UzbekAI

Ўзбекистон Республикаси Президентининг

ҚАРОРИ

Пахта-тўқимачилик соҳасида молиявий барқарорликни ошириш ҳамда толани чуқур қайта ишлашни қўшимча қўллаб-қувватлаш чора-тадбирлари тўғрисида

Мамлакатимизда пахта-тўқимачилик соҳаси корхоналарининг молиявий барқарорлигини таъминлаш, толани чуқур қайта ишлаш асосида қўшилган қийматни кенгайтириш, фермер хўжаликлари ва кластерларнинг ўзаро манфаатдорлигини таъминлаш ҳамда ташқи бозорларда рақобатбардошликни оширишни қўллаб-қувватлаш мақсадида қарор қиламан:

I. Асосий мақсадлар

1. Қуйидагилар ушбу қарорни қабул қилишдан кўзланган асосий мақсадлар этиб белгилансин:

(а) пахта хомашёси етиштирувчи хўжалик субъектлари учун бир хил молиявий қўллаб-қувватлаш механизмларини жорий этиш орқали уларнинг иқтисодий манфаатдорлигини ошириш;

(б) тўқимачилик ишлаб чиқариш занжирларида ип-калавани чуқур қайта ишлашга қаратилган лойиҳаларнинг молиявий барқарорлигини таъминлаш ва экспорт ҳажмларини ошириш.

II. Пахта-тўқимачилик соҳаси корхоналарини янада қўллаб-қувватлаш чоралари

2. Иқтисодиёт ва молия вазирлиги, Қишлоқ хўжалиги вазирлиги, Енгил саноатни ривожлантириш агентлиги (кейинги ўринларда — Агентлик) ҳамда Савдо-саноат палатасининг пахта-тўқимачилик кластерлари ҳамда тўқимачилик корхоналарининг молиявий барқарорлигини оширишга қаратилган қуйидаги таклифлари маъқуллансин:

(а) 2025 йилда ўзига бириктирилган ер майдонларида (иккиламчи ижарага берилган ер майдонлари бундан мустасно) пахта етиштирган пахта-тўқимачилик кластерлари ва улар таъсисчи бўлган корхоналарга Қишлоқ хўжалиги вазирлиги томонидан тақдим этилган контурларда пахта хомашёси етиштирилганлиги Космик тадқиқотлар ва технологиялар агентлиги (кейинги ўринларда — «Ўзбеккосмос» агентлиги) томонидан тасдиқланган ҳолларда ҳар бир гектар ер учун Қишлоқ хўжалигини давлат томонидан қўллаб-қувватлаш жамғармаси маблағлари ҳисобидан 3 миллион сўмдан субсидиялар ажратиш;

(б) корхоналарнинг 2026 йил 1 июнга қадар амалга оширилган бўялган мато ҳамда аралаш ва бўялган газлама маҳсулотларини ишлаб чиқариш лойиҳаларига Ўзбекистон Республикаси Президентининг 2022 йил 21 январдаги «Тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқаришни ҳамда уларнинг экспортини рағбатлантириш чора-тадбирлари тўғрисида»ги ПФ-53-сон Фармонида белгиланган миқдорларда Савдо-саноат палатасининг Тармоқларни қўллаб-қувватлаш жамғармасидан бўяш ускуналари харидини субсидиялаш учун назарда тутилган маблағнинг қолдиқ қисми ҳисобидан субсидия ажратиш.

3. Инвестициялар, саноат ва савдо вазирлиги бир ой муддатда:

(а) оқартирилган трикотаж мато (ТИФ ТН коди 6006 21 000 0) учун алоҳида субпозиция белгилаш ва унга белгиланган экспорт божи ставкаларини 2027 йил 1 январга қадар бекор қилиш;

(б) пахта толаси чиқиндиларига (ТИФ ТН коди 5202) экспорт божи ставкасини 2027 йил 1 январга қадар 5 фоиз ставкада белгилаш юзасидан таклифларни Жаҳон савдо ташкилоти билан ишлаш бўйича идоралараро комиссияга киритсин.

4. Белгилансинки 2027 йил 1 июлга қадар тадбиркорлик субъектларининг барқарорлик рейтинги бўйича «А» ва ундан юқори тоифага киритилган кластерлар ва тўқимачилик корхоналари учун қўшилган қиймат солиғининг салбий фарқ суммаси текширувларсиз икки кун муддатда қайтарилади.

Солиқ қўмитаси икки ҳафта муддатда тадбиркорлик субъектларининг барқарорлик рейтинги бўйича «А» ва ундан юқори тоифага киритилган кластерлар ва тўқимачилик корхоналари учун қўшилган қиймат солиғининг салбий фарқ суммасини текширувларсиз икки кун муддатда қайтариш тизимини жорий қилсин.

III. Қарор ижросини ташкил этиш, таъминлаш ва назорат

5. Савдо-саноат палатаси ва «Савдони ривожлантириш компанияси» АЖ корхоналарнинг 2026 йил 1 июнга қадар амалга оширилган бўялган мато ҳамда аралаш ва бўялган газлама маҳсулотларини ишлаб чиқариш лойиҳалари доирасида корхоналарга, мазкур лойиҳалар доирасида харид қилинган ускуналар қийматининг 10 фоизи, бироқ 500 минг АҚШ доллари эквивалентидан кўп бўлмаган миқдорда Тармоқларни қўллаб-қувватлаш жамғармаси маблағлари ҳисобидан белгиланган тартибда субсидия ажратилишини таъминласин. Бунда субсидия ускуналарни харид қилиш бўйича контрактлар «Лойиҳалар ва харидлар самарадорлигини ошириш маркази» ДМдан экспертизадан ўтказилганидан сўнг ажратилади.

6. Мазкур қарорнинг 2-банди «а» кичик бандида назарда тутилган субсидияларни ажратиш қуйидаги тартибда амалга оширилади:

(а) Қишлоқ хўжалиги вазирлиги тақдим этган контурларда пахта-тўқимачилик кластерлари ва улар таъсисчи бўлган корхоналар ўзига бириктирилган ер майдонларида 2025 йил ҳосили учун пахта хомашёси (30 центнердан юқори) етиштирилганлиги «Ўзбеккосмос» агентлиги томонидан космик мониторинг маълумотлари асосида бир ой муддатда ўрганиб чиқилади ва ҳақиқатда экилган майдонлар бўйича тасдиқланган маълумотлар асосида Қишлоқ хўжалиги вазирлиги субсидия миқдорини ҳисоблаб чиқади ҳамда маблағ ажратиш бўйича ҳисоб-китобларни Қишлоқ хўжалигини давлат томонидан қўллаб-қувватлаш жамғармасига тақдим этади;

(в) Қишлоқ хўжалигини давлат томонидан қўллаб-қувватлаш жамғармаси олдинги йилларда пахта хомашёси учун субсидия тўловларини молиялаштиришга Давлат бюджетидан ажратилиб, иқтисод қилинган маблағлар ҳисобидан ўзининг ҳисобрақами (21510) орқали маблағларни Қишлоқ хўжалиги вазирлиги томонидан ҳисобланган субсидия миқдори бўйича тасдиқланган рўйхат асосида пахта-тўқимачилик кластерлари ва улар таъсисчи бўлган корхоналарнинг ҳисобварақларига белгиланган тартибда ўтказиб беради.

7. Ҳисоб палатаси Агентлик ҳамда тижорат банклари билан биргаликда тўқимачилик корхоналарининг инвестиция лойиҳаларига жалб қилинган кредитлар шартларини қайта кўриб чиқишга оид вазифалар ижроси юзасидан чора-тадбирлар сифатли ва ўз вақтида амалга оширилиши устидан назорат ўрнатсин ҳамда ҳар чоракда Ўзбекистон Республикаси Президенти Администрациясига ахборот киритиб борсин.

8. Мазкур қарор ижросини самарали ташкил қилишга масъул ва шахсан жавобгар этиб Ўзбекистон Республикаси Бош вазирининг ўринбосари Ж.А. Қўчқоров ва Енгил саноатни ривожлантириш агентлиги директори Н.Қ. Холмуродов белгилансин.

9. Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2026 йил 29 июнь,

ПҚ- 246 -сон

(Қонунчилик маълумотлари миллий базаси, 30.06.2026 й., 07/26/246/0656-сон; 29.09.2026 й., 07/26/354/0978-сон)

lex.uz

Oʻzbekiston Respublikasi Prezidentining

QARORI

Paxta-toʻqimachilik sohasida moliyaviy barqarorlikni oshirish hamda tolani chuqur qayta ishlashni qoʻshimcha qoʻllab-quvvatlash chora-tadbirlari toʻgʻrisida

Mamlakatimizda paxta-toʻqimachilik sohasi korxonalarining moliyaviy barqarorligini taʼminlash, tolani chuqur qayta ishlash asosida qoʻshilgan qiymatni kengaytirish, fermer xoʻjaliklari va klasterlarning oʻzaro manfaatdorligini taʼminlash hamda tashqi bozorlarda raqobatbardoshlikni oshirishni qoʻllab-quvvatlash maqsadida qaror qilaman:

I. Asosiy maqsadlar

1. Quyidagilar ushbu qarorni qabul qilishdan koʻzlangan asosiy maqsadlar etib belgilansin:

(a) paxta xomashyosi yetishtiruvchi xoʻjalik subyektlari uchun bir xil moliyaviy qoʻllab-quvvatlash mexanizmlarini joriy etish orqali ularning iqtisodiy manfaatdorligini oshirish;

(b) toʻqimachilik ishlab chiqarish zanjirlarida ip-kalavani chuqur qayta ishlashga qaratilgan loyihalarning moliyaviy barqarorligini taʼminlash va eksport hajmlarini oshirish.

II. Paxta-toʻqimachilik sohasi korxonalarini yanada qoʻllab-quvvatlash choralari

2. Iqtisodiyot va moliya vazirligi, Qishloq xoʻjaligi vazirligi, Yengil sanoatni rivojlantirish agentligi (keyingi oʻrinlarda — Agentlik) hamda Savdo-sanoat palatasining paxta-toʻqimachilik klasterlari hamda toʻqimachilik korxonalarining moliyaviy barqarorligini oshirishga qaratilgan quyidagi takliflari maʼqullansin:

(a) 2025-yilda oʻziga biriktirilgan yer maydonlarida (ikkilamchi ijaraga berilgan yer maydonlari bundan mustasno) paxta yetishtirgan paxta-toʻqimachilik klasterlari va ular taʼsischi boʻlgan korxonalarga Qishloq xoʻjaligi vazirligi tomonidan taqdim etilgan konturlarda paxta xomashyosi yetishtirilganligi Kosmik tadqiqotlar va texnologiyalar agentligi (keyingi oʻrinlarda — “Oʻzbekkosmos” agentligi) tomonidan tasdiqlangan hollarda har bir gektar yer uchun Qishloq xoʻjaligini davlat tomonidan qoʻllab-quvvatlash jamgʻarmasi mablagʻlari hisobidan 3 million soʻmdan subsidiyalar ajratish;

(b) korxonalarning 2026-yil 1-iyunga qadar amalga oshirilgan boʻyalgan mato hamda aralash va boʻyalgan gazlama mahsulotlarini ishlab chiqarish loyihalariga Oʻzbekiston Respublikasi Prezidentining 2022-yil 21-yanvardagi “Toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini ragʻbatlantirish chora-tadbirlari toʻgʻrisida”gi PF-53-son Farmonida belgilangan miqdorlarda Savdo-sanoat palatasining Tarmoqlarni qoʻllab-quvvatlash jamgʻarmasidan boʻyash uskunalari xaridini subsidiyalash uchun nazarda tutilgan mablagʻning qoldiq qismi hisobidan subsidiya ajratish.

3. Investitsiyalar, sanoat va savdo vazirligi bir oy muddatda:

(a) oqartirilgan trikotaj mato (TIF TN kodi 6006 21 000 0) uchun alohida subpozitsiya belgilash va unga belgilangan eksport boji stavkalarini 2027-yil 1-yanvarga qadar bekor qilish;

(b) paxta tolasi chiqindilariga (TIF TN kodi 5202) eksport boji stavkasini 2027-yil 1-yanvarga qadar 5 foiz stavkada belgilash yuzasidan takliflarni Jahon savdo tashkiloti bilan ishlash boʻyicha idoralararo komissiyaga kiritsin.

4. Belgilansinki 2027-yil 1-iyulga qadar tadbirkorlik subyektlarining barqarorlik reytingi boʻyicha “A” va undan yuqori toifaga kiritilgan klasterlar va toʻqimachilik korxonalari uchun qoʻshilgan qiymat soligʻining salbiy farq summasi tekshiruvlarsiz ikki kun muddatda qaytariladi.

Soliq qoʻmitasi ikki hafta muddatda tadbirkorlik subyektlarining barqarorlik reytingi boʻyicha “A” va undan yuqori toifaga kiritilgan klasterlar va toʻqimachilik korxonalari uchun qoʻshilgan qiymat soligʻining salbiy farq summasini tekshiruvlarsiz ikki kun muddatda qaytarish tizimini joriy qilsin.

III. Qaror ijrosini tashkil etish, taʼminlash va nazorat

5. Savdo-sanoat palatasi va “Savdoni rivojlantirish kompaniyasi” AJ korxonalarning 2026-yil 1-iyunga qadar amalga oshirilgan boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida korxonalarga, mazkur loyihalar doirasida xarid qilingan uskunalar qiymatining 10 foizi, biroq 500 ming AQSH dollari ekvivalentidan koʻp boʻlmagan miqdorda Tarmoqlarni qoʻllab-quvvatlash jamgʻarmasi mablagʻlari hisobidan belgilangan tartibda subsidiya ajratilishini taʼminlasin. Bunda subsidiya uskunalarni xarid qilish boʻyicha kontraktlar “Loyihalar va xaridlar samaradorligini oshirish markazi” DMdan ekspertizadan oʻtkazilganidan soʻng ajratiladi.

6. Mazkur qarorning 2-bandi “a” kichik bandida nazarda tutilgan subsidiyalarni ajratish quyidagi tartibda amalga oshiriladi:

(a) Qishloq xoʻjaligi vazirligi taqdim etgan konturlarda paxta-toʻqimachilik klasterlari va ular taʼsischi boʻlgan korxonalar oʻziga biriktirilgan yer maydonlarida 2025-yil hosili uchun paxta xomashyosi (30 sentnerdan yuqori) yetishtirilganligi “Oʻzbekkosmos” agentligi tomonidan kosmik monitoring maʼlumotlari asosida bir oy muddatda oʻrganib chiqiladi va haqiqatda ekilgan maydonlar boʻyicha tasdiqlangan maʼlumotlar asosida Qishloq xoʻjaligi vazirligi subsidiya miqdorini hisoblab chiqadi hamda mablagʻ ajratish boʻyicha hisob-kitoblarni Qishloq xoʻjaligini davlat tomonidan qoʻllab-quvvatlash jamgʻarmasiga taqdim etadi;

(v) Qishloq xoʻjaligini davlat tomonidan qoʻllab-quvvatlash jamgʻarmasi oldingi yillarda paxta xomashyosi uchun subsidiya toʻlovlarini moliyalashtirishga Davlat budjetidan ajratilib, iqtisod qilingan mablagʻlar hisobidan oʻzining hisobraqami (21510) orqali mablagʻlarni Qishloq xoʻjaligi vazirligi tomonidan hisoblangan subsidiya miqdori boʻyicha tasdiqlangan roʻyxat asosida paxta-toʻqimachilik klasterlari va ular taʼsischi boʻlgan korxonalarning hisobvaraqlariga belgilangan tartibda oʻtkazib beradi.

7. Hisob palatasi Agentlik hamda tijorat banklari bilan birgalikda toʻqimachilik korxonalarining investitsiya loyihalariga jalb qilingan kreditlar shartlarini qayta koʻrib chiqishga oid vazifalar ijrosi yuzasidan chora-tadbirlar sifatli va oʻz vaqtida amalga oshirilishi ustidan nazorat oʻrnatsin hamda har chorakda Oʻzbekiston Respublikasi Prezidenti Administratsiyasiga axborot kiritib borsin.

8. Mazkur qaror ijrosini samarali tashkil qilishga masʼul va shaxsan javobgar etib Oʻzbekiston Respublikasi Bosh vazirining oʻrinbosari J.A. Qoʻchqorov va Yengil sanoatni rivojlantirish agentligi direktori N.Q. Xolmurodov belgilansin.

9. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 29-iyun,

PQ- 246 -son

(Qonunchilik maʼlumotlari milliy bazasi, 30.06.2026-y., 07/26/246/0656-son; 29.09.2026-y., 07/26/354/0978-son)

lex.uz

ПРЕЗИДЕНТА РЕСПУБЛИКИ УЗБЕКИСТАН

ПОСТАНОВЛЕНИЕ

О мерах по повышению финансовой устойчивости в хлопково-текстильной сфере и дополнительной поддержке глубокой переработки волокна

В целях обеспечения финансовой устойчивости предприятий хлопково-текстильной сферы в стране, расширения добавленной стоимости на основе глубокой переработки волокна, обеспечения взаимной заинтересованности фермерских хозяйств и кластеров, а также поддержки повышения конкурентоспособности на внешних рынках постановляю:

I. Основные цели

1. Определить основными целями принятия настоящего постановления:

(а) повышение экономической заинтересованности хозяйственных субъектов, выращивающих хлопок-сырец, путем внедрения одинаковых механизмов их финансовой поддержки;

(б) обеспечение финансовой устойчивости проектов, направленных на глубокую переработку пряжи, и повышение объемов экспорта в цепочках текстильного производства.

II. Меры дальнейшей поддержки предприятий хлопково-текстильной сферы

2. Одобрить направленные на повышение финансовой устойчивости хлопково-текстильных кластеров и текстильных предприятий предложения Министерства экономики и финансов, Министерства сельского хозяйства, Агентства по развитию легкой промышленности (далее — Агентство) и Торгово-промышленной палаты, предусматривающие:

(а) выделение субсидий за счет средств Фонда государственной поддержки сельского хозяйства в размере по 3 миллиона сумов на каждый гектар земельной площади хлопково-текстильным кластерам и предприятиям, учредителями которых они являются, вырастившим хлопок в 2025 году на закрепленных за ними земельных площадях (за исключением земельных площадей, переданных в субаренду), в случае подтверждения Агентством космических исследований и технологий (далее — Агентство «Узбеккосмос») факта выращивания ими хлопка-сырца на контурах, предоставленных Министерством сельского хозяйства;

(б) выделение предприятиям, реализовавшим до 1 июня 2026 года проекты производства крашеного полотна, смесовой и крашеной тканевой продукции, субсидии за счет остаточной части средств из Фонда поддержки отраслей Торгово-промышленной палаты, предусмотренных для субсидирования закупки красильного оборудования, в размерах, установленных Указом Президента Республики Узбекистан от 21 января 2022 года № УП-53 «О мерах по стимулированию глубокой переработки, производства и экспорта готовой продукции с высокой добавленной стоимостью текстильными и швейно-трикотажными предприятиями».

3. Министерству инвестиций, промышленности и торговли в месячный срок внести в Межведомственную комиссию по работе со Всемирной торговой организацией предложения, предусматривающие:

(а) определение для трикотажного полотна отбеленного (код ТН ВЭД 6006 21 000 0) отдельной субпозиции и отмену на срок до 1 января 2027 года установленных для него экспортных таможенных ставок;

(б) установление на срок до 1 января 2027 года экспортной таможенной ставки на отходы хлопкового волокна (код ТН ВЭД 5202) 5 процентов.

4. Определить, что до 1 июля 2027 года возврат суммы отрицательной разницы по налогу на добавленную стоимость для кластеров и текстильных предприятий, отнесенных к категории «А» и выше по рейтингу устойчивости субъектов предпринимательства, осуществляется в двухдневный срок без проведения проверок.

Налоговому комитету в двухнедельный срок внедрить систему возврата в двухдневный срок без проведения проверок суммы отрицательной разницы по налогу на добавленную стоимость для кластеров и текстильных предприятий, отнесенных к категории «А» и выше по рейтингу устойчивости субъектов предпринимательства.

III. Организация, обеспечение и контроль исполнения постановления

5. Торгово-промышленной палате и АО «Компания по развитию торговли» обеспечить в установленном порядке выделение предприятиям, реализовавшим до 1 июня 2026 года проекты производства крашеного полотна, смесовой и крашеной тканевой продукции, субсидии за счет средств Фонда поддержки отраслей в размере 10 процентов стоимости оборудования, закупленного в рамках данных проектов, но в эквиваленте не более 500 тысяч долларов США. При этом субсидии выделяются после проведения экспертизы контрактов по закупке оборудования в ГУ «Центр повышения эффективности проектов и закупок».

6. Выделение субсидий, предусмотренных в подпункте «а» пункта 2 настоящего постановления, осуществляется в следующем порядке:

(а) изучение факта выращивания хлопка-сырца (более 30 центнеров) для урожая 2025 года на закрепленных за хлопково-текстильными кластерами и предприятиями, учредителями которых они являются, земельных площадях, расположенных на контурах, предоставленных Министерством сельского хозяйства, осуществляется Агентством «Узбеккосмос» в месячный срок на основании данных космического мониторинга, а также Министерство сельского хозяйства на основании подтвержденных сведений по фактически засеянным площадям производит расчет размера субсидии и представляет в Фонд государственной поддержки сельского хозяйства расчеты по выделению средств;

(в) Фонд государственной поддержки сельского хозяйства за счет сэкономленных средств Государственного бюджета, выделенных в предыдущие годы на финансирование выплаты субсидий за хлопковое сырье, через свой расчетный счет (21510) перечисляет в установленном порядке средства на счета хлопково-текстильных кластеров и предприятий, учредителями которых они являются, на основе утвержденного перечня по размерам субсидий, рассчитанным Министерством сельского хозяйства.

7. Счетной палате совместно с Агентством и коммерческими банками установить контроль за качественной и своевременной реализацией мер по исполнению задач касательно пересмотра условий кредитов, привлеченных на инвестиционные проекты текстильных предприятий, а также ежеквартально вносить информацию в Администрацию Президента Республики Узбекистан.

8. Возложить на заместителя Премьер-министра Республики Узбекистан Д.А. Кучкарова и директора Агентства по развитию легкой промышленности Н.К. Холмуродова персональную ответственность за эффективную организацию исполнения настоящего постановления.

9. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

29 июня 2026 г.,

№ ПП- 246

(Национальная база данных законодательства, 30.06.2026 г., 07/26/246/0656)

lex.uz