📅 2026-yil 23-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 23 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 23 июня 2026 г. · Указы Президента
Официальный текст. Официальный документ. Редакционные примечания не включены.
📅 23 June 2026 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ФАРМОНИ
Иш ҳақи, пенсиялар, стипендиялар ва нафақалар миқдорини ошириш тўғрисида
Аҳоли турмуш даражасини оширишга қаратилган чора-тадбирлар кўламини кенгайтириш, фуқароларнинг даромадларини изчил ошириб бориш сиёсатини давом эттириш ҳамда уларнинг ижтимоий муҳофазасини кучайтириш мақсадида қарор қиламан:
I. Иш ҳақи, пенсиялар, стипендиялар ва нафақалар миқдорини ошириш
1. 2026 йил 1 июлдан бошлаб пенсиялар ва нафақалар ҳамда Ижтимоий реестрга киритилган оилаларга болалар нафақалари ва моддий ёрдам тўловлари миқдорлари 7 фоизга оширилсин. Бунда:
(а) ёшга доир энг кам пенсия миқдори — ойига 983 000 сўм;
(б) ногиронлик пенсияларининг энг кам миқдори — ойига 1 083 000 сўм;
(в) Ижтимоий реестрга киритилган оилаларга болалар нафақасининг ҳар ойлик миқдори:
(i) 3 ёшгача бўлган битта кичик фарзанди учун — 386 000 сўм, 3 ёшдан 18 ёшгача бўлган битта фарзанди учун — 295 000 сўм;
(ii) оиланинг иккинчи фарзанди учун қўшимча — 177 000 сўм;
(iii) оиланинг учинчи ва ундан кейинги ҳар бир фарзанди учун қўшимча — 118 000 сўм;
(г) Ижтимоий реестрга киритилган оилалар учун моддий ёрдамнинг ойлик миқдори — 450 000 сўм этиб;
(д) фуқароларга тўланадиган бошқа пенсиялар ва нафақалар миқдорлари иловага мувофиқ белгилансин.
2. 2026 йил 1 сентябрдан бошлаб бюджет ташкилотлари ходимларининг иш ҳақи ва стипендиялар миқдори 7 фоизга оширилсин.
II. Базавий миқдорларни белгилаш
3. Қуйидагилар:
(а) 2026 йил 1 июлдан бошлаб пенсияни ҳисоблашнинг базавий миқдори — ойига 504 000 сўм;
(б) 2026 йил 1 сентябрдан бошлаб:
(i) меҳнатга ҳақ тўлашнинг энг кам миқдори — ойига 1 360 000 сўм;
(ii) базавий ҳисоблаш миқдори — 440 000 сўм этиб белгилансин.
III. Молиявий ресурслар
4. Бюджет ташкилотлари ходимларининг иш ҳақлари, пенсиялар, стипендиялар ва нафақалар миқдори оширилиши билан боғлиқ харажатлар Ўзбекистон Республикаси Давлат бюджети ҳамда Иқтисодиёт ва молия вазирлиги ҳузуридаги бюджетдан ташқари Пенсия жамғармаси маблағлари ҳисобидан қоплансин.
IV. Фармон ижросини ташкил этиш, таъминлаш ва назорат
5. Иш берувчиларга иш ҳақи миқдорини қонунчилик ҳужжатларида белгиланган меҳнатга ҳақ тўлашнинг энг кам миқдоридан кам бўлмаган ҳолда тўлашни таъминлаб, иш ҳақи миқдорини меҳнатга ҳақ тўлашнинг энг кам миқдорига мувофиқ ошириш тавсия этилсин.
6. Ўзбекистон Миллий ахборот агентлиги Ўзбекистон Миллий телерадиокомпанияси, Иқтисодиёт ва молия вазирлиги ҳамда Ижтимоий ҳимоя миллий агентлиги билан биргаликда ушбу Фармоннинг мазмун-моҳияти, мақсади ва вазифалари ҳамда ундан кутилаётган натижалар оммавий ахборот воситалари, интернет ва ижтимоий тармоқларда кенг ёритилишини таъминласин.
7. Мазкур Фармоннинг ижросини таъминлаш учун масъул ва шахсан жавобгар этиб Бош вазир ўринбосари Ж.А. Қўчқоров ҳамда Ўзбекистон Республикаси Президентининг ижтимоий ҳимоя бўйича маслаҳатчиси — Ижтимоий ҳимоя миллий агентлиги директори М.П. Оллоёров белгилансин.
8. Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 23 июндаги ПФ-115-сон Фармонига ИЛОВА
2026 йил 1 июлдан бошлаб фуқароларга тўланадиган бошқа пенсиялар ва нафақалар миқдорлари
1. Иш стажи тўлиқ бўлмаган чоғдаги ногиронлик пенсиясининг энг кам миқдори — ойига 1 083 000 сўм.
2. Меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа миқдори — ойига 1 083 000 сўм.
3. 1941 — 1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда — ойига 4 775 000 сўм.
4. Белгиланган ёшга доир энг кам пенсия миқдоридан (983 000 сўмдан) 1 083 000 сўмгача пенсия олувчиларнинг ёшга доир пенсиялари миқдори — ойига 1 083 000 сўм.
5. Зарур иш стажига эга бўлмаган кекса ёшдаги фуқароларга бериладиган нафақа миқдори — ойига 878 000 сўм.
6. Иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда — ойига 878 000 сўм.
7. Ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига бериладиган нафақа миқдори — ойига 878 000 сўм.
8. Боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори — ойига 878 000 сўм этиб белгиланади ва кейинги ҳар бир меҳнатга қобилиятсиз оила аъзоси учун — 290 000 сўмдан қўшилади.
9. Боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори — ойига 878 000 сўм этиб белгиланади ва кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўланади.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 23 июнь,
ПФ-115-сон
OʻZBEKISTON RESPUBLIKASI PREZIDENTINING
FARMONI
Ish haqi, pensiyalar, stipendiyalar va nafaqalar miqdorini oshirish toʻgʻrisida
Aholi turmush darajasini oshirishga qaratilgan chora-tadbirlar koʻlamini kengaytirish, fuqarolarning daromadlarini izchil oshirib borish siyosatini davom ettirish hamda ularning ijtimoiy muhofazasini kuchaytirish maqsadida qaror qilaman:
I. Ish haqi, pensiyalar, stipendiyalar va nafaqalar miqdorini oshirish
1. 2026-yil 1-iyuldan boshlab pensiyalar va nafaqalar hamda Ijtimoiy reyestrga kiritilgan oilalarga bolalar nafaqalari va moddiy yordam toʻlovlari miqdorlari 7 foizga oshirilsin. Bunda:
(a) yoshga doir eng kam pensiya miqdori — oyiga 983 000 soʻm;
(b) nogironlik pensiyalarining eng kam miqdori — oyiga 1 083 000 soʻm;
(v) Ijtimoiy reyestrga kiritilgan oilalarga bolalar nafaqasining har oylik miqdori:
(i) 3 yoshgacha boʻlgan bitta kichik farzandi uchun — 386 000 soʻm, 3 yoshdan 18 yoshgacha boʻlgan bitta farzandi uchun — 295 000 soʻm;
(ii) oilaning ikkinchi farzandi uchun qoʻshimcha — 177 000 soʻm;
(iii) oilaning uchinchi va undan keyingi har bir farzandi uchun qoʻshimcha — 118 000 soʻm;
(g) Ijtimoiy reyestrga kiritilgan oilalar uchun moddiy yordamning oylik miqdori — 450 000 soʻm etib;
(d) fuqarolarga toʻlanadigan boshqa pensiyalar va nafaqalar miqdorlari ilovaga muvofiq belgilansin.
2. 2026-yil 1-sentabrdan boshlab budjet tashkilotlari xodimlarining ish haqi va stipendiyalar miqdori 7 foizga oshirilsin.
II. Bazaviy miqdorlarni belgilash
3. Quyidagilar:
(a) 2026-yil 1-iyuldan boshlab pensiyani hisoblashning bazaviy miqdori — oyiga 504 000 soʻm;
(b) 2026-yil 1-sentabrdan boshlab:
(i) mehnatga haq toʻlashning eng kam miqdori — oyiga 1 360 000 soʻm;
(ii) bazaviy hisoblash miqdori — 440 000 soʻm etib belgilansin.
III. Moliyaviy resurslar
4. Budjet tashkilotlari xodimlarining ish haqlari, pensiyalar, stipendiyalar va nafaqalar miqdori oshirilishi bilan bogʻliq xarajatlar Oʻzbekiston Respublikasi Davlat budjeti hamda Iqtisodiyot va moliya vazirligi huzuridagi budjetdan tashqari Pensiya jamgʻarmasi mablagʻlari hisobidan qoplansin.
IV. Farmon ijrosini tashkil etish, taʼminlash va nazorat
5. Ish beruvchilarga ish haqi miqdorini qonunchilik hujjatlarida belgilangan mehnatga haq toʻlashning eng kam miqdoridan kam boʻlmagan holda toʻlashni taʼminlab, ish haqi miqdorini mehnatga haq toʻlashning eng kam miqdoriga muvofiq oshirish tavsiya etilsin.
6. Oʻzbekiston Milliy axborot agentligi Oʻzbekiston Milliy teleradiokompaniyasi, Iqtisodiyot va moliya vazirligi hamda Ijtimoiy himoya milliy agentligi bilan birgalikda ushbu Farmonning mazmun-mohiyati, maqsadi va vazifalari hamda undan kutilayotgan natijalar ommaviy axborot vositalari, internet va ijtimoiy tarmoqlarda keng yoritilishini taʼminlasin.
7. Mazkur Farmonning ijrosini taʼminlash uchun masʼul va shaxsan javobgar etib Bosh vazir oʻrinbosari J.A. Qoʻchqorov hamda Oʻzbekiston Respublikasi Prezidentining ijtimoiy himoya boʻyicha maslahatchisi — Ijtimoiy himoya milliy agentligi direktori M.P. Olloyorov belgilansin.
8. Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 23-iyundagi PF-115-son Farmoniga ILOVA
2026-yil 1-iyuldan boshlab fuqarolarga toʻlanadigan boshqa pensiyalar va nafaqalar miqdorlari
1. Ish staji toʻliq boʻlmagan chogʻdagi nogironlik pensiyasining eng kam miqdori — oyiga 1 083 000 soʻm.
2. Mehnatga layoqatsiz fuqarolarga beriladigan nogironlik nafaqasi va bolalikdan nogironligi boʻlgan shaxslarga beriladigan nafaqa miqdori — oyiga 1 083 000 soʻm.
3. 1941 — 1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — oyiga 4 775 000 soʻm.
4. Belgilangan yoshga doir eng kam pensiya miqdoridan (983 000 soʻmdan) 1 083 000 soʻmgacha pensiya oluvchilarning yoshga doir pensiyalari miqdori — oyiga 1 083 000 soʻm.
5. Zarur ish stajiga ega boʻlmagan keksa yoshdagi fuqarolarga beriladigan nafaqa miqdori — oyiga 878 000 soʻm.
6. Ish staji toʻliq boʻlmagan chogʻdagi yoshga doir pensiyaning eng kam miqdori qoʻshimcha toʻlovni hisobga olgan holda — oyiga 878 000 soʻm.
7. Oʻzgalar parvarishiga muhtoj nogironligi boʻlgan 18 yoshgacha bolalarning parvarishi bilan band boʻlgan bolaning qonuniy vakiliga beriladigan nafaqa miqdori — oyiga 878 000 soʻm.
8. Boquvchisini yoʻqotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori — oyiga 878 000 soʻm etib belgilanadi va keyingi har bir mehnatga qobiliyatsiz oila aʼzosi uchun — 290 000 soʻmdan qoʻshiladi.
9. Boquvchisini yoʻqotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori — oyiga 878 000 soʻm etib belgilanadi va keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya toʻlanadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 23-iyun,
PF-115-son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О повышении размеров заработной платы, пенсий, стипендий и пособий
В целях расширения масштабов мер, направленных на повышение уровня жизни населения, продолжения политики последовательного увеличения доходов граждан, а также усиления их социальной защиты постановляю:
I. Повышение размеров заработной платы, пенсий, стипендий и пособий
1. Повысить с 1 июля 2026 года размеры пенсий и пособий, а также детских пособий и выплат материальной помощи семьям, включенным в Социальный реестр, на 7 процентов. При этом установить:
(а) минимальный размер пенсии по возрасту — 983 000 сумов в месяц;
(б) минимальный размер пенсий по инвалидности — 1 083 000 сумов в месяц;
(в) ежемесячный размер детского пособия семьям, включенным в Социальный реестр:
(i) 386 000 сумов — на одного младшего ребенка в возрасте до 3 лет, 295 000 сумов — на одного ребенка в возрасте от 3 лет до 18 лет;
(ii) 177 000 сумов — дополнительно на второго ребенка в семье;
(iii) 118 000 сумов — дополнительно на третьего и каждого следующего ребенка в семье;
(г) ежемесячный размер материальной помощи для семей, включенных в Социальный реестр, — 450 000 сумов;
(д) размеры других пенсий и пособий, выплачиваемых гражданам, согласно приложению .
2. Повысить с 1 сентября 2026 года размеры заработной платы работников бюджетных организаций и стипендий на 7 процентов.
II. Определение базовых размеров
3. Установить:
(а) с 1 июля 2026 года базовую величину исчисления пенсии — 504 000 сумов в месяц;
(б) с 1 сентября 2026 года:
(i) минимальный размер оплаты труда — 1 360 000 сумов в месяц;
(ii) базовую расчетную величину — 440 000 сумов.
III. Финансовые ресурсы
4. Расходы, связанные с повышением размеров заработной платы работников бюджетных организаций, пенсий, стипендий и пособий, покрыть за счет средств Государственного бюджета Республики Узбекистан и внебюджетного Пенсионного фонда при Министерстве экономики и финансов.
IV. Организация, обеспечение и контроль исполнения Указа
5. Рекомендовать работодателям производить повышение размера заработной платы в соответствии с минимальным размером оплаты труда, обеспечив выплату заработной платы не ниже минимального размера оплаты труда, установленного актами законодательства.
6. Национальному информационному агентству Узбекистана совместно с Национальной телерадиокомпанией Узбекистана, Министерством экономики и финансов и Национальным агентством социальной защиты обеспечить широкое освещение сути и содержания, целей и задач настоящего Указа, ожидаемых результатов в средствах массовой информации, сети интернет и социальных сетях.
7. Возложить на заместителя Премьер-министра Д.А. Кучкарова и советника Президента Республики Узбекистан по социальной защите — директора Национального агентства социальной защиты М.П. Оллоёрова персональную ответственность за обеспечение исполнения настоящего Указа.
8. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 23 июня 2026 года № УП-115
Размеры других пенсий и пособий, выплачиваемых гражданам начиная с 1 июля 2026 года
1. Минимальный размер пенсии по инвалидности при неполном стаже работы — 1 083 000 сумов в месяц.
2. Размер пособия по инвалидности, выплачиваемого нетрудоспособным гражданам, и пособия лицам с инвалидностью с детства — 1 083 000 сумов в месяц.
3. Минимальный размер пенсии, включая надбавки, лицам, ставшим инвалидами в результате войны 1941 — 1945 годов, и ее участникам, а также бывшим несовершеннолетним узникам фашистских концлагерей и лицам, работавшим в период блокады города Ленинграда, — 4 775 000 сумов в месяц.
4. Размер пенсии получающих пенсии по возрасту в размере от установленного минимального размера пенсии по возрасту (983 000 сумов) до 1 083 000 сумов — 1 083 000 сумов в месяц.
5. Размер пособия престарелым гражданам, не имеющим необходимого стажа работы, — 878 000 сумов в месяц.
6. Минимальный размер пенсии по возрасту при неполном стаже работы с учетом доплаты — 878 000 сумов в месяц.
7. Размер пособия законному представителю ребенка, занятому уходом за детьми с инвалидностью в возрасте до 18 лет, нуждающимися в постороннем уходе, — 878 000 сумов в месяц.
8. Размер пособия на одного нетрудоспособного члена семьи получателя пособия по случаю потери кормильца — 878 000 сумов в месяц с прибавлением по 290 000 сумов на каждого следующего нетрудоспособного члена семьи.
9. Минимальный размер пенсии на одного нетрудоспособного члена семьи получателя пенсии по случаю потери кормильца — 878 000 сумов в месяц с выплатой пенсии каждому следующему нетрудоспособному члену семьи в соответствии с действующим порядком.
Президент Республики Узбекистан Ш. МИРЗИЁЕВ
г. Ташкент,
23 июня 2026 г.,
№ УП-115