📅 2026-yil 4-may · Vazirlik va idoralar hujjatlari · Raqamli texnologiyalar vazirligi bosh prokuraturasi huzuridagi iqtisodiy jinoyatlarga qarshi kurashish departamenti
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 4 май · Вазирлик ва идоралар ҳужжатлари · Рақамли технологиялар вазирлиги бош прокуратураси ҳузуридаги иқтисодий жиноятларга қарши курашиш департаменти
Расмий матн. Расмий ҳужжат. Таҳририй изоҳлар киритилмаган.
📅 4 мая 2026 г. · Документы министерств и ведомств · Министерства цифровых технологий департамента по борьбе с экономическими преступлениями при генеральной прокуратуре
Официальный текст. Официальный документ. Редакционные примечания не включены.
📅 4 May 2026 · Ministry and agency documents · Raqamli texnologiyalar vazirligi bosh prokuraturasi huzuridagi iqtisodiy jinoyatlarga qarshi kurashish departamenti
Official text. Official document. Editorial notes are not included.
ЎЗБЕКИСТОН РЕСПУБЛИКАСИ РАҚАМЛИ ТЕХНОЛОГИЯЛАР ВАЗИРЛИГИ ЎЗБЕКИСТОН РЕСПУБЛИКАСИ БОШ ПРОКУРАТУРАСИ ҲУЗУРИДАГИ ИҚТИСОДИЙ ЖИНОЯТЛАРГА ҚАРШИ КУРАШИШ ДЕПАРТАМЕНТИНИНГ
ҚАРОРИ
Почта алоқаси миллий оператори учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига ўзгартириш ва қўшимчалар киритиш тўғрисида
Ўзбекистон Республикасининг «Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида»ги Қонунига мувофиқ Ўзбекистон Республикаси Рақамли технологиялар вазирлиги ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қарор қилади:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2018 йил 5 июлдаги 176-мҳ, 28-сон қарори (рўйхат рақами 3061, 2018 йил 28 август) (Қонун ҳужжатлари маълумотлари миллий базаси, 29.08.2018 й., 10/18/3061/1807-сон) билан тасдиқланган Почта алоқаси миллий оператори учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Рақамли технологиялар вазирлигининг 2026 йил 4 майдаги 292-мҳ-сон ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2026 йил 1 майдаги 20-сон қарорига ИЛОВА
Почта алоқаси миллий оператори учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган ўзгартириш ва қўшимчалар
1. Муқаддима қуйидаги таҳрирда баён этилсин:
«Мазкур Қоидалар почта алоқаси миллий оператори учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назоратни ташкил этиш ва амалга ошириш тартибини белгилайди.».
2. 6-банднинг иккинчи хатбошисидаги «раҳбарлик лавозимини эгаллаб турган ходимлар» деган сўзлар «почта алоқаси миллий оператори раҳбарининг ўринбосарлари» деган сўзлар билан алмаштирилсин.
3. 7-банд қуйидаги таҳрирда баён этилсин:
«7. Ички назорат тизими тузилмасининг раҳбари ёки масъул ходими лавозимига қуйидагилар тайинланиши мумкин эмас:
ўз фаолиятида ва шахсий хулқ-атворида ишониб топширилган бўлинмани нотўғри бошқаргани ёки ишни виждонан юритмаганини намоён этган шахслар;
террорчилик фаолиятида ёки оммавий қирғин қуролини тарқатишда иштирок этаётган ёки иштирок этишда гумон қилинаётган шахслар;
иқтисодиёт соҳасидаги, бошқарув тартибига қарши, жиноий фаолиятдан олинган даромадларни легаллаштириш ва терроризмни молиялаштириш билан боғлиқ жиноятлар учун аввал суд томонидан жиноий жавобгарликка тортилган шахслар.
Ушбу банднинг учинчи ва тўртинчи хатбошиларида назарда тутилган талаблар почта алоқаси миллий операторининг раҳбари, бенефициар мулкдорлари ва таъсисчиларига нисбатан ҳам татбиқ этилади.».
4. 8-банд «масъул ходимларига» деган сўзлардан кейин «, шунингдек, почта алоқаси ходимларига» деган сўзлар билан тўлдирилсин.
5. 13-бандда:
қуйидаги мазмундаги олтинчи хатбоши билан тўлдирилсин:
«жиноий фаолиятдан олинган даромадларни легаллаштиришга ва терроризмни молиялаштиришга қарши курашиш соҳасидаги таваккалчиликларни баҳолашга асосланган, ишга қабул қилишда номзодларнинг тайинланадиган лавозимга мувофиқлигини баҳолашга қаратилган текшириш тартиб-таомиллари;»;
олтинчи — ўн еттинчи хатбошилар тегишли равишда еттинчи — ўн саккизинчи хатбошилар деб ҳисоблансин.
6. 25-банднинг биринчи хатбошиси қуйидаги таҳрирда баён этилсин:
«25. Фойдаланувчи — жисмоний шахсни идентификациялаш шахсни тасдиқловчи ҳужжат (биометрик паспорт ёки идентификация ID -картаси ёхуд уларнинг ўрнини босадиган ҳужжат) асосида амалга оширилади. Бунда почта алоқаси ходими бундай ҳужжатнинг асл нусхаси ёки Ўзбекистон Республикаси Ягона интерактив давлат хизматлари портали ва (ёки) «Ижтимоий карта» мобил иловаси орқали бериладиган электрон шакли билан мустақил равишда танишиб чиқиши керак.».
Рақамли технологиялар вазири Ш. ШЕРМАТОВ
Иқтисодий жиноятларга қарши курашиш департаменти бошлиғи Ж. ХАТАМОВ
Тошкент ш.,
2026 йил 4 май,
Тошкент ш.,
2026 йил 1 май,
292-мҳ-сон
20-сон
OʻZBEKISTON RESPUBLIKASI RAQAMLI TEXNOLOGIYALAR VAZIRLIGI OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTINING
QARORI
Pochta aloqasi milliy operatori uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish toʻgʻrisida
Oʻzbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi Qonuniga muvofiq Oʻzbekiston Respublikasi Raqamli texnologiyalar vazirligi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2018-yil 5-iyuldagi 176-mh, 28-son qarori (roʻyxat raqami 3061, 2018-yil 28-avgust) (Qonun hujjatlari maʼlumotlari milliy bazasi, 29.08.2018-y., 10/18/3061/1807-son) bilan tasdiqlangan Pochta aloqasi milliy operatori uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Raqamli texnologiyalar vazirligining 2026-yil 4-maydagi 292-mh-son va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2026-yil 1-maydagi 20-son qaroriga ILOVA
Pochta aloqasi milliy operatori uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan oʻzgartirish va qoʻshimchalar
1. Muqaddima quyidagi tahrirda bayon etilsin:
“Mazkur Qoidalar pochta aloqasi milliy operatori uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazoratni tashkil etish va amalga oshirish tartibini belgilaydi.”.
2. 6-bandning ikkinchi xatboshisidagi “rahbarlik lavozimini egallab turgan xodimlar” degan soʻzlar “pochta aloqasi milliy operatori rahbarining oʻrinbosarlari” degan soʻzlar bilan almashtirilsin.
3. 7-band quyidagi tahrirda bayon etilsin:
“7. Ichki nazorat tizimi tuzilmasining rahbari yoki masʼul xodimi lavozimiga quyidagilar tayinlanishi mumkin emas:
oʻz faoliyatida va shaxsiy xulq-atvorida ishonib topshirilgan boʻlinmani notoʻgʻri boshqargani yoki ishni vijdonan yuritmaganini namoyon etgan shaxslar;
terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaxslar;
iqtisodiyot sohasidagi, boshqaruv tartibiga qarshi, jinoiy faoliyatdan olingan daromadlarni legallashtirish va terrorizmni moliyalashtirish bilan bogʻliq jinoyatlar uchun avval sud tomonidan jinoiy javobgarlikka tortilgan shaxslar.
Ushbu bandning uchinchi va toʻrtinchi xatboshilarida nazarda tutilgan talablar pochta aloqasi milliy operatorining rahbari, benefitsiar mulkdorlari va taʼsischilariga nisbatan ham tatbiq etiladi.”.
4. 8-band “masʼul xodimlariga” degan soʻzlardan keyin “, shuningdek, pochta aloqasi xodimlariga” degan soʻzlar bilan toʻldirilsin.
5. 13-bandda:
quyidagi mazmundagi oltinchi xatboshi bilan toʻldirilsin:
“jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasidagi tavakkalchiliklarni baholashga asoslangan, ishga qabul qilishda nomzodlarning tayinlanadigan lavozimga muvofiqligini baholashga qaratilgan tekshirish tartib-taomillari;”;
oltinchi — oʻn yettinchi xatboshilar tegishli ravishda yettinchi — oʻn sakkizinchi xatboshilar deb hisoblansin.
6. 25-bandning birinchi xatboshisi quyidagi tahrirda bayon etilsin:
“25. Foydalanuvchi — jismoniy shaxsni identifikatsiyalash shaxsni tasdiqlovchi hujjat (biometrik pasport yoki identifikatsiya ID -kartasi yoxud ularning oʻrnini bosadigan hujjat) asosida amalga oshiriladi. Bunda pochta aloqasi xodimi bunday hujjatning asl nusxasi yoki Oʻzbekiston Respublikasi Yagona interaktiv davlat xizmatlari portali va (yoki) “Ijtimoiy karta” mobil ilovasi orqali beriladigan elektron shakli bilan mustaqil ravishda tanishib chiqishi kerak.”.
Raqamli texnologiyalar vaziri SH. SHERMATOV
Iqtisodiy jinoyatlarga qarshi kurashish departamenti boshligʻi J. XATAMOV
Toshkent sh.,
2026-yil 4-may,
Toshkent sh.,
2026-yil 1-may,
292-mh-son
20-son
МИНИСТЕРСТВА ЦИФРОВЫХ ТЕХНОЛОГИЙ РЕСПУБЛИКИ УЗБЕКИСТАН ДЕПАРТАМЕНТА ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН
ПОСТАНОВЛЕНИЕ
О внесении изменений и дополнений в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для национального оператора почтовой связи
В соответствии с Законом Республики Узбекистан «О противодействии легализации доходов, полученных от преступной деятельности, финансированию терроризма и финансированию распространения оружия массового уничтожения» Министерство цифровых технологий Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан постановляют:
1. Внести изменения и дополнения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для национального оператора почтовой связи, утвержденные постановлением Министерства по развитию информационных технологий и коммуникаций Республики Узбекистан и Департамента по борьбе с экономическими преступлениями при Генеральной прокуратуре Республики Узбекистан от 5 июля 2018 года №№ 176-мх, 28 (рег. № 3061 от 28 августа 2018 года) (Национальная база данных законодательства, 29.08.2018 г., № 10/18/3061/1807), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства цифровых технологий Республики Узбекистан от 4 мая 2026 года № 292-мх и Департамента по борьбе с экономическими преступлениями при Генеральной прокуратуре Республики Узбекистан от 1 мая 2026 года № 20
Изменения и дополнения, вносимые в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для национального оператора почтовой связи
1. Преамбулу изложить в следующей редакции:
«Настоящие Правила определяют порядок организации и осуществления внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для национального оператора почтовой связи.».
2. В абзаце втором пункта 6 слова «сотрудников, занимающих руководящую должность» заменить словами «заместителей руководителя национального оператора почтовой связи».
3. Пункт 7 изложить в следующей редакции:
«7. На должность руководителя структуры системы внутреннего контроля или ответственного работника не могут быть назначены следующие лица:
лица, проявившие в своей деятельности и личном поведении ненадлежащее управление вверенным подразделением либо недобросовестное ведение дел;
лица, участвующие или подозреваемые в участии в террористической деятельности либо в распространении оружия массового уничтожения;
лица, ранее привлекавшиеся судом к уголовной ответственности за преступления в сфере экономики, против порядка управления, а также преступления, связанные с легализацией доходов, полученных от преступной деятельности, и финансированием терроризма.
Требования, предусмотренные абзацами третьим и четвертым настоящего пункта, также распространяются на бенефициарных владельцев, учредителей и руководителя национального оператора почтовой связи.».
4. В пункте 8 после слов «ответственным работникам» дополнить словами « , а также работникам почтовой связи».
5. В пункте 13:
дополнить абзацем шестым следующего содержания:
«процедуры проверки, основанные на оценке рисков в сфере противодействия легализации доходов, полученных от преступной деятельности, и финансированию терроризма, направленные на оценку соответствия кандидатов назначаемой должности при приеме на работу;»;
абзацы шестой — семнадцатый считать соответственно абзацами седьмым — восемнадцатым.
6. Абзац первый пункта 25 изложить в следующей редакции:
«Идентификация пользователя — физического лица осуществляется на основании документа (биометрического паспорта или идентификационной ID-карты или заменяющего их документа), удостоверяющего личность. При этом, работник почтовой связи должен самостоятельно ознакомиться с оригиналом такого документа либо с его электронной формой, предоставляемой через Единый портал интерактивных государственных услуг Республики Узбекистан и (или) мобильное приложение «Социальная карта».».
Министр цифровых технологий Ш. ШЕРМАТОВ
Начальник Департамента по борьбе с экономическими преступлениями Ж. ХАТАМОВ
г. Ташкент.,
4 мая 2026 г.,
г. Ташкент.,
1 мая 2026 года
№ 292-мх
№ 20