📅 2026-yil 8-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 8 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июня 2026 г. · Постановления Президента
Официальный текст. Официальный документ. Редакционные примечания не включены.
📅 8 June 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Қуролли Кучлар ҳарбий хизматчилари ва айрим фуқаро ходимларининг ижтимоий ҳимоясини кучайтиришга қаратилган қўшимча чора-тадбирлар тўғрисида
Тураржой билан таъминланмаган ҳарбий хизматчиларнинг тураржой таъминотини яхшилаш ҳамда мудофаа ишлари органлари фуқаро ходимларининг иш ҳақи миқдорини ошириш орқали уларни ижтимоий ҳимоя қилишни янада кучайтириш мақсадида қарор қиламан:
1. 2026 йил 10 июндан бошлаб Тошкент ва Самарқанд шаҳарларида ҳарбий хизматчиларга тураржойни ижарага олганлик (ижарада турганлик) учун тўланадиган ҳар ойлик пул компенсацияси миқдори 25 фоизга оширилсин.
2. Қорақалпоғистон Республикаси, вилоятлар ва Тошкент шаҳри мудофаа ишлари бошқармалари ҳамда туманлар (шаҳарлар) мудофаа ишлари бўлимлари штатидаги (штат жадвалидаги) фуқаро ходимларнинг (чақириққа қадар бошланғич тайёргарлик раҳбарлари бундан мустасно) иш ҳақи миқдори 2026 йил 10 июндан бошлаб 20 фоизга, 2027 йил 1 январдан бошлаб эса 50 фоизга оширилсин.
Бунда фуқаро ходимларнинг тариф ставкаларини ҳисоблаш амалдаги меҳнатга ҳақ тўлаш разрядлари (меҳнатга ҳақ тўлашнинг ягона тариф сеткаси) бўйича тариф коэффициентларини тегишлича 2026 йил 10 июндан эътиборан 1,2 бараварга, 2027 йил 1 январдан эътиборан 1,7 бараварга кўпайтириш орқали амалга оширилсин.
3. Белгилансинки, ушбу қарорни амалга ошириш билан боғлиқ харажатлар 2026 йилда Давлат бюджетидан қўшимча маблағлар ажратиш, 2027 йилдан бошлаб эса Давлат бюджети параметрларида назарда тутиш ҳисобидан молиялаштирилади.
4. Ўзбекистон Республикаси Президентининг 2005 йил 30 июндаги «Ўзбекистон Республикаси Қуролли Кучларининг ҳарбий хизматчиларини ижтимоий муҳофаза қилишни таъминлаш борасидаги қўшимча чора-тадбирлар тўғрисида»ги ПҚ-112-сон қарорининг 1-банди қуйидаги таҳрирда баён этилсин:
«1. Ўзбекистон Республикаси Қуролли Кучларининг контракт бўйича хизмат қилаётган, амалдаги сарф-харажатлар (коммунал хизматлар ҳақи бундан мустасно) доирасида тураржой билан таъминланмаган оддий аскар, сержант ва офицерлар таркибидаги ҳарбий хизматчиларига тураржойни ижарага олганлик (ижарада турганлик) учун:
Тошкент шаҳрида — базавий ҳисоблаш миқдорининг 6 бараваригача миқдорда;
Самарқанд шаҳрида — базавий ҳисоблаш миқдорининг 4,5 бараваригача миқдорда;
Нукус шаҳри ва бошқа вилоятлар марказларида — базавий ҳисоблаш миқдорининг 3,6 бараваригача миқдорда;
Ўзбекистон Республикасининг бошқа шаҳарлари, туман марказлари ва аҳоли пунктларида — базавий ҳисоблаш миқдорининг 2,4 бараваригача миқдорда ҳар ойлик пул компенсацияси тўловлари белгилансин.
Оила аъзолари уч киши ва ундан ортиқ бўлган тақдирда, ҳарбий хизматчиларнинг ушбу пул компенсацияси миқдорлари 50 фоизга оширилади.
Ҳар ойлик пул компенсацияси тўловлари миқдори ҳудудлар кесимида тураржой ижарасининг бозор нархларидан келиб чиққан ҳолда ҳар йили Вазирлар Маҳкамасининг қарори билан белгилаб борилади. Бунда тураржой ижарасининг бозор нархларини қайта белгилашда Солиқ қўмитасининг ҳар йили 1 октябрь ҳолатига кўра солиқ органлари автоматлаштирилган ахборот тизимига ҳисобга қўйилган кўчмас мулк ижара шартномаси бўйича берган маълумоти асос ҳисобланади. Тураржой ижарасининг бозор қиймати мазкур бандда кўрсатилган ҳар ойлик компенсация меъёрларидан кам миқдорларни ташкил этса, ҳар ойлик компенсациянинг ушбу қарорда белгиланган меъёрлари ўзгартирилмайди ва уни ўзгартириш ҳақида Вазирлар Маҳкамасининг тегишли қарори қабул қилингунига қадар тўланади».
5. Мудофаа вазирлиги уч ой муддатда бошқа манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 8 июнь,
ПҚ-214-сон
Oʻzbekiston Respublikasi Prezidentining
qarori
Qurolli Kuchlar harbiy xizmatchilari va ayrim fuqaro xodimlarining ijtimoiy himoyasini kuchaytirishga qaratilgan qoʻshimcha chora-tadbirlar toʻgʻrisida
Turarjoy bilan taʼminlanmagan harbiy xizmatchilarning turarjoy taʼminotini yaxshilash hamda mudofaa ishlari organlari fuqaro xodimlarining ish haqi miqdorini oshirish orqali ularni ijtimoiy himoya qilishni yanada kuchaytirish maqsadida qaror qilaman:
1. 2026-yil 10-iyundan boshlab Toshkent va Samarqand shaharlarida harbiy xizmatchilarga turarjoyni ijaraga olganlik (ijarada turganlik) uchun toʻlanadigan har oylik pul kompensatsiyasi miqdori 25 foizga oshirilsin.
2. Qoraqalpogʻiston Respublikasi, viloyatlar va Toshkent shahri mudofaa ishlari boshqarmalari hamda tumanlar (shaharlar) mudofaa ishlari boʻlimlari shtatidagi (shtat jadvalidagi) fuqaro xodimlarning (chaqiriqqa qadar boshlangʻich tayyorgarlik rahbarlari bundan mustasno) ish haqi miqdori 2026-yil 10-iyundan boshlab 20 foizga, 2027-yil 1-yanvardan boshlab esa 50 foizga oshirilsin.
Bunda fuqaro xodimlarning tarif stavkalarini hisoblash amaldagi mehnatga haq toʻlash razryadlari (mehnatga haq toʻlashning yagona tarif setkasi) boʻyicha tarif koeffitsiyentlarini tegishlicha 2026-yil 10-iyundan eʼtiboran 1,2 baravarga, 2027-yil 1-yanvardan eʼtiboran 1,7 baravarga koʻpaytirish orqali amalga oshirilsin.
3. Belgilansinki, ushbu qarorni amalga oshirish bilan bogʻliq xarajatlar 2026-yilda Davlat budjetidan qoʻshimcha mablagʻlar ajratish, 2027-yildan boshlab esa Davlat budjeti parametrlarida nazarda tutish hisobidan moliyalashtiriladi.
4. Oʻzbekiston Respublikasi Prezidentining 2005-yil 30-iyundagi “Oʻzbekiston Respublikasi Qurolli Kuchlarining harbiy xizmatchilarini ijtimoiy muhofaza qilishni taʼminlash borasidagi qoʻshimcha chora-tadbirlar toʻgʻrisida”gi PQ-112-son qarorining 1-bandi quyidagi tahrirda bayon etilsin:
“1. Oʻzbekiston Respublikasi Qurolli Kuchlarining kontrakt boʻyicha xizmat qilayotgan, amaldagi sarf-xarajatlar (kommunal xizmatlar haqi bundan mustasno) doirasida turarjoy bilan taʼminlanmagan oddiy askar, serjant va ofitserlar tarkibidagi harbiy xizmatchilariga turarjoyni ijaraga olganlik (ijarada turganlik) uchun:
Toshkent shahrida — bazaviy hisoblash miqdorining 6 baravarigacha miqdorda;
Samarqand shahrida — bazaviy hisoblash miqdorining 4,5 baravarigacha miqdorda;
Nukus shahri va boshqa viloyatlar markazlarida — bazaviy hisoblash miqdorining 3,6 baravarigacha miqdorda;
Oʻzbekiston Respublikasining boshqa shaharlari, tuman markazlari va aholi punktlarida — bazaviy hisoblash miqdorining 2,4 baravarigacha miqdorda har oylik pul kompensatsiyasi toʻlovlari belgilansin.
Oila aʼzolari uch kishi va undan ortiq boʻlgan taqdirda, harbiy xizmatchilarning ushbu pul kompensatsiyasi miqdorlari 50 foizga oshiriladi.
Har oylik pul kompensatsiyasi toʻlovlari miqdori hududlar kesimida turarjoy ijarasining bozor narxlaridan kelib chiqqan holda har yili Vazirlar Mahkamasining qarori bilan belgilab boriladi. Bunda turarjoy ijarasining bozor narxlarini qayta belgilashda Soliq qoʻmitasining har yili 1-oktabr holatiga koʻra soliq organlari avtomatlashtirilgan axborot tizimiga hisobga qoʻyilgan koʻchmas mulk ijara shartnomasi boʻyicha bergan maʼlumoti asos hisoblanadi. Turarjoy ijarasining bozor qiymati mazkur bandda koʻrsatilgan har oylik kompensatsiya meʼyorlaridan kam miqdorlarni tashkil etsa, har oylik kompensatsiyaning ushbu qarorda belgilangan meʼyorlari oʻzgartirilmaydi va uni oʻzgartirish haqida Vazirlar Mahkamasining tegishli qarori qabul qilinguniga qadar toʻlanadi”.
5. Mudofaa vazirligi uch oy muddatda boshqa manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 8-iyun,
PQ-214-son
Президента Республики Узбекистан
Постановление
О дополнительных мерах, направленных на усиление социальной защиты военнослужащих и отдельного гражданского персонала Вооруженных Сил
В целях дальнейшего усиления социальной защиты путем улучшения обеспечения жильем военнослужащих, не обеспеченных жильем, и повышения размера заработной платы гражданского персонала органов по делам обороны постановляю:
1. Увеличить с 10 июня 2026 года размер ежемесячной денежной компенсации, выплачиваемой за наем (поднаем) жилья военнослужащим в городах Ташкенте и Самарканде, на 25 процентов.
2. Увеличить с 10 июня 2026 года размер заработной платы гражданского персонала (за исключением руководителей начальной допризывной подготовки) в штате (штатном расписании) управлений по делам обороны Республики Каракалпакстан, областей и города Ташкента, а также отделов по делам обороны районов (городов) на 20 процентов, с 1 января 2027 года — на 50 процентов.
При этом расчет тарифных ставок гражданского персонала осуществить путем повышения тарифных коэффициентов по действующим разрядам оплаты труда (Единой тарифной сетке оплаты труда) соответственно с 10 июня 2026 года в 1,2 раза, с 1 января 2027 года — в 1,7 раза.
3. Установить, что расходы, связанные с реализацией настоящего постановления, в 2026 году финансируются за счет выделения дополнительных средств из Государственного бюджета, начиная с 2027 года — с предусмотрением в параметрах Государственного бюджета.
4. Пункт 1 постановления Президента Республики Узбекистан от 30 июня 2005 года № ПП-112 «О дополнительных мерах обеспечения социальной защиты военнослужащих Вооруженных Сил Республики Узбекистан» изложить в следующей редакции:
«1. Установить размер выплаты ежемесячной денежной компенсации за наем (поднаем) жилья военнослужащим по контракту рядового, сержантского и офицерского составов Вооруженных Сил Республики Узбекистан, не обеспеченным жильем, в пределах фактических затрат (исключая оплату коммунальных услуг):
до 6-кратного размера базовой расчетной величины — в городе Ташкенте;
до 4,5-кратного размера базовой расчетной величины — в городе Самарканде;
до 3,6-кратного размера базовой расчетной величины — в городе Нукусе и других областных центрах;
до 2,4-кратного размера базовой расчетной величины — в других городах, районных центрах и населенных пунктах Республики Узбекистан.
При наличии трех и более членов семьи указанные размеры денежной компенсации военнослужащим повышаются на 50 процентов.
Ежегодно размер выплаты ежемесячной денежной компенсации устанавливается постановлением Кабинета Министров в разрезе регионов исходя из рыночных цен за наем жилья. При повторном определении рыночных цен за наем жилья основанием является ежегодно предоставляемая по состоянию на 1 октября информация Налогового комитета по договору аренды недвижимого имущества, поставленного на учет в автоматизированной информационной системе налоговых органов. В случаях, когда рыночная цена за наем жилья составляет меньше размеров норм ежемесячной компенсации, указанных в настоящем пункте, нормы ежемесячной компенсации, установленные настоящим постановлением, не меняются и компенсация выплачивается до принятия соответствующего постановления Кабинета Министров об изменении нормы ежемесячной компенсации».
5. Министерству обороны в трехмесячный срок совместно с другими заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент
8 июня 2026 г.,
№ ПП-214