📅 2026-yil 29-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2026 йил 29 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июня 2026 г. · Постановления Президента
Официальный текст. Официальный документ. Редакционные примечания не включены.
📅 29 June 2026 · Presidential resolutions
Official text. Official document. Editorial notes are not included.
Ўзбекистон Республикаси Президентининг
ҚАРОРИ
Ташаббусли бюджет жараёнлари доирасида маҳаллалардаги ижтимоий-иқтисодий масалаларни ҳал этишда халқ вакиллари ва жамоатчилик учун қўшимча имкониятларни яратиш тўғрисида
«Маҳаллани ривожлантириш ва жамиятни юксалтириш» йилида ижтимоий-иқтисодий масалаларни ҳал этиш бўйича Олий Мажлис Қонунчилик палатаси депутатлари имкониятларини кенгайтириш, аҳоли ва давлат ўртасида шериклик лойиҳаларини амалга ошириш тартибини такомиллаштириш орқали жамоатчилик ташаббусларини қўллаб-қувватлаш мақсадида қарор қиламан:
I. Асосий вазифалар
1. Қуйидагилар маҳаллалардаги ижтимоий-иқтисодий масалаларни ҳал этишда халқ вакиллари ва жамоатчилик учун қўшимча имкониятларни яратиш бўйича асосий вазифалар этиб белгилансин:
(а) Олий Мажлис Қонунчилик палатаси депутатларининг (кейинги ўринларда — депутатлар) ташаббусли бюджет жараёнлари доирасида сайлов округларида ижтимоий-иқтисодий масалаларни ҳал қилишдаги имкониятларини янада кенгайтириш;
(б) ташаббусли бюджет жараёнлари доирасида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш тартибини соддалаштириш;
(в) лойиҳаларни аҳоли ва давлат ўртасида шериклик асосида молиялаштириш (кейинги ўринларда — шериклик лойиҳалари) жараёнларини рақамлаштириш.
II. Депутатларнинг ташаббусли бюджет жараёнлари доирасида сайлов округларида ижтимоий-иқтисодий масалаларни ҳал қилишдаги имкониятларини янада кенгайтириш
2. Олий Мажлис Қонунчилик палатасининг 2026 йил 1 августдан бошлаб ташаббусли бюджет жараёнида депутатлар томонидан лойиҳаларни қўшимча равишда ғолиб деб эълон қилиш учун имкониятларни янада кенгайтириш тўғрисидаги таклифи маъқуллансин. Бунда:
(а) ҳар бир депутат томонидан «Очиқ бюджет» ахборот порталида (кейинги ўринларда — портал) бир мавсум учун ажратилган маблағлар доирасида бир ёки бир нечта лойиҳалар танланиб, қўшимча равишда ғолиб деб эълон қилинади;
(б) депутат ваколати муддатидан илгари тугатилган ҳолларда Ташаббусли бюджет жараёнларида парламент назоратини амалга ошириш бўйича комиссия қарорига кўра бошқа депутатлар томонидан ташаббусли бюджет жараёнларининг тегишли сайлов округидаги қўшимча ғолиблари аниқланади.
III. Ташаббусли бюджет жараёнлари доирасида шериклик лойиҳаларини амалга ошириш тартибини такомиллаштириш
3. 2027 йил 1 январдан бошлаб шериклик лойиҳаларини қўшимча равишда Ягона интерактив давлат хизматлари портали, тўлов ташкилотлари ва тижорат банкларининг мобиль иловалари (кейинги ўринларда — мобиль иловалар) орқали молиялаштириш имкониятлари яратилсин.
4. Белгилансинки:
(а) мобиль иловаларда портал билан интеграция таъминланган ҳолда барча шериклик лойиҳаларининг рўйхати ва ташаббусли бюджет жараёнининг онлайн статистикаси акс эттирилади;
(б) мобиль иловалар орқали молиялаштириладиган шериклик лойиҳалари маблағлари тўғридан-тўғри тегишли фуқаролар ташаббуси жамғармаларига йўналтирилади;
(в) шериклик лойиҳаларининг 50 фоиз қиймати аҳоли томонидан мобиль иловалар орқали ихтиёрий равишда йиғилган тақдирда, қолган 50 фоиз қиймати автоматик тарзда белгиланган тартиб бўйича молиялаштирилади;
(г) шериклик лойиҳаларини амалга ошириш учун етарли даражада маблағ йиғилмаган тақдирда, 10 иш куни давомида фуқаролар томонидан йиғилган маблағлар мобиль иловалар орқали тегишли фойдаланувчилар сўровига кўра қайтариб берилади.
5. Иқтисодиёт ва молия вазирлиги (А. Хайдаров):
(а) портал ва мобиль иловаларнинг электрон базалари ўртасида интеграция йўлга қўйилишини ташкиллаштирсин;
(б) шериклик лойиҳалари учун тўловларни мобиль иловалар орқали хавфсиз амалга ошириш имкониятини яратсин.
6. Шундай тартиб ўрнатилсинки унга мувофиқ:
(а) молиялаштирилган шериклик лойиҳаларини амалга оширишда қонунчилик ҳужжатларига мувофиқ юзага келадиган қўшилган қиймат солиғи, буюртмачи корхоналарни сақлаш ва тегишли ҳужжатларни расмийлаштириш билан боғлиқ харажатлар аҳолидан жалб этиладиган маблағлар ҳисобидан қопланмайди ва тўлиқлигича Фуқаролар ташаббуси жамғармаси ҳисобидан молиялаштирилади;
(б) Давлат бюджетидан шериклик лойиҳаларини молиялаштириш учун кўзда тутилган маблағлар сарфланмаган ёки ўзлаштирилмаган ҳолларда улар келгуси йиллардаги шериклик лойиҳалари учун қўшимча маблағлар сифатида ўтказилади, бундан тегишли молия йилида якунланмай қолган шериклик лойиҳалари учун ажратилган маблағлар мустасно.
7. Қиймати базавий ҳисоблаш миқдорининг икки минг бараваригача бўлган ички йўлларни таъмирлаш бўйича шериклик лойиҳаларини туман (шаҳар) ободонлаштириш бошқармалари томонидан амалга ошириш тартиби жорий этилсин.
8. Белгилансинки, ушбу қарорнинг 7-бандида назарда тутилган тартиб бўйича:
(а) объектларнинг лойиҳа-смета ҳужжатларини ишлаб чиқиш учун лойиҳа ташкилотлари туман (шаҳар) ободонлаштириш бошқармалари буюртмасига кўра қонунчилик ҳужжатларида белгиланган тартиб асосида аниқланади;
(б) лойиҳа-смета ҳужжатларини ишлаб чиқиш ва экспертизадан ўтказиш, бошқа ҳужжатларни расмийлаштириш харажатлари Фуқаролар ташаббуси жамғармаси ҳисобидан қопланади.
9. «Юксалиш» ҳаракатига шериклик лойиҳаларини амалга оширишда фаол фуқароларни ҳар йили «Фуқаролик жамияти ҳафталиги»да ўтказиладиган тадбирларга кенг жалб қилиш ва уларнинг жамиятдаги фаоллигини эътироф этиш ишларини ташкил этиш тавсия этилсин.
IV. Қарор ижросини ташкил этиш, таъминлаш ва назорат
10. Иқтисодиёт ва молия вазирлиги 2026 йил 1 июлга қадар Ташаббусли бюджет жараёнларини ўтказиш ҳамда молиялаштириш тартиби тўғрисидаги низомга ушбу қарор асосида тегишли ўзгартириш ва қўшимчалар киритиш бўйича Олий Мажлис Сенатига таклиф киритсин.
11. Ўзбекистон Миллий ахборот агентлиги ва Ўзбекистон Миллий телерадиокомпанияси маҳаллий давлат ҳокимияти органлари билан биргаликда ташаббусли бюджет жараёнлари доирасида депутатлар томонидан лойиҳаларни ғолиб деб эълон қилиш, аҳоли ва давлат ўртасида шериклик лойиҳаларини биргаликда молиялаштириш ишлари бўйича маълумотларни кенг жамоатчиликка мунтазам равишда етказишни ташкиллаштирсин.
12. Мазкур қарорнинг ижросини самарали ташкил этиш учун масъул этиб Бош вазир ўринбосари Ж.А. Қўчқоров белгилансин.
13. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 29 июнь,
ПҚ- 243 -сон
Oʻzbekiston Respublikasi Prezidentining
QARORI
Tashabbusli budjet jarayonlari doirasida mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qoʻshimcha imkoniyatlarni yaratish toʻgʻrisida
“Mahallani rivojlantirish va jamiyatni yuksaltirish” yilida ijtimoiy-iqtisodiy masalalarni hal etish boʻyicha Oliy Majlis Qonunchilik palatasi deputatlari imkoniyatlarini kengaytirish, aholi va davlat oʻrtasida sheriklik loyihalarini amalga oshirish tartibini takomillashtirish orqali jamoatchilik tashabbuslarini qoʻllab-quvvatlash maqsadida qaror qilaman:
I. Asosiy vazifalar
1. Quyidagilar mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qoʻshimcha imkoniyatlarni yaratish boʻyicha asosiy vazifalar etib belgilansin:
(a) Oliy Majlis Qonunchilik palatasi deputatlarining (keyingi oʻrinlarda — deputatlar) tashabbusli budjet jarayonlari doirasida saylov okruglarida ijtimoiy-iqtisodiy masalalarni hal qilishdagi imkoniyatlarini yanada kengaytirish;
(b) tashabbusli budjet jarayonlari doirasida ijtimoiy ahamiyatga ega loyihalarni aholi va davlat oʻrtasida sheriklik asosida moliyalashtirish tartibini soddalashtirish;
(v) loyihalarni aholi va davlat oʻrtasida sheriklik asosida moliyalashtirish (keyingi oʻrinlarda — sheriklik loyihalari) jarayonlarini raqamlashtirish.
II. Deputatlarning tashabbusli budjet jarayonlari doirasida saylov okruglarida ijtimoiy-iqtisodiy masalalarni hal qilishdagi imkoniyatlarini yanada kengaytirish
2. Oliy Majlis Qonunchilik palatasining 2026-yil 1-avgustdan boshlab tashabbusli budjet jarayonida deputatlar tomonidan loyihalarni qoʻshimcha ravishda gʻolib deb eʼlon qilish uchun imkoniyatlarni yanada kengaytirish toʻgʻrisidagi taklifi maʼqullansin. Bunda:
(a) har bir deputat tomonidan “Ochiq budjet” axborot portalida (keyingi oʻrinlarda — portal) bir mavsum uchun ajratilgan mablagʻlar doirasida bir yoki bir nechta loyihalar tanlanib, qoʻshimcha ravishda gʻolib deb eʼlon qilinadi;
(b) deputat vakolati muddatidan ilgari tugatilgan hollarda Tashabbusli budjet jarayonlarida parlament nazoratini amalga oshirish boʻyicha komissiya qaroriga koʻra boshqa deputatlar tomonidan tashabbusli budjet jarayonlarining tegishli saylov okrugidagi qoʻshimcha gʻoliblari aniqlanadi.
III. Tashabbusli budjet jarayonlari doirasida sheriklik loyihalarini amalga oshirish tartibini takomillashtirish
3. 2027-yil 1-yanvardan boshlab sheriklik loyihalarini qoʻshimcha ravishda Yagona interaktiv davlat xizmatlari portali, toʻlov tashkilotlari va tijorat banklarining mobil ilovalari (keyingi oʻrinlarda — mobil ilovalar) orqali moliyalashtirish imkoniyatlari yaratilsin.
4. Belgilansinki:
(a) mobil ilovalarda portal bilan integratsiya taʼminlangan holda barcha sheriklik loyihalarining roʻyxati va tashabbusli budjet jarayonining onlayn statistikasi aks ettiriladi;
(b) mobil ilovalar orqali moliyalashtiriladigan sheriklik loyihalari mablagʻlari toʻgʻridan-toʻgʻri tegishli fuqarolar tashabbusi jamgʻarmalariga yoʻnaltiriladi;
(v) sheriklik loyihalarining 50 foiz qiymati aholi tomonidan mobil ilovalar orqali ixtiyoriy ravishda yigʻilgan taqdirda, qolgan 50 foiz qiymati avtomatik tarzda belgilangan tartib boʻyicha moliyalashtiriladi;
(g) sheriklik loyihalarini amalga oshirish uchun yetarli darajada mablagʻ yigʻilmagan taqdirda, 10 ish kuni davomida fuqarolar tomonidan yigʻilgan mablagʻlar mobil ilovalar orqali tegishli foydalanuvchilar soʻroviga koʻra qaytarib beriladi.
5. Iqtisodiyot va moliya vazirligi (A. Xaydarov):
(a) portal va mobil ilovalarning elektron bazalari oʻrtasida integratsiya yoʻlga qoʻyilishini tashkillashtirsin;
(b) sheriklik loyihalari uchun toʻlovlarni mobil ilovalar orqali xavfsiz amalga oshirish imkoniyatini yaratsin.
6. Shunday tartib oʻrnatilsinki unga muvofiq:
(a) moliyalashtirilgan sheriklik loyihalarini amalga oshirishda qonunchilik hujjatlariga muvofiq yuzaga keladigan qoʻshilgan qiymat soligʻi, buyurtmachi korxonalarni saqlash va tegishli hujjatlarni rasmiylashtirish bilan bogʻliq xarajatlar aholidan jalb etiladigan mablagʻlar hisobidan qoplanmaydi va toʻliqligicha Fuqarolar tashabbusi jamgʻarmasi hisobidan moliyalashtiriladi;
(b) Davlat budjetidan sheriklik loyihalarini moliyalashtirish uchun koʻzda tutilgan mablagʻlar sarflanmagan yoki oʻzlashtirilmagan hollarda ular kelgusi yillardagi sheriklik loyihalari uchun qoʻshimcha mablagʻlar sifatida oʻtkaziladi, bundan tegishli moliya yilida yakunlanmay qolgan sheriklik loyihalari uchun ajratilgan mablagʻlar mustasno.
7. Qiymati bazaviy hisoblash miqdorining ikki ming baravarigacha boʻlgan ichki yoʻllarni taʼmirlash boʻyicha sheriklik loyihalarini tuman (shahar) obodonlashtirish boshqarmalari tomonidan amalga oshirish tartibi joriy etilsin.
8. Belgilansinki, ushbu qarorning 7-bandida nazarda tutilgan tartib boʻyicha:
(a) obyektlarning loyiha-smeta hujjatlarini ishlab chiqish uchun loyiha tashkilotlari tuman (shahar) obodonlashtirish boshqarmalari buyurtmasiga koʻra qonunchilik hujjatlarida belgilangan tartib asosida aniqlanadi;
(b) loyiha-smeta hujjatlarini ishlab chiqish va ekspertizadan oʻtkazish, boshqa hujjatlarni rasmiylashtirish xarajatlari Fuqarolar tashabbusi jamgʻarmasi hisobidan qoplanadi.
9. “Yuksalish” harakatiga sheriklik loyihalarini amalga oshirishda faol fuqarolarni har yili “Fuqarolik jamiyati haftaligi”da oʻtkaziladigan tadbirlarga keng jalb qilish va ularning jamiyatdagi faolligini eʼtirof etish ishlarini tashkil etish tavsiya etilsin.
IV. Qaror ijrosini tashkil etish, taʼminlash va nazorat
10. Iqtisodiyot va moliya vazirligi 2026-yil 1-iyulga qadar Tashabbusli budjet jarayonlarini oʻtkazish hamda moliyalashtirish tartibi toʻgʻrisidagi nizomga ushbu qaror asosida tegishli oʻzgartirish va qoʻshimchalar kiritish boʻyicha Oliy Majlis Senatiga taklif kiritsin.
11. Oʻzbekiston Milliy axborot agentligi va Oʻzbekiston Milliy teleradiokompaniyasi mahalliy davlat hokimiyati organlari bilan birgalikda tashabbusli budjet jarayonlari doirasida deputatlar tomonidan loyihalarni gʻolib deb eʼlon qilish, aholi va davlat oʻrtasida sheriklik loyihalarini birgalikda moliyalashtirish ishlari boʻyicha maʼlumotlarni keng jamoatchilikka muntazam ravishda yetkazishni tashkillashtirsin.
12. Mazkur qarorning ijrosini samarali tashkil etish uchun masʼul etib Bosh vazir oʻrinbosari J.A. Qoʻchqorov belgilansin.
13. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2026-yil 29-iyun,
PQ- 243 -son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О создании дополнительных возможностей для представителей народа и общественности в решении социально-экономических вопросов в махаллях в рамках процессов инициативного бюджета
В целях расширения возможностей депутатов Законодательной палаты Олий Мажлиса по решению социально-экономических вопросов в «Год развития махалли и всего общества», поддержки инициатив общественности путем совершенствования порядка реализации партнерских проектов между населением и государством постановляю:
I. Основные задачи
1. Определить основными задачами создания дополнительных возможностей для представителей народа и общественности в решении социально-экономических вопросов в махаллях:
(а) дальнейшее расширение возможностей депутатов Законодательной палаты Олий Мажлиса (далее — депутаты) в решении социально-экономических вопросов в избирательных округах в рамках процессов инициативного бюджета;
(б) упрощение порядка финансирования социально значимых проектов на основе партнерства между населением и государством в рамках процессов инициативного бюджета;
(в) цифровизацию процессов финансирования проектов на основе партнерства между населением и государством (далее — партнерские проекты).
II. Дальнейшее расширение возможностей депутатов в решении социально-экономических вопросов в избирательных округах в рамках процессов инициативного бюджета
2. Одобрить предложение Законодательной палаты Олий Мажлиса о дальнейшем расширении начиная с 1 августа 2026 года возможностей для объявления проектов победителем в дополнительном порядке депутатами в процессе инициативного бюджета. При этом:
(а) каждым депутатом на информационном портале «Открытый бюджет» (далее — портал) в рамках выделенных на один сезон средств отбираются один или несколько проектов, которые объявляются победителем в дополнительном порядке;
(б) в случаях досрочного прекращения полномочий депутата согласно решению Комиссии по осуществлению парламентского контроля в процессах инициативного бюджета другими депутатами определяются дополнительные победители процессов инициативного бюджета в соответствующем избирательном округе.
III. Совершенствование порядка реализации партнерских проектов в рамках процессов инициативного бюджета
3. Создать с 1 января 2027 года дополнительные возможности для финансирования партнерских проектов через Единый портал интерактивных государственных услуг, мобильные приложения платежных организаций и коммерческих банков (далее — мобильные приложения).
4. Определить, что:
(а) в мобильных приложениях отображаются перечень всех партнерских проектов и онлайн-статистика процессов инициативного бюджета с обеспечением интеграции с порталом;
(б) средства партнерских проектов, финансируемых через мобильные приложения, направляются непосредственно в соответствующие фонды гражданских инициатив;
(в) в случае, если сбор 50 процентов стоимости партнерских проектов осуществлен населением добровольно посредством мобильных приложений, оставшиеся 50 процентов стоимости партнерских проектов автоматически финансируются по установленному порядку;
(г) в случае, если для реализации партнерских проектов не было собрано достаточного объема средств, по запросу соответствующих пользователей в течение 10 рабочих дней осуществляется возврат денежных средств, собранных гражданами, через мобильные приложения.
5. Министерству экономики и финансов (А. Хайдаров):
(а) организовать налаживание интеграции между порталом и электронными базами мобильных приложений;
(б) создать возможность безопасного осуществления платежей для партнерских проектов посредством мобильных приложений.
6. Установить порядок, в соответствии с которым:
(а) при реализации финансируемых партнерских проектов налог на добавленную стоимость, а также расходы, связанные с содержанием предприятий-заказчиков и оформлением соответствующей документации, возникающие в соответствии с актами законодательства, не покрываются за счет средств, привлекаемых от населения, и в полном объеме финансируются за счет средств Фонда гражданской инициативы;
(б) в случае если средства, предусмотренные Государственным бюджетом на финансирование партнерских проектов, не были использованы или освоены, они направляются в качестве дополнительных средств на партнерские проекты в последующие годы, за исключением средств, выделенных на партнерские проекты, реализация которых не была завершена в соответствующем финансовом году.
7. Ввести порядок реализации партнерских проектов по ремонту внутренних дорог стоимостью до двух тысяч размеров базовой расчетной величины районными (городскими) управлениями благоустройства.
8. Установить, что согласно порядку, предусмотренному пунктом 7 настоящего постановления:
(а) проектные организации для разработки проектно-сметной документации объектов определяются на основании заявки районных (городских) управлений благоустройства в порядке, установленном актами законодательства;
(б) расходы на разработку и проведение экспертизы проектно-сметной документации, оформление других документов покрываются за счет Фонда гражданских инициатив.
9. Рекомендовать движению «Юксалиш» организацию при реализации партнерских проектов работы по широкому привлечению активных граждан к мероприятиям проводимой ежегодно «Недели гражданского общества» и признанию их активности в обществе.
IV. Организация, обеспечение и контроль исполнения постановления
10. Министерству экономики и финансов в срок до 1 июля 2026 года внести в Сенат Олий Мажлиса предложение о внесении на основании настоящего постановления соответствующих изменений и дополнений в Положение о порядке проведения и финансирования процессов инициативного бюджета.
11. Национальному информационному агентству Узбекистана и Национальной телерадиокомпании Узбекистана совместно с органами государственной власти на местах организовать регулярное доведение до широкой общественности информации об объявлении депутатами проектов-победителей, совместном финансировании партнерских проектов между населением и государством в рамках процессов инициативного бюджета.
12. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
13. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
29 июня 2026 г.,
№ ПП- 243