📅 2026-yil 26-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 26 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2026 г. · Указы Президента
Официальный текст. Официальный документ. Редакционные примечания не включены.
📅 26 May 2026 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
«ЙЎЛ ХАРИТАСИ»
Янги авлод илмий кадрларини тайёрлаш ва уларни аттестация қилиш тизимини такомиллаштириш тўғрисида
Мамлакатимиз ижтимоий-иқтисодий тараққиётининг устувор йўналишлари учун илғор ечимларни ярата оладиган янги авлод илмий кадрларни тайёрлаш тизимини йўлга қўйиш, илмий кенгашлар фаолиятида замонавий ёндашувларни татбиқ этиш, изланувчиларни тайёрлашда устуворлик механизмларини жорий этиш, шунингдек, «Ўзбекистон — 2030» стратегияси ижросини таъминлаш мақсадида қарор қиламан:
I. Асосий мақсад
1. Белгилансинки, ушбу Фармоннинг асосий мақсади олий таълимдан кейинги таълим тизимини такомиллаштириш, докторантлар тайёрлаш жараёнларини халқаро стандартларга мослаштириш, диссертация тадқиқотларининг сифати, илмий ва амалий аҳамиятини ошириш ҳисобланади.
II. Илмий кадрлар тайёрлашнинг устувор йўналишлари
2. «Ўзбекистон — 2030» стратегиясида назарда тутилган мамлакатимиз тараққиётининг асосий йўналишларидан келиб чиқиб, илмий кадрлар тайёрлашнинг устувор йўналишлари 1-иловага мувофиқ тасдиқлансин.
3. Шундай тартиб ўрнатилсинки, унга кўра:
(а) 2026 йил 1 сентябрдан бошлаб Давлат бюджети маблағлари ҳисобидан таянч докторантура ва докторантура (кейинги ўринларда — докторантура)да кадрлар тайёрлашда:
(i) докторантурага умумий қабул квотасининг камида 60 фоизи 1-иловага мувофиқ илмий кадрлар тайёрлашнинг устувор йўналишларига оид ихтисосликлар (кейинги ўринларда — устувор илмий ихтисосликлар)га ажратилади;
(ii) дифференциал стипендия тизими жорий этилиб, устувор илмий ихтисосликларга қабул қилинган докторантларга базавий стипендиянинг 1,7 баравари миқдорида оширилган стипендия тўланади;
(iii) устувор илмий ихтисосликларга қабул қилинган докторантларга тадқиқот ишида зарур бўладиган асбоб-ускуна ва бошқа товарларнинг хариди учун ҳар ой базавий стипендиянинг 30 фоизи миқдорида қўшимча маблағ докторант таҳсил олаётган олий таълим ёки илмий ташкилотга йўналтирилади;
(iv) таянч докторантура босқичининг биринчи ўқув йилида соҳавий махсус фанлар, илмий тадқиқот методологияси ва академик ёзиш, статистика ва маълумотлар таҳлили каби фанлар бўйича ўқув машғулотлари ташкил этилади;
(б) устувор илмий ихтисосликларга қабул кириш имтиҳони ўрнига илмий тадқиқот иши тақдимоти асосида амалга оширилади. Бунда тақдимотга қўйиладиган талаблар олий таълим ва илмий ташкилот томонидан мустақил белгиланади;
(в) илмий раҳбарга докторантнинг ихтисослигига мос фан тармоғида илмий тадқиқот тажрибасига эга бўлиш талаби жорий этилади;
(г) олий таълимдан кейинги таълимга қабул қилишда тегишли фан йўналишларида миллий сертификатга эга бўлган талабгорни мутахассислик фани бўйича имтиҳондан озод этиб, унга максимал балл бериш тартиби бекор қилинади;
(д) 2027 йил учун қабулдан бошлаб илмий раҳбарлик (маслаҳатчилик) учун ойлик тўлов ўрнига таянч докторантурага қабул қилинган стажёр-тадқиқотчи ва ўз вақтида ҳимоя қилган докторант учун бир марталик рағбатлантирувчи тўлов тўланади. Бунда:
(i) Хирш индекси бўйича кўрсаткичи 5 дан кам бўлган илмий раҳбарга меҳнатга ҳақ тўлашнинг энг кам миқдорининг 40 бараваригача миқдорида;
(ii) Хирш индекси бўйича кўрсаткичи 5 дан юқори бўлган илмий раҳбарга меҳнатга ҳақ тўлашнинг энг кам миқдорининг 80 бараваригача миқдорида тўланади;
(ж) мазкур банднинг «а» кичик бандида назарда тутилган тадбирларни амалга ошириш билан боғлиқ харажатлар докторантурага умумий қабул квотасини мақбуллаштириш ҳисобидан молиялаштирилади.
III. Илмий даражали кадрларни тайёрлашда лойиҳавий ёндашув
4. Фалсафа доктори (PhD) илмий даражасини амалий тадқиқот лойиҳаси доирасида олишни назарда тутувчи «Лойиҳа доирасида илмий даража» дастури (кейинги ўринларда — Дастур) йўлга қўйилсин.
5. Дастур доирасида илмий лойиҳаларни амалга оширишнинг шундай тартиби ўрнатилсинки, унга кўра:
(а) Инновацион ривожланиш агентлиги томонидан устувор илмий ихтисосликлар бўйича муддати уч йилдан кўп бўлмаган тадқиқот лойиҳалари учун ҳар йили бир марта танлов эълон қилинади;
(б) тадқиқот лойиҳасида иштирок этувчи докторант лойиҳа раҳбари томонидан танлов асосида қабул қилинади ҳамда лойиҳа раҳбари бир вақтнинг ўзида докторантнинг илмий раҳбари ҳисобланади;
(в) докторант тадқиқот лойиҳаси бажарилаётган ташкилотнинг изланувчиси ҳисобланади ва унга таянч докторантура учун белгиланган миқдорда стипендия тўланади;
(г) тадқиқот лойиҳаси даврида фалсафа доктори (PhD) илмий даражасини олиш учун диссертацияни ҳимоя қилган тадқиқотчи лойиҳасининг илмий ҳисоботи экспертизадан ўтказилмайди;
(д) Дастур илмий фаолиятга оид давлат дастурлари доирасида ажратилган маблағлар ва қонунчилик ҳужжатлари билан тақиқланмаган бошқа манбалар ҳисобидан молиялаштирилади;
(ж) Дастур доирасида тайёрланадиган докторантлар сони Давлат бюджети маблағлари ҳисобидан таянч докторантурага ҳар йили ажратиладиган қабул квотасини шакллантиришда ҳисобга олинмайди.
IV. Илмий кенгашлар фаолияти самарадорлигини ошириш
6. Илмий даражалар беришда 2027 йил 1 январдан бошлаб қуйидаги тартиблар бекор қилинсин:
(а) чет тили фанидан малакавий имтиҳон топшириш, мустақил изланувчилар бундан мустасно;
(б) Олий аттестация комиссияси томонидан диссертация мавзуларини рўйхатдан ўтказиш ва диссертация ҳимояси тўғрисида эълон бериш;
(в) диссертацияни етакчи ташкилотда муҳокамадан ўтказиш;
(г) ижтимоий-гуманитар фанлар соҳалари бўйича фан доктори (DSc) илмий даражаси учун тайёрланган диссертация натижалари юзасидан монография эълон қилиш;
(д) диссертация авторефератини чоп этиш;
(ж) диссертация илмий натижаси амалиётга жорий этилганлиги тўғрисида хулоса олиш;
(з) Олий аттестация комиссиясининг фан тармоқлари бўйича эксперт кенгаши томонидан диссертацияни илмий экспертизадан ўтказиш;
(и) ҳимоя қилинган диссертация бўйича илмий кенгаш қарорини Олий аттестация комиссияси томонидан тасдиқлаш;
(к) таълим ва илмий-тадқиқот фаолияти учун жалб қилинган чет эллик фуқаронинг хорижда олган илмий даражаси тўғрисидаги ҳужжатларини нострификация қилиш. Бунда илмий даража тўғрисидаги ҳужжат унинг Ўзбекистондаги фаолияти давомида тўғридан-тўғри тан олинади.
7. Белгилансинки, 2027 йил 1 январга қадар Олий аттестация комиссияси томонидан диссертация ҳимояси тўғрисида эълон берилган ва диссертация ҳимоясини ўтказган изланувчиларга илмий даражалар мазкур Фармон кучга киргунга қадар амалда бўлган тартибга мувофиқ берилади.
8. 2027 йил 1 январдан бошлаб илмий даража берувчи илмий кенгашлар (кейинги ўринларда — илмий кенгаш) фаолияти самарадорлигини баҳолаш бўйича рейтинг тизими жорий этилсин.
9. Белгилаб қўйилсинки:
(а) илмий кенгашлар томонидан маъқулланган диссертациялар танлов асосида мустақил, жумладан хорижий мутахассисларнинг экспертизасидан ўтказилиб, рейтинг натижаларида акс эттирилади;
(б) рейтинг Олий аттестация комиссияси томонидан ягона автоматлаштирилган электрон ахборот порталида рейтинг мезонлари ва баҳолаш натижаларини акс эттирган ҳолда интернет тармоғи орқали барчанинг танишиб чиқиши учун очиқ ҳолда юритилади;
(в) рейтинг натижаларига кўра самарадорлиги паст бўлган илмий кенгашларга нисбатан Олий аттестация комиссияси томонидан қуйидаги чоралар қўлланади:
(i) илмий кенгашнинг раиси ва котибини муайян муддатга илмий кенгашлар фаолиятидан четлаштириш;
(ii) илмий кенгаш фаолиятини тугатиш;
(iii) олий таълим ва илмий ташкилотда тегишли ихтисослик бўйича илмий кенгаш ташкил этишни муайян муддатга чеклаш;
(г) Олий аттестация комиссиясига илмий кенгашлар томонидан маъқулланган илмий ишларни танлов асосида текшириш ва асосларни кўрсатган ҳолда уларнинг қарорини бекор қилиш ваколати берилади.
10. Илмий кенгашлар диссертациялар экспертизасининг холис ва сифатли ўтказилиши, илмий ишларда кўчирмачиликни аниқлаш ҳамда қабул қилган қарорларининг асослилигига масъул этиб белгилансин.
V. Тадқиқот жараёнларига тадбиркорлик субъектларини жалб этиш
11. Тадқиқот жараёнларида тадбиркорлик субъектлари иштирокини кенгайтириш бўйича шундай тартиб ўрнатилсинки, унга кўра:
(а) олий таълим ва илмий ташкилотларда илмий даражали кадрларни саноат ҳамкорлари билан биргаликда тайёрлаш бўйича қуйидагиларни назарда тутувчи «Амалий докторантура (PhD)» дастури амалга оширилади, бунда:
(i) диссертация мавзуси саноат ҳамкорининг талабидан келиб чиқиб белгиланади ҳамда докторантга тадқиқот мавзусига мос бўлган илмий ва амалий раҳбарлар бириктирилади;
(ii) «Амалий докторантура (PhD)» дастурига изланувчи олий таълим ва илмий ташкилот томонидан унга ажратилган Давлат бюджети маблағлари ҳисобига молиялаштириладиган таянч докторантура қабул квотасини мустақил қайта йўналтириш орқали қабул қилинади;
(iii) докторантурага кириш имтиҳонларини ўтказиш тартиби саноат ҳамкори билан келишилган ҳолда олий таълим ва илмий ташкилот томонидан белгиланади;
(iv) тадқиқот лойиҳаси саноат ҳамкори билан ҳамкорликда молиялаштирилади. Бунда олий таълим ва илмий ташкилотнинг мажбуриятлари Давлат бюджетидан олий таълимдан кейинги таълим учун ажратилган маблағлар ҳисобидан молиялаштирилади;
(б) юқори барқарорлик рейтингига эга тадбиркорлик субъектларининг фойда солиғи базаси уларнинг илмий лойиҳаларни саноат ҳамкори сифатида молиялаштиришга сарфлаган маблағларини 150 фоиз миқдорда чегирган ҳолда аниқланади;
(в) илмий-тадқиқот ишлари натижасида яратилган товарлар (ишлар, хизматлар) реализациясидан олинган фойда ушбу реализация бошланган кундан бошлаб уч йил давомида фойда солиғидан озод этилади.
VI. Олий аттестация комиссияси фаолиятини такомиллаштириш
12. Олий аттестация комиссияси Олий таълим, фан ва инновациялар вазирлиги ҳузуридан Фанлар академияси тизимига ўтказилсин.
13. Белгилансинки:
(а) Олий аттестация комиссияси олий малакали илмий кадрларни аттестациядан ўтказиш соҳасида ягона давлат сиёсатини амалга оширувчи, илмий кенгашлар фаолиятини мувофиқлаштирувчи ва мазкур соҳада давлат хизматларини кўрсатувчи ваколатли орган ҳисобланади;
(б) Олий аттестация комиссияси илмий даража ва унвонларга қўйиладиган малака талабларининг халқаро стандартларга мувофиқлигини таъминлайди;
(в) Олий аттестация комиссияси Фанлар академиясига фақат ташкилий-бошқарув жиҳатидан бўйсунади, ўзига юкланган вазифаларни коллегиаллик асосида Фанлар академиясидан тўлиқ мустақил ҳолда амалга оширади;
(г) Олий аттестация комиссиясининг тузилмаси Фанлар академияси томонидан тасдиқланади;
(д) Олий аттестация комиссияси раиси Фанлар академияси президенти тавсиясига кўра Ўзбекистон Республикаси Президенти Администрацияси билан келишилган ҳолда Вазирлар Маҳкамаси томонидан лавозимга белгиланган тартибда тайинланади ва лавозимидан озод этилади, бунда:
(i) Олий аттестация комиссияси раиси 5 йил муддатга тайинланади;
(ii) айни бир шахс сурункасига икки муддатдан ортиқ раислик лавозимига тайинланиши мумкин эмас;
(ж) Олий аттестация комиссияси Раёсати таркиби Вазирлар Маҳкамаси томонидан тасдиқланади, бунда ҳар 2 йилда Раёсат аъзоларининг учдан бир қисми ва 6 йилда Раёсат таркиби тўлиқ янгиланади, Раёсатга раҳбарлик қилувчи Олий аттестация комиссияси раиси бундан мустасно;
(з) Олий аттестация комиссияси раиси мақоми, меҳнатга ҳақ тўлаш, тиббий ва транспорт хизмати кўрсатиш шарт-шароитларига кўра Фанлар академияси вице-президентига тенглаштирилади;
(и) Олий аттестация комиссияси ходимлари меҳнатига ҳақ тўлаш миқдорлари ва моддий рағбатлантириш шартлари бўйича Фанлар академияси бошқарув аппарати ходимларига тенглаштирилади.
14. Олий аттестация комиссияси Рақамли технологиялар вазирлиги билан биргаликда 2026 йил 1 августга қадар барча диссертация ҳимояси жараёнлари, жумладан, илмий иш ва авторефератни тақдим этиш, рецензент ва оппонентлар фикрларини юбориш, ҳимоя жараёнларини режалаштириш ва илмий ишни баҳолаш жараёнлари ягона онлайн тизим орқали амалга оширилишини таъминласин.
VII. Фармон ижросини ташкил этиш, таъминлаш ва назорат
15. Янги авлод илмий кадрларини тайёрлаш ва уларни аттестация қилиш тизимини такомиллаштириш бўйича «йўл харитаси» 2-иловага мувофиқ тасдиқлансин.
16. Иқтисодиёт ва молия вазирлиги 2027 йилдан бошлаб ҳар йили Давлат бюджетидан:
(а) Фанлар академиясига биринчи даражали бюджет маблағларини тақсимловчи сифатида илмий кенгашлар рейтингини юритиш, жумладан, илмий ишларни танлов асосида экспертизадан ўтказишда мутахассислар меҳнатига ҳақ тўлаш учун қўшимча равишда 5 миллиард сўм миқдоридаги маблағларни;
(б) илмий раҳбарларга бир марталик рағбатлантирувчи тўловларни молиялаштириш учун Инновацион ривожланиш агентлигига зарур маблағларни ажратиб борсин.
17. Олий таълим, фан ва инновациялар вазирлиги Фанлар академияси билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
18. Мазкур Фармон ижросини таъминлаш учун масъул ва шахсан жавобгар этиб Фанлар академияси президенти Ш.А. Аюпов ҳамда олий таълим, фан ва инновациялар вазири К.А. Шарипов белгилансин.
19. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 26 майдаги ПФ-98-сон Фармонига 1-ИЛОВА
Илмий кадрлар тайёрлашнинг устувор йўналишлари
Илмий кадрлар тайёрлашнинг устувор йўналишлари қуйидагилардан иборат:
(а) рақамли ва ахборот технологиялари, жумладан, сунъий интеллект, киберхавфсизлик, маълумотлар таҳлили ва рақамли ечимларни ишлаб чиқиш;
(б) атом ва қайта тикланувчи энергия манбалари, шу жумладан, водород технологиялари, энергия тежамкорлиги ва энергияни сақлаш тизимлари;
(в) агроинновациялар ва озиқ-овқат хавфсизлиги, уруғчилик, селекция, ген технологиялари;
(г) тиббиёт ва биотехнологиялар, жумладан, биомедицина, генетика, фармацевтика, телемедицина ва юқумли касалликларнинг олдини олиш;
(д) сув ресурсларидан оқилона фойдаланиш ва иқлимга барқарорликни таъминлаш, жумладан, чўлланишнинг олдини олиш ва иқлим ўзгаришига мослашиш;
(ж) янги материаллар ва илғор ишлаб чиқариш технологиялари, шу жумладан, нанотехнологиялар, аддитив ишлаб чиқариш, робототехника ва автоматлаштирилган тизимлар;
(з) сейсмик хавфсизликни таъминлаш.
Ўзбекистон Республикаси Президентининг 2026 йил 26 майдаги ПФ-98-сон Фармонига 2-ИЛОВА
Янги авлод илмий кадрларини тайёрлаш ва уларни аттестация қилиш тизимини такомиллаштириш бўйича
Т/р Чора-тадбирлар номи Амалга ошириш шакли Ижро муддати Молиялаштириш манбаи Масъул ижрочилар I. Илмий кадрлар тайёрлаш тизимини такомиллаштириш 1. Таянч докторантура ва докторантурага умумий қабул квотасининг камида 60 фоизини илмий кадрлар тайёрлашнинг устувор йўналишларига оид фан тармоғи ва ихтисосликларга ажратиш. Идоравий ҳужжат лойиҳаси Ҳар йили сентябрь Ўзбекистон Республикаси Давлат бюджети Олий таълим, фан ва инновациялар вазирлиги (Шарипов) 2. Изланувчиликка қабул қилишдан илмий даражага тасдиқлашгача бўлган барча жараёнларни қамраб олувчи олий таълимдан кейинги таълимни мувофиқлаштиришнинг ягона электрон тизимини ишга тушириш. Ташкилий чора-тадбирлар 2026 йил август Илм-фанни молиялаштириш ва инновацияларни қўллаб-қувватлаш жамғармаси Олий таълим, фан ва инновациялар вазирлиги (Шарипов), Фанлар академияси (Аюпов), Рақамли технологиялар вазирлиги (Шерматов) 3. Докторантларга стипендия тўлашнинг дифференциал тизимини жорий этиш. Бунда 2027 йилдан бошлаб устувор илмий ихтисосликларга қабул қилинган докторантлар базавий стипендияси миқдорини 1,7 бараварга ошириш. Ташкилий чора-тадбирлар 2027 йил январь Ўзбекистон Республикаси Давлат бюджети Иқтисодиёт ва молия вазирлиги (Қўчқоров), Олий таълим, фан ва инновациялар вазирлиги (Шарипов) 4. Докторантурада устувор илмий ихтисосликларга қабул қилинган докторантларга тадқиқот ишида зарур бўладиган асбоб-ускуна ва бошқа товарларнинг хариди учун ҳар ой базавий стипендия миқдорининг 30 фоизи миқдорида қўшимча маблағни докторант таҳсил олаётган олий таълим ёки илмий ташкилотга йўналтириш. Идоравий ҳужжат 2027 йил январь Ўзбекистон Республикаси Давлат бюджети Иқтисодиёт ва молия вазирлиги (Қўчқоров), Олий таълим, фан ва инновациялар вазирлиги (Шарипов), тасарруфида илмий ташкилот ва олий таълим муассасалари мавжуд вазирлик ва идоралар 5. Олий таълим ва илмий ташкилотларга таянч докторантурага қабул қилинган изланувчилар учун биринчи ўқув йилида соҳавий махсус фанлар, илмий тадқиқот методологияси ва академик ёзиш, статистика ва маълумотлар таҳлили фанлари бўйича ўқув машғулотлари ташкил этиш. Ташкилий чора-тадбирлар 2027 йил январдан бошлаб Ўзбекистон Республикаси Давлат бюджети Олий таълим, фан ва инновациялар вазирлиги (Шарипов), манфаатдор вазирлик ва идоралар 6. Илмий даражаларни олиш учун тайёрланадиган докторлик диссертацияси мавзулари электрон базасини такомиллаштириш. Ташкилий чора-тадбирлар 2026 йил июнь - Олий таълим, фан ва инновациялар вазирлиги (Шарипов), манфаатдор вазирлик ва идоралар 7. Илмий кадрлар тайёрлашнинг устувор йўналишларига оид ихтисосликларда таҳсил олаётган докторантларга тегишли вазирлик ва идораларнинг махсус стипендияларини жорий этиш. Идоравий ҳужжат лойиҳаси Доимий Вазирлик ва идораларнинг бюджетдан ташқари маблағлари Илмий кадрлар тайёрлашнинг устувор йўналишларига оид соҳалардаги вазирлик ва идоралар 8. Фалсафа доктори (PhD) илмий даражасини олиш учун докторлик диссертациясини тайёрлаш бўйича «Лойиҳа доирасида илмий даража» амалий тадқиқотлар дастурини жорий этишни назарда тутувчи норматив-ҳуқуқий ҳужжат лойиҳасини ишлаб чиқиш ва тасдиқлаш. Норматив-ҳуқуқий ҳужжат лойиҳаси 2027 йил январь - Олий таълим, фан ва инновациялар вазирлиги (Шарипов), манфаатдор вазирлик ва идоралар 9. «Амалий докторантура (PhD)» дастурини жорий этишни назарда тутувчи норматив-ҳуқуқий ҳужжат лойиҳасини ишлаб чиқиш ва тасдиқлаш. Норматив-ҳуқуқий ҳужжат лойиҳаси 2027 йил январь - Олий таълим, фан ва инновациялар вазирлиги (Шарипов), манфаатдор вазирлик ва идоралар 10. «Лойиҳа доирасида илмий даража» ва «Амалий докторантура (PhD)» дастурларининг интеграциялашган ахборот тизимини жорий қилиш. Ташкилий чора-тадбирлар 2027 йил январь Инновацион ривожланиш агентлигига Илм-фанни молиялаштириш ва инновацияларни қўллаб-қувватлаш жамғармасидан ўтказилган маблағлар Инновацион ривожланиш агентлиги, Рақамли технологиялар вазирлиги (Шерматов) 11. Тадқиқот жараёнларида тадбиркорлик субъектлари иштирокини кенгайтириш бўйича тақдим этилган имтиёзлар юзасидан амалдаги қонунчиликка тегишли ўзгартириш ва қўшимчалар киритиш. Норматив-ҳуқуқий ҳужжат лойиҳаси 2026 йил сентябрь - Солиқ қўмитаси (Пулатов), Олий таълим, фан ва инновациялар вазирлиги (Шарипов) 12. Олий таълим, фан ва инновациялар соҳасини трансформация қилиш, жумладан, илмий кластер лойиҳаларини ташкил этиш, давлат илмий дастурлари доирасида бажариладиган лойиҳаларни саралаш ва молиялаштириш тартибларини такомиллаштириш, олий таълимдан кейинги таълим тизимини ривожлантириш бўйича белгиланган мақсад ва вазифалардан келиб чиқиб, Илм-фанни 2030 йилгача ривожлантириш концепциясига тегишли ўзгартириш ва қўшимчалар киритиш тўғрисидаги таклифларни Вазирлар Маҳкамасига киритиш. Ташкилий чора-тадбирлар 2026 йил июль - Олий таълим, фан ва инновациялар вазирлиги (Шарипов), Фанлар академияси (Аюпов) 13. Таълим соҳасини ривожлантиришга қаратилган таҳлилий ва амалий тадқиқотлар ўтказиш, таълим жараёнида жаҳон илм-фани ва технологиялари ютуқларидан кенг фойдаланиш бўйича илмий ишланмалар ва тавсиялар тайёрлаш бўйича ишларни тизимли ташкил этиш мақсадида Таълимни ривожлантириш республика илмий-методик маркази (кейинги ўринларда — Марказ) фаолиятини молиявий қўллаб-қувватлаш чораларини кўриш. Бунда Марказ ходимларига Олий таълим, фан ва инновациялар вазирлиги марказий аппарати ходимлари учун Давлат бюджети маблағлари ҳисобидан назарда тутилган кўп йиллик хизмати учун рағбатлантириш коэффициентини ҳисобга олган ҳолда лавозим маошига белгиланган коэффициентларда устамалар тўлаш. Норматив-ҳуқуқий ҳужжат лойиҳаси 2026 йил июль - Таълимни ривожлантириш республика илмий-методик маркази (Курбанниязов), Иқтисодиёт ва молия вазирлиги (Норқулов) II. Олий аттестация комиссияси ва илмий кенгашлар фаолияти самарадорлигини ошириш 14. Илмий даража берувчи илмий кенгашлар (кейинги ўринларда — илмий кенгаш) фаолияти самарадорлигини баҳолаш бўйича рейтинг тизимини жорий этиш юзасидан Вазирлар Маҳкамаси қарор лойиҳасини ишлаб чиқиш ва тасдиқлаш. Норматив-ҳуқуқий ҳужжат лойиҳаси 2026 йил декабрь - Фанлар академияси (Аюпов), Таълим сифатини таъминлаш миллий агентлиги (Юлдашев) 15. Олий аттестация комиссияси Раёсатининг янги таркибини тасдиқлаш. Бунда дастлабки 2, 4 ва 6 йилда янгиланадиган аъзоларини аниқ кўрсатиш. Норматив-ҳуқуқий ҳужжат лойиҳаси 2026 йил июнь - Фанлар академияси (Аюпов) 16. Илмий даража берувчи илмий кенгашлар фаолияти самарадорлигини баҳолаш бўйича махсус электрон платформани ишлаб чиқиш. Ташкилий чора-тадбирлар 2026 йил декабрь Фанлар академиясига ажратиладиган Давлат бюджети маблағлари Фанлар академияси (Аюпов) 17. Фанлар академиясига илмий кенгашлар рейтингини юритиш ва илмий ишларни танлов асосида экспертизадан ўтказишда мутахассислар меҳнатига ҳақ тўлаш учун қўшимча равишда 5 миллиард сўм ажратиш ҳамда ажратилган маблағларни Олий аттестация комиссиясига мунтазам йўналтириб бориш. Ташкилий чора-тадбирлар 2027 йилдан бошлаб ҳар йили Давлат бюджети маблағлари (2026 йилда Фанлар академияси жамғармаси ҳисобидан) Иқтисодиёт ва молия вазирлиги (Қўчқоров), Фанлар академияси (Аюпов) 18. Илмий раҳбарларга бир марталик рағбатлантирувчи тўловларни тўлаш тартибини ишлаб чиқиш. Идоравий ҳужжат лойиҳаси 2026 йил сентябрь - Иқтисодиёт ва молия вазирлиги (Қўчқоров), Фанлар академияси (Аюпов) 19. Инновацион ривожланиш агентлигига илмий раҳбарларга бир марталик рағбатлантирувчи тўловларни молиялаштириш учун зарур маблағларни ажратиш. Ташкилий чора-тадбирлар 2027 йилдан бошлаб ҳар йили Давлат бюджети маблағлари Иқтисодиёт ва молия вазирлиги (Қўчқоров), Инновацион ривожланиш агентлиги 20. Илмий даражалар бериш, шунингдек, илмий даражалар берувчи илмий кенгаш тузишнинг янги тартибини ишлаб чиқиш ва тасдиқлаш. Идоравий ҳужжат лойиҳаси 2026 йил ноябрь - Фанлар академияси (Аюпов), Олий таълим, фан ва инновациялар вазирлиги (Шарипов) 21. Олий таълим ва илмий ташкилотлар ва Олий аттестация комиссияси ўртасида инсон омилисиз рақамли ҳужжат айланмасини ташкил этиш. Бунда: илмий даража ва унвонлар бериш, шунингдек, илмий даражалар берувчи илмий кенгаш тузиш жараёнларини Ягона интерактив давлат хизматлари портали базасида ташкил этиш ва узлуксиз ишлашини таъминлаш; илмий даража ва унвонлар дипломини давлат хизматлари марказлари ёки Ягона интерактив давлат хизматлари портали орқали олиш имкониятини яратиш назарда тутилади. Комплекс чора-тадбирлар 2026 йил декабрь Фанлар академиясига Давлат бюджетидан ажратилган маблағлар Фанлар академияси (Аюпов), Адлия вазирлиги (Ташкулов), Рақамли технологиялар вазирлиги (Шерматов) 22. Илмий кенгашлар томонидан маъқулланган илмий ишларни танлов асосида текшириш ва асосларни кўрсатган ҳолда уларнинг қарорини бекор қилиш тартибини ишлаб чиқиш. Идоравий ҳужжат лойиҳаси 2026 йил ноябрь - Фанлар академияси (Аюпов), Олий таълим, фан ва инновациялар вазирлиги (Шарипов) 23. Илмий даража ва унвонларга қўйиладиган талабларни халқаро стандартларга мувофиқлаштириш. Идоравий ҳужжат лойиҳаси 2026 йил ноябрь - Фанлар академияси (Аюпов), Олий таълим, фан ва инновациялар вазирлиги (Шарипов) 24. Диссертация ва авторефератлар мазмуни ҳамда уларни расмийлаштириш талабларини халқаро стандартлар асосида қайта кўриб чиқиш. Идоравий ҳужжат лойиҳаси 2026 йил октябрь - Фанлар академияси (Аюпов), Олий таълим, фан ва инновациялар вазирлиги (Шарипов) 25. Республикада илмий даража ва унвонга эга бўлган шахслар реестрини яратиш. Ташкилий чора-тадбирлар 2027 йил март Фанлар академиясига Давлат бюджетидан ажратилган маблағлар Фанлар академияси (Аюпов), Олий таълим, фан ва инновациялар вазирлиги (Шарипов), Рақамли технологиялар вазирлиги (Шерматов), Камбағалликни қисқартириш ва бандлик вазирлиги (Захидов) 26. Диссертацияни илмий кенгашга тақдим этиш, илмий иш ва авторефератни юбориш, рецензент ва оппонентлар фикрларини юбориш ва баҳо бериш, диссертация ҳимоясини ташкил этиш жараёнлари ягона онлайн тизим орқали амалга оширилишини таъминлаш. Комплекс чора-тадбирлар 2026 йил декабрь Фанлар академиясига Давлат бюджетидан ажратилган маблағлар Фанлар академияси (Аюпов), Рақамли технологиялар вазирлиги (Шерматов)
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 26 май,
ПФ-98-сон
OʻZBEKISTON RESPUBLIKASI PREZIDENTINING
FARMONI
“YOʻL XARITASI”
Yangi avlod ilmiy kadrlarini tayyorlash va ularni attestatsiya qilish tizimini takomillashtirish toʻgʻrisida
Mamlakatimiz ijtimoiy-iqtisodiy taraqqiyotining ustuvor yoʻnalishlari uchun ilgʻor yechimlarni yarata oladigan yangi avlod ilmiy kadrlarni tayyorlash tizimini yoʻlga qoʻyish, ilmiy kengashlar faoliyatida zamonaviy yondashuvlarni tatbiq etish, izlanuvchilarni tayyorlashda ustuvorlik mexanizmlarini joriy etish, shuningdek, “Oʻzbekiston — 2030” strategiyasi ijrosini taʼminlash maqsadida qaror qilaman:
I. Asosiy maqsad
1. Belgilansinki, ushbu Farmonning asosiy maqsadi oliy taʼlimdan keyingi taʼlim tizimini takomillashtirish, doktorantlar tayyorlash jarayonlarini xalqaro standartlarga moslashtirish, dissertatsiya tadqiqotlarining sifati, ilmiy va amaliy ahamiyatini oshirish hisoblanadi.
II. Ilmiy kadrlar tayyorlashning ustuvor yoʻnalishlari
2. “Oʻzbekiston — 2030” strategiyasida nazarda tutilgan mamlakatimiz taraqqiyotining asosiy yoʻnalishlaridan kelib chiqib, ilmiy kadrlar tayyorlashning ustuvor yoʻnalishlari 1-ilovaga muvofiq tasdiqlansin.
3. Shunday tartib oʻrnatilsinki, unga koʻra:
(a) 2026-yil 1-sentabrdan boshlab Davlat budjeti mablagʻlari hisobidan tayanch doktorantura va doktorantura (keyingi oʻrinlarda — doktorantura)da kadrlar tayyorlashda:
(i) doktoranturaga umumiy qabul kvotasining kamida 60 foizi 1-ilovaga muvofiq ilmiy kadrlar tayyorlashning ustuvor yoʻnalishlariga oid ixtisosliklar (keyingi oʻrinlarda — ustuvor ilmiy ixtisosliklar)ga ajratiladi;
(ii) differensial stipendiya tizimi joriy etilib, ustuvor ilmiy ixtisosliklarga qabul qilingan doktorantlarga bazaviy stipendiyaning 1,7 baravari miqdorida oshirilgan stipendiya toʻlanadi;
(iii) ustuvor ilmiy ixtisosliklarga qabul qilingan doktorantlarga tadqiqot ishida zarur boʻladigan asbob-uskuna va boshqa tovarlarning xaridi uchun har oy bazaviy stipendiyaning 30 foizi miqdorida qoʻshimcha mablagʻ doktorant tahsil olayotgan oliy taʼlim yoki ilmiy tashkilotga yoʻnaltiriladi;
(iv) tayanch doktorantura bosqichining birinchi oʻquv yilida sohaviy maxsus fanlar, ilmiy tadqiqot metodologiyasi va akademik yozish, statistika va maʼlumotlar tahlili kabi fanlar boʻyicha oʻquv mashgʻulotlari tashkil etiladi;
(b) ustuvor ilmiy ixtisosliklarga qabul kirish imtihoni oʻrniga ilmiy tadqiqot ishi taqdimoti asosida amalga oshiriladi. Bunda taqdimotga qoʻyiladigan talablar oliy taʼlim va ilmiy tashkilot tomonidan mustaqil belgilanadi;
(v) ilmiy rahbarga doktorantning ixtisosligiga mos fan tarmogʻida ilmiy tadqiqot tajribasiga ega boʻlish talabi joriy etiladi;
(g) oliy taʼlimdan keyingi taʼlimga qabul qilishda tegishli fan yoʻnalishlarida milliy sertifikatga ega boʻlgan talabgorni mutaxassislik fani boʻyicha imtihondan ozod etib, unga maksimal ball berish tartibi bekor qilinadi;
(d) 2027-yil uchun qabuldan boshlab ilmiy rahbarlik (maslahatchilik) uchun oylik toʻlov oʻrniga tayanch doktoranturaga qabul qilingan stajyor-tadqiqotchi va oʻz vaqtida himoya qilgan doktorant uchun bir martalik ragʻbatlantiruvchi toʻlov toʻlanadi. Bunda:
(i) Xirsh indeksi boʻyicha koʻrsatkichi 5 dan kam boʻlgan ilmiy rahbarga mehnatga haq toʻlashning eng kam miqdorining 40 baravarigacha miqdorida;
(ii) Xirsh indeksi boʻyicha koʻrsatkichi 5 dan yuqori boʻlgan ilmiy rahbarga mehnatga haq toʻlashning eng kam miqdorining 80 baravarigacha miqdorida toʻlanadi;
(j) mazkur bandning “a” kichik bandida nazarda tutilgan tadbirlarni amalga oshirish bilan bogʻliq xarajatlar doktoranturaga umumiy qabul kvotasini maqbullashtirish hisobidan moliyalashtiriladi.
III. Ilmiy darajali kadrlarni tayyorlashda loyihaviy yondashuv
4. Falsafa doktori (PhD) ilmiy darajasini amaliy tadqiqot loyihasi doirasida olishni nazarda tutuvchi “Loyiha doirasida ilmiy daraja” dasturi (keyingi oʻrinlarda — Dastur) yoʻlga qoʻyilsin.
5. Dastur doirasida ilmiy loyihalarni amalga oshirishning shunday tartibi oʻrnatilsinki, unga koʻra:
(a) Innovatsion rivojlanish agentligi tomonidan ustuvor ilmiy ixtisosliklar boʻyicha muddati uch yildan koʻp boʻlmagan tadqiqot loyihalari uchun har yili bir marta tanlov eʼlon qilinadi;
(b) tadqiqot loyihasida ishtirok etuvchi doktorant loyiha rahbari tomonidan tanlov asosida qabul qilinadi hamda loyiha rahbari bir vaqtning oʻzida doktorantning ilmiy rahbari hisoblanadi;
(v) doktorant tadqiqot loyihasi bajarilayotgan tashkilotning izlanuvchisi hisoblanadi va unga tayanch doktorantura uchun belgilangan miqdorda stipendiya toʻlanadi;
(g) tadqiqot loyihasi davrida falsafa doktori (PhD) ilmiy darajasini olish uchun dissertatsiyani himoya qilgan tadqiqotchi loyihasining ilmiy hisoboti ekspertizadan oʻtkazilmaydi;
(d) Dastur ilmiy faoliyatga oid davlat dasturlari doirasida ajratilgan mablagʻlar va qonunchilik hujjatlari bilan taqiqlanmagan boshqa manbalar hisobidan moliyalashtiriladi;
(j) Dastur doirasida tayyorlanadigan doktorantlar soni Davlat budjeti mablagʻlari hisobidan tayanch doktoranturaga har yili ajratiladigan qabul kvotasini shakllantirishda hisobga olinmaydi.
IV. Ilmiy kengashlar faoliyati samaradorligini oshirish
6. Ilmiy darajalar berishda 2027-yil 1-yanvardan boshlab quyidagi tartiblar bekor qilinsin:
(a) chet tili fanidan malakaviy imtihon topshirish, mustaqil izlanuvchilar bundan mustasno;
(b) Oliy attestatsiya komissiyasi tomonidan dissertatsiya mavzularini roʻyxatdan oʻtkazish va dissertatsiya himoyasi toʻgʻrisida eʼlon berish;
(v) dissertatsiyani yetakchi tashkilotda muhokamadan oʻtkazish;
(g) ijtimoiy-gumanitar fanlar sohalari boʻyicha fan doktori (DSc) ilmiy darajasi uchun tayyorlangan dissertatsiya natijalari yuzasidan monografiya eʼlon qilish;
(d) dissertatsiya avtoreferatini chop etish;
(j) dissertatsiya ilmiy natijasi amaliyotga joriy etilganligi toʻgʻrisida xulosa olish;
(z) Oliy attestatsiya komissiyasining fan tarmoqlari boʻyicha ekspert kengashi tomonidan dissertatsiyani ilmiy ekspertizadan oʻtkazish;
(i) himoya qilingan dissertatsiya boʻyicha ilmiy kengash qarorini Oliy attestatsiya komissiyasi tomonidan tasdiqlash;
(k) taʼlim va ilmiy-tadqiqot faoliyati uchun jalb qilingan chet ellik fuqaroning xorijda olgan ilmiy darajasi toʻgʻrisidagi hujjatlarini nostrifikatsiya qilish. Bunda ilmiy daraja toʻgʻrisidagi hujjat uning Oʻzbekistondagi faoliyati davomida toʻgʻridan-toʻgʻri tan olinadi.
7. Belgilansinki, 2027-yil 1-yanvarga qadar Oliy attestatsiya komissiyasi tomonidan dissertatsiya himoyasi toʻgʻrisida eʼlon berilgan va dissertatsiya himoyasini oʻtkazgan izlanuvchilarga ilmiy darajalar mazkur Farmon kuchga kirgunga qadar amalda boʻlgan tartibga muvofiq beriladi.
8. 2027-yil 1-yanvardan boshlab ilmiy daraja beruvchi ilmiy kengashlar (keyingi oʻrinlarda — ilmiy kengash) faoliyati samaradorligini baholash boʻyicha reyting tizimi joriy etilsin.
9. Belgilab qoʻyilsinki:
(a) ilmiy kengashlar tomonidan maʼqullangan dissertatsiyalar tanlov asosida mustaqil, jumladan xorijiy mutaxassislarning ekspertizasidan oʻtkazilib, reyting natijalarida aks ettiriladi;
(b) reyting Oliy attestatsiya komissiyasi tomonidan yagona avtomatlashtirilgan elektron axborot portalida reyting mezonlari va baholash natijalarini aks ettirgan holda internet tarmogʻi orqali barchaning tanishib chiqishi uchun ochiq holda yuritiladi;
(v) reyting natijalariga koʻra samaradorligi past boʻlgan ilmiy kengashlarga nisbatan Oliy attestatsiya komissiyasi tomonidan quyidagi choralar qoʻllanadi:
(i) ilmiy kengashning raisi va kotibini muayyan muddatga ilmiy kengashlar faoliyatidan chetlashtirish;
(ii) ilmiy kengash faoliyatini tugatish;
(iii) oliy taʼlim va ilmiy tashkilotda tegishli ixtisoslik boʻyicha ilmiy kengash tashkil etishni muayyan muddatga cheklash;
(g) Oliy attestatsiya komissiyasiga ilmiy kengashlar tomonidan maʼqullangan ilmiy ishlarni tanlov asosida tekshirish va asoslarni koʻrsatgan holda ularning qarorini bekor qilish vakolati beriladi.
10. Ilmiy kengashlar dissertatsiyalar ekspertizasining xolis va sifatli oʻtkazilishi, ilmiy ishlarda koʻchirmachilikni aniqlash hamda qabul qilgan qarorlarining asosliligiga masʼul etib belgilansin.
V. Tadqiqot jarayonlariga tadbirkorlik subyektlarini jalb etish
11. Tadqiqot jarayonlarida tadbirkorlik subyektlari ishtirokini kengaytirish boʻyicha shunday tartib oʻrnatilsinki, unga koʻra:
(a) oliy taʼlim va ilmiy tashkilotlarda ilmiy darajali kadrlarni sanoat hamkorlari bilan birgalikda tayyorlash boʻyicha quyidagilarni nazarda tutuvchi “Amaliy doktorantura (PhD)” dasturi amalga oshiriladi, bunda:
(i) dissertatsiya mavzusi sanoat hamkorining talabidan kelib chiqib belgilanadi hamda doktorantga tadqiqot mavzusiga mos boʻlgan ilmiy va amaliy rahbarlar biriktiriladi;
(ii) “Amaliy doktorantura (PhD)” dasturiga izlanuvchi oliy taʼlim va ilmiy tashkilot tomonidan unga ajratilgan Davlat budjeti mablagʻlari hisobiga moliyalashtiriladigan tayanch doktorantura qabul kvotasini mustaqil qayta yoʻnaltirish orqali qabul qilinadi;
(iii) doktoranturaga kirish imtihonlarini oʻtkazish tartibi sanoat hamkori bilan kelishilgan holda oliy taʼlim va ilmiy tashkilot tomonidan belgilanadi;
(iv) tadqiqot loyihasi sanoat hamkori bilan hamkorlikda moliyalashtiriladi. Bunda oliy taʼlim va ilmiy tashkilotning majburiyatlari Davlat budjetidan oliy taʼlimdan keyingi taʼlim uchun ajratilgan mablagʻlar hisobidan moliyalashtiriladi;
(b) yuqori barqarorlik reytingiga ega tadbirkorlik subyektlarining foyda soligʻi bazasi ularning ilmiy loyihalarni sanoat hamkori sifatida moliyalashtirishga sarflagan mablagʻlarini 150 foiz miqdorda chegirgan holda aniqlanadi;
(v) ilmiy-tadqiqot ishlari natijasida yaratilgan tovarlar (ishlar, xizmatlar) realizatsiyasidan olingan foyda ushbu realizatsiya boshlangan kundan boshlab uch yil davomida foyda soligʻidan ozod etiladi.
VI. Oliy attestatsiya komissiyasi faoliyatini takomillashtirish
12. Oliy attestatsiya komissiyasi Oliy taʼlim, fan va innovatsiyalar vazirligi huzuridan Fanlar akademiyasi tizimiga oʻtkazilsin.
13. Belgilansinki:
(a) Oliy attestatsiya komissiyasi oliy malakali ilmiy kadrlarni attestatsiyadan oʻtkazish sohasida yagona davlat siyosatini amalga oshiruvchi, ilmiy kengashlar faoliyatini muvofiqlashtiruvchi va mazkur sohada davlat xizmatlarini koʻrsatuvchi vakolatli organ hisoblanadi;
(b) Oliy attestatsiya komissiyasi ilmiy daraja va unvonlarga qoʻyiladigan malaka talablarining xalqaro standartlarga muvofiqligini taʼminlaydi;
(v) Oliy attestatsiya komissiyasi Fanlar akademiyasiga faqat tashkiliy-boshqaruv jihatidan boʻysunadi, oʻziga yuklangan vazifalarni kollegiallik asosida Fanlar akademiyasidan toʻliq mustaqil holda amalga oshiradi;
(g) Oliy attestatsiya komissiyasining tuzilmasi Fanlar akademiyasi tomonidan tasdiqlanadi;
(d) Oliy attestatsiya komissiyasi raisi Fanlar akademiyasi prezidenti tavsiyasiga koʻra Oʻzbekiston Respublikasi Prezidenti Administratsiyasi bilan kelishilgan holda Vazirlar Mahkamasi tomonidan lavozimga belgilangan tartibda tayinlanadi va lavozimidan ozod etiladi, bunda:
(i) Oliy attestatsiya komissiyasi raisi 5 yil muddatga tayinlanadi;
(ii) ayni bir shaxs surunkasiga ikki muddatdan ortiq raislik lavozimiga tayinlanishi mumkin emas;
(j) Oliy attestatsiya komissiyasi Rayosati tarkibi Vazirlar Mahkamasi tomonidan tasdiqlanadi, bunda har 2 yilda Rayosat aʼzolarining uchdan bir qismi va 6 yilda Rayosat tarkibi toʻliq yangilanadi, Rayosatga rahbarlik qiluvchi Oliy attestatsiya komissiyasi raisi bundan mustasno;
(z) Oliy attestatsiya komissiyasi raisi maqomi, mehnatga haq toʻlash, tibbiy va transport xizmati koʻrsatish shart-sharoitlariga koʻra Fanlar akademiyasi vitse-prezidentiga tenglashtiriladi;
(i) Oliy attestatsiya komissiyasi xodimlari mehnatiga haq toʻlash miqdorlari va moddiy ragʻbatlantirish shartlari boʻyicha Fanlar akademiyasi boshqaruv apparati xodimlariga tenglashtiriladi.
14. Oliy attestatsiya komissiyasi Raqamli texnologiyalar vazirligi bilan birgalikda 2026-yil 1-avgustga qadar barcha dissertatsiya himoyasi jarayonlari, jumladan, ilmiy ish va avtoreferatni taqdim etish, retsenzent va opponentlar fikrlarini yuborish, himoya jarayonlarini rejalashtirish va ilmiy ishni baholash jarayonlari yagona onlayn tizim orqali amalga oshirilishini taʼminlasin.
VII. Farmon ijrosini tashkil etish, taʼminlash va nazorat
15. Yangi avlod ilmiy kadrlarini tayyorlash va ularni attestatsiya qilish tizimini takomillashtirish boʻyicha “yoʻl xaritasi” 2-ilovaga muvofiq tasdiqlansin.
16. Iqtisodiyot va moliya vazirligi 2027-yildan boshlab har yili Davlat budjetidan:
(a) Fanlar akademiyasiga birinchi darajali budjet mablagʻlarini taqsimlovchi sifatida ilmiy kengashlar reytingini yuritish, jumladan, ilmiy ishlarni tanlov asosida ekspertizadan oʻtkazishda mutaxassislar mehnatiga haq toʻlash uchun qoʻshimcha ravishda 5 milliard soʻm miqdoridagi mablagʻlarni;
(b) ilmiy rahbarlarga bir martalik ragʻbatlantiruvchi toʻlovlarni moliyalashtirish uchun Innovatsion rivojlanish agentligiga zarur mablagʻlarni ajratib borsin.
17. Oliy taʼlim, fan va innovatsiyalar vazirligi Fanlar akademiyasi bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
18. Mazkur Farmon ijrosini taʼminlash uchun masʼul va shaxsan javobgar etib Fanlar akademiyasi prezidenti Sh.A. Ayupov hamda oliy taʼlim, fan va innovatsiyalar vaziri K.A. Sharipov belgilansin.
19. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 26-maydagi PF-98-son Farmoniga 1-ILOVA
Ilmiy kadrlar tayyorlashning ustuvor yoʻnalishlari
Ilmiy kadrlar tayyorlashning ustuvor yoʻnalishlari quyidagilardan iborat:
(a) raqamli va axborot texnologiyalari, jumladan, sunʼiy intellekt, kiberxavfsizlik, maʼlumotlar tahlili va raqamli yechimlarni ishlab chiqish;
(b) atom va qayta tiklanuvchi energiya manbalari, shu jumladan, vodorod texnologiyalari, energiya tejamkorligi va energiyani saqlash tizimlari;
(v) agroinnovatsiyalar va oziq-ovqat xavfsizligi, urugʻchilik, seleksiya, gen texnologiyalari;
(g) tibbiyot va biotexnologiyalar, jumladan, biomeditsina, genetika, farmatsevtika, telemeditsina va yuqumli kasalliklarning oldini olish;
(d) suv resurslaridan oqilona foydalanish va iqlimga barqarorlikni taʼminlash, jumladan, choʻllanishning oldini olish va iqlim oʻzgarishiga moslashish;
(j) yangi materiallar va ilgʻor ishlab chiqarish texnologiyalari, shu jumladan, nanotexnologiyalar, additiv ishlab chiqarish, robototexnika va avtomatlashtirilgan tizimlar;
(z) seysmik xavfsizlikni taʼminlash.
Oʻzbekiston Respublikasi Prezidentining 2026-yil 26-maydagi PF-98-son Farmoniga 2-ILOVA
Yangi avlod ilmiy kadrlarini tayyorlash va ularni attestatsiya qilish tizimini takomillashtirish boʻyicha
T/r Chora-tadbirlar nomi Amalga oshirish shakli Ijro muddati Moliyalashtirish manbai Masʼul ijrochilar I. Ilmiy kadrlar tayyorlash tizimini takomillashtirish 1. Tayanch doktorantura va doktoranturaga umumiy qabul kvotasining kamida 60 foizini ilmiy kadrlar tayyorlashning ustuvor yoʻnalishlariga oid fan tarmogʻi va ixtisosliklarga ajratish. Idoraviy hujjat loyihasi Har yili sentabr Oʻzbekiston Respublikasi Davlat budjeti Oliy taʼlim, fan va innovatsiyalar vazirligi (Sharipov) 2. Izlanuvchilikka qabul qilishdan ilmiy darajaga tasdiqlashgacha boʻlgan barcha jarayonlarni qamrab oluvchi oliy taʼlimdan keyingi taʼlimni muvofiqlashtirishning yagona elektron tizimini ishga tushirish. Tashkiliy chora-tadbirlar 2026-yil avgust Ilm-fanni moliyalashtirish va innovatsiyalarni qoʻllab-quvvatlash jamgʻarmasi Oliy taʼlim, fan va innovatsiyalar vazirligi (Sharipov), Fanlar akademiyasi (Ayupov), Raqamli texnologiyalar vazirligi (Shermatov) 3. Doktorantlarga stipendiya toʻlashning differensial tizimini joriy etish. Bunda 2027-yildan boshlab ustuvor ilmiy ixtisosliklarga qabul qilingan doktorantlar bazaviy stipendiyasi miqdorini 1,7 baravarga oshirish. Tashkiliy chora-tadbirlar 2027-yil yanvar Oʻzbekiston Respublikasi Davlat budjeti Iqtisodiyot va moliya vazirligi (Qoʻchqorov), Oliy taʼlim, fan va innovatsiyalar vazirligi (Sharipov) 4. Doktoranturada ustuvor ilmiy ixtisosliklarga qabul qilingan doktorantlarga tadqiqot ishida zarur boʻladigan asbob-uskuna va boshqa tovarlarning xaridi uchun har oy bazaviy stipendiya miqdorining 30 foizi miqdorida qoʻshimcha mablagʻni doktorant tahsil olayotgan oliy taʼlim yoki ilmiy tashkilotga yoʻnaltirish. Idoraviy hujjat 2027-yil yanvar Oʻzbekiston Respublikasi Davlat budjeti Iqtisodiyot va moliya vazirligi (Qoʻchqorov), Oliy taʼlim, fan va innovatsiyalar vazirligi (Sharipov), tasarrufida ilmiy tashkilot va oliy taʼlim muassasalari mavjud vazirlik va idoralar 5. Oliy taʼlim va ilmiy tashkilotlarga tayanch doktoranturaga qabul qilingan izlanuvchilar uchun birinchi oʻquv yilida sohaviy maxsus fanlar, ilmiy tadqiqot metodologiyasi va akademik yozish, statistika va maʼlumotlar tahlili fanlari boʻyicha oʻquv mashgʻulotlari tashkil etish. Tashkiliy chora-tadbirlar 2027-yil yanvardan boshlab Oʻzbekiston Respublikasi Davlat budjeti Oliy taʼlim, fan va innovatsiyalar vazirligi (Sharipov), manfaatdor vazirlik va idoralar 6. Ilmiy darajalarni olish uchun tayyorlanadigan doktorlik dissertatsiyasi mavzulari elektron bazasini takomillashtirish. Tashkiliy chora-tadbirlar 2026-yil iyun - Oliy taʼlim, fan va innovatsiyalar vazirligi (Sharipov), manfaatdor vazirlik va idoralar 7. Ilmiy kadrlar tayyorlashning ustuvor yoʻnalishlariga oid ixtisosliklarda tahsil olayotgan doktorantlarga tegishli vazirlik va idoralarning maxsus stipendiyalarini joriy etish. Idoraviy hujjat loyihasi Doimiy Vazirlik va idoralarning budjetdan tashqari mablagʻlari Ilmiy kadrlar tayyorlashning ustuvor yoʻnalishlariga oid sohalardagi vazirlik va idoralar 8. Falsafa doktori (PhD) ilmiy darajasini olish uchun doktorlik dissertatsiyasini tayyorlash boʻyicha “Loyiha doirasida ilmiy daraja” amaliy tadqiqotlar dasturini joriy etishni nazarda tutuvchi normativ-huquqiy hujjat loyihasini ishlab chiqish va tasdiqlash. Normativ-huquqiy hujjat loyihasi 2027-yil yanvar - Oliy taʼlim, fan va innovatsiyalar vazirligi (Sharipov), manfaatdor vazirlik va idoralar 9. “Amaliy doktorantura (PhD)” dasturini joriy etishni nazarda tutuvchi normativ-huquqiy hujjat loyihasini ishlab chiqish va tasdiqlash. Normativ-huquqiy hujjat loyihasi 2027-yil yanvar - Oliy taʼlim, fan va innovatsiyalar vazirligi (Sharipov), manfaatdor vazirlik va idoralar 10. “Loyiha doirasida ilmiy daraja” va “Amaliy doktorantura (PhD)” dasturlarining integratsiyalashgan axborot tizimini joriy qilish. Tashkiliy chora-tadbirlar 2027-yil yanvar Innovatsion rivojlanish agentligiga Ilm-fanni moliyalashtirish va innovatsiyalarni qoʻllab-quvvatlash jamgʻarmasidan oʻtkazilgan mablagʻlar Innovatsion rivojlanish agentligi, Raqamli texnologiyalar vazirligi (Shermatov) 11. Tadqiqot jarayonlarida tadbirkorlik subyektlari ishtirokini kengaytirish boʻyicha taqdim etilgan imtiyozlar yuzasidan amaldagi qonunchilikka tegishli oʻzgartirish va qoʻshimchalar kiritish. Normativ-huquqiy hujjat loyihasi 2026-yil sentabr - Soliq qoʻmitasi (Pulatov), Oliy taʼlim, fan va innovatsiyalar vazirligi (Sharipov) 12. Oliy taʼlim, fan va innovatsiyalar sohasini transformatsiya qilish, jumladan, ilmiy klaster loyihalarini tashkil etish, davlat ilmiy dasturlari doirasida bajariladigan loyihalarni saralash va moliyalashtirish tartiblarini takomillashtirish, oliy taʼlimdan keyingi taʼlim tizimini rivojlantirish boʻyicha belgilangan maqsad va vazifalardan kelib chiqib, Ilm-fanni 2030-yilgacha rivojlantirish konsepsiyasiga tegishli oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga kiritish. Tashkiliy chora-tadbirlar 2026-yil iyul - Oliy taʼlim, fan va innovatsiyalar vazirligi (Sharipov), Fanlar akademiyasi (Ayupov) 13. Taʼlim sohasini rivojlantirishga qaratilgan tahliliy va amaliy tadqiqotlar oʻtkazish, taʼlim jarayonida jahon ilm-fani va texnologiyalari yutuqlaridan keng foydalanish boʻyicha ilmiy ishlanmalar va tavsiyalar tayyorlash boʻyicha ishlarni tizimli tashkil etish maqsadida Taʼlimni rivojlantirish respublika ilmiy-metodik markazi (keyingi oʻrinlarda — Markaz) faoliyatini moliyaviy qoʻllab-quvvatlash choralarini koʻrish. Bunda Markaz xodimlariga Oliy taʼlim, fan va innovatsiyalar vazirligi markaziy apparati xodimlari uchun Davlat budjeti mablagʻlari hisobidan nazarda tutilgan koʻp yillik xizmati uchun ragʻbatlantirish koeffitsiyentini hisobga olgan holda lavozim maoshiga belgilangan koeffitsiyentlarda ustamalar toʻlash. Normativ-huquqiy hujjat loyihasi 2026-yil iyul - Taʼlimni rivojlantirish respublika ilmiy-metodik markazi (Kurbanniyazov), Iqtisodiyot va moliya vazirligi (Norqulov) II. Oliy attestatsiya komissiyasi va ilmiy kengashlar faoliyati samaradorligini oshirish 14. Ilmiy daraja beruvchi ilmiy kengashlar (keyingi oʻrinlarda — ilmiy kengash) faoliyati samaradorligini baholash boʻyicha reyting tizimini joriy etish yuzasidan Vazirlar Mahkamasi qaror loyihasini ishlab chiqish va tasdiqlash. Normativ-huquqiy hujjat loyihasi 2026-yil dekabr - Fanlar akademiyasi (Ayupov), Taʼlim sifatini taʼminlash milliy agentligi (Yuldashev) 15. Oliy attestatsiya komissiyasi Rayosatining yangi tarkibini tasdiqlash. Bunda dastlabki 2, 4 va 6 yilda yangilanadigan aʼzolarini aniq koʻrsatish. Normativ-huquqiy hujjat loyihasi 2026-yil iyun - Fanlar akademiyasi (Ayupov) 16. Ilmiy daraja beruvchi ilmiy kengashlar faoliyati samaradorligini baholash boʻyicha maxsus elektron platformani ishlab chiqish. Tashkiliy chora-tadbirlar 2026-yil dekabr Fanlar akademiyasiga ajratiladigan Davlat budjeti mablagʻlari Fanlar akademiyasi (Ayupov) 17. Fanlar akademiyasiga ilmiy kengashlar reytingini yuritish va ilmiy ishlarni tanlov asosida ekspertizadan oʻtkazishda mutaxassislar mehnatiga haq toʻlash uchun qoʻshimcha ravishda 5 milliard soʻm ajratish hamda ajratilgan mablagʻlarni Oliy attestatsiya komissiyasiga muntazam yoʻnaltirib borish. Tashkiliy chora-tadbirlar 2027-yildan boshlab har yili Davlat budjeti mablagʻlari (2026-yilda Fanlar akademiyasi jamgʻarmasi hisobidan) Iqtisodiyot va moliya vazirligi (Qoʻchqorov), Fanlar akademiyasi (Ayupov) 18. Ilmiy rahbarlarga bir martalik ragʻbatlantiruvchi toʻlovlarni toʻlash tartibini ishlab chiqish. Idoraviy hujjat loyihasi 2026-yil sentabr - Iqtisodiyot va moliya vazirligi (Qoʻchqorov), Fanlar akademiyasi (Ayupov) 19. Innovatsion rivojlanish agentligiga ilmiy rahbarlarga bir martalik ragʻbatlantiruvchi toʻlovlarni moliyalashtirish uchun zarur mablagʻlarni ajratish. Tashkiliy chora-tadbirlar 2027-yildan boshlab har yili Davlat budjeti mablagʻlari Iqtisodiyot va moliya vazirligi (Qoʻchqorov), Innovatsion rivojlanish agentligi 20. Ilmiy darajalar berish, shuningdek, ilmiy darajalar beruvchi ilmiy kengash tuzishning yangi tartibini ishlab chiqish va tasdiqlash. Idoraviy hujjat loyihasi 2026-yil noyabr - Fanlar akademiyasi (Ayupov), Oliy taʼlim, fan va innovatsiyalar vazirligi (Sharipov) 21. Oliy taʼlim va ilmiy tashkilotlar va Oliy attestatsiya komissiyasi oʻrtasida inson omilisiz raqamli hujjat aylanmasini tashkil etish. Bunda: ilmiy daraja va unvonlar berish, shuningdek, ilmiy darajalar beruvchi ilmiy kengash tuzish jarayonlarini Yagona interaktiv davlat xizmatlari portali bazasida tashkil etish va uzluksiz ishlashini taʼminlash; ilmiy daraja va unvonlar diplomini davlat xizmatlari markazlari yoki Yagona interaktiv davlat xizmatlari portali orqali olish imkoniyatini yaratish nazarda tutiladi. Kompleks chora-tadbirlar 2026-yil dekabr Fanlar akademiyasiga Davlat budjetidan ajratilgan mablagʻlar Fanlar akademiyasi (Ayupov), Adliya vazirligi (Tashkulov), Raqamli texnologiyalar vazirligi (Shermatov) 22. Ilmiy kengashlar tomonidan maʼqullangan ilmiy ishlarni tanlov asosida tekshirish va asoslarni koʻrsatgan holda ularning qarorini bekor qilish tartibini ishlab chiqish. Idoraviy hujjat loyihasi 2026-yil noyabr - Fanlar akademiyasi (Ayupov), Oliy taʼlim, fan va innovatsiyalar vazirligi (Sharipov) 23. Ilmiy daraja va unvonlarga qoʻyiladigan talablarni xalqaro standartlarga muvofiqlashtirish. Idoraviy hujjat loyihasi 2026-yil noyabr - Fanlar akademiyasi (Ayupov), Oliy taʼlim, fan va innovatsiyalar vazirligi (Sharipov) 24. Dissertatsiya va avtoreferatlar mazmuni hamda ularni rasmiylashtirish talablarini xalqaro standartlar asosida qayta koʻrib chiqish. Idoraviy hujjat loyihasi 2026-yil oktabr - Fanlar akademiyasi (Ayupov), Oliy taʼlim, fan va innovatsiyalar vazirligi (Sharipov) 25. Respublikada ilmiy daraja va unvonga ega boʻlgan shaxslar reyestrini yaratish. Tashkiliy chora-tadbirlar 2027-yil mart Fanlar akademiyasiga Davlat budjetidan ajratilgan mablagʻlar Fanlar akademiyasi (Ayupov), Oliy taʼlim, fan va innovatsiyalar vazirligi (Sharipov), Raqamli texnologiyalar vazirligi (Shermatov), Kambagʻallikni qisqartirish va bandlik vazirligi (Zaxidov) 26. Dissertatsiyani ilmiy kengashga taqdim etish, ilmiy ish va avtoreferatni yuborish, retsenzent va opponentlar fikrlarini yuborish va baho berish, dissertatsiya himoyasini tashkil etish jarayonlari yagona onlayn tizim orqali amalga oshirilishini taʼminlash. Kompleks chora-tadbirlar 2026-yil dekabr Fanlar akademiyasiga Davlat budjetidan ajratilgan mablagʻlar Fanlar akademiyasi (Ayupov), Raqamli texnologiyalar vazirligi (Shermatov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 26-may,
PF-98-son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О совершенствовании системы подготовки и аттестации научных кадров нового поколения
В целях внедрения системы подготовки научных кадров нового поколения, способных разрабатывать передовые решения для реализации приоритетных направлений социально-экономического развития страны, внедрения современных подходов в деятельность научных советов, налаживания механизмов приоритета при подготовке соискателей, а также обеспечения реализации Стратегии «Узбекистан — 2030» постановляю:
I. Основная цель
1. Установить, что основной целью настоящего Указа является совершенствование системы послевузовского образования, приведение процессов подготовки докторантов в соответствие с международными стандартами, повышение качества, научной и практической значимости диссертационных исследований.
II. Приоритетные направления подготовки научных кадров
2. Исходя из основных направлений развития страны, предусмотренных Стратегией «Узбекистан — 2030», утвердить Приоритетные направления подготовки научных кадров согласно приложению № 1 * .
3. Установить порядок, в соответствии с которым:
(а) начиная с 1 сентября 2026 года по подготовке кадров в базовой докторантуре и докторантуре (далее — докторантура) за счет средств Государственного бюджета:
(i) специализациям приоритетных направлений подготовки научных кадров согласно приложению № 1 * (далее — приоритетные научные специализации) выделяется не менее 60 процентов общей квоты приема в докторантуру;
(ii) внедряется система дифференциальных стипендий, при этом докторантам, принятым на приоритетные научные специализации, выплачивается стипендия в размере базовой стипендии, увеличенном в 1,7 раза;
(iii) докторантам, принятым на приоритетные научные специализации, на закупку оборудования и прочих товаров, необходимых для исследовательской работы, ежемесячно высшей образовательной или научной организации, в которой обучается докторант, направляются дополнительные средства в размере 30 процентов базовой стипендии;
(iv) в первом году обучения этапа базовой докторантуры организовываются учебные занятия по профильным предметам, таким как специальные дисциплины, методология научных исследований, академическое письмо, статистика и анализ данных;
(б) прием на приоритетные научные специализации осуществляется на основе презентации научной исследовательской работы, проводимой вместо вступительного экзамена. При этом требования, предъявляемые к презентациям, определяются высшими образовательными и научными организациями самостоятельно;
(в) для научных руководителей внедряется требование обладания научно-исследовательским опытом в научной сфере, соответствующей специализации докторанта;
(г) отменяется порядок освобождения от экзамена по предмету специальности с присуждением максимального балла претендентов, имеющих национальный сертификат по соответствующему научному направлению, при приеме на послевузовское образование;
(д) начиная с приема на 2027 год за научное руководство (консультирование) вместо месячной оплаты выплачивается единовременная стимулирующая плата за стажера-исследователя, зачисленного в базовую докторантуру, а также за своевременно защитившегося докторанта. При этом:
(i) научным руководителям, показатель Индекса Хирша которых ниже 5, выплачивается до 40-кратного размера минимальной оплаты труда;
(ii) научным руководителям, показатель Индекса Хирша которых выше 5, выплачивается до 80-кратного размера минимальной оплаты труда;
(ж) расходы, связанные с реализацией мер, предусмотренных подпунктом «а» настоящего пункта, финансируются за счет оптимизации общей квоты приема в докторантуру.
III. Проектный подход к подготовке кадров с ученой степенью
4. Внедрить Программу «Ученая степень в рамках проекта» (далее — Программа), предусматривающую присвоение ученой степени доктора философии (PhD) в рамках проектов прикладных исследований.
5. Установить порядок реализации научных проектов в рамках Программы, в соответствии с которым:
(а) Агентством инновационного развития ежегодно объявляется конкурс проектов исследований по приоритетным научным специализациям, срок которых не превышает трех лет;
(б) прием докторанта для участия в проекте исследования осуществляется руководителем проекта на конкурсной основе, при этом руководитель проекта одновременно является научным руководителем докторанта;
(в) докторант является соискателем организации, в которой осуществляется проект исследования, и ему выплачивается стипендия в размере, установленном для базовой докторантуры;
(г) научный отчет по проекту исследователя, защитившего диссертацию на соискание ученой степени доктора философии (PhD) в период проекта исследования, экспертизе не подлежит;
(д) финансирование Программы осуществляется за счет средств, выделенных в рамках государственных программ научной деятельности, и иных источников, не запрещенных актами законодательства;
(ж) при формировании ежегодно выделяемой квоты приема в базовую докторантуру за счет средств Государственного бюджета число докторантов, подготавливаемых в рамках Программы, не учитывается.
IV. Повышение эффективности деятельности научных советов
6. Отменить начиная с 1 января 2027 года следующие порядки при присвоении ученой степени:
(а) прохождение квалификационного экзамена по иностранному языку, кроме самостоятельных соискателей;
(б) регистрацию тем диссертаций и опубликование объявления о защите диссертаций Высшей аттестационной комиссией;
(в) проведение обсуждения диссертации в ведущей организации;
(г) публикацию монографии по результатам подготовленных диссертаций на соискание ученой степени доктора наук (DSc) по направлениям общественно-гуманитарных наук;
(д) издание автореферата диссертации;
(ж) получение заключения о внедрении на практике научных результатов диссертации;
(з) проведение научной экспертизы диссертации отраслевым экспертным советом Высшей аттестационной комиссии;
(и) утверждение решения научного совета по защищенной диссертации Высшей аттестационной комиссией;
(к ) нострификацию документов об ученой степени, присвоенной за рубежом, иностранных граждан, привлеченных к образовательной и научно-исследовательской деятельности. При этом документ об ученой степени признается напрямую в период трудовой деятельности иностранных граждан в Узбекистане.
7. Определить, что исследователям, опубликование Высшей аттестационной комиссией объявления о защите диссертации и защита диссертации которых осуществлены до 1 января 2027 года, ученая степень присваивается в соответствии с порядком, действовавшим до вступления в силу настоящего Указа.
8. Внедрить с 1 января 2027 года Рейтинговую систему оценки эффективности деятельности научных советов по присвоению ученой степени (далее — научный совет).
9. Установить, что:
(а) по диссертациям, одобренным научными советами, на выборочной основе проводится независимая экспертиза, в том числе с привлечением зарубежных специалистов, которая отражается в рейтинговых результатах;
(б) рейтинг ведется Высшей аттестационной комиссией на Едином автоматизированном электронном информационном портале в доступной для ознакомления всеми, открытой форме посредством сети Интернет с отражением критериев рейтинга и результатов оценки;
(в) в отношении научных советов с низкой по результатам рейтинга эффективностью Высшей аттестационной комиссией применяются следующие меры:
(i) отстранение от деятельности в научных советах председателя и секретаря научного совета на определенный срок;
(ii) прекращение деятельности научного совета;
(iii) ограничение создания научного совета по соответствующей специализации в высшей образовательной и научной организации на определенный срок;
(г) Высшей аттестационной комиссии предоставляется полномочие выборочной проверки научных работ, одобренных научными советами, и отмены их решений с указанием оснований.
10. Определить научные советы ответственными за беспристрастное и качественное проведение экспертизы диссертаций, выявление плагиата в научных работах, а также обоснованность принятых решений.
V. Привлечение субъектов предпринимательства к исследовательским процессам
11. Установить порядок расширения участия субъектов предпринимательства в исследовательских процессах, в соответствии с которым:
(а) в высших образовательных и научных организациях совместно с промышленными партнерами реализовывается Программа подготовки кадров с ученой степенью «Прикладная докторантура (PhD)», при этом:
(i) темы диссертаций определяются исходя из требований промышленных партнеров, а также к докторантам по соответствию темам исследований прикрепляются научные руководители и руководители-практики;
(ii) прием исследователей в программу «Прикладная докторантура (PhD)» проводится путем самостоятельного перераспределения высшими образовательными и научными организациями выделенной им квоты приема в базовую докторантуру, финансируемой за счет средств Государственного бюджета;
(iii) порядок проведения вступительных экзаменов в докторантуру определяется высшими образовательными и научными организациями по согласованию с промышленными партнерами;
(iv) финансирование проектов исследований осуществляется совместно с промышленными партнерами. При этом обязательства высших образовательных и научных организаций финансируются за счет средств Государственного бюджета, выделенных для послевузовского образования;
(б) база налога на прибыль субъектов предпринимательства с высоким рейтингом устойчивости определяется путем вычета их средств, использованных для финансирования научных проектов в качестве промышленного партнера, в размере 150 процентов;
(в) прибыль от реализации товаров (работ, услуг), созданных в результате осуществления научно-исследовательских работ, освобождается от налога на прибыль в течение трех лет со дня начала их реализации.
VI. Совершенствование деятельности Высшей аттестационной комиссии
12. Передать Высшую аттестационную комиссию из ведения Министерства высшего образования, науки и инноваций в систему Академии наук.
13. Установить, что:
(а) Высшая аттестационная комиссия является уполномоченным органом, осуществляющим единую государственную политику в сфере аттестации высококвалифицированных научных кадров, координацию деятельности научных советов, а также оказывающим государственные услуги в данной сфере;
(б) Высшая аттестационная комиссия обеспечивает приведение квалификационных требований, предъявляемых к ученым степеням и научным званиям, в соответствие с международными стандартами;
(в) Высшая аттестационная комиссия подчиняется Академии наук исключительно в части организационного управления, а также осуществляет возложенные на себя задачи полностью на основе коллегиальности независимо от Академии наук;
(г) структура Высшей аттестационной комиссии утверждается Академией наук;
(д) председатель Высшей аттестационной комиссии назначается на должность и освобождается от должности Кабинетом Министров в установленном порядке на основе рекомендации президента Академии наук по согласованию с Администрацией Президента Республики Узбекистан, при этом:
(i) председатель Высшей аттестационной комиссии назначается на должность на срок 5 лет;
(ii) одно и тоже лицо не может быть назначено на должность председателя более двух сроков подряд;
(ж) состав президиума Высшей аттестационной комиссии утверждается Кабинетом Министров, при этом каждые 2 года обновляется одна третья часть членов президиума, каждые 6 лет — полностью весь состав президиума, за исключением председателя Высшей аттестационной комиссии, осуществляющего руководство президиумом;
(з) председатель Высшей аттестационной комиссии по статусу, условиям оплаты труда, медицинского и транспортного обслуживания приравнивается к вице-президенту Академии наук;
(и) работники Высшей аттестационной комиссии по условиям оплаты труда и материального стимулирования приравниваются к работникам управленческого аппарата Академии наук.
14. Высшей аттестационной комиссии совместно с Министерством цифровых технологий в срок до 1 августа 2026 года обеспечить осуществление всех процессов защиты диссертаций, включая процессы представления научных работ и авторефератов, направления мнений рецензентов и оппонентов, планирование процессов защиты и процессов оценки научных работ, посредством единой онлайн-системы.
VII. Организация, обеспечение и контроль исполнения Указа
15. Утвердить «Дорожную карту» по совершенствованию системы подготовки и аттестации научных кадров нового поколения согласно приложению № 2 * .
16. Министерству экономики и финансов начиная с 2027 года ежегодно выделять из Государственного бюджета:
(а) Академии наук в качестве распорядителя бюджетных средств первого уровня — дополнительно средства в размере 5 миллиардов сумов для ведения рейтинга научных советов, в частности оплаты труда специалистов, привлеченных к проведению выборочной экспертизы научных работ;
(б) Агентству инновационного развития — средства, необходимые для финансирования выплат единовременной стимулирующей платы научным руководителям.
17. Министерству высшего образования, науки и инноваций совместно с Академией наук в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
18. Возложить на президента Академии наук Ш.А. Аюпова и министра высшего образования, науки и инноваций К.А. Шарипова персональную ответственность за обеспечение исполнения настоящего Указа.
19. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 мая 2026 г.,
№ УП-98