UzbekAI

Ўзбекистон Республикаси Иқтисодиёт ва молия вазирлиги Ўзбекистон Республикаси Марказий банки бошқарувининг

қарори

НИЗОМ

СХЕМАСИ

Мақсадли ипотека омонатини жорий этиш бўйича тажриба-синов лойиҳасини амалга ошириш тартиби тўғрисидаги низомни тасдиқлаш ҳақида

Ўзбекистон Республикаси Президентининг 2026 йил 24 февралдаги ПФ-29-сон «Аҳолини уй-жой билан таъминлаш ишларини жадаллаштириш ва кўп квартирали уйлар қурилишини самарали ташкил этиш чора-тадбирлари тўғрисида»ги Фармонига мувофиқ Ўзбекистон Республикаси Иқтисодиёт ва молия вазирлиги ҳамда Марказий банки бошқаруви қарор қилади:

1. Мақсадли ипотека омонатини жорий этиш бўйича тажриба-синов лойиҳасини амалга ошириш тартиби тўғрисидаги низом иловага мувофиқ тасдиқлансин.

2. Мазкур қарор 2026 йил 1 июлдан эътиборан кучга киради.

Ўзбекистон Республикаси Иқтисодиёт ва молия вазирлигининг 2026 йил 12 июндаги 375-сон ва Марказий банк бошқарувининг 2026 йил 11 июндаги 9801-сон қарорига ИЛОВА

Мақсадли ипотека омонатини жорий этиш бўйича тажриба-синов лойиҳасини амалга ошириш тартиби тўғрисидаги

Мазкур Низом мақсадли ипотека омонатини жорий этиш бўйича тажриба-синов лойиҳасини амалга ошириш тартибини белгилайди.

1-боб. Умумий қоидалар

1. Ушбу Низомда қуйидаги тушунчалардан фойдаланилади:

ипотека кредитининг энг кўп миқдори — амалдаги қонунчилик ҳужжатларида белгиланган Ўзбекистон Республикаси Иқтисодиёт ва молия вазирлиги (бундан буён матнда Иқтисодиёт ва молия вазирлиги деб юритилади) томонидан ипотека кредитларини қайта молиялаштиришнинг энг кўп миқдори;

иштирок этувчи тижорат банклари (бундан буён матнда банк деб юритилади) — фуқаролар томонидан бирламчи уй-жой бозорида танланган уй-жойларни сотиб олишга ипотека кредитини тақдим этувчи тижорат банклари;

мақсадли ипотека омонати (бундан буён матнда ипотека омонати деб юритилади) — субсидия хабарномасига эга фуқаролар томонидан бирламчи уй-жой бозоридан квартира сотиб олиш учун ипотека кредитининг энг кўп миқдори доирасида дастлабки бадални шакллантириш учун тижорат банкида очилган омонат ҳисобварағида жамғариладиган маблағлар;

омонатчи — банк билан тузилган ипотека омонати шартномасига асосан ўз пул маблағларини уй-жой сотиб олиш учун банкка 12 ойдан ошмаган муддатга сақлаш ва фоиз олиш мақсадида жойлаштирган ҳамда шартномада белгиланган шартлар асосида қайтариб олиш ҳуқуқига эга бўлган шахс;

қарз олувчи — бирламчи уй-жой бозоридаги квартирани сотиб олиш ёки якка тартибдаги лойиҳаларни амалга ошириш учун ипотека кредити олган ва кредит шартномасида белгиланган шартларда қайтариш мажбуриятини эга фуқаро;

шартнома — фуқаро ва қурилиш-пудрат ташкилоти ўртасида уй-жой объектини сотиб олиш учун тузиладиган бирламчи шартнома бўлиб, унда уй-жой объектини сотиб олиш шарти, нархи, тўлов тартиби ва муддатлари белгиланади;

субсидия хабарномаси — Иқтисодиёт ва молия вазирлиги томонидан қайта молиялаштириладиган ипотека кредитлари бўйича дастлабки бадал ва фоиз харажатларининг бир қисмини Давлат бюджетидан қоплаб бериш учун даромади юқори бўлмаган ва уй-жой шароитларини яхшилашга муҳтож бўлган фуқароларга тақдим этиладиган хабарнома;

талабгор — ипотека кредитлари бўйича субсидия бериш тўғрисида ижобий хабарномани олган ариза берувчи;

уй-жой — пудрат ташкилотлари томонидан ўз маблағлари, банк кредити ва қонунчилик ҳужжатларида тақиқланмаган бошқа манбалар ҳисобидан янги қурилган (қурилиш ишлари якка тартибдаги уй-жой ёки бошқа турдаги нотурар бино ва иншоотларнинг кейинчалик реконструкция қилиш орқали мулкчилик тури кўп қаватли уй-жойларга ўзгартирилган қурилиш ва уй-жойлар объектлари бундан мустасно) бирламчи уй-жой бозоридаги квартиралар (4 ва ундан юқори қаватли);

ипотека омонати ҳисобварағи — банк томонидан талабгорга ипотека омонати шартномаси доирасида дастлабки бадал маблағларини шакллантириш учун очиладиган «20406 — Жисмоний шахсларнинг жамғарма депозитлари» ҳисобварағи.

2. Ушбу Низом талаблари 2026 йил 1 июлдан 31 декабргача бўлган муддатда очилган мақсадли ипотека омонатларига нисбатан татбиқ этилади.

3. Мақсадли ипотека омонатини жорий этиш бўйича тажриба-синов лойиҳаси ушбу Низомнинг иловасида келтирилган схемага мувофиқ амалга оширилади.

2-боб. Ипотека омонати ҳисобварағини очиш ва маблағларни шакллантириш тартиби

4. Талабгор субсидия хабарномасининг амал қилиш муддати давомида ипотека омонати ҳисобварағини очиш учун банкка ариза билан мурожаат қилади.

5. Талабгор томонидан тақдим этилган ҳужжатлар банкнинг ички қоидаларига мувофиқ бўлган тақдирда, банк уч иш кунида талабгор билан ипотека омонати ҳисобварағини очиш юзасидан шартнома имзолайди ҳамда ипотека омонати ҳисобварағини очади.

Бунда, дастлабки бадалнинг талабгорнинг ўз маблағи ҳамда дастлабки бадал субсидияси ҳисобидан шаклланадиган маблағлар ҳисоби ипотека омонати ҳисобварақларида алоҳида юритилади.

6. Талабгорнинг ҳужжатлари қонунчиликда белгиланган тартибларга мувофиқ бўлмаган ҳолатларда, банк ипотека омонати ҳисобварағи очишни рад этади ва рад этиш сабабларини кўрсатган ҳолда талабгорга хабар юборади.

7. Талабгор банк билан тузиладиган ипотека омонати шартномасига мувофиқ субсидия хабарномасининг амал қилиш даврида дастлабки бадалнинг ўз маблағи ҳисобидан шаклланадиган қисмидан кам бўлмаган миқдордаги маблағларни ипотека омонати ҳисобварағида жамғаради.

8. Банк талабгор томонидан дастлабки бадалнинг ўз маблағи ҳисобидан шаклланадиган қисми ипотека омонати ҳисобварағида жамғарилганидан сўнг икки иш куни муддатда « subsidyplatform.mf.uz » тўлов платформаси (бундан буён матнда платформа деб юритилади) орқали дастлабки бадалнинг бир қисмини қоплаш учун Давлат бюджетидан ажратилиши белгиланган субсидия маблағини (бундан буён матнда дастлабки бадал субсидияси деб юритилади) ипотека омонати ҳисобварағига ўтказиб бериш учун омонатчи шакллантирган дастлабки бадал тўғрисидаги тўлов ҳужжатини илова қилган ҳолда Иқтисодиёт ва молия вазирлигига буюртманома юборади.

9. Иқтисодиёт ва молия вазирлиги дастлабки бадал субсидиясини беш иш кунида банк томонидан кўрсатилган омонатчининг ипотека омонати ҳисобварағига ўтказиб беради.

10. Ипотека омонати ҳисобварағига маблағлар келиб тушган куннинг кейинги кунидан бошлаб ипотека омонат ҳисобварағи ёпилгунига қадар банк ва талабгор ўртасида тузиладиган ипотека омонати шартномасида бозор ставкасидан келиб чиқиб белгиланадиган фоиз ҳисобланиши бошланади.

11. Ипотека омонатида жамғарилган маблағлар ҳисобланган фоизлар билан фақатгина Ипотека дастури доирасида мазкур Низом ва бошқа қонунчилик ҳужжатларига мувофиқ уй-жойлар сотиб олиш мақсадлари учун фойдаланилади, бундан мазкур Низомнинг 15-бандига мувофиқ ипотека омонатида жамғарилган маблағларни мос равишда омонатчига ва (ёки) Давлат бюджетига қайтариш ҳолатлари мустасно.

3-боб. Ипотека омонатидаги маблағлар қолдиғига фоиз ҳисоблаш тартиби

12. Ипотека омонатининг миқдори ипотека кредитининг энг кўп миқдоридан ҳисобланадиган дастлабки бадал суммасининг омонатчи томонидан шакллантирилиши лозим бўлган қисмидан кам бўлмаган миқдоридаги маблағлар ҳамда дастлабки бадал субсидияси миқдоридан келиб чиқиб белгиланади.

Ипотека омонати ҳисобварағига маблағлар киритилган кундан кейинги кундан бошлаб 12 ойдан ошмаган муддатга бозор ставкасида фоиз ҳисобланади.

Бунда, омонатчи томонидан 12 ойдан олдин уй-жой сотиб олинганда ёки мазкур Низомнинг 15-бандига мувофиқ ипотека кредити ажратиш рад этилганда ёхуд қонунчилик ҳужжатларида белгиланган бошқа ҳолатларда ипотека омонатида маблағларни тегишлилиги бўйича омонатчига, қурувчига ёки Иқтисодиёт ва молия вазирлигига қайтаришда ипотека омонати ҳисобварағини очиш юзасидан банк ва талабгор ўртасида тузилган шартномада кўрсатилган фоизлар пасайишига йўл қўйилмайди.

13. Қарз олувчи томонидан сотиб олинадиган уй-жойнинг қиймати ипотека кредитининг энг кўп миқдори ва ипотека омонати ҳисобварағида жамғарилган миқдордан ошган тақдирда, қолган қисми қарз олувчи томонидан шакллантириладиган дастлабки бадал суммасини ошириш орқали қопланади.

4-боб. Ипотека омонатидаги маблағлардан фойдаланиш тартиби

14. Омонатчи томонидан ипотека омонати даври якунига қадар бирламчи уй-жой бозоридан ипотека кредити шартлари асосида квартира сотиб олиш учун қурилиш (пудрат) ташкилоти билан тузилган бирламчи шартномани ҳамда банк ички қоидаларига мувофиқ бошқа ҳужжатларни тақдим қилади.

15. Банк омонатчи томонидан бирламчи уй-жой бозоридан ипотека кредити шартлари асосида уй-жой сотиб олиш учун тақдим этган ҳужжатларини амалдаги қонунчилик талабларига ҳамда банкнинг ички кредит сиёсатига мувофиқ белгиланган тартибда ўрганиб чиқади.

Банк томонидан мазкур банднинг олтинчи — ўн учинчи хатбошиларида назарда ипотека кредитини ажратишнинг рад этиш асослари мавжуд бўлмаган тақдирда, омонатчига ипотека кредити ажратиш тўғрисида қарор қабул қилади ва бир иш кунида омонатчига ипотека кредити ажратиш тўғрисидаги кафолат хатини тақдим этади.

Банк томонидан омонатчига ипотека кредити ажратиш рад этилган тақдирда, бир иш куни ичида рад этиш сабабларини аниқ кўрсатган ҳолда омонатчига хабар юборади.

Бунда, омонатчи ипотека омонати муддати якунига қадар такроран мурожаат этиш ҳуқуқига эга бўлиб, бундай мурожаатлар сонига нисбатан чекловлар белгиланмайди.

Банк томонидан қуйидаги ҳолларда омонатчига ипотека кредити ажратиш рад этилади:

а) талабгорнинг ташаббуси билан ипотека кредити орқали бирламчи бозордан уй-жой сотиб олиш рад этилганда;

б) омонатчининг кредит тарихи ва тўловга лаёқатлилиги банкнинг ички қоидаларига мос келмаганда;

д) тақдим этилган маълумотлар нотўғри ёки сохта бўлганда;

э) омонатчи томонидан танланган уй-жой мазкур Низомнинг 1-бандида белгиланган уй-жой талабларига мос келмаганда;

ф) омонатчи томонидан ипотека омонатидаги маблағлар ипотека омонат шартномасида белгиланмаган ҳолатларда фойдаланилганда;

г) ажратиладиган ипотека кредити бўйича дастлабки бадал учун омонатчи томонидан ипотека омонати шартномасида белгиланган миқдордаги омонат маблағлари жамғарилмаганда;

ҳ) омонат шартномасига мувофиқ ипотека омонати муддати якунига қадар талабгор ва банк ўртасида ипотека кредити шартномаси расмийлаштирилмаганда;

и) ипотека омонати даврида омонатчи вафот этган тақдирда ва (ёки) ипотека омонати шартномасида назарда тутилган бошқа форс-мажор ҳолатлар юзага келганда.

16. Банк ипотека омонати даврида мазкур Низомнинг 15-бандида келтирилган ҳолатларнинг бири қайд этилган кундан эътиборан икки иш кунида:

омонатчига ўзига тегишли бўлган омонат маблағини унга ҳисобланган фоизлар билан бирга ипотека омонати шартномасида белгиланган тартибда қайтаради;

дастлабки бадал субсидиясини унга ҳисобланган фоизлар билан бирга омонатчининг розилигисиз Давлат бюджетига қайтаради;

платформа орқали ушбу жараёнлар тўғрисида Иқтисодиёт ва молия вазирлигига маълумотларни юборади.

17. Банк томонидан дастлабки бадал субсидияси ҳисобидан шакллантирилган омонат маблағи унга ҳисобланган фоизлар билан бирга Давлат бюджетига икки иш кунида қайтарилмаган тақдирда, ҳар бир кечиктирилган кун учун ушбу жами сумманинг 0,033 фоизи миқдорида пеня ҳисобланиши тўғрисида платформада автоматик огоҳлантирилади.

18. Омонатчи банк томонидан ипотека кредити ажратиш тўғрисидаги кафолат хатида белгиланган муддат ичида бирламчи уй-жой бозоридан ипотека кредити шартлари асосида уй-жой сотиб олиш учун зарур ҳужжатларни банкка тақдим этади.

19. Банк платформа орқали:

қурилиш (пудрат) ташкилоти билан бирламчи шартнома ва талабгор (омонатчи) номига расмийлаштирилган квартиранинг кадастр ҳужжатини;

қарз олувчининг банкда очилган ипотека омонати ҳисобварағида шаклланган ва унга ҳисобланган фоизлар ҳамда ажратиладиган ипотека кредити суммасини илова қилган ҳолда рўйхатдан ўтказиш учун Иқтисодиёт ва молия вазирлигига электрон тартибда хабарнома юборади.

Бунда, мазкур квартира бўйича тақдим этиладиган кадастр ҳужжатларида яшаш майдони кўрсатилмаган тақдирда платформа орқали хабарнома яратиш рад этилади.

20. Иқтисодиёт ва молия вазирлиги икки иш кунида платформа орқали хабарномани рўйхатдан ўтказади.

Бунда, платформа орқали Иқтисодиёт ва молия вазирлигида рўйхатдан ўтказилмаган хабарномалар бўйича ипотека кредитлари бўйича дастлабки бадал субсидияси ва фоиз харажатларининг бир қисмини қоплаш учун субсидия маблағлари ажратилишига йўл қўйилмайди.

21. Иқтисодиёт ва молия вазирлиги платформа орқали мазкур Низомнинг 20-бандига мувофиқ рўйхатдан ўтказилган хабарномалар тўғрисидаги маълумотларни автоматик равишда банкка юборади.

22. Банк платформада рўйхатдан ўтказилган хабарномалар бўйича омонатчиларнинг банкдаги ипотека омонати ҳисобварағида шаклланган маблағлар ва уларга ҳисобланган фоизлар ҳамда ажратиладиган ипотека кредити маблағларини квартира сотиб олиш учун қурилиш (пудрат) ташкилотига ўтказиб беради.

Ипотека кредитлари ажратилганидан сўнг улар бўйича ҳисобланган фоиз тўловларининг бир қисмини қоплаш мақсадида ҳар бир қарз олувчи номига очилган ҳисобвараққа тўлаш учун банк томонидан платформа орқали Иқтисодиёт ва молия вазирлигига буюртманомалар юборилади.

23. Иқтисодиёт ва молия вазирлиги ипотека кредити муддатининг биринчи беш йили давомида фоиз тўловларининг Марказий банкнинг асосий ставкасидан ошган қисмини қоплаш учун субсидия тўловларини платформа орқали банкнинг буюртманомасида кўрсатилган ҳисобварағига қонунчиликда белгиланган муддатларда ўтказиб боради.

24. Дастлабки бадал субсидиясини ипотека омонати ҳисобварағига ўтказиб бериш ҳамда тегишли тўловларни амалга ошириш платформада жорий этилган алоҳида тўлов модули орқали таъминланади.

Бунда банкларнинг ипотека омонати бўйича маълумотлар базаси платформага интеграция қилиш орқали маълумот алмашинуви амалга оширилади.

25. Банк қарз олувчи томонидан ипотека кредити бўйича асосий қарздорлик тўлиқ қопланганда ёки фоиз учун субсидия бўйича охирги тўлов амалга оширилганидан сўнг уч иш куни ичида платформа орқали автоматик равишда Иқтисодиёт ва молия вазирлигига ушбу субсидия тўлаб берилиши якунланган қарз олувчилар тўғрисидаги маълумот тақдим этиб боради.

5-боб. Якуний қоидалар

26. Ипотека омонати очиш ва ундан фойдаланиш бўйича давлат органлари ва бошқа ташкилотлар ходимларининг хатти-ҳаракатларидан норози бўлган шахслар қонунчиликда белгиланган тартибда юқори турувчи органга ёки судга шикоят қилишга ҳақли.

27. Мазкур Низом талабларининг бузилишида айбдор бўлган шахслар қонунчиликда белгиланган тартибда жавобгар бўладилар.

Мақсадли ипотека омонатини жорий этиш бўйича тажриба-синов лойиҳасини амалга ошириш тартиби тўғрисидаги низомга ИЛОВА

Мақсадли ипотека омонатини жорий этиш бўйича тажриба-синов лойиҳасини амалга ошириш

Босқичлар Субъектлар Тадбирлар Бажариш муддатлари 1-босқич Талабгор Субсидия хабарномасининг амал қилиш муддати давомида ипотека омонати ҳисобварағини очиш учун банкка ариза билан мурожаат қилади. субсидия хабарномаси амал қилиши даврида 2-босқич Банк 1. Талабгорнинг ҳужжатларини банкнинг ички қоидаларига мувофиқ ўрганиб чиқиб, ижобий хулоса ёки рад этиш бўйича ёзма равишда талабгорга хабар беради. 2. Талабгорнинг аризасига асосан ипотека омонати ҳисобварағини очиш юзасидан шартномани имзолайди ҳамда ипотека омонати ҳисобварағини очади. 3 иш куни 3-босқич Талабгор (Омонатчи) Банк билан тузиладиган ипотека омонати шартномасига мувофиқ субсидия хабарномасининг амал қилиш даврида дастлабки бадалнинг ўз маблағи ҳисобидан шаклланадиган қисмидан кам бўлмаган миқдордаги маблағларни ипотека омонати ҳисобварағида жамғаради. субсидия хабарномаси амал қилиши даврида 4-босқич Банк « Subsidyplatform.mf.uz » тўлов платформаси орқали дастлабки бадалнинг бир қисмини қоплаш учун Давлат бюджетидан ажратилиши белгиланган субсидия маблағини ипотека омонати ҳисобварағига ўтказиб бериш учун омонатчи шакллантирган дастлабки бадал тўғрисидаги тўлов ҳужжатини илова қилган ҳолда Иқтисодиёт ва молия вазирлигига буюртманома юборади. 2 иш куни 5-босқич Иқтисодиёт ва молия вазирлиги Ипотека кредити бўйича дастлабки бадал субсидиясини банк томонидан кўрсатилган омонатчининг ипотека омонати ҳисобварағига ўтказиб беради. 5 иш куни 6-босқич Банк Ипотека омонати ҳисобварағига маблағ келиб тушган куннинг кейинги кунидан бошлаб омонат ҳисобварағи ёпилгунига қадар банк ва талабгор ўртасида тузиладиган ипотека омонати шартномасида бозор ставкасидан келиб чиқиб белгиланадиган фоиз ҳисобланиши бошланади. ипотека омонати шартномасида кўрсатилган муддатда 7-босқич Омонатчи Бирламчи уй-жой бозоридан ипотека кредити шартлари асосида квартира сотиб олиш учун қурилиш (пудрат) ташкилоти билан тузилган бирламчи шартномани ҳамда банк ички қоидаларига мувофиқ бошқа ҳужжатларни тақдим қилади. ипотека омонати муддати якунига қадар 8-босқич Банк 1. Омонатчи томонидан бирламчи уй-жой бозоридан ипотека кредити шартлари асосида уй-жой сотиб олиш учун тақдим этган ҳужжатларни амалдаги қонунчилик талабларига ҳамда банкнинг ички кредит сиёсатига мувофиқ белгиланган тартибда ўрганиб чиқади. 2. Омонатчига ипотека кредити ажратиш тўғрисида қарор қабул қилади ва унга ипотека кредити ажратиш тўғрисидаги кафолат хатини тақдим этади. 1 иш куни 3. Омонатчига ипотека кредити ажратишни рад этганда: омонатчига ўзига тегишли бўлган омонат маблағини унга ҳисобланган фоизлар билан бирга ипотека омонати шартномасида белгиланган тартибда қайтаради; дастлабки бадал субсидиясини унга ҳисобланган фоизлар билан бирга омонатчининг розилигисиз Давлат бюджетига қайтаради. 2 иш куни 9-босқич Омонатчи Бирламчи уй-жой бозоридан ипотека кредити шартлари асосида уй-жой сотиб олиш учун зарур ҳужжатларни банкка тақдим этади. Ипотека кредити ажратиш тўғрисидаги кафолат хатида кўрсатилган муддатда 10-босқич Банк « Subsidyplatform.mf.uz » тўлов платформаси орқали: қурилиш (пудрат) ташкилоти билан шартнома ва талабгор (омонатчи) номига расмийлаштирилган квартиранинг кадастр ҳужжатини; қарз олувчининг банкда очилган ипотека омонати ҳисобварағида шаклланган ва унга ҳисобланган фоизлар ҳамда ажратиладиган ипотека кредити суммасини илова қилган ҳолда рўйхатдан ўтказиш учун Иқтисодиёт ва молия вазирлигига электрон тартибда хабарнома юборади. 3 иш куни 11-босқич Иқтисодиёт ва молия вазирлиги « Subsidyplatform.mf.uz » тўлов платформаси орқали банк томонидан юборилган хабарномани рўйхатдан ўтказади. 2 иш куни 12-босқич Банк Ипотека омонати ҳисобварағида шаклланган маблағлар ва уларга ҳисобланган фоизлар ҳамда ажратиладиган ипотека кредити маблағларини квартира сотиб олиш учун қурилиш (пудрат) ташкилотига ўтказиб беради. 1 иш куни Ипотека кредитлари ажратилганидан сўнг улар бўйича ҳисобланган фоиз тўловларининг бир қисмини қоплаш мақсадида ҳар бир қарз олувчи номига очилган ҳисобвараққа тўлаш учун « Subsidyplatform.mf.uz » тўлов платформаси орқали Иқтисодиёт ва молия вазирлигига буюртманомалар юборади. йил давомида 13-босқич Иқтисодиёт ва молия вазирлиги Ипотека кредити муддатининг биринчи беш йили давомида фоиз тўловларининг Марказий банкнинг асосий ставкасидан ошган қисмини қоплаш учун субсидия тўловларини « Subsidyplatform.mf.uz » тўлов платформаси орқали банкнинг буюртманомасида кўрсатилган ҳисобварағига қонунчиликда белгиланган муддатларда ўтказиб боради. ҳар ойда ҳисобот ойидан кейинги ойнинг 25-кунига қадар

Иқтисодиёт ва молия вазири Ж. КУЧКАРОВ

Марказий банк раиси Т. ИШМЕТОВ

Тошкент ш.,

2026 йил 12 июнь,

Тошкент ш.,

2026 йил 11 июнь,

375-сон

9801-сон

(Қонунчилик маълумотлари миллий базаси, 30.06.2026 й., 10/26/3874/0655-сон)

lex.uz

Oʻzbekiston Respublikasi Iqtisodiyot va moliya vazirligi Oʻzbekiston Respublikasi Markaziy banki boshqaruvining

qarori

NIZOM

SXEMASI

Maqsadli ipoteka omonatini joriy etish boʻyicha tajriba-sinov loyihasini amalga oshirish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2026-yil 24-fevraldagi PF-29-son “Aholini uy-joy bilan taʼminlash ishlarini jadallashtirish va koʻp kvartirali uylar qurilishini samarali tashkil etish chora-tadbirlari toʻgʻrisida”gi Farmoniga muvofiq Oʻzbekiston Respublikasi Iqtisodiyot va moliya vazirligi hamda Markaziy banki boshqaruvi qaror qiladi:

1. Maqsadli ipoteka omonatini joriy etish boʻyicha tajriba-sinov loyihasini amalga oshirish tartibi toʻgʻrisidagi nizom ilovaga muvofiq tasdiqlansin.

2. Mazkur qaror 2026-yil 1-iyuldan eʼtiboran kuchga kiradi.

Oʻzbekiston Respublikasi Iqtisodiyot va moliya vazirligining 2026-yil 12-iyundagi 375-son va Markaziy bank boshqaruvining 2026-yil 11-iyundagi 9801-son qaroriga ILOVA

Maqsadli ipoteka omonatini joriy etish boʻyicha tajriba-sinov loyihasini amalga oshirish tartibi toʻgʻrisidagi

Mazkur Nizom maqsadli ipoteka omonatini joriy etish boʻyicha tajriba-sinov loyihasini amalga oshirish tartibini belgilaydi.

1-bob. Umumiy qoidalar

1. Ushbu Nizomda quyidagi tushunchalardan foydalaniladi:

ipoteka kreditining eng koʻp miqdori — amaldagi qonunchilik hujjatlarida belgilangan Oʻzbekiston Respublikasi Iqtisodiyot va moliya vazirligi (bundan buyon matnda Iqtisodiyot va moliya vazirligi deb yuritiladi) tomonidan ipoteka kreditlarini qayta moliyalashtirishning eng koʻp miqdori;

ishtirok etuvchi tijorat banklari (bundan buyon matnda bank deb yuritiladi) — fuqarolar tomonidan birlamchi uy-joy bozorida tanlangan uy-joylarni sotib olishga ipoteka kreditini taqdim etuvchi tijorat banklari;

maqsadli ipoteka omonati (bundan buyon matnda ipoteka omonati deb yuritiladi) — subsidiya xabarnomasiga ega fuqarolar tomonidan birlamchi uy-joy bozoridan kvartira sotib olish uchun ipoteka kreditining eng koʻp miqdori doirasida dastlabki badalni shakllantirish uchun tijorat bankida ochilgan omonat hisobvaragʻida jamgʻariladigan mablagʻlar;

omonatchi — bank bilan tuzilgan ipoteka omonati shartnomasiga asosan oʻz pul mablagʻlarini uy-joy sotib olish uchun bankka 12 oydan oshmagan muddatga saqlash va foiz olish maqsadida joylashtirgan hamda shartnomada belgilangan shartlar asosida qaytarib olish huquqiga ega boʻlgan shaxs;

qarz oluvchi — birlamchi uy-joy bozoridagi kvartirani sotib olish yoki yakka tartibdagi loyihalarni amalga oshirish uchun ipoteka krediti olgan va kredit shartnomasida belgilangan shartlarda qaytarish majburiyatini ega fuqaro;

shartnoma — fuqaro va qurilish-pudrat tashkiloti oʻrtasida uy-joy obyektini sotib olish uchun tuziladigan birlamchi shartnoma boʻlib, unda uy-joy obyektini sotib olish sharti, narxi, toʻlov tartibi va muddatlari belgilanadi;

subsidiya xabarnomasi — Iqtisodiyot va moliya vazirligi tomonidan qayta moliyalashtiriladigan ipoteka kreditlari boʻyicha dastlabki badal va foiz xarajatlarining bir qismini Davlat budjetidan qoplab berish uchun daromadi yuqori boʻlmagan va uy-joy sharoitlarini yaxshilashga muhtoj boʻlgan fuqarolarga taqdim etiladigan xabarnoma;

talabgor — ipoteka kreditlari boʻyicha subsidiya berish toʻgʻrisida ijobiy xabarnomani olgan ariza beruvchi;

uy-joy — pudrat tashkilotlari tomonidan oʻz mablagʻlari, bank krediti va qonunchilik hujjatlarida taqiqlanmagan boshqa manbalar hisobidan yangi qurilgan (qurilish ishlari yakka tartibdagi uy-joy yoki boshqa turdagi noturar bino va inshootlarning keyinchalik rekonstruksiya qilish orqali mulkchilik turi koʻp qavatli uy-joylarga oʻzgartirilgan qurilish va uy-joylar obyektlari bundan mustasno) birlamchi uy-joy bozoridagi kvartiralar (4 va undan yuqori qavatli);

ipoteka omonati hisobvaragʻi — bank tomonidan talabgorga ipoteka omonati shartnomasi doirasida dastlabki badal mablagʻlarini shakllantirish uchun ochiladigan “20406 — Jismoniy shaxslarning jamgʻarma depozitlari” hisobvaragʻi.

2. Ushbu Nizom talablari 2026-yil 1-iyuldan 31-dekabrgacha boʻlgan muddatda ochilgan maqsadli ipoteka omonatlariga nisbatan tatbiq etiladi.

3. Maqsadli ipoteka omonatini joriy etish boʻyicha tajriba-sinov loyihasi ushbu Nizomning ilovasida keltirilgan sxemaga muvofiq amalga oshiriladi.

2-bob. Ipoteka omonati hisobvaragʻini ochish va mablagʻlarni shakllantirish tartibi

4. Talabgor subsidiya xabarnomasining amal qilish muddati davomida ipoteka omonati hisobvaragʻini ochish uchun bankka ariza bilan murojaat qiladi.

5. Talabgor tomonidan taqdim etilgan hujjatlar bankning ichki qoidalariga muvofiq boʻlgan taqdirda, bank uch ish kunida talabgor bilan ipoteka omonati hisobvaragʻini ochish yuzasidan shartnoma imzolaydi hamda ipoteka omonati hisobvaragʻini ochadi.

Bunda, dastlabki badalning talabgorning oʻz mablagʻi hamda dastlabki badal subsidiyasi hisobidan shakllanadigan mablagʻlar hisobi ipoteka omonati hisobvaraqlarida alohida yuritiladi.

6. Talabgorning hujjatlari qonunchilikda belgilangan tartiblarga muvofiq boʻlmagan holatlarda, bank ipoteka omonati hisobvaragʻi ochishni rad etadi va rad etish sabablarini koʻrsatgan holda talabgorga xabar yuboradi.

7. Talabgor bank bilan tuziladigan ipoteka omonati shartnomasiga muvofiq subsidiya xabarnomasining amal qilish davrida dastlabki badalning oʻz mablagʻi hisobidan shakllanadigan qismidan kam boʻlmagan miqdordagi mablagʻlarni ipoteka omonati hisobvaragʻida jamgʻaradi.

8. Bank talabgor tomonidan dastlabki badalning oʻz mablagʻi hisobidan shakllanadigan qismi ipoteka omonati hisobvaragʻida jamgʻarilganidan soʻng ikki ish kuni muddatda “ subsidyplatform.mf.uz ” toʻlov platformasi (bundan buyon matnda platforma deb yuritiladi) orqali dastlabki badalning bir qismini qoplash uchun Davlat budjetidan ajratilishi belgilangan subsidiya mablagʻini (bundan buyon matnda dastlabki badal subsidiyasi deb yuritiladi) ipoteka omonati hisobvaragʻiga oʻtkazib berish uchun omonatchi shakllantirgan dastlabki badal toʻgʻrisidagi toʻlov hujjatini ilova qilgan holda Iqtisodiyot va moliya vazirligiga buyurtmanoma yuboradi.

9. Iqtisodiyot va moliya vazirligi dastlabki badal subsidiyasini besh ish kunida bank tomonidan koʻrsatilgan omonatchining ipoteka omonati hisobvaragʻiga oʻtkazib beradi.

10. Ipoteka omonati hisobvaragʻiga mablagʻlar kelib tushgan kunning keyingi kunidan boshlab ipoteka omonat hisobvaragʻi yopilguniga qadar bank va talabgor oʻrtasida tuziladigan ipoteka omonati shartnomasida bozor stavkasidan kelib chiqib belgilanadigan foiz hisoblanishi boshlanadi.

11. Ipoteka omonatida jamgʻarilgan mablagʻlar hisoblangan foizlar bilan faqatgina Ipoteka dasturi doirasida mazkur Nizom va boshqa qonunchilik hujjatlariga muvofiq uy-joylar sotib olish maqsadlari uchun foydalaniladi, bundan mazkur Nizomning 15-bandiga muvofiq ipoteka omonatida jamgʻarilgan mablagʻlarni mos ravishda omonatchiga va (yoki) Davlat budjetiga qaytarish holatlari mustasno.

3-bob. Ipoteka omonatidagi mablagʻlar qoldigʻiga foiz hisoblash tartibi

12. Ipoteka omonatining miqdori ipoteka kreditining eng koʻp miqdoridan hisoblanadigan dastlabki badal summasining omonatchi tomonidan shakllantirilishi lozim boʻlgan qismidan kam boʻlmagan miqdoridagi mablagʻlar hamda dastlabki badal subsidiyasi miqdoridan kelib chiqib belgilanadi.

Ipoteka omonati hisobvaragʻiga mablagʻlar kiritilgan kundan keyingi kundan boshlab 12 oydan oshmagan muddatga bozor stavkasida foiz hisoblanadi.

Bunda, omonatchi tomonidan 12 oydan oldin uy-joy sotib olinganda yoki mazkur Nizomning 15-bandiga muvofiq ipoteka krediti ajratish rad etilganda yoxud qonunchilik hujjatlarida belgilangan boshqa holatlarda ipoteka omonatida mablagʻlarni tegishliligi boʻyicha omonatchiga, quruvchiga yoki Iqtisodiyot va moliya vazirligiga qaytarishda ipoteka omonati hisobvaragʻini ochish yuzasidan bank va talabgor oʻrtasida tuzilgan shartnomada koʻrsatilgan foizlar pasayishiga yoʻl qoʻyilmaydi.

13. Qarz oluvchi tomonidan sotib olinadigan uy-joyning qiymati ipoteka kreditining eng koʻp miqdori va ipoteka omonati hisobvaragʻida jamgʻarilgan miqdordan oshgan taqdirda, qolgan qismi qarz oluvchi tomonidan shakllantiriladigan dastlabki badal summasini oshirish orqali qoplanadi.

4-bob. Ipoteka omonatidagi mablagʻlardan foydalanish tartibi

14. Omonatchi tomonidan ipoteka omonati davri yakuniga qadar birlamchi uy-joy bozoridan ipoteka krediti shartlari asosida kvartira sotib olish uchun qurilish (pudrat) tashkiloti bilan tuzilgan birlamchi shartnomani hamda bank ichki qoidalariga muvofiq boshqa hujjatlarni taqdim qiladi.

15. Bank omonatchi tomonidan birlamchi uy-joy bozoridan ipoteka krediti shartlari asosida uy-joy sotib olish uchun taqdim etgan hujjatlarini amaldagi qonunchilik talablariga hamda bankning ichki kredit siyosatiga muvofiq belgilangan tartibda oʻrganib chiqadi.

Bank tomonidan mazkur bandning oltinchi — oʻn uchinchi xatboshilarida nazarda ipoteka kreditini ajratishning rad etish asoslari mavjud boʻlmagan taqdirda, omonatchiga ipoteka krediti ajratish toʻgʻrisida qaror qabul qiladi va bir ish kunida omonatchiga ipoteka krediti ajratish toʻgʻrisidagi kafolat xatini taqdim etadi.

Bank tomonidan omonatchiga ipoteka krediti ajratish rad etilgan taqdirda, bir ish kuni ichida rad etish sabablarini aniq koʻrsatgan holda omonatchiga xabar yuboradi.

Bunda, omonatchi ipoteka omonati muddati yakuniga qadar takroran murojaat etish huquqiga ega boʻlib, bunday murojaatlar soniga nisbatan cheklovlar belgilanmaydi.

Bank tomonidan quyidagi hollarda omonatchiga ipoteka krediti ajratish rad etiladi:

a) talabgorning tashabbusi bilan ipoteka krediti orqali birlamchi bozordan uy-joy sotib olish rad etilganda;

b) omonatchining kredit tarixi va toʻlovga layoqatliligi bankning ichki qoidalariga mos kelmaganda;

d) taqdim etilgan maʼlumotlar notoʻgʻri yoki soxta boʻlganda;

e) omonatchi tomonidan tanlangan uy-joy mazkur Nizomning 1-bandida belgilangan uy-joy talablariga mos kelmaganda;

f) omonatchi tomonidan ipoteka omonatidagi mablagʻlar ipoteka omonat shartnomasida belgilanmagan holatlarda foydalanilganda;

g) ajratiladigan ipoteka krediti boʻyicha dastlabki badal uchun omonatchi tomonidan ipoteka omonati shartnomasida belgilangan miqdordagi omonat mablagʻlari jamgʻarilmaganda;

h) omonat shartnomasiga muvofiq ipoteka omonati muddati yakuniga qadar talabgor va bank oʻrtasida ipoteka krediti shartnomasi rasmiylashtirilmaganda;

i) ipoteka omonati davrida omonatchi vafot etgan taqdirda va (yoki) ipoteka omonati shartnomasida nazarda tutilgan boshqa fors-major holatlar yuzaga kelganda.

16. Bank ipoteka omonati davrida mazkur Nizomning 15-bandida keltirilgan holatlarning biri qayd etilgan kundan eʼtiboran ikki ish kunida:

omonatchiga oʻziga tegishli boʻlgan omonat mablagʻini unga hisoblangan foizlar bilan birga ipoteka omonati shartnomasida belgilangan tartibda qaytaradi;

dastlabki badal subsidiyasini unga hisoblangan foizlar bilan birga omonatchining roziligisiz Davlat budjetiga qaytaradi;

platforma orqali ushbu jarayonlar toʻgʻrisida Iqtisodiyot va moliya vazirligiga maʼlumotlarni yuboradi.

17. Bank tomonidan dastlabki badal subsidiyasi hisobidan shakllantirilgan omonat mablagʻi unga hisoblangan foizlar bilan birga Davlat budjetiga ikki ish kunida qaytarilmagan taqdirda, har bir kechiktirilgan kun uchun ushbu jami summaning 0,033 foizi miqdorida penya hisoblanishi toʻgʻrisida platformada avtomatik ogohlantiriladi.

18. Omonatchi bank tomonidan ipoteka krediti ajratish toʻgʻrisidagi kafolat xatida belgilangan muddat ichida birlamchi uy-joy bozoridan ipoteka krediti shartlari asosida uy-joy sotib olish uchun zarur hujjatlarni bankka taqdim etadi.

19. Bank platforma orqali:

qurilish (pudrat) tashkiloti bilan birlamchi shartnoma va talabgor (omonatchi) nomiga rasmiylashtirilgan kvartiraning kadastr hujjatini;

qarz oluvchining bankda ochilgan ipoteka omonati hisobvaragʻida shakllangan va unga hisoblangan foizlar hamda ajratiladigan ipoteka krediti summasini ilova qilgan holda roʻyxatdan oʻtkazish uchun Iqtisodiyot va moliya vazirligiga elektron tartibda xabarnoma yuboradi.

Bunda, mazkur kvartira boʻyicha taqdim etiladigan kadastr hujjatlarida yashash maydoni koʻrsatilmagan taqdirda platforma orqali xabarnoma yaratish rad etiladi.

20. Iqtisodiyot va moliya vazirligi ikki ish kunida platforma orqali xabarnomani roʻyxatdan oʻtkazadi.

Bunda, platforma orqali Iqtisodiyot va moliya vazirligida roʻyxatdan oʻtkazilmagan xabarnomalar boʻyicha ipoteka kreditlari boʻyicha dastlabki badal subsidiyasi va foiz xarajatlarining bir qismini qoplash uchun subsidiya mablagʻlari ajratilishiga yoʻl qoʻyilmaydi.

21. Iqtisodiyot va moliya vazirligi platforma orqali mazkur Nizomning 20-bandiga muvofiq roʻyxatdan oʻtkazilgan xabarnomalar toʻgʻrisidagi maʼlumotlarni avtomatik ravishda bankka yuboradi.

22. Bank platformada roʻyxatdan oʻtkazilgan xabarnomalar boʻyicha omonatchilarning bankdagi ipoteka omonati hisobvaragʻida shakllangan mablagʻlar va ularga hisoblangan foizlar hamda ajratiladigan ipoteka krediti mablagʻlarini kvartira sotib olish uchun qurilish (pudrat) tashkilotiga oʻtkazib beradi.

Ipoteka kreditlari ajratilganidan soʻng ular boʻyicha hisoblangan foiz toʻlovlarining bir qismini qoplash maqsadida har bir qarz oluvchi nomiga ochilgan hisobvaraqqa toʻlash uchun bank tomonidan platforma orqali Iqtisodiyot va moliya vazirligiga buyurtmanomalar yuboriladi.

23. Iqtisodiyot va moliya vazirligi ipoteka krediti muddatining birinchi besh yili davomida foiz toʻlovlarining Markaziy bankning asosiy stavkasidan oshgan qismini qoplash uchun subsidiya toʻlovlarini platforma orqali bankning buyurtmanomasida koʻrsatilgan hisobvaragʻiga qonunchilikda belgilangan muddatlarda oʻtkazib boradi.

24. Dastlabki badal subsidiyasini ipoteka omonati hisobvaragʻiga oʻtkazib berish hamda tegishli toʻlovlarni amalga oshirish platformada joriy etilgan alohida toʻlov moduli orqali taʼminlanadi.

Bunda banklarning ipoteka omonati boʻyicha maʼlumotlar bazasi platformaga integratsiya qilish orqali maʼlumot almashinuvi amalga oshiriladi.

25. Bank qarz oluvchi tomonidan ipoteka krediti boʻyicha asosiy qarzdorlik toʻliq qoplanganda yoki foiz uchun subsidiya boʻyicha oxirgi toʻlov amalga oshirilganidan soʻng uch ish kuni ichida platforma orqali avtomatik ravishda Iqtisodiyot va moliya vazirligiga ushbu subsidiya toʻlab berilishi yakunlangan qarz oluvchilar toʻgʻrisidagi maʼlumot taqdim etib boradi.

5-bob. Yakuniy qoidalar

26. Ipoteka omonati ochish va undan foydalanish boʻyicha davlat organlari va boshqa tashkilotlar xodimlarining xatti-harakatlaridan norozi boʻlgan shaxslar qonunchilikda belgilangan tartibda yuqori turuvchi organga yoki sudga shikoyat qilishga haqli.

27. Mazkur Nizom talablarining buzilishida aybdor boʻlgan shaxslar qonunchilikda belgilangan tartibda javobgar boʻladilar.

Maqsadli ipoteka omonatini joriy etish boʻyicha tajriba-sinov loyihasini amalga oshirish tartibi toʻgʻrisidagi nizomga ILOVA

Maqsadli ipoteka omonatini joriy etish boʻyicha tajriba-sinov loyihasini amalga oshirish

Bosqichlar Subyektlar Tadbirlar Bajarish muddatlari 1-bosqich Talabgor Subsidiya xabarnomasining amal qilish muddati davomida ipoteka omonati hisobvaragʻini ochish uchun bankka ariza bilan murojaat qiladi. subsidiya xabarnomasi amal qilishi davrida 2-bosqich Bank 1. Talabgorning hujjatlarini bankning ichki qoidalariga muvofiq oʻrganib chiqib, ijobiy xulosa yoki rad etish boʻyicha yozma ravishda talabgorga xabar beradi. 2. Talabgorning arizasiga asosan ipoteka omonati hisobvaragʻini ochish yuzasidan shartnomani imzolaydi hamda ipoteka omonati hisobvaragʻini ochadi. 3 ish kuni 3-bosqich Talabgor (Omonatchi) Bank bilan tuziladigan ipoteka omonati shartnomasiga muvofiq subsidiya xabarnomasining amal qilish davrida dastlabki badalning oʻz mablagʻi hisobidan shakllanadigan qismidan kam boʻlmagan miqdordagi mablagʻlarni ipoteka omonati hisobvaragʻida jamgʻaradi. subsidiya xabarnomasi amal qilishi davrida 4-bosqich Bank “ Subsidyplatform.mf.uz ” toʻlov platformasi orqali dastlabki badalning bir qismini qoplash uchun Davlat budjetidan ajratilishi belgilangan subsidiya mablagʻini ipoteka omonati hisobvaragʻiga oʻtkazib berish uchun omonatchi shakllantirgan dastlabki badal toʻgʻrisidagi toʻlov hujjatini ilova qilgan holda Iqtisodiyot va moliya vazirligiga buyurtmanoma yuboradi. 2 ish kuni 5-bosqich Iqtisodiyot va moliya vazirligi Ipoteka krediti boʻyicha dastlabki badal subsidiyasini bank tomonidan koʻrsatilgan omonatchining ipoteka omonati hisobvaragʻiga oʻtkazib beradi. 5 ish kuni 6-bosqich Bank Ipoteka omonati hisobvaragʻiga mablagʻ kelib tushgan kunning keyingi kunidan boshlab omonat hisobvaragʻi yopilguniga qadar bank va talabgor oʻrtasida tuziladigan ipoteka omonati shartnomasida bozor stavkasidan kelib chiqib belgilanadigan foiz hisoblanishi boshlanadi. ipoteka omonati shartnomasida koʻrsatilgan muddatda 7-bosqich Omonatchi Birlamchi uy-joy bozoridan ipoteka krediti shartlari asosida kvartira sotib olish uchun qurilish (pudrat) tashkiloti bilan tuzilgan birlamchi shartnomani hamda bank ichki qoidalariga muvofiq boshqa hujjatlarni taqdim qiladi. ipoteka omonati muddati yakuniga qadar 8-bosqich Bank 1. Omonatchi tomonidan birlamchi uy-joy bozoridan ipoteka krediti shartlari asosida uy-joy sotib olish uchun taqdim etgan hujjatlarni amaldagi qonunchilik talablariga hamda bankning ichki kredit siyosatiga muvofiq belgilangan tartibda oʻrganib chiqadi. 2. Omonatchiga ipoteka krediti ajratish toʻgʻrisida qaror qabul qiladi va unga ipoteka krediti ajratish toʻgʻrisidagi kafolat xatini taqdim etadi. 1 ish kuni 3. Omonatchiga ipoteka krediti ajratishni rad etganda: omonatchiga oʻziga tegishli boʻlgan omonat mablagʻini unga hisoblangan foizlar bilan birga ipoteka omonati shartnomasida belgilangan tartibda qaytaradi; dastlabki badal subsidiyasini unga hisoblangan foizlar bilan birga omonatchining roziligisiz Davlat budjetiga qaytaradi. 2 ish kuni 9-bosqich Omonatchi Birlamchi uy-joy bozoridan ipoteka krediti shartlari asosida uy-joy sotib olish uchun zarur hujjatlarni bankka taqdim etadi. Ipoteka krediti ajratish toʻgʻrisidagi kafolat xatida koʻrsatilgan muddatda 10-bosqich Bank “ Subsidyplatform.mf.uz ” toʻlov platformasi orqali: qurilish (pudrat) tashkiloti bilan shartnoma va talabgor (omonatchi) nomiga rasmiylashtirilgan kvartiraning kadastr hujjatini; qarz oluvchining bankda ochilgan ipoteka omonati hisobvaragʻida shakllangan va unga hisoblangan foizlar hamda ajratiladigan ipoteka krediti summasini ilova qilgan holda roʻyxatdan oʻtkazish uchun Iqtisodiyot va moliya vazirligiga elektron tartibda xabarnoma yuboradi. 3 ish kuni 11-bosqich Iqtisodiyot va moliya vazirligi “ Subsidyplatform.mf.uz ” toʻlov platformasi orqali bank tomonidan yuborilgan xabarnomani roʻyxatdan oʻtkazadi. 2 ish kuni 12-bosqich Bank Ipoteka omonati hisobvaragʻida shakllangan mablagʻlar va ularga hisoblangan foizlar hamda ajratiladigan ipoteka krediti mablagʻlarini kvartira sotib olish uchun qurilish (pudrat) tashkilotiga oʻtkazib beradi. 1 ish kuni Ipoteka kreditlari ajratilganidan soʻng ular boʻyicha hisoblangan foiz toʻlovlarining bir qismini qoplash maqsadida har bir qarz oluvchi nomiga ochilgan hisobvaraqqa toʻlash uchun “ Subsidyplatform.mf.uz ” toʻlov platformasi orqali Iqtisodiyot va moliya vazirligiga buyurtmanomalar yuboradi. yil davomida 13-bosqich Iqtisodiyot va moliya vazirligi Ipoteka krediti muddatining birinchi besh yili davomida foiz toʻlovlarining Markaziy bankning asosiy stavkasidan oshgan qismini qoplash uchun subsidiya toʻlovlarini “ Subsidyplatform.mf.uz ” toʻlov platformasi orqali bankning buyurtmanomasida koʻrsatilgan hisobvaragʻiga qonunchilikda belgilangan muddatlarda oʻtkazib boradi. har oyda hisobot oyidan keyingi oyning 25-kuniga qadar

Iqtisodiyot va moliya vaziri J. KUCHKAROV

Markaziy bank raisi T. ISHMETOV

Toshkent sh.,

2026-yil 12-iyun,

Toshkent sh.,

2026-yil 11-iyun,

375-son

9801-son

(Qonunchilik maʼlumotlari milliy bazasi, 30.06.2026 y., 10/26/3874/0655-son)

lex.uz