-илова 8-бандининг олтинчи хатбошисидаги ««Мурувват» интернат уйларида» сўзлари ««Ғамхўрлик» марказларида» сўзлари билан алмаштирилсин.

4. Вазирлар Маҳкамасининг 2015 йил 10 мартдаги 53-сон қарори билан тасдиқланган Туристларнинг айрим тоифаларига пуллик хизматлар кўрсатишда имтиёзлар бериш тартибининг рус тилидаги матнида:

а) 4-банднинг саккизинчи хатбошиси қуйидаги таҳрирда баён этилсин:

«воспитанники домов «Меҳрибонлик» и лица, помещенные в центры «Ғамхўрлик»»;

б) 6-банднинг иккинчи хатбошиси қуйидаги таҳрирда баён этилсин:

«для участников и инвалидов Второй мировой войны, лиц, приравненных к ним, участников трудового фронта Второй мировой войны, для опекаемых в Центрах социальной поддержки, воспитанников домов «Меҳрибонлик», а также для лиц, помещенных в центры «Ғамхўрлик» — в размере 100% от установленного тарифа»;

в) 7-банднинг тўртинчи хатбошиси қуйидаги таҳрирда баён этилсин:

«для воспитанников домов «Меҳрибонлик» и лиц, помещенных в центры «Ғамхўрлик» — паспорт или иной документ, подтверждающий личность и справка соответствующего образовательного или медико-социального учреждения».

5. Вазирлар Маҳкамасининг 2015 йил 30 сентябрдаги 278-сон қарори билан тасдиқланган Ўрмондан фойдаланганлик учун тўловлар миқдорини ва уларни ундиришни тартибга солиш тўғрисидаги низом 12-бандининг тўртинчи хатбошиси қуйидаги таҳрирда баён этилсин:

«Меҳрибонлик» уйлари тарбияланувчилари ва «Ғамхўрлик» марказларига жойлаштирилган шахслар».

6. Вазирлар Маҳкамасининг ««Мурувват» интернат уйлари ва Ижтимоий қўллаб-қувватлаш марказларида яшайдиган ногиронлиги бўлган шахслар ва кексаларни ижтимоий қўллаб-қувватлашни янада кучайтириш чора-тадбирлари тўғрисида» 2017 йил 3 июлдаги 455-сон қарорида :

а) номидаги , муқаддимадаги , 2-банднинг учинчи хатбошисидаги , 5-банддаги , 7-банднинг иккинчи хатбошисидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин;

б) 2-банднинг биринчи хатбошиси қуйидаги таҳрирда баён этилсин:

«2. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) ҳузурида «Ғамхўрлик» марказлари ва Ижтимоий қўллаб-қувватлаш марказлари фаолиятини такомиллаштириш бўйича эксперт кенгаши ташкил этилсин»;

в) 3-банд қуйидаги таҳрирда баён этилсин:

«3. Белгилаб қўйилсинки, Эксперт кенгаши Агентлик ҳузуридаги «Ғамхўрлик» марказлари ва Ижтимоий қўллаб-қувватлаш марказларини қўллаб-қувватлаш жамғармаси (кейинги ўринларда — Жамғарма)ни бошқарувчи орган ҳисобланади»;

г) 3-илованинг номидаги , 1-бандидаги , 2-бандидаги , 4-банднинг иккинчи , тўртинчи ва бешинчи хатбошиларидаги , 6-бандидаги , 7-бандидаги , 8-бандидаги , 9-бандидаги , 10-бандидаги , 13-банднинг учинчи хатбошисидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин.

7. Вазирлар Маҳкамасининг 2018 йил 8 январдаги 13-сон қарори билан тасдиқланган Айрим муҳофаза этиладиган табиий ҳудудларда бўлиш учун тўловлар ундириш тартиби тўғрисидаги низомда :

а) 5-банднинг саккизинчи хатбошиси қуйидаги таҳрирда баён этилсин:

««Меҳрибонлик» уйлари тарбияланувчилари ва «Ғамхўрлик» марказларида жойлаштирилган шахслар»;

б) 10-банднинг биринчи хатбошисидаги «Меҳрибонлик», «Мурувват» интернат уйлари,» сўзлари «Меҳрибонлик» уйлари, «Ғамхўрлик» марказлари» сўзлари билан алмаштирилсин;

в) 11-банднинг тўртинчи хатбошиси қуйидаги таҳрирда баён этилсин:

««Меҳрибонлик» уйи тарбияланувчилари ва «Ғамхўрлик» марказларида жойлаштирилган шахслар учун — тегишли таълим ёки тиббий-ижтимоий муассаса маълумотномаси ёхуд муассаса раҳбари томонидан тасдиқланган ташриф буюрувчилар рўйхати».

8. Вазирлар Маҳкамасининг 2018 йил 26 апрелдаги 309-сон қарори билан тасдиқланган Ички ишлар органларининг муайян яшаш жойига эга бўлмаган шахсларни реабилитация қилиш марказлари тўғрисидаги низомнинг 10-банди «в» кичик бандининг еттинчи хатбошисидаги ва 44-бандининг учинчи хатбошисидаги ««Мурувват» ногиронлиги бўлган шахслар учун интернат уйларига» сўзлари «Ногиронлиги бўлган шахслар учун «Ғамхўрлик» марказларига» сўзлари билан алмаштирилсин.

9. Вазирлар Маҳкамасининг «Грипп юқтириш ва унинг оғир асоратларини бошидан ўтказиш хавфи юқори бўлган аҳоли ўртасида гриппнинг олдини олиш чора-тадбирлари тўғрисида» 2018 йил 23 июлдаги 567-сон қарорининг 2-бандидаги , 3-бандидаги , 4-бандининг иккинчи хатбошисидаги , иловасининг 6-бандидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин.

10. Вазирлар Маҳкамасининг 2018 йил 10 августдаги 646-сон қарори билан тасдиқланган Суюлтирилган углеводород газини аҳоли учун белгиланган нархлар бўйича истеъмол қилувчи ижтимоий соҳа объектлари рўйхатининг 7-бандидаги ««Мурувват» интернат-уйлари» сўзлари ««Ғамхўрлик» марказлари» сўзлари билан алмаштирилсин.

11. Вазирлар Маҳкамасининг 2019 йил 13 майдаги 391-сон қарори билан тасдиқланган Реабилитация марказига эга давлат кўп тармоқли ихтисослаштирилган мактабгача таълим ташкилоти тўғрисидаги низомда :

а) 9-банддаги «Ўзбекистон Республикаси Мактабгача таълим вазирлиги» сўзлари «Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)» сўзлари билан алмаштирилсин;

б) 13-банддаги «Ўзбекистон Республикаси Мактабгача таълим вазирлиги» сўзлари «Агентлик» сўзи билан алмаштирилсин;

в) 14-банднинг иккинчи хатбошисидаги «Қорақалпоғистон Республикаси мактабгача таълим вазирлиги, вилоят мактабгача таълим бошқармалари, Тошкент шаҳар мактабгача таълим бош бошқармаси» сўзлари «Агентликнинг Қорақалпоғистон Республикаси, вилоятлар ва Тошкент шаҳар бошқармалари» сўзлари билан алмаштирилсин;

г) 27-банднинг еттинчи хатбошиси «мактаб ёшига» сўзларидан олдин «боланинг» сўзи билан тўлдирилсин;

д) 29-банд «давлат талабларига мувофиқ» сўзларидан кейин «Агентлик билан келишилган ҳолда» сўзлари билан тўлдирилсин;

е) 45-банд «тиббиёт ва педагог ходимлари» сўзларидан кейин «болаларнинг қонуний вакиллари билан тузиладиган шартномада назарда тутилган талаб ва шартлар асосида» сўзлари билан тўлдирилсин;

ж) 47-банднинг биринчи хатбошиси қуйидаги таҳрирда баён этилсин:

«47. Ихтисослаштирилган мактабгача ташкилотнинг тарбияланувчиларидан ташқари реабилитация маркази мазкур ихтисослаштирилган мактабгача ташкилотнинг тиббий-психологик-педагогик кенгаши кўрсатмасига кўра 2 ёшдан 18 ёшгача ногиронлиги бўлган болаларни мазкур Низомнинг иловасида кўрсатилган тиббий кўрсатмалар асосида амбулатор шароитида қабул қилади ва реабилитация тадбирларини ўтказади»;

з) 59-банддаги «Ўзбекистон Республикаси Мактабгача таълим вазирлиги» сўзлари «Агентлик» сўзи билан алмаштирилсин;

и) 62-банд қуйидаги таҳрирда баён этилсин:

«62. Ихтисослаштирилган мактабгача ташкилотда болаларни сақлаш учун ота-оналар тўлови ундирилмайди, бундан болаларнинг қонуний вакиллари билан тузилган шартномада назарда тутилган ҳолатлар мустасно»;

к) 70-банднинг олтинчи хатбошисидаги «Мактабгача таълим ҳудудий бошқарув органларига» сўзлари «Агентликнинг Қорақалпоғистон Республикаси, вилоятлар ва Тошкент шаҳар бошқармаларига» сўзлари билан алмаштирилсин;

л) 71-банддаги «Ўзбекистон Республикаси Мактабгача таълим вазирлиги» сўзлари «Агентлик» сўзи билан алмаштирилсин;

м) 72-банддаги «Ўзбекистон Республикаси мактабгача таълим вазири» сўзлари «Агентлик директори» сўзлари билан алмаштирилсин;

н) 75-банддаги «Ўзбекистон Республикаси Мактабгача таълим вазирлиги» сўзлари «Агентлик» сўзи билан алмаштирилсин;

о) 77-банднинг иккинчи , учинчи ва тўртинчи хатбошиларидаги «мактабгача таълим ҳудудий бошқарув органи ва Ўзбекистон Республикаси Мактабгача таълим вазирлиги» сўзлари «Агентлик» сўзи билан алмаштирилсин;

п) қуйидаги мазмундаги илова билан тўлдирилсин:

«Реабилитация марказига эга давлат кўп тармоқли ихтисослаштирилган мактабгача таълим ташкилоти тўғрисидаги низомга ИЛОВА

Реабилитация марказига қабул қилиш учун асос бўладиган тиббий кўрсатмалар

Касаллик номи Халқаро Касалликлар Таснифи (ХКТ-10) Руҳий ривожланишдаги нуқсонлар (3 ёшдан) Психологик ривожланишнинг аралаш специфик бузилишлари F83 Болалар аутизми F84.0 Атипик аутизм F84.1 Ретта синдроми F84.2 Ақлий заифлик ва стереотип ҳаракатлар билан бирга F84.4 Болалик ёшидаги бошқа дезинтегратив бузилиш F84.3 Аспергер синдроми F84.5 Ривожланишнинг бошқа умумий бузилишлари F84.8 Ақлий ривожланишдаги нуқсонлар (3 ёшдан) Енгил даражадаги ақлий заифлик F70 Мўътадил ақлий заифлик F71 Оғир даражадаги ақлий заифлик F72 Нутқдаги нуқсонлар (3 ёшдан) Экспрессив нутқнинг бузилиши (нутқ ривожланишининг биринчи ва иккинчи даражали мотор алалияси) F80.1 Рецептив нутқнинг бузилиши (сенсор алалия) F80.2 Ринолалия (нутқ аппаратининг коррекция бўйича операциялардан кейинги ҳолат) R49.2 Ўртача ва оғир даражадаги дудуқлик F98.5 Дизартрия (марказий нерв тизимининг органик шикастланиши билан) R47.1 Кўришида нуқсонлар (2 ёшдан): Кўзи ожизлик (амовроз) Н54.1 Туғма нуқсонлар Q11 Микрофтальм Микрокорнеа Анофтальм Ретинобластома C69.2 Колобома Q13.0 Q12.2 Q10.3 Q14.2 Q14.8 Преретинопатия (чала туғилган болалар ретинопатияси) Н35.1 Кўриш нервининг атрофияси Н47.2 Кўриш нерви диск ва макуласининг оғир даражадаги гипоплазияси Q14.2 Альбинизм Е70.3 Аниридия Q13.1 Катаракта Н26.0 Марказий зонада тўлиқ ёки қисман хиралашиш Н26.0 Артифакия Н27.0 Афакия (кўз гавҳари йўқлиги) Q12.3 Н27.0 Кўз гавҳари силжиши (жойи ўзгариши) Q12.1 Н27.1 Кўз гавҳарининг чиқиши Н27.1 Глаукома (туғма, иккиламчи) Н40 — 42 Туғма миопиянинг ўрта, юқори даражаси Н52.1 Гиперметропиянинг ўрта юқори даражаси Н52.0 Тўр парда ажралиши, унинг ёрилиши ёки йиртилишлари Н33 Нистагм Н55 Эшитишида нуқсонлар (2 ёшдан) Кохлеар имплантациядан кейин Н90.3 KI Нейросенсор эшитиш заифлигининг II даражаси (эшитишнинг 41 — 55 дб гача пасайиши), (қулоқни протезлаш) Н90.3 II даража Нейросенсор эшитиш заифлигининг III даражаси (эшитишнинг 56 — 70 дб гача пасайиши), (қулоқни протезлаш) Н90.3 III даража Нейросенсор эшитиш заифлигининг IV даражаси (эшитишнинг 91 дб гача пасайиши) Н90.3 IV даража Карлик ёки кар-соқовлик (эшитишнинг 91 дб дан ортиқ пасайиши) Н90.3 Кар Таянч-ҳаракат аппарати нуқсонлари (2 ёшдан) Кўкрак қафасининг 2, 3 ва 4 даражали гирдобсимон деформацияси Q67.6 Кўкрак қафасининг 2,3 ва 4 даражали қилсимон деформацияси Q67.7 Артрогрипоз Q74.3 Бошқа неврологик патологиялар оқибатида ортопедик деформациялари; туғма ва ирсий касалликлар (Даун синдроми, Шерешев-Тернер синдроми, Клайнфельтер синдроми, спинал амиотрофиялар, Корнеллии-де Ланге синдроми, Вильямс синдроми, Прадера-Вилли синдроми, Нунан синдроми) Q90 Q96 Q98 G12 Q87.1 Спина бифида (таянч-ҳаракат аппарати бузилган ҳолда Q05 Остеомиелит асоратлари (жарроҳлик муолажасидан кейинги ҳолатлар) М86 Ўрта, оғир туғма маймоқлик Q66.0 Q66.1 Q66.4 Қўл ва оёқларда жароҳатдан кейинги бўғимлар оғир даражадаги контрактураси M24.5 Ортопедиядаги суяк скелетининг тизим касалликлари (ахондроплазия, дисхондроплазия, хондродистрофия) Q77.4 Туғма сон суяги чиқиши S73.0 Аниқланмаган оёқ-қўл(лар) туғма аномалиялари (туғма ривожланиш аномалияси оқибатида ампутацион чўлтоқлик (таянч-ҳаракат функционал етишмовчилигига олиб келадиган) Q74.9 Кўпинча марказий нерв системасини шикастлантирувчи, систем атрофиялар (G10-G13) (2 ёшдан) Гентитгтон касаллиги G10 Ирсий атаксия Истисно қилинган: болалар церебрал фалажи G11 Модда алмашинуви бузилишлари, ирсий ва идиопатик невропатия (G80.-) (E70-E90) 433 (G60.-) Туғма прогрессияга мойил бўлмаган атаксия G11.0 ДНК репарацияси бузилишига эга мияча атаксияси Истисно қилинган: пигментли ксеродермия (Q82.1) Коккейн синдроми (Q87.1) G11.3 Ирсий спастик параплегия G11.4 Бошқа ирсий атаксия G11.8 Аниқланмаган ирсий атаксия G11.9 Спинал мушак атрофияси ва унга яқин синдромлар G12 Бошқа ирсий спинал мушак атрофиялари G12.1 Ҳаракатлантирувчи неврон касаллиги G12.2 Бошқа спинал мушак атрофиялари ва унга яқин синдромлар G12.8 Аниқланмаган спинал мушак атрофияси G12.9 Бошқа рукнларда таснифланган касалликларда, асосан марказий нерв системасини шикастлантирувчи, систем атрофиялар G13* Паранеопластик невромиопатия ва невропатия G13.0* Ўсма касалликларда, асосан марказий нерв системага таъсир кўрсатадиган, бошқа систем атрофиялар G13.1* Мекседемадаги, асосан марказий нерв системага таъсир кўрсатадиган, систем атрофия (E00.1+, E03.- +) G13.2* Бошқа рукнларда таснифланган, бўлак касалликларда, асосан марказий нерв системага таъсир кўрсатадиган, систем атрофия G13.8 Экстрапирамид ва бошқа ҳаракатлар бузилишлари(G20-G26) (2 ёшдан) Галлерворден-Шпатц касаллиги G23.0 [Стил-Pичардсон-Oльшевский] прогрессияга мойил ядро усти офтальмоплегияси G23.1 Стриатониграл дегенерация G23.2 Базал ганглийларнинг бошқа аниқланган дегенератив касалликлари G23.8 Базал ганглийлар аниқланмаган дегенератив касаллиги G23.9 Дистония Киритилган: дискинезия Истисно қилинган: атетоидли церебрал паралич (G80.3) G24 Дори воситалар келтириб чиқарган, дистония G24.0 Идиопатик оилавий дистония G24.1 Идиопатик оилавий бўлмаган дистония G24.2 Спастик бўйин қийшиқлиги Истисно қилинган: бўйин қийшиқлиги ҚРА (M43.6) G24.3 Идиопатик оғиз-юз дистонияси G24.4 Блефароспазм G24.5 Бошқа дистониялар G24.8 Аниқланмаган дистония G24.9 Бошқа экстрапирамид ва ҳаракатланиш бузилишлари G25 Эссенциал тремор Истисно қилинган: тремор ҚРА (R25.1) G25.0 Дори восита келтириб чиқарган, тремор G25.1 Бошқа аниқланган тремор турлари G25.2 Миоклонус Истисно қилинган: юз миокимияси (G51.4) миоклоник эпилепсия (G40.) G25.3 Дори восита келтириб чиқарган, хорея G25.4 Хореянинг бошқа турлари Истисно қилинган: ревматик хорея (I02.-) юракни жалб этган хорея ҚРА (I02.0) Гентингтон хореяси (G10) Сиденхем хореяси (I02.-) G25.5 Дори воситалар келтириб чиқарган ва бошқа органик генезли тиклар Истисно қилинган: 53.де ла Туретт синдроми (F95.2) тик ҚРА (F95.9) G25.6 Бошқа аниқланган экстрапирамид ва ҳаракатланиш бузилишлари G25.8 Аниқланмаган экстрапирамид ва ҳаракатланиш бузилиши G26* Бошқа рукнларда таснифланган касалликларда экстрапирамид ва ҳаракатланиш бузилишлари G25.9 Идиопатик оилавий дистония G24.1 Идиопатик оилавий бўлмаган дистония G24.2 Спастик бўйин қийшиқлиги Истисно қилинган: бўйин қийшиқлиги ҚРА (M43.6) G24.3 Модда алмашинуви касалликлари (2 ёшдан): Глюкозаминогликанлар алмашинуви бузилишлари E76 Мукополисахаридоз, I тип E76.0 Мукополисахаридоз, E76.1 Классик фенилкетонурия II тип E70.0 Бошқа рукнларда таснифланган касалликлардаги, энцефалит, миелит ва энцефаломиелит (9.Киритилган: бошқа рукнларда таснифланган касалликлардаги менингоэнцефалит ва менингомие) G05 Бошқа рукнларда таснифланган бактериал касалликлардаги, энцефалит, миелит ва энцефаломиелит G05.0 Бошқа рукнларда таснифланган вирусли касалликлардаги, энцефалит, миелит ва энцефаломиелит G05.1 Бошқа рукнларда таснифланган бошқа инфекцион ва паразитар касалликлардаги, энцефалит, миелит ва энцефаломиелит G05.8 ».

12. Вазирлар Маҳкамасининг 2019 йил 27 сентябрдаги 816-сон қарори билан тасдиқланган «Кексалар маслаҳати» гуруҳлари тўғрисидаги намунавий низомнинг 8-банди ўн тўртинчи хатбошисидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин.

13. Вазирлар Маҳкамасининг «Олий таълим муассасалари талабаларига тўланадиган стипендиялар миқдорларини белгилаш ҳамда стипендиялар тайинлаш ва тўлаш тартибини такомиллаштириш чора-тадбирлари тўғрисида» 2020 йил 31 январдаги 59-сон қарорида :

а) 4-бандда :

қуйидаги мазмундаги бешинчи хатбоши билан тўлдирилсин:

«стипендиялар 2027 йил 1 январга қадар нақд пул шаклида ёки банк карталари, шу жумладан, ижтимоий карта орқали, 2027 йил 1 январдан бошлаб эса фақат ижтимоий карта орқали тўланади»;

бешинчи хатбоши олтинчи хатбоши деб ҳисоблансин;

б) 1-илованинг 10 2 -бандида :

қуйидаги мазмундаги саккизинчи хатбоши билан тўлдирилсин:

«Талаба-қизларга махсус стипендия мазкур банднинг бешинчи — еттинчи хатбошиларида назарда тутилган миқдордаги пул маблағларини нақд пулсиз шаклда уларнинг ижтимоий карталарига ўтказиш йўли билан тўланади»;

саккизинчи — ўн биринчи хатбошилар тегишлича тўққизинчи — ўн иккинчи хатбошилар деб ҳисоблансин.

14. Вазирлар Маҳкамасининг 2020 йил 9 ноябрдаги 698-сон қарори билан тасдиқланган Жиззах вилоятининг Зомин туманида маҳалла фуқаролар йиғинлари фаолиятини такомиллаштириш юзасидан чора-тадбирларнинг 6-позициясида:

а) «Чора-тадбирлар номи» устунидаги ««Саховат» кекса ва ногиронлар учун интернат уйида» сўзлари «ногиронлиги бўлган шахслар учун аёллар «Ғамхўрлик» марказида» сўзлари билан алмаштирилсин;

б) «Амалга ошириш механизми» устунининг 1 — 3-бандларидаги ««Мурувват уйи»да» сўзлари «Зомин ногиронлиги бўлган шахслар учун аёллар «Ғамхўрлик» марказида» сўзлари билан алмаштирилсин.

15. Вазирлар Маҳкамасининг «Етим болалар ва ота-онасининг ёки бошқа қонуний вакилларининг қарамоғидан маҳрум бўлган болаларнинг ижтимоий ҳимоясини янада кучайтириш чора-тадбирлари тўғрисида» 2020 йил 21 ноябрдаги 739-сон қарорида :

а) 2-банднинг учинчи хатбошиси қуйидаги таҳрирда баён этилсин:

«тўлиқ давлат таъминоти пул нафақалари ҳамда озиқ-овқат маҳсулотлари, кийим-бош, пойабзал ва бошқа буюмлар, шунингдек, транспортда юриш тўловидан иборат бўлади. Бунда таълим муассасаларида таълим олаётган тўлиқ давлат таъминотида бўлган етим болалар ва ота-онасининг ёки бошқа қонуний вакилларининг қарамоғидан маҳрум бўлган болаларга пул нафақалари 2026 йил 1 декабрга қадар нақд пул шаклида ёки банк карталари, шу жумладан ижтимоий карта орқали, 2026 йил 1 декабрдан бошлаб эса фақат ижтимоий карта орқали тўланади»;

б) 1-иловада :

4-банднинг биринчи хатбошисидаги «транспортда юриш карточкаларидан» сўзлари «транспортда юриш тўловидан» сўзлари билан алмаштирилсин;

5-банд қуйидаги таҳрирда баён этилсин:

«5. Агар ўқувчи (талаба)нинг яшаш жойи у таълим олаётган таълим муассасаси жойлашган жойдан 3 километрдан ортиқ масофани ташкил этса, ўқувчи (талаба)лар транспортда юриш тўловлари билан таъминланади»;

2-бобнинг номидаги «транспортда юриш карточкалари» сўзлари «транспортда юриш тўловини» сўзлари билан алмаштирилсин;

9-банддаги , 11 — 14-бандлардаги , 16-банднинг биринчи ва иккинчи хатбошиларидаги , 17 ва 19-бандлардаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

23-банд қуйидаги таҳрирда баён этилсин:

«23. Ўқувчи (талаба)га ижтимоий таъминот ёрдамини бериш уларнинг ижтимоий картасига пул ўтказиш орқали амалга оширилади»;

25-банд қуйидаги мазмундаги иккинчи хатбоши билан тўлдирилсин:

«Ижтимоий таъминот ёрдами ўқувчи (талаба)ларнинг ижтимоий карталарига пул ўтказиш орқали берилганда тарқатиш қайдномасига уларнинг имзосини қўйдириш талаб этилмайди»;

5-боб номидаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

27 — 30-бандлар қуйидаги таҳрирда баён этилсин:

«27. Транспортда юриш тўлови умумий фойдаланиладиган транспортда йўловчи ташиш учун йўлкира ҳақини тўлашнинг автоматлаштирилган тизими жорий этилган ҳудудларда ойлик тариф режалари асосида ўқувчи (талаба)нинг ижтимоий картаси орқали амалга оширилади. Бунда ижтимоий картада транспорт карта функциясини фаоллаштириш бепул амалга оширилади.

Агар ўқувчи (талаба) ўқийдиган туман (шаҳар)да ёки аҳоли пунктида бу турдаги автоматлаштирилган тизим бўлмаса, у ҳолда уларга жамоат транспортида юришлари учун тегишли ойлик тариф режаси миқдоридаги пул маблағи ўқувчи (талаба)нинг ижтимоий картасига пул ўтказиш орқали берилади.

28. Транспортда юриш тўлови муассасаларнинг харажатлар сметасига ажратилган маблағлар ҳисобидан амалга оширилади.

29. Транспортда юриш тўлови муассасалар томонидан ўқувчи (талаба)нинг ижтимоий картасига пул ўтказиш йўли билан ўқиш даврида тариф амал қиладиган ойдан олдинги ой тугашига камида икки кун қолганида амалга оширилади.

30. Транспортда юриш тўлови ўқиш даври учун амалга оширилади»;

33-банд қуйидаги таҳрирда баён этилсин:

«33. Битирув нафақаси ҳар йили 1 сентябргача битирувчининг ижтимоий картасига пул ўтказиш орқали берилади.

Ўқишдан четлаштирилган талабаларга битирув нафақаси мазкур Низомнинг 14-бандининг «г» кичик бандида назарда тутилган ҳужжатларни тақдим этган кундан эътиборан уч ой ичида унинг ижтимоий картасига пул ўтказиш орқали берилади»;

34-банд қуйидаги мазмундаги иккинчи хатбоши билан тўлдирилсин:

«Битирув нафақаси ўқувчи (талаба)ларнинг ижтимоий карталарига пул ўтказиш орқали берилганда тарқатиш қайдномасига уларнинг имзосини қўйдириш талаб этилмайди»;

35 4 -банд қуйидаги таҳрирда баён этилсин:

«35 4 . Ўқув, илмий ва бадиий адабиётлар (китоблар) харид қилиш учун тегишли маблағлар ўқувчи (талаба)нинг ижтимоий картасига пул ўтказиш орқали берилади»;

7-боб номидаги ва 36-37-бандлардаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

38-банд қуйидаги таҳрирда баён этилсин:

«38. Ижтимоий таъминот ёрдами, транспортда юриш тўлови ҳамда битирув нафақалари учун сарфланадиган маблағларнинг бухгалтерия ҳисоби ва ҳисоботи тегишли таълим муассасасининг бухгалтерияси томонидан амалга оширилади»;

39-банд қуйидаги таҳрирда баён этилсин:

«39. Муассасалар томонидан ҳар ўқув йили якунида ушбу Низомга 5-иловага мувофиқ шакл бўйича ҳисобот тайёрланади ҳамда иқтисодиёт ва молия органларига тақдим этилади.

Иқтисодиёт ва молия органлари томонидан ушбу ҳисоботлар асосида Ўзбекистон Республикаси Иқтисодиёт ва молия вазирлигига ҳисобот тақдим этилади»;

40-банддаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

41-банд қуйидаги таҳрирда баён этилсин:

«41. Муассасаларнинг ижтимоий таъминот ёрдами, транспортда юриш тўлови ҳамда битирув нафақаларини тўлаш билан боғлиқ фаолиятини назорат қилиш Давлат молиявий назорати инспекциясининг ҳудудий бўлинмалари томонидан амалга оширилади»;

42-банд қуйидаги таҳрирда баён этилсин;

«42. Шахсий жавобгарлик:

таълим муассасаси томонидан ижтимоий таъминот ёрдами, транспортда юриш тўловлари ҳамда битирув нафақаларини асосли тайинлаш ва тўлаш тартибига риоя қилинганлиги ва молиявий ҳисоботларнинг тўғрилиги бўйича ишчи гуруҳ раҳбарига;

ижтимоий таъминот ёрдами, транспортда юриш тўловлари ҳамда битирув нафақалари учун ажратилган маблағларнинг муассасаларга ўз вақтида ва тўлиқ ўтказиб берилиши бўйича иқтисодиёт ва молия органи раҳбарига;

таълим муассасаси томонидан ижтимоий таъминот ёрдами, транспортда юриш тўловлари ҳамда битирув нафақаларининг ўз вақтида ва тўлиқ тўлаб берилиши бўйича муассаса раҳбари ва бош бухгалтерга юклатилади»;

1-илованинг изоҳ қисми 2-бандидаги «нақд пул берилади» сўзлари «ўқувчи (талаба)ларнинг ижтимоий карталарига ўтказилади ёки нақд пул шаклида берилади» сўзлари билан алмаштирилсин;

3-илованинг номидаги ва 1 — 3-босқичлари «Тадбирлар» устунидаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

4-илованинг номидаги ва жадвалидаги «транспортда юриш карточкалари» сўзлари «транспортда юриш тўлови» сўзлари билан алмаштирилсин;

5-илованинг номидаги, 2 — 4 ва 6-7-позицияларнинг «Ижтимоий таъминот ёрдами тури» устунидаги «транспортда юриш карточкалари» сўзлари «транспортда юриш тўлови» сўзлари билан алмаштирилсин.

16. Вазирлар Маҳкамасининг 2021 йил 18 июндаги 380-сон қарори билан тасдиқланган Фуқаролар йиғинининг комиссиялари тўғрисидаги намунавий низом 6-бандининг еттинчи хатбошисидаги ««Меҳрибонлик» ва «Мурувват» уйларига» сўзлари ««Меҳрибонлик» уйлари ва «Ғамхўрлик» марказларига» сўзлари билан алмаштирилсин.

17. Вазирлар Маҳкамасининг 2021 йил 12 октябрдаги 638-сон қарори билан тасдиқланган Алоҳида таълим эҳтиёжлари бўлган болалар учун давлат ихтисослаштирилган таълим муассасалари тўғрисидаги низомда :

а) 1 ва 2-иловаларнинг илова белгисидаги «Жисмоний, ақлий, сенсор ёки руҳий нуқсонлари» сўзлари «Алоҳида таълим эҳтиёжлари» сўзлари билан алмаштирилсин;

б) 2-илованинг 1-бандининг учинчи хатбошисидаги , 2-бандидаги , 3-бандидаги , 4-бандидаги , 3-бобнинг номидаги , 13-бандидаги , 14-бандидаги , 15-бандидаги , 16-бандининг учинчи ва тўртинчи хатбошиларидаги , 18-бандидаги , 20-бандининг биринчи хатбошисидаги тегишли келишикдаги ««Мурувват» интернат уйи» сўзлари тегишли келишикдаги ««Ғамхўрлик» маркази» сўзлари билан алмаштирилсин.

18. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомда :

а) 2-илованинг 9-позицияси учинчи устуни қуйидаги мазмундаги «а 1 » кичик банд билан тўлдирилсин:

«а 1 ) нодавлат таълим хизматлари кўрсатиладиган бино ва хоналарни онлайн трансляция қилиш ҳамда болаларнинг ота-оналари (уларнинг ўрнини босувчи шахслар) томонидан онлайн кузатиш имкониятига эга бўлган, овоз ёзиш мосламалик ички ва ташқи камералар билан таъминлаш.

Бунда видеоёзув қайдлари камида олти ойгача сақлаб борилади*»;

б) 28-илованинг 10-позицияси учинчи устуни қуйидаги таҳрирда баён этилсин:

«а) Санитария-эпидемиологик осойишталик ва жамоат саломатлиги қўмитаси, Солиқ қўмитаси ва «Зарур амалиётлар маркази» ДМ. Бунда ушбу ваколатли органлар ариза тушган кундан бошлаб 5 иш куни ичида, тезлаштирилган тартибда тақдим этилган аризалар бўйича 3 иш куни ичида тегишли келишувни лицензияловчи органга тақдим этишлари лозим;

б) Қурилиш ва уй-жой коммунал хўжалиги соҳасида назорат қилиш инспекцияси томонидан объектда шаҳарсозлик норма ва қоидаларида белгиланган талабларга мувофиқ ногиронлиги бўлган шахслар учун тўсиқларсиз муҳит яратилганлиги тўғрисидаги хулоса (5 иш куни ичида)».

19. Вазирлар Маҳкамасининг 2022 йил 25 февралдаги 88-сон қарори билан тасдиқланган Фаолиятни бошлаш ёки тугатиш учун ваколатли органни хабардор қилиш тартиби тўғрисида ягона низомга 17-илованинг 9-позицияси учинчи устуни қуйидаги мазмундаги «ж» кичик банд билан тўлдирилсин:

«ж) бинолар ва хоналар онлайн трансляция қилиш ҳамда болаларнинг ота-оналари (уларнинг ўрнини босувчи шахслар) томонидан онлайн кузатиш имкониятига эга бўлган, овоз ёзиш мосламалик ички ва ташқи камералар билан таъминланган бўлиши.

Бунда видеоёзув қайдлари камида олти ойгача сақлаб борилади*».

20. Вазирлар Маҳкамасининг 2022 йил 8 июлдаги 373-сон қарори билан тасдиқланган Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низом қуйидаги мазмундаги 30 13 -банд билан тўлдирилсин:

«30 13 . Дастурлар доирасида «давлат таъминотидаги оила» тоифасидаги оилалар учун тижорат банклари орқали 4 йилгача муддатга базавий ҳисоблаш миқдорининг 75 бараваригача миқдорда кредит оиланинг меҳнатга лаёқатли аъзоларининг бандлигини таъминлаш, тадбиркорлик фаолиятини бошлаш ёки кенгайтириш, шу жумладан, чорва моллари, парранда, қуён, балиқ ва асалари уяси, кўчма дўконлар (food truck), мотороллер, скутер ва бошқа асосий воситаларни сотиб олиш ёки иссиқхона қуриш учун ажратилади. Бунда:

кредит бир йиллик имтиёзли давр билан «давлат таъминотидаги оила» тоифасидаги оила аъзосининг ижтимоий картасига ўтказилади;

тадбиркорлик фаолиятини бошлаш учун зарур бўлган чорва моллари, парранда, қуён, балиқ ва асалари уяси, кўчма дўконлар (food truck), мотороллер, скутер ва бошқа асосий воситаларни кредит ҳисобидан олишда ҳоким ёрдамчиси ва маҳалла банкири кўмаклашади ҳамда лойиҳа даромадга киргунча ушбу оилага ҳамроҳлик қилади;

кредит фоиз ставкаси дастурлар доирасидаги фоиз ставкасида ҳисобланади;

тижорат банклари томонидан қарз олувчиларга ажратиладиган кредитлар бўйича муддати ўтган қарздорликлар учун оширилган ва (ёки) қўшимча фоизлар ҳамда неустойка (жарима, пеня) ҳисобланмайди;

ҳисобланган фоиз бўйича устама ҳақи миқдори ҳар ойнинг якуни билан, тижорат банклари томонидан ажратиладиган кредит ва унга ҳисобланадиган фоизлар бўйича кейинги ойнинг 5-санасига қадар Камбағалликни қисқартириш давлат мақсадли жамғармасига рўйхат тақдим этилади;

ҳисобланган фоизлар тақдим этилган рўйхат асосида ҳисобот ойининг 10-санасига қадар Камбағалликни қисқартириш давлат мақсадли жамғармаси маблағлари ҳисобидан тижорат банкларига (ушбу банднинг тўртинчи хатбошисига мувофиқ муддати ўтган қарздорликлар юзасидан оширилган ва (ёки) қўшимча фоизлар ҳамда неустойка (жарима ва пенялар) ҳисобланмайди, шунингдек, Камбағалликни қисқартириш давлат мақсадли жамғармасидан қоплаб берилмайди) қоплаб берилади».

21. Вазирлар Маҳкамасининг 2022 йил 22 августдаги 464-сон қарори билан тасдиқланган Давлат ўрмон фондига кирмайдиган дарахтлар ва буталарни экиш, парвариш қилиш ҳамда улардан фойдаланиш тартиби тўғрисидаги низом 40-бандининг учинчи хатбошисидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин.

22. Вазирлар Маҳкамасининг «Давлат пенсияларини тайинлаш ва тўлаш тартиби тўғрисидаги низомни тасдиқлаш ҳақида» 2022 йил 13 октябрдаги 592-сон қарорида :

а) қуйидаги мазмундаги 2 2 -банд билан тўлдирилсин:

«2 2 . Белгилансинки, 2026 йил 1 декабрдан бошлаб пенсия олувчиларга ўз хоҳишига кўра ёшга доир, ногиронлик ва боқувчисини йўқотганлиги бўйича пенсияларни ижтимоий карта орқали олиш ҳуқуқи берилади»;

б) 1-иловада :

140-банднинг иккинчи хатбошиси «банк картасига» сўзларидан кейин «ёки ижтимоий картасига» сўзлари билан тўлдирилсин;

141-бандда :

биринчи хатбошидаги «банк пластик карточкалари» сўзлари «банк карталари ва ижтимоий карталари» сўзлари билан алмаштирилсин;

иккинчи хатбоши қуйидаги таҳрирда баён этилсин:

«Ҳақиқатда молиялаштирилган маблағлар тўлов топшириқномаси ва қайднома электрон шаклда тақдим этилган кундан бошлаб кейинги иш кунидан кечиктирмасдан хизмат кўрсатувчи тижорат банки филиали томонидан пенсионер учун очилган 22617 — «Пенсионерларнинг банк карталари бўйича мажбуриятлари» ҳисобварағига ва ижтимоий карта бўйича уни эмиссия қилган тижорат банки филиали томонидан жисмоний шахс учун очилган 22618 — «Жисмоний шахсларнинг банк карталари бўйича мажбуриятлари» ҳисобварағига кирим қилинади»;

146-банд қуйидаги таҳрирда баён этилсин:

«146. Тижорат банки филиаллари ҳар ойда пенсионерларнинг банк карталарига ва ижтимоий карталарига маблағлар ўз вақтида кирим қилинишини таъминлаши лозим.

Пенсионернинг банк карталарига ёки ижтимоий картасига маблағлар кирим қилинган сана пенсия тўланган сана деб ҳисобланади.

Бунда пенсионер вафот этган ойда, жумладан пенсия ва бошқа тўловлар тўланиши керак бўлган ойнинг биринчи санаси узоқ муддатли дам олиш ёки байрам кунларига тўғри келиши сабабли келгуси ой учун муддатидан аввал унинг банк картасига ёки ижтимоий картасига кирим қилинган маблағлар Пенсия жамғармасига қайтарилмайди.

Пенсионернинг банк картасига ёки ижтимоий картасига маблағлар пенсионер вафот этган ойдан кейинги ойларда кирим қилинган ҳолларда Пенсия жамғармаси бўлимлари маблағларни Пенсия жамғармаси ҳисобварағига вафот этган пенсионернинг ҳисобварағидаги қолдиқ маблағлар ҳисобидан қайтариш тўғрисида тегишли тижорат банклари филиалларига расмий хат юбориш орқали қайтариш чораларини кўради»;

162-банднинг иккинчи хатбошисидаги «банк пластик картасига» сўзлари «банк картасига ёки ижтимоий картасига» сўзлари билан алмаштирилсин;

180-бандининг тўртинчи хатбошисидаги ««Мурувват» интернат уйларида» сўзлари ««Ғамхўрлик» марказларида» сўзлари билан алмаштирилсин;

22-иловадаги «тижорат банкининг пластик (банк) картаси,» сўзлари «банк картаси, ижтимоий карта,» сўзлари билан алмаштирилсин.

23. Вазирлар Маҳкамасининг «Ижтимоий ҳимояга муҳтож айрим тоифадаги шахсларга нафақа ва моддий ёрдамларни тайинлаш ҳамда тўлаш тартиби тўғрисидаги низомларни тасдиқлаш ва ушбу соҳага замонавий ахборот технологияларини кенг жорий этиш орқали давлат хизмати сифатини оширишга доир қўшимча чора-тадбирлар ҳақида» 2023 йил 23 мартдаги 119-сон қарорида :

а) қуйидаги мазмундаги 2 1 -банд билан тўлдирилсин:

«2 1 . Ёшга доир нафақа, ногиронлик нафақаси, ёлғиз кексалар ва ногиронлиги бўлган шахслар учун ҳар ойлик моддий ёрдам, ногиронлиги бўлган 18 ёшгача болаларга ногиронлик нафақалари, парваришлаш ва боқувчисини йўқотганлик нафақаси 2027 йил 1 январдан бошлаб фақат ижтимоий карта орқали тўланади»;

б) 1-иловада :

2-бандда :

қуйидаги мазмундаги учинчи хатбоши билан тўлдирилсин:

«молиявий агент — нафақаларни уларни олувчиларнинг ижтимоий карталарига ўтказишга масъул бўлган Ўзбекистон Республикаси резиденти бўлган тижорат банки»;

учинчи — олтинчи хатбошилар тегишлича тўртинчи — еттинчи хатбошилар деб ҳисоблансин;

60-банднинг иккинчи хатбошисидаги «банк пластик картасига» сўзлари «банк картасига, шу жумладан, ижтимоий картасига» сўзлари билан алмаштирилсин;

71-банддаги ««Меҳрибонлик», «Мурувват» уйларига» сўзлари ««Меҳрибонлик» уйларига, «Ғамхўрлик» марказларига» сўзлари билан алмаштирилсин;

76-банднинг иккинчи хатбошисидаги «банк пластик картасига» сўзлари «банк картасига ёки ижтимоий картасига» сўзлари билан алмаштирилсин;

10-илова қуйидаги мазмундаги изоҳ қисми билан тўлдирилсин:

в) 2-иловада :

2-банд қуйидаги мазмундаги бешинчи хатбоши билан тўлдирилсин:

«молиявий агент — моддий ёрдамни уни олувчиларга тўлашга масъул бўлган Ўзбекистон Республикаси резиденти бўлган тижорат банки»;

бешинчи-олтинчи хатбошилар тегишлича олтинчи-еттинчи хатбошилар деб ҳисоблансин;

9-банднинг «в» кичик банди қуйидаги таҳрирда баён этилсин:

«в) ушбу Низомга мувофиқ тайинланган моддий ёрдамни тўлаш учун тўлов қайдномалари «Ягона миллий ижтимоий ҳимоя» ахборот тизими орқали ҳар ойнинг 4 санасига қадар молиявий агентга юборади ҳамда зарур маблағларни молиявий агентга ўтказиб беради»;

12-банд қуйидаги таҳрирда баён этилсин:

«12. Моддий ёрдам қонунчилик ҳужжатларида белгиланган тартиб ва муддатларда молиявий агент томонидан жорий тўлов ойидан кечикмай тўланади.

2027 йил 1 январдан бошлаб ижтимоий карта расмийлаштирилмаган Реестрга киритилган шахсга моддий ёрдам ижтимоий карта олингандан кейин бир йўла тўланади»;

14 1 -бандда :

иккинчи хатбошидаги «АТ «Халқ банки»» сўзлари «молиявий агент» сўзлари билан алмаштирилсин;

тўртинчи хатбошидаги ««Мурувват» интернат-уйлари» сўзлари ««Ғамхўрлик» марказлари» сўзлари билан алмаштирилсин;

қуйидаги мазмундаги бешинчи хатбоши билан тўлдирилсин:

«2027 йил 1 январдан бошлаб уч ойдан ортиқ вақт мобайнида ижтимоий карта очилмаганда»;

бешинчи — саккизинчи хатбошилар тегишлича олтинчи — тўққизинчи хатбошилар деб ҳисоблансин;

тўққизинчи хатбошидаги ««Мурувват» интернат-уйлари» сўзлари ««Ғамхўрлик» марказлари» сўзлари билан алмаштирилсин;

1-илованинг 3-босқичи «Механизм» устуни 1-бандидаги «АТ «Халқ банки»га» сўзлари «молиявий агентга» сўзлари билан алмаштирилсин.

24. Вазирлар Маҳкамасининг «Аҳолининг ижтимоий ҳимоя олиш ҳуқуқларини таъминлаш ҳамда давлат ижтимоий ёрдами ва хизматларини кўрсатишга доир қўшимча чора-тадбирлар тўғрисида» 2023 йил 14 октябрдаги 539-сон қарорида :

а) 1-илова 7 ва 13-позицияларининг «Кўрсатиладиган ижтимоий хизмат ва ёрдамлар» устунидаги ««Мурувват» интернат уйларига» сўзлари ««Ғамхўрлик» марказларига» сўзлари билан алмаштирилсин;

б) 5-иловада :

11 1 -позициясининг «Кўрсатиладиган ижтимоий хизматлар» устунидаги ««Мурувват» интернат уйларига» сўзлари ««Ғамхўрлик» марказларига» сўзлари билан алмаштирилсин;

қуйидаги мазмундаги 26-позиция билан тўлдирилсин:

« 26. Суднинг ҳал қилув қарори асосида алимент тўловларини ундириш Мажбурий ижро бюроси туман (шаҳар) бўлимлари Талабномани қабул қилиш, ахборот бериш ».

25. Вазирлар Маҳкамасининг 2023 йил 20 октябрдаги 550-сон қарори билан тасдиқланган Ўлимни қайд қилиш билан боғлиқ композит давлат хизматларини кўрсатишнинг маъмурий регламентида :

а) 2-банднинг «д» кичик банди қуйидаги таҳрирда баён этилсин:

«д) тижорат банки дафн этиш учун нафақа тўловини ўлим ҳақидаги гербли гувоҳнома ёки ўлим қайд этилгани ҳақида QR-код (матрик штрихли код) тасвири туширилган маълумотнома (ўлик туғилган бола учун туғилганлик ҳақидаги маълумотнома) асосида Ижтимоий ҳимоя миллий агентлигига электрон сўров юбориш орқали мурожаат қилган фуқаронинг нафақага бўлган ҳуқуқини тасдиқлаган ҳолда амалга оширади»;

б) 9 1 -банднинг олтинчи хатбошиси қуйидаги таҳрирда баён этилсин:

«Ариза берувчилар ФҲДЁ бўлими томонидан ўлим ҳақидаги гербли гувоҳнома ёки ўлим қайд этилгани ҳақида QR-код (матрик штрихли код) тасвири туширилган маълумотнома (ўлик туғилган бола учун туғилганлик ҳақидаги маълумотнома) ва шахсини тасдиқловчи ҳужжатларини кўрсатган ҳолда, ўлим ҳолати қайд қилингандан бошлаб 60 кун муддат ичида дафн этиш учун нафақа пулини олиш мақсадида тижорат банкининг исталган филиалига мурожаат қилиши мумкин»;

в) 10-банднинг биринчи ва иккинчи хатбошилари қуйидаги таҳрирда баён этилсин:

«Тижорат банки дафн этиш учун нафақа тўловини олиш мақсадида мурожаат қилган фуқаронинг нафақага бўлган ҳуқуқини ФҲДЁ бўлими томонидан ўлим ҳақидаги гербли гувоҳнома ёки ўлим қайд этилгани ҳақида QR-код (матрик штрихли код) тасвири туширилган маълумотнома (ўлик туғилган бола учун туғилганлик ҳақидаги маълумотнома) асосида Ижтимоий ҳимоя миллий агентлигига электрон сўров юбориш орқали тасдиқлайди ҳамда олдиндан молиялаштирилган маблағлар ҳисобидан нафақа тўловини амалга оширади.

Дафн этиш учун нафақа ФҲДЁ бўлими томонидан ўлим ҳақидаги гербли гувоҳнома ёки ўлим қайд этилгани ҳақида QR-код (матрик штрихли код) тасвири туширилган маълумотнома (ўлик туғилган бола учун туғилганлик ҳақидаги маълумотнома) берилган жисмоний шахсларга тўланади».

26. Вазирлар Маҳкамасининг 2023 йил 15 ноябрдаги 603-сон қарори билан тасдиқланган Таълим, тарбия, болалар соғломлаштириш, спорт ва ижодий ташкилотларда ишлаши ҳамда болалар билан бевосита ишлашни назарда тутувчи фаолият турлари билан шуғулланиши тақиқланган шахслар реестрини шакллантириш ва юритиш, шунингдек, ундан ахборот олиш тартиби тўғрисидаги низомнинг 12-бандида :

қуйидаги мазмундаги олтинчи хатбоши билан тўлдирилсин:

«Ўзбекистон Республикаси Президенти ҳузуридаги Ижтимоий ҳимоя миллий агентлиги ва унинг тизимидаги ташкилотлар»;

олтинчи — саккизинчи хатбошилар тегишлича еттинчи — тўққизинчи хатбошилар деб ҳисоблансин.

27. Вазирлар Маҳкамасининг «Ўзбекистон Республикаси Президенти ҳузуридаги Ижтимоий ҳимоя миллий агентлигининг Ижтимоий ҳимоя давлат жамғармаси фаолиятини ташкил этиш тўғрисида» 2023 йил 28 декабрдаги 687-сон қарорида :

а) 3-банднинг «а» кичик банд қуйидаги мазмундаги бешинчи хатбоши билан тўлдирилсин:

«фаолияти учун Марказ маблағлари ҳисобидан 1 та хизмат енгил автотранспорт воситасини сақлашга рухсат этилади»;

б) 1-илованинг 18-бандида :

иккинчи хатбошидаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин;

қирқ биринчи хатбоши қуйидаги таҳрирда баён этилсин:

«Агентлик, унинг ҳудудий бўлинмалари ва тизим ташкилотлари ходимларини қўллаб-қувватлаш (рағбатлантириш, шу жумладан ходимлар фаолиятининг самарадорлик кўрсаткичини (KPI) баҳолаш асосида рағбатлантириш, мукофотлаш, устамалар тўлаш, қайта тайёрлаш ва малака ошириш даври учун пуллик компенсация) ва ижтимоий ҳимоя қилиш, шунингдек мазкур мақсадлар учун Жамғармадан ажратилган пул маблағларидан ходимларга ҳисобланган ўртача ойлик иш ҳақидан келиб чиқадиган меҳнат таътили ва бошқа тўловларни ҳам тўлаш»;

эллик бешинчи хатбошиси «кичик ҳажмли болалар уйларини» сўзларидан кейин, «шунингдек, кичик ҳажмли ижтимоий кўмак марказларини» сўзлари билан тўлдирилсин;

в) 3-илованинг 5-бандида :

«а» кичик бандда :

биринчи хатбоши «2 300 та мурожаат» сўзларидан кейин «, шу жумладан, қабул қилинмаган қўнғироқлар» сўзлари билан тўлдирилсин;

иккинчи хатбоши «матнли мурожаатлар» сўзларидан кейин «, шу жумладан, қабул қилинмаган қўнғироқлар» сўзлари билан тўлдирилсин;

«б» кичик банднинг тўртинчи хатбошиси «матнли мурожаатлар» сўзларидан кейин «, шу жумладан қабул қилинмаган қўнғироқлар» сўзлари билан тўлдирилсин.

28. Вазирлар Маҳкамасининг «Алоҳида таълим эҳтиёжлари бўлган болаларнинг таълим олишларини ташкил этиш ва уларни реабилитация қилиш тизимини такомиллаштириш чора-тадбирлари тўғрисида» 2024 йил 25 январдаги 46-сон қарорида :

а) 3-бандда :

«а» кичик бандда :

иккинчи хатбоши қуйидаги таҳрирда баён этилсин:

«ПТПК хулосасини олиш учун боланинг ота-онаси ёки уларнинг ўрнини босувчи шахслар (кейинги ўринларда — қонуний вакиллар) яшаш жойидаги Ижтимоий ҳимоя миллий агентлигининг туман (шаҳар)лардаги «Инсон» ижтимоий хизматлар марказига ёки ҳудудга бириктирилган ижтимоий ходимга, 2026 йил 1 июндан бошлаб Давлат хизматлари маркази ёхуд Ўзбекистон Республикаси Ягона интерактив давлат хизматлари портали орқали мурожаат қилади»;

учинчи хатбошидаги «Электрон ҳукумат» сўзлари «Рақамли ҳукумат» сўзлари билан алмаштирилсин;

«б» кичик бандининг учинчи хатбошиси қуйидаги таҳрирда баён этилсин:

«ПТПК хулосаси асосида ПТПК котиби томонидан бола унинг қонуний вакиллари билан келишган ҳолда, тегишли таълим муассасасига йўналтирилади»;

б) қуйидаги мазмундаги 3 1 -банд билан тўлдирилсин:

«3 1 . Ижтимоий ҳимоя миллий агентлиги Рақамли технологиялар вазирлиги ва Адлия вазирлиги билан биргаликда 2026 йил 1 июнга қадар ПТПК хулосасини олиш учун Давлат хизматлари маркази ва Ўзбекистон Республикаси Ягона интерактив давлат хизматлари портали орқали мурожаатлар қабул қилиш ҳамда хизматлар кўрсатишнинг ҳар бир босқичида мурожаатлар кўриб чиқилишини кузатиб бориш тартибини жорий этсин»;

в) 6-банднинг иккинчи хатбошисидаги «50 фоизи» сўзлари «бир баравари» сўзлари билан алмаштирилсин;

г) 1-иловада :

1-банд «мактаб-интернатларга» сўзларидан кейин «, шунингдек, ижтимоий хизматларга» сўзлари билан тўлдирилсин;

3-бандда :

учинчи хатбошидаги «ихтисослаштирилган» сўзи «тегишли» сўзи билан алмаштирилсин;

қуйидаги мазмундаги бешинчи хатбоши билан тўлдирилсин:

«ногиронлиги бўлган болаларни ижтимоий хизматларга юбориш учун хулоса бериш»;

5-банддаги «ихтисослаштирилган» сўзи чиқариб ташлансин;

6-банд қуйидаги таҳрирда баён этилсин:

«1 ёшдан 18 ёшгача алоҳида таълим эҳтиёжлари бўлган болаларни комплекс психологик-тиббий-педагогик текширувдан ўтказиш ҳамда давлат таълим муассасаларига, шунингдек, ижтимоий хизматларга юбориш учун хулоса бериш ПТПКнинг асосий мақсади ҳисобланади»;

7-бандда :

иккинчи хатбоши «боланинг алоҳида таълимга» сўзларидан кейин «ҳамда ижтимоий хизматларга бўлган» сўзлари билан тўлдирилсин;

олтинчи хатбоши қуйидаги таҳрирда баён этилсин:

«боланинг алоҳида таълимга бўлган эҳтиёжлари асосида уни тегишли ихтисослаштирилган мактабгача таълим ташкилоти, қўшма турдаги мактабгача таълим ташкилотларидаги ихтисослаштирилган ва инклюзив гуруҳларига, ихтисослаштирилган мактаб ва мактаб-интернатларига, инклюзив шароитда таълим олиши учун умумтаълим ташкилотига ва умумий турдаги давлат мактабгача таълим ташкилотларига, ногиронлиги бўлган болалар учун «Ғамхўрлик» марказларига, имкониятлари чекланган шахслар учун ихтисослаштирилган махсус техникумларга, шунингдек, давлат-хусусий шериклик асосида ташкил этилган кундузги парвариш хизматига, Илк ривожланиш марказларининг «махсус мактабгача таълим хизмати» моделига, «Эрта аралашув» хизматига, узоқ муддат парваришга муҳтож болаларни уй шароитида қараб туриш хизматига ҳамда уй шароитларида якка тартибда таълим олишга юбориш учун хулоса беради»;

еттинчи хатбошидаги ««Мурувват» ногиронлиги бўлган болалар учун интернат уйларига» сўзлари «ногиронлиги бўлган болалар учун «Ғамхўрлик» марказларига» сўзлари билан алмаштирилсин;

13-банднинг биринчи хатбошисидаги «аризалар» сўзлари «сўровномалар» сўзлари билан алмаштирилсин»;

4-боб ва 1-параграфнинг номларидаги «Аризаларни қабул қилиш» сўзлари «Сўровномаларни кўриб чиқиш» сўзлари билан алмаштирилсин»;

20-банд қуйидаги таҳрирда баён этилсин:

«20. ПТПК хулосасини олиш учун қонуний вакиллар яшаш жойидаги «Инсон» ижтимоий хизматлар марказига ёки ҳудудга бириктирилган ижтимоий ходимга, 2026 йил 1 июндан бошлаб Давлат хизматлари маркази ёхуд Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади»;

қуйидаги мазмундаги 20 1 — 20 5 -бандлар билан тўлдирилсин:

«20 1 . Қонуний вакил ПТПК текширувидан ўтиш учун «Инсон» ижтимоий хизматлар маркази, ҳудудга бириктирилган ижтимоий ходим ёки Давлат хизматлари марказига ўзи келиб мурожаат этади ёхуд хизматдан электрон тарзда фойдаланиш учун ЯИДХПда рўйхатдан ўтади.

Сўровнома ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда сўровнома иш вақтидан кейин ёки дам олиш ва байрам кунлари тушганда, календарь бўйича навбатдаги иш куни ваколатли органга тушган ва улар томонидан қабул қилинган кун ҳисобланади.

Қонуний вакил ўзи келиб мурожаат этган тақдирда, «Инсон» ижтимоий хизматлар маркази ходими, ҳудудга бириктирилган ижтимоий ходим ёки Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса, қонуний вакил мустақил равишда ушбу Низомга 1а-иловага мувофиқ сўровномани электрон шаклда тўлдиради.

20 2 . Сўровномага қуйидаги ҳужжатлар PDF, PNG ёки JPEG форматда илова қилинади:

а) боланинг ўқиш жойидан таълим муддати, ўқув фанларини ўзлаштириши ва хулқ-атвори, болага якка тартибда кўмак бериш борасида амалга оширилган чора-тадбирларнинг батафсил таҳлили акс эттирилган маълумотнома ва тавсифнома (таълим муассасаларида ўқиган болалар учун);

б) даволаш-профилактика муассасасининг бош врачи томонидан имзоланган боланинг ривожланиши тарихидан батафсил кўчирма, қуйидаги мутахассисларнинг хулосалари билан бирга:

боланинг умумий ривожланиш ҳолати тўғрисидаги педиатр хулосаси;

психоневрологик марказнинг қонунчилик ҳужжатларида белгиланган тартибда тасдиқланган психоневролог хулосаси (фақат нутқий, руҳий ва ақлий ривожланишда нуқсонлари бўлган болалар учун);

отоларингологнинг хулосаси (фақат эшитишида оғир нуқсонлар бўлган болалар учун) ҳамда қулоқ, томоқ, бурун ва талаффуз артикуляциясида иштирок этувчи органларнинг ҳолатига тавсифи, нутқ ва шивирлаб айтилган гапни қабул қилиш ҳақидаги маълумотлар, аудиограмма маълумотлари;

офтальмологнинг хулосаси (фақат кўришида оғир нуқсонлар бўлган болалар учун) ҳамда ташхиснинг кенг изоҳи билан кўриш органларининг тавсифи;

ортопед-травматологнинг хулосаси (фақат таянч-ҳаракат аппаратида нуқсонлар бўлган болалар учун) ҳамда ташхиснинг кенг изоҳи билан рентгенологик тадқиқот маълумотлари;

дефектолог-логопеднинг хулосаси (фақат нутқида оғир нуқсонлар бўлган болалар учун) ҳамда тил тизимининг ҳар бир компоненти шаклланиш даражаси кўрсатилган ҳолда нутқ ривожи тавсифи;

в) болаларни ногиронлиги бўлган болалар учун «Ғамхўрлик» марказларига жойлаштиришга оид сўровномага мазкур банднинг «а» ва «б» кичик бандларида кўрсатилган ҳужжатларга қўшимча равишда мазкур Низомнинг 1б-иловасида кўрсатилган ҳужжатлар.

Қонуний вакилдан сўровномада кўрсатилмаган маълумотларни ҳамда бошқа ҳужжатларни талаб қилишга йўл қўйилмайди.

20 3 . Сўровномага зарур маълумотлар киритилгандан сўнг қонуний вакил маълумотларнинг тўғрилигини текширади ва имзоларни идентификация қилишнинг замонавий воситалари (дактилоскопия, электрон имзо, Mobile-ID ва бошқалар) билан тасдиқлайди.

Қонуний вакил ЯИДХП орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.

20 4 . ПТПК текширувини ўтказиш учун йиғим ундирилмайди.

20 5 . Қонуний вакил ПТПК текширувини ўтказишдан уни кўрсатишнинг ҳар қандай босқичида бош тортиш ҳуқуқига эга.

Қонуний вакил ПТПК текширувини ўтказишдан бош тортган тақдирда, унинг сўровномаси кўрмасдан қолдирилади»;

21-банд ўз кучини йўқотган деб ҳисоблансин;

22 — 24-бандлар қуйидаги таҳрирда баён этилсин:

«22. Сўровнома тўлдирилган вақтдан бошлаб ҳар бир бола бўйича шакллантирилган шахсий ҳужжатлар йиғмажилди автоматик равишда ПТПКга кўриб чиқиш учун йўналтирилади.

23. Мазкур Низомнинг 20 2 -бандида кўрсатилган ҳужжатлари шакллантирилган бола ПТПКнинг навбатдаги йиғилишида текширувдан ўтказилади.

24. ПТПК котиби шакллантирилган шахсий ҳужжатлар йиғмажилди асосида ҳар бир болани ПТПКнинг навбатдаги йиғилишига киритади»;

27-банддаги «20-бандида» сўзлари «20 2 -бандида» сўзлари билан алмаштирилсин;

30-бандда :

биринчи хатбошисидаги «2 ёшдан» сўзлари «1 ёшдан» сўзлари билан алмаштирилсин;

иккинчи хатбоши қуйидаги таҳрирда баён этилсин:

«Агарда бола жорий ўқув йили давомида 7 ёшга тўлса ёки ПТПК хулосасининг амал қилиш муддати жорий ўқув йили давомида тугаса, унинг ташкилотда қолиш муддати жорий ўқув йилининг 1 августига қадар амал қилади»;

бешинчи хатбошиси қуйидаги таҳрирда баён этилсин:

«Хулосада кўрсатилган боланинг таълим муассасасида бўлиш муддати тугаганидан кейин ушбу ташкилотда унинг бўлиш муддатини узайтириш ёки уни умумий турдаги таълим муассасасига (гуруҳ/синф) ўтказиш масаласи ПТПК томонидан мазкур Низомда белгиланган тартибда қайтадан текширувдан ўтказиш натижасида белгиланади. Бунда ПТПК хулосасининг амал қилиш муддати жорий ўқув йили давомида тугаса, боланинг ихтисослаштирилган мактаб, мактаб-интернатлар, умумтаълим муассасаларининг коррекцион ёки инклюзив синфда қолиш муддати жорий ўқув йили якунига қадар амал қилади»;

32-банднинг биринчи хатбошиси қуйидаги таҳрирда баён этилсин:

«32. Қуйидаги нуқсонлари мавжуд бўлган болаларга давлат мактабгача таълим ташкилотининг тўлиқ кунлик гуруҳларига юборишни рад этиш тўғрисидаги хулоса берилади»;

қуйидаги мазмундаги 35 1 — 35 5 -бандлар билан тўлдирилсин:

«35 1 . ПТПКнинг болаларни давлат-хусусий шериклик асосида ташкил этилган кундузги парвариш хизматига юбориш тўғрисидаги хулосаси ушбу Низомга 3а-иловада кўрсатилган тиббий кўрсатмалар бўйича берилади.

35 2 . ПТПКнинг болаларни ногиронлиги бўлган болалар учун «Ғамхўрлик» марказларига жойлаштириш тўғрисидаги хулосаси ногиронлиги бўлган болаларда қуйидаги ташхислардан бири бўлганида қабул қилинади:

мўътадил даражадаги ақлий заифлик (F71);

оғир даражадаги ақлий заифлик (F72);

чуқур даражадаги ақлий заифлик (F73).

35 3 . Болаларни ногиронлиги бўлган болалар учун «Ғамхўрлик» марказларига жойлаштиришга қуйидагилар қарши кўрсатмалар ҳисобланади:

тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик;

беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар;

улар билан касалланганда болани умумтаълим ёки ихтисослаштирилган таълим муассасаларида ўқитиш мумкин бўлган ҳар қандай руҳий касалликлар;

жараённинг фаол босқичидаги сил касаллиги;

юқумли тери ва соч касалликлари;

ўткир юқумли касалликлар;

салбий жараёндаги, ёмон ҳолатда ўтадиган шиш касалликлари ва рецидивлари;

таносил касалликлари.

35 4 . ПТПКнинг уч ёшгача бўлган болаларни «Эрта аралашув» хизматига юбориш тўғрисидаги хулосаси ушбу Низомга 4-иловада кўрсатилган тиббий кўрсатмалар бўйича берилади.

35 5 . ПТПКнинг узоқ муддат парваришга муҳтож болаларни уй шароитида қараб туриш хизматига юбориш тўғрисидаги хулосаси ушбу Низомга 5-иловада кўрсатилган тиббий кўрсатмалар бўйича берилади»;

37-банд қуйидаги таҳрирда баён этилсин:

«37. ПТПКнинг хулосаси асосида ПТПК котиби томонидан:

а) бола унинг қонуний вакиллари билан келишган ҳолда бир иш кунида тегишли ихтисослаштирилган мактабгача таълим ташкилоти, қўшма турдаги мактабгача таълим ташкилоти, инклюзив таълим гуруҳлари ташкил этилган умумий турдаги давлат мактабгача таълим ташкилоти, мактаб, мактаб-интернат ёки инклюзив таълим ташкил этилган умумтаълим муассасасига йўналтирилади ҳамда бу тўғрисида алоқа воситалари, шу жумладан, «SMS» хабарнома, электрон почта ҳамда Ягона интерактив давлат хизматлари портали орқали қонуний вакиллар хабардор қилинади;

б) ногиронлиги бўлган болаларни ногиронлиги бўлган болалар учун «Ғамхўрлик» марказларига жойлаштириш ёки уй шароитида қараб туриш хизматига йўналтиришга қаратилган ИПТКнинг хулосаси расмийлаштирилганда мазкур хулоса бир иш куни ичида ЯМИҲ АТ орқали ногиронлиги бўлган боланинг яшаш манзилидаги «Инсон» марказига юборилади ҳамда бу тўғрисида алоқа воситалари, шу жумладан, «SMS» хабарнома, электрон почта ҳамда Ягона интерактив давлат хизматлари портали орқали қонуний вакиллар хабардор қилинади.

Қонуний вакиллар хабарни олгандан сўнг, бола билан биргаликда тегишли таълим муассасасига ёки ногиронлиги бўлган болалар учун «Ғамхўрлик» марказларига ўн беш иш куни ичида келиши шарт»;

қуйидаги мазмундаги 37 1 -банд билан тўлдирилсин:

«37 1 . Қонуний вакиллар ўз хоҳишига кўра ўқув йили давомида ёки у тугаганидан сўнг болани бир инклюзив таълим ташкил этилган умумтаълим муассасасидан бошқа шу турдаги умумтаълим муассасасига ўтказиш ҳуқуқига эга.

Қонуний вакиллар болани бир инклюзив таълим ташкил этилган умумтаълим муассасасидан бошқа шу турдаги умумтаълим муассасасига ўтказиш учун унинг сабабларини кўрсатган ҳолда ушбу Низомда белгиланган тартибда мурожаат қилади. Бунда сўровномага иловалар талаб этилмайди.

Сўровнома илгари хулоса берилган ПТПК раиси томонидан икки иш кунида кўриб чиқилиб, хулосага тегишли ўзгартириш киритилади ва ушбу хулоса ўқишни давом эттириш учун танланган умумтаълим муассасасига йўналтирилади ҳамда бу тўғрисида «SMS» хабарнома юбориш орқали қонуний вакиллар хабардор қилинади.»;

1-илованинг матни қуйидаги таҳрирда баён этилсин:

«Психологик-тиббий-педагогик комиссиялар тўғрисидаги низомга 1-ИЛОВА

Алоҳида таълим эҳтиёжлари бўлган болаларни таълим муассасаларига йўллаш

Босқичлар Масъуллар Тадбирлар Муддат 1-босқич Боланинг ота-онаси ёки уларнинг ўрнини босувчи шахслар Психологик-тиббий-педагогик комиссия хулосасини олиш учун яшаш жойидаги «Инсон» ижтимоий хизматлар марказига ёки ҳудудга бириктирилган ижтимоий ходимга, Давлат хизматлари маркази ёхуд Ўзбекистон Республикаси Ягона интерактив давлат хизматлари портали орқали мурожаат қилади. Хоҳишига кўра 2-босқич 1. «Инсон» ижтимоий хизматлар марказлари, Давлат хизматлари маркази 1. Сўровномани тўлдириб, уни Психологик-тиббий-педагогик комиссияга йўналтиради. Автоматик равишда 2. ЯИДХП 2. Электрон тўлдирилган сўровнома Психологик-тиббий-педагогик комиссияга юборилади. 3-босқич Психологик-тиббий-педагогик комиссия котиби 1. Психологик-тиббий-педагогик комиссия хулосасини олиш учун номзод бола тўғрисидаги ҳужжатларни Психологик-тиббий-педагогик комиссиянинг навбатдаги йиғилишига киритиш. 1. Ҳужжатлар тақдим этилган куни 2. Психологик-тиббий-педагогик комиссиянинг йиғилиши вақти, санаси ва жойи тўғрисида боланинг ота-онаси ёки уларнинг ўрнини босувчи шахсларни хабардор қилиш. 2. ПТПК йиғилиши ўтказиладиган сана ҳақида камида уч кун олдин 4-босқич Психологик-тиббий-педагогик комиссия 1. Болани унинг индивидуал хусусиятлари, ёши, жинси, жисмоний ва руҳий ҳолатини ҳисобга олган ҳолда комплекс текширувдан ўтказиш. 1. 1 кун ичида 2. Текширув натижасида боланинг алоҳида таълимга бўлган эҳтиёжлари асосида тегишли таълим муассасаларига юбориш ёки юборишни рад этиш юзасидан хулоса берилади. 2. Текшириш давомида 3. ПТПК томонидан болаларни кўрикдан ўтказиш натижасида уларни таълим муассасасига юборишни рад этиш юзасидан хулоса берилган тақдирда, ушбу хулоса уч иш кунида қонуний вакилларга тақдим этилади. 3. Уч иш куни ичида 5-босқич Психологик-тиббий-педагогик комиссия котиби ПТПКнинг хулосаси асосида болани унинг қонуний вакиллари билан келишган ҳолда тегишли ихтисослаштирилган мактабгача таълим ташкилоти, қўшма турдаги мактабгача таълим ташкилоти, инклюзив таълим гуруҳлари ташкил этилган умумий турдаги давлат мактабгача таълим ташкилоти, мактаб, мактаб-интернат ёки инклюзив таълим ташкил этилган умумтаълим муассасасига йўналтирилади ва бу тўғрисида алоқа воситалари, шу жумладан, «SMS» хабарнома, электрон почта ҳамда Ягона интерактив давлат хизматлари портали орқали боланинг ота-онаси ёки уларнинг ўрнини босувчи шахсларни хабардор қилиш. Бир иш куни ичида »;

қуйидаги мазмундаги 1а-илова билан тўлдирилсин:

«Психологик-тиббий-педагогик комиссиялар тўғрисидаги низомга 1а-ИЛОВА

Психологик-тиббий-педагогик комиссия текширувидан ўтиш учун

I. Ариза берувчи — жисмоний шахс тўғрисида маълумот*: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Биометрик паспорт (идентификацияловчи ID-карта) серияси ва рақами: II. Алоҳида таълим эҳтиёжлари бўлган бола тўғрисида маълумот: 1. Фамилияси: 2. Исми: 3. Отасининг исми: 4. Жисмоний шахснинг шахсий идентификация рақами (ЖШШИР): 5. Туғилганлик ҳақида гувоҳнома серияси ва рақами: 6. Ногиронлик тўғрисидаги маълумотнома рақами ва санаси: 7. Ариза берувчининг қонуний вакиллигини асословчи маълумот: 8. Таълим ташкилоти:

қуйидаги мазмундаги 1б-илова билан тўлдирилсин:

«Психологик-тиббий-педагогик комиссиялар тўғрисидаги низомга 1б-ИЛОВА

«Ғамхўрлик» марказларига жойлаштириш учун талаб этиладиган ногиронлиги бўлган боланинг соғлиғи тўғрисидаги тиббий ҳужжатлар

1. Тиббий муассасадаги беморнинг тиббий картасидан кўчирма (амбулатор/стационар) 027-шакл.

2. Касаллик тарихидан кўчирма (Руҳий-асаб касалликлари шифохоналарида даволанаётган шахслар учун.

3. Қоннинг умумий таҳлили.

4. Сийдик умумий таҳлили.

5. Қоннинг РW (Вассерман реакцияси) таҳлили.

6. «В» ва «С» гепатитларнинг (НВсАг, НCВ) маркерларини аниқловчи қон таҳлили.

7. Қоннинг ОИВ билан зарарланиши тўғрисида таҳлили (ОИТСга қарши кураш марказидан).

8. Кўкрак қафаси аъзоларининг флюорографияси (текширилувчининг фамилияси, исми шарифи ҳамда текширувнинг тартиб рақами ва ўтказилган сана кўрсатилади).

9. Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Қорақалпоғистон Республикаси, вилоятлар ва Тошкент шаҳар филиаллари Тиббий-маслаҳат комиссияси хулосаси.

10. Силга қарши курашиш диспансери хулосаси.

11. Онкологик диспансер хулосаси.

12. Тери-таносил касалликлари диспансери хулосаси.

13. ОИТСга қарши кураш марказининг хулосаси.

2-илова қуйидаги таҳрирда баён этилсин:

«Психологик-тиббий-педагогик комиссиялар тўғрисидаги низомга 2-ИЛОВА

Психологик-тиббий-педагогик комиссия хулосасини бериш учун асос бўладиган тиббий кўрсатмалар (мактабгача таълим ташкилотлари учун)

Т/р Касаллик номи Халқаро Касалликлар Таснифи (ХКТ-10) Тавсия этилган мактабгача таълим ташкилотининг тури 1. Руҳий ривожланишдаги нуқсонлар: а) Психологик ривожланишнинг аралаш специфик бузилишлари F83 Кўп тармоқли ихтисослаштирилган, қўшма турдаги ҳамда инклюзив гуруҳларга эга мактабгача таълим ташкилоти б) Болалар аутизми F84.0 2. Ақлий ривожланишдаги нуқсонлар: а) Енгил даражадаги ақлий заифлик F70 Кўп тармоқли ихтисослаштирилган, қўшма турдаги ҳамда инклюзив гуруҳларга эга мактабгача таълим ташкилоти б) Мўътадил ақлий заифлик F71 Кўп тармоқли ихтисослаштирилган, қўшма турдаги ҳамда инклюзив гуруҳларга эга мактабгача таълим ташкилоти 3. Нутқдаги нуқсонлар: а) Экспрессив нутқнинг бузилиши (нутқ ривожланишининг биринчи даражали мотор алалияси) F80.1 Кўп тармоқли ихтисослаштирилган ҳамда инклюзив гуруҳларга эга мактабгача таълим ташкилоти б) Рецептив нутқнинг бузилиши (сенсор алалия) F80.2 в) Танглай ёриғи (бўри оғиз) Танглай ва лаб ёриғи (бўри оғиз қуён лаб билан) Очиқ манқалик ва ёпиқ манқалик (нутқ аппаратининг коррекция бўйича операциялардан кейинги ҳолат) Q35 Q37 R49.2 г) Ўртача ёки оғир даражадаги дудуқлик F98.5 д) Дизартрия (марказий нерв тизимининг органик шикастланиши билан) R47.1 е) Болалар афазияси F80.3 4. Кўришида нуқсонлар: а) Иккала кўзнинг кўрлиги Н54.0 Кўп тармоқли ихтисослаштирилган ҳамда қўшма турдаги мактабгача таълим ташкилоти б) Микрофтальм (иккала кўз-OU) Микрокорнеа (иккала кўз-OU) Анофтальм (иккала кўз-OU) Q11 Q13.4 в) Тўр пардасининг ривожланишидаги туғма нуқсонлар (иккала кўз-OU) Н33-35 г) Ретинобластома (иккала кўз-OU) C69.2 Н35.8 Бир кўзнинг кўрлиги, иккинчи кўз кўришининг пасайиши Н54.1 д) Колобома (иккала кўз-OU) Q13.0 Q12.2 Q10.3 Q14.2 Q14.8 е) Претинопатия (чала туғилган болалар ретинопатияси) (иккала кўз-OU) Н35.1 ж) Кўриш нервининг атрофияси (иккала кўз-OU) Н47.2 з) Кўриш нерви диск ва макуласининг оғир даражадаги гипоплазияси (иккала кўз-OU) Q14.2 и) Альбинизм Е70.3 к) Аниридия (иккала кўз-OU) Q13.1 л) Катаракта (иккала кўз-OU) Н26.0 Q12.0 м) Кўз гавҳарининг бошқа касалликлари Афакия ёки туғма афакия (иккала кўз-OU) Н27 Н27.0 Q12.3 н) Кўз гавҳари силжиши (иккала кўз-OU) Q12.1 о) кўз гавҳарининг чиқиши (иккала кўз-OU) Н27.1 п) Глаукома (туғма, иккиламчи) (иккала кўз-OU) Н40 — 42 р) Туғма миопиянинг юқори даражаси (иккала кўз-OU) Н52.1 с) Гиперметропиянинг юқори даражаси (иккала кўз-OU) Н52.0 т) Нистагм ва кўзнинг беихтиёр ҳаракатлари Н55 5. Эшитишида нуқсонлар: а) Отологик ва аудиологик имплантатларнинг борлиги (Кохлеар имплантациядан кейин) Н90.3 Z96.2 Инклюзив гуруҳларга эга мактабгача таълим ташкилоти. б) Икки томонлама нейросенсор карлик II даражаси (эшитишнинг 41 — 55 дб гача пасайиши), (қулоқни протезлаш) Н90.3 II даража в) Икки томонлама нейросенсор карлик III даражаси (эшитишнинг 56 — 70 дб гача пасайиши), (қулоқни протезлаш) Н90.3 III даража Кўп тармоқли ихтисослаштирилган, қўшма турдаги, инклюзив гуруҳларга эга мактабгача таълим ташкилоти. г) Икки томонлама нейросенсор карлик IV даражаси (эшитишнинг 71 — 90 дб гача пасайиши) (қулоқни протезлаш) Н90.3 IV даража д) Икки томонлама нейросенсор карлик IV даражаси (эшитишнинг 71 — 90 дб гача пасайиши) Н90.3 IV даража Кўп тармоқли ихтисослаштирилган ҳамда қўшма турдаги мактабгача таълим ташкилоти е) Икки томонлама нейросенсор карлик (Карлик ёки кар-соқовлик) (эшитишнинг 91 дб дан ортиқ пасайиши) Н90.3 кар 6. Таянч-ҳаракат аппарати нуқсонлари: а) 3 ёки 4 даражали сколиоз (туғма ва орттирилган) M41 Кўп тармоқли ихтисослаштирилган, қўшма турдаги ҳамда инклюзив гуруҳларга эга мактабгача таълим ташкилоти б) Кўкрак қафасининг 3 ёки 4 даражали гирдобсимон деформацияси Q67.6 в) Кўкрак қафасининг 3 ёки 4 даражали қилсимон деформацияси Q67.7 г) 3 ёки 4 даражали кифоз М40 д) Артрогрипоз (таянч-ҳаракат аппарати бузилган ҳолда) Q74.3 е) Болалар церебрал фалажи (БЦФ) (GMFCS классификациясига кўра 3 ёки 4 даража) G80 ж) Бошқа неврологик патологиялар оқибатида ортопедик деформациялари туғма ва ирсий касалликлар (Даун синдроми, Шерешевский-Тернер синдроми, Клайнфельтер синдроми, Корнеллии-де Ланге синдроми, Вильямс синдроми, Прадера-Вилли синдроми, Нунан синдроми) Q90 Q96 Q98 Q87.1 з) Цереброваскуляр касалликларининг оқибатлари+Бўшашган параплегия ёки Спастик параплегия (GMFCS классификациясига кўра 3 ёки 4 даража) I69.2+ G82.0/ G82.1 и) Спинал мушак атрофияси ва унга яқин синдромлар (GMFCS классификациясига кўра 3 ёки 4 даража) G12 к) Мушакларнинг бирламчи шикастланишлари (GMFCS классификациясига кўра 3 ёки 4 даража) G71 л) Параплегия ва тетраплегия (GMFCS классификациясига кўра 3 ёки 4 даража) G82 Гемиплегия (GMFCS классификациясига кўра 3 ёки 4 даража) G81 м) Spina bifida (GMFCS классификациясига кўра 3 ёки 4 даража) Q05 н) Остеомиелит асоратлари (жарроҳлик муолажасидан кейинги ҳолатлар) М86 о) Ортопедиядаги суяк скелетининг тизим касалликлари (ахондроплазия, дисхондроплазия, хондродистрофия) Q77.4 п) Болдир ва товоннинг туғма йўқлиги Q72.2 р) Товон ва товон панжаларининг туғма йўқлиги Q72.3 с) Қўл панжа ва бармоқ(ларнинг) туғма йўқлиги Q71.3 т) Билак ва қўл панжаларнинг туғма йўқлиги Q71.2 у) Товоннинг борлиги ҳолда сон ва болдир туғма йўқлиги Q72.1 ф) Қўл панжаларнинг борлиги ҳолда елка ва билак суяклари (нинг) туғма йўқлиги Q71.1 х) Аниқланмаган оёқ-қўл(лар) туғма аномалиялари (туғма ривожланиш аномалияси оқибатида ампутацион чўлтоқлик (таянч-ҳаракат функционал етишмовчилигига олиб келадиган). Q74.9 »;

3-илова қуйидаги таҳрирда баён этилсин:

«Психологик-тиббий-педагогик комиссиялар тўғрисидаги низомга 3-ИЛОВА

Психологик-тиббий-педагогик комиссия хулосасини бериш учун асос бўладиган тиббий кўрсатмалар (мактаб, мактаб-интернатлар учун)

Т/р Касаллик номи Халқаро Касалликлар Таснифи (ХКТ-10) Тавсия этилган умумтаълим муассасасининг тури 1. Руҳий ривожланишдаги нуқсонлар: а) Психологик ривожланишнинг аралаш специфик бузилишлари F83 Бошланғич таянч коррекцион ва инклюзив таълим синфларига эга умумтаълим муассасаси б) Болалар аутизми F84.0 Бошланғич таянч коррекцион ва инклюзив таълим синфларига эга умумтаълим муассасаси, ихтисослаштирилган мактаб ва мактаб-интернати 2. Ақлий ривожланишдаги нуқсонлар: а) Енгил даражадаги ақлий заифлик; F70 Бошланғич таянч коррекцион ва инклюзив таълим синфларига эга умумтаълим муассасаси, ихтисослаштирилган мактаб ва мактаб-интернати б) Мўътадил ақлий заифлик. F71 3. Кўришида нуқсонлар: а) Иккала кўзнинг кўрлиги Н54.0 Ихтисослаштирилган мактаб ва мактаб-интернати б) Микрофтальм (иккала кўз-OU) Микрокорнеа (иккала кўз-OU) Анофтальм (иккала кўз-OU) Q11 Q13.4 в) Тўр пардасининг ривожланишидаги туғма нуқсонлар (иккала кўз-OU) Н33-35 г) Тўр пардасининг хавфли ўсмаси (ретинобластома) (иккала кўз-OU) C69.2 Н35.8 д) Бир кўзнинг кўрлиги, иккинчи кўз кўришининг пасайиши Н54.1 д) Колобома (иккала кўз-OU) Q13.0 Q12.2 Q10.3 Q14.2 Q14.8 ж) Преретинопатия (чала туғилган болалар ретинопатияси) (иккала кўз-OU) Н35.1 з) Кўриш нервининг атрофияси (иккала кўз-OU) Н47.2 и) Кўриш нерви диск ва макуласининг оғир даражадаги гипоплазияси (иккала кўз-OU) Q14.2 к) Альбинизм Е70.3 л) Аниридия (иккала кўз-OU) Q13.1 м) Катаракта (иккала кўз-OU) Н26.0 Q12.0 н) Кўз гавҳарининг бошқа касалликлари Афакия ёки туғма афакия (иккала кўз-OU) Н27 Н27.0 Q12.3 о) Кўз гавҳари туғма силжиши (иккала кўз-OU) Q12.1 п) Кўз гавҳарининг чиқиши (иккала кўз-OU) Н27.1 р) Глаукома (туғма, иккиламчи) (иккала кўз-OU) Н40 — 42 с) Туғма миопиянинг юқори даражаси (иккала кўз-OU) Н52.1 т) Гиперметропиянинг юқори даражаси (иккала кўз-OU) Н52.0 у) Нистагм ва кўзнинг беихтиёр ҳаракатлари Н55 4. Эшитишида нуқсонлар: а) Отологик ва аудиологик имплантатларнинг борлиги (Кохлеар имплантациядан кейин) Н90.3 Z96.2 Бошланғич таянч коррекцион ва инклюзив таълим синфларига эга умумтаълим муассасаси б) Икки томонлама нейросенсор карлик II даражаси (эшитишнинг 41 — 55 ДБ гача пасайиши), (қулоқни протезлаш) Н90.3 II даража в) Икки томонлама нейросенсор карлик III даражаси (эшитишнинг 56 — 70 ДБ гача пасайиши), (қулоқни протезлаш) Н90.3 III даража Бошланғич таянч коррекцион ва инклюзив таълим синфларига эга умумтаълим муассасаси, ихтисослаштирилган мактаб ва мактаб-интернати г) Икки томонлама нейросенсор карлик IV даражаси (эшитишнинг 71 — 90 дб гача пасайиши) (қулоқни протезлаш) Н90.3 IV даража Бошланғич таянч коррекцион, инклюзив таълим синфларига эга умумтаълим муассасаси, ихтисослаштирилган мактаб ва мактаб-интернати д) Икки томонлама нейросенсор карлик IV даражаси (эшитишнинг 71 — 90 дб гача пасайиши) Н90.3 IV даража Бошланғич таянч коррекцион синфларига эга умумтаълим муассасаси, ихтисослаштирилган мактаб ва мактаб-интернати е) Икки томонлама нейросенсор карлик (Карлик ёки кар-соқовлик) (эшитишнинг 91 ДБ дан ортиқ пасайиши) Н90.3 кар 5. Таянч-ҳаракат аппарати нуқсонлари: а) 3 ёки 4 даражали сколиоз (туғма ва орттирилган) M41 Бошланғич таянч коррекцион ва инклюзив таълим синфларига эга умумтаълим муассасаси, ихтисослаштирилган мактаб ва мактаб-интернати б) Кўкрак қафасининг 3 ёки 4 даражали гирдобсимон деформацияси Q67.6 в) Кўкрак қафасининг 3 ёки 4 даражали қилсимон деформацияси Q67.7 г) 3 ёки 4 даражали кифоз М40 д) Артрогрипоз (таянч-ҳаракат аппарати бузилган ҳолда) Q74.3 е) Болалар церебрал фалажи (БЦФ) (GMFCS классификациясига кўра 3 ёки 4 даража) G80 ж) Бошқа неврологик патологиялар оқибатида ортопедик деформациялари туғма ва ирсий касалликлар (Даун синдроми, Шерешевский-Тернер синдроми, Клайнфельтер синдроми, Корнеллии-де Ланге синдроми, Вильямс синдроми, Прадера-Вилли синдроми, Нунан синдроми) Q90 Q96 Q98 Q87.1 з) Цереброваскуляр касалликларининг оқибатлари + (Бўшашган параплегия ёки Спастик параплегия (GMFCS классификациясига кўра 3 ёки 4 даража) I69.2+ G82.0 G82.1 и) Остеомиелит асоратлари (жарроҳлик муолажасидан кейинги ҳолатлар) М86 к) Спинал мушак атрофияси ва унга яқин синдромлар (GMFCS классификациясига кўра 3 ёки 4 даража) G12 л) Мушакларнинг бирламчи шикастланишлари (GMFCS классификациясига кўра 3 ёки 4 даража) G71 м) Параплегия ва тетраплегия (GMFCS классификациясига кўра 3 ёки 4 даража) G82 н) Гемиплегия (GMFCS классификациясига кўра 3 ёки 4 даража) G81 о) Spina bifida (GMFCS классификациясига кўра 3 ёки 4 даража) Q05 п) Ортопедиядаги суяк скелетининг тизим касалликлари (ахондроплазия, дисхондроплазия, хондродистрофия); Q77.4 р) Аниқланмаган оёқ-қўл(лар) туғма аномалиялари (туғма ривожланиш аномалияси оқибатида ампутацион чўлтоқлик (таянч-ҳаракат функционал етишмовчилигига олиб келадиган) Q74.9 с) Болдир ва товоннинг туғма йўқлиги Q72.2 т) Товон ва товон панжаларининг туғма йўқлиги Q72.3 у) Қўл панжа ва бармоқ(ларнинг) туғма йўқлиги Q71.3 ф) Билак ва қўл панжаларнинг туғма йўқлиги Q71.2 х) Товоннинг борлиги ҳолда сон ва болдир туғма йўқлиги Q72.1 ц) Қўл панжаларнинг борлиги ҳолда елка ва билак суяклари (нинг) туғма йўқлиги Q 71.1 »;

3а-илова қуйидаги таҳрирда баён этилсин:

«Психологик-тиббий-педагогик комиссиялар тўғрисидаги низомга 3а-ИЛОВА

Кундузги парвариш хизматига психологик-тиббий-педагогик комиссия хулосасини бериш учун асос бўладиган тиббий кўрсатмалар

Т/р Касаллик номи Халқаро Касалликлар Таснифи (ХКТ-10) 1. Болалар церебрал фалажи (БЦФ) (GMFCS классификациясига кўра 4 ёки 5 даража) + енгил даражадаги ақлий заифлик G80+F70 2. Цереброваскуляр касалликларининг оқибатлар+ Спастик тетраплегия ёки Бўшашган тетраплегия (GMFCS классификациясига кўра 4-5 ёки 5-даража) + енгил даражадаги ақлий заифлик I69.2+G82.3 /G 82.4+F70 3. Тетраплегия (GMFCS классификациясига кўра 4-5 ёки 5 даража) + енгил даражадаги ақлий заифлик G 82+ F70 4. Мўътадил ақлий заифлик F71 5. Оғир даражадаги ақлий заифлик F72 6. Чуқур ақлий заифлик F73 7. Кўр-кар-соқовлик Н90.3+Н54.0 8 Ним ўткир склерозловчи панэнцефалит (Ўткир ости склерозлашган панэнцефалит) A81.1 »;

қуйидаги мазмундаги 4-илова билан тўлдирилсин:

«Психологик-тиббий-педагогик комиссиялар тўғрисидаги низомга 4-ИЛОВА

«Эрта аралашув» хизматига психологик-тиббий-педагогик комиссия хулосасини бериш учун асос бўладиган тиббий кўрсатмалар

Т/р Касаллик номи Халқаро Касалликлар Таснифи (ХКТ-10) Изоҳ I. Муддатидан олдин туғилган болалар (1 — 3 ёшгача) 1. Бошқа рукнларда таснифланмаган, туғилганда жисмининг кам вазн ва ҳомиладорлик муддатининг қисқарганлиги билан боғлиқ бўлган, бузилишлар P07 Муддатдан олдин туғилган чақалоқ 2. Бошқа рукнларда таснифланмаган, гестация ҳолатига нисбатан кам вазнда тугилганлар P05 Туғилгандаги тана вазни 1500 г дан кам II. Туғма, ирсий ва бошқа касалликлар (1 — 3 ёшгача) 3. Даун синдроми Q90 4. Шерешевский-Тернер синдроми Q96 5. Клайнфельтер синдроми Q98 6. Вильямс синдроми Q87.1 7. Прадера-Вилли синдроми Q87.1 8. Нунан синдроми Q87.1 9. Микроцефалия Q02 10. Бошқа рукнларда таснифланмаган, моносомиялар ва аутосомлар бир қисмининг йўқолиши Q93 III. Кўришида нуқсонлар (икки кўзида) (1 — 3 ёшгача) 11. Иккала кўзнинг кўрлиги Н54.0 12. Микрофтальм(иккала кўз-OU) Q11 13. Микрокорнеа (иккала кўз-OU) 14. Анофтальм (иккала кўз-OU) 15. Тўр пардасининг хавфли ўсмаси (ретинобластома) (иккала кўз-OU) C69.2 Н35.8 16. Преретинопатия (чала туғилган болалар ретинопатияси) (иккала кўз-OU) Н35.1 17. Альбинизм Е70.3 18. Нистагм ва кўзнинг беихтиёр ҳаракатлари Н55 IV. Эшитишида нуқсонлар (1 — 3 ёшгача) 19. Отологик ва аудиологик имплантатларнинг борлиги (Кохлеар имплантациядан кейин) Н90.3 Z96.2 20. Икки томонлама нейросенсор карлик II даражаси (эшитишнинг 41 — 55 дб гача пасайиши), (қулоқни протезлаш) Н90.3 II даража 21. Икки томонлама нейросенсор карлик III даражаси (эшитишнинг 56 — 70 дб гача пасайиши), (қулоқни протезлаш) Н90.3 III даража 22. Икки томонлама нейросенсор карлик IV даражаси (эшитишнинг 71 — 90 дб гача пасайиши) Н90.3 IV даража 23. Икки томонлама нейросенсор карлик (Карлик ёки кар-соқовлик) (эшитишнинг 91 дб дан ортиқ пасайиши) Н90.3 V. Нутқдаги нуқсон: (1 — 3 ёшгача): 24. Танглай ёриғи (бўри оғиз) Танглай ва лаб ёриғи (бўри оғиз қуён лаб билан) Очиқ манқалик ва ёпиқ манқалик Q35 Q37 R49.2 VI. Таянч-ҳаракат аппарати нуқсонлари (2 ёшдан кейин) 25. 3 ёки 4 даражали сколиоз M41 26. 3 ёки 4 даражали кифоз М40 27. Артрогрипоз Q74.3 28. Болалар церебрал фалажи (БЦФ) (GMFCS классификациясига кўра 2 ёки 3 ёки 4 ёки 5 даража) G80 29. Спинал мушак атрофияси ва унга яқин синдромлар (GMFCS классификациясига кўра 2 ёки 3 ёки 4 ёки 5 даража) G12 30. Мушакларнинг бирламчи шикастланишлари (GMFCS классификациясига кўра 2 ёки 3 ёки 4 ёки 5 даража) G71 31. Параплегия ва тетраплегия (GMFCS классификациясига кўра 2 ёки 3 ёки 4 ёки 5 даража) G82 32. Spina bifida (таянч-ҳаракат аппарати бузилган ҳолда) Q05 33. Туғма гидроцефалия Q03 34. Гемиплегия (GMFCS классификациясига кўра 2 ёки 3 ёки 4 ёки 5 даража) G81 35. Бошқа нотравматик калла суяги ичи қон қуйилиши оқибатида параплегия ва тетраплегия (GMFCS классификациясига кўра 2 ёки 3 ёки 4 ёки 5 даража) I69.2+G82-G82.4 36. Болдир ва товоннинг туғма йўқлиги Товоннинг борлиги ҳолда сон ва болдир (суяклари)нинг туғма йўқлиги Q72.2 Q72.1 37. Товон ва товон панжаларининг туғма йўқлиги Q72.3 38. Қўл панжа ва бармоқ(ларнинг) туғма йўқлиги Q71.3 39. Билак ва қўл панжаларнинг туғма йўқлиги Q71.2 40. Товоннинг борлиги ҳолда сон ва болдир туғма йўқлиги Q72.1 41. Оёқлар(нинг) туғма тўлиқ йўқлиги Q72.0 42. Қўл (қўллар)нинг туғма тўлиқ йўқлиги Q71.0 43. Қўл панжаларнинг борлиги ҳолда елка ва билак суяклари (нинг) туғма йўқлиги Q 71.1 VII. Психологик ривожланишнинг бузилишлари: (2-3 ёшгача) 44. Аутизмга хавф F84.0 Психоневролог хулосаси 45. Психологик ривожланишнинг аралаш специфик бузилишларига хавф F83 »;

қуйидаги мазмундаги 5-илова билан тўлдирилсин:

«Психологик-тиббий-педагогик комиссиялар тўғрисидаги низомга 5-ИЛОВА

Уй шароитида қараб туриш хизматига психологик-тиббий-педагогик комиссия хулосасини бериш учун асос бўладиган тиббий кўрсатмалар

Т/р Касаллик номи Халқаро касалликлар таснифи (ХКТ-10) Парваришга муҳтожлик мезони I. Онкологик касалликлар (хавфли ўсмалар) 1. Хавфли ўсмалар C00 — C97 Терминал босқичлар (IV босқич), кўплаб метастазлар, барча ўсмага қарши имкониятларнинг тугаши 2. Қайталанувчи ва рефрактер ўсмалар C00 — C97 Терапияга жавоб бермайди, кучли оғриқ синдроми, интоксикация, ҳолдан тойиш 3. Онкогематологик касалликлар C81 — C96 Ўткир лейкозлар, қайталанувчи лимфомалар, суяк кўмигини кўчириб ўтказа олмаслик II. Неврологик касалликлар 4. Прогрессив нейродегенератив касалликлар G30 — G32 G35 G37 G60 — G64 Катта мотор функцияларни, сўз ва юғириш қобилиятини йўқотиш; доимий парвариш талаб этилади 5. Болалар церебрал фалажи (БЦФ) (жиддий шакл) G80.0 — G80.9 GMFCS V, контрактуралар, сколиоз, эпилепсия, сурункали нафас етишмовчилиги, гастростомия 6. Постгипоксик бош мия шикастланиши P91.*, G93.4 Вегетатив ҳолат, минимал онг, зондли озиқланиш, такрорий пневмониялар 7. Синдром Ретта F84.2 Кеч босқичлар, юриш ва сўз қобилиятини йўқотиш, эпилепсия, нафас етишмовчилиги 8. Лей касаллиги, митохондриал энцефалопатиялар G31.8, G31.9 Прогрессирловчи мушак кучсизлиги, нафас етишмовчилиги, ҳаётий марказларнинг зарарланиши 9. Лейкодистрофиялар E75.2 Кўриш, эшитиш, мотор ва когнитив функцияларни йўқотиш III. Генетик ва асаб-мушак касалликлари 10. Орқа мия мушак атрофияси G12.0-G12.1 I-II тури, бошни тута олмаслик, ўтира олмаслик ва юра олмаслик; нафас етишмовчилиги, ўпка сунъий нафаси; гастростомия 11. Зўрайиб борувчи мушак дистрофиялари G71.0-G71.9 Юриш қобилиятини йўқотиш, нафас етишмовчилиги, кардиомиопатия, ўпка сунъий нафаси 12. Қон ивишнинг бузилишлари D 65 — 68 Оғир кечиши 13. Муковисцидоз E84.0 — E84.9 Оғир босқичлари: нафас етишмовчилиги, тез-тез учрайдиган инфекциялар, кахексия, «ўпка» юраги 14. Буллёз эпидермолиз Q81.0 — Q81.9 Сурункали битмайдиган яралар, кучли оғриқ синдроми, сепсис, овқатланишнинг бузилиши 15. Марказий асаб тизимининг секин кечувчи вирусли инфекциялари (Склерозланувчи ним ўткир панэнцефалит) A81.1 Хулқ-атворнинг ўзгариши, интеллектуал қобилиятларнинг пасайиши, миоклоник тутқаноқлар (мушакларнинг кескин тортишиши), прогрессив деменция, атаксия (координациянинг бузилиши) ва кўрлик ривожланиши IV. Туғма ривожланиш нуқсонлари 16. Аъзоларининг кўп сонли туғма нуқсонлари Q20-Q28 Q00-Q 07 Q35-Q37-38 Q 60 — Q 64 Q 65 — Q 79 Жарроҳлик йўли билан тузатилмайди, оғир юрак-нафас ва овқат ҳазм қилиш етишмовчилиги. Мустақил ҳаракат бузилиши. 17. Қисқа ичак синдроми К91.2 Узоқ муддатли/умрбод парентерал озиқланишга боғлиқлик 18. Хромосома аномалиялари, ўлимга олиб келадиган Q90 — Q99 Эдвардс синдроми (Q 91), Патау синдроми (Q 93), кутилаётган умр кўриш давомийлигининг жуда пастлиги. Ўз ўзини хизматни бажара олмаслик. V. Терминал орган етишмовчилиги 19. Сурункали юрак етишмовчилиги I50.0 — I50.9 Тинч ҳолатда нафас қисилиши, асцит, фаолликнинг чекланиши (Н 2А-Н3 даражаси) 20. Сурункали буйрак етишмовчилиги N18.5-N18.6 Терминал босқич, диализ мумкин эмас ёки доимий, интоксикация 21. Жигар етишмовчилиги K72.*, K70.3, Декомпенсацияланган цирроз, асцит, қон кетишлар, жигар энцефалопатияси 22. Сурункали нафас етишмовчилиги J 45; J96.0 — J96.9 Оғир даража бронхиал астма, Тинч ҳолатдаги гипоксия, узоқ муддатли кислород терапияси ёки ўпка сунъий нафас аппаратида (II-III даражаси) 23. Одам иммунитет танқислиги вируси келтириб чиқариладиган касаллик B20 — В 24 Оғир кечиши, юқори вирусли юклама CD 4+ лимфоцитларнинг кескин пасайиши (200 хужайра/мкл дан кам). VI. Жароҳатлар ва реанимациядан кейинги ҳолатлар 24. Оғир бош мия жароҳатидан сўнг асоратлари S06.0 — S06.9 Қўпол ҳаракат бузилишлари, когнитив бузилишлар, вегетатив ҳолат 25. Узоқ муддатли ўпка сунъий нафас аппаратидан кейинги ҳолатлар Z 93 Z99.1 Нафас олиш заифлиги, аппаратга қарамлик 26. Вегетатив ҳолат (кома ҳолати), минимал онг G93.4 R40.2 Парваришга тўлиқ боғлиқлик, зондли озиқлантириш, ўпка сунъий нафас аппаратида ».

д) 2-илова қуйидаги мазмундаги изоҳ билан тўлдирилсин:

29. Вазирлар Маҳкамасининг «Ўзгалар парваришига муҳтож шахсларга ижтимоий хизмат ва ёрдам кўрсатишнинг сифат жиҳатидан янги тизимини жорий этиш тўғрисида» 2024 йил 11 мартдаги 123-сон қарорида :

а) 1-илованинг 2-банди қуйидаги таҳрирда баён этилсин:

«2. Ушбу Регламент мақсадларида қуйидаги тоифадаги шахслар ўзгалар парваришига муҳтож шахслар деб эътироф этилади:

ўзгалар парваришига муҳтож ногиронлиги бўлган ёлғиз шахслар (кейинги ўринларда — ногиронлиги бўлган ёлғиз шахслар) — фарзандлари (шу жумладан, фарзандликка олинганлар), эри (хотини), ота-онаси, васийлари ёки ҳомийлари ва суд томонидан ногиронлиги бўлган шахсни парвариш қилиш мажбурияти юкланган шахслар, (вояга етмаган ёки I гуруҳ ногиронлиги бўлган ёхуд ўзгалар парваришига муҳтож руҳий касаллик бўйича II гуруҳ ногиронлиги бўлган фарзандлар, шунингдек ўзгалар парваришига муҳтож I ва II гуруҳ ногиронлиги бўлган ёки ўзгалар парваришига муҳтож ёшга доир пенсия ёшидаги эри (хотини) ва ота-онаси бундан мустасно) бўлмаган ўзгалар парваришига муҳтож I ва II гуруҳ ногиронлиги бўлган шахслар;

ўзгалар парваришига муҳтож ёлғиз яшовчи ногиронлиги бўлган шахслар (кейинги ўринларда — ёлғиз яшовчи ногиронлиги бўлган шахслар) — фарзандлари (шу жумладан, фарзандликка олинганлар), эри (хотини), ота-онаси, васийлари ёки ҳомийлари ва суд томонидан ногиронлиги бўлган шахсни парвариш қилиш мажбурияти юкланган шахслари мавжуд бўлсада ёлғиз яшовчи (вояга етмаган фарзанди бундан мустасно) ўзгалар парваришига муҳтож I ва II гуруҳ ногиронлиги бўлган шахслар;

ўзгалар парваришига муҳтож ёлғиз кексалар (кейинги ўринларда — ёлғиз кексалар) — фарзандлари (шу жумладан фарзандликка олинганлар), эри (хотини), ота-онаси, васийлари ёки ҳомийлари ва суд томонидан кексани парвариш қилиш мажбурияти юклатилган шахслар (вояга етмаган ёки I гуруҳ ногиронлиги бўлган ёхуд ўзгалар парваришига муҳтож руҳий касаллик бўйича II гуруҳ ногиронлиги бўлган фарзандлар, шунингдек ўзгалар парваришига муҳтож I ва II гуруҳ ногиронлиги бўлган ёки ўзгалар парваришига муҳтож ёшга доир пенсия ёшидаги эри (хотини) ва ота-онаси бундан мустасно) бўлмаган ўзгалар парваришига муҳтож ёшга доир пенсия ёшидаги шахслар;

ўзгалар парваришига муҳтож ёлғиз яшовчи кексалар (кейинги ўринларда — ёлғиз яшовчи кексалар) — фарзандлари (шу жумладан, фарзандликка олинганлар), эри (хотини), ота-онаси, васийлари ёки ҳомийлари ва суд томонидан ногиронлиги бўлган шахсни парвариш қилиш мажбурияти юкланган шахслари мавжуд бўлсада ёлғиз яшовчи (вояга етмаган фарзанди бундан мустасно) ўзгалар парваришига муҳтож ёшга доир пенсия ёшидаги шахслар»;

б) 3-илованинг 3-банди ўз кучини йўқотган деб ҳисоблансин.

30. Вазирлар Маҳкамасининг «Муҳтож шахсларни протез-ортопедия мосламалари ва реабилитация қилишнинг техник воситалари билан таъминлаш тартиби тўғрисидаги низомни тасдиқлаш ҳақида» 2024 йил 30 апрелдаги 253-сон қарорида :

а) 5-банднинг «б» кичик банди биринчи хатбошиси «ўтказиб берилади» сўзларидан кейин «, бундан муҳтож шахсларни ижтимоий карта орқали реабилитация қилишнинг техник воситалари билан таъминлаш мустасно» сўзлари билан тўлдирилсин;

б) 1-иловада :

1-банд қуйидаги таҳрирда баён этилсин:

«Мазкур Низом ногиронлиги бўлган шахсларни ҳамда ногиронлиги бўлган болаларни (кейинги ўринларда — муҳтож шахслар) протез-ортопедия мосламалари ва реабилитация қилишнинг техник воситалари билан таъминлаш тартибини белгилайди»;

2-бандда :

тўққизинчи хатбоши чиқариб ташлансин;

ўнинчи — ўн учинчи хатбошилар тегишлича тўққизинчи — ўн иккинчи хатбошилар деб ҳисоблансин;

қуйидаги мазмундаги ўн учинчи хатбоши билан тўлдирилсин:

«молиявий агент — реабилитация қилиш воситаларини харид қилиш учун давлат томонидан муҳтож шахсларга қоплаб бериладиган маблағлар миқдорини уларнинг ижтимоий карталарга ўтказишга масъул бўлган Ўзбекистон Республикаси резиденти бўлган тижорат банки»;

3-банд қуйидаги таҳрирда баён этилсин:

«3. Муҳтож шахслар ваучер асосида протез мосламаларини ёки ваучер қиймати базавий ҳисоблаш миқдорининг ўттиз фоизидан юқори бўлган реабилитация воситаларини ўз танловига кўра мазкур Низомнинг 3-боби 1-параграфида белгиланган талабларга мувофиқ «Ижтимоий ҳимоя» АТда авторизациядан ўтган сотувчилардан электрон савдо платформаси ёки электрон савдо майдончалари (кейинги ўринларда — электрон савдо) орқали харид қилади.

Бунда муҳтож шахслар давлат томонидан қоплаб бериладиган қиймати базавий ҳисоблаш миқдорининг ўттиз фоизидан ошмайдиган реабилитация воситаларини ижтимоий карта орқали мазкур Низомнинг 3-боби 3 1 -параграфида белгиланган талабларга мувофиқ ўтказиб берилган маблағлар ҳисобидан харид қилади»;

5-банд қуйидаги мазмундаги иккинчи хатбоши билан тўлдирилсин:

«Муҳтож шахсларнинг ижтимоий картасига реабилитация воситаларини харид қилиш учун маблағларни ўтказиб бериш мазкур Низомга 1 1 -иловага мувофиқ схема бўйича амалга оширилади»;

6-банднинг иккинчи хатбошиси чиқариб ташлансин;

7 — 9-бандлар қуйидаги таҳрирда баён этилсин:

«7. «Ижтимоий ҳимоя» АТнинг «Тиббий-ижтимоий экспертиза» модули (кейинги ўринларда — «Экспертиза» модули)да ногиронлиги бўлган шахслар, жумладан, ногиронлиги бўлган болаларга — тиббий-ижтимоий эксперт комиссиялари (кейинги ўринларда — ТИЭК) томонидан шахсни ногиронлиги бўлган шахс (ногиронлиги бўлган бола) деб топиш билан биргаликда протез мосламаси ёки реабилитация воситасига муҳтожлиги белгиланган ҳолда ногиронлик тўғрисидаги маълумотнома расмийлаштирилади.

8. Протез мосламалари ёки реабилитация воситаларига муҳтожлик белгиланишида Вазирлар Маҳкамасининг 2022 йил 8 февралдаги 62-сон қарори билан тасдиқланган Фуқароларни тиббий-ижтимоий эксперт комиссияларида кўрикдан ўтказиш тартиби тўғрисидаги низомга 1 1 -иловага мувофиқ Фуқароларни тиббий-ижтимоий эксперт комиссияларига йўллашдан олдин даволаниш лозим бўлган муддатлар, ногиронликка олиб келувчи асосий касалликлар рўйхати ва ушбу касалликларда ногиронликни электрон белгилаш мезонларига (кейинги ўринларда — тиббий кўрсатмалар) асосланилади.

9. Ногиронлиги бўлган муҳтож шахсларга берилган ногиронлик тўғрисидаги маълумотномалар ногиронликнинг муддатидан келиб чиқиб, қайта ТИЭК кўригидан ўтиш муддатигача берилади, ногиронлик муддатсиз даврга белгиланадиган ҳолатлар бундан мустасно»;

10-банддаги «ёки тиббий хулосаларнинг» сўзлари чиқариб ташлансин;

11 ва 12-бандлар қуйидаги таҳрирда баён этилсин:

«11. «Экспертиза» модулида ногиронлик тўғрисидаги маълумотнома расмийлаштирилиши билан протез мосламалари ёки реабилитация воситаларига муҳтожлиги белгиланган муҳтож шахслар ҳақидаги маълумотлар автоматик тарзда «Ижтимоий ҳимоя» АТда мазкур Низомга 5-иловага мувофиқ шаклдаги Протез мосламалари ёки реабилитация воситаларига муҳтожлиги белгиланган муҳтож шахслар рўйхатига (кейинги ўринларда — муҳтож шахсларнинг рўйхати) киритиб борилади.

12. Муҳтож шахсларнинг биринчи марта муҳтожлик белгиланганлиги тўғрисидаги маълумотлари муҳтож шахсларнинг рўйхатига киритилгандан ёки уларнинг протез мосламалари ва реабилитация воситаларини олиш ҳуқуқи такроран вужудга келгандан сўнг «Ижтимоий ҳимоя» АТда автоматик тарзда мазкур Низомга 6-иловага мувофиқ шаклдаги Протез-ортопедия мосламалари ёки реабилитация қилишнинг техник воситаларини харид қилиш учун ваучер ҳар бир протез мосламаси ёки реабилитация воситаси учун алоҳида шаклланади, бундан мазкур банднинг иккинчи ва учинчи хатбошиларида кўрсатилган ҳолатлар ҳамда давлат томонидан қоплаб бериладиган қиймати базавий ҳисоблаш миқдорининг ўттиз фоизидан ошмайдиган реабилитация воситалари мустасно.

Сон, чаноқ-сон бўғими экзоартикуляцияси, тизза бўғими экзоартикуляцияси, болдир, қўл (кафт), билак, елка, бионик қўл, кўз ва кўкрак бези протезлари ҳамда кўзи ожизлар ҳассаси билан таъминланган ногиронлик муддатсиз даврга белгиланган шахсларнинг тегишли протез мосламаси ёки реабилитация воситаси фойдаланиш муддати тугагандан сўнг мазкур турдаги протез мосламаси ва реабилитация воситасига ваучер уларнинг «Инсон» ижтимоий хизматлар марказларига қилган мурожаати асосида бир иш кунида автоматик тарзда шакллантирилади. Бунда «Инсон» ижтимоий хизматлар марказлари томонидан мазкур турдаги мурожаатлар рад қилинишига йўл қўйилмайди.

Бошқа турдаги протез мосламаси ёки реабилитация воситаси билан таъминланган ногиронлик муддатсиз даврга белгиланган шахсларнинг протез мосламаси ёки реабилитация воситасининг фойдаланиш муддати тугаган ҳолларда уларга протез мосламаси ёки реабилитация воситаси учун ваучер ТИЭК томонидан мазкур Низомнинг 2-бобида белгиланган тартибда муҳтожлик белгилангандан сўнг шакллантирилади.

Давлат томонидан қоплаб бериладиган қиймати базавий ҳисоблаш миқдорининг ўттиз фоизидан ошмайдиган реабилитация воситаларини харид қилиш учун маблағлар мазкур Низомнинг 3-боби 31-параграфида белгиланган тартибда муҳтож шахснинг ижтимоий картасига ўтказилади.

Бир жуфт бўлган ёки тўплам шаклида тақдим этиладиган протез мосламаси ёки реабилитация воситаси учун битта ваучер шакллантирилади»;

13-банд қуйидаги таҳрирда баён этилсин:

«13. «Ижтимоий ҳимоя» АТда протез мосламаси ёки реабилитация воситасини харид қилиш ҳуқуқи вужудга келганда автоматик тарзда:

бу тўғрисида муҳтож шахслар мобил алоқа воситасига СМС-хабар юбориш орқали хабардор қилинади;

протез мосламаси ёки реабилитация воситасини харид қилиш ҳуқуқи вужудга келган муҳтож шахснинг яшаш жойи бўйича «Инсон» ижтимоий хизматлар марказининг «Ижтимоий ҳимоя» АТдаги шахсий кабинетига бу тўғрисида хабар келиб тушади»;

14-банд қуйидаги таҳрирда баён этилсин:

«14. Муҳтож шахс томонидан бир ой ичида протез мосламаси ёки реабилитация воситасини харид қилиш учун ваучер асосида буюртма берилмаган ёхуд реабилитация воситасини харид қилиш учун ижтимоий карта орқали тўлов амалга оширилмаган (ёки ижтимоий карта олинмаган) тақдирда, «Инсон» ижтимоий хизматлар маркази буюртма берилмаганлиги (харид қилинмаганлиги ёки ижтимоий карта олинмаганлиги) сабабларини ўрганиб, «Ижтимоий ҳимоя» АТда мазкур Низомга 7-иловага мувофиқ шаклда протез мосламалари ёки реабилитация воситаларига муҳтожлик белгиланган шахсларнинг эҳтиёжини ўрганиш бўйича далолатномани расмийлаштиради»;

15-банд қуйидаги таҳрирда баён этилсин:

«15. Мазкур Низомнинг 14-бандида белгиланган тартибда ўрганиш жараёнида:

муҳтож шахснинг ижтимоий карта расмийлаштиришни амалга ошира олмаганлиги аниқланганда ижтимоий ходим муҳтож шахс номидан унинг хоҳишига кўра ижтимоий картани расмийлаштириш ва фойдаланиш учун тақдим этиш бўйича аризани юборади;

муҳтож шахснинг протез мосламалари ёки реабилитация воситаларини электрон савдо орқали харид қила олмаганлиги аниқланган тақдирда ушбу Низомнинг 24-бандида белгиланган тартибда «Инсон» ижтимоий хизматлар марказлари муҳтож шахсга протез мосламалари ёки реабилитация воситалари учун буюртмани шакллантиришда ёрдам беради;

муҳтож шахснинг қўшимча протез мосламалари ёки реабилитация воситаларига эҳтиёжи вужудга келганлиги аниқланган ҳолларда, ушбу шахслар тегишлилиги бўйича ТИЭКга қўшимча муҳтожликни белгилаш учун йўналтирилади»;

20-банднинг учинчи ва тўртинчи хатбошиларидаги «беш» сўзи «уч» сўзи билан алмаштирилсин;

20 1 -банднинг биринчи хатбошисидаги «беш» сўзи «уч» сўзи билан алмаштирилсин;

24-бандда :

биринчи хатбошисидаги ««Инсон» ижтимоий хизматлар маркази ёки ижтимоий ходимга» сўзлари ««Инсон» ижтимоий хизматлар марказига» сўзлари билан алмаштирилсин;

иккинчи хатбошисидаги ««Инсон» ижтимоий хизматлар маркази ёки ижтимоий ходим» сўзлари ««Инсон» ижтимоий хизматлар маркази» сўзлари билан алмаштирилсин;

34-банд қуйидаги таҳрирда баён этилсин:

«34. «Инсон» ижтимоий хизматлар маркази ижтимоий ходимлари «Ижтимоий ҳимоя» АТдаги шахсий кабинетига хабар келиб тушгандан сўнг беш иш куни ичида буюртмалар муҳтож шахсларга ҳақиқатда етказиб берилганлигини, уларнинг электрон савдода эълон қилинган талабларига мувофиқлигини ҳамда муҳтож шахсларнинг буюртма тўғрисидаги фикрларини жойига чиққан ҳолда ўрганади, бундан муҳтож шахсларнинг ҳасса, тўрт оёқли ҳасса, кўзи ожизлар ҳассаси, қўлтиқ таёқ (жуфт), тирсакли қўлтиқ таёқ, юриш мосламаси (ходунок), Брайл алифбоси, Брайл алифбоси бўйича ёзув мосламаси, овозли термометр, овозли тонометр, овозли глюкометр, тиббий тувак, махсус матрас туридаги реабилитация воситалари билан таъминланганлик ҳолатлари мустасно.

Бунда Электрон савдо майдончасининг оператори томонидан мазкур банднинг биринчи хатбошисида кўрсатилган реабилитация воситалари муҳтож шахсларга етказиб берилганлиги электрон савдо майдончасида тасдиқлагандан сўнг бир кун ичида «Ижтимоий ҳимоя» АТда билдиришнома автоматик тарзда шакллантирилади.

Мазкур банднинг биринчи хатбошисида кўрсатилган реабилитация воситаларидан ташқари протез мосламалари ва реабилитация воситалари бўйича буюртмаларнинг муҳтож шахсларга ҳақиқатда етказиб берилганлигини ўрганиш натижасида:

етказиб берилган буюртманинг сифатсизлиги, нуқсонлари мавжудлиги ҳамда улар муҳтож шахсларнинг жисмоний ҳолатига мос келмаслиги аниқланган ҳолларда, «Инсон» ижтимоий хизматлар марказлари томонидан «Ижтимоий ҳимоя» АТда мазкур Низомга 9-иловага мувофиқ шаклда Муҳтож шахслар томонидан ваучер асосида сотиб олинган протез мосламалари ёки реабилитация воситаларининг муҳтож шахсларга ҳақиқатда етказиб берилганлиги, муҳтож шахсларнинг буюртма тўғрисидаги фикрларини ўрганиш бўйича далолатнома тузилади ва сотувчиларга уни мақбул сифатлисига алмаштириш чораларини кўриш учун электрон шаклда юборилади. Бунда буюртманинг сифатсизлиги ва нуқсонларини тасдиқловчи фотосуратлар далолатномага илова қилинади;

муҳтож шахсларнинг буюртмалари ҳақиқатда етказиб берилган ҳамда уларда нуқсонлар аниқланмаган тақдирда, ижтимоий ходимлар томонидан бир иш куни ичида «Ижтимоий ҳимоя» АТда мазкур Низомга 10-иловага мувофиқ шаклда ваучер асосида муҳтож шахсларга етказиб берилган протез мосламалари ёки реабилитация воситалари учун сотувчиларга ваучер қийматидан кўп бўлмаган миқдордаги маблағларни ўтказиш бўйича билдиришнома расмийлаштирилади ҳамда сон, болдир, қўл ва елка протезлари, бионик қўл протезлари, оёқ аппаратлари, мураккаб ортопедик пойабзаллар бўйича билдиришнома «Инсон» ижтимоий хизматлар маркази томонидан тасдиқланади. Бунда муҳтож шахс буюртмани ҳақиқатда олганлигини тасдиқловчи турли ракурсдан олинган фотосуратлар билдиришномага илова қилинади»;

38-банд қуйидаги таҳрирда баён этилсин:

«38. Муҳтож шахсларнинг буюртмалари уларга етказиб берилмаган ёки Электрон савдо майдончасининг оператори томонидан мазкур Низомнинг 34-банди иккинчи хатбошисида кўрсатилган реабилитация воситаси муҳтож шахсга етказиб берилганлиги тасдиқланмаган ҳолларда, шунингдек, буюртмаларда нуқсонлар мавжудлиги ҳамда улар муҳтож шахсларнинг жисмоний ҳолатига мос келмаслиги тўғрисида ижтимоий ходимлар томонидан далолатнома расмийлаштирилган тақдирда, маблағлар сотувчиларнинг банк ҳисобварағига ўтказилмайди»;

қуйидаги мазмундаги 3 1 -параграф билан тўлдирилсин:

« 3 1 -§. Муҳтож шахсларнинг ижтимоий картасига реабилитация воситаларини харид қилиш учун маблағларни ўтказиб бериш тартиби

38 1 . Муҳтож шахс реабилитация воситасини ижтимоий карта орқали харид қилиш ҳуқуқи вужудга келганлиги тўғрисидаги хабарни олгандан сўнг «Ижтимоий ҳимоя» АТда шахсни тасдиқловчи ҳужжат (биометрик паспорт ёки идентификацияловчи ID-карта) маълумотлари ва телефон рақамини киритган ҳолда рўйхатдан ўтади.

38 2 . Агентликда муҳтож шахсларни реабилитация воситалари билан таъминлаш мақсадида ижтимоий картага маблағларни ўтказиб бериш учун алоҳида шахсий ғазна ҳисобварағи очилади.

38 3 . Муҳтож шахсларда реабилитация воситасини ижтимоий карта орқали харид қилиш ҳуқуқи вужудга келганда ва улар учун ижтимоий карта очилганда «Ижтимоий ҳимоя» АТда реабилитация воситасининг давлат томонидан қоплаб бериладиган қийматига тенг маблағни ўтказиб бериш учун электрон тўлов топшириқнома ва қайдномалари автоматик равишда шаклланади.

38 4 . «Ижтимоий ҳимоя» АТда реабилитация воситасини харид қилиш учун маблағларни тўлаш бўйича электрон тўлов топшириқнома ва қайдномаларини ДМБАТга йўналтиради. Бунда тегишли маблағлар ДМБАТ томонидан автоматик равишда молиявий агентнинг банк ҳисоб варағига ўтказилади.

Молиявий агент бир иш куни ичида тегишли пул маблағларини муҳтож шахснинг ижтимоий картасига ўтказиб беради.

38 5 . Муҳтож шахсларнинг ижтимоий картасига маблағлар ўтказиб берилганда бу тўғрисида уларнинг мобил телефон рақамига СМС-хабар юборилади.

38 6 . Муҳтож шахсларнинг ижтимоий карта орқали реабилитация воситаларини харид қилишига оид маълумотлар «Ижтимоий ҳимоя» АТда шакллантириб борилади.

38 7 . Муҳтож шахслар ижтимоий картасига келиб тушган маблағлардан фақат тегишли реабилитация воситасини харид қилиш мақсадида фойдаланилади.

Муҳтож шахслар томонидан маблағлар фойдаланилмаган ёки бошқа мақсадларда фойдаланилганда уларга тегишли реабилитация воситасининг белгиланган фойдаланиш муддати мобайнида мазкур турдаги реабилитация воситасига муҳтожлик белгиланмайди»;

42-банд қуйидаги таҳрирда баён этилсин:

«42. Протез мосламалари ёки реабилитация воситаларининг фойдаланиш муддати тугагандан сўнг такроран протез мосламалари ёки реабилитация воситалари билан таъминланиш ҳуқуқига эга бўлган муҳтож шахслар учун электрон шаклдаги ваучер тиббий кўрсатмалар ҳамда ногиронлик тўғрисидаги маълумотномадан келиб чиқиб, муҳтож шахсларнинг рўйхати асосида мазкур Низомда белгиланган тартибда умумий асосларда шаклланади, бундан давлат томонидан қоплаб бериладиган қиймати базавий ҳисоблаш миқдорининг ўттиз фоизидан ошмайдиган реабилитация воситалари мустасно.

Давлат томонидан қоплаб бериладиган қиймати базавий ҳисоблаш миқдорининг ўттиз фоизидан ошмайдиган реабилитация воситаларини харид қилиш учун маблағлар муҳтож шахснинг ижтимоий картасига ўтказилади»;

43-бандда :

биринчи , учинчи ва тўртинчи хатбошилардаги «ёки ВМК» сўзлари чиқариб ташлансин;

иккинчи ва учинчи хатбошилардаги «ТИЭК ёки ВМКга» сўзлари «ТИЭКга» сўзи билан алмаштирилсин;

44-банд қуйидаги таҳрирда баён этилсин:

«44. Муҳтож шахслар ногиронлик тўғрисидаги маълумотномада белгиланган муддатларда тиббий кўрсатмага асосан такроран протез мосламалари ёки реабилитация воситалари билан таъминланадиган ҳамда ТИЭК томонидан қайта муҳтожлик белгиланмайдиган ҳолатларда уларга электрон шаклдаги ваучерни шакллантириш ёки реабилитация воситаларини харид қилиш учун маблағларни ижтимоий картага ўтказиш муҳтож шахсларнинг рўйхати асосида мазкур Низомда белгиланган тартибда умумий асосларда автоматик равишда амалга оширилади»;

46-банд қуйидаги таҳрирда баён этилсин:

«46. Муҳтож шахслар ушбу Низомнинг 45-бандида назарда тутилган ҳолатлар вужудга келганда «Ижтимоий ҳимоя» АТ орқали ёки бевосита «Инсон» ижтимоий хизматлар маркази ёхуд ТИЭКга мурожаат қилиши лозим.

Бунда мурожаатлар қабул қилингандан сўнг муҳтож шахслар ўн кун муддат ичида тегишли ТИЭКларда кўрикдан ўтказилади ҳамда кўрик натижалари асосида «Экспертиза» модулида уларга янги турдаги протез мосламалари ёки реабилитация воситаларини олиш учун муҳтожлик белгиланади ёки муҳтожлик белгилаш рад этилади.

Янги турдаги протез мосламалари ёки реабилитация воситаларини олиш учун муҳтожлик белгиланган муҳтож шахсларга электрон шаклдаги ваучерни шакллантириш ёки реабилитация воситаларини харид қилиш учун маблағларни ижтимоий картага ўтказиш муҳтож шахсларнинг рўйхати асосида мазкур Низомда белгиланган тартибда умумий асосларда амалга оширилади.»;

47-банднинг учинчи хатбошиси қуйидаги таҳрирда баён этилсин:

«Протез мосламаси ёки реабилитация воситаси унинг фойдаланиш муддати давомида яроқсиз бўлиб қолганлиги «Инсон» ижтимоий хизматлар марказида ташкил этиладиган комиссияда ўз тасдиғини топса, ижтимоий ходимнинг далолатномасига мувофиқ бу тўғрисидаги маълумотлар муҳтож шахсларнинг рўйхатига киритилади ҳамда муҳтож шахсларга электрон шаклдаги ваучерни шакллантириш ёки реабилитация воситаларини харид қилиш учун маблағларни ижтимоий картага ўтказиш мазкур Низомга мувофиқ умумий асосларда амалга оширилади»;

51-банднинг иккинчи хатбошисидаги «Агентлик томонидан амалга оширилади» сўзлари «чоралари кўрилади» сўзлари билан алмаштирилсин;

53-банд қуйидаги мазмундаги иккинчи-учинчи хатбошилар билан тўлдирилсин:

«Муҳтож шахс реабилитация воситасини харид қилиш учун маблағ ижтимоий картасига ўтказилишидан олдин вафот этган тақдирда, тегишли маблағ ижтимоий картага ўтказилмайди.

Муҳтож шахс ижтимоий картасига реабилитация воситасини харид қилиш учун маблағ ўтказилгандан кейин вафот этганда мазкур маблағ реабилитация воситаси харид қилинганлиги ёки харид қилинмаганлигидан қатъи назар қайтарилмайди»;

55-банддаги «Муҳтож шахслар ваучер» сўзлардан кейин «ёки ижтимоий карта» сўзлари билан тўлдирилсин;

1-илованинг «1-босқич» қаторида:

«Субъектлар» устуни қуйидаги таҳрирда баён этилсин:

«Тиббий-ижтимоий эксперт комиссиялари»;

«Тадбирлар» устунидаги ««Тиббий-ижтимоий экспертиза» электрон ахборот тизимида» сўзлари ««Экспертиза» модулида» сўзлари билан алмаштирилсин;

«Муддатлар» устунидаги «ёки тиббий хулоса» сўзлари чиқариб ташлансин;

қуйидаги мазмундаги 1 1 -илова билан тўлдирилсин:

«Муҳтож шахсларни протез-ортопедия мосламалари ва реабилитация қилишнинг техник воситалари билан таъминлаш тартиби тўғрисидаги низомга 1 1 -ИЛОВА

Реабилитация қилишнинг техник воситалари харид қилиш учун маблағларни муҳтож шахсларнинг ижтимоий картага ўтказиб бериш

Босқичлар Субъектлар Тадбирлар Муддатлар 1-босқич «Ижтимоий ҳимоя» АТ 1. Реабилитация воситаларини харид қилиш ҳуқуқи вужудга келганда бу ҳақида муҳтож шахс СМС-хабар юбориш орқали хабардор қилади ҳамда «Инсон» ижтимоий хизматлар марказининг «Ижтимоий ҳимоя» АТдаги шахсий кабинетига хабар юборади. 2. Муҳтож шахснинг ижтимоий картаси мавжудлиги бўйича «Ижтимоий карта» АТга сўров юборади. Реабилитация воситасини ижтимоий карта орқали харид қилиш ҳуқуқи вужудга келгандан сўнг ўн дақиқа мобайнида 2-босқич Муҳтож шахс Реабилитация воситасини ижтимоий карта орқали харид қилиш ҳуқуқи вужудга келганлиги тўғрисидаги хабарни олгандан сўнг «Ижтимоий ҳимоя» АТда маълумотлари ва телефон рақамини киритган ҳолда рўйхатдан ўтади. Ижтимоий карта бўлмаган ҳолларда, белгиланган тартибда ижтимоий карта очади. Хоҳишига кўра 3-босқич «Ижтимоий ҳимоя» АТ 1. Реабилитация воситасини ижтимоий карта орқали харид қилиш ҳуқуқи вужудга келганда ва улар учун ижтимоий карта очилганда электрон тўлов топшириқнома ва қайдномасини шакллантиради ва тегишли молиявий агентга юборади. 2. Реабилитация воситасини харид қилиш учун маблағларни тўлаш бўйича электрон ҳужжатларни ДМБАТга йўналтиради. Бунда ДМБАТ томонидан автоматик равишда тегишли маблағлар молиявий агентнинг банк ҳисоб варағига ўтказилади. Автоматик равишда 4-босқич Молиявий агент 1. Тўлов қайдномасига асосан маблағларни муҳтож шахснинг ижтимоий картасига ўтказиб беради. Бир иш куни ичида 2. Тўланган маблағлар бўйича «Ижтимоий ҳимоя» АТга маълумот юборади. 3. Муҳтож шахснинг мобил телефон рақамига ижтимоий картага зарур маблағ ўтказиб берилганлиги тўғрисида қисқа матнли СМС-хабар юборади. Маблағ ўтказиб берилгандан кейин бир дақиқа ичида »;

2 , 3 ва 4-иловалар ўз кучини йўқотган деб топилсин;

5-иловада :

7-банд устуни номидаги «ёки пенсия ёшидаги муҳтож шахс» сўзлари чиқариб ташлансин;

8-банд устуни номидаги «ёки тиббий хулоса» сўзлари чиқариб ташлансин;

9-банд устуни номидаги «Ногиронлик тўғрисидаги маълумотнома ёки тиббий хулосанинг» сўзлари «Ногиронлик тўғрисидаги маълумотноманинг» сўзлари билан алмаштирилсин;

25 ва 26-бандлар устунлари номидаги «ТИЭК, ПТИЭК ва ВМКга» сўзлари «ТИЭКга» сўзи билан алмаштирилсин;

6-илованинг 6-бандидаги «ёки ВМК тиббий хулосаси» сўзлари чиқариб ташлансин;

7-иловада :

тўртинчи хатбошидаги «ёки тиббий хулоса» сўзлари чиқариб ташлансин;

«в» кичик банддаги «ТИЭК ёки ВМКга» сўзлари «ТИЭКга» сўзи билан алмаштирилсин;

изоҳ қисмидаги «ТИЭК ёки ВМКга» сўзлари «ТИЭКга» сўзи билан алмаштирилсин.

31. Вазирлар Маҳкамасининг 2024 йил 31 майдаги 313-сон қарори билан тасдиқланган «Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисидаги низомда :

а) 12-банднинг биринчи хатбошисидаги «1 — 12-иловаларига» сўзлари «1 — 13-иловаларига» сўзлари билан алмаштирилсин;

б) қуйидаги мазмундаги 12 1 -банд билан тўлдирилсин:

«12 1 . Уй-жойни таъмирлаш, шунингдек, ёнғин, сув тошқини, зилзила ва бошқа техноген ҳодисалар оқибатида зарар кўрган уй-жойларни тиклаш ва таъмирлаш харажатларини қоплаш тарзидаги ёрдамлар истисно тариқасида туман (шаҳар) ҳокимликларининг сўровига асосан ҳам «Саховат ва кўмак» жамғармаси маблағлари ҳисобидан кўрсатилиши мумкин. Бунда:

а) ёрдамлар Ижтимоий реестрга киритилган ёки ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваригача бўлган оилаларга турар жойга нисбатан ҳуқуқ белгиловчи ҳужжатлари мавжуд бўлган, кадастр органлари томонидан ҳисобга олинган ҳамда солиқ органлари ахборот тизимига солиқ тўловчи сифатида киритилган уй-жой учун қуйидаги миқдорда кўрсатилади:

уй-жойни таъмирлаш ёрдами мазкур ёрдамни олганига икки йилдан ортган оилаларга БҲМнинг 50 бараваригача бўлган миқдорда;

ёнғин, сув тошқини, зилзила ва бошқа техноген ҳодисалар оқибатида зарар кўрган уй-жойларни тиклаш ва таъмирлаш харажатларини қоплаш ёрдами заруратга кўра, чекланмаган маротаба БҲМнинг 150 бараваригача бўлган миқдорда;

б) туман (шаҳар) ҳокимликлари «Саховат ва кўмак» жамғармаси маблағларидан фойдаланиш учун унинг асосларини ҳамда ёрдам кўрсатиладиган фуқароларнинг рўйхатини илова қилган ҳолда тегишлича Агентликнинг Қорақалпоғистон Республикаси, вилоятлар ва Тошкент шаҳар бошқармаларига сўровнома киритади;

в) Агентликнинг Қорақалпоғистон Республикаси, вилоятлар ва Тошкент шаҳар бошқармалари томонидан сўровнома ушбу Низомнинг 5 ва 9-иловаларига мувофиқ паспортларда назарда тутилган талаб ва шартларга мувофиқ бўлган тақдирда туман (шаҳар) ҳокимликлари ҳузуридаги «Инфратузилма ва ижтимоий барқарорлик» жамғармасига «Саховат ва кўмак» жамғармаси маблағлари ҳисобидан зарур маблағлар ўтказиб берилади. Бунда:

маблағлар ҳар ойнинг 30 санасига қадар «Саховат ва кўмак» жамғармасининг туман (шаҳар)га тақсимланган тушумлари ҳисобидан ажратилади;

«Инфратузилма ва ижтимоий барқарорлик» жамғармасига ўтказиладиган маблағларнинг йиллик миқдори ўтган календар йил давомида «Саховат ва кўмак» жамғармасига келиб тушган маблағларнинг ўттиз фоизидан ошмаслиги лозим».

в) 16-бандда :

биринчи хатбошисидаги «2 — 12-иловаларига» сўзлари «1 — 13-иловаларига» сўзлари билан алмаштирилсин;

иккинчи хатбошисидаги «3 — 12-иловаларида» сўзлари «1 — 13-иловаларида» сўзлари билан алмаштирилсин

г) 21-банддаги «1 — 12-иловаларига» сўзлари «1 — 13-иловаларига» сўзлари билан алмаштирилсин;

д) 4-иловада :

2-позициянинг учинчи устини қуйидаги таҳрирда баён этилсин:

«Ижара тўловининг 50 фоизи, бироқ БҲМнинг 2 бараваригача (Тошкент шаҳрида БҲМнинг 4 бараваригача, Нукус шаҳри ҳамда вилоятлар марказларида БҲМнинг 3 бараваригача)»;

7-позициянинг учинчи устини «ёрдам олувчининг» сўзларидан кейин «ижтимоий картаси ёки» сўзлари билан тўлдирилсин;

е) 5-илова 5-позициясининг учинчи устини қуйидаги таҳрирда баён этилсин:

«а) уй-жойни таъмирлаш учун:

оила аъзоларининг Ижтимоий реестрда туриши;

ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оиланинг аъзоси бўлиши. Бунда оиланинг ойлик ўртача жами даромади Вазирлар Маҳкамаси томонидан белгиланган оилани «давлат таъминотидаги оила» ёки «камбағал оила» тоифасига киритиш жараёнида баҳолашдан ўтказиш тартибига мувофиқ аниқланади.

Бунда, оиланинг ҳар бир аъзосига тўғри келадиган бир ойлик ўртача жами даромади минимал истеъмол харажатлари миқдорининг 2 бараваридан ошмаслиги лозим.

б) яшаш шароитини мослаштириш учун Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг реестрига киритилган оила аъзоларининг Ижтимоий реестрда туриши ёки ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оиланинг аъзоси бўлиши лозим. Бунда:

оиланинг ойлик ўртача жами даромади Вазирлар Маҳкамасининг 2026 йил 29 январдаги 35-сон қарори билан тасдиқланган Ижтимоий реестрни юритиш тартиби тўғрисидаги низомга мувофиқ аниқланди;

оиланинг бир ойлик жами ўртача даромад миқдорини ҳисоблаб чиқишда меҳнатга ҳақ тўлаш энг кам миқдорининг икки бараваригача бўлган пенсия ва бошқа даромадлари ҳисобга олинмайди;

даромадни расмий маълумотлар орқали тасдиқлаш имкони бўлмаганда шартли равишда норматив даромад қўлланилмайди»;

ж) қуйидаги мазмундаги 13-илова билан тўлдирилсин:

««Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисидаги низомга 13-ИЛОВА

Аёлларни реабилитация қилиш ва мослаштириш республика марказининг ҳудудий марказларидан чиқарилган хотин-қизларнинг турар жой ижараси учун компенсация ёрдамини кўрсатиш

1. Ижтимоий ёрдам номи: Аёлларни реабилитация қилиш ва мослаштириш республика марказининг ҳудудий марказларидан чиқарилган хотин-қизларнинг турар жой ижараси учун компенсация 2. Ижтимоий ёрдам миқдори: Ижара тўловининг 100 фоизи, бироқ БҲМнинг 4 бараваригача (Тошкент шаҳрида БҲМнинг 8 бараваригача, Нукус шаҳри ҳамда вилоятлар марказларида БҲМнинг 6 бараваригача) 3. Ижтимоий ёрдам олувчининг тоифаси: Уч ой давомида Аёлларни реабилитация қилиш ва мослаштириш республика марказининг ҳудудий марказларида бўлган ҳамда ушбу муассасалардан чиқарилганига бир ойдан ошмаган хотин-қизлар. 4. Ижтимоий ёрдамни олиш учун тақдим қилинадиган ҳужжатлар: Ижара шартномаси нусхаси ва ижара шартномасининг солиқ органларида ҳисобга қўйилганлиги ҳақидаги билдиришнома. 5. Ижтимоий ёрдамни тақдим этиш талаблари ва шартлари: Уч ой давомида Аёлларни реабилитация қилиш ва мослаштириш республика марказининг ҳудудий марказларида бўлган хотин-қизларнинг ушбу муассасалардан чиқарилганига бир ой дан ошмаганлиги ҳамда ойлик ўртача жами даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оиланинг аъзоси бўлиши. Бунда: а) оиланинг ойлик ўртача жами даромади Вазирлар Маҳкамасининг 2026 йил 29 январдаги 35-сон қарори билан тасдиқланган Ижтимоий реестрни юритиш тартиби тўғрисидаги низомга мувофиқ аниқланди; б) оиланинг ҳар бир аъзосига тўғри келадиган бир ойлик ўртача жами даромади минимал истеъмол харажатлари миқдорининг 2 бараваридан ошмаслиги лозим; в) оиланинг ҳар бир аъзосига тўғри келадиган бир ойлик ўртача жами даромади аниқланишида қуйидагилар: тазйиқ ўтказган ва зўравонлик содир этган шахс оила таркибига киритилмайди ҳамда унинг мол-мулклари ва даромади инобатга олинмайди; тазйиқ ва зўравонликка учраган хотин-қизлар даромадини расмий маълумотлар орқали тасдиқлаш имкони бўлмаганда шартли равишда норматив даромад қўлланилмайди. 6. Ижтимоий ёрдам кўрсатиш даврийлиги: Ўн икки ой давомида ҳар ойда 7. Ижтимоий ёрдам кўрсатиш шакли: Мазкур компенсация солиқ органларида ҳисобга қўйилган ижара шартномасига мувофиқ ёрдам олувчининг ижтимоий картаси ёки банк пластик картасига ўтказиб берилади. 8. Изоҳ: 1. Мазкур ижтимоий ёрдам тури бўйича компенсация яқин қариндошлар ўртасида тузилган ижара шартномаси учун тўлаб берилмайди. 2. Мазкур ижтимоий ёрдам ижара шартномаси солиқ органларида ҳисобга қўйилган туман (шаҳар) бўйича «Саховат ва кўмак» жамғармасининг ушбу туман (шаҳар)га тақсимланган маблағлари доирасида молиялаштирилади. 3. Мазкур ижтимоий ёрдам турини тақдим этиш қуйидагича амалга оширилади: биринчи босқичда — Аёлларни реабилитация қилиш ва мослаштириш республика марказининг ҳудудий марказлари томонидан хотин-қизларнинг ҳолатини баҳолаш натижалари бўйича ишлаб чиқилган якка тартибдаги ижтимоий реабилитация дастурига «Саховат ва кўмак» жамғармаси маблағлари ҳисобидан ёрдам кўрсатиш бўйича тавсия киритилади; иккинчи босқичда — хотин-қизларнинг компенсация тўлаш мезонларига мослиги ўрганилиб, «Ижтимоий ҳимоя» АТда ёрдам кўрсатиш тўғрисидаги қарор шакллантирилади; учинчи босқичда — «Ижтимоий ҳимоя» АТ орқали шакллантирилган қарор асосида Агентликнинг Қорақалпоғистон Республикаси, вилоятлар ва Тошкент шаҳар бошқармалари томонидан «Саховат ва кўмак» жамғармасининг туман (шаҳар)га тақсимланган тушумлари ҳисобидан тегишли маблағлар ажратилади. ».

32. Вазирлар Маҳкамасининг 2024 йил 31 майдаги 318-сон қарори билан тасдиқланган Ўзгаларнинг парваришига муҳтож бўлган айрим шахсларга қараб туришнинг ҳақиқий ҳолатини текшириш далолатномасини расмийлаштириш бўйича давлат хизматини кўрсатишнинг маъмурий регламенти 17-бандининг бешинчи хатбошисидаги ва 22-бандининг учинчи хатбошисидаги ««Мурувват» интернат уйига» сўзлари ««Ғамхўрлик» марказига» сўзлари билан алмаштирилсин.

33. Вазирлар Маҳкамасининг 2024 йил 6 августдаги 484-сон қарори билан тасдиқланган Ижтимоий хизматлар классификатори 2-бобида :

а) 2 — 4 ва 30 — 32-позицияларнинг «Ижтимоий хизмат кўрсатиш марказлари шаклида ташкил этилган ижтимоий хизматлар» устунидаги ««Мурувват» интернат-уйлари» сўзлари ««Ғамхўрлик» марказлари» сўзлари билан алмаштирилсин;

б) 32-позициянинг «Ижтимоий хизмат тури» устунидан «кундузги парваришлаш» сўзлари чиқариб ташлансин.

34. Вазирлар Маҳкамасининг «Фаол нуронийларни Ижтимоий реестрга киритилган оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тартиби тўғрисидаги низомни тасдиқлаш ҳақида» 2024 йил 27 декабрдаги 892-сон қарорида :

а) қуйидаги таҳрирдаги 2 1 -банд билан тўлдирилсин:

«2 1 . Белгилансинки, 2027 йил 1 январдан бошлаб Ижтимоий реестрга киритилган оилаларнинг фарзандларини ўқув жиҳозлари ва қуроллари ҳамда спорт кийимлари билан таъминлаш уларнинг қийматини фуқаронинг ижтимоий картасига ўтказиб бериш орқали амалга оширилади»;

б) иловада :

2-бандда :

қуйидаги мазмундаги иккинчи хатбоши билан тўлдирилсин:

«молиявий агент — ўқув жиҳозлари ва қуроллари ҳамда спорт кийимлари харид қилиш учун маблағларни Ижтимоий реестрга киритилган оилаларнинг фарзандларининг ижтимоий карталарига ўтказишга масъул бўлган Ўзбекистон Республикаси резиденти бўлган тижорат банки»;

иккинчи хатбоши учинчи хатбоши деб ҳисоблансин;

3-боб 2-параграфининг номи «спорт кийимларини харид қилиш» сўзларидан кейин «харажатларини қоплаш» сўзлари билан тўлдирилсин;

12-банднинг тўртинчи хатбошисидаги «камбағал оила» сўзлари «Ижтимоий реестрга киритилган оила» сўзлари билан алмаштирилсин;

13-банднинг биринчи хатбошиси қуйидаги таҳрирда баён этилсин:

«13. «Нуроний» жамғармасининг ҳудудий бўлинмаси буйруқ расмийлаштирилгандан кейин ўн иш куни ичида буйруқда кўрсатилган ўқув жиҳозлари ва қуроллари ҳамда спорт кийимларини қонунчиликда белгиланган тартибда харид қилади. Бунда 2027 йил 1 январдан бошлаб ҳудудий бўлинма ўқув жиҳозлари ва қуроллари ҳамда спорт кийимларининг қийматини фуқаронинг ижтимоий картасига ўтказиб беради»;

15-банд «ишлар натижадорлиги» сўзларидан кейин «, шунингдек, ўқув жиҳозлари, қуроллари, спорт кийимлари харид қилинганлиги» сўзлари билан тўлдирилсин;

1-иловада :

1-босқичнинг «Муддатлар» устунидаги «камбағал оила» сўзлари «Ижтимоий реестрга киритилган оила» сўзлари билан тўлдирилсин;

3-босқичнинг «Тадбирлар» устуни қуйидаги таҳрирда баён этилсин:

«1. Буйруқда кўрсатилган шахслар бўйича тўлов қайдномаларини молиявий агентга тақдим этади.

2. Зарур маблағларни молиявий агентнинг махсус ҳисобварағига ўтказиб беради»;

4-босқичда:

«Субъектлар» устунидаги «Нуроний» жамғармасининг ҳудудий бўлимлари» сўзлари «Молиявий агент» сўзлари билан алмаштирилсин;

«Тадбирлар» устуни қуйидаги таҳрирда баён этилсин:

«Тўлов рўйхатига асосан маблағларни фуқаронинг ижтимоий картасига ўтказиб беради»;

5-босқичнинг «Тадбирлар» устуни қуйидаги таҳрирда баён этилсин:

«Ўқув жиҳозлари ва қуроллари ҳамда спорт кийимларининг харид қилинганлигини мониторинг қилади».

35. Вазирлар Маҳкамасининг «Етим болалар ва ота-она қарамоғидан маҳрум бўлган болаларни жойлаштириш шакллари бўйича айрим норматив-ҳуқуқий ҳужжатларни тасдиқлаш тўғрисида» 2024 йил 27 декабрдаги 893-сон қарорида :

а) 2-илованинг 8-банди «в» кичик банди бешинчи хатбошиси «болани вақтинча жойлаштиришнинг муқобил шаклига» сўзларидан кейин «, шунингдек, профессионал тутинган оилага ёки кичик ҳажмли ижтимоий кўмак марказларига» сўзлари билан тўлдирилсин;

б) 8-иловада :

17-банддаги ««Мурувват» болалар интернат-уйига» сўзлари «ногиронлиги бўлган болалар учун «Ғамхўрлик» марказига» сўзлари билан алмаштирилсин;

19-банднинг иккинчи ва тўртинчи хатбошиларидаги ««Мурувват» болалар интернат-уйларига» сўзлари «ногиронлиги бўлган болалар учун «Ғамхўрлик» марказларига» сўзлари билан алмаштирилсин;

в) 9-илованинг 5-банди қуйидаги таҳрирда баён этилсин:

«5. Меҳрибонлик уйи Агентлик томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишган ҳолда ташкил этилади»;

г) 10-иловада :

2-банднинг тўртинчи хатбошисидаги «, зўравонликдан жабрланган, ўзига нисбатан зўравонлик содир этилиши хавфи остида бўлган ва ижтимоий жиҳатдан хавфли аҳволда бўлган болалар» сўзлари чиқариб ташлансин;

3-банднинг иккинчи хатбошиси чиқариб ташлансин;

5-бандда :

олтинчи ва еттинчи хатбошилар чиқариб ташлансин;

саккизинчи хатбоши олтинчи хатбоши деб ҳисоблансин;

13-банднинг иккинчи хатбошисидаги «, зўравонликдан жабрланган, ўзига нисбатан зўравонлик содир этилиши хавфи остида бўлган ва ижтимоий жиҳатдан хавфли аҳволда бўлган болалар ваколатли органнинг қарори билан бир йилгача бўлган муддатга» сўзлари чиқариб ташлансин;

иловада :

3-позициясида:

«Штат бирлиги сони» устунидаги «4» рақами «3*» рақами билан алмаштирилсин;

«Меҳнатга ҳақ тўлаш шартлари» устунидаги ««Мурувват» ногиронлиги бўлган болалар интернат уйларининг» сўзлари «Ногиронлиги бўлган болалар учун «Ғамхўрлик» марказларининг» сўзлари билан алмаштирилсин;

изоҳ қисми қуйидаги мазмундаги иккинчи хатбоши билан тўлдирилсин:

36. Вазирлар Маҳкамасининг «Аҳолини ижтимоий қўллаб-қувватлашда «ижтимоий карта» тизимини жорий этиш чора-тадбирлари тўғрисида» 2024 йил 27 декабрдаги 897-сон қарорида :

а) 2-бандда :

«в» кичик банднинг иккинчи хатбошисидаги «уч иш куни» сўзлари «беш иш куни» сўзлари билан алмаштирилсин;

қуйидаги мазмундаги йигирма биринчи-йигирма иккинчи хатбошилар билан тўлдирилсин:

«Ижтимоий картани муомалага чиқаришда молиявий агент ёки Агентлик айби билан нотўғри ёки ноаниқ маълумотлар жойлаштирилганда ижтимоий карта бепул асосда қайта муомалага чиқарилади ва фойдаланишга тақдим этилади ҳамда мазкур банднинг «г» кичик бандида назарда тутилган шахслар учун бепул етказиб берилади.

Ижтимоий тўлов тайинланган ва ижтимоий картаси бўлмаган мазкур қарорга 1-иловада назарда тутилган шахсларга ижтимоий карталар қўшимча ариза талаб этмаган ҳолда уларнинг нафақа тайинлаш тўғрисидаги мурожаати ҳамда электрон маълумотлар алмашинуви орқали олинган маълумотлар асосида шакллантирилган электрон рўйхат бўйича муомалага чиқарилиши ва фойдаланишга тақдим этилиши мумкин»;

б) 3-бандда :

«в» кичик бандда :

иккинчи хатбошидаги «ЯИДХП ва мобил иловада» сўзлари «мобил иловада» сўзлари билан алмаштирилсин;

учинчи хатбоши қуйидаги таҳрирда баён этилсин:

«рақамли сервисларнинг қоғоз нусхалари банкларда, нотариал идораларда, аэропортларда ички рейсларни рўйхатдан ўтказишда ва Ўзбекистон Республикаси ҳудудидан ўтувчи поездларга чиқишда, давлат, корпоратив ва бошқа юклатилган вазифаларини бажариш ва хизматларни кўрсатиш, шу жумладан, электрон хизмат кўрсатишда ҳамда фуқароларни қабул қилишда тегишли ҳужжатларни тақдим этишни талаб қиладиган давлат органларида, ички ишлар органлари ходимлари томонидан ва бошқа ташкилотларда талаб этилмайди»;

ўн тўртинчи хатбоши «ҳуқуқига эга» сўзларидан кейин «, бундан ҳужжатларнинг қоғоз шаклини қонунчилик ҳужжатларида белгиланган тартибда алмаштириш ва олиб қўйиш ҳолатлари мустасно» сўзлари билан тўлдирилсин;

в) 4-бандда :

қуйидаги мазмундаги «б 1 » кичик банд билан тўлдирилсин:

«б 1 ) 2026 йил 1 ноябрдан бошлаб реабилитация қилишнинг техник воситаларига муҳтожлик белгиланган шахсларни мазкур воситалар билан таъминлаш уларнинг ижтимоий карталарига харид қилиш учун маблағларни ўтказиб бериш орқали амалга оширилади»;

«в» кичик банднинг биринчи хатбошисидаги «2025 йил 1 апрелдан» сўзлари «2026 йил 1 июндан» сўзлари билан алмаштирилсин;

г) 6-бандда :

«а» кичик банднинг учинчи хатбошисидаги «тажриба-синов тариқасида жорий этилган ҳудудларда» сўзлари «республиканинг барча ҳудудларида тўлиқ жорий этилгунга қадар» сўзлари билан алмаштирилсин;

«б» кичик банди қуйидаги таҳрирда баён этилсин:

«б) қуйидагиларга «Рақамли ҳукумат» тизимининг идоралараро интеграциялашув платформаси орқали маълумотларни бепул олишга:

«Ўзбекистон темир йўллари» ва «Uzbekistan Airways» акциядорлик жамиятларига — мактаб ўқувчилари, талабалар, ногиронлиги бўлган шахслар ва пенсионерларга (нафақа олувчиларга) имтиёзли чипталарни сотишда;

молиявий агентга — ижтимоий карталарни муомалага чиқаришда»;

д) 8-банд қуйидаги таҳрирда баён этилсин:

«8. Агентлик:

Рақамли технологиялар вазирлиги билан биргаликда 2025 йил 1 июлга қадар «Ишонч телефони»ни мазкур қарорнинг 3-банди «а» кичик бандида назарда тутилган тўлов ташкилотининг техник қўллаб-қувватлаш хизмати билан интеграция қилинишини таъминласин;

Солиқ қўмитаси билан биргаликда 2026 йил 1 июлга қадар ижтимоий карталар орқали амалга оширилган харидлар (фискал чеклар) ҳамда қайтарилган қўшилган қиймат солиғи суммалари тўғрисидаги тегишли ахборот тизимидаги маълумотлар «Ижтимоий карта» АТга тақдим этиб борилишини йўлга қўйсин»;

е) 1-иловада :

12-банд «Пенсионерлар» сўзидан кейин «ва ижтимоий нафақа олувчилар» сўзлари билан тўлдирилсин;

қуйидаги мазмундаги 16-17-бандлар билан тўлдирилсин:

«16. «Темир дафтар», «Ёшлар дафтари» ва «Аёллар дафтари»га киритилган оилалар (шахслар)

17. Давлат ижтимоий суғуртаси бўйича тўлов олувчилар»;

изоҳ қисми қуйидаги мазмундаги иккинчи хатбоши билан тўлдирилсин:

ж) 2-иловада :

қуйидаги мазмундаги 18-банд билан тўлдирилсин:

«18. Саломатлиги хавфсизлик камари тақиш имконини бермайдиган касалликлар бўйича тиббий маълумотнома»;

қуйидаги мазмундаги изоҳ қисми билан тўлдирилсин;

з) 4-иловада :

6-бандда :

иккинчи хатбошидаги «ҳолати бўйича» сўзларидан кейин «айни вақтда» сўзлари билан тўлдирилсин;

қуйидаги мазмундаги тўртинчи хатбоши билан тўлдирилсин:

«Ушбу Низомда белгиланган тартибда ижтимоий карта эмиссия қилинган шахсга бошқа молиявий агент томонидан ижтимоий карта эмиссия қилинмайди»;

тўртинчи хатбоши бешинчи хатбоши деб ҳисоблансин;

8-бандда :

биринчи хатбоши «мурожаат қилинади» сўзларидан кейин «, бундан мазкур банднинг еттинчи хатбошисида назарда тутилган ҳоллар мустасно» сўзлари билан тўлдирилсин;

қуйидаги мазмундаги еттинчи хатбоши билан тўлдирилсин:

«Ижтимоий карта бепул муомалага чиқариладиган ва фойдаланиш учун тақдим этиладиган шахслар тоифаларининг рўйхатига киритилган шахсларга ижтимоий карталар қўшимча ариза талаб этмаган ҳолда уларнинг нафақа тайинлаш тўғрисидаги мурожаати ҳамда электрон маълумотлар алмашинуви орқали олинган маълумотлар асосида шакллантирилган электрон рўйхат бўйича муомалага чиқарилиши ва фойдаланишга тақдим этилиши мумкин»;

13-бандда :

тўртинчи хатбошидаги «ҳамда ариза берувчига оммавий оферта бир нусхаси чоп этилган ҳолда берилади» сўзлари чиқариб ташлансин;

бешинчи хатбоши чиқариб ташлансин;

олтинчи хатбоши бешинчи хатбоши деб ҳисоблансин;

1-илованинг 4-банди «б» кичик банди қуйидаги мазмундаги еттинчи хатбоши билан тўлдирилсин:

«паспорт ёки ID карта (болалар учун туғилганлик гувоҳномаси) серияси ва рақами»;

еттинчи — ўн тўртинчи хатбошилар тегишлича саккизинчи — ўн бешинчи хатбоши деб ҳисоблансин.

37. Вазирлар Маҳкамасининг «Ногиронлиги бўлган болалар учун кундузги парвариш хизматини ташкил этиш чора-тадбирлари тўғрисида» 2025 йил 27 февралдаги 126-сон қарорида :

а) 1-иловада :

5-бандда :

иккинчи хатбоши «ЯТТ» сўзидан кейин «(ўзига ёхуд турмуш ўртоғига)» сўзлари билан тўлдирилсин;

учинчи хатбоши қуйидаги таҳрирда баён этилсин:

«Бунда бино ёки иншоот ЯТТ (турмуш ўртоғига тегишли бўлган ҳолат бундан мустасно) ёки юридик шахсга мулк ҳуқуқи билан тегишли бўлмаган тақдирда, бино ёки иншоотдан ижара ёки бошқа ҳуқуқ асосида фойдаланиш шартномасининг амал қилиш муддати давлат-хусусий шериклик тўғрисидаги битимнинг амал қилиш муддати давомида ўз кучида бўлиши таъминланиши зарур»;

6-банддан «Ижтимоий реестрга киритилган ва» сўзлари чиқариб ташлансин;

22-банд қуйидаги таҳрирда баён этилсин:

«22. Кундузги парвариш хизматида тарбиячи лавозимига олий ёки ўрта махсус педагогик ёхуд психологик, тарбиячи ёрдамчиси лавозимига умумий ўрта маълумотга эга бўлган шахслар қабул қилинади»;

33-банд қуйидаги таҳрирда баён этилсин:

«33. Кундузги парвариш хизмати қуйидаги ҳолларда вақтинча тўхтатиб турилади:

тарбияланувчиларнинг ҳаёти ва соғлигига хавф туғдириши мумкин бўлган техник носозликлар, авария ҳолатлари ёки табиий ёки бошқа офатлар, карантин ва одамлар учун хавфли бўлган бошқа юқумли касалликларнинг тарқалиши натижасида муайян ҳудудда юзага келган вазиятларда;

санитария қоидалари, нормалари ва гигиена нормативлари бузилганлиги аниқланганда;

ёнғин хавфсизлиги талабларига риоя этилмаганлиги аниқланганда;

ҳудудий бошқарма томонидан ўтказилган ўрганиш натижасида аниқланган камчиликлар белгиланган муддатда бартараф этилмаганда;

енгиб бўлмас куч (форс-мажор) ҳолатлари юзага келганда;

давлат-хусусий шериклик тўғрисидаги битим шартларини бажариш билан боғлиқ техник ёки ташкилий сабаблар мавжуд бўлганда»;

қуйидаги мазмундаги 33 1 — 33 3 -бандлар билан тўлдирилсин:

«33 1 . Кундузги парвариш хизмати мазкур Низомнинг 33-бандида назарда тутилган ҳолатлардан бири юзага келганда хусусий шерик ҳамда ҳудудий бошқарма томонидан улар бартараф этилгунга қадар давлат-хусусий шериклик тўғрисидаги битимда белгиланган тартибда вақтинча тўхтатиб турилади.

Бунда кундузги парвариш хизмати вақтинча тўхтатиб турилган даврда:

янги тарбияланувчилар қабул қилинмайди;

тарбияланувчиларнинг давомати ҳисобга олинмайди;

хусусий шерикка субсидия ва компенсация ҳисобланмайди ҳамда тўланмайди.

33 2 . Кундузги парвариш хизмати вақтинча тўхтатиб турилган тақдирда тарбияланувчиларнинг ота-онаси (уларнинг ўрнини босувчи шахслар) камида бир иш куни олдин хабардор қилинади.

33 3 . Кундузги парвариш хизматини вақтинча тўхтатиб туришга сабаб бўлган ҳолатлар бартараф этилгандан сўнг кундузги парвариш хизмати фаолияти давлат-хусусий шериклик тўғрисидаги битимда белгиланган тартибда қайта тикланади;

36-банд қуйидаги таҳрирда баён этилсин:

«36. Субсидия гуруҳга камида 2 нафар тарбияланувчи қабул қилинганидан сўнг ҳисобот ойида ҳар бир тарбияланувчининг ҳақиқатда қатнаган кунлари бўйича ажратилади. Бунда тарбияланувчиларнинг энг кам сонини аниқлашда бир ойнинг камида учдан бири қисмида давомати белгиланган тарбияланувчилар инобатга олинади»;

б) 2-иловада :

4-банд «а» кичик бандидаги «4» рақами «2» рақами билан алмаштирилсин;

5-банд қуйидаги мазмундаги тўртинчи хатбоши билан тўлдирилсин:

«Бунда хусусий шерикка бириктирилган ногиронлиги бўлган болалар кундузги парвариш хизматидан бир ой давомида камида ўн иш куни қатнаган, бироқ етти иш кунигача фойдаланмаган кунлари учун ҳам хусусий шерикка мазкур банднинг иккинчи ва учинчи хатбошиларида назарда тутилган субсидиянинг 50 фоизи миқдорида субсидия ажратилади»;

7-банднинг олтинчи хатбошиси қуйидаги таҳрирда баён этилсин:

«Бунда вилоятлар марказлари, Тошкент ва Нукус шаҳарларида кундузги парвариш хизматини ташкил этган хусусий шерикка ажратиладиган субсидиянинг ойлик миқдори КПХС = КПХ *1,1 * ҚКС формуласи орқали, мазкур Низомнинг 5-банди тўртинчи хатбошисида назарда тутилган субсидия ажратилишида эса субсидиянинг миқдорини 50 фоизга камайтириш орқали ҳисоб-китоб қилинади»;

в) 4-илова изоҳ қисмининг 4-бандидаги ««Мурувват» ногиронлиги бўлган шахслар учун интернат уйи» сўзлари «ногиронлиги бўлган шахслар учун «Ғамхўрлик» маркази» сўзлари билан алмаштирилсин;

г) 5-илованинг 3-банди ўз кучини йўқотган деб топилсин.

38. Вазирлар Маҳкамасининг «Транспорт хизматларидан фойдаланиш имкониятларини кенгайтириш орқали кўриш ва ҳаракатланиш билан боғлиқ касалликларга чалинган алоҳида таълим эҳтиёжлари бўлган болалар учун таълим олиш шароитларини яхшилаш тўғрисида» 2025 йил 28 февралдаги 132-сон қарорида :

а) 2-банд қуйидаги мазмундаги «б 1» кичик банд билан тўлдирилсин:

«б 1 ) 2027 йил 1 январдан бошлаб нодавлат таълим ташкилотларининг коррекцион синфларида таълим олаётган ўқувчиларга уларнинг касаллик туридан қатъи назар транспорт хизматини кўрсатиш;

б) иловада :

2-бандда :

биринчи хатбоши «муассасалари ва ташкилотлари,» сўзидан кейин «коррекцион синфлар ташкил этилган нодавлат таълим ташкилотлари,» сўзлари билан тўлдирилсин;

«б» кичик банд қуйидаги таҳрирда баён этилсин:

«б) транспорт хизмати мазкур Низомга 1-иловага мувофиқ касалликларга чалинган ва «Ижтимоий ҳимоя» АТнинг Психологик-тиббий-педагогик комиссия ёки Тиббий-ижтимоий-эксперт комиссия электрон модулларида рўйхатда турган ўқувчиларга кўрсатилади;»;

4-банддаги «иловада» сўзи «2-иловада» сўзлари билан алмаштирилсин;

9-банд қуйидаги таҳрирда баён этилсин:

«9. Ўқувчининг қонуний вакили транспорт хизматидан фойдаланиш мақсадида Транспорт хизматидан фойдаланувчилар рўйхатига кириш учун яшаш манзили бўйича маҳаллага бириктирилган ижтимоий ходим орқали ёки «Инсон» ижтимоий хизматлар марказлари ёки давлат хизматлари марказига келиб ёки давлат хизматидан электрон тарзда мустақил фойдаланиш учун «Ягона миллий ижтимоий ҳимоя» ахборот тизими, Ўзбекистон Республикаси Ягона интерактив давлат хизматлари порталида (кейинги ўринларда — ЯИДХП), «Ижтимоий карта» мобил иловаси орқали рўйхатдан ўтиб мазкур Низомга 3-иловага мувофиқ шаклдаги сўровнома асосида мурожаат қилади»;

10-банднинг биринчи хатбошиси қуйидаги таҳрирда баён этилсин:

«10. Ўқувчининг қонуний вакили яшаш манзили бўйича маҳаллага бириктирилган ижтимоий ходимга ёки «Инсон» ижтимоий хизматлар марказлари ёки давлат хизматлари марказига мурожаат қилган тақдирда, маҳаллага бириктирилган ижтимоий ходим ёки «Инсон» ижтимоий хизматлар марказлари ёки давлат хизматлари маркази масъул ходими ариза берувчи номидан бевосита уларнинг розилиги билан «Ижтимоий ҳимоя» АТ орқали, ЯИДХП орқали мурожаат қилинганда сўровномани электрон шаклда мустақил тўлдиради»;

11-бандда :

биринчи хатбоши қуйидаги таҳрирда баён этилсин:

«11. Ижтимоий ходим, «Инсон» ижтимоий хизматлар марказидаги ижтимоий ходим ёки Давлат хизматлари маркази ходими ўқувчи қонуний вакилининг мурожаатини «Ижтимоий ҳимоя» АТда рўйхатдан ўтказади. Бунда мурожаатда қуйидаги маълумотлар акс эттирилади:»;

бешинчи хатбоши қуйидаги таҳрирда баён этилсин:

«Мурожаат ЯИДХП орқали келиб тушганда ўқувчи яшаш манзилининг харитадаги жойлашуви (геолокацияси) «Ижтимоий ҳимоя» АТда ўқувчининг қонуний вакили яшаш манзили бўйича маҳаллага бириктирилган ижтимоий ходим ёки «Инсон» ижтимоий хизматлар марказидаги ижтимоий ходим томонидан белгиланади»;

12-банднинг тўртинчи хатбошиси қуйидаги таҳрирда баён этилсин:

«ўқувчи ўқийдиган таълим ташкилоти, шу жумладан, коррекцион синфда ўқиётган нодавлат таълим ташкилоти ёки кундузги парвариш хизмати»;

14-банднинг иккинчи хатбошиси қуйидаги таҳрирда баён этилсин:

«мазкур Низомга 1-иловада белгиланган касалликларга чалинмаганлиги аниқланганда»;

19-бандда :

тўртинчи хатбоши қуйидаги таҳрирда баён этилсин:

«ўқувчи таълим ташкилотини тугатганда, коррекцион синфдан чиқарилганида ёки кундузги парвариш хизматидан чиқарилганида»;

қуйидаги мазмундаги бешинчи хатбоши билан тўлдирилсин:

«ўқувчи соғломлаштирилиб мазкур Низомга 1-иловада белгиланган касалликларнинг бири бўйича реабилитация қилинганида»;

бешинчи хатбоши олтинчи хатбоши деб ҳисоблансин;

20-банднинг учинчи хатбошиси қуйидаги таҳрирда баён этилсин:

«ўқувчининг қонуний вакили томонидан транспорт хизматидан фойдаланишни тўхтатиб туриш ҳақида мазкур Низомга 4-иловага мувофиқ ариза берилганда;»;

қуйидаги мазмундаги 1-илова билан тўлдирилсин:

«Ижтимоий аҳамиятга эга транспорт хизматини кўрсатиш ва ушбу хизматдан фойдаланиш харажатларини субсидия шаклида қоплаш тартиби тўғрисидаги низомга 1-ИЛОВА

Транспорт хизмати татбиқ этиладиган касалликлар

Т/р Касаллик турининг номланиши ва коди 1. Иккала кўзнинг кўрлиги (амовроз) (иккала кўзи — OU) (Н54.0) 2. Анофтальм (бир ёки иккала кўзи — OU) (Q11) 3. Кўриш нервининг атрофияси (иккала кўзи — OU) (Н47.2) 4. Кўриш нерви диски туғма аномалияси (оғир даражадаги) (иккала кўзи — OU) — кўзи ожиз бўлган болалар кўриш ўткирлиги 0,01 — 0,04 доирасида коррекциядан сўнг 0,01 дан 0,05 гача (Q14.2) 5. Преретинопатия (иккала кўзи — OU) — кўзи ожиз бўлган болалар кўриш ўткирлиги 0,01 — 0,04 доирасида коррекциядан сўнг 0,01 дан 0,05гача (Н35.1) 6. Тўр парданинг ажралиши, ёрилиши ёки йиртилиши билан (иккала кўзи — OU) (Н33.0) 7. Оғир даражали ақлий заифлик (F72) 8. Чуқур ақлий заифлик (F73) 9. Болалар аутизми (ақлий заифлик стереотип ҳаракатлар билан бирга келувчи гиперактив бузилиш) (F84.4) 10. Болалар церебрал фалажи (БЦФ) (GMFCS классификациясига кўра 3-4-5 даража) ва бошқа неврологик патологиялар оқибатида ортопедик деформациялари — G80 11. Дюшен миопатияси (мустақил юрмайди) (G71) 12. Спинал мушак атрофияси ва унга яқин синдромлар (мустақил юрмайди) (G12.0) 13. Spina bifida (умуртқа каналининг тўлиқсиз ёпилиши (Q05)), жароҳатлар ва бошқа касалликлар натижасида келиб чиққан пастки параплегия (мустақил юрмайди) 14. Кўзи ожизлик (амовроз) — Н54.1 15. Колобома (Q 12,2 Q 13,0), преретинопатия (Q 35,1) (чала туғилган болалар ретинопатияси) 16. Кўриш нерви диск(Q 14,2) ва макуласининг оғир даражадаги гипоплазияси (Q 14,8 Q 14,9) 17. Альбинизм — E 70.3 кўриш ўткирлиги коррекция билан 0 дан -0,04 гача яхши кўрадиган кўзда 18. Ретинобластома С 69.2 кўриш ўткирлиги коррекция билан 0 дан -0,04 гача яхши кўрадиган кўзда 19. Скелетнинг тизимли касалликлари (ахондроплазия, дисхондроплазия, хондродистрофия) Q 77 Q 78 20. Диализга муҳтожлик Z 49 Z 99,2 N 18,0 21. Қўл ва оёқларнинг йирик бўғимларида 2 ва ундан ортиқ функционал ноқулай ҳолатдаги анкилоз ( M 24,6) ва кучли ифодаланган контрактуралар (M 24,5) ҳисобига статодинамик функцияларининг кучли ифодаланган бузилишлари »;

илова 2-илова деб ҳисоблансин;

2-илова қуйидаги таҳрирда баён этилсин:

«Ижтимоий аҳамиятга эга транспорт хизматини кўрсатиш ва ушбу хизматдан фойдаланиш харажатларини субсидия шаклида қоплаш тартиби тўғрисидаги низомга 2-ИЛОВА

Ижтимоий аҳамиятга эга транспорт хизматини кўрсатиш ва ушбу хизматдан фойдаланиш харажатларини субсидия шаклида қоплаш

Босқичлар Субъектлар Механизм Бажариш муддатлари 1-босқич Ариза берувчи (ўқувчининг қонуний вакили) Ижтимоий аҳамиятга эга транспорт хизматидан фойдаланувчилар рўйхатига (кейинги ўринларда — Транспорт хизматидан фойдаланувчилар рўйхати) кириш учун маҳаллага бириктирилган ижтимоий ходимга, «Инсон» ижтимоий хизматлар маркази ёки давлат хизматлари марказига келиб мурожаат қилади ёки давлат хизматидан электрон тарзда фойдаланиш учун «Ягона миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ), «Ижтимоий карта» мобил иловаси орқали ёки Ягона интерактив давлат хизматлари порталида (кейинги ўринларда — ЯИДХП) рўйхатдан ўтади ёхуд мурожаат қилади. Хоҳишига кўра 2-босқич 1. Ижтимоий ходим, «Инсон» ижтимоий хизматлар маркази ёки Давлат хизматлари маркази 1. Мурожаатни «Ижтимоий ҳимоя» АТда рўйхатдан ўтказади. 1. Ўн дақиқада. 2. ЯИДХП, Ижтимоий ҳимоя АТ, Ижтимоий карта 2. Тўлдирилган сўровнома автоматик тарзда «Ижтимоий ҳимоя» АТ рўйхатдан ўтказилади. 2. Реал вақт режимида. 3-босқич «Ижтимоий ҳимоя» АТ 1. Мурожаатни кўриб чиқиш жараёнида ўқувчига тегишли маълумотлар тизим орқали аниқланади. 2. Ўқувчи ҳамда унинг қонуний вакили тўғрисидаги маълумотлар Транспорт хизматидан фойдаланувчилар рўйхатига киритилади ва бу тўғрисида мурожаат муаллифига СМС-хабарнома юборилади. Уч иш кунида 4-босқич Транспорт хизматидан фойдаланувчилар рўйхатига киритилган ўқувчининг қонуний вакили Транспорт хизматини кўрсатувчи тадбиркорлик субъектлари реестрига киритилган йўналишсиз таксида йўловчи ташувчиларга мижозларни излаш бўйича интерактив хизматларни кўрсатувчи агрегаторнинг (кейинги ўринларда — агрегатор) мобил иловаси орқали буюртма беради. Хоҳишига кўра 5-босқич Агрегатор 1. Ўқувчини буюртмани қабул қилган автотранспорт воситаси ҳайдовчиси орқали буюртмада кўрсатилган манзилга олиб боради. 1. Реал вақт режимида. 2. Ўқувчи буюртмада кўрсатилган манзилга етиб боргач, ҳайдовчи томонидан буюртма бажарилганлигини мобил илова орқали тасдиқлайди. 2. Кўрсатилган манзилга етиб боргач дарҳол. 3. Буюртма бажарилганлиги тўғрисидаги маълумот (мобил илова орқали «Ижтимоий ҳимоя»АТга юборилади. 3. Автоматик равишда. 6-босқич «Ижтимоий ҳимоя» АТ» Буюртма бажарилганлиги тўғрисида маълумот келиб тушганидан сўнг субсидия агрегаторга ўтказиб беради. Автоматик равишда »;

қуйидаги мазмундаги 3 ва 4-иловалар билан тўлдирилсин:

«Ижтимоий аҳамиятга эга транспорт хизматини кўрсатиш ва ушбу хизматдан фойдаланиш харажатларини субсидия шаклида қоплаш тартиби тўғрисидаги низомга 3-ИЛОВА

Транспорт хизматидан фойдаланиш бўйича

I. Ариза берувчи тўғрисида маълумотлар 1. Жисмоний шахснинг шахсий идентификация рақами (ЖШШИР) 2. Фамилияси: Автоматик тарзда шаклланади 3. Исми: 4. Отасининг исми: 5. Туғилган санаси: 6. Паспорт (идентификация ID-карта) серияси ва рақами: 7. Маҳалла фуқаролар йиғини номи: 8. Телефон рақами: 9. Электрон почта манзили (мавжуд бўлса): II. Бола тўғрисида маълумотлар (бола тўғрисидаги қонуний вакил томонидан берилганида тўлдирилади) 1. Жисмоний шахснинг шахсий идентификация рақами (ЖШШИР) 2. Фамилияси: Автоматик тарзда шаклланади 3. Исми: 4. Отасининг исми: 5. Туғилган санаси: 6. Паспорт (идентификация ID-карта) серияси ва рақами: 7. Маҳалла фуқаролар йиғини номи: 8. Телефон рақами: 9. Электрон почта манзили (мавжуд бўлса): сана: 20 __ «___» ________

Ижтимоий аҳамиятга эга транспорт хизматини кўрсатиш ва ушбу хизматдан фойдаланиш харажатларини субсидия шаклида қоплаш тартиби тўғрисидаги низомга 4-ИЛОВА

Транспорт хизматидан фойдаланишни тўхтатиб туриш ҳақида

I. Ариза берувчи тўғрисида маълумотлар 1. Жисмоний шахснинг шахсий идентификация рақами (ЖШШИР) 2. Фамилияси: Автоматик тарзда шаклланади 3. Исми: 4. Отасининг исми: 5. Туғилган санаси: 6. Паспорт (идентификация ID-карта) серияси ва рақами: 7. Маҳалла фуқаролар йиғини номи: 8. Телефон рақами: 9. Электрон почта манзили (мавжуд бўлса): II. Бола тўғрисида маълумотлар (бола тўғрисидаги қонуний вакил томонидан берилганида тўлдирилади) 1. Жисмоний шахснинг шахсий идентификация рақами (ЖШШИР) 2. Фамилияси: Автоматик тарзда шаклланади 3. Исми: 4. Отасининг исми: 5. Туғилган санаси: 6. Паспорт (идентификация ID-карта) серияси ва рақами: 7. Маҳалла фуқаролар йиғини номи: 8. Телефон рақами: 9. Электрон почта манзили (мавжуд бўлса): сана: 20 __ «___» ________ ».

39. Вазирлар Маҳкамасининг 2025 йил 5 майдаги 294-сон қарори билан тасдиқланган Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 11-илованинг 10-позициясининг учинчи устуни қуйидаги таҳрирда баён этилсин:

«Мазкур ёрдам уни олувчилар учун қонунчилик ҳужжатларига мувофиқ:

Давлат бюджети маблағлари ҳисобидан имтиёзли тоифага кирувчи шахслар даволанадиган касалликлар рўйхатига мувофиқ йўлланмалар асосида;

Тиббий ёрдам харажатлари Давлат тиббий суғуртаси жамғармаси ҳисобидан қопланмаган ҳолатларда кўрсатилади.

Давлат тиббий суғуртаси жамғармаси томонидан Ижтимоий ҳимоя давлат жамғармаси маблағлари ҳисобидан тиббиёт ташкилотларига ўтказилган маблағлар бўйича алоҳида ҳисоб-китоб юритилади».

40. Вазирлар Маҳкамасининг «Ўзгалар парваришига муҳтож шахсларга ваучер асосида янги ижтимоий хизматлардан фойдаланиш тартибини жорий этиш чора-тадбирлари тўғрисида» 2025 йил 18 июндаги 376-сон қарорида :

а) 3-банднинг «а» кичик бандида :

иккинчи хатбоши «Агентликнинг тизим ташкилотлари ходимлари» сўзларидан кейин «ҳамда Ижтимоий реестрга киритилган оиланинг ўзини ўзи банд қилган аъзоси» сўзлари билан тўлдирилсин;

учинчи хатбоши «Бунда» сўзидан кейин «2026 йил 1 июндан бошлаб» сўзлари билан тўлдирилсин;

б) 1-иловада :

2а-илованинг 11-позицияси учинчи устунининг учинчи хатбошисидаги ««Мурувват» интернат-уйига» сўзлари ««Ғамхўрлик» марказига» сўзлари билан алмаштирилсин;

2г-иловада :

2-позиция учинчи устунининг «г» банди чиқариб ташлансин;

4-позиция учинчи устунининг «б» банди чиқариб ташлансин;

7-позиция учинчи устунининг «б» банди чиқариб ташлансин;

8-позиция учинчи устунининг учинчи хатбошиси чиқариб ташлансин;

11-позициянинг учинчи устунида қуйидаги таҳрирда баён этилсин:

«Ижтимоий хизмат кўрсатилишини ташкил этишда ҳар 7 нафар хизматдан фойдаланувчига қараб туриш учун камида 1 нафар ходим бириктирилиши тавсия этилади.

Хизмат марказ типида ташкил этилганда камида 1 нафар ҳамшира фаолияти йўлга қўйилади.

Кундузги қатнов асосида қараб туриш хизмати марказ типида ташкил этилган ҳолларда уйда тиббий-ижтимоий реабилитация хизмати доирасида кўрсатиладиган тадбирлар ҳам ушбу муассасада кўрсатилиши мумкин.

Кундузги қатнов асосида қараб туриш хизматини кўрсатиш марказ типида йўлга қўйилган вақтдан бошлаб тегишлилиги бўйича Ногиронлиги бўлган шахсларни реабилитация қилиш ва протезлаш миллий маркази, унинг ҳудудий марказлари, шунингдек марказ мавжуд бўлмаган ҳудудларда Агентликнинг ҳудудий бошқармаларидаги тиббий-ижтимоий реабилитация хизматини ривожлантириш бўйича масъул ходими томонидан ҳар 3 ойда бир маротаба марказ ишининг минимал талабларга мувофиқлиги ва хизмат кўрсатиш ҳолати мониторинг қилинади»;

5-илова 3-бобининг 13 ва 14-бандлари чиқариб ташлансин.

41. Вазирлар Маҳкамасининг 2025 йил 8 октябрдаги 630-сон қарори билан тасдиқланган Паралимпия спорт турлари бўйича спорт терма жамоаларини шакллантириш тартиби тўғрисидаги низомда :

а) 2-банддаги , 11-банднинг биринчи ва иккинчи хатбошиларидаги тегишли келишикдаги ««Мурувват» интернат уйлари» сўзлари тегишли келишикдаги ««Ғамхўрлик» марказлари» сўзлари билан алмаштирилсин;

б) 1-иловадаги ««Мурувват» интернат уйлари» сўзлари ««Ғамхўрлик» марказлари» сўзлари билан алмаштирилсин.

42. Вазирлар Маҳкамасининг 2025 йил 10 октябрдаги 637-сон қарори билан тасдиқланган Имтиёзли шартларда пенсияга чиқиш ҳуқуқини берувчи ишлаб чиқаришлар, муассасалар, ишлар, касблар, лавозимлар ва кўрсаткичларнинг рўйхати 3-1920-позициясининг «Касблар» устунидаги ««Мурувват» ногиронлиги бўлган болалар учун интернат уйлари» сўзлари «ногиронлиги бўлган болалар учун «Ғамхўрлик» марказлари» сўзлари билан алмаштирилсин.

43. Вазирлар Маҳкамасининг 2025 йил 4 ноябрдаги 694-сон қарори билан тасдиқланган Давлат ва нодавлат тиббиёт ташкилотларида Ўзбекистон Республикаси Давлат бюджети маблағлари ҳисобидан тиббий ёрдам кўрсатиш тартиби тўғрисидаги низомнинг 9-банди «о» кичик бандидан «ва Ижтимоий ҳимоя давлат жамғармаси» сўзлари чиқариб ташлансин.

44. Вазирлар Маҳкамасининг «Ўзбекистон Республикаси Президенти ҳузуридаги Ижтимоий ҳимоя миллий агентлиги тизимидаги ташкилотларда айрим хизматларни кўрсатишни аутсорсинг асосида ташкил этиш чора-тадбирлари тўғрисида» 2025 йил 22 декабрдаги 810-сон қарорида:

а) 1-бандда:

биринчи хатбоши қуйидаги таҳрирда баён этилсин:

«1. Белгилансинки, 2026 йил 1 июлдан бошлаб босқичма-босқич Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) тизимидаги ташкилотларда айрим хизматларни кўрсатишни аутсорсинг асосида ташкил этишнинг қуйидаги тартиби жорий этилади:»;

иккинчи хатбошидаги «Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) тизимидаги ташкилотларда» сўзлари «Агентлик тизимидаги ташкилотларда» сўзлари билан алмаштирилсин;

б) 5-банднинг учинчи хатбошисидаги «1 апрелга» сўзлари «1 июлга» сўзлари билан алмаштирилсин;

в) 6-банднинг иккинчи хатбошисидаги «1 майдан» сўзлари «1 июлдан» сўзлари билан алмаштирилсин;

г) 1-иловада:

8-банд қуйидаги таҳрирда баён этилсин:

«8. Аутсорсинг хизматларига ҳақ тўлаш миқдорлари буюртмачи томонидан тегишли хизмат таннархида (солиқлар, иш ҳақи, моддий харажатлар, билвосита харажатлар) аутсорсернинг харажатларини қоплаш мақсадида 30 фоизгача устама ҳақни ҳисобга олган ҳолда белгиланади. Бунда:

ушбу бандга асосан устама ҳақи 15 фоиздан кам бўлмаган миқдорда белгиланади;

аутсорсинг хизматларига ҳақ тўлаш миқдорлари ушбу хизматларни кўрсатиш учун Агентлик томонидан тизим ташкилотларига ажратилган маблағлар миқдоридан ошиб кетмаслиги керак»;

9-банд қуйидаги мазмундаги иккинчи хатбоши билан тўлдирилсин:

«Бунда давлат харидларини ўтказиш жараёнида талабгорнинг таклифлари балл усулидан фойдаланган ҳолда баҳоланади»;

11-бандда:

қуйидаги мазмундаги тўққизинчи-ўнинчи хатбошилар билан тўлдирилсин:

«аутсорсинг хизматларини, шу жумладан, овқатлантириш хизматларини сифатли, хавфсиз ва узлуксиз кўрсатиш имконияти, мазкур йўналиш бўйича амалий тажрибаси, аввал тузилган шартномалар мажбуриятлари бажарилганлигини тасдиқловчи ҳужжатларнинг мавжудлиги. Бунда талабгорларнинг таклифларини баҳолашда ушбу талабга мос келадиган талабгорларга устунлик берилади;

аутсорсинг хизматлари сифати ва хавфсизлигини таъминлашда халқаро тажриба ва ҳамкорлик имкониятларидан фойдаланиш, шу жумладан, озиқ-овқат хавфсизлиги ва сифат менежменти соҳасидаги миллий ҳамда халқаро стандартлар асосида ишлаш имкониятининг мавжудлиги»;

тўққизинчи — ўн биринчи хатбошилар тегишлича ўн биринчи — ўн учинчи хатбошилар деб ҳисоблансин;

қуйидаги мазмундаги ўн тўртинчи хатбоши билан тўлдирилсин:

«Буюртмачи томонидан аутсорсинг хизматининг тури, тизим ташкилотининг ихтисослашуви ҳамда хизматдан фойдаланувчиларнинг эҳтиёжларидан келиб чиқиб, Агентлик билан келишилган ҳолда талабгорга қўшимча талаблар белгиланиши мумкин»;

қуйидаги мазмундаги 19 1 -банд билан тўлдирилсин:

«19 1 . Аутсорсер томонидан шартнома ва инвестиция мажбуриятлари тўлиқ бажарилганда, ўз фаолияти санитария қоидалари, нормалари ва гигиена нормативларига мувофиқ амалга оширилганда, мониторинг комиссияси хулосасига кўра аутсорсинг шартномаси узайтирилиши мумкин. Бунда:

аутсорсер томонидан таклиф этилган устама ҳақ миқдори ўзгартиришсиз қолдирилади;

аутсорсер билан шартномани икки йилдан ортиқ узайтириш мумкин эмас»;

д) 2-иловада:

9-банднинг «б» кичик банди еттинчи хатбошиси «озиқ-овқат маҳсулотларининг» сўзларидан кейин «қўшилган қиймат солиғи ҳисобга олинган» сўзлари билан тўлдирилсин;

21-банд қуйидаги таҳрирда баён этилсин:

«21. Тизим ташкилотини озиқ-овқат маҳсулотлари билан таъминловчи ташкилотлар ёки аутсорсер келтирган озиқ-овқат маҳсулотлари бракераж комиссияси томонидан кўриб чиқилганидан кейин тизим ташкилотига қабул қилинади.

Бунда бракераж комиссияси томонидан озиқ-овқат маҳсулотларини қабул қилишда маҳсулотларнинг сифатини кафолатловчи ҳужжатлар (сертификат, ишлаб чиқарилган санаси, маҳсулотнинг яроқлик муддати, маркировка ва бошқалар) мавжудлиги кўриб чиқилади.

Қабул қилинган маҳсулотлар тўғрисидаги маълумотлар (ҳисоб-фактураси, чек, тўлов топшириқномалари ва бошқалар) тегишли ахборот тизимлари орқали Ахборот тизимида шаклланади».

45. Вазирлар Маҳкамасининг «Алоҳида таълим эҳтиёжлари бўлган болаларга сифатли таълим олиш имкониятини яратиш, уларни жамиятга интеграция қилиш ва индивидуал ривожланишини қўллаб-қувватлаш чора-тадбирлари тўғрисида» 2025 йил 24 декабрдаги 818-сон қарорида :

а) 1-банд қуйидаги таҳрирда баён этилсин:

«1. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Ижтимоий ҳимоя миллий агентлиги), Мактабгача ва мактаб таълими вазирлиги, Олий таълим, фан ва инновациялар вазирлиги, Қорақалпоғистон Республикаси Вазирлар Кенгаши, вилоятлар ҳамда Тошкент шаҳри ҳокимликларининг қуйидаги таклифларига розилик берилсин:

Тошкент шаҳрида Ижтимоий ҳимоя миллий агентлиги тизимидаги Кўп функционал инклюзив-ресурс маркази (кейинги ўринларда — Инклюзив марказ) ва Қорақалпоғистон Республикаси ва вилоятларда биттадан алоҳида таълим эҳтиёжлари бўлган болалар учун ихтисослаштирилган мактаб ёки мактаб-интернатлар (кейинги ўринларда — махсус мактаблар) негизида Кўп функционал инклюзив-ресурс мактаблари (кейинги ўринларда — Инклюзив мактаблар) ташкил этиш;

Ижтимоий ҳимоя миллий агентлиги тизимидаги махсус мактаблар ва мактабгача таълим ташкилотларининг раҳбар, педагог ва мутахассис ходимларини Ижтимоий ҳимоя давлат жамғармаси маблағлари ҳисобидан педагог кадрлар тайёрлайдиган олий таълим муассасалари ёки лицензияга эга нодавлат таълим ташкилотларида малакасини ошириш тартибини йўлга қўйиш»;

б) 3-банд қуйидаги мазмундаги «з» кичик банд билан тўлдирилсин:

«з) 2026 йил 15 майдан бошлаб махсус мактабларнинг, 2026 йил 2 октябрдан бошлаб Ижтимоий ҳимоя миллий агентлиги тизимидаги мактабгача таълим ташкилотлари (кейинги ўринларда — мактабгача таълим ташкилотлари)нинг раҳбар, педагог ва мутахассис ходимлари учун беш йилда бир маротаба ишдан ажралган ҳолда ўтказиладиган малака ошириш курслари жорий қилинади. Бунда:

махсус мактаблар ҳамда мактабгача таълим ташкилотларининг педагог ва мутахассис ходимлари учун малака ошириш курсининг давомийлиги камида 100 соат, раҳбар ходимлари учун камида 144 соат этиб белгиланади;

малака ошириш курсларидаги ўқув жараёни гуруҳларнинг тўлдирилишига боғлиқ ҳолда, тингловчилар сони 25 нафардан кам бўлмаган ва 30 нафардан кўп бўлмаган академик гуруҳларда ташкил этилади;

малака ошириш курслари Ижтимоий ҳимоя миллий агентлигининг буюртмасига биноан Мактабгача ва мактаб таълими ходимларининг малакасини ошириш фаолияти билан шуғулланадиган касбий ривожлантириш таълим ташкилотлари реестрига киритилган нодавлат таълим ташкилотлари ёки педагог кадрлар тайёрлайдиган олий таълим муассасалари (кейинги ўринларда — малака ошириш ташкилотлари) томонидан амалга оширилади;

малака ошириш курслари учун тўловлар малака ошириш ташкилотлари ва Ижтимоий ҳимоя миллий агентлиги ўртасида тўғридан-тўғри тузиладиган шартномалар асосида (тузилган шартнома суммасининг 30 фоизини олдиндан тўлашни назарда тутган ҳолда) ҳар бир тингловчи учун белгиланган миқдордан келиб чиқиб Ижтимоий ҳимоя давлат жамғармаси маблағлари ҳисобидан амалга оширилади;

бир нафар тингловчи учун тўланадиган маблағ миқдори Ижтимоий ҳимоя миллий агентлиги ва малака ошириш ташкилоти томонидан белгиланади. Бунда бир нафар раҳбар тингловчи учун тўланадиган маблағ миқдори базавий ҳисоблаш миқдорининг ўн бараваридан, педагог ва мутахассис ходимлар учун уч бараваридан ошмаслиги лозим;

малака ошириш курслари малака ошириш ташкилотлари томонидан ишлаб чиқилган ҳамда Ижтимоий ҳимоя миллий агентлиги билан келишилган ҳолда тасдиқланган ўқув режа ва дастурлари бўйича онлайн ёки офлайн шаклда амалга оширилади;

малака ошириш даврида тингловчиларнинг асосий иш жойи бўйича лавозими ва ўртача иш ҳақи сақланиб қолади, ўқув юкламалари эса бошқа педагог ходимлар ўртасида тақсимланади».

46. Вазирлар Маҳкамасининг «Ижтимоий реестрга киритилган оилаларни қўллаб-қувватлаш тизимини такомиллаштиришнинг қўшимча чора-тадбирлари тўғрисида» 2026 йил 29 январдаги 35-сон қарорида :

а) 1-иловада :

18-банднинг учинчи хатбошиси қуйидаги таҳрирда баён этилсин:

«Ижтимоий иқтисодий ҳолати ўрганилаётган даврда умумий рўзғор асосида яшаётган турмуш ўртоғи бўлмаган боқувчисини йўқотганлик пенсияси ёки нафақасини олаётган ёхуд боласи учун алимент олаётган она (ота)нинг оиласи боқувчисини йўқотган ёки боласини ёлғиз тарбиялаётган оила сифатида қабул қилинади»;

33-банднинг «к» кичик бандидаги ««Мурувват» интернат уйларига» сўзлари ««Ғамхўрлик» марказларига» сўзлари билан алмаштирилсин;

3-иловадаги «Мурувват уйида» сўзлари ««Ғамхўрлик» марказида» сўзлари билан алмаштирилсин;

б) 5-илова 6-позициясининг «Маълумотлар тўплами таркиби» устуни 4-бандидаги ««Мурувват» интернат уйларига» сўзлари ««Ғамхўрлик» марказларига» сўзлари билан алмаштирилсин.

47. Вазирлар Маҳкамасининг ««Фаол ҳаётга қадам» дастури жорий этилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2026 йил 29 январдаги 36-сон қарорининг 2-банди чиқариб ташлансин.

48. Вазирлар Маҳкамасининг «Зўравонликдан жабрланган, ўзига нисбатан зўравонлик содир этилиши хавфи остида ва ижтимоий жиҳатдан хавфли аҳволда бўлган болалар ҳамда уларнинг оилаларига ижтимоий хизматларни ташкил қилиш чора-тадбирлари тўғрисида» 2026 йил 9 февралдаги 48-сон қарори :

а) 2-бандда :

қуйидаги мазмундаги еттинчи хатбоши билан тўлдирилсин:

«кичик ҳажмли ижтимоий кўмак марказлари фаолиятини ташкил этиш, молиялаштириш, мувофиқлаштириш, мониторинг қилиш ва методик қўллаб-қувватлаш»;

еттинчи хатбоши саккизинчи хатбоши деб ҳисоблансин;

б) 6-бандда :

бешинчи хатбошидаги «тасдиқлансин» сўзи чиқариб ташлансин;

қуйидаги мазмундаги олтинчи хатбоши билан тўлдирилсин:

«Кичик ҳажмли ижтимоий кўмак марказлари тўғрисидаги низом 3 1 -иловага мувофиқ тасдиқлансин»;

в) 1-илова изоҳ қисмининг 2-банди қуйидаги таҳрирда баён этилсин:

г) қуйидаги мазмундаги 3 1 -илова билан тўлдирилсин:

«Вазирлар Маҳкамасининг 2026 йил 9 февралдаги 48-сон қарорига 3 1 -ИЛОВА

Кичик ҳажмли ижтимоий кўмак марказлари тўғрисида

1-боб. Умумий қоидалар

1. Мазкур Низом кичик ҳажмли ижтимоий кўмак марказларининг мақоми, фаолиятини ташкил этиш, унга зўравонликдан жабрланган, ўзига нисбатан зўравонлик содир этилиши хавфи остида бўлган ва ижтимоий жиҳатдан хавфли аҳволда бўлган болаларни (кейинги ўринларда — тарбияланувчилар) жойлаштириш, тарбияланувчиларга комплекс ижтимоий ва реабилитация хизматларини кўрсатиш, шунингдек, молиялаштириш ва мониторинг қилиш тартибини белгилайди.

2. Кичик ҳажмли ижтимоий кўмак марказлари тарбияланувчиларга индивидуал ёндашув асосида оилага яқин муҳитда комплекс ижтимоий ва реабилитация хизматларини кўрсатиш орқали оилавий ҳаёт шароитига қайтариш мақсадида ташкил этилади.

3. Қуйидагилар кичик ҳажмли ижтимоий кўмак марказларининг асосий вазифалари ҳисобланади:

тарбияланувчиларнинг ақлий, эмоционал ва жисмоний ривожланишига кўмаклашувчи оилавий муҳитни яратиш;

тарбияланувчиларни оилавий, миллий анъаналар ва умуминсоний қадриятлар асосида тарбиялаш;

тарбияланувчиларга комплекс ижтимоий ва реабилитация хизматларини кўрсатиш;

тарбияланувчиларнинг ўзлари томонидан хулқ-атворни бошқаришни ўргатиш, уларнинг ота-оналари (уларнинг ўрнини босувчи шахслар) билан бузилган муносабатларини тиклаш ва ижтимоийлашувига кўмаклашиш;

тарбияланувчиларда оилавий-маиший ҳаёт кўникмаларини шакллантириш, меҳнат ва касб танлаши учун шарт-шароитлар яратиш, мустақил ҳаётга тайёрлаш.

2-боб. Кичик ҳажмли ижтимоий кўмак марказларини ташкил этиш, тарбияланувчиларни қабул қилиш ва чиқариш

1-§. Кичик ҳажмли ижтимоий кўмак марказларини ташкил этиш тартиби

4. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Ижтимоий ҳимоя миллий агентлиги) ҳузуридаги Болаларни қўллаб-қувватлаш ва ижтимоий интеграция маркази (кейинги ўринларда — Интеграция маркази) кичик ҳажмли ижтимоий кўмак марказларининг муассиси ҳисобланади ва улар Ижтимоий ҳимоя миллий агентлиги билан келишган ҳолда юридик шахс мақомисиз Интеграция маркази директорининг буйруғи билан, қоида тариқасида, маҳаллаларда ташкил этилади.

5. Кичик ҳажмли ижтимоий кўмак марказлари Ижтимоий ҳимоя миллий агентлиги ва унинг тизимидаги ташкилотлар, Интеграция маркази балансида бўлган тураржойларда, янгидан харид қилинган уй-жойларда ҳамда ижара асосида олинган тураржойларда ташкил этилиши мумкин.

Кичик ҳажмли ижтимоий кўмак марказлари учун уй-жойларни харид қилиш Ижтимоий ҳимоя миллий агентлиги директорининг буйруғига асосан Ижтимоий ҳимоя миллий агентлиги, Интеграция маркази, Ижтимоий ҳимоя миллий агентлигининг Ижтимоий ҳимоя давлат жамғармаси (кейинги ўринларда — Жамғарма) ҳамда тегишли ҳудудий бошқармаси ходимларидан иборат ташкил этиладиган комиссия хулосасига кўра Интеграция маркази томонидан Жамғарма маблағлари ҳисобидан амалга оширилади.

Кичик ҳажмли ижтимоий кўмак марказлари ташкил этиладиган бино-иншоотлар, уларни жиҳозлаш, таъмирлаш ва моддий-техника базаси учун минимал талаблар кичик ҳажмли болалар уйлари бўйича минимал талаблар асосида белгиланади.

Кичик ҳажмли ижтимоий кўмак марказларида ташвиш тугмаси ўрнатилади.

6. Кичик ҳажмли ижтимоий кўмак марказлари фаолияти, шу жумладан жиҳозлаш ва ташвиш тугмаси билан боғлиқ харажатлар Интеграция маркази томонидан Жамғармадан ажратилган маблағлар ва қонунчиликда тақиқланмаган бошқа манбалар ҳисобидан молиялаштирилади.

7. Кичик ҳажмли ижтимоий кўмак марказлари нодавлат ташкилотлар томонидан ҳам ташкил этилиши мумкин.

8. Нодавлат ташкилотлар томонидан ташкил этилган кичик ҳажмли ижтимоий кўмак марказлари томонидан тарбияланувчиларни комплекс ижтимоий ва реабилитация хизматларини кўрсатиш ҳамда бошқа йўналишда кўрсатиладиган хизматлар Интеграция маркази ва нодавлат ташкилотлар ўртасида тузиладиган давлат ижтимоий буюртмаси, аутсорсинг ва бошқа турдаги шартномалар асосида қонунчилик ҳужжатлари талабларига мувофиқ амалга оширилади.

9. Нодавлат ташкилотлар томонидан ташкил этилган кичик ҳажмли ижтимоий кўмак марказларига тарбияланувчиларни жойлаштириш ва улардан чиқариш «Инсон» ижтимоий хизматлар маркази (кейинги ўринларда — ваколатли орган)нинг қарори асосида амалга оширилади.

10. Нодавлат ташкилотлар томонидан ташкил этилган кичик ҳажмли ижтимоий кўмак марказларига жойлаштирилган тарбияланувчиларнинг таъминоти Жамғарма маблағлари ҳисобидан ушбу Низомнинг 35-бандида назарда тутилган маблағлар доирасида молиялаштирилади.

2-§. Кичик ҳажмли ижтимоий кўмак марказларига тарбияланувчиларни қабул қилиш ва чиқариш тартиби

11. Тарбияланувчиларни кичик ҳажмли ижтимоий кўмак марказларига жойлаштириш уларни оиласида сақлаб қолиш ёки муқобил жойлаштириш шаклларига бериш имконияти бўлмаган тақдирда, сўнгги чора сифатида амалга оширилади.

12. Кичик ҳажмли ижтимоий кўмак марказларига 18 ёшгача бўлган 10 нафаргача тарбияланувчи қабул қилинади.

Тарбияланувчилар кичик ҳажмли ижтимоий кўмак марказларига яшаш жойи ва турган жойи, агар улар муайян яшаш жойига эга бўлмаса, аниқланган жойдаги ваколатли органнинг қарори билан тарбияланувчилар ҳамда уларнинг ота-оналари (уларнинг ўрнини босувчи шахслар) розилиги асосида бир йилгача бўлган муддатга жойлаштирилади.

Агар 3 ой мобайнида кичик ҳажмли ижтимоий кўмак марказларидаги тарбияланувчиларнинг сони 2 ва ундан кам бўлган тақдирда, ушбу кичик ҳажмли ижтимоий кўмак марказининг фаолияти Ижтимоий ҳимоя миллий агентлигининг тегишли ҳудудий бошқармасининг хулосасига кўра Интеграция маркази директорининг буйруғига асосан тўхтатилади ҳамда тарбияланувчилар вақтинчалик яқин ҳудуддаги бошқа бир кичик ҳажмли ижтимоий кўмак марказига жойлаштирилади. Бунда, фаолияти тўхтатилган кичик ҳажмли ижтимоий кўмак марказига қўшимча равишда жойлаштирилиши мумкин бўлган тарбияланувчи(лар) аниқланганда, унинг фаолияти Интеграция маркази директорининг буйруғи билан қайта тикланади ва вақтинчалик бошқа бир кичик ҳажмли ижтимоий кўмак марказига жойлаштирилган тарбияланувчилар қайтарилади.

13. Тарбияланувчиларни кичик ҳажмли ижтимоий кўмак марказларига жойлаштиришда уларнинг этник жиҳатдан келиб чиқиши, муайян динга ва маданиятга мансублиги ҳисобга олиниши лозим.

14. Тарбияланувчилар кичик ҳажмли ижтимоий кўмак марказларига қабул қилинганидан сўнг, икки иш кунида ушбу ҳудуддаги ваколатли орган сўровига асосан улар соғлиқни сақлаш муассасаларида белгиланган тартибда тиббий текширувдан ўтказилади, бундан вояга етмаганларга ижтимоий-ҳуқуқий ёрдам кўрсатиш марказларидан олиб келинган тарбияланувчилар мустасно.

Тиббий текширув хулосасига кўра тарбияланувчиларнинг даволанишга муҳтожлиги (тан жароҳати ва бошқа касалликлар) ёки ушбу Низомнинг 15-банди «а» кичик бандида назарда тутилган касалликлар аниқланган ҳолларда, улар даволаниш учун тегишли соғлиқни сақлаш муассасасига жойлаштирилади.

Бунда, тарбияланувчилар соғлиқни сақлаш муассасаларидан чиқарилгунга қадар, бироқ 1 ойгача бўлган муддатда кичик ҳажмли ижтимоий кўмак марказларида ҳисобда туради ва ваколатли орган томонидан зарур ҳолларда масофадан туриб хизматлар кўрсатилади.

15. Қуйидагилар кичик ҳажмли ижтимоий кўмак марказларига қабул қилинмайди:

а) болаларда қуйидаги ташхислардан бири мавжуд бўлганда:

тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик;

беморнинг ўзи ва атрофдагилар учун хавфли бўлган қўпол ва хулқий бузилишлар сабаб бўладиган руҳий касалликлар;

жараённинг фаол босқичидаги сил касаллиги;

юқумли тери ва соч касалликлари;

ўткир юқумли касалликлар;

салбий жараёндаги, ёмон ҳолатда ўтадиган ўсма касалликлари ва рецидивлари;

таносил касалликлари (ОИВ инфекцияси бундан мустасно);

юрак-қон томир, нафас олиш ва овқат ҳазм қилиш тизимининг хуруж ва декомпенсация босқичи.

Бунда, мазкур бандда назарда тутилган касалликлар аниқланган болалар тегишли даволаш-профилактика муассасаларига юборилганда, ваколатли орган томонидан зарур ҳолларда масофадан туриб хизматлар кўрсатилади ҳамда ушбу муассасалардан чиқарилгандан сўнг ижтимоий ходим уларни розилик асосида ҳудудий марказларга жойлаштириш чораларини кўради.

б) ҳуқуқбузарликлар ёки ғайриижтимоий хатти-ҳаракатлар содир этган болалар.

16. Қуйидаги ҳолатларда тарбияланувчилар кичик ҳажмли ижтимоий кўмак марказларидан чиқарилади:

тарбияланувчилар учун ишлаб чиқилган ҳимоя қилиш режаси ёки индивидуал интеграция режасида белгиланган ижтимоий хизматларнинг кўрсатилиши натижасида уларнинг психоижтимоий ҳолати барқарорлашганлиги;

тарбияланувчининг ўн саккиз ёшга тўлганлиги;

ушбу Низомнинг 12-банди иккинчи хатбошисида ёки 14-банди учинчи хатбошисида назарда тутилган муддатнинг тугаганлиги;

кичик ҳажмли ижтимоий кўмак марказларининг ички тартиб-қоидаларини мунтазам ёки бир марта қўпол равишда бузганлиги;

кичик ҳажмли ижтимоий кўмак марказларини такроран ўзбошимчалик билан тарк этганлиги;

тарбияланувчиларнинг бошқа муқобил жойлаштириш шаклларига берилганлиги;

тарбияланувчиларнинг қонуний вакилларининг уларни кичик ҳажмли ижтимоий кўмак марказларидан чиқариш бўйича аризаси;

тарбияланувчиларнинг вафот этиши.

Тарбияланувчиларни кичик ҳажмли ижтимоий кўмак марказларидан чиқариш уларни жойлаштирган ваколатли органнинг қарори асосида амалга оширилади.

Кичик ҳажмли ижтимоий кўмак марказлари учун ички тартиб-қоидалар Ижтимоий ҳимоя миллий агентлиги билан келишилган ҳолда Интеграция маркази томонидан белгиланади.

17. Тарбияланувчилар ота-оналари (уларнинг ўрнини босувчи шахслар)га қайтарилганидан сўнг, олти ой мобайнида ваколатли орган (ҳар ойда) ва Интеграция маркази ёки унинг минтақавий бўлинмалари (ҳар икки ойда) томонидан мониторинг қилиб борилади.

3-боб. Тарбияланувчиларга комплекс ижтимоий ва реабилитация хизматларини кўрсатиш

18. Кичик ҳажмли ижтимоий кўмак марказларида тарбияланувчиларга комплекс ижтимоий ва реабилитация хизматлари ҳар бир тарбияланувчи учун қонунчилик ҳужжатларига мувофиқ тузилган ҳимоя қилиш режаси ёки индивидуал интеграция режасига мувофиқ ижтимоий хизматлар кўрсатиш стандарти асосида кўрсатилади.

19. Ҳимоя қилиш режаси ёки индивидуал интеграция режасида тарбияланувчига кўрсатиладиган ғамхўрлик қилиш, ҳуқуқий, иқтисодий, ижтимоий, психологик, таълим, тиббий ёрдам кўрсатиш, касб танлаш ва меҳнат қилиш ҳуқуқларини рўёбга чиқариш ва жамиятга интеграция қилишга қаратилган хизматлар назарда тутилади.

20. Ҳимоя қилиш режаси ёки индивидуал интеграция режасига мувофиқ тарбияланувчиларни таълим билан қамраб олишда ҳар бир тарбияланувчининг ёши, қизиқишлари, салоҳияти ҳамда соғлиғининг ҳолати ҳисобга олинади.

Кичик ҳажмли ижтимоий кўмак маркази ходимлари томонидан тарбияланувчиларга таълим олиши учун ўрта-махсус, касбий таълим, олий таълим ташкилотларини танлаш ва уларга кириш учун тайёрланишда кўмаклашиб борилади ҳамда ушбу тадбирларни самарали амалга оширилиши учун зарур шарт-шароитлар яратилади.

21. Кичик ҳажмли ижтимоий кўмак марказларида тарбияланувчилар она тилида ёки улар тушунадиган тилда муомала қилиши учун зарур шарт-шароитлар яратилади ҳамда уларнинг ҳар томонлама ривожланишини таъминлаш учун тиббий кўрикдан ўтказиш ва соғлиғини тиклаш ишлари ҳамда таълим, спорт, маиший ва санъат соҳаларига оид қўшимча машғулотлар маҳаллий давлат ҳокимияти органлари томонидан маҳаллий бюджет маблағлари ҳисобидан ташкил этилади.

22. Ногиронлиги бўлган тарбияланувчиларнинг ижтимоий реабилитацияси учун зарур хизматлардан фойдаланишига шароит яратилади.

23. Кичик ҳажмли ижтимоий кўмак марказларига жойлаштирилган тарбияланувчилар озиқ-овқат, шахсий гигиена воситалари ва кийим-кечак билан бепул таъминланади. Бунда тарбияланувчилар мавсумий кийим-кечакка муҳтож бўлган тақдирда, кийим-кечак билан таъминланади.

24. Тарбияланувчилар учун озиқ-овқат маҳсулотларини сотиб олиш ҳафтасига камида бир марта (тез айнийдиган озиқ-овқат маҳсулотларини ҳафтасига камида икки марта) кичик ҳажмли ижтимоий кўмак марказининг тарбиячилари томонидан амалга оширилади.

Тарбиячи тарбияланувчиларни уларнинг ёшига мувофиқ равишда балансланган овқатланишини таъминлайди.

25. Тарбиячи овқат пишириш учун зарур бўлган маҳсулотлардан сарфланган маҳсулотларни кейинчалик таомнома бўйича ҳисобдан чиқармасдан фойдаланади.

26. Маҳсулотлар чакана савдо ташкилотларидан харид қилганда тўлов чеклари сақлаб қўйилади, озиқ-овқат бозоридан нақд пулга харид қилинган маҳсулотлар учун эса далолатнома тузилади.

27. Озиқ-овқат маҳсулотларини ва бошқа товарларни ҳисобдан чиқариш тарбиячилар томонидан тақдим этилган чеклар ва далолатномалар асосида, Интеграция марказининг доимий ишлайдиган комиссияси томонидан амалга оширилади.

Доимий ишлайдиган комиссия таркиби Интеграция маркази томонидан бир йилга белгиланади ва буйруқ билан тасдиқланади.

28. Кичик ҳажмли ижтимоий кўмак марказлари ходимлари тарбияланувчилар билан ишлашда:

тарбияланувчиларнинг жисмоний ва руҳий ҳолатига, уларнинг ахлоқий ривожланишига зарар етказишга ҳақли эмас;

тарбиялаш усуллари тарбияланувчиларнинг қадр-қимматини таҳқирловчи менсимаслик, шафқатсизлик, қўполлик муносабатларидан ҳоли бўлиши керак;

тарбияланувчиларнинг ака-укалари ва опа-сингилларини, бошқа қариндошлари билан муносабатларини тиклашга ва қўллаб-қувватлашга кўмаклашишлари шарт, бундан тарбияланувчиларнинг манфаатларига зид бўлган ҳолатлар мустасно;

тарбияланувчиларнинг ўз оилаларига қайтарилиши ёки муқобил жойлаштириш шаклларига берилишини ташкил этишда кўмаклашиши лозим;

тарбияланувчиларнинг ота-оналари билан учрашувига ва уларнинг ота-оналик ҳуқуқлари тикланган тақдирда, уларни оилага қайтаришга қаршилик кўрсатмаслиги керак, бундан тарбияланувчиларнинг манфаатларига зид бўлган ҳолатлар мустасно.

4-боб. Кичик ҳажмли ижтимоий кўмак марказлари ходимлари

29. Кичик ҳажмли ижтимоий кўмак маркази ходимлари Интеграция марказининг директори томонидан лавозимга тайинланади ва лавозимидан озод этилади ҳамда уларнинг сони ушбу Низомга иловада келтирилган намунавий штат бирликларига мувофиқ белгиланади.

30. Кичик ҳажмли ижтимоий кўмак марказига бевосита раҳбарлик мазкур Низомга мувофиқ фаолият юритадиган менежер томонидан амалга оширилади.

31. Менежер:

Интеграция маркази томонидан берилган ваколатлар доирасида кичик ҳажмли ижтимоий кўмак маркази номидан иш кўради ва уни бошқаради;

тарбияланувчиларнинг тарбияси ва парваришида ҳамда ҳар олти ойда тиббий диспансер кўригидан ўтказилишида иштирок этади;

тарбияланувчига тегишли ҳужжатларнинг сақланишини таъминлайди;

тарбияланувчига тегишли алимент, боқувчисини йўқотганлик бўйича пенсия (нафақа) ёки ҳомийлик пул маблағларини тегишли тижорат банкларида тарбияланувчиларнинг номига очилган ҳисоб рақамларида жамғариб борилишини таъминлашда ваколатли органга кўмаклашади;

тарбияланувчиларнинг ҳимоя қилиш режаси ёки индивидуал интеграция режасининг амалга оширилиши, ҳаёти муҳофаза қилиниши ва соғлиғи мустаҳкамланиши, ўқув-тарбия, реабилитация жараёнининг ҳолати, молия-хўжалик фаолияти, моддий-техник базанинг мустаҳкамланиши ва моддий бойликларнинг сақланиши учун жавоб беради.

32. Кичик ҳажмли ижтимоий кўмак маркази ходимлари қонунчилик ҳужжатларида белгиланган тартибда меҳнат шартномаси асосида ишга жалб қилинади.

Ходимлар Интеграция маркази томонидан тасдиқланган лавозим йўриқномаларига мувофиқ фаолият олиб боради.

33. Кичик ҳажмли ижтимоий кўмак маркази тарбиячилари Интеграция маркази томонидан олий ёки ўрта махсус педагогик, психологик ва ижтимоий иш кўникмасига эга бўлган шахслар орасидан қонунчиликда белгиланган тартибда танлаб олинади.

34. Кичик ҳажмли ижтимоий кўмак маркази тарбияланувчиларига овқат пишириш ушбу уйларнинг тарбиячилари томонидан тарбияланувчилар (бундан ногиронлиги бўлган тарбияланувчилар мустасно) билан биргаликда амалга оширилади.

Тарбиячилар (тарбиячи ёрдамчилари) ўзлари тайёрлаган овқатдан бепул овқатланади.

5-боб. Кичик ҳажмли ижтимоий кўмак марказлари таъминоти. Молия-хўжалик фаолияти

35. Кичик ҳажмли ижтимоий кўмак марказларига:

ҳар бир тарбияланувчининг озиқ-овқат харажатлари учун бир кунга 7 ёшгача бўлган тарбияланувчига базавий ҳисоблаш миқдори (кейинги ўринларда — БҲМ)нинг 6 фоизи миқдорида, 7 ёшдан катта бўлган тарбияланувчиларга БҲМнинг 8 фоизи миқдорида;

ҳар бир тарбияланувчига кийим-бош ва пойабзал харид қилиш учун уч ойгача бўлган муддатда яшайдиган тарбияланувчига БҲМнинг 3 бараваригача, уч ойдан тўққиз ойгача бўлган муддатда яшайдиган тарбияланувчига БҲМнинг 6 бараваригача ҳамда тўққиз ойдан ортиқ бўлган муддатда яшайдиган тарбияланувчига БҲМнинг 9 бараваригача миқдорида;

тарбияланувчиларни дори воситалари, тиббиёт буюмлари, шахсий гигиена воситалари, канцелярия моллари ва бошқалар билан таъминлаш учун бир ойда БҲМнинг 2 баравари миқдорида, бунда, ҳисобот ойида тарбияланувчиларнинг сони 4 ва ундан кам бўлган ҳолларда, БҲМнинг 1 баравари миқдорида;

тарбияланувчиларни тиббий муассасалар, дам олиш ва кўнгилочар ҳамда савдо маиший хизмат кўрсатиш масканлари, шунингдек дарсдан ташқари машғулотларга бориб келиш билан боғлиқ транспорт харажатларини қоплаш учун ҳар ойда БҲМнинг 2 баравари миқдорида, бунда, ҳисобот ойида тарбияланувчиларнинг сони 4 ва ундан кам бўлган ҳолларда, БҲМнинг 1 баравари миқдорида қўшимча маблағ ажратилади.

36. Кичик ҳажмли ижтимоий кўмак марказларининг таълим ташкилотларида ўқиётган ҳар бир тарбияланувчисининг енгил тамадди ва йўл кира ҳақи учун бир ойга БҲМнинг 1 баравари миқдорида нақд пул шаклида пул берилади.

37. Ижтимоий ҳимоя миллий агентлиги ва унинг тизимидаги ташкилотлар ҳамда Интеграция маркази балансида бўлган турар жойлар учун коммунал тўловлар ҳисоблагичларнинг кўрсаткичлари, интернет тармоғи, чиқинди учун тўловлар белгиланган тарифларга асосан, ижарага олинган тураржой учун тўловлар (ижара, коммунал, интернет тармоғи, чиқинди учун тўловлар) ижара шартномасига мувофиқ Интеграция маркази томонидан Жамғарма маблағлари ҳисобидан амалга оширилади.

38. Кичик ҳажмли ижтимоий кўмак марказларига жойлаштирилган тарбияланувчиларнинг овқатланишини ташкил этиш тарбиячи томонидан амалга оширилади.

39. Мазкур Низомнинг 35 ва 36-бандларида назарда тутилган пул маблағлари кичик ҳажмли ижтимоий кўмак марказлари менежери номига очилган банк картасига Интеграция маркази томонидан ўтказиб берилади.

40. Тарбияланувчиларнинг сифатли ва тўлақонли овқатланишининг ташкил этилганлиги, уларни мунтазам равишда тиббий кўрикдан ўтказилиши, умумий ривожланиши, ўсиши, вазнини мониторинг қилиш Интеграция маркази, шунингдек Ижтимоий инспекция томонидан ўтказилган ўрганиш натижаларига кўра аниқланади.

41. Кичик ҳажмли ижтимоий кўмак марказининг моддий-техник базаси зарур жиҳозлар ва тарбияланувчиларни ўқитишда, тарбиялашда ҳамда таълим-тарбия соҳасидаги бошқа вазифаларни ҳал этишда фойдаланиладиган бошқа мол-мулкдан иборат бўлади.

Кичик ҳажмли ижтимоий кўмак маркази жойлашган бино техника хавфсизлиги қоидаларига ҳамда санитария қоидалари, нормалари ва гигиена нормативларига мувофиқ жиҳозланади ва улардан фойдаланилади.

42. Кичик ҳажмли ижтимоий кўмак марказлари:

зарур бўлган асосий воситалар Интеграция маркази томонидан Жамғарма маблағлари ҳисобидан қонунчиликда белгиланган тартибда харид қилинади. Зарур бўлган асосий воситалар рўйхати Ижтимоий ҳимоя миллий агентлиги томонидан белгиланади;

фаолияти билан боғлиқ харажатлар, шу жумладан, штат бирликларини сақлаш, тураржой ижараси, коммунал, санитария-гигиена, озиқ-овқат, жиҳозлар ва бошқа товар-моддий бойликларни харид қилиш ҳамда бошқа зарур харажатлар Интеграция маркази томонидан амалга оширилади.

43. Ушбу Низомнинг 35-бандида назарда тутилган маблағлар Интеграция маркази тарбияланувчиларга олдинги ой мобайнида амалга оширилган ҳақиқий харажатни инобатга олган ҳолда кичик ҳажмли ижтимоий кўмак марказининг талабидан келиб чиқиб ажратилади.

Маблағ ажратишда кичик ҳажмли ижтимоий кўмак марказлари менежери номига очилган банк картасидаги аввалги ойдан қолган қолдиқ маблағ миқдори инобатга олинади.

44. Кичик ҳажмли ижтимоий кўмак марказлари таъминоти, шу жумладан моддий-техник базасини мустаҳкамлаш учун харажатлари мазкур Низомнинг 6-бандида назарда тутилган манбалар ҳисобидан амалга оширилади.

45. Кичик ҳажмли ижтимоий кўмак марказлари фаолиятини молиялаштириш учун ажратилган маблағлардан фойдаланиш қонунчиликка мувофиқ тузиладиган ва тасдиқланадиган харажатлар сметасига мувофиқ амалга оширилади.

46. Кичик ҳажмли ижтимоий кўмак марказларининг бухгалтерия ҳисобини юритиш ва ҳисоботини тузиш, шу жумладан уларга ажратилган маблағлардан фойдаланиш, ушбу жараёнда бюджет ва смета интизомига риоя қилиниши Интеграция марказининг бухгалтерия ҳисоби хизмати томонидан амалга оширилади.

47. Кичик ҳажмли ижтимоий кўмак марказлари томонидан озиқ-овқат, кийим-кечак ва шахсий гигиена воситалари ва бошқаларни харид қилиш, бухгалтерия ҳисобида кирим ва чиқим қилиш тартиби қонунчиликка асосан амалга оширилади.

48. Менежер кичик ҳажмли ижтимоий кўмак марказини сақлаш учун ажратилган маблағлардан фойдаланганлик тўғрисидаги ойлик, чораклик ва йиллик ҳисоботларни белгиланган тартиб ва муддатларда Интеграция марказига тақдим этиб боради.

Кичик ҳажмли ижтимоий кўмак марказининг молия-хўжалик фаолияти, ажратилган маблағлардан тўғри ва мақсадли фойдаланилиши Интеграция маркази томонидан назорат қилинади.

6-боб. Тарбияланувчиларга кўрсатиладиган комплекс ижтимоий ва реабилитация хизматларининг мониторинги

49. Кичик ҳажмли ижтимоий кўмак марказларига жойлаштирилган тарбияланувчиларнинг ҳуқуқлари ва қонуний манфаатларини ҳимоя қилиш, уларнинг турмуш шароитлари ва тарбияланишини, ҳимоя қилиш режаси ёки индивидуал интеграция режасининг амалга оширилишини ҳамда уларнинг кичик ҳажмли ижтимоий кўмак марказига мослашганлигини мониторинг қилиш кичик ҳажмли ижтимоий кўмак маркази жойлашган ҳудуддаги ваколатли орган томонидан ҳар ойда, Интеграция маркази ёки унинг минтақавий бўлинмалари томонидан заруратга кўра амалга оширилади.

50. Кичик ҳажмли ижтимоий кўмак марказларига жойлаштирилган тарбияланувчиларни мониторинг қилишда қуйидаги ҳолатларга алоҳида эътибор қаратилади:

тарбияланувчининг ҳимоя қилиш режаси ёки индивидуал интеграция режасининг амалга оширилиши ҳолати;

тарбияланувчиларнинг психоижтимоий ҳолати, кичик ҳажмли ижтимоий кўмак марказлари муҳитига мослашганлиги;

тарбияланувчилар ва кичик ҳажмли ижтимоий кўмак маркази ходимлари ўртасидаги ўзаро муносабат;

кичик ҳажмли ижтимоий кўмак марказлари ташкил этилган турар жойнинг маиший-хўжалик шароитлари ва санитария ҳолати;

тарбияланувчиларнинг тарбияси, таълим олиши, ақлий ривожланиши, соғлиғи ҳолати, хулқи, эмоционал ҳамда жисмоний ривожланиши;

тарбияланувчиларнинг ҳар томонлама ривожланишини таъминлаш учун уларнинг қизиқиш ва қобилиятлари асосида таълим, спорт, маиший ва санъат соҳаларига оид қўшимча машғулотларга жалб этилганлиги.

51. Мониторинг давомида тарбияланувчиларнинг тарбияси, ривожланиши, ҳуқуқлари таъминланиши билан боғлиқ муаммо ёки камчиликлар аниқланган тақдирда, ваколатли орган тегишли давлат ва нодавлат ташкилотларини жалб қилган ҳолда, муаммони бартараф этишга қаратилган маслаҳат, психологик-педагогик, ижтимоий, ҳуқуқий, тиббий ва бошқа ижтимоий хизматлар ташкил этилишини таъминлайди. Бунда, зарур ҳолларда, ваколатли орган, Интеграция маркази ёки унинг минтақавий бўлинмалари томонидан ҳимоя қилиш режаси ёхуд индивидуал интеграция режасига тегишли ўзгартиришлар киритилиши мумкин.

52. Мониторинг натижалари «Ягона миллий ижтимоий ҳимоя» ахборот тизимига киритилади.

7-боб. Якунловчи қоидалар

53. Ушбу Низомни қўллаш жараёнида юзага келган низоларни ҳал қилиш қонунчилик ҳужжатларида белгиланган тартибда амалга оширилади.

54. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Кичик ҳажмли ижтимоий кўмак марказлари тўғрисидаги низомга ИЛОВА

Кичик ҳажмли ижтимоий кўмак марказининг

Т/р Лавозим номи Штат бирлиги сони Меҳнатга ҳақ тўлаш шартлари 1. Менежер 0,5 «Инсон» ижтимоий хизматлар марказининг бош мутахассиси учун белгиланган меҳнатга ҳақ тўлаш шартлари татбиқ этилади 2. Психолог 0,5 «Инсон» ижтимоий хизматлар марказининг психологи учун белгиланган меҳнатга ҳақ тўлаш шартлари татбиқ этилади 3. Тарбиячи Бола сони 7 нафаргача бўлганда 3 та штат бирлиги, бола сони 7 ва ундан ортиқ бўлганда қўшимча равишда 1 та штат бирлиги миқдорида* Меҳрибонлик уйи тарбиячиси учун белгиланган меҳнатга ҳақ тўлаш шартлари татбиқ этилади 4. Тарбиячи ёрдамчиси 5 ёшдан кичик бола қабул қилинган тақдирда ҳар бир кичик ҳажмли ижтимоий кўмак маркази учун 1 та штат бирлиги миқдорида* Меҳрибонлик уйи тарбиячиси учун белгиланган меҳнатга ҳақ тўлаш шартлари татбиқ этилади

Вазирлар Маҳкамасининг 2026 йил 21 майдаги 271-сон қарорига 10-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган баъзи қарорлари

1. Вазирлар Маҳкамасининг «Мурувват» ногиронлиги бўлган болалар учун интернат уйлар ҳамда бошқа тиббий-ижтимоий муассасалар фаолиятини такомиллаштириш чора-тадбирлари тўғрисида» 2016 йил 17 октябрдаги 347-сон қарори .

2. Вазирлар Маҳкамасининг «Ўзбекистон Республикаси Ижтимоий ҳимоя соҳасидаги айрим тиббий-ижтимоий муассасалар фаолиятини тартибга солувчи низомларни тасдиқлаш ҳақида» 2021 йил 17 сентябрдаги 575-сон қарорининг 1-бандининг «б» ва «в» кичик бандлари , 2 ва 3-иловалари ҳамда 7-илованинг 2-банди .

3. Вазирлар Маҳкамасининг «Тиббий-ижтимоий экспертиза хизмати ташкилий тузилмасини ва фаолиятини ташкил этишга оид норматив-ҳуқуқий ҳужжатларни тасдиқлаш тўғрисида» 2022 йил 8 февралдаги 62-сон қарорига 12-илованинг 59-банди .

4. Вазирлар Маҳкамасининг «Ўзбекистон Республикаси Президенти ҳузуридаги Ижтимоий ҳимоя миллий агентлиги ташкил этилганлиги муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш тўғрисида» 2023 йил 15 декабрдаги 665-сон қарорига 1-илованинг 18-банди .

5. Вазирлар Маҳкамасининг «Ўзгалар парваришига муҳтож шахсларга ижтимоий хизмат ва ёрдам кўрсатувчи Ижтимоий қўллаб-қувватлаш марказлари фаолиятини такомиллаштириш тўғрисида» 2024 йил 31 майдаги 316-сон қарорига 2-илованинг 10-банди .

6. Вазирлар Маҳкамасининг «Ижтимоий ҳимояга муҳтож шахсларни моддий қўллаб-қувватлаш ҳамда ногиронлиги бўлган болаларни ижтимоий ҳимоя қилиш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2024 йил 5 октябрдаги 640-сон қарорига илованинг 4-банди .

Ўзбекистон Республикасининг Бош вазири А. АРИПОВ

Тошкент ш.,

2026 йил 21 май,

271 -сон

(Қонунчилик маълумотлари миллий базаси, 22.05.2026 й., 09/26/271/0529-сон; 07.10.2026 й., 09/26/539/1004-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

NIZOM

NAMUNAVIY TARKIBI

ROʻYXATI

ROʻYXATI

NIZOM

NIZOM

NIZOM

NIZOM

ROʻYXATI

NIZOM

SHTATLAR JADVALI

ROʻYXATI

SXEMASI

SOʻROVNOMA

ROʻYXATI*

ROʻYXATI

ROʻYXATI

ROʻYXATI

ROʻYXATI

ROʻYXATI

SXEMASI

PASPORTI

ROʻYXATI

SXEMASI

SOʻROVNOMA

SOʻROVNOMA

NIZOM

NAMUNAVIY SHTAT BIRLIKLARI

ROʻYXATI

Ruhiy holati buzilgan nogironligi boʻlgan shaxslar uchun internat muassasalarini takomillashtirish va yangi ijtimoiy xizmatlarni tashkil etishga doir normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Ruhiy holati buzilgan nogironligi boʻlgan shaxslarga ijtimoiy xizmat koʻrsatish tizimini tubdan takomillashtirish boʻyicha qoʻshimcha chora-tadbirlar toʻgʻrisida” 2026-yil 27-apreldagi PF-69-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Ruhiy holati buzilgan nogironligi boʻlgan shaxslarga ijtimoiy xizmat koʻrsatish tizimini tubdan takomillashtirish boʻyicha qoʻshimcha chora-tadbirlar toʻgʻrisida” 2026-yil 27-apreldagi PF-69-son Farmoniga muvofiq:

a) bolalarning rivojlanishida kuzatiladigan nuqsonlarni erta aniqlash va oʻz vaqtida kompleks ijtimoiy xizmatlar bilan qamrab olish, ularda nogironlikning oldini olish hamda nogironligi boʻlgan bolalarning muvaffaqiyatli ijtimoiylashuvini taʼminlashga qaratilgan “Erta aralashuv” xizmati yoʻlga qoʻyilishi, bunda “Erta aralashuv” xizmati erta aralashuv rejasiga muvofiq Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tomonidan yuritiladigan maxsus elektron reyestrga kiritilgan nodavlat tashkilotlar tomonidan koʻrsatilishi;

b) moʻtadil, ogʻir va chuqur darajadagi aqliy zaiflik yoki demensiya tashxisi qoʻyilgan I va II guruh nogironligi boʻlgan shaxslar uchun oilaviy muhitga yaqin shakldagi quyidagi yangi xizmatlar koʻrsatilishi joriy qilinishi:

“Yangi kun” kunduzgi qatnov asosida qarab turish xizmati;

uy sharoitida qarab turish xizmati;

kichik hajmli “Madad” uylari xizmati;

“Ijtimoiy taʼtil” qisqa muddatli joylashtirish xizmati;

v) “Yangi kun” kunduzgi qatnov asosida qarab turish xizmati, uy sharoitida qarab turish xizmati, kichik hajmli “Madad” uylari va “Ijtimoiy taʼtil” qisqa muddatli joylashtirish xizmatlari davlat-xususiy sheriklik bitimi asosida nodavlat tashkilotlar tomonidan koʻrsatilishi;

g) nogironligi boʻlgan shaxslar uchun “Muruvvat” internat uylari nogironligi boʻlgan shaxslar uchun “Gʻamxoʻrlik” markazlari sifatida qayta nomlangani;

d) Agentlik huzurida yuridik shaxs maqomiga ega boʻlmagan Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi tashkil etilishi belgilangani maʼlumot uchun qabul qilinsin.

2. Belgilansinki:

a) ruhiy holati buzilgan nogironligi boʻlgan shaxslarni mazkur qaror 1-bandining “b” kichik bandida nazarda tutilgan xizmatlarga hamda nogironligi boʻlgan shaxslar uchun “Gʻamxoʻrlik” markazlariga yoʻnaltirish Agentlikning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarmalar) huzurida tashkil etiladigan Ijtimoiy-psixiatrik-tibbiy komissiyalar (keyingi oʻrinlarda — IPTK) tomonidan amalga oshiriladi. Bunda:

IPTK tarkibi Agentlikning hududiy boshqarmalari va Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri bosh boshqarmasining qoʻshma qaroriga muvofiq tasdiqlanadi;

IPTKga Sogʻliqni saqlash vazirligi tizimidagi tashkilotlardan jalb etilgan mutaxassislarga Agentlikning Ijtimoiy himoya davlat jamgʻarmasi hisobidan IPTK yigʻilishi oʻtkazilgan oy uchun mehnatga haq toʻlashning eng kam miqdorining bir baravari miqdorida haq toʻlanadi;

b) mazkur qarorda nazarda tutilgan ijtimoiy xizmatlarni koʻrsatuvchi nodavlat tashkilotlarning xizmat koʻrsatishga jalb etiladigan xodimlarining Agentlikning Ijtimoiy himoya tizimi xodimlarining malakasini oshirish markazida (keyingi oʻrinlarda — Malaka oshirish markazi) 36 soatdan kam boʻlmagan oʻquv dasturi asosida malaka oshirishi talab etiladi. Bunda:

malaka oshirish kursi Malaka oshirish markazi tomonidan tasdiqlangan oʻquv reja va dasturga muvofiq amalga oshiriladi;

nodavlat tashkilotlarning birinchi marta ijtimoiy xizmatlarni koʻrsatish jarayoniga jalb etiladigan (ishga qabul qilinayotgan) xodimlari ikki oy ichida Malaka oshirish markazida malaka oshirishi talab etiladi, bundan mazkur bandning “v” kichik bandida nazarda tutilgan holat mustasno;

nodavlat tashkilotlar xodimlarining malakasini oshirish onlayn yoki offlayn shaklda bazaviy hisoblash miqdorining ikki baravari miqdoridagi toʻlov-shartnoma asosida amalga oshiriladi;

malaka oshirish kursini muvaffaqiyatli yakunlagan shaxslarga amal qilish muddati uch yil boʻlgan sertifikat beriladi;

v) 2027-yil 1-apreldan boshlab mazkur qarorda nazarda tutilgan ijtimoiy xizmatlarni koʻrsatish jarayoniga xodimlari belgilangan tartibda Malaka oshirish markazida malaka oshirgan hamda tegishli sertifikat olgan nodavlat tashkilotlar jalb etiladi;

g) mazkur qarorga muvofiq fuqarolarga ijtimoiy xizmatlarni koʻrsatishda yuboriladigan SMS-xabarnoma xarajatlari Agentlikning Ijtimoiy himoya davlat jamgʻarmasi hisobidan qoplanadi;

d) nogironligi boʻlgan shaxslar uchun “Muruvvat” internat uylari “Gʻamxoʻrlik” markazlari sifatida tashkil etilgunga qadar:

ularga qabul qilingan nogironligi boʻlgan shaxslar toifasi va tashxisiga koʻra ushbu markazlardan chiqarilishiga yoʻl qoʻyilmaydi;

nogironligi boʻlgan bolalar uchun “Muruvvat” internat uylariga joylashtirilgan bolalar 18 yoshga kirganda, istisno tariqasida, Agentlikning hududiy boshqarmalari tomonidan taqdim etiladigan maʼlumotlarga asosan Agentlik huzuridagi Apellyatsiya kengashining qaroriga muvofiq boʻsh oʻrinlar mavjud boʻlgan nogironligi boʻlgan shaxslar uchun “Gʻamxoʻrlik” markazlariga koʻchiriladi;

e) nogironligi boʻlgan bolalar uchun “Muruvvat” internat uylarida yoʻlga qoʻyilgan kunduzgi parvarishlash guruhlari tarbiyalanuvchilari 2027-yil 1-aprelga qadar nogironligi boʻlgan bolalar uchun “Gʻamxoʻrlik” markazlari xizmatlaridan foydalanadi.

Bunda kunduzgi parvarishlash guruhi xizmatidan foydalanuvchi bolalarni ovqatlantirish bilan bogʻliq xarajatlari ularning ota-onalari (ularning oʻrnini bosuvchi shaxslar) tomonidan qoplanadi;

j) 2026-yil 1-iyundan boshlab “Faol hayotga qadam” dasturi doirasida demensiya, Parkinson va Alsgeymer kasalligi tashxisi qoʻyilgan maxsus parvarishga muhtoj shaxslarga kunduzgi qatnov asosida qarab turish xizmatini koʻrsatish toʻxtatiladi. Bunda:

demensiya, Parkinson va Alsgeymer kasalligi tashxisi qoʻyilgan maxsus parvarishga muhtoj shaxslar “Yangi kun” kunduzgi qatnov asosida qarab turish xizmati bilan qamrab olinadi;

demensiya, Parkinson va Alsgeymer kasalligi tashxisi qoʻyilgan maxsus parvarishga muhtoj shaxslar mazkur qaror kuchga kirgunga qadar ularga shakllantirilgan vaucherda nazarda tutilgan xizmatni koʻrsatish hajmi doirasida kunduzgi qatnov asosida qarab turish xizmatidan foydalanishi mumkin;

z) Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi direktori xizmat avtotransport vositasi bilan taʼminlanadi.

3. Shunday tartib oʻrnatilsinki, unga muvofiq “Erta aralashuv” xizmati uch yoshgacha boʻlgan quyidagi bolalarga koʻrsatiladi:

a) quyidagi tashxislar boʻyicha nogironlik belgilangan tugʻilgandan boshlab uch yoshgacha boʻlgan bolalarga:

boldir va tovonning tugʻma yoʻqligi (Q72.2);

tovon va tovon panjalarining tugʻma yoʻqligi (Q72.3);

qoʻl panja va barmoq(larning) tugʻma yoʻqligi (Q71.3);

bilak va qoʻl panjalarning tugʻma yoʻqligi (Q71.2);

tovonning borligi holda son va boldir tugʻma yoʻqligi (Q72.1);

qoʻl panjalarning borligi holda yelka va bilak suyaklari(ning) tugʻma yoʻqligi (Q71.1);

qoʻl (qoʻllar)ning tugʻma toʻliq yoʻqligi (Q71.0);

oyoq (oyoqlarning) tugʻma toʻliq yoʻqligi (Q72.0);

anoftalm (ikki tomonlama) (Q11);

siydik pufagi ekstrofiyasi (Q64.1);

b) oilaviy shifokor tomonidan rivojlanishida orqada qolish xavfi mavjudligi haqida xulosa berilgan bir yoshgacha boʻlgan bolalarga;

v) Psixologik-tibbiy-pedagogik komissiya tomonidan rivojlanishida orqada qolish xavfi mavjudligi haqida xulosa berilgan bir yoshdan uch yoshgacha boʻlgan bolalarga.

4. Belgilab qoʻyilsinki, mazkur qaror 3-bandining “a” kichik bandida nazarda tutilgan tashxislar boʻyicha nogironlik belgilari bilan tugʻilgan chaqaloqlarga nogironlik belgilash uchun ularning hujjatlari tugʻruq komplekslari tomonidan besh ish kuni ichida “Yagona milliy ijtimoiy himoya” axborot tizimining “Tibbiy-ijtimoiy ekspertiza” moduli orqali Tibbiy-ijtimoiy ekspert komissiyasiga taqdim etiladi hamda nogironlikni belgilash tumanlararo va tuman (shahar) tibbiy-ijtimoiy ekspert komissiyalari tomonidan amalga oshiriladi.

5. Quyidagilar:

“Erta aralashuv” xizmati koʻrsatilishini tashkil etish tartibi toʻgʻrisidagi nizom 1-ilovaga muvofiq;

Ijtimoiy-psixiatrik-tibbiy komissiyalar toʻgʻrisidagi nizom 2-ilovaga muvofiq;

Nogironligi boʻlgan shaxslar uchun “Gʻamxoʻrlik” markazlari toʻgʻrisidagi nizom 3-ilovaga muvofiq;

Nogironligi boʻlgan bolalar uchun “Gʻamxoʻrlik” markazlari toʻgʻrisidagi nizom 4-ilovaga muvofiq;

“Yangi kun” kunduzgi qatnov asosida qarab turish xizmatini tashkil etish tartibi toʻgʻrisidagi nizom 5-ilovaga muvofiq;

Uy sharoitida qarab turish xizmatini tashkil etish tartibi toʻgʻrisidagi nizom 6-ilovaga muvofiq;

Kichik hajmli “Madad” uylari xizmatini tashkil etish tartibi toʻgʻrisidagi nizom 7-ilovaga muvofiq;

Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi xodimlarining shtatlar jadvali 8-ilovaga muvofiq tasdiqlansin.

6. Ijtimoiy tashabbuslarini qoʻllab-quvvatlash, inklyuziv jamiyatni barpo etish hamda yoshlarning ijtimoiy faolligini oshirish maqsadida Agentlik, Yoshlar ishlari agentligi hamda Samarqand viloyati hokimligining 2026-yil 7 — 12-iyun kunlari Samarqand shahrida joylashgan Samarqand turizm majmuasida “Fikringni ber (Voice Up)” xalqaro inklyuziv yoshlar oromgohi (keyingi oʻrinlarda — yoshlar oromgohi) tashkil etish toʻgʻrisidagi taklifi maʼqullansin.

7. Belgilansinki, yoshlar oromgohini tashkil etish bilan bogʻliq xarajatlar quyidagi manbalar hisobidan moliyalashtiriladi:

a) yoshlar oromgohida xorijiy ishtirokchilarning Oʻzbekiston Respublikasiga kelib-ketishi, yashash va ichki transport xarajatlari, shuningdek, yoshlar oromgohi doirasida oʻtkaziladigan tadbirlar va konsert dasturlarini tashkil etish (joy, zarur jihozlar ijarasi, bezatish, sanʼatkorlar va boshlovchilarni jalb qilish va boshqalar) bilan bogʻliq xarajatlar — Yoshlarga oid davlat siyosatini qoʻllab-quvvatlash jamgʻarmasi mablagʻlari;

b) yoshlar oromgohida mahalliy ishtirokchilarning ishtiroki bilan bogʻliq transport, mehmonxona va boshqa xarajatlari, shuningdek, mahalliy va xorijiy ishtirokchilarning ovqatlanishini tashkil etish hamda ularni ekipirovka bilan taʼminlash bilan bogʻliq xarajatlar — Ijtimoiy himoya davlat jamgʻarmasi mablagʻlari;

v) yoshlar oromgohi ishtirokchilarining Samarqand viloyatining diqqatga sazovor joylari boʻylab sayohatini tashkil etish bilan bogʻliq xarajatlar, shuningdek, ishtirokchilar uchun madaniy dasturlar, rasmiy qabullar, binolarni tayyorlash va bezatish, ularni esdalik sovgʻalari bilan taqdirlash xarajatlari Samarqand viloyati mahalliy budjetining qoʻshimcha manbalari va qonunchilik hujjatlari bilan taqiqlanmagan boshqa manbalar.

8. Agentlik:

a) ikki oy muddatda Raqamli texnologiyalar vazirligi va Adliya vazirligi bilan birgalikda mazkur qaror bilan joriy etilayotgan ijtimoiy xizmatlardan foydalanish uchun Oʻzbekiston Respublikasi Yagona interaktiv davlat xizmatlari portali orqali murojaat qilish hamda murojaatlarni koʻrib chiqish jarayonlarini kuzatib borish imkoniyatini yaratsin;

b) 2026-yil 1-noyabrga qadar “Yagona milliy ijtimoiy himoya” axborot tizimida mazkur qaror bilan joriy etilayotgan ijtimoiy xizmatlarni koʻrsatuvchi nodavlat tashkilotlarning xizmatlari yuzasidan fuqarolar tomonidan fikr bildirish (feedback), xizmatlar sifatini baholash hamda ushbu nodavlat tashkilotlarning reytingini yuritish imkoniyatini yaratsin;

v) Kasbiy taʼlimni rivojlantirish agentligi, Sogʻliqni saqlash vazirligi, Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi bilan birgalikda 2026-yil 1-noyabrga qadar quyidagilar toʻgʻrisidagi takliflarni Vazirlar Mahkamasiga kiritsin:

Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi tizimidagi taʼlim tashkilotlari, shu jumladan, malaka oshirish markazlarida nodavlat tashkilotlarning ijtimoiy xizmatlarni koʻrsatish jarayoniga jalb etiladigan pedagog xodimlarining malakasini oshirish tizimini yoʻlga qoʻyish;

Sogʻliqni saqlash vazirligi hamda Oliy taʼlim, fan va innovatsiyalar vazirligi tizimidagi taʼlim tashkilotlari, shu jumladan, malaka oshirish markazlarida nodavlat tashkilotlarning ijtimoiy xizmatlarni koʻrsatish jarayoniga jalb etiladigan tibbiyot xodimlarining malakasini oshirish tizimini yoʻlga qoʻyish.

9. Mazkur qarorda belgilangan tadbirlarni moliyalashtirish 2026-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Agentlikka ajratilgan mablagʻlar va Ijtimoiy himoya davlat jamgʻarmasi mablagʻlari doirasida amalga oshiriladi, 2027-yildan boshlab esa budjet qonunchiligi talablariga muvofiq taqdim etilgan budjet soʻrovnomalariga asosan Davlat budjeti va Ijtimoiy himoya davlat jamgʻarmasi parametrlarida nazarda tutiladi.

10. Oʻzbekiston Respublikasi Hukumatining ayrim qarorlariga 9-ilovaga muvofiq oʻzgartirish va qoʻshimchalar kiritilsin.

11. Oʻzbekiston Respublikasi Hukumatining baʼzi qarorlari 10-ilovaga muvofiq oʻz kuchini yoʻqotgan deb hisoblansin.

12. Ushbu qarorning bajarilishini nazorat qilish Oʻzbekiston Respublikasi Bosh vaziri oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2026-yil 21-maydagi 271-son qaroriga 1-ILOVA

“Erta aralashuv” xizmati koʻrsatilishini tashkil etish tartibi toʻgʻrisida

1-bob. Umumiy qoidalar

1. Ushbu Nizom nogironlik belgilangan yoki rivojlanishida nuqsonlari mavjud uch yoshgacha boʻlgan bolalar uchun “Erta aralashuv” xizmati koʻrsatilishini tashkil etish, monitoring va nazorat qilish, moliyalashtirish, shuningdek, mazkur xizmatni koʻrsatuvchi nodavlat tashkilotlar reyestrini shakllantirish va yuritish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

vaucher — bolalarning “Erta aralashuv” xizmati xarajatlarini qoplash imkonini beruvchi hujjat;

nodavlat tashkilotlar — yuridik shaxslar, yakka tartibdagi tadbirkorlar va nodavlat notijorat tashkilotlar;

“Erta aralashuv” axborot moduli — bolalar toʻgʻrisidagi maʼlumotlarni shakllantirish, ularni “Erta aralashuv” xizmatiga yoʻnaltirish, vaucher berish, undan foydalanish va moliyalashtirish jarayonlarini muvofiqlashtirish, shuningdek, “Erta aralashuv” xizmatini koʻrsatuvchi nodavlat tashkilotlar reyestrini shakllantirish va yuritish imkoniyatiga ega boʻlgan “Yagona milliy ijtimoiy himoya” axborot tizimining alohida tarkibiy qismi;

“Erta aralashuv” xizmati — nogironlik belgilangan yoki rivojlanishida nuqsonlari mavjud uch yoshgacha boʻlgan bolalar (keyingi oʻrinlarda — bolalar)ni erta aniqlash, ularga tashxis qoʻyish, korreksion (tuzatuvchi) pedagogik yordam va reabilitatsiya xizmatlarini tashkil etish, sogʻlom rivojlanishiga koʻmaklashish hamda oilaning ehtiyojlarini inobatga olgan holda bola parvarishi va tarbiyasida ishtirok etuvchi oila aʼzolarini qoʻllab-quvvatlashga yoʻnaltirilgan kompleks ijtimoiy xizmatlar tizimi;

erta aralashuv rejasi — “Erta aralashuv” xizmatiga qabul qilingan bolalarning rivojlanishida orqada qolish xavfini baholash, ularning ehtiyojlarini inobatga olish va koʻrsatiladigan xizmatlarning tavsifini ishlab chiqish, xizmat koʻrsatishning davomiyligi va davriyligini belgilash bilan bogʻliq chora-tadbirlarni oʻz ichiga oluvchi koʻrsatmalar majmui;

hududiy boshqarmalar — Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahri boshqarmalari.

3. “Erta aralashuv” xizmatining vazifalari quyidagilardan iborat:

bolalarning rivojlanishida orqada qolish darajasini baholash va kompleks jihatdan diagnostika qilish hamda erta aralashuv rejasini ishlab chiqish;

bolalarga erta aralashuv rejasiga muvofiq ularning ota-onalari (ularning oʻrnini bosuvchi shaxslar) bilan birgalikda rivojlantiruvchi mashgʻulotlar hamda abilitatsiya va reabilitatsiya tadbirlarini oʻtkazish;

bolalarning ota-onalari (ularning oʻrnini bosuvchi shaxslar) bilan hamkorlik qilish, ularda bolalarning rivojlanishi yuzasidan amaliy koʻnikmalarni shakllantirish, shuningdek, bolaning oilasini psixologik qoʻllab-quvvatlash.

4. “Erta aralashuv” xizmati quyidagi bolalarga koʻrsatiladi:

a) quyidagi tashxislar boʻyicha nogironlik belgilangan tugʻilgandan boshlab uch yoshgacha boʻlgan bolalar:

boldir va tovonning tugʻma yoʻqligi (Q72.2);

tovon va tovon panjalarining tugʻma yoʻqligi (Q72.3);

qoʻl panja va barmoq(larning) tugʻma yoʻqligi (Q71.3);

bilak va qoʻl panjalarning tugʻma yoʻqligi (Q71.2);

tovonning borligi holda son va boldir tugʻma yoʻqligi (Q72.1);

qoʻl panjalarning borligi holda yelka va bilak suyaklari(ning) tugʻma yoʻqligi (Q71.1);

qoʻl (qoʻllar)ning tugʻma toʻliq yoʻqligi (Q71.0);

oyoq (oyoqlarning) tugʻma toʻliq yoʻqligi (Q72.0);

anoftalm (ikki tomonlama) (Q11);

siydik pufagi ekstrofiyasi (Q64.1).

Bunda mazkur bandda nazarda tutilgan tashxislar boʻyicha nogironlik belgilari bilan tugʻilgan chaqaloqlarga nogironlik belgilash uchun ularning hujjatlari tugʻruq komplekslari tomonidan besh ish kuni ichida “Yagona milliy ijtimoiy himoya” axborot tizimining “Tibbiy-ijtimoiy ekspertiza” moduli orqali Tibbiy-ijtimoiy ekspert komissiyasiga taqdim etiladi hamda nogironlik tumanlararo tuman (shahar) tibbiy-ijtimoiy ekspert komissiyalari tomonidan belgilanadi;

b) oilaviy shifokor tomonidan rivojlanishida orqada qolish xavfi mavjudligi haqida xulosa berilgan bir yoshgacha boʻlgan bolalar. Bunda tibbiy hujjatlar shakllari Oʻzbekiston Respublikasi Sogʻliqni saqlash vazirining buyrugʻi bilan tasdiqlanadi;

v) Psixologik-tibbiy-pedagogik komissiya tomonidan rivojlanishida orqada qolish xavfi mavjudligi haqida xulosa berilgan bir yoshdan uch yoshgacha boʻlgan bolalar.

5. Agentlik tomonidan tasdiqlanadigan “Erta aralashuv” xizmatini koʻrsatishga oid minimal talablarga muvofiq “Erta aralashuv” xizmati doirasida nodavlat tashkilotlar tomonidan quyidagi ijtimoiy xizmatlar koʻrsatiladi:

bolaning rivojlanishiga koʻmaklashish;

abilitatsiya va reabilitatsiya tadbirlarini oʻtkazish;

bolaning rivojlanishini kuzatish va monitoring qilish.

6. “Erta aralashuv” xizmatiga jalb etilgan bolalarning oilalariga “Inson” ijtimoiy xizmatlar markazi (keyingi oʻrinlarda — “Inson” markazi) tomonidan psixologik maslahat (konsultatsiya) berish va emotsional qoʻllab-quvvatlash bilan bogʻliq xizmatlar bepul koʻrsatiladi.

7. Nodavlat tashkilotlar tomonidan bolalarga koʻrsatiladigan “Erta aralashuv” xizmatini koʻrsatish bilan bogʻliq xarajatlar Ijtimoiy himoya davlat jamgʻarmasi (keyingi oʻrinlarda — Jamgʻarma)dan ajratiladigan mablagʻlar hisobidan vaucher asosida subsidiya shaklida qoplab beriladi.

8. “Erta aralashuv” xizmati koʻrsatilishini tashkil etish mazkur Nizomga 1-ilovaga muvofiq sxema boʻyicha amalga oshiriladi.

2-bob. “ Erta aralashuv ” xizmatini koʻrsatuvchi nodavlat tashkilotlar reyestrini shakllantirish va yuritish

9. “Erta aralashuv” xizmatini koʻrsatish istagini bildirgan nodavlat tashkilotlar “Erta aralashuv” axborot modulining “Erta aralashuv” xizmatini koʻrsatuvchi nodavlat tashkilotlar elektron reyestriga (keyingi oʻrinlarda — elektron reyestr) kiritiladi.

10. “Erta aralashuv” xizmatini koʻrsatish istagini bildirgan nodavlat tashkilotlar “Erta aralashuv” axborot modulida quyidagi maʼlumotlarni koʻrsatgan holda roʻyxatdan oʻtadi:

yakka tartibdagi tadbirkorlar uchun biometrik pasport (identifikatsiyalovchi ID-karta) maʼlumotlari;

yuridik shaxslar uchun soliq toʻlovchining identifikatsiya raqami (STIR);

joylashgan yeri, bank hisobvaragʻi va bank rekvizitlari, telefon raqami hamda elektron pochta manzili;

“Erta aralashuv” xizmatini koʻrsatishga moʻljallangan bino-inshootning mulk huquqi yoki boshqa huquq asosida unga tegishliligini tasdiqlovchi hujjatning rekvizitlari (bino va inshoot yakka tartibdagi tadbirkorning turmush oʻrtogʻiga mulk huquqi asosida tegishli boʻlgan holat bundan mustasno);

nodavlat tashkilotning “Erta aralashuv” xizmatini koʻrsatish hududi;

“Erta aralashuv” xizmatini koʻrsatish uchun davolovchi jismoniy tarbiya yoʻriqchisi va maxsus pedagogik maʼlumotga ega mutaxassis (maxsus pedagog, defektolog, logoped, tiflopedagog, surdopedagog, oligofrenopedagog) faoliyati yoʻlga qoʻyilganligi toʻgʻrisida maʼlumot;

“Erta aralashuv” xizmatini koʻrsatishga moʻljallangan bino va inshootda kun davomida bolalarga xizmat koʻrsatish quvvati toʻgʻrisida maʼlumot;

individual va guruhli mashgʻulotlar oʻtkazishni tashkil etish uchun xonalarning mavjudligi hamda tegishli jihoz va buyumlar bilan taʼminlanganligi (har bir xonaning kamida 4 ta fotosurati ilova qilinadi) toʻgʻrisida maʼlumot.

Bunda mazkur bandning toʻqqizinchi xatboshisida koʻrsatilgan xona, jihoz va buyumlarga qoʻyiladigan minimal talablar (keyingi oʻrinlarda — minimal talablar) ushbu Nizomning 11-bandida nazarda tutilgan ommaviy ofertaga ilova qilinadi.

11. Nodavlat tashkilotlar “Erta aralashuv” axborot moduliga kirgan holda unda koʻrsatilgan ommaviy oferta talablari va shartlari bilan tanishib, ushbu axborot modulidan foydalanish boʻyicha oʻz roziligini bildirishi va elektron raqamli imzosi bilan tasdiqlashi talab etiladi.

Bunda nodavlat tashkilotlar roʻyxatdan oʻtganidan hamda ommaviy ofertani tasdiqlaganidan soʻng nodavlat tashkilotlar faoliyat yuritadigan joydagi tegishli hududiy boshqarmaga “Erta aralashuv” axborot moduli orqali avtomatik ravishda xabarnoma yuboriladi.

12. “Erta aralashuv” axborot moduli orqali xabarnoma kelib tushganidan soʻng hududiy boshqarma boshligʻi tomonidan tarkibi tasdiqlanadigan ishchi guruh tomonidan oʻn kun ichida joyiga chiqqan holda nodavlat tashkilotlarning quyidagi talablarga muvofiqligi oʻrganiladi:

“Erta aralashuv” xizmatini koʻrsatish uchun davolovchi jismoniy tarbiya yoʻriqchisi va maxsus pedagogik maʼlumotga ega mutaxassis (maxsus pedagog, defektolog, logoped, tiflopedagog, surdopedagog, oligofrenopedagog) faoliyati yoʻlga qoʻyilganligi;

individual va guruhli mashgʻulotlar oʻtkazishni tashkil etish uchun xonalar, jihoz va buyumlarning mavjudligi hamda minimal talablarga muvofiqligi.

13. Oʻrganish natijasi boʻyicha ishchi guruh tomonidan nodavlat tashkilotlarning “Erta aralashuv” xizmatini koʻrsatishga tayyor yoki tayyor emasligi boʻyicha xulosa tayyorlanadi va shu kuning oʻzida “Erta aralashuv” axborot moduliga kiritilib, hududiy boshqarma boshligʻi tomonidan tasdiqlanadi.

14. Nodavlat tashkilotlarning “Erta aralashuv” xizmatini koʻrsatishga tayyorligi toʻgʻrisidagi xulosa tasdiqlanganidan soʻng, nodavlat tashkilot avtomatik ravishda elektron reyestrga kiritiladi va bu toʻgʻrisida uning elektron pochta manziliga yoki mobil telefon raqamiga SMS-xabarnoma yuboriladi.

15. Ishchi guruh tomonidan talabgor ushbu Nizomning 12-bandida nazarda tutilgan talablarga muvofiq kelmagan taqdirda, nodavlat tashkilotni elektron reyestrga kiritish rad etiladi. Bunda nodavlat tashkilotlarning elektron pochta manziliga yoki mobil telefon raqamiga uni elektron reyestrga kiritish rad etilganligining sabablari koʻrsatilgan SMS-xabarnoma yuboriladi.

16. Elektron reyestrga kiritilgan nodavlat tashkilotlar uchun “Erta aralashuv” axborot modulida ular tomonidan koʻrsatiladigan ijtimoiy xizmatlar toʻgʻrisidagi maʼlumotlarni joylashtirish va tegishli buyurtmalarni qabul qilish imkonini beruvchi shaxsiy kabinet ochiladi.

17. Nodavlat tashkilotlarning “Erta aralashuv” xizmatini koʻrsatishda ishtirok etuvchi xodimlari Agentlik huzuridagi Ijtimoiy himoya tizimi xodimlarining malakasini oshirish markazida majburiy ravishda uch yilda kamida bir marta 36 soatdan kam boʻlmagan oʻquv dasturi asosida onlayn va (yoki) offlayn shaklda malaka oshiradi.

Bunda nodavlat tashkilotlar tomonidan “Erta aralashuv” xizmatini koʻrsatish uchun birinchi marta jalb etiladigan (ishga qabul qilinayotgan) xodimlari, istisno tariqasida, ikki oy ichida malaka oshirish kursidan oʻtishi lozim.

18. Nodavlat tashkilotlar quyidagi hollarda elektron reyestrdan chiqariladi:

“Erta aralashuv” xizmatini koʻrsatishga oid minimal talablarga ikki yoki undan ortiq marotaba nomuvofiq boʻlgan xizmatlar koʻrsatilganda yoki bir yil davomida umuman xizmat koʻrsatilmaganda. Bunda “Erta aralashuv” xizmatini koʻrsatishga oid minimal talablarga nomuvofiq boʻlgan xizmatlar koʻrsatilganligi birinchi marta aniqlangan vaqtda, ushbu holat takroran sodir etilgan taqdirda, nodavlat tashkilotlarga “Erta aralashuv” axborot moduli orqali elektron reyestrdan chiqarilishi toʻgʻrisida ogohlantirish yuboriladi;

xizmatdan foydalanuvchi bolaning maʼlumotini “Erta aralashuv” axborot moduliga kiritgan holda uning ota-onasi (ularning oʻrnini bosuvchi shaxslar) fotosurati oʻrniga boshqa shaxsning fotosuratini axborot moduliga joylashtirib, davomat belgilab kelinayotganligi takroran aniqlanganda;

nodavlat tashkilotning faoliyati tugatilganda.

3-bob. “Erta aralashuv” xizmati koʻrsatilishini tashkil etish

19. Nodavlat tashkilotlar elektron reyestrga kiritilgandan soʻng bir ish kuni ichida “Erta aralashuv” xizmati toʻgʻrisidagi quyidagi maʼlumotlarni “Erta aralashuv” axborot moduliga joylashtiradi:

bino va inshootning manzili, xonalarning fotosuratlari;

xizmat koʻrsatuvchi xodimlar toʻgʻrisidagi maʼlumot;

asosiy faoliyat yoʻnalishlari haqidagi maʼlumot;

xizmat koʻrsatish quvvati hamda boʻsh oʻrinlar toʻgʻrisidagi maʼlumot.

“Erta aralashuv” axborot moduliga kiritilgan maʼlumotlar nodavlat tashkilotlar tomonidan, zaruratga koʻra yangilab boriladi.

20. Bolaning otasi yoki onasi (ularning oʻrnini bosuvchi shaxs) (keyingi oʻrinlarda — arizachi) “Erta aralashuv” xizmatidan foydalanish uchun “Inson” markaziga, Davlat xizmatlari markaziga yoki ijtimoiy xodimga oʻzi kelib murojaat etgan taqdirda, “Inson” markazi, Davlat xizmatlari markazining masʼul xodimi yoki ijtimoiy xodim arizachi nomidan yoxud Yagona interaktiv davlat xizmatlari portali (keyingi oʻrinlarda — YIDXP) yoki “Ijtimoiy karta” mobil ilovasi orqali murojaat qilinganda — arizachi mustaqil ravishda mazkur Nizomga 2-ilovaga muvofiq shakldagi soʻrovnomani elektron tarzda toʻldiradi.

21. Soʻrovnoma toʻldirilishida mazkur Nizomning 4-bandida koʻrsatilgan nogironlik toʻgʻrisidagi maʼlumotnoma, oilaviy shifokor va Psixologik-tibbiy-pedagogik komissiyaning xulosalari “Erta aralashuv” axborot modulida “Raqamli hukumat” tizimining idoralararo integratsiyalashuv platformasi orqali mustaqil ravishda olinadi hamda soʻrovnomada avtomatik tarzda shakllantiriladi. Bunda:

ushbu maʼlumotlardan biri mavjud boʻlmagan hollarda soʻrovnoma tasdiqlanishiga yoʻl qoʻyilmaydi;

oilaviy shifokorning xulosasini elektron ravishda olish imkoni boʻlmaganda, arizachidan soʻrab olinadi hamda soʻrovnomaga ilova qilinadi.

22. Soʻrovnoma toʻldirilgandan soʻng arizachi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron raqamli imzo, Face-ID, Mobil-ID va boshqalar) bilan tasdiqlaydi. Bunda arizachi tomonidan soʻrovnomaning tasdiqlanishi u va bolaga tegishli shaxsga doir maʼlumotlarni olish hamda ishlov berishga rozilikni bildiradi.

Arizachi YIDXP yoki “Ijtimoiy karta” mobil ilovasi orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.

23. Soʻrovnomani koʻrib chiqqanlik uchun toʻlov undirilmaydi.

24. Soʻrovnoma tasdiqlangandan soʻng bir ish kuni ichida bola “Erta aralashuv” xizmatidan foydalanishi uchun mazkur Nizomga 3-ilovaga muvofiq shakldagi elektron vaucher “Erta aralashuv” axborot moduli orqali shakllanadi. Bunda:

vaucher shakllanganligi toʻgʻrisida arizachining soʻrovnomada koʻrsatilgan mobil telefoniga SMS-xabarnoma yuborish orqali;

soʻrovnoma YIDXP yoki “Ijtimoiy karta” mobil ilovasi orqali qabul qilingan hollarda esa arizachining YIDXP yoki “Ijtimoiy karta” mobil ilovasidagi shaxsiy kabineti orqali xabardor qilinadi.

25. Ushbu Nizomning 4-bandi “b” kichik bandida koʻrsatilgan oilaviy shifokor xulosasi soʻrovnomaga ilova qilingan holda taqdim etilgan hollarda mazkur soʻrovnoma hamda unga ilova qilingan hujjat “Inson” markazi tomonidan bir ish kuni ichida koʻrib chiqiladi. Bunda:

soʻrovnomaga ilova qilingan hujjatda kamchiliklar aniqlanmaganda, ushbu Nizomning 24-bandiga muvofiq vaucher shakllanadi;

soʻrovnomaga ilova qilingan hujjatda kamchiliklar mavjudligi aniqlanganda, soʻrovnoma rad etiladi hamda bu toʻgʻrisida arizachining soʻrovnomada koʻrsatilgan mobil telefoniga SMS-xabarnoma yoki YIDXP yoki “Ijtimoiy karta” mobil ilovasidagi shaxsiy kabinetiga xabarnoma yuborish orqali xabardor qilinadi.

26. Soʻrovnoma unga ilova qilingan hujjatdagi kamchiliklar mavjudligi sababli rad etilganda, arizachi “Erta aralashuv” xizmatidan foydalanish boʻyicha qayta murojaat qilishi mumkin. Bunda mazkur murojaatlar ushbu Nizomda belgilangan tartibda umumiy asoslarda qabul qilinadi va koʻrib chiqiladi.

27. Vaucher shakllangandan soʻng undan foydalanish muddati 6 oyni tashkil qiladi. Bunda vaucherning umumiy foydalanish muddati davomida:

bola yoki uning ota-onasi (ularning oʻrnini bosuvchi shaxslar)da uzrli sabablar (davolanishda, xizmat safarida va boshqalar) yuzaga kelgan hollarda, bolaning ota-onasi (ularning oʻrnini bosuvchi shaxslar)ning “Inson” markaziga qilgan murojaatiga asosan vaucherdan foydalanish muddati tegishli murojaatda koʻrsatilgan muddatga, biroq vaucherning umumiy foydalanish muddatidan koʻp boʻlmagan muddatga vaqtinchalik toʻxtatiladi;

uzrli sabablar boʻyicha vaucherdan foydalanish muddatini vaqtinchalik toʻxtatib turish yoki uning muddatini qayta tiklash “Inson” markazi tomonidan “Erta aralashuv” axborot moduli orqali amalga oshiriladi.

28. Vaucher shakllangan sanadan boshlab bolaning ota-onasi (ularning oʻrnini bosuvchi shaxslar) 30 kun ichida vaucherdan foydalanishni boshlashi lozim. Ushbu muddat ichida foydalanilmagan vaucher oʻz kuchini yoʻqotadi va bekor qilingan vaucherlar roʻyxatiga kiritiladi.

Vaucher bekor qilingan hollarda, bolaning ota-onasi (ularning oʻrnini bosuvchi shaxslar) “Erta aralashuv” xizmatidan foydalanish boʻyicha qayta murojaat qilishi mumkin. Bunda mazkur murojaatlar ushbu Nizomda belgilangan tartibda umumiy asoslarda qabul qilinadi va koʻrib chiqiladi.

29. Bolaning ota-onasi (ularning oʻrnini bosuvchi shaxslar) bevosita oʻzi yoki ijtimoiy xodim koʻmagida vaucher asosida “Erta aralashuv” axborot moduli orqali elektron reyestrga kiritilgan “Erta aralashuv” xizmatini koʻrsatuvchi nodavlat tashkilotni tanlaydi va buyurtma beradi.

Bunda bitta vaucher asosida uning foydalanish muddati davomida “Erta aralashuv” xizmatini koʻrsatuvchi faqat bitta nodavlat tashkilotga buyurtma berishga yoʻl qoʻyiladi.

30. Buyurtma nodavlat tashkilotga “Erta aralashuv” axborot moduli orqali kelib tushgandan soʻng bir ish kunida qabul qilinadi. Bunda:

nodavlat tashkilotning “Erta aralashuv” xizmatini koʻrsatish uchun boʻsh oʻrinlari mavjud boʻlmagan hollarda buyurtma rad etiladi;

bolaning ota-onasi (ularning oʻrnini bosuvchi shaxslar)ning buyurtmasi rad etilishi ularning takroran buyurtma berish huquqini cheklamaydi.

31. Buyurtma nodavlat tashkilot tomonidan qabul qilingandan soʻng oʻn ish kuni ichida bolaning ota-onasi (ularning oʻrnini bosuvchi shaxslar) bilan birgalikda “Erta aralashuv” xizmatini koʻrsatishga oid minimal talablarga muvofiq bolaning erta aralashuv rejasi ishlab chiqiladi.

32. Erta aralashuv rejasiga muvofiq nodavlat tashkilot tomonidan “Erta aralashuv” xizmati vaucherning amal qilish muddati davomida olti kunlik ish haftasida 08:00 dan 18:00 gacha boʻlgan vaqt oraligʻida koʻrsatiladi. Bunda tushlik vaqti nodavlat tashkilot tomonidan belgilanadi.

33. Bolaning ota-onasi (ularning oʻrnini bosuvchi shaxslar) vaucherning foydalanish muddati davomida xizmat koʻrsatuvchi nodavlat tashkilotni oʻzgartirish boʻyicha “Inson” markaziga murojaat qilishi mumkin.

34. “Inson” markaziga tegishli murojaat kelib tushgandan soʻng besh ish kuni ichida bolaning ota-onasi (ularning oʻrnini bosuvchi shaxslar)ga vaucherning foydalanish muddati davomida “Erta aralashuv” axborot moduli orqali boshqa nodavlat tashkilotni tanlash imkoniyati taqdim etiladi hamda bu toʻgʻrisida bolaning ota-onasi (ularning oʻrnini bosuvchi shaxslar) ularning mobil telefoniga SMS-xabarnoma yuborish orqali xabardor qilinadi.

35. “Erta aralashuv” xizmatini koʻrsatish quyidagi asoslarga koʻra tugatiladi:

ota-onalar (ularning oʻrnini bosuvchi shaxslar)ning “Inson” markaziga qilgan murojaati;

vaucher muddatining tugashi;

bolaning uch yoshga toʻlishi;

bolaning vafot etishi;

bolaning ixtisoslashtirilgan maktabgacha taʼlim tashkiloti yoki qoʻshma turdagi maktabgacha taʼlim tashkilotlaridagi ixtisoslashtirilgan va inklyuziv guruhga qabul qilinishi.

Ushbu bandning uchinchi — oltinchi xatboshilarida nazarda tutilgan holatlar yuzaga kelganligi “Erta aralashuv” axborot moduli tomonidan oʻrganib boriladi.

36. Mazkur Nizomning 35-bandiga muvofiq “Erta aralashuv” xizmatini koʻrsatish tugatilganligi toʻgʻrisidagi maʼlumotlar “Erta aralashuv” axborot modulida shakllantirib boriladi.

Bunda “Erta aralashuv” xizmati tugatilgan har bir holat boʻyicha tegishli nodavlat tashkilotlar bir ish kuni ichida ularning Erta aralashuv” axborot modulidagi shaxsiy kabinetiga elektron xabarnoma yuborish orqali xabardor qilib boriladi.

4-bob. “Erta aralashuv” xizmatidan foydalanish xarajatlarini vaucher asosida qoplab berish

37. Nodavlat tashkilotga u tomonidan koʻrsatilgan “Erta aralashuv” xizmati xarajatlari Jamgʻarma mablagʻlari hisobidan vaucherning haqiqatda foydalanilgan qismi boʻyicha subsidiya shaklida toʻlanadi.

Bunda Iqtisodiyot va moliya vazirligining axborot tizimlari orqali “Erta aralashuv” xizmatidan foydalanish boʻyicha subsidiya toʻlovlari va uning hisobi Jamgʻarmada alohida ochiladigan shaxsiy gʻazna hisobvaraqlarida yuritiladi.

38. Nodavlat tashkilotning tijorat bankidagi hisobvaragʻiga oʻtkazilgan toʻlovlar haqidagi maʼlumotlar “Erta aralashuv” axborot modulida shakllantirib boriladi.

39. Vaucher boʻyicha koʻrsatilgan “Erta aralashuv” xizmatining har bir soati uchun bazaviy hisoblash miqdorining 13 foizi miqdorida subsidiya summasi ajratiladi.

Bolaning erta aralashuv xizmatidan bir hafta davomida olti soatgacha (bir kunda 2 soatgacha, bir oyda 24 soatgacha) foydalanilgan qismi vaucher asosida qoplab beriladi. Bunda:

bir kun uchun vaucher asosida subsidiya bola davomatining hisobi qayd qilinganda toʻliq bir soat uchun, bola davomatining hisobi bir soatdan kamida 10 daqiqa oʻtib qayd qilinganda ikki soat uchun toʻliq ajratiladi;

viloyatlar markazlari va Nukus shahrida tashkil etilgan erta aralashuv xizmati uchun ajratiladigan subsidiya miqdorini belgilashda 1,1 nisbatda, Toshkent shahrida esa 1,3 nisbatda koʻpaytiruvchi koeffitsiyent qoʻllanadi.

40. Bolaning erta aralashuv rejasida koʻrsatilgan xizmatlarning har bir hafta davomida 6 soatdan (bir kunda 2 soatdan) oshgan qismi xizmat koʻrsatuvchi nodavlat tashkilot bilan kelishgan holda bolaning ota-onasi (ularning oʻrnini bosuvchi shaxslar) tomonidan qoplanadi.

41. Nodavlat tashkilot bolaning erta aralashuv rejasiga muvofiq koʻrsatilgan xizmatlar haqidagi maʼlumotlarni va ushbu xizmatlardan haqiqatda foydalangan bolaning davomati uning ota-onasi (ularning oʻrnini bosuvchi shaxslar)ning biometrik maʼlumotlarini xizmat koʻrsatilgan kuning oʻzida “Erta aralashuv” axborot moduliga kiritgan holda aniqlanadi hamda ushbu maʼlumotlar asosida avtomatik ravishda ushbu Nizomga 4-ilovaga muvofiq namunadagi buyurtmanoma shakllanadi.

Bunda nodavlat tashkilotning “Erta aralashuv” axborot modulida roʻyxatdan oʻtish vaqtida koʻrsatilgan manzilidan (joylashuvi boʻyicha geolokatsiyasi) boshqa joyda qayd etilgan bolaning ota-onasi (ularning oʻrnini bosuvchi shaxslar)ning biometrik maʼlumotlari axborot modulida hisobga olinmaydi.

42. “Erta aralashuv” xizmati koʻrsatilgan bolalarning haqiqiy davomatining hisobi maxsus qurilmalar yordamida jismoniy shaxsni biometrik identifikatsiya qilish texnologiyasi orqali yuritiladi.

43. Biometrik identifikatsiya qilish jarayoni nodavlat tashkilotning rahbari yoki xodimlari tomonidan maxsus qurilmalar yordamida ushbu tashkilotning joylashuvi (geolokatsiyasi) hisobga olingan holda xizmat koʻrsatilgan kunda 08:00 dan 18:00 ga qadar amalga oshiriladi.

44. Maxsus qurilmalardan Internet jahon axborot tarmogʻisiz (offlayn rejimda) foydalanilgan hollarda bolalarning davomati boʻyicha qayd etilgan maʼlumotlar nodavlat tashkilot tomonidan hisobot oyidan keyingi oyning 5-sanasidan kechiktirmasdan Internet jahon axborot tarmogʻiga ulangan holda (onlayn rejimda) offlayn rejimda kiritilgan maʼlumotlarni axborot moduliga uzatilishi (yangilanishi) taʼminlanadi.

“Erta aralashuv” axborot moduliga maʼlumotlar oʻz vaqtida taqdim etilmaganda, shu jumladan, ushbu bandning birinchi xatboshisida nazarda tutilgan tartibda uzatilishi (yangilanishi) taʼminlamaganda, nodavlat tashkilotga subsidiya hisoblanmaydi va toʻlanmaydi.

45. “Erta aralashuv” axborot modulida hisoblangan subsidiyaning toʻlov qaydnomasi va toʻlov topshiriqnomasi hisobot oyidan keyingi oyning 10-sanasiga qadar shakllantiriladi va Jamgʻarmaning maxsus gʻazna hisobvaragʻidan ikki ish kuni ichida Iqtisodiyot va moliya vazirligining axborot tizimlari orqali nodavlat tashkilotning tijorat bankdagi hisobvaragʻiga avtomatik ravishda oʻtkaziladi.

46. Nodavlat tashkilot bolalar toʻgʻrisidagi “Erta aralashuv” axborot moduliga kiritilgan maʼlumotlarning toʻgʻriligi va haqqoniyligi boʻyicha javobgar hisoblanadi.

47. Nodavlat tashkilot tomonidan bir bolaning maʼlumotlari “Erta aralashuv” axborot moduliga kiritilib, bola ota-onasi (ularning oʻrnini bosuvchi shaxslar)ning fotosurati oʻrniga boshqa shaxsning fotosurati ushbu axborot moduliga joylashtirilganligi va uning asosida davomat belgilab kelinayotganligi aniqlanganda, mazkur holat aniqlangandan boshlab ushbu bola uchun subsidiya hisoblanmaydi va toʻlanmaydi.

Bunday holat takroran aniqlanganda, ushbu nodavlat tashkilot va uning taʼsischisi elektron reyestrdan chiqariladi va qayta kiritilmaydi hamda ushbu taʼsischi taʼsisligidagi boshqa nodavlat tashkilotlar elektron reyestrga kiritilmaydi.

48. Texnik yoki boshqa sabablarga koʻra hisobot oyida “Erta aralashuv” axborot modulida subsidiyaning ortiqcha yoki kam hisoblanganligi aniqlanganda, hisobot oyidan keyingi oyda ushbu subsidiya tegishli summalar qoʻshilgan yoki kamaytirilgan holda hisob-kitob qilinadi.

49. Yengib boʻlmaydigan kuch (fors-major) holatlari natijasida nodavlat tashkilot tomonidan bolalarning davomatini “Erta aralashuv” axborot moduliga kiritishning imkoniyati boʻlmagan hollarda, oylik davomatni belgilash uchun axborot modulida qayd etilgan bolalarning soʻnggi ikki haftadagi oʻrtacha davomat koʻrsatkichi asosida hisob-kitob qilinadi va toʻlab beriladi.

Bunda nodavlat tashkilot qonunchilik hujjatlariga muvofiq yengib boʻlmaydigan kuch (fors-major) holatlari yuz berganligini tasdiqlovchi vakolatli organ tomonidan beriladigan sertifikatni tegishliligi boʻyicha “Inson” markaziga taqdim etishi lozim.

50. Texnik nosozlik sababli “Erta aralashuv” axborot modulining mobil ilovasi yoki maxsus qurilmalar yordamida bola ota-onasi (ularning oʻrnini bosuvchi shaxslar)ni biometrik identifikatsiya qilish imkoni boʻlmagan hollarda, nodavlat tashkilot mazkur holat yuzasidan darhol oʻsha hududdagi “Inson” markazini xabardor qiladi.

Bunda bolalarning bir haftadan ortiq boʻlmagan muddatdagi davomati “Inson” markazi tomonidan toʻldiriladigan bolalarning qatnovi dalolatnomasi asosida amalga oshiriladi.

51. “Inson” markazi texnik nosozlik sababli toʻldirilgan bolalarning qatnovi dalolatnomasini hisobot oyidan keyingi oyning 5-sanasidan kechikmasdan “Erta aralashuv” axborot moduliga kiritish uchun tegishli hududiy boshqarmaga taqdim etadi.

5-bob. Yakunlovchi qoidalar

52. Nodavlat tashkilotlar va ularning xodimlari oʻz xizmat vazifalarini bajarishi munosabati bilan (mehnat shartnomasi bekor qilinganidan keyin ham) “Erta aralashuv” xizmatidan foydalanuvchilarning shaxsiga doir maʼlumotlarining sir saqlanishini taʼminlashi shart.

53. Nodavlat tashkilotlarning elektron reyestrga kiritilishi, vaucher shakllanishi, vaucherga muvofiq xizmatlarning belgilangan talablarga muvofiq koʻrsatilishi Agentlik huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi hamda hududiy boshqarmalar tomonidan doimiy monitoring qilib boriladi.

54. Nodavlat tashkilotlar tomonidan ushbu Nizom talablariga rioya etilishi har chorakda kamida bir marotaba Agentlik huzuridagi Ijtimoiy inspeksiya hamda uning Qoraqalpogʻiston Respublikasi, viloyatlar va Toshkent shahri boshqarmalari tomonidan nazorat qilib boriladi.

55. Ushbu Nizomni qoʻllash jarayonida yuzaga kelgan nizolarni hal qilish qonunchilik hujjatlarida belgilangan tartibda amalga oshiriladi.

56. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

“Erta aralashuv” xizmati koʻrsatilishini tashkil etish tartibi toʻgʻrisidagi nizomga 1-ILOVA

“Erta aralashuv” xizmati koʻrsatilishini tashkil etish

Bosqichlar Subyektlar Tadbirlar Muddatlar 1-bosqich Bolaning ota-onasi (ularning oʻrnini bosuvchi shaxslar) 1. “Erta aralashuv” xizmatidan foydalanish boʻyicha “Inson” ijtimoiy xizmatlar markaziga, Davlat xizmatlari markaziga, ijtimoiy xodimga murojaat qiladi. 2. Mustaqil ravishda Yagona interaktiv davlat xizmatlari portali yoki “Ijtimoiy karta” mobil ilovasi orqali soʻrovnomani elektron tarzda toʻldiradi. Xohishiga koʻra 2-bosqich “Inson” ijtimoiy xizmatlar markazi, Davlat xizmatlari markazi, ijtimoiy xodim Bolaning ota-onasi (ularning oʻrnini bosuvchi shaxslar) nomidan soʻrovnomani “Erta aralashuv” axborot modulida elektron shaklda toʻldiradi. Murojaat qilingan vaqtda 3-bosqich Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahri boshqarmasi 1. Bola toʻgʻrisidagi maʼlumotlar va taqdim etilgan hujjatlarda kamchiliklar aniqlanmagan taqdirda, bolaning ota-onasi (ularning oʻrnini bosuvchi shaxslar)ga vaucher “Erta aralashuv” axborot moduli orqali avtomatik tarzda shakllanadi. Bir ish kuni ichida 2. Vaucher shakllantirilgandan soʻng bu toʻgʻrisida bolaning ota-onasi (ularning oʻrnini bosuvchi shaxslar) xabardor qilinadi. Vaucher shakllangan kunning oʻzida 4-bosqich Bolaning ota-onasi (ularning oʻrnini bosuvchi shaxslar) Bevosita oʻzi yoki ijtimoiy xodim koʻmagida vaucher orqali elektron reyestrga kiritilgan xizmat koʻrsatuvchi nodavlat tashkilotni tanlaydi hamda “Erta aralashuv” axborot moduli orqali buyurtma beradi. Vaucher shakllangandan boshlab 30 kun ichida 5-bosqich Nodavlat tashkilot 1. “Erta aralashuv” axborot moduli orqali buyurtmani qabul qiladi. Bir ish kunida 2. Bolaning ota-onasi (ularning oʻrnini bosuvchi shaxslar) bilan birgalikda bolaning erta aralashuv rejasini ishlab chiqadi. Oʻn ish kunida 3. Erta aralashuv rejasiga muvofiq tegishli xizmatlarni koʻrsatadi. Vaucherning amal qilish muddati davomida

“Erta aralashuv” xizmati koʻrsatilishini tashkil etish tartibi toʻgʻrisidagi nizomga 2-ILOVA

NAMUNA “Erta aralashuv” xizmatidan foydalanish boʻyicha SOʻROVNOMA I. “Erta aralashuv” xizmatidan foydalanadigan bola toʻgʻrisidagi maʼlumotlar 1. Familiyasi, ismi va otasining ismi 2. Tugʻilgan sanasi (kun, oy, yil) 3. Tugʻilganlik haqidagi guvohnoma seriyasi va raqami 4. Jismoniy shaxsning shaxsiy identifikatsiya raqami (JSHSHIR) 5. Yashash manzili 6. “Erta aralashuv” xizmatidan foydalanish uchun asos boʻluvchi quyidagi hujjatlardan birining mavjudligi: a) nogironlik toʻgʻrisidagi maʼlumotnoma b) oilaviy shifokorning xulosasi * v) psixologik-tibbiy-pedagogik komissiya xulosasi Avtomatik tarzda shakllanadi II. “Erta aralashuv” xizmatidan foydalanish istagini bildirgan ota-onalar (ularning oʻrnini bosuvchi shaxslar) toʻgʻrisidagi maʼlumotlar 1. Familiyasi, ismi va otasining ismi 2. Tugʻilgan sanasi 3. Pasport yoki identifikatsiyalovchi ID-kartasi maʼlumotlari (seriyasi va raqami) 4. Jismoniy shaxsning shaxsiy identifikatsiya raqami (JSHSHIR) 5. Yashash manzili 6. Telefon raqami 7. Elektron pochta manzili (mavjud boʻlsa)

“Erta aralashuv” xizmati koʻrsatilishini tashkil etish tartibi toʻgʻrisidagi nizomga 3-ILOVA

NAMUNA “Erta aralashuv” xizmati xarajatlarini qoplash imkonini beruvchi VAUCHER № _______________ 1. Bolaning F.I.O. ________________________________________________________________________ 2. Bolaning tugʻilganlik haqidagi guvohnoma seriyasi va raqami (JSHSHIR):_______________________ _________________________________________________________________________________________ 3. Yashash manzili _________________________________________________________________________ 4. Bola ota-onasi (ularning oʻrnini bosuvchi shaxslar)ning telefon raqami _______________________ _________________________________________________________________________________________ 5. “Erta aralashuv” xizmatidan foydalanish uchun asos boʻluvchi hujjatlardan biri* _______________ _________________________________________________________________________________________ 6. Vaucher shakllantirilgan sana ____________________________________________________________ 7. Vaucher foydalanish muddati _____________________________________________________________ * “Erta aralashuv” xizmatidan foydalanish uchun asos boʻluvchi quyidagi hujjatlardan birining mavjudligi tanlanadi: a) nogironlik toʻgʻrisidagi maʼlumotnoma b) oilaviy shifokorning xulosasi v) Psixologik-tibbiy-pedagogik komissiya xulosasi QR-kod (matrik shtrixli kod)

“Erta aralashuv” xizmati koʻrsatilishini tashkil etish tartibi toʻgʻrisidagi nizomga 4-ILOVA

NAMUNA 20___ yil __________ oyi uchun “__________” “Erta aralashuv” xizmati koʻrsatilgan har bir bola uchun subsidiya olishga BUYURTMANOMA Yuridik shaxs STIRi, yakka tartibdagi tadbirkor biometrik pasport maʼlumotlari ____________________________________________ Hudud nomi ____________________________________________ Tuman (shahar) nomi ____________________________________________ MFY nomi ____________________________________________ Uy raqami ____________________________________________ T/r Bola toʻgʻrisidagi maʼlumotlar Hisobot oyida F.I.O. Tugʻilgan sanasi Tugʻilganlik haqidagi guvohnoma seriyasi va raqami Bolaning “Erta aralashuv” xizmatiga qatnagan kunlari soni Subsidiyaning qatʼiy kunlik miqdori Bola uchun ajratiladigan va toʻlanadigan subsidiya summasi (4 ust*5 ust) a 1 2 3 4 5 6 1. 2. ... JAMI: X X

Vazirlar Mahkamasining 2026-yil 21-maydagi 271-son qaroriga 2-ILOVA

Ijtimoiy-psixiatrik-tibbiy komissiyalar toʻgʻrisida

1-bob. Umumiy qoidalar

1. Ushbu Nizom ruhiy holati buzilgan I va II guruh nogironligi boʻlgan shaxslar (keyingi oʻrinlarda — nogironligi boʻlgan shaxslar)ni ijtimoiy xizmatlarga yoʻnaltirish boʻyicha ijtimoiy-psixiatrik-tibbiy komissiyalarning maqsadi, vazifalari va faoliyatini tashkil etishni hamda ijtimoiy-psixiatrik-tibbiy tekshiruvlarni oʻtkazish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

axborot moduli — nogironligi boʻlgan shaxslarni Nogironligi boʻlgan shaxslar uchun “Gʻamxoʻrlik” markazlari (keyingi oʻrinlarda — “Gʻamxoʻrlik” markazi)ga joylashtirish, biridan ikkinchisiga oʻtkazish, shuningdek, nodavlat tashkilotlar ishtirokida tashkil etilgan “Yangi kun” kunduzgi qatnov asosida qarab turish xizmati, uy sharoitida qarab turish xizmati, kichik hajmli “Madad” uylari hamda “Ijtimoiy taʼtil” qisqa muddatli joylashtirish xizmatlari (keyingi oʻrinlarda — muqobil ijtimoiy xizmatlar)ga yoʻnaltirishga doir maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

apellyatsiya kengashi — ijtimoiy-psixiatrik-tibbiy komissiyaning nogironligi boʻlgan shaxslarni “Gʻamxoʻrlik” markazlariga joylashtirish yoki muqobil ijtimoiy xizmatlarga yoʻnaltirishga doir xulosalarini oʻrganish, ijtimoiy-psixiatrik-tibbiy tekshiruv natijalari boʻyicha shikoyatlarni koʻrib chiqish hamda “Gʻamxoʻrlik” markazlarining biridan ikkinchisiga oʻtkazish toʻgʻrisida qaror qabul qilish maqsadida Agentlik huzurida tashkil etiladigan kollegial-maslahat organi;

Ijtimoiy-psixiatrik-tibbiy komissiya (keyingi oʻrinlarda — IPTK) — nogironligi boʻlgan shaxslarni “Gʻamxoʻrlik” markaziga joylashtirish, shuningdek, muqobil ijtimoiy xizmatlarga yoʻnaltirish uchun taqdim etilgan hujjatlarni oʻrganib chiqish hamda ularni ijtimoiy-psixiatrik-tibbiy tekshiruvdan oʻtkazish maqsadida Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarmalar) huzurida tashkil etiladigan doimiy asosda faoliyat yurituvchi kollegial organ;

ijtimoiy-psixiatrik-tibbiy tekshiruv — nogironligi boʻlgan shaxslar sogʻligʻining umumiy holati va ijtimoiy, ruhiy (psixiatriya) ahvolini kompleks ravishda oʻrganish, baholash, koʻrikdan oʻtkazish va tekshirish jarayoni;

nodavlat tashkilotlar — yuridik shaxslar, yakka tartibdagi tadbirkorlar va nodavlat notijorat tashkilotlar.

3. IPTK oʻz faoliyatini xolislik, shaffoflik, oshkoralik va bamaslahat ishlash tamoyillari asosida, yuridik shaxs maqomisiz, doimiy faoliyat koʻrsatuvchi kollegial organ shaklida olib boradi.

2-bob. IPTKning maqsad va vazifalari

4. IPTKning asosiy maqsadi nogironligi boʻlgan shaxslarni ijtimoiy-psixiatrik-tibbiy jihatdan tekshiruvdan oʻtkazish hamda tekshiruv natijalari boʻyicha ularni “Gʻamxoʻrlik” markazlari yoki muqobil ijtimoiy xizmatlarga yoʻnaltirish uchun xulosa berish hisoblanadi.

5. IPTK quyidagi vazifalarni amalga oshiradi:

nogironligi boʻlgan shaxslarni “Gʻamxoʻrlik” markazlari yoki muqobil ijtimoiy xizmatlarga yoʻnaltirish uchun taqdim etilgan hujjatlarni oʻrganib chiqadi;

nogironligi boʻlgan shaxslarni ularning qonuniy vakili ishtirokida ijtimoiy-psixiatrik-tibbiy jihatdan tekshiruvdan oʻtkazadi;

nogironligi boʻlgan shaxslarning sogʻligʻi va ruhiy holatidagi buzilishlarni tasdiqlovchi hujjatlarni oʻrganadi;

dispanser kuzatuvida turgan ruhiy holati buzilgan shaxslarning yagona elektron reyestri orqali nogironligi boʻlgan shaxslarga qoʻyilgan tashxisning ishonchliligini oʻrganadi;

“Gʻamxoʻrlik” markazlari yoki kichik hajmli “Madad” uylari xizmatiga yoʻnaltiriladigan nogironligi boʻlgan shaxs va uning oilasini ijtimoiy holati baholashdan oʻtkazilganligini oʻrganadi;

nogironligi boʻlgan shaxslarning parvarish va qarab turishga boʻlgan ehtiyojlari asosida ularni “Gʻamxoʻrlik” markazlariga joylashtirish, biridan ikkinchisiga oʻtkazish, shuningdek, muqobil ijtimoiy xizmatlarga yoʻnaltirish uchun xulosa beradi.

IPTK qonunchilik hujjatlariga muvofiq boshqa vazifalarni ham amalga oshiradi.

3-bob. IPTK faoliyatini tashkil etish

6. IPTK tarkibi hududiy boshqarmalar va Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri sogʻliqni saqlash bosh boshqarmasining (keyingi oʻrinlarda — SSV hududiy boʻlinmalari) birgalikdagi qoʻshma qarori asosida har yili 1-fevralga qadar ushbu Nizomga 1-ilovaga muvofiq namunaviy tarkibda tuziladi va tasdiqlanadi.

7. IPTKga SSV hududiy boʻlinmalaridan jalb qilingan mutaxassislarga IPTK yigʻilishi oʻtkazilgan oy uchun mehnatga haq toʻlash eng kam miqdorining bir baravari miqdorida Agentlikning Ijtimoiy himoya davlat jamgʻarmasi mablagʻlari hisobidan hududiy boshqarmalar tomonidan haq toʻlanadi.

8. IPTKga rais — Agentlik hududiy boshqarmasining boshligʻi oʻrinbosari rahbarlik qiladi.

Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati boʻyicha Qoraqalpogʻiston Respublikasi, viloyatlar va Toshkent shahar filiallari bosh shifokor-psixiatri IPTK komissiya raisining oʻrinbosari hisoblanadi.

9. IPTK raisi:

ushbu Nizomga muvofiq IPTK ishini tashkil etadi va uning faoliyatiga rahbarlik qiladi;

IPTK aʼzolariga bajarilishi majburiy boʻlgan topshiriqlar beradi va ularni nazorat qiladi;

IPTKning ish jadvalini tasdiqlaydi;

IPTK yigʻilishini oʻtkazish davriyligini, vaqti va joyini belgilaydi;

IPTK faoliyatini takomillashtirish boʻyicha Agentlikka takliflarni kiritadi.

10. IPTK raisi quyidagilar uchun javobgar hisoblanadi:

IPTK faoliyatini ushbu Nizomga muvofiq tashkil etish;

nogironligi boʻlgan shaxslar hamda ularning qonuniy vakillarining huquqlari va manfaatlariga zarar yetkazishi mumkin boʻlgan maʼlumotlar oshkor etmasligini taʼminlash;

IPTK yigʻilishlarini oʻtkazishda nogironligi boʻlgan shaxslar hayoti va sogʻligʻi xavfsizligini taʼminlash.

11. IPTK yigʻilishlarida uning barcha aʼzolari ishtirok etishi shart.

Bunda ushbu Nizomga 1-ilovaga muvofiq namunaviy tarkibda tasdiqlangan roʻyxatdagi mutaxassis ishtirok eta olmagan taqdirda, SSV hududiy boʻlinmasi tomonidan ushbu sohadagi boshqa mutaxassis ishonchnoma asosida yuboriladi. Bu haqda IPTK kamida besh kun oldin xabardor qilinadi.

12. IPTK yigʻilishi natijalari, shuningdek, nogironligi boʻlgan shaxslar bilan bogʻliq maʼlumotlar maxfiy hisoblanadi. Bunda nogironligi boʻlgan shaxslar qonuniy vakillarining roziligisiz ushbu maʼlumotlarning boshqa shaxslarga berilishiga yoʻl qoʻyilmaydi, qonunchilik hujjatlarida nazarda tutilgan hollar bundan mustasno.

13. IPTK tomonidan ijtimoiy-psixiatrik-tibbiy tekshiruvlarni oʻtkazish hamda nogironligi boʻlgan shaxslarning qonuniy vakillariga IPTK mutaxassislari tomonidan maslahatlar berish bepul amalga oshiriladi.

14. IPTK kotibi nogironligi boʻlgan shaxslarni tekshiruvdan oʻtkazish bayonnomalarining asl nusxalari saqlanishini taʼminlaydi.

4-bob. Ijtimoiy-psixiatrik-tibbiy tekshiruvdan oʻtish uchun murojaat qilish va IPTKning xulosasini berish tartibi

1-§. Murojaatlarni qabul qilish va IPTKga yuborish

15. Nogironligi boʻlgan shaxslarning qonuniy vakillari (keyingi oʻrinlarda — arizachi) nogironligi boʻlgan shaxslarni ijtimoiy-psixiatrik-tibbiy tekshiruvdan oʻtkazish uchun “Inson” ijtimoiy xizmatlar markaziga (keyingi oʻrinlarda — “Inson” markazi), Davlat xizmatlari markaziga yoki ijtimoiy xodimga oʻzi kelib murojaat etgan taqdirda, “Inson” markazi yoki Davlat xizmatlari markazining masʼul xodimi yoxud ijtimoiy xodim arizachi nomidan yoki Yagona interaktiv davlat xizmatlari portali (keyingi oʻrinlarda — YIDXP) yoxud “Ijtimoiy karta” mobil ilovasi orqali murojaat qilinganda — arizachi mustaqil ravishda mazkur Nizomga 2-ilovaga muvofiq shakldagi soʻrovnomani elektron tarzda toʻldiradi. Bunda soʻrovnoma toʻldirilishida arizachi tomonidan quyidagi ijtimoiy xizmatlardan biri tanlanishi lozim:

nogironligi boʻlgan shaxsni “Yangi kun” kunduzgi qatnov asosida qarab turish xizmatiga yoʻnaltirish;

nogironligi boʻlgan shaxsni uy sharoitida qarab turish xizmatiga yoʻnaltirish;

nogironligi boʻlgan shaxsni “Ijtimoiy taʼtil” qisqa muddatli joylashtirish xizmatiga yoʻnaltirish;

nogironligi boʻlgan shaxsni kichik hajmli “Madad” uyi xizmatiga joylashtirish;

nogironligi boʻlgan shaxsni “Gʻamxoʻrlik” markaziga joylashtirish.

Soʻrovnomaga tanlangan ijtimoiy xizmat turidan kelib chiqib, mazkur Nizomga 3-ilovaga muvofiq hujjatlar ilova qilinishi lozim.

16. Mazkur Nizomning 15-bandiga muvofiq tanlangan ijtimoiy xizmatga quyidagi toifadagi shaxslar qabul qilinadi:

a) “Yangi kun” kunduzgi qatnov asosida qarab turish xizmati boʻyicha quyidagi tashxislarning biri qoʻyilgan nogironligi boʻlgan shaxslar:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03);

b) uy sharoitida qarab turish xizmati boʻyicha quyidagi tashxislarning biri qoʻyilgan nogironligi boʻlgan shaxslar:

demensiya (F00.0-G30, F02.0, F02.1, F02.2, F02.3, F03);

chuqur aqliy zaiflik (F73);

bolalar serebral falaji (BSF) (GMFCS klassifikatsiyasiga koʻra 4 yoki 5 daraja) + ogʻir darajadagi aqliy zaiflik G80+F72;

serebrovaskulyar kasalliklarining oqibatlar+ spastik tetraplegiya yoki boʻshashgan tetraplegiya (GMFCS klassifikatsiyasiga koʻra 4 yoki 5 -daraja) + ogʻir darajadagi aqliy zaiflik I69.2+G82.3 /G 82.4+F72;

tetraplegiya (GMFCS klassifikatsiyasiga koʻra 4 yoki 5 daraja) + ogʻir darajadagi aqliy zaiflik G 82+ F72;

epilepsiya epileptik status ogʻir darajadagi aqliy zaiflik G40/ G41+F72 (Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik);

v) “Ijtimoiy taʼtil” qisqa muddatli joylashtirish xizmati boʻyicha quyidagi tashxislarning biri qoʻyilgan nogironligi boʻlgan shaxslar:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03);

g) kichik hajmli “Madad” uyi xizmati boʻyicha quyidagi tashxislarning biri qoʻyilgan, shuningdek, oʻzgalar parvarishiga muhtojlik darajasi (Bartel va Lauton shkalalari boʻyicha) 62 ballgacha baholangan nogironligi boʻlgan shaxslar:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03);

d) “Gʻamxoʻrlik” markaziga joylashtirish boʻyicha quyidagi tashxislarning biri qoʻyilgan nogironligi boʻlgan shaxslar:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03).

17. Soʻrovnoma toʻldirilgandan soʻng arizachi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron raqamli imzo, Face-ID, Mobile-ID va boshqalar) bilan tasdiqlaydi. Bunda arizachi tomonidan soʻrovnomaning tasdiqlanishi u va nogironligi boʻlgan shaxsga tegishli shaxsga doir maʼlumotlarni olish va ishlov berishga rozilikni bildiradi.

Arizachi YIDXP yoki “Ijtimoiy karta” mobil ilovasi orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.

18. Soʻrovnomani koʻrib chiqqanlik uchun toʻlov undirilmaydi.

19. Soʻrovnoma tasdiqlangandan soʻng unga ilova qilinadigan hujjatlar bilan birga shu kunning oʻzida axborot moduli orqali “Inson” markaziga kelib tushadi.

20. “Inson” markazi soʻrovnoma qabul qilib olinganidan soʻng tanlangan ijtimoiy xizmatning turidan kelib chiqib, quyidagilarni amalga oshiradi:

1) nogironligi boʻlgan shaxsni “Yangi kun” kunduzgi qatnov asosida qarab turish xizmati, uy sharoitida qarab turish xizmati yoki “Ijtimoiy taʼtil” qisqa muddatli joylashtirish xizmatidan biriga yoʻnaltirish boʻyicha:

a) bir ish kunida nogironligi boʻlgan shaxs boʻyicha shakllantirilgan hujjatlarni oʻrganadi hamda rad etish asoslari mavjud yoki mavjud emasligini hamda nogironligi boʻlgan shaxsga nogironlik belgilanishidan avval shaxslarni kundalik hayotdagi faolligi va ishtiroki (keyingi oʻrinlarda — funksionallik) baholashdan oʻtkazilganligini aniqlaydi;

b) funksionalligi baholashdan oʻtkazilmagan yoki funksionalligi baholashdan oʻtkazilganiga olti oydan koʻp muddat oʻtgan nogironligi boʻlgan shaxsni Jahon Sogʻliqni Saqlash Tashkilotining nogironlikni baholash shkalasining (WHODAS 2.0) mahalliy shart-sharoitlariga moslashtirilgan mezonlari asosida besh ish kuni ichida baholashdan oʻtkazadi. Bunda funksionallikni baholash natijalarini axborot modulida shakllantiradi;

v) nogironligi boʻlgan shaxs boʻyicha shakllantirilgan hujjatlarda rad etish asoslari aniqlanmagan taqdirda, nogironligi boʻlgan shaxs toʻgʻrisidagi maʼlumot va hujjatlari hamda funksionallikni baholash natijalarini bir ish kuni ichida IPTKga axborot moduli orqali yuboradi, bundan uy sharoitida qarab turish xizmati mustasno.

Bunda nogironligi boʻlgan shaxsning funksionalligini baholash natijalari Jahon Sogʻliqni Saqlash Tashkilotining nogironlikni baholash shkalasi (WHODAS 2.0) boʻyicha 60 balldan yuqori boʻlgan taqdirda ushbu shaxs uy sharoitida qarab turish xizmatiga yoʻnaltirilishi mumkin boʻlgan shaxs sifatida uning maʼlumot va hujjatlari bir ish kuni ichida IPTKga axborot moduli orqali yuboriladi;

g) nogironligi boʻlgan shaxslarning maʼlumotlari va hujjatlari IPTKga yuborilganligi yoki soʻrovnoma rad etilganligi toʻgʻrisida arizachini soʻrovnomada koʻrsatilgan mobil aloqa vositasiga SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qiladi;

2) nogironligi boʻlgan shaxslarni kichik hajmli “Madad” uyi xizmatiga joylashtirish boʻyicha:

a) bir ish kunida nogironligi boʻlgan shaxs boʻyicha shakllantirilgan hujjatlarni oʻrganadi hamda rad etish asoslari mavjud yoki mavjud emasligini hamda nogironligi boʻlgan shaxsga nogironlik belgilanishidan avval shaxslarni kundalik hayotdagi faolligi va ishtiroki (keyingi oʻrinlarda — funksionallik) baholashdan oʻtkazilganligini aniqlaydi;

b) funksionalligi baholashdan oʻtkazilmagan yoki funksionalligi baholashdan oʻtkazilganiga olti oydan koʻp muddat oʻtgan nogironligi boʻlgan shaxsni Jahon Sogʻliqni Saqlash Tashkilotining nogironlikni baholash shkalasining (WHODAS 2.0) mahalliy shart-sharoitlariga moslashtirilgan mezonlari asosida besh ish kuni ichida baholashdan oʻtkazadi. Bunda funksionallikni baholash natijalarini axborot modulida shakllantiradi;

v) nogironligi boʻlgan shaxs boʻyicha shakllantirilgan hujjatlarda rad etish asoslari aniqlanmaganda hamda funksionallikni baholash natijalarini axborot modulida shakllantirganidan soʻng besh ish kuni mobaynida “Inson” markazining xodimi, oilaviy shifokor va fuqarolarning oʻzini oʻzi boshqarish organi raisidan iborat multidissiplinar guruh Vazirlar Mahkamasining 2024-yil 11-martdagi 123-son qarori bilan tasdiqlangan Oʻzgalar parvarishiga muhtoj shaxslarni eʼtirof etish, individual tartibda ijtimoiy xizmatlar va yordamlar koʻrsatish rejasini tasdiqlash va monitoring qilishning maʼmuriy reglamentiga muvofiq nogironligi boʻlgan shaxslarning oʻzgalar parvarishiga muhtojlik darajasi va yashash sharoitlarini baholaydi, shuningdek, uning natijalari toʻgʻrisidagi xulosani axborot moduliga kiritadi;

g) nogironligi boʻlgan shaxsning oʻzgalar parvarishiga muhtojlik darajasi (Bartel va Lauton shkalalari boʻyicha)ning baholash natijalari 62 ballgacha boʻlganda nogironligi boʻlgan shaxs toʻgʻrisidagi maʼlumot va hujjatlar hamda funksionallikni baholash natijalarini bir ish kuni ichida IPTKga axborot moduli orqali yuboradi. Bunda nogironligi boʻlgan shaxsning oʻzgalar parvarishiga muhtojlik darajasining baholash natijasi 62 balldan yuqori boʻlganda arizachining soʻrovnomasini rad etadi;

d) nogironligi boʻlgan shaxslarning maʼlumotlari va hujjatlari IPTKga yuborilganligi yoki soʻrovnoma rad etilganligi toʻgʻrisida arizachini soʻrovnomada koʻrsatilgan mobil aloqa vositasiga SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qiladi;

3) nogironligi boʻlgan shaxsni “Gʻamxoʻrlik” markaziga joylashtirish boʻyicha:

a) bir ish kunida nogironligi boʻlgan shaxs boʻyicha shakllantirilgan hujjatlarni oʻrganadi hamda rad etish asoslari mavjud yoki mavjud emasligini hamda nogironligi boʻlgan shaxsga nogironlik belgilanishidan avval shaxslarni kundalik hayotdagi faolligi va ishtiroki (keyingi oʻrinlarda — funksionallik) baholashdan oʻtkazilganligini aniqlaydi;

b) funksionalligi baholashdan oʻtkazilmagan yoki funksionalligi baholashdan oʻtkazilganiga olti oydan koʻp muddat oʻtgan nogironligi boʻlgan shaxsni Jahon Sogʻliqni Saqlash Tashkilotining nogironlikni baholash shkalasining (WHODAS 2.0) mahalliy shart-sharoitlariga moslashtirilgan mezonlari asosida besh ish kuni ichida baholashdan oʻtkazadi. Bunda funksionallikni baholash natijalarini axborot modulida shakllantiradi;

v) nogironligi boʻlgan shaxs boʻyicha shakllantirilgan hujjatlarda rad etish asoslari aniqlanmaganda hamda funksionallikni baholash natijalarini axborot modulida shakllantirganidan soʻng nogironligi boʻlgan shaxslarni “Gʻamxoʻrlik” markaziga navbatsiz yoki navbat asosida joylashtiriladigan shaxslar toifasiga ajratadi. Bunda:

quyidagi asoslarning barchasi bir paytning oʻzida mavjud boʻlganda nogironligi boʻlgan shaxslarni “Gʻamxoʻrlik” markaziga navbatsiz joylashtiriladigan shaxslar toifasiga kiritadi:

nogironligi boʻlgan shaxs oʻzgalar parvarishiga muhtoj boʻlganda;

nogironligi boʻlgan shaxsning oila aʼzolari, shuningdek, yaqin qarindoshlari mavjud boʻlmaganda;

nogironligi boʻlgan shaxsning egaligida turar joyi mavjud boʻlmaganda yoki yashash uchun yaroqsiz holatidagi turarjoyda yashayotgan boʻlsa.

Mazkur kichik bandning uchinchi — beshinchi xatboshilarida nazarda tutilgan asoslar mavjud boʻlmagan taqdirda nogironligi boʻlgan shaxslarni “Gʻamxoʻrlik” markaziga navbat asosida joylashtiriladigan shaxslar toifasiga kiritadi.

“Gʻamxoʻrlik” markaziga navbatsiz joylashtiriladigan shaxslar toifasiga kiritilgan nogironligi boʻlgan shaxslar uchun mazkur Nizomga 3-ilovaga muvofiq qoʻshimcha hujjatlarni besh ish kuni ichida arizachidan talab qilib oladi;

g) “Gʻamxoʻrlik” markaziga navbatsiz yoki navbat asosida joylashtiriladigan shaxslar toifasiga ajratilgan nogironligi boʻlgan shaxslarning maʼlumotlari va hujjatlari hamda funksionallikni baholash natijalarini mazkur Nizomga 3-ilovaga muvofiq shakllantirilganidan soʻng bir ish kuni ichida axborot moduli orqali IPTKga yuboradi;

d) nogironligi boʻlgan shaxslarning maʼlumotlari va hujjatlari IPTKga yuborilganligi yoki soʻrovnoma rad etilganligi toʻgʻrisida arizachini soʻrovnomada koʻrsatilgan mobil aloqa vositasiga SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qiladi.

21. Quyidagilar IPTK tomonidan arizachining soʻrovnomasini rad etish uchun asos boʻladi:

nogironligi boʻlgan shaxs soʻrovnomada tanlangan xizmat turi uchun belgilangan tashxis va toifaga muvofiq boʻlmaganda;

ushbu Nizomga 3-ilovaga koʻrsatilgan maʼlumot va hujjatlar ilova qilinmaganda yoki ularda kamchiliklar va nomuvofiqliklar aniqlanganda;

arizachi tomonidan xizmatdan foydalanishni rad etish toʻgʻrisida ariza berilganda.

IPTK tomonidan arizachining soʻrovnomasini boshqa asoslarga koʻra rad etishga yoʻl qoʻyilmaydi.

22. Mazkur Nizomning 21-bandida nazarda tutilgan asoslarga koʻra soʻrovnoma rad etilgan hollarda arizachi bu toʻgʻrisida soʻrovnomada koʻrsatilgan mobil aloqa vositasiga SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qilinadi.

2-§. Ijtimoiy-psixiatrik-tibbiy tekshiruvini oʻtkazish va IPTK xulosasini berish

23. Nogironligi boʻlgan shaxslar boʻyicha shakllantirilgan maʼlumot va hujjatlar axborot moduli orqali IPTKga kelib tushgandan soʻng IPTK kotibi besh ish kuni ichida hujjatlarning toʻliqligini va toʻgʻri rasmiylashtirilganligini oʻrganadi.

Oʻrganish natijalariga koʻra nogironligi boʻlgan shaxs boʻyicha shakllantirilgan maʼlumot va hujjatlarda kamchiliklar aniqlanmagan taqdirda, ular axborot moduli orqali qabul qilib olinadi va IPTKning navbatdagi yigʻilishiga kiritiladi.

Nogironligi boʻlgan shaxs boʻyicha shakllantirilgan maʼlumot va hujjatlarda kamchiliklar mavjudligi aniqlangan taqdirda, ular kamchiliklari koʻrsatilgan holda “Inson” markaziga axborot moduli orqali qaytariladi.

Bunda nogironligi boʻlgan shaxslarning maʼlumot va hujjatlaridagi kamchiliklar “Inson” markazi tomonidan arizachi bilan birgalikda bartaraf etilgan holda IPTKga mazkur bobning 1-paragrafida belgilangan tartibda yuboriladi.

24. IPTK yigʻilishlari ijtimoiy-psixiatrik-tibbiy tekshiruvdan oʻtkaziladigan nogironligi boʻlgan shaxslar sonidan qatʼi nazar, ikki oyda kamida bir marta oʻtkazilishi lozim.

25. IPTK yigʻilishini oʻtkazish sanasi, vaqti va joyi belgilangandan soʻng IPTK yigʻilishi oʻtkazilishidan kamida uch kun oldin IPTK kotibi IPTK aʼzolarini axborot moduli orqali, nogironligi boʻlgan shaxslarning qonuniy vakillarini esa SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qilinadi.

Nogironligi boʻlgan shaxslarning qonuniy vakillari IPTK yigʻilishi belgilangan sana va vaqtda nogironligi boʻlgan shaxsni IPTK yigʻilishi boʻlib oʻtadigan joyga olib kelmagan taqdirda, ularning hujjatlari IPTK yigʻilishi oʻtkazilgan kuning ertasiga axborot moduli orqali “Inson” markaziga qaytariladi hamda bu toʻgʻrisida nogironligi boʻlgan shaxslarning qonuniy vakili SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qilinadi.

26. IPTK yigʻilishlari ular joylashgan binolarda, hududlarga chiqib sayyor tartibda, shaxs sogʻligining holatiga koʻra IPTKga kelish imkoni boʻlmagan holatda shaxsning uyida yoki davolanishda boʻlgan taqdirda, statsionarda oʻtkaziladi.

Bunda IPTK kotibi “Inson” markazi bilan birgalikda mazkur Nizomning 25-bandida belgilangan muddatda nogironligi boʻlgan shaxslarning hujjatlari, holati hamda joylashgan hududini oʻrganish orqali mazkur bandning birinchi xatboshisiga muvofiq ijtimoiy-psixiatrik-tibbiy tekshiruvdan oʻtkaziladigan nogironligi boʻlgan shaxslarning roʻyxatini shakllantiradi.

27. Ijtimoiy-psixiatrik-tibbiy tekshiruv nogironligi boʻlgan shaxs joylashgan hududdagi IPTK tomonidan IPTK aʼzolarining toʻliq tarkibida oʻtkaziladi.

28. IPTKning xulosalari kollegial tartibda, aʼzolarining oddiy koʻpchilik ovozi asosida qabul qilinadi va bayonnoma bilan rasmiylashtiriladi.

Bunda ovozlar teng boʻlganda, raislik qiluvchining ovozi hal qiluvchi ovoz hisoblanadi.

29. IPTK tomonidan nogironligi boʻlgan shaxslarni ijtimoiy-psixiatrik-tibbiy tekshiruvdan oʻtkazish nogironligi boʻlgan shaxslar boʻyicha shakllantirilgan maʼlumot va hujjatlarni oʻrganish hamda shaxsni koʻrikdan oʻtkazish yoʻli bilan amalga oshiriladi.

30. IPTKning yigʻilishida nogironligi boʻlgan shaxslar ularning tibbiy kartasida koʻrsatilgan maʼlumotlar asosida IPTKning har bir mutaxassisi tomonidan yakka tartibda yoki bir nechta mutaxassislar tomonidan bir vaqtda ijtimoiy-psixiatrik-tibbiy tekshiruvdan oʻtkaziladi.

Bunda ijtimoiy-psixiatrik-tibbiy tekshiruv oʻtkazilishida Jahon Sogʻliqni Saqlash Tashkilotining WHODAS savolnomasi qoʻllaniladi hamda “Inson” markazi tomonidan oʻtkaziladigan funksionallikni baholash natijalari oʻrganiladi.

31. IPTK tomonidan nogironligi boʻlgan shaxslarni ijtimoiy-psixiatrik-tibbiy tekshiruvdan oʻtkazishda ularning individual xususiyatlari, toifasi, yoshi, jinsi va ijtimoiy-psixiatrik-tibbiy holati hamda ushbu Nizomga 4-ilovaga muvofiq tibbiy koʻrsatmalar hisobga olinishi lozim.

32. Ijtimoiy-psixiatrik-tibbiy tekshiruv natijalari IPTK bayonnomasida yigʻilish oʻtkazilgan kunda rasmiylashtiriladi hamda uning barcha aʼzolari tomonidan imzolanadi.

IPTK bayonnomasi imzolangandan soʻng IPTK xulosasi uch ish kunida axborot modulida rasmiylashtiriladi.

33. Ijtimoiy-psixiatrik-tibbiy tekshiruv natijalari boʻyicha IPTK quyidagi xulosalardan birini qabul qiladi:

nogironligi boʻlgan shaxsni soʻrovnomada tanlangan ijtimoiy xizmatga yoʻnaltirish;

nogironligi boʻlgan shaxsni soʻrovnomada tanlangan xizmatdan boshqa xizmatga yoʻnaltirish (bundan “Gʻamxoʻrlik” markazi yoki kichik hajmli “Madad” uyiga joylashtirish mustasno);

nogironligi boʻlgan shaxsni ijtimoiy xizmatga yoʻnaltirishni rad etish.

34. IPTK tomonidan berilgan xulosalarning toʻgʻriligi hamda asoslanganligi boʻyicha IPTK aʼzolari birgalikda javobgar hisoblanadi.

35. IPTK xulosasida quyidagilar koʻrsatiladi:

nogironligi boʻlgan shaxs hamda uning qonuniy vakilining pasport (identifikatsiyalovchi ID-karta) maʼlumotlari;

nogironligi boʻlgan shaxs va (yoki) qonuniy vakillarning yashash manzili haqida maʼlumotlar;

nogironligi boʻlgan shaxsga qoʻyilgan tashxis (Xalqaro kasalliklar tasnifi XKT-10 shifrini koʻrsatgan holda);

nogironligi boʻlgan shaxsga tavsiya etilgan ijtimoiy xizmat turi va ijtimoiy xizmatdan foydalanish muddati.

IPTK xulosasining shakli Agentlik tomonidan tasdiqlanadi.

36. Nogironligi boʻlgan shaxslarni “Gʻamxoʻrlik” markazlariga joylashtirish, kichik hajmli “Madad” uyi xizmati, “Yangi kun” kunduzgi qatnov asosida qarab turish xizmati, uy sharoitida qarab turish xizmati yoki “Ijtimoiy taʼtil” qisqa muddatli joylashtirish xizmatlaridan biriga yoʻnaltirishga qaratilgan IPTK xulosasi rasmiylashtirilganda mazkur xulosa bir ish kuni ichida axborot moduli orqali nogironligi boʻlgan shaxsning yashash manzilidagi “Inson” markaziga yuboriladi hamda bu toʻgʻrisida nogironligi boʻlgan shaxslarning qonuniy vakili SMS-xabarnoma, YIDXP yoki “Ijtimoiy karta” mobil ilovasi orqali murojaat qilingan taqdirda esa YIDXP yoki “Ijtimoiy karta” mobil ilovasidagi shaxsiy kabinetiga elektron xabarnoma yuborish orqali xabardor qilinadi.

5-bob. Yakunlovchi qoidalar

37. IPTK yigʻilishlarida Agentlik va Sogʻliqni saqlash vazirligi tizimining vakillari ovoz berish huquqisiz ishtirok etishi mumkin.

38. Nogironligi boʻlgan shaxsga tavsiya etilgan ijtimoiy xizmat turi boʻyicha ijtimoiy xizmatdan foydalanish muddati tugagan hollarda uni ijtimoiy-psixiatrik-tibbiy tekshiruvdan oʻtkazish ushbu Nizomda belgilangan tartibda umumiy asoslarda amalga oshiriladi.

39. IPTK xulosalarning toʻgʻriligi va asosliligi Agentlik tomonidan tuziladigan Apellyatsiya kengashi tomonidan oʻrganib boriladi.

40. Nogironligi boʻlgan shaxslarning qonuniy vakili IPTK xulosasidan norozi boʻlgan taqdirda, u bir oy muddat ichida Apellyatsiya kengashiga murojaat qilishi mumkin.

41. Apellyatsiya kengashiga shikoyat tushgan hollarda keyingi oʻn ish kun mobaynida nogironligi boʻlgan shaxsni qayta ijtimoiy-psixiatrik-tibbiy tekshiruvdan oʻtkazish toʻgʻrisida qaror qabul qilinadi. Bunda:

qayta ijtimoiy-psixiatrik-tibbiy tekshiruv boshqa hududdagi IPTK aʼzolarini jalb qilish orqali amalga oshiriladi;

qayta ijtimoiy-psixiatrik-tibbiy tekshiruv natijalari boʻyicha xulosa axborot moduliga kiritiladi hamda nogironligi boʻlgan shaxslarning qonuniy vakili SMS-xabarnoma yuborish orqali xabardor qilinadi.

42. IPTK faoliyati ustidan nazorat Agentlik va Ijtimoiy inspeksiya tomonidan amalga oshiriladi.

43. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Ijtimoiy-psixiatrik-tibbiy komissiyalar toʻgʻrisidagi nizomga 1-ILOVA

Ijtimoiy-psixiatrik-tibbiy komissiyalarning

Lavozimi boʻyicha — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahri boshqarmalari boshligʻining oʻrinbosari — Nogironligi boʻlgan shaxslarni funksionalligini baholash shuʼbasi mudiri, komissiya raisi Lavozimi boʻyicha — Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati boʻyicha Qoraqalpogʻiston Respublikasi, viloyatlar va Toshkent shahri filiallari shifokor-psixiatri (kelishuv asosida) Lavozimi boʻyicha — Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati boʻyicha Qoraqalpogʻiston Respublikasi, viloyatlar va Toshkent shahri filiallari shifokor-psixiatri (kelishuv asosida) Lavozimi boʻyicha — nevrolog (kelishuv asosida) Lavozimi boʻyicha — terapevt (kelishuv asosida) Lavozimi boʻyicha — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahri boshqarmalarining tegishli sohaviy tarkibiy boʻlinmasi masʼul xodimi Lavozimi boʻyicha — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahri boshqarmalarining tegishli sohaviy tarkibiy boʻlinmasi masʼul xodimi (huquqshunos) Lavozimi boʻyicha — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahri boshqarmalarining tegishli sohaviy tarkibiy boʻlinmasi masʼul xodimi, komissiya kotibi

Ijtimoiy-psixiatrik-tibbiy komissiyalar toʻgʻrisidagi nizomga 2-ILOVA

NAMUNA Ijtimoiy-psixiatrik-tibbiy tekshiruvdan oʻtish uchun SOʻROVNOMA ____________________ ____________________ (sana) (raqam) I. Nogironligi boʻlgan shaxsning qonuniy vakili toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Pasport yoki identifikatsiyalovchi ID-kartasi maʼlumotlari (seriyasi va raqami) 5. Jismoniy shaxsning shaxsiy identifikatsiya raqami 6. Elektron pochta manzili (mavjud boʻlganda) 7. Telefon raqami II. Nogironligi boʻlgan shaxs toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Vaqtinchalik yashash joyi * 5. Pasport yoki identifikatsiyalovchi ID-kartasi maʼlumotlari (seriyasi va raqami) 6. Jismoniy shaxsning shaxsiy identifikatsiya raqami 7. Ijtimoiy xizmat turi Quyidagi ijtimoiy xizmatlardan biri tanlanadi: Nogironligi boʻlgan shaxslar uchun “Gʻamxoʻrlik” markazlariga joylashtirish; Kichik hajmli “Madad” uylari xizmati; “Ijtimoiy taʼtil” qisqa muddatli joylashtirish xizmati; Uy sharoitida qarab turish xizmati; “Yangi kun” kunduzgi qatnov asosida qarab turish xizmati.

Ijtimoiy-psixiatrik-tibbiy komissiyalar toʻgʻrisidagi nizomga 3-ILOVA

Ijtimoiy-psixiatrik-tibbiy tekshiruvdan oʻtish uchun soʻrovnomaga ilova qilinadigan hujjatlar

I. Nogironligi boʻlgan shaxslar uchun “Gʻamxoʻrlik” markazlariga joylashtirish boʻyicha: *

1. Ambulator-poliklinika muassasasining bosh vrachi tomonidan imzolangan bemorning tibbiy kartasidan batafsil koʻchirma (027-shakl), quyidagi mutaxassislarning xulosalari bilan birga:

bemorning umumiy holati toʻgʻrisida oilaviy shifokorning xulosasi;

ambulator-poliklinika muassasasining psixiatr xulosasi.

2. Kasallik tarixidan koʻchirma (ruhiy-asab kasalliklari shifoxonaning oxirgi 5 (besh) yil davomida davolanganligi toʻgʻrisida).

3. Nogironligi boʻlgan shaxsga vasiy tayinlash toʻgʻrisidagi qaror.

4. Shaxsni muomalaga layoqatsiz deb topish toʻgʻrisidagi sud qarori.

II. “Yangi kun” kunduzgi qatnov asosida qarab turish xizmati va uy sharoitida qarab turish xizmati boʻyicha:

1. Ambulator-poliklinika muassasasining bosh vrachi tomonidan imzolangan bemorning tibbiy kartasidan batafsil koʻchirma.

2. Tuman (shahar) tibbiyot birlashmasi psixiatr xonasi (ruhiy-asab kasalliklari dispanseri)dan olingan bemorning ambulator kartasidan koʻchirma.

III. Kichik hajmli “Madad” uylari xizmati boʻyicha:

1. Ambulator-poliklinika muassasasining bosh vrachi tomonidan imzolangan bemorning tibbiy kartasidan batafsil koʻchirma (027-shakl), quyidagi mutaxassislarning xulosalari bilan birga:

bemorning umumiy holati toʻgʻrisida oilaviy shifokorning xulosasi;

ambulator-poliklinika muassasasining psixiatr xulosasi.

2. Kasallik tarixidan koʻchirma (ruhiy-asab kasalliklari shifoxonaning oxirgi 5 (besh) yil davomida davolanganligi toʻgʻrisida).

3. Qonning umumiy tahlili.

4. Siydik umumiy tahlili.

5. Qonning RW (Vasserman reaksiyasi) tahlili.

6. “V” va “S” gepatitlarning (HVsAg, HCV) markerlarini aniqlovchi qon tahlili.

7. Qonning OIV bilan zararlanishi toʻgʻrisida tahlili (OITSga qarshi kurash markazidan).

8. Koʻkrak qafasi aʼzolarining flyuorografiyasi (tekshiriluvchining familiyasi, ismi sharifi hamda tekshiruvning tartib raqami va oʻtkazilgan sana koʻrsatiladi).

9. Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati boʻyicha Qoraqalpogʻiston Respublikasi, viloyatlar va Toshkent shahar filiallari Tibbiy-maslahat komissiyasi xulosasi.

10. Silga qarshi kurashish dispanseri xulosasi.

11. Onkologik dispanser xulosasi.

12. Teri-tanosil kasalliklari dispanseri xulosasi.

13. OITSga qarshi kurash markazining xulosasi.

14. Nogironligi boʻlgan shaxsga vasiy tayinlash toʻgʻrisidagi qaror.

15. Shaxsni muomalaga layoqatsiz deb topish toʻgʻrisidagi sud qarori.

IV. “Ijtimoiy taʼtil” qisqa muddatli joylashtirish xizmati boʻyicha:

1. Ambulator-poliklinika muassasasining bosh vrachi tomonidan imzolangan bemorning tibbiy kartasidan batafsil koʻchirma.

2. Tuman (shahar) tibbiyot birlashmasi psixiatr xonasi (ruhiy-asab kasalliklari dispanseri)dan olingan bemorning ambulator kartasidan koʻchirma.

3. Nogironligi boʻlgan shaxsga vasiy tayinlash toʻgʻrisidagi qaror.

4. Shaxsni muomalaga layoqatsiz deb topish toʻgʻrisidagi sud qarori.

Ijtimoiy-psixiatrik-tibbiy komissiyalar toʻgʻrisidagi nizomga 4-ILOVA

Ijtimoiy-psixiatrik-tibbiy komissiya xulosasini berish uchun asos boʻladigan tibbiy koʻrsatmalar

T/r Ijtimoiy xizmatlarning turi Nogironligi boʻlgan shaxsga qoʻyilgan tashxis (Xalqaro kasalliklar tasnifi XKT-10) Qarshi tibbiy koʻrsatmalar 1. “Gʻamxoʻrlik” markazlariga joylashtirish 1. Moʻtadil darajadagi aqliy zaiflik (F71). 2. Ogʻir darajadagi aqliy zaiflik (F72). 3. Chuqur darajadagi aqliy zaiflik (F73). 4. Demensiya (F00.0-G30, F02.0, F02.1, F02.2, F02.3, F03). 1. Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik. 2. Bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar. 3. Jarayonning faol bosqichidagi sil kasalligi. 4. Yuqumli teri va soch kasalliklari. 5. Oʻtkir yuqumli kasalliklar. 6. Salbiy jarayondagi, yomon holatda oʻtadigan shish kasalliklari va retsidivlari. 7. Tanosil kasalliklari. 8. Somatik kasalliklari dekompensatsiya davri va ogʻir daraja kechishi. 2. Kichik hajmli “Madad” uylari xizmati 1. Moʻtadil darajadagi aqliy zaiflik (F71). 2. Ogʻir darajadagi aqliy zaiflik (F72). 3. Chuqur darajadagi aqliy zaiflik (F73). 4. Demensiya (F00.0-G30, F02.0, F02.1, F02.2, F02.3, F03). 1. Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik. 2. Bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar. 3. Jarayonning faol bosqichidagi sil kasalligi. 4. Yuqumli teri va soch kasalliklari. 5. Oʻtkir yuqumli kasalliklar. 6. Salbiy jarayondagi, yomon holatda oʻtadigan shish kasalliklari va retsidivlari. 7. Tanosil kasalliklari. 8. Somatik kasalliklari dekompensatsiya davri va ogʻir daraja kechishi. 3. “Ijtimoiy taʼtil” qisqa muddatli joylashtirish xizmati 1. Moʻtadil darajadagi aqliy zaiflik (F71). 2. Ogʻir darajadagi aqliy zaiflik (F72). 3. Chuqur darajadagi aqliy zaiflik (F73). 4. Demensiya (F00.0-G30, F02.0, F02.1, F02.2, F02.3, F03). 1. Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik. 2. Bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar. 3. Jarayonning faol bosqichidagi sil kasalligi. 4. Yuqumli teri va soch kasalliklari. 5. Oʻtkir yuqumli kasalliklar. 6. Salbiy jarayondagi, yomon holatda oʻtadigan shish kasalliklari va retsidivlari. 7. Tanosil kasalliklari. 4. Uy sharoitida qarab turish xizmati 1. Demensiya (F00.0-G30, F02.0, F02.1, F02.2, F02.3, F03). 2. Chuqur aqliy zaiflik (F73). 3. Bolalar serebral falaji (BSF) (GMFCS klassifikatsiyasiga koʻra 4 yoki 5 daraja) + ogʻir darajadagi aqliy zaiflik G80+F72. 4. Serebrovaskulyar kasalliklarining oqibatlar+ spastik tetraplegiya yoki boʻshashgan tetraplegiya (GMFCS klassifikatsiyasiga koʻra 4 yoki 5 -daraja) + ogʻir darajadagi aqliy zaiflik I69.2+G82.3 /G 82.4+F72. 5. Tetraplegiya (GMFCS klassifikatsiyasiga koʻra 4 yoki 5 daraja) + ogʻir darajadagi aqliy zaiflik G 82+ F72. 6. Epilepsiya epileptik status ogʻir darajadagi aqliy zaiflik G40/ G41+F72 (Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik). 1. Shizofreniya, shizotipik va alahlashli buzilishlar. 2. Bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar. 3. Oʻtkir yuqumli kasalliklar. 5. “Yangi kun” kunduzgi qatnov asosida qarab turish xizmati 1. Moʻtadil darajadagi aqliy zaiflik (F71). 2. Ogʻir darajadagi aqliy zaiflik (F72). 3. Chuqur darajadagi aqliy zaiflik (F73). 4. Demensiya (F00.0-G30, F02.0, F02.1, F02.2, F02.3, F03). 1. Tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik. 2. Bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar. 3. Jarayonning faol bosqichidagi sil kasalligi. 4. Yuqumli teri va soch kasalliklari. 5. Oʻtkir yuqumli kasalliklar. 6. Salbiy jarayondagi, yomon holatda oʻtadigan shish kasalliklari va retsidivlari. 7. Tanosil kasalliklari. 8. Somatik kasalliklari dekompensatsiya davri va ogʻir daraja kechishi.

Vazirlar Mahkamasining 2026-yil 21-maydagi 271-son qaroriga 3-ILOVA

Nogironligi boʻlgan shaxslar uchun “Gʻamxoʻrlik” markazlari toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning ruhiy holati buzilgan I va II guruh nogironligi boʻlgan shaxslar (keyingi oʻrinlarda — nogironligi boʻlgan shaxslar) uchun “Gʻamxoʻrlik” markazlari (keyingi oʻrinlarda — Markaz)ning maqomi, asosiy vazifalari va funksiyalari, ularning faoliyatini tashkil etish tartibini belgilaydi.

2. Markazlar oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Agentlikning buyruqlariga, boshqa qonunchilik hujjatlariga, ushbu Nizomga, shuningdek oʻz ustavlariga amal qiladi.

3. Ushbu Nizomda quyidagi asosiy tushunchalar qoʻllaniladi:

apellyatsiya kengashi — Ijtimoiy-psixiatrik-tibbiy komissiyaning nogironligi boʻlgan shaxslarni “Gʻamxoʻrlik” markazlariga joylashtirish yoki muqobil ijtimoiy xizmatlarga yoʻnaltirishga doir xulosalarini oʻrganish, ijtimoiy-psixiatrik-tibbiy tekshiruv natijalari boʻyicha shikoyatlarni koʻrib chiqish hamda “Gʻamxoʻrlik” markazlarining biridan ikkinchisiga oʻtkazish toʻgʻrisida qaror qabul qilish maqsadida Agentlik huzurida tashkil etiladigan kollegial-maslahat organi;

axborot moduli — nogironligi boʻlgan shaxslarni Markazlarga joylashtirish, shuningdek biridan ikkinchisiga oʻtkazish, davlat xususiy sheriklik asosida tashkil etilgan kichik hajmli uylarda qarab turish va parvarishlash xizmatiga yoʻnaltirishga doir maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

ixtisoslashtirilgan ijtimoiy xizmatlar — nogironligi boʻlgan shaxslarga qarab turish va parvarishlash xizmatlarini koʻrsatish, ularning maishiy, kasbiy va kommunikativ koʻnikmalarini shakllantirish orqali normal hayot kechirish imkoniyatini yaratish hamda jamiyatga ijtimoiylashuvini yoʻlga qoʻyishga qaratilgan ijtimoiy reabilitatsiya xizmatlari;

Ijtimoiy-psixiatrik-tibbiy komissiya — tuman (shahar)lardagi “Inson” ijtimoiy xizmatlar markazlari (keyingi oʻrinlarda — “Inson” markazi) tomonidan nogironligi boʻlgan shaxslarni Markazlarga joylashtirish uchun taqdim etilgan hujjatlarni oʻrganib chiqish hamda ularni ijtimoiy-psixiatrik-tibbiy tekshiruvdan oʻtkazish maqsadida Agentlikning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarmalar) huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

oila aʼzolari — ota-ona, turmush oʻrtoq, farzandlar hamda umumiy roʻzgʻor asosida bir uyda yashovchi boshqa shaxslar.

4. Markazlar Agentlik tomonidan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishgan holda belgilangan tartibda tashkil etilishi, qayta tashkil etilishi yoki tugatilishi mumkin.

5. Markazlar tugatilganda ulardagi nogironligi boʻlgan shaxslar Agentlik tomonidan apellyatsiya kengashining qarori asosida boshqa Markazlarga oʻtkaziladi.

6. Markazlardagi oʻrinlar soni Agentlik tomonidan sanitariya qoidalari, normalari va gigiyena normativlariga majburiy rioya etgan holda belgilanadi.

7. Markazlar faoliyati Agentlikning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarmalar) tomonidan muvofiqlashtiriladi.

8. Markazlarning ustavlari Agentlik tomonidan tasdiqlanadi.

9. Markazlar nogironligi boʻlgan shaxslar uchun ixtisoslashtirilgan ijtimoiy xizmatlar koʻrsatadigan davlat muassasalari hisoblanadi hamda davlat xizmatlari markazlarida roʻyxatdan oʻtkaziladi.

10. Markazlar erkaklar va ayollar uchun alohida-alohida tashkil etiladi. Erkaklar va ayollar uchun alohida-alohida Markazlar tashkil etishning iloji boʻlmagan hollarda, erkaklar va ayollarni bitta Markazda, lekin alohida korpuslarda joylashtirishga yoʻl qoʻyiladi.

11. Markazlarga Oʻzbekiston Respublikasida doimiy yashaydigan, quyidagi tashxislardan biri qoʻyilgan nogironligi boʻlgan shaxslar joylashtiriladi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03).

12. Ushbu Nizomning 11-bandiga muvofiq nogironligi boʻlgan shaxslarni Markazlarga joylashtirish ularda quyidagi qarshi koʻrsatmalar mavjud boʻlmagan taqdirda amalga oshiriladi:

tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik;

bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar;

jarayonning faol bosqichidagi sil kasalligi;

yuqumli teri va soch kasalliklari;

oʻtkir yuqumli kasalliklar;

salbiy jarayondagi, yomon holatda oʻtadigan shish kasalliklari va retsidivlari;

tanosil kasalliklari.

13. Nogironligi boʻlgan shaxslar Markazlarga Ijtimoiy-psixiatrik-tibbiy komissiyaning xulosasi asosida boʻsh oʻrinlar mavjud boʻlgan taqdirda joylashtiriladi.

2-bob. “Gʻamxoʻrlik” markazlarining asosiy vazifa va funksiyalari

14. Quyidagilar Markazlarning asosiy vazifalari hisoblanadi:

nogironligi boʻlgan shaxslarning hayot uchun zarur boʻlgan ehtiyojlarini taʼminlash;

nogironligi boʻlgan shaxslarni ijtimoiy reabilitatsiya (maishiy, psixologik, kasbiy, kommunikativ) qilish;

nogironligi boʻlgan shaxslarning huquqlari himoya qilinishini taʼminlash;

nogironligi boʻlgan shaxslarning mustaqil yashashi uchun shart-sharoitlarni yaratish va jamiyatga qoʻshilishiga koʻmaklashish;

nogironligi boʻlgan shaxslarga ijtimoiy xizmatlarni koʻrsatish orqali ularning hayot sifatini oshirish.

15. Markazlar ularga yuklangan asosiy vazifalarga muvofiq quyidagi funksiyalarni bajaradilar:

a) nogironligi boʻlgan shaxslarning hayot uchun zarur boʻlgan ehtiyojlarini taʼminlash sohasida:

sanitariya normalari, qoidalari va gigiyena normativlariga javob beradigan xavfsiz va qulay sharoit yaratish;

hayot faoliyati va asosiy ehtiyojlari uchun zarur boʻlgan oziq-ovqat, kiyim-kechak va shaxsiy gigiyena vositalari, dori vositalari va tibbiy buyumlar bilan taʼminlash;

sogʻligʻini saqlash va sogʻlomlashtirishni tashkil etish;

b) nogironligi boʻlgan shaxslarni ijtimoiy reabilitatsiya (maishiy, psixologik, kasbiy, kommunikativ) qilish sohasida:

jismoniy va ruhiy holatni yaxshilashga, shuningdek, ijtimoiy reabilitatsiya tadbirlarini oʻtkazish;

oʻz-oʻziga xizmat koʻrsatish, uy xoʻjaligini yuritish, atrofdagilar bilan muloqot va oʻzaro munosabatda boʻlish, turmush va jamoat joylarida oʻzini tutish va boshqarish koʻnikmalariga oʻrgatish;

ijtimoiy moslashuvga qaratilgan individual imkoniyatlar va ehtiyojlarga muvofiq mehnat faoliyatiga jalb etish;

maʼnaviy-maʼrifiy va madaniy tadbirlarni, shu jumladan, konsert dasturlarini tashkil etish, ijodkorlik va sport bilan shugʻullanish imkoniyatini yaratish orqali nogironligi boʻlgan shaxslarning madaniy hayotda faol ishtirok etishlarini taʼminlash;

v) nogironligi boʻlgan shaxslarning huquqlarini himoya qilinishini taʼminlash sohasida:

nogironligi boʻlgan shaxslarning huquq va qonuniy manfaatlari himoya qilinishini taʼminlash;

nogironligi boʻlgan shaxslarning huquqlari toʻgʻrisidagi qonunchilik hujjatlarining ijrosini taʼminlash sohasidagi muammolarni oʻz vaqtida bartaraf qilish va Agentlikka tegishli takliflar kiritib borish;

g) nogironligi boʻlgan shaxslarning mustaqil yashashi uchun shart-sharoitlarni yaratish va jamiyatga qoʻshilishiga koʻmaklashish sohasida:

hayotiy koʻnikmalarini rivojlantirish va mustaqil hayotga tayyorlashni tashkil etish;

qobiliyatlari va qiziqishlari boʻyicha mos keladigan mashgʻulotlarga jalb etish;

qarindoshlar va yaqinlar bilan aloqalarini mustahkamlash, shuningdek, koʻngillilar va jamoat tashkilotlari bilan hamkorlik qilish;

d) nogironligi boʻlgan shaxslarga ijtimoiy xizmatlarni koʻrsatish orqali ularning hayot sifatini oshirish sohasida:

har bir nogironligi boʻlgan shaxslar uchun ularning xususiyatlari, ehtiyojlari va manfaatlarini hisobga olgan holda ijtimoiy reabilitatsiya qilishning yakka tartibdagi dasturini ishlab chiqish va amalga oshirish;

nogironligi boʻlgan shaxslar uchun qulay va toʻsiqsiz muhit yaratish;

nogironligi boʻlgan shaxslar bilan ishlash boʻyicha zamonaviy texnologiyalar va ish usullarini joriy etish, moddiy-texnik bazani yaxshilash;

xodimlarning malakasini doimiy ravishda oshirib borish.

3-bob. Nogironligi boʻlgan shaxslarni “Gʻamxoʻrlik” markazlariga joylashtirish tartibi

16. Ijtimoiy-psixiatrik-tibbiy komissiya tomonidan qonunchilikda belgilangan tartibda oʻtkazilgan ijtimoiy-psixiatrik-tibbiy tekshiruv natijalariga asosan nogironligi boʻlgan shaxslarni Markazga joylashtirish boʻyicha xulosa qilingan hollarda, Markazga joylashtiriladigan nogironligi boʻlgan shaxsning vasiysiga oʻn besh ish kuni ichida nogironligi boʻlgan shaxsni Markazga joylashtirishi lozimligi toʻgʻrisida soʻrovnomada koʻrsatilgan mobil aloqa vositasiga SMS-xabarnoma yuboriladi.

17. Vasiy tomonidan SMS-xabarnoma qabul qilinganidan soʻng oʻn besh ish kuni ichida nogironligi boʻlgan shaxs Markazga joylashtirilmagan taqdirda, u uchun band qilingan boʻsh oʻrin avtomatik ravishda bekor qilinadi, mazkur Nizomning 21-bandida nazarda tutilgan hollar bundan mustasno.

18. Nogironligi boʻlgan shaxslarga Markazda ixtisoslashtirilgan ijtimoiy xizmatlarni koʻrsatish maqsadida Markaz direktori buyrugʻi bilan tashkil etiladigan kamida 5 nafar aʼzodan, Markazning mutaxassis xodimlaridan iborat tarkibda Ijtimoiy-psixologik komissiya (keyingi oʻrinlarda — Ijtimoiy-psixologik komissiya) tashkil etiladi.

19. Vasiy nogironligi boʻlgan shaxsni mazkur Nizomning 17-bandida belgilangan muddat ichida Markazga joylashtirish uchun tashrif buyurganda Markaz tomonidan nogironligi boʻlgan shaxsning sogʻligʻi holati Ijtimoiy-psixologik komissiya tomonidan bir ish kunida koʻrikdan oʻtkaziladi.

20. Ijtimoiy-psixologik komissiyaning koʻrigi natijalariga asosan nogironligi boʻlgan shaxs Markazga qabul qilinganidan soʻng koʻpi bilan 20 kun davomida kuzatuvga olinadi hamda ushbu muddatdan keyin mazkur Nizomning 12-bandida belgilangan qarshi koʻrsatmalar aniqlansa, Ijtimoiy-psixologik komissiya tomonidan bu toʻgʻrisida xulosa rasmiylashtiriladi hamda unga muvofiq Markaz direktori tomonidan nogironligi boʻlgan shaxsni Markazdan chiqarish toʻgʻrisida xulosa qilinadi, bu toʻgʻrisidagi maʼlumot axborot moduliga kiritiladi hamda vasiy soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

21. Markazga qabul qilish vaqtida nogironligi boʻlgan shaxsda yuqori harorat yoki noaniq etiologiyali toshma aniqlangan taqdirda, Markaz tomonidan ushbu shaxsni davolash choralari koʻriladi. Bunda Markazga qabul qilish rad etilishiga yoʻl qoʻyilmaydi hamda boʻsh oʻrinning band qilingan muddati ushbu shaxsning davolanish muddatiga qadar uzaytiriladi va u belgilangan tartibda davolanib boʻlgach Markazga joylashtiriladi.

4-bob. “Gʻamxoʻrlik” markazlariga qabul qilingan nogironligi boʻlgan shaxslarni biridan ikkinchisiga oʻtkazish tartibi

22. Markazlarga qabul qilingan nogironligi boʻlgan shaxslarni biridan ikkinchisiga oʻtkazish tegishli Markazda boʻsh oʻrin mavjud boʻlgan taqdirda quyidagilar asosida ushbu Nizomda belgilangan tartibda apellyatsiya kengashining qaroriga muvofiq oʻtkaziladi:

vasiyning doimiy yashash joyi boʻyicha roʻyxatdan oʻtgan manzilida kamida olti oy mobaynida uzluksiz yashayotganligi;

vasiy boshqa hududga koʻchib oʻtganda vaqtincha yashash joyi boʻyicha roʻyxatdan oʻtgan manzilida kamida olti oy mobaynida uzluksiz yashayotganligi.

Bunda mazkur bandning ikkinchi va uchinchi xatboshilarida nazarda tutilgan asoslar boʻyicha vasiyning yashash joyi oʻzgarganligi “Inson” markazi ijtimoiy xodimi tomonidan dalolatnoma rasmiylashtirish orqali tasdiqlanishi lozim.

Markazlarga qabul qilingan nogironligi boʻlgan shaxslarni biridan ikkinchisiga oʻtkazish mazkur bandda nazarda tutilgan asoslar taqdim etilmagan taqdirda rad etiladi.

22 1 . Quyidagi maqsadlarda nogironligi boʻlgan shaxslar hududiy boshqarmalarning tashabbusi asosida bir Markazdan boshqasiga koʻchirilishi mumkin:

nogironligi boʻlgan shaxslarning oila aʼzolari yoki boshqa qarindoshlari bilan aloqalarini mustahkamlash uchun ular yashaydigan yaqin hududga koʻchirish;

Markazlar faoliyatini takomillashtirish jarayonida ulardagi oʻrinlarning maqbullashtirilishi.

Nogironligi boʻlgan shaxsni mazkur bandga muvofiq bir Markazdan boshqasiga koʻchirishda hududiy boshqarmalar tomonidan uni bir Markazdan boshqasiga koʻchirishga asos boʻladigan hujjat va maʼlumotlar axborot moduli orqali Apellyatsiya kengashiga kiritiladi.

Apellyatsiya kengashi tomonidan nogironligi boʻlgan shaxsni bir Markazdan boshqasiga koʻchirish boʻyicha qaror qabul qilingan taqdirda, hududiy boshqarmalar tomonidan uch ish kuni ichida ushbu shaxslarning oila aʼzolari (mavjud boʻlganda) bu toʻgʻrisida xabardor qilinadi.

23. Markazga qabul qilingan nogironligi boʻlgan shaxsni biridan ikkinchisiga oʻtkazish boʻyicha vasiy doimiy yoki vaqtincha yashash joyi boʻyicha “Inson” markaziga tashrif buyurgan holda murojaat qiladi.

“Inson” markazining masʼul xodimi axborot modulida vasiyning murojaati asosida mazkur Nizomga ilovaga muvofiq shakldagi soʻrovnomani toʻldiradi. Soʻrovnomaga mazkur Nizomning 22-bandida nazarda tutilgan nogironligi boʻlgan shaxsni biridan ikkinchisiga oʻtkazishga asos boʻlgan hujjatlar ilova qilinadi.

Soʻrovnoma vasiy tomonidan imzoni identifikatsiya qilishning zamonaviy vositalari bilan (elektron raqamli imzo, daktiloskopiya, Face-ID, Mobile-ID va boshqalar) tasdiqlanadi. Bunda vasiy tomonidan soʻrovnomaning tasdiqlanishi unga tegishli shaxsga doir maʼlumotlarni olish va ishlov berishga rozilikni bildiradi.

24. “Inson” markazi tomonidan ikki ish kuni ichida mazkur Nizomning 23-bandiga muvofiq toʻplangan elektron hujjatlar koʻrib chiqish uchun axborot moduli orqali hududiy boshqarmaga yuboriladi. Bunda hududiy boshqarma bir ish kuni ichida toʻplangan elektron hujjatlarni Apellyatsiya kengashiga yuboradi.

25. Apellyatsiya kengashi kelib tushgan elektron hujjatlarni besh ish kuni ichida koʻrib chiqadi va quyidagi qarorlardan birini qabul qiladi:

nogironligi boʻlgan shaxsni Markazga oʻtkazish toʻgʻrisida;

nogironligi boʻlgan shaxsni Markazga oʻtkazishni ushbu Nizomning 22-bandida nazarda tutilgan asoslar mavjud boʻlmaganligi sababli rad etish toʻgʻrisida.

26. Apellyatsiya kengashi tomonidan nogironligi boʻlgan shaxsni Markazga oʻtkazish toʻgʻrisida qaror qabul qilinganda, kotib tomonidan bir ish kuni ichida axborot moduli orqali nogironligi boʻlgan shaxsning elektron hujjatlari roʻyxatdan oʻtkaziladi. Bunda nogironligi boʻlgan shaxs Markazga oʻtkazilgan hisoblanadi. Bu toʻgʻrisida vasiy soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

Markaz nogironligi boʻlgan shaxsni boshqa Markazga oʻtkazish haqidagi Apellyatsiya kengashining qarori roʻyxatdan oʻtkazilgan kundan eʼtiboran uch ish kuni ichida nogironligi boʻlgan shaxsni zarur transport vositasida tibbiyot xodimi kuzatuvida Apellyatsiya kengashining qarorida koʻrsatilgan Markazga oʻtkazilishini tashkil etadi.

27. Apellyatsiya kengashi tomonidan nogironligi boʻlgan shaxsni Markazga oʻtkazish rad etilganda, uning elektron hujjatlari kamchiliklari koʻrsatilgan holda axborot moduli orqali hududiy boshqarmaga qaytariladi hamda vasiy soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

Bunda Markazga qabul qilingan nogironligi boʻlgan shaxsni biridan ikkinchisiga oʻtkazish boʻyicha vasiy mazkur Nizomning 4-bobida belgilangan tartibda umumiy asoslarda qayta murojaat qilish mumkin.

5-bob. “Gʻamxoʻrlik” markazlarida nogironligi boʻlgan shaxslar uchun ixtisoslashtirilgan ijtimoiy xizmatlarni koʻrsatish tartibi

28. Markazlarda nogironligi boʻlgan shaxslarga ixtisoslashtirilgan ijtimoiy xizmatlarni koʻrsatishni belgilovchi standartga muvofiq ularning har biri boʻyicha ishlab chiqilgan reabilitatsiya qilishning yakka tartibdagi dasturiga asosan xizmatlar koʻrsatiladi.

29. Nogironligi boʻlgan shaxsni reabilitatsiya qilishning yakka tartibdagi dasturi u Markazga qabul qilinganidan soʻng bir oy muddat ichida Ijtimoiy-psixologik komissiya tomonidan axborot moduli orqali shakllantiriladi.

30. Markazlarda ixtisoslashtirilgan ijtimoiy xizmatlar har bir nogironligi boʻlgan shaxsning sogʻligi holati va individual ehtiyojlarini inobatga olib, quyidagi boʻlinmalarga ajratilgan holda tashkil etiladi:

uy sharoitiga yaqin muhitda 6 nafargacha nogironligi boʻlgan shaxslar uchun murabbiy kuzatuvi ostida mustaqil yashashga moʻljallangan joylar (kottej)dan iborat boʻlinmalar;

uzoq muddatli parvarishga muhtoj yotoq va emaklovchi nogironligi boʻlgan shaxslar uchun boʻlinmalar;

doimiy nazorat talab etiladigan nogironligi boʻlgan shaxslar uchun boʻlinmalar.

31. Markazlarda nogironligi boʻlgan shaxslarning qiziqish va qobiliyatlari, hududning oʻziga xos xususiyati hamda bozordagi talab va takliflarni inobatga olgan holda ergoterapiya (mehnat) va faollashtiruvchi terapiyani amalga oshirishga qaratilgan mehnat terapiyasini amalga oshirishga qaratilgan ijtimoiy-mehnat reabilitatsiya xonalari, shuningdek, zarur anjomlarga, asbob-uskunalarga va transportga ega boʻlgan yordamchi xoʻjalik boʻlinmalari tashkil etiladi.

Bunda Markazlarda mehnat terapiyasini amalga oshirish uchun bevosita yoki tadbirkorlik subyektlarini jalb qilish orqali ijtimoiy-mehnat reabilitatsiya loyihalari amalga oshiriladi.

32. Markazlarda ijtimoiy-mehnat reabilitatsiya loyihalari amalga oshirilishida:

Markazlarga tegishli koʻchmas mulk obyektlari qonunchilik hujjatlarida belgilangan tartibda tadbirkorlik subyektlariga ijaraga beriladi;

nogironligi boʻlgan shaxslar tomonidan ishlab chiqarilgan (tayyorlangan) tovarlar shartnoma asosida toʻgʻridan toʻgʻri realizatsiya qilinadi;

ijtimoiy-mehnat reabilitatsiya loyihalarida ishtirok etgan nogironligi boʻlgan shaxslar uchun ragʻbatlantiruvchi pul mablagʻlari tadbirkorlik subyektlari tomonidan Markazlarga shartnomaga muvofiq toʻlab boriladi;

nogironligi boʻlgan shaxslar tomonidan ishlab chiqarilgan (tayyorlangan) tovarlarni realizatsiya qilishdan tushgan mablagʻlar Markazlarning ixtiyorida qoldiriladi. Bunda ushbu mablagʻlarning kamida 70 foizi ijtimoiy-mehnat reabilitatsiya loyihalarini amalga oshirish uchun zarur xarajatlarni moliyalashtirishga, qolgan qismi esa Markazlarning moddiy-texnik bazasini mustahkamlashga yoʻnaltiriladi.

33. Nogironligi boʻlgan shaxsning Markaz hududidan tashqariga chiqishi faqat Markaz direktorining ruxsati bilan amalga oshiriladi.

Nogironligi boʻlgan shaxs oʻzboshimchalik bilan Markaz tashqarisiga chiqqan taqdirda, maʼmuriyat ushbu holat qayd etilgan vaqtda zudlik bilan bu haqda ichki ishlar organlari va Agentlikning hududiy boshqarmalariga xabar qiladi.

34. Nogironligi boʻlgan shaxsga Markaz direktorning roziligi asosida koʻpi bilan bir oy muddatga shifokorning xulosasini hisobga olgan holda Markazdan vaqtinchalik ketishiga ruxsat beriladi.

Bunda Markaz direktori tomonidan nogironligi boʻlgan shaxsning oila aʼzolaridan nogironligi boʻlgan shaxsni sogʻligi va hayoti xavfsizligi uchun javobgarlikni oʻz zimmasiga olishi haqida yozma shaklda tilxat olinadi.

35. Nogironligi boʻlgan shaxsni oilaga doimiy qaytarish maqsadida Markazdan chiqarish vasiy yoki oila aʼzolari yoxud yaqin qarindoshlarining arizasiga binoan, unga yashash uchun turar joy va maishiy sharoitlar mavjud boʻlganda hududiy boshqarma boshligʻining ruxsati bilan amalga oshiriladi.

36. Nogironligi boʻlgan shaxs vafot etgan taqdirda, bu haqidagi maʼlumotlar Markaz direktori tomonidan 24 soat ichida axborot moduliga kiritiladi va hududiy boshqarma tomonidan Agentlikka xabar beriladi.

Bunda vafot etgan nogironligi boʻlgan shaxsni dafn etish bilan bogʻliq xarajatlar Markazlarning xarajatlar smetalarida nazarda tutilgan mablagʻlar, shuningdek, oila aʼzolari va qarindoshlarining, yuridik va jismoniy shaxslarning homiylik xayriyalari hisobiga amalga oshiriladi.

37. Nogironligi boʻlgan shaxslarga tibbiy yordam Markazning shtatdagi tibbiy xodimlari tomonidan, shuningdek tibbiy koʻrsatmaga muvofiq tegishli sogʻliqni saqlash muassasalari tomonidan imtiyozli ravishda koʻrsatiladi.

6-bob. “Gʻamxoʻrlik” markazlarining filiali sifatida kichik hajmli uylarni tashkil etish va ularga nogironligi boʻlgan shaxslarni oʻtkazish tartibi

38. Kichik hajmli uylar Markaz muassisligida filial shaklida Agentlik tizimidagi tashkilotlar balansida boʻlgan bino va inshootlarida, yangidan xarid qilingan uy-joylarda yoki ijara asosida olingan uy-joylarda Agentlik direktorining buyrugʻi asosida tashkil etiladi.

39. Kichik hajmli uylarda 10-12 nafargacha nogironligi boʻlgan shaxslar joylashtirilishiga yoʻl qoʻyiladi.

40. Kichik hajmli uylarga boʻsh oʻrinlar mavjud boʻlgan taqdirda, ijtimoiy-psixologik komissiya tomonidan nogironligi boʻlgan shaxslarning sogʻligʻi, ruhiy holatidagi buzilishlarini oʻrganish natijasiga koʻra Markaz direktorining buyrugʻi asosida Markazga joylashtirilgan nogironligi boʻlgan shaxslar oʻtkaziladi.

41. Kichik hajmli uylar saqlash xarajatlari, shu jumladan, moddiy-texnik bazasini mustahkamlash xarajatlari Oʻzbekiston Respublikasining respublika budjeti va Agentlikning Ijtimoiy himoya davlat jamgʻarmasi hamda jismoniy va yuridik shaxslarning homiylik xayriyalari va qonunchilik hujjatlarida taqiqlanmagan boshqa manbalar hisobiga amalga oshiriladi.

42. Kichik hajmli uylarni tashkil etish uchun uy-joylarni xarid qilish va ularni ijaraga olish bilan bogʻliq xarajatlar Agentlikning Ijtimoiy himoya davlat jamgʻarmasi mablagʻlari hisobidan qoplanadi. Bunda uy-joy uchun ijara toʻlovlari Markaz hamda ijaraga beruvchi oʻrtasida tuzilgan ijara shartnomasiga asosan amalga oshiriladi.

43. Kichik hajmli uylarning shtat birliklarini saqlash, kommunal toʻlovlar, oziq-ovqat, tovar-moddiy boyliklar, jihozlar va boshqa zarur xarajatlar Markaz uchun tuziladigan va tasdiqlanadigan xarajatlar smetasi doirasida amalga oshiriladi.

44. Kichik hajmli uylarga joylashtirilgan nogironligi boʻlgan shaxslarning ovqatlanishi va uy-joylarning kommunal toʻlovlari xarajatlarini qoplash tegishli mablagʻlarni Markaz direktori tomonidan tayinlangan masʼul xodim (keyingi oʻrinlarda — masʼul xodim) nomiga ochilgan bank kartasiga oʻtkazish orqali amalga oshiriladi.

45. Kichik hajmli uylarga joylashtirilgan har bir nogironligi boʻlgan shaxslarning oziq-ovqat xarajatlari uchun bir kunga bazaviy hisoblash miqdorining 8 foizi miqdorida mablagʻ ajratiladi. Kichik hajmli uy xodimlari oʻzlari tayyorlagan ovqatdan bepul ovqatlanadi.

46. Nogironligi boʻlgan shaxslar uchun oziq-ovqat mahsulotlarini sotib olish haftasiga kamida bir marta (tez ayniydigan oziq-ovqat mahsulotlarini haftasiga kamida ikki marta) kichik hajmli uylarining masʼul xodimi tomonidan amalga oshiriladi.

47. Ushbu Nizomning 45-bandida nazarda tutilgan mablagʻlarni hisoblashda Markaz tomonidan nogironligi boʻlgan shaxslarga oldingi oy mobaynida amalga oshirilgan haqiqiy xarajatni inobatga olgan holda kichik hajmli uylarning talabidan kelib chiqib toʻlab beriladi.

48. Mablagʻ ajratishda nogironligi boʻlgan shaxslarning ovqatlanishini tashkil etish uchun masʼul xodimning bank kartasidagi avvalgi oydan qolgan qoldiq mablagʻ miqdori inobatga olinadi.

49. Mahsulotlar chakana savdo tashkilotlaridan xarid qilganda toʻlov cheklari saqlab qoʻyiladi, oziq-ovqat bozoridan naqd pulga xarid qilingan mahsulotlar uchun esa masʼul xodim tomonidan dalolatnoma tuziladi.

50. Oziq-ovqat mahsulotlarini va boshqa tovarlarni hisobdan chiqarish kichik hajmli uylar xodimlari tomonidan taqdim etilgan cheklar va dalolatnomalar asosida, kichik hajmli uylar muassisining doimiy ishlaydigan komissiyasi tomonidan amalga oshiriladi. Bunda doimiy ishlaydigan komissiya tarkibi kichik hajmli uylar muassisi tomonidan bir yilga belgilanadi va uning buyrugʻi bilan tasdiqlanadi.

51. Kichik hajmli uylarning buxgalteriya hisobini yuritish va hisobotini tuzish, shu jumladan ularga ajratilgan mablagʻlardan foydalanish, ushbu jarayonda budjet va smeta intizomiga rioya qilinishi muassisning buxgalteriya hisobi xizmati tomonidan amalga oshiriladi.

52. Kichik hajmli uylar tomonidan oziq-ovqat, kiyim-kechak va shaxsiy gigiyena vositalari va boshqa tovarlarni xarid qilish, buxgalteriya hisobida kirim va chiqim qilish tartibi qonunchilikka asosan amalga oshiriladi.

53. Kichik hajmli uylarning moliya-xoʻjalik faoliyati hamda ularga ajratilgan mablagʻlardan toʻgʻri va maqsadli foydalanilishini nazorat qilish muassis tomonidan amalga oshiriladi.

7-bob. “Gʻamxoʻrlik” markazlarining moliya-xoʻjalik faoliyati

54. Markazlarning xonalari texnika xavfsizligi qoidalari hamda sanitariya qoidalari, normalari va gigiyena normativlariga muvofiq jihozlanadi va ulardan foydalaniladi.

55. Markazlar faoliyatini moliyalashtirish Oʻzbekiston Respublikasining respublika budjetidan ajratiladigan mablagʻlar, jismoniy va yuridik shaxslarning homiylik xayriyalari va qonunchilik hujjatlarida taqiqlanmagan boshqa manbalar hisobiga amalga oshiriladi.

56. Markazlar tomonidan ularga ajratilgan budjet va budjetdan tashqari mablagʻlarni sarflash qonunchilik hujjatlariga muvofiq amalga oshiriladi.

57. Markazlar belgilangan tartibda tasdiqlangan hamda tegishli iqtisodiyot va moliya organlarida roʻyxatdan oʻtkazilgan xarajatlar smetasi asosida moliyalashtiriladi.

58. Markazlar va ularning filiali sifatida tashkil etilgan kichik hajmli uylarning shtatlar jadvali Agentlik tomonidan Iqtisodiyot va moliya vazirligi hamda Kambagʻallikni qisqartirish va bandlik vazirligi bilan kelishgan holda tasdiqlangan namunaviy shtatlarga muvofiq tuziladi.

59. Markazlar qonunchilik hujjatlarida belgilangan moliya va statistika hisobotlarini yuritadi.

8-bob. Yakunlovchi qoidalar

60. Markaz faoliyati ustidan nazorat Agentlik va Ijtimoiy inspeksiya tomonidan amalga oshiriladi.

61. Markaz xodimlari va unga joylashtirilgan yoki uning xizmatlaridan foydalanayotgan shaxslar oʻrtasidagi munosabatlar Markazlar tomonidan tasdiqlanadigan ichki tartib-qoidalar bilan tartibga solinadi.

62. Nogironligi boʻlgan shaxslar oziq-ovqat, kiyim-bosh, poyabzal, ashyoviy taʼminotning boshqa buyumlari va yumshoq anjomlar bilan Agentlik tomonidan Iqtisodiyot va moliya vazirligi kelishilgan normalarga muvofiq taʼminlanadi.

63. Agentlik, uning hududiy boshqarmalari nogironligi boʻlgan shaxslarni Markazlarga joylashtirish hamda ularni biridan ikkinchisiga oʻtkazish jarayonida olingan shaxsga doir maʼlumotlarning sir saqlanishini taʼminlaydi.

64. Nogironligi boʻlgan shaxsning nomidan vasiy Markazlarga joylashtirish, ixtisoslashtirilgan ijtimoiy xizmatlardan foydalanish jarayonida Agentlik, uning hududiy boshqarmalari va Markazlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.

65. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Nogironligi boʻlgan shaxslar uchun “Gʻamxoʻrlik” markazlari toʻgʻrisidagi nizomga ILOVA

NAMUNA Nogironligi boʻlgan shaxslarni bir “Gʻamxoʻrlik” markazidan boshqasiga oʻtkazish boʻyicha SOʻROVNOMA ___________________ ____________________ (sana) (raqam) I. Murojaat qiluvchi shaxs toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Jismoniy shaxsning shaxsiy identifikatsiya raqami 5. Elektron pochta manzili (mavjud boʻlganda) 6. Telefon raqami 7. Bir “Gʻamxoʻrlik” markazidan boshqasiga oʻtkazish soʻralayotgan shaxsning joylashtirilgan “Gʻamxoʻrlik” markazi (nomi va manzili) 8. Oʻtkazish uchun asos □ qonuniy vakilning doimiy yashash joyi boʻyicha roʻyxatdan oʻtgan manziliga; □ boshqa hududga koʻchib oʻtganda vaqtincha yashash joyi boʻyicha roʻyxatdan oʻtgan manziliga. 9. Oʻtkazish soʻralayotgan “Gʻamxoʻrlik” markazi (nomi va manzili) II. “Gʻamxoʻrlik” markazidan boshqasiga oʻtkazish soʻralayotgan shaxs toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Jismoniy shaxsning shaxsiy identifikatsiya raqami 5. Elektron pochta manzili (mavjud boʻlganda) 6. Telefon raqami

Vazirlar Mahkamasining 2026-yil 21-maydagi 271-son qaroriga 4-ILOVA

Nogironligi boʻlgan bolalar uchun “Gʻamxoʻrlik” markazlari toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning ruhiy holati buzilgan 3 yoshdan 18 yoshgacha nogironligi boʻlgan bolalar (keyingi oʻrinlarda — nogironligi boʻlgan bolalar) uchun “Gʻamxoʻrlik” markazlari (keyingi oʻrinlarda — Markaz)ning maqomi, asosiy vazifalari va funksiyalari, ularning faoliyatini tashkil etish tartibini belgilaydi.

2. Markazlar oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Agentlikning buyruqlariga, boshqa qonunchilik hujjatlariga, ushbu Nizomga, shuningdek oʻz ustavlariga amal qiladi.

3. Ushbu Nizomda quyidagi asosiy tushunchalar qoʻllaniladi:

axborot moduli — nogironligi boʻlgan bolalarni Markazlarga joylashtirish, shuningdek biridan ikkinchisiga oʻtkazishga doir maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

apellyatsiya kengashi — Ijtimoiy-psixiatrik-tibbiy komissiyaning nogironligi boʻlgan shaxslarni “Gʻamxoʻrlik” markazlariga joylashtirish yoki muqobil ijtimoiy xizmatlarga yoʻnaltirishga doir xulosalarini oʻrganish, ijtimoiy-psixiatrik-tibbiy tekshiruv natijalari boʻyicha shikoyatlarni koʻrib chiqish hamda “Gʻamxoʻrlik” markazlarining biridan ikkinchisiga oʻtkazish toʻgʻrisida qaror qabul qilish maqsadida Agentlik huzurida tashkil etiladigan kollegial-maslahat organi;

ixtisoslashtirilgan ijtimoiy xizmatlar — ruhiy holati buzilgan nogironligi boʻlgan bolalarga qarab turish va parvarishlash xizmatlarini koʻrsatish, ularning maishiy, kasbiy va kommunikativ koʻnikmalarini shakllantirish orqali normal hayot kechirish imkoniyatini yaratish hamda jamiyatga ijtimoiylashuvini yoʻlga qoʻyishga qaratilgan ijtimoiy reabilitatsiya xizmatlari;

oila aʼzolari — ota-ona (farzandlikka oluvchi), aka-uka va opa-singillar;

Psixologik-tibbiy-pedagogik komissiya — tugʻilganidan boshlab 18 yoshgacha boʻlgan uzoq muddat parvarishga muhtoj bolalarni uy sharoitida qarab turish xizmatiga yoʻnaltirish uchun taqdim etilgan hujjatlarni oʻrganib chiqish hamda ularni psixologik-tibbiy-pedagogik tekshiruvdan oʻtkazish maqsadida hududiy boshqarma huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

qonuniy vakil — ota-onalar, farzandlikka oluvchilar, vasiylar, homiylar.

4. Markazlar Agentlik tomonidan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan kelishgan holda belgilangan tartibda tashkil etilishi, qayta tashkil etilishi yoki tugatilishi mumkin.

5. Markazlar tugatilganda ulardagi nogironligi boʻlgan bolalar Agentlik tomonidan apellyatsiya kengashining qarori asosida boshqa Markazlarga oʻtkaziladi.

6. Markazlardagi oʻrinlar soni Agentlik tomonidan sanitariya qoidalari, normalari va gigiyena normativlariga muvofiq belgilanadi.

7. Markazlar faoliyati hududiy boshqarmalar tomonidan muvofiqlashtiriladi.

8. Markazlarning ustavlari Agentlik tomonidan tasdiqlanadi.

9. Markazlar nogironligi boʻlgan bolalar uchun ixtisoslashtirilgan ijtimoiy xizmatlar koʻrsatadigan davlat ijtimoiy muassasalari hisoblanadi hamda davlat xizmatlari markazlarida roʻyxatdan oʻtkaziladi.

10. Markazlarga Oʻzbekiston Respublikasida doimiy yashaydigan fuqarolarning nogironligi boʻlgan bolalarida quyidagi tashxislardan biri boʻlganida qabul qilinadi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73).

11. Quyidagilar Markazlarga qabul qilishga qarshi koʻrsatmalar hisoblanadi:

tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik;

bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar;

ular bilan kasallanganda bolani umumtaʼlim yoki ixtisoslashtirilgan taʼlim muassasalarida oʻqitish mumkin boʻlgan har qanday ruhiy kasalliklar;

jarayonning faol bosqichidagi sil kasalligi;

yuqumli teri va soch kasalliklari;

oʻtkir yuqumli kasalliklar;

salbiy jarayondagi, yomon holatda oʻtadigan shish kasalliklari va retsidivlari;

tanosil kasalliklari.

12. Nogironligi boʻlgan bolalar Markazlarga psixologik-tibbiy-pedagogik komissiyaning xulosasi asosida boʻsh oʻrinlar mavjud boʻlgan taqdirda joylashtiriladi.

2-bob. “Gʻamxoʻrlik” markazlarining asosiy vazifa va funksiyalari

13. Quyidagilar Markazlarning asosiy vazifalari hisoblanadi:

nogironligi boʻlgan bolalarning hayot uchun zarur boʻlgan ehtiyojlarini taʼminlash, ijtimoiy xizmatlarni koʻrsatish orqali jamiyatga ijtimoiylashuvini taʼminlash;

nogironligi boʻlgan bolalarning huquqlari himoya qilinishini taʼminlash;

nogironligi boʻlgan bolalarni ijtimoiy moslashtirish, ularga oʻz qiziqishlaridan kelib chiqib kasb-hunar oʻrgatish;

nogironligi boʻlgan bolalarni protez-ortopediya moslamalari, reabilitatsiya qilishning texnik vositalari, shaxsiy gigiyena vositalari bilan taʼminlash;

maʼnaviy-maʼrifiy va madaniy tadbirlarni, shu jumladan, konsert dasturlarini tashkil etish orqali nogironligi boʻlgan shaxslarning madaniy hayotda faol ishtirok etishlarini taʼminlash.

14. Markazlar ularga yuklatilgan asosiy vazifalarga muvofiq quyidagi funksiyalarni bajaradilar:

a) nogironligi boʻlgan bolalarning hayot uchun zarur boʻlgan ehtiyojlarini taʼminlash, ijtimoiy xizmatlarni koʻrsatish orqali jamiyatga ijtimoiylashuvini taʼminlash sohasida:

sanitariya normalari, qoidalari va gigiyena normativlariga javob beradigan xavfsiz va qulay sharoit yaratish;

qarab turish va parvarishlash, sogʻligʻini saqlash va sogʻlomlashtirishni tashkil etish;

hayot faoliyati va asosiy ehtiyojlari uchun zarur boʻlgan oziq-ovqat, dori vositalari va tibbiy buyumlar va kiyim-kechaklar bilan taʼminlash;

qarindoshlar va yaqinlar bilan aloqalarini mustahkamlash, shuningdek, koʻngillilar, davlat va jamoat tashkilotlari bilan hamkorlik qilish;

nogironligi boʻlgan bolalarning rivojlanishida ijtimoiy dinamikasida oʻzgarishlar boʻlgan tarbiyalanuvchilarni oʻqitishda integratsion yondashuvlarni qoʻllash misolida jamiyatga integratsiya qilish hamda ularni nodavlat tashkilotlarning ishtirokida boʻsh vaqtlarini mazmunli oʻtkazishini tashkil etish;

b) nogironligi boʻlgan bolalarning huquqlari himoya qilinishini taʼminlash sohasida:

nogironligi boʻlgan bolalarning huquq va qonuniy manfaatlarini himoya qilinishini taʼminlash;

nogironligi boʻlgan bolalarning huquqlari toʻgʻrisidagi qonunchilik hujjatlarining ijro etilishini taʼminlash sohasidagi muammolarni oʻz vaqtida bartaraf qiladi va tegishli takliflarni Agentlikka kiritib borish;

v) nogironligi boʻlgan bolalarni ijtimoiy moslashtirish, ularga oʻz qiziqishlaridan kelib chiqib kasb-hunar oʻrgatish sohasida:

jismoniy va ruhiy holatni yaxshilashga, shuningdek, ijtimoiy reabilitatsiya tadbirlarini oʻtkazish;

oʻz-oʻziga xizmat koʻrsatish, uy xoʻjaligini yuritish, atrofdagilar bilan muloqot qilish va oʻzaro munosabatda boʻlish, turmush va jamoat joylarida oʻzini tutish va boshqarish koʻnikmalariga oʻrgatish;

ijtimoiy moslashuvga qaratilgan individual imkoniyatlar va ehtiyojlarga muvofiq kasb-hunarga oʻrgatish;

g) nogironligi boʻlgan bolalarni protez-ortopediya moslamalari, reabilitatsiya qilishning texnik vositalari, shaxsiy gigiyena vositalari bilan taʼminlash sohasida:

tibbiy koʻrsatmaga muvofiq nogironligi boʻlgan bolalarni protez-ortopediya moslamalari, reabilitatsiya qilishning texnik vositalari bilan taʼminlash;

nogironligi boʻlgan bolalarni ehtiyojga muvofiq shaxsiy gigiyena vositalari bilan taʼminlash;

d) maʼnaviy-maʼrifiy va madaniy tadbirlarni, shu jumladan, konsert dasturlari, tashkil etish orqali nogironligi boʻlgan shaxslarning madaniy hayotda faol ishtirok etishlarini taʼminlash sohasida:

madaniy-maʼrifiy tadbirlarni, shu jumladan, sport tadbirlarini tashkil qilish;

turli koʻrik-tanlovlar va koʻrgazmalar tashkil etish hamda nogironligi boʻlgan bolalar ishtiroki natijasida kelajakka umid, intilishlarini orttirish hamda vaqtlarini sermazmun oʻtishiga shart-sharoit yaratish.

3-bob. Nogironligi boʻlgan bolalarni “Gʻamxoʻrlik” markazlariga joylashtirish tartibi

15. Psixologik-tibbiy-pedagogik komissiya tomonidan Vazirlar Mahkamasining 2024-yil 25-yanvardagi 46-son qarori bilan tasdiqlangan Psixologik-tibbiy-pedagogik komissiyalar toʻgʻrisidagi nizomda belgilangan tartibda oʻtkazilgan tekshiruv natijalariga asosan nogironligi boʻlgan bolalarni Markazga joylashtirish boʻyicha xulosa qilingan hollarda qonuniy vakilga Markazga joylashtiriladigan nogironligi boʻlgan bolani Markazga joylashtirishi lozimligi toʻgʻrisida soʻrovnomada koʻrsatilgan mobil aloqa vositasiga SMS-xabarnoma yuboriladi.

16. Qonuniy vakil tomonidan SMS-xabarnoma qabul qilinganidan soʻng oʻn besh ish kuni ichida nogironligi boʻlgan bola Markazga joylashtirilmagan taqdirda, u uchun band qilingan boʻsh oʻrin avtomatik ravishda bekor qilinadi, mazkur Nizomning 20-bandida nazarda tutilgan hollar bundan mustasno.

17. Nogironligi boʻlgan bolalarga ixtisoslashtirilgan ijtimoiy xizmatlarni koʻrsatish maqsadida Markaz direktori buyrugʻi bilan tashkil etiladigan kamida 5 nafar aʼzodan, Markazning mutaxassis xodimlaridan iborat tarkibda Ijtimoiy-psixologik komissiya (keyingi oʻrinlarda — ijtimoiy-psixologik komissiya) tashkil etiladi.

18. Qonuniy vakil nogironligi boʻlgan bolani mazkur Nizomning 16-bandida belgilangan muddat ichida Markazga joylashtirish uchun tashrif buyurganda Markaz tomonidan nogironligi boʻlgan bolaning sogʻligʻi holati Ijtimoiy-psixologik komissiya tomonidan bir ish kunida koʻrikdan oʻtkaziladi.

19. Ijtimoiy-psixologik komissiyaning koʻrigi natijalariga asosan nogironligi boʻlgan bola Markazga qabul qilinganidan soʻng koʻpi bilan 20 kun davomida kuzatuvga olinadi hamda ushbu muddatdan keyin mazkur Nizomning 11-bandida belgilangan qarshi koʻrsatmalar aniqlansa, Ijtimoiy-psixologik komissiya tomonidan bu toʻgʻrisida xulosa rasmiylashtiriladi hamda unga muvofiq Markaz direktori tomonidan nogironligi boʻlgan shaxsni Markazdan chiqarish toʻgʻrisida qaror qabul qilinadi, bu toʻgʻrisidagi maʼlumot axborot moduliga kiritiladi hamda qonuniy vakil soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

20. Markazga qabul qilish vaqtida nogironligi boʻlgan bolada yuqori harorat yoki noaniq etiologiyali toshma aniqlangan taqdirda, Markaz tomonidan ushbu bolani davolash choralari koʻriladi. Bunda Markazga qabul qilish rad etilishiga yoʻl qoʻyilmaydi hamda boʻsh oʻrinning band qilingan muddati ushbu bolaning davolanish muddatiga qadar uzaytiriladi va u belgilangan tartibda davolanib boʻlgach Markazga joylashtiriladi.

21. Nogironligi boʻlgan bolalar Markazlarga joylashtirilgandan soʻng, ularning jinsi, jismoniy holati, aqliy zaiflik darajasi hamda yoshi hisobga olingan holda, quyidagi guruhlarga ajratiladi:

yotoq holatidagi guruhlar (yoshi va jinsidan qatʼi nazar, harakatlanish funksiyasi kuchli buzilgan, oʻzgalar parvarishiga muhtoj bolalar);

emaklovchilar guruhlari (yoshi va jinsidan qatʼi nazar, harakatlanish funksiyasi cheklangan, oʻzgalar parvarishiga muhtoj bolalar);

aralash guruhlar — 10 yoshgacha boʻlgan bolalar;

10 yoshdan 14 yoshgacha boʻlgan va 14 yoshdan 18 yoshgacha boʻlgan oʻgʻil va qiz bolalar uchun alohida-alohida guruhlar.

Guruhlardagi bolalar soni 5-6 nafardan iborat boʻladi.

22. Markazlarda barcha nogironligi boʻlgan bolalar, mehnat koʻnikmalarini egallash imkoniyatlarini hisobga olgan holda, ularning intellektual rivojlanishiga muvofiq ular mehnatga tayyorlov guruhi yoki mehnatga oʻrgatish guruhiga ajratiladi. Bunda guruhlardagi bolalar soni 5-6 nafardan iborat boʻladi.

4-bob. “Gʻamxoʻrlik” markazlariga qabul qilingan nogironligi boʻlgan bolalarni biridan ikkinchisiga oʻtkazish tartibi

23. Markazlarga qabul qilingan nogironligi boʻlgan bolalarni biridan ikkinchisiga oʻtkazish tegishli Markazda boʻsh oʻrin mavjud boʻlgan taqdirda quyidagilar asosida ushbu Nizomda belgilangan tartibda psixologik-tibbiy-pedagogik komissiyaning xulosasiga muvofiq oʻtkaziladi:

qonuniy vakilning doimiy yashash joyi boʻyicha roʻyxatdan oʻtgan manzilida kamida olti oy mobaynida uzluksiz yashayotganligi;

qonuniy vakil boshqa hududga koʻchib oʻtganda vaqtincha yashash joyi boʻyicha roʻyxatdan oʻtgan manzilida kamida olti oy mobaynida uzluksiz yashayotganligi.

Bunda mazkur bandning ikkinchi-uchinchi xatboshilarida nazarda tutilgan asoslar boʻyicha qonuniy vakilning yashash joyi oʻzgarganligi fakti “Inson” markazi ijtimoiy xodimi tomonidan dalolatnoma rasmiylashtirish orqali asoslantirilishi lozim.

Markazlarga qabul qilingan nogironligi boʻlgan bolalarni biridan ikkinchisiga oʻtkazish mazkur bandda nazarda tutilgan asoslar taqdim etilmagan taqdirda rad etiladi.

23 1 . Quyidagi maqsadlarda nogironligi boʻlgan bolalar hududiy boshqarmalarning tashabbusi asosida bir Markazdan boshqasiga koʻchirilishi mumkin:

nogironligi boʻlgan bolalarning oila aʼzolari yoki boshqa qarindoshlari bilan aloqalarini mustahkamlash uchun ular yashaydigan yaqin hududga koʻchirish;

Markazlar faoliyatini takomillashtirish jarayonida ulardagi oʻrinlarning maqbullashtirilishi.

Nogironligi boʻlgan bolani mazkur bandga muvofiq bir Markazdan boshqasiga koʻchirishda hududiy boshqarmalar tomonidan uni bir Markazdan boshqasiga koʻchirishga asos boʻladigan hujjat va maʼlumotlar axborot moduli orqali Apellyatsiya kengashiga kiritiladi.

Apellyatsiya kengashi tomonidan nogironligi boʻlgan shaxsni bir Markazdan boshqasiga koʻchirish boʻyicha qaror qabul qilingan taqdirda, hududiy boshqarmalar tomonidan uch ish kuni ichida ushbu shaxslarning oila aʼzolari (mavjud boʻlganda) bu toʻgʻrisida xabardor qilinadi.

24. Markazga qabul qilingan nogironligi boʻlgan bolani biridan ikkinchisiga oʻtkazish boʻyicha qonuniy vakil “Inson” markaziga tashrif buyurgan holda murojaat qiladi.

“Inson” markazining masʼul xodimi axborot modulida qonuniy vakilning murojaati asosida mazkur Nizomga ilovaga muvofiq shakldagi soʻrovnomani toʻldiradi. Soʻrovnomaga mazkur Nizomning 23-bandida nazarda tutilgan nogironligi boʻlgan bolani biridan ikkinchisiga oʻtkazishga asos boʻlgan hujjatlar ilova qilinadi.

Soʻrovnoma qonuniy vakil tomonidan imzoni identifikatsiya qilishning zamonaviy vositalari bilan (elektron raqamli imzo, daktiloskopiya, Face-ID, Mobile-ID va boshqalar) tasdiqlanadi. Bunda qonuniy vakil tomonidan soʻrovnomaning tasdiqlanishi unga tegishli shaxsga doir maʼlumotlarni olish va ishlov berishga rozilikni bildiradi.

25. “Inson” markazi tomonidan uch ish kuni ichida mazkur Nizomning 24-bandiga muvofiq toʻplangan elektron hujjatlar koʻrib chiqish uchun axborot moduli orqali psixologik-tibbiy-pedagogik komissiyaga yuboriladi.

26. Psixologik-tibbiy-pedagogik komissiya yuborilgan nogironligi boʻlgan bolalarning elektron hujjatlarini koʻrib chiqadi va quyidagi xulosalardan birini qabul qiladi:

nogironligi boʻlgan bolani Markazga oʻtkazish toʻgʻrisida;

nogironligi boʻlgan bolani Markazga oʻtkazishni ushbu Nizomning 23-bandida nazarda tutilgan asoslar mavjud boʻlmaganligi sababli rad etish toʻgʻrisida.

27. Psixologik-tibbiy-pedagogik komissiya tomonidan nogironligi boʻlgan bolani Markazga oʻtkazish toʻgʻrisida xulosa qilinganda, kotib tomonidan bir ish kuni ichida axborot moduli orqali nogironligi boʻlgan bolaning elektron hujjatlari roʻyxatdan oʻtkaziladi. Bunda nogironligi boʻlgan bola Markazga oʻtkazilgan hisoblanadi. Bu toʻgʻrisida qonuniy vakil soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

28. Markaz nogironligi boʻlgan bolani boshqa Markazga oʻtkazish haqidagi Psixologik-tibbiy-pedagogik komissiyaning xulosasi roʻyxatdan oʻtkazilgan kundan eʼtiboran uch ish kuni ichida nogironligi boʻlgan bolani zarur transport vositasida tibbiyot xodimi kuzatuvida Psixologik-tibbiy-pedagogik komissiyaning xulosasida koʻrsatilgan Markazga oʻtkazilishini tashkil etadi.

29. Psixologik-tibbiy-pedagogik komissiya tomonidan nogironligi boʻlgan bolani Markazga oʻtkazish rad etilganda, uning elektron hujjatlari kamchiliklari koʻrsatilgan holda axborot moduli orqali “Inson” markaziga qaytariladi hamda qonuniy vakil soʻrovnomada koʻrsatilgan mobil aloqa vositasiga SMS-xabarnoma yuborish orqali xabardor qilinadi.

Bunda Markazga qabul qilingan nogironligi boʻlgan bolani biridan ikkinchisiga oʻtkazish boʻyicha qonuniy vakil mazkur Nizomning 4-bobida belgilangan tartibda umumiy asoslarda qayta murojaat qilish mumkin.

5-bob. Markazlarda nogironligi boʻlgan bolalar uchun tarbiya-taʼlim jarayonini tashkil etish tartibi

30. Markazga joylashtirilgan nogironligi boʻlgan bolalar uchun tarbiya-taʼlim jarayoni ularning individual xususiyatlari, yoshi, jinsi, rivojlanishidagi orqada qolishi, ruhiy va jismoniy holatini hisobga olgan holda yakka tartibdagi maxsus dasturlar asosida tashkil etiladi.

31. Nogironligi boʻlgan bolalarni yakka tartibdagi maxsus dasturlar boʻyicha hayotiy koʻnikmalarga oʻrgatish Markaz tarbiyachilari tomonidan, zarurat boʻlganda esa, ruhiy va aqliy rivojlanishida nuqsoni boʻlgan bolalar uchun maktab va maktab-internatlari, shuningdek sogʻliqni saqlash, madaniyat, sport muassasalari va boshqa tashkilotlar pedagoglarini jalb etgan holda amalga oshiriladi.

Bunda taʼlimning har bir bosqichida oʻqitish yoshi va davomiyligi ijtimoiy-psixologik komissiya tomonidan belgilanadi.

32. Tarbiya-taʼlim jarayonining kun tartibi taʼlim, mehnat, hordiq va turli tadbirlarni uygʻunlashtirgan holda nogironligi boʻlgan bolalarning hayot faoliyati cheklanganlik darajasi hisobga olinib tuziladi.

33. Nogironligi boʻlgan bolalarning mehnat tarbiyasi (mehnat terapiyasi) oʻqitishni mehnat koʻnikmalariga ega boʻlish bilan uygʻunlashtirish asosida ushbu Markazning Ijtimoiy-psixologik komissiyasi tomonidan tuzilgan nogironligi boʻlgan bolani rivojlantirish va reabilitatsiya qilishning yakka tartibdagi dasturiga muvofiq, tibbiy koʻrsatkichlar va pedagogik tavsiyalarni hisobga olgan holda, ularning intellektual, jismoniy va ijodiy qobiliyatlarini rivojlantirish maqsadida amalga oshiriladi.

6-bob. Markazlarda nogironligi boʻlgan bolalarning boʻlish qoidalari

34. Markazlardagi nogironligi boʻlgan bolalarni ijtimoiy-moddiy taʼminlash, tarbiyalash, oʻqitish, mehnat koʻnikmalariga oʻrgatish toʻliq davlat taʼminoti asosida amalga oshiriladi.

35. Nogironligi boʻlgan bolaning Markaz hududidan tashqariga chiqishi faqat Markaz direktorining ruxsati bilan xodimlarning yoki oila aʼzolarining yoxud qonuniy vakilning hamrohligida amalga oshiriladi.

Nogironligi boʻlgan bola oʻzboshimchalik bilan Markaz tashqarisiga chiqqan taqdirda, Markaz tomonidan zudlik bilan bu haqda uning qonuniy vakili, ichki ishlar organlari, hududiy boshqarma va fuqarolarning oʻzini oʻzi boshqarish organlari xabardor qilinadi hamda birgalikda uni topish va qaytarib olib kelish choralari koʻriladi.

36. Nogironligi boʻlgan bolaga Markaz direktorning roziligi asosida koʻpi bilan bir oy muddatga shifokorning xulosasini hisobga olgan holda Markazdan vaqtinchalik ketishiga ruxsat beriladi.

Bunda Markaz direktori tomonidan nogironligi boʻlgan bolaning oila aʼzolaridan yoki qonuniy vakildan nogironligi boʻlgan bolaning sogʻligi va hayoti xavfsizligi uchun javobgarlikni oʻz zimmasiga olishi haqida yozma shaklda tilxat olinadi.

37. Nogironligi boʻlgan bolani oilaga doimiy qaytarish maqsadida Markazdan chiqarish uning oila aʼzolari yoki qonuniy vakilining arizasiga binoan, yashash uchun turar joy va maishiy sharoitlar mavjud boʻlganda, hududiy boshqarma boshligʻining ruxsati bilan, oilaga qaytarish rejasi asosida amalga oshiriladi.

38. Nogironligi boʻlgan bolaning sogʻligʻi yomonlashganda yoki u vafot etganda, maʼmuriyat bu haqida uning oila aʼzolari va qonuniy vakilini, ular boʻlmaganda esa, bolaning doimiy yashash yoki vaqtincha turgan joyidagi fuqarolarning oʻzini oʻzi boshqarish organlarini zudlik bilan xabardor qiladi.

Bunda vafot etgan nogironligi boʻlgan bolani dafn etish bilan bogʻliq xarajatlar Markazlarning xarajatlar smetalarida nazarda tutilgan mablagʻlar, shuningdek, uning oila aʼzolari, qonuniy vakil va boshqa qarindoshlarining, yuridik va jismoniy shaxslarning homiylik xayriyalari hisobiga amalga oshiriladi.

39. Nogironligi boʻlgan bolaning oila aʼzolari yoki qonuniy vakil vafot etgan taqdirda, nogironligi boʻlgan bolaga uning fiziologik imkoniyatlari va sogʻligʻining holatiga muvofiq dafn etishda qatnashish, oila aʼzolari yoki qonuniy vakillar ogʻir kasallikka chalinganda, ularni borib koʻrishga ruxsat etiladi.

Bunda yoʻlkira xarajatlari Markazlarning qonunchilik hujjatlari bilan taqiqlanmagan mablagʻlari hisobidan qoplanadi.

40. Nogironligi boʻlgan bolalarga tibbiy yordam Markazning shtatdagi tibbiy xodimlari tomonidan, shuningdek tibbiy koʻrsatmaga muvofiq tegishli sogʻliqni saqlash muassasalari tomonidan koʻrsatiladi.

41. Nogironligi boʻlgan bola 18 yoshga toʻlganidan soʻng ular belgilangan tartibda boʻsh joy mavjud boʻlgan nogironligi boʻlgan shaxslar uchun “Gʻamxoʻrlik” markazi (keyingi oʻrinlarda — kattalar “Gʻamxoʻrlik” markazi)ga Ijtimoiy-psixiatrik-tibbiy komissiyaning xulosasiga asosan oʻtkaziladi.

Bunda kattalar “Gʻamxoʻrlik” markazida boʻsh joy mavjud boʻlmaganda ular kattalar “Gʻamxoʻrlik” markaziga oʻtkazilgunga qadar Markazlarda tashkil etiladigan alohida boʻlimlarda qoldiriladi.

42. Nogironligi boʻlgan bolalar Markazlardan chiqarilishida ularga quyidagilar taqdim qilinadi:

nogironligi boʻlgan bola Markazda boʻlganlik toʻgʻrisidagi maʼlumotnoma;

nogironligi boʻlgan bolaning sogʻligʻi holati toʻgʻrisidagi maʼlumotnoma;

psixologik-tibbiy-pedagogik komissiyaning xulosasi;

nogironligi boʻlgan shaxsni reabilitatsiya qilishning yakka tartibdagi dasturi;

2 toʻplam ichki kiyimlar, kiyim-bosh va poyabzal.

Markazlar tomonidan nogironligi boʻlgan bolalarni roʻyxatdan chiqarishda (mavjud boʻlsa) uning mol-mulkka, pul mablagʻlariga (ilgari u yoki uning ota-onasi egallagan) uy-joy maydoniga huquqini tasdiqlovchi hujjatlar, pensiya va omonat daftarchasi hamda boshqa hujjatlar ham beriladi.

7-bob. “Gʻamxoʻrlik” markazlarining filiali sifatida kichik hajmli uylarni tashkil etish va ularga nogironligi boʻlgan bolalarni oʻtkazish tartibi

43. Kichik hajmli uylar Markaz muassisligida filial shaklida Agentlik tizimidagi tashkilotlar balansida boʻlgan bino-inshootlarda, yangidan xarid qilingan uy-joylarda yoki ijara asosida olingan uy-joylarda Agentlik direktorining buyrugʻi asosida tashkil etiladi.

44. Kichik hajmli uylarda 10 — 12 nafargacha nogironligi boʻlgan bolalar joylashtirilishiga yoʻl qoʻyiladi.

45. Kichik hajmli uylarga boʻsh oʻrinlar mavjud boʻlgan taqdirda, Ijtimoiy-psixologik komissiya tomonidan nogironligi boʻlgan bolalarning sogʻligʻi, ruhiy holatidagi buzilishlarini oʻrganish natijasiga koʻra, Markaz direktorining buyrugʻi asosida Markazga joylashtirilgan nogironligi boʻlgan bolalar oʻtkaziladi.

46. Kichik hajmli uylar taʼminoti, shu jumladan, moddiy-texnik bazasini mustahkamlash xarajatlari Oʻzbekiston Respublikasining respublika budjeti va Agentlikning Ijtimoiy himoya davlat jamgʻarmasi hamda jismoniy va yuridik shaxslarning homiylik xayriyalari va qonunchilik hujjatlarida taqiqlanmagan boshqa manbalar hisobiga amalga oshiriladi.

47. Kichik hajmli uylarni tashkil etish uchun uy-joylarni xarid qilish va ularni ijaraga olish bilan bogʻliq xarajatlar Ijtimoiy himoya davlat jamgʻarmasi mablagʻlari hisobidan qoplanadi. Bunda uy-joy uchun ijara toʻlovlari Markaz hamda ijaraga beruvchi oʻrtasida tuzilgan ijara shartnomasiga asosan amalga oshiriladi.

48. Kichik hajmli uylarning shtat birliklarini saqlash, kommunal toʻlovlar, oziq-ovqat, tovar-moddiy boyliklar, jihozlar va boshqa zarur xarajatlar Markaz uchun tuziladigan va tasdiqlanadigan xarajatlar smetasi doirasida amalga oshiriladi.

49. Kichik hajmli uylarga joylashtirilgan nogironligi boʻlgan shaxslarning ovqatlanishi va uy-joylarning kommunal toʻlovlari xarajatlarini qoplash tegishli mablagʻlarni Markaz direktori tomonidan tayinlangan masʼul xodim (keyingi oʻrinlarda — masʼul xodim) nomiga ochilgan bank kartasiga oʻtkazish orqali amalga oshiriladi.

50. Kichik hajmli uylarga joylashtirilgan har bir nogironligi boʻlgan bolalarning oziq-ovqat xarajatlari uchun bir kunga bazaviy hisoblash miqdorining 8 foizi miqdorida mablagʻ ajratiladi. Kichik hajmli uy xodimlari oʻzlari tayyorlagan ovqatdan bepul ovqatlanadi.

51. Nogironligi boʻlgan bolalar uchun oziq-ovqat mahsulotlarini sotib olish haftasiga kamida bir marta (tez ayniydigan oziq-ovqat mahsulotlarini haftasiga kamida ikki marta) kichik hajmli uylarining masʼul xodimi tomonidan amalga oshiriladi.

52. Ushbu Nizomning 50-bandida nazarda tutilgan mablagʻlarni hisoblashda muassis tomonidan nogironligi boʻlgan bolalarga oldingi oy mobaynida amalga oshirilgan haqiqiy xarajatni inobatga olgan holda kichik hajmli uylarning talabidan kelib chiqib toʻlab beriladi.

53. Mablagʻ ajratishda nogironligi boʻlgan shaxslarning ovqatlanishini tashkil etish uchun masʼul xodimning bank kartasidagi avvalgi oydan qolgan qoldiq mablagʻ miqdori inobatga olinadi.

54. Mahsulotlar chakana savdo tashkilotlaridan xarid qilganda toʻlov cheklari saqlab qoʻyiladi, oziq-ovqat bozoridan naqd pulga xarid qilingan mahsulotlar uchun esa masʼul xodim tomonidan dalolatnoma tuziladi.

55. Oziq-ovqat mahsulotlarini va boshqa tovarlarni hisobdan chiqarish kichik hajmli uylar xodimlari tomonidan taqdim etilgan cheklar va dalolatnomalar asosida, kichik hajmli uylar muassisining doimiy ishlaydigan komissiyasi tomonidan amalga oshiriladi. Bunda doimiy ishlaydigan komissiya tarkibi kichik hajmli uylar muassisi tomonidan bir yilga belgilanadi va uning buyrugʻi bilan tasdiqlanadi.

56. Kichik hajmli uylarning buxgalteriya hisobini yuritish va hisobotini tuzish, shu jumladan ularga ajratilgan mablagʻlardan foydalanish, ushbu jarayonda budjet va smeta intizomiga rioya qilinishi muassisning buxgalteriya hisobi xizmati tomonidan amalga oshiriladi.

57. Kichik hajmli uylar tomonidan oziq-ovqat, kiyim-kechak va shaxsiy gigiyena vositalari va boshqalarni xarid qilish, buxgalteriya hisobida kirim va chiqim qilish tartibi qonunchilikka asosan amalga oshiriladi.

58. Kichik hajmli uylarning moliya-xoʻjalik faoliyati hamda ularga ajratilgan mablagʻlardan toʻgʻri va maqsadli foydalanilishini nazorat qilish muassis tomonidan amalga oshiriladi.

8-bob. “Gʻamxoʻrlik” markazlarining moliya-xoʻjalik faoliyati

59. Markazlarning xonalari texnika xavfsizligi qoidalariga va sanitariya qoidalari, normalari va gigiyena normativlariga muvofiq jihozlanadi va ulardan foydalaniladi.

60. Markazlar faoliyatini moliyalashtirish Oʻzbekiston Respublikasining respublika budjetidan ajratiladigan mablagʻlar, jismoniy va yuridik shaxslarning homiylik xayriyalari va qonunchilik hujjatlarida taqiqlanmagan boshqa manbalar hisobiga amalga oshiriladi.

61. Markazlar belgilangan tartibda tasdiqlangan va tegishli moliya va iqtisodiyot organlarida roʻyxatdan oʻtkazilgan xarajatlar smetasi asosida moliyalashtiriladi.

62. Markazlar tomonidan ularga ajratilgan budjet va budjetdan tashqari mablagʻlarni sarflash qonunchilik hujjatlariga muvofiq amalga oshiriladi.

63. Shtatlar jadvali Agentlik tomonidan Iqtisodiyot va moliya vazirligi hamda Kambagʻallikni qisqartirish va bandlik vazirligi bilan kelishgan holda tasdiqlangan namunaviy shtatlarga muvofiq tuziladi.

64. Markazlar qonunchilik hujjatlarida belgilangan moliya va statistika hisobotlarini yuritadi.

9-bob. Yakunlovchi qoidalar

65. Markazlar faoliyati ustidan nazorat Agentlik va Ijtimoiy inspeksiya tomonidan amalga oshiriladi.

66. Markaz xodimlari va unga joylashtirilgan yoki uning xizmatlaridan foydalanayotgan bolalar oʻrtasidagi munosabatlar Markazlar tomonidan tasdiqlanadigan ichki tartib-qoidalar bilan tartibga solinadi.

67. Nogironligi boʻlgan bolalarni oziq-ovqat, kiyim-bosh, poyabzal va ashyoviy taʼminotning boshqa buyumlari hamda yumshoq anjomlar bilan taʼminlash normalari Agentlik tomonidan Iqtisodiyot va moliya vazirligi bilan kelishilgan holda belgilanadi.

68. Agentlik hamda hududiy boshqarmalar nogironligi boʻlgan bolalarni Markazlarga joylashtirish hamda ularni biridan ikkinchisiga oʻtkazish jarayonida olingan bolaga doir maʼlumotlarning sir saqlanishini taʼminlaydi.

69. Nogironligi boʻlgan bolaning nomidan qonuniy vakillar Markazlarga joylashtirish, tarbiya-taʼlim va reabilitatsiya tadbirlarini tashkil etish jarayonida Agentlik, hududiy boshqarmalar va Markazlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.

70. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Nogironligi boʻlgan bolalar uchun “Gʻamxoʻrlik” markazlari toʻgʻrisidagi nizomga ILOVA

NAMUNA Nogironligi boʻlgan bolalarni bir “Gʻamxoʻrlik” markazidan boshqasiga oʻtkazish boʻyicha SOʻROVNOMA ___________________ ____________________ (sana) (raqam) I. Murojaat qiluvchi shaxs toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Jismoniy shaxsning shaxsiy identifikatsiya raqami 5. Elektron pochta manzili (mavjud boʻlganda) 6. Telefon raqami 7. Bir “Gʻamxoʻrlik” markazidan boshqasiga oʻtkazish soʻralayotgan shaxsning joylashtirilgan “Gʻamxoʻrlik” markazi (nomi va manzili) 8. Oʻtkazish uchun asos □ qonuniy vakilning doimiy yashash joyi boʻyicha roʻyxatdan oʻtgan manziliga; □ boshqa hududga koʻchib oʻtganda vaqtincha yashash joyi boʻyicha roʻyxatdan oʻtgan manziliga; 9. Oʻtkazish soʻralayotgan “Gʻamxoʻrlik” markazi (nomi va manzili) II. “Gʻamxoʻrlik” markazidan boshqasiga oʻtkazish soʻralayotgan bola toʻgʻrisida maʼlumotlar: 1. F.I.O. 2. Tugʻilgan yili va sanasi 3. Doimiy roʻyxatdan oʻtgan joyi 4. Jismoniy shaxsning shaxsiy identifikatsiya raqami 5. Elektron pochta manzili (mavjud boʻlganda) 6. Telefon raqami

Vazirlar Mahkamasining 2026-yil 21-maydagi 271-son qaroriga 5-ILOVA

“Yangi kun” kunduzgi qatnov asosida qarab turish xizmatini tashkil etish tartibi toʻgʻrisida

1-bob. Umumiy qoidalar

1. Ushbu Nizom ruhiy holati buzilgan I va II guruh nogironligi boʻlgan shaxslar (keyingi oʻrinlarda — nogironligi boʻlgan shaxslar) uchun “Yangi kun” kunduzgi qatnov asosida qarab turish xizmati (keyingi oʻrinlarda — kunduzgi qarab turish xizmati)ni davlat-xususiy sheriklik shartlari asosida tashkil etish, boshqarish, nazorat qilish hamda moliyalashtirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

axborot moduli — davlat-xususiy sheriklik loyihasi asosida faoliyat yuritayotgan kunduzgi qarab turish xizmati haqidagi maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

davlat-xususiy sheriklik — davlat sherigi va xususiy sherikning muayyan muddatga yuridik jihatdan rasmiylashtirilgan, nogironligi boʻlgan shaxslar uchun kunduzgi qarab turish xizmatini koʻrsatish uchun oʻz resurslarini birlashtirishiga asoslangan hamkorligi;

davlat-xususiy sheriklik toʻgʻrisidagi bitim — uch yil muddatga tomonlarning huquqlari, majburiyatlari va javobgarligini, shuningdek, davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik oʻrtasida tuzilgan shartnoma (keyingi oʻrinlarda — bitim);

davlat sherigi — Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarma);

ijtimoiy-psixiatrik-tibbiy komissiya — tuman (shahar)lardagi “Inson” ijtimoiy xizmatlar markazlari (keyingi oʻrinlarda — “Inson” markazi) tomonidan nogironligi boʻlgan shaxslarni kunduzgi qarab turish xizmatiga yoʻnaltirish uchun taqdim etilgan hujjatlarni oʻrganib chiqish hamda ularni ijtimoiy-psixiatrik-tibbiy tekshiruvdan oʻtkazish maqsadida hududiy boshqarma huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

oila aʼzolari — ota-ona, turmush oʻrtoq, farzandlar hamda umumiy roʻzgʻor asosida bir uyda yashovchi boshqa shaxslar;

kunduzgi qarab turish xizmati — nogironligi boʻlgan shaxsga kun davomida qarab turish va parvarishlash, ijtimoiylashuviga koʻmaklashish hamda boshqa reabilitatsiya tadbirlarini amalga oshirishga qaratilgan ijtimoiy xizmat;

talabgor — davlat-xususiy sheriklik loyihasini amalga oshirishdan manfaatdor boʻlgan yakka tartibdagi tadbirkor (keyingi oʻrinlarda — YTT) yoki yuridik shaxs;

xususiy sherik — davlat sherigi bilan bitim tuzgan YTT yoxud yuridik shaxs.

3. Quyidagilar kunduzgi qarab turish xizmatining asosiy vazifalari hisoblanadi:

nogironligi boʻlgan shaxslarga qarab turish va ularni parvarishlash;

nogironligi boʻlgan shaxslarning mustaqil hayotga moslashtirish va jamiyatga integratsiyalashuviga koʻmaklashish;

oʻz-oʻziga xizmat koʻrsatish, uy xoʻjaligini yuritish, atrofdagilar bilan muloqot qilishga oʻrgatish;

mehnat koʻnikmalarini rivojlantirish, individual imkoniyat va ehtiyojlariga mos mehnat faoliyatiga jalb etish.

Xususiy sherik tomonidan kunduzgi qarab turish xizmatida nogironligi boʻlgan shaxslarni reabilitatsiya qilish va ularning ijtimoiylashuviga qaratilgan boshqa vazifalarni amalga oshirish boʻyicha tadbirlar yoʻlga qoʻyilishi mumkin.

4. Kunduzgi qarab turish xizmati xususiy sherik tomonidan bitimning amal qilish davrida nogironligi boʻlgan shaxslarga qarab turish va parvarish qilish uchun zarur shart-sharoitlarga ega boʻlgan, yongʻin xavfsizligi, sanitariya qoidalari, normalari va gigiyena normativlariga javob beradigan YTT (oʻziga yoxud turmush oʻrtogʻiga) yoki yuridik shaxsga mulk huquqi yoxud boshqa huquq bilan tegishli boʻlgan bino-inshootlarda tashkil etiladi.

Bunda bino yoki inshoot YTT (turmush oʻrtogʻiga tegishli boʻlgan holat bundan mustasno) yoki yuridik shaxsga mulk huquqi bilan tegishli boʻlmagan taqdirda, bino yoki inshootdan ijara yoki boshqa huquq asosida foydalanish shartnomasining amal qilish muddati bitimning amal qilish muddati davomida oʻz kuchida boʻlishi taʼminlanishi zarur.

5. Kunduzgi qarab turish xizmati besh kunlik ish haftasida, qoida tariqasida, 9 soatli ish rejimida tashkil etiladi.

Nogironligi boʻlgan shaxsning ehtiyojlarini inobatga olgan holda hamda oila aʼzosining talab va istaklaridan kelib chiqib, oila aʼzosi va xizmat koʻrsatuvchi oʻrtasida mustaqil ravishda tuziladigan shartnoma asosida nogironligi boʻlgan shaxsga qoʻshimcha xizmatlar koʻrsatish, shu jumladan, olti kunlik ish haftasi va koʻpi bilan 12 soatgacha boʻlgan ish rejimi belgilanishi mumkin.

6. Kunduzgi qarab turish xizmati erkaklar va ayollar uchun alohida-alohida tashkil etiladi. Erkaklar va ayollar uchun alohida-alohida tashkil etishning iloji boʻlmagan hollarda, kunduzgi qarab turish xizmatini bitta bino yoki inshootda lekin ularni alohida kirish imkoniyatiga ega boʻlgan xonalarga ajratgan holda tashkil etiladi.

7. Kunduzgi qarab turish xizmati quyidagi tashxislardan biri qoʻyilgan nogironligi boʻlgan shaxslarga koʻrsatiladi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03).

8. Kunduzgi qarab turish xizmatini koʻrsatish bilan bogʻliq xarajatlar Agentlikning Ijtimoiy himoya davlat jamgʻarmasi (keyingi oʻrinlarda — Jamgʻarma)dan ajratiladigan mablagʻlar hisobidan xususiy sherikka subsidiya shaklida qoplab beriladi.

2-bob. Kunduzgi qarab turish xizmatini tashkil etish tartibi

1-§. Davlat-xususiy sheriklik toʻgʻrisida bitim tuzish

9. Hududiy boshqarma har chorakda kamida bir marta oʻzlarining ijtimoiy tarmoqlardagi rasmiy sahifalarida, shuningdek, Agentlikning rasmiy veb-saytida hamda ijtimoiy tarmoqlardagi rasmiy sahifalarida ijtimoiy-psixiatrik-tibbiy komissiyalarning koʻrigi natijasi boʻyicha kunduzgi qarab turish xizmatiga yoʻnaltirish uchun xulosa berilgan nogironligi boʻlgan shaxslar uchun ehtiyojdan kelib chiqqan holda kunduzgi qarab turish xizmatini tashkil etish boʻyicha eʼlon berib boradi.

Bunda kunduzgi qarab turish xizmatini tashkil etish istagida boʻlgan talabgor oʻsha hududdagi “Inson” markazidan kunduzgi qarab turish xizmatiga yoʻnaltirilishi mumkin boʻlgan nogironligi boʻlgan shaxslarning yoshi, soni va jinsi, shuningdek, kunduzgi qarab turish xizmatini tashkil etishda davlat-xususiy sheriklik shartlari haqida maʼlumot oladi.

10. Talabgor kunduzgi qarab turish xizmatini tashkil etish istagini bildirgan taqdirda, davlat-xususiy sheriklik toʻgʻrisidagi bitim tuzish uchun tegishli hududiy boshqarmaga axborot moduli orqali quyidagi maʼlumotlarni oʻz ichiga olgan elektron shakldagi ariza bilan murojaat qiladi:

YTT uchun biometrik pasport (identifikatsiya ID-karta) maʼlumotlari;

yuridik shaxs uchun soliq toʻlovchining identifikatsiya raqami;

davlat-xususiy sheriklik toʻgʻrisidagi bitimning amal qilish davrida kunduzgi qarab turish xizmati tashkil etiladigan bino yoki inshootga boʻlgan mulk, ijara yoki boshqa huquqning davlat roʻyxatidan oʻtkazilganligi (kadastr raqami), uning manzili, joylashuvi (geolokatsiyasi) va kunduzgi qarab turish xizmati uchun ajratiladigan maydon (kvadrat metrda aks ettiriladi) haqidagi maʼlumotlar;

kunduzgi qarab turish xizmatida tashkil etilishi rejalashtirilgan guruhlar (ayollar va erkaklar guruhi) soni;

aloqa uchun elektron pochta manzili va (yoki) mobil telefon raqami.

Talabgor axborot moduliga kiritiladigan maʼlumotlarning ishonchliligi uchun shaxsan javobgar boʻladi.

11. Ariza axborot moduli orqali shakllantirilganidan soʻng:

talabgorga arizada koʻrsatilgan elektron pochta va (yoki) mobil telefon raqamiga arizaning ID-raqami, ariza qabul qilingan sana va vaqti koʻrsatilgan holda xabar joʻnatiladi;

kunduzgi qarab turish xizmatining joylashuvi boʻyicha Sanitariya-epidemiologik osoyishtalik va jamoat salomatligi qoʻmitasining tuman (shahar) boʻlimlari (keyingi oʻrinlarda — Sanepidqoʻmning tuman (shahar) boʻlimlari) hamda tuman (shahar) favqulodda vaziyatlar boʻlimlariga elektron soʻrov joʻnatiladi.

12. Elektron soʻrov kelib tushgandan soʻng uch ish kuni mobaynida:

a) Sanepidqoʻmning tuman (shahar) boʻlimlari:

kunduzgi qarab turish xizmati uchun ajratilgan xonalar belgilangan sanitariya qoidalari, normalari va gigiyena normativlariga mosligini;

bino yoki inshootning manzili va kunduzgi qarab turish xizmati uchun ajratiladigan maydonning (kvadrat metrda aks ettiriladi) arizada toʻgʻri koʻrsatilganligini;

belgilangan meʼyorlarga muvofiq kunduzgi qarab turish xizmatini tashkil etish uchun ajratilgan maydonda qabul qilinishi mumkin boʻlgan nogironligi boʻlgan shaxslarning maksimal sonini;

kunduzgi qarab turish xizmatini tashkil etish uchun ajratilgan bino yoki inshootlar sanitariya-himoya zonasiga ega boʻlgan obyektlardan zarur darajadagi uzoqlikda joylashganligini oʻrganadi;

oʻrganish natijasi boʻyicha xulosa shakllantiradi va unga kunduzgi qarab turish xizmatining kirish qismi, oshxonasi, hojatxonasi, nogironligi boʻlgan shaxslarga qarab turish uchun moʻljallangan xonalarning fotosuratlarini (kamida 4 ta fotosurat) ilova qiladi;

b) tuman (shahar) favqulodda vaziyatlar boʻlimlari kunduzgi qarab turish xizmati tashkil etilishi rejalashtirilgan bino yoki inshootlar hududi hamda bino (inshoot) va xonalarning yongʻin xavfsizligi talablariga muvofiq yoxud muvofiq emasligini belgilangan tartibda oʻrganib chiqadi hamda fotosuratlarni (kamida 4 ta fotosurat) ilova qilgan holda oʻrganish natijalari boʻyicha xulosa beradi.

Kunduzgi qarab turish xizmatini tashkil etish uchun tanlangan manzilda faoliyatni amalga oshirishning maqsadga muvofiqligi haqidagi xulosaning ishonchliligi uchun shaxsiy javobgarlik uni tasdiqlagan tashkilot rahbariga yuklanadi.

13. Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlarining xulosalari belgilangan tartibda tasdiqlanganidan soʻng barcha maʼlumotlar kunduzgi qarab turish xizmati tashkil etish toʻgʻrisidagi ariza bilan birga bir ish kunida axborot moduli orqali tegishli “Inson” markaziga taqdim etiladi.

14. Mazkur Nizomning 13-bandida koʻrsatilgan hujjatlar axborot moduli orqali kelib tushganidan soʻng besh ish kuni mobaynida “Inson” markazi tomonidan:

talabgor jismoniy shaxsning ruhiy yoki narkologiya kasalliklari dispanserlarida hisobda turish-turmasligini aniqlanadi;

Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlarining xulosalari hamda kunduzgi qarab turish xizmatini tashkil etish rejalashtirilayotgan hududda ushbu xizmatga yoʻnaltirilishi mumkin boʻlgan nogironligi boʻlgan shaxslarning mavjudligi boʻyicha maʼlumotlarni oʻrganadi.

Mazkur bandda nazarda tutilgan chora-tadbirlarni amalga oshirish yakuni boʻyicha kunduzgi qarab turish xizmatini tashkil etishning maqsadga muvofiqligi yuzasidan taklif tayyorlanib, “Inson” markazi direktorining elektron raqamli imzosi bilan tasdiqlanadi hamda tegishli hududiy boshqarmaga axborot tizimi orqali yuboriladi.

15. Hududiy boshqarma besh ish kuni ichida “Inson” markazi tomonidan taqdim etilgan hujjatlarni, shu jumladan, kunduzgi qarab turish xizmatiga subsidiya ajratish uchun tegishli moliya yilida Agentlikning Ijtimoiy himoya davlat jamgʻarmasidan (keyingi oʻrinlarda — Jamgʻarma) ajratiladigan mablagʻlar hajmini hisobga olgan holda kunduzgi qarab turish xizmati tashkil etilishi maqsadga muvofiqligi yoki muvofiq emasligi boʻyicha xulosa tayyorlaydi va axborot moduliga kiritadi.

Hududiy boshqarmalar tomonidan kunduzgi qarab turish xizmatini tashkil etilishi maqsadga muvofiqligi boʻyicha ijobiy xulosa axborot moduliga kiritilganidan soʻng bitim axborot modulida avtomatik ravishda shakllanadi hamda imzolash uchun talabgorga elektron shaklda joʻnatiladi.

16. Quyidagi holatlarda ariza rad etiladi:

Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlari tomonidan kunduzgi qarab turish xizmatini tashkil etish uchun tanlangan manzilning sanitariya normalari, qoidalari va gigiyena normativlariga hamda yongʻin xavfsizligi talablariga muvofiq emasligi toʻgʻrisida xulosa berilganida;

idoralararo elektron almashinuv orqali olingan maʼlumotlarga asosan talabgor bino yoki inshootdan foydalanish huquqiga ega boʻlmaganida yoxud ijara (shu jumladan boshqa huquq) asosida foydalanish shartnomasi mavjud boʻlmaganda;

kunduzgi qarab turish xizmatini tashkil etish uchun ajratilishi rejalashtirilgan (arizada koʻrsatilgan) bino yoki inshoot manzili kadastr organlaridan olingan maʼlumotlarga mos emasligi aniqlanganda;

talabgor jismoniy shaxsning ruhiy yoki narkologiya kasalliklari dispanserlarida hisobda turishi aniqlanganda;

belgilangan xarajatlar kunduzgi qarab turish xizmatiga subsidiya ajratish uchun tegishli moliya yilida nazarda tutilgan mablagʻlar hajmidan oshib ketganda.

Ushbu bandda nazarda tutilmagan boshqa asoslarga koʻra arizani rad etish taqiqlanadi.

17. Kunduzgi qarab turish xizmatini tashkil etish toʻgʻrisidagi ariza rad etilganda, uning aniq sabablari koʻrsatilgan holda, arizadagi elektron pochta manziliga yoki mobil telefon raqamiga xabar yuborish orqali talabgor xabardor qilinadi.

18. Talabgor axborot moduli orqali taqdim etilgan bitimni oʻn besh ish kuni ichida koʻrib chiqadi va unda belgilangan shartlarga rozi boʻlganida, unga elektron imzo qoʻyadi.

Talabgor oʻn besh ish kuni ichida bitimni imzolamasa, uning arizasi bekor qilinadi, bunda bitimni imzolash zarurati mavjud boʻlganida, ariza talabgor tomonidan yangidan axborot moduliga kiritilishi talab etiladi.

Talabgor tomonidan imzolangan bitim avtomatik ravishda tegishli hududiy boshqarmaga imzolash uchun yuboriladi. Bunda hududiy boshqarma tomonidan ushbu bitimga besh ish kuni mobaynida imzo qoʻyilishi lozim.

19. Xususiy sherik hududiy boshqarma bilan bitimni tuzgan kundan keyingi ish kunidan boshlab faoliyatini boshlash huquqiga ega boʻladi. Bunda:

xususiy sherik axborot moduliga kirgan holda unda koʻrsatilgan ommaviy oferta talablari va shartlari bilan tanishib, ushbu axborot modulidan foydalanish boʻyicha oʻz roziligini bildirishi va elektron raqamli imzosi bilan tasdiqlashi talab etiladi;

axborot moduli orqali oferta tasdiqlanganda, xususiy sherik uchun ushbu axborot modulida shaxsiy kabinet ochiladi.

20. Xususiy sherik bilan bitim tuzilgan kundan boshlab bir oy muddat ichida hududiy boshqarma joyiga chiqqan holda tashkil etilgan kunduzgi qarab turish xizmati uchun moʻljallangan mebel va boshqa anjomlar bilan jihozlanganlik holati boʻyicha oʻrganish oʻtkazadi hamda oʻrganish yakuni boʻyicha kunduzgi qarab turish xizmatini koʻrsatish maqsadga muvofiqligi yoki muvofiq emasligi haqidagi xulosani elektron shaklda axborot moduliga kiritadi.

Hududiy boshqarma tomonidan salbiy xulosa berilganida, aniqlangan kamchiliklar bartaraf etilgunga qadar kunduzgi qarab turish xizmatini koʻrsatish vaqtincha toʻxtatiladi.

2-§. Kunduzgi qarab turish xizmatini tashkil etish

21. Kunduzgi qarab turish xizmati YTT tomonidan tashkil etilganda koʻpi bilan 2 ta guruh, yuridik shaxs tomonidan tashkil etilganda har bir manzilda koʻpi bilan 4 ta guruh tashkil etishga yoʻl qoʻyiladi.

Kunduzgi qarab turish xizmatida har bir guruh 8 nafargacha nogironligi boʻlgan shaxsdan iborat boʻladi.

22. Kunduzgi qarab turish xizmatida nogironligi boʻlgan shaxsning ovqatlanishi sanitariya qoidalari, normalari va gigiyena normativlari asosida tashkil etiladi.

23. Kunduzgi qarab turish xizmatining bitta guruhiga 1 ta shtat birligida mehnat yoʻriqchisi, 1 ta shtat birligida sanitarka jalb qilinadi.

Kunduzgi qarab turish xizmatida kadrlar tarkibi hamda ularning oʻzgarishi bilan bogʻliq boʻlgan maʼlumotlar xodimlar ishga qabul qilingan va ishdan boʻshatilgan kundan boshlab bir ish kuni ichida xususiy sherik tomonidan axborot moduliga kiritilishi shart.

24. Kunduzgi qarab turish xizmatida mehnat yoʻriqchisi lavozimiga tegishlicha oliy yoki oʻrta maxsus pedagogik yoki psixologik maʼlumotga, sanitarka vazifasiga umumiy oʻrta maʼlumotga ega boʻlgan shaxslar qabul qilinadi, kunduzgi qarab turish xizmatiga qabul qilingan nogironligi boʻlgan shaxsning oila aʼzolari sanitarka lavozimiga qabul qilingan holat bundan mustasno.

25. Kunduzgi qarab turish xizmatida mehnat faoliyatini amalga oshirayotgan shaxslar Agentlik huzuridagi Ijtimoiy himoya tizimi xodimlarining malakasini oshirish markazida majburiy ravishda uch yilda kamida bir marta 36 soatdan kam boʻlmagan oʻquv dasturi asosida onlayn va (yoki) oflayn shaklda malaka oshiradi.

Bunda kunduzgi qarab turish xizmatiga birinchi marta ishga qabul qilinayotgan shaxslar ikki oy ichida malaka oshirish kursidan oʻtishi lozim.

26. Kunduzgi qarab turish xizmatini tashkil etgan xususiy sherik bilan nogironligi boʻlgan shaxsning oila aʼzolari oʻrtasidagi oʻzaro munosabatlar xususiy sherik hamda nogironligi boʻlgan shaxsning oila aʼzolari oʻrtasida tuzilgan shartnoma bilan tartibga solinadi.

Shartnoma nogironligi boʻlgan shaxslarning kunduzgi qarab turish xizmatida boʻlish vaqtini, parvarishlash jarayonini tashkil etishda tomonlarning huquqlari, majburiyatlari hamda javobgarligini oʻz ichiga oladi.

27. Kunduzgi qarab turish xizmati koʻrsatiladigan binoning kirish joyida fuqarolarni kunduzgi qarab turish xizmati haqidagi maʼlumotlardan xabardor qilish maqsadida xususiy sherik tomonidan axborot peshlavhasi oʻrnatiladi.

Axborot peshlavhasida bitim nusxasi, kunduzgi qarab turish xizmatining ish tartibi va boshqa hujjatlarning nusxalari joylashtiriladi.

3-§. Kunduzgi qarab turish xizmatiga nogironligi boʻlgan shaxslarni qabul qilish hamda chiqarish

28. “Inson” markazi:

Ijtimoiy-psixiatrik-tibbiy komissiyaning tekshiruvi natijasida kunduzgi qarab turish xizmatiga yoʻnaltirishga xulosa berilgan nogironligi boʻlgan shaxsning oila aʼzolariga kunduzgi qarab turish xizmatidan foydalanishni taklif qiladi;

kunduzgi qarab turish xizmatidan foydalanish boʻyicha qiziqish bildirgan nogironligi boʻlgan shaxsning oila aʼzosiga kunduzgi qarab turish xizmati va undan foydalanish shartlari toʻgʻrisida maʼlumot beradi.

29. Ijtimoiy-psixiatrik-tibbiy komissiya tomonidan kunduzgi qarab turish xizmatiga yoʻnaltirishga berilgan xulosa asosida nogironligi boʻlgan shaxsning oila aʼzosi “Inson” markaziga murojaat qiladi.

Bunda “Inson” markazi nogironligi boʻlgan shaxsni uning oila aʼzolari tanlovi asosida xususiy sherikni xabardor qilgan holda axborot moduli orqali uch ish kuni ichida kunduzgi qarab turish xizmatiga biriktiradi.

30. Nogironligi boʻlgan shaxslar kunduzgi qarab turish xizmatidan quyidagilar asosida chiqariladi:

oila aʼzolarining arizasi;

sogʻliqni saqlash tizimi muassasalarining tibbiy koʻrsatmalari;

ijtimoiy-psixiatrik-tibbiy komissiyaning xulosasida koʻrsatilgan nogironligi boʻlgan shaxsning kunduzgi qarab turish xizmatida boʻlish muddatining tugashi;

bitimning bekor qilinishi;

nogironligi boʻlgan shaxsning vafot etishi.

Ushbu bandda nazarda tutilgan holatlar yuzaga kelganligi axborot moduli tomonidan oʻrganib boriladi.

31. Mazkur Nizomning 30-bandiga muvofiq nogironligi boʻlgan shaxslar kunduzgi qarab turish xizmatidan chiqarilganligi toʻgʻrisidagi maʼlumotlar axborot modulida shakllantirib boriladi.

Bunda nogironligi boʻlgan shaxslar kunduzgi qarab turish xizmatidan chiqarilgan har bir holat boʻyicha tegishli nodavlat tashkilotlar bir ish kuni ichida ularning axborot modulidagi shaxsiy kabinetiga elektron xabarnoma yuborish orqali xabardor qilib boriladi.

3-bob. Kunduzgi qarab turish xizmatini moliyalashtirish

32. Xususiy sherik oʻz mablagʻlari hisobidan sotib olgan mol-mulkni qonunchilik hujjatlariga muvofiq tasarruf etadi.

33. Kunduzgi qarab turish xizmati qonunchilik hujjatlariga muvofiq uni tashkil etgan xususiy sherikning mablagʻlari hamda Jamgʻarmadan ajratiladigan subsidiya, oila aʼzosining toʻlovlari va qonunchilikda taqiqlanmagan boshqa manbalar hisobidan moliyalashtiriladi.

34. Kunduzgi qarab turish xizmatiga qabul qilingan har bir nogironligi boʻlgan shaxs toʻgʻrisidagi maʼlumotlar axborot moduliga kiritilganida hisobot oyida har bir nogironligi boʻlgan shaxsning haqiqatda qatnagan kunlari boʻyicha xususiy sherikka subsidiya ajratiladi.

35. Xususiy sherikka nogironligi boʻlgan shaxsga qarab turish xizmati koʻrsatilgan har bir kun uchun bazaviy hisoblash miqdorining 31 foizi miqdorida subsidiya ajratiladi.

Bunda xususiy sherikka biriktirilgan nogironligi boʻlgan shaxslar bir oy ichida kamida oʻn ish kuni davomida kunduzgi qarab turish xizmatidan foydalangan boʻlsa, ularning qolgan yetti ish kunigacha xizmatdan foydalanmagan kunlari uchun ham xususiy sherikka mazkur bandning birinchi xatboshisida nazarda tutilgan subsidiyaning 50 foizi miqdorida subsidiya ajratiladi.

36. Ushbu Nizomning 35-bandiga muvofiq subsidiya ajratishda viloyatlar markazlari va Nukus shahrida tashkil etilgan kunduzgi qarab turish xizmati uchun ajratiladigan subsidiya miqdorini belgilashda 1,1 nisbatda, Toshkent shahrida esa 1,3 nisbatda koʻpaytiruvchi koeffitsiyent qoʻllanadi.

37. Xususiy sherikka bir nafar nogironligi boʻlgan shaxsga qarab turish xizmatini koʻrsatganlik uchun ajratiladigan subsidiyaning oylik miqdori axborot modulida quyidagi formula asosida avtomatik hisob-kitob qilinadi:

KQTXS = KQTX * QKS;

KQTXS — kunduzgi qarab turish xizmatidagi bir nafar nogironligi boʻlgan shaxs xarajatlarini qoplash uchun subsidiyaning oylik summasi;

KQTX — kunduzgi qarab turish xizmatidagi bir nafar nogironligi boʻlgan shaxsning bir kunlik xarajatini qoplashga ajratiladigan subsidiyaning miqdori;

QKS — hisobot oyida har bir nogironligi boʻlgan shaxsning haqiqatda kunduzgi qarab turish xizmatiga qatnagan kunlari soni.

Bunda viloyatlar markazlari, Toshkent va Nukus shaharlarida kunduzgi qarab turish xizmatini tashkil etgan xususiy sherikka ajratiladigan subsidiyaning oylik miqdori KQTXS = KQTX *1,1 yoki 1,3 * QKS formulasi orqali, mazkur Nizomning 35-bandi ikkinchi xatboshisida nazarda tutilgan tartibda subsidiya ajratishda esa subsidiya miqdorini 50 foizga kamaytirish orqali hisob-kitob qilinadi.

38. Xususiy sherikka toʻlanadigan subsidiyani hisoblash har bir nogironligi boʻlgan shaxs toʻgʻrisidagi maʼlumotlar axborot moduliga kiritilgan kunning keyingi ish kunidan boshlanadi.

Bunda subsidiyaning miqdori kunduzgi qarab turish xizmatiga qabul qilingan nogironligi boʻlgan shaxslarning besh kunlik ish haftasidagi haqiqiy davomatidan kelib chiqqan holda axborot moduli orqali avtomatik ravishda hisoblanadi.

39. Subsidiya kunduzgi qarab turish xizmatida tashkil etilgan guruhga kamida 2 nafar nogironligi boʻlgan shaxs qabul qilinganidan soʻng hisobot oyida har bir nogironligi boʻlgan shaxsning haqiqatda xizmatdan foydalangan kunlari boʻyicha ajratiladi.

Biroq, kunduzgi qarab turish xizmatidan foydalanuvchi nogironligi boʻlgan shaxslarning oʻrtacha soni ketma-ket uch oy davomida 3 va undan kam boʻlgan taqdirda, subsidiya toʻlash toʻxtatiladi. Bunda kunduzgi qarab turish xizmatidan foydalanuvchi nogironligi boʻlgan shaxslarning oʻrtacha sonini aniqlashda kamida bir oyning uchdan bir qismida davomati belgilangan shaxslar inobatga olinadi.

40. Kunduzgi qarab turish xizmatiga qabul qilingan nogironligi boʻlgan shaxslarning haqiqiy davomatining hisobi maxsus qurilmalar yordamida jismoniy shaxsni biometrik identifikatsiya qilish texnologiyasi orqali yuritiladi.

41. Biometrik identifikatsiya qilish jarayoni kunduzgi qarab turish xizmatining rahbari yoki xodimlari tomonidan maxsus qurilmalar yordamida ushbu tashkilotning joylashuvi (geolokatsiyasi) hisobga olingan holda har ish kunida bir marotaba amalga oshiriladi.

42. Subsidiyaning oylik summalari avtomatik ravishda axborot modulida qayd etilgan nogironligi boʻlgan shaxslarning davomati asosida hisoblanadi hamda ushbu Nizomga ilovaga muvofiq namunadagi buyurtmanoma shakllanadi.

Bunda kunduzgi qarab turish xizmatining bitimda koʻrsatilgan manzilidan (joylashuvi boʻyicha geolokatsiyasi) boshqa joyda qayd etilgan nogironligi boʻlgan shaxslarning davomati axborot modulida hisobga olinmaydi.

43. Maxsus qurilmalardan Internet jahon axborot tarmogʻisiz (offlayn rejimda) foydalanilgan hollarda nogironligi boʻlgan shaxslar davomati boʻyicha qayd etilgan maʼlumotlar xususiy sherik tomonidan hisobot oyidan keyingi oyning 5-sanasidan kechikmasdan Internet jahon axborot tarmogʻiga ulangan holda (onlayn rejimda) offlayn rejimda kiritilgan maʼlumotlarni axborot moduliga uzatilishini (yangilanishini) taʼminlaydi.

Axborot moduliga maʼlumotlar oʻz vaqtida taqdim etilmaganda, shu jumladan, ushbu bandning birinchi xatboshisida nazarda tutilgan tartibda uzatilishini (yangilanishini) taʼminlamaganda xususiy sherikka subsidiya hisoblanmaydi va toʻlanmaydi.

44. Axborot modulida hisoblangan subsidiyaning toʻlov qaydnomasi va toʻlov topshiriqnomasi hisobot oyidan keyingi oyning 10-sanasiga qadar shakllantiriladi va Jamgʻarmaning maxsus gʻazna hisobvaragʻidan ikki ish kuni ichida Iqtisodiyot va moliya vazirligining axborot tizimlari orqali xususiy sherikning tijorat bankdagi hisobvaragʻiga avtomatik ravishda oʻtkaziladi.

45. Xususiy sherik nogironligi boʻlgan shaxslar toʻgʻrisidagi axborot moduliga kiritilgan maʼlumotlarning toʻgʻriligi va haqqoniyligi boʻyicha javobgar hisoblanadi.

46. Xususiy sherik tomonidan bir nogironligi boʻlgan shaxsning maʼlumotlari axborot moduliga kiritilib, uning fotosurati oʻrniga boshqa shaxsning fotosurati ushbu axborot moduliga joylashtirilganligi va uning asosida davomat belgilab kelinayotganligi aniqlanganda mazkur holat aniqlangan oydan boshlab uch oy davomida mazkur nogironligi boʻlgan shaxs uchun subsidiya hisoblanmaydi va toʻlanmaydi.

Bunday holat takroran aniqlanganda, ushbu xususiy sherik bilan tuzilgan bitim davlat sherigi tomonidan bir tomonlama bekor qilinadi va qayta tuzilmaydi.

47. Texnik yoki boshqa sabablarga koʻra hisobot oyida axborot modulida subsidiyaning ortiqcha yoki kam hisoblanganligi aniqlanganda, hisobot oyidan keyingi oyda ushbu subsidiya tegishli summalar qoʻshilgan yoki kamaytirilgan holda hisob-kitob qilinadi.

48. Yengib boʻlmaydigan kuch (fors-major) holatlari natijasida xususiy sherik tomonidan nogironligi boʻlgan shaxslarning davomatini axborot moduliga kiritishning imkoniyati boʻlmagan hollarda, oylik davomatni belgilash uchun axborot modulida qayd etilgan nogironligi boʻlgan shaxslarning soʻnggi 5 kunlikdagi oʻrtacha davomat koʻrsatkichi asosida hisob-kitob qilinadi va toʻlab beriladi.

Bunda xususiy sherik qonunchilik hujjatlariga muvofiq yengib boʻlmaydigan kuch (fors-major) holatlari yuz berganligini tasdiqlovchi vakolatli organ tomonidan beriladigan sertifikatni tegishliligi boʻyicha “Inson” markaziga taqdim etishi lozim.

49. Texnik nosozlik sababli axborot modulining mobil ilovasi yoki maxsus qurilmalar yordamida nogironligi boʻlgan shaxslarni biometrik identifikatsiya qilish imkoni boʻlmagan hollarda, xususiy sherik mazkur holat yuzasidan darhol oʻsha hududdagi “Inson” markazini xabardor qiladi. Bunda nogironligi boʻlgan shaxslarning uch kundan ortiq boʻlmagan muddatdagi davomati “Inson” markazi tomonidan toʻldiriladigan nogironligi boʻlgan shaxslarning qatnovi dalolatnomasi asosida amalga oshiriladi.

50. “Inson” markazi texnik nosozlik sababli toʻldirilgan nogironligi boʻlgan shaxslarning qatnovi dalolatnomasini hisobot oyidan keyingi oyning 5-sanasidan kechikmasdan axborot moduliga kiritish uchun tegishli hududiy boshqarmaga taqdim etadi.

4-bob. Yakunlovchi qoidalar

51. Kunduzgi qarab turish xizmatini boshqarish uni tashkil etgan xususiy sherik tomonidan amalga oshiriladi.

52. Kunduzgi qarab turish xizmatini tashkil etish, xususiy sherik bilan bitim tuzish, kunduzgi qarab turish xizmatiga nogironligi boʻlgan shaxslarni qabul qilish hamda chiqarish jarayonlari “Inson” markazi, hududiy boshqarma va Agentlik huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi tomonidan doimiy ravishda monitoring qilib boriladi. Bunda monitoring jarayonida:

aniqlangan texnik xato va kamchiliklarni uch ish kuni ichida bartaraf etish toʻgʻrisida xususiy sherikka axborot moduli orqali xabarnoma yuboriladi;

mazkur Nizom talablariga lozim darajada rioya etilmayotganligi yoki Nizom talablari buzilganligi aniqlangan hollarda Ijtimoiy inspeksiya axborot moduli orqali darhol xabardor qilinadi.

53. Ushbu Nizom talablariga rioya etilishi Ijtimoiy inspeksiya hamda uning Qoraqalpogʻiston Respublikasi, viloyatlar va Toshkent shahri boshqarmalari tomonidan nazorat qilib boriladi.

54. Xususiy sherik bilan tuzilgan bitim hududiy boshqarma tomonidan quyidagi hollarda bir tomonlama bekor qilinadi:

kunduzgi qarab turish xizmati tomonidan bir nogironligi boʻlgan shaxsning maʼlumotlari axborot moduliga kiritilib, uning fotosurati oʻrniga boshqa shaxsning fotosurati ushbu axborot moduliga joylashtirilganligi va uning asosida davomati belgilanib kelinayotganligi takroran aniqlanganda;

YTT boʻlgan xususiy sherik ozodlikdan mahrum etilganda, bedarak yoʻqolgan deb topilganda yoki vafot etganida (vafot etgan deb eʼlon qilinganda);

xususiy sherik — yuridik shaxs faoliyati tugatilganda;

xususiy sherik qonunchilik hujjatlarida belgilangan tartibda toʻlovga qobiliyatsiz deb topilganda;

xususiy sherik ushbu Nizom hamda bitimda koʻrsatilgan oʻz majburiyatlarini bajarmagan taqdirda.

55. Kunduzgi qarab turish xizmatini tashkil etgan xususiy sherik tomonidan hududiy boshqarma bilan tuzilgan davlat-xususiy sheriklik toʻgʻrisidagi bitimga oʻzgartirish va qoʻshimchalar kiritish yoki uni bekor qilish yuzasidan ariza axborot moduliga elektron shaklda yuboriladi.

56. Bitim muddatini uzaytirish boʻyicha ariza xususiy sherik tomonidan amaldagi bitim muddati tugashidan kamida bir oy oldin axborot moduli orqali elektron shaklda yuboriladi.

57. Bitimning muddatini uzaytirish, faoliyat manzilini oʻzgartirish, kunduzgi qarab turish xizmati quvvatini kamaytirish yoki oshirish ushbu Nizomda belgilangan tartibda amalga oshiriladi.

58. Bitimni bekor qilish boʻyicha ariza taraflar tomonidan elektron shaklda axborot moduliga kiritiladi. Bunda arizaga elektron raqamli imzo qoʻyilgan bitimni bekor qilish boʻyicha qoʻshimcha kelishuv ilova qilinadi.

Bitimni bekor qilish boʻyicha ariza axborot moduliga kiritilgan kundan boshlab uch ish kunida taraflar tomonidan koʻrib chiqilishi lozim.

59. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

“Yangi kun” kunduzgi qatnov asosida qarab turish xizmatini tashkil etish tartibi toʻgʻrisidagi nizomga ILOVA

NAMUNA 20___ yil __________ oyi uchun “__________” ijtimoiy xizmatga qabul qilingan har bir shaxs uchun subsidiya olishga BUYURTMANOMA Yuridik shaxs STIRi, yakka tartibdagi tadbirkor biometrik pasport maʼlumoti ______________________________________________ Hudud nomi ______________________________________________ Tuman (shahar) nomi ______________________________________________ MFY nomi ______________________________________________ Uy raqami ______________________________________________ T/r Xizmatdan foydalanuvchi toʻgʻrisida maʼlumotlar Hisobot oyida F.I.O. Tugʻilgan sanasi Biometrik pasport (identifikatsiyalovchi ID-karta) seriyasi va raqami Xizmatdan foydalanuvchining ijtimoiy xizmatga qatnagan kunlari soni Subsidiyaning qatʼiy kunlik miqdori Xizmatdan foydalanuvchi uchun ajratiladigan va toʻlanadigan subsidiya summasi (4 ust*5 ust) a 1 2 3 4 5 6 1. 2. ... JAMI: X X

Vazirlar Mahkamasining 2026-yil 21-maydagi 271-son qaroriga 6-ILOVA

Uy sharoitida qarab turish xizmatini tashkil etish tartibi toʻgʻrisida

1-bob. Umumiy qoidalar

1. Ushbu Nizom tugʻilganidan boshlab 18 yoshgacha boʻlgan uzoq muddat parvarishga muhtoj bolalar va ruhiy holati buzilgan I va II guruh nogironligi boʻlgan shaxslar (keyingi oʻrinlarda — xizmatdan foydalanuvchilar) uchun uy sharoitida qarab turish xizmatini davlat-xususiy sheriklik shartlari asosida tashkil etish, boshqarish, nazorat qilish hamda moliyalashtirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

axborot moduli — davlat-xususiy sheriklik loyihasi asosida faoliyat yuritayotgan uy sharoitida qarab turish xizmati haqidagi maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

davlat-xususiy sheriklik — davlat sherigi va xususiy sherikning muayyan muddatga yuridik jihatdan rasmiylashtirilgan, xizmatdan foydalanuvchilar uchun uy sharoitida qarab turish xizmatini koʻrsatish uchun oʻz resurslarini birlashtirishiga asoslangan hamkorligi;

davlat-xususiy sheriklik toʻgʻrisidagi bitim — uch yil muddatga tomonlarning huquqlari, majburiyatlari va javobgarligini, shuningdek, davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik oʻrtasida tuzilgan shartnoma (keyingi oʻrinlarda — bitim);

davlat sherigi — Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarma);

Ijtimoiy-psixiatrik-tibbiy komissiya — tuman (shahar)lardagi “Inson” ijtimoiy xizmatlar markazlari (keyingi oʻrinlarda — “Inson” markazi) tomonidan ruhiy holati buzilgan I va II guruh nogironligi boʻlgan shaxslarni uy sharoitida qarab turish xizmatiga yoʻnaltirish uchun taqdim etilgan hujjatlarni oʻrganib chiqish hamda ularni ijtimoiy-psixiatrik-tibbiy tekshiruvdan oʻtkazish maqsadida hududiy boshqarma huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

Psixologik-tibbiy-pedagogik komissiya — tugʻilganidan boshlab 18 yoshgacha boʻlgan uzoq muddat parvarishga muhtoj bolalarni uy sharoitida qarab turish xizmatiga yoʻnaltirish uchun taqdim etilgan hujjatlarni oʻrganib chiqish hamda ularni psixologik-tibbiy-pedagogik tekshiruvdan oʻtkazish maqsadida hududiy boshqarma huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

oila aʼzosi — ota-ona, turmush oʻrtoq, farzandlar hamda umumiy roʻzgʻor asosida bir uyda yashovchi boshqa shaxslar;

talabgor — davlat-xususiy sheriklik loyihasini amalga oshirishdan manfaatdor boʻlgan yakka tartibdagi tadbirkor (keyingi oʻrinlarda — YTT) yoki yuridik shaxs;

uy sharoitida qarab turish xizmati — xizmatdan foydalanuvchilarga xususiy sherik tomonidan ularning yashash joyiga borgan holda uy sharoitida qarab turish va parvarishga qaratilgan ijtimoiy xizmat;

xususiy sherik — davlat sherigi bilan bitim tuzgan YTT yoxud yuridik shaxs.

3. Quyidagilar uy sharoitida qarab turish xizmatining asosiy vazifalari hisoblanadi:

a) tugʻilganidan boshlab 18 yoshgacha boʻlgan uzoq muddat parvarishga muhtoj bolalar (keyingi oʻrinlarda — parvarishga muhtoj bola)ga uy sharoitida qarab turishda:

parvarishga muhtoj bolaga qarab turish va parvarish qilish;

parvarishga muhtoj bolaning umumiy holati va sogʻligʻini hamda dori vositalari va ovqatini oʻz vaqtida isteʼmol qilishini nazorat qilish;

gigiyena tadbirlarini amalga oshirish;

parvarishga muhtoj bola bilan muloqot qilish va qoʻllab-quvvatlash;

parvarishga muhtoj bolaning oila aʼzolariga zarur maslahatlarni berib borish;

b) ruhiy holati buzilgan I va II guruh nogironligi boʻlgan shaxslar (keyingi oʻrinlarda — nogironligi boʻlgan shaxs)ga uy sharoitida qarab turishda:

nogironligi boʻlgan shaxsga qarab turish (yiqilish va jarohatlanishlarning oldini olish);

nogironligi boʻlgan shaxsni parvarishlash (ovqatlantirish, gigiyenik tadbirlarni amalga oshirish);

nogironligi boʻlgan shaxs bilan muloqot qilish;

tyutorlik (shaxsni oʻz-oʻziga xizmat qilishga oʻrgatish va mustaqil yashash koʻnikmalarini shakllantirish).

Xususiy sherik tomonidan uy sharoitida qarab turish xizmatida xizmatdan foydalanuvchilarni reabilitatsiya qilish va ularning ijtimoiylashuviga qaratilgan boshqa vazifalarni amalga oshirish boʻyicha tadbirlar yoʻlga qoʻyilishi mumkin.

4. Xizmatdan foydalanuvchilarga uy sharoitida qarab turish xizmati xususiy sherik tomonidan bitimning amal qilish davrida 5 kunlik ish haftasida 08:00 dan 18:00 gacha boʻlgan vaqt oraligʻida kuniga 3 soatgacha xizmatdan foydalanuvchilarning yashash joyiga borgan holda koʻrsatiladi.

Bunda xususiy sherikning bir nafar xodimi tomonidan bir ish kuni mobaynida koʻpi bilan uch nafargacha xizmatdan foydalanuvchilarga xizmat koʻrsatishiga yoʻl qoʻyiladi.

5. Xususiy sherik joylashgan yoki uning xodimi yashaydigan manzil xizmatdan foydalanuvchilarning yashash manzili bilan bir xil boʻlishiga yoʻl qoʻyilmaydi.

6. Xizmatdan foydalanuvchilarning oila aʼzosi va xususiy sherik oʻrtasida mustaqil ravishda tuziladigan shartnoma asosida xizmatdan foydalanuvchilarga qoʻshimcha xizmatlar, shu jumladan, dam olish kunlarida xizmatlar koʻrsatilishi mumkin.

7. Uy sharoitida qarab turish xizmati ushbu Nizomga 1-ilovaga muvofiq tibbiy koʻrsatmalarning biri boʻyicha kasallik tashxisi qoʻyilgan xizmatdan foydalanuvchilarga koʻrsatiladi.

8. Uy sharoitida qarab turish xizmatining xarajatlari Agentlikning Ijtimoiy himoya davlat jamgʻarmasi (keyingi oʻrinlarda — Jamgʻarma)dan ajratiladigan mablagʻlar hisobidan xususiy sherikka subsidiya shaklida qoplab beriladi.

2-bob. Uy sharoitida qarab turish xizmatini tashkil etish tartibi

1-§. Davlat-xususiy sheriklik toʻgʻrisida bitim tuzish

9. Hududiy boshqarma har chorakda kamida bir marta oʻzlarining ijtimoiy tarmoqlardagi rasmiy sahifalarida, shuningdek, Agentlikning rasmiy veb-saytida hamda ijtimoiy tarmoqlardagi rasmiy sahifalarida parvarishga muhtoj bolalar va nogironligi boʻlgan shaxslar toʻgʻrisidagi maʼlumotlar asosida ehtiyojdan kelib chiqqan holda uy sharoitida qarab turish xizmatini tashkil etish boʻyicha eʼlon berib boradi.

Bunda uy sharoitida qarab turish xizmatini tashkil etish istagida boʻlgan talabgor oʻsha hududdagi “Inson” ijtimoiy xizmatlar markazi (keyingi oʻrinlarda — “Inson” markazi)dan uy sharoitida qarab turish xizmatiga yoʻnaltirilishi mumkin boʻlgan parvarishga muhtoj bolalar va nogironligi boʻlgan shaxslarning yoshi, soni va jinsi, shuningdek, uy sharoitida qarab turish xizmatini tashkil etishda davlat-xususiy sheriklik shartlari haqida maʼlumot oladi.

10. Talabgor uy sharoitida qarab turish xizmatini tashkil etish istagini bildirgan taqdirda, bitimni tuzish uchun tegishli hududiy boshqarmaga axborot moduli orqali quyidagi maʼlumotlarni oʻz ichiga olgan elektron shakldagi ariza bilan murojaat qiladi:

YTT uchun biometrik pasport (identifikatsiyalovchi ID-karta) maʼlumotlari;

yuridik shaxs uchun soliq toʻlovchining identifikatsiya raqami;

aloqa uchun elektron pochta manzili va (yoki) mobil telefon raqami.

Talabgor axborot moduliga kiritiladigan maʼlumotlarning ishonchliligi uchun shaxsan javobgar boʻladi.

11. Ariza axborot moduli orqali shakllantirilganidan soʻng talabgorga arizada koʻrsatilgan elektron pochta va (yoki) mobil telefon raqamiga arizaning ID-raqami, ariza qabul qilingan sana va vaqti koʻrsatilgan holda xabar joʻnatiladi.

12. Mazkur Nizomning 10-bandida koʻrsatilgan hujjatlar axborot moduli orqali kelib tushganidan soʻng besh ish kuni mobaynida “Inson” markazi tomonidan:

talabgor jismoniy shaxsning ruhiy yoki narkologiya kasalliklari dispanserlarida hisobda turish-turmasligini aniqlanadi;

uy sharoitida qarab turish xizmatini tashkil etish rejalashtirilayotgan hududda ushbu xizmatga yoʻnaltirilishi mumkin boʻlgan nogironligi boʻlgan shaxslarning mavjudligi boʻyicha maʼlumotlarni oʻrganiladi.

Mazkur bandda nazarda tutilgan chora-tadbirlarni amalga oshirish yakuni boʻyicha uy sharoitida qarab turish xizmatini tashkil etishning maqsadga muvofiqligi yuzasidan taklif tayyorlanib, “Inson” markazi direktorining elektron raqamli imzosi bilan tasdiqlanadi hamda tegishli hududiy boshqarmaga axborot tizimi orqali yuboriladi.

13. Hududiy boshqarma mazkur Nizomning 10 va 12-bandlarida nazarda tutilgan hujjatlar axborot moduli orqali kelib tushganidan soʻng oʻn ish kuni mobaynida uy sharoitida qarab turish xizmatiga subsidiya ajratish uchun tegishli moliya yilida Jamgʻarmadan ajratiladigan mablagʻlar hajmini hisobga olgan holda uy sharoitida qarab turish xizmatini tashkil etishga ehtiyoj mavjudligi yoki mavjud emasligi boʻyicha xulosa tayyorlaydi va axborot moduliga kiritadi.

Hududiy boshqarmalar tomonidan uy sharoitida qarab turish xizmatini tashkil etilishiga ehtiyoj mavjudligi boʻyicha ijobiy xulosa axborot moduliga kiritilganidan soʻng bitim axborot modulida avtomatik ravishda shakllanadi hamda ushbu bitim imzolash uchun talabgorga elektron shaklda joʻnatiladi.

14. Quyidagi holatlarda ariza rad etiladi:

talabgor jismoniy shaxsning ruhiy yoki narkologiya kasalliklari dispanserlarida hisobda turishi aniqlanganda;

belgilangan xarajatlar uy sharoitida qarab turish xizmatiga subsidiya ajratish uchun tegishli moliya yilida nazarda tutilgan mablagʻlar hajmidan oshib ketganda;

tashkil etilishi koʻzda tutilgan hududda uy sharoitida qarab turish xizmatini koʻrsatishga ehtiyoj mavjud emasligi aniqlanganda.

Ushbu bandda nazarda tutilmagan boshqa asoslarga koʻra arizani rad etish taqiqlanadi.

15. Uy sharoitida qarab turish xizmatini tashkil etish toʻgʻrisidagi ariza rad etilganda, talabgorga uning aniq sabablari koʻrsatilgan holda, arizadagi elektron pochta manziliga yoki mobil telefon raqamiga xabar yuborish orqali talabgor xabardor qilinadi.

16. Talabgor axborot moduli orqali taqdim etilgan bitimni oʻn besh ish kuni ichida koʻrib chiqadi va unda belgilangan shartlarga rozi boʻlganida, unga elektron imzo qoʻyadi.

Talabgor oʻn besh ish kuni ichida bitimni imzolamasa, uning arizasi bekor qilinadi, bunda bitimni imzolash zarurati mavjud boʻlganida, ariza talabgor tomonidan yangidan axborot moduliga kiritilishi talab etiladi.

Talabgor tomonidan imzolangan bitim avtomatik ravishda tegishli hududiy boshqarmaga imzolash uchun yuboriladi. Bunda hududiy boshqarma tomonidan ushbu bitimga besh ish kuni mobaynida imzo qoʻyilishi lozim.

17. Xususiy sherik hududiy boshqarma bilan bitimni tuzgan kundan keyingi ish kunidan boshlab faoliyatini boshlash huquqiga ega boʻladi. Bunda:

xususiy sherik axborot moduliga kirgan holda unda koʻrsatilgan ommaviy oferta talablari va shartlari bilan tanishib, ushbu axborot modulidan foydalanish boʻyicha oʻz roziligini bildirishi va elektron raqamli imzosi bilan tasdiqlashi talab etiladi;

axborot moduli orqali oferta tasdiqlanganda, xususiy sherik uchun ushbu axborot modulida shaxsiy kabinet ochiladi.

18. Uy sharoitida qarab turish xizmatida mehnat faoliyatini amalga oshirayotgan shaxslar Agentlik huzuridagi Ijtimoiy himoya tizimi xodimlarining malakasini oshirish markazida majburiy ravishda uch yilda kamida bir marta 36 soatdan kam boʻlmagan oʻquv dasturi asosida onlayn va (yoki) oflayn shaklda malaka oshiradi.

Bunda uy sharoitida qarab turish xizmatiga birinchi marta ishga qabul qilinayotgan shaxslar ikki oy ichida malaka oshirish kursidan oʻtishi lozim.

2-§. Uy sharoitida qarab turish xizmatiga parvarishga muhtoj bolalar va nogironligi boʻlgan shaxslarni qabul qilish hamda chiqarish

19. “Inson” markazi psixologik-tibbiy-pedagogik komissiya yoki ijtimoiy-psixiatrik-tibbiy komissiyaning tekshiruvi natijasida uy sharoitida qarab turish xizmatiga yoʻnaltirishga berilgan xulosaga muvofiq xizmatdan foydalanuvchilarning oila aʼzolariga uy sharoitida qarab turish xizmatidan foydalanishni taklif qiladi.

Uy sharoitida qarab turish xizmatidan foydalanish istagini bildirgan xizmatdan foydalanuvchilarning oila aʼzolariga uy sharoitida qarab turish xizmati va undan foydalanish shartlari toʻgʻrisida maʼlumot beradi.

20. Xizmatdan foydalanuvchining oila aʼzosi uy sharoitida qarab turish xizmatidan foydalanish istagini bildirgan taqdirda “Inson” markaziga murojaat qiladi.

Bunda “Inson” markazi xizmatdan foydalanuvchini uning oila aʼzosi tanlovi asosida xususiy sherikni xabardor qilgan holda axborot moduli orqali uch ish kuni ichida uy sharoitida qarab turish xizmatiga biriktiradi.

21. Uy sharoitida qarab turish xizmatini koʻrsatish quyidagi asoslardan biri boʻlganda tugatiladi:

oila aʼzolarining arizasi;

sogʻliqni saqlash tizimi muassasalarining tibbiy koʻrsatmalari;

psixologik-tibbiy-pedagogik komissiya yoki ijtimoiy-psixiatrik-tibbiy komissiyaning xulosasida koʻrsatilgan uy sharoitida qarab turish muddatining tugashi;

bitimning bekor qilinishi;

xizmatdan foydalanuvchining vafot etishi.

Ushbu bandda nazarda tutilgan holatlar yuzaga kelganligi axborot moduli tomonidan oʻrganib boriladi.

22. Mazkur Nizomning 21-bandiga muvofiq uy sharoitida qarab turish xizmatini koʻrsatish tugatilganligi toʻgʻrisidagi maʼlumotlar axborot modulida shakllantirib boriladi.

Bunda xizmatdan foydalanuvchilar uy sharoitida qarab turish xizmatini koʻrsatish tugatilgan har bir holat boʻyicha tegishli nodavlat tashkilotlar bir ish kuni ichida ularning axborot modulidagi shaxsiy kabinetiga elektron xabarnoma yuborish orqali xabardor qilib boriladi.

3-bob. Uy sharoitida qarab turish xizmatini moliyalashtirish

23. Xususiy sherik oʻz mablagʻlari hisobidan sotib olgan mol-mulkni qonunchilik hujjatlariga muvofiq tasarruf etadi.

24. Uy sharoitida qarab turish xizmati qonunchilik hujjatlariga muvofiq uni tashkil etgan xususiy sherikning mablagʻlari, Jamgʻarmadan ajratiladigan subsidiya, oila aʼzolarining toʻlovlari va qonunchilik hujjatlarida taqiqlanmagan boshqa manbalar hisobidan moliyalashtiriladi.

25. Uy sharoitida qarab turish xizmatiga qabul qilingan har bir xizmatdan foydalanuvchi toʻgʻrisidagi maʼlumotlar axborot moduliga kiritilganida hisobot oyida har bir xizmatdan foydalanuvchiga haqiqatda xizmat koʻrsatilgan kunlari soni va undagi soatlar boʻyicha xususiy sherikka subsidiya ajratiladi.

26. Xususiy sherikka xizmatdan foydalanuvchiga uy sharoitida qarab turish xizmati koʻrsatilgan har bir soati uchun bazaviy hisoblash miqdorining 10 foizi miqdorida subsidiya ajratiladi.

27. Ushbu Nizomning 26-bandiga muvofiq subsidiya ajratishda viloyatlar markazlari va Nukus shahrida tashkil etilgan uy sharoitida qarab turish xizmati uchun ajratiladigan subsidiya miqdorini belgilashda 1,1 nisbatda, Toshkent shahrida esa 1,3 nisbatda koʻpaytiruvchi koeffitsiyent qoʻllanadi.

28. Xususiy sherikka bir nafar xizmatdan foydalanuvchiga uy sharoitida qarab turish xizmatini koʻrsatganlik uchun ajratiladigan subsidiyaning oylik miqdori axborot modulida quyidagi formula asosida avtomatik hisob-kitob qilinadi:

USHQTXS = USHQTX * QKSSD;

USHQTXS — uy sharoitida qarab turish xizmatidagi bir nafar xizmatdan foydalanuvchi xarajatlarini qoplash uchun subsidiyaning oylik summasi;

USHQTX — uy sharoitida qarab turish xizmatidagi bir nafar xizmatdan foydalanuvchiga koʻrsatilgan xizmatning har bir soati uchun belgilangan xarajatni qoplashga ajratiladigan subsidiyaning miqdori;

QKSSD — hisobot oyida bir nafar xizmatdan foydalanuvchining haqiqatda uy sharoitida qarab turish xizmati koʻrsatilgan kunlari soni va undagi soatlar davomiyligi.

Bunda viloyatlar markazlari, Toshkent va Nukus shaharlarida uy sharoitida qarab turish xizmatini tashkil etgan xususiy sherikka ajratiladigan subsidiyaning oylik miqdori USHQTXS = USHQTX *1,1 yoki 1,3 * QKSSD formulasi orqali hisob-kitob qilinadi.

29. Xususiy sherikka toʻlanadigan subsidiyani hisoblash har bir xizmatdan foydalanuvchi toʻgʻrisidagi maʼlumotlar axborot moduliga kiritilgan kunning keyingi ish kunidan boshlanadi.

Bunda subsidiyaning miqdori uy sharoitida qarab turish xizmatiga qabul qilingan xizmatdan foydalanuvchining besh kunlik ish haftasidagi haqiqiy davomatidan kelib chiqqan holda axborot moduli orqali avtomatik ravishda hisoblanadi.

30. Uy sharoitida qarab turish xizmatiga qabul qilingan xizmatdan foydalanuvchilarni haqiqiy davomatining hisobi maxsus qurilmalar yordamida jismoniy shaxsni biometrik identifikatsiya qilish texnologiyasi orqali yuritiladi.

31. Biometrik identifikatsiya qilish jarayoni uy sharoitida qarab turish xizmatining rahbari yoki xodimlari tomonidan maxsus qurilmalar yordamida xizmatdan foydalanuvchilarning yashash manzilini (geolokatsiyasi) hisobga olingan holda xizmat koʻrsatgan kunida bir marotaba amalga oshiriladi.

32. Subsidiyaning oylik summalari avtomatik ravishda axborot modulida qayd etilgan xizmatdan foydalanuvchilarning davomati asosida hisoblanadi hamda ushbu Nizomga 2-ilovaga muvofiq namunadagi buyurtmanoma shakllanadi.

Bunda uyda qarab turish xizmatini koʻrsatish soʻrovnomada koʻrsatilgan xizmatdan foydalanuvchi yashaydigan manzilidan (joylashuvi boʻyicha geolokatsiyasi) boshqa joyda qayd etilgan xizmatdan foydalanuvchilarning davomati axborot modulida hisobga olinmaydi.

33. Maxsus qurilmalardan Internet jahon axborot tarmogʻisiz (offlayn rejimda) foydalanilgan hollarda xizmatdan foydalanuvchilarning davomati boʻyicha qayd etilgan maʼlumotlar xususiy sherik tomonidan hisobot oyidan keyingi oyning 5-sanasidan kechikmasdan Internet jahon axborot tarmogʻiga ulangan holda (onlayn rejimda) offlayn rejimda kiritilgan maʼlumotlarni axborot moduliga uzatilishini (yangilanishini) taʼminlaydi.

Axborot moduliga maʼlumotlar oʻz vaqtida taqdim etmaganda, shu jumladan, ushbu bandning birinchi xatboshisida nazarda tutilgan tartibda uzatilishini (yangilanishini) taʼminlamaganda xususiy sherikka subsidiya hisoblanmaydi va toʻlanmaydi.

34. Axborot modulida hisoblangan subsidiyaning toʻlov qaydnomasi va toʻlov topshiriqnomasi hisobot oyidan keyingi oyning 10-sanasiga qadar shakllantiriladi va Jamgʻarmaning maxsus gʻazna hisobvaragʻidan ikki ish kuni ichida Iqtisodiyot va moliya vazirligining axborot tizimlari orqali xususiy sherikning tijorat bankdagi hisobvaragʻiga avtomatik ravishda oʻtkaziladi.

35. Xususiy sherik tomonidan bir xizmatdan foydalanuvchining maʼlumotlari axborot moduliga kiritilib, uning fotosurati oʻrniga boshqa shaxsning fotosurati ushbu axborot moduliga joylashtirilganligi va uning asosida davomat belgilab kelinayotganligi aniqlanganda mazkur holat aniqlangan oydan boshlab uch oy davomida mazkur xizmatdan foydalanuvchi uchun subsidiya hisoblanmaydi va toʻlanmaydi.

Bunday holat takroran aniqlanganda, ushbu xususiy sherik bilan tuzilgan bitim davlat sherigi tomonidan bir tomonlama bekor qilinadi va qayta tuzilmaydi.

36. Texnik yoki boshqa sabablarga koʻra hisobot oyida axborot modulida subsidiyaning ortiqcha yoki kam hisoblanganligi aniqlanganda, hisobot oyidan keyingi oyda ushbu subsidiya tegishli summalar qoʻshilgan yoki kamaytirilgan holda hisob-kitob qilinadi.

37. Yengib boʻlmaydigan kuch (fors-major) holatlari natijasida xususiy sherik tomonidan xizmatdan foydalanuvchilarning davomatini axborot moduliga kiritishning imkoniyati boʻlmagan hollarda, oylik davomatni belgilash uchun axborot modulida qayd etilgan xizmatdan foydalanuvchilarning soʻnggi 5 kunlikdagi oʻrtacha davomat koʻrsatkichi asosida hisob-kitob qilinadi va toʻlab beriladi.

Bunda xususiy sherik qonunchilik hujjatlariga muvofiq yengib boʻlmaydigan kuch (fors-major) holatlari yuz berganligini tasdiqlovchi vakolatli organ tomonidan beriladigan sertifikatni tegishliligi boʻyicha “Inson” markaziga taqdim etishi lozim.

38. Texnik nosozlik sababli axborot modulining mobil ilovasi yoki maxsus qurilmalar yordamida tarbiyalanuvchilarni biometrik identifikatsiya qilish imkoni boʻlmagan hollarda, xususiy sherik mazkur holat yuzasidan darhol oʻsha hududdagi “Inson” markazini xabardor qiladi. Bunda xizmatdan foydalanuvchilarning uch kundan ortiq boʻlmagan muddatdagi davomati “Inson” markazi tomonidan toʻldiriladigan xizmatdan foydalanuvchilarning qatnovi dalolatnomasi asosida amalga oshiriladi.

39. “Inson” markazi texnik nosozlik sababli toʻldirilgan xizmatdan foydalanuvchilarning qatnovi dalolatnomasini hisobot oyidan keyingi oyning 5-sanasidan kechikmasdan axborot moduliga kiritish uchun tegishli hududiy boshqarmaga taqdim etadi.

4-bob. Yakunlovchi qoidalar

40. Uy sharoitida qarab turish xizmatini boshqarish uni tashkil etgan xususiy sherik tomonidan amalga oshiriladi.

41. Uy sharoitida qarab turish xizmatini tashkil etish, xususiy sherik bilan bitim tuzish, uy sharoitida qarab turish xizmatiga xizmatdan foydalanuvchilarni qabul qilish hamda chiqarish jarayonlari “Inson” markazi, hududiy boshqarma va Agentlik huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi tomonidan doimiy ravishda monitoring qilib boriladi. Bunda monitoring jarayonida:

aniqlangan texnik xato va kamchiliklarni uch ish kuni ichida bartaraf etish toʻgʻrisida xususiy sherikka axborot moduli orqali xabarnoma yuboriladi;

mazkur Nizom talablariga lozim darajada rioya etilmayotganligi yoki Nizom talablari buzilganligi aniqlangan hollarda Ijtimoiy inspeksiya axborot moduli orqali darhol xabardor qilinadi.

42. Ushbu Nizom talablariga rioya etilishi Ijtimoiy inspeksiya hamda uning Qoraqalpogʻiston Respublikasi, viloyatlar va Toshkent shahri boshqarmalari tomonidan nazorat qilib boriladi.

43. Xususiy sherik bilan tuzilgan davlat-xususiy bitim hududiy boshqarma tomonidan quyidagi hollarda bir tomonlama bekor qilinadi:

uy sharoitida qarab turish xizmati tomonidan bir nogironligi boʻlgan shaxsning maʼlumotlari axborot moduliga kiritilib, uning fotosurati oʻrniga boshqa nogironligi boʻlgan shaxsning fotosurati ushbu axborot moduliga joylashtirilganligi va uning asosida davomati belgilanib kelinayotganligi takroran aniqlanganda;

YTT boʻlgan xususiy sherik ozodlikdan mahrum etilganda, bedarak yoʻqolgan deb topilganda yoki vafot etganida (vafot etgan deb eʼlon qilinganda);

xususiy sherik — yuridik shaxs faoliyati tugatilganda;

xususiy sherik qonunchilik hujjatlarida belgilangan tartibda toʻlovga qobiliyatsiz deb topilganda;

xususiy sherik ushbu Nizom hamda bitimda koʻrsatilgan oʻz majburiyatlarini bajarmagan taqdirda.

44. Uy sharoitida qarab turish xizmatini tashkil etgan xususiy sherik tomonidan hududiy boshqarma bilan tuzilgan bitimga oʻzgartirish va qoʻshimchalar kiritish yoki uni bekor qilish yuzasidan ariza axborot moduliga elektron shaklda yuboriladi.

45. Bitim muddatini uzaytirish boʻyicha ariza xususiy sherik tomonidan amaldagi bitim muddati tugashidan kamida bir oy oldin axborot moduli orqali elektron shaklda yuboriladi.

46. Bitim muddatini uzaytirish ushbu Nizomda belgilangan tartibda amalga oshiriladi.

47. Bitimni bekor qilish boʻyicha ariza taraflar tomonidan elektron shaklda axborot moduliga kiritiladi. Bunda arizaga elektron raqamli imzo qoʻyilgan bitimni bekor qilish boʻyicha qoʻshimcha kelishuv ilova qilinadi.

Bitimni bekor qilish boʻyicha ariza axborot moduliga kiritilgan kundan boshlab uch ish kunida taraflar tomonidan koʻrib chiqilishi lozim.

48. Xususiy sherik axborot moduliga nogironligi boʻlgan shaxslar toʻgʻrisida kiritilgan maʼlumotlarning toʻgʻriligi va haqqoniyligi boʻyicha javobgar hisoblanadi.

49. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Uy sharoitida qarab turish xizmatini tashkil etish tartibi toʻgʻrisidagi nizomga 1-ILOVA

Uy sharoitida qarab turish xizmatiga yoʻnaltirish uchun asos boʻladigan tibbiy koʻrsatmalar

T/r Kasallik nomi Xalqaro kasalliklar tasnifi (XKT-10) Parvarishga muhtojlik mezoni I. Uzoq muddat parvarishga muhtoj bolalar uchun 1. Onkologik kasalliklar (xavfli oʻsmalar) 1. Xavfli oʻsmalar C00 — C97 Terminal bosqichlar (IV bosqich), koʻplab metastazlar, barcha oʻsmaga qarshi imkoniyatlarning tugashi 2. Qaytalanuvchi va refrakter oʻsmalar C00 — C97 Terapiyaga javob bermaydi, kuchli ogʻriq sindromi, intoksikatsiya, holdan toyish 3. Onkogematologik kasalliklar C81 — C96 Oʻtkir leykozlar, qaytalanuvchi limfomalar, suyak koʻmigini koʻchirib oʻtkaza olmaslik 2. Nevrologik kasalliklar 4. Progressiv neyrodegenerativ kasalliklar G30 — G32, G35, G37, G60 — G64 Katta motor funksiyalarni, soʻz va yugʻirish qobiliyatini yoʻqotish; doimiy parvarish talab etiladi 5. Bolalar serebral falaji (BSF) (jiddiy shakl) G80.0 — G80.9 GMFCS V, kontrakturalar, skolioz, epilepsiya, surunkali nafas yetishmovchiligi, gastrostomiya 6. Postgipoksik bosh miya shikastlanishi P91.*, G93.4 Vegetativ holat, minimal ong, zondli oziqlanish, takroriy pnevmoniyalar 7. Sindrom Retta F84.2 Kech bosqichlar, yurish va soʻz qobiliyatini yoʻqotish, epilepsiya, nafas yetishmovchiligi 8. Ley kasalligi, mitoxondrial ensefalopatiyalar G31.8, G31.9 Progressirlovchi mushak kuchsizligi, nafas yetishmovchiligi, hayotiy markazlarning zararlanishi 9. Leykodistrofiyalar E75.2 Koʻrish, eshitish, motor va kognitiv funksiyalarni yoʻqotish 3. Genetik va asab-mushak kasalliklari 10. Orqa miya mushak atrofiyasi G12.0-G12.1 I-II turi, boshni tuta olmaslik, oʻtira olmaslik va yura olmaslik; nafas yetishmovchiligi, oʻpka sunʼiy nafasi; gastrostomiya 11. Zoʻrayib boruvchi mushak distrofiyalari G71.0-G71.9 Yurish qobiliyatini yoʻqotish, nafas yetishmovchiligi, kardiomiopatiya, oʻpka sunʼiy nafasi 12. Qon ivishning buzilishlari D 65 — 68 Ogʻir kechishi 13. Mukovissidoz E84.0 — E84.9 Ogʻir bosqichlari: nafas yetishmovchiligi, tez-tez uchraydigan infeksiyalar, kaxeksiya, “oʻpka” yuragi 14. Bullyoz epidermoliz Q81.0 — Q81.9 Surunkali bitmaydigan yaralar, kuchli ogʻriq sindromi, sepsis, ovqatlanishning buzilishi 15. Markaziy asab tizimining sekin kechuvchi virusli infeksiyalari (Sklerozlanuvchi nim oʻtkir panensefalit) A81.1 Xulq-atvorning oʻzgarishi, intellektual qobiliyatlarning pasayishi, mioklonik tutqanoqlar (mushaklarning keskin tortishishi), progressiv demensiya, ataksiya (koordinatsiyaning buzilishi) va koʻrlik rivojlanishi 4. Tugʻma rivojlanish nuqsonlari 16. Aʼzolarining koʻp sonli tugʻma nuqsonlari Q20 — Q28 Q00 — Q 07 Q35 — Q37-38 Q 60 — Q 64 Q 65 — Q 79 Jarrohlik yoʻli bilan tuzatilmaydi, ogʻir yurak-nafas va ovqat hazm qilish yetishmovchiligi. Mustaqil harakat buzilishi 17. Qisqa ichak sindromi K91.2 Uzoq muddatli/umrbod parenteral oziqlanishga bogʻliqlik 18. Xromosoma anomaliyalari, oʻlimga olib keladigan Q90 — Q99 Edvards sindromi (Q91), Patau sindromi (Q93), kutilayotgan umr koʻrish davomiyligining juda pastligi. Uz oʻzini xizmatni bajara olmaslik 5. Terminal organ yetishmovchiligi 19. Surunkali yurak yetishmovchiligi I50.0 — I50.9 Tinch holatda nafas qisilishi, assit, faollikning cheklanishi (N 2A-N3 darajasi) 20. Surunkali buyrak yetishmovchiligi N 18.5-N18.6 Terminal bosqich, dializ mumkin emas yoki doimiy, intoksikatsiya 21. Jigar yetishmovchiligi K72.*, K70.3, Dekompensatsiyalangan sirroz, assit, qon ketishlar, jigar ensefalopatiyasi 22. Surunkali nafas yetishmovchiligi J 45; J96.0 — J96.9 Ogʻir daraja bronxial astma, Tinch holatdagi gipoksiya, uzoq muddatli kislorod terapiyasi yoki oʻpka sunʼiy nafas apparatida (II-III darajasi) 23. Odam immunitet tanqisligi virusi keltirib chiqariladigan kasallik B20 — V24 Ogʻir kechishi, yuqori virusli yuklama CD 4+ limfotsitlarning keskin pasayishi (200 xujayra/mkl dan kam). 6. Jarohatlar va reanimatsiyadan keyingi holatlar 24. Ogʻir bosh miya jarohatidan soʻng asoratlari S06.0 — S06.9 Qoʻpol harakat buzilishlari, kognitiv buzilishlar, vegetativ holat 25. Uzoq muddatli oʻpka sunʼiy nafas apparatidan keyingi holatlar Z 93 Z99.1 Nafas olish zaifligi, apparatga qaramlik 26. Vegetativ holat (koma holati), minimal ong G93.4 R40.2 Parvarishga toʻliq bogʻliqlik, zondli oziqlantirish, oʻpka sunʼiy nafas apparatida II. Ruhiy holati buzilgan I va II guruh nogironligi boʻlgan shaxslar uchun 27. Demensiya F00.0 — G30, F02.0, F02.1, F02.2, F02.3, F03 28. Chuqur aqliy zaiflik F73 Davolash va parvarish talab etiladi

Uy sharoitida qarab turish xizmatini tashkil etish tartibi toʻgʻrisidagi nizomga 2-ILOVA

NAMUNA 20___ yil __________ oyi uchun “__________” ijtimoiy xizmatga qabul qilingan har bir shaxs uchun subsidiya olishga BUYURTMANOMA Yuridik shaxs STIRi, yakka tartibdagi tadbirkor biometrik pasport maʼlumoti _____________________________________________________ Hudud nomi _____________________________________________________ Tuman (shahar) nomi _____________________________________________________ MFY nomi _____________________________________________________ Uy raqami _____________________________________________________ T/r Xizmatdan foydalanuvchi toʻgʻrisida maʼlumotlar Hisobot oyida F.I.O. Tugʻilgan sanasi Biometrik pasport (identifikatsiyalovchi ID-karta) seriyasi va raqami Xizmatdan foydalanuvchining ijtimoiy xizmatdan foydalanish davomiyligi (soati) Subsidiyaning qatʼiy bir soat uchun miqdori Xizmatdan foydalanuvchi uchun ajratiladigan va toʻlanadigan subsidiya summasi (4 ust*5 ust) a 1 2 3 4 5 6 1. 2. ... JAMI: X X

Vazirlar Mahkamasining 2026-yil 21-maydagi 271-son qaroriga 7-ILOVA

Kichik hajmli “Madad” uylari xizmatini tashkil etish tartibi toʻgʻrisida

1-bob. Umumiy qoidalar

1. Ushbu Nizom ruhiy holati buzilgan I va II guruh nogironligi boʻlgan shaxslar (keyingi oʻrinlarda — nogironligi boʻlgan shaxslar) uchun kichik hajmli “Madad” uylari xizmati (keyingi oʻrinlarda — “Madad” uylari xizmati)ni davlat-xususiy sheriklik shartlari asosida tashkil etish, boshqarish, nazorat qilish hamda moliyalashtirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

axborot moduli — davlat-xususiy sheriklik loyihasi asosida faoliyat yuritayotgan “Madad” uylari xizmati haqidagi maʼlumotlarni oʻzida aks ettirish, boshqarish, muvofiqlashtirish va nazorat qilish imkoniyatiga ega boʻlgan “Yagona milliy ijtimoiy himoya” axborot tizimidagi maʼlumotlar bazasi;

davlat-xususiy sheriklik — davlat sherigi va xususiy sherikning muayyan muddatga yuridik jihatdan rasmiylashtirilgan, nogironligi boʻlgan shaxslarga “Madad” uylari xizmatini koʻrsatish uchun oʻz resurslarini birlashtirishiga asoslangan hamkorligi;

davlat-xususiy sheriklik toʻgʻrisidagi bitim — besh yil muddatga tomonlarning huquqlari, majburiyatlari va javobgarligini, shuningdek, davlat-xususiy sheriklik loyihasini ijro etishning boshqa shartlarini belgilab beradigan davlat sherigi va xususiy sherik oʻrtasida tuzilgan shartnoma (keyingi oʻrinlarda — bitim);

davlat sherigi — Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahri boshqarmalari (keyingi oʻrinlarda — hududiy boshqarma);

Ijtimoiy-psixiatrik-tibbiy komissiya — tuman (shahar)lardagi “Inson” ijtimoiy xizmatlar markazlari (keyingi oʻrinlarda — “Inson” markazi) tomonidan nogironligi boʻlgan shaxslarni “Madad” uylari xizmatiga yoʻnaltirish uchun taqdim etilgan hujjatlarni oʻrganib chiqish hamda ularni ijtimoiy-psixiatrik-tibbiy tekshiruvdan oʻtkazish maqsadida hududiy boshqarma huzurida yuridik shaxs maqomisiz tashkil etiladigan doimiy asosda faoliyat yurituvchi kollegial organ;

“Madad” uylari xizmati — yirik internat uylariga muqobil ravishda, shaxsni jamiyatdan uzib qoʻymasdan parvarish qilishga qaratilgan nogironligi boʻlgan shaxs yashaydigan, oilaviy muhitga yaqin sharoitda tashkil etilgan ijtimoiy xizmat;

oila aʼzolari — ota-ona, turmush oʻrtoq, farzandlar hamda umumiy roʻzgʻor asosida bir uyda yashovchi boshqa shaxslar;

talabgor — davlat-xususiy sheriklik loyihasini amalga oshirishdan manfaatdor boʻlgan yakka tartibdagi tadbirkor (keyingi oʻrinlarda — YTT) yoki yuridik shaxs;

qonuniy vakil — vasiylik va homiylik organi tomonidan oʻrnatilgan tartibda tayinlangan shaxs;

xususiy sherik — davlat sherigi bilan bitim tuzgan YTT yoxud yuridik shaxs.

3. Quyidagilar “Madad” uylari xizmatining asosiy vazifalari hisoblanadi:

nogironligi boʻlgan shaxslarni boshpana bilan taʼminlash (yashashi uchun sharoit yaratish);

nogironligi boʻlgan shaxslarga qarab turish va ularni parvarishlash;

nogironligi boʻlgan shaxslarning mustaqil hayotga moslashtirish va jamiyatga integratsiyalashuviga koʻmaklashish;

oʻz-oʻziga xizmat koʻrsatish, uy xoʻjaligini yuritish, atrofdagilar bilan muloqot qilishga oʻrgatish;

mehnat koʻnikmalarini rivojlantirish, individual imkoniyat va ehtiyojlariga mos mehnat faoliyatiga jalb etish;

“Ijtimoiy taʼtil” qisqa muddatli joylashtirish xizmatini tashkil etish.

Xususiy sherik tomonidan “Madad” uylari xizmatida nogironligi boʻlgan shaxslarni reabilitatsiya qilish va ularning ijtimoiylashuviga qaratilgan boshqa vazifalarni amalga oshirish boʻyicha tadbirlar yoʻlga qoʻyilishi mumkin.

4. “Madad” uylari xizmati xususiy sherik tomonidan bitimning amal qilish davrida nogironligi boʻlgan shaxslarga qarab turish va parvarish qilish uchun zarur shart-sharoitlarga ega boʻlgan, yongʻin xavfsizligi, sanitariya qoidalari, normalari va gigiyena normativlariga javob beradigan YTT (oʻziga yoxud turmush oʻrtogʻiga) yoki yuridik shaxsga mulk huquqi yoxud boshqa huquq bilan tegishli boʻlgan bino va inshootlarda tashkil etiladi.

Bunda bino yoki inshoot YTT (turmush oʻrtogʻiga tegishli boʻlgan holat bundan mustasno) yoki yuridik shaxsga mulk huquqi bilan tegishli boʻlmagan taqdirda, bino yoki inshootdan ijara yoki boshqa huquq asosida foydalanish shartnomasining amal qilish muddati bitimning amal qilish muddati davomida oʻz kuchida boʻlishi taʼminlanishi zarur.

5. “Madad” uylari xizmati doimiy yashash uchun moʻljallangan shaklda nogironligi boʻlgan shaxslarga ijtimoiy-psixitrik-tibbiy komissiya xulosasida belgilangan muddat davomida koʻrsatiladi.

6. “Madad” uylari xizmati erkaklar va ayollar uchun alohida-alohida tashkil etiladi. Erkaklar va ayollar uchun alohida-alohida tashkil etishning iloji boʻlmagan hollarda, bitta bino yoki inshootda lekin ularni alohida kirish imkoniyatiga ega boʻlgan xonalarga ajratgan holda tashkil etiladi.

7. “Madad” uylari xizmati quyidagi tashxislarning biri qoʻyilgan, shuningdek oʻzgalar parvarishiga muhtojlik darajasi (Bartel va Lauton shkalalari boʻyicha) 62 ballgacha baholangan nogironligi boʻlgan shaxslarga koʻrsatiladi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03).

8. Mazkur Nizomning 7-bandida koʻrsatilgan tashxislardan biri qoʻyilgan, biroq oʻzgalar parvarishiga muhtojlik darajasi 62 balldan yuqori boʻlgan nogironligi boʻlgan shaxslarga “Madad” uylari xizmati qonuniy vakillar va xususiy sherik oʻrtasida tuzilgan shartnoma asosida doimiy yoki qisqa muddatga pullik xizmat shaklida koʻrsatilishi mumkin.

9. Nogironligi boʻlgan shaxslarga koʻrsatiladigan “Madad” uylari xizmatining xarajatlari Agentlikning Ijtimoiy himoya davlat jamgʻarmasi (keyingi oʻrinlarda — Jamgʻarma)dan ajratiladigan mablagʻlar hisobidan xususiy sherikka subsidiya shaklida qoplab beriladi.

2-bob. “Madad” uylari xizmatini tashkil etish tartibi

1-§. Davlat-xususiy sheriklik toʻgʻrisida bitim tuzish

10. Hududiy boshqarma har chorakda kamida bir marta oʻzlarining ijtimoiy tarmoqlardagi rasmiy sahifalarida, shuningdek, Agentlikning rasmiy veb-saytida hamda ijtimoiy tarmoqlardagi rasmiy sahifalarida ijtimoiy-psixiatrik-tibbiy komissiyalarning koʻrigi natijasi boʻyicha “Madad” uylari xizmatiga yoʻnaltirish uchun xulosa berilgan nogironligi boʻlgan shaxslar uchun ehtiyojdan kelib chiqqan holda “Madad” uylari xizmatini tashkil etish boʻyicha eʼlon berib boradi.

Bunda “Madad” uylari xizmatini tashkil etish istagida boʻlgan talabgor oʻsha hududdagi “Inson” markazidan “Madad” uylari xizmatiga yoʻnaltirilishi mumkin boʻlgan nogironligi boʻlgan shaxslarning yoshi, soni va jinsi, shuningdek, “Madad” uylari xizmatini tashkil etishda davlat-xususiy sheriklik shartlari haqida maʼlumot oladi.

11. Talabgor “Madad” uylari xizmatini tashkil etish istagini bildirgan taqdirda, bitimni tuzish uchun tegishli hududiy boshqarmaga axborot moduli orqali quyidagi maʼlumotlarni oʻz ichiga olgan elektron shakldagi ariza bilan murojaat qiladi:

YTT uchun biometrik pasport (identifikatsiyalovchi ID-karta) maʼlumotlari;

yuridik shaxs uchun soliq toʻlovchining identifikatsiya raqami;

bitimning amal qilishi davrida “Madad” uylari xizmati tashkil etiladigan bino yoki inshootga boʻlgan mulk, ijara yoki boshqa huquqning davlat roʻyxatidan oʻtkazilganligi (kadastr raqami), uning manzili, joylashuvi (geolokatsiyasi) va “Madad” uylari xizmati uchun ajratiladigan maydon (kvadrat metrda aks ettiriladi) haqidagi maʼlumotlar;

“Madad” uylari xizmatida tashkil etilishi rejalashtirilgan guruhlar (ayollar va erkaklar guruhi) soni;

aloqa uchun elektron pochta manzili va (yoki) mobil telefon raqami.

Talabgor axborot moduliga kiritiladigan maʼlumotlarning ishonchliligi uchun shaxsan javobgar boʻladi.

12. Ariza axborot moduli orqali shakllantirilganidan soʻng:

talabgorga arizada koʻrsatilgan elektron pochta va (yoki) mobil telefon raqamiga arizaning ID-raqami, ariza qabul qilingan sana va vaqti koʻrsatilgan holda xabar joʻnatiladi;

“Madad” uylari xizmatining joylashuvi boʻyicha Sanitariya-epidemiologik osoyishtalik va jamoat salomatligi qoʻmitasining tuman (shahar) boʻlimlari (keyingi oʻrinlarda — Sanepidqoʻmning tuman (shahar) boʻlimlari) hamda tuman (shahar) favqulodda vaziyatlar boʻlimlariga elektron soʻrov joʻnatiladi.

13. Elektron soʻrov kelib tushgandan soʻng uch ish kuni mobaynida:

a) Sanepidqoʻmning tuman (shahar) boʻlimlari:

“Madad” uylari xizmati uchun ajratilgan xonalar belgilangan sanitariya qoidalari, normalari va gigiyena normativlariga mosligini;

bino yoki inshootning manzili va “Madad” uylari xizmati uchun ajratiladigan maydonning (kvadrat metrda aks ettiriladi) arizada toʻgʻri koʻrsatilganligini;

belgilangan meʼyorlarga muvofiq “Madad” uylari xizmatini tashkil etish uchun ajratilgan maydonda qabul qilinishi mumkin boʻlgan nogironligi boʻlgan shaxslarning maksimal sonini;

“Madad” uylari xizmatini tashkil etish uchun ajratilgan bino yoki inshootlar sanitariya-himoya zonasiga ega boʻlgan obyektlardan zarur darajadagi uzoqlikda joylashganligini oʻrganadi;

oʻrganish natijasi boʻyicha xulosa shakllantiradi va unga “Madad” uylari xizmatining kirish qismi, oshxonasi, hojatxonasi, nogironligi boʻlgan shaxslarga qarab turish uchun moʻljallangan xonalarning fotosuratlarini (kamida 4 ta fotosurat) ilova qiladi;

b) tuman (shahar) favqulodda vaziyatlar boʻlimlari “Madad” uylari xizmati tashkil etilishi rejalashtirilgan bino yoki inshootlar hududi hamda bino (inshoot) va xonalarning yongʻin xavfsizligi talablariga muvofiq yoxud muvofiq emasligini belgilangan tartibda oʻrganib chiqadi hamda fotosuratlarni (kamida 4 ta fotosurat) ilova qilgan holda oʻrganish natijalari boʻyicha xulosa beradi.

“Madad” uylari xizmatini tashkil etish uchun tanlangan manzilda faoliyatni amalga oshirishning maqsadga muvofiqligi haqidagi xulosaning ishonchliligi uchun shaxsiy javobgarlik uni tasdiqlagan tashkilot rahbariga yuklanadi.

14. Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlarining xulosalari belgilangan tartibda tasdiqlanganidan soʻng barcha maʼlumotlar “Madad” uylari xizmati tashkil etish toʻgʻrisidagi ariza bilan birga bir ish kunida axborot moduli orqali tegishli “Inson” markaziga taqdim etiladi.

15. Mazkur Nizomning 14-bandida koʻrsatilgan hujjatlar axborot moduli orqali kelib tushganidan soʻng besh ish kuni mobaynida “Inson” markazi tomonidan:

talabgor jismoniy shaxsning ruhiy yoki narkologiya kasalliklari dispanserlarida hisobda turish-turmasligi aniqlanadi;

Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlarining xulosalari hamda “Madad” uylari xizmatini tashkil etish rejalashtirilayotgan hududda ushbu xizmatga yoʻnaltirilishi mumkin boʻlgan nogironligi boʻlgan shaxslarning mavjudligi boʻyicha maʼlumotlarni oʻrganadi.

Mazkur bandda nazarda tutilgan chora-tadbirlarni amalga oshirish yakuni boʻyicha “Madad” uylari xizmatini tashkil etishning maqsadga muvofiqligi yuzasidan taklif tayyorlanib, “Inson” markazi direktorining elektron raqamli imzosi bilan tasdiqlanadi hamda tegishli hududiy boshqarmaga axborot tizimi orqali yuboriladi.

16. Hududiy boshqarma besh ish kuni ichida “Inson” markazi tomonidan taqdim etilgan hujjatlarni, shu jumladan, “Madad” uylari xizmatiga subsidiya ajratish uchun tegishli moliya yilida Jamgʻarmadan ajratiladigan mablagʻlar hajmini hisobga olgan holda xizmat tashkil etilishi maqsadga muvofiqligi yoki muvofiq emasligi boʻyicha xulosa tayyorlaydi va axborot moduliga kiritadi.

Hududiy boshqarmalar tomonidan “Madad” uylari xizmatini tashkil etilishi maqsadga muvofiqligi boʻyicha ijobiy xulosa axborot moduliga kiritilgandan soʻng bitim axborot modulida avtomatik ravishda shakllanadi hamda imzolash uchun talabgorga elektron shaklda joʻnatiladi.

Hududiy boshqarmalar tomonidan “Madad” uylari xizmatini tashkil etilishi maqsadga muvofiqligi boʻyicha ijobiy xulosa axborot moduliga kiritilganidan soʻng bitim axborot modulida avtomatik ravishda shakllanadi hamda ushbu bitim besh ish kuni mobaynida Agentlik huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi (keyingi oʻrinlarda — Muvofiqlashtirish markazi) bilan kelishgan holda imzolash uchun talabgorga elektron shaklda joʻnatiladi.

17. Quyidagi holatlarda ariza rad etiladi:

Sanepidqoʻmning tuman (shahar) boʻlimlari hamda tuman (shahar) favqulodda vaziyatlar boʻlimlari tomonidan “Madad” uylari xizmatini tashkil etish uchun tanlangan manzilning sanitariya normalari, qoidalari va gigiyena normativlariga hamda yongʻin xavfsizligi talablariga muvofiq emasligi toʻgʻrisida xulosa berilganida;

idoralararo elektron almashinuv orqali olingan maʼlumotlarga asosan talabgor bino yoki inshootdan foydalanish huquqiga ega boʻlmaganida yoxud ijara (shu jumladan, boshqa huquq) asosida foydalanish shartnomasi mavjud boʻlmaganda;

“Madad” uylari xizmatini tashkil etish uchun ajratilishi rejalashtirilgan (arizada koʻrsatilgan) bino yoki inshoot manzili kadastr organlaridan olingan maʼlumotlarga mos emasligi aniqlanganda;

talabgor jismoniy shaxsning ruhiy yoki narkologiya kasalliklari dispanserlarida hisobda turishi aniqlanganda;

belgilangan xarajatlar “Madad” uylari xizmatiga subsidiya ajratish uchun tegishli moliya yilida nazarda tutilgan mablagʻlar hajmidan oshib ketganda.

Ushbu bandda nazarda tutilmagan boshqa asoslarga koʻra arizani rad etish taqiqlanadi.

18. “Madad” uylari xizmatini tashkil etish toʻgʻrisidagi ariza rad etilganda, uning aniq sabablari koʻrsatilgan holda, arizadagi elektron pochta manziliga yoki mobil telefon raqamiga xabar yuborish orqali talabgor xabardor qilinadi.

19. Talabgor axborot moduli orqali taqdim etilgan bitimni oʻn besh ish kuni ichida koʻrib chiqadi va unda belgilangan shartlarga rozi boʻlganida, unga elektron imzo qoʻyadi.

Talabgor oʻn besh ish kuni ichida bitimni imzolamasa, uning arizasi bekor qilinadi, bunda bitimni imzolash zarurati mavjud boʻlganida, ariza talabgor tomonidan yangidan axborot moduliga kiritilishi talab etiladi.

Talabgor tomonidan imzolangan bitim avtomatik ravishda tegishli hududiy boshqarmaga imzolash uchun yuboriladi. Bunda hududiy boshqarma tomonidan ushbu bitimga besh ish kuni mobaynida imzo qoʻyilishi lozim.

20. Xususiy sherik hududiy boshqarma bilan bitimni tuzgan kundan keyingi ish kunidan boshlab faoliyatini boshlash huquqiga ega boʻladi. Bunda:

xususiy sherik axborot moduliga kirgan holda unda koʻrsatilgan ommaviy oferta talablari va shartlari bilan tanishib, ushbu axborot modulidan foydalanish boʻyicha oʻz roziligini bildirishi va elektron raqamli imzosi bilan tasdiqlashi talab etiladi;

axborot moduli orqali oferta tasdiqlanganda, xususiy sherik uchun ushbu axborot modulida shaxsiy kabinet ochiladi.

21. Xususiy sherik bilan bitim tuzilgan kundan boshlab bir oy muddat ichida hududiy boshqarma joyiga chiqqan holda tashkil etilgan “Madad” uylari xizmati uchun moʻljallangan mebel va boshqa anjomlar bilan jihozlanganlik holati boʻyicha oʻrganish oʻtkazadi hamda oʻrganish yakuni boʻyicha “Madad” uylari xizmatini koʻrsatish maqsadga muvofiqligi yoki muvofiq emasligi haqidagi xulosani elektron shaklda axborot moduliga kiritadi.

Hududiy boshqarma tomonidan salbiy xulosa berilganida, aniqlangan kamchiliklar bartaraf etilgunga qadar “Madad” uylari xizmatini vaqtincha koʻrsatish vaqtincha toʻxtatiladi.

2-§. “Madad” uylari xizmatini tashkil etish

22. “Madad” uylari xizmatida 2026-yilda 8 — 10 nafargacha, 2027-yil 1-yanvardan boshlab 10 — 12 nafargacha nogironligi boʻlgan shaxs joylashtiriladi.

23. “Madad” uylari xizmatida nogironligi boʻlgan shaxsning ovqatlanishi sanitariya qoidalari, normalari va gigiyena normativlari asosida tashkil etiladi.

24. “Madad” uylari xizmatiga 1 ta shtat birligida mehnat yoʻriqchisi, 3 ta shtat birligigacha sanitarka jalb qilinadi.

“Madad” uylari xizmatida kadrlar tarkibi hamda ularning oʻzgarishi bilan bogʻliq boʻlgan maʼlumotlar xodimlar ishga qabul qilingan va ishdan boʻshatilgan kundan boshlab bir ish kuni ichida xususiy sherik tomonidan axborot moduliga kiritilishi shart.

25. “Madad” uylari xizmatida mehnat yoʻriqchisi lavozimiga tegishlicha oliy yoki oʻrta maxsus pedagogik yoki psixologik maʼlumotga, sanitarka vazifasiga umumiy oʻrta maʼlumotga ega boʻlgan shaxslar qabul qilinadi, “Madad” uylari xizmatiga qabul qilingan nogironligi boʻlgan shaxsning oila aʼzolari sanitarka lavozimiga qabul qilingan holat bundan mustasno.

26. “Madad” uylari xizmatida mehnat faoliyatini amalga oshirayotgan shaxslar Agentlik huzuridagi Ijtimoiy himoya tizimi xodimlarining malakasini oshirish markazida majburiy ravishda uch yilda kamida bir marta 36 soatdan kam boʻlmagan oʻquv dasturi asosida onlayn va (yoki) offlayn shaklda malaka oshiradi.

Bunda “Madad” uylari xizmatiga birinchi marta ishga qabul qilinayotgan shaxslar ikki oy ichida malaka oshirish kursidan oʻtishi lozim.

27. “Madad” uylari xizmatini tashkil etgan xususiy sherik bilan nogironligi boʻlgan shaxsning qonuniy vakili oʻrtasidagi munosabatlar xususiy sherik hamda nogironligi boʻlgan shaxsning qonuniy vakili oʻrtasida tuzilgan shartnoma bilan tartibga solinadi.

Shartnoma nogironligi boʻlgan shaxslarning “Madad” uylari xizmatida boʻlish vaqtini, parvarishlash jarayonini tashkil etishda tomonlarning huquqlari, majburiyatlari hamda javobgarligini oʻz ichiga oladi.

3-§. “Madad” uylari xizmatiga nogironligi boʻlgan shaxslarni qabul qilish hamda chiqarish

28. “Madad” uylari xizmatiga yoʻnaltirishga berilgan qaror asosida nogironligi boʻlgan shaxsning qonuniy vakili “Inson” markaziga murojaat qiladi. Bunda “Inson” markazi:

Ijtimoiy-psixiatrik-tibbiy komissiyaning “Madad” uylari xizmatiga yoʻnaltirishga berilgan xulosasiga muvofiq nogironligi boʻlgan shaxsning qonuniy vakiliga “Madad” uylari xizmatidan foydalanishni taklif qiladi hamda undan foydalanish shartlari toʻgʻrisida maʼlumot beradi;

nogironligi boʻlgan shaxsni uning oila aʼzolari tanlovi asosida xususiy sherikni xabardor qilgan holda axborot moduli orqali uch ish kuni ichida “Madad” uylari xizmatiga biriktiradi.

29. Nogironligi boʻlgan shaxslar “Madad” uylari xizmatidan quyidagilar asosida chiqariladi:

qonuniy vakilning arizasi;

sogʻliqni saqlash tizimi muassasalarining tibbiy koʻrsatmalari;

Ijtimoiy-psixiatrik-tibbiy komissiyaning xulosasida koʻrsatilgan nogironligi boʻlgan shaxsning “Madad” uylari xizmatida boʻlish muddatining tugashi;

bitimning bekor qilinishi;

nogironligi boʻlgan shaxsning vafot etishi.

Ushbu bandda nazarda tutilgan holatlar yuzaga kelganligi axborot moduli tomonidan oʻrganib boriladi.

30. Mazkur Nizomning 29-bandiga muvofiq nogironligi boʻlgan shaxslar “Madad” uylari xizmatidan chiqarilganligi toʻgʻrisidagi maʼlumotlar axborot modulida shakllantirib boriladi.

Bunda nogironligi boʻlgan shaxslar “Madad” uylari xizmatidan chiqarish boʻyicha yuzaga kelgan har bir holat boʻyicha tegishli nodavlat tashkilotlar bir ish kuni ichida ularning axborot modulidagi shaxsiy kabinetiga elektron xabarnoma yuborish orqali xabardor qilib boriladi.

31. “Madad” uylari xizmatidan nogironligi boʻlgan shaxslarni chiqarish xususiy sherikning buyrugʻi bilan amalga oshiriladi.

3-bob. “Madad” uylari xizmatini moliyalashtirish

32. Xususiy sherik oʻz mablagʻlari hisobidan sotib olgan mol-mulkni qonunchilik hujjatlariga muvofiq tasarruf etadi.

33. “Madad” uylari xizmati qonunchilik hujjatlariga muvofiq uni tashkil etgan xususiy sherikning mablagʻlari hamda Ijtimoiy himoya davlat jamgʻarmasidan ajratiladigan subsidiya, qonuniy vakilning toʻlovlari va qonunchilikda taqiqlanmagan boshqa manbalar hisobidan moliyalashtiriladi.

34. “Madad” uylari xizmatiga qabul qilingan har bir nogironligi boʻlgan shaxs toʻgʻrisidagi maʼlumotlar axborot moduliga kiritilganida hisobot oyida har bir nogironligi boʻlgan shaxsning haqiqatda yashagan kunlari boʻyicha xususiy sherikka subsidiya ajratiladi.

Bunda har bir nogironligi boʻlgan shaxsning haqiqatda yashagan kunlari toʻgʻrisidagi dalolatnoma tadbirkor hamda tegishli tuman (shahar)dagi “Inson” markazi tomonidan rasmiylashtirilib, tasdiqlanadi.

35. Xususiy sherikka nogironligi boʻlgan shaxsga “Madad” uylari xizmati koʻrsatilgan har bir kun uchun 2026-yilda bazaviy hisoblash miqdorining 53 foizi miqdorida, 2027-yil 1-yanvardan boshlab bazaviy hisoblash miqdorining 46 foiz miqdorida subsidiya ajratiladi.

36. Ushbu Nizomning 35-bandiga muvofiq subsidiya ajratishda viloyatlar markazlari va Nukus shahrida tashkil etilgan “Madad” uylari xizmati uchun ajratiladigan subsidiya miqdorini belgilashda 1,1 nisbatda, Toshkent shahrida esa 1,3 nisbatda koʻpaytiruvchi koeffitsiyent qoʻllanadi.

37. Xususiy sherikka bir nafar nogironligi boʻlgan shaxsga “Madad” uylari xizmatini koʻrsatganlik uchun ajratiladigan subsidiyaning oylik miqdori axborot modulida quyidagi formula asosida avtomatik hisob-kitob qilinadi:

KHUQTXS = KHUQTX * YAKS;

KHUQTXS — “Madad” uylari xizmatidagi bir nafar nogironligi boʻlgan shaxs xarajatlarini qoplash uchun subsidiyaning oylik summasi;

KHUQTX — “Madad” uylari xizmatidagi bir nafar nogironligi boʻlgan shaxsning bir kunlik xarajatini qoplashga ajratiladigan subsidiyaning miqdori;

YAKS — hisobot oyida har bir nogironligi boʻlgan shaxsning haqiqatda “Madad” uylari xizmatida yashagan kunlari soni.

Bunda viloyatlar markazlari, Toshkent va Nukus shaharlarida “Madad” uylari xizmatini tashkil etgan xususiy sherikka ajratiladigan subsidiyaning oylik miqdori KHUQTXS = KHUQTX *1,1 * YAKS formulasi orqali hisob-kitob qilinadi.

38. Xususiy sherikka toʻlanadigan subsidiyani hisoblash har bir nogironligi boʻlgan shaxs toʻgʻrisidagi maʼlumotlar axborot moduliga kiritilgan kunning keyingi ish kunidan boshlanadi.

Bunda subsidiyaning miqdori “Madad” uylari xizmatiga qabul qilingan nogironligi boʻlgan shaxslarning haqiqatda yashagan kunlari sonidan kelib chiqqan holda axborot moduli orqali avtomatik ravishda hisoblanadi.

39. Subsidiya hisobot oyi davomida “Madad” uylari xizmatidan kamida 3 nafar nogironligi boʻlgan shaxs foydalangan taqdirda, ushbu shaxslarning haqiqatda yashagan kunlari boʻyicha ajratiladi.

Bunda bir oy davomida “Madad” uylari xizmati koʻrsatilgan nogironligi boʻlgan shaxslarning eng kam sonini aniqlashda, ushbu oyning kamida uchdan bir qismi davomida davomati belgilangan shaxslar inobatga olinadi.

40. “Madad” uylari xizmatiga qabul qilingan nogironligi boʻlgan shaxslarning haqiqiy davomatining hisobi maxsus qurilmalar yordamida jismoniy shaxsni biometrik identifikatsiya qilish texnologiyasi orqali yuritiladi.

40 1 . Ushbu bobda nazarda tutilgan nogironligi boʻlgan shaxslarning davomatini biometrik identifikatsiya qilish, davomatni hisobga olish va shu bilan bogʻliq tartiblar faqat mazkur Nizomning 4-bobida nazarda tutilgan “Madad” uylarida tashkil etiladigan “Ijtimoiy taʼtil” qisqa muddatli joylashtirish xizmatiga nisbatan tatbiq etiladi.

41. Biometrik identifikatsiya qilish jarayoni “Madad” uylari xizmatining rahbari yoki xodimlari tomonidan maxsus qurilmalar yordamida ushbu tashkilotning joylashuvi (geolokatsiyasi) hisobga olingan holda har kuni bir marotaba amalga oshiriladi.

42. Subsidiyaning oylik summalari avtomatik ravishda axborot modulida qayd etilgan nogironligi boʻlgan shaxslarning davomati asosida hisoblanadi hamda ushbu Nizomga ilovaga muvofiq namunadagi buyurtmanoma shakllanadi.

Bunda “Madad” uylari xizmatining bitimda koʻrsatilgan manzilidan (joylashuvi boʻyicha geolokatsiyasi) boshqa joyda qayd etilgan nogironligi boʻlgan shaxslarning davomati axborot modulida hisobga olinmaydi.

43. Maxsus qurilmalardan Internet jahon axborot tarmogʻisiz (offlayn rejimda) foydalanilgan hollarda nogironligi boʻlgan shaxslar davomati boʻyicha qayd etilgan maʼlumotlar xususiy sherik tomonidan hisobot oyidan keyingi oyning 5-sanasidan kechikmasdan Internet jahon axborot tarmogʻiga ulangan holda (onlayn rejimda) offlayn rejimda kiritilgan maʼlumotlarni axborot moduliga uzatilishini (yangilanishini) taʼminlaydi.

Axborot moduliga maʼlumotlar oʻz vaqtida taqdim etilmaganda, shu jumladan, ushbu bandning birinchi xatboshisida nazarda tutilgan tartibda uzatilishini (yangilanishini) taʼminlamaganda xususiy sherikka subsidiya hisoblanmaydi va toʻlanmaydi.

44. Axborot modulida hisoblangan subsidiyaning toʻlov qaydnomasi va toʻlov topshiriqnomasi hisobot oyidan keyingi oyning 10-sanasiga qadar shakllantiriladi va Jamgʻarmaning maxsus gʻazna hisobvaragʻidan ikki ish kuni ichida Iqtisodiyot va moliya vazirligining axborot tizimlari orqali xususiy sherikning tijorat bankdagi hisobvaragʻiga avtomatik ravishda oʻtkaziladi.

45. Xususiy sherik axborot moduliga nogironligi boʻlgan shaxslar toʻgʻrisida kiritilgan maʼlumotlarning toʻgʻriligi va haqqoniyligi boʻyicha javobgar hisoblanadi.

46. Xususiy sherik tomonidan bir nogironligi boʻlgan shaxsning maʼlumotlari axborot moduliga kiritilib, uning fotosurati oʻrniga boshqa shaxsning fotosurati ushbu axborot moduliga joylashtirilganligi va uning asosida davomat belgilab kelinayotganligi aniqlanganda mazkur holat aniqlangan oydan boshlab uch oy davomida mazkur nogironligi boʻlgan shaxs uchun subsidiya hisoblanmaydi va toʻlanmaydi.

Bunday holat takroran aniqlanganda, ushbu xususiy sherik bilan tuzilgan bitim davlat sherigi tomonidan bir tomonlama bekor qilinadi va qayta tuzilmaydi.

47. Texnik yoki boshqa sabablarga koʻra hisobot oyida axborot modulida subsidiyaning ortiqcha yoki kam hisoblanganligi aniqlanganda, hisobot oyidan keyingi oyda ushbu subsidiya tegishli summalar qoʻshilgan yoki kamaytirilgan holda hisob-kitob qilinadi.

48. Yengib boʻlmaydigan kuch (fors-major) holatlari natijasida xususiy sherik tomonidan nogironligi boʻlgan shaxslarning davomatini axborot moduliga kiritishning imkoniyati boʻlmagan hollarda, oylik davomatni belgilash uchun axborot modulida qayd etilgan nogironligi boʻlgan shaxslarning soʻnggi 5 kunlikdagi oʻrtacha davomat koʻrsatkichi asosida hisob-kitob qilinadi va toʻlab beriladi.

Bunda xususiy sherik qonunchilik hujjatlariga muvofiq yengib boʻlmaydigan kuch (fors-major) holatlari yuz berganligini tasdiqlovchi vakolatli organ tomonidan beriladigan sertifikatni tegishliligi boʻyicha “Inson” markaziga taqdim etishi lozim.

49. Texnik nosozlik sababli maxsus qurilmalar yordamida nogironligi boʻlgan shaxslarni biometrik identifikatsiya qilish imkoni boʻlmagan hollarda, xususiy sherik mazkur holat yuzasidan darhol oʻsha hududdagi “Inson” markazini xabardor qiladi.

Bunda nogironligi boʻlgan shaxslarning uch kundan ortiq boʻlmagan muddatdagi davomati “Inson” markazi tomonidan toʻldiriladigan nogironligi boʻlgan shaxslarning yashash dalolatnomasi asosida amalga oshiriladi.

50. “Inson” markazi texnik nosozlik sababli toʻldirilgan nogironligi boʻlgan shaxslarning yashash dalolatnomasini hisobot oyidan keyingi oyning 5-sanasidan kechikmasdan axborot moduliga kiritish uchun tegishli hududiy boshqarmaga taqdim etadi.

4-bob. “Madad” uylarida “Ijtimoiy taʼtil” qisqa muddatli joylashtirish xizmatini tashkil etish va ularga nogironligi boʻlgan shaxslarni joylashtirish tartibi

51. “Ijtimoiy taʼtil” qisqa muddatli joylashtirish xizmati (keyingi oʻrinlarda — qisqa muddatli joylashtirish xizmati) “Madad” uylarida xususiy sherikka tegishli boʻlgan bino-inshootlarda tashkil etiladi.

52. Qisqa muddatli joylashtirish xizmatiga quyidagi tashxislarning biri qoʻyilgan nogironligi boʻlgan shaxslar “Madad” uylarida boʻsh oʻrinlar boʻlganda joylashtiriladi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73);

demensiya (F00.0-G30, F02.0, F02.1, F02.2, F02.3, F03).

53. Qisqa muddatli joylashtirish xizmatiga Ijtimoiy-psixiatrik-tibbiy komissiya tomonidan qonunchilikda belgilangan tartibda oʻtkazilgan ijtimoiy-psixiatrik-tibbiy tekshiruv natijalariga asosan qisqa muddatli joylashtirish xizmatiga yoʻnaltirilgan nogironligi boʻlgan shaxslar bir kalendar yili davomida oʻn toʻrt kundan koʻp boʻlmagan muddatga qabul qilinadi.

Bunda nogironligi boʻlgan shaxsning qisqa muddatli joylashtirish xizmatidan bir kalendar yili davomida oʻn toʻrt kundan koʻp boʻlmagan muddatda foydalanilgan qismi Ijtimoiy himoya davlat jamgʻarmasidan subsidiya shaklida qoplab beriladi.

54. Nogironligi boʻlgan shaxslar qisqa muddatli joylashtirish xizmatiga mazkur Nizomning 53-bandida koʻrsatilgan muddatga qabul qilinganda, ularga koʻrsatilgan qisqa muddatli joylashtirish xizmatining har bir kuni uchun xususiy sherikka mazkur Nizomning 5-bobida belgilangan tartibda bazaviy hisoblash miqdorining 53 foizi miqdorida, 2027-yil 1-yanvardan boshlab esa bazaviy hisoblash miqdorining 46 foizi miqdorida Ijtimoiy himoya davlat jamgʻarmasidan subsidiya ajratiladi.

Bunda nogironligi boʻlgan shaxslarning qonuniy vakillariga qisqa muddatli joylashtirish xizmatidan mazkur Nizomning 53-bandida koʻrsatilgan muddatni teng ikkiga boʻlgan holda foydalanish imkoniyati taqdim qilinadi.

55. Qisqa muddatli joylashtirish xizmatiga yoʻnaltirishga berilgan xulosa asosida nogironligi boʻlgan shaxsning qonuniy vakili “Inson” markaziga murojaat qiladi.

Bunda “Inson” markazi nogironligi boʻlgan shaxsni uning qonuniy vakili tanlovi asosida xususiy sherikni xabardor qilgan holda axborot moduli orqali uch ish kuni ichida qisqa muddatli joylashtirish xizmatiga biriktiradi.

56. Qisqa muddatli joylashtirish xizmati xususiy sherik, hududiy boshqarma va nogironligi boʻlgan shaxsning qonuniy vakili oʻrtasida imzolanadigan shartnomaga muvofiq shartnomada belgilangan muddatda, biroq koʻpi bilan ikki hafta muddatga koʻrsatiladi.

Bunda shartnomaning namunaviy shakli Agentlik tomonidan tasdiqlanadi.

Xususiy sherik va nogironligi boʻlgan shaxsning qonuniy vakili oʻrtasida imzolanadigan shartnomaga muvofiq bir kalendar yili davomida bir oydan koʻp boʻlmagan muddatga qisqa muddatli joylashtirish xizmati haq evaziga koʻrsatilishi mumkin.

57. Mazkur Nizomning 56-bandida nazarda tutilgan shartnomada belgilangan muddat tugaydigan kunda nogironligi boʻlgan shaxslar qonuniy vakillari tomonidan olib ketilishi lozim.

Bunda nogironligi boʻlgan shaxslar qonuniy vakillari tomonidan olib ketilmagan hollarda xususiy sherik, “Inson” markazi bilan birgalikda ularni qisqa muddatli joylashtirish xizmatidan chiqarish hamda qonuniy vakiliga qaytarish choralarini koʻradi.

5-bob. Yakunlovchi qoidalar

58. “Madad” uylari xizmatini boshqarish uni tashkil etgan xususiy sherik tomonidan amalga oshiriladi.

59. “Madad” uylari xizmatini tashkil etish, xususiy sherik bilan bitim tuzish, “Madad” uylari xizmatiga nogironligi boʻlgan shaxslarni qabul qilish hamda chiqarish jarayonlari “Inson” markazi, hududiy boshqarma va Agentlik huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi tomonidan doimiy ravishda monitoring qilib boriladi. Bunda monitoring jarayonida:

aniqlangan texnik xato va kamchiliklarni uch ish kuni ichida bartaraf etish toʻgʻrisida xususiy sherikka axborot moduli orqali xabarnoma yuboriladi;

mazkur Nizom talablariga lozim darajada rioya etilmayotganligi yoki Nizom talablari buzilganligi aniqlangan hollarda Ijtimoiy inspeksiya axborot moduli orqali darhol xabardor qilinadi.

60. Ushbu Nizom talablariga rioya etilishi Ijtimoiy inspeksiya hamda uning Qoraqalpogʻiston Respublikasi, viloyatlar va Toshkent shahri boshqarmalari tomonidan nazorat qilib boriladi.

61. Xususiy sherik bilan tuzilgan bitim hududiy boshqarma tomonidan quyidagi hollarda bir tomonlama bekor qilinadi:

“Madad” uylari xizmati tomonidan bir nogironligi boʻlgan shaxsning maʼlumotlari axborot moduliga kiritilib, uning fotosurati oʻrniga boshqa nogironligi boʻlgan shaxsning fotosurati ushbu axborot moduliga joylashtirilganligi va uning asosida davomati belgilanib kelinayotganligi takroran aniqlanganda;

YTT boʻlgan xususiy sherik ozodlikdan mahrum etilganda, bedarak yoʻqolgan deb topilganda yoki vafot etganida (vafot etgan deb eʼlon qilinganda);

xususiy sherik — yuridik shaxs faoliyati tugatilganda;

xususiy sherik qonunchilik hujjatlarida belgilangan tartibda toʻlovga qobiliyatsiz deb topilganda;

xususiy sherik ushbu Nizom hamda bitimda koʻrsatilgan oʻz majburiyatlarini bajarmagan taqdirda.

62. “Madad” uylari xizmatini tashkil etgan xususiy sherik tomonidan hududiy boshqarma bilan tuzilgan bitimga oʻzgartirish va qoʻshimchalar kiritish yoki uni bekor qilish yuzasidan ariza axborot moduliga elektron shaklda yuboriladi.

63. Bitim muddatini uzaytirish boʻyicha ariza xususiy sherik tomonidan amaldagi bitim muddati tugashidan kamida bir oy oldin axborot moduli orqali elektron shaklda yuboriladi.

64. Bitim muddatini uzaytirish, faoliyat manzilini oʻzgartirish, “Madad” uylari xizmati quvvatini kamaytirish yoki oshirish ushbu Nizomda belgilangan tartibda amalga oshiriladi.

65. Bitimni bekor qilish boʻyicha ariza taraflar tomonidan elektron shaklda axborot moduliga kiritiladi. Bunda arizaga elektron raqamli imzo qoʻyilgan bitimni bekor qilish boʻyicha qoʻshimcha kelishuv ilova qilinadi.

Bitimni bekor qilish boʻyicha ariza axborot moduliga kiritilgan kundan boshlab uch ish kunida taraflar tomonidan koʻrib chiqilishi lozim.

66. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Kichik hajmli “Madad” uylari xizmatini tashkil etish tartibi toʻgʻrisidagi nizomga ILOVA

NAMUNA 20___ yil __________ oyi uchun “__________” ijtimoiy xizmatga qabul qilingan har bir shaxs uchun subsidiya olishga BUYURTMANOMA Yuridik shaxs STIRi, yakka tartibdagi tadbirkor biometrik pasport maʼlumoti __________________________________________________ Hudud nomi __________________________________________________ Tuman (shahar) nomi __________________________________________________ MFY nomi __________________________________________________ Uy raqami __________________________________________________ T/r Xizmatdan foydalanuvchi toʻgʻrisida maʼlumotlar Hisobot oyida F.I.O. Tugʻilgan sanasi Biometrik pasport (identifikatsiyalovchi ID-karta) seriyasi va raqami Xizmatdan foydalanuvchining ijtimoiy xizmatga qatnagan kunlari soni Subsidiyaning qatʼiy kunlik miqdori Xizmatdan foydalanuvchi uchun ajratiladigan va toʻlanadigan subsidiya summasi (4 ust*5 ust) a 1 2 3 4 5 6 1. 2. ... JAMI: X X

Vazirlar Mahkamasining 2026-yil 21-maydagi 271-son qaroriga 8-ILOVA

Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi Nogironligi boʻlgan shaxslarga ijtimoiy xizmatlar koʻrsatilishini muvofiqlashtirish markazi xodimlarining

Lavozim nomi Birliklar soni Markaz direktori 1 Hududlarda ijtimoiy xizmatlarni tashkil etish va muvofiqlashtirish boʻlimi Boʻlim boshligʻi 1 Boʻlim bosh mutaxassisi 2 Ijtimoiy xizmatlarni monitoring qilish va rivojlantirish boʻlimi Boʻlim boshligʻi 1 Boʻlim bosh mutaxassisi 2 Ijtimoiy xizmatlarni metodik taʼminlash boʻlimi Boʻlim boshligʻi 1 Boʻlim bosh mutaxassisi 1 Jami: 9

Vazirlar Mahkamasining 2026-yil 21-maydagi 271-son qaroriga 9-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2005-yil 21-dekabrdagi 276-son qarori bilan tasdiqlangan Oʻzbekiston Respublikasi davlat muassasalari tibbiyot va farmatsevtika xodimlari mehnatiga haq toʻlash tartibi va shartlari toʻgʻrisidagi nizomning 8-bandida :

a) oʻzbek tilidagi matnda ikkinchi xatboshisi “kichik hamshiralarga” soʻzlaridan keyin “, nogironligi boʻlgan bolalar uchun “Gʻamxoʻrlik” markazlari sanitarka enagalariga” soʻzlari bilan toʻldirilsin;

b) rus tilidagi matnda ikkinchi xatboshisi quyidagi tahrirda bayon etilsin:

“Mladshim sestram po uxodu za bolnimi, rabotayushim v reanimatsionnix otdeleniyax (otdeleniyax intensivnoy terapii) rayonnix bolnits i spetsializirovannix klinik, sanitarkam-nyanyam sentrov “Gʻamxoʻrlik” dlya detey s invalidnostyu, prisvaivayetsya 2-y razryad po tarifnoy setke”.

2. Vazirlar Mahkamasining 2011-yil 25-maydagi 146-son qarori bilan tasdiqlangan Yer uchastkalari egalari, foydalanuvchilari, ijarachilari va mulkdorlariga yetkazilgan zararlar, qishloq xoʻjaligi va oʻrmon xoʻjaligi ishlab chiqarishi nobudgarchiliklariga, shuningdek, yerlarning qishloq xoʻjaligi muomalasidan chiqishiga sabab boʻlgan hollarda yetkazilgan zarar oʻrnini qoplash tartibi toʻgʻrisidagi nizom 18-bandining yettinchi xatboshisidagi ““Muruvvat” uylari” soʻzlari ““Gʻamxoʻrlik” markazlari” soʻzlari bilan almashtirilsin.

3. Vazirlar Mahkamasining ““Sogʻlom avlod uchun” hukumatga qarashli boʻlmagan xalqaro xayriya fondini qoʻllab-quvvatlashga doir qoʻshimcha chora-tadbirlar toʻgʻrisida” 2014-yil 30-yanvardagi 20-son qarorida :

1-bandning toʻrtinchi xatboshisidagi ““Muruvvat” internat uylarida” soʻzlari ““Gʻamxoʻrlik” markazlarida” soʻzlari bilan almashtirilsin;

5-ilova 8-bandining oltinchi xatboshisidagi ““Muruvvat” internat uylarida” soʻzlari ““Gʻamxoʻrlik” markazlarida” soʻzlari bilan almashtirilsin.

4. Vazirlar Mahkamasining 2015-yil 10-martdagi 53-son qarori bilan tasdiqlangan Turistlarning ayrim toifalariga pullik xizmatlar koʻrsatishda imtiyozlar berish tartibining rus tilidagi matnida:

a) 4-bandning sakkizinchi xatboshisi quyidagi tahrirda bayon etilsin:

“vospitanniki domov “Mehribonlik” i litsa, pomeshennie v sentri “Gʻamxoʻrlik””;

b) 6-bandning ikkinchi xatboshisi quyidagi tahrirda bayon etilsin:

“dlya uchastnikov i invalidov Vtoroy mirovoy voyni, lits, priravnennix k nim, uchastnikov trudovogo fronta Vtoroy mirovoy voyni, dlya opekayemix v Sentrax sotsialnoy podderjki, vospitannikov domov “Mehribonlik”, a takje dlya lits, pomeshennix v sentri “Gʻamxoʻrlik” — v razmere 100% ot ustanovlennogo tarifa”;

v) 7-bandning toʻrtinchi xatboshisi quyidagi tahrirda bayon etilsin:

“dlya vospitannikov domov “Mehribonlik” i lits, pomeshennix v sentri “Gʻamxoʻrlik” — pasport ili inoy dokument, podtverjdayushiy lichnost i spravka sootvetstvuyushego obrazovatelnogo ili mediko-sotsialnogo uchrejdeniya”.

5. Vazirlar Mahkamasining 2015-yil 30-sentabrdagi 278-son qarori bilan tasdiqlangan Oʻrmondan foydalanganlik uchun toʻlovlar miqdorini va ularni undirishni tartibga solish toʻgʻrisidagi nizom 12-bandining toʻrtinchi xatboshisi quyidagi tahrirda bayon etilsin:

“Mehribonlik” uylari tarbiyalanuvchilari va “Gʻamxoʻrlik” markazlariga joylashtirilgan shaxslar”.

6. Vazirlar Mahkamasining ““Muruvvat” internat uylari va Ijtimoiy qoʻllab-quvvatlash markazlarida yashaydigan nogironligi boʻlgan shaxslar va keksalarni ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2017-yil 3-iyuldagi 455-son qarorida :

a) nomidagi , muqaddimadagi , 2-bandning uchinchi xatboshisidagi , 5-banddagi , 7-bandning ikkinchi xatboshisidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin;

b) 2-bandning birinchi xatboshisi quyidagi tahrirda bayon etilsin:

“2. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) huzurida “Gʻamxoʻrlik” markazlari va Ijtimoiy qoʻllab-quvvatlash markazlari faoliyatini takomillashtirish boʻyicha ekspert kengashi tashkil etilsin”;

v) 3-band quyidagi tahrirda bayon etilsin:

“3. Belgilab qoʻyilsinki, Ekspert kengashi Agentlik huzuridagi “Gʻamxoʻrlik” markazlari va Ijtimoiy qoʻllab-quvvatlash markazlarini qoʻllab-quvvatlash jamgʻarmasi (keyingi oʻrinlarda — Jamgʻarma)ni boshqaruvchi organ hisoblanadi”;

g) 3-ilovaning nomidagi , 1-bandidagi , 2-bandidagi , 4-bandning ikkinchi , toʻrtinchi va beshinchi xatboshilaridagi , 6-bandidagi , 7-bandidagi , 8-bandidagi , 9-bandidagi , 10-bandidagi , 13-bandning uchinchi xatboshisidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin.

7. Vazirlar Mahkamasining 2018-yil 8-yanvardagi 13-son qarori bilan tasdiqlangan Ayrim muhofaza etiladigan tabiiy hududlarda boʻlish uchun toʻlovlar undirish tartibi toʻgʻrisidagi nizomda :

a) 5-bandning sakkizinchi xatboshisi quyidagi tahrirda bayon etilsin:

““Mehribonlik” uylari tarbiyalanuvchilari va “Gʻamxoʻrlik” markazlarida joylashtirilgan shaxslar”;

b) 10-bandning birinchi xatboshisidagi “Mehribonlik”, “Muruvvat” internat uylari,” soʻzlari “Mehribonlik” uylari, “Gʻamxoʻrlik” markazlari” soʻzlari bilan almashtirilsin;

v) 11-bandning toʻrtinchi xatboshisi quyidagi tahrirda bayon etilsin:

““Mehribonlik” uyi tarbiyalanuvchilari va “Gʻamxoʻrlik” markazlarida joylashtirilgan shaxslar uchun — tegishli taʼlim yoki tibbiy-ijtimoiy muassasa maʼlumotnomasi yoxud muassasa rahbari tomonidan tasdiqlangan tashrif buyuruvchilar roʻyxati”.

8. Vazirlar Mahkamasining 2018-yil 26-apreldagi 309-son qarori bilan tasdiqlangan Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlari toʻgʻrisidagi nizomning 10-bandi “v” kichik bandining yettinchi xatboshisidagi va 44-bandining uchinchi xatboshisidagi ““Muruvvat” nogironligi boʻlgan shaxslar uchun internat uylariga” soʻzlari “Nogironligi boʻlgan shaxslar uchun “Gʻamxoʻrlik” markazlariga” soʻzlari bilan almashtirilsin.

9. Vazirlar Mahkamasining “Gripp yuqtirish va uning ogʻir asoratlarini boshidan oʻtkazish xavfi yuqori boʻlgan aholi oʻrtasida grippning oldini olish chora-tadbirlari toʻgʻrisida” 2018-yil 23-iyuldagi 567-son qarorining 2-bandidagi , 3-bandidagi , 4-bandining ikkinchi xatboshisidagi , ilovasining 6-bandidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin.

10. Vazirlar Mahkamasining 2018-yil 10-avgustdagi 646-son qarori bilan tasdiqlangan Suyultirilgan uglevodorod gazini aholi uchun belgilangan narxlar boʻyicha isteʼmol qiluvchi ijtimoiy soha obyektlari roʻyxatining 7-bandidagi ““Muruvvat” internat-uylari” soʻzlari ““Gʻamxoʻrlik” markazlari” soʻzlari bilan almashtirilsin.

11. Vazirlar Mahkamasining 2019-yil 13-maydagi 391-son qarori bilan tasdiqlangan Reabilitatsiya markaziga ega davlat koʻp tarmoqli ixtisoslashtirilgan maktabgacha taʼlim tashkiloti toʻgʻrisidagi nizomda :

a) 9-banddagi “Oʻzbekiston Respublikasi Maktabgacha taʼlim vazirligi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)” soʻzlari bilan almashtirilsin;

b) 13-banddagi “Oʻzbekiston Respublikasi Maktabgacha taʼlim vazirligi” soʻzlari “Agentlik” soʻzi bilan almashtirilsin;

v) 14-bandning ikkinchi xatboshisidagi “Qoraqalpogʻiston Respublikasi maktabgacha taʼlim vazirligi, viloyat maktabgacha taʼlim boshqarmalari, Toshkent shahar maktabgacha taʼlim bosh boshqarmasi” soʻzlari “Agentlikning Qoraqalpogʻiston Respublikasi, viloyatlar va Toshkent shahar boshqarmalari” soʻzlari bilan almashtirilsin;

g) 27-bandning yettinchi xatboshisi “maktab yoshiga” soʻzlaridan oldin “bolaning” soʻzi bilan toʻldirilsin;

d) 29-band “davlat talablariga muvofiq” soʻzlaridan keyin “Agentlik bilan kelishilgan holda” soʻzlari bilan toʻldirilsin;

e) 45-band “tibbiyot va pedagog xodimlari” soʻzlaridan keyin “bolalarning qonuniy vakillari bilan tuziladigan shartnomada nazarda tutilgan talab va shartlar asosida” soʻzlari bilan toʻldirilsin;

j) 47-bandning birinchi xatboshisi quyidagi tahrirda bayon etilsin:

“47. Ixtisoslashtirilgan maktabgacha tashkilotning tarbiyalanuvchilaridan tashqari reabilitatsiya markazi mazkur ixtisoslashtirilgan maktabgacha tashkilotning tibbiy-psixologik-pedagogik kengashi koʻrsatmasiga koʻra 2 yoshdan 18 yoshgacha nogironligi boʻlgan bolalarni mazkur Nizomning ilovasida koʻrsatilgan tibbiy koʻrsatmalar asosida ambulator sharoitida qabul qiladi va reabilitatsiya tadbirlarini oʻtkazadi”;

z) 59-banddagi “Oʻzbekiston Respublikasi Maktabgacha taʼlim vazirligi” soʻzlari “Agentlik” soʻzi bilan almashtirilsin;

i) 62-band quyidagi tahrirda bayon etilsin:

“62. Ixtisoslashtirilgan maktabgacha tashkilotda bolalarni saqlash uchun ota-onalar toʻlovi undirilmaydi, bundan bolalarning qonuniy vakillari bilan tuzilgan shartnomada nazarda tutilgan holatlar mustasno”;

k) 70-bandning oltinchi xatboshisidagi “Maktabgacha taʼlim hududiy boshqaruv organlariga” soʻzlari “Agentlikning Qoraqalpogʻiston Respublikasi, viloyatlar va Toshkent shahar boshqarmalariga” soʻzlari bilan almashtirilsin;

l) 71-banddagi “Oʻzbekiston Respublikasi Maktabgacha taʼlim vazirligi” soʻzlari “Agentlik” soʻzi bilan almashtirilsin;

m) 72-banddagi “Oʻzbekiston Respublikasi maktabgacha taʼlim vaziri” soʻzlari “Agentlik direktori” soʻzlari bilan almashtirilsin;

n) 75-banddagi “Oʻzbekiston Respublikasi Maktabgacha taʼlim vazirligi” soʻzlari “Agentlik” soʻzi bilan almashtirilsin;

o) 77-bandning ikkinchi , uchinchi va toʻrtinchi xatboshilaridagi “maktabgacha taʼlim hududiy boshqaruv organi va Oʻzbekiston Respublikasi Maktabgacha taʼlim vazirligi” soʻzlari “Agentlik” soʻzi bilan almashtirilsin;

p) quyidagi mazmundagi ilova bilan toʻldirilsin:

“Reabilitatsiya markaziga ega davlat koʻp tarmoqli ixtisoslashtirilgan maktabgacha taʼlim tashkiloti toʻgʻrisidagi nizomga ILOVA

Reabilitatsiya markaziga qabul qilish uchun asos boʻladigan tibbiy koʻrsatmalar

Kasallik nomi Xalqaro Kasalliklar Tasnifi (XKT-10) Ruhiy rivojlanishdagi nuqsonlar (3 yoshdan) Psixologik rivojlanishning aralash spetsifik buzilishlari F83 Bolalar autizmi F84.0 Atipik autizm F84.1 Retta sindromi F84.2 Aqliy zaiflik va stereotip harakatlar bilan birga F84.4 Bolalik yoshidagi boshqa dezintegrativ buzilish F84.3 Asperger sindromi F84.5 Rivojlanishning boshqa umumiy buzilishlari F84.8 Aqliy rivojlanishdagi nuqsonlar (3 yoshdan) Yengil darajadagi aqliy zaiflik F70 Moʻtadil aqliy zaiflik F71 Ogʻir darajadagi aqliy zaiflik F72 Nutqdagi nuqsonlar (3 yoshdan) Ekspressiv nutqning buzilishi (nutq rivojlanishining birinchi va ikkinchi darajali motor alaliyasi) F80.1 Retseptiv nutqning buzilishi (sensor alaliya) F80.2 Rinolaliya (nutq apparatining korreksiya boʻyicha operatsiyalardan keyingi holat) R49.2 Oʻrtacha va ogʻir darajadagi duduqlik F98.5 Dizartriya (markaziy nerv tizimining organik shikastlanishi bilan) R47.1 Koʻrishida nuqsonlar (2 yoshdan): Koʻzi ojizlik (amovroz) N54.1 Tugʻma nuqsonlar Q11 Mikroftalm Mikrokornea Anoftalm Retinoblastoma C69.2 Koloboma Q13.0 Q12.2 Q10.3 Q14.2 Q14.8 Preretinopatiya (chala tugʻilgan bolalar retinopatiyasi) N35.1 Koʻrish nervining atrofiyasi N47.2 Koʻrish nervi disk va makulasining ogʻir darajadagi gipoplaziyasi Q14.2 Albinizm E70.3 Aniridiya Q13.1 Katarakta N26.0 Markaziy zonada toʻliq yoki qisman xiralashish N26.0 Artifakiya N27.0 Afakiya (koʻz gavhari yoʻqligi) Q12.3 N27.0 Koʻz gavhari siljishi (joyi oʻzgarishi) Q12.1 N27.1 Koʻz gavharining chiqishi N27.1 Glaukoma (tugʻma, ikkilamchi) N40 — 42 Tugʻma miopiyaning oʻrta, yuqori darajasi N52.1 Gipermetropiyaning oʻrta yuqori darajasi N52.0 Toʻr parda ajralishi, uning yorilishi yoki yirtilishlari N33 Nistagm N55 Eshitishida nuqsonlar (2 yoshdan) Koxlear implantatsiyadan keyin N90.3 KI Neyrosensor eshitish zaifligining II darajasi (eshitishning 41 — 55 db gacha pasayishi), (quloqni protezlash) N90.3 II daraja Neyrosensor eshitish zaifligining III darajasi (eshitishning 56 — 70 db gacha pasayishi), (quloqni protezlash) N90.3 III daraja Neyrosensor eshitish zaifligining IV darajasi (eshitishning 91 db gacha pasayishi) N90.3 IV daraja Karlik yoki kar-soqovlik (eshitishning 91 db dan ortiq pasayishi) N90.3 Kar Tayanch-harakat apparati nuqsonlari (2 yoshdan) Koʻkrak qafasining 2, 3 va 4 darajali girdobsimon deformatsiyasi Q67.6 Koʻkrak qafasining 2,3 va 4 darajali qilsimon deformatsiyasi Q67.7 Artrogripoz Q74.3 Boshqa nevrologik patologiyalar oqibatida ortopedik deformatsiyalari; tugʻma va irsiy kasalliklar (Daun sindromi, Shereshev-Terner sindromi, Klaynfelter sindromi, spinal amiotrofiyalar, Kornellii-de Lange sindromi, Vilyams sindromi, Pradera-Villi sindromi, Nunan sindromi) Q90 Q96 Q98 G12 Q87.1 Spina bifida (tayanch-harakat apparati buzilgan holda Q05 Osteomiyelit asoratlari (jarrohlik muolajasidan keyingi holatlar) M86 Oʻrta, ogʻir tugʻma maymoqlik Q66.0 Q66.1 Q66.4 Qoʻl va oyoqlarda jarohatdan keyingi boʻgʻimlar ogʻir darajadagi kontrakturasi M24.5 Ortopediyadagi suyak skeletining tizim kasalliklari (axondroplaziya, disxondroplaziya, xondrodistrofiya) Q77.4 Tugʻma son suyagi chiqishi S73.0 Aniqlanmagan oyoq-qoʻl(lar) tugʻma anomaliyalari (tugʻma rivojlanish anomaliyasi oqibatida amputatsion choʻltoqlik (tayanch-harakat funksional yetishmovchiligiga olib keladigan) Q74.9 Koʻpincha markaziy nerv sistemasini shikastlantiruvchi, sistem atrofiyalar (G10-G13) (2 yoshdan) Gentitgton kasalligi G10 Irsiy ataksiya Istisno qilingan: bolalar serebral falaji G11 Modda almashinuvi buzilishlari, irsiy va idiopatik nevropatiya (G80.-) (E70-E90) 433 (G60.-) Tugʻma progressiyaga moyil boʻlmagan ataksiya G11.0 DNK reparatsiyasi buzilishiga ega miyacha ataksiyasi Istisno qilingan: pigmentli kserodermiya (Q82.1) Kokkeyn sindromi (Q87.1) G11.3 Irsiy spastik paraplegiya G11.4 Boshqa irsiy ataksiya G11.8 Aniqlanmagan irsiy ataksiya G11.9 Spinal mushak atrofiyasi va unga yaqin sindromlar G12 Boshqa irsiy spinal mushak atrofiyalari G12.1 Harakatlantiruvchi nevron kasalligi G12.2 Boshqa spinal mushak atrofiyalari va unga yaqin sindromlar G12.8 Aniqlanmagan spinal mushak atrofiyasi G12.9 Boshqa ruknlarda tasniflangan kasalliklarda, asosan markaziy nerv sistemasini shikastlantiruvchi, sistem atrofiyalar G13* Paraneoplastik nevromiopatiya va nevropatiya G13.0* Oʻsma kasalliklarda, asosan markaziy nerv sistemaga taʼsir koʻrsatadigan, boshqa sistem atrofiyalar G13.1* Meksedemadagi, asosan markaziy nerv sistemaga taʼsir koʻrsatadigan, sistem atrofiya (E00.1+, E03.- +) G13.2* Boshqa ruknlarda tasniflangan, boʻlak kasalliklarda, asosan markaziy nerv sistemaga taʼsir koʻrsatadigan, sistem atrofiya G13.8 Ekstrapiramid va boshqa harakatlar buzilishlari(G20-G26) (2 yoshdan) Gallervorden-Shpats kasalligi G23.0 [Stil-Pichardson-Olshevskiy] progressiyaga moyil yadro usti oftalmoplegiyasi G23.1 Striatonigral degeneratsiya G23.2 Bazal gangliylarning boshqa aniqlangan degenerativ kasalliklari G23.8 Bazal gangliylar aniqlanmagan degenerativ kasalligi G23.9 Distoniya Kiritilgan: diskineziya Istisno qilingan: atetoidli serebral paralich (G80.3) G24 Dori vositalar keltirib chiqargan, distoniya G24.0 Idiopatik oilaviy distoniya G24.1 Idiopatik oilaviy boʻlmagan distoniya G24.2 Spastik boʻyin qiyshiqligi Istisno qilingan: boʻyin qiyshiqligi QRA (M43.6) G24.3 Idiopatik ogʻiz-yuz distoniyasi G24.4 Blefarospazm G24.5 Boshqa distoniyalar G24.8 Aniqlanmagan distoniya G24.9 Boshqa ekstrapiramid va harakatlanish buzilishlari G25 Essensial tremor Istisno qilingan: tremor QRA (R25.1) G25.0 Dori vosita keltirib chiqargan, tremor G25.1 Boshqa aniqlangan tremor turlari G25.2 Mioklonus Istisno qilingan: yuz miokimiyasi (G51.4) mioklonik epilepsiya (G40.) G25.3 Dori vosita keltirib chiqargan, xoreya G25.4 Xoreyaning boshqa turlari Istisno qilingan: revmatik xoreya (I02.-) yurakni jalb etgan xoreya QRA (I02.0) Gentington xoreyasi (G10) Sidenxem xoreyasi (I02.-) G25.5 Dori vositalar keltirib chiqargan va boshqa organik genezli tiklar Istisno qilingan: 53.de la Turett sindromi (F95.2) tik QRA (F95.9) G25.6 Boshqa aniqlangan ekstrapiramid va harakatlanish buzilishlari G25.8 Aniqlanmagan ekstrapiramid va harakatlanish buzilishi G26* Boshqa ruknlarda tasniflangan kasalliklarda ekstrapiramid va harakatlanish buzilishlari G25.9 Idiopatik oilaviy distoniya G24.1 Idiopatik oilaviy boʻlmagan distoniya G24.2 Spastik boʻyin qiyshiqligi Istisno qilingan: boʻyin qiyshiqligi QRA (M43.6) G24.3 Modda almashinuvi kasalliklari (2 yoshdan): Glukozaminoglikanlar almashinuvi buzilishlari E76 Mukopolisaxaridoz, I tip E76.0 Mukopolisaxaridoz, E76.1 Klassik fenilketonuriya II tip E70.0 Boshqa ruknlarda tasniflangan kasalliklardagi, ensefalit, miyelit va ensefalomiyelit (9.Kiritilgan: boshqa ruknlarda tasniflangan kasalliklardagi meningoensefalit va meningomiye) G05 Boshqa ruknlarda tasniflangan bakterial kasalliklardagi, ensefalit, miyelit va ensefalomiyelit G05.0 Boshqa ruknlarda tasniflangan virusli kasalliklardagi, ensefalit, miyelit va ensefalomiyelit G05.1 Boshqa ruknlarda tasniflangan boshqa infeksion va parazitar kasalliklardagi, ensefalit, miyelit va ensefalomiyelit G05.8 ”.

12. Vazirlar Mahkamasining 2019-yil 27-sentabrdagi 816-son qarori bilan tasdiqlangan “Keksalar maslahati” guruhlari toʻgʻrisidagi namunaviy nizomning 8-bandi oʻn toʻrtinchi xatboshisidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin.

13. Vazirlar Mahkamasining “Oliy taʼlim muassasalari talabalariga toʻlanadigan stipendiyalar miqdorlarini belgilash hamda stipendiyalar tayinlash va toʻlash tartibini takomillashtirish chora-tadbirlari toʻgʻrisida” 2020-yil 31-yanvardagi 59-son qarorida :

a) 4-bandda :

quyidagi mazmundagi beshinchi xatboshi bilan toʻldirilsin:

“stipendiyalar 2027-yil 1-yanvarga qadar naqd pul shaklida yoki bank kartalari, shu jumladan, ijtimoiy karta orqali, 2027-yil 1-yanvardan boshlab esa faqat ijtimoiy karta orqali toʻlanadi”;

beshinchi xatboshi oltinchi xatboshi deb hisoblansin;

b) 1-ilovaning 10 2 -bandida :

quyidagi mazmundagi sakkizinchi xatboshi bilan toʻldirilsin:

“Talaba-qizlarga maxsus stipendiya mazkur bandning beshinchi — yettinchi xatboshilarida nazarda tutilgan miqdordagi pul mablagʻlarini naqd pulsiz shaklda ularning ijtimoiy kartalariga oʻtkazish yoʻli bilan toʻlanadi”;

sakkizinchi — oʻn birinchi xatboshilar tegishlicha toʻqqizinchi — oʻn ikkinchi xatboshilar deb hisoblansin.

14. Vazirlar Mahkamasining 2020-yil 9-noyabrdagi 698-son qarori bilan tasdiqlangan Jizzax viloyatining Zomin tumanida mahalla fuqarolar yigʻinlari faoliyatini takomillashtirish yuzasidan chora-tadbirlarning 6-pozitsiyasida:

a) “Chora-tadbirlar nomi” ustunidagi ““Saxovat” keksa va nogironlar uchun internat uyida” soʻzlari “nogironligi boʻlgan shaxslar uchun ayollar “Gʻamxoʻrlik” markazida” soʻzlari bilan almashtirilsin;

b) “Amalga oshirish mexanizmi” ustunining 1 — 3-bandlaridagi ““Muruvvat uyi”da” soʻzlari “Zomin nogironligi boʻlgan shaxslar uchun ayollar “Gʻamxoʻrlik” markazida” soʻzlari bilan almashtirilsin.

15. Vazirlar Mahkamasining “Yetim bolalar va ota-onasining yoki boshqa qonuniy vakillarining qaramogʻidan mahrum boʻlgan bolalarning ijtimoiy himoyasini yanada kuchaytirish chora-tadbirlari toʻgʻrisida” 2020-yil 21-noyabrdagi 739-son qarorida :

a) 2-bandning uchinchi xatboshisi quyidagi tahrirda bayon etilsin:

“toʻliq davlat taʼminoti pul nafaqalari hamda oziq-ovqat mahsulotlari, kiyim-bosh, poyabzal va boshqa buyumlar, shuningdek, transportda yurish toʻlovidan iborat boʻladi. Bunda taʼlim muassasalarida taʼlim olayotgan toʻliq davlat taʼminotida boʻlgan yetim bolalar va ota-onasining yoki boshqa qonuniy vakillarining qaramogʻidan mahrum boʻlgan bolalarga pul nafaqalari 2026-yil 1-dekabrga qadar naqd pul shaklida yoki bank kartalari, shu jumladan ijtimoiy karta orqali, 2026-yil 1-dekabrdan boshlab esa faqat ijtimoiy karta orqali toʻlanadi”;

b) 1-ilovada :

4-bandning birinchi xatboshisidagi “transportda yurish kartochkalaridan” soʻzlari “transportda yurish toʻlovidan” soʻzlari bilan almashtirilsin;

5-band quyidagi tahrirda bayon etilsin:

“5. Agar oʻquvchi (talaba)ning yashash joyi u taʼlim olayotgan taʼlim muassasasi joylashgan joydan 3 kilometrdan ortiq masofani tashkil etsa, oʻquvchi (talaba)lar transportda yurish toʻlovlari bilan taʼminlanadi”;

2-bobning nomidagi “transportda yurish kartochkalari” soʻzlari “transportda yurish toʻlovini” soʻzlari bilan almashtirilsin;

9-banddagi , 11 — 14-bandlardagi , 16-bandning birinchi va ikkinchi xatboshilaridagi , 17 va 19-bandlardagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

23-band quyidagi tahrirda bayon etilsin:

“23. Oʻquvchi (talaba)ga ijtimoiy taʼminot yordamini berish ularning ijtimoiy kartasiga pul oʻtkazish orqali amalga oshiriladi”;

25-band quyidagi mazmundagi ikkinchi xatboshi bilan toʻldirilsin:

“Ijtimoiy taʼminot yordami oʻquvchi (talaba)larning ijtimoiy kartalariga pul oʻtkazish orqali berilganda tarqatish qaydnomasiga ularning imzosini qoʻydirish talab etilmaydi”;

5-bob nomidagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

27 — 30-bandlar quyidagi tahrirda bayon etilsin:

“27. Transportda yurish toʻlovi umumiy foydalaniladigan transportda yoʻlovchi tashish uchun yoʻlkira haqini toʻlashning avtomatlashtirilgan tizimi joriy etilgan hududlarda oylik tarif rejalari asosida oʻquvchi (talaba)ning ijtimoiy kartasi orqali amalga oshiriladi. Bunda ijtimoiy kartada transport karta funksiyasini faollashtirish bepul amalga oshiriladi.

Agar oʻquvchi (talaba) oʻqiydigan tuman (shahar)da yoki aholi punktida bu turdagi avtomatlashtirilgan tizim boʻlmasa, u holda ularga jamoat transportida yurishlari uchun tegishli oylik tarif rejasi miqdoridagi pul mablagʻi oʻquvchi (talaba)ning ijtimoiy kartasiga pul oʻtkazish orqali beriladi.

28. Transportda yurish toʻlovi muassasalarning xarajatlar smetasiga ajratilgan mablagʻlar hisobidan amalga oshiriladi.

29. Transportda yurish toʻlovi muassasalar tomonidan oʻquvchi (talaba)ning ijtimoiy kartasiga pul oʻtkazish yoʻli bilan oʻqish davrida tarif amal qiladigan oydan oldingi oy tugashiga kamida ikki kun qolganida amalga oshiriladi.

30. Transportda yurish toʻlovi oʻqish davri uchun amalga oshiriladi”;

33-band quyidagi tahrirda bayon etilsin:

“33. Bitiruv nafaqasi har yili 1-sentabrgacha bitiruvchining ijtimoiy kartasiga pul oʻtkazish orqali beriladi.

Oʻqishdan chetlashtirilgan talabalarga bitiruv nafaqasi mazkur Nizomning 14-bandining “g” kichik bandida nazarda tutilgan hujjatlarni taqdim etgan kundan eʼtiboran uch oy ichida uning ijtimoiy kartasiga pul oʻtkazish orqali beriladi”;

34-band quyidagi mazmundagi ikkinchi xatboshi bilan toʻldirilsin:

“Bitiruv nafaqasi oʻquvchi (talaba)larning ijtimoiy kartalariga pul oʻtkazish orqali berilganda tarqatish qaydnomasiga ularning imzosini qoʻydirish talab etilmaydi”;

35 4 -band quyidagi tahrirda bayon etilsin:

“35 4 . Oʻquv, ilmiy va badiiy adabiyotlar (kitoblar) xarid qilish uchun tegishli mablagʻlar oʻquvchi (talaba)ning ijtimoiy kartasiga pul oʻtkazish orqali beriladi”;

7-bob nomidagi va 36-37-bandlardagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

38-band quyidagi tahrirda bayon etilsin:

“38. Ijtimoiy taʼminot yordami, transportda yurish toʻlovi hamda bitiruv nafaqalari uchun sarflanadigan mablagʻlarning buxgalteriya hisobi va hisoboti tegishli taʼlim muassasasining buxgalteriyasi tomonidan amalga oshiriladi”;

39-band quyidagi tahrirda bayon etilsin:

“39. Muassasalar tomonidan har oʻquv yili yakunida ushbu Nizomga 5-ilovaga muvofiq shakl boʻyicha hisobot tayyorlanadi hamda iqtisodiyot va moliya organlariga taqdim etiladi.

Iqtisodiyot va moliya organlari tomonidan ushbu hisobotlar asosida Oʻzbekiston Respublikasi Iqtisodiyot va moliya vazirligiga hisobot taqdim etiladi”;

40-banddagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

41-band quyidagi tahrirda bayon etilsin:

“41. Muassasalarning ijtimoiy taʼminot yordami, transportda yurish toʻlovi hamda bitiruv nafaqalarini toʻlash bilan bogʻliq faoliyatini nazorat qilish Davlat moliyaviy nazorati inspeksiyasining hududiy boʻlinmalari tomonidan amalga oshiriladi”;

42-band quyidagi tahrirda bayon etilsin;

“42. Shaxsiy javobgarlik:

taʼlim muassasasi tomonidan ijtimoiy taʼminot yordami, transportda yurish toʻlovlari hamda bitiruv nafaqalarini asosli tayinlash va toʻlash tartibiga rioya qilinganligi va moliyaviy hisobotlarning toʻgʻriligi boʻyicha ishchi guruh rahbariga;

ijtimoiy taʼminot yordami, transportda yurish toʻlovlari hamda bitiruv nafaqalari uchun ajratilgan mablagʻlarning muassasalarga oʻz vaqtida va toʻliq oʻtkazib berilishi boʻyicha iqtisodiyot va moliya organi rahbariga;

taʼlim muassasasi tomonidan ijtimoiy taʼminot yordami, transportda yurish toʻlovlari hamda bitiruv nafaqalarining oʻz vaqtida va toʻliq toʻlab berilishi boʻyicha muassasa rahbari va bosh buxgalterga yuklatiladi”;

1-ilovaning izoh qismi 2-bandidagi “naqd pul beriladi” soʻzlari “oʻquvchi (talaba)larning ijtimoiy kartalariga oʻtkaziladi yoki naqd pul shaklida beriladi” soʻzlari bilan almashtirilsin;

3-ilovaning nomidagi va 1 — 3-bosqichlari “Tadbirlar” ustunidagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

4-ilovaning nomidagi va jadvalidagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin;

5-ilovaning nomidagi, 2 — 4 va 6-7-pozitsiyalarning “Ijtimoiy taʼminot yordami turi” ustunidagi “transportda yurish kartochkalari” soʻzlari “transportda yurish toʻlovi” soʻzlari bilan almashtirilsin.

16. Vazirlar Mahkamasining 2021-yil 18-iyundagi 380-son qarori bilan tasdiqlangan Fuqarolar yigʻinining komissiyalari toʻgʻrisidagi namunaviy nizom 6-bandining yettinchi xatboshisidagi ““Mehribonlik” va “Muruvvat” uylariga” soʻzlari ““Mehribonlik” uylari va “Gʻamxoʻrlik” markazlariga” soʻzlari bilan almashtirilsin.

17. Vazirlar Mahkamasining 2021-yil 12-oktabrdagi 638-son qarori bilan tasdiqlangan Alohida taʼlim ehtiyojlari boʻlgan bolalar uchun davlat ixtisoslashtirilgan taʼlim muassasalari toʻgʻrisidagi nizomda :

a) 1 va 2-ilovalarning ilova belgisidagi “Jismoniy, aqliy, sensor yoki ruhiy nuqsonlari” soʻzlari “Alohida taʼlim ehtiyojlari” soʻzlari bilan almashtirilsin;

b) 2-ilovaning 1-bandining uchinchi xatboshisidagi , 2-bandidagi , 3-bandidagi , 4-bandidagi , 3-bobning nomidagi , 13-bandidagi , 14-bandidagi , 15-bandidagi , 16-bandining uchinchi va toʻrtinchi xatboshilaridagi , 18-bandidagi , 20-bandining birinchi xatboshisidagi tegishli kelishikdagi ““Muruvvat” internat uyi” soʻzlari tegishli kelishikdagi ““Gʻamxoʻrlik” markazi” soʻzlari bilan almashtirilsin.

18. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomda :

a) 2-ilovaning 9-pozitsiyasi uchinchi ustuni quyidagi mazmundagi “a 1 ” kichik band bilan toʻldirilsin:

“a 1 ) nodavlat taʼlim xizmatlari koʻrsatiladigan bino va xonalarni onlayn translyatsiya qilish hamda bolalarning ota-onalari (ularning oʻrnini bosuvchi shaxslar) tomonidan onlayn kuzatish imkoniyatiga ega boʻlgan, ovoz yozish moslamalik ichki va tashqi kameralar bilan taʼminlash.

Bunda videoyozuv qaydlari kamida olti oygacha saqlab boriladi*”;

b) 28-ilovaning 10-pozitsiyasi uchinchi ustuni quyidagi tahrirda bayon etilsin:

“a) Sanitariya-epidemiologik osoyishtalik va jamoat salomatligi qoʻmitasi, Soliq qoʻmitasi va “Zarur amaliyotlar markazi” DM. Bunda ushbu vakolatli organlar ariza tushgan kundan boshlab 5 ish kuni ichida, tezlashtirilgan tartibda taqdim etilgan arizalar boʻyicha 3 ish kuni ichida tegishli kelishuvni litsenziyalovchi organga taqdim etishlari lozim;

b) Qurilish va uy-joy kommunal xoʻjaligi sohasida nazorat qilish inspeksiyasi tomonidan obyektda shaharsozlik norma va qoidalarida belgilangan talablarga muvofiq nogironligi boʻlgan shaxslar uchun toʻsiqlarsiz muhit yaratilganligi toʻgʻrisidagi xulosa (5 ish kuni ichida)”.

19. Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisida yagona nizomga 17-ilovaning 9-pozitsiyasi uchinchi ustuni quyidagi mazmundagi “j” kichik band bilan toʻldirilsin:

“j) binolar va xonalar onlayn translyatsiya qilish hamda bolalarning ota-onalari (ularning oʻrnini bosuvchi shaxslar) tomonidan onlayn kuzatish imkoniyatiga ega boʻlgan, ovoz yozish moslamalik ichki va tashqi kameralar bilan taʼminlangan boʻlishi.

Bunda videoyozuv qaydlari kamida olti oygacha saqlab boriladi*”.

20. Vazirlar Mahkamasining 2022-yil 8-iyuldagi 373-son qarori bilan tasdiqlangan Oilaviy tadbirkorlikni rivojlantirish dasturlarining yagona elektron platformasi orqali kreditlar ajratish tartibi toʻgʻrisidagi nizom quyidagi mazmundagi 30 13 -band bilan toʻldirilsin:

“30 13 . Dasturlar doirasida “davlat taʼminotidagi oila” toifasidagi oilalar uchun tijorat banklari orqali 4 yilgacha muddatga bazaviy hisoblash miqdorining 75 baravarigacha miqdorda kredit oilaning mehnatga layoqatli aʼzolarining bandligini taʼminlash, tadbirkorlik faoliyatini boshlash yoki kengaytirish, shu jumladan, chorva mollari, parranda, quyon, baliq va asalari uyasi, koʻchma doʻkonlar (food truck), motoroller, skuter va boshqa asosiy vositalarni sotib olish yoki issiqxona qurish uchun ajratiladi. Bunda:

kredit bir yillik imtiyozli davr bilan “davlat taʼminotidagi oila” toifasidagi oila aʼzosining ijtimoiy kartasiga oʻtkaziladi;

tadbirkorlik faoliyatini boshlash uchun zarur boʻlgan chorva mollari, parranda, quyon, baliq va asalari uyasi, koʻchma doʻkonlar (food truck), motoroller, skuter va boshqa asosiy vositalarni kredit hisobidan olishda hokim yordamchisi va mahalla bankiri koʻmaklashadi hamda loyiha daromadga kirguncha ushbu oilaga hamrohlik qiladi;

kredit foiz stavkasi dasturlar doirasidagi foiz stavkasida hisoblanadi;

tijorat banklari tomonidan qarz oluvchilarga ajratiladigan kreditlar boʻyicha muddati oʻtgan qarzdorliklar uchun oshirilgan va (yoki) qoʻshimcha foizlar hamda neustoyka (jarima, penya) hisoblanmaydi;

hisoblangan foiz boʻyicha ustama haqi miqdori har oyning yakuni bilan, tijorat banklari tomonidan ajratiladigan kredit va unga hisoblanadigan foizlar boʻyicha keyingi oyning 5-sanasiga qadar Kambagʻallikni qisqartirish davlat maqsadli jamgʻarmasiga roʻyxat taqdim etiladi;

hisoblangan foizlar taqdim etilgan roʻyxat asosida hisobot oyining 10-sanasiga qadar Kambagʻallikni qisqartirish davlat maqsadli jamgʻarmasi mablagʻlari hisobidan tijorat banklariga (ushbu bandning toʻrtinchi xatboshisiga muvofiq muddati oʻtgan qarzdorliklar yuzasidan oshirilgan va (yoki) qoʻshimcha foizlar hamda neustoyka (jarima va penyalar) hisoblanmaydi, shuningdek, Kambagʻallikni qisqartirish davlat maqsadli jamgʻarmasidan qoplab berilmaydi) qoplab beriladi”.

21. Vazirlar Mahkamasining 2022-yil 22-avgustdagi 464-son qarori bilan tasdiqlangan Davlat oʻrmon fondiga kirmaydigan daraxtlar va butalarni ekish, parvarish qilish hamda ulardan foydalanish tartibi toʻgʻrisidagi nizom 40-bandining uchinchi xatboshisidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin.

22. Vazirlar Mahkamasining “Davlat pensiyalarini tayinlash va toʻlash tartibi toʻgʻrisidagi nizomni tasdiqlash haqida” 2022-yil 13-oktabrdagi 592-son qarorida :

a) quyidagi mazmundagi 2 2 -band bilan toʻldirilsin:

“2 2 . Belgilansinki, 2026-yil 1-dekabrdan boshlab pensiya oluvchilarga oʻz xohishiga koʻra yoshga doir, nogironlik va boquvchisini yoʻqotganligi boʻyicha pensiyalarni ijtimoiy karta orqali olish huquqi beriladi”;

b) 1-ilovada :

140-bandning ikkinchi xatboshisi “bank kartasiga” soʻzlaridan keyin “yoki ijtimoiy kartasiga” soʻzlari bilan toʻldirilsin;

141-bandda :

birinchi xatboshidagi “bank plastik kartochkalari” soʻzlari “bank kartalari va ijtimoiy kartalari” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Haqiqatda moliyalashtirilgan mablagʻlar toʻlov topshiriqnomasi va qaydnoma elektron shaklda taqdim etilgan kundan boshlab keyingi ish kunidan kechiktirmasdan xizmat koʻrsatuvchi tijorat banki filiali tomonidan pensioner uchun ochilgan 22617 — “Pensionerlarning bank kartalari boʻyicha majburiyatlari” hisobvaragʻiga va ijtimoiy karta boʻyicha uni emissiya qilgan tijorat banki filiali tomonidan jismoniy shaxs uchun ochilgan 22618 — “Jismoniy shaxslarning bank kartalari boʻyicha majburiyatlari” hisobvaragʻiga kirim qilinadi”;

146-band quyidagi tahrirda bayon etilsin:

“146. Tijorat banki filiallari har oyda pensionerlarning bank kartalariga va ijtimoiy kartalariga mablagʻlar oʻz vaqtida kirim qilinishini taʼminlashi lozim.

Pensionerning bank kartalariga yoki ijtimoiy kartasiga mablagʻlar kirim qilingan sana pensiya toʻlangan sana deb hisoblanadi.

Bunda pensioner vafot etgan oyda, jumladan pensiya va boshqa toʻlovlar toʻlanishi kerak boʻlgan oyning birinchi sanasi uzoq muddatli dam olish yoki bayram kunlariga toʻgʻri kelishi sababli kelgusi oy uchun muddatidan avval uning bank kartasiga yoki ijtimoiy kartasiga kirim qilingan mablagʻlar Pensiya jamgʻarmasiga qaytarilmaydi.

Pensionerning bank kartasiga yoki ijtimoiy kartasiga mablagʻlar pensioner vafot etgan oydan keyingi oylarda kirim qilingan hollarda Pensiya jamgʻarmasi boʻlimlari mablagʻlarni Pensiya jamgʻarmasi hisobvaragʻiga vafot etgan pensionerning hisobvaragʻidagi qoldiq mablagʻlar hisobidan qaytarish toʻgʻrisida tegishli tijorat banklari filiallariga rasmiy xat yuborish orqali qaytarish choralarini koʻradi”;

162-bandning ikkinchi xatboshisidagi “bank plastik kartasiga” soʻzlari “bank kartasiga yoki ijtimoiy kartasiga” soʻzlari bilan almashtirilsin;

180-bandining toʻrtinchi xatboshisidagi ““Muruvvat” internat uylarida” soʻzlari ““Gʻamxoʻrlik” markazlarida” soʻzlari bilan almashtirilsin;

22-ilovadagi “tijorat bankining plastik (bank) kartasi,” soʻzlari “bank kartasi, ijtimoiy karta,” soʻzlari bilan almashtirilsin.

23. Vazirlar Mahkamasining “Ijtimoiy himoyaga muhtoj ayrim toifadagi shaxslarga nafaqa va moddiy yordamlarni tayinlash hamda toʻlash tartibi toʻgʻrisidagi nizomlarni tasdiqlash va ushbu sohaga zamonaviy axborot texnologiyalarini keng joriy etish orqali davlat xizmati sifatini oshirishga doir qoʻshimcha chora-tadbirlar haqida” 2023-yil 23-martdagi 119-son qarorida :

a) quyidagi mazmundagi 2 1 -band bilan toʻldirilsin:

“2 1 . Yoshga doir nafaqa, nogironlik nafaqasi, yolgʻiz keksalar va nogironligi boʻlgan shaxslar uchun har oylik moddiy yordam, nogironligi boʻlgan 18 yoshgacha bolalarga nogironlik nafaqalari, parvarishlash va boquvchisini yoʻqotganlik nafaqasi 2027-yil 1-yanvardan boshlab faqat ijtimoiy karta orqali toʻlanadi”;

b) 1-ilovada :

2-bandda :

quyidagi mazmundagi uchinchi xatboshi bilan toʻldirilsin:

“moliyaviy agent — nafaqalarni ularni oluvchilarning ijtimoiy kartalariga oʻtkazishga masʼul boʻlgan Oʻzbekiston Respublikasi rezidenti boʻlgan tijorat banki”;

uchinchi — oltinchi xatboshilar tegishlicha toʻrtinchi — yettinchi xatboshilar deb hisoblansin;

60-bandning ikkinchi xatboshisidagi “bank plastik kartasiga” soʻzlari “bank kartasiga, shu jumladan, ijtimoiy kartasiga” soʻzlari bilan almashtirilsin;

71-banddagi ““Mehribonlik”, “Muruvvat” uylariga” soʻzlari ““Mehribonlik” uylariga, “Gʻamxoʻrlik” markazlariga” soʻzlari bilan almashtirilsin;

76-bandning ikkinchi xatboshisidagi “bank plastik kartasiga” soʻzlari “bank kartasiga yoki ijtimoiy kartasiga” soʻzlari bilan almashtirilsin;

10-ilova quyidagi mazmundagi izoh qismi bilan toʻldirilsin:

v) 2-ilovada :

2-band quyidagi mazmundagi beshinchi xatboshi bilan toʻldirilsin:

“moliyaviy agent — moddiy yordamni uni oluvchilarga toʻlashga masʼul boʻlgan Oʻzbekiston Respublikasi rezidenti boʻlgan tijorat banki”;

beshinchi-oltinchi xatboshilar tegishlicha oltinchi-yettinchi xatboshilar deb hisoblansin;

9-bandning “v” kichik bandi quyidagi tahrirda bayon etilsin:

“v) ushbu Nizomga muvofiq tayinlangan moddiy yordamni toʻlash uchun toʻlov qaydnomalari “Yagona milliy ijtimoiy himoya” axborot tizimi orqali har oyning 4 sanasiga qadar moliyaviy agentga yuboradi hamda zarur mablagʻlarni moliyaviy agentga oʻtkazib beradi”;

12-band quyidagi tahrirda bayon etilsin:

“12. Moddiy yordam qonunchilik hujjatlarida belgilangan tartib va muddatlarda moliyaviy agent tomonidan joriy toʻlov oyidan kechikmay toʻlanadi.

2027-yil 1-yanvardan boshlab ijtimoiy karta rasmiylashtirilmagan Reyestrga kiritilgan shaxsga moddiy yordam ijtimoiy karta olingandan keyin bir yoʻla toʻlanadi”;

14 1 -bandda :

ikkinchi xatboshidagi “AT “Xalq banki”” soʻzlari “moliyaviy agent” soʻzlari bilan almashtirilsin;

toʻrtinchi xatboshidagi ““Muruvvat” internat-uylari” soʻzlari ““Gʻamxoʻrlik” markazlari” soʻzlari bilan almashtirilsin;

quyidagi mazmundagi beshinchi xatboshi bilan toʻldirilsin:

“2027-yil 1-yanvardan boshlab uch oydan ortiq vaqt mobaynida ijtimoiy karta ochilmaganda”;

beshinchi — sakkizinchi xatboshilar tegishlicha oltinchi — toʻqqizinchi xatboshilar deb hisoblansin;

toʻqqizinchi xatboshidagi ““Muruvvat” internat-uylari” soʻzlari ““Gʻamxoʻrlik” markazlari” soʻzlari bilan almashtirilsin;

1-ilovaning 3-bosqichi “Mexanizm” ustuni 1-bandidagi “AT “Xalq banki”ga” soʻzlari “moliyaviy agentga” soʻzlari bilan almashtirilsin.

24. Vazirlar Mahkamasining “Aholining ijtimoiy himoya olish huquqlarini taʼminlash hamda davlat ijtimoiy yordami va xizmatlarini koʻrsatishga doir qoʻshimcha chora-tadbirlar toʻgʻrisida” 2023-yil 14-oktabrdagi 539-son qarorida :

a) 1-ilova 7 va 13-pozitsiyalarining “Koʻrsatiladigan ijtimoiy xizmat va yordamlar” ustunidagi ““Muruvvat” internat uylariga” soʻzlari ““Gʻamxoʻrlik” markazlariga” soʻzlari bilan almashtirilsin;

b) 5-ilovada :

11 1 -pozitsiyasining “Koʻrsatiladigan ijtimoiy xizmatlar” ustunidagi ““Muruvvat” internat uylariga” soʻzlari ““Gʻamxoʻrlik” markazlariga” soʻzlari bilan almashtirilsin;

quyidagi mazmundagi 26-pozitsiya bilan toʻldirilsin:

“ 26. Sudning hal qiluv qarori asosida aliment toʻlovlarini undirish Majburiy ijro byurosi tuman (shahar) boʻlimlari Talabnomani qabul qilish, axborot berish ”.

25. Vazirlar Mahkamasining 2023-yil 20-oktabrdagi 550-son qarori bilan tasdiqlangan Oʻlimni qayd qilish bilan bogʻliq kompozit davlat xizmatlarini koʻrsatishning maʼmuriy reglamentida :

a) 2-bandning “d” kichik bandi quyidagi tahrirda bayon etilsin:

“d) tijorat banki dafn etish uchun nafaqa toʻlovini oʻlim haqidagi gerbli guvohnoma yoki oʻlim qayd etilgani haqida QR-kod (matrik shtrixli kod) tasviri tushirilgan maʼlumotnoma (oʻlik tugʻilgan bola uchun tugʻilganlik haqidagi maʼlumotnoma) asosida Ijtimoiy himoya milliy agentligiga elektron soʻrov yuborish orqali murojaat qilgan fuqaroning nafaqaga boʻlgan huquqini tasdiqlagan holda amalga oshiradi”;

b) 9 1 -bandning oltinchi xatboshisi quyidagi tahrirda bayon etilsin:

“Ariza beruvchilar FHDY boʻlimi tomonidan oʻlim haqidagi gerbli guvohnoma yoki oʻlim qayd etilgani haqida QR-kod (matrik shtrixli kod) tasviri tushirilgan maʼlumotnoma (oʻlik tugʻilgan bola uchun tugʻilganlik haqidagi maʼlumotnoma) va shaxsini tasdiqlovchi hujjatlarini koʻrsatgan holda, oʻlim holati qayd qilingandan boshlab 60 kun muddat ichida dafn etish uchun nafaqa pulini olish maqsadida tijorat bankining istalgan filialiga murojaat qilishi mumkin”;

v) 10-bandning birinchi va ikkinchi xatboshilari quyidagi tahrirda bayon etilsin:

“Tijorat banki dafn etish uchun nafaqa toʻlovini olish maqsadida murojaat qilgan fuqaroning nafaqaga boʻlgan huquqini FHDY boʻlimi tomonidan oʻlim haqidagi gerbli guvohnoma yoki oʻlim qayd etilgani haqida QR-kod (matrik shtrixli kod) tasviri tushirilgan maʼlumotnoma (oʻlik tugʻilgan bola uchun tugʻilganlik haqidagi maʼlumotnoma) asosida Ijtimoiy himoya milliy agentligiga elektron soʻrov yuborish orqali tasdiqlaydi hamda oldindan moliyalashtirilgan mablagʻlar hisobidan nafaqa toʻlovini amalga oshiradi.

Dafn etish uchun nafaqa FHDY boʻlimi tomonidan oʻlim haqidagi gerbli guvohnoma yoki oʻlim qayd etilgani haqida QR-kod (matrik shtrixli kod) tasviri tushirilgan maʼlumotnoma (oʻlik tugʻilgan bola uchun tugʻilganlik haqidagi maʼlumotnoma) berilgan jismoniy shaxslarga toʻlanadi”.

26. Vazirlar Mahkamasining 2023-yil 15-noyabrdagi 603-son qarori bilan tasdiqlangan Taʼlim, tarbiya, bolalar sogʻlomlashtirish, sport va ijodiy tashkilotlarda ishlashi hamda bolalar bilan bevosita ishlashni nazarda tutuvchi faoliyat turlari bilan shugʻullanishi taqiqlangan shaxslar reyestrini shakllantirish va yuritish, shuningdek, undan axborot olish tartibi toʻgʻrisidagi nizomning 12-bandida :

quyidagi mazmundagi oltinchi xatboshi bilan toʻldirilsin:

“Oʻzbekiston Respublikasi Prezidenti huzuridagi Ijtimoiy himoya milliy agentligi va uning tizimidagi tashkilotlar”;

oltinchi — sakkizinchi xatboshilar tegishlicha yettinchi — toʻqqizinchi xatboshilar deb hisoblansin.

27. Vazirlar Mahkamasining “Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi faoliyatini tashkil etish toʻgʻrisida” 2023-yil 28-dekabrdagi 687-son qarorida :

a) 3-bandning “a” kichik band quyidagi mazmundagi beshinchi xatboshi bilan toʻldirilsin:

“faoliyati uchun Markaz mablagʻlari hisobidan 1 ta xizmat yengil avtotransport vositasini saqlashga ruxsat etiladi”;

b) 1-ilovaning 18-bandida :

ikkinchi xatboshidagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin;

qirq birinchi xatboshi quyidagi tahrirda bayon etilsin:

“Agentlik, uning hududiy boʻlinmalari va tizim tashkilotlari xodimlarini qoʻllab-quvvatlash (ragʻbatlantirish, shu jumladan xodimlar faoliyatining samaradorlik koʻrsatkichini (KPI) baholash asosida ragʻbatlantirish, mukofotlash, ustamalar toʻlash, qayta tayyorlash va malaka oshirish davri uchun pullik kompensatsiya) va ijtimoiy himoya qilish, shuningdek mazkur maqsadlar uchun Jamgʻarmadan ajratilgan pul mablagʻlaridan xodimlarga hisoblangan oʻrtacha oylik ish haqidan kelib chiqadigan mehnat taʼtili va boshqa toʻlovlarni ham toʻlash”;

ellik beshinchi xatboshisi “kichik hajmli bolalar uylarini” soʻzlaridan keyin, “shuningdek, kichik hajmli ijtimoiy koʻmak markazlarini” soʻzlari bilan toʻldirilsin;

v) 3-ilovaning 5-bandida :

“a” kichik bandda :

birinchi xatboshi “2 300 ta murojaat” soʻzlaridan keyin “, shu jumladan, qabul qilinmagan qoʻngʻiroqlar” soʻzlari bilan toʻldirilsin;

ikkinchi xatboshi “matnli murojaatlar” soʻzlaridan keyin “, shu jumladan, qabul qilinmagan qoʻngʻiroqlar” soʻzlari bilan toʻldirilsin;

“b” kichik bandning toʻrtinchi xatboshisi “matnli murojaatlar” soʻzlaridan keyin “, shu jumladan qabul qilinmagan qoʻngʻiroqlar” soʻzlari bilan toʻldirilsin.

28. Vazirlar Mahkamasining “Alohida taʼlim ehtiyojlari boʻlgan bolalarning taʼlim olishlarini tashkil etish va ularni reabilitatsiya qilish tizimini takomillashtirish chora-tadbirlari toʻgʻrisida” 2024-yil 25-yanvardagi 46-son qarorida :

a) 3-bandda :

“a” kichik bandda :

ikkinchi xatboshi quyidagi tahrirda bayon etilsin:

“PTPK xulosasini olish uchun bolaning ota-onasi yoki ularning oʻrnini bosuvchi shaxslar (keyingi oʻrinlarda — qonuniy vakillar) yashash joyidagi Ijtimoiy himoya milliy agentligining tuman (shahar)lardagi “Inson” ijtimoiy xizmatlar markaziga yoki hududga biriktirilgan ijtimoiy xodimga, 2026-yil 1-iyundan boshlab Davlat xizmatlari markazi yoxud Oʻzbekiston Respublikasi Yagona interaktiv davlat xizmatlari portali orqali murojaat qiladi”;

uchinchi xatboshidagi “Elektron hukumat” soʻzlari “Raqamli hukumat” soʻzlari bilan almashtirilsin;

“b” kichik bandining uchinchi xatboshisi quyidagi tahrirda bayon etilsin:

“PTPK xulosasi asosida PTPK kotibi tomonidan bola uning qonuniy vakillari bilan kelishgan holda, tegishli taʼlim muassasasiga yoʻnaltiriladi”;

b) quyidagi mazmundagi 3 1 -band bilan toʻldirilsin:

“3 1 . Ijtimoiy himoya milliy agentligi Raqamli texnologiyalar vazirligi va Adliya vazirligi bilan birgalikda 2026-yil 1-iyunga qadar PTPK xulosasini olish uchun Davlat xizmatlari markazi va Oʻzbekiston Respublikasi Yagona interaktiv davlat xizmatlari portali orqali murojaatlar qabul qilish hamda xizmatlar koʻrsatishning har bir bosqichida murojaatlar koʻrib chiqilishini kuzatib borish tartibini joriy etsin”;

v) 6-bandning ikkinchi xatboshisidagi “50 foizi” soʻzlari “bir baravari” soʻzlari bilan almashtirilsin;

g) 1-ilovada :

1-band “maktab-internatlarga” soʻzlaridan keyin “, shuningdek, ijtimoiy xizmatlarga” soʻzlari bilan toʻldirilsin;

3-bandda :

uchinchi xatboshidagi “ixtisoslashtirilgan” soʻzi “tegishli” soʻzi bilan almashtirilsin;

quyidagi mazmundagi beshinchi xatboshi bilan toʻldirilsin:

“nogironligi boʻlgan bolalarni ijtimoiy xizmatlarga yuborish uchun xulosa berish”;

5-banddagi “ixtisoslashtirilgan” soʻzi chiqarib tashlansin;

6-band quyidagi tahrirda bayon etilsin:

“1 yoshdan 18 yoshgacha alohida taʼlim ehtiyojlari boʻlgan bolalarni kompleks psixologik-tibbiy-pedagogik tekshiruvdan oʻtkazish hamda davlat taʼlim muassasalariga, shuningdek, ijtimoiy xizmatlarga yuborish uchun xulosa berish PTPKning asosiy maqsadi hisoblanadi”;

7-bandda :

ikkinchi xatboshi “bolaning alohida taʼlimga” soʻzlaridan keyin “hamda ijtimoiy xizmatlarga boʻlgan” soʻzlari bilan toʻldirilsin;

oltinchi xatboshi quyidagi tahrirda bayon etilsin:

“bolaning alohida taʼlimga boʻlgan ehtiyojlari asosida uni tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkilotlaridagi ixtisoslashtirilgan va inklyuziv guruhlariga, ixtisoslashtirilgan maktab va maktab-internatlariga, inklyuziv sharoitda taʼlim olishi uchun umumtaʼlim tashkilotiga va umumiy turdagi davlat maktabgacha taʼlim tashkilotlariga, nogironligi boʻlgan bolalar uchun “Gʻamxoʻrlik” markazlariga, imkoniyatlari cheklangan shaxslar uchun ixtisoslashtirilgan maxsus texnikumlarga, shuningdek, davlat-xususiy sheriklik asosida tashkil etilgan kunduzgi parvarish xizmatiga, Ilk rivojlanish markazlarining “maxsus maktabgacha taʼlim xizmati” modeliga, “Erta aralashuv” xizmatiga, uzoq muddat parvarishga muhtoj bolalarni uy sharoitida qarab turish xizmatiga hamda uy sharoitlarida yakka tartibda taʼlim olishga yuborish uchun xulosa beradi”;

yettinchi xatboshidagi ““Muruvvat” nogironligi boʻlgan bolalar uchun internat uylariga” soʻzlari “nogironligi boʻlgan bolalar uchun “Gʻamxoʻrlik” markazlariga” soʻzlari bilan almashtirilsin;

13-bandning birinchi xatboshisidagi “arizalar” soʻzlari “soʻrovnomalar” soʻzlari bilan almashtirilsin”;

4-bob va 1-paragrafning nomlaridagi “Arizalarni qabul qilish” soʻzlari “Soʻrovnomalarni koʻrib chiqish” soʻzlari bilan almashtirilsin”;

20-band quyidagi tahrirda bayon etilsin:

“20. PTPK xulosasini olish uchun qonuniy vakillar yashash joyidagi “Inson” ijtimoiy xizmatlar markaziga yoki hududga biriktirilgan ijtimoiy xodimga, 2026-yil 1-iyundan boshlab Davlat xizmatlari markazi yoxud Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi”;

quyidagi mazmundagi 20 1 — 20 5 -bandlar bilan toʻldirilsin:

“20 1 . Qonuniy vakil PTPK tekshiruvidan oʻtish uchun “Inson” ijtimoiy xizmatlar markazi, hududga biriktirilgan ijtimoiy xodim yoki Davlat xizmatlari markaziga oʻzi kelib murojaat etadi yoxud xizmatdan elektron tarzda foydalanish uchun YIDXPda roʻyxatdan oʻtadi.

Soʻrovnoma YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda soʻrovnoma ish vaqtidan keyin yoki dam olish va bayram kunlari tushganda, kalendar boʻyicha navbatdagi ish kuni vakolatli organga tushgan va ular tomonidan qabul qilingan kun hisoblanadi.

Qonuniy vakil oʻzi kelib murojaat etgan taqdirda, “Inson” ijtimoiy xizmatlar markazi xodimi, hududga biriktirilgan ijtimoiy xodim yoki Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa, qonuniy vakil mustaqil ravishda ushbu Nizomga 1a-ilovaga muvofiq soʻrovnomani elektron shaklda toʻldiradi.

20 2 . Soʻrovnomaga quyidagi hujjatlar PDF, PNG yoki JPEG formatda ilova qilinadi:

a) bolaning oʻqish joyidan taʼlim muddati, oʻquv fanlarini oʻzlashtirishi va xulq-atvori, bolaga yakka tartibda koʻmak berish borasida amalga oshirilgan chora-tadbirlarning batafsil tahlili aks ettirilgan maʼlumotnoma va tavsifnoma (taʼlim muassasalarida oʻqigan bolalar uchun);

b) davolash-profilaktika muassasasining bosh vrachi tomonidan imzolangan bolaning rivojlanishi tarixidan batafsil koʻchirma, quyidagi mutaxassislarning xulosalari bilan birga:

bolaning umumiy rivojlanish holati toʻgʻrisidagi pediatr xulosasi;

psixonevrologik markazning qonunchilik hujjatlarida belgilangan tartibda tasdiqlangan psixonevrolog xulosasi (faqat nutqiy, ruhiy va aqliy rivojlanishda nuqsonlari boʻlgan bolalar uchun);

otolaringologning xulosasi (faqat eshitishida ogʻir nuqsonlar boʻlgan bolalar uchun) hamda quloq, tomoq, burun va talaffuz artikulyatsiyasida ishtirok etuvchi organlarning holatiga tavsifi, nutq va shivirlab aytilgan gapni qabul qilish haqidagi maʼlumotlar, audiogramma maʼlumotlari;

oftalmologning xulosasi (faqat koʻrishida ogʻir nuqsonlar boʻlgan bolalar uchun) hamda tashxisning keng izohi bilan koʻrish organlarining tavsifi;

ortoped-travmatologning xulosasi (faqat tayanch-harakat apparatida nuqsonlar boʻlgan bolalar uchun) hamda tashxisning keng izohi bilan rentgenologik tadqiqot maʼlumotlari;

defektolog-logopedning xulosasi (faqat nutqida ogʻir nuqsonlar boʻlgan bolalar uchun) hamda til tizimining har bir komponenti shakllanish darajasi koʻrsatilgan holda nutq rivoji tavsifi;

v) bolalarni nogironligi boʻlgan bolalar uchun “Gʻamxoʻrlik” markazlariga joylashtirishga oid soʻrovnomaga mazkur bandning “a” va “b” kichik bandlarida koʻrsatilgan hujjatlarga qoʻshimcha ravishda mazkur Nizomning 1b-ilovasida koʻrsatilgan hujjatlar.

Qonuniy vakildan soʻrovnomada koʻrsatilmagan maʼlumotlarni hamda boshqa hujjatlarni talab qilishga yoʻl qoʻyilmaydi.

20 3 . Soʻrovnomaga zarur maʼlumotlar kiritilgandan soʻng qonuniy vakil maʼlumotlarning toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron imzo, Mobile-ID va boshqalar) bilan tasdiqlaydi.

Qonuniy vakil YIDXP orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.

20 4 . PTPK tekshiruvini oʻtkazish uchun yigʻim undirilmaydi.

20 5 . Qonuniy vakil PTPK tekshiruvini oʻtkazishdan uni koʻrsatishning har qanday bosqichida bosh tortish huquqiga ega.

Qonuniy vakil PTPK tekshiruvini oʻtkazishdan bosh tortgan taqdirda, uning soʻrovnomasi koʻrmasdan qoldiriladi”;

21-band oʻz kuchini yoʻqotgan deb hisoblansin;

22 — 24-bandlar quyidagi tahrirda bayon etilsin:

“22. Soʻrovnoma toʻldirilgan vaqtdan boshlab har bir bola boʻyicha shakllantirilgan shaxsiy hujjatlar yigʻmajildi avtomatik ravishda PTPKga koʻrib chiqish uchun yoʻnaltiriladi.

23. Mazkur Nizomning 20 2 -bandida koʻrsatilgan hujjatlari shakllantirilgan bola PTPKning navbatdagi yigʻilishida tekshiruvdan oʻtkaziladi.

24. PTPK kotibi shakllantirilgan shaxsiy hujjatlar yigʻmajildi asosida har bir bolani PTPKning navbatdagi yigʻilishiga kiritadi”;

27-banddagi “20-bandida” soʻzlari “20 2 -bandida” soʻzlari bilan almashtirilsin;

30-bandda :

birinchi xatboshisidagi “2 yoshdan” soʻzlari “1 yoshdan” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Agarda bola joriy oʻquv yili davomida 7 yoshga toʻlsa yoki PTPK xulosasining amal qilish muddati joriy oʻquv yili davomida tugasa, uning tashkilotda qolish muddati joriy oʻquv yilining 1-avgustiga qadar amal qiladi”;

beshinchi xatboshisi quyidagi tahrirda bayon etilsin:

“Xulosada koʻrsatilgan bolaning taʼlim muassasasida boʻlish muddati tugaganidan keyin ushbu tashkilotda uning boʻlish muddatini uzaytirish yoki uni umumiy turdagi taʼlim muassasasiga (guruh/sinf) oʻtkazish masalasi PTPK tomonidan mazkur Nizomda belgilangan tartibda qaytadan tekshiruvdan oʻtkazish natijasida belgilanadi. Bunda PTPK xulosasining amal qilish muddati joriy oʻquv yili davomida tugasa, bolaning ixtisoslashtirilgan maktab, maktab-internatlar, umumtaʼlim muassasalarining korreksion yoki inklyuziv sinfda qolish muddati joriy oʻquv yili yakuniga qadar amal qiladi”;

32-bandning birinchi xatboshisi quyidagi tahrirda bayon etilsin:

“32. Quyidagi nuqsonlari mavjud boʻlgan bolalarga davlat maktabgacha taʼlim tashkilotining toʻliq kunlik guruhlariga yuborishni rad etish toʻgʻrisidagi xulosa beriladi”;

quyidagi mazmundagi 35 1 — 35 5 -bandlar bilan toʻldirilsin:

“35 1 . PTPKning bolalarni davlat-xususiy sheriklik asosida tashkil etilgan kunduzgi parvarish xizmatiga yuborish toʻgʻrisidagi xulosasi ushbu Nizomga 3a-ilovada koʻrsatilgan tibbiy koʻrsatmalar boʻyicha beriladi.

35 2 . PTPKning bolalarni nogironligi boʻlgan bolalar uchun “Gʻamxoʻrlik” markazlariga joylashtirish toʻgʻrisidagi xulosasi nogironligi boʻlgan bolalarda quyidagi tashxislardan biri boʻlganida qabul qilinadi:

moʻtadil darajadagi aqliy zaiflik (F71);

ogʻir darajadagi aqliy zaiflik (F72);

chuqur darajadagi aqliy zaiflik (F73).

35 3 . Bolalarni nogironligi boʻlgan bolalar uchun “Gʻamxoʻrlik” markazlariga joylashtirishga quyidagilar qarshi koʻrsatmalar hisoblanadi:

tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik;

bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar;

ular bilan kasallanganda bolani umumtaʼlim yoki ixtisoslashtirilgan taʼlim muassasalarida oʻqitish mumkin boʻlgan har qanday ruhiy kasalliklar;

jarayonning faol bosqichidagi sil kasalligi;

yuqumli teri va soch kasalliklari;

oʻtkir yuqumli kasalliklar;

salbiy jarayondagi, yomon holatda oʻtadigan shish kasalliklari va retsidivlari;

tanosil kasalliklari.

35 4 . PTPKning uch yoshgacha boʻlgan bolalarni “Erta aralashuv” xizmatiga yuborish toʻgʻrisidagi xulosasi ushbu Nizomga 4-ilovada koʻrsatilgan tibbiy koʻrsatmalar boʻyicha beriladi.

35 5 . PTPKning uzoq muddat parvarishga muhtoj bolalarni uy sharoitida qarab turish xizmatiga yuborish toʻgʻrisidagi xulosasi ushbu Nizomga 5-ilovada koʻrsatilgan tibbiy koʻrsatmalar boʻyicha beriladi”;

37-band quyidagi tahrirda bayon etilsin:

“37. PTPKning xulosasi asosida PTPK kotibi tomonidan:

a) bola uning qonuniy vakillari bilan kelishgan holda bir ish kunida tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkiloti, inklyuziv taʼlim guruhlari tashkil etilgan umumiy turdagi davlat maktabgacha taʼlim tashkiloti, maktab, maktab-internat yoki inklyuziv taʼlim tashkil etilgan umumtaʼlim muassasasiga yoʻnaltiriladi hamda bu toʻgʻrisida aloqa vositalari, shu jumladan, “SMS” xabarnoma, elektron pochta hamda Yagona interaktiv davlat xizmatlari portali orqali qonuniy vakillar xabardor qilinadi;

b) nogironligi boʻlgan bolalarni nogironligi boʻlgan bolalar uchun “Gʻamxoʻrlik” markazlariga joylashtirish yoki uy sharoitida qarab turish xizmatiga yoʻnaltirishga qaratilgan IPTKning xulosasi rasmiylashtirilganda mazkur xulosa bir ish kuni ichida YAMIH AT orqali nogironligi boʻlgan bolaning yashash manzilidagi “Inson” markaziga yuboriladi hamda bu toʻgʻrisida aloqa vositalari, shu jumladan, “SMS” xabarnoma, elektron pochta hamda Yagona interaktiv davlat xizmatlari portali orqali qonuniy vakillar xabardor qilinadi.

Qonuniy vakillar xabarni olgandan soʻng, bola bilan birgalikda tegishli taʼlim muassasasiga yoki nogironligi boʻlgan bolalar uchun “Gʻamxoʻrlik” markazlariga oʻn besh ish kuni ichida kelishi shart”;

quyidagi mazmundagi 37 1 -band bilan toʻldirilsin:

“37 1 . Qonuniy vakillar oʻz xohishiga koʻra oʻquv yili davomida yoki u tugaganidan soʻng bolani bir inklyuziv taʼlim tashkil etilgan umumtaʼlim muassasasidan boshqa shu turdagi umumtaʼlim muassasasiga oʻtkazish huquqiga ega.

Qonuniy vakillar bolani bir inklyuziv taʼlim tashkil etilgan umumtaʼlim muassasasidan boshqa shu turdagi umumtaʼlim muassasasiga oʻtkazish uchun uning sabablarini koʻrsatgan holda ushbu Nizomda belgilangan tartibda murojaat qiladi. Bunda soʻrovnomaga ilovalar talab etilmaydi.

Soʻrovnoma ilgari xulosa berilgan PTPK raisi tomonidan ikki ish kunida koʻrib chiqilib, xulosaga tegishli oʻzgartirish kiritiladi va ushbu xulosa oʻqishni davom ettirish uchun tanlangan umumtaʼlim muassasasiga yoʻnaltiriladi hamda bu toʻgʻrisida “SMS” xabarnoma yuborish orqali qonuniy vakillar xabardor qilinadi.”;

1-ilovaning matni quyidagi tahrirda bayon etilsin:

“Psixologik-tibbiy-pedagogik komissiyalar toʻgʻrisidagi nizomga 1-ILOVA

Alohida taʼlim ehtiyojlari boʻlgan bolalarni taʼlim muassasalariga yoʻllash

Bosqichlar Masʼullar Tadbirlar Muddat 1-bosqich Bolaning ota-onasi yoki ularning oʻrnini bosuvchi shaxslar Psixologik-tibbiy-pedagogik komissiya xulosasini olish uchun yashash joyidagi “Inson” ijtimoiy xizmatlar markaziga yoki hududga biriktirilgan ijtimoiy xodimga, Davlat xizmatlari markazi yoxud Oʻzbekiston Respublikasi Yagona interaktiv davlat xizmatlari portali orqali murojaat qiladi. Xohishiga koʻra 2-bosqich 1. “Inson” ijtimoiy xizmatlar markazlari, Davlat xizmatlari markazi 1. Soʻrovnomani toʻldirib, uni Psixologik-tibbiy-pedagogik komissiyaga yoʻnaltiradi. Avtomatik ravishda 2. YIDXP 2. Elektron toʻldirilgan soʻrovnoma Psixologik-tibbiy-pedagogik komissiyaga yuboriladi. 3-bosqich Psixologik-tibbiy-pedagogik komissiya kotibi 1. Psixologik-tibbiy-pedagogik komissiya xulosasini olish uchun nomzod bola toʻgʻrisidagi hujjatlarni Psixologik-tibbiy-pedagogik komissiyaning navbatdagi yigʻilishiga kiritish. 1. Hujjatlar taqdim etilgan kuni 2. Psixologik-tibbiy-pedagogik komissiyaning yigʻilishi vaqti, sanasi va joyi toʻgʻrisida bolaning ota-onasi yoki ularning oʻrnini bosuvchi shaxslarni xabardor qilish. 2. PTPK yigʻilishi oʻtkaziladigan sana haqida kamida uch kun oldin 4-bosqich Psixologik-tibbiy-pedagogik komissiya 1. Bolani uning individual xususiyatlari, yoshi, jinsi, jismoniy va ruhiy holatini hisobga olgan holda kompleks tekshiruvdan oʻtkazish. 1. 1 kun ichida 2. Tekshiruv natijasida bolaning alohida taʼlimga boʻlgan ehtiyojlari asosida tegishli taʼlim muassasalariga yuborish yoki yuborishni rad etish yuzasidan xulosa beriladi. 2. Tekshirish davomida 3. PTPK tomonidan bolalarni koʻrikdan oʻtkazish natijasida ularni taʼlim muassasasiga yuborishni rad etish yuzasidan xulosa berilgan taqdirda, ushbu xulosa uch ish kunida qonuniy vakillarga taqdim etiladi. 3. Uch ish kuni ichida 5-bosqich Psixologik-tibbiy-pedagogik komissiya kotibi PTPKning xulosasi asosida bolani uning qonuniy vakillari bilan kelishgan holda tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkiloti, inklyuziv taʼlim guruhlari tashkil etilgan umumiy turdagi davlat maktabgacha taʼlim tashkiloti, maktab, maktab-internat yoki inklyuziv taʼlim tashkil etilgan umumtaʼlim muassasasiga yoʻnaltiriladi va bu toʻgʻrisida aloqa vositalari, shu jumladan, “SMS” xabarnoma, elektron pochta hamda Yagona interaktiv davlat xizmatlari portali orqali bolaning ota-onasi yoki ularning oʻrnini bosuvchi shaxslarni xabardor qilish. Bir ish kuni ichida ”;

quyidagi mazmundagi 1a-ilova bilan toʻldirilsin:

“Psixologik-tibbiy-pedagogik komissiyalar toʻgʻrisidagi nizomga 1a-ILOVA

Psixologik-tibbiy-pedagogik komissiya tekshiruvidan oʻtish uchun

I. Ariza beruvchi — jismoniy shaxs toʻgʻrisida maʼlumot*: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Biometrik pasport (identifikatsiyalovchi ID-karta) seriyasi va raqami: II. Alohida taʼlim ehtiyojlari boʻlgan bola toʻgʻrisida maʼlumot: 1. Familiyasi: 2. Ismi: 3. Otasining ismi: 4. Jismoniy shaxsning shaxsiy identifikatsiya raqami (JSHSHIR): 5. Tugʻilganlik haqida guvohnoma seriyasi va raqami: 6. Nogironlik toʻgʻrisidagi maʼlumotnoma raqami va sanasi: 7. Ariza beruvchining qonuniy vakilligini asoslovchi maʼlumot: 8. Taʼlim tashkiloti:

quyidagi mazmundagi 1b-ilova bilan toʻldirilsin:

“Psixologik-tibbiy-pedagogik komissiyalar toʻgʻrisidagi nizomga 1b-ILOVA

“Gʻamxoʻrlik” markazlariga joylashtirish uchun talab etiladigan nogironligi boʻlgan bolaning sogʻligʻi toʻgʻrisidagi tibbiy hujjatlar

1. Tibbiy muassasadagi bemorning tibbiy kartasidan koʻchirma (ambulator/statsionar) 027-shakl.

2. Kasallik tarixidan koʻchirma (Ruhiy-asab kasalliklari shifoxonalarida davolanayotgan shaxslar uchun.

3. Qonning umumiy tahlili.

4. Siydik umumiy tahlili.

5. Qonning RW (Vasserman reaksiyasi) tahlili.

6. “V” va “S” gepatitlarning (NVsAg, NCV) markerlarini aniqlovchi qon tahlili.

7. Qonning OIV bilan zararlanishi toʻgʻrisida tahlili (OITSga qarshi kurash markazidan).

8. Koʻkrak qafasi aʼzolarining flyuorografiyasi (tekshiriluvchining familiyasi, ismi sharifi hamda tekshiruvning tartib raqami va oʻtkazilgan sana koʻrsatiladi).

9. Respublika ixtisoslashtirilgan ruhiy salomatlik ilmiy-amaliy tibbiyot markazining psixiatriya xizmati boʻyicha Qoraqalpogʻiston Respublikasi, viloyatlar va Toshkent shahar filiallari Tibbiy-maslahat komissiyasi xulosasi.

10. Silga qarshi kurashish dispanseri xulosasi.

11. Onkologik dispanser xulosasi.

12. Teri-tanosil kasalliklari dispanseri xulosasi.

13. OITSga qarshi kurash markazining xulosasi.

2-ilova quyidagi tahrirda bayon etilsin:

“Psixologik-tibbiy-pedagogik komissiyalar toʻgʻrisidagi nizomga 2-ILOVA

Psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar (maktabgacha taʼlim tashkilotlari uchun)

T/r Kasallik nomi Xalqaro Kasalliklar Tasnifi (XKT-10) Tavsiya etilgan maktabgacha taʼlim tashkilotining turi 1. Ruhiy rivojlanishdagi nuqsonlar: a) Psixologik rivojlanishning aralash spetsifik buzilishlari F83 Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti b) Bolalar autizmi F84.0 2. Aqliy rivojlanishdagi nuqsonlar: a) Yengil darajadagi aqliy zaiflik F70 Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti b) Moʻtadil aqliy zaiflik F71 Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti 3. Nutqdagi nuqsonlar: a) Ekspressiv nutqning buzilishi (nutq rivojlanishining birinchi darajali motor alaliyasi) F80.1 Koʻp tarmoqli ixtisoslashtirilgan hamda inklyuziv guruhlarga ega maktabgacha taʼlim tashkiloti b) Retseptiv nutqning buzilishi (sensor alaliya) F80.2 v) Tanglay yorigʻi (boʻri ogʻiz) Tanglay va lab yorigʻi (boʻri ogʻiz quyon lab bilan) Ochiq manqalik va yopiq manqalik (nutq apparatining korreksiya boʻyicha operatsiyalardan keyingi holat) Q35 Q37 R49.2 g) Oʻrtacha yoki ogʻir darajadagi duduqlik F98.5 d) Dizartriya (markaziy nerv tizimining organik shikastlanishi bilan) R47.1 e) Bolalar afaziyasi F80.3 4. Koʻrishida nuqsonlar: a) Ikkala koʻzning koʻrligi N54.0 Koʻp tarmoqli ixtisoslashtirilgan hamda qoʻshma turdagi maktabgacha taʼlim tashkiloti b) Mikroftalm (ikkala koʻz-OU) Mikrokornea (ikkala koʻz-OU) Anoftalm (ikkala koʻz-OU) Q11 Q13.4 v) Toʻr pardasining rivojlanishidagi tugʻma nuqsonlar (ikkala koʻz-OU) N33-35 g) Retinoblastoma (ikkala koʻz-OU) C69.2 N35.8 Bir koʻzning koʻrligi, ikkinchi koʻz koʻrishining pasayishi N54.1 d) Koloboma (ikkala koʻz-OU) Q13.0 Q12.2 Q10.3 Q14.2 Q14.8 e) Pretinopatiya (chala tugʻilgan bolalar retinopatiyasi) (ikkala koʻz-OU) N35.1 j) Koʻrish nervining atrofiyasi (ikkala koʻz-OU) N47.2 z) Koʻrish nervi disk va makulasining ogʻir darajadagi gipoplaziyasi (ikkala koʻz-OU) Q14.2 i) Albinizm E70.3 k) Aniridiya (ikkala koʻz-OU) Q13.1 l) Katarakta (ikkala koʻz-OU) N26.0 Q12.0 m) Koʻz gavharining boshqa kasalliklari Afakiya yoki tugʻma afakiya (ikkala koʻz-OU) N27 N27.0 Q12.3 n) Koʻz gavhari siljishi (ikkala koʻz-OU) Q12.1 o) koʻz gavharining chiqishi (ikkala koʻz-OU) N27.1 p) Glaukoma (tugʻma, ikkilamchi) (ikkala koʻz-OU) N40 — 42 r) Tugʻma miopiyaning yuqori darajasi (ikkala koʻz-OU) N52.1 s) Gipermetropiyaning yuqori darajasi (ikkala koʻz-OU) N52.0 t) Nistagm va koʻzning beixtiyor harakatlari N55 5. Eshitishida nuqsonlar: a) Otologik va audiologik implantatlarning borligi (Koxlear implantatsiyadan keyin) N90.3 Z96.2 Inklyuziv guruhlarga ega maktabgacha taʼlim tashkiloti. b) Ikki tomonlama neyrosensor karlik II darajasi (eshitishning 41 — 55 db gacha pasayishi), (quloqni protezlash) N90.3 II daraja v) Ikki tomonlama neyrosensor karlik III darajasi (eshitishning 56 — 70 db gacha pasayishi), (quloqni protezlash) N90.3 III daraja Koʻp tarmoqli ixtisoslashtirilgan, qoʻshma turdagi, inklyuziv guruhlarga ega maktabgacha taʼlim tashkiloti. g) Ikki tomonlama neyrosensor karlik IV darajasi (eshitishning 71 — 90 db gacha pasayishi) (quloqni protezlash) N90.3 IV daraja d) Ikki tomonlama neyrosensor karlik IV darajasi (eshitishning 71 — 90 db gacha pasayishi) N90.3 IV daraja Koʻp tarmoqli ixtisoslashtirilgan hamda qoʻshma turdagi maktabgacha taʼlim tashkiloti e) Ikki tomonlama neyrosensor karlik (Karlik yoki kar-soqovlik) (eshitishning 91 db dan ortiq pasayishi) N90.3 kar 6. Tayanch-harakat apparati nuqsonlari: a) 3 yoki 4 darajali skolioz (tugʻma va orttirilgan) M41 Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti b) Koʻkrak qafasining 3 yoki 4 darajali girdobsimon deformatsiyasi Q67.6 v) Koʻkrak qafasining 3 yoki 4 darajali qilsimon deformatsiyasi Q67.7 g) 3 yoki 4 darajali kifoz M40 d) Artrogripoz (tayanch-harakat apparati buzilgan holda) Q74.3 e) Bolalar serebral falaji (BSF) (GMFCS klassifikatsiyasiga koʻra 3 yoki 4 daraja) G80 j) Boshqa nevrologik patologiyalar oqibatida ortopedik deformatsiyalari tugʻma va irsiy kasalliklar (Daun sindromi, Shereshevskiy-Terner sindromi, Klaynfelter sindromi, Kornellii-de Lange sindromi, Vilyams sindromi, Pradera-Villi sindromi, Nunan sindromi) Q90 Q96 Q98 Q87.1 z) Serebrovaskulyar kasalliklarining oqibatlari+Boʻshashgan paraplegiya yoki Spastik paraplegiya (GMFCS klassifikatsiyasiga koʻra 3 yoki 4 daraja) I69.2+ G82.0/ G82.1 i) Spinal mushak atrofiyasi va unga yaqin sindromlar (GMFCS klassifikatsiyasiga koʻra 3 yoki 4 daraja) G12 k) Mushaklarning birlamchi shikastlanishlari (GMFCS klassifikatsiyasiga koʻra 3 yoki 4 daraja) G71 l) Paraplegiya va tetraplegiya (GMFCS klassifikatsiyasiga koʻra 3 yoki 4 daraja) G82 Gemiplegiya (GMFCS klassifikatsiyasiga koʻra 3 yoki 4 daraja) G81 m) Spina bifida (GMFCS klassifikatsiyasiga koʻra 3 yoki 4 daraja) Q05 n) Osteomiyelit asoratlari (jarrohlik muolajasidan keyingi holatlar) M86 o) Ortopediyadagi suyak skeletining tizim kasalliklari (axondroplaziya, disxondroplaziya, xondrodistrofiya) Q77.4 p) Boldir va tovonning tugʻma yoʻqligi Q72.2 r) Tovon va tovon panjalarining tugʻma yoʻqligi Q72.3 s) Qoʻl panja va barmoq(larning) tugʻma yoʻqligi Q71.3 t) Bilak va qoʻl panjalarning tugʻma yoʻqligi Q71.2 u) Tovonning borligi holda son va boldir tugʻma yoʻqligi Q72.1 f) Qoʻl panjalarning borligi holda yelka va bilak suyaklari (ning) tugʻma yoʻqligi Q71.1 x) Aniqlanmagan oyoq-qoʻl(lar) tugʻma anomaliyalari (tugʻma rivojlanish anomaliyasi oqibatida amputatsion choʻltoqlik (tayanch-harakat funksional yetishmovchiligiga olib keladigan). Q74.9 ”;

3-ilova quyidagi tahrirda bayon etilsin:

“Psixologik-tibbiy-pedagogik komissiyalar toʻgʻrisidagi nizomga 3-ILOVA

Psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar (maktab, maktab-internatlar uchun)

T/r Kasallik nomi Xalqaro Kasalliklar Tasnifi (XKT-10) Tavsiya etilgan umumtaʼlim muassasasining turi 1. Ruhiy rivojlanishdagi nuqsonlar: a) Psixologik rivojlanishning aralash spetsifik buzilishlari F83 Boshlangʻich tayanch korreksion va inklyuziv taʼlim sinflariga ega umumtaʼlim muassasasi b) Bolalar autizmi F84.0 Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati 2. Aqliy rivojlanishdagi nuqsonlar: a) Yengil darajadagi aqliy zaiflik; F70 Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati b) Moʻtadil aqliy zaiflik. F71 3. Koʻrishida nuqsonlar: a) Ikkala koʻzning koʻrligi N54.0 Ixtisoslashtirilgan maktab va maktab-internati b) Mikroftalm (ikkala koʻz-OU) Mikrokornea (ikkala koʻz-OU) Anoftalm (ikkala koʻz-OU) Q11 Q13.4 v) Toʻr pardasining rivojlanishidagi tugʻma nuqsonlar (ikkala koʻz-OU) N33-35 g) Toʻr pardasining xavfli oʻsmasi (retinoblastoma) (ikkala koʻz-OU) C69.2 N35.8 d) Bir koʻzning koʻrligi, ikkinchi koʻz koʻrishining pasayishi N54.1 d) Koloboma (ikkala koʻz-OU) Q13.0 Q12.2 Q10.3 Q14.2 Q14.8 j) Preretinopatiya (chala tugʻilgan bolalar retinopatiyasi) (ikkala koʻz-OU) N35.1 z) Koʻrish nervining atrofiyasi (ikkala koʻz-OU) N47.2 i) Koʻrish nervi disk va makulasining ogʻir darajadagi gipoplaziyasi (ikkala koʻz-OU) Q14.2 k) Albinizm E70.3 l) Aniridiya (ikkala koʻz-OU) Q13.1 m) Katarakta (ikkala koʻz-OU) N26.0 Q12.0 n) Koʻz gavharining boshqa kasalliklari Afakiya yoki tugʻma afakiya (ikkala koʻz-OU) N27 N27.0 Q12.3 o) Koʻz gavhari tugʻma siljishi (ikkala koʻz-OU) Q12.1 p) Koʻz gavharining chiqishi (ikkala koʻz-OU) N27.1 r) Glaukoma (tugʻma, ikkilamchi) (ikkala koʻz-OU) N40 — 42 s) Tugʻma miopiyaning yuqori darajasi (ikkala koʻz-OU) N52.1 t) Gipermetropiyaning yuqori darajasi (ikkala koʻz-OU) N52.0 u) Nistagm va koʻzning beixtiyor harakatlari N55 4. Eshitishida nuqsonlar: a) Otologik va audiologik implantatlarning borligi (Koxlear implantatsiyadan keyin) N90.3 Z96.2 Boshlangʻich tayanch korreksion va inklyuziv taʼlim sinflariga ega umumtaʼlim muassasasi b) Ikki tomonlama neyrosensor karlik II darajasi (eshitishning 41 — 55 DB gacha pasayishi), (quloqni protezlash) N90.3 II daraja v) Ikki tomonlama neyrosensor karlik III darajasi (eshitishning 56 — 70 DB gacha pasayishi), (quloqni protezlash) N90.3 III daraja Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati g) Ikki tomonlama neyrosensor karlik IV darajasi (eshitishning 71 — 90 db gacha pasayishi) (quloqni protezlash) N90.3 IV daraja Boshlangʻich tayanch korreksion, inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati d) Ikki tomonlama neyrosensor karlik IV darajasi (eshitishning 71 — 90 db gacha pasayishi) N90.3 IV daraja Boshlangʻich tayanch korreksion sinflariga ega umumtaʼlim muassasasi, ixtisoslashtirilgan maktab va maktab-internati e) Ikki tomonlama neyrosensor karlik (Karlik yoki kar-soqovlik) (eshitishning 91 DB dan ortiq pasayishi) N90.3 kar 5. Tayanch-harakat apparati nuqsonlari: a) 3 yoki 4 darajali skolioz (tugʻma va orttirilgan) M41 Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati b) Koʻkrak qafasining 3 yoki 4 darajali girdobsimon deformatsiyasi Q67.6 v) Koʻkrak qafasining 3 yoki 4 darajali qilsimon deformatsiyasi Q67.7 g) 3 yoki 4 darajali kifoz M40 d) Artrogripoz (tayanch-harakat apparati buzilgan holda) Q74.3 e) Bolalar serebral falaji (BSF) (GMFCS klassifikatsiyasiga koʻra 3 yoki 4 daraja) G80 j) Boshqa nevrologik patologiyalar oqibatida ortopedik deformatsiyalari tugʻma va irsiy kasalliklar (Daun sindromi, Shereshevskiy-Terner sindromi, Klaynfelter sindromi, Kornellii-de Lange sindromi, Vilyams sindromi, Pradera-Villi sindromi, Nunan sindromi) Q90 Q96 Q98 Q87.1 z) Serebrovaskulyar kasalliklarining oqibatlari + (Boʻshashgan paraplegiya yoki Spastik paraplegiya (GMFCS klassifikatsiyasiga koʻra 3 yoki 4 daraja) I69.2+ G82.0 G82.1 i) Osteomiyelit asoratlari (jarrohlik muolajasidan keyingi holatlar) M86 k) Spinal mushak atrofiyasi va unga yaqin sindromlar (GMFCS klassifikatsiyasiga koʻra 3 yoki 4 daraja) G12 l) Mushaklarning birlamchi shikastlanishlari (GMFCS klassifikatsiyasiga koʻra 3 yoki 4 daraja) G71 m) Paraplegiya va tetraplegiya (GMFCS klassifikatsiyasiga koʻra 3 yoki 4 daraja) G82 n) Gemiplegiya (GMFCS klassifikatsiyasiga koʻra 3 yoki 4 daraja) G81 o) Spina bifida (GMFCS klassifikatsiyasiga koʻra 3 yoki 4 daraja) Q05 p) Ortopediyadagi suyak skeletining tizim kasalliklari (axondroplaziya, disxondroplaziya, xondrodistrofiya); Q77.4 r) Aniqlanmagan oyoq-qoʻl(lar) tugʻma anomaliyalari (tugʻma rivojlanish anomaliyasi oqibatida amputatsion choʻltoqlik (tayanch-harakat funksional yetishmovchiligiga olib keladigan) Q74.9 s) Boldir va tovonning tugʻma yoʻqligi Q72.2 t) Tovon va tovon panjalarining tugʻma yoʻqligi Q72.3 u) Qoʻl panja va barmoq(larning) tugʻma yoʻqligi Q71.3 f) Bilak va qoʻl panjalarning tugʻma yoʻqligi Q71.2 x) Tovonning borligi holda son va boldir tugʻma yoʻqligi Q72.1 s) Qoʻl panjalarning borligi holda yelka va bilak suyaklari (ning) tugʻma yoʻqligi Q 71.1 ”;

3a-ilova quyidagi tahrirda bayon etilsin:

“Psixologik-tibbiy-pedagogik komissiyalar toʻgʻrisidagi nizomga 3a-ILOVA

Kunduzgi parvarish xizmatiga psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar

T/r Kasallik nomi Xalqaro Kasalliklar Tasnifi (XKT-10) 1. Bolalar serebral falaji (BSF) (GMFCS klassifikatsiyasiga koʻra 4 yoki 5 daraja) + yengil darajadagi aqliy zaiflik G80+F70 2. Serebrovaskulyar kasalliklarining oqibatlar+ Spastik tetraplegiya yoki Boʻshashgan tetraplegiya (GMFCS klassifikatsiyasiga koʻra 4-5 yoki 5-daraja) + yengil darajadagi aqliy zaiflik I69.2+G82.3 /G 82.4+F70 3. Tetraplegiya (GMFCS klassifikatsiyasiga koʻra 4-5 yoki 5 daraja) + yengil darajadagi aqliy zaiflik G 82+ F70 4. Moʻtadil aqliy zaiflik F71 5. Ogʻir darajadagi aqliy zaiflik F72 6. Chuqur aqliy zaiflik F73 7. Koʻr-kar-soqovlik N90.3+N54.0 8 Nim oʻtkir sklerozlovchi panensefalit (Oʻtkir osti sklerozlashgan panensefalit) A81.1 ”;

quyidagi mazmundagi 4-ilova bilan toʻldirilsin:

“Psixologik-tibbiy-pedagogik komissiyalar toʻgʻrisidagi nizomga 4-ILOVA

“Erta aralashuv” xizmatiga psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar

T/r Kasallik nomi Xalqaro Kasalliklar Tasnifi (XKT-10) Izoh I. Muddatidan oldin tugʻilgan bolalar (1 — 3 yoshgacha) 1. Boshqa ruknlarda tasniflanmagan, tugʻilganda jismining kam vazn va homiladorlik muddatining qisqarganligi bilan bogʻliq boʻlgan, buzilishlar P07 Muddatdan oldin tugʻilgan chaqaloq 2. Boshqa ruknlarda tasniflanmagan, gestatsiya holatiga nisbatan kam vaznda tugilganlar P05 Tugʻilgandagi tana vazni 1500 g dan kam II. Tugʻma, irsiy va boshqa kasalliklar (1 — 3 yoshgacha) 3. Daun sindromi Q90 4. Shereshevskiy-Terner sindromi Q96 5. Klaynfelter sindromi Q98 6. Vilyams sindromi Q87.1 7. Pradera-Villi sindromi Q87.1 8. Nunan sindromi Q87.1 9. Mikrotsefaliya Q02 10. Boshqa ruknlarda tasniflanmagan, monosomiyalar va autosomlar bir qismining yoʻqolishi Q93 III. Koʻrishida nuqsonlar (ikki koʻzida) (1 — 3 yoshgacha) 11. Ikkala koʻzning koʻrligi N54.0 12. Mikroftalm(ikkala koʻz-OU) Q11 13. Mikrokornea (ikkala koʻz-OU) 14. Anoftalm (ikkala koʻz-OU) 15. Toʻr pardasining xavfli oʻsmasi (retinoblastoma) (ikkala koʻz-OU) C69.2 N35.8 16. Preretinopatiya (chala tugʻilgan bolalar retinopatiyasi) (ikkala koʻz-OU) N35.1 17. Albinizm E70.3 18. Nistagm va koʻzning beixtiyor harakatlari N55 IV. Eshitishida nuqsonlar (1 — 3 yoshgacha) 19. Otologik va audiologik implantatlarning borligi (Koxlear implantatsiyadan keyin) N90.3 Z96.2 20. Ikki tomonlama neyrosensor karlik II darajasi (eshitishning 41 — 55 db gacha pasayishi), (quloqni protezlash) N90.3 II daraja 21. Ikki tomonlama neyrosensor karlik III darajasi (eshitishning 56 — 70 db gacha pasayishi), (quloqni protezlash) N90.3 III daraja 22. Ikki tomonlama neyrosensor karlik IV darajasi (eshitishning 71 — 90 db gacha pasayishi) N90.3 IV daraja 23. Ikki tomonlama neyrosensor karlik (Karlik yoki kar-soqovlik) (eshitishning 91 db dan ortiq pasayishi) N90.3 V. Nutqdagi nuqson: (1 — 3 yoshgacha): 24. Tanglay yorigʻi (boʻri ogʻiz) Tanglay va lab yorigʻi (boʻri ogʻiz quyon lab bilan) Ochiq manqalik va yopiq manqalik Q35 Q37 R49.2 VI. Tayanch-harakat apparati nuqsonlari (2 yoshdan keyin) 25. 3 yoki 4 darajali skolioz M41 26. 3 yoki 4 darajali kifoz M40 27. Artrogripoz Q74.3 28. Bolalar serebral falaji (BSF) (GMFCS klassifikatsiyasiga koʻra 2 yoki 3 yoki 4 yoki 5 daraja) G80 29. Spinal mushak atrofiyasi va unga yaqin sindromlar (GMFCS klassifikatsiyasiga koʻra 2 yoki 3 yoki 4 yoki 5 daraja) G12 30. Mushaklarning birlamchi shikastlanishlari (GMFCS klassifikatsiyasiga koʻra 2 yoki 3 yoki 4 yoki 5 daraja) G71 31. Paraplegiya va tetraplegiya (GMFCS klassifikatsiyasiga koʻra 2 yoki 3 yoki 4 yoki 5 daraja) G82 32. Spina bifida (tayanch-harakat apparati buzilgan holda) Q05 33. Tugʻma gidrotsefaliya Q03 34. Gemiplegiya (GMFCS klassifikatsiyasiga koʻra 2 yoki 3 yoki 4 yoki 5 daraja) G81 35. Boshqa notravmatik kalla suyagi ichi qon quyilishi oqibatida paraplegiya va tetraplegiya (GMFCS klassifikatsiyasiga koʻra 2 yoki 3 yoki 4 yoki 5 daraja) I69.2+G82-G82.4 36. Boldir va tovonning tugʻma yoʻqligi Tovonning borligi holda son va boldir (suyaklari)ning tugʻma yoʻqligi Q72.2 Q72.1 37. Tovon va tovon panjalarining tugʻma yoʻqligi Q72.3 38. Qoʻl panja va barmoq(larning) tugʻma yoʻqligi Q71.3 39. Bilak va qoʻl panjalarning tugʻma yoʻqligi Q71.2 40. Tovonning borligi holda son va boldir tugʻma yoʻqligi Q72.1 41. Oyoqlar(ning) tugʻma toʻliq yoʻqligi Q72.0 42. Qoʻl (qoʻllar)ning tugʻma toʻliq yoʻqligi Q71.0 43. Qoʻl panjalarning borligi holda yelka va bilak suyaklari (ning) tugʻma yoʻqligi Q 71.1 VII. Psixologik rivojlanishning buzilishlari: (2-3 yoshgacha) 44. Autizmga xavf F84.0 Psixonevrolog xulosasi 45. Psixologik rivojlanishning aralash spetsifik buzilishlariga xavf F83 ”;

quyidagi mazmundagi 5-ilova bilan toʻldirilsin:

“Psixologik-tibbiy-pedagogik komissiyalar toʻgʻrisidagi nizomga 5-ILOVA

Uy sharoitida qarab turish xizmatiga psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar

T/r Kasallik nomi Xalqaro kasalliklar tasnifi (XKT-10) Parvarishga muhtojlik mezoni I. Onkologik kasalliklar (xavfli oʻsmalar) 1. Xavfli oʻsmalar C00 — C97 Terminal bosqichlar (IV bosqich), koʻplab metastazlar, barcha oʻsmaga qarshi imkoniyatlarning tugashi 2. Qaytalanuvchi va refrakter oʻsmalar C00 — C97 Terapiyaga javob bermaydi, kuchli ogʻriq sindromi, intoksikatsiya, holdan toyish 3. Onkogematologik kasalliklar C81 — C96 Oʻtkir leykozlar, qaytalanuvchi limfomalar, suyak koʻmigini koʻchirib oʻtkaza olmaslik II. Nevrologik kasalliklar 4. Progressiv neyrodegenerativ kasalliklar G30 — G32 G35 G37 G60 — G64 Katta motor funksiyalarni, soʻz va yugʻirish qobiliyatini yoʻqotish; doimiy parvarish talab etiladi 5. Bolalar serebral falaji (BSF) (jiddiy shakl) G80.0 — G80.9 GMFCS V, kontrakturalar, skolioz, epilepsiya, surunkali nafas yetishmovchiligi, gastrostomiya 6. Postgipoksik bosh miya shikastlanishi P91.*, G93.4 Vegetativ holat, minimal ong, zondli oziqlanish, takroriy pnevmoniyalar 7. Sindrom Retta F84.2 Kech bosqichlar, yurish va soʻz qobiliyatini yoʻqotish, epilepsiya, nafas yetishmovchiligi 8. Ley kasalligi, mitoxondrial ensefalopatiyalar G31.8, G31.9 Progressirlovchi mushak kuchsizligi, nafas yetishmovchiligi, hayotiy markazlarning zararlanishi 9. Leykodistrofiyalar E75.2 Koʻrish, eshitish, motor va kognitiv funksiyalarni yoʻqotish III. Genetik va asab-mushak kasalliklari 10. Orqa miya mushak atrofiyasi G12.0-G12.1 I-II turi, boshni tuta olmaslik, oʻtira olmaslik va yura olmaslik; nafas yetishmovchiligi, oʻpka sunʼiy nafasi; gastrostomiya 11. Zoʻrayib boruvchi mushak distrofiyalari G71.0-G71.9 Yurish qobiliyatini yoʻqotish, nafas yetishmovchiligi, kardiomiopatiya, oʻpka sunʼiy nafasi 12. Qon ivishning buzilishlari D 65 — 68 Ogʻir kechishi 13. Mukovissidoz E84.0 — E84.9 Ogʻir bosqichlari: nafas yetishmovchiligi, tez-tez uchraydigan infeksiyalar, kaxeksiya, “oʻpka” yuragi 14. Bullyoz epidermoliz Q81.0 — Q81.9 Surunkali bitmaydigan yaralar, kuchli ogʻriq sindromi, sepsis, ovqatlanishning buzilishi 15. Markaziy asab tizimining sekin kechuvchi virusli infeksiyalari (Sklerozlanuvchi nim oʻtkir panensefalit) A81.1 Xulq-atvorning oʻzgarishi, intellektual qobiliyatlarning pasayishi, mioklonik tutqanoqlar (mushaklarning keskin tortishishi), progressiv demensiya, ataksiya (koordinatsiyaning buzilishi) va koʻrlik rivojlanishi IV. Tugʻma rivojlanish nuqsonlari 16. Aʼzolarining koʻp sonli tugʻma nuqsonlari Q20-Q28 Q00-Q 07 Q35-Q37-38 Q 60 — Q 64 Q 65 — Q 79 Jarrohlik yoʻli bilan tuzatilmaydi, ogʻir yurak-nafas va ovqat hazm qilish yetishmovchiligi. Mustaqil harakat buzilishi. 17. Qisqa ichak sindromi K91.2 Uzoq muddatli/umrbod parenteral oziqlanishga bogʻliqlik 18. Xromosoma anomaliyalari, oʻlimga olib keladigan Q90 — Q99 Edvards sindromi (Q 91), Patau sindromi (Q 93), kutilayotgan umr koʻrish davomiyligining juda pastligi. Oʻz oʻzini xizmatni bajara olmaslik. V. Terminal organ yetishmovchiligi 19. Surunkali yurak yetishmovchiligi I50.0 — I50.9 Tinch holatda nafas qisilishi, assit, faollikning cheklanishi (N 2A-N3 darajasi) 20. Surunkali buyrak yetishmovchiligi N18.5-N18.6 Terminal bosqich, dializ mumkin emas yoki doimiy, intoksikatsiya 21. Jigar yetishmovchiligi K72.*, K70.3, Dekompensatsiyalangan sirroz, assit, qon ketishlar, jigar ensefalopatiyasi 22. Surunkali nafas yetishmovchiligi J 45; J96.0 — J96.9 Ogʻir daraja bronxial astma, Tinch holatdagi gipoksiya, uzoq muddatli kislorod terapiyasi yoki oʻpka sunʼiy nafas apparatida (II-III darajasi) 23. Odam immunitet tanqisligi virusi keltirib chiqariladigan kasallik B20 — V 24 Ogʻir kechishi, yuqori virusli yuklama CD 4+ limfotsitlarning keskin pasayishi (200 xujayra/mkl dan kam). VI. Jarohatlar va reanimatsiyadan keyingi holatlar 24. Ogʻir bosh miya jarohatidan soʻng asoratlari S06.0 — S06.9 Qoʻpol harakat buzilishlari, kognitiv buzilishlar, vegetativ holat 25. Uzoq muddatli oʻpka sunʼiy nafas apparatidan keyingi holatlar Z 93 Z99.1 Nafas olish zaifligi, apparatga qaramlik 26. Vegetativ holat (koma holati), minimal ong G93.4 R40.2 Parvarishga toʻliq bogʻliqlik, zondli oziqlantirish, oʻpka sunʼiy nafas apparatida ”.

d) 2-ilova quyidagi mazmundagi izoh bilan toʻldirilsin:

29. Vazirlar Mahkamasining “Oʻzgalar parvarishiga muhtoj shaxslarga ijtimoiy xizmat va yordam koʻrsatishning sifat jihatidan yangi tizimini joriy etish toʻgʻrisida” 2024-yil 11-martdagi 123-son qarorida :

a) 1-ilovaning 2-bandi quyidagi tahrirda bayon etilsin:

“2. Ushbu Reglament maqsadlarida quyidagi toifadagi shaxslar oʻzgalar parvarishiga muhtoj shaxslar deb eʼtirof etiladi:

oʻzgalar parvarishiga muhtoj nogironligi boʻlgan yolgʻiz shaxslar (keyingi oʻrinlarda — nogironligi boʻlgan yolgʻiz shaxslar) — farzandlari (shu jumladan, farzandlikka olinganlar), eri (xotini), ota-onasi, vasiylari yoki homiylari va sud tomonidan nogironligi boʻlgan shaxsni parvarish qilish majburiyati yuklangan shaxslar, (voyaga yetmagan yoki I guruh nogironligi boʻlgan yoxud oʻzgalar parvarishiga muhtoj ruhiy kasallik boʻyicha II guruh nogironligi boʻlgan farzandlar, shuningdek oʻzgalar parvarishiga muhtoj I va II guruh nogironligi boʻlgan yoki oʻzgalar parvarishiga muhtoj yoshga doir pensiya yoshidagi eri (xotini) va ota-onasi bundan mustasno) boʻlmagan oʻzgalar parvarishiga muhtoj I va II guruh nogironligi boʻlgan shaxslar;

oʻzgalar parvarishiga muhtoj yolgʻiz yashovchi nogironligi boʻlgan shaxslar (keyingi oʻrinlarda — yolgʻiz yashovchi nogironligi boʻlgan shaxslar) — farzandlari (shu jumladan, farzandlikka olinganlar), eri (xotini), ota-onasi, vasiylari yoki homiylari va sud tomonidan nogironligi boʻlgan shaxsni parvarish qilish majburiyati yuklangan shaxslari mavjud boʻlsada yolgʻiz yashovchi (voyaga yetmagan farzandi bundan mustasno) oʻzgalar parvarishiga muhtoj I va II guruh nogironligi boʻlgan shaxslar;

oʻzgalar parvarishiga muhtoj yolgʻiz keksalar (keyingi oʻrinlarda — yolgʻiz keksalar) — farzandlari (shu jumladan farzandlikka olinganlar), eri (xotini), ota-onasi, vasiylari yoki homiylari va sud tomonidan keksani parvarish qilish majburiyati yuklatilgan shaxslar (voyaga yetmagan yoki I guruh nogironligi boʻlgan yoxud oʻzgalar parvarishiga muhtoj ruhiy kasallik boʻyicha II guruh nogironligi boʻlgan farzandlar, shuningdek oʻzgalar parvarishiga muhtoj I va II guruh nogironligi boʻlgan yoki oʻzgalar parvarishiga muhtoj yoshga doir pensiya yoshidagi eri (xotini) va ota-onasi bundan mustasno) boʻlmagan oʻzgalar parvarishiga muhtoj yoshga doir pensiya yoshidagi shaxslar;

oʻzgalar parvarishiga muhtoj yolgʻiz yashovchi keksalar (keyingi oʻrinlarda — yolgʻiz yashovchi keksalar) — farzandlari (shu jumladan, farzandlikka olinganlar), eri (xotini), ota-onasi, vasiylari yoki homiylari va sud tomonidan nogironligi boʻlgan shaxsni parvarish qilish majburiyati yuklangan shaxslari mavjud boʻlsada yolgʻiz yashovchi (voyaga yetmagan farzandi bundan mustasno) oʻzgalar parvarishiga muhtoj yoshga doir pensiya yoshidagi shaxslar”;

b) 3-ilovaning 3-bandi oʻz kuchini yoʻqotgan deb hisoblansin.

30. Vazirlar Mahkamasining “Muhtoj shaxslarni protez-ortopediya moslamalari va reabilitatsiya qilishning texnik vositalari bilan taʼminlash tartibi toʻgʻrisidagi nizomni tasdiqlash haqida” 2024-yil 30-apreldagi 253-son qarorida :

a) 5-bandning “b” kichik bandi birinchi xatboshisi “oʻtkazib beriladi” soʻzlaridan keyin “, bundan muhtoj shaxslarni ijtimoiy karta orqali reabilitatsiya qilishning texnik vositalari bilan taʼminlash mustasno” soʻzlari bilan toʻldirilsin;

b) 1-ilovada :

1-band quyidagi tahrirda bayon etilsin:

“Mazkur Nizom nogironligi boʻlgan shaxslarni hamda nogironligi boʻlgan bolalarni (keyingi oʻrinlarda — muhtoj shaxslar) protez-ortopediya moslamalari va reabilitatsiya qilishning texnik vositalari bilan taʼminlash tartibini belgilaydi”;

2-bandda :

toʻqqizinchi xatboshi chiqarib tashlansin;

oʻninchi — oʻn uchinchi xatboshilar tegishlicha toʻqqizinchi — oʻn ikkinchi xatboshilar deb hisoblansin;

quyidagi mazmundagi oʻn uchinchi xatboshi bilan toʻldirilsin:

“moliyaviy agent — reabilitatsiya qilish vositalarini xarid qilish uchun davlat tomonidan muhtoj shaxslarga qoplab beriladigan mablagʻlar miqdorini ularning ijtimoiy kartalarga oʻtkazishga masʼul boʻlgan Oʻzbekiston Respublikasi rezidenti boʻlgan tijorat banki”;

3-band quyidagi tahrirda bayon etilsin:

“3. Muhtoj shaxslar vaucher asosida protez moslamalarini yoki vaucher qiymati bazaviy hisoblash miqdorining oʻttiz foizidan yuqori boʻlgan reabilitatsiya vositalarini oʻz tanloviga koʻra mazkur Nizomning 3-bobi 1-paragrafida belgilangan talablarga muvofiq “Ijtimoiy himoya” ATda avtorizatsiyadan oʻtgan sotuvchilardan elektron savdo platformasi yoki elektron savdo maydonchalari (keyingi oʻrinlarda — elektron savdo) orqali xarid qiladi.

Bunda muhtoj shaxslar davlat tomonidan qoplab beriladigan qiymati bazaviy hisoblash miqdorining oʻttiz foizidan oshmaydigan reabilitatsiya vositalarini ijtimoiy karta orqali mazkur Nizomning 3-bobi 3 1 -paragrafida belgilangan talablarga muvofiq oʻtkazib berilgan mablagʻlar hisobidan xarid qiladi”;

5-band quyidagi mazmundagi ikkinchi xatboshi bilan toʻldirilsin:

“Muhtoj shaxslarning ijtimoiy kartasiga reabilitatsiya vositalarini xarid qilish uchun mablagʻlarni oʻtkazib berish mazkur Nizomga 1 1 -ilovaga muvofiq sxema boʻyicha amalga oshiriladi”;

6-bandning ikkinchi xatboshisi chiqarib tashlansin;

7 — 9-bandlar quyidagi tahrirda bayon etilsin:

“7. “Ijtimoiy himoya” ATning “Tibbiy-ijtimoiy ekspertiza” moduli (keyingi oʻrinlarda — “Ekspertiza” moduli)da nogironligi boʻlgan shaxslar, jumladan, nogironligi boʻlgan bolalarga — tibbiy-ijtimoiy ekspert komissiyalari (keyingi oʻrinlarda — TIEK) tomonidan shaxsni nogironligi boʻlgan shaxs (nogironligi boʻlgan bola) deb topish bilan birgalikda protez moslamasi yoki reabilitatsiya vositasiga muhtojligi belgilangan holda nogironlik toʻgʻrisidagi maʼlumotnoma rasmiylashtiriladi.

8. Protez moslamalari yoki reabilitatsiya vositalariga muhtojlik belgilanishida Vazirlar Mahkamasining 2022-yil 8-fevraldagi 62-son qarori bilan tasdiqlangan Fuqarolarni tibbiy-ijtimoiy ekspert komissiyalarida koʻrikdan oʻtkazish tartibi toʻgʻrisidagi nizomga 1 1 -ilovaga muvofiq Fuqarolarni tibbiy-ijtimoiy ekspert komissiyalariga yoʻllashdan oldin davolanish lozim boʻlgan muddatlar, nogironlikka olib keluvchi asosiy kasalliklar roʻyxati va ushbu kasalliklarda nogironlikni elektron belgilash mezonlariga (keyingi oʻrinlarda — tibbiy koʻrsatmalar) asoslaniladi.

9. Nogironligi boʻlgan muhtoj shaxslarga berilgan nogironlik toʻgʻrisidagi maʼlumotnomalar nogironlikning muddatidan kelib chiqib, qayta TIEK koʻrigidan oʻtish muddatigacha beriladi, nogironlik muddatsiz davrga belgilanadigan holatlar bundan mustasno”;

10-banddagi “yoki tibbiy xulosalarning” soʻzlari chiqarib tashlansin;

11 va 12-bandlar quyidagi tahrirda bayon etilsin:

“11. “Ekspertiza” modulida nogironlik toʻgʻrisidagi maʼlumotnoma rasmiylashtirilishi bilan protez moslamalari yoki reabilitatsiya vositalariga muhtojligi belgilangan muhtoj shaxslar haqidagi maʼlumotlar avtomatik tarzda “Ijtimoiy himoya” ATda mazkur Nizomga 5-ilovaga muvofiq shakldagi Protez moslamalari yoki reabilitatsiya vositalariga muhtojligi belgilangan muhtoj shaxslar roʻyxatiga (keyingi oʻrinlarda — muhtoj shaxslarning roʻyxati) kiritib boriladi.

12. Muhtoj shaxslarning birinchi marta muhtojlik belgilanganligi toʻgʻrisidagi maʼlumotlari muhtoj shaxslarning roʻyxatiga kiritilgandan yoki ularning protez moslamalari va reabilitatsiya vositalarini olish huquqi takroran vujudga kelgandan soʻng “Ijtimoiy himoya” ATda avtomatik tarzda mazkur Nizomga 6-ilovaga muvofiq shakldagi Protez-ortopediya moslamalari yoki reabilitatsiya qilishning texnik vositalarini xarid qilish uchun vaucher har bir protez moslamasi yoki reabilitatsiya vositasi uchun alohida shakllanadi, bundan mazkur bandning ikkinchi va uchinchi xatboshilarida koʻrsatilgan holatlar hamda davlat tomonidan qoplab beriladigan qiymati bazaviy hisoblash miqdorining oʻttiz foizidan oshmaydigan reabilitatsiya vositalari mustasno.

Son, chanoq-son boʻgʻimi ekzoartikulyatsiyasi, tizza boʻgʻimi ekzoartikulyatsiyasi, boldir, qoʻl (kaft), bilak, yelka, bionik qoʻl, koʻz va koʻkrak bezi protezlari hamda koʻzi ojizlar hassasi bilan taʼminlangan nogironlik muddatsiz davrga belgilangan shaxslarning tegishli protez moslamasi yoki reabilitatsiya vositasi foydalanish muddati tugagandan soʻng mazkur turdagi protez moslamasi va reabilitatsiya vositasiga vaucher ularning “Inson” ijtimoiy xizmatlar markazlariga qilgan murojaati asosida bir ish kunida avtomatik tarzda shakllantiriladi. Bunda “Inson” ijtimoiy xizmatlar markazlari tomonidan mazkur turdagi murojaatlar rad qilinishiga yoʻl qoʻyilmaydi.

Boshqa turdagi protez moslamasi yoki reabilitatsiya vositasi bilan taʼminlangan nogironlik muddatsiz davrga belgilangan shaxslarning protez moslamasi yoki reabilitatsiya vositasining foydalanish muddati tugagan hollarda ularga protez moslamasi yoki reabilitatsiya vositasi uchun vaucher TIEK tomonidan mazkur Nizomning 2-bobida belgilangan tartibda muhtojlik belgilangandan soʻng shakllantiriladi.

Davlat tomonidan qoplab beriladigan qiymati bazaviy hisoblash miqdorining oʻttiz foizidan oshmaydigan reabilitatsiya vositalarini xarid qilish uchun mablagʻlar mazkur Nizomning 3-bobi 31-paragrafida belgilangan tartibda muhtoj shaxsning ijtimoiy kartasiga oʻtkaziladi.

Bir juft boʻlgan yoki toʻplam shaklida taqdim etiladigan protez moslamasi yoki reabilitatsiya vositasi uchun bitta vaucher shakllantiriladi”;

13-band quyidagi tahrirda bayon etilsin:

“13. “Ijtimoiy himoya” ATda protez moslamasi yoki reabilitatsiya vositasini xarid qilish huquqi vujudga kelganda avtomatik tarzda:

bu toʻgʻrisida muhtoj shaxslar mobil aloqa vositasiga SMS-xabar yuborish orqali xabardor qilinadi;

protez moslamasi yoki reabilitatsiya vositasini xarid qilish huquqi vujudga kelgan muhtoj shaxsning yashash joyi boʻyicha “Inson” ijtimoiy xizmatlar markazining “Ijtimoiy himoya” ATdagi shaxsiy kabinetiga bu toʻgʻrisida xabar kelib tushadi”;

14-band quyidagi tahrirda bayon etilsin:

“14. Muhtoj shaxs tomonidan bir oy ichida protez moslamasi yoki reabilitatsiya vositasini xarid qilish uchun vaucher asosida buyurtma berilmagan yoxud reabilitatsiya vositasini xarid qilish uchun ijtimoiy karta orqali toʻlov amalga oshirilmagan (yoki ijtimoiy karta olinmagan) taqdirda, “Inson” ijtimoiy xizmatlar markazi buyurtma berilmaganligi (xarid qilinmaganligi yoki ijtimoiy karta olinmaganligi) sabablarini oʻrganib, “Ijtimoiy himoya” ATda mazkur Nizomga 7-ilovaga muvofiq shaklda protez moslamalari yoki reabilitatsiya vositalariga muhtojlik belgilangan shaxslarning ehtiyojini oʻrganish boʻyicha dalolatnomani rasmiylashtiradi”;

15-band quyidagi tahrirda bayon etilsin:

“15. Mazkur Nizomning 14-bandida belgilangan tartibda oʻrganish jarayonida:

muhtoj shaxsning ijtimoiy karta rasmiylashtirishni amalga oshira olmaganligi aniqlanganda ijtimoiy xodim muhtoj shaxs nomidan uning xohishiga koʻra ijtimoiy kartani rasmiylashtirish va foydalanish uchun taqdim etish boʻyicha arizani yuboradi;

muhtoj shaxsning protez moslamalari yoki reabilitatsiya vositalarini elektron savdo orqali xarid qila olmaganligi aniqlangan taqdirda ushbu Nizomning 24-bandida belgilangan tartibda “Inson” ijtimoiy xizmatlar markazlari muhtoj shaxsga protez moslamalari yoki reabilitatsiya vositalari uchun buyurtmani shakllantirishda yordam beradi;

muhtoj shaxsning qoʻshimcha protez moslamalari yoki reabilitatsiya vositalariga ehtiyoji vujudga kelganligi aniqlangan hollarda, ushbu shaxslar tegishliligi boʻyicha TIEKga qoʻshimcha muhtojlikni belgilash uchun yoʻnaltiriladi”;

20-bandning uchinchi va toʻrtinchi xatboshilaridagi “besh” soʻzi “uch” soʻzi bilan almashtirilsin;

20 1 -bandning birinchi xatboshisidagi “besh” soʻzi “uch” soʻzi bilan almashtirilsin;

24-bandda :

birinchi xatboshisidagi ““Inson” ijtimoiy xizmatlar markazi yoki ijtimoiy xodimga” soʻzlari ““Inson” ijtimoiy xizmatlar markaziga” soʻzlari bilan almashtirilsin;

ikkinchi xatboshisidagi ““Inson” ijtimoiy xizmatlar markazi yoki ijtimoiy xodim” soʻzlari ““Inson” ijtimoiy xizmatlar markazi” soʻzlari bilan almashtirilsin;

34-band quyidagi tahrirda bayon etilsin:

“34. “Inson” ijtimoiy xizmatlar markazi ijtimoiy xodimlari “Ijtimoiy himoya” ATdagi shaxsiy kabinetiga xabar kelib tushgandan soʻng besh ish kuni ichida buyurtmalar muhtoj shaxslarga haqiqatda yetkazib berilganligini, ularning elektron savdoda eʼlon qilingan talablariga muvofiqligini hamda muhtoj shaxslarning buyurtma toʻgʻrisidagi fikrlarini joyiga chiqqan holda oʻrganadi, bundan muhtoj shaxslarning hassa, toʻrt oyoqli hassa, koʻzi ojizlar hassasi, qoʻltiq tayoq (juft), tirsakli qoʻltiq tayoq, yurish moslamasi (xodunok), Brayl alifbosi, Brayl alifbosi boʻyicha yozuv moslamasi, ovozli termometr, ovozli tonometr, ovozli glyukometr, tibbiy tuvak, maxsus matras turidagi reabilitatsiya vositalari bilan taʼminlanganlik holatlari mustasno.

Bunda Elektron savdo maydonchasining operatori tomonidan mazkur bandning birinchi xatboshisida koʻrsatilgan reabilitatsiya vositalari muhtoj shaxslarga yetkazib berilganligi elektron savdo maydonchasida tasdiqlagandan soʻng bir kun ichida “Ijtimoiy himoya” ATda bildirishnoma avtomatik tarzda shakllantiriladi.

Mazkur bandning birinchi xatboshisida koʻrsatilgan reabilitatsiya vositalaridan tashqari protez moslamalari va reabilitatsiya vositalari boʻyicha buyurtmalarning muhtoj shaxslarga haqiqatda yetkazib berilganligini oʻrganish natijasida:

yetkazib berilgan buyurtmaning sifatsizligi, nuqsonlari mavjudligi hamda ular muhtoj shaxslarning jismoniy holatiga mos kelmasligi aniqlangan hollarda, “Inson” ijtimoiy xizmatlar markazlari tomonidan “Ijtimoiy himoya” ATda mazkur Nizomga 9-ilovaga muvofiq shaklda Muhtoj shaxslar tomonidan vaucher asosida sotib olingan protez moslamalari yoki reabilitatsiya vositalarining muhtoj shaxslarga haqiqatda yetkazib berilganligi, muhtoj shaxslarning buyurtma toʻgʻrisidagi fikrlarini oʻrganish boʻyicha dalolatnoma tuziladi va sotuvchilarga uni maqbul sifatlisiga almashtirish choralarini koʻrish uchun elektron shaklda yuboriladi. Bunda buyurtmaning sifatsizligi va nuqsonlarini tasdiqlovchi fotosuratlar dalolatnomaga ilova qilinadi;

muhtoj shaxslarning buyurtmalari haqiqatda yetkazib berilgan hamda ularda nuqsonlar aniqlanmagan taqdirda, ijtimoiy xodimlar tomonidan bir ish kuni ichida “Ijtimoiy himoya” ATda mazkur Nizomga 10-ilovaga muvofiq shaklda vaucher asosida muhtoj shaxslarga yetkazib berilgan protez moslamalari yoki reabilitatsiya vositalari uchun sotuvchilarga vaucher qiymatidan koʻp boʻlmagan miqdordagi mablagʻlarni oʻtkazish boʻyicha bildirishnoma rasmiylashtiriladi hamda son, boldir, qoʻl va yelka protezlari, bionik qoʻl protezlari, oyoq apparatlari, murakkab ortopedik poyabzallar boʻyicha bildirishnoma “Inson” ijtimoiy xizmatlar markazi tomonidan tasdiqlanadi. Bunda muhtoj shaxs buyurtmani haqiqatda olganligini tasdiqlovchi turli rakursdan olingan fotosuratlar bildirishnomaga ilova qilinadi”;

38-band quyidagi tahrirda bayon etilsin:

“38. Muhtoj shaxslarning buyurtmalari ularga yetkazib berilmagan yoki Elektron savdo maydonchasining operatori tomonidan mazkur Nizomning 34-bandi ikkinchi xatboshisida koʻrsatilgan reabilitatsiya vositasi muhtoj shaxsga yetkazib berilganligi tasdiqlanmagan hollarda, shuningdek, buyurtmalarda nuqsonlar mavjudligi hamda ular muhtoj shaxslarning jismoniy holatiga mos kelmasligi toʻgʻrisida ijtimoiy xodimlar tomonidan dalolatnoma rasmiylashtirilgan taqdirda, mablagʻlar sotuvchilarning bank hisobvaragʻiga oʻtkazilmaydi”;

quyidagi mazmundagi 3 1 -paragraf bilan toʻldirilsin:

“ 3 1 -§. Muhtoj shaxslarning ijtimoiy kartasiga reabilitatsiya vositalarini xarid qilish uchun mablagʻlarni oʻtkazib berish tartibi

38 1 . Muhtoj shaxs reabilitatsiya vositasini ijtimoiy karta orqali xarid qilish huquqi vujudga kelganligi toʻgʻrisidagi xabarni olgandan soʻng “Ijtimoiy himoya” ATda shaxsni tasdiqlovchi hujjat (biometrik pasport yoki identifikatsiyalovchi ID-karta) maʼlumotlari va telefon raqamini kiritgan holda roʻyxatdan oʻtadi.

38 2 . Agentlikda muhtoj shaxslarni reabilitatsiya vositalari bilan taʼminlash maqsadida ijtimoiy kartaga mablagʻlarni oʻtkazib berish uchun alohida shaxsiy gʻazna hisobvaragʻi ochiladi.

38 3 . Muhtoj shaxslarda reabilitatsiya vositasini ijtimoiy karta orqali xarid qilish huquqi vujudga kelganda va ular uchun ijtimoiy karta ochilganda “Ijtimoiy himoya” ATda reabilitatsiya vositasining davlat tomonidan qoplab beriladigan qiymatiga teng mablagʻni oʻtkazib berish uchun elektron toʻlov topshiriqnoma va qaydnomalari avtomatik ravishda shakllanadi.

38 4 . “Ijtimoiy himoya” ATda reabilitatsiya vositasini xarid qilish uchun mablagʻlarni toʻlash boʻyicha elektron toʻlov topshiriqnoma va qaydnomalarini DMBATga yoʻnaltiradi. Bunda tegishli mablagʻlar DMBAT tomonidan avtomatik ravishda moliyaviy agentning bank hisob varagʻiga oʻtkaziladi.

Moliyaviy agent bir ish kuni ichida tegishli pul mablagʻlarini muhtoj shaxsning ijtimoiy kartasiga oʻtkazib beradi.

38 5 . Muhtoj shaxslarning ijtimoiy kartasiga mablagʻlar oʻtkazib berilganda bu toʻgʻrisida ularning mobil telefon raqamiga SMS-xabar yuboriladi.

38 6 . Muhtoj shaxslarning ijtimoiy karta orqali reabilitatsiya vositalarini xarid qilishiga oid maʼlumotlar “Ijtimoiy himoya” ATda shakllantirib boriladi.

38 7 . Muhtoj shaxslar ijtimoiy kartasiga kelib tushgan mablagʻlardan faqat tegishli reabilitatsiya vositasini xarid qilish maqsadida foydalaniladi.

Muhtoj shaxslar tomonidan mablagʻlar foydalanilmagan yoki boshqa maqsadlarda foydalanilganda ularga tegishli reabilitatsiya vositasining belgilangan foydalanish muddati mobaynida mazkur turdagi reabilitatsiya vositasiga muhtojlik belgilanmaydi”;

42-band quyidagi tahrirda bayon etilsin:

“42. Protez moslamalari yoki reabilitatsiya vositalarining foydalanish muddati tugagandan soʻng takroran protez moslamalari yoki reabilitatsiya vositalari bilan taʼminlanish huquqiga ega boʻlgan muhtoj shaxslar uchun elektron shakldagi vaucher tibbiy koʻrsatmalar hamda nogironlik toʻgʻrisidagi maʼlumotnomadan kelib chiqib, muhtoj shaxslarning roʻyxati asosida mazkur Nizomda belgilangan tartibda umumiy asoslarda shakllanadi, bundan davlat tomonidan qoplab beriladigan qiymati bazaviy hisoblash miqdorining oʻttiz foizidan oshmaydigan reabilitatsiya vositalari mustasno.

Davlat tomonidan qoplab beriladigan qiymati bazaviy hisoblash miqdorining oʻttiz foizidan oshmaydigan reabilitatsiya vositalarini xarid qilish uchun mablagʻlar muhtoj shaxsning ijtimoiy kartasiga oʻtkaziladi”;

43-bandda :

birinchi , uchinchi va toʻrtinchi xatboshilardagi “yoki VMK” soʻzlari chiqarib tashlansin;

ikkinchi va uchinchi xatboshilardagi “TIEK yoki VMKga” soʻzlari “TIEKga” soʻzi bilan almashtirilsin;

44-band quyidagi tahrirda bayon etilsin:

“44. Muhtoj shaxslar nogironlik toʻgʻrisidagi maʼlumotnomada belgilangan muddatlarda tibbiy koʻrsatmaga asosan takroran protez moslamalari yoki reabilitatsiya vositalari bilan taʼminlanadigan hamda TIEK tomonidan qayta muhtojlik belgilanmaydigan holatlarda ularga elektron shakldagi vaucherni shakllantirish yoki reabilitatsiya vositalarini xarid qilish uchun mablagʻlarni ijtimoiy kartaga oʻtkazish muhtoj shaxslarning roʻyxati asosida mazkur Nizomda belgilangan tartibda umumiy asoslarda avtomatik ravishda amalga oshiriladi”;

46-band quyidagi tahrirda bayon etilsin:

“46. Muhtoj shaxslar ushbu Nizomning 45-bandida nazarda tutilgan holatlar vujudga kelganda “Ijtimoiy himoya” AT orqali yoki bevosita “Inson” ijtimoiy xizmatlar markazi yoxud TIEKga murojaat qilishi lozim.

Bunda murojaatlar qabul qilingandan soʻng muhtoj shaxslar oʻn kun muddat ichida tegishli TIEKlarda koʻrikdan oʻtkaziladi hamda koʻrik natijalari asosida “Ekspertiza” modulida ularga yangi turdagi protez moslamalari yoki reabilitatsiya vositalarini olish uchun muhtojlik belgilanadi yoki muhtojlik belgilash rad etiladi.

Yangi turdagi protez moslamalari yoki reabilitatsiya vositalarini olish uchun muhtojlik belgilangan muhtoj shaxslarga elektron shakldagi vaucherni shakllantirish yoki reabilitatsiya vositalarini xarid qilish uchun mablagʻlarni ijtimoiy kartaga oʻtkazish muhtoj shaxslarning roʻyxati asosida mazkur Nizomda belgilangan tartibda umumiy asoslarda amalga oshiriladi.”;

47-bandning uchinchi xatboshisi quyidagi tahrirda bayon etilsin:

“Protez moslamasi yoki reabilitatsiya vositasi uning foydalanish muddati davomida yaroqsiz boʻlib qolganligi “Inson” ijtimoiy xizmatlar markazida tashkil etiladigan komissiyada oʻz tasdigʻini topsa, ijtimoiy xodimning dalolatnomasiga muvofiq bu toʻgʻrisidagi maʼlumotlar muhtoj shaxslarning roʻyxatiga kiritiladi hamda muhtoj shaxslarga elektron shakldagi vaucherni shakllantirish yoki reabilitatsiya vositalarini xarid qilish uchun mablagʻlarni ijtimoiy kartaga oʻtkazish mazkur Nizomga muvofiq umumiy asoslarda amalga oshiriladi”;

51-bandning ikkinchi xatboshisidagi “Agentlik tomonidan amalga oshiriladi” soʻzlari “choralari koʻriladi” soʻzlari bilan almashtirilsin;

53-band quyidagi mazmundagi ikkinchi-uchinchi xatboshilar bilan toʻldirilsin:

“Muhtoj shaxs reabilitatsiya vositasini xarid qilish uchun mablagʻ ijtimoiy kartasiga oʻtkazilishidan oldin vafot etgan taqdirda, tegishli mablagʻ ijtimoiy kartaga oʻtkazilmaydi.

Muhtoj shaxs ijtimoiy kartasiga reabilitatsiya vositasini xarid qilish uchun mablagʻ oʻtkazilgandan keyin vafot etganda mazkur mablagʻ reabilitatsiya vositasi xarid qilinganligi yoki xarid qilinmaganligidan qatʼi nazar qaytarilmaydi”;

55-banddagi “Muhtoj shaxslar vaucher” soʻzlardan keyin “yoki ijtimoiy karta” soʻzlari bilan toʻldirilsin;

1-ilovaning “1-bosqich” qatorida:

“Subyektlar” ustuni quyidagi tahrirda bayon etilsin:

“Tibbiy-ijtimoiy ekspert komissiyalari”;

“Tadbirlar” ustunidagi ““Tibbiy-ijtimoiy ekspertiza” elektron axborot tizimida” soʻzlari ““Ekspertiza” modulida” soʻzlari bilan almashtirilsin;

“Muddatlar” ustunidagi “yoki tibbiy xulosa” soʻzlari chiqarib tashlansin;

quyidagi mazmundagi 1 1 -ilova bilan toʻldirilsin:

“Muhtoj shaxslarni protez-ortopediya moslamalari va reabilitatsiya qilishning texnik vositalari bilan taʼminlash tartibi toʻgʻrisidagi nizomga 1 1 -ILOVA

Reabilitatsiya qilishning texnik vositalari xarid qilish uchun mablagʻlarni muhtoj shaxslarning ijtimoiy kartaga oʻtkazib berish

Bosqichlar Subyektlar Tadbirlar Muddatlar 1-bosqich “Ijtimoiy himoya” AT 1. Reabilitatsiya vositalarini xarid qilish huquqi vujudga kelganda bu haqida muhtoj shaxs SMS-xabar yuborish orqali xabardor qiladi hamda “Inson” ijtimoiy xizmatlar markazining “Ijtimoiy himoya” ATdagi shaxsiy kabinetiga xabar yuboradi. 2. Muhtoj shaxsning ijtimoiy kartasi mavjudligi boʻyicha “Ijtimoiy karta” ATga soʻrov yuboradi. Reabilitatsiya vositasini ijtimoiy karta orqali xarid qilish huquqi vujudga kelgandan soʻng oʻn daqiqa mobaynida 2-bosqich Muhtoj shaxs Reabilitatsiya vositasini ijtimoiy karta orqali xarid qilish huquqi vujudga kelganligi toʻgʻrisidagi xabarni olgandan soʻng “Ijtimoiy himoya” ATda maʼlumotlari va telefon raqamini kiritgan holda roʻyxatdan oʻtadi. Ijtimoiy karta boʻlmagan hollarda, belgilangan tartibda ijtimoiy karta ochadi. Xohishiga koʻra 3-bosqich “Ijtimoiy himoya” AT 1. Reabilitatsiya vositasini ijtimoiy karta orqali xarid qilish huquqi vujudga kelganda va ular uchun ijtimoiy karta ochilganda elektron toʻlov topshiriqnoma va qaydnomasini shakllantiradi va tegishli moliyaviy agentga yuboradi. 2. Reabilitatsiya vositasini xarid qilish uchun mablagʻlarni toʻlash boʻyicha elektron hujjatlarni DMBATga yoʻnaltiradi. Bunda DMBAT tomonidan avtomatik ravishda tegishli mablagʻlar moliyaviy agentning bank hisob varagʻiga oʻtkaziladi. Avtomatik ravishda 4-bosqich Moliyaviy agent 1. Toʻlov qaydnomasiga asosan mablagʻlarni muhtoj shaxsning ijtimoiy kartasiga oʻtkazib beradi. Bir ish kuni ichida 2. Toʻlangan mablagʻlar boʻyicha “Ijtimoiy himoya” ATga maʼlumot yuboradi. 3. Muhtoj shaxsning mobil telefon raqamiga ijtimoiy kartaga zarur mablagʻ oʻtkazib berilganligi toʻgʻrisida qisqa matnli SMS-xabar yuboradi. Mablagʻ oʻtkazib berilgandan keyin bir daqiqa ichida ”;

2 , 3 va 4-ilovalar oʻz kuchini yoʻqotgan deb topilsin;

5-ilovada :

7-band ustuni nomidagi “yoki pensiya yoshidagi muhtoj shaxs” soʻzlari chiqarib tashlansin;

8-band ustuni nomidagi “yoki tibbiy xulosa” soʻzlari chiqarib tashlansin;

9-band ustuni nomidagi “Nogironlik toʻgʻrisidagi maʼlumotnoma yoki tibbiy xulosaning” soʻzlari “Nogironlik toʻgʻrisidagi maʼlumotnomaning” soʻzlari bilan almashtirilsin;

25 va 26-bandlar ustunlari nomidagi “TIEK, PTIEK va VMKga” soʻzlari “TIEKga” soʻzi bilan almashtirilsin;

6-ilovaning 6-bandidagi “yoki VMK tibbiy xulosasi” soʻzlari chiqarib tashlansin;

7-ilovada :

toʻrtinchi xatboshidagi “yoki tibbiy xulosa” soʻzlari chiqarib tashlansin;

“v” kichik banddagi “TIEK yoki VMKga” soʻzlari “TIEKga” soʻzi bilan almashtirilsin;

izoh qismidagi “TIEK yoki VMKga” soʻzlari “TIEKga” soʻzi bilan almashtirilsin.

31. Vazirlar Mahkamasining 2024-yil 31-maydagi 313-son qarori bilan tasdiqlangan “Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomda :

a) 12-bandning birinchi xatboshisidagi “1 — 12-ilovalariga” soʻzlari “1 — 13-ilovalariga” soʻzlari bilan almashtirilsin;

b) quyidagi mazmundagi 12 1 -band bilan toʻldirilsin:

“12 1 . Uy-joyni taʼmirlash, shuningdek, yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash tarzidagi yordamlar istisno tariqasida tuman (shahar) hokimliklarining soʻroviga asosan ham “Saxovat va koʻmak” jamgʻarmasi mablagʻlari hisobidan koʻrsatilishi mumkin. Bunda:

a) yordamlar Ijtimoiy reyestrga kiritilgan yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarga turar joyga nisbatan huquq belgilovchi hujjatlari mavjud boʻlgan, kadastr organlari tomonidan hisobga olingan hamda soliq organlari axborot tizimiga soliq toʻlovchi sifatida kiritilgan uy-joy uchun quyidagi miqdorda koʻrsatiladi:

uy-joyni taʼmirlash yordami mazkur yordamni olganiga ikki yildan ortgan oilalarga BHMning 50 baravarigacha boʻlgan miqdorda;

yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash yordami zaruratga koʻra, cheklanmagan marotaba BHMning 150 baravarigacha boʻlgan miqdorda;

b) tuman (shahar) hokimliklari “Saxovat va koʻmak” jamgʻarmasi mablagʻlaridan foydalanish uchun uning asoslarini hamda yordam koʻrsatiladigan fuqarolarning roʻyxatini ilova qilgan holda tegishlicha Agentlikning Qoraqalpogʻiston Respublikasi, viloyatlar va Toshkent shahar boshqarmalariga soʻrovnoma kiritadi;

v) Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan soʻrovnoma ushbu Nizomning 5 va 9-ilovalariga muvofiq pasportlarda nazarda tutilgan talab va shartlarga muvofiq boʻlgan taqdirda tuman (shahar) hokimliklari huzuridagi “Infratuzilma va ijtimoiy barqarorlik” jamgʻarmasiga “Saxovat va koʻmak” jamgʻarmasi mablagʻlari hisobidan zarur mablagʻlar oʻtkazib beriladi. Bunda:

mablagʻlar har oyning 30 sanasiga qadar “Saxovat va koʻmak” jamgʻarmasining tuman (shahar)ga taqsimlangan tushumlari hisobidan ajratiladi;

“Infratuzilma va ijtimoiy barqarorlik” jamgʻarmasiga oʻtkaziladigan mablagʻlarning yillik miqdori oʻtgan kalendar yil davomida “Saxovat va koʻmak” jamgʻarmasiga kelib tushgan mablagʻlarning oʻttiz foizidan oshmasligi lozim”.

v) 16-bandda :

birinchi xatboshisidagi “2 — 12-ilovalariga” soʻzlari “1 — 13-ilovalariga” soʻzlari bilan almashtirilsin;

ikkinchi xatboshisidagi “3 — 12-ilovalarida” soʻzlari “1 — 13-ilovalarida” soʻzlari bilan almashtirilsin

g) 21-banddagi “1 — 12-ilovalariga” soʻzlari “1 — 13-ilovalariga” soʻzlari bilan almashtirilsin;

d) 4-ilovada :

2-pozitsiyaning uchinchi ustini quyidagi tahrirda bayon etilsin:

“Ijara toʻlovining 50 foizi, biroq BHMning 2 baravarigacha (Toshkent shahrida BHMning 4 baravarigacha, Nukus shahri hamda viloyatlar markazlarida BHMning 3 baravarigacha)”;

7-pozitsiyaning uchinchi ustini “yordam oluvchining” soʻzlaridan keyin “ijtimoiy kartasi yoki” soʻzlari bilan toʻldirilsin;

e) 5-ilova 5-pozitsiyasining uchinchi ustini quyidagi tahrirda bayon etilsin:

“a) uy-joyni taʼmirlash uchun:

oila aʼzolarining Ijtimoiy reyestrda turishi;

oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi. Bunda oilaning oylik oʻrtacha jami daromadi Vazirlar Mahkamasi tomonidan belgilangan oilani “davlat taʼminotidagi oila” yoki “kambagʻal oila” toifasiga kiritish jarayonida baholashdan oʻtkazish tartibiga muvofiq aniqlanadi.

Bunda, oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2 baravaridan oshmasligi lozim.

b) yashash sharoitini moslashtirish uchun Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning reyestriga kiritilgan oila aʼzolarining Ijtimoiy reyestrda turishi yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi lozim. Bunda:

oilaning oylik oʻrtacha jami daromadi Vazirlar Mahkamasining 2026-yil 29-yanvardagi 35-son qarori bilan tasdiqlangan Ijtimoiy reyestrni yuritish tartibi toʻgʻrisidagi nizomga muvofiq aniqlandi;

oilaning bir oylik jami oʻrtacha daromad miqdorini hisoblab chiqishda mehnatga haq toʻlash eng kam miqdorining ikki baravarigacha boʻlgan pensiya va boshqa daromadlari hisobga olinmaydi;

daromadni rasmiy maʼlumotlar orqali tasdiqlash imkoni boʻlmaganda shartli ravishda normativ daromad qoʻllanilmaydi”;

j) quyidagi mazmundagi 13-ilova bilan toʻldirilsin:

““Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga 13-ILOVA

Ayollarni reabilitatsiya qilish va moslashtirish respublika markazining hududiy markazlaridan chiqarilgan xotin-qizlarning turar joy ijarasi uchun kompensatsiya yordamini koʻrsatish

1. Ijtimoiy yordam nomi: Ayollarni reabilitatsiya qilish va moslashtirish respublika markazining hududiy markazlaridan chiqarilgan xotin-qizlarning turar joy ijarasi uchun kompensatsiya 2. Ijtimoiy yordam miqdori: Ijara toʻlovining 100 foizi, biroq BHMning 4 baravarigacha (Toshkent shahrida BHMning 8 baravarigacha, Nukus shahri hamda viloyatlar markazlarida BHMning 6 baravarigacha) 3. Ijtimoiy yordam oluvchining toifasi: Uch oy davomida Ayollarni reabilitatsiya qilish va moslashtirish respublika markazining hududiy markazlarida boʻlgan hamda ushbu muassasalardan chiqarilganiga bir oydan oshmagan xotin-qizlar. 4. Ijtimoiy yordamni olish uchun taqdim qilinadigan hujjatlar: Ijara shartnomasi nusxasi va ijara shartnomasining soliq organlarida hisobga qoʻyilganligi haqidagi bildirishnoma. 5. Ijtimoiy yordamni taqdim etish talablari va shartlari: Uch oy davomida Ayollarni reabilitatsiya qilish va moslashtirish respublika markazining hududiy markazlarida boʻlgan xotin-qizlarning ushbu muassasalardan chiqarilganiga bir oy dan oshmaganligi hamda oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi. Bunda: a) oilaning oylik oʻrtacha jami daromadi Vazirlar Mahkamasining 2026-yil 29-yanvardagi 35-son qarori bilan tasdiqlangan Ijtimoiy reyestrni yuritish tartibi toʻgʻrisidagi nizomga muvofiq aniqlandi; b) oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2 baravaridan oshmasligi lozim; v) oilaning har bir aʼzosiga toʻgʻri keladigan bir oylik oʻrtacha jami daromadi aniqlanishida quyidagilar: tazyiq oʻtkazgan va zoʻravonlik sodir etgan shaxs oila tarkibiga kiritilmaydi hamda uning mol-mulklari va daromadi inobatga olinmaydi; tazyiq va zoʻravonlikka uchragan xotin-qizlar daromadini rasmiy maʼlumotlar orqali tasdiqlash imkoni boʻlmaganda shartli ravishda normativ daromad qoʻllanilmaydi. 6. Ijtimoiy yordam koʻrsatish davriyligi: Oʻn ikki oy davomida har oyda 7. Ijtimoiy yordam koʻrsatish shakli: Mazkur kompensatsiya soliq organlarida hisobga qoʻyilgan ijara shartnomasiga muvofiq yordam oluvchining ijtimoiy kartasi yoki bank plastik kartasiga oʻtkazib beriladi. 8. Izoh: 1. Mazkur ijtimoiy yordam turi boʻyicha kompensatsiya yaqin qarindoshlar oʻrtasida tuzilgan ijara shartnomasi uchun toʻlab berilmaydi. 2. Mazkur ijtimoiy yordam ijara shartnomasi soliq organlarida hisobga qoʻyilgan tuman (shahar) boʻyicha “Saxovat va koʻmak” jamgʻarmasining ushbu tuman (shahar)ga taqsimlangan mablagʻlari doirasida moliyalashtiriladi. 3. Mazkur ijtimoiy yordam turini taqdim etish quyidagicha amalga oshiriladi: birinchi bosqichda — Ayollarni reabilitatsiya qilish va moslashtirish respublika markazining hududiy markazlari tomonidan xotin-qizlarning holatini baholash natijalari boʻyicha ishlab chiqilgan yakka tartibdagi ijtimoiy reabilitatsiya dasturiga “Saxovat va koʻmak” jamgʻarmasi mablagʻlari hisobidan yordam koʻrsatish boʻyicha tavsiya kiritiladi; ikkinchi bosqichda — xotin-qizlarning kompensatsiya toʻlash mezonlariga mosligi oʻrganilib, “Ijtimoiy himoya” ATda yordam koʻrsatish toʻgʻrisidagi qaror shakllantiriladi; uchinchi bosqichda — “Ijtimoiy himoya” AT orqali shakllantirilgan qaror asosida Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan “Saxovat va koʻmak” jamgʻarmasining tuman (shahar)ga taqsimlangan tushumlari hisobidan tegishli mablagʻlar ajratiladi. ”.

32. Vazirlar Mahkamasining 2024-yil 31-maydagi 318-son qarori bilan tasdiqlangan Oʻzgalarning parvarishiga muhtoj boʻlgan ayrim shaxslarga qarab turishning haqiqiy holatini tekshirish dalolatnomasini rasmiylashtirish boʻyicha davlat xizmatini koʻrsatishning maʼmuriy reglamenti 17-bandining beshinchi xatboshisidagi va 22-bandining uchinchi xatboshisidagi ““Muruvvat” internat uyiga” soʻzlari ““Gʻamxoʻrlik” markaziga” soʻzlari bilan almashtirilsin.

33. Vazirlar Mahkamasining 2024-yil 6-avgustdagi 484-son qarori bilan tasdiqlangan Ijtimoiy xizmatlar klassifikatori 2-bobida :

a) 2 — 4 va 30 — 32-pozitsiyalarning “Ijtimoiy xizmat koʻrsatish markazlari shaklida tashkil etilgan ijtimoiy xizmatlar” ustunidagi ““Muruvvat” internat-uylari” soʻzlari ““Gʻamxoʻrlik” markazlari” soʻzlari bilan almashtirilsin;

b) 32-pozitsiyaning “Ijtimoiy xizmat turi” ustunidan “kunduzgi parvarishlash” soʻzlari chiqarib tashlansin.

34. Vazirlar Mahkamasining “Faol nuroniylarni Ijtimoiy reyestrga kiritilgan oilalarga biriktirish hamda mahallada sogʻlom turmush tarzi va ijtimoiy-maʼnaviy muhitni shakllantirishga jalb etish tartibi toʻgʻrisidagi nizomni tasdiqlash haqida” 2024-yil 27-dekabrdagi 892-son qarorida :

a) quyidagi tahrirdagi 2 1 -band bilan toʻldirilsin:

“2 1 . Belgilansinki, 2027-yil 1-yanvardan boshlab Ijtimoiy reyestrga kiritilgan oilalarning farzandlarini oʻquv jihozlari va qurollari hamda sport kiyimlari bilan taʼminlash ularning qiymatini fuqaroning ijtimoiy kartasiga oʻtkazib berish orqali amalga oshiriladi”;

b) ilovada :

2-bandda :

quyidagi mazmundagi ikkinchi xatboshi bilan toʻldirilsin:

“moliyaviy agent — oʻquv jihozlari va qurollari hamda sport kiyimlari xarid qilish uchun mablagʻlarni Ijtimoiy reyestrga kiritilgan oilalarning farzandlarining ijtimoiy kartalariga oʻtkazishga masʼul boʻlgan Oʻzbekiston Respublikasi rezidenti boʻlgan tijorat banki”;

ikkinchi xatboshi uchinchi xatboshi deb hisoblansin;

3-bob 2-paragrafining nomi “sport kiyimlarini xarid qilish” soʻzlaridan keyin “xarajatlarini qoplash” soʻzlari bilan toʻldirilsin;

12-bandning toʻrtinchi xatboshisidagi “kambagʻal oila” soʻzlari “Ijtimoiy reyestrga kiritilgan oila” soʻzlari bilan almashtirilsin;

13-bandning birinchi xatboshisi quyidagi tahrirda bayon etilsin:

“13. “Nuroniy” jamgʻarmasining hududiy boʻlinmasi buyruq rasmiylashtirilgandan keyin oʻn ish kuni ichida buyruqda koʻrsatilgan oʻquv jihozlari va qurollari hamda sport kiyimlarini qonunchilikda belgilangan tartibda xarid qiladi. Bunda 2027-yil 1-yanvardan boshlab hududiy boʻlinma oʻquv jihozlari va qurollari hamda sport kiyimlarining qiymatini fuqaroning ijtimoiy kartasiga oʻtkazib beradi”;

15-band “ishlar natijadorligi” soʻzlaridan keyin “, shuningdek, oʻquv jihozlari, qurollari, sport kiyimlari xarid qilinganligi” soʻzlari bilan toʻldirilsin;

1-ilovada :

1-bosqichning “Muddatlar” ustunidagi “kambagʻal oila” soʻzlari “Ijtimoiy reyestrga kiritilgan oila” soʻzlari bilan toʻldirilsin;

3-bosqichning “Tadbirlar” ustuni quyidagi tahrirda bayon etilsin:

“1. Buyruqda koʻrsatilgan shaxslar boʻyicha toʻlov qaydnomalarini moliyaviy agentga taqdim etadi.

2. Zarur mablagʻlarni moliyaviy agentning maxsus hisobvaragʻiga oʻtkazib beradi”;

4-bosqichda:

“Subyektlar” ustunidagi “Nuroniy” jamgʻarmasining hududiy boʻlimlari” soʻzlari “Moliyaviy agent” soʻzlari bilan almashtirilsin;

“Tadbirlar” ustuni quyidagi tahrirda bayon etilsin:

“Toʻlov roʻyxatiga asosan mablagʻlarni fuqaroning ijtimoiy kartasiga oʻtkazib beradi”;

5-bosqichning “Tadbirlar” ustuni quyidagi tahrirda bayon etilsin:

“Oʻquv jihozlari va qurollari hamda sport kiyimlarining xarid qilinganligini monitoring qiladi”.

35. Vazirlar Mahkamasining “Yetim bolalar va ota-ona qaramogʻidan mahrum boʻlgan bolalarni joylashtirish shakllari boʻyicha ayrim normativ-huquqiy hujjatlarni tasdiqlash toʻgʻrisida” 2024-yil 27-dekabrdagi 893-son qarorida :

a) 2-ilovaning 8-bandi “v” kichik bandi beshinchi xatboshisi “bolani vaqtincha joylashtirishning muqobil shakliga” soʻzlaridan keyin “, shuningdek, professional tutingan oilaga yoki kichik hajmli ijtimoiy koʻmak markazlariga” soʻzlari bilan toʻldirilsin;

b) 8-ilovada :

17-banddagi ““Muruvvat” bolalar internat-uyiga” soʻzlari “nogironligi boʻlgan bolalar uchun “Gʻamxoʻrlik” markaziga” soʻzlari bilan almashtirilsin;

19-bandning ikkinchi va toʻrtinchi xatboshilaridagi ““Muruvvat” bolalar internat-uylariga” soʻzlari “nogironligi boʻlgan bolalar uchun “Gʻamxoʻrlik” markazlariga” soʻzlari bilan almashtirilsin;

v) 9-ilovaning 5-bandi quyidagi tahrirda bayon etilsin:

“5. Mehribonlik uyi Agentlik tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda tashkil etiladi”;

g) 10-ilovada :

2-bandning toʻrtinchi xatboshisidagi “, zoʻravonlikdan jabrlangan, oʻziga nisbatan zoʻravonlik sodir etilishi xavfi ostida boʻlgan va ijtimoiy jihatdan xavfli ahvolda boʻlgan bolalar” soʻzlari chiqarib tashlansin;

3-bandning ikkinchi xatboshisi chiqarib tashlansin;

5-bandda :

oltinchi va yettinchi xatboshilar chiqarib tashlansin;

sakkizinchi xatboshi oltinchi xatboshi deb hisoblansin;

13-bandning ikkinchi xatboshisidagi “, zoʻravonlikdan jabrlangan, oʻziga nisbatan zoʻravonlik sodir etilishi xavfi ostida boʻlgan va ijtimoiy jihatdan xavfli ahvolda boʻlgan bolalar vakolatli organning qarori bilan bir yilgacha boʻlgan muddatga” soʻzlari chiqarib tashlansin;

ilovada :

3-pozitsiyasida:

“Shtat birligi soni” ustunidagi “4” raqami “3*” raqami bilan almashtirilsin;

“Mehnatga haq toʻlash shartlari” ustunidagi ““Muruvvat” nogironligi boʻlgan bolalar internat uylarining” soʻzlari “Nogironligi boʻlgan bolalar uchun “Gʻamxoʻrlik” markazlarining” soʻzlari bilan almashtirilsin;

izoh qismi quyidagi mazmundagi ikkinchi xatboshi bilan toʻldirilsin:

36. Vazirlar Mahkamasining “Aholini ijtimoiy qoʻllab-quvvatlashda “ijtimoiy karta” tizimini joriy etish chora-tadbirlari toʻgʻrisida” 2024-yil 27-dekabrdagi 897-son qarorida :

a) 2-bandda :

“v” kichik bandning ikkinchi xatboshisidagi “uch ish kuni” soʻzlari “besh ish kuni” soʻzlari bilan almashtirilsin;

quyidagi mazmundagi yigirma birinchi-yigirma ikkinchi xatboshilar bilan toʻldirilsin:

“Ijtimoiy kartani muomalaga chiqarishda moliyaviy agent yoki Agentlik aybi bilan notoʻgʻri yoki noaniq maʼlumotlar joylashtirilganda ijtimoiy karta bepul asosda qayta muomalaga chiqariladi va foydalanishga taqdim etiladi hamda mazkur bandning “g” kichik bandida nazarda tutilgan shaxslar uchun bepul yetkazib beriladi.

Ijtimoiy toʻlov tayinlangan va ijtimoiy kartasi boʻlmagan mazkur qarorga 1-ilovada nazarda tutilgan shaxslarga ijtimoiy kartalar qoʻshimcha ariza talab etmagan holda ularning nafaqa tayinlash toʻgʻrisidagi murojaati hamda elektron maʼlumotlar almashinuvi orqali olingan maʼlumotlar asosida shakllantirilgan elektron roʻyxat boʻyicha muomalaga chiqarilishi va foydalanishga taqdim etilishi mumkin”;

b) 3-bandda :

“v” kichik bandda :

ikkinchi xatboshidagi “YIDXP va mobil ilovada” soʻzlari “mobil ilovada” soʻzlari bilan almashtirilsin;

uchinchi xatboshi quyidagi tahrirda bayon etilsin:

“raqamli servislarning qogʻoz nusxalari banklarda, notarial idoralarda, aeroportlarda ichki reyslarni roʻyxatdan oʻtkazishda va Oʻzbekiston Respublikasi hududidan oʻtuvchi poyezdlarga chiqishda, davlat, korporativ va boshqa yuklatilgan vazifalarini bajarish va xizmatlarni koʻrsatish, shu jumladan, elektron xizmat koʻrsatishda hamda fuqarolarni qabul qilishda tegishli hujjatlarni taqdim etishni talab qiladigan davlat organlarida, ichki ishlar organlari xodimlari tomonidan va boshqa tashkilotlarda talab etilmaydi”;

oʻn toʻrtinchi xatboshi “huquqiga ega” soʻzlaridan keyin “, bundan hujjatlarning qogʻoz shaklini qonunchilik hujjatlarida belgilangan tartibda almashtirish va olib qoʻyish holatlari mustasno” soʻzlari bilan toʻldirilsin;

v) 4-bandda :

quyidagi mazmundagi “b 1 ” kichik band bilan toʻldirilsin:

“b 1 ) 2026-yil 1-noyabrdan boshlab reabilitatsiya qilishning texnik vositalariga muhtojlik belgilangan shaxslarni mazkur vositalar bilan taʼminlash ularning ijtimoiy kartalariga xarid qilish uchun mablagʻlarni oʻtkazib berish orqali amalga oshiriladi”;

“v” kichik bandning birinchi xatboshisidagi “2025-yil 1-apreldan” soʻzlari “2026-yil 1-iyundan” soʻzlari bilan almashtirilsin;

g) 6-bandda :

“a” kichik bandning uchinchi xatboshisidagi “tajriba-sinov tariqasida joriy etilgan hududlarda” soʻzlari “respublikaning barcha hududlarida toʻliq joriy etilgunga qadar” soʻzlari bilan almashtirilsin;

“b” kichik bandi quyidagi tahrirda bayon etilsin:

“b) quyidagilarga “Raqamli hukumat” tizimining idoralararo integratsiyalashuv platformasi orqali maʼlumotlarni bepul olishga:

“Oʻzbekiston temir yoʻllari” va “Uzbekistan Airways” aksiyadorlik jamiyatlariga — maktab oʻquvchilari, talabalar, nogironligi boʻlgan shaxslar va pensionerlarga (nafaqa oluvchilarga) imtiyozli chiptalarni sotishda;

moliyaviy agentga — ijtimoiy kartalarni muomalaga chiqarishda”;

d) 8-band quyidagi tahrirda bayon etilsin:

“8. Agentlik:

Raqamli texnologiyalar vazirligi bilan birgalikda 2025-yil 1-iyulga qadar “Ishonch telefoni”ni mazkur qarorning 3-bandi “a” kichik bandida nazarda tutilgan toʻlov tashkilotining texnik qoʻllab-quvvatlash xizmati bilan integratsiya qilinishini taʼminlasin;

Soliq qoʻmitasi bilan birgalikda 2026-yil 1-iyulga qadar ijtimoiy kartalar orqali amalga oshirilgan xaridlar (fiskal cheklar) hamda qaytarilgan qoʻshilgan qiymat soligʻi summalari toʻgʻrisidagi tegishli axborot tizimidagi maʼlumotlar “Ijtimoiy karta” ATga taqdim etib borilishini yoʻlga qoʻysin”;

e) 1-ilovada :

12-band “Pensionerlar” soʻzidan keyin “va ijtimoiy nafaqa oluvchilar” soʻzlari bilan toʻldirilsin;

quyidagi mazmundagi 16-17-bandlar bilan toʻldirilsin:

“16. “Temir daftar”, “Yoshlar daftari” va “Ayollar daftari”ga kiritilgan oilalar (shaxslar)

17. Davlat ijtimoiy sugʻurtasi boʻyicha toʻlov oluvchilar”;

izoh qismi quyidagi mazmundagi ikkinchi xatboshi bilan toʻldirilsin:

j) 2-ilovada :

quyidagi mazmundagi 18-band bilan toʻldirilsin:

“18. Salomatligi xavfsizlik kamari taqish imkonini bermaydigan kasalliklar boʻyicha tibbiy maʼlumotnoma”;

quyidagi mazmundagi izoh qismi bilan toʻldirilsin;

z) 4-ilovada :

6-bandda :

ikkinchi xatboshidagi “holati boʻyicha” soʻzlaridan keyin “ayni vaqtda” soʻzlari bilan toʻldirilsin;

quyidagi mazmundagi toʻrtinchi xatboshi bilan toʻldirilsin:

“Ushbu Nizomda belgilangan tartibda ijtimoiy karta emissiya qilingan shaxsga boshqa moliyaviy agent tomonidan ijtimoiy karta emissiya qilinmaydi”;

toʻrtinchi xatboshi beshinchi xatboshi deb hisoblansin;

8-bandda :

birinchi xatboshi “murojaat qilinadi” soʻzlaridan keyin “, bundan mazkur bandning yettinchi xatboshisida nazarda tutilgan hollar mustasno” soʻzlari bilan toʻldirilsin;

quyidagi mazmundagi yettinchi xatboshi bilan toʻldirilsin:

“Ijtimoiy karta bepul muomalaga chiqariladigan va foydalanish uchun taqdim etiladigan shaxslar toifalarining roʻyxatiga kiritilgan shaxslarga ijtimoiy kartalar qoʻshimcha ariza talab etmagan holda ularning nafaqa tayinlash toʻgʻrisidagi murojaati hamda elektron maʼlumotlar almashinuvi orqali olingan maʼlumotlar asosida shakllantirilgan elektron roʻyxat boʻyicha muomalaga chiqarilishi va foydalanishga taqdim etilishi mumkin”;

13-bandda :

toʻrtinchi xatboshidagi “hamda ariza beruvchiga ommaviy oferta bir nusxasi chop etilgan holda beriladi” soʻzlari chiqarib tashlansin;

beshinchi xatboshi chiqarib tashlansin;

oltinchi xatboshi beshinchi xatboshi deb hisoblansin;

1-ilovaning 4-bandi “b” kichik bandi quyidagi mazmundagi yettinchi xatboshi bilan toʻldirilsin:

“pasport yoki ID karta (bolalar uchun tugʻilganlik guvohnomasi) seriyasi va raqami”;

yettinchi — oʻn toʻrtinchi xatboshilar tegishlicha sakkizinchi — oʻn beshinchi xatboshi deb hisoblansin.

37. Vazirlar Mahkamasining “Nogironligi boʻlgan bolalar uchun kunduzgi parvarish xizmatini tashkil etish chora-tadbirlari toʻgʻrisida” 2025-yil 27-fevraldagi 126-son qarorida :

a) 1-ilovada :

5-bandda :

ikkinchi xatboshi “YTT” soʻzidan keyin “(oʻziga yoxud turmush oʻrtogʻiga)” soʻzlari bilan toʻldirilsin;

uchinchi xatboshi quyidagi tahrirda bayon etilsin:

“Bunda bino yoki inshoot YTT (turmush oʻrtogʻiga tegishli boʻlgan holat bundan mustasno) yoki yuridik shaxsga mulk huquqi bilan tegishli boʻlmagan taqdirda, bino yoki inshootdan ijara yoki boshqa huquq asosida foydalanish shartnomasining amal qilish muddati davlat-xususiy sheriklik toʻgʻrisidagi bitimning amal qilish muddati davomida oʻz kuchida boʻlishi taʼminlanishi zarur”;

6-banddan “Ijtimoiy reyestrga kiritilgan va” soʻzlari chiqarib tashlansin;

22-band quyidagi tahrirda bayon etilsin:

“22. Kunduzgi parvarish xizmatida tarbiyachi lavozimiga oliy yoki oʻrta maxsus pedagogik yoxud psixologik, tarbiyachi yordamchisi lavozimiga umumiy oʻrta maʼlumotga ega boʻlgan shaxslar qabul qilinadi”;

33-band quyidagi tahrirda bayon etilsin:

“33. Kunduzgi parvarish xizmati quyidagi hollarda vaqtincha toʻxtatib turiladi:

tarbiyalanuvchilarning hayoti va sogʻligiga xavf tugʻdirishi mumkin boʻlgan texnik nosozliklar, avariya holatlari yoki tabiiy yoki boshqa ofatlar, karantin va odamlar uchun xavfli boʻlgan boshqa yuqumli kasalliklarning tarqalishi natijasida muayyan hududda yuzaga kelgan vaziyatlarda;

sanitariya qoidalari, normalari va gigiyena normativlari buzilganligi aniqlanganda;

yongʻin xavfsizligi talablariga rioya etilmaganligi aniqlanganda;

hududiy boshqarma tomonidan oʻtkazilgan oʻrganish natijasida aniqlangan kamchiliklar belgilangan muddatda bartaraf etilmaganda;

yengib boʻlmas kuch (fors-major) holatlari yuzaga kelganda;

davlat-xususiy sheriklik toʻgʻrisidagi bitim shartlarini bajarish bilan bogʻliq texnik yoki tashkiliy sabablar mavjud boʻlganda”;

quyidagi mazmundagi 33 1 — 33 3 -bandlar bilan toʻldirilsin:

“33 1 . Kunduzgi parvarish xizmati mazkur Nizomning 33-bandida nazarda tutilgan holatlardan biri yuzaga kelganda xususiy sherik hamda hududiy boshqarma tomonidan ular bartaraf etilgunga qadar davlat-xususiy sheriklik toʻgʻrisidagi bitimda belgilangan tartibda vaqtincha toʻxtatib turiladi.

Bunda kunduzgi parvarish xizmati vaqtincha toʻxtatib turilgan davrda:

yangi tarbiyalanuvchilar qabul qilinmaydi;

tarbiyalanuvchilarning davomati hisobga olinmaydi;

xususiy sherikka subsidiya va kompensatsiya hisoblanmaydi hamda toʻlanmaydi.

33 2 . Kunduzgi parvarish xizmati vaqtincha toʻxtatib turilgan taqdirda tarbiyalanuvchilarning ota-onasi (ularning oʻrnini bosuvchi shaxslar) kamida bir ish kuni oldin xabardor qilinadi.

33 3 . Kunduzgi parvarish xizmatini vaqtincha toʻxtatib turishga sabab boʻlgan holatlar bartaraf etilgandan soʻng kunduzgi parvarish xizmati faoliyati davlat-xususiy sheriklik toʻgʻrisidagi bitimda belgilangan tartibda qayta tiklanadi;

36-band quyidagi tahrirda bayon etilsin:

“36. Subsidiya guruhga kamida 2 nafar tarbiyalanuvchi qabul qilinganidan soʻng hisobot oyida har bir tarbiyalanuvchining haqiqatda qatnagan kunlari boʻyicha ajratiladi. Bunda tarbiyalanuvchilarning eng kam sonini aniqlashda bir oyning kamida uchdan biri qismida davomati belgilangan tarbiyalanuvchilar inobatga olinadi”;

b) 2-ilovada :

4-band “a” kichik bandidagi “4” raqami “2” raqami bilan almashtirilsin;

5-band quyidagi mazmundagi toʻrtinchi xatboshi bilan toʻldirilsin:

“Bunda xususiy sherikka biriktirilgan nogironligi boʻlgan bolalar kunduzgi parvarish xizmatidan bir oy davomida kamida oʻn ish kuni qatnagan, biroq yetti ish kunigacha foydalanmagan kunlari uchun ham xususiy sherikka mazkur bandning ikkinchi va uchinchi xatboshilarida nazarda tutilgan subsidiyaning 50 foizi miqdorida subsidiya ajratiladi”;

7-bandning oltinchi xatboshisi quyidagi tahrirda bayon etilsin:

“Bunda viloyatlar markazlari, Toshkent va Nukus shaharlarida kunduzgi parvarish xizmatini tashkil etgan xususiy sherikka ajratiladigan subsidiyaning oylik miqdori KPXS = KPX *1,1 * QKS formulasi orqali, mazkur Nizomning 5-bandi toʻrtinchi xatboshisida nazarda tutilgan subsidiya ajratilishida esa subsidiyaning miqdorini 50 foizga kamaytirish orqali hisob-kitob qilinadi”;

v) 4-ilova izoh qismining 4-bandidagi ““Muruvvat” nogironligi boʻlgan shaxslar uchun internat uyi” soʻzlari “nogironligi boʻlgan shaxslar uchun “Gʻamxoʻrlik” markazi” soʻzlari bilan almashtirilsin;

g) 5-ilovaning 3-bandi oʻz kuchini yoʻqotgan deb topilsin.

38. Vazirlar Mahkamasining “Transport xizmatlaridan foydalanish imkoniyatlarini kengaytirish orqali koʻrish va harakatlanish bilan bogʻliq kasalliklarga chalingan alohida taʼlim ehtiyojlari boʻlgan bolalar uchun taʼlim olish sharoitlarini yaxshilash toʻgʻrisida” 2025-yil 28-fevraldagi 132-son qarorida :

a) 2-band quyidagi mazmundagi “b 1” kichik band bilan toʻldirilsin:

“b 1 ) 2027-yil 1-yanvardan boshlab nodavlat taʼlim tashkilotlarining korreksion sinflarida taʼlim olayotgan oʻquvchilarga ularning kasallik turidan qatʼi nazar transport xizmatini koʻrsatish;

b) ilovada :

2-bandda :

birinchi xatboshi “muassasalari va tashkilotlari,” soʻzidan keyin “korreksion sinflar tashkil etilgan nodavlat taʼlim tashkilotlari,” soʻzlari bilan toʻldirilsin;

“b” kichik band quyidagi tahrirda bayon etilsin:

“b) transport xizmati mazkur Nizomga 1-ilovaga muvofiq kasalliklarga chalingan va “Ijtimoiy himoya” ATning Psixologik-tibbiy-pedagogik komissiya yoki Tibbiy-ijtimoiy-ekspert komissiya elektron modullarida roʻyxatda turgan oʻquvchilarga koʻrsatiladi;”;

4-banddagi “ilovada” soʻzi “2-ilovada” soʻzlari bilan almashtirilsin;

9-band quyidagi tahrirda bayon etilsin:

“9. Oʻquvchining qonuniy vakili transport xizmatidan foydalanish maqsadida Transport xizmatidan foydalanuvchilar roʻyxatiga kirish uchun yashash manzili boʻyicha mahallaga biriktirilgan ijtimoiy xodim orqali yoki “Inson” ijtimoiy xizmatlar markazlari yoki davlat xizmatlari markaziga kelib yoki davlat xizmatidan elektron tarzda mustaqil foydalanish uchun “Yagona milliy ijtimoiy himoya” axborot tizimi, Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP), “Ijtimoiy karta” mobil ilovasi orqali roʻyxatdan oʻtib mazkur Nizomga 3-ilovaga muvofiq shakldagi soʻrovnoma asosida murojaat qiladi”;

10-bandning birinchi xatboshisi quyidagi tahrirda bayon etilsin:

“10. Oʻquvchining qonuniy vakili yashash manzili boʻyicha mahallaga biriktirilgan ijtimoiy xodimga yoki “Inson” ijtimoiy xizmatlar markazlari yoki davlat xizmatlari markaziga murojaat qilgan taqdirda, mahallaga biriktirilgan ijtimoiy xodim yoki “Inson” ijtimoiy xizmatlar markazlari yoki davlat xizmatlari markazi masʼul xodimi ariza beruvchi nomidan bevosita ularning roziligi bilan “Ijtimoiy himoya” AT orqali, YIDXP orqali murojaat qilinganda soʻrovnomani elektron shaklda mustaqil toʻldiradi”;

11-bandda :

birinchi xatboshi quyidagi tahrirda bayon etilsin:

“11. Ijtimoiy xodim, “Inson” ijtimoiy xizmatlar markazidagi ijtimoiy xodim yoki Davlat xizmatlari markazi xodimi oʻquvchi qonuniy vakilining murojaatini “Ijtimoiy himoya” ATda roʻyxatdan oʻtkazadi. Bunda murojaatda quyidagi maʼlumotlar aks ettiriladi:”;

beshinchi xatboshi quyidagi tahrirda bayon etilsin:

“Murojaat YIDXP orqali kelib tushganda oʻquvchi yashash manzilining xaritadagi joylashuvi (geolokatsiyasi) “Ijtimoiy himoya” ATda oʻquvchining qonuniy vakili yashash manzili boʻyicha mahallaga biriktirilgan ijtimoiy xodim yoki “Inson” ijtimoiy xizmatlar markazidagi ijtimoiy xodim tomonidan belgilanadi”;

12-bandning toʻrtinchi xatboshisi quyidagi tahrirda bayon etilsin:

“oʻquvchi oʻqiydigan taʼlim tashkiloti, shu jumladan, korreksion sinfda oʻqiyotgan nodavlat taʼlim tashkiloti yoki kunduzgi parvarish xizmati”;

14-bandning ikkinchi xatboshisi quyidagi tahrirda bayon etilsin:

“mazkur Nizomga 1-ilovada belgilangan kasalliklarga chalinmaganligi aniqlanganda”;

19-bandda :

toʻrtinchi xatboshi quyidagi tahrirda bayon etilsin:

“oʻquvchi taʼlim tashkilotini tugatganda, korreksion sinfdan chiqarilganida yoki kunduzgi parvarish xizmatidan chiqarilganida”;

quyidagi mazmundagi beshinchi xatboshi bilan toʻldirilsin:

“oʻquvchi sogʻlomlashtirilib mazkur Nizomga 1-ilovada belgilangan kasalliklarning biri boʻyicha reabilitatsiya qilinganida”;

beshinchi xatboshi oltinchi xatboshi deb hisoblansin;

20-bandning uchinchi xatboshisi quyidagi tahrirda bayon etilsin:

“oʻquvchining qonuniy vakili tomonidan transport xizmatidan foydalanishni toʻxtatib turish haqida mazkur Nizomga 4-ilovaga muvofiq ariza berilganda;”;

quyidagi mazmundagi 1-ilova bilan toʻldirilsin:

“Ijtimoiy ahamiyatga ega transport xizmatini koʻrsatish va ushbu xizmatdan foydalanish xarajatlarini subsidiya shaklida qoplash tartibi toʻgʻrisidagi nizomga 1-ILOVA

Transport xizmati tatbiq etiladigan kasalliklar

T/r Kasallik turining nomlanishi va kodi 1. Ikkala koʻzning koʻrligi (amovroz) (ikkala koʻzi — OU) (N54.0) 2. Anoftalm (bir yoki ikkala koʻzi — OU) (Q11) 3. Koʻrish nervining atrofiyasi (ikkala koʻzi — OU) (N47.2) 4. Koʻrish nervi diski tugʻma anomaliyasi (ogʻir darajadagi) (ikkala koʻzi — OU) — koʻzi ojiz boʻlgan bolalar koʻrish oʻtkirligi 0,01 — 0,04 doirasida korreksiyadan soʻng 0,01 dan 0,05 gacha (Q14.2) 5. Preretinopatiya (ikkala koʻzi — OU) — koʻzi ojiz boʻlgan bolalar koʻrish oʻtkirligi 0,01 — 0,04 doirasida korreksiyadan soʻng 0,01 dan 0,05gacha (N35.1) 6. Toʻr pardaning ajralishi, yorilishi yoki yirtilishi bilan (ikkala koʻzi — OU) (N33.0) 7. Ogʻir darajali aqliy zaiflik (F72) 8. Chuqur aqliy zaiflik (F73) 9. Bolalar autizmi (aqliy zaiflik stereotip harakatlar bilan birga keluvchi giperaktiv buzilish) (F84.4) 10. Bolalar serebral falaji (BSF) (GMFCS klassifikatsiyasiga koʻra 3-4-5 daraja) va boshqa nevrologik patologiyalar oqibatida ortopedik deformatsiyalari — G80 11. Dyushen miopatiyasi (mustaqil yurmaydi) (G71) 12. Spinal mushak atrofiyasi va unga yaqin sindromlar (mustaqil yurmaydi) (G12.0) 13. Spina bifida (umurtqa kanalining toʻliqsiz yopilishi (Q05)), jarohatlar va boshqa kasalliklar natijasida kelib chiqqan pastki paraplegiya (mustaqil yurmaydi) 14. Koʻzi ojizlik (amovroz) — N54.1 15. Koloboma (Q 12,2 Q 13,0), preretinopatiya (Q 35,1) (chala tugʻilgan bolalar retinopatiyasi) 16. Koʻrish nervi disk(Q 14,2) va makulasining ogʻir darajadagi gipoplaziyasi (Q 14,8 Q 14,9) 17. Albinizm — E 70.3 koʻrish oʻtkirligi korreksiya bilan 0 dan -0,04 gacha yaxshi koʻradigan koʻzda 18. Retinoblastoma S 69.2 koʻrish oʻtkirligi korreksiya bilan 0 dan -0,04 gacha yaxshi koʻradigan koʻzda 19. Skeletning tizimli kasalliklari (axondroplaziya, disxondroplaziya, xondrodistrofiya) Q 77 Q 78 20. Dializga muhtojlik Z 49 Z 99,2 N 18,0 21. Qoʻl va oyoqlarning yirik boʻgʻimlarida 2 va undan ortiq funksional noqulay holatdagi ankiloz ( M 24,6) va kuchli ifodalangan kontrakturalar (M 24,5) hisobiga statodinamik funksiyalarining kuchli ifodalangan buzilishlari ”;

ilova 2-ilova deb hisoblansin;

2-ilova quyidagi tahrirda bayon etilsin:

“Ijtimoiy ahamiyatga ega transport xizmatini koʻrsatish va ushbu xizmatdan foydalanish xarajatlarini subsidiya shaklida qoplash tartibi toʻgʻrisidagi nizomga 2-ILOVA

Ijtimoiy ahamiyatga ega transport xizmatini koʻrsatish va ushbu xizmatdan foydalanish xarajatlarini subsidiya shaklida qoplash

Bosqichlar Subyektlar Mexanizm Bajarish muddatlari 1-bosqich Ariza beruvchi (oʻquvchining qonuniy vakili) Ijtimoiy ahamiyatga ega transport xizmatidan foydalanuvchilar roʻyxatiga (keyingi oʻrinlarda — Transport xizmatidan foydalanuvchilar roʻyxati) kirish uchun mahallaga biriktirilgan ijtimoiy xodimga, “Inson” ijtimoiy xizmatlar markazi yoki davlat xizmatlari markaziga kelib murojaat qiladi yoki davlat xizmatidan elektron tarzda foydalanish uchun “Yagona milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT), “Ijtimoiy karta” mobil ilovasi orqali yoki Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi yoxud murojaat qiladi. Xohishiga koʻra 2-bosqich 1. Ijtimoiy xodim, “Inson” ijtimoiy xizmatlar markazi yoki Davlat xizmatlari markazi 1. Murojaatni “Ijtimoiy himoya” ATda roʻyxatdan oʻtkazadi. 1. Oʻn daqiqada. 2. YIDXP, Ijtimoiy himoya AT, Ijtimoiy karta 2. Toʻldirilgan soʻrovnoma avtomatik tarzda “Ijtimoiy himoya” AT roʻyxatdan oʻtkaziladi. 2. Real vaqt rejimida. 3-bosqich “Ijtimoiy himoya” AT 1. Murojaatni koʻrib chiqish jarayonida oʻquvchiga tegishli maʼlumotlar tizim orqali aniqlanadi. 2. Oʻquvchi hamda uning qonuniy vakili toʻgʻrisidagi maʼlumotlar Transport xizmatidan foydalanuvchilar roʻyxatiga kiritiladi va bu toʻgʻrisida murojaat muallifiga SMS-xabarnoma yuboriladi. Uch ish kunida 4-bosqich Transport xizmatidan foydalanuvchilar roʻyxatiga kiritilgan oʻquvchining qonuniy vakili Transport xizmatini koʻrsatuvchi tadbirkorlik subyektlari reyestriga kiritilgan yoʻnalishsiz taksida yoʻlovchi tashuvchilarga mijozlarni izlash boʻyicha interaktiv xizmatlarni koʻrsatuvchi agregatorning (keyingi oʻrinlarda — agregator) mobil ilovasi orqali buyurtma beradi. Xohishiga koʻra 5-bosqich Agregator 1. Oʻquvchini buyurtmani qabul qilgan avtotransport vositasi haydovchisi orqali buyurtmada koʻrsatilgan manzilga olib boradi. 1. Real vaqt rejimida. 2. Oʻquvchi buyurtmada koʻrsatilgan manzilga yetib borgach, haydovchi tomonidan buyurtma bajarilganligini mobil ilova orqali tasdiqlaydi. 2. Koʻrsatilgan manzilga yetib borgach darhol. 3. Buyurtma bajarilganligi toʻgʻrisidagi maʼlumot (mobil ilova orqali “Ijtimoiy himoya”ATga yuboriladi. 3. Avtomatik ravishda. 6-bosqich “Ijtimoiy himoya” AT” Buyurtma bajarilganligi toʻgʻrisida maʼlumot kelib tushganidan soʻng subsidiya agregatorga oʻtkazib beradi. Avtomatik ravishda ”;

quyidagi mazmundagi 3 va 4-ilovalar bilan toʻldirilsin:

“Ijtimoiy ahamiyatga ega transport xizmatini koʻrsatish va ushbu xizmatdan foydalanish xarajatlarini subsidiya shaklida qoplash tartibi toʻgʻrisidagi nizomga 3-ILOVA

Transport xizmatidan foydalanish boʻyicha

I. Ariza beruvchi toʻgʻrisida maʼlumotlar 1. Jismoniy shaxsning shaxsiy identifikatsiya raqami (JSHSHIR) 2. Familiyasi: Avtomatik tarzda shakllanadi 3. Ismi: 4. Otasining ismi: 5. Tugʻilgan sanasi: 6. Pasport (identifikatsiya ID-karta) seriyasi va raqami: 7. Mahalla fuqarolar yigʻini nomi: 8. Telefon raqami: 9. Elektron pochta manzili (mavjud boʻlsa): II. Bola toʻgʻrisida maʼlumotlar (bola toʻgʻrisidagi qonuniy vakil tomonidan berilganida toʻldiriladi) 1. Jismoniy shaxsning shaxsiy identifikatsiya raqami (JSHSHIR) 2. Familiyasi: Avtomatik tarzda shakllanadi 3. Ismi: 4. Otasining ismi: 5. Tugʻilgan sanasi: 6. Pasport (identifikatsiya ID-karta) seriyasi va raqami: 7. Mahalla fuqarolar yigʻini nomi: 8. Telefon raqami: 9. Elektron pochta manzili (mavjud boʻlsa): sana: 20 __ “___” ________

Ijtimoiy ahamiyatga ega transport xizmatini koʻrsatish va ushbu xizmatdan foydalanish xarajatlarini subsidiya shaklida qoplash tartibi toʻgʻrisidagi nizomga 4-ILOVA

Transport xizmatidan foydalanishni toʻxtatib turish haqida

I. Ariza beruvchi toʻgʻrisida maʼlumotlar 1. Jismoniy shaxsning shaxsiy identifikatsiya raqami (JSHSHIR) 2. Familiyasi: Avtomatik tarzda shakllanadi 3. Ismi: 4. Otasining ismi: 5. Tugʻilgan sanasi: 6. Pasport (identifikatsiya ID-karta) seriyasi va raqami: 7. Mahalla fuqarolar yigʻini nomi: 8. Telefon raqami: 9. Elektron pochta manzili (mavjud boʻlsa): II. Bola toʻgʻrisida maʼlumotlar (bola toʻgʻrisidagi qonuniy vakil tomonidan berilganida toʻldiriladi) 1. Jismoniy shaxsning shaxsiy identifikatsiya raqami (JSHSHIR) 2. Familiyasi: Avtomatik tarzda shakllanadi 3. Ismi: 4. Otasining ismi: 5. Tugʻilgan sanasi: 6. Pasport (identifikatsiya ID-karta) seriyasi va raqami: 7. Mahalla fuqarolar yigʻini nomi: 8. Telefon raqami: 9. Elektron pochta manzili (mavjud boʻlsa): sana: 20 __ “___” ________ ”.

39. Vazirlar Mahkamasining 2025-yil 5-maydagi 294-son qarori bilan tasdiqlangan Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 11-ilovaning 10-pozitsiyasining uchinchi ustuni quyidagi tahrirda bayon etilsin:

“Mazkur yordam uni oluvchilar uchun qonunchilik hujjatlariga muvofiq:

Davlat budjeti mablagʻlari hisobidan imtiyozli toifaga kiruvchi shaxslar davolanadigan kasalliklar roʻyxatiga muvofiq yoʻllanmalar asosida;

Tibbiy yordam xarajatlari Davlat tibbiy sugʻurtasi jamgʻarmasi hisobidan qoplanmagan holatlarda koʻrsatiladi.

Davlat tibbiy sugʻurtasi jamgʻarmasi tomonidan Ijtimoiy himoya davlat jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi”.

40. Vazirlar Mahkamasining “Oʻzgalar parvarishiga muhtoj shaxslarga vaucher asosida yangi ijtimoiy xizmatlardan foydalanish tartibini joriy etish chora-tadbirlari toʻgʻrisida” 2025-yil 18-iyundagi 376-son qarorida :

a) 3-bandning “a” kichik bandida :

ikkinchi xatboshi “Agentlikning tizim tashkilotlari xodimlari” soʻzlaridan keyin “hamda Ijtimoiy reyestrga kiritilgan oilaning oʻzini oʻzi band qilgan aʼzosi” soʻzlari bilan toʻldirilsin;

uchinchi xatboshi “Bunda” soʻzidan keyin “2026-yil 1-iyundan boshlab” soʻzlari bilan toʻldirilsin;

b) 1-ilovada :

2a-ilovaning 11-pozitsiyasi uchinchi ustunining uchinchi xatboshisidagi ““Muruvvat” internat-uyiga” soʻzlari ““Gʻamxoʻrlik” markaziga” soʻzlari bilan almashtirilsin;

2g-ilovada :

2-pozitsiya uchinchi ustunining “g” bandi chiqarib tashlansin;

4-pozitsiya uchinchi ustunining “b” bandi chiqarib tashlansin;

7-pozitsiya uchinchi ustunining “b” bandi chiqarib tashlansin;

8-pozitsiya uchinchi ustunining uchinchi xatboshisi chiqarib tashlansin;

11-pozitsiyaning uchinchi ustunida quyidagi tahrirda bayon etilsin:

“Ijtimoiy xizmat koʻrsatilishini tashkil etishda har 7 nafar xizmatdan foydalanuvchiga qarab turish uchun kamida 1 nafar xodim biriktirilishi tavsiya etiladi.

Xizmat markaz tipida tashkil etilganda kamida 1 nafar hamshira faoliyati yoʻlga qoʻyiladi.

Kunduzgi qatnov asosida qarab turish xizmati markaz tipida tashkil etilgan hollarda uyda tibbiy-ijtimoiy reabilitatsiya xizmati doirasida koʻrsatiladigan tadbirlar ham ushbu muassasada koʻrsatilishi mumkin.

Kunduzgi qatnov asosida qarab turish xizmatini koʻrsatish markaz tipida yoʻlga qoʻyilgan vaqtdan boshlab tegishliligi boʻyicha Nogironligi boʻlgan shaxslarni reabilitatsiya qilish va protezlash milliy markazi, uning hududiy markazlari, shuningdek markaz mavjud boʻlmagan hududlarda Agentlikning hududiy boshqarmalaridagi tibbiy-ijtimoiy reabilitatsiya xizmatini rivojlantirish boʻyicha masʼul xodimi tomonidan har 3 oyda bir marotaba markaz ishining minimal talablarga muvofiqligi va xizmat koʻrsatish holati monitoring qilinadi”;

5-ilova 3-bobining 13 va 14-bandlari chiqarib tashlansin.

41. Vazirlar Mahkamasining 2025-yil 8-oktabrdagi 630-son qarori bilan tasdiqlangan Paralimpiya sport turlari boʻyicha sport terma jamoalarini shakllantirish tartibi toʻgʻrisidagi nizomda :

a) 2-banddagi , 11-bandning birinchi va ikkinchi xatboshilaridagi tegishli kelishikdagi ““Muruvvat” internat uylari” soʻzlari tegishli kelishikdagi ““Gʻamxoʻrlik” markazlari” soʻzlari bilan almashtirilsin;

b) 1-ilovadagi ““Muruvvat” internat uylari” soʻzlari ““Gʻamxoʻrlik” markazlari” soʻzlari bilan almashtirilsin.

42. Vazirlar Mahkamasining 2025-yil 10-oktabrdagi 637-son qarori bilan tasdiqlangan Imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar, lavozimlar va koʻrsatkichlarning roʻyxati 3-1920-pozitsiyasining “Kasblar” ustunidagi ““Muruvvat” nogironligi boʻlgan bolalar uchun internat uylari” soʻzlari “nogironligi boʻlgan bolalar uchun “Gʻamxoʻrlik” markazlari” soʻzlari bilan almashtirilsin.

43. Vazirlar Mahkamasining 2025-yil 4-noyabrdagi 694-son qarori bilan tasdiqlangan Davlat va nodavlat tibbiyot tashkilotlarida Oʻzbekiston Respublikasi Davlat budjeti mablagʻlari hisobidan tibbiy yordam koʻrsatish tartibi toʻgʻrisidagi nizomning 9-bandi “o” kichik bandidan “va Ijtimoiy himoya davlat jamgʻarmasi” soʻzlari chiqarib tashlansin.

44. Vazirlar Mahkamasining “Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi tashkilotlarda ayrim xizmatlarni koʻrsatishni autsorsing asosida tashkil etish chora-tadbirlari toʻgʻrisida” 2025-yil 22-dekabrdagi 810-son qarorida:

a) 1-bandda:

birinchi xatboshi quyidagi tahrirda bayon etilsin:

“1. Belgilansinki, 2026-yil 1-iyuldan boshlab bosqichma-bosqich Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tizimidagi tashkilotlarda ayrim xizmatlarni koʻrsatishni autsorsing asosida tashkil etishning quyidagi tartibi joriy etiladi:”;

ikkinchi xatboshidagi “Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tizimidagi tashkilotlarda” soʻzlari “Agentlik tizimidagi tashkilotlarda” soʻzlari bilan almashtirilsin;

b) 5-bandning uchinchi xatboshisidagi “1-aprelga” soʻzlari “1-iyulga” soʻzlari bilan almashtirilsin;

v) 6-bandning ikkinchi xatboshisidagi “1-maydan” soʻzlari “1-iyuldan” soʻzlari bilan almashtirilsin;

g) 1-ilovada:

8-band quyidagi tahrirda bayon etilsin:

“8. Autsorsing xizmatlariga haq toʻlash miqdorlari buyurtmachi tomonidan tegishli xizmat tannarxida (soliqlar, ish haqi, moddiy xarajatlar, bilvosita xarajatlar) autsorserning xarajatlarini qoplash maqsadida 30 foizgacha ustama haqni hisobga olgan holda belgilanadi. Bunda:

ushbu bandga asosan ustama haqi 15 foizdan kam boʻlmagan miqdorda belgilanadi;

autsorsing xizmatlariga haq toʻlash miqdorlari ushbu xizmatlarni koʻrsatish uchun Agentlik tomonidan tizim tashkilotlariga ajratilgan mablagʻlar miqdoridan oshib ketmasligi kerak”;

9-band quyidagi mazmundagi ikkinchi xatboshi bilan toʻldirilsin:

“Bunda davlat xaridlarini oʻtkazish jarayonida talabgorning takliflari ball usulidan foydalangan holda baholanadi”;

11-bandda:

quyidagi mazmundagi toʻqqizinchi-oʻninchi xatboshilar bilan toʻldirilsin:

“autsorsing xizmatlarini, shu jumladan, ovqatlantirish xizmatlarini sifatli, xavfsiz va uzluksiz koʻrsatish imkoniyati, mazkur yoʻnalish boʻyicha amaliy tajribasi, avval tuzilgan shartnomalar majburiyatlari bajarilganligini tasdiqlovchi hujjatlarning mavjudligi. Bunda talabgorlarning takliflarini baholashda ushbu talabga mos keladigan talabgorlarga ustunlik beriladi;

autsorsing xizmatlari sifati va xavfsizligini taʼminlashda xalqaro tajriba va hamkorlik imkoniyatlaridan foydalanish, shu jumladan, oziq-ovqat xavfsizligi va sifat menejmenti sohasidagi milliy hamda xalqaro standartlar asosida ishlash imkoniyatining mavjudligi”;

toʻqqizinchi — oʻn birinchi xatboshilar tegishlicha oʻn birinchi — oʻn uchinchi xatboshilar deb hisoblansin;

quyidagi mazmundagi oʻn toʻrtinchi xatboshi bilan toʻldirilsin:

“Buyurtmachi tomonidan autsorsing xizmatining turi, tizim tashkilotining ixtisoslashuvi hamda xizmatdan foydalanuvchilarning ehtiyojlaridan kelib chiqib, Agentlik bilan kelishilgan holda talabgorga qoʻshimcha talablar belgilanishi mumkin”;

quyidagi mazmundagi 19 1 -band bilan toʻldirilsin:

“19 1 . Autsorser tomonidan shartnoma va investitsiya majburiyatlari toʻliq bajarilganda, oʻz faoliyati sanitariya qoidalari, normalari va gigiyena normativlariga muvofiq amalga oshirilganda, monitoring komissiyasi xulosasiga koʻra autsorsing shartnomasi uzaytirilishi mumkin. Bunda:

autsorser tomonidan taklif etilgan ustama haq miqdori oʻzgartirishsiz qoldiriladi;

autsorser bilan shartnomani ikki yildan ortiq uzaytirish mumkin emas”;

d) 2-ilovada:

9-bandning “b” kichik bandi yettinchi xatboshisi “oziq-ovqat mahsulotlarining” soʻzlaridan keyin “qoʻshilgan qiymat soligʻi hisobga olingan” soʻzlari bilan toʻldirilsin;

21-band quyidagi tahrirda bayon etilsin:

“21. Tizim tashkilotini oziq-ovqat mahsulotlari bilan taʼminlovchi tashkilotlar yoki autsorser keltirgan oziq-ovqat mahsulotlari brakeraj komissiyasi tomonidan koʻrib chiqilganidan keyin tizim tashkilotiga qabul qilinadi.

Bunda brakeraj komissiyasi tomonidan oziq-ovqat mahsulotlarini qabul qilishda mahsulotlarning sifatini kafolatlovchi hujjatlar (sertifikat, ishlab chiqarilgan sanasi, mahsulotning yaroqlik muddati, markirovka va boshqalar) mavjudligi koʻrib chiqiladi.

Qabul qilingan mahsulotlar toʻgʻrisidagi maʼlumotlar (hisob-fakturasi, chek, toʻlov topshiriqnomalari va boshqalar) tegishli axborot tizimlari orqali Axborot tizimida shakllanadi”.

45. Vazirlar Mahkamasining “Alohida taʼlim ehtiyojlari boʻlgan bolalarga sifatli taʼlim olish imkoniyatini yaratish, ularni jamiyatga integratsiya qilish va individual rivojlanishini qoʻllab-quvvatlash chora-tadbirlari toʻgʻrisida” 2025-yil 24-dekabrdagi 818-son qarorida :

a) 1-band quyidagi tahrirda bayon etilsin:

“1. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Ijtimoiy himoya milliy agentligi), Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Qoraqalpogʻiston Respublikasi Vazirlar Kengashi, viloyatlar hamda Toshkent shahri hokimliklarining quyidagi takliflariga rozilik berilsin:

Toshkent shahrida Ijtimoiy himoya milliy agentligi tizimidagi Koʻp funksional inklyuziv-resurs markazi (keyingi oʻrinlarda — Inklyuziv markaz) va Qoraqalpogʻiston Respublikasi va viloyatlarda bittadan alohida taʼlim ehtiyojlari boʻlgan bolalar uchun ixtisoslashtirilgan maktab yoki maktab-internatlar (keyingi oʻrinlarda — maxsus maktablar) negizida Koʻp funksional inklyuziv-resurs maktablari (keyingi oʻrinlarda — Inklyuziv maktablar) tashkil etish;

Ijtimoiy himoya milliy agentligi tizimidagi maxsus maktablar va maktabgacha taʼlim tashkilotlarining rahbar, pedagog va mutaxassis xodimlarini Ijtimoiy himoya davlat jamgʻarmasi mablagʻlari hisobidan pedagog kadrlar tayyorlaydigan oliy taʼlim muassasalari yoki litsenziyaga ega nodavlat taʼlim tashkilotlarida malakasini oshirish tartibini yoʻlga qoʻyish”;

b) 3-band quyidagi mazmundagi “z” kichik band bilan toʻldirilsin:

“z) 2026-yil 15-maydan boshlab maxsus maktablarning, 2026-yil 2-oktabrdan boshlab Ijtimoiy himoya milliy agentligi tizimidagi maktabgacha taʼlim tashkilotlari (keyingi oʻrinlarda — maktabgacha taʼlim tashkilotlari)ning rahbar, pedagog va mutaxassis xodimlari uchun besh yilda bir marotaba ishdan ajralgan holda oʻtkaziladigan malaka oshirish kurslari joriy qilinadi. Bunda:

maxsus maktablar hamda maktabgacha taʼlim tashkilotlarining pedagog va mutaxassis xodimlari uchun malaka oshirish kursining davomiyligi kamida 100 soat, rahbar xodimlari uchun kamida 144 soat etib belgilanadi;

malaka oshirish kurslaridagi oʻquv jarayoni guruhlarning toʻldirilishiga bogʻliq holda, tinglovchilar soni 25 nafardan kam boʻlmagan va 30 nafardan koʻp boʻlmagan akademik guruhlarda tashkil etiladi;

malaka oshirish kurslari Ijtimoiy himoya milliy agentligining buyurtmasiga binoan Maktabgacha va maktab taʼlimi xodimlarining malakasini oshirish faoliyati bilan shugʻullanadigan kasbiy rivojlantirish taʼlim tashkilotlari reyestriga kiritilgan nodavlat taʼlim tashkilotlari yoki pedagog kadrlar tayyorlaydigan oliy taʼlim muassasalari (keyingi oʻrinlarda — malaka oshirish tashkilotlari) tomonidan amalga oshiriladi;

malaka oshirish kurslari uchun toʻlovlar malaka oshirish tashkilotlari va Ijtimoiy himoya milliy agentligi oʻrtasida toʻgʻridan-toʻgʻri tuziladigan shartnomalar asosida (tuzilgan shartnoma summasining 30 foizini oldindan toʻlashni nazarda tutgan holda) har bir tinglovchi uchun belgilangan miqdordan kelib chiqib Ijtimoiy himoya davlat jamgʻarmasi mablagʻlari hisobidan amalga oshiriladi;

bir nafar tinglovchi uchun toʻlanadigan mablagʻ miqdori Ijtimoiy himoya milliy agentligi va malaka oshirish tashkiloti tomonidan belgilanadi. Bunda bir nafar rahbar tinglovchi uchun toʻlanadigan mablagʻ miqdori bazaviy hisoblash miqdorining oʻn baravaridan, pedagog va mutaxassis xodimlar uchun uch baravaridan oshmasligi lozim;

malaka oshirish kurslari malaka oshirish tashkilotlari tomonidan ishlab chiqilgan hamda Ijtimoiy himoya milliy agentligi bilan kelishilgan holda tasdiqlangan oʻquv reja va dasturlari boʻyicha onlayn yoki oflayn shaklda amalga oshiriladi;

malaka oshirish davrida tinglovchilarning asosiy ish joyi boʻyicha lavozimi va oʻrtacha ish haqi saqlanib qoladi, oʻquv yuklamalari esa boshqa pedagog xodimlar oʻrtasida taqsimlanadi”.

46. Vazirlar Mahkamasining “Ijtimoiy reyestrga kiritilgan oilalarni qoʻllab-quvvatlash tizimini takomillashtirishning qoʻshimcha chora-tadbirlari toʻgʻrisida” 2026-yil 29-yanvardagi 35-son qarorida :

a) 1-ilovada :

18-bandning uchinchi xatboshisi quyidagi tahrirda bayon etilsin:

“Ijtimoiy iqtisodiy holati oʻrganilayotgan davrda umumiy roʻzgʻor asosida yashayotgan turmush oʻrtogʻi boʻlmagan boquvchisini yoʻqotganlik pensiyasi yoki nafaqasini olayotgan yoxud bolasi uchun aliment olayotgan ona (ota)ning oilasi boquvchisini yoʻqotgan yoki bolasini yolgʻiz tarbiyalayotgan oila sifatida qabul qilinadi”;

33-bandning “k” kichik bandidagi ““Muruvvat” internat uylariga” soʻzlari ““Gʻamxoʻrlik” markazlariga” soʻzlari bilan almashtirilsin;

3-ilovadagi “Muruvvat uyida” soʻzlari ““Gʻamxoʻrlik” markazida” soʻzlari bilan almashtirilsin;

b) 5-ilova 6-pozitsiyasining “Maʼlumotlar toʻplami tarkibi” ustuni 4-bandidagi ““Muruvvat” internat uylariga” soʻzlari ““Gʻamxoʻrlik” markazlariga” soʻzlari bilan almashtirilsin.

47. Vazirlar Mahkamasining ““Faol hayotga qadam” dasturi joriy etilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2026-yil 29-yanvardagi 36-son qarorining 2-bandi chiqarib tashlansin.

48. Vazirlar Mahkamasining “Zoʻravonlikdan jabrlangan, oʻziga nisbatan zoʻravonlik sodir etilishi xavfi ostida va ijtimoiy jihatdan xavfli ahvolda boʻlgan bolalar hamda ularning oilalariga ijtimoiy xizmatlarni tashkil qilish chora-tadbirlari toʻgʻrisida” 2026-yil 9-fevraldagi 48-son qarori :

a) 2-bandda :

quyidagi mazmundagi yettinchi xatboshi bilan toʻldirilsin:

“kichik hajmli ijtimoiy koʻmak markazlari faoliyatini tashkil etish, moliyalashtirish, muvofiqlashtirish, monitoring qilish va metodik qoʻllab-quvvatlash”;

yettinchi xatboshi sakkizinchi xatboshi deb hisoblansin;

b) 6-bandda :

beshinchi xatboshidagi “tasdiqlansin” soʻzi chiqarib tashlansin;

quyidagi mazmundagi oltinchi xatboshi bilan toʻldirilsin:

“Kichik hajmli ijtimoiy koʻmak markazlari toʻgʻrisidagi nizom 3 1 -ilovaga muvofiq tasdiqlansin”;

v) 1-ilova izoh qismining 2-bandi quyidagi tahrirda bayon etilsin:

g) quyidagi mazmundagi 3 1 -ilova bilan toʻldirilsin:

“Vazirlar Mahkamasining 2026-yil 9-fevraldagi 48-son qaroriga 3 1 -ILOVA

Kichik hajmli ijtimoiy koʻmak markazlari toʻgʻrisida

1-bob. Umumiy qoidalar

1. Mazkur Nizom kichik hajmli ijtimoiy koʻmak markazlarining maqomi, faoliyatini tashkil etish, unga zoʻravonlikdan jabrlangan, oʻziga nisbatan zoʻravonlik sodir etilishi xavfi ostida boʻlgan va ijtimoiy jihatdan xavfli ahvolda boʻlgan bolalarni (keyingi oʻrinlarda — tarbiyalanuvchilar) joylashtirish, tarbiyalanuvchilarga kompleks ijtimoiy va reabilitatsiya xizmatlarini koʻrsatish, shuningdek, moliyalashtirish va monitoring qilish tartibini belgilaydi.

2. Kichik hajmli ijtimoiy koʻmak markazlari tarbiyalanuvchilarga individual yondashuv asosida oilaga yaqin muhitda kompleks ijtimoiy va reabilitatsiya xizmatlarini koʻrsatish orqali oilaviy hayot sharoitiga qaytarish maqsadida tashkil etiladi.

3. Quyidagilar kichik hajmli ijtimoiy koʻmak markazlarining asosiy vazifalari hisoblanadi:

tarbiyalanuvchilarning aqliy, emotsional va jismoniy rivojlanishiga koʻmaklashuvchi oilaviy muhitni yaratish;

tarbiyalanuvchilarni oilaviy, milliy anʼanalar va umuminsoniy qadriyatlar asosida tarbiyalash;

tarbiyalanuvchilarga kompleks ijtimoiy va reabilitatsiya xizmatlarini koʻrsatish;

tarbiyalanuvchilarning oʻzlari tomonidan xulq-atvorni boshqarishni oʻrgatish, ularning ota-onalari (ularning oʻrnini bosuvchi shaxslar) bilan buzilgan munosabatlarini tiklash va ijtimoiylashuviga koʻmaklashish;

tarbiyalanuvchilarda oilaviy-maishiy hayot koʻnikmalarini shakllantirish, mehnat va kasb tanlashi uchun shart-sharoitlar yaratish, mustaqil hayotga tayyorlash.

2-bob. Kichik hajmli ijtimoiy koʻmak markazlarini tashkil etish, tarbiyalanuvchilarni qabul qilish va chiqarish

1-§. Kichik hajmli ijtimoiy koʻmak markazlarini tashkil etish tartibi

4. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Ijtimoiy himoya milliy agentligi) huzuridagi Bolalarni qoʻllab-quvvatlash va ijtimoiy integratsiya markazi (keyingi oʻrinlarda — Integratsiya markazi) kichik hajmli ijtimoiy koʻmak markazlarining muassisi hisoblanadi va ular Ijtimoiy himoya milliy agentligi bilan kelishgan holda yuridik shaxs maqomisiz Integratsiya markazi direktorining buyrugʻi bilan, qoida tariqasida, mahallalarda tashkil etiladi.

5. Kichik hajmli ijtimoiy koʻmak markazlari Ijtimoiy himoya milliy agentligi va uning tizimidagi tashkilotlar, Integratsiya markazi balansida boʻlgan turarjoylarda, yangidan xarid qilingan uy-joylarda hamda ijara asosida olingan turarjoylarda tashkil etilishi mumkin.

Kichik hajmli ijtimoiy koʻmak markazlari uchun uy-joylarni xarid qilish Ijtimoiy himoya milliy agentligi direktorining buyrugʻiga asosan Ijtimoiy himoya milliy agentligi, Integratsiya markazi, Ijtimoiy himoya milliy agentligining Ijtimoiy himoya davlat jamgʻarmasi (keyingi oʻrinlarda — Jamgʻarma) hamda tegishli hududiy boshqarmasi xodimlaridan iborat tashkil etiladigan komissiya xulosasiga koʻra Integratsiya markazi tomonidan Jamgʻarma mablagʻlari hisobidan amalga oshiriladi.

Kichik hajmli ijtimoiy koʻmak markazlari tashkil etiladigan bino-inshootlar, ularni jihozlash, taʼmirlash va moddiy-texnika bazasi uchun minimal talablar kichik hajmli bolalar uylari boʻyicha minimal talablar asosida belgilanadi.

Kichik hajmli ijtimoiy koʻmak markazlarida tashvish tugmasi oʻrnatiladi.

6. Kichik hajmli ijtimoiy koʻmak markazlari faoliyati, shu jumladan jihozlash va tashvish tugmasi bilan bogʻliq xarajatlar Integratsiya markazi tomonidan Jamgʻarmadan ajratilgan mablagʻlar va qonunchilikda taqiqlanmagan boshqa manbalar hisobidan moliyalashtiriladi.

7. Kichik hajmli ijtimoiy koʻmak markazlari nodavlat tashkilotlar tomonidan ham tashkil etilishi mumkin.

8. Nodavlat tashkilotlar tomonidan tashkil etilgan kichik hajmli ijtimoiy koʻmak markazlari tomonidan tarbiyalanuvchilarni kompleks ijtimoiy va reabilitatsiya xizmatlarini koʻrsatish hamda boshqa yoʻnalishda koʻrsatiladigan xizmatlar Integratsiya markazi va nodavlat tashkilotlar oʻrtasida tuziladigan davlat ijtimoiy buyurtmasi, autsorsing va boshqa turdagi shartnomalar asosida qonunchilik hujjatlari talablariga muvofiq amalga oshiriladi.

9. Nodavlat tashkilotlar tomonidan tashkil etilgan kichik hajmli ijtimoiy koʻmak markazlariga tarbiyalanuvchilarni joylashtirish va ulardan chiqarish “Inson” ijtimoiy xizmatlar markazi (keyingi oʻrinlarda — vakolatli organ)ning qarori asosida amalga oshiriladi.

10. Nodavlat tashkilotlar tomonidan tashkil etilgan kichik hajmli ijtimoiy koʻmak markazlariga joylashtirilgan tarbiyalanuvchilarning taʼminoti Jamgʻarma mablagʻlari hisobidan ushbu Nizomning 35-bandida nazarda tutilgan mablagʻlar doirasida moliyalashtiriladi.

2-§. Kichik hajmli ijtimoiy koʻmak markazlariga tarbiyalanuvchilarni qabul qilish va chiqarish tartibi

11. Tarbiyalanuvchilarni kichik hajmli ijtimoiy koʻmak markazlariga joylashtirish ularni oilasida saqlab qolish yoki muqobil joylashtirish shakllariga berish imkoniyati boʻlmagan taqdirda, soʻnggi chora sifatida amalga oshiriladi.

12. Kichik hajmli ijtimoiy koʻmak markazlariga 18 yoshgacha boʻlgan 10 nafargacha tarbiyalanuvchi qabul qilinadi.

Tarbiyalanuvchilar kichik hajmli ijtimoiy koʻmak markazlariga yashash joyi va turgan joyi, agar ular muayyan yashash joyiga ega boʻlmasa, aniqlangan joydagi vakolatli organning qarori bilan tarbiyalanuvchilar hamda ularning ota-onalari (ularning oʻrnini bosuvchi shaxslar) roziligi asosida bir yilgacha boʻlgan muddatga joylashtiriladi.

Agar 3 oy mobaynida kichik hajmli ijtimoiy koʻmak markazlaridagi tarbiyalanuvchilarning soni 2 va undan kam boʻlgan taqdirda, ushbu kichik hajmli ijtimoiy koʻmak markazining faoliyati Ijtimoiy himoya milliy agentligining tegishli hududiy boshqarmasining xulosasiga koʻra Integratsiya markazi direktorining buyrugʻiga asosan toʻxtatiladi hamda tarbiyalanuvchilar vaqtinchalik yaqin hududdagi boshqa bir kichik hajmli ijtimoiy koʻmak markaziga joylashtiriladi. Bunda, faoliyati toʻxtatilgan kichik hajmli ijtimoiy koʻmak markaziga qoʻshimcha ravishda joylashtirilishi mumkin boʻlgan tarbiyalanuvchi(lar) aniqlanganda, uning faoliyati Integratsiya markazi direktorining buyrugʻi bilan qayta tiklanadi va vaqtinchalik boshqa bir kichik hajmli ijtimoiy koʻmak markaziga joylashtirilgan tarbiyalanuvchilar qaytariladi.

13. Tarbiyalanuvchilarni kichik hajmli ijtimoiy koʻmak markazlariga joylashtirishda ularning etnik jihatdan kelib chiqishi, muayyan dinga va madaniyatga mansubligi hisobga olinishi lozim.

14. Tarbiyalanuvchilar kichik hajmli ijtimoiy koʻmak markazlariga qabul qilinganidan soʻng, ikki ish kunida ushbu hududdagi vakolatli organ soʻroviga asosan ular sogʻliqni saqlash muassasalarida belgilangan tartibda tibbiy tekshiruvdan oʻtkaziladi, bundan voyaga yetmaganlarga ijtimoiy-huquqiy yordam koʻrsatish markazlaridan olib kelingan tarbiyalanuvchilar mustasno.

Tibbiy tekshiruv xulosasiga koʻra tarbiyalanuvchilarning davolanishga muhtojligi (tan jarohati va boshqa kasalliklar) yoki ushbu Nizomning 15-bandi “a” kichik bandida nazarda tutilgan kasalliklar aniqlangan hollarda, ular davolanish uchun tegishli sogʻliqni saqlash muassasasiga joylashtiriladi.

Bunda, tarbiyalanuvchilar sogʻliqni saqlash muassasalaridan chiqarilgunga qadar, biroq 1 oygacha boʻlgan muddatda kichik hajmli ijtimoiy koʻmak markazlarida hisobda turadi va vakolatli organ tomonidan zarur hollarda masofadan turib xizmatlar koʻrsatiladi.

15. Quyidagilar kichik hajmli ijtimoiy koʻmak markazlariga qabul qilinmaydi:

a) bolalarda quyidagi tashxislardan biri mavjud boʻlganda:

tez-tez, har oyda 5-martadan koʻp tutqanoq xurujlari sodir boʻladigan epilepsiya, seriyali tutqanoq xurujlariga, epileptik statusga, namozshomsimon ong xiralashish holatlariga, disforiyalarga moyillik;

bemorning oʻzi va atrofdagilar uchun xavfli boʻlgan qoʻpol va xulqiy buzilishlar sabab boʻladigan ruhiy kasalliklar;

jarayonning faol bosqichidagi sil kasalligi;

yuqumli teri va soch kasalliklari;

oʻtkir yuqumli kasalliklar;

salbiy jarayondagi, yomon holatda oʻtadigan oʻsma kasalliklari va retsidivlari;

tanosil kasalliklari (OIV infeksiyasi bundan mustasno);

yurak-qon tomir, nafas olish va ovqat hazm qilish tizimining xuruj va dekompensatsiya bosqichi.

Bunda, mazkur bandda nazarda tutilgan kasalliklar aniqlangan bolalar tegishli davolash-profilaktika muassasalariga yuborilganda, vakolatli organ tomonidan zarur hollarda masofadan turib xizmatlar koʻrsatiladi hamda ushbu muassasalardan chiqarilgandan soʻng ijtimoiy xodim ularni rozilik asosida hududiy markazlarga joylashtirish choralarini koʻradi.

b) huquqbuzarliklar yoki gʻayriijtimoiy xatti-harakatlar sodir etgan bolalar.

16. Quyidagi holatlarda tarbiyalanuvchilar kichik hajmli ijtimoiy koʻmak markazlaridan chiqariladi:

tarbiyalanuvchilar uchun ishlab chiqilgan himoya qilish rejasi yoki individual integratsiya rejasida belgilangan ijtimoiy xizmatlarning koʻrsatilishi natijasida ularning psixoijtimoiy holati barqarorlashganligi;

tarbiyalanuvchining oʻn sakkiz yoshga toʻlganligi;

ushbu Nizomning 12-bandi ikkinchi xatboshisida yoki 14-bandi uchinchi xatboshisida nazarda tutilgan muddatning tugaganligi;

kichik hajmli ijtimoiy koʻmak markazlarining ichki tartib-qoidalarini muntazam yoki bir marta qoʻpol ravishda buzganligi;

kichik hajmli ijtimoiy koʻmak markazlarini takroran oʻzboshimchalik bilan tark etganligi;

tarbiyalanuvchilarning boshqa muqobil joylashtirish shakllariga berilganligi;

tarbiyalanuvchilarning qonuniy vakillarining ularni kichik hajmli ijtimoiy koʻmak markazlaridan chiqarish boʻyicha arizasi;

tarbiyalanuvchilarning vafot etishi.

Tarbiyalanuvchilarni kichik hajmli ijtimoiy koʻmak markazlaridan chiqarish ularni joylashtirgan vakolatli organning qarori asosida amalga oshiriladi.

Kichik hajmli ijtimoiy koʻmak markazlari uchun ichki tartib-qoidalar Ijtimoiy himoya milliy agentligi bilan kelishilgan holda Integratsiya markazi tomonidan belgilanadi.

17. Tarbiyalanuvchilar ota-onalari (ularning oʻrnini bosuvchi shaxslar)ga qaytarilganidan soʻng, olti oy mobaynida vakolatli organ (har oyda) va Integratsiya markazi yoki uning mintaqaviy boʻlinmalari (har ikki oyda) tomonidan monitoring qilib boriladi.

3-bob. Tarbiyalanuvchilarga kompleks ijtimoiy va reabilitatsiya xizmatlarini koʻrsatish

18. Kichik hajmli ijtimoiy koʻmak markazlarida tarbiyalanuvchilarga kompleks ijtimoiy va reabilitatsiya xizmatlari har bir tarbiyalanuvchi uchun qonunchilik hujjatlariga muvofiq tuzilgan himoya qilish rejasi yoki individual integratsiya rejasiga muvofiq ijtimoiy xizmatlar koʻrsatish standarti asosida koʻrsatiladi.

19. Himoya qilish rejasi yoki individual integratsiya rejasida tarbiyalanuvchiga koʻrsatiladigan gʻamxoʻrlik qilish, huquqiy, iqtisodiy, ijtimoiy, psixologik, taʼlim, tibbiy yordam koʻrsatish, kasb tanlash va mehnat qilish huquqlarini roʻyobga chiqarish va jamiyatga integratsiya qilishga qaratilgan xizmatlar nazarda tutiladi.

20. Himoya qilish rejasi yoki individual integratsiya rejasiga muvofiq tarbiyalanuvchilarni taʼlim bilan qamrab olishda har bir tarbiyalanuvchining yoshi, qiziqishlari, salohiyati hamda sogʻligʻining holati hisobga olinadi.

Kichik hajmli ijtimoiy koʻmak markazi xodimlari tomonidan tarbiyalanuvchilarga taʼlim olishi uchun oʻrta-maxsus, kasbiy taʼlim, oliy taʼlim tashkilotlarini tanlash va ularga kirish uchun tayyorlanishda koʻmaklashib boriladi hamda ushbu tadbirlarni samarali amalga oshirilishi uchun zarur shart-sharoitlar yaratiladi.

21. Kichik hajmli ijtimoiy koʻmak markazlarida tarbiyalanuvchilar ona tilida yoki ular tushunadigan tilda muomala qilishi uchun zarur shart-sharoitlar yaratiladi hamda ularning har tomonlama rivojlanishini taʼminlash uchun tibbiy koʻrikdan oʻtkazish va sogʻligʻini tiklash ishlari hamda taʼlim, sport, maishiy va sanʼat sohalariga oid qoʻshimcha mashgʻulotlar mahalliy davlat hokimiyati organlari tomonidan mahalliy budjet mablagʻlari hisobidan tashkil etiladi.

22. Nogironligi boʻlgan tarbiyalanuvchilarning ijtimoiy reabilitatsiyasi uchun zarur xizmatlardan foydalanishiga sharoit yaratiladi.

23. Kichik hajmli ijtimoiy koʻmak markazlariga joylashtirilgan tarbiyalanuvchilar oziq-ovqat, shaxsiy gigiyena vositalari va kiyim-kechak bilan bepul taʼminlanadi. Bunda tarbiyalanuvchilar mavsumiy kiyim-kechakka muhtoj boʻlgan taqdirda, kiyim-kechak bilan taʼminlanadi.

24. Tarbiyalanuvchilar uchun oziq-ovqat mahsulotlarini sotib olish haftasiga kamida bir marta (tez ayniydigan oziq-ovqat mahsulotlarini haftasiga kamida ikki marta) kichik hajmli ijtimoiy koʻmak markazining tarbiyachilari tomonidan amalga oshiriladi.

Tarbiyachi tarbiyalanuvchilarni ularning yoshiga muvofiq ravishda balanslangan ovqatlanishini taʼminlaydi.

25. Tarbiyachi ovqat pishirish uchun zarur boʻlgan mahsulotlardan sarflangan mahsulotlarni keyinchalik taomnoma boʻyicha hisobdan chiqarmasdan foydalanadi.

26. Mahsulotlar chakana savdo tashkilotlaridan xarid qilganda toʻlov cheklari saqlab qoʻyiladi, oziq-ovqat bozoridan naqd pulga xarid qilingan mahsulotlar uchun esa dalolatnoma tuziladi.

27. Oziq-ovqat mahsulotlarini va boshqa tovarlarni hisobdan chiqarish tarbiyachilar tomonidan taqdim etilgan cheklar va dalolatnomalar asosida, Integratsiya markazining doimiy ishlaydigan komissiyasi tomonidan amalga oshiriladi.

Doimiy ishlaydigan komissiya tarkibi Integratsiya markazi tomonidan bir yilga belgilanadi va buyruq bilan tasdiqlanadi.

28. Kichik hajmli ijtimoiy koʻmak markazlari xodimlari tarbiyalanuvchilar bilan ishlashda:

tarbiyalanuvchilarning jismoniy va ruhiy holatiga, ularning axloqiy rivojlanishiga zarar yetkazishga haqli emas;

tarbiyalash usullari tarbiyalanuvchilarning qadr-qimmatini tahqirlovchi mensimaslik, shafqatsizlik, qoʻpollik munosabatlaridan holi boʻlishi kerak;

tarbiyalanuvchilarning aka-ukalari va opa-singillarini, boshqa qarindoshlari bilan munosabatlarini tiklashga va qoʻllab-quvvatlashga koʻmaklashishlari shart, bundan tarbiyalanuvchilarning manfaatlariga zid boʻlgan holatlar mustasno;

tarbiyalanuvchilarning oʻz oilalariga qaytarilishi yoki muqobil joylashtirish shakllariga berilishini tashkil etishda koʻmaklashishi lozim;

tarbiyalanuvchilarning ota-onalari bilan uchrashuviga va ularning ota-onalik huquqlari tiklangan taqdirda, ularni oilaga qaytarishga qarshilik koʻrsatmasligi kerak, bundan tarbiyalanuvchilarning manfaatlariga zid boʻlgan holatlar mustasno.

4-bob. Kichik hajmli ijtimoiy koʻmak markazlari xodimlari

29. Kichik hajmli ijtimoiy koʻmak markazi xodimlari Integratsiya markazining direktori tomonidan lavozimga tayinlanadi va lavozimidan ozod etiladi hamda ularning soni ushbu Nizomga ilovada keltirilgan namunaviy shtat birliklariga muvofiq belgilanadi.

30. Kichik hajmli ijtimoiy koʻmak markaziga bevosita rahbarlik mazkur Nizomga muvofiq faoliyat yuritadigan menejer tomonidan amalga oshiriladi.

31. Menejer:

Integratsiya markazi tomonidan berilgan vakolatlar doirasida kichik hajmli ijtimoiy koʻmak markazi nomidan ish koʻradi va uni boshqaradi;

tarbiyalanuvchilarning tarbiyasi va parvarishida hamda har olti oyda tibbiy dispanser koʻrigidan oʻtkazilishida ishtirok etadi;

tarbiyalanuvchiga tegishli hujjatlarning saqlanishini taʼminlaydi;

tarbiyalanuvchiga tegishli aliment, boquvchisini yoʻqotganlik boʻyicha pensiya (nafaqa) yoki homiylik pul mablagʻlarini tegishli tijorat banklarida tarbiyalanuvchilarning nomiga ochilgan hisob raqamlarida jamgʻarib borilishini taʼminlashda vakolatli organga koʻmaklashadi;

tarbiyalanuvchilarning himoya qilish rejasi yoki individual integratsiya rejasining amalga oshirilishi, hayoti muhofaza qilinishi va sogʻligʻi mustahkamlanishi, oʻquv-tarbiya, reabilitatsiya jarayonining holati, moliya-xoʻjalik faoliyati, moddiy-texnik bazaning mustahkamlanishi va moddiy boyliklarning saqlanishi uchun javob beradi.

32. Kichik hajmli ijtimoiy koʻmak markazi xodimlari qonunchilik hujjatlarida belgilangan tartibda mehnat shartnomasi asosida ishga jalb qilinadi.

Xodimlar Integratsiya markazi tomonidan tasdiqlangan lavozim yoʻriqnomalariga muvofiq faoliyat olib boradi.

33. Kichik hajmli ijtimoiy koʻmak markazi tarbiyachilari Integratsiya markazi tomonidan oliy yoki oʻrta maxsus pedagogik, psixologik va ijtimoiy ish koʻnikmasiga ega boʻlgan shaxslar orasidan qonunchilikda belgilangan tartibda tanlab olinadi.

34. Kichik hajmli ijtimoiy koʻmak markazi tarbiyalanuvchilariga ovqat pishirish ushbu uylarning tarbiyachilari tomonidan tarbiyalanuvchilar (bundan nogironligi boʻlgan tarbiyalanuvchilar mustasno) bilan birgalikda amalga oshiriladi.

Tarbiyachilar (tarbiyachi yordamchilari) oʻzlari tayyorlagan ovqatdan bepul ovqatlanadi.

5-bob. Kichik hajmli ijtimoiy koʻmak markazlari taʼminoti. Moliya-xoʻjalik faoliyati

35. Kichik hajmli ijtimoiy koʻmak markazlariga:

har bir tarbiyalanuvchining oziq-ovqat xarajatlari uchun bir kunga 7 yoshgacha boʻlgan tarbiyalanuvchiga bazaviy hisoblash miqdori (keyingi oʻrinlarda — BHM)ning 6 foizi miqdorida, 7 yoshdan katta boʻlgan tarbiyalanuvchilarga BHMning 8 foizi miqdorida;

har bir tarbiyalanuvchiga kiyim-bosh va poyabzal xarid qilish uchun uch oygacha boʻlgan muddatda yashaydigan tarbiyalanuvchiga BHMning 3 baravarigacha, uch oydan toʻqqiz oygacha boʻlgan muddatda yashaydigan tarbiyalanuvchiga BHMning 6 baravarigacha hamda toʻqqiz oydan ortiq boʻlgan muddatda yashaydigan tarbiyalanuvchiga BHMning 9 baravarigacha miqdorida;

tarbiyalanuvchilarni dori vositalari, tibbiyot buyumlari, shaxsiy gigiyena vositalari, kanselyariya mollari va boshqalar bilan taʼminlash uchun bir oyda BHMning 2 baravari miqdorida, bunda, hisobot oyida tarbiyalanuvchilarning soni 4 va undan kam boʻlgan hollarda, BHMning 1 baravari miqdorida;

tarbiyalanuvchilarni tibbiy muassasalar, dam olish va koʻngilochar hamda savdo maishiy xizmat koʻrsatish maskanlari, shuningdek darsdan tashqari mashgʻulotlarga borib kelish bilan bogʻliq transport xarajatlarini qoplash uchun har oyda BHMning 2 baravari miqdorida, bunda, hisobot oyida tarbiyalanuvchilarning soni 4 va undan kam boʻlgan hollarda, BHMning 1 baravari miqdorida qoʻshimcha mablagʻ ajratiladi.

36. Kichik hajmli ijtimoiy koʻmak markazlarining taʼlim tashkilotlarida oʻqiyotgan har bir tarbiyalanuvchisining yengil tamaddi va yoʻl kira haqi uchun bir oyga BHMning 1 baravari miqdorida naqd pul shaklida pul beriladi.

37. Ijtimoiy himoya milliy agentligi va uning tizimidagi tashkilotlar hamda Integratsiya markazi balansida boʻlgan turar joylar uchun kommunal toʻlovlar hisoblagichlarning koʻrsatkichlari, internet tarmogʻi, chiqindi uchun toʻlovlar belgilangan tariflarga asosan, ijaraga olingan turarjoy uchun toʻlovlar (ijara, kommunal, internet tarmogʻi, chiqindi uchun toʻlovlar) ijara shartnomasiga muvofiq Integratsiya markazi tomonidan Jamgʻarma mablagʻlari hisobidan amalga oshiriladi.

38. Kichik hajmli ijtimoiy koʻmak markazlariga joylashtirilgan tarbiyalanuvchilarning ovqatlanishini tashkil etish tarbiyachi tomonidan amalga oshiriladi.

39. Mazkur Nizomning 35 va 36-bandlarida nazarda tutilgan pul mablagʻlari kichik hajmli ijtimoiy koʻmak markazlari menejeri nomiga ochilgan bank kartasiga Integratsiya markazi tomonidan oʻtkazib beriladi.

40. Tarbiyalanuvchilarning sifatli va toʻlaqonli ovqatlanishining tashkil etilganligi, ularni muntazam ravishda tibbiy koʻrikdan oʻtkazilishi, umumiy rivojlanishi, oʻsishi, vaznini monitoring qilish Integratsiya markazi, shuningdek Ijtimoiy inspeksiya tomonidan oʻtkazilgan oʻrganish natijalariga koʻra aniqlanadi.

41. Kichik hajmli ijtimoiy koʻmak markazining moddiy-texnik bazasi zarur jihozlar va tarbiyalanuvchilarni oʻqitishda, tarbiyalashda hamda taʼlim-tarbiya sohasidagi boshqa vazifalarni hal etishda foydalaniladigan boshqa mol-mulkdan iborat boʻladi.

Kichik hajmli ijtimoiy koʻmak markazi joylashgan bino texnika xavfsizligi qoidalariga hamda sanitariya qoidalari, normalari va gigiyena normativlariga muvofiq jihozlanadi va ulardan foydalaniladi.

42. Kichik hajmli ijtimoiy koʻmak markazlari:

zarur boʻlgan asosiy vositalar Integratsiya markazi tomonidan Jamgʻarma mablagʻlari hisobidan qonunchilikda belgilangan tartibda xarid qilinadi. Zarur boʻlgan asosiy vositalar roʻyxati Ijtimoiy himoya milliy agentligi tomonidan belgilanadi;

faoliyati bilan bogʻliq xarajatlar, shu jumladan, shtat birliklarini saqlash, turarjoy ijarasi, kommunal, sanitariya-gigiyena, oziq-ovqat, jihozlar va boshqa tovar-moddiy boyliklarni xarid qilish hamda boshqa zarur xarajatlar Integratsiya markazi tomonidan amalga oshiriladi.

43. Ushbu Nizomning 35-bandida nazarda tutilgan mablagʻlar Integratsiya markazi tarbiyalanuvchilarga oldingi oy mobaynida amalga oshirilgan haqiqiy xarajatni inobatga olgan holda kichik hajmli ijtimoiy koʻmak markazining talabidan kelib chiqib ajratiladi.

Mablagʻ ajratishda kichik hajmli ijtimoiy koʻmak markazlari menejeri nomiga ochilgan bank kartasidagi avvalgi oydan qolgan qoldiq mablagʻ miqdori inobatga olinadi.

44. Kichik hajmli ijtimoiy koʻmak markazlari taʼminoti, shu jumladan moddiy-texnik bazasini mustahkamlash uchun xarajatlari mazkur Nizomning 6-bandida nazarda tutilgan manbalar hisobidan amalga oshiriladi.

45. Kichik hajmli ijtimoiy koʻmak markazlari faoliyatini moliyalashtirish uchun ajratilgan mablagʻlardan foydalanish qonunchilikka muvofiq tuziladigan va tasdiqlanadigan xarajatlar smetasiga muvofiq amalga oshiriladi.

46. Kichik hajmli ijtimoiy koʻmak markazlarining buxgalteriya hisobini yuritish va hisobotini tuzish, shu jumladan ularga ajratilgan mablagʻlardan foydalanish, ushbu jarayonda budjet va smeta intizomiga rioya qilinishi Integratsiya markazining buxgalteriya hisobi xizmati tomonidan amalga oshiriladi.

47. Kichik hajmli ijtimoiy koʻmak markazlari tomonidan oziq-ovqat, kiyim-kechak va shaxsiy gigiyena vositalari va boshqalarni xarid qilish, buxgalteriya hisobida kirim va chiqim qilish tartibi qonunchilikka asosan amalga oshiriladi.

48. Menejer kichik hajmli ijtimoiy koʻmak markazini saqlash uchun ajratilgan mablagʻlardan foydalanganlik toʻgʻrisidagi oylik, choraklik va yillik hisobotlarni belgilangan tartib va muddatlarda Integratsiya markaziga taqdim etib boradi.

Kichik hajmli ijtimoiy koʻmak markazining moliya-xoʻjalik faoliyati, ajratilgan mablagʻlardan toʻgʻri va maqsadli foydalanilishi Integratsiya markazi tomonidan nazorat qilinadi.

6-bob. Tarbiyalanuvchilarga koʻrsatiladigan kompleks ijtimoiy va reabilitatsiya xizmatlarining monitoringi

49. Kichik hajmli ijtimoiy koʻmak markazlariga joylashtirilgan tarbiyalanuvchilarning huquqlari va qonuniy manfaatlarini himoya qilish, ularning turmush sharoitlari va tarbiyalanishini, himoya qilish rejasi yoki individual integratsiya rejasining amalga oshirilishini hamda ularning kichik hajmli ijtimoiy koʻmak markaziga moslashganligini monitoring qilish kichik hajmli ijtimoiy koʻmak markazi joylashgan hududdagi vakolatli organ tomonidan har oyda, Integratsiya markazi yoki uning mintaqaviy boʻlinmalari tomonidan zaruratga koʻra amalga oshiriladi.

50. Kichik hajmli ijtimoiy koʻmak markazlariga joylashtirilgan tarbiyalanuvchilarni monitoring qilishda quyidagi holatlarga alohida eʼtibor qaratiladi:

tarbiyalanuvchining himoya qilish rejasi yoki individual integratsiya rejasining amalga oshirilishi holati;

tarbiyalanuvchilarning psixoijtimoiy holati, kichik hajmli ijtimoiy koʻmak markazlari muhitiga moslashganligi;

tarbiyalanuvchilar va kichik hajmli ijtimoiy koʻmak markazi xodimlari oʻrtasidagi oʻzaro munosabat;

kichik hajmli ijtimoiy koʻmak markazlari tashkil etilgan turar joyning maishiy-xoʻjalik sharoitlari va sanitariya holati;

tarbiyalanuvchilarning tarbiyasi, taʼlim olishi, aqliy rivojlanishi, sogʻligʻi holati, xulqi, emotsional hamda jismoniy rivojlanishi;

tarbiyalanuvchilarning har tomonlama rivojlanishini taʼminlash uchun ularning qiziqish va qobiliyatlari asosida taʼlim, sport, maishiy va sanʼat sohalariga oid qoʻshimcha mashgʻulotlarga jalb etilganligi.

51. Monitoring davomida tarbiyalanuvchilarning tarbiyasi, rivojlanishi, huquqlari taʼminlanishi bilan bogʻliq muammo yoki kamchiliklar aniqlangan taqdirda, vakolatli organ tegishli davlat va nodavlat tashkilotlarini jalb qilgan holda, muammoni bartaraf etishga qaratilgan maslahat, psixologik-pedagogik, ijtimoiy, huquqiy, tibbiy va boshqa ijtimoiy xizmatlar tashkil etilishini taʼminlaydi. Bunda, zarur hollarda, vakolatli organ, Integratsiya markazi yoki uning mintaqaviy boʻlinmalari tomonidan himoya qilish rejasi yoxud individual integratsiya rejasiga tegishli oʻzgartirishlar kiritilishi mumkin.

52. Monitoring natijalari “Yagona milliy ijtimoiy himoya” axborot tizimiga kiritiladi.

7-bob. Yakunlovchi qoidalar

53. Ushbu Nizomni qoʻllash jarayonida yuzaga kelgan nizolarni hal qilish qonunchilik hujjatlarida belgilangan tartibda amalga oshiriladi.

54. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Kichik hajmli ijtimoiy koʻmak markazlari toʻgʻrisidagi nizomga ILOVA

Kichik hajmli ijtimoiy koʻmak markazining

T/r Lavozim nomi Shtat birligi soni Mehnatga haq toʻlash shartlari 1. Menejer 0,5 “Inson” ijtimoiy xizmatlar markazining bosh mutaxassisi uchun belgilangan mehnatga haq toʻlash shartlari tatbiq etiladi 2. Psixolog 0,5 “Inson” ijtimoiy xizmatlar markazining psixologi uchun belgilangan mehnatga haq toʻlash shartlari tatbiq etiladi 3. Tarbiyachi Bola soni 7 nafargacha boʻlganda 3 ta shtat birligi, bola soni 7 va undan ortiq boʻlganda qoʻshimcha ravishda 1 ta shtat birligi miqdorida* Mehribonlik uyi tarbiyachisi uchun belgilangan mehnatga haq toʻlash shartlari tatbiq etiladi 4. Tarbiyachi yordamchisi 5 yoshdan kichik bola qabul qilingan taqdirda har bir kichik hajmli ijtimoiy koʻmak markazi uchun 1 ta shtat birligi miqdorida* Mehribonlik uyi tarbiyachisi uchun belgilangan mehnatga haq toʻlash shartlari tatbiq etiladi

Vazirlar Mahkamasining 2026-yil 21-maydagi 271-son qaroriga 10-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan baʼzi qarorlari

1. Vazirlar Mahkamasining “Muruvvat” nogironligi boʻlgan bolalar uchun internat uylar hamda boshqa tibbiy-ijtimoiy muassasalar faoliyatini takomillashtirish chora-tadbirlari toʻgʻrisida” 2016-yil 17-oktabrdagi 347-son qarori .

2. Vazirlar Mahkamasining “Oʻzbekiston Respublikasi Ijtimoiy himoya sohasidagi ayrim tibbiy-ijtimoiy muassasalar faoliyatini tartibga soluvchi nizomlarni tasdiqlash haqida” 2021-yil 17-sentabrdagi 575-son qarorining 1-bandining “b” va “v” kichik bandlari , 2 va 3-ilovalari hamda 7-ilovaning 2-bandi .

3. Vazirlar Mahkamasining “Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida” 2022-yil 8-fevraldagi 62-son qaroriga 12-ilovaning 59-bandi .

4. Vazirlar Mahkamasining “Oʻzbekiston Respublikasi Prezidenti huzuridagi Ijtimoiy himoya milliy agentligi tashkil etilganligi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida” 2023-yil 15-dekabrdagi 665-son qaroriga 1-ilovaning 18-bandi .

5. Vazirlar Mahkamasining “Oʻzgalar parvarishiga muhtoj shaxslarga ijtimoiy xizmat va yordam koʻrsatuvchi Ijtimoiy qoʻllab-quvvatlash markazlari faoliyatini takomillashtirish toʻgʻrisida” 2024-yil 31-maydagi 316-son qaroriga 2-ilovaning 10-bandi .

6. Vazirlar Mahkamasining “Ijtimoiy himoyaga muhtoj shaxslarni moddiy qoʻllab-quvvatlash hamda nogironligi boʻlgan bolalarni ijtimoiy himoya qilish tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2024-yil 5-oktabrdagi 640-son qaroriga ilovaning 4-bandi .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 21-may,

271 -son

(Qonunchilik maʼlumotlari milliy bazasi, 22.05.2026-y., 09/26/271/0529-son; 07.10.2026-y., 09/26/539/1004-son)

lex.uz