UzbekAI

Ўзбекистон Республикаси Вазирлар Маҳкамасининг

қарори

УСТАВИ

НИЗОМ

СХЕМАСИ

МЕЗОНЛАРИ

Ўзбекистон Республикаси Фанлар академиясининг устави ҳамда ҳақиқий аъзолари (академиклари) ва мухбир аъзоларини саралаш ва тасдиқлаш тартибини тасдиқлаш тўғрисида

Ўзбекистон Республикаси Президентининг «Ўзбекистон Республикаси Фанлар академияси фаолиятини такомиллаштириш чора-тадбирлари тўғрисида» 2025 йил 27 декабрдаги ПҚ-390-сон қарори ижросини таъминлаш, шунингдек, мамлакатимиз илм-фан соҳасининг истиқболли илмий йўналишлари бўйича илмий-техник ва инновацион тадқиқотларни амалга ошириш, илмий ишланмаларнинг натижаларини амалиётга жорий этиш, халқаро ҳамкорликни ривожлантириш ҳамда юқори малакали илмий кадрлар тайёрлаш мақсадида Вазирлар Маҳкамаси қарор қилади:

1. Қуйидагиларни назарда тутувчи Ўзбекистон Республикаси Фанлар академиясининг устави ҳамда Ўзбекистон Республикаси Фанлар академиясининг ҳақиқий аъзолари (академиклари) ва мухбир аъзоларини танлов асосида саралаш ва тасдиқлаш тартиби тўғрисидаги низом 1 ва 2-иловаларга мувофиқ тасдиқлансин:

Фанлар академиясининг асосий вазифалари ва функциялари, илмий тадқиқотларни таълим ва ишлаб чиқариш билан интеграция қилиш механизмларини мустаҳкамлаш ва ривожлантириш босқичлари бўйича таклифлар ишлаб чиқиш;

Фанлар академиясининг Умумий йиғилиши ваколатларини белгилаш, Умумий йиғилишда академиклар фаоллигини ошириш;

Фанлар академияси аъзолигига сайлаш ва илмий ташкилотлар директорлигига номзодларни тайинлаш тартибини белгилаш.

2. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

3. Ўзбекистон Республикаси Фанлар академияси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

4. Ушбу қарорнинг бажарилишини назорат қилиш Ўзбекистон Республикаси Фанлар академияси президенти Ш.А. Аюпов зиммасига юклансин.

Вазирлар Маҳкамасининг 2026 йил 3 июндаги 282-сон қарорига 1-ИЛОВА

Ўзбекистон Республикаси Фанлар академиясининг

1-боб. Умумий қоидалар

1. Ушбу Устав Ўзбекистон Республикаси Фанлар академиясининг (кейинги ўринларда — Фанлар академияси) мақоми, асосий вазифалари ва функциялари, Фанлар академияси аъзоларининг ҳуқуқлари ва мажбуриятлари, шунингдек, фаолиятини ташкил этиш тартибини белгилайди.

2. Фанлар академияси мамлакатнинг илм-фан, техника, маданият ва маърифат соҳаларида фундаментал, илмий-амалий тадқиқотлар ва инновацион ишланмаларни (кейинги ўринларда — илмий тадқиқотлар) мувофиқлаштирувчи ва амалга оширувчи етакчи давлат илмий ташкилоти ҳисобланади.

3. Фанлар академияси ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, бошқа қонунчилик ҳужжатларига, шунингдек, ушбу Уставга амал қилади.

4. Фанлар академиясининг фаолияти Ўзбекистон Республикаси қонунчилик ҳужжатлари ва ушбу Уставга мувофиқ ўзини ўзи бошқариш ва такомиллаштириш тамойиллари асосида амалга оширилади ҳамда Ўзбекистон Республикаси Давлат бюджети ва бюджетдан ташқари маблағлар ҳисобидан молиялаштирилади.

5. Фанлар академияси Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси) ўз вазифаларини амалга ошириш жараёнидаги долзарб ва устувор муаммоларни ҳал этишда қонунчилик ҳужжатларини такомиллаштириш бўйича белгиланган тартибда таклифлар киритиш ҳуқуқига эга.

6. Фанлар академияси, унинг Қорақалпоғистон минтақавий бўлими (кейинги ўринларда — минтақавий бўлим), вилоятлардаги ҳудудий бўлимлари (кейинги ўринларда — ҳудудий бўлимлар), илмий ташкилотлари ва тизимидаги ташкилотлар (кейинги ўринларда — тизим ташкилотлари) ўзининг уставида белгиланган мақсадларга мос келадиган тадбиркорлик фаолияти билан шуғулланиши мумкин.

7. Фанлар академияси ўз тизим ташкилотлари мол-мулкларига, улар томонидан яратилган интеллектуал мулк объектларига (илмий-тадқиқот ишлари натижалари, «ноу-хау»лар, илмий-текшириш, тажриба-конструкторлик ва технология ишлари, ихтиролар, фойдали моделлар, саноат намуналари, селекция ютуқлари, уруғчилик, дастурий маҳсулотлар ва шу кабиларга) белгиланган тартибда эгалик қилиш, улардан фойдаланиш ва уларни тасарруф этиш ҳуқуқига эга.

Бунда мазкур фаолият билан боғлиқ маълумотлар Фанлар академияси томонидан доимий равишда юритиладиган маълумотлар базасида акс эттирилади ҳамда ундан тадқиқотлар ўтказиладиган илмий ташкилотлар фойдаланиш ҳуқуқига эга бўладилар.

8. Фанлар академияси ўз тизим ташкилотларига юкланган функциялар ва вазифаларнинг самарали бажарилиши учун масъул ҳисобланади.

9. Фанлар академияси ўз фаолияти бўйича Вазирлар Маҳкамасига ҳар йили ҳисобот беради.

10. Фанлар академияси, унинг тизим ташкилотлари юридик шахс ҳисобланади ҳамда ўзининг мустақил балансига, Ўзбекистон Республикаси Давлат герби тасвири туширилган, ташкилот номи ёзилган муҳрга, бошқа зарур муҳр ва штампларга, банк ҳисобварақларига, жумладан, валюта ҳисобварағига эга бўлади.

11. Фанлар академиясининг жойлашган жойи (почта манзили): Тошкент шаҳри, академик Яҳё Ғуломов кўчаси, 70-уй, 100047.

12. Фанлар академиясининг расмий номи:

давлат тилида — Oʻzbekiston Respublikasi Fanlar akademiyasi;

рус тилида — Академия наук Республики Узбекистан;

инглиз тилида — Uzbekistan Academy of Sciences.

2-боб. Фанлар академиясининг асосий вазифалари ва функциялари

13. Фанлар академиясининг асосий вазифалари қуйидагилардан иборат:

физика-математика, техника, табиий, тиббиёт ва биотехнология, қишлоқ хўжалиги, ижтимоий-гуманитар илм-фан соҳаларида илмий тадқиқотлар ўтказиш ва уларнинг натижаларини амалиётга татбиқ этиш;

илм-фанни таълим ва ишлаб чиқариш билан интеграция қилиш механизмларини мустаҳкамлаш ва ривожлантириш;

иқтисодиёт тармоқлари ва республика ҳудудлари эҳтиёжларини ҳисобга олган ҳолда, илм-фан ва технология ривожланишининг устувор йўналишлари, давлат илмий дастурларини шакллантириш бўйича таклифлар ишлаб чиқиш;

республика иқтисодиёти учун жаҳон ва мамлакат илм-фан ютуқларидан фойдаланишга оид тавсиялар ишлаб чиқиш;

хорижий давлатларнинг илмий ташкилотлари ва жамғармалари билан халқаро ҳамкорликни амалга ошириш, халқаро грантларни жалб қилиш, халқаро илмий форум ва анжуманларни ташкил этиш ва ўтказишда қатнашиш;

мамлакатимиз илм-фани, илмий салоҳияти, фан-техника соҳасида эришилган ютуқларни тарғиб қилиш ва оммалаштириш;

илмий ташкилотларда фаолият юритиш жозибадорлигини ошириш орқали ёш кадрлар оқимини таъминлаш ҳамда юқори малакали илмий кадрларни тайёрлашда иштирок этиш.

14. Фанлар академияси ўзига юкланган вазифаларни бажариш учун қуйидаги функцияларни амалга оширади:

а) физика-математика, техника, табиий, тиббиёт ва биотехнология, қишлоқ хўжалиги, ижтимоий-гуманитар илм-фан соҳаларида илмий тадқиқотлар ўтказиш ва уларнинг натижаларини амалиётга татбиқ этиш бўйича :

илм-фан, техника ва инновацион ривожланиш соҳасида илмий лойиҳаларни амалга оширишни ўз ваколати доирасида таъминлайди;

илмий фаолиятга оид давлат дастурлари доирасидаги илмий лойиҳаларни экспертизадан ўтказишда иштирок этади;

давлат ва жамиятни ижтимоий-иқтисодий, илмий-техник, маданий-маърифий ва маънавий-ахлоқий ривожлантиришга йўналтирилган физика-математика, техника, табиий, қишлоқ хўжалиги, тиббиёт, ижтимоий-гуманитар фанлар соҳасида илмий тадқиқотлар ўтказади, илмий тадқиқот натижаларини амалиётга татбиқ этиш механизмларини ишлаб чиқади;

илмий фаолият субъектлари учун илмий асбоб-ускуналардан жамоавий фойдаланиш марказлари, ноёб илмий объектлардан қонунчилик ҳужжатларида белгиланган тарзда фойдаланиш билан боғлиқ зарур шарт-шароитлар яратади;

тадқиқотчилар ва илмий тадқиқот ўтказаётган жамоаларнинг илмий асарларини тезкорлик билан эълон қилиш мақсадида ноширлик фаолиятини амалга оширади, Фанлар академиясининг даврий нашрларини тайёрлаш ва чоп этиш ишларини таъминлайди. Фанлар академиясининг даврий нашрлари таҳририяти таркибига хорижий олимларни жалб этади ва уларнинг фаолиятини ташкил этади;

Фанлар академияси, унинг тизим ташкилотлари, Фанлар академиясининг ҳақиқий аъзолари (академиклари) ва мухбир аъзолари, шунингдек, тизим ташкилотларида илмий ходимлар ва мутахассисларнинг самарали фаолиятини таъминлайди, илмий тадқиқотларни ташкил этади ва ўтказади;

б) илм-фанни таълим ва ишлаб чиқариш билан интеграция қилиш механизмларини мустаҳкамлаш ва ривожлантириш бўйича:

иқтисодиётнинг жадал ўсиб бораётган йўналишларида «олий таълим ташкилоти — илмий ташкилот — корхона» ўртасида ҳамкорликни мустаҳкамлайди ва такомиллаштиради;

Фанлар академияси, унинг тизим ташкилотлари турдош олий таълим ва тармоқ илмий ташкилотлари билан олимларнинг авлод алмашинуви узвийлигини, шунингдек, илмий ташкилотлар учун ёш мутахассислар тайёрлашда ҳамкорликни таъминлайди;

Фанлар академиясининг академиклари ва етакчи олимлари томонидан соҳавий олий таълим ташкилотларида маъруза машғулотлари ўтказилишини, фан доктори илмий даражаси (DSc) ва фалсафа доктори (PhD) талабгорларига ҳамда магистрларнинг илмий ишларига раҳбарликни таъминлайди;

Фанлар академиясининг илмий ташкилотлари ва олий таълим ташкилотларининг факультетлари базасида фундаментал ва амалий тадқиқотлар ўтказадиган идоралараро илмий-тадқиқот лабораториялари ва марказларини ташкил этади;

давлат музейлари ва кўргазмалар, инновацион ва (ёки) илмий-технологик тузилмаларни (технопарклар, инновацион марказлар, инновацион кластерлар ва бошқалар) ташкил этишда ва уларнинг фаолиятини илмий-услубий қўллаб-қувватлашда иштирок этади;

илм-фаннинг моддий-техник базаси ва ижтимоий таъминотини ривожлантиришга, илм-фан, таълим ва ишлаб чиқариш ўртасидаги алоқаларни мустаҳкамлашга, интеграция механизмларини такомиллаштиришга, илм-фаннинг инновацион салоҳиятидан самарали фойдаланишга доир таклифларни юқори ташкилотларга киритишда ташаббус кўрсатади ва уларни ишлаб чиқишда бевосита иштирок этади;

в) республика иқтисодиёти учун илм-фан ва технологияларни ривожлантиришнинг устувор йўналишлари, давлат илмий дастурларини шакллантириш учун таклифлар ишлаб чиқиш бўйича:

истиқболли илмий тадқиқотларнинг давлат ва бошқа илмий-техник дастурларини;

мамлакатни ижтимоий-иқтисодий ривожлантириш давлат дастурларини (илмий-услубий экспертиза ва дастурларни амалга оширишнинг мақсадга мувофиқлигини асослаш бўйича);

илмий ташкилотларнинг илмий тадқиқотлари ва инновацион фаолиятини Ўзбекистон Республикаси Давлат бюджетидан ва белгиланган тартибда жалб этилган бюджетдан ташқари манбаларидан молиялаштиришнинг самарали механизмларини;

Фанлар академияси илм-фан ва технологияларни ривожлантиришнинг устувор йўналишларини, улар асосида юзага келиши мумкин бўлган технологиялар ва инновацияларни ривожлантириш истиқболларини ишлаб чиқади ҳамда Вазирлар Маҳкамасига тақдим этади;

г) республика иқтисодиёти учун жаҳон ва мамлакат илм-фан ютуқларидан фойдаланишга оид тавсиялар ишлаб чиқиш бўйича:

жаҳон илм-фани ва технология ютуқларини умумлаштиради, улардан фойдаланишни тавсия этади, илмий ташкилотлар фаолиятига хорижий ҳамда ички инвестициялар жалб этилишида иштирок этади, шунингдек, улардан оқилона фойдаланилишини таъминлайди;

Фанлар академиясида яратилган ихтироларни ва бошқа интеллектуал мулк объектлари ўз вақтида патентланишида, шу жумладан, халқаро патентлар олишда кўмаклашади, қонунчилик ҳужжатларига мувофиқ улардан ўз фаолиятида фойдаланади ва уларнинг ҳимоя қилинишини таъминлайди. Тижорат сирини ташкил этувчи «ноу-хау» ва бошқа интеллектуал мулк объектларини ҳимоя қилиш учун тегишли чораларни кўради;

иқтисодиёт тармоқларини ривожлантириш ва илмий ҳажмдор маҳсулотлар ишлаб чиқаришни ташкил этишга кўмаклашади;

мамлакат ижтимоий-иқтисодий, сиёсий-ҳуқуқий, маънавий-маърифий интеллектуал салоҳиятини оширишга хизмат қиладиган илм-фан ютуқларини ва илмий ҳажмдор технологияларни амалиётга қўллашга доир самарали таклифларни ишлаб чиқади ва тегишли ташкилотларга киритади;

д) хорижий давлатларнинг илмий ташкилотлари ва жамғармалари билан халқаро ҳамкорликни амалга ошириш, халқаро грантларни жалб қилиш, халқаро илмий форум ва анжуманларни ташкил этиш ва ўтказишда қатнашиш бўйича:

хорижий мамлакатлар илмий ташкилотлари ва таълим ташкилотлари билан халқаро илмий-техник ҳамкорликнинг самарали шакллари ҳамда йўналишларини, жумладан, ҳамкорликда илмий лойиҳаларни амалга оширади;

илмий кадрларнинг, шу жумладан, Фанлар академияси илмий ташкилотлари ёш олимларининг хориждаги етакчи илмий ва таълим ташкилотларида ўқишини ва малакасини оширишни ташкил этишда кўмаклашади;

хорижий илмий ташкилот ва олий таълим ташкилотлари билан ҳамкорликдаги илмий тадқиқотлар учун хорижий ташкилотлар ҳамда жамғармаларнинг халқаро илмий грантларини жалб этади;

долзарб илмий-техник муаммолар ҳамда буюк мутафаккирлар, машҳур илм-фан ва адабиёт арбоблари шарафига бағишланган халқаро илмий, илмий-техник конгресслар, конференциялар, симпозиумлар, семинарларни ташкил этиш ва ўтказишда, шунингдек, халқаро илмий журналларнинг таҳрир ҳайъатлари ишларида иштирок этади;

Фанлар академияси ўз фаолиятини амалга ошириш учун турли вақтинча ёки доимий комиссиялар, жумладан, илмий фаолият этикаси бўйича комиссия, архив комиссияси ва бошқаларни ташкил этади;

е) мамлакатимиз илм-фани, илмий салоҳияти, фан-техника соҳасида эришилган ютуқларни тарғиб қилиш ва оммалаштириш бўйича:

мамлакатимиз ва жаҳоннинг илмий ютуқлари, шунингдек, мутафаккир аждодларимизнинг цивилизацияга қўшган бой илмий меросини оммалаштириш орқали илмий билимларни тарғиб қилади;

Фанлар академиясининг таниқли олимлар шарафига ва уларнинг номи билан аталувчи мукофотларни таъсис этиш бўйича белгиланган тартибда юқори ташкилотларга таклифлар киритади ва бу мукофотларни юксак илмий ва илмий-техник ютуқларга эришган олимлар ҳамда ижодий жамоаларга беради;

илмий-тадқиқотлар ишларининг энг муҳим йўналишлари бўйича илмий кенгашлар, жамиятлар ва бошқа бирлашмаларни ташкил этади, уларнинг самарали ишлашини таъминлайди ҳамда илм-фанни ривожлантиришда уларнинг имкониятларидан кенг фойдаланади;

Фанлар академияси олимларининг илмий ютуқларини оммавий ахборот воситалари орқали мунтазам ёритиб боради;

ж) илмий ташкилотларда фаолият юритиш жозибадорлигини ошириш орқали ёш кадрлар оқимини таъминлаш ҳамда юқори малакали илмий кадрларни тайёрлашда иштирок этиш бўйича:

илм-фан ва таълимнинг жамият ҳаётидаги нуфузи ҳамда аҳамиятини ошириш, олимларнинг ижтимоий ҳимоясини кучайтириш, илмий ходимларнинг ҳуқуқларини таъминлашга доир тадбирларни амалга оширади;

Фанлар академиясининг илмий ва моддий-техник базасидан фойдаланган ҳолда, илмий-тадқиқотлар ишларини ташкил этиш ва ўтказишга фан тармоқлари бўйича юқори малакали илмий кадрлар тайёрлашда тармоқ илмий-тадқиқот ва олий таълим ташкилотларига кўмаклашади;

Фанлар академияси ҳузуридаги Ёш олимлар кенгаши фаолиятини тубдан такомиллаштиради ва уларнинг ижтимоий қўллаб-қувватлаш тизимини ишлаб чиқади.

3-боб. Фанлар академиясининг Умумий йиғилиши

15. Фанлар академиясининг Умумий йиғилиши (кейинги ўринларда — Умумий йиғилиш) унинг юқори бошқарув органи ҳисобланиб, Фанлар академиясининг ҳақиқий аъзолари (академиклари) ва мухбир аъзоларидан ҳамда илмий ташкилотлар директорларидан иборат бўлади.

16. Умумий йиғилиш илм-фан ривожланишининг энг муҳим масалалари ва Фанлар академияси фаолиятини кўриб чиқиш учун Фанлар академияси Президиуми томонидан йилига камида бир марта чақирилади.

Умумий йиғилиш Фанлар академияси Президиуми қарори ёки Умумий йиғилиш аъзоларининг камида учдан бир қисмининг мурожаати, шунингдек, фан йўналишлари бўлимларининг таклифига кўра улар тавсия этган масалаларни муҳокама қилиш учун ҳам чақирилиши мумкин.

17. Умумий йиғилиш:

илм-фанни ривожлантиришнинг устувор ва истиқболли йўналишларини муҳокама қилади ҳамда улар бўйича зарур тавсиялар ишлаб чиқади ва қабул қилади;

овоз бериш орқали Фанлар академияси президенти, Биринчи вице-президенти — бош илмий котиб ва вице-президентларни беш йил муддатга сайлайди, шунингдек, ушбу Уставга мувофиқ уларни лавозимидан озод этиш бўйича Фанлар академияси Президиумига таклифлар беради;

Фанлар академиясининг уставини тасдиқлаш, унга ўзгартириш ва қўшимчалар киритиш тўғрисида Вазирлар Маҳкамасига таклифлар киритади;

Фанлар академиясининг хорижий ва фахрий аъзоларини очиқ овоз бериш йўли билан сайлайди;

Фанлар академиясининг йиллик ҳисоботини муҳокама қилади ва тасдиқлайди;

Фанлар академияси президенти, Биринчи вице-президенти — бош илмий котиб, вице-президентлари ва Фанлар академиясининг минтақавий ва вилоятлардаги ҳудудий бўлимлари раҳбарлари (раислари)нинг йиллик ҳисоботларини муҳокама қилади ва тасдиқлайди;

илм-фаннинг устувор йўналишлари бўйича етакчи олимларнинг маърузаларини эшитади, муҳокама қилади, тегишли тавсиялар беради;

илм-фан соҳасидаги долзарб илмий-ташкилий масалаларни муҳокама қилади;

илмий ташкилотларни ташкил қилиш ва уларнинг фаолиятини тугатиш тўғрисидаги масалаларни кўриб чиқади;

зарурат бўлганда, Фанлар академияси фаолиятига дахлдор бошқа масалаларни ҳам кўриб чиқади.

18. Умумий йиғилиш аъзоларининг камида учдан икки қисми мажлисда қатнашганда ва қарор қабул қилиш учун йиғилишда қатнашганларнинг учдан икки қисми овоз берган тақдирда, Умумий йиғилиш ваколатли бўлади ва унинг қарорлари қабул қилинган ҳисобланади.

19. Умумий йиғилиш қарорларини бажариш Фанлар академияси, унинг тизим ташкилотлари, Фанлар академияси ҳақиқий аъзолари (академиклари) ва мухбир аъзолари ва ходимлари учун тавсия этилади.

4-боб. Фанлар академиясининг таркиби

20. Фанлар академияси фаолияти илмий-тармоқ ва ҳудудий тамойиллар бўйича ташкил этилади.

21. Фанлар академияси ўз ҳақиқий аъзолари (академиклари) ва мухбир аъзолари, фахрий ва хорижий аъзолари, шунингдек, тизим ташкилотларида хизмат қилувчи илмий ходимлари ва мутахассисларини бирлаштиради.

22. Фанлар академияси таркибига қуйидагилар киради:

бошқарув аппарати;

минтақавий ва ҳудудий бўлимлар;

илмий ташкилотлар;

Фанлар академиясининг ташкилий тузилмасига кирувчи бошқа ташкилотлар.

23. Фанлар академиясининг ташкилий тузилмаси Ўзбекистон Республикаси Президенти томонидан тасдиқланади.

Фанлар академияси президенти зарурат бўлганда, Фанлар академияси бошқарув аппаратининг тузилмасига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиши мумкин.

24. Фанлар академияси Президиуми Фанлар академияси фаолиятини тезкор бошқарувчи коллегиал орган ҳисобланади.

Фанлар академияси Президиуми таркибига Фанлар академияси президенти, Биринчи вице-президенти — бош илмий котиб, вице-президентлар, минтақавий ва ҳудудий бўлим раҳбарлари (Наманган, Самарқанд ва Термиз шаҳарларидаги ҳудудий бўлимлар раҳбарлари бундан мустасно), Фанлар академияси бошқарув аппаратидаги фан йўналишлари бўйича бўлимлар (кейинги ўринларда — фан бўлимлари) бошлиқлари, шунингдек, илм-фан йўналишларидан жамоатчилик асосида таклиф этилган академиклар, мухбир аъзолар киради.

Фанлар академияси Президиуми таркиби Умумий йиғилиш томонидан беш йил муддатга очиқ овоз бериш йўли билан тасдиқланади.

Фанлар академияси Президиуми фан бўлимлари орқали илмий ташкилотларни бошқаради.

Фан бўлимига бевосита Фанлар академияси Президиуми аъзоси ҳисобланган бўлим бошлиғи раҳбарлик қилади. Бўлим бошлиғи тегишли илмий йўналишда фаолият кўрсатаётган Фанлар академиясининг ҳақиқий аъзолари (академиклари) ва мухбир аъзолари орасидан беш йил муддатга очиқ овоз бериш йўли билан сайланади.

Фан бўлимлари ўз тизимидаги илмий ташкилотлар фаолиятини кўриб чиқади ва ҳар томонлама таҳлил қилади, уларнинг фаолият йўналишлари, илмий, инновацион ва ташкилий фаолияти даражаси ва самарадорлигини муҳокама ва таҳлил қилади, йиллик ҳисоботларни тасдиқлайди.

Фан бўлимлари мазкур таҳлиллар асосида илмий ташкилотларнинг самарали фаолиятига тўсқинлик қилаётган мавжуд муаммоларни аниқлайди, янги илмий ташкилотларни ташкил қилиш ва уларнинг фаолиятини тугатиш тўғрисидаги масалаларни кўриб чиқади ва Фанлар академияси Президиумига Умумий йиғилишда кўриб чиқиш учун таклифлар киритади.

Фанлар академияси Президиуми ўз қарори билан фан бўлимлари ҳузурида жамоатчилик асосида Ҳайъат (кейинги ўринларда — Ҳайъат) тузади. Ҳайъат ҳар ойда бир мартадан кам бўлмаган йиғилишларни ўтказади, унинг ишига кўрилаётган масалага тегишли ҳақиқий аъзолари (академиклари) ва мухбир аъзолар, соҳа ва олий таълим ташкилотларидан йирик мутахассислар таклиф этилади.

Ҳайъат тегишли вице-президент билан келишилган ҳолда, мавжуд бўлган илмий йўналишларнинг энг муҳим илмий ва илмий-ташкилий муаммоларини кўриб чиқиши учун мажлислар ташкил этади. Мажлис якунлари бўйича ҳисобот Фанлар академияси Президиумига кўриб чиқиш учун тақдим этилади.

25. Фанлар академияси оператив бошқариш ишларини амалга оширувчи маслаҳат органи ̶ илмий ташкилотлари директорларининг кенгашини (кейинги ўринларда — Кенгаш) ташкил этади. Кенгаш фаолияти Президиум томонидан тасдиқланадиган низом асосида белгиланади.

Кенгаш раиси бир йил муддатга Кенгаш аъзолари томонидан очиқ овоз бериш йўли билан сайланади.

26. Фанлар академияси Биринчи вице-президенти — бош илмий котиб ва вице-президентлари ҳузурида Фанлар академиясининг экспертлари ва юқори малакали мутахассисларидан иборат комиссиялар тузиши мумкин.

5-боб. Фанлар академиясининг минтақавий бўлими ва ҳудудий бўлимлари

27. Фанлар академиясининг минтақавий бўлими ва ҳудудий бўлимлари ҳудудларда фан ва илмий-техник салоҳиятни ривожлантириш мақсадида тузилади.

28. Минтақавий бўлим ва ҳудудий бўлимларга бўлим раҳбари (раиси), унинг ўринбосари ва илмий котиби раҳбарлик қилади.

Минтақавий бўлим ва ҳудудий бўлимлар раҳбарлари, уларнинг ўринбосарлари ва илмий котиблари Фанлар академияси президенти томонидан беш йил муддатга лавозимга тайинланади. Бунда Қорақалпоғистон минтақавий бўлими раиси Қорақалпоғистон Республикаси Жўқорғи Кенгеси билан келишилган ҳолда лавозимга тайинланади.

Минтақавий бўлим ва ҳудудий бўлимлар раҳбарлари (раислари) (Наманган, Самарқанд ва Термиз шаҳарларидаги ҳудудий бўлимлар бундан мустасно) мақомига кўра Фанлар академияси вице-президентига тенглаштирилади.

Минтақавий бўлим ва ҳудудий бўлимлар раҳбарлари (раислари) Умумий йиғилиш қарорлари ҳамда Фанлар академияси президентининг буйруқлари бажарилишини таъминлайди.

Минтақавий бўлим ва ҳудудий бўлимлар ўз фаолиятини ушбу Устав ва Фанлар академияси Президиуми томонидан тасдиқланган Қорақалпоғистон минтақавий бўлими ва вилоятлардаги ҳудудий бўлимлар тўғрисидаги низомларга мувофиқ амалга оширади.

29. Фанлар академиясининг илмий-тадқиқот ва илмий-ишлаб чиқариш фаолияти унинг илмий ташкилотларида амалга оширилади.

6-боб. Фанлар академияси аъзолигига номзодларни сайлаш тартиби

30. Фанлар академиясининг мухбир аъзолигига 60 ёшгача бўлган фан докторлари орасидан фанни салмоқли илмий ишлари билан бойитган, мамлакат иқтисодиёти ва салоҳиятини ривожлантиришга катта ҳисса қўшган таниқли олимлар сайланади.

31. Фанлар академиясининг ҳақиқий аъзолигига (академиклигига) жаҳон андозалари даражасидаги илмий ишлари билан танилган, илмий жамоатчилик тан олган илмий мактаб яратган, илмий ютуқлари мамлакат интеллектуал ва иқтисодий салоҳиятини оширишга салмоқли ҳисса қўшган ва Ўзбекистонда илмий фаолият юритадиган Фанлар академиясининг мухбир аъзоларидан сайланади.

32. Илмий ихтисосликлар бўйича эълон қилинадиган ўринлар рўйхати Фанлар академиясининг тегишли фан бўлимларида илмий жамоатчиликнинг кенг муҳокамаси орқали шакллантирилади ва Фанлар академияси Президиуми томонидан тасдиқланади.

Фанлар академияси фан бўлимларида илмий семинарлар ташкил этилади, унда мухбир аъзолигига ва ҳақиқий аъзолигига номзодлар ҳақиқий аъзолар иштирокида тақдимотлар ўтказадилар.

Фанлар академияси ҳақиқий аъзолигига (академиклигига) ва мухбир аъзолигига номзодлар саралаш босқичи ва илмий маъруза баҳолари асосида фан йўналишлари бўйича бўлимлар томонидан яширин овоз бериш йўли билан сайланади ва улар Умумий йиғилиш муҳокамасига тавсия этилади. Фанлар академияси ҳақиқий аъзоларини сайлашда мухбир аъзолар иштирок этмайди.

33. Эълон қилинган илмий соҳалар бўйича Фанлар академияси ҳақиқий аъзолигига (академиклигига) ва мухбир аъзолигига номзодларни кўрсатиш ҳуқуқи Фанлар академиясининг тизим ташкилотларига ҳамда Ўзбекистон Республикасининг олий таълим ва тармоқ илмий ташкилотларининг илмий ёки илмий-техник кенгашларига берилади.

34. Фанлар академиясининг ҳақиқий аъзолигига (академиклигига) ва мухбир аъзолигига номзодлар минтақавий бўлим ва ҳудудий бўлимлар, Фанлар академияси ҳамда олий таълим ва тармоқ илмий ташкилотлари илмий (илмий-техник) кенгаш йиғилишларида ҳар бир номзод бўйича яширин овоз бериш йўли билан тавсия этилади. Сайловда кенгаш аъзоларининг камида учдан икки қисми иштирок этиши керак. Илмий кенгаш йиғилишида иштирок этаётган аъзоларнинг кўпчилигининг овозини олган номзод аъзоликка кўрсатилган ҳисобланади.

Фанлар академияси ҳақиқий аъзолигига (академиклигига) ва мухбир аъзолигига номзодларини тақдим этган ташкилот белгиланган тартибда Фанлар академияси илмий кадрлар бўлимига йўлланма хати ва номзод бўйича баённома нусхасини, кўрсатилган номзоднинг шахсий маълумотномаси, (таржимаи ҳоли) илмий ва илмий-ташкилий фаолияти акс этган ҳужжатларни тақдим этади.

Фанлар академиясининг ҳақиқий аъзолигига (академиклигига) ва мухбир аъзолигига номзодларни Фанлар академияси ҳақиқий аъзолари ҳам тавсия этиши мумкин.

Фанлар академиясининг аъзолигига сайлов тегишли фан бўлимларида ўтказилади.

Бўлим ўз ваколатлари доирасида Фанлар академиясининг аъзоларини сайлашни ташкил қилиб, талабгорларни тавсифловчи қўшимча ҳужжатлар билан танишади ҳамда номзодларнинг илмий ва ташкилий фаолияти тўғрисидаги ҳисоботларини эшитади.

Фанлар академиясининг ҳақиқий аъзолари (академиклар) ва мухбир аъзолари яширин овоз бериш йўли билан сайланади. Овоз беришда ҳақиқий аъзоликка (академикликка) фақат ҳақиқий аъзолар (академиклар) мухбир аъзоликка эса ҳақиқий аъзолар (академиклар) ва мухбир аъзолар иштирок этади.

Сайланган номзодлар тўғрисидаги бўлим қарори Умумий йиғилишда аъзоларнинг кўпчилиги очиқ овоз бериши билан тасдиқланади.

Фанлар академиясининг хорижий аъзолари илмий ютуқлари жаҳон илм-фан ривожига, шунингдек, Ўзбекистон Республикаси илм-фани, иқтисодиёти ва маданияти ривожига ижобий таъсир кўрсатган, халқаро ҳамкорлик, тинчлик, барқарорлик ҳамда ижтимоий-иқтисодий тараққиётга салмоқли ҳисса қўшган хорижий фуқаролар орасидан сайланади.

Фанлар академиясининг фахрий аъзолигига касбий фаолияти орқали мамлакатимиз илм-фани, маданияти, таълими, маданий қадриятлари, ижтимоий-иқтисодий ўсишига фаол кўмаклашган Ўзбекистон Республикаси ҳамда хорижий фуқаролари сайланади.

35. Фанлар академиясининг хорижий аъзолари ва фахрий аъзолари очиқ овоз бериш йўли билан Умумий йиғилишда ҳозир бўлган аъзоларнинг кўпчилик овози билан сайланади ва Фанлар академияси Президиуми томонидан тасдиқланади.

36. Фанлар академиясининг сайланган ҳақиқий аъзолари (академиклари) ва мухбир аъзолари белгиланган тартибда Ўзбекистон Республикаси Президенти томонидан тасдиқланади ва матбуотда эълон қилинади.

7-боб. Фанлар академияси аъзоларининг ҳуқуқлари ва мажбуриятлари

37. Фанлар академиясининг ҳақиқий аъзолари (академиклари) ва мухбир аъзолари қуйидаги ҳуқуқларга эга:

Фанлар академиясининг илмий ташкилотларида ва олий таълим ташкилотларида танловсиз илмий лавозимларни эгаллаш;

Умумий йиғилишда қатнашиш, Умумий йиғилиш ва Фанлар академияси Президиумида илмий ва илмий-ташкилий масалалар, Фанлар академиясининг ҳақиқий аъзолари (академиклари), мухбир, хорижий, фахрий аъзоларини сайлаш жараёнида номзодларни муҳокама қилишда иштирок этиш;

Умумий йиғилиш томонидан қабул қилинаётган ҳужжатлар ва уларга ўзгартириш ва қўшимчалар киритиш бўйича, шунингдек, фаннинг долзарб йўналишлари бўйича мамлакатда илм-фанни ривожлантириш, Фанлар академиясининг илмий кенгашларини тузиш бўйича таклиф ва тавсиялар бериш;

Фанлар академиясининг илмий кенгашлари фаолиятида иштирок этиш.

Ўзбекистонда ишлайдиган Фанлар академиясининг ҳақиқий аъзолари (академиклари) ва мухбир аъзолари белгиланган тартибда гонорар оладилар ҳамда белгиланган бошқа ҳуқуқ ва имтиёзлардан фойдаланадилар.

Фанлар академиясининг ҳақиқий аъзолари (академиклари) ва мухбир аъзолари Ўзбекистон фуқаролигини бошқа давлат фуқаролигига ўзгартирганда, белгиланган тартибда Фанлар академиясининг хорижий аъзоси мақомига эга бўлиши мумкин.

Фанлар академиясининг хорижий ва фахрий аъзолари Умумий йиғилиш ва бошқа тадбирларда маслаҳат овози билан қатнашишлари мумкин.

Фанлар академиясининг хорижий ва фахрий аъзолари Фанлар академиясининг раҳбар органига сайланиш, Фанлар академияси ҳақиқий аъзолигига ўтказиладиган номзодлар танловида иштирок этиш ҳуқуқларига ҳамда гонорар ва бепул дам олиш имтиёзларга эга бўлмайдилар.

38. Фанлар академиясининг ҳақиқий аъзолари (академиклари) ва мухбир аъзолари зиммасига қуйидаги мажбуриятлар юкланади:

илмий тадқиқотларда, тадқиқотларнинг устувор ва истиқболли йўналишларини шакллантиришда иштирок этиш ва ўзи сайланган илм-фан соҳасини (илмий ихтисослик)нинг ривожланишини таъминлаш;

юқори малакали илмий кадрларни тайёрлаш ишларида, илғор илмий мактабларни шакллантириш ва ривожлантиришда, шунингдек, олий ва ўрта махсус ва касбий таълим ташкилотларига, ишлаб чиқариш корхоналарига илмий-методик ёрдам кўрсатишда бевосита иштирок этиш.

Фанлар академиясининг ҳақиқий аъзолари (академиклари) ва мухбир аъзолари зиммасига қонунчилик ҳужжатларига мувофиқ бошқа мажбуриятлар ҳам юкланиши мумкин.

8-боб. Фанлар академияси Президиуми аъзоларини сайлаш тартиби ва уларнинг лавозим мажбуриятлари

39. Фанлар академияси президенти академиянинг ҳақиқий аъзолари орасидан беш йил муддатга сайланади ва Фанлар академиясининг илмий-ташкилий фаолиятига раҳбарлик қилади.

Айни бир шахс Фанлар академияси президенти лавозимига кетма-кет икки муддатдан ортиқ сайланиши мумкин эмас.

Фанлар академияси президентлигига номзодлар фан бўлимлари томонидан овоз бериш йўли билан танланади. Танланган номзодлар сайлов муқобиллигини таъминлаш учун Умумий йиғилиш бюллетенига яширин овоз бериш йўли билан сайлаш учун киритилади.

Бюллетенга киритилган номзодлар Умумий йиғилишда муҳокама қилинади ва яширин овоз бериш йўли билан Фанлар академияси президентлигига сайланади. Бунда Умумий йиғилиш аъзоларининг камида учдан икки қисми иштирок этиши лозим. Умумий йиғилиш иштирокчиларининг ярмидан кўпи ёқлаб овоз берган тақдирда, номзод Ўзбекистон Республикаси Президентига тасдиқлаш учун юборилади.

Фанлар академияси президенти ҳақидаги Ўзбекистон Республикаси Президентининг Фармони матбуотда эълон қилинади.

40. Фанлар академияси президенти:

Фанлар академияси фаолиятига ва унга юкланган вазифаларнинг бажарилишига умумий раҳбарлик қилиб, долзарб масалаларни ҳал этади;

Фанлар академиясидаги ишларнинг ҳолати учун Ўзбекистон Республикаси Президенти, Вазирлар Маҳкамаси ва Умумий йиғилиш олдида шахсан жавобгарликни зиммасига олади;

республика ижро этувчи ҳокимият органлари ва хўжалик бирлашмалари, маҳаллий ижро этувчи ҳокимият органлари, нодавлат нотижорат ташкилотлари билан ҳамда халқаро майдонда Фанлар академияси номидан иш юритади ва унинг манфаатларини ҳимоя қилади;

Фанлар академиясининг Биринчи вице-президенти — бош илмий котиб, вице-президентлари, тизим ташкилотлари раҳбарлари (раислари) ҳамда фан йўналишлари бўйича бўлимлар бошлиқлари, Фанлар академияси бошқарув аппарати ходимларининг лавозим вазифаларини тасдиқлайди ва ушбу вазифаларнинг бажарилишини назорат қилади;

илмий ташкилотлар томонидан илмий тадқиқотларни ўтказилишини, шунингдек, фан ютуқлари ва янги технологияларнинг ўз вақтида амалиётга татбиқ этилишини назорат қилади;

Фанлар академияси илмий ташкилотларининг олий ва ўрта махсус, касбий таълим ташкилотлари, шу жумладан, хорижий илмий марказлар ва олий таълим ташкилотлари, ишлаб чиқариш корхоналари ва бошқа ташкилотлар билан самарали ҳамкорлиги мувофиқлаштирилишини таъминлайди;

Фанлар академияси бошқарув аппарати, шунингдек, тизим ташкилотлари фаолиятини назорат қилади;

Фанлар академияси тизимида илмий кадрларни тайёрлаш ва уларнинг малакасини ошириш ишларига раҳбарлик қилади;

Фанлар академиясининг илмий ташкилотларида ходимларнинг фаолияти самарали бўлишига ёрдам берувчи қулай шароитлар яратиш мақсадида илмий жамоаларда ижодий муҳит ташкил этилишини ва одоб-ахлоқ қоидаларига риоя этилишини таъминлайди.

Биринчи вице-президент — бош илмий котиб, вице-президентлар, лавозимига номзодлар Фанлар академияси президентининг тавсиясига асосан фан бўлимларида муҳокама қилинади ва Умумий йиғилишда овоз бериш йўли билан ҳақиқий аъзолар (академиклар), мухбир аъзолар орасидан сайланади ва Фанлар академияси президенти томонидан белгиланган тартибга мувофиқ беш йил муддатга лавозимга тасдиқланади. Улар лавозимдан Фанлар академияси президенти томонидан Фанлар академияси Президиумининг қарори билан озод этилади.

Фанлар академиясининг молиявий ва хўжалик ишларига Фанлар академияси президентининг молиявий ва хўжалик ишлари бўйича ўринбосари раҳбарлик қилади.

Фанлар академияси президентининг молиявий ва хўжалик ишлари бўйича ўринбосари Вазирлар Маҳкамаси билан келишилган ҳолда, Фанлар академияси президенти томонидан лавозимга тайинланади ва лавозимдан озод этилади.

41. Фанлар академиясининг Биринчи вице-президенти — бош илмий котиб:

Фанлар академияси тизимида иш юритишни ташкил қилади ва ижро интизомини мустаҳкамлашнинг асосий йўналишларини амалга ошириш бўйича ташкилий-бошқарув ҳужжатлари сифатли тайёрланиши ва уларнинг ўз вақтида амалга оширилишини таъминлайди;

Фанлар академиясида амалга оширилган илмий-ташкилий фаолият натижалари бўйича тегишли вице-президентлар хизмати томонидан тақдим этилган ҳисоботларни умумлаштириб, белгиланган тартибда Вазирлар Маҳкамасига киритилишини таъминлайди;

муҳим илмий масалаларни, шунингдек, йирик иқтисодий ва ижтимоий муаммоларни ҳал этишга қаратилган кўп тармоқли илмий, илмий-техник ва амалий дастурларни шакллантиради;

норматив-ҳуқуқий ҳужжатлар лойиҳаларини тайёрлаш ва юқори ташкилотларга тақдим этиш, Умумий йиғилиш ҳамда Фанлар академияси Президиуми мажлисларини ўтказишда Фанлар академияси президентига кўмаклашади.

42. Фанлар академияси вице-президентлари:

тегишли илмий йўналишлар бўйича вазифаларнинг бажарилишини ташкил этиш учун шахсан масъул ҳамда тизимидаги илмий ташкилотлар ҳолати учун жавобгар ҳисобланади;

ўзлари раҳбарлик қилаётган фан йўналишларида бўйича давлат дастурларини шакллантириш, уларнинг экспертизаси ва мониторингини ўтказишни назорат қилади, фундаментал, амалий ва иновацион тадқиқотларнинг юқори даражада бўлиши учун жавоб беради;

Ўзбекистон Республикаси Президентининг ҳамда Ҳукуматининг ҳужжатлари ва топшириқларини ҳамда Фанлар академияси Президиуми ва раҳбариятининг қарор ва буйруқлари ҳамда топшириқлари ўз вақтида сифатли бажарилишини таъминлайди.

43. Фанлар академияси президенти бўлмаган ҳолларда, унинг вазифаси муайян муддатга Биринчи вице-президент — бош илмий котибга ёки вице-президентларнинг бирига вақтинча юкланади.

44. Фанлар академиясининг Президиуми:

Фанлар академияси фаолиятига тааллуқли барча масалаларни ҳал этади, Умумий йиғилишнинг ҳамда Фанлар академияси президентининг ваколатига кирувчи масалалар бундан мустасно;

Умумий йиғилиш қарорлари ижросини ташкил этади, шунингдек, Фанлар академияси президенти функцияларининг ўз вақтида ва самарали амалга оширилишига кўмаклашади;

Фанлар академияси президенти томонидан заруратга кўра ойда камида бир марта чақирилади;

қарорлари унинг аъзоларининг камида учдан икки қисми иштирок этганда кўпчилик овоз билан қабул қилинади. Президиум мажлисларида Фанлар академияси президенти бўлмаган тақдирда, Фанлар академияси Биринчи вице-президенти — бош илмий котиб ёки вице-президентларидан бири раислик қилади;

мажлисида қарор қабул қилишда овозлар тенг бўлган ҳолларда, Фанлар академияси президентининг (раислик қилувчининг) овози ҳал қилувчи ҳисобланади.

9-боб. Фанлар академиясининг илмий ташкилотлари

45. Фанлар академиясининг илмий-тадқиқот ва илмий-ишлаб чиқариш фаолияти унинг илмий ташкилотларида амалга оширилади.

Илмий ташкилот ўзининг илмий-ташкилий фаолиятини тегишли фан бўлимлари билан биргаликда юритади.

Фанлар академияси тизимида илмий ва маъмурий лавозимларни эгаллашнинг белгиланган танлов тартибига кўра илмий ташкилот директори лавозимига Биринчи вице-президент — бош илмий котиб ҳамда Фанлар академияси фан бўлимлари тавсияси билан Фанлар академияси президенти томонидан 65 ёшдан ошмаган, муҳим илмий муаммоларни ҳал этиш орқали фанни бойитган ёки фанни ривожлантиришнинг янги йўлларини белгилаш ва илмий мактаб асосларини яратиш имконини берган муҳим илмий натижаларга эришган етакчи ва ташкилотчи олимлар — фан докторлари орасидан меҳнат шартномаси қонунчилигига мувофиқ 5 йил муддатга тайинланади ҳамда унинг лавозимни кетма-кет 2 мартадан ортиқ эгаллашига йўл қўйилмайди.

Илмий ташкилот директори ўзи раҳбарлик қилаётган илмий ташкилотнинг фаолияти учун шахсан жавобгар бўлади.

Директор ташкилотда ўтказилган фундаментал, амалий ва инновацион тадқиқотларнинг мамлакат устувор йўналишларига мувофиқлигини таъминлашга, илмий-тадқиқот ишларининг замонавий моддий-техник базасини яратишга, ўз соҳасида юқори малакали кадрлар тайёрлашга, олий таълим ташкилотлари ва иқтисодиёт тармоқлари ҳамда етакчи хорижий марказлар билан ҳамкорлик ишларини йўлга қўйишга масъулдир.

Илмий ташкилот директорининг илмий ишлар бўйича ўринбосари (фан доктори ёки фан номзоди, фалсафа доктори (PhD), илмий котиби (фан доктори ёки номзоди, фалсафа доктори PhD) тегишли вице-президент ҳамда Биринчи вице-президент — бош илмий котиб билан келишилган ҳолда илмий ташкилот директори томонидан лавозимга тайинланади.

Илмий ташкилотлар директорларининг ҳисоботлари ҳар йили тегишли фан бўлимларида ҳақиқий аъзолар (академиклар) ва мухбир аъзолар ҳамда илмий жамоатчилик иштирокида эшитилади.

Илмий ташкилотнинг лаборатория ва бўлим мудирлари, илмий ташкилот илмий кенгаши қарори билан фан докторлари (DSc) ёки фан номзоди, фалсафа доктори (PhD) илмий даражасига эга етакчи ва ташкилотчи олимлар орасидан танлов асосида директор томонидан лавозимга тайинланади.

Илмий ташкилотда илмий кенгаш тузилади.

Илмий ташкилотлар ушбу Устав ва Фанлар академияси Президиуми томонидан тасдиқланган илмий ташкилот низомига мувофиқ иш юритадилар.

10-боб. Фанлар академиясининг мол-мулки ва унинг фаолиятини молиялаштириш

46. Фанлар академиясининг мол-мулкини унга оператив бошқариш ҳуқуқи асосида бириктирилган асосий фондлар ва айланма маблағлар, шунингдек, фаолияти давомида сотиб олинган мол-мулк ташкил этади.

Фанлар академияси мол-мулки бўлинмасдир, унинг тақсимланиши мумкин эмас. Фанлар академияси рухсатисиз ёки қонунчилик ҳужжатларига зид ҳолларда Фанлар академиясининг асосий фондлари ва бошқа мол-мулкини давлат тасарруфидан чиқариш ва хусусийлаштириш мумкин эмас.

Фанлар академиясининг мол-мулкидан қонунчилик ҳужжатларида белгиланган тартибда фойдаланилади.

Фанлар академиясининг тадбиркорлик фаолиятини амалга оширишдан ёки ундан олинган даромадлар ҳисобидан сотиб олинган мол-мулклар алоҳида балансда ҳисобга олинади ва Фанлар академияси томонидан мустақил тасарруф этилади.

Фанлар академиясининг фаолияти қуйидаги шаклларда тақдим этиладиган Ўзбекистон Республикаси Давлат бюджети маблағлари ҳисобидан амалга оширилади:

илмий ташкилотлар ходимлари меҳнатига ҳақ тўлаш, бино ва иншоотларни сақлаш харажатларини молиялаштириш, шунингдек, жорий харажатларни молиялаштириш;

давлат илмий дастурлари доирасида амалга ошириладиган илмий лойиҳалар учун танлов грантлари;

қонунчилик ҳужжатларига мувофиқ жалб қилинган бюджетдан ташқари маблағлар (ташқи ва ички инвестициялар, ишлаб чиқарилган маҳсулотни ва интеллектуал мулк объектларини реализация қилишдан олинган даромадлар, ҳадя, хайр-эҳсон, ҳомийлик маблағлари ва бошқалар);

қонунчилик ҳужжатларида тақиқланмаган бошқа манбалар.

47. Фанлар академияси бошқарув аппарати ходимларига иш ҳақи тўлаш, уларни мукофотлаш, уларга моддий ёрдам кўрсатишда давлат бошқаруви органлари ходимлари учун белгиланган шарт-шароитлар татбиқ этилади.

48. Фанлар академиясининг илмий ташкилотлари томонидан бюджет ва бюджетдан ташқари маблағлар қонунчилик ҳужжатларига мувофиқ тасдиқланган харажатлар сметаси доирасида сарфланади.

49. Ўзбекистон Республикаси Давлат бюджетидан молиялаштириладиган илмий-тадқиқот дастурлари лойиҳаларининг натижалари бўйича ҳисоботлар Фанлар академияси олимлари томонидан илмий ташкилотларнинг интеллектуал мулк объектларига бўлган ҳуқуқларини ҳимоя қилиш бўйича қонунчилик ҳужжатларига риоя қилган ҳолда, Фанлар академиясининг танловлар ва экспертизаларни ташкил этиш бўлимига (ёки фан йўналишлари бўйича тегишли бўлимларга) топширилади.

Кўриб чиқилган ҳисоботлар белгиланган тартибда Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлигига тасдиқлаш учун тақдим этилади.

50. Фанлар академияси илмий ташкилотларининг илмий ходимлари ва мутахассислари ушбу ташкилотларда яратилган интеллектуал мулк объектларига нисбатан қонунчилик ҳужжатларига мувофиқ ва белгиланган тартибда муаллифлик ҳуқуқларига эга субъектлар ҳисобланади.

51. Фанлар академияси ва унинг тизимидаги илмий ташкилотлар, ўзларининг бюджетдан ташқари маблағлар ҳисобидан турли ташкилий-ҳуқуқий шаклдаги масъулияти чекланган, қўшма ва инновацион корхоналар, шунингдек, нодавлат нотижорат ташкилотларини ташкил этиш ҳуқуқига эга ва бунда корхонага эгалик ҳуқуқи қонунчилик ҳужжатлари доирасида амалга оширилади.

Ҳар бир илмий ташкилот ўзи яратган ишланмани белгиланган тартибда тижоратлаштириш ва ишланмани лицензион келишув асосида фойдаланишга бериш ҳуқуқига эга.

52. Фанлар академияси ҳузурида илмий тадқиқотларни қўллаб-қувватлаш, ёш олимларни жалб қилиш ва стратегик аҳамиятга эга илмий йўналишларни барқарор молиялаштириш ҳамда илмий ходимларни моддий рағбатлантириш мақсадида Фанлар академияси жамғармаси ташкил этилади.

Жамғарма маблағлари Ўзбекистон Республикаси Давлат бюджетидан ҳар йили ажратиладиган маблағлар, халқаро молия ташкилотлари ва хорижий давлатларнинг грантлари ва техник кўмак маблағлари, жисмоний ва юридик шахсларнинг, шу жумладан, хорижий ҳомийлик хайриялари, жамғарманинг вақтинча бўш турган маблағларини тижорат банкларига жойлаштиришдан олинадиган даромадлар ҳамда қонунчилик ҳужжатларида тақиқланмаган бошқа манбалар ҳисобидан шакллантирилади.

Фанлар академияси жамғармаси тўғрисидаги низом Вазирлар Маҳкамаси томонидан тасдиқланади.

53. Фанлар академияси ҳузурида Фанлар академияси илмий ходимларининг ҳуқуқлари ва қонуний манфаатларини ҳимоя қилиш мақсадида Касаба уюшмаси ташкил этилади. Касаба уюшмаси тўғрисидаги низом Умумий йиғилиш томонидан тасдиқланади.

11-боб. Якунловчи қоида

54. Фанлар академияси, унинг тизимидаги илмий ташкилотлар ва бошқа ташкилотлари қонунчилик ҳужжатларига мувофиқ тугатилади ҳамда қайта ташкил этилади.

Вазирлар Маҳкамасининг 2026 йил 3 июндаги 282-сон қарорига 2-ИЛОВА

Ўзбекистон Республикаси Фанлар академияси ҳақиқий аъзолари (академиклари) ва мухбир аъзоларини танлов асосида саралаш ва тасдиқлаш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси Фанлар академияси ҳақиқий аъзолигига (академиклигига) ва мухбир аъзолигига номзодларни танлов асосида саралаш (кейинги ўринларда — танлов) ва Ўзбекистон Республикаси Фанлар академияси (кейинги ўринларда — Фанлар академияси) ҳақиқий аъзолари (академиклари) ва мухбир аъзоларини тасдиқлаш тартибини белгилайди.

2. Фанлар академиясининг ҳақиқий аъзолигига (академиклигига) ва мухбир аъзолигига танлов асосида саралаш ва тасдиқлаш мазкур Низомга 1-иловадаги схемага мувофиқ амалга оширилади.

3. Фанлар академиясининг ҳақиқий аъзолари (академиклари) ва мухбир аъзолари қонунчилик ҳужжатларига мувофиқ Ўзбекистон Республикаси Президенти томонидан тасдиқланадилар.

4. Фанлар академиясининг ҳақиқий аъзолигига (академиклигига) ва мухбир аъзолигига танлов ўтказиш учун ўринлар, биринчи навбатда, республика учун янги ва истиқболли, халқаро даражада тан олинган илмий мактаблари шакллантирилган илмий йўналишларга ажратилади.

5. Фанлар академиясининг ҳақиқий аъзолигига (академиклигига) ва мухбир аъзолигига тегишли фан соҳалари илмий ихтисосликлари бўйича шакллантирилган квоталар миқдори, танлов асосида саралашни ўтказиш муддатлари ва санаси Фанлар академияси томонидан Вазирлар Маҳкамаси билан келишилган ҳолда, лекин кўпи билан икки йилда бир маротаба белгиланади.

6. Танлов ўтказилиши ҳақидаги эълон оммавий ахборот воситаларида ва Фанлар академиясининг расмий веб-сайтида квоталар тасдиқлангандан сўнг уч кун муддатда жойлаштирилади.

Эълонда танлов ўтказиш муддатлари ва жойи, Фанлар академиясининг ҳақиқий аъзолигига (академиклигига) ва мухбир аъзолигига тегишли фан соҳалари илмий ихтисосликлари бўйича квоталар сони, Фанлар академиясининг ҳақиқий аъзолигига (академиклигига) ва мухбир аъзолигига номзодларга қўйиладиган талаблар, шунингдек, ҳужжатлар рўйхати ва улар номзодини кўрсатиш учун зарур бошқа шартлар кўрсатилади.

7. Фанлар академияси ҳақиқий аъзолигига (академиклигига) ва мухбир аъзолигига номзодларни тавсия этиш ҳуқуқи илмий ташкилот ҳамда олий таълим ва тармоқ илмий ташкилотларининг илмий (илмий-техник) кенгашларига, шунингдек, Фанлар академиясининг ҳақиқий аъзоларига (академикларига) уларнинг илмий мутахассисликларига тегишли ихтисосликлар бўйича берилади.

Фанлар академиясининг ҳақиқий аъзолигига (академиклигига) ва мухбир аъзолигига номзодлар тегишли фан соҳасининг фақат битта илмий ихтисослиги бўйича кўрсатилиши мумкин.

2-боб. Фанлар академиясининг ҳақиқий аъзолигига (академиклигига) ва мухбир аъзолигига номзодларга қўйиладиган талаблар

8. Мазкур Низомнинг 7-бандига мувофиқ номзоди кўрсатилган, республиканинг илмий ва олий таълим ташкилотларида илмий фаолият билан шуғулланадиган олимлар Фанлар академиясининг ҳақиқий аъзолигига (академиклигига) ва мухбир аъзолигига номзодлар ҳисобланадилар.

Бунда Фанлар академиясининг ҳақиқий аъзолигига (академиклигига) ва мухбир аъзолигига номзодлар кўрсатиш жараёнида ва танловнинг барча босқичларида уларнинг сўнгги 5 йил мобайнидаги илмий фаолияти самарадорлиги ва натижадорлигига эътибор қаратилади.

9. Фанлар академиясининг ҳақиқий аъзолигига (академиклигига) номзод қуйидаги талабларга жавоб бериши лозим:

Ўзбекистон Республикаси фуқароси бўлиши ва камида сўнгги 5 йил давомида Ўзбекистон Республикасида доимий ишлаган бўлиши;

Фанлар академияси мухбир аъзоси унвонига эга бўлиши;

илм-фаннинг муайян соҳасида илмий жамоатчилик томонидан тан олинган, фанни шахсан ўзи ёки илмий ва илмий-техник муаммолар бўйича жамоа бўлиб ишлашда фаол иштирок этиш асосида эришган шахсий ютуқлари ҳамда салмоқли илмий натижалари билан бойитган олим бўлиши;

ўз йўналишида янги илмий мактаб ташкилотчиси ва раҳбари ёки мавжуд илмий мактабнинг ривожида бевосита иштирок этган ҳамда 3 та фан доктори ва камида 5 та фан номзодини (ёки фалсафа докторлари) тайёрлаши билан тасдиқланган бўлиши;

жорий этилган ишланмаларга эгалиги ёки у раҳбарлик қилаётган ходимлар жамоаси эришган фан ютуқлари ишлаб чиқаришга жорий этилишида ҳамда амалиётда фойдаланилишида бевосита иштирок этган бўлиши;

фундаментал, амалий тадқиқотлар ва инновацион ишланмаларнинг илмий раҳбари эканлиги ёки сўнгги йилларда шу йўналишдаги илмий лойиҳаларга раҳбарлик қилган бўлиши;

хорижий ва халқаро илмий ҳамкорликдаги лойиҳаларда раҳбар бўлиши ёки уларнинг бажарилишида иштирок этиши.

10. Фанлар академиясининг мухбир аъзолигига номзодлар қуйидаги талабларга жавоб бериши лозим:

фанни салмоқли илмий ишлари билан бойитган, республиканинг илмий ташкилотлари ва олий таълим муассасаларида самарали илмий фаолият юритаётган 60 ёшгача бўлган фан докторлари бўлиши;

Ўзбекистон Республикаси фуқароси бўлиши ва камида сўнгги 5 йил давомида Ўзбекистон Республикасида доимий ишлаган бўлиши;

фан доктори илмий даражаси ва профессор илмий унвонига эга бўлиши;

илм-фаннинг муайян соҳасида илмий жамоатчилик томонидан тан олинган, фанни шахсан ўзининг салмоқли илмий натижалари билан бойитаётган олим бўлиши;

ўз йўналишида янги илмий мактаб яратаётган, бевосита иштироки билан 1 та фан доктори ҳамда камида 3 та фан номзодни (ёки фалсафа докторлари) тайёрлаши билан тасдиқланган бўлиши;

жорий этилган ишланмаларга эгалиги ва амалиётда фойдаланилишида бевосита иштирок этган бўлиши;

фундаментал, амалий тадқиқотлар ва инновацион ишланмаларнинг илмий раҳбари эканлиги ёки сўнгги йилларда шу йўналишдаги илмий лойиҳаларга раҳбарлик қилган бўлиши;

хорижий ва халқаро илмий ҳамкорликдаги лойиҳаларда раҳбар бўлиши ёки уларнинг бажарилишида иштирок этиши.

11. Фанлар академиясининг хорижий аъзолигига номзод Фанлар академиясининг Умумий йиғилиши томонидан хорижий фуқаролар орасидан саралаб олинади ва қонунчилик ҳужжатларига мувофиқ тасдиқланади.

3-боб. Танловнинг ташкил этилиши ва ўтказилиши

12. Фанлар академиясининг ҳақиқий аъзолигига (академиклигига) ёки мухбир аъзолигига номзодлар илмий ташкилот ва олий таълим ташкилотлари томонидан тегишли илмий (илмий-техник) кенгашлар йиғилишларида ёпиқ овоз бериш йўли билан дастлаб саралаб олинади.

Илмий (илмий-техник) кенгаш аъзоларининг 75 фоизи йиғилишда иштирок этганда, уларнинг камида учдан икки қисм овозини олган талабгорлар Фанлар академияси ҳақиқий аъзолигига ёки мухбир аъзолигига номзодлар ҳисобланади.

13. Фанлар академиясининг ҳақиқий аъзолигига (академиклигига) ёки мухбир аъзолигига танлов ўтказилиши ҳақида эълон берилган кундан бошлаб 1 ой мобайнида илмий ташкилот ва олий таълим ташкилотлари томонидан кўрсатилган номзодларнинг илмий ва илмий-ташкилий фаолиятини тавсифловчи ҳужжатларини рўйхатга олиш учун Фанлар академиясига тақдим этадилар.

Илмий ташкилот ва олий таълим ташкилотлари раҳбарлари Фанлар академиясининг ҳақиқий аъзолигига (академиклигига) ёки мухбир аъзолигига номзодларни кўрсатиш жараёнининг холислиги ва тақдим этилаётган ҳужжатларнинг ҳаққонийлиги учун шахсан жавобгардирлар.

14. Фанлар академиясининг ҳақиқий аъзолигига (академиклигига) ёки мухбир аъзолигига номзод кўрсатиш учун тақдимномага қуйидагилар (2 нусхада) илова қилинади:

илмий ташкилот номзоднинг танлов талабларига тўлиқ жавоб бериши ҳақидаги асосланган хулосаси ва танлов мезонларининг қоғоз ва электрон кўринишда тўлдирилган ва тасдиқланган шакли;

номзоднинг таржимаи ҳоли;

маълумотнома (объективка);

паспорт ёки ID карта нусхаси;

3.5х4.5 см ўлчамдаги 8 та фотосурат;

иш жойидан тасдиқланган меҳнат дафтарчасининг нусхаси;

мухбир аъзолик унвони (ҳақиқий аъзоликка номзодлар учун) ва фан доктори дипломи, профессор аттестати нусхалари;

илмий ишлар рўйхати (конференция тезислари ҳисобга кирмайди) ва импакт-факторли (Web of Science халқаро маълумотлар базасига мувофиқ) хорижий нашрлардаги мақолаларнинг нусхаси;

хорижда ва Ўзбекистонда нашр этилган монографиялар, дарслик ва ўқув қўлланмаларнинг 1-2 ва охирги бетларидан нусха;

халқаро, хорижий ва маҳаллий патентларнинг нусхалари;

Фанлар академиясининг ҳақиқий аъзолигига (академиклигига) ёки мухбир аъзолигига номзод томонидан тайёрланган фан докторлари ва номзодлари (ёки фалсафа докторлари) рўйхати (авторефератларни илова қилган ҳолда);

мазкур Низомнинг 9-банди талабларига мувофиқ Фанлар академиясининг ҳақиқий аъзолигига (академиклигига) ёки мухбир аъзолигига номзод томонидан фаннинг муайян соҳаси ривожига қўшган ҳиссаси, фанни шахсий илмий ютуқлар ва халқаро аҳамиятга молик натижалар билан бойитилган, шунингдек, унинг илмий-ташкилий фаолияти ҳақидаги маълумотнома (ўзбек ва рус тилларида қисқача 1 бет, 12 пт, Times New Roman шрифтида).

15. Фанлар академияси Президиуми қарори билан тегишли фан бўлимлари ҳақиқий аъзолар (академиклар) ва мухбир аъзолардан иборат танлов комиссиялари, фан бўлимлари ҳузурида ҳар бири камида 3 аъзодан иборат техник экспертиза гуруҳлари ҳамда фан бўлимлари ҳузурида шакллантирилган камида 5 та Фанлар академиясининг ҳақиқий аъзолари (академиклари) ва мухбир аъзоларидан иборат илмий эксперт гуруҳи таркиби тасдиқланади.

16. Танлов тўрт босқичда ўтказилади:

танловнинг биринчи босқичида — техник эксперт гуруҳи томонидан Фанлар академиясининг ҳақиқий аъзолигига (академиклигига) ёки мухбир аъзолигига номзодларнинг ҳужжатлари белгиланган тартибда қабул қилинади, техник экспертизадан ўтказилади ва илмий эксперт гуруҳига йўналтирилади;

танловнинг иккинчи босқичида — илмий эксперт гуруҳи томонидан Фанлар академиясининг ҳақиқий аъзолигига (академиклигига) ва мухбир аъзолигига номзодларнинг тақдим этган ҳужжатлари танлов талаблари ва тегишли ихтисосликка мослиги кўриб чиқади. Шунингдек, мазкур Низомга 2-илова билан тасдиқланган мезонлар асосида баҳоланади ва танлов комиссиясига йўналтирилади;

танловнинг учинчи босқичида — Фанлар академиясининг ҳақиқий аъзолигига (академиклигига) ва мухбир аъзолигига номзодлар тегишли танлов комиссияси йиғилишида ихтисослиги бўйича маъруза қилади ва танлов комиссияси талабгорнинг илмий-ташкилий фаолияти ва маърузасидан келиб чиққан ҳолда унга ёпиқ овоз бериш орқали баҳоланади;

танловнинг тўртинчи босқичида — Фаннинг тегишли соҳаси бўйича умумий ҳисобда энг кўп балл тўплаган Фанлар академиясининг ҳақиқий аъзолигига (академиклигига) ва мухбир аъзолигига номзодлар белгиланган квотага мувофиқ овоз бериш рўйхатига киритилади.

Танлов комиссияси аъзолари таклиф этилган барча номзодлар учун кетма-кет овоз берадилар. Танлов тартиб-тамойили ёпиқ овоз беришни назарда тутади.

Танлов комиссияси аъзоларининг 75 фоизи йиғилишда иштирок этганда, уларнинг камида учдан икки қисми овозини олган талабгорлар Фанлар академиясининг ҳақиқий аъзолигига (академиклигига) ёки мухбир аъзолигига сараланган деб ҳисобланадилар.

Агар номзод учдан икки қисмдан кам овоз олса, кетма-кетлик бўйича юқори балл тўплаган кейинги номзод овозга қўйилади.

17. Танлов комиссиялари томонидан Фанлар академиясининг ҳақиқий аъзолигига (академиклигига) ва мухбир аъзолигига сараланган номзодлар рўйхати Фанлар академияси Президиумига киритилади.

Фанлар академияси ҳақиқий аъзолигига (академиклигига) ва мухбир аъзолигига сараланган номзодлар Фанлар академиясининг Умумий йиғилишида муҳокама қилинади ва қарор қабул қилиш учун овозга қўйилади.

Фанлар академиясининг Умумий йиғилиши Вазирлар Маҳкамаси билан келишилган ҳолда, истисно тариқасида, Фанлар академиясининг ҳақиқий аъзолигига (академиклигига) ва мухбир аъзолигига номзодлик учун белгиланган квотадан четга чиқиб, республика илмий-технологик ва фан-таълим салоҳиятини ривожлантиришдаги алоҳида хизматларини инобатга олган ҳолда рўйхатга киритиш учун қўшимча номзодларни тавсия қилиш ҳуқуқига эга.

4-боб. Фанлар академиясининг ҳақиқий аъзолигига (академиклигига) ва мухбир аъзолигига номзодларни тасдиқлаш учун Ўзбекистон Республикаси Президентига тақдим этиш

18. Фанлар академияси Президиуми Умумий йиғилиш қарорига кўра Фанлар академиясининг ҳақиқий аъзолигига (академиклигига) ёки мухбир аъзолигига номзодларнинг танлов комиссиялари томонидан ўтказилган саралаш босқичини инобатга олган ҳолда тавсия этилган рўйхатини Ўзбекистон Республикаси Президенти кўриб чиқиши ва тасдиқлаши учун Ўзбекистон Республикаси Президенти Администрациясига киритади.

19. Фанлар академиясининг тасдиқланган ҳақиқий (академиклари) ва мухбир аъзолари таркиби оммавий ахборот воситалари ва Фанлар академиясининг расмий веб-сайтида эълон қилинади.

5-боб. Якунловчи қоидалар

20. Фанлар академияси Президиуми мазкур Низомга мувофиқ Фанлар академиясининг ҳақиқий аъзолигига (академиклигига) ва мухбир аъзолигига талабгор барча номзодларнинг ҳужжатлари холис кўриб чиқилиши учун бевосита жавобгардир.

21. Мазкур Низом талаблари бузилишида айбдор шахслар қонунчилик ҳужжатларида белгиланган тартибда жавобгар бўладилар.

Ўзбекистон Республикаси Фанлар академияси ҳақиқий аъзолари (академиклари) ва мухбир аъзоларини танлов асосида саралаш ва тасдиқлаш тартиби ҳақидаги низомга 1-ИЛОВА

Ўзбекистон Республикаси Фанлар академияси ҳақиқий аъзолигига (академиклигига) ва мухбир аъзолигига танлов асосида саралаш ва тасдиқлаш

Босқичлар Ижрочилар Тадбирлар Муддатлар 1-босқич Фанлар академияси Фанлар академиясининг ҳақиқий аъзолигига (академиклигига) ва мухбир аъзолигига квотани тегишли фан соҳалари илмий ихтисосликлари кесими бўйича шакллантирилади. Белгиланган муддатларда 2-босқич Фанлар академияси Фанлар академиясининг ҳақиқий аъзолигига (академиклигига) ва мухбир аъзолигига тегишли фан соҳалари илмий ихтисосликлари бўйича шакллантирилган квоталар миқдори, танлов асосида саралашни ўтказиш муддатлари ва санаси Вазирлар Маҳкамаси билан келишилган ҳолда, лекин кўпи билан икки йилда бир маротаба белгиланади. Белгиланган муддатларда, лекин кўпи билан икки йилда бир маротаба 3-босқич Фанлар академияси Танлов ўтказилиши ҳақидаги эълонни оммавий ахборот воситалари ва Фанлар академиясининг расмий веб-сайтида жойлаштиради. Квоталар тасдиқлангандан сўнг уч кун муддатда 4-босқич Фанлар академияси Фанлар академияси Президиуми томонидан тегишли фан бўлимлари академиклари (мухбир аъзолари)дан иборат танлов комиссиялари таркибини ҳамда илмий ва техник экспертлар гуруҳини тасдиқлайди. Танлов эълон қилинган кундан бошлаб бир ҳафта муддатда 5-босқич Илмий-ташкилот ва олий таълим муассасалари Илмий (илмий-техник) кенгашлари Илмий ташкилот ва олий таълим ташкилотлари Илмий (илмий-техник) кенгашлари мажлисларида очиқ овоз бериш йўли билан Фанлар академиясининг ҳақиқий аъзолигига (академиклигига) ва мухбир аъзолигига номзодларни кўрсатади. Танлов эълон қилинган кундан бошлаб бир ой муддатда 6-босқич Илмий-ташкилот ва олий таълим ташкилотлари Талаб қилинган ҳужжатлар тўпламини шакллантиради ва уни Фанлар академиясига тақдим этади. Танлов эълон қилинган кундан бошлаб бир ой муддатда 7-босқич Техник эксперт гуруҳи Фанлар академиясининг ҳақиқий аъзолигига (академиклигига) ва мухбир аъзолигига номзодларнинг ҳужжатларини Низомнинг 3-боб , 14-бандига асосан қабул қилади. Танлов эълон қилинган кундан бошлаб бир ой муддатда 8-босқич Илмий эксперт гуруҳи Фанлар академиясининг ҳақиқий аъзолари (академиклари) ва мухбир аъзолари бўйича келиб тушган ҳужжатларни танлов талаблари ва мезонлари, шунингдек, тегишли ихтисосликка мослигини экспертизадан ўтказади. Бир ҳафта муддатда 9-босқич Танлов комиссияси Фанлар академиясининг ҳақиқий аъзолигига (академиклигига) ва мухбир аъзолигига номзодларнинг илмий маърузаларини эшитади ва уларнинг илмий-ташкилотчилик фаолиятини танлов мезонларига мувофиқ 300 балли тизим бўйича баҳолайди. Йигирма кун муддатда 10-босқич Танлов комиссияси Фанлар академиясининг ҳақиқий аъзолигига (академиклигига) ва мухбир аъзолигига саралаб олинган номзодлар рўйхатини Фанлар академияси Президиумига тақдим этади. Уч кун муддатда 11-босқич Фанлар академияси Умумий йиғилиши Фанлар академиясининг ҳақиқий аъзолигига (академиклигига) ёки мухбир аъзолигига сараланган номзодларни Фанлар академиясининг Умумий йиғилишида муҳокама қилади ва қарор қабул қилиш учун овозга қўяди. Бир ҳафта муддатда 12-босқич Фанлар академияси Президиуми Фанлар академиясининг ҳақиқий аъзолигига (академиклигига) ва мухбир аъзолигига саралаб олинган номзодлар рўйхатини кўриб чиқиш учун Ўзбекистон Республикаси Президенти Администрациясига киритади. Бир ҳафта муддатда 13-босқич Фанлар академияси Фанлар академиясининг тасдиқланган ҳақиқий аъзолари (академиклари) ва мухбир аъзолари таркибини оммавий ахборот воситалари ва Фанлар академиясининг расмий веб-сайтида эълон қилади. Рўйхат тасдиқлангандан сўнг

Ўзбекистон Республикаси Фанлар академияси ҳақиқий аъзолари (академиклари) ва мухбир аъзоларини танлов асосида саралаш ва тасдиқлаш тартиби ҳақидаги низомга 2-ИЛОВА

Ўзбекистон Республикаси Фанлар академияси ҳақиқий аъзолигига (академиклигига) ва мухбир аъзолигига номзодларни танлов асосида саралаш

Т/р Мезон кўрсаткичлари баллар мухбир аъзолар ҳақиқий аъзолар * юқори балл 1. Халқаро рейтинг 65 балгача 1.1. Web of Science базаси бўйича Хирш индекси 5 — 10 ** 2.5х N 20 - 11 дан юқори 20 - 10 — 15 *** 2.5х N - 20 15 дан юқори 20 - 1.2. Халқаро ва хорижий патентлар 1 тадан 3 тагача халқаро патентлар 3х N 20 4 та ва ундан ортиқ халқаро патентлар 13 1 тадан 3 тагача хорижий патентлар 1.5х N 4 та ва ундан ортиқ хорижий патентлар 7 1.3. Хорижий грантларга раҳбарлиги учун: Фақат чет эл томони молиялаштирган грант 6 10 «Ўзбекистон-хорижий давлат» қўшма гранти 4 1.4. Хорижда нашр этилган монографиялари **** 1 та монография ёки монографиядаги боблар учун 4 10 2 та ва ундан ортиқ монография ёки монографиядаги боблар учун 10 1.5. Scopus ва Web of Science базаларида индексацияланадиган хорижий журнал таҳририяти аъзоси 2 2 1.6. Хорижий аъзоликлар, мукофотлар (миллий академия аъзоси ***** , халқаро нуфузли илмий жамият аъзоси) 3 3 2. Илмий, илмий-педагогик ва меҳнат фаолияти 80 балгача 2.1. Ўзбекистонда нашр этилган монографиялар ****** 1х N 3 2.2. Шарҳловчи мақолалар 1х N 4 2.3. Олий таълим ташкилотлари магистрлари ва бакалавриат талабалари учун Олий таълим, фан ва инновациялар вазирлиги тавсия этган ўз ихтисослиги доирасидаги ўқув предметлари бўйича: 4.5 1 тадан 3 тагача дарсликлар 1х N 1 тадан 3 тагача ўқув қўлланмалар 0.5х N 2.4. Мактаблар ўқувчилари учун Мактабгача ва мактаб таълими вазирлиги тавсия этган ўқув предметлари бўйича: 4.5 1 тадан 3 тагача дарсликлар 1х N 1 тадан 3 тагача ўқув қўлланмалар 0.5х N 2.5. Интеллектуал мулк объектларининг муҳофаза қилиниши: 1 тадан 3 тагача ихтиро учун патентлар 2х N 15 4 та ва ундан ортиқ ихтиро учун патентлар 10 1 тадан 3 тагача фойдали модель учун патентлар 1х N 4 та ва ундан ортиқ фойдали модель учун патентлар 5 2.6. Илмий фаолиятга оид давлат дастурлари доирасида бажариладиган лойиҳаларга раҳбарлиги учун: фундаментал лойиҳа 35 1 тадан 2 тагача 4х N 3 та ва ундан ортиқ 15 амалий лойиҳа 1 тадан 2 тагача 3х N 3 та ва ундан ортиқ 12 инновацион лойиҳа 1 тадан 2 тагача 2х N 3 та ва ундан ортиқ 8 2.7. Фан-техника соҳасидаги давлат мукофоти, илм-фан соҳасида хизмат кўрсатган фан арбоби: Фан-техника, адабиёт ва санъат соҳасидаги давлат мукофоти лауреати 7 14 Илм-фан соҳасида фан арбоби 5 Ўзбекистонда хизмат кўрсатган фахрий унвонлар учун 2 3. Олий малакали илмий ва илмий-педагогик кадрларни тайёрлаш 35 баллгача 1 нафардан 3 нафаргача фан доктори 4х N 35 - 4 нафар ва ундан ортиқ фан доктори 20 - 3-10 нафаргача фан номзоди/ фалсафа докторлари 1.5х N - 11 нафар ва ундан ортиқ фан номзоди/ фалсафа докторлари 15 - 3 нафардан 5 нафаргача фан доктори 4х N - 35 5 нафар ва ундан ортиқ фан доктори 20 - 5-12 нафар фан номзоди/ фалсафа докторлари 1.5х N - 13 нафар ва ундан ортиқ фан номзоди/ фалсафа докторлари 15 - 4. Тадқиқот натижаларининг амалиётга жорий қилиш 20 балгача 4.1. Хорижий, лицензион ёки хўжалик шартномаси асосида ҳозирги кунда бухгалтерияга келиб тушган маблағ учун: Йилига 500 млн сўмдан 2.5 млрд сўмгача 12 12 - Йилига 2.5 млрд сўмдан ортиқ 20 20 - Йилига 1 млрд сўмдан 4 млрд сўмгача 12 - 12 Йилига 4 млрд сўмдан ортиқ 20 - 20 Жами 200 5. Бўлим комиссиясида ихтисослиги бўйича маъруза учун 100 балгача Умумий жамланган балл 300

талабгор фаолият юритаётган ташкилот илмий кенгашнинг қарори;

юқори турувчи ташкилот ҳайъатининг хулосаси;

халқаро мутахассислар тақризи;

300 дан ортиқ тиражда чоп этилиши.

ЭСЛАТМА:

1. Барча бандлар бўйича тўпланадиган баллар тегишли ҳужжатлар билан тасдиқланиши лозим. Қўйилган балларнинг ҳаққонийлиги Ўзбекистон Республикаси Фанлар академияси Президиуми шакллантирадиган танлов комиссиялари ҳузуридаги эксперт гуруҳлари томонидан текширилади.

2. Ҳаммуаллифликда бажарилган монография, дарслик ва ўқув қўлланмалар учун белгиланган баллар муаллифлар сонига кўра тақсимланади.

3. Талабгорларнинг фанлар бўлимида қиладиган илмий маърузаларига қадар тўпланган баллари физика-математика ва табиий фанлар учун 30 фоиздан кам бўлса, ижтимоий фанлар учун 20 фоиздан кам бўлса, номзод фан бўлимларида ўз илмий йўналишининг устувор соҳаси бўйича маъруза қилишга қўйилмайди.

4. N — мезон кўрсаткичлари сони.

Вазирлар Маҳкамасининг 2026 йил 3 июндаги 282-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Ўзбекистон Республикаси Фанлар академиясининг уставини тасдиқлаш тўғрисида» 2017 йил 31 майдаги 331-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида» 2017 йил 8 сентябрдаги ПФ-5052-сон Фармони, Ўзбекистон Республикаси Президентининг «Ўзбекистон Республикаси Бандлик ва меҳнат муносабатлари вазирлиги фаолиятини ташкил этиш чора-тадбирлари» 2017 йил 8 сентябрдаги ПҚ-3001-сон қарори) 2017 йил 24 майдаги 703-сон қарорига илованинг 48-банди .

3. Вазирлар Маҳкамасининг «Ўзбекистон Республикаси Фанлар академияси ҳақиқий аъзолари (академиклари)ни танлов асосида саралаш ва тасдиқлаш тартиби ҳақидаги низомни тасдиқлаш тўғрисида» 2017 йил 23 октябрдаги 856-сон қарори .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзи қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Инновацион ривожланиш вазирлигини ташкил этиш тўғрисида» 2017 йил 29 ноябрдаги ПФ-5264-сон Фармони ва Ўзбекистон Республикаси Президентининг «Инновацион ривожланиш вазирлиги фаолиятини ташкил этиш тўғрисида» 2017 йил 30 ноябрдаги ПҚ-3416-сон қарори)» 2018 йил 14 февралдаги 109-сон қарорига илованинг 15-банди .

5. Вазирлар Маҳкамасининг «Ўзбекистон Республикаси Фанлар академияси уставига ўзгартириш ва қўшимчалар киритиш тўғрисида» 2019 йил 25 ноябрдаги 947-сон қарори.

6. Вазирлар Маҳкамасининг «Илмий ва инновацион фаолиятни бошқариш тизимини ташкил этиш чора-тадбирлари тўғрисида» 2021 йил 27 августдаги 545-сон қарорига 3-илованинг 8-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида («Ўзбекистон Республикасининг «Ўзбекистон Республикаси аҳолиси ва ҳудудининг сейсмик хавфсизлигини таъминлаш тўғрисида» 2021 йил 13 сентябрдаги ЎРҚ-713-сон Қонуни) 2022 йил 9 мартдаги 102-сон қарорига илованинг 1-банди .

Ўзбекистон Республикасининг Бош вазири А. АРИПОВ

Тошкент ш.,

2026 йил 3 июнь,

282-сон

(Қонунчилик маълумотлари миллий базаси, 04.06.2026 й., 09/26/282/0560-сон)

lex.uz

Oʻzbekiston Respublikasi Vazirlar Mahkamasining

qarori

USTAVI

NIZOM

SXEMASI

MEZONLARI

Oʻzbekiston Respublikasi Fanlar akademiyasining ustavi hamda haqiqiy aʼzolari (akademiklari) va muxbir aʼzolarini saralash va tasdiqlash tartibini tasdiqlash toʻgʻrisida

Oʻzbekiston Respublikasi Prezidentining “Oʻzbekiston Respublikasi Fanlar akademiyasi faoliyatini takomillashtirish chora-tadbirlari toʻgʻrisida” 2025-yil 27-dekabrdagi PQ-390-son qarori ijrosini taʼminlash, shuningdek, mamlakatimiz ilm-fan sohasining istiqbolli ilmiy yoʻnalishlari boʻyicha ilmiy-texnik va innovatsion tadqiqotlarni amalga oshirish, ilmiy ishlanmalarning natijalarini amaliyotga joriy etish, xalqaro hamkorlikni rivojlantirish hamda yuqori malakali ilmiy kadrlar tayyorlash maqsadida Vazirlar Mahkamasi qaror qiladi:

1. Quyidagilarni nazarda tutuvchi Oʻzbekiston Respublikasi Fanlar akademiyasining ustavi hamda Oʻzbekiston Respublikasi Fanlar akademiyasining haqiqiy aʼzolari (akademiklari) va muxbir aʼzolarini tanlov asosida saralash va tasdiqlash tartibi toʻgʻrisidagi nizom 1 va 2-ilovalarga muvofiq tasdiqlansin:

Fanlar akademiyasining asosiy vazifalari va funksiyalari, ilmiy tadqiqotlarni taʼlim va ishlab chiqarish bilan integratsiya qilish mexanizmlarini mustahkamlash va rivojlantirish bosqichlari boʻyicha takliflar ishlab chiqish;

Fanlar akademiyasining Umumiy yigʻilishi vakolatlarini belgilash, Umumiy yigʻilishda akademiklar faolligini oshirish;

Fanlar akademiyasi aʼzoligiga saylash va ilmiy tashkilotlar direktorligiga nomzodlarni tayinlash tartibini belgilash.

2. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

3. Oʻzbekiston Respublikasi Fanlar akademiyasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

4. Ushbu qarorning bajarilishini nazorat qilish Oʻzbekiston Respublikasi Fanlar akademiyasi prezidenti Sh.A. Ayupov zimmasiga yuklansin.

Vazirlar Mahkamasining 2026-yil 3-iyundagi 282-son qaroriga 1-ILOVA

Oʻzbekiston Respublikasi Fanlar akademiyasining

1-bob. Umumiy qoidalar

1. Ushbu Ustav Oʻzbekiston Respublikasi Fanlar akademiyasining (keyingi oʻrinlarda — Fanlar akademiyasi) maqomi, asosiy vazifalari va funksiyalari, Fanlar akademiyasi aʼzolarining huquqlari va majburiyatlari, shuningdek, faoliyatini tashkil etish tartibini belgilaydi.

2. Fanlar akademiyasi mamlakatning ilm-fan, texnika, madaniyat va maʼrifat sohalarida fundamental, ilmiy-amaliy tadqiqotlar va innovatsion ishlanmalarni (keyingi oʻrinlarda — ilmiy tadqiqotlar) muvofiqlashtiruvchi va amalga oshiruvchi yetakchi davlat ilmiy tashkiloti hisoblanadi.

3. Fanlar akademiyasi oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonunchilik hujjatlariga, shuningdek, ushbu Ustavga amal qiladi.

4. Fanlar akademiyasining faoliyati Oʻzbekiston Respublikasi qonunchilik hujjatlari va ushbu Ustavga muvofiq oʻzini oʻzi boshqarish va takomillashtirish tamoyillari asosida amalga oshiriladi hamda Oʻzbekiston Respublikasi Davlat budjeti va budjetdan tashqari mablagʻlar hisobidan moliyalashtiriladi.

5. Fanlar akademiyasi Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) oʻz vazifalarini amalga oshirish jarayonidagi dolzarb va ustuvor muammolarni hal etishda qonunchilik hujjatlarini takomillashtirish boʻyicha belgilangan tartibda takliflar kiritish huquqiga ega.

6. Fanlar akademiyasi, uning Qoraqalpogʻiston mintaqaviy boʻlimi (keyingi oʻrinlarda — mintaqaviy boʻlim), viloyatlardagi hududiy boʻlimlari (keyingi oʻrinlarda — hududiy boʻlimlar), ilmiy tashkilotlari va tizimidagi tashkilotlar (keyingi oʻrinlarda — tizim tashkilotlari) oʻzining ustavida belgilangan maqsadlarga mos keladigan tadbirkorlik faoliyati bilan shugʻullanishi mumkin.

7. Fanlar akademiyasi oʻz tizim tashkilotlari mol-mulklariga, ular tomonidan yaratilgan intellektual mulk obyektlariga (ilmiy-tadqiqot ishlari natijalari, “nou-xau”lar, ilmiy-tekshirish, tajriba-konstruktorlik va texnologiya ishlari, ixtirolar, foydali modellar, sanoat namunalari, seleksiya yutuqlari, urugʻchilik, dasturiy mahsulotlar va shu kabilarga) belgilangan tartibda egalik qilish, ulardan foydalanish va ularni tasarruf etish huquqiga ega.

Bunda mazkur faoliyat bilan bogʻliq maʼlumotlar Fanlar akademiyasi tomonidan doimiy ravishda yuritiladigan maʼlumotlar bazasida aks ettiriladi hamda undan tadqiqotlar oʻtkaziladigan ilmiy tashkilotlar foydalanish huquqiga ega boʻladilar.

8. Fanlar akademiyasi oʻz tizim tashkilotlariga yuklangan funksiyalar va vazifalarning samarali bajarilishi uchun masʼul hisoblanadi.

9. Fanlar akademiyasi oʻz faoliyati boʻyicha Vazirlar Mahkamasiga har yili hisobot beradi.

10. Fanlar akademiyasi, uning tizim tashkilotlari yuridik shaxs hisoblanadi hamda oʻzining mustaqil balansiga, Oʻzbekiston Respublikasi Davlat gerbi tasviri tushirilgan, tashkilot nomi yozilgan muhrga, boshqa zarur muhr va shtamplarga, bank hisobvaraqlariga, jumladan, valyuta hisobvaragʻiga ega boʻladi.

11. Fanlar akademiyasining joylashgan joyi (pochta manzili): Toshkent shahri, akademik Yahyo Gʻulomov koʻchasi, 70-uy, 100047.

12. Fanlar akademiyasining rasmiy nomi:

davlat tilida — Oʻzbekiston Respublikasi Fanlar akademiyasi;

rus tilida — Akademiya nauk Respubliki Uzbekistan;

ingliz tilida — Uzbekistan Academy of Sciences.

2-bob. Fanlar akademiyasining asosiy vazifalari va funksiyalari

13. Fanlar akademiyasining asosiy vazifalari quyidagilardan iborat:

fizika-matematika, texnika, tabiiy, tibbiyot va biotexnologiya, qishloq xoʻjaligi, ijtimoiy-gumanitar ilm-fan sohalarida ilmiy tadqiqotlar oʻtkazish va ularning natijalarini amaliyotga tatbiq etish;

ilm-fanni taʼlim va ishlab chiqarish bilan integratsiya qilish mexanizmlarini mustahkamlash va rivojlantirish;

iqtisodiyot tarmoqlari va respublika hududlari ehtiyojlarini hisobga olgan holda, ilm-fan va texnologiya rivojlanishining ustuvor yoʻnalishlari, davlat ilmiy dasturlarini shakllantirish boʻyicha takliflar ishlab chiqish;

respublika iqtisodiyoti uchun jahon va mamlakat ilm-fan yutuqlaridan foydalanishga oid tavsiyalar ishlab chiqish;

xorijiy davlatlarning ilmiy tashkilotlari va jamgʻarmalari bilan xalqaro hamkorlikni amalga oshirish, xalqaro grantlarni jalb qilish, xalqaro ilmiy forum va anjumanlarni tashkil etish va oʻtkazishda qatnashish;

mamlakatimiz ilm-fani, ilmiy salohiyati, fan-texnika sohasida erishilgan yutuqlarni targʻib qilish va ommalashtirish;

ilmiy tashkilotlarda faoliyat yuritish jozibadorligini oshirish orqali yosh kadrlar oqimini taʼminlash hamda yuqori malakali ilmiy kadrlarni tayyorlashda ishtirok etish.

14. Fanlar akademiyasi oʻziga yuklangan vazifalarni bajarish uchun quyidagi funksiyalarni amalga oshiradi:

a) fizika-matematika, texnika, tabiiy, tibbiyot va biotexnologiya, qishloq xoʻjaligi, ijtimoiy-gumanitar ilm-fan sohalarida ilmiy tadqiqotlar oʻtkazish va ularning natijalarini amaliyotga tatbiq etish boʻyicha :

ilm-fan, texnika va innovatsion rivojlanish sohasida ilmiy loyihalarni amalga oshirishni oʻz vakolati doirasida taʼminlaydi;

ilmiy faoliyatga oid davlat dasturlari doirasidagi ilmiy loyihalarni ekspertizadan oʻtkazishda ishtirok etadi;

davlat va jamiyatni ijtimoiy-iqtisodiy, ilmiy-texnik, madaniy-maʼrifiy va maʼnaviy-axloqiy rivojlantirishga yoʻnaltirilgan fizika-matematika, texnika, tabiiy, qishloq xoʻjaligi, tibbiyot, ijtimoiy-gumanitar fanlar sohasida ilmiy tadqiqotlar oʻtkazadi, ilmiy tadqiqot natijalarini amaliyotga tatbiq etish mexanizmlarini ishlab chiqadi;

ilmiy faoliyat subyektlari uchun ilmiy asbob-uskunalardan jamoaviy foydalanish markazlari, noyob ilmiy obyektlardan qonunchilik hujjatlarida belgilangan tarzda foydalanish bilan bogʻliq zarur shart-sharoitlar yaratadi;

tadqiqotchilar va ilmiy tadqiqot oʻtkazayotgan jamoalarning ilmiy asarlarini tezkorlik bilan eʼlon qilish maqsadida noshirlik faoliyatini amalga oshiradi, Fanlar akademiyasining davriy nashrlarini tayyorlash va chop etish ishlarini taʼminlaydi. Fanlar akademiyasining davriy nashrlari tahririyati tarkibiga xorijiy olimlarni jalb etadi va ularning faoliyatini tashkil etadi;

Fanlar akademiyasi, uning tizim tashkilotlari, Fanlar akademiyasining haqiqiy aʼzolari (akademiklari) va muxbir aʼzolari, shuningdek, tizim tashkilotlarida ilmiy xodimlar va mutaxassislarning samarali faoliyatini taʼminlaydi, ilmiy tadqiqotlarni tashkil etadi va oʻtkazadi;

b) ilm-fanni taʼlim va ishlab chiqarish bilan integratsiya qilish mexanizmlarini mustahkamlash va rivojlantirish boʻyicha:

iqtisodiyotning jadal oʻsib borayotgan yoʻnalishlarida “oliy taʼlim tashkiloti — ilmiy tashkilot — korxona” oʻrtasida hamkorlikni mustahkamlaydi va takomillashtiradi;

Fanlar akademiyasi, uning tizim tashkilotlari turdosh oliy taʼlim va tarmoq ilmiy tashkilotlari bilan olimlarning avlod almashinuvi uzviyligini, shuningdek, ilmiy tashkilotlar uchun yosh mutaxassislar tayyorlashda hamkorlikni taʼminlaydi;

Fanlar akademiyasining akademiklari va yetakchi olimlari tomonidan sohaviy oliy taʼlim tashkilotlarida maʼruza mashgʻulotlari oʻtkazilishini, fan doktori ilmiy darajasi (DSc) va falsafa doktori (PhD) talabgorlariga hamda magistrlarning ilmiy ishlariga rahbarlikni taʼminlaydi;

Fanlar akademiyasining ilmiy tashkilotlari va oliy taʼlim tashkilotlarining fakultetlari bazasida fundamental va amaliy tadqiqotlar oʻtkazadigan idoralararo ilmiy-tadqiqot laboratoriyalari va markazlarini tashkil etadi;

davlat muzeylari va koʻrgazmalar, innovatsion va (yoki) ilmiy-texnologik tuzilmalarni (texnoparklar, innovatsion markazlar, innovatsion klasterlar va boshqalar) tashkil etishda va ularning faoliyatini ilmiy-uslubiy qoʻllab-quvvatlashda ishtirok etadi;

ilm-fanning moddiy-texnik bazasi va ijtimoiy taʼminotini rivojlantirishga, ilm-fan, taʼlim va ishlab chiqarish oʻrtasidagi aloqalarni mustahkamlashga, integratsiya mexanizmlarini takomillashtirishga, ilm-fanning innovatsion salohiyatidan samarali foydalanishga doir takliflarni yuqori tashkilotlarga kiritishda tashabbus koʻrsatadi va ularni ishlab chiqishda bevosita ishtirok etadi;

v) respublika iqtisodiyoti uchun ilm-fan va texnologiyalarni rivojlantirishning ustuvor yoʻnalishlari, davlat ilmiy dasturlarini shakllantirish uchun takliflar ishlab chiqish boʻyicha:

istiqbolli ilmiy tadqiqotlarning davlat va boshqa ilmiy-texnik dasturlarini;

mamlakatni ijtimoiy-iqtisodiy rivojlantirish davlat dasturlarini (ilmiy-uslubiy ekspertiza va dasturlarni amalga oshirishning maqsadga muvofiqligini asoslash boʻyicha);

ilmiy tashkilotlarning ilmiy tadqiqotlari va innovatsion faoliyatini Oʻzbekiston Respublikasi Davlat budjetidan va belgilangan tartibda jalb etilgan budjetdan tashqari manbalaridan moliyalashtirishning samarali mexanizmlarini;

Fanlar akademiyasi ilm-fan va texnologiyalarni rivojlantirishning ustuvor yoʻnalishlarini, ular asosida yuzaga kelishi mumkin boʻlgan texnologiyalar va innovatsiyalarni rivojlantirish istiqbollarini ishlab chiqadi hamda Vazirlar Mahkamasiga taqdim etadi;

g) respublika iqtisodiyoti uchun jahon va mamlakat ilm-fan yutuqlaridan foydalanishga oid tavsiyalar ishlab chiqish boʻyicha:

jahon ilm-fani va texnologiya yutuqlarini umumlashtiradi, ulardan foydalanishni tavsiya etadi, ilmiy tashkilotlar faoliyatiga xorijiy hamda ichki investitsiyalar jalb etilishida ishtirok etadi, shuningdek, ulardan oqilona foydalanilishini taʼminlaydi;

Fanlar akademiyasida yaratilgan ixtirolarni va boshqa intellektual mulk obyektlari oʻz vaqtida patentlanishida, shu jumladan, xalqaro patentlar olishda koʻmaklashadi, qonunchilik hujjatlariga muvofiq ulardan oʻz faoliyatida foydalanadi va ularning himoya qilinishini taʼminlaydi. Tijorat sirini tashkil etuvchi “nou-xau” va boshqa intellektual mulk obyektlarini himoya qilish uchun tegishli choralarni koʻradi;

iqtisodiyot tarmoqlarini rivojlantirish va ilmiy hajmdor mahsulotlar ishlab chiqarishni tashkil etishga koʻmaklashadi;

mamlakat ijtimoiy-iqtisodiy, siyosiy-huquqiy, maʼnaviy-maʼrifiy intellektual salohiyatini oshirishga xizmat qiladigan ilm-fan yutuqlarini va ilmiy hajmdor texnologiyalarni amaliyotga qoʻllashga doir samarali takliflarni ishlab chiqadi va tegishli tashkilotlarga kiritadi;

d) xorijiy davlatlarning ilmiy tashkilotlari va jamgʻarmalari bilan xalqaro hamkorlikni amalga oshirish, xalqaro grantlarni jalb qilish, xalqaro ilmiy forum va anjumanlarni tashkil etish va oʻtkazishda qatnashish boʻyicha:

xorijiy mamlakatlar ilmiy tashkilotlari va taʼlim tashkilotlari bilan xalqaro ilmiy-texnik hamkorlikning samarali shakllari hamda yoʻnalishlarini, jumladan, hamkorlikda ilmiy loyihalarni amalga oshiradi;

ilmiy kadrlarning, shu jumladan, Fanlar akademiyasi ilmiy tashkilotlari yosh olimlarining xorijdagi yetakchi ilmiy va taʼlim tashkilotlarida oʻqishini va malakasini oshirishni tashkil etishda koʻmaklashadi;

xorijiy ilmiy tashkilot va oliy taʼlim tashkilotlari bilan hamkorlikdagi ilmiy tadqiqotlar uchun xorijiy tashkilotlar hamda jamgʻarmalarning xalqaro ilmiy grantlarini jalb etadi;

dolzarb ilmiy-texnik muammolar hamda buyuk mutafakkirlar, mashhur ilm-fan va adabiyot arboblari sharafiga bagʻishlangan xalqaro ilmiy, ilmiy-texnik kongresslar, konferensiyalar, simpoziumlar, seminarlarni tashkil etish va oʻtkazishda, shuningdek, xalqaro ilmiy jurnallarning tahrir hayʼatlari ishlarida ishtirok etadi;

Fanlar akademiyasi oʻz faoliyatini amalga oshirish uchun turli vaqtincha yoki doimiy komissiyalar, jumladan, ilmiy faoliyat etikasi boʻyicha komissiya, arxiv komissiyasi va boshqalarni tashkil etadi;

e) mamlakatimiz ilm-fani, ilmiy salohiyati, fan-texnika sohasida erishilgan yutuqlarni targʻib qilish va ommalashtirish boʻyicha:

mamlakatimiz va jahonning ilmiy yutuqlari, shuningdek, mutafakkir ajdodlarimizning sivilizatsiyaga qoʻshgan boy ilmiy merosini ommalashtirish orqali ilmiy bilimlarni targʻib qiladi;

Fanlar akademiyasining taniqli olimlar sharafiga va ularning nomi bilan ataluvchi mukofotlarni taʼsis etish boʻyicha belgilangan tartibda yuqori tashkilotlarga takliflar kiritadi va bu mukofotlarni yuksak ilmiy va ilmiy-texnik yutuqlarga erishgan olimlar hamda ijodiy jamoalarga beradi;

ilmiy-tadqiqotlar ishlarining eng muhim yoʻnalishlari boʻyicha ilmiy kengashlar, jamiyatlar va boshqa birlashmalarni tashkil etadi, ularning samarali ishlashini taʼminlaydi hamda ilm-fanni rivojlantirishda ularning imkoniyatlaridan keng foydalanadi;

Fanlar akademiyasi olimlarining ilmiy yutuqlarini ommaviy axborot vositalari orqali muntazam yoritib boradi;

j) ilmiy tashkilotlarda faoliyat yuritish jozibadorligini oshirish orqali yosh kadrlar oqimini taʼminlash hamda yuqori malakali ilmiy kadrlarni tayyorlashda ishtirok etish boʻyicha:

ilm-fan va taʼlimning jamiyat hayotidagi nufuzi hamda ahamiyatini oshirish, olimlarning ijtimoiy himoyasini kuchaytirish, ilmiy xodimlarning huquqlarini taʼminlashga doir tadbirlarni amalga oshiradi;

Fanlar akademiyasining ilmiy va moddiy-texnik bazasidan foydalangan holda, ilmiy-tadqiqotlar ishlarini tashkil etish va oʻtkazishga fan tarmoqlari boʻyicha yuqori malakali ilmiy kadrlar tayyorlashda tarmoq ilmiy-tadqiqot va oliy taʼlim tashkilotlariga koʻmaklashadi;

Fanlar akademiyasi huzuridagi Yosh olimlar kengashi faoliyatini tubdan takomillashtiradi va ularning ijtimoiy qoʻllab-quvvatlash tizimini ishlab chiqadi.

3-bob. Fanlar akademiyasining Umumiy yigʻilishi

15. Fanlar akademiyasining Umumiy yigʻilishi (keyingi oʻrinlarda — Umumiy yigʻilish) uning yuqori boshqaruv organi hisoblanib, Fanlar akademiyasining haqiqiy aʼzolari (akademiklari) va muxbir aʼzolaridan hamda ilmiy tashkilotlar direktorlaridan iborat boʻladi.

16. Umumiy yigʻilish ilm-fan rivojlanishining eng muhim masalalari va Fanlar akademiyasi faoliyatini koʻrib chiqish uchun Fanlar akademiyasi Prezidiumi tomonidan yiliga kamida bir marta chaqiriladi.

Umumiy yigʻilish Fanlar akademiyasi Prezidiumi qarori yoki Umumiy yigʻilish aʼzolarining kamida uchdan bir qismining murojaati, shuningdek, fan yoʻnalishlari boʻlimlarining taklifiga koʻra ular tavsiya etgan masalalarni muhokama qilish uchun ham chaqirilishi mumkin.

17. Umumiy yigʻilish:

ilm-fanni rivojlantirishning ustuvor va istiqbolli yoʻnalishlarini muhokama qiladi hamda ular boʻyicha zarur tavsiyalar ishlab chiqadi va qabul qiladi;

ovoz berish orqali Fanlar akademiyasi prezidenti, Birinchi vitse-prezidenti — bosh ilmiy kotib va vitse-prezidentlarni besh yil muddatga saylaydi, shuningdek, ushbu Ustavga muvofiq ularni lavozimidan ozod etish boʻyicha Fanlar akademiyasi Prezidiumiga takliflar beradi;

Fanlar akademiyasining ustavini tasdiqlash, unga oʻzgartirish va qoʻshimchalar kiritish toʻgʻrisida Vazirlar Mahkamasiga takliflar kiritadi;

Fanlar akademiyasining xorijiy va faxriy aʼzolarini ochiq ovoz berish yoʻli bilan saylaydi;

Fanlar akademiyasining yillik hisobotini muhokama qiladi va tasdiqlaydi;

Fanlar akademiyasi prezidenti, Birinchi vitse-prezidenti — bosh ilmiy kotib, vitse-prezidentlari va Fanlar akademiyasining mintaqaviy va viloyatlardagi hududiy boʻlimlari rahbarlari (raislari)ning yillik hisobotlarini muhokama qiladi va tasdiqlaydi;

ilm-fanning ustuvor yoʻnalishlari boʻyicha yetakchi olimlarning maʼruzalarini eshitadi, muhokama qiladi, tegishli tavsiyalar beradi;

ilm-fan sohasidagi dolzarb ilmiy-tashkiliy masalalarni muhokama qiladi;

ilmiy tashkilotlarni tashkil qilish va ularning faoliyatini tugatish toʻgʻrisidagi masalalarni koʻrib chiqadi;

zarurat boʻlganda, Fanlar akademiyasi faoliyatiga daxldor boshqa masalalarni ham koʻrib chiqadi.

18. Umumiy yigʻilish aʼzolarining kamida uchdan ikki qismi majlisda qatnashganda va qaror qabul qilish uchun yigʻilishda qatnashganlarning uchdan ikki qismi ovoz bergan taqdirda, Umumiy yigʻilish vakolatli boʻladi va uning qarorlari qabul qilingan hisoblanadi.

19. Umumiy yigʻilish qarorlarini bajarish Fanlar akademiyasi, uning tizim tashkilotlari, Fanlar akademiyasi haqiqiy aʼzolari (akademiklari) va muxbir aʼzolari va xodimlari uchun tavsiya etiladi.

4-bob. Fanlar akademiyasining tarkibi

20. Fanlar akademiyasi faoliyati ilmiy-tarmoq va hududiy tamoyillar boʻyicha tashkil etiladi.

21. Fanlar akademiyasi oʻz haqiqiy aʼzolari (akademiklari) va muxbir aʼzolari, faxriy va xorijiy aʼzolari, shuningdek, tizim tashkilotlarida xizmat qiluvchi ilmiy xodimlari va mutaxassislarini birlashtiradi.

22. Fanlar akademiyasi tarkibiga quyidagilar kiradi:

boshqaruv apparati;

mintaqaviy va hududiy boʻlimlar;

ilmiy tashkilotlar;

Fanlar akademiyasining tashkiliy tuzilmasiga kiruvchi boshqa tashkilotlar.

23. Fanlar akademiyasining tashkiliy tuzilmasi Oʻzbekiston Respublikasi Prezidenti tomonidan tasdiqlanadi.

Fanlar akademiyasi prezidenti zarurat boʻlganda, Fanlar akademiyasi boshqaruv apparatining tuzilmasiga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritishi mumkin.

24. Fanlar akademiyasi Prezidiumi Fanlar akademiyasi faoliyatini tezkor boshqaruvchi kollegial organ hisoblanadi.

Fanlar akademiyasi Prezidiumi tarkibiga Fanlar akademiyasi prezidenti, Birinchi vitse-prezidenti — bosh ilmiy kotib, vitse-prezidentlar, mintaqaviy va hududiy boʻlim rahbarlari (Namangan, Samarqand va Termiz shaharlaridagi hududiy boʻlimlar rahbarlari bundan mustasno), Fanlar akademiyasi boshqaruv apparatidagi fan yoʻnalishlari boʻyicha boʻlimlar (keyingi oʻrinlarda — fan boʻlimlari) boshliqlari, shuningdek, ilm-fan yoʻnalishlaridan jamoatchilik asosida taklif etilgan akademiklar, muxbir aʼzolar kiradi.

Fanlar akademiyasi Prezidiumi tarkibi Umumiy yigʻilish tomonidan besh yil muddatga ochiq ovoz berish yoʻli bilan tasdiqlanadi.

Fanlar akademiyasi Prezidiumi fan boʻlimlari orqali ilmiy tashkilotlarni boshqaradi.

Fan boʻlimiga bevosita Fanlar akademiyasi Prezidiumi aʼzosi hisoblangan boʻlim boshligʻi rahbarlik qiladi. Boʻlim boshligʻi tegishli ilmiy yoʻnalishda faoliyat koʻrsatayotgan Fanlar akademiyasining haqiqiy aʼzolari (akademiklari) va muxbir aʼzolari orasidan besh yil muddatga ochiq ovoz berish yoʻli bilan saylanadi.

Fan boʻlimlari oʻz tizimidagi ilmiy tashkilotlar faoliyatini koʻrib chiqadi va har tomonlama tahlil qiladi, ularning faoliyat yoʻnalishlari, ilmiy, innovatsion va tashkiliy faoliyati darajasi va samaradorligini muhokama va tahlil qiladi, yillik hisobotlarni tasdiqlaydi.

Fan boʻlimlari mazkur tahlillar asosida ilmiy tashkilotlarning samarali faoliyatiga toʻsqinlik qilayotgan mavjud muammolarni aniqlaydi, yangi ilmiy tashkilotlarni tashkil qilish va ularning faoliyatini tugatish toʻgʻrisidagi masalalarni koʻrib chiqadi va Fanlar akademiyasi Prezidiumiga Umumiy yigʻilishda koʻrib chiqish uchun takliflar kiritadi.

Fanlar akademiyasi Prezidiumi oʻz qarori bilan fan boʻlimlari huzurida jamoatchilik asosida Hayʼat (keyingi oʻrinlarda — Hayʼat) tuzadi. Hayʼat har oyda bir martadan kam boʻlmagan yigʻilishlarni oʻtkazadi, uning ishiga koʻrilayotgan masalaga tegishli haqiqiy aʼzolari (akademiklari) va muxbir aʼzolar, soha va oliy taʼlim tashkilotlaridan yirik mutaxassislar taklif etiladi.

Hayʼat tegishli vitse-prezident bilan kelishilgan holda, mavjud boʻlgan ilmiy yoʻnalishlarning eng muhim ilmiy va ilmiy-tashkiliy muammolarini koʻrib chiqishi uchun majlislar tashkil etadi. Majlis yakunlari boʻyicha hisobot Fanlar akademiyasi Prezidiumiga koʻrib chiqish uchun taqdim etiladi.

25. Fanlar akademiyasi operativ boshqarish ishlarini amalga oshiruvchi maslahat organi ̶ ilmiy tashkilotlari direktorlarining kengashini (keyingi oʻrinlarda — Kengash) tashkil etadi. Kengash faoliyati Prezidium tomonidan tasdiqlanadigan nizom asosida belgilanadi.

Kengash raisi bir yil muddatga Kengash aʼzolari tomonidan ochiq ovoz berish yoʻli bilan saylanadi.

26. Fanlar akademiyasi Birinchi vitse-prezidenti — bosh ilmiy kotib va vitse-prezidentlari huzurida Fanlar akademiyasining ekspertlari va yuqori malakali mutaxassislaridan iborat komissiyalar tuzishi mumkin.

5-bob. Fanlar akademiyasining mintaqaviy boʻlimi va hududiy boʻlimlari

27. Fanlar akademiyasining mintaqaviy boʻlimi va hududiy boʻlimlari hududlarda fan va ilmiy-texnik salohiyatni rivojlantirish maqsadida tuziladi.

28. Mintaqaviy boʻlim va hududiy boʻlimlarga boʻlim rahbari (raisi), uning oʻrinbosari va ilmiy kotibi rahbarlik qiladi.

Mintaqaviy boʻlim va hududiy boʻlimlar rahbarlari, ularning oʻrinbosarlari va ilmiy kotiblari Fanlar akademiyasi prezidenti tomonidan besh yil muddatga lavozimga tayinlanadi. Bunda Qoraqalpogʻiston mintaqaviy boʻlimi raisi Qoraqalpogʻiston Respublikasi Joʻqorgʻi Kengesi bilan kelishilgan holda lavozimga tayinlanadi.

Mintaqaviy boʻlim va hududiy boʻlimlar rahbarlari (raislari) (Namangan, Samarqand va Termiz shaharlaridagi hududiy boʻlimlar bundan mustasno) maqomiga koʻra Fanlar akademiyasi vitse-prezidentiga tenglashtiriladi.

Mintaqaviy boʻlim va hududiy boʻlimlar rahbarlari (raislari) Umumiy yigʻilish qarorlari hamda Fanlar akademiyasi prezidentining buyruqlari bajarilishini taʼminlaydi.

Mintaqaviy boʻlim va hududiy boʻlimlar oʻz faoliyatini ushbu Ustav va Fanlar akademiyasi Prezidiumi tomonidan tasdiqlangan Qoraqalpogʻiston mintaqaviy boʻlimi va viloyatlardagi hududiy boʻlimlar toʻgʻrisidagi nizomlarga muvofiq amalga oshiradi.

29. Fanlar akademiyasining ilmiy-tadqiqot va ilmiy-ishlab chiqarish faoliyati uning ilmiy tashkilotlarida amalga oshiriladi.

6-bob. Fanlar akademiyasi aʼzoligiga nomzodlarni saylash tartibi

30. Fanlar akademiyasining muxbir aʼzoligiga 60 yoshgacha boʻlgan fan doktorlari orasidan fanni salmoqli ilmiy ishlari bilan boyitgan, mamlakat iqtisodiyoti va salohiyatini rivojlantirishga katta hissa qoʻshgan taniqli olimlar saylanadi.

31. Fanlar akademiyasining haqiqiy aʼzoligiga (akademikligiga) jahon andozalari darajasidagi ilmiy ishlari bilan tanilgan, ilmiy jamoatchilik tan olgan ilmiy maktab yaratgan, ilmiy yutuqlari mamlakat intellektual va iqtisodiy salohiyatini oshirishga salmoqli hissa qoʻshgan va Oʻzbekistonda ilmiy faoliyat yuritadigan Fanlar akademiyasining muxbir aʼzolaridan saylanadi.

32. Ilmiy ixtisosliklar boʻyicha eʼlon qilinadigan oʻrinlar roʻyxati Fanlar akademiyasining tegishli fan boʻlimlarida ilmiy jamoatchilikning keng muhokamasi orqali shakllantiriladi va Fanlar akademiyasi Prezidiumi tomonidan tasdiqlanadi.

Fanlar akademiyasi fan boʻlimlarida ilmiy seminarlar tashkil etiladi, unda muxbir aʼzoligiga va haqiqiy aʼzoligiga nomzodlar haqiqiy aʼzolar ishtirokida taqdimotlar oʻtkazadilar.

Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlar saralash bosqichi va ilmiy maʼruza baholari asosida fan yoʻnalishlari boʻyicha boʻlimlar tomonidan yashirin ovoz berish yoʻli bilan saylanadi va ular Umumiy yigʻilish muhokamasiga tavsiya etiladi. Fanlar akademiyasi haqiqiy aʼzolarini saylashda muxbir aʼzolar ishtirok etmaydi.

33. Eʼlon qilingan ilmiy sohalar boʻyicha Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlarni koʻrsatish huquqi Fanlar akademiyasining tizim tashkilotlariga hamda Oʻzbekiston Respublikasining oliy taʼlim va tarmoq ilmiy tashkilotlarining ilmiy yoki ilmiy-texnik kengashlariga beriladi.

34. Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar mintaqaviy boʻlim va hududiy boʻlimlar, Fanlar akademiyasi hamda oliy taʼlim va tarmoq ilmiy tashkilotlari ilmiy (ilmiy-texnik) kengash yigʻilishlarida har bir nomzod boʻyicha yashirin ovoz berish yoʻli bilan tavsiya etiladi. Saylovda kengash aʼzolarining kamida uchdan ikki qismi ishtirok etishi kerak. Ilmiy kengash yigʻilishida ishtirok etayotgan aʼzolarning koʻpchiligining ovozini olgan nomzod aʼzolikka koʻrsatilgan hisoblanadi.

Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlarini taqdim etgan tashkilot belgilangan tartibda Fanlar akademiyasi ilmiy kadrlar boʻlimiga yoʻllanma xati va nomzod boʻyicha bayonnoma nusxasini, koʻrsatilgan nomzodning shaxsiy maʼlumotnomasi, (tarjimai holi) ilmiy va ilmiy-tashkiliy faoliyati aks etgan hujjatlarni taqdim etadi.

Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarni Fanlar akademiyasi haqiqiy aʼzolari ham tavsiya etishi mumkin.

Fanlar akademiyasining aʼzoligiga saylov tegishli fan boʻlimlarida oʻtkaziladi.

Boʻlim oʻz vakolatlari doirasida Fanlar akademiyasining aʼzolarini saylashni tashkil qilib, talabgorlarni tavsiflovchi qoʻshimcha hujjatlar bilan tanishadi hamda nomzodlarning ilmiy va tashkiliy faoliyati toʻgʻrisidagi hisobotlarini eshitadi.

Fanlar akademiyasining haqiqiy aʼzolari (akademiklar) va muxbir aʼzolari yashirin ovoz berish yoʻli bilan saylanadi. Ovoz berishda haqiqiy aʼzolikka (akademiklikka) faqat haqiqiy aʼzolar (akademiklar) muxbir aʼzolikka esa haqiqiy aʼzolar (akademiklar) va muxbir aʼzolar ishtirok etadi.

Saylangan nomzodlar toʻgʻrisidagi boʻlim qarori Umumiy yigʻilishda aʼzolarning koʻpchiligi ochiq ovoz berishi bilan tasdiqlanadi.

Fanlar akademiyasining xorijiy aʼzolari ilmiy yutuqlari jahon ilm-fan rivojiga, shuningdek, Oʻzbekiston Respublikasi ilm-fani, iqtisodiyoti va madaniyati rivojiga ijobiy taʼsir koʻrsatgan, xalqaro hamkorlik, tinchlik, barqarorlik hamda ijtimoiy-iqtisodiy taraqqiyotga salmoqli hissa qoʻshgan xorijiy fuqarolar orasidan saylanadi.

Fanlar akademiyasining faxriy aʼzoligiga kasbiy faoliyati orqali mamlakatimiz ilm-fani, madaniyati, taʼlimi, madaniy qadriyatlari, ijtimoiy-iqtisodiy oʻsishiga faol koʻmaklashgan Oʻzbekiston Respublikasi hamda xorijiy fuqarolari saylanadi.

35. Fanlar akademiyasining xorijiy aʼzolari va faxriy aʼzolari ochiq ovoz berish yoʻli bilan Umumiy yigʻilishda hozir boʻlgan aʼzolarning koʻpchilik ovozi bilan saylanadi va Fanlar akademiyasi Prezidiumi tomonidan tasdiqlanadi.

36. Fanlar akademiyasining saylangan haqiqiy aʼzolari (akademiklari) va muxbir aʼzolari belgilangan tartibda Oʻzbekiston Respublikasi Prezidenti tomonidan tasdiqlanadi va matbuotda eʼlon qilinadi.

7-bob. Fanlar akademiyasi aʼzolarining huquqlari va majburiyatlari

37. Fanlar akademiyasining haqiqiy aʼzolari (akademiklari) va muxbir aʼzolari quyidagi huquqlarga ega:

Fanlar akademiyasining ilmiy tashkilotlarida va oliy taʼlim tashkilotlarida tanlovsiz ilmiy lavozimlarni egallash;

Umumiy yigʻilishda qatnashish, Umumiy yigʻilish va Fanlar akademiyasi Prezidiumida ilmiy va ilmiy-tashkiliy masalalar, Fanlar akademiyasining haqiqiy aʼzolari (akademiklari), muxbir, xorijiy, faxriy aʼzolarini saylash jarayonida nomzodlarni muhokama qilishda ishtirok etish;

Umumiy yigʻilish tomonidan qabul qilinayotgan hujjatlar va ularga oʻzgartirish va qoʻshimchalar kiritish boʻyicha, shuningdek, fanning dolzarb yoʻnalishlari boʻyicha mamlakatda ilm-fanni rivojlantirish, Fanlar akademiyasining ilmiy kengashlarini tuzish boʻyicha taklif va tavsiyalar berish;

Fanlar akademiyasining ilmiy kengashlari faoliyatida ishtirok etish.

Oʻzbekistonda ishlaydigan Fanlar akademiyasining haqiqiy aʼzolari (akademiklari) va muxbir aʼzolari belgilangan tartibda gonorar oladilar hamda belgilangan boshqa huquq va imtiyozlardan foydalanadilar.

Fanlar akademiyasining haqiqiy aʼzolari (akademiklari) va muxbir aʼzolari Oʻzbekiston fuqaroligini boshqa davlat fuqaroligiga oʻzgartirganda, belgilangan tartibda Fanlar akademiyasining xorijiy aʼzosi maqomiga ega boʻlishi mumkin.

Fanlar akademiyasining xorijiy va faxriy aʼzolari Umumiy yigʻilish va boshqa tadbirlarda maslahat ovozi bilan qatnashishlari mumkin.

Fanlar akademiyasining xorijiy va faxriy aʼzolari Fanlar akademiyasining rahbar organiga saylanish, Fanlar akademiyasi haqiqiy aʼzoligiga oʻtkaziladigan nomzodlar tanlovida ishtirok etish huquqlariga hamda gonorar va bepul dam olish imtiyozlarga ega boʻlmaydilar.

38. Fanlar akademiyasining haqiqiy aʼzolari (akademiklari) va muxbir aʼzolari zimmasiga quyidagi majburiyatlar yuklanadi:

ilmiy tadqiqotlarda, tadqiqotlarning ustuvor va istiqbolli yoʻnalishlarini shakllantirishda ishtirok etish va oʻzi saylangan ilm-fan sohasini (ilmiy ixtisoslik)ning rivojlanishini taʼminlash;

yuqori malakali ilmiy kadrlarni tayyorlash ishlarida, ilgʻor ilmiy maktablarni shakllantirish va rivojlantirishda, shuningdek, oliy va oʻrta maxsus va kasbiy taʼlim tashkilotlariga, ishlab chiqarish korxonalariga ilmiy-metodik yordam koʻrsatishda bevosita ishtirok etish.

Fanlar akademiyasining haqiqiy aʼzolari (akademiklari) va muxbir aʼzolari zimmasiga qonunchilik hujjatlariga muvofiq boshqa majburiyatlar ham yuklanishi mumkin.

8-bob. Fanlar akademiyasi Prezidiumi aʼzolarini saylash tartibi va ularning lavozim majburiyatlari

39. Fanlar akademiyasi prezidenti akademiyaning haqiqiy aʼzolari orasidan besh yil muddatga saylanadi va Fanlar akademiyasining ilmiy-tashkiliy faoliyatiga rahbarlik qiladi.

Ayni bir shaxs Fanlar akademiyasi prezidenti lavozimiga ketma-ket ikki muddatdan ortiq saylanishi mumkin emas.

Fanlar akademiyasi prezidentligiga nomzodlar fan boʻlimlari tomonidan ovoz berish yoʻli bilan tanlanadi. Tanlangan nomzodlar saylov muqobilligini taʼminlash uchun Umumiy yigʻilish byulleteniga yashirin ovoz berish yoʻli bilan saylash uchun kiritiladi.

Byulletenga kiritilgan nomzodlar Umumiy yigʻilishda muhokama qilinadi va yashirin ovoz berish yoʻli bilan Fanlar akademiyasi prezidentligiga saylanadi. Bunda Umumiy yigʻilish aʼzolarining kamida uchdan ikki qismi ishtirok etishi lozim. Umumiy yigʻilish ishtirokchilarining yarmidan koʻpi yoqlab ovoz bergan taqdirda, nomzod Oʻzbekiston Respublikasi Prezidentiga tasdiqlash uchun yuboriladi.

Fanlar akademiyasi prezidenti haqidagi Oʻzbekiston Respublikasi Prezidentining Farmoni matbuotda eʼlon qilinadi.

40. Fanlar akademiyasi prezidenti:

Fanlar akademiyasi faoliyatiga va unga yuklangan vazifalarning bajarilishiga umumiy rahbarlik qilib, dolzarb masalalarni hal etadi;

Fanlar akademiyasidagi ishlarning holati uchun Oʻzbekiston Respublikasi Prezidenti, Vazirlar Mahkamasi va Umumiy yigʻilish oldida shaxsan javobgarlikni zimmasiga oladi;

respublika ijro etuvchi hokimiyat organlari va xoʻjalik birlashmalari, mahalliy ijro etuvchi hokimiyat organlari, nodavlat notijorat tashkilotlari bilan hamda xalqaro maydonda Fanlar akademiyasi nomidan ish yuritadi va uning manfaatlarini himoya qiladi;

Fanlar akademiyasining Birinchi vitse-prezidenti — bosh ilmiy kotib, vitse-prezidentlari, tizim tashkilotlari rahbarlari (raislari) hamda fan yoʻnalishlari boʻyicha boʻlimlar boshliqlari, Fanlar akademiyasi boshqaruv apparati xodimlarining lavozim vazifalarini tasdiqlaydi va ushbu vazifalarning bajarilishini nazorat qiladi;

ilmiy tashkilotlar tomonidan ilmiy tadqiqotlarni oʻtkazilishini, shuningdek, fan yutuqlari va yangi texnologiyalarning oʻz vaqtida amaliyotga tatbiq etilishini nazorat qiladi;

Fanlar akademiyasi ilmiy tashkilotlarining oliy va oʻrta maxsus, kasbiy taʼlim tashkilotlari, shu jumladan, xorijiy ilmiy markazlar va oliy taʼlim tashkilotlari, ishlab chiqarish korxonalari va boshqa tashkilotlar bilan samarali hamkorligi muvofiqlashtirilishini taʼminlaydi;

Fanlar akademiyasi boshqaruv apparati, shuningdek, tizim tashkilotlari faoliyatini nazorat qiladi;

Fanlar akademiyasi tizimida ilmiy kadrlarni tayyorlash va ularning malakasini oshirish ishlariga rahbarlik qiladi;

Fanlar akademiyasining ilmiy tashkilotlarida xodimlarning faoliyati samarali boʻlishiga yordam beruvchi qulay sharoitlar yaratish maqsadida ilmiy jamoalarda ijodiy muhit tashkil etilishini va odob-axloq qoidalariga rioya etilishini taʼminlaydi.

Birinchi vitse-prezident — bosh ilmiy kotib, vitse-prezidentlar, lavozimiga nomzodlar Fanlar akademiyasi prezidentining tavsiyasiga asosan fan boʻlimlarida muhokama qilinadi va Umumiy yigʻilishda ovoz berish yoʻli bilan haqiqiy aʼzolar (akademiklar), muxbir aʼzolar orasidan saylanadi va Fanlar akademiyasi prezidenti tomonidan belgilangan tartibga muvofiq besh yil muddatga lavozimga tasdiqlanadi. Ular lavozimdan Fanlar akademiyasi prezidenti tomonidan Fanlar akademiyasi Prezidiumining qarori bilan ozod etiladi.

Fanlar akademiyasining moliyaviy va xoʻjalik ishlariga Fanlar akademiyasi prezidentining moliyaviy va xoʻjalik ishlari boʻyicha oʻrinbosari rahbarlik qiladi.

Fanlar akademiyasi prezidentining moliyaviy va xoʻjalik ishlari boʻyicha oʻrinbosari Vazirlar Mahkamasi bilan kelishilgan holda, Fanlar akademiyasi prezidenti tomonidan lavozimga tayinlanadi va lavozimdan ozod etiladi.

41. Fanlar akademiyasining Birinchi vitse-prezidenti — bosh ilmiy kotib:

Fanlar akademiyasi tizimida ish yuritishni tashkil qiladi va ijro intizomini mustahkamlashning asosiy yoʻnalishlarini amalga oshirish boʻyicha tashkiliy-boshqaruv hujjatlari sifatli tayyorlanishi va ularning oʻz vaqtida amalga oshirilishini taʼminlaydi;

Fanlar akademiyasida amalga oshirilgan ilmiy-tashkiliy faoliyat natijalari boʻyicha tegishli vitse-prezidentlar xizmati tomonidan taqdim etilgan hisobotlarni umumlashtirib, belgilangan tartibda Vazirlar Mahkamasiga kiritilishini taʼminlaydi;

muhim ilmiy masalalarni, shuningdek, yirik iqtisodiy va ijtimoiy muammolarni hal etishga qaratilgan koʻp tarmoqli ilmiy, ilmiy-texnik va amaliy dasturlarni shakllantiradi;

normativ-huquqiy hujjatlar loyihalarini tayyorlash va yuqori tashkilotlarga taqdim etish, Umumiy yigʻilish hamda Fanlar akademiyasi Prezidiumi majlislarini oʻtkazishda Fanlar akademiyasi prezidentiga koʻmaklashadi.

42. Fanlar akademiyasi vitse-prezidentlari:

tegishli ilmiy yoʻnalishlar boʻyicha vazifalarning bajarilishini tashkil etish uchun shaxsan masʼul hamda tizimidagi ilmiy tashkilotlar holati uchun javobgar hisoblanadi;

oʻzlari rahbarlik qilayotgan fan yoʻnalishlarida boʻyicha davlat dasturlarini shakllantirish, ularning ekspertizasi va monitoringini oʻtkazishni nazorat qiladi, fundamental, amaliy va inovatsion tadqiqotlarning yuqori darajada boʻlishi uchun javob beradi;

Oʻzbekiston Respublikasi Prezidentining hamda Hukumatining hujjatlari va topshiriqlarini hamda Fanlar akademiyasi Prezidiumi va rahbariyatining qaror va buyruqlari hamda topshiriqlari oʻz vaqtida sifatli bajarilishini taʼminlaydi.

43. Fanlar akademiyasi prezidenti boʻlmagan hollarda, uning vazifasi muayyan muddatga Birinchi vitse-prezident — bosh ilmiy kotibga yoki vitse-prezidentlarning biriga vaqtincha yuklanadi.

44. Fanlar akademiyasining Prezidiumi:

Fanlar akademiyasi faoliyatiga taalluqli barcha masalalarni hal etadi, Umumiy yigʻilishning hamda Fanlar akademiyasi prezidentining vakolatiga kiruvchi masalalar bundan mustasno;

Umumiy yigʻilish qarorlari ijrosini tashkil etadi, shuningdek, Fanlar akademiyasi prezidenti funksiyalarining oʻz vaqtida va samarali amalga oshirilishiga koʻmaklashadi;

Fanlar akademiyasi prezidenti tomonidan zaruratga koʻra oyda kamida bir marta chaqiriladi;

qarorlari uning aʼzolarining kamida uchdan ikki qismi ishtirok etganda koʻpchilik ovoz bilan qabul qilinadi. Prezidium majlislarida Fanlar akademiyasi prezidenti boʻlmagan taqdirda, Fanlar akademiyasi Birinchi vitse-prezidenti — bosh ilmiy kotib yoki vitse-prezidentlaridan biri raislik qiladi;

majlisida qaror qabul qilishda ovozlar teng boʻlgan hollarda, Fanlar akademiyasi prezidentining (raislik qiluvchining) ovozi hal qiluvchi hisoblanadi.

9-bob. Fanlar akademiyasining ilmiy tashkilotlari

45. Fanlar akademiyasining ilmiy-tadqiqot va ilmiy-ishlab chiqarish faoliyati uning ilmiy tashkilotlarida amalga oshiriladi.

Ilmiy tashkilot oʻzining ilmiy-tashkiliy faoliyatini tegishli fan boʻlimlari bilan birgalikda yuritadi.

Fanlar akademiyasi tizimida ilmiy va maʼmuriy lavozimlarni egallashning belgilangan tanlov tartibiga koʻra ilmiy tashkilot direktori lavozimiga Birinchi vitse-prezident — bosh ilmiy kotib hamda Fanlar akademiyasi fan boʻlimlari tavsiyasi bilan Fanlar akademiyasi prezidenti tomonidan 65 yoshdan oshmagan, muhim ilmiy muammolarni hal etish orqali fanni boyitgan yoki fanni rivojlantirishning yangi yoʻllarini belgilash va ilmiy maktab asoslarini yaratish imkonini bergan muhim ilmiy natijalarga erishgan yetakchi va tashkilotchi olimlar — fan doktorlari orasidan mehnat shartnomasi qonunchiligiga muvofiq 5 yil muddatga tayinlanadi hamda uning lavozimni ketma-ket 2-martadan ortiq egallashiga yoʻl qoʻyilmaydi.

Ilmiy tashkilot direktori oʻzi rahbarlik qilayotgan ilmiy tashkilotning faoliyati uchun shaxsan javobgar boʻladi.

Direktor tashkilotda oʻtkazilgan fundamental, amaliy va innovatsion tadqiqotlarning mamlakat ustuvor yoʻnalishlariga muvofiqligini taʼminlashga, ilmiy-tadqiqot ishlarining zamonaviy moddiy-texnik bazasini yaratishga, oʻz sohasida yuqori malakali kadrlar tayyorlashga, oliy taʼlim tashkilotlari va iqtisodiyot tarmoqlari hamda yetakchi xorijiy markazlar bilan hamkorlik ishlarini yoʻlga qoʻyishga masʼuldir.

Ilmiy tashkilot direktorining ilmiy ishlar boʻyicha oʻrinbosari (fan doktori yoki fan nomzodi, falsafa doktori (PhD), ilmiy kotibi (fan doktori yoki nomzodi, falsafa doktori PhD) tegishli vitse-prezident hamda Birinchi vitse-prezident — bosh ilmiy kotib bilan kelishilgan holda ilmiy tashkilot direktori tomonidan lavozimga tayinlanadi.

Ilmiy tashkilotlar direktorlarining hisobotlari har yili tegishli fan boʻlimlarida haqiqiy aʼzolar (akademiklar) va muxbir aʼzolar hamda ilmiy jamoatchilik ishtirokida eshitiladi.

Ilmiy tashkilotning laboratoriya va boʻlim mudirlari, ilmiy tashkilot ilmiy kengashi qarori bilan fan doktorlari (DSc) yoki fan nomzodi, falsafa doktori (PhD) ilmiy darajasiga ega yetakchi va tashkilotchi olimlar orasidan tanlov asosida direktor tomonidan lavozimga tayinlanadi.

Ilmiy tashkilotda ilmiy kengash tuziladi.

Ilmiy tashkilotlar ushbu Ustav va Fanlar akademiyasi Prezidiumi tomonidan tasdiqlangan ilmiy tashkilot nizomiga muvofiq ish yuritadilar.

10-bob. Fanlar akademiyasining mol-mulki va uning faoliyatini moliyalashtirish

46. Fanlar akademiyasining mol-mulkini unga operativ boshqarish huquqi asosida biriktirilgan asosiy fondlar va aylanma mablagʻlar, shuningdek, faoliyati davomida sotib olingan mol-mulk tashkil etadi.

Fanlar akademiyasi mol-mulki boʻlinmasdir, uning taqsimlanishi mumkin emas. Fanlar akademiyasi ruxsatisiz yoki qonunchilik hujjatlariga zid hollarda Fanlar akademiyasining asosiy fondlari va boshqa mol-mulkini davlat tasarrufidan chiqarish va xususiylashtirish mumkin emas.

Fanlar akademiyasining mol-mulkidan qonunchilik hujjatlarida belgilangan tartibda foydalaniladi.

Fanlar akademiyasining tadbirkorlik faoliyatini amalga oshirishdan yoki undan olingan daromadlar hisobidan sotib olingan mol-mulklar alohida balansda hisobga olinadi va Fanlar akademiyasi tomonidan mustaqil tasarruf etiladi.

Fanlar akademiyasining faoliyati quyidagi shakllarda taqdim etiladigan Oʻzbekiston Respublikasi Davlat budjeti mablagʻlari hisobidan amalga oshiriladi:

ilmiy tashkilotlar xodimlari mehnatiga haq toʻlash, bino va inshootlarni saqlash xarajatlarini moliyalashtirish, shuningdek, joriy xarajatlarni moliyalashtirish;

davlat ilmiy dasturlari doirasida amalga oshiriladigan ilmiy loyihalar uchun tanlov grantlari;

qonunchilik hujjatlariga muvofiq jalb qilingan budjetdan tashqari mablagʻlar (tashqi va ichki investitsiyalar, ishlab chiqarilgan mahsulotni va intellektual mulk obyektlarini realizatsiya qilishdan olingan daromadlar, hadya, xayr-ehson, homiylik mablagʻlari va boshqalar);

qonunchilik hujjatlarida taqiqlanmagan boshqa manbalar.

47. Fanlar akademiyasi boshqaruv apparati xodimlariga ish haqi toʻlash, ularni mukofotlash, ularga moddiy yordam koʻrsatishda davlat boshqaruvi organlari xodimlari uchun belgilangan shart-sharoitlar tatbiq etiladi.

48. Fanlar akademiyasining ilmiy tashkilotlari tomonidan budjet va budjetdan tashqari mablagʻlar qonunchilik hujjatlariga muvofiq tasdiqlangan xarajatlar smetasi doirasida sarflanadi.

49. Oʻzbekiston Respublikasi Davlat budjetidan moliyalashtiriladigan ilmiy-tadqiqot dasturlari loyihalarining natijalari boʻyicha hisobotlar Fanlar akademiyasi olimlari tomonidan ilmiy tashkilotlarning intellektual mulk obyektlariga boʻlgan huquqlarini himoya qilish boʻyicha qonunchilik hujjatlariga rioya qilgan holda, Fanlar akademiyasining tanlovlar va ekspertizalarni tashkil etish boʻlimiga (yoki fan yoʻnalishlari boʻyicha tegishli boʻlimlarga) topshiriladi.

Koʻrib chiqilgan hisobotlar belgilangan tartibda Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligiga tasdiqlash uchun taqdim etiladi.

50. Fanlar akademiyasi ilmiy tashkilotlarining ilmiy xodimlari va mutaxassislari ushbu tashkilotlarda yaratilgan intellektual mulk obyektlariga nisbatan qonunchilik hujjatlariga muvofiq va belgilangan tartibda mualliflik huquqlariga ega subyektlar hisoblanadi.

51. Fanlar akademiyasi va uning tizimidagi ilmiy tashkilotlar, oʻzlarining budjetdan tashqari mablagʻlar hisobidan turli tashkiliy-huquqiy shakldagi masʼuliyati cheklangan, qoʻshma va innovatsion korxonalar, shuningdek, nodavlat notijorat tashkilotlarini tashkil etish huquqiga ega va bunda korxonaga egalik huquqi qonunchilik hujjatlari doirasida amalga oshiriladi.

Har bir ilmiy tashkilot oʻzi yaratgan ishlanmani belgilangan tartibda tijoratlashtirish va ishlanmani litsenzion kelishuv asosida foydalanishga berish huquqiga ega.

52. Fanlar akademiyasi huzurida ilmiy tadqiqotlarni qoʻllab-quvvatlash, yosh olimlarni jalb qilish va strategik ahamiyatga ega ilmiy yoʻnalishlarni barqaror moliyalashtirish hamda ilmiy xodimlarni moddiy ragʻbatlantirish maqsadida Fanlar akademiyasi jamgʻarmasi tashkil etiladi.

Jamgʻarma mablagʻlari Oʻzbekiston Respublikasi Davlat budjetidan har yili ajratiladigan mablagʻlar, xalqaro moliya tashkilotlari va xorijiy davlatlarning grantlari va texnik koʻmak mablagʻlari, jismoniy va yuridik shaxslarning, shu jumladan, xorijiy homiylik xayriyalari, jamgʻarmaning vaqtincha boʻsh turgan mablagʻlarini tijorat banklariga joylashtirishdan olinadigan daromadlar hamda qonunchilik hujjatlarida taqiqlanmagan boshqa manbalar hisobidan shakllantiriladi.

Fanlar akademiyasi jamgʻarmasi toʻgʻrisidagi nizom Vazirlar Mahkamasi tomonidan tasdiqlanadi.

53. Fanlar akademiyasi huzurida Fanlar akademiyasi ilmiy xodimlarining huquqlari va qonuniy manfaatlarini himoya qilish maqsadida Kasaba uyushmasi tashkil etiladi. Kasaba uyushmasi toʻgʻrisidagi nizom Umumiy yigʻilish tomonidan tasdiqlanadi.

11-bob. Yakunlovchi qoida

54. Fanlar akademiyasi, uning tizimidagi ilmiy tashkilotlar va boshqa tashkilotlari qonunchilik hujjatlariga muvofiq tugatiladi hamda qayta tashkil etiladi.

Vazirlar Mahkamasining 2026-yil 3-iyundagi 282-son qaroriga 2-ILOVA

Oʻzbekiston Respublikasi Fanlar akademiyasi haqiqiy aʼzolari (akademiklari) va muxbir aʼzolarini tanlov asosida saralash va tasdiqlash tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlarni tanlov asosida saralash (keyingi oʻrinlarda — tanlov) va Oʻzbekiston Respublikasi Fanlar akademiyasi (keyingi oʻrinlarda — Fanlar akademiyasi) haqiqiy aʼzolari (akademiklari) va muxbir aʼzolarini tasdiqlash tartibini belgilaydi.

2. Fanlar akademiyasining haqiqiy aʼzoligiga (akademikligiga) va muxbir aʼzoligiga tanlov asosida saralash va tasdiqlash mazkur Nizomga 1-ilovadagi sxemaga muvofiq amalga oshiriladi.

3. Fanlar akademiyasining haqiqiy aʼzolari (akademiklari) va muxbir aʼzolari qonunchilik hujjatlariga muvofiq Oʻzbekiston Respublikasi Prezidenti tomonidan tasdiqlanadilar.

4. Fanlar akademiyasining haqiqiy aʼzoligiga (akademikligiga) va muxbir aʼzoligiga tanlov oʻtkazish uchun oʻrinlar, birinchi navbatda, respublika uchun yangi va istiqbolli, xalqaro darajada tan olingan ilmiy maktablari shakllantirilgan ilmiy yoʻnalishlarga ajratiladi.

5. Fanlar akademiyasining haqiqiy aʼzoligiga (akademikligiga) va muxbir aʼzoligiga tegishli fan sohalari ilmiy ixtisosliklari boʻyicha shakllantirilgan kvotalar miqdori, tanlov asosida saralashni oʻtkazish muddatlari va sanasi Fanlar akademiyasi tomonidan Vazirlar Mahkamasi bilan kelishilgan holda, lekin koʻpi bilan ikki yilda bir marotaba belgilanadi.

6. Tanlov oʻtkazilishi haqidagi eʼlon ommaviy axborot vositalarida va Fanlar akademiyasining rasmiy veb-saytida kvotalar tasdiqlangandan soʻng uch kun muddatda joylashtiriladi.

Eʼlonda tanlov oʻtkazish muddatlari va joyi, Fanlar akademiyasining haqiqiy aʼzoligiga (akademikligiga) va muxbir aʼzoligiga tegishli fan sohalari ilmiy ixtisosliklari boʻyicha kvotalar soni, Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarga qoʻyiladigan talablar, shuningdek, hujjatlar roʻyxati va ular nomzodini koʻrsatish uchun zarur boshqa shartlar koʻrsatiladi.

7. Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlarni tavsiya etish huquqi ilmiy tashkilot hamda oliy taʼlim va tarmoq ilmiy tashkilotlarining ilmiy (ilmiy-texnik) kengashlariga, shuningdek, Fanlar akademiyasining haqiqiy aʼzolariga (akademiklariga) ularning ilmiy mutaxassisliklariga tegishli ixtisosliklar boʻyicha beriladi.

Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar tegishli fan sohasining faqat bitta ilmiy ixtisosligi boʻyicha koʻrsatilishi mumkin.

2-bob. Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarga qoʻyiladigan talablar

8. Mazkur Nizomning 7-bandiga muvofiq nomzodi koʻrsatilgan, respublikaning ilmiy va oliy taʼlim tashkilotlarida ilmiy faoliyat bilan shugʻullanadigan olimlar Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar hisoblanadilar.

Bunda Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar koʻrsatish jarayonida va tanlovning barcha bosqichlarida ularning soʻnggi 5 yil mobaynidagi ilmiy faoliyati samaradorligi va natijadorligiga eʼtibor qaratiladi.

9. Fanlar akademiyasining haqiqiy aʼzoligiga (akademikligiga) nomzod quyidagi talablarga javob berishi lozim:

Oʻzbekiston Respublikasi fuqarosi boʻlishi va kamida soʻnggi 5 yil davomida Oʻzbekiston Respublikasida doimiy ishlagan boʻlishi;

Fanlar akademiyasi muxbir aʼzosi unvoniga ega boʻlishi;

ilm-fanning muayyan sohasida ilmiy jamoatchilik tomonidan tan olingan, fanni shaxsan oʻzi yoki ilmiy va ilmiy-texnik muammolar boʻyicha jamoa boʻlib ishlashda faol ishtirok etish asosida erishgan shaxsiy yutuqlari hamda salmoqli ilmiy natijalari bilan boyitgan olim boʻlishi;

oʻz yoʻnalishida yangi ilmiy maktab tashkilotchisi va rahbari yoki mavjud ilmiy maktabning rivojida bevosita ishtirok etgan hamda 3 ta fan doktori va kamida 5 ta fan nomzodini (yoki falsafa doktorlari) tayyorlashi bilan tasdiqlangan boʻlishi;

joriy etilgan ishlanmalarga egaligi yoki u rahbarlik qilayotgan xodimlar jamoasi erishgan fan yutuqlari ishlab chiqarishga joriy etilishida hamda amaliyotda foydalanilishida bevosita ishtirok etgan boʻlishi;

fundamental, amaliy tadqiqotlar va innovatsion ishlanmalarning ilmiy rahbari ekanligi yoki soʻnggi yillarda shu yoʻnalishdagi ilmiy loyihalarga rahbarlik qilgan boʻlishi;

xorijiy va xalqaro ilmiy hamkorlikdagi loyihalarda rahbar boʻlishi yoki ularning bajarilishida ishtirok etishi.

10. Fanlar akademiyasining muxbir aʼzoligiga nomzodlar quyidagi talablarga javob berishi lozim:

fanni salmoqli ilmiy ishlari bilan boyitgan, respublikaning ilmiy tashkilotlari va oliy taʼlim muassasalarida samarali ilmiy faoliyat yuritayotgan 60 yoshgacha boʻlgan fan doktorlari boʻlishi;

Oʻzbekiston Respublikasi fuqarosi boʻlishi va kamida soʻnggi 5 yil davomida Oʻzbekiston Respublikasida doimiy ishlagan boʻlishi;

fan doktori ilmiy darajasi va professor ilmiy unvoniga ega boʻlishi;

ilm-fanning muayyan sohasida ilmiy jamoatchilik tomonidan tan olingan, fanni shaxsan oʻzining salmoqli ilmiy natijalari bilan boyitayotgan olim boʻlishi;

oʻz yoʻnalishida yangi ilmiy maktab yaratayotgan, bevosita ishtiroki bilan 1 ta fan doktori hamda kamida 3 ta fan nomzodni (yoki falsafa doktorlari) tayyorlashi bilan tasdiqlangan boʻlishi;

joriy etilgan ishlanmalarga egaligi va amaliyotda foydalanilishida bevosita ishtirok etgan boʻlishi;

fundamental, amaliy tadqiqotlar va innovatsion ishlanmalarning ilmiy rahbari ekanligi yoki soʻnggi yillarda shu yoʻnalishdagi ilmiy loyihalarga rahbarlik qilgan boʻlishi;

xorijiy va xalqaro ilmiy hamkorlikdagi loyihalarda rahbar boʻlishi yoki ularning bajarilishida ishtirok etishi.

11. Fanlar akademiyasining xorijiy aʼzoligiga nomzod Fanlar akademiyasining Umumiy yigʻilishi tomonidan xorijiy fuqarolar orasidan saralab olinadi va qonunchilik hujjatlariga muvofiq tasdiqlanadi.

3-bob. Tanlovning tashkil etilishi va oʻtkazilishi

12. Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzodlar ilmiy tashkilot va oliy taʼlim tashkilotlari tomonidan tegishli ilmiy (ilmiy-texnik) kengashlar yigʻilishlarida yopiq ovoz berish yoʻli bilan dastlab saralab olinadi.

Ilmiy (ilmiy-texnik) kengash aʼzolarining 75 foizi yigʻilishda ishtirok etganda, ularning kamida uchdan ikki qism ovozini olgan talabgorlar Fanlar akademiyasi haqiqiy aʼzoligiga yoki muxbir aʼzoligiga nomzodlar hisoblanadi.

13. Fanlar akademiyasining haqiqiy aʼzoligiga (akademikligiga) yoki muxbir aʼzoligiga tanlov oʻtkazilishi haqida eʼlon berilgan kundan boshlab 1 oy mobaynida ilmiy tashkilot va oliy taʼlim tashkilotlari tomonidan koʻrsatilgan nomzodlarning ilmiy va ilmiy-tashkiliy faoliyatini tavsiflovchi hujjatlarini roʻyxatga olish uchun Fanlar akademiyasiga taqdim etadilar.

Ilmiy tashkilot va oliy taʼlim tashkilotlari rahbarlari Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzodlarni koʻrsatish jarayonining xolisligi va taqdim etilayotgan hujjatlarning haqqoniyligi uchun shaxsan javobgardirlar.

14. Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzod koʻrsatish uchun taqdimnomaga quyidagilar (2 nusxada) ilova qilinadi:

ilmiy tashkilot nomzodning tanlov talablariga toʻliq javob berishi haqidagi asoslangan xulosasi va tanlov mezonlarining qogʻoz va elektron koʻrinishda toʻldirilgan va tasdiqlangan shakli;

nomzodning tarjimai holi;

maʼlumotnoma (obyektivka);

pasport yoki ID karta nusxasi;

3.5x4.5 sm oʻlchamdagi 8 ta fotosurat;

ish joyidan tasdiqlangan mehnat daftarchasining nusxasi;

muxbir aʼzolik unvoni (haqiqiy aʼzolikka nomzodlar uchun) va fan doktori diplomi, professor attestati nusxalari;

ilmiy ishlar roʻyxati (konferensiya tezislari hisobga kirmaydi) va impakt-faktorli (Web of Science xalqaro maʼlumotlar bazasiga muvofiq) xorijiy nashrlardagi maqolalarning nusxasi;

xorijda va Oʻzbekistonda nashr etilgan monografiyalar, darslik va oʻquv qoʻllanmalarning 1-2 va oxirgi betlaridan nusxa;

xalqaro, xorijiy va mahalliy patentlarning nusxalari;

Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzod tomonidan tayyorlangan fan doktorlari va nomzodlari (yoki falsafa doktorlari) roʻyxati (avtoreferatlarni ilova qilgan holda);

mazkur Nizomning 9-bandi talablariga muvofiq Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzod tomonidan fanning muayyan sohasi rivojiga qoʻshgan hissasi, fanni shaxsiy ilmiy yutuqlar va xalqaro ahamiyatga molik natijalar bilan boyitilgan, shuningdek, uning ilmiy-tashkiliy faoliyati haqidagi maʼlumotnoma (oʻzbek va rus tillarida qisqacha 1 bet, 12 pt, Times New Roman shriftida).

15. Fanlar akademiyasi Prezidiumi qarori bilan tegishli fan boʻlimlari haqiqiy aʼzolar (akademiklar) va muxbir aʼzolardan iborat tanlov komissiyalari, fan boʻlimlari huzurida har biri kamida 3 aʼzodan iborat texnik ekspertiza guruhlari hamda fan boʻlimlari huzurida shakllantirilgan kamida 5 ta Fanlar akademiyasining haqiqiy aʼzolari (akademiklari) va muxbir aʼzolaridan iborat ilmiy ekspert guruhi tarkibi tasdiqlanadi.

16. Tanlov toʻrt bosqichda oʻtkaziladi:

tanlovning birinchi bosqichida — texnik ekspert guruhi tomonidan Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzodlarning hujjatlari belgilangan tartibda qabul qilinadi, texnik ekspertizadan oʻtkaziladi va ilmiy ekspert guruhiga yoʻnaltiriladi;

tanlovning ikkinchi bosqichida — ilmiy ekspert guruhi tomonidan Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarning taqdim etgan hujjatlari tanlov talablari va tegishli ixtisoslikka mosligi koʻrib chiqadi. Shuningdek, mazkur Nizomga 2-ilova bilan tasdiqlangan mezonlar asosida baholanadi va tanlov komissiyasiga yoʻnaltiriladi;

tanlovning uchinchi bosqichida — Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar tegishli tanlov komissiyasi yigʻilishida ixtisosligi boʻyicha maʼruza qiladi va tanlov komissiyasi talabgorning ilmiy-tashkiliy faoliyati va maʼruzasidan kelib chiqqan holda unga yopiq ovoz berish orqali baholanadi;

tanlovning toʻrtinchi bosqichida — Fanning tegishli sohasi boʻyicha umumiy hisobda eng koʻp ball toʻplagan Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlar belgilangan kvotaga muvofiq ovoz berish roʻyxatiga kiritiladi.

Tanlov komissiyasi aʼzolari taklif etilgan barcha nomzodlar uchun ketma-ket ovoz beradilar. Tanlov tartib-tamoyili yopiq ovoz berishni nazarda tutadi.

Tanlov komissiyasi aʼzolarining 75 foizi yigʻilishda ishtirok etganda, ularning kamida uchdan ikki qismi ovozini olgan talabgorlar Fanlar akademiyasining haqiqiy aʼzoligiga (akademikligiga) yoki muxbir aʼzoligiga saralangan deb hisoblanadilar.

Agar nomzod uchdan ikki qismdan kam ovoz olsa, ketma-ketlik boʻyicha yuqori ball toʻplagan keyingi nomzod ovozga qoʻyiladi.

17. Tanlov komissiyalari tomonidan Fanlar akademiyasining haqiqiy aʼzoligiga (akademikligiga) va muxbir aʼzoligiga saralangan nomzodlar roʻyxati Fanlar akademiyasi Prezidiumiga kiritiladi.

Fanlar akademiyasi haqiqiy aʼzoligiga (akademikligiga) va muxbir aʼzoligiga saralangan nomzodlar Fanlar akademiyasining Umumiy yigʻilishida muhokama qilinadi va qaror qabul qilish uchun ovozga qoʻyiladi.

Fanlar akademiyasining Umumiy yigʻilishi Vazirlar Mahkamasi bilan kelishilgan holda, istisno tariqasida, Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlik uchun belgilangan kvotadan chetga chiqib, respublika ilmiy-texnologik va fan-taʼlim salohiyatini rivojlantirishdagi alohida xizmatlarini inobatga olgan holda roʻyxatga kiritish uchun qoʻshimcha nomzodlarni tavsiya qilish huquqiga ega.

4-bob. Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarni tasdiqlash uchun Oʻzbekiston Respublikasi Prezidentiga taqdim etish

18. Fanlar akademiyasi Prezidiumi Umumiy yigʻilish qaroriga koʻra Fanlar akademiyasining haqiqiy aʼzoligiga (akademikligiga) yoki muxbir aʼzoligiga nomzodlarning tanlov komissiyalari tomonidan oʻtkazilgan saralash bosqichini inobatga olgan holda tavsiya etilgan roʻyxatini Oʻzbekiston Respublikasi Prezidenti koʻrib chiqishi va tasdiqlashi uchun Oʻzbekiston Respublikasi Prezidenti Administratsiyasiga kiritadi.

19. Fanlar akademiyasining tasdiqlangan haqiqiy (akademiklari) va muxbir aʼzolari tarkibi ommaviy axborot vositalari va Fanlar akademiyasining rasmiy veb-saytida eʼlon qilinadi.

5-bob. Yakunlovchi qoidalar

20. Fanlar akademiyasi Prezidiumi mazkur Nizomga muvofiq Fanlar akademiyasining haqiqiy aʼzoligiga (akademikligiga) va muxbir aʼzoligiga talabgor barcha nomzodlarning hujjatlari xolis koʻrib chiqilishi uchun bevosita javobgardir.

21. Mazkur Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladilar.

Oʻzbekiston Respublikasi Fanlar akademiyasi haqiqiy aʼzolari (akademiklari) va muxbir aʼzolarini tanlov asosida saralash va tasdiqlash tartibi haqidagi nizomga 1-ILOVA

Oʻzbekiston Respublikasi Fanlar akademiyasi haqiqiy aʼzoligiga (akademikligiga) va muxbir aʼzoligiga tanlov asosida saralash va tasdiqlash

Bosqichlar Ijrochilar Tadbirlar Muddatlar 1-bosqich Fanlar akademiyasi Fanlar akademiyasining haqiqiy aʼzoligiga (akademikligiga) va muxbir aʼzoligiga kvotani tegishli fan sohalari ilmiy ixtisosliklari kesimi boʻyicha shakllantiriladi. Belgilangan muddatlarda 2-bosqich Fanlar akademiyasi Fanlar akademiyasining haqiqiy aʼzoligiga (akademikligiga) va muxbir aʼzoligiga tegishli fan sohalari ilmiy ixtisosliklari boʻyicha shakllantirilgan kvotalar miqdori, tanlov asosida saralashni oʻtkazish muddatlari va sanasi Vazirlar Mahkamasi bilan kelishilgan holda, lekin koʻpi bilan ikki yilda bir marotaba belgilanadi. Belgilangan muddatlarda, lekin koʻpi bilan ikki yilda bir marotaba 3-bosqich Fanlar akademiyasi Tanlov oʻtkazilishi haqidagi eʼlonni ommaviy axborot vositalari va Fanlar akademiyasining rasmiy veb-saytida joylashtiradi. Kvotalar tasdiqlangandan soʻng uch kun muddatda 4-bosqich Fanlar akademiyasi Fanlar akademiyasi Prezidiumi tomonidan tegishli fan boʻlimlari akademiklari (muxbir aʼzolari)dan iborat tanlov komissiyalari tarkibini hamda ilmiy va texnik ekspertlar guruhini tasdiqlaydi. Tanlov eʼlon qilingan kundan boshlab bir hafta muddatda 5-bosqich Ilmiy-tashkilot va oliy taʼlim muassasalari Ilmiy (ilmiy-texnik) kengashlari Ilmiy tashkilot va oliy taʼlim tashkilotlari Ilmiy (ilmiy-texnik) kengashlari majlislarida ochiq ovoz berish yoʻli bilan Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarni koʻrsatadi. Tanlov eʼlon qilingan kundan boshlab bir oy muddatda 6-bosqich Ilmiy-tashkilot va oliy taʼlim tashkilotlari Talab qilingan hujjatlar toʻplamini shakllantiradi va uni Fanlar akademiyasiga taqdim etadi. Tanlov eʼlon qilingan kundan boshlab bir oy muddatda 7-bosqich Texnik ekspert guruhi Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarning hujjatlarini Nizomning 3-bob , 14-bandiga asosan qabul qiladi. Tanlov eʼlon qilingan kundan boshlab bir oy muddatda 8-bosqich Ilmiy ekspert guruhi Fanlar akademiyasining haqiqiy aʼzolari (akademiklari) va muxbir aʼzolari boʻyicha kelib tushgan hujjatlarni tanlov talablari va mezonlari, shuningdek, tegishli ixtisoslikka mosligini ekspertizadan oʻtkazadi. Bir hafta muddatda 9-bosqich Tanlov komissiyasi Fanlar akademiyasining haqiqiy aʼzoligiga (akademikligiga) va muxbir aʼzoligiga nomzodlarning ilmiy maʼruzalarini eshitadi va ularning ilmiy-tashkilotchilik faoliyatini tanlov mezonlariga muvofiq 300 balli tizim boʻyicha baholaydi. Yigirma kun muddatda 10-bosqich Tanlov komissiyasi Fanlar akademiyasining haqiqiy aʼzoligiga (akademikligiga) va muxbir aʼzoligiga saralab olingan nomzodlar roʻyxatini Fanlar akademiyasi Prezidiumiga taqdim etadi. Uch kun muddatda 11-bosqich Fanlar akademiyasi Umumiy yigʻilishi Fanlar akademiyasining haqiqiy aʼzoligiga (akademikligiga) yoki muxbir aʼzoligiga saralangan nomzodlarni Fanlar akademiyasining Umumiy yigʻilishida muhokama qiladi va qaror qabul qilish uchun ovozga qoʻyadi. Bir hafta muddatda 12-bosqich Fanlar akademiyasi Prezidiumi Fanlar akademiyasining haqiqiy aʼzoligiga (akademikligiga) va muxbir aʼzoligiga saralab olingan nomzodlar roʻyxatini koʻrib chiqish uchun Oʻzbekiston Respublikasi Prezidenti Administratsiyasiga kiritadi. Bir hafta muddatda 13-bosqich Fanlar akademiyasi Fanlar akademiyasining tasdiqlangan haqiqiy aʼzolari (akademiklari) va muxbir aʼzolari tarkibini ommaviy axborot vositalari va Fanlar akademiyasining rasmiy veb-saytida eʼlon qiladi. Roʻyxat tasdiqlangandan soʻng

Oʻzbekiston Respublikasi Fanlar akademiyasi haqiqiy aʼzolari (akademiklari) va muxbir aʼzolarini tanlov asosida saralash va tasdiqlash tartibi haqidagi nizomga 2-ILOVA

Oʻzbekiston Respublikasi Fanlar akademiyasi haqiqiy aʼzoligiga (akademikligiga) va muxbir aʼzoligiga nomzodlarni tanlov asosida saralash

T/r Mezon koʻrsatkichlari ballar muxbir aʼzolar haqiqiy aʼzolar * yuqori ball 1. Xalqaro reyting 65 balgacha 1.1. Web of Science bazasi boʻyicha Xirsh indeksi 5 — 10 ** 2.5x N 20 - 11 dan yuqori 20 - 10 — 15 *** 2.5x N - 20 15 dan yuqori 20 - 1.2. Xalqaro va xorijiy patentlar 1 tadan 3 tagacha xalqaro patentlar 3x N 20 4 ta va undan ortiq xalqaro patentlar 13 1 tadan 3 tagacha xorijiy patentlar 1.5x N 4 ta va undan ortiq xorijiy patentlar 7 1.3. Xorijiy grantlarga rahbarligi uchun: Faqat chet el tomoni moliyalashtirgan grant 6 10 “Oʻzbekiston-xorijiy davlat” qoʻshma granti 4 1.4. Xorijda nashr etilgan monografiyalari **** 1 ta monografiya yoki monografiyadagi boblar uchun 4 10 2 ta va undan ortiq monografiya yoki monografiyadagi boblar uchun 10 1.5. Scopus va Web of Science bazalarida indeksatsiyalanadigan xorijiy jurnal tahririyati aʼzosi 2 2 1.6. Xorijiy aʼzoliklar, mukofotlar (milliy akademiya aʼzosi ***** , xalqaro nufuzli ilmiy jamiyat aʼzosi) 3 3 2. Ilmiy, ilmiy-pedagogik va mehnat faoliyati 80 balgacha 2.1. Oʻzbekistonda nashr etilgan monografiyalar ****** 1x N 3 2.2. Sharhlovchi maqolalar 1x N 4 2.3. Oliy taʼlim tashkilotlari magistrlari va bakalavriat talabalari uchun Oliy taʼlim, fan va innovatsiyalar vazirligi tavsiya etgan oʻz ixtisosligi doirasidagi oʻquv predmetlari boʻyicha: 4.5 1 tadan 3 tagacha darsliklar 1x N 1 tadan 3 tagacha oʻquv qoʻllanmalar 0.5x N 2.4. Maktablar oʻquvchilari uchun Maktabgacha va maktab taʼlimi vazirligi tavsiya etgan oʻquv predmetlari boʻyicha: 4.5 1 tadan 3 tagacha darsliklar 1x N 1 tadan 3 tagacha oʻquv qoʻllanmalar 0.5x N 2.5. Intellektual mulk obyektlarining muhofaza qilinishi: 1 tadan 3 tagacha ixtiro uchun patentlar 2x N 15 4 ta va undan ortiq ixtiro uchun patentlar 10 1 tadan 3 tagacha foydali model uchun patentlar 1x N 4 ta va undan ortiq foydali model uchun patentlar 5 2.6. Ilmiy faoliyatga oid davlat dasturlari doirasida bajariladigan loyihalarga rahbarligi uchun: fundamental loyiha 35 1 tadan 2 tagacha 4x N 3 ta va undan ortiq 15 amaliy loyiha 1 tadan 2 tagacha 3x N 3 ta va undan ortiq 12 innovatsion loyiha 1 tadan 2 tagacha 2x N 3 ta va undan ortiq 8 2.7. Fan-texnika sohasidagi davlat mukofoti, ilm-fan sohasida xizmat koʻrsatgan fan arbobi: Fan-texnika, adabiyot va sanʼat sohasidagi davlat mukofoti laureati 7 14 Ilm-fan sohasida fan arbobi 5 Oʻzbekistonda xizmat koʻrsatgan faxriy unvonlar uchun 2 3. Oliy malakali ilmiy va ilmiy-pedagogik kadrlarni tayyorlash 35 ballgacha 1 nafardan 3 nafargacha fan doktori 4x N 35 - 4 nafar va undan ortiq fan doktori 20 - 3-10 nafargacha fan nomzodi/ falsafa doktorlari 1.5x N - 11 nafar va undan ortiq fan nomzodi/ falsafa doktorlari 15 - 3 nafardan 5 nafargacha fan doktori 4x N - 35 5 nafar va undan ortiq fan doktori 20 - 5-12 nafar fan nomzodi/ falsafa doktorlari 1.5x N - 13 nafar va undan ortiq fan nomzodi/ falsafa doktorlari 15 - 4. Tadqiqot natijalarining amaliyotga joriy qilish 20 balgacha 4.1. Xorijiy, litsenzion yoki xoʻjalik shartnomasi asosida hozirgi kunda buxgalteriyaga kelib tushgan mablagʻ uchun: Yiliga 500 mln soʻmdan 2.5 mlrd soʻmgacha 12 12 - Yiliga 2.5 mlrd soʻmdan ortiq 20 20 - Yiliga 1 mlrd soʻmdan 4 mlrd soʻmgacha 12 - 12 Yiliga 4 mlrd soʻmdan ortiq 20 - 20 Jami 200 5. Boʻlim komissiyasida ixtisosligi boʻyicha maʼruza uchun 100 balgacha Umumiy jamlangan ball 300

talabgor faoliyat yuritayotgan tashkilot ilmiy kengashning qarori;

yuqori turuvchi tashkilot hayʼatining xulosasi;

xalqaro mutaxassislar taqrizi;

300 dan ortiq tirajda chop etilishi.

ESLATMA:

1. Barcha bandlar boʻyicha toʻplanadigan ballar tegishli hujjatlar bilan tasdiqlanishi lozim. Qoʻyilgan ballarning haqqoniyligi Oʻzbekiston Respublikasi Fanlar akademiyasi Prezidiumi shakllantiradigan tanlov komissiyalari huzuridagi ekspert guruhlari tomonidan tekshiriladi.

2. Hammualliflikda bajarilgan monografiya, darslik va oʻquv qoʻllanmalar uchun belgilangan ballar mualliflar soniga koʻra taqsimlanadi.

3. Talabgorlarning fanlar boʻlimida qiladigan ilmiy maʼruzalariga qadar toʻplangan ballari fizika-matematika va tabiiy fanlar uchun 30 foizdan kam boʻlsa, ijtimoiy fanlar uchun 20 foizdan kam boʻlsa, nomzod fan boʻlimlarida oʻz ilmiy yoʻnalishining ustuvor sohasi boʻyicha maʼruza qilishga qoʻyilmaydi.

4. N — mezon koʻrsatkichlari soni.

Vazirlar Mahkamasining 2026-yil 3-iyundagi 282-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Oʻzbekiston Respublikasi Fanlar akademiyasining ustavini tasdiqlash toʻgʻrisida” 2017-yil 31-maydagi 331-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida” 2017-yil 8-sentabrdagi PF-5052-son Farmoni, Oʻzbekiston Respublikasi Prezidentining “Oʻzbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari” 2017-yil 8-sentabrdagi PQ-3001-son qarori) 2017-yil 24-maydagi 703-son qaroriga ilovaning 48-bandi .

3. Vazirlar Mahkamasining “Oʻzbekiston Respublikasi Fanlar akademiyasi haqiqiy aʼzolari (akademiklari)ni tanlov asosida saralash va tasdiqlash tartibi haqidagi nizomni tasdiqlash toʻgʻrisida” 2017-yil 23-oktabrdagi 856-son qarori .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Innovatsion rivojlanish vazirligini tashkil etish toʻgʻrisida” 2017-yil 29-noyabrdagi PF-5264-son Farmoni va Oʻzbekiston Respublikasi Prezidentining “Innovatsion rivojlanish vazirligi faoliyatini tashkil etish toʻgʻrisida” 2017-yil 30-noyabrdagi PQ-3416-son qarori)” 2018-yil 14-fevraldagi 109-son qaroriga ilovaning 15-bandi .

5. Vazirlar Mahkamasining “Oʻzbekiston Respublikasi Fanlar akademiyasi ustaviga oʻzgartirish va qoʻshimchalar kiritish toʻgʻrisida” 2019-yil 25-noyabrdagi 947-son qarori.

6. Vazirlar Mahkamasining “Ilmiy va innovatsion faoliyatni boshqarish tizimini tashkil etish chora-tadbirlari toʻgʻrisida” 2021-yil 27-avgustdagi 545-son qaroriga 3-ilovaning 8-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (“Oʻzbekiston Respublikasining “Oʻzbekiston Respublikasi aholisi va hududining seysmik xavfsizligini taʼminlash toʻgʻrisida” 2021-yil 13-sentabrdagi OʻRQ-713-son Qonuni) 2022-yil 9-martdagi 102-son qaroriga ilovaning 1-bandi .

Oʻzbekiston Respublikasining Bosh vaziri A. ARIPOV

Toshkent sh.,

2026-yil 3-iyun,

282-son

(Qonunchilik maʼlumotlari milliy bazasi, 04.06.2026-y., 09/26/282/0560-son)

lex.uz