📅 2026-yil 24-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 24 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 июня 2026 г. · Постановления Президента
Официальный текст. Официальный документ. Редакционные примечания не включены.
📅 24 June 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ЧОРА-ТАДБИРЛАР ДАСТУРИ
РЕЖАСИ
РЎЙХАТИ
Аҳолига паллиатив тиббий хизматлар кўрсатишни такомиллаштиришнинг қўшимча чора-тадбирлари тўғрисида
Оғир касалликларга чалинган беморларнинг ҳаёт сифатини яхшилаш, уларга оғриқни камайтириш, касаллик белгиларини назорат қилиш ҳамда узлуксиз комплекс тиббий-ижтимоий, психологик ва парвариш ёрдамини кўрсатиш тизимини такомиллаштириш, паллиатив тиббий хизматлардан фойдаланиш имкониятларини кенгайтириш мақсадида қарор қиламан:
I. Мақсадлар
1. Қуйидагилар мазкур қарорнинг асосий мақсадлари этиб белгилансин:
(а) паллиатив тиббий ёрдамини кўрсатиш соҳасида ягона давлат сиёсатини шакллантириш ҳамда аҳоли учун ушбу хизматларнинг қамровини 2030 йилга қадар камида 80 фоизга етказиш;
(б) паллиатив ёрдамга муҳтож шахслар ва уларнинг оилаларини ижтимоий қўллаб-қувватлаш механизмларини такомиллаштириш ҳамда манзилли тиббий ёрдам кўрсатиш тизимини шакллантириш;
(в) оғир касалликларга чалинган беморларга кўрсатиладиган тиббий ёрдам сифатини ошириш ва уларнинг ҳаёт сифатини яхшилаш;
(г) паллиатив ёрдам соҳасида малакали кадрлар тайёрлаш, қайта тайёрлаш ва уларнинг малакасини ошириш тизимини такомиллаштириш;
(д) оғир касалликларнинг кечки босқичларида бўлган беморларга уй шароитида тиббий хизмат кўрсатиш механизмларини жорий этиш, стационар тиббиёт муассасалари юкламасини камайтириш ҳамда тиббий ресурслардан самарали фойдаланишни таъминлаш.
II. Аҳолига паллиатив тиббий хизматлар кўрсатиш тизимини такомиллаштириш
2. 2026 йил 1 октябрдан бошлаб шундай тартиб ўрнатилсинки, унга мувофиқ:
(а) республикада паллиатив тиббий ёрдам кўрсатишнинг ягона тизими тиббий ва ижтимоий хизматлар интеграцияси асосида ташкил этилади;
(б) паллиатив тиббий ёрдамга муҳтож шахсларни аниқлаш, хизмат олиш учун йўллаш, ҳисобга олиш ва уларга хизмат кўрсатиш жараёнлари электрон ахборот тизими орқали амалга оширилади;
(в) мобил паллиатив бригадалар фаолияти йўлга қўйилади ҳамда улар орқали уй шароитида тиббий ва ижтимоий хизматлар кўрсатиш таъминланади;
(г) стационар шароитдаги паллиатив тиббий ёрдам ушбу хизматларни кўрсатувчи давлат ва нодавлат тиббиёт ташкилотлари ҳамда хоспислар томонидан тақдим этилади;
(д) паллиатив тиббий ёрдамини кўрсатишда Жаҳон соғлиқни сақлаш ташкилотининг (ЖССТ) «сифатли тиббий хизматлар» тамойиллари, жумладан, самарадорлик, хавфсизлик, тенглик, интеграция ва ресурслардан оқилона фойдаланиш мезонлари асосида миллий сифат индикаторлари жорий этилади;
(ж) аҳоли эҳтиёжларидан келиб чиқиб, ҳудудларда хоспис муассасалари босқичма-босқич ташкил қилинади.
3. Соғлиқни сақлаш вазирлиги ҳамда Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Агентлик) қуйидаги таклифларига розилик берилсин:
(а) Тошкент шаҳар ҳудудлараро хосписини (кейинги ўринларда — Методологик марказ) республикада паллиатив тиббий ёрдам кўрсатишни методологик бошқариш, бошқа ҳудудларда хоспис ишини ташкил қилишга масъул муассаса этиб белгилаш;
(б) 2026 йил 1 октябрдан бошлаб дастлаб Тошкент шаҳри Мирзо Улуғбек туманида паллиатив тиббий ёрдам кўрсатишнинг янги тизими — онкологик касаллиги сабабли паллиатив тиббий ёрдамга муҳтож шахсларга хизмат кўрсатувчи мобил паллиатив бригадаларни ажратилган бюджет маблағлари ва штат бирликлари доирасида ташкил қилиш ва ушбу амалиётни босқичма-босқич бошқа ҳудудларда жорий қилиш;
(в) Самарқанд вилоятида оғир ва даволаб бўлмайдиган касалликларга чалинган болалар учун хоспис шаклида паллиатив тиббий ёрдам кўрсатиш марказини (кейинги ўринларда — Болалар учун хоспис маркази) ҳамда ушбу марказда тажриба-синов тариқасида стационар ва мобил паллиатив ёрдам бригадаларини ташкил этиш;
(г) Болалар учун хоспис марказига 2030 йил 1 январгача бўлган муддатга ваколатли органларда мажбурий сертификатлаш тартиботларидан ўтишдан, шунингдек, объектларни қуриш ва жиҳозлаш учун белгиланган тартибда шакллантириладиган рўйхатлар бўйича олиб келинадиган ускуналар, бутловчи буюмлар, деталлар, эҳтиёт қисмлар ва материаллар божхона тўловларини тўлашдан (божхона расмийлаштируви йиғимларидан ташқари) озод этиш.
4. Белгилансинки, аҳолига мобил паллиатив тиббий хизматлар кўрсатишда:
(а) 2027-2028 йилларда қолган ҳудудларда мобил паллиатив бригадаларни ташкил қилиш режа-графиги, паллиатив ёрдамга муҳтожликни аниқлаш тартиби Соғлиқни сақлаш вазирлиги томонидан Агентлик ҳамда Иқтисодиёт ва молия вазирлиги билан келишган ҳолда белгиланади;
(б) паллиатив ёрдамга муҳтож шахслар ҳисобини юритиш, ушбу ёрдамни кўрсатиш хизматларига йўналтириш ва хизмат кўрсатиш жараёнлари электрон ахборот тизимида юритилади;
(в) мобил паллиатив бригадалар томонидан паллиатив ва хоспис ёрдамига муҳтож шахслар яшаш манзилларида беморнинг ҳолати баҳоланади ҳамда индивидуал режа асосида ёрдам кўрсатилади;
(г) беморнинг эҳтиёжидан келиб чиқиб, гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситалари билан реимбурсация дастури асосида таъминланади;
(д) ўзгалар парваришига муҳтож ёлғиз ёки ёлғиз яшовчи кекса ва ногиронлиги бўлган шахсларга гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклдаги дори воситалари яшаш жойига етказиб берилади;
(ж) паллиатив ёрдамга муҳтож электрон ахборот тизимида қайд этилган беморларга тиббий-ижтимоий экспертиза комиссияси томонидан қўшимча тиббий текширув ва кўрикларсиз ногиронлик белгиланади;
(з) Агентлик томонидан:
(i) уй шароитида паллиатив ёрдамга муҳтож шахслар ётоқ ҳолатдаги функционал каравот ва махсус матраслар билан ваучер тизими асосида таъминланади;
(ii) маҳалла даражасида паллиатив ёрдам кўрсатиш тизимини йўлга қўйишда ваучер асосида паллиатив ёрдамга муҳтож шахсларни уй шароитида қараб туриш ва парвариш хизматидан фойдаланиш имконияти яратилади;
(и) паллиатив ёрдам кўрсатишнинг янги тизими жорий этиладиган ҳудудлар рўйхати Соғлиқни сақлаш вазирлиги томонидан Агентлик ҳамда Иқтисодиёт ва молия вазирлиги билан келишган ҳолда белгиланади. Бунда мобил паллиатив ва хоспис ёрдами кўрсатиладиган касалликлар турларини ҳам босқичма-босқич кенгайтириб бориш инобатга олинади.
5. Белгилансинки:
(а) Методологик марказ юридик шахс мақомига эга бўлган тиббиёт муассасаси ҳисобланади;
(б) 2026 йил 1 сентябрдан бошлаб Методологик марказда:
(i) паллиатив ёрдамга муҳтож шахсларнинг оила аъзолари учун Оилани қўллаб-қувватлаш хизмати йўлга қўйилади;
(ii) паллиатив ёрдамга муҳтож шахслар ва уларнинг яқинлари учун «Паллиатив парвариш қоидалари» махсус ўқув-амалий машғулотлар ташкил этилади;
(в) 2027 йил 1 январдан бошлаб Оилани қўллаб-қувватлаш хизмати ҳудудлараро хосписларда йўлга қўйилади;
(г) паллиатив ёрдам доирасида кўрсатиладиган тиббий хизматлар Давлат тиббий суғуртаси жамғармаси Кузатув кенгаши томонидан белгиланадиган тартибга мувофиқ мазкур Жамғарма маблағлари ҳисобидан молиялаштирилади;
(д) Болалар учун хоспис маркази:
(i) оғир ва даволаб бўлмайдиган касалликларга чалинган болаларга стационар ва мобил шаклларда паллиатив ёрдам кўрсатувчи Агентлик ҳузуридаги алоҳида юридик шахс мақомига эга бўлган давлат муассасаси ҳисобланади;
(ii) 2026 йил 1 июлдан бошлаб ўз фаолиятини бошлайди;
(ж) Болалар учун хоспис марказида тиббий фаолиятни методик жиҳатдан қўллаб-қувватлаш ҳамда назорат қилиш, тиббиёт ходимларининг тоифасини белгилаш ва малакасини ошириш, гиёҳвандлик воситалари ҳамда психотроп моддалар сақланиши устидан назорат Соғлиқни сақлаш вазирлиги томонидан амалга оширилади. Бунда Болалар учун хоспис марказининг бош врачи бир вақтнинг ўзида Самарқанд вилояти соғлиқни сақлаш бошқармасининг болалар паллиатив ёрдами бўйича ўринбосари (бунда мазкур лавозим учун алоҳида штат бирлиги ажратилмайди ҳамда Самарқанд вилояти соғлиқни сақлаш бошқармаси ҳисобидан молиялаштирилмайди) ҳисобланади ҳамда соғлиқни сақлаш вазири билан келишган ҳолда лавозимга тайинланади ва лавозимидан озод этилади;
(з) Болалар учун хоспис маркази қўшимча молиявий кўмак ва хоспис хизмати бўйича амалий ёрдам кўрсатиш мақсадида ҳомийлик ва хайрия маблағларини жамғарадиган нодавлат нотижорат ташкилотини таъсис этиши ҳамда унга Агентлик ва Соғлиқни сақлаш вазирлиги томонидан ижтимоий буюртмалар берилиши мумкин.
6. Шундай тартиб ўрнатилсинки, унга мувофиқ:
(а) нодавлат тиббиёт ташкилотларига паллиатив ёрдамни кўрсатишга рухсат этилади. Бунда улар томонидан Давлат тиббий суғуртаси жамғармаси билан тиббий хизматлар хариди бўйича ўрнатилган тартибда шартнома тузилади ва кўрсатилган тиббий хизматга кўра молиялаштирилади;
(б) паллиатив ёрдамга муҳтож шахс яшаш манзилидан қатъи назар, паллиатив ёрдам учун ажратилган шифо ўринга экстерриториал тамойили асосида бепул жойлаштирилади ҳамда унга кўрсатилган хизматлар Давлат тиббий суғуртаси жамғармаси томонидан Давлат бюджети маблағлари ҳисобидан молиялаштирилади;
(в) катталар ва болалар кўп тармоқли тиббиёт марказларида бир нафардан паллиатив ёрдам шифокори лавозими учун қўшимча штат бирликлари ажратилади.
7. 2026 йил 1 сентябрдан бошлаб беморларга паллиатив ёрдамни кўрсатишда иштирок этувчи тиббиёт ходимлари ойлик лавозим маошларига қуйидаги миқдорларда қўшимча устамалар тўланади. Бунда:
(а) туман (шаҳар) кўп тармоқли марказий поликлиника ҳамда марказий шифохоналарнинг онколог шифокори ва ўрта тиббиёт ходими, катталар ва болалар кўп тармоқли тиббиёт марказларининг паллиатив ёрдам шифокори ҳамда хоспис муассасаларининг шифокор ва ўрта тиббиёт ходимларига:
(i) фаолиятининг энг муҳим самарадорлик кўрсаткичлари (KPI)га эришганлиги учун лавозим маошининг 100 фоизигача;
(ii) паллиатив ёрдам бўйича махсус ўқув дастури асосида ташкил этиладиган курснинг барча босқичларини муваффақиятли тугатган тиббиёт ходимлари учун курс якуни бўйича бериладиган сертификатга мувофиқ ойлик лавозим маошининг 50 фоизи. Бунда курс якунлангандан уч ой муддатдан сўнг иш жойида бориб баҳоланганда курсда ўргатилган паллиатив ёрдам тамойилларини амалиётга тўлиқ жорий этган мутахассисларга ушбу устама миқдори 100 фоизга етказилади;
(iii) Соғлиқни сақлаш вазирлиги тизими муассасаларида Тиббиёт муассасаларини моддий рағбатлантириш ва ривожлантириш жамғармаси маблағлари ҳамда тиббиёт муассасасининг бюджетдан ташқари маблағлари, шунингдек, Агентлик тизими муассасаларида Ижтимоий ҳимоя давлат жамғармаси маблағлари ҳисобидан рағбатлантирилади;
(б) хоспис муассасалари ходимларига лавозим маошининг 100 фоизи.
8. Қуйидагилар:
(а) Аҳолига паллиатив тиббий хизматлар кўрсатишни ташкиллаштириш юзасидан чора-тадбирлар дастури 1-иловага мувофиқ;
(б) Паллиатив тиббий ёрдам кўрсатувчи ташкилотларни ташкил этиш режаси 2-иловага мувофиқ;
(в) Паллиатив тиббий ёрдам кўрсатишни ривожлантиришда «Сифатли тиббий хизматлар» индикаторлари 3-иловага мувофиқ;
(г) «E-palliative» ахборот тизимига интеграция қилинадиган ахборот тизимлари (базалари) рўйхати 4-иловага мувофиқ тасдиқлансин.
III. Қарор ижросини ташкил этиш, таъминлаш ва назорат
9. Соғлиқни сақлаш вазирлиги 2026 йил 1 октябрга қадар:
(а) паллиатив тиббий ёрдам кўрсатувчи бино-иншоотлар ҳамда уларни жиҳозлашга бўлган талаблар, шунингдек, мобил паллиатив бригадалар учун зарур тиббий жиҳозлар рўйхатини тасдиқласин;
(б) Рақамли технологиялар вазирлиги билан биргаликда паллиатив ва хоспис ёрдамига муҳтож шахсларни идентификация қилиш, ҳисобини юритиш, хизматларга йўналтириш ва хизмат кўрсатиш жараёнларини, хизмат кўрсатишда гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклдаги дори воситаларининг ҳисобини юритиш имконини берувчи электрон ахборот тизимини амалиётга жорий қилсин;
(в) Ички ишлар вазирлиги, Рақамли технологиялар вазирлиги ҳамда Наркотиклар ва ўқотар қуролларни назорат қилиш агентлиги билан биргаликда паллиатив ёрдамга муҳтожларга гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситаларини буюриш, яшаш жойига етказиб бериш, сақлаш, реализация қилиш, бериш, ҳисобга олиш ва йўқ қилиш, фойдаланиш назоратини олиб бориш тартиби тасдиқланишини ва жараёнларнинг электрон ахборот тизимида юритилишини таъминласин;
(г) Агентлик билан биргаликда Тиббиётни ривожлантириш давлат мақсадли жамғармаси маблағлари ва Ижтимоий ҳимоя давлат жамғармаси маблағлари ҳисобидан мобил паллиатив бригадалар, шунингдек, паллиатив тиббий ёрдам кўрсатишда иштирок этувчи мутахассисларни Методологик марказда махсус ўқув дастури асосида тайёрлашни бошласин;
(д) Дин ишлари бўйича қўмита билан биргаликда паллиатив ёрдамга муҳтож шахсларнинг маънавий ва руҳий ҳолатини қўллаб-қувватлаш мақсадида муассасаларда диний соҳада билим ва малакага эга ходимлар ташрифини ташкил этиш, улар томонидан бемор ва унинг оила аъзоларига инсонпарварлик, маънавий таълимот ва руҳий тасаллига оид хизматлар кўрсатиш режасини тасдиқласин ҳамда ижросини амалга оширсин;
(ж) Методологик марказнинг ташкилий тузилмаси, низоми ва вазифаларини тасдиқласин ва белгиланган тартибда давлат рўйхатидан ўтказсин;
(з) Агентлик билан биргаликда паллиатив тиббий ёрдам кўрсатишда мобил паллиатив бригадаларни ташкил қилиш, муҳтожликни аниқлаш, беморлар, шу жумладан, бемор болаларни уйда парвариш қилиш, паллиатив тиббий ёрдамини кўрсатиш тартибини тасдиқласин;
(и) Давлат тиббий суғуртаси жамғармаси билан биргаликда паллиатив ёрдам доирасида кўрсатиладиган тиббий хизматларни Давлат бюджети маблағлари ҳисобидан харид қилиш орқали молиялаштириш тартибини ишлаб чиқсин ва Давлат тиббий суғуртаси жамғармаси Кузатув кенгаши томонидан тасдиқланишини таъминласин.
10. Белгилаб қўйилсинки, аҳолига паллиатив тиббий ёрдам кўрсатишни ташкил қилиш, беморлар реестрини юритиш мақсадида электрон ахборот тизимини ишлаб чиқиш ва жорий этиш бўйича:
(а) 2026 йил учун Давлат бюджети маблағлари, халқаро молия институтлари грант маблағлари ва қонунчиликда тақиқланмаган бошқа манбалар ҳисобидан молиялаштирилади;
(б) қуйидагилар масъул ҳисобланади:
(i) Соғлиқни сақлаш вазирлиги — буюртмачи, тизим функционаллиги ва методологик раҳбарлик қилишга;
(ii) Агентлик — ижтимоий хизмат ва ёрдамларни, шунингдек, ваучер асосида хизмат кўрсатиш механизмлари билан интеграция қилишга;
(iii) Рақамли технологиялар вазирлиги — ахборот тизимини ишлаб чиқиш, жорий этиш, интеграция ва эксплуатация қилишга;
(в) Соғлиқни сақлаш вазирлиги уч ой муддатда паллиатив тиббий ёрдам бўйича махсус ўқув курсини муваффақиятли тугатган тиббиёт ходимлари фаолиятини иш жойида бориб ўрганиш орқали курсда ўргатилган паллиатив ёрдам тамойилларини амалиётга тўлиқ жорий этилганлигини баҳолаш тартибини ишлаб чиқсин;
(г) Соғлиқни сақлаш вазирлиги Агентлик билан биргаликда 2026 йил якунига қадар:
(i) нодавлат тиббиёт ташкилотларида паллиатив тиббий ёрдамни ташкил этишга қўйиладиган талабларни тасдиқлаш чораларини кўрсин;
(ii) паллиатив тиббий ёрдам кўрсатишда нодавлат тиббиёт ташкилотлари томонидан кўрсатилган хизматлар харидини Давлат тиббий суғуртаси жамғармаси орқали амалга ошириш тизимини йўлга қўйсин.
11. 2026 йил 1 августдан бошлаб Иқтисодиёт ва молия вазирлиги ҳузуридаги Ғазначилик хизмати қўмитасида қуйидаги мақсадлар учун хосписларнинг шахсий ғазна ҳисобварақлари очилсин:
(а) жисмоний ва юридик шахсларнинг ихтиёрий хайриялари;
(б) давлат, хорижий ва халқаро ташкилотлар, чет эл давлатлари ажратадиган грантлар;
(в) фандрайзинг механизмлари орқали келиб тушган маблағлар;
(г) қонунчилик ҳужжатларида тақиқланмаган бошқа манбалардан келиб тушган маблағлар.
Бунда белгилаб қўйилсинки, ушбу маблағлар беморларга паллиатив парвариш хизматларини ташкил қилиш, хосписда бемор эҳтиёжига мос шарт-шароитларни яратиш, мобил паллиатив ёрдам бригадаси фаолиятини қўллаб-қувватлаш, хоспис инфратузилмасини сақлаш ва таъмирлаш, тиббиёт ходимлари малакасини ошириш, шу жумладан, хоспис ходимлари меҳнатига ҳақ тўлаш ва ижтимоий қўллаб-қувватлашга сарфланади.
12. Қорақалпоғистон Республикаси Вазирлар Кенгаши, вилоятлар, Тошкент шаҳри ҳамда туман (шаҳар) ҳокимликлари:
(а) 2027 йил 1 январга қадар хоспислар, шунингдек, мобил паллиатив бригадалар ташкил этиладиган туман (шаҳар) марказий шифохоналари ва кўп тармоқли марказий поликлиникаларда автотранспорт воситалари мавжудлиги юзасидан хатлов ўтказсин;
(б) 2028 йил якунига қадар хатлов натижасига кўра ҳамда фаолияти йўлга қўйилган мобил паллиатив бригадаларни автотранспорт воситаси билан таъминласин.
13. Иқтисодиёт ва молия вазирлиги мазкур қарорни амалга ошириш билан боғлиқ харажатларни молиялаштириш мақсадида:
(а) 2026 йилда Тошкент шаҳри Мирзо Улуғбек туманида мобил паллиатив бригадаларни ташкил қилиш ҳамда бошқа тадбирларни амалга ошириш учун зарур маблағларни республика бюджети параметрларида хосписларни ташкил этиш учун назарда тутилган маблағлар ҳисобидан ажратсин;
(б) 2027 йилдан бошлаб мазкур қарорда назарда тутилган тадбирларни молиялаштириш учун ҳар йили зарур маблағларни Давлат бюджети параметрларида назарда тутсин.
14. Мазкур қарорнинг ижросини самарали ташкил қилишга масъул ва шахсан жавобгар этиб Ўзбекистон Республикаси Президенти ҳузуридаги Ижтимоий ҳимоя миллий агентлиги директори М.П. Оллоёров ҳамда соғлиқни сақлаш вазири Э.Э. Адилов белгилансин.
15. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2026 йил 24 июндаги ПҚ-239-сон қарорига 1-ИЛОВА
Аҳолига паллиатив тиббий хизматлар кўрсатишни ташкиллаштириш юзасидан
Т/р Чора-тадбирлар номи Амалга ошириш механизмлари ва шакли Муддати Молиялаштириш манбаси Масъул ижрочилар 1. Паллиатив ёрдамни кўрсатишда мобил паллиатив бригадаларни ташкил қилиш, муҳтожликни аниқлаш, беморларни уйда парвариш қилиш, паллиатив ёрдамни кўрсатиш тартибини белгилаш . 1. Тартиб лойиҳасини ишлаб чиқиш. 2. Тартиб лойиҳасини келишиш ва тасдиқлаш. 2026 йил октябрь - Соғлиқни сақлаш вазирлиги, Ижтимоий ҳимоя миллий агентлиги 2. Хоспислар фаолиятини такомиллаштириш. 1. Халқаро тажриба асосида хосписларнинг намунавий низоми ва намунавий штат бирликларини қайта ишлаб чиқиш ва тасдиқлаш. Бунда хосписларда ижтимоий ходим, психолог ҳамда ҳар бир клиник бўлим учун бўлим мудири ва катта ҳамшира лавозимини қўшимча киритиш назарда тутилади. 2. Тошкент шаҳар ҳудудлараро хосписининг низоми ва штат бирликларини тасдиқлаш. 2026 йил август Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги, Камбағалликни қисқартириш ва бандлик вазирлиги 3. Катталар ва болалар кўп тармоқли тиббиёт марказларининг штат бирликларини қайта кўриб чиқиш. Катталар ва болалар кўп тармоқли тиббиёт марказларининг намунавий штат бирликларини қайта тасдиқлаш. Бунда ушбу муассасаларнинг ҳар бирида паллиатив ёрдам шифокори лавозими учун қўшимча 1 та штат бирлиги, жами 28 та штат бирлигини ажратиш назарда тутилади. 2027 йил январь Давлат бюджети маблағлари Соғлиқни сақлаш вазирлиги, Иқтисодиёт ва молия вазирлиги, Камбағалликни қисқартириш ва бандлик вазирлиги 4. Паллиатив ёрдам кўрсатувчи ходимлар фаолияти самарадорлигини баҳолаш ( KPI ) тартибини жорий этиш. 1. Паллиатив ёрдам кўрсатувчи ходимлар фаолияти самарадорлиги кўрсаткичлари ва баҳолаш мезонларини ишлаб чиқиш ва тасдиқлаш. 2. Фаолият самарадорлиги кўрсаткичлари (KPI)га эришганлиги учун лавозим маошининг 100 фоизигача ҳар ойлик қўшимча устамалар тўланишини жорий этиш. 2026 йил сентябрь Тиббиёт муассасаларининг моддий рағбатлантириш ва ривожлантириш жамғармаси маблағлари, тиббиёт муассасасининг бюджетдан ташқари маблағлари, Ижтимоий ҳимоя давлат жамғармаси маблағлари Соғлиқни сақлаш вазирлиги, Ижтимоий ҳимоя миллий агентлиги 5. Паллиатив ёрдам кўрсатишга бўлган талабларни белгилаш . 1. Х оспислар хоналарининг сони ва майдони, жиҳозланадиган тиббий ускуналар рўйхатини ишлаб чиқиш ва тасдиқлаш. 2. Мобил бригадалар учун зарур тиббий жиҳозлар рўйхатини ишлаб чиқиш ва тасдиқлаш. 2026 йил октябрь - Соғлиқни сақлаш вазирлиги, Ижтимоий ҳимоя миллий агентлиги 3. Нодавлат тиббиёт ташкилотларида паллиатив ёрдамни ташкил этишга қўйиладиган талабларни тасдиқлаш. 2026 йил декабрь 6. Паллиатив ёрдамга муҳтож бўлган беморлар учун гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситалардан фойдаланиш устидан назоратни ўрнатиш . 1. Паллиатив ёрдамга муҳтожларга гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситаларни буюриш, яшаш жойига етказиб бериш, сақлаш, реализация қилиш, бериш, ҳисобга олиш ва йўқ қилиш, фойдаланиш назоратини олиб бориш тартибини ишлаб чиқиш ва тасдиқлаш. 2026 йил сентябрь - Соғлиқни сақлаш вазирлиги, Ички ишлар вазирлиги, Наркотиклар ва ўқотар қуролларни назорат қилиш агентлиги 2. Паллиатив ёрдам амалиётида фойдаланиладиган дори воситалари рўйхатига паллиатив ёрдам хизмати эҳтиёжларидан келиб чиқиб, паллиатив ёрдам соҳасидаги дори воситаларини, шу жумладан, ноинъекцион шаклдаги дори воситаларини ва даволаш стандартларини ҳамда жаҳон тажрибасини ҳисобга олган ҳолда ўзгартириш киритиш. 2027 йил январь 7. Паллиатив ёрдамга муҳтожларни гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситалар билан таъминлаш . Паллиатив ёрдамга муҳтожларни гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклидаги дори воситалар билан таъминлашда харид қилиш, етказиб бериш ва реализация қилиш жараёнларига кенг бозор механизмларини жорий қилиш. 2026 йил декабрь - Тиббиёт ва фармацевтика тармоғини ривожлантириш агентлиги, Ички ишлар вазирлиги, Наркотиклар ва ўқотар қуролларни назорат қилиш агентлиги 8. E-Palliative ахборот тизимини ишлаб чиқиш ва ишга тушириш. 1. Паллиатив ёрдамга муҳтожларни идентификация қилиш, ҳисобини юритиш, хизматларга йўналтириш ва хизмат кўрсатиш жараёнларини, хизмат кўрсатишда гиёҳвандлик воситалари ва психотроп моддаларнинг ҳисобини юритиш имконини берувчи E-Palliative ахборот тизимини ишлаб чиқиш ва ишга тушириш. 2. Ахборот тизимини DMED Ягона тиббий АТ ҳамда «Cancer-registr» ахборот модули билан интеграция қилиш. 2026 йил октябрь Давлат бюджети маблағлари, халқаро молия институтлари грант маблағлари, қонунчиликда тақиқланмаган бошқа манбалар (2,2 млрд сўм) Рақамли технологиялар вазирлиги, Соғлиқни сақлаш вазирлиги, Ижтимоий ҳимоя миллий агентлиги 9. Мобил бригадалар, шунингдек, паллиатив ёрдам кўрсатишда иштирок этувчи мутахассисларни махсус ўқув курсида қайта тайёрлаш . 1. Қайта тайёрлаш бўйича ўқув дастурлари ҳамда қайта ўқитиш графигини ишлаб чиқиш. 2. Тошкент шаҳар ҳудудлараро хосписда махсус ўқув дастури асосида мутахассисларни қайта тайёрлашни бошлаш. 2026 йил сентябрь Тиббиётни ривожлантириш давлат мақсадли жамғармаси маблағлари, Ижтимоий ҳимоя давлат жамғармаси маблағлари Соғлиқни сақлаш вазирлиги, Ижтимоий ҳимоя миллий агентлиги 3. Махсус ўқув курсини тугатган тиббиёт ходимлари фаолиятини ўрганиш ва паллиатив ёрдам тамойилларини амалиётга жорий этилганлигини баҳолаш тартибини ишлаб чиқиш ва тасдиқлаш. 2026 йил ноябрь 10. Давлат ва нодавлат тиббиёт ташкилотлари томонидан кўрсатилган паллиатив ёрдам учун сарфланган маблағларнинг Давлат тиббий суғуртаси жамғармаси маблағлари ҳисобидан молиялаштириш тизимини йўлга қўйиш . 1. Амбулатор ва стационар шароитда кўрсатиладиган паллиатив ёрдамнинг базавий нархларини тасдиқлаш. 2026 йил октябрь - Соғлиқни сақлаш вазирлиги, Иқтисодиёт ва молия вазирлиги, Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Давлат тиббий суғуртаси жамғармаси 2. Давлат тиббий суғуртаси жамғармаси билан ўрнатилган тартибда шартнома тузган давлат ва нодавлат тиббиёт ташкилотларининг хизматларини молиялаштириш. 2026 йил декабрь 11. Паллиатив ёрдамга муҳтож шахсларга ёрдам кўрсатиш учун уларнинг яқинларини ўргатиш бўйича махсус ўқув қўлланма, видеороликлар ва тарқатма материалларни жамоатчиликка етказиш. 1. Паллиатив ёрдамга муҳтож шахсларга ёрдам кўрсатиш учун уларнинг яқинларини ўргатиш бўйича махсус ўқув қўлланма, видеороликлар ва тарқатма материалларни ишлаб чиқиш. 2. Ишлаб чиқилган махсус ўқув қўлланма, видеороликлар ва тарқатма материалларни ижтимоий тармоқларга жойлаштириш ҳамда паллиатив ёрдамга муҳтож шахсларнинг яқин қариндошларига етказиш чораларини кўриш. 2026 йил октябрь - Соғлиқни сақлаш вазирлиги, Ижтимоий ҳимоя миллий агентлиги 12. Уй шароитида паллиатив ёрдамни оладиган муҳтож шахсларни зарур жиҳозлар билан таъминлаш . Уй шароитида паллиатив ёрдамни оладиган муҳтож шахсларни функционал каравот ва махсус матраслар билан ваучер тизими асосида белгиланган тартибда таъминлашни йўлга қўйиш. 2026 йил октябрь - Ижтимоий ҳимоя миллий агентлиги, Соғлиқни сақлаш вазирлиги 13. Самарқанд вилоятида тажриба-синов тариқасида оғир ва даволаб бўлмайдиган касалликларга чалинган болалар учун хоспис шаклида паллиатив ёрдам кўрсатиш марказини ташкил этиш. 1. Ижтимоий ҳимоя миллий агентлиги ҳузурида оғир ва даволаб бўлмайдиган касалликларга чалинган болалар учун паллиатив ёрдам кўрсатиш мақсадида Болалар учун хоспис марказини (кейинги ўринларда — Марказ) ташкил этиш. Бунда: Марказ Самарқанд вилояти Реабилитация марказига эга давлат кўп тармоқли ихтисослаштирилган мактабгача таълим ташкилоти ҳудудида ташкил этилади; Марказ гиёҳвандлик воситалари ва психотроп моддаларни лицензия асосида сақлаш, реализация қилиш, бериш ва йўқ қилиш фаолиятини амалга оширади; Марказ томонидан паллиатив ёрдам стационар ва мобил шаклларда кўрсатилади; 2026 йил декабрь Давлат бюджети маблағлари, Ижтимоий ҳимоя давлат жамғармаси маблағлари, қонунчиликда тақиқланмаган бошқа манбалар Ижтимоий ҳимоя миллий агентлиги, Иқтисодиёт ва молия вазирлиги , Соғлиқни сақлаш вазирлиги , Камбағалликни қисқартириш ва бандлик вазирлиги Ижтимоий ҳимоя миллий агентлиги томонидан Соғлиқни сақлаш вазирлиги ҳамда Иқтисодиёт ва молия вазирлиги билан келишган ҳолда Марказнинг вақтинчалик низоми тасдиқланади; Марказ учун махсус жиҳозланган автомобиллар харид қилинади; Марказга гиёҳвандлик воситалари, психотроп моддалар ва алоҳида тоифадаги кучли таъсир қилувчи моддалар, жумладан, ноинъекцион шаклдаги дори воситаларини лицензия асосида буюриш, яшаш жойига етказиб бериш, сақлаш, реализация қилиш, бериш, ҳисобга олиш ва йўқ қилишга рухсат берилади; халқаро экспертларни жалб қилиш ҳамда хорижий давлатлар хоспислари фаолиятини бориб ўрганиш орқали Марказ ходимларининг малакаси оширилади ва ўқитилади. 2026-2027 йиллар 2. Марказнинг штат бирликларини Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан келишилган ҳолда тасдиқлаш. 2026 йил июль 3. Самарқанд вилояти Реабилитация марказига эга давлат кўп тармоқли ихтисослаштирилган мактабгача таълим ташкилоти ҳудудида Марказ фаолиятини ташкил этиш учун янги бино қуриш ва жиҳозлаш. Бунда буюртмачи сифатида Самарқанд вилояти ҳокимлиги ҳузуридаги «Ягона буюртмачи хизмати» инжиниринг компанияси» ДУКга бош лойиҳачи ва бош пудратчини давлат харидларининг «таклиф сўрови» тартиб-таомили орқали танлашга рухсат берилади. 2026 йил октябрь 14. Тошкент шаҳар ҳудудлараро хосписга туташ ҳудудда беморлар учун кўнгилочар сайилгоҳ ва боғ ташкил қилиш. 1. Тошкент вилояти, Қибрай тумани, «Маърифат» маҳалла фуқаролар йиғини, Қорамурт кўчасида Тошкент шаҳар ҳокимлиги «Ягона буюртмачи хизмати» инжиниринг компанияси томонидан қурилаётган Тошкент шаҳар ҳудудлараро хосписга туташ ҳудудда зарур инфратузилмани шакллантириш мақсадида 2,5 гектар ер майдонини амалдаги қонунчилик ҳужжатларида белгиланган тартибда ажратиш чораларини кўриш. 2. Тошкент шаҳар ҳудудлараро хоспис фаолиятини самарали ташкил этиш, унга туташ ҳудуддан мақсадли фойдаланиш ҳамда зарур инфратузилмани шакллантириш чораларини кўриш. 2026 йил август - Тошкент вилояти ҳокимлиги, Тошкент шаҳар ҳокимлиги, Соғлиқни сақлаш вазирлиги 15. Халқаро тажриба асосида «Паллиатив парвариш қоидалари» ўқув амалий курслари бўйича мобил паллиатив бригада ҳамда хоспис ходимларини тайёрлаш. 1. «Паллиатив парвариш қоидалари» бўйича ўқув дастурларини ишлаб чиқиш. 2026 йил август - Соғлиқни сақлаш вазирлиги, Ижтимоий ҳимоя миллий агентлиги 2. Республика ихтисослаштирилган онкология ва радиология илмий-амалий тиббиёт маркази ва унинг филиалларида ҳамда хосписларда нодавлат ташкилотлар билан ҳамкорликда мобил паллиатив бригада ҳамда хоспис ходимларининг малакасини ошириш. 2026 йил декабрь 16. Паллиатив хизмат кўламини кенгайтириш. Давлат-хусусий шериклик тамойиллари асосида паллиатив хизматларни йўлга қўйиш бўйича таклифларни Вазирлар Маҳкамасига киритиш. 2026 йил декабрь - Соғлиқни сақлаш вазирлиги, Ижтимоий ҳимоя миллий агентлиги
Ўзбекистон Республикаси Президентининг 2026 йил 24 июндаги ПҚ-239-сон қарорига 2-ИЛОВА
Паллиатив тиббий ёрдам кўрсатувчи ташкилотларни ташкил этиш
Т/р Хоспис ташкил этиладиган ҳудуд Хизмат кўрсатиладиган ҳудуд Қуввати (ўринлар сони) Ташкил этиш тури Ташкил этиш даври 1. Самарқанд вилояти (болалар учун) Самарқанд вилояти 15 янгидан ташкил этиш 2026 2. Қашқадарё вилояти Қашқадарё ва Сурхондарё вилоятлари 50 янгидан ташкил этиш 2027 3. Фарғона вилояти Андижон, Наманган ва Фарғона вилоятлари 50 янгидан ташкил этиш 2026-2027 4. Хоразм вилояти Хоразм вилояти ва Қорақалпоғистон Республикаси 30 янги бино ва иншоотлар қуриш 2027 5. Бухоро вилояти Бухоро ва Навоий вилоятлари 50 янгидан ташкил этиш 2028 Жами 200
Ўзбекистон Республикаси Президентининг 2026 йил 24 июндаги ПҚ-239-сон қарорига 3-ИЛОВА
Паллиатив тиббий ёрдам кўрсатишни ривожлантиришда «Сифатли тиббий хизматлар» индикаторлари
Баҳолаш индикаторлари Баҳолаш формуласи Баҳолаш даврийлиги Йиллар 2027 2028 2029 2030 Паллиатив ёрдам қамрови Хизмат олганлар / ҳисобланган эҳтиёж × 100 ҳар йили ≥5% ≥12% ≥65% ≥80% Бирламчи баҳолашнинг ўз вақтида ўтказилиши ≤72 соатда баҳоланганлар / янги беморлар × 100 ҳар йили ≥20% ≥40% ≥80% ≥90% Индивидуал парвариш режаси мавжудлиги Режага эга беморлар / фаол беморлар × 100 ҳар йили ≥35% ≥65% ≥85% ≥95% Оғриқни стандартлаштирилган шкала бўйича баҳолаш N RS/VAS/PAI N AD бўйича баҳоланганлар / фаол беморлар × 100 ҳар йили ≥40% ≥70% ≥85% ≥95% Кучли оғриқни назорат қилиш самарадорлиги 72 соатда оғриқ ≥30% камайганлар / оғриғи ≥7 бўлган беморлар × 100 ҳар йили ≥30% ≥55% ≥70% ≥80% Жами истеъмол қилинган OME (мг)/аҳоли сони OME мг / аҳоли сони ҳар йили ≥0.10 mg/capita ≥0.20 mg/capita ≥0.30 mg/capita ≥0.6 mg/capita Мобил бригадаларнинг уйга ташрифларини амалга ошириш Амалга оширилган ташрифлар / режалаштирилган ташрифлар × 100 ҳар йили ≥20% ≥50% ≥70% ≥90% Ҳаётнинг сўнгги 30 кунидаги шошилинч госпитализациялар Госпитализация қилинганлар / вафот этган беморлар × 100 ҳар йили базавий баҳолаш −5% −15% −30% Ижтимоий баҳолаш ва йўналтириш Ижтимоий баҳоланган беморлар / фаол беморлар × 100 ҳар йили ≥35% ≥65% ≥80% ≥90% Ижтимоий қўллаб-қувватлаш ёки ваучер тайинлаш Ёрдам олганлар / муҳтож деб топилганлар × 100 ҳар йили ≥25% ≥55% ≥70% ≥85% Оила аъзоларининг парваришдан қониқиши Ижобий баҳолар улуши × 100 ҳар йили ≥55% ≥70% ≥80% ≥85% Кадрлар тайёрлаш режаси бажарилиши Ўқитилган мутахассислар / режа × 100 ҳар йили ≥45% ≥70% ≥85% ≥90% Фаол паллиатив хизматга эга ҳудудлар улуши Хоспис ва мобил бригадаси мавжуд ҳудудлар сони ҳар йили 6 14 14 14
Ўзбекистон Республикаси Президентининг 2026 йил 24 июндаги ПҚ-239-сон қарорига 4-ИЛОВА
«E-palliative» ахборот тизимига интеграция қилинадиган ахборот тизимлари (базалари)
Ташкилот номи Ахборот платформа (база) Ижтимоий ҳимоя миллий агентлиги «Ягона миллий ижтимоий ҳимоя» ахборот тизими Адлия вазирлиги ФҲДЁ АТ Соғлиқни сақлаш вазирлиги «Cancer-registr» ахборот модули DMED Ягона тиббий АТ Эндокрин патологияли беморларнинг электрон маълумотлар базаси Неврологик касалликлар ва унинг асоратлари билан оғриган беморларнинг ягона электрон базаси «Мушак атрофияси ташхиси қўйилган болалар реестри ва сарфлаш материаллари мониторинги» АТ « N ARKO-PSIXUZ» АТ Камбағалликни қисқартириш ва бандлик вазирлиги «Ягона миллий меҳнат тизими» АТ Давлат тиббий суғуртаси жамғармаси «MedRefer» АТ ва «MedExpress» АТ
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 24 июнь,
ПҚ-239-сон
Oʻzbekiston Respublikasi Prezidentining
qarori
CHORA-TADBIRLAR DASTURI
REJASI
ROʻYXATI
Aholiga palliativ tibbiy xizmatlar koʻrsatishni takomillashtirishning qoʻshimcha chora-tadbirlari toʻgʻrisida
Ogʻir kasalliklarga chalingan bemorlarning hayot sifatini yaxshilash, ularga ogʻriqni kamaytirish, kasallik belgilarini nazorat qilish hamda uzluksiz kompleks tibbiy-ijtimoiy, psixologik va parvarish yordamini koʻrsatish tizimini takomillashtirish, palliativ tibbiy xizmatlardan foydalanish imkoniyatlarini kengaytirish maqsadida qaror qilaman:
I. Maqsadlar
1. Quyidagilar mazkur qarorning asosiy maqsadlari etib belgilansin:
(a) palliativ tibbiy yordamini koʻrsatish sohasida yagona davlat siyosatini shakllantirish hamda aholi uchun ushbu xizmatlarning qamrovini 2030-yilga qadar kamida 80 foizga yetkazish;
(b) palliativ yordamga muhtoj shaxslar va ularning oilalarini ijtimoiy qoʻllab-quvvatlash mexanizmlarini takomillashtirish hamda manzilli tibbiy yordam koʻrsatish tizimini shakllantirish;
(v) ogʻir kasalliklarga chalingan bemorlarga koʻrsatiladigan tibbiy yordam sifatini oshirish va ularning hayot sifatini yaxshilash;
(g) palliativ yordam sohasida malakali kadrlar tayyorlash, qayta tayyorlash va ularning malakasini oshirish tizimini takomillashtirish;
(d) ogʻir kasalliklarning kechki bosqichlarida boʻlgan bemorlarga uy sharoitida tibbiy xizmat koʻrsatish mexanizmlarini joriy etish, statsionar tibbiyot muassasalari yuklamasini kamaytirish hamda tibbiy resurslardan samarali foydalanishni taʼminlash.
II. Aholiga palliativ tibbiy xizmatlar koʻrsatish tizimini takomillashtirish
2. 2026-yil 1-oktabrdan boshlab shunday tartib oʻrnatilsinki, unga muvofiq:
(a) respublikada palliativ tibbiy yordam koʻrsatishning yagona tizimi tibbiy va ijtimoiy xizmatlar integratsiyasi asosida tashkil etiladi;
(b) palliativ tibbiy yordamga muhtoj shaxslarni aniqlash, xizmat olish uchun yoʻllash, hisobga olish va ularga xizmat koʻrsatish jarayonlari elektron axborot tizimi orqali amalga oshiriladi;
(v) mobil palliativ brigadalar faoliyati yoʻlga qoʻyiladi hamda ular orqali uy sharoitida tibbiy va ijtimoiy xizmatlar koʻrsatish taʼminlanadi;
(g) statsionar sharoitdagi palliativ tibbiy yordam ushbu xizmatlarni koʻrsatuvchi davlat va nodavlat tibbiyot tashkilotlari hamda xospislar tomonidan taqdim etiladi;
(d) palliativ tibbiy yordamini koʻrsatishda Jahon sogʻliqni saqlash tashkilotining (JSST) “sifatli tibbiy xizmatlar” tamoyillari, jumladan, samaradorlik, xavfsizlik, tenglik, integratsiya va resurslardan oqilona foydalanish mezonlari asosida milliy sifat indikatorlari joriy etiladi;
(j) aholi ehtiyojlaridan kelib chiqib, hududlarda xospis muassasalari bosqichma-bosqich tashkil qilinadi.
3. Sogʻliqni saqlash vazirligi hamda Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) quyidagi takliflariga rozilik berilsin:
(a) Toshkent shahar hududlararo xospisini (keyingi oʻrinlarda — Metodologik markaz) respublikada palliativ tibbiy yordam koʻrsatishni metodologik boshqarish, boshqa hududlarda xospis ishini tashkil qilishga masʼul muassasa etib belgilash;
(b) 2026-yil 1-oktabrdan boshlab dastlab Toshkent shahri Mirzo Ulugʻbek tumanida palliativ tibbiy yordam koʻrsatishning yangi tizimi — onkologik kasalligi sababli palliativ tibbiy yordamga muhtoj shaxslarga xizmat koʻrsatuvchi mobil palliativ brigadalarni ajratilgan budjet mablagʻlari va shtat birliklari doirasida tashkil qilish va ushbu amaliyotni bosqichma-bosqich boshqa hududlarda joriy qilish;
(v) Samarqand viloyatida ogʻir va davolab boʻlmaydigan kasalliklarga chalingan bolalar uchun xospis shaklida palliativ tibbiy yordam koʻrsatish markazini (keyingi oʻrinlarda — Bolalar uchun xospis markazi) hamda ushbu markazda tajriba-sinov tariqasida statsionar va mobil palliativ yordam brigadalarini tashkil etish;
(g) Bolalar uchun xospis markaziga 2030-yil 1-yanvargacha boʻlgan muddatga vakolatli organlarda majburiy sertifikatlash tartibotlaridan oʻtishdan, shuningdek, obyektlarni qurish va jihozlash uchun belgilangan tartibda shakllantiriladigan roʻyxatlar boʻyicha olib kelinadigan uskunalar, butlovchi buyumlar, detallar, ehtiyot qismlar va materiallar bojxona toʻlovlarini toʻlashdan (bojxona rasmiylashtiruvi yigʻimlaridan tashqari) ozod etish.
4. Belgilansinki, aholiga mobil palliativ tibbiy xizmatlar koʻrsatishda:
(a) 2027-2028-yillarda qolgan hududlarda mobil palliativ brigadalarni tashkil qilish reja-grafigi, palliativ yordamga muhtojlikni aniqlash tartibi Sogʻliqni saqlash vazirligi tomonidan Agentlik hamda Iqtisodiyot va moliya vazirligi bilan kelishgan holda belgilanadi;
(b) palliativ yordamga muhtoj shaxslar hisobini yuritish, ushbu yordamni koʻrsatish xizmatlariga yoʻnaltirish va xizmat koʻrsatish jarayonlari elektron axborot tizimida yuritiladi;
(v) mobil palliativ brigadalar tomonidan palliativ va xospis yordamiga muhtoj shaxslar yashash manzillarida bemorning holati baholanadi hamda individual reja asosida yordam koʻrsatiladi;
(g) bemorning ehtiyojidan kelib chiqib, giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalari bilan reimbursatsiya dasturi asosida taʼminlanadi;
(d) oʻzgalar parvarishiga muhtoj yolgʻiz yoki yolgʻiz yashovchi keksa va nogironligi boʻlgan shaxslarga giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shakldagi dori vositalari yashash joyiga yetkazib beriladi;
(j) palliativ yordamga muhtoj elektron axborot tizimida qayd etilgan bemorlarga tibbiy-ijtimoiy ekspertiza komissiyasi tomonidan qoʻshimcha tibbiy tekshiruv va koʻriklarsiz nogironlik belgilanadi;
(z) Agentlik tomonidan:
(i) uy sharoitida palliativ yordamga muhtoj shaxslar yotoq holatdagi funksional karavot va maxsus matraslar bilan vaucher tizimi asosida taʼminlanadi;
(ii) mahalla darajasida palliativ yordam koʻrsatish tizimini yoʻlga qoʻyishda vaucher asosida palliativ yordamga muhtoj shaxslarni uy sharoitida qarab turish va parvarish xizmatidan foydalanish imkoniyati yaratiladi;
(i) palliativ yordam koʻrsatishning yangi tizimi joriy etiladigan hududlar roʻyxati Sogʻliqni saqlash vazirligi tomonidan Agentlik hamda Iqtisodiyot va moliya vazirligi bilan kelishgan holda belgilanadi. Bunda mobil palliativ va xospis yordami koʻrsatiladigan kasalliklar turlarini ham bosqichma-bosqich kengaytirib borish inobatga olinadi.
5. Belgilansinki:
(a) Metodologik markaz yuridik shaxs maqomiga ega boʻlgan tibbiyot muassasasi hisoblanadi;
(b) 2026-yil 1-sentabrdan boshlab Metodologik markazda:
(i) palliativ yordamga muhtoj shaxslarning oila aʼzolari uchun Oilani qoʻllab-quvvatlash xizmati yoʻlga qoʻyiladi;
(ii) palliativ yordamga muhtoj shaxslar va ularning yaqinlari uchun “Palliativ parvarish qoidalari” maxsus oʻquv-amaliy mashgʻulotlar tashkil etiladi;
(v) 2027-yil 1-yanvardan boshlab Oilani qoʻllab-quvvatlash xizmati hududlararo xospislarda yoʻlga qoʻyiladi;
(g) palliativ yordam doirasida koʻrsatiladigan tibbiy xizmatlar Davlat tibbiy sugʻurtasi jamgʻarmasi Kuzatuv kengashi tomonidan belgilanadigan tartibga muvofiq mazkur Jamgʻarma mablagʻlari hisobidan moliyalashtiriladi;
(d) Bolalar uchun xospis markazi:
(i) ogʻir va davolab boʻlmaydigan kasalliklarga chalingan bolalarga statsionar va mobil shakllarda palliativ yordam koʻrsatuvchi Agentlik huzuridagi alohida yuridik shaxs maqomiga ega boʻlgan davlat muassasasi hisoblanadi;
(ii) 2026-yil 1-iyuldan boshlab oʻz faoliyatini boshlaydi;
(j) Bolalar uchun xospis markazida tibbiy faoliyatni metodik jihatdan qoʻllab-quvvatlash hamda nazorat qilish, tibbiyot xodimlarining toifasini belgilash va malakasini oshirish, giyohvandlik vositalari hamda psixotrop moddalar saqlanishi ustidan nazorat Sogʻliqni saqlash vazirligi tomonidan amalga oshiriladi. Bunda Bolalar uchun xospis markazining bosh vrachi bir vaqtning oʻzida Samarqand viloyati sogʻliqni saqlash boshqarmasining bolalar palliativ yordami boʻyicha oʻrinbosari (bunda mazkur lavozim uchun alohida shtat birligi ajratilmaydi hamda Samarqand viloyati sogʻliqni saqlash boshqarmasi hisobidan moliyalashtirilmaydi) hisoblanadi hamda sogʻliqni saqlash vaziri bilan kelishgan holda lavozimga tayinlanadi va lavozimidan ozod etiladi;
(z) Bolalar uchun xospis markazi qoʻshimcha moliyaviy koʻmak va xospis xizmati boʻyicha amaliy yordam koʻrsatish maqsadida homiylik va xayriya mablagʻlarini jamgʻaradigan nodavlat notijorat tashkilotini taʼsis etishi hamda unga Agentlik va Sogʻliqni saqlash vazirligi tomonidan ijtimoiy buyurtmalar berilishi mumkin.
6. Shunday tartib oʻrnatilsinki, unga muvofiq:
(a) nodavlat tibbiyot tashkilotlariga palliativ yordamni koʻrsatishga ruxsat etiladi. Bunda ular tomonidan Davlat tibbiy sugʻurtasi jamgʻarmasi bilan tibbiy xizmatlar xaridi boʻyicha oʻrnatilgan tartibda shartnoma tuziladi va koʻrsatilgan tibbiy xizmatga koʻra moliyalashtiriladi;
(b) palliativ yordamga muhtoj shaxs yashash manzilidan qatʼi nazar, palliativ yordam uchun ajratilgan shifo oʻringa eksterritorial tamoyili asosida bepul joylashtiriladi hamda unga koʻrsatilgan xizmatlar Davlat tibbiy sugʻurtasi jamgʻarmasi tomonidan Davlat budjeti mablagʻlari hisobidan moliyalashtiriladi;
(v) kattalar va bolalar koʻp tarmoqli tibbiyot markazlarida bir nafardan palliativ yordam shifokori lavozimi uchun qoʻshimcha shtat birliklari ajratiladi.
7. 2026-yil 1-sentabrdan boshlab bemorlarga palliativ yordamni koʻrsatishda ishtirok etuvchi tibbiyot xodimlari oylik lavozim maoshlariga quyidagi miqdorlarda qoʻshimcha ustamalar toʻlanadi. Bunda:
(a) tuman (shahar) koʻp tarmoqli markaziy poliklinika hamda markaziy shifoxonalarning onkolog shifokori va oʻrta tibbiyot xodimi, kattalar va bolalar koʻp tarmoqli tibbiyot markazlarining palliativ yordam shifokori hamda xospis muassasalarining shifokor va oʻrta tibbiyot xodimlariga:
(i) faoliyatining eng muhim samaradorlik koʻrsatkichlari (KPI)ga erishganligi uchun lavozim maoshining 100 foizigacha;
(ii) palliativ yordam boʻyicha maxsus oʻquv dasturi asosida tashkil etiladigan kursning barcha bosqichlarini muvaffaqiyatli tugatgan tibbiyot xodimlari uchun kurs yakuni boʻyicha beriladigan sertifikatga muvofiq oylik lavozim maoshining 50 foizi. Bunda kurs yakunlangandan uch oy muddatdan soʻng ish joyida borib baholanganda kursda oʻrgatilgan palliativ yordam tamoyillarini amaliyotga toʻliq joriy etgan mutaxassislarga ushbu ustama miqdori 100 foizga yetkaziladi;
(iii) Sogʻliqni saqlash vazirligi tizimi muassasalarida Tibbiyot muassasalarini moddiy ragʻbatlantirish va rivojlantirish jamgʻarmasi mablagʻlari hamda tibbiyot muassasasining budjetdan tashqari mablagʻlari, shuningdek, Agentlik tizimi muassasalarida Ijtimoiy himoya davlat jamgʻarmasi mablagʻlari hisobidan ragʻbatlantiriladi;
(b) xospis muassasalari xodimlariga lavozim maoshining 100 foizi.
8. Quyidagilar:
(a) Aholiga palliativ tibbiy xizmatlar koʻrsatishni tashkillashtirish yuzasidan chora-tadbirlar dasturi 1-ilovaga muvofiq;
(b) Palliativ tibbiy yordam koʻrsatuvchi tashkilotlarni tashkil etish rejasi 2-ilovaga muvofiq;
(v) Palliativ tibbiy yordam koʻrsatishni rivojlantirishda “Sifatli tibbiy xizmatlar” indikatorlari 3-ilovaga muvofiq;
(g) “E-palliative” axborot tizimiga integratsiya qilinadigan axborot tizimlari (bazalari) roʻyxati 4-ilovaga muvofiq tasdiqlansin.
III. Qaror ijrosini tashkil etish, taʼminlash va nazorat
9. Sogʻliqni saqlash vazirligi 2026-yil 1-oktabrga qadar:
(a) palliativ tibbiy yordam koʻrsatuvchi bino-inshootlar hamda ularni jihozlashga boʻlgan talablar, shuningdek, mobil palliativ brigadalar uchun zarur tibbiy jihozlar roʻyxatini tasdiqlasin;
(b) Raqamli texnologiyalar vazirligi bilan birgalikda palliativ va xospis yordamiga muhtoj shaxslarni identifikatsiya qilish, hisobini yuritish, xizmatlarga yoʻnaltirish va xizmat koʻrsatish jarayonlarini, xizmat koʻrsatishda giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shakldagi dori vositalarining hisobini yuritish imkonini beruvchi elektron axborot tizimini amaliyotga joriy qilsin;
(v) Ichki ishlar vazirligi, Raqamli texnologiyalar vazirligi hamda Narkotiklar va oʻqotar qurollarni nazorat qilish agentligi bilan birgalikda palliativ yordamga muhtojlarga giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalarini buyurish, yashash joyiga yetkazib berish, saqlash, realizatsiya qilish, berish, hisobga olish va yoʻq qilish, foydalanish nazoratini olib borish tartibi tasdiqlanishini va jarayonlarning elektron axborot tizimida yuritilishini taʼminlasin;
(g) Agentlik bilan birgalikda Tibbiyotni rivojlantirish davlat maqsadli jamgʻarmasi mablagʻlari va Ijtimoiy himoya davlat jamgʻarmasi mablagʻlari hisobidan mobil palliativ brigadalar, shuningdek, palliativ tibbiy yordam koʻrsatishda ishtirok etuvchi mutaxassislarni Metodologik markazda maxsus oʻquv dasturi asosida tayyorlashni boshlasin;
(d) Din ishlari boʻyicha qoʻmita bilan birgalikda palliativ yordamga muhtoj shaxslarning maʼnaviy va ruhiy holatini qoʻllab-quvvatlash maqsadida muassasalarda diniy sohada bilim va malakaga ega xodimlar tashrifini tashkil etish, ular tomonidan bemor va uning oila aʼzolariga insonparvarlik, maʼnaviy taʼlimot va ruhiy tasalliga oid xizmatlar koʻrsatish rejasini tasdiqlasin hamda ijrosini amalga oshirsin;
(j) Metodologik markazning tashkiliy tuzilmasi, nizomi va vazifalarini tasdiqlasin va belgilangan tartibda davlat roʻyxatidan oʻtkazsin;
(z) Agentlik bilan birgalikda palliativ tibbiy yordam koʻrsatishda mobil palliativ brigadalarni tashkil qilish, muhtojlikni aniqlash, bemorlar, shu jumladan, bemor bolalarni uyda parvarish qilish, palliativ tibbiy yordamini koʻrsatish tartibini tasdiqlasin;
(i) Davlat tibbiy sugʻurtasi jamgʻarmasi bilan birgalikda palliativ yordam doirasida koʻrsatiladigan tibbiy xizmatlarni Davlat budjeti mablagʻlari hisobidan xarid qilish orqali moliyalashtirish tartibini ishlab chiqsin va Davlat tibbiy sugʻurtasi jamgʻarmasi Kuzatuv kengashi tomonidan tasdiqlanishini taʼminlasin.
10. Belgilab qoʻyilsinki, aholiga palliativ tibbiy yordam koʻrsatishni tashkil qilish, bemorlar reyestrini yuritish maqsadida elektron axborot tizimini ishlab chiqish va joriy etish boʻyicha:
(a) 2026-yil uchun Davlat budjeti mablagʻlari, xalqaro moliya institutlari grant mablagʻlari va qonunchilikda taqiqlanmagan boshqa manbalar hisobidan moliyalashtiriladi;
(b) quyidagilar masʼul hisoblanadi:
(i) Sogʻliqni saqlash vazirligi — buyurtmachi, tizim funksionalligi va metodologik rahbarlik qilishga;
(ii) Agentlik — ijtimoiy xizmat va yordamlarni, shuningdek, vaucher asosida xizmat koʻrsatish mexanizmlari bilan integratsiya qilishga;
(iii) Raqamli texnologiyalar vazirligi — axborot tizimini ishlab chiqish, joriy etish, integratsiya va ekspluatatsiya qilishga;
(v) Sogʻliqni saqlash vazirligi uch oy muddatda palliativ tibbiy yordam boʻyicha maxsus oʻquv kursini muvaffaqiyatli tugatgan tibbiyot xodimlari faoliyatini ish joyida borib oʻrganish orqali kursda oʻrgatilgan palliativ yordam tamoyillarini amaliyotga toʻliq joriy etilganligini baholash tartibini ishlab chiqsin;
(g) Sogʻliqni saqlash vazirligi Agentlik bilan birgalikda 2026-yil yakuniga qadar:
(i) nodavlat tibbiyot tashkilotlarida palliativ tibbiy yordamni tashkil etishga qoʻyiladigan talablarni tasdiqlash choralarini koʻrsin;
(ii) palliativ tibbiy yordam koʻrsatishda nodavlat tibbiyot tashkilotlari tomonidan koʻrsatilgan xizmatlar xaridini Davlat tibbiy sugʻurtasi jamgʻarmasi orqali amalga oshirish tizimini yoʻlga qoʻysin.
11. 2026-yil 1-avgustdan boshlab Iqtisodiyot va moliya vazirligi huzuridagi Gʻaznachilik xizmati qoʻmitasida quyidagi maqsadlar uchun xospislarning shaxsiy gʻazna hisobvaraqlari ochilsin:
(a) jismoniy va yuridik shaxslarning ixtiyoriy xayriyalari;
(b) davlat, xorijiy va xalqaro tashkilotlar, chet el davlatlari ajratadigan grantlar;
(v) fandrayzing mexanizmlari orqali kelib tushgan mablagʻlar;
(g) qonunchilik hujjatlarida taqiqlanmagan boshqa manbalardan kelib tushgan mablagʻlar.
Bunda belgilab qoʻyilsinki, ushbu mablagʻlar bemorlarga palliativ parvarish xizmatlarini tashkil qilish, xospisda bemor ehtiyojiga mos shart-sharoitlarni yaratish, mobil palliativ yordam brigadasi faoliyatini qoʻllab-quvvatlash, xospis infratuzilmasini saqlash va taʼmirlash, tibbiyot xodimlari malakasini oshirish, shu jumladan, xospis xodimlari mehnatiga haq toʻlash va ijtimoiy qoʻllab-quvvatlashga sarflanadi.
12. Qoraqalpogʻiston Respublikasi Vazirlar Kengashi, viloyatlar, Toshkent shahri hamda tuman (shahar) hokimliklari:
(a) 2027-yil 1-yanvarga qadar xospislar, shuningdek, mobil palliativ brigadalar tashkil etiladigan tuman (shahar) markaziy shifoxonalari va koʻp tarmoqli markaziy poliklinikalarda avtotransport vositalari mavjudligi yuzasidan xatlov oʻtkazsin;
(b) 2028-yil yakuniga qadar xatlov natijasiga koʻra hamda faoliyati yoʻlga qoʻyilgan mobil palliativ brigadalarni avtotransport vositasi bilan taʼminlasin.
13. Iqtisodiyot va moliya vazirligi mazkur qarorni amalga oshirish bilan bogʻliq xarajatlarni moliyalashtirish maqsadida:
(a) 2026-yilda Toshkent shahri Mirzo Ulugʻbek tumanida mobil palliativ brigadalarni tashkil qilish hamda boshqa tadbirlarni amalga oshirish uchun zarur mablagʻlarni respublika budjeti parametrlarida xospislarni tashkil etish uchun nazarda tutilgan mablagʻlar hisobidan ajratsin;
(b) 2027-yildan boshlab mazkur qarorda nazarda tutilgan tadbirlarni moliyalashtirish uchun har yili zarur mablagʻlarni Davlat budjeti parametrlarida nazarda tutsin.
14. Mazkur qarorning ijrosini samarali tashkil qilishga masʼul va shaxsan javobgar etib Oʻzbekiston Respublikasi Prezidenti huzuridagi Ijtimoiy himoya milliy agentligi direktori M.P. Olloyorov hamda sogʻliqni saqlash vaziri E.E. Adilov belgilansin.
15. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2026-yil 24-iyundagi PQ-239-son qaroriga 1-ILOVA
Aholiga palliativ tibbiy xizmatlar koʻrsatishni tashkillashtirish yuzasidan
T/r Chora-tadbirlar nomi Amalga oshirish mexanizmlari va shakli Muddati Moliyalashtirish manbasi Masʼul ijrochilar 1. Palliativ yordamni koʻrsatishda mobil palliativ brigadalarni tashkil qilish, muhtojlikni aniqlash, bemorlarni uyda parvarish qilish, palliativ yordamni koʻrsatish tartibini belgilash . 1. Tartib loyihasini ishlab chiqish. 2. Tartib loyihasini kelishish va tasdiqlash. 2026-yil oktabr - Sogʻliqni saqlash vazirligi, Ijtimoiy himoya milliy agentligi 2. Xospislar faoliyatini takomillashtirish. 1. Xalqaro tajriba asosida xospislarning namunaviy nizomi va namunaviy shtat birliklarini qayta ishlab chiqish va tasdiqlash. Bunda xospislarda ijtimoiy xodim, psixolog hamda har bir klinik boʻlim uchun boʻlim mudiri va katta hamshira lavozimini qoʻshimcha kiritish nazarda tutiladi. 2. Toshkent shahar hududlararo xospisining nizomi va shtat birliklarini tasdiqlash. 2026-yil avgust Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi 3. Kattalar va bolalar koʻp tarmoqli tibbiyot markazlarining shtat birliklarini qayta koʻrib chiqish. Kattalar va bolalar koʻp tarmoqli tibbiyot markazlarining namunaviy shtat birliklarini qayta tasdiqlash. Bunda ushbu muassasalarning har birida palliativ yordam shifokori lavozimi uchun qoʻshimcha 1 ta shtat birligi, jami 28 ta shtat birligini ajratish nazarda tutiladi. 2027-yil yanvar Davlat budjeti mablagʻlari Sogʻliqni saqlash vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi 4. Palliativ yordam koʻrsatuvchi xodimlar faoliyati samaradorligini baholash ( KPI ) tartibini joriy etish. 1. Palliativ yordam koʻrsatuvchi xodimlar faoliyati samaradorligi koʻrsatkichlari va baholash mezonlarini ishlab chiqish va tasdiqlash. 2. Faoliyat samaradorligi koʻrsatkichlari (KPI)ga erishganligi uchun lavozim maoshining 100 foizigacha har oylik qoʻshimcha ustamalar toʻlanishini joriy etish. 2026-yil sentabr Tibbiyot muassasalarining moddiy ragʻbatlantirish va rivojlantirish jamgʻarmasi mablagʻlari, tibbiyot muassasasining budjetdan tashqari mablagʻlari, Ijtimoiy himoya davlat jamgʻarmasi mablagʻlari Sogʻliqni saqlash vazirligi, Ijtimoiy himoya milliy agentligi 5. Palliativ yordam koʻrsatishga boʻlgan talablarni belgilash . 1. X ospislar xonalarining soni va maydoni, jihozlanadigan tibbiy uskunalar roʻyxatini ishlab chiqish va tasdiqlash. 2. Mobil brigadalar uchun zarur tibbiy jihozlar roʻyxatini ishlab chiqish va tasdiqlash. 2026-yil oktabr - Sogʻliqni saqlash vazirligi, Ijtimoiy himoya milliy agentligi 3. Nodavlat tibbiyot tashkilotlarida palliativ yordamni tashkil etishga qoʻyiladigan talablarni tasdiqlash. 2026-yil dekabr 6. Palliativ yordamga muhtoj boʻlgan bemorlar uchun giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalardan foydalanish ustidan nazoratni oʻrnatish . 1. Palliativ yordamga muhtojlarga giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalarni buyurish, yashash joyiga yetkazib berish, saqlash, realizatsiya qilish, berish, hisobga olish va yoʻq qilish, foydalanish nazoratini olib borish tartibini ishlab chiqish va tasdiqlash. 2026-yil sentabr - Sogʻliqni saqlash vazirligi, Ichki ishlar vazirligi, Narkotiklar va oʻqotar qurollarni nazorat qilish agentligi 2. Palliativ yordam amaliyotida foydalaniladigan dori vositalari roʻyxatiga palliativ yordam xizmati ehtiyojlaridan kelib chiqib, palliativ yordam sohasidagi dori vositalarini, shu jumladan, noinyeksion shakldagi dori vositalarini va davolash standartlarini hamda jahon tajribasini hisobga olgan holda oʻzgartirish kiritish. 2027-yil yanvar 7. Palliativ yordamga muhtojlarni giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalar bilan taʼminlash . Palliativ yordamga muhtojlarni giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shaklidagi dori vositalar bilan taʼminlashda xarid qilish, yetkazib berish va realizatsiya qilish jarayonlariga keng bozor mexanizmlarini joriy qilish. 2026-yil dekabr - Tibbiyot va farmatsevtika tarmogʻini rivojlantirish agentligi, Ichki ishlar vazirligi, Narkotiklar va oʻqotar qurollarni nazorat qilish agentligi 8. E-Palliative axborot tizimini ishlab chiqish va ishga tushirish. 1. Palliativ yordamga muhtojlarni identifikatsiya qilish, hisobini yuritish, xizmatlarga yoʻnaltirish va xizmat koʻrsatish jarayonlarini, xizmat koʻrsatishda giyohvandlik vositalari va psixotrop moddalarning hisobini yuritish imkonini beruvchi E-Palliative axborot tizimini ishlab chiqish va ishga tushirish. 2. Axborot tizimini DMED Yagona tibbiy AT hamda “Cancer-registr” axborot moduli bilan integratsiya qilish. 2026-yil oktabr Davlat budjeti mablagʻlari, xalqaro moliya institutlari grant mablagʻlari, qonunchilikda taqiqlanmagan boshqa manbalar (2,2 mlrd soʻm) Raqamli texnologiyalar vazirligi, Sogʻliqni saqlash vazirligi, Ijtimoiy himoya milliy agentligi 9. Mobil brigadalar, shuningdek, palliativ yordam koʻrsatishda ishtirok etuvchi mutaxassislarni maxsus oʻquv kursida qayta tayyorlash . 1. Qayta tayyorlash boʻyicha oʻquv dasturlari hamda qayta oʻqitish grafigini ishlab chiqish. 2. Toshkent shahar hududlararo xospisda maxsus oʻquv dasturi asosida mutaxassislarni qayta tayyorlashni boshlash. 2026-yil sentabr Tibbiyotni rivojlantirish davlat maqsadli jamgʻarmasi mablagʻlari, Ijtimoiy himoya davlat jamgʻarmasi mablagʻlari Sogʻliqni saqlash vazirligi, Ijtimoiy himoya milliy agentligi 3. Maxsus oʻquv kursini tugatgan tibbiyot xodimlari faoliyatini oʻrganish va palliativ yordam tamoyillarini amaliyotga joriy etilganligini baholash tartibini ishlab chiqish va tasdiqlash. 2026-yil noyabr 10. Davlat va nodavlat tibbiyot tashkilotlari tomonidan koʻrsatilgan palliativ yordam uchun sarflangan mablagʻlarning Davlat tibbiy sugʻurtasi jamgʻarmasi mablagʻlari hisobidan moliyalashtirish tizimini yoʻlga qoʻyish . 1. Ambulator va statsionar sharoitda koʻrsatiladigan palliativ yordamning bazaviy narxlarini tasdiqlash. 2026-yil oktabr - Sogʻliqni saqlash vazirligi, Iqtisodiyot va moliya vazirligi, Raqobatni rivojlantirish va isteʼmolchilar huquqlarini himoya qilish qoʻmitasi, Davlat tibbiy sugʻurtasi jamgʻarmasi 2. Davlat tibbiy sugʻurtasi jamgʻarmasi bilan oʻrnatilgan tartibda shartnoma tuzgan davlat va nodavlat tibbiyot tashkilotlarining xizmatlarini moliyalashtirish. 2026-yil dekabr 11. Palliativ yordamga muhtoj shaxslarga yordam koʻrsatish uchun ularning yaqinlarini oʻrgatish boʻyicha maxsus oʻquv qoʻllanma, videoroliklar va tarqatma materiallarni jamoatchilikka yetkazish. 1. Palliativ yordamga muhtoj shaxslarga yordam koʻrsatish uchun ularning yaqinlarini oʻrgatish boʻyicha maxsus oʻquv qoʻllanma, videoroliklar va tarqatma materiallarni ishlab chiqish. 2. Ishlab chiqilgan maxsus oʻquv qoʻllanma, videoroliklar va tarqatma materiallarni ijtimoiy tarmoqlarga joylashtirish hamda palliativ yordamga muhtoj shaxslarning yaqin qarindoshlariga yetkazish choralarini koʻrish. 2026-yil oktabr - Sogʻliqni saqlash vazirligi, Ijtimoiy himoya milliy agentligi 12. Uy sharoitida palliativ yordamni oladigan muhtoj shaxslarni zarur jihozlar bilan taʼminlash . Uy sharoitida palliativ yordamni oladigan muhtoj shaxslarni funksional karavot va maxsus matraslar bilan vaucher tizimi asosida belgilangan tartibda taʼminlashni yoʻlga qoʻyish. 2026-yil oktabr - Ijtimoiy himoya milliy agentligi, Sogʻliqni saqlash vazirligi 13. Samarqand viloyatida tajriba-sinov tariqasida ogʻir va davolab boʻlmaydigan kasalliklarga chalingan bolalar uchun xospis shaklida palliativ yordam koʻrsatish markazini tashkil etish. 1. Ijtimoiy himoya milliy agentligi huzurida ogʻir va davolab boʻlmaydigan kasalliklarga chalingan bolalar uchun palliativ yordam koʻrsatish maqsadida Bolalar uchun xospis markazini (keyingi oʻrinlarda — Markaz) tashkil etish. Bunda: Markaz Samarqand viloyati Reabilitatsiya markaziga ega davlat koʻp tarmoqli ixtisoslashtirilgan maktabgacha taʼlim tashkiloti hududida tashkil etiladi; Markaz giyohvandlik vositalari va psixotrop moddalarni litsenziya asosida saqlash, realizatsiya qilish, berish va yoʻq qilish faoliyatini amalga oshiradi; Markaz tomonidan palliativ yordam statsionar va mobil shakllarda koʻrsatiladi; 2026-yil dekabr Davlat budjeti mablagʻlari, Ijtimoiy himoya davlat jamgʻarmasi mablagʻlari, qonunchilikda taqiqlanmagan boshqa manbalar Ijtimoiy himoya milliy agentligi, Iqtisodiyot va moliya vazirligi , Sogʻliqni saqlash vazirligi , Kambagʻallikni qisqartirish va bandlik vazirligi Ijtimoiy himoya milliy agentligi tomonidan Sogʻliqni saqlash vazirligi hamda Iqtisodiyot va moliya vazirligi bilan kelishgan holda Markazning vaqtinchalik nizomi tasdiqlanadi; Markaz uchun maxsus jihozlangan avtomobillar xarid qilinadi; Markazga giyohvandlik vositalari, psixotrop moddalar va alohida toifadagi kuchli taʼsir qiluvchi moddalar, jumladan, noinyeksion shakldagi dori vositalarini litsenziya asosida buyurish, yashash joyiga yetkazib berish, saqlash, realizatsiya qilish, berish, hisobga olish va yoʻq qilishga ruxsat beriladi; xalqaro ekspertlarni jalb qilish hamda xorijiy davlatlar xospislari faoliyatini borib oʻrganish orqali Markaz xodimlarining malakasi oshiriladi va oʻqitiladi. 2026-2027-yillar 2. Markazning shtat birliklarini Iqtisodiyot va moliya vazirligi hamda Kambagʻallikni qisqartirish va bandlik vazirligi bilan kelishilgan holda tasdiqlash. 2026-yil iyul 3. Samarqand viloyati Reabilitatsiya markaziga ega davlat koʻp tarmoqli ixtisoslashtirilgan maktabgacha taʼlim tashkiloti hududida Markaz faoliyatini tashkil etish uchun yangi bino qurish va jihozlash. Bunda buyurtmachi sifatida Samarqand viloyati hokimligi huzuridagi “Yagona buyurtmachi xizmati” injiniring kompaniyasi” DUKga bosh loyihachi va bosh pudratchini davlat xaridlarining “taklif soʻrovi” tartib-taomili orqali tanlashga ruxsat beriladi. 2026-yil oktabr 14. Toshkent shahar hududlararo xospisga tutash hududda bemorlar uchun koʻngilochar sayilgoh va bogʻ tashkil qilish. 1. Toshkent viloyati, Qibray tumani, “Maʼrifat” mahalla fuqarolar yigʻini, Qoramurt koʻchasida Toshkent shahar hokimligi “Yagona buyurtmachi xizmati” injiniring kompaniyasi tomonidan qurilayotgan Toshkent shahar hududlararo xospisga tutash hududda zarur infratuzilmani shakllantirish maqsadida 2,5 gektar yer maydonini amaldagi qonunchilik hujjatlarida belgilangan tartibda ajratish choralarini koʻrish. 2. Toshkent shahar hududlararo xospis faoliyatini samarali tashkil etish, unga tutash hududdan maqsadli foydalanish hamda zarur infratuzilmani shakllantirish choralarini koʻrish. 2026-yil avgust - Toshkent viloyati hokimligi, Toshkent shahar hokimligi, Sogʻliqni saqlash vazirligi 15. Xalqaro tajriba asosida “Palliativ parvarish qoidalari” oʻquv amaliy kurslari boʻyicha mobil palliativ brigada hamda xospis xodimlarini tayyorlash. 1. “Palliativ parvarish qoidalari” boʻyicha oʻquv dasturlarini ishlab chiqish. 2026-yil avgust - Sogʻliqni saqlash vazirligi, Ijtimoiy himoya milliy agentligi 2. Respublika ixtisoslashtirilgan onkologiya va radiologiya ilmiy-amaliy tibbiyot markazi va uning filiallarida hamda xospislarda nodavlat tashkilotlar bilan hamkorlikda mobil palliativ brigada hamda xospis xodimlarining malakasini oshirish. 2026-yil dekabr 16. Palliativ xizmat koʻlamini kengaytirish. Davlat-xususiy sheriklik tamoyillari asosida palliativ xizmatlarni yoʻlga qoʻyish boʻyicha takliflarni Vazirlar Mahkamasiga kiritish. 2026-yil dekabr - Sogʻliqni saqlash vazirligi, Ijtimoiy himoya milliy agentligi
Oʻzbekiston Respublikasi Prezidentining 2026-yil 24-iyundagi PQ-239-son qaroriga 2-ILOVA
Palliativ tibbiy yordam koʻrsatuvchi tashkilotlarni tashkil etish
T/r Xospis tashkil etiladigan hudud Xizmat koʻrsatiladigan hudud Quvvati (oʻrinlar soni) Tashkil etish turi Tashkil etish davri 1. Samarqand viloyati (bolalar uchun) Samarqand viloyati 15 yangidan tashkil etish 2026 2. Qashqadaryo viloyati Qashqadaryo va Surxondaryo viloyatlari 50 yangidan tashkil etish 2027 3. Fargʻona viloyati Andijon, Namangan va Fargʻona viloyatlari 50 yangidan tashkil etish 2026-2027 4. Xorazm viloyati Xorazm viloyati va Qoraqalpogʻiston Respublikasi 30 yangi bino va inshootlar qurish 2027 5. Buxoro viloyati Buxoro va Navoiy viloyatlari 50 yangidan tashkil etish 2028 Jami 200
Oʻzbekiston Respublikasi Prezidentining 2026-yil 24-iyundagi PQ-239-son qaroriga 3-ILOVA
Palliativ tibbiy yordam koʻrsatishni rivojlantirishda “Sifatli tibbiy xizmatlar” indikatorlari
Baholash indikatorlari Baholash formulasi Baholash davriyligi Yillar 2027 2028 2029 2030 Palliativ yordam qamrovi Xizmat olganlar / hisoblangan ehtiyoj × 100 har yili ≥5% ≥12% ≥65% ≥80% Birlamchi baholashning oʻz vaqtida oʻtkazilishi ≤72 soatda baholanganlar / yangi bemorlar × 100 har yili ≥20% ≥40% ≥80% ≥90% Individual parvarish rejasi mavjudligi Rejaga ega bemorlar / faol bemorlar × 100 har yili ≥35% ≥65% ≥85% ≥95% Ogʻriqni standartlashtirilgan shkala boʻyicha baholash N RS/VAS/PAI N AD boʻyicha baholanganlar / faol bemorlar × 100 har yili ≥40% ≥70% ≥85% ≥95% Kuchli ogʻriqni nazorat qilish samaradorligi 72 soatda ogʻriq ≥30% kamayganlar / ogʻrigʻi ≥7 boʻlgan bemorlar × 100 har yili ≥30% ≥55% ≥70% ≥80% Jami isteʼmol qilingan OME (mg)/aholi soni OME mg / aholi soni har yili ≥0.10 mg/capita ≥0.20 mg/capita ≥0.30 mg/capita ≥0.6 mg/capita Mobil brigadalarning uyga tashriflarini amalga oshirish Amalga oshirilgan tashriflar / rejalashtirilgan tashriflar × 100 har yili ≥20% ≥50% ≥70% ≥90% Hayotning soʻnggi 30 kunidagi shoshilinch gospitalizatsiyalar Gospitalizatsiya qilinganlar / vafot etgan bemorlar × 100 har yili bazaviy baholash −5% −15% −30% Ijtimoiy baholash va yoʻnaltirish Ijtimoiy baholangan bemorlar / faol bemorlar × 100 har yili ≥35% ≥65% ≥80% ≥90% Ijtimoiy qoʻllab-quvvatlash yoki vaucher tayinlash Yordam olganlar / muhtoj deb topilganlar × 100 har yili ≥25% ≥55% ≥70% ≥85% Oila aʼzolarining parvarishdan qoniqishi Ijobiy baholar ulushi × 100 har yili ≥55% ≥70% ≥80% ≥85% Kadrlar tayyorlash rejasi bajarilishi Oʻqitilgan mutaxassislar / reja × 100 har yili ≥45% ≥70% ≥85% ≥90% Faol palliativ xizmatga ega hududlar ulushi Xospis va mobil brigadasi mavjud hududlar soni har yili 6 14 14 14
Oʻzbekiston Respublikasi Prezidentining 2026-yil 24-iyundagi PQ-239-son qaroriga 4-ILOVA
“E-palliative” axborot tizimiga integratsiya qilinadigan axborot tizimlari (bazalari)
Tashkilot nomi Axborot platforma (baza) Ijtimoiy himoya milliy agentligi “Yagona milliy ijtimoiy himoya” axborot tizimi Adliya vazirligi FHDY AT Sogʻliqni saqlash vazirligi “Cancer-registr” axborot moduli DMED Yagona tibbiy AT Endokrin patologiyali bemorlarning elektron maʼlumotlar bazasi Nevrologik kasalliklar va uning asoratlari bilan ogʻrigan bemorlarning yagona elektron bazasi “Mushak atrofiyasi tashxisi qoʻyilgan bolalar reyestri va sarflash materiallari monitoringi” AT “ N ARKO-PSIXUZ” AT Kambagʻallikni qisqartirish va bandlik vazirligi “Yagona milliy mehnat tizimi” AT Davlat tibbiy sugʻurtasi jamgʻarmasi “MedRefer” AT va “MedExpress” AT
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 24-iyun,
PQ-239-son
Президента Республики Узбекистан
Постановление
О дополнительных мерах по совершенствованию оказания населению паллиативных медицинских услуг
В целях улучшения качества жизни больных, страдающих тяжелыми заболеваниями, совершенствования системы оказания помощи по уменьшению боли, контроля симптомов заболевания, предоставления непрерывной комплексной медико-социальной, психологической помощи и уходу, а также расширения возможностей доступа к паллиативным медицинским услугам постановляю:
I. Цели
1. Определить основными целями настоящего постановления:
(а) формирование единой государственной политики в сфере оказания медицинской паллиативной помощи, а также доведение охвата населения данными услугами не менее чем до 80 процентов до 2030 года;
(б) совершенствование механизмов социальной поддержки лиц, нуждающихся в паллиативной помощи, и членов их семей, а также формирование системы оказания адресной медицинской помощи;
(в) повышение качества медицинской помощи, оказываемой больным, страдающим тяжелыми заболеваниями, улучшение качества их жизни;
(г) совершенствование системы подготовки, переподготовки квалифицированных кадров и повышения их квалификации в сфере паллиативной помощи;
(д) внедрение механизма оказания медицинских услуг в домашних условиях больным на поздних стадиях тяжелых заболеваний, снижение нагрузки стационарных медицинских учреждений, а также обеспечение эффективного использования медицинских ресурсов.
II. Совершенствование системы оказания паллиативных медицинских услуг населению
2. Установить с 1 октября 2026 года порядок, в соответствии с которым:
(а) единая система оказания паллиативной медицинской помощи в республике организуется на основе интеграции медицинских и социальных услуг;
(б) процессы выявления, маршрутизации, учета лиц, нуждающихся в паллиативной медицинской помощи, оказания им услуг осуществляются посредством электронной информационной системы;
(в) налаживается деятельность мобильных паллиативных бригад и посредством них обеспечивается оказание медицинских и социальных услуг в домашних условиях;
(г) паллиативная медицинская помощь в стационарных условиях предоставляется оказывающими данные услуги государственными и негосударственными медицинскими организациями, а также хосписами;
(д) при оказании паллиативной медицинской помощи внедряются национальные индикаторы качества на основе принципов «качественные медицинские услуги», в том числе критериев эффективности, безопасности, равенства, интеграции и рационального использования ресурсов Всемирной организации здравоохранения (ВОЗ);
(ж) исходя из потребностей населения в регионах поэтапно создаются учреждения-хосписы.
3. Согласиться с предложениями Министерства здравоохранения и Национального агентства социальной защиты при Президенте Республики Узбекистан (далее — Агентство), предусматривающими:
(а) определение Ташкентского городского межрегионального хосписа (далее — Методологический центр) ответственным учреждением за методологическое управление паллиативной медицинской помощью в республике, организацию деятельности хосписов в других регионах;
(б) организацию начиная с 1 октября 2026 года в Мирзо-Улугбекском районе города Ташкента новой системы оказания паллиативной медицинской помощи в рамках бюджетных средств и штатных единиц, выделенных мобильным паллиативным бригадам, оказывающим услуги лицам, нуждающимся в паллиативной помощи вследствие онкологического заболевания, а также поэтапное внедрение данной практики в других регионах;
(в) создание в Самаркандской области центра оказания паллиативной медицинской помощи в форме хосписа для детей, страдающих тяжелыми и неизлечимыми болезнями (далее — Хоспис-центр для детей), а также в данном центре, в порядке эксперимента, — стационарных и мобильных бригад паллиативной помощи;
(г) освобождение Хоспис-центра для детей на срок до 1 января 2030 года от прохождения процедур обязательной сертификации в уполномоченных органах, а также уплаты таможенных платежей (кроме сборов таможенного оформления) за оборудование, комплектующие части, детали, запасные части и материалы для строительства и оборудования объектов, ввозимые по перечню, формируемому в установленном порядке.
4. Определить, что при оказании населению мобильной паллиативной медицинской помощи:
(а) в 2027-2028 годах план-график организации мобильных паллиативных бригад в других регионах, порядок определения нуждаемости в паллиативной помощи определяются Министерством здравоохранения по согласованию с Агентством и Министерством экономики и финансов;
(б) ведение учета лиц, нуждающихся в паллиативной помощи, направления на услуги оказания данной помощи и процессов оказания услуг осуществляется в электронной информационной системе;
(в) мобильными паллиативными бригадами по адресам проживания лиц, нуждающихся в паллиативной помощи и услугах хосписа, оценивается состояние больного, а также помощь оказывается на основе индивидуального плана;
(г) исходя из потребности больных данные бригады на основе программы реимбурсации обеспечиваются наркотическими средствами, психотропными веществами и сильнодействующими веществами отдельной категории, в том числе лекарственными средствами в неинъекционной форме;
(д) наркотические средства, психотропные вещества и отдельные классы сильнодействующих веществ, в том числе в неинъекционной форме доставляются одиноким лицам, одиноким престарелым и лицам с инвалидностью, нуждающимся в постороннем уходе, до места жительства;
(ж) больным, зарегистрированным в электронной информационной системе в качестве нуждающегося в паллиативной помощи, инвалидность устанавливается медико-социальной экспертной комиссией без дополнительного медицинского обследования и осмотров;
(з) Агентство:
(i) обеспечивает лиц, нуждающихся в паллиативной помощи в домашних условиях, функциональной кроватью для лежачих больных и специальными матрасами на основе ваучерной системы;
(ii) при налаживании системы оказания паллиативной помощи на уровне махалли создается возможность для пользования услугами присмотра и ухода в домашних условиях за лицами, нуждающимися в паллиативной помощи, на ваучерной основе;
(и) перечень регионов, в которых внедряется новая система оказания паллиативной помощи, определяется Министерством здравоохранения по согласованию с Агентством и Министерством экономики и финансов. При этом учитывается поэтапное расширение также видов заболеваний, по которым оказываются мобильная паллиативная помощь и услуги хосписа.
5. Определить, что:
(а) Методологический центр является медицинским учреждением со статусом юридического лица;
(б) с 1 сентября 2026 года в Методологическом центре:
(i) внедряется услуга «Поддержка семьи» для членов семьи лиц, нуждающихся в паллиативной помощи;
(ii) организуются специальные учебно-практические занятия «Правила паллиативного ухода» для лиц, нуждающихся в паллиативной помощи, и их близких;
(в) начиная с 1 января 2027 года услуга «Поддержка семьи» налаживается в межрегиональных хосписах;
(г) финансирование медицинских услуг, оказываемых в рамках паллиативной помощи, осуществляется в порядке, определяемом Наблюдательным советом Фонда государственного медицинского страхования за счет средств данного Фонда;
(д) Хоспис-центр для детей:
(i) является государственным учреждением при Агентстве со статусом отдельного юридического лица, оказывающим паллиативную помощь в стационарной и мобильной формах детям, страдающим тяжелыми и неизлечимыми болезнями;
(ii) начинает свою деятельность с 1 июля 2026 года;
(ж) методическое обеспечение и контроль медицинской деятельности в Детском хосписе, определение категории и повышение квалификации медицинского персонала, контроль за хранением наркотических средств и психотропных веществ осуществляются Министерством здравоохранения. В этом случае главный врач Детского хосписа одновременно является заместителем Самаркандского областного управления здравоохранения по паллиативной помощи детям (в этом случае отдельная штатная единица для этой должности не выделяется и не финансируется из Самаркандского областного управления здравоохранения) и назначается на должность и увольняется с нее по согласованию с министром здравоохранения;
(з) в целях оказания дополнительной финансовой поддержки и практической помощи по службе хосписа Хоспис-центру для детей разрешается создание негосударственной некоммерческой организации, аккумулирующей спонсорские и благотворительные средства, в которой Агентством и Министерством здравоохранения могут размещаться социальные заказы.
6. Установить порядок, в соответствии с которым:
(а) негосударственным медицинским организациям разрешается оказание паллиативной помощи. При этом негосударственные медицинские организации заключают с Фондом государственного медицинского страхования договор на закупку медицинских услуг в установленном порядке, которые будут финансироваться по оказанным медицинским услугам;
(б) лицо, нуждающееся в паллиативной помощи, независимо от места жительства бесплатно размещается на койко-место, выделенное для паллиативной помощи, на основе принципа экстерриториальности, а также оказанные ему услуги финансируются Фондом государственного медицинского страхования за счет средств Государственного бюджета;
(в) многопрофильным медицинским центрам для взрослых и детей выделяется по одной дополнительной штатной единице на должность врача паллиативной помощи.
7. Ввести с 1 сентября 2026 года выплату дополнительных надбавок к месячным должностным окладам медицинских работников, участвующих в оказании паллиативной помощи больным, в следующих размерах:
(а) врачу-онкологу и среднему медицинскому персоналу районных (городских) многопрофильных центральных поликлиник и центральных больниц, врачу паллиативной помощи многопрофильных медицинских центров для взрослых и детей, а также врачам и среднему медицинскому персоналу учреждений-хосписов:
(i) за достижение ключевых показателей эффективности деятельности (KPI) — до 100 процентов должностного оклада;
(ii) в соответствии с сертификатом, выдаваемым по итогам курса, организуемого на основе специальной учебной программы по паллиативной помощи, для медицинских работников, успешно окончивших все этапы курса, — 50 процентов месячного должностного оклада. При этом при оценке на рабочем месте по истечении трех месяцев после завершения курсов специалистам, полностью внедрившим на практике принципы паллиативной помощи, которым они были обучены на курсе, размер данной надбавки будет доведен до 100 процентов;
(iii) в учреждениях системы Министерства здравоохранения поощрение осуществляется за счет средств Фонда материального стимулирования и развития медицинских учреждений и внебюджетных средств медицинских учреждений, а также в учреждениях системы Агентства — за счет средств Государственного фонда социальной защиты;
(б) работникам учреждений-хосписов — 100 процентов должностного оклада.
8. Утвердить:
(а) Программу мер по организации оказания населению паллиативных медицинских услуг согласно приложению № 1 * ;
(б) План создания организаций по оказанию паллиативной медицинской помощи согласно приложению № 2 * ;
(в) Индикаторы «Качественные медицинские услуги» при развитии оказания паллиативной медицинской помощи согласно приложению № 3 * ;
(г) Перечень информационных систем (баз), интегрируемых в информационную систему «E-palliative», согласно приложению № 4 * .
III. Организация, обеспечение и контроль исполнения постановления
9. Министерству здравоохранения до 1 октября 2026 года:
(а) утвердить перечень зданий и сооружений, в которых оказывается паллиативная медицинская помощь, требований к их оснащению, а также медицинского оборудования, необходимого для мобильных паллиативных бригад;
(б) совместно с Министерством цифровых технологий внедрить на практике электронную информационную систему, предоставляющую возможность вести процессы идентификации, учета, направления на услуги и оказания услуг лицам, нуждающимся в паллиативной помощи и услугах хосписа, а также учет наркотических средств, психотропных веществ и некоторые классы сильнодействующих веществ, включая препараты в неинъекционных форме при оказании услуг;
(в) Министерству внутренних дел совместно с Министерством цифровых технологий и Агентством по контролю за наркотиками и огнестрельным оружием обеспечить утверждение порядка назначения, доставки к месту жительства, хранения, реализации, отпуска, учета, уничтожения и ведения контроля за использованием наркотических средств, психотропных веществ и отдельных категорий сильнодействующих веществ, в том числе лекарственных средств в неинъекционной форме, для лиц, нуждающихся в паллиативной помощи, а также обеспечить ведение данных процессов в электронной информационной системе;
(г) совместно с Агентством начать в Методологическом центре подготовку мобильных паллиативных бригад, а также специалистов, участвующих в оказании паллиативной медицинской помощи на основе специальной учебной программы за счет средств Государственного целевого фонда развития медицины и Государственного фонда социальной защиты;
(д) совместно с Комитетом по делам религий в целях поддержки духовного и психологического состояния лиц, нуждающихся в паллиативной помощи, утвердить и осуществить исполнение плана организации посещений учреждений работниками со знаниями и квалификацией в религиозной сфере, оказания ими больным и членам их семей милосердия, услуг по духовному учению и психологической поддержке;
(ж) утвердить организационную структуру, положение и задачи Методологического центра, провести их государственную регистрацию в установленном порядке;
(з) совместно с Агентством утвердить порядок создания мобильных паллиативных бригад при оказании паллиативной медицинской помощи, определения нуждаемости, ухода на дому за больными, в том числе больными детьми, оказания паллиативной медицинской помощи;
(и) совместно с Фондом государственного медицинского страхования разработать порядок финансирования медицинских услуг, оказываемых в рамках паллиативной помощи, путем закупки за счет средств Государственного бюджета, а также обеспечить его утверждение Наблюдательным советом Фонда государственного медицинского страхования.
10. Установить, что в целях организации оказания населению паллиативной медицинской помощи, ведения реестра больных в части разработки и внедрения электронной информационной системы:
(а) финансирование осуществляется за счет средств Государственного бюджета на 2026 год, грантовых средств международных финансовых институтов и иных источников, не запрещенных законодательством;
(б) нижеследующие являются ответственными:
(i) Министерство здравоохранения — за заказчика, функциональность системы и методологическое руководство;
(ii) Агентство — за интеграцию социальных услуг и помощи, а также с механизмами выделения ваучера;
(iii) Министерство цифровых технологий — за разработку, внедрение, интеграцию и эксплуатацию информационной системы;
(в) Министерству здравоохранения в трехмесячный срок разработать порядок оценки полного внедрения на практике принципов паллиативной помощи, которым медицинские работники, успешно окончившие специальный учебный курс по паллиативной медицинской помощи, путем изучения их деятельности на рабочем месте;
(г) Министерству здравоохранения совместно с Агентством до конца 2026 года:
(i) принять меры по утверждению требований, предъявляемых к организации паллиативной медицинской помощи в негосударственных медицинских организациях;
(ii) наладить систему закупки услуг, оказываемых негосударственными медицинскими организациями при оказании паллиативной медицинской помощи, посредством Фонда государственного медицинского страхования.
11. Открыть с 1 августа 2026 года в Комитете казначейской службы при Министерстве экономики и финансов лицевые казначейские счета для следующих целей:
(а) добровольные пожертвования физических и юридических лиц;
(б) государственные гранты, гранты, выделяемые иностранными и международными организациями, зарубежными государствами;
(в) средства, поступающие посредством механизмов фандрайзинга;
(г) средства, поступающие из иных источников, не запрещенных актами законодательства.
При этом установить, что данные средства расходуются на организацию услуг паллиативного ухода за больными, создание условий, соответствующих потребностям больных в хосписе, поддержку деятельности мобильных бригад паллиативной помощи, содержание и ремонт инфраструктуры хосписа, повышение квалификации медицинских работников, в том числе оплату труда и социальную поддержку работников хосписа.
12. Совету Министров Республики Каракалпакстан, хокимиятам областей, города Ташкента, районов (городов):
(а) до 1 января 2027 года провести инвентаризацию по наличию автотранспортных средств в хосписах, а также районных (городских) центральных больницах и многопрофильных центральных поликлиниках, в которых организуются мобильные паллиативные бригады;
(б) до конца 2028 года по результатам инвентаризации обеспечить автотранспортными средствами мобильные паллиативные бригады, деятельность которых налажена.
13. Министерству экономики и финансов в целях финансирования расходов, связанных с реализацией настоящего постановления:
(а) в 2026 году выделить необходимые средства на создание в Мирзо-Улугбекском районе города Ташкента мобильных паллиативных бригад и осуществление других мероприятий за счет средств, предусмотренных в параметрах республиканского бюджета на организацию хосписов;
(б) начиная с 2027 года ежегодно предусматривать в параметрах Государственного бюджета необходимые средства для финансирования мероприятий, предусмотренных настоящим постановлением.
14. Возложить на директора Национального агентства социальной защиты при Президенте Республики Узбекистан М.П. Оллоёрова и министра здравоохранения Э.Э. Адилова персональную ответственность за эффективную организацию исполнения настоящего постановления.
15. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
24 июня 2026 г.,
№ ПП-239