UzbekAI

Ўзбекистон Республикаси Маданият вазирининг

буйруғи

НИЗОМ

кўрсаткичлари

Кинематография соҳасидаги ваколатли давлат органининг тадбиркорлик субъектларида текширувлар ўтказиш борасидаги фаолиятида «хавфни таҳлил этиш» электрон тизимини жорий этиш тўғрисидаги низомни тасдиқлаш ҳақида

Ўзбекистон Республикаси Президентининг 2024 йил 14 ноябрдаги ПФ-184-сон « Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида »ги ва 2026 йил 17 апрелдаги ПФ-63-сон « Тадбиркорлик фаолиятига ноқонуний аралашувларни чеклаш ва назорат тадбирларининг шаффофлигини ошириш чора-тадбирлари тўғрисида »ги фармонлари ҳамда Вазирлар Маҳкамасининг 2022 йил 19 октябрдаги 611-сон «Назорат қилувчи органлар томонидан тадбиркорлик субъектлари фаолиятида давлат назоратини ташкил этиш бўйича қўшимча чора-тадбирлар тўғрисида»ги қарорига мувофиқ буюраман:

1. Кинематография соҳасидаги ваколатли давлат органининг тадбиркорлик субъектларида текширувлар ўтказиш борасидаги фаолиятида «хавфни таҳлил этиш» электрон тизимини жорий этиш тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Ўзбекистон Республикаси Савдо-саноат палатаси билан келишилган.

3. Ушбу буйруқ расмий эълон қилинган кундан эътиборан уч ой ўтгач кучга киради.

Келишилди:

Ўзбекистон Республикаси Маданият вазирининг 2026 йил 24 июндаги 291-сон буйруғига ИЛОВА

Мазкур Низом Ўзбекистон Республикаси Маданият вазирлиги ҳузуридаги Кинематография агентлиги томонидан (бундан буён матнда Агентлик деб юритилади) кинематография соҳасидаги қонунчилик ҳужжатларига риоя этилишига оид ҳуқуқбузарликларни содир этиш хавфи мавжуд бўлган тадбиркорлик субъектларини аниқлаш имкониятини берувчи «Хавфни таҳлил этиш» электрон тизимини жорий этиш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

тадбиркорлик субъектлари — белгиланган тартибда давлат рўйхатидан ўтган ҳамда тадбиркорлик фаолиятини амалга ошираётган юридик ва жисмоний шахслар ;

текширув — тадбиркорлик субъекти томонидан фаолиятини тартибга солувчи қонунчиликка қай даражада риоя этилаётганлигини текшириш учун керакли материаллар, ҳужжатлар ёки уларнинг фаолиятига доир маълумотларни олиш ҳамда муайян ҳаракатларни амалга ошириш орқали назорат қилувчи органлар томонидан ўтказиладиган назорат тадбири ;

«Хавфни таҳлил этиш» электрон тизими — назорат қилувчи органлар томонидан тегишли назорат соҳаси бўйича аниқ мезонларга асосланиб, тадбиркорлик субъекти фаолиятида қонунчиликнинг бузилиш хавфи даражасини аниқлаш электрон тизими .

2. «Хавфни таҳлил қилиш» электрон тизими Агентлик томонидан Ўзбекистон Республикаси Вазирлар Маҳкамасининг 2022 йил 19 октябрдаги 611-сон қарори билан тасдиқланган Назорат қилувчи органларнинг «Хавфни таҳлил этиш» тизимларига қўйиладиган минимал талабларга мувофиқ ишлаб чиқилиши лозим.

Минимал талабларга зид бўлган «Хавфни таҳлил қилиш» электрон тизими тадбиркорлик субъектида текширув ўтказиш ташаббуси билан чиқишга асос бўлмайди.

3. «Хавфни таҳлил қилиш» электрон тизими асосида аниқланган ҳуқуқбузарлик хавфи қай даражада бўлишидан қатъи назар, тадбиркорлик субъектига нисбатан таъсир чораларини қўллашга асос бўла олмайди .

2-боб. Хавф даражасини таҳлил қилишга доир умумий талаблар

4. Тадбиркорлик субъектининг қонунни бузиш хавфи даражасини таҳлил қилиш жараёни тадбиркорлик субъекти фаолиятини тўхтатиб туриш, унга тўсқинлик қилиш ёки фаолиятини амалга оширишга тўғридан-тўғри аралашишни назарда тутувчи хатти-ҳаракатларни ўз ичига олмаслиги зарур .

5. Хавф даражасининг таҳлили қуйидаги маълумотларни ўрганиш асосида амалга оширилиши мумкин :

маъмурий маълумотлар (рухсат этувчи ва давлат органларида мавжуд бошқа ҳужжатлар);

даврий статистика маълумотлари, жумладан, аввал ҳуқуқбузарлик ҳолатлари аниқланган тадбиркорлик субъектини умумлаштирувчи белгилар, хабарлар ва бошқа корреляцион таҳлил натижалари ;

юридик ва жисмоний шахслардан келиб тушган мурожаатлар ;

оммавий ахборот воситаларидан ёки бошқа ташқи манбалардан (ижтимоий тармоқлар, веб-сайтлар) олинган маълумотлар ;

давлат органлари ва бошқа ташкилотлар ахборот тизимлари, дастурий таъминотлари ва маълумотлар базаси таҳлили натижалари;

қонунчиликда тақиқланмаган бошқа манбалардан ва тадбиркорлик субъектининг одатий фаолиятига бевосита ёки билвосита таъсир кўрсатмаган ҳолда, давлат органлари ва бошқа ташкилотлардан олиниши мумкин бўлган бошқа маълумотлар .

6. Хавф даражаси таҳлили жараёнида тадбиркорлик субъектидан ҳужжатлар ва ахборотлар талаб қилинишига йўл қўйилмайди .

7. Назорат ваколатига кирмайдиган тадбиркорлик субъектлари фаолиятини таҳлил қилиш ва баҳолаш тақиқланади .

3-боб. Хавф даражаси таснифи ва уларнинг мезонларига доир талаблар

8. «Хавфни таҳлил қилиш» электрон тизимида хавф даражасини баҳолаш ўрганиладиган маълумотлар асосида шакллантирилган мазкур Низомнинг 1 ва 2-иловаларидаги назорат соҳаларида кўрсатилган асосий кўрсаткичларга (суб-кўрсаткичларга) тадбиркорлик субъекти фаолиятининг мувофиқлигини «балл» тизими асосида баҳолаш орқали амалга оширилади.

Бунда суб-кўрсаткичлар мавжуд бўлганда ҳар бир асосий кўрсаткичнинг баҳоси ушбу кўрсаткич остидаги суб-кўрсаткичлар баҳосининг йиғиндисидан келиб чиқади.

9. Агентлик тадбиркорлик субъектларининг хавф даражасини баҳолаш учун мазкур Низомнинг 1 ва 2-иловаларидаги назорат соҳаларида кўрсатилган асосий кўрсаткичларни (суб-кўрсаткичларни) «Хавфни таҳлил қилиш» электрон тизимига киритади.

Бунда тадбиркорлик субъектларининг хавф даражаси мазкур Низомнинг 1 ва 2-иловаларидаги назорат соҳаларида кўрсатилган асосий кўрсаткичлар (суб-кўрсаткичлар) бўйича «Хавфни таҳлил қилиш» электрон тизимида автоматик равишда алоҳида аниқланади.

10. «Хавфни таҳлил қилиш» электрон тизимида тадбиркорлик субъектлари фаолиятида ҳуқуқбузарлик содир этиш хавфи паст, ўрта ва юқори даражаларга таснифланади.

Бунда баҳолаш натижасида аниқланган хавф даражасининг умумий баллари асосида тадбиркорлик субъекти томонидан ҳуқуқбузарлик содир этиш хавфи қуйидаги уч хил тоифага таснифланади:

хавф даражаси юқори — баҳолаш натижалари бўйича 81 баллдан 100 баллгача бўлган балларни ташкил этувчи тадбиркорлик субъектлари;

хавф даражаси ўрта — баҳолаш натижалари бўйича 61 баллдан 81 баллгача бўлган балларни ташкил этувчи тадбиркорлик субъектлари;

хавф даражаси паст — баҳолаш натижалари бўйича 61 баллгача бўлган балларни ташкил этувчи тадбиркорлик субъектлари.

11. Баҳолаш натижаларига мувофиқ ҳуқуқбузарлик хавфи юқори ва ўрта таснифидаги тадбиркорлик субъектларида профилактика тадбирлари ва текширувларни ўтказиш амалдаги қонунчилик ҳужжатлари, шу жумладан Ўзбекистон Республикаси Президентининг 2024 йил 14 ноябрдаги ПФ-184-сон «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги Фармони , 2022 йил 13 сентябрдаги ПҚ-374-сон қарори билан тасдиқланган Назорат қилувчи органлар томонидан тадбиркорлик субъектлари фаолиятида текширувлар ва профилактика тадбирларини ўтказиш тартиби тўғрисидаги низом ва Ўзбекистон Республикаси Вазирлар Маҳкамасининг 2022 йил 19 октябрдаги 611-сон қарори билан тасдиқланган Назорат қилувчи органларнинг «Хавфни таҳлил этиш» тизимларига қўйиладиган минимал талаблар асосида амалга оширилади.

Бунда тадбиркорлик субъектларида профилактика тадбирлари ва текширувлар фақатгина Агентликнинг ваколатига кирадиган масалаларни ўрганиш мақсадида ўтказилади.

4-боб. Якуний қоидалар

12 Хавфни таҳлил этиш натижаларидан норози бўлган шахслар қонунчиликда белгиланган тартибда юқори турувчи органга ёки судга шикоят қилишга ҳақли.

13. Мазкур Низом талабларининг бузилишида айбдор бўлган шахслар белгиланган тартибда жавобгар бўладилар.

Фильмни оммавий намойиш этиш бўйича қонунчилик ҳужжатларига оид ҳуқуқбузарлик содир этиш хавфини баҳолаш жараёнида тадбиркорлик субъекти фаолиятидаги ҳуқуқбузарлик аломатлари

Т/р Кўрсаткичлар Балл Таҳлил якунига кўра қўйилган балл 1. Миллий менталитетга ва қонунчиликка зид мазмун (контент), шунингдек фильмларнинг ғоявий-бадиий мувофиқлик даражасини бузишга қаратилган ҳаракатларни содир этиш 20 1.1. З ўравонлик ва порнографияни тарғиб қилиш 5 1.2. Гиёҳвандлик воситалари, психотроп моддалар ва прекурсорларни тарғиб қилиш 5 1.3. Ўзбекистон Республикаси ҳақида нотўғри ахборот тарқатиш ҳамда унинг тарихий, маданий ва маънавий қадриятлари, адабий тил меъёрлари бузиб кўрсатилиши мумкин бўлган ҳамда тақиқланган лексикадан фойдаланилганлик 5 1.4. Мамлакатда хавфсизлик ва ижтимоий-сиёсий барқарорликка таҳдид қилувчи, фуқаролар тинчлиги, миллатлараро ва динлараро тотувликка рахна солувчи ҳолатларнинг мавжудлиги 5 2. Чипталар билан боғлиқ талабларнинг бузилиши 20 2.1. Киносеанс ўтказиладиган сана, аниқ вақт, томошабин учун залдаги аниқ қатор ва ўриндиқ жойининг белгиланмаслиги ҳамда чиптада акс этмаганлиги 5 2.2. Чиптанинг ягона электрон дастурда рўйхатдан ўтказил ма ганлиги 5 2.3. Чиптада киновидео-томоша ташкилоти расмий номининг мавжуд эмаслиги ҳамда чиптанинг якуний нархи қайд этилмаганлиги 5 2.4. Чиптанинг электрон шакли ҚР-код (идентификацияловчи ноёб код рақам) билан таъминланганлиги 5 3. Миллий фильмлар ҳажмлари билан боғлиқ талабларга риоя этмаслик 20 3.1. Тўлиқ миллий метражли фильмлар ойлик экран вақтининг 25 фоизидан кам бўлиши 10 3.2. Байрам кунларида тўлиқ миллий метражли фильмлар ойлик экран вақтининг 40 фоизидан кам бўлиши 10 4. Фильмни оммавий намойиш этиш билан боғлиқ қонунчиликнинг бузилиши 20 4.1. Фильмни оммавий намойиш этиш учун бир марталик рухсатноман инг мавжуд эмаслиги 5 4.2. Фильмни оммавий намойиш этиш учун бир марталик рухсатнома берилган фильмдаги саҳналарни рухсатнома олингандан кейин ўзгартириш 5 4.3. Фильмни оммавий намойиш этишда муаллифлик ҳуқуқи ва турдош ҳуқуқлар тўғрисидаги қонунчиликнинг бузилиши 5 4.4. Фильмда қўшимча рухсатларнинг (ёш чегараси нинг ) йўқлиги 5 5. Аҳолига киновидео хизмати кўрсатиш қоидалари, томошабинларга мажбурий маълумотларни тақдим этиш ва кинозаллардаги хавфсизлик талабларининг бузилиши 20 5.1. Кириш чипталари сотиладиган кассаси ва кириш жойида кинотеатр номи, жойлашган жойи (почта манзили), телефон рақами, иш вақти, раҳбариятининг фамилияси, исми ва отасининг исмининг бош ҳарфлари каби маълумотларни акс эттирмаслик 4 5.2. Томошабинларни қоидалар билан таништирмаслик 4 5.3. Намойиш қилинаётган ва намойиши режалаштирилаётган фильмлар ҳақида тўлиқ ва аниқ маълумот бермаслик 3 5.4. Томошабинлар учун ҳожатхона, она ва бола хонаси, биринчи тез тиббий ёрдам кўрсатиш воситаларидан бепул фойдаланишга имконият яратиб бермаслик 3 5.5. Ёнғин хавфсизлиги ва санитария қоидалари, нормалари ва гигиена нормативлари талабларига риоя этмаслик 3 5.6. Кузатув камераси тизимидан нотўғри фойдаланиш 3 Жами баллар йиғиндиси 100

Хорижий кинокомпаниялар томонидан Ўзбекистон Республикаси ҳудудида фильмларни кино ва видео тасвирга олишга оид ҳуқуқбузарлик содир этиш хавфини баҳолаш жараёнида тадбиркорлик субъекти фаолиятидаги ҳуқуқбузарлик аломатлари

Т/р Кўрсаткичлар Балл Таҳлил якунига кўра қўйилган балл 1. Сценарий мазмунига қўйилган талабларнинг бузилиши 25 1.1. Миллий, ирқий, этник ёки диний душманликни тарғиб этувчи саҳналарнинг мавжудлиги 5 1.2. Фуқароларнинг миллий мансублиги, диний эътиқодлари муносабати билан уларнинг қадр-қимматини камситувчи, ҳақорат қилувчи ёки ахлоқ нормаларига ва миллий менталитетга зид бўлган саҳналарнинг мавжудлиги 5 1.3. Ўзбекистон Республикаси халқларининг тарихи, маданияти, анъаналари ва урф-одатларини ноҳаққоний ёки бузиб акс эттирувчи саҳналарнинг мавжудлиги 5 1.4. Экстремизм ва терроризм ғояларини, зўравонлик ва шафқатсизликни тарғиб қилувчи саҳналарнинг мавжудлиги 5 1.5. Ўзбекистон Республикаси қонунчилик ҳужжатларига мувофиқ жиноий ёки бошқа жавобгарликка олиб келувчи порнографик ва бошқа хусусиятга эга бўлган саҳналарнинг мавжудлиги 5 2. Тасвирга олиш муддатларининг бузилиши 25 2.1. Ишларнинг рухсатномада кўрсатилган муддатдан кечикиб бошланиши 5 2.2. Кундалик суратга олиш графигидан орқада қолиш ва чўзилиш 5 2.3. Ишларнинг рухсатномадаги якуний санадан ўтиб кетиш эҳтимолининг мавжудлиги 5 2.4. Рухсатнома муддати тугагандан кейин ҳам ишларни давом эттириш 5 2.5. Рухсатнома муддатини узайтириш бўйича ваколатли органдан рухсат сўралмаганлиги 5 3. Тасвирга олинаётган материалнинг ҳақиқий мазмуни билан рухсатнома олиш жараёнида кўриб чиқилган фильм сценарийси ўртасида тафовутларнинг юзага келиши 25 3.1. Рухсатномасиз янги ва баҳсли саҳналарни жараёнга қўшиш 5 3.2. Сценарийдаги кадрлар мазмунини реал тасвирда бутунлай ўзгартириш 5 3.3. Фильмнинг эпизодлар кетма-кетлиги ва тузилмасини ўзгартириш 5 3.4. Саҳналаштирувчи режиссёрнинг тасдиқланган лойиҳадан чиқиши 5 3.5. Сценарийнинг умумий мазмунига суратга олинган асл материалнинг мос келмаслиги 5 4. Фильм тури ва техник параметрлар 25 4.1. Фильм турига (сериялар сонига) амалда риоя қилмаслик 6 4.2. Фильмни тасвирга олишнинг ижодий лойиҳаси талабларининг бузилиши 6 4.3. Ишлаб чиқариш-техник лойиҳа талабларининг бузилиши 6 4.4. Ишлаб чиқариш-техник лойиҳа бўйича тасвирга олишни ташкил этиш режасини ўзбошимчалик билан ўзгартириш ёки тасдиқланган техник саҳналарни майдонда бошқача усулда бажариш 7 Жами баллар йиғиндиси 100

Вазир О. НАЗАРБЕКОВ

Савдо-саноат палатаси раиси Д. ВАХАБОВ

Тадбиркорларнинг ҳуқуқларини ҳимоя қилиш бўйича вакил А. БУРИЕВ

Тошкент ш.,

2026 йил 24 июнь,

2026 йил 15 июнь

291 -сон

(Қонунчилик маълумотлари миллий базаси, 27.06.2026 й., 10/26/3867/0641-сон)

lex.uz

Oʻzbekiston Respublikasi Madaniyat vazirining

buyrugʻi

NIZOM

koʻrsatkichlari

Kinematografiya sohasidagi vakolatli davlat organining tadbirkorlik subyektlarida tekshiruvlar oʻtkazish borasidagi faoliyatida “xavfni tahlil etish” elektron tizimini joriy etish toʻgʻrisidagi nizomni tasdiqlash haqida

Oʻzbekiston Respublikasi Prezidentining 2024-yil 14-noyabrdagi PF-184-son “ Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida ”gi va 2026-yil 17-apreldagi PF-63-son “ Tadbirkorlik faoliyatiga noqonuniy aralashuvlarni cheklash va nazorat tadbirlarining shaffofligini oshirish chora-tadbirlari toʻgʻrisida ”gi farmonlari hamda Vazirlar Mahkamasining 2022-yil 19-oktabrdagi 611-son “Nazorat qiluvchi organlar tomonidan tadbirkorlik subyektlari faoliyatida davlat nazoratini tashkil etish boʻyicha qoʻshimcha chora-tadbirlar toʻgʻrisida”gi qaroriga muvofiq buyuraman:

1. Kinematografiya sohasidagi vakolatli davlat organining tadbirkorlik subyektlarida tekshiruvlar oʻtkazish borasidagi faoliyatida “xavfni tahlil etish” elektron tizimini joriy etish toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Savdo-sanoat palatasi bilan kelishilgan.

3. Ushbu buyruq rasmiy eʼlon qilingan kundan eʼtiboran uch oy oʻtgach kuchga kiradi.

Kelishildi:

Oʻzbekiston Respublikasi Madaniyat vazirining 2026-yil 24-iyundagi 291-son buyrugʻiga ILOVA

Mazkur Nizom Oʻzbekiston Respublikasi Madaniyat vazirligi huzuridagi Kinematografiya agentligi tomonidan (bundan buyon matnda Agentlik deb yuritiladi) kinematografiya sohasidagi qonunchilik hujjatlariga rioya etilishiga oid huquqbuzarliklarni sodir etish xavfi mavjud boʻlgan tadbirkorlik subyektlarini aniqlash imkoniyatini beruvchi “Xavfni tahlil etish” elektron tizimini joriy etish tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

tadbirkorlik subyektlari — belgilangan tartibda davlat roʻyxatidan oʻtgan hamda tadbirkorlik faoliyatini amalga oshirayotgan yuridik va jismoniy shaxslar ;

tekshiruv — tadbirkorlik subyekti tomonidan faoliyatini tartibga soluvchi qonunchilikka qay darajada rioya etilayotganligini tekshirish uchun kerakli materiallar, hujjatlar yoki ularning faoliyatiga doir maʼlumotlarni olish hamda muayyan harakatlarni amalga oshirish orqali nazorat qiluvchi organlar tomonidan oʻtkaziladigan nazorat tadbiri ;

“Xavfni tahlil etish” elektron tizimi — nazorat qiluvchi organlar tomonidan tegishli nazorat sohasi boʻyicha aniq mezonlarga asoslanib, tadbirkorlik subyekti faoliyatida qonunchilikning buzilish xavfi darajasini aniqlash elektron tizimi .

2. “Xavfni tahlil qilish” elektron tizimi Agentlik tomonidan Oʻzbekiston Respublikasi Vazirlar Mahkamasining 2022-yil 19-oktabrdagi 611-son qarori bilan tasdiqlangan Nazorat qiluvchi organlarning “Xavfni tahlil etish” tizimlariga qoʻyiladigan minimal talablarga muvofiq ishlab chiqilishi lozim.

Minimal talablarga zid boʻlgan “Xavfni tahlil qilish” elektron tizimi tadbirkorlik subyektida tekshiruv oʻtkazish tashabbusi bilan chiqishga asos boʻlmaydi.

3. “Xavfni tahlil qilish” elektron tizimi asosida aniqlangan huquqbuzarlik xavfi qay darajada boʻlishidan qatʼi nazar, tadbirkorlik subyektiga nisbatan taʼsir choralarini qoʻllashga asos boʻla olmaydi .

2-bob. Xavf darajasini tahlil qilishga doir umumiy talablar

4. Tadbirkorlik subyektining qonunni buzish xavfi darajasini tahlil qilish jarayoni tadbirkorlik subyekti faoliyatini toʻxtatib turish, unga toʻsqinlik qilish yoki faoliyatini amalga oshirishga toʻgʻridan-toʻgʻri aralashishni nazarda tutuvchi xatti-harakatlarni oʻz ichiga olmasligi zarur .

5. Xavf darajasining tahlili quyidagi maʼlumotlarni oʻrganish asosida amalga oshirilishi mumkin :

maʼmuriy maʼlumotlar (ruxsat etuvchi va davlat organlarida mavjud boshqa hujjatlar);

davriy statistika maʼlumotlari, jumladan, avval huquqbuzarlik holatlari aniqlangan tadbirkorlik subyektini umumlashtiruvchi belgilar, xabarlar va boshqa korrelyatsion tahlil natijalari ;

yuridik va jismoniy shaxslardan kelib tushgan murojaatlar ;

ommaviy axborot vositalaridan yoki boshqa tashqi manbalardan (ijtimoiy tarmoqlar, veb-saytlar) olingan maʼlumotlar ;

davlat organlari va boshqa tashkilotlar axborot tizimlari, dasturiy taʼminotlari va maʼlumotlar bazasi tahlili natijalari;

qonunchilikda taqiqlanmagan boshqa manbalardan va tadbirkorlik subyektining odatiy faoliyatiga bevosita yoki bilvosita taʼsir koʻrsatmagan holda, davlat organlari va boshqa tashkilotlardan olinishi mumkin boʻlgan boshqa maʼlumotlar .

6. Xavf darajasi tahlili jarayonida tadbirkorlik subyektidan hujjatlar va axborotlar talab qilinishiga yoʻl qoʻyilmaydi .

7. Nazorat vakolatiga kirmaydigan tadbirkorlik subyektlari faoliyatini tahlil qilish va baholash taqiqlanadi .

3-bob. Xavf darajasi tasnifi va ularning mezonlariga doir talablar

8. “Xavfni tahlil qilish” elektron tizimida xavf darajasini baholash oʻrganiladigan maʼlumotlar asosida shakllantirilgan mazkur Nizomning 1 va 2-ilovalaridagi nazorat sohalarida koʻrsatilgan asosiy koʻrsatkichlarga (sub-koʻrsatkichlarga) tadbirkorlik subyekti faoliyatining muvofiqligini “ball” tizimi asosida baholash orqali amalga oshiriladi.

Bunda sub-koʻrsatkichlar mavjud boʻlganda har bir asosiy koʻrsatkichning bahosi ushbu koʻrsatkich ostidagi sub-koʻrsatkichlar bahosining yigʻindisidan kelib chiqadi.

9. Agentlik tadbirkorlik subyektlarining xavf darajasini baholash uchun mazkur Nizomning 1 va 2-ilovalaridagi nazorat sohalarida koʻrsatilgan asosiy koʻrsatkichlarni (sub-koʻrsatkichlarni) “Xavfni tahlil qilish” elektron tizimiga kiritadi.

Bunda tadbirkorlik subyektlarining xavf darajasi mazkur Nizomning 1 va 2-ilovalaridagi nazorat sohalarida koʻrsatilgan asosiy koʻrsatkichlar (sub-koʻrsatkichlar) boʻyicha “Xavfni tahlil qilish” elektron tizimida avtomatik ravishda alohida aniqlanadi.

10. “Xavfni tahlil qilish” elektron tizimida tadbirkorlik subyektlari faoliyatida huquqbuzarlik sodir etish xavfi past, oʻrta va yuqori darajalarga tasniflanadi.

Bunda baholash natijasida aniqlangan xavf darajasining umumiy ballari asosida tadbirkorlik subyekti tomonidan huquqbuzarlik sodir etish xavfi quyidagi uch xil toifaga tasniflanadi:

xavf darajasi yuqori — baholash natijalari boʻyicha 81 balldan 100 ballgacha boʻlgan ballarni tashkil etuvchi tadbirkorlik subyektlari;

xavf darajasi oʻrta — baholash natijalari boʻyicha 61 balldan 81 ballgacha boʻlgan ballarni tashkil etuvchi tadbirkorlik subyektlari;

xavf darajasi past — baholash natijalari boʻyicha 61 ballgacha boʻlgan ballarni tashkil etuvchi tadbirkorlik subyektlari.

11. Baholash natijalariga muvofiq huquqbuzarlik xavfi yuqori va oʻrta tasnifidagi tadbirkorlik subyektlarida profilaktika tadbirlari va tekshiruvlarni oʻtkazish amaldagi qonunchilik hujjatlari, shu jumladan Oʻzbekiston Respublikasi Prezidentining 2024-yil 14-noyabrdagi PF-184-son “Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida”gi Farmoni , 2022-yil 13-sentabrdagi PQ-374-son qarori bilan tasdiqlangan Nazorat qiluvchi organlar tomonidan tadbirkorlik subyektlari faoliyatida tekshiruvlar va profilaktika tadbirlarini oʻtkazish tartibi toʻgʻrisidagi nizom va Oʻzbekiston Respublikasi Vazirlar Mahkamasining 2022-yil 19-oktabrdagi 611-son qarori bilan tasdiqlangan Nazorat qiluvchi organlarning “Xavfni tahlil etish” tizimlariga qoʻyiladigan minimal talablar asosida amalga oshiriladi.

Bunda tadbirkorlik subyektlarida profilaktika tadbirlari va tekshiruvlar faqatgina Agentlikning vakolatiga kiradigan masalalarni oʻrganish maqsadida oʻtkaziladi.

4-bob. Yakuniy qoidalar

12 Xavfni tahlil etish natijalaridan norozi boʻlgan shaxslar qonunchilikda belgilangan tartibda yuqori turuvchi organga yoki sudga shikoyat qilishga haqli.

13. Mazkur Nizom talablarining buzilishida aybdor boʻlgan shaxslar belgilangan tartibda javobgar boʻladilar.

Filmni ommaviy namoyish etish boʻyicha qonunchilik hujjatlariga oid huquqbuzarlik sodir etish xavfini baholash jarayonida tadbirkorlik subyekti faoliyatidagi huquqbuzarlik alomatlari

T/r Koʻrsatkichlar Ball Tahlil yakuniga koʻra qoʻyilgan ball 1. Milliy mentalitetga va qonunchilikka zid mazmun (kontent), shuningdek filmlarning gʻoyaviy-badiiy muvofiqlik darajasini buzishga qaratilgan harakatlarni sodir etish 20 1.1. Z oʻravonlik va pornografiyani targʻib qilish 5 1.2. Giyohvandlik vositalari, psixotrop moddalar va prekursorlarni targʻib qilish 5 1.3. Oʻzbekiston Respublikasi haqida notoʻgʻri axborot tarqatish hamda uning tarixiy, madaniy va maʼnaviy qadriyatlari, adabiy til meʼyorlari buzib koʻrsatilishi mumkin boʻlgan hamda taqiqlangan leksikadan foydalanilganlik 5 1.4. Mamlakatda xavfsizlik va ijtimoiy-siyosiy barqarorlikka tahdid qiluvchi, fuqarolar tinchligi, millatlararo va dinlararo totuvlikka raxna soluvchi holatlarning mavjudligi 5 2. Chiptalar bilan bogʻliq talablarning buzilishi 20 2.1. Kinoseans oʻtkaziladigan sana, aniq vaqt, tomoshabin uchun zaldagi aniq qator va oʻrindiq joyining belgilanmasligi hamda chiptada aks etmaganligi 5 2.2. Chiptaning yagona elektron dasturda roʻyxatdan oʻtkazil ma ganligi 5 2.3. Chiptada kinovideo-tomosha tashkiloti rasmiy nomining mavjud emasligi hamda chiptaning yakuniy narxi qayd etilmaganligi 5 2.4. Chiptaning elektron shakli QR-kod (identifikatsiyalovchi noyob kod raqam) bilan taʼminlanganligi 5 3. Milliy filmlar hajmlari bilan bogʻliq talablarga rioya etmaslik 20 3.1. Toʻliq milliy metrajli filmlar oylik ekran vaqtining 25 foizidan kam boʻlishi 10 3.2. Bayram kunlarida toʻliq milliy metrajli filmlar oylik ekran vaqtining 40 foizidan kam boʻlishi 10 4. Filmni ommaviy namoyish etish bilan bogʻliq qonunchilikning buzilishi 20 4.1. Filmni ommaviy namoyish etish uchun bir martalik ruxsatnoman ing mavjud emasligi 5 4.2. Filmni ommaviy namoyish etish uchun bir martalik ruxsatnoma berilgan filmdagi sahnalarni ruxsatnoma olingandan keyin oʻzgartirish 5 4.3. Filmni ommaviy namoyish etishda mualliflik huquqi va turdosh huquqlar toʻgʻrisidagi qonunchilikning buzilishi 5 4.4. Filmda qoʻshimcha ruxsatlarning (yosh chegarasi ning ) yoʻqligi 5 5. Aholiga kinovideo xizmati koʻrsatish qoidalari, tomoshabinlarga majburiy maʼlumotlarni taqdim etish va kinozallardagi xavfsizlik talablarining buzilishi 20 5.1. Kirish chiptalari sotiladigan kassasi va kirish joyida kinoteatr nomi, joylashgan joyi (pochta manzili), telefon raqami, ish vaqti, rahbariyatining familiyasi, ismi va otasining ismining bosh harflari kabi maʼlumotlarni aks ettirmaslik 4 5.2. Tomoshabinlarni qoidalar bilan tanishtirmaslik 4 5.3. Namoyish qilinayotgan va namoyishi rejalashtirilayotgan filmlar haqida toʻliq va aniq maʼlumot bermaslik 3 5.4. Tomoshabinlar uchun hojatxona, ona va bola xonasi, birinchi tez tibbiy yordam koʻrsatish vositalaridan bepul foydalanishga imkoniyat yaratib bermaslik 3 5.5. Yongʻin xavfsizligi va sanitariya qoidalari, normalari va gigiyena normativlari talablariga rioya etmaslik 3 5.6. Kuzatuv kamerasi tizimidan notoʻgʻri foydalanish 3 Jami ballar yigʻindisi 100

Xorijiy kinokompaniyalar tomonidan Oʻzbekiston Respublikasi hududida filmlarni kino va video tasvirga olishga oid huquqbuzarlik sodir etish xavfini baholash jarayonida tadbirkorlik subyekti faoliyatidagi huquqbuzarlik alomatlari

T/r Koʻrsatkichlar Ball Tahlil yakuniga koʻra qoʻyilgan ball 1. Ssenariy mazmuniga qoʻyilgan talablarning buzilishi 25 1.1. Milliy, irqiy, etnik yoki diniy dushmanlikni targʻib etuvchi sahnalarning mavjudligi 5 1.2. Fuqarolarning milliy mansubligi, diniy eʼtiqodlari munosabati bilan ularning qadr-qimmatini kamsituvchi, haqorat qiluvchi yoki axloq normalariga va milliy mentalitetga zid boʻlgan sahnalarning mavjudligi 5 1.3. Oʻzbekiston Respublikasi xalqlarining tarixi, madaniyati, anʼanalari va urf-odatlarini nohaqqoniy yoki buzib aks ettiruvchi sahnalarning mavjudligi 5 1.4. Ekstremizm va terrorizm gʻoyalarini, zoʻravonlik va shafqatsizlikni targʻib qiluvchi sahnalarning mavjudligi 5 1.5. Oʻzbekiston Respublikasi qonunchilik hujjatlariga muvofiq jinoiy yoki boshqa javobgarlikka olib keluvchi pornografik va boshqa xususiyatga ega boʻlgan sahnalarning mavjudligi 5 2. Tasvirga olish muddatlarining buzilishi 25 2.1. Ishlarning ruxsatnomada koʻrsatilgan muddatdan kechikib boshlanishi 5 2.2. Kundalik suratga olish grafigidan orqada qolish va choʻzilish 5 2.3. Ishlarning ruxsatnomadagi yakuniy sanadan oʻtib ketish ehtimolining mavjudligi 5 2.4. Ruxsatnoma muddati tugagandan keyin ham ishlarni davom ettirish 5 2.5. Ruxsatnoma muddatini uzaytirish boʻyicha vakolatli organdan ruxsat soʻralmaganligi 5 3. Tasvirga olinayotgan materialning haqiqiy mazmuni bilan ruxsatnoma olish jarayonida koʻrib chiqilgan film ssenariysi oʻrtasida tafovutlarning yuzaga kelishi 25 3.1. Ruxsatnomasiz yangi va bahsli sahnalarni jarayonga qoʻshish 5 3.2. Ssenariydagi kadrlar mazmunini real tasvirda butunlay oʻzgartirish 5 3.3. Filmning epizodlar ketma-ketligi va tuzilmasini oʻzgartirish 5 3.4. Sahnalashtiruvchi rejissyorning tasdiqlangan loyihadan chiqishi 5 3.5. Ssenariyning umumiy mazmuniga suratga olingan asl materialning mos kelmasligi 5 4. Film turi va texnik parametrlar 25 4.1. Film turiga (seriyalar soniga) amalda rioya qilmaslik 6 4.2. Filmni tasvirga olishning ijodiy loyihasi talablarining buzilishi 6 4.3. Ishlab chiqarish-texnik loyiha talablarining buzilishi 6 4.4. Ishlab chiqarish-texnik loyiha boʻyicha tasvirga olishni tashkil etish rejasini oʻzboshimchalik bilan oʻzgartirish yoki tasdiqlangan texnik sahnalarni maydonda boshqacha usulda bajarish 7 Jami ballar yigʻindisi 100

Vazir O. NAZARBEKOV

Savdo-sanoat palatasi raisi D. VAXABOV

Tadbirkorlarning huquqlarini himoya qilish boʻyicha vakil A. BURIYEV

Toshkent sh.,

2026-yil 24-iyun,

2026-yil 15-iyun

291 -son

(Qonunchilik maʼlumotlari milliy bazasi, 27.06.2026 y., 10/26/3867/0641-son)

lex.uz