📅 2026-yil 25-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 25 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2026 г. · Указы Президента
Официальный текст. Официальный документ. Редакционные примечания не включены.
📅 25 June 2026 · Presidential decrees
Official text. Official document. Editorial notes are not included.
Ўзбекистон республикаси президентининг
Фармони
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига қўшимча ва ўзгартиришлар киритиш тўғрисида
Ҳудудларда алоҳида танлаб олинган туманлар ва маҳаллалар инфратузилмасини жадал ривожлантириш орқали тадбиркорликни қўллаб-қувватлаш, янги иш ўринларини яратиш ва аҳоли даромадларини ошириш мақсадида қарор қиламан:
1. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ қўшимча ва ўзгартиришлар киритилсин.
2. Мазкур Фармоннинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2026 йил 25 июндаги ПФ-119-сон Фармонига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган қўшимча ва ўзгартиришлар
1. Ўзбекистон Республикаси Президентининг 2022 йил 21 январдаги «Республика ҳудудларида тадбиркорлик инфратузилмасини ривожлантиришга доир қўшимча чора-тадбирлар тўғрисида»ги ПФ-54-сон Фармонининг 3-бандида :
(а) қуйидаги мазмундаги бешинчи хатбоши билан тўлдирилсин:
«Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга ошириш»;
(б) бешинчи хатбоши олтинчи хатбоши деб ҳисоблансин.
2. Ўзбекистон Республикаси Президентининг 2026 йил 5 февралдаги «2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида»ги ПҚ-49-сон қарорида :
(а) 4-банддаги «903» рақами «915» рақами билан алмаштирилсин;
(б) 7-банд қуйидаги таҳрирда баён этилсин:
«7. Белгилансинки:
(а) ҳар бир «оғир» маҳалланинг «ислоҳот дастури»ни молиялаштириш мақсадида тегишли маҳаллий бюджетдан ажратилган ҳар 1 млрд сўм учун Ўзбекистон Республикасининг республика бюджетидан 2 млрд сўм маблағ ажратилади.
Бунда Қорақалпоғистон Республикаси Вазирлар Кенгаши Раиси ва вилоятлар ҳокимларига «ислоҳот дастури»ни молиялаштириш учун маҳаллий бюджет маблағлари билан бир қаторда Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги Тадбиркорлик инфратузилмасини ривожлантириш жамғармалари маблағларидан фойдаланишга рухсат берилади;
(б) «ислоҳот дастури»ни амалга ошириш доирасида туман (шаҳар) ҳокимлиги, маҳалла фуқаролар йиғини ҳамда камбағалликни қисқартириш ва бандлик бўлимлари ўртасида камбағалликни қисқартиришга қаратилган ижтимоий шартнома тузилади.
Бунда халқ депутатлари туман (шаҳар) кенгашлари томонидан ижтимоий шартномалар ижроси устидан жамоатчилик назорати амалга оширилади»;
(в) қуйидаги мазмундаги 15 1 -банд билан тўлдирилсин:
«15 1 . Туман (шаҳар) ҳокимларининг рақамли технологиялар ва сунъий интеллект технологияларини ривожлантириш бўйича маслаҳатчиси зиммасига маҳаллаларда амалга оширилаётган тадбиркорлик лойиҳалари доирасида ишлаб чиқарилган маҳсулотлар (хизматлар, ишлар) тўғрисидаги маълумотларни электрон савдо платформаларига жойлаштириш орқали уларнинг реализациясига кўмак бериш бўйича қўшимча вазифа юклансин»;
(г) 18-банд қуйидаги мазмундаги иккинчи хатбоши билан тўлдирилсин:
«Бунда Қорақалпоғистон Республикаси Вазирлар Кенгаши Раиси ва вилоятлар ҳокимларига Дастурларни молиялаштириш учун маҳаллий бюджет маблағлари билан бир қаторда Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги Тадбиркорлик инфратузилмасини ривожлантириш жамғармалари маблағларидан фойдаланишга рухсат берилади»;
(д) 20-банд қуйидаги таҳрирда баён этилсин:
«20. Белгилансинки, 2026 йил 1 мартдан бошлаб оғир тоифадаги туманларда, 2026 йил 1 июлдан бошлаб «оғир» маҳаллаларда оилавий тадбиркорликни ривожлантириш дастурлари доирасида кредитлар йиллик 12 фоиз ставкада ажратиб борилади».
3. Вазирлар Маҳкамасининг 2021 йил 3 августдаги 485-сон қарори билан тасдиқланган Кўчма савдони амалга ошириш тартиби тўғрисидаги низомнинг 49-банди иккинчи хатбошиси қуйидаги таҳрирда баён этилсин:
«электр энергияси ва газ таъминоти билан автоном қурилмалар орқали ёки тадбиркорлик субъектининг эгаллаган майдони ва фаолият туридан келиб чиқиб, алоҳида шартнома асосида қўшни объект орқали белгиланган тартибда электр энергияси тармоғига уланиш ҳисобига таъминланади».
4. Вазирлар Маҳкамасининг 2022 йил 1 июндаги 290-сон қарори билан тасдиқланган Қорақалпоғистон Республикаси Вазирлар Кенгаши, вилоятлар ҳокимликларининг тадбиркорлик инфратузилмасини ривожлантириш жамғармалари маблағларини шакллантириш ва улардан фойдаланиш тартиби тўғрисидаги низомнинг 7-банди қуйидаги мазмундаги тўртинчи хатбоши билан тўлдирилсин:
«Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга оширишни молиялаштириш».
5. Вазирлар Маҳкамасининг 2026 йил 8 апрелдаги 151-сон қарори билан тасдиқланган Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги Тадбиркорлик инфратузилмасини ривожлантириш жамғармалари маблағларини шакллантириш манбалари ва сарфлаш йўналишлари қуйидаги мазмундаги 25-банд билан тўлдирилсин:
«25. Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга ошириш».
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 25 июнь,
ПФ-119-сон
Oʻzbekiston respublikasi prezidentining
Farmoni
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga qoʻshimcha va oʻzgartirishlar kiritish toʻgʻrisida
Hududlarda alohida tanlab olingan tumanlar va mahallalar infratuzilmasini jadal rivojlantirish orqali tadbirkorlikni qoʻllab-quvvatlash, yangi ish oʻrinlarini yaratish va aholi daromadlarini oshirish maqsadida qaror qilaman:
1. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq qoʻshimcha va oʻzgartirishlar kiritilsin.
2. Mazkur Farmonning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2026-yil 25-iyundagi PF-119-son Farmoniga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan qoʻshimcha va oʻzgartirishlar
1. Oʻzbekiston Respublikasi Prezidentining 2022-yil 21-yanvardagi “Respublika hududlarida tadbirkorlik infratuzilmasini rivojlantirishga doir qoʻshimcha chora-tadbirlar toʻgʻrisida”gi PF-54-son Farmonining 3-bandida :
(a) quyidagi mazmundagi beshinchi xatboshi bilan toʻldirilsin:
“Oʻzbekiston Respublikasi Prezidentining qarorlariga muvofiq tanlab olingan ogʻir toifadagi tumanlarni kompleks rivojlantirish dasturlariga hamda “ogʻir” mahallalarning “islohot dasturi”ga kiritilgan ijtimoiy va tadbirkorlik infratuzilmasi loyihalarini amalga oshirish”;
(b) beshinchi xatboshi oltinchi xatboshi deb hisoblansin.
2. Oʻzbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish oʻrinlarini yaratish hamda kambagʻallikni qisqartirish chora-tadbirlari toʻgʻrisida”gi PQ-49-son qarorida :
(a) 4-banddagi “903” raqami “915” raqami bilan almashtirilsin;
(b) 7-band quyidagi tahrirda bayon etilsin:
“7. Belgilansinki:
(a) har bir “ogʻir” mahallaning “islohot dasturi”ni moliyalashtirish maqsadida tegishli mahalliy budjetdan ajratilgan har 1 mlrd soʻm uchun Oʻzbekiston Respublikasining respublika budjetidan 2 mlrd soʻm mablagʻ ajratiladi.
Bunda Qoraqalpogʻiston Respublikasi Vazirlar Kengashi Raisi va viloyatlar hokimlariga “islohot dasturi”ni moliyalashtirish uchun mahalliy budjet mablagʻlari bilan bir qatorda Qoraqalpogʻiston Respublikasi Vazirlar Kengashi va viloyatlar hokimliklari huzuridagi Tadbirkorlik infratuzilmasini rivojlantirish jamgʻarmalari mablagʻlaridan foydalanishga ruxsat beriladi;
(b) “islohot dasturi”ni amalga oshirish doirasida tuman (shahar) hokimligi, mahalla fuqarolar yigʻini hamda kambagʻallikni qisqartirish va bandlik boʻlimlari oʻrtasida kambagʻallikni qisqartirishga qaratilgan ijtimoiy shartnoma tuziladi.
Bunda xalq deputatlari tuman (shahar) kengashlari tomonidan ijtimoiy shartnomalar ijrosi ustidan jamoatchilik nazorati amalga oshiriladi”;
(v) quyidagi mazmundagi 15 1 -band bilan toʻldirilsin:
“15 1 . Tuman (shahar) hokimlarining raqamli texnologiyalar va sunʼiy intellekt texnologiyalarini rivojlantirish boʻyicha maslahatchisi zimmasiga mahallalarda amalga oshirilayotgan tadbirkorlik loyihalari doirasida ishlab chiqarilgan mahsulotlar (xizmatlar, ishlar) toʻgʻrisidagi maʼlumotlarni elektron savdo platformalariga joylashtirish orqali ularning realizatsiyasiga koʻmak berish boʻyicha qoʻshimcha vazifa yuklansin”;
(g) 18-band quyidagi mazmundagi ikkinchi xatboshi bilan toʻldirilsin:
“Bunda Qoraqalpogʻiston Respublikasi Vazirlar Kengashi Raisi va viloyatlar hokimlariga Dasturlarni moliyalashtirish uchun mahalliy budjet mablagʻlari bilan bir qatorda Qoraqalpogʻiston Respublikasi Vazirlar Kengashi va viloyatlar hokimliklari huzuridagi Tadbirkorlik infratuzilmasini rivojlantirish jamgʻarmalari mablagʻlaridan foydalanishga ruxsat beriladi”;
(d) 20-band quyidagi tahrirda bayon etilsin:
“20. Belgilansinki, 2026-yil 1-martdan boshlab ogʻir toifadagi tumanlarda, 2026-yil 1-iyuldan boshlab “ogʻir” mahallalarda oilaviy tadbirkorlikni rivojlantirish dasturlari doirasida kreditlar yillik 12 foiz stavkada ajratib boriladi”.
3. Vazirlar Mahkamasining 2021-yil 3-avgustdagi 485-son qarori bilan tasdiqlangan Koʻchma savdoni amalga oshirish tartibi toʻgʻrisidagi nizomning 49-bandi ikkinchi xatboshisi quyidagi tahrirda bayon etilsin:
“elektr energiyasi va gaz taʼminoti bilan avtonom qurilmalar orqali yoki tadbirkorlik subyektining egallagan maydoni va faoliyat turidan kelib chiqib, alohida shartnoma asosida qoʻshni obyekt orqali belgilangan tartibda elektr energiyasi tarmogʻiga ulanish hisobiga taʼminlanadi”.
4. Vazirlar Mahkamasining 2022-yil 1-iyundagi 290-son qarori bilan tasdiqlangan Qoraqalpogʻiston Respublikasi Vazirlar Kengashi, viloyatlar hokimliklarining tadbirkorlik infratuzilmasini rivojlantirish jamgʻarmalari mablagʻlarini shakllantirish va ulardan foydalanish tartibi toʻgʻrisidagi nizomning 7-bandi quyidagi mazmundagi toʻrtinchi xatboshi bilan toʻldirilsin:
“Oʻzbekiston Respublikasi Prezidentining qarorlariga muvofiq tanlab olingan ogʻir toifadagi tumanlarni kompleks rivojlantirish dasturlariga hamda “ogʻir” mahallalarning “islohot dasturi”ga kiritilgan ijtimoiy va tadbirkorlik infratuzilmasi loyihalarini amalga oshirishni moliyalashtirish”.
5. Vazirlar Mahkamasining 2026-yil 8-apreldagi 151-son qarori bilan tasdiqlangan Qoraqalpogʻiston Respublikasi Vazirlar Kengashi va viloyatlar hokimliklari huzuridagi Tadbirkorlik infratuzilmasini rivojlantirish jamgʻarmalari mablagʻlarini shakllantirish manbalari va sarflash yoʻnalishlari quyidagi mazmundagi 25-band bilan toʻldirilsin:
“25. Oʻzbekiston Respublikasi Prezidentining qarorlariga muvofiq tanlab olingan ogʻir toifadagi tumanlarni kompleks rivojlantirish dasturlariga hamda “ogʻir” mahallalarning “islohot dasturi”ga kiritilgan ijtimoiy va tadbirkorlik infratuzilmasi loyihalarini amalga oshirish”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 25-iyun,
PF-119-son
президента республики узбекистан
Указ
О внесении дополнений и изменений в некоторые акты Президента Республики Узбекистан и Правительства Республики Узбекистан
В целях поддержки предпринимательства, создания новых рабочих мест и повышения доходов населения посредством ускоренного развития инфраструктуры районов и махаллей, отдельно отобранных в регионах, постановляю:
1. Внести дополнения и изменения в некоторые акты Президента Республики Узбекистан и Правительства Республики Узбекистан согласно приложению .
2. Контроль за исполнением настоящего Указа возложить на заместителя Премьер-министра Д.А. Кучкарова.
ПРИЛОЖЕНИЕ к Указу Президента Республики Узбекистан от 25 июня 2026 года № УП-119
Дополнения и изменения, вносимые в некоторые акты Президента Республики Узбекистан и Правительства Республики Узбекистан
1. В пункте 3 Указа Президента Республики Узбекистан от 21 января 2022 года № УП-54 «О дополнительных мерах по развитию инфраструктуры предпринимательства в регионах республики»:
(а) дополнить абзацем пятым следующего содержания:
«реализации проектов социальной и предпринимательской инфраструктуры, включенных в программы комплексного развития отобранных согласно постановлениям Президента Республики Узбекистана районов, отнесенных к категории «трудные», а также в «программы реформ» «трудных» махаллей»;
(б) абзац пятый считать абзацем шестым.
2. В постановлении Президента Республики Узбекистан от 5 февраля 2026 года № ПП-49 «О мерах по увеличению доходов населения, созданию стабильных рабочих мест и сокращению бедности путем развития регионов на основе новых подходов в 2026 году»:
(а) в пункте 4 цифру «903» заменить цифрой «915»;
(б) пункт 7 изложить в следующей редакции:
«7. Установить, что:
(а) в целях финансирования «программы реформ» каждой «трудной» махалли на каждый 1 миллиард сумов, выделенных из соответствующего местного бюджета, выделяются средства в размере 2 миллиардов сумов из республиканского бюджета Республики Узбекистан.
При этом Председателю Совета Министров Республики Каракалпакстан и хокимам областей для финансирования «программы реформ» разрешается использовать наряду со средствами местного бюджета средства фондов развития предпринимательской инфраструктуры при Совете Министров Республики Каракалпакстан и хокимиятах областей;
(б) в рамках реализации «программы реформ» между хокимиятом района (города), сходом граждан махалли и отделом занятости и сокращения бедности заключается социальный договор, направленный на сокращение бедности.
При этом районными (городскими) кенгашами народных депутатов осуществляется общественный контроль за исполнением социальных договоров»;
(в) дополнить пунктом 15 1 следующего содержания:
«15 1 . Возложить на советника хокима района (города) по развитию цифровых технологий и технологий искусственного интеллекта дополнительную задачу по оказанию содействия реализации продукции (услуг, работ), произведенных в рамках предпринимательских проектов, реализуемых в махаллях, посредством размещения сведений о них на электронных торговых платформах»;
(г) пункт 18 дополнить абзацем вторым следующего содержания:
«При этом Председателю Совета Министров Республики Каракалпакстан и хокимам областей для финансирования Программ разрешается использовать наряду со средствами местного бюджета средства фондов развития предпринимательской инфраструктуры при Совете Министров Республики Каракалпакстан и хокимиятах областей»;
(д) пункт 20 изложить в следующей редакции:
«20. Определить, что начиная с 1 марта 2026 года в «трудных» районах, начиная с 1 июля 2026 года в «трудных» махаллях кредиты в рамках программ развития семейного предпринимательства выделяются по ставке 12 процентов годовых».
3. Текст на государственном языке абзаца второго пункта 49 Положения о порядке осуществления выездной торговли, утвержденного постановлением Кабинета Министров от 3 августа 2021 года № 485, изложить в следующей редакции:
«электр энергияси ва газ таъминоти билан автоном қурилмалар орқали ёки тадбиркорлик субъектининг эгаллаган майдони ва фаолият туридан келиб чиқиб, алоҳида шартнома асосида қўшни объект орқали белгиланган тартибда электр энергияси тармоғига уланиш ҳисобига таъминланади».
4. Текст на государственном языке пункта 7 Положения о порядке формирования и использования средств фондов развития предпринимательской инфраструктуры Совета Министров Республики Каракалпакстан, хокимиятов областей, утвержденного постановлением Кабинета Министров от 1 июня 2022 года № 290, дополнить абзацем четвертым следующего содержания:
«Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга оширишни молиялаштириш».
5. Текст на государственном языке Источников формирования и направлений расходования средств фондов развития предпринимательской инфраструктуры при Совете Министров Республики Каракалпакстан и хокимиятах областей, утвержденных постановлением Кабинета Министров от 8 апреля 2026 года № 151, дополнить пунктом 25 следующего содержания:
«25. Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга ошириш».
Президент Республики Узбекистан Ш. МИРЗИЁЕВ
г. Ташкент,
25 июня 2026 г.,
№ УП-119