UzbekAI

Ўзбекистон Республикаси Президентининг

қарори

МАНЗИЛЛИ ДАСТУРИ

Сел-тошқин сувларидан самарали фойдаланишни таъминлаш чора-тадбирлари тўғрисида

Ҳудудларда баҳор-ёз мавсумидаги сел-тошқин сувларидан самарали фойдаланиш, шунингдек, қўшимча ер майдонларини ўзлаштириш орқали янги иш ўринларини яратиш ҳамда қишлоқ хўжалиги маҳсулотларини етиштириш кўламини янада ошириш мақсадида қарор қиламан:

I. Мақсадлар

1. Қуйидагилар сел-тошқин сувларидан самарали фойдаланишни таъминлашнинг асосий мақсадли кўрсаткичлари этиб белгилансин:

(а) 2027 йилдан бошлаб республика ҳудудларида 5 та сел-сув омборларини қуриш;

(б) сел-сув омборларини қуриш ҳисобига:

(i) Самарқанд вилоятида 7 минг гектар, Тошкент вилоятида 2 минг гектар ва Жиззах вилоятида 300 гектар ер майдонларининг сув таъминотини яхшилаш;

(ii) Самарқанд вилоятида 3,3 минг гектар ва Тошкент вилоятида 300 гектар янги ерларни ўзлаштириш.

II. Лойиҳаларни амалга ошириш чора-тадбирлари

2. Сув хўжалиги вазирлиги, вилоятлар ҳокимликлари, «Агробанк» АТБ ҳамда Ирригация ва сув муаммолари илмий-тадқиқот институти ҳамкорлигида илмий тавсия ва хулосалар асосида республика бўйича кичик сув захираларини барпо қилиш имконияти мавжуд бўлган 60 та ҳудуд аниқланганлиги маълумот учун қабул қилинсин.

3. 2027 — 2030 йилларда қуриладиган сел-сув омборларининг манзилли дастури (кейинги ўринларда — Дастур) иловага мувофиқ тасдиқлансин.

4. Белгилансинки, сел-сув омбори ва унинг иншоотлари, карьерлар ва қурилиш майдонига тушган ер участкалари қонунчилик ҳужжатларида белгиланган тартибда жамоат эҳтиёжлари учун олиб қўйилади.

Бунда жисмоний ва юридик шахсларга етказилган мулкий зарарлар қонунчиликда белгиланган тартибда қоплаб берилади.

5. Жиззах, Самарқанд ва Тошкент вилоятлари ҳокимликлари:

(а) Қишлоқ хўжалиги вазирлиги билан биргаликда бир ой муддатда Дастур доирасидаги лойиҳаларга зарур ер участкаларини ажратиш учун қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклифлар киритсин;

(б) Дастур доирасидаги лойиҳалар учун ер участкалари жамоат эҳтиёжлари мақсадида олиб қўйилиши натижасида жисмоний ва юридик шахсларга етказилган мулкий зарарлар белгиланган тартибда қоплаб берилишини таъминласин.

6. Иқтисодиёт ва молия вазирлиги Сув хўжалиги вазирлиги билан биргаликда:

(а) бир ҳафта муддатда Оқтепасой сел-сув омбори қурилишини лойиҳалаштириш учун 2,0 млрд сўм миқдоридаги маблағлар жорий йилда Ўзбекистон Республикаси Президентининг 2025 йил 27 декабрдаги ПҚ-393-сон қарорининг 1а-иловасига асосан келгуси йиллар лойиҳа-қидирув ишлари учун кўзда тутилган маблағлар ҳисобидан ажратилишини таъминласин;

б) Дастур доирасида қурилиш ишлари учун зарур маблағларни тасдиқланган лойиҳа ҳужжатларига асосан 2027 йил ва кейинги йиллар ижтимоий ва ишлаб чиқариш инфратузилмасини ривожлантириш дастурларида инобатга олсин.

7. Сув хўжалиги вазирлиги Дастур доирасида:

(а) лойиҳа-қидирув ишларини сифатли ташкил этиб, лойиҳалаштиришда техник ечимлар халқаро тажриба ва илмий ёндашув асосида аниқланишини таъминласин;

(б) қурилиш ишларини қурилиш ҳудуди ён-атрофида яшовчи аҳолининг хавфсизлигини таъминлаган ҳолда замонавий талаблар асосида ташкил этсин.

8. Сув хўжалиги вазирлиги Иқтисодиёт ва молия вазирлиги билан биргаликда Жиззах вилояти Бахмал туманидаги Тангатопдисой ва Тошкент вилояти Бўстонлиқ туманидаги Оқсоқотасой сел-сув омборлари қурилишини «Агробанк» АТБ буюртмачилигида ишлаб чиқилган лойиҳаолди ҳужжатларига мувофиқ давлат-хусусий шериклик шартлари асосида амалга ошириш чораларини кўрсин.

Бунда қурилган сел-сув омборлари Сув хўжалиги вазирлиги тизимидаги фойдаланувчи ташкилотлар балансига беғараз топширилишини инобатга олган ҳолда давлат-хусусий шериклик тўғрисидаги битимда қуйидагилар кўзда тутилсин:

(а) сел-сув омборлари хусусий шерик ҳисобидан қурилади ҳамда хусусий шерик учун қуйидагиларга рухсат берилади:

(i) сел-сув омборлари ҳимоя зоналарида белгиланган тартибда тасдиқланган мастер режа асосида туристик-рекреацион зоналарни ташкил этишга.

Бунда ушбу ҳудудлар 49 йилга кейинчалик узайтириш шарти билан фойдаланиш учун тўловсиз асосда берилади;

(ii) сел-сув омборлари сув ҳавзасида балиқчилик хўжалигини ташкил этишга ҳамда иншоотлар хавфсизлигига таъсир қилмайдиган бошқа даромад келтирувчи фаолият билан шуғулланишга;

(б) давлат шериги сифатида сел-сув омборларини эксплуатация қилиш ҳамда улардаги сув ресурсларини бошқариш Сув хўжалиги вазирлиги томонидан амалга оширилади.

9. Белгилансинки, Дастур доирасида Сув хўжалиги вазирлиги ташаббускорлигида давлат-хусусий шериклик асосида қуриладиган сел-сув омборларининг ҳимоя зоналарида барпо қилинадиган туристик-рекреацион зоналарни зарур ташқи муҳандислик-коммуникация инфратузилмаси билан таъминлаш ишлари Давлат бюджети ҳисобидан ўрнатилган тартибда амалга оширилади.

10. Иқтисодиёт ва молия вазирлиги Сув хўжалиги вазирлиги ҳамда Қишлоқ хўжалиги вазирлиги билан биргаликда уч ой муддатда республика ҳудудларида илмий тавсия ва хулосалар асосида аниқланган кичик сув захираларининг иқтисодий самарадорлиги ҳамда уларнинг қурилиш муддатлари юзасидан Вазирлар Маҳкамасига таклиф киритсин.

III. Қарор ижросини ташкил этиш, таъминлаш ва назорат

11. Ушбу қарор ижросини самарали ташкил қилишга масъул ва шахсан жавобгар этиб қуйидагилар белгилансин:

(а) сув хўжалиги вазири Ш. Хамраев — қарор ижросини самарали ташкил қилишга, лойиҳаларнинг ўз вақтида сифатли амалга оширилишига ҳамда натижадорлигига;

(б) иқтисодиёт ва молия вазири ўринбосари С. Садуллаев — Дастур доирасида зарур маблағлар белгиланган муддатларда ажратиб борилишига;

(в) Давлат дастурлари ижро этилишини назорат қилиш ва мувофиқлаштириш бўйича республика штаби раҳбари С. Самадов — маблағларнинг мақсадли сарфланиши ҳамда қурилиш-монтаж ишларининг сифатли бажарилиши устидан доимий назорат ўрнатишга.

12. Мазкур қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси раҳбари ўринбосари Т.Н. Бутунбаев зиммасига юклансин.

Ўзбекистон Республикаси Президентининг 2026 йил 25 майдаги ПҚ-201-сон қарорига ИЛОВА

2027 — 2030 йилларда қуриладиган сел-сув омборларининг

Т/р Объект номи Дастлабки ҳисобий сиғими, млн м 3 Дастлабки ҳисобий қиймати, млрд сўм Молиялаштириш манбаси Буюртмачи ташкилот Лойиҳа ишлари бўйича Қурилиш ишлари бўйича Лойиҳа ишлари бўйича Қурилиш ишлари бўйича ЖАМИ 38,1 997 1. Жиззах вилояти Бахмал туманида Тангатопдисой сел-сув омборини қуриш 2,4 202 «Агробанк» АТБ маблағлари ДХШ асосида хусусий сектор маблағлари «Агробанк» АТБ Сув хўжалиги вазирлиги 2. Самарқанд вилояти Ургут туманида Ғиждувонсой сел-сув омборини қуриш 1,5 90 Республика бюджети Республика бюджети «Самарқандсув-қурилишинвест» ДМ «Самарқандсув-қурилишинвест» ДМ 3. Самарқа нд вилояти Ургут туманида Чоштепасой сел-сув омборини қуриш 0,6 65 Республика бюджети Республика бюджети «Самарқандсув-қурилишинвест» ДМ «Самарқандсув-қурилишинвест» ДМ 4. Самарқанд вилояти Қўшработ туманида Оқтепасой сел-сув омборини қуриш 26 365 Республ ика бюджети Республика бюджети «Самарқандсув-қурилишинвест» ДМ «Самарқандсув-қурилишинвест» ДМ 5. Тошкент вилояти Бўстонлиқ туманида Оқсоқотасой сел-сув омборини қуриш 7,6 275 «Агробанк» АТБ маблағлари ДХШ асосида хусусий сектор маблағлари «Агробанк» АТБ Сув хўжалиги вазирлиги

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 25 май,

ПҚ-201-сон

(Қонунчилик маълумотлари миллий базаси, 26.05.2026 й., 07/26/201/0537-сон)

lex.uz

Oʻzbekiston Respublikasi Prezidentining

qarori

MANZILLI DASTURI

Sel-toshqin suvlaridan samarali foydalanishni taʼminlash chora-tadbirlari toʻgʻrisida

Hududlarda bahor-yoz mavsumidagi sel-toshqin suvlaridan samarali foydalanish, shuningdek, qoʻshimcha yer maydonlarini oʻzlashtirish orqali yangi ish oʻrinlarini yaratish hamda qishloq xoʻjaligi mahsulotlarini yetishtirish koʻlamini yanada oshirish maqsadida qaror qilaman:

I. Maqsadlar

1. Quyidagilar sel-toshqin suvlaridan samarali foydalanishni taʼminlashning asosiy maqsadli koʻrsatkichlari etib belgilansin:

(a) 2027-yildan boshlab respublika hududlarida 5 ta sel-suv omborlarini qurish;

(b) sel-suv omborlarini qurish hisobiga:

(i) Samarqand viloyatida 7 ming gektar, Toshkent viloyatida 2 ming gektar va Jizzax viloyatida 300 gektar yer maydonlarining suv taʼminotini yaxshilash;

(ii) Samarqand viloyatida 3,3 ming gektar va Toshkent viloyatida 300 gektar yangi yerlarni oʻzlashtirish.

II. Loyihalarni amalga oshirish chora-tadbirlari

2. Suv xoʻjaligi vazirligi, viloyatlar hokimliklari, “Agrobank” ATB hamda Irrigatsiya va suv muammolari ilmiy-tadqiqot instituti hamkorligida ilmiy tavsiya va xulosalar asosida respublika boʻyicha kichik suv zaxiralarini barpo qilish imkoniyati mavjud boʻlgan 60 ta hudud aniqlanganligi maʼlumot uchun qabul qilinsin.

3. 2027 — 2030-yillarda quriladigan sel-suv omborlarining manzilli dasturi (keyingi oʻrinlarda — Dastur) ilovaga muvofiq tasdiqlansin.

4. Belgilansinki, sel-suv ombori va uning inshootlari, karyerlar va qurilish maydoniga tushgan yer uchastkalari qonunchilik hujjatlarida belgilangan tartibda jamoat ehtiyojlari uchun olib qoʻyiladi.

Bunda jismoniy va yuridik shaxslarga yetkazilgan mulkiy zararlar qonunchilikda belgilangan tartibda qoplab beriladi.

5. Jizzax, Samarqand va Toshkent viloyatlari hokimliklari:

(a) Qishloq xoʻjaligi vazirligi bilan birgalikda bir oy muddatda Dastur doirasidagi loyihalarga zarur yer uchastkalarini ajratish uchun qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga takliflar kiritsin;

(b) Dastur doirasidagi loyihalar uchun yer uchastkalari jamoat ehtiyojlari maqsadida olib qoʻyilishi natijasida jismoniy va yuridik shaxslarga yetkazilgan mulkiy zararlar belgilangan tartibda qoplab berilishini taʼminlasin.

6. Iqtisodiyot va moliya vazirligi Suv xoʻjaligi vazirligi bilan birgalikda:

(a) bir hafta muddatda Oqtepasoy sel-suv ombori qurilishini loyihalashtirish uchun 2,0 mlrd soʻm miqdoridagi mablagʻlar joriy yilda Oʻzbekiston Respublikasi Prezidentining 2025-yil 27-dekabrdagi PQ-393-son qarorining 1a-ilovasiga asosan kelgusi yillar loyiha-qidiruv ishlari uchun koʻzda tutilgan mablagʻlar hisobidan ajratilishini taʼminlasin;

b) Dastur doirasida qurilish ishlari uchun zarur mablagʻlarni tasdiqlangan loyiha hujjatlariga asosan 2027-yil va keyingi yillar ijtimoiy va ishlab chiqarish infratuzilmasini rivojlantirish dasturlarida inobatga olsin.

7. Suv xoʻjaligi vazirligi Dastur doirasida:

(a) loyiha-qidiruv ishlarini sifatli tashkil etib, loyihalashtirishda texnik yechimlar xalqaro tajriba va ilmiy yondashuv asosida aniqlanishini taʼminlasin;

(b) qurilish ishlarini qurilish hududi yon-atrofida yashovchi aholining xavfsizligini taʼminlagan holda zamonaviy talablar asosida tashkil etsin.

8. Suv xoʻjaligi vazirligi Iqtisodiyot va moliya vazirligi bilan birgalikda Jizzax viloyati Baxmal tumanidagi Tangatopdisoy va Toshkent viloyati Boʻstonliq tumanidagi Oqsoqotasoy sel-suv omborlari qurilishini “Agrobank” ATB buyurtmachiligida ishlab chiqilgan loyihaoldi hujjatlariga muvofiq davlat-xususiy sheriklik shartlari asosida amalga oshirish choralarini koʻrsin.

Bunda qurilgan sel-suv omborlari Suv xoʻjaligi vazirligi tizimidagi foydalanuvchi tashkilotlar balansiga begʻaraz topshirilishini inobatga olgan holda davlat-xususiy sheriklik toʻgʻrisidagi bitimda quyidagilar koʻzda tutilsin:

(a) sel-suv omborlari xususiy sherik hisobidan quriladi hamda xususiy sherik uchun quyidagilarga ruxsat beriladi:

(i) sel-suv omborlari himoya zonalarida belgilangan tartibda tasdiqlangan master reja asosida turistik-rekreatsion zonalarni tashkil etishga.

Bunda ushbu hududlar 49 yilga keyinchalik uzaytirish sharti bilan foydalanish uchun toʻlovsiz asosda beriladi;

(ii) sel-suv omborlari suv havzasida baliqchilik xoʻjaligini tashkil etishga hamda inshootlar xavfsizligiga taʼsir qilmaydigan boshqa daromad keltiruvchi faoliyat bilan shugʻullanishga;

(b) davlat sherigi sifatida sel-suv omborlarini ekspluatatsiya qilish hamda ulardagi suv resurslarini boshqarish Suv xoʻjaligi vazirligi tomonidan amalga oshiriladi.

9. Belgilansinki, Dastur doirasida Suv xoʻjaligi vazirligi tashabbuskorligida davlat-xususiy sheriklik asosida quriladigan sel-suv omborlarining himoya zonalarida barpo qilinadigan turistik-rekreatsion zonalarni zarur tashqi muhandislik-kommunikatsiya infratuzilmasi bilan taʼminlash ishlari Davlat budjeti hisobidan oʻrnatilgan tartibda amalga oshiriladi.

10. Iqtisodiyot va moliya vazirligi Suv xoʻjaligi vazirligi hamda Qishloq xoʻjaligi vazirligi bilan birgalikda uch oy muddatda respublika hududlarida ilmiy tavsiya va xulosalar asosida aniqlangan kichik suv zaxiralarining iqtisodiy samaradorligi hamda ularning qurilish muddatlari yuzasidan Vazirlar Mahkamasiga taklif kiritsin.

III. Qaror ijrosini tashkil etish, taʼminlash va nazorat

11. Ushbu qaror ijrosini samarali tashkil qilishga masʼul va shaxsan javobgar etib quyidagilar belgilansin:

(a) suv xoʻjaligi vaziri Sh. Xamrayev — qaror ijrosini samarali tashkil qilishga, loyihalarning oʻz vaqtida sifatli amalga oshirilishiga hamda natijadorligiga;

(b) iqtisodiyot va moliya vaziri oʻrinbosari S. Sadullayev — Dastur doirasida zarur mablagʻlar belgilangan muddatlarda ajratib borilishiga;

(v) Davlat dasturlari ijro etilishini nazorat qilish va muvofiqlashtirish boʻyicha respublika shtabi rahbari S. Samadov — mablagʻlarning maqsadli sarflanishi hamda qurilish-montaj ishlarining sifatli bajarilishi ustidan doimiy nazorat oʻrnatishga.

12. Mazkur qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbari oʻrinbosari T.N. Butunbayev zimmasiga yuklansin.

Oʻzbekiston Respublikasi Prezidentining 2026-yil 25-maydagi PQ-201-son qaroriga ILOVA

2027 — 2030-yillarda quriladigan sel-suv omborlarining

T/r Obyekt nomi Dastlabki hisobiy sigʻimi, mln m 3 Dastlabki hisobiy qiymati, mlrd soʻm Moliyalashtirish manbasi Buyurtmachi tashkilot Loyiha ishlari boʻyicha Qurilish ishlari boʻyicha Loyiha ishlari boʻyicha Qurilish ishlari boʻyicha JAMI 38,1 997 1. Jizzax viloyati Baxmal tumanida Tangatopdisoy sel-suv omborini qurish 2,4 202 “Agrobank” ATB mablagʻlari DXSH asosida xususiy sektor mablagʻlari “Agrobank” ATB Suv xoʻjaligi vazirligi 2. Samarqand viloyati Urgut tumanida Gʻijduvonsoy sel-suv omborini qurish 1,5 90 Respublika budjeti Respublika budjeti “Samarqandsuv-qurilishinvest” DM “Samarqandsuv-qurilishinvest” DM 3. Samarqa nd viloyati Urgut tumanida Choshtepasoy sel-suv omborini qurish 0,6 65 Respublika budjeti Respublika budjeti “Samarqandsuv-qurilishinvest” DM “Samarqandsuv-qurilishinvest” DM 4. Samarqand viloyati Qoʻshrabot tumanida Oqtepasoy sel-suv omborini qurish 26 365 Respubl ika budjeti Respublika budjeti “Samarqandsuv-qurilishinvest” DM “Samarqandsuv-qurilishinvest” DM 5. Toshkent viloyati Boʻstonliq tumanida Oqsoqotasoy sel-suv omborini qurish 7,6 275 “Agrobank” ATB mablagʻlari DXSH asosida xususiy sektor mablagʻlari “Agrobank” ATB Suv xoʻjaligi vazirligi

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 25-may,

PQ-201-son

(Qonunchilik maʼlumotlari milliy bazasi, 26.05.2026-y., 07/26/201/0537-son)

lex.uz

Президента Республики Узбекистан

Постановление

О мерах по обеспечению эффективного использования селепаводковых вод

В целях эффективного использования селепаводковых вод в весенне­летний сезон, а также освоения дополнительных земельных площадей и посредством этого создания новых рабочих мест, дальнейшего увеличения объема выращивания сельскохозяйственной продукции в регионах постановляю:

I. Цели

1. Определить основными целевыми показателями обеспечения эффективного использования селепаводковых вод:

(а) строительство 5 селеводохранилищ в регионах республики начиная с 2027 года;

(б) за счет строительства селеводохранилищ:

(i) улучшение водоснабжения 7 тысяч гектаров земельных площадей в Самаркандской области, 2 тысяч гектаров — в Ташкентской области, 300 гектаров — в Джизакской области;

(ii) освоение новых земель площадью 3,3 тысячи гектаров в Самаркандской области и 300 гектаров — в Ташкентской области.

II. Меры реализации проектов

2. Принять к сведению, что при сотрудничестве Министерства водного хозяйства, хокимиятов областей, АКБ «Агробанк», Научно­исследовательского института ирригации и водных проблем на основе научных рекомендаций и заключений по республике выявлены 60 территорий, на которых имеется возможность создания малых запасов воды.

3. Утвердить Адресную программу строительства селеводохранилищ в 2027 — 2030 годах (далее — Программа) согласно приложению * .

4. Установить, что селеводохранилища и их сооружения, карьеры и земельные участки, попавшие под строительные площадки, изымаются в порядке, установленном актами законодательства, для общественных нужд.

При этом имущественные убытки, причиненные физическим и юридическим лицам, компенсируются в порядке, установленном законодательством.

5. Хокимиятам Джизакской, Самаркандской и Ташкентской областей:

(а) совместно с Министерством сельского хозяйства в месячный срок внести в Правительственную комиссию по рассмотрению вопросов изменения категорий земельного фонда земель сельскохозяйственного назначения и земель лесного фонда предложения о выделении земельных участков, необходимых для проектов в рамках Программы;

(б) обеспечить компенсацию в установленном порядке имущественных убытков, причиненных физическим и юридическим лицам вследствие изъятия земельных участков для общественных нужд под проекты в рамках Программы.

6. Министерству экономики и финансов совместно с Министерством водного хозяйства:

(а) в недельный срок обеспечить выделение средств в размере 2,0 млрд сумов для проектирования строительства селеводохранилища Октепасой за счет средств, предусмотренных в текущем году на проектно-изыскательские работы, проводимые в последующие годы, на основании приложения № la к постановлению Президента Республики Узбекистан от 27 декабря 2025 года № ПП-393;

(б) учитывать средства, необходимые для строительных работ в рамках Программы, в программах развития социальной и производственной инфраструктуры на 2027 год и последующие годы на основании утвержденной проектной документации.

7. Министерству водного хозяйства в рамках Программы:

(а) организовать качественное выполнение проектно-изыскательских работ, обеспечить определение технических решений в проектировании на основе международного опыта и научного подхода;

(б) организовать строительные работы на основе современных требований с обеспечением безопасности населения, проживающего вблизи территорий строительства.

8. Министерству водного хозяйства совместно с Министерством экономики и финансов принять меры по осуществлению строительства селеводохранилища Тангатопдисой в Бахмальском районе Джизакской области и селеводохранилища Оксокотасой в Бостанлыкском районе Ташкентской области в соответствии с предпроектной документацией, разработанной по заказу АКБ «Агробанк», на основе условий государственно-частного партнерства.

При этом учитывая безвозмездную передачу построенных селеводохранилищ на баланс эксплуатирующих организаций в системе Министерства водного хозяйства, в соглашениях о государственно­частном партнерстве предусмотреть, что:

(а) селеводохранилища будут построены за счет частного партнера, а также частному партнеру будет предоставлено разрешение на:

(i) создание туристско-рекреационных зон в охранных зонах селеводохранилищ на основе утвержденного в установленном порядке мастер-плана.

При этом данные зоны передаются в эксплуатацию на 49 лет с условием последующего продления на неплатежной основе;

(ii) создание рыбоводческого хозяйства в водоемах селеводохранилищ и осуществление иной приносящей доход деятельности, не влияющей на безопасность сооружений;

(б) эксплуатация и управление водными ресурсами селеводохранилищ осуществляются Министерством водного хозяйства в качестве государственного партнера.

9. Определить, что в рамках Программы работы по обеспечению необходимой внешней инженерно-коммуникационной инфраструктурой туристско-рекреационных зон, которые будут построены по инициативе Министерства водного хозяйства в охранных зонах селеводохранилищ на основе государственно-частного партнерства, выполняются в установленном порядке за счет Государственного бюджета.

10. Министерству экономики и финансов совместно с Министерством водного хозяйства и Министерством сельского хозяйства в трехмесячный срок внести в Кабинет Министров предложение по экономической эффективности и срокам строительства малых запасов воды, выявленных в регионах республики на основе научных рекомендаций и заключений.

III. Организация, обеспечение и контроль исполнения постановления

11. Возложить персональную ответственность за эффективную организацию исполнения настоящего постановления на:

(а) министра водного хозяйства Ш. Хамраева — в части эффективной организации исполнения настоящего постановления, своевременной качественной реализации и результативности проектов;

(б) заместителя министра экономики и финансов С. Садуллаева — в части выделения необходимых средств в установленные сроки в рамках Программы;

(в) руководителя Республиканского штаба по контролю и координации реализации государственных программ С. Самадова — в части установления постоянного контроля за целевым расходованием средств и качественным выполнением строительно-монтажных работ.

12. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова, а также заместителя руководителя Администрации Президента Республики Узбекистан Т.Н. Бутунбаева.

Президент Республики Узбекистан Ш. МИРЗИЁЕВ

г. Ташкент,

25 мая 2026 г.,

№ ПП-201

(Национальная база данных законодательства, 26.05.2026 г., № 07/26/201/0537)

lex.uz