UzbekAI

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

НИЗОМ

СХЕМАСИ

НИЗОМ

СХЕМАСИ

НИЗОМ

СХЕМАСИ

Тошкент давлат юридик университетининг махсус уч йиллик таълим дастурларига ўқишга қабул қилишга оид низомларни тасдиқлаш тўғрисида

Ўзбекистон Республикаси Президентининг «Ўзбекистон Республикасида юридик таълим ва илм-фанни янада ислоҳ қилиш чора-тадбирлари тўғрисида» 2025 йил 26 ноябрдаги ПФ-232-сон Фармонига мувофиқ Тошкент давлат юридик университетига иқтидорли ёшларни саралаб олиш ҳамда ҳуқуқ таълим тизимининг узлуксизлиги ва изчиллигини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ўзбекистон Республикасида юридик таълим ва илм-фанни янада ислоҳ қилиш чора-тадбирлари тўғрисида» 2025 йил 26 ноябрдаги ПФ-232-сон Фармонига мувофиқ:

а) 2026/2027 ўқув йилидан бошлаб:

Тошкент давлат юридик университетига (кейинги ўринларда — Университет) белгиланган тартиблар асосида қабул қилинадиган Университет ҳузуридаги академик лицейлар, юридик техникумлар битирувчилари ҳамда олий маълумотга эга бўлган шахслар учун улар танловига кўра кириш мумкин бўлган бакалавр таълим йўналишлари бўйича кадрларни тайёрлашнинг махсус уч йиллик таълим дастури жорий этилиши, уларни қабул қилиш ва ўқитиш алоҳида қабул квотаси ва тўлов-контракт асосида амалга оширилиши;

Қашқадарё юридик техникуми негизида Тошкент давлат юридик университети ҳузуридаги академик лицейни ташкил этиш тўғрисидаги таклиф маъқуллангани;

б) талабаларга йўналтирилган таълим жараёни орқали уларнинг ижодий салоҳиятини доимий ривожлантириш ҳамда ижтимоий масалаларни ечишга қодир бўлган мутахассислар тайёрлаш;

в) Университетда тажриба тариқасида амалий ўқитиш ҳамда клиник ва дуал таълим тамойили асосида таълим олиш тизими жорий этилгани, бунда:

иккинчи, учинчи ва тўртинчи курс талабалари учун юридик таълим дастурларининг 50 фоизи (назарий қисмлари) аудиторияларда, 50 фоизи (амалиёт қисми) суд, ҳуқуқни муҳофаза қилувчи органлар, адвокатура, консалтинг ва соҳага доир бошқа ташкилотларда, шунингдек, юридик клиникада клиник семинарлар ўтказиш орқали олиб борилиши;

таълим дастурларининг назарий қисмларини амалий мисоллар асосида ўқитиш (problem-based learning) орқали талабада муаммоли вазиятни таҳлил ва хулоса қилиш каби «юмшоқ» кўникмалар (soft skills) ва назарий билимларни шакллантиришга эътибор қаратилиши белгилангани маълумот учун қабул қилинсин.

2. Қуйидагилар:

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низом 1-иловага мувофиқ;

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низом 2-иловага мувофиқ;

Олий маълумотга эга бўлган шахсларни Тошкент давлат юридик университетига ўқишга қабул қилиш тартиби тўғрисидаги низом 3-иловага мувофиқ тасдиқлансин.

3. Адлия вазирлиги ҳамда Олий таълим, фан ва инновациялар вазирлигининг Тошкент давлат юридик университети ҳузуридаги Қашқадарё вилояти академик лицейига (кейинги ўринларда — академик лицей) қабулни 2026/2027 ўқув йилидан бошлаб амалга ошириш тўғрисидаги таклифларига розилик берилсин.

4. Белгилансинки:

академик лицей тегишлича Қашқадарё юридик техникумининг ҳуқуқлари ва мажбуриятлари, шунингдек, тузилган шартномалари бўйича ҳуқуқий вориси ҳисобланади;

Қашқадарё юридик техникумининг амалдаги ўқув дастурлари бўйича ўқитиш якунлангунига қадар илгари белгиланган тартибда академик лицейда давом эттирилади, техникум ўқувчиларига нисбатан илгари белгиланган имтиёзлар сақлаб қолинади ҳамда битирувчиларга тегишли мутахассислик бўйича диплом берилади;

Қашқадарё юридик техникуми ходимлари қонунчиликда белгиланган тартибда академик лицейдаги мавжуд штат бирликлари ва меҳнатга ҳақ тўлаш миқдорлари доирасида ишга қабул қилинади;

академик лицей директори лицейнинг фаолиятига оид барча масалалар, жумладан, молиявий масалалар, маъмурий бошқарув ва ўқув жараёнини ташкил этиш учун жавобгар ҳисобланади;

академик лицейнинг ўқув-услубий жараёни юридик таълимнинг узлуксизлиги ва изчиллигини таъминлашни ҳисобга олган ҳолда, Университет томонидан мувофиқлаштирилади;

академик лицейни бюджет маблағлари ҳисобидан сақлаш билан боғлиқ харажатларни молиялаштириш 2026 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Адлия вазирлигига ажратилган маблағлар ва Тошкент давлат юридик университетининг бюджетдан ташқари маблағлари доирасида амалга оширилади, 2027 йилдан бошлаб эса Давлат бюджети параметрларида назарда тутилади.

5. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.

6. Адлия вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Вазирлар Маҳкамасининг 2026 йил 30 июндаги 350-сон қарорига 1-ИЛОВА

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисида

1-боб. Умумий қоидалар

1. Ушбу Низом Тошкент давлат юридик университети ҳузуридаги академик лицейларнинг (кейинги ўринларда — академик лицейлар) иқтидорли битирувчиларини Тошкент давлат юридик университетининг (кейинги ўринларда — Университет) махсус уч йиллик таълим дастурига 2-курсдан кириш тест синовларисиз, якка тартибда суҳбат ўтказиш орқали, тўлов-контракт асосида, қабул параметрларидан ташқари ўқишга қабул қилиш тартибини белгилайди.

2. Ушбу Низомда қуйидаги асосий тушунчалардан фойдаланилади:

абитуриент — Университетнинг махсус уч йиллик таълим дастурига кириш тест синовларисиз, суҳбат асосида ўқишга қабул қилинадиган академик лицей битирувчиси;

апелляция комиссияси — якка тартибдаги суҳбат натижалари бўйича абитуриентларнинг шикоятларини кўриб чиқиш учун ташкил этиладиган комиссия;

махсус комиссия — ҳар йили Университет ректори буйруғи билан академик лицейларда ташкил этиладиган битирувчиларга тавсияномалар бериш масаласини кўриб чиқувчи комиссия;

қабул комиссияси — ҳар йили Университет ректори буйруғи билан ташкил этиладиган Университетга қабул жараёнларини ташкил этувчи, шу жумладан абитуриентлар ҳужжатларини қабул қиладиган ва уларга маслаҳат берувчи комиссия;

суҳбат комиссияси — Университетнинг махсус уч йиллик таълим дастурига қабул қилиш учун абитуриентлар билан якка тартибдаги суҳбат ўтказиш мақсадида Университет тақдимномасига асосан Ўзбекистон Республикаси адлия вазири буйруғи билан ташкил этиладиган комиссия;

якка тартибдаги суҳбат — Университетнинг махсус уч йиллик таълим дастурига ўқишга қабул қилиш учун суҳбат комиссияси томонидан абитуриентга мазкур Низомнинг 5-бандида кўрсатилган мезонлардан келиб чиққан ҳолда савол-жавоб ўтказиш жараёни.

3. Абитуриентлар қабул параметрларидан ташқари Университет томонидан ички имкониятлардан келиб чиққан ҳолда, белгиланган ўринлар сонига мос равишда тўлов-контракт асосида Университетнинг махсус уч йиллик таълим дастурига мувофиқ бакалавриатнинг кундузги, кечки, масофавий таълим шаклларига ўқишга қабул қилинади.

Бунда қабул параметрларидан ташқари ўринлар сони ҳақидаги маълумотлар ҳар йили 10 июнга қадар Университетнинг расмий веб-сайти ва ижтимоий тармоқлар орқали эълон қилинади.

4. Университетнинг махсус уч йиллик таълим дастурига ўқишга қабул қилиш суҳбат натижаларига кўра рейтинг тизими бўйича тўпланган баллар асосида амалга оширилади.

5. Абитуриентлар қуйидаги мезонлар асосида суҳбатдан ўтказилади:

академик лицейлар дастурлари доирасида ҳуқуқий фанлар бўйича билим савияси ва ўзлаштириш даражаси;

юридик мутахассисликни танлашдаги мотивацияси (юридик мутахассисликнинг моҳияти ва ижтимоий аҳамиятини тушуниши ҳамда унга доимий қизиқиши);

нутқ маданиятининг шаклланганлиги, ўз фикрини равон ифода этиши ва танқидий фикрлаш салоҳиятига эгалиги;

умумий дунёқарашнинг шаклланганлиги, мунтазам равишда ўз устида ишлаши ва ижодкорлик қобилияти.

6. Абитуриентлар Университетнинг махсус уч йиллик таълим дастурига мазкур Низомга 1-иловага мувофиқ схема асосида ўқишга қабул қилинади.

2-боб. Махсус комиссияни ташкил этиш ва битирувчиларни тавсия қилиш тартиби

7. Ҳар йили 10 июнга қадар 7 кишидан иборат таркибда ҳар бир академик лицей учун алоҳида махсус комиссия ташкил этилади. Махсус комиссия таркибига адлия органлари ва муассасалари, академик лицейлар ходимлари киритилади.

Махсус комиссия таркибига келишув асосида бошқа ташкилотлар вакиллари ҳам киритилиши мумкин.

Махсус комиссия ўз фаолиятини коллегиаллик, ошкоралик, холислик ва бетарафлик тамойиллари асосида амалга оширади.

Махсус комиссияга унинг бошқа аъзолари фаолиятини мувофиқлаштирувчи раис раҳбарлик қилади. Махсус комиссия фаолиятини ташкилий жиҳатдан таъминлаш унинг котибига юкланади.

Махсус комиссия котиби бир вақтнинг ўзида комиссия аъзоси ҳисобланади.

Университет ректорининг буйруғи билан Университет шўъба мудирлари орасидан махсус комиссия раислари белгиланади.

8. Битирувчилар ҳар йили 20 июнга қадар Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни сўраб махсус комиссияга ариза беради. Бунда ариза махсус комиссия котибига топширилади.

Махсус комиссия фақат комиссия ташкил этилган тегишли ўқув йилидаги битирувчиларнинг аризаларини кўриб чиқади.

9. Аризага қуйидаги ҳужжатлар илова қилинади:

битирувчининг хорижий тилни билиш даражасини белгиловчи миллий ёки халқаро сертификат;

битирувчининг шахсий ютуқлари, академик лицейнинг ижтимоий ҳаётидаги фаол иштирокини (маънавий-маърифий тадбирлар, жамоат ишлари, лойиҳалар, танловлар, олимпиадалар ва бошқа тадбирлар) тасдиқловчи ҳужжатлар.

10. Махсус комиссиянинг мажлислар ўтказиш жадвали ва мажлисга таклиф этилган битирувчилар рўйхати комиссия раиси томонидан тасдиқланади.

11. Мажлисларни ўтказиш жадвали мажлис бошланишидан камида бир ҳафта аввал академик лицейларнинг расмий веб-сайтлари ва ижтимоий тармоқларида эълон қилинади.

12. Махсус комиссия ҳар йили 20 июндан бошлаб беш иш куни ичида битирувчиларнинг ҳужжатларини комиссия мажлисида кўриб чиқади.

13. Махсус комиссия мажлиси комиссия аъзоларининг учдан икки қисми қатнашганда ваколатли ҳисобланади.

14. Махсус комиссия қуйидаги минимал талабларни инобатга олган ҳолда, Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилади:

битирувчининг академик лицейдаги умумий ўзлаштириш кўрсаткичи рейтинг натижалари бўйича 71 фоиз ва ундан юқори фоизни ташкил қилиши, шунингдек, 5 баҳолик тизимда 4 баҳо ва ундан юқори бўлиши керак. Бунда махсус комиссияга битирувчининг умумий ўзлаштириш кўрсаткичи тўғрисидаги маълумот академик лицей томонидан тақдим этилади;

битирувчининг хорижий тилни билиш даражасини белгиловчи камида B2 даражасидаги миллий ёки халқаро сертификатга эгалиги;

битирувчининг шахсий ютуқлари, академик лицейнинг ижтимоий ҳаётидаги фаол иштироки (маънавий-маърифий тадбирлар, жамоат ишлари, лойиҳалар, танловлар, олимпиадалар ва бошқа тадбирлар);

битирувчининг академик лицейдаги ўқиш даврида унга нисбатан интизомий жазо чораси қўлланилмаганлиги.

Бунда махсус комиссия мазкур минимал талабларга тегишли масалаларни кўриб чиқишда битирувчининг академик лицейдаги бутун ўқиш даврини ҳисобга олади.

15. Зарурат бўлганда, тақдим этилган ҳужжатлардаги маълумотларга аниқлик киритиш мақсадида битирувчи махсус комиссия йиғилишига чақирилиши ҳамда у билан суҳбат ўтказилиши мумкин.

Суҳбат реал вақт режимида (онлайн) кузатиб бориш имкониятига эга хонада ўтказилади.

16. Мажлисда иштирок этган махсус комиссия аъзоларининг кўпчилик овози билан битирувчини Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш ёки тавсия қилишни рад этиш тўғрисида қарор қабул қилинади ҳамда комиссия ҳар бир аъзосининг битирувчи тўғрисидаги асослантирилган фикри мажлис баённомасида қайд этилади.

Бунда битирувчи ушбу Низомнинг 14-бандида белгиланган минимал талабларга жавоб бермаган тақдирда, махсус комиссия уни Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни рад этиш тўғрисида қарор қабул қилиши учун асос бўлади.

17. Махсус комиссия мажлисининг баённомаси мажлисда иштирок этган комиссия аъзолари томонидан имзоланиб, раис томонидан тасдиқланади.

18. Махсус комиссиянинг қарори асосида Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилинган битирувчилар рўйхати қарор қабул қилинган кундан бошлаб икки иш куни ичида академик лицей директорининг буйруғи билан тасдиқланади ҳамда битирувчига буйруқдан кўчирма берилади.

Мазкур буйруқ нусхаси академик лицейлар томонидан бир иш куни ичида Университетнинг қабул комиссиясига юборилади.

Тавсия қилинган битирувчиларга Университетнинг махсус уч йиллик таълим дастурига суҳбат асосида тест синовларисиз ўқишга кириш ҳуқуқи дастлабки икки йил учун амал қилади.

3-боб. Қабул комиссияси томонидан ҳужжатларни қабул қилиш ва кўриб чиқиш тартиби

19. Қабул комиссияси томонидан абитуриентларнинг ўқишга қабул қилиш ҳақидаги аризалари ҳар йили 25 июндан 5 июлга қадар қабул қилинади.

20. Абитуриент мазкур Низомга 2-иловага мувофиқ Университет ректори номига махсус уч йиллик таълим дастурига ўқишга қабул қилиш ҳақида Интернет жаҳон ахборот тармоғи орқали электрон шаклда ариза юборади. Бунда битирувчининг дипломи (иловаси билан бирга) pdf шаклда (portable document format) аризага илова қилинади.

21. Қабул комиссияси аризани келиб тушган вақтдан бошлаб етмиш икки соат ичида кўриб чиқади ва ҳужжатларда камчиликлар аниқланмаган тақдирда, аризани ноёб рақам бериш орқали рўйхатдан ўтказади.

Аризалар қабул қилингани электрон платформадаги шахсий кабинетлари орқали маълум қилинади.

Аризаси қабул қилинмаган абитуриентларга аризани қабул қилишни рад этиш сабаби кўрсатилган ҳолда электрон платформадаги шахсий кабинетлари орқали маълум қилинади.

Абитуриент томонидан белгиланган муддатда рўйхатдан ўтишда электрон платформага талаб этилган маълумотлар ва ҳужжатлар аслига мос ҳамда тўлиқ белгиланган талабларга мувофиқ киритилганда, қабул комиссияси томонидан ҳужжатларни қабул қилиш рад этилишига йўл қўйилмайди.

Абитуриент йигирма тўрт соат ичида билдиришномада кўрсатилган камчиликларни бартараф этиши ва ҳужжатларни мазкур Низомнинг 20-бандида белгиланган тартибда такроран топшириши мумкин. Бунда ушбу Низомнинг 19-бандида белгиланган муддат аризани такроран топширишга нисбатан қўлланилмайди.

4-боб. Суҳбат комиссиясини ташкил этиш ва якка тартибдаги суҳбатни ўтказиш тартиби

22. Ҳар йили 1 июлга қадар 7 кишидан иборат Университетнинг тақдимномасига асосан Ўзбекистон Республикаси адлия вазири буйруғи билан суҳбат комиссияси ташкил этилади. Суҳбат комиссияси таркибига вазирлик ва Университет ходимлари киритилади.

Якка тартибдаги суҳбатда кўзи ожиз абитуриент қатнашаётган тақдирда, суҳбат комиссияси таркибига Ўзбекистон кўзи ожизлар жамияти вакили киритилади. Бунда кўзи ожиз абитуриентлар билан суҳбат ўтказиш жараёни қонунчилик ҳужжатларида белгиланган тартибда амалга оширилади.

Абитуриентлар сони 200 нафардан ортиқни ташкил этганда, қўшимча суҳбат комиссияси ташкил этилиши мумкин.

23. Махсус комиссия таркибига киритилган шахсларнинг суҳбат комиссияси таркибига киритилишига йўл қўйилмайди.

24. Суҳбат комиссияси ўз фаолиятини коллегиаллик, ошкоралик, холислик ва бетарафлик принциплари асосида амалга оширади.

25. Суҳбат комиссиясига унинг бошқа аъзолари фаолиятини ўзаро умумий мувофиқлаштирувчи раис раҳбарлик қилади. Суҳбат комиссияси фаолиятини ташкилий жиҳатдан таъминлаш унинг котибига юкланади.

Суҳбат комиссияси котиби бир вақтнинг ўзида комиссия аъзоси ҳисобланади.

26. Суҳбат комиссияси суҳбат бошланишидан камида уч кун олдин якка тартибдаги суҳбат ўтказиш жадвалини тасдиқлайди ҳамда Университет расмий веб-сайти ва ижтимоий тармоқларида эълон қилади.

27. Суҳбат комиссияси ҳар йили 10 июлдан 10 августга қадар абитуриентлар билан якка тартибда суҳбат ўтказади.

28. Якка тартибдаги суҳбат ўтказилгунга қадар абитуриентлар учун қабул комиссияси раиси томонидан тасдиқланган жадвал асосида маслаҳатлар ташкил этилади.

29. Қабул комиссияси котиби якка тартибдаги суҳбат ўтказиладиган бино ва аудиторияларни тайёрлаш учун масъул ҳисобланади.

30. Якка тартибдаги суҳбат Университетдаги таълим тилларида ўтказилади. Бунда якка тартибдаги суҳбат тили абитуриент томонидан танланади ва унинг ўқишга қабул қилиш ҳақидаги аризасида кўрсатилади.

31. Абитуриент суҳбат ўтказиладиган аудиторияга якка тартибдаги суҳбат ўтказиш жадвалига мувофиқ биометрик паспорти (ID-картаси) билан навбатма-навбат киритилади.

32. Абитуриентнинг якка тартибдаги суҳбатга уяли телефон ҳамда бошқа алоқа ва телекоммуникация воситалари, луғат, китоб ва шпаргалкалар олиб кириши, улардан фойдаланиши ёки уларни бошқа абитуриентга бериши, шунингдек, бошқа абитуриентга ёрдам беришига йўл қўйилмайди.

Ушбу талабни бузган абитуриент якка тартибдаги суҳбатдан четлаштирилади. Суҳбат комиссияси котиби мазкур Низомга 3-иловага мувофиқ шаклда абитуриентни якка тартибдаги суҳбатдан четлаштириш ҳақида далолатнома расмийлаштиради.

33. Якка тартибдаги суҳбатни ўтказиш давомида суҳбат комиссияси аъзолари абитуриентга мазкур Низомнинг 5-бандида кўрсатилган мезонлардан келиб чиққан ҳолда саволлар беради.

Бунда мазкур Низомнинг 5-банди иккинчи хатбошисидаги мезон бўйича бериладиган саволлар рўйхати академик лицейлар ўқув дастурлари асосида шакллантирилади ҳамда Университет ректори томонидан тасдиқланади.

Саволлар рўйхати Университет расмий веб-сайти ва ижтимоий тармоқларида якка тартибдаги суҳбат бошланишидан камида ўн беш кун аввал эълон қилинади.

Якка тартибдаги суҳбат ҳар бир абитуриент учун 30 дақиқагача давом этиши мумкин. Мазкур Низомнинг 5-банди иккинчи ва учинчи хатбошиларидаги мезонлар бўйича саволлар абитуриент томонидан ахборот технологияларидан фойдаланган ҳолда махсус электрон дастур орқали тасодифий равишда танланади.

Абитуриент томонидан тасодифий равишда танланган саволлар суҳбат комиссияси котиби томонидан қоғозга чоп этилиб, абитуриентга тақдим қилинади.

Якка тартибдаги суҳбат натижалари 100 балли тизимда баллар қўйиш йўли билан баҳоланади. Мазкур Низомнинг 5-бандида кўрсатилган ҳар бир мезон бўйича максимал балл 25 баллни ташкил этади.

34. Абитуриентлар билан ўтказилган якка тартибдаги суҳбат натижалари бўйича суҳбат комиссиясининг ҳар бир аъзоси бошқа аъзолардан мустақил равишда мазкур Низомга 4-иловага мувофиқ шаклда баҳолаш варақасини тўлдиради ва уни суҳбат комиссияси котибига тақдим этади. Суҳбат комиссияси котиби комиссия аъзолари томонидан абитуриентга қўйилган ўртача баллни ҳисоблаб чиқади.

Якка тартибдаги суҳбат натижалари рейтинг тизими бўйича абитуриентга қўйилган 0 дан 100 гача оралиқдаги баллар асосида аниқланади.

35. Якка тартибдаги суҳбат натижаси бўйича суҳбат комиссиясининг баённомаси расмийлаштирилади. Баённома якка тартибдаги суҳбатда иштирок этган комиссия аъзолари томонидан имзоланади ва комиссия раиси томонидан тасдиқланади.

Абитуриентлар рўйхати суҳбат комиссияси баённомасида энг юқори балл олган абитуриентдан бошлаб, баллар кетма-кетлигига қатъий риоя қилган ҳолда, камайиб бориш тартибида жойлаштирилади.

Якка тартибдаги суҳбат жараёни видеоёзувларда қайд этилади ҳамда Интернет жаҳон ахборот тармоғи орқали онлайн режимда трансляция қилинади.

36. Якка тартибдаги суҳбат натижалари суҳбат жараёни якунлангандан сўнг бир иш куни ичида Университет расмий веб-сайти ва ижтимоий тармоқларида эълон қилинади.

37. Абитуриент қуйидаги ҳолларда ўқишга қабул қилинмайди:

якка тартибдаги суҳбат ўтказиш жадвалига мувофиқ суҳбатга келмаганда;

якка тартибдаги суҳбатда белгиланган максимал баллнинг 56 фоизидан кам балл тўпланганда.

Бунда якка тартибдаги суҳбатда белгиланган максимал баллнинг 56 фоизи ва ундан юқори балл тўплаган, бироқ, Университет томонидан белгиланган ўринлар доирасига кирмаган абитуриентлар ўқишга қабул қилинмайди.

38. Университетнинг махсус уч йиллик таълим дастурига абитуриентларни ўқишга қабул қилиш учун якка тартибдаги суҳбатни қайта ўтказишга йўл қўйилмайди.

39. Якка тартибдаги суҳбат натижалари бўйича абитуриентнинг шикоятини кўриб чиқиш учун ҳар йили 1 июлга қадар 7 кишидан иборат таркибда Университет тақдимномасига асосан Адлия вазири буйруғи билан апелляция комиссияси ташкил этилади.

Апелляция комиссияси таркибига вазирлик ва Университет ходимлари киритилиши мумкин.

Махсус комиссия ва суҳбат комиссияси аъзолари апелляция комиссияси таркибига киритилмайди.

Апелляция комиссияси ўз фаолиятини коллегиаллик, ошкоралик, холислик ва бетарафлик принциплари асосида амалга оширади.

Апелляция комиссиясига комиссиянинг бошқа аъзолари фаолиятини ўзаро умумий мувофиқлаштирувчи раис раҳбарлик қилади. Апелляция комиссияси фаолиятини ташкилий таъминлаш унинг котибига юкланади.

Апелляция комиссияси котиби бир вақтнинг ўзида комиссия аъзоси ҳисобланади.

Зарурат бўлганда, суҳбат комиссияси аъзоси апелляция жараёнида қатнашиши ва ўз фикрини билдириши мумкин.

40. Абитуриент якка тартибдаги суҳбат натижаларидан норози бўлган тақдирда, суҳбат натижаси эълон қилинган кундан бошлаб уч иш куни ичида апелляция комиссиясига ёзма ёхуд электрон тарзда апелляция шикояти бериш ҳуқуқига эга.

41. Апелляция комиссияси апелляция шикоятини келиб тушган кундан бошлаб икки иш куни ичида кўриб чиқади. Апелляция шикояти кўриб чиқиладиган кун ҳақида абитуриентга хабар берилади.

42. Апелляция шикояти абитуриент иштирокида кўриб чиқилади ва ушбу жараён видеоёзувларда қайд этилади.

43. Апелляция комиссияси апелляция шикоятини кўриб чиқиш натижаси бўйича қуйидаги мазмундаги қарорлардан бирини қабул қилади:

эътироз асоссиз бўлган тақдирда, апелляция шикоятини қаноатлантиришни рад этиш ва якка тартибдаги суҳбат натижаларини ўзгаришсиз қолдириш тўғрисида;

эътироз асосли бўлган тақдирда, апелляция шикоятини қаноатлантириш ва якка тартибдаги суҳбат натижаларига ўзгартириш киритиш тўғрисида.

44. Якка тартибдаги суҳбатдан муваффақиятли ўтган абитуриентлар ўқув йили бошланишига қадар дипломи (иловаси билан бирга) ва хорижий тилни билиш даражасини белгиловчи миллий ёки халқаро сертификатининг асл нусхаларини қабул комиссиясига тақдим этади.

Ҳужжатларда, шу жумладан, электрон шаклда тақдим этилган ҳужжатларда сохталаштириш ва қалбакилаштириш ёки ёлғон маълумот тақдим этилганлиги аниқланган тақдирда, абитуриент якка тартибдаги суҳбатдан ёхуд университет талабалари сафидан четлаштирилади, ҳужжатлари эса белгиланган тартибда ҳуқуқни муҳофаза қилувчи органларга юборилади.

45. Университет ҳар йили 15 августга қадар якка тартибдаги суҳбат натижалари тўғрисидаги маълумотларни Адлия вазирлигига юборади.

5-боб. Ўқишга қабул қилиш тартиби

46. Ҳар йили 25 августга қадар Ўзбекистон Республикаси адлия вазирининг абитуриентларни махсус уч йиллик таълим дастурига ўқиш учун тавсия этиш тўғрисидаги буйруғи қабул қилиниб, Университетга юборилади.

47. Ўзбекистон Республикаси адлия вазирининг буйруғига асосан ҳар йили 30 августга қадар университет ректорининг абитуриентларни дарсларга қатнашишга рухсат бериш тўғрисидаги буйруғи қабул қилинади.

48. Университет ректорининг абитуриентларни махсус уч йиллик таълим дастурига дарсларга қатнашишга рухсат бериш тўғрисидаги буйруғи қабул қилинганидан сўнг Университет ҳамда абитуриентлар ўртасида Олий таълим, фан ва инновациялар вазирлигининг махсус платформаси орқали қонунчилик ҳужжатларида белгиланган тартибда шартнома расмийлаштирилади.

Университетнинг махсус уч йиллик таълим дастурига тўлов-контракт асосида ўқишга тавсия этилган абитуриентлар қонунчилик ҳужжатлари ва шартномада кўрсатилган муддатларда тўловларни амалга оширади.

49. Ҳар йили 30 сентябрга қадар университет ректорининг шартномада кўрсатилган тўловларни амалга оширган абитуриентларни ўқишга қабул қилиш тўғрисидаги буйруғи қабул қилинади.

6-боб. Якунловчи қоидалар

50. Университетнинг махсус уч йиллик таълим дастурига ўқишга қабул қилинган талабаларнинг якка тартибдаги суҳбат натижалари бўйича расмийлаштирилган ҳужжатларидан кўчирмалар уларнинг шахсий йиғмажилдига тикиб қўйилади.

51. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 1-ИЛОВА

Тошкент давлат юридик университети ҳузуридаги академик лицейларнинг битирувчиларини Тошкент давлат юридик университетининг махсус уч йиллик таълим дастурига якка тартибда суҳбат ўтказиш орқали ўқишга қабул қилишни ташкил этиш

Босқичлар Субъектлар Тадбирлар Бажариш муддатлари 1-босқич Тошкент давлат юридик университети (ТДЮУ) Академик лицейлар битирувчиларини ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш масаласини кўриб чиқиш бўйича махсус комиссия ташкил этади. Ҳар йили 10 июнга қадар Академик лицейларнинг битирувчилари ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни сўраб махсус комиссияга ариза беради. Ҳар йили 20 июнга қадар Махсус комиссия 1. Мажлисларни ўтказиш жадвалини академик лицейларнинг расмий веб-сайти ва ижтимоий тармоқларда эълон қилади. Мажлис бошланишидан камида бир ҳафта олдин 2. Битирувчиларнинг ҳужжатларини комиссия мажлисида кўриб чиқади. 3. Мажлисда иштирок этган махсус комиссия аъзоларининг кўпчилик овози билан битирувчини ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш ёки тавсия қилишни рад этиш тўғрисида қарор қабул қилади. Ҳар йили 20 июндан бошлаб беш иш куни ичида 2-босқич Академик лицейлар 1. Махсус комиссиянинг қарори асосида ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилинган битирувчилар рўйхатини буйруқ билан тасдиқлайди ҳамда битирувчига буйруқдан кўчирма беради. Қарор қабул қилинган кундан бошлаб икки иш куни ичида 2. Буйруқ нусхасини ТДЮУ қабул комиссиясига юборади. Бир иш куни ичида 3-босқич Абитуриент ТДЮУ ректори номига ТДЮУнинг махсус уч йиллик таълим дастурига ўқишга қабул қилиш ҳақида Интернет жаҳон ахборот тармоғи орқали электрон шаклда ариза юборади. Ҳар йили 25 июндан 5 июлга қадар 4-босқич Қабул комиссияси 1. Аризани кўриб чиқади ва ҳужжатларда камчиликлар аниқланмаган тақдирда, аризани ноёб рақам бериш орқали рўйхатдан ўтказади ҳамда абитуриентларга махсус платформадаги шахсий кабинетлари орқали маълум қилади. Келиб тушган вақтдан бошлаб етмиш икки соат ичида 2. Агар тақдим этилган ҳужжатларда камчиликлар аниқланиб аризалар қабул қилинмаган тақдирда абитуриентларга аризани қабул қилишни рад этиш сабаби кўрсатилган ҳолда электрон платформадаги шахсий кабинетлари орқали маълум қилади. Камчилик аниқланган вақтдан бошлаб бир соат ичида Абитуриент Билдиришномада кўрсатилган камчиликларни бартараф этади ва ҳужжатларни белгиланган тартибда такроран топширади. Йигирма тўрт соат ичида 5-босқич Адлия вазирлиги Суҳбат комиссиясини ташкил этади. Ҳар йили 1 июлга қадар Суҳбат комиссияси 1. Якка тартибдаги суҳбат ўтказиш жадвалини тасдиқлайди ТДЮУнинг расмий веб-сайти ва ижтимоий тармоқларида эълон қилади. Суҳбат бошланишидан камида уч кун аввал 2. Абитуриентлар билан якка тартибда суҳбат ўтказади. Ҳар йили 10 июлдан 10 августга қадар 3. Якка тартибдаги суҳбат натижаларини ТДЮУнинг расмий веб-сайти ва ижтимоий тармоқларда эълон қилади. Суҳбат жараёни якунлангандан сўнг бир иш куни ичида 6-босқич Адлия вазирлиги Якка тартибдаги суҳбат натижалари бўйича абитуриентнинг шикоятини кўриб чиқиш учун апелляция комиссиясини ташкил этади. Ҳар йили 1 июлга қадар 7-босқич Абитуриент Диплом (иловаси билан бирга) ва хорижий тилни билиш даражасини белгиловчи миллий ёки халқаро сертификатнинг асл нусхаларини қабул комиссиясига тақдим этади. Ўқув йили бошланишига қадар 8-босқич ТДЮУ Якка тартибдаги суҳбат натижалари тўғрисидаги маълумотларни Адлия вазирлигига юборади. Ҳар йили 15 августга қадар 9-босқич Адлия вазирлиги Абитуриентларни ТДЮУнинг махсус уч йиллик таълим дастурига ўқиш учун тавсия этиш тўғрисида буйруқ қабул қилади. Ҳар йили 25 августга қадар 10-босқич ТДЮУ ва абитуриент Олий таълим, фан ва инновациялар вазирлигининг махсус платформаси орқали қонунчилик ҳужжатларида белгиланган тартибда шартнома расмийлаштиради. Ўқишга тавсия этиш тўғрисида буйруқ қабул қилинганидан сўнг Абитуриент Тўловни амалга оширади. Қонунчилик ҳужжатлари ва шартномада кўрсатилган муддатларда ТДЮУ 1. Абитуриентларни дарсларга қатнашишга рухсат бериш тўғрисида буйруқ қабул қилади. Ҳар йили 30 августга қадар 2. Шартномада кўрсатилган тўловларни амалга оширган абитуриентларни ўқишга қабул қилиш тўғрисида буйруқ қабул қилади. Ҳар йили 30 сентябрга қадар

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 2-ИЛОВА

НАМУНА Тошкент давлат юридик университети ректори __________________________га (Ф.И.О.) ____________________________ _________________________дан (абитуриентнинг Ф.И.О (тўлиқ ёзилади) Тошкент давлат юридик университетининг махсус уч йиллик таълим дастурига қабул тўғрисида АРИЗА Менга __________________________________________ йўналишида таълим олиш учун суҳбатдан __________________ (таълим йўналишининг номи) (ўзбек, рус) ўтишимга рухсат беришингизни сўрайман. Маълумотим. ____________________ ___________________________________________ (ўрта махсус) (таълим муассасасининг номи) ___________________________________________________________ни __________ йилда тугатганман. Таълим тўғрисидаги ҳужжат (диплом): серия _____________ № ______________________________ Суҳбатдан _______________ тилида ўтаман. _____________ (ўзбек, рус) Туғилган вақтим ва жойим: ______ _________ _____ йил ____________________________ (кун) (ой) (йил) (туғилган жойи) Доимий яшаш манзилим: _________________________________________________________________ (мамлакат, вилоят, шаҳар, туман, қишлоқ, кўча, уй рақами тўлиқ) ________________________________________________________________________________________ Биометрик паспорт (идентификация ID-картаси) маълумоти: _______ ____________, __________________________________ (серия) (рақами) (қачон ва ким томонидан берилган) ________________________________________________________________________________________ Халқаро ёки миллий олимпиадаларда, танловларда ҳамда спорт мусобақаларида қатнашганлиги ҳақида маълумот (агар қатнашган бўлса) ___________________________________ (олимпиада фани) ________________________________________________________________________________________ танлов фани (ихтисослиги), спорт мусобақаси тури, ўтказилган вақти, эгалланган ўрин) Ногиронлиги ҳақида маълумот ___________________________________________________________ (номи ва гуруҳи, ҳужжат реквизитлари) Суҳбат ўтказиш қоидалари билан танишдим. _____________________ ________ _________________ (абитуриентнинг Ф.И.О.) (имзо) (ариза бериш санаси)

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 3-ИЛОВА

НАМУНА Якка тартибдаги суҳбатдан четлаштириш ҳақида ДАЛОЛАТНОМА ___________________шаҳри 20____ йил «____» __________ Биз, қуйида имзо чекувчилар шуни тасдиқлаймизки, абитуриент ___________________________ _________________________________________________________________________________________ (Ф.И.О.) қуйидаги сабабларга кўра якка тартибдаги суҳбатдан соат ___:___да четлатилди: тақиқланган воситалардан фойдаланган (уяли телефон, компьютер ҳамда бошқа алоқа ва телекоммуникация воситалари, луғат, китоб, шпаргалка); бошқа абитуриентга тақиқланган воситаларни берган; бошқа абитуриентга ёрдам берган; ________________________________________________________________________________________ (низомда назарда тутилган бошқа ҳолатлар) Абитуриент томонидан Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низомнинг _____ бандлари талаблари бузилган. Комиссия котиби ______________________ ______________ (Ф.И.О.) (имзо)

Тошкент давлат юридик университети ҳузуридаги академик лицейлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 4-ИЛОВА

Вазирлар Маҳкамасининг 2026 йил 30 июндаги 350-сон қарорига 2-ИЛОВА

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисида

1-боб. Умумий қоидалар

1. Ушбу Низом юридик техникумларнинг иқтидорли битирувчиларини Тошкент давлат юридик университетининг (кейинги ўринларда — Университет) махсус уч йиллик таълим дастурига 2-курсдан кириш тест синовларисиз, якка тартибда суҳбат ўтказиш орқали, тўлов-контракт асосида, қабул параметрларидан ташқари ўқишга қабул қилиш тартибини белгилайди.

2. Ушбу Низомда қуйидаги асосий тушунчалардан фойдаланилади:

абитуриент — Университетнинг махсус уч йиллик таълим дастурига 2-курсдан юридик техникум тавсияси бўйича тест синовларисиз, суҳбат ўтказиш орқали ўқишга қабул қилинадиган юридик техникум битирувчиси;

махсус комиссия — ҳар йили юридик техникум директори буйруғи билан юридик техникумларда ташкил этиладиган битирувчиларга тавсияномалар бериш масаласини кўриб чиқувчи комиссия;

қабул комиссияси — Университет ректори буйруғи билан ташкил этиладиган Университетга қабул жараёнларини ташкил этувчи, шу жумладан абитуриентлар ҳужжатларини қабул қиладиган ва уларга маслаҳат берувчи комиссия;

якка тартибдаги суҳбат — Университетнинг махсус уч йиллик таълим дастурига қабул қилиш учун суҳбат комиссияси томонидан абитуриентга мазкур Низомнинг 5-бандида кўрсатилган мезонлардан келиб чиққан ҳолда савол-жавоб ўтказиш жараёни;

ҳудудий адлия органлари — Қорақалпоғистон Республикаси Адлия вазирлиги, вилоятлар ва Тошкент шаҳри адлия бошқармалари.

3. Абитуриентлар Университетнинг махсус уч йиллик таълим дастурига мазкур Низомга 1-иловага мувофиқ схема асосида ўқишга қабул қилинади.

4. Юридик техникумлардаги таълим шаклидан қатъи назар, Университетнинг махсус уч йиллик таълим дастурига мувофиқ бакалавриатнинг кундузги, кечки, масофавий таълим шаклларига ўқишга қабул қилиш суҳбат натижаларига кўра рейтинг тизими бўйича тўпланган баллар асосида амалга оширилади.

5. Абитуриентлар қуйидаги мезонлар асосида суҳбатдан ўтказилади:

мамлакатда амалга оширилаётган кенг қамровли ислоҳотларнинг моҳияти ва аҳамиятини тушуниш (давлат ва жамият қурилиши, қонун устуворлигини таъминлаш, иқтисодиётни ривожлантириш ва либераллаштириш, шунингдек, ижтимоий соҳа ва бошқа соҳалардаги ислоҳотлар ҳақида тасаввур ва фикрлаш қобилиятининг мавжудлиги);

ихтисосликни танлашда мотивация (ҳуқуқшунос касбининг моҳияти ва ижтимоий аҳамиятини тушуниш, унга доимий қизиқиш билдириш);

шахсий-касбий хусусиятлар (ўқишга қобилият, касбий вазифаларни ҳал қилишда амалий фаолият, интизомлилик, ҳамжиҳатлик, масъулиятлилик, қарор қабул қилишда мустақиллик даражаси, шунингдек, ўз устида ишлаш ва ижодкорлик қобилиятлари);

юриспруденция соҳасидаги билим ва касбий кўникмаларнинг мавжудлиги (профессионал таълими даражасида юриспруденция соҳасида ўз фикрини баён қилиш ва таҳлил қилиш кўникмаларининг мавжудлиги).

2-боб. Махсус комиссияни ташкил этиш ва битирувчиларни тавсия қилиш тартиби

6. Ҳар йили 10 июнга қадар 7 кишидан иборат таркибда ҳар бир юридик техникум учун алоҳида махсус комиссия ташкил этилади. Махсус комиссия таркибига келишувга кўра университет, ҳудудий адлия органлари ва юридик техникум ходимлари киритилади.

Махсус комиссия таркибига келишув асосида бошқа ташкилотлар вакиллари ҳам киритилиши мумкин.

Махсус комиссияга кўзи ожиз абитуриент мурожаат этганида, махсус комиссия таркибига Ўзбекистон кўзи ожизлар жамияти вакили киритилади.

Махсус комиссияга унинг бошқа аъзолари фаолиятини мувофиқлаштирувчи раис раҳбарлик қилади.

Университет билан келишилган ҳолда Махсус комиссия раиси ўринбосари Университет профессор-ўқитувчилари орасидан белгиланади.

Махсус комиссия фаолиятини ташкилий жиҳатдан таъминлаш унинг котибига юкланади. Махсус комиссия котиби бир вақтнинг ўзида комиссия аъзоси ҳисобланади.

7. Битирувчилар ҳар йили 20 июнга қадар Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни сўраб махсус комиссияга ариза беради. Бунда ариза махсус комиссия котибига топширилади.

Махсус комиссия фақат комиссия ташкил этилган тегишли ўқув йили битирувчиларининг аризаларини кўриб чиқади.

8. Аризага қуйидаги ҳужжатлар илова қилинади:

битирувчининг хорижий тилни билиш даражасини белгиловчи миллий ёки халқаро сертификат;

битирувчининг шахсий ютуқлари, юридик техникумнинг ижтимоий ҳаётидаги фаол иштирокини (маънавий-маърифий тадбирлар, жамоат ишлари, лойиҳалар, танловлар, олимпиадалар ва бошқа тадбирлар) тасдиқловчи ҳужжатлар.

9. Махсус комиссия ҳар йили 20 июндан 30 июнга қадар юридик техникумлар битирувчиларининг аризаларини кўриб чиқади.

Аризалар Махсус комиссия мажлисларида кўриб чиқилади.

10. Махсус комиссиянинг мажлислар ўтказиш жадвали юридик техникум директори буйруғи билан тасдиқланади. Мажлисга таклиф этилган юридик техникумлар битирувчилари рўйхати буйруққа илова қилинади.

11. Мажлислар ўтказиш жадвали юридик техникумнинг расмий веб-сайтида, қоида тариқасида, мажлис бошланишига камида бир ҳафта қолганда эълон қилинади.

12. Махсус комиссия мажлиси, қоида тариқасида, юридик техникум биноларида ўтказилади. Махсус комиссия мажлиси комиссия аъзоларининг барчаси иштирок этган бўлса, ваколатли ҳисобланади.

13. Махсус комиссия қуйидаги минимал талабларни инобатга олган ҳолда, Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилади:

битирувчининг юридик техникумдаги умумий ўзлаштириш кўрсаткичи рейтинг натижалари бўйича 71 фоиз ва ундан юқори фоизни ташкил қилиши, шунингдек, 5 баҳолик тизимда 4 баҳо ва ундан юқори бўлиши керак. Бунда махсус комиссияга битирувчининг умумий ўзлаштириш кўрсаткичи тўғрисидаги маълумот юридик техникум томонидан тақдим этилади;

битирувчининг шахсий ютуқлари, юридик техникумнинг ижтимоий ҳаётидаги фаол иштироки (маънавий-маърифий тадбирлар, жамоат ишлари, лойиҳалар, танловлар, олимпиадалар ва бошқа тадбирлар);

битирувчининг юридик техникумдаги ўқиш даврида унга нисбатан интизомий жазо чораси қўлланилмаганлиги.

Бунда махсус комиссия мазкур минимал талабларга тегишли масалаларни кўриб чиқишда битирувчининг юридик техникумдаги бутун ўқиш даврини ҳисобга олади.

14. Зарурат бўлганда, тақдим этилган ҳужжатлардаги маълумотларга аниқлик киритиш мақсадида битирувчи махсус комиссия йиғилишига чақирилиши ҳамда у билан суҳбат ўтказилиши мумкин.

Суҳбат реал вақт режимида (онлайн) кузатиб бориш имкониятига эга хонада ўтказилади.

15. Мажлисда иштирок этган махсус комиссия аъзоларининг кўпчилик овози билан битирувчини Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш ёки тавсия қилишни рад этиш тўғрисида қарор қабул қилинади ҳамда комиссия ҳар бир аъзосининг битирувчи тўғрисидаги асослантирилган фикри мажлис баённомасида қайд этилади.

Бунда битирувчи ушбу Низомнинг 13-бандида белгиланган минимал талабларга жавоб бермаган тақдирда, махсус комиссия уни Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни рад этиш тўғрисида қарор қабул қилиши учун асос бўлади.

16. Махсус комиссия мажлисининг баённомаси мажлисда иштирок этган комиссия аъзолари томонидан имзоланиб, раис томонидан тасдиқланади.

17. Махсус комиссиянинг қарори асосида Университетнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилинган битирувчилар рўйхати қарор қабул қилинган кундан бошлаб икки иш куни ичида юридик техникум директорининг буйруғи билан тасдиқланади ҳамда битирувчига буйруқдан кўчирма берилади.

Бунда юридик техникум битирувчисига тавсия бериш ҳақида қабул қилинган қарор холислиги учун шахсий жавобгарлик юридик техникум директори зиммасига юкланади.

Мазкур буйруқ нусхаси юридик техникум томонидан бир иш куни ичида Университетнинг расмий почтасига электрон шаклда юборилади.

3-боб. Қабул комиссияси томонидан ҳужжатларни қабул қилиш ва кўриб чиқиш тартиби

18. Абитуриентларни қабул қилиш параметрлари ҳақидаги маълумот Университетнинг расмий веб-сайтига қабул параметрларига оид ҳужжат қабул қилинганидан кейин беш кундан кечикмасдан жойлаштирилади.

19. Қабул комиссияси томонидан абитуриентларнинг ўқишга қабул қилиш ҳақидаги аризалари ҳар йили 5 июлдан 25 июлга қадар қабул қилинади.

Абитуриент мазкур Низомга 2-иловага мувофиқ Университет ректори номига махсус уч йиллик таълим дастурига ўқишга қабул қилиш ҳақида Интернет жаҳон ахборот тармоғи орқали электрон шаклда ариза юборади.

Бунда битирувчининг дипломи (иловаси билан бирга) pdf (portable document format) шаклда аризага илова қилинади.

20. Ҳужжатлар Университет қабул комиссияси томонидан қабул қилинган вақт ариза учун ноёб рақам олинган вақт ҳисобланади.

Абитуриентларнинг ҳужжатлари қабул комиссиялари томонидан кўриб чиқилади ва уларнинг аризалари қабул қилингани электрон платформадаги шахсий кабинетлари орқали маълум қилинади.

21. Абитуриент электрон платформада билдиришномани олганидан бошлаб йигирма тўрт соат ичида камчиликларни бартараф этиши ва ҳужжатларни мазкур Низомнинг 19-бандида белгиланган тартибда такроран топшириши мумкин.

Бунда ушбу Низомнинг 19-бандида белгиланган муддат аризани такроран топширишга нисбатан қўлланилмайди.

4-боб. Суҳбат комиссиясини ташкил этиш ва якка тартибдаги суҳбатни ўтказиш тартиби

22. Ҳар йили 1 июлга қадар 7 кишидан иборат Университетнинг тақдимномасига асосан Ўзбекистон Республикаси адлия вазири буйруғи билан суҳбат комиссияси ташкил этилади. Суҳбат комиссияси таркибига Адлия вазирлиги ва Университет ходимлари киритилиши мумкин.

Махсус комиссия таркибига киритилган шахсларнинг суҳбат комиссияси таркибига киритилишига йўл қўйилмайди.

Суҳбат комиссияси ўз фаолиятини коллегиаллик, ошкоралик, холислик ва бетарафлик принциплари асосида амалга оширади.

Суҳбат комиссиясига унинг бошқа аъзолари фаолиятини ўзаро умумий мувофиқлаштирувчи раис раҳбарлик қилади. Суҳбат комиссияси фаолиятини ташкилий жиҳатдан таъминлаш унинг котибига юкланади.

Суҳбат комиссияси котиби бир вақтнинг ўзида комиссия аъзоси ҳисобланади.

23. Суҳбат комиссияси суҳбат бошланишидан камида беш кун олдин якка тартибдаги суҳбат ўтказиш жадвалини тасдиқлайди ҳамда Университет расмий веб-сайти ва ижтимоий тармоқларида эълон қилади.

24. Суҳбат комиссияси ҳар йили 10 августдан 25 августга қадар абитуриентлар билан якка тартибда суҳбат ўтказади.

Холисона сабабларга кўра ушбу муддатларда суҳбат ўтказиш имконияти бўлмаса, суҳбат комиссияси якка тартибдаги суҳбат ўтказиш муддатини ўзгартириши мумкин. Бунда абитуриентлар белгиланган муддатдан камида бир ҳафта олдин якка тартибдаги суҳбат ва уни ўтказиш жадвали ҳақида хабардор қилинади.

25. Якка тартибдаги суҳбат ўтказилгунга қадар абитуриентлар учун қабул комиссияси раиси томонидан тасдиқланган жадвал асосида маслаҳатлар ташкил этилади.

26. Қабул комиссияси котиби якка тартибдаги суҳбат ўтказиладиган бино ва аудиторияларни тайёрлаш учун масъул ҳисобланади.

27. Якка тартибдаги суҳбат Университетдаги таълим тилларида ўтказилади. Бунда якка тартибдаги суҳбат тили абитуриент томонидан танланади ва унинг ўқишга қабул қилиш ҳақидаги аризасида кўрсатилади.

28. Абитуриент суҳбат ўтказиладиган аудиторияга якка тартибдаги суҳбат ўтказиш жадвалига мувофиқ биометрик паспорти (ID-картаси) билан навбатма-навбат киритилади.

29. Абитуриентнинг якка тартибдаги суҳбатга уяли телефон ҳамда бошқа алоқа ва телекоммуникация воситалари, луғат, китоб ва шпаргалкалар олиб кириши, улардан фойдаланиши ёки уларни бошқа абитуриентга бериши, шунингдек, бошқа абитуриентга ёрдам беришига йўл қўйилмайди.

30. Якка тартибдаги суҳбатни ўтказиш давомида суҳбат комиссияси аъзолари абитуриентга мазкур Низомнинг 5-бандида кўрсатилган мезонлардан келиб чиққан ҳолда саволлар беради.

Бунда мазкур Низомнинг 5-банди иккинчи хатбошисидаги мезон бўйича бериладиган саволлар рўйхати юридик техникумлар ўқув дастурлари асосида шакллантирилади ҳамда Университет ректори томонидан тасдиқланади.

Тасдиқланган саволлар рўйхати Университетнинг расмий веб-сайтига якка тартибдаги суҳбат бошланишидан камида бир ой олдин жойлаштирилади.

Якка тартибдаги суҳбатни ўтказиш давомида абитуриентга қўшимча саволлар берилиши мумкин. Битта абитуриент билан якка тартибдаги суҳбат 30 дақиқагача давом этади.

Мазкур Низомнинг 5-бандидаги мезонлар бўйича саволлар абитуриент томонидан ахборот технологияларидан фойдаланган ҳолда махсус электрон дастур орқали тасодифий равишда танланади.

Якка тартибдаги суҳбат натижалари 100 баллик тизимда баллар қўйиш йўли билан баҳоланади. Мазкур Низомнинг 5-бандида кўрсатилган ҳар бир мезон бўйича максимал балл 25 баллни ташкил этади.

31. Абитуриентлар билан ўтказилган якка тартибдаги суҳбат натижалари бўйича суҳбат комиссиясининг ҳар бир аъзоси бошқа аъзолардан мустақил равишда мазкур Низомга 4-иловага мувофиқ шаклда баҳолаш варақасини тўлдиради ва уни суҳбат комиссияси котибига тақдим этади. Суҳбат комиссияси котиби комиссия аъзолари томонидан абитуриентга қўйилган ўртача баллни ҳисоблаб чиқади.

32. Якка тартибдаги суҳбат натижаси бўйича суҳбат комиссиясининг баённомаси расмийлаштирилади. Баённома якка тартибдаги суҳбатда иштирок этган комиссия аъзолари томонидан имзоланади ва комиссия раиси томонидан тасдиқланади.

33. Якка тартибдаги суҳбат натижалари суҳбат жараёни якунлангандан сўнг бир иш куни ичида Университетнинг расмий веб-сайти ва ижтимоий тармоқларида эълон қилинади.

34. Абитуриент қуйидаги ҳолларда ўқишга қабул қилинмайди:

жадвал бўйича якка тартибдаги суҳбатга келмаганда (0 балл қўйилади);

якка тартибдаги суҳбатда белгиланган максимал баллнинг 70 фоизи ва ундан кам балл тўпланганда.

Бунда якка тартибдаги суҳбатда белгиланган максимал баллнинг 71 фоизи ва ундан юқори балл тўплаган, бироқ, Университет томонидан белгиланган ўринлар доирасига кирмаган абитуриентлар ўқишга қабул қилинмайди.

35. Университетнинг махсус уч йиллик таълим дастурига абитуриентларни ўқишга қабул қилиш учун якка тартибдаги суҳбатни қайта ўтказишга йўл қўйилмайди.

36. Якка тартибдаги суҳбат натижалари бўйича абитуриентнинг шикоятини кўриб чиқиш учун Университет тақдимномасига асосан Ўзбекистон Республикаси адлия вазири буйруғи билан 7 нафар аъзодан иборат апелляция комиссияси ташкил этилади.

Апелляция комиссияси таркибига тегишли фанлар бўйича экспертлар, шикоят кўзи ожиз абитуриент томонидан берилганда эса Ўзбекистон кўзи ожизлар жамияти вакили ҳам киритилади.

Апелляция комиссияси таркибига вазирлик ва Университет ходимлари киритилиши мумкин.

Махсус комиссия ва суҳбат комиссияси аъзолари апелляция комиссияси таркибига киритилмайди.

Апелляция комиссияси унинг аъзоларининг учдан икки қисми қатнашганда ваколатли ҳисобланади.

Апелляция комиссияси котиби бир вақтнинг ўзида комиссия аъзоси ҳисобланади.

Зарурат бўлганда, суҳбат комиссияси аъзоси апелляция жараёнида қатнашиши ва ўз фикрини билдириши мумкин.

37. Абитуриент якка тартибдаги суҳбат натижаларидан норози бўлган тақдирда, суҳбат натижаси эълон қилинган кундан бошлаб уч иш куни ичида апелляция комиссиясига ёзма ёхуд электрон равишда апелляция шикояти бериш ҳуқуқига эга.

38. Апелляция комиссияси апелляция шикоятини келиб тушган кундан бошлаб икки иш куни ичида кўриб чиқади. Апелляция шикояти кўриб чиқиладиган кун ҳақида абитуриентга хабар берилади.

39. Апелляция шикояти абитуриент иштирокида кўриб чиқилади ва ушбу жараён видеоёзувларда қайд этилади.

40. Апелляция комиссияси апелляция шикоятини кўриб чиқиш натижаси бўйича қуйидаги мазмундаги қарорлардан бирини қабул қилади:

41. Якка тартибдаги суҳбатдан муваффақиятли ўтган абитуриентлар қабул комиссиясига якка тартибдаги суҳбат ўтказилган вақтдан бошлаб уч кун мобайнида дипломи (иловаси билан бирга) ва хорижий тилни билиш даражасини белгиловчи миллий ёки халқаро сертификатининг аслини тақдим этади.

42. Университет ҳар йили 30 августга қадар якка тартибдаги суҳбат натижалари тўғрисидаги маълумотларни Адлия вазирлиги ҳамда Олий таълим, фан ва инновациялар вазирлигига юборади.

5-боб. Ўқишга қабул қилиш тартиби

43. Университетнинг махсус уч йиллик таълим дастурига тавсия этиш ва дарсларга қатнашишга рухсат бериш тўғрисидаги ректор буйруғи, қоида тариқасида, 5 сентябрдан кечиктирмасдан қабул қилинади.

44. Университет ректорининг абитуриентларни махсус уч йиллик таълим дастурига ўқишга тавсия этиш тўғрисидаги буйруғи қабул қилинганидан сўнг Университет ҳамда абитуриентлар ўртасида Олий таълим, фан ва инновациялар вазирлигининг махсус платформаси орқали қонунчилик ҳужжатларида белгиланган тартибда шартнома расмийлаштирилади.

45. Ҳар йили 30 сентябрга қадар Университет ректорининг шартномада кўрсатилган тўловларни амалга оширган абитуриентларни ўқишга қабул қилиш тўғрисидаги буйруғи қабул қилинади.

6-боб. Якунловчи қоидалар

46. Университетнинг махсус уч йиллик таълим дастурига ўқишга қабул қилинган талабаларнинг якка тартибдаги суҳбат натижалари бўйича расмийлаштирилган ҳужжатларидан кўчирмалар уларнинг шахсий йиғмажилдига тикиб қўйилади.

47. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 1-ИЛОВА

Юридик техникумлар битирувчиларини Тошкент давлат юридик университетининг махсус уч йиллик таълим дастурига якка тартибда суҳбат ўтказиш орқали ўқишга қабул қилишни ташкил этиш

Босқичлар Субъектлар Тадбирлар Бажариш муддатлари 1-босқич Юридик техникумлар Юридик техникумлар битирувчиларини Тошкент давлат юридик университети (ТДЮУ) махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш масаласини кўриб чиқиш бўйича махсус комиссия ташкил этади. Ҳар йили 10 июнга қадар Юридик техникумларнинг битирувчилари ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилишни сўраб махсус комиссияга ариза беради. Ҳар йили 20 июнга қадар Махсус комиссия 1. Мажлисларни ўтказиш жадвалини юридик техникумларнинг расмий веб-сайтлари ва ижтимоий тармоқларда эълон қилади. Мажлис бошланишидан камида бир ҳафта олдин 2. Битирувчиларнинг ҳужжатларини комиссия мажлисида кўриб чиқади. 3. Мажлисда иштирок этган махсус комиссия аъзоларининг кўпчилик овози билан битирувчини ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилиш ёки тавсия қилишни рад этиш тўғрисида қарор қабул қилади. Ҳар йили 20 июндан 30 июнга қадар 2-босқич Юридик техникумлар 1. Махсус комиссиянинг қарори асосида ТДЮУнинг махсус уч йиллик таълим дастурига суҳбат асосида тест синовларисиз ўқишга кириш учун тавсия қилинган битирувчилар рўйхатини буйруқ билан тасдиқлайди ҳамда битирувчига буйруқдан кўчирма беради. Қарор қабул қилинган кундан бошлаб икки иш куни ичида 2. Буйруқ нусхасини ТДЮУнинг қабул комиссиясига юборади. Бир иш куни ичида 3-босқич Абитуриент ТДЮУ ректори номига университетнинг махсус уч йиллик таълим дастурига ўқишга қабул қилиш ҳақида Интернет жаҳон ахборот тармоғи орқали электрон шаклда ариза юборади. Ҳар йили 5 июлдан 25 июлга қадар 4-босқич Қабул комиссияси 1. Абитуриентнинг ҳужжатларини кўриб чиқади ва унинг аризалари қабул қилинганини электрон платформадаги шахсий кабинети орқали маълум қилади. Қабул муддати давомида 2. Агар тақдим этилган ҳужжатларда камчиликлар аниқланган тақдирда, ТДЮУнинг электрон платформадаги шахсий кабинети орқали бу ҳақида маълум қилади. Камчилик аниқланган вақтдан бошлаб 1 соат ичида Абитуриент Билдиришномада кўрсатилган камчиликларни бартараф этади ва ҳужжатларни белгиланган тартибда такроран топширади. 24 соат ичида 5-босқич Адлия вазирлиги Суҳбат комиссиясини ташкил этади. Ҳар йили 1 июлга қадар Суҳбат комиссияси 1. Якка тартибдаги суҳбат ўтказиш жадвалини тасдиқлайди, ТДЮУнинг расмий веб-сайти ва ижтимоий тармоқларида эълон қилади. Суҳбат бошланишидан камида беш кун аввал 2. Абитуриентлар билан якка тартибда суҳбат ўтказади. Ҳар йили 10 августдан 25 августгача 3. Якка тартибдаги суҳбат натижаларини ТДЮУнинг расмий веб-сайти ва ижтимоий тармоқларда эълон қилади. Суҳбат жараёни якунлангандан сўнг бир иш куни ичида 6-босқич Адлия вазирлиги Якка тартибдаги суҳбат натижалари бўйича абитуриентнинг шикоятини кўриб чиқиш учун апелляция комиссиясини ташкил этади. Ҳар йили 1 июлга қадар 7-босқич Абитуриент Диплом (иловаси билан бирга) ва хорижий тилни билиш даражасини белгиловчи миллий ёки халқаро сертификатнинг асл нусхаларини қабул комиссиясига тақдим этади. Ўқув йили бошланишига қадар 8-босқич ТДЮУ Абитуриентларни университетнинг махсус уч йиллик таълим дастурига тавсия этиш ва дарсларга қатнашишга рухсат бериш тўғрисида буйруқ қабул қилади. Ҳар йили 5 сентябрдан кечиктирмасдан 9-босқич ТДЮУ, абитуриент Олий таълим, фан ва инновациялар вазирлигининг махсус платформаси орқали қонунчилик ҳужжатларида белгиланган тартибда шартнома расмийлаштиради. Ўқишга тавсия этиш тўғрисида буйруқ қабул қилинганидан сўнг Абитуриент Тўловни амалга оширади. Қонунчилик ҳужжатлари ва шартномада кўрсатилган муддатларда ТДЮУ Шартномада кўрсатилган тўловларни амалга оширган абитуриентларни ўқишга қабул қилиш тўғрисида буйруқ қабул қилади. Ҳар йили 30 сентябрга қадар

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 2-ИЛОВА

НАМУНА Тошкент давлат юридик университети ректори ___________________________га (Ф.И.О.) ____________________________ _________________________дан (абитуриентнинг Ф.И.О (тўлиқ ёзилади) Тошкент давлат юридик университетининг махсус уч йиллик таълим дастурига қабул тўғрисида АРИЗА Менга ________________________________________ йўналишида таълим олиш учун суҳбатдан (таълим йўналишининг номи) (ўзбек, рус) ўтишимга рухсат беришингизни сўрайман. Маълумотим ___________________ ___________________________________________ (ўрта махсус) (таълим муассасасининг номи) _____________________________________________ни _________ йилда тугатганман. Таълим тўғрисидаги ҳужжат (диплом): серия ____________ № __________________________________ Суҳбатдан ______________ тилида ўтаман. (ўзбек, рус) Туғилган вақтим ва жойим: _______ ________ _______ йил, ____________________________ (кун) (ой) (йил) (туғилган жойи) Доимий яшаш манзилим: __________________________________________________________________ (мамлакат, вилоят, шаҳар, туман, қишлоқ, кўча, уй рақами тўлиқ) _________________________________________________________________________________________ Биометрик паспорт (идентификация ID-картаси) маълумоти: _______ ____________, __________________________________ (серия) (рақами) (қачон ва ким томонидан берилган) ________________________________________________________________________ Халқаро ёки миллий олимпиадаларда, танловларда ҳамда спорт мусобақаларида қатнашганлиги ҳақида маълумот (агар қатнашган бўлса) ________________________________________ (олимпиада фани) _________________________________________________________________________________________ танлов фани (ихтисослиги), спорт мусобақаси тури, ўтказилган вақти, эгалланган ўрин) Ногиронлиги ҳақида маълумот ____________________________________________________________ (номи ва гуруҳи, ҳужжат реквизитлари) Суҳбат ўтказиш қоидалари билан танишдим. _________________________ ________ ______________________ (абитуриентнинг Ф.И.О.) (имзо) (ариза бериш санаси)

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 3-ИЛОВА

НАМУНА Якка тартибдаги суҳбатдан четлаштириш ҳақида ДАЛОЛАТНОМА ___________________ шаҳри 20___ йил «____» ____________ Биз, қуйида имзо чекувчилар шуни тасдиқлаймизки, абитуриент _________________________________ _________________________________________________________________________________________ (Ф.И.О.) қуйидаги сабабларга кўра якка тартибдаги суҳбатдан соат ___:___да четлатилди: тақиқланган воситалардан фойдаланган (уяли телефон, компьютер ҳамда бошқа алоқа ва телекоммуникация воситалари, луғат, китоб, шпаргалка); бошқа абитуриентга тақиқланган воситаларни берган; бошқа абитуриентга ёрдам берган; _________________________________________________________________________________________ (низомда назарда тутилган бошқа ҳолатлар) Абитуриент томонидан Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низомнинг _____ бандлари талаблари бузилган. Комиссия котиби ____________________ _______________ (Ф.И.О.) (имзо)

Юридик техникумлар битирувчиларини Тошкент давлат юридик университетига ўқишга қабул қилиш тартиби тўғрисидаги низомга 4-ИЛОВА

НАМУНА Тошкент давлат юридик университетининг махсус уч йиллик таълим дастурига қабул қилиш бўйича якка тартибдаги суҳбатдан ўтган абитуриентнинг жавобларини БАҲОЛАШ ВАРАҚАСИ Абитуриентнинг Ф.И.О.___________________________________ Сана ____________ Т/р Баҳолаш мезонлари Баллар 1. Мамлакатда амалга оширилаётган кенг қамровли ислоҳотларнинг моҳияти ва аҳамиятини тушуниш (давлат ва жамият қурилиши, қонун устуворлигини таъминлаш, иқтисодиётни ривожлантириш ва либераллаштириш, шунингдек, ижтимоий соҳа ва бошқа соҳалардаги ислоҳотлар ҳақида тасаввур ва фикрлаш қобилиятининг мавжудлиги) 2. Ихтисосликни танлашда мотивация (ҳуқуқшунос касбининг моҳияти ва ижтимоий аҳамиятини тушуниш, унга доимий қизиқиш билдириш) 3. Шахсий-касбий хусусиятлар (ўқишга қобилият, касбий вазифаларни ҳал қилишда амалий фаолият, интизомлилик, ҳамжиҳатлик, масъулиятлилик, қарор қабул қилишда мустақиллик даражаси, шунингдек, ўз устида ишлаш ва ижодкорлик қобилиятлари) 4. Юриспруденция соҳасидаги билим ва касбий кўникмаларнинг мавжудлиги (профессионал таълими даражасида юриспруденция соҳасида ўз фикрини баён қилиш ва таҳлил қилиш кўникмаларининг мавжудлиги) Изоҳ : _____________________________________________________________________________ ________________________________________________________________________________________ Суҳбат ўтказиш бўйича комиссия аъзоси: ________________________________________________________________________________________ _____________________ _________________ (Ф.И.О.) (имзо)

Вазирлар Маҳкамасининг 2026 йил 30 июндаги 350-сон қарорига 3-ИЛОВА

Олий маълумотга эга бўлган шахсларни Тошкент давлат юридик университетига ўқишга қабул қилиш тартиби тўғрисида

1-боб. Умумий қоидалар

1. Ушбу Низом олий маълумотга эга бўлган шахсларни Тошкент давлат юридик университети (кейинги ўринларда — Университет) «юриспруденция» таълим йўналишининг махсус уч йиллик таълим дастури доирасида тест синовлари асосида ўқишга қабул қилиш тартибини белгилайди.

2. Олий маълумотга эга бўлган шахслар (кейинги ўринларда — абитуриентлар) Университетда «юриспруденция» таълим йўналиши бўйича олий таълимни олишлари мумкин.

3. Университет ўзининг мавжуд қувватлари, моддий-техника базаси, профессор-ўқитувчилари таркиби ҳамда бакалавриат таълим йўналишлари хусусиятидан келиб чиқиб, қабул параметрларидан ташқари квота доирасида «юриспруденция» таълим йўналиши ва ўқитишнинг кундузги, кечки, масофавий таълим шаклларида ташкил этади.

4. Университет «юриспруденция» таълим йўналишининг махсус уч йиллик таълим дастурига қабул қилиш иккинчи ва ундан кейинги олий таълим олишни назарда тутади.

5. Университет «юриспруденция» таълим йўналишининг махсус уч йиллик таълим дастурига абитуриентларни ўқишга қабул қилишни ташкил этиш мазкур Низомга иловада келтирилган схемага мувофиқ амалга оширилади.

2-боб. Олий маълумотга эга бўлган шахсларни махсус уч йиллик таълим дастурига қабул қилишни ташкил этиш

6. Олий маълумотга эга бўлган шахслар учун қабул параметрлари Университетнинг илмий-педагогик салоҳияти ва моддий-техник базаси ҳисобга олинган ҳолда, Университет кенгаши томонидан белгиланади ҳамда ҳар йили 1 июлга қадар Университет расмий веб-сайтига жойлаштирилади.

7. Университетда ўқув йили учун ташкил этиладиган қабул комиссияси (кейинги ўринларда — қабул комиссияси) мазкур тоифадаги қабулни амалга оширишга масъул ҳисобланади.

8. Абитуриентлар ҳар йили 10 июлдан 10 августга қадар (шу куни ҳам) Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг (кейинги ўринларда — Агентлик) махсус электрон тизими орқали рўйхатдан ўтади.

9. Абитуриентлар рўйхатдан ўтишда махсус электрон тизимга ўзининг шахсий маълумотларини киритади ва қуйидаги ҳужжатларни юклайди:

олий маълумот тўғрисидаги ҳужжатнинг нусхаси (ёки дипломдан кўчирма — Ўзбекистон Республикаси олий таълим муассасаларини давлат гранти асосида ўқиб тугатганлар учун);

олий маълумот тўғрисидаги ҳужжат иловасининг нусхаси.

Бунда хорижий давлатлар таълим муассасаларининг 1992 йил 1 январдан кейин берилган дипломлари белгиланган тартибда нострификациядан ўтказилган бўлиши лозим.

Агентликнинг махсус электрон тизимига юкланган ҳужжатларнинг ҳақиқийлиги бўйича абитуриент шахсан жавобгар ҳисобланади.

10. Тест синовларида иштирок этиши учун абитуриентлардан базавий ҳисоблаш миқдорининг 50 фоизи миқдорида тўлов ундирилади. Тўловни амалга оширмаган абитуриентларга тест синовларида иштирок этиш учун рухсатнома шакллантирилмайди.

3-боб. Тест синовларига тайёргарлик кўриш ва уларни ўтказиш тартиби

11. Олий маълумотга эга бўлган шахсларни Университетнинг «юриспруденция» таълим йўналишининг махсус уч йиллик таълим дастурига ўқишга қабул қилиш Агентлик томонидан ўтказиладиган тест синовлари шаклида амалга оширилади.

12. «Юриспруденция» таълим йўналиши бўйича тест топшириқлари сони, баҳолаш мезонлари ва жавоблар варақаси Ўзбекистон Республикаси Олий таълим, фан ва инновациялар вазирлиги (кейинги ўринларда — Вазирлик) томонидан олий таълим ташкилотларининг бакалавриат таълим йўналишларига жорий ўқув йили қабули учун тасдиқланган тест топшириқлари сони, баҳолаш мезонлари ва жавоблар варақаси намунасига мувофиқ амалга оширилади.

13. Олий маълумотга эга бўлган шахслар «юриспруденция» таълим йўналишининг фақат мутахассислик фанлари ва чет тили доирасида тест жараёнларига қатнашади. Бунда умумий тартибдаги кириш имтиҳонларида қўлланиладиган имтиёзлар (хорижий тилни билиш бўйича сертификатлар бундан мустасно) махсус уч йиллик таълим дастурига татбиқ этилмайди.

14. Абитуриентнинг фанлар мажмуасида чет тили фанидан тест синовини инглиз, немис, француз, испан, итальян, турк, хитой, корейс, япон, араб, форс, дарий, урду, уйғур ва ҳиндий тилларидан бирида топшириши мумкин. Бунда мазкур чет тилларидан бири абитуриент томонидан рўйхатдан ўтиш босқичида танланади.

Танланган чет тили бўйича В2 ва ундан юқори даражадаги миллий ёки халқаро тан олинган сертификатга эга абитуриентларга ушбу фандан белгиланган максимал балл берилади.

15. Тест топшириқлари умумий ўрта таълимнинг ўқув дастурлари асосида тузилади.

16. Тест синовлари Агентлик томонидан Вазирлар Маҳкамасининг «Олий таълим муассасаларига ўқишга қабул қилиш тартибини янада такомиллаштириш тўғрисида» 2018 йил 3 апрелдаги 261-сон қарори талаблари асосида ҳар йили август-сентябрь ойларида Агентлик томонидан белгиланадиган саналар ва биноларда ўтказилади. Кўзи ожиз абитуриентларни имтиҳондан ўтказиш жараёнлари қонунчилик ҳужжатларида белгиланган тартибда амалга оширилади.

17. Тест синов натижалари қайдномаси, қоида тариқасида, тест синовлари тўлиқ якунлангандан кейин бир ҳафта муддатда Агентлик томонидан Университетга етказилади ва натижалар Агентлик ҳамда университетнинг расмий веб-сайтларига жойлаштирилади.

4-боб. Абитуриентларни тўлов-контракт асосида ўқишга қабул қилиш, ўқиш учун тўлов тартиби ва миқдори

18. Абитуриентларни Университетга тўлов-контракт асосида ўқишга қабул қилиш белгиланган квота доирасида тест синовларининг баллар кетма-кетлиги бўйича Агентлик томонидан амалга оширилади.

Бунда талабаликка қабул қилинган абитуриентлар қабул комиссиясига ушбу Низомнинг 9-бандида қайд этилган ҳужжатларнинг аслини тақдим этади.

19. Махсус уч йиллик таълим дастурида ўқиш учун талабаликка тавсия этилган шахслар ва Университет ўртасида шартномалар расмийлаштирилади.

Шартномалар юридик шахслар учун уч нусхада, жисмоний шахслар учун икки нусхада расмийлаштирилади.

Шартнома шартлари, уларни амалга ошириш тартиби ҳамда томонларнинг ҳуқуқлари ва мажбуриятлари қонунчилик ҳужжатларига мувофиқ амалга оширилади.

20. Белгиланган намунадаги шартномалар Вазирликнинг «kontrakt.edu.uz» платформаси орқали амалга оширилади.

21. Шартнома шартлари ва томонларнинг мажбуриятлари, уларнинг амалга оширилиши тартиби қонунчилик ҳужжатларига мувофиқ белгиланади.

22. Университет ўзининг мавжуд илмий-педагогик салоҳияти ва талабалар учун сифатли таълим жараёнини ташкил этиш имконини берадиган моддий-техник базасидан ҳамда тўпланган баллар миқдоридан келиб чиқиб, умумий белгиланган қабул параметрларидан ташқари қўшимча (кейинги ўринларда — қўшимча қабул) ва табақалаштирилган тўлов-контракт асосида бакалавриатга қўлланиладиган тартибга асосан ўқишга қабул қилиши мумкин.

Бунда қўшимча қабул ва табақалаштирилган тўлов-контракт миқдори Университет томонидан мустақил равишда белгиланади.

Тўлов-контракт (қўшимча ва табақалаштирилган тўлов-контракт) миқдорлари ва тўлаш муддатлари Университет кенгаши томонидан мустақил белгиланади.

5-боб. Ўқув жараёнларини ташкил этиш, талабалар ўқишини кўчириш, ўқишдан четлаштириш ва қайта тиклаш тартиби

23. Университетга ўқишга қабул қилинган талабалар алоҳида ўқув режасига асосан махсус уч йиллик таълим дастури асосида таҳсил олади.

24. Мазкур бакалавриат таълим йўналишининг ўқув режаси ва фан дастурлари Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасаларида кредит-модул тизимини жорий этиш чора-тадбирлари тўғрисида» 2021 йил 10 июндаги 359-сон қарорига мувофиқ ишлаб чиқилади ва тасдиқланади.

25. Махсус уч йиллик таълим дастури асосида таҳсил олаётган талабалар ўқишини Университетнинг ҳамда бошқа олий таълим ташкилотларининг бакалавриат тайёрлашнинг 4 йиллик таълим дастурига кўчирилишига рухсат берилмайди.

26. Махсус уч йиллик дастурда таҳсил олаётган талабаларнинг таълим шакли ва таълим тилини ўзгартирилишига рухсат берилмайди.

27. Махсус уч йиллик дастур асосида таҳсил олаётган талабаларни ўқишдан четлаштириш ва қайта тиклаш Вазирлар Маҳкамасининг «Олий таълим ташкилотларига ўқишга қабул қилиш жараёнларини тартибга солувчи норматив-ҳуқуқий ҳужжатларни тасдиқлаш тўғрисида» 2025 йил 13 сентябрдаги 578-сон қарорига мувофиқ амалга оширилади.

28. Махсус уч йиллик таълим дастури асосида таҳсил олган шахсларга, давлат аттестацияси якунлари бўйича, давлат намунасидаги ҳужжат (диплом ва унинг иловаси) берилади.

6-боб. Якунловчи қоидалар

29. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

30. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб беради.

Олий маълумотга эга бўлган шахсларни Тошкент давлат юридик университетига ўқишга қабул қилиш тартиби тўғрисидаги низомга ИЛОВА

Тошкент давлат юридик университети «юриспруденция» таълим йўналишининг махсус уч йиллик таълим дастурига абитуриентларни ўқишга қабул қилишни ташкил этиш

Босқичлар Субъектлар Тадбирлар Бажариш муддатлари 1-босқич Тошкент давлат юридик университети (ТДЮУ) Олий маълумотга эга бўлган шахслар учун қабул параметрларини ўзининг расмий веб-сайтига жойлаштиради. Ҳар йили 1 июлга қадар 2-босқич Абитуриент Олий маълумотга эга бўлган абитуриентлар Билим ва малакаларни баҳолаш агентлигининг махсус электрон тизими орқали рўйхатдан ўтади. Ҳар йили 10 июлдан 10 августга қадар 3-босқич Билим ва малакаларни баҳолаш агентлиги Олий маълумотга эга бўлган шахсларни ТДЮУнинг «юриспруденция» таълим йўналишининг махсус уч йиллик таълим дастурига абитуриентларни ўқишга қабул қилиш Билим ва малакаларни баҳолаш агентлиги томонидан ўтказиладиган тест синовлари шаклида амалга оширилади. Ҳар йили август-сентябрь ойларида 4-босқич Билим ва малакаларни баҳолаш агентлиги, ТДЮУ Тест синов натижалари Агентлик ҳамда ТДЮУнинг расмий веб-сайтларига жойлаштирилади. Тест синовлари тўлиқ якунлангандан кейин бир ҳафта муддатда 5-босқич ТДЮУ ва абитуриент Олий таълим, фан ва инновациялар вазирлигининг махсус платформаси орқали қонунчилик ҳужжатларида белгиланган тартибда шартнома расмийлаштирилади. Ўқишга тавсия этиш тўғрисида буйруқ қабул қилинганидан сўнг

Вазирлар Маҳкамасининг 2026 йил 30 июндаги 350-сон қарорига 4-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикаси Президентининг «Адвокатура институти самарадорлигини тубдан ошириш ва адвокатларнинг мустақиллигини кенгайтириш чора-тадбирлари тўғрисида» 2018 йил 12 майдаги ПФ-5441-сон Фармонини амалга ошириш чора-тадбирлари тўғрисида» 2018 йил 17 августдаги 675-сон қарорида :

а) 1-илованинг 2-банди тўртинчи хатбошиси «олий юридик маълумотга» сўзларидан кейин «ёки юридик мутахассислик бўйича қайта тайёрлаш курсларини тугатиб белгиланган намунадаги дипломга» сўзлари билан тўлдирилсин;

б) 2-илованинг 7-банди бешинчи хатбошиси қуйидаги таҳрирда баён этилсин:

«юридик маслаҳатчиларнинг олий юридик маълумот ёки юридик мутахассислик бўйича қайта тайёрлаш курсларида таълим олганлик тўғрисидаги диплом нусхаси (агар юридик маслаҳатчи Ўзбекистон Республикаси ҳуқуқи бўйича маслаҳат берадиган бўлса, Ўзбекистон Республикаси олий юридик таълим муассасаси томонидан берилган олий маълумот ёки юридик мутахассислик бўйича қайта тайёрлаш курсларида таълим олганлик тўғрисидаги дипломи нусхаси ёхуд хорижий олий ўқув юртида олинган олий юридик маълумот тўғрисидаги ҳужжатнинг эквивалентлигини эътироф этиш бўйича ваколатли давлат органининг гувоҳномаси)».

2. Вазирлар Маҳкамасининг «Тошкент давлат юридик университети магистратурасига ўқишга қабул қилиш тартибини такомиллаштириш чора-тадбирлари тўғрисида» 2020 йил 26 августдаги 513-сон қарорида :

а) 1-бандда :

иккинчи хатбоши қуйидаги таҳрирда баён этилсин:

«Тошкент давлат юридик университети магистратурасига кундузги, кечки ва масофавий таълим шакллари бўйича ўқишга қабул қилиш тартибини назарда тутувчи Тошкент давлат юридик университети магистратурасига Ўзбекистон Республикаси фуқароларини ўқишга қабул қилиш тартиби тўғрисидаги низом 1-иловага»;

тўртинчи хатбошидаги «кириш тест синовларисиз» сўзлари «танловсиз» сўзи билан алмаштирилсин;

б) 2-бандда :

иккинчи хатбоши чиқариб ташлансин;

учинчи — олтинчи хатбошилар тегишлича иккинчи — бешинчи хатбошилар деб ҳисоблансин;

иккинчи хатбошидаги «сиртқи» сўзи чиқариб ташлансин;

учинчи хатбоши қуйидаги таҳрирда баён этилсин:

«базавий олий юридик маълумотга ҳамда давлат ҳокимияти ва марказий бошқарув органларида юридик йўналиш бўйича камида беш йил иш стажига эга бўлган раҳбар ходимларни Тошкент давлат юридик университети (кейинги ўринларда — ТДЮУ) магистратурасига ишлаб чиқаришдан ажралмаган ҳолда масофавий ва кечки ўқитиш дастурлари бўйича ўқиши учун қабул қилиш тегишли давлат органининг биринчи раҳбари тавсиясига кўра, тўлов-контракт асосида қабул параметрларидан ташқари амалга оширилади»;

тўртинчи хатбошидаги «тест синовларисиз», «қошидаги» ва «лицейда» сўзлари тегишлича «танловсиз», «ҳузуридаги» ҳамда «лицейларда» сўзлари билан алмаштирилсин;

бешинчи хатбошидаги «кириш тест синовларисиз» сўзлари «танловсиз» сўзи билан алмаштирилсин;

в) қуйидаги мазмундаги 2 1 -банд билан тўлдирилсин:

«2 1 . Ўзбекистон Республикаси Президентининг 2022 йил 15 июндаги «Давлат олий таълим муассасаларига ўқишга қабул қилиш жараёнларини ташкил этиш тўғрисида»ги ПҚ-279-сон қарорига мувофиқ, ТДЮУ магистратурасига қабул абитуриентнинг бакалавриат диплом бали ўртача кўрсаткичи ҳамда хорижий тилни билиш даражаси бўйича тегишли миллий ёки халқаро сертификат бали асосида, баллар кетма-кетлигига қатъий риоя қилган ҳолда амалга оширилади ҳамда қўшимча имтиҳон ўтказилмайди»;

г) 3-банддаги «Давлат тест марказининг» сўзлари «Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг» сўзлари билан алмаштирилсин;

д) 1-илованинг матни қуйидаги таҳрирда баён этилсин:

« Тошкент давлат юридик университети магистратурасига Ўзбекистон Республикаси фуқароларини ўқишга қабул қилиш тартиби тўғрисида

НИЗОМ

1-боб. Умумий қоидалар

1. Ушбу Низом Тошкент давлат юридик университети (кейинги ўринларда — ТДЮУ) магистратурасига кундузги, кечки ва масофавий таълим шакллари бўйича ўқишга қабул қилиш тартибини белгилайди.

2. Ўзбекистон Республикаси фуқаролари ва Ўзбекистон Республикасида доимий истиқомат қилувчи фуқаролиги бўлмаган шахслар (кейинги ўринларда — Ўзбекистон Республикаси фуқаролари)ни мутахассисликлар бўйича ТДЮУ магистратурасига ўқишга қабул қилиш Ўзбекистон Республикаси Президенти ёки Вазирлар Маҳкамаси қарори билан белгиланган қабул параметрларига мувофиқ давлат гранти ва ТДЮУ томонидан Ўзбекистон Республикаси Адлия вазирлиги билан келишилган ҳолда белгиланадиган тўлов-контракт, шу жумладан ТДЮУ томонидан мустақил равишда белгиланадиган қўшимча қабул ва табақалаштирилган тўлов-контракт доирасида амалга оширилади.

3. Ушбу низомда қуйидаги асосий тушунчалардан фойдаланилади:

абитуриент — ТДЮУ магистратурасига ўқишга кириш учун белгиланган тартибда рўйхатдан ўтган ва танловда иштирок этувчи жисмоний шахс;

қабул комиссияси — ТДЮУ ректорининг буйруғи билан ҳар йили ташкил этиладиган ТДЮУ магистратурасига ўқишга қабул қилишни ташкил этадиган, шунингдек, абитуриентларга маслаҳат хизматлари кўрсатадиган комиссия.

4. ТДЮУ магистратурасига ўқишга қабул қилишни ташкил этиш тегишли ўқув йили учун тасдиқланадиган қабул комиссияси зиммасига юкланади.

5. ТДЮУ магистратурасига ўқишга қабул қилиш абитуриентлар учун тенг ҳуқуқлилик, қабулнинг ягона қоидалари ва танлов принциплари асосида амалга оширилади.

Танлов натижаларига кўра энг юқори балл тўплаган Ўзбекистон Республикаси фуқаролари давлат грантлари бўйича биринчи навбатда, қолганлар тўпланган балларнинг рейтинг тизими асосида тўлов-контракт бўйича ўқишга қабул қилиш параметрлари, шу жумладан белгиланган тартибда қўшимча қабул ва табақалаштирилган тўлов-контракт асосида ТДЮУ магистратурасига ўқишга қабул қилинади.

6. Танлов магистратура мутахассисликлари, таълим шакли ва ўқитиш тилларига кўра алоҳида ўтказилади.

7. ТДЮУ магистратурасига қабул «Юриспруденция» таълим йўналиши ҳамда Ўзбекистон Республикаси Олий таълим, фан ва инновациялар вазирлиги (кейинги ўринларда — вазирлик) томонидан белгиланган турдош (магистратурага қабул бўйича) олий таълим йўналишлари рўйхати бўйича бакалавр даражасига эга бўлган шахслар ўртасида танлов асосида амалга оширилади.

8. ТДЮУ магистратурасига қуйидаги параметрлар асосида ўқишга қабул қилинади:

Ўзбекистон Республикаси Президентининг тегишли ҳужжатлари билан тасдиқланган давлат грантлари асосидаги қабул параметрлари;

Ўзбекистон Республикаси таълим ташкилотларига қабул қилиш бўйича давлат комиссияси (кейинги ўринларда — Давлат комиссияси) томонидан тасдиқланган олий таълим ташкилотлари ва тиллар кесимидаги магистратура мутахассисликлари бўйича қабул параметрлари.

9. ТДЮУ магистратурасида ўқитиш тили белгиланган қабул параметрлари доирасида ҳужжатлар қабул қилингунга қадар вазирлик ва идоралар таклифларига мувофиқ Давлат комиссияси томонидан тасдиқланади.

10. Магистратурага ўқишга қабул қилиш жараёнлари ТДЮУ қабул комиссияси (кейинги ўринларда — қабул комиссияси) томонидан мувофиқлаштирилади. Бунда магистратурага ўқишга қабул қилиш бўйича қабул комиссияси масъул котибининг ўринбосари тайинланади.

11. Абитуриент тамомлаган бакалавриат таълим йўналишига мос ёки турдош магистратура мутахассислиги бўйича ўқишга қабул қилинади.

«Юриспруденция» бакалавриат таълим йўналиши негизидаги магистратура мутахассислиги мос мутахассислик ҳисобланади. «Юриспруденция» бакалавриат таълим йўналишини тамомлаган абитуриентлар учун ТДЮУ магистратурасида ўқиш муддати бир йилни ташкил қилади.

Вазирлик ҳар йили 1 июлга қадар олий таълим ташкилотлари магистратурасига қабул қилиш бўйича турдош олий таълим йўналишларининг рўйхатини тасдиқлайди ҳамда вазирликнинг расмий веб-сайти орқали эълон қилади.

Турдош таълим йўналишларини тамомлаган абитуриентлар учун ТДЮУ магистратурасида ўқиш муддати икки йилни ташкил қилади.

2-боб. Абитуриентларни рўйхатдан ўтказиш

12. Қабул комиссияси, қоида тариқасида, магистратурага танловлар бошланишидан бир ой олдин магистратурага қабул қилиш муддатлари, мутахассисликлар номлари ва ўқишга қабул қилиш параметрлари ҳақидаги ахборотни ТДЮУнинг расмий веб-сайти орқали эълон қилади.

13. Абитуриентлар ТДЮУ магистратурасига ўқишга кириш учун вазирликнинг расмий веб-сайти ёки Ўзбекистон Республикаси Ягона интерактив давлат хизматлари порталидан бири (кейинги ўринларда — ЯИДХП) орқали рўйхатдан ўтади.

Абитуриентлар ҳар йили 1 июлдан 30 июлгача (30 июль куни ҳам) рўйхатдан ўтказилади.

Абитуриентлар рўйхатдан ўтиш учун қуйидаги ҳужжатларни ЯИДХПга юклайди:

олий маълумот тўғрисидаги ҳужжат нусхаси (ёки дипломдан кўчирма нусха — олий таълим ташкилотларини давлат гранти бўйича ўқиб тугатганлар учун) ҳамда унга илова нусхаси.

Бунда 2020/2021 ўқув йилидан бошлаб олий таълим ташкилоти томонидан берилган диплом маълумотлари (ўртача балли билан) вазирликнинг «Олий таълим жараёнларини бошқариш — HEMIS» ахборот тизимида автоматик равишда шакллантирилиши сабабли ушбу тоифадаги диплом ва унинг иловасини ЯИДХП га юклаш талаб этилмайди;

хорижий тилни билиш бўйича камида В2 даражасидаги миллий ёки унга мос даражадаги халқаро сертификат нусхаси, қонунчилик ҳужжатларига мувофиқ танловдан ташқари магистратурага кириш бўйича имтиёзга эга абитуриентлар бундан мустасно;

Ўзбекистон Республикаси Президентининг ҳужжатлари ва Вазирлар Маҳкамасининг қарорларига мувофиқ имтиёзга эга бўлган абитуриентларнинг имтиёз ҳуқуқини тасдиқловчи ҳужжат нусхаси.

Рўйхатдан ўтиш ЯИДХП ёки вазирликнинг веб-сайти орқали амалга оширилганда маълумотлар абитуриент томонидан мустақил равишда электрон шаклда юкланади ва ҳужжатлар ҳамда маълумотларнинг ҳаққонийлиги ва тўғрилиги учун абитуриент шахсан жавобгар ҳисобланади.

Рўйхатдан ўтишнинг белгиланган муддати тугагандан сўнг маълумотларга ўзгартириш ва қўшимчалар киритиш тақиқланади.

14. Магистратурага қабул бўйича рўйхатдан ўтган абитуриентларнинг ҳужжатлари ҳар йили 10 августгача қабул комиссияси томонидан кўриб чиқилади ва уларнинг аризалари қабул қилингани ЯИДХПдаги шахсий кабинетлари орқали маълум қилинади.

Аризаси қабул қилинмаган абитуриентларга аризани қабул қилишни рад этиш сабаби кўрсатилган ҳолда ЯИДХПдаги шахсий кабинетлари орқали маълум қилинади.

ЯИДХП орқали рўйхатдан ўтган абитуриентлар аризаси ҳолатини ўзларининг шахсий кабинети орқали кузатиб боради.

Абитуриент томонидан белгиланган муддатда рўйхатдан ўтишда ЯИДХПга талаб этилган маълумотлар ва ҳужжатлар аслига мос ҳамда тўлиқ белгиланган талабларга мувофиқ киритилганда, қабул комиссияси томонидан ҳужжатларни қабул қилиш рад этилишига йўл қўйилмайди.

3-боб. Танловни ўтказиш

15. Магистратурага давлат гранти ва тўлов-контракт асосида, абитуриентларнинг бакалавриат дипломи бўйича тўплаган баллари ўртача кўрсаткичининг кетма-кетлигига кўра Давлат комиссияси томонидан ўқишга қабул қилинади.

Магистратурага қабул тегишли бакалавриат таълим йўналиши ва вазирлик томонидан белгиланган турдош (магистратурага қабул бўйича) олий таълим йўналишлари рўйхати бўйича бакалавр даражасига ҳамда хорижий тилни билиш бўйича белгиланган даражадаги сертификатга эга бўлган шахслар ўртасида танлов асосида амалга оширилади.

Танлов «Юриспруденция» бакалавриат таълим йўналишини тамомлаган абитуриентлар учун алоҳида, шунингдек турдош бакалавриат таълим йўналишларини тамомлаган абитуриентлар учун алоҳида ҳар бир магистратура мутахассислиги, ўқитиш тили ва таълим шакли кесимида ўтказилади.

16. Магистратурага қабул барча учун тенг ҳуқуқлилик, ягона қабул қоидалари ва ягона танлов асосида амалга оширилиб, бакалавриат дипломи бўйича тўплаган баллари ўртача кўрсаткичи энг юқори бўлган абитуриентларнинг давлат грантлари бўйича биринчи навбатда қабул қилиниши таъминланади. Қолган абитуриентлар бакалавриат дипломи бўйича тўплаган баллари ўртача кўрсаткичи кетма-кетлигига кўра белгиланган тўлов-контракт асосидаги қабул параметрлари доирасида қабул қилинади.

Ажратилган қабул параметрлари доирасида энг охирги абитуриентнинг танлов баллига тенг кўрсаткичга эга абитуриент (абитуриентлар) ҳам мос равишда қўшимча ўрин асосида талабаликка тавсия этилади.

17. Кўриш, эшитиш ва нутқида нуқсони бўйича I ва II гуруҳ ногиронлиги бўлган шахсларни магистратурага қабул қилишда уларнинг хорижий тилни билиш тўғрисида миллий ёки халқаро сертификатга эга бўлиши талаб этилмайди.

18. Магистратурага ўқишга қабул қилишда кўзи ожиз абитуриентлар тоифасига қуйидагилар киради:

а) кўзи бўйича 1-гуруҳ ногиронлиги тўғрисида белгиланган шаклдаги маълумотномага эга бўлган шахслар;

б) кўзи бўйича 2-гуруҳ ногиронлиги тўғрисида белгиланган шаклдаги маълумотномага эга бўлган қуйидаги шахслар:

махсус мактаб-интернатлар томонидан кўзи ожизлар учун берилган ўрта таълим (11-синф негизида) етуклик аттестатига эга бўлган;

имконияти чекланган шахслар учун ихтисослашган бошланғич касбий таълим ташкилотлари (касб-ҳунар коллежлари) томонидан кўзи ожизлар учун берилган дипломга эга бўлган;

9 йиллик кўзи ожизлар махсус мактаб-интернатида ўқиган ва ўрта махсус ёки касб-ҳунар ёхуд бошланғич касбий таълим ташкилотлари дипломига эга бўлган.

19. Кўзи ожиз абитуриентларнинг бакалавриат дипломи бўйича тўплаган баллари ўртача кўрсаткичи 100 баллик рейтинг тизими бўйича 71 балл ва ундан юқори ёки «5» балли баҳолаш тизими бўйича «4» ва ундан юқори бўлганда, улар қўшимча давлат гранти асосида ўқишга қабул қилинади.

20. Танлов натижасидан норози бўлган абитуриентларнинг шикоятларини кўриб чиқиш учун ТДЮУда қабул комиссияси аъзолари, факультетлар деканлари ва тажрибали профессор-ўқитувчилардан иборат таркибда апелляция комиссияси тузилади.

Абитуриент танлов натижасидан норози бўлган тақдирда, натижалар эълон қилинган вақтдан бошлаб 24 соат давомида ариза билан апелляция комиссиясига мурожаат этиши мумкин. Апелляция шикоятини кўриб чиқиш муддати икки кундан ошмаслиги лозим.

Абитуриент апелляция шикоятини кўриб чиқишда иштирок этиш ҳуқуқига эга.

Апелляция шикояти кўриб чиқиладиган кун ва жойи ҳақида қабул комиссияси томонидан абитуриентга камида бир кун олдин хабар берилади.

4-боб. Ўқишга қабул қилиш тартиби

21. Давлат комиссиясининг ТДЮУ магистратурасига ўқишга қабул қилиш тўғрисидаги қарори ҳар йили 25 августгача қабул қилинади.

22. Талабаликка тавсия этилган абитуриентлар қабул комиссиясига қуйидаги ҳужжатларни тақдим этади:

олий маълумот тўғрисидаги ҳужжатнинг асл нусхаси (ёки дипломдан кўчирманинг асл нусхаси — олий таълим ташкилотларини давлат гранти бўйича ўқиб тугатганлар учун) ҳамда унга илова;

хорижий тилни билиш бўйича белгиланган даражадаги сертификат нусхаси;

қонунчилик ҳужжатларида белгиланган тартибда имтиёзга эга бўлган абитуриентлар имтиёз ҳуқуқини тасдиқловчи ҳужжатнинг электрон нусхаси.

Зарурат бўлганда ҳужжатларнинг асл нусхалари талаб қилиб олиниши мумкин.

Абитуриент томонидан тақдим этилган (топширилган) ҳужжатларнинг қалбакилиги аниқланса, абитуриент талабаликка қабул қилинмайди (талабаликка қабул қилинган бўлса, ТДЮУ талабалари сафидан четлаштирилади) ҳамда бу ҳақда белгиланган тартибда ҳуқуқни муҳофаза қилиш органлари хабардор қилинади.

23. Давлат комиссиясининг қарори асосида етти иш кунида абитуриентларни давлат грантлари бўйича талабалар сафига қабул қилиш ҳақидаги ТДЮУ ректорининг буйруқлари расмийлаштирилади.

24. Абитуриентларни тўлов-контракт асосида магистратура мутахассисликларига тавсия этиш тўғрисида Давлат комиссиясининг қарори қабул қилингандан сўнг ТДЮУ билан юридик ёки жисмоний шахслар ўртасида белгиланган тартибда шартнома расмийлаштирилади.

Давлат комиссияси томонидан тўлов-контракт асосида ўқишга тавсия этилган абитуриентлар учун тўлов ҳар йили шартномада ёки Давлат комиссияси томонидан белгиланган муддатларда амалга оширилади.

Шартнома шартлари ва томонларнинг мажбуриятлари, уларни амалга ошириш тартиби қонунчилик ҳужжатларига мувофиқ белгиланади.

Абитуриентларни магистратурага тўлов-контракт (шу жумладан, қўшимча қабул ва табақалаштирилган тўлов-контракт) асосида ўқишга қабул қилиш юридик ёки жисмоний шахслар томонидан ўқиш учун белгиланган тўлов миқдори тўлангандан сўнг, ТДЮУ ректорининг буйруғи билан расмийлаштирилади.

25. Абитуриент томонидан ушбу Низомнинг 16-бандида қайд этилган ҳужжатлар қабул комиссиясига тақдим этилмаслиги ТДЮУнинг уни ўқишга қабул қилмаслигига асос бўлади.

5-боб. Якунловчи қоидалар

26. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

27. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади»;

е) 3-иловада :

номи қуйидаги таҳрирда баён этилсин:

« Тошкент давлат юридик университети магистратурасига айрим тоифадаги абитуриентларни танловсиз қабул қилиш тартиби тўғрисида

НИЗОМ»;

1-банддаги «кириш тест синовларисиз» сўзлари «танловсиз» сўзи билан алмаштирилсин;

2-банднинг бешинчи хатбошисидаги «лицейда» сўзи «лицейларда» сўзи билан алмаштирилсин;

3-банд қуйидаги таҳрирда баён этилсин:

«3. Тегишли давлат органи биринчи раҳбарининг (Ўзбекистон Республикаси Президенти Администрацияси ходимлари учун — Ўзбекистон Республикаси Президентининг тегишли маслаҳатчилари ва департамент раҳбарлари, Вазирлар Маҳкамаси аппарати ходимлари учун — Ўзбекистон Республикаси Бош вазирининг ўринбосарлари ва Вазирлар Маҳкамаси аппарати бошқарувчиси ҳам) тавсияси асосида базавий олий юридик маълумот ҳамда давлат ҳокимияти ва бошқарувининг марказий органлари ҳамда бошқа марказий давлат органларининг марказий аппаратида юридик мутахассислик бўйича камида беш йил иш стажига эга бўлган раҳбар ходимлар ТДЮУ магистратурасига масофавий ва кечки таълим шакллари асосида танловсиз, тўлов-контракт асосида, қабул параметрларидан ташқари, ишлаб чиқаришдан ажралмаган ҳолда ўқишга қабул қилинади»;

4-банднинг биринчи хатбошисидаги «тест синовларисиз», «қошидаги» ва «лицейда» сўзлари тегишлича «танловсиз», «ҳузуридаги» ҳамда «лицейларда» сўзлари билан алмаштирилсин;

5 ва 5 1 -бандлар қуйидаги таҳрирда баён этилсин:

«5. Базавий олий юридик маълумотга эга, юридик техникумлар ва ТДЮУ ҳузуридаги академик лицейларда камида уч йил ишлаган педагог ва раҳбар ходимлар ТДЮУ магистратурасига масофавий ва кечки таълим шакллари асосида, ишлаб чиқаришдан ажралмаган ҳолда танловсиз, тўлов-контракт асосида, қабул параметрларидан ташқари, ўқишни тугатгандан сўнг тақсимот бўйича адлия органлари ва муассасаларида, биринчи навбатда, юридик техникумлар ва ТДЮУ ҳузуридаги академик лицейларда камида уч йил узлуксиз ишлаш мажбуриятини олган ҳолда ўқишга қабул қилинади.

5 1 . Республикадаги олий таълим муассасасининг буюртмасига кўра базавий олий юридик маълумотга эга бўлган шахслар ТДЮУ магистратурасига кундузги, шунингдек, ишлаб чиқаришдан ажралмаган ҳолда масофавий ва кечки таълим шаклларида, танловсиз, тўлов-контракт асосида, қабул параметрларидан ташқари, ўқишни тугатгандан сўнг буюртма берган олий таълим муассасасида камида уч йил тўлиқ ставкада узлуксиз ишлаш мажбуриятини олган ҳолда ўқишга қабул қилинади»;

8-банднинг учинчи хатбошисидаги «лицейда» ва «лицей» сўзлари тегишлича «лицейларда» ва «лицейлар» сўзлари билан алмаштирилсин;

9-банднинг учинчи хатбошисидаги «лицей» сўзи «лицейлар» сўзи билан алмаштирилсин;

16-банддаги «лицейда» сўзи «лицейларда» сўзи билан алмаштирилсин;

18-бандда :

иккинчи хатбошидаги «лицейда» сўзи «лицейларда» сўзи билан алмаштирилсин;

тўртинчи хатбоши чиқариб ташлансин;

низомга иловадаги «сиртқи» сўзи чиқариб ташлансин.

3. Вазирлар Маҳкамасининг «Юридик кадрларни халқаро стандартлар бўйича тайёрлаш тизимини янада такомиллаштиришга доир қўшимча чора-тадбирлар тўғрисида» 2021 йил 6 апрелдаги 189-сон қарорининг 3-банди учинчи хатбошиси қуйидаги таҳрирда баён этилсин:

«юридик мутахассислик бўйича қайта тайёрлаш курсларини муваффақиятли тугатиб, белгиланган намунадаги дипломни олган олий маълумотга эга бўлган шахслар юридик хизматларда, давлат хизматлари марказлари, фуқаролик ҳолати далолатномаларини ёзиш органларида барча лавозимларда, шунингдек, адвокатура ва нотариат тизимида олий юридик маълумот талаб этмайдиган барча лавозимларда ишлаш, юридик маслаҳат хизматларини кўрсатувчи тижорат ташкилотларида юридик маслаҳат хизмати билан шуғулланиш ҳуқуқига эга бўлади».

4. Вазирлар Маҳкамасининг 2021 йил 10 июндаги 359-сон қарори билан тасдиқланган Тошкент давлат юридик университетида таълимнинг кредит-модул тизимида ўқув жараёнини ташкил этиш тартиби тўғрисидаги низомда :

2-банднинг биринчи хатбошиси қуйидаги таҳрирда баён этилсин:

«2. ТДЮУ ўқув жараёнида кредит-модул тизими Кредит тўплаш ва кўчиришнинг Европа модели (European Credit Transfer and Accumulation System — ECTS)га мувофиқ ташкил қилинади. Шу жумладан, амалий ўқитиш ҳамда клиник ва дуал таълим тамойили асосида таълим олиш тизими жорий этилади»;

4-бандда :

қуйидаги мазмундаги ўн биринчи хатбоши билан тўлдирилсин:

«клиник ва дуал таълим тамойили асосида таълим олиш тизими — иккинчи, учинчи ва тўртинчи курс талабалари учун юридик таълим дастурларининг 50 фоизи (назарий қисмлари) аудиторияларда, 50 фоизи (амалиёт қисми) суд, ҳуқуқни муҳофаза қилувчи органлар ва бошқа юридик соҳага оид ташкилотларда ўтказиш жараёни»;

ўн биринчи — йигирма учинчи хатбошилар тегишлича ўн иккинчи — йигирма тўртинчи хатбошилар деб ҳисоблансин;

16-банд қуйидаги мазмундаги бешинчи хатбоши билан тўлдирилсин:

«Бакалавриат таълим йўналишининг 2, 3 ва 4-курсларида ўқув жараёни назария ва амалиёт уйғунлигини таъминлаш мақсадида клиник ва дуал таълим тамойили асосида таълим олиш тизими ташкил этилиши мумкин. Бунда, талабалар ўқув юкламасининг 50 фоизи аудиторияда назарий машғулотлар ҳамда 50 фоизи суд, ҳуқуқни муҳофаза қилувчи органлар ва бошқа корхоналарда амалий машғулотлар шаклида тақсимланади. Амалий машғулотлар кредит юкламасининг таркибий қисми ҳисобланади»;

33-банд қуйидаги мазмундаги иккинчи хатбоши билан тўлдирилсин:

«Бунда оралиқ ва якуний назорат турлари сунъий интеллект (AI) технологияларига асосланган автоматлаштирилган баҳолаш тизимлари ҳамда инсон омилисиз назорат қилиш (прокторинг) тизими орқали ўтказилиши мумкин».

5. Вазирлар Маҳкамасининг 2021 йил 24 сентябрдаги 606-сон қарори билан тасдиқланган Ўзбекистон Республикаси олий таълим муассасаларида иккинчи ва ундан кейинги олий таълимни олиш тартиби тўғрисидаги низомнинг 1-банди иккинчи хатбошиси «олий ҳарбий таълим муассасаларига» сўзларидан кейин «ҳамда Тошкент давлат юридик университетига» сўзлари билан тўлдирилсин.

6. Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида» 2021 йил 22 ноябрдаги 705-сон қарорининг 3-бандида :

иккинчи хатбошидаги «лицейга» ва «лицей» сўзлари тегишлича «лицейларга» ва «лицейлар», «Давлат тест маркази» сўзлари «Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги» сўзлари билан алмаштирилсин;

учинчи хатбошидаги «лицейга» сўзи «лицейларга» сўзи билан алмаштирилсин;

тўртинчи хатбошидаги «лицейда» сўзи «лицейларда» сўзи билан алмаштирилсин.

7. Вазирлар Маҳкамасининг 2022 йил 9 июндаги 322-сон қарори билан тасдиқланган Мутахассислиги бўйича камида беш йил меҳнат стажига эга бўлган хотин-қизларни давлат олий таълим муассасаларига ўқишга қабул қилиш тартиби тўғрисидаги низомнинг 1-банди учинчи хатбошиси қуйидаги таҳрирда баён этилсин:

«Ушбу Низом олий ҳарбий ва ҳарбийлаштирилган таълим муассасаларига, Тошкент давлат юридик университети ва бошқа олий таълим ташкилотларининг «Юриспруденция» таълим йўналишига, шунингдек, Ўзбекистон Республикасида фаолият олиб бораётган хорижий ва нодавлат олий таълим ташкилотлари ҳамда уларнинг филиалларига нисбатан татбиқ этилмайди».

8. Вазирлар Маҳкамасининг «Тошкент давлат юридик университети ҳузуридаги Самарқанд вилоят академик лицейининг моддий-техник базасини янада мустаҳкамлаш чора-тадбирлари тўғрисида» 2024 йил 12 октябрдаги 672-сон қарорининг 1-бандидаги «5 ва 5 А-уйлар» ва «ўқув ва ётоқхона биноларини (кейинги ўринларда — объект)» сўзлари тегишлича «5 А-уй» ва «ўқув, спорт зали, ошхона ва фаоллар зали биноларини (кейинги ўринларда — объект) қуриш,» сўзлари билан алмаштирилсин.

9. Вазирлар Маҳкамасининг 2025 йил 22 январдаги 29-сон қарори билан тасдиқланган Норматив-ҳуқуқий ҳужжатлар лойиҳаларини илмий экспертизадан ўтказиш тартиби тўғрисидаги низомнинг 5-банди қуйидаги таҳрирда баён этилсин:

«5. Лойиҳаларни илмий экспертизадан ўтказиш:

қонун лойиҳалари бўйича — тегишли соҳадаги давлат экспертлик илмий-тадқиқот муассасалари томонидан беғараз ҳамда давлат олий таълим муассасалари томонидан келишув асосида;

қонуности ҳужжатлари лойиҳалари бўйича — тегишли соҳадаги давлат экспертлик илмий-тадқиқот муассасалари, давлат илмий-тадқиқот муассасалари ҳамда давлат олий таълим муассасалари томонидан келишув асосида амалга оширилади».

10. Вазирлар Маҳкамасининг «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти фаолиятини ташкил этиш чора-тадбирлари тўғрисида» 2025 йил 19 мартдаги 171-сон қарорининг 7-банди иккинчи хатбошиси «лавозимларда ишлаш» сўзларидан кейин «, юридик маслаҳат хизматларини кўрсатувчи тижорат ташкилотларида юридик маслаҳат хизмати билан шуғулланиш» сўзлари билан тўлдирилсин.

11. Вазирлар Маҳкамасининг 2025 йил 18 июндаги 374-сон қарори билан тасдиқланган Тошкент давлат юридик университети ҳузуридаги академик лицейларнинг иқтидорли битирувчиларини «юриспруденция» йўналиши мавжуд олий таълим ташкилотларига суҳбат асосида тест синовларисиз ўқишга қабул қилиш тартиби тўғрисида вақтинчалик низомда :

1-банднинг учинчи хатбошисидаги «Жамоат хавфсизлиги университети,» сўзларидан кейин «Тошкент давлат юридик университети,» сўзлари билан тўлдирилсин;

23-банднинг биринчи хатбошисидаги ҳамда 37-банднинг биринчи хатбошисидаги «ТДЮУ бўйича Адлия вазирлиги ҳамда бошқа олий таълим ташкилотлари учун» сўзлари чиқариб ташлансин.

12. Вазирлар Маҳкамасининг 2025 йил 13 сентябрдаги 578-сон қарори билан тасдиқланган Олий таълим ташкилотларининг бакалавриатига ўқишга қабул қилиш тартиби тўғрисидаги низомда :

5-банд қуйидаги таҳрирда баён этилсин:

«5. Айрим бакалавриат таълим йўналишлари бўйича тест синовлари билан бир қаторда касбий (ижодий) имтиҳонлар ҳамда IQ тест синови ўтказилади. Касбий (ижодий) имтиҳонлар ўтказиладиган таълим йўналишлари рўйхати тизимида олий таълим ташкилотлари бўлган вазирлик ва идоралар таклифлари асосида Олий таълим, фан ва инновациялар вазирлиги томонидан тасдиқланади.

Тошкент давлат юридик университетининг «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» таълим йўналишларига ўқишга қабул қилишда хорижий ташкилотлар билан ҳамкорликда IQ тест синови ўтказилади»;

10-банднинг бешинчи хатбошиси қуйидаги таҳрирда баён этилсин:

«Абитуриентларга тест синови топшириладиган фанлар мажмуаси ва кетма-кетлиги бир хил бўлган бештагача бакалавриат таълим йўналиши ҳамда таълим шаклларини танлаш ҳуқуқи берилади. Бунда кириш имтиҳонлари таркибида касбий (ижодий) имтиҳон мавжуд бўлганда, абитуриентлар муайян бакалавриат таълим йўналиши бўйича бештагача олий таълим ташкилотини танлаши мумкин бўлади, шунингдек, Тошкент давлат юридик университетининг «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» таълим йўналишларини танлаш имконияти IQ тестдан ўтган абитуриентларга тақдим этилади»;

қуйидаги мазмундаги 11 1 -боб билан тўлдирилсин:

«11 1 -боб. Тошкент давлат юридик университетининг «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларига қабул қилиш тартиби

85 1 . Тошкент давлат юридик университетининг «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларига ўқишга қабул қилиш танловлари халқаро стандартларга мувофиқ Тошкент давлат юридик университети томонидан ихтисослашган хорижий ташкилотлар билан ҳамкорликда IQ тест тартибида ўтказилади ва танловда чет тиллари бўйича камида B2 даражадаги миллий ёки унга мос даражадаги халқаро сертификатга эга абитуриентлар иштирок этади.

85 2 . Тошкент давлат юридик университетининг «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларига абитуриентлар тест синовларини ўзбек, рус ва қорақалпоқ тилларидан бирида топширади.

85 3 . Абитуриентларнинг рўйхатдан ўтиши мазкур низомнинг 3-бобида белгиланган тартибда амалга оширилади. Бунда абитуриентлардан қўшимча равишда хорижий тилни билиш бўйича камида B2 даражасидаги миллий ёки унга мос даражадаги халқаро сертификат талаб қилинади.

85 4 . «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларига ўқишга кирмоқчи бўлган абитуриентлар рўйхатдан ўтиш жараёнида IQ тестдан ўтишни ҳамда таълим йўналишларига мос фанлар мажмуасини, таълим тили ва тест топшириш ҳудудини танлайди.

85 5 . Рўйхатдан ўтиш жараёни тўлиқ якунланганидан сўнг IQ тестдан ўтишни танлаган абитуриентлар тўғрисидаги маълумотлар уч кун муддатда Агентлик томонидан Тошкент давлат юридик университетига тақдим этилади.

85 6 . Тақдим этилган рўйхатдаги абитуриентлар учун Тошкент давлат юридик университети томонидан IQ тест олувчи ҳамкор хорижий ташкилот билан ўзаро шартномага асосан ўтказилади.

Бунда, «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» таълим йўналишларига ўқишга қабул қилиш бўйича IQ тест тартибида тест синовлари ҳар йили 10 июлга қадар ўтказилади.

IQ тест синовларини ўтказиш ва натижаларни баҳолаш хорижий ташкилот талабларига асосан амалга оширилади.

IQ тест синовлари натижалари апелляция тартибида кўриб чиқилмайди.

85 7 . IQ тест синовларидан муваффақиятли ўтган абитуриентлар рўйхати жараёнлар якунланганидан сўнг Тошкент давлат юридик университети томонидан беш кун муддатда Агентликка тақдим этилади.

85 8 . IQ тест синовларини ўтказиш билан боғлиқ ташкилий масалалар Агентлик томонидан шартномага асосан амалга оширилади.

85 9 . Тест синови тўлиқ якунлангандан сўнг 15 кун давомида IQ тест синовларидан муваффақиятли ўтган абитуриентлар олий таълим ташкилоти, бакалавриат таълим йўналиши, таълим шакли ва танлов устуворлигини танлаш жараёнида:

«Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларини, шунингдек, фанлар мажмуасига мос қўшимча 3 тагача бакалавриат таълим йўналишини танлаш ҳуқуқига эга;

агар абитуриент «Рақамли ҳуқуқ» ёки «Халқаро ҳуқуқ ва қиёсий ҳуқуқшунослик» халқаро таълим йўналишидан фақат биттасини танлаш истагини билдирган тақдирда, унга фанлар мажмуасига мос қўшимча 4 тагача бакалавриат таълим йўналишини танлаш ҳуқуқи берилади.

85 10 . IQ тест синовларидан ўта олмаган абитуриентлар «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишлари бўйича танловда иштирок эта олмайди.

85 11 . Танлов натижаларига кўра «Рақамли ҳуқуқ» ҳамда «Халқаро ҳуқуқ ва қиёсий ҳуқуқшунослик» халқаро таълим йўналишларига ўқишга қабул қилиш мазкур низомнинг 10-бобида белгиланган тартибга асосан амалга оширилади».

Ўзбекистон Республикасининг Бош вазири А. АРИПОВ

Тошкент ш.,

2026 йил 30 июнь,

350-сон

(Қонунчилик маълумотлари миллий базаси, 01.07.2026 й., 09/26/350/0667-сон)

lex.uz

OʻZBEKISTON RESPUBLIKASI VAZIRLAR MAHKAMASINING

QARORI

NIZOM

SXEMASI

NIZOM

SXEMASI

NIZOM

SXEMASI

Toshkent davlat yuridik universitetining maxsus uch yillik taʼlim dasturlariga oʻqishga qabul qilishga oid nizomlarni tasdiqlash toʻgʻrisida

Oʻzbekiston Respublikasi Prezidentining “Oʻzbekiston Respublikasida yuridik taʼlim va ilm-fanni yanada isloh qilish chora-tadbirlari toʻgʻrisida” 2025-yil 26-noyabrdagi PF-232-son Farmoniga muvofiq Toshkent davlat yuridik universitetiga iqtidorli yoshlarni saralab olish hamda huquq taʼlim tizimining uzluksizligi va izchilligini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasida yuridik taʼlim va ilm-fanni yanada isloh qilish chora-tadbirlari toʻgʻrisida” 2025-yil 26-noyabrdagi PF-232-son Farmoniga muvofiq:

a) 2026/2027 oʻquv yilidan boshlab:

Toshkent davlat yuridik universitetiga (keyingi oʻrinlarda — Universitet) belgilangan tartiblar asosida qabul qilinadigan Universitet huzuridagi akademik litseylar, yuridik texnikumlar bitiruvchilari hamda oliy maʼlumotga ega boʻlgan shaxslar uchun ular tanloviga koʻra kirish mumkin boʻlgan bakalavr taʼlim yoʻnalishlari boʻyicha kadrlarni tayyorlashning maxsus uch yillik taʼlim dasturi joriy etilishi, ularni qabul qilish va oʻqitish alohida qabul kvotasi va toʻlov-kontrakt asosida amalga oshirilishi;

Qashqadaryo yuridik texnikumi negizida Toshkent davlat yuridik universiteti huzuridagi akademik litseyni tashkil etish toʻgʻrisidagi taklif maʼqullangani;

b) talabalarga yoʻnaltirilgan taʼlim jarayoni orqali ularning ijodiy salohiyatini doimiy rivojlantirish hamda ijtimoiy masalalarni yechishga qodir boʻlgan mutaxassislar tayyorlash;

v) Universitetda tajriba tariqasida amaliy oʻqitish hamda klinik va dual taʼlim tamoyili asosida taʼlim olish tizimi joriy etilgani, bunda:

ikkinchi, uchinchi va toʻrtinchi kurs talabalari uchun yuridik taʼlim dasturlarining 50 foizi (nazariy qismlari) auditoriyalarda, 50 foizi (amaliyot qismi) sud, huquqni muhofaza qiluvchi organlar, advokatura, konsalting va sohaga doir boshqa tashkilotlarda, shuningdek, yuridik klinikada klinik seminarlar oʻtkazish orqali olib borilishi;

taʼlim dasturlarining nazariy qismlarini amaliy misollar asosida oʻqitish (problem-based learning) orqali talabada muammoli vaziyatni tahlil va xulosa qilish kabi “yumshoq” koʻnikmalar (soft skills) va nazariy bilimlarni shakllantirishga eʼtibor qaratilishi belgilangani maʼlumot uchun qabul qilinsin.

2. Quyidagilar:

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizom 1-ilovaga muvofiq;

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizom 2-ilovaga muvofiq;

Oliy maʼlumotga ega boʻlgan shaxslarni Toshkent davlat yuridik universitetiga oʻqishga qabul qilish tartibi toʻgʻrisidagi nizom 3-ilovaga muvofiq tasdiqlansin.

3. Adliya vazirligi hamda Oliy taʼlim, fan va innovatsiyalar vazirligining Toshkent davlat yuridik universiteti huzuridagi Qashqadaryo viloyati akademik litseyiga (keyingi oʻrinlarda — akademik litsey) qabulni 2026/2027 oʻquv yilidan boshlab amalga oshirish toʻgʻrisidagi takliflariga rozilik berilsin.

4. Belgilansinki:

akademik litsey tegishlicha Qashqadaryo yuridik texnikumining huquqlari va majburiyatlari, shuningdek, tuzilgan shartnomalari boʻyicha huquqiy vorisi hisoblanadi;

Qashqadaryo yuridik texnikumining amaldagi oʻquv dasturlari boʻyicha oʻqitish yakunlanguniga qadar ilgari belgilangan tartibda akademik litseyda davom ettiriladi, texnikum oʻquvchilariga nisbatan ilgari belgilangan imtiyozlar saqlab qolinadi hamda bitiruvchilarga tegishli mutaxassislik boʻyicha diplom beriladi;

Qashqadaryo yuridik texnikumi xodimlari qonunchilikda belgilangan tartibda akademik litseydagi mavjud shtat birliklari va mehnatga haq toʻlash miqdorlari doirasida ishga qabul qilinadi;

akademik litsey direktori litseyning faoliyatiga oid barcha masalalar, jumladan, moliyaviy masalalar, maʼmuriy boshqaruv va oʻquv jarayonini tashkil etish uchun javobgar hisoblanadi;

akademik litseyning oʻquv-uslubiy jarayoni yuridik taʼlimning uzluksizligi va izchilligini taʼminlashni hisobga olgan holda, Universitet tomonidan muvofiqlashtiriladi;

akademik litseyni budjet mablagʻlari hisobidan saqlash bilan bogʻliq xarajatlarni moliyalashtirish 2026-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Adliya vazirligiga ajratilgan mablagʻlar va Toshkent davlat yuridik universitetining budjetdan tashqari mablagʻlari doirasida amalga oshiriladi, 2027-yildan boshlab esa Davlat budjeti parametrlarida nazarda tutiladi.

5. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Adliya vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Vazirlar Mahkamasining 2026-yil 30-iyundagi 350-son qaroriga 1-ILOVA

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisida

1-bob. Umumiy qoidalar

1. Ushbu Nizom Toshkent davlat yuridik universiteti huzuridagi akademik litseylarning (keyingi oʻrinlarda — akademik litseylar) iqtidorli bitiruvchilarini Toshkent davlat yuridik universitetining (keyingi oʻrinlarda — Universitet) maxsus uch yillik taʼlim dasturiga 2-kursdan kirish test sinovlarisiz, yakka tartibda suhbat oʻtkazish orqali, toʻlov-kontrakt asosida, qabul parametrlaridan tashqari oʻqishga qabul qilish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

abituriyent — Universitetning maxsus uch yillik taʼlim dasturiga kirish test sinovlarisiz, suhbat asosida oʻqishga qabul qilinadigan akademik litsey bitiruvchisi;

apellyatsiya komissiyasi — yakka tartibdagi suhbat natijalari boʻyicha abituriyentlarning shikoyatlarini koʻrib chiqish uchun tashkil etiladigan komissiya;

maxsus komissiya — har yili Universitet rektori buyrugʻi bilan akademik litseylarda tashkil etiladigan bitiruvchilarga tavsiyanomalar berish masalasini koʻrib chiquvchi komissiya;

qabul komissiyasi — har yili Universitet rektori buyrugʻi bilan tashkil etiladigan Universitetga qabul jarayonlarini tashkil etuvchi, shu jumladan abituriyentlar hujjatlarini qabul qiladigan va ularga maslahat beruvchi komissiya;

suhbat komissiyasi — Universitetning maxsus uch yillik taʼlim dasturiga qabul qilish uchun abituriyentlar bilan yakka tartibdagi suhbat oʻtkazish maqsadida Universitet taqdimnomasiga asosan Oʻzbekiston Respublikasi adliya vaziri buyrugʻi bilan tashkil etiladigan komissiya;

yakka tartibdagi suhbat — Universitetning maxsus uch yillik taʼlim dasturiga oʻqishga qabul qilish uchun suhbat komissiyasi tomonidan abituriyentga mazkur Nizomning 5-bandida koʻrsatilgan mezonlardan kelib chiqqan holda savol-javob oʻtkazish jarayoni.

3. Abituriyentlar qabul parametrlaridan tashqari Universitet tomonidan ichki imkoniyatlardan kelib chiqqan holda, belgilangan oʻrinlar soniga mos ravishda toʻlov-kontrakt asosida Universitetning maxsus uch yillik taʼlim dasturiga muvofiq bakalavriatning kunduzgi, kechki, masofaviy taʼlim shakllariga oʻqishga qabul qilinadi.

Bunda qabul parametrlaridan tashqari oʻrinlar soni haqidagi maʼlumotlar har yili 10-iyunga qadar Universitetning rasmiy veb-sayti va ijtimoiy tarmoqlar orqali eʼlon qilinadi.

4. Universitetning maxsus uch yillik taʼlim dasturiga oʻqishga qabul qilish suhbat natijalariga koʻra reyting tizimi boʻyicha toʻplangan ballar asosida amalga oshiriladi.

5. Abituriyentlar quyidagi mezonlar asosida suhbatdan oʻtkaziladi:

akademik litseylar dasturlari doirasida huquqiy fanlar boʻyicha bilim saviyasi va oʻzlashtirish darajasi;

yuridik mutaxassislikni tanlashdagi motivatsiyasi (yuridik mutaxassislikning mohiyati va ijtimoiy ahamiyatini tushunishi hamda unga doimiy qiziqishi);

nutq madaniyatining shakllanganligi, oʻz fikrini ravon ifoda etishi va tanqidiy fikrlash salohiyatiga egaligi;

umumiy dunyoqarashning shakllanganligi, muntazam ravishda oʻz ustida ishlashi va ijodkorlik qobiliyati.

6. Abituriyentlar Universitetning maxsus uch yillik taʼlim dasturiga mazkur Nizomga 1-ilovaga muvofiq sxema asosida oʻqishga qabul qilinadi.

2-bob. Maxsus komissiyani tashkil etish va bitiruvchilarni tavsiya qilish tartibi

7. Har yili 10-iyunga qadar 7 kishidan iborat tarkibda har bir akademik litsey uchun alohida maxsus komissiya tashkil etiladi. Maxsus komissiya tarkibiga adliya organlari va muassasalari, akademik litseylar xodimlari kiritiladi.

Maxsus komissiya tarkibiga kelishuv asosida boshqa tashkilotlar vakillari ham kiritilishi mumkin.

Maxsus komissiya oʻz faoliyatini kollegiallik, oshkoralik, xolislik va betaraflik tamoyillari asosida amalga oshiradi.

Maxsus komissiyaga uning boshqa aʼzolari faoliyatini muvofiqlashtiruvchi rais rahbarlik qiladi. Maxsus komissiya faoliyatini tashkiliy jihatdan taʼminlash uning kotibiga yuklanadi.

Maxsus komissiya kotibi bir vaqtning oʻzida komissiya aʼzosi hisoblanadi.

Universitet rektorining buyrugʻi bilan Universitet shoʻba mudirlari orasidan maxsus komissiya raislari belgilanadi.

8. Bitiruvchilar har yili 20-iyunga qadar Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni soʻrab maxsus komissiyaga ariza beradi. Bunda ariza maxsus komissiya kotibiga topshiriladi.

Maxsus komissiya faqat komissiya tashkil etilgan tegishli oʻquv yilidagi bitiruvchilarning arizalarini koʻrib chiqadi.

9. Arizaga quyidagi hujjatlar ilova qilinadi:

bitiruvchining xorijiy tilni bilish darajasini belgilovchi milliy yoki xalqaro sertifikat;

bitiruvchining shaxsiy yutuqlari, akademik litseyning ijtimoiy hayotidagi faol ishtirokini (maʼnaviy-maʼrifiy tadbirlar, jamoat ishlari, loyihalar, tanlovlar, olimpiadalar va boshqa tadbirlar) tasdiqlovchi hujjatlar.

10. Maxsus komissiyaning majlislar oʻtkazish jadvali va majlisga taklif etilgan bitiruvchilar roʻyxati komissiya raisi tomonidan tasdiqlanadi.

11. Majlislarni oʻtkazish jadvali majlis boshlanishidan kamida bir hafta avval akademik litseylarning rasmiy veb-saytlari va ijtimoiy tarmoqlarida eʼlon qilinadi.

12. Maxsus komissiya har yili 20-iyundan boshlab besh ish kuni ichida bitiruvchilarning hujjatlarini komissiya majlisida koʻrib chiqadi.

13. Maxsus komissiya majlisi komissiya aʼzolarining uchdan ikki qismi qatnashganda vakolatli hisoblanadi.

14. Maxsus komissiya quyidagi minimal talablarni inobatga olgan holda, Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qiladi:

bitiruvchining akademik litseydagi umumiy oʻzlashtirish koʻrsatkichi reyting natijalari boʻyicha 71 foiz va undan yuqori foizni tashkil qilishi, shuningdek, 5 baholik tizimda 4 baho va undan yuqori boʻlishi kerak. Bunda maxsus komissiyaga bitiruvchining umumiy oʻzlashtirish koʻrsatkichi toʻgʻrisidagi maʼlumot akademik litsey tomonidan taqdim etiladi;

bitiruvchining xorijiy tilni bilish darajasini belgilovchi kamida B2 darajasidagi milliy yoki xalqaro sertifikatga egaligi;

bitiruvchining shaxsiy yutuqlari, akademik litseyning ijtimoiy hayotidagi faol ishtiroki (maʼnaviy-maʼrifiy tadbirlar, jamoat ishlari, loyihalar, tanlovlar, olimpiadalar va boshqa tadbirlar);

bitiruvchining akademik litseydagi oʻqish davrida unga nisbatan intizomiy jazo chorasi qoʻllanilmaganligi.

Bunda maxsus komissiya mazkur minimal talablarga tegishli masalalarni koʻrib chiqishda bitiruvchining akademik litseydagi butun oʻqish davrini hisobga oladi.

15. Zarurat boʻlganda, taqdim etilgan hujjatlardagi maʼlumotlarga aniqlik kiritish maqsadida bitiruvchi maxsus komissiya yigʻilishiga chaqirilishi hamda u bilan suhbat oʻtkazilishi mumkin.

Suhbat real vaqt rejimida (onlayn) kuzatib borish imkoniyatiga ega xonada oʻtkaziladi.

16. Majlisda ishtirok etgan maxsus komissiya aʼzolarining koʻpchilik ovozi bilan bitiruvchini Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish yoki tavsiya qilishni rad etish toʻgʻrisida qaror qabul qilinadi hamda komissiya har bir aʼzosining bitiruvchi toʻgʻrisidagi asoslantirilgan fikri majlis bayonnomasida qayd etiladi.

Bunda bitiruvchi ushbu Nizomning 14-bandida belgilangan minimal talablarga javob bermagan taqdirda, maxsus komissiya uni Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni rad etish toʻgʻrisida qaror qabul qilishi uchun asos boʻladi.

17. Maxsus komissiya majlisining bayonnomasi majlisda ishtirok etgan komissiya aʼzolari tomonidan imzolanib, rais tomonidan tasdiqlanadi.

18. Maxsus komissiyaning qarori asosida Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilingan bitiruvchilar roʻyxati qaror qabul qilingan kundan boshlab ikki ish kuni ichida akademik litsey direktorining buyrugʻi bilan tasdiqlanadi hamda bitiruvchiga buyruqdan koʻchirma beriladi.

Mazkur buyruq nusxasi akademik litseylar tomonidan bir ish kuni ichida Universitetning qabul komissiyasiga yuboriladi.

Tavsiya qilingan bitiruvchilarga Universitetning maxsus uch yillik taʼlim dasturiga suhbat asosida test sinovlarisiz oʻqishga kirish huquqi dastlabki ikki yil uchun amal qiladi.

3-bob. Qabul komissiyasi tomonidan hujjatlarni qabul qilish va koʻrib chiqish tartibi

19. Qabul komissiyasi tomonidan abituriyentlarning oʻqishga qabul qilish haqidagi arizalari har yili 25-iyundan 5-iyulga qadar qabul qilinadi.

20. Abituriyent mazkur Nizomga 2-ilovaga muvofiq Universitet rektori nomiga maxsus uch yillik taʼlim dasturiga oʻqishga qabul qilish haqida Internet jahon axborot tarmogʻi orqali elektron shaklda ariza yuboradi. Bunda bitiruvchining diplomi (ilovasi bilan birga) pdf shaklda (portable document format) arizaga ilova qilinadi.

21. Qabul komissiyasi arizani kelib tushgan vaqtdan boshlab yetmish ikki soat ichida koʻrib chiqadi va hujjatlarda kamchiliklar aniqlanmagan taqdirda, arizani noyob raqam berish orqali roʻyxatdan oʻtkazadi.

Arizalar qabul qilingani elektron platformadagi shaxsiy kabinetlari orqali maʼlum qilinadi.

Arizasi qabul qilinmagan abituriyentlarga arizani qabul qilishni rad etish sababi koʻrsatilgan holda elektron platformadagi shaxsiy kabinetlari orqali maʼlum qilinadi.

Abituriyent tomonidan belgilangan muddatda roʻyxatdan oʻtishda elektron platformaga talab etilgan maʼlumotlar va hujjatlar asliga mos hamda toʻliq belgilangan talablarga muvofiq kiritilganda, qabul komissiyasi tomonidan hujjatlarni qabul qilish rad etilishiga yoʻl qoʻyilmaydi.

Abituriyent yigirma toʻrt soat ichida bildirishnomada koʻrsatilgan kamchiliklarni bartaraf etishi va hujjatlarni mazkur Nizomning 20-bandida belgilangan tartibda takroran topshirishi mumkin. Bunda ushbu Nizomning 19-bandida belgilangan muddat arizani takroran topshirishga nisbatan qoʻllanilmaydi.

4-bob. Suhbat komissiyasini tashkil etish va yakka tartibdagi suhbatni oʻtkazish tartibi

22. Har yili 1-iyulga qadar 7 kishidan iborat Universitetning taqdimnomasiga asosan Oʻzbekiston Respublikasi adliya vaziri buyrugʻi bilan suhbat komissiyasi tashkil etiladi. Suhbat komissiyasi tarkibiga vazirlik va Universitet xodimlari kiritiladi.

Yakka tartibdagi suhbatda koʻzi ojiz abituriyent qatnashayotgan taqdirda, suhbat komissiyasi tarkibiga Oʻzbekiston koʻzi ojizlar jamiyati vakili kiritiladi. Bunda koʻzi ojiz abituriyentlar bilan suhbat oʻtkazish jarayoni qonunchilik hujjatlarida belgilangan tartibda amalga oshiriladi.

Abituriyentlar soni 200 nafardan ortiqni tashkil etganda, qoʻshimcha suhbat komissiyasi tashkil etilishi mumkin.

23. Maxsus komissiya tarkibiga kiritilgan shaxslarning suhbat komissiyasi tarkibiga kiritilishiga yoʻl qoʻyilmaydi.

24. Suhbat komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.

25. Suhbat komissiyasiga uning boshqa aʼzolari faoliyatini oʻzaro umumiy muvofiqlashtiruvchi rais rahbarlik qiladi. Suhbat komissiyasi faoliyatini tashkiliy jihatdan taʼminlash uning kotibiga yuklanadi.

Suhbat komissiyasi kotibi bir vaqtning oʻzida komissiya aʼzosi hisoblanadi.

26. Suhbat komissiyasi suhbat boshlanishidan kamida uch kun oldin yakka tartibdagi suhbat oʻtkazish jadvalini tasdiqlaydi hamda Universitet rasmiy veb-sayti va ijtimoiy tarmoqlarida eʼlon qiladi.

27. Suhbat komissiyasi har yili 10-iyuldan 10-avgustga qadar abituriyentlar bilan yakka tartibda suhbat oʻtkazadi.

28. Yakka tartibdagi suhbat oʻtkazilgunga qadar abituriyentlar uchun qabul komissiyasi raisi tomonidan tasdiqlangan jadval asosida maslahatlar tashkil etiladi.

29. Qabul komissiyasi kotibi yakka tartibdagi suhbat oʻtkaziladigan bino va auditoriyalarni tayyorlash uchun masʼul hisoblanadi.

30. Yakka tartibdagi suhbat Universitetdagi taʼlim tillarida oʻtkaziladi. Bunda yakka tartibdagi suhbat tili abituriyent tomonidan tanlanadi va uning oʻqishga qabul qilish haqidagi arizasida koʻrsatiladi.

31. Abituriyent suhbat oʻtkaziladigan auditoriyaga yakka tartibdagi suhbat oʻtkazish jadvaliga muvofiq biometrik pasporti (ID-kartasi) bilan navbatma-navbat kiritiladi.

32. Abituriyentning yakka tartibdagi suhbatga uyali telefon hamda boshqa aloqa va telekommunikatsiya vositalari, lugʻat, kitob va shpargalkalar olib kirishi, ulardan foydalanishi yoki ularni boshqa abituriyentga berishi, shuningdek, boshqa abituriyentga yordam berishiga yoʻl qoʻyilmaydi.

Ushbu talabni buzgan abituriyent yakka tartibdagi suhbatdan chetlashtiriladi. Suhbat komissiyasi kotibi mazkur Nizomga 3-ilovaga muvofiq shaklda abituriyentni yakka tartibdagi suhbatdan chetlashtirish haqida dalolatnoma rasmiylashtiradi.

33. Yakka tartibdagi suhbatni oʻtkazish davomida suhbat komissiyasi aʼzolari abituriyentga mazkur Nizomning 5-bandida koʻrsatilgan mezonlardan kelib chiqqan holda savollar beradi.

Bunda mazkur Nizomning 5-bandi ikkinchi xatboshisidagi mezon boʻyicha beriladigan savollar roʻyxati akademik litseylar oʻquv dasturlari asosida shakllantiriladi hamda Universitet rektori tomonidan tasdiqlanadi.

Savollar roʻyxati Universitet rasmiy veb-sayti va ijtimoiy tarmoqlarida yakka tartibdagi suhbat boshlanishidan kamida oʻn besh kun avval eʼlon qilinadi.

Yakka tartibdagi suhbat har bir abituriyent uchun 30 daqiqagacha davom etishi mumkin. Mazkur Nizomning 5-bandi ikkinchi va uchinchi xatboshilaridagi mezonlar boʻyicha savollar abituriyent tomonidan axborot texnologiyalaridan foydalangan holda maxsus elektron dastur orqali tasodifiy ravishda tanlanadi.

Abituriyent tomonidan tasodifiy ravishda tanlangan savollar suhbat komissiyasi kotibi tomonidan qogʻozga chop etilib, abituriyentga taqdim qilinadi.

Yakka tartibdagi suhbat natijalari 100 balli tizimda ballar qoʻyish yoʻli bilan baholanadi. Mazkur Nizomning 5-bandida koʻrsatilgan har bir mezon boʻyicha maksimal ball 25 ballni tashkil etadi.

34. Abituriyentlar bilan oʻtkazilgan yakka tartibdagi suhbat natijalari boʻyicha suhbat komissiyasining har bir aʼzosi boshqa aʼzolardan mustaqil ravishda mazkur Nizomga 4-ilovaga muvofiq shaklda baholash varaqasini toʻldiradi va uni suhbat komissiyasi kotibiga taqdim etadi. Suhbat komissiyasi kotibi komissiya aʼzolari tomonidan abituriyentga qoʻyilgan oʻrtacha ballni hisoblab chiqadi.

Yakka tartibdagi suhbat natijalari reyting tizimi boʻyicha abituriyentga qoʻyilgan 0 dan 100 gacha oraliqdagi ballar asosida aniqlanadi.

35. Yakka tartibdagi suhbat natijasi boʻyicha suhbat komissiyasining bayonnomasi rasmiylashtiriladi. Bayonnoma yakka tartibdagi suhbatda ishtirok etgan komissiya aʼzolari tomonidan imzolanadi va komissiya raisi tomonidan tasdiqlanadi.

Abituriyentlar roʻyxati suhbat komissiyasi bayonnomasida eng yuqori ball olgan abituriyentdan boshlab, ballar ketma-ketligiga qatʼiy rioya qilgan holda, kamayib borish tartibida joylashtiriladi.

Yakka tartibdagi suhbat jarayoni videoyozuvlarda qayd etiladi hamda Internet jahon axborot tarmogʻi orqali onlayn rejimda translyatsiya qilinadi.

36. Yakka tartibdagi suhbat natijalari suhbat jarayoni yakunlangandan soʻng bir ish kuni ichida Universitet rasmiy veb-sayti va ijtimoiy tarmoqlarida eʼlon qilinadi.

37. Abituriyent quyidagi hollarda oʻqishga qabul qilinmaydi:

yakka tartibdagi suhbat oʻtkazish jadvaliga muvofiq suhbatga kelmaganda;

yakka tartibdagi suhbatda belgilangan maksimal ballning 56 foizidan kam ball toʻplanganda.

Bunda yakka tartibdagi suhbatda belgilangan maksimal ballning 56 foizi va undan yuqori ball toʻplagan, biroq, Universitet tomonidan belgilangan oʻrinlar doirasiga kirmagan abituriyentlar oʻqishga qabul qilinmaydi.

38. Universitetning maxsus uch yillik taʼlim dasturiga abituriyentlarni oʻqishga qabul qilish uchun yakka tartibdagi suhbatni qayta oʻtkazishga yoʻl qoʻyilmaydi.

39. Yakka tartibdagi suhbat natijalari boʻyicha abituriyentning shikoyatini koʻrib chiqish uchun har yili 1-iyulga qadar 7 kishidan iborat tarkibda Universitet taqdimnomasiga asosan Adliya vaziri buyrugʻi bilan apellyatsiya komissiyasi tashkil etiladi.

Apellyatsiya komissiyasi tarkibiga vazirlik va Universitet xodimlari kiritilishi mumkin.

Maxsus komissiya va suhbat komissiyasi aʼzolari apellyatsiya komissiyasi tarkibiga kiritilmaydi.

Apellyatsiya komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.

Apellyatsiya komissiyasiga komissiyaning boshqa aʼzolari faoliyatini oʻzaro umumiy muvofiqlashtiruvchi rais rahbarlik qiladi. Apellyatsiya komissiyasi faoliyatini tashkiliy taʼminlash uning kotibiga yuklanadi.

Apellyatsiya komissiyasi kotibi bir vaqtning oʻzida komissiya aʼzosi hisoblanadi.

Zarurat boʻlganda, suhbat komissiyasi aʼzosi apellyatsiya jarayonida qatnashishi va oʻz fikrini bildirishi mumkin.

40. Abituriyent yakka tartibdagi suhbat natijalaridan norozi boʻlgan taqdirda, suhbat natijasi eʼlon qilingan kundan boshlab uch ish kuni ichida apellyatsiya komissiyasiga yozma yoxud elektron tarzda apellyatsiya shikoyati berish huquqiga ega.

41. Apellyatsiya komissiyasi apellyatsiya shikoyatini kelib tushgan kundan boshlab ikki ish kuni ichida koʻrib chiqadi. Apellyatsiya shikoyati koʻrib chiqiladigan kun haqida abituriyentga xabar beriladi.

42. Apellyatsiya shikoyati abituriyent ishtirokida koʻrib chiqiladi va ushbu jarayon videoyozuvlarda qayd etiladi.

43. Apellyatsiya komissiyasi apellyatsiya shikoyatini koʻrib chiqish natijasi boʻyicha quyidagi mazmundagi qarorlardan birini qabul qiladi:

eʼtiroz asossiz boʻlgan taqdirda, apellyatsiya shikoyatini qanoatlantirishni rad etish va yakka tartibdagi suhbat natijalarini oʻzgarishsiz qoldirish toʻgʻrisida;

eʼtiroz asosli boʻlgan taqdirda, apellyatsiya shikoyatini qanoatlantirish va yakka tartibdagi suhbat natijalariga oʻzgartirish kiritish toʻgʻrisida.

44. Yakka tartibdagi suhbatdan muvaffaqiyatli oʻtgan abituriyentlar oʻquv yili boshlanishiga qadar diplomi (ilovasi bilan birga) va xorijiy tilni bilish darajasini belgilovchi milliy yoki xalqaro sertifikatining asl nusxalarini qabul komissiyasiga taqdim etadi.

Hujjatlarda, shu jumladan, elektron shaklda taqdim etilgan hujjatlarda soxtalashtirish va qalbakilashtirish yoki yolgʻon maʼlumot taqdim etilganligi aniqlangan taqdirda, abituriyent yakka tartibdagi suhbatdan yoxud universitet talabalari safidan chetlashtiriladi, hujjatlari esa belgilangan tartibda huquqni muhofaza qiluvchi organlarga yuboriladi.

45. Universitet har yili 15-avgustga qadar yakka tartibdagi suhbat natijalari toʻgʻrisidagi maʼlumotlarni Adliya vazirligiga yuboradi.

5-bob. Oʻqishga qabul qilish tartibi

46. Har yili 25-avgustga qadar Oʻzbekiston Respublikasi adliya vazirining abituriyentlarni maxsus uch yillik taʼlim dasturiga oʻqish uchun tavsiya etish toʻgʻrisidagi buyrugʻi qabul qilinib, Universitetga yuboriladi.

47. Oʻzbekiston Respublikasi adliya vazirining buyrugʻiga asosan har yili 30-avgustga qadar universitet rektorining abituriyentlarni darslarga qatnashishga ruxsat berish toʻgʻrisidagi buyrugʻi qabul qilinadi.

48. Universitet rektorining abituriyentlarni maxsus uch yillik taʼlim dasturiga darslarga qatnashishga ruxsat berish toʻgʻrisidagi buyrugʻi qabul qilinganidan soʻng Universitet hamda abituriyentlar oʻrtasida Oliy taʼlim, fan va innovatsiyalar vazirligining maxsus platformasi orqali qonunchilik hujjatlarida belgilangan tartibda shartnoma rasmiylashtiriladi.

Universitetning maxsus uch yillik taʼlim dasturiga toʻlov-kontrakt asosida oʻqishga tavsiya etilgan abituriyentlar qonunchilik hujjatlari va shartnomada koʻrsatilgan muddatlarda toʻlovlarni amalga oshiradi.

49. Har yili 30-sentabrga qadar universitet rektorining shartnomada koʻrsatilgan toʻlovlarni amalga oshirgan abituriyentlarni oʻqishga qabul qilish toʻgʻrisidagi buyrugʻi qabul qilinadi.

6-bob. Yakunlovchi qoidalar

50. Universitetning maxsus uch yillik taʼlim dasturiga oʻqishga qabul qilingan talabalarning yakka tartibdagi suhbat natijalari boʻyicha rasmiylashtirilgan hujjatlaridan koʻchirmalar ularning shaxsiy yigʻmajildiga tikib qoʻyiladi.

51. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 1-ILOVA

Toshkent davlat yuridik universiteti huzuridagi akademik litseylarning bitiruvchilarini Toshkent davlat yuridik universitetining maxsus uch yillik taʼlim dasturiga yakka tartibda suhbat oʻtkazish orqali oʻqishga qabul qilishni tashkil etish

Bosqichlar Subyektlar Tadbirlar Bajarish muddatlari 1-bosqich Toshkent davlat yuridik universiteti (TDYU) Akademik litseylar bitiruvchilarini TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish masalasini koʻrib chiqish boʻyicha maxsus komissiya tashkil etadi. Har yili 10-iyunga qadar Akademik litseylarning bitiruvchilari TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni soʻrab maxsus komissiyaga ariza beradi. Har yili 20-iyunga qadar Maxsus komissiya 1. Majlislarni oʻtkazish jadvalini akademik litseylarning rasmiy veb-sayti va ijtimoiy tarmoqlarda eʼlon qiladi. Majlis boshlanishidan kamida bir hafta oldin 2. Bitiruvchilarning hujjatlarini komissiya majlisida koʻrib chiqadi. 3. Majlisda ishtirok etgan maxsus komissiya aʼzolarining koʻpchilik ovozi bilan bitiruvchini TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish yoki tavsiya qilishni rad etish toʻgʻrisida qaror qabul qiladi. Har yili 20-iyundan boshlab besh ish kuni ichida 2-bosqich Akademik litseylar 1. Maxsus komissiyaning qarori asosida TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilingan bitiruvchilar roʻyxatini buyruq bilan tasdiqlaydi hamda bitiruvchiga buyruqdan koʻchirma beradi. Qaror qabul qilingan kundan boshlab ikki ish kuni ichida 2. Buyruq nusxasini TDYU qabul komissiyasiga yuboradi. Bir ish kuni ichida 3-bosqich Abituriyent TDYU rektori nomiga TDYUning maxsus uch yillik taʼlim dasturiga oʻqishga qabul qilish haqida Internet jahon axborot tarmogʻi orqali elektron shaklda ariza yuboradi. Har yili 25-iyundan 5-iyulga qadar 4-bosqich Qabul komissiyasi 1. Arizani koʻrib chiqadi va hujjatlarda kamchiliklar aniqlanmagan taqdirda, arizani noyob raqam berish orqali roʻyxatdan oʻtkazadi hamda abituriyentlarga maxsus platformadagi shaxsiy kabinetlari orqali maʼlum qiladi. Kelib tushgan vaqtdan boshlab yetmish ikki soat ichida 2. Agar taqdim etilgan hujjatlarda kamchiliklar aniqlanib arizalar qabul qilinmagan taqdirda abituriyentlarga arizani qabul qilishni rad etish sababi koʻrsatilgan holda elektron platformadagi shaxsiy kabinetlari orqali maʼlum qiladi. Kamchilik aniqlangan vaqtdan boshlab bir soat ichida Abituriyent Bildirishnomada koʻrsatilgan kamchiliklarni bartaraf etadi va hujjatlarni belgilangan tartibda takroran topshiradi. Yigirma toʻrt soat ichida 5-bosqich Adliya vazirligi Suhbat komissiyasini tashkil etadi. Har yili 1-iyulga qadar Suhbat komissiyasi 1. Yakka tartibdagi suhbat oʻtkazish jadvalini tasdiqlaydi TDYUning rasmiy veb-sayti va ijtimoiy tarmoqlarida eʼlon qiladi. Suhbat boshlanishidan kamida uch kun avval 2. Abituriyentlar bilan yakka tartibda suhbat oʻtkazadi. Har yili 10-iyuldan 10-avgustga qadar 3. Yakka tartibdagi suhbat natijalarini TDYUning rasmiy veb-sayti va ijtimoiy tarmoqlarda eʼlon qiladi. Suhbat jarayoni yakunlangandan soʻng bir ish kuni ichida 6-bosqich Adliya vazirligi Yakka tartibdagi suhbat natijalari boʻyicha abituriyentning shikoyatini koʻrib chiqish uchun apellyatsiya komissiyasini tashkil etadi. Har yili 1-iyulga qadar 7-bosqich Abituriyent Diplom (ilovasi bilan birga) va xorijiy tilni bilish darajasini belgilovchi milliy yoki xalqaro sertifikatning asl nusxalarini qabul komissiyasiga taqdim etadi. Oʻquv yili boshlanishiga qadar 8-bosqich TDYU Yakka tartibdagi suhbat natijalari toʻgʻrisidagi maʼlumotlarni Adliya vazirligiga yuboradi. Har yili 15-avgustga qadar 9-bosqich Adliya vazirligi Abituriyentlarni TDYUning maxsus uch yillik taʼlim dasturiga oʻqish uchun tavsiya etish toʻgʻrisida buyruq qabul qiladi. Har yili 25-avgustga qadar 10-bosqich TDYU va abituriyent Oliy taʼlim, fan va innovatsiyalar vazirligining maxsus platformasi orqali qonunchilik hujjatlarida belgilangan tartibda shartnoma rasmiylashtiradi. Oʻqishga tavsiya etish toʻgʻrisida buyruq qabul qilinganidan soʻng Abituriyent Toʻlovni amalga oshiradi. Qonunchilik hujjatlari va shartnomada koʻrsatilgan muddatlarda TDYU 1. Abituriyentlarni darslarga qatnashishga ruxsat berish toʻgʻrisida buyruq qabul qiladi. Har yili 30-avgustga qadar 2. Shartnomada koʻrsatilgan toʻlovlarni amalga oshirgan abituriyentlarni oʻqishga qabul qilish toʻgʻrisida buyruq qabul qiladi. Har yili 30-sentabrga qadar

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 2-ILOVA

NAMUNA Toshkent davlat yuridik universiteti rektori __________________________ga (F.I.O.) ____________________________ _________________________dan (abituriyentning F.I.O (toʻliq yoziladi) Toshkent davlat yuridik universitetining maxsus uch yillik taʼlim dasturiga qabul toʻgʻrisida ARIZA Menga __________________________________________ yoʻnalishida taʼlim olish uchun suhbatdan __________________ (taʼlim yoʻnalishining nomi) (oʻzbek, rus) oʻtishimga ruxsat berishingizni soʻrayman. Maʼlumotim. ____________________ ___________________________________________ (oʻrta maxsus) (taʼlim muassasasining nomi) ___________________________________________________________ni __________ yilda tugatganman. Taʼlim toʻgʻrisidagi hujjat (diplom): seriya _____________ № ______________________________ Suhbatdan _______________ tilida oʻtaman. _____________ (oʻzbek, rus) Tugʻilgan vaqtim va joyim: ______ _________ _____ yil ____________________________ (kun) (oy) (yil) (tugʻilgan joyi) Doimiy yashash manzilim: _________________________________________________________________ (mamlakat, viloyat, shahar, tuman, qishloq, koʻcha, uy raqami toʻliq) ________________________________________________________________________________________ Biometrik pasport (identifikatsiya ID-kartasi) maʼlumoti: _______ ____________, __________________________________ (seriya) (raqami) (qachon va kim tomonidan berilgan) ________________________________________________________________________________________ Xalqaro yoki milliy olimpiadalarda, tanlovlarda hamda sport musobaqalarida qatnashganligi haqida maʼlumot (agar qatnashgan boʻlsa) ___________________________________ (olimpiada fani) ________________________________________________________________________________________ tanlov fani (ixtisosligi), sport musobaqasi turi, oʻtkazilgan vaqti, egallangan oʻrin) Nogironligi haqida maʼlumot ___________________________________________________________ (nomi va guruhi, hujjat rekvizitlari) Suhbat oʻtkazish qoidalari bilan tanishdim. _____________________ ________ _________________ (abituriyentning F.I.O.) (imzo) (ariza berish sanasi)

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 3-ILOVA

NAMUNA Yakka tartibdagi suhbatdan chetlashtirish haqida DALOLATNOMA ___________________shahri 20____ yil “____” __________ Biz, quyida imzo chekuvchilar shuni tasdiqlaymizki, abituriyent ___________________________ _________________________________________________________________________________________ (F.I.O.) quyidagi sabablarga koʻra yakka tartibdagi suhbatdan soat ___:___da chetlatildi: taqiqlangan vositalardan foydalangan (uyali telefon, kompyuter hamda boshqa aloqa va telekommunikatsiya vositalari, lugʻat, kitob, shpargalka); boshqa abituriyentga taqiqlangan vositalarni bergan; boshqa abituriyentga yordam bergan; ________________________________________________________________________________________ (nizomda nazarda tutilgan boshqa holatlar) Abituriyent tomonidan Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomning _____ bandlari talablari buzilgan. Komissiya kotibi ______________________ ______________ (F.I.O.) (imzo)

Toshkent davlat yuridik universiteti huzuridagi akademik litseylar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 4-ILOVA

NAMUNA Toshkent davlat yuridik universitetining maxsus uch yillik taʼlim dasturiga qabul qilish boʻyicha yakka tartibdagi suhbatdan oʻtgan abituriyentning javoblarini BAHOLASH VARAQASI Abituriyentning F.I.O.______________________________________ Sana ____________ T/r Baholash mezonlari Ballar 1. Akademik litsey dasturlari doirasida huquqiy fanlar boʻyicha bilim saviyasi va oʻzlashtirish darajasi 2. Yuridik kasbni tanlashda motivatsiyasi (huquqshunos kasbining mohiyati va ijtimoiy ahamiyatini tushunish, unga doimiy qiziqish koʻrsatish) 3. Nutq madaniyatining shakllanganligi, oʻz fikrini ravon ifoda etish va tanqidiy fikrlash salohiyatiga ega ekanligini 4. Umumiy dunyoqarashining shakllanganligi, oʻz ustida ishlash va ijodkorlik qobiliyatining mavjudligi Izoh : _____________________________________________________________________________ _________________________________________________________________________________________ _________________________________________________________________________________________ Suhbat oʻtkazish boʻyicha komissiya aʼzosi: ____________________________ ___________________________ (F.I.O.) (imzo)

Vazirlar Mahkamasining 2026-yil 30-iyundagi 350-son qaroriga 2-ILOVA

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisida

1-bob. Umumiy qoidalar

1. Ushbu Nizom yuridik texnikumlarning iqtidorli bitiruvchilarini Toshkent davlat yuridik universitetining (keyingi oʻrinlarda — Universitet) maxsus uch yillik taʼlim dasturiga 2-kursdan kirish test sinovlarisiz, yakka tartibda suhbat oʻtkazish orqali, toʻlov-kontrakt asosida, qabul parametrlaridan tashqari oʻqishga qabul qilish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

abituriyent — Universitetning maxsus uch yillik taʼlim dasturiga 2-kursdan yuridik texnikum tavsiyasi boʻyicha test sinovlarisiz, suhbat oʻtkazish orqali oʻqishga qabul qilinadigan yuridik texnikum bitiruvchisi;

maxsus komissiya — har yili yuridik texnikum direktori buyrugʻi bilan yuridik texnikumlarda tashkil etiladigan bitiruvchilarga tavsiyanomalar berish masalasini koʻrib chiquvchi komissiya;

qabul komissiyasi — Universitet rektori buyrugʻi bilan tashkil etiladigan Universitetga qabul jarayonlarini tashkil etuvchi, shu jumladan abituriyentlar hujjatlarini qabul qiladigan va ularga maslahat beruvchi komissiya;

yakka tartibdagi suhbat — Universitetning maxsus uch yillik taʼlim dasturiga qabul qilish uchun suhbat komissiyasi tomonidan abituriyentga mazkur Nizomning 5-bandida koʻrsatilgan mezonlardan kelib chiqqan holda savol-javob oʻtkazish jarayoni;

apellyatsiya komissiyasi — yakka tartibdagi suhbat natijalari boʻyicha abituriyentlarning shikoyatlarini koʻrib chiqish uchun tashkil etiladigan komissiya;

hududiy adliya organlari — Qoraqalpogʻiston Respublikasi Adliya vazirligi, viloyatlar va Toshkent shahri adliya boshqarmalari.

3. Abituriyentlar Universitetning maxsus uch yillik taʼlim dasturiga mazkur Nizomga 1-ilovaga muvofiq sxema asosida oʻqishga qabul qilinadi.

4. Yuridik texnikumlardagi taʼlim shaklidan qatʼi nazar, Universitetning maxsus uch yillik taʼlim dasturiga muvofiq bakalavriatning kunduzgi, kechki, masofaviy taʼlim shakllariga oʻqishga qabul qilish suhbat natijalariga koʻra reyting tizimi boʻyicha toʻplangan ballar asosida amalga oshiriladi.

5. Abituriyentlar quyidagi mezonlar asosida suhbatdan oʻtkaziladi:

mamlakatda amalga oshirilayotgan keng qamrovli islohotlarning mohiyati va ahamiyatini tushunish (davlat va jamiyat qurilishi, qonun ustuvorligini taʼminlash, iqtisodiyotni rivojlantirish va liberallashtirish, shuningdek, ijtimoiy soha va boshqa sohalardagi islohotlar haqida tasavvur va fikrlash qobiliyatining mavjudligi);

ixtisoslikni tanlashda motivatsiya (huquqshunos kasbining mohiyati va ijtimoiy ahamiyatini tushunish, unga doimiy qiziqish bildirish);

shaxsiy-kasbiy xususiyatlar (oʻqishga qobiliyat, kasbiy vazifalarni hal qilishda amaliy faoliyat, intizomlilik, hamjihatlik, masʼuliyatlilik, qaror qabul qilishda mustaqillik darajasi, shuningdek, oʻz ustida ishlash va ijodkorlik qobiliyatlari);

yurisprudensiya sohasidagi bilim va kasbiy koʻnikmalarning mavjudligi (professional taʼlimi darajasida yurisprudensiya sohasida oʻz fikrini bayon qilish va tahlil qilish koʻnikmalarining mavjudligi).

2-bob. Maxsus komissiyani tashkil etish va bitiruvchilarni tavsiya qilish tartibi

6. Har yili 10-iyunga qadar 7 kishidan iborat tarkibda har bir yuridik texnikum uchun alohida maxsus komissiya tashkil etiladi. Maxsus komissiya tarkibiga kelishuvga koʻra universitet, hududiy adliya organlari va yuridik texnikum xodimlari kiritiladi.

Maxsus komissiya tarkibiga kelishuv asosida boshqa tashkilotlar vakillari ham kiritilishi mumkin.

Maxsus komissiyaga koʻzi ojiz abituriyent murojaat etganida, maxsus komissiya tarkibiga Oʻzbekiston koʻzi ojizlar jamiyati vakili kiritiladi.

Maxsus komissiya oʻz faoliyatini kollegiallik, oshkoralik, xolislik va betaraflik tamoyillari asosida amalga oshiradi.

Maxsus komissiyaga uning boshqa aʼzolari faoliyatini muvofiqlashtiruvchi rais rahbarlik qiladi.

Universitet bilan kelishilgan holda Maxsus komissiya raisi oʻrinbosari Universitet professor-oʻqituvchilari orasidan belgilanadi.

Maxsus komissiya faoliyatini tashkiliy jihatdan taʼminlash uning kotibiga yuklanadi. Maxsus komissiya kotibi bir vaqtning oʻzida komissiya aʼzosi hisoblanadi.

7. Bitiruvchilar har yili 20-iyunga qadar Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni soʻrab maxsus komissiyaga ariza beradi. Bunda ariza maxsus komissiya kotibiga topshiriladi.

Maxsus komissiya faqat komissiya tashkil etilgan tegishli oʻquv yili bitiruvchilarining arizalarini koʻrib chiqadi.

8. Arizaga quyidagi hujjatlar ilova qilinadi:

bitiruvchining xorijiy tilni bilish darajasini belgilovchi milliy yoki xalqaro sertifikat;

bitiruvchining shaxsiy yutuqlari, yuridik texnikumning ijtimoiy hayotidagi faol ishtirokini (maʼnaviy-maʼrifiy tadbirlar, jamoat ishlari, loyihalar, tanlovlar, olimpiadalar va boshqa tadbirlar) tasdiqlovchi hujjatlar.

9. Maxsus komissiya har yili 20-iyundan 30-iyunga qadar yuridik texnikumlar bitiruvchilarining arizalarini koʻrib chiqadi.

Arizalar Maxsus komissiya majlislarida koʻrib chiqiladi.

10. Maxsus komissiyaning majlislar oʻtkazish jadvali yuridik texnikum direktori buyrugʻi bilan tasdiqlanadi. Majlisga taklif etilgan yuridik texnikumlar bitiruvchilari roʻyxati buyruqqa ilova qilinadi.

11. Majlislar oʻtkazish jadvali yuridik texnikumning rasmiy veb-saytida, qoida tariqasida, majlis boshlanishiga kamida bir hafta qolganda eʼlon qilinadi.

12. Maxsus komissiya majlisi, qoida tariqasida, yuridik texnikum binolarida oʻtkaziladi. Maxsus komissiya majlisi komissiya aʼzolarining barchasi ishtirok etgan boʻlsa, vakolatli hisoblanadi.

13. Maxsus komissiya quyidagi minimal talablarni inobatga olgan holda, Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qiladi:

bitiruvchining yuridik texnikumdagi umumiy oʻzlashtirish koʻrsatkichi reyting natijalari boʻyicha 71 foiz va undan yuqori foizni tashkil qilishi, shuningdek, 5 baholik tizimda 4 baho va undan yuqori boʻlishi kerak. Bunda maxsus komissiyaga bitiruvchining umumiy oʻzlashtirish koʻrsatkichi toʻgʻrisidagi maʼlumot yuridik texnikum tomonidan taqdim etiladi;

bitiruvchining xorijiy tilni bilish darajasini belgilovchi kamida B2 darajasidagi milliy yoki xalqaro sertifikatga egaligi;

bitiruvchining shaxsiy yutuqlari, yuridik texnikumning ijtimoiy hayotidagi faol ishtiroki (maʼnaviy-maʼrifiy tadbirlar, jamoat ishlari, loyihalar, tanlovlar, olimpiadalar va boshqa tadbirlar);

bitiruvchining yuridik texnikumdagi oʻqish davrida unga nisbatan intizomiy jazo chorasi qoʻllanilmaganligi.

Bunda maxsus komissiya mazkur minimal talablarga tegishli masalalarni koʻrib chiqishda bitiruvchining yuridik texnikumdagi butun oʻqish davrini hisobga oladi.

14. Zarurat boʻlganda, taqdim etilgan hujjatlardagi maʼlumotlarga aniqlik kiritish maqsadida bitiruvchi maxsus komissiya yigʻilishiga chaqirilishi hamda u bilan suhbat oʻtkazilishi mumkin.

Suhbat real vaqt rejimida (onlayn) kuzatib borish imkoniyatiga ega xonada oʻtkaziladi.

15. Majlisda ishtirok etgan maxsus komissiya aʼzolarining koʻpchilik ovozi bilan bitiruvchini Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish yoki tavsiya qilishni rad etish toʻgʻrisida qaror qabul qilinadi hamda komissiya har bir aʼzosining bitiruvchi toʻgʻrisidagi asoslantirilgan fikri majlis bayonnomasida qayd etiladi.

Bunda bitiruvchi ushbu Nizomning 13-bandida belgilangan minimal talablarga javob bermagan taqdirda, maxsus komissiya uni Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni rad etish toʻgʻrisida qaror qabul qilishi uchun asos boʻladi.

16. Maxsus komissiya majlisining bayonnomasi majlisda ishtirok etgan komissiya aʼzolari tomonidan imzolanib, rais tomonidan tasdiqlanadi.

17. Maxsus komissiyaning qarori asosida Universitetning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilingan bitiruvchilar roʻyxati qaror qabul qilingan kundan boshlab ikki ish kuni ichida yuridik texnikum direktorining buyrugʻi bilan tasdiqlanadi hamda bitiruvchiga buyruqdan koʻchirma beriladi.

Bunda yuridik texnikum bitiruvchisiga tavsiya berish haqida qabul qilingan qaror xolisligi uchun shaxsiy javobgarlik yuridik texnikum direktori zimmasiga yuklanadi.

Mazkur buyruq nusxasi yuridik texnikum tomonidan bir ish kuni ichida Universitetning rasmiy pochtasiga elektron shaklda yuboriladi.

Tavsiya qilingan bitiruvchilarga Universitetning maxsus uch yillik taʼlim dasturiga suhbat asosida test sinovlarisiz oʻqishga kirish huquqi dastlabki ikki yil uchun amal qiladi.

3-bob. Qabul komissiyasi tomonidan hujjatlarni qabul qilish va koʻrib chiqish tartibi

18. Abituriyentlarni qabul qilish parametrlari haqidagi maʼlumot Universitetning rasmiy veb-saytiga qabul parametrlariga oid hujjat qabul qilinganidan keyin besh kundan kechikmasdan joylashtiriladi.

19. Qabul komissiyasi tomonidan abituriyentlarning oʻqishga qabul qilish haqidagi arizalari har yili 5-iyuldan 25-iyulga qadar qabul qilinadi.

Abituriyent mazkur Nizomga 2-ilovaga muvofiq Universitet rektori nomiga maxsus uch yillik taʼlim dasturiga oʻqishga qabul qilish haqida Internet jahon axborot tarmogʻi orqali elektron shaklda ariza yuboradi.

Bunda bitiruvchining diplomi (ilovasi bilan birga) pdf (portable document format) shaklda arizaga ilova qilinadi.

20. Hujjatlar Universitet qabul komissiyasi tomonidan qabul qilingan vaqt ariza uchun noyob raqam olingan vaqt hisoblanadi.

Abituriyentlarning hujjatlari qabul komissiyalari tomonidan koʻrib chiqiladi va ularning arizalari qabul qilingani elektron platformadagi shaxsiy kabinetlari orqali maʼlum qilinadi.

Arizasi qabul qilinmagan abituriyentlarga arizani qabul qilishni rad etish sababi koʻrsatilgan holda elektron platformadagi shaxsiy kabinetlari orqali maʼlum qilinadi.

21. Abituriyent elektron platformada bildirishnomani olganidan boshlab yigirma toʻrt soat ichida kamchiliklarni bartaraf etishi va hujjatlarni mazkur Nizomning 19-bandida belgilangan tartibda takroran topshirishi mumkin.

Bunda ushbu Nizomning 19-bandida belgilangan muddat arizani takroran topshirishga nisbatan qoʻllanilmaydi.

4-bob. Suhbat komissiyasini tashkil etish va yakka tartibdagi suhbatni oʻtkazish tartibi

Maxsus komissiya tarkibiga kiritilgan shaxslarning suhbat komissiyasi tarkibiga kiritilishiga yoʻl qoʻyilmaydi.

Suhbat komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.

Suhbat komissiyasiga uning boshqa aʼzolari faoliyatini oʻzaro umumiy muvofiqlashtiruvchi rais rahbarlik qiladi. Suhbat komissiyasi faoliyatini tashkiliy jihatdan taʼminlash uning kotibiga yuklanadi.

Suhbat komissiyasi kotibi bir vaqtning oʻzida komissiya aʼzosi hisoblanadi.

23. Suhbat komissiyasi suhbat boshlanishidan kamida besh kun oldin yakka tartibdagi suhbat oʻtkazish jadvalini tasdiqlaydi hamda Universitet rasmiy veb-sayti va ijtimoiy tarmoqlarida eʼlon qiladi.

24. Suhbat komissiyasi har yili 10-avgustdan 25-avgustga qadar abituriyentlar bilan yakka tartibda suhbat oʻtkazadi.

Xolisona sabablarga koʻra ushbu muddatlarda suhbat oʻtkazish imkoniyati boʻlmasa, suhbat komissiyasi yakka tartibdagi suhbat oʻtkazish muddatini oʻzgartirishi mumkin. Bunda abituriyentlar belgilangan muddatdan kamida bir hafta oldin yakka tartibdagi suhbat va uni oʻtkazish jadvali haqida xabardor qilinadi.

25. Yakka tartibdagi suhbat oʻtkazilgunga qadar abituriyentlar uchun qabul komissiyasi raisi tomonidan tasdiqlangan jadval asosida maslahatlar tashkil etiladi.

26. Qabul komissiyasi kotibi yakka tartibdagi suhbat oʻtkaziladigan bino va auditoriyalarni tayyorlash uchun masʼul hisoblanadi.

27. Yakka tartibdagi suhbat Universitetdagi taʼlim tillarida oʻtkaziladi. Bunda yakka tartibdagi suhbat tili abituriyent tomonidan tanlanadi va uning oʻqishga qabul qilish haqidagi arizasida koʻrsatiladi.

28. Abituriyent suhbat oʻtkaziladigan auditoriyaga yakka tartibdagi suhbat oʻtkazish jadvaliga muvofiq biometrik pasporti (ID-kartasi) bilan navbatma-navbat kiritiladi.

29. Abituriyentning yakka tartibdagi suhbatga uyali telefon hamda boshqa aloqa va telekommunikatsiya vositalari, lugʻat, kitob va shpargalkalar olib kirishi, ulardan foydalanishi yoki ularni boshqa abituriyentga berishi, shuningdek, boshqa abituriyentga yordam berishiga yoʻl qoʻyilmaydi.

30. Yakka tartibdagi suhbatni oʻtkazish davomida suhbat komissiyasi aʼzolari abituriyentga mazkur Nizomning 5-bandida koʻrsatilgan mezonlardan kelib chiqqan holda savollar beradi.

Bunda mazkur Nizomning 5-bandi ikkinchi xatboshisidagi mezon boʻyicha beriladigan savollar roʻyxati yuridik texnikumlar oʻquv dasturlari asosida shakllantiriladi hamda Universitet rektori tomonidan tasdiqlanadi.

Tasdiqlangan savollar roʻyxati Universitetning rasmiy veb-saytiga yakka tartibdagi suhbat boshlanishidan kamida bir oy oldin joylashtiriladi.

Yakka tartibdagi suhbatni oʻtkazish davomida abituriyentga qoʻshimcha savollar berilishi mumkin. Bitta abituriyent bilan yakka tartibdagi suhbat 30 daqiqagacha davom etadi.

Mazkur Nizomning 5-bandidagi mezonlar boʻyicha savollar abituriyent tomonidan axborot texnologiyalaridan foydalangan holda maxsus elektron dastur orqali tasodifiy ravishda tanlanadi.

Abituriyent tomonidan tasodifiy ravishda tanlangan savollar suhbat komissiyasi kotibi tomonidan qogʻozga chop etilib, abituriyentga taqdim qilinadi.

Yakka tartibdagi suhbat natijalari 100 ballik tizimda ballar qoʻyish yoʻli bilan baholanadi. Mazkur Nizomning 5-bandida koʻrsatilgan har bir mezon boʻyicha maksimal ball 25 ballni tashkil etadi.

31. Abituriyentlar bilan oʻtkazilgan yakka tartibdagi suhbat natijalari boʻyicha suhbat komissiyasining har bir aʼzosi boshqa aʼzolardan mustaqil ravishda mazkur Nizomga 4-ilovaga muvofiq shaklda baholash varaqasini toʻldiradi va uni suhbat komissiyasi kotibiga taqdim etadi. Suhbat komissiyasi kotibi komissiya aʼzolari tomonidan abituriyentga qoʻyilgan oʻrtacha ballni hisoblab chiqadi.

Yakka tartibdagi suhbat natijalari reyting tizimi boʻyicha abituriyentga qoʻyilgan 0 dan 100 gacha oraliqdagi ballar asosida aniqlanadi.

32. Yakka tartibdagi suhbat natijasi boʻyicha suhbat komissiyasining bayonnomasi rasmiylashtiriladi. Bayonnoma yakka tartibdagi suhbatda ishtirok etgan komissiya aʼzolari tomonidan imzolanadi va komissiya raisi tomonidan tasdiqlanadi.

Abituriyentlar roʻyxati suhbat komissiyasi bayonnomasida eng yuqori ball olgan abituriyentdan boshlab, ballar ketma-ketligiga qatʼiy rioya qilgan holda, kamayib borish tartibida joylashtiriladi.

Yakka tartibdagi suhbat jarayoni videoyozuvlarda qayd etiladi hamda Internet jahon axborot tarmogʻi orqali onlayn rejimda translyatsiya qilinadi.

33. Yakka tartibdagi suhbat natijalari suhbat jarayoni yakunlangandan soʻng bir ish kuni ichida Universitetning rasmiy veb-sayti va ijtimoiy tarmoqlarida eʼlon qilinadi.

34. Abituriyent quyidagi hollarda oʻqishga qabul qilinmaydi:

jadval boʻyicha yakka tartibdagi suhbatga kelmaganda (0 ball qoʻyiladi);

yakka tartibdagi suhbatda belgilangan maksimal ballning 70 foizi va undan kam ball toʻplanganda.

Bunda yakka tartibdagi suhbatda belgilangan maksimal ballning 71 foizi va undan yuqori ball toʻplagan, biroq, Universitet tomonidan belgilangan oʻrinlar doirasiga kirmagan abituriyentlar oʻqishga qabul qilinmaydi.

35. Universitetning maxsus uch yillik taʼlim dasturiga abituriyentlarni oʻqishga qabul qilish uchun yakka tartibdagi suhbatni qayta oʻtkazishga yoʻl qoʻyilmaydi.

36. Yakka tartibdagi suhbat natijalari boʻyicha abituriyentning shikoyatini koʻrib chiqish uchun Universitet taqdimnomasiga asosan Oʻzbekiston Respublikasi adliya vaziri buyrugʻi bilan 7 nafar aʼzodan iborat apellyatsiya komissiyasi tashkil etiladi.

Apellyatsiya komissiyasi tarkibiga tegishli fanlar boʻyicha ekspertlar, shikoyat koʻzi ojiz abituriyent tomonidan berilganda esa Oʻzbekiston koʻzi ojizlar jamiyati vakili ham kiritiladi.

Apellyatsiya komissiyasi tarkibiga vazirlik va Universitet xodimlari kiritilishi mumkin.

Maxsus komissiya va suhbat komissiyasi aʼzolari apellyatsiya komissiyasi tarkibiga kiritilmaydi.

Apellyatsiya komissiyasi uning aʼzolarining uchdan ikki qismi qatnashganda vakolatli hisoblanadi.

Apellyatsiya komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.

Apellyatsiya komissiyasi kotibi bir vaqtning oʻzida komissiya aʼzosi hisoblanadi.

Zarurat boʻlganda, suhbat komissiyasi aʼzosi apellyatsiya jarayonida qatnashishi va oʻz fikrini bildirishi mumkin.

37. Abituriyent yakka tartibdagi suhbat natijalaridan norozi boʻlgan taqdirda, suhbat natijasi eʼlon qilingan kundan boshlab uch ish kuni ichida apellyatsiya komissiyasiga yozma yoxud elektron ravishda apellyatsiya shikoyati berish huquqiga ega.

38. Apellyatsiya komissiyasi apellyatsiya shikoyatini kelib tushgan kundan boshlab ikki ish kuni ichida koʻrib chiqadi. Apellyatsiya shikoyati koʻrib chiqiladigan kun haqida abituriyentga xabar beriladi.

39. Apellyatsiya shikoyati abituriyent ishtirokida koʻrib chiqiladi va ushbu jarayon videoyozuvlarda qayd etiladi.

40. Apellyatsiya komissiyasi apellyatsiya shikoyatini koʻrib chiqish natijasi boʻyicha quyidagi mazmundagi qarorlardan birini qabul qiladi:

eʼtiroz asossiz boʻlgan taqdirda, apellyatsiya shikoyatini qanoatlantirishni rad etish va yakka tartibdagi suhbat natijalarini oʻzgarishsiz qoldirish toʻgʻrisida;

eʼtiroz asosli boʻlgan taqdirda, apellyatsiya shikoyatini qanoatlantirish va yakka tartibdagi suhbat natijalariga oʻzgartirish kiritish toʻgʻrisida.

41. Yakka tartibdagi suhbatdan muvaffaqiyatli oʻtgan abituriyentlar qabul komissiyasiga yakka tartibdagi suhbat oʻtkazilgan vaqtdan boshlab uch kun mobaynida diplomi (ilovasi bilan birga) va xorijiy tilni bilish darajasini belgilovchi milliy yoki xalqaro sertifikatining aslini taqdim etadi.

42. Universitet har yili 30-avgustga qadar yakka tartibdagi suhbat natijalari toʻgʻrisidagi maʼlumotlarni Adliya vazirligi hamda Oliy taʼlim, fan va innovatsiyalar vazirligiga yuboradi.

5-bob. Oʻqishga qabul qilish tartibi

43. Universitetning maxsus uch yillik taʼlim dasturiga tavsiya etish va darslarga qatnashishga ruxsat berish toʻgʻrisidagi rektor buyrugʻi, qoida tariqasida, 5-sentabrdan kechiktirmasdan qabul qilinadi.

44. Universitet rektorining abituriyentlarni maxsus uch yillik taʼlim dasturiga oʻqishga tavsiya etish toʻgʻrisidagi buyrugʻi qabul qilinganidan soʻng Universitet hamda abituriyentlar oʻrtasida Oliy taʼlim, fan va innovatsiyalar vazirligining maxsus platformasi orqali qonunchilik hujjatlarida belgilangan tartibda shartnoma rasmiylashtiriladi.

45. Har yili 30-sentabrga qadar Universitet rektorining shartnomada koʻrsatilgan toʻlovlarni amalga oshirgan abituriyentlarni oʻqishga qabul qilish toʻgʻrisidagi buyrugʻi qabul qilinadi.

6-bob. Yakunlovchi qoidalar

46. Universitetning maxsus uch yillik taʼlim dasturiga oʻqishga qabul qilingan talabalarning yakka tartibdagi suhbat natijalari boʻyicha rasmiylashtirilgan hujjatlaridan koʻchirmalar ularning shaxsiy yigʻmajildiga tikib qoʻyiladi.

47. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 1-ILOVA

Yuridik texnikumlar bitiruvchilarini Toshkent davlat yuridik universitetining maxsus uch yillik taʼlim dasturiga yakka tartibda suhbat oʻtkazish orqali oʻqishga qabul qilishni tashkil etish

Bosqichlar Subyektlar Tadbirlar Bajarish muddatlari 1-bosqich Yuridik texnikumlar Yuridik texnikumlar bitiruvchilarini Toshkent davlat yuridik universiteti (TDYU) maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish masalasini koʻrib chiqish boʻyicha maxsus komissiya tashkil etadi. Har yili 10-iyunga qadar Yuridik texnikumlarning bitiruvchilari TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilishni soʻrab maxsus komissiyaga ariza beradi. Har yili 20-iyunga qadar Maxsus komissiya 1. Majlislarni oʻtkazish jadvalini yuridik texnikumlarning rasmiy veb-saytlari va ijtimoiy tarmoqlarda eʼlon qiladi. Majlis boshlanishidan kamida bir hafta oldin 2. Bitiruvchilarning hujjatlarini komissiya majlisida koʻrib chiqadi. 3. Majlisda ishtirok etgan maxsus komissiya aʼzolarining koʻpchilik ovozi bilan bitiruvchini TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilish yoki tavsiya qilishni rad etish toʻgʻrisida qaror qabul qiladi. Har yili 20-iyundan 30-iyunga qadar 2-bosqich Yuridik texnikumlar 1. Maxsus komissiyaning qarori asosida TDYUning maxsus uch yillik taʼlim dasturiga suhbat asosida test sinovlarisiz oʻqishga kirish uchun tavsiya qilingan bitiruvchilar roʻyxatini buyruq bilan tasdiqlaydi hamda bitiruvchiga buyruqdan koʻchirma beradi. Qaror qabul qilingan kundan boshlab ikki ish kuni ichida 2. Buyruq nusxasini TDYUning qabul komissiyasiga yuboradi. Bir ish kuni ichida 3-bosqich Abituriyent TDYU rektori nomiga universitetning maxsus uch yillik taʼlim dasturiga oʻqishga qabul qilish haqida Internet jahon axborot tarmogʻi orqali elektron shaklda ariza yuboradi. Har yili 5-iyuldan 25-iyulga qadar 4-bosqich Qabul komissiyasi 1. Abituriyentning hujjatlarini koʻrib chiqadi va uning arizalari qabul qilinganini elektron platformadagi shaxsiy kabineti orqali maʼlum qiladi. Qabul muddati davomida 2. Agar taqdim etilgan hujjatlarda kamchiliklar aniqlangan taqdirda, TDYUning elektron platformadagi shaxsiy kabineti orqali bu haqida maʼlum qiladi. Kamchilik aniqlangan vaqtdan boshlab 1 soat ichida Abituriyent Bildirishnomada koʻrsatilgan kamchiliklarni bartaraf etadi va hujjatlarni belgilangan tartibda takroran topshiradi. 24 soat ichida 5-bosqich Adliya vazirligi Suhbat komissiyasini tashkil etadi. Har yili 1-iyulga qadar Suhbat komissiyasi 1. Yakka tartibdagi suhbat oʻtkazish jadvalini tasdiqlaydi, TDYUning rasmiy veb-sayti va ijtimoiy tarmoqlarida eʼlon qiladi. Suhbat boshlanishidan kamida besh kun avval 2. Abituriyentlar bilan yakka tartibda suhbat oʻtkazadi. Har yili 10-avgustdan 25-avgustgacha 3. Yakka tartibdagi suhbat natijalarini TDYUning rasmiy veb-sayti va ijtimoiy tarmoqlarda eʼlon qiladi. Suhbat jarayoni yakunlangandan soʻng bir ish kuni ichida 6-bosqich Adliya vazirligi Yakka tartibdagi suhbat natijalari boʻyicha abituriyentning shikoyatini koʻrib chiqish uchun apellyatsiya komissiyasini tashkil etadi. Har yili 1-iyulga qadar 7-bosqich Abituriyent Diplom (ilovasi bilan birga) va xorijiy tilni bilish darajasini belgilovchi milliy yoki xalqaro sertifikatning asl nusxalarini qabul komissiyasiga taqdim etadi. Oʻquv yili boshlanishiga qadar 8-bosqich TDYU Abituriyentlarni universitetning maxsus uch yillik taʼlim dasturiga tavsiya etish va darslarga qatnashishga ruxsat berish toʻgʻrisida buyruq qabul qiladi. Har yili 5-sentabrdan kechiktirmasdan 9-bosqich TDYU, abituriyent Oliy taʼlim, fan va innovatsiyalar vazirligining maxsus platformasi orqali qonunchilik hujjatlarida belgilangan tartibda shartnoma rasmiylashtiradi. Oʻqishga tavsiya etish toʻgʻrisida buyruq qabul qilinganidan soʻng Abituriyent Toʻlovni amalga oshiradi. Qonunchilik hujjatlari va shartnomada koʻrsatilgan muddatlarda TDYU Shartnomada koʻrsatilgan toʻlovlarni amalga oshirgan abituriyentlarni oʻqishga qabul qilish toʻgʻrisida buyruq qabul qiladi. Har yili 30-sentabrga qadar

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 2-ILOVA

NAMUNA Toshkent davlat yuridik universiteti rektori ___________________________ga (F.I.O.) ____________________________ _________________________dan (abituriyentning F.I.O (toʻliq yoziladi) Toshkent davlat yuridik universitetining maxsus uch yillik taʼlim dasturiga qabul toʻgʻrisida ARIZA Menga ________________________________________ yoʻnalishida taʼlim olish uchun suhbatdan (taʼlim yoʻnalishining nomi) (oʻzbek, rus) oʻtishimga ruxsat berishingizni soʻrayman. Maʼlumotim ___________________ ___________________________________________ (oʻrta maxsus) (taʼlim muassasasining nomi) _____________________________________________ni _________ yilda tugatganman. Taʼlim toʻgʻrisidagi hujjat (diplom): seriya ____________ № __________________________________ Suhbatdan ______________ tilida oʻtaman. (oʻzbek, rus) Tugʻilgan vaqtim va joyim: _______ ________ _______ yil, ____________________________ (kun) (oy) (yil) (tugʻilgan joyi) Doimiy yashash manzilim: __________________________________________________________________ (mamlakat, viloyat, shahar, tuman, qishloq, koʻcha, uy raqami toʻliq) _________________________________________________________________________________________ Biometrik pasport (identifikatsiya ID-kartasi) maʼlumoti: _______ ____________, __________________________________ (seriya) (raqami) (qachon va kim tomonidan berilgan) ________________________________________________________________________ Xalqaro yoki milliy olimpiadalarda, tanlovlarda hamda sport musobaqalarida qatnashganligi haqida maʼlumot (agar qatnashgan boʻlsa) ________________________________________ (olimpiada fani) _________________________________________________________________________________________ tanlov fani (ixtisosligi), sport musobaqasi turi, oʻtkazilgan vaqti, egallangan oʻrin) Nogironligi haqida maʼlumot ____________________________________________________________ (nomi va guruhi, hujjat rekvizitlari) Suhbat oʻtkazish qoidalari bilan tanishdim. _________________________ ________ ______________________ (abituriyentning F.I.O.) (imzo) (ariza berish sanasi)

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 3-ILOVA

NAMUNA Yakka tartibdagi suhbatdan chetlashtirish haqida DALOLATNOMA ___________________ shahri 20___ yil “____” ____________ Biz, quyida imzo chekuvchilar shuni tasdiqlaymizki, abituriyent _________________________________ _________________________________________________________________________________________ (F.I.O.) quyidagi sabablarga koʻra yakka tartibdagi suhbatdan soat ___:___da chetlatildi: taqiqlangan vositalardan foydalangan (uyali telefon, kompyuter hamda boshqa aloqa va telekommunikatsiya vositalari, lugʻat, kitob, shpargalka); boshqa abituriyentga taqiqlangan vositalarni bergan; boshqa abituriyentga yordam bergan; _________________________________________________________________________________________ (nizomda nazarda tutilgan boshqa holatlar) Abituriyent tomonidan Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomning _____ bandlari talablari buzilgan. Komissiya kotibi ____________________ _______________ (F.I.O.) (imzo)

Yuridik texnikumlar bitiruvchilarini Toshkent davlat yuridik universitetiga oʻqishga qabul qilish tartibi toʻgʻrisidagi nizomga 4-ILOVA

NAMUNA Toshkent davlat yuridik universitetining maxsus uch yillik taʼlim dasturiga qabul qilish boʻyicha yakka tartibdagi suhbatdan oʻtgan abituriyentning javoblarini BAHOLASH VARAQASI Abituriyentning F.I.O.___________________________________ Sana ____________ T/r Baholash mezonlari Ballar 1. Mamlakatda amalga oshirilayotgan keng qamrovli islohotlarning mohiyati va ahamiyatini tushunish (davlat va jamiyat qurilishi, qonun ustuvorligini taʼminlash, iqtisodiyotni rivojlantirish va liberallashtirish, shuningdek, ijtimoiy soha va boshqa sohalardagi islohotlar haqida tasavvur va fikrlash qobiliyatining mavjudligi) 2. Ixtisoslikni tanlashda motivatsiya (huquqshunos kasbining mohiyati va ijtimoiy ahamiyatini tushunish, unga doimiy qiziqish bildirish) 3. Shaxsiy-kasbiy xususiyatlar (oʻqishga qobiliyat, kasbiy vazifalarni hal qilishda amaliy faoliyat, intizomlilik, hamjihatlik, masʼuliyatlilik, qaror qabul qilishda mustaqillik darajasi, shuningdek, oʻz ustida ishlash va ijodkorlik qobiliyatlari) 4. Yurisprudensiya sohasidagi bilim va kasbiy koʻnikmalarning mavjudligi (professional taʼlimi darajasida yurisprudensiya sohasida oʻz fikrini bayon qilish va tahlil qilish koʻnikmalarining mavjudligi) Izoh : _____________________________________________________________________________ ________________________________________________________________________________________ Suhbat oʻtkazish boʻyicha komissiya aʼzosi: ________________________________________________________________________________________ _____________________ _________________ (F.I.O.) (imzo)

Vazirlar Mahkamasining 2026-yil 30-iyundagi 350-son qaroriga 3-ILOVA

Oliy maʼlumotga ega boʻlgan shaxslarni Toshkent davlat yuridik universitetiga oʻqishga qabul qilish tartibi toʻgʻrisida

1-bob. Umumiy qoidalar

1. Ushbu Nizom oliy maʼlumotga ega boʻlgan shaxslarni Toshkent davlat yuridik universiteti (keyingi oʻrinlarda — Universitet) “yurisprudensiya” taʼlim yoʻnalishining maxsus uch yillik taʼlim dasturi doirasida test sinovlari asosida oʻqishga qabul qilish tartibini belgilaydi.

2. Oliy maʼlumotga ega boʻlgan shaxslar (keyingi oʻrinlarda — abituriyentlar) Universitetda “yurisprudensiya” taʼlim yoʻnalishi boʻyicha oliy taʼlimni olishlari mumkin.

3. Universitet oʻzining mavjud quvvatlari, moddiy-texnika bazasi, professor-oʻqituvchilari tarkibi hamda bakalavriat taʼlim yoʻnalishlari xususiyatidan kelib chiqib, qabul parametrlaridan tashqari kvota doirasida “yurisprudensiya” taʼlim yoʻnalishi va oʻqitishning kunduzgi, kechki, masofaviy taʼlim shakllarida tashkil etadi.

4. Universitet “yurisprudensiya” taʼlim yoʻnalishining maxsus uch yillik taʼlim dasturiga qabul qilish ikkinchi va undan keyingi oliy taʼlim olishni nazarda tutadi.

5. Universitet “yurisprudensiya” taʼlim yoʻnalishining maxsus uch yillik taʼlim dasturiga abituriyentlarni oʻqishga qabul qilishni tashkil etish mazkur Nizomga ilovada keltirilgan sxemaga muvofiq amalga oshiriladi.

2-bob. Oliy maʼlumotga ega boʻlgan shaxslarni maxsus uch yillik taʼlim dasturiga qabul qilishni tashkil etish

6. Oliy maʼlumotga ega boʻlgan shaxslar uchun qabul parametrlari Universitetning ilmiy-pedagogik salohiyati va moddiy-texnik bazasi hisobga olingan holda, Universitet kengashi tomonidan belgilanadi hamda har yili 1-iyulga qadar Universitet rasmiy veb-saytiga joylashtiriladi.

7. Universitetda oʻquv yili uchun tashkil etiladigan qabul komissiyasi (keyingi oʻrinlarda — qabul komissiyasi) mazkur toifadagi qabulni amalga oshirishga masʼul hisoblanadi.

8. Abituriyentlar har yili 10-iyuldan 10-avgustga qadar (shu kuni ham) Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligining (keyingi oʻrinlarda — Agentlik) maxsus elektron tizimi orqali roʻyxatdan oʻtadi.

9. Abituriyentlar roʻyxatdan oʻtishda maxsus elektron tizimga oʻzining shaxsiy maʼlumotlarini kiritadi va quyidagi hujjatlarni yuklaydi:

oliy maʼlumot toʻgʻrisidagi hujjatning nusxasi (yoki diplomdan koʻchirma — Oʻzbekiston Respublikasi oliy taʼlim muassasalarini davlat granti asosida oʻqib tugatganlar uchun);

oliy maʼlumot toʻgʻrisidagi hujjat ilovasining nusxasi.

Bunda xorijiy davlatlar taʼlim muassasalarining 1992-yil 1-yanvardan keyin berilgan diplomlari belgilangan tartibda nostrifikatsiyadan oʻtkazilgan boʻlishi lozim.

Agentlikning maxsus elektron tizimiga yuklangan hujjatlarning haqiqiyligi boʻyicha abituriyent shaxsan javobgar hisoblanadi.

10. Test sinovlarida ishtirok etishi uchun abituriyentlardan bazaviy hisoblash miqdorining 50 foizi miqdorida toʻlov undiriladi. Toʻlovni amalga oshirmagan abituriyentlarga test sinovlarida ishtirok etish uchun ruxsatnoma shakllantirilmaydi.

3-bob. Test sinovlariga tayyorgarlik koʻrish va ularni oʻtkazish tartibi

11. Oliy maʼlumotga ega boʻlgan shaxslarni Universitetning “yurisprudensiya” taʼlim yoʻnalishining maxsus uch yillik taʼlim dasturiga oʻqishga qabul qilish Agentlik tomonidan oʻtkaziladigan test sinovlari shaklida amalga oshiriladi.

12. “Yurisprudensiya” taʼlim yoʻnalishi boʻyicha test topshiriqlari soni, baholash mezonlari va javoblar varaqasi Oʻzbekiston Respublikasi Oliy taʼlim, fan va innovatsiyalar vazirligi (keyingi oʻrinlarda — Vazirlik) tomonidan oliy taʼlim tashkilotlarining bakalavriat taʼlim yoʻnalishlariga joriy oʻquv yili qabuli uchun tasdiqlangan test topshiriqlari soni, baholash mezonlari va javoblar varaqasi namunasiga muvofiq amalga oshiriladi.

13. Oliy maʼlumotga ega boʻlgan shaxslar “yurisprudensiya” taʼlim yoʻnalishining faqat mutaxassislik fanlari va chet tili doirasida test jarayonlariga qatnashadi. Bunda umumiy tartibdagi kirish imtihonlarida qoʻllaniladigan imtiyozlar (xorijiy tilni bilish boʻyicha sertifikatlar bundan mustasno) maxsus uch yillik taʼlim dasturiga tatbiq etilmaydi.

14. Abituriyentning fanlar majmuasida chet tili fanidan test sinovini ingliz, nemis, fransuz, ispan, italyan, turk, xitoy, koreys, yapon, arab, fors, dariy, urdu, uygʻur va hindiy tillaridan birida topshirishi mumkin. Bunda mazkur chet tillaridan biri abituriyent tomonidan roʻyxatdan oʻtish bosqichida tanlanadi.

Tanlangan chet tili boʻyicha V2 va undan yuqori darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ball beriladi.

15. Test topshiriqlari umumiy oʻrta taʼlimning oʻquv dasturlari asosida tuziladi.

16. Test sinovlari Agentlik tomonidan Vazirlar Mahkamasining “Oliy taʼlim muassasalariga oʻqishga qabul qilish tartibini yanada takomillashtirish toʻgʻrisida” 2018-yil 3-apreldagi 261-son qarori talablari asosida har yili avgust-sentabr oylarida Agentlik tomonidan belgilanadigan sanalar va binolarda oʻtkaziladi. Koʻzi ojiz abituriyentlarni imtihondan oʻtkazish jarayonlari qonunchilik hujjatlarida belgilangan tartibda amalga oshiriladi.

17. Test sinov natijalari qaydnomasi, qoida tariqasida, test sinovlari toʻliq yakunlangandan keyin bir hafta muddatda Agentlik tomonidan Universitetga yetkaziladi va natijalar Agentlik hamda universitetning rasmiy veb-saytlariga joylashtiriladi.

4-bob. Abituriyentlarni toʻlov-kontrakt asosida oʻqishga qabul qilish, oʻqish uchun toʻlov tartibi va miqdori

18. Abituriyentlarni Universitetga toʻlov-kontrakt asosida oʻqishga qabul qilish belgilangan kvota doirasida test sinovlarining ballar ketma-ketligi boʻyicha Agentlik tomonidan amalga oshiriladi.

Bunda talabalikka qabul qilingan abituriyentlar qabul komissiyasiga ushbu Nizomning 9-bandida qayd etilgan hujjatlarning aslini taqdim etadi.

19. Maxsus uch yillik taʼlim dasturida oʻqish uchun talabalikka tavsiya etilgan shaxslar va Universitet oʻrtasida shartnomalar rasmiylashtiriladi.

Shartnomalar yuridik shaxslar uchun uch nusxada, jismoniy shaxslar uchun ikki nusxada rasmiylashtiriladi.

Shartnoma shartlari, ularni amalga oshirish tartibi hamda tomonlarning huquqlari va majburiyatlari qonunchilik hujjatlariga muvofiq amalga oshiriladi.

20. Belgilangan namunadagi shartnomalar Vazirlikning “kontrakt.edu.uz” platformasi orqali amalga oshiriladi.

21. Shartnoma shartlari va tomonlarning majburiyatlari, ularning amalga oshirilishi tartibi qonunchilik hujjatlariga muvofiq belgilanadi.

22. Universitet oʻzining mavjud ilmiy-pedagogik salohiyati va talabalar uchun sifatli taʼlim jarayonini tashkil etish imkonini beradigan moddiy-texnik bazasidan hamda toʻplangan ballar miqdoridan kelib chiqib, umumiy belgilangan qabul parametrlaridan tashqari qoʻshimcha (keyingi oʻrinlarda — qoʻshimcha qabul) va tabaqalashtirilgan toʻlov-kontrakt asosida bakalavriatga qoʻllaniladigan tartibga asosan oʻqishga qabul qilishi mumkin.

Bunda qoʻshimcha qabul va tabaqalashtirilgan toʻlov-kontrakt miqdori Universitet tomonidan mustaqil ravishda belgilanadi.

Toʻlov-kontrakt (qoʻshimcha va tabaqalashtirilgan toʻlov-kontrakt) miqdorlari va toʻlash muddatlari Universitet kengashi tomonidan mustaqil belgilanadi.

5-bob. Oʻquv jarayonlarini tashkil etish, talabalar oʻqishini koʻchirish, oʻqishdan chetlashtirish va qayta tiklash tartibi

23. Universitetga oʻqishga qabul qilingan talabalar alohida oʻquv rejasiga asosan maxsus uch yillik taʼlim dasturi asosida tahsil oladi.

24. Mazkur bakalavriat taʼlim yoʻnalishining oʻquv rejasi va fan dasturlari Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalarida kredit-modul tizimini joriy etish chora-tadbirlari toʻgʻrisida” 2021-yil 10-iyundagi 359-son qaroriga muvofiq ishlab chiqiladi va tasdiqlanadi.

25. Maxsus uch yillik taʼlim dasturi asosida tahsil olayotgan talabalar oʻqishini Universitetning hamda boshqa oliy taʼlim tashkilotlarining bakalavriat tayyorlashning 4 yillik taʼlim dasturiga koʻchirilishiga ruxsat berilmaydi.

26. Maxsus uch yillik dasturda tahsil olayotgan talabalarning taʼlim shakli va taʼlim tilini oʻzgartirilishiga ruxsat berilmaydi.

27. Maxsus uch yillik dastur asosida tahsil olayotgan talabalarni oʻqishdan chetlashtirish va qayta tiklash Vazirlar Mahkamasining “Oliy taʼlim tashkilotlariga oʻqishga qabul qilish jarayonlarini tartibga soluvchi normativ-huquqiy hujjatlarni tasdiqlash toʻgʻrisida” 2025-yil 13-sentabrdagi 578-son qaroriga muvofiq amalga oshiriladi.

28. Maxsus uch yillik taʼlim dasturi asosida tahsil olgan shaxslarga, davlat attestatsiyasi yakunlari boʻyicha, davlat namunasidagi hujjat (diplom va uning ilovasi) beriladi.

6-bob. Yakunlovchi qoidalar

29. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

30. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Oliy maʼlumotga ega boʻlgan shaxslarni Toshkent davlat yuridik universitetiga oʻqishga qabul qilish tartibi toʻgʻrisidagi nizomga ILOVA

Toshkent davlat yuridik universiteti “yurisprudensiya” taʼlim yoʻnalishining maxsus uch yillik taʼlim dasturiga abituriyentlarni oʻqishga qabul qilishni tashkil etish

Bosqichlar Subyektlar Tadbirlar Bajarish muddatlari 1-bosqich Toshkent davlat yuridik universiteti (TDYU) Oliy maʼlumotga ega boʻlgan shaxslar uchun qabul parametrlarini oʻzining rasmiy veb-saytiga joylashtiradi. Har yili 1-iyulga qadar 2-bosqich Abituriyent Oliy maʼlumotga ega boʻlgan abituriyentlar Bilim va malakalarni baholash agentligining maxsus elektron tizimi orqali roʻyxatdan oʻtadi. Har yili 10-iyuldan 10-avgustga qadar 3-bosqich Bilim va malakalarni baholash agentligi Oliy maʼlumotga ega boʻlgan shaxslarni TDYUning “yurisprudensiya” taʼlim yoʻnalishining maxsus uch yillik taʼlim dasturiga abituriyentlarni oʻqishga qabul qilish Bilim va malakalarni baholash agentligi tomonidan oʻtkaziladigan test sinovlari shaklida amalga oshiriladi. Har yili avgust-sentabr oylarida 4-bosqich Bilim va malakalarni baholash agentligi, TDYU Test sinov natijalari Agentlik hamda TDYUning rasmiy veb-saytlariga joylashtiriladi. Test sinovlari toʻliq yakunlangandan keyin bir hafta muddatda 5-bosqich TDYU va abituriyent Oliy taʼlim, fan va innovatsiyalar vazirligining maxsus platformasi orqali qonunchilik hujjatlarida belgilangan tartibda shartnoma rasmiylashtiriladi. Oʻqishga tavsiya etish toʻgʻrisida buyruq qabul qilinganidan soʻng

Vazirlar Mahkamasining 2026-yil 30-iyundagi 350-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi Prezidentining “Advokatura instituti samaradorligini tubdan oshirish va advokatlarning mustaqilligini kengaytirish chora-tadbirlari toʻgʻrisida” 2018-yil 12-maydagi PF-5441-son Farmonini amalga oshirish chora-tadbirlari toʻgʻrisida” 2018-yil 17-avgustdagi 675-son qarorida :

a) 1-ilovaning 2-bandi toʻrtinchi xatboshisi “oliy yuridik maʼlumotga” soʻzlaridan keyin “yoki yuridik mutaxassislik boʻyicha qayta tayyorlash kurslarini tugatib belgilangan namunadagi diplomga” soʻzlari bilan toʻldirilsin;

b) 2-ilovaning 7-bandi beshinchi xatboshisi quyidagi tahrirda bayon etilsin:

“yuridik maslahatchilarning oliy yuridik maʼlumot yoki yuridik mutaxassislik boʻyicha qayta tayyorlash kurslarida taʼlim olganlik toʻgʻrisidagi diplom nusxasi (agar yuridik maslahatchi Oʻzbekiston Respublikasi huquqi boʻyicha maslahat beradigan boʻlsa, Oʻzbekiston Respublikasi oliy yuridik taʼlim muassasasi tomonidan berilgan oliy maʼlumot yoki yuridik mutaxassislik boʻyicha qayta tayyorlash kurslarida taʼlim olganlik toʻgʻrisidagi diplomi nusxasi yoxud xorijiy oliy oʻquv yurtida olingan oliy yuridik maʼlumot toʻgʻrisidagi hujjatning ekvivalentligini eʼtirof etish boʻyicha vakolatli davlat organining guvohnomasi)”.

2. Vazirlar Mahkamasining “Toshkent davlat yuridik universiteti magistraturasiga oʻqishga qabul qilish tartibini takomillashtirish chora-tadbirlari toʻgʻrisida” 2020-yil 26-avgustdagi 513-son qarorida :

a) 1-bandda :

ikkinchi xatboshi quyidagi tahrirda bayon etilsin:

“Toshkent davlat yuridik universiteti magistraturasiga kunduzgi, kechki va masofaviy taʼlim shakllari boʻyicha oʻqishga qabul qilish tartibini nazarda tutuvchi Toshkent davlat yuridik universiteti magistraturasiga Oʻzbekiston Respublikasi fuqarolarini oʻqishga qabul qilish tartibi toʻgʻrisidagi nizom 1-ilovaga”;

toʻrtinchi xatboshidagi “kirish test sinovlarisiz” soʻzlari “tanlovsiz” soʻzi bilan almashtirilsin;

b) 2-bandda :

ikkinchi xatboshi chiqarib tashlansin;

uchinchi — oltinchi xatboshilar tegishlicha ikkinchi — beshinchi xatboshilar deb hisoblansin;

ikkinchi xatboshidagi “sirtqi” soʻzi chiqarib tashlansin;

uchinchi xatboshi quyidagi tahrirda bayon etilsin:

“bazaviy oliy yuridik maʼlumotga hamda davlat hokimiyati va markaziy boshqaruv organlarida yuridik yoʻnalish boʻyicha kamida besh yil ish stajiga ega boʻlgan rahbar xodimlarni Toshkent davlat yuridik universiteti (keyingi oʻrinlarda — TDYU) magistraturasiga ishlab chiqarishdan ajralmagan holda masofaviy va kechki oʻqitish dasturlari boʻyicha oʻqishi uchun qabul qilish tegishli davlat organining birinchi rahbari tavsiyasiga koʻra, toʻlov-kontrakt asosida qabul parametrlaridan tashqari amalga oshiriladi”;

toʻrtinchi xatboshidagi “test sinovlarisiz”, “qoshidagi” va “litseyda” soʻzlari tegishlicha “tanlovsiz”, “huzuridagi” hamda “litseylarda” soʻzlari bilan almashtirilsin;

beshinchi xatboshidagi “kirish test sinovlarisiz” soʻzlari “tanlovsiz” soʻzi bilan almashtirilsin;

v) quyidagi mazmundagi 2 1 -band bilan toʻldirilsin:

“2 1 . Oʻzbekiston Respublikasi Prezidentining 2022-yil 15-iyundagi “Davlat oliy taʼlim muassasalariga oʻqishga qabul qilish jarayonlarini tashkil etish toʻgʻrisida”gi PQ-279-son qaroriga muvofiq, TDYU magistraturasiga qabul abituriyentning bakalavriat diplom bali oʻrtacha koʻrsatkichi hamda xorijiy tilni bilish darajasi boʻyicha tegishli milliy yoki xalqaro sertifikat bali asosida, ballar ketma-ketligiga qatʼiy rioya qilgan holda amalga oshiriladi hamda qoʻshimcha imtihon oʻtkazilmaydi”;

g) 3-banddagi “Davlat test markazining” soʻzlari “Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligining” soʻzlari bilan almashtirilsin;

d) 1-ilovaning matni quyidagi tahrirda bayon etilsin:

“ Toshkent davlat yuridik universiteti magistraturasiga Oʻzbekiston Respublikasi fuqarolarini oʻqishga qabul qilish tartibi toʻgʻrisida

NIZOM

1-bob. Umumiy qoidalar

1. Ushbu Nizom Toshkent davlat yuridik universiteti (keyingi oʻrinlarda — TDYU) magistraturasiga kunduzgi, kechki va masofaviy taʼlim shakllari boʻyicha oʻqishga qabul qilish tartibini belgilaydi.

2. Oʻzbekiston Respublikasi fuqarolari va Oʻzbekiston Respublikasida doimiy istiqomat qiluvchi fuqaroligi boʻlmagan shaxslar (keyingi oʻrinlarda — Oʻzbekiston Respublikasi fuqarolari)ni mutaxassisliklar boʻyicha TDYU magistraturasiga oʻqishga qabul qilish Oʻzbekiston Respublikasi Prezidenti yoki Vazirlar Mahkamasi qarori bilan belgilangan qabul parametrlariga muvofiq davlat granti va TDYU tomonidan Oʻzbekiston Respublikasi Adliya vazirligi bilan kelishilgan holda belgilanadigan toʻlov-kontrakt, shu jumladan TDYU tomonidan mustaqil ravishda belgilanadigan qoʻshimcha qabul va tabaqalashtirilgan toʻlov-kontrakt doirasida amalga oshiriladi.

3. Ushbu nizomda quyidagi asosiy tushunchalardan foydalaniladi:

abituriyent — TDYU magistraturasiga oʻqishga kirish uchun belgilangan tartibda roʻyxatdan oʻtgan va tanlovda ishtirok etuvchi jismoniy shaxs;

qabul komissiyasi — TDYU rektorining buyrugʻi bilan har yili tashkil etiladigan TDYU magistraturasiga oʻqishga qabul qilishni tashkil etadigan, shuningdek, abituriyentlarga maslahat xizmatlari koʻrsatadigan komissiya.

4. TDYU magistraturasiga oʻqishga qabul qilishni tashkil etish tegishli oʻquv yili uchun tasdiqlanadigan qabul komissiyasi zimmasiga yuklanadi.

5. TDYU magistraturasiga oʻqishga qabul qilish abituriyentlar uchun teng huquqlilik, qabulning yagona qoidalari va tanlov prinsiplari asosida amalga oshiriladi.

Tanlov natijalariga koʻra eng yuqori ball toʻplagan Oʻzbekiston Respublikasi fuqarolari davlat grantlari boʻyicha birinchi navbatda, qolganlar toʻplangan ballarning reyting tizimi asosida toʻlov-kontrakt boʻyicha oʻqishga qabul qilish parametrlari, shu jumladan belgilangan tartibda qoʻshimcha qabul va tabaqalashtirilgan toʻlov-kontrakt asosida TDYU magistraturasiga oʻqishga qabul qilinadi.

6. Tanlov magistratura mutaxassisliklari, taʼlim shakli va oʻqitish tillariga koʻra alohida oʻtkaziladi.

7. TDYU magistraturasiga qabul “Yurisprudensiya” taʼlim yoʻnalishi hamda Oʻzbekiston Respublikasi Oliy taʼlim, fan va innovatsiyalar vazirligi (keyingi oʻrinlarda — vazirlik) tomonidan belgilangan turdosh (magistraturaga qabul boʻyicha) oliy taʼlim yoʻnalishlari roʻyxati boʻyicha bakalavr darajasiga ega boʻlgan shaxslar oʻrtasida tanlov asosida amalga oshiriladi.

8. TDYU magistraturasiga quyidagi parametrlar asosida oʻqishga qabul qilinadi:

Oʻzbekiston Respublikasi Prezidentining tegishli hujjatlari bilan tasdiqlangan davlat grantlari asosidagi qabul parametrlari;

Oʻzbekiston Respublikasi taʼlim tashkilotlariga qabul qilish boʻyicha davlat komissiyasi (keyingi oʻrinlarda — Davlat komissiyasi) tomonidan tasdiqlangan oliy taʼlim tashkilotlari va tillar kesimidagi magistratura mutaxassisliklari boʻyicha qabul parametrlari.

9. TDYU magistraturasida oʻqitish tili belgilangan qabul parametrlari doirasida hujjatlar qabul qilingunga qadar vazirlik va idoralar takliflariga muvofiq Davlat komissiyasi tomonidan tasdiqlanadi.

10. Magistraturaga oʻqishga qabul qilish jarayonlari TDYU qabul komissiyasi (keyingi oʻrinlarda — qabul komissiyasi) tomonidan muvofiqlashtiriladi. Bunda magistraturaga oʻqishga qabul qilish boʻyicha qabul komissiyasi masʼul kotibining oʻrinbosari tayinlanadi.

11. Abituriyent tamomlagan bakalavriat taʼlim yoʻnalishiga mos yoki turdosh magistratura mutaxassisligi boʻyicha oʻqishga qabul qilinadi.

“Yurisprudensiya” bakalavriat taʼlim yoʻnalishi negizidagi magistratura mutaxassisligi mos mutaxassislik hisoblanadi. “Yurisprudensiya” bakalavriat taʼlim yoʻnalishini tamomlagan abituriyentlar uchun TDYU magistraturasida oʻqish muddati bir yilni tashkil qiladi.

Vazirlik har yili 1-iyulga qadar oliy taʼlim tashkilotlari magistraturasiga qabul qilish boʻyicha turdosh oliy taʼlim yoʻnalishlarining roʻyxatini tasdiqlaydi hamda vazirlikning rasmiy veb-sayti orqali eʼlon qiladi.

Turdosh taʼlim yoʻnalishlarini tamomlagan abituriyentlar uchun TDYU magistraturasida oʻqish muddati ikki yilni tashkil qiladi.

2-bob. Abituriyentlarni roʻyxatdan oʻtkazish

12. Qabul komissiyasi, qoida tariqasida, magistraturaga tanlovlar boshlanishidan bir oy oldin magistraturaga qabul qilish muddatlari, mutaxassisliklar nomlari va oʻqishga qabul qilish parametrlari haqidagi axborotni TDYUning rasmiy veb-sayti orqali eʼlon qiladi.

13. Abituriyentlar TDYU magistraturasiga oʻqishga kirish uchun vazirlikning rasmiy veb-sayti yoki Oʻzbekiston Respublikasi Yagona interaktiv davlat xizmatlari portalidan biri (keyingi oʻrinlarda — YIDXP) orqali roʻyxatdan oʻtadi.

Abituriyentlar har yili 1-iyuldan 30-iyulgacha (30-iyul kuni ham) roʻyxatdan oʻtkaziladi.

Abituriyentlar roʻyxatdan oʻtish uchun quyidagi hujjatlarni YIDXPga yuklaydi:

oliy maʼlumot toʻgʻrisidagi hujjat nusxasi (yoki diplomdan koʻchirma nusxa — oliy taʼlim tashkilotlarini davlat granti boʻyicha oʻqib tugatganlar uchun) hamda unga ilova nusxasi.

Bunda 2020/2021 oʻquv yilidan boshlab oliy taʼlim tashkiloti tomonidan berilgan diplom maʼlumotlari (oʻrtacha balli bilan) vazirlikning “Oliy taʼlim jarayonlarini boshqarish — HEMIS” axborot tizimida avtomatik ravishda shakllantirilishi sababli ushbu toifadagi diplom va uning ilovasini YIDXP ga yuklash talab etilmaydi;

xorijiy tilni bilish boʻyicha kamida V2 darajasidagi milliy yoki unga mos darajadagi xalqaro sertifikat nusxasi, qonunchilik hujjatlariga muvofiq tanlovdan tashqari magistraturaga kirish boʻyicha imtiyozga ega abituriyentlar bundan mustasno;

Oʻzbekiston Respublikasi Prezidentining hujjatlari va Vazirlar Mahkamasining qarorlariga muvofiq imtiyozga ega boʻlgan abituriyentlarning imtiyoz huquqini tasdiqlovchi hujjat nusxasi.

Roʻyxatdan oʻtish YIDXP yoki vazirlikning veb-sayti orqali amalga oshirilganda maʼlumotlar abituriyent tomonidan mustaqil ravishda elektron shaklda yuklanadi va hujjatlar hamda maʼlumotlarning haqqoniyligi va toʻgʻriligi uchun abituriyent shaxsan javobgar hisoblanadi.

Roʻyxatdan oʻtishning belgilangan muddati tugagandan soʻng maʼlumotlarga oʻzgartirish va qoʻshimchalar kiritish taqiqlanadi.

14. Magistraturaga qabul boʻyicha roʻyxatdan oʻtgan abituriyentlarning hujjatlari har yili 10-avgustgacha qabul komissiyasi tomonidan koʻrib chiqiladi va ularning arizalari qabul qilingani YIDXPdagi shaxsiy kabinetlari orqali maʼlum qilinadi.

Arizasi qabul qilinmagan abituriyentlarga arizani qabul qilishni rad etish sababi koʻrsatilgan holda YIDXPdagi shaxsiy kabinetlari orqali maʼlum qilinadi.

YIDXP orqali roʻyxatdan oʻtgan abituriyentlar arizasi holatini oʻzlarining shaxsiy kabineti orqali kuzatib boradi.

Abituriyent tomonidan belgilangan muddatda roʻyxatdan oʻtishda YIDXPga talab etilgan maʼlumotlar va hujjatlar asliga mos hamda toʻliq belgilangan talablarga muvofiq kiritilganda, qabul komissiyasi tomonidan hujjatlarni qabul qilish rad etilishiga yoʻl qoʻyilmaydi.

3-bob. Tanlovni oʻtkazish

15. Magistraturaga davlat granti va toʻlov-kontrakt asosida, abituriyentlarning bakalavriat diplomi boʻyicha toʻplagan ballari oʻrtacha koʻrsatkichining ketma-ketligiga koʻra Davlat komissiyasi tomonidan oʻqishga qabul qilinadi.

Magistraturaga qabul tegishli bakalavriat taʼlim yoʻnalishi va vazirlik tomonidan belgilangan turdosh (magistraturaga qabul boʻyicha) oliy taʼlim yoʻnalishlari roʻyxati boʻyicha bakalavr darajasiga hamda xorijiy tilni bilish boʻyicha belgilangan darajadagi sertifikatga ega boʻlgan shaxslar oʻrtasida tanlov asosida amalga oshiriladi.

Tanlov “Yurisprudensiya” bakalavriat taʼlim yoʻnalishini tamomlagan abituriyentlar uchun alohida, shuningdek turdosh bakalavriat taʼlim yoʻnalishlarini tamomlagan abituriyentlar uchun alohida har bir magistratura mutaxassisligi, oʻqitish tili va taʼlim shakli kesimida oʻtkaziladi.

16. Magistraturaga qabul barcha uchun teng huquqlilik, yagona qabul qoidalari va yagona tanlov asosida amalga oshirilib, bakalavriat diplomi boʻyicha toʻplagan ballari oʻrtacha koʻrsatkichi eng yuqori boʻlgan abituriyentlarning davlat grantlari boʻyicha birinchi navbatda qabul qilinishi taʼminlanadi. Qolgan abituriyentlar bakalavriat diplomi boʻyicha toʻplagan ballari oʻrtacha koʻrsatkichi ketma-ketligiga koʻra belgilangan toʻlov-kontrakt asosidagi qabul parametrlari doirasida qabul qilinadi.

Ajratilgan qabul parametrlari doirasida eng oxirgi abituriyentning tanlov balliga teng koʻrsatkichga ega abituriyent (abituriyentlar) ham mos ravishda qoʻshimcha oʻrin asosida talabalikka tavsiya etiladi.

17. Koʻrish, eshitish va nutqida nuqsoni boʻyicha I va II guruh nogironligi boʻlgan shaxslarni magistraturaga qabul qilishda ularning xorijiy tilni bilish toʻgʻrisida milliy yoki xalqaro sertifikatga ega boʻlishi talab etilmaydi.

18. Magistraturaga oʻqishga qabul qilishda koʻzi ojiz abituriyentlar toifasiga quyidagilar kiradi:

a) koʻzi boʻyicha 1-guruh nogironligi toʻgʻrisida belgilangan shakldagi maʼlumotnomaga ega boʻlgan shaxslar;

b) koʻzi boʻyicha 2-guruh nogironligi toʻgʻrisida belgilangan shakldagi maʼlumotnomaga ega boʻlgan quyidagi shaxslar:

maxsus maktab-internatlar tomonidan koʻzi ojizlar uchun berilgan oʻrta taʼlim (11-sinf negizida) yetuklik attestatiga ega boʻlgan;

imkoniyati cheklangan shaxslar uchun ixtisoslashgan boshlangʻich kasbiy taʼlim tashkilotlari (kasb-hunar kollejlari) tomonidan koʻzi ojizlar uchun berilgan diplomga ega boʻlgan;

9 yillik koʻzi ojizlar maxsus maktab-internatida oʻqigan va oʻrta maxsus yoki kasb-hunar yoxud boshlangʻich kasbiy taʼlim tashkilotlari diplomiga ega boʻlgan.

19. Koʻzi ojiz abituriyentlarning bakalavriat diplomi boʻyicha toʻplagan ballari oʻrtacha koʻrsatkichi 100 ballik reyting tizimi boʻyicha 71 ball va undan yuqori yoki “5” balli baholash tizimi boʻyicha “4” va undan yuqori boʻlganda, ular qoʻshimcha davlat granti asosida oʻqishga qabul qilinadi.

20. Tanlov natijasidan norozi boʻlgan abituriyentlarning shikoyatlarini koʻrib chiqish uchun TDYUda qabul komissiyasi aʼzolari, fakultetlar dekanlari va tajribali professor-oʻqituvchilardan iborat tarkibda apellyatsiya komissiyasi tuziladi.

Abituriyent tanlov natijasidan norozi boʻlgan taqdirda, natijalar eʼlon qilingan vaqtdan boshlab 24 soat davomida ariza bilan apellyatsiya komissiyasiga murojaat etishi mumkin. Apellyatsiya shikoyatini koʻrib chiqish muddati ikki kundan oshmasligi lozim.

Abituriyent apellyatsiya shikoyatini koʻrib chiqishda ishtirok etish huquqiga ega.

Apellyatsiya shikoyati koʻrib chiqiladigan kun va joyi haqida qabul komissiyasi tomonidan abituriyentga kamida bir kun oldin xabar beriladi.

4-bob. Oʻqishga qabul qilish tartibi

21. Davlat komissiyasining TDYU magistraturasiga oʻqishga qabul qilish toʻgʻrisidagi qarori har yili 25-avgustgacha qabul qilinadi.

22. Talabalikka tavsiya etilgan abituriyentlar qabul komissiyasiga quyidagi hujjatlarni taqdim etadi:

oliy maʼlumot toʻgʻrisidagi hujjatning asl nusxasi (yoki diplomdan koʻchirmaning asl nusxasi — oliy taʼlim tashkilotlarini davlat granti boʻyicha oʻqib tugatganlar uchun) hamda unga ilova;

xorijiy tilni bilish boʻyicha belgilangan darajadagi sertifikat nusxasi;

qonunchilik hujjatlarida belgilangan tartibda imtiyozga ega boʻlgan abituriyentlar imtiyoz huquqini tasdiqlovchi hujjatning elektron nusxasi.

Zarurat boʻlganda hujjatlarning asl nusxalari talab qilib olinishi mumkin.

Abituriyent tomonidan taqdim etilgan (topshirilgan) hujjatlarning qalbakiligi aniqlansa, abituriyent talabalikka qabul qilinmaydi (talabalikka qabul qilingan boʻlsa, TDYU talabalari safidan chetlashtiriladi) hamda bu haqda belgilangan tartibda huquqni muhofaza qilish organlari xabardor qilinadi.

23. Davlat komissiyasining qarori asosida yetti ish kunida abituriyentlarni davlat grantlari boʻyicha talabalar safiga qabul qilish haqidagi TDYU rektorining buyruqlari rasmiylashtiriladi.

24. Abituriyentlarni toʻlov-kontrakt asosida magistratura mutaxassisliklariga tavsiya etish toʻgʻrisida Davlat komissiyasining qarori qabul qilingandan soʻng TDYU bilan yuridik yoki jismoniy shaxslar oʻrtasida belgilangan tartibda shartnoma rasmiylashtiriladi.

Davlat komissiyasi tomonidan toʻlov-kontrakt asosida oʻqishga tavsiya etilgan abituriyentlar uchun toʻlov har yili shartnomada yoki Davlat komissiyasi tomonidan belgilangan muddatlarda amalga oshiriladi.

Shartnoma shartlari va tomonlarning majburiyatlari, ularni amalga oshirish tartibi qonunchilik hujjatlariga muvofiq belgilanadi.

Abituriyentlarni magistraturaga toʻlov-kontrakt (shu jumladan, qoʻshimcha qabul va tabaqalashtirilgan toʻlov-kontrakt) asosida oʻqishga qabul qilish yuridik yoki jismoniy shaxslar tomonidan oʻqish uchun belgilangan toʻlov miqdori toʻlangandan soʻng, TDYU rektorining buyrugʻi bilan rasmiylashtiriladi.

25. Abituriyent tomonidan ushbu Nizomning 16-bandida qayd etilgan hujjatlar qabul komissiyasiga taqdim etilmasligi TDYUning uni oʻqishga qabul qilmasligiga asos boʻladi.

5-bob. Yakunlovchi qoidalar

26. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

27. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi”;

e) 3-ilovada :

nomi quyidagi tahrirda bayon etilsin:

“ Toshkent davlat yuridik universiteti magistraturasiga ayrim toifadagi abituriyentlarni tanlovsiz qabul qilish tartibi toʻgʻrisida

NIZOM”;

1-banddagi “kirish test sinovlarisiz” soʻzlari “tanlovsiz” soʻzi bilan almashtirilsin;

2-bandning beshinchi xatboshisidagi “litseyda” soʻzi “litseylarda” soʻzi bilan almashtirilsin;

3-band quyidagi tahrirda bayon etilsin:

“3. Tegishli davlat organi birinchi rahbarining (Oʻzbekiston Respublikasi Prezidenti Administratsiyasi xodimlari uchun — Oʻzbekiston Respublikasi Prezidentining tegishli maslahatchilari va departament rahbarlari, Vazirlar Mahkamasi apparati xodimlari uchun — Oʻzbekiston Respublikasi Bosh vazirining oʻrinbosarlari va Vazirlar Mahkamasi apparati boshqaruvchisi ham) tavsiyasi asosida bazaviy oliy yuridik maʼlumot hamda davlat hokimiyati va boshqaruvining markaziy organlari hamda boshqa markaziy davlat organlarining markaziy apparatida yuridik mutaxassislik boʻyicha kamida besh yil ish stajiga ega boʻlgan rahbar xodimlar TDYU magistraturasiga masofaviy va kechki taʼlim shakllari asosida tanlovsiz, toʻlov-kontrakt asosida, qabul parametrlaridan tashqari, ishlab chiqarishdan ajralmagan holda oʻqishga qabul qilinadi”;

4-bandning birinchi xatboshisidagi “test sinovlarisiz”, “qoshidagi” va “litseyda” soʻzlari tegishlicha “tanlovsiz”, “huzuridagi” hamda “litseylarda” soʻzlari bilan almashtirilsin;

5 va 5 1 -bandlar quyidagi tahrirda bayon etilsin:

“5. Bazaviy oliy yuridik maʼlumotga ega, yuridik texnikumlar va TDYU huzuridagi akademik litseylarda kamida uch yil ishlagan pedagog va rahbar xodimlar TDYU magistraturasiga masofaviy va kechki taʼlim shakllari asosida, ishlab chiqarishdan ajralmagan holda tanlovsiz, toʻlov-kontrakt asosida, qabul parametrlaridan tashqari, oʻqishni tugatgandan soʻng taqsimot boʻyicha adliya organlari va muassasalarida, birinchi navbatda, yuridik texnikumlar va TDYU huzuridagi akademik litseylarda kamida uch yil uzluksiz ishlash majburiyatini olgan holda oʻqishga qabul qilinadi.

5 1 . Respublikadagi oliy taʼlim muassasasining buyurtmasiga koʻra bazaviy oliy yuridik maʼlumotga ega boʻlgan shaxslar TDYU magistraturasiga kunduzgi, shuningdek, ishlab chiqarishdan ajralmagan holda masofaviy va kechki taʼlim shakllarida, tanlovsiz, toʻlov-kontrakt asosida, qabul parametrlaridan tashqari, oʻqishni tugatgandan soʻng buyurtma bergan oliy taʼlim muassasasida kamida uch yil toʻliq stavkada uzluksiz ishlash majburiyatini olgan holda oʻqishga qabul qilinadi”;

8-bandning uchinchi xatboshisidagi “litseyda” va “litsey” soʻzlari tegishlicha “litseylarda” va “litseylar” soʻzlari bilan almashtirilsin;

9-bandning uchinchi xatboshisidagi “litsey” soʻzi “litseylar” soʻzi bilan almashtirilsin;

16-banddagi “litseyda” soʻzi “litseylarda” soʻzi bilan almashtirilsin;

18-bandda :

ikkinchi xatboshidagi “litseyda” soʻzi “litseylarda” soʻzi bilan almashtirilsin;

toʻrtinchi xatboshi chiqarib tashlansin;

nizomga ilovadagi “sirtqi” soʻzi chiqarib tashlansin.

3. Vazirlar Mahkamasining “Yuridik kadrlarni xalqaro standartlar boʻyicha tayyorlash tizimini yanada takomillashtirishga doir qoʻshimcha chora-tadbirlar toʻgʻrisida” 2021-yil 6-apreldagi 189-son qarorining 3-bandi uchinchi xatboshisi quyidagi tahrirda bayon etilsin:

“yuridik mutaxassislik boʻyicha qayta tayyorlash kurslarini muvaffaqiyatli tugatib, belgilangan namunadagi diplomni olgan oliy maʼlumotga ega boʻlgan shaxslar yuridik xizmatlarda, davlat xizmatlari markazlari, fuqarolik holati dalolatnomalarini yozish organlarida barcha lavozimlarda, shuningdek, advokatura va notariat tizimida oliy yuridik maʼlumot talab etmaydigan barcha lavozimlarda ishlash, yuridik maslahat xizmatlarini koʻrsatuvchi tijorat tashkilotlarida yuridik maslahat xizmati bilan shugʻullanish huquqiga ega boʻladi”.

4. Vazirlar Mahkamasining 2021-yil 10-iyundagi 359-son qarori bilan tasdiqlangan Toshkent davlat yuridik universitetida taʼlimning kredit-modul tizimida oʻquv jarayonini tashkil etish tartibi toʻgʻrisidagi nizomda :

2-bandning birinchi xatboshisi quyidagi tahrirda bayon etilsin:

“2. TDYU oʻquv jarayonida kredit-modul tizimi Kredit toʻplash va koʻchirishning Yevropa modeli (European Credit Transfer and Accumulation System — ECTS)ga muvofiq tashkil qilinadi. Shu jumladan, amaliy oʻqitish hamda klinik va dual taʼlim tamoyili asosida taʼlim olish tizimi joriy etiladi”;

4-bandda :

quyidagi mazmundagi oʻn birinchi xatboshi bilan toʻldirilsin:

“klinik va dual taʼlim tamoyili asosida taʼlim olish tizimi — ikkinchi, uchinchi va toʻrtinchi kurs talabalari uchun yuridik taʼlim dasturlarining 50 foizi (nazariy qismlari) auditoriyalarda, 50 foizi (amaliyot qismi) sud, huquqni muhofaza qiluvchi organlar va boshqa yuridik sohaga oid tashkilotlarda oʻtkazish jarayoni”;

oʻn birinchi — yigirma uchinchi xatboshilar tegishlicha oʻn ikkinchi — yigirma toʻrtinchi xatboshilar deb hisoblansin;

16-band quyidagi mazmundagi beshinchi xatboshi bilan toʻldirilsin:

“Bakalavriat taʼlim yoʻnalishining 2, 3 va 4-kurslarida oʻquv jarayoni nazariya va amaliyot uygʻunligini taʼminlash maqsadida klinik va dual taʼlim tamoyili asosida taʼlim olish tizimi tashkil etilishi mumkin. Bunda, talabalar oʻquv yuklamasining 50 foizi auditoriyada nazariy mashgʻulotlar hamda 50 foizi sud, huquqni muhofaza qiluvchi organlar va boshqa korxonalarda amaliy mashgʻulotlar shaklida taqsimlanadi. Amaliy mashgʻulotlar kredit yuklamasining tarkibiy qismi hisoblanadi”;

33-band quyidagi mazmundagi ikkinchi xatboshi bilan toʻldirilsin:

“Bunda oraliq va yakuniy nazorat turlari sunʼiy intellekt (AI) texnologiyalariga asoslangan avtomatlashtirilgan baholash tizimlari hamda inson omilisiz nazorat qilish (proktoring) tizimi orqali oʻtkazilishi mumkin”.

5. Vazirlar Mahkamasining 2021-yil 24-sentabrdagi 606-son qarori bilan tasdiqlangan Oʻzbekiston Respublikasi oliy taʼlim muassasalarida ikkinchi va undan keyingi oliy taʼlimni olish tartibi toʻgʻrisidagi nizomning 1-bandi ikkinchi xatboshisi “oliy harbiy taʼlim muassasalariga” soʻzlaridan keyin “hamda Toshkent davlat yuridik universitetiga” soʻzlari bilan toʻldirilsin.

6. Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida” 2021-yil 22-noyabrdagi 705-son qarorining 3-bandida :

ikkinchi xatboshidagi “litseyga” va “litsey” soʻzlari tegishlicha “litseylarga” va “litseylar”, “Davlat test markazi” soʻzlari “Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi” soʻzlari bilan almashtirilsin;

uchinchi xatboshidagi “litseyga” soʻzi “litseylarga” soʻzi bilan almashtirilsin;

toʻrtinchi xatboshidagi “litseyda” soʻzi “litseylarda” soʻzi bilan almashtirilsin.

7. Vazirlar Mahkamasining 2022-yil 9-iyundagi 322-son qarori bilan tasdiqlangan Mutaxassisligi boʻyicha kamida besh yil mehnat stajiga ega boʻlgan xotin-qizlarni davlat oliy taʼlim muassasalariga oʻqishga qabul qilish tartibi toʻgʻrisidagi nizomning 1-bandi uchinchi xatboshisi quyidagi tahrirda bayon etilsin:

“Ushbu Nizom oliy harbiy va harbiylashtirilgan taʼlim muassasalariga, Toshkent davlat yuridik universiteti va boshqa oliy taʼlim tashkilotlarining “Yurisprudensiya” taʼlim yoʻnalishiga, shuningdek, Oʻzbekiston Respublikasida faoliyat olib borayotgan xorijiy va nodavlat oliy taʼlim tashkilotlari hamda ularning filiallariga nisbatan tatbiq etilmaydi”.

8. Vazirlar Mahkamasining “Toshkent davlat yuridik universiteti huzuridagi Samarqand viloyat akademik litseyining moddiy-texnik bazasini yanada mustahkamlash chora-tadbirlari toʻgʻrisida” 2024-yil 12-oktabrdagi 672-son qarorining 1-bandidagi “5 va 5 A-uylar” va “oʻquv va yotoqxona binolarini (keyingi oʻrinlarda — obyekt)” soʻzlari tegishlicha “5 A-uy” va “oʻquv, sport zali, oshxona va faollar zali binolarini (keyingi oʻrinlarda — obyekt) qurish,” soʻzlari bilan almashtirilsin.

9. Vazirlar Mahkamasining 2025-yil 22-yanvardagi 29-son qarori bilan tasdiqlangan Normativ-huquqiy hujjatlar loyihalarini ilmiy ekspertizadan oʻtkazish tartibi toʻgʻrisidagi nizomning 5-bandi quyidagi tahrirda bayon etilsin:

“5. Loyihalarni ilmiy ekspertizadan oʻtkazish:

qonun loyihalari boʻyicha — tegishli sohadagi davlat ekspertlik ilmiy-tadqiqot muassasalari tomonidan begʻaraz hamda davlat oliy taʼlim muassasalari tomonidan kelishuv asosida;

qonunosti hujjatlari loyihalari boʻyicha — tegishli sohadagi davlat ekspertlik ilmiy-tadqiqot muassasalari, davlat ilmiy-tadqiqot muassasalari hamda davlat oliy taʼlim muassasalari tomonidan kelishuv asosida amalga oshiriladi”.

10. Vazirlar Mahkamasining “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti faoliyatini tashkil etish chora-tadbirlari toʻgʻrisida” 2025-yil 19-martdagi 171-son qarorining 7-bandi ikkinchi xatboshisi “lavozimlarda ishlash” soʻzlaridan keyin “, yuridik maslahat xizmatlarini koʻrsatuvchi tijorat tashkilotlarida yuridik maslahat xizmati bilan shugʻullanish” soʻzlari bilan toʻldirilsin.

11. Vazirlar Mahkamasining 2025-yil 18-iyundagi 374-son qarori bilan tasdiqlangan Toshkent davlat yuridik universiteti huzuridagi akademik litseylarning iqtidorli bitiruvchilarini “yurisprudensiya” yoʻnalishi mavjud oliy taʼlim tashkilotlariga suhbat asosida test sinovlarisiz oʻqishga qabul qilish tartibi toʻgʻrisida vaqtinchalik nizomda :

1-bandning uchinchi xatboshisidagi “Jamoat xavfsizligi universiteti,” soʻzlaridan keyin “Toshkent davlat yuridik universiteti,” soʻzlari bilan toʻldirilsin;

23-bandning birinchi xatboshisidagi hamda 37-bandning birinchi xatboshisidagi “TDYU boʻyicha Adliya vazirligi hamda boshqa oliy taʼlim tashkilotlari uchun” soʻzlari chiqarib tashlansin.

12. Vazirlar Mahkamasining 2025-yil 13-sentabrdagi 578-son qarori bilan tasdiqlangan Oliy taʼlim tashkilotlarining bakalavriatiga oʻqishga qabul qilish tartibi toʻgʻrisidagi nizomda :

5-band quyidagi tahrirda bayon etilsin:

“5. Ayrim bakalavriat taʼlim yoʻnalishlari boʻyicha test sinovlari bilan bir qatorda kasbiy (ijodiy) imtihonlar hamda IQ test sinovi oʻtkaziladi. Kasbiy (ijodiy) imtihonlar oʻtkaziladigan taʼlim yoʻnalishlari roʻyxati tizimida oliy taʼlim tashkilotlari boʻlgan vazirlik va idoralar takliflari asosida Oliy taʼlim, fan va innovatsiyalar vazirligi tomonidan tasdiqlanadi.

Toshkent davlat yuridik universitetining “Raqamli huquq” hamda “Xalqaro huquq va qiyosiy huquqshunoslik” taʼlim yoʻnalishlariga oʻqishga qabul qilishda xorijiy tashkilotlar bilan hamkorlikda IQ test sinovi oʻtkaziladi”;

10-bandning beshinchi xatboshisi quyidagi tahrirda bayon etilsin:

“Abituriyentlarga test sinovi topshiriladigan fanlar majmuasi va ketma-ketligi bir xil boʻlgan beshtagacha bakalavriat taʼlim yoʻnalishi hamda taʼlim shakllarini tanlash huquqi beriladi. Bunda kirish imtihonlari tarkibida kasbiy (ijodiy) imtihon mavjud boʻlganda, abituriyentlar muayyan bakalavriat taʼlim yoʻnalishi boʻyicha beshtagacha oliy taʼlim tashkilotini tanlashi mumkin boʻladi, shuningdek, Toshkent davlat yuridik universitetining “Raqamli huquq” hamda “Xalqaro huquq va qiyosiy huquqshunoslik” taʼlim yoʻnalishlarini tanlash imkoniyati IQ testdan oʻtgan abituriyentlarga taqdim etiladi”;

quyidagi mazmundagi 11 1 -bob bilan toʻldirilsin:

“11 1 -bob. Toshkent davlat yuridik universitetining “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlariga qabul qilish tartibi

85 1 . Toshkent davlat yuridik universitetining “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlariga oʻqishga qabul qilish tanlovlari xalqaro standartlarga muvofiq Toshkent davlat yuridik universiteti tomonidan ixtisoslashgan xorijiy tashkilotlar bilan hamkorlikda IQ test tartibida oʻtkaziladi va tanlovda chet tillari boʻyicha kamida B2 darajadagi milliy yoki unga mos darajadagi xalqaro sertifikatga ega abituriyentlar ishtirok etadi.

85 2 . Toshkent davlat yuridik universitetining “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlariga abituriyentlar test sinovlarini oʻzbek, rus va qoraqalpoq tillaridan birida topshiradi.

85 3 . Abituriyentlarning roʻyxatdan oʻtishi mazkur nizomning 3-bobida belgilangan tartibda amalga oshiriladi. Bunda abituriyentlardan qoʻshimcha ravishda xorijiy tilni bilish boʻyicha kamida B2 darajasidagi milliy yoki unga mos darajadagi xalqaro sertifikat talab qilinadi.

85 4 . “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlariga oʻqishga kirmoqchi boʻlgan abituriyentlar roʻyxatdan oʻtish jarayonida IQ testdan oʻtishni hamda taʼlim yoʻnalishlariga mos fanlar majmuasini, taʼlim tili va test topshirish hududini tanlaydi.

85 5 . Roʻyxatdan oʻtish jarayoni toʻliq yakunlanganidan soʻng IQ testdan oʻtishni tanlagan abituriyentlar toʻgʻrisidagi maʼlumotlar uch kun muddatda Agentlik tomonidan Toshkent davlat yuridik universitetiga taqdim etiladi.

85 6 . Taqdim etilgan roʻyxatdagi abituriyentlar uchun Toshkent davlat yuridik universiteti tomonidan IQ test oluvchi hamkor xorijiy tashkilot bilan oʻzaro shartnomaga asosan oʻtkaziladi.

Bunda, “Raqamli huquq” hamda “Xalqaro huquq va qiyosiy huquqshunoslik” taʼlim yoʻnalishlariga oʻqishga qabul qilish boʻyicha IQ test tartibida test sinovlari har yili 10-iyulga qadar oʻtkaziladi.

IQ test sinovlarini oʻtkazish va natijalarni baholash xorijiy tashkilot talablariga asosan amalga oshiriladi.

IQ test sinovlari natijalari apellyatsiya tartibida koʻrib chiqilmaydi.

85 7 . IQ test sinovlaridan muvaffaqiyatli oʻtgan abituriyentlar roʻyxati jarayonlar yakunlanganidan soʻng Toshkent davlat yuridik universiteti tomonidan besh kun muddatda Agentlikka taqdim etiladi.

85 8 . IQ test sinovlarini oʻtkazish bilan bogʻliq tashkiliy masalalar Agentlik tomonidan shartnomaga asosan amalga oshiriladi.

85 9 . Test sinovi toʻliq yakunlangandan soʻng 15 kun davomida IQ test sinovlaridan muvaffaqiyatli oʻtgan abituriyentlar oliy taʼlim tashkiloti, bakalavriat taʼlim yoʻnalishi, taʼlim shakli va tanlov ustuvorligini tanlash jarayonida:

“Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlarini, shuningdek, fanlar majmuasiga mos qoʻshimcha 3 tagacha bakalavriat taʼlim yoʻnalishini tanlash huquqiga ega;

agar abituriyent “Raqamli huquq” yoki “Xalqaro huquq va qiyosiy huquqshunoslik” xalqaro taʼlim yoʻnalishidan faqat bittasini tanlash istagini bildirgan taqdirda, unga fanlar majmuasiga mos qoʻshimcha 4 tagacha bakalavriat taʼlim yoʻnalishini tanlash huquqi beriladi.

85 10 . IQ test sinovlaridan oʻta olmagan abituriyentlar “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlari boʻyicha tanlovda ishtirok eta olmaydi.

85 11 . Tanlov natijalariga koʻra “Raqamli huquq” hamda “Xalqaro huquq va qiyosiy huquqshunoslik” xalqaro taʼlim yoʻnalishlariga oʻqishga qabul qilish mazkur nizomning 10-bobida belgilangan tartibga asosan amalga oshiriladi”.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 30-iyun,

350-son

(Qonunchilik maʼlumotlari milliy bazasi, 01.07.2026-y., 09/26/350/0667-son)

lex.uz