UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ФАРМОНИ

«ЙЎЛ ХАРИТАСИ»

Судларда комплаенс назорат тизими самарадорлигини оширишнинг қўшимча чора-тадбирлари тўғрисида

Аҳолининг суд ҳимоясида бўлиш кафолатларини янада кучайтириш, судларда коррупциявий хавф-хатарларни аниқлаш ва баҳолашнинг профессионал тизимини жорий этиш, шунингдек, суд тизимида 2026 йилда коррупцияга қарши курашиш бўйича эълон қилинган «фавқулодда ҳолат»дан келиб чиқадиган вазифаларнинг самарали ва ўз вақтида амалга оширилишини таъминлаш мақсадида қарор қиламан:

I. Мақсадлар

1. Қуйидагилар мазкур Фармоннинг асосий мақсадлари этиб белгилансин:

(а) судларда коррупциявий хавф-хатарларни аниқлаш ва баҳолаш, замонавий комплаенс назорат тизимини жорий этиш орқали коррупцияни келтириб чиқарувчи омилларни барвақт бартараф этиш;

(б) суд аппарати ходимларини ишга қабул қилиш жараёнини шаффоф тартиб-таомиллар ва очиқ танловга асосланган тарзда ташкил этиш, уларнинг салоҳияти, иқтидори, касбий сифатлари ҳамда алоҳида хизматларини одилона ва ҳаққоний баҳолаш (меритократия) асосида касбий ўстириш;

(в) суд тизимига жамоатчилик ишончини мустаҳкамлаш ва суднинг нуфузи ва обрўсини ошириш, суд органларини Янги Ўзбекистонни барпо этиш йўлидаги ислоҳотларнинг кўмакчисига айлантириш.

II. Суд аппарати ходимлари орасида коррупциянинг олдини олиш

2. Олий суднинг қуйидаги таклифлари маъқуллансин:

(а) суд тизимининг мавжуд бошқарув штат бирликлари доирасида суд аппарати ходимлари орасида коррупциянинг олдини олиш, шу жумладан, манфаатлар тўқнашуви ҳолатларини аниқлаш ва тартибга солиш учун масъул бўлган Комплаенс назорат хизматини ташкил этиш;

(б) суд аппарати ходимлари касб масъулиятини янада чуқур ҳис этишлари мақсадида мансаб даражасига эга бўлган суд аппарати ходимлари учун ихтисослашган хизмат кийимини жорий этиш.

3. Белгилансинки, суд тизимида коррупциянинг олдини олиш:

(а) судьялар корпусига нисбатан — Судьялар олий кенгашининг Судьялар дахлсизлигини таъминлаш ва коррупциянинг олдини олиш бўйича суд инспекцияси томонидан;

(б) суд аппарати, шу жумладан, Судлар фаолиятини таъминлаш департаменти ходимларига нисбатан — Олий суднинг Комплаенс назорат хизмати томонидан амалга оширилади.

4. Қуйидагилар Комплаенс назорат хизматининг асосий вазифалари этиб белгилансин:

(а) суд аппарати фаолиятида коррупциявий хавф-хатарларни аниқлаш ва баҳолаш, коррупцияни келтириб чиқарувчи омилларни бартараф этиш чораларини кўриш;

(б) суд аппарати ходимлари томонидан касб этикаси ва қонунчилик ҳужжатларига риоя этилишини мониторинг қилиш, коррупция ва суд тизими обрўсига путур етказувчи бошқа ҳолатларнинг олдини олиш;

(в) суд аппаратига ишга қабул қилиш жараёнларида шаффофлик ва холисликни таъминлаш чораларини кўриш, шунингдек, белгиланган тартибда суд аппарати лавозимларига номзодларни коррупцияга қарши текширувдан ўтказиш ва хулоса бериш;

(г) суд аппарати ходимларида коррупцияга муросасиз муносабатни шакллантириш, уларнинг бу борадаги билим ва кўникмалари узлуксиз ошириб борилишини мувофиқлаштириш;

(д) суд аппарати ходимлари, улар оила аъзоларининг (турмуш ўртоғи ва вояга етмаган фарзандлари) даромадлари ва мол-мулки, шунингдек, манфаатлар тўқнашуви ҳолатларини декларация қилиш тизимларини ишга тушириш ҳамда юритиш, маҳаллийчилик, уруғ-аймоқчилик ҳолатларига йўл қўймаслик;

(ж) халқаро стандартлар асосида коррупция ҳолатлари ҳақида хабар берган ходимларни ҳимоя қилиш ва рағбатлантириш, пора таклиф этиш ҳолатлари ҳақида ходим томонидан хабар бериш тизими, шунингдек, фуқаролар учун хавфсиз алоқа каналларини жорий этиш;

(з) қонунчилик ҳужжатларида назарда тутилган бошқа вазифаларни амалга ошириш.

5. Қуйидагилар:

(а) Олий суднинг аппаратида Олий суд раисига тўғридан-тўғри бўйсунувчи 3 та штат бирлигидан иборат Комплаенс назорат хизмати ташкил этилсин;

(б) Ўзбекистон Республикаси Ҳарбий суди, Қорақалпоғистон Республикаси суди, вилоятлар ва Тошкент шаҳар судларида Комплаенс назорат хизматига тўғридан-тўғри бўйсунадиган жами 15 та штат бирлигидан иборат комплаенс назорат бўйича инспектор лавозимлари жорий этилсин.

6. Белгилансинки:

(а) Комплаенс назорат хизмати раҳбари Олий суд раиси томонидан лавозимга тайинланади ва лавозимидан озод этилади ҳамда меҳнатга ҳақ тўлаш, моддий таъминот ва ижтимоий ҳимоя шартлари бўйича Олий суд департамент бошлиғига тенглаштирилади;

(б) комплаенс назорат бўйича инспекторлар Олий суд раиси томонидан лавозимга тайинланади ва лавозимидан озод этилади ҳамда меҳнатга ҳақ тўлаш, моддий таъминот ва ижтимоий ҳимоя шартлари бўйича Олий суд бош консультантига тенглаштирилади;

(в) комплаенс назорат бўйича инспекторлар Ҳарбий суд, Қорақалпоғистон Республикаси суди, вилоятлар ва Тошкент шаҳар судларида жойлаштирилади;

(г) Комплаенс назорат хизмати лавозимларига ҳалол, пок ва бенуқсон обрў-эътиборга эга бўлган олий юридик маълумотли, шунингдек, қоида тариқасида, суд-ҳуқуқ соҳасида камида 5 йиллик иш стажига эга номзодлар тайинланади;

(д) Олий суд раисига Комплаенс назорат хизмати ходимларига бюджетдан ташқари маблағлар ҳисобидан қонунчиликда белгиланган тартибда қўшимча устамалар тўлаш ҳуқуқи берилади;

(ж) Комплаенс назорат хизмати ходимларига юклатилган вазифалар доирасида суд аппарати ходимларининг одоб-ахлоқи ҳамда хизмат вақтида ва хизматдан ташқари ҳолатларда ўзини тутиши, умумэътироф этилган одоб-ахлоқ қоидаларига риоя этиши билан боғлиқ масалаларда хизмат текширувларини ўтказиш ваколати берилади.

7. Олий суд:

(а) 2026 йил 1 сентябрга қадар суд аппарати фаолиятида коррупциянинг олдини олиш бўйича чора-тадбирлар дастури ва суд аппаратидаги коррупциявий хавф-хатар юқори бўлган лавозимлар рўйхатини тасдиқласин;

(б) 2027 йил 1 мартга қадар суд аппарати ходимларининг коррупциявий хавф-хатар даражаси юқори бўлган вазифа ва функцияларини рақамлаштириш, уларни амалга оширишда инсон омилини камайтириш чораларини кўрсин.

8. Олий суд уч ой муддатда суд аппарати ходимларини ишга қабул қилиш ва уларнинг меҳнат фаолияти билан боғлиқ чекловларни белгиловчи низомни ўрнатилган тартибда тасдиқласин. Низомда қуйидагиларга нисбатан чекловлар назарда тутилсин:

(а) муқаддам коррупцияга оид жиноятларни содир этишда суд томонидан айбдор деб топилган шахсларни ишга қабул қилиш;

(б) нотариус, адвокат, судья, ҳуқуқни муҳофаза қилувчи ёки бошқа давлат органи фаолиятида ножўя хатти-ҳаракатлари учун лавозимдан бўшатилган шахсларни уч йил мобайнида ишга қабул қилиш;

(в) педагогик, илмий ва ижодий фаолиятдан ташқари ҳақ тўланадиган бошқа фаолият билан шуғулланиш;

(г) тадбиркорлик субъектини таъсис этиш, унда ташкилий-бошқарув, маъмурий-хўжалик вазифаларини бажариш (бундан акциядорлик жамиятлари эркин муомалада бўлган акцияларига қонунчиликда белгиланган талаблар доирасида эгалик қилиш ҳоллари мустасно);

(д) ўз хизмат вазифаларини сиёсий партиялар, бошқа жамоат бирлашмалари, шунингдек, жисмоний ва юридик шахслар манфаатларини кўзлаб бажариш;

(ж) Ўзбекистон Республикаси ҳудудидан ташқарида ҳисобварақлар очиш ва уларга эга бўлиш, кўчмас мулк ва бошқа мол-мулкка эгалик қилиш.

9. Олий суднинг HR-менежмент механизмларидан кенг фойдаланган ҳолда судлар аппаратининг кадрларини бошқариш ва назорат қилишнинг самарали ва замонавий тизимини жорий этиш тўғрисидаги таклифи маъқуллансин. Унга кўра 2026 йил якунига қадар:

(а) номзодларнинг шахсий ва касбий фазилатлари, шу жумладан, уларнинг маънавий-ахлоқий ва ҳалоллик сифатларини ҳаққоний баҳолаш имконини берувчи очиқ танлов асосида ишга қабул қилиш тизимини жорий этиш. Бунда малакали кадрларни жалб этиш ва жамоада ишлаш кўникмаларини ривожлантиришнинг замонавий усулларидан кенг фойдаланишни назарда тутиш;

(б) инсон ресурсларини бошқариш ва ривожлантиришда рақамли технологиялар, шу жумладан сунъий интеллектдан фойдаланган ҳолда вакант лавозимларни эълон қилиш, номзодларни саралаш, танлаш ва ишга қабул қилиш жараёнларини рақамлаштиришга мўлжалланган «vacancy.sud.uz» портали ҳамда суд тизимида ходимлар билан ишлаш ва кадрлар маъмурчилигининг замонавий услубларини жорий этишга қаратилган «SudHR» электрон платформасини ишлаб чиқиш ва ишга тушириш;

(в) замонавий усуллардан фойдаланган ҳолда суд аппарати ходимларининг касбий маҳорати ва касб билан боғлиқ чақириқларга бардошлилиги, аҳиллик ва жамоада ишлаш кўникмаларини ривожлантириш, янгиликларга мослашишига қодир жамоани шакллантириш;

(г) судларга олий юридик маълумот ва илмий салоҳиятга эга бўлган кадрларни жалб қилишда республиканинг етакчи олий таълим муассасалари ҳамда Бошқарув самарадорлиги агентлиги билан ҳамкорликни йўлга қўйиш таъминлансин.

10. Олий суд икки ой муддатда Олий суд ва қуйи судлар тузилмасини белгиланган штат бирликлари доирасида мустақил тасдиқлаш ҳуқуқини Олий суд раисига беришни назарда тутувчи қонун лойиҳасини киритсин.

III. Судьялар корпусида коррупцияга муросасизликни шакллантириш

11. Судьялар олий кенгаши ва Бошқарув самарадорлиги агентлигининг қуйидагиларни назарда тутувчи таклифлари маъқуллансин:

(а) Одил судлов академияси ва Бошқарув самарадорлиги агентлиги ҳузуридаги Раҳбар кадрларни баҳолаш марказининг моддий-техника базаси ва илмий-амалий ресурсларидан фойдаланган ҳолда 2026 йил якунига қадар суд тизимида коррупцияга қарши барқарорлик даражасини диагностикадан ўтказиш;

(б) Одил судлов академиясида номзодларни судьялик касбига тайёрлашда қўшимча равишда шахсий-профессионал ва коррупцияга қарши барқарорлик даражасини диагностикадан ўтказиш амалиётини жорий этиш.

12. Олий суд уч ой муддатда суд ишларини автоматик тақсимлаш дастурини янада такомиллаштириш чораларини кўрсин. Бунда:

(а) ишларни тақсимлаш ва қайта тақсимлаш мезонларининг тугал асосларини белгилаш, мазкур жараёнлар шаффофлигини таъминлаш;

(б) ишни бир судьядан бошқа судьяга асоссиз равишда ўтказиш ҳолатларининг олдини олиш назарда тутилсин.

13. Судьялар олий кенгаши 2026 йил сентябрга қадар Одил судлов академиясида судьялар ва суд аппарати ходимлари фаолиятида манфаатлар тўқнашуви ва коррупциянинг бошқа кўринишларининг олдини олиш бўйича «реал кейслар»га асосланган ўқув-амалий модулини жорий этсин.

14. Судьялар олий кенгаши:

(а) 2026 йил 1 сентябрга қадар Одил судлов академиясида мавжуд бошқарув штат бирликлари доирасида ички хавфсизлик назорати хизматини ташкил этиш;

(б) 2027 йил 1 июнга қадар Одил судлов академиясини ISO 37001 коррупцияга қарши курашиш менежменти тизими халқаро стандарти бўйича аудитдан ўтказиш чораларини кўрсин.

15. Судьялар олий кенгаши Олий суд, Одил судлов академияси билан биргаликда судьялар ва суд аппарати ходимларининг ҳар уч йилда коррупцияга қарши курашиш бўйича ўқув курсларида малакасини ошириш чораларини кўриб борсин.

16. Қуйидагилар:

(а) Судьялар олий кенгаши — 2026 йил 1 сентябрга қадар судьялар томонидан манфаатлар тўқнашуви ҳолатлари ҳамда даромадлар ва мол-мулки тўғрисидаги декларацияни Кенгашга тақдим этиш, шунингдек, уларни текшириш ва таҳлил қилишнинг автоматлаштирилган электрон тизимини;

(б) Олий суд 2027 йил 1 майга қадар:

(i) суд аппарати ходимлари томонидан манфаатлар тўқнашуви ҳолатлари ҳамда даромадлар ва мол-мулки тўғрисидаги декларацияни Олий судга тақдим этиш, шунингдек, уларни текшириш ва таҳлил қилишнинг автоматлаштирилган электрон тизимини;

(ii) суд аппарати ходимлари фаолиятидаги коррупция, шубҳали схемалар ва интизом бузилишларига олиб келувчи бўшлиқларни аниқлаб, уларни бартараф этиш, суд аппарати ходимлари фаолиятини мониторинг қилиш имконини берувчи коррупциявий хавф-хатарларни бошқариш электрон ахборот тизимини ишга туширсин.

IV. Фармон ижросини ташкил этиш, таъминлаш ва назорат

17. Судларда комплаенс назорат тизими самарадорлигини оширишнинг қўшимча чора-тадбирлари бўйича «йўл харита»си иловага мувофиқ тасдиқлансин.

18. Олий суд уч ой муддатда Комплаенс назорат хизматини малакали кадрлар билан тўлдириш ва уларнинг самарали фаолиятини йўлга қўйишни таъминласин.

19. Олий суд Судьялар олий кенгаши, Адлия вазирлиги ва Коррупцияга қарши курашиш агентлиги билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.

20. Ўзбекистон Республикаси Президенти Администрацияси Комплаенс хизмати ва Коррупцияга қарши курашиш агентлиги Олий судга Комплаенс назорат хизмати фаолиятини самарали ташкил этиш, ходимларнинг малакасини оширишда услубий жиҳатдан кўмаклашиб борсин.

21. Мазкур Фармон ижросини самарали ташкил қилишга масъул ва шахсан жавобгар этиб Олий суд раиси Б.Д. Исламов ва Судьялар олий кенгаши раиси Х.Б. Ёдгоров белгилансин.

22. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Президенти Администрацияси раҳбарининг суд тизимини ислоҳ қилиш бўйича ўринбосари Н.Ж. Хакимова зиммасига юклансин.

Ўзбекистон Республикаси Президентининг 2026 йил 8 июндаги ПФ-106-сон Фармонига ИЛОВА

Судларда комплаенс назорат тизими самарадорлигини оширишнинг қўшимча чора-тадбирлари бўйича

Т/р Чора-тадбирлар номи Амалга ошириш механизми Ижро муддати Масъуллар 1. Суд тизимида 2026 йил якунига қадар коррупцияга қарши барқарорлик даражасини диагностикадан ўтказиш ва унинг натижалари бўйича судьялар фаолиятидаги коррупциявий хавф-хатарларни бартараф этиш. Режа-жадвални тасдиқлаш 2026 йил июль Судьялар олий кенгаши (Х. Ёдгоров) , Олий суд (Б. Исламов) , Бошқарув самарадорлиги агентлиги (У. Хусаинов), Иқтисодиёт ва молия вазирлиги (А. Хайдаров) 2. Комплаенс назорат хизмати тўғрисидаги низомни ишлаб чиқиш ва тасдиқлаш. Идоравий ҳужжатни тасдиқлаш 2026 йил июль Олий суд (Б. Исламов) 3. Судьяларнинг Коррупцияга қарши курашиш виртуал академиясида тегишли йўналишлар бўйича махсус ўқув курсларида малакасини оширишни ташкил этиш. Режа-жадвални тасдиқлаш 2026 йил июль Судьялар олий кенгаши (Х. Ёдгоров) , Олий суд (Б. Исламов) , Ҳуқуқни муҳофаза қилиш академияси (С. Самадов) , Коррупцияга қарши курашиш агентлиги (А. Бурханов) 4. Суд аппарати ходимларининг Коррупцияга қарши курашиш виртуал академиясида тегишли йўналишлар бўйича махсус ўқув курсларида малакасини оширишни босқичма-босқич ташкил этиш. Олий суд (Б. Исламов) , Ҳуқуқни муҳофаза қилиш академияси (С. Самадов) , Коррупцияга қарши курашиш агентлиги (А. Бурханов) 5. Судьялар ва суд аппарати ходимлари ўртасида коррупциявий хавф-хатарларни аниқлаш ва баҳолаш сиёсатини ишлаб чиқиш ва тасдиқлаш. Ташкилий-ҳуқуқий чора-тадбирларни амалга ошириш 2026 йил июль Олий суд (Б. Исламов) , Судьялар олий кенгаши (Х. Ёдгоров) 6. Комплаенс назорат хизмати ходимлари ҳамда комплаенс назорат бўйича инспекторлар лавозимларини малакали кадрлар билан тўлдириш. Ташкилий чора-тадбирларни амалга ошириш 2026 йил сентябрь Олий суд (Б. Исламов) 7. Судларда суд ишларини тақсимлашнинг автоматлаштирилган тизимини такомиллаштириш. Жумладан, ишларни тақсимлаш ва қайта тақсимлаш мезонларининг тугал асосларини белгилаш. Олий суд Раёсати қарорига тегишли ўзгартиришлар киритиш 2026 йил сентябрь Олий суд (Б. Исламов) , Рақамли технологиялар вазирлиги (Ш. Шерматов) 8. Судьялар ва суд аппарати ходимларининг манфаатлар тўқнашуви тўғрисидаги декларацияларини таҳлил қилиш ва аниқланган ҳолатлар бўйича чоралар кўриш. Ташкилий чора-тадбирларни амалга ошириш 2026 йил октябрь Судьялар олий кенгаши (Х. Ёдгоров) , Олий суд (Б. Исламов), Рақамли технологиялар вазирлиги (Ш. Шерматов), манфаатдор вазирлик ва идоралар 9. Судьялар, уларнинг турмуш ўртоғи ва вояга етмаган фарзандларининг даромадлари ва мол-мулкини декларация қилиш тизимини ҳамда декларациядаги маълумотларни интеграциялашган тизим орқали текшириш тартибини жорий этиш. Ташкилий-ҳуқуқий чора-тадбирларни белгилаш 2026 йил ноябрь Судьялар олий кенгаши (Х. Ёдгоров) , Коррупцияга қарши курашиш агентлиги (А. Бурханов), Рақамли технологиялар вазирлиги (Ш. Шерматов), манфаатдор вазирлик ва идоралар 10. Суд аппарати ходимлари, уларнинг турмуш ўртоғи ва вояга етмаган фарзандлари даромадлари ва мол-мулкини декларация қилиш тизимини ҳамда декларациядаги маълумотларни интеграциялашган тизим орқали текшириш тартибини жорий этиш. Олий суд (Б. Исламов) , Коррупцияга қарши курашиш агентлиги (А. Бурханов), Рақамли технологиялар вазирлиги (Ш. Шерматов), манфаатдор вазирлик ва идоралар 11. Илғор хорижий тажриба асосида судьяларга нисбатан интизомий жавобгарлик чораларини қўллаш масалаларини кўриш механизмларини такомиллаштириш. Асослантирилган таклифларни киритиш 2026 йил ноябрь Судьялар олий кенгаши (Х. Ёдгоров) 12. Суд аппарати ходимларининг вазифалари, ҳуқуқ ва мажбуриятлари ҳамда уларни ижтимоий ҳимоя қилиш билан боғлиқ нормаларни қайта кўриб чиқиш. Асослантирилган таклифларни киритиш 2026 йил ноябрь Олий суд (Б. Исламов) 13. Суд аппарати ходимлари томонидан амалга ошириладиган фаолиятидаги коррупциявий хавф-хатар даражаси юқори ва ўрта бўлган функцияларни рақамлаштириш бўйича чоралар белгилаш. Ташкилий-ҳуқуқий чораларни белгилаш 2027 йил февраль Олий суд (Б. Исламов), Рақамли технологиялар вазирлиги (Ш. Шерматов) 14. Мансаб даражасига эга бўлган суд аппарати ходимлари учун ихтисослашган хизмат кийими намуналари ва уни кийиш тартибини белгилаш. Шунингдек, ходимларни ихтисослашган хизмат кийими билан Олий суднинг бюджетдан ташқари жамғармаси маблағлари ҳисобидан босқичма-босқич таъминлаш меъёрларини тасдиқлаш. Ташкилий-ҳуқуқий чораларни амалга ошириш 2027 йил июнь Олий суд (Б. Исламов), Иқтисодиёт ва молия вазирлиги (А. Хайдаров)

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 8 июнь,

ПФ-106-сон

(Қонунчилик маълумотлари миллий базаси, 09.06.2026 й., 06/26/106/0571-сон)

lex.uz

OʻZBEKISTON RESPUBLIKASI PREZIDENTINING

FARMONI

“YOʻL XARITASI”

Sudlarda komplayens nazorat tizimi samaradorligini oshirishning qoʻshimcha chora-tadbirlari toʻgʻrisida

Aholining sud himoyasida boʻlish kafolatlarini yanada kuchaytirish, sudlarda korrupsiyaviy xavf-xatarlarni aniqlash va baholashning professional tizimini joriy etish, shuningdek, sud tizimida 2026-yilda korrupsiyaga qarshi kurashish boʻyicha eʼlon qilingan “favqulodda holat”dan kelib chiqadigan vazifalarning samarali va oʻz vaqtida amalga oshirilishini taʼminlash maqsadida qaror qilaman:

I. Maqsadlar

1. Quyidagilar mazkur Farmonning asosiy maqsadlari etib belgilansin:

(a) sudlarda korrupsiyaviy xavf-xatarlarni aniqlash va baholash, zamonaviy komplayens nazorat tizimini joriy etish orqali korrupsiyani keltirib chiqaruvchi omillarni barvaqt bartaraf etish;

(b) sud apparati xodimlarini ishga qabul qilish jarayonini shaffof tartib-taomillar va ochiq tanlovga asoslangan tarzda tashkil etish, ularning salohiyati, iqtidori, kasbiy sifatlari hamda alohida xizmatlarini odilona va haqqoniy baholash (meritokratiya) asosida kasbiy oʻstirish;

(v) sud tizimiga jamoatchilik ishonchini mustahkamlash va sudning nufuzi va obroʻsini oshirish, sud organlarini Yangi Oʻzbekistonni barpo etish yoʻlidagi islohotlarning koʻmakchisiga aylantirish.

II. Sud apparati xodimlari orasida korrupsiyaning oldini olish

2. Oliy sudning quyidagi takliflari maʼqullansin:

(a) sud tizimining mavjud boshqaruv shtat birliklari doirasida sud apparati xodimlari orasida korrupsiyaning oldini olish, shu jumladan, manfaatlar toʻqnashuvi holatlarini aniqlash va tartibga solish uchun masʼul boʻlgan Komplayens nazorat xizmatini tashkil etish;

(b) sud apparati xodimlari kasb masʼuliyatini yanada chuqur his etishlari maqsadida mansab darajasiga ega boʻlgan sud apparati xodimlari uchun ixtisoslashgan xizmat kiyimini joriy etish.

3. Belgilansinki, sud tizimida korrupsiyaning oldini olish:

(a) sudyalar korpusiga nisbatan — Sudyalar oliy kengashining Sudyalar daxlsizligini taʼminlash va korrupsiyaning oldini olish boʻyicha sud inspeksiyasi tomonidan;

(b) sud apparati, shu jumladan, Sudlar faoliyatini taʼminlash departamenti xodimlariga nisbatan — Oliy sudning Komplayens nazorat xizmati tomonidan amalga oshiriladi.

4. Quyidagilar Komplayens nazorat xizmatining asosiy vazifalari etib belgilansin:

(a) sud apparati faoliyatida korrupsiyaviy xavf-xatarlarni aniqlash va baholash, korrupsiyani keltirib chiqaruvchi omillarni bartaraf etish choralarini koʻrish;

(b) sud apparati xodimlari tomonidan kasb etikasi va qonunchilik hujjatlariga rioya etilishini monitoring qilish, korrupsiya va sud tizimi obroʻsiga putur yetkazuvchi boshqa holatlarning oldini olish;

(v) sud apparatiga ishga qabul qilish jarayonlarida shaffoflik va xolislikni taʼminlash choralarini koʻrish, shuningdek, belgilangan tartibda sud apparati lavozimlariga nomzodlarni korrupsiyaga qarshi tekshiruvdan oʻtkazish va xulosa berish;

(g) sud apparati xodimlarida korrupsiyaga murosasiz munosabatni shakllantirish, ularning bu boradagi bilim va koʻnikmalari uzluksiz oshirib borilishini muvofiqlashtirish;

(d) sud apparati xodimlari, ular oila aʼzolarining (turmush oʻrtogʻi va voyaga yetmagan farzandlari) daromadlari va mol-mulki, shuningdek, manfaatlar toʻqnashuvi holatlarini deklaratsiya qilish tizimlarini ishga tushirish hamda yuritish, mahalliychilik, urugʻ-aymoqchilik holatlariga yoʻl qoʻymaslik;

(j) xalqaro standartlar asosida korrupsiya holatlari haqida xabar bergan xodimlarni himoya qilish va ragʻbatlantirish, pora taklif etish holatlari haqida xodim tomonidan xabar berish tizimi, shuningdek, fuqarolar uchun xavfsiz aloqa kanallarini joriy etish;

(z) qonunchilik hujjatlarida nazarda tutilgan boshqa vazifalarni amalga oshirish.

5. Quyidagilar:

(a) Oliy sudning apparatida Oliy sud raisiga toʻgʻridan-toʻgʻri boʻysunuvchi 3 ta shtat birligidan iborat Komplayens nazorat xizmati tashkil etilsin;

(b) Oʻzbekiston Respublikasi Harbiy sudi, Qoraqalpogʻiston Respublikasi sudi, viloyatlar va Toshkent shahar sudlarida Komplayens nazorat xizmatiga toʻgʻridan-toʻgʻri boʻysunadigan jami 15 ta shtat birligidan iborat komplayens nazorat boʻyicha inspektor lavozimlari joriy etilsin.

6. Belgilansinki:

(a) Komplayens nazorat xizmati rahbari Oliy sud raisi tomonidan lavozimga tayinlanadi va lavozimidan ozod etiladi hamda mehnatga haq toʻlash, moddiy taʼminot va ijtimoiy himoya shartlari boʻyicha Oliy sud departament boshligʻiga tenglashtiriladi;

(b) komplayens nazorat boʻyicha inspektorlar Oliy sud raisi tomonidan lavozimga tayinlanadi va lavozimidan ozod etiladi hamda mehnatga haq toʻlash, moddiy taʼminot va ijtimoiy himoya shartlari boʻyicha Oliy sud bosh konsultantiga tenglashtiriladi;

(v) komplayens nazorat boʻyicha inspektorlar Harbiy sud, Qoraqalpogʻiston Respublikasi sudi, viloyatlar va Toshkent shahar sudlarida joylashtiriladi;

(g) Komplayens nazorat xizmati lavozimlariga halol, pok va benuqson obroʻ-eʼtiborga ega boʻlgan oliy yuridik maʼlumotli, shuningdek, qoida tariqasida, sud-huquq sohasida kamida 5 yillik ish stajiga ega nomzodlar tayinlanadi;

(d) Oliy sud raisiga Komplayens nazorat xizmati xodimlariga budjetdan tashqari mablagʻlar hisobidan qonunchilikda belgilangan tartibda qoʻshimcha ustamalar toʻlash huquqi beriladi;

(j) Komplayens nazorat xizmati xodimlariga yuklatilgan vazifalar doirasida sud apparati xodimlarining odob-axloqi hamda xizmat vaqtida va xizmatdan tashqari holatlarda oʻzini tutishi, umumeʼtirof etilgan odob-axloq qoidalariga rioya etishi bilan bogʻliq masalalarda xizmat tekshiruvlarini oʻtkazish vakolati beriladi.

7. Oliy sud:

(a) 2026-yil 1-sentabrga qadar sud apparati faoliyatida korrupsiyaning oldini olish boʻyicha chora-tadbirlar dasturi va sud apparatidagi korrupsiyaviy xavf-xatar yuqori boʻlgan lavozimlar roʻyxatini tasdiqlasin;

(b) 2027-yil 1-martga qadar sud apparati xodimlarining korrupsiyaviy xavf-xatar darajasi yuqori boʻlgan vazifa va funksiyalarini raqamlashtirish, ularni amalga oshirishda inson omilini kamaytirish choralarini koʻrsin.

8. Oliy sud uch oy muddatda sud apparati xodimlarini ishga qabul qilish va ularning mehnat faoliyati bilan bogʻliq cheklovlarni belgilovchi nizomni oʻrnatilgan tartibda tasdiqlasin. Nizomda quyidagilarga nisbatan cheklovlar nazarda tutilsin:

(a) muqaddam korrupsiyaga oid jinoyatlarni sodir etishda sud tomonidan aybdor deb topilgan shaxslarni ishga qabul qilish;

(b) notarius, advokat, sudya, huquqni muhofaza qiluvchi yoki boshqa davlat organi faoliyatida nojoʻya xatti-harakatlari uchun lavozimdan boʻshatilgan shaxslarni uch yil mobaynida ishga qabul qilish;

(v) pedagogik, ilmiy va ijodiy faoliyatdan tashqari haq toʻlanadigan boshqa faoliyat bilan shugʻullanish;

(g) tadbirkorlik subyektini taʼsis etish, unda tashkiliy-boshqaruv, maʼmuriy-xoʻjalik vazifalarini bajarish (bundan aksiyadorlik jamiyatlari erkin muomalada boʻlgan aksiyalariga qonunchilikda belgilangan talablar doirasida egalik qilish hollari mustasno);

(d) oʻz xizmat vazifalarini siyosiy partiyalar, boshqa jamoat birlashmalari, shuningdek, jismoniy va yuridik shaxslar manfaatlarini koʻzlab bajarish;

(j) Oʻzbekiston Respublikasi hududidan tashqarida hisobvaraqlar ochish va ularga ega boʻlish, koʻchmas mulk va boshqa mol-mulkka egalik qilish.

9. Oliy sudning HR-menejment mexanizmlaridan keng foydalangan holda sudlar apparatining kadrlarini boshqarish va nazorat qilishning samarali va zamonaviy tizimini joriy etish toʻgʻrisidagi taklifi maʼqullansin. Unga koʻra 2026-yil yakuniga qadar:

(a) nomzodlarning shaxsiy va kasbiy fazilatlari, shu jumladan, ularning maʼnaviy-axloqiy va halollik sifatlarini haqqoniy baholash imkonini beruvchi ochiq tanlov asosida ishga qabul qilish tizimini joriy etish. Bunda malakali kadrlarni jalb etish va jamoada ishlash koʻnikmalarini rivojlantirishning zamonaviy usullaridan keng foydalanishni nazarda tutish;

(b) inson resurslarini boshqarish va rivojlantirishda raqamli texnologiyalar, shu jumladan sunʼiy intellektdan foydalangan holda vakant lavozimlarni eʼlon qilish, nomzodlarni saralash, tanlash va ishga qabul qilish jarayonlarini raqamlashtirishga moʻljallangan “vacancy.sud.uz” portali hamda sud tizimida xodimlar bilan ishlash va kadrlar maʼmurchiligining zamonaviy uslublarini joriy etishga qaratilgan “SudHR” elektron platformasini ishlab chiqish va ishga tushirish;

(v) zamonaviy usullardan foydalangan holda sud apparati xodimlarining kasbiy mahorati va kasb bilan bogʻliq chaqiriqlarga bardoshliligi, ahillik va jamoada ishlash koʻnikmalarini rivojlantirish, yangiliklarga moslashishiga qodir jamoani shakllantirish;

(g) sudlarga oliy yuridik maʼlumot va ilmiy salohiyatga ega boʻlgan kadrlarni jalb qilishda respublikaning yetakchi oliy taʼlim muassasalari hamda Boshqaruv samaradorligi agentligi bilan hamkorlikni yoʻlga qoʻyish taʼminlansin.

10. Oliy sud ikki oy muddatda Oliy sud va quyi sudlar tuzilmasini belgilangan shtat birliklari doirasida mustaqil tasdiqlash huquqini Oliy sud raisiga berishni nazarda tutuvchi qonun loyihasini kiritsin.

III. Sudyalar korpusida korrupsiyaga murosasizlikni shakllantirish

11. Sudyalar oliy kengashi va Boshqaruv samaradorligi agentligining quyidagilarni nazarda tutuvchi takliflari maʼqullansin:

(a) Odil sudlov akademiyasi va Boshqaruv samaradorligi agentligi huzuridagi Rahbar kadrlarni baholash markazining moddiy-texnika bazasi va ilmiy-amaliy resurslaridan foydalangan holda 2026-yil yakuniga qadar sud tizimida korrupsiyaga qarshi barqarorlik darajasini diagnostikadan oʻtkazish;

(b) Odil sudlov akademiyasida nomzodlarni sudyalik kasbiga tayyorlashda qoʻshimcha ravishda shaxsiy-professional va korrupsiyaga qarshi barqarorlik darajasini diagnostikadan oʻtkazish amaliyotini joriy etish.

12. Oliy sud uch oy muddatda sud ishlarini avtomatik taqsimlash dasturini yanada takomillashtirish choralarini koʻrsin. Bunda:

(a) ishlarni taqsimlash va qayta taqsimlash mezonlarining tugal asoslarini belgilash, mazkur jarayonlar shaffofligini taʼminlash;

(b) ishni bir sudyadan boshqa sudyaga asossiz ravishda oʻtkazish holatlarining oldini olish nazarda tutilsin.

13. Sudyalar oliy kengashi 2026-yil sentabrga qadar Odil sudlov akademiyasida sudyalar va sud apparati xodimlari faoliyatida manfaatlar toʻqnashuvi va korrupsiyaning boshqa koʻrinishlarining oldini olish boʻyicha “real keyslar”ga asoslangan oʻquv-amaliy modulini joriy etsin.

14. Sudyalar oliy kengashi:

(a) 2026-yil 1-sentabrga qadar Odil sudlov akademiyasida mavjud boshqaruv shtat birliklari doirasida ichki xavfsizlik nazorati xizmatini tashkil etish;

(b) 2027-yil 1-iyunga qadar Odil sudlov akademiyasini ISO 37001 korrupsiyaga qarshi kurashish menejmenti tizimi xalqaro standarti boʻyicha auditdan oʻtkazish choralarini koʻrsin.

15. Sudyalar oliy kengashi Oliy sud, Odil sudlov akademiyasi bilan birgalikda sudyalar va sud apparati xodimlarining har uch yilda korrupsiyaga qarshi kurashish boʻyicha oʻquv kurslarida malakasini oshirish choralarini koʻrib borsin.

16. Quyidagilar:

(a) Sudyalar oliy kengashi — 2026-yil 1-sentabrga qadar sudyalar tomonidan manfaatlar toʻqnashuvi holatlari hamda daromadlar va mol-mulki toʻgʻrisidagi deklaratsiyani Kengashga taqdim etish, shuningdek, ularni tekshirish va tahlil qilishning avtomatlashtirilgan elektron tizimini;

(b) Oliy sud 2027-yil 1-mayga qadar:

(i) sud apparati xodimlari tomonidan manfaatlar toʻqnashuvi holatlari hamda daromadlar va mol-mulki toʻgʻrisidagi deklaratsiyani Oliy sudga taqdim etish, shuningdek, ularni tekshirish va tahlil qilishning avtomatlashtirilgan elektron tizimini;

(ii) sud apparati xodimlari faoliyatidagi korrupsiya, shubhali sxemalar va intizom buzilishlariga olib keluvchi boʻshliqlarni aniqlab, ularni bartaraf etish, sud apparati xodimlari faoliyatini monitoring qilish imkonini beruvchi korrupsiyaviy xavf-xatarlarni boshqarish elektron axborot tizimini ishga tushirsin.

IV. Farmon ijrosini tashkil etish, taʼminlash va nazorat

17. Sudlarda komplayens nazorat tizimi samaradorligini oshirishning qoʻshimcha chora-tadbirlari boʻyicha “yoʻl xarita”si ilovaga muvofiq tasdiqlansin.

18. Oliy sud uch oy muddatda Komplayens nazorat xizmatini malakali kadrlar bilan toʻldirish va ularning samarali faoliyatini yoʻlga qoʻyishni taʼminlasin.

19. Oliy sud Sudyalar oliy kengashi, Adliya vazirligi va Korrupsiyaga qarshi kurashish agentligi bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.

20. Oʻzbekiston Respublikasi Prezidenti Administratsiyasi Komplayens xizmati va Korrupsiyaga qarshi kurashish agentligi Oliy sudga Komplayens nazorat xizmati faoliyatini samarali tashkil etish, xodimlarning malakasini oshirishda uslubiy jihatdan koʻmaklashib borsin.

21. Mazkur Farmon ijrosini samarali tashkil qilishga masʼul va shaxsan javobgar etib Oliy sud raisi B.D. Islamov va Sudyalar oliy kengashi raisi X.B. Yodgorov belgilansin.

22. Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti Administratsiyasi rahbarining sud tizimini isloh qilish boʻyicha oʻrinbosari N.J. Xakimova zimmasiga yuklansin.

Oʻzbekiston Respublikasi Prezidentining 2026-yil 8-iyundagi PF-106-son Farmoniga ILOVA

Sudlarda komplayens nazorat tizimi samaradorligini oshirishning qoʻshimcha chora-tadbirlari boʻyicha

T/r Chora-tadbirlar nomi Amalga oshirish mexanizmi Ijro muddati Masʼullar 1. Sud tizimida 2026-yil yakuniga qadar korrupsiyaga qarshi barqarorlik darajasini diagnostikadan oʻtkazish va uning natijalari boʻyicha sudyalar faoliyatidagi korrupsiyaviy xavf-xatarlarni bartaraf etish. Reja-jadvalni tasdiqlash 2026-yil iyul Sudyalar oliy kengashi (X. Yodgorov) , Oliy sud (B. Islamov) , Boshqaruv samaradorligi agentligi (U. Xusainov), Iqtisodiyot va moliya vazirligi (A. Xaydarov) 2. Komplayens nazorat xizmati toʻgʻrisidagi nizomni ishlab chiqish va tasdiqlash. Idoraviy hujjatni tasdiqlash 2026-yil iyul Oliy sud (B. Islamov) 3. Sudyalarning Korrupsiyaga qarshi kurashish virtual akademiyasida tegishli yoʻnalishlar boʻyicha maxsus oʻquv kurslarida malakasini oshirishni tashkil etish. Reja-jadvalni tasdiqlash 2026-yil iyul Sudyalar oliy kengashi (X. Yodgorov) , Oliy sud (B. Islamov) , Huquqni muhofaza qilish akademiyasi (S. Samadov) , Korrupsiyaga qarshi kurashish agentligi (A. Burxanov) 4. Sud apparati xodimlarining Korrupsiyaga qarshi kurashish virtual akademiyasida tegishli yoʻnalishlar boʻyicha maxsus oʻquv kurslarida malakasini oshirishni bosqichma-bosqich tashkil etish. Oliy sud (B. Islamov) , Huquqni muhofaza qilish akademiyasi (S. Samadov) , Korrupsiyaga qarshi kurashish agentligi (A. Burxanov) 5. Sudyalar va sud apparati xodimlari oʻrtasida korrupsiyaviy xavf-xatarlarni aniqlash va baholash siyosatini ishlab chiqish va tasdiqlash. Tashkiliy-huquqiy chora-tadbirlarni amalga oshirish 2026-yil iyul Oliy sud (B. Islamov) , Sudyalar oliy kengashi (X. Yodgorov) 6. Komplayens nazorat xizmati xodimlari hamda komplayens nazorat boʻyicha inspektorlar lavozimlarini malakali kadrlar bilan toʻldirish. Tashkiliy chora-tadbirlarni amalga oshirish 2026-yil sentabr Oliy sud (B. Islamov) 7. Sudlarda sud ishlarini taqsimlashning avtomatlashtirilgan tizimini takomillashtirish. Jumladan, ishlarni taqsimlash va qayta taqsimlash mezonlarining tugal asoslarini belgilash. Oliy sud Rayosati qaroriga tegishli oʻzgartirishlar kiritish 2026-yil sentabr Oliy sud (B. Islamov) , Raqamli texnologiyalar vazirligi (Sh. Shermatov) 8. Sudyalar va sud apparati xodimlarining manfaatlar toʻqnashuvi toʻgʻrisidagi deklaratsiyalarini tahlil qilish va aniqlangan holatlar boʻyicha choralar koʻrish. Tashkiliy chora-tadbirlarni amalga oshirish 2026-yil oktabr Sudyalar oliy kengashi (X. Yodgorov) , Oliy sud (B. Islamov), Raqamli texnologiyalar vazirligi (Sh. Shermatov), manfaatdor vazirlik va idoralar 9. Sudyalar, ularning turmush oʻrtogʻi va voyaga yetmagan farzandlarining daromadlari va mol-mulkini deklaratsiya qilish tizimini hamda deklaratsiyadagi maʼlumotlarni integratsiyalashgan tizim orqali tekshirish tartibini joriy etish. Tashkiliy-huquqiy chora-tadbirlarni belgilash 2026-yil noyabr Sudyalar oliy kengashi (X. Yodgorov) , Korrupsiyaga qarshi kurashish agentligi (A. Burxanov), Raqamli texnologiyalar vazirligi (Sh. Shermatov), manfaatdor vazirlik va idoralar 10. Sud apparati xodimlari, ularning turmush oʻrtogʻi va voyaga yetmagan farzandlari daromadlari va mol-mulkini deklaratsiya qilish tizimini hamda deklaratsiyadagi maʼlumotlarni integratsiyalashgan tizim orqali tekshirish tartibini joriy etish. Oliy sud (B. Islamov) , Korrupsiyaga qarshi kurashish agentligi (A. Burxanov), Raqamli texnologiyalar vazirligi (Sh. Shermatov), manfaatdor vazirlik va idoralar 11. Ilgʻor xorijiy tajriba asosida sudyalarga nisbatan intizomiy javobgarlik choralarini qoʻllash masalalarini koʻrish mexanizmlarini takomillashtirish. Asoslantirilgan takliflarni kiritish 2026-yil noyabr Sudyalar oliy kengashi (X. Yodgorov) 12. Sud apparati xodimlarining vazifalari, huquq va majburiyatlari hamda ularni ijtimoiy himoya qilish bilan bogʻliq normalarni qayta koʻrib chiqish. Asoslantirilgan takliflarni kiritish 2026-yil noyabr Oliy sud (B. Islamov) 13. Sud apparati xodimlari tomonidan amalga oshiriladigan faoliyatidagi korrupsiyaviy xavf-xatar darajasi yuqori va oʻrta boʻlgan funksiyalarni raqamlashtirish boʻyicha choralar belgilash. Tashkiliy-huquqiy choralarni belgilash 2027-yil fevral Oliy sud (B. Islamov), Raqamli texnologiyalar vazirligi (Sh. Shermatov) 14. Mansab darajasiga ega boʻlgan sud apparati xodimlari uchun ixtisoslashgan xizmat kiyimi namunalari va uni kiyish tartibini belgilash. Shuningdek, xodimlarni ixtisoslashgan xizmat kiyimi bilan Oliy sudning budjetdan tashqari jamgʻarmasi mablagʻlari hisobidan bosqichma-bosqich taʼminlash meʼyorlarini tasdiqlash. Tashkiliy-huquqiy choralarni amalga oshirish 2027-yil iyun Oliy sud (B. Islamov), Iqtisodiyot va moliya vazirligi (A. Xaydarov)

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 8-iyun,

PF-106-son

(Qonunchilik maʼlumotlari milliy bazasi, 09.06.2026-y., 06/26/106/0571-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

УКАЗ

О дополнительных мерах по повышению эффективности системы комплаенс-контроля в судах

В целях дальнейшего усиления гарантий судебной защиты населения, внедрения профессиональной системы выявления и оценки коррупционных рисков в судах, а также обеспечения в судебной системе эффективного и своевременного выполнения задач, вытекающих из объявленного в 2026 году «чрезвычайного положения» по противодействию коррупции, постановляю:

I. Цели

1. Определить основными целями настоящего Указа:

(а) раннее искоренение факторов, порождающих коррупцию, посредством выявления и оценки коррупционных рисков, внедрения современной системы комплаенс-контроля в судах;

(б) организацию процесса приема на работу работников аппарата судов на основании прозрачных процедур и открытого конкурса, обеспечение профессионального роста работников на основе справедливой и объективной оценки их потенциала, навыков, профессиональных качеств и особых заслуг (меритократия);

(в) укрепление доверия общественности к судебной системе, повышение престижа и авторитета суда, превращение судебных органов в подлинных сподвижников реформ на пути построения Нового Узбекистана.

II. Предупреждение коррупции среди работников аппарата судов

2. Одобрить следующие предложения Верховного суда по:

(а) организации в рамках действующих управленческих штатных единиц судебной системы Службы комплаенс-контроля, ответственной за предупреждение коррупции, включая выявление и регулирование случаев конфликта интересов, среди работников аппарата судов;

(б) внедрению специальной форменной одежды для работников аппарата судов, имеющих классный чин, в целях более глубокого осознания ими своей профессиональной ответственности.

3. Установить, что предупреждение коррупции в судебной системе осуществляется:

(а) среди судейского корпуса — Судебной инспекцией по обеспечению неприкосновенности судей и предупреждению коррупции Высшего судейского совета;

(б) среди работников аппарата судов, включая Департамент по обеспечению деятельности судов, — Службой комплаенс-контроля Верховного суда.

4. Определить основными задачами Службы комплаенс-контроля:

(а) выявление и оценку коррупционных рисков, принятие мер по искоренению коррупциогенных факторов в деятельности аппарата судов;

(б) ведение мониторинга за соблюдением норм профессиональной этики и актов законодательства работниками аппарата судов, предупреждение среди них коррупционных и других случаев, порочащих репутацию судебной системы;

(в) принятие мер по обеспечению прозрачности и объективности в процессе приема на работу в аппарат судов, а также проведение антикоррупционной проверки и предоставление заключения по кандидатам на должности в аппарате судов в установленном порядке;

(г) формирование нетерпимого отношения к коррупции среди работников аппарата судов, координацию непрерывного повышения их знаний и навыков в данном направлении;

(д) запуск и ведение систем декларирования доходов и имущества, случаев конфликта интересов работников аппарата судов, членов их семьи (супруги и несовершеннолетние дети), недопущение случаев местничества и клановости;

(ж) защиту и поощрение работников, сообщивших о фактах коррупции, внедрение системы информирования работниками о фактах предложения взятки, а также безопасных каналов связи для граждан на основе международных стандартов;

(з) выполнение иных задач, предусмотренных актами законодательства.

5. Нижеследующие:

(а) образовать в аппарате Верховного суда Службу комплаенс-контроля штатной численностью 3 единицы, подчиняющуюся непосредственно председателю Верховного суда;

(б) ввести в Военном суде Республики Узбекистан, суде Республики Каракалпакстан, областных и Ташкентском городском судах 15 штатных единиц должностей инспекторов по комплаенс-контролю, непосредственно подчиняющихся Службе комплаенс-контроля.

6. Установить, что:

(а) руководитель Службы комплаенс-контроля назначается на должность и освобождается от должности председателем Верховного суда, по условиям оплаты труда, материального обеспечения и социальной защиты приравнивается к начальнику департамента Верховного суда;

(б) инспекторы по комплаенс-контролю назначаются на должность и освобождаются от должности председателем Верховного суда, по условиям оплаты труда, материального обеспечения и социальной защиты приравнивается к главному консультанту Верховного суда;

(в) инспекторы по комплаенс-контролю размещаются в Военном суде, суде Республики Каракалпакстан, областных и Ташкентском городском судах;

(г) на должности Службы комплаенс-контроля назначаются честные и добросовестные кандидаты, имеющие безупречную репутацию, высшее юридическое образование, а также, как правило, стаж работы в судебно-правовой сфере не менее 5 лет;

(д) председателю Верховного суда предоставляется право на установление доплат работникам Службы комплаенс-контроля за счет внебюджетных средств в порядке, установленном законодательством;

(ж) работникам Службы комплаенс-контроля в рамках возложенных задач предоставляется полномочие на проведение служебных проверок по вопросам, связанным с этикой работников аппарата судов, их поведением, соблюдением общепризнанных правил этического поведения в рабочее и нерабочее время.

7. Верховному суду:

(а) в срок до 1 сентября 2026 года утвердить Программу мер по предупреждению коррупции в деятельности аппарата судов и Перечень должностей в аппарате судов с высоким уровнем коррупционного риска;

(б) в срок до 1 марта 2027 года принять меры по цифровизации задач и функций работников аппарата судов с высоким уровнем коррупционного риска, сокращению влияния человеческого фактора при их реализации.

8. Верховному суду в трехмесячный срок утвердить в установленном порядке положение, предусматривающее ограничения, связанные с приемом на работу и трудовой деятельностью работников аппарата судов. В положении предусмотреть следующие ограничения:

(а) принятие на работу лиц, ранее признанных судом виновными в совершении коррупционных преступлений;

(б) принятие на работу лиц, освобожденных от должности за совершение порочащего проступка при осуществлении деятельности в качестве нотариуса, адвоката, судьи, сотрудника правоохранительного либо другого государственного органа в течение трех лет;

(в) занятие другой оплачиваемой деятельностью, кроме педагогической, научной и творческой деятельности;

(г) учреждение субъекта предпринимательства, осуществление в нем организационно-управленческих, административно-хозяйственных функций (за исключением случаев владения акциями акционерных обществ, находящихся в свободном обращении, в рамках требований, установленных законодательством);

(д) выполнение своих служебных задач в интересах политических партий, иных общественных объединений, а также физических и юридических лиц;

(ж) открытие и владение счетами, владение недвижимым и иным имуществом за пределами территории Республики Узбекистан.

9. Одобрить предложение Верховного суда о внедрении эффективной и современной системы кадрового управления и контроля в аппарате судов с широким использованием механизмов НR-менеджмента. В соответствии с данной системой в срок до конца 2026 года обеспечить:

(а) внедрение системы приема на работу на основе открытого конкурса, предоставляющего возможность объективной оценки личных и профессиональных, включая нравственных и добропорядочных качеств кандидатов. При этом предусмотреть широкое использование современных методов привлечения квалифицированных кадров и развития их навыков работы в команде;

(б) разработку и запуск портала «vacancy.sud.uz», обеспечивающего цифровизацию процессов объявления вакантных должностей, подбора, отбора и приема на работу кандидатов, а также электронной платформы «SudНR» по работе с персоналом и внедрению современных форм кадрового администрирования в судебной системе с применением цифровых технологий управления и развития человеческих ресурсов, включая искусственный интеллект;

(в) формирование с использованием современных методов коллектива работников аппарата судов, устойчивого к вызовам, связанным с профессией, нацеленного на развитие профессионального мастерства, укрепление сплоченности и навыков работы в команде, а также адаптацию к новшествам;

(г) налаживание взаимодействия с ведущими высшими образовательными учреждениями республики и Агентством эффективности управления по привлечению в суды кадров с высшим юридическим образованием и научным потенциалом.

10. Верховному суду в двухмесячный срок внести проект закона, предусматривающий предоставление председателю Верховного суда права на самостоятельное утверждение структуры Верховного суда и нижестоящих судов в пределах установленной штатной численности.

III. Формирование в судейском корпусе нетерпимого отношения к коррупции

11. Одобрить предложения Высшего судейского совета и Агентства эффективности управления, предусматривающие:

(а) проведение до конца 2026 года диагностики уровня устойчивости к коррупции в судебной системе с использованием материально-технической базы и научно-практических ресурсов Академии правосудия и Центра оценки руководящих кадров при Агентстве эффективности управления;

(б) внедрение практики дополнительного проведения диагностики профессионально-личностного уровня и антикоррупционной устойчивости при профессиональной подготовке кандидатов на должность судьи в Академии правосудия.

12. Верховному суду в трехмесячный срок принять меры по дальнейшему совершенствованию программы автоматического распределения судебных дел. При этом предусмотреть:

(а) определение исчерпывающих оснований распределения и перераспределения дел, обеспечение прозрачности данных процессов;

(б) предупреждение случаев безосновательной передачи дел от одного судьи другому.

13. Высшему судейскому совету в срок до сентября 2026 года внедрить в Академии правосудия основанный на реальных кейсах учебно-практический модуль по предупреждению конфликта интересов и иных проявлений коррупции в деятельности судей и работников аппарата судов.

14. Высшему судейскому совету:

(а) в срок до 1 сентября 2026 года образовать в Академии правосудия Службу контроля внутренней безопасности в рамках действующих управленческих штатных единиц;

(б) в срок до 1 июня 2027 года принять меры по проведению аудита Академии правосудия по международному стандарту системы менеджмента противодействия коррупции ISO 37001.

15. Высшему судейскому совету совместно с Верховным судом и Академией правосудия регулярно принимать меры по повышению квалификации судей и работников аппарата судов на учебных курсах по противодействию коррупции каждые три года.

16. Запустить:

(а) Высшему судейскому совету — в срок до 1 сентября 2026 года автоматизированную электронную систему представления Совету деклараций о случаях конфликта интересов, а также доходах и имуществе судьями, их проверки и анализа;

(б) Верховному суду в срок до 1 мая 2027 года:

(i) автоматизированную электронную систему представления Верховному суду деклараций о случаях конфликта интересов, а также доходах и имуществе работниками аппарата судов, их проверки и анализа;

(ii) электронную информационную систему по управлению коррупционными рисками, предоставляющую возможность выявления и устранения пробелов, способствующих коррупции, сомнительных схем и нарушений дисциплины в деятельности работников аппарата судов, а также ведения мониторинга деятельности работников аппарата судов.

IV. Организация, обеспечение и контроль исполнения Указа

17. Утвердить «Дорожную карту» по дополнительным мерам повышения эффективности системы комплаенс-контроля в судах согласно приложению * .

18. Верховному суду в трехмесячный срок обеспечить укомплектование квалифицированными кадрами Службы комплаенс-контроля и организацию их эффективной деятельности.

19. Верховному суду совместно с Высшим судейским советом, Министерством юстиции и Агентством по противодействию коррупции в двухмесячный срок внести предложения об изменениях и дополнениях в акты законодательства, вытекающих из настоящего Указа.

20. Службе комплаенса Администрации Президента Республики Узбекистан и Агентству по противодействию коррупции регулярно оказывать методическое содействие Верховному суду в эффективной организации деятельности и повышении квалификации работников Службы комплаенс-контроля.

21. Возложить на председателя Верховного суда Б.Д. Исламова и председателя Высшего судейского совета Х.Б. Ёдгорова персональную ответственность за эффективную организацию исполнения настоящего Указа.

22. Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя руководителя Администрации Президента Республики Узбекистан по реформированию судебной системы Н.Ж. Хакимову.

Президент Республики Узбекистан Ш. МИРЗИЁЕВ

г. Ташкент,

8 июня 2026 г.,

№ УП-106

(Национальная база данных законодательства, 09.06.2026 г., № 06/26/106/0571)

lex.uz