UzbekAI

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ

Тошкент шаҳридаги кўчалардан бирига Мустафо Камол Отатурк номини бериш тўғрисида

Ўзбекистон Республикаси билан Туркия Республикаси ўртасидаги тарихий, маданий ва маънавий алоқалар изчил ривожланиб, кенг қамровли стратегик шериклик муносабатларининг мустаҳкамланиб бораётгани, шунингдек, Туркия Республикасининг асосчиси ва биринчи Президенти, буюк давлат ва сиёсат арбоби Мустафо Камол Отатурк таваллудининг 145 йиллиги муносабати билан ҳамда унинг жаҳон тарихидаги беқиёс ўрни ва хизматларини эътироф этган ҳолда қарор қиламан:

1. Тошкент шаҳри Яшнобод туманида барпо этилаётган «Ўзбек-турк дўстлиги» хиёбонига ёндош бўлган Абдулла Қодирий кўчасининг бир қисмига (Истиқбол, Фарғона йўли ва Нукус кўчалари кесишмасидан Абдулла Қодирий кўчаси ва Маҳтумқули шоҳкўчаси кесишмасигача) Мустафо Камол Отатурк номи берилсин.

2. Кадастр агентлиги ушбу қарорга мувофиқ Географик объектлар номларининг давлат реестрига ҳамда мазкур ҳудудда жойлашган кўчмас мулк объектлари маълумотларига тегишли ўзгартиришлар киритсин.

3. Тошкент шаҳар ҳокимлиги:

(а) Қурилиш ва уй-жой коммунал хўжалиги вазирлиги билан биргаликда «Ўзбек-турк дўстлиги» хиёбонини барпо этиш ишларини жадаллаштириб, қисқа муддатда фойдаланишга топширсин;

(б) Мустафо Камол Отатурк кўчаси номи ва кўчмас мулк объектлари рақамлари кўрсаткичларини ўрнатиш чораларини кўрсин.

4. Мазкур қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 15 июнь,

ПҚ- 226 -сон

(Қонунчилик маълумотлари миллий базаси, 16.06.2026 й., 07/26/226/0605-сон)

lex.uz

OʻZBEKISTON RESPUBLIKASI PREZIDENTINING

QARORI

Toshkent shahridagi koʻchalardan biriga Mustafo Kamol Otaturk nomini berish toʻgʻrisida

Oʻzbekiston Respublikasi bilan Turkiya Respublikasi oʻrtasidagi tarixiy, madaniy va maʼnaviy aloqalar izchil rivojlanib, keng qamrovli strategik sheriklik munosabatlarining mustahkamlanib borayotgani, shuningdek, Turkiya Respublikasining asoschisi va birinchi Prezidenti, buyuk davlat va siyosat arbobi Mustafo Kamol Otaturk tavalludining 145 yilligi munosabati bilan hamda uning jahon tarixidagi beqiyos oʻrni va xizmatlarini eʼtirof etgan holda qaror qilaman:

1. Toshkent shahri Yashnobod tumanida barpo etilayotgan “Oʻzbek-turk doʻstligi” xiyoboniga yondosh boʻlgan Abdulla Qodiriy koʻchasining bir qismiga (Istiqbol, Fargʻona yoʻli va Nukus koʻchalari kesishmasidan Abdulla Qodiriy koʻchasi va Mahtumquli shohkoʻchasi kesishmasigacha) Mustafo Kamol Otaturk nomi berilsin.

2. Kadastr agentligi ushbu qarorga muvofiq Geografik obyektlar nomlarining davlat reyestriga hamda mazkur hududda joylashgan koʻchmas mulk obyektlari maʼlumotlariga tegishli oʻzgartirishlar kiritsin.

3. Toshkent shahar hokimligi:

(a) Qurilish va uy-joy kommunal xoʻjaligi vazirligi bilan birgalikda “Oʻzbek-turk doʻstligi” xiyobonini barpo etish ishlarini jadallashtirib, qisqa muddatda foydalanishga topshirsin;

(b) Mustafo Kamol Otaturk koʻchasi nomi va koʻchmas mulk obyektlari raqamlari koʻrsatkichlarini oʻrnatish choralarini koʻrsin.

4. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 15-iyun,

PQ- 226 -son

(Qonunchilik maʼlumotlari milliy bazasi, 16.06.2026-y., 07/26/226/0605-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О присвоении имени Мустафо Камола Ататюрка одной из улиц в городе Ташкенте

В связи с последовательным развитием исторических, культурных и духовных связей между Республикой Узбекистан и Турецкой Республикой, укрепляющимися широкомасштабными отношениями стратегического партнерства, а также 145-летием со дня рождения основателя и первого Президента Турецкой Республики, выдающегося государственного и политического деятеля Мустафо Камола Ататюрка, с признанием его безграничной роли и заслуг в мировой истории постановляю:

1. Присвоить имя Мустафо Камола Ататюрка части улицы Абдуллы Кадыри, прилегающей к площади Узбекско-турецкой дружбы, возводимой в Яшнабадском районе города Ташкента (от пересечения улиц Истикбол, Фаргона йули и Нукус до пересечения улицы Абдуллы Кадыри и проспекта Махтумкули).

2. Агентству по кадастру согласно настоящему постановлению внести соответствующие изменения в Государственный реестр наименований географических объектов и данные объектов недвижимости, расположенных на этой территории.

3. Хокимияту города Ташкента:

(а) совместно с Министерством строительства и жилищно-коммунального хозяйства ускорить работы по созданию площади Узбекско-турецкой дружбы и сдать ее в эксплуатацию в краткие сроки;

(б) принять меры по установке указателей наименования улицы имени Мустафо Камола Ататюрка и номеров объектов недвижимости.

4. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

15 июня 2026 г.,

№ ПП- 226

(Национальная база данных законодательства, 16.06.2026 г., № 07/26/226/0605)

lex.uz