UzbekAI

Ўзбекистон Республикаси Президентининг

қарори

ТАҚСИМОТ

Тадбиркорлик лойиҳаларини қўллаб-қувватлаш орқали ёшлар бандлигини таъминлашга доир қўшимча чора-тадбирлар тўғрисида

Иқтисодиёт тармоқлари ва соҳаларидаги тадбиркорлик лойиҳаларини қўллаб-қувватлаш орқали ёшлар учун қўшимча иш ўринларини яратиш, уларнинг бандлигини таъминлаш, ишбилармонлик кўникмаларини ривожлантириш, ёш авлодни касб-ҳунар, хорижий тиллар, замонавий билимларга ўқитиш ҳамда уларнинг тадбиркорлик ғоя ва ташаббусларини қўллаб-қувватлаш мақсадида қарор қиламан:

I. Мақсадлар

1. Мазкур қарорни қабул қилишнинг асосий мақсадлари қуйидагиларни 2026 — 2028 йилларда амалга ошириш этиб белгилансин:

(а) 300 мингдан ортиқ ёшларни қамраб олиш, шу жумладан, 100 мингга яқин қўшимча иш ўринларини яратиш ҳамда уларнинг меҳнат бозорига муваффақиятли киришини қўллаб-қувватловчи замонавий механизмларни жорий этиш;

(б) саноат, хизматлар кўрсатиш соҳаларидаги, шу жумладан, ўзини ўзи банд қилишга қаратилган ёшларнинг тадбиркорлик ташаббус ва ғояларини молиялаштириш тизимини ривожлантириш;

(в) иш хусусиятига кўра ходимларининг кўпчилик қисмини ёшлар ташкил этадиган, шунингдек, уларнинг бандлигини ва даромадини оширишга қаратилган бизнес лойиҳаларни қўллаб-қувватлаш.

II. Тадбиркорлик лойиҳаларини қўллаб-қувватлаш

2. Иқтисодиёт ва молия вазирлиги, Тикланиш ва тараққиёт жамғармаси, Марказий банк, Ёшлар ишлари агентлиги, АТ «Алоқабанк» ҳамда «Ўзмиллийбанк» АЖнинг 2026 — 2028 йилларда «Ёшлар бизнеси» ва «Келажакка қадам» дастурларининг навбатдаги босқичини мазкур қарорга мувофиқ амалга ошириш тўғрисидаги таклифлари маъқуллансин.

3. Белгилансинки, АТ «Алоқабанк» томонидан «Ёшлар бизнеси» дастури доирасида хизмат кўрсатиш (сервис) ва ишлаб чиқариш соҳаларидаги, шу жумладан, қуйидаги йўналишларда кредит маҳсулотлари бўйича ўттиз бир ёшга тўлмаган жисмоний шахсларга асосий қарздан 1 йилгача, фоиз тўловларидан 3 ойгача имтиёзли давр билан 7 йилгача муддатга кредит (микроқарз)лар Марказий банк асосий ставкасидан 4 фоизлик пункт юқори ставкада ажратилади:

(а) суғурта полиси таъминоти ёки учинчи шахс кафиллиги асосида 100 миллион сўмгача имтиёзли микроқарзларни қуйидаги лойиҳалар бўйича ажратиш:

(i) ёшларнинг хорижий тил ва рақамли технологияларни ўрганиши ҳамда замонавий касб-ҳунарни эгаллаши бўйича ўқиш харажатларини молиялаштириш учун — 20 миллион сўмгача;

(ii) замонавий касблар, шу жумладан, ижтимоий тармоқлар маркетинги, мобилография, фрилансерлик, интернет (онлайн) дўконлар ташкил этиш ва ўзини ўзи банд қилиш фаолият турига мос лойиҳалар учун — 50 миллион сўмгача;

(iii) касаначилик, тўқимачилик маҳсулотларини тайёрлаш, тикувчилик ва бошқа маҳсулотларни иккиламчи қайта ишлаш ва (ёки) сотиш, улардан янги маҳсулотлар тайёрлаш лойиҳалари учун — 50 миллион сўмгача;

(iv) новвойчилик ва ширинликлар тайёрлаш ҳамда сотиш лойиҳаларга — 100 миллион сўмгача;

(б) мол-мулк гарови асосида 300 миллион сўмгача кредитларни қуйидаги лойиҳалар бўйича ажратиш:

(i) сайилгоҳ, туристик маскан, гастрономик кўча ва бошқа жамоат жойларида кўчма ёки енгил конструкцияли шохобча ва нуқталарни ташкил этиш, уларга жиҳоз ва воситаларни харид қилиш учун — 200 миллион сўмгача;

(ii) автотранспорт воситаларида йўловчиларни ташиш ва юкларни етказиб бериш лойиҳалари учун — 300 миллион сўмгача.

4. Шундай тартиб ўрнатилсинки, унга мувофиқ «Ёшлар бизнеси» дастурининг «Ёшлар учун иш ўринлари» лойиҳаси бўйича якка тартибдаги тадбиркорлар ва юридик шахсларга 7 йилгача муддатга, асосий қарз тўловларидан 2 йилгача имтиёзли давр билан Марказий банк асосий ставкасидан 4 фоизлик пункт юқори ставкада қуйидагиларга:

(а) лойиҳа хусусиятидан келиб чиқиб, ишсиз ёшлар учун камида иккита иш ўрни яратадиган якка тартибдаги тадбиркорлик субъекти сифатида фаолият юритувчи ёш фуқароларга — 2 миллиард сўмгача;

(б) лойиҳа хусусиятидан келиб чиқиб, ҳар бир миллиард сўм қийматгача бўлган маблағ учун камида икки нафар ишсиз ёшни ишга қабул қилиш шарти билан юридик шахсларга — 10 миллиард сўмгача;

(в) 1 000 тадан ортиқ иш ўрни яратган франчайзинг тармоқларини кенгайтириш учун тадбиркорларга 10 миллиард сўмгача кредитлар ажратилади.

5. АТ «Алоқабанк»нинг ёшларнинг инновацион стартап лойиҳалари учун бошланғич босқичда 100 минг АҚШ долларигача инвестиция киритиш таклифи маъқуллансин.

6. Белгилансинки, «Ўзмиллийбанк» АЖ томонидан «Келажакка қадам» дастури доирасида «Келажак тадбиркори» лойиҳаси амалга оширилади ва лойиҳа хусусиятидан келиб чиқиб қўйидаги кредит маҳсулотлари бўйича йиллик Марказий банк асосий ставкасидан 1 фоизлик пункт юқори ставкада кредитлар ажратилади:

(а) бизнес ғояларини амалга ошириш истаги бўлган ўттиз бир ёшга тўлмаган олий таълим ташкилотларининг битирувчилари ҳамда ёшлар (кейинги ўринларда — талаба ва ёшлар)га — 2 миллиард сўмгача, хусусан:

(i) ўзини ўзи банд қилган ва бизнесга илк қадам қўймоқчи бўлган талаба ва ёшларга 6 ой имтиёзли давр билан 18 ойгача гаровсиз 20 миллион сўмгача;

(ii) зарур бизнес кўникмага эга бўлиб, тадбиркорлик субъекти сифатида мустақил бизнес бошламоқчи бўлган талаба ва ёшларга 1 йил имтиёзли давр билан 5 йил муддатга 300 миллион сўмгача;

(iii) тадбиркорлик субъекти сифатида мустақил бизнес бошлаган ва фаолиятини кенгайтиришни мақсад қилган талаба ва ёшларга 7 йил муддатга 2 йиллик имтиёзли давр билан 2 миллиард сўмгача;

(б) талаба ва ёшларни иш билан таъминлаган тадбиркорлик субъектларига 2 йилгача имтиёзли давр билан 7 йил муддатга — 10 миллиард сўмгача, бунда:

(i) мазкур имтиёзли кредит тадбиркорлик субъектларига ҳар икки миллиард сўм қийматгача бўлган маблағ учун камида икки нафар талаба ёки ёшларни ишга қабул қилиш шарти билан ажратилади;

(ii) имтиёзли кредит ишлаб чиқариш ва хизмат кўрсатиш соҳасидаги лойиҳаларга асосий воситалар сотиб олиш ҳамда айланма маблағларни тўлдириш учун ажратилади.

7. Шундай тартиб ўрнатилсинки, унга мувофиқ:

(а) тадбиркорлик субъекти унинг имтиёзли кредит олишига сабаб бўлган ишсиз ёш(лар) ўртасида икки йил давомида меҳнат шартномаси бекор бўлган тақдирда, кредит фоизи меҳнат шартномаси бекор бўлган санадан тижорат ставкасига ўзгартирилади, бундан ушбу ходим(лар) ўрнига бир ой муддатда бошқа ишсиз ёш(лар) ишга қабул қилинган ҳоллар мустасно;

(б) ишсиз ёш(лар)ни иш билан таъминлашда меҳнат шартномасида иш ҳақи меҳнатга ҳақ тўлашнинг энг кам миқдорининг 2 бараваридан кам бўлмаслиги назарда тутилади.

8. «Ўзмиллийбанк» АЖ, Олий таълим, фан ва инновациялар вазирлиги ҳамда Ёшлар ишлари агентлигининг қўйидаги таклифлари маъқуллансин:

(а) бир ой муддатда «Менинг биринчи касбим» дастурини йўлга қўйиш ва дастур доирасида олий таълим ташкилотлари битирувчиларини касбга тайёрлаш жараёнларини ташкил қилиш ва молиялаштириш, бунда:

(i) «Ўзмиллийбанк» АЖ томонидан тегишли миқдордаги маблағларни олий таълим ташкилотларига ўтказиш учун олий таълим ташкилоти, иш берувчи ва талаба ўртасида тузиладиган уч томонлама шартнома асос бўлади;

(ii) олий таълим ташкилоти томонидан талабанинг амалиёти муддатига мос равишда ҳар бир ой учун базавий ҳисоблаш миқдорининг беш баравари миқдоригача қўшимча стипендия тўланади;

(iii) истиқболли стартап лойиҳаларнинг намунавий моделини (MVP) яратиш харажатларининг 50 фоизигача қисми қоплаб берилади;

(б) заруратга кўра, иш берувчининг буюртмасига мувофиқ талабанинг чет элдаги олий таълим ташкилоти ҳамда корхоналарда қисқа муддатли курсларга қатнашиш харажатлари учун базавий ҳисоблаш миқдорининг эллик баравари миқдорида тўловларни амалга ошириш;

(в) 1-иловада келтирилган тижорат банклари томонидан ёшларнинг тадбиркорлик бизнес режаларини тайёрлаш бўйича тегишли харажатларини қоплаб бериш.

9. Марказий банк ҳамда АТ «Алоқабанк»нинг Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда:

(а) 2026 йил якунига қадар Қорақалпоғистон Республикаси, Жиззах, Наманган, Сурхондарё, Хоразм вилоятлари ва Тошкент шаҳрида;

(б) 2027 йил якунига қадар қолган ҳудудларда ёшларни тадбиркорликка ўқитиш, ғояни бизнесга айлантириш, бухгалтерия, банк, маркетинг, ички ва ташқи бозорларга чиқиш билан боғлиқ комплекс хизматларни кўрсатадиган ёшлар бизнес инкубаторлари ишга тушириш тўғрисидаги ташаббуслари маъқуллансин.

III. Дастурларни молиялаштириш

10. Дастурларни амалга ошириш мақсадида 2026-2027 йилларда тенг улушларда Тикланиш ва тараққиёт жамғармаси ҳисобидан:

(а) «Ўзмиллийбанк» АЖга «Келажакка қадам» дастури ижроси учун:

(i) 10 йил муддатга, шу жумладан, 3 йиллик имтиёзли давр билан Марказий банкнинг асосий ставкасига тенг фоизда 85 миллион АҚШ доллари эквиваленти миқдорида;

(ii) битирувчи босқич талабаларининг бандлигини таъминлашга қаратилган «Менинг биринчи касбим» дастури ижроси учун беғараз асосда 15 миллион АҚШ доллари эквиваленти миқдорида маблағлар ажратилсин;

(б) АТ «Алоқабанк»ка «Ёшлар бизнеси» дастурининг навбатдаги босқичи ижросини таъминлаш учун Ўзбекистон Республикаси Президентининг 2025 йил 14 февралдаги ПҚ-62-сон қарори билан ажратилган субординар қарз маблағларининг 65 миллион АҚШ доллари эквивалентидаги қисми юқоридаги қарор қабул қилинган кундаги Марказий банкнинг курси бўйича акцияларни номинал қийматида жойлаштириш орқали банк устав капиталидаги Тикланиш ва тараққиёт жамғармаси улушини оширишга йўналтирилсин.

IV. Қарор ижросини ташкил этиш, таъминлаш ва назорат

11. Рақамли технологиялар вазирлиги Солиқ қўмитаси ҳамда Камбағалликни қисқартириш ва бандлик вазирлиги билан биргаликда 2026 йил 1 августга қадар ёшлар учун яратилган иш ўринлар ҳисобини юритиш мақсадида АТ «Алоқабанк» ва «Ўзмиллийбанк» АЖ ахборот тизимлари Солиқ қўмитаси ҳамда Камбағалликни қисқартириш ва бандлик вазирлигининг ахборот тизимларига интеграция қилиниши таъминласин.

12. Ўзбекистон Республикаси Президентининг 2025 йил 14 февралдаги «Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида»ги ПҚ-62-сон қарорига 2-иловага ўзгартиришлар мувофиқ тасдиқлансин.

13. Марказий банк манфаатдор вазирликлар ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Қарор ижросини самарали ташкил қилишга масъул ва шахсан жавобгар этиб Бош вазир ўринбосари Ж.А. Қўчқоров ҳамда Марказий банк раиси Т.А. Ишметов белгилансин.

15. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчилари О.А. Хакимов ва Р.Қ. Давлетов зиммасига юклансин.

Ўзбекистон Республикаси Президентининг 2026 йил 1 июндаги ПҚ-210-сон қарорига 1-ИЛОВА

Ёшларнинг тадбиркорлик бизнес режаларини тайёрлашда тегишли харажатларини қоплаб бериш бўйича тижорат банклари ўртасидаги

Т/р Тижорат банки номи Ёш тадбиркорларга бизнес режа тайёрлашда кўмаклашиш (нафар) 1. «Ўзмиллийбанк» АЖ 7 500 2. АТ «Алоқабанк» 7 500 3. «Ўзсаноатқурилишбанк» АТБ 5 000 4. «Асакабанк» АЖ 5 000 5. АТ «Халқ банки» 5 000 6. «Микрокредитбанк» АТБ 5 000 7. «Агробанк» АТБ 5 000 8. «Туронбанк» АТБ 5 000 9. «Бизнесни ривожлантириш банки» АТБ 5 000 ЖАМИ: 50 000

Ўзбекистон Республикаси Президентининг 2026 йил 1 июндаги ПҚ-210-сон қарорига 2-ИЛОВА

Ўзбекистон Республикаси Президентининг 2025 йил 14 февралдаги «Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида»ги ПҚ-62-сон қарорига киритилаётган ўзгартиришлар

1. 2-бандда :

(а) «а» кичик банднинг биринчи хатбошиси қуйидаги таҳрирда баён этилсин:

«а) 2026 йил якунига қадар «Бизнесга биринчи қадам» лойиҳасига мувофиқ ўн саккиз ёшга тўлган ва ўттиз ёшдан ошмаган ижтимоий солиқ тўлаган ўзини ўзи банд қилган жисмоний шахсларга асосий қарздан 2 йилгача ва фоиз тўловларидан 3 ойгача имтиёзли давр билан 7 йилгача муддатга суғурта полиси таъминоти ёки учинчи шахс кафиллиги асосида 100 млн сўмгача маблағлар қуйидаги кредит маҳсулотлари бўйича имтиёзли микроқарз сифатида ажратилади»;

(б) «б» кичик банднинг биринчи хатбошиси қуйидаги таҳрирда баён этилсин:

«б) «Ёшлар учун иш ўринлари» лойиҳаси асосида якка тартибдаги тадбиркорлик субъекти сифатида фаолият юритувчи ёш фуқароларга, шунингдек, таъсисчилари ёш фуқаролар бўлган юридик шахс ташкил этган ҳолда фаолият юритувчи кичик тадбиркорлик субъектларининг ёшларга камида 10 та иш ўрни яратишни назарда тутувчи лойиҳаларига 2 йилгача имтиёзли давр билан 7 йилгача муддатга 5 млрд сўмгача маблағлар қуйидаги йўналишлардаги кредит маҳсулотлари бўйича ажратилади:»;

2. 6-банднинг бешинчи хатбошисидаги «2025» рақами «2027» рақами билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 1 июнь,

ПҚ-210-сон

(Қонунчилик маълумотлари миллий базаси, 02.06.2026 й., 07/26/210/0548-сон)

lex.uz

Oʻzbekiston Respublikasi Prezidentining

qarori

TAQSIMOT

Tadbirkorlik loyihalarini qoʻllab-quvvatlash orqali yoshlar bandligini taʼminlashga doir qoʻshimcha chora-tadbirlar toʻgʻrisida

Iqtisodiyot tarmoqlari va sohalaridagi tadbirkorlik loyihalarini qoʻllab-quvvatlash orqali yoshlar uchun qoʻshimcha ish oʻrinlarini yaratish, ularning bandligini taʼminlash, ishbilarmonlik koʻnikmalarini rivojlantirish, yosh avlodni kasb-hunar, xorijiy tillar, zamonaviy bilimlarga oʻqitish hamda ularning tadbirkorlik gʻoya va tashabbuslarini qoʻllab-quvvatlash maqsadida qaror qilaman:

I. Maqsadlar

1. Mazkur qarorni qabul qilishning asosiy maqsadlari quyidagilarni 2026 — 2028-yillarda amalga oshirish etib belgilansin:

(a) 300 mingdan ortiq yoshlarni qamrab olish, shu jumladan, 100 mingga yaqin qoʻshimcha ish oʻrinlarini yaratish hamda ularning mehnat bozoriga muvaffaqiyatli kirishini qoʻllab-quvvatlovchi zamonaviy mexanizmlarni joriy etish;

(b) sanoat, xizmatlar koʻrsatish sohalaridagi, shu jumladan, oʻzini oʻzi band qilishga qaratilgan yoshlarning tadbirkorlik tashabbus va gʻoyalarini moliyalashtirish tizimini rivojlantirish;

(v) ish xususiyatiga koʻra xodimlarining koʻpchilik qismini yoshlar tashkil etadigan, shuningdek, ularning bandligini va daromadini oshirishga qaratilgan biznes loyihalarni qoʻllab-quvvatlash.

II. Tadbirkorlik loyihalarini qoʻllab-quvvatlash

2. Iqtisodiyot va moliya vazirligi, Tiklanish va taraqqiyot jamgʻarmasi, Markaziy bank, Yoshlar ishlari agentligi, AT “Aloqabank” hamda “Oʻzmilliybank” AJning 2026 — 2028-yillarda “Yoshlar biznesi” va “Kelajakka qadam” dasturlarining navbatdagi bosqichini mazkur qarorga muvofiq amalga oshirish toʻgʻrisidagi takliflari maʼqullansin.

3. Belgilansinki, AT “Aloqabank” tomonidan “Yoshlar biznesi” dasturi doirasida xizmat koʻrsatish (servis) va ishlab chiqarish sohalaridagi, shu jumladan, quyidagi yoʻnalishlarda kredit mahsulotlari boʻyicha oʻttiz bir yoshga toʻlmagan jismoniy shaxslarga asosiy qarzdan 1 yilgacha, foiz toʻlovlaridan 3 oygacha imtiyozli davr bilan 7 yilgacha muddatga kredit (mikroqarz)lar Markaziy bank asosiy stavkasidan 4 foizlik punkt yuqori stavkada ajratiladi:

(a) sugʻurta polisi taʼminoti yoki uchinchi shaxs kafilligi asosida 100 million soʻmgacha imtiyozli mikroqarzlarni quyidagi loyihalar boʻyicha ajratish:

(i) yoshlarning xorijiy til va raqamli texnologiyalarni oʻrganishi hamda zamonaviy kasb-hunarni egallashi boʻyicha oʻqish xarajatlarini moliyalashtirish uchun — 20 million soʻmgacha;

(ii) zamonaviy kasblar, shu jumladan, ijtimoiy tarmoqlar marketingi, mobilografiya, frilanserlik, internet (onlayn) doʻkonlar tashkil etish va oʻzini oʻzi band qilish faoliyat turiga mos loyihalar uchun — 50 million soʻmgacha;

(iii) kasanachilik, toʻqimachilik mahsulotlarini tayyorlash, tikuvchilik va boshqa mahsulotlarni ikkilamchi qayta ishlash va (yoki) sotish, ulardan yangi mahsulotlar tayyorlash loyihalari uchun — 50 million soʻmgacha;

(iv) novvoychilik va shirinliklar tayyorlash hamda sotish loyihalarga — 100 million soʻmgacha;

(b) mol-mulk garovi asosida 300 million soʻmgacha kreditlarni quyidagi loyihalar boʻyicha ajratish:

(i) sayilgoh, turistik maskan, gastronomik koʻcha va boshqa jamoat joylarida koʻchma yoki yengil konstruksiyali shoxobcha va nuqtalarni tashkil etish, ularga jihoz va vositalarni xarid qilish uchun — 200 million soʻmgacha;

(ii) avtotransport vositalarida yoʻlovchilarni tashish va yuklarni yetkazib berish loyihalari uchun — 300 million soʻmgacha.

4. Shunday tartib oʻrnatilsinki, unga muvofiq “Yoshlar biznesi” dasturining “Yoshlar uchun ish oʻrinlari” loyihasi boʻyicha yakka tartibdagi tadbirkorlar va yuridik shaxslarga 7 yilgacha muddatga, asosiy qarz toʻlovlaridan 2 yilgacha imtiyozli davr bilan Markaziy bank asosiy stavkasidan 4 foizlik punkt yuqori stavkada quyidagilarga:

(a) loyiha xususiyatidan kelib chiqib, ishsiz yoshlar uchun kamida ikkita ish oʻrni yaratadigan yakka tartibdagi tadbirkorlik subyekti sifatida faoliyat yurituvchi yosh fuqarolarga — 2 milliard soʻmgacha;

(b) loyiha xususiyatidan kelib chiqib, har bir milliard soʻm qiymatgacha boʻlgan mablagʻ uchun kamida ikki nafar ishsiz yoshni ishga qabul qilish sharti bilan yuridik shaxslarga — 10 milliard soʻmgacha;

(v) 1 000 tadan ortiq ish oʻrni yaratgan franchayzing tarmoqlarini kengaytirish uchun tadbirkorlarga 10 milliard soʻmgacha kreditlar ajratiladi.

5. AT “Aloqabank”ning yoshlarning innovatsion startap loyihalari uchun boshlangʻich bosqichda 100 ming AQSH dollarigacha investitsiya kiritish taklifi maʼqullansin.

6. Belgilansinki, “Oʻzmilliybank” AJ tomonidan “Kelajakka qadam” dasturi doirasida “Kelajak tadbirkori” loyihasi amalga oshiriladi va loyiha xususiyatidan kelib chiqib qoʻyidagi kredit mahsulotlari boʻyicha yillik Markaziy bank asosiy stavkasidan 1 foizlik punkt yuqori stavkada kreditlar ajratiladi:

(a) biznes gʻoyalarini amalga oshirish istagi boʻlgan oʻttiz bir yoshga toʻlmagan oliy taʼlim tashkilotlarining bitiruvchilari hamda yoshlar (keyingi oʻrinlarda — talaba va yoshlar)ga — 2 milliard soʻmgacha, xususan:

(i) oʻzini oʻzi band qilgan va biznesga ilk qadam qoʻymoqchi boʻlgan talaba va yoshlarga 6 oy imtiyozli davr bilan 18 oygacha garovsiz 20 million soʻmgacha;

(ii) zarur biznes koʻnikmaga ega boʻlib, tadbirkorlik subyekti sifatida mustaqil biznes boshlamoqchi boʻlgan talaba va yoshlarga 1 yil imtiyozli davr bilan 5 yil muddatga 300 million soʻmgacha;

(iii) tadbirkorlik subyekti sifatida mustaqil biznes boshlagan va faoliyatini kengaytirishni maqsad qilgan talaba va yoshlarga 7 yil muddatga 2 yillik imtiyozli davr bilan 2 milliard soʻmgacha;

(b) talaba va yoshlarni ish bilan taʼminlagan tadbirkorlik subyektlariga 2 yilgacha imtiyozli davr bilan 7 yil muddatga — 10 milliard soʻmgacha, bunda:

(i) mazkur imtiyozli kredit tadbirkorlik subyektlariga har ikki milliard soʻm qiymatgacha boʻlgan mablagʻ uchun kamida ikki nafar talaba yoki yoshlarni ishga qabul qilish sharti bilan ajratiladi;

(ii) imtiyozli kredit ishlab chiqarish va xizmat koʻrsatish sohasidagi loyihalarga asosiy vositalar sotib olish hamda aylanma mablagʻlarni toʻldirish uchun ajratiladi.

7. Shunday tartib oʻrnatilsinki, unga muvofiq:

(a) tadbirkorlik subyekti uning imtiyozli kredit olishiga sabab boʻlgan ishsiz yosh(lar) oʻrtasida ikki yil davomida mehnat shartnomasi bekor boʻlgan taqdirda, kredit foizi mehnat shartnomasi bekor boʻlgan sanadan tijorat stavkasiga oʻzgartiriladi, bundan ushbu xodim(lar) oʻrniga bir oy muddatda boshqa ishsiz yosh(lar) ishga qabul qilingan hollar mustasno;

(b) ishsiz yosh(lar)ni ish bilan taʼminlashda mehnat shartnomasida ish haqi mehnatga haq toʻlashning eng kam miqdorining 2 baravaridan kam boʻlmasligi nazarda tutiladi.

8. “Oʻzmilliybank” AJ, Oliy taʼlim, fan va innovatsiyalar vazirligi hamda Yoshlar ishlari agentligining qoʻyidagi takliflari maʼqullansin:

(a) bir oy muddatda “Mening birinchi kasbim” dasturini yoʻlga qoʻyish va dastur doirasida oliy taʼlim tashkilotlari bitiruvchilarini kasbga tayyorlash jarayonlarini tashkil qilish va moliyalashtirish, bunda:

(i) “Oʻzmilliybank” AJ tomonidan tegishli miqdordagi mablagʻlarni oliy taʼlim tashkilotlariga oʻtkazish uchun oliy taʼlim tashkiloti, ish beruvchi va talaba oʻrtasida tuziladigan uch tomonlama shartnoma asos boʻladi;

(ii) oliy taʼlim tashkiloti tomonidan talabaning amaliyoti muddatiga mos ravishda har bir oy uchun bazaviy hisoblash miqdorining besh baravari miqdorigacha qoʻshimcha stipendiya toʻlanadi;

(iii) istiqbolli startap loyihalarning namunaviy modelini (MVP) yaratish xarajatlarining 50 foizigacha qismi qoplab beriladi;

(b) zaruratga koʻra, ish beruvchining buyurtmasiga muvofiq talabaning chet eldagi oliy taʼlim tashkiloti hamda korxonalarda qisqa muddatli kurslarga qatnashish xarajatlari uchun bazaviy hisoblash miqdorining ellik baravari miqdorida toʻlovlarni amalga oshirish;

(v) 1-ilovada keltirilgan tijorat banklari tomonidan yoshlarning tadbirkorlik biznes rejalarini tayyorlash boʻyicha tegishli xarajatlarini qoplab berish.

9. Markaziy bank hamda AT “Aloqabank”ning Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda:

(a) 2026-yil yakuniga qadar Qoraqalpogʻiston Respublikasi, Jizzax, Namangan, Surxondaryo, Xorazm viloyatlari va Toshkent shahrida;

(b) 2027-yil yakuniga qadar qolgan hududlarda yoshlarni tadbirkorlikka oʻqitish, gʻoyani biznesga aylantirish, buxgalteriya, bank, marketing, ichki va tashqi bozorlarga chiqish bilan bogʻliq kompleks xizmatlarni koʻrsatadigan yoshlar biznes inkubatorlari ishga tushirish toʻgʻrisidagi tashabbuslari maʼqullansin.

III. Dasturlarni moliyalashtirish

10. Dasturlarni amalga oshirish maqsadida 2026-2027-yillarda teng ulushlarda Tiklanish va taraqqiyot jamgʻarmasi hisobidan:

(a) “Oʻzmilliybank” AJga “Kelajakka qadam” dasturi ijrosi uchun:

(i) 10 yil muddatga, shu jumladan, 3 yillik imtiyozli davr bilan Markaziy bankning asosiy stavkasiga teng foizda 85 million AQSH dollari ekvivalenti miqdorida;

(ii) bitiruvchi bosqich talabalarining bandligini taʼminlashga qaratilgan “Mening birinchi kasbim” dasturi ijrosi uchun begʻaraz asosda 15 million AQSH dollari ekvivalenti miqdorida mablagʻlar ajratilsin;

(b) AT “Aloqabank”ka “Yoshlar biznesi” dasturining navbatdagi bosqichi ijrosini taʼminlash uchun Oʻzbekiston Respublikasi Prezidentining 2025-yil 14-fevraldagi PQ-62-son qarori bilan ajratilgan subordinar qarz mablagʻlarining 65 million AQSH dollari ekvivalentidagi qismi yuqoridagi qaror qabul qilingan kundagi Markaziy bankning kursi boʻyicha aksiyalarni nominal qiymatida joylashtirish orqali bank ustav kapitalidagi Tiklanish va taraqqiyot jamgʻarmasi ulushini oshirishga yoʻnaltirilsin.

IV. Qaror ijrosini tashkil etish, taʼminlash va nazorat

11. Raqamli texnologiyalar vazirligi Soliq qoʻmitasi hamda Kambagʻallikni qisqartirish va bandlik vazirligi bilan birgalikda 2026-yil 1-avgustga qadar yoshlar uchun yaratilgan ish oʻrinlar hisobini yuritish maqsadida AT “Aloqabank” va “Oʻzmilliybank” AJ axborot tizimlari Soliq qoʻmitasi hamda Kambagʻallikni qisqartirish va bandlik vazirligining axborot tizimlariga integratsiya qilinishi taʼminlasin.

12. Oʻzbekiston Respublikasi Prezidentining 2025-yil 14-fevraldagi “Yoshlar tadbirkorligini rivojlantirish va bandligini taʼminlashga doir qoʻshimcha chora-tadbirlar toʻgʻrisida”gi PQ-62-son qaroriga 2-ilovaga oʻzgartirishlar muvofiq tasdiqlansin.

13. Markaziy bank manfaatdor vazirliklar va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Qaror ijrosini samarali tashkil qilishga masʼul va shaxsan javobgar etib Bosh vazir oʻrinbosari J.A. Qoʻchqorov hamda Markaziy bank raisi T.A. Ishmetov belgilansin.

15. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchilari O.A. Xakimov va R.Q. Davletov zimmasiga yuklansin.

Oʻzbekiston Respublikasi Prezidentining 2026-yil 1-iyundagi PQ-210-son qaroriga 1-ILOVA

Yoshlarning tadbirkorlik biznes rejalarini tayyorlashda tegishli xarajatlarini qoplab berish boʻyicha tijorat banklari oʻrtasidagi

T/r Tijorat banki nomi Yosh tadbirkorlarga biznes reja tayyorlashda koʻmaklashish (nafar) 1. “Oʻzmilliybank” AJ 7 500 2. AT “Aloqabank” 7 500 3. “Oʻzsanoatqurilishbank” ATB 5 000 4. “Asakabank” AJ 5 000 5. AT “Xalq banki” 5 000 6. “Mikrokreditbank” ATB 5 000 7. “Agrobank” ATB 5 000 8. “Turonbank” ATB 5 000 9. “Biznesni rivojlantirish banki” ATB 5 000 JAMI: 50 000

Oʻzbekiston Respublikasi Prezidentining 2026-yil 1-iyundagi PQ-210-son qaroriga 2-ILOVA

Oʻzbekiston Respublikasi Prezidentining 2025-yil 14-fevraldagi “Yoshlar tadbirkorligini rivojlantirish va bandligini taʼminlashga doir qoʻshimcha chora-tadbirlar toʻgʻrisida”gi PQ-62-son qaroriga kiritilayotgan oʻzgartirishlar

1. 2-bandda :

(a) “a” kichik bandning birinchi xatboshisi quyidagi tahrirda bayon etilsin:

“a) 2026-yil yakuniga qadar “Biznesga birinchi qadam” loyihasiga muvofiq oʻn sakkiz yoshga toʻlgan va oʻttiz yoshdan oshmagan ijtimoiy soliq toʻlagan oʻzini oʻzi band qilgan jismoniy shaxslarga asosiy qarzdan 2 yilgacha va foiz toʻlovlaridan 3 oygacha imtiyozli davr bilan 7 yilgacha muddatga sugʻurta polisi taʼminoti yoki uchinchi shaxs kafilligi asosida 100 mln soʻmgacha mablagʻlar quyidagi kredit mahsulotlari boʻyicha imtiyozli mikroqarz sifatida ajratiladi”;

(b) “b” kichik bandning birinchi xatboshisi quyidagi tahrirda bayon etilsin:

“b) “Yoshlar uchun ish oʻrinlari” loyihasi asosida yakka tartibdagi tadbirkorlik subyekti sifatida faoliyat yurituvchi yosh fuqarolarga, shuningdek, taʼsischilari yosh fuqarolar boʻlgan yuridik shaxs tashkil etgan holda faoliyat yurituvchi kichik tadbirkorlik subyektlarining yoshlarga kamida 10 ta ish oʻrni yaratishni nazarda tutuvchi loyihalariga 2 yilgacha imtiyozli davr bilan 7 yilgacha muddatga 5 mlrd soʻmgacha mablagʻlar quyidagi yoʻnalishlardagi kredit mahsulotlari boʻyicha ajratiladi:”;

2. 6-bandning beshinchi xatboshisidagi “2025” raqami “2027” raqami bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 1-iyun,

PQ-210-son

(Qonunchilik maʼlumotlari milliy bazasi, 02.06.2026-y., 07/26/210/0548-son)

lex.uz

Президента Республики Узбекистан

Постановление

О дополнительных мерах по обеспечению занятости молодежи путем поддержки предпринимательских проектов

В целях создания дополнительных рабочих мест для молодежи и обеспечения ее занятости путем поддержки предпринимательских проектов в отраслях и сферах экономики, развития деловых навыков, обучения молодого поколения профессиям, иностранным языкам, современным знаниям, а также поддержки их предпринимательских идей и инициатив постановляю:

I. Цели

1. Определить основными целями принятия настоящего постановления осуществление в 2026 — 2028 годах:

(а) охвата более 300 тысяч представителей молодежи, включая создание около 100 тысяч дополнительных рабочих мест и внедрение современных механизмов поддержки их успешного вступления на рынок труда;

(б) развития системы финансирования предпринимательских идей и инициатив молодежи в сферах промышленности, оказания услуг, в том числе направленных на обеспечение самозанятости;

(в) поддержки бизнес-проектов, в которых большую часть работников по специфике работы составляет молодежь, а также направленных на повышение ее занятости и доходов.

II. Поддержка предпринимательских проектов

2. Одобрить предложения Министерства экономики и финансов, Фонда реконструкции и развития, Центрального банка, Агентства по делам молодежи, АК «Алокабанк» и АО «Узмиллийбанк» о реализации в соответствии с настоящим постановлением очередного этапа программ «Молодежный бизнес» и «Шаг в будущее» в 2026 — 2028 годах.

3. Определить, что АК «Алокабанк» в рамках программы «Молодежный бизнес» выделяет физическим лицам, не достигшим возраста тридцати одного года, кредитные продукты по кредитам (микрозаймам) в сферах оказания услуг (сервиса) и производства, в том числе по следующим направлениям сроком до 7 лет, включая льготный период по основному долгу до 1 года, по процентным платежам до 3 месяцев, превышающие основную ставку Центрального банка на 4 процентных пункта:

(а) выделение льготных микрозаймов до 100 миллионов сумов под обеспечение страхового полиса или поручительство третьего лица на следующие проекты:

(i) для финансирования расходов молодежи на обучение иностранному языку и цифровым технологиям, а также овладение современной профессией — до 20 миллионов сумов;

(ii) для проектов, соответствующих виду деятельности по овладению современными профессиями, в том числе маркетингу в социальных сетях, мобилографии, фрилансерству, организации интернет- (онлайн-) магазинов, а также обеспечению самозанятости — до 50 миллионов сумов;

(iii) для проектов по надомничеству, производству текстильной продукции, вторичной обработке и (или) реализации текстильной и прочей продукции, производству из них новых видов продукции — до 50 миллионов сумов;

(iv) на проекты по хлебопекарному делу, изготовлению и реализации сладостей — до 100 миллионов сумов;

(б) выделение кредитов до 300 миллионов сумов под залог имущества на следующие проекты:

(i) для создания на скверах, в туристических зонах, на гастрономических улицах и в других общественных местах пунктов и точек передвижной или легкой конструкции, приобретения для них оборудования и средств — до 200 миллионов сумов;

(ii) для проектов по перевозке пассажиров и доставке грузов на автотранспортных средствах — до 300 миллионов сумов.

4. Установить порядок, в соответствии с которым в рамках проекта «Рабочие места для молодежи» программы «Молодежный бизнес» нижеследующим индивидуальным предпринимателям и юридическим лицам выделяются кредиты сроком до 7 лет, включая льготный период по основному долгу до 2 лет, превышающие основную ставку Центрального банка на 4 процентных пункта:

(а) исходя из специфики проекта молодым гражданам, осуществляющим деятельность в качестве субъекта индивидуального предпринимательства, создающим не менее двух рабочих мест для безработной молодежи, — до 2 миллиардов сумов;

(б) исходя из специфики проекта юридическим лицам для средств в размере до каждого одного миллиарда сумов с условием приема на работу не менее двух безработных молодых людей — до 10 миллиардов сумов;

(в) предпринимателям, создавшим более 1 000 рабочих мест, для расширения франчайзинговых сетей — до 10 миллиардов сумов.

5. Одобрить предложение АК «Алокабанк» на внесение инвестиций до 100 тысяч долларов США на первоначальном этапе для молодежных инновационных стартап-проектов.

6. Установить, что АО «Узмиллийбанк» в рамках программы «Шаг в будущее» реализует проект «Предприниматель будущего» и исходя из специфики проекта выделяет кредиты по следующим кредитным продуктам по годовой ставке, превышающей основную ставку Центрального банка на 1 процентный пункт:

(а) выпускникам высших образовательных организаций и молодежи, не достигшей возраста тридцати одного года, желающих реализовать бизнес-идеи, (далее — студенты и молодежь) — до 2 миллиардов сумов, в частности:

(i) студентам и молодежи, обеспечившим самозанятость и желающим сделать первый шаг в бизнес, сроком до 18 месяцев, включая льготный период 6 месяцев, без залога до 20 миллионов сумов;

(ii) студентам и молодежи, имеющим необходимые навыки бизнеса, желающим самостоятельно начать бизнес в качестве субъекта предпринимательства, сроком на 5 лет, включая льготный период 1 год, до 300 миллионов сумов;

(iii) студентам и молодежи, самостоятельно начавшим бизнес в качестве субъекта предпринимательства и нацеленным расширить деятельность, сроком на 7 лет, включая льготный период 2 года, до 2 миллиардов сумов;

(б) субъектам предпринимательства, обеспечившим работой студентов и молодежь, сроком на 7 лет, включая льготный период до 2 лет, — до 10 миллиардов сумов, при этом:

(i) данный льготный кредит выделяется субъектам предпринимательства для средств в размере до каждых двух миллиардов сумов с условием приема на работу не менее двух студентов или молодежи;

(ii) льготный кредит выделяется на проекты в сфере производства и оказания услуг на приобретение основных средств и пополнение оборотных средств.

7. Установить порядок, в соответствии с которым:

(а) в случае прекращения в течение двух лет трудового договора между субъектом предпринимательства и безработной молодежью, послужившего причиной для получения им льготного кредита, проценты по кредиту изменяются с даты прекращения трудового договора на коммерческую ставку, за исключением случаев приема на работу в месячный срок вместо указанного работника (работников) другой безработной молодежи;

(б) при обеспечении работой безработной молодежи в трудовом договоре предусматривается заработная плата не менее 2-кратного размера минимального размера оплаты труда.

8. Одобрить предложения АО «Узмиллийбанк», Министерства высшего образования, науки и инноваций и Агентства по делам молодежи по:

(а) внедрению в месячный срок программы «Моя первая профессия», организации и финансированию процессов профессиональной подготовки выпускников высших образовательных организаций в рамках программы, при этом:

(i) основанием для перечисления АО «Узмиллийбанк» средств в соответствующем размере высшим образовательным организациям является трехсторонний договор, заключаемый между высшей образовательной организацией, работодателем и студентом;

(ii) высшей образовательной организацией выплачивается дополнительная стипендия до пятикратного размера базовой расчетной величины за каждый месяц соответственно сроку практики студента;

(iii) покрывается часть до 50 процентов расходов по созданию типовой модели перспективных стартап-проектов (MVP);

(б) осуществлению платежей в пятидесятикратном размере базовой расчетной величины на расходы по обучению студента на краткосрочных курсах в высшей образовательной организации и на предприятии за рубежом при необходимости по заявке работодателя;

(в) компенсации соответствующих расходов по подготовке бизнес-планов молодежи в сфере предпринимательства коммерческими банками, указанными в приложении № 1 * .

9. Одобрить инициативы Центрального банка и АК «Алокабанк» о запуске совместно с Советом Министров Республики Каракалпакстан, хокимиятами областей и города Ташкента «молодежных бизнес-инкубаторов», оказывающих комплексные услуги, связанные с обучением молодежи предпринимательству, бухгалтерскому, банковскому делу, маркетингу, превращением идеи в бизнес, выходом на внутренний и внешний рынки:

(а) до конца 2026 года — в Республике Каракалпакстан, Джизакской, Наманганской, Сурхандарьинской, Хорезмской областях и городе Ташкенте;

(б) до конца 2027 года — в остальных регионах.

III. Финансирование программ

10. В целях реализации программ в 2026-2027 годах за счет Фонда реконструкции и развития в равных долях:

(а) выделить АО «Узмиллийбанк» для исполнения программы «Шаг в будущее»:

(i) средства в эквиваленте 85 миллионов долларов США сроком на 10 лет, включая льготный период 3 года, в процентах, равных основной ставке Центрального банка;

(ii) средства в эквиваленте 15 миллионов долларов США на безвозмездной основе для исполнения программы «Моя первая профессия», направленной на обеспечение занятости студентов выпускного курса;

(б) направить АК «Алокабанк» для обеспечения исполнения очередного этапа программы «Молодежный бизнес» часть субординарных заемных средств в эквиваленте 65 миллионов долларов США, выделенных согласно постановлению Президента Республики Узбекистан от 14 февраля 2025 года № ПП-62, на увеличение доли Фонда реконструкции и развития в уставном капитале банка путем размещения акций по номинальной стоимости по курсу Центрального банка на дату принятия вышеуказанного постановления.

IV. Организация, обеспечение и контроль исполнения постановления

11. Министерству цифровых технологий совместно с Налоговым комитетом, Министерством занятости и сокращения бедности до 1 августа 2026 года в целях ведения учета созданных для молодежи рабочих мест обеспечить интеграцию информационных систем АК «Алокабанк» и АО «Узмиллийбанк» с информационными системами Налогового комитета, Министерства занятости и сокращения бедности.

12. Внести изменения в постановление Президента Республики Узбекистан от 14 февраля 2025 года № ПП-62 «О дополнительных мерах по развитию молодежного предпринимательства и обеспечению занятости молодежи» согласно приложению № 2 .

13. Центральному банку совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

14. Возложить на заместителя Премьер-министра Д.А. Кучкарова и председателя Центрального банка Т.А. Ишметова персональную ответственность за эффективную организацию исполнения настоящего постановления.

15. Контроль за исполнением настоящего постановления возложить на Премьер-министра Республики Узбекистан А.Н. Арипова, а также советников Президента Республики Узбекистан О.А. Хакимова и Р.К. Давлетова.

ПРИЛОЖЕНИЕ № 2 к постановлению Президента Республики Узбекистан от 1 июня 2026 года № ПП-210

Изменения, вносимые в постановление Президента Республики Узбекистан от 14 февраля 2025 года № ПП-62 «О дополнительных мерах по развитию молодежного предпринимательства и обеспечению занятости молодежи»

1. В пункте 2 :

(а) абзац первый подпункта «а» изложить в следующей редакции:

«а) согласно проекту «Первый шаг в бизнес» самозанятым физическим лицам, достигшим восемнадцати лет и не старше тридцати лет, оплатившим социальный налог, выделяются средства в размере до 100 миллионов сумов сроком до 7 лет, включая льготный период по основному долгу сроком до 2 лет и по процентным платежам до 3 месяцев, под обеспечение страхового полиса или поручительство третьего лица по следующим кредитным продуктам в качестве льготного микрозайма:»;

(б) абзац первый подпункта «б» изложить в следующей редакции:

«б) в рамках проекта «Рабочие места для молодежи» молодым гражданам, осуществляющим деятельность в качестве субъекта индивидуального предпринимательства, а также на проекты субъектов малого предпринимательства, осуществляющих деятельность с образованием юридического лица, учредителями которого являются молодые граждане, предусматривающие создание не менее 10 рабочих мест для молодежи, выделяются средства в размере до 5 миллиардов сумов на срок до 7 лет, включая льготный период до 2 лет, по кредитным продуктам в следующих направлениях:».

2. В абзаце пятом пункта 6 цифру «2025» заменить цифрой «2027».

Президент Республики Узбекистан Ш. МИРЗИЁЕВ

г. Ташкент,

1 июня 2026 г.,

№ ПП-210

(Национальная база данных законодательства, 02.06.2026 г., № 07/26/210/0548)

lex.uz