📅 2026-yil 11-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 11 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июня 2026 г. · Постановления Президента
Официальный текст. Официальный документ. Редакционные примечания не включены.
📅 11 June 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Президентининг 2017 йил 27 февралдаги «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида»ги ПҚ-2800-сон қарорига ўзгартириш ва қўшимчалар киритиш ҳақида
Вазирликлар, идоралар ва ташкилотлар ходимларининг формали кийим-бошидан қонуний фойдаланиш тартиби устидан назоратни янада кучайтириш, давлат органларининг ижобий имижини янада мустаҳкамлаш мақсадида қарор қиламан:
1. Ўзбекистон Республикаси Президентининг 2017 йил 27 февралдаги «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида»ги ПҚ-2800-сон қарорининг 3-бандида :
(а) тўртинчи хатбоши қуйидаги таҳрирда баён этилсин:
«ҳарбий хизматчи ёки тегишли вазирликлар, идоралар ва муассасаларнинг ходимлари бўлмаган шахсларнинг тасдиқланган ҳарбий ва идоравий формали кийимни, шу жумладан, ушбу формали кийимларнинг фарқловчи белгилари ва (ёки) рамзларига эга формали кийимни кийиши қатъиян ман этилади»;
(б) қуйидаги мазмундаги бешинчи хатбоши билан тўлдирилсин:
«тасдиқланган намунадаги ҳарбий ва идоравий формали кийим-бош элементлари билан адаштириб юбориш даражасида ўхшаш бўлган фарқловчи белгилари ва рамзларига эга бўлган формали кийим-бошни нодавлат ташкилотлар томонидан жорий этиш ва улардан фойдаланиш тақиқланади»;
(в) бешинчи хатбоши олтинчи хатбоши деб ҳисоблансин.
2. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ҳамда Ўзбекистон Республикаси Президенти Администрацияси департамент бошлиғи Д.Б. Кадиров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 11 июнь,
ПҚ-222-сон
Oʻzbekiston Respublikasi Prezidentining
qarori
Oʻzbekiston Respublikasi Prezidentining 2017-yil 27-fevraldagi “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida”gi PQ-2800-son qaroriga oʻzgartirish va qoʻshimchalar kiritish haqida
Vazirliklar, idoralar va tashkilotlar xodimlarining formali kiyim-boshidan qonuniy foydalanish tartibi ustidan nazoratni yanada kuchaytirish, davlat organlarining ijobiy imijini yanada mustahkamlash maqsadida qaror qilaman:
1. Oʻzbekiston Respublikasi Prezidentining 2017-yil 27-fevraldagi “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida”gi PQ-2800-son qarorining 3-bandida :
(a) toʻrtinchi xatboshi quyidagi tahrirda bayon etilsin:
“harbiy xizmatchi yoki tegishli vazirliklar, idoralar va muassasalarning xodimlari boʻlmagan shaxslarning tasdiqlangan harbiy va idoraviy formali kiyimni, shu jumladan, ushbu formali kiyimlarning farqlovchi belgilari va (yoki) ramzlariga ega formali kiyimni kiyishi qatʼiyan man etiladi”;
(b) quyidagi mazmundagi beshinchi xatboshi bilan toʻldirilsin:
“tasdiqlangan namunadagi harbiy va idoraviy formali kiyim-bosh elementlari bilan adashtirib yuborish darajasida oʻxshash boʻlgan farqlovchi belgilari va ramzlariga ega boʻlgan formali kiyim-boshni nodavlat tashkilotlar tomonidan joriy etish va ulardan foydalanish taqiqlanadi”;
(v) beshinchi xatboshi oltinchi xatboshi deb hisoblansin.
2. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov hamda Oʻzbekiston Respublikasi Prezidenti Administratsiyasi departament boshligʻi D.B. Kadirov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 11-iyun,
PQ-222-son
Президента Республики Узбекистан
Постановление
О внесении изменений и дополнений в постановление Президента Республики Узбекистан от 27 февраля 2017 года № ПП-2800 «О мерах по упорядочению механизма разработки, стандартизации, утверждения и изготовления форменной одежды министерств, ведомств и организаций Республики Узбекистан»
В целях дальнейшего усиления контроля за правомерным использованием форменной одежды сотрудниками министерств, ведомств и организаций, дальнейшего укрепления положительного имиджа государственных органов постановляю:
1. В пункте 3 постановления Президента Республики Узбекистан от 27 февраля 2017 года № ПП-2800 «О мерах по упорядочению механизма разработки, стандартизации, утверждения и изготовления форменной одежды министерств, ведомств и организаций Республики Узбекистан»:
(а) абзац четвертый изложить в следующей редакции:
«ношение утвержденной военной и ведомственной форменной одежды строго запрещается лицам, не являющимся военнослужащими или сотрудниками соответствующих министерств, ведомств и учреждений, в том числе форменной одежды со знаками различия и (или) отличительными символами вышеуказанной форменной одежды»;
(б) дополнить абзацем пятым следующего содержания:
«введение и использование негосударственными организациями форменной одежды со знаками различия и отличительными символами, сходными до степени смешения с элементами военной и ведомственной форменной одежды утвержденного образца, запрещается»;
(в) абзац пятый считать абзацем шестым.
2. Контроль за исполнением настоящего постановления возложить на Премьер-министра Республики Узбекистан А.Н. Арипова, секретаря Совета безопасности при Президенте Республики Узбекистан В.В. Махмудова и начальника департамента Администрации Президента Республики Узбекистана Д.Б. Кадирова.
Президент Республики Узбекистан Ш. МИРЗИЁЕВ
г. Ташкент,
11 июня 2026 г.,
№ ПП-222