📅 2026-yil 3-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 3 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 июня 2026 г. · Постановления Кабинета Министров
Официальный текст. Официальный документ. Редакционные примечания не включены.
📅 3 June 2026 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Шаҳар йўловчи транспорти тизимини янада такомиллаштириш бўйича қўшимча чора-тадбирлар тўғрисида
Мунтазам шаҳар автобус йўналишларида йўловчилар ташиш фаолиятини такомиллаштириш, замонавий шаҳар автобусларини харид қилишда тадбиркорлик субъектларига янада қулайликлар яратиш ҳамда соҳага оид норматив-ҳуқуқий ҳужжатларни меҳнат қонунчилигига мувофиқлаштириш мақсадида Вазирлар Маҳкамаси қарор қилади:
1. Ҳайдовчи билан бирга 60 киши ёки ундан ортиқ кишини ташишга мўлжалланган, «Евро-5» ва ундан юқори экологик тоифа талабларига мос келадиган M 3 тоифадаги (III синфга мансуб бўлмаган) янги транспорт воситаларини (автобус/электробус ёки троллейбуслар) 2027 йил 31 декабрга қадар Ўзбекистон Республикасига импорт қилишда утилизация йиғимининг ноль ставкаси қўлланилсин.
2. Брутто-шартнома асосида ташкил этилган мунтазам шаҳар автобус йўналишларида тушумлар тўлиқлигини таъминлаш мақсадида шундай тартиб жорий этилсинки, унга мувофиқ 2026 йил 1 сентябрдан бошлаб:
а) йўловчи томонидан йўлкира ҳақи автоматлаштирилган тўлов тизими терминаллари (валидаторлар) билан жиҳозланган автобусга чиқиш вақтида қуйидаги усуллар орқали тўланади:
транспорт картасини валидаторга теккизган ҳолда уни валидация қилиш;
банк картаси, смартфон ва бошқа контактсиз электрон тўлов турларидан фойдаланиш (NFC, QR, Biometric, BLE, UWB ва бошқа жорий этилаётган технологиялар ёрдамида тўлаш);
ижтимоий/транспорт картасини валидаторга теккизган ҳолда имтиёзли ёки бепул юриш ҳуқуқини тасдиқлаш;
б) йўлкира ҳақи мазкур бандда назарда тутилган усуллар орқали автобусга чиқиш вақтида тўланмаганда (тасдиқланмаганда), йўловчи автобусда чиптасиз юрган деб ҳисобланади.
3. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар ва қўшимча киритилсин:
шаҳардан икки ва ундан кўп километр масофада ташқарига чиқувчи йўловчи ташиш йўналишларини шаҳар ичи автобус йўналишлари тоифасига киритиш;
мунтазам шаҳар автобус йўналишларида белгиланган меъёрий иш вақтидан ортиқ ишлаётган ҳайдовчиларнинг меҳнат шароитларини яхшилаш ва қонунчиликка мувофиқ иш вақти нормасини таъминлаш.
4. Транспорт вазирлиги:
уч ой муддатда Ички ишлар вазирлиги билан биргаликда йўловчиларнинг троллейбусда, трамвайда, шаҳар ичида ва шаҳар атрофига қатнайдиган автобусда чиптасиз юрганлиги учун маъмурий жавобгарликни кучайтириш юзасидан норматив-ҳуқуқий ҳужжат лойиҳасини белгиланган тартибда Вазирлар Маҳкамасига киритсин;
жорий йилнинг 1 сентябрига қадар Иқтисодиёт ва молия вазирлиги, «Ўзбекистон темир йўллари» АЖ ва Автоматлаштирилган тўлов тизими оператори билан биргаликда пойтахт жамоат транспорти ва шаҳар атрофи темир йўл қатновларида йўлкира ҳақини тўлашнинг интеграциялашган тизимини, шу жумладан, «электропоезд-автобус» ва «электропоезд-метро» жозибадор тариф режаларини жорий қилсин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Миллий телерадиокомпанияси, Ўзбекистон Миллий ахборот агентлиги билан биргаликда аҳоли ўртасида ушбу қарорнинг мақсадлари, моҳияти ва амалий аҳамияти, шу жумладан жамоат транспортидан фойдаланишда йўлкира ҳақининг тўлаш усуллари ва тартибини кенг ёритилишини таъминласин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда транспорт вазири И.Р. Махкамов зиммасига юклансин.
Вазирлар Маҳкамасининг 2026 йил 3 июндаги 276-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
1. Вазирлар Маҳкамасининг 2003 йил 4 ноябрдаги 482-сон қарори билан тасдиқланган Автомобиль транспортида йўловчилар ва багажни ташиш қоидаларида :
а) 23-банднинг «б» кичик банди қуйидаги таҳрирда баён этилсин:
«б) шаҳар четидан 5 кмгача ёки белгиланган тартибда тасдиқланган шаҳарларнинг транспорт ва йўл-транспорт инфратузилмасини ривожлантириш бош режаларига мувофиқ кўпи билан 12 кмгача четга чиқувчи шаҳар автобус йўналишлари»;
б) 28-банд қуйидаги таҳрирда баён этилсин:
«28. Йўловчи автобусга чиқиш вақтида йўлкира ҳақини қуйидаги усуллар орқали тўлаши (тасдиқлаши) шарт:
транспорт картасини валидаторга теккизган ҳолда уни валидация қилиш;
банк картаси, смартфон ва бошқа контактсиз электрон тўлов турларидан фойдаланиш (NFC, QR, Biometric, BLE, UWB ва бошқа жорий этилаётган технологиялар ёрдамида тўлаш);
ижтимоий/транспорт картасини валидаторга теккизган ҳолда имтиёзли ёки бепул юриш ҳуқуқини тасдиқлаш»;
в) қуйидаги мазмундаги 28 1 -банд билан тўлдирилсин:
«28 1 . Йўлкира ҳақи ушбу Қоидаларнинг 28-бандига мувофиқ ўз вақтида тўланмаганда (тасдиқланмаганда), йўловчи автобусда чиптасиз юрган деб ҳисобланади ва белгиланган тартибда маъмурий жавобгарликка тортилишига сабаб бўлади».
2. Вазирлар Маҳкамасининг 2021 йил 4 июндаги 352-сон қарори билан тасдиқланган Ўзбекистон Республикаси ҳудудига импорт қилишда божхона божи ва қўшилган қиймат солиғидан озод этиладиган, ўхшаши республикада ишлаб чиқарилмайдиган технологик асбоб-ускуналар рўйхатининг 559 2 -позицияси «ТИФ ТН бўйича номи» устунидаги «(автобуслар/электробуслар)» сўзлари «(I ва II синфга мансуб бўлган автобуслар/электробуслар)» сўзлари билан алмаштирилсин.
3. Вазирлар Маҳкамасининг 2023 йил 18 мартдаги 116-сон қарори билан тасдиқланган Шаҳар автобус йўналишларининг бошланғич нархини аниқлаш ва тасдиқлаш тартиби тўғрисидаги низомга 4а-илованинг матнида:
а) 5-позициянинг «Кўрсаткичлар номи» устунидаги «йўналиши» сўзи «йўналиши бир ҳафталик» сўзлари билан алмаштирилсин;
б) 6-позициянинг «Кўрсаткичлар номи» устуни иккинчи хатбошиси қуйидаги таҳрирда баён этилсин:
« (5-қатор X 1,09 / 40 соат) »;
в) изоҳ қисмининг биринчи ва иккинчи хатбошилари қуйидаги таҳрирда баён этилсин:
« * Йўналишнинг паспорти ва йўналишга қўйилган талаблар асосида бир ҳафталик миқдор ҳисобланади.
** Битта автобус учун талаб этиладиган ҳайдовчилар сонини аниқлашда, 1 нафар ҳайдовчи йил давомида 11 ой фаолият кўрсатиши ҳамда 1 ой меҳнат таътилида бўлишини инобатга олган ҳолда 1,09 коэффициент қўлланади. Ҳайдовчилар сони 0,5 аниқликкача яхлитланади (яхлитлашда бирлик сондан кейин ҳосил бўлган 0,25 гача бўлган сонлар инобатга олинмайди, 0,25 дан 0,74 гача 0,5 миқдорида қабул қилинади, шунингдек, 0,74 дан ошган сонлар бутун сон сифатида қабул қилинади) ».
Ўзбекистон Республикасининг Бош вазири А. АРИПОВ
Тошкент ш.,
2026 йил 3 июнь,
276-сон
Oʻzbekiston Respublikasi Vazirlar Mahkamasining
qarori
Shahar yoʻlovchi transporti tizimini yanada takomillashtirish boʻyicha qoʻshimcha chora-tadbirlar toʻgʻrisida
Muntazam shahar avtobus yoʻnalishlarida yoʻlovchilar tashish faoliyatini takomillashtirish, zamonaviy shahar avtobuslarini xarid qilishda tadbirkorlik subyektlariga yanada qulayliklar yaratish hamda sohaga oid normativ-huquqiy hujjatlarni mehnat qonunchiligiga muvofiqlashtirish maqsadida Vazirlar Mahkamasi qaror qiladi:
1. Haydovchi bilan birga 60 kishi yoki undan ortiq kishini tashishga moʻljallangan, “Yevro-5” va undan yuqori ekologik toifa talablariga mos keladigan M 3 toifadagi (III sinfga mansub boʻlmagan) yangi transport vositalarini (avtobus/elektrobus yoki trolleybuslar) 2027-yil 31-dekabrga qadar Oʻzbekiston Respublikasiga import qilishda utilizatsiya yigʻimining nol stavkasi qoʻllanilsin.
2. Brutto-shartnoma asosida tashkil etilgan muntazam shahar avtobus yoʻnalishlarida tushumlar toʻliqligini taʼminlash maqsadida shunday tartib joriy etilsinki, unga muvofiq 2026-yil 1-sentabrdan boshlab:
a) yoʻlovchi tomonidan yoʻlkira haqi avtomatlashtirilgan toʻlov tizimi terminallari (validatorlar) bilan jihozlangan avtobusga chiqish vaqtida quyidagi usullar orqali toʻlanadi:
transport kartasini validatorga tekkizgan holda uni validatsiya qilish;
bank kartasi, smartfon va boshqa kontaktsiz elektron toʻlov turlaridan foydalanish (NFC, QR, Biometric, BLE, UWB va boshqa joriy etilayotgan texnologiyalar yordamida toʻlash);
ijtimoiy/transport kartasini validatorga tekkizgan holda imtiyozli yoki bepul yurish huquqini tasdiqlash;
b) yoʻlkira haqi mazkur bandda nazarda tutilgan usullar orqali avtobusga chiqish vaqtida toʻlanmaganda (tasdiqlanmaganda), yoʻlovchi avtobusda chiptasiz yurgan deb hisoblanadi.
3. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar va qoʻshimcha kiritilsin:
shahardan ikki va undan koʻp kilometr masofada tashqariga chiquvchi yoʻlovchi tashish yoʻnalishlarini shahar ichi avtobus yoʻnalishlari toifasiga kiritish;
muntazam shahar avtobus yoʻnalishlarida belgilangan meʼyoriy ish vaqtidan ortiq ishlayotgan haydovchilarning mehnat sharoitlarini yaxshilash va qonunchilikka muvofiq ish vaqti normasini taʼminlash.
4. Transport vazirligi:
uch oy muddatda Ichki ishlar vazirligi bilan birgalikda yoʻlovchilarning trolleybusda, tramvayda, shahar ichida va shahar atrofiga qatnaydigan avtobusda chiptasiz yurganligi uchun maʼmuriy javobgarlikni kuchaytirish yuzasidan normativ-huquqiy hujjat loyihasini belgilangan tartibda Vazirlar Mahkamasiga kiritsin;
joriy yilning 1-sentabriga qadar Iqtisodiyot va moliya vazirligi, “Oʻzbekiston temir yoʻllari” AJ va Avtomatlashtirilgan toʻlov tizimi operatori bilan birgalikda poytaxt jamoat transporti va shahar atrofi temir yoʻl qatnovlarida yoʻlkira haqini toʻlashning integratsiyalashgan tizimini, shu jumladan, “elektropoyezd-avtobus” va “elektropoyezd-metro” jozibador tarif rejalarini joriy qilsin;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Milliy teleradiokompaniyasi, Oʻzbekiston Milliy axborot agentligi bilan birgalikda aholi oʻrtasida ushbu qarorning maqsadlari, mohiyati va amaliy ahamiyati, shu jumladan jamoat transportidan foydalanishda yoʻlkira haqining toʻlash usullari va tartibini keng yoritilishini taʼminlasin.
5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda transport vaziri I.R. Maxkamov zimmasiga yuklansin.
Vazirlar Mahkamasining 2026-yil 3-iyundagi 276-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
1. Vazirlar Mahkamasining 2003-yil 4-noyabrdagi 482-son qarori bilan tasdiqlangan Avtomobil transportida yoʻlovchilar va bagajni tashish qoidalarida :
a) 23-bandning “b” kichik bandi quyidagi tahrirda bayon etilsin:
“b) shahar chetidan 5 kmgacha yoki belgilangan tartibda tasdiqlangan shaharlarning transport va yoʻl-transport infratuzilmasini rivojlantirish bosh rejalariga muvofiq koʻpi bilan 12 kmgacha chetga chiquvchi shahar avtobus yoʻnalishlari”;
b) 28-band quyidagi tahrirda bayon etilsin:
“28. Yoʻlovchi avtobusga chiqish vaqtida yoʻlkira haqini quyidagi usullar orqali toʻlashi (tasdiqlashi) shart:
transport kartasini validatorga tekkizgan holda uni validatsiya qilish;
bank kartasi, smartfon va boshqa kontaktsiz elektron toʻlov turlaridan foydalanish (NFC, QR, Biometric, BLE, UWB va boshqa joriy etilayotgan texnologiyalar yordamida toʻlash);
ijtimoiy/transport kartasini validatorga tekkizgan holda imtiyozli yoki bepul yurish huquqini tasdiqlash”;
v) quyidagi mazmundagi 28 1 -band bilan toʻldirilsin:
“28 1 . Yoʻlkira haqi ushbu Qoidalarning 28-bandiga muvofiq oʻz vaqtida toʻlanmaganda (tasdiqlanmaganda), yoʻlovchi avtobusda chiptasiz yurgan deb hisoblanadi va belgilangan tartibda maʼmuriy javobgarlikka tortilishiga sabab boʻladi”.
2. Vazirlar Mahkamasining 2021-yil 4-iyundagi 352-son qarori bilan tasdiqlangan Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatining 559 2 -pozitsiyasi “TIF TN boʻyicha nomi” ustunidagi “(avtobuslar/elektrobuslar)” soʻzlari “(I va II sinfga mansub boʻlgan avtobuslar/elektrobuslar)” soʻzlari bilan almashtirilsin.
3. Vazirlar Mahkamasining 2023-yil 18-martdagi 116-son qarori bilan tasdiqlangan Shahar avtobus yoʻnalishlarining boshlangʻich narxini aniqlash va tasdiqlash tartibi toʻgʻrisidagi nizomga 4a-ilovaning matnida:
a) 5-pozitsiyaning “Koʻrsatkichlar nomi” ustunidagi “yoʻnalishi” soʻzi “yoʻnalishi bir haftalik” soʻzlari bilan almashtirilsin;
b) 6-pozitsiyaning “Koʻrsatkichlar nomi” ustuni ikkinchi xatboshisi quyidagi tahrirda bayon etilsin:
“ (5-qator X 1,09 / 40 soat) ”;
v) izoh qismining birinchi va ikkinchi xatboshilari quyidagi tahrirda bayon etilsin:
“ * Yoʻnalishning pasporti va yoʻnalishga qoʻyilgan talablar asosida bir haftalik miqdor hisoblanadi.
** Bitta avtobus uchun talab etiladigan haydovchilar sonini aniqlashda, 1 nafar haydovchi yil davomida 11 oy faoliyat koʻrsatishi hamda 1 oy mehnat taʼtilida boʻlishini inobatga olgan holda 1,09 koeffitsiyent qoʻllanadi. Haydovchilar soni 0,5 aniqlikkacha yaxlitlanadi (yaxlitlashda birlik sondan keyin hosil boʻlgan 0,25 gacha boʻlgan sonlar inobatga olinmaydi, 0,25 dan 0,74 gacha 0,5 miqdorida qabul qilinadi, shuningdek, 0,74 dan oshgan sonlar butun son sifatida qabul qilinadi) ”.
Oʻzbekiston Respublikasining Bosh vaziri A. ARIPOV
Toshkent sh.,
2026-yil 3-iyun,
276-son