UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

МАЪМУРИЙ РЕГЛАМЕНТИ

СХЕМАСИ

АРИЗА

РЎЙХАТИ

МАЪМУРИЙ РЕГЛАМЕНТИ

СХЕМАСИ

АРИЗА

ПАСПОРТИ

РЎЙХАТИ

Саноат хавфсизлиги соҳасидаги давлат хизматлари кўрсатилишини ва соҳани рақамлаштиришни янада такомиллаштириш чора-тадбирлари тўғрисида

Ўзбекистон Республикасининг « Хавфли ишлаб чиқариш объектларининг саноат хавфсизлиги тўғрисида »ги, « Ахборотлаштириш тўғрисида »ги қонунлари ҳамда Ўзбекистон Республикаси Президентининг « Саноат, радиация ва ядро хавфсизлиги соҳасида давлат назоратини такомиллаштириш бўйича қўшимча чора-тадбирлар тўғрисида » 2024 йил 24 декабрдаги ПФ-224-сон, « Давлат хизматларини кўрсатиш тизимини такомиллаштириш ҳамда соҳада бюрократик тартиботларни тубдан қисқартиришга доир қўшимча чора-тадбирлар тўғрисида » 2025 йил 8 сентябрдаги ПФ-157-сон фармонлари ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматини кўрсатишнинг маъмурий регламенти 1-иловага мувофиқ;

Хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатишнинг маъмурий регламенти 2-иловага мувофиқ тасдиқлансин.

2. Белгилансинки, Вазирлар Маҳкамаси ҳузуридаги Саноат, радиация ва ядро хавфсизлиги қўмитасининг саноат хавфсизлиги соҳасини рақамлаштириш бўйича ишлаб чиқилган «Ягона интеграциялашган экотизим» ахборот тизими (кейинги ўринларда — ахборот тизими) орқали:

республикада фойдаланилаётган хавфли ишлаб чиқариш объектлари давлат реестрида ҳисобга олинади;

хавфли ишлаб чиқариш объектларининг саноат хавфсизлиги декларацияси ва экспертиза хулосалари ҳисобга олинади;

саноат хавфсизлиги соҳасидаги эксперт ташкилотлари аккредитациядан ўтказилади ва уларнинг фаолияти мониторинг қилинади;

ахборот тизимига киритилган хавфли ишлаб чиқариш объектлари тўғрисидаги маълумотлар доимий мониторинг қилинади;

республикада фойдаланилаётган хавфли ишлаб чиқариш объектларининг хавф таҳлили амалга оширилади.

3. Маҳаллий ижро этувчи ҳокимият органлари, вазирликлар ва идоралар уч ой муддатда ўзларининг қўйи ташкилотлари томонидан фойдаланиладиган хавфли ишлаб чиқариш объектлари ушбу қарорда белгиланган тартибда давлат реестрида ҳисобга олинишини таъминласин.

4. Вазирлар Маҳкамаси ҳузуридаги Саноат, радиация ва ядро хавфсизлиги қўмитаси Рақамли технологиялар вазирлиги, Адлия вазирлиги ҳамда бошқа тегишли вазирликлар ва идоралар билан биргаликда икки ой муддатда:

ушбу қарор билан тасдиқланган регламентларга мувофиқ хизматларнинг Давлат хизматлари марказлари, Ягона интерактив давлат хизматлари портали (кейинги ўринларда — ЯИДХП) ва ахборот тизими орқали кўрсатилишини таъминласин;

ахборот тизими бошқа вазирликларнинг ва идораларнинг ахборот тизимлари ҳамда ресурслари билан «Электрон ҳукумат» тизимининг Идоралараро интеграциялашув платформаси орқали интеграция қилинишини таъминласин;

ЯИДХП ва ахборот тизимида хизматлар кўрсатилишининг ҳар қандай босқичида мурожаатларнинг кўриб чиқилишини кузатиб бориш тартибини жорий этсин;

хизматларни кўрсатиш учун зарур ҳамда бошқа ҳужжатларнинг намунавий шаклларини ва бланкаларини тасдиқласин.

5. Вазирлар Маҳкамаси ҳузуридаги Саноат, радиация ва ядро хавфсизлиги қўмитаси ушбу қарорнинг мақсадлари, мазмуни ва уни қўллаш тартиби тўғрисида аҳоли, вазирликлар, идоралар ва бошқа ташкилотлар ҳамда тадбиркорлик субъектларининг кенг хабардор қилинишини таъминласин.

6. Ўзбекистон Республикаси Ҳукуматининг 3-иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

хавфли ишлаб чиқариш объектларини идентификация қилиш тартиб-таомилларини такомиллаштириш;

саноат хавфсизлиги экспертизасини ўтказишда жараён сифатини ошириш ҳамда экспертиза хулосаларини ҳисобга олишни рақамлаштириш;

саноат хавфсизлиги соҳасидаги экспертларга эксперт гувоҳномасини бериш тартибини такомиллаштириш.

7. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

8. Вазирликлар ва идоралар ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

9. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев ҳамда Вазирлар Маҳкамаси ҳузуридаги Саноат, радиация ва ядро хавфсизлиги қўмитаси раиси А.В. Рафиқов зиммасига юклансин.

Вазирлар Маҳкамасининг 2026 йил 25 июндаги 325-сон қарорига 1-ИЛОВА

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматини кўрсатишнинг

1-боб. Умумий қоидалар

1. Ушбу Регламент саноат хавфсизлиги соҳасидаги эксперт ташкилотларини аккредитациядан ўтказиш, шунингдек, улар фаолиятини мониторинг қилиш тартибини белгилайди.

2. Саноат хавфсизлиги соҳасидаги эксперт ташкилотлари Вазирлар Маҳкамаси ҳузуридаги Саноат, радиация ва ядро хавфсизлиги қўмитаси (кейинги ўринларда — ваколатли орган) томонидан «Ягона интеграциялашган экотизим» ахборот тизими (кейинги ўринларда — ахборот тизими) орқали аккредитациядан ўтказилади.

3. Саноат хавфсизлиги соҳасидаги эксперт ташкилотлари сифатида аккредитация қилиш ва улар фаолиятини мониторинг қилиш қуйидаги мақсадларда амалга оширилади:

республикадаги лойиҳалаштирилаётган ва фойдаланилаётган хавфли ишлаб чиқариш объектларида саноат хавфсизлиги талабларига риоя этилишига қаратилган саноат хавфсизлиги экспертизаси холис ўтказилишини таъминлаш;

саноат хавфсизлиги экспертизасини ўтказиш, шунингдек, хавфли ишлаб чиқариш объектларини идентификация қилиш ва саноат хавфсизлиги декларациясини ишлаб чиқиш ишлари сифатини яхшилаш, бу ишларни амалга оширадиган мутахассисларнинг профессионал даражасини ошириш;

тадбиркорлик фаолиятини давлат томонидан тартибга солиш юкини камайтириш.

4. Ушбу Регламентда қуйидаги асосий тушунчалардан фойдаланилади:

аккредитация — саноат хавфсизлиги экспертизасини ўтказиш ваколатини бериш учун ваколатли орган томонидан талабгорнинг эксперт ташкилотлари фаолиятига қўйиладиган талабларга мувофиқлигини баҳолаш ва тасдиқлаш жараёни;

аккредитация аттестати — аккредитация мезонларига риоя этилган тақдирда, саноат хавфсизлиги экспертизасини ўтказиш ҳуқуқини берадиган ҳужжат;

аккредитация соҳаси — эксперт ташкилотининг фаолият соҳаси;

саноат хавфсизлиги соҳасидаги эксперт ташкилоти (кейинги ўринларда — эксперт ташкилоти) — экспертизани ўтказадиган, мазкур Регламентда белгиланган тартибда аккредитациядан ўтказилган ташкилот;

саноат хавфсизлиги экспертизаси хулосаси (кейинги ўринларда — экспертиза хулосаси) — экспертиза объектининг саноат хавфсизлиги талабларига мувофиқлиги тўғрисида асосли хулосаларни ёки хавфли ишлаб чиқариш объектларини идентификация қилиш натижаларини ўз ичига оладиган ва эксперт ташкилотлари томонидан расмийлаштириладиган ҳужжат;

талабгор — эксперт ташкилоти аккредитация аттестатини олиш мақсадида ваколатли органга мурожаат этувчи юридик шахс;

эксперт ташкилотлари фаолиятига қўйиладиган талаблар (кейинги ўринларда — аккредитация мезонлари) — аккредитациядан ўтказилган эксперт ташкилоти ваколатига эга бўлиш учун бажарилиши керак бўлган талаблар;

5. Саноат хавфсизлиги экспертизаси аккредитациядан ўтказилган эксперт ташкилоти томонидан унинг аккредитация соҳасига мувофиқ ушбу Регламентда белгиланган тартибда расмийлаштирилган аккредитация аттестати асосида ўтказилади.

6. Саноат хавфсизлиги экспертизасини аккредитация аттестатисиз ўтказиш тақиқланади, шунингдек, аккредитация аттестатига эга бўлмаган ташкилот саноат хавфсизлиги экспертизасини ўтказиш учун шартнома тузиш ҳуқуқига эга бўлмайди.

2-боб. Аризани шакллантириш ва юбориш

7. Саноат хавфсизлиги соҳасидаги эксперт ташкилотлари ушбу Регламентга 1-иловага мувофиқ схема асосида аккредитациядан ўтказилади.

8. Талабгор давлат хизматидан фойдаланиш учун Давлат хизматлари марказига бевосита ўзи келиб ёки давлат хизматидан электрон шаклда фойдаланиш учун Ягона интерактив давлат хизматлари порталида (кейинги ўринларда — ЯИДХП) ёхуд ахборот тизимида рўйхатдан ўтган ҳолда мурожаат қилади.

ЯИДХП ва ахборот тизими ўртасида ахборот алмашинуви электрон ҳукуматнинг идоралараро маълумотларни узатиш тармоғи орқали реал вақт режимида амалга оширилади.

9. Ўзи келиб мурожаат этган тақдирда, Давлат хизматлари маркази ходими талабгор номидан, ЯИДХП ёки ахборот тизими орқали мурожаат этганда эса талабгор мустақил равишда ушбу Регламентга 2-иловага мувофиқ шаклдаги аризани электрон шаклда тўлдиради.

Аризалар дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва ишланмайдиган байрам кунлари тушганда, навбатдаги иш куни аризаларнинг ваколатли органга тушган ва ваколатли орган томонидан қабул қилинган кун ҳисобланади.

10. Аризага қуйидаги ҳужжатлар илова қилинади:

а) талабгор фаолият юритмоқчи бўлган аккредитация соҳаси (аккредитация соҳалари рўйхати ушбу Регламентга 3-иловасида келтирилган) ҳамда аккредитация соҳаси бўйича ишларни бажариш учун саноат хавфсизлиги соҳасидаги экспертлар билан таъминлангани тўғрисидаги маълумотлар;

б) эксперт ташкилоти Низоми;

в) талабгорнинг ушбу Регламентга 4-иловада келтирилган аккредитация мезонларига мувофиқлигини тавсифловчи декларация;

г) талабгорнинг штатида бўлган саноат хавфсизлиги соҳасидаги экспертлар ва ходимлар рўйхати, унда уларнинг эгаллаб турган лавозимлари, диплом маълумоти бўйича мутахассислиги, иш стажи, экспертиза ишларида ушбу ходимлар қатнашган асосий объектлар рўйхати кўрсатилади;

д) аккредитация соҳасидаги ишларни бажариш учун мавжуд шароитлар, жиҳозлар, дастурлар ва асбоб-ускуналар ҳақидаги маълумотлар ҳамда уларга эгалик ёки бошқа ашёвий ҳуқуқларни тасдиқловчи ҳужжатлар;

ж) талабгорнинг сифатни бошқариш тизимининг мувофиқлик сертификати.

Илова қилинадиган ҳужжатлар PDF форматида бўлиши лозим.

11. Давлат хизмати кўрсатилгани учун базавий ҳисоблаш миқдорининг беш баравари миқдорида йиғим (кейинги ўринларда — йиғим) ундирилади.

Давлат хизмати кўрсатилиши учун ЯИДХП ёки ахборот тизими орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.

Давлат хизматини кўрсатиш учун йиғим тўлангани ахборот-коммуникация тизимлари орқали тасдиқланади.

12. Йиғимлар суммаси қуйидаги тартибда тақсимланади:

а) Давлат хизматлари марказига мурожаат этилганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик хизмати қўмитасидаги махсус ҳисобварағига (Ягона биллинг тизими орқали тасдиқлангани учун);

қолган маблағлар ваколатли органнинг бюджетдан ташқари махсус жамғармасига;

б) ЯИДХП ёки ахборот тизими орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (шу жумладан, 0,5 фоизи йиғим тўлангани Ягона биллинг тизими орқали тасдиқлангани учун);

қолган маблағлар ваколатли органнинг бюджетдан ташқари махсус жамғармасига ўтказилади.

13. Ариза шакли тўлдирилгандан сўнг талабгор маълумотларнинг тўғрилигини текширади ва тасдиқлайди.

Аризада кўрсатилган маълумотлар ва унга илова қилинган ҳужжатларнинг ишончлиги ва ҳаққонийлиги учун талабгор жавобгар ҳисобланади.

14. Талабгор давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Талабгор давлат хизматидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.

15. Талабгор Давлат хизматлари марказига келиб мурожаат этганда, Давлат хизматлари маркази ариза тўлдирилган вақтдан бошлаб реал вақт режимида уни ваколатли органга электрон шаклда юборади.

ЯИДХП ёки ахборот тизими орқали мурожаат этилганда ариза автоматик тарзда ваколатли органга электрон шаклда юборилади.

3-боб. Аризани кўриб чиқиш ва аккредитациядан ўтказиш тартиби

16. Ваколатли орган ариза қабул қилинган кундан бошлаб йигирма иш кунида тақдим этилган ҳужжатларни таҳлил қилади, бунда тақдим этилган ҳужжатларда келтирилган маълумотлар асосида талабгорнинг аккредитация мезонларига қай даражада мувофиқлиги баҳоланади. Таҳлил натижалари маълумотнома тарзида расмийлаштирилади.

17. Ижобий маълумотнома расмийлаштирилган кундан бошлаб йигирма иш кунида талабгор фаолияти жойига бориб баҳоланади.

Талабгорнинг фаолияти ваколатли орган буйруғи билан ташкил этиладиган баҳолаш комиссияси томонидан жойига бориб баҳоланади.

Баҳолаш комиссияси таркиби тоқ бўлиши ва уч кишидан кам бўлмаслиги керак.

Баҳолаш комиссияси таркибига тегишли вазирлик ва идораларнинг мутахассислари киритилиши мумкин.

Жойига бориб бевосита баҳолаш, баҳолаш комиссияси аъзолари ўртасида вазифаларнинг тақсимланиши ва баҳолаш натижаларининг расмийлаштирилиши учун жавобгарлик баҳолаш комиссияси раиси зиммасига юкланади.

Ваколатли органнинг буйруғи баҳолаш бошланишидан камида уч иш куни олдин талабгорга юборилади ва баҳолаш комиссиясининг аъзоларига таништирилади.

18. Жойига бориб баҳолаш билан боғлиқ харажатлар талабгор томонидан қопланади.

Талабгор баҳолаш комиссияси аъзоларига ўз фаолияти билан боғлиқ маълумотлардан тўсиқсиз фойдаланиш имкониятини таъминлаши керак.

Баҳолаш комиссияси аъзолари талабгор фаолиятининг асосий турлари амалга ошириладиган барча бўлинмаларнинг аккредитация мезонларига мувофиқлигини, талабгорнинг амалдаги ҳолати тақдим этилган ҳужжатлар билан мувофиқлигини, унинг кўрсатилган вазифаларни бажариш имконига эга эканлигини баҳолайди.

Агар талабгор бошқа ҳудудда ҳам бўлинмаларга эга бўлса, бу бўлинмалар ҳам жойига бориб баҳоланиши керак.

19. Жойига бориб баҳолаш натижалари бўйича ушбу Регламентга 5-иловага мувофиқ шаклда далолатномада расмийлаштирилади.

Далолатнома баҳолаш комиссияси аъзолари ва талабгорнинг масъул раҳбари томонидан имзоланади. Агар баҳолаш комиссияси аъзолари ёки талабгор вакиллари алоҳида фикрларга эга бўлса, улар далолатномага илова қилиниши керак.

Талабгорнинг масъул раҳбари далолатномага имзо чекишдан бош тортса, баҳолаш комиссияси раиси бу ҳақида далолатномага тегишли ёзув киритади.

Далолатнома икки нусхада тузилади: бир нусхаси ваколатли органда сақланади, иккинчи нусхаси талабгорга берилади.

20. Далолатнома ижобий бўлганда, далолатнома расмийлаштирилган кундан бошлаб ўн иш кунида аккредитация аттестатини бериш тўғрисида қарор қабул қилинади ҳамда ушбу Регламентга 6-иловага мувофиқ шаклда аккредитация аттестати ва унинг ажралмас қисми бўлган аккредитация соҳаси расмийлаштирилади.

Аккредитация аттестати беш йил муддатга берилади.

Ахборот тизимида QR-код (матрик штрихли код) қўйилган аккредитация аттестати ва иловаси (аккредитация соҳаси) автоматик равишда шакллантирилади ва давлат хизматлари марказига ёки талабгорнинг ЯИДХП ёхуд ахборот тизимидаги шахсий кабинетига электрон шаклда юборилади.

21. Аккредитация аттестатини беришни рад этиш учун қуйидагилар асос бўлади:

аккредитация аттестати берилиши учун зарур бўлган ҳужжатларнинг талабгор томонидан тўлиқ бўлмаган ҳажмда тақдим этилгани;

талабгор томонидан тақдим этилган ҳужжатларда нотўғри ёки бузиб кўрсатилган маълумотларнинг мавжудлиги;

тақдим этилган ҳужжатлар таҳлили ёки жойига бориб баҳолаш жараёнларида талабгорнинг аккредитация мезонларига мувофиқлиги тасдиқланмаганда;

аниқланган номувофиқликлар белгиланган муддатда бартараф этилмаганда.

Бошқа асосларга кўра, шу жумладан, аккредитация аттестатини беришни мақсадга мувофиқ эмас деган сабаблар билан рад этишга йўл қўйилмайди.

22. Талабгорнинг аккредитация аттестатини бериш ҳақидаги аризасини биринчи марта кўриб чиқиш жараёнида қуйидаги камчиликлар аниқланганда, уларни бартараф этиш учун талабгорга муддат бермасдан аккредитация аттестатини беришни рад этишга йўл қўйилмайди:

аккредитация аттестати берилиши учун зарур бўлган ҳужжатлар талабгор томонидан тўлиқ бўлмаган ҳажмда тақдим этилганда;

ходимларнинг касбий малакаси қонунчиликда белгиланган талабларга мувофиқ бўлмаганда;

тақдим этилган ҳужжатлар белгиланган талабларга мувофиқ бўлмаганда.

Ушбу бандда кўрсатилган камчиликлар аниқланганда, ваколатли орган уларни бартараф этиш зарурлиги тўғрисидаги хабарномани талабгорга ЯИДХП ёки ахборот тизими орқали бир иш куни ичида юборади.

23. Хабарнома тақдим этилган ҳужжатларда аниқланган камчиликлар ҳамда уларни бартараф этиш усуллари, шунингдек, талабгор кўрсатилган сабабларни бартараф қилиб, тегишли ҳужжатларни кўриб чиқиш учун такроран тақдим этиши мумкин бўлган муддат кўрсатилган ҳолда юборилади. Хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши, лекин ушбу муддат ўттиз иш кунидан ортиқ бўлмаслиги керак.

Ваколатли орган аниқланган камчиликларни бартараф этиш учун талабгорга малакали ходимларни излашда, ҳужжатлар ҳамда дастурларни мукаммал ишлаб чиқиш учун мутахассисларни жалб этишда, шунингдек, аккредитация аттестатини олиш учун бошқа зарур шарт-шароитларни яратишда ёрдам кўрсатиши ва тавсиялар бериши керак, талабгорнинг таклиф этилган ёрдамни рад этган ҳоллари бундан мустасно. Ваколатли органнинг камчиликларни бартараф этишга қаратилган кўрсатма ва тавсиялари камчиликларни бартараф этиш тўғрисидаги хабарномада батафсил ёритилади.

24. Камчиликларни бартараф этиш бўйича хабарнома юборилган тақдирда, аккредитация аттестатини бериш тўғрисидаги аризани кўриб чиқиш муддати хабарномада кўрсатилган муддатга тўхтатиб турилади.

25. Ҳужжатлар хабарномада кўрсатилган камчиликларни бартараф этмасдан ёки хабарномада кўрсатилган муддат ўтгандан кейин тақдим этилган тақдирда, ваколатли орган аккредитация аттестатини беришни рад этиш ҳақида қарор қабул қилишга ҳақли. Бунда аккредитация аттестатини беришни камчиликларни бартараф этиш тўғрисидаги хабарномада кўрсатилмаган янги асослар бўйича рад этишга йўл қўйилмайди.

26. Аккредитация аттестатини беришни рад этиш тўғрисидаги қарор талабгорга рад этиш сабаблари, қонунчиликнинг аниқ нормалари ва талабгор мазкур сабабларни бартараф этиб, ҳужжатларни такроран кўриб чиқиш учун тақдим этиши мумкин бўлган муддат кўрсатилган ҳолда ЯИДХП ёки ахборот тизими орқали юборилади. Талабгор рад этиш сабабларини бартараф этишга ва ҳужжатларни такроран кўриб чиқиш учун тақдим этишга ҳақли бўлган муддат аккредитация аттестатини бериш рад этилгани ҳақидаги қарор олинган кундан эътиборан ўн иш кунидан кам бўлмаслиги керак.

27. Талабгор аккредитация аттестатини бериш рад этилиши учун асос бўлган сабабларни белгиланган муддатда бартараф этган тақдирда, рад этиш сабаблари бартараф этилгани тўғрисидаги ариза ва рад этиш сабаблари бартараф этилганини тасдиқловчи тегишли ҳужжатларни давлат хизматлари маркази ёки ЯИДХП ёхуд ахборот тизими орқали электрон шаклда юборади.

Талабгорнинг рад этиш сабаблари бартараф этилгани тўғрисидаги аризаси ва рад этиш сабаблари бартараф этилганини тасдиқловчи тегишли ҳужжатлар олинган кундан эътиборан беш иш кунидан кўп бўлмаган муддатда ваколатли орган томонидан такроран кўриб чиқилади. Талабгорнинг аризаси такроран кўриб чиқилгани учун йиғим, агар ариза аккредитация аттестатини беришни рад этиш тўғрисидаги қарорда белгиланган ҳужжатларни такроран тақдим этиш мумкин бўлган муддатда тақдим этилган бўлса, ундирилмайди.

Ҳужжатларни такроран кўриб чиқишда ваколатли орган томонидан талабгорга аккредитация аттестатини беришни рад этиш тўғрисидаги қарорда баён қилинмаган рад этиш сабабларини келтиришга йўл қўйилмайди, илгари кўрсатилган сабаблар бартараф этилганини тасдиқловчи ҳужжатлар билан боғлиқ рад этиш сабаблари келтирилиши бундан мустасно.

Аккредитация аттестатини беришни рад этиш тўғрисидаги қарорда кўрсатилган муддат ўтгандан кейин талабгор томонидан топширилган ариза янгидан топширилган ҳисобланади ва ваколатли орган томонидан умумий асосларда кўриб чиқилади.

28. Талабгор аккредитация аттестатини бериш рад этилганлиги, шунингдек, ваколатли орган мансабдор шахсининг аккредитациядан ўтказиш тартиб-таомиллари билан боғлиқ ҳаракати (ҳаракатсизлиги) бўйича белгиланган тартибда шикоят қилиш ҳуқуқига эга.

4-боб. Эксперт ташкилотлари фаолиятини мониторинг қилиш

29. Эксперт ташкилотлари фаолияти аккредитациядан ўтказилган эксперт ташкилотлари фаолиятининг ва улар томонидан амалга оширилган ишларнинг белгиланган талабларга мувофиқлигини баҳолаш ва қонунбузилишларни бартараф этиш мақсадида ваколатли орган томонидан мониторинг қилинади.

30. Қуйидаги ҳолатларда эксперт ташкилотлари фаолияти мониторинги ўтказилади:

жисмоний ва юридик шахсларнинг, шу жумладан, жамоатчилик назорати субъектларининг мурожаатлари келиб тушганда;

ваколатли органга қонунчилик бузилишига оид ҳолатлар тўғрисида маълумотлар келиб тушганда ёки ваколатли орган томонидан ахборот тизимидаги маълумотларни таҳлил қилиш натижасида қонунчилик бузилишига оид ҳолатлар аниқланганда;

эксперт ташкилотлари хизмат кўрсатган хавфли ишлаб чиқариш объектларида авария ёки бахтсиз ҳодиса содир бўлганда.

31. Мониторинг амалга оширилаётганда ваколатли орган ўз ваколатлари доирасида қуйидаги ҳуқуқларга эга:

аккредитация аттестатига эга бўлган ташкилотлар томонидан расмийлаштирилган экспертиза хулосалари, саноат хавфсизлиги декларациялар ва бошқа ахборот ва маълумотларни ўрганиш ва таҳлил қилиш;

аккредитация мезонларининг экспертларга тегишли талабларининг бажарилишини «Ягона миллий меҳнат тизими» идоралараро дастурий-аппарат комплекси орқали текшириш;

аккредитация мезонларининг сифатни бошқариш тизимига тегишли талабларининг бажарилишини «Сертификация қилинган сифатни бошқариш тизими давлат реестри» орқали текшириш;

«сирли мижоз» усулида эксперт ташкилотлари томонидан белгиланган тартибларга риоя этилиши бўйича назорат тадбирларини ўтказиш;

юзага келадиган масалалар бўйича жисмоний ва юридик шахслардан зарур маълумотларни сўраш ва олиш;

мониторинг натижалари асосида жисмоний ва юридик шахслар йўл қўйган қонун бузилишларини аниқ кўрсатган ҳолда далолатномалар (маълумотномалар) тузиш;

жисмоний ва юридик шахс зиммасига аниқланган қоидабузарликларни бартараф этиш мажбуриятини юкловчи қарорлар чиқариш, кўрсатмалар бериш, бундай қоидабузарликларни бартараф этиш муддатларини белгилаш;

эксперт ташкилоти аккредитация соҳасини қисқартириш;

аккредитация аттестати амал қилишини ўн иш кунидан ортиқ бўлмаган муддатга тўхтатиб туриш, шунингдек, судга аккредитация аттестатининг амал қилишини олти ойдан ортиқ бўлмаган муддатга тўхтатиб туриш ёки унинг амал қилишини бекор қилиш ташаббуси билан мурожаат қилиш.

32. Эксперт ташкилоти ваколатли орган томонидан берилган кўрсатмада баён этилган талабларни ўн иш куни ичида бажариши ва бу ҳақида ваколатли органга хабар бериши лозим.

33. Мониторинг ўтказиш натижасида эксперт ташкилоти штатида аккредитация соҳаларига мувофиқ саноат хавфсизлиги соҳасидаги экспертлар йўқлиги ёки қонунчилик талабларининг мунтазам равишда (икки ва ундан ортиқ маротаба) бузилгани аниқланганда, ушбу соҳалар бўйича эксперт ташкилотининг аккредитация соҳаси қисқартирилади.

34. Ваколатли орган томонидан берилган кўрсатмада баён этилган талабларни ўн иш куни ичида бажармаслик, шунингдек, мониторинг ўтказиш учун ваколатли орган томонидан сўралган ҳужжатларни (маълумотларни) тақдим этмаслик аккредитация аттестатининг амал қилишини тўхтатиб туриш учун асос бўладиган ҳаракат ҳисобланади.

5-боб. Аккредитация соҳасини кенгайтириш ва қисқартириш

35. Эксперт ташкилотининг аккредитация соҳаси ушбу Регламентнинг 2-боби талабларига мувофиқ кенгайтирилади.

36. Эксперт ташкилотининг аккредитация соҳаси ваколатли органнинг аккредитация соҳасини кенгайтириш ҳақидаги қарори асосида янги аккредитация соҳасини расмийлаштириш орқали кенгайтирилади.

37. Эксперт ташкилотининг аккредитация соҳаси ваколатли органнинг қарори билан қуйидагилар асосида қисқартирилади:

а) эксперт ташкилотининг аккредитация соҳасини қисқартириш тўғрисидаги аризаси;

б) эксперт ташкилотлари фаолиятини мониторинг қилиш натижасида ваколатли органнинг аккредитация соҳасини қисқартириш ҳақидаги қарори қабул қилинганда.

38. Эксперт ташкилотининг аккредитация соҳаси қисқартириш ваколатли органнинг аккредитация соҳасини қисқартириш ҳақидаги қарори асосида янги аккредитация соҳасини расмийлаштириш орқали қисқартирилади.

39. Янги аккредитация соҳасининг амал қилиш муддати амалдаги аккредитация аттестатининг амал қилиш муддати доирасида белгиланади.

6-боб. Аккредитация аттестатини қайта расмийлаштириш

40. Аккредитациядан ўтказилган ташкилот қайта ташкил этилса, номи ёки жойлашган жойи (почта манзили) ўзгарган тақдирда, эксперт ташкилоти ёхуд унинг ҳуқуқий вориси қайта рўйхатдан ўтганидан кейин ўн иш кунида Давлат хизматлари маркази ёки ЯИДХП ёхуд ахборот тизими орқали ваколатли органга тегишли ҳужжатларни илова қилган ҳолда, аккредитация аттестатини қайта расмийлаштириш тўғрисида ариза бериши шарт.

41. Аккредитация аттестатини қайта расмийлаштириш учун тўлов ундирилмайди.

42. Аккредитация аттестатини қайта расмийлаштириш тўғрисидаги ариза ваколатли органга тушган кундан бошлаб беш иш куни ичида аккредитация аттестати қайта расмийлаштириб берилади.

Қайта расмийлаштиришда илгари берилган аккредитация аттестатининг амал қилиш муддати ўзгармайди.

7-боб. Аккредитация аттестатининг амал қилишини тўхтатиб туриш, бекор қилиш ва тугатиш

43. Аккредитация аттестатининг амал қилиши қуйидаги ҳолларда ваколатли орган ташаббуси билан тўхтатиб турилиши мумкин:

аккредитация мезонлари эксперт ташкилоти томонидан бузилгани аниқланганда;

эксперт ташкилоти томонидан ваколатли органнинг эксперт ташкилотига аниқланган қоидабузарликларни бартараф этиш мажбуриятини юкловчи кўрсатмаси бажарилмаганда.

44. Аккредитация аттестатининг амал қилиши ваколатли орган ёки суд томонидан тўхтатиб турилади. Аккредитация аттестатининг амал қилиши ваколатли орган томонидан ўн кундан кўп бўлмаган муддатга, суд томонидан эса ўн кундан ортиқ, лекин олти ойдан кўп бўлмаган муддатга тўхтатиб турилиши мумкин.

Белгиланган муддат ичида аккредитация аттестатининг амал қилишини тўхтатиб туриш учун асос бўлган сабаб ва камчиликлар бартараф қилинмаса, ваколатли орган аккредитация аттестатининг амал қилишини тўхтатиб туриш муддатини узайтириш бўйича судга даъво аризаси киритиши лозим.

Эксперт ташкилоти аккредитация аттестатининг амал қилишини тўхтатиб туришга олиб келган ҳолатларни ваколатли орган ёки суд белгилаган муддатда бартараф этмаганда, ваколатли орган аккредитация аттестатини бекор қилиш тўғрисида судга даъво аризаси киритади.

45. Эксперт ташкилоти ўз фаолиятини вақтинча тўхтатганда, аккредитация аттестатининг амал қилишини олти ойгача тўхтатиб туриш ҳақида ваколатли органга мурожаат қилиши мумкин. Бунда олти ой муддат ичида аккредитация аттестатининг амал қилишини қайта тиклаш тўғрисида ваколатли органга мурожаат қилинмаган тақдирда, аккредитация аттестатининг амал қилиши тўхтатилади.

46. Ваколатли органнинг аккредитация аттестатининг амал қилишини тўхтатиб туриш тўғрисидаги қарори ваколатга эга бўлган мансабдор шахс томонидан қабул қилинади.

Қарор ахборот тизими орқали реал вақт режимида автоматик тарзда эксперт ташкилотининг шахсий кабинетига юборилади.

47. Ваколатли орган ёки суд аккредитация аттестатининг амал қилиши тўхтатиб турилишига сабаб бўлган ҳолатларнинг эксперт ташкилоти томонидан бартараф этилиши учун етарли, аммо беш иш кунидан кам ва олти ойдан кўп бўлмаган муддат берилади.

48. Эксперт ташкилоти аккредитация аттестатининг амал қилиши тўхтатиб турилиши ҳақида қарор келиб тушгандан сўнг қарорда кўрсатилган камчиликларни бартараф этиши ва қарорда кўрсатилган муддат якунлангунига қадар ваколатли органга ахборот тизими орқали камчиликлар бартараф этилгани тўғрисидаги тасдиқнома ва асословчи ҳужжатларни илова қилган ҳолда маълумот юбориши лозим.

Аккредитация аттестатининг амал қилишини тўхтатиб туриш ҳақидаги қарор суд томонидан қабул қилинган бўлса, камчиликлар бартараф этилгани тўғрисидаги тасдиқнома ва асословчи ҳужжатлар қарорда кўрсатилган муддат якунлангунига қадар судга тақдим этилиши лозим.

Камчиликлар бартараф этилгани тўғрисидаги маълумот тушган кундан бошлаб уч иш куни ичида ваколатли орган маълумотларни таҳлил қилиши лозим.

49. Таҳлил ёки ўрганишлар натижасида аккредитация аттестатининг амал қилишини тўхтатиб туришга сабаб бўлган ҳолатлар эксперт ташкилоти томонидан бартараф этилгани аниқланган тақдирда, ваколатли орган камчиликлар бартараф этилгани тўғрисида тасдиқнома олинган кундан эътиборан уч иш куни ичида аккредитация аттестатининг амал қилишини қайта тиклаш тўғрисидаги қарор қабул қилади.

Бунда ваколатли орган томонидан аккредитация аттестатининг амал қилишини қайта тиклаш ёки қайта тиклашни рад этиш тўғрисидаги қарор уч иш кунида қабул қилинмаса, эксперт ташкилоти ушбу муддат тугагандан сўнг ваколатли органни ахборот тизими орқали электрон шаклда хабардор қилган ҳолда фаолиятини давом эттириши мумкин.

Аккредитация аттестатининг амал қилишини қайта тиклаш ёки қайта тиклашни рад этиш тўғрисидаги қарор ахборот тизими орқали реал вақт режимида автоматик тарзда эксперт ташкилоти шахсий кабинетига юборилади.

50. Суднинг аккредитация аттестати амал қилишини қайта тиклаш тўғрисидаги қарори ваколатли органга келиб тушганда, ваколатли орган аккредитация аттестатининг амал қилиши қайта тиклангани тўғрисидаги маълумотни ахборот тизимига бир иш кунидан ошмаган муддатда жойлаштиради.

51. Аккредитация аттестатининг амал қилиши қуйидаги ҳолларда ваколатли органнинг қарорига асосан бекор қилинади:

эксперт ташкилоти аккредитация аттестатининг амал қилишини бекор қилиш тўғрисида мурожаат қилганда;

юридик шахс тугатилганда — тугатилган пайтдан эътиборан ёки унинг фаолияти қайта ташкил этиш натижасида тугатилганда — қайта ташкил этилган пайтдан эътиборан, унинг ўзгартирилиши бундан мустасно.

52. Эксперт ташкилоти аккредитация аттестатининг амал қилишини бекор қилиш учун ваколатли органга Давлат хизматлари маркази ёки ЯИДХП ёхуд ахборот тизими орқали хабарнома юборади.

Ваколатли орган хабарномага асосан ёки мазкур Регламентнинг 51-банди иккинчи хатбошисида назарда тутилган ҳолатлар юзага келганда аккредитация аттестатининг амал қилишини бекор қилиш тўғрисида қарор қабул қилади ва бу ҳақида ЯИДХП ёки ахборот тизими орқали эксперт ташкилотига маълум қилади.

53. Ваколатли орган қуйидаги ҳолларда аккредитация аттестатининг амал қилишини бекор қилиш тўғрисида судга мурожаат қилади:

эксперт ташкилоти аккредитация аттестатининг амал қилишини тўхтатиб туришга олиб келган ҳолатларни ваколатли орган ёки суд белгилаган муддатда бартараф этмаганда;

ваколатли органнинг аккредитация аттестатини бериш тўғрисидаги қарорининг қонунга хилофлиги аниқланганда;

эксперт ташкилоти аккредитация мезонларини бир йил давомида мунтазам равишда (икки ва ундан ортиқ маротаба) ёки бир маротаба қўпол равишда бузганда (агар мазкур қоидабузарликлар фуқароларнинг ҳаёти ва соғлиғига зиён, жисмоний ва юридик шахсларнинг ҳуқуқлари ва қонуний манфаатларига, жамоат хавфсизлигига зарар ҳамда атроф муҳитга зиён етказилишига олиб келган бўлса);

аккредитация аттестати қалбаки ҳужжатлардан фойдаланган ҳолда олингани факти аниқланганда.

54. Қуйидагилар аккредитация аттестатининг бекор қилинишига асос бўладиган қўпол қоидабузарликлар ҳисобланади:

саноат хавфсизлиги экспертизасини ўтказишда мустақилликни таъминламаслик;

ўз фаолиятини амалга оширишда олинган махфий ахборотни ошкор қилиш (қонунчилик ҳужжатларида назарда тутилган ҳолатлар бундан мустасно);

ўз фаолиятини амалга оширишда аккредитация соҳасига амал қилмаслик;

экспертиза хулосасини, саноат хавфсизлиги декларациясини ёлғон ёки нотўғри тузиш, уларда қалбаки маълумотлар кўрсатиш.

55. Ваколатли органнинг аккредитация аттестатини бекор қилиш юзасидан судга даъво аризаси киритилгани ҳақидаги маълумоти судга даъво аризаси киритилган кундан эътиборан бир иш кунидан кечиктирмай, эксперт ташкилотига ахборот тизими орқали аккредитация аттестатининг амал қилишини бекор қилиш юзасидан судга даъво аризаси киритиш сабаблари ва қонунчилик ҳужжатларининг аниқ нормалари кўрсатилган ҳолда етказилади.

Суднинг аккредитация аттестатининг амал қилишини бекор қилиш тўғрисидаги қарори эксперт ташкилотига ва ваколатли органга қонунчилик ҳужжатларида белгиланган муддатларда етказилади.

Аккредитация аттестати 53-банднинг бешинчи хатбошисида кўрсатилган асосга кўра бекор қилинган тақдирда, аккредитация аттестати берилган санадан эътиборан бекор қилинган деб ҳисобланади.

56. Аккредитация аттестатининг амал қилиши қуйидаги ҳолларда тугатилади:

аккредитация қилиш тартиби бекор қилинганда;

аккредитация аттестатининг амал қилиш муддати тамом бўлганда;

эксперт ташкилоти томонидан ваколатли органга аккредитация аттестатининг амал қилишини олти ойгача тўхтатиб туриш тўғрисида мурожаат берилиб, мазкур хатбошида назарда тутилган муддат давомида аккредитация аттестатининг амал қилишини қайта тиклаш тўғрисида ваколатли органга мурожаат қилинмаган тақдирда.

Аккредитация аттестатининг амал қилиш муддати тугаган ҳолларда ваколатли орган томонидан аккредитация аттестатининг амал қилиш муддати тугатганлиги тўғрисида қарор қабул қилиш талаб этилмайди.

57. Аккредитация аттестатининг амал қилишини тўхтатиб туриш, бекор қилиш ва тугатиш ҳақидаги маълумотлар ваколатли орган томонидан эксперт ташкилотлари реестрига киритилади.

58. Аккредитация аттестатининг амал қилиши тўхтатиб турилганда, бекор қилинганда ва тугатилганда, эксперт ташкилоти қуйидагиларни бажариши шарт:

аккредитациядан ўтган эксперт ташкилоти аккредитацияга боғлиқ ишлар бажарилишини зудлик билан тўхтатиш;

ўз буюртмачиларини бу ҳақида огоҳлантириш.

8-боб. Аккредитациядан ўтказилган эксперт ташкилотлари реестрини юритиш

59. Ваколатли орган ахборот тизимида аккредитациядан ўтказилган эксперт ташкилотлари реестрини юритади.

60. Аккредитациядан ўтказилган эксперт ташкилотлари реестрида қуйидагилар электрон шаклда ҳисобга олинади:

эксперт ташкилотлари ҳақидаги асосий маълумотлар (эксперт ташкилоти номи, эксперт ташкилоти раҳбарининг фамилияси, исми, отасининг исми, эксперт ташкилоти юридик ва почта манзиллари, телефон рақамлари, электрон почта ва веб саҳифа манзиллари, филиаллари ҳақидаги маълумотлар);

аккредитация соҳаси ҳақидаги маълумотлар;

аккредитация аттестатининг берилган санаси, рўйхат рақами ва амал қилиш муддати, унинг қайта расмийлаштирилгани ҳақидаги маълумотлар;

эксперт ташкилотлари экспертлари ва сифатни бошқариш тизими сертификати ҳақидаги маълумотлар;

эксперт ташкилотлари фаолиятининг мониторингги натижалари;

аккредитация аттестатининг амал қилишини тўхтатиб туриш, бекор қилиш ва тугатиш ҳақидаги маълумотлар.

61. Аккредитациядан ўтказилган эксперт ташкилотлари ҳақидаги умумий маълумотлар ахборот тизимига ва ваколатли орган веб саҳифасига жойлаштирилади.

9-боб. Ваколатли орган қарори ва унинг мансабдор шахсларининг ҳаракатлари (ҳаракатсизлиги) устидан шикоят қилиш ҳамда уни кўриб чиқиш тартиби

62. Талабгор (эксперт) ташкилоти белгиланган тартибда ваколатли органнинг:

қарорлари ва ҳужжатлари устидан;

мансабдор шахслари ҳаракатлари (ҳаракатсизлиги) устидан шикоят қилиниши мумкин.

63. Талабгор (эксперт) ташкилоти шикоятни ваколатли органда ташкил этилган Шикоятларни кўриб чиқиш бўйича апелляция кенгашига (кейинги ўринларда — Апелляция кенгаши) тақдим этади.

Талабгор (эксперт) ташкилоти белгиланган тартибда ваколатли органнинг қарори ҳамда унинг мансабдор шахсларининг ҳаракатлари (ҳаракатсизлиги) устидан бевосита судга шикоят қилишга ҳақли.

Қонунчилик ҳужжатларига мувофиқ шикоят бошқа ваколатли органларга ҳам берилиши мумкин.

64. Апелляция кенгаши таркиби ваколатли органнинг раҳбари томонидан беш нафар таркибда тасдиқланади. Апелляция кенгаши йиғилишида Ўзбекистон Республикаси Савдо-саноат палатаси вакили кузатувчи сифатида иштирок этади.

Апелляция кенгаши йиғилиши унинг аъзоларининг тўртдан уч қисми ҳозир бўлганда ваколатли ҳисобланади.

65. Агар қонунда бошқача қоида назарда тутилмаган бўлса, шикоят қарор (бошқа ҳужжат) тўғрисида тегишли тарзда хабардор қилинган пайтдан ёки талабгор (эксперт) ташкилотига ваколатли орган қарори ва уларнинг мансабдор шахсларининг ҳаракатлари (ҳаракатсизлиги) ҳақида маълум бўлган пайтдан эътиборан ўттиз кундан кечиктирмай берилиши мумкин.

Шикоят бериш муддати, агар у узрли сабабга кўра ўтказиб юборилган бўлса, шикоятни кўриб чиқувчи орган томонидан тикланиши мумкин.

66. Шикоят ёзма, оғзаки (шахсий қабул ёки ишонч телефони орқали) ёки электрон шаклда (ЯИДХПдаги шахсий кабинет, электрон почта ёки ваколатли органнинг расмий веб-сайти орқали) берилади ва унда қуйидагилар кўрсатилган бўлиши керак:

қарорни қабул қилган ёки ҳаракатни амалга оширган ваколатли органнинг номи;

шикоят берган жисмоний шахснинг (унинг вакилининг) фамилияси, исми, отасининг исми ва яшаш жойи, юридик шахс учун эса — унинг номи ва жойлашган жойи (почта манзили), СТИР;

шикоят берган шахснинг талаблари;

илова қилинаётган ҳужжатларнинг рўйхати (мавжуд бўлган тақдирда);

шикоят берилган сана.

Шикоят ёзма шаклда берилганда, шикоят қилувчи ёки унинг вакили томонидан имзоланади. Агар шикоят вакил томонидан берилган бўлса, унга ишончноманинг ёки вакилнинг ваколатларини тасдиқловчи бошқа ҳужжатнинг кўчирма нусхаси илова қилиниши керак.

67. Юридик шахс оғзаки шикоят (шахсий қабул орқали) қилаётганда, юридик шахснинг вакили ўз ваколатларини тасдиқлайдиган ва ўз шахсини тасдиқловчи ҳужжатни тақдим этиши керак.

Электрон шаклда бериладиган шикоятларда талабгор (эксперт) ташкилотининг электрон манзили ва ягона идентификатори (СТИР) ҳамда бошқа реквизитлар кўрсатилиши керак.

Шикоятда электрон манзилнинг кўрсатилгани талабгор (эксперт) ташкилотининг шикоятини кўриб чиқиш натижаларини ахборот тизими орқали электрон шаклда қабул қилишга бўлган розилигини билдиради.

68. Шикоятни олган ваколатли орган ва Апелляция кенгаши шикоят берилаётган қарор, ҳаракатлар (ҳаракатсизликлар) тўғрисидаги тегишли ахборотни шикоят олинган пайтдан эътиборан уч иш куни ичида ўрганиш учун сўраб олиши лозим.

Апелляция кенгашининг шикоят бўйича йиғилиш материаллари ваколатли органнинг юридик хизмати томонидан тайёрланади.

69. Талабгор (эксперт) ташкилотининг талабига кўра шикоят унинг вакили иштирокида кўриб чиқилиши мумкин.

Бунда ваколатли орган ва Апелляция кенгаши талабгор (эксперт) ташкилотининг истагига кўра муҳокамани видеоконференц алоқа воситаларидан фойдаланган ҳолда ўтказишни таъминлаши шарт.

Видеоконференцалоқа режимида шикоятни кўриб чиқиш учун техник ва бошқа шароитларни таъминлаш ваколатли органнинг марказий аппаратига ёки тегишли ҳудудий бўлинмасига юкланади.

70. Шикоятни кўриб чиқиш якуни бўйича баённома тузилиши ва ушбу баённома ваколатли орган ва Апелляция кенгашининг раҳбари томонидан имзоланиши керак.

Ваколатли орган ёки Апелляция кенгаши шикоят бўйича ўн беш кун ичида қарор қабул қилиши шарт.

71. Шикоят берган талабгор (эксперт) ташкилоти шикоят бўйича қарор қабул қилингунига қадар уни чақириб олишга ҳақли. Шикоятни чақириб олиш ёзма (шикоятни йиғилишда кўриб чиқиш жараёнида) ёки электрон шаклда (ЯИДХП орқали) расмийлаштирилади.

72. Ваколатли орган ёки Апелляция кенгаши шикоят бўйича қуйидаги қарорлардан бирини қабул қилишга ҳақли:

устидан шикоят қилинаётган қарорни ўзгаришсиз қолдириш;

устидан шикоят қилинаётган қарорга ўзгартишлар киритиш;

қарорни бекор қилиш ва зарур бўлган тақдирда, янги қарор қабул қилиш;

ваколатли орган ёки унинг мансабдор шахси зиммасига берилган шикоят моҳияти бўйича муайян ҳаракатларни амалга ошириш мажбуриятини юклаш.

73. Шикоят Апелляция кенгаши томонидан кўриб чиқилаётганда юзага келадиган масалалар унинг аъзолари томонидан бир овоздан ҳал қилинади. Ҳеч бир аъзо овоз беришда бетараф қолишга ҳақли эмас. Ўзбекистон Савдо-саноат палатаси вакили овоз бериш жараёнида иштирок этмайди ва унинг фикри Апелляция кенгаши аъзолари учун тавсиявий тусга эга.

74. Ваколатли органнинг қарори устидан шикоят қилинган тақдирда, шикоят Апелляция кенгашида рўйхатдан ўтказилган пайтдан эътиборан қарорнинг амал қилиши ва ижро этилиши тўхтатиб турилади, аккредитация аттестатини амал қилишини тўхтатиб туриш ҳоллари бундан мустасно.

75. Ваколатли орган икки иш кунидан ортиқ бўлмаган муддатда қабул қилинган қарор тўғрисидаги хабарномани шикоят берган талабгор (эксперт) ташкилотига ёзма шаклда юборади.

76. Айнан бир масала бўйича шикоятни такроран беришга йўл қўйилмайди.

77. Апелляция кенгашининг қарори юзасидан қонунчилик ҳужжатларида белгиланган тартибда судга шикоят қилиш мумкин.

10-боб. Якунловчи қоидалар

78. Давлат хизматлари марказлари ва ваколатли орган давлат хизматини кўрсатиш жараёнида олинган маълумотларнинг сир сақланишини таъминлайди.

79. Ушбу Регламент талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 1-ИЛОВА

Саноат хавфсизлиги соҳасидаги эксперт ташкилотларини аккредитациядан ўтказиш

Босқичлар Субъектлар Тадбирлар Бажариш муддатлари 1-босқич Талабгор Давлат хизматидан фойдаланиш учун Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари портали ёхуд Вазирлар Маҳкамаси ҳузуридаги Саноат, радиация ва ядро хавфсизлиги қўмитаси (кейинги ўринларда — ваколатли орган) ахборот тизими орқали ариза беради. Ўз хоҳишига кўра 2-босқич Талабгор 1. Электрон шаклда аризани тўлдиради ва зарур бўлган ҳужжатларни юклайди. 2. Регламентнинг 11-бандида белгиланган миқдорда йиғимни тўлайди. Ўз хоҳишига кўра 3-босқич Давлат хизматлари маркази, ЯИДХП ёки ахборот тизими Ариза ва унга илова қилинган ҳужжатларни автоматик равишда ваколатли органга юборади. Йиғим тўлангандан сўнг реал вақт режимида 4-босқич Ваколатли орган 1. Тақдим этилган ҳужжатларни таҳлил қилади. 20 иш куни мобайнида Баҳолаш комиссияси 2. Жойига бориб баҳолаш ўтказади. 20 иш куни мобайнида Ваколатли орган 3. Аккредитация аттестатини бериш ёки беришни рад этиш тўғрисида қарор қабул қилади. 10 иш куни мобайнида 5-босқич ЯИДХП ёки ахборот тизими Аккредитация аттестатини бериш ёки беришни рад этиш тўғрисидаги қарорни талабгор шахсий кабинетига юборади. Реал вақт режимида 6-босқич * ЯИДХП ёки ахборот тизими QR-код (матрик штрихли код) қўйилган аккредитация аттестати автоматик равишда шакллантиради, талабгорнинг ЯИДХПдаги шахсий кабинетига электрон шаклда юборади. Реал вақт режимида

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 2-ИЛОВА

Аккредитациядан ўтказиш (қайта аккредитациядан ўтказиш, аккредитация соҳасини кенгайтириш) учун

1. Юридик шахснинг номи ва ташкилий-ҳуқуқий шакли 2. Юридик шахснинг СТИРи 3. Юридик шахс почта манзили (фаолиятни амалга ошириш жойи) 4. Телефон рақами 5. Электрон почта манзили (агар мавжуд бўлса) 6. Ариза тўлдириш сабаби (аккредитация, қайта аккредитация, аккредитация соҳасини кенгайтириш, қайта расмийлаштириш) 7. Аккредитация мезонларига риоя қилишга розилиги

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 3-ИЛОВА

Аккредитация соҳалари

Т/р (кодлар) Аккредитация соҳалари номлари 1. Хавфли ишлаб чиқариш объектларини қуриш, кенгайтириш, қайта қуриш, техник жиҳатдан қайта жиҳозлаш, консервациялаш ва тугатишга доир лойиҳа ҳужжатларини саноат хавфсизлиги экспертизасидан ўтказиш. Хавфли ишлаб чиқариш объектларини идентификация қилиш. 1.1. Кўмир, кон, руда ва норуда саноати объектлари: 1.1.1. Шахта 1.1.2. Кўмир ва руда конлари (ерости ва ерусти) объектлари 1.1.3. Бойитувчи, брикетловчи, агломерациаловчи фабрика ва заводлар 1.1.4. Бойитиш-саралаш ва меъёрлаш қурилмалари 1.1.5. Шлам тўпловчи гидротехника иншоотлари, чиқиндиларни сақловчи, техник сув ҳавзалари объектлари 1.1.6. Олтин конлари ва бошқа олтин саралаш фабрикалари 1.1.7. Олтин саралаш фабрикаси ва заводлари (қурилмалари) 1.1.8. Конларни техник рекультивация қилиш объектлари 1.1.9. Фойдали қазилма бойликларини қазиб олиш билан боғлиқ бўлмаган ишлаб чиқариш объектлари 1.1.10. Махсус ерости, транспорт ва умумий хўжалик иншоотларини қуриш билан боғлиқ бўлган ишлаб чиқариш объектлари 1.2. Нефть ва газ саноати объектлари: 1.2.1. Нефть ва газга қазилган параметрик, қидирув, излов, структур ва эксплуатацион қудуқлар ҳамда махсус қазилган қудуқлар 1.2.2. Ерости газ омборлари 1.2.3. Нефть, газ ва газ конденсати конларини ишлатиш ва қуриш; нефть, газ ва газ конденсатини қазиб олиш ва тайёрлаш объектлари 1.2.4. Нефтни, газни ва газ конденсатини конларда ва конлар орасида ташиш қувур ўтказгичлари 1.2.5. Магистрал қувурлар 1.2.6. Компрессор ва насос станциялари; газ тақсимлаш станциялари 1.2.7. Қатламдаги босимни барқарор сақлаб туриш объектлари 1.2.8. Нефть маҳсулотларини, нефтни ва газ конденсатини сақлаш ҳамда вақтинча сақлаш объектлари 1.2.9. Автомобилларга ёқилғи қуйиш шохобчалари 1.3. Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд кимёвий хавфли ишлаб чиқариш объектлари: 1.3.1. Ноорганик моддалар, аммиак, минерал ўғитлар ишлаб чиқариш объектлари 1.3.2. Нефть ва газни қайта ишлаш саноати ишлаб чиқариш ва объектлари 1.3.3. Органик синтез ишлаб чиқариш объектлари 1.3.4. Целлюлоза қоғоз ишлаб чиқариш объектлари 1.3.5. Кимёвий толалар, полимер материаллар, пластмасса ва улардан тайёрланадиган маҳсулотларни ишлаб чиқариш объектлари 1.3.6. Криоген технологиялар объектлари 1.3.7. Аммиакли совитиш қурилмалари 1.3.8. Электролиз усулида водород ва кислород ишлаб чиқариш объектлари 1.3.9. Лок-бўёқ маҳсулотлари ишлаб чиқариш объектлари 1.3.10. Спирт ишлаб чиқариш объектлари 1.3.11. Ёғ-мой ишлаб чиқариш объектлари 1.3.12. Ҳавони парчалашда ҳосил бўлган маҳсулотларни олиш ва сақлаш объектлари 1.3.13. Сувни хлор билан қайта ишлаш объектлари 1.3.14. Портлаш-ёниш хавфи мавжуд ва кимёвий хавфли маҳсулотларни (моддаларни) қуйиш, тўкиш объектлари 1.4. Босими 0,05 МПа ёки сувнинг иситиш ҳарорати 110 ° С дан юқори бўлган жиҳоздан фойдаланиладиган ишлаб чиқариш объектлари: 1.4.1. Буғ ва сув иситиш қозонлари (ишчи муҳит туридан қатъи назар) 1.4.2. Босим остида ишловчи идишлар 1.4.3. Буғ ва иссиқ сув қувур ўтказгичлар 1.5. Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланадиган ишлаб чиқариш объектлари: 1.5.1. Юк кўтариш кранлари ва механизмлари 1.5.2. Экскалаторлар 1.5.3. Юк ва йўловчилар учун осма пўлат арқонли йўллар 1.5.4. Фуникулёрлар 1.6. Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектлари: 1.6.1. Суюлтирилган углеводород газларини сақлаш ва тақсимлаш объектлари 1.6.2. Автомобилларга суюлтирилган углеводород газ тўлдириш шохобчалари 1.6.3. Автомобилларга газ тўлдириш компрессор шохобчалари 1.6.4. Босими 12 kgf/kv.sm гача бўлган газ тақсимлаш тизимларининг газ тармоқлари 1.6.5. Газ истеъмоли тизимларининг газ тармоқлари 1.7. Металлургия саноати объектлари: 1.7.1. Қора металлар қуйиш саноати, пўлат ишлаб чиқариш объектлари 1.7.2. Рангли металлар қуйиш саноати объектлари 1.8. Ўсимлик хомашёсини сақлаш ва қайта ишлаш объектлари: 1.8.1. Қабул қилиш, сақлаш, қуритиш, қайта ишлаш, алоҳида турувчи қабул қилиш ва узатиш ускунаси, қабул қилувчи-тозалаш минораси, алоҳида турувчи дон қуритиш участкалари, элеваторлар, силос типидаги омборлар, қопсиз сақлаш омборлари, солод ишлаб чиқариш объектлари, қайта ишловчи ва тайёрловчи (майдаловчи) бўлимлар, шу жумладан озиқ-овқат саноати корхоналари 1.8.2. Ун, ёрма ишлаб чиқариш объектлари 1.8.3. Омухта ем ишлаб чиқариш объектлари 1.8.4. Қопсиз қабул қилиш, унни силос ва бункерларда сақлаш, нон, макарон ва қандолат маҳсулотларини ишлаб чиқариш учун унни тортиш ҳамда элаш объектлари 1.8.5. Ун, ёрма, нон ва макарон ишлаб чиқариш корхоналари учун қопли идишларни тозалаш ва саралаш объектлари 1.8.6. Жўхорини калибрловчи объектлар 1.8.7. Уруғлик донларни қайта ишловчи объектлар 1.8.8. Тамаки маҳсулотларини тайёрлаш объектлари 1.9. Фойдали қазилма конларини қидириш ва излаш билан боғлиқ геология-разведка объектлари (углеводород хомашёси бўлмаган) 1.10. Саноатда қўлланадиган портловчи моддаларни ишлаб чиқариш, синаш ва сақлаш билан боғлиқ бўлган объектлар 2. Хавфли ишлаб чиқариш объектларида қўлланадиган техник қурилмаларни саноат хавфсизлиги экспертизасидан ўтказиш 2.1. Кўмир, кон, руда ва норуда саноатидаги техник қурилмалар: 2.1.1. Шахтада қўлланадиган қурилмалар 2.1.2. Кўмир ва руда конлари (ерости ва ерусти) объектларининг қурилмалари 2.1.3. Бойитувчи, брикетловчи, агломерациаловчи фабрика ва заводлар қурилмалари 2.1.4. Бойитиш-саралаш ва меъёрлаш қурилмалари 2.1.5. Шлам тўпловчи гидротехника иншоотлари, чиқиндиларни сақловчи ва техник сув ҳавзалари объектларининг қурилмалари 2.1.6. Олтин конлари ва бошқа олтин саралаш фабрикаларининг қурилмалари 2.1.7. Олтин саралаш фабрикаси ва заводлари қурилмалари 2.1.8. Конларни техник рекултивация қилиш қурилмалари 2.1.9. Фойдали қазилма бойликлари қазиб олиш билан боғлиқ бўлмаган ишлаб чиқариш объектларининг қурилмалари 2.1.10. Махсус ерости, транспорт ва умумий хўжалик иншоотларини қуриш билан боғлиқ бўлган ишлаб чиқариш объектларининг қурилмалари 2.2. Нефть ва газ саноатидаги техник қурилмалар: 2.2.1. Қудуқларни бурғилашда, таъмирлашда ва ишга туширишда қўлланадиган қурилмалар 2.2.2. Нефть ва газ қудуқларини ишлатишда қўлланадиган қурилмалар 2.2.3. Қатламдаги босимни ва қатламга ҳамда қудуққа таъсир қилувчи омилларни сақлашда қўлланадиган қурилмалар 2.2.4. Нефть ва газни етказиб берувчи станцияларда қўлланадиган қурилмалар 2.2.5. Магистрал қувурлар тизимини қуришда, ишлатишда ва таъмирлашда қўлланадиган қурилмалар 2.2.6. Газ ва нефть маҳсулотлари қувурлари; кон ва конлараро қувурлар 2.2.7. Композит ва пўлат қувурлар қисмлари ва қувурлари, шу жумладан, тиқин (запор), меъёрловчи ва ҳимояловчи арматуралар қисмлари 2.2.8. Нефть, конденсат ва нефть маҳсулотлари учун резервуарлар ҳамда уларнинг қурилмалари 2.2.9. Компрессор, насос ва газ тақсимлаш станциялари қурилмалари 2.2.10. Нефть ва газни йиғиш ва тайёрлаш қурилмалари 2.3. Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд ва кимёвий хавфли ишлаб чиқариш объектларидаги техник қурилмалар: 2.3.1. Ноорганик моддалар, аммиак, минерал ўғитлар ишлаб чиқариш объектлари қурилмалари 2.3.2. Нефть ва газни қайта ишлаш объектларининг қурилмалари 2.3.3. Органик синтез ишлаб чиқариш объектларининг қурилмалари 2.3.4. Целлюлоза қоғоз ишлаб чиқариш объектларининг қурилмалари 2.3.5. Кимёвий толалар, полимер материаллар, пластмасса ва улардан тайёрланадиган маҳсулотлар ишлаб чиқариш объектларининг қурилмалари 2.3.6. Криоген технологияси қурилмалари 2.3.7. Аммиакли совитиш қурилмалари 2.3.8. Электролиз усулида водород ва кислород ишлаб чиқариш объектлари қурилмалари 2.3.9. Лок-бўёқ маҳсулотлари ишлаб чиқариш объектларининг қурилмалари 2.3.10. Спирт ишлаб чиқариш объектларининг қурилмалари 2.3.11. Ёғ-мой ишлаб чиқариш объектларининг қурилмалари 2.3.12. Ҳавони парчалашда ҳосил бўлган маҳсулотларни олиш ва сақлаш объектлари қурилмалари 2.3.13. Сувни хлор билан қайта ишлаш объектларининг қурилмалари 2.3.14. Портлаш-ёниш хавфи мавжуд ва кимёвий хавфли маҳсулотларни (моддаларни) қуйиш, тўкиш объектларининг қурилмалари 2.4. Босими 0,05 МПа дан юқори бўлган ёки сувнинг ҳарорати 110 ° С дан юқори бўлган шароитда ишлайдиган техник қурилмалар: 2.4.1. Сув иситиш ва буғ қозонлари ҳамда уларнинг қурилмалари 2.4.2. Босим 0,05 МПа дан юқори бўлган босим остида ишловчи идишлар 2.4.3. Босим 0,05 МПа дан ва сувнинг ҳарорати 110 °С дан юқори бўлган буғ ва иссиқ сув қувурлари 2.4.4. Автоном буғ қиздиргичлар 2.4.5. Автоном экономайзерлар 2.5. Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлар: 2.5.1. Юк кўтариш кранлари 2.5.2. Кран-манипуляторлар 2.5.3. Қувурётқизгич кранлар 2.5.4. Кўтаргичлар (вишкалар) 2.5.5. Қурилиш кўтаргичлари 2.5.6. Лифтлар 2.5.7. Ногиронларни кўтаришга мўлжалланган платформалар 2.5.8. Юк ва йўловчилар учун осма пўлат арқонли йўллар 2.5.9. Фуникулёрлар 2.5.10. Экскалаторлар 2.5.11. Юк кўтариш механизмлари ва идишлар (металлургиядан ташқари) 2.6. Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектларининг техник қурилмалари: 2.6.1. Суюлтирилган углеводород газларини сақлаш ва тақсимлаш объектларининг қурилмалари 2.6.2. Автомобилларга суюлтирилган углеводород газ тўлдириш шохобчаларининг қурилмалари 2.6.3. Автомобилларга газ тўлдириш компрессор шохобчаларининг қурилмалари 2.6.4. Босими 12 kgf/kv.sm гача бўлган газ тақсимлаш тизимлари 2.6.5. Газ истеъмоли тизимлари 2.7. Металлургия саноати техник қурилмалари 2.7.1. Қора металлар қуйиш, пўлат ишлаб чиқариш объектларининг қурилмалари 2.7.2. Рангли металлар қуйиш саноати объектларининг қурилмалари 2.8 . Ўсимлик хомашёсини сақлаш ва қайта ишлаш объектларининг техник қурилмалари: 2.8.1. Элеватор омбори қурилмалари 2.8.2. Ун ишлаб чиқариш корхоналари қурилмалари 2.8.3. Ёрма ишлаб чиқариш объектларининг қурилмалари 2.8.4. Омухта ем ишлаб чиқариш объектларининг қурилмалари 2.8.5. Қопсиз қабул қилиш, унни силос ва бункерларда сақлаш, нон, макарон ва қандолат маҳсулотларини ишлаб чиқариш учун унни тортиш ва элаш объектлари қурилмалари 2.8.6. Ўсимлик хомашёсини қабул қилиш, сақлаш, қуритиш, қайта ишлаш, алоҳида турувчи қабул қилиш ва узатиш ускунаси, қабул қилувчи тозалаш минораси, алоҳида турувчи дон қуритиш участкалари, элеваторлар, силос типидаги омборлар, қопсиз сақлаш омборлари, солод ишлаб чиқариш объектлари, қайта ишловчи ҳамда тайёрловчи (майдаловчи) бўлимлар, шу жумладан, озиқ-овқат саноати корхоналари қурилмалари 2.8.7. Жўхорини калибрловчи ишлаб чиқариш объектларининг қурилмалари 2.8.8. Уруғлик донларни қайта ишлайдиган объектларнинг қурилмалари 2.8.9. Тамаки тайёрлаш линиялари объектларининг қурилмалари 2.9. Фойдали қазилма конларини қидириш ва излаш билан боғлиқ геология-разведка объектларидаги техник қурилмалар (углеводород хомашёси бўлмаган) 2.10. Саноатга мўлжалланган портловчи моддаларни ишлаб чиқариш, синаш ва сақлашда қўлланадиган техник қурилмалар 3. Хавфли ишлаб чиқариш объектидаги бинолар ва иншоотларни саноат хавфсизлиги экспертизасидан ўтказиш 3.1. Кўмир, кон-руда ва норуда саноатларида: 3.1.1. Ерусти комплекс бино ва иншоотлар 3.1.2. Ерости иншоотлари 3.1.3. Фойдали қазилма бойликларини қазиб олиш билан боғлиқ бўлмаган ишлаб чиқариш объектларидаги бино ва иншоотлар 3.2. Нефть ва газ саноати объектларида: 3.2.1. Қудуқларни қазиш ва таъмирлаш билан боғлиқ бўлган объектлардаги бино ва иншоотлар 3.2.2. Нефть ва газ қазиб олиш ва уларни тайёрлаш объектларидаги бино ва иншоотлар 3.2.3. Магистрал қувурлар объектларидаги бино ва иншоотлар 3.2.4. Нефть маҳсулотларини, конденсат ва нефтни сақлаш ва узатиш объектларидаги бино ва иншоотлар 3.3. Кимё, нефть-кимё ва нефть ва газни қайта ишлаш саноати ҳамда портлаш-ёниш хавфи мавжуд кимёвий хавфли ишлаб чиқариш объектларидаги бино ва иншоотлар 3.4. Босими 0,05 МПа дан юқори бўлган ёки сувнинг исиш ҳарорати 110 ° С дан юқори бўлган қурилмалар жойлашган бино ва иншоотлар 3.5. Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланадиган ишлаб чиқариш объектларидаги бино ва иншоотлар 3.6. Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектларидаги бино ва иншоотлар 3.6.1. Газ жиҳозлари ўрнатилган бино ва иншоотлар (қозонхоналар, цехлар) 3.6.2. Автомобилларга газ (суюлтирилган углеводород газ) тўлдириш шохобчаларининг бино ва иншоотлари 3.7. Металлургия саноати объектларидаги бино ва иншоотлар 3.8. Ўсимлик хомашёсини сақлаш ҳамда қайта ишлаш объектларидаги бино ва иншоотлар 3.9. Фойдали қазилма конларини қидириш ва излаш билан боғлиқ геология-разведка объектларидаги (углеводород хомашёси бўлмаган) бино ва иншоотлар 3.10. Саноатда қўлланиладиган портловчи моддаларни ишлаб чиқариш, синаш ва сақлаш билан боғлиқ бўлган объектлардаги бино ва иншоотлар 4. Саноат хавфсизлиги декларациясини ишлаб чиқиш. Саноат хавфсизлиги декларациясини саноат хавфсизлиги экспертизасидан ўтказиш 4.1. Кўмир, кон, руда ва норуда саноати объектлари: 4.1.1. Ерусти ишлаб чиқариш объектлари 4.1.2. Ерости ишлаб чиқариш объектлари 4.1.3. Фойдали қазилма бойликларини қазиб олиш билан боғлиқ бўлмаган ишлаб чиқариш объектлари 4.2. Нефть ва газ саноати объектлари: 4.2.1. Қудуқларни қазиш ва таъмирлаш билан боғлиқ бўлган объектлар 4.2.2. Нефть ва газ қазиб олиш ва уларни тайёрлаш объектлари 4.2.3. Магистрал қувурлар объектлари 4.2.4. Нефть маҳсулотларини, конденсат ва нефтни сақлаш ва узатиш объектлари 4.3. Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд кимёвий хавфли ишлаб чиқариш объектлари 4.4. Босими 0,05 МПа дан юқори ёки сувнинг ҳарорати 110 ° С дан юқори бўлган қурилмалардан фойдаланадиган ишлаб чиқариш объектлари 4.5. Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланадиган ишлаб чиқариш объектлари 4.6. Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектлари 4.7. Металлургия саноати объектлари 4.8. Ўсимлик хомашёсини сақлаш ва қайта ишлаш объектлари 4.9. Фойдали қазилма конларини қидириш ва излаш билан боғлиқ геология-разведка объектлари (углеводород хомашёси бўлмаган) 4.10. Саноатда қўлланиладиган портловчи моддаларни ишлаб чиқариш, синаш ва сақлаш билан боғлиқ бўлган объектлар

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 4-ИЛОВА

Аккредитация мезонлари

1. Эксперт ташкилоти Ўзбекистон Республикаси қонунчилиги талабларига мувофиқ юридик шахс мақомига эга бўлиши керак.

2. Эксперт ташкилоти муассислари, бенефициарлари таркибида давлат ва хўжалик бошқаруви органлари, маҳаллий давлат ҳокимияти органларининг мансабдор шахслари ва (ёки) уларнинг аффилланган шахслари бўлмаслиги керак.

3. Эксперт ташкилоти ўз фаолиятини самарали юритишини таъминловчи ташкилий тузилмага ва бошқарув тизимига эга бўлиши керак.

4. Эксперт ташкилоти ташкилий тузилмаси, ўзининг бўлинмалари, уларнинг функциялари ва улар орасидаги ўзаро алоқаларни ўз Низомида акс эттириши керак. Эксперт ташкилоти фаолияти жорий ҳолатини акс эттирувчи ўзгартиришлар ўз вақтида Низомга киритилиши керак.

5. Эксперт ташкилотига ва унинг ходимларига фаолияти натижаларига таъсир кўрсатадиган тижорат, молиявий, маъмурий ёки бошқа турдаги босим ва таъсир ўтказилмаслиги зарур.

6. Эксперт ташкилоти раҳбари:

саноат хавфсизлиги соҳасидаги эксперт бўлиши;

саноат хавфсизлиги соҳасидаги эксперт сифатида камида беш йил давомида ишлаган бўлиши;

айни шу ташкилотда асосий иш жойи бўйича ишлаши керак.

7. Эксперт ташкилоти штатида аккредитация соҳасида кўрсатилган ишларнинг бажарилишини таъминлаш учун айни шу ташкилотда асосий иш жойи бўйича ишлайдиган тегишли аттестация соҳасига эга саноат хавфсизлиги соҳасидаги экспертлар бўлиши лозим.

Ташкилотда асосий иш жойи бўйича ишлайдиган саноат хавфсизлиги соҳасидаги экспертлар сони беш нафардан кам бўлмаслиги керак.

8. Ходимлар билан тузилган янги меҳнат шартномалари, шартномаларга киритилган ўзгартиришлар ва уларни бекор қилиш ҳолатлари, шунингдек, амалдаги меҳнат шартномалари тўғрисидаги ахборот «Ягона миллий меҳнат тизими» идоралараро дастурий-аппарат комплексида мажбурий рўйхатдан ўтказилиши керак.

9. Эксперт ташкилоти ходимлари давлат сирига тегишли деб топилган маълумотларни, ҳимоя қилиниши зарурлиги қонунчилик ҳужжатларида белгиланган бошқа ахборотни, амалий фаолияти давомида ишонилган тижорат сирларини ошкор қилмасликлари керак.

10. Эксперт ташкилотининг ҳар бир ходими иш жараёнида олинадиган маълумотлар ва натижаларнинг махфийлигини таъминлаши ҳақида огоҳлантирилиши ҳамда тегишлича расмийлаштирилган бўлиши зарур.

11. Эксперт ташкилотида режалаштирилган ишларнинг ва юкланган вазифаларнинг ўз вақтида ва сифатли бажарилиши бўйича жавобгарлик эксперт ташкилоти раҳбари зиммасига юкланади.

Эксперт ташкилоти раҳбарининг мажбуриятлари қуйидагилардан иборат:

эксперт ташкилоти фаолиятининг мазкур Аккредитация мезонларига доимий мувофиқлигини таъминлаш;

эксперт ташкилотлари сифатида аккредитациядан ўтиш учун аккредитация аттестатини олиш ёки қайта расмийлаштириш учун тақдим этиладиган маълумотларнинг ишончлилигини таъминлаш;

эксперт ташкилотида ишларнинг тўғри ташкил қилиниши учун зарур шароитларни яратиб бериш ва ресурслар билан таъминлаш.

12. Эксперт ташкилоти раҳбари ва масъул ходимлари ўз иш жойида йўқлигида, уларнинг вазифаларини бажарадиган шахслар тайинланиши керак.

13. Эксперт ташкилоти ходимлари ўз лавозим йўриқномасида кўрсатилган вазифаларни тўлиқ ҳамда сифатли бажариш учун зарур бўлган тегишли касбий тайёргарлик, назарий билим ва амалий тажрибага эга бўлишлари керак.

Эксперт ташкилоти ўз ходимларини ўқитиши, доимий малакасини ошириши ва бириктирилган вазифаларни бажариши юзасидан режали ички аттестацияни ўтказиши керак.

14. Барча ходимлар лавозим йўриқномаларига эга бўлиши керак. Лавозим йўриқномалари эксперт ташкилоти раҳбари томонидан тасдиқланган ва ходимларга таништирилган бўлиши керак.

15. Эксперт ташкилоти ўз фаолияти билан боғлиқ барча ишларни бажариши учун зарур бўлган шароитлар, жиҳозлар, асбоблар ва материалларга эга бўлиши лозим.

16. Техник қурилмалар, бино ва иншоотларни экспертизадан ўтказадиган эксперт ташкилотлари ўз тузилмасида аккредитациядан ўтган ва тегишли рухсатномага эга бўлган, путур етказмасдан текшириш лабораториясига эга бўлиши керак.

Мазкур банд талабини бажара олмаган эксперт ташкилоти зарур техник текширувларни ўтказиш учун аккредитациядан ўтган ва тегишли рухсатномага эга бўлган, путур етказмасдан текшириш лабораториялари билан шартномалар расмийлаштириши керак.

17. Эксперт ташкилоти фаолиятида компьютерлар ёки бошқа автоматлаштирилган жиҳозлардан фойдаланилганда, дастурий воситалар фойдаланиш учун яроқлилигини текшириб туриши, маълумотларнинг тўлиқлигини ва хавфсизлиги таъминланиши керак.

18. Эксперт ташкилоти тасарруфида ўз фаолияти билан боғлиқ, аккредитация соҳаларига мувофиқ қонунчилик ва норматив техник ҳужжатлар, уларнинг рўйхати мавжуд бўлиши, шунингдек, бу ҳужжатларнинг амалдаги таҳриридан фойдаланилишини таъминлаши керак.

19. Эксперт ташкилоти бажарилаётган ишлар хусусиятига мос келадиган, давлат стандартларига мувофиқ сифатни бошқариш тизимини жорий этиши ва унинг самарали ишлашини таъминлаши лозим.

20. Сифатни бошқариш тизими белгиланган тартибда сертификатланган бўлиши керак.

21. Эксперт ташкилоти ўз фаолиятида Ўзбекистон Республикасининг қонунчилик ҳужжатлари, норматив техник ҳужжатлари талабларига мажбурий риоя этишлари керак.

22. Эксперт ташкилоти ходимлари холис иш олиб боришлари ҳамда ўз иш натижаларида объектнинг ҳақиқий ҳолатини акс эттиришлари керак.

23. Эксперт ташкилоти ва ходимлари экспертиза объектларига алоқадор бўлмаслиги керак.

24. Эксперт ташкилотининг хавфли ишлаб чиқариш объектларини идентификация қилиш, экспертизани ўтказиш бўйича бажарилган иш натижалари экспертиза хулосасида акс эттирилиши лозим. Эксперт ташкилотининг саноат хавфсизлиги декларациясини ишлаб чиқиш бўйича бажарилган иш натижалари саноат хавфсизлиги декларациясида акс эттирилиши лозим.

Экспертиза хулосаси ва саноат хавфсизлиги декларацияси Ўзбекистон Республикаси саноат хавфсизлиги соҳасидаги қонунчилик ҳужжатлари, норматив техник ҳужжатлари талаблари асосида расмийлаштирилиши лозим.

25. Эксперт ташкилоти расмийлаштирилган экспертиза хулосалари, ишлаб чиқилган саноат хавфсизлиги декларациялари реестри (рўйхати)ни юритиши лозим. Бу рўйхат ҳар ойда бир маротаба (кейинги ойнинг 5-санасига қадар) ҳисоб юритиш учун ваколатли органга тақдим этилиши зарур.

26. Эксперт ташкилоти аккредитация мезонларига мувофиқлигини тавсифловчи декларацияга эга бўлиши ҳамда аккредитация мезонларига доимий мувофиқлигини таъминлаш мақсадида ўзининг фаолияти жараёнида юзага келадиган ўзгаришларни ўз вақтида мазкур декларацияга киритиши лозим.

27. Ишларни бажариш жараёнида олинган кузатувлар ва (ёки) маълумотлар ўз вақтида ёзиб борилиши лозим.

Эксперт ташкилоти ўз иш натижаларини асослаб бериши учун фаолиятидаги зарур ҳужжатлар ва маълумотлар ҳисобини юритиши ҳамда уларни сақлаши керак. Ҳужжатларни ва маълумотларни электрон кўринишида ҳам сақлаш мумкин.

28. Эксперт ташкилоти шартномаларни назорат қилиш тизимига эга бўлиши керак. Бу тизим қуйидагиларни таъминлаши керак:

буюртмачи талабларига мувофиқ бажариладиган ишлар эксперт ташкилоти аккредитация соҳасига мос келиши ва бу ишларни бажариш учун эксперт ташкилотида тегишли аттестация соҳасига эга экспертлар ва зарур ресурслар мавжудлигини текшириш;

бажариладиган ишларни мунтазам текширувлар ва камчиликларни бартараф этиш ҳаракатлари билан назорат қилиш;

бажариладиган ишлар ўрнатилган талабларга мувофиқлигига ишонч ҳосил қилиш мақсадида бажарилган иш натижаларини текширилиши.

29. Ваколатли орган аккредитациядан ўтказилган эксперт ташкилотлари реестрини юритишини ва белгиланган талаблар бажарилишини назорат қилиш мақсадида эксперт ташкилоти қуйидаги ўзгартиришлар тўғрисида беш кун ичида хабар бериши шарт:

юридик шахсга тегишли маълумотлар;

эксперт ташкилоти номи, юридик ва почта манзиллари;

эксперт ташкилоти раҳбари ва экспертлар;

эксперт ташкилоти фаолиятига таъсир кўрсатиши мумкин бўлган бинолар, жиҳозлар, асбоблар, материаллар, иш тартиблари.

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 5-ИЛОВА

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ САНОАТ, РАДИАЦИЯ ВА ЯДРО ХАВФСИЗЛИГИ ҚЎМИТАСИ САНОАТ ХАВФСИЗЛИГИ ЭКСПЕРТИЗАСИ ТИЗИМИ ______________________________________________________ ни жойига чиққан ҳолда баҳолаш бўйича _____________________ (ташкилот номи) 20___ йил «____» __________даги _____-сон ДАЛОЛАТНОМА _________________________________________________________________________________________ (ташкилот ҳақидаги асосий маълумотлар) _________________________________________________________________________________________ баҳолаш ўтказилган жой манзили Саноат, радиация ва ядро хавфсизлиги қўмитасининг 20___ йил «___» _______даги ____-сон буйруғи асосида қуйида кўрсатилган таркибдаги комиссия: Комиссия раиси __________________________________________________________________ (Ф.И.О., лавозими) Комиссия аъзолари __________________________________________________________________ (Ф.И.О., лавозими) 20____ йил «____» ____________ дан 20____ йил «____» _____________ гача бўлган муддатда _____________________________________________________________ нинг аккредитация мезонларига __________________________ (ташкилот номи) мувофиқлигини баҳолаш ишларини бажарди. Баҳолаш жараёнида қуйидагилар аниқланди: ____________________________________________ _________________________________________________________________________________________ Комиссия тавсиялари: ______________________________________________________________________ Хулоса: __________________________________________________________________________________ Комиссия раиси ____________________________________________________ (имзо, Ф.И.О.) Комиссия аъзолари _____________________________________________________ (имзо, Ф.И.О.) Ташкилот раҳбари _____________________________________________________ (имзо, Ф.И.О.)

Саноат хавфсизлиги соҳасидаги эксперт ташкилотларини аккредитациядан ўтказиш бўйича давлат хизматларини кўрсатишнинг маъмурий регламентига 6-ИЛОВА

Электрон ҳужжатнинг идентификация рақами ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ САНОАТ, РАДИАЦИЯ ВА ЯДРО ХАВФСИЗЛИГИ ҚЎМИТАСИ САНОАТ ХАВФСИЗЛИГИ ЭКСПЕРТИЗАСИ ТИЗИМИ 20_ _ _ йил «_ _ _» _________да аккредитациядан ўтказилган эксперт ташкилотлари реестрида ЭТ-______-сон билан рўйхатга олинган. Амал қилиш муддати 20 _ _ _ йил «___» ________________ гача АККРЕДИТАЦИЯ АТТЕСТАТИ Ушбу аккредитация аттестати _________________________________________________________ _________________________________________________________________________________________ (эксперт ташкилоти номи ва юридик манзили) саноат хавфсизлиги экспертизасини ўтказадиган ташкилотларга қўйиладиган талабларга мувофиқлигини тасдиқлайди. Аккредитация соҳаси ушбу аккредитация аттестатининг ажралмас қисми бўлган иловада кўрсатилган. Берилган сана QR-код ЭТ-______-сон аккредитация аттестатига илова ____ варақдан ____-варағи _________________________________________________________________________________________ (эксперт ташкилоти номи ва юридик манзили) АККРЕДИТАЦИЯ СОҲАСИ Т/р Иш турлари, саноат тармоғи, экспертиза объектлари 1 2 QR-код

Вазирлар Маҳкамасининг 2026 йил 25 июндаги 325-сон қарорига 2-ИЛОВА

Хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатишнинг

1-боб. Умумий қоидалар

1. Ушбу Регламент хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатиш, шунингдек, хавфли ишлаб чиқариш объектлари давлат реестрини юритиш тартибини белгилайди.

2. Хавфли ишлаб чиқариш объектлари Вазирлар Маҳкамаси ҳузуридаги Саноат, радиация ва ядро хавфсизлиги қўмитаси (кейинги ўринларда — ваколатли орган) томонидан «Ягона интеграциялашган экотизим» ахборот тизими (кейинги ўринларда — ахборот тизими) орқали давлат реестрида ҳисобга олинади.

3. Хавфли ишлаб чиқариш объектларининг давлат реестри саноат хавфсизлиги соҳасини рақамлаштириш, хавфли ишлаб чиқариш объекти тўғрисидаги маълумотлар базасини яратиш, саноат хавфсизлиги соҳасида давлат сиёсатини амалга ошириш, хавфли ишлаб чиқариш объектларида саноат хавфсизлиги талабларига риоя этилишини мониторинг қилиш, шунингдек, ҳисобга олинган хавфли ишлаб чиқариш объектлари ва ушбу объектлардан фойдаланувчи ташкилотлар тўғрисида тизимли ахборотни тўплаш, таҳлил қилиш ва сақлаш мақсадида юритилади.

4. Ушбу Регламентда қуйидаги асосий тушунчалардан фойдаланилади:

ариза берувчи — хавфли ишлаб чиқариш объектини давлат реестрида ҳисобга олиш (давлат реестрида ҳисобдан чиқариш) учун ваколатли органга мурожаат этувчи юридик шахс;

хавфли ишлаб чиқариш объектларини идентификациялаш бўйича саноат хавфсизлиги экспертизаси хулосаси (кейинги ўринларда — экспертиза хулосаси) — хавфли ишлаб чиқариш объектларининг идентификациялаш натижаларини ўз ичига олган эксперт ташкилотлари томонидан расмийлаштириладиган ҳужжат;

хавфли ишлаб чиқариш объекти (кейинги ўринларда — ХИЧО) — Ўзбекистон Республикасининг «Хавфли ишлаб чиқариш объектларининг саноат хавфсизлиги тўғрисида»ги Қонуни 4-моддасида белгиланган корхоналар ёки уларнинг цехлари, участкалари, майдончалари, шунингдек, бошқа ишлаб чиқариш объектлари;

Хавфли ишлаб чиқариш объектлари давлат реестри (кейинги ўринларда — Реестр) — ХИЧО ва улардан фойдаланувчи ташкилотлар тўғрисида электрон шаклдаги маълумотларни ўз ичига олувчи ягона ахборот маълумотлар базаси;

ХИЧОдан фойдаланувчи ташкилот — ташкилий-ҳуқуқий мулкчилик шаклидан қатъий назар, хусусий мулк ёки бошқа ашёвий ҳуқуқлар асосида унга тегишли бўлган ХИЧОдан фойдаланувчи ташкилот;

эксперт ташкилоти — белгиланган тартибда аккредитациядан ўтказилган, саноат хавфсизлиги экспертизасини ўтказадиган ташкилот.

5. Фойдаланилиши бошланган ҳамда Вазирлар Маҳкамасининг 2008 йил 10 декабрдаги 271-сон қарори билан тасдиқланган Хавфли ишлаб чиқариш объектларини идентификациялаш тартиби тўғрисидаги низомда белгиланган тартибда идентификациялашдан ўтган ХИЧО Реестрда мажбурий ҳисобга олинади.

Ижарага олинган ХИЧО ушбу объектлардан фойдаланувчи ташкилот — ижарага олувчи таркибида ҳисобга олинади.

6. ХИЧОдан фойдаланувчи ташкилот экспертиза хулосаси расмийлаштирилган санадан бошлаб ўн беш кун муддат ичида ушбу Регламентда белгиланган тартибда ХИЧОни давлат реестрида ҳисобга олиш учун мурожаат қилиши керак.

2-боб. ХИЧОни Реестрда ҳисобга олиш тартиби

7. ХИЧО Реестрда ушбу Регламентга 1-иловада келтирилган схема асосида ҳисобга олинади.

8. Ариза берувчи давлат хизматидан фойдаланиш учун давлат хизматлари марказига бевосита ўзи келиб ёки давлат хизматидан электрон шаклда фойдаланиш учун Ягона интерактив давлат хизматлари порталида (кейинги ўринларда — ЯИДХП) ёки ахборот тизимида рўйхатдан ўтган ҳолда мурожаат қилади.

ЯИДХП ва ахборот тизими ўртасида ахборот алмашинуви электрон ҳукуматнинг идоралараро маълумотларни узатиш тармоғи орқали реал вақт режимида амалга оширилади.

9. Ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП ёки ахборот тизими орқали мурожаат этганда эса ариза берувчи мустақил равишда ушбу Регламентга 2-иловада келтирилган шаклга мувофиқ ХИЧОни Реестрда ҳисобга олиш учун аризани электрон шаклда тўлдиради.

Аризага ариза берувчи томонидан фойдаланиладиган ХИЧО бўйича экспертиза хулосаси (PDF форматида) ва ҳар бир хавфли ишлаб чиқариш объектининг умумий кўринишидаги иккитадан фото суратлари (PNG ёки JPEG форматида) илова қилинади.

Аризалар ЯИДХП ёки ахборот тизими орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Бунда аризалар иш вақтидан кейин ёки дам олиш ва байрам кунларида тушганда, календарь бўйича навбатдаги иш куни аризаларнинг ваколатли органга тушган ва ваколатли орган томонидан қабул қилинган кун деб ҳисобланади.

10. Давлат хизмати кўрсатилгани учун ҳар бир ХИЧО учун базавий ҳисоблаш миқдорининг бир баравари миқдорида йиғим (кейинги ўринларда — йиғим) ундирилади.

Давлат хизмати кўрсатилиши учун ЯИДХП ёки ахборот тизими орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.

Давлат хизматини кўрсатиш учун йиғим тўлангани ахборот-коммуникация тизимлари орқали тасдиқланади.

11. Йиғимлар суммаси қуйидаги тартибда тақсимланади:

а) Давлат хизматлари марказига мурожаат этилганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига (Ягона биллинг тизими орқали тасдиқлангани учун);

қолган маблағлар ваколатли органнинг бюджетдан ташқари махсус жамғармасига;

б) ЯИДХП ёки ахборот тизими орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (шу жумладан, 0,5 фоизи йиғим тўлангани Ягона биллинг тизими орқали тасдиқлангани учун);

қолган маблағлар ваколатли органнинг бюджетдан ташқари махсус жамғармасига ўтказилади.

12. Ариза шакли тўлдирилгандан сўнг ариза берувчи маълумотларнинг тўғрилигини текширади ва тасдиқлайди.

Аризада кўрсатилган маълумотлар ва унга илова қилинган ҳужжатларнинг ишончлилиги ва ҳаққонийлиги учун ариза берувчи жавобгар ҳисобланади.

13. Ариза берувчи Давлат хизматлари марказига келиб мурожаат этганда, Давлат хизматлари маркази ариза тўлдирилган вақтдан бошлаб реал вақт режимида уни ваколатли органга электрон шаклда юборади.

ЯИДХП ёки ахборот тизими орқали мурожаат этилганда эса, ариза автоматик тарзда ваколатли органга электрон шаклда юборилади.

14. ХИЧО ҳақидаги маълумотлар давлат сирларига ёки қонун билан қўриқланадиган бошқа сирга тегишли бўлганда, ҳужжатлар ариза берувчи томонидан ваколатли органга бевосита тақдим этилади.

15. Ваколатли орган ариза тушган кундан бошлаб ўттиз кун ичида ХИЧОни Реестрда ҳисобга олиш ҳақидаги аризани кўриб чиқади.

Аризани кўриб чиқиш жараёнида ваколатли органнинг ХИЧО жойлашган тегишли ҳудудий бўлинмаси вакиллари иштирок этади ва бўлинма томондан ахборот тизимида маълумотнома расмийлаштирилади.

16. Қуйидаги ҳолларда ваколатли органнинг ҳудудий бўлинмаси ХИЧОнинг тақдим этилган ҳужжатларга мувофиқлигига аниқлик киритиш мақсадида ХИЧОни жойига чиққан ҳолда ўрганади:

реестрга ҳисобга олинадиган ХИЧО биринчи типга мансуб бўлганда;

ХИЧОни идентификациялаш жараёнида қонунчиликка риоя этилмаганда;

ҳисобга олинадиган ХИЧО реестрда мавжуд бўлганда;

ҳисобга олинадиган ХИЧОда бир йил мобайнида авария ёки бахтсиз ҳодиса содир бўлгани ҳақида маълумот ваколатли органда мавжуд бўлганда.

ХИЧО жойига чиққан ҳолда ўрганилганда, ваколатли орган ва ХИЧОдан фойдаланувчи ташкилот вакиллари томонидан имзоланадиган далолатнома расмийлаштирилади ва у ваколатли орган томонидан ахборот тизимига юкланади.

17. Аризани кўриб чиқиш натижаси ижобий бўлганда ваколатли орган:

реал вақт режимида ХИЧО тўғрисидаги маълумотларни Реестрга киритади;

ариза берувчига ушбу Регламентга 3-иловага мувофиқ расмийлаштириладиган QR-код (матрик штрихли код) қўйилган маълумотномани, Давлат хизматлари маркази (ўзи келиб мурожаат этган тақдирда) ёки шахсий кабинети (ЯИДХП ёки ахборот тизими орқали мурожаат этилганда) орқали юборади.

18. Давлат хизматлари марказлари маълумотнома олингандан сўнг реал вақт режимида уни ариза берувчининг электрон почта манзилига юборади ва бу ҳақида ариза берувчини электрон тарзда хабардор қилади.

Агар ариза берувчи ўзи келиб мурожаат этган тақдирда, ариза берувчининг сўровига кўра унга давлат хизматининг натижаси электрон ёки қоғоз шаклида берилиши шарт.

19. Қуйидагилар ХИЧОни Реестрда ҳисобга олишни рад этиш учун асос бўлади:

аризада нотўғри маълумотлар кўрсатилиши;

аризага илова қилиниши керак бўлган ҳужжатлар тақдим этилмаганда;

давлат хизматлари кўрсатиш учун йиғимни тўламаслик;

ХИЧОни идентификациялаш жараёнида қонунчиликка риоя этилмагани, жумладан, экспертиза хулосасида нотўғри, ёлғон ёки қалбаки маълумотлар кўрсатилгани аниқланганда;

экспертиза хулосасида ХИЧОдан фойдаланувчи ташкилот сифатида кўрсатилган юридик шахс ва ариза берувчи мос келмаганда;

экспертиза хулосасида ва аризада кўрсатилган ХИЧО тўғрисидаги маълумотлар мос келмаганда;

ушбу Регламентнинг 16-бандида белгиланган ҳолларда ваколатли органга ариза берувчи томонидан ХИЧОни ўрганиш учун имконият яратилмагани;

ариза уни берувчининг номидан ҳаракат қилиш ваколатига эга бўлмаган шахс томонидан тақдим этилганда.

Давлат хизматларини кўрсатишни бошқа асосларга кўра рад этиш тақиқланади.

20. Ушбу Регламентнинг 19-бандида белгиланган ҳолларда, ваколатли орган камчиликларни ва уларни бартараф этиш мумкин бўлган муддатни кўрсатган ҳолда ЯИДХП ёки ахборот тизими орқали ариза берувчига хабарнома юборади.

Хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши керак, ушбу муддат Регламентнинг 19-банди бешинчи хатбошисида кўрсатилган ҳолатда олтмиш иш кунидан, қолган ҳолатларда эса ўн иш кунидан ошмаслиги керак.

Ариза берувчига хабарнома юборилганда, аризани кўриб чиқиш муддати тўхтатиб турилади.

21. Ариза берувчи хабарномада белгиланган муддатда зарур ҳужжатларни тақдим этиши ва (ёки) кўрсатилган камчиликларни бартараф этиши лозим.

22. Ариза такроран кўриб чиқилгани учун ушбу Регламентнинг 10-бандида белгиланган йиғим ундирилмайди.

Хабарномада кўрсатилмаган янги асослар билан сўровномани қабул қилишни рад этишга йўл қўйилмайди.

Ариза берувчи камчиликларни бартараф этиш хабарномасида кўрсатилган муддат ўтгандан кейин мурожаат қилган тақдирда, ариза янги топширилган ҳисобланади ва ваколатли орган томонидан умумий асосларда кўриб чиқилади.

Бунда ариза берувчининг дастлабки мурожаатига камчиликларни бартараф этиш хабарномаси юборилганлигини инобатга олган ҳолда, кейинги мурожаатига камчиликларни бартараф этиш хабарномаси юборилишига йўл қўйилмайди.

3-боб. Реестр юритиш тартиби

23. Реестр ваколатли орган томонидан юритилади ва қуйидаги жараёнларни ўз ичига олади:

саноат хавфсизлиги соҳасини рақамлаштириш, реестр юритиладиган ахборот тизимини республикадаги мавжуд тегишли ахборот тизимлари билан интеграция қилиш;

ҳар бир ХИЧОга ҳисобга олиш рақамини бериш;

ХИЧОлари ва улардан фойдаланувчи ташкилотлар тўғрисидаги маълумотларни ахборот тизимига киритиш (тўплаш), уларни янгилаб туриш ва сақлаш;

реестрга (ахборот тизимига) киритилган маълумотларни таҳлил қилиш, унинг натижалари асосида ХИЧОдан фойдаланувчи ташкилотлар томонидан ХИЧОларида саноат хавфсизлиги талабларига риоя этилишини мониторинг қилиш;

республикада фойдаланилаётган ХИЧОларда саноат хавфсизлигини таъминлаш мақсадида ўз ваколати доирасида саноат хавфсизлиги соҳасида давлат сиёсатини амалга ошириш.

24. ХИЧОдан фойдаланувчи ташкилот қайта ташкил этилганда ёки номи ўзгарганда, ХИЧОдан фойдаланувчи ташкилот ушбу Регламентда белгиланган тартибда ХИЧОни давлат реестрида ҳисобга олиш учун мурожаат қилиши керак.

Бундай ҳолларда ушбу Регламентнинг 10-бандида белгиланган йиғим ундирилмайди.

25. Реестрда ҳисобга олинган ХИЧО тўғрисидаги маълумотлар ва (ёки) ХИЧОдан фойдаланувчи ташкилот томонидан фойдаланиладиган ХИЧОлар сони ўзгарганда, ХИЧОдан фойдаланувчи ташкилот ушбу Регламентда белгиланган тартибда ХИЧОни давлат реестрида ҳисобга олиш учун мурожаат қилиши керак.

26. Корхона томонидан фойдаланиладиган ХИЧО битта бўлиб, Реестрда ҳисобга олинган ушбу ХИЧОда қайта қуриш ёки қайта жиҳозлаш натижасида хавфлилик белгилари йўқолганда ёки ташкилотни ХИЧОни тасарруф этиши (эгалик қилиши) тугатилганда, ХИЧОдан фойдаланувчи ташкилот ваколатли органга ХИЧОни Реестрдан чиқариш ҳақида мурожаат қилади.

Ваколатли орган ўн иш куни мобайнида кўрсатилган далилларга аниқлик киритиш мақсадида объектни жойига чиққан ҳолда ўрганади, натижаси бўйича тегишли далолатнома расмийлаштирилади ҳамда Реестрга ХИЧОни ҳисобдан чиқарилганлиги ҳақида тегишли маълумот киритади.

Бундай ҳолларда ушбу Регламентнинг 10-бандида белгиланган йиғим ундирилмайди.

27. Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими томонидан ваколатли органга Реестрда ҳисобга олинган ХИЧОдан фойдаланувчи ташкилот ҳақида қуйидаги маълумотлар автоматик тарзда юборилади:

ХИЧОдан фойдаланувчи ташкилотнинг тугатилгани;

ХИЧОдан фойдаланувчи ташкилотнинг қайта ташкил этилгани ёки номи ўзгаргани.

28. Ижара шартномаларини ҳисобга қўйиш тизими томонидан ваколатли органга Реестрда ҳисобга олинган ХИЧОни кўчмас мулк сифатида ижарага берилгани ҳақида маълумотлар автоматик тарзда юборилади.

29. Суғурта бозорининг ягона автоматлаштирилган ахборот тизими томонидан ваколатли органга Реестрда ҳисобга олинган ХИЧОда авария юз берган ҳолда бошқа шахсларнинг ҳаёти, соғлиғи ва (ёки) мол-мулкига ҳамда атроф-муҳитга зарар етказганлик учун жавобгарлик мажбурий суғурта қилингани ҳақида маълумотлар автоматик тарзда юборилади.

30. Реестрда ҳисобга олинган ХИЧО қуйидаги ҳолларда ваколатли орган томонидан Реестрдан ҳисобдан чиқарилади:

Реестрда ҳисобга олинган ХИЧОда қайта қуриш ёки қайта жиҳозлаш натижасида хавфлилик белгилари йўқолганда;

Реестрда ҳисобга олинган ХИЧОни ташкилот томонидан тасарруф этиши (эгалик қилиши) тугатилганда;

ХИЧОдан фойдаланувчи ташкилот тугатилганда.

31. Қуйидаги ҳолларда ваколатли орган Реестрда ҳисобга олинган ХИЧОни Реестрдан ҳисобдан чиқаришга ҳақли:

ваколатли орган томонидан Реестрдаги маълумотларни мониторинг қилиш натижалари бўйича;

ваколатли орган ҳудудий бўлинмаси томонидан Реестрга киритилган ХИЧО икки йилдан ортиқ муддатда фаолият юритмаётгани ҳақида далолатнома расмийлаштирилганда;

юқори турувчи давлат идораси (ташкилоти) томонидан Реестрга киритилган ХИЧОдан фойдаланилмаётгани (консервация қилингани) ва уни Реестрдан ҳисобдан чиқариш ҳақида мурожаат бўлганда.

32. ХИЧО Реестрдан ҳисобдан чиқарилганда ваколатли орган томонидан бир ҳафта муддатда тегишли ташкилотга ахборот тизими ёки почта алоқаси орқали ёхуд электрон шаклда ХИЧО Реестрдан ҳисобдан чиқарилгани ҳақида хабарнома юборилади.

4-боб. Якунловчи қоидалар

33. Давлат хизматлари марказлари ва ваколатли орган давлат хизматини кўрсатиш жараёнида олинган маълумотларнинг сир сақланишини таъминлайди.

34. Реестрдаги умумий маълумотлар ахборот тизимида очиқ ҳисобланади.

Реестр алоҳида маълумотлар ваколатли орган томонидан манфаатдор давлат ва хўжалик бошқаруви органларига, маҳаллий давлат ҳокимияти органларига, шунингдек, Ўзбекистон Республикасининг жисмоний ва юридик шахсларига уларнинг мурожаатлари асосида тақдим этади. Бунда Реестрдан кўчирмалар берилади ҳамда давлат сирлари ёки қонун билан ҳимояланган бошқа сирларни ва маълумотларни муҳофаза қилиш талаблари ҳисобга олинади.

Реестрдан кўчирма бериш ёки уни бермасликни асослантирилган ҳолда рад этиш мурожаат келиб тушган кундан бошлаб ўн иш куни давомида амалга оширилади.

35. Ўзбекистон Республикаси Адлия вазирлиги, унинг ҳудудий бошқармалари ва давлат хизматлари марказлари ушбу Регламент талаблари бажарилиши бўйича ваколатли органнинг фаолияти устидан давлат хизматларини кўрсатиш давомида, шу жумладан, ЯИДХП орқали доимий назорат ва мониторингни амалга оширади.

36. Ариза берувчи давлат хизматини кўрсатишда иштирок этувчи давлат органлари ва бошқа ташкилотлар ходимларининг қарорлари, хатти-ҳаракатлари устидан қонунчилик ҳужжатларида белгиланган тартибда шикоят қилишлари мумкин.

37. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатишнинг маъмурий регламентига 1-ИЛОВА

Хавфли ишлаб чиқариш объектини давлат реестрида ҳисобга олиш

Босқичлар Субъектлар Тадбирлар Бажариш муддатлари 1-босқич Ариза берувчи Давлат хизматидан фойдаланиш учун Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари портали ёхуд Вазирлар Маҳкамаси ҳузуридаги Саноат, радиация ва ядро хавфсизлиги қўмитаси (кейинги ўринларда — ваколатли орган) ахборот тизими орқали ариза беради. Экспертиза хулосаси расмийлаштирилган санадан бошлаб 15 иш куни мобайнида 2-босқич 1. Давлат хизматлари маркази 2. ЯИДХП ёки ваколатли орган ахборот тизими 1. Аризани тўлдириб, ваколатли органга юборади. 2. Тўлдирилган аризани автоматик тарзда ваколатли органга юборади. 1. Ариза тўлдирилгандан кейин 10 дақиқа мобайнида 2. Автоматик равишда 3-босқич Ваколатли орган 1. Аризани қабул қилади. 2. Аризанинг қайд рақами ва келиб тушган санаси кўрсатилган хабарномани ариза берувчига юборади. Йиғим тўланганидан сўнг автоматик тарзда 4-босқич Ваколатли орган 1. Аризани кўриб чиқади. 2. Ушбу Регламентда назарда тутилган ҳолларда ХИЧОни жойига чиққан ҳолда ўрганади . 3. ХИЧО тўғрисидаги маълумотларни давлат реестрига киритади. Ариза келиб тушган санадан бошлаб 30 кун мобайнида 5-босқич 1. Давлат хизматлари маркази 2. ЯИДХП ёки ваколатли орган ахборот тизими QR-код (матрик штрихли код) қўйилган маълумотномани ариза берувчига тақдим этади. Реал вақт режимида

Хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатишнинг маъмурий регламентига 2-ИЛОВА

Хавфли ишлаб чиқариш объектини давлат реестрида ҳисобга олиш учун

1. Хавфли ишлаб чиқариш объектининг тўлиқ номи (идентификация хулосасида кўрсатилган номига мос бўлиши керак) 2. Хавфли ишлаб чиқариш объектини тасарруф этиш (эгалик қилиш) ҳуқуқий шакли ва асоси 3. Хавфли ишлаб чиқариш объекти жойлашган манзили (тўлиқ кўрсатилади) 4. Хавфли ишлаб чиқариш объекти жойлашган ер участкаси кадастр рақами 5. Хавфли ишлаб чиқариш объектидан фойдаланиш бошланган вақти (ой ва йил кўрсатилади) 6. Хавфли ишлаб чиқариш объектини ташкил этувчилари (завод, фабрика, цех, участка, станция, майдонлар ва шу кабилар) 7. Хавфли ишлаб чиқариш объектида мавжуд хавфлилик белгилари 8. Хавфли ишлаб чиқариш объекти типи 9 . ХИЧОдан фойдаланувчи ташкилот номи 10. ХИЧОдан фойдаланувчи ташкилотнинг СТИРи 11. Фойдаланувчи ташкилотнинг юридик ва почта манзиллари, реквизитлари 12. Юқори турувчи ташкилотининг номи

Хавфли ишлаб чиқариш объектларини давлат реестрида ҳисобга олиш бўйича давлат хизматини кўрсатишнинг маъмурий регламентига 3-ИЛОВА

Электрон ҳужжатнинг идентификация рақами ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ САНОАТ, РАДИАЦИЯ ВА ЯДРО ХАВФСИЗЛИГИ ҚЎМИТАСИ ________________________________________________________________________ ХАВФЛИ ИШЛАБ ЧИҚАРИШ ОБЪЕКТИНИ ДАВЛАТ РЕЕСТРИДА ҲИСОБГА ОЛИНГАНИ ҲАҚИДА МАЪЛУМОТНОМА Юқори ташкилотнинг номи ХИЧОдан фойдаланувчи ташкилотнинг номи ХИЧОдан фойдаланувчи ташкилотнинг СТИРи ХИЧОни тасарруф этиш (эгалик қилиш) ҳуқуқий шакли ХИЧОнинг номи ХИЧОнинг жойлашган манзили ХИЧО жойлашган ер участкаси кадастр рақами ХИЧОнинг типи ХИЧОнинг рўйхатга олиш санаси ХИЧОнинг рўйхатга олиш рақами ХИЧОни ташкил этувчи цех, участкалар ва объектларнинг номлари Хавфлилик белгилари Хавфли моддаларнинг номи ва миқдори QR-код

Вазирлар Маҳкамасининг 2026 йил 25 июндаги 325-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида» 2008 йил 10 декабрдаги 271-сон қарорида :

а) 1-иловада:

18-банд қуйидаги таҳрирда баён этилсин:

«18. Хавфли ишлаб чиқариш объектларидан фойдаланаётган ташкилот, объектдан фойдаланишни бошлаган кундан бошлаб ўттиз кундан кечиктирмасдан идентификациялаш учун белгиланган тартибда эксперт ташкилотига мурожаат қилиши керак.

Саноат хавфсизлиги экспертизаси доирасида идентификациялаш натижалари саноат хавфсизлиги экспертизаси хулосасида келтирилади, унга хавфли ишлаб чиқариш объектининг идентификация варақаси илова қилинади»;

б) 2-иловада:

3-банднинг еттинчи хатбошиси қуйидаги таҳрирда баён этилсин:

« саноат хавфсизлиги экспертизаси хулосаси (кейинги ўринларда — экспертиза хулосаси) — экспертиза объектининг саноат хавфсизлиги талабларига мувофиқлиги (номувофиқлиги) тўғрисида асосли хулосаларни ёки хавфли ишлаб чиқариш объектларини идентификациялаш натижаларини ўз ичига олган, эксперт ташкилотлари томонидан расмийлаштириладиган ҳужжат»;

11-бандда:

олтинчи хатбоши қуйидаги таҳрирда баён этилсин:

«саноат хавфсизлиги соҳасидаги экспертларни аттестациядан ўтказиш ва экспертиза тизимини норматив ҳужжатлар билан таъминлаш комиссиялари таркибларини тасдиқлаш»;

ўн биринчи хатбоши чиқариб ташлансин.

в) 4-иловада:

3-банднинг ўн тўққизинчи хатбошиси қуйидаги таҳрирда баён этилсин:

« саноат хавфсизлиги экспертизаси хулосаси ( кейинги ўринларда — экспертиза хулосаси) — саноат хавфсизлиги декларациясининг белгиланган талабларга мувофиқлиги (номувофиқлиги) тўғрисида асосли хулосаларни ўз ичига олган, эксперт ташкилотлари томонидан расмийлаштириладиган ҳужжат»;

қуйидаги мазмундаги 10 1 -банд билан тўлдирилсин:

«10 1 . Лойиҳа ҳужжатлари таркибида ишлаб чиқилган саноат хавфсизлиги декларацияси хавфли ишлаб чиқариш объекти фойдаланилиши бошланган вақтдан бошлаб олти ойдан кечиктирмасдан фаолият кўрсатаётган объект учун янгидан ишлаб чиқилиши зарур»;

12-банд қуйидаги мазмундаги иккинчи хатбоши билан тўлдирилсин:

«Хавфсизлиги декларацияланиши керак бўлган хавфли ишлаб чиқариш объектидан фойдаланувчи ташкилот, унинг фойдаланилиши бошланган вақтдан бошлаб олти ойдан кечиктирмасдан саноат хавфсизлиги декларацияси ишлаб чиқилишини таъминлаши ва уни саноат хавфсизлиги экспертизасидан ўтказиши учун белгиланган тартибда эксперт ташкилотига мурожаат қилиши керак»;

23-банд қуйидаги таҳрирда баён этилсин:

«23. Саноат хавфсизлиги декларацияси хавфли ишлаб чиқариш объектидан фойдаланувчи ташкилотлар томонидан экспертиза ўтказилгандан кейин қонунчиликда белгиланган тартибда давлат ёки хизмат сирлари бўлган маълумотларни муҳофаза қилиш талабларига риоя қилган ҳолда, мазкур Низомнинг 24-бандида кўрсатилган ҳажмда давлат органларига, жамоат бирлашмалари ва фуқароларга тақдим этилади»;

24-банднинг биринчи хатбошиси ва «а» кичик банди қуйидаги таҳрирда баён этилсин:

«24. Хавфли ишлаб чиқариш объектидан фойдаланувчи ташкилот раҳбари:

а) экспертиза хулосасини расмийлаштирилган кундан бошлаб бир ой муддатда Ўзбекистон Республикаси Фавқулодда вазиятлар вазирлигига, Тоғ-кон саноати ва геология вазирлиги ҳузуридаги Тоғ-кон саноати ва геология соҳасини назорат қилиш инспекциясига (тоғ-кон тармоғи, геология ҳамда кончилик, шу жумладан, қаттиқ фойдали қазилмаларни қазиб олиш ва қайта ишлаш, портлатиш ишлари, портловчи материалларнинг айланмаси соҳасидаги объектлар бўйича) ҳамда декларация қилинаётган хавфли ишлаб чиқариш объекти жойлашган ҳудуддаги маҳаллий ижро этувчи ҳокимият органига электрон шаклда тақдим этади»;

26-банднинг иккинчи хатбошиси чиқариб ташлансин;

қуйидаги мазмундаги 27-банд билан тўлдирилсин:

«27. Фаолият кўрсатаётган хавфли ишлаб чиқариш объектларининг саноат хавфсизлиги декларациясини титул варақда кўрсатиладиган рўйхатдан ўтказиш тартиб рақамини олиш ва декларацияларнинг умумий ҳисобини юритиш учун хавфли ишлаб чиқариш объектидан фойдаланувчи ташкилот экспертиза хулосаси расмийлаштирилган санадан бошлаб ўн беш кун муддатда Вазирлар Маҳкамаси ҳузуридаги Саноат, радиация ва ядро хавфсизлиги қўмитасига «Ягона интеграциялашган экотизим» ахборот тизими (кейинги ўринларда — ахборот тизими) орқали мурожаат қилади.

Саноат хавфсизлиги декларациясининг рўйхатдан ўтказиш тартиб рақами хавфли ишлаб чиқариш объектидан фойдаланувчи ташкилотга беш иш куни муддатда ахборот тизими орқали маълум қилинади»;

2-иловада:

1.1-бандда:

«в» кичик банд қуйидаги таҳрирда баён этилсин:

«в) белгиланган тартибда Вазирлар Маҳкамаси ҳузуридаги Саноат, радиация ва ядро хавфсизлиги қўмитаси томонидан бериладиган рўйхатдан ўтказиш тартиб рақами (фақат фаолият кўрсатаётган объектлар учун кўрсатилади)»;

«д» кичик банд қуйидаги таҳрирда баён этилсин:

«д) декларацияланаётган объектнинг хавфли ишлаб чиқариш объектларини давлат реестрида рўйхатдан ўтказиш тартиб рақами (фақат фаолият кўрсатаётган объектлар учун кўрсатилади)»;

2.1-бандда:

биринчи хатбошидаги «декларациянинг» сўзи «Ҳисоб-китоб-тушунтириш хатининг» сўзлари билан алмаштирилсин;

«б» кичик банд қуйидаги таҳрирда баён этилсин:

«б) Вазирлар Маҳкамаси ҳузуридаги Саноат, радиация ва ядро хавфсизлиги қўмитаси томонидан бериладиган рўйхатдан ўтказиш тартиб рақами (у декларацияга берилган рўйхатдан ўтказиш тартиб рақамига мувофиқ бўлиши керак) — фақат фаолият кўрсатаётган объектлар учун кўрсатилади»;

«г» кичик банд қуйидаги таҳрирда баён этилсин:

«г) декларацияланаётган объектнинг Хавфли ишлаб чиқариш объектлари давлат реестрида рўйхатдан ўтказиш тартиб рақами (фақат фаолият кўрсатаётган объектлар учун кўрсатилади)»;

г) 5-иловада:

2-банд қуйидаги мазмундаги олтинчи ва еттинчи хатбошилар билан тўлдирилсин:

« хавфли ишлаб чиқариш объектларини идентификациялаш бўйича саноат хавфсизлиги экспертизаси хулосаси (кейинги ўринларда — экспертиза хулосаси) — хавфли ишлаб чиқариш объектларини идентификациялаш натижаларини ўз ичига олган эксперт ташкилотлари томонидан расмийлаштириладиган ҳужжат;

давлат реестрида ҳисобга олингани ҳақида маълумотнома — фойдаланилаётган хавфли ишлаб чиқариш объектининг давлат реестрида ҳисобга олинганлигини тасдиқловчи ҳужжат»;

12-банднинг иккинчи хатбошиси қуйидаги таҳрирда баён этилсин:

«Суғурта тўғрисидаги аризага суғурта қилдирувчи, фойдаланиладиган хавфли ишлаб чиқариш объектининг экспертизаси хулосасини ва фойдаланиладиган хавфли ишлаб чиқариш объекти давлат реестрида ҳисобга олингани ҳақидаги маълумотномани илова қилади».

2. Вазирлар Маҳкамасининг 2018 йил 2 октябрдаги 784-сон қарори билан тасдиқланган Саноат хавфсизлигини экспертизадан ўтказиш ва экспертиза хулосасини бериш тартиби тўғрисидаги низомда :

а) 2-банднинг бешинчи хатбошиси қуйидаги таҳрирда баён этилсин:

« саноат хавфсизлиги экспертизаси хулосаси (кейинги ўринларда — экспертиза хулосаси) — экспертиза объектининг саноат хавфсизлиги талабларига мувофиқлиги (номувофиқлиги) тўғрисида асосли хулосаларни ёки хавфли ишлаб чиқариш объектларини идентификациялаш натижаларини ўз ичига олган, эксперт ташкилотлари томонидан расмийлаштириладиган ҳужжат»;

б) қуйидаги мазмундаги 3 1 -банд билан тўлдирилсин:

«3 1 . Хавфли ишлаб чиқариш объектини қуриш, кенгайтириш, қайта қуриш, техник қайта жиҳозлаш, консервациялаш ва тугатишга доир лойиҳа ҳужжатларини экспертизадан ўтказишда технологик лойиҳа ечимларига асосий эътибор қаратилади ҳамда уларнинг саноат хавфсизлиги талабларига мувофиқлиги баҳоланади»;

в) 4-банд қуйидаги таҳрирда баён этилсин:

«4. Фойдаланилиши бошланган хавфли ишлаб чиқариш объектлари экспертиза доирасида идентификацияланади»;

г) 24-банд қуйидаги таҳрирда баён этилсин:

«24. Эксперт гуруҳи экспертиза объектининг ҳақиқий ҳолати ва унга қўйиладиган саноат хавфсизлиги талабларига мувофиқлигини баҳолайди, экспертиза объектига тааллуқли ҳужжатларнинг тўлиқлиги ва ишончлилигини аниқлайди.

Хавфли ишлаб чиқариш объектларидаги техник қурилмалар, бинолар ва иншоотларни экспертизадан ўтказишда экспертлар жойига чиққан ҳолда баҳолайди.

Хавфли ишлаб чиқариш объектларини экспертиза доирасида идентификациялашда объектни жойига чиққан ҳолда объектнинг тақдим этилган ҳужжатларга мувофиқлигини баҳолайди, буюртмачи фойдаланаётган хавфли ишлаб чиқариш объектларининг хавфлилик белгилари ва типларини аниқлайди.

Эксперт ташкилотида жойига чиққан ҳолда баҳолаш ўтказилганини тасдиқловчи ҳужжатлар ва маълумотлар (хизмат сафари гувоҳномаси, фотосуратлар, видеолар ва бошқалар) бўлиши керак»;

д) 25-банд қуйидаги мазмундаги иккинчи хатбоши билан тўлдирилсин:

«Текшириш ҳамда техник диагностикадан ўтказиш ишлари эксперт ташкилоти томонидан ишлаб чиқиладиган ва тасдиқланадиган дастурга мувофиқ ўтказилади»;

ж) 27-банд қуйидаги таҳрирда баён этилсин:

«27. Эксперт ташкилоти хавфли ишлаб чиқариш объектидаги техник қурилмалар, бинолар ва иншоотларни текшириш ва техник диагностикадан ўтказиш ишларини амалга ошириш учун зарур асбоб-ускуналари ҳамда рухсат берувчи хусусиятга эга ҳужжатлари мавжуд бошқа ташкилотларни ҳам жалб қилишга ҳақли.

Текшириш ва техник диагностикадан ўтказишда путур етказмайдиган назорат ишлари белгиланган тартибда аккредитациядан ўтказилган, путур етказмайдиган назорат лабораториялари томонидан эксперт ташкилоти белгилайдиган дастурга мувофиқ амалга оширилади.

Текшириш ва техник диагностика натижаларида тегишли назорат тадбирлари, шунингдек, путур етказмайдиган назорат ишлари ўтказилганини тасдиқловчи фотосуратлар бўлиши керак.

Хавфли ишлаб чиқариш объектларидаги техник қурилмалар, бинолар ва иншоотларни текшириш ҳамда техник диагностикадан ўтказиш ишларининг сифати ҳамда ишончлилиги учун ушбу ишларни амалга оширган ташкилот жавоб беради»;

з) 32-банд қуйидаги мазмундаги олтинчи хатбоши билан тўлдирилсин:

«текшириш ва техник диагностика натижаларида тегишли назорат тадбирлари, шунингдек, путур етказмайдиган назорат ишлари ўтказилганини тасдиқловчи фотосуратлар бўлмаса»;

олтинчи — еттинчи хатбошилар тегишлича еттинчи — саккизинчи хатбошилар деб ҳисоблансин;

и) 39-банд «ҳақидаги хулосаларни» сўзларидан кейин «ёхуд хавфли ишлаб чиқариш объектларининг идентификациялаш натижаларини» сўзлари билан тўлдирилсин;

к) 41-банд қуйидаги таҳрирда баён этилсин:

«41. Экспертиза объектлари бўйича экспертиза хулосасига қуйидаги ҳужжатлар илова қилинади:

саноат хавфсизлигини экспертизадан ўтказишда аниқланган номувофиқлик ва камчиликлар протоколи ва протоколда қайд этилган номувофиқлик ҳамда камчиликларни бартараф этишга доир ўтказилган тадбирлар ҳақида маълумотлар (агар улар расмийлаштирилса);

экспертизани ўтказишда фойдаланилган қонунчилик ҳужжатлари ва норматив техник ҳужжатлар рўйхати»;

л) қуйидаги мазмундаги 41 1 — 41 3 -бандлар билан тўлдирилсин:

«41 1 . Техник қурилма, бино ва иншоотлар бўйича экспертиза хулосасига, ушбу Низомнинг 41-бандида кўрсатилган ҳужжатларга қўшимча равишда ўтказилган текширувлар ва техник диагностика натижалари ҳамда жойига чиққан ҳолда баҳолашни ўтказган эксперт кўринган ҳолатдаги экспертиза объектининг умумий кўринишидаги фотосуратлари (2-3 дона) илова қилинади.

41 2 . Хавфли ишлаб чиқариш объектларини идентификациялаш бўйича саноат хавфсизлиги экспертизаси хулосасига қуйидаги ҳужжатлар илова қилинади:

идентификацияланадиган ҳар бир объект учун Вазирлар Маҳкамасининг 2008 йил 10 декабрдаги 271-сон қарори билан тасдиқланган Хавфли ишлаб чиқариш объектларини идентификациялаш тартиби тўғрисидаги низомга мувофиқ расмийлаштирилган хавфли ишлаб чиқариш объектларининг идентификация варағи;

жойига бориб баҳолашни ўтказган эксперт кўринган ҳолатдаги ҳар бир хавфли ишлаб чиқариш объектининг умумий кўринишидаги фотосуратлари (2-3 дона);

ушбу Низомга 9-иловага* мувофиқ шаклда хавфли ишлаб чиқариш объектларининг умумлаштирилган варағи.

41 3 . Хавфли ишлаб чиқариш объектларини идентификациялаш бўйича саноат хавфсизлиги экспертизаси хулосасини расмийлаштиришда Вазирлар Маҳкамасининг 2008 йил 10 декабрдаги 271-сон қарори билан тасдиқланган Хавфли ишлаб чиқариш объектларини идентификациялаш тартиби тўғрисидаги низом талаблари қўшимча равишда ҳисобга олинади»;

м) 4-боб қуйидаги таҳрирда баён этилсин:

« 4-боб. Экспертиза хулосасини ҳисобга олиш ва буюртмачига бериш.

42. Эксперт ташкилоти расмийлаштирилган экспертиза хулосасини ваколатли органга икки кун муддат ичида ҳисобга олиши учун электрон шаклда юборади.

Экспертиза хулосаси ваколатли органнинг «Ягона интеграциялашган экотизим» ахборот тизимида автоматик ҳисобга олинади.

43. Экспертиза хулосасининг асл нусхаси буюртмачига экспертизани ўтказиш учун шартнома шартлари бажарилгандан кейин берилади.

44. Экспертиза хулосасининг нусхаси экспертизани ўтказган эксперт ташкилотида сақланади».

3. Вазирлар Маҳкамасининг 2023 йил 20 ноябрдаги 612-сон қарори билан тасдиқланган Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентида :

а) 1-банднинг учинчи хатбошисидаги «53» рақами «54» рақами билан алмаштирилсин;

б) қуйидаги мазмундаги 54-илова билан тўлдирилсин:

«Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентига 54-ИЛОВА

Саноат хавфсизлиги декларацияси ҳисобга олингани ҳақида маълумотнома бериш

1. Давлат хизмати номи Саноат хавфсизлиги декларацияси ҳисобга олингани ҳақида маълумотнома 2. Давлат хизматидан фойдаланувчилар тоифаси Юридик шахслар 3. Давлат хизматини кўрсатувчи ваколатли орган(лар) Вазирлар Маҳкамаси ҳузуридаги Саноат, радиация ва ядро хавфсизлиги қўмитаси 4. Давлат хизматидан фойдаланиш учун талаб этиладиган маълумотлар хавфли ишлаб чиқариш объектининг тўлиқ номи; хавфли ишлаб чиқариш объекти жойлашган манзил (тўлиқ кўрсатилади); саноат хавфсизлиги декларация ишлаб чиқилган хавфли ишлаб чиқариш объектининг давлат реестридаги ҳисобга олиш рақами; фойдаланувчи ташкилотнинг тўлиқ номи; хавфли ишлаб чиқариш объектидан фойдаланувчи ташкилотнинг СТИРи; фойдаланувчи ташкилотнинг юридик ва почта манзиллари, телефон рақами 5. Давлат хизматини кўрсатганлик учун ундириладиган йиғим миқдори Бепул 6. Давлат хизматини кўрсатиш муддати 3 иш куни 7. Изоҳ - » .

4 . Вазирлар Маҳкамасининг 2023 йил 30 ноябрдаги 635-сон қарори билан тасдиқланган Айрим турдаги малака сертификатини бериш учун давлат хизматларини кўрсатишнинг ягона маъмурий регламентига 4-илованинг 9-позицияси учинчи устунида:

а) ўн учинчи хатбошидаги «биринчи тоифали» сўзлари чиқариб ташлансин;

б) ўн тўртинчи хатбоши қуйидаги таҳрирда баён этилсин:

«Тест саволлари хавфли ишлаб чиқариш объектини идентификациялаш ва декларациялаш, саноат хавфсизлиги экспертизаси бўйича ишларни бажариш, шунингдек, аттестациядан ўтмоқчи бўлган аттестация соҳаси (ёки экспертиза объектлари) мутахассислигига мувофиқ тузиладиган камида 50 та саволдан иборат бўлади ҳамда умумий тест ўтказиш вақтининг давомийлиги 50 дақиқани ташкил этади»;

в) қуйидаги мазмундаги ўн еттинчи хатбоши билан тўлдирилсин:

«Аттестация босқичларининг биридан ўта олмаган талабгорларга ушбу босқични қайта топшириш имконияти берилади».

Вазирлар Маҳкамасининг 2026 йил 25 июндаги 325-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар тўғрисида» 2020 йил 19 майдаги 291-сон қарорининг 1-банди иккинчи хатбошиси ва 1-илова .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илова 835-бандининг «а» кичик банди.

3. Вазирлар Маҳкамасининг «Аҳоли ва тадбиркорлик субъектларининг давлат хизматларидан фойдаланиш имкониятлари кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 27 декабрдаги 774-сон қарорига 1-илованинг 70-банди.

4. Вазирлар Маҳкамасининг «Саноат, радиация ва ядро хавфсизлиги соҳасидаги қонунчилик ҳужжатлари такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2025 йил 2 майдаги 289-сон қарорига 1-илова 22-бандининг «а» кичик банди.

Ўзбекистон Республикасининг Бош вазири А. АРИПОВ

Тошкент ш.,

2026 йил 25 июнь,

325 -сон

(Қонунчилик маълумотлари миллий базаси, 26.06.2026 й., 09/26/325/0635-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

MAʼMURIY REGLAMENTI

SXEMASI

ARIZA

ROʻYXATI

MAʼMURIY REGLAMENTI

SXEMASI

ARIZA

PASPORTI

ROʻYXATI

Sanoat xavfsizligi sohasidagi davlat xizmatlari koʻrsatilishini va sohani raqamlashtirishni yanada takomillashtirish chora-tadbirlari toʻgʻrisida

Oʻzbekiston Respublikasining “ Xavfli ishlab chiqarish obyektlarining sanoat xavfsizligi toʻgʻrisida ”gi, “ Axborotlashtirish toʻgʻrisida ”gi qonunlari hamda Oʻzbekiston Respublikasi Prezidentining “ Sanoat, radiatsiya va yadro xavfsizligi sohasida davlat nazoratini takomillashtirish boʻyicha qoʻshimcha chora-tadbirlar toʻgʻrisida ” 2024-yil 24-dekabrdagi PF-224-son, “ Davlat xizmatlarini koʻrsatish tizimini takomillashtirish hamda sohada byurokratik tartibotlarni tubdan qisqartirishga doir qoʻshimcha chora-tadbirlar toʻgʻrisida ” 2025-yil 8-sentabrdagi PF-157-son farmonlari ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatini koʻrsatishning maʼmuriy reglamenti 1-ilovaga muvofiq;

Xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatishning maʼmuriy reglamenti 2-ilovaga muvofiq tasdiqlansin.

2. Belgilansinki, Vazirlar Mahkamasi huzuridagi Sanoat, radiatsiya va yadro xavfsizligi qoʻmitasining sanoat xavfsizligi sohasini raqamlashtirish boʻyicha ishlab chiqilgan “Yagona integratsiyalashgan ekotizim” axborot tizimi (keyingi oʻrinlarda — axborot tizimi) orqali:

respublikada foydalanilayotgan xavfli ishlab chiqarish obyektlari davlat reyestrida hisobga olinadi;

xavfli ishlab chiqarish obyektlarining sanoat xavfsizligi deklaratsiyasi va ekspertiza xulosalari hisobga olinadi;

sanoat xavfsizligi sohasidagi ekspert tashkilotlari akkreditatsiyadan oʻtkaziladi va ularning faoliyati monitoring qilinadi;

axborot tizimiga kiritilgan xavfli ishlab chiqarish obyektlari toʻgʻrisidagi maʼlumotlar doimiy monitoring qilinadi;

respublikada foydalanilayotgan xavfli ishlab chiqarish obyektlarining xavf tahlili amalga oshiriladi.

3. Mahalliy ijro etuvchi hokimiyat organlari, vazirliklar va idoralar uch oy muddatda oʻzlarining qoʻyi tashkilotlari tomonidan foydalaniladigan xavfli ishlab chiqarish obyektlari ushbu qarorda belgilangan tartibda davlat reyestrida hisobga olinishini taʼminlasin.

4. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi Raqamli texnologiyalar vazirligi, Adliya vazirligi hamda boshqa tegishli vazirliklar va idoralar bilan birgalikda ikki oy muddatda:

ushbu qaror bilan tasdiqlangan reglamentlarga muvofiq xizmatlarning Davlat xizmatlari markazlari, Yagona interaktiv davlat xizmatlari portali (keyingi oʻrinlarda — YIDXP) va axborot tizimi orqali koʻrsatilishini taʼminlasin;

axborot tizimi boshqa vazirliklarning va idoralarning axborot tizimlari hamda resurslari bilan “Elektron hukumat” tizimining Idoralararo integratsiyalashuv platformasi orqali integratsiya qilinishini taʼminlasin;

YIDXP va axborot tizimida xizmatlar koʻrsatilishining har qanday bosqichida murojaatlarning koʻrib chiqilishini kuzatib borish tartibini joriy etsin;

xizmatlarni koʻrsatish uchun zarur hamda boshqa hujjatlarning namunaviy shakllarini va blankalarini tasdiqlasin.

5. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi ushbu qarorning maqsadlari, mazmuni va uni qoʻllash tartibi toʻgʻrisida aholi, vazirliklar, idoralar va boshqa tashkilotlar hamda tadbirkorlik subyektlarining keng xabardor qilinishini taʼminlasin.

6. Oʻzbekiston Respublikasi Hukumatining 3-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

xavfli ishlab chiqarish obyektlarini identifikatsiya qilish tartib-taomillarini takomillashtirish;

sanoat xavfsizligi ekspertizasini oʻtkazishda jarayon sifatini oshirish hamda ekspertiza xulosalarini hisobga olishni raqamlashtirish;

sanoat xavfsizligi sohasidagi ekspertlarga ekspert guvohnomasini berish tartibini takomillashtirish.

7. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

8. Vazirliklar va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

9. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi raisi A.V. Rafiqov zimmasiga yuklansin.

Vazirlar Mahkamasining 2026-yil 25-iyundagi 325-son qaroriga 1-ILOVA

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament sanoat xavfsizligi sohasidagi ekspert tashkilotlarini akkreditatsiyadan oʻtkazish, shuningdek, ular faoliyatini monitoring qilish tartibini belgilaydi.

2. Sanoat xavfsizligi sohasidagi ekspert tashkilotlari Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi (keyingi oʻrinlarda — vakolatli organ) tomonidan “Yagona integratsiyalashgan ekotizim” axborot tizimi (keyingi oʻrinlarda — axborot tizimi) orqali akkreditatsiyadan oʻtkaziladi.

3. Sanoat xavfsizligi sohasidagi ekspert tashkilotlari sifatida akkreditatsiya qilish va ular faoliyatini monitoring qilish quyidagi maqsadlarda amalga oshiriladi:

respublikadagi loyihalashtirilayotgan va foydalanilayotgan xavfli ishlab chiqarish obyektlarida sanoat xavfsizligi talablariga rioya etilishiga qaratilgan sanoat xavfsizligi ekspertizasi xolis oʻtkazilishini taʼminlash;

sanoat xavfsizligi ekspertizasini oʻtkazish, shuningdek, xavfli ishlab chiqarish obyektlarini identifikatsiya qilish va sanoat xavfsizligi deklaratsiyasini ishlab chiqish ishlari sifatini yaxshilash, bu ishlarni amalga oshiradigan mutaxassislarning professional darajasini oshirish;

tadbirkorlik faoliyatini davlat tomonidan tartibga solish yukini kamaytirish.

4. Ushbu Reglamentda quyidagi asosiy tushunchalardan foydalaniladi:

akkreditatsiya — sanoat xavfsizligi ekspertizasini oʻtkazish vakolatini berish uchun vakolatli organ tomonidan talabgorning ekspert tashkilotlari faoliyatiga qoʻyiladigan talablarga muvofiqligini baholash va tasdiqlash jarayoni;

akkreditatsiya attestati — akkreditatsiya mezonlariga rioya etilgan taqdirda, sanoat xavfsizligi ekspertizasini oʻtkazish huquqini beradigan hujjat;

akkreditatsiya sohasi — ekspert tashkilotining faoliyat sohasi;

sanoat xavfsizligi sohasidagi ekspert tashkiloti (keyingi oʻrinlarda — ekspert tashkiloti) — ekspertizani oʻtkazadigan, mazkur Reglamentda belgilangan tartibda akkreditatsiyadan oʻtkazilgan tashkilot;

sanoat xavfsizligi ekspertizasi xulosasi (keyingi oʻrinlarda — ekspertiza xulosasi) — ekspertiza obyektining sanoat xavfsizligi talablariga muvofiqligi toʻgʻrisida asosli xulosalarni yoki xavfli ishlab chiqarish obyektlarini identifikatsiya qilish natijalarini oʻz ichiga oladigan va ekspert tashkilotlari tomonidan rasmiylashtiriladigan hujjat;

talabgor — ekspert tashkiloti akkreditatsiya attestatini olish maqsadida vakolatli organga murojaat etuvchi yuridik shaxs;

ekspert tashkilotlari faoliyatiga qoʻyiladigan talablar (keyingi oʻrinlarda — akkreditatsiya mezonlari) — akkreditatsiyadan oʻtkazilgan ekspert tashkiloti vakolatiga ega boʻlish uchun bajarilishi kerak boʻlgan talablar;

5. Sanoat xavfsizligi ekspertizasi akkreditatsiyadan oʻtkazilgan ekspert tashkiloti tomonidan uning akkreditatsiya sohasiga muvofiq ushbu Reglamentda belgilangan tartibda rasmiylashtirilgan akkreditatsiya attestati asosida oʻtkaziladi.

6. Sanoat xavfsizligi ekspertizasini akkreditatsiya attestatisiz oʻtkazish taqiqlanadi, shuningdek, akkreditatsiya attestatiga ega boʻlmagan tashkilot sanoat xavfsizligi ekspertizasini oʻtkazish uchun shartnoma tuzish huquqiga ega boʻlmaydi.

2-bob. Arizani shakllantirish va yuborish

7. Sanoat xavfsizligi sohasidagi ekspert tashkilotlari ushbu Reglamentga 1-ilovaga muvofiq sxema asosida akkreditatsiyadan oʻtkaziladi.

8. Talabgor davlat xizmatidan foydalanish uchun Davlat xizmatlari markaziga bevosita oʻzi kelib yoki davlat xizmatidan elektron shaklda foydalanish uchun Yagona interaktiv davlat xizmatlari portalida (keyingi oʻrinlarda — YIDXP) yoxud axborot tizimida roʻyxatdan oʻtgan holda murojaat qiladi.

YIDXP va axborot tizimi oʻrtasida axborot almashinuvi elektron hukumatning idoralararo maʼlumotlarni uzatish tarmogʻi orqali real vaqt rejimida amalga oshiriladi.

9. Oʻzi kelib murojaat etgan taqdirda, Davlat xizmatlari markazi xodimi talabgor nomidan, YIDXP yoki axborot tizimi orqali murojaat etganda esa talabgor mustaqil ravishda ushbu Reglamentga 2-ilovaga muvofiq shakldagi arizani elektron shaklda toʻldiradi.

Arizalar dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va ishlanmaydigan bayram kunlari tushganda, navbatdagi ish kuni arizalarning vakolatli organga tushgan va vakolatli organ tomonidan qabul qilingan kun hisoblanadi.

10. Arizaga quyidagi hujjatlar ilova qilinadi:

a) talabgor faoliyat yuritmoqchi boʻlgan akkreditatsiya sohasi (akkreditatsiya sohalari roʻyxati ushbu Reglamentga 3-ilovasida keltirilgan) hamda akkreditatsiya sohasi boʻyicha ishlarni bajarish uchun sanoat xavfsizligi sohasidagi ekspertlar bilan taʼminlangani toʻgʻrisidagi maʼlumotlar;

b) ekspert tashkiloti Nizomi;

v) talabgorning ushbu Reglamentga 4-ilovada keltirilgan akkreditatsiya mezonlariga muvofiqligini tavsiflovchi deklaratsiya;

g) talabgorning shtatida boʻlgan sanoat xavfsizligi sohasidagi ekspertlar va xodimlar roʻyxati, unda ularning egallab turgan lavozimlari, diplom maʼlumoti boʻyicha mutaxassisligi, ish staji, ekspertiza ishlarida ushbu xodimlar qatnashgan asosiy obyektlar roʻyxati koʻrsatiladi;

d) akkreditatsiya sohasidagi ishlarni bajarish uchun mavjud sharoitlar, jihozlar, dasturlar va asbob-uskunalar haqidagi maʼlumotlar hamda ularga egalik yoki boshqa ashyoviy huquqlarni tasdiqlovchi hujjatlar;

j) talabgorning sifatni boshqarish tizimining muvofiqlik sertifikati.

Ilova qilinadigan hujjatlar PDF formatida boʻlishi lozim.

11. Davlat xizmati koʻrsatilgani uchun bazaviy hisoblash miqdorining besh baravari miqdorida yigʻim (keyingi oʻrinlarda — yigʻim) undiriladi.

Davlat xizmati koʻrsatilishi uchun YIDXP yoki axborot tizimi orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlat xizmatini koʻrsatish uchun yigʻim toʻlangani axborot-kommunikatsiya tizimlari orqali tasdiqlanadi.

12. Yigʻimlar summasi quyidagi tartibda taqsimlanadi:

a) Davlat xizmatlari markaziga murojaat etilganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik xizmati qoʻmitasidagi maxsus hisobvaragʻiga (Yagona billing tizimi orqali tasdiqlangani uchun);

qolgan mablagʻlar vakolatli organning budjetdan tashqari maxsus jamgʻarmasiga;

b) YIDXP yoki axborot tizimi orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,75 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (shu jumladan, 0,5 foizi yigʻim toʻlangani Yagona billing tizimi orqali tasdiqlangani uchun);

qolgan mablagʻlar vakolatli organning budjetdan tashqari maxsus jamgʻarmasiga oʻtkaziladi.

13. Ariza shakli toʻldirilgandan soʻng talabgor maʼlumotlarning toʻgʻriligini tekshiradi va tasdiqlaydi.

Arizada koʻrsatilgan maʼlumotlar va unga ilova qilingan hujjatlarning ishonchligi va haqqoniyligi uchun talabgor javobgar hisoblanadi.

14. Talabgor davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Talabgor davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi. Bunda toʻlangan yigʻim summasi qaytarilmaydi.

15. Talabgor Davlat xizmatlari markaziga kelib murojaat etganda, Davlat xizmatlari markazi ariza toʻldirilgan vaqtdan boshlab real vaqt rejimida uni vakolatli organga elektron shaklda yuboradi.

YIDXP yoki axborot tizimi orqali murojaat etilganda ariza avtomatik tarzda vakolatli organga elektron shaklda yuboriladi.

3-bob. Arizani koʻrib chiqish va akkreditatsiyadan oʻtkazish tartibi

16. Vakolatli organ ariza qabul qilingan kundan boshlab yigirma ish kunida taqdim etilgan hujjatlarni tahlil qiladi, bunda taqdim etilgan hujjatlarda keltirilgan maʼlumotlar asosida talabgorning akkreditatsiya mezonlariga qay darajada muvofiqligi baholanadi. Tahlil natijalari maʼlumotnoma tarzida rasmiylashtiriladi.

17. Ijobiy maʼlumotnoma rasmiylashtirilgan kundan boshlab yigirma ish kunida talabgor faoliyati joyiga borib baholanadi.

Talabgorning faoliyati vakolatli organ buyrugʻi bilan tashkil etiladigan baholash komissiyasi tomonidan joyiga borib baholanadi.

Baholash komissiyasi tarkibi toq boʻlishi va uch kishidan kam boʻlmasligi kerak.

Baholash komissiyasi tarkibiga tegishli vazirlik va idoralarning mutaxassislari kiritilishi mumkin.

Joyiga borib bevosita baholash, baholash komissiyasi aʼzolari oʻrtasida vazifalarning taqsimlanishi va baholash natijalarining rasmiylashtirilishi uchun javobgarlik baholash komissiyasi raisi zimmasiga yuklanadi.

Vakolatli organning buyrugʻi baholash boshlanishidan kamida uch ish kuni oldin talabgorga yuboriladi va baholash komissiyasining aʼzolariga tanishtiriladi.

18. Joyiga borib baholash bilan bogʻliq xarajatlar talabgor tomonidan qoplanadi.

Talabgor baholash komissiyasi aʼzolariga oʻz faoliyati bilan bogʻliq maʼlumotlardan toʻsiqsiz foydalanish imkoniyatini taʼminlashi kerak.

Baholash komissiyasi aʼzolari talabgor faoliyatining asosiy turlari amalga oshiriladigan barcha boʻlinmalarning akkreditatsiya mezonlariga muvofiqligini, talabgorning amaldagi holati taqdim etilgan hujjatlar bilan muvofiqligini, uning koʻrsatilgan vazifalarni bajarish imkoniga ega ekanligini baholaydi.

Agar talabgor boshqa hududda ham boʻlinmalarga ega boʻlsa, bu boʻlinmalar ham joyiga borib baholanishi kerak.

19. Joyiga borib baholash natijalari boʻyicha ushbu Reglamentga 5-ilovaga muvofiq shaklda dalolatnomada rasmiylashtiriladi.

Dalolatnoma baholash komissiyasi aʼzolari va talabgorning masʼul rahbari tomonidan imzolanadi. Agar baholash komissiyasi aʼzolari yoki talabgor vakillari alohida fikrlarga ega boʻlsa, ular dalolatnomaga ilova qilinishi kerak.

Talabgorning masʼul rahbari dalolatnomaga imzo chekishdan bosh tortsa, baholash komissiyasi raisi bu haqida dalolatnomaga tegishli yozuv kiritadi.

Dalolatnoma ikki nusxada tuziladi: bir nusxasi vakolatli organda saqlanadi, ikkinchi nusxasi talabgorga beriladi.

20. Dalolatnoma ijobiy boʻlganda, dalolatnoma rasmiylashtirilgan kundan boshlab oʻn ish kunida akkreditatsiya attestatini berish toʻgʻrisida qaror qabul qilinadi hamda ushbu Reglamentga 6-ilovaga muvofiq shaklda akkreditatsiya attestati va uning ajralmas qismi boʻlgan akkreditatsiya sohasi rasmiylashtiriladi.

Akkreditatsiya attestati besh yil muddatga beriladi.

Axborot tizimida QR-kod (matrik shtrixli kod) qoʻyilgan akkreditatsiya attestati va ilovasi (akkreditatsiya sohasi) avtomatik ravishda shakllantiriladi va davlat xizmatlari markaziga yoki talabgorning YIDXP yoxud axborot tizimidagi shaxsiy kabinetiga elektron shaklda yuboriladi.

21. Akkreditatsiya attestatini berishni rad etish uchun quyidagilar asos boʻladi:

akkreditatsiya attestati berilishi uchun zarur boʻlgan hujjatlarning talabgor tomonidan toʻliq boʻlmagan hajmda taqdim etilgani;

talabgor tomonidan taqdim etilgan hujjatlarda notoʻgʻri yoki buzib koʻrsatilgan maʼlumotlarning mavjudligi;

taqdim etilgan hujjatlar tahlili yoki joyiga borib baholash jarayonlarida talabgorning akkreditatsiya mezonlariga muvofiqligi tasdiqlanmaganda;

aniqlangan nomuvofiqliklar belgilangan muddatda bartaraf etilmaganda.

Boshqa asoslarga koʻra, shu jumladan, akkreditatsiya attestatini berishni maqsadga muvofiq emas degan sabablar bilan rad etishga yoʻl qoʻyilmaydi.

22. Talabgorning akkreditatsiya attestatini berish haqidagi arizasini birinchi marta koʻrib chiqish jarayonida quyidagi kamchiliklar aniqlanganda, ularni bartaraf etish uchun talabgorga muddat bermasdan akkreditatsiya attestatini berishni rad etishga yoʻl qoʻyilmaydi:

akkreditatsiya attestati berilishi uchun zarur boʻlgan hujjatlar talabgor tomonidan toʻliq boʻlmagan hajmda taqdim etilganda;

xodimlarning kasbiy malakasi qonunchilikda belgilangan talablarga muvofiq boʻlmaganda;

taqdim etilgan hujjatlar belgilangan talablarga muvofiq boʻlmaganda.

Ushbu bandda koʻrsatilgan kamchiliklar aniqlanganda, vakolatli organ ularni bartaraf etish zarurligi toʻgʻrisidagi xabarnomani talabgorga YIDXP yoki axborot tizimi orqali bir ish kuni ichida yuboradi.

23. Xabarnoma taqdim etilgan hujjatlarda aniqlangan kamchiliklar hamda ularni bartaraf etish usullari, shuningdek, talabgor koʻrsatilgan sabablarni bartaraf qilib, tegishli hujjatlarni koʻrib chiqish uchun takroran taqdim etishi mumkin boʻlgan muddat koʻrsatilgan holda yuboriladi. Xabarnomada koʻrsatilgan muddat kamchiliklarni bartaraf etish uchun zarur boʻladigan vaqtga mutanosib boʻlishi, lekin ushbu muddat oʻttiz ish kunidan ortiq boʻlmasligi kerak.

Vakolatli organ aniqlangan kamchiliklarni bartaraf etish uchun talabgorga malakali xodimlarni izlashda, hujjatlar hamda dasturlarni mukammal ishlab chiqish uchun mutaxassislarni jalb etishda, shuningdek, akkreditatsiya attestatini olish uchun boshqa zarur shart-sharoitlarni yaratishda yordam koʻrsatishi va tavsiyalar berishi kerak, talabgorning taklif etilgan yordamni rad etgan hollari bundan mustasno. Vakolatli organning kamchiliklarni bartaraf etishga qaratilgan koʻrsatma va tavsiyalari kamchiliklarni bartaraf etish toʻgʻrisidagi xabarnomada batafsil yoritiladi.

24. Kamchiliklarni bartaraf etish boʻyicha xabarnoma yuborilgan taqdirda, akkreditatsiya attestatini berish toʻgʻrisidagi arizani koʻrib chiqish muddati xabarnomada koʻrsatilgan muddatga toʻxtatib turiladi.

25. Hujjatlar xabarnomada koʻrsatilgan kamchiliklarni bartaraf etmasdan yoki xabarnomada koʻrsatilgan muddat oʻtgandan keyin taqdim etilgan taqdirda, vakolatli organ akkreditatsiya attestatini berishni rad etish haqida qaror qabul qilishga haqli. Bunda akkreditatsiya attestatini berishni kamchiliklarni bartaraf etish toʻgʻrisidagi xabarnomada koʻrsatilmagan yangi asoslar boʻyicha rad etishga yoʻl qoʻyilmaydi.

26. Akkreditatsiya attestatini berishni rad etish toʻgʻrisidagi qaror talabgorga rad etish sabablari, qonunchilikning aniq normalari va talabgor mazkur sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda YIDXP yoki axborot tizimi orqali yuboriladi. Talabgor rad etish sabablarini bartaraf etishga va hujjatlarni takroran koʻrib chiqish uchun taqdim etishga haqli boʻlgan muddat akkreditatsiya attestatini berish rad etilgani haqidagi qaror olingan kundan eʼtiboran oʻn ish kunidan kam boʻlmasligi kerak.

27. Talabgor akkreditatsiya attestatini berish rad etilishi uchun asos boʻlgan sabablarni belgilangan muddatda bartaraf etgan taqdirda, rad etish sabablari bartaraf etilgani toʻgʻrisidagi ariza va rad etish sabablari bartaraf etilganini tasdiqlovchi tegishli hujjatlarni davlat xizmatlari markazi yoki YIDXP yoxud axborot tizimi orqali elektron shaklda yuboradi.

Talabgorning rad etish sabablari bartaraf etilgani toʻgʻrisidagi arizasi va rad etish sabablari bartaraf etilganini tasdiqlovchi tegishli hujjatlar olingan kundan eʼtiboran besh ish kunidan koʻp boʻlmagan muddatda vakolatli organ tomonidan takroran koʻrib chiqiladi. Talabgorning arizasi takroran koʻrib chiqilgani uchun yigʻim, agar ariza akkreditatsiya attestatini berishni rad etish toʻgʻrisidagi qarorda belgilangan hujjatlarni takroran taqdim etish mumkin boʻlgan muddatda taqdim etilgan boʻlsa, undirilmaydi.

Hujjatlarni takroran koʻrib chiqishda vakolatli organ tomonidan talabgorga akkreditatsiya attestatini berishni rad etish toʻgʻrisidagi qarorda bayon qilinmagan rad etish sabablarini keltirishga yoʻl qoʻyilmaydi, ilgari koʻrsatilgan sabablar bartaraf etilganini tasdiqlovchi hujjatlar bilan bogʻliq rad etish sabablari keltirilishi bundan mustasno.

Akkreditatsiya attestatini berishni rad etish toʻgʻrisidagi qarorda koʻrsatilgan muddat oʻtgandan keyin talabgor tomonidan topshirilgan ariza yangidan topshirilgan hisoblanadi va vakolatli organ tomonidan umumiy asoslarda koʻrib chiqiladi.

28. Talabgor akkreditatsiya attestatini berish rad etilganligi, shuningdek, vakolatli organ mansabdor shaxsining akkreditatsiyadan oʻtkazish tartib-taomillari bilan bogʻliq harakati (harakatsizligi) boʻyicha belgilangan tartibda shikoyat qilish huquqiga ega.

4-bob. Ekspert tashkilotlari faoliyatini monitoring qilish

29. Ekspert tashkilotlari faoliyati akkreditatsiyadan oʻtkazilgan ekspert tashkilotlari faoliyatining va ular tomonidan amalga oshirilgan ishlarning belgilangan talablarga muvofiqligini baholash va qonunbuzilishlarni bartaraf etish maqsadida vakolatli organ tomonidan monitoring qilinadi.

30. Quyidagi holatlarda ekspert tashkilotlari faoliyati monitoringi oʻtkaziladi:

jismoniy va yuridik shaxslarning, shu jumladan, jamoatchilik nazorati subyektlarining murojaatlari kelib tushganda;

vakolatli organga qonunchilik buzilishiga oid holatlar toʻgʻrisida maʼlumotlar kelib tushganda yoki vakolatli organ tomonidan axborot tizimidagi maʼlumotlarni tahlil qilish natijasida qonunchilik buzilishiga oid holatlar aniqlanganda;

ekspert tashkilotlari xizmat koʻrsatgan xavfli ishlab chiqarish obyektlarida avariya yoki baxtsiz hodisa sodir boʻlganda.

31. Monitoring amalga oshirilayotganda vakolatli organ oʻz vakolatlari doirasida quyidagi huquqlarga ega:

akkreditatsiya attestatiga ega boʻlgan tashkilotlar tomonidan rasmiylashtirilgan ekspertiza xulosalari, sanoat xavfsizligi deklaratsiyalar va boshqa axborot va maʼlumotlarni oʻrganish va tahlil qilish;

akkreditatsiya mezonlarining ekspertlarga tegishli talablarining bajarilishini “Yagona milliy mehnat tizimi” idoralararo dasturiy-apparat kompleksi orqali tekshirish;

akkreditatsiya mezonlarining sifatni boshqarish tizimiga tegishli talablarining bajarilishini “Sertifikatsiya qilingan sifatni boshqarish tizimi davlat reyestri” orqali tekshirish;

“sirli mijoz” usulida ekspert tashkilotlari tomonidan belgilangan tartiblarga rioya etilishi boʻyicha nazorat tadbirlarini oʻtkazish;

yuzaga keladigan masalalar boʻyicha jismoniy va yuridik shaxslardan zarur maʼlumotlarni soʻrash va olish;

monitoring natijalari asosida jismoniy va yuridik shaxslar yoʻl qoʻygan qonun buzilishlarini aniq koʻrsatgan holda dalolatnomalar (maʼlumotnomalar) tuzish;

jismoniy va yuridik shaxs zimmasiga aniqlangan qoidabuzarliklarni bartaraf etish majburiyatini yuklovchi qarorlar chiqarish, koʻrsatmalar berish, bunday qoidabuzarliklarni bartaraf etish muddatlarini belgilash;

ekspert tashkiloti akkreditatsiya sohasini qisqartirish;

akkreditatsiya attestati amal qilishini oʻn ish kunidan ortiq boʻlmagan muddatga toʻxtatib turish, shuningdek, sudga akkreditatsiya attestatining amal qilishini olti oydan ortiq boʻlmagan muddatga toʻxtatib turish yoki uning amal qilishini bekor qilish tashabbusi bilan murojaat qilish.

32. Ekspert tashkiloti vakolatli organ tomonidan berilgan koʻrsatmada bayon etilgan talablarni oʻn ish kuni ichida bajarishi va bu haqida vakolatli organga xabar berishi lozim.

33. Monitoring oʻtkazish natijasida ekspert tashkiloti shtatida akkreditatsiya sohalariga muvofiq sanoat xavfsizligi sohasidagi ekspertlar yoʻqligi yoki qonunchilik talablarining muntazam ravishda (ikki va undan ortiq marotaba) buzilgani aniqlanganda, ushbu sohalar boʻyicha ekspert tashkilotining akkreditatsiya sohasi qisqartiriladi.

34. Vakolatli organ tomonidan berilgan koʻrsatmada bayon etilgan talablarni oʻn ish kuni ichida bajarmaslik, shuningdek, monitoring oʻtkazish uchun vakolatli organ tomonidan soʻralgan hujjatlarni (maʼlumotlarni) taqdim etmaslik akkreditatsiya attestatining amal qilishini toʻxtatib turish uchun asos boʻladigan harakat hisoblanadi.

5-bob. Akkreditatsiya sohasini kengaytirish va qisqartirish

35. Ekspert tashkilotining akkreditatsiya sohasi ushbu Reglamentning 2-bobi talablariga muvofiq kengaytiriladi.

36. Ekspert tashkilotining akkreditatsiya sohasi vakolatli organning akkreditatsiya sohasini kengaytirish haqidagi qarori asosida yangi akkreditatsiya sohasini rasmiylashtirish orqali kengaytiriladi.

37. Ekspert tashkilotining akkreditatsiya sohasi vakolatli organning qarori bilan quyidagilar asosida qisqartiriladi:

a) ekspert tashkilotining akkreditatsiya sohasini qisqartirish toʻgʻrisidagi arizasi;

b) ekspert tashkilotlari faoliyatini monitoring qilish natijasida vakolatli organning akkreditatsiya sohasini qisqartirish haqidagi qarori qabul qilinganda.

38. Ekspert tashkilotining akkreditatsiya sohasi qisqartirish vakolatli organning akkreditatsiya sohasini qisqartirish haqidagi qarori asosida yangi akkreditatsiya sohasini rasmiylashtirish orqali qisqartiriladi.

39. Yangi akkreditatsiya sohasining amal qilish muddati amaldagi akkreditatsiya attestatining amal qilish muddati doirasida belgilanadi.

6-bob. Akkreditatsiya attestatini qayta rasmiylashtirish

40. Akkreditatsiyadan oʻtkazilgan tashkilot qayta tashkil etilsa, nomi yoki joylashgan joyi (pochta manzili) oʻzgargan taqdirda, ekspert tashkiloti yoxud uning huquqiy vorisi qayta roʻyxatdan oʻtganidan keyin oʻn ish kunida Davlat xizmatlari markazi yoki YIDXP yoxud axborot tizimi orqali vakolatli organga tegishli hujjatlarni ilova qilgan holda, akkreditatsiya attestatini qayta rasmiylashtirish toʻgʻrisida ariza berishi shart.

41. Akkreditatsiya attestatini qayta rasmiylashtirish uchun toʻlov undirilmaydi.

42. Akkreditatsiya attestatini qayta rasmiylashtirish toʻgʻrisidagi ariza vakolatli organga tushgan kundan boshlab besh ish kuni ichida akkreditatsiya attestati qayta rasmiylashtirib beriladi.

Qayta rasmiylashtirishda ilgari berilgan akkreditatsiya attestatining amal qilish muddati oʻzgarmaydi.

7-bob. Akkreditatsiya attestatining amal qilishini toʻxtatib turish, bekor qilish va tugatish

43. Akkreditatsiya attestatining amal qilishi quyidagi hollarda vakolatli organ tashabbusi bilan toʻxtatib turilishi mumkin:

akkreditatsiya mezonlari ekspert tashkiloti tomonidan buzilgani aniqlanganda;

ekspert tashkiloti tomonidan vakolatli organning ekspert tashkilotiga aniqlangan qoidabuzarliklarni bartaraf etish majburiyatini yuklovchi koʻrsatmasi bajarilmaganda.

44. Akkreditatsiya attestatining amal qilishi vakolatli organ yoki sud tomonidan toʻxtatib turiladi. Akkreditatsiya attestatining amal qilishi vakolatli organ tomonidan oʻn kundan koʻp boʻlmagan muddatga, sud tomonidan esa oʻn kundan ortiq, lekin olti oydan koʻp boʻlmagan muddatga toʻxtatib turilishi mumkin.

Belgilangan muddat ichida akkreditatsiya attestatining amal qilishini toʻxtatib turish uchun asos boʻlgan sabab va kamchiliklar bartaraf qilinmasa, vakolatli organ akkreditatsiya attestatining amal qilishini toʻxtatib turish muddatini uzaytirish boʻyicha sudga daʼvo arizasi kiritishi lozim.

Ekspert tashkiloti akkreditatsiya attestatining amal qilishini toʻxtatib turishga olib kelgan holatlarni vakolatli organ yoki sud belgilagan muddatda bartaraf etmaganda, vakolatli organ akkreditatsiya attestatini bekor qilish toʻgʻrisida sudga daʼvo arizasi kiritadi.

45. Ekspert tashkiloti oʻz faoliyatini vaqtincha toʻxtatganda, akkreditatsiya attestatining amal qilishini olti oygacha toʻxtatib turish haqida vakolatli organga murojaat qilishi mumkin. Bunda olti oy muddat ichida akkreditatsiya attestatining amal qilishini qayta tiklash toʻgʻrisida vakolatli organga murojaat qilinmagan taqdirda, akkreditatsiya attestatining amal qilishi toʻxtatiladi.

46. Vakolatli organning akkreditatsiya attestatining amal qilishini toʻxtatib turish toʻgʻrisidagi qarori vakolatga ega boʻlgan mansabdor shaxs tomonidan qabul qilinadi.

Qaror axborot tizimi orqali real vaqt rejimida avtomatik tarzda ekspert tashkilotining shaxsiy kabinetiga yuboriladi.

47. Vakolatli organ yoki sud akkreditatsiya attestatining amal qilishi toʻxtatib turilishiga sabab boʻlgan holatlarning ekspert tashkiloti tomonidan bartaraf etilishi uchun yetarli, ammo besh ish kunidan kam va olti oydan koʻp boʻlmagan muddat beriladi.

48. Ekspert tashkiloti akkreditatsiya attestatining amal qilishi toʻxtatib turilishi haqida qaror kelib tushgandan soʻng qarorda koʻrsatilgan kamchiliklarni bartaraf etishi va qarorda koʻrsatilgan muddat yakunlanguniga qadar vakolatli organga axborot tizimi orqali kamchiliklar bartaraf etilgani toʻgʻrisidagi tasdiqnoma va asoslovchi hujjatlarni ilova qilgan holda maʼlumot yuborishi lozim.

Akkreditatsiya attestatining amal qilishini toʻxtatib turish haqidagi qaror sud tomonidan qabul qilingan boʻlsa, kamchiliklar bartaraf etilgani toʻgʻrisidagi tasdiqnoma va asoslovchi hujjatlar qarorda koʻrsatilgan muddat yakunlanguniga qadar sudga taqdim etilishi lozim.

Kamchiliklar bartaraf etilgani toʻgʻrisidagi maʼlumot tushgan kundan boshlab uch ish kuni ichida vakolatli organ maʼlumotlarni tahlil qilishi lozim.

49. Tahlil yoki oʻrganishlar natijasida akkreditatsiya attestatining amal qilishini toʻxtatib turishga sabab boʻlgan holatlar ekspert tashkiloti tomonidan bartaraf etilgani aniqlangan taqdirda, vakolatli organ kamchiliklar bartaraf etilgani toʻgʻrisida tasdiqnoma olingan kundan eʼtiboran uch ish kuni ichida akkreditatsiya attestatining amal qilishini qayta tiklash toʻgʻrisidagi qaror qabul qiladi.

Bunda vakolatli organ tomonidan akkreditatsiya attestatining amal qilishini qayta tiklash yoki qayta tiklashni rad etish toʻgʻrisidagi qaror uch ish kunida qabul qilinmasa, ekspert tashkiloti ushbu muddat tugagandan soʻng vakolatli organni axborot tizimi orqali elektron shaklda xabardor qilgan holda faoliyatini davom ettirishi mumkin.

Akkreditatsiya attestatining amal qilishini qayta tiklash yoki qayta tiklashni rad etish toʻgʻrisidagi qaror axborot tizimi orqali real vaqt rejimida avtomatik tarzda ekspert tashkiloti shaxsiy kabinetiga yuboriladi.

50. Sudning akkreditatsiya attestati amal qilishini qayta tiklash toʻgʻrisidagi qarori vakolatli organga kelib tushganda, vakolatli organ akkreditatsiya attestatining amal qilishi qayta tiklangani toʻgʻrisidagi maʼlumotni axborot tizimiga bir ish kunidan oshmagan muddatda joylashtiradi.

51. Akkreditatsiya attestatining amal qilishi quyidagi hollarda vakolatli organning qaroriga asosan bekor qilinadi:

ekspert tashkiloti akkreditatsiya attestatining amal qilishini bekor qilish toʻgʻrisida murojaat qilganda;

yuridik shaxs tugatilganda — tugatilgan paytdan eʼtiboran yoki uning faoliyati qayta tashkil etish natijasida tugatilganda — qayta tashkil etilgan paytdan eʼtiboran, uning oʻzgartirilishi bundan mustasno.

52. Ekspert tashkiloti akkreditatsiya attestatining amal qilishini bekor qilish uchun vakolatli organga Davlat xizmatlari markazi yoki YIDXP yoxud axborot tizimi orqali xabarnoma yuboradi.

Vakolatli organ xabarnomaga asosan yoki mazkur Reglamentning 51-bandi ikkinchi xatboshisida nazarda tutilgan holatlar yuzaga kelganda akkreditatsiya attestatining amal qilishini bekor qilish toʻgʻrisida qaror qabul qiladi va bu haqida YIDXP yoki axborot tizimi orqali ekspert tashkilotiga maʼlum qiladi.

53. Vakolatli organ quyidagi hollarda akkreditatsiya attestatining amal qilishini bekor qilish toʻgʻrisida sudga murojaat qiladi:

ekspert tashkiloti akkreditatsiya attestatining amal qilishini toʻxtatib turishga olib kelgan holatlarni vakolatli organ yoki sud belgilagan muddatda bartaraf etmaganda;

vakolatli organning akkreditatsiya attestatini berish toʻgʻrisidagi qarorining qonunga xilofligi aniqlanganda;

ekspert tashkiloti akkreditatsiya mezonlarini bir yil davomida muntazam ravishda (ikki va undan ortiq marotaba) yoki bir marotaba qoʻpol ravishda buzganda (agar mazkur qoidabuzarliklar fuqarolarning hayoti va sogʻligʻiga ziyon, jismoniy va yuridik shaxslarning huquqlari va qonuniy manfaatlariga, jamoat xavfsizligiga zarar hamda atrof muhitga ziyon yetkazilishiga olib kelgan boʻlsa);

akkreditatsiya attestati qalbaki hujjatlardan foydalangan holda olingani fakti aniqlanganda.

54. Quyidagilar akkreditatsiya attestatining bekor qilinishiga asos boʻladigan qoʻpol qoidabuzarliklar hisoblanadi:

sanoat xavfsizligi ekspertizasini oʻtkazishda mustaqillikni taʼminlamaslik;

oʻz faoliyatini amalga oshirishda olingan maxfiy axborotni oshkor qilish (qonunchilik hujjatlarida nazarda tutilgan holatlar bundan mustasno);

oʻz faoliyatini amalga oshirishda akkreditatsiya sohasiga amal qilmaslik;

ekspertiza xulosasini, sanoat xavfsizligi deklaratsiyasini yolgʻon yoki notoʻgʻri tuzish, ularda qalbaki maʼlumotlar koʻrsatish.

55. Vakolatli organning akkreditatsiya attestatini bekor qilish yuzasidan sudga daʼvo arizasi kiritilgani haqidagi maʼlumoti sudga daʼvo arizasi kiritilgan kundan eʼtiboran bir ish kunidan kechiktirmay, ekspert tashkilotiga axborot tizimi orqali akkreditatsiya attestatining amal qilishini bekor qilish yuzasidan sudga daʼvo arizasi kiritish sabablari va qonunchilik hujjatlarining aniq normalari koʻrsatilgan holda yetkaziladi.

Sudning akkreditatsiya attestatining amal qilishini bekor qilish toʻgʻrisidagi qarori ekspert tashkilotiga va vakolatli organga qonunchilik hujjatlarida belgilangan muddatlarda yetkaziladi.

Akkreditatsiya attestati 53-bandning beshinchi xatboshisida koʻrsatilgan asosga koʻra bekor qilingan taqdirda, akkreditatsiya attestati berilgan sanadan eʼtiboran bekor qilingan deb hisoblanadi.

56. Akkreditatsiya attestatining amal qilishi quyidagi hollarda tugatiladi:

akkreditatsiya qilish tartibi bekor qilinganda;

akkreditatsiya attestatining amal qilish muddati tamom boʻlganda;

ekspert tashkiloti tomonidan vakolatli organga akkreditatsiya attestatining amal qilishini olti oygacha toʻxtatib turish toʻgʻrisida murojaat berilib, mazkur xatboshida nazarda tutilgan muddat davomida akkreditatsiya attestatining amal qilishini qayta tiklash toʻgʻrisida vakolatli organga murojaat qilinmagan taqdirda.

Akkreditatsiya attestatining amal qilish muddati tugagan hollarda vakolatli organ tomonidan akkreditatsiya attestatining amal qilish muddati tugatganligi toʻgʻrisida qaror qabul qilish talab etilmaydi.

57. Akkreditatsiya attestatining amal qilishini toʻxtatib turish, bekor qilish va tugatish haqidagi maʼlumotlar vakolatli organ tomonidan ekspert tashkilotlari reyestriga kiritiladi.

58. Akkreditatsiya attestatining amal qilishi toʻxtatib turilganda, bekor qilinganda va tugatilganda, ekspert tashkiloti quyidagilarni bajarishi shart:

akkreditatsiyadan oʻtgan ekspert tashkiloti akkreditatsiyaga bogʻliq ishlar bajarilishini zudlik bilan toʻxtatish;

oʻz buyurtmachilarini bu haqida ogohlantirish.

8-bob. Akkreditatsiyadan oʻtkazilgan ekspert tashkilotlari reyestrini yuritish

59. Vakolatli organ axborot tizimida akkreditatsiyadan oʻtkazilgan ekspert tashkilotlari reyestrini yuritadi.

60. Akkreditatsiyadan oʻtkazilgan ekspert tashkilotlari reyestrida quyidagilar elektron shaklda hisobga olinadi:

ekspert tashkilotlari haqidagi asosiy maʼlumotlar (ekspert tashkiloti nomi, ekspert tashkiloti rahbarining familiyasi, ismi, otasining ismi, ekspert tashkiloti yuridik va pochta manzillari, telefon raqamlari, elektron pochta va veb sahifa manzillari, filiallari haqidagi maʼlumotlar);

akkreditatsiya sohasi haqidagi maʼlumotlar;

akkreditatsiya attestatining berilgan sanasi, roʻyxat raqami va amal qilish muddati, uning qayta rasmiylashtirilgani haqidagi maʼlumotlar;

ekspert tashkilotlari ekspertlari va sifatni boshqarish tizimi sertifikati haqidagi maʼlumotlar;

ekspert tashkilotlari faoliyatining monitoringgi natijalari;

akkreditatsiya attestatining amal qilishini toʻxtatib turish, bekor qilish va tugatish haqidagi maʼlumotlar.

61. Akkreditatsiyadan oʻtkazilgan ekspert tashkilotlari haqidagi umumiy maʼlumotlar axborot tizimiga va vakolatli organ veb sahifasiga joylashtiriladi.

9-bob. Vakolatli organ qarori va uning mansabdor shaxslarining harakatlari (harakatsizligi) ustidan shikoyat qilish hamda uni koʻrib chiqish tartibi

62. Talabgor (ekspert) tashkiloti belgilangan tartibda vakolatli organning:

qarorlari va hujjatlari ustidan;

mansabdor shaxslari harakatlari (harakatsizligi) ustidan shikoyat qilinishi mumkin.

63. Talabgor (ekspert) tashkiloti shikoyatni vakolatli organda tashkil etilgan Shikoyatlarni koʻrib chiqish boʻyicha apellyatsiya kengashiga (keyingi oʻrinlarda — Apellyatsiya kengashi) taqdim etadi.

Talabgor (ekspert) tashkiloti belgilangan tartibda vakolatli organning qarori hamda uning mansabdor shaxslarining harakatlari (harakatsizligi) ustidan bevosita sudga shikoyat qilishga haqli.

Qonunchilik hujjatlariga muvofiq shikoyat boshqa vakolatli organlarga ham berilishi mumkin.

64. Apellyatsiya kengashi tarkibi vakolatli organning rahbari tomonidan besh nafar tarkibda tasdiqlanadi. Apellyatsiya kengashi yigʻilishida Oʻzbekiston Respublikasi Savdo-sanoat palatasi vakili kuzatuvchi sifatida ishtirok etadi.

Apellyatsiya kengashi yigʻilishi uning aʼzolarining toʻrtdan uch qismi hozir boʻlganda vakolatli hisoblanadi.

65. Agar qonunda boshqacha qoida nazarda tutilmagan boʻlsa, shikoyat qaror (boshqa hujjat) toʻgʻrisida tegishli tarzda xabardor qilingan paytdan yoki talabgor (ekspert) tashkilotiga vakolatli organ qarori va ularning mansabdor shaxslarining harakatlari (harakatsizligi) haqida maʼlum boʻlgan paytdan eʼtiboran oʻttiz kundan kechiktirmay berilishi mumkin.

Shikoyat berish muddati, agar u uzrli sababga koʻra oʻtkazib yuborilgan boʻlsa, shikoyatni koʻrib chiquvchi organ tomonidan tiklanishi mumkin.

66. Shikoyat yozma, ogʻzaki (shaxsiy qabul yoki ishonch telefoni orqali) yoki elektron shaklda (YIDXPdagi shaxsiy kabinet, elektron pochta yoki vakolatli organning rasmiy veb-sayti orqali) beriladi va unda quyidagilar koʻrsatilgan boʻlishi kerak:

qarorni qabul qilgan yoki harakatni amalga oshirgan vakolatli organning nomi;

shikoyat bergan jismoniy shaxsning (uning vakilining) familiyasi, ismi, otasining ismi va yashash joyi, yuridik shaxs uchun esa — uning nomi va joylashgan joyi (pochta manzili), STIR;

shikoyat bergan shaxsning talablari;

ilova qilinayotgan hujjatlarning roʻyxati (mavjud boʻlgan taqdirda);

shikoyat berilgan sana.

Shikoyat yozma shaklda berilganda, shikoyat qiluvchi yoki uning vakili tomonidan imzolanadi. Agar shikoyat vakil tomonidan berilgan boʻlsa, unga ishonchnomaning yoki vakilning vakolatlarini tasdiqlovchi boshqa hujjatning koʻchirma nusxasi ilova qilinishi kerak.

67. Yuridik shaxs ogʻzaki shikoyat (shaxsiy qabul orqali) qilayotganda, yuridik shaxsning vakili oʻz vakolatlarini tasdiqlaydigan va oʻz shaxsini tasdiqlovchi hujjatni taqdim etishi kerak.

Elektron shaklda beriladigan shikoyatlarda talabgor (ekspert) tashkilotining elektron manzili va yagona identifikatori (STIR) hamda boshqa rekvizitlar koʻrsatilishi kerak.

Shikoyatda elektron manzilning koʻrsatilgani talabgor (ekspert) tashkilotining shikoyatini koʻrib chiqish natijalarini axborot tizimi orqali elektron shaklda qabul qilishga boʻlgan roziligini bildiradi.

68. Shikoyatni olgan vakolatli organ va Apellyatsiya kengashi shikoyat berilayotgan qaror, harakatlar (harakatsizliklar) toʻgʻrisidagi tegishli axborotni shikoyat olingan paytdan eʼtiboran uch ish kuni ichida oʻrganish uchun soʻrab olishi lozim.

Apellyatsiya kengashining shikoyat boʻyicha yigʻilish materiallari vakolatli organning yuridik xizmati tomonidan tayyorlanadi.

69. Talabgor (ekspert) tashkilotining talabiga koʻra shikoyat uning vakili ishtirokida koʻrib chiqilishi mumkin.

Bunda vakolatli organ va Apellyatsiya kengashi talabgor (ekspert) tashkilotining istagiga koʻra muhokamani videokonferens aloqa vositalaridan foydalangan holda oʻtkazishni taʼminlashi shart.

Videokonferensaloqa rejimida shikoyatni koʻrib chiqish uchun texnik va boshqa sharoitlarni taʼminlash vakolatli organning markaziy apparatiga yoki tegishli hududiy boʻlinmasiga yuklanadi.

70. Shikoyatni koʻrib chiqish yakuni boʻyicha bayonnoma tuzilishi va ushbu bayonnoma vakolatli organ va Apellyatsiya kengashining rahbari tomonidan imzolanishi kerak.

Vakolatli organ yoki Apellyatsiya kengashi shikoyat boʻyicha oʻn besh kun ichida qaror qabul qilishi shart.

71. Shikoyat bergan talabgor (ekspert) tashkiloti shikoyat boʻyicha qaror qabul qilinguniga qadar uni chaqirib olishga haqli. Shikoyatni chaqirib olish yozma (shikoyatni yigʻilishda koʻrib chiqish jarayonida) yoki elektron shaklda (YIDXP orqali) rasmiylashtiriladi.

72. Vakolatli organ yoki Apellyatsiya kengashi shikoyat boʻyicha quyidagi qarorlardan birini qabul qilishga haqli:

ustidan shikoyat qilinayotgan qarorni oʻzgarishsiz qoldirish;

ustidan shikoyat qilinayotgan qarorga oʻzgartishlar kiritish;

qarorni bekor qilish va zarur boʻlgan taqdirda, yangi qaror qabul qilish;

vakolatli organ yoki uning mansabdor shaxsi zimmasiga berilgan shikoyat mohiyati boʻyicha muayyan harakatlarni amalga oshirish majburiyatini yuklash.

73. Shikoyat Apellyatsiya kengashi tomonidan koʻrib chiqilayotganda yuzaga keladigan masalalar uning aʼzolari tomonidan bir ovozdan hal qilinadi. Hech bir aʼzo ovoz berishda betaraf qolishga haqli emas. Oʻzbekiston Savdo-sanoat palatasi vakili ovoz berish jarayonida ishtirok etmaydi va uning fikri Apellyatsiya kengashi aʼzolari uchun tavsiyaviy tusga ega.

74. Vakolatli organning qarori ustidan shikoyat qilingan taqdirda, shikoyat Apellyatsiya kengashida roʻyxatdan oʻtkazilgan paytdan eʼtiboran qarorning amal qilishi va ijro etilishi toʻxtatib turiladi, akkreditatsiya attestatini amal qilishini toʻxtatib turish hollari bundan mustasno.

75. Vakolatli organ ikki ish kunidan ortiq boʻlmagan muddatda qabul qilingan qaror toʻgʻrisidagi xabarnomani shikoyat bergan talabgor (ekspert) tashkilotiga yozma shaklda yuboradi.

76. Aynan bir masala boʻyicha shikoyatni takroran berishga yoʻl qoʻyilmaydi.

77. Apellyatsiya kengashining qarori yuzasidan qonunchilik hujjatlarida belgilangan tartibda sudga shikoyat qilish mumkin.

10-bob. Yakunlovchi qoidalar

78. Davlat xizmatlari markazlari va vakolatli organ davlat xizmatini koʻrsatish jarayonida olingan maʼlumotlarning sir saqlanishini taʼminlaydi.

79. Ushbu Reglament talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 1-ILOVA

Sanoat xavfsizligi sohasidagi ekspert tashkilotlarini akkreditatsiyadan oʻtkazish

Bosqichlar Subyektlar Tadbirlar Bajarish muddatlari 1-bosqich Talabgor Davlat xizmatidan foydalanish uchun Davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portali yoxud Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi (keyingi oʻrinlarda — vakolatli organ) axborot tizimi orqali ariza beradi. Oʻz xohishiga koʻra 2-bosqich Talabgor 1. Elektron shaklda arizani toʻldiradi va zarur boʻlgan hujjatlarni yuklaydi. 2. Reglamentning 11-bandida belgilangan miqdorda yigʻimni toʻlaydi. Oʻz xohishiga koʻra 3-bosqich Davlat xizmatlari markazi, YIDXP yoki axborot tizimi Ariza va unga ilova qilingan hujjatlarni avtomatik ravishda vakolatli organga yuboradi. Yigʻim toʻlangandan soʻng real vaqt rejimida 4-bosqich Vakolatli organ 1. Taqdim etilgan hujjatlarni tahlil qiladi. 20 ish kuni mobaynida Baholash komissiyasi 2. Joyiga borib baholash oʻtkazadi. 20 ish kuni mobaynida Vakolatli organ 3. Akkreditatsiya attestatini berish yoki berishni rad etish toʻgʻrisida qaror qabul qiladi. 10 ish kuni mobaynida 5-bosqich YIDXP yoki axborot tizimi Akkreditatsiya attestatini berish yoki berishni rad etish toʻgʻrisidagi qarorni talabgor shaxsiy kabinetiga yuboradi. Real vaqt rejimida 6-bosqich * YIDXP yoki axborot tizimi QR-kod (matrik shtrixli kod) qoʻyilgan akkreditatsiya attestati avtomatik ravishda shakllantiradi, talabgorning YIDXPdagi shaxsiy kabinetiga elektron shaklda yuboradi. Real vaqt rejimida

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 2-ILOVA

Akkreditatsiyadan oʻtkazish (qayta akkreditatsiyadan oʻtkazish, akkreditatsiya sohasini kengaytirish) uchun

1. Yuridik shaxsning nomi va tashkiliy-huquqiy shakli 2. Yuridik shaxsning STIRi 3. Yuridik shaxs pochta manzili (faoliyatni amalga oshirish joyi) 4. Telefon raqami 5. Elektron pochta manzili (agar mavjud boʻlsa) 6. Ariza toʻldirish sababi (akkreditatsiya, qayta akkreditatsiya, akkreditatsiya sohasini kengaytirish, qayta rasmiylashtirish) 7. Akkreditatsiya mezonlariga rioya qilishga roziligi

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 3-ILOVA

Akkreditatsiya sohalari

T/r (kodlar) Akkreditatsiya sohalari nomlari 1. Xavfli ishlab chiqarish obyektlarini qurish, kengaytirish, qayta qurish, texnik jihatdan qayta jihozlash, konservatsiyalash va tugatishga doir loyiha hujjatlarini sanoat xavfsizligi ekspertizasidan oʻtkazish. Xavfli ishlab chiqarish obyektlarini identifikatsiya qilish. 1.1. Koʻmir, kon, ruda va noruda sanoati obyektlari: 1.1.1. Shaxta 1.1.2. Koʻmir va ruda konlari (yerosti va yerusti) obyektlari 1.1.3. Boyituvchi, briketlovchi, aglomeratsialovchi fabrika va zavodlar 1.1.4. Boyitish-saralash va meʼyorlash qurilmalari 1.1.5. Shlam toʻplovchi gidrotexnika inshootlari, chiqindilarni saqlovchi, texnik suv havzalari obyektlari 1.1.6. Oltin konlari va boshqa oltin saralash fabrikalari 1.1.7. Oltin saralash fabrikasi va zavodlari (qurilmalari) 1.1.8. Konlarni texnik rekultivatsiya qilish obyektlari 1.1.9. Foydali qazilma boyliklarini qazib olish bilan bogʻliq boʻlmagan ishlab chiqarish obyektlari 1.1.10. Maxsus yerosti, transport va umumiy xoʻjalik inshootlarini qurish bilan bogʻliq boʻlgan ishlab chiqarish obyektlari 1.2. Neft va gaz sanoati obyektlari: 1.2.1. Neft va gazga qazilgan parametrik, qidiruv, izlov, struktur va ekspluatatsion quduqlar hamda maxsus qazilgan quduqlar 1.2.2. Yerosti gaz omborlari 1.2.3. Neft, gaz va gaz kondensati konlarini ishlatish va qurish; neft, gaz va gaz kondensatini qazib olish va tayyorlash obyektlari 1.2.4. Neftni, gazni va gaz kondensatini konlarda va konlar orasida tashish quvur oʻtkazgichlari 1.2.5. Magistral quvurlar 1.2.6. Kompressor va nasos stansiyalari; gaz taqsimlash stansiyalari 1.2.7. Qatlamdagi bosimni barqaror saqlab turish obyektlari 1.2.8. Neft mahsulotlarini, neftni va gaz kondensatini saqlash hamda vaqtincha saqlash obyektlari 1.2.9. Avtomobillarga yoqilgʻi quyish shoxobchalari 1.3. Kimyo, neft-kimyo, neft va gazni qayta ishlash sanoati hamda portlash-yonish xavfi mavjud kimyoviy xavfli ishlab chiqarish obyektlari: 1.3.1. Noorganik moddalar, ammiak, mineral oʻgʻitlar ishlab chiqarish obyektlari 1.3.2. Neft va gazni qayta ishlash sanoati ishlab chiqarish va obyektlari 1.3.3. Organik sintez ishlab chiqarish obyektlari 1.3.4. Sellyuloza qogʻoz ishlab chiqarish obyektlari 1.3.5. Kimyoviy tolalar, polimer materiallar, plastmassa va ulardan tayyorlanadigan mahsulotlarni ishlab chiqarish obyektlari 1.3.6. Kriogen texnologiyalar obyektlari 1.3.7. Ammiakli sovitish qurilmalari 1.3.8. Elektroliz usulida vodorod va kislorod ishlab chiqarish obyektlari 1.3.9. Lok-boʻyoq mahsulotlari ishlab chiqarish obyektlari 1.3.10. Spirt ishlab chiqarish obyektlari 1.3.11. Yogʻ-moy ishlab chiqarish obyektlari 1.3.12. Havoni parchalashda hosil boʻlgan mahsulotlarni olish va saqlash obyektlari 1.3.13. Suvni xlor bilan qayta ishlash obyektlari 1.3.14. Portlash-yonish xavfi mavjud va kimyoviy xavfli mahsulotlarni (moddalarni) quyish, toʻkish obyektlari 1.4. Bosimi 0,05 MPa yoki suvning isitish harorati 110 ° S dan yuqori boʻlgan jihozdan foydalaniladigan ishlab chiqarish obyektlari: 1.4.1. Bugʻ va suv isitish qozonlari (ishchi muhit turidan qatʼi nazar) 1.4.2. Bosim ostida ishlovchi idishlar 1.4.3. Bugʻ va issiq suv quvur oʻtkazgichlar 1.5. Koʻchmas asosga oʻrnatilgan yuk koʻtarish mexanizmlari, eskalatorlar, poʻlat arqonli osma yoʻllar, funikulyorlardan foydalanadigan ishlab chiqarish obyektlari: 1.5.1. Yuk koʻtarish kranlari va mexanizmlari 1.5.2. Ekskalatorlar 1.5.3. Yuk va yoʻlovchilar uchun osma poʻlat arqonli yoʻllar 1.5.4. Funikulyorlar 1.6. Tabiiy va suyultirilgan uglevodorod gazlaridan foydalanuvchi gaz taʼminoti (gaz taqsimlash, gaz isteʼmoli) obyektlari: 1.6.1. Suyultirilgan uglevodorod gazlarini saqlash va taqsimlash obyektlari 1.6.2. Avtomobillarga suyultirilgan uglevodorod gaz toʻldirish shoxobchalari 1.6.3. Avtomobillarga gaz toʻldirish kompressor shoxobchalari 1.6.4. Bosimi 12 kgf/kv.sm gacha boʻlgan gaz taqsimlash tizimlarining gaz tarmoqlari 1.6.5. Gaz isteʼmoli tizimlarining gaz tarmoqlari 1.7. Metallurgiya sanoati obyektlari: 1.7.1. Qora metallar quyish sanoati, poʻlat ishlab chiqarish obyektlari 1.7.2. Rangli metallar quyish sanoati obyektlari 1.8. Oʻsimlik xomashyosini saqlash va qayta ishlash obyektlari: 1.8.1. Qabul qilish, saqlash, quritish, qayta ishlash, alohida turuvchi qabul qilish va uzatish uskunasi, qabul qiluvchi-tozalash minorasi, alohida turuvchi don quritish uchastkalari, elevatorlar, silos tipidagi omborlar, qopsiz saqlash omborlari, solod ishlab chiqarish obyektlari, qayta ishlovchi va tayyorlovchi (maydalovchi) boʻlimlar, shu jumladan oziq-ovqat sanoati korxonalari 1.8.2. Un, yorma ishlab chiqarish obyektlari 1.8.3. Omuxta yem ishlab chiqarish obyektlari 1.8.4. Qopsiz qabul qilish, unni silos va bunkerlarda saqlash, non, makaron va qandolat mahsulotlarini ishlab chiqarish uchun unni tortish hamda elash obyektlari 1.8.5. Un, yorma, non va makaron ishlab chiqarish korxonalari uchun qopli idishlarni tozalash va saralash obyektlari 1.8.6. Joʻxorini kalibrlovchi obyektlar 1.8.7. Urugʻlik donlarni qayta ishlovchi obyektlar 1.8.8. Tamaki mahsulotlarini tayyorlash obyektlari 1.9. Foydali qazilma konlarini qidirish va izlash bilan bogʻliq geologiya-razvedka obyektlari (uglevodorod xomashyosi boʻlmagan) 1.10. Sanoatda qoʻllanadigan portlovchi moddalarni ishlab chiqarish, sinash va saqlash bilan bogʻliq boʻlgan obyektlar 2. Xavfli ishlab chiqarish obyektlarida qoʻllanadigan texnik qurilmalarni sanoat xavfsizligi ekspertizasidan oʻtkazish 2.1. Koʻmir, kon, ruda va noruda sanoatidagi texnik qurilmalar: 2.1.1. Shaxtada qoʻllanadigan qurilmalar 2.1.2. Koʻmir va ruda konlari (yerosti va yerusti) obyektlarining qurilmalari 2.1.3. Boyituvchi, briketlovchi, aglomeratsialovchi fabrika va zavodlar qurilmalari 2.1.4. Boyitish-saralash va meʼyorlash qurilmalari 2.1.5. Shlam toʻplovchi gidrotexnika inshootlari, chiqindilarni saqlovchi va texnik suv havzalari obyektlarining qurilmalari 2.1.6. Oltin konlari va boshqa oltin saralash fabrikalarining qurilmalari 2.1.7. Oltin saralash fabrikasi va zavodlari qurilmalari 2.1.8. Konlarni texnik rekultivatsiya qilish qurilmalari 2.1.9. Foydali qazilma boyliklari qazib olish bilan bogʻliq boʻlmagan ishlab chiqarish obyektlarining qurilmalari 2.1.10. Maxsus yerosti, transport va umumiy xoʻjalik inshootlarini qurish bilan bogʻliq boʻlgan ishlab chiqarish obyektlarining qurilmalari 2.2. Neft va gaz sanoatidagi texnik qurilmalar: 2.2.1. Quduqlarni burgʻilashda, taʼmirlashda va ishga tushirishda qoʻllanadigan qurilmalar 2.2.2. Neft va gaz quduqlarini ishlatishda qoʻllanadigan qurilmalar 2.2.3. Qatlamdagi bosimni va qatlamga hamda quduqqa taʼsir qiluvchi omillarni saqlashda qoʻllanadigan qurilmalar 2.2.4. Neft va gazni yetkazib beruvchi stansiyalarda qoʻllanadigan qurilmalar 2.2.5. Magistral quvurlar tizimini qurishda, ishlatishda va taʼmirlashda qoʻllanadigan qurilmalar 2.2.6. Gaz va neft mahsulotlari quvurlari; kon va konlararo quvurlar 2.2.7. Kompozit va poʻlat quvurlar qismlari va quvurlari, shu jumladan, tiqin (zapor), meʼyorlovchi va himoyalovchi armaturalar qismlari 2.2.8. Neft, kondensat va neft mahsulotlari uchun rezervuarlar hamda ularning qurilmalari 2.2.9. Kompressor, nasos va gaz taqsimlash stansiyalari qurilmalari 2.2.10. Neft va gazni yigʻish va tayyorlash qurilmalari 2.3. Kimyo, neft-kimyo, neft va gazni qayta ishlash sanoati hamda portlash-yonish xavfi mavjud va kimyoviy xavfli ishlab chiqarish obyektlaridagi texnik qurilmalar: 2.3.1. Noorganik moddalar, ammiak, mineral oʻgʻitlar ishlab chiqarish obyektlari qurilmalari 2.3.2. Neft va gazni qayta ishlash obyektlarining qurilmalari 2.3.3. Organik sintez ishlab chiqarish obyektlarining qurilmalari 2.3.4. Sellyuloza qogʻoz ishlab chiqarish obyektlarining qurilmalari 2.3.5. Kimyoviy tolalar, polimer materiallar, plastmassa va ulardan tayyorlanadigan mahsulotlar ishlab chiqarish obyektlarining qurilmalari 2.3.6. Kriogen texnologiyasi qurilmalari 2.3.7. Ammiakli sovitish qurilmalari 2.3.8. Elektroliz usulida vodorod va kislorod ishlab chiqarish obyektlari qurilmalari 2.3.9. Lok-boʻyoq mahsulotlari ishlab chiqarish obyektlarining qurilmalari 2.3.10. Spirt ishlab chiqarish obyektlarining qurilmalari 2.3.11. Yogʻ-moy ishlab chiqarish obyektlarining qurilmalari 2.3.12. Havoni parchalashda hosil boʻlgan mahsulotlarni olish va saqlash obyektlari qurilmalari 2.3.13. Suvni xlor bilan qayta ishlash obyektlarining qurilmalari 2.3.14. Portlash-yonish xavfi mavjud va kimyoviy xavfli mahsulotlarni (moddalarni) quyish, toʻkish obyektlarining qurilmalari 2.4. Bosimi 0,05 MPa dan yuqori boʻlgan yoki suvning harorati 110 ° S dan yuqori boʻlgan sharoitda ishlaydigan texnik qurilmalar: 2.4.1. Suv isitish va bugʻ qozonlari hamda ularning qurilmalari 2.4.2. Bosim 0,05 MPa dan yuqori boʻlgan bosim ostida ishlovchi idishlar 2.4.3. Bosim 0,05 MPa dan va suvning harorati 110 °S dan yuqori boʻlgan bugʻ va issiq suv quvurlari 2.4.4. Avtonom bugʻ qizdirgichlar 2.4.5. Avtonom ekonomayzerlar 2.5. Koʻchmas asosga oʻrnatilgan yuk koʻtarish mexanizmlari, eskalatorlar, poʻlat arqonli osma yoʻllar, funikulyorlar: 2.5.1. Yuk koʻtarish kranlari 2.5.2. Kran-manipulyatorlar 2.5.3. Quvuryotqizgich kranlar 2.5.4. Koʻtargichlar (vishkalar) 2.5.5. Qurilish koʻtargichlari 2.5.6. Liftlar 2.5.7. Nogironlarni koʻtarishga moʻljallangan platformalar 2.5.8. Yuk va yoʻlovchilar uchun osma poʻlat arqonli yoʻllar 2.5.9. Funikulyorlar 2.5.10. Ekskalatorlar 2.5.11. Yuk koʻtarish mexanizmlari va idishlar (metallurgiyadan tashqari) 2.6. Tabiiy va suyultirilgan uglevodorod gazlaridan foydalanuvchi gaz taʼminoti (gaz taqsimlash, gaz isteʼmoli) obyektlarining texnik qurilmalari: 2.6.1. Suyultirilgan uglevodorod gazlarini saqlash va taqsimlash obyektlarining qurilmalari 2.6.2. Avtomobillarga suyultirilgan uglevodorod gaz toʻldirish shoxobchalarining qurilmalari 2.6.3. Avtomobillarga gaz toʻldirish kompressor shoxobchalarining qurilmalari 2.6.4. Bosimi 12 kgf/kv.sm gacha boʻlgan gaz taqsimlash tizimlari 2.6.5. Gaz isteʼmoli tizimlari 2.7. Metallurgiya sanoati texnik qurilmalari 2.7.1. Qora metallar quyish, poʻlat ishlab chiqarish obyektlarining qurilmalari 2.7.2. Rangli metallar quyish sanoati obyektlarining qurilmalari 2.8 . Oʻsimlik xomashyosini saqlash va qayta ishlash obyektlarining texnik qurilmalari: 2.8.1. Elevator ombori qurilmalari 2.8.2. Un ishlab chiqarish korxonalari qurilmalari 2.8.3. Yorma ishlab chiqarish obyektlarining qurilmalari 2.8.4. Omuxta yem ishlab chiqarish obyektlarining qurilmalari 2.8.5. Qopsiz qabul qilish, unni silos va bunkerlarda saqlash, non, makaron va qandolat mahsulotlarini ishlab chiqarish uchun unni tortish va elash obyektlari qurilmalari 2.8.6. Oʻsimlik xomashyosini qabul qilish, saqlash, quritish, qayta ishlash, alohida turuvchi qabul qilish va uzatish uskunasi, qabul qiluvchi tozalash minorasi, alohida turuvchi don quritish uchastkalari, elevatorlar, silos tipidagi omborlar, qopsiz saqlash omborlari, solod ishlab chiqarish obyektlari, qayta ishlovchi hamda tayyorlovchi (maydalovchi) boʻlimlar, shu jumladan, oziq-ovqat sanoati korxonalari qurilmalari 2.8.7. Joʻxorini kalibrlovchi ishlab chiqarish obyektlarining qurilmalari 2.8.8. Urugʻlik donlarni qayta ishlaydigan obyektlarning qurilmalari 2.8.9. Tamaki tayyorlash liniyalari obyektlarining qurilmalari 2.9. Foydali qazilma konlarini qidirish va izlash bilan bogʻliq geologiya-razvedka obyektlaridagi texnik qurilmalar (uglevodorod xomashyosi boʻlmagan) 2.10. Sanoatga moʻljallangan portlovchi moddalarni ishlab chiqarish, sinash va saqlashda qoʻllanadigan texnik qurilmalar 3. Xavfli ishlab chiqarish obyektidagi binolar va inshootlarni sanoat xavfsizligi ekspertizasidan oʻtkazish 3.1. Koʻmir, kon-ruda va noruda sanoatlarida: 3.1.1. Yerusti kompleks bino va inshootlar 3.1.2. Yerosti inshootlari 3.1.3. Foydali qazilma boyliklarini qazib olish bilan bogʻliq boʻlmagan ishlab chiqarish obyektlaridagi bino va inshootlar 3.2. Neft va gaz sanoati obyektlarida: 3.2.1. Quduqlarni qazish va taʼmirlash bilan bogʻliq boʻlgan obyektlardagi bino va inshootlar 3.2.2. Neft va gaz qazib olish va ularni tayyorlash obyektlaridagi bino va inshootlar 3.2.3. Magistral quvurlar obyektlaridagi bino va inshootlar 3.2.4. Neft mahsulotlarini, kondensat va neftni saqlash va uzatish obyektlaridagi bino va inshootlar 3.3. Kimyo, neft-kimyo va neft va gazni qayta ishlash sanoati hamda portlash-yonish xavfi mavjud kimyoviy xavfli ishlab chiqarish obyektlaridagi bino va inshootlar 3.4. Bosimi 0,05 MPa dan yuqori boʻlgan yoki suvning isish harorati 110 ° S dan yuqori boʻlgan qurilmalar joylashgan bino va inshootlar 3.5. Koʻchmas asosga oʻrnatilgan yuk koʻtarish mexanizmlari, eskalatorlar, poʻlat arqonli osma yoʻllar, funikulyorlardan foydalanadigan ishlab chiqarish obyektlaridagi bino va inshootlar 3.6. Tabiiy va suyultirilgan uglevodorod gazlaridan foydalanuvchi gaz taʼminoti (gaz taqsimlash, gaz isteʼmoli) obyektlaridagi bino va inshootlar 3.6.1. Gaz jihozlari oʻrnatilgan bino va inshootlar (qozonxonalar, sexlar) 3.6.2. Avtomobillarga gaz (suyultirilgan uglevodorod gaz) toʻldirish shoxobchalarining bino va inshootlari 3.7. Metallurgiya sanoati obyektlaridagi bino va inshootlar 3.8. Oʻsimlik xomashyosini saqlash hamda qayta ishlash obyektlaridagi bino va inshootlar 3.9. Foydali qazilma konlarini qidirish va izlash bilan bogʻliq geologiya-razvedka obyektlaridagi (uglevodorod xomashyosi boʻlmagan) bino va inshootlar 3.10. Sanoatda qoʻllaniladigan portlovchi moddalarni ishlab chiqarish, sinash va saqlash bilan bogʻliq boʻlgan obyektlardagi bino va inshootlar 4. Sanoat xavfsizligi deklaratsiyasini ishlab chiqish. Sanoat xavfsizligi deklaratsiyasini sanoat xavfsizligi ekspertizasidan oʻtkazish 4.1. Koʻmir, kon, ruda va noruda sanoati obyektlari: 4.1.1. Yerusti ishlab chiqarish obyektlari 4.1.2. Yerosti ishlab chiqarish obyektlari 4.1.3. Foydali qazilma boyliklarini qazib olish bilan bogʻliq boʻlmagan ishlab chiqarish obyektlari 4.2. Neft va gaz sanoati obyektlari: 4.2.1. Quduqlarni qazish va taʼmirlash bilan bogʻliq boʻlgan obyektlar 4.2.2. Neft va gaz qazib olish va ularni tayyorlash obyektlari 4.2.3. Magistral quvurlar obyektlari 4.2.4. Neft mahsulotlarini, kondensat va neftni saqlash va uzatish obyektlari 4.3. Kimyo, neft-kimyo, neft va gazni qayta ishlash sanoati hamda portlash-yonish xavfi mavjud kimyoviy xavfli ishlab chiqarish obyektlari 4.4. Bosimi 0,05 MPa dan yuqori yoki suvning harorati 110 ° S dan yuqori boʻlgan qurilmalardan foydalanadigan ishlab chiqarish obyektlari 4.5. Koʻchmas asosga oʻrnatilgan yuk koʻtarish mexanizmlari, eskalatorlar, poʻlat arqonli osma yoʻllar, funikulyorlardan foydalanadigan ishlab chiqarish obyektlari 4.6. Tabiiy va suyultirilgan uglevodorod gazlaridan foydalanuvchi gaz taʼminoti (gaz taqsimlash, gaz isteʼmoli) obyektlari 4.7. Metallurgiya sanoati obyektlari 4.8. Oʻsimlik xomashyosini saqlash va qayta ishlash obyektlari 4.9. Foydali qazilma konlarini qidirish va izlash bilan bogʻliq geologiya-razvedka obyektlari (uglevodorod xomashyosi boʻlmagan) 4.10. Sanoatda qoʻllaniladigan portlovchi moddalarni ishlab chiqarish, sinash va saqlash bilan bogʻliq boʻlgan obyektlar

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 4-ILOVA

Akkreditatsiya mezonlari

1. Ekspert tashkiloti Oʻzbekiston Respublikasi qonunchiligi talablariga muvofiq yuridik shaxs maqomiga ega boʻlishi kerak.

2. Ekspert tashkiloti muassislari, benefitsiarlari tarkibida davlat va xoʻjalik boshqaruvi organlari, mahalliy davlat hokimiyati organlarining mansabdor shaxslari va (yoki) ularning affillangan shaxslari boʻlmasligi kerak.

3. Ekspert tashkiloti oʻz faoliyatini samarali yuritishini taʼminlovchi tashkiliy tuzilmaga va boshqaruv tizimiga ega boʻlishi kerak.

4. Ekspert tashkiloti tashkiliy tuzilmasi, oʻzining boʻlinmalari, ularning funksiyalari va ular orasidagi oʻzaro aloqalarni oʻz Nizomida aks ettirishi kerak. Ekspert tashkiloti faoliyati joriy holatini aks ettiruvchi oʻzgartirishlar oʻz vaqtida Nizomga kiritilishi kerak.

5. Ekspert tashkilotiga va uning xodimlariga faoliyati natijalariga taʼsir koʻrsatadigan tijorat, moliyaviy, maʼmuriy yoki boshqa turdagi bosim va taʼsir oʻtkazilmasligi zarur.

6. Ekspert tashkiloti rahbari:

sanoat xavfsizligi sohasidagi ekspert boʻlishi;

sanoat xavfsizligi sohasidagi ekspert sifatida kamida besh yil davomida ishlagan boʻlishi;

ayni shu tashkilotda asosiy ish joyi boʻyicha ishlashi kerak.

7. Ekspert tashkiloti shtatida akkreditatsiya sohasida koʻrsatilgan ishlarning bajarilishini taʼminlash uchun ayni shu tashkilotda asosiy ish joyi boʻyicha ishlaydigan tegishli attestatsiya sohasiga ega sanoat xavfsizligi sohasidagi ekspertlar boʻlishi lozim.

Tashkilotda asosiy ish joyi boʻyicha ishlaydigan sanoat xavfsizligi sohasidagi ekspertlar soni besh nafardan kam boʻlmasligi kerak.

8. Xodimlar bilan tuzilgan yangi mehnat shartnomalari, shartnomalarga kiritilgan oʻzgartirishlar va ularni bekor qilish holatlari, shuningdek, amaldagi mehnat shartnomalari toʻgʻrisidagi axborot “Yagona milliy mehnat tizimi” idoralararo dasturiy-apparat kompleksida majburiy roʻyxatdan oʻtkazilishi kerak.

9. Ekspert tashkiloti xodimlari davlat siriga tegishli deb topilgan maʼlumotlarni, himoya qilinishi zarurligi qonunchilik hujjatlarida belgilangan boshqa axborotni, amaliy faoliyati davomida ishonilgan tijorat sirlarini oshkor qilmasliklari kerak.

10. Ekspert tashkilotining har bir xodimi ish jarayonida olinadigan maʼlumotlar va natijalarning maxfiyligini taʼminlashi haqida ogohlantirilishi hamda tegishlicha rasmiylashtirilgan boʻlishi zarur.

11. Ekspert tashkilotida rejalashtirilgan ishlarning va yuklangan vazifalarning oʻz vaqtida va sifatli bajarilishi boʻyicha javobgarlik ekspert tashkiloti rahbari zimmasiga yuklanadi.

Ekspert tashkiloti rahbarining majburiyatlari quyidagilardan iborat:

ekspert tashkiloti faoliyatining mazkur Akkreditatsiya mezonlariga doimiy muvofiqligini taʼminlash;

ekspert tashkilotlari sifatida akkreditatsiyadan oʻtish uchun akkreditatsiya attestatini olish yoki qayta rasmiylashtirish uchun taqdim etiladigan maʼlumotlarning ishonchliligini taʼminlash;

ekspert tashkilotida ishlarning toʻgʻri tashkil qilinishi uchun zarur sharoitlarni yaratib berish va resurslar bilan taʼminlash.

12. Ekspert tashkiloti rahbari va masʼul xodimlari oʻz ish joyida yoʻqligida, ularning vazifalarini bajaradigan shaxslar tayinlanishi kerak.

13. Ekspert tashkiloti xodimlari oʻz lavozim yoʻriqnomasida koʻrsatilgan vazifalarni toʻliq hamda sifatli bajarish uchun zarur boʻlgan tegishli kasbiy tayyorgarlik, nazariy bilim va amaliy tajribaga ega boʻlishlari kerak.

Ekspert tashkiloti oʻz xodimlarini oʻqitishi, doimiy malakasini oshirishi va biriktirilgan vazifalarni bajarishi yuzasidan rejali ichki attestatsiyani oʻtkazishi kerak.

14. Barcha xodimlar lavozim yoʻriqnomalariga ega boʻlishi kerak. Lavozim yoʻriqnomalari ekspert tashkiloti rahbari tomonidan tasdiqlangan va xodimlarga tanishtirilgan boʻlishi kerak.

15. Ekspert tashkiloti oʻz faoliyati bilan bogʻliq barcha ishlarni bajarishi uchun zarur boʻlgan sharoitlar, jihozlar, asboblar va materiallarga ega boʻlishi lozim.

16. Texnik qurilmalar, bino va inshootlarni ekspertizadan oʻtkazadigan ekspert tashkilotlari oʻz tuzilmasida akkreditatsiyadan oʻtgan va tegishli ruxsatnomaga ega boʻlgan, putur yetkazmasdan tekshirish laboratoriyasiga ega boʻlishi kerak.

Mazkur band talabini bajara olmagan ekspert tashkiloti zarur texnik tekshiruvlarni oʻtkazish uchun akkreditatsiyadan oʻtgan va tegishli ruxsatnomaga ega boʻlgan, putur yetkazmasdan tekshirish laboratoriyalari bilan shartnomalar rasmiylashtirishi kerak.

17. Ekspert tashkiloti faoliyatida kompyuterlar yoki boshqa avtomatlashtirilgan jihozlardan foydalanilganda, dasturiy vositalar foydalanish uchun yaroqliligini tekshirib turishi, maʼlumotlarning toʻliqligini va xavfsizligi taʼminlanishi kerak.

18. Ekspert tashkiloti tasarrufida oʻz faoliyati bilan bogʻliq, akkreditatsiya sohalariga muvofiq qonunchilik va normativ texnik hujjatlar, ularning roʻyxati mavjud boʻlishi, shuningdek, bu hujjatlarning amaldagi tahriridan foydalanilishini taʼminlashi kerak.

19. Ekspert tashkiloti bajarilayotgan ishlar xususiyatiga mos keladigan, davlat standartlariga muvofiq sifatni boshqarish tizimini joriy etishi va uning samarali ishlashini taʼminlashi lozim.

20. Sifatni boshqarish tizimi belgilangan tartibda sertifikatlangan boʻlishi kerak.

21. Ekspert tashkiloti oʻz faoliyatida Oʻzbekiston Respublikasining qonunchilik hujjatlari, normativ texnik hujjatlari talablariga majburiy rioya etishlari kerak.

22. Ekspert tashkiloti xodimlari xolis ish olib borishlari hamda oʻz ish natijalarida obyektning haqiqiy holatini aks ettirishlari kerak.

23. Ekspert tashkiloti va xodimlari ekspertiza obyektlariga aloqador boʻlmasligi kerak.

24. Ekspert tashkilotining xavfli ishlab chiqarish obyektlarini identifikatsiya qilish, ekspertizani oʻtkazish boʻyicha bajarilgan ish natijalari ekspertiza xulosasida aks ettirilishi lozim. Ekspert tashkilotining sanoat xavfsizligi deklaratsiyasini ishlab chiqish boʻyicha bajarilgan ish natijalari sanoat xavfsizligi deklaratsiyasida aks ettirilishi lozim.

Ekspertiza xulosasi va sanoat xavfsizligi deklaratsiyasi Oʻzbekiston Respublikasi sanoat xavfsizligi sohasidagi qonunchilik hujjatlari, normativ texnik hujjatlari talablari asosida rasmiylashtirilishi lozim.

25. Ekspert tashkiloti rasmiylashtirilgan ekspertiza xulosalari, ishlab chiqilgan sanoat xavfsizligi deklaratsiyalari reyestri (roʻyxati)ni yuritishi lozim. Bu roʻyxat har oyda bir marotaba (keyingi oyning 5-sanasiga qadar) hisob yuritish uchun vakolatli organga taqdim etilishi zarur.

26. Ekspert tashkiloti akkreditatsiya mezonlariga muvofiqligini tavsiflovchi deklaratsiyaga ega boʻlishi hamda akkreditatsiya mezonlariga doimiy muvofiqligini taʼminlash maqsadida oʻzining faoliyati jarayonida yuzaga keladigan oʻzgarishlarni oʻz vaqtida mazkur deklaratsiyaga kiritishi lozim.

27. Ishlarni bajarish jarayonida olingan kuzatuvlar va (yoki) maʼlumotlar oʻz vaqtida yozib borilishi lozim.

Ekspert tashkiloti oʻz ish natijalarini asoslab berishi uchun faoliyatidagi zarur hujjatlar va maʼlumotlar hisobini yuritishi hamda ularni saqlashi kerak. Hujjatlarni va maʼlumotlarni elektron koʻrinishida ham saqlash mumkin.

28. Ekspert tashkiloti shartnomalarni nazorat qilish tizimiga ega boʻlishi kerak. Bu tizim quyidagilarni taʼminlashi kerak:

buyurtmachi talablariga muvofiq bajariladigan ishlar ekspert tashkiloti akkreditatsiya sohasiga mos kelishi va bu ishlarni bajarish uchun ekspert tashkilotida tegishli attestatsiya sohasiga ega ekspertlar va zarur resurslar mavjudligini tekshirish;

bajariladigan ishlarni muntazam tekshiruvlar va kamchiliklarni bartaraf etish harakatlari bilan nazorat qilish;

bajariladigan ishlar oʻrnatilgan talablarga muvofiqligiga ishonch hosil qilish maqsadida bajarilgan ish natijalarini tekshirilishi.

29. Vakolatli organ akkreditatsiyadan oʻtkazilgan ekspert tashkilotlari reyestrini yuritishini va belgilangan talablar bajarilishini nazorat qilish maqsadida ekspert tashkiloti quyidagi oʻzgartirishlar toʻgʻrisida besh kun ichida xabar berishi shart:

yuridik shaxsga tegishli maʼlumotlar;

ekspert tashkiloti nomi, yuridik va pochta manzillari;

ekspert tashkiloti rahbari va ekspertlar;

ekspert tashkiloti faoliyatiga taʼsir koʻrsatishi mumkin boʻlgan binolar, jihozlar, asboblar, materiallar, ish tartiblari.

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 5-ILOVA

OʻZBEKISTON RESPUBLIKASI VAZIRLAR MAHKAMASI HUZURIDAGI SANOAT, RADIATSIYA VA YADRO XAVFSIZLIGI QOʻMITASI SANOAT XAVFSIZLIGI EKSPERTIZASI TIZIMI ______________________________________________________ ni joyiga chiqqan holda baholash boʻyicha _____________________ (tashkilot nomi) 20___ yil “____” __________dagi _____-son DALOLATNOMA _________________________________________________________________________________________ (tashkilot haqidagi asosiy maʼlumotlar) _________________________________________________________________________________________ baholash oʻtkazilgan joy manzili Sanoat, radiatsiya va yadro xavfsizligi qoʻmitasining 20___ yil “___” _______dagi ____-son buyrugʻi asosida quyida koʻrsatilgan tarkibdagi komissiya: Komissiya raisi __________________________________________________________________ (F.I.O., lavozimi) Komissiya aʼzolari __________________________________________________________________ (F.I.O., lavozimi) 20____ yil “____” ____________ dan 20____ yil “____” _____________ gacha boʻlgan muddatda _____________________________________________________________ ning akkreditatsiya mezonlariga __________________________ (tashkilot nomi) muvofiqligini baholash ishlarini bajardi. Baholash jarayonida quyidagilar aniqlandi: ____________________________________________ _________________________________________________________________________________________ Komissiya tavsiyalari: ______________________________________________________________________ Xulosa: __________________________________________________________________________________ Komissiya raisi ____________________________________________________ (imzo, F.I.O.) Komissiya aʼzolari _____________________________________________________ (imzo, F.I.O.) Tashkilot rahbari _____________________________________________________ (imzo, F.I.O.)

Sanoat xavfsizligi sohasidagi ekspert tashkilotlarini akkreditatsiyadan oʻtkazish boʻyicha davlat xizmatlarini koʻrsatishning maʼmuriy reglamentiga 6-ILOVA

Elektron hujjatning identifikatsiya raqami OʻZBEKISTON RESPUBLIKASI VAZIRLAR MAHKAMASI HUZURIDAGI SANOAT, RADIATSIYA VA YADRO XAVFSIZLIGI QOʻMITASI SANOAT XAVFSIZLIGI EKSPERTIZASI TIZIMI 20_ _ _ yil “_ _ _” _________da akkreditatsiyadan oʻtkazilgan ekspert tashkilotlari reyestrida ET-______-son bilan roʻyxatga olingan. Amal qilish muddati 20 _ _ _ yil “___” ________________ gacha AKKREDITATSIYA ATTESTATI Ushbu akkreditatsiya attestati _________________________________________________________ _________________________________________________________________________________________ (ekspert tashkiloti nomi va yuridik manzili) sanoat xavfsizligi ekspertizasini oʻtkazadigan tashkilotlarga qoʻyiladigan talablarga muvofiqligini tasdiqlaydi. Akkreditatsiya sohasi ushbu akkreditatsiya attestatining ajralmas qismi boʻlgan ilovada koʻrsatilgan. Berilgan sana QR-kod ET-______-son akkreditatsiya attestatiga ilova ____ varaqdan ____-varagʻi _________________________________________________________________________________________ (ekspert tashkiloti nomi va yuridik manzili) AKKREDITATSIYA SOHASI T/r Ish turlari, sanoat tarmogʻi, ekspertiza obyektlari 1 2 QR-kod

Vazirlar Mahkamasining 2026-yil 25-iyundagi 325-son qaroriga 2-ILOVA

Xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatish, shuningdek, xavfli ishlab chiqarish obyektlari davlat reyestrini yuritish tartibini belgilaydi.

2. Xavfli ishlab chiqarish obyektlari Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi (keyingi oʻrinlarda — vakolatli organ) tomonidan “Yagona integratsiyalashgan ekotizim” axborot tizimi (keyingi oʻrinlarda — axborot tizimi) orqali davlat reyestrida hisobga olinadi.

3. Xavfli ishlab chiqarish obyektlarining davlat reyestri sanoat xavfsizligi sohasini raqamlashtirish, xavfli ishlab chiqarish obyekti toʻgʻrisidagi maʼlumotlar bazasini yaratish, sanoat xavfsizligi sohasida davlat siyosatini amalga oshirish, xavfli ishlab chiqarish obyektlarida sanoat xavfsizligi talablariga rioya etilishini monitoring qilish, shuningdek, hisobga olingan xavfli ishlab chiqarish obyektlari va ushbu obyektlardan foydalanuvchi tashkilotlar toʻgʻrisida tizimli axborotni toʻplash, tahlil qilish va saqlash maqsadida yuritiladi.

4. Ushbu Reglamentda quyidagi asosiy tushunchalardan foydalaniladi:

ariza beruvchi — xavfli ishlab chiqarish obyektini davlat reyestrida hisobga olish (davlat reyestrida hisobdan chiqarish) uchun vakolatli organga murojaat etuvchi yuridik shaxs;

xavfli ishlab chiqarish obyektlarini identifikatsiyalash boʻyicha sanoat xavfsizligi ekspertizasi xulosasi (keyingi oʻrinlarda — ekspertiza xulosasi) — xavfli ishlab chiqarish obyektlarining identifikatsiyalash natijalarini oʻz ichiga olgan ekspert tashkilotlari tomonidan rasmiylashtiriladigan hujjat;

xavfli ishlab chiqarish obyekti (keyingi oʻrinlarda — XICHO) — Oʻzbekiston Respublikasining “Xavfli ishlab chiqarish obyektlarining sanoat xavfsizligi toʻgʻrisida”gi Qonuni 4-moddasida belgilangan korxonalar yoki ularning sexlari, uchastkalari, maydonchalari, shuningdek, boshqa ishlab chiqarish obyektlari;

Xavfli ishlab chiqarish obyektlari davlat reyestri (keyingi oʻrinlarda — Reyestr) — XICHO va ulardan foydalanuvchi tashkilotlar toʻgʻrisida elektron shakldagi maʼlumotlarni oʻz ichiga oluvchi yagona axborot maʼlumotlar bazasi;

XICHOdan foydalanuvchi tashkilot — tashkiliy-huquqiy mulkchilik shaklidan qatʼiy nazar, xususiy mulk yoki boshqa ashyoviy huquqlar asosida unga tegishli boʻlgan XICHOdan foydalanuvchi tashkilot;

ekspert tashkiloti — belgilangan tartibda akkreditatsiyadan oʻtkazilgan, sanoat xavfsizligi ekspertizasini oʻtkazadigan tashkilot.

5. Foydalanilishi boshlangan hamda Vazirlar Mahkamasining 2008-yil 10-dekabrdagi 271-son qarori bilan tasdiqlangan Xavfli ishlab chiqarish obyektlarini identifikatsiyalash tartibi toʻgʻrisidagi nizomda belgilangan tartibda identifikatsiyalashdan oʻtgan XICHO Reyestrda majburiy hisobga olinadi.

Ijaraga olingan XICHO ushbu obyektlardan foydalanuvchi tashkilot — ijaraga oluvchi tarkibida hisobga olinadi.

6. XICHOdan foydalanuvchi tashkilot ekspertiza xulosasi rasmiylashtirilgan sanadan boshlab oʻn besh kun muddat ichida ushbu Reglamentda belgilangan tartibda XICHOni davlat reyestrida hisobga olish uchun murojaat qilishi kerak.

2-bob. XICHOni Reyestrda hisobga olish tartibi

7. XICHO Reyestrda ushbu Reglamentga 1-ilovada keltirilgan sxema asosida hisobga olinadi.

8. Ariza beruvchi davlat xizmatidan foydalanish uchun davlat xizmatlari markaziga bevosita oʻzi kelib yoki davlat xizmatidan elektron shaklda foydalanish uchun Yagona interaktiv davlat xizmatlari portalida (keyingi oʻrinlarda — YIDXP) yoki axborot tizimida roʻyxatdan oʻtgan holda murojaat qiladi.

YIDXP va axborot tizimi oʻrtasida axborot almashinuvi elektron hukumatning idoralararo maʼlumotlarni uzatish tarmogʻi orqali real vaqt rejimida amalga oshiriladi.

9. Oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP yoki axborot tizimi orqali murojaat etganda esa ariza beruvchi mustaqil ravishda ushbu Reglamentga 2-ilovada keltirilgan shaklga muvofiq XICHOni Reyestrda hisobga olish uchun arizani elektron shaklda toʻldiradi.

Arizaga ariza beruvchi tomonidan foydalaniladigan XICHO boʻyicha ekspertiza xulosasi (PDF formatida) va har bir xavfli ishlab chiqarish obyektining umumiy koʻrinishidagi ikkitadan foto suratlari (PNG yoki JPEG formatida) ilova qilinadi.

Arizalar YIDXP yoki axborot tizimi orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlarida tushganda, kalendar boʻyicha navbatdagi ish kuni arizalarning vakolatli organga tushgan va vakolatli organ tomonidan qabul qilingan kun deb hisoblanadi.

10. Davlat xizmati koʻrsatilgani uchun har bir XICHO uchun bazaviy hisoblash miqdorining bir baravari miqdorida yigʻim (keyingi oʻrinlarda — yigʻim) undiriladi.

Davlat xizmati koʻrsatilishi uchun YIDXP yoki axborot tizimi orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.

Davlat xizmatini koʻrsatish uchun yigʻim toʻlangani axborot-kommunikatsiya tizimlari orqali tasdiqlanadi.

11. Yigʻimlar summasi quyidagi tartibda taqsimlanadi:

a) Davlat xizmatlari markaziga murojaat etilganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi maxsus hisobvaragʻiga (Yagona billing tizimi orqali tasdiqlangani uchun);

qolgan mablagʻlar vakolatli organning budjetdan tashqari maxsus jamgʻarmasiga;

b) YIDXP yoki axborot tizimi orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,75 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (shu jumladan, 0,5 foizi yigʻim toʻlangani Yagona billing tizimi orqali tasdiqlangani uchun);

qolgan mablagʻlar vakolatli organning budjetdan tashqari maxsus jamgʻarmasiga oʻtkaziladi.

12. Ariza shakli toʻldirilgandan soʻng ariza beruvchi maʼlumotlarning toʻgʻriligini tekshiradi va tasdiqlaydi.

Arizada koʻrsatilgan maʼlumotlar va unga ilova qilingan hujjatlarning ishonchliligi va haqqoniyligi uchun ariza beruvchi javobgar hisoblanadi.

13. Ariza beruvchi Davlat xizmatlari markaziga kelib murojaat etganda, Davlat xizmatlari markazi ariza toʻldirilgan vaqtdan boshlab real vaqt rejimida uni vakolatli organga elektron shaklda yuboradi.

YIDXP yoki axborot tizimi orqali murojaat etilganda esa, ariza avtomatik tarzda vakolatli organga elektron shaklda yuboriladi.

14. XICHO haqidagi maʼlumotlar davlat sirlariga yoki qonun bilan qoʻriqlanadigan boshqa sirga tegishli boʻlganda, hujjatlar ariza beruvchi tomonidan vakolatli organga bevosita taqdim etiladi.

15. Vakolatli organ ariza tushgan kundan boshlab oʻttiz kun ichida XICHOni Reyestrda hisobga olish haqidagi arizani koʻrib chiqadi.

Arizani koʻrib chiqish jarayonida vakolatli organning XICHO joylashgan tegishli hududiy boʻlinmasi vakillari ishtirok etadi va boʻlinma tomondan axborot tizimida maʼlumotnoma rasmiylashtiriladi.

16. Quyidagi hollarda vakolatli organning hududiy boʻlinmasi XICHOning taqdim etilgan hujjatlarga muvofiqligiga aniqlik kiritish maqsadida XICHOni joyiga chiqqan holda oʻrganadi:

reyestrga hisobga olinadigan XICHO birinchi tipga mansub boʻlganda;

XICHOni identifikatsiyalash jarayonida qonunchilikka rioya etilmaganda;

hisobga olinadigan XICHO reyestrda mavjud boʻlganda;

hisobga olinadigan XICHOda bir yil mobaynida avariya yoki baxtsiz hodisa sodir boʻlgani haqida maʼlumot vakolatli organda mavjud boʻlganda.

XICHO joyiga chiqqan holda oʻrganilganda, vakolatli organ va XICHOdan foydalanuvchi tashkilot vakillari tomonidan imzolanadigan dalolatnoma rasmiylashtiriladi va u vakolatli organ tomonidan axborot tizimiga yuklanadi.

17. Arizani koʻrib chiqish natijasi ijobiy boʻlganda vakolatli organ:

real vaqt rejimida XICHO toʻgʻrisidagi maʼlumotlarni Reyestrga kiritadi;

ariza beruvchiga ushbu Reglamentga 3-ilovaga muvofiq rasmiylashtiriladigan QR-kod (matrik shtrixli kod) qoʻyilgan maʼlumotnomani, Davlat xizmatlari markazi (oʻzi kelib murojaat etgan taqdirda) yoki shaxsiy kabineti (YIDXP yoki axborot tizimi orqali murojaat etilganda) orqali yuboradi.

18. Davlat xizmatlari markazlari maʼlumotnoma olingandan soʻng real vaqt rejimida uni ariza beruvchining elektron pochta manziliga yuboradi va bu haqida ariza beruvchini elektron tarzda xabardor qiladi.

Agar ariza beruvchi oʻzi kelib murojaat etgan taqdirda, ariza beruvchining soʻroviga koʻra unga davlat xizmatining natijasi elektron yoki qogʻoz shaklida berilishi shart.

19. Quyidagilar XICHOni Reyestrda hisobga olishni rad etish uchun asos boʻladi:

arizada notoʻgʻri maʼlumotlar koʻrsatilishi;

arizaga ilova qilinishi kerak boʻlgan hujjatlar taqdim etilmaganda;

davlat xizmatlari koʻrsatish uchun yigʻimni toʻlamaslik;

XICHOni identifikatsiyalash jarayonida qonunchilikka rioya etilmagani, jumladan, ekspertiza xulosasida notoʻgʻri, yolgʻon yoki qalbaki maʼlumotlar koʻrsatilgani aniqlanganda;

ekspertiza xulosasida XICHOdan foydalanuvchi tashkilot sifatida koʻrsatilgan yuridik shaxs va ariza beruvchi mos kelmaganda;

ekspertiza xulosasida va arizada koʻrsatilgan XICHO toʻgʻrisidagi maʼlumotlar mos kelmaganda;

ushbu Reglamentning 16-bandida belgilangan hollarda vakolatli organga ariza beruvchi tomonidan XICHOni oʻrganish uchun imkoniyat yaratilmagani;

ariza uni beruvchining nomidan harakat qilish vakolatiga ega boʻlmagan shaxs tomonidan taqdim etilganda.

Davlat xizmatlarini koʻrsatishni boshqa asoslarga koʻra rad etish taqiqlanadi.

20. Ushbu Reglamentning 19-bandida belgilangan hollarda, vakolatli organ kamchiliklarni va ularni bartaraf etish mumkin boʻlgan muddatni koʻrsatgan holda YIDXP yoki axborot tizimi orqali ariza beruvchiga xabarnoma yuboradi.

Xabarnomada koʻrsatilgan muddat kamchiliklarni bartaraf etish uchun zarur boʻladigan vaqtga mutanosib boʻlishi kerak, ushbu muddat Reglamentning 19-bandi beshinchi xatboshisida koʻrsatilgan holatda oltmish ish kunidan, qolgan holatlarda esa oʻn ish kunidan oshmasligi kerak.

Ariza beruvchiga xabarnoma yuborilganda, arizani koʻrib chiqish muddati toʻxtatib turiladi.

21. Ariza beruvchi xabarnomada belgilangan muddatda zarur hujjatlarni taqdim etishi va (yoki) koʻrsatilgan kamchiliklarni bartaraf etishi lozim.

22. Ariza takroran koʻrib chiqilgani uchun ushbu Reglamentning 10-bandida belgilangan yigʻim undirilmaydi.

Xabarnomada koʻrsatilmagan yangi asoslar bilan soʻrovnomani qabul qilishni rad etishga yoʻl qoʻyilmaydi.

Ariza beruvchi kamchiliklarni bartaraf etish xabarnomasida koʻrsatilgan muddat oʻtgandan keyin murojaat qilgan taqdirda, ariza yangi topshirilgan hisoblanadi va vakolatli organ tomonidan umumiy asoslarda koʻrib chiqiladi.

Bunda ariza beruvchining dastlabki murojaatiga kamchiliklarni bartaraf etish xabarnomasi yuborilganligini inobatga olgan holda, keyingi murojaatiga kamchiliklarni bartaraf etish xabarnomasi yuborilishiga yoʻl qoʻyilmaydi.

3-bob. Reyestr yuritish tartibi

23. Reyestr vakolatli organ tomonidan yuritiladi va quyidagi jarayonlarni oʻz ichiga oladi:

sanoat xavfsizligi sohasini raqamlashtirish, reyestr yuritiladigan axborot tizimini respublikadagi mavjud tegishli axborot tizimlari bilan integratsiya qilish;

har bir XICHOga hisobga olish raqamini berish;

XICHOlari va ulardan foydalanuvchi tashkilotlar toʻgʻrisidagi maʼlumotlarni axborot tizimiga kiritish (toʻplash), ularni yangilab turish va saqlash;

reyestrga (axborot tizimiga) kiritilgan maʼlumotlarni tahlil qilish, uning natijalari asosida XICHOdan foydalanuvchi tashkilotlar tomonidan XICHOlarida sanoat xavfsizligi talablariga rioya etilishini monitoring qilish;

respublikada foydalanilayotgan XICHOlarda sanoat xavfsizligini taʼminlash maqsadida oʻz vakolati doirasida sanoat xavfsizligi sohasida davlat siyosatini amalga oshirish.

24. XICHOdan foydalanuvchi tashkilot qayta tashkil etilganda yoki nomi oʻzgarganda, XICHOdan foydalanuvchi tashkilot ushbu Reglamentda belgilangan tartibda XICHOni davlat reyestrida hisobga olish uchun murojaat qilishi kerak.

Bunday hollarda ushbu Reglamentning 10-bandida belgilangan yigʻim undirilmaydi.

25. Reyestrda hisobga olingan XICHO toʻgʻrisidagi maʼlumotlar va (yoki) XICHOdan foydalanuvchi tashkilot tomonidan foydalaniladigan XICHOlar soni oʻzgarganda, XICHOdan foydalanuvchi tashkilot ushbu Reglamentda belgilangan tartibda XICHOni davlat reyestrida hisobga olish uchun murojaat qilishi kerak.

26. Korxona tomonidan foydalaniladigan XICHO bitta boʻlib, Reyestrda hisobga olingan ushbu XICHOda qayta qurish yoki qayta jihozlash natijasida xavflilik belgilari yoʻqolganda yoki tashkilotni XICHOni tasarruf etishi (egalik qilishi) tugatilganda, XICHOdan foydalanuvchi tashkilot vakolatli organga XICHOni Reyestrdan chiqarish haqida murojaat qiladi.

Vakolatli organ oʻn ish kuni mobaynida koʻrsatilgan dalillarga aniqlik kiritish maqsadida obyektni joyiga chiqqan holda oʻrganadi, natijasi boʻyicha tegishli dalolatnoma rasmiylashtiriladi hamda Reyestrga XICHOni hisobdan chiqarilganligi haqida tegishli maʼlumot kiritadi.

Bunday hollarda ushbu Reglamentning 10-bandida belgilangan yigʻim undirilmaydi.

27. Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi tomonidan vakolatli organga Reyestrda hisobga olingan XICHOdan foydalanuvchi tashkilot haqida quyidagi maʼlumotlar avtomatik tarzda yuboriladi:

XICHOdan foydalanuvchi tashkilotning tugatilgani;

XICHOdan foydalanuvchi tashkilotning qayta tashkil etilgani yoki nomi oʻzgargani.

28. Ijara shartnomalarini hisobga qoʻyish tizimi tomonidan vakolatli organga Reyestrda hisobga olingan XICHOni koʻchmas mulk sifatida ijaraga berilgani haqida maʼlumotlar avtomatik tarzda yuboriladi.

29. Sugʻurta bozorining yagona avtomatlashtirilgan axborot tizimi tomonidan vakolatli organga Reyestrda hisobga olingan XICHOda avariya yuz bergan holda boshqa shaxslarning hayoti, sogʻligʻi va (yoki) mol-mulkiga hamda atrof-muhitga zarar yetkazganlik uchun javobgarlik majburiy sugʻurta qilingani haqida maʼlumotlar avtomatik tarzda yuboriladi.

30. Reyestrda hisobga olingan XICHO quyidagi hollarda vakolatli organ tomonidan Reyestrdan hisobdan chiqariladi:

Reyestrda hisobga olingan XICHOda qayta qurish yoki qayta jihozlash natijasida xavflilik belgilari yoʻqolganda;

Reyestrda hisobga olingan XICHOni tashkilot tomonidan tasarruf etishi (egalik qilishi) tugatilganda;

XICHOdan foydalanuvchi tashkilot tugatilganda.

31. Quyidagi hollarda vakolatli organ Reyestrda hisobga olingan XICHOni Reyestrdan hisobdan chiqarishga haqli:

vakolatli organ tomonidan Reyestrdagi maʼlumotlarni monitoring qilish natijalari boʻyicha;

vakolatli organ hududiy boʻlinmasi tomonidan Reyestrga kiritilgan XICHO ikki yildan ortiq muddatda faoliyat yuritmayotgani haqida dalolatnoma rasmiylashtirilganda;

yuqori turuvchi davlat idorasi (tashkiloti) tomonidan Reyestrga kiritilgan XICHOdan foydalanilmayotgani (konservatsiya qilingani) va uni Reyestrdan hisobdan chiqarish haqida murojaat boʻlganda.

32. XICHO Reyestrdan hisobdan chiqarilganda vakolatli organ tomonidan bir hafta muddatda tegishli tashkilotga axborot tizimi yoki pochta aloqasi orqali yoxud elektron shaklda XICHO Reyestrdan hisobdan chiqarilgani haqida xabarnoma yuboriladi.

4-bob. Yakunlovchi qoidalar

33. Davlat xizmatlari markazlari va vakolatli organ davlat xizmatini koʻrsatish jarayonida olingan maʼlumotlarning sir saqlanishini taʼminlaydi.

34. Reyestrdagi umumiy maʼlumotlar axborot tizimida ochiq hisoblanadi.

Reyestr alohida maʼlumotlar vakolatli organ tomonidan manfaatdor davlat va xoʻjalik boshqaruvi organlariga, mahalliy davlat hokimiyati organlariga, shuningdek, Oʻzbekiston Respublikasining jismoniy va yuridik shaxslariga ularning murojaatlari asosida taqdim etadi. Bunda Reyestrdan koʻchirmalar beriladi hamda davlat sirlari yoki qonun bilan himoyalangan boshqa sirlarni va maʼlumotlarni muhofaza qilish talablari hisobga olinadi.

Reyestrdan koʻchirma berish yoki uni bermaslikni asoslantirilgan holda rad etish murojaat kelib tushgan kundan boshlab oʻn ish kuni davomida amalga oshiriladi.

35. Oʻzbekiston Respublikasi Adliya vazirligi, uning hududiy boshqarmalari va davlat xizmatlari markazlari ushbu Reglament talablari bajarilishi boʻyicha vakolatli organning faoliyati ustidan davlat xizmatlarini koʻrsatish davomida, shu jumladan, YIDXP orqali doimiy nazorat va monitoringni amalga oshiradi.

36. Ariza beruvchi davlat xizmatini koʻrsatishda ishtirok etuvchi davlat organlari va boshqa tashkilotlar xodimlarining qarorlari, xatti-harakatlari ustidan qonunchilik hujjatlarida belgilangan tartibda shikoyat qilishlari mumkin.

37. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatishning maʼmuriy reglamentiga 1-ILOVA

Xavfli ishlab chiqarish obyektini davlat reyestrida hisobga olish

Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat xizmatidan foydalanish uchun Davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portali yoxud Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi (keyingi oʻrinlarda — vakolatli organ) axborot tizimi orqali ariza beradi. Ekspertiza xulosasi rasmiylashtirilgan sanadan boshlab 15 ish kuni mobaynida 2-bosqich 1. Davlat xizmatlari markazi 2. YIDXP yoki vakolatli organ axborot tizimi 1. Arizani toʻldirib, vakolatli organga yuboradi. 2. Toʻldirilgan arizani avtomatik tarzda vakolatli organga yuboradi. 1. Ariza toʻldirilgandan keyin 10 daqiqa mobaynida 2. Avtomatik ravishda 3-bosqich Vakolatli organ 1. Arizani qabul qiladi. 2. Arizaning qayd raqami va kelib tushgan sanasi koʻrsatilgan xabarnomani ariza beruvchiga yuboradi. Yigʻim toʻlanganidan soʻng avtomatik tarzda 4-bosqich Vakolatli organ 1. Arizani koʻrib chiqadi. 2. Ushbu Reglamentda nazarda tutilgan hollarda XICHOni joyiga chiqqan holda oʻrganadi . 3. XICHO toʻgʻrisidagi maʼlumotlarni davlat reyestriga kiritadi. Ariza kelib tushgan sanadan boshlab 30 kun mobaynida 5-bosqich 1. Davlat xizmatlari markazi 2. YIDXP yoki vakolatli organ axborot tizimi QR-kod (matrik shtrixli kod) qoʻyilgan maʼlumotnomani ariza beruvchiga taqdim etadi. Real vaqt rejimida

Xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatishning maʼmuriy reglamentiga 2-ILOVA

Xavfli ishlab chiqarish obyektini davlat reyestrida hisobga olish uchun

1. Xavfli ishlab chiqarish obyektining toʻliq nomi (identifikatsiya xulosasida koʻrsatilgan nomiga mos boʻlishi kerak) 2. Xavfli ishlab chiqarish obyektini tasarruf etish (egalik qilish) huquqiy shakli va asosi 3. Xavfli ishlab chiqarish obyekti joylashgan manzili (toʻliq koʻrsatiladi) 4. Xavfli ishlab chiqarish obyekti joylashgan yer uchastkasi kadastr raqami 5. Xavfli ishlab chiqarish obyektidan foydalanish boshlangan vaqti (oy va yil koʻrsatiladi) 6. Xavfli ishlab chiqarish obyektini tashkil etuvchilari (zavod, fabrika, sex, uchastka, stansiya, maydonlar va shu kabilar) 7. Xavfli ishlab chiqarish obyektida mavjud xavflilik belgilari 8. Xavfli ishlab chiqarish obyekti tipi 9 . XICHOdan foydalanuvchi tashkilot nomi 10. XICHOdan foydalanuvchi tashkilotning STIRi 11. Foydalanuvchi tashkilotning yuridik va pochta manzillari, rekvizitlari 12. Yuqori turuvchi tashkilotining nomi

Xavfli ishlab chiqarish obyektlarini davlat reyestrida hisobga olish boʻyicha davlat xizmatini koʻrsatishning maʼmuriy reglamentiga 3-ILOVA

Elektron hujjatning identifikatsiya raqami OʻZBEKISTON RESPUBLIKASI VAZIRLAR MAHKAMASI HUZURIDAGI SANOAT, RADIATSIYA VA YADRO XAVFSIZLIGI QOʻMITASI ________________________________________________________________________ XAVFLI ISHLAB CHIQARISH OBYEKTINI DAVLAT REYESTRIDA HISOBGA OLINGANI HAQIDA MAʼLUMOTNOMA Yuqori tashkilotning nomi XICHOdan foydalanuvchi tashkilotning nomi XICHOdan foydalanuvchi tashkilotning STIRi XICHOni tasarruf etish (egalik qilish) huquqiy shakli XICHOning nomi XICHOning joylashgan manzili XICHO joylashgan yer uchastkasi kadastr raqami XICHOning tipi XICHOning roʻyxatga olish sanasi XICHOning roʻyxatga olish raqami XICHOni tashkil etuvchi sex, uchastkalar va obyektlarning nomlari Xavflilik belgilari Xavfli moddalarning nomi va miqdori QR-kod

Vazirlar Mahkamasining 2026-yil 25-iyundagi 325-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida” 2008-yil 10-dekabrdagi 271-son qarorida :

a) 1-ilovada:

18-band quyidagi tahrirda bayon etilsin:

“18. Xavfli ishlab chiqarish obyektlaridan foydalanayotgan tashkilot, obyektdan foydalanishni boshlagan kundan boshlab oʻttiz kundan kechiktirmasdan identifikatsiyalash uchun belgilangan tartibda ekspert tashkilotiga murojaat qilishi kerak.

Sanoat xavfsizligi ekspertizasi doirasida identifikatsiyalash natijalari sanoat xavfsizligi ekspertizasi xulosasida keltiriladi, unga xavfli ishlab chiqarish obyektining identifikatsiya varaqasi ilova qilinadi”;

b) 2-ilovada:

3-bandning yettinchi xatboshisi quyidagi tahrirda bayon etilsin:

“ sanoat xavfsizligi ekspertizasi xulosasi (keyingi oʻrinlarda — ekspertiza xulosasi) — ekspertiza obyektining sanoat xavfsizligi talablariga muvofiqligi (nomuvofiqligi) toʻgʻrisida asosli xulosalarni yoki xavfli ishlab chiqarish obyektlarini identifikatsiyalash natijalarini oʻz ichiga olgan, ekspert tashkilotlari tomonidan rasmiylashtiriladigan hujjat”;

11-bandda:

oltinchi xatboshi quyidagi tahrirda bayon etilsin:

“sanoat xavfsizligi sohasidagi ekspertlarni attestatsiyadan oʻtkazish va ekspertiza tizimini normativ hujjatlar bilan taʼminlash komissiyalari tarkiblarini tasdiqlash”;

oʻn birinchi xatboshi chiqarib tashlansin.

v) 4-ilovada:

3-bandning oʻn toʻqqizinchi xatboshisi quyidagi tahrirda bayon etilsin:

“ sanoat xavfsizligi ekspertizasi xulosasi ( keyingi oʻrinlarda — ekspertiza xulosasi) — sanoat xavfsizligi deklaratsiyasining belgilangan talablarga muvofiqligi (nomuvofiqligi) toʻgʻrisida asosli xulosalarni oʻz ichiga olgan, ekspert tashkilotlari tomonidan rasmiylashtiriladigan hujjat”;

quyidagi mazmundagi 10 1 -band bilan toʻldirilsin:

“10 1 . Loyiha hujjatlari tarkibida ishlab chiqilgan sanoat xavfsizligi deklaratsiyasi xavfli ishlab chiqarish obyekti foydalanilishi boshlangan vaqtdan boshlab olti oydan kechiktirmasdan faoliyat koʻrsatayotgan obyekt uchun yangidan ishlab chiqilishi zarur”;

12-band quyidagi mazmundagi ikkinchi xatboshi bilan toʻldirilsin:

“Xavfsizligi deklaratsiyalanishi kerak boʻlgan xavfli ishlab chiqarish obyektidan foydalanuvchi tashkilot, uning foydalanilishi boshlangan vaqtdan boshlab olti oydan kechiktirmasdan sanoat xavfsizligi deklaratsiyasi ishlab chiqilishini taʼminlashi va uni sanoat xavfsizligi ekspertizasidan oʻtkazishi uchun belgilangan tartibda ekspert tashkilotiga murojaat qilishi kerak”;

23-band quyidagi tahrirda bayon etilsin:

“23. Sanoat xavfsizligi deklaratsiyasi xavfli ishlab chiqarish obyektidan foydalanuvchi tashkilotlar tomonidan ekspertiza oʻtkazilgandan keyin qonunchilikda belgilangan tartibda davlat yoki xizmat sirlari boʻlgan maʼlumotlarni muhofaza qilish talablariga rioya qilgan holda, mazkur Nizomning 24-bandida koʻrsatilgan hajmda davlat organlariga, jamoat birlashmalari va fuqarolarga taqdim etiladi”;

24-bandning birinchi xatboshisi va “a” kichik bandi quyidagi tahrirda bayon etilsin:

“24. Xavfli ishlab chiqarish obyektidan foydalanuvchi tashkilot rahbari:

a) ekspertiza xulosasini rasmiylashtirilgan kundan boshlab bir oy muddatda Oʻzbekiston Respublikasi Favqulodda vaziyatlar vazirligiga, Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasiga (togʻ-kon tarmogʻi, geologiya hamda konchilik, shu jumladan, qattiq foydali qazilmalarni qazib olish va qayta ishlash, portlatish ishlari, portlovchi materiallarning aylanmasi sohasidagi obyektlar boʻyicha) hamda deklaratsiya qilinayotgan xavfli ishlab chiqarish obyekti joylashgan hududdagi mahalliy ijro etuvchi hokimiyat organiga elektron shaklda taqdim etadi”;

26-bandning ikkinchi xatboshisi chiqarib tashlansin;

quyidagi mazmundagi 27-band bilan toʻldirilsin:

“27. Faoliyat koʻrsatayotgan xavfli ishlab chiqarish obyektlarining sanoat xavfsizligi deklaratsiyasini titul varaqda koʻrsatiladigan roʻyxatdan oʻtkazish tartib raqamini olish va deklaratsiyalarning umumiy hisobini yuritish uchun xavfli ishlab chiqarish obyektidan foydalanuvchi tashkilot ekspertiza xulosasi rasmiylashtirilgan sanadan boshlab oʻn besh kun muddatda Vazirlar Mahkamasi huzuridagi Sanoat, radiatsiya va yadro xavfsizligi qoʻmitasiga “Yagona integratsiyalashgan ekotizim” axborot tizimi (keyingi oʻrinlarda — axborot tizimi) orqali murojaat qiladi.

Sanoat xavfsizligi deklaratsiyasining roʻyxatdan oʻtkazish tartib raqami xavfli ishlab chiqarish obyektidan foydalanuvchi tashkilotga besh ish kuni muddatda axborot tizimi orqali maʼlum qilinadi”;

2-ilovada:

1.1-bandda:

“v” kichik band quyidagi tahrirda bayon etilsin:

“v) belgilangan tartibda Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi tomonidan beriladigan roʻyxatdan oʻtkazish tartib raqami (faqat faoliyat koʻrsatayotgan obyektlar uchun koʻrsatiladi)”;

“d” kichik band quyidagi tahrirda bayon etilsin:

“d) deklaratsiyalanayotgan obyektning xavfli ishlab chiqarish obyektlarini davlat reyestrida roʻyxatdan oʻtkazish tartib raqami (faqat faoliyat koʻrsatayotgan obyektlar uchun koʻrsatiladi)”;

2.1-bandda:

birinchi xatboshidagi “deklaratsiyaning” soʻzi “Hisob-kitob-tushuntirish xatining” soʻzlari bilan almashtirilsin;

“b” kichik band quyidagi tahrirda bayon etilsin:

“b) Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi tomonidan beriladigan roʻyxatdan oʻtkazish tartib raqami (u deklaratsiyaga berilgan roʻyxatdan oʻtkazish tartib raqamiga muvofiq boʻlishi kerak) — faqat faoliyat koʻrsatayotgan obyektlar uchun koʻrsatiladi”;

“g” kichik band quyidagi tahrirda bayon etilsin:

“g) deklaratsiyalanayotgan obyektning Xavfli ishlab chiqarish obyektlari davlat reyestrida roʻyxatdan oʻtkazish tartib raqami (faqat faoliyat koʻrsatayotgan obyektlar uchun koʻrsatiladi)”;

g) 5-ilovada:

2-band quyidagi mazmundagi oltinchi va yettinchi xatboshilar bilan toʻldirilsin:

“ xavfli ishlab chiqarish obyektlarini identifikatsiyalash boʻyicha sanoat xavfsizligi ekspertizasi xulosasi (keyingi oʻrinlarda — ekspertiza xulosasi) — xavfli ishlab chiqarish obyektlarini identifikatsiyalash natijalarini oʻz ichiga olgan ekspert tashkilotlari tomonidan rasmiylashtiriladigan hujjat;

davlat reyestrida hisobga olingani haqida maʼlumotnoma — foydalanilayotgan xavfli ishlab chiqarish obyektining davlat reyestrida hisobga olinganligini tasdiqlovchi hujjat”;

12-bandning ikkinchi xatboshisi quyidagi tahrirda bayon etilsin:

“Sugʻurta toʻgʻrisidagi arizaga sugʻurta qildiruvchi, foydalaniladigan xavfli ishlab chiqarish obyektining ekspertizasi xulosasini va foydalaniladigan xavfli ishlab chiqarish obyekti davlat reyestrida hisobga olingani haqidagi maʼlumotnomani ilova qiladi”.

2. Vazirlar Mahkamasining 2018-yil 2-oktabrdagi 784-son qarori bilan tasdiqlangan Sanoat xavfsizligini ekspertizadan oʻtkazish va ekspertiza xulosasini berish tartibi toʻgʻrisidagi nizomda :

a) 2-bandning beshinchi xatboshisi quyidagi tahrirda bayon etilsin:

“ sanoat xavfsizligi ekspertizasi xulosasi (keyingi oʻrinlarda — ekspertiza xulosasi) — ekspertiza obyektining sanoat xavfsizligi talablariga muvofiqligi (nomuvofiqligi) toʻgʻrisida asosli xulosalarni yoki xavfli ishlab chiqarish obyektlarini identifikatsiyalash natijalarini oʻz ichiga olgan, ekspert tashkilotlari tomonidan rasmiylashtiriladigan hujjat”;

b) quyidagi mazmundagi 3 1 -band bilan toʻldirilsin:

“3 1 . Xavfli ishlab chiqarish obyektini qurish, kengaytirish, qayta qurish, texnik qayta jihozlash, konservatsiyalash va tugatishga doir loyiha hujjatlarini ekspertizadan oʻtkazishda texnologik loyiha yechimlariga asosiy eʼtibor qaratiladi hamda ularning sanoat xavfsizligi talablariga muvofiqligi baholanadi”;

v) 4-band quyidagi tahrirda bayon etilsin:

“4. Foydalanilishi boshlangan xavfli ishlab chiqarish obyektlari ekspertiza doirasida identifikatsiyalanadi”;

g) 24-band quyidagi tahrirda bayon etilsin:

“24. Ekspert guruhi ekspertiza obyektining haqiqiy holati va unga qoʻyiladigan sanoat xavfsizligi talablariga muvofiqligini baholaydi, ekspertiza obyektiga taalluqli hujjatlarning toʻliqligi va ishonchliligini aniqlaydi.

Xavfli ishlab chiqarish obyektlaridagi texnik qurilmalar, binolar va inshootlarni ekspertizadan oʻtkazishda ekspertlar joyiga chiqqan holda baholaydi.

Xavfli ishlab chiqarish obyektlarini ekspertiza doirasida identifikatsiyalashda obyektni joyiga chiqqan holda obyektning taqdim etilgan hujjatlarga muvofiqligini baholaydi, buyurtmachi foydalanayotgan xavfli ishlab chiqarish obyektlarining xavflilik belgilari va tiplarini aniqlaydi.

Ekspert tashkilotida joyiga chiqqan holda baholash oʻtkazilganini tasdiqlovchi hujjatlar va maʼlumotlar (xizmat safari guvohnomasi, fotosuratlar, videolar va boshqalar) boʻlishi kerak”;

d) 25-band quyidagi mazmundagi ikkinchi xatboshi bilan toʻldirilsin:

“Tekshirish hamda texnik diagnostikadan oʻtkazish ishlari ekspert tashkiloti tomonidan ishlab chiqiladigan va tasdiqlanadigan dasturga muvofiq oʻtkaziladi”;

j) 27-band quyidagi tahrirda bayon etilsin:

“27. Ekspert tashkiloti xavfli ishlab chiqarish obyektidagi texnik qurilmalar, binolar va inshootlarni tekshirish va texnik diagnostikadan oʻtkazish ishlarini amalga oshirish uchun zarur asbob-uskunalari hamda ruxsat beruvchi xususiyatga ega hujjatlari mavjud boshqa tashkilotlarni ham jalb qilishga haqli.

Tekshirish va texnik diagnostikadan oʻtkazishda putur yetkazmaydigan nazorat ishlari belgilangan tartibda akkreditatsiyadan oʻtkazilgan, putur yetkazmaydigan nazorat laboratoriyalari tomonidan ekspert tashkiloti belgilaydigan dasturga muvofiq amalga oshiriladi.

Tekshirish va texnik diagnostika natijalarida tegishli nazorat tadbirlari, shuningdek, putur yetkazmaydigan nazorat ishlari oʻtkazilganini tasdiqlovchi fotosuratlar boʻlishi kerak.

Xavfli ishlab chiqarish obyektlaridagi texnik qurilmalar, binolar va inshootlarni tekshirish hamda texnik diagnostikadan oʻtkazish ishlarining sifati hamda ishonchliligi uchun ushbu ishlarni amalga oshirgan tashkilot javob beradi”;

z) 32-band quyidagi mazmundagi oltinchi xatboshi bilan toʻldirilsin:

“tekshirish va texnik diagnostika natijalarida tegishli nazorat tadbirlari, shuningdek, putur yetkazmaydigan nazorat ishlari oʻtkazilganini tasdiqlovchi fotosuratlar boʻlmasa”;

oltinchi — yettinchi xatboshilar tegishlicha yettinchi — sakkizinchi xatboshilar deb hisoblansin;

i) 39-band “haqidagi xulosalarni” soʻzlaridan keyin “yoxud xavfli ishlab chiqarish obyektlarining identifikatsiyalash natijalarini” soʻzlari bilan toʻldirilsin;

k) 41-band quyidagi tahrirda bayon etilsin:

“41. Ekspertiza obyektlari boʻyicha ekspertiza xulosasiga quyidagi hujjatlar ilova qilinadi:

sanoat xavfsizligini ekspertizadan oʻtkazishda aniqlangan nomuvofiqlik va kamchiliklar protokoli va protokolda qayd etilgan nomuvofiqlik hamda kamchiliklarni bartaraf etishga doir oʻtkazilgan tadbirlar haqida maʼlumotlar (agar ular rasmiylashtirilsa);

ekspertizani oʻtkazishda foydalanilgan qonunchilik hujjatlari va normativ texnik hujjatlar roʻyxati”;

l) quyidagi mazmundagi 41 1 — 41 3 -bandlar bilan toʻldirilsin:

“41 1 . Texnik qurilma, bino va inshootlar boʻyicha ekspertiza xulosasiga, ushbu Nizomning 41-bandida koʻrsatilgan hujjatlarga qoʻshimcha ravishda oʻtkazilgan tekshiruvlar va texnik diagnostika natijalari hamda joyiga chiqqan holda baholashni oʻtkazgan ekspert koʻringan holatdagi ekspertiza obyektining umumiy koʻrinishidagi fotosuratlari (2-3 dona) ilova qilinadi.

41 2 . Xavfli ishlab chiqarish obyektlarini identifikatsiyalash boʻyicha sanoat xavfsizligi ekspertizasi xulosasiga quyidagi hujjatlar ilova qilinadi:

identifikatsiyalanadigan har bir obyekt uchun Vazirlar Mahkamasining 2008-yil 10-dekabrdagi 271-son qarori bilan tasdiqlangan Xavfli ishlab chiqarish obyektlarini identifikatsiyalash tartibi toʻgʻrisidagi nizomga muvofiq rasmiylashtirilgan xavfli ishlab chiqarish obyektlarining identifikatsiya varagʻi;

joyiga borib baholashni oʻtkazgan ekspert koʻringan holatdagi har bir xavfli ishlab chiqarish obyektining umumiy koʻrinishidagi fotosuratlari (2-3 dona);

ushbu Nizomga 9-ilovaga* muvofiq shaklda xavfli ishlab chiqarish obyektlarining umumlashtirilgan varagʻi.

41 3 . Xavfli ishlab chiqarish obyektlarini identifikatsiyalash boʻyicha sanoat xavfsizligi ekspertizasi xulosasini rasmiylashtirishda Vazirlar Mahkamasining 2008-yil 10-dekabrdagi 271-son qarori bilan tasdiqlangan Xavfli ishlab chiqarish obyektlarini identifikatsiyalash tartibi toʻgʻrisidagi nizom talablari qoʻshimcha ravishda hisobga olinadi”;

m) 4-bob quyidagi tahrirda bayon etilsin:

“ 4-bob. Ekspertiza xulosasini hisobga olish va buyurtmachiga berish.

42. Ekspert tashkiloti rasmiylashtirilgan ekspertiza xulosasini vakolatli organga ikki kun muddat ichida hisobga olishi uchun elektron shaklda yuboradi.

Ekspertiza xulosasi vakolatli organning “Yagona integratsiyalashgan ekotizim” axborot tizimida avtomatik hisobga olinadi.

43. Ekspertiza xulosasining asl nusxasi buyurtmachiga ekspertizani oʻtkazish uchun shartnoma shartlari bajarilgandan keyin beriladi.

44. Ekspertiza xulosasining nusxasi ekspertizani oʻtkazgan ekspert tashkilotida saqlanadi”.

3. Vazirlar Mahkamasining 2023-yil 20-noyabrdagi 612-son qarori bilan tasdiqlangan Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentida :

a) 1-bandning uchinchi xatboshisidagi “53” raqami “54” raqami bilan almashtirilsin;

b) quyidagi mazmundagi 54-ilova bilan toʻldirilsin:

“Jismoniy va yuridik shaxslarga maʼlumotnomalar berish boʻyicha davlat xizmatlarini koʻrsatishning yagona maʼmuriy reglamentiga 54-ILOVA

Sanoat xavfsizligi deklaratsiyasi hisobga olingani haqida maʼlumotnoma berish

1. Davlat xizmati nomi Sanoat xavfsizligi deklaratsiyasi hisobga olingani haqida maʼlumotnoma 2. Davlat xizmatidan foydalanuvchilar toifasi Yuridik shaxslar 3. Davlat xizmatini koʻrsatuvchi vakolatli organ(lar) Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi 4. Davlat xizmatidan foydalanish uchun talab etiladigan maʼlumotlar xavfli ishlab chiqarish obyektining toʻliq nomi; xavfli ishlab chiqarish obyekti joylashgan manzil (toʻliq koʻrsatiladi); sanoat xavfsizligi deklaratsiya ishlab chiqilgan xavfli ishlab chiqarish obyektining davlat reyestridagi hisobga olish raqami; foydalanuvchi tashkilotning toʻliq nomi; xavfli ishlab chiqarish obyektidan foydalanuvchi tashkilotning STIRi; foydalanuvchi tashkilotning yuridik va pochta manzillari, telefon raqami 5. Davlat xizmatini koʻrsatganlik uchun undiriladigan yigʻim miqdori Bepul 6. Davlat xizmatini koʻrsatish muddati 3 ish kuni 7. Izoh - ” .

4 . Vazirlar Mahkamasining 2023-yil 30-noyabrdagi 635-son qarori bilan tasdiqlangan Ayrim turdagi malaka sertifikatini berish uchun davlat xizmatlarini koʻrsatishning yagona maʼmuriy reglamentiga 4-ilovaning 9-pozitsiyasi uchinchi ustunida:

a) oʻn uchinchi xatboshidagi “birinchi toifali” soʻzlari chiqarib tashlansin;

b) oʻn toʻrtinchi xatboshi quyidagi tahrirda bayon etilsin:

“Test savollari xavfli ishlab chiqarish obyektini identifikatsiyalash va deklaratsiyalash, sanoat xavfsizligi ekspertizasi boʻyicha ishlarni bajarish, shuningdek, attestatsiyadan oʻtmoqchi boʻlgan attestatsiya sohasi (yoki ekspertiza obyektlari) mutaxassisligiga muvofiq tuziladigan kamida 50 ta savoldan iborat boʻladi hamda umumiy test oʻtkazish vaqtining davomiyligi 50 daqiqani tashkil etadi”;

v) quyidagi mazmundagi oʻn yettinchi xatboshi bilan toʻldirilsin:

“Attestatsiya bosqichlarining biridan oʻta olmagan talabgorlarga ushbu bosqichni qayta topshirish imkoniyati beriladi”.

Vazirlar Mahkamasining 2026-yil 25-iyundagi 325-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar toʻgʻrisida” 2020-yil 19-maydagi 291-son qarorining 1-bandi ikkinchi xatboshisi va 1-ilova .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilova 835-bandining “a” kichik bandi.

3. Vazirlar Mahkamasining “Aholi va tadbirkorlik subyektlarining davlat xizmatlaridan foydalanish imkoniyatlari kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 27-dekabrdagi 774-son qaroriga 1-ilovaning 70-bandi.

4. Vazirlar Mahkamasining “Sanoat, radiatsiya va yadro xavfsizligi sohasidagi qonunchilik hujjatlari takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2025-yil 2-maydagi 289-son qaroriga 1-ilova 22-bandining “a” kichik bandi.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 25-iyun,

325 -son

(Qonunchilik maʼlumotlari milliy bazasi, 26.06.2026-y., 09/26/325/0635-son)

lex.uz