📅 2026-yil 26-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 26 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2026 г. · Указы Президента
Официальный текст. Официальный документ. Редакционные примечания не включены.
📅 26 May 2026 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
Кичик бизнес субъектларининг ўсиши учун янада қулай иқтисодий ва маъмурий шарт-шароитлар яратиш тўғрисида
Кичик бизнес субъектлари учун солиқ режимини янада қулайлаштириш, қўшилган қиймат солиғи маъмуриятчилигини соддалаштириш орқали айланмаларни очиқлаш ва бизнеснинг ўсишини рағбатлантириш мақсадида қарор қиламан:
I. Асосий мақсадлар
1. Қуйидагилар ушбу Фармонни қабул қилишдан кўзланган асосий мақсадлар этиб белгилансин:
(а) бизнес ўсиши учун иқтисодий ва маъмурий қулайликлар яратиш;
(б) асосий солиқ ставкаларини оширмасдан шаффоф солиқ базасини кенгайтириш;
(в) рақамли сервислар ва солиқ солишнинг адолатлилик тамойилига асосланган хавфга йўналтирилган солиқ маъмуриятчилигини яхшилаш;
(г) давлат, бизнес, ходимлар, истеъмолчилар, маҳаллий бюджетлар ва инвесторлар манфаатлари мувозанатини таъминлаш.
II. Бизнес ўсишини рағбатлантириш ва умумий солиқ режимига ўтишни юмшатиш
2. 2026 йил 1 июндан бошлаб солиқ солишнинг умумбелгиланган тартибига ўтиш учун белгиланган чегаравий миқдор базавий ҳисоблаш миқдорининг ўн икки минг баравари этиб белгилансин.
III. Кичик ва ўрта бизнесни қўшимча қўллаб-қувватлаш чоралари
3. Белгилансинки, 2026 йил 1 июндан бошлаб:
(а) меҳмонхона ва умумий овқатланиш хизматларини кўрсатувчи тадбиркорлик субъектлари томонидан:
(i) алкоголь ва тамаки маҳсулотларини сотишда нақд пул тўловларини қабул қилишга рухсат берилади;
(ii) алкоголь, пиво ва тамаки маҳсулотлари, шунингдек, сув ва салқин ичимликлар харид қилинганда рақамли маркировка кодлари ушбу субъектларда якуний истеъмолга реализация қилинган деб эътироф этилади;
(б) умумий овқатланиш хизматларини кўрсатувчи тадбиркорлик субъектлари учун:
(i) айрим тоифадаги ходимларни меҳнат органларининг мобил иловаси орқали соддалаштирилган тарзда шу куннинг ўзида ва муайян муддатга расмийлаштириш ва иш ҳақини тўлаш тартиби жорий этилади;
(ii) тўланган қўшилган қиймат солиғининг бир қисмини қайтариш, тушумнинг нақд пулсиз шаклда тушган улушидан қатъи назар, тўланган солиқ суммасининг 40 фоизи миқдорида амалга оширилади;
(в) умумий овқатланиш, савдо ва хизмат кўрсатиш фаолияти билан шуғулланувчи тадбиркорлик субъектларига тегишли бино ва иншоотларга ҳамда ер участкаларига туташ ҳудудлардан фойдаланишда тўланадиган ижара тўлови миқдори Солиқ кодексида белгиланган тартибда аниқланадиган ер солиғининг бир баравари миқдорида белгиланади.
4. 2027 йил 1 январдан бошлаб:
(а) алкоголь маҳсулотларини чакана сотиш ҳуқуқи учун ҳамда умумий овқатланиш корхоналари томонидан алкоголь маҳсулотларини реализация қилиш ҳуқуқи учун йиғимлар бирлаштирилсин ва унинг ставкаси базавий ҳисоблаш миқдорининг 10 фоизи миқдорида белгилансин;
(б) жисмоний ва юридик шахслар томонидан тадбиркорлик субъектларига умумий майдони 1 000 метр квадратдан кўп бўлган мол-мулк ижарага берилганда, солиқ солиш мақсадида ижара тўловининг энг кам ставкалари қўлланмайди, бундан Тошкент шаҳри мустасно;
(в) кичик бизнес субъектларига бухгалтерия ҳисобини юритувчи ташкилотлар ва солиқ маслаҳатчиларини жалб қилиш харажатларини икки баробарга оширган ҳолда чегиришга рухсат берилади.
IV. Қўшилган қиймат солиғи бўйича соддалаштирилган тартибни жорий этиш
5. Белгилансинки, 2026 йил 1 июндан 2030 йил 1 январга қадар асосий фаолият тури умумий овқатланиш, савдо ёки хизмат кўрсатиш соҳаси бўлган тадбиркорлик субъектларига (бундан давлат улуши 50 фоиз ва ундан юқори бўлган корхоналар ҳамда йирик солиқ тўловчилар мустасно) ихтиёрий равишда қўшилган қиймат солиғини ҳисоблаб чиқариш ва тўлашнинг соддалаштирилган тартибини танлаш ҳуқуқи берилади.
6. Қўшилган қиймат солиғини ҳисоблаб чиқариш ва тўлашнинг соддалаштирилган тартибида:
(а) қўшилган қиймат солиғи ставкаси товарларни (хизматларни) реализация қилиш бўйича барча айланмаларга нисбатан 6 фоиз этиб белгиланади;
(б) фойда солиғи ставкаси 0 фоиз этиб белгиланади ва солиқ ҳисоботини тақдим этиш мажбурияти бекор қилинади;
(в) сотиб олинган товарлар (хизматлар) бўйича тўланган қўшилган қиймат солиғи суммасини ҳисобга олиш ҳуқуқи берилмайди;
(г) солиқ солишнинг умумбелгиланган тартибида назарда тутилган:
(i) қўшилган қиймат солиғи бўйича мавжуд имтиёзлар, преференциялар ва тўланган солиқнинг бир қисмини қайтариб бериш тартиби қўлланмайди;
(ii) қўшилган қиймат солиғининг мавжуд салбий фарқ суммаси ҳисобдан чиқарилади;
(д) мазкур тартибдаги тадбиркорлик субъектларидан товарлар ва хизматларни сотиб олган харидорларга қўшилган қиймат солиғи суммасини ҳисобга олиш ҳуқуқи берилади.
7. Белгилансинки:
(а) тадбиркорлик субъектлари томонидан қўшилган қиймат солиғини ҳисоблаб чиқариш ва тўлашнинг соддалаштирилган тартибига ўтиш ёки уни қўллашдан воз кечиш хабарнома юборилган ойдан кейинги ойнинг биринчи санасидан амалга оширилади;
(б) қўшилган қиймат солиғини ҳисоблаб чиқариш ва тўлашнинг соддалаштирилган тартибидан умумбелгиланган тартибга ўтилганда, солиқ тўловчи бундай ўтиш санасида ўз балансида мавжуд бўлган товар-моддий захиралар ва узоқ муддатли активлар қолдиқларининг баланс қийматида ҳисобга олинган қўшилган қиймат солиғи суммаларини белгиланган тартибда ҳисобга олиш ҳуқуқига эга бўлади.
8. Солиқ қўмитаси бир ой муддатда электрон ҳисобварақ-фактуралар ва харид чекларида қўшилган қиймат солиғини 6 фоизлик ставка бўйича ҳисоблаш ҳамда унинг алоҳида ҳисобини юритиш тизимини жорий этсин.
V. Қўшилган қиймат солиғи маъмуриятчилигини яхшилаш
9. Шундай тартиб ўрнатилсинки, унга мувофиқ:
(а) қўшилган қиймат солиғи тўловчиси гувоҳномаси фақат ушбу солиқ тўловчилар ҳисобини юритиш мақсадида берилади ва таъсир чораларини белгилашга асос бўлиб ҳисобланмайди;
(б) қуйидагилар бекор қилинади:
(i) қўшилган қиймат солиғи тўловчиси гувоҳномасини вақтинча тўхтатиб туриш тартиби;
(ii) Ўзбекистон Республикасининг божхона чегараси орқали товарларни олиб киришни (импортни) амалга оширувчи юридик шахслар, якка тартибдаги тадбиркорлар ва ўзини ўзи банд қилган шахсларни мажбурий тартибда қўшилган қиймат солиғи тўловчиси деб эътироф этиш;
(в) 2027 йил 1 январдан бошлаб солиқ хавфи даражаси паст бўлган ҳолларда қўшилган қиймат солиғининг салбий фарқ суммасини қайтаришда (қоплашда) инсон омили иштирокидаги жорий амалиётдан воз кечилади;
(г) солиқ тўловчида мазкур Фармон кучга киргунга қадар ҳосил бўлган ҳамда келгусида ҳосил бўладиган 10 миллион сўмгача қўшилган қиймат солиғи бўйича салбий фарқ суммалари уларнинг аризаси талаб этилмаган ҳолда автоматик тартибда қайтариб берилади. Ушбу суммани қоплаб бериш билан боғлиқ солиқ текширувлари ўтказилмайди.
10. Солиқ қўмитаси ҳамда Иқтисодиёт ва молия вазирлиги 2026 йил 1 октябрга қадар электрон ҳисобварақ-фактуралар ва солиқ ҳисоботининг хавф даражасини реал вақт режимида баҳолаш натижасида қўшилган қиймат солиғининг салбий фарқ суммасини автоматик тарзда қайтариш (қоплаш) амалиётини жорий этсин.
VI. Кичик бизнес субъектларига маъмурий юкни камайтириш
11. 2028 йил 1 январга қадар кичик бизнес субъектларига солиқ органларининг «Солиқ хавфини аниқлаш, таҳлил қилиш ва баҳолаш» автоматлаштирилган дастури орқали аниқланадиган солиққа оид ҳуқуқбузарлик аломатларини мустақил тузатиш имконияти берилиб, қуйидаги солиқ текширувлари ўтказилмайди:
(а) солиқ хавфи суммаси беш юз миллион сўмгача бўлганда — солиқ аудити;
(б) солиқ хавфи суммаси юз миллион сўмгача бўлганда — сайёр солиқ текшируви.
12. Солиқ қўмитаси 2026 йил 1 июлдан бошлаб камерал солиқ текшируви талабномасига тушунтиришлар ва (ёки) тузатишлар тақдим этилганда солиқ тўловчиларнинг банклардаги ҳисобварақлари бўйича операцияларни фаоллаштириш жараёнини тўлиқ автоматлаштирсин.
VII. Фармон ижросини ташкил этиш, таъминлаш ва назорат
13. Мазкур Фармон норма ва қоидалари, агар уларнинг ўзида кечроқ муддат кўрсатилмаган бўлса, дарҳол кучга кирсин.
14. Иқтисодиёт ва молия вазирлиги Солиқ қўмитаси билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
15. Мазкур Фармоннинг ижросини самарали ташкил қилишга масъул ва шахсан жавобгар этиб Солиқ қўмитаси раиси Ф.Ж. Пулатов белгилансин.
16. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 26 май,
ПФ-100-сон
OʻZBEKISTON RESPUBLIKASI PREZIDENTINING
FARMONI
Kichik biznes subyektlarining oʻsishi uchun yanada qulay iqtisodiy va maʼmuriy shart-sharoitlar yaratish toʻgʻrisida
Kichik biznes subyektlari uchun soliq rejimini yanada qulaylashtirish, qoʻshilgan qiymat soligʻi maʼmuriyatchiligini soddalashtirish orqali aylanmalarni ochiqlash va biznesning oʻsishini ragʻbatlantirish maqsadida qaror qilaman:
I. Asosiy maqsadlar
1. Quyidagilar ushbu Farmonni qabul qilishdan koʻzlangan asosiy maqsadlar etib belgilansin:
(a) biznes oʻsishi uchun iqtisodiy va maʼmuriy qulayliklar yaratish;
(b) asosiy soliq stavkalarini oshirmasdan shaffof soliq bazasini kengaytirish;
(v) raqamli servislar va soliq solishning adolatlilik tamoyiliga asoslangan xavfga yoʻnaltirilgan soliq maʼmuriyatchiligini yaxshilash;
(g) davlat, biznes, xodimlar, isteʼmolchilar, mahalliy budjetlar va investorlar manfaatlari muvozanatini taʼminlash.
II. Biznes oʻsishini ragʻbatlantirish va umumiy soliq rejimiga oʻtishni yumshatish
2. 2026-yil 1-iyundan boshlab soliq solishning umumbelgilangan tartibiga oʻtish uchun belgilangan chegaraviy miqdor bazaviy hisoblash miqdorining oʻn ikki ming baravari etib belgilansin.
III. Kichik va oʻrta biznesni qoʻshimcha qoʻllab-quvvatlash choralari
3. Belgilansinki, 2026-yil 1-iyundan boshlab:
(a) mehmonxona va umumiy ovqatlanish xizmatlarini koʻrsatuvchi tadbirkorlik subyektlari tomonidan:
(i) alkogol va tamaki mahsulotlarini sotishda naqd pul toʻlovlarini qabul qilishga ruxsat beriladi;
(ii) alkogol, pivo va tamaki mahsulotlari, shuningdek, suv va salqin ichimliklar xarid qilinganda raqamli markirovka kodlari ushbu subyektlarda yakuniy isteʼmolga realizatsiya qilingan deb eʼtirof etiladi;
(b) umumiy ovqatlanish xizmatlarini koʻrsatuvchi tadbirkorlik subyektlari uchun:
(i) ayrim toifadagi xodimlarni mehnat organlarining mobil ilovasi orqali soddalashtirilgan tarzda shu kunning oʻzida va muayyan muddatga rasmiylashtirish va ish haqini toʻlash tartibi joriy etiladi;
(ii) toʻlangan qoʻshilgan qiymat soligʻining bir qismini qaytarish, tushumning naqd pulsiz shaklda tushgan ulushidan qatʼi nazar, toʻlangan soliq summasining 40 foizi miqdorida amalga oshiriladi;
(v) umumiy ovqatlanish, savdo va xizmat koʻrsatish faoliyati bilan shugʻullanuvchi tadbirkorlik subyektlariga tegishli bino va inshootlarga hamda yer uchastkalariga tutash hududlardan foydalanishda toʻlanadigan ijara toʻlovi miqdori Soliq kodeksida belgilangan tartibda aniqlanadigan yer soligʻining bir baravari miqdorida belgilanadi.
4. 2027-yil 1-yanvardan boshlab:
(a) alkogol mahsulotlarini chakana sotish huquqi uchun hamda umumiy ovqatlanish korxonalari tomonidan alkogol mahsulotlarini realizatsiya qilish huquqi uchun yigʻimlar birlashtirilsin va uning stavkasi bazaviy hisoblash miqdorining 10 foizi miqdorida belgilansin;
(b) jismoniy va yuridik shaxslar tomonidan tadbirkorlik subyektlariga umumiy maydoni 1 000 metr kvadratdan koʻp boʻlgan mol-mulk ijaraga berilganda, soliq solish maqsadida ijara toʻlovining eng kam stavkalari qoʻllanmaydi, bundan Toshkent shahri mustasno;
(v) kichik biznes subyektlariga buxgalteriya hisobini yurituvchi tashkilotlar va soliq maslahatchilarini jalb qilish xarajatlarini ikki barobarga oshirgan holda chegirishga ruxsat beriladi.
IV. Qoʻshilgan qiymat soligʻi boʻyicha soddalashtirilgan tartibni joriy etish
5. Belgilansinki, 2026-yil 1-iyundan 2030-yil 1-yanvarga qadar asosiy faoliyat turi umumiy ovqatlanish, savdo yoki xizmat koʻrsatish sohasi boʻlgan tadbirkorlik subyektlariga (bundan davlat ulushi 50 foiz va undan yuqori boʻlgan korxonalar hamda yirik soliq toʻlovchilar mustasno) ixtiyoriy ravishda qoʻshilgan qiymat soligʻini hisoblab chiqarish va toʻlashning soddalashtirilgan tartibini tanlash huquqi beriladi.
6. Qoʻshilgan qiymat soligʻini hisoblab chiqarish va toʻlashning soddalashtirilgan tartibida:
(a) qoʻshilgan qiymat soligʻi stavkasi tovarlarni (xizmatlarni) realizatsiya qilish boʻyicha barcha aylanmalarga nisbatan 6 foiz etib belgilanadi;
(b) foyda soligʻi stavkasi 0 foiz etib belgilanadi va soliq hisobotini taqdim etish majburiyati bekor qilinadi;
(v) sotib olingan tovarlar (xizmatlar) boʻyicha toʻlangan qoʻshilgan qiymat soligʻi summasini hisobga olish huquqi berilmaydi;
(g) soliq solishning umumbelgilangan tartibida nazarda tutilgan:
(i) qoʻshilgan qiymat soligʻi boʻyicha mavjud imtiyozlar, preferensiyalar va toʻlangan soliqning bir qismini qaytarib berish tartibi qoʻllanmaydi;
(ii) qoʻshilgan qiymat soligʻining mavjud salbiy farq summasi hisobdan chiqariladi;
(d) mazkur tartibdagi tadbirkorlik subyektlaridan tovarlar va xizmatlarni sotib olgan xaridorlarga qoʻshilgan qiymat soligʻi summasini hisobga olish huquqi beriladi.
7. Belgilansinki:
(a) tadbirkorlik subyektlari tomonidan qoʻshilgan qiymat soligʻini hisoblab chiqarish va toʻlashning soddalashtirilgan tartibiga oʻtish yoki uni qoʻllashdan voz kechish xabarnoma yuborilgan oydan keyingi oyning birinchi sanasidan amalga oshiriladi;
(b) qoʻshilgan qiymat soligʻini hisoblab chiqarish va toʻlashning soddalashtirilgan tartibidan umumbelgilangan tartibga oʻtilganda, soliq toʻlovchi bunday oʻtish sanasida oʻz balansida mavjud boʻlgan tovar-moddiy zaxiralar va uzoq muddatli aktivlar qoldiqlarining balans qiymatida hisobga olingan qoʻshilgan qiymat soligʻi summalarini belgilangan tartibda hisobga olish huquqiga ega boʻladi.
8. Soliq qoʻmitasi bir oy muddatda elektron hisobvaraq-fakturalar va xarid cheklarida qoʻshilgan qiymat soligʻini 6 foizlik stavka boʻyicha hisoblash hamda uning alohida hisobini yuritish tizimini joriy etsin.
V. Qoʻshilgan qiymat soligʻi maʼmuriyatchiligini yaxshilash
9. Shunday tartib oʻrnatilsinki, unga muvofiq:
(a) qoʻshilgan qiymat soligʻi toʻlovchisi guvohnomasi faqat ushbu soliq toʻlovchilar hisobini yuritish maqsadida beriladi va taʼsir choralarini belgilashga asos boʻlib hisoblanmaydi;
(b) quyidagilar bekor qilinadi:
(i) qoʻshilgan qiymat soligʻi toʻlovchisi guvohnomasini vaqtincha toʻxtatib turish tartibi;
(ii) Oʻzbekiston Respublikasining bojxona chegarasi orqali tovarlarni olib kirishni (importni) amalga oshiruvchi yuridik shaxslar, yakka tartibdagi tadbirkorlar va oʻzini oʻzi band qilgan shaxslarni majburiy tartibda qoʻshilgan qiymat soligʻi toʻlovchisi deb eʼtirof etish;
(v) 2027-yil 1-yanvardan boshlab soliq xavfi darajasi past boʻlgan hollarda qoʻshilgan qiymat soligʻining salbiy farq summasini qaytarishda (qoplashda) inson omili ishtirokidagi joriy amaliyotdan voz kechiladi;
(g) soliq toʻlovchida mazkur Farmon kuchga kirgunga qadar hosil boʻlgan hamda kelgusida hosil boʻladigan 10 million soʻmgacha qoʻshilgan qiymat soligʻi boʻyicha salbiy farq summalari ularning arizasi talab etilmagan holda avtomatik tartibda qaytarib beriladi. Ushbu summani qoplab berish bilan bogʻliq soliq tekshiruvlari oʻtkazilmaydi.
10. Soliq qoʻmitasi hamda Iqtisodiyot va moliya vazirligi 2026-yil 1-oktabrga qadar elektron hisobvaraq-fakturalar va soliq hisobotining xavf darajasini real vaqt rejimida baholash natijasida qoʻshilgan qiymat soligʻining salbiy farq summasini avtomatik tarzda qaytarish (qoplash) amaliyotini joriy etsin.
VI. Kichik biznes subyektlariga maʼmuriy yukni kamaytirish
11. 2028-yil 1-yanvarga qadar kichik biznes subyektlariga soliq organlarining “Soliq xavfini aniqlash, tahlil qilish va baholash” avtomatlashtirilgan dasturi orqali aniqlanadigan soliqqa oid huquqbuzarlik alomatlarini mustaqil tuzatish imkoniyati berilib, quyidagi soliq tekshiruvlari oʻtkazilmaydi:
(a) soliq xavfi summasi besh yuz million soʻmgacha boʻlganda — soliq auditi;
(b) soliq xavfi summasi yuz million soʻmgacha boʻlganda — sayyor soliq tekshiruvi.
12. Soliq qoʻmitasi 2026-yil 1-iyuldan boshlab kameral soliq tekshiruvi talabnomasiga tushuntirishlar va (yoki) tuzatishlar taqdim etilganda soliq toʻlovchilarning banklardagi hisobvaraqlari boʻyicha operatsiyalarni faollashtirish jarayonini toʻliq avtomatlashtirsin.
VII. Farmon ijrosini tashkil etish, taʼminlash va nazorat
13. Mazkur Farmon norma va qoidalari, agar ularning oʻzida kechroq muddat koʻrsatilmagan boʻlsa, darhol kuchga kirsin.
14. Iqtisodiyot va moliya vazirligi Soliq qoʻmitasi bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
15. Mazkur Farmonning ijrosini samarali tashkil qilishga masʼul va shaxsan javobgar etib Soliq qoʻmitasi raisi F.J. Pulatov belgilansin.
16. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 26-may,
PF-100-son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О создании более благоприятных экономических и административных условий для развития субъектов малого бизнеса
В целях раскрытия оборотов и стимулирования роста субъектов малого бизнеса путем дальнейшего смягчения для них налогового режима, а также упрощения администрирования налога на добавленную стоимость постановляю:
I. Основные цели
1. Определить основными целями принятия настоящего Указа:
(а) создание экономических и административных условий для роста бизнеса;
(б) расширение прозрачной налоговой базы без повышения ставок основных налогов;
(в) улучшение цифровых сервисов и основанного на принципе справедливого налогообложения риск-ориентированного налогового администрирования;
(г) обеспечение баланса интересов государства, бизнеса, работников, потребителей, местных бюджетов и инвесторов.
II. Стимулирование роста и смягчение перехода бизнеса на общий налоговый режим
2. Определить с 1 июня 2026 года установленный предельный размер дохода для перехода на общеустановленный порядок налогообложения — двенадцатитысячекратный размер базовой расчетной величины.
III. Меры дополнительной поддержки малого и среднего бизнеса
3. Установить, что с 1 июня 2026 года:
(а) субъектам предпринимательства, оказывающим гостиничные услуги и услуги общественного питания:
(i) разрешается принимать платежи в наличной форме при реализации ими алкогольной и табачной продукции;
(ii) при покупке ими алкогольной, пивной и табачной продукции, а также воды и прохладительных напитков коды цифровой маркировки признаются как реализованные для конечного потребления в данных субъектах;
(б) для субъектов предпринимательства, оказывающих услуги общественного питания:
(i) внедряется порядок упрощенного оформления в этот же день и на определенный срок посредством мобильного приложения органов по труду и оплаты труда некоторых категорий работников;
(ii) возврат части оплаченного налога на добавленную стоимость осуществляется в размере 40 процентов уплаченной суммы этого налога независимо от объема средств, поступивших в безналичной форме;
(в) размер арендной платы, уплачиваемой при использовании территорий, прилегающих к зданиям и сооружениям, а также земельным участкам, принадлежащим субъектам предпринимательства, занимающимся деятельностью по общественному питанию, торговле и оказанию услуг, устанавливается в однократном размере земельного налога, определяемого в порядке, установленном Налоговым кодексом.
4. Начиная с 1 января 2027 года:
(а) объединить сборы на право розничной торговли алкогольной продукцией и на право реализации алкогольной продукции предприятиями общественного питания и определить его ставку в размере 10 процентов базовой расчетной величины;
(б) при предоставлении в аренду физическими и юридическими лицами имущества общей площадью более 1 000 квадратных метров субъектам предпринимательства минимальные ставки арендной платы в целях налогообложения не применяются, за исключением города Ташкента;
(в) субъектам малого бизнеса разрешается вычитать расходы на привлечение организаций, занимающихся ведением бухгалтерского учета, и налоговых консультантов с увеличением их в два раза.
IV. Внедрение упрощенного порядка по налогу на добавленную стоимость
5. Установить, что в период с 1 июня 2026 года по 1 января 2030 года субъектам предпринимательства, основным видом деятельности которых являются сферы общественного питания, торговли или оказания услуг (за исключением предприятий, государственная доля в которых составляет 50 процентов и более, а также крупных налогоплательщиков), предоставляется право на добровольный выбор упрощенного порядка исчисления и оплаты налога на добавленную стоимость.
6. При упрощенном порядке исчисления и оплаты налога на добавленную стоимость:
(а) ставка налога на добавленную стоимость устанавливается в размере 6 процентов относительно всех оборотов по реализации товаров (услуг);
(б) ставка налога на прибыль устанавливается в размере 0 процентов и обязательство представления налоговой отчетности отменяется;
(в) право на зачет суммы налога на добавленную стоимость, уплаченной по приобретенным товарам (услугам), не предоставляется;
(г) предусмотренные в общеустановленном порядке налогообложения:
(i) действующие льготы, преференции и порядок возврата части уплаченного налога на добавленную стоимость не применяются;
(ii) образовавшаяся сумма отрицательной разницы по налогу на добавленную стоимость списывается;
(д) покупателям, которые приобрели товары и услуги у субъектов предпринимательства, перешедших на данный порядок, предоставляется право на зачет суммы налога на добавленную стоимость.
7. Определить, что:
(а) переход на упрощенный порядок исчисления и оплаты налога на добавленную стоимость или отказ от его применения субъектами предпринимательства осуществляются с 1-го числа месяца, следующего за месяцем отправки уведомления об этом;
(б) при переходе от упрощенного порядка к общеустановленному порядку исчисления и оплаты налога на добавленную стоимость налогоплательщик имеет право на зачет по балансовой стоимости в установленном порядке принятых к зачету сумм налога на добавленную стоимость по остаткам товарно-материальных резервов и долгосрочных активов, состоящих на его балансе на день такого перехода.
8. Налоговому комитету в месячный срок внедрить систему расчета налога на добавленную стоимость в электронных счетах-фактурах и чеках покупки по ставке 6 процентов и ведения его отдельного учета.
V. Улучшение администрирования налога на добавленную стоимость
9. Установить порядок, в соответствии с которым:
(а) удостоверение плательщика налога на добавленную стоимость выдается исключительно в целях ведения учета таких налогоплательщиков и не является основанием для установления мер воздействия;
(б) нижеследующие отменяются:
(i) порядок временного приостановления действия удостоверения плательщика налога на добавленную стоимость;
(ii) признание юридических лиц, индивидуальных предпринимателей и самозанятых лиц, осуществляющих ввоз (импорт) товаров через таможенную границу Республики Узбекистан, плательщиком налога на добавленную стоимость в обязательном порядке;
(в) начиная с 1 января 2027 года отменяется действующая практика возврата (возмещения) сумм отрицательной разницы по налогу на добавленную стоимость с участием человеческого фактора при низком уровне налогового риска;
(г) суммы отрицательной разницы по налогу на добавленную стоимость в размере до 10 миллионов сумов, образовавшиеся у налогоплательщиков до вступления в силу настоящего Указа, а также образующиеся у них в будущем, возвращаются в автоматическом порядке без истребования заявления. Налоговые проверки, связанные с возмещением данных сумм, не проводятся.
10. Налоговому комитету, а также Министерству экономики и финансов в срок до 1 октября 2026 года внедрить практику автоматического возврата (возмещения) сумм отрицательной разницы по налогу на добавленную стоимость, образовавшейся в результате оценки уровня риска электронных счетов-фактур и налоговой отчетности в режиме реального времени.
VI. Снижение административной нагрузки на субъекты малого бизнеса
11. Предоставить на срок до 1 января 2028 года субъектам малого бизнеса возможность самостоятельного устранения последствий налоговых правонарушений, выявляемых посредством автоматизированной программы «Определение, анализ и оценка налогового риска» налоговых органов, при этом нижеследующие налоговые проверки не проводятся:
(а) налоговый аудит — если сумма налогового риска составляет до пятисот миллионов сумов;
(б) выездная налоговая проверка — если сумма налогового риска составляет до ста миллионов сумов.
12. Налоговому комитету начиная с 1 июля 2026 года полностью автоматизировать процесс активизации операций по банковским счетам налогоплательщиков при представлении пояснений и (или) исправлений к требованию камеральной налоговой проверки.
VII. Организация, обеспечение и контроль исполнения Указа
13. Нормы и положения настоящего Указа вступают в силу незамедлительно, если в них не указаны более поздние сроки.
14. Министерству экономики и финансов совместно с Налоговым комитетом в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
15. Возложить на председателя Налогового комитета Ф.Ж. Пулатова персональную ответственность за эффективную организацию исполнения настоящего Указа.
16. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
26 мая 2026 г.,
№ УП-100