UzbekAI

ЎЗБЕКИСТОН РЕСПУБЛИКАСИ ОЛИЙ ТАЪЛИМ, ФАН ВА ИННОВАЦИЯЛАР ВАЗИРЛИГИ ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРЛИГИ ЎЗБЕКИСТОН РЕСПУБЛИКАСИ КАМБАҒАЛЛИКНИ ҚИСҚАРТИРИШ ВА БАНДЛИК ВАЗИРЛИГИНИНГ

ҚАРОРИ

Академик лицей ва техникумлар бошқарув, техник, хизмат кўрсатувчи ва ўқув-ёрдамчи ходимларининг намунавий штатларига ўзгартиришлар ва қўшимча киритиш ҳақида

Ўзбекистон Республикаси Президентининг 2024 йил 16 октябрдаги ПФ-158-сон « Касбий таълимда малакали кадрлар тайёрлаш тизимини янада такомиллаштириш ва халқаро таълим дастурларини жорий қилиш чора-тадбирлари тўғрисида »ги ва 2025 йил 23 октябрдаги ПФ-190-сон « Касбий таълим тизимида бошқарув самарадорлигини ошириш чора-тадбирлари тўғрисида »ги фармонлари ҳамда 2025 йил 23 октябрдаги ПҚ-316-сон «Касбий таълим тизимида ислоҳотларни амалга ошириш чора-тадбирлари тўғрисида»ги қарорига мувофиқ Ўзбекистон Республикаси Олий таълим, фан ва инновациялар вазирлиги, Камбағалликни қисқартириш ва бандлик вазирлиги ва Иқтисодиёт ва молия вазирлиги қарор қилади:

1. Ўзбекистон Республикаси Олий ва ўрта махсус таълим вазирлиги, Олий ва ўрта махсус таълим вазирлигининг Касб-ҳунар таълими маркази, Бандлик ва меҳнат муносабатлари вазирлиги, Молия вазирлигининг 2018 йил 29 декабрдаги 78-қ/қ, 13/ққ, 32-қ/қ, 162-сон қарори (рўйхат рақами 3119, 2019 йил 11 январь) (Қонун ҳужжатлари маълумотлари миллий базаси, 14.01.2019 й., 10/19/3119/2469-сон) билан тасдиқланган Академик лицей ва техникумлар бошқарув, техник, хизмат кўрсатувчи ва ўқув-ёрдамчи ходимларининг намунавий штатларига иловага мувофиқ ўзгартиришлар ва қўшимча киритилсин.

2. Мазкур қарор расмий эълон қилинган кундан эътиборан кучга киради.

Ушбу қарорга илованинг 2-банди «б» кичик банди 2027 йил 1 сентябрдан кучга киради.

Ўзбекистон Республикаси Олий таълим, фан ва инновациялар вазирлигининг 2026 йил 6 майдаги 26-қ/қ-сон, Камбағалликни қисқартириш ва бандлик вазирлигининг 2026 йил 30 апрелдаги 17-2026-қ/қ-сон ва Иқтисодиёт ва молия вазирлигининг 2026 йил 5 майдаги 360-сон қарорига ИЛОВА

Академик лицей ва техникумлар бошқарув, техник, хизмат кўрсатувчи ва ўқув-ёрдамчи ходимларининг намунавий штатларига киритилаётган ўзгартиришлар ва қўшимча

1. I бобнинг 10-позициясидаги «Котиба» деган сўз «Котиб» деган сўз билан алмаштирилсин.

2. Иловада :

а) 1-банднинг биринчи хатбошиси «дуал таълим шаклларида» деган сўзлардан кейин «, шунингдек халқаро ва қўшма таълим дастурларида» деган сўзлар билан тўлдирилсин;

б) 22-банд қуйидаги таҳрирда баён этилсин:

«22. Техникумларда ишлаб чиқариш таълими устаси лавозимини киритишда бир нафар ишлаб чиқариш таълими устасига тўғри келадиган ўқувчилар сонининг чекланган нормативи 1:20 нисбатда белгиланади.»;

д) 26-банддаги «2019 йил 17 апрелдаги 325-сон қарори билан тасдиқланган Тракторчи-машинистларни тайёрлаш ва қайта тайёрлаш, таълим ташкилотларини ҳисобга олиш, имтиҳонларга кириш ва уни ўтказиш ҳамда қишлоқ хўжалиги, мелиорация ва йўл-қурилиш техникаларини бошқариш ҳуқуқини берувчи тракторчи-машинист гувоҳномасини бериш тартиби тўғрисидаги низомда» деган сўзлар «2023 йил 29 апрелдаги 170-сон қарори билан тасдиқланган Тракторчи-машинистларни тайёрлаш ва қайта тайёрлаш йўналишидаги таълим ташкилотларини ҳисобга олиш ҳамда тракторчи-машинист гувоҳномасини бериш бўйича давлат хизматларини кўрсатишнинг маъмурий регламентида» деган сўзлар билан алмаштирилсин.

Олий таълим, фан ва инновациялар вазири К. ШАРИПОВ

Иқтисодиёт ва молия вазири Д. КУЧКАРОВ

Камбағалликни қисқартириш ва бандлик вазири Б. ЗАХИДОВ

Тошкент ш.,

2026 йил 6 май,

Тошкент ш.,

2026 йил 5 май,

Тошкент ш.,

2026 йил 30 апрель,

26-қ/қ-сон

360-сон

17-2026-қ/қ-сон

(Қонунчилик маълумотлари миллий базаси, 26.05.2026 й., 10/26/3119-6/0536-сон)

OʻZBEKISTON RESPUBLIKASI OLIY TAʼLIM, FAN VA INNOVATSIYALAR VAZIRLIGI OʻZBEKISTON RESPUBLIKASI IQTISODIYOT VA MOLIYA VAZIRLIGI OʻZBEKISTON RESPUBLIKASI KAMBAGʻALLIKNI QISQARTIRISH VA BANDLIK VAZIRLIGINING

QARORI

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga oʻzgartirishlar va qoʻshimcha kiritish haqida

Oʻzbekiston Respublikasi Prezidentining 2024-yil 16-oktabrdagi PF-158-son “ Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida ”gi va 2025-yil 23-oktabrdagi PF-190-son “ Kasbiy taʼlim tizimida boshqaruv samaradorligini oshirish chora-tadbirlari toʻgʻrisida ”gi farmonlari hamda 2025-yil 23-oktabrdagi PQ-316-son “Kasbiy taʼlim tizimida islohotlarni amalga oshirish chora-tadbirlari toʻgʻrisida”gi qaroriga muvofiq Oʻzbekiston Respublikasi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi va Iqtisodiyot va moliya vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Kasb-hunar taʼlimi markazi, Bandlik va mehnat munosabatlari vazirligi, Moliya vazirligining 2018-yil 29-dekabrdagi 78-q/q, 13/qq, 32-q/q, 162-son qarori (roʻyxat raqami 3119, 2019-yil 11-yanvar) (Qonun hujjatlari maʼlumotlari milliy bazasi, 14.01.2019-y., 10/19/3119/2469-son) bilan tasdiqlangan Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Ushbu qarorga ilovaning 2-bandi “b” kichik bandi 2027-yil 1-sentabrdan kuchga kiradi.

Oʻzbekiston Respublikasi Oliy taʼlim, fan va innovatsiyalar vazirligining 2026-yil 6-maydagi 26-q/q-son, Kambagʻallikni qisqartirish va bandlik vazirligining 2026-yil 30-apreldagi 17-2026-q/q-son va Iqtisodiyot va moliya vazirligining 2026-yil 5-maydagi 360-son qaroriga ILOVA

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga kiritilayotgan oʻzgartirishlar va qoʻshimcha

1. I bobning 10-pozitsiyasidagi “Kotiba” degan soʻz “Kotib” degan soʻz bilan almashtirilsin.

2. Ilovada :

a) 1-bandning birinchi xatboshisi “dual taʼlim shakllarida” degan soʻzlardan keyin “, shuningdek xalqaro va qoʻshma taʼlim dasturlarida” degan soʻzlar bilan toʻldirilsin;

b) 22-band quyidagi tahrirda bayon etilsin:

“22. Texnikumlarda ishlab chiqarish taʼlimi ustasi lavozimini kiritishda bir nafar ishlab chiqarish taʼlimi ustasiga toʻgʻri keladigan oʻquvchilar sonining cheklangan normativi 1:20 nisbatda belgilanadi.”;

d) 26-banddagi “2019-yil 17-apreldagi 325-son qarori bilan tasdiqlangan Traktorchi-mashinistlarni tayyorlash va qayta tayyorlash, taʼlim tashkilotlarini hisobga olish, imtihonlarga kirish va uni oʻtkazish hamda qishloq xoʻjaligi, melioratsiya va yoʻl-qurilish texnikalarini boshqarish huquqini beruvchi traktorchi-mashinist guvohnomasini berish tartibi toʻgʻrisidagi nizomda” degan soʻzlar “2023-yil 29-apreldagi 170-son qarori bilan tasdiqlangan Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentida” degan soʻzlar bilan almashtirilsin.

Oliy taʼlim, fan va innovatsiyalar vaziri K. SHARIPOV

Iqtisodiyot va moliya vaziri D. KUCHKAROV

Kambagʻallikni qisqartirish va bandlik vaziri B. ZAXIDOV

Toshkent sh.,

2026-yil 6-may,

Toshkent sh.,

2026-yil 5-may,

Toshkent sh.,

2026-yil 30-aprel,

26-q/q-son

360-son

17-2026-q/q-son

(Qonunchilik maʼlumotlari milliy bazasi, 26.05.2026 y., 10/26/3119-6/0536-son)