📅 2026-yil 26-may · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 26 май · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 26 мая 2026 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 26 May 2026 · Ministry and agency documents · Sogʻliqni saqlash vaziri
Official text. Official document. Editorial notes are not included.
ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРИНИНГ
БУЙРУҒИ
НИЗОМ
РЎЙХАТИ
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низомни тасдиқлаш ҳақида
Ўзбекистон Республикасининг «Алкоголь ва тамаки маҳсулотларининг тарқатилишини ҳамда истеъмол қилинишини чеклаш тўғрисида»ги Қонунига мувофиқ буюраман:
1. Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низом 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ Ўзбекистон Республикаси Иқтисодиёт ва молия вазирлиги, Ички ишлар вазирлиги, Транспорт вазирлиги, Миллий гвардия ва Ўзбекистон Савдо-саноат палатаси билан келишилган.
4. Мазкур буйруқ расмий эълон қилинган кундан эътиборан уч ой ўтгач кучга киради.
Келишилди:
Ўзбекистон Республикаси соғлиқни сақлаш вазирининг 2026 йил 26 майдаги 4-сон буйруғига 1-ИЛОВА
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги
Мазкур Низом жамоат жойларида алкоголь ва тамаки маҳсулотларини истеъмол қилиш, тамакини ҳамда никотинни истеъмол қилиш мосламаларидан фойдаланиш тақиқланганлиги ҳақидаги огоҳлантирувчи белгиларни, тамаки маҳсулотларини истеъмол қилиш, чилим чекиш ҳамда тамакини ва никотинни истеъмол қилиш мосламаларидан фойдаланиш учун махсус ажратилган жойлар тўғрисидаги ахборот берувчи лавҳаларни, шунингдек тиббий огоҳлантириш намуналарини тайёрлаш ҳамда жойлаштириш тартибини белгилайди.
1-боб. Умумий қоидалар
1. Ушбу Низомда қуйидаги тушунчалар қўлланилади:
алкоголь маҳсулотлари — озиқ-овқат хом ашёсидан олинган этил спиртидан ва (ёки) таркибида спирт бўлган озиқ-овқат маҳсулотидан фойдаланган ёки фойдаланмаган ҳолда ишлаб чиқарилган, таркибида этил спиртининг ҳажмий улуши бир ярим фоиздан юқори бўлган озиқ-овқат маҳсулоти;
тамаки маҳсулоти — таркибида хомашё сифатида тамаки барги ва (ёки) тамаки ўсимлигининг бошқа қисмлари мавжуд бўлган маҳсулот;
тамакини ҳамда никотинни истеъмол қилиш мосламалари — таркибида никотин бўлган ёки никотин бўлмаган истеъмолчи томонидан нафас орқали ютиладиган аэрозолни (буғни, тутунни) олиш учун фойдаланиладиган электрон ёки бошқа асбоблар (мосламалар), шу жумладан никотин етказиб беришнинг электрон тизимлари, тамакини қиздириш тизимлари, чилимлар, трубкалар, муштуклар, шунингдек уларнинг таркибий қисмлари ва элементлари (бундан тиббий асбоб-ускуналар ва тиббий буюмлар мустасно).
2. Тасарруфида (мулкида, эгалигида, фойдаланишида) жамоат жойларида жойлашган ҳудудлар, бинолар (хоналар), иншоотлар ва бошқа объектлар, шунингдек жамоат транспорти бўлган жисмоний шахслар ва (ёки) корхоналар, муассасалар, ташкилотларнинг масъул шахслари мазкур Низомга мувофиқ қуйидагиларнинг тайёрланишини ва жойлаштирилишини таъминлайди:
жамоат жойларида алкоголь ва тамаки маҳсулотларини истеъмол қилиш, шунингдек тамакини ҳамда никотинни истеъмол қилиш мосламаларидан фойдаланиш тақиқланганлиги ҳақидаги огоҳлантирувчи белгиларни;
тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойлар тўғрисидаги ахборот берувчи лавҳаларни;
тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойларда жойлаштириладиган тиббий огоҳлантириш намуналарини.
3. Огоҳлантирувчи белгилар, ахборот берувчи лавҳалар ҳамда тиббий огоҳлантириш намуналари аниқ, равшан ва ҳаммага кўринадиган тарзда ифодаланиши лозим ҳамда турли материаллардан тайёрланиши, шунингдек босма шаклда ёки электрон ахборот воситалари орқали акс эттирилиши мумкин.
4. Огоҳлантирувчи белгилар, ахборот берувчи лавҳалар ва тиббий огоҳлантириш намуналари давлат тилида тайёрланади ҳамда бошқа тиллардаги матнлар билан тўлдирилишига йўл қўйилади.
2-боб. Огоҳлантирувчи белгилар, ахборот берувчи лавҳалар ва тиббий огоҳлантириш намуналари
5. Алкоголь маҳсулотларини истеъмол қилиш тақиқланганлиги ҳақидаги огоҳлантирувчи белги мазкур Низомнинг 1-иловасига мувофиқ тайёрланади ва жойлаштирилади.
6. Тамаки маҳсулотларини истеъмол қилиш, шунингдек тамакини ҳамда никотинни истеъмол қилиш мосламаларидан фойдаланиш тақиқланганлиги ҳақидаги огоҳлантирувчи белги мазкур Низомнинг 2-иловасига асосан тайёрланади ва жойлаштирилади.
7. Тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойлар тўғрисидаги ахборот берувчи лавҳа мазкур Низомнинг 3-иловасига кўра тайёрланади ва жойлаштирилади.
8. Тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойларда жойлаштириладиган тиббий огоҳлантириш намуналари мазкур Низомнинг 4-иловасига мувофиқ тайёрланади ва жойлаштирилади.
3-боб. Якуний қоидалар
9. Огоҳлантирувчи белгилар, ахборот берувчи лавҳалар ҳамда тиббий огоҳлантириш намуналари яроқсиз ҳолга келганда ҳамда улардаги тасвир ва (ёки) матнни аниқ кўриш ёки ўқиш имконияти бўлмаганда, улар янгилари билан алмаштирилади.
10. Мазкур Низомнинг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низомга 1-ИЛОВА
Алкоголь маҳсулотларини истеъмол қилиш тақиқланганлиги ҳақидаги огоҳлантирувчи белгининг намунаси, уни тайёрлаш ва жойлаштириш
1. Алкоголь маҳсулотларини истеъмол қилиш тақиқланганлиги ҳақидаги огоҳлантирувчи белги:
2. Огоҳлантирувчи белги алкоголь маҳсулотларини иш жойларида, кўчаларда, стадионларда, хиёбонларда, боғларда, барча турдаги жамоат транспортида ва бошқа жамоат жойларида жойлаштирилиши лозим (бундан савдо ва хизмат кўрсатиш объектлари, шу жумладан алкоголь маҳсулотлари қуйиб реализация қилишга рухсат берилган умумий овқатланиш корхоналари, шунингдек тўй, юбилей ва бошқа тантаналар ҳамда маросимлар ўтказиладиган жойлар мустасно ).
3. Иш жойларида, кўчаларда, стадионларда, хиёбонларда, боғларда ва бошқа жамоат жойларида жойлаштириладиган огоҳлантирувчи белгининг ўлчами камида А5 шаклида (148 мм х 210 мм) бўлиши лозим.
4. Барча турдаги жамоат транспортида жойлаштириладиган огоҳлантирувчи белгининг ўлчами камида 50 мм х 50 мм бўлиши ҳамда огоҳлантирувчи белги йўловчиларга кўринадиган жойда жойлаштирилиши лозим.
5. Бинолар, хоналар ва очиқ ҳудудларда жойлаштириладиган огоҳлантирувчи белги ҳаммага кўринадиган жойда, ердан (полдан) камида 1,5 метр ва 2,5 метрдан ошмайдиган баландликда жойлаштирилиши керак.
6. Огоҳлантирувчи белги «Алкоголь маҳсулотларини истеъмол қилиш тақиқланади» деган ёзув ҳамда ушбу талабни бузганлик учун қонунчилик ҳужжатларида белгиланган жавобгарлик тўғрисидаги маълумотлар билан бирга жойлаштирилиши мумкин.
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низомга 2-ИЛОВА
Тамаки маҳсулотларини истеъмол қилиш, шунингдек тамакини ҳамда никотинни истеъмол қилиш мосламаларидан фойдаланиш тақиқланганлиги ҳақидаги огоҳлантирувчи белгининг намунаси, уни тайёрлаш ва жойлаштириш
1. Тамаки маҳсулотларини истеъмол қилиш, шунингдек тамакини ҳамда никотинни истеъмол қилиш мосламаларидан фойдаланиш тақиқланганлиги ҳақидаги огоҳлантирувчи белги:
2. Огоҳлантирувчи белги қуйидаги жамоат жойларининг ҳаммага кўринадиган жойларида, шу жумладан бинолар (хоналар) ҳудудига кириш жойларида жойлаштирилиши шарт (бундан тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойлар мустасно):
савдо ва хизмат кўрсатиш объектларида, шу жумладан умумий овқатланиш корхоналарида ;
кинотеатрларда, театрларда, циркларда, концерт, кўрик ва кўргазма залларида ҳамда оммавий дам олиш учун мўлжалланган бошқа ёпиқ иншоотларда ;
клубларда, дискотекаларда, компьютер залларида, Интернет жаҳон ахборот тармоғидан фойдаланиш хизматларини кўрсатиш учун жиҳозланган хоналарда ёхуд бошқа кўнгилочар (бўш вақт ўтказиладиган) жойларда;
музейларда, ахборот-кутубхона муассасаларида ва маърузахоналарда ;
маҳаллий ва узоққа қатнайдиган поездларда, дарё кемаларида, автобусларда, метрополитен вагонларида, таксида, шаҳар электр транспортида, ҳаво кемаларида, шунингдек жамоат транспортининг бошқа турларида;
ер ости ўтиш жойларида, метрополитен станцияларида, транспорт бекатларида ва автотранспорт воситалари вақтинчалик сақланадиган ёпиқ жойларда ;
темир йўл вокзаллари, автовокзаллар, аэропортлар, дарё бандаргоҳлари, метрополитен станцияларига кириш жойидан камида беш метр масофада бўлган очиқ ҳаводаги жойларда ;
ёнғин хавфи мавжуд бўлган жойларда, шу жумладан автомобилларга ёқилғи қуйиш шохобчаларида;
аэропортларнинг, темир йўл ва автомобиль вокзалларининг, дарё бандаргоҳларининг биноларида ;
корхоналар, муассасалар, ташкилотлар ва давлат органларининг биноларида, шу жумладан иш жойида, йўлакларда, лифтларда, зинапояларда, вестибюлларда, ҳожатхоналарда, дам олиш хоналарида, уларга туташ хоналарда ва ходим томонидан меҳнат фаолияти вақтида фойдаланиладиган шунга ўхшаш бошқа жойларда;
соғлиқни сақлаш тизими ташкилотларида, дорихоналарда, таълим ташкилотларида, маданият муассасаларида, жисмоний тарбия-соғломлаштириш ва спорт иншоотларида, санаторий муассасаларида ва тиббий-ижтимоий муассасаларда;
уй-жой хизматлари, меҳмонхона хизматлари, вақтинчалик жойлаштириш ва (ёки) вақтинчалик яшаб туришни таъминлаш бўйича хизматлар кўрсатиш учун мўлжалланган хоналарда ;
кўп квартирали уйларнинг йўлаклари ва лифтларида, шунингдек болалар ва спорт майдончаларида, шу жумладан уйларга туташган ҳудудда жойлашган майдончаларда ;
хиёбонларда, боғларда, пляжларда .
3. Мазкур илованинг 2-бандида келтирилган (олтинчи хатбоши бундан мустасно) жамоат жойларида жойлаштириладиган огоҳлантирувчи белгининг ўлчами камида А5 шаклида (148 мм х 210 мм) бўлиши лозим.
4. Маҳаллий ва узоққа қатнайдиган поездларда, дарё кемаларида, автобусларда, метрополитен вагонларида, таксида, шаҳар электр транспортида, ҳаво кемаларида, шунингдек жамоат транспортининг бошқа турларида жойлаштириладиган огоҳлантирувчи белгининг ўлчами камида 50 мм х 50 мм бўлиши лозим.
5. Жамоат транспортида огоҳлантирувчи белги йўловчиларга кўринадиган жойда жойлаштирилиши лозим.
6. Бинолар, хоналар ва очиқ ҳудудларда жойлаштириладиган огоҳлантирувчи белги ҳаммага кўринадиган жойда, ердан (полдан) камида 1,5 метр ва 2,5 метрдан ошмайдиган баландликда жойлаштирилиши керак.
7. Огоҳлантирувчи белги «Тамаки маҳсулотларини истеъмол қилиш ҳамда тамакини ва никотинни истеъмол қилиш мосламаларидан фойдаланиш тақиқланади» деган ёзув ҳамда ушбу талабни бузганлик учун қонунчилик ҳужжатларида белгиланган жавобгарлик тўғрисидаги маълумотлар билан бирга жойлаштирилиши мумкин.
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низомга 3-ИЛОВА
Тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойлар тўғрисидаги ахборот берувчи лавҳанинг намунаси, уни тайёрлаш ва жойлаштириш
1. Тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойлар тўғрисидаги ахборот берувчи лавҳа намунаси:
2. Ахборот берувчи лавҳа тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойларда ҳаммага кўринадиган тарзда жойлаштирилиши лозим.
3. Ахборот берувчи лавҳанинг:
ўлчами камида А4 шаклида (210 мм х 297 мм) бўлиши ҳамда у тайёрланадиган қоғоз ёки бошқа ахборот ташувчининг ўлчами катталаштирилганда, ундаги ёзувларнинг ўлчами ҳам мутаносиб равишда катталаштирилиши керак;
ҳарфлар ўлчами 82 кеглдан ёки пунктдан кам бўлмаслиги, қаторлар оралиғи 1,2 интервалда бўлиши лозим;
ёзувлар оқ рангли фонда қора рангли шрифт билан босиб чиқарилиши ҳамда қоғознинг оқлиги камида 80 фоиз бўлиши, шунингдек бошқа ахборот ташувчилардан фойдаланилганда ҳам фон ва ҳарфлар ранги ўзгартирилишига йўл қўйилмайди;
ёзувлардаги сўзлар оддий ҳарфларда «ярим семиз» шрифтда ҳамда ёзувларнинг биринчи ҳарфлари «ярим семиз» шрифт билан бош ҳарфларда ёзилиши керак.
4. Ахборот берувчи лавҳа ҳаммага кўринадиган жойда ердан (полдан) камида 1,5 метр ва 2,5 метрдан ошмайдиган баландликда жойлаштирилиши зарур.
Тамаки ва алкоголь маҳсулотлари истеъмолига оид огоҳлантирувчи белгилар ҳамда ахборот лавҳаларини жойлаштириш тартиби тўғрисидаги низомга 4-ИЛОВА
Тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойларда жойлаштириладиган тиббий огоҳлантириш намуналари, уни тайёрлаш ва жойлаштириш
1. Тамаки маҳсулотларини истеъмол қилиш, чилим чекиш ҳамда тамаки ва никотинни истеъмол қилиш мосламаларидан фойдаланиш учун махсус ажратилган жойларда жойлаштириладиган тиббий огоҳлантириш намуналари:
2. Тиббий огоҳлантириш намуналаридан бири тамаки маҳсулотларини истеъмол қилиш, чилим чекиш, шунингдек тамакини ҳамда никотинни истеъмол қилиш мосламаларидан фойдаланиш учун махсус ажратилган жойларда ҳаммага кўринадиган тарзда жойлаштирилиши лозим.
3. Тиббий огоҳлантириш намуналарининг ўлчами камида А5 шаклида (148 мм х 210 мм) бўлиши лозим.
Тиббий огоҳлантириш намунаси тайёрланадиган қоғоз ёки бошқа ахборот ташувчининг ўлчами катталаштирилганда ундаги тасвирларнинг ўлчами ҳам мутаносиб равишда катталаштирилиши лозим.
4. Тиббий огоҳлантириш намуналари ердан (полдан) камида 1,5 метр ва 2,0 метрдан ошмайдиган баландликда жойлаштирилиши лозим.
Ўзбекистон Республикаси соғлиқни сақлаш вазирининг 2026 йил 26 майдаги 4-сон буйруғига 2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
1. Ўзбекистон Республикаси соғлиқни сақлаш вазирининг 2016 йил 7 ноябрдаги 70-сон «Алкоголь ва тамаки маҳсулотлари истеъмол қилинишига йўл қўйилмайдиган огоҳлантирувчи ҳамда тамаки маҳсулотини истеъмол қилиш учун махсус ажратилган жой ва (ёки) хона ҳақида ахборот берувчи белгиларни тайёрлаш ҳамда уларни жойлаштириш тартиби тўғрисидаги низомни тасдиқлаш ҳақида»ги буйруғи (рўйхат рақами 2840, 2016 йил 30 ноябрь) (Ўзбекистон Республикаси қонун ҳужжатлари тўплами, 2016 й., 48-сон, 549-модда).
2. Ўзбекистон Республикаси адлия вазирининг 2021 йил 28 июлдаги 15-мҳ-сон «Ўзбекистон Республикасининг қонунчилик тизими такомиллаштирилиши муносабати билан вазирликлар, давлат қўмиталари ва идораларнинг айрим идоравий норматив-ҳуқуқий ҳужжатларига ўзгартиришлар киритиш тўғрисида»ги буйруғига (рўйхат рақами 3313, 2021 йил 28 июль) (Қонунчилик маълумотлари миллий базаси, 28.07.2021 й., 10/21/3313/0724-сон) илованинг 344-банди .
Вазир Э. АДИЛОВ
Иқтисодиёт ва молия вазири Ж. КУЧКАРОВ
Ички ишлар вазири А . ТАШПУЛАТОВ
Савдо-саноат палатаси раиси Д. ВАХАБОВ
Миллий гвардия қўмондони Б. ТАШМАТОВ
Транспорт вазири И. МАХКАМОВ
Тошкент ш.,
2026 йил 26 май,
2026 йил 21 апрель
2026 йил 3 апрель
2026 йил 4 февраль
2026 йил 4 февраль
2026 йил 3 февраль
4 -сон
OʻZBEKISTON RESPUBLIKASI SOGʻLIQNI SAQLASH VAZIRINING
BUYRUGʻI
NIZOM
ROʻYXATI
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizomni tasdiqlash haqida
Oʻzbekiston Respublikasining “Alkogol va tamaki mahsulotlarining tarqatilishini hamda isteʼmol qilinishini cheklash toʻgʻrisida”gi Qonuniga muvofiq buyuraman:
1. Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizom 1-ilovaga muvofiq tasdiqlansin.
2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.
3. Mazkur buyruq Oʻzbekiston Respublikasi Iqtisodiyot va moliya vazirligi, Ichki ishlar vazirligi, Transport vazirligi, Milliy gvardiya va Oʻzbekiston Savdo-sanoat palatasi bilan kelishilgan.
4. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.
Kelishildi:
Oʻzbekiston Respublikasi sogʻliqni saqlash vazirining 2026-yil 26-maydagi 4-son buyrugʻiga 1-ILOVA
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi
Mazkur Nizom jamoat joylarida alkogol va tamaki mahsulotlarini isteʼmol qilish, tamakini hamda nikotinni isteʼmol qilish moslamalaridan foydalanish taqiqlanganligi haqidagi ogohlantiruvchi belgilarni, tamaki mahsulotlarini isteʼmol qilish, chilim chekish hamda tamakini va nikotinni isteʼmol qilish moslamalaridan foydalanish uchun maxsus ajratilgan joylar toʻgʻrisidagi axborot beruvchi lavhalarni, shuningdek tibbiy ogohlantirish namunalarini tayyorlash hamda joylashtirish tartibini belgilaydi.
1-bob. Umumiy qoidalar
1. Ushbu Nizomda quyidagi tushunchalar qoʻllaniladi:
alkogol mahsulotlari — oziq-ovqat xom ashyosidan olingan etil spirtidan va (yoki) tarkibida spirt boʻlgan oziq-ovqat mahsulotidan foydalangan yoki foydalanmagan holda ishlab chiqarilgan, tarkibida etil spirtining hajmiy ulushi bir yarim foizdan yuqori boʻlgan oziq-ovqat mahsuloti;
tamaki mahsuloti — tarkibida xomashyo sifatida tamaki bargi va (yoki) tamaki oʻsimligining boshqa qismlari mavjud boʻlgan mahsulot;
tamakini hamda nikotinni isteʼmol qilish moslamalari — tarkibida nikotin boʻlgan yoki nikotin boʻlmagan isteʼmolchi tomonidan nafas orqali yutiladigan aerozolni (bugʻni, tutunni) olish uchun foydalaniladigan elektron yoki boshqa asboblar (moslamalar), shu jumladan nikotin yetkazib berishning elektron tizimlari, tamakini qizdirish tizimlari, chilimlar, trubkalar, mushtuklar, shuningdek ularning tarkibiy qismlari va elementlari (bundan tibbiy asbob-uskunalar va tibbiy buyumlar mustasno).
2. Tasarrufida (mulkida, egaligida, foydalanishida) jamoat joylarida joylashgan hududlar, binolar (xonalar), inshootlar va boshqa obyektlar, shuningdek jamoat transporti boʻlgan jismoniy shaxslar va (yoki) korxonalar, muassasalar, tashkilotlarning masʼul shaxslari mazkur Nizomga muvofiq quyidagilarning tayyorlanishini va joylashtirilishini taʼminlaydi:
jamoat joylarida alkogol va tamaki mahsulotlarini isteʼmol qilish, shuningdek tamakini hamda nikotinni isteʼmol qilish moslamalaridan foydalanish taqiqlanganligi haqidagi ogohlantiruvchi belgilarni;
tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylar toʻgʻrisidagi axborot beruvchi lavhalarni;
tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylarda joylashtiriladigan tibbiy ogohlantirish namunalarini.
3. Ogohlantiruvchi belgilar, axborot beruvchi lavhalar hamda tibbiy ogohlantirish namunalari aniq, ravshan va hammaga koʻrinadigan tarzda ifodalanishi lozim hamda turli materiallardan tayyorlanishi, shuningdek bosma shaklda yoki elektron axborot vositalari orqali aks ettirilishi mumkin.
4. Ogohlantiruvchi belgilar, axborot beruvchi lavhalar va tibbiy ogohlantirish namunalari davlat tilida tayyorlanadi hamda boshqa tillardagi matnlar bilan toʻldirilishiga yoʻl qoʻyiladi.
2-bob. Ogohlantiruvchi belgilar, axborot beruvchi lavhalar va tibbiy ogohlantirish namunalari
5. Alkogol mahsulotlarini isteʼmol qilish taqiqlanganligi haqidagi ogohlantiruvchi belgi mazkur Nizomning 1-ilovasiga muvofiq tayyorlanadi va joylashtiriladi.
6. Tamaki mahsulotlarini isteʼmol qilish, shuningdek tamakini hamda nikotinni isteʼmol qilish moslamalaridan foydalanish taqiqlanganligi haqidagi ogohlantiruvchi belgi mazkur Nizomning 2-ilovasiga asosan tayyorlanadi va joylashtiriladi.
7. Tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylar toʻgʻrisidagi axborot beruvchi lavha mazkur Nizomning 3-ilovasiga koʻra tayyorlanadi va joylashtiriladi.
8. Tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylarda joylashtiriladigan tibbiy ogohlantirish namunalari mazkur Nizomning 4-ilovasiga muvofiq tayyorlanadi va joylashtiriladi.
3-bob. Yakuniy qoidalar
9. Ogohlantiruvchi belgilar, axborot beruvchi lavhalar hamda tibbiy ogohlantirish namunalari yaroqsiz holga kelganda hamda ulardagi tasvir va (yoki) matnni aniq koʻrish yoki oʻqish imkoniyati boʻlmaganda, ular yangilari bilan almashtiriladi.
10. Mazkur Nizomning buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizomga 1-ILOVA
Alkogol mahsulotlarini isteʼmol qilish taqiqlanganligi haqidagi ogohlantiruvchi belgining namunasi, uni tayyorlash va joylashtirish
1. Alkogol mahsulotlarini isteʼmol qilish taqiqlanganligi haqidagi ogohlantiruvchi belgi:
2. Ogohlantiruvchi belgi alkogol mahsulotlarini ish joylarida, koʻchalarda, stadionlarda, xiyobonlarda, bogʻlarda, barcha turdagi jamoat transportida va boshqa jamoat joylarida joylashtirilishi lozim (bundan savdo va xizmat koʻrsatish obyektlari, shu jumladan alkogol mahsulotlari quyib realizatsiya qilishga ruxsat berilgan umumiy ovqatlanish korxonalari, shuningdek toʻy, yubiley va boshqa tantanalar hamda marosimlar oʻtkaziladigan joylar mustasno ).
3. Ish joylarida, koʻchalarda, stadionlarda, xiyobonlarda, bogʻlarda va boshqa jamoat joylarida joylashtiriladigan ogohlantiruvchi belgining oʻlchami kamida A5 shaklida (148 mm x 210 mm) boʻlishi lozim.
4. Barcha turdagi jamoat transportida joylashtiriladigan ogohlantiruvchi belgining oʻlchami kamida 50 mm x 50 mm boʻlishi hamda ogohlantiruvchi belgi yoʻlovchilarga koʻrinadigan joyda joylashtirilishi lozim.
5. Binolar, xonalar va ochiq hududlarda joylashtiriladigan ogohlantiruvchi belgi hammaga koʻrinadigan joyda, yerdan (poldan) kamida 1,5 metr va 2,5 metrdan oshmaydigan balandlikda joylashtirilishi kerak.
6. Ogohlantiruvchi belgi “Alkogol mahsulotlarini isteʼmol qilish taqiqlanadi” degan yozuv hamda ushbu talabni buzganlik uchun qonunchilik hujjatlarida belgilangan javobgarlik toʻgʻrisidagi maʼlumotlar bilan birga joylashtirilishi mumkin.
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizomga 2-ILOVA
Tamaki mahsulotlarini isteʼmol qilish, shuningdek tamakini hamda nikotinni isteʼmol qilish moslamalaridan foydalanish taqiqlanganligi haqidagi ogohlantiruvchi belgining namunasi, uni tayyorlash va joylashtirish
1. Tamaki mahsulotlarini isteʼmol qilish, shuningdek tamakini hamda nikotinni isteʼmol qilish moslamalaridan foydalanish taqiqlanganligi haqidagi ogohlantiruvchi belgi:
2. Ogohlantiruvchi belgi quyidagi jamoat joylarining hammaga koʻrinadigan joylarida, shu jumladan binolar (xonalar) hududiga kirish joylarida joylashtirilishi shart (bundan tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylar mustasno):
savdo va xizmat koʻrsatish obyektlarida, shu jumladan umumiy ovqatlanish korxonalarida ;
kinoteatrlarda, teatrlarda, sirklarda, konsert, koʻrik va koʻrgazma zallarida hamda ommaviy dam olish uchun moʻljallangan boshqa yopiq inshootlarda ;
klublarda, diskotekalarda, kompyuter zallarida, Internet jahon axborot tarmogʻidan foydalanish xizmatlarini koʻrsatish uchun jihozlangan xonalarda yoxud boshqa koʻngilochar (boʻsh vaqt oʻtkaziladigan) joylarda;
muzeylarda, axborot-kutubxona muassasalarida va maʼruzaxonalarda ;
mahalliy va uzoqqa qatnaydigan poyezdlarda, daryo kemalarida, avtobuslarda, metropoliten vagonlarida, taksida, shahar elektr transportida, havo kemalarida, shuningdek jamoat transportining boshqa turlarida;
yer osti oʻtish joylarida, metropoliten stansiyalarida, transport bekatlarida va avtotransport vositalari vaqtinchalik saqlanadigan yopiq joylarda ;
temir yoʻl vokzallari, avtovokzallar, aeroportlar, daryo bandargohlari, metropoliten stansiyalariga kirish joyidan kamida besh metr masofada boʻlgan ochiq havodagi joylarda ;
yongʻin xavfi mavjud boʻlgan joylarda, shu jumladan avtomobillarga yoqilgʻi quyish shoxobchalarida;
aeroportlarning, temir yoʻl va avtomobil vokzallarining, daryo bandargohlarining binolarida ;
korxonalar, muassasalar, tashkilotlar va davlat organlarining binolarida, shu jumladan ish joyida, yoʻlaklarda, liftlarda, zinapoyalarda, vestibyullarda, hojatxonalarda, dam olish xonalarida, ularga tutash xonalarda va xodim tomonidan mehnat faoliyati vaqtida foydalaniladigan shunga oʻxshash boshqa joylarda;
sogʻliqni saqlash tizimi tashkilotlarida, dorixonalarda, taʼlim tashkilotlarida, madaniyat muassasalarida, jismoniy tarbiya-sogʻlomlashtirish va sport inshootlarida, sanatoriy muassasalarida va tibbiy-ijtimoiy muassasalarda;
uy-joy xizmatlari, mehmonxona xizmatlari, vaqtinchalik joylashtirish va (yoki) vaqtinchalik yashab turishni taʼminlash boʻyicha xizmatlar koʻrsatish uchun moʻljallangan xonalarda ;
koʻp kvartirali uylarning yoʻlaklari va liftlarida, shuningdek bolalar va sport maydonchalarida, shu jumladan uylarga tutashgan hududda joylashgan maydonchalarda ;
xiyobonlarda, bogʻlarda, plyajlarda .
3. Mazkur ilovaning 2-bandida keltirilgan (oltinchi xatboshi bundan mustasno) jamoat joylarida joylashtiriladigan ogohlantiruvchi belgining oʻlchami kamida A5 shaklida (148 mm x 210 mm) boʻlishi lozim.
4. Mahalliy va uzoqqa qatnaydigan poyezdlarda, daryo kemalarida, avtobuslarda, metropoliten vagonlarida, taksida, shahar elektr transportida, havo kemalarida, shuningdek jamoat transportining boshqa turlarida joylashtiriladigan ogohlantiruvchi belgining oʻlchami kamida 50 mm x 50 mm boʻlishi lozim.
5. Jamoat transportida ogohlantiruvchi belgi yoʻlovchilarga koʻrinadigan joyda joylashtirilishi lozim.
6. Binolar, xonalar va ochiq hududlarda joylashtiriladigan ogohlantiruvchi belgi hammaga koʻrinadigan joyda, yerdan (poldan) kamida 1,5 metr va 2,5 metrdan oshmaydigan balandlikda joylashtirilishi kerak.
7. Ogohlantiruvchi belgi “Tamaki mahsulotlarini isteʼmol qilish hamda tamakini va nikotinni isteʼmol qilish moslamalaridan foydalanish taqiqlanadi” degan yozuv hamda ushbu talabni buzganlik uchun qonunchilik hujjatlarida belgilangan javobgarlik toʻgʻrisidagi maʼlumotlar bilan birga joylashtirilishi mumkin.
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizomga 3-ILOVA
Tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylar toʻgʻrisidagi axborot beruvchi lavhaning namunasi, uni tayyorlash va joylashtirish
1. Tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylar toʻgʻrisidagi axborot beruvchi lavha namunasi:
2. Axborot beruvchi lavha tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylarda hammaga koʻrinadigan tarzda joylashtirilishi lozim.
3. Axborot beruvchi lavhaning:
oʻlchami kamida A4 shaklida (210 mm x 297 mm) boʻlishi hamda u tayyorlanadigan qogʻoz yoki boshqa axborot tashuvchining oʻlchami kattalashtirilganda, undagi yozuvlarning oʻlchami ham mutanosib ravishda kattalashtirilishi kerak;
harflar oʻlchami 82 kegldan yoki punktdan kam boʻlmasligi, qatorlar oraligʻi 1,2 intervalda boʻlishi lozim;
yozuvlar oq rangli fonda qora rangli shrift bilan bosib chiqarilishi hamda qogʻozning oqligi kamida 80 foiz boʻlishi, shuningdek boshqa axborot tashuvchilardan foydalanilganda ham fon va harflar rangi oʻzgartirilishiga yoʻl qoʻyilmaydi;
yozuvlardagi soʻzlar oddiy harflarda “yarim semiz” shriftda hamda yozuvlarning birinchi harflari “yarim semiz” shrift bilan bosh harflarda yozilishi kerak.
4. Axborot beruvchi lavha hammaga koʻrinadigan joyda yerdan (poldan) kamida 1,5 metr va 2,5 metrdan oshmaydigan balandlikda joylashtirilishi zarur.
Tamaki va alkogol mahsulotlari isteʼmoliga oid ogohlantiruvchi belgilar hamda axborot lavhalarini joylashtirish tartibi toʻgʻrisidagi nizomga 4-ILOVA
Tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylarda joylashtiriladigan tibbiy ogohlantirish namunalari, uni tayyorlash va joylashtirish
1. Tamaki mahsulotlarini isteʼmol qilish, chilim chekish hamda tamaki va nikotinni isteʼmol qilish moslamalaridan foydalanish uchun maxsus ajratilgan joylarda joylashtiriladigan tibbiy ogohlantirish namunalari:
2. Tibbiy ogohlantirish namunalaridan biri tamaki mahsulotlarini isteʼmol qilish, chilim chekish, shuningdek tamakini hamda nikotinni isteʼmol qilish moslamalaridan foydalanish uchun maxsus ajratilgan joylarda hammaga koʻrinadigan tarzda joylashtirilishi lozim.
3. Tibbiy ogohlantirish namunalarining oʻlchami kamida A5 shaklida (148 mm x 210 mm) boʻlishi lozim.
Tibbiy ogohlantirish namunasi tayyorlanadigan qogʻoz yoki boshqa axborot tashuvchining oʻlchami kattalashtirilganda undagi tasvirlarning oʻlchami ham mutanosib ravishda kattalashtirilishi lozim.
4. Tibbiy ogohlantirish namunalari yerdan (poldan) kamida 1,5 metr va 2,0 metrdan oshmaydigan balandlikda joylashtirilishi lozim.
Oʻzbekiston Respublikasi sogʻliqni saqlash vazirining 2026-yil 26-maydagi 4-son buyrugʻiga 2-ILOVA
Oʻz kuchini yoʻqotgan deb topilayotgan idoraviy normativ-huquqiy hujjatlar
1. Oʻzbekiston Respublikasi sogʻliqni saqlash vazirining 2016-yil 7-noyabrdagi 70-son “Alkogol va tamaki mahsulotlari isteʼmol qilinishiga yoʻl qoʻyilmaydigan ogohlantiruvchi hamda tamaki mahsulotini isteʼmol qilish uchun maxsus ajratilgan joy va (yoki) xona haqida axborot beruvchi belgilarni tayyorlash hamda ularni joylashtirish tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 2840, 2016-yil 30-noyabr) (Oʻzbekiston Respublikasi qonun hujjatlari toʻplami, 2016-y., 48-son, 549-modda).
2. Oʻzbekiston Respublikasi adliya vazirining 2021-yil 28-iyuldagi 15-mh-son “Oʻzbekiston Respublikasining qonunchilik tizimi takomillashtirilishi munosabati bilan vazirliklar, davlat qoʻmitalari va idoralarning ayrim idoraviy normativ-huquqiy hujjatlariga oʻzgartirishlar kiritish toʻgʻrisida”gi buyrugʻiga (roʻyxat raqami 3313, 2021-yil 28-iyul) (Qonunchilik maʼlumotlari milliy bazasi, 28.07.2021-y., 10/21/3313/0724-son) ilovaning 344-bandi .
Vazir E. ADILOV
Iqtisodiyot va moliya vaziri J. KUCHKAROV
Ichki ishlar vaziri A . TASHPULATOV
Savdo-sanoat palatasi raisi D. VAXABOV
Milliy gvardiya qo'mondoni B. TASHMATOV
Transport vaziri I. MAXKAMOV
Toshkent sh.,
2026-yil 26-may,
2026-yil 21-aprel
2026-yil 3-aprel
2026-yil 4-fevral
2026-yil 4-fevral
2026-yil 3-fevral
4 -son